[لامارا]

البــارت 27




في هـذي الليله ...
باتت القلوب تعبانه محتارهـ قلقانه ..
اغلبهـا يسكنها الخوف ..من اللي ورا الاحداث اللي تصير معها
والبعض الاخر خوف من شريك الحياهـ اللي ..بسهوله تضعف قدامه ..



محمد^ علياء..
فتح عيونه وهو يسمع الاصوات حوله ..كل مافتحهـا حس بالانوار بعينه ..
كان صوت بكاء ..موعارف يميز الشخص اللي يصيح على راسه ..لف بعيونه للجهه الثانيه ..
وطاحت عينه عليها ..
علياء على الارض تصيح ..لابسه روب الحمام ..قبالهــا واحد ميين مو عارف ..كان يمسح لها جرح بيدهـا..
محمد بصووت متشرج :علياء ..
الخوف بداء يسري بجميع انحاء جسمها ..وهي تلتفت لناحيته بخوف ..
وقف الشخص اللي كان يداويها وبسرعه طلع برا ..حتى ما امدى محمد يميز من هو هذا الشخص..
وقفت علياء بصعوبه وهي تتساند على الجدار ..
محمد بصعوبه عدل نفسه وهو يشوف هيئتها المزريه ..نزل عيونه لرجيلها كان الدم ينزل من بين رجلينها ..وعلى الارضيه كان بعض من الدم ..
محمد وعلامات الاستغراب والصدمه واضحه على معالمه :عليـاء ايش هذاااا..من ايش..
نزلت علياء على رجيلها ..من التعب والالم ..والدموع تجمعت بعينها ..رفعت راسها تطالع فيه ..ليه اللي سواه شوي عشان ينساهـ او حتى يتجاهـله ..يسالنـي ايش هذاا ..
طالعت فيه وشفايفها ترجف تبي تتكلم لكــن مو قادرهـ ..
محمد نزل من السرير واتجهه لها :عليـــ..
علياء بسرعه لصقت نفسها بالجداره بخوف..منه ..
محمد حس بدورهـ بسيطه تسـاند على على الجدار ..وهو يحط ايدهـ على راسه ..
يحس بخفقان في قلبه ..نزل ايدهـ على صدرهـ وهنا استوعب الوضع ..انه عريان..فتح عيونه بسرعه واتجهه للقميص اللي كان مرمي على الارض ..
وهو يلبسه سمع صوت بكـاها ..لف عليها وطالع فيها ..معطيته ظهرها ..راسها على الجدار وتصيح ..
علياء بين بكاها:اكرهـــــك ..اكرهـك ..اكرهــــــــــــــــــــ ــــــــــــــــــــــــ ــــــــــــــككك ..
صرخت باخر كلمه وهي تبكي بصوت اعلى وتضرب ايدها بالجدار..
محمد ظل يطالع فيها ..سحب نفس وهو يغمض عيونه ويسند ايدهـ على الارض ..
وقدام عينه تفاصيل ليله البارح ..رفضها له ..وفرض نفسسهه عليها..ضربه لهـا ..صرخاتها استنجادهـا ..الكف ورا الكف اللي كان يضربها ..
شلون شق ملابسها ..شلون استحقرهـا ..شلون ...
فتح عيونه يمحي هـذا المشهد من قدامه وهو يتجهه لعندها بصعوبه ..
ليييه يحس بالوهن والضعف مايدري ..حط ايدهـ على كتفها :علياء..
علياء بسرعه ابعدت ايده عنها ولفت عليها ووجهها مليان دموع:كل هــذذاا لييه لييه هاااهـ تبي تادبنــي ..وليييه عشاااني رحت استسمح وداااد ..هــااهـ .."بكت "ماسويت شئ غلط ..انا حسيييت بذنبي ..ابي اصلح غلطتي ..ليييه تحاووول تخليني اكرهــك ..لييييه ..عقابك مايوازي تصرفي يامحمد ..حرااام عليييك ..اهئ اهئ..
محمد:مــن قالك اني ابي وداد تسامحك او ابيها زوجه لي هــــــاااهـ ..
علياء طالعته مصدومه ..
-------------
صقر ^ خالده ..


