آخر 10 مشاركات
497- وحدها مع العدو - أبي غرين -روايات احلام جديدة (الكاتـب : Just Faith - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          الرزق على الله .. للكاتبه :هاردلك يا قلب×كامله× (الكاتـب : بحر الندى - )           »          بين الماضي والحب *مميزة و مكتملة* (الكاتـب : lossil - )           »          ضلع قاصر *مميزة و مكتملة * (الكاتـب : أنشودة الندى - )           »          شيءٌ من الرحيل و بعضٌ من الحنين (الكاتـب : ظِل السحاب - )           »          سمراء الغجرى..تكتبها مايا مختار "متميزة" , " مكتملة " (الكاتـب : مايا مختار - )           »          دموع زهرة الأوركيديا للكاتبة raja tortorici(( حصرية لروايتي فقط )) مميزة ... مكتملة (الكاتـب : أميرة الحب - )           »          ندبات الشيطان- قلوب شرقية(102)-للكاتبة::سارة عاصم*مميزة*كاملة&الرابط (الكاتـب : *سارة عاصم* - )           »          وعاد من جديد "الجزء 1 لـ ندوب من الماضي" -رواية زائرة- للكاتبة: shekinia *مكتملة* (الكاتـب : shekinia - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 19-04-08, 10:31 PM   #1

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي رجل عشق من النساء واحدة وعشقنه النساء جميعاً...؟!!!







اردت المشاركه معكم بهذه القصه الرئعه كنت من اشد المتابعين لها واتمنىان تتابعوها معي

هذه القصه لاحد الكاتبات المبدعات (صمتي سبب وحدتي)
اعجبني اسلوبها وتدرج الاحداث استخدمة الخيال فاجدت استخدامه
اتركم مع القصه

رجل عشق من النساء واحدة وعشقنه النساء جميعاً...؟!!!
للكاتبة/صمتي سبب وحدتي
هذا انا ارجع لكم بروايه جديده ولكن هي الاقرب لنفسي ربما لان اكثر احداثها من الواقع اتمنى منكم ان تبحرو مع بطلنا في بحر ذكرياته وانا سوف اكون ربان المركبه ولان اتاخر عليكم كما عاهدتوني في تنزيل الاجزاء

وحكايتنا المره هذي عن (( شخص عشق وعٌشق اعجب تمنى وكم شخص في هذه الدنيا تمنى وعشق لكن المهم ان يظفر المحب بمن حب قلبه........ ولكن لاننسى........انت تريد وانا اريد والله يفعل مايريد))
مقولات قيلت عن الحب
الحب الحقيقي...يبقى دائماً والى اللابد.
لايعتريه تغيير سواء منحه المرء كل شي
او انكرعليه كل شئ...
((جوهان ولفجانج))
جنون الحب!!
من اعظم نعم السماء..
((افلاطون))
الحب... هو شريان الحياة
((لويس كارول))
ان الحب هو اقوى قوة على الارض
((نلسون روكلفر))

ومن المقولات عن المحب
المحب...لايريد سوى شيئاً واحداً:
الخير للمحبوب.
فالحب في حد ذاته مكافأه.
وأي شئ اخر غير ذالك
فهو لا يشغل البال
((توماس ميرتون))
المحب... معماري صبور
يجعل من خلال بنائه الا مفهوم مفهوماً.
((اوجدن ناش))
تعددت الاقاويل عن الحب والمحب ولانشعر بملل اذا كان الكلام في الحب
ويبقى الحب الحقيقي هو الوحيد الذي لايتغير ع مر السنوات حتى لو طال غياب المحبوب للابد

احم احم اعرف طولت عليكم اخليكم مع الروايه وهي الروايه الثانيه بعد طال سكوتي ومالصمتي مطاليب اللي لاقت اعجابكم بفضل الله واتمنى ان روايتي هذي تعجبكم...


