بيت ابو عمر
لاول مره تحس نفسها انثى بمعني الكلمه فستانها لونه بحري ساده مافيه أي
شي يوصل لين الركيه وشعرها خلتهلانه قصير مره بس جعدته حتى
يعطيها منظر احلى لبست الكعب جت تمشي فيه خطوه طاحت سمعت
ضحكه عند الباب لفت شافت سلطان واقف ابتسمت له بفشله : مشكله
الناس اللي ماتعرفشي
زادت ضحكة سلطان قرب منها ووقفها :يالبى هالزين كله بتغطين عالكل
فديت اختي الحلوه
ابتسمت بخجل :يابخت مريم فيك
تنهد سلطان اللي يعرف ان قدامه طريق طويل
ضحكة :كل هذا شوق لها ترى العرس بكره
ضحك سلطان فهمته غلط :فديتها بس متى تيجي
عمر وهو يعدل غترته البيضا وعقاله بيده وريحة العوده اللي انتشرت
بالمكان بثوبه الاسود اللي مزود هيبته هيبه وشموخ اكتافه العريضه
وجسمه الرياضي كان شكله باختصار يذبح صفرت ريوف وهي اطير
الكعب من رجولها
ضحكو سلطان وعمر على شكلها
عمر بابتسامه :خربتي الكشخه
ريوف وهي توقف جنبه : ياشيخ مافيه كشخه بعدك ايش رايك ترقم
ضحك سلطان وقرب عمر مسكها من اذنها على خفيف : ايش قلنا على
هالكلام
ضحكة ريوف :توبه والله توبه
ابتسم لها عمر وتركها سحب سلطان معه :يلا ننزل وانتي خلص
والحقينا غمز لها ياعسل
ضحك سلطان وهو يطلع مع عمر ضحكة وهي تصرخ : توك تعاقبني على
هالكلام يااستاذ
سمعت ضحكتهم وهم نازلين الدرج :الله لايحرمني منكم لفت تناظر الكعب
بتعب : والله مالبسك يااخي تذبح رجولي ورمته برجولها واخذت لها صندل
زحف اخذت شنطتها وعبايتها ونزلت تلحق اخوانها
بيت ابو راكان
بعد العشاء
بالصاله الكبيره
كان فيه عائلة عزام الذيب كلهم وعمام محمد الملكه
عائليه نزلو هدى ودانيه والبنات كانت اشكالهم مميزه وحلوه
احلى وحده فيهم كانت دانيه متالقه بالفستان اللي مالبسته الا بعد حلف من
امها وخالتها هاله وجدتها تحاول تخفي قهرها بابتسامه بارده جلسو البنات
بين الحريم بعد ماسلمو جت هند بابتسامه :هدى دانيه مطلوبين امنيا
ابتسمت هدى بخجل انتفضت دانيه بالم هدى تمشي وهي تحس دقات قلبها
تزيد خجل وحب واخير باخذ من حبيتها حبيب عمري وحياتي حلم الطفوله
ومال الصبى تحس انها تمشي عالورد بعكس دانيه اللي خطواتها ثقيله
تمشي على اشواك قهر كبير وعذاب اكبر دخلو المقلط هدى ابتسامت
الخجل مرسومه على وجهه المحمر خجل ودانيه بدون ابتسامه بوجهها
المحمر قهر كان الجد عزام وابو ماجد وابو عبدالعزيز العمه هاله والعمه
منيره
قربت هدى من جدها وباست فوق راسه ابتسم لها جدها :الله يوفقكم يابنتي
قربت دانيه ويدها تهتز وجسمها تحسه نار من القهر حطت يدها اللي
ترجف على اكتاف جدها وباست راسه حس بيده اللي على اكتافها فهمها
من النظره انها ماتبي فهد الشيب اللي براسه مو من بلاش عاس هالدنيا
وعرف فيها ناس كثير وعاشر كثير يعرف الانسان من عيونه وتصرفاته
بس بيجي يوم يابنت بنتي وتشكريني اني زوجتك فهد الرجال اللي مافيه
مثله بالرجال اللي بنى نفسه بنفسه بعيد عن اهله وابوه لين سار اسمه يهز
السوق هز
سلمت هدى على ابوها اللي باس راسها بابتسامه ودانهسلمت عليهم كلهم
جلسو جنب بعض وابو سالم مستانس بناته لعياله وحقق اللي يبيه ايش يبي
اكثر من كذا ابو سالم بابتسامه وهويرفع الدفتر :اللحين تلاقون الشباب على
نار يبغون الموافقه طولنا عليهم كل وحده تيجي تبصم وتوقع
قامت هدى اول شي وقعت وقلبها يرقص من الفرحه مع انها خجلانه الا ان
سعادت الدنيا كلها فيها تحقق حلم حياتها وسارت لحبيب عمرها
شعوران متناقضان الاول فرحه والثانيه الم وعذاب قربت واول ماشافت
الدفتر غرغرت بدمعه وانهارت كان اقرب لها عمها ابو عبد العزيز سندها
وقفها وبصوت حنون :ايش فيك يابنتي
شافت نظرة امها المتالمه حاولت تتغصب ابتسامه وتوقف حالها قالت
بهمس مخنوق : كنت اتمنى ابوي عندي ناظرت فيه خالي ابي اخواني
ناظرها ابو سالم :خلاص يابنتي يجون لك اللحين
هدى ابتسمت :انا بطلع
اول ماطلعت سمعو زغاريت وصارخ البنات ضحكو الرجال وقام ابو سلم
بنفسه حتى يجيب اخونها ناظرها ابو عبد العزيز اللي كان طبعه حنون
بصوت ملينا حنان ودفى : انا ابوك يابنتي واذا ضامك فهد ترى انتي اولا
منه ابتسمت له مجامله حتى الابتسامه تحسها تجرحها
بمجلس الرجال دخل ابو سالم ونادى اخوانها وقتها فهد ناظر فيهم حس ان
فيه شي وتوتر الكل ناظر فهد اللي كان خارجي ثابت شامخ ولا كان
شي يهزه وهو من داخله متوتر يعرف كيف يصيطر على نفسه زين
بالغرفه دخل اول شي تركي وانبهر باخته وابتسم لها قرب منها واخذها من
حضن خاله : فديت دلوعتنا
دخل مروان بعده قامت له امه وخالته هاله باكرو له سلم على خواله وجده
وباركو له قرب من دانيه بابتسامه :يالبى هالدلع كله
ناظر بامه :وين زوجتي ابيها
ناظرو فيه خواله وجده بنص عين ضحك مروان :بعد احرموني من
زوجتي
ضحك الكل حتى دانيه دخل بعدهم محمد اللي مايعجبه دلع دانيه بس
مايرضى لها الحزن يموت فيها قرب منها سحبها من تركي وحطها بحضنه
تحبه لانه يشبه ابوها محمد الوحيد اللي نسخه منه تشم فيه ريحة ابوها ابتسم
لها محمد بحب وهو عارف اللي يدور براسها دانيه ماعرفت ابوها لانه
مات من سنه من ولادتها فكان اخونها وخوالها هم اللي ربوها تشوف
باخونها ابوها اللي مالحقته ام محمد اول مامات زوجها كانو عيالها صغار
عاشت عند ابوها كان يجيها راتب من اخونها كلهم من غير ابوها وعمام
اخونها لين لمن توظف محمد واصر على امه يرجعون بيت ابوه دانيه
تشوف بجدها ابوها وهذا من الاسباب اللي خلتها ترضى تكسر نفسها
علشان جدها
قرب مروان منها : انا ماابي احضنك مثلهم يكفيك اليوم حضن فهد
