[جرح الذات]

البارت التاسع


ما يسبك إلا اللي يحبك


في شقة مساعد

في الصاله

العصر


جاسم : مساعد

مساعد جالس يطالع التلفزيون : هممم

جاسم : أنا بروح البيت

مساعد ترك الريموت : ليه لا تروح أجلس معي هنا تعرف ما عندي أحد بمل بروحي

جاسم عدل جلسته : بس بنت عمي وصلت مع خالتي

مساعد : ليه هم وين كانوا ؟

جاسم : كانوا رايحين القصيم

مساعد : اهاا

جاسم : و أنت تعرف ضروري أرجع ما عندهم أحد في البيت غيري

مساعد : أجل خلاص أنت روح لهم بس دايم مر علي أنا لوحدي حالياً

جاسم ابتسم : يمكن تاخذك وعد مني

مساعد : ههههه الله يسمع منك

جاسم : ااااه يا القهر أحبها و هي مو حاسه فيني

مساعد : قصدك رند بنت عمك

جاسم : ايه بس ما أدري هالبنت وش مخلوقه منه كل اللي حولها يعرفون إني أحبها ما عدا هي

مساعد : يمكن تحبك بس تتغلى

جاسم : خخخخ و اللي يرحم والديك بنت عمي مو وجهها وجه حب كلش

مساعد : هههه أجل الله يعينك

جاسم : أمييين و أنت بعد الله يعينك على الخطوه اللي بتسويها

مساعد : آآآمين

جاسم وقف و خذ شنطته : يلا أجل ثقلت عليك بجلستي معك

مساعد وقف : لا شدعوه أنت مثل أخوي و متى ما حبيت تجي حياك الله عندك المفتاح السبير

جاسم : أوكي يلا مع السلامه

مساعد : في أمان الله بس لا تقاطعني

جاسم يسلم عليه : أكييد ما راح أقاطعك مع السلامه

و طلع جاسم

.
.

نتكلم عن جاسم

جاسم عنده بنت عم و هي الوحيده اللي بقت له

لأن عمه راح يستقبل أبوه و أمه في المطار بعد رجوعهم من أمريكا للعلاج

و صار لهم حادث في الطريق و توفوا

ما بقى لجاسم إلا بنت عمه و مرت عمه اللي يناديها خالته إحتراما ً لها

هو اللي وقف مع بنت عمه في وفاة أبوها و ساندها مع أنه كان جرحه أعظم منها

لأنه فقد أعز شخصين له في الحياه

و هو اللحين ولي أمرها و المسؤول عنها يسكن معهم في نفس البيت هو له الدور العلوي

و أمها المقعده تدري إن جاسم يحب رند بس البنت مو حاسه به

كانت معجبه بشخص ثاني يكره جاسم كثيير و هو تركي ولد خالتها المتوفيه و هو يسكن في الرياض مع أهل أبوه

أكيد عرفتوا مين هو تركي ؟؟


%%%


اليوم ثالث يوم

و هو آخر يوم لهم في المزرعه

العصر

في جناح أبو فيصل

حنان جالسه على السرير و مو مستوعبه الكلام اللي سمعته أمس

غطت وجهها بيدينها و جلست تبكي

في نفسها سعود أنا أحبك ليه تتركني و تتزوج

و أنا على بالي أنك تحبني من تلميحات هنادي لي

حراام عليك ليه علقت قلبي فيك لييه ..


في جناح أم فهد (( العمه نوره ))

وجدان و هي تجهز أغراضها عشانهم بيروحون الفيلا : قهررر هنا وناسه مع بنات خالي يا ليت نطول أكثر من كذا

تركي ما كان مع وجدان أبد

وجدان قربت من تركي : هييي تركاان وش فيك سرحان

تركي التفت على أخته : لا ما فيني شي المهم أنا خلصت من ترتيب أغراضي لأني ما أحب يرتبونهم الخدم

بخلي وائل (( من اللي يشتغلون في المزرعه )) ينزل الأغراض مع الشنط تحت أوكي !!

وجدان : أوكي

تركي و هو ماسك مقبض الباب التفت على وجدان : بس لا تنسين تغطي

وجدان ( و هي منقهره منه ) : أوكي

و نزل تركي من الدرج


كان في الديوانيه نايف يطالع التلفزيون التفت على تركي اللي جالس على الكنبه و سرحان

نايف : تررررررركي

تركي : هممم

نايف : وش فيك سرحان ؟

تركي التفت على نايف : سلامتك ما فيني شي

نايف يغمز لتركي : اللي ماخذ عقلك يتهنى به

تركي ابتسم : بس هي متزوجه تركتني

نايف يهدي تركي : يا حبيبي إن شاء الله بترجع لك ترى حتى هي حالتها مو أقل من حالتك

منى تقول لي عنها إنها ما تجلس معهم كثير صارت منعزله بروحها

تركي ضاق صدره : يا بعد قلبي يا شوق

نايف : مفروض بدال ما أنت جالس كذا فكر شلون ترجَّع حبيبتك و أنت تعرف ما تزوجها ماجد

إلا عشان ................

قاطعه تركي و هو معصب : خلاص لا تذكرني بهالشي خالي رفضني عشاني لا زلت أدرس

بس أنا ما بقى لي شي و أخلص و بتوظف إن شاء الله

نايف : الله يوفقك إن شاء الله يأبو عبدالعزيز

تركي : أجمعيين

%%%

في شقة فهد

نهاية العصر

فتح فهد الباب لأماني : تو ما نورت الشقه أشتقت لك يا قلبي

أماني و هي شايله معها الريم : تسلم حبيبي



دخلوا الشقه


و جلسوا في الصاله


فهد : قلبي شخبارك اللحين

أماني : أنا تمام بس الريم أزعجتني اليوم ما خلتني أرتاح

فهد : ههههههه خليها تزعج البيت كله هاذي أنا منتظرها من سنتين

أماني : ههههه صارت دلوعة أبوها

فهد و هو يشيل الريم : يا حبيبة أبوك أنتي

الريم و هي تبكي : بابي أبي ماما ( ما أبي أبي ماما )

فهد : ليه تبكين بابا أحلى من ماما

الريم تبكي : بااااااااااااااابي ( ما أبي )

أماني : هههههههه شفت تبيني أنا

فهد يسوي نفسه معصب : خذي بنتك ما أبيها

أماني : ههههه ( شالت الريم ) : يا قلب ماما أنتي

الريم تحب خد أمها : أموااااااااه

أماني : خلااااااااص طبعتي خدي من السعابيل

الريم و فهد : ههههههههههههههههههههههههه ه


%%%

المغرب

دخل البيت له شهر ما دخله لأنه ما يحب يبقى في البيت لوحده

خايف ترجع له ذكرياته القديمه في هالبيت مع أبوه و أمه

جاسم فتح باب الصاله و هو يتحمحم : احم احم

ردت عليه مرت عمه : هلا جاسم تفضل

جاسم دخل بعد ما تغطت مرت عمه جلس في الصاله : شخبارك يا الخاله

الخاله المقعده : الحمد لله و أنت شخبارك يا ولدي وش سويت في هالشهر

جاسم : و الله جلست مع صديقي مساعد في شقته

الخاله : عسى طلع أبوه المديون

جاسم : ايه طلع قبل ما يسدد مساعد ديونه

الخاله باستغراب : أجل مين سدد ديونه ؟

جاسم: يمكن فاعل خير

الخاله: يمكن ( صبت له شاي) و أخذه منها لأنها مقعده و مو قادره تمشي له بالعربه بسهوله

