(الجزء الثامن عشر )
دخلت وهي ترجف اتوقعت تكون اقوى من كذا لكن وضعها اليوم غير
ترجف وتفرك ايدينها دخل ببشته شمت ريحت عطره اللي عرفتها لمن
رقص معها حست فيه قريب عند راسها همس لها بنبر قويه : يعني تردين
الحركه
ماتدري ليش جتها الضحكه وضحكة ردت فعل غريبه هي استغربتها لكنها
ضحكة ناظرها باستغراب وانفعال : انا قلت نكته حاولت تمسك ضحكتها
احيان من التوتر تطلع ردات فعل مانتوقعها ابدا
قرب منها اكثر سحبها جهته وهو يناظر عيونها بنفعال اول ماقرب منها
حس حاله انسحر ضاع بين عيونها مايبي يضعف رمها وطلع من الغرفه
وتنفسه يزيد حست بتوتر بلعت ريقها حسته ناشف قامت غيرت ملابسها
كانت بتلبس بجامه بس اتذكرت حلفت عمتها هاله والله ماتلبسي الا القميص
اللي جبته لمن فتحت الشنطه بغت تصرخ من شكل القميص لكن طلعته
واخذت معها الغرفه غيرت ولبسته مسحت المكياج بمزيل المكياج وفكت
شعرها اللي نزل من التسريحه كيرلي تعطرت ناظرت بنفسها بابتسامه
اتوقعت ان عبد العزيز اللحين رايح لساره فكه ياشيخ لكن اللي صدمها
نظراته وهو ورها قميصه السكري كان عليها راائع ومبين جسمها الحلو
من غير شعهرها الطويل على اكتافاها كان منظرها يعذب حس مغنطيس
يجذبه جهتها قرب منها اكثر وحط يده على خدها دخلها بشعرها حست
بكهربا تسري بجسدها ماكنت متوقعه كانت تحسبه بيتركها لاتقرب
اكثر توترني تذبحني
بعد عنها وبجمود العشاء انتظرك بالصاله وراح وتركها تنهدت لكن أي
رجال انت ابدا ماتنفهم راحت وراه جلسو على طاولة الاكل والعشاءقدامهم
ولاواحد منهم اكل شي قام عبد العزيز ودخل الغرفه يبدل وهي جلست
بمكانها بعد فتره ناداها عبدالعزيز زادت دقات قلبها خوف ايش يبي منها
بالغرفه كان جالس عالسرير ينتظرها تيجي ناظر بيده اللي لمست خدها
وانمدت لشعرها حس بنعومتها ورقتها عكس شخصيتها القويه الجامحه
بذيك اللحظه حس بوجودها فوق راسه الجو متوتر كثير
رغد بتردد :بنصلي
كيف راحت عليه كيف نسى ناظرها بهدوء :بقوم اتوضاء
راح الحمام وهي راحت للشنطه طلعت السجاده وشرشف الصلاه
جلست عالسرير تنتظره
طلع من الحمام وشعره يقطر مويه وجهها بعد ناظرت فيه حست برجفه
اول مره تشوفه بهالشكل كان غير شعره لين اذنه طويل اشوي عكس
شخصيته نزلت راسها بالارض حست فيه قرب طلع من شنطته منشفه
وسجادة صلاه فرشها وفرشت سجادتها وراه
صلو ركعتين سنه كل واحد جلس يسبح بعد فتره كل واحد جالس مكانه
ماتحرك لف عبد العزيز لها كانت بشرشف الصلاه بريئه مو القطوه
الشرسه اللي يعرفها قرب منها غمضت عيونها خوف لكن هو حط يده
فوق راسها يدعي الدعاء المؤثر حست انفاسها تزيد خوف مابيدها تسوي
شي حس برجفتها بعد ماخلص بصوت هادي تكلم : رغد انا من اليوم
زوجك ماراح اضيمك ولااقصر بحقك بكون لك الزوج والاخ والاب
بس اللي ابيه الاحترام ماله داعي نخرب حياتنا بتصرفات مراهقين انتي
كبيره وفاهمه ايش يعني زواج وايش مكانت الزوج انا عني مابقصر
بحقك بشي وكل شي تبينه بيكون عندك
همست: حتى الطلاق
طنش وكانه ماسمعها
بيت ابو ماجد
خلصت صلاه و كانت تقراء قرءان خلصت قفلت المصفح وبقت سرحانه
قطع تفكيرها صوت رون :تقبل الله
ابتسمت موني :منا ومنك
رون بابتسامه جلست جنبها : حلو انا ماننسى القرءان ونهجره
دمعت موني :رون انا ماكنت اقراء من بعد ماصحيت على حالي سرت
اقرا بعد الفجر وبعد كل صلاه حتى لو صفحه اووجه يمكن ربي يغفر لي
حست رون بالغصه عليها حاولت تغير الموضوع :شفتي البنت اللي ابوها
يشتغل مع فهد اخوي
عقدت موني حواجبها :لا ماشفتها
رون بحماس : ياولي يابنت تاخذ العقل تجنن تحسي بس ودك اطلعي فيها
انا احس هذي لو متزوجه زوجها مايطلع من بيته عليها جمال ابن شافت
موني تناظرها بقوى قطعت كلمتها المهم ياشيخه بس فيها شي خرب جمالها
او بالاحرى قبض قلبي منها
ناظرتها موني تحثها تكمل : تخيل اعوذ بالله بس نامصه انا بعرف هذي
ماتخاف ربها وهي ملعونه لمن تناظر نفسها بالمرايه ماتخاف سخط ربي
قلبها مايوجعها وهي عاصي ياريت معصيه الا لعن اعوذ بالله بس
موني وهي تقوم حطت المصحف عالطاوله وقلعت شرشف الصلاه تطويه
: سارت اللحين موضه استغفر الله يشوفنها تطور وهي اصلا رذاله
مايفكرو انه بيجي يوم يقابلو فيه ربيهم بالله ايش يقولو وقتها كنا نبي نتجمل
استغفر الله يارب ترحمنا وتثبت قلوبنا على دينك
طوت سجادتها وقامت عالسرير وراحت معها رون تمددو عالسرير لفت
رون جهت موني ووجيهم مقابله بعض رون بابتسامه :شوفتي كيف انا بنت
اكوس وحده جيت انام عندك وانتم بيتكم كله الغام
ضحكة موني :اخواني سارو الغام وبعدين انتي اللي قلتي بنام عندك
رون بزعل : وانا اللي خايفه عليك اختك بتروح عنك وانا جايه اونسك
ابتسمت موني : فديتك والله ماتقصرين كملت بصوت هادي هامس: تدرين
رون ماكنت احس بوجود مريم كثير كانت اكثر وقتها تعيشه بغرفتها مره
منعزله عنا يعني ماراح ياثر فرقها رفعت راسها لرون : الا صدق دانيو
ماجت
رون حطت يدينها تحت خدها وضمت رجولها نومتها المحبوبه وبصوت
ناعس : تدرين تركي سافر وهي ماتبي تترك عمتي بروحها
موني بهدوء : الله يعينه ويرجعه سالم وينصرهم على من يعاديهم والله اني
ادعي لهم وادعي لعمي ناصر
رون باتسهبال : وولد عمتي بعد لاتنسيه من الدعوه
موني بحزم :رون
رون بهمس: سوري ماقصدي
سكت شوي رون غمضت عيونها وموني تناظر قدامها وتفكر لفت لرون :
اقول رون
رون وهي مغمضه عيونها همهمت :اممممممم
موني بتردد : ماتحسي انو المفروض علينا نغطي على عيال عمي
ومانكشف استغرب مع انو جدي شديد الا نو ماامرنا انا نغطي انا حاولت
اغطي لكن تربينا معهم واحسهم مثل اخواني شوفي رغد وحنان يتغطو
عنهم عادي
رون وهي مغمضه عيونها : هو الدين يفرض علينا كذا وتبين الحقيقه هو
ذنب علينا بس احنا مو قادرين لانا تربينا معهم وهم مثل اخونا وبالنسبه
لجدي هو جهل بس المفروض احنا ننصحه ونقوله هالشي وبالنسبه لرغد
وحنان تعرفين انهم تربو على يد جدهم وفي بيئه تختلف عن بيئتنا تماما
علشان كذا ماهم مثلنا
موني ناظرتها :ليش تتكلمي وانتي مغمضه عيونك
رون بكسل وصوت ناعس : اخاف النوم يطير
ضحكة موني بقو فتره ساكتين بعدين اتكلمت موني :رون
رون وهي مغمضه عيونها: اممممم
موني بحزن : انا خنت ربي واهلي وكلمت نواف انا خايفه من ربي دمعت
عيونها بيسامحني الله على اللي سويتها يعلم الله اني تبت واني احاول اسوي
كل اعمل الخير واتقرب من ربي يمكن يغفر لي بس تبين الصدق باقي احبه
حاولت انساه بس ماقدرت بس مع هذا ماتمكن من قلبي حبه سكتت اشوي
رون لا حبه تمكن مني اليوم لمن دخلت الغرفه وقفت ثواني وانا بكامل
زينتي بكت زود يارب سامحني ماكنت بعقلي احس الذنب يذبحني
ادعي ربي يغفر لي ويسامحني ويشيل حب نواف من قلبي ماادري كيف
قدرت كل هالمده اكلمه واضيع حالي وانسى ديني واهلي استغفر الله يارب
تسامحني
رون فتحت عيونها وهي ناعسه مره لدرجة انها فتحتها وتقفلها بسرعه
وبصوت ميت انعاس : يرحم والدينك خليني انام خلاصة الموضوع انتي
عرفتي غلطتك بدري وتبتي لربك واهم شي تكون توبه نصوحه وماترجعين
للي كنتي فيه والباقي خلاص انتي بس ادعي وربي يساعدك ترى مااحد
يفيدك من البشر الجئ لربك وهو اللي يساعدك وخليني انام يرحم والدينك
وقفلت عيونها تنام
عم الهدوء لكن وين يعم بقلب وروح موني اللي متعذبه من كل شي
قريب من الفندق
رجع من المسجد بخطوات متردده كيف ممكن يشعرها بالامان اقول لها
احب غيرها لاهذا يجرحها ايش هالتفكير ياسلطان
لازم الاقي حل يخليها تثق فيني وتشوفين مثل اخوانها اكون قريب منها مره
وتشكي لي وقتها اقدر اساعدها اكيد بتنهار لاشافتني
يارب ساعدني دخل الفندق ركب الصانصير وهو باقي يفكر بطريقه تعطيها
الامان منه وانه ماراح يقرب منها مهما سار وبيكون
لها مثل الاخ طلع من الاصنصير ودخل السويت جلس بالصاله يفكر
داخل الغرفه