[لامارا]

تابع......


سارة/ملك انتي من جدك
ملك /ايه من جدي قبل يومين خطب من بدر
سارة /وبدر وش رايه
ملك ترفع أكتوفها بحيرة /يقول مراح اجبرها براحتها
سارة بتوتر/بس ياملك ركان يبيها مويبيها وبس يعشقهااا وحتى اهي بعد مبين عليهاا انها اتحبه
ملك بصدمه/وليه ماقلتي لي
سارة /ماقدرت نواف يقول هذا شي خاص
ملك /طيب وش السواة
سارة/ماااادري خليهاا على الله ربك يحلهاا
ملك بندم/والله لو حسيت كان ماقلت له يخطبها
سارة تتنهد /ربك يعين مادري من وين يلاقيها راكان من امه ولا من خطبة اخوك لها
ملك /اذا الله كاتبه من نصيبه صدقيني راح يتزوجها
سارة/ربك كريم


نوف تشوف غيوض تبكي ومو حاسه في
نفسها وهي تمشي اعرفت انو في شي حصل امسكتها من يدها وراح معها فوق لغرفتها/ غيوض شفيك قولي لي شفيك
غيوض تجلس على السرير/خدعني كذب علي
نوف محتارة/من الي خدعك من الي كذب عليك
غيوض بصوت عالي/راااااااااكان
نوف بخوف /شفيه
غيوض طالعت فيه وعيونها تدمع بقووة/كذب علي وانتي بعد خدعتيني
نوف باستغراب/اناااااااااااااا
غيوض تحرك راسها بنعم بين شهقاتهاا
نوف بحيرة/في شنو خدعتك
غيوض تبلع ريقهاا وبصوت كسير/ليه ماقلتي لي ان ابوك خااطب سعادلالراكان ليه خبيتي علي
نوف بصدمة/ومن قالك
غيوض بقهر/سعاااااد
نوف/متى
غيوض تبكي بقهرررررررر وماردت عليهااا
نوف بحيرة كل الي تبيه راكان تساله وش السالفه
جوالهاا وين حااطته راحت تدةر على الجوال
عشان تدق على ركان


وقفت من على الارض لملمت باقي كرامتها
الي اهااانها ولد عمها عشان وحده مايعرفونها
نفضت الاغبار من ملابسهااا ومشت رايحه للفله


نواف/هلا مهندس وليد
وليد/هلابك نواف
نواف /اخبارك
وليد /بخير الحمد الله بشرنا عنك
نواف/الستر الحمد الله
وليد/يستاهل الحمد
نواف/وليد انت خلصت الدراسة مشروعنا مع شركة النايف للاثاث والصيانه
وليد /ايه خلصتهاا عندي بالبيت
نواف/اوكي حلوو ابيك تجي وتجيبها معك للمزرعه
وليد/ابشر بس موافضل نتركها ليوم السبت
نواف/لا وين بالمزرعه احلى نايف والشباب مجتمعين عندي ولنا مرة وحده ندرس المشروع انت عارف ان المشروع قوي
وليد /اوكي تم على العصر بكون عندكم
نواف/اوكي ننتظرك فمان الله
وليد/فمان الكريم


تغدوو جمعااا
كان الرجال بقسم الخاص للضيوف
ضحك،وسوالف،بس،مفتقدين راكان مع انه حاضر بالجسد بس القلب والتفكير،فيهاا
شاف جوال يهز لآنه على الصامت
تنهد من ساعه ونوف تدق،عليه ومايرد عليها ماعنده شي يقوله لها بس تذكر غيوض اكيد فيهاا شي
نايف/ورى ماترد على جوالك له ساعه يهتز بجيبك ياخي سبب لي توتر وانا جنبك كيف انت
راكان وقف/خلاص برد
طلع برى بيسأل نوف عنها
راكان /هلا نوف
نوف بسرعه /ركان وش صار ليه غيوض تبكي
راكان تنهد/هدي هدي
نوف بصراخ/انت وش تقول اهدي البنت تقطع قلبها من الكي البنت منهاره مانبي عاارفه اتصرف معها
راكان /وينكم
نوف تتنفس بسرعه/ليه وش باقي ماسويته
وبتسويه بعد
راكان بصراخ /ماسويت شي بنت عمك المصون خربت الدنيا وقبت كل شي
نوف بخوف وحيرة/وش صار
راكان/قالت سالفة ابوي الله يرحمه الي خطبها لي قبل وفاته
نوف وهي تحط يدها على فمها/اوووووه
راكان بقهر /لاوتقول انت زوجي الحقيره
نوف بعصبيه /بصراحه هذاي وسيعت وجهه انا بوقفها عند حدها
راكان يهدي نفسه/لالا انا الي بتصرف معها ماعليك
نوف /طيب
راكان بصوت هامس/نوف كيفها
نوف /والله ياخوي بكت لما تعبت ونامت
راكان بالم وهو يتخيلها قدامه تبكي /نوف ماقالت شي
نوف وهي تحس بصوت اخوها المتعذب/ماقالت غير خدعني وكذب علي
راكان نزلت دمعت ماكان يبي الامور توصل الى كذا
نوف /راكان الوووو
راكان يتنهد /هلا
نوف بحزن على حال اخوها/السوواه
راكان/حااولي تكلمينها
نوف /وش اقول
راكان/قولي لها راكان يحبك ويبيك زوجه له
وراح يخطبك من بدر اليوم



