[فيتامين سي]

الفصـــــل الثانـــــي


مسك راســـــه بين يديــــه وصــــرخ :خلاااااااص بـــــس سالي أسكتـــي وأطلعـــي فوووق ..
سالي ويدها على خصــرها :لاحبيبي ماحزرت تبغـــى أمك تتبلى علــي واسكت لها ..
ياســــر :سالي أنقلعي فــــوق دام النفس راضيه عليك ...
سالي ضربت رجلهــا بالأرض :ماني طالعـــه لين تعتذر لــــي ...
ياســـــر بالصرخــــه :فوووووووق اطلعـــي فوووووق ....
تأففت سالي وســوت نفسهــا هاديه وهي تطلع السلم مع انها كانت ترجف من داخل من صرخة ياســر اللي ذكــرتها بأيام الشقـــه ...
فاطمــــه :أشوفك ساكتلها يعنـــي تصدقهــا وتكـذب أمك ...
ياســــــر بالتعب :يمــه الله يخليك مالــه داعــي كل هالحنــه أنا توني راجـع من الدوام مأمــداني توطــى البيت رجلـــي الا أخذتوني بالشــراع ومجداف وأنا الا اللحيــن ماني فاهمــه السالفـــــه أيــش ...
فاطمــــه :مايحتاج تفهـــم عشــان توقف بالصفــــــي ...
ياســـــر بأستنكــار:يممممــه...
فاطمـــــه :لوكنــت ولدي صدق كان صدقتنـــــي ...
ياســــر :يمــــه الله يخليك لي وش هالكـــــلام ...
فاطمــــه وهي تهز راسهـا بأسف :ياخســاره خيبت ظنــي فيك تصدق مــرتك وتكذب أمك والله أني عارفــه أن هالســـوسه بتخـربك علــي بس كذبت احســاسي وقلت ياســـر ولد بطنــي مايتغيــر على أمـــــه ياكبـــر خسارتـــي فيك يا ياســـــر ...
ياســــر بكــل قهــر وأنكســـار نزل راســــه وطلـع من البيت كل ماقال فرجــت رجعت تعقـــــد من جديـــد عنـــده احســاس ان حيــاته ماراح تستقــر أبد وبيظـل طـــول عمــره بهالضيــــاع مــوكفايـــه هوشـاته اليوميــه مع سالي وأثـــرها الســيءعلى نفسيتــه تزيــد عليـــه هوشـات أمــه وسالي ماعمــره طلــع الصبح من البيت الا وسالي معطيتــه جرعت نكـــد يبقــى مفعــولها معه طـــول النهــار ويرجـع العصـر ويأخذ جــرعة نكــد ثانيــه للقـاها هي وأمــه أوهــي وبسمــه يتهاوشــن يحسهــا تلذذ بأذاه وكــل هالخناقات عــن تعمــد طيب وش بيده يســوي لهـــا هــددها ضربهـــــا سجنهـــا ونفــــس الوضــع ماتغيــر لهم شهــرين من تزوجــــوا وحاله معها من سيء لأســواء ...
دخــل عليهـا بعد صـلاة العشـــاء شافهــا جالســــه بالصــلاة وأول ماشافتــه هبت فوجــهه :ليش ماترد على جــوالك ...
ياسـر كمــل طريقــه للغـرفه :مأبـــي أرد ..
سالي :هيييي لاتحسـب داقـه أتغزل فيــك داقــه أبيك تودينــي بيت أختــــي ...
ياســــر اللي مطنشـها فصخ ثوبـه وأخذ ثوب ثاني يلبســــه كلمـها برود يوم شافهــاتنتظــر جوابــه :مانــي موديك ولابتروحيــن لها من الأســاس ...
سالي :لاتودينــي بكيفك بس اللي ماهـو على كيفك تمنعنــي أروح لهــا ...
ياســر :حاولي تعتبيــن باب هالجنــاح وشــوفي وش ايصيـــرلك ...
سالي بقهـــــر:طيب ليــش مايكفــي أني مغصــوبه على الزواج منك تجــي تحبسنــي بعــد مـوكفايه اللي ســويته فينــي بالشهــــر البصــل موكفـايه العذاب اللي أحس فيــــه كل يوم بعيشتــي معك...
وجلســت تبكــــي بقهـــر ..كانت دمــوعها تنزل وهــي واقفــه بوجـهه
وتطــالعه بكـــــل تحــدي ..
