عرض مشاركة واحدة
قديم 16-01-13, 06:41 PM   #15

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25

بسم الله الرحمن الرحيم

السلام عليكم ورحمة الله وبركاته




البـــــ الثالث (13)عشر ـــارت
الجزء 1/2
بسم الله الرحمن الرحيم

*************************************
.
.
.
#
لا تقول ودعتني داري
بالحيل مالي عليك عتاب
مريت في موعدك ساري
وقفت لين النجم ماغاب
الليل تحت الشجر عاري
والفجر غطي السما بثياب
والريح في كفوفها الذاري
تدفن ارسوم الوعد بتراب
مريت ماللوله طاري
ووقفت ماللندم اسباب
مدري تعودت مشواري
أو خان بي قلبي الكذاب
#
.
.
.
*الامير بدر عبد المحسن


-------------------------------

وظلت تجري الين وصلت للبوابة وحطت يدها على الجدار
وتنفس بسرعه وما إنتبهت الا واليد على فمها يد كلها تجاعيد قربت لها عجوزة
وهمست بأذنها: لاتخافين انا فاعلة خير بس سوي اللي أقوله لك قبل لايجون ويخذونك
لوليتا مو مصدقة فاعلة خير كأنها تعرفها بس مين ماتدري وهزت براسها بنعم
وتركتها العجوزة: أجل يله يابنتي تعالي معي
لوليتا نزلت راسها ومشت لناحيتها ودخلوا غرفة الحارس قديمة وتحت الانشاء لانها تتجدد
العجوزة تعطيها عباية : خذي يابنتي لبسيها عشان مايعرفونك
لوليتا وهي تمد يدها مستغربه منها : وليه البسها ؟
العجوزة: هذا يابنتي عشان لمن طلعنا من المواقف بيشوفونا وماراح يعرفونك
لوليتا فهمت عليها : والله مو هينه يا جدة
العجوزة وهي تبتسم وطلعت من شنطتها كريم اساس وبودرة برونزيه وتعطيها لوليتا
لوليتا : إيش هذا بعد ؟؟
العجوزة: هذا حطيه على وجهك ويدينك عشان بعد مايشك
لوليتا تمد يدها واخذته: اللي تشوفينه
وبدت تحط الكريم على بشرتها الرقيقه وبعدها البوردة أخذت المرايه تشوف نفسها
لوليتا بنفسها " يالله تغيرت كثيير مو كأنها أم عيون اللي يقولون دايم الله يجزاها خير هذي
العجوز بس أنا اللي أستغربه ليه أرتحت لها وكأني أعرفها من قبل ياربي لك الحمد أهم شيء
أفكت من عبد الله وعضلاته هذي إستغفر الله " : يووه يا جدة تغيرت مو كأنها أنا
العجوزة: إيه يا بنتي أحسن لك يله حطي هالعسل على يدينك أو الصمغ
لوليتا رفعت حاجبها مستغربهمن طلبها : وليه يا جدة؟
العجوزة: هذا عشان يوم يجف يتجعد الجلد ولاسمح الله يمكن يعرفك
لوليتا بإعجاب: يالله عنجد صادقة أجل يالله أمري لله
وأخذت الصمغ وحطته على يدينها الصغيرة وهي تتأمل فيها وتتذكر يوم عبد الله شد عليها
قبل لاتطلع من السيارة مسحت على يدها وتطالع بالعجوزة
لوليتا: جدة طيب عيوني وش اسوي فيها؟
العجوزة تطالع بعيونها أنبهرت من جمالها وبريقها وسوادها : ماشاء الله عيونك تهبل
لوليتا نزلت راسها وحمرت خدودها ببحه: مشكورة كلك ذوق
العجوزة تقرب منها وترفع راسها: إسمعي يابنتي حاولي تصغرين بعيونك كأنك تقرصيها
لوليتا : كيف يعني كأني ما أميز ؟
العجوزة: إيه مثل كذا .. يله يابنتي نروح الين نطلع منها بخير
لوليتا ولبست عباية مرقعه وكان شكلها مثل العجوزة لما انحت ظهرها
وقربت من البوابه ولمحت سيارة عبد الله وحست بخوف يتغلغل جسمها لما السيارة
إتجهت لناحيتها لدرجة العصا اللي تتركا في ترتجف معاها وو...


**************************************

.
.
.
#
ليه أحـــس إني وأنا اشوفــك حزين
وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين
لا تـــعــلــــمنــي ولا تـــكـــذب عـلــيّ
خـلنــي مــا بـــين شكــي والــيقيــن
الــسـكــوت رضـــــاي عنــك وزعلــي
بــاكــر الـلــي خـــافــيٍ لازم يبيــن
والــوعــــد بـلقــى مكـــانك بــه خلــي
وانتظــــــر لــي ليلــة او لـــيلتيـــن
لين مـا يـقـفـــي الـسحــاب وينجلـــي
ولا طويت اليـــاس بـذرف دمعتين
للـهــوى الــغــــالــي وبـا وادع هـلـــي
صاحبي بمـــــوت من كثر الحنيـن
خــلـنــي بــخـــتـــار لــحظـــة مقتلـــي

#
.
.
.
*الامير بد عبد المحسن



،


------------------------------
سمعت صوت الجهاز وكأنه يعلن حالة خطر وكان الصوت صادر من غرفة وليد
سمر جمدت من مكانها رمشت بعيونها وحطت يدها على قلبها:لالااا ياربي لاا ..
حست جسمها يرتجف من الخوف ونبضات قلبها تدق بوهي تشوف الاطباء متجمعين بالغرفه
سمر "ياربي لاتحرمني منه أنا احبه بس كيف مادري وأخته مختفيه مافكرت فيه لايكون هي السبب
وهربت من هنا معقولة" ..قربت خطوة وتسمع أصواتهم العاليه والجهاز يعلن توقف دقات القلب
سمر بصراخ من وراء الشباك: وليييييد لااااااا ترووووح أنا أحبك بس تكفى ..وهي تسند نفسها
على الباب ومايسمع الا صوت شهقاتها ودموعها اللي ملت جفونها ..حزن على حالها لما طلع من الغرفه
جلست قربها يحاول يهديها: إن لله وإنا إليه راجعون هذا قدر ومكتوب وأنا أخوك
سمر خانتها العبرة ودها تقولها لكن مو المرة الثانيه بس شتسوي غصب : الله يرحمه
كتفت يدينها ولمت رجولها لحظنها ظلت تبكي ..
باسل طبطب على كتفها : عظم الله أجرك ..
سمر أسمعها مرة ثانيه من بعد وفاة أخوه ياسر حتى وليد يالله ..ببحه: أجرنا وأجرك .وهي تلتفت له تطالع فيه من فوق لتحت وبكره: ياكرهي لك
باسل طنش من كلامها اللي كانت تجرحه فيه وببرود: وأنا اللي أموت فيك ..على العموم سويت واجبي يلا عن أذنك
سمر إستحقرته من كلامه اللي كان بارد ولا فيه ذرة إحساس:طول عمركم حجر الا اللي أحبهم ..وهذا تسميه واجب حسافه الاسم مايليق لكم ابد
باسل شد على سنونه وبهمس: تحبيهم إحلمي كلهم راحوا ..الا أنا موجود وعلى قلبك مثل ماسرقتي قلبي ..
سمر ماسمعته لانها رجعت تذرف اطنان من الدموع على فراق وليد لما دخلت الغرفه تبي تودعه ..
سمر يدنيها ترتجف لما مسكت أطراف الشرشف تبي تشوف وجه : ووليد سامحني أنا أحبك بس ..آآه صعب أنطقها صعب اهئ ..
وهي تحط يدها على جبينه وتمسحها برفق وبهمس : ماراح اشوف هالوجه بعد اليوم بس اشوف طيفه..
وتطالع في الباب وبعدين له : شفت ولا وحده جات تسلم عليك لاسلمى ولا أختك معقوله مايبونك وأمك الله حالتها حاله بغيبوبه متى بتصحى
وأنت ..إبتسم بإنكسار: من لي غيرك من هو اخوي منهو سندي أنا السبب اهئ اهئ أنااا اناا ولييد لاترووح
الممرضه وهي تحاول تهديها وتخرجها من الغرفه : يا مدام مايصير هيك لازم تطلعي هلاء
سمر وهي تبعدعنها: فكي إيدي انتم السبب فكي اكرهم اكرهكم افهمووا
الممرضه ماقدرت عليها الا تطلب الدكتور : يا دكتور فيه زائره مابعرف شو حصلها؟
باسل وهو يدخل الغرفه وإنصدم منها : إنتي شتسوين هنا؟
سمر وهي تمسك بوليد: مابك إبعد عني إبعد
باسل : إستغفر الله إن شكلك جنيتي ..باسل قرب لصوبها يمسكها : إهدي
سمر وهي تدفه : وخر عني ..مابقى الا انت تقول إهدي
باسل وصل حده وهو يمسك يدينها: انتي شكلك تماديتي يا مجنونه قدامي يله
سمر تحاول تفر منه: إبعد عنيي يا غبي اانا مو مجنونه
باسل شد يدينها وخرجها من الغرفه ..وطلب من الممرضين يساعدونه عليها
سمر تحاول تفلت منه بس كان اقوى منها ..حقنها بإبره وماقدرت تركز صارت تهذري بكلمات: وولييد يياسر لييه رحلتوا من دوون سبب ...!!
وهي تطيح ومسكها باسل من خصرها وشالها ودخلها للغرفه ونومها ..
خرج من الغرفه وجلس على الكرسي بتعب وحط يدينه على راسه وشد عليه"إستغفر الله هذي مو صاحيه الرجال ميت وهي تصارخ ..مجنونه
من جد ..ولا وبعدين تمسك فيه تبيه يدافع عنها وين بيدافع عنك وهو جسد بلا روح الله يرحمه ويسكنه الجنة يارب ..بس خالته وين طست هذي
بعد إختفت فجأة وحتى ميسم المفروض تجلس عندها تواسها ..ياربي رحمتك ناس اول مرة اشوف مثلهم "قام طالع بساعته
باسل بتنهيدة: يالله بروح للقصر خلاص إنتهت المناوبه ..قام وطلع للمكتب تبعه وفسخ المعطف ولبس جاكيته الان الجو بارد
ومر من عند الغرفه يتطمن عليها ..وراح للجثة وليد اللي في الثلاجة والقى نظرة عليها وسلم عليه وخرج من المستشفى ..للقصر



**************************************

.
.
#
ادفن يدي .. تحت الثرى

واسقيها من جفني ارق ..

يذبل مابين اصابعي ..

عشب و ورق ..

ادفن يدي .. فوق الثرى ..

يلفها برد وسموم ..

واحس بعروقي يبست ..

ما توصل عروقي الثرى ..

ولا تشرب عروقي النجوم

وينبت على جفني سهاد ..

يذبل ورا صدري الشجن ..

اشقق اوراق الزمن ..

وانام ..

في حلقي الليله جفاف ..

شربت أيامي .. ومضت ..

واللي بقى جرحي الوفي ..

في خاطري باب يرد ..

وسراج دوبه ينطفي ..

اغطي الظلمه بظلام ..

كل ما اشد اصابعي ..

على العيون المتعبه ..

جرحٍ ينام .. وجرحٍ شعر بي وانتبه ..

قام وتبعني لشرفة ظلمه بعيد ..

جاني يقاسمني السهاد .. جاني قصيد ..

ادفن يدي تحت الثرى .. فوق الثرى ..

واعيش انا بباقي يدي ..

نصفٍ يموت .. ونصفٍ درى انه يموت ..

يا سيدي .. ربي انا نقطه فـ بحر ..

علمني كيف اهوى الحياه ..

علمني كيف اهوى القدر ..

علمني بإماني اكون ..

يارب .. اكثر من بشر ..
#
.
.
.
*
البدر

------------------------------

وإنصدم لما شاف محتوى الرسالة وكأن مويه بادرة إنكبت عليه جمد ولا تحرك من مكانه
لما شاف صورتها محروقه وين في المزرعه اللي في أبها : عبييير لا مو معقولة تكون هي لااااا
جلس عبد العزيز على الكنبة مصدوم : كيف صارت ومن متى وهي في المزرعه لالا يمكن مقلب إيه صح..لالا مافيه الا فيصل هو راح لابها
اكيد يمزحون لما يسوون كذا ..ياربي إستر .. قام واخذ جواله يتصل على فيصل بس من حشن حظه صادف فيصل وهو ماشي لجناحه
عبد العزيز وهو ينزل الجوال: فيصل أنت هنا ؟
فيصل وهو يفسخ الغتره: إيه توي جاي؟
عبد العزيز: من وين من أبها؟
فيصل وهو يجلس على الكنبة: عبد العزيز حاس وراك شيء إنثبر وقولي بسرعه حدي مصدع وتعبان
عبد العزيز جلس بهدوء: كررت سؤالي من وين جاي؟
فيصل حط رجل على رجل واخذ الريموت ويغير في القنوات بملل: من وين يعني من الشركة
عبد العزيز بنفاذ صبر: فيصلوه بلا هياط قوول وخلصني
فيصل : اووف منك ياخي ماتفهم أنت من الشركة جاي ومالي خلقك
عبد العزيز يرمي الجوال له : شوف الاعيبك ..
فيصل مسك الجوال وطالع في الصورة ثنين وثلاث وإنصدم: ههذي عبيير ؟؟
عبد العيزيز : إيه هي أجل فيه غيرها من الاعيبك
فيصل : انت صاحي هذي عبير انا ماسويت لها شيء شوفها محروقه وكأنها في المطبخ
عبد العزيز إنصدم : يعني مو من الاعيبك يعني هي عبير .. أختنا ..محروووقة في المزرعه
فيصل جمد من مكانه ماقدر يحكي أي شيء ..وكان نفس الوقت باسل جاي لناحيتهم من بعد ماسمع صراخهم
باسل : لييه كل هالصراخ اللي علا القصر
عبد العزيز: عبير يا باسل خلاص إنمحت مافيه وحده بهالدينا أسمها عبيير
باسل مو مصدق من اللي قاله عبد العزيز: انت تكذب على ميين هااااه ؟؟
عبد العزيز وهو يمسك بلوزة باسل: اما ما أكذب افهم يا ولد عبير عطتك عمرها
باسل جمد مصدووم : ام سامر وبسام وفرح وجوري يعني ماتت وكيف ومتى؟؟!!
جات رساله لجوال عبد العزيز وكان مكتو فيها" توفت محروقة بسبب تسرب غاز مما سبب في وفاتها وإحتراق المزرعه
عظم الله أجركم واحسن عزاكم سيتم وصول تسليم المتوفاه مساء هذا اليوم " طاح الجوال من يده إنهد حيله وإرتما على الكنة
عبد العزيز بأسى: لاحول ولا قوة الا بالله ..الله يرحمها ويسكنها الجنة يارب
باسل سند ظهره على الجدار: ماني مصدق معقوله طيب وين امي درت عنها ولا في إيطاليا عندهم وكيف يصير كل هذا مو معقولة مايدخل العقل
فيصل بتنهيدة: اذكر الله ياباسل هذا قدر ومكتوب ..والله اخر مرة كلمتها كان صوتها مو مطمني وبعدين وين عامر عنها؟
عبد العزيز بصوت عالي: إستغفر الله هذا مو وقته عشان تحاسبون الا وين أختك ميسم هذي؟
فيصل: عند صاحبتها ..
باسل :أنا بقول لها كل اللي حصل
عبد العزيز: خلاص أنا بستلمها وأنت يا فيصل ؟
فيصل: أنا الباقي علي يلا كل واحد يشوف شغله ..


**************************************

.
.
#
اشاره .. تعقد الحاجب

نوقف طوابير

الليل في الشارع ..

ظل .. وطباشير ..

ووجيهنا لوح

اشاره .. نعقد الحاجب

توقف نوافير .. النور ..

وتجري نوافير ..

ويدور .. الشريط يدور

وسيارةٍ قبل الأخير

اتعيد نفس الأغنية ..

نفس الأغنية ..

ويمر الوقت ثقيل .. ثقيل ..

على القليل .. من الجلد ..

اعد حبات العرق .. في جبهتي ..

وفي مرايتي .. يصرخ ولد

وينعس كبير ..

وسيارةٍ قبل الأخير ..

اتعيد نفس الأغنية ..

نفس الأغنية ..

يصرخ نفير ..

اشارة تطلق الحاجب

وحبلٍ يلين ..

اطلق يدي .. من الشعور ..

اني سجين ..

اشارةٍ تطلق الحاجب

وتركض نوافير .. النور

آه .. السؤال ..

دربي شمال .. والا يمين ..

شمال .. يمين

انا وين اروح .. وين اروح ..

ظل .. وطباشير ..

ووجيهنا لوح ..
#
.
.
.
*البدر
------------------------------------


وقربت من البوابه ولمحت سيارة عبد الله وحست بخوف يتغلغل جسمها لما السيارة
إتجهت لناحيتها لدرجة العصا اللي تتركا في ترتجف معاها وقف عبد الله السيارة
ونزل منها وإتجه لناحيت العجوزة وحط يدينه في جيوبه
عبد الله رافع حاجبه وبشك: السلام عليكم يا جدة
العجوزة: وعليكم السلام
عبد الله وهو يطالع بلوليتا حزن على شكلها بس ما عرف إنها لوليتا : سلامات وش فيها خيتك
العجوزة:الله يسلمك والله إنها تعبانه الله يشفيها وتنتظر ولدها
عبد الله هز راسه بنعم : إييه بس يمكن هوماراح يجي على العموم هذا رقمي الخاااص إذا إحتجتوا أي شيء أتصلوا في
العجوزة تشكرة: الله يجزاك خير يا وليدي وكثر الله من أمثالك وإن شاء الله لاحتجنا شيء أتصل عليك
عبد الله: ولو هذا واجبي الا بسأل ماشفتي بنت جات من هنا ؟؟
العجوزة تصرف: لا والله مامر علي أحد من هنا ليه خير فيه شيء
عبد الله : لا ابد سلامتك ما فيه شيء بس وحده من الخدم مضيعه الطريق لانها اول مرة تجي هنا
لوليتا عضت على شفايفه السفليه وبصوت متقطع : ياحول الله يردها لكم سالمه غانمه يارب
عبد الله إلتفت لها: إييه إن شاء الله الا شكل ولدك مو جاي خلوني اوصلكم
لوليتا بلعت ريقها: لالا يا وليدي ما نبي نتعبك معنا عاد أنت تعرف العجايز يخرفون هالايام أعذرنا يا وليدي الله يسهل لك طريقك
عبد الله وهو يرفع شعره: أميين أجل يلا عن أذنكم
لوليتا والعجوزة: أذنك معك يا وليدي
ركب عبد الله سيارته وهو يتوعد بلوليتا هذي اللي إختفت فجأة وندم لما تركها تروح لحالها بس هو إنتقم من هالشي
بمووت وليد وبقى لها أمها ..مافي بقلبه رحمه واللي براسه يسويه,,
عند لوليتا اللي فاطسه ضحك: ههههههه والله خطيرة يا جدة ..تغمز لها:شرايك فيني
العجوزة: والله مو هينه يا بنتي طلعتي كفو وصرفتيه
لوليتا: اعجبك الا وين نروح هالحين؟
العجوزة مستغربه من لوليتا: ليه ما عندك بيت؟
لوليتا : الا بس لو رجعت بيمسكني ويقتلني ولازم أتخبى عنهم
العجوزة وهي تقوم: اجل يلا أنتي عندي ضيفه اليوم وبعدين ادور لك شغله تترزقي فيها
لوليتا :مكشورة يا جدتي والله ما أنسى معروفك لي طول عمري
وشوي جات السيارة ونزل منها ولد شعره بني وأبيض وعيونه خضراء تقريبا بحدود 25 من عمره
جاي لناحيتهم لوليتا حست بخوف لما جاء
العجوزة: هلا بوليدي فارس
لوليتا إستغربت منها كيف يقرب لها وهو بعيد عنها
فارس: هلابك جدتي أخبارك يالغاليه؟
الجدة: بخير يا وجه الخير الا أعرفك على صديقتي الجديدة
فارس :هلا بك يا جدة أخبارك؟
لوليتا بنفسها" عمى أنا مو جدة " : بخير ..
العجوزة: فيه سالفه طويله عريضه بعدين احكي لك يلا هالحين بنروح ترى تعبت
فارس: من عيوني يلا تفضلي وإنتي يا جدة حياك
لوليتا وشوي وتكفخه " عجوز هاه أنا أوريك ": الله يحيك
ركبت السيارة وسرحت في اللي ماخذ تفكيرها وقلقها كله وحاسه شيء كبير صاير لها



**************************************


جاي وبصوته الحااااد والمخيف وبعصبيه : إنطمي إنتي وياها لا هالحين اقضي عليكن
العنود ودانه طالعوا وراهم بيشوفون صاحب الصوت وإنصدموا من اللي يطالعوا قدامهم
والخوف بدا يتغلل جسمهم وماقدرن على الحركه كل وحده جمدت بمكانها
العنود برجفه : ممحمد أنت هناا ححييااك
محمد وهو يجلس بكبرياء ويأشر بيده بمعنى يجلسوا
دانة وهي تفرك أصابعها : طال عمرك إيش صار بععبير ؟؟
محمد وهو يحط رجل على رجل : مثل ماقلت صار
دانة شهقت : وأولادها ؟
محمد: ماهموني لاهم ولا غيره
دانة بلعت ريقها: طيب أم عيون؟
محمد وهو يلتفت مستغربه: أم عيون بعد هذي مين ؟
دانة بربكه : أأقصد أأم ياسر وليد؟
محمد بشك بس سلك: وليد خلاص إنتهى
دانة بخوف وإكتفت تهز راسها بنعم .
العنود وهي ترفع شعرها: طيب وين حطيتوا الجثة؟
محمد بعصبيه: اووه تستجوبوني أنتم كافي كل وحده تقلع يلا
العنود ودانة قاموا وطلعوا من الصاله يتحلطون ..
وظل محمد يفكر بهذي اللي أم عيون ويمسح على ذقنه: شكلها حلوه دام أم عيون
دخل الصاله مقهور: اووف هالمرة إفلتت مني الله ياخذ شرها
محمد : هييه إصحى إنت
عبد الله إنتبه لوجوده : أسفه طال عمرك ما إنتبهت لاني كنت متضايق ومقهور
محمد وهو يحط يده على خذه وبنص عين : من إيش ؟
عبد الله يسلك: من دانة والعنود
محمد يهز راسه : أها طيب فيه شيء ثاني بتقوله؟
عبد الله : لا يا طويل العمر
محمد: خلاص فيك تروح وبعدين إنتبه لوجودي تفهم؟
عبد الله: سم طال عمرك ..طلع عبد الله يتحلطم ..

**************************************

هنا نهاية الجزء1 والتكملة لاحقاً..

قراءة ممتعة
لا اله الا الله وحده لاشريك له







لامارا غير متواجد حالياً   رد مع اقتباس