الجزء الاول


الساعه 8 و6 دقيقه و58 ثانيه بعد ماطلعت من المسجد القريب من بيتها
ووقفت بسيارتي كلعاده على مسافه بعيده نوع ما من باب بيتها(( يمكن اشوفها او اشوف من شافها))
مر على فراقنا 6 سنوات واحس بالم فراقها كنه امس افتقدها بالحيل هي تزوجت وانجبت بنت نسخه منها نفس العيون الزجاجيه اللامعه الوسيعه والنظرات الخجوله نفس الابتسامه وبياض البشره وكل يوم اوقف عند باب الروضه اللي تروح لها وابوسها وهي اذا شافتني تجيني تركض لحضني وامسح على شعرها واقول (( تدرين ان انتي مفروض تكونين بنتي لكن اقدار ونصيب)) وتبتسم على انها ماتدري انا وش اتكلم عنه اعطيها أي شي سنكيز او عصير وتفرح فيه واوعدها اني اجيها بكرى وتقول بقول لماما عمو ياسر يسلم عليك وابتسم لها
وكعادة انتظر زوجها يدخل البيت يترنح تاثير السم اللي يشربه كذا مره اتهجم عليه ويكون عقابي السجن واطلع بكفاله او يتنازل واخر مره اتصلت فيني بنت خالتي وقالت بصريح العباره (( ابتعد عن حياتي انا ماشكيت هذا مهما كان ابو بنتي)) وقفلت بوجهي ماتركتني احكي لها اشواقي ماتركتني ابرر لها موقفني واقول اني مقدر اشوفها تتعذب واوقف مكتف ايديني وماتركتني اقول اني ليومك وانتي كل شي بحياتي آآآآآه يابدريه ياليتك تحبيني نفس حبي لك او حتى ربعه
من 6 سنوات قاطعت جدتي اللي زهقت من مسؤليه بنت بنتها وزوجتها وحرقت قلبي لاني وقتها ادرس بالجامعه واذا تزوجتها اكيد بنعيش معها لحد ما اقدر اتوظف واصرف عليها وعلي ونستقيل ببيت اللي طبعا بعد 4 او5 سنوات بيكون جاهز فلعبت لعبتها وقررت انها تروح معي للحج ولما رجعت تفاجاءة بزواج حبيبتي ..... ايه زوجتها وماقالت لي اتفقت مع ابو بدريه انه يزوجها ولد جيرانا وبدريه ماكانت تعرف مخططهم وامي اسكتت مغلوبه على امرها امها ولا تبغى تعصاها خدعتني جدتي ايه خدعتي ولليوم ما اقدر اناظر في وجهها لاني كل ماشفتها اندم اني امنت لها او بلصح للمراءه ((مهما بلغ ذكاء الرجل لايستطيع على دهاء مراءه))
زوجت بدريه اليتيمه؟؟!!........
ابوها متزوج وعنده عيال وامها متوفيه لو كانت امها عايشه ماكان هذا حالها انا نفسها...!!
الا اني رجال وهي بنت والبنت مهما بلغت قوتها في النهاية ضعيفه انا كنت مع امي عايشين مع جدتي اللي كان عندها ولد واحد وبنتين امي وخالتي اللي توفت الله يرحمها لما عرفت بزواج بدريه جن جنوني وصرت ابكي واصارخ أيــــه ابكي بكيت مثل البنات!!
حلمي وحبيبتي اللي كنت لها الاخو اللي تشكي له والام اللي تحن عليها والاب اللي يلبي طلباتها واغلى شي بحياتي من بعد امي.....
تزوجت 3 ايام وانا في عداد الميتين وعيوني مفتوحه وتدمع وساكت ما اشوف الا امي اللي تقرء علي وتمسحني بزيت مقرئ وجدتي ما اسمع منها الا قولها: هي بنت وبدالها الف بنت وانت صغير على الزواج....؟!!
" ذاك الوقت ما اقدر اتكلم لاني كنت تعبان او للاصح حزين ولا اعرف السبب وامي تقول الله يسامحك يمه شوفي وين وصليته وتقول بين دموعها الله يسامحك يمه ولدي بيموت يمه مالي الا هو""
وتروح جدتي تاركه امي بحزنها على ولدها الوحيد وتاركتني بصدمتي والالامي 3 ايام وانا في كل يوم احتضر...... لحد ما دخلت بدريه بطلتها الحلوه بصوتها الحنون ولمستها الشافيه وطاحت عند راسي وهي منهاره تبكي تكفى يا ياسر لاتعذبني اكثر من ما انا متعذبه واخذت الزيت من امي وصارت تمسح على شعري وجبيني واحسها المويه تطفي نار قلبي ناظرتها وعيوني تدمع: بدريه!!