ياســـــر قرب منها وحط يده علــى كتفهــــا بيهــديهــا رغم كــلامهــا القاســـي بس بعـــد ماتهــون عليــــه
بس سالي بعنف دزت يده عنــها :لاتلمسنـــــي أكــرهك وأكــره كل لمســـــه منك أتمنــــــــى المــوت علــى وقفتي هــذي قدامك ...
وراحــت تركــض على غــرفتها ...
كــل كلمـــــه تطلـع منهـــا جارحـــــه تذبـــح هــــوبكــل طيبــة قــلب يتلقـاها وكنــــــها البلســـم لجــروحــه وهي سقمهــا ...
ياســـــر يتعــذب يذوي يمــــــوت بكــل لحظــه بكــــل يوم يمـــر عليــه معها أو بدونهـــا حيــاته عذاب فعــذاب بدونهــا كان متعذب واللحيــن وهي معـــــه يتعذب اضعاف اللي تعذبــه قبل يكفيــه كلامـها اللي زي الســــــم وكـل يوم تسقيه منــه ...
كانت جالــسه بالغرفــه على الســرير وتعض اصابعهـا ندم علـى تصــرفها معه صح هــو يستحق كــل اللي قالته لــه وقليل بحقــه بعد بــس الوقت ماكان منــاسب المفــروض تمالكت أعصـابها,, المــوقف ماكان بصالحهــا اللحيــن كيف بتروح لبيت أم ناصــر اليوم بالذات ضــروري تكــون هناك ... أنقطع حبـل افكارها بدخــوله عليهــا ..
ياســـر :بتروحيـن جهــزي عمـــــــرك بأنتظــــرك تحــت ... وطلــع ..
سالي جلست ثواني على بال مأستوعبت عـرضه بيسمح لها تروح وبيوصـلها هو بنفســه بعد كـــــل اللي صــار ... كــل يوم تزيــد حيــرتي فيك يا ياســــــر غريب كل تصــرفاتك معــي غريبــه وغير متــوقعه بلحظــه تزعل وتقــوم الدنيــا وتجــي بعدهـا بوقت قصـير ولا كأنه صار شـــــــــي ..ياءالله ياسالي وش هالأنحطاط اللي وصلتي له ليـــش تفكــرين فيــه وهو مايعنــــي لك أي شـــــي لاوجالسه أدرس تقالبات نفسيتــــه أن شــاءالله يحتــرق أنا شكـــــــوفيــه ...
نزلت سالي تحـت شافتـه جالس تحــت مع أمـــه طنشتهــا ولاحتــى سلمــت وقالت لياســــر بالنفاذ صبــر :يالله نطلـــع ...
فاطمــه يوم شافت ياســـر بيقـوم :وش مستعجلــه عليـه كمل شايك ...
ياســـــر :لايمــه خلاص اكتفيت .. تأمــرين على شـــــي ...
فاطمـــه :لاســلامتك ...
ياســـــر :اجل مع الســلامه ..
فاطمــه: مع الســلامه ..
بالسيـــــــاره
ياســـر :ليش ماسلمتــي على أمــي يوم دخلتي علينــا ...
سالي :ليــه أنا ماسلمــت سوري حبيبـــي مأنتبهت ...
ياســــــر عارف أنها تكذب بــس ماعلق لأنه عارف عقب هــالكــلام بيجــــــي طلب ...
وبعـــد ماسكتــوا دقايق ..
سالي : ياســـــر حبيبــي ممكــن طلب صغيــرون ...
ياســــــر :كم تبيــــن ...؟!
سالي بوناســــــه:كلك نظـــــر كم أستاهـــــل ...
ياســــــر :ليش تبينهم ..؟!
سالي :بطلع مع وهج لســــــوق ...
ياســــر :لاياشيخــه كذا بدون ماتستئذنين مني ولاحتـى يكـــون عنـدي خبـر ...
سالي :واللحــين وش قاعــده اسوي موأقولك ...
ياســـر : ماقلتي لي ألا لأنك تبيــن فلـــــوس ...
سالي :ياســـررر لاتسوي كــذا يالله عاد بتعطينــي ولاكــيف ...
ياســر :أكيــد بعطيك هـو أنا اقدر مأعطيك ...
سالي بالدلع : أنا أدري عنــك ..
ياســـر :متــى أجي أخذك ..
سالي :ببــات عنــدهم ...
ياســـــــر بأستنكـار :ايش ومن بيسمح لك أن شاءالله ..
سالي :ياربــــي لتكبـر المـوضوع ولا أنت لازم تســوي مشكلــه ..
ياســـــر:أنا اللي أبــي أسوي مشكلــه ...
سالي :ايه ولا وش فيها لوبت فبيت أختـــي ليله أو ليلتيــن ...
