[حنين الليالي]

البـاآرت التـاآسع عشــر ..~

..................~

يا جعلني ما آخلا منك .. ولا ابكي عليك
ياللي عليك المشاعر ( كل ابوها ) .. وقوف

السـاعة 8:30 مـساءاً .

قصـر فِراآس .~

فِراس وهو يصحي شيخة .:شـيخة .
مـاكو رد .
فِراس .{ أنا بآخذ شاور ، يمكن تصحى ..}
بعد نصف ساعة أخذ له شاور ، احتـار بين الثوب والشماغ أو بدلة رسمية .، قرر يلبس قميص أبيض وبنطلون أسود ، ورتب شعره وتعطر .، ناظر حاله بالمراية بغرور وثقة ، شكله يخقق ..، توجه لغرفة التبديل وأخذ فستان شراه لشيخة مع إكسسوارات وهدية خاصة لشيخة ..~
.: شيـــخة .
شيخة .: ممممم [ فتحت عينيها بتثاقل .] خـير .
فِراس بابتسامة .: رح نتأخر على الحفلة ، بسـرعة .!
شيخة يكسل رفعت الغطـاء وأخذت الروب من غرفة التبديل بدون ما تنتبه للفستان وتوجهت للحمـام ..
رن جوال فِراس ..: نعم
أبو خالد .: ليـه تأخرتوا يفراس ؟
فِراس .: أنا بالطريق ، وزحمـة .
أبو خالد .: لا تتأخر أكثر .
فِراس .: طيب ، أحد إجـا ؟!
أبو خالد .: الساعة 9 رح يجـوا المعازيم .
فِراس .: طيب .
أبو خالد .: بحفظ الله .
فِراس ابتسم وهو يسكر الجوال .[ ربي يكون بالعون إذا تأخرنـا .] .: شيـخة لا تتــأخري .
شيخة وهي بالحمام .: رح أغسل شعري وألبس ثيابي وأرتب شعري بالسشوار ، أحتاج ساعة .
فِراس رمى حاله على الكنبة وغمض عينه .[ مردنا بنتأخر ساعتين .]

لم نذهب مكـان آخر ..

مافيه أقسى ! من جروح الهوى .. والحبيب
والحب وادي سحيق ، وويل من طاح به

وما كلّ جرح أتمنى له ، يخفّ ، ويطيب
كم جرح ! ودي يطول ،، من غلا صاحبه


زاوية أخرى من القصر .: تهــبلين .
أم فِراس تقرأ المعوذات عليها .: ماشاءالله ..
مـيار مسكت يد ليان بيد واحدة ودارت حول نفسها .: يؤبرني الحلـو .
ليان .[ عليهـا فستان وردي للركبـة وفيه ورود بيضاء ووردية ، وشريطة على شعرها وردية اللون ، كـان شكلها كيوت وروعة مع برائتهـا .]
ليـان باست خد أمهـا .: إنتِ كمـان حلوة .
ميار ضمتهـا لأحضانها وباستها في خدها .: ربي ما يحرمني منكِ .
أم فراس .: الله يخليكم لبعض .
ميار .: انشاءالله ..
ميار باست رأس أم فِراس .: اهتمي بحالكِ .
أم فِراس .: الله معـاي .
مـيار [ فستان أسود طويل مع ألماس عند الصدر من تصميم مصمم أزياء فرنسي ، بدون أكمام ، وشعرها مرفوع من الخلف مع مكياج يناسب لون الفستان ..شكلها جذاب وتبهر الأنظار .]

..................~

الليل ! يجبر محبّك .. يكتب أحلـى كـلام !
في عينك اللي ماهي بـتخاف .. مـن ربّهـا

وفي القلب ! زحمة ( محبه واهتمام وغرام )
وأصوات شوقـي ليـا مـن نادتـك ، لبّهـا

نوّخت قلبـي وأخذتـه واستلمـت الزمـام
ومشاعرك لا فضْت .. مـن لهفتـي عبّهـا

بين الجفا والوفا .. والوضـع ماهـو تمـام
مشاعري معْك ؟ ما اسمح لك تلاعـب بهـا

ياللي جمالك طغا ، بيـن الخصـر والقـوام
تـولـع قـلـوب خـلـق الله وتشـبّـهـا

مادمت مرتاح ! واوضاعـك علـى مايُـرام
ترتـاح عينـي لـو إنهـا مالقـت طبّـهـا

من كثر ما اغليك علقتـك بصـدري وسـام
ومسكت الاقلام أوصّـف بـك واكتّـب بهـا

وأصبحت شاعر .. رومنسيه وشوق وهيـام
وأجيب درّة بحـور الشعـر .. مـن غبّهـا

وان قلت فيك القصيد .. وقلت لي : ياسلااااام
آقول : سعِد القصيـده ، يـوم تعجـب بهـا

وليا ذكرتك حبيب ٍ لـي ، وغايـة مـرام !
أرفع يدي .. وأشكـر الرحمـن ، وآحبّهـا


بالطـائرة ..~

وليد سحب الفستان اللي مجهزته منال تلبسه ووضع مكانه فستان آخر وطلع من الغرفة ، طلعت من الحمام وناظرت الفستان .: واو ، روعـة .. لكن ما كان هِنـا [ هذا وليـد ما غيره .]
قررت تلبسه .{ كان عبارة عن فستان بنفسجي طويل معلق عند الرقبة ، عند الصدر على شكل حرف الإكس ، كان شكلها جنان } توجهت للتسريحة ورتبت شعرها ووضعته على جنب وفيه شريطة بنفسجية ، ولبست الإكسسوارات وشريطتين في معصمهـا ..ناظرت حالها بالمراية بثقة .: أهـبل ، يا ترى أبوي بيعرفني .!
وليد دق الباب لكن ما فتحه لأنه سمعهـا .: جهزي حالكِ ، نصف ساعة بالكثير ونوصل .
منال { لا يكون سمعني .} .: طـيب .

