عرض مشاركة واحدة
قديم 08-10-13, 04:52 PM   #12

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الجزء الثاااااااني عشرررر,,,,,,,,,,,,,,,,
,
.,.,.[أيـــام غـريـبـه عـلـى أرض الحـــب].,.,.
,
الصبـاح ,,الساعه على الكومدينه تشير للحاديه عشر,
مدت يدها بكسل تمغط,,وهي ترمش بكسل,,,
أرتسمت على شفاتها أحلى أبتسامه,,ألتفتت على جنبها وضمت المخده بقمة سعادتها
أخذت أسيل نفس عمييق,وهي تتذكر سهرة البارحه.....وغمضت عيونها وفتحتها بسرعه لأنها انتبهت لورقه بجانب المنبه على الكومدينه,مدت يدها وأخذت الورقه و بدت تقرأ وهي تبسم...,[صباح الخير يا أحلى بنت بالعالم....أحبك/فيصل] ضمت الورقه ....(ياحبيبي)
,,,
,
,,,
,
مزنه تدور بالمطبخ عن شيء ومولاقيته: كامله ماشفتي الهاون الخشبي القديم و الاغراض اللي كانت معه بالدرج هنا.؟
كامله :لا ماما مافي معلووم.
دخلت فاطمه تبي تشرب مويه,فتحت الثلاجه وأخذت الجيك وراحت تصب بالكوب:
مزنه تكلم نفسها:ياربي انا حاطتهن هنا بذا الدرج وين راحوا, بسم الله.
فاطمه بغت تشرق بالمويه,تذكرت انها هي أللي عطتها كامله ورمتها بالزباله:كح كح كح ,
{بغت تطلع من المطبخ عشان ماتنفضح وتهاوشها عمتها}
مزنه بنص عين:فطووووم لايكون انتي اللي خاشتهم عني,
فاطمه تلعثمت:هاااه لا لا أنا ما رميتها بالزباله,<<<غبيه هههه
مزنه جت ومسكت أذنها:إييه معناته انتي اللي رميتيها,أنا ماقلت رميتيها انا قلت خشيتيها, أعترفي بسرعه.
فاطمه :أأأأأي أذنـــــــــي,,أنا رميتها رميتها,
مزنه ماسكه أذن فاطمه: أوجع ان شاء الله,ليييه ترمينها,
فاطمه:ضيقت علي الدولاب هالقطع الأثريه,اللي مامنها فايده,
مزنه:ياحرااام عليك هذي من ريحة أمي,الله يرحمها,أخر مابقالي منها,
فاطمه ندمت انها رمتها:اللـــــــــه يرحمها والله لوني داريه انها تعزعليك هالكثر مارميتها,تكفين سامحيني,ياعمه
مزنه بقلة حيله:مالي غير كذا وانا أمك,متى تتزوجين وأرتاح من لقافتك,على اغراضي.
فاطمه:هههههه والله شكلي بطيح بكبودكم ياعمه,وماني متزوجه,مدامكم ماتبوني.
مزنه:يالله منك يالعوبا,أحسن لي أروح لأبوي وأونسه,
فاطمه:خذيني معك,
مزنه:لا أنثبري مكانك انتي رافعه ضغطي,
فاطمه:ههههه انا رايحه لجدي,اصلاً مااابيك ههههه
مزنه تجاريها:ماااالت,بعد انا مابيك,
فاطمه تضحك على عمتها وهي تسوي مثلها بتفاعل:ههههههههههههههه
,,,,
فاطمه حبت على راس جدها:حي ذالشاايب,
الشايب:الله يحييها,تراك وانا بوك توك طالعه من عندي قبل شوي ههههه
مزنه:وش تسوي الفراغ بعيد عنك,
فاطمه:ههههه حراام عليكم محدن يبي حبتي,يادافع البلا.
الشايب:هههههه ليه أجل وين أسيل من فراغك ذا.؟
فاطمه تقلد العجايز:أسيل نايمه جا الظهر وهي نايمه هالبنيات ماعاد يشبعن نوم ياكاافي,من ذالزمان العجيب.
مزنه:هههههه يالعجوز,روحي قوميها
نزل فيصل ودخل عليهم ببتسامه عريييضه:السلام عليكم ,صبحكم الله بالخير
الكل: وعليكم السلام,صبحت بالنور حنا بالظهر اللحين
الشايب انصدم:فيـــــصل انت للحين مارحت للمؤسسه,اللحين الظهر.
فيصل بقمة الروقاان ويوزع ابتسامات:ماايحتاااج, ماهي بمشكله, بروح بعد الغداء.
فاطمه تقلد العجايز:أبك ماعااد إلا القوايل,نايمن للحين.
فيصل مروق عالآخر:ههههههههههه بكييفي يالعجوووز.
مزنه:فطوم روحي قومي أسيل ماصارت للحين نايمه,قوميها تغداء
فاطمه:الله يعين بروح عساها تصحي هالمره,,,,,,,,,,,
{راحت }
الشايب يناظر فيصل بنص عين:.............
فيصل خاف من نظرات جده:جدي وش فيك تناظرني كذا؟
الشايب بنص عين: أنت عمرك مانمت لهالحزه,وش أخرك عن النوم البارحه.
