الـــــ ج ــــــــــــزا الــــــــــ خ ـــــــــــامـــس ((( 5 )))
تحدد موعد ملاك هجير وعبدالله
هجير: نزلت لامها لقت اختها اسماء نايمه على رجول امها تمنت تنام يوم على رجول امها وتحس بحنانها تنهدت وجلست قالت يمه
موضي: وهي تلعب بشعر اسماء نعم
هجير: بحياء امممم يمه امممم
موضي: امممم انطقي وفكينا
هجير: بحياء مابقى على الملاك شي وانا ماشتريت فستان
موضي: وش وله الاسراف البسي من الي عندك
هجير: ضاق صدرها بس يمه انا ماعندي فستان سهره وينفع للملاك
اسماء: وفستاني الي عطيتك اياه العام
هجير: كان وسيع علي وقصير بعدين قديم
اسماء: انطمي احمدي ربك اني عطيته اياك والا فيه محتاجين طلبوه مني وانا رفضت
هجير: بضيقه لاماقصرتي وسكتت
اسماء: حبت تقهر هجير مسكت يد امها وهي مازالت نايمه على رجولها يمه
عطني فلوس ابروح اشتري للملكه
موضي: اذا جاء ابوك قلت له جايته 20 الف ويارب مايبخل فيهم علينا مثل عادته
اسماء: وليش يبخل حنا لنا حق منهن موهو لحاله بس
هجير: حزنت وهم يتقاسمون مهرها قدام عيونها بس ماحبت توضح قالت اجل يمه لو سمحتي ابطلع مع اسماء
موضي: قلنا لك ماعندنا فلوس تعرفين حنا على قد حالنا
هجير: ومهري يمه
موضي: ووجع تمنين علينا بمهرك
حمد: ورا صوتكم طالع
موضي: شوف هذي تمن علينا بمهره وتقول ابشتري ومادري وشو
حمد: قرب لها وجرها مع شعرها وش تقولين انتي مهرك من حقي مو انا ابوك من حقي اتصرف فيه واسدد ديوني وان سمعتك مطالبه فيه مره ثانيه اقص لسانك قص فاهمه اولا
هجير: وهي توجع خلاص فاهمه ومابي منه شي
حمد: اذلفي التفت على موضي ترا بكره الملاك
موضي: خلاص عط اسماء فلوس تروح تشتري فستان
حمد: رمى عليها 200 ريال ولاتحلمون بغيرهم
هجير: راحت لفراشها تبكي عليها زي ا لعاده وتناظر فوق يارب عجل بفرجي ياااااااارب
فــــي بـــيـــت مـــتـــعـــب
امل: زاد معاها الطلق وكانت تروح وتجي بالشقه من زود الالم وكل شوي ترفع راسها للسماء ان ربي يسهل عليها ويخليها لعيالها دقت على متعب بعمله
متعب: الووو
امل: متعب تعال انا تعبانه شكلي قريب اولد
متعب: خلي الجيران يودونك انا بعملي ومو راضين يطلعوني
امل: تكفى حاول الله يرحم والديك
متعب: قلت لك موراضين فاهمه اولا وسكر السماعه
بندر: ابو خالد روح وانا امسك الشغل عنك
متعب: وهو يقلب بالجريده لا ماله داعي الجيران مايقصرون
بندر: الجيران مو اولى منك بزوجتك
متعب: بندر مشكور على فزعتك وكمل شغلك لاهنت وبطل لقافه
بندر: وهو يشيل اوراقه الله يصبر زوجتك بس عليك
متعب: والله يصبرني على لقافتك
امل: دقت على حنين
حنين: الو هلا اموله
امل: وهي تحاول تتصبر حنين ممكن تجين مع السواق توديني للمستشفى
حنين: من عيوني ياعمري دقايق وانا عندك سكرت السماعه ونزلت مالقت امها فيه سالت الشغاله قالت يروح اجتماع قالت احسن راحت مع السواق واخذت امل ووصت ام الجيران على خالد وعمر جلست تنظر الفرج شوي الا يبشرونها ان امل جابت بنت طارت من الفرحه جلست تنزرها تقريبا ستعه من الدكتورة تدخلها عندها
امل:وربي مادري كيف اشكرك حنين
حنين: باستها لاتشكريني ولاشي بعدين قبل ماجيك شفت الكتوكوته تجنن الله يحفظها
امل: سليمه
حنين: الحمد لله سليمه
امل: نزلت دموعها يارب لك الحمد بس ممكن اطلب منك طلب مع اني عارفه انه صعب عليك حنونه واسفه اني كثرت عليك
حنين: سمي امريني
امل: قبل ابسالك عمتي عارفه انك عندي
حنين: هزت راسها نو
امل: ماتخافي تعرف
حنين: ههههههههه ماما موفاضيه عندها اجتماع عمل مع نساء الاعمال يعني راح تسهر الى الفجر وترجع سيدا غرفتها
امل: حنين انا مابغى اعصيك على عمتي بس ابطلب منك هالطلب وعارفه انه صعب عليك بقوه بس تعرفي قلبي العيال لحالهم وخالد مايقدر يدبر عمره وعمر صغير وابوهم سيدا من الشغل عنده طلعه لان اليوم الاربعاء ماراح يرجع الا الجمعه ممكن تجلسي انتي وشغالتك عند عيالي
حنين: حبيتي مافيه مشكله بس ماقدر اجلس ببيت زوجك المتوحش
امل: وهي تبلع ريقها عارفه مابغاك تجلسي ببيتي خطر عليك اصلا ابغاك تاخذي العيال لبيت وسمتت شوي كملت بتردد بيت تركي لان مافيه احد
حنين: كان امل صبت عليها مويه حاره انا اروح هناك مستحيل
امل: حبيتي انسي الماضي والحين مافيه احد مهجور من زمان ماغير اروح له انا كل خميس انظفه وارجع هو من زمان مسافر وماراح يرجع الحين سالته قالي لسه باقي لي سنه بعد
حنين: اسفه اعذريني
امل: بحزن معذوره وعيالي ربي يحرسهم
حنين: زعلتي مني امل
امل: لاقلبي مستحيل ازعل منك جمايلك مغرقتني وانا ابحاول اطلع على مسؤليتي
حنين: لا اموله لازم تجلسي كم ساعه تحت ملاحظتهم
امل: عيالي بحاجتي حنين وتعرفي لا اهل ولا احد مالهم غير الله ثم انا
حنين: خلاص اموله لاتطلعي انا راح اخذهم هناك
امل: مسكت يدها لا حنونه لاتجبري نفسك على شي انتي ماتبغينه
حنين: لا حبي من يحصل له يجلس مع خلودي وعموري
امل: وربي مادري وين اودي جمايلك حنونه انتي كنز خسران من يفرط فيك
حنين: حاولت تخفي حزنها ودموعها الي تحجرت بعيونهاباستها مع راسها قالت خلاص لاتكبري راسي يالله تاخرت على كتاكيتك
اخذت العيال وهي مره مرتبكه بس بعد مادخلت البيت نست نفسها مع عمر وخالد
خالد" خاله حنين
حنين: ياعيون خاله سم خلودي
خالد: مع وين القبله ؟؟؟
حنين: وجهته ونزلت مستواه خلودي تونا ماذن
خالد: ابسجد سجود الشكر ان الله رزقنا ببنت وحفظ لنا امنا ورزقنا بخاله حنونه زيك
حنين: ضمته ودمعت عيونها وانا ابسجد معاك انا وعموري قالت بقلبها سبحان الله ماكان عمره 9 سنوات ربيت يامل ابنك على طاعة ربك الله يوفقك ويسعدك
خالد: لازم نفرش اسنانا قبل ننام الظهر
حنين: يالله حبيبي نامو شوي علشان العصر نروح نزور ماما ويمكن يسمحون لها تطلع هي والكتوكته معانا
خالد: خاله
حنين: عيون خاله
خالد: شفتي الصغيره
حنين: ايوه حبيبي شفتها حلوه زيك
خالد: تشوف والا زيي
حنين: لاحبيبي ان شاءالله تشوف والطبيب طمنا عليها
خالد: شفتي ليه انا احب ربي قوه
حنين: ليه
خالد: لاني دايم ادعيه ويستجيب لي دعيته ان ربي يرزق امي بنت تساعدها على شغل البيت ورزقها ودعيت انها تكون سليمه علشان ماتتعب معاها ويكرهها ابوي وتجلس امي تربيها وتسهر عليها لحالها
حنين:دموعها نزلت بس ماحاولت توضح حبيبي منو قال كان ابوك يكرهك مافيه ابو يكره ولده
خالد: خاله انا صح ماشوف بس اسمع وسمعي قوي يالله تمسين على خير
حنين: الله يهديك يامتعب ايش قلبك الحجر تعذب ولدك وزوجتك ولاتحس ولاتحن كل الرجال انانين ولايحبون غير انفسهم الا اخوي طلال بس غيرهم راحت لغرفة العيال وبعد ماتطمنت عليهم جلست بالصاله جلست تقلب بالتفلزيون الا وتسمع صوت باب الفله يففتح ويتسكر خافت حيل نزلت بشويش وناظرت بالب مافيه احد لفت تبي ترجع ماحست الا هي بصدر رجال عرفت ريحة عطره قبل ترفع عيونها ريحه بهد ماكانت تحبها مووت صارت تركها حيييييل
رفعت عيونها بشويش وهو ماسك ذراعها شافت الشخص الي جرحها الي قتل كل ذرة سعاده فيها شافت الشخص الي خلاها تمشي بين الناس بقلب ميت بدون مشاعر ولا احاسيس شافت الشخص الي وفت له بحبها وعطته قلبها وهو ذلها وفشلها قدام الناس وخلا سيرتها على كل لسان
تركي: حــــــنـــــــــيـــــــ ــــن
حنين: دفته وجري لغرفة الشغاله وهي ترجف من الخوف وتضارب مشاعرها بسرعه قالت للشغاله هاتي عباتي ويالله مشينا مع السواق ووصيه على العيال
سيتي: طلعت لتركي وهو كان سرحان لف بسرعه يوم سمع الباب فرح يظنه حنين بس ماتت ابتسامته يوم شاف الشغاله ا
لشغاله: اهنا فيه يروح ومدير تقول شوف انت بيبي مدام امل
تركي: هز راسه لها وجلس على كنب الصاله
حنين: طلعت من الباب الخلفي وهي تصب عرق
تركي: بعد ماسمع الباب سكرت عرف انها طلعت من الباب الثاني لانها ماتبغى تشوفه هز راسه مالومك حنين الي سويته فيك موسهل بس وربي احبك وامووووووووت فيك
يـــــــوم مــــــــــلاك هــــــجـــــــــير وعــبـدالله
هجير: كانت حزينه لان عبدالله راح يشوفها بفستان موحلو ابدا بس كل ماتذكر انه ساعات بس وتكون ملك للي راح ينقذها من عذابها ان شاءالله تفرح وتنسى فستانها وتقول عبدالله حبني لروحي مولشكلي تمنت تدخل عليها امها واختها يكونو حولها بس للاسف كانت لحالها مافيه احد حولها طبعا ابوها رفض يحط حفله علشان الخساير جاء عبدالله وابوه واخونه على شاهي وقهوه
الشيخ: وين ولي امرها
عبدالله: شوي ويجي ان شاءالله
في المملكه
رنا: الو تلولي ابغى تحولي 30الف حبي الحين
طلال: ليه حبي وين مهرك
رنا: حبيبي اعجبني فستان روووعه ابغى اشتريه ومهري ببطاقتي الثانيه والبطاقه الي معاي ماتغطي
طلال: حبي 30 الف موكثيره
رنا: تلولي كثيره على رنو
طلال: وربي موسالفة فلوس الخير واجد بس رنا هذا اسراف
رنا: خلاص مابغى
طلال: لاحبي دقايق واجيك واشتريه لك راح لها واشتراه وطلب منها ترجع معاه بس هي قالت مواعده صديقاتها هنا طلع وخلاها والجو كان مطر مايشوف زين علشان كذا كان يسوق على مهله قرب من حارتهم الا شوي يشوف سيارة هيلوكس تقرب منه يحاول يبعد عنها بس لف لفه خطيره ونقلب بوسط حفره
حمد:ياربيه وانا وش طلعني بالوقت الله ياخذك هجير انتي وملاكك حتى بيع الخضره ماكملتها بسببك يؤؤؤ ماشوف زين اوووف قدامي سياره بس عجزت اميز ياساتر شكلها انقلبت نزل وشاف رجال ملطخ بدمه ياساتر انا حديته على هالحفره لازم اهرب قبل تجي الشرطه
بس كان وكان واحد من الحاره شافه وسجل الرقم وطلب الاسعاف لطلال
فـــي بـــيــــت حــــــــمـــــــد
موضي: وش تخربط انت
حمد: وهو يكلمها من بقاله الي سمعتي هوانا ابسافر الحين للبحرين مابيهم يمسكوني ان مسكوني غرموني وسيارة الولد غاليه
موضي: طيب احد شافك
حمد: ماكان فيه احد ربك ستر بس لازم اختفي هالوقت هذا
موضي: والملكه وش نزين بها
حمد: الله ياخذ وجه الشؤم هجيرووه حتى بملاكها شؤؤم علينا (( طبعا التطير حرام))
موضي: نادت عبدالله والله ياوليدي فشله منك بس حمد جاه سفره فجاه عنده عمل
عبدالله: ماخبرت زوجك عنده عمل حده بيع خضره
موضي: الله يهديك ياوليدي تتريق بزوج خالتك
عبدالله: لامحشومين بس شي يقهر خالتي مجهز كل شي وفجاه تقولين مافيه ملكه الا بعد شهر
موضي: تتصنع الحزن مكتوب ومقدر ياوليدي ويمكن خيره لك
عبدالله: الخيره فيما اختاره الله الشكوى لله وطلع هو وابوه واليشخ
اسماء: طارت من الفرحه وركض على غرفة هجير
هجير: فرحت ظنتها جايبه الدفتر
اسماء: لاتتلفتين يالحلوه مافيه دفتر ولاملكه ولايحزنون هههههههههههههه
هجير: تمزحي معاي
اسماء: عمري مزحت معاك
هجير: هزت راسها بلا
اسماء: يعني ملكتك تفركشت ويالله بعد شهر تتملكون باااااااااي وسكرت الباب بقوه
هجير: معقوله ليه ليه ونزلت دموعها
فـــــــــي الـــــمـــــــســــــــت ـــــــفــــــى
نوره: كانت متورتره بقوه وتروح وتجي عند باب الغرفه تنظر الدكتور
هشام: كان جالس وحاط يدينه تحت ذقنه وكل شوي يشوف الباب وساعته
حنين: كانت تبكي بحسره
نوره: التفت عليها خلاص انتي اسكتي تراك ادوختينا
حنين: خايفه عليه ياماما خايفه هذا طلال نور عيني مو سهل
رنا: ركضت لحنين وبكت معاها ايش صار عليه حبيبي ليتني ماتركته لوحده
نوره: بعصبيه اوووووووووف ممكن تسكتون وتخلوني افكر
الدكتور: طلع وواضح عليه اثار الحزن
نوره: هابشرنا دكتور
الدكتور: الحمد لله مازال على قيد الحياة بسسسسسسسس
نوره: مستحيل انتم حيوانات مستحيل اخلي طلال عندكم
حنين ورنا سمعو الخبر وصررررررررررررررررررااااا اااااااااااااااخ
انتهى الجزاا
رتحتو الحين وعرفتو بعض الغموض الي يلف حنين وسبب حزنها بس باقي سؤال ايش بينها وبين تركي؟
ايش صار على طلال؟؟؟
وهل ملاك عبدالله وهجير راح يتم؟؟
انتظر توقعاتكم على فارغ الصبر
فائدة:
قال ابن دينار :
ما أحببت أن يكون معك في الآخرة فقدمه اليوم
وما كرهت أن يكون معك في الآخرة فاتركه اليوم
::
::
::
::
::
|