..................~

ياعمري الماضي ياعمري الجاي
يالهفة المشتاق يافرحتي فيك

حبي لك اكبر من قصيدي وبلواي
كل الحروف تضيع ساعة الاقيك

عنـد فِراس ..~

شيخة لبست الروب وفتحت باب الحمام ولقته جالس يبدل في التلفزيون .: بسـرعة .!
شيخة .: طيب طيب .
دخلت غرفة التبديل ووقعت علينها على الفستان ، .{ رهـيب .} .: فِراس .
فراس ابتسم بخبث وتوجه لهـا ، وقف خلفها وحوطها بذارعينه .: شنـو ؟
شيخة .: هالفستان لمنـو ؟
فراس بابتسامة .: لكِ .
شيخة بتوتر وحيا .: لكـن ..
فراس أخذ الفستان وفتح ربطة الروب .: البسي بسرعة ، أنتظركِ .
غمز لها بحب وطلع خارج الغرفة ..~
شيخة ..[ ربي ما يحرمني منك يا أغلى أهلي ونـاسي .]
{ فستان بدون أكمام باللون الأحمروالأبيض ، صممته مصممة أزياء عالمية ، واللي ما تعرفه إنه هالفستان ، فِراس هو اللي مرتب لها الفستان من شهرين مضوا ، وإجا الوقت اللي تلبسه ، كان قصير للركبـة مع حركة حلوة عند الصدر من الورود المنقوشة وكان يليق عليهـا ، كونها حامل وبطنها بدأ بالبروز ومعطيها شكل جذاب ، تبهر جميع الحضور بشكلها .]
طلعت من الغرفة متوجهة للتسريحة ومالقته بالغرفة ، بدأت بتصفيف شعرها المتوسط الطول وتركته منسدل وعملت لها حركة بسيطة من الأمام ووضعت التاج المرصع بالألماس الناصع وتعطرت ولبست الحذاء بلون الفستان والإكسسوارات اللمـاعة { هذي هب شيخة ، شيخة بنيولوك جديد ، .} ، ناظرت في صبغ الأظافر الأحمر ووضعت لها ، كانت بتفتح علبه المجوهرات لكن حست بيد على يدها وهمس بإذنهـا .: مـلاك .
شيخة احمرت حيا ولأول مرة تحس بأنها رائعـة وتتعزز ثقتها بنفسها ..
{ نتركهم ونرجـع .}

..................~

ضمنـي ماادام جيتـك .. خلنـي بـ قلـبـك أنــام ..!!
ولا اسألتك الشمس/عني قل : تراهـا غافيـه ..!



قصـر أبو خالد ..~

المصففة طلعت بعد ما تحاسبت معاهم .~
العنود وهي تناظر حالها بالمراية .: بقول لأمي تقرأ علي المعوذات ..
الجوهرة تلبس خاتمها .: طيب ، ليـه الحفلة عملها أبوي؟
العنود .: مدري .
دخلت سارا الغرفة بوجه شاحب رغم تصفيف شعرها ولبسها لكنهـا تعبانة .: وين علبة إكسسوارتي ؟!
الجوهرة .: بغرفة أمي ، أخذت العُلب كلها .. بما إن الحفلة بالقصر ، وهي تخاف ينسرق شي .
سارا .: طـيب .[ سكرت الباب .]
العنود جلست جنب الجوهرة .: هذي هب سارا اللي أعرفها ..!
الجوهرة .: ولا أنـا .
الجوري .: أنا بنزل لأمي .
العنود .: قولي لها علبة مجوهراتي أريدها .
الجوري .: طيب .
العنود والجوهرة ، متشابهات اللبس.[ فستان مدمج الألوان ، الوردي والسماوي والأبيض ، مختلط الألوان بشكل رهيب وقصير للركبـة ، بدون أكمام ومنفوخ من الأسفل ..كان شكلهم روعـة وجنـاآن .]
الجوري .[ بلوزة طويلة الأكمام بنية اللون ، مع بلوزة بدون أكمام فوقهـا متدرجة اللون البني ، وتنورة قصيرة للركبة ، شكلها طفولي وحلو ..]
سارا { ما كان ودها حتى تتزين أو تلبس فستان للحفلة لولا إصرار أم بندر .} لبست لهـا برمودا بيضاء مع تنورة قصيرة باللون الأسود وبلوزة بدون أكمام مع شريطة عند الصدر ..، كان شكلها لا بأس به ، رغم إن ملامحها حلوة لكنها كانت حزينة وشاحبة ..~

..................~

خَلي نِمسسَح هَـ الكَئآبهَ ..
خَلِي نِتفَائَل بِ عِشبْ الرُ و و حْ ..
اذِا مَرّت سَحابَه ‘
خَـلِي نِزَرَع شَمسْ فِي حِلم الشُعو و ر
ونِجمَع اطيَاف الزُهوُر |
. .نِرفِضْ الحَارِس.. نِهدْ السسُورْ ..
..ونغتَال المَهَا آ بَه ..
. . . .لِيييهْ مَاِننبِت فَر ر ر ح ؟!
. .لِيه مَانِكـبَر أَملْ !
ليِه نِترَددْ !
. وِكِن الحُبْ .. والأشَواقْ غَآ ا بَه !

عنـد ..~

شيخة وهي تدفه .: تو تقول بتتأخر .!
فِراس بخبث .: شكلكِ لا يُقاوم ،.
شيخة ناظرت المراية وسحبها وارتطمت بصدره .: فِراس .
فِراس أخذ علبة كبيرة وغطائها مربوط بوردة مربوطة بشكل جنـان ، فتح العُلبـة .، انبهرت شيخة من روعته .{ عبارة عن عقـد ألماس ، شاره فِراس من إيطاليا وحان الوقت تلبسه ، مع خاتم ألماس كمـان ، قمـة الذوق والإنتقـاء ..}
فِراس بابتسامة .: ممكن .!
شيخة لفت للمراية وأبعدت شعرها على جنب وألبسها العقـد بهدوء ، باسها في عنقها برقـة ..~
شيخة لفت عليه .: رح نتأخر .
فِراس أخذ الخاتم ومسك يدها وألبسها إياه ..~
شيخة وهي تناظر فراس { سحرتني بحبكَ ، كل شي فيك يجذبني ، رجولتك وطيبة قلبك وحنانك ، شكله يخـقق}
فِراس بابتسامة .: سرينـا .!
شيخة .: هـيه .

..................~

تعرفين الحزن مرفى وباقي هالمواني ضيّ... وانا باقي على دروب السنين اللي تنادينا
بكينا حيل ودموع المنايا حملها كتفي... بكينا لآخر انفاس الحزن لو يعتكف فينا

بحـي صغير ومنزل فقير ..~

نواف دق الباب وماكو جواب ..: وينهم ؟!
بعد فترة ، فتحت له الباب و التعب مكتسيها .: نـواآف ..
نواف مسك يدها وقفل الباب .: ليـه ما دقيتِ عليَ يوم إنكِ تعبانة ؟!
عليـا مسكت بطنهـا من الألم .: ماله داعي أتصل .
نواف .: عباتكِ بسرعة ، بآخذكِ للمشفى ..
عليا بخوف .: لا ، ما أريد مستشفيات .
نواف مسكها من خاصرتها وأجلسها على الكرسي .: عن الدلع ، وجهكِ أصفر وتعبانة ، ليـه العناد ؟!
عليـا وهي تتألم .: من قال إنني مريضة ؟
نواف توجه لغرفتها وأخذ عباتها .: البسي بسرعة .
عليـا .: ما رح أروح .
نواف ألبسها العباية وسحبها من يدها للسيارة رغم إصرارها حتى وافقت ..~

..................~

غريبة حالة الدنيـا تمشينـا وحنـا وقـوف
تجي مرة على الهقوى وكم خابـت هقاوينـا
تعذبنا وتتعبنـا ونتسابـق عليهـا صفـوف
نحاول نركـض ونتعـب ولا نلقـى أمانينـا
نحاول نضحك ونفرح ونارٍ تصطلي بالجـوف
بحور وموجها يبكـي ولاشاطـي ولا مينـا
ونفرح بالشهر يقضي وهو من عمرنا محذوف
تسارع وقتنـا نجـري ولا رحنـا ولا جينـا

سيـارة فِراس ..~

ميار .: فِراس .
فِراس .: نعم .
ميار .: ما خبروك متى توصل الطائرة .!
فِراس .: 9 والإجراءات ووصولها ، تقريباً 9:30 هي رح تجي القصـر ..~
شيخة .: طيب ، فِراس .!
فراس ناظرها وابتسم .: لُبـى قلب فِراس ..
شيخة احمر وجهها .: استح على وجهك .
ميار بخبث .: الحيا اتركوه ، أونـه يستحون ..
شيخة .: طيب ، ما معاها أحد ؟
فِراس .: معاها وليـد ، كان ربيعي وربيعها ، درست معاه 4 سنين ، في المـانيا ، هالشاب أصيل ، يا بختها إذا كسبت محبته .
ليان .: عمو شيخة .
شيخة بحنان .: نعم حبيبتي .
ليان .: لا تتعبي حالكِ بالحفلة علشان البيبي .
ميـار بابتسامة .: اسمعي كلام بنتي الشطورة .
شيخة .: من عيوني .

..................~


وأنا كلْ مـا ./ تقضبت الرجوع ألقى فـرج منصـاب
ما بين أحلامي اللي تذكرين ./ و حجتي البكما .!


وهذا الحـزن .! ينهش بي الطموح ولا ملكت عتاب
نذورٍ للجروح ./ ويا عساي " ان طحت " اطيح أعمى


عشان ألقى سبب يشفع لـِ ثوبي لا امتليت تراب .!
عشان ألقى تـراب يضمـني وإن مت فيه أسـما ..

بالقصـر ..~

أم بندر ترتب شعر بندر .: يا حلاتك ، تهبـل .
بندر بابتسامة .: تسلمين لي يُمـه .
بشار كان يناظرهم بحب { ليت أمي تعمل لي كِذا ، أمي بعالم ونحن بعالم .}
أم بندر مشت لعند بشار .: الشماغ هب كِذا يلبسونه يبشار .
بشار بابتسامة .: هذا ابنكِ بندر ،.
أم بندر .: اجلس ، أرتبه لك .
جلس بشار ورتبت له الشماغ وطلع شكله جنان ..~
بندر وهو يناظر من الشباك .: المعازيم وصلوا يمه .
أم بندر .: اطلعوا من الباب الخلفي بسرعة .
أم بندر حملت هديل على ذراعها لغرفتها متوجهة للمعازيم ..~

..................~

نـوصف القصـر والإحتفال ..~

..{ قصر أبو خالد كبير ، يحوي العديد من الغُرف الفاخرة ، يحتوي على 5 صالات كبيرة تكفي لـ 50 شخص ، كما أن الحديقة الخلفية للمنزل أيضاً مزينة بأجمل الديكور مع بركـة السباحة والتي يوجد بها بالونات فوق المـاء باللون الأحمر والأبيض والورود ، ويحيط الحديقة زجاج غير كاشف ، الـ 5 صالات مزينـة ببالونات وعلى السلالم زينة باللون الوردي والأبيض ، مع سجادة حمراء عند مدخل البيت من الخارج والداخل ولوحات الجوهرة في كل زاوية تعبر عن الفرح والبهجة ، وعلى الأسقف ألوان مضيئة تعطي المكـان إنارة رومانسية مع مـوسيقى كلاسيكية هادئة ، النساء لهم 5 صالات والرجال مجلسين كِبـار يتسعون للعديد من الأشخاص ، ويوجد في صالة النساء شاشة كبيرة ، بحيث إنه أبو خالد رح يلقي كلمة على منصة المجلس ..، وبمنتصف الصالات يوجد 5 طاولات طويلة وعليها الأطباق ، كافة الأطباق ، حلويات ومعجنات وكافة الأطباق الرئيسية ، ألذ وأشهى الأطباق ، ديكور الصالات فخـم بعد ما غير أبو خالد أثاث البيت وغرفة منـال كمـاآن ، وعند البا مزهريتين مملوئتين بالأزهار ,( أزهار النرجس ) كما تحبها منـال ، ومن خارج البيت زينـة على المنزل ، بألوان متعددة تبهر الأنظار ، ومواقف للسيارات ، وكانت الحديقة مزينة بورود على الأرض وزينة مُثبته على الزرع وتتحرك لتعطي منظر رائع ، مع رائحة البخور التي تصدح بكل أرجاء البيت ..~
كـان الجو قمة الروعة ، والأجواء رومانسية ..~
{ تـاآبعوا الخـيال وتصوروا الأحداث ..}
مجلس الرجـال ، عبارة عن مجلسين متقاربين يفصل بينهم ممـر مفتوح ، جلسة عربية فخمـة مع طاولة الأطعمـة المملوءة بالطعام والقهـوة والحلويات ، ومزينة بالزينة على الجدار ، ومنصة متوسطة الطول مع سماعات .{ كمـا في المسارح .}
أترككم تصدحون في خيالكم الواسع ..~