ياســــر :سلامتك مافيها شــي حبيبتــي كل اللي فيهـا أنك بتأخذيـن راحتك هنــاك وأنتي أذا أخذتي راحتك رجعـتي لأيام الهيــاته وأنا متطمــن على سلوكك الا أذا كنتي فبيتــي وتحت عينــــــي ...
سالي اللي تشــوف نفسهـا أنسـانه سويــه وماســوت خطأ بحيـاتها يخلي الناس تأخذ عنها هالفكــره السيئه :دامنــي هايتــه ومنفلتـــه على حـد قولك ليش تزوجتنـــي اصلاً كيف تأتمنـــي على بيتك وأنا بهالأخــلاق اللي أكيــد ماتشــرف فيهـــا ...
ياســــــر :وش فيك تقــولينها وكأنك مجــروحـه ترى ماجبت شــي من عنــدي أنا قلت اللي شفته عليك وكل المــواقف اللي جمعتني فيك قبل من تزوج ماتشفع لك ...
سالي بقهــــر :ماهميتنــي لا أنت ولارايك فينـــــي ومحــدً ضربك على يدك وقالك تزوج و وحــده بهالأخــلاق ..
ياســـــر :أكيد محدً غاصبنـــي وماجابت أمه اللي بيغصبني على شــي مأبيــه ...
سالي :أجل تحمل كل اللي يجيك منــي ولاتشكــى هذا أنا وهذي أخــلاقي وأنت اللي أخترتنــي على حد قولك ...
ياســــــر كان عنــده كــلام كثير بيقــوله بس وصولهم لبيت عمــه خلاه يأجلــــه وقت ثاني ويقــول :أنتهينــا وبمــرك الساعـــه وحــده حــلو ...
نزلت وهــي مقهــــوره لأنه مشـــى كلامــه عليهـا والكلمــه الأخيــره كانت لــه ...
بووووووووووووووو ...
سالي ويدها على قلبهــا :ساميــوه يالخايس طيحــت قلبي ..
سامــي :شفتك سرحـانه ناديتك مارديتــي علي قلت أروعك ...
سالي تقلده :قلت أروعك صدق ماتستحــي على وجهــك ,, انقلع يالله عــن وجهــــــي ...
سامــي يلحقهــا :لحظـه خالتي ويـن رايحــه ..
سالي :انت وين شايفني بالروح ...
سامي :المجلس والمجلــس به رجــــال ...
سالي بمصخـره :ماشاءالله صرتوا تستقبلون رجـال فبيتكم ...
سامــــي :من يومنا نستقبل بس أنتي اللي مأدري وش فيك صـايره تنسيــن كثير ...
سالي وهي تمــشي بالتدخل البيت:أنا أنســى كثير بسم الله علـى عمــرك من متــى أكتشفت هالأكتشاف الخطيــر ...
سامــــي يجاريها بالمشــي :من وعدتني تكلميــن ناصـر بمـوضوع وماكلمتيــه ..
سالي اللي توها تذكــــرت:بس أنا ماوعدتك ولاحتــى فكـرت أساعدك لأن طلبك مثل وجهــك ....
سامــي :خالتــــي ...
سالي :طس زيــــــن ...
وسكتت يوم شافت أم ناصــر :الســلام عليكم ...
ام ناصــر :ياهلا والله وعليكم الســـــلام ...
وبعد ماسلمــن على بعــض ..
ام ناصــر :وش فيك تأخرتي وهج تحراك من بعد المغــرب ...
سالي :كله من يســوور مارضــى اجــي الا بطلــوع الروح ...
أم ناصـــــر :انتي متـى بتعقلين وش يســور هذي تزوجتي وللحيــن ماعقلتي ,,, يخـوفي بس تنادينـه يسور قدام أهلــه..
سالي بالثقــه :لا لتخــافيـن مأخذه أحتياطـــي ...
سامـــــي :خالتـــي ...
سالي :يووووه انت للحيــن واقف ....
أم ناصــر :وش يبغى فيك من دخلتــي وهو لاحقك ...
سالي :يبغاني أكلم ناصــر بمـوضوع يخصــه اللي يسمعــه يقـول ناصــر مايصدق أطلب منه طلب الا طيــــران ملبيــه لي ...
سامــي :بس حتــى انتي خالتــه ...
سالي كســرخاطــرها سامــي وقالت بتكلم ناصــر بموضوعه بس بعـــد ماتذلـــه ,, وبهالوقت نزلت وهــج وهي لابسـه عباتها :لالو ماجيتــي احســــن ..
وهج :ايه ماهــو انا اللي متأخره صـــح ..
سالي :أقول أمشـي وأنتي ساكتــه ولاترى مافيه روحـــه ..
جنــى :مولازم تروحــين معنا ...
سالي :هييييييي وانتي وين رايحــــه ..
جنــى :معكم يالحبيبــه رجلي على رجلك ...
سالي ألتفت على وهج بقهــــر :ماقلنا مانبغــى أطفال ومـراهقين معنا ..
وهج :امشــــي بس قبل ماتدري هديل أنك جيتــي وتقـول بتروح معنا ...
وبالسيــاره ..
جنــة :وش فيك تكبرتي من تزوجتي حتـى بالجامعه ماصرنا نشـوفك ..
سالي :أبشرك من زود الغرور بعــد لازم تأخذيــن موعد قبل ماتقابلينــي ...
جنــــى :سخيفه ماتضحك ...
سالي :يكفي ضحكــة وهج ...
جنــى :بس وهج ماضحكــت ..
وبهالحظـه كلهم لفــوا على وهج اللي كانت ســرحانه وماهي معهم ...
سالي :وش فيهــا الأخــت ..
جنــى :من فتــره وهي على هالحـاله مأدري وش عنــدها ...
سالي :أكيـــد خايفه من العــرس ...
جنـــى :بس اجل المشكلــه محلــوله ..
سالي :معك حق المشكلــه محلــوله تفركــش الزواجـه وأنتهي المـوضوع ...
وهج :على كيفكم انتـــم ...
جنــى :ماشاءالله قاطــه اذنك عنــدنا ...
وهج :جالسه أسمـع خبالكم ولامتـوقعيــن اتخلـــــى عن سلطـان ...
سالي :واحد قالك تخلي عن سلطـــان ...
وهج :اجـل وش تقترحيـن انتي ..
جنــى :عادي تطلقـوا وتبقون اصدقاء ...
وهج :جنـــىىىىىىىى .....
سالي من الحــــوار هذا تأكـــد لها شــي ياما غضت عنــه الطرف وتحايلت على نفسهـا عشـان ماتصدقــه وهج تعلقت بالسلطــان ويمكــن اكثر منها هـــي بعـــد توأم روحهــا ومستــودع أسرارهـا
معقــوله يجــي يوم تقدم فيـــه وهج عليهــا أنســان ثانــــي هذا وهم للحيــن ماتزوجــوا رسمــــــي أجل بعد الزواج وش بيصير أكيد بتنساني كليـــه أعرفهــا وهج بالطيبــة قلبهــا وضعف شخصيتها تتعلق بأي شخصيـه قويه تلقاها وتحس بالأمــان بقــربها.. وشي أكيــد لقت هالمواصفات بالسلطــان وهي بعيـــد عنـه أجل فاليوم اللي بتكـــون معــه بتخلى عن أي امان ثانــــــي فظلــه ... والشي هذا مأرضى شخصية سالي الأنانيـــه اللي تحب تكــون محــور حيـاة المحيطيــن فيهـــا ...
وهم راجعيــن للبيت حــس ياســر بالشي غريب فالسالي طول الوقت سـرحانه وأذا كلمها ردت عليه بكلمـه كلمتيـــن فالبدايه قال يمكــن عشـان ماخلاها تبات عنـدهم بس بعدين تأكد أن فيه شي ثاني مشغل بالها ..
ياســر :سالي ..
سالي :هاه ..
ياســـر :انزلي وصلنا ..
نزلت سالي وهيي للحيـن على سرحانها ولحقها ياســـر بالأغراض اللي اشترتهم مع هج وجنــى وأول مادخلــوا غرفتهم سألها :سالي فيك شـــي ..
سالي :لامافينــي شي ليه تسأل ...
ياســـر :من رجعتي وأنتي سرحانه وتفكرين ..
سالي بنرفزه :طيب سرحانه بكيفي ولابالتمنعني حتى من هذي ...
ياســــر :سالي ماله داعي هالكــلام ..
سالي :انا أقول اللي أبي وماشاورتك فكــلامي واذا مو عاجبك طلقني محد غاصبك علي ...
ياســر :لاحــول ولاقوة الا بالله اللحيــن وش جاب سيرة الطــلاق ..
سالي :كلامك اللي جابها واذا تبغــى سيرته تنقطع طلقني وترتاح من هالسيره ...
ياســـــر:اللهم طولك ياروح ...
ياســر كان جالس على طرف السرير وسالي جالس على كرسي التسريحه وتمسح مكياجها فأول ماسمعت كلمته هذي جته طيران وجلست جنبــه :شفت أن الحياه معي غثيثه وتضيق الخلق ...