بدريه وهي تشهق من البكاء ومتجاهله وجود امي اللي منهاره مثلها: ياعيون بدريه
: انتي اصبحتي لغيري وضربت صدري ضربه قهر وقلت آآآآآآآآآآآآآآآآآآآآآآه
بدريه:يا ياسر انت رجال وتقدر تتحمل اجل انا وش اقول اللي انغصبت على زواجه ما ابغاها وانهارت تبكي
وراحت للحضن اللي ياما بكت عليه واحن عليها حضن امي وصارت تبكي وتقول يمه جدتي ضيعتني وضيعت ياسر
قمت من على السرير بتعب: يمه جهزي اغراضك ماعاد لي قعده بهالبيت وانتي امي انا ملزوم بك
امي :ياسر صل على النبي وين نروح يمه وانت تدرس وانا ماعندي الا راتب ابوك التقاعد ويالله يالله يكفي احتياجاتنا
: انا رجال يمه ولاتخافين انتظرك بسياره يمه اخذي كل اغارضك
امي: ياسر
: اذا تبغين امك اقعدي معها وانا من اليوم ماراح تشوفون وجهي
بدريه: فراقنا مهو نهاية العالم
ناظرتها بعتب: وش تقولين يا بدريه في هلكم يوم غسل مخك نايف خلاص نسيتني وحبيتي نايف انتم يالحريم مالكم امان
مسحت دموعها وراحت تركض بيتها ركبت سيارتي ورغم محاولات خالي ان اجلس معهم لاحد اتخرج اما جدتي كنها كانت تنتظر هاللحظه تمت بغرفتها لحد ماطلعنا من البيت
ركبت امي: هاه ياسر وين بنروح
سكتت وركزت على الطريق وقفت عند عماره سكنيه
امي منصدمه: بنسكن مع المقيمين هنا؟!!
تنهدت: احسن من العيشه مع وحده ماكلفت نفسها انها تحاول تردني عن قراري اللي من سابع المستحيلات ارجع عنه..
امي: تعوذ من ابليس ياوليدي وخلنا نرجع لحد ماتتوظف ونطلع
: خلاص يمه طلعت ومستحيل ارجع وانتي كلها كم يوم وبأجر لنا بيت لحد ماتتحسن الامور وايكون عندي واشتري بيت
امي: وشلون تتحسن لايكون ناوي تفصل من الجامعه
: لا يا يمه بدرس وبشتغل مثل هالناس
امي وهي تبكي: منت قد هالتعب يمه
ضربت صدري: قدها وقدوووووود انا رجال عمري 23 سنه
نزلت امي رغم انها ما حبت المكان مرت الايام ورحت ((لعمي سالم اخو ابوي الصغير)) وقلت له يدور لي وظيفه وبحكم اني ماعندي شهاده قال لقيت لك وظيفة امين مخازن باحد شركات البترول لاحد ما اتخرج وراتبها كويس وكان دوامي 9 ساعات من 6 الى 3 الفجر كنت اخاف على امي واتصل عليها وقت دوامي 5 الى 6 مرات بعد ما أجرت بيت وصارتجلس فيه لحالها لانها رافضه الخادمه خايفه علي منها ^_^ القرد بعين امه غزال
وقتها ماكنت انام الا 6 ساعات واروح للكليه لحد مامرت سنه وتخرجت وطبعا ترقيت في عملي بفضل الله ثم بفضل عمي سالم واشتغلت بالاسهم الاسلاميه وقدرت اشتري البيت اللي ساكنين فيه لان امي حبت جارتها ذيك الايام ماكان طيف بدريه يفارقني لكن كرامتي فوق كل شي برغم حبها اللي ساكن في كل مكان فيني ما كنت ارضى امي تجيب لي طاري أي احد من عائلتها واذا كانو بالبيت اروح لصحابي لحد مايروحون واحيانا اضطر انام برى البيت اذا نامت ام امي(جدتي) خلاص كل شي بينها انتهى بعد ماغدرت فيني لحد اليوم اللي دخلت البيت راجع من العمل وكانت الساعه 6 المغرب لقيت امي فرحانه
حبيتها على راسها:خير يمه فرحيني معك
قالت الخبر اللي زلزل الارض من تحتي وحسيته سكين انغرزت بقلبي:بدريه جابت بنت اليوم الفجر يلا يمه وصلني لها بالمستشفى