كانت كاندي واقفه بتوتر ..غانم وبومحمد ماناموا ..والسبب ..بومحمد اللي معصب ان صقر اليين اليوم ماطلع من جناح خالدهـ ..
مسكت مقبض الباب ..ياربي لييييه يبيني اصحييهم ..
الله يهديك يا عم بومحمد ..
فتحــت الباب ودخـلت عليهم وهي تسكر باب الجناح ..اتجهت للغرفه ..طقت الباب ماجــاها الرد ..طقت مره ثانيه ..بعد ماجاها الرد ..طقت مرهـ ثالثه ..وهنــا انتابها خووف فضيع ..وهي تفتح الباب ..

صقر كان نايم وخالدهـ بحضنه ..حورت كاندي نظرهـا للوراهـا خايفه احــد يجي ويشوف اللي صاير هنــا ..وسكرت الباب واتجهــت بسرعه ..لعندهــم ..
كاندي بهمس:صققققر ..صققققر..

صقر فتح عيونه ببطئ على اصوات كاندي وهو مو مستوعب الوضع اللي هو فيه ..
سحب نفس ورجع غمض عيونه وهو يحضنها اكثر..
كاندي هنا هزته :صقققر قوووووم ..
صقر هنا تنبه للصوت وفتح عيونه وطالع في كاندي مصدوم :كـاندي..
طالع في خالدهـ اللي بحضنه ..بهدوء نزلها من حضنه ..وهو يعدل من بلوزته اللي انفتحت ازاريرها بفعل ايد خالدهـ ..
كاندي اول ماوقف وهو يعدل بلوزته :عم خاالدهـ ححددددهـ معصب ..قووم يــلاااا..اناااا بجلس عندهــا ..
صقر طالع فيها وهو لازال يعدل في بلوززته :كاندي ..انا امس ماقدرت اسالك ..عدل عمي فهد وين راح ..
كاندي:صقر..علمي علمك اللي اعرفه بيسافر شهر كامل ..وبيجي في العيد ..
صقر يطالع في خالدهـ وتنهد:لاتخلينها لحالهـا ..انا برووح اشووف شفيييه وارجع لهــا ..
طلع صقر وهو فكــرهـ مشغوول في خالدهـ ..وفي عمـه ..ماحس على حاله الا وهو يصدم في بومحمد..
صقر:ااا اسف عمي بـــ..
بومحمد والعصبيه واضحه عليه :اااانت انســـــــااان بدوون احسسسسااااس على بالك البيت ماافيه حررررمـــه هااهـ عيييييب عييب ولا متعلمت العييييب هاااااهـ..
صقر:انا ما اظن اني سويت شئ..غلط..كنت جااالس مع زوجتي التعبانه ..الــلـ..
بومحمد:اااذااا كان في بيييت فهد مسمووح لك تناام في غرفتهـــاا قبل الزواااج فهنــا لاء استـــاذ صقرررر..هنـااا غيير فاهم ..
صقر طالع فيه :بس..
بومحمد:لاتبس بس ..وما عندنـــااا بنــااات يشووووفووون خطيبـــهم قبل ليله الدخـــــله لحــالهم ..وفي غرفه النوووم ..
صقر :عم انـــاا مااااسوويت غلط ..انا وخالدهـ متزوجييين ..واظن من وااجبي اني اظــل ويـــااهــا في مثل هالظرووف ..و..
بومحمد:سمعــــت من الكــلام ماافيه الكفااايه ..تقددددر تروووووح وحط في بااااالك ..هـــذااااا مو بيت فهد هــذاااا بيت ابو فهــد يعنننني ..فكر قبل ماااتسووي اي شئ فااااهم ..
صقر طالعه بنظرهـ ومشــى من عندهـ طالع لبرااا ..هو بس لو شاف اي واحد منهم ..كان ويا خالدهـ امس ..كان ماجلس معهــا طول الليل ..بعديين اصلا الوضع كــان ابد ماايطمــن خــالدهـ كانت حيييل محتاجــه له ..كانت خايفه ..كانت تنتفض حتى وهي بحضنه ..كيييف كان يتركهـا بهـذي الحاله بعديين هو ماكـان قاصد ينام ..كل هالنووم ..
ركب سيـــارته ..وهو يشوف مشعل اللي متوجهه له ..
صقر فتح النافذه وهو يتافف اف :وش صااير يامشعل ..
مشعل :لاء بس ..طلب مني عمي فهد اعطييك ..هذي الملفات ..وووو...
صقر اخذها وهو يشوف :ووووش هــذذذي حقت ااايش ..
مشعل :هــذي ملفااات للشركـه ..يبيك تستلمهــا اليوم ..عشــ..
صقر رجع الملفات لمشعل :مشـعل ..اذاا اتصــل فيك عمــي..قول له صقر بخيير..ومو محتاج اشتغل في اي مكــان ..عن اذنك مع الســلامه ..

