[فيتامين سي]

الجزء الثااااالث عشررر.....,
.
,
.,.,.[أيــام غـريـبـه عـلـى أرض الـحـب].,.,.

مرت أسابيع,,والحال كما هو عليه,,أسيل غرقاانه بالهوى مع فيصل اللي ما أحد يدري وبعدين مع هالعلاقه اللي يخبيها فيصل..ومايبي احد يدري عنها,,,,والإجازه قربت تنتهي,,وعبير قرب موعد زواجهاالمنتظر,أما عاشقه فعايشه على أنقاض عشقها المتهدم,, ولم تحاول حتى النسيان,,
........
,

.,.,.[أيـــام غـــريــبــه عــلــى أرض الــحــب].,.,.
,
.


بيت هاادي(بوعادل)
بوعادل: أسمعي يا أم عادل مابي شوشره بزواج بنتي زين,وخلي البنت تتهنى بحياتها, واتركي عنك خرابيطك.
ام عادل بدون نفس:ماالي شغل بأحد وانتوا بكيفكم,شيء ماخذيتوا رايي فيه تصرفوا فيه بكيفكم.
ابو عادل:فضه مو أحسن لك,لاتحسسين البنت بالذنب,
ام عادل:افااا تناديني بأسمي حااف يا بوعادل,,الله أكبر,من متى؟هاللهجه؟
بوعادل يخفض صوته وهو مبتسم يبيها تسكت عن عبير:أنتي السااس يا ام عادل بس أنا حبيت أذكر أسمك, أحبه وأحب راعيته.
ام عادل تشققت,من الإبتسامه واستحت ونست زعلها:بوعااااادل..
بوعادل اعجبه شكلها وهي مستحيه:ههههههههههههه
,,,,,,
.
عبير بغرفتها ومستلقيه على سريرها بس على أعصابها:..........
عاشقه جايه من المطبخ وبيدها كوب شاي:عبووره شفيك حبيبتي متسمره لا ترسلين ولاتستقبلين.
عبير بقمة خوفها:عااشقه بعد3أيام زواجي.
عاشقه:ههههههههههه كنك تقولين بعد 3أيام إعدامك,طيب عااادي زواج خيير ياطير,ليه خايفه.
عبير:مدري كل شيء فيني يتنافض أحس أني على صفيح سااخن.
عاشقه:هههههه وشو هذا هالكلمه اسمعها واجد بالأخبار هههههه
عبير:يوووووه أنا ابيك تهديني وانتي تتريقين.
عاشقه:شووفي هذا ياحبيبتي الزواج عاادي ومايخوف والرجال ماراح ياكلك, وبعدين يابنت انتي تحبينه وهو يحبك ,بلا دلع عاد,
عبير:حسستيني بنت صغيره وخايفه تروح المدرسه.
عاشقه:مادري عنك,تطلبين مني أنا ياللي أصغر منك ولا قد جربت الزواج أهديك من صدقك,,بس لاتخافين عبير,انتي هوني المسائل,وهي بتهون, بعدين عبدالرحمن عسوووول..{قالتها وهي تبتسم}وراح يعيشك بسعاده,
عبير سكتت بعد ماذكرت اسم عبدالرحمن:.................

((((((((((((((
.
,
.
,
.
.
البيت الكبير::
فاطمه جالسه تسولف من ساعه:أسيييييل وراااك,لي ساعه اتكلم وانتي ساكته طيب صجيتك قولي اسكتي,
أسيل ببتسامه ذابله:لا أنا معك بس كذا مالي نفس اتكلم,
فاطمه استغربت شكلها:أسيل انتي فيك شيء وانا أختك,وراك نحفاانه بزياده, فيك شيء؟
أسيل :لا ماني نحفانه,ولا شيء انتي بس تتوهمين,بعدين قولي لي اخبار الفيلم البارحه وش صار{تبي تغير الموضوع}
فاطمه:اقوول لا تغيرين الموضوع حتى عيونك ذابله انتي فيك بلا بس مدري وشو؟شرايك نروح يشوفك دكتور.
أسيل تخاف من هالمسأله:لا لا مايحتاج انتي تراك مكبره الموضوع اكثر من اللازم
{قامت كنها مستعجله وتبي تتهرب}يله انا طالعه لغرفتي احس نفسي مكسله وابي ارتاح البارحه مانمت كويس باي.
فاطمه حست فيها شيء:باي...........البنت مهي خاااليه.

أسيل دخلت غرفتها وقفلتها راحت للمرايه تناظرنفسها هي فعلاً ناحفه:إي والله صادقه فاطمه هالبلوزه كانت ماسكه علي اللحين وسيعه حيل,,تذكرت كلام الدكتور اللي راحت له من اسابيع ومحد يدري عنها((يا بنتي اللي عندك شبه أعراض سكر بس ماعندك سكر,لكن بما أنك حامله للجين المسبب للمرض,فانتي معرضه له بأي وقت,...من بالعايله مريض؟؟
أسيل بخوف:الوالد كان مصاب بالسكر الله يرحمه,أما امي كانت سليمه.
الدكتور:وهذا سبب مباشر وقوي انك تتصابي بالمرض لأنه من طرف عايلة الوالد اللي انتي منها.
أسيل زاد خوفها:الله يستر,بس انا يادكتور مسويه حميه من كنت ببريطانيا لمن كشفت هناك,ولا أقرب الحلا إلا بحدووود.
الدكتور:ممتاز بس لاحظي انك أحياناً راح تنسين وتزودي الكميه..)))
هنا أسيل زاد خوفها: بس أنا من اسابيع مبطله حلا حتى بالكافي والشاي,ليش يصير معي كذا,, لايكون انا انصبت بالسكر,لا بسم الله علي,
{دق جوالها وردت}هلا منال
منال بالجوال:هلابك يالقاطعه,ويينك؟؟
أسيل:حراام عليك ولاني قاطعه ولاشيء بس حبيت اخفف اتصالاتي مو انتي متزوجه خليك تتهنين مع زوجك براحه.
منال تغير صوتها:الله يقطع بليسك,لاتذكريني فيه تكفين.
أسيل خافت:ليييه وش فيك وش سوالك عبادي قصدي عبدالله.
منال بقرف:يــع,مالت عليه,أسكتي تكفين ترى سيرته تسد نفسي.
أسيل احتارت:بنت وش اللي صاير تكلمي حيرتيني,انا أتكلم عن حبيبك عبدالله.
منال:حبه برص ان شاء الله,,{قالتها بحزن}أسيل انا حامل بشهرين ونص, ومتوحمه على عبدالله,اكرهه
أسيل:ههههههههههه,يعني كيف مافهمت تكرهينه وحامل منه هذي ماتركب بصراحه هههه
منال:يالهبله وحم ماتعرفينه ,يعني اكره شيء احب شيء,بس للأسف كرهت هذا {ماتبي تقول اسمه عبدالله}
أسيل:ههههه والوحم هذا لهالدرجه مو حلو..{قالتها ببرود}
منال:يابردك,يالبريطانيه وشو اللي مو حلو,جعلك ماتذوقين قرفه بس,إلا اقول انتي اخبارك علومك تراني بالرياض وابي اشوفك اظن مافيه مانع صح؟
أسيل:لا مافيه مانع واخباري مو بالتليفون خليها لين اشوفك منوله انا محتاجه اتكلم معاك بموضوع هام.
منال بحماس:وشو؟
أسيل:موبالجوال هالكلام يخصني,وبخصوص اخوك احمد.
منال باستغراب:أحمممد,ليه؟!!!!!!!!
أسيل:لمن اشوفك بكره يصير خير,أنا راح ازورك ببيتكم,
منال:حيااك الله.
أسيل:ههه غصب أدري حياني الله,يله اللحين انا دايخه بنام باي
منال:باي.
أسيل رمت الجوال واستلقت مكانهاعلى السرير وأخــذت نفس عميــق وناامت على طوول كأنها من زماان مانامت.
,
فيصل كان مار رايح لغرفته,يبي منها شيء,شاف نور غرفة اسيل مطفي من بدري:غرييبه الساعه 8ونص,
{راح وفتح الباب بخفيف لقى نور الأبجوره خاافت وهي نايمه عالسرير بالعرض وواضح عليها التعب,شكلها يجنن مع شعرها المنثوروهي نايمه بسلام,ناظرها بنظرات مودع وطلع وسكر الباب}:.........
.
,
.
((((