جاسم خذ الشاي : تسلمين يا خاله ... رجعتوا الدمام مع مين ؟

الخاله: جابنا أخوي سعد

جاسم : و ليه ما قلتوا لي أنا اللي وصلتكم مفروض أرجعكم بعد

الخاله : ما نبي نثقل عليك يا ولدي

جاسم : أنتي قلتيها بنفسك يا خاله أنا حسبة ولدك

الخاله ابتسمت من تحت الغطا : مره ثانيه بقولك و لا تزعل

جاسم ابتسم : أنا ما أقدر أزعل منك بالذات أنتي الغاليه

الخاله : الله يوفقك يا ولدي و يسعدك

جاسم : آآمين ... خالتي وين رند ؟

الخاله : والله ما أدري يمكن في غرفتها

جاسم ينادي الخدامه : لندا .. لندا

جات لندا : نعم بابا

جاسم : قولي لمس رند جاسم موجود خليها تجي

لندا : أوكي


راحت لندا لرند


كانت جالسه تحوس في النت و حاطه السماعات على أذنها و تسمع أغاني

لندا تدق الباب

رند نزلت السماعات : نعم

لندا : مس رند بابا جاسم بقول تعالي

رند بضجر : طيب بجي

لبست كابها و تحجبت تعودت إنها ما تتغطى من جاسم

طلعت للصاله

وقف لها جاسم : هلا رند

رند تطالعه من فوق لين تحت : هلا

الخاله مو عاجبتها الطريقه اللي تسويها بنتها : أنا بروح غرفتي خذ راحتك يا جاسم هذا بيتك يا ولدي

جاسم : تسلمين يا خاله

الخاله جالسه على كرسيها : لندا وديني الغرفه

لندا : إن شاء الله ماما

جلست رند على الكنبه مقابل جاسم

رند : نعم تقول لندا أنك تبيني

جاسم حط رجل على رجل : حبيت أسأل عنك شسويتي في القصيم

رند : ما سويت شي

جاسم : رند لا تنسين أني ولي أمرك

رند تطالعه من فوق لين تحت : ايه للأسف ولي أمري مو رجال

جاسم عصب : وش قصدك ؟؟

رند : ما قصدي شي

جاسم : على العموم الحكي معك ضايع ما أدري متى تتركين عنك هالكلام اللي ينرفز

رند ببرود : ما بترك هالكلام أجل أنت تنسب نفسك لولد خالتي تركي شيخ الشباب و الله

جاسم معصب : اهاا .. يعني تركي رجال و أنا مو رجال

رند هزت كتوفها : أنت اللي قلتها بنفسك

جاسم وصل حده من العصبيه مسك يد رند بقوه و ودها معه لغرفتها

رند تمسك يده اللي هو ماسكها من الألم : أأأأأخ أيدي تألمني

جاسم رمى شماغه على طاوله اللي في الغرفه : يعني أنا مو رجال بعلمك اللحين من هو الرجال

رند تبكي و تصرخ : حراااااام عليك لا تسوي فيني شي

جاسم من كثر عصبيته ما كان يميز مين اللي قدامه رماها على السرير : هيييييييين أنا أوريك

رند تصارخ : لاااااااااااااااااااااااا ااااااااااااااااااااااااا اااااااااااااااا


مشفر .. رقابه .. هيئه .. مشفر .. رقابه .. هيئه


رند جالسه و منزله راسها و تبكي

جاسم مصدوم من اللي سواه وش سويت أنا ضيعت البنت بسبب عصبيتي

جاسم عدل لبسه دخل الحمام و غسل وجهه

و جلس جنب رند اللي جالسه على السرير و تبكي

جاسم : رند .. أنا أنا ما كنت ناوي أسوي كذا صدقيني

رند يزيد بكاها : ااااااااااااااااااه ضيعتني يا جاسم ضيعتني

جاسم مسك يدينها : خلاص أنا بتزوجك يا رند ما بخليك

رند نزلت راسها و هي تبكي ضمها جاسم لصدره : صدقيني يا رند مهما سويتي مردك لي أنا

رند تبكي : بتتزوجني يا جاسم و الا تقول كذا

و الله لو تدري أمي أخاف تموت سامحني على كل الكلام اللي قلته أنا بدونك و الله ما أسوى شي

جاسم نزلت دموعه تأثر من كلامها و حس إنه حقير هاذي أمانه عنه و هو اللي ضيعها بنفسه

وقف و طلع من غرفتها و طلع من البيت بكبره يحس أنه أنفاسه بتضيق إذا بقى هنا

راحت لندا لرند اللي تبكي : مس رند ماما تبي أنت

رند مسحت دموعها على طول : اوكي

راحت لأمها الغرفه: نعم أمي

كانت أمها جالسه على كرسيها توها مخلصه من صلاة المغرب

أم رند: رند وش فيك مع جاسم

رند نزلت عيونها ما تدري وش تقول : هاا كالعاده تهاوشنا و طلع من البيت

أم رند تعاتب بنتها : يا بنتي جاسم هو المسؤول عنك و هو اللي وقف جنبنا في وفاة أبوك الله يرحمه

و ضغط على نفسه و هو يهديك مع إن أمه و أبوه توفوا في نفس الحادث

رند نزلت راسها : أدري يمه

أم رند : إذا جا مره ثانيه حسني أسلوبك معه لا تجرحينه

رند نزلت دموعها

أم رند مستغربه : وش فيك يا بنتي ؟

رند على طول مسحت دموعها : ما فيني شي

و سمعوا من بره صوت صدمة سياره


رند : جاااااسم

على طول غطت وجهها بالغطا و طلعت بره

شافت حادث سياره ضاربه بعامود الكهرباء مسكت فمها من الصدمه : جااااااااااااااااسم

و جاوا سيارة الاسعاف و شالوا جاسم اللي مغطى بالدم من قوة الصدمه على السرير و دخلوه السياره

و ركبت معهم رند

كانت ماسكه يد جاسم و هو تبكي : جاسم قوم يا جاسم لا تتركني

فتح عينه بشويش و هو يتألم : اااه صدري اااه

رند انهارت و هي تبكي : أنا السبب يا ربي

و كانوا الممريضين يتأكدون من نبض القلب

طلع النبض سليم بس لازم يلحقون عليه لأن نزل منه أثناء الحادث دم غزير

.

.

.

%%%

في بيت أهل شوق

الساعه 8 الليل


كانت شوق جالسه في غرفتها سرحانه تفكر بحياتها وش بيصير لي بعد كذا

ماجد ما رجع له شهر كامل و أبوي دايم يناظرني بنظرة شفقه

شكله ندمان على استعجاله في زواجي من ماجد

و فجأه قطع سرحانها صوت الباب

شوق : مين ؟

أفنان : أنا أفنان فتحي لي الباب

شوق وقفت و فتحت الباب لأفنان

أفنان ( و هي متوتره ) : لحقي علي

شوق ( مرتعبه ) : خير أرعبتيني وش فيك ؟

أفنان انقلب وجهها أحمر : سلطان مع عمي تحت

شوق خلقها مقفل معها : و بعدين

أفنان عصبت جلست على السرير

: أنتي ما تحسين سلطان مع عمي بروحهم جالسين مع الوالد و مشاري و طلال و شكل سلطان مرره مرتبك

شوق فرحت جلست جنب أفنان

: ههههه مبروووك يمكن جاي يخطبك

أفنان التفت على شوق : بس أنا خايفه

شوق : ليه ؟؟

أفنان : شكله مرتبك أخاف إنه مغصوب علي

شوق : ههههههههه و ربي إنك غبيه سلطان يحبك بجنون

أفنان ابتسمت : ريحتي قلبي كنت ميته من الخوف

شوق : هههه لا تخافين

أفنان : أوكي أنا مع رغد بنطل عليهم وش رايك تطلين معنا لأن الوالد دخلهم الصاله و سهل إن حنا نشوفهم