حرك سيارته ..وهو معصب من عم خالدهـ ..ومن كــل شئ ..ماكــان عارف وين يرووح ..ووين يودي وجهه ..

في القصــر..
فتحت عيونهــا وهي تتلفتت تدور عليــه ..:صقققر..
ماكان احد حولهـا خوف سكنهـا فجـاءهـ ...وجلست على حيلها وووين راااااح كــان هنااا وياااي ..انا متاكدهـ ..
نزلت من السرير ..ودخــلت غرفه التبديل وهي تنادي:صققققققررر...
ماكـان في رد من اي احد ..اتجهت للحمام وطقت الباب :صقققر انت داخـل ...صقققر ..
*خــالدهـ ..
لفت خالدهـ بسرعه والدموع متجمعه في عينها وطالعت في رسل اللي دخــلت عليهـا..
خالدهـ كانت تلفتت حواليها ..تدور على صقر..
ماكانت تطالع في رسل ولا في ام عامر اللي دخلت ..
ام عامر:خااالدهـ شفييك تدوريين على شئ..
خالده طالعتها:ادوور على صقر ..كااان هنااا..
ام عامر ابتسمت وهي تتقدم منها:حبيبتي صقر مشى ..من قبل شوووي..
خالده خوف سكنها وهي تتطالع في عمتها اللي قربت من عندها ..:ششــ..شششـ..ـلون رااااح ..
رسل وهي واقفه وتشوف الخوف اللي بعيون خالدهـ..مستغربه من خوفها لييه ..هالخوف...
ام عامر مسكت خالدهـ من كتفها :راااح يااحبيتي ..ورااهـ اشغال وبعدين تبيينــه يجلس ويااك كل اليووم..
خالدهـ بسرعه ابتعدت عنها وطلعت لبرا:بس لازم ياااخـــذني ..وياهـ..
-----------
نزل من الباب الخلفي وهو يترقب ان ما احد يشوفه ..
كانت شبهه غايبه عن الوعي ..بالرغم من انه ماايحبهـا وكاارهـ من تكون ..بس مايهون عليه يشوفها وهي تنزف بسببه ..
نزلهــا في سيتتت السيارهـ الخلفي وركب هو مكـانه يسوق ..
كـان بين لحظه والثانيه يلفتت عليهــا ..ويشوف ايش اللي صاير عليهــا ..
اليين ماوصل للمستشفى ..نزلها من السيــارهـ ودخـل فيها بسرعه ..