جالسه على كرسي لوحدهاا
تبي تريح اعصابهاا التالفه
سكرت عيونها تحااول تنسى الي مرت فيه
وتنسى وش موجع قلبها
تتمنى انهاا تفتح عيونها وتشوفه قدامها بس بصحه وسلامة
حبيبيها الي تعشقه وتتمنى شوفته
حست بيدين على كتفها فتحت عيونها شافت امل قدامها جلست جنبها على الكرسي الارجوحه الكبير
امل/مها
مها سكرت عيونها وهي ترد/نعم
امل وهي ترفع عيونها لسماء الصافيه/لو رجع سامي راح تسامحينه
مهااا الي تفاجئة من سؤال امل الي ماعمرها فكرت فيه او انها تخيليت مجرت تخيل في موقفها اذا شافته اكتفت بكلمة/مااادري
امل/مهاا سامي يحبك مو حب لا عشق
مها وعيونها بدت تنزل سيل الدموع وهي مسكرتها/ادري بس ليه سوى كذا ليه تركني بعد مالقيته بعد ما اجتمعنا ليه مافكر بامه وابوه
امل بحزن/صدقيني سامي غيابه وراه سر اخوي واعرفه
مها /الله يرجعه بسلامة
امل/ممممممم راح تحضرين حفلت زواج رونق
مها/مالي خلق بشي ابداا
امل/ليه
مها/امل لاتجادليني
امل/اوكي براحتك


رزان/طيب وش بقي عليك
رونق/تو مابعد رحت لسوق
رزان /ليه
رونق تتنهد/شايله هم ولدي خالد
رزان/وش قال ابوه
رونق بقهر/رفض اخذه يقول اذا رجعت تاخذه
رزان باقناع/رونق تبين الصدق فعلا انتي بتروحين مع شخص جديد بحياتك ولا تعرفين شي عنهورايحين رحلت علاج لأمه بعد يعني يمكن تجيك اوقات ماتقدرين عليه
اتركيه عند امك افضل
رونق بشبه اقتناع/مدري
رزان بحماس /ماعلينا متى تبين تروحين لسوق
رونق/يمكن بعد يومين او بكرة اذا رجعنا ليه
رزان مسويه مستحيه/ابي اختار فستان لشبكه والملكه
رونق بابتسامه /ومتى طيب
رزان بعد زواجك بيومين
رونق /يعني مراح اشوفك
رزان /يمكن بالزواج تشوفيني
رونق/والله ماضنيت على حسب ماسمعت انه مستعجل ابو الشباب وانا مطوله برى
رزان ووجهها احمر/خسارة يعني لا ملكه ولا زواج تشوفيني
رونق/اهم شي تتوفقين ولا شي يعكر عليكم
رزان تتنهد/اموت يارونق أذا صار شي
رونق /مراح تموتين قبل يومك مثل ماتقول امي هههههههههههههههههه