..................~

خلك على صدك ترى خاطري طاب
ودعتك الله ..وأبتعد لاتجيني..!!
من صد..دون أية عواريض وأسباب
أنهيت حبِ صار بينه وبيني

عند القصـر ..~

فِراس .: وصلنـا .
نزلت ميار وليـان متوجهين للقصر ...
شيخة حست بألم في بطنها .: طيب ، ليه ما تدخل سيارتك ؟
فِراس .: أبوي منع السيارات داخل البيت ،
شيخة .: طيب ، انتظر .
فِراس ناظرها بحُب .: تعبانة ؟!
شيخة بعناد .: لا ، مغص ويروح .
فِراس حرك السيارة لداخل القصـر ونزل من السيارة وفتح لها الباب .: انزلي يا سندريلا .
شيخة بابتسامة نزلت من السيارة .: شكراً يا سيدي الأمير .
فِراس ركب السيارة .: فردة الحذاء لا تسقط منكِ .!
شيخة بابتسامة .: الساعة 12 نلتقي ..~
فِراس ابتسم وحرك السيارة للخارج .
4 بنات كانوا بيدخلون القصر وناظروا فِراس بالسيارة .: واو ، يخقق ..
...: يجنن ، هذا ولد الملياردير ، أخو منال .
...: على طاري منال ، وينها .!
...: مدري ، كحلت عيوني بهالمزيون ..
كانت تمشي خطوات بطيئة على درجات القصـر وهي من داخلها غيض عليهم ، لكن طنشتهم ومشت ..~

..................~

ناسٍ تدِس الهم ... بين الحنايا
........../ وناسٍ وربي مادرت ويش صاير !

عنـد ..~

أبو سلطان .: أنا بروح هب علشان بو خالد ، علشان الحفلة للتجار الكِبار ..
أم سلطان وهي تناوله الشماغ .: طيب ..
أبو سلطان .: بعد بكرا عندي اجتماع هام وابنكِ ضروري يكون فيه وإلا رح أمحيه من الدنيا .
أم سلطان ..: وين ألاقيه فيه ؟
أبو سلطان تنفس بقوة .: أطلعه من تحت الأرض .
أم سلطان .: اللي تريده اعمله ، لكن لا تسوي بولدي شي ..
أبو سلطان .: هذا ولدي مثل ما هو ولدكِ ، يعني شو بعمل به ؟!
أم سلطان .: ما قصدت شي .
أبو سلطان سحب الشماغ ولبسه وطلع متوجه للحفلة ..~

..................~
افــز " من نومي على الخد عـــبرات
اقـــول لـــدموعي ترى ما نســـــــاني
من يومها صرت اقضي العمر حسرات
تمرني الذكــــرى تدمـر كــــــــياني
احتاجلك دون البشر " انـــــت بالذات "
احـــتاجـــلك حاجـــة غريــــق للمـــواني




الســــاآعـة الـ 9 مسـاءاً ..~

أم بندر ترحب بالمعازيم وتحييهم .: أهلاً وسهلاً .
أم هِشام بغرور .: وين أم خالد ؟
أم بندر .: رح تجي بعد شوي .
أم هِشام توجهت للصالة مع بناتها المغرورات والغرور يتصاعد منهم ، كان لبسهم عاري جداً ..~
أم بندر .[ الله يكفينـا .]
شيخة دخلت بهدوء وبابتسامة لأم بندر .: مساء النور .
أم بندر ضمتها لصدرها .: مساء الورد يبنيتي ، أخباركِ ؟
شيخة وهي تخلع عباتها .: بخـير .
أم بندر .: ماشاءالله ، شهالزين ، خبلتِ بفراس أكـيد .
شيخة بهمس .: أكـيد.
أم بندر .: الله يخز ابليسكِ .، أخبار البيبي ، بدى بطنكِ يبرز .
شيخة وهي تمسح على بطنها .: بخـير ..، أمس تطمننا عليه .
أم بندر .: لا تتعبي حالكِ واجلسي على كرسي لحالكِ .
شيخة مشت لغرفة البنات ، تحط أغراضها عندهم ..~
كـانت تمشي والكل يناظرها وكل وحدة تهمس بإذن الثانية من حلاتها ..: تهبـل ، فستانها حلو ، تمشي بغرور .. يحق لها ..~

..................~


مآزّآلتْ نَكسآتْ آلآيآمَ تُدّثِرنَيْ بِآلأوُجَـآعْ
وَمآزّلِتُ آبَحِثُ عَنْ مَلإذًآمِنْ عَنْ ذّلِكْ ..!!

قصر أبو مشعل ..~

أبو مشعل جالس بالصالة ينتظر أم مشعل [ افتقدتك حيل ينايف ، وينك ووين نورك اللي يضوي البيت ، اشتقت لضحكتكِ ، ابتسامتكِ ، ولدي ومالي غِنى عنكَ ، صحيح اللي عمله خطـأ ، وكل إنسان يخطئ والله مسامح وكريم ، أنا ليـه ما أسامحه ، كِفاية إنه زوجته تو مجهضة حفيدي ، يا حلاة يكون عندي حفيد يركض بالبيت وألعب معاه ، هو ما عمل خطأ ، تزوج وستر على حاله ، لكن ليه ما خبرني ، دامه ودرنا على حسابها ، أكيد يحبها إلا يعشقها ، أخوي أبو خالد الكل يحبه من أولاده ، معطيهم الحب والأمان وما يفرق بين غني وفقير وما يهمه كلام الناس ، نواف ولده بيتزوج بنت فقيرة وأنا ما أهتم إلا لكلام الناس ، أريد أتخلى عن ولدي لكلام الناس ، ليـه ما أكون مثل أخوي ، من اليوم ، رح أعطي أولادي اللي يريدونه ..]
أم مشعل .: أبو مشعـل .
أبو مشعل .: نعم .
أم مشعل .: سرينا ..
مشعل جا من المطبخ وماسك يد هنـادي ، وقف عند أمه وأبوه وهنادي منكس رأسها للأرض .: أمي ، أبوي .
أبو مشعل بهدوء .: خـير
أم مشعل .: شنو في هنـادي ؟
مشعل .: أريد أتزوج هنـاآدي على سنة الله ورسوله ..، وما أريد غيرها بحياتي ، ..
صمـت ، ذهول ، هدوء ..~
نجود .: كللللللللللللللللللللوش ، الفرحة فرحتين ، الحفلة وقرار مشعل ، بليز وافقوا ، هنادي بنت ولاكل البنات .
أبو مشعل بابتسامة .: كل هالمدح لهنـادي ، وأنا أشهد إنها أصيلـة وبنت ناس ..
مشعل ما توقع ردة فعل أبوه كِذا وكان منصدم وفرحان بموافقته ، توجه لأبوه وباس رأسه ورأس أمه ..~
مشعل .: جهزي حالكِ للحفلة يهنـادي ، إذا كان شيخ بالحفلة نتصل له وإذا ماكو انا أتصل له ..
هنـادي بتوتر .: لا .
أم مشعل .: نجود ، خذي هنادي وعطيها فستان من عندكِ ، بســرعة

..................~

محبوبتـي أدري معك زودوهـا
بـس الغيـاب أصـلاً .. ماهـو في يـدينـي
مـا دام كـثـر الأسـئـلــة .. رددوهــاااا !
قولـي رحـل من قلبـي لـ موق عيني
لايحـسـبــون الفـرصــة اللـي لـقــوهــا
تبنـي جــدآآر الصــد .... بينـك وبينـي !
قصـة محـبتـنـا .. إذا انهـم نـســوهــا ؟!
قولي لهم محـبـوبـي يموت فيني
ويمـوت ما ضيـق صــدر بنـت أبوهــــا
وقولي لهم .. وصلـه مجـمـل سنـينـي

شقـة نايف وشوق ..~

شوق ناظرت حالها بالمراية .: نـاآيف .
نـايف ..: وأخيراً سمحتِ لي بالدخو ، واو ، ..
شوق وهي تدور حول نفسها وعملت حركة بإيديها لنـايف .: شنو رأيك ؟
نايف .: رح تجننيني ، شواقتي ، ما كو حفلة .
شوق بزعل .: لا لا ، علشان خـاطري .
نايف بخبث .: لابسة لي هاللبس وتريديني أروح للحفلة .. لو علي كان ما رحت وجلست معكِ لكن علشان خاطركِ بنروح .
نايف .: ممكن بوسة ؟
شوق بمكر .: لا ، تو حاطة روج ، وبعدين رح يخرب ..
نايف تصنع الزعل .: طيب ، سرينـا ..
شوق .: إذا رجعنـا لنا موعـد .
نايف .: أكـيد ، بأخذ اللي أبيه .
شوق لبست عباتها .: من عيوني .
شوق ..[ لبست لها فستان ذهبي علاق طويل إلى حد مـا ، نقوشه حلوة ولها رونق وبريق لامع ، تثير النظر ، كانت قمة الروعة والأناقة ..]

..................~

بسيـاآرة أخرى ..~

نور .: حلوة ، وربي حلوة .
فطيم وهي ترتب حالها بالمراية .: أكيد أنا حلوة وأحلى منكم كلكم .
نوال .: مداح نفسه يبي له رفسة .
عبير بعد ما تحسنت حالتها .: أنا أحلى وحدة .
نوال .: أنــاآ .
فطيم .: عبير أحلى وبدون كلام
نور ناظرت المراية وبحركة غرور أول مرة تعملها .: كلكم حلوات ، لكـن أنا حلوة بزيادة .
فطيم ونوال .: شنـــو ؟
نور .: اللي سمعتوه ، وصلنـا .، انزلوا بسرعة ..~
فطيم .: أوريك يا نوير .

..................~
حبيت أقول أني هويتكـَ ..~
..... همت في شعري بكيتك.~
بس { ياغالي } خسارهـ
...... جيت { كلي } ومالقيتك ؟!..~


بمجلس الرجال ..~

خالد وهو جالس جنب فِراس .: ليت أبوي يخطبها لي بسرعة ..~
فِراس وقف سلم على الرجال .: هلا وغلا أبو فارس .
خالد .[ ما رح يخلصون أصدقائه ..] وبابتسامة .: هلا وغلا ..
دخل محمد بهيبته .: السلام عليكم .
خالد وقف يرحب ويهلي بمحمد ، { ليش إنه أخو حبيبته ..]
فِراس ابتسم ..[ عنبوك ، وعنبو المصلحة ..]
خالد .: هذا الرد السنع ..، هب { وهو يقلد على فِراس .} هلا وغلا .
فِراس طنشه ووقف .: اجلس لحالك .
خالد .: تعـال الله يرجك .
فِراس مشى لعند ربيعه نـاصر ..~
جلس جنب خالد ، شايب كبير في السن ومن التجار الكِبار ، ما ترك خالد في حاله من السوالف ..~

..................~

عطني وعد آنك معي طول آلآيآم
وآعطيك وعد آنك حيآتي وذآتي

آخآف تتعبني معك وآرسم آحلآم
وآلقآك بكرهـ صوت من ذكريآتي



حطـت الطائرة رحالها بالبلاد ..~
نزلت من الطائرة وهي تتنفس الهواء الطلق بحُب .[ فديت بلادي ، اشتقت لها حييل واشتقت لأهلي ..]
وليد .: على بيت أبوكِ .
منال .: يا ريت ..
وليد بابتسامة .: سرينـا .
منال .: مشتاقة لهم كثير .
وليد .: ماكو حد يبعد مسافتك وما يشتاق لأهله ،.
منال .: وإنت كم سنة ما التقيت بأهلك ؟
وليد .: 7 سنين .،
منال بإستغراب .: إنت تمزح ؟
وليد بنظرة حزن .: لا .

