[لامارا]

السلام عليكم ورحمة الله وبركاته
أسعد الله مساكم بمحبة تغمركم يارب
عسى أن تكونوا بأتم الصحه والحال

بسم الله الرحمن الرحيم
---------------
البارت السادس


**************************************

في القصر ابو فيصل
ميسم :هاه خلص كل شيء يا مشرفة الشغل ولا لسه
المشرفه: ايه خلص كل اشي وفينا نروح
ميسم: حلو يعطيكم العافيه ولازم الخدم كلهم يغيروا اللبس اوكيه
المشرفه: اوكي راح اسوي اللي بدك إياه ..
ميسم: حلو فيك تروحين للشغلك ..
وراحت المشرفة وأما عن ميسم فجهزت نفسها وطلعت للصالون الخاص في القصر
تجهز نفسها ولبست فستان طويل لون تركواز حرير ماسك على جسمها وكان مره خطير
وميك أب سهره وتسريحه رومانيه وكانت مثل الاميره حتى الكوافيره صارت تمدحها
ميسم بخجل:يسلموو يلا الحين لازم أنزل لتحت يلا سلام
وطلعت من الصالون عشان تستقبل الضيوف في الحديقه
واما عن أم فيصل اللي كانت مثل المكله في هذي الحفله كان لبسها مرة راقي وفخم
تحب تكون راقيه وفخمه وكانت ملفله شعرها ولابسه فستان مثل الطراز الاروبي
وكان حيل حلو عليها وميسم معجبه بكشخة امها وذوقها : مامي مره شكلك رهيب
وجاء باسل يصفق: واااو امي وش هالحلا ماخليتي شيء ماشاء الله
أم فيصل استحت وماردة
فيصل: اووه لو يشوفك ابوي كان طاير ونسى الحفله بس خساره مو موجد عنده شغل
ام فيصل: اقول عاد بلا ترقيه يلا كل واحد يروح للشغله والحين الضيوف يجون وانتم هنا
ميسم وهي تبي تحرهم: ايه احسن يلا انت وياه روح يلااا
فيصل وباسل عصبوا منها وطلعوا وماردوا عليها ..
ميسم وهي تلف على امها وتضحك على اشكالهم : هههه شفتي يمه اعجبك
ام فيصل وهي تبتسم: اقول يلا عاد انتي روحي للحديقه عشان تستقبليهم
ميسم وهي تحلطم : تيب
وطلعت ميسم وصادفت باسل وفيصل وضحكوا عليها :هههه احسن تستاهلين
ميسم:مالت عليكم بس متى يجي عزوز ويدلعني فيديته بس
ودقايق ودخلت ساره وهي تضمها ميسم بقوة : وحشتيني يا روحي
سارة: وانا اكثر يا قلبي
ميسم : كيفك الحين ؟
سارة وهي تبتسم وكأن وراها شيء: الحمد لله بخير بشوفتك
ميسم بتعجب: ايه الحمد لله الا وش فيك ورك شيء مخبيته
سارة وهي تلتفت وراء واتجهت لها وضحكة: ههههههه ياروحي انتي صايره تهبلين وماهر عند اخوانك ويطالع فيك
ميسم شهقت : احلفي وينه .. وهي تطالع وراء سارة والتقت عيونها بعيونه وابتسم لها
ميسم وهي تتخبى وراء سارة : الله ياخذ شرك يا حيوانه كان قلتيلي قبل ..راحت ميسم وتركتها
سارة وهي تنادي عليها: ميمو والله كنت بقولك بس نسيت
ميسم زعلانه منها ولا ردة عليها ودخلت داخل..
ماهر ضحك على شكلها لكن كانت روعه وابتسم بحب لها ..