ام خالد/يايمه هد بالك وريح نفسك
رائد/آآآآه كيف تقولين كذا يمه قلبي فيه مثل الجمرة هدمت بيتي عشان وحده ماتستاهل
ام خالد بحزن على حال ولدها/يايمه خلاص اخذت جزاهاا
رائد نزلت دمعته/يمه خسرت رونق للأبد
تعرفين وش ممعناا خسرتها
ام خالد تضم راس رائد بحجرها/بس يمه من سمعت انها بتتزوج وانت معذب نفسك
رائد يبكي بصوت قوي وعالي/يمه راحت بتكون لرجال ثاني بتام مع رجال غيري يمه راحت من يدي وحياتي آآآآآآآآآه يمه ناار بقلبي نااار الله لايوفقك يار نجلا الله لايوفقك يانجلا
ام خالد تبكي على ولدها الي يبكي وكانه طفل صغير/يمه بس خلاص اتركها عنك الله اخذ بحقك منه
رائد على وضعه/مابعد انشفى غليلي منهااا حسبي الله عليها ودي اذبحهااااا يمه
كانت جايه بشاهي لامها ورائد بس شافتهم بذا الوضع الي ضايقها كثير وانها تشوف اخوها الي دايم قوي جبل مايهزك ريح
بس شكل الي حصل معه غيره وهده
اسمعته يدعي على نجلا
تنهدت تذكرتها وتذكرت وش حصل معها بالمستشفى بعد ماأخذوها بعد طق رائد لها
وكيف اجهضت الجنين وشالوا رحمها الي تاثر من الضرب
كانت تبي رأئد ينسجن بسببها بس اخوها وقف لهاا وقالوا انها طاحت من الدرج
طبعا بالوسطه مشت الامور وطلع منها رائد
وخيراا انتهت نجلا من حياة رونق
وكان رائد بيكلم اخوان رونق ترجع له بس الحظ لعب دوره عليه وكلموه يخبرونه بزواج رونق من شخص ثاني وانها راخ تسافر معه برى وتبي ولدها معها بس رائد رفض بقوووة كان يبي يقهرها يمكن تنسى سالفة الزواج وتجلس عشان ولدهم
بس هم قالوا خلاص بالي تامر فيه بس بيجلس عندنا مثله مثل رهف
طبعا رائد وافق لأن امي ماتقدر على خالد
خصوصاا الخدامه مسافرة من شهر وانا عندي دراسه مو فاضيه يالله بشهد بنت المرحوم خالد



وليد/هلا انا عند البوابه وينكم ....
وين بالاصطبل ماعرف وينكم....
ايوه ..ايوه...اهااا خلاص أيكم
وقف سيارته ونزل كان لبس بنطلون ازرق وبلوزه مبينه عضلات صدرة لونها اسود وفيها شخبطه بالازرق
ولابس نظارته من قوتشي عريضه شوي
مشى على حسب كلام نواف
كان مستمتع بجمال المزرعه والجوو
شاف شي ورى الشجر يتحرك لونه زهر
راح باتجاهه يمشي على خفيف
بس لما قرب شاف بنت جالسه على بساط
وسرحانه بعيييد واضح من ملامحهاا البريئه الناعمه وماده روجوله الي مبينه من قصر الفستان
يحس نفسه انجذب لها تسال من تكون أكيد من اهل نواف
سمع جوالها يرن
ورفعته بصوت نااعم
ماسمع شي بس حس ملامحها تتحول الى الغضب سمعها تقول بصوت عالي/مو سعاااد بنت عبدالله ال......
الي تنضرب كف يستقوي علي ولد امه انااا اوريه من اكون
سكتت لأن الطرف الثاني يتكلم
سمعها مرة ثانيه لما كان راح يمشي بيروح لشباب/تدرين من يبي يبي غيوضووه الي ذيك المرة وهي ميته عليه مو هي بنت شوارع تحب الي مو من مستوااهاا
شفتهم يا غلا شفتهم مع بعض ويوم تكلمت ضربني عشانها
بس مايبي يسمع اكثر استند على خلف الشجرة الكبيره غيوض الي هي اخت بدر الي انا خطبتهاا تحب رجال ثاني وش السوه
مرضااها اخذ بنت ماتبيني
سرح بس صحى على صوت صراخها لف يشوف وش فيهاا
شاف واحد مبين عليه انه عامل شكله من عمال المزرعه يمسكهاا
ركض لهاا كان معطيه ظهره اضربه بين كتوفه بقوه الضربه القويه طااح على الارض كمل ضرب عليه لما حس انه بيموت
امسكه من ليااقت قميصه ورفعه وقربه منه
/أذا مرة ثانيه شفتك هنا راح اذبحك تفهم ولا لا
العامل وهو ينزف دم يهز راسه بنعم
حذفه على الارض
وقام راح يسحب رجوله سحب
لف شافها واقفه وهي تصيح بس بدون صوووت شافهاا تسكر عيونها وتطيح على الارض
راح لها بيشوف شفيهاا بحس الي قدامه فتنه مايقدر يلمسها يخاف انه يتهور قرب منها حاول يصحيهاا ولا صحت احتار وش يسوي
وهو مايعرف وين هو فيه عشان يدق على ملك تجيه تشوفهاا
سمع صوت ضحك بنات قريب منه
ولاحظ صوت ملك
دق بجواله لما شافهم بعبايتهم يقربون
وليد/ملك
ملك /هلا والله ارحب يالغالي
وليد /ملك تعالي شوفيني جنبكم على الجهه الثانيه
ملك /انت بالمزرعه
وليد /ايه لفي يمينك تشوفيني
ملك لفت وشافته وبنت في حجره
خافت وش صاير ركضت له والبنات وقفوا يشووفون وش فيه
قربت شافت سعاد نايمه بحجرة
ملك بغضب/وش صاير وش داب البنت عندك
وليد/ملك البنت مغمي عليهااا تعالي شوفيها
ملك /كيف اغمي عليها
وليد بطفش /انتي تعابي حاولي انتي والبنات تصحونها وبعدين اقولك
ملك وهي تحط راس سعاد بحجرها /ان شاء الله
سمعت جواله يرن وقف وراح
صوتت على البنات الي ماكلهم الفضوول

قامت من النوم الي ماتدري كيف نامت راسها مصدع مرة وثقيل بعد الصياح والانهيار الي حصل لها
شاافت جوالها عند راسها
دقت على نوف وقالت تعالي وجيبي مسكن معك
نوف الي قايله للطباخه تجهز شوربت خضار وسلطه وقطعة دجاج ستيك وعصير طازج لغيوض راحت مع الخدامه لها فوق
افتحت الباب شافتها نايمه على السرير
حطت الخدامة الاغراض وراحت
جلست نوف على السرير
ورفعت الغطى عن غيوض
شافت بقاايا غيوض موغيوض عيونها تدمع وهي كاتمة الصوت
نوف بالم/غيوض قومي الله يهديك
غيوض بصوت مبحوح/أحبه يانوف احبه وكذب علي
نوف تهز راسها بلا/ماكذب عليك بحبه لك
غيوض تبكي /الا يكن عشان مطلقه ومو من مستواه قال العب عليها والدليل طلبه لي يتزوجني بسر
نوف/غيوض انتي فاهمه الموضوع خطا صدقيني
قامت غيوض من السرير/لا فاهمته صح وراح اوافق على اخو ملك الي متقدم لي
راحت لدورت المياة بخطى هزيله مرهقه
تركت وراها نوف منصدمه من الي قالته او القنبله الي اطلقتها وراحت
انخطبت اخو ملك وووو رااااكان
شكلها انجنت
راحت ورها شافتها تغسل وجهها
نوف بامل/غيوض تمزحين صح
غيوض وهي تشوف عيونها المتورمه من البكي/لا ما امزح كنت غبيه برفض عشان راكان بس اجلت الموضوع عشان امي وبدر لايشكون بشي
وشوفي ربي كتب اسوي كذا عشان اعرف اخوك على حقيقته
نوف وهي تدمع/غيوض صدقيني راكان ماكذب راكان يحبك يموت عليك وعشان امي هي الي رافضه تزوجك هو قال ابيك بسر مو عشان سعاد سعاد سالفه وانتهت من عرفك راح لأعمي وقال له ترى بنتك مرخووصه واحسبها مثل اختي
غيوض وهي رايحه للطاوله وتجلس عليها بس اسمعت كلام نوف رفعت راسها بقوة لها /وليه ماقلتي لي
نوف ترفع اكتافها فوق/مادري ماتوعت الموضوع مهم عندك
غيوض بالم/كل شي يخص راكان مهم عندي اهم من حياتي بعد
نوف/غيوض والله انه يحبك ويموت عليك
اسمعت جوالها يرن شافت انه ركان
نوف /شوفي من اليوم يدق علي يسال عنك
غيوض وهي تحاول انها ماتبكي تاخذ البندول وكاس الماء
نوف /لا غيوض عشاني لاتاكلينه وانتي ماأكلتي شي اليوم
ترى الي موصي الغدى لك راكان هو طالب بكل شي لك
غيوض نزلت الباندول
واخذت ملعقة وتشرب من الشوربه بهدوى عكس العواصف الي بداخلها
سمعت نوف تكلمه وسكرت
نوف تضحك/غيوض بروح اعطي راكان حبوب بنادول يقول احس راسي بنفجر
غيوض بغصه/نوف تكفين انتبهي له سوي له مساج لا تشلين همي انا باكل وبنزل الحين
نوف تاشر بعيونها وراحت مسرعه
اخذت بنادول وراحت لقسم الضيوف لأنه في ذاك على كلامه
كانت لبسه تنورة لركبه لونها ابيض وبلووزه بناتيه نااعمه مرة زهر مبينه طول رقبتها ورافعه شعرها بشريطه زهر ومسويه مكياج بناتي
كانت ناعمه وجميله لكن مشيتها السريعه مناقضه لشكلها
كان واقف يكلم من بعيد شافها وهي تمشي بسرعه رايحه لقسم الضيوف
طنش ونسى سالفتها واندمج مع المكالمه
الي بنسبه له مهمه جدااا


راكان وينك
راكان بتعب من صداع/هنااااا نوف
نوف تبتسم وتتنفس بسرعه/يعني انت وهي متفقين علي اليوم
راكان بغير استيعاب/ ليه
نوف/صاير ممرضه اناقز بالبنادول من واحد لواحد
راكان نزل الكاس بعد ماأخذ حبتين/ومن الي مصدع
نوف وهي تشوف ملامحه/القلب
راكان جلس بعد ماحط راسه بينام/شفيها
نوف /مصدعه مرة نفسك
راكان/وش منه
نوف /من البكي
راكان/جعله في سعاادوه الحمارة ولا فيها
نوف اضحكت عليه/لا يفوتك قبل شوي شفت البنات يساندونها مغمي عليها يدخلونها جوى
راكان/احسن حوبتنا انا والقلب نوف وش قالت
نوف /بالبديه عصبت وانك كذبت عليها عشان هي مو من مستونا ومطلق وتبيها بالسر عشان سعاد وانها بتوافق على اخو ملك الي متقدم لها بعد ماكنت رافضته
راكان وقف /وش وليد متقدم لها
نوف/على كلامها
راكان/نوف مابي مزح تكفين قولي الصدق
نوف /والله العظيم ماكذب
ركان يجلس ويحط يده على راسه/آآآآآآه
وش ذا الحظ يارب
نوف /ركان انا فهمتها السالفه
راكان/ وش قالت
نوف/قالت ليه ماقلتي لي قلت لها ماتوقعت انه مهم لك قالت اي شي يخص راكان يهمني اكثر من حياتي
راكان/ياناااااااااااس تلوموني بحبها طيب وش قالت بموضوع وليد
نوف /ماقالت شي
راكان/كيف ماقالت شي
نوف /انت دقيت وقلت لها انك تعبان
قالت روحي له وسوي مساج له واهتمي فيه وانا باكل وبنزل تحت عندهم
راكان/نوف تكفين ياقلب اخوك ابي اكلمهااا
طالبك
نوف /ممممم بشوف يالله بروح اخاف احد يجي يشوفني
راكان /روحي من الجهه الثانيه لأن الجهه ذي بيجون من عندها
نوف /طيب
قامت وراحت من الجهه الثانيه الي هو فيها وتو خلص مكالمته كان بيلف رايح لسيارته
بس اول ملف مع الفه صدم فيهاااا مسكهاا كانت بتطيح بس مسكها وجت على صده
نوف حست انها بحلم هي الحين على صدر شخص بس ماتدري من رفعت راسها شافته منزل راسه يشوفها انصعقت هو اخو رزان
نفس ملامح راكان نسخه منه بس هي انعم بحكم انها بنت
شافها تحاول تبعد حطه اعناد فيها ضمها قوة
بكت تخيلت راكان يطلع يشوفها
سمعت صوت نبض قلبه حس ت بشعور غريب عليها يجتاح قلبها ويعصف فيه من شمت ريحت عطرة المركز ونبضات قلبه
حاولت تبعد بس هو يشد عليها اخر بقصته في جنبه بقوة
وفكهاا وراحت بعيد عنه
شافته بتوجع /اوريك والله لاردها لك
شافها تطلع فيه وتبتسم ومن شافته مدت لسانها بتحدي له
ركض ورهاا ومسكها لأنه اسرع منها وهي عشان لبسه كعب ماقدرت تركض
طلع بوجهاا شافها تبكي
نغزه قلبه حس انه تمدى معهاا
مسح دموعهااا وباااس خدها وراح
بس وقف ولف لها مرة ثانيه
نايف/اذا جيتي مرة ثانيه هنا ترى يمكن اسوي شي ثاني اقوى من كذا غمز لها وراح
وقفت وهي منصدمه من حركته ومن كلامه
تخيلت شكلها جت مرة ثانيه وش بيسوي لها
حمر وجههاااا مرة وراحت وهي في عالمها الوردي


مايدري ليه وكيف سوى كذا
يحس انه منجذب لهابقووة
لما ركض ورها ومسكها ردت فعل
متعود على رزان اخته واصدقاه اذا سوو مقلب فيه يركض وراهم
هو ركض ورها وكان بيضربها بس لما شاف عيونهاا وملامح وجهها تراجع وباسهاا مايدري يحس نفسه مخدر مايدري كيف تصرف نل الي يعرفه البنت بدت تشغل باله



وش سويت
سامي /خلاص ارسلت كل شي
سلطان /مدري سامي احس استعجلنا
سامي/
شوف سلطان حنا راح نكون بعيد عن كل شي بنحاول اننا نركز على الكبار
سلطان/ انت صاحي وكيف نوصل لهم
سامي /الحين حنا ننتظر ابو حاتم يقول متى راح يداهموناا
طبعا قبل المداهمه راح نطلب من طلال اننا نقبلهم بيكون معنا سلاح وحبال
راح ندخل ونقيدهم ونهددهم
ونسكر الباب عليهم بالمفتاح
سلطان/ والله مدري ياسامي
سامي/لاتشيل هم انا دراس الخطه كويس ماعليك

كان فيه شخص يسمع لهم وعرف كل شي





في وهي ترمي الجوال على المكتب/اف اف وبعدين وش اسوي يارب
رجعت تدق عليه مرة ثانيه بس مايرد
ياربي وش اسوي قسم يقهرررررر
ايه صح ادق على رونق واسالها
في /هلا رونق اخبارك
رونق/الحمد الله انتي اخبارك
في بطفش/مو زينه
رونق/ليه
في نزلت دمعتها/ادق على فيصل مايرد
رونق/تبين الصدق يافي لاتخسرين بيتك وزوجك عشان عمل انتي ماشفتي شكله لما انتي رحتي مع السايق للمستشفى
والله يافي انه يحبك بس انتي اتركي العمل عنك اريح لك وله توكم باول الطريق
في وهي تبكي/صدقيني رونق انا اموت عليه بس وش اسوي هذا اعملي وهذا طبيعته في حالات ماقدر امسكها احد غيري
هذا حلمي من وحنا صغار وانا اقول ابي اكون دكتورة ما اقدر استغني عن حلمي
رونق /اجل راح تخسرين فيصل صدقيني
في /الله يعين انا بروح لأمي لما ترجعون وارجع للبيت
رونق/في اجلسي مع نفسك وفكري زين
في تمسح دموعهاا/أن شاء الله يالله فمان الله
رونق /بوداعت الرحمن




انتهى البارت
رايكم وتوقعاتكم
اكثر حدث عجبكم ؟
أكثر شخص عجبكم؟
اكثر شخص ماحبيتوه؟
توقعات
في بتتخلى عن حلمها ولا لا؟
سامي واخر تطورات مهمت تحدي الموت؟
ومنو الشخص الي سمعهم هل بيكون في صالحهم اوضدهم؟
سعااد وغيوض وراكان وليد؟
رونق وحياتها الجديده وعماد وحبه وتضحيته لرونق بعمرة وانتظاره لها؟
نوف ومشاعرها ؟ونايف الي بدا يفكر فيها
هل نسى ايمان بنت عمه او لا بتكون عقبه في حياته؟سر الاتصال الي كان معه من يخص؟

مهااااااا لو شافت سامي كيف تستقبل سامي؟