..................~

تويّ صحيت ولا لقيتك قبالي
وأقول ويلي ليتني بس مانمت !!
ماقد تندّمت فـ منام ٍ مضالي
قد أمس يوم إني فقدتك تندمّت ....
اللحين حتى النوم لاجاء في بالي
غسلت بـ دموع الغلا وجهي وقمت !!


بالكـويت ..~

طلعوا من المحكمة وهم فرحانين بإن العدالة أخذت مجراها ..: فرحـانة ؟
مهـا متونسة حييل .: كثير كثير ، اللحين فرحانة ..[ ناظرت في الشخص وابتسمت في وجهه ..]
تركي .: أكيد فرحان .
مها .: فرحان وعيلته فرحانة بالقبض على قاتل أبوهم .
تركي .: مهـا ..
مها بابتسامة .: نعم .
تركي وقف ومها تقدمت بخطوتين ووقفت ولفت عليه .: ليه وقفت ؟
تركي .: ترعفت على بنت وسحرتني برقتها ونعومتها وبرائتها ، وحبها للحياة ومقاومتها للصعاب وفوق هذا عادلة ، حبيتها لشخصهـا وأخلاقها النبيلة واللحين أطلب يدها للزواج مني ..
مها احمرت خجل .: طيب ، أستاذ تركي ، ليه ما تخبرها هالكلام .؟!
تركي .: لأنها واقفة أمام عيني اللحين .
مهـا وجهها مولع من الحيا .: أنـــاآ.
تركي بابتسامة .: اللي خلفكِ .
مها لفت وراها وما ناظرت أحد .: لكـ .
تركي أخرج خاتم من الذهب .: تتزوجيني .!
مها .: الرأي رأي أهلي .
تركي .: ممكن تكونين لكِ شخصية ؟! وتخبريني رأيكِ فيني ؟
مها والحيا مكتسيها وبعد الصمت الطويل .: إنت انسان شهم ووقفتك معاي ما أنساها وطيبة قلبك ، لولاك ما كنت أدري وين طريقي .! بمعنى أصح .. أبـظاي .!
تركي .: ههههههههههههههه ،، مـوافقة ؟!
مها نزلت وججها للأرض .: مـوافقـة .
تركي تونس من الفرحة وكذلك مها ، واصلوا طريقهم ممسكين بأيادي بعض للمنزل ..~

..................~


يا أجي أرضك وأترك فيها لي بصمة قدَم
أو أصد وأكتب عليها أرض مافيها صلاح

سيارة أخـرى ..~

مرام .: أخاف ألتقي به يمـه ..
أم مرام .: هدي بالكِ يبنيتي .، ما رح تشوفينه .
مرام .: حُبي انهدم وأحاول أبني حُب جديد ..~
أم مرام .: انشاءالله بتنسينه ..
مرام .: حتى لو نسيته أو حاولت أنساه ما رح أنساه ، بتظل ذكرى حبه بقلبي ..
أم مرام [ ما الحُب إلا للحبيب الأولِ .] : رح يتزوج هو كمـان .!
مرام .: شـو ؟
أم مرام .: أبوه قرر يزوجه وملكته قريبة ..
مرام .: جرحتيني جرحين .
غطى السيارة الهدوء والصمت وجو الحزن ..~

..................~

كَـلْ ما ضـآقْ بِـيْ الواقِـعْ أسلِـيْ خ ـآطِريْ بـِ { النـومْ }

............ و هـِذيْ حَ ـآلة أيآمِ ـيْ صـآرتْ فرح ـِتيْ بـِ { نومِ ـيْ } .. !



قصـر أبو سامي ..~

نوف .: هالإكسسوار أحلى ..
الجازي .: صحيح ، ذوقكِ حلو ، لكننا متشابهات اللبس ، والإكسسوارت تكون متشابهة ..
نوف .: طيب ..
الجازي .: سرينا ، رح نتأخر ..
نوف لبست عباتها .: من بيأخذننا ؟
الجازي .: أبوي .
نوف ..[ الحمدلله ] ..
الجازي ونوف ..[ لبس واحد ، بلوزة زرقاء بنقوش عند الصدر وبدون أكمام ، مع تنور سوداء ، أسفلها نقوش حلوة باللون الأزرق وشريطة على التسريحة ..]

..................~

يضيــــع الشارع بـــ صمتـي وخطواتــي بــلا ،، ع ـــنوان .. !!
أدور عن رصيـــف ينتشـــــل من صـدري .." السكين "


جنـاح سامي ..~

سامي .: رح تجين .!
عذاري وهي جالسة على السرير بروب السباحة .: ما راح أجي .
سامي سحبها من يدها وسحب الروب وهي تدفـه بقوة .: رح أجي وربي .
سامي بعد عنهـا وبخبث .: أنتظركِ .
دخلت غرفة التبديل ولبسته ، ..: هذا ضيق وسخيف وعاري .
سامي دخل عليها وناظرها وهي تناظر حالها بالمراية ، وقف خلفها وحوطها بذراعينه .: قُمـر ..
عذاري .: ضيق ..
سامي .: هذي المـوضة ، عصر الأناقة ..
عذاري .: قصير .
سامي .: الحفلات ما يلبسون إلا قصير ..
عذاري .: عـاري ..
سامي بخبث .: إنتِ ما تعرفين إنه هالفستان هو شائع بين الناس وبعدين أنا ما أستاهل !..
عذاري انصدمت من كلمته ولفت عليه وضربته على صدره ووجهها محمر .: ما تستحي وسخيف و .
سامي سحبها من يدها وارتطمت بجدار الخزانة لكن ما تألمت ، مسك يدها وباسها في ثغرها بهدوء ..~
..: سـامي ..
سامي .: جايين يُمـه .
عذاري دفته عنها ورتبت حالها بالمراية ولبست عباتها وبهمس .: واطي ..
سامي سمعها لكن طنشها ..

..................~

أحّيانْ منْ كثرْ الحَكٍي تسّكتْ وً مَا قّلتْ الحَكٍي
تتزَاحَمْ برَاسّك طوَابيرْ الجُـمَل وَ تصدّهاَ

وُ أحيَانْ منْ كثرّ الدَمعّ مَا عَادْ يمدٍيكْ البَـكيٍ
كَلْ مَاتخوُنك دمَعتّك تشهَق بَهَا وَ ترّدَها

وٌ أحّيَانْ منْ كثّر الوّجَعْ تعّجَز لرَبكْ تشّتكيْ
شَايفْ خُـطَى أقدَامَكْ وً كلْ اللّي بيدّك ضدْهاَ

هَذا زمَن مَا يشَفَع لـْ حلّم الَذكيِّ إنـّه ذكَي
يَا كَاسّرْ ذرَاعّ الظرُوُفْ .. أوَ يَا مْقبّل يدّها !!


بسيارة فيصــل ..~

أم عبد العزيز .: كان ركبتِ مع زوجكِ ..
وداد وهي جالسة جنب فيصل ، ناظرته وهو يسوق وعرفت إنه أخوه مسوي حاجة بالبنت ..~
سمـر .: بابا يجي بالليل ويترنح .
الكل انصدم والسيارة توقفت بالشارع .: شنو قلتِ ؟
سمر وهي ماسكة يد أمها .: بابا بالليل يجي يرقص .
أم عبد العزيز .: حسبي الله عليك من ولد .
فيصل كان صامت ، حرك السيارة بسرعة ..~
جنان .[ تعبانة ، ما أروم على الألم ..]

..................~



عنــد بوابة القصر ..~

راكـان .: اهتمي بحالكِ .
هيلين .: حسناً أبي .
أغلقت باب السيارة ودخلت القصر ..~
الكل ناظرها بإنبهار ..، جذبت الأنظار لها في ثواني معدودة .، ..[ نظراً لشعرها الأشقر وعيناها الرماديتان كلون عيني فِراس ، وملامحها البريئة ، وفستانها الأبيض القصير بدون أكمام ووردة وردية اللون على شعرها المنسدل بروعة ..]
توجهت وجلست ، جنـب ، شيــخة ..~

..................~

أَسهر لـ /عينك تغافلني وتنـآم
أنـت بـ أسلوبك معي وش نيتّك

مـا أبي مّنـك .. هيآ م و لاغرام
بـَس أبسـأل : وينْها أنسانيّتك


موقف السيارات ..~

ناريمان .: ماشاءالله قصرهم كبير ..
فهد .: هذا من أكبر مليارديرين البلد ..
ناريمان .: الساعة كم رح نمشي ؟
فهد .: الساعة 12 ..
ناريمان .: أوكـي ..
فهد .: أهلين سليم ..، أخبارك ؟!
سليم بابتسامة .: بخير ..
ناريمان تركتهم وتوجهت للقصـر ..~

..................~

صباح العطر والورد الندي والحب والأشواق
صباح عيونك اللي ما صحت من نومة البارح
عسى يومك سحابة خير / لا راعد ولا براق
تباشير الفرح فيها تهدّي بالك السارح

مستشفى السفــاآرة ..~

الدكتور بابتسامة .: نجـى .
الفرحة هب سايعتهم .: الحمدلله .
نديم سجد شكر لربه .: لك الشكر يا ربي .
ندى وهي تضم ماريا .: ألف مبروك .
ماريا بفرح .: وأخيراً طل علينا نسيم غير ، ..
نديم .: ما رح يصحى اللحين ، نروح فندق ونتصل لأهالينا ..
ندى .: فكرة حلوة .
ماريا ودعت طارق ومشت معاهم ..~

..................~

مفارق ..!
واللي يخليك لحظة . / بطفي مصباحي ..

تعرى الدمع ..
ساعدني البسه الظلام ثياب ..

بمـشفى آخر ..~

الدكتورة .: عندها الزائدة الدودية ، رح نجري استئصال لها .. ممكن توقيعك ؟
نواف وقع على الورقة بصفته كفيلهم ..~
أخرجوها من الغرفة لغرفة العمليات ، ناظرها بحُب ومسك يدها يطمئنها ، كانت نائمة من الإبرة ، تمنى لها كل خير ، باس جبينها بنعومة .: ربي يحفظكِ .
الممرضة .[ ماشاءالله ، يهبل ، ورومانسي بعد ، الله يخليهم لبعض .]

..................~

الباب هـذا بـاب بيتـك .. بـس مـا يفتـح عليـه!
البـاب هـذا لـو فتحتـه .. تنفتـح لــيّ الحـيـاه

وانـا وراه .. احـسّ كـنّ الدمـع تخنقنـي يـديـه
احـسّ كنّـه حـدّ منفـى .. والوطـن كـلّـه وراه

الحـفلــ’ ـــة ..~

نزلت أم خالد السلم وبكل غرور وثقة ، كان لبسها فاضح وخليع ..~
أم بندر بحيا من الناس [ الله لا يبلانا ، أنا أستحي أوري بناتي هاللبس ، شنو لابسة ، لبس رقاصات ، الحمدلله إنه منال والعنود وسارا ، أولادها من تربيتي وإلا كان أولادها كلهم في طريقها ، الله يستر علينا .]
توجهت لصديقاتها وجلست معاهم ، ناظرت هيلين وتوجهت لعندها .: أخباركِ حبيبتي ؟!
هيلين بتوتر .: بخير .
أم خالد .: أخبار أبوكِ ؟
هيلين .: طيب .
أم خالد بهمس .: سلمي لي عليه .
مشت لصديقاتها ..~
شيخة بابتسامة .: إنتِ هب من بلادنا .!
هيلين ارتاحت لشيخة من أول ما دخلت ، بابتسامة .: أمي أجنبية ، من إنكلترا .
شيخة .: من وين تعرفين أم خالد ؟
هيلين .: هي تصير لي زوجة عمي .. بشار معاي بالمدرسة وهي تكون له أمه ..و
شيخة ألجمتها الصدمة .: أبوكِ شنو اسمه ؟
هيلين .: راكـــاآن .. راكـــاآن .. راكــاآن ..~
شيخة .:طيب ، عندكِ أخو ثاني ؟
هيلين بحزن .: أخوي .، أخوي ضايع من سنين وأبوي يدور عليه .
شيخة مسكت هيلين من يدها .: شنو اسمه ؟
هيلين .: فِراآس .. فِراآس ..~
شيخة .: تعالي معي ..

.......