**************************************

وفجأة احد وراها وصرخت بقوة :فكنيي يا حقيير ابعد آآآآه ..
.. : لن أعدك تهربين
عبير : ابعد عني احسن لك عاااااامر وينك تعاااال
.. : قلت لكِ اخرسي ولا اقتلك
عبير خافت منه وجات بتصرخ تتطلب النجدة وحط منديل على فمها
ونومها وأخذوها لمكان وكان عبارة عن مزرعه كبيره ومبين إنها تبع واحد ثري
ودخلوها بستودع وقفلوا عليها الباب ..
.. :تم القبض عليها سيدي
.. : جيد شددوا الحراسه عليها بقوة
.. : كما تريد سيدي
.. :والحين صرتي بين يدي يا عبير والله ما أخليك فيها لا أوريك الشغل يالخاينه
وقف عند الشباك يطالع بالمستودع اللي فيه حزن على قسوته لها
لكن يبي ينتقم منها وبكل طريقه ..
وصحت عبير ولقت نفسها بمستودع قديم وصغير وهي جالسه على سرير
وتطالع بالمكان حست بخوف وماتحملت وبكت واندمت انها جات هنا
ولمت رجولها لحضنها ونامت ..لكن صحت على صوت الباب
وقامت بسرعه وكان خدامه ارسلت لها العشاء لكن ارفضته وماتبي اي شيء
وحطت الاكل عند الطاولة وراحت..
عبير ببكاء: عامر وينك لايكون مت تعال تكفى ابيك شوف انا وين فيه حتى اولادي
تركتهم عشانك ندمت ليتني ماجيت ولا فتحت الهديه اهئ اهئ ..
ماتدري ان المكان كان مراقب بالكاميرات حزن على حالها لما يشوفها لكن هي لازم
تتعلم درس ..وينتقم منها ..,,