.,.,.[أيــــــــام غـــــريــبـــه عــلــى أرض].,.,.
.
,
.
,
بيت هادي(بوعادل)::
ناصر بحماس:هااهـ ياعاشقه,جسيتي نبض فاطمه,وش قالتلك
عاشقه تكسر فستق وتناظر التلفزيون:لا,أصلاً ماكلمتها
ناصر بإحباط:لييييه ياعاشقه افااا
عاشقه لفت عليه بسرعه:ياخي تصرف أنت شاب روح وأخطبها كلمها لمح لها سو شيء,ترى بالنسبه لكم كل شيء مباح
ناصر بتعجب:بالنسبه لنا ,من تقصدين؟
عاشقه تحاول تلم السبحه:قصدي مدام انك حابها,ورى ماتروح وتخطبها وتشوف ردها,واللي عرفته ان فطوم,مابقلبها أحد يعني ماتفكر بأحد,ولا حاطه عينها على أحد,
ناصر انصدم:يعني هي ماتحبني!
عاشقه:اقول بلا دلع أقولك قلبها خااالي ماقلت انها ماتحبك,أفهم ياخي وروح اخطبها لا يجي غيرك وياخذها منك.
ناصر قام وهو حزين ومصدوم ومحبط,وراح وترك عاشقه لحالها عند التلفزيون:..
عاشقه حزنها أخوها:آآه يانااصر مافيه أحد مرتاح,
.
,
.
,
(((((((((

.,.,.[أيـــــــام غــريـــبـــه عـــلـــى أرض الـــحـــــب].,.,.
,
.
,
.
,
.
,
.
اليوم الثاني
ببيت منال...رفيقتها.........
منال:حيااللله أسيل
أسيل:الله يحييك,نورت الرياض.
منال مستغربه شكل اسيل,تناظرها وهي مو مصدقه:أسيل انتي فيك شيء؟!
أسيل خافت:حتى انتي لاحظتي,وش فيكم علي!
منال:مين غيري,بعد اللي لاحظ,انك كذا ناحفه مررره, وعيونك ذابله.!
أسيل أخذت نفس:هذا نفس كلام فاطمه بنت عمي,,
منال باهتمام:وهي صادقه,أسيل انتي مرره متغيره,
أسيل باين عليها مهمومه قالت بعد تردد:منال,أنا حاسه فيني سكري
منال :بسم الله عليك لاتفاولين على نفس كذا
أسيل:بس احس بكل أعراضه,
منال:هذا وسواس بس,يعني مارحتي لدكتور
أسيل:رحت من فتره بعيده وماقالي شيء, بس احس هالأعراض قاعده تزيد يوم عن يوم,,
منال:وجع خوفتيني,بس تعالي انتي عشان كذا تسأليني عن اخوي احمد.
أسيل:إيه ابي أعرف هذي كانت اعراضه قبل يصاب بالسكري؟.
منال تتذكر:اعتقد كذا,بس انتي لاتقعدين تتوهمين روحي دكتور وتأكدي بنفسك بدال هالهواجيس.
أسيل بقلة حيله:قولتك كذا
منال:إيه الحقي على نفسك
أسيل خافت:أوكيه,المهم انتي اخبارك مع الحمل وهذا الوحم ههههههه
منال:افففف اسكتي لاتذكريني
أسيل ضحكت رغم معاناتها:ههههههههههههه
(((
.
,
.,.,.[أيـــــام غــريــبـــه عــلــى أرض الــحـــب].,.,.
,
.
,
.
,

المؤسسه:
فيصل في مكتبه, مسند راسه على الكرسي..ومبعد شماغه على ورى شوي,وواضح أنه يفكر بشيء ومحتار..,
فيصل:شوف حمد خذ اوراق هالطلبيه,,
السكرتير ملاحظ سرحانه وساكت:تآمر طال عمر.تبي شيء ثاني,
فيصل يحك سكسوكته بأصبعه متردد:لا....وإلا أقولك,سو لي حجز بفندق
السكرتير:أحجزلك بأي فندق
فيصل:مو مهم, و إذا أتصل جدي أوسأل أحد عني قلهم مسافر وماتدري وين اوكيه
السكرتير:حاضر طال عمرك,عن اذنك ...
{طلع وسكر الباب}
فيصل دار بكرسيه وهو محتار بأفكاره يسوي اللي ناوي عليه اولا,بس لاازم يسوي اللي كان ناوي عليه,كرامته تنقح عليه,,وهالشيء ملزم عليه من فتره,,ومبيت النيه عليه,من زمان,حس راسه بينفجر,, مسح بيده على وجهه بتوتر:......

(((
.
,

.,.,.[أيـــــــــام غـــريـــبـــه عـــلـــى أرض الــحــــب].,.,.
.
,
,
.
,
بطريق العوده للبيت...,كانت تفكر ومو بالعالم ...
أسيل ذبحها التفكير والوسواس: (ياربي أمر المستوصف وإلا ما أمره,)
.....: عظيم الدين روح عالمستوصف الخاص,بسرعه
عظيم الدين يهز راسه:إيس في مسكله مدام,
أسيل ارتبكت:مالك شغل سوق وانت ساكت.
عظيم الدين:زيين مداام
,,,
..
.
المختبر:
أسيل ماده ذراعها للممرضه تاخذ عينات لعدة تحاليل شاكه بنفسها: نيرس بالراحه ذبحتيني,
الممرضه:إيه ده يا مدام دنتي ماعندكيش دم خالص.
أسيل!:ماعندي دم هذي مسبه وإلا قصدك فقر دم.
الممرضه:لا العفو مأصودش,بس أنتي ناشفه, الدم قليل,يمكن خايفه وإلا حاقه.
أسيل خايفه بس ماتبين:لا مو خايفه انتي خلصيني
الممرضه:خلاص انتهينا,بس عايزه أسألك سؤال لا مؤاخزه يعني.
أسيل تفرك مكان الأبره:أسألي وأختصري.
الممرضه راعية طويله:حضرتك متقوزه وإلا مش متقوزه؟
أسيل متردده:وليه السؤال يعني,
الممرضه:عشان لوكنتي متقوزه يمكن تكوني حامل وإحنا عاملين كل ده عالفاضي,
أسيل متردده بين انها تقول متزوجه أولا,وبنفس الشيء خافت من سيرة الحمل ,(مستحيل اكون حامل)
,بس قررت بالنهايه:لا..أنا متزوجه,بس إيش راح تسوين
الممرضه:تحليل حمل,على طول.
أسيل جاها إحباط:لااا دم كمان
الممرضه:لا مش دم بلاش دلع يابنت,هي حاقه بسيطه وسريعه والنتيجه حتطلع حالاً............
{أخذت العينه وراحت}
أسيل جالسه تنتظر وهي واثقه انها مو حامل,بس كذا :ياربي هذي طولت عليه تقول شوي وراجعه,
{مسكت مجله وجلست تقلب فيها ناظرت الساعه}أففف,شكلي بمشي وأخليها.
{وقفت وقررت تمشي}
دخلت الممرضه أخيراً:على وين يختي أأعدي,دا أنا ليه كلام تاني معاكي.
أسيل ملت الإنتظار:وين رحتي ,زهقت كنت حمشي
الممرضه:أنا عارفه اني اتأخرت بس أكتشفت حاقه مهمه,وده اللي أخرني.
أسيل خافت وقلبت مصريه:وإيه هيه الحاقه المهمه دي,أنطأي بسرعه.
الممرضه:أنتي ياختي عندك السكري,
أسيل انصدمت وأسودت الدنيا بوجهها:!!ســكــري!!...

{سكتت برهه مصدومه ويدها على فمها من هالخبر اللي صدمها}

الممرضه تكمل:أيوه بس أطمني سكري مؤقت
أسيل سكتت شوي بعدين استوعبت.ونطقت:مؤقت؟مافهمت وضحي.
الممرضه ببتسامه عريضه:سكري حمل يابنت,مبروك انتي حامل.
أسيل كأن مكبوب عليها مويه باارده:لااااا....مستحيييل..
الممرضه استغربت ردت الفعل القويه:مستحيل ليه كفالله الشر انتي مش بتأولي متقوزه {متجوزه}
أسيل تتلافا اللي قالته وحاولت ترقع:أيوه بس......بس أنا ماكنت مخططه احمل بهالوقت.
الممرضه كبيره بالسن شوي وفاهمه:اسكتي كلهم بيقولوا كده,تلاقيكي دالوقت مبسوطه,
أسيل أستوعبت الفكره وحبتها ابتسمت وقامت بعد سرحان قصير:أوكيه شكراً نيرس,باي
الممرضه:باي,بس انتبهي وخودي الحميه كويس وخودي بالك لازم دكتور عشان العلاق{العلاج}
أسيل وهي طالعه:أكيد باي....
{طلعت أسيل وهي ماتدري هي بحلم وإلا بعلم,حست العالم حولها كله ورود,ودها تطير وتوصل لفيصل وتقوله هالخبر الحلو,انا حامل منك حبيبي,...مسكت الجوال تبي تدق عليه }
(لا مو بالجوال لازم اختار الوقت المناسب,ونكون مع بعض لوحدنا,......نفسي اصرخ نفسي كل العالم يدري اني أحبك يافيصل أحبك).....
{سرحت شوي وهي تفكر,بهالسعاده,وضحكت بداخلها وهي تبتسم}معقوله حامل!..هي مره وحده بس!!
السايق علباله تكلمه:نعم مدام؟
أسيل:هههه أكلم نفسي ياعظيم..خلك بحالك ههه
,
{أسيل نست ان زواجها ما أُعلن,وأن العادات تقول البنت ماتحمل إلابعد حفلة الزواج والدخله مو بالملكه بس,,كـــــل هذا نسته وأصبح همها متى تقابل فيصل وتقوله هالخبر السعيد وهي تحضنه,}
,,,,
,
.
,

البيت الكبير::
دخلت أسيل وهي تغني بصوت منخفض والدنيا مو سايعتها من سعادتها,صعدت الدرج,برشاقه:
فاطمه كانت جالسه تنتظرها بالصاله:الله يديم هالرضى, وش هالبسط اللي حنا فيه.
أسيل لفت عليها وهي شاقه الإبتسامه: فرحاانه يافاطمه فرحاانه
{راحت وباستها على خدها ومشت}
فاطمه بدهشه:هههه لاااا انتي لااازم تقولين لي وش اللي مفرحك كذا.
أسيل فكرت تقولها بس هونت:لالا مو اللحين بعدين, باااي انا رايحه لغرفتي .
فاطمه تناظرها مستغربه:ههه وشو اللي بعدين؟؟؟
{دخلت غرفتها ورمت العبايه والشنطه ورمت الكعب وشغلت المسجل أغنية أمل حجازي..يــأحلى مافي الأيـــأم يـــاعمري أنـــا...صبرت ليـــالي كتيير عشان بحبك أنــا.......,,,,,,
وبدت تتخيل عالم وردي ملئ بالورود والحب والرومانسيه, فيه هي وفيصل وولدهم بس}
...غريييبه ليه مادق اليوم ولا شفته....,مااعليه راح يجي بعد شوي..أستلقت على سريرها بالعرض وهي شاقه الإبتسامه,وتفكر كيف تنقل هالخبر لحبيبها فيصل..........
((((
,
.
,
.
,

.,.,.[أيـــام غـريــبــه عــلــى أرض الــحــب].,.,.

,
.

الليل::
الفندق:
فيصل يتقلب بالسرير مو قادر ينام,قلقان من شيء بس وشو بالضبط,,؟,,,,, غطى نفسه بالغطى وحاول قدر المستطاع ينام,ضميره مو مخليه يرتاح,ناوي على شيء وخايف من الخطوه,غمض عيونه وحاول يقنع نفسه بصحة اللي يسويه كله :.. .......
((((((

,
.
,
.

,

الصبــــــــاح::
الجد:مزنه وين فيصل ؟
مزنه:والله يايبه علمي علمك من طلع الدوام البارحه مارجع للحين مريت غرفته ومالقيت شيء تحرك كل شيء مكانه
فاطمه دارت براسها افكارسوداء: (يووه لايكون بغرفة أسيل,ترى هالولد صرت اتوقع منه أي شيء) اقول ياجماعه عن اذنكم انا رايحه اصحي أسيل تفطر معنا {راحت ركض لفوق وطقت عالباب وهي تلفت لحد يشوفها..} هيييه أسيييل افتحي الباب..
أسيل قامت على صوت طق الباب بس ماتشوف قدامها جلست مكانها شوي وهي تتحسس راسها اللي يدور فيها:ياااربـي
{تذكرت انها حامل ابتسمت رغم ألمها,, حست ودها تستفرغ,راحت لدورة المياه واستفرغت,وغسلت وجهها وناظرت وجهها بالمرايه وابتسمت رغم القرف اللي حاسه فيه,,كله يهون لعيون فيصل.
أخيراً فتحت الباب:صباح الخير فطووم.
فاطمه مرتبكه:هلا صباح النور أخيراً فتحتي.
{تلفتت} ماشفتي فيصل؟
أسيل تغيرت ملامحها:لا,,ليه هو مو هنا.
فاطمه:لا هو مانام هنا البارحه,
أسيل قلقت:ماتدرين وين راح؟
فاطمه:لا والله ماقال,,بس توقعت انتي تدرين,,غريبه ماقالك!
أسيل ابتسمت وهي مستغربه,(وين رحت ياقلبي ولا قلت لي)
فاطمه:اوكيه مو مشكله مصيرنا نعرف وين راح تعالي نفطر اللحين أحسك بتطيحين على وجهك من الجوع.
أسيل مشت معها وهي قلقانه على فيصل لايكون صار فيه شيء: ونزلوا تحت:
,,,
,
,

الشايب ماسك التليفون يكلم المؤسسه: طيب ياحمد ماقالك وين مسافر؟
السكرتير حمد:لا والله ياعم محمد ماقال.
الشايب:طيب طيب إذا أتصل عليكم خله يتصل فينا زين أو عالأقل يفتح جواله.
السكرتير حمد:إن شاء الله طال عمرك
الشايب:يله مع السلامه.....
مزنه: بعد المؤسسه مايدرون وينه؟
الشايب:لا ماقالهم,,
فاطمه جت وجلست:خييير رد عليكم فيصل
أسيل ساكته وتترقب:..........
مزنه:لا والله مارد ودق جدك عالمؤسسه يقولون سافر ولا علمهم على وين.
أسيل انقبض قلبها: (الله يستر)
فاطمه:غرييبه أول مره يسويها ويسافر دون مايقول لأحد ولاشيء.
أسيل قامت ضاق صدرها ليه يروح ولا يوادعها ولا يقولها:
فاطمه:هي هي على وين
أسيل:رايحه لغرفتي
فاطمه: عمه لاتخلينها تروح بدون ماتفطر
أسيل صوتها تغير:لا مالي نفس
مزنه:والــله ماتروحين لين تفطرين,لعنبوا بليسك طالعي لونك, ذبحتك الكرتسايس {إكسرسايسس}من دون تاكلين,
فاطمه:هههه خلاص حلفت عمتي مزنه, اقعدي,ياراعية الكرتسايس هههه.
أسيل جلست ببتسامه صفراء تفكر بفيصل,ليه ما أتصل فيها,لها يومين ما واجهته وهو اللي يقول لها دايماً مايحب يبدا يومه او ينهيه من دون مايشوفها ويتكلم معاها:
,,,,,
,
.
,
.,.,.[أيــــام غــريــبـــه عـــلــى أرض الـــحـــب].,.,.





قدام كمبيوترها...وتتصفح المنتدى اللي هي عضوه فيه,,لامه شعرها كله بربطه حمراء صاير كنه ذيل حصان..لابسه بدي اخضر وبرمودا زهري, ومنهمكه بالنت شكل الموضوع حامي..,وفوسط هدوووءها..{لاتعذرلي ولاتزيد الملامه...انت مخطي والمصيبه كنت غاالي...بالخطا صحيت جرحي من منامه...} هذي نغمة دانه صديقتها..
مدت مها يدها للجوال,وردت:هـلا دانا
دانه بالجوال:هلا ..أخيـــــراً رديتي.
مها وعينها عالجهاز:كنت مشغوله والله...
دانا:عالنت صح؟
مها:إيه
دانا:بالمنتدى وإلا الماسنجر
مها:لا والله بالمنتدى..إلا أنتي وينك لك 3ايام مادخلتي..
دانا:ماشاء الله عليك ولا اتصلتي تشوفين..حيه وإلا ميته
مها:يوووه اعذريني والله كنت مشغوله..
دانا:المشكله يامهاوي اني داريه انك فاااضيه..بس المهم..بلا حركات مراهقه ومدري إيش
مها:لا والـلـه,,أي حركات,,حبيبتي انا ماني حقت حركات ياراعية الحركات انتي
دانا:هههههه خلاص اعتبري مني..
مها:إلا صدق..عسى قطعتي علاقتك بخالد نهائي
دانا ضاق صدرها:أسكتي قاهرني هالولد وربي
مها:أفاااا ليــــــــــــش
دانا تنهدت:تخيلي,يقول اطلعي معي ابي اشوفك ونتعرف على بعض اكثر
مها:لاااااه
دانا:والــلــه ,,انتي وش رايك؟
مها شهقت:شــــلووون..تبين رايي..بوشو انتي من صدقك
دانا:إييه وبصراحه أنا داقه عليك عشان كذا
مها عصبت:أقووول أنا من أول حذرتك ,وأنتي تسمعين كلامي وتطنشينه..لكن من اللحين أول ماتسكرين الخط,,تفصلين جوالك وتحرقين الشريحه وتغيرين رقمك.. ولا تحاولين مجرد التفكير انك تتصلين فيه مره ثانيه..
دانا بتردد:بس مهاا
مها قاطعتها:ولا كلمه وإلا والله إن يكون هذا آخر يوم بيني وبينك..وأنتي أختاري
دانا:.........
مها:هــــاااه أشوفك سكتي شكل كلامي ماعجبك
دانا:خلاص راح اسوي اللي قلتيه..كله بس..فيه شيء ثاني
مها خافت:بعد مصيبه ثانيه..لايكون مرسله له صورك بس
دانا:لا لا لا...هو طلبها من مده بس كنت افكر
مها:ياويـــلي هالبنت بتذبحني...وش مصيبتك طيب وشو الشيء الثاني
دانا ابتسمت:ابيك تزوريني الليله شرايك مهاوي
مها:أووه أشووى علبالي مصيبه ثانيه..خلاص بقول لأمي إذا أذنت لي اتصلت فيك وقلتلك اني جايه..
دانا:أوكيه باي مهاوي
مها:باي يا راعية الحركاااات
دانا:مهااااا
مها:هههههههههههههههه
دانا ارتفع ضغطها:طوط طوط طوط
مها:هههههههههههههههههه خلك تستاهليـــــــــن وتحرمين تسوينها..
{انطق باب غرفتها}
مها:ميـــــــــــــــــــ� �؟
وليد:هـذا أنا امي تناديك تحت
مها:طيب حبيبي شوي ونازله...


.
.
,
.

,,,,
العصر::
فاطمه ذبحها الفضول من نص ساعه وهي تراقب:هييه بنت لك ساعه ترسلين مسجات!وتراقبين هالجوال على غير العاده.
أسيل تطالع بالجوال وماانتبهت لفاطمه: (اففف, رد الله يخليك رد)
فاطمه:هييييييييه بــنــت أكلمك وش بلاك,
أسيل قامت وتصرف:هذي منال صديقتي بتدق علي اللحين,بروح اكلمها بغرفتي. {راحت وهي مازادت على كذا}
فاطمه بنص عين :مدري ليه أحسها تصريفه.
مزنه طالعه من غرفتها بشيء معها:فطووم,حبيبتي شرايك بذا
فاطمه بتهزء:مــاشــاء الله من أي متحف مطلعته؟!هههه
مزنه جاها إحباط:وشو متحفه,هذا ثوب بحضر به زواج عبير بكره.
فاطمه:هههههه من صدقك عمه, هذا انتي لابسته يوم تمايم يارا بنت ماجده ويارا بتدرس السنه الجايه,أنتي اكيد تمزحين ياعمه صح
مزنه:ليه وش حلاته ماتغير فيه شيء
فاطمه:لا ياعمه دوري غيرها,وإلا إذا ماعندك,خلينا نروح للسوق اللحين.
مزنه:لا عندي تذكرين هذاك الثوب اللي جابه لي فيصل.
فاطمه تذكرته:إييييه زين هذاك حلو اللي جابه معه من الدمام اخر مره.
مزنه:أشوى يعني ألبسه.
فاطمه:إيه ألبسيه ومن ناحية الماكياج لاتخافين الكوافيره راح تجينا بكره,وإذا ماتبينها عندك أسيل فنانه فيه.
مزنه:لا مابي ماكياج ولا شيء اللي عندي يكفيني ما يحتاااج.
فاطمه:أهااه الكحله والديرم صح ههههه ياحليلك ياعمه
مزنه:حلك بطنك وش فيها الديرم والكحله,
فاطمه:ههههههه لاتكفين كله ولا يحلني بطني,بكره عندنا عرس وابي افلها رقص, تكفين استغفري ياعمه.
مزنه:هههه استغفر الله
,,,,,
,
.
,
.
,
.
.
بالمؤسسه....:
السكرتير حمد:أستاذ فيصل الدوام خلص والموظفين راحوا,أنت ...
فيصل باين عليه الطفش قاطعه:أوكيه روح انت بعد,وأنا راح أقفل المكتب إذا خلصت
السكرتير:طيب استاذ فيصل عن اذنك...
{طلع وسكر الباب}
فيصل يطالع بجواله اللي مقفله,ويسند عالكرسي وياخذ نفس عميييق,وهو يفكر وباله مشغول بشيء,طرى باله يدق عالبيت يطمنهم عليه,وفعلاً دق الرقم: ألوه
فاطمه بالتليفون:ألووه.
فيصل وصوته متغير:السلام عليكم,
فاطمه: وعليكم السلام والرحمه, كيفك وين أراضيك ياخي قلقتنا عليك.
فيصل:بأراضي الله الواسعه,انا اضطريت اسافر فجأه بس,المهم انتي كيفك وكيف جدي وعمتي.. <<{ماسأل عن أسيل}
فاطمه أستغربت ليه ما سأل عن أسيل,كان ودها تقوله بس اسيل جنبها:الحمدلله كلنا بخيير انا وجدي وعمتي,بس انت و...
فيصل قاطعها:أوكيه سلميلي عليهم وطمنيهم ,أنا اللحين مشغول.
فاطمه:طيب ماراح تحضر الزواج بكره.
فيصل:شدعوه إلا بحضره,يله مع السلامه.
فاطمه سكرت السماعه,وما ألتفتت على أسيل,هي دايماً إحساسها مايخيب:..
أسيل بلهفه وبنفس الوقت زعلانه انه ماطلبها:هذا فيصل صح,
فاطمه بتردد:هااهـ..إييه فيصل,
أسيل فهمت على فاطمه..وحز بخاطرها انه ماسأل عنها: أهاهـ أهم شيء أنه بخير.....
{قامت وتركت الصاله}
فاطمه: غرييبه ورى ماطلب أسيل ولاحتى سأل عنها,وش السالفه,هي تسأل عنه 24ساعه وهو ولافكر يقول كيفها,
أسيل وهي صاعده الدرج رايحه لغرفتها تفكر بفيصل اللي أتصل ولا حتى سأل عنها: (يمكن انحرج يطلبني من فاطمه,لا ما أظن هو يقول دايماً انه ماعنده بأحد,طيب ليه حبيبي ماترد علي والله أشتقتلك),
,
.,.,.[أيـــام غــريــبــه عـلـى أرض الـحـب].,.,.
.
,
.
,
.,.,.[أيـــــــــام غـــريــبـــه عــلـــى أرض الــحـــب].,.,.
,
.,
.

اليوم الثاني::
بيت بوعادل خلية نحل لا تهدأ,وعبير جالسه بغرفتها وتحسب الساعات,
{رن جوالها}..
عاشقه تسوي شعرها:عبير ردي على جوالك له ساعه يرن ماتسمعين
عبير بربكه:لا ماراح أرد,
عاشقه!:لييه؟
عبير:هذا عبدالرحمن,ماراح أرد
عاشقه:ههههههههههه,وليش انشاء الله
عبير : الليله زواجنا,وأنا متلبكه ومتلخبطه,تدرين أني من أسبوع,ماسمعت صوته!
عاشقه:ههههه وش هالهبال.
عبير:مادري بس لمن قرب الموعد بديت أخاف,وأحس ماني على بعضي.
عاشقه تكلم مصففة الشعر:أآآي خفي يدك,قطعتي شعري
عبير:ههههههه من طوله اللحين,
عاشقه تمسك خصله منه بدلع لين رقبتها:بكيييفي أحبه كذا.
عبير:ههههه الله يهنيكي فيه هههه
عاشقه:زين اللي ضحكتي,هذا يروح التوتر اللي انتي عايشته.
ام عادل دخلت ووجهها متغير:خلصتوا يابنات...
عبيرنزلت راسها وسكتت تدري ان امها ماخذه على خاطرها منها:.........
عاشقه:أنا خلاص قربت أخلص,بس عبير مطوله يمه
أم عادل بنبرة صوت عكس العاده:ماشــاء الله قصة شعرك حلوه ياعبير,
عبير استغربت وردت:بجد يمه.
أم عادل: إيه بجد,الله يهني عبدالرحمن فيك,
عبير هنا خنقتها العبره ماصدقت ان أمها يطلع منها هالكلام الحلو عن عبدالرحمن, سكتت وماردت:..
أم عادل,قربت وجلست عندها :مبروك يابنتي وعسى السعاده والتوفيق فالك, مع زوجك عبد الرحمن,اللي يستاهلك,وأنا أسفه على معاملتي الشينه لك بس تأكدي أني راضيه عنك, أصلاً مافيه أم بالدنيا تكره السعاده لعيالها حتى لو أنها أساءت التصرف بيوم معهم,يكون مو مقصود.
عبير ضمت امها وهي تبكي:الـلــه يمه كنت ابي هالكلام من تملكت بس الحمدلله سمعته بيوم زفافي,أحبك يمه أحبك.
أم عادل:وانا بعد أحبك يابنتي.
عاشقه تراقب الموقف وهي تبكي متأثره:...
,,,,,,,
,
.
.
,
.
,

البيت الكبير:
مزنه لبست وخلصت,وطلعت تستنى البنات بالصاله:يابناااات خلصوا
الشايب متكي ينتظرهم:الله يصلحهم,هالبنيات,
فاطمه من أعلى الدرج وهي لابسه العبايه:ها حنا خلصنا
مزنه:هذا انتي وين أسيل
فاطمه:جايه وراي اللحين.
نزلت أسيل:جيت ياعمه جيت...بنص الدرج حست بالدوخه,وقفت تحاول تتمالك نفسها,تكت على الدرابزين,بيد والثانيه على عينها:.......
فاطمه ألتفتت عليها:أسيل وش فيك؟
أسيل تسوي نفسها عادي وتنزل:لا ولاشيء, يله خلونا نمشي....(يارب سترك من هالسكر اللي عذبني)....فطوووم نسيت اسألك
فاطمه: وشو؟؟
أسيل ترمش بعيونها:الأحمر اللي تحت عيوني اختفى شوي
فاطمه:ممم يعني,بس واضح من قريب
أسيل: والله تعذبت وأنا أخفيه,بس مافيه فايده.
فاطمه ببتسامه:بس تصدقين حلو عليك خليه كذا.
أسيل انحرجت بس مابينت:لااه أحلفي,,أقول أمشي قدامي بس, يله.
فاطمه:ههههه اموت باللي ينحرجوون...........
{وطلعوا للقاعه المقام فيها حفل الزواج}
,
.
,,,,,
,
.
.
,
,
الصاله تكتض بالحضور ,الأهل الأقارب الأصدقاء:::
فاطمه تأشر بيدها وهي جالسه على طاوله مع أسيل,على وحده تعرفها:ياحليلها من زمان عنها
أسيل:مين هذي؟
فاطمه:لحظه شوفيها أقبلت علينا,هذي هاجر صديقتي بالدراسه
هاجر ببتسامه:السلام عليكم,هلا بفاااطمه
فاطمه قامت وسلمت عليها:هلاابك مليون ولا يسدون,اخبارك علوومك ,تكي أجلسي هنا
هاجر:هههه ماتخلين طبعك يالعجوز,
{طاحت عينها على أسيل}هلا أسيل كيفك؟
أسيل استغربت شلون عرفتها: أهلين الحمدلله!!!.
هاجر جلست معهم:أكيد أستغربتي,بس أنتي أكيد نسيتي اني شفتك بملكة عبير, وسألت عنك عاشقه وعلمتني.
أسيل استغربت اكثر:أهااهـ
فاطمه ماتخلي طبايعها:بنات شوفو الصفراء ذيك,شمسويه بشعرها ياقدمهااا
أسيل:فاااطمه عن هالحركات,
هاجر:هههههههه هذي فطوم ماتغير
أقبلت عليهم عاشقه:السلام عليكم ياهلا بالضيوف
الكل:وعليكم السلام
فاطمه:ههه أي ضيوف ترانا بنات عم العروسه,مافينا ضيف إلا هاجر
هاجر:هههه وانا صديقتها يعني مافيه ضيوف
أسيل ببتسامه:مبروك زواج عبير ياعاشقه عقبالك.
عاشقه ببتسامه صفراء:الله يبارك فيك,ليش عقبالي,عقبالك انتي مو انتي ملكتي,
أسيل حبت ترد بس بأسلوب حلو:هذاك قلتيها,ملكت وتزوجت فيييصل {ركزت على الأسم},والوحده من تملك خلاص هذا زواج,,الدور عليكم انتي وفاطمه وهاجر.
عاشقه غلي دمها:أوكيه,عن أذنكم انا رايحه لأختي عبير,
فاطمه بلقافه:متى الزفه ياعاشقه
عاشقه بنبره حاده شوي:بدري مواللحين,يله عن اذنكم.
أسيل ابتسمت بنصر,عاشقه هذي بجد شايفه نفسها(موتي ولا تاخذينه ياعاشقه,أحلمي) :.....
هاجراكتشفت عاشقه: (أهاااهـ ياعاشقه, عرفت حبك الضايع هو فيصل,مسكيينه, الله يعينك)
,

أم رائد لمحت عاشقه:ياعاااشقه,
عاشقه كانت تمشي بسرعه شوي وقفت وألتفتت,أسطنعت الإبتسامه,وراحت لها: هلا خالتي أم رائد,شرفتينا والله وين رازان
أم رائد: هذا هي وراي,مبروك زواج أختك,وعقبالك عن قريب ان شاء الله.
عاشقه:مشكوره خالتي والله يبارك فيك,تفضلي
أم رائد أعجبتها عاشقه:الله يزيد فضلك يابنتي,(والله عندك ذوق ياولدي)
رازان ببتسامه:هلا عاشقه
عاشقه:أهليين,رزونه,كيفك
رازان:ههه بخير, مبروك زواج عبوره.
عاشقه:الله يبارك فيك,عقبالك
رازان: هههه أمييين, وانتي بعد
عاشقه: امين هههه,إلا وينك وش اخبارك ورى ماعدنا شفناكم
رازان:والله شنسوي,بهالدنيا,المهم اننا تواجهنا أخيراً
عاشقه:هههه صادقه تعالي امك هناك,تفضلي
رازان:مشكووره
,
,
,
.
,
في مكاان آخـر من الـقـاعه....,
عبير كأنها بثلاجه من الربكه والبروده اللي هي فيها,وترتجف:الله يصلحك ياعاشقه وين رحتي,اففف
دخلت عاشقه:الله وش ذا انتي لا يكون موصله ذيل الفستان بالكهرب ههههه وش ذالنفضه هذي.
عبير تحك يديها ببعض:طفي المكيف,ذبحني البرد .
عاشقه بنص عين:هههههه مايخالف بتدفين بعد شوي
عبيرانحرجت:كلي تبن وش ذالكلام..,بعدين وين كنتي فيه طول هالوقت عني
عاشقه:اما عاد تقولين اكلي تبن وبعدين تقولين وين كنتي عني,ماتجي ذي بصراحه, عالعموم,أنا كنت بين المعازيم تعرفين انا أخت العروسه هههه
عبير:عاشقه وين أمي,ابيها
عاشقه:ياحيااااتي لحظه بس تسوي الرضعه لك وتجي,أقول انطمي بس عن العياره
عبير سكتت,ماتدري وش تقول, بعدين سمعت صوت موسيقى عالية الإيقاع شوي: عاشقه وش ذا
عاشقه :الله هذا أكيد العريس عبدالرحمن دخل بروح أشوف الزفه,
{راحت وتركت عبير على أعصابها}
عبير زادت دقات قلبها وصارت تبلع ريقها من الخوف:هالدبه راحت وخلتني, والله لأوريها,
,,
,
,
دخل عبدالرحمن يتبسم ومعه أمه ووحده من خواته بعد ما أخفتت الأضواء,يمشي عالمنصه بهدوء لين وصل الكوشه,
فاطمه تكلم أسيل:حركات مملوح رجل عبير
أسيل بثقه: (بس مو أوسم من فيصل بعد قلبي)
فاطمه صاحت:أسيييل هذا الدحمي معقوووله!
أسيل:أسكتي الناس بدت تطالع,مين هذا الدحمي.
فاطمه وهي تضحك: زوج عبير,كان يضربها وحنا صغار,داايماً تبكي منه,حتى كان يسميها البكايه,والدلوعه ههههههههه
أسيل:ههههههه البسه مالها غير خناقها,
{تذكرت فيصل كيف قبل الملكه كان مطفشها وباللأخير تزوجوا بعض,أبتسمت}(وينك عني حبيبي أشتقتلك)
{بدت موسيقى هاديه شوي,بعد كذا طلع زي الدخان الأبيض وطلعت منه عبير ماسكه يد أخوها ناصر اللي كاااشخ حده,ومبتسم وهو يهديها:عبير حاس أني راح أرتجف معك اللحين,,شوفي زوجك كشخه ههه
عبير حست نفسها بتطيح من كثر ماترتجف,وماردت عليه,كانت ماسكته عشان ماتطيح وتتفشل:
هاجر تبي تنبه فاطمه:أللي مع عبير من هو؟
فاطمه ببراءه:هذا نصور أخوها
هاجر بنص عين:وااو كشششخه,
فاطمه ببراءه زايده:طبعاً هذا ولد عم فاطمه واللي من طرفي كلــــهم مماليح ههههه
هاجر ارتفع ضغطها وسكتت(الله يعينك ياناصر) :
أسيل داخله جو,تتخيل نفسها بالكوشه مع فيصل: (آآه متى ياربي متى)
ناصر يحط يد أخته بيد عبدالرحمن:هذي الأمانه ياعبدالرحمن,حافظ عليها زين.
عبدالرحمن باس على يدها قدام الناس, وحط عينه بعينها:بعيوني ياناصر
ناصرتفاجأ من رومانسية عبدالرحمن:مبروك عليكم
عبدالرحمن:الله يبارك فيك وعقبالك يالنسيب
ناصر ابتسم ومشى كان قلبه يدق بقوه وهو حاس أن فاطمه قريبه منه,وهو مو قادر حتى يلقي عليها نظره:...
عبدالرحمن جلس عبير وجلس هو بعد ماجلست,قرب لها وهمس: تدرين أنك أحلى بنت شفتها في حياتي,مبروك ياحياتي
عبيرأبتسمت وهي تحس بيغمى عليها بعد ماسمعت هالجمله من الخجل,هي متعوده يقولها هالكلام بالتليفون أيام الملكه بس اللحين مباشره وهو جنبها شعور ثااني:...
عبدالرحمن بهمس:ليه مارديتي على تلفوناتي هاه
عبير,سـااكته والدم تجمد بعروقها,...خجووله بالمررره وعبدالرحمن رايق يسولف...
عبدالرحمن ابتسم بداخله على خجلهاوهو يقزها:يصير خير
أم عادل تمسح دموعها:الله يوفقك يابنتي
عاشقه جنب امها وتبكي: شفتي يمه قد إيش عبير مبسوطه
أم عادل:الـلــــه يسعدها يارب.
أم محمد شافتها من بعيد تبكي وجت تواسيها بفراق بنتها:أفااهذي سنة الحياه يا أم عادل,وشوله تبكين,إن شاء الله بكره تجيب لك أحفاد وتفرحين فيهم,
أم عادل حست كلمات ام محمد أكبر مواساه لها,ضمتها,وهي تبكي:شايفه يا أم محمد,نربيهم وهم صغار وما يكبرون إلا ويتزوجون ويتركونا,
أم محمد:يووه يا أم عادل,أذكري الله
أم عادل:راح أشتاقلها يا أم محمد
أم محمد سكتت وهي تضمهاوخلتها تبكي,براحتها:....
,,,,

عبدالرحمن بنظرات حب:يالله متى نطلع من هاللمه والإزعاج,ونصير لحالنا
عبيرمتقطعه من الحيا وللحين سااكته:......
,,,,
,
فاطمه: أسيل هيييه أسيل,وين رحتي؟
أسيل ألتفتت عليها وهي تبسم:نـعـم
فاطمه:نعم الله عليك,وين سرحتي
أسيل أبتسمت وأخذت نفس:أبداً ماسرحت ولا شيء,المهم الحفله متى تنتهي؟
فاطمه:صااحيه انتي,مابعد طلعواالمعاريس للحين,وانتي تقولين متى تنتهي الحفله.
أسيل سكتت,مره ثانيه,ودها ترجع البيت بسرعه وتشوف فيصل مشتاقتله وخاطرها تقوله عن ولده اللي هي حامل فيه: ..........
,,
,,
,,
بدت زفة خروج العروسين من الكوشه,,وطلعت عبير وهي متعلقه بيد عبدالرحمن, وراحوا للفندق اللي راح ينزلون فيه, وسط دموع ام عادل على بنتها اللي اول مره تبعد عنها,
بعد الزفه بنصف ساعه جت يارا تركض لعمتها عاشقه:
يارا بدلع:عمتي عاشقه عمتي عاشقه
عاشقه ببتسامه كانت واقفه تتكلم مع هاجر:الله يخلييك لا تقولين عمه قولي عاشقه حااف,وش تبين
يارا ببراءه:عمتي عاشقه حاف,عمي ناصر يبيك برا.
هاجر:هههههه ياحلو هالبنت
يارا سكتت منحرجه ببرائه وراحت:...
عاشقه :غريبه وش يبي ناصر,توني شايفته بزفة عبير,ماقالي شيء
هاجر:هههه يمكن طرى على باله شيء,روحي له
عاشقه تلوي فمها بإستفهام: قولتك,يمكن هالولد طواريه واجد هالأيام,عن اذنك هاجر أروح لقيس قصدي ناصر ههههه
هاجر: هههه أذنك معك,
طلعت عاشقه بهدوء,وهي ترفع طرف فستانها بيدها بنعومه عشان تقدر تمشي أسرع,وصلت للباب الخارجي,شافته واقف ومعطيها ظهره,أبتسمت على شكله وهو واقف: (ياحليله قيس يفكر فيها) كان فيه هواء يحرك شعرها الكيرلي القصير,راحت له ووقفت وراه مباشره,وميلت وقفتها وأبتسمت,حبت تفاجأه بصوتها الهادي:اللـــــه ريحة عطرك حلوه ياقيس,أقصد ناصر
{ماأنتظرته يرد مدت يدها ومسكت يده ولفته عليها بهدوء ,هنا هبت نسمة هوا وحركت شعرها على وجهها وأبعدته بيدها وهي مصدومه باللي شافته,هذا مو ناصر,ماقدرت تتحرك,,,المفاجأه وقفتها شوي ماقدرت تتحرك}
رائد ببتسامه:أسف ناصر ناداه أبوك قبل شوي وراح وأنا توني جاي,أبي أهلي
عاشقه حاطه يدها على فمها من الصدمه ,بعدين غطت وجهها بيدها,صدت, وراحت مسرعه لداخل وضلت ورى الباب, وهي مو مستوعبه اللي حصل لها: (الله يهديك يا ناصر كذا تسوي فيني,ياربي شهالإحراج افففف)
هاجر شافتها من بعيد جتها مسرعه:هاااه شصاار,شعنده؟
عاشقه كانت تبي تتكلم بس سكتت:..... ,
جتها ام رائد ورازان بنتها:يله يابنتي بامان الله وبارك الله للمعاريس,
عاشقه:وين ياخاله تو الناس,
أم رائد:ههه وش نسوي رائد عند الباب وتو متصل علينا يقول أطلعوا, تدرين ماعندنا سايق وهو عنده دوام بكره.
عاشقه ببتسامه صفراء:أهااه أجل الله يستر عليكم,
(ياويل حاالي هذا رائد اللي شفته, يالله,شبيقول عني اللحين اففف بجد موقف باايخ)
هاجر:هيييه انتي شفيك ماشفتي ناصر
عاشقه:هههههه لا ماشفته
هاجر:وش بلاك تقولينها وانتي تضحكين,كذا
عاشقه قالتها ببروود:شفت رااائد,
هاجر:ومن هو رائد هذا؟
عاشقه:هههه ولد المره اللي مرت علينا وسلمت قبل لاتمشي.
هاجر:يااابردك, وهذا هو اللي مضحكك,الحمدلله,بس قوليلي رائد هذا مزيون
عاشقه تتذكر شكله:يعني,,مادققت بصراحه,أنا كنت محرجه,من شكلي قدامه فشيله
هاجر:مااالت عليك.... تقول مادققت
عاشقه:أقول انطمي وامشي حنا تركنا الناس وجلسنا هنا.
,,,,,
,
,
,
.
فاطمه:عمه خاااطري أرقص ماشبعت
مزنه:يابنت اثقلي اللحين بيقولون مخفه, سوي مثل بنت عمك واجلسي
فاطمه التفتت على أسيل:أسوله قومي ارقصي تكفين, اطلب لك مصري
أسيل تأشر بأصبعها بالنفي:لاااا,لااا
فاطمه:ماالت عليك,
أسيل لمست بطنها بحنيه: (مايدرون ياقلبي بوجودك,لاتخاف ماراح يمسك شيء وأنا أمك ياقطعه من حبيبي)..
,

{انتهت الحفله وراح الكل للبيت,}


البيت الكبير:
أسيل بدلت ملابسها وكشخت لمقابلة فيصل أللي قال انه راح يجي بعد الحفله للبيت, كانت تغني وقفت عند المرايه وتناظر لبطنها اللي مابعد بان بالمرايه وهي تتبسم:خلاص حبيبي راح اقول لدادي,وراح يعرف بوجودك الليله,وأكيد راح يفرح,...
{قعدت تكمل لبس وهي تنتظره على احر من الجمر}
،
،
بالصاله تحت:
فيصل بعد سكوت:وين اسيل؟
فاطمه قامت وهي تتثاوب:أسيل فوق ..يله عن أذنكم ياجماعه راسي مصدع بناااام
مزنه :حتى أنا رايحه لغرفتي
{الشايب داخل الغرفه من زمااان وناااايم,,,,}
,
فيصل جلس لحاله بالصاله وواضح عليه علامات التوتر والقلق...كأن عنده شيء.,قام ودخل مجلس الضيوف ....
,
أسيل شافته من أعلى الدرج وهو يدخل غرفة الضيوف شقت الإبتسامه فرحانه انها شافت فيصل أخيراً نزلت تركض تذكرت انها حامل هدت ,وأسرعت مثل الطفله له وضمته بشوق وحراره: أشتقتلك ياقلبي,
{حست ببرود فيصل ومابادلها الحضن كالعاده,,هالمره واقف مثل الصنم} فيصل شفيك وش صاير؟!!.
,
,
.,.,.[أيـــام غــريـــبـــه عــلــى أرض الــحــب].,.,.

(((((((أنتهى الجزء الثالث عشر))))))))
وش عند فيصل؟..........ليش هالبرود فجأه؟!!!
رائد....؟؟!!!
زواج عبير وعبدالرحمن
وترقبوا المزيـــــــــد من الجرأه والأحداث..................الروايه توها بدت.....,

,