ـــــــــــــــــــــــــ ـــــــــــــــــــــــــ ــــــــــ ــــــــــــــــــــ
يوم جديد
بعد صلاة الفجر
عناد شاف سند خارج من المسجد ومتوجهة للبيت لحق سند .. عناد يقبل راس سند / اعذرني يا خوي والله مو قصدي اللي فهمتوه .. وفوقها معصب .. ويوم شفت سوات فارس حطيت حرتي فيه
سند اللي تفاجا من عناد بس تمالك نفسة و بهدوء/ ولو يا ابو خالد ما توصل انك تشك بتربيته ولو واحد من اخواني اخطاء وانت جازيته بدون ماانت تغلط بالحكي كان فداك ولا احد يقدر يفتح فمه بحرف بس اللي يزعلانا انك مو اول مره تقول هالكلام .. ولا تحسبنا ماني داري عن كلامك اللي تقوله عن غرام .. علشان عمي وخالتي ساكتين والا ما نرضى احد يزعل الغرام بشي هالمره نبهناك يا عناد لكن المره الجاية مانعديها بسهوله .. اشوفك على خير ... ترك عناد وهو يغلي من داخله
عناد بنفسة " اجل ياغريم تقولين لاخوانك عن كلامي وماتقولينهم عن سواد وجهك والله لاربيك وانا ولد ابوي"
بعد صلاة الظهر
في مجلس الرجال الخارجي الكبير على الغداء ابو سطام وأولاده واحفاده وابو نايف وابو راكان وعبدالله ونايف كانوا حاضرين الكل لبس الزي الرسمي اللي هو ثوب وشماغ او غتره الا عبدالله ونايف لبسين جينز و تيشيرت
سلطان متضايق من شكل نايف وعبدالله لانه مايحب يشوف احد جالس بالمجلس لابس غير الزي الرسمي
عبدالله لبس جينز ازرق غامق و تيشيرت رصاصي وفية صورت تنين بالأبيض وشعره مجعد لأخر رقبته شكله بالمجلس بشع وهو ياكل العلك حاول فيه نايف انه يترك العلكه بس مسمع كلامه وقعد يعلك فيها
نايف لبس جينز اسود و تيشيرت ابيض وفيه كتابه بالأسود وشعره لأسفل رقبته بشوي مكان متقصد هالبس بس مالقاء في شنطة ملابسة ثوب له ولا كان متوقع الخطبة ولان زياد وراكان مو مثل جسمه هو اقصر منهم بشوي واضعف فاضطر على هالبس كانوا عيال عمه متقرفين من عبدالله واخوانه معصبين من عبدالله ومنه
بعد السلام والسؤال عن الاحوال والاحاديث الجانبية وكل يتحدث مع الاخر بهمس او ينتبة مع سالفة يقولها احد الكبار
راكان يهمس لزياد وبعصبية/ اخوك ماعنده ثياب ولا يعرف درب الحلاقين
زياد بهمس/ الله يهديه ادعي ان عمي سلطان يعديها له
راكان بهمس/ والله لو اليوم صار شيء اعرف اني ذابح الخبل اخوك مابقى الا هو يخرب خطبتي
قطع عليهم صوت ابو سطام / حياكم الله تفضلوا
وقاموا على المقلط علشان الغداء
ـــــــــــــــــــــــــ ـــــــــــــــــــــــــ ــــــــــ ـــ
عند الحريم ام راكان واخواتها وبناتهم
ام سطام / اشلونك يا ام راكان واخبار الاهل
ام راكان تطالعها .... وردت عنها شريفة " ام عبدالله " / بخير انا اختها شريفة وذي اختي خديجة وذي بنتي مها واللي جنبها حنان وهذي اختي الثانية خلود وهذي العنود واختها ساره بنات سطام
الكل استغرب ردها عن ام راكان تدخلت العنود " ام سند "
ام سند / ما شاء الله ويشلونكم يا بنات ان شاء الله بخير
ام عبدالله ببتسامه زائفة / بخير بخير
ام سند بابتسامه للعنود بنت اخوها/ ما شاء الله يا العنود والله كبرتي واحلويتي وصرتي عروس خبري بك وانتي صغيرة وماعاد شفنك
العنود نزلت راسه بخجل بصوت هادي خجول / تسلمين يا عمه عيونك الحلوه
ام سند/ وانتي ياسارونه والله احلاويتي وكبرتي خبري بك وانتي تحبين
ابتسمت سارة ونزلت راسة خجلانة .... التفتت العنود والهنوف لبعض وغمزوا لبعض
ام عناد / ما شاء الله الزمن يجري والعيال كبروا والبنات كبروا وان شاء الله نزوجهم ونفرح فيهم ونشوف عيالهم
العنود وساره زاد احمرار وجههم وخجلهم وتمنوا الارض تنشق وتبلعهم
ام عبدالله فهمت انهم قصدهم يبون يزوجون بنات اختها لعيالهم وتضايقت وعصبت
قطع عليهم السالفه ام سطام تقلطهم على الغداء
ـــــــــــــــــــــــــ ـــــــــــــــــــــــــ ــــــــــ ــــــــ