**************************************

في الصاله ..
وليد: يلا بنات امشوا
لوليتا وسلمى وسمر : اوكيه يلا
وركبوا السياره كلهم وحرك وليد
وليد ويطالع بالمرايه الاماميه : على وين بتروحوا؟
سمر وتعطي لوليتا العنوان: تودينا لهذا العنوان
وليد استغرب : ليش ؟
لوليتا بتصريفه: معزومين لحفله من صديقاتي وانا من زمان عنها وابي اسلم عليها
وليد بشك: اها طيب
لوليتا وهي تتنفس براحه ..أما سمر حمدت ربها انه بوديهم
ووصلوا للمكان وكان عبارة عن قصر كبير حيل وكان حيل فخم والحديقة مره كبيره جدا
اول مره لوليتا تشوفها وكانت مزينه وحركات اعجبت بطريقة التزيين ماتوقعته يكون كذا
سلمى: وااو مرة فخم ماشاء الله ماتوقعته كذا
سمر: ولا حتى انا لاني ماعمري شفته بس كانت تقولي ماشاء الله تبارك الله
لوليتا : يلا بنات ننزل يعطيك العافيه لودي
وليد ابتسم : الله يعافيكم يلا اشوفكم على خير وراي شغل
لوليتا وهي تطلع من السياره :في أمان الله
وراح وليد وجات لوليتا وسمروسلمى للبوابه وكانت مره كبيره وتصميمها خيالي
راحوا عند الحارس سلمى: السلام عليكم
الحارس : وعليكم السلام مين انتم؟
سلمى : احنا من صديقات ميسم وهذي بطاقة الدعوه
الحارس ويشوف البطاقه : بس وحده مدعوه اللي هي سمر موانتم
لوليتا بعصبيه : قلنا لك كلنا ماتفهم انت
الحارس طنشهم وفتح البوابه وكانت سيارة سوداء مرسيدس اخر موديل بتدخل لكن وقفت
.. : ليش هم واقفين هنا ؟
الحارس:طال عمرك عشان وحده فيهم مدعوه وثنتين لا
لوليتا بصوت عالي عشان يسمعها الحارس: لوسمحت ممكن ندخل او ممنوع ؟
عرف صوتها اللي هي صاحبة النبره انا متأكد لكن وش جابها هنا ؟ وبالذات بالقصر؟
لالا ما أعتقد اظن اني غلطان وأتوهم على العموم الله يستر عليها ..
وكان سرحان وما انتبه للحارس اللي كان يناديه : سيد عبد العزيز ايش فيك سرحت؟
عبد العزيز :لا ابد ولا شيء خلهم يدخلون ممكن يكونون صحبات ميسم
الحارس: سم طال عمرك
ودخلت السياره للقصر ..وأما لوليتا وسلمى وسمر دخلوا داخل وأتفاجؤا بجمال القصر
وتصميمه وترتيب الحفله وتنسيقها وكان جدا روعه ..سلمى وهي تلمح لها بنت
ماشيه وكأنها تعرفها من قبل ولما قربت شوي وسلمى اشهقت بقوة: ميمو انتي هنا
ميسم وهي تلتفت لصاحبة الصوت وتفاجأة انها سلمى بصوت عالي: سوسو ياحياتي وحشتيني
سلمى مو مصدقه انها ميسم لكن ماكانت تعرف قصرهم لانه هالشيء ماهمها اصلا مثل عادتها
سلمى بشوق وهي تضمها بقوة: وانا اكثر يا زينها من صدفه فقدتك ياقلبي
ميسم وهي تضمها : ياعمري انتي اخبارك طمنيني عنك ؟
سلمى وهي تطالع فيها: الحمد لله بخير يا روحي انتي اخبارك ؟
ميسم: دوم يارب الحمد لله بخير بشوفتك
سلمى: دامت انفاسك يا ورحي
ميسم:وياك يارب الا مين هالعسوله ؟
سلمى وهي تأشر على لوليتا اللي سرحانه: هذي لولي
ميسم وهي تهلي فيها: اهلين لولي انا ميسم
لوليتا وهي تبادلها : هلا والله فيك تشرفت بمعرفتك والله
ميسم: لي الشرف يسلموو اخبارك ؟
لوليتا ببإبتسامه: الحمد لله بخير اخبارك انتي؟
ميسم: الحمد لله تمام وهي تطالع سمر اللي مضيعه وتناديها يصوت عالي : سموور احنا هنا
سمر وهي تلتفت وتلقى ميسم وراحت لها بسرعه وتحضنها بشوق : وحشتيني ياروحي
ميسم: وانا اكثر ايش فيك كذا مضيعه ؟
سمروهي تضحك:ههههه والله نسيت فين رحتوا
ميسم: اها عشان كذا الحمدلله على سلامتك
سمر بخجل: الله يسلمك
ميسم : يلا بنات نزلوا عباياتكم والخدامه راح تشيلها
لوليتا : فين دورات المياه ؟
ميسم وهي تأشر: تشوفيها هناك
لوليتا : اها اوكيه خلاص نادي الخدامه عشان تشيلها لما ننزلها هناك
ميسم : اوكيه ولا يهمكم وانا راح انتظركم داخل
وراحوا البنات لدورات المياه وفسخوا عباياتهم وعدلوا انفسهم وخرجوا
سلمى : بنات ضيعت البوابه فين الطريق؟
لوليتا بحيره: والله مادري
سمر: يوه منكم امشوا معي
لوليتا بعناد: لا انا راح اضل هنا وبعدين اروح احس اني تعبانه شوي انتم رحوا
سلمى: روحي الحين احسن عشان ماتضيعين الطريق
لوليتا: هاهاه ليش شايفيني بزر اقول ماني راحيه
سمر: خلاص بكيفك يلا سوسو البنت تنتظرنا
سلمى :يلامشينا
وراحوا سلمى وسمر للقصر ..وأما عن لوليتا جلست شوي
وبعدين لحقتهم لكن ضيعت الطريق وراحت للبوابه الرئيسيه
وفجأة.............

**************************************

باسل: ههههههه والله هي كانت مضيعه شكلها اول مرة تجي لهنا
ماهر: حرام عليك يمكن من صحبات اختك
باسل يهز اكتوفه: مادري عنها بس ماشاء الله عليها كشخه
ماهر و يغمز له: اووه اشوف نظرات الاعجاب ياعيني
باسل :اقول اترك عنك المسخره وامش
ماهر ضحك عليه ومشى وراه وهو يتريق عليه
وصادفوا فيصل قدامهم ..
فيصل : الاخ عزوز وصل
باسل: صدق ياحليله وحشني
ماهر: وانا بعد يلا خلونا نمشي نروح نسلم عليه
فيصل:اوكيه يلا مشينا