احمر وجه دانيه قهر وخجل تركي دف مروان على خفيف
ابو سالم حاول يخفي ابتسامته ويكون حازم :مروان مالحقنا زوجناك قلبت
ضحك مروان :اعذرني ياجدي والله من الفرحه طاقه فيوزاتي
ضحكو كلهم
ابو عبد العزيز بابتسامه :لا والله تضحكون هنا وولدي على اعصابه برى
اهتزت بحضنه وحس فيها ناظر بعيونها نزلتها تركها وجاب لها الدفتر
اهتزتي يدها ثبتها بيده وخلها تبصم بعدين وقعت لحالها حاست حالها تهتز
من الداخل وحررتها تزيد سلمو عليها خواله وجدها وطلعو جى لها تركي
بابتسامه هاديه باس راسها :مبروك يالغاليه والله يوفقكابتسمت له بحب طلع
عنهم جى بعده مروان والفرحه بعيونه والابتسامه بوجه الدنا بكبره ماتوسع
فرحته :مبروك يالغاليه ومبروك لي والله يوفقك ويوفقني ضحكت عليه
غذب الفرحه اللي بعيون خوها تخليها تبيع روحها مو بس ادمر حيتها
راح مروان للباب وقبل مايطلع هز جسمه بوناسه ضحكو عليه امه وخالته
ومحمد حتى دانيه مع الالم اللي بداخلها لكن ضحكة اللي حولها حسستها
بالراحه هذا اللي تتمناه ضحكتهم
لفة لمحمد اللي جنبها من اعطى الدفتر جده وهو واقف مكانه ام عمر وام
محمد طلعو للحريم الليقامت عندهم الزغارت هي واقفه وهو واقف ناظر
بعيونها وهي تناظر فيه حاسه بعيونه كلام تنتظره يتكلم قرب منها وباس
راسها بصوت هادي :مااعرف اعبر عن سعادتي بس بغيت اقولك شي
انتي مو اختي انتي بنتي اللي ماجبتها من اول مامات ابوي وانتي صغيره
شلت هم تربيتك يمكن دائما اهزئك واعارضك كثير بس كل هذ حب
وخوف عليك ابتسم صح مايعجبني دلعك الزايد لكنه مايليق الا عليك اللي
ابيك تعرفينه اني اخوك وابوك وسندك بهالدنيا لاضامك الوقت هالكلام
عني وعن تركي وعن مروان تدرين انك اختنا ونظر عيونا اللي تسوى
عندنا الدنيا كلها انا لمن كنت مصر على فهد ماوافقت الا وانا اعرفه رجال
كفو وهو الوحيد اللي بيصونك ويحافظ عليك حست بالدمعه اللي
بعيونها بتنزل على كلامه قرب منها وبحنان ضمها :تكفين الا دموعك ترها
تكسر اخوانك يالغاليه
بعدها عنه وابتسم يخفف الموقف :يلا لاتيجي مها وتنشب لي بتقول
ماتطلع الرومنصيه الا عند اختك
تقلب مزاجها فجاءه وضحكة :خربت الدنيا الرومنسيه سارت رومانصيه
ابتسم لضحكتها :يلا ياحلوه اليوم طالعه قمر غمز لها :الله يعين قلبك
يافهد طلع وتركها طلعت لهم برى الكل جى وبارك لها
راحت معهم عا الصاله اللي الكل فيها
بمجلس الرجال
باكو لهم كلهم فهد بابتسامة وقار يرد عليهم ومروان من الفرحه اشوي
ويرقص مروان جالس جنب عبد العزيز قاله :تكفى طلبتك خل عرسي
بكرهليش سلطين يتزوج وانا لا
ناظره عبد العزيز بطرف :لعنبو ابليس توك ملك وتي تعرس بكره
تنهد مروان :اه ياعبد العزيز ملكة قلبي من حنا صغاريكفي متحمل اكثر من
عشر سنوات