عطيت امي ظهري راح لغرفتي ابدل ملابس العمل وحاط ايدي على قلبي: تامرين امر تجهزي لحد ما اتروش والبس
سكرت الباب وانا احس اني انتهيت رن جوالي وحطيت القهر فيه رميته من غير مادري من متصل على الجدار لاحد ما صار في كل مكان جزء منه تروشت ولبست ثوب اسود وشماغ تعطرت ناظرت وجهي السكسوكه امس مزبطها وقلت بقلبي وانا اناظر شكلي بالمرايه
(( شوفي يابدريه اللي خسرتيه))
طلعت لقيت امي لابسه عبايتها : تاخرت عليك
امي: لا واشرت على كيس شيله فيه عشاء خل اوديه لها من امس ماكلت شي وامها مهي عايشه ولاحد يهتم الا في بنته
شلت الكيس وناظرت امي: هذا انتي اهتميتي فيها وهي مهي بنتك
امي: بنت اختي الوحيده والله العالم انها مثل بنتي
: طول عمرك حنونه وطيبه
اسكتت ركبت معي وصلتها لحد المستشفى قبل تنزل: اذا خلصتي اتصلي فيني
امي: منت نازل تسلم على بنت خالتك اللي طالعه من موت
: لا يمه مواعد واحد من الشباب بيزعل اذا ماجيته وسلمي عليها وتحمدي لها بالسلامه
نزلت امي وانا وقبل امشي واحد ضرب النافذه نزلت : خالي؟!!!
حضني خالي: وينك وانا ابوك سنه ماشفتك
: مشاغل ياخالي
خالي: الا قول انك ماتبي تشوفنا
طلال ولد خالي عمره 14 سنه: هلا ياسر وينك يارجال ما نشوفك
بنت خالي من ورى خالي: شخبارك ياسر
ابتسمت: هلا ساره ابشرك بخير
ساره: وربي مشتاقين لك
:تشتاق لك العافيه
خالي:خلاص بكرى غداءك عندنا
:اسمح لي والله مداوم ولا اطلع الا 6
خالي: خلاص عشاك
: لا والله مشغول
ساره: قول انك ماتبغى تشوف جدتي وخلاص
خالي: سااااااااااااره
: لاتسكتها ماقالت الا الصدق
خالي: هذي جدتك
: اللي سوته فيني تسويه جده بحفيدها
ساره: وهي صادقه بدريه بدالها الف بنت
ناظرتها بحده: لاتتكلمين عن شي ماتعرفينه
ناظرت خالي: استاذن مواعد واحد
طلال: وعشاك
:بكرى بمرك وباخذك معي وبعشيك برى اذا سمح خالي
ساره: اعزمنا كلنا ولا بس العزيمه لطلال
طلال طلع جواله: عطني رقمك خاف تشرد من العزيمه بكرى
:هههههههههه وتذكرت يوووووووووووه جوالي منكسر خلاص بمر محل واخذ واحد
طلال: تهرب تهرب من العزيمه
: والله اني رميته بالجدار وانكسر
عطيته رقمي واستاذنت ركبت السياره وساره ونظرات ساره ماغابت عن بالي مشيت بشوارع الرياض بليا هدف وقفت سيارتي عند محل جوال واخذت لي جهاز ورحت للبيت خذيت شريحتي حتى صاحبي استاذنت منه لان مالي مزاج اقابله وقفت عند مقهى وجلست طلبت شيشه وقهوه وناظرت المباره
رن جوالي وكانت امي
: مرحبا
امي: وينك ياياسر
:قريب هاه خلصتي
امي: ايه تعال خذني
: طيب 10 دقايق والقاك برى
امي: في امان الله
: في حفظ الله
ركبت سيارتي ولقيت امي واقفه وتكلم زوج بدريه ضربت لها هرن وجات وهي تدف وحده بكرسي متحرك وفي حجرها بزر عرفت انها بدريه بعد ماقربت وقفت بدريه ركبتها امي ورى وركبت امي قدام وبحجر امي بنت بدريه ما قدر اوصف احساسي وحبيبتي راكبه معي بعد فراق عام ناظرت عيونها المرهقه بالمرايه: الحمد الله على السلامه
بدريه بصوت متعب: الله يسلمك