**************************************

ميسم : امي بيجون ضيوف ابوي ولا لا
ام فيصل: لا يابنتي موجايين الانه لقاهم بروسيا هناك
عشان كذا الحفله راح تكون شبه عائليه
ميسم: اها حلو ايه امي صحباتي عزمتهم جوا
ام فيصل: حياهم الله
ميسم يلا مامي عن اذنك بروح لهم
ام فيصل : اذنك معك ..
وطلعت ميسم ..
ام فيصل بخوف : ياربي خايفه على عبير اللي ماتتصل مادري وش فيها ؟
ام ماهر: عادي يا أم فيصل يمكن تكون مشغوله بأولادها فهدا شي طبيعي يعني
ام فيصل: والله مادري قلبي مايطمن مير الله يستر بس
ام ماهر وهي تحاول تهدي فيها: ان شاء الله خير بس هدي بالك يا أم فيصل
ام فيصل وهي تقوم:يلا يا أم ماهر قومي معي نشوف الضيوف والحريم تأخرنا عليهم
ام ماهر: يلا لازم نقوم بالواجب مو الخدم طول الوقت بعدين ياخدوا فكره عننا سيئه
ام فيصل: صدقتي والله
سارة وهي داخله : عمتو عبد العزيز وصل
ام فيصل بفرح :صدق فرحتيني الله يفرجك يارب
سارة : امين يارب
وطلعت ام فيصل وام ماهر تستقبل ولدها عبد العزيز ..


**************************************

عند البوابه الرئيسيه
لوليتا مشيت على السجاد الاحمر المفروش لعبد العزيز
هي ما كانت تدري انه له فمشيت بخطوات واثقه وابتسمت بثقه
الين وصلت لاول درجه وسمعت احد يصفق لها لكن طنشت
ووصلت لنص الدرج لكن صدت تحسبهم سلمى وسمر تعرف حركاتهم وطنشتهم
لكن الا و اليد تمسكها بقوة وانفجعت وبدلع قالت : سوسو اتركي ايدي لو سمحتي اعرف حركاتك
لكن اليد تسحبها للخلف وانصدمت فيه وجمدتت ولا تحركت ..
وقرب منها ولمس خدها بيصحيها الانها مصدومه منه : لولي فيك شيء؟
لوليتا صحت على صوته وبعدت عنه : انت وش جابك هنا
عبد العزيز بكل ثقه وتحدي: قصري فيها شيء يا ست لولي؟
لوليتا بعدم تصديق مومعقوله انت يا عبدالعزيز لالا شكله يكذب وبعناد: ايش دخلك انت انا كيفي تفهم
عبد العزيز :اها لو بكيفك كنتي زوجتي قلت عادي لكن للاسف مو بكيفك ياا..
لوليتا حست بخجل منه لكن قاطعته: الاميره لوليتا يا الاستاذ عبد العزيز
عبد العزيز عجبه تحديها : اهاا حلو دام المسأله فيها عناد ممكن تروحي من قدامي لانه هالسجاد مفروش لي مو لك
لوليتا بقهر منه ( انا اوريك تحلم اروح): ماراح اتحرك من مكاني لاني بكمل الطريق وادخل
عبد العزيز بعصبيه : قلت لك تحركي احسن لك ولا بالقوة احركك
لوليتا بعناد وهي تصد عنه: قلت لك لا
مسكها عبدالعزيز ورفعها بين يديه ومسك فمها لاتصارخ عليه وتسوي له سالفه
لوليتا تقاومه ..لكن هو اقوى منه ودخل للقصر لكن طلع لانه تحداها لانها عاندته
ودخل للباب تبع المطبخ ونزلها بعد ماعضت ايديه لكن تحمل ومسك فمها : لو صارختي صدقيني ماراح يصيرلك طيب تفهمين
لوليتا بإستسلام لانها عارفه انها راحت تسوي سالفه هزت براسها بنعم ..وتركها
وقبل لايطلع: ياست استري نفسك بالاول وبعدي تكلمي
لوليتا وهي تفقد نفسها وانفجعت انها ماكانت متغطيه وبكت على حالها : اووف اكرهك.. ياربي سامحني اهئ اهئ
عبد العزيز سمعها لما تبكي ماكان وده يبكيها لكن هي اللي جنت على حالها كذا
وعدل شماغه وثوبه وراح للاهل يسلم عليهم....