شوق : لا أنا يمكن أنام راسي يألمي

أفنان : أوكي أجل يلا تشااو

شوق : تشاااو


%%%


في المستشفى

كانت جالسه على كراسي الانتظار متوتره المسؤول عنها

و سندها في هالحياه داخل في غرفة العناية الفائقه

نزلت راسها و قامت تبكي

جاها واحد يركض من بعيد : رند

رفعت راسها : نعم

مساعد و هو متوتر : شخبار جاسم وينه توهم داقين علي المستشفى ؟؟

رند و هي تبكي : ما أدري دخلوه الغرفه من فتره تأخروا عسى ما فيه شي

مساعد يهديها : لا أن شاء الله ما فيه شي لا تحاتينه

رند زاد بكاها : أنا السبب

مساعد مستغرب : ليه وش صار ؟

رند نزلت راسها و هي تبكي : و لا شي و لاشي

مساعد : طيب بوصلك البيت و أنا بجلس معه هنا

رند رفعت راسها : لااا أنا بجلس هنا معه

مساعد : أوكي كيفك أنا بروح للدكتور

رند : طيب

رند في نفسها ااااه يا ليتني ما قلت الكلام اللي قلته أنا السبب في اللي صار لجاسم

و الله حياتي ما تسوى بدونك يا ولد عمي

طلع الدكتور من الغرفه على طول وقفت رند : دكتور وش فيه ؟؟

الدكتور : تعرض لكسر في القفص الصدري و نزل منه دم كثير نحتاج لدم من نفس الفصيله حالاً

رند : دكتور تأكدوا من فصيلتي يمكن نفس الفصيله

الدكتور : أوكي بنادي لك النيرس

دخلت رند مع النيرس و طلع نفس فصيلة الدم

تعبت عليهم لأنهم خذوا منها كميه من الدم

النيرس : شربي سوائل عشان تعوضين الدم اللي فقدتيه

رند بتعب : إن شاء الله

طلعت من الغرفه و جلست على كراسي الإنتظار

جا لها مساعد : وش سووا معك ؟

رند بتعب : خذوا مني دم عشان جاسم

مساعد : تحسين بدوخه

رند : لا عادي اللحين تروح الدوخه

مساعد : خليني أوصلك البيت

رند : ما أبي بنتظر جاسم لما يطلع

مساعد : ما بيطلع اللحين لازم يرتاح

رند : بس أبي أتطمن عليه

مساعد : أوكي بس إذا تعبتي أو حسيتي بشي قولي لي

رند : أوكي

طلع الدكتور

راح له مساعد : دكتور شخباره اللحين ؟

الدكتور : اللحين هو الحمد لله بس ما بيقوم إلا بكره لأنه تعبان و يحتاج لراحه

مساعد : وش فيه بالضبط ؟

الدكتور : كسر في القفص الصدري يمكن لأنه صدم صدره بدركسون السياره بقوه

و الحمد لله قدرنا نسترجع الدم اللي فقده من الحادث

مساعد : الحمد لله مشكور دكتور

الدكتور : العفو

راح مساعد لرند

مساعد : رند

رند وقفت : وش قالوا عن جاسم ؟

مساعد : هو اللحين بخير بس ما بيقوم إلا بكره لأنه تعبان و يحتاج لراحه

رند : الحمد لله الله يبشرك بالخير

مساعد : خلينا نروح و بكره بجيبك هنا

رند : أوكي

و طلعوا من المستشفى

%%%

في مطار الملك خالد

الساعه 9 الليل

نواف : الحمد لله إنتهى دوامي

فؤاد ( صديق نواف موظف في المطار ) : هههههه لهالدرجه مشتاق للبيت

نواف و هو مبتسم : لا أنا مشتاق لخطيبتي بسوي لها مفاجأه بكره بعزمها على الغدا في المطعم

فؤاد : أهااا قول كذا .. طيب بكره بتداوم ؟

نواف : بداوم الشفت مسائي

فؤاد و هو يناظر نواف بنظره حقد :

يعني أنا اللي بداوم الشفت صباحي .. قهر اللي حظه منكوس طول عمره منكوس

نواف : هههههههه الله يعينك

فؤاد : هيين مردوده ... أنا إذا خطبت بعدين لك مني ما بداوم و بخليك تداوم الشفت صباحي و مسائي غصباً عليك

نواف : هههههههههه عشان يطردونك من المطار مره وحده

فؤاد : لالالالا خلاص بداوم و لا طردة المطار بالموت لقيت وظيفه أصلاً

نواف : هههههه الله يعينا على هالوظيفه

فؤاد : الله كريم

%%%

كانت خايفه بس فرحانه في نفس الوقت

تحس إن هالشي مغامره

خذت الايميل عن طريق البلوتوث يوم كانت في المجمع مع شوق أختها

كانت بتحذف الايميل بس خلته و توها فتحت الرساله


أنا يوسف و هذا ايميلي

……[email protected]


فتحت اللوب توب حقها و جلست على السرير تأكدت أنها مقفله الباب خايفه إن أحد يدخل عليها

فتحت الماسنجر و ضافت هالايميل و كانت متوتره حييل

كان متصل بدا معها المحادثه


جوزيف : هلا و الله

رغوده أحلى بنوته : اهليين

جوزيف : أخبارك رغووده

رغوده أحلى بنوته : تمام

جوزيف : دوووم يالغلا

رغوده أحلى بنوته : تسلم

جوزيف : أنتي اللي رسلت لك بلوتوث في المجمع الأسبوع الماضي ؟

رغوده أحلى بنوته : ايه

جوزيف : ممكن نتعرف ؟؟

ارتبكت رغد

رغوده أحلى بنوته : ايه مين معي ؟

جوزيف : أنا أسمي يوسف الـ.......
من الرياض
متخرج من جامعة الملك فهد للبترول و المعادن بالدمام
عمري 27 سنه
و حالياً أنا موظف في شركة سابك للحديد بالجبيل

رغوده ارتبكت في نفسها واحد من عيال عمي متوظف في شركة سابك أكييد يعرفه

رغوده أحلى بنوته : أعذرني بحذف ايميلك

جوزيف : ليه ؟

رغوده أحلى بنوته : ما أقدر أتكلم معك

جوزيف : أوكي لا تتكلمين معي بس لا تحذفين إيميلي خليه كذكرى

رغوده أحلى بنوته : أوكي

جوزيف : قهرر أحس أنك نفس البنت اللي يتمناها قلبي ثقيله و اسمك حلو

رغوده أحلى بنوته : ^_^

جوزيف : فديت ابتسامتك الحلوه

رغوده أحلى بنوته: تسلم

جوزيف : تكلمي عن نفسك مو ضروري أسم العائله

رغوده أحلى بنوته : طيب

أنا أسمي رغد

أدرس في الثانوي عمري 17 سنه

جوزيف : العمر كله إن شاء الله

رغوده أحلى بنوته : تسلم

رغوده أحلى بنوته : يلا أنا أستأذن

جوزيف : ليه ؟؟

رغوده أحلى بنوته : مشغوله

جوزيف : أهااا طيب متى أشوفك ثانيه

رغوده أحلى بنوته : بكره بدخل في نفس الوقت

جوزيف : أهاا أوكي

رغوده أحلى بنوته : يلا مع السلامه

جوزيف : مع السلامه


رغد سرحت بعد ما سكرت اللوب توب أسلوبه مررره يجنن

و أحس أنه ثقيل بدخل بكره عشان أسولف معه


<< ما تدرين يا رغد وش بيصير معك بعدين ؟؟


%%%


الساعه 11 الليل

في غرفة شوق


شوق طلعت من الحمام تنشف شعرها عند المرايا دق جوالها

رفعت شوق الجوال

شوق مستغربه : مين صاحب هالرقم الغريب

ردت شوق : ألوو

..............: ألو السلام عليكم

شوق : و عليكم السلام مين معي ؟

..................: أنتي مرت ماجد ولد صالح الـ..............

شوق و هي مستغربه : ايه أنا زوجته ليه في شي ؟

....................: أخت شوق أنا فاعل خير زوجك كان موجود عندنا و بصراحه كان في حاله الله لا يبلانا

شوق : طيب اللحين وينه

...................: رجع عندكم من يومين

شوق : أوكي ... اللحين مين أنت و أيش مصلحتك من هالكلام

................: أنا فاعل خير ,,,, و سكر السماعه

شوق : أجل ماجد أكيد موجود في الشقه خلاص أنا بروح له و بعرف منه كل شي

دقت على السواق


شوق : ألوو راموا جهز السياره تحت

راموا : أوكي مدام


و طلعت شوق من البيت


.
.
.

نهاية البارت التاسع