حسيت انها ماتبغى عيونها تجي بعيوني انتهبت لامي:بكرى مر مكتب استقدام الخدم واخذ خادمه كبيره بالسن
: وش اللي خلا خالتي قماشه(( الفنانه حياة الفهد في دور من ادوارها)) تتنازل عن قرارها وتخلي ولدها وحيدها يجيب وحده غريبه تعيش معهم في البيت
امي: ليه فرحان كذا هذي لبنتي بدريه وراتبها علي بعد
ناظرت بدريه بالمرايه: لا ياخالتي لاتعبين نفسك ماني بحاجتها
امي: بدريه الله العاالم اني اعدك مثل ياسر
: افااااا يمه وصرت بنت بعد
امي: خل عنك المزح اللي ماله داعي انا اقصد غلاك
: يمه عطيني عيني طايحه جنبك
امي: وينها
:ههههههههههههههه اقصد فشلتني وطيحتي وجهي
بدريه ضحكت بتعب حتى لو انها مهي ضحكتها اللي تعودت عليها الا انها هزتني اااااااه يابدريه احبك وربي
امي: مر على صيدليه
: ليش يمه جوعان ابغى اوصل للبيت
امي بجديه: مر على الصيدليه بنت بدريه ماعندها حليب ولا غيارات
: خلاص لاتزعلين بمرها
دقايق ووصلت امي لعند الصيدليه امي: منت بنازل
: لا بنتظرك هنا
امي حسيت انها تضايقت حطت بنت بدريه بحجري ونزلت فتحت درج السياره وصرت ادور على شريط متاكد انه عندي
شغلت قصيده ناصر القحطاني حبيبي
بدريه: ياسر
ياحلو ياسر من فمها ياعيون ياسر ياروح وانفاس ياسر : نعم
بدريه: قفل المسجل
: ابشري قفلته ورفعت بنتها وصرت اناظرها صغيره مره وغير انها مسكره عيونها
احس حب هالبنت يمشي بعروقي احبها والله احبها يمكن من غلاة امها
بدريه: تعبت منها عطني اياها اشيلها
: لا تعبك راحــه وسكتت
حسيت بدريه تضايقت وش اسوي هذا شعوري انا قدام بدريه ضعيف حتى لما كنا صغار كانت تنزلني من سيكلي وتركب فيه ولا كنت اقولها لا كانت تشاركني حتى مصروفي مقدر كانت تنام على ايد امي وانا انام بعيد عنها ولا كنت اغار منها بدريه حبيبتي قبل البس شماغي
انتبهت لامي وهي تقول: هاه ياياسر وش تنتظر وصلنا للبيت
ناظرتها وانا اقول وش في سيارتي نورت فجاءه اثاريك ركبتي
امي: لايكثر
: طيب يا ام ياسر هذي ثاني مره تفشليني اليوم وانا ساكت لك
شغلت السياره وصلتها للبيت وانا ما تكلمت مهو لاني زعلان على امي لا عشان احسسها بالذنب اول ما وصلنا للبيت امي: انزل يمه عشان اعشيك
: ما ابغى شي بروح للاستراحه
امي: توك تقول انك جوعان
: لا خلاص شبعت من تفشيلاتك لي
امي: والله ان مانزلت اني ما اكل
: هاه وهذي نزله كله ولا انتي يالغاليه
خذيت بنت بدريه ونزلت بدريه وامي ورحت لغرفتي وحطيت بنت بدريه علي سريري رن جوالي
: هلا
الطرف الثاني: هلا والله حتى بالجوال صوتك حلو
:مين
الطرف الثاني: وحده تحبك
:لا تتصلين ثانيه على هالرقم وقفلت بوجها
جاني مسج (( اموت بالثقيل اللي ما يحب البنات)) فاضيات
دخلت امي عشان تاخذ بنت بدريه
امي: وين رهف
: من رهف
امي: بنت بدريه
:هههههههههه وراي
امي دفتني وخذتها: يامهبول لو انك نمت عليها
: وش دعوى يمه كنت بطيح على وجهي وانتي ماهمك الا بنت بدريه
امي: كنت بتكتمها وتموت
: الى هالدرجه فاقد الاحساس الله يسامحك
امي: لاتنام قبل تتعشى
: لا انتي بدريه ورهوفه بناتك انا لي الله
امي: اذا ما شفتك على السفره ماكليت
: طيب طيب بس عشانك