فيصل تلعثم من الخوف:هااهـ كذا ماجاني النوم ارق خفيف بس.
الشايب ماصدقه بس مشاها :أررق مره ثانيه, حاول ما تتأخر بالنوم مره ثانيه وإلا سابت المؤسسه.
فيصل:أبشر جدي
,,,,,,,,,,,,,
,,,
فاطمه تطق باب الغرفه من دقايق:أسييييل افتحي,الوقت الظهر وانتي للحين نايمه.
أسيل أخيراً فتحت الباب,ودخلت ماكلمت فاطمه:....
دخلت فاطمه وراها : يووه كنتي تروشين عشان كذا مافتحتي الباب,
أسيل واقفه تنشف شعرها عند المرايه: مثل منتي شايفه,هااه بغيتي شيء فطوم.
فاطمه:جدي وعمتي يسألون عنك,انتي اليوم تأخرتي بالنوم كثير.
أسيل ببتسامه هاديه:واللــه
فاطمه:انتي ليه تبسمين انا قايله نكته.
أسيل:ههه فطووم انتي وش لابسه,
فاطمه تدور على نفسها:إيييه هذي مابعد شفتيها,هذي يسمونها المدولق وبعضهم يسميه المجزع,لبس النجديات من أول هههه.
أسيل:ههههههه كنه خيمه وسييييع على نحفك.
فاطمه:معلييه ان ماشريتلك زيه,خلك تلبسين لبس جداتك.
أسيل:ههههه لا تكفين مابي,فكيني ماحب الطويل كذا.
فاطمه:تعلميني فيك,الله لايبلاني,لبسك كله قصير وإلا بناطيل حتى نصها برمودا, لكن معليه ان ماخليتك تلبسين الجلابيات ماكون فطوم بنت سليمان
أسيل:ههههه طيب يابنت سليمان خلينا ننزل تراني ميته جووع,
فاطمه:يووه نسيت اصلن انا جايه اناديك عمتي مزنه تقول قوميها تبي تحط الغداء.
،
،
,
على السفره:::
أسيل تلعب بالملعقه بالصحن ماقدرت تاكل وفيصل بياكلها بعيونه كذا:.........
مزنه:أسيل يمك اكلي تراك مافطرتي.
أسيل:شبعت
فاطمه:الله اكبر قبل شوي تقولين ميته جوع
مزنه:فيصل وانا امك ورى ماتاكل وأنا أمك,تراك مافطرت بعد.لاتقول بعد شبعت
فيصل وعينه على أسيل :لا واللــه ياعمه للحيـــن ماشبعت, يااهي حلووه
مزنه!:وش هي الحلوه؟
فيصل انتبه لكلامه والتفت على عمته:قصدي الكبسه ياحلوها
أسيل كتمت الضحكه,وأكتفت بالإبتسامه,تدري يقصدها:.................
الشايب ماعجبته نظرات فيصل لأسيل:أقول وانا بوك الله يصلحك روح المؤسسه اللحين ولاعاد تعيد اللي صار البارحه.زين
فيصل بتعجب خااف وأرتبك:وشو اللي صار البارحه.؟؟!!
الشايب بنص عين:الأرق,أقرأ المعوذات وأية الكرسي ونم زين
فيصل يخاف من تلميحات جده:طيب طيب,يله عن اذنكم انا رايح المؤسسه
{طلع }
أسيل تراقبه لين طلع : (أمنتك الله)
فاطمه تأشر قدام عين أسيل :هيييه الرجال رااح وأنتي تناظرين الباب للحين.
أسيل انحرجت من جدها وعمتها,صارت علبة الوان ضربتها خفيف:فطوووم وجعع
((((((((((((
,
.
,
.
,
.
,
,
بيت عادل ::::
تررررن,,تررررن,,تررررن
ماجده بالمطبخ بصوت عالي:يااارااا ردي عالتليفون
يارا عند التلفزيون بالصاله:يووووه كل شيء يارا كل شيء يارا
{قامت وردت} ألووه......تبين ماما؟...طيب,لحظه...’ مااااماااا,تليفوووون.
ماجده جايه من المطبخ:مين
يارا تهز كتوفها:مااادري,ماأعرفها.
ماجده خذت السماعه:ألووه,
المتصله:السلام عليكم.
ماجده ماعرفتها:وعليكم السلام مين معي.
المتصله:أنا وحده من اللي تعرفينهم,زميلات الدراسه زماان,
ماجده للحين ماعرفتها: طيب أنا زميلاتي كثير ماذكرتك بصراحه ذكريني وإلا سكرت الخط بوجهك.
المتصله:أوف,لا تسكرين الخط ولاهم يحزنون,إذا كانك ماعرفتيني,مو مشكله بس حبيت أقولك إن اللي سوت فيك السحر وحده من اللي تعرفينهم زييين , لا ومن المقربين لك,
ماجده فاض بها الكيل وصارت تصارخ عليها:هيه أنتي مين انطقي ياخرابة البيوت.
المتصله:ههههه باي...طوط طوط طوط.
ماجده سكرت السماعه:الحيواااانه, الله يتلف أعصابها
يارا فزعت من صوت امها اللي علا:مااماا وش فيك
ماجده ضمتها :ولا شيء حبيبتي انتي لاتهتمين.
يارا سكتت وهي ماتدري وش العالم فيه:.........
ماجده ذبحها التفكير: (من هذي المقربه مني وماتحبني لهالدرجه,وتسحرني بعد, الله ينتقم منها ان كانها قاصده تخرب بيتي,الله ياخذ هالمتصله,شوشت افكاري , وشككتني بالناس).
دخل عادل راجع من الدوام:مساء الخير.
ماجده:مسا النوور
يارا استقبلته بالأحضان:بااابااا
عادل شالها :رووح بابا.....
{ناظر ماجده شكلها عندها شيء}كيفك ماجده؟
ماجده:بخير حبيبي....شوي وأحط العشاء,
{راحت والتفكير مشغلها بالتليفون}
عادل استغرب تصرفها:يارا وش فيها ماما.
يارا ببراءه:ماااعرف بابا,
عادل: اوكيه بابا, وش رايك نروح نحط العشاء مع ماما.
يارا ببتسامه:يـــله.
عادل:ههه أوكيه يـــــله.
(((((((((((((((
,
.
,
.
.
,
.
.,.,.[أيـــام غــريـبـه عـلـى أرض الـحـب].,.,.
,
,
البيت الكبير:::
فاطمه جالسه على طرف سريرها وماسكه علبه وتدهن ساقها,وتتثاوب:أقول يالحبيبه,ورى ماتروحين تنامين,أحسن لك ولي.
أسيل جالسه على كرسي وتلعب برجليها زي الالأطفال تراقبها وعينها عالباب:أقول فاطمه أنا بنام عندك الليله,
فاطمه:هههه ليه خايفه من الذيب هههههه
أسيل مرتبكه:لا ماني خايفه من الذيب ولا حاجه بس مليت لحالي.
فاطمه:يالظااالمه تتركين غرفتك هالكبيره وسريرك اللي يوسع نفرين مدري ثلاثه وتطمعين بسريري اللي نص نفر,وله عشر سنوات ماغيرته.
أسيل بترجي:تكفيين انا مابي انام لحالي.
فاطمه:مممم طيب اروح معك لغرفتك,حقتي ماتصلح,وسريرك اكبر.
أسيل فرحت:يله تعالي معي اللحين.
فاطمه أخذت مخدتها ومشت:يله
أسيل:اتركي المخده عندي مية مخده,
فاطمه:أدري تعلميني,بس أنا ماعندي إلا ثنتين ويعزون علي بيني وبينهم عشرة عمرباخذ وحده منهم, بصراحه مقدر انام وانا ماشم ريحتهم ههههههه
أسيل:هههههههه,الله يخليهم لك.
فاطمه: أمييين ههههههه....
{طلعوا لغرفة أسيل,وفاطمه سيييده للسرير}
,,
,

أسيل جاها إحباط:فطووم نمتي؟
فاطمه تشقق فمها من كثر ماتثاوب: إييييه نمت رجاءاً أسكتي وإلا رحت لغرفتي وخليتك هنا ويجيك الذيب ولانيب فازعه لك.
{تغطت باللحاف على راسها وناامت}
أسيل تقلبت ماجاها نوم,سحبت اللاب توب,وشغلته وأخذت جوالها عشان تنزل صورهاالجديده مع فيصل بالكمبيوتر مع حافظة صورها الخاصه,جلست تتأمل الصور,خاصتاً اللي ألتقطها فيصل لهم وهم حاظنين بعض وكل واحد عينه بالثاني وناسين العالم,,شغلت اغنيةحب كبير ليارا وحطت الهدفون عشان ماتصحي فاطمه, حست باب الغرفه يتحرك,رمت الهدفون وحطت اللاب توب على جنب,وراحت تفتح قبل لاتصحى فاطمه, فتحت الباب ربع وطلعت راسها تطل شافته فيصل:خير اخوي بغيت شيء؟
فيصل تكى عالجدار وبنص عين:هههه أخوووك!,
أسيل ابتسمت بخجل,ألتفتت على فاطمه ورجعت تطالعه:بسرعه فيصل ,عندك شيء.
فيصل استغربها تناظر وراها:انتي من معك هنا...
{ما انتظرها ترد دف الباب وشاف فاطمه بسابع نومه,}فااطمه!وش جايبها تنام عندك؟
أسيل بدلع:أنا اللي قلتلها,عندك ماانع.
فيصل سحبها لبرا وتكاها عالجدار وسكر باب الغرفه ووقف يتمقلها وهو ساكت:...
أسيل ملت الإنتظار وهو حاشرها عالجدار,قالت بدلع:فيصل انت وش تبي بالضبط,,لاتقول مشتاق لي تونا متقابلين عالعشاء قبل شوي.
فيصل شالها:إلا مشتااااق وميت شوووق, وولهاان وكل كلمات الشوق بهالعالم ماتقدر توصف شوقي لك.
أسيل تضربه على كتفه بخفيف وهي تضحك:ههههه نزلني يامجنوون,بتصحي العالم علينا,وتفضحنا,نــزلنـــي.
فيصل يضحك على شكلها:ماراح انزلك إلا بشرط.
أسيل تبي تنزل بسرعه:أوكيه بسرعه قول انا موافقه.
فيصل ابتسم بخبث: iwant kiss you
أسيل وهي تحرك رجليها زي الأطفال:خلااااص ماعندي مانع bot me dawon,
فيصل مشى بها ونزلها بالزاويه وقرب لهابحركه رومانسيه جريئه: kiss me now
أسيل حست انها بورطه,بحياتها ماسوت هالشيء,بس هذا فيصل غيير,غمضت عينها,وقررت انها تسوي مثل ماقال لرغبه قويه بداخلها هي بعد#####
فاطمه تحركت وماشافت أسيل والباب مسكر:غرييبه وين راحت
{قررت تطلع تشوفها,فتحت الباب بخفييف,وطلت,وفتحت عيونها عالآخر وسكرت الباب بسرعه قبل لايحسون,وحطت يدها على راسها كنها شايفه مصيبه:ياويـــلي نفس اللي بالأفلام هاللقطه ذي شفتها بفيلم,الله يقطع بليسك يافيصل,يوووه وفالممر بعد,الله يستر وماتقوم عمتي وتشوف اللي شفته,, وأنا أقول ليه أسيل تبيني انام عندها,أثاري فيصل هو الذيب اللي خايفه منه.... خلني اروح أسوي نفسي نايمه كني ماشفت شيء,
{عالسرير شافت اللاب توب صورتهم عالشاشه},ياويلي,كل ذا منك يافيصلوووه والله منت هين..
{انتظرت وانتظرت}
يووه هذي عشر دقايق راحت لا حس ولاخبر لايكونون ناموا,,ترى هذولا عاادي ويسوونها,,أطلع أشوفهم وإلا أقعد اخاف أطلع وأشوف شيء مايسرني,لا انا بطلع مو معقوله للحين, لعنبوا بليسهم,
{ بعد كم دقيقه سمعت أحد جاي عالغرفه} أكيد خلصوا هذي اسيل
{سوت نفسها نايمه}
دخلت أسيل وهي تبسم وبجو ثااني تكت ع الباب ويدها على قلبها بعدها راحت عالحمام:...
فاطمه فاتحه نص عين تراقب من تحت البطانيه:حركاات مروووقه الأخت ,طبعاً ,بس نفسي أشوف فيصلوه هاللحين,هذا الأرق أللي ذبحه من يومين هااهـ!, شكلي بنام هنا كل يوم,هالأثنين مالهم أمان أبد,لازم أحد يراقبهم مثل البزران.
((((((
.
,
,


الصبــــــــــــاح//
الصاله:///
الشايب :ماشاء الله يافيصل قايم بدري اليوم.
فيصل:ههههه أشوى
فاطمه جابت القهوه وحطتها وجلست: إي والله أشوى توقعتك بتتأخر بالنوم اليوم بعد.
فيصل حس أن فاطمه تلمح لحاجه:وش قصدك؟ فطووم.
فاطمه بنص عين: أنا ماقصدت شيء,ليه انت خااايف؟
فيصل حس ان فاطمه عندها سالفه:لا ماني بخايف,وش عندك
نزلت أسيل ببتسامتها الحلوه:صبـــااح الخيير,
{وباست الجد على خده مو مثلهم على راسه,وجلست جنب فيصل}.
الكل :صباح النور
مزنه:الحمدلله انك نزلتي يا أسيل بالوقت المناسب,هالثنين صجونا
{قصدها فطوم وفيصل}.
فاطمه: مااااعلييك منها كنا نتنااقش بس
مزنه:ماعليها مني صدق ماتستحين!
فاطمه راحت تبوس راسها:يوووه سامحيني ماكنت اقصد زلت لسان والله اني خبله لاتشرهين علي ياعمه,
مزنه اصلاً مازعلت منها:أصلاً من قال اني أشره عليك,لوني اشره عليك كان متت من زمان.
الكل:ههههههههههه
فاطمه مدت بوزها:هيين كلكم تتمسخرون علي,أنا حسيبكم وأروح لبيت مامتي,أصلها بتعاملني كويس مش زيكو بتزلموني أوي
الكل:هههههههههههههههههههه� �ههه
فيصل:ههههههههههههههه شعندها المصريه,والله من كثر ماتتابعين مسلسلات مصريه.
فاطمه:ههه شسوي الفرااغ بعيد عنك.
فيصل:على فكره ورى ماتزورين امك لك أسبوعين مازرتيها,تراها دقت علي وزعلاانه منك,روحيلها الليله ونامي عندها,
فاطمه :إي والله وانت صادق..
{تذكرت اللي البارحه شافته}والله عشان تاخذ راحتك, أأسفه انا بروح بس ماراح أنام هناك.
فيصل أستغرب:أخذ راحتي فإييش؟
فاطمه حست انها خربت الدعوه وتبي تعدلها:ههههه مابيك تاخذ راحتك بالبيت من دوني هههههههه
أسيل أخيييراً تكلمت:إيوه لاتنامين هناك,مين حينام معايه؟
فاطمه بنص عين:فدييت الخواافه أنا...ماعليك الذيب الليله ماراح يجيك ,وأنا برجع بدري وبنام عندك.
فيصل انقهر حس ان فاطمه لزقه وخاف منها:أوكيه مو مشكله,فطوم
الشايب:فاطمه تعالي سنديني وديني الغرفه ابي اصلي الضحى.
فاطمه قامت تسنده:سم ياجدي
{وودته}
مزنه قامت هي الثانيه:أنا بروح أشوف الشغاله سوت شغلها,
فيصل شاف الصاله فضت مابقى غيره وأسيل كانت جنبه,زحف ولصق فيها بحركه جريئه,وضم يدها بيده::
أسيل تلفت,همست له:فيصل مو بالصاله حبيبي.احنا مو بالغرفه لحالنا
فيصل بنفس همسها:بكل مكان,ماعندي بأحد يا صاحبة أحلى بوسه بالعاالم.
أسيل خجلت وحاولت تقوم,بس هوماسكها:فيصل الله يخليك لاتحرجني قدام العايله.
فيصل:انا اليوم راح اطلع وياك نروح نودي فاطمه,وبعدها نتمشى لمن تخلص وتتصل فينا ونروح ناخذها ونرجع هااهـ وش رايك ياعمري.
أسيل تلعب بياقة ثوبه تفتح الزر وتسكره: مثل ماتبي ياقلبي,
مزنه رجعت من المطبخ بدون مايحسون وشافتهم,أستحت ,ماخذين راحتهم كنهم لحالهم:
فيصل باس أسيل بخدها وكان ناوي يكثر:أنتي اللي قلبي.
مزنه أقبلت وهي تحنحن وتكح:
فيصل أبعد لين أخر الكنبه بسرعه,وهو متلبك:
أسيل كاتمه الضحكه من شكله لمن ارتبك:....
مزنه كأنها ماشافت شيء:وش فيك بسم الله عليك ياولدي؟
فيصل وقف وأخذ شماغه من الطاوله الصغيره اللي قدامه:و..ولا شيء ياعمه يله عن أذنكم أنا رايح المؤسسه, اوكيه باي
{كان مرتبك حااس انها شافته}
مزنه: (الله يصلحك وانا عمتك,علومك علووم)
أسيل قامت:أوكيه أناكمان طالعه لغرفتي,أسوي إكسرسايسس تبع اليوم تشااو عمتي {وطلعت الدرج برشااقه}
مزنه: هذا وشو بعد, واكترسايس ذا ,هالبنيه ذي لازم اتعلم لغتها
فاطمه طلعت من غرفة الشايب بعدما رتبتها:عممه وين الناس
مزنه بـ!؟:فيصل راح المؤسسه وأسيل طلعت غرفتها تسوي هذا وش اسمه تكرسايس .
فاطمه:هههههه إكسرساايسس ياعمه يعني تمااريين رياضيه,
مزنه:هااوليه ماتريحوناا وتكلمون عربي والله انه ابرك.
فاطمه:هههههه ياحليلك ياعمه,,عن اذنك انا رايحه لها.
مزنه تكلم نفسها:وأسيل وشوله تسوي رياضه وهي نحيفه!؟؟! امر هالبنات عجيب
,,,,,,,,,
.
,
.
فاطمه طقت الباب محد رد عليها,وفتحت, شهقت :أسيييل بسم الله عليك
أسيل جالسه عالأرض متربعه ومغمضه وتسوي الليوغا,وهي ساكته:........
فاطمه قربت عندها وهي مستغربه:أسيل وانا اختك,أنا أحسبك طول الزمان مسلمه أثاريك بوذيه,والله اليوغا مالها داعي بس انتوا يالخواجات دلوخ..
أسيل ساااكته,وتتابع التمرين:........
فاطمه مسكت جوال أسيل وجلست بآخر الغرفه تقلب فيه:يالبيه اول مره أشوف بنت ماتقفل جوالها,
{دخلت على الفيديو وتفرجت على فيديوهات قديمه لأسيل وأبوها},,الله يرحمك ياعمي سلمان,,
{شافت فيديوشكله جديد فيه فيصل بس وشكله مايدري وأسيل تصوره وباين انهم بسياره يمشون لحالهم وواضح صوت اغاني بالسياره:فيصل يناظر أسيل: حبيبتي ليش ساكته؟
أسيل برومانسيه:أبي أسمعك.
فيصل يد عالدريكسون ويد على يد أسيل:طيب حبيبتي شرايك مانرجع البيت اللحين
أسيل بدلع:وين تبينا نروح,الوقت تأخر.
فيصل بنظرات حاده وبدون تردد:شقه مفروشه
أسيل انخفض صوتها وماوضح وش ردها:.....
فيصل قرب على أسيل ومدري وش صار:...
{وسكرت فاطمه الجوال وهي مذهوله من اللي سمعته وشافته,} الولد خررربها.
أسيل بدت تطق بظهرها وأصابعها وكل جسمها,قامت برشاقه,وهي تلفت:فطووم
فاطمه حطت الجوال عالطاوله كنهاماسوت شيء:هلا أسيل انا هنا تعالي
أسيل ببتسامه:وش فيك لونك مخطوف كذا,
فاطمه بإستهبال:الله ياخذهم هالقراصنه ماخلو سفينه ماخطفوها
أسيل:هههههههههههههه
فاطمه :ههههههههههههههه
(((((((((
.
,
.
,
.

.

هاجر صديقة عاشقه:ياهلاااا بعاااشقه تو مانور المكان
عاشقه ببتسامه:هلااابك والله كيفك ووش اخباارك حشى من ملكت اختي عبير ماشفتك.
هاجر:هههه مثلك خاابره الأمور مو بكيفي,وأخوي غيث هواللي يتحكم فيني,المهم ياعسوله علميني اخبارك واخبارفطوم ومهااوي .
عاشقه:مها بخير وماعليها وفطوم مستانسه بعد ماجت اسيل بنت سلمان{ماقالت بنت عمي}
هاجر:آهاااهـ أسيل بنت عمك البنت الحلوه هذيك,وش علومها بعد ملكتها
عاشقه بدون نفس:ماعليها... المهم
هاجربدهشه: أي مهم انا اسألك عن الناس وانتي مو معي,,عااشقه انتي متغيره عن قبل,وش فيك.
عاشقه أخذت نفس :هااجر ليش البنت محكوم عليها بالإعدام من تحب أحد
هاجر :ههههههه إعدام مره وحده
عاشقه بلهجه جاده: هااجر اتكلم جد انا.
هاجر حست انها فعلاً جاده:وضحي ياعاشقه مافهمت عليك والله.
عاشقه بحزن:لييه البنت بمجتمعنا إذا حبت ماحد يدري عنها,ماتقدر تصرح ولا حتى تلمح ليه تموت بحسرتها وهي تشوف حبها ينسرق من قدامها بدون وجه حق.
هاجر تأثرت منها:هذي العادات والتقاليد مايصير نتجاوزها ياعاشقه وانتي احسن العارفين,
عاشقه بقهر:طيب ليه الشاب إذا حب عندنا يصرح,وبكل جرئه,ليييه هالحق له وبس
هاجر بقلة حيله حست ان عاشقه شايله بقلبها واجد: والله مدري
عاشقه :ظلم والله ظلم
هاجر تجرأت وسألت عاشقه:عاااشقه
عاشقه :نعم
هاجر:أنتي تحبين صح؟
عاشقه انصدمت وسكتت:...!...
هاجر تكمل:وحبك ضااع صح؟لا تتهربين.
عاشقه بدون اهتمام:وإذا كنت احب فعلاً من راح يهتم ...ماحد عليه مني مت وإلا حييت.
هاجر تبي تغير السالفه:طيب وش دراااك ان الشباب يصرحون,
عاشقه:أخوي ناصر صارحني بأنه يحب فاطمه بنت عمي,ويقول شوفي إذا تحبني زي ما أحبها وإلا لا.
هاجر:ههههههههه ياحلييييله.
عاشقه:ههه ياحليلك انتي علبالك وشو,تراه رجال والسنه الجايه آخر سنه له بالجامعه هندسه.
هاجر: أدري شدعوه,بس قصدي فطوم
عاشقه:لييه وش فيها؟
هاجر:فطووم يالهبله ماااتحب
عاشقه:كيف مافهمت عليك؟
هاجر:اللي أقصده ان فطووم قلبها مافيه أحد المكاان شااغر.
عاشقه:صددددق والله
هاجر:إييه,وبعدين فطوم من النوعيه إللي ماتهتم بهالأشياء يعني هي أنسانه تقليديه.
عاشقه:يوووه مسكيين نصوور,وش بقوله هاللحين
هاجر:قوليله يروح ويخطبها ويشوف وما أعتقد راح ترفض
عاشقه:قولتك كذا.
هاجر:إييه كذا ونص,المهم علميييني اخبار عبووره شلونها مع عبد الرحمن.
عاشقه:ههههه عبير عاالم ثاااني.............................
.

(((((((
,
.
,
.
,
.
,
.
بالليل بالسياره::
فاطمه تبي تنزل من السياره:شوفوا ياجمااعه,لا تتأخرون علي إذا أتصلت عليكم زين,
أسيل:أوكيه فطوم
فيصل:هوينا بس .
أسيل تنغز فيصل:مالك داعي
فاطمه :يله باي,وأحذروني من الحاجاااات اللي مالها سنع,زين
فيصل حرك السياره:ههههه هالبنت عجووز يانااس.
أسيل:ولو قلبها ابيض وعسوله
فيصل :والله انتي اللي عسل.
أسيل:حبيبي وين راح توديني الليله
فيصل وعينه عليهابنظرةخبث:والله فيه فندق خمس نجوم توهم مفتتحينه من أسبوع هنا وودي ,ودي بصراحه ننزل عندهم الليله.
أسيل بعصبيه:فيصــــــــــــل,قل تلك مااافيييه,يعني ماافييه,وإلا ودني البيت .
فيصل:خلاص خلاص أنتي لاتعصبين بس كله ولا أعصابك انتي محتاجتها لأيامك الجايه هههه
أسيل مافهمت وش قصده بالأيام الجايه,مالقت لها بال أصلاً تحبه ومبسوطه بكل لحظه معه::

{بس وش كان يقصد فيصل بوفري أعصابك للأيام الجايه!!!!!}
,,,,,,,
,
.
,.
.
.
بيت ام فاطمه::
ام فاطمه:ويه يابنتي مابغيت اشوفك يالقااطعه
فاطمه:فديتك يمه وش أسوي تبيني أخلي بنت عمي لحالها,
ام فاطمه:وش فيها لوزرتيني ساعه بالأسبوع,
فاطمه حست انها مقصره مع امها:صادقه يمه,والله اني مقصره معك
ام فاطمه:الله يخلي فيصل لولاه كان ناسيتني من سنين.
خالد اخو فاطمه من امها أصغر منها:فطووم وحشتينا يالدبه
فاطمه تهزء فيه:ههه الدبه مااالت عليك,
عمر اخو فاطمه اللي بالأبتدائي:أثتقتلك يافطوم
فاطمه ضمته:وانا بعد ياناااس أحب هالأثرم هههههه
الكل:هههههههههه
خالد:كم يوم بتنامين عندنا هالمره
فاطمه: ولا يوم,أنا بسهر عندكم بس وبسري.
ام فاطمه:افاا والله ماعاد تبيني
فاطمه انحرجت من امها:لا يمممه شدعووه,أنا أمزح بس فيصل سمحلي انام عندكم ليله, يقول مايستغني عني ههههه
ام فاطمه:مدام السالفه فيها فيصل اجل راضين بليله.
خالد وعمر فجروا بالبيت فرحانين بفاطمه:
فاطمه خربت خططها,بكذا راحت عليها ,وفيصل بياخذ راحته: يمه عن اذنكم بروح اتصل بعمتي اوصيها بشيء:
ام فاطمه:أذنك معك يابنتي وسلمي عليها
فاطمه: ابشري (مسكينه ماراح اكلمها عمتي)....
{طلعت برا تكلم فيصل}رد عااد ..
,,,,,,,,,,
.
,
.
,
.
,
بالمطعم:
فيصل يناظر بالجوال:أففف هذي النشبه.
أسيل:ههه مين فاطمه
فيصل:فيه غيرها نشبه,خليني أرد..نــعـم.
فاطمه بالجوال: نعم الله عليك ياخويه,
فيصل:هههه مسرع خلصتي وبترجعين
فاطمه بدون نفس:لا ماخلصت انا بنام عند أمي الليله خذ راحتك مني ولاتمروني
فيصل ببتسامه عريضه:واللــــــه,زييين فكككه.هههههه
فاطمه حمر وجهها من الغضب:اقول فصول
فيصل :هههه نعم
فاطمه:أسمع ..طوط طوط طوط طوط
فيصل:الدبــه قفلت الخط بوجهي
أسيل ببتسامه:تستااهل
فيصل لين نظراته لها:أنا أستاهل يا أسيل أنا!
أسيل صدت وهي مبتسمه ترمش وبعنادها المعتاد: إييه تستاااهل
فيصل يبيها تغير رايها:أهااهـ أوكيه مو مشكله,مدام كذا,عن أذنك,دوري أحد يرجعك البيت,عن أذنك
{قام وظل واقف,يشوف ردت فعلها}
أسيل ماحركت سااكن,جالسه عادي ومتكيه عالطاوله بدلع,ناظرته:شفيك مارحت وش تنتظر؟,
فيصل استغرب ردة فعلها:أوكيه أنا رااايح,,هاهـ وانتي خليك لحاالك,
{يبي يخوفها بس ماقدر,مشى وهويلتفت لها شوي ويرجع يناظر قدامه,يبيها تقول أرجع بس ماقالت}
أسيل بثقه:هههه(أنا ماكنت أخاف ولا أغلب بلندن وانا امشي اغلب المرات لحالي ,أخاف اللحين بديرتي هزلت والله,ياحلييله فيصل علباله بيخوفني هههه)
{,ألتفتت تدوره ماشافته} هالسخييييف راح وخلاني لحالي من جده هذا,أففف,أحس شكلي غلط وانا جالسه لحالي.
فيصل وصل لباب المطعم ألتفت شافها مالحقته:هالعنيده ,يعني عاادي عندها بعد ماتخاف, أبي نقطة ضعفها ماني لاقي.
{رجع لطاولتهم تفاجأ!!!!!!!! مالقاها}وين راحت هذي, كأنها تبيها من الله وتنحاش,
{دور عليها بالمطعم كله مالقاها,شاف وحده جالسه لحالها على طاوله بأخر المطعم جاها مسرع,وبدون مقدمات}هيييه وين رحتي,
المرأه:نعم اخوي بغيت شيء,شكلك مضيع
فيصل جاه احباط:أسف اختي انا بس مشبه
{مشى من عندها} (ولا مشبه ولا شيء وعع,بسم الله على اسيل منك,,بس هي وينها.......يمكن راحت البيت بليموزين ,طيب,أنا ليه ما أدق عليها)
{مسكك الجوال ودق عليها}ردي ياقلبي ردي....أففف وين راحت{دق مره ثانيه} أغلقت الجوال يا أسيل هييين أن ماوريتك شغلك.
{طلع فيصل من المطعم معصب والشياطين تنط قدام وجهه, واللي راح يكلمه بهالساعه راح يرتكب فيه جريمه أكييد,,وصل مواقف السيارات مالقى سيارته تلفت (معقوله نسيت وين صفطتها!!!!,,,)
{تلفت يمين شمال ماشافها,حس راسه بدى يعوره وش هالليله,اللي جالس يمر فيها ,جلس على الرصيف ياائس ومحبط ومعصب وكل شيء}ياااربـــــــي وش السواات اللحين.
{بدت الأفكار توديه وتجيبه,وبعدها انشل تفكيره,}
وقفت عنده سياره ودقت هرن والموسيقى عاليه::
فيصل كان منزل راسه وهو جالس عالرصيف,رفعه يشوف من اللي وقف قدامه وهنا اندهش ,وفتح عيونه عالآخر:من؟
أسيل تسوق سيارة فيصل وهي داقه لثام :أسيـــــل ياروح أسيل,,أقول شكلك ما لقيت أحد يوصلك لبيتكم, وش رايك أوصلك أنا بطريقي
فيصل للحين مو مصدق اللي يشوفه:أسيل؟!!!
أسيل:الحمدلله إييه أسيل وشفيك تقولها وكنك فقدت الأمل بشوفتي, أركب ياولد ترى أخرتني وإلا بروح ودور غيري يرجعك للبيت ...{ترد له نفس الكلام}
فيصل لف وركب معها وسكر الباب,نسى الغضب ونسى العصبيه اللي قبل شوي: أسيل أنتي من متى تسوقين؟
أسيل حركت ومشت:هههههه من قبل لا أنت تسوق.
فيصل يطالعها بنظرات إعجاب: بس أنتي شلون شغلتي السياره بدون مفتاح؟
أسيل:هههههه بالمفتاح ياحبيبي
فيصل:أي مفتاح
أسيل:هههههه دور شوف بجيبك مفتاح أصلاً وشوف الميداليه.
فيصل للحين مدهوش:شلون خذيتيه مني
أسيل ترمش بعيونها بدلع:حبيبي انا ماخذيت منك شيء أنت اللي رحت وخليته عالطاوله عندي وأنا أخذته ولحقتك بس مالقيتك قلت اشغل السياره وأسوق من زمااان ماسقت سياره,من جيت من لندن.
فيصل:أقول يابنت ماكنك طولتيها,ترانا بالرياض مو بلندن,أصفطي على جنب خليني أسوق عنك,والله لوتجينا دوريه هاللحين لتورينا شغل الله,وقفي
أسيل ماعطته وجه كملت طريقها:أقول فيصل انا ما أدل ماودك تدلني.
فيصل بتعجب:يالعنيده وقفي ترى الرياض متاهات لاتضيعينا,أوقفي
اسيل حست كأنها ماتشوف قدامها أختلطت الألوان عليها هدت السرعه شوي, وهي ساكته وخايفه ووقفت بمكان غلط بسرعه,ماصدقت انها وقفت ضمت عيونها بيديها:
فيصل استغرب:أسيل وش فيك الموقف خطاء انزلي بسرعه.
أسيل حاولت ماتبين وش فيها,نزلت بعد ماخفت النوبه من عيونها وركب مكانها فيصل:.........
فيصل:ههههه امحق سواقه ماتعرفين تصفطين على جنب
أسيل حست انها احسن اللحين:لاااه هذا لأنك أربكتني يالخواف علبالك ماعرف اسوق,..
فيصل بغى يسألها عن عينها بس سكت ورفع على صوت المسجل:.........
أسيل سكتت وبدت تتوهم أشياء غريبه خالطها الشعور بالخوف أول مره يصير معها هالموقف:............
{ياترى ليش أسيل فقدت التركيز فجأها بعيونها ورجعلها التركيز بعد لحظات, وش تعاني منه بالضبط,ذبحتها الشكوك }....
,,,,,,,,,,,,
,,
.
,
البيت::
دخلت أسيل ويدها بيد فيصل,أللي يتكلم معها وهي ولاهي معه::..........
أسيل حاولت تفك يدها:فيصل عن أذنك,أنا رايحه أنام,
فيصل:وين تو الناس شدعوه.
أسيل:لا أنا مكسله وودي أنام,,يله باي حبيبي.تصبح على خير
فيصل يستغل الفرصه: وانتي من هل الخير,أوصلك ياقلبي.
أسيل بنص عين فهمت قصده:لا مايحتاج توصلني شكراً...
{مشت من عنده وهي تدعي الله ما تجيها النوبه مره ثانيه وهي معه,,,دخلت الغرفه وقفلتها وضمت عيونها وبعدها راسها,بقوه تحسه بينفجر}ياربي وش صار لي أنا,,لايكون اللي خفت منه حصل ,بس أنا ماخذه إحتياطي من هالناحيه,بس الله يستر}
[وش هو الشيء اللي خايفه منه أسيل,وماهو سبب نوبة فقد التركيزبالعين اللي جتها,,وماهي الأحداث الجديده بالروايه وللحين مابينت كلها بالجزء الجاااي]
.
.,.,.[أيـــام غــريـبـه عـلـى أرض الـحـب].,.,.
,


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس