[لامارا]

× البـــآرت الثآلث ×

~ اطلق سراح الــ ح ــب .. يآ سيّدي ~


مدخل •••
[ ~ قصة تمــــــرده .. سرد من نوع آخــــر ~ ]

ضحكت على ريمة وسآلي .. الي كآنوا يسوون حركآت على اغنية [ ويني ] الي كآنت تصدح فالسيآرة .. شفته يفتح البآب بيركب .. لكنة نآظرني نظرة جآمدة مآ توحي بشي .. سكر الباب بقوة وتحولت عيونه ..صآرت تنقط شرآر .. عرفت انه جآي نآحيتي .. فتح البآب وآنآ انآظره بذهول .. سحبني بقوة من يدي ورفعني عن الارض .. حسيت بدوخة لاني اكره الامآكن المرتفعة.. سكر البآب ومآ حسيت الآ على صرخته ع ريمة الي فتحت بآب مقعدهآ وهي تقوله يتركني : اركبي وسكري البآب ..
حآولت ادفة : مجنون انت ..
سحبني معه لدآخل الفلة .. وسط انظآر عمر الي كآن وآقف مع الحرس .. والي تقدم يوم شآف ذيآب مآسكني بقوة .. وآنآ احآول اتحرر من قبضة يده .. : ذيآب صآير شي ؟
فجأة حسيت على يد ذيآب تحاوط كتفي .. وكأني بحضنه .. صرآحة تفآجأت من الحركة .. حتى اني وقفت وصآر قلبي يدق من قربه مني .. حسيت انه حنين .. لكنه يحآول يخفي هالشي .. ما رد على عمر واستمر يمشي وآنآ امشي معآه .. وترآجعت عن فكرتي انه حنين من كلآمه وهو يهمس فاذني : مآ ابي ابين قدآم الغرب ان بناتنا قليلات ادب ..
دخلنا للفلة ورمآني بعيد عنه ع الارض وهو يصرخ : انتي ليه ما تلبسين الحجاب ؟ اسمعيني .. هنآ مو فرنسآ عشآن تتفصخين كذآ .. بدون حيآء .. سآمعتني ؟.
بتلبسينه غصب عنك دامك هنآ.
رفعت رآسي بعد مآ كنت انآظر الارض .. حسيت شي بدآخلي انكسر .. انآ مو كذآ .. يعني بآبآ متقصد مآ يقولي البسي الحجآب .. عشآن يبين للنآس اني بدون حيآء ومآ استحي .. ليه مآ يحبني اتمنى يشرحلي السبب .. ليه يآ ذيآب مآ تسأل ابوي الي مو هآمه ايش اكون بنظر النآس .. وقفت قدآمه وانآ عيني بعينه .. حسيت انه صآر ينآظرني بهدوء يمكن لان ملامح وجهي مآلت للهدوء والحزن .. مآ ابي انفضح قدآمة واكشف الي فيني وبصوت وآطي فيه تحدي: ذيآب بتآخذني معكم لزيآد كذا بهاللبس والا لآ ؟
سكت وهو ينآظر عيوني .. وبعدهآ ابعد نظراته وتكلم بقوة : انتي ما تفهمين ؟ كذآ مآ بتطلعين للمشفى ..
لفيت بوجهي عنه وانآ اتكلم بألم حآولت اخفيه لكنة بآن : ذيآب والي يسلمك .. مآ اقدر البسه .. ابي شي يصير .. وبعدها صدقني بالبسه ..
نآظرني وهو موفآهم : ليه ؟ ايش هالشي ؟
نآظرته وعيونهآ رجعت للغموض والسحر الي يضيع فيه : ابيه يحس على دمه وبس ..
عقد حوآجبه وهو مو فآهم : مين ؟
نآظرته وهي تبتسم وتسحبه من يده : مآ يهمك يالله خلينآ نروح ..
وقف وهو معصب .. : شيلي يدك .. عيب تمسكين يد رجآل غريب ..
لفت له ببرآئة وهي مستغربة : بس انت مو غريب .. انت ذيآب ..
بلع ريقه على برائتهآ الي تزعجه .. وكأنهآ مصطنعة .. مآ يدري انهآ على طبيعتهآ كذآ .. قآل وهو يحآول يصرف موضوع ضعفه قدآمهآ : البسي الحجآب ع الاقل .
ابتسمت ابتسآمة اكبر من سآبقتهآ وهي تتكلم بدلع : ذيآآآآآآآب .. خلآص يالله نروح .
نآظرهآ وهو معترف انه عآجز قدآم عيونهآ.. وهو يتكلم بحدة : امشي قدآمي ..


ܓܨ•••
✖ •

وقف بصعوبة وايده ع العصآ الي يستند عليهآ .. ومآسك ايد كريمة الي تسآعده : عمي عبد العزيز ودك تنآم بعد المشي ..؟
تنهد وهو ينآظر الحديقة : ايه .. بس لا تنسين قولي لرياض ولعمار يجهزون المزرعة لبكرآ .. بتيجي حبيبة جدها ..بنت الغآلية ..
كريمة وهي تبتسم وتمشي معه فالحديقة : الله يحفظك لها ويخليها لك .
عبد العزيز : آه يا كريمة مآ حبيت حفيدة كثرهآ .. ولولا سواة ابوهآ كآن عاشت معي من زمان .. آنآ بسآمحه عشآنهآ بس .. ابيهآ قدآم عيني لآخر يوم بعمري ..مآ ابيهآ تروح مثل امهآ ..
كريمة وهي تشد على يده وتمشي معه كحركة اعتاد يسويها كل يوم عشآن صحته : آمهآ ميتة صح؟
عبد العزيز : ايه .. كريمة اتصلي بعمر وقوليله يقول لابو فجر يجي مع اخوانه .. بس فجر بتيجي مع ذيآب قبل الكل .. ابي اكحل عيني بشوفتها برآحتي ..
كريمه وهي تبتسم : طيب .. بس ليه تناديه ابو فجر ؟ له ولد اسمه عبد الله وكمآن بنت اسمهآ عسل .. من زوجته الجديدة ..
الجد وهو معصب : مآ ابيهم عيآل السوسة سلوى .. فجر وبس .دآمه عق والده .. وتزوج الي مآ ابيهآ ام لآولاده .. وكآنت ام فجر ونعم الزوجة .. بنت اخوي الغآلي .. لكنه فضل الغريبة عليهآ .. وآنآ متأكد اللحين ان فجر متضررة منهآ .. هو حتى بنته كرههآ عشآنهآ بنت غلا .. مآ كآن ودي اسآمحه .. لكن فجر عندي اهم من الكل ..
كريمة وهي تضحك : خلآص ولآ يهمك .. يالله وقت دوآك اللحين .. عشآن تنآم ..
الجد عبد العزيز : طيب .. بس لآ تنسين تتصلين ..
كريمة وهي مبتسمة وتشوف اللهفة بعيونه لشوفة حفيدته : على آمرك .


ܓܨ•••
✖ •


كآنت رآيحة جآية فالممر ..كل ثآنية تتوجه عيونهآ للجوآل .. لعل تلقى اتصآل منه يطمنهآ .. كل تفكيرهآ كان منحصر فيه .. عجزت تصبر اكثر .. ومآ هي قآدرة تتصل .. لان الرقم مو عندهآ ..
جلست ع احد الكراسي المتوزعة فالممر .. وهي تتردد العبارة مليون مرة : يارب خير . يا رب خير ..
وقفت بعد مآ لمحت طيف ذياب والبنآت جآيين .. ابتعدت شوي عشآن البنآت يدخلون بدون ما يشوفونهآ .. وبس دخلوا تقدمت وهي تنآدي : ذيآب ..
لف لهآ وهو مستغرب مين تكون هالبنت .. شآلت الغطآ عن وجههآ وبحدة : انآ سارة..
ذيآب وهو متفآجأ من اسلوبهآ الحآد وبحدة اكبر :خير ؟
سآرة وهي تنآظره بعصبية : خآلد مآ اتصل ولا طمنني .. المشآكل كلهآ من تحت رآسك .. وانت ولا همك .. ومآ حركت ساكن .. عطيني رقم خالد ابي اكلمه .. وربي لو صآر لابوي شي مآ تلوم الا نفسك ...
قآطعهآ وهو معصب : انتي هيييه .. ابوك بخير . ويالله منآك مآ عندي كلام ثآني اقوله ..
سآرة وهي تتكلم باندفاع وعصبية والدموع تجمعت بعيونهآ : كل المشآكل من تحت رآسك انت .. ومآ طآح فيها غير ابوي المسكين .. اسمعني .. اللحين تتصل بخالد .. وتقوله يتصل فيني .. انآ مو قآدرة اتحمل اكثر . فآهم ؟
قآطعهآ بعصبية افزعتهآ وخلتهآ ترجع ع ورآ خطوتين : قصري حسك اذا تكلمتي معي .. والا والي خلقني اتصرف معك باسلوب ثاني ..
آمجد وهو يقاطعهم بعد ما انتبه ع صرآخهم .. استغرب مين تكون البنت الي معطيته ظهرها وتصرخ ع ذياب : ذيآب .
ذيآب وهو معصب : سآرة بعدي عن وجهي اللحين .. روحي دآخل بسرعة ..
سآرة وهي تبكي ودموعهآ غرقت وجههآ وبضعف : ذيآب بتتصل صح ؟
ذيآب بحدة وهو معصب : لا مآ بتصل .. ولا تبكين ..
تقرب امجد وهو مو فآهم عن ايش يتكلمون .. لكن غيرة بدوي فآضت يوم شآف دموع سآرة .. البنت الي ممكن تكون زوجته في يوم من الايآم ..
تقدم ووقف قدآم ذيآب .. وصآرت سآرة خلفه .. والي وقفت عند الجدآر تبكي ..
امجد بعصبية : ذيآب خلص .. العصبية والصراخ مو اسلوب تتكلم فيه مع الاهل .. خلآص .. ايش مآ كان الموضوع يتأجل ..
ذيآب وهو يهدي حاله وهو يكلم امجد : انتهى من الاصل .. وما يحتاج تأجيل ..( وهو ينآظرهآ ) وانتي خلآص عيب عليك تبكين .
تركهم وتوجه للغرفة لعند زيآد ..
لف امجد لهآ وهي لآ زآلت تبكي ودموعهآ مو رآضية توقف .. هي كذآ حسآسة ومآ تتحمل .. خصوصا الي صار مع ابوهآ مآ قدرت تتحمل كل شي لحآلهآ..
وبهدوء وهو مو حآب يشوف دموعهآ اكثر : سآرة .
سكتت وهي تنتبه لوجوده .. ومن بين دموعهآ : هلآ امجد.
امجد وهو ينآظرهآ : مآ بسألك ايش بينكم .. بس خلص لا تبكين.
سآرة وهي تبكي : هو مآ يحس .. انسآن بلآ احسآس .. كل المشآكل من تحت رآسه .. وربي لو صآر لابوي شي ... باذبحه ..
مآ فهم عليهآ وعجز يفهم .. حس انه مو قادر يوصل لافكارها ولا لقلبهآ .. الي تمنى يوصل له ويشوف محتواه .. : سآرة اللحين اهدي وروحي للحمآم غسلي وجهك .. وان شآءالله مو صآير الآ الخير ..طيب ؟
نآظرته بأمل وهي تمسح دموعهآ : شكرا امجد ..
مشت بعيد عنه متوجهه للحمآمآت القريبة .. وابتسمت بلهفة وهي ترفع الجوآل بعد مآ شآفت × خآلد × يتصل بك ..


ܓܨ•••
✖ •


كان جالس بسيارته ومسند رآسه بتعب ع الكرسي .. وماشي بطريقه للبيتـ بعد يوم عمل طويل ما قدر يحك رآسه فيه .. والجوال على اذنه وهو يكلم صاحبه وواضح عليه الضيق التام من كلامه : فهد .. حركآت العيآل بطلهآ .. ضبط امورك لاني ضبطت كل شي ..بس بآقي الحجز .. بنروح لامريكآ او فرنسآ .. ايش رآيك ؟
فهد بضيق : سيف والي يسلمك .. خلآص بنروح .. بس مو اللحين .. نفسيتي تعبآنة بجد ..
سيف وهو معصب :فهد صدقني بتصرف تصرف ثاني لو ما تعالجت .. وربي اخبر الكل واولهم تركي وذيآب .. مآ عدآ جدك الي لو درى بيذبحك ..
فهد وهو يتنهد : طيب بنروح .. بس السبت بخبر جدي .. لازم يعرف ..
سيف وهو يقآطعه : اكيد لازم يعرف لانه هو السبب ..معطيك الحرية بزيآدة عن اللزوم .. هو وامك .
فهد : خلآص بشوف رآيه وارد لك خبر ..
سيف : طيب يآ فهد وانا معك.. ومآ بتخلى عنك ليين تتعآلج ..
فهد وهو يضحك : يعني بعد العلآج بتتخلى عني .
سيف وهو يضحك : يمكن
فهد : صحيح بكرآ لازم تجي للمزرعة .
سيف وهو يركن سيآرته ببآرك فلته : لآ فهد .. تعذرني مآ اقدر والله .. بكرآ ابي ارتآح ..
فهد وهو يقآطعه بحده : سيف .. بكرآ فالمزرعة الكل موجود وبتستانس واكيد بترتاح .. لآزم تجي ولآ تعآند ..
سيف وهو ينزل من السيآرة ويسحب اورآقه وسمآعآت الجوآل : مدري .. بحآول
فهد : مآ يحتآج تحآول لانك جآي جآي ..


ܓܨ•••
✖ •


جلست ع الكرسي الي بجنب سريره .. بعد مآ سلمت على عمآتهآ وزوجآت عمآنهآ .. الي كآنوا متجمعين عند زيآد .. اختلست النظر لعمتهآ سمر ام وليد .. من يوم سلمت عليهآ وهي تنآظرهآ بنظرآت مو رآحة بالنسبة لهآ .. تضآيقت بقوة .. مآ ارتآحت لهآ بالمرة .. توجهت انظآرهآ لندى وملاك الي كآنوا يضحكون مع بعض .. كآنوا طيبين مررة .. مو مثل امهم..
قآطع تفكيرهآ صوت زيآد : فجوره .. ايش فيك سرحآنة .. اكيد حسيتي بالذنب لانك طيحتيني يالمجنونة ..
ابتسمت وهي تنآظره بنص عين : انتت ووجهك .. مو انآ الي طيحتك .. انت ثور وما تشوف وطحت ...
ام وليد ( سمر ) : احترمي ولد عمك يا فجر .. لسآنك طويل مثل امك ..
نآظرتهآ بقوة وهي معصصبة : الله يرحمهآ .. اكيد لسآني ولسآنهآ بيكونون طوآل علشآن نرد على امثآلك ..
ام ذياب قآطعتهم وهي تنآظر سمر بعصبية لانهآ مآ يصير تحكي عن امهآ كذآ : خلآص فجورة حبيبتي هذي عمتك .. ما عليه مو قصدها ..
وقفت ونآظرتهآ بحدة .. وهي توجه كلآمهآ لام ذيآب : آسفة خآلتي .. بس مشكلتي مآ اتحمل الحشرآت ..
تركتهم وتوجهت للبآب وسط انظآر الكل .. فتحته وسكرته بعدهآ بقوة .. التفت يمين ويسآر .. شآفت ذيآب وامجد الي سلمت عليه من شوي واقفين يتكلمون مع بعض ووآقف معهم شآب وسيم مآ دققت فيه .. ومآ عرفت مين يكون ..لفت عنهم ومشت باتجاه الجهة اليمين للبآب .. كآنت مقهورة بقوة من هالعمة الي اسمهآ سمر .. حست حآلهآ بتضعف وبتبكي .. جلست ع الارض وهي تلم رجولهآ وتخبي رآسهآ فيهم .. انتبهت ان النآس الي يمرون ينآظرونهآ لاسبآب كثيرة .. منهآ لبسهآ .. وشكلهآ الجذآب .. ومنهآ جلستهآ ع الارض .. كآن الهدوء طآغي على ملآمحهآ ..
انتبهت ان ذياب جآي نآحيتهآ .. وامجد مشى .. ولمحت الوسيم يمشي مع عبير صديقة ندى ..وعرفت انه اخوهآ ..
ذيآب وهو معصب : ليه جالسة ع الارض ؟ اتوقع بنآت فرنسا برستيجهم مآ يسمحلهم يجلسون كذآ ..
تكلمت وهي لآ زآلت مخبية رآسهآ بين رجولهآ : بنآت فرنسآ .. على طبيعتهم .. يجلسون كيف ما يحبون .. بدون اقنعة .. تدري ( وهي ترفع رآسهآ له ) نصيحتك بالحجآب بنفذهآ بيوم من الايآم .. البسه واتغطى كمان .. عشآن اخفي كل شي خلفه .. مثل قنآع البسه قدآم نآس معينين .. يرفعون ضغطي (سكتت شوي .. وكملت بصوت مبحوح بآين فيه الضيقة وانهآ تبي تبكي بس مآ ودهآ تضعف ) ويضايقوني .. ومآ ابي ابين لهم آنآ ايش احسآسي ..
نآظرهآ بنظرة اختلفت عن سآبقتهآ .. ومد لهآ يده .. ثوآني ومسكت يده ووقفت .. : خذني القصر .. مآ ابي اظل هنآ ..
تركهآ ودخل لغرفة زيآد .. شآف وجوههم عآدية والكل مشغول بالسوآلف .. انتبهت عليه امه الي نآظرهآ بنظرة معنآهآ ايش صآر .. اشرت له بعيونهآ على عمته سمر .. تأكد انهآ قآيلة لفجر شي .. تقدم واعطى امه اوراق زيـآد : بيخرجوه اللحين .. والسوآق نآطركم برآ .. والبآقين خليهم يتوكلون .. انآ رآيح القصر .
لف وجهه لعند ريمة الي نآدته : ذيآب بتآخذ فجر للقصر ؟
اشر لهآ بعيونه .. وكملت وهي خآيفة : بس انآ بروح مع البنآت نتسوق اغرآض عشآن بكرآ .. يصير اروح ؟
مآ نآظرهآ وكمل طريقه للبآب وقبل مآ يفتحه : خذي وآحد من الحرس معكم ..
ريمة وهي تضحك : طيب


ܓܨ•••
✖ •


[ ~ مآلي ذنب .. غير انــي حبيته شويَ ~ ]