ياســر :والمطلــوب مني ...
سالي بفرحــه :طلقنـــــــي ..
ياســـر :وبعديــن ...
سالي :أنت من طريق وأنا من طريق ...
ياســـــر بالبروده :بس أنا مأقدر أصبر عنك ...
سالي قامت من عنــــده وهي مقهــوره من بروده اللي يستفز الواحد وأخذت ملزمتها اللي عليها أختبار بكــره وطلعت ...
ياســــر :على ويــــن ..؟!
سالي :بادرس عنـدي امتحان ..
ياســـــر :الله معك طفي النور بالنام ...
راقبها وهي تطلع بخطوات عصبيـــه وطبعاً بعد تطنيش طلبــــه كانت ضامــه ملزمتها على صدرها وهو يشوف هالمنظـر تمنــى يكـون مكانها ...
يحبهــا وكل يوم تزود محبتها فقلبه رغم كــل عيوبها اللي تنفـر أي شخص منهــا يشوف نفســه يوم بعد يوم يغــــرق فبحـر حبهـا ...
مالها عشــر دقايق من طلعت من عنــده ويحـس نفسـه أشتاق لهــا والنوم اللي كـان ميت عليـه ماعاد يبيـه طلع لها وشافها نايمــه على الكنبــه وملزمتها بحظنها وتقطـع بورقهــا ...
ياســــر :ماشاءالله على المذاكــره ...
سالي عدلت جلستها لأنه جاء يجلس جنبها :ماقدرت أذاكــر صدري ضايق ...
ياســـــر :وليش صدرك ضايق أكيــد فيه شي مشغلك ...
سالي بقهــر :ايه فيه شي مشغلني أرتحت اللحيــن ..
ياســــر :لاماراح أرتاح لليـــن اعرفه وش هــو هالشي اللي مضيق خلقك ...
سالي :مايهمك ...؟1
ياســر :بس أنا متأكد أنه يهمنــــــي ...
سالي :مرره واثق من عمــرك قلت لك مايخصك ...
ياســـــر لف يده على كتوفها وقربها منــه :ادري أنه مايخصنــي بس اكيد يهمنـــــي لأنه يهمك ياعمـــــري ... وباسهـــا على جبينها ..
سالي ريحت راسهـا على كتفــه بدون أحســاس منها وجلست تقول له كل اللي شاغل بالهــانست نفسهـا ونست من جالسه تشكــي له كل اللي همها ذيك اللحظـه أنها تطلع اللي بقلبها لأي أحد ...
ياســــر جالس يسمــع سالي باهتمام شديد وكل كلمـــه تطلع منها تنحفر بذاكـرته بالصوت والصوره عنــده شعــــور أنه بتجيــه أيام تكــون فيه هاللحظـات ذكــــرى تصبره على فراقهــا المحــتوم ... اول ماخلصت سالي فضفضتها كان حمــل كبير وانزاح عن قلبها بس ماحبت توضح هالشعــور لياســـر حتى مايحـس ان له فضل عليهــا:أشبعت فضولك اللحيــــن ...
ياســــــر :لاليش وقفتي كملــي ...
سالي :وش أكمـــــل حكايه هي ..؟!!
ياســـــر :وأحلى حكايه بعــد ..
سالي :بأدرس ..
ياســـر :ادرسي أحد قاضبك ..
سالي :ايه لتجلسي عنــدي كيف بأستوعب ..
ياســـــر :يعني أنا اللحيــن بأشغلك انتي لوجالسه بأستاد الملك فهد وحطتي فبالك تدرسيـــــن درستــي بدون ماتنهز فيك شعــره ..
سالي بالتريقه :بس اهم شــي يفوز النصر فالمبــاره ..
ياســــــر :أي مبــاره ..؟!!
سالي :اللي حاظرتها بأستاد الملك فهـــد ...
_____________________

دخل مع باب البيت وهو يسمــع أصواتهم جايه من الحديقــه الخلفيـــه يلعبــون .... دايم على هالحــاله يلعبــون ومطنشين دراستهم وأذا حسوا فيـــه داخل طيــران على غرفهم بــس أخيراً شكله بيقبض عليهم بالجــرم المشهــــــود ...
جنــــى :عدووووول وجـــع كسرت رجلــي وش هالخشونــه ترى هذي كرت سله موقدم ...
عادل :روحــــي زين مسويه فاهمــه مررره هذي أخطأ تحصل بكل الألعاب مو القدم بس ...
ناصــــر :وش رايك تعطيهــــا درس بقوانين اللعبــــــه ...
