[متمردة]

اتركم مع الكره

و الحب اقول انه الكره هذا في وايد حزن




..... الكره ال9 .....



.
.
.
.
.
.
.



في العرس

دخلت ريماس زي الفرس العربيه الاصيله كانت بقمة النعومه و الجمال جمالها الداخلي و طيبة قلبها عكس على
وجها و زادها جمال كانت النوري خلفها تعدل طرحتها الطويله مشت لحد ما وصلت للكوشه و قعدت فيها
متوسطتها بكل هدوء

بدأن البنات يرقصن المها 1 و المها 2 ليلي كانت حدها منقرفه من الفستان و الباروكه لان شعرها قصير
فلبسوها باروكه اما الظبي كانت ترقص بدلع واضح و غنج وكانت مستانسه من كلمات المديح و الإعجاب
فيها و بجمالها اما الجوهر فكانت قاعد و بس مسجات مع خالد بجوالها

اعلنواا دخول المعرس الكل تغطي حتي انونه لبسوها بالغصب ما كانت تبغي تلبس بس اصرن عليها
دخل جهاد بالبشت الاسود وهو متوسط اخوه عبدالرحيم و جسار وكان عناد جمب عبدالرحيم و ياسر جمب
جسار و الشباب كلها خلفهم وصل جهاد للكوشه و طبع قبله على راس ريماس و بدأ الشباب يرقصون
المها 1 كانت عيونها على بدر كان حده طالع حلو و هو الوحيد إللي مع فارس متلثمين و يرقصون سمعت
المها صوت خلفها : شوفي ذا المتلثم يا انه بدر
خويتها : هههههههه وش عرفك انه اسمه بدر ؟!.
قالت : صدق اسمه بدر ؟!..
خويتها : اي ذا اخو الغزال يا الخبله اليوم كانت ملكته على بنت عمه
قالت : اهاا واي وحده فيهم ؟!!..
خويتها : إللي لابسه ازرق و فتحت فستانها لنصف فخذها
قالت : والله انه ماينلام ياخذها بدر و خذاله مزيونه
ابتسمت المها 1 على تعليق خويات الغزال يعني الحمد لله الناس تشوفني جميله و ناظرت ببدر عقبال ما اعجبك
يا بدر انت بس لو تدري بالحب إللي بقلبي كان كل ذول الناس ما لاموني
الجوري ناظرت بنادر اخ بس ياربي متي تصير ملك لي انا بس ابتسمت إبتسامه جانبيه ومن قال يا نادر انت
ملك غيري انت لي وحدي انا و بس
ليلي ناظرت الزين بعدين قالت : اقول بنات فين فارس ما شفته ؟!..
الغزال : يا حظي فارس متلثم زي بدر
ليلي : صدق ليه متلثم ؟!!..
الغزال : لانه يرقص يا ذكيه
انونه ركضت هي مع النور لحد ما وصلت لشباب و قعدت ترقص معهم هي و النور كانت متوسطه بدر و
نادر اما النور حملها جاسر على يده و قعد يرقص فيها
الجوري : شوفوا البزر ذي قاعده تترقص مع الشباب صدق ما تستحي
الغزال بسخريه : اقول الجوري من يتكلم عن مفهوم الحياء اقول خليني ساكته احسن
الجوري : فاهمتك يا الغزال بس انا ما ارقص كذا مع رجاجيل غرب
الغزال بإستغراب : غرب !! ..قاعده ترقص مع بدر اخوها
الجوري بغيره مبطنه : ونادر يا الغزال اخوها بعد
ليلي تدخل بضحك : و تعتبرين ان نادر بيعطيها وجه اقول اسكتي اهاا
خلصوا الشباب الرقص و فتح بدر و فارس اللثام وانصدموا البنات من منظر فارس كان عامل سكسوكه خفيفه
و صابغها بلون اسود و مو بس كذا صابغ شعره و حواجبه كلهم بلون اسود فطالع شكله خفوقي
وحده من الحضور و بصوت عالي و واضح : فديتك يا ابو العيون الخضرا
انحرج فارس حيل و صار وجه احمر و عابد قاله : لا لا و بعد معجبات يا فارس بالنيو لوك الجديد يا معذب
قلوب العذاره ارحمهم
صقر قال : عــــــــــــــــابــــــ ـــــــــــد
فارس جاي بيطلع بس مسكته ايدين انونه وقالت : فالس انت وين لوح ؟!..
فارس قالها : بطلع شوي انونه
انونه بوزت وقالت : لا انت ما تلوح انت تقعد
فارس يبرر : انونه هذا مكان كله حريم لازم اطلع انا
انونه وهي تأشر على الشباب : بس ذوله اهني اقعد انت بعد
فارس : انونه لازم اطلع بعدين اشوفك
انونه تعلن البكاء : لا انت يقعد اهني
جسار إللي حل الموضوع : اقول شباب خلونا نطلع طولنا واجد
ظهروا الشباب بعد ما باركوا لعمهم مع الكل

بعد ما ظهور الشباب فصخوا البنات العبي و بدأن يرقصن عند عمهم اما ريماس بس شافها جهاد انصدم
بجمالها و نعومتها ما توقعها تكون كذا ابدا
اما ريماس انحرجت حيل من نظرات جهاد لها صحيح انها ما ناظرتله غير مره وحده بس تحس بالاحراج بس
احد يناظرها بهذي الطريقه
المها تكلم جهاد : اقول جهاد شوي شوي تره البنت استحت
جهاد انتبه على عمره و ناظر لقدام وعلى وجه ابتسمه بدأن البنت يباركن له و المصوره بس تصور صورة
كل حاجه سواء صور جرافيت او فيديو

انونه انسحيت بهدوء عشان تتصل على جدتها من جوالها طلعت لبره عشان تكلمها براحتها طقت الرقم وقامت
تتكلم
قالت : اهلا مام
...:........
انونه : لا لا تقلقي انا بخير نحنو الان بالزفاف لم ينتهي بعد لقد مللت من هذا كله يجب ان امثل الفرحه و انا
اغلي من الداخل
...:.........
انونه : اجل لا تقلقي سوف اكون حذره
ناظرلت بجوالها لقت كومار يتصل عليها
قالت : مام كومار يتصل الان سوف اكلمك في وقت اخر
...:........
فتحت الخط وقالت : اهلا كومار
كومار : اهلا بوني كيف حالك ؟!.
انونه : انا بخير انت اخبرني كيف حالك انت و بوجا و السيده مالهوترا و تينا ؟!..
كومار : كلنا بخير لا تقلقي انت اخبريني كيف احوالك الان وهل انتي سعيده بالجلوس اخبريني الصدق ؟!..
انونه بتنهد : لا اخفيك يا كومار انا لست سعيد
كومار عرف انه بوني متضايقه فقرر يسعدها : حسنا سوف اخبركي خبر سعيد سوف يسعدك بتأكيد
انونه : ماهو ؟!..
كومار بابتسامه : لقد وافقت بوجا على العريس الذي تقدم لها بعد عناء طويل
انونه بفرح : وااااااو انه خبر رائع لا اصدق ان بوجا سوف تصبح عروسا من الان اقول لك لازفاف قبل ان
احظر
كومار يضحك : ههههههههههههه حسنا وهناك شي اخر
انونه : اكثر من هذا فرحاا لا اعتقد

انونه ما انتبهت على إللي كان خلفها لمحها وهي تمر من جنب الغرفه إللي كانوا قاعدين فيها عشان ينتظرون
التصوير مع العائله استغرب من خروجها بهذا الوقت لكنه تأخر شوي على ما لقي سبب مقنع يخليه يطلع
من غير محدن يحس ضحك في سره ههههههههههههههه والله و طلعتي بنت ابليس من الاول كنت شاك فيكي
وذلحين تأكدة سمعت بإذني بس من ذا كومار إللي تكلمه ؟!..
قرب شوي وسمع انونه تقول ....

انونه بفرح : لا لا لا لا تقلها يا كومار اخيرااا
كومار بخجل : اجل بوني
انونه : يا إلهي لا اصدق ذلك اخيرا بعد 3 سنوات و انت تحاول الخروج معها ولكن كنت متردد كثيرا
كومار : كنت خائف من ردت فعلها
انونه تضغطه : لا تعلم ردت فعلها هااا كومار ايها الخبي.....

ما حست غير حد يمسكها من يدها و يسحب الجوال من اذنها كانت خايفه من ذا
مسك الجوال و حطه على اذنه سمع كومار يقول : بوني بوني اين انتي ؟!..
اغلق الجوال كله مب بس سكر الخط التفت لها وقال : كنت شاك فيكي من اول يوم شفتك فيه بس لازم اعترف
الصراحه انتي ولا احسن ممثله بارعه قدرتي تخدي الكل يا محتاله اجل اكيد انتي مب بنت خالي عناد
انونه بلعت ريقها و قالت : اا...
قاطعها وقال : اي كذبه راح تكذبينها ذلحين كذبت اللعبه اعتقد ما راح تنفع ذلحين مب كذا
انونه ايش ذي الورطه يا ربي من فين طلعي ذا ؟!..
تقدم لها وقال : ايش صار بالعقربه الصغيره البس (القطوه) كلت السانه
انونه بس سمعت العقربه عطته نظره خلته ينصدم زي نظرات خالي عناد لمن يعصب لا لا هذي نظرة يا ويلك
لو وقفت في وجهي
جالهم صوت يقول باين عليه الغضب : انتوا ايش تعملواا هنا هاا ؟!..
عرف صاحبة الصوت فما التفت لها بتاتا كان معطيها ظهر و انونه جنبه قعدت تناظر لها يا الله ايش الورطه
ذي بعد انا ناقصني مصيبه تاني
قالت بغضب لانه ما ألتفت لها : اعتقد اني قاعده اكلم يا نادر ؟!..
نادر ظل ساكت شوي ثمن قال : واعتقد خروجك في زي مثل ذا يا الجوري دليل على قلة الادب
الجوري : انا قليلة ادب اجل وقفتك مع ذي البزر ايش هاا .. كملت بستهزاء : ولا تقولي اختك بعد
انونه الحمد لله ما تعرف شي عقبال من افتك من ذا النشبه بعد
نادر عمل حركه صدمت انونه قبل الجوري حوطها من خصرها وقال بكل غرور : هههههه اختي اعتقد انتي
احتاج الاذن اني اشوف زوجتي المستقبليه وخصوصا منك
مشي هو مع انونه و تركواا الجوري في صدمه عقلها مب قادر يستوعب شي زوجتي المستقبليه زوجته البزر
ذي راح تكون زوجته نزلت الدموع من اعيون الجوري و بكل قهر رمت الكاسه وهي تقول : ما في زوجه لك
يا نادر غيري انا

مشوا لحد ما بعدوا شوي عن الجوري وقفت وقالت : انت انجنيت كيف تقول كلام كذب زي ذا
ناظرها ببرود وقال : و فين الكذب في كلام كيف اشوف وحده مب من محارمي
عقت ايدينها و وقفت وقالت : وانا من محارمك يعني همن انا بنت خالك زيها
اقترب منها وقال : اعتقد سمعتني لمن قلت انك زوجتي المستقبليه
قالت : انت اخر واحد افكر ارتبط فيه سامع ولا تفكر مجرد التفكير اني راح اوافق عليك
ضحك بغرور : ههههههههههههههههههه نسيتي ولا اذكرك انا ذلحين اعرف سرك الصغير يا العقربه
عصبت وقالت : لا تقول عقربه سامع و تبغي تقول لهم روح و ابغي اشوف مين راح يصدق كلامك ؟!..
اقترب منها و صار كتفه ملاصق لكتفها طلع جوال وقال : شوفي
انونه بس شافت الفيديو انصدمت لاااااااااااااااااااااااا اااا مستحيل خططي انتقامي لاااااااااااااااااااااااا ااا حقي وحق
اخواني و امي يروح كله مهب الريح عشان واااحد زي ذا لاااااااااااااااااااااااا اااااااااااااااء
نادر : شفتي يا شاطره اتوقع بعد ذا الفيديو الكل بيصدقني
انونه بملامح غير مفهومه : والمطلوب ؟!..
نادر بانتصار : توافقي وانتي ساكته
انونه ناظرت له : اقدر اسأل ليه انا ؟!..
نادر ناظر لها وهي ياخذ دوره كامله لها : دخلتي راسي بس مزاجي نص ونص
قالت : وإذا قلت لا
نادر بكل ثقه : عشان اعطيكي من الاخر انا في كلا الحالتين ماخذك ماخذك فتعقدين معي صفقة سكوتي مقابل
موافقتك احسن من ما اني اخذك غصبا عنك
ظلت ساكته تفكر في كلامه قالت : وايش يظمن لي انك ما تخون فيني ؟!...
نارد : انا مب من عادتي اخون من يعقد معي اي صفقه فاهمه
انونه : خلاص موافقه
تصافحوا اثنينهم
مدت يدها وقالت : جوالي لو سمحت
عطاها الجوال و غادرت بسرعه عائده للعرس لقت انه عمها جهاد و العورس خلاص قاعدين يقومن عشان
يطلعوا من الصاله مع تهلل ام عبدالرحيم و يباب ام فيصل ((النوري )) شافت الجوري تناظرها بنتظرات
ناريه حارقه بس ما اهتمت هي اصلا ما همها نادر بس معرفته غيرت كل خططها ذلحين لازم تسرع عشان
تخلص قبل ما تنكشف



؛’؛’
؛’؛’
؛’؛’
؛’؛’
؛’؛’
؛’؛’
؛’؛’
؛’؛’