كلها لحظات وطلعت الدكتورهـ ..:انت زوجهــا..
محمد:اي نعم اناا زوجهـا طمنينــي عنهـا دكتورهـ ..
الدكتورهـ:تفضــل معـاي ..
لحقها للغرفه وجلس قبالهـا :طمنيني دكتورهـ ..
الدكتوره،:بصرااحه مو عاارفه ااايش افسر اللي اناا شفته ..بس اللي سوويتــه غلط ..يــ..
محمد:دكتوورهـ لاتعلميني وش غلط وش صح ..وقولي لي وش صار عليها ..
الدكتوره طالعت فيه بنرفزهـ:اناا ما اعلمك ..انا انبهــك بس الحااله اللي جاات فيهــا ممكــن تتسمــى حاله اغتصــاب ..لولا هي اقنعتني ..ولا كــان انا اتصــلت على الشرطه ..الكدمات اللي بجسمهــا ..ووجههـا ..
محمد حول نظرهـ وهو ماله خلق:دكتورهـ ..
الدكتوره:تدري انــهــا كان ممكــن تموت بيين يدك ..يا استــاااذ ..
محمد:طيب هي اللحيين شخباارهــا ..وش صار عليهـا ..وو
الدكتورهـ:تقدر تتفضــل تاخــذهــا ..بس حط في بالك ..مررهـ ثاانيه اللي تسويـه ..واذاا صحت خــذها من هنا ..
محمد وقف لكن رجع جلس والدوار يرجع له ..
طالعت فيه الدكتورهـ:في شئ..
محمد طالعها ثم وقف:لاءلاء ..
طلع من غرفتها وهو يسحب نفس وجلس على اول كرسي ..يريح مخه اللي على باله انه تعبان ..
----------
كــان اول سؤال لهـا من ريحت على سريرهـا في بيتها :وووين بنت فهد..
غانم ابتسم لامه:خالدهـ فوق في غرفتها تبين اناديهـا لك..
ام عامر بسرعه:لاء خلها هي نايمه اللحيين كانت تصييح ..
ام مطلق:تصييح ليييه وش صاااير..
غانم :تعرفيين من ددرت عن سالفه سفر ابوهـا وهي ماجفت دمعتها ..وتووهــا تغفى ..
ام مطلق اسندت راسـها للحظات ثم طالعت في زوجها الصامت :وووين شجون ..
تنبهه الجد من قالت اسم شجون ..ثم طالع عياله طالب منهم يطلعون براا ..اول ماافضت الغرفه ..قام وجلس جمبهــا..:وووضحــى ما اقدر اقاااابل هالذنب ...عــذااب في داخلي يقتلني ..وضحــ..
ام مطلق:كفــر عن غلطتك يا محمد..حرااام البنت تعييش ..بهالعالــم وسط النااس اللي ماتحرم ...نظراتهم تفكيرهم ..والسبب طيشك انت ..
بومطلق طالع فيها :يعنـــي تبييين عذااابي..
----------
هاني :انزززين اهـدى بعد انت كــان لازم تراعي الوضع ..يعني ماله داعي تبلط عند الناس اليين هالوقت ..
صقر طالعه وهو ماله خلق:هـــاااني اقوولك ..كاااانت مو راضيه تتركني مو راضيه ..
هاني:انزززين اهدى..
صقر تنهد :اففف وهذااا بعد متى بيدخلناا ..
هاني طالع في الصف اللي قبالهم :انت من جدك جااي تبي تشتغل هنااا ..
صقر تكتف وهو يسند نفسه على الجدار:هــذااا المتووفر شسووي..
هاني :انزيين وش رايك تكلم اخوك راجح هو ماشاء الله شغال في الاسهم وشغله مااشي..يمكن يلقى لك شئ..
صقر طالعه :هاني مابي منهم شئ ..عندي اطر بالشارع ولا اخذ منهم ..
هاني:انزززين لاتطالع كــذا.."لف وجهه صقر عنه "..
صقر اول مالف هاني وجهه لمح اللي دخــل للشركــه..
هاني:وووش فيك بلمـــت ..
واول ما طالع ..
هاني:مجججججدي..
صقر طالع بهاني:شيسوووي هنــاا هذااا..
هاني:ممدري عنه انااا ..
دق جوال هاني بهذي اللحظه ورفعه :الووهـ ..هلااميير وش بغيت ..
امير :احلف حضررتك انت وووين هاااهـ ..
هاني وهو يبتعد عن صقر:شفييك اناا معطي ابووي خبر اني ماني مداوم اليووم تبي شئ..
امير:هاااني لما تبي تطلع ..على الاقل قوول لنا وين تحط الملفااات ..نبي ملف الصفقه الاخيره اللي مع ابو بندر..
هاني:ملف بوبندر منهووو ذااا ..
امير:اخررر ملف استلمته امس ..
هاني:ايييييه حطيتــه مع الملفات اللي بدولاب ..
لف هاني على صقر تفاجاء انه موهناك :اميير يلاا مع السلامه ..
بسرعه اسرع هاني متجهه ..لمكان ماكان صقر..

صقر طالع في مجدي ثم طالع باللي جالس قباله :انززززين ..
**:انت لك سواابق في الشرطــه وعــذرا ..مانقدر نقبلك عندنـــا تقدر تتفضل ..
صقر سحب نفس:بس انا طلعت براءهـ ..وو
** بحزم:تقققدددررر تتفضــــل..
صقر هدى من نفســه وطلع وهو يصفق البــاب ...
هاني لف وطالع في اللي صفق الباب ومن وجهه صقر عرف ان اكيييد رفض ..اللي جاااهـ ..
اتجهه لعندهـ :صققر..
صقر مشى باتجاه الباب طالع:خلنا نمششششي ..
---------------
فرح ابتسمت لسلمان اللي عطاها الوردهـ ووقفت معاه ..
سلمان مسكها من كتوفها:فرح انا وعدتك نجلس هنا اسبوع بس لازم نرجع عشـان حبيبه في المستشفى ..
فرح :انا جهزت الاغراض ..
سلمان قرب منها وباس راسها ..وهو يدخل شعرها ورا اذنها ..
كان تقريبا العلاقه اللي بنونها في هالكم يوم ..علاقه ..نقدر نسميها علاقه في بدايتها للتفاهم ..
خاصه ان سلمان فهم اغلب مخاوف فرح ..وفهم هي وش تبي وش تحتاج ..
مشوا طالعيين من الشالييه ..
-----------------
كانت الشمس صاقعه في عيوونه لاكنـه مو حاب يقوم من النوم ..حاول يسحب الملحف عليه ..لكن ماكان حوله اي شئ ..
جلس وهو فاتح عين وحدهـ يدور اللحاف ..طاحت عينه على سمر اللي جالسه على التسريحه ..وتسوي شعرهـا ..
معاذ بصوت مبحوح:سمـر..
سمر تنبهت انه صحا خافت اللحين اكييد بيهزئ اني ماصحيته للدوام ..وقامت بسرعه بتطلع من الغرفه ..
معاذ رجع راسه على المخدهـ وهو يمسكها من جلالها ..كان لازم تمر من قدامه عشـان تطلع من باب الغرفه .. مسك الجلال "الحجاب"..وجرهـا ناحيته وماكـان حاسب حسـاب انها بتطييح علييه ..
لحظات توقف الوقت ..كانت سمر تطالع فيه ..وهي غاصه في عبرتها ..
ومعاذ اللي ابد ماكان حاط في باله انه هالشئ يصير ..كان شبهه مصدوم من هالوضع ..
خاصه وانها مبتعدهـ عنها ..هالفترهـ ..كان حنين بداخله يقتله ناحيتها حنين مؤلم ..
ماحس الا وهو يحضنها لصدره ..يسرق ولو بضع لحظات ممكـن تخليها تعفي عنه وتسامحه ..
سمر من رصها لحضنه استوعبت الوضع وبسرعه حاولت تفلت لكـن ايد معاذ كانت حاكمه قبضتها عليها ..وهو يمسح بايدهـ الثانيه على راسها ..
ماكان مستوعب انه جالس يمسح على شعرها من الدم اللي ينزف على ايدهـ ..
سمر بصوت فيه غصه :معاذ اتركنـــي..
هنا ارخى من قبضته عليها ..وهي بسرعه انسلت من بين يدينــه ..وطلعت تركض ..
معاذ رما يدينـه على السرير وهو يتنهـد ..حس بالالم اللي في يدهـ ..رفع ايدهـ لعينــه وهو يطالع فيها ..
معاذ :ليييه انا اسووي كذاا ليييييه ..


دخلت الحمام ..ونزلت راسها تحت الماي ..وكان ينزل الدم اللي كان على شعرها منـه ..
من امس ينزف ولاحتى فكر يروح المستشفى ..رفعت راسهـا وهي تحط الفوطه على شعرها وطالعت في وجهها ..
سمر:لازم ما اعطيه الفرصه يستغلني ..على باله اني لعبه بيديـــه ..خلاص يامعاذ ما عدت سمر اللي قبل مو انا سمر اللي تمسكها من ايدهـا اللي تعورهـا ..انت ماتهمنــي .."تساندت على المغسله"..ماتهمنــــي..
----------------
في زاوريـه الغرفه جالسـه ..وعيونهــا على الباب ..تنتظر انه يدخــل عليها باي لحظـه تنتظر تشوف زوله ..
هو اللي باقي لهـــا ابوهـا وسافر ..شعور مؤلم تحس فيه ..
جــاء المغرب ..وهو حتى ماسوى لها اتصـال ..
دخلت هنـا ام عامر ..
وراهـا كانت الخادمه جايبه الاكـل..:خالدهـ ..شتسوين جالسه هنا ..
طالعت في عمتتها بصمت وهو بعيونها تقول رجعوني لعالمي اللي كانت عايشه فيه ..درت عن سالفه عمها مع صقر..وحاسه ان صقر زعلان ..تتصل عليه مايرد ..
مسكتها ام عامر من ايدهـا :يــلا قومي اكلي لك لقمـه ..مو زييين على جسمـك ..انتي من امس ما اكلتي ..شئ..
قامت خالدهـ معها ..وبصوت مبحوح :وين كـاندي..
ام عامر طالعتها :عطيتها اجازهـ هالاسبووع ..
انصدمت خالدهـ هنا شلون كاندي بعد راحت..لاء ياربي انا شلون بجلس هنا ..:بس بس بس..شلوون تروح ..كاندي مو ممكن تتركني هنا لحالي ..
ام عامر طالعتها بنظرهـ :وانتي جالسه عند غرب كلنا اهلك ..عمامك وعيال عمامك ..
جلستها جمبها على الكنبه :اكلي لك لقمــه ..يـــ..
خالدهـ وقفت:مابي شئ ..مابي شئ..
اتجهت بسرعه على جوالها واتصلت لصقر من غير وعي ..كان يرن ولا تلقى اجابه ..مرتين ..بعدهــا ..اتصلت لكاندي..لكن الاخرى مالها رد ..اخر امــل اتصلت في مشعل ..
مشعل :هـــلالا.. خالدهـ ..
خالدهـ بخوف تحاول تخفيه:اااانت ووينك فييه ..وووين راحت كاندي ..
مشعل اللي حس من صوتها ان فيه شئ:اناااا تحت ..وكاندي سافرت ..في شئ ..خالدهـ ..
خالدهـ:مشعل سالتك بالله..ووين صققر..
مشعل :خالدهـ انتي اهدي ..صاير شئ قولي لي ..
خالدهـ :صقـــ..
سحبت منها ام عامر الجوال :الوهـ هلا مشعل..لاء خلااص ..انا ويااها لاتحاتي ..انت رووح ارتااح ..لا معليه في ناس حولها واجد ماراح يصير لها شئ..
طالعت في خالده اللي تطالع فيها ..
ام عامر:خالدهـ هالحركه مااابيك تعيدينهــاااا فااهمــه ..

طالعت بنظرهـ وثم طلعت ..
جلست خالده على السرير ودمعتها تجري على خدهــا ..خايفه ..تبي كل اللي تحبهم حولهـا خايفه من بعدهم لانهم لو بعدوا ..ممكن يصير اي شئ ..لهم او لهـا ..
وقفت وهي تتجهه ناحيه النافذهـ فتحتها وجلست على الارض ..وهــي تطالع في الحراسه اللي على الباب ..وكان مشعل هناك ..
تنهدت ..براحه نوعا ما ..وهي تشوف تواجده توقعت انه يمشي بعد اللي سمعه ..من عمتها ..
لكن لازال هناك خوف على صقر ..وعلى ابوهــااا..


تحت ..
ام عامر:اناااا حولت معها بصرااحه بس مافيه فايدهـ يا خوي..
غانم:خلاااص خلوهـا ترتاح ..اللحين ..وبعدين كلموها بعدين انتي لييه ارسلتي كاندي بعييد هااهـ ..وانتي عارفه انها المربيه حقتها واللي كانت معها طول هالسنين ..
ام عامر:يوووهـ اللحين حطوا اللوم علي بعد..انا بس بغيتها تتدخل بعالمنا ..
غانم :انا رايح اتطمن على امي ..
ام عامر طالعت في بو محمد:شتفكر فييه..
بو محمد:هالبنت لازم نزوجهـا باسرع وقت ..ياخوفك تفضحنا ..
ام عامر:انننت شتقول ..
بو محمد:ياا ام عامر كفايه فضايح علينااا ..انتي شوفي شلون خوفها من مجدي ..امس ..وكلامهـا ..خل نزوجها وتصير بوجهه زوجها ماااابي اجادل واتعب منها ..
ام عامر:يعني وش بيسوي هالمجدي ..بعدين لاتنسى ..هي على ذمه رجـل اللحيين ..
بو محمد طالعها :اي رجل ذااا ..صدقيني انه ماخذها طمعاان في حلالهم ..ولا احد يتزوج وحدهـ هربانه مع واحد ..
ام عامر وقفت :بووومحممممد ..حط في بالك انت وش قاعد تقول وتذكر ..هي ماهربت انحاااشت ..
بومحمد:كلها نفس المعنــي ..
ام عامر:استغفر الله يا بو محمد ..خف على نفسك وعلينا وعن هالكلام تراااا عندك بناات...
بومحمد تدارك نفسه ..انا شلي جالس اقوله ..ياربي هالبنت جننتني وقمت اخربط ..وقفت وطلع من الصاله ..
-------------
تسمع الاصوات من حولها ..صوت الانسان اللي ترتاح له .."اسامه " اخوهــا ..
تبي تميز اهي ووين ..وش اللي يصير..
شجون فتحت عيونها ببطئ:اسـامه ..
كل الموجودين التفتوااا عليـــها بلحظه وحدهـ..
اسامه قام واتجهه ناحيتها :ياعيون اسامه ..شوشو حبيبتـــي..
شجون كانت تشوف ضباب ..دورت بايدهـا على ايدهـ:اسامـه ..
قرب منها اسامه وباس راسها :هلا ياعيون اسامه ..
ارتاحت وهي تحس بدفى ايدهـ ودفى بوسته الحنون على راسها ودفى كلماته ..ورجعت غفت وهي تحضن بيدهـا ايدهـ ..
اسامه بفرحه :ابراااهين رررح بسرررررعه نااد الطبيب ..
*السلام عليكم ..
تلفتوا على جهه الباب وهم يطالعون في عمهم اللي دخل بهذي اللحظـه ..
محد رد غير اسامه:وعليكم السلام ..
قرب الجد من اسامه اللي كان واقف جمب شجوون..في اللحظه اللي انسحبت ام اسامه من المكان ومعها ولدها ابراهيم ..
لاحظ الجد هالشئ وماتكلم ..
بومطلق:شخبارههـــا اللحين ..
-------------
على السرير اثنينهم مستلقين تعبهم اثنيهم ..في نفس اللحظه ..
محمد من غير مقدمات سال :مننن اللي كاااان هناااا الصبح ..
علياء طالعت فيه بععيونها الذبلانه ..:خالي غاااانم ..
محمد فتح عيونه على وسعهم :ااااااااايش...
---------------------
هنا ينتهي البارت 27


اتمنى انه ننال على رضاكم واعجابكم ..

*خوف خالدهـ مبرر ولا ماله اي داعي ؟؟
*صقر بعد الكلام اللي سمعه من بومحمد وش بيسوي ؟؟وظنون بومحمد فيه؟؟
*محمد وعلياء ..؟؟
*معاذ وعدم مقدرته على البوح بمشاعرهـ لسمر اللي متجاهلته ؟؟

ودي صرخه وفا
ولهانه لشوفته