ملتفت صوبك لوعينـ❤ـك تهل دم ╃━
" روآيتي الثآلثه : أنا لآمن نويت أعشق أعشقك لو تروح أميال
لكن ! لا نويت الصد صدقني لو إنك بحضني تتعب ما تلاقيني!!
... `•.¸
`•.¸ )
.•´ `•.¸
(`'•.¸ (` '•. ¸ * ¸.•'´) ¸.•'´)
«´¨` .¸.* .:.*. ( " البارتــــ(2)ــــ" ).*.:. *. ¸.´¨`»
(¸. •'´ (¸.•'´ * `'•.¸) `'•.¸ )
.•´ `•.¸
`•.¸ )
¸.•
المدخل :
ضحكت وشققت عينـي ملامـح (رزة) المغـرور
خنقـت الهـرج بلسانـي وقلـت الله يحييـنـي
عرفت إني على بعضي سلاحٍ فـي يـد المقهـور
وكنـه ياخـذ حقوقـه شراهـه باجـزل إيدينـي
أنـا ماهمنـي إنـي بسيـطٍ راضـيٍ مسـتـور
أنا لـو مايجـي منـي سـوى مقتلـك يكفينـي
لإني أدري إن اللي شهـد ضـدي شهـادة زور
يجي له يوم واطري له علـى التفكيـر ويجينـي
حمدت الله يـوم إنـه جعلنـي كتلـةٍ مـن نـور
حمدت الله يـوم إنـه رحمنـي مـن شياطينـي
مادام الوقـت مايدعـم طمـوح ومايمـد جسـور
أنا احسن لـي أتريـح تحـت أسـم المساكينـي
لإنـه بينـي وبينـك قهـر أتشـبـه بتيـمـور
وأنا أصلاً من عروقـي ملـوكٍ تقضـي الدينـي
وإذا ودك يسمونـك بشعـرك شاعـرٍ مشهـور
أنـا ودي يسمونـي عزيـزٍ عـزتـي ديـنـي
أنا ماعزني شعـرٍ كتبتـه فـي عيـون الحـور
ولو إنـي قـدرت اقتـل قتلتـه فـي شرايينـي
وأنـا ماعزنـي خالـد ولا مسلـط ولا منصـور
ولا ناسٍ تصفق لـي وتكتـب عاشـت سنينـي
»►❤◄ «
بنفس الوقت عند أخوه إلي ما نام وسكر التلفزيون وأخذ قراره وجلس بقربها وبجديه : قررت يا شذى أنك من بكره تنشرين خبر حملك عند أهلي و أهلك!
ما ردت عليه وبعدم اهتمام وهي تضبط المنبه بالتلفون : فيصل مو وقت المزح الله يهداك
لفها جهته وبجديه أكبر بانت بملامحه : أنا جاد وما امزح ! راح تسوين نفسك حامل لنوهم أمي و أبوي وعقب كم شهر بقول انك سقطتي الطفل ، يعني يكون عندهم بصيص أمل بأنك حامل
بعدت يدينه عن كتفها وبعدم استيعاب وهي تناظره بذهول : فيصل أنت صاحي مستوعب إلي تقوله ؟ أنا ما اصدق انه زوجي إلي دايم يفاجئني بفهمه للأمور وعقلانيته وحكمته يكلمني و يقنعني بأسلوب خارج عن نطاق المنطق ..
و ابتسمت بضيق وهي تمسح على خده بحنان : انه آسفة على انفعالي معك وما أبيك تأخذ على خاطرك مني بس يعني انصدمت و أنا اسمع خالتي تقول طلقها عندك إلي تسواها !!
توتر من كلامها ونزل رأسه وهي كملت : ما أبي ندخل نفسنا بمتاهة مالها منفذ، رقم تمسكي بك وأمنيتي انه يكون بين يدي طفل ألاعبة وأشوفه يكبر بظل رعايتنا إلا انه ما يهون علي أكذب على إلي احتضنوني و اعتبروني وحده من بناتهم وعشت معاهم على الحلوة والمرة صعبه يا فيصل صعبه
بعد يدها عن خده ونسحب من الغرفة وهو يحس نفسه مخنوق وبدون أحساس ضرب الجدار بقوة ( بتذبحني بطيبها رغم أنه أمي كرهتها عيشتها ومع ذلك مو راضيه حتى تكذب عليها ، لو تدرين بس انه هذه فكره أمي مو فكرتي .. لو تدرين بس أنها أجبرتني على شي ما أبيه .. لو تدرين أني ما كنت صريح معك بكلامي
ومسح وجهه بيدينه بتوتر
ورن هاتفة وعبس وهو يشوف الشاشة ( جبت طاريها و اتصلت ) وسكره بوجها لكنها رجعت اتصلت
تنهد وبنفاذ صبر : خير
ردت بدلع وهي تلعب بخصلات شعرها : الخير بوجهك ، صار لك ثلاث أيام ما مريت ولا السخيفة مانعتك من الطلعة
رد بحدة وهو مو منتبه للباب إلي انفتح خلفه : تسوى طوايفك
وسكر تلفونه ووضعه بجيه ولف وتفاجئ من وجودها
أما أهي فصارت تناظره بنظرات تايهه وبريئة تنتظر منه تفسير
وبعد هدوء دام لمده من الطرفين : حبيبي تعال ارتاح باقي ساعتين على دوامك
شافته ساكت ، ومسكته من يده ودخلته الغرفة
وبضيق ما بينته وهي تبتسم له : اشفي غلاي متضايق
وفاجئها احتضانه لها إلي كان بدون سابق إنذار ، خافت عليه وضمته
وسمعت نبرته المتضايقة : شذى أنا آسف
أدخلت يدها بخصلات شعره وبهدوء : على شنو أنت ما سويت لي شي
فيصل بغموض وهو يتنفس عطرها بعمق ، يخاف من اليوم إلي بتعرف فيه الحقيقة ، يخاف تتركه وهو متعلق فيها : على كل شيء ، على كل شيء يا شذى
»►❤◄«
الساعة 7 الصبح
فتح الباب بقوه كل عادة ، وهي من نومها الثقيل ما حست فيه
تنهد بقوة وهزها من كتفها : شيخه قومي ، يالله عاد عندك نص ساعة تجهزين فيها للمدرسة
ضل يهزها لمده لكن بدون فايده، كانت داخله بنوم عميق
ضل يتأمل غرفتها و انتبه لجهاز ال لابتوب المرمي أبقربها وعرف إنها كانت سهرانه
جابر بتوعد وهو يغطيها : والله لطلع السهر من عينك
»►❤◄ «
بعد نص ساعة
ببيت أبو يآسر
قبل رأس أبوه وجلس بالكرسي لمقابلة
وبعد سوالف دامت لمده
: عندي أسبوع أجازة ومن بعدها بتكون رحلتي من البحرين للكويت وبيكون فيه تران زيت بالكويت ومن بعدها بتوجه لعمان
ابتسم لولده وبانت تجاعيد وجه إلي زادت مع مرور الزمن : الله يوفقك يا ولدي
و بجديه : متى نشوفك معرس إن شاء الله
مد لأبوه كوب الشاي و بإصرار شافه أبوه بعينه : ما ني مستعد لزواج بالوقت الحالي وما أبي أضايق بنت الناس بسفراتي ، أنا أحس وضعي مو مستقر ، ووقت ما أحس أنه الوقت المناسب بنفسي بتوجه لكم
: قصدك تبي تختار زوجتك بنفسك بعيد عن تدخلات أمك الله يهداها ، أما إذا على سفراتك تقدر تأخذها معاك
ياسر بتفكير عميق : ببداية الزواج بقدر بس عقب أبسنه أو سنتين بيكون عندي أطفال وبتكبر المسؤولية وما راح اقدر آخذهم معي
رد بإصرار : بنات هل زمن يفضلون السفر على قعده البيت
يآسر بابتسامه : و أنا ما يدخل قلبي هل نوع من البنات ، أبيها تكون ربت بيت ، مو مطيوره
كان بيستمر معه بالحديث لكن اكتفى بهز رأسه بدخول بنته
: السلام عليكم
: عليكم السلام
سلمت على أخوها و تحمدت له بسلامة وجلست بقرب أبوها على غير عادتها ، تكون متلهفة لرجعه ياسر وتطفشه من طلباتها
ابتسم ياسر وهو عارف إنها ما خذه على خاطرها
ياسر وهو مثبت النظر فيها : شجن
رفعت رأسها له بدون ما تتكلم وهو كمل : شخبار الدراسة معك
شجن بهدوء : الحمدلله
ياسر بنفس الأسلوب وهو يدخل هاتفة بجيبه ويوجه نظره لها : كلنا ننتظر منك نسبة حلوه
أبو فيصل إلي وضع يده على كتفها : إذا أرتفع معدلك بوافق لك على الدراسة بالخارج
التفتت لأبوها وفتحت عيونها بصدمة : جد يبه بتخليني أكمل دراستي
هز رأسه وهي من الفرحة أحضنته : شكرا
أبتسم لفرح أخته : أغراضك إلي طلبتيهم بغرفتي على سريري