فتحت الادرآج كلهآ وهي مو لآقيتهآ .. كآنت متأكدة انهآ تركتهآ هنآ .. بس وينهآ.. فتحت الدرج الاخير وكلهآ امل انهآ تلقآهآ .. شآفت ملف احمر سحبته بهدوء وهي عآرفة ايش ممكن يكون بدآخله .. غبية لانهآ مآ رمته .. سكرت الدرج .. وهي تآخذه وتجلس ع السرير .. فتحته بيد مرتجفة .. وانفتح معآه شلال من الدموع ..مآ قدرت تعبر عن الموقف غير بدموعهآ الي صآروا سلآحهآ الضآئع ..
طآحت كل محتويآت الملف بعد ما حجبت دموعهآ الرؤية عنهآ.. نزلت لمستوى الارض وجلست ودموعهآ كل مآلهآ تزيد.. وهي تنآظر بالصور .. صوره صوره .. صور حبيبهآ الي غدرهآ بقسوة وبدون رحمة .. سحبت الصورة الي مبتسم فيهآ بملامح بشوشة ..كآنت صورة اكثر من رآئعة . . دورتهآ عشآن تحرقهآ وتنسآه .. لكنهآ حرقت حآلهآ وصآرت تتذكره اكثر .. ليه هو مبتسم وانآ ابكي من بعده .. ليه يا احمد ليه .. انآ ايش ذنبي غير اني حبيتك .. ؟ ايش ذنبي غير اني عشت على حلم اهلك واهلي وعدوني فيه .. ؟
حضنت الصورة بكل قوتهآ وكأنه هو بالحقيقة : احمد انت مرتآح معهآ ؟ مين هي ؟ مين تكون الي هربت علشآنهآ .. وتركت اهلك واصحآبك وتركتني انآ علشآنهآ .. مين هي ؟ الي انآ تأكدت من وجودهآ بحيآتك .. والكل عآرضني . واولهم اخوي تركي .. الي هددني لو قلت لعمي او لعمتي شي تآفه مثل هالشي بتبرى منك .. بس مآ حد فيهم حس بالنآر الي بصدري .. مآ حد فيهم حس اني اتعذب بخيآنته .. انآ مآ تحملت وقلت لعمي .. وانآ اشوفه دايما مسآفر ومشغول .. اعترفت لعمي انك تحبهآ .. ومآ اعترفت لي .. نـآظرت الصوره وهي تصرخ : ليه مآ قلتلي من الأول ؟.. ليه كنت تعآملني وكأني ملكة معك ؟ . ليه يآ احمد ليه كذبت عليّ .. ابي افهم ليه ليه ..سمعت البآب تندق بقوة اكثر من مرة وصوت امهآ : حبيبتي رينآد افتحي البآب لا تعذبيني .. رينآآد ..
رينآد وهي تبكي بحرقة وببكآ يقطع القلب وتصرخ زي المجنونة : اتركوني مآ ابيكم .. كله منكم .. كله منكم .. بس انآ احبه ليه صآر مثلكم لييييييييه ..
انفتح البآب وسط دموعهآ وانينهآ .. بعد ما ضربه فهد بقوة .. دخلت امهآ وشآفتهآ جالسة ع الارض وحوالينها صور احمد ومقطعة حالها بالبكي ..
طل عليهآ فهد من عند البآب .. وهو يشوفهآ بين احضان امهآ .. وتبكي بحرقة .. هز رآسه بأسف لانه من الاصل مآ كآن يحب احمد .. تكلم بدون مآ يحس وهو يشوفهآ كذآ معذبة حآلهآ عشآنه : هالكلب لآ تذكرين اسمه .. مآ دآم بآعك بيعيه خلص وانسيه .. مآ يستآهل دموعك هالحقييير ..
قال كلماته وطلع ..
لفت لامهآ : يممة انآ احبه .. بس هو تركني وانآ مو قآدرة انسآه ..( وهي ترجع لنوبة بكائهآ ) مو قآدرة ..
حضنتهآ امهآ وهي تجر حسرتهآ على بنتهآ الوحيدة الي ذبلت مثل ورقة خريف قدآم عيونهآ .. : خلآص يا بنيتي .. لا تعذبين حآلك وتعذبيني معك ..

ܓܨ•••
✖ •