[فيتامين سي]

بنفس البيت ،

دفعته بكامل قوتها : صحيح أني ما أجيب أعيال و أدري انه خالتي تبي تزوجك بس أنا مستحيل أرضى لأحد يشاركني فيك
وبحزم بان على ملامحها ووهي ترجع بقرارها للمنطق : طلقني ، طلقني خالتي معاها حق وهي لازم تشوف ذريتك

صرخ بعصبيه ثايره أول مره تشوفها على ملامحة : تتكلمين كنك مراهقه عمرها 16 سنه سحبها من يدها وصارت لاصقة بصدره وبحدة: متى شكيت لك وقلت لك أني أبي أعيال ؟

نزلت رأسها وأخذت نفس طويل : ما قلتها اليوم بتقولها عقب شهر ما قلتها عقب شهر بتقولها عقب سنه ما نطقت فيها عقب سنه بينطقون فيها أهلك
رد بنفس النبرة : متزوجك انتي ؟ أو متزوج آهلي

ضربها على خدها بخفيف : هذي حياتنا إحنا إلي نقررها ونرسمها محد له حق يتدخل فيها

امتثلت عينها بالدموع وببحة : أنا ما أرضاها عليك
ضمها بقوة وبهمس خافت : محد يدري بموضوع مرضك .. والحل عندي
دفنت رأسها بصدره وبشهقات قطعت قلبه : يعني بتتزوج

ضمها بقوة وضرب رأسها من الخلف : زواج بعينك ، لا تفسرين الأمور بكيفك وقلت لك الحل عندي





»►❤◄ «





بنفس البيت


رد بهمس : صحيني الساعة 5 ونص الصبح
ردت بحنان وهي تحاول تكسبة : بتنام كل هذه الوقت حرام وصلاتك ؟

غطا نفسه وبتعب ونعاس غالبه : صحيني وقت الأذان وشسمه يعني ترى نومي ثقيل
وكان بيسكر لكن وقفه همسها : تغطا عدل لا تفتح التكيف لا يصدع رأسك ..ما أبيك تتسخن ما باقي على زواجنا شيء

ابتسم وهو مستغرب كيف عرفت انه من ثواني متروش وأنه خصلات شعره مبلولة : إنشاء الله





»►❤◄ «





ببيت جابر :

ودع ياسر إلي اشكره على ضيافته وتوجه لغرفة أخته إلي كانت تكلم صديقتها بـ BlackBerry messenger

سحب منها التلفون ورفع لها حاجبينه بحركة تضحك : نظفتي المطبخ ؟
ناظرته بغيض وبنفاذ صبر : جآبر عطني تلفوني
ناظر تلفونها إلي بين يده ووضعه بجيبه : إلي أعرفه أنه باقي أسبوع على امتحاناتك النهاية وإلي أعرفه بعد إن ما شاء الله ,, تبارك الله لا أنظلك ويصير فيك شي وايد تحبين الدراسة

فهمت سخريته وسكتت عنه وهي عابسة
أما اهو فأخذ حقيبتها ورماها بقربها : درسي , أقل من ساعة بالكثير وبرجع
اتصلوا فيني قسم الاستقبال يقولون في أوراق نسيت أوقع عليها لأخلص معاملات الناس
وبتهديد : والله يا شيخه إن رجعت وما درستي أحلمي تشوفين تلفونك و أحلمي بسفرة إلي وعدتك فيها

وخرج وسكر الباب خلفها وسمع صرختها وباين أنهها منقهرة منه
أما اهو فبتسم يعرفها رقم احترامها له عنيده ولي برأسها تسويه لكن اهو ساومها بأشياء تحبها

دخل المطبخ ووضع يده على شعره وهو مو عارف كيف يتصرف ,
رجع صعد الدرج بخطوات سريعة وفتح الباب بقوة : لا تنسين تنظفين المطبخ
ونزل بسرعة وتوجه للبنك إلي يعمل فيه

وصل بعد ربع ساعة

وتوجه بسرعة لمكتبة وعقد حاجبينه وهو يشوف البنت إلي جالسه بمكتبه وبهدوء : السلام عليكم
رفعت رأسها له وتاهت بملامح وجهه المرسومة وتبعثر منها كلامها : هي شسمة أنت أكيد جآبر صح ؟
أستمر على نفس الهدوء : وصلتي آنا جآبر .. بغيتي شي
لفت وجها عنه بتكبر : وليش حضرتك مو مداوم
كمل بهدوء : المطلوب ؟
ناظرته ورجعت لفت وجها : بقول لأبوي يفصلك ، أنت ما تستاهل المنصب غيرك يتعب ويشقى وأنت تحصل معاشك بالساهل

لف وجهه عنها وخرج مما خلاها تعصب وتوجه لجهة لقسم الاستقبال وبجدية يكرها الموظفين إلي علاقتهم معه قويه : لا تتصلون فيني ، وتعكرون مزاجي لأجل مواضيع تافهه تقدرون تحلونها بنفسكم
وخرج وتنفس بعمق وهو يحمد ربه أنه قدر يسيطر على نفسه وما نفجر بوجه الموظفين



»►❤◄ «



في اليوم التالي
الساعة 4 ونصف الفجر :

فتح الباب بهدوء وفاجئه وجودها : أنت ناوي توقف قلبي ، الأقل خبرني انك بتطلع مو تخليني أحاتيك

مارد عليها وتوجه للغرفة وهي اتبعته ومسكت يده : والله لو يصير فيك شي ما أسامحك يكفي الرعب إلي عشت فيه لشهور إلي راحت

يوسف بنفاذ صبر : خلصتي كلامك اقدر ادخل أنام
ريم بضيق : لا تكلمني بهل أسلوب ما أطيقه
و انتبهت له انه واضع يده على صدره
وبدون تردد قربت منه ورفعت التيشيرت وشهقت وغمضت أعيونها وهي تشوف صدره المشوه إلي كثرت به الخياطة وواصل جزء من التشوهه لعنقه

إما اهو فسحبها لحضنه : ريم اهدي مو زين لك الانفعال أنتي حامل
: قلت لك لا تروح قلت لك قلبي مو متطمن لكنك ما طعتني

عفس لها شعرها بيده : جم مرة أقول لج الدلع ما يلوق عليك !
كان عارف انه بكلمته راح ينرفزها ومثل ما توقع بعدت عن حضنه ومدت شفاتها بزعل وأسره منظرها وهي صايره مثل الطفل بخدودها وأنفها المحمر من بكاها
رجع حضنها بخفيف وبهمس : ترى توني راجع من المستشفى ما قدرت أنام من الألم لا تخليني أتهور وبطلي حركات الدلع
ريم بخوف : لا تكذب قول يألمك
باس جبينها ورقم ألمه : بس شوي
مررت يدها على صدره وهو غمض عينه وعض شفاته
ريم بأسف : آآسفه
رسم على شفاتة طرف ابتسامة وهو مستغرب التغير بمزاجها هل هذا بسبب الحمل ولا أشفقت على حالة !!



»►❤◄ «



بنفس الوقت عند أخوه إلي ما نام وسكر التلفزيون وأخذ قراره وجلس بقربها وبجديه : قررت يا شذى أنك من بكره تنشرين خبر حملك عند أهلي و أهلك !!

المخرج :

وأحمد الله من كسبتـك ماكسبـت إلا لميـس
بنت لاسلطن دلعها خلـت الشاعـر خـرَس
لويعرف إبليس بأنه لاطـرى نلعـن إبليـس
كان لاشفتـه بدربـي دق لطمـه وأنت
وأنتِ أدرى في علومي والغلا لك يا.. لميس
وفوق هـذا لا لمحتـك دق قلبـك وإنكبـس
علمونا نخاف فطره مـن نياشيـن البوليـس

أنت ضروني بالبارت الثاني من روايتي الثالثة
.. وللمعلومة البارت كل سبت .. وراح ينزل السبت المقبل
" أنا لآمن نويت أعشق أعشقك لو تروح أميال
لكن ! لا نويت الصد صدقني لو إنك بحضني تتعب ما تلاقيني
━╃ ملتفت صوبك لوعينـ❤ـك تهل دم ╃━