[لامارا]

تابع.......


اليوم ناوي يروح لفيصل بيكلمه بعد ماضمت الموافقه من امي ارتحت كنت بروح من يومها بس قلت اثقل شوي اعد نل ساعه وكل ثانيه كانت اطول يومين مرو علي
لبست وتعطرت ودقيت على عمي الي قال انه قريب من البيت والحمد الله عمي متفهم ومتحمل كم مرة نروح ونخطب منهم ومايرضون ولما قلت له قال انت مانسيتها
بس المرة هذاي غير المرة هذي هي موافقه من قبل لأخطبها نزلت مع الدرج شفت امي جالسه تعبانه الغدة باديه تتسرطن معها ارسلت اوراقها لأمريكا
وراح احاول ان انتزوج ونروح انا ورونق معها فترت العلاج
حبيت على راسها
ام عماد بفرح /الله يتمم عليك يامي بخير وتتيسر امور يارب
عماد بابتسامه/آمين يمه كثري منذا الدعوات
ام عماد وهي تبكي /والله ادعي لك يمه كل يوم وكل ليله
عماد /افاا بس يام عماد تنزل دمعتك المفروض تقومين وترقصين
ام عماد تمسح دموعها /ياوليدي دموع فرح والله اني ابي اقوم وارقص بس انت ادرى بكل شي يايمه
عماد/الله كريم يمه الله كريم
دق جواله شاف انه عمه وقف
عماد /يالله يمه تامرين على شي يالغاليه
ام عماد/الله يوفقك يمه ابد سالم غاكم يمه بس من تطلع من عندهم تعال وقولي وش صار








فيصل /يعني يمه هي موافقه
ام فيصل /ايه موافقه وانا قلت لك ان ام عماد خطبتها مني وانا أحذت رايه وقلت لأم عماد
سعد/الله يوفقها يمه يالله شكلهم جووو










بصوت همس/الله يستر ياسلطان اليوم
اعلنو الاسماء واكيد ابو خاتم له يد بذا الشي
سلطان يتنهد/ربك يعين لازم نركز زين
ونغطي على بعضنا بحيث انهم مايحسون
فينا لازم نستغل العمليه الجايه زين
ونخططها لصالحناا عشان نفتك
سامي /اكيد انا مقد اصبر اكثر من كذا ابي
اشوف اهلي اشتقت لهم كثير ياسلطان ولا
ادري عن اخبارهم
سلطان/ كلنا ياسامي مشتاقين بس الله ينصرناا وراح نرجع و نشوفهم باذن الله
سامي وهو يفكر بمهاااا/ونعم بالله
من بدت المهمه اقصد من غبت عن البيت وانا بس احلم بمها معهاا طفل بيدها بس تعطيني ظهرها وتروح بعيد
قطع تفكيري سلطان
سلطان/سامي يالله طالبيناااا
سامي /يالله استعنا بالله









صحت وهي تحس نفسهااا مرتاحه بعد صلاة الاستخارة الي صلتها البارح احساس حلوو بعد الحلم الي احلمت البارح بس اخر الحلم محيرهاا
كانت جالسه تسولف مع تركي وهم ماسكين يدين بعض وكانت سعيدة بالمرة من شدة السعادة تحس حتى بعد ما صحت كانت تقول له عن حبها له وكان يحكي لها كيف عاشقهاا للجنون بس في صوت ماتدي من بس كان ينادي تركي شافت وجهه تغير
باس خدها وراح بعيد عنه وهي تناديه ولا يسمع لها
تعوذت من ابليس
شافت الصندوق افتحته شافت الدبلتين والسال والورقه الي اغلا من الي في الصندق اعترافه بحبه لها وطلبه منها لزواج
وبعدها بثواني نايف جاا وقال لها ان تركي يبي موافقتك عليه عشان يتقدم رسمي
تنهدت تبي تشوفه تبي تسمع صوت خلاص ماتقدر تستحمل بعده
هو خلاص خاطبهاا بس تبي تبلغه بنفسها موافقتها مثل ماهو طلب بالورقه يسمع موافقتها منهاا اهي بنفسهاا ماتبي تكسر بخاطرة
رفعة السماعه وبتردد وخجل
وضغطة الرقم
ررن وماحد رد
في شي يقول عيدي الاتصال تسمع دقات قلبها ومن قوة النبض تحس قلبها بيخرج من القفص الصدري خوف وحجل وترقب
مرة ثانية ولارد
مرة الثالثه ونفس الشي
مرة الربعه
السمعت السماعه ان رفعت
تركي بطفش/نعم
رزان تسمع صوته وتحس انهاا بحالة جنون/
تركي/الووو بترد ولا لا
رزان/
تركي/اجل ليه داق علي اربع مرات وانت تبي تنطرم
رزان تشعت وبصوت همس/الووو
تركي بتاافف/نعم من مرسلك حنان
رزان بصدمة يعني مانسى حنان/
تركي/قولي لها ترى كل شي انتهى بنااا
ولاتحول تجي بطرق ملتويه ترى اعرف
حركاتها
رزان تشجهت/انا رزان

اخذ بريك قوي من الاسم الي اسمعه كان بيروح فيها كان راح يصدم السيارة الي
قدمة
تركي بصوت هامس/رزان
رزان وقلبها يرقع بخجل/ ايه رزان
تركي يسند راسه على كرسي السيارة بعد
تصديق/حلفي
رزان بابتسامه خجوله/والله رزان
تركي بتاكيد/اخت نايف ال .......
رزان بضحكه / ايه اخت نايف ال .......
تركي بابتسامه وراحه/احبك وربي الي
خالق سابع سمااااء احبك
رزان خجلانه/
تركي /لا تسكتين احلفك باغلا مافي الكون
عندك لاتسكتين ابي اسمع صوتك ابي اشبع
من صوتك
رزان بخجل/شاقول
تركي بهمس/قولي احبك
رزان بقلب يخفق بصوت هامس/ احبك
تركي غمض عيونه/عيديها تكفين
رزان بهمس/احبك
تركي/انااا مو احبك اعشقك واعشق التراب الي تمشين عليه بعد
رزان خلاص تحس انها بتموت من الخجل تحس الغرفه صغيرة وحاارة من قوة الاحراج
تركي حس باحراجها/ رزان معي
رزان /امممممم
تركي/فكرتي بالموضوع
رزان بهمس/احم ايه
تركي وقلبه بيوقف /وشنو ردك
رزان بخجل /موافقه










فتحت عيونها بثقل من مفعول المهدء تحس مثل الضباب حولها بس تسمع صوت علي وترتيله العذب في قراءة القرآن دايم اذا اسمعت تحس بسكينه والى الحين غمضت عيونها تبي ترتاح من الهم الي بقلبها
تبي تصدق الي سمعت عن سامي حبيبها الي كان مايرضي بوخزت الابرة لها كيف يسوي كذا
تذكرت وداعه لها وكيف وصها على امه وابوه
كيف كان قبل يروح للعمل وكيف رجع
آآه ياسامي من عرفتك وانا بعذاب
حست بيد علي تمسح على راسها
فتحت عيونها شافت كيف اخوها مبتسم
حاولت تبتسم شوي ماقدرت تحس
الابتسامه صعبه عليها
علي /الله وش ذا الدلع دلوعتناا تتغلى علينا
ليه
مها/ماهو على الدلع الدلع لغيري ياخوي انا
مكتوب الشقى والعذاب على جبيني
علي حس بغصه /افاا يامهااا وانا وين رحت
وامي ومي وابو سامي وام سامي
وسامي الي اكيد بيوم بيرجع
مهاا دمعت عيونهاا/ماضنيت ياخوي ماضنيت
ضمهاا لصدره وتشبثت فيه كأنها من زمان
تبحث عن احد يضمهاا يحس فيها يعطيها
حنان الي فقدته من افقدت سامي

جلس يقرا عليهاا لما نامت في اخضان
اخوها الي ماقدر انه يسوي شي لهاا او
يعوضها عن الي اعمله فيها هي وامه الا انه
زوجها من الشخص الي تحب ويحبها
والحين عرف انه ماقدم شي لها ألى الحين
تبي منك ياعلي تبي تحس بالاخوة تبي
تحس بالامان والراحه تبي تحس ان عندها
ظهر
تنهد نزل راسها على المخده وغطها كويس
وارسل رساله لمي عن حالت مها وانه راح
ينام عندها وبكرى راح يجي هم
جلس يقراءة قرآن بصوت منخفض







غيوض كملت دراسة خلصت الدواة الحاسب ولانجليزي وتطمح للفرنسي عشان تكون من طبقت ام نواف بنظرها وعشان ركان حبها الي مستعده تسوي المستحيل
جلست بصاله تفكر فيه اصلا،متى هو غاب عن بالهااا
كانت تقلب بقنوات التلفزيون بفكر تايهه وبعيد بالمرة طفشت وسكرته
شافت امهاا جالسه تسمع الراديو الي معهاا من ايام ابوها حتى لو خرب تسويه وتدفع دم قلبها بس عشان يتصلح بس لأنه من ريحت الغالي زوجها وابو عيالها
قامت تحووس بالمطبخ وتقول مضاوي وملك على القهوه
بدل التفكير الي هد حيلهاا
سمعت بدر اخوها بالصاله عندامها تزوج ملك صديقة سارة زوجة نواف صاحبة قبل اربعة اشهر بس ساكنين بشقة جنبنا
حرصت بزواج بدر على انه يكون قريبه من
طبقة ام ركان راقي فخم وام ركان حضرت الزواج
بس الحمد الله كل شي كان ولا احسن منه
وفخم وكلا شهد لشي هذا
ام ركان صارت هاجسي بكل شي افكر
لازم افكر فيها انا ابي اكسبها عشان ركان
لي نوف تحكي لي عنه وكيف انه يرفض
كل وحده امه تختارها له حتى سعاد بنت
عمه الي كانت سبب في خلاف بينا بس
نوف وضحت لي الموضوع بعد هواشي
معه بالسيارة يوم الامتحانات
هي تعترف انها مو تحبه تعشقه
اسمعت امها تصوت عليها تركت الي بيدها وراحت لها
غيوض/نعم يمه
ام بدر/تعالي اجلسي
جلست وانا اشوف بدر يطالع في ويبتسم
غيوض بابتسامه/من قدة المعرس مستانس
بدر يضحك /اهم شي ذا القب اخاف احد ياخذه مني
غيوض بابتسامه /محد عندنا بيعرس
ام بدر/الا انتي ان شاء الله
غيوض لفت بسرعه لمها بقوة /وش
ام بدر/ وش فيك تقول مقروصه
غيو ض تمالكت نفسها/لا مافي شي
بس تفاجئت بس
ام بدر بابتسامه / تقدم لك اخو ملك المهندس سامي
غيوض رقع قلبها /وش انااا
ام بدر باستغراب /ايه انتي ليه فيك شي يعيبك
غيوض طالعت في بدر الي جالس ساكت/
بدر وش صاير
بدر /ماصاير شي الولد جا العصر وخطبك مني هو وعمه
غيوض كانت بترفض على طول بس قالت اكيد بيقولون فيها شي/
احم ابي فرصه افكر فيها واستخير
ام بدر /والله مانتي ماخذه احسن منه وحد متعلم ومن مستوانا ونسايبنا
غيوض رفعت عيونها لأخوها/ بدر أذا رفضت اخاف ملك تزعل وتاخذ بخاطرها
ام بدر بخوف/وليه ترفضين هو انتي بتلقين احسن منه
غيوض الله يستر/يمه اقول لو يعني مو قلت رفضت
بدر بابتسامه/اكيد مراح يتغير شي ابدا
انا وملك غير عنك انتي وسامي اهم شي استخيري وربك بيسر لك الامور
غيوض براحه/ونعم بالله عن اذنكم
بجيب القهوه








ام فيصل /كيف
سعد/يمه الرجال شرح لنا ظروفه وقال ان امه تعبانه ولازم يسافرون ومدة العلاج يمكن تطول وهو يبي يتزوج وياخذ رونق معه هناك
رونق/طيب بس خالد معي
فيصل /لازم نستأذن من ابوه
رونق مثل المقروصه /لا قلت خالد معي ولا مو لازم
ام فيصل /شنو الي مو لازم انتي صاحيه
خالد عندنا مثله مثل رهف ومراح اقصر معه
رونق وعيونها امتلت دموع/يمه ولدي وين اتركه قلبي يمه مايطاوعني
ام فيصل /يابنتي حنا بناخذ راي ابوه بالاول اذا وافق راح يروح معك واذا رفض راح اقول انه راح يبقى عندنا
فيصل /صح صدقيني يارونق بنعده مثل رهف واحسن بعد بس انتي شوفي حياتك مع الانسان الي ياماااا اطلبك زوجه له وانتي ترفضين
اشري الي يحبك وانا اخوك
رونق/ خلاص قولوا لابوه وشوفوا مع اني اعرف انه راح يرفض عناد فيني
سعد/ ولا يهمك انا راح اقنعه واكلمه باسلوب راح يوافق فيه او انه يجلس عندناا









بعد يومين
نايف/هلا ركان
ركان/هلابك ابو محمد
نايف/أخبارك
ركان /بخير ربي يسلمك الله يسلمك
نايف/ركان ابي اوراق العقد الي بين شركتنا وبين شريكاتكم
ركان/اووه نسيتها في سيارتي معي
نايف/طيب انت وينك فيه بجيك
ركان /مو برياض
نايف/وينك
ركان /بالمزرعه برى الرياض بس تعال انت واهلك وجيب معك اوراق المشروع عشان ندرسه مع بعض ونستانس مع بعض اليوم لاك بكرة راجعين
نايف /لالا خلاص بكرة اشووفك
ركان /علي الحرام لتجي انت وابوك واختك
وانا بدق على تركي واهله يجون بعد
نايف /يابن الحلال ماله داعي انتم عايلة وبكرة راجعين
ركان /انا قلت تجي يعني تجي سامع يالله ننتظركم على الغداء باي وسكر
بدون مايعطي نايف للقبول او لرفض
تنهد ودق على رزان عشان تتجهز هي وابونا عشان نروح
سكرت منها ودقيت على تركي لي حلف عليه ركان وقال انا وامي بنجي لأن ابوي مسافر لشرقيه

واتفقو يروحون بسيارة وحده







بدر /يمه يالله بسرعه عادل ومضاوي جاهزين ينتظروناا غيوض بصوت عالي بسرعه
ام بدر وهي تلبس عباتها/يالله خلصت وين غيوض وملك
غيوض ومعها نقابها /يالله جيت يمه عليكم قبل نص ساعه بس قلتوا لنا مايمدي نلبس حتى اف
ملك /انا جاهزة
بدر يسكر باب الشقه /والله من الحووسه الي تسونها بو جيهكم
غيوض وهي تضرب كتف بدر /انت تعرفني موراعية حووسه
بدر وهو ينزل مع الدرج/يالله توكلنا مشوار المزرعه والساعه الحين ٩يالله يمدي على ١ونص







ام فيصل /رونق يالله يابنت بسرعه
رونق /يمه لحظه بس اجيب شنطة خالد ورهف
في /ماعليك من رهف خلصت اغراضها انا انتي خلصي ترى فيصل قريب الحين يوصل
وانتي تعرفينه بيعصب اذا ماشافنا جاهزين
رونق/يالله بجي دقايق
ام فيصل /وين امل وسعد ياربي لازم يتاخرون
امل /لا خالتي هذا انا جيت
في/ وين سامي
امل /مع ابوه بالسيارة برى
لحظه برد على الجوال
امل /هلا مهاا هاا بتروحون ولا لا
لالا مها حرام عليك
ابوي يبي يروح بس عشان بيجلس
تكفين مها تعالي غيروو جووو
مهااا عشان خاطري
يالله اجل بنتظركم
لالا اصلا فيصل لسى ماجا من الشركه
يالله تعالوااا يالله باي
في /ها بتيجي
امل تتنهد/مابغت تقتنع بس قلت ابوي يبي يروح بس عشانك بيجلس قالت خلاص طيب
ام فيصل /الله يعينها محد تحمل الي حصلها ابداا قبل الزواج والحين بعد الزواج
الله يهدي زوجها ويرجع على ان الي يمشي بذا الطريق مستحيل يتراجع منه
امل و تدمع عيونها /والله ياخالتي سامي مستحيل يسوي كذا مراح اصدق في
سامي ابداا
في تحط يدها على كتف امل /الله كريم يامل ادعي له وان شاء الله بيرجع
ام فيصل /الله يهديه ويرجع سالم يارب يابنتي والله كلنا مو مصدقين وان شاء الله تشابه اسماء ان شاء الله
امل/لا خالتي هو حاطين الصور واسمه كامل
ام فيصل/لاحول ولا قوة الابالله العلي العظيم طيب ام علي بتجي ولا لا
في /خالتي مي ارسلت لي رساله تقول مانقدر تعرفين هي دوبها داخله السابع ويكون مو زين لهاا في ذا الشهر
ام فيصل تتهد/ الله يقومها بسلامة يارب









نواف/سارة ابي تبيضون وجيهناا ترى هم
ضيوفنا المزرعه كبيرة الفله لكم واحنا الفله الثانيه حقت الضيوف
سارة بابتسامه وهي تاشر على عيونها /
ضيوفك ضيوفنا يابو بدر افا عليك بس
هذا كلام ينقال
نواف بابتسامه حب على راسها ونزل وحب
على بطنها/ربي يخليك لي يارب ويجي
بدوري بسلامه وتقومين بعافيه ولايحرمني
منكم
ام نواف وهي نازله من فوق بصوت عالي/نواف
نواف وقف زين/ نعم يمه
ام نواف/من عازميين
نواف /اصدقائنا واهاليهم واهلا سارة
واهلا عمها
ام نواف بعصبيه/ وانتم استاذنت انت واخوك مني
سارة اطلعت برى لأنها ماتبي مشاكل معها
نواف يمسك نفسه/يمه ليه مو عادتنا
رجاجيل ولنا كلمه
ام نواف/كلمتكم على حريمكم مو علي اناا
فاهمين
نواف يستغفر بداخله /طيب يمه يعني ندق
عليهم ونقول ارجعوا لاتجون امننناااا مو
راضيه تزورونا في مزرعتنا
ام نواف بعصبية /استقبلو ضيوفكم انتم انا بنحبس بغرفتي لما يذلفون
نواف يحب على راسهاا/يمه يالغاليه شفيك
علينا ترى انتي الغاليه امنا حبيبتنا ومالنا غنااة
عنك وانتي بعد ماترضين تصغرينا قدام
ضيوفنا وحريمنا تعالي اجلسي الله يهداك

ام نواف تتنهد وهي تجلس/اففففف
نواف /افا يام نواف بس وش فيك مو اول مرة نعزم احد بالمزرعه وبدون علمك بعد
وش الي مضايقك يايمه
ام نواف/انا كم مرة قلت لكم اقطعوا علاقتكم ببدر واهله الخمه الي مدري من وين ملت عليهم
نواف/يمه الله يهداك بس وش فيك عليهم
بفهم
ام نواف/فيني ان راكانوه يبي اختهم المطلقه ويبلينا بناس مو من مستوناا
نواف بصدمة /ومن قالك يمه
ام نواف /سمتعه اليوم يكلم نويف نوف اختك يسال عنهاا وانا اشوفه كل ماخترت له وحده قال لا اثرة يخطط على شي ثاني وانا مدري
نواف/يمه قولي لاأله الا الله
ام نواف/لا اله الا الله
نواف /يمه هم ناس مثلنا بس ان الله فرق بينا وبينهم بالمال والجاه صح
ام نواف تهز راسها بنعم
نواف/بس بكرة يمه اذا اجتمعنا وكلن ياخذ نصبيه من الاخرة المال والجاه وماينفعنا ولا يشفع لنا الا اذا استغلينااه لصالحنا وبطريقه صح
ام نواف ساكته
نواف /يمه كلنا مخلوقين من تراب وسوف نعود لتراب المال والجاه مراح يدفن معنا ويبعث معنا يوم الحساب والعقاب
هم مثلنا بس الدنيا مجت على كيفهم يمه الدنيا صح كانت معنا مو ضدنا بس هم العكس المفروض مانجلس نعيب عليهم او نقلل من حجمهم او من مكانهم
وحنا عيالك رجال ولنا كلمه طبعا بعدك بس في اوقات صعب ناخذ رايك فيها صح يمه
ام نوا ف بصوت خافت/صح يمه صح
نواف مسك يدها وحبها/ يمه ربي يخليك لنا ترى حنا مانسوى بدونك يالغاليه انتي كل شي بحياتنا انتي امنا واختنا وكل شي
مسحت بيدها على راسه بحنان /كبرت يانواف وتغيرت مرة من تزوجت وانت متغير
نواف يبتسم /عاد للحسن ولا للأسوء
ام نواف بابتسامه /للأحسن اكيد يالغاليه
نواف /هذا بفضل الله ثم بدر يمه عليه فضل لي لو اقدم الي املكه له مايكفيه
ام نواف اقضبت حواجبها دليل الاستغراب /كيف
نواف باختصار /الله ارساله بطريقي وبين لي الصح من الخطاء الحلال من الحرام
ام نواف/ الله يجزاه كل خير يمه ويفتحها بوجهه
نواف /آمين يمه تكفين ادعي له ولنا ترى دعوت الام مستجابه
ام نواف ساكته تفكر
نواف حاول يستغل هدوء امه لصالح راكان
نواف/يمه
ام نواف /هلا
نواف /يمه ترى ركان ولدك بعد خفي عليه
ام نواف/ركان يعاندني
نواف /لايمه راكان يحب والحب مو بيد الواحد وانتي اعرف الناس بالحب يام نواف
ام نواف تنهدت /الله يرحمة ويغمد روحة الجنة كان يتمنى يشوفكم متزوجين ويشوف عيالكم
نواف /الله يرحمة









ركان/مثل ماقلت لك ابي اشوفها و أكلمها
نوف /انت صاحي
ركان /تكفين نوف ارحميني في اشياء لازم تتوضح بينا
نوف /خلاص راح احااول بس قول ان
شاء الله عمك مايخرب الجوو ويجون
وانت تعرف سعاد بنت عمك وحركاتها
وخصوصا امي ملمحه لهم
ركان حط يدة على خصرة ويده الثانيه على جبهته/اف اف يارب وش ذا التعقيد الي انا فيه والحل اكيد عمي بيجي وانا مابيها تحتك بغيوض مرة ثانيه يكفي المرة الاولى ولسى زعلانه
نوف/اوما سعاد ماتسوي ولا تميلح الا تقولها بالوجهه عادي بنت عمك وسيعت وجهه
ركان /نوف خليك معهاا لاتفارقينهاا ابيك تكونين ضلهاا مابيها تتضايق باي شي
نوف/خلاص بحااوول وش ذا الحب العذاب الله لايبلانا بس
ركان يبتسم /عذاب صح بس حلووو بكل شي فيه له لذه ما يفهمها الا الي يحب بصدق
نوف وهي طالعه /اطلع واجهز قبل لاتسوي معلقه عن الحب بس








انتهى البارت الواحد والثلاثين
رايكم بالبارت وان شاء الله طويل
وان شاء الله مانسيتوا الابطال والا احداث القصة
يمكن تغير شوي في سرد القصه بس ان شاء الله تعجبكم
ابي ارئكم وتوقعااااتكم ,,,