أول ماسمعــوا صوته شهــقوا شهقــه وحده ..
ناصــر وهو يصفق لهم: حلـــوين حلــوين عفيـــه عليكم .. اتركــوا درساتكم وأجلســوا العبـــوا ...
جنــــــى بطولة لسـان مع انها خايفه بس أبوطبيع مايجــوز عن طبعــه :دراسة أيــش ياعم اليوم الأرررررررربعـــــاء ...
ناصـــــر :أربعــاء خميــس جمـعه مافرقت ايام الأمتحانات كلها سواسيــه يالله أشوف قدامــي كل واحد على غرفته ويمسك له كتــاب يدرس فيــه احسن لكم من اللعب اللي ماوراه غيــرالمشاكــل ....
هديل بالصوت واطــي بس مسمــوع :اووووف هذا وش جابه كله دراسه دراســه ولامصـاريه ...
سامــي بتأفف:اووووف وأنا حاط عليه أمل يدورلي واسطـه ويدخلنــي بالهــلال اخخخخ تبخــر الحلم ...
دخــلوا وناصر اللي يمشــي وراهم يسمــع كلامهم ويضحك بالداخله بس ماعلق ...
دخــل الصاله وشافهـا جالســـــه تذكــر الوعد اللي قطعه لها وماقدر يوفيـــه أمـــــس بس كانت ملكتـــــه مايدري من أهلــه غيــر أمـــه وبيظــل مسـكر على هالمــوضوع حتــى تجيـه الفرصه المنـاسبه ويعلن الخبـــر والشي اللي مسبب له قلق خـوفه أنهم يدرون من بــرى ....
:ناصــــــر فيك شــي ...
ناصــر :لامافينـــي شـي ...
وجلس قريب منها :وش أخبـارك وهج ..
وهج بأستغراب :تمــام ..
ناصــر :وش أخبــار سلطــان ...
وهج حمــر وجها وأنقهــرت منه وصدت الجهه الثانيـه مطنشـه سؤاله ... سمعته يضحك بس مأهتمــت ..
دق جــواله وزادت ضحكتـــه :الذيب عــــــن طاريـــه تونــي .......
وطلعت تركـض ماتبغــى تسمــع كلامــه مع سلطــان دايم يتعمــد يســوي فيهــا هالحــركات صدق نــذل هـو وخــويه الثانـــي أنذل منــه بعـــد يمــوت على أحراجهـا وكأن ماعنـــدهم شغلـه غيـرها .. كانت بتدخل غرفتها بــس سمعت صـوت ضحك مـو طبيعــي جاي من غرفــة هديل راحت لها شافت جنـــى طايحــه على الأرض وماسكــه بطنها وتتلــوى من الضحك ...
وهج اللي أنتقلت لها العدوى من المنظـر بس :جنــوووه وجــع وش فيك تضحكيــن كذا مهبـــوله أنتـــي ...
جنـــــى وللحيــن على حالتها :والله بتهبــل فينــي أختك وأفكــارها ولا.......
وقطعت كـلامها ضربه من هديـــل :اللحيــن أنا أقولك ســـر تعلمينهـا ليـــه ...
وهج :الله هــديل أســرار علينــا ...
هديل :لاتحاوليــن ماكنت بقول الا لخــالتوو سالي بــس غلطت وخبـرت الغبيــه هذي ...
جنـــى عدلت جلستها وبجـديه :غبيــه بعينك ياقليلة الحيــاء لاتخلينــي أروح أخبــر ناصــر عليك ...
هديـــل بقهــر :خاااااااينـــه .. وطلعــت تركــض من الغــرفه وهي تبكـــي ...
وهج :من صدقهــا هذي ...
جنــى :غبيـــه ولابتطلــع رخصــه وتســوق ...
وهج فتحـت عيونها على الأخــر :شنـــــووووو ..؟!
جنــى :اللي سمعتيــه البنت بتســوق ... وسكتت شــوي وهي تامل بوجــه وهج اللي ماتحب أحد يطالعها بهالطـريقه وتحمــر على طــول :وأنتي وش فيك على وشك صيحــه ...
وهج نزلت دمــوعها صدق :كســرت خاطــري ...
جنــى ضربت راسهـا بأحباط :لاياررربــي انا مــوناقصــه دمـوعك انتي بعد ...
بس وهج خــلاص نزلت دمــوعها :طــول عمـرك أنانيــه ماجبتــي شي جديد وأنانيتك هذي ماراح يدفع ضربيتهـا غيرك كلها كم يوم وفارق هالبيت وماراح تلقينـي لحتجتينـــي ..
جنـــى ماصدقت وهج خلصت كلامهـا وطلعت رمت نفسـها على سرير هديل وجلست تضحك على سذاجــة وهج :ولامعقـوله أنا بحتاج لوحده مثلها وبأيش ...
نرجــع لنـاصر اللي كان جالس ويتكلم مع أمــه تحــت بمـوضوع ملكتــه اللي تقــول أمه أنها رأس الحكمــه وأنه ماله داعـي يخبيهـا عن اخـوانه بس هومصـر على موقفـــه وماكانــوا يدرون عــن الشخص الثالــث اللي كان يسمـعهم ...
ميــري بفضول بسبب وقفة هديل عنـد باب المطبــخ:هديل يبغى حاجــه ..
هديل بقهــر وهي تنقــز محلها :مأبي شـي بس قصري صــوتك ليسمعـونك ...
ميري بعصبيــه :هديل انتي سوي مشكــل كتيـر يالله روح ...
هديــل بالصـراخ سمعته الرياض كلها:ياربي الله يلعنــ أنقلعي فضحتيـــن ...
وفجأه سودت الدنيــا بوجهـــا ...
هديل وهي تحاول توخــر اليدين اللي غطت عيونها :سعــوود والله انك خالوو سعـــوود ...
سعــود يغيــر صوته ويقلد صوت البزران :لا لا غلط مــو سعــود مــو سعـــود ...
هديل حاولت تفك يدينــه بس ماقدرت وجلست تلوى عشـان يفكها وبالفعل فكها سعــــود وهو ينفض يديــه :الحمــدالله وشكـر متوحشـه ماينلعب معك ...
هديل :ياخالو يامحتــرم فيه فرق بيـــن ينلعب معك وينلعب عليك ...
سعـــود شالها ورفعها فــوووق :لامافيــه فرق يالقزمـــه ...
هديل بالصـراخ:يمممممـــــــه نزلنــــي والله أعلم خالتـووو سالي نزلنــي ...
سعــود بالضحكــه :يقالك بتخـوفينــي فيهــا...
أم ناصــر اللي عارفــه اللي قاعد يصيــر من صوت صـراخ هديل :نزلها ياسعـــود ...
دخل سعــود عليهم وهــو شايلهـا ونزلها بحضن امها :قبضت عليهـا متلبســه بالجــرم المشهـــود ...
هديل فهمت المــوضوع خطأ فحمــر وخضـر وجهــا وتنفست الصعداء يوم سمعته يقــول :اذا بكـره هجن شغالتكم فالسبه هالقزمـــه ...
هديل بقهــر :من طـولك ياشيخ ..
ام ناصــر وناصـر ضحكـــوا على كلمــة هديل اللي طالعه من قلب وخصوصاً ان سعــود طــويل وأطــول حتــى من ناصـر اللي تفاخـر بطـوله ...
ناصــر :عيب هديل وش هالكـــلام ...
هديل :اصلاً أنتم ماتحبــوني لومخلينــي اعيش مع خالتوو سالي وأريحكم من همـــي ...
ناصــر عصب من قلب بس قبل مايفتح فمــه بأي كلمـــه كانت هديل مختفيــــه ...
سعـــود :ماباركتــوا لـــــي ...
ام ناصـر بفرحــه :لاتقـول بتزوج ...
سعـــود :الزواج ويــن وأنا ويــــن ...
أم ناصر بأحباط :أجــل وش نبارك لك عليـــه ..
سعــود :توظفــت ...
أم ناصــر :والوظيفــه وش تبــي فيهــا ماتروح تشتغل مع أبوك واخوانك ...
سعـــود بملل :رجعنا على طيــر ياللي ...
ناصـــــر عشـان يقفل المــوضوع :مبروك ياسعـــود ألف مبــروك ...
وفعــلاً تقفل المــوضوع وبعــدها بعشـر دقايق قامـت امــه وبقــى هو وسعـــود ..
ناصــر: ماقلت لي ويــن توظفت وش نوع الوظيفــه ...
سعــود :مــع ياســـــر ونوع الوظيفــه لاتسألنـي لأني للحيــن مأدري ...
ناصــر بقرف :المــوضوع فيــه ياســـر ...
سعـــود :اوهــوو علينـا وأنت الا متــى بتظلـون على هالحال الواحد منكم مايحـب سيرة الثاني ...
ناصــر :اللي شفتــه منه ومــن أبوه ماهــو هيــن ..
سعــود :وأبوه عمـــك وقفل هالسيــره لأنــي مليتها منهــا ...
ناصـــر :ترى مافوضك محامــي عنــه يوم ماترضى عليــه بالكلمـــه ...
سعــود بالتنهيــده :أنا مأدري وش بيصير فيكم من بعــدي .... وش فيك وقفت..
ناصــر :بروح الشغـــل وبلحق على سلطـان قبل مايطلـــــع ..
_________________

جالــس ينتظــره فالمكــتب مثل ماتفقـــوا وهــو موحـاس بالوقت اللي تأخـره ناصــر لأن باله مشغـــول فيهــا أحسـاسه بالسعــاده فاق كل المقـاييس من طاحـت عيـنه عليهــا وهـو عايش بالرغــد المشـاعر ,, أنســانه فريده مافيــه مثلها بهالزمــن ,, عيــونها يشوف البراءه فيهــا وقلبهــا أطهــر قلب بهالــوجود ,, حس فيهـا سذاجـــه وحســن نيـه بس هذا ماينقص منهـا بالعكــس يزيدهـــا ,, هــي بالنسبــه له هبــه ونزلت عليهـا من السمــاء مايقدر الا أنه يشكــر ربه عليهــا يكفـــي انها اخت أعز أصدقائــــه ,, ناصــر صح وينــه ناصــر انتبـــه حـس بأحد يدخل عرف انه ناصر رفع راســه عشــان يعـاتبــه بس ماكـان هـــو كان عسكــري اللي يوقف بــرى:خيــر محمــد فيــه شي ...
محمــد :ايه المغلف هذا جابــه سواق ومكتــوب عليــه أسم ناصــــر ...
سلطــان :نزله على مكتبـــه وخبـره لاجاء عنـــه ...
نزل العسكـري المغلف علــى مكتب ناصــر وطلــع ..
طالع سلطــان بالساعة يده تأخــر مره ناصـــر من ساعه قال أنه طالع من بيتهم وجاي مرره تأخــر الله يستـــر ,,, يدق على جــواله والأستــاذ مايــرد جاب بيتصــل على بيتهم يسأل عنــه بــس مابغـــى يخـوفهم عليـــه ..القلق ذبحـه مايحــب يجلس ينتظــر بمثل هالمــواقف شاف المغلف اللي جابــه العسكــري فتحــه لعلــى وعســى يشغــل عن الهـواجيس اللي بدت تأكل فيــه ... كان مكتــوب عليــه أسم ناصـــر كامــــل ...
شاف فيه أشرطة تسجيـل مأهتم فيهــا وجلس يفتح بالظـرف صغير كان داخــل المغلف كان فتحــه صعب ... فتــحه سلطــان وهــو ساهــي وغافل عن اللي فيــه فتحه وهــو موداري أنــه يفتـــح أكبــر زوبعــه بتهز حيــاته فتحــه بدون مايدري أن اللي داخلــه بيحطــم حيــاته فتحــه وبسمـــه على شفايفــه كان سببهـا مــوقف تذكـره صارلـه مع وهـــج بس هالبسمـــــه
ماتت يوم طاحــت عينــه على اللي داخـــل الظــرف كل شــي حوله ماعاد يشعـــرفيــه الوقــت وقف
عيونــه تعلقت على اللي بيــن يديـه جمــدت يده من الصدمـــه وبقت معلقـه فالهــوى والصور تطيـــح من المغلف الوحــده ورى الثانيــه
تشهـــد علــى أقســى طعنـــه تلقاها فحيــاته جاتـــه من الخلف من ناس
الخيــانه أبد ماكانت من خصـــالهم ومــاتوقعها أبد تطلـــع منهم ولوماشاف بعينـــه ماصدق ... أنشــل تفكيـــره ماهـــوراضــي يصدق أنهــا خانتـــــــــه ,,, وهج مستحيـــل تخـــــون ومستحيـــل اللي بالصـــور تكـــون وهج البريئه اللـــي عرفهــا وحبهـــــا ...
سكـــر عيونه ورجع يفتحهـــا على امـــل يكــون كل شي اختفــــى واللي شافتـــه عيــنـــه كذبـه ماصارت بس المغلف للحيــــن موجــود على المكتب مفتـــوح والصور متناثره بكــل مكــان تذكـــر كيف فتح المغلف بقـــوه يوم مارضى ينفتح طالع فيه على المكــتب ورجــع يطـالع بيده اللي فتح فيهـا وياليتها نقصت قبل ماتنمــد وتفتحـــه وتفتــح عينـــــه علــى مصيبــه زلزلت حيــاته ...مــد يده المرتجــفه ورفع وحــده من الصور ...


نهــاية الجــــــزء