آلملآمح قآلت آللي كنت آخآف آنه يقآل
آلتزمت آلصمت لكن سولف آلوجه آلشحوب

فِراآس جالس يتكلم مع ربيعه .: طيب وهوكيف حاله ؟
ناصر .: بخير ..،
وصل فِراس مسج ..[ أريدك بسرعة في المطبخ اخارجي ..]
فِراس .: عن إذنك .
طلع فِراس جري للمطبخ الخارجي والبعيد عن القصر بمسافة قليلة ، كان خايف حصل لها مكروه ..~
فِراس ناظرها جالسة مع بنت وتمسح على شعرها ..: شيخـة .
شيخة بابتسامة .: تعـال .
فِراس تقرب منها .: من هالبنت ؟
شيخة .: ما تذكرك بأي شخص ..
فِراس دقق في ملامحها البريئة ومرت في باله صورة ابوه .، كان يأخذ من ملامحهـا .: بلا ألغــاز .
شيخة .: هالبنت ، أختـــك .. أختـــك .. أختـــك ..!
فِراس بإستنكار .: شنـو ؟
شيخـة .: اجلس معاها واكتشف الحقيقة ..

...............

روّح علــى الهــم والليل تـــوه
يامن يخلصني من الهــم والليــل

وما عــاد في وسع الخــواطــر مروه
وأنــا عيــوني للســهر مــابها حــيل

بالحــب خط الوصــل ماشب ضــوه
وشلــون أسوي بالليــال المقابيـــل


وصلت سيارة فخمـة لعند القصر ..~

منــال بفرح .: واو ، هذا قصرنا ، شنو عاملين ؟ أكيد نسوني وتزوج نواف .
ولــيد .: انزلي .
منال نزلت ومشت بخطوات متوترة وخايفة من ردة فعلهم والشيطان يلعب بعقلها ..{ ما فتقدونني ، أكيد زوجوا نواف والعنود ونسوني ..}

...

أبو خالد كلف مراقب يراقب شاشة المنزل ، وقاله .: إذا وصلت سيارة .... القصـر ونزل منها شاب وبنت ، أطفئ مصابيح القـاعة ما عدا الإنارات ذات الألوان المتعددة ..، والبالونات أسقطها من فوق سطح الصالة مع تشغيل أغنية { الأماكن كلها مشتاقة لك .}

...

مآحلمت آني آطير ..!
ولآ
فرآشٍ من حرير ..!
كنت آحلم بك معآي ..!
بس وينك ..!
حتى آنت صرت غير ):

فتحت البـاآب وهي مغمضة عينهـا ، تقدمت خطوتين وفتحت عينيهـا واستمعت لألحان الموسيقى وكلماتها مع أصوات النـاس المجتمعة وفرحتهم بدخولها وناظرت الفرحة تعم البيت ، سكـون ، لحظة هدوء وهي تناظر المكان ، مفتقدة أهلها وناسهـا ، أيقظتها من يقظتها أختهـا العنود تضمهـا بصــراخ .: منــال ، وحشتيني يا دووبــة ..، [ بكت في أحضان أختها .] ، تقربت الجوهرة وضمتهـا .: اشتقنـا لكِ حـييل ..!
سارا ناظرتهم فرحانني وما منعت نفسها من أنها تبكي ، صحيح دووم تتناقر معاها لكن مهما كان ، هذي أختهـا ، مشت لعندها بإنكسار وبعدت العنود والجوهرة بحركاتها الطفولية وضمتها بقوة .: وربي لكِ وحشة ..
منال كانت تبكي وتبكي ..[ ما نسوني ، كلهم تذكروني ، تمنيت أم تضمني ، أم تستقبلني بأحضانهـأ ..]
أم بندر تقربت منها وضمتها ومسحت على شعرها بحنان .: نورتِ البيت ، { وبهمس } . أكيد هالأغنية من إنشاء أبوكِ ، الأماكن كلها مشتاقة لكِ ..
منال .[ ابوي ، مشتاقة لأبوي حييل ، مشتاقة أضمـه وأبوس يده ورأسه ، وشني ووحشني حنانه ..]
تولعت الإنارة بدرجة منخفضة ...~
تقربوا منها صديقاتهـا وضموهـا ، كانت فرحانة بهالحفلة الكبيرة واللي شملت كُل عيلتها وكُل صديقاتها ..~

....

..*

يا أحلامنا "خفَي" ششويْ "
........................ أخافَ نعافَ .. / واقعنُا !



فِراآس والفرحة هب سايعته بوجود أخته هِنـا ، أبوه رح يجي ويلاقيه ..~
فِراس بابتسامة .: طيب ، شنو إسمكِ ؟
هيلين بادلته الإبتسامة .: هــيلين .
فِراس .: حـلو إسمكِ ..
شيخة .: فِراس ، وصلت منـال ..
فِراس باس جبين هيلين بحُب .: لا يكون تطلعين بدون ما أكون معكِ .[ غمز لها وطلع .]
فِراس وصل لعند شيخة .: الليلة رح ننام هِنـا .
شيخة .: وأمك ؟
فِراس .: خبرتهـا ومعاها الخدامات .
شيخة .: طيب .

..........

لُولآ آحس بِـ دآخل ● آلصدر ●● دقـِـِـِآت ●
مــآ ڪنَت آصدق آن |[ قَلبيٍ مَحلهـٍ ~ُُ

عنـد النساء ..~

فُتحت الشاشة الكبيرة وتكلم منهـا ابو خالد بهيبته على المنصة وبابتسامته الحنونة الدافئة اللي حسست منال بالأمان كل حين ودووم ، ..~

انتهــى البارت ..~

يا ترى شنو رح يجري ببقية أحداث الحفــلة ..؟!
أدري عنكم تقولون .: تكفين كمليهـا ..!
أترك لكم التوقعات ،..

أبو خالد شنو بيقول على المنصة ؟!
فراس ، هل يلتقي بوالده ؟!
جنان .: من شنو تعبانة ؟!
مشعل وهنـ،،ـادي .! هل تكتمل فرحتهم ؟!
هل يلتقي نايف بأبوه ويسامحه .!
أبو سلطان .: حقده على أبو خالد ، يودي به إلى أين ؟
منــأآل .: شنو شعوره عند لقاء والدها ؟!
عليا ونــواف ،..~
تركي ومهــأ .\ سامي وعذاري \ نايف وشوق ..~