تمددت على السرير وجاني مسج ثاني
(( وربي دخلت قلبي لا تنطشني بليز))
ارسلت لها
(( بليس يركبك اذا ارسلتي ثانيه))
اتصلت
:خير
الطرف الثاني: اللي يسمع صوتي يجيه الخير
: هئهئ هئهئ هئهئ ماتضحكين حاولي مره ثانيه
الطرف الثاني: انا غزلان
:ههههههه وانا الاسد اللي ياكل الغزلان
غزلان: يابختي اذا انت اللي بتاكلني
: هيييييه هيييييه وربي مغشوشه فيني انا شين وعيوني صغار واسمرومافيني شي حلو اخوف
غزلان: قول والله هذي موصفاتك
: لا ماراح احلف
غزلان: انا شفتك مره وخذيت رقمك من عند صاحبك
:طيب وش مطلوب مني
غزلان: ابغى اصير صديقتك
: ومن قالك ان فيه صداقه بين البنت والولد في مجتمعنا
غزلان: ومن قالك مافيه
: اوكي تقدرين تقدميني لا اهلك على اني صديق
غزلان: طبعاً لا
: طيب كيف تقولين فيه صداقه
غزلان: صداقه محد يدري فيها
: لا ما احب اعيش مثل الخفاش بالظلام
غزلان: طيب وش المطلوب مني
: لا تتصلين على هالرقم ثاني مره
غزلان: انا محتاجه اتكلم مع احد
: ماعندك صديقات
غزلان: عندي كثير لكن ما امن ولا وحده منهم
:يعني كيف!!
سمعت طق امي على الباب وبعده دخلت
: نعم يمه
امي: تعال للصاله
: ابشري
امي وهي تاشر على اجزء جوالي المكسر: وش هذا ياياسر
:ههههههههه كلعاده انقهرت وحطيت القهر فيه
هزت راسها امي وطلعت: الله يهديك ياوليدي
: خلاص غزلان انا بروح اتعشا بتصل فيك وقت ثاني
غزلان: راح انتظرك لو جلست انتظر العمر كله
:ههههههه اذا تتنظريني صوتي بعد ساعه او نص ساعه بيكلمك اما اذا تنتظرين قلبي اتوقع بتنتظرين العمر كله
قفلت بوجهي بدون أي كلمه براحتها انشاالله ما اتصلت وش علي انا ماعندي خوات اخاف عليهم ولا بنات احاتيهم لكن انا عندي قناعه كما تدين تدان وماحب الحرام يجي يوم وبتزوج وبيجي يوم بيجيني بنات واخاف اللي سويته في بنات الناس يفعل فيني عشان كذا قد ما اقدر امنع نفسي من الحرام وبعدين والاهم بدريه متربعه على عرش قلبي وما اقدر والله ما اقدر اخونها
طلعت للصاله وجلست على الكنبه تنقلت بين القنوات واستقريت على الزير سالم
وجلست اناظره لحد ما سمعت بنت بدريه تبكي صوتت لامي: يمــــــــــــه اللي كانت بالمطبخ رهف تبكي
دخلت امي ووخذتها وحطتها عندي: امسك بدريه مريضه ومافيها حيل عليها شيلها انت لحد ما اجهز العشاء
خذيتها وقلت لامي : الساعه 11 ولاتعشيت متى بتعشى انشالله
سفهتني امي وراحت هههههههه ياحليلك يمه عصبيه لكن ما انسى مواقفك معي واحد في الميه من مواقفك الطيبه معي ورث ابوك كله حطيتيه في يدي وانتي تدرين ان شغل الاسهم مهو مضمون لحد ما ربي رزقني وقدرت ارجعه لها بعد ست شهور ولما رجعته قالت هو في النهايه لك خله معك واااااااااااااااع واااااااااااااع
دخلت امي وعطتني رضعه عطها وبتسكت ناظرت امي : يمه ماعندي اخوان ولا اعرف
مسكت الرضعه وحطتها بفم رهف وناظرتي : لا تسوي شي بس امسكها
حطيت ايدي على خشمي: على هذا
ناظرت رهف وقلت بقلبي (( لولا عجوز قريح كان انتي بنتي)) استغفر الله مقدر وربي كاتبه طلعت الرضعه من فمها بعد مافضت مشالله ماسارع ما شربتها حطت امي السفره جلست عليها ورهف معي حطت العشاء وكليت انا وامي وبعد ما شبعت
امي: لاتنسى الشغاله
: ابشري بكرى وانا راجع بامر عليه وانشالله الاقي عنده
امي: جعل ربي يخليك لنا
: ولو يالغاليه تحت امرك تصبحين على خير
امي: وانت من اهله اصحيك الساعه 8
ناظرتها بتعجب: ونص ولا حاسدتني في نص ساعه زياده
امي: روح ارقد روح
مسكت قلبي: بروح وانا كلي جروح
ضحكت امي وبكت رهف وانا دخلت غرفتي تمددت على سرير وغمضت عيوني وسمعت جوالي يرن اووووووه تذكرت غزلان
:هلا
غزلان: هلا والله تعشيت
: الحمد الله
غزلان: صحه
: على قلبك
غزلان: تصدق ارتحت لك
: وانا ما ابغى اذيك ياليت ماتتصلين ثانيه
غزلان : وليش انت متزوج
: لا
غزلان: منت رجال
: غصب عليك رجال
غزلان:ونعم فيك لكن كل رجال ضعيف قدام البنات
:الا انا ما احب البنات كلش وشايل فكرة الزواج من راسي نهائيا
غزلان: تحب
تنهدت: ايه
غزلان: يابختها في قلبك اللي ملكته
:....................
غزلان: طيب انا ما ابغى منك شي بس ابغى اكلمك والمكالمه علي بعد
:ونهاية علاقتنا وش هي
غزلان:الموت
:انا اقول خلي عنك هالحركات والحب ماوراه الا وجع القلب لانه مستحيل ولا يمكن تملكين قلبي
غزلان:انت دخلت قلبي وانا محتاجه واحد مثلك وبعد اناا راضيه لو تعتبرني صديقه زميله الا اخت ما ابغاك تعتبرني اخت تكفى ابغى اتم معك
:ما احب النوعيه هذي من البنات اللي تكلم شباب
غزلان: قسم بالله انت اول واحد انا اكلمه وربي ماكذبت
: اوكي مصدقك بشرط بعتبرك عرضي لو اكتشفت انك راعيه حركات ماراح ارد عليك ابد
غزلان: ناوي ترسل لي واحد من اصدقاك عشان تكشفني؟!!!!!
تنهدت:توي قال لك انك عرضي يعني انا برسل احد يكلم اختي
غزلان: اختك؟!!!!!!!!
: ماقلت اختي نفس اختي انا ماعندي خوات
غزلان: ادري
: تدريييييييييين
غزلان: اقصد ادري انك بتعتبرني اخت ولا راح تحبني
: اللي اوله شرط اخره نور
غزلان:ومشاعري ماهي بضمن الشرط
:طيب انا تعبان على قومتي 8 ونص الصباح وابغى انام واللحين صارت 12 ونص
غزلان: نوم العوافي
: مع السلامه
غزلان: لحظه
: هاه
غزلان: عادي اتصل فيك بكرى
: اتصلي اذا فاضي برد واذا لا بتصل فيك اذا فضيت
غزلان: لا انت قلت من شوي بتتصل ولا اتصلت
: نسيت
غزلان: واخاف تنساني بعد بكرى
: لا انشالله بتصل
غزلان: اكيد
: لاتصرين لحوحه وعد بتصل
غزلان: مع اسلامه
: مع السلامه
غريبه هالغزلانها مصره تتعرف ياما وياما تعرضت للبنات لكن انا كنت اصد أي
وحده تحاول تلفت انتباهي حتى اذا طلبوني الشباب اروح معهم لمجمعات ماكنت اروح ماحب اتردد على هالماكن طنشتها ورحت بسابع نومه
اليوم الثاني
رحت للدوام بعد ما ذكرتني امي امر مكتب خدم وانا راجع تذكرت واحد صاحبي ابوه عنده مكتب اتصلت فيه وسالته قالي امر ابوه
ابو فيصل صاحبي: يامرحبا ياياسر وينك لاحس ولاخبر
: مشاغل ياعمي ولا والله انك على البال
ابو فيصل:امر يابوي يقول فيصل انك تبغى خادمه وبسرعه
: ايه والله الوالده تعبت من شغل البيت وتبغى خادمه قبل رمضان وانت عارف رمضان ماباقي عليه الا شهرين
ابو فيصل :عساها على القوه فيