الـــــ ج ـــــــزا الــــســــابــــع (( 7 ))
فــــــي بــــــيــــــــت حـــــــــمــــــــــد
موضي: ياربيه ابوكم وامسكوه والنسره نوره تبي تجي لبيتنا اكيد راح تثمن لنا البيت اكيد مانملك غيره
اسماء: واحنا وين نروح ياربيه بس
هجير: توكلو على الله ربي راح يحمينا
شوي الا يدق الباب
موضي: ابروح افتح لها واتحفى بها يارب تلين وتعفي وش هالمشكله الي طبت فوق روسنا ياربيه بس
نوره:دخلت وهي متقززه من بيتهم وميلت شفايفها وكارهه الي حولها
موضي : تفضلي ام طلال
نوره: تناظر فرشتهم واشرت باصبعها بكل اشمئزاز على فرشتهم تبغيني اجلس هنااا
موضي: لو تبين اجلسي فوق راسي اجلسي
نوره: اااف الحين كيف اعوض عن خسارة واعاقة ولدي حتى بيتكم الي خططت ابيعه مايجيب حظيره لحيوانات ( الله يكركم)
موضي: هذاك عارفه الحال وان سامحتونا ربي يبي يعوضكم خيرويشفي ولدك ان شاءالله
نوره: التفت عليها وناظرتها باستحقار حبيتي كلامك هذا مايمشي معاي انا طول الليل فكرت بتعويض ولقيته
موضي: وجعها قلبها الي هو؟؟؟؟؟
نوره: تكتفت تزوجني بنتك لطلال
موضي: ازوج بنتي لولدك معاق واعمى يعني اهدم مستقبل بنتي كذا
نوره: التفت عليها بغرور وناظرتها باستحقار ضحكت بتريقه يعني لو ابني مو معاق تظني راح اخطب منكم وتاشر باصبعها عليها بس هو معاق ونفسيته صعبه مره ومافيه احد راح يقبله وانا صراحه تعبت معاه ابغى له زوجه تكون ممرضه وزوجه له بنفس الوقت
اسماء: كانت تسمع هي وهجير من وراء الباب حطت يدها على فمها تمنع بكاها ونزلت دموعها
هجير: حطت يدها على كتف اسماء تطمنها لاتخافي امي اكيد ماراح تقبل
اسماء: بس انا خايفه اخاف تضغط عليهم
هجير: توكلي على ربك وماعليك وحضنتها تهديا راحمه اختها كثير وخايفه بس ماحبت تبين لأسماء تخوفها اكثر
نوره: هاه وش قلتي ؟؟؟
موضي:ام طلال مافيه حل ثاني
نوره: مافيه وعلى فكره ابطلع زوجك وفكري انتي وياه زين وبكره او بعد يومين بالكثير ردو علي احمدي ربك اني حنيت وطلعته والا المفروض يعفن بالسجن على اذنك انكتمت من خياس بيتكم لازم اروح اخذ لي حمام سوني بعده اااااف قررررف
موضي: بعد ماطلعت نوره جلست وتصفق بيدينها ياهالورطه الي تورطنا فيها
اسماء: ارتمت بحضن امها يمه مابيه مستحيل اتزوج معاق انا مستحيل توني صغيره وجلست تبكي
موضي: يابنتي خلي ابوك يطلع من السجن ونتفاهم
هجير: راحت لغرفتها مسكينه اسماء سبحان الله ربي انقذني والا لو عبدالله ماخطبني كان اهلي راح يزوجوني له مسكين طلال بعد ماكانت كل بنت تتمناك صار حالك كذا الله يشفيك يارب
فـــي الـــــــــمـــدرســـــــ ـــــه
هجير: اخيرا انتهينا من الامتحانات
حنين: بحزن انتهينا من الامتحانات بس ماتنهينا من الاحزان كل ماقول الحزن ودعني يرجع لي وامتلأت عيونها دموع
هجير: مسكت كتفها افااا حنونه خابرتك مؤمنه بقضاء ربك
حنين: اصلا شكلي ماراح انجح لاني ماذاكرت شي عادي ماراح تفرق اصلا فاتتني كم سنه خل هالسنه تلحقهم
هجير: ليه فاتتك كم سنه
حنين: لاني مرت بظرووف انقطعت فيها عن الدراسه عن الناس كلهم وبعد ماحاولت انسى رجع الكابوس ثانيه وجاء هم اخوي طلال تخيلي خطيبته تخلت عنه قسم كرهتها هجير من قلبي اتوقع الدنيا مصالح ومافيه حب انا وطلال بلاني ربي بناس غشاشه وكذابه
هجير: مسكين طلال الله يعوضه بخير منها تعرفي ان امك امس جت لبيتنا تخطب اختي اسماء
حنين: من جد
هجير: وربي
حنين: امي استغرب كيف تفكر اصلا ماتوقع اخوي طلال يرضى اخوي مصدوم وماتوقع راح يتزوج ثانيه واصلا الحين نفسيته صعبه وماحد يقدر يتفاهم معاه
هجير: تعرفي لو عبدالله ماخطبني اكيد اهلي راح يزوجني لطلال يبغون الفكه مني باي طريقه
حنين: طيب اسماء راضيه
هجير: كانت امس بس تبكي وتترجى امي وابوي انهم مايزوجونها
حنين: مستحيل اسكت مستحيل
******************************
فـــــــــــي قـــــــــصـــــــر اهـــــــــل طـــــــــلال
حنين: يمه تفكيريك كذا غلط
نوره وهي تقرا مجله وحاطه رجل على رجل تفكيري عين الصواب
حنين: يمه اسماء صغيره عليه وحرام تظلمينها وتظلمين اخوي معاها واصلا ماتوقع طلال راح يوافق
نوره: ماشاورته يوافق غصب عنه انا ماعندي استعداد اجلس معاق في بيتي
حنين: يمه صدقيني تفكيرك غلط بغلط وانا مستعده اهتم في طلال مالكم شغل فيه بس تجبرون بنت عليه لا
نوره: جب ولاكلمه وفارقي عن وجهي
حنين: يمه بس
نوره: قلت لك جب واطلعي برا
حنين: سمي يمه ونزلت راسها وطلعت وقابلها هشام عند الباب مسكها مع كتوفها ورفع عيونها ايش فيك حنونه
حنين: بلعت عبرتها مافيني شي وراحت
هشام: دخل عند نوره ايش فيها حنين
نوره: وجعت راسي من جد مزعجه
هشام : ايش صاير؟
نوره: ماحبت توضح له السالفه تخاف يرفضون خطبتهم وتنذل قدامه ان ولدها مرفوض حنين دلوعه وتحب تعارضني بكل شي على اذنك عندي موعد عند خبير البشره باااي وطلعت
هشام: جلس على الكرسي بعد ماطلعت عمر حنين ماكانت دلوعه بس اكيد صايره سالفه قويه عارضة مخطاطاتك الشريره يام الشر
**********************
فـــــــــي بــــيــــــت تــــــــركـــي
تركي: خلاص امل قلت لك لازم تجلسي ببيتي حتى تطلعي من النفاس الحمد لله رجعت الحين وانا المسؤل عنك
امل: توك ترجع تخليت عني سنتين وغبت بعد ماجرحت قلوب بريئه معاك
تركي: ضاق صدره امل ارجوك السالفه انتهت وانا ان شاءالله مستعد اداوي هالجروح
امل: عصبت ليه هي لعبه عندك تجرحها وترجع تداويها خلاص ياتركي هي تكرهك الحين وماتطيقك
تركي: بس انا احب التراب الي تمشي عليه ومستعد اسوي أي شي بس ترد لي
امل: مستحيل الي سويته فيها موقليل
تركي: بس هي قلبها كبيررررر
امل: القلب الكبير جرحته جرح كبيررررر
تركي: قام وهو معصب خلاص امل اخوك هان عليك وانا احبك واوموت فيك
امل: نزلت راسها بحزن عمرك ماهنت علي ياخوي بس الي سويته موقليل
تركي: خلااااااااااااااااااص مابغى اسمع شي وطلع وخلاها
امل: تنهدت بحزن الله يهديك ياخوي
فـــــــي بـــيـــت حـــمـــد
موضي: قلي وش الصرفه الحين بليتنا ببلوه كيف نتخلص منها
حمد: مافيه غير ان بنتك اسماء تتزوجه وتنقذ ابوها
اسماء: مستحيل يبه مستحيل اقضي عمري مع معاق
حمد: ياغبيه معاق ماختلفنا بس فلوسه واجده كبري عقلك
اسماء: تبكي على صدر امها مابي فلوسه ليه ماتزوجنه هجير وتستفيدو من فلوسه
حمد: هجير مخطوبه وقريبه زواجها مانقدر وش نقول لعبدالله
موضي: قسم ان اختي تاكلنا بلسانها اكل وتعرفينها قويه
اسماء: طيب انا عندي فكره ابقولها لكم تنقذك يبه من السجن وتنقذني من عذاب هالمعاق وترضي خالتي ونستفيد من امول هالناس كنز وطب علينا
قالت لهم خطتها
موضي وحمد فكرتك ممتازززززززه
حمد: هالبنت طالعه ذكيه علي ههههههههههه
موضي: لا وع طالعه علي انا فديتها بنتي بس وتضمها على صدرها
اسماء: طايره من الفرحه لانها تخلصت من زواجها على طلال واحتمال تكسب حبها القديم عبدالله
هجير: جت من المدرسه فسخت عباتها بس شافت علامات الحزن بوجه اهلها
حمد: هلا ببنيتي
هجير: باسته مع راسه هلا فيك يبه وراحت تبوس امها بس ايش فيكم ؟؟
حمد: بحزن مصطنع خلاص ابودعكم راح انسجن
هجير: ليه اسماء رفضت
اسماء: ايش تخربطين انتي مستحيل ارفض واتخلى عن ابوي انا مو انانيه بس حللنا انا وياه وطلع التحليل غير مناسب وجلست تبكي دوموع التماسيح طبعا
هجير: الحمد لله ربي انقذك قلت لك حبيتي ربي راح ينقذك
موضي: بس النسره نوره موراضيه تقول عطوني الثانيه
هجير: كان قلت لها مخطوبه
موضي : قلت لها ورفضت
هجير: ترفض او تطق راسها بالجدار اصلا خالتي وعبدالله راح يوقفون بجوهها
موضي: قلنا لخالتك زعلت بس بعدين تقبلت الوضع لانها ماترضى على حمد ينسجن وراضيناها بتزوجينا اسماء لعبدالله
هجير: قامت واقفه أيــــــــش اكيد عبدالله ماراح يرضى
اسماء: الارضي
هجير: تفاجأت وماصدقتهم خلتهم وراحت بسرعه للمقلط واتصلت على نوف وتاكدت منها بس تفاجأت ان كلامهم طلع صح وعبدالله وافق على اسماء لان امه اجبرته عليها وهو ماقدر يرفض سكرت السماعه وخلاص الدنيا ظلمت بعيونها
حمد: دخل عليها الحين راح ندق عليهم ونقولهم انك موافقه اكيد ماراح ترضين لابوك ينسجن ابتسم لها بحنان وترجي
موضي: افاا عليك هجير طول عمرها حنونه وماراح تتخلى عن ابوها الي دللها طول عمرها
هجير: رفعت عيونها لهم وشافت الفرحه بعيونهم ناظرت اسماء الي كانها تبي تطير من الفرحه قامت ومرت من عندهم سوا الي تبون دخلت غرفتها ارتمت بفراشها لان ماعندهاسرير وخلت دموعها تنزل بغزاره
*****************************
فــــــي قــــــصــــــــر اهــــــــل طـــــــلال
على الغداء
نوره: مبسوطه خلاص ردو علي وانهم موافقين بس بكره راح يروحون يحللون
حنين: بضيقه الله يوفقهم بس ماتوقع ان طلال راح يوافق
نوره: راح يوافق غصب عنه موبكيفه
هشام: كان يراقب ويأكل وساكت اصلا ماهتم بالموضوع كله
حنين: بس ترا اسماء صغيره عمرها 17
نوره: لا مو اسماء الي راح تتزوجه اختها هجير
حنين: هجيررررررر لاااااااااا
هشام: طاحت الملعقه من ايده وشرق بأكله كح كح
نوره: ايش فيكم انتم وعطته المويه هشام حبيبي ايش فيك بسم الله عليك
هشام:حاول يمسك اعصابه وهو يحس براكين جواته تثور
حنين: يمه هجير مخطوبه كيف ترضى
نوره: الطمع الله يكفيك شره فكو خطبتها وراح يزفونها لطلال طمعانين بفلوسه
حينين: عمر هجير ماكانت طماعه بس يمكن اهلها اجبروها
هشام: يتكلم معصب أي قلب لك يانوره توافقين ا ن اهلها يجبرونها على ولدك وتفسخ خطبتها من رجال سليم وتاخذ ولدك المعاق ترضينها لبنتك
نوره: ببرود والله مادام امها وابوها راضين انا ايش دخلني اهم شي سعادتي ابني
هشام: راح تظلين انانيه طووول عمرررك وقام وخلاها
نوره: هذا ايش فيه عصب من جد تخلف
حنين: قامت وخلتها
نوره: بالطقاق انتي وياه قامت وراحت لطلال
*****************************
طلال: انا مراح اتزوووووووووج
نوره: راح تتزوج غصب عليك فاهم اولا انا ماعندي استعداد اراعي ولد معاق
طلال: بحزن مابي منك مراعاة حنين راح تراعيني
نوره: حنين ماراح تدوم لك وانت عارف انها راح تروح لزوجها يوم من الايام
طلال: فلوسي تخدمني
نوره: عصبت بقوه شوف عاد ياطلال بطل دلع انا حاجزه افخم قصور الرياض وكلف علي اكثر من ميتين الف ايام خطبتك لرنا تسرعت وطلقتها وسكت ماقلت لك شي بس راح ازفك فيها بنفس الموعد فاهم اولا والا وربي لا انا امك ولاتعرفني طلعت وسكرت الباب
طلال: رمى كل شي قدامه كل شي غصب كل شي ليه دايم تحسسني اني عاله عليها وانا مااطلع من غرفتي
**********************
فـــي بــــيـــت تــــركـــــي
متعب: وهو شايل بنته راح اسميها رهف
امل: خلاص براحتك
متعب: وانتي الى متى راح تظلين هنا ؟؟
امل: تركي ملزم اني ماطلع من بيته حتى اكمل الاربعين وهو ماقصر معاي جاب لي خدامتين وماقصر علي بشي
متعب: خلاص سالتك انا موتخطبين لي خطبه عن فضل اخوك عليك
امل: سكتت شوي الا يجي خالد جنبها
عمر: راح لابوه وباسه
متعب: شفت اختك تشبه لك
عمر: ايوه هههههه
امل: ضمت خالد روح سلم على ابوك حبيبي
خالد: اندس عندها مابي هو مايحبني يقولها بصوت خافت
امل: مافيه ابو مايحب ولده
خالد: مابي يمه
امل: برحمه وحنان براحتك حبيبي
متعب: رفع عيونه لهم ماتلاحطين انك تفرقين بين خالد وعمر
امل/ الحمدلله عمري مافرقت وكلهم ينامون على يديني وتقول بقلبها هذاك تفهم بالتفريق ليتك تعلم نفسك
************************
فــــــــــي غــــــــــرفة طــــــــــــــلال
راكان: ترا الشركه محتاجه لك
طلال: ماتقصر راكان انت قدها وقدود
راكان: ليه ماتجي لها كثير عميانين ويشتغلون مافيها شي طلال ياخوك خابرك قوي لاتسلسلم للمرض كذا
طلال: انا اعمى ومعاق ومشوه كيف تبيني اواجه الناس ياراكان
راكان: خلك واثق من نفسك الرجال مايعيبه شي بس انت رديت حالك اكثر شوف كيف وزنك نقض وين طلال الضخم
طلال: نفسي مسدوده عن الاكل ياخوك وامي راح تجيبي لي هم ازود
راكان: ايش هو؟؟؟؟
طلال: راح تزوجني غصب والا ماراح تكلمني ابد
راكان: المفروض تفرح ياخوك ماتحزن
طلال: كيف افرح راح تزوجني ناس فكو خطبتهم من رجال لانهم طمعانين بفلوسي امي محرصتني منها بس تقولي ابيها ممرضه خاصه لك لاني ماقدر اهتم فيك وحنين راح يجيها رجال يشغلها عنك ماراح تدوم لك
راكان: وجعه قلبه من طاري حنين حبية الطفوله بس ماحب بيبن طلال ارضى ووافق لاتحجر على نفسك لاشغل ولازواج
طلال: انا مافيه احد يرضى فيني الا بس الي طمعان بفلوسي مابي احد اكره كل الحريم الحين كلهم مايحبون غير انفسهم
راكان: حتى اختك حنين؟
طلال: لاحنين غيررررر
راكان: يمكن زوجتك الجديده غير
طلال: لاماتوقع مع ان حنين مدحتها لي بس حنين دايم طيبه وتناظر الناس بنفس طيبتها
راكان: حط يده على كتفه شوري عليك وافق انت موخسران شي
طلال: الله يسهل
طبعا سووا التحاليل وصارو متناسبين ودخلت نوره هجير دوره في التمريض والتمارين والتدليك الطبيعي علشان تكون ممرضه خاصه لطلال
****************************
فـــــــــي زواج عبدالله واسماء
هجير:كانت بقمة حزنها وتجرع المها
عبدالله: ماكان مقتنع ابد باسماء بس امه اجبرته عليها
ام عبدالله: فرحت لانها اجبرت اختها انها ماتعطيهم مهر زياده وشرطت ان اسماء معاهم بنفس البيت والا يردون مهر هجير الي ضيعه ابوها بس موضي رضت لانهم مايملكون شي
اسماء: كانت مبسووووووطه لانها حصلت عبدالله الي كانت تحبه من زمان
هجير: رجعت من الزواج فسخت فستانها القديم لانه كان لاسماء يعني وسيع عليها لان اسماء اسمن من هجير مع ذلك اغلب الي بالزواج يسالون عنها بس قالت امها انها مخطوبه قالت ليه احزن مادام ربي كتب لي طلال اكيد خيره لي وخلاص المفروض مافكر الافيه بس يارب اتقبله ويتقبلني
*********************
عبدالله: دخل للغرفه قبل زوجته اسماء التفت عليها وهي مبسوطه وتفسخ عباتها توها بدقق فيها طول الزفه وهو صاد عنها تنهد بضيق سبحان الله كنت اتمنى حوريه وجتني اسماء فرق كبير بينها وبين هجير رمى غتره جلش بضيق على الكنبه
اسماء: كانت طايره من الفرحه ماتصدق انها هي وعبدالله تحت سقف واحد علقت عباتها وراحت عند المرايه تعدل من شكلها
عبدالله: يطالع في ظهرها وهي تتحرك سمنتها واضحه وشعرها الخشن مع تعديل الكوفيره بس واضحه خشونته وسمارها الواضح قال بقلبه سبحان من خلق وفرق تخيل هجير يومها صغيره يوم يلعب هو وياها زي الغزال تتحرك من مكان لمكان تخيل يوم كان يجري وراها وان مسكها كانت تطالع فيه بعيونها الوسيعه وكلها برائه وتقول اتكرني عبدالله تكفى يومها يبتسم لها ولخجلها ويتركها تبتسم له بنعومه وتركض بعيده عنه وشعرها الكثير الاسود الناعم يطير خلفها تنهد تنهديده سمعتها اسماء
اسماء:فزت يوم سمعت تنهديته تحركت بخجل وجلست بالكنبه قباله ومنزله راسها تنتظره يكلمها
عبدالله: يوم جلست قدامه قام بعصبيه على اذنك ابتحمم وانام تصبحي على خير وقام وخلاها
اسماء: تحجرت دموعها بعيونها قالت بقلبها عارفه مازالت النسره هجيروه بباله مع اني اصغر واحلى منها بس هي نسره تتمسكن حتى سحرته بس ماعلي مع مرور الوقت راح اكسب قلبه متأكده ماراح يقاوم جمالي ((واثقه الاخت خخخ ))
********************************
فــــــي مــــــــكـــــــــتـــب هـــــــــــــشــــــــــ ام
هشام: جالس بمكتبه الفخم وبكل اناقته وهيبته طالع بحمد حياالله ابو هجير
حمد: الله يحيك ويبقيك طال عمرك امرني مناديني أي خدمه انفذها لك من عيوني
هشام: طالع فيه وبابتسامه بسيطه رفع حاجب توعدني انك تساعدني
حمد: طق صدره ان كنت اقدر عليه من عيوني وانت ماراح تقصر معي
هشام: وقف ولف من عند مكتبه وقرب حتى صار مقابل لحمد
حمد: وقف له طبعا وضح قصره بالنسبه لطول وضخامة وهيبة هشام
هشام: تقدر عليها يابو هجير ومالك الا الي يرضيك
حمد: اجل من عندي اقولك الحين تم وضرب على صدره النحيل من كثر الدخان
انتهى هالجزا
تركي كيف جرح حنين ؟؟؟
هل راح يتم زواج طلال وهجير؟؟؟
ايش الطلب الي راح يطلبه هشام من حمد؟؟؟
كل هالاشاء راح تعرفونها بالجزا القادم ان شاءالله
فائدة:
1- من لاح له كمال الآخرة هان عليه فراق الدنيا .
2 - الدنيا كامرأة بغي لا تثبت مع زوج .
3 - ابعد القلوب من الله القلب القاسي .
4 - العجز شريك الحــــرمان .
5 - فتورك عن السعي في طلب الفضائل دليل على تأنيث العزم
محبتكم همس ((( امي روحي ))
|