**************************************

في استراليا..
الحارس: تفضل سيدي
دخل عليها ولقاها نايمه وحاول يصحيها و
صحت مفجوعه :مين انت ابعد عني لاتلمسني
.. : هدي بالك انا عامر
عبير وكأن انكب عليها مويه باردة : لاموعامر عامر مو هنا
عامر ويمسك وجهها: طالعيني زين انا عامر
عبير بعدم تصديق: طيب والصورة ايش معنى ؟
عامر شد عليها بقوة : لاني بنتقم منك يالخاينه
عبير وهي تصفقه بقوة وبعصبيه منه : انا ماني خاينه تفهم
عامر الي اشتعل نار منها ومسكها ودفها على الجدر بقوه:الا خاينه
عبير وهي تتألم بقوة : مين قالك هالحكي يا عامر وانت تصدق ليه تشكك فيني
عامر بحالته: قلت لك انطمي يالخاينه
عبير وهي توقف تستجمع قواها: انا مو خاينه يا عامر
عامر ويصفقها بأقوى ماعنده الين نزف انفها وطاحت على الارض: موتي يا الخاينه
فقدت وعيها عبير وعامر ماقدر يسيطر على اعصابه ومسك شعرها
ولقها ماتحرك انفجع حسبها ماتت : عبير اصحي اصحي يا بنت يا وبصراخ نادوا الطبيب بسرعه
شالها عامر بين يديه ودخلها داخل وصل الطبيب يفحصها وكان اللي فيها هي مجرد صدمه
وجروح وآلام بظهرها ولازم ترتاح ..
عامر: شكراً لك ايها الطبيب
الدكتور: العفوا يا سيدي لكن هذا واجبنا والان سأترككما
وطلع الدكتور اما عامر ندم انه ضربها لكن مايبيها تموت
وجلس عندها يمسك يدها بحنيه : ليش تخونيني ياعبير ليه
عبير دمعة عيونها وبقلبها (وليش اخونك يا عامر ليه تشك فيني وانا مستحيل اخونك
مالي الا اقول حسبي الله ونعم الوكيل على اللي يوسوس عليك )..
وحضن يدها عامر لكن سحبت يدها منه : ليش يا عبير
عبير صدت عنه: لانك ماتثق فيني تصدق كلام غيري
عامر انصدم لما قالت الكلام وكيف انه احد قاله يعني هي ماخانتني : عبير يعني اللي اسمعه كذب
عبير بدموعها: وانت غبي تصدق كلام غيري ليش مالك عيون خليتني اترك اولادي واجي عشانك
خفت عليك لايكون فيك شيء وتخبيه واخرتها تعذبني يا عامر كفايه باللي سويته انا ما ابيك
عامر برجاء: سامحيني يا عبير والله ماكنت ادري ايش تبينه بس سامحيني
عبير ماتبي تقولها لكن وش تسوي مالها الا الحل الوحيد غير اهو : طلقني
عامر انصدم: مستحيل اطلقك
عبير:موتبيني اسامحك طلقني
عامر طاح على الارض بحسره ودمعة عينه: ليتني ماسمعت يا عبير ماكان اللي صار
ليتني سمعت منك انتي وأتأكد لكن الشك أعماني يا عبير تكفين سامحيني ..
عبير:وش عقبه بعد ماكسرتني وضربتني وطلعت حرتك فيني بعدها تقول سامحيني احلم يا عامرمستحيل
عامر: والاولاد وين بيروحون ؟
عبير: عادي خلهم معك وخل المربيه تنفعهم
عامر وهو يقوم: احلمي طلاق ماني مطلقك
عبير : ماهميتني يا عامر بروح عند أهلي وخل الشك ينفعك وأطلع برى مابي اشوفك
عامر طلع مقهور باللي سواه وراح ينتقم من اللي كذب عليه ولا رد عليها
..أما عبير ظلت بين دموعها مقهوره منه كرهته ماتبيه معقوله تشك فيني يا عامر وتكذب انك مريض
..كل هذا بتنتقم لكن ما أخليك فيها راح اتركك وأخذ فرح بس لانها صغيره واظل عند أهلي وما أبيك


**************************************

هنا نهاية البارت

ابيكم تعطوني توقعاتكم للبارت الجاي ؟؟

واان شاء الله البارت الجاي راح يكون يوم الاربعاء بإذن الله
فكونوا دوما بالقرب وبخير .."