[جرح الذات]

في غرفة ملاك ومحمد

محمد:ملاكي

ملاك:لبيه

محمد:كلمتني امي اليوم وتسلم عليك

ملاك:الله يسلمها راح اكلمها الليله

كانت تسرح شعرها عالتسريحه وتطالعه وهو حاس فيها

محمد:ملاكي اشفيك

ملاك:كلمك الدكتور اليوم لانه قال بيرد علينا وللحين ماكلمنا

تنهد محمد وقام وقرب منها ومسك شعرها وربطه

بلفيونكه:ليش مستعجله للحين مافقدنا الامل واذا ربك

بيرزقنا بأولاد فما راح يمنعه منا احد,,وباس خدها,,اهم شي ارتاحي

نزلت راسها وتنهدت وبنفسها يارب ارزقنا







في غرفة سمر

احلام منزله راسها وتبكي:ليش يسوي فيني كذا

انا احبه واموت فيه مستحيل احد ياخذه مني

مستحيل اوريكم اما كسرت روسكم واخذته منكم

سمعت صوت رساله بجوالها شالته وفتحتها(شكلك

نسيتي الوعد لاتفكرين تلعبين معاي لاتنسين منو انا ,انا

احمد اخذ حقي بيديني)

رمت بلجوال على السرير:الله ياخذك ويفكني منك

دق جوالها مسحت دموعها وردت:هلا حبيبي

احمد:هههههههه حبيبي وينك عن حبيبك شكلك نسيتي وعدك

احلام:لامانسيت بس انا الحين بمزرعة زوج خالتي وماقدر اطلع راح يشكون فيني

احمد وهو يتافف منها:ومتى راجعه ان شاء الله

احلام وهي تمسك راسها يوجعها:كلها اسبوع وراجعه

احمد:والوعد الثاني تاخرتي علينا

رفعت حاجبها:شنو نسيت

احمد:اوووف شكلك نسايه ماقلت لك ضبطي لنا وحده من صديقاتك لصديقي ابراهيم

حست انها تورطت:طيب قريب بحاول

احمد:يلا يلا باي لاتنسين ياااحلوتي هههههههه

قفلت الجوال حست الباب ينفتح وسوت نفسها نايمه

كانت خالتها ام منصور:احلام حبيبتي يلاقومي

احلام وهي مقفله عيونها:امممم نعم خالتي

ام منصور:يلا تعالي معنا برا كلنا هناك الا انتي

احلام:طيب خالتي شوي واقوم

ابتسمت ومشت من عندها ورجعت بسرعه:اه تذكرت

جدتك رجعت بيتها تقول تخاف تتعب من اجواء المزرعه

احلام ياحبي لك ياجدتي ماحد يتحملني قدك:طيب طيب

خرجت وقفلت عليهاالباب واحلام قامت وبدلت ملابسها

لبست بنطلون جينز وبلوزه ابيض وطلعت برا الفله











في غرفة منصور وجومانه
كانت جالسه عندالتسريحه تضبط شعرها ورشت لها عطر

وقامت ناظرت لبسها بلمرايه كان تايور احمر كروهات

باسود بلوزته كت والتنورد لحد الركبه شالت روده من

عالتسريحه وحطتها على شعرها فوق اذونهاطالعت وجها

ماكان فيه مكياج كلعاده وابتسمت لنفسهابرضا وطلعت برا غرفتها

راحت المطبخ وخذت لها كاس عصير

ماريا:ماما جومانه انتي هلوووه كثير

جومانه:شكرا,,,وين البنات

ماريا:كلو برا في مزروع

جومانه:اها طيب,,,وطلعت من عندهم

خرجت وشافت الكل متجمعين

البنات يصارخون:واااو جومانه

غاده: شنو هالحلا هالبس مزود حلاتك

مي:بس لو مكملته بلميك اب

سوسن:والله انك حلوه مره بدونه بس اتمنى اشوفك بلمكياج

منار:اتصدقون اني مستغربه ليش ماتحط مكياج وهي متزوجه

احلام وهي تطالعها:يمكن منصور مانعها

طالعت فيها جومانه:لامامنعني انا ماحب احطه فهمتي

........:مساء الورد

البنات الا احلام ظلت ساكته وتطالع:هلا والله غلا

جومانه:هلا والله بلقب الطيب

حنان:هلا فيكم

سلمت على كل البنات وطالعت في جومانه:اخباركم بنات

البنات:تمام اخبارك

حنان:الحمد لله انا تمام,,,وضحكت,, جوجوالاحمر طالع عليك جنان خيال

استحت جومانه:مشكوره عيونك الحلوه

شوي وجاتهم ام رنى وسلمت على حنان الي حبتها

واجد وكان معاها فراس وشالته حنان منها لانها تنجن على الاطفال

ام رنى:جومانه عمتك ملاك تقول تعالو كلكم هناك عندهم

غاده:بس الشباب متجمعين كلهم عندهم احراج

قامت منار:اقول قومو اشتقت لحبيبي

احلام خايفه لايفشلها منصور اوملاك

سوسن تطالع في جومانه وهم متوجهين للجهه الثانيه

من المزروع:جومانه زوجك راح يخق عليك شكلك حلو حيل

ابتسمت جومانه وبنفسها بلاك ماتدرين

احلام كانت تطالع جومانه بكل كره وغيره ماتبي منصور

يشوفها بهاالشكل لانها كانت روعه خاصه في اللون الاحمر

شافتهم ملاك جاين:لازم عزيمه ولا ماتجون

منار:احمدي ربك في ناس ماكانو يبون يجون

ملاك:ههههههههه صدق ليش

منار وهي تطالع غاده:يقولون احراج عشان الشباب

محمد:هههههههههه أي احراج كاهم جالسين وماعندهم بعد

غاده ومي قلبت وجيهم احمر من الفشيله

سلمت حنان عليهم وكانت مستحيه حيل اول ماقربت من

صقر مدت يدها بسرعه وصافحته ومشت

ملاك:وين جوجو ماشوفها معكم

انتبه منصور لعمته الي مطنشته طول اليوم

منار:راحت لحمود وميمو تبي تتطمن عليهم وبتجي الحين

ملاك:ماعرفتوني على الحلوه الي معاكم

غاده:نسينا بسبة زوجك المحترم فشلناهذي حنان بنت مدير صقر

انتبه صقر لأسمه وطالعها وبعد عينه والتفت للجه الثانيه

وبنفسه مديري يعني بنت هذا الرجال الي جانا في بيت ابومنصور

ملاك ضحك على كلامها:هلا وغلا حنون

حنان:هلا فيك

طالعها صقر مستغرب يبي يتذكر لكن ماقدر ونزل عيونه عنها
احلام تطالع منصور وانتبهت لهاملاك ونظارتها بستهزاء