{هنادي}
اووووف وبعدين راسي بينفجر من التفكير ...واخرتها مع اللي مايتسمى بسيلووه...لازم اسوي شي اخليه غصب عنه يتزوجني صدق "رد عليها صوت بداخلها" يعني كيف يتزوجك مو قال توثق بالمحكمه ..يارب يارب يارب استر علي ودبرني من عندك ...يارب يكفي الي صار مع شوق مابي احد يعرف بموضوعي ...يارب لاتنسى أمتك بنت عبدك هي بحاجتك
اخذت جوالها وشافت 5 مكالمات 2 من باسل 2 من روان
هنادي بتأفف:أوووف وبعدين معها ذي بسحب عليها ...دقت على رقم باسل دقايق وسمعت صوته
باسل: هلا والله
هنادي كشرت من سمعت صوته(الله ياخذك على هذا الصوت البشع):مساء الخير
باسل:مساء النور ...اخيرا حنت هنادي هانم واتصلت على باسل
هنادي نفسهآ تخنقه تشنجت كل عضلاتها:لقيت لك اتصال بغيت شي
باسل:بشوف محتاجه شي
هنادي عصبت: كم مره قلت لك ماني محتاجه شي
باسل: طيب طيب لاتنفخين
هنادي: أنت ماتفهم كلامي غصب تبيني اقولك محتاجه الحمدلله اذا انت فلوسك كثيره اتصدق فيهآ ترى خيرنآ مكفينآ وزود
باسل يضحك:انتي دآيم متهوره بقراراتك وأحكآمك ..انتي زوجتي ووآجب علي نفقتك على العموم اذا جيت المدينه أعطيك بطاقة الصرآف حقت حسابك تصرفين منهآ بكيفك
هنادي أنقهرت منه وزآدت عصبيتها: انت بأي لغة تفهم تراني اتكلم عربي
باسل:وانتي ليه حمقانه ومنقهره بدل ماتفرحين اول مره تقابلني بنت زيك شرسه وعصبيه
هنادي :والله هذي أنا عاجبتك اهلين وسهلين غير كذا يفتح الله
باسل:زين زين ..واخبارك
هنادي : تمام دآمني ماشو خشتك المنحوسه
باسل أبتسم :حلو أهم شي انك بخير
هنادي :يالله بنام مع السلامه
باسل: باياتووو
هنادي قفلت منه وحطت جوالهآ على الكمودينه وزفرت انفاسهآ اللي محبوسه بصدرها:غثيث ليش ماهو زي أخوه فهد بس حتى فيه لفه بسيطه ماتعجبني لكن باسل مو زيه لابالشخصيه ولا بالشكل يقهر
حطت راسها على المخده وهي تتذكر ملامح باسل وتسبه بنفسهآ كأنهآ تطلع غلها وحرتها فيه
عند شهد ورغد
رغد : بس هذي الحكآيه
شهد تسكت ولدهآ اللي يبكي :رغد حياتي انتبهي لنفسك هذآ الدكتور شكله يلف حولك
رغد طلت بشهد وتذكرت موقفهآ مع عبدالله:مآ أتوقع المهم ..أنا رايحه أنأ واخليك مع ولدك اذا ارتفعت حرارته اعطيه خآفض حراره
شهد: طيب تصبحي على خير
رغد: وانتي من اهله
مشت لغرفتها تأخرت هذي الليله بنومتها ودموآمهآ بكره طويل ..سمت بربهآ وهدأت انفاسها ونامت
:::
:::
:::
فتحت عينها ماقدرت تنام والظلام شديد بالغرفه حاولت تسترق النظر وتشوف اذا صاحي أو نآيم لكن ماقدرت ..ماحبت تتحرك كثير عشان ما تخرب نومته ..بعدت الشرشف عنها بشويش ونزلت رجولها بتلبس الشبشب
..:وين رايحه
شوق خافت لما سمعت صوته الثقيل:رايحه اشوف التلفزيون طفشت
فتح الأبجوره اللي جنبه وجلس:ويش سبب طفشك المفاجئ
شوق: بدون سبب
فهد:اها قلتِ بدون سبب ...دايم توجد اسباب
شوق لفت عليه وبنظره جامده: ايش فيك ؟!.. غصب بتخلق سالفه
فهد ميل فمه بسخريه:ليه اخلق سالفه ..المهم حاولي تنامي لأن بكره الساعه 9 بوديك المستشفى
شوق :فهد حكينا بذا الموضوع كثير قلت لك ماعاد أني رآيحه المستشفى
فهد بحده: انا اللي اقولك تروحين والا لا ..انا زوجك غصب عنك تطيعين اوآمري والا اغضب عليك
شوق تنهدت:ياحبيبي كل شي يجي بالتفاهم
فهد رفع حاجبه: انتي قلتيها بالتفاهم ..بس انتي ماتبين نتفاهم
شوق تربعت على السرير:طيب ايش تبيني أسوي شور علي يمكن القى عندك حل
فهد بأصرار:تجهضين
شوق بحده: مجنون انت ..فهد اذا اجهضت هذي مره ماعاد اني بحمل افهم ذا الشي
فهد بعصبيه:شوق لاتجننيني الحين انا قلت لك ابي عيال لنا كم سنه متزوجين وراضي بنصيبي
شوق :بس أنا أبي الحمل صار صدفه ليش تبيني اجهضه بعدين الأجهاض حرام
فهد يحاصرها لانه عارف انها تجاكره: لأنه بيضرك حلال
شوق بترجي: فهد الله يخليك انت ويش خسران خلني اسوي اللي ابيه ليش معترض الحين؟
فهد تنهد ببطئ سكت فتره يفكر بكلامها بعدها قال: شوفي ياشوق بكره نروح للمستشفى ونشوف الدكتور شيقول وقتها اعطيك ردي
شوق ابتسمت:توعدني
فهد: اوعدك بس بشرط
شوق كشرت وقطبت تجاعيد جبينها:ويش شرطك يابو شروط
فهد:مايكون فيه خطر كبير على حياتك
شوق ابتسمت: خلاص صار
فهد يمسك يدها وبنبره تهديد:شوفي بعدين ترى مافي نقاش بتسوين العمليه مره ثانيه يعني بتسوين اوكِ
شوق ميلت فمها لأن كلامه ماعجبها وقررت انها تسايره عشان يسكت عنها:طيب
فهد بدهاء:كأنك تقولين شي بنفسك
شوق ضحكت: ابد ماقلت شي بسم الله علي
فهد أرتسمت ابتسامه رضا: مشكلتي فاهمك وفاهم اللي تفكرين فيه
شوق ترمي الخدآديه عليه: ويش اريك تنام مو أحسن
فهد يبعد الخداديه عن حضنه:لا مو أحسن ويش رايك انتي تنآمين
شوق: مالي نفس أنآم
فهد: ليش ؟
شوق: حاسه بشوية غثيان وصداع
فهد :هذي اولهآ الله يستر
شوق تمد لسانها:شي عادي مو قلت لك نآم أحسن
فهد: جالس على قلبك احس وراك شي
شوق ضحكت:ياربي على الشك اللي ماهو بوقته اطمنك ماوراي شي
فهد يسدحهآ بقوه ويغطيها بالشرشف: طيب أخمدي اقلقتيني
رجع لمكآنه وطفى الأبجوره:لا اسمع صوتك ولا تتحركين عشان لا أعصب
شوق: طيب لاتهدد ياقلبي وألا بعآندك
فهد لف على جهتهآ وتحسس شعرهآ:جربي انتي
شوق تضحك:ياربي منك مآكأنك عجوز ويش كبرك حركآتك حركآت بزرآن
فهد شد شعرهآ وصرخت وهو يضحك بخبث: لا يالأميره الصغيره...كأني طآيح من عينك
شوق تدف يده بغرور:لايكون زعلت عشان قلت لك عجوز
فهد: بسم الله عليه من العجز والكبر توني بأول شبابي
شوق انطلقت ضحكآتهآ: مشاء الله الله يخليك لأهلك يالشبابي ...ترآك بتخلص الـ35
فهد: وانتي ياصبيه كم عمرك خلينآ ساكتين
شوق:هو يحصلك وحده مثلي نآم الله يستر عليك
فهد:تخمدين على خير
شوق: وانت بخير
:::
:::
:::
صباح اليوم اللي بعده
صحت شهد بدري بسبب بكآء مشآري ...بعد مآنومته راحت للمطبخ تسوي فطور للبنآت وعمهآ وتزبط له قهوته ...بعد مآ أنتهت وحضرت سفرة الفطور أتجهت لغرف البنآت وصحتهم
سحر بنعآس:اليوم مآني رايحه للكليه عندي مشآوير اخلصهآ قبل ملكتي
سمر اللي ميته تبي تغيب لكن شهد غاصبتهآ تروح:شفتي مايصير سحر تروح لحالهآ خليني أغيب واروح معهآ
شهد تفكر:يالله اليوم بس لو كآن ميشو مو تعبان رحت أنا معهآ بس حظك يكسر الصخر
سمر ترجع تنسدح وتغطي وجههآ:قفلي النور
شهد بحده:قومي صلي عمى بعينك
سمر فزت بخوف:ابشري الحين اصلي
شهد:وانتي هنو بتروحين وألا لا؟
هنادي تتمدد بجميع الجهآت:لا بروح مع سحر عشان نخلص كل شي مره وحده
شهد ميلت فمهآ:زين قوموآ صلوآ وافطروآ وارجعوآ نآموآ
سحر توقف:زين انا الحين اجي افطر يالله هنو قومي غسلي واتوضي
طلعت شهد قبلهم وجلست بالصاله تنتظر عمهآ اللي مآ تأخر بخروجه من غرفته
ابو مهآ : صبحك الله بالخير شهوده
شهد بأبتسامه عذبه: صبحك الله بالنور عمي حياك فطورك وقهوتك تنآديك
ابو مهآ جلس جنب السفره وأبتسم:الله يعطيك العافيه ...ألا كيف ولدك بعد الطهور
شهد: الحمدلله تعبني في الليل بالبكآء والفجر نام
ابو مها : انتبهي له يابنتي لا ترتفع حرارته
شهد : ان شاء الله
جات رغد: صباح الخير
ابو مها + شهد:صباح النور
رغد: كيفكم اليوم
شهد:بخير ...بتدآومين
رغد كشرت:ايه لازم ادآوم
ابو مها: شدي حيلك يبه ابيك تصيرين احسن دكتوره
رغد ضحكت: ان شاء الله يبه انت بس كثر دعوآتك لي
ابو مها: الله يوفقك ويفتح عليك ويرزقك من وآسع فضله ورحمته
رغد رفعت يديهآ وبكل أحساسيهآ: أمين أمــــيـــن
جوآ البقيه يفطرون ويسولف مع أبوهم
ابو مهآ: كأنكم مآتبون تدآومون
سحر: أنا بعد الساعه 10 بروح السوق اخلص اغراضي وبيروحون معي هنادي وسمر
ابومها:ايه ازين عشان ماتروحين لحالك
رغد تتخصر:يعني بس انا اللي بروح قهر
شهد: ويش تسوين عاد يالله قومي البسي مابقى وقت
رغد توقف: كذآ تنسد نفسي عن الروحه بس يالله بأغض نظري بسوي نفسي ماشفتكم بالبجآيم ولا سمعتكم
سمر:هههههههه شكل ماراح ننام من نفسها
رغد طنشتهآ وراحت تلبس عشآن تلحق على دوآمهآ قبل يهزئهآ الدكتور على تأخرهآ
طلع ابوهآ
رغد تلبس عبايتهآ:شوفوآ ترى المغرب دوري أنا اروح للسوق ولآ وحده بتروح معي يعني خلصوآ اغراضكم بعدين فآآآهمين ؟
هنادي تتخصر:يصير خير يالله روحي دوامك
رغد تأشر بيدهآ: سيووو ياحلوين
ومشت للمستشفى بنفسيه حلوه ورآيقه
بآلفندق
صحى على صلآة الفجر بعد مآصلى نزل لمطعم الفندق قرآء الجرآيد زي عادته في أي صباح تعرف على رجل أعمآل كآن يسمع بأسمه لكنه حصل وتلاقوآ في هذي اللحظآت ...بعد مآ أستئذن منه الرجال جلس يكمل الجرايد ويستطلع الاخبار ...فجأه دق جواله
فهد استغرب لما شاف الرقم وخصوصا بهذا الوقت:هـلا
صفاء: صباح الخير
فهد: صباح النور ..هلا صوفي كيفك
صفاء:بخير الحمدلله انت شو عامل
فهد: بخير وعافيه ..بشريني عن اخبارك
صفاء:في شوية تطورات
فهد ابتسم: صدق ..بشريني ويش صاير
صفاء :هههههههههه اتوقع شو صاير
فهد: يالله قولي بلا تناحه
صفاء: أنخطبت
فهد بفرحه: احلفي ؟
صفاء ضحكت: لهدي درجه ماعندك امل اني اتزوج
فهد :ههههههههههههه لا والله موب قصدي ..ومين سعيد الحظ
صفاء:واحد من الرياض عشان كدا اتصلت عليك قبل اكلم بابا
فهد عقد حواجبه: خير ان شاء الله
صفاء: صراحه فهد ابي منك خدمه ازا تقدر
فهد: ابشري والله ماقصر أمري انتي
|