************************
في بيت ابو عبدالرحمن ..في غرفة بشاير ..
سندس .. اووووف مليت تصدقين ضايق خلقي ؟؟
بشاير .. يعني وين راح تروحين يا سندس الاختبارات على الابواب باقي اسبوع بس
وثانيا مشكلة ريم .. ما اظن انك راح تتفسحي بعد اليوم ههههههه وبنت عمك مفقوده ..
سندس .. قصدج مخطووفه !! بس يا بشاير احس اني متضايقه من سالفة ريم .. تصدقين صرت اخاف اروح
مع السواق للجامعه بروحي .. وصار تركي يوميا يودني ..
بشاير .. هههههه حتى انا بس المشكله محاظراتنا غير بعض يعني لو انها قريبه تطلع تمام بس انا
الساعه 8 ادخل وانت 10 ...لكن انا اطلع الساعه خمس العصر وانتي ثلاث يعني شوفي الفرق ..
سندس .. بشاير تتوقيع فعلا لقوا البصماات ؟؟
بشاير .. لا ما اظن ؟؟
سندس .. ليه طيب ؟؟
بشاير .. اااااه الانه الواحد لمى يسرق يكون ذكي شوي ما يكون غبي وينسى امر البصمات المهم ..!!
سندس .. طيب تتوقعين ريم عايشه ؟؟
بشاير .. ............... سؤالك يا سندس يخوف !!!
سندس تنزل راسها ... مشتااقه لها يا بشاير... واتذكر لمى تغــني هالغنيه .. وهالمره راح اغني لها ...
متى يعــود وترجــع الابتسامـــه
الصبر مهما طال له وقت وحدود
عنــدي عتاب ودمعتين و ملامه
وعنـدي أمـل إنه اذا غابــ
بيعــــــــود
بيعـــــود
بيعـــود
بيعـود
بشاير .. سندس مو بس انتي فاقدتها كلنا يا سندس ودعي ربك رجعها سالمه لنــا ..
سندس .. كسره خاطري خالتي خلده كيف تصيح على ريوومه ..
تتدخل عليهم غزلان بنت صالح ..
غزلان .. السلاااااااام عليكم ..
بشاير وسندس .. وعليكم السلام والرحمه ..
غزلان .. وش فيكم كل وحده عيونها حمره من البكى ..فيكم شي ؟ صار شي ما ادري عنه ؟؟
بشاير .. ههههههههههههههه لا بس جالسين نتذكر ريوومه ونذكرها بالخير .. وندعي لها ..
غزلان .. المسكينه ما تستااهل .. الا قولوا لي ليه مجتمعاات ما قلتوا لي يا خينااات الوعد ّ!!
سندس .. والله هذي الورطه .. غزلان سوري يا قلبي بس ضااق خلقي رحت لبشايرالانه بيتهم اقرب من بيتكم .
هعهههه
غزلان ... مو عذر هذا ؟؟ كل يوم تروحين بيت عمي سعود (ابو عبدالله ) وهو اخر بيت من عماني ما تعبتي..
توك تتعبين اليوم .؟؟ قولي قولي وش الخطه الجديده انتي وياها ؟؟
بشاير .. هيااا انتي لا تروحين بعيد صدقيني بس ضااقت خلووقنا قلنا نبي نشم هواء طبيعي ...!!
غزلان ...؟؟؟ هواء طبيعي ؟؟ يعني وين راح تمشوون ما اظن انكم راح تتحركون شبر واحد بعد سالفة ريم..
بشاير .. ههههههه نفس الـــكلام سبحااان الله ...
سندس .. تدرون من شفت اليوم في الجاامعه ..
غزلان وبشاير .. منووووووو
سندس .. عذاري صديقة ريم .. اسالتني عنها .. وقلت لها والمسكينه انهارت بكى واستاذنت من الجامعه ..
بشاير .. انتي هبله تقولين للبنت وهي في الجامعه .
سندس .. يعني متى اقوول لها ؟؟ بربك ؟؟
غزلان .. قولي لها لمى نخلص او لا تقولين لها احسن ..
سندس .. لا حرراام البنت تتصل على بيت عمي وتشيله رهاام ولمى تعرف انها عذاري تقفل بوجهاا ..
بشاير .. ليه رهاام تقفله ؟؟
سندس .. تقول ما تبي تبكيها على صديقة عمرها او تصدمها ..
غزلان ... يااحرام ...ياعذاري .. اجل تقولي انها انصدمت ..
سندس .. مسكينه اي والله ...
بشااير .. انا راح اعمل فطااير منو يروح معي للمطبخ ..
غزلان .. انا ابغى قهووه وحلا التمر من يدك ..
بشاير .. اقول اذلفي وراح امي هي امي ما صلحت لها القهوة تبغيني اعملك ..؟
سندس .. ههههههه كع كع مالت هالعمر وما تعرفين تصلحين قهوه ؟؟
بشاير .. رجااءا لاحد يعلق اللي يبغى عصير ياهلا هذا اللي اعرفه ..
غزلان .. مالت بنت جاامعيه وما تعرف تعمل القهوه ؟؟
بشاير .. قلتيها جاامعيه يعني ما امسك غير كتبي هههههههههه
سندس .. عزالله انك صااجه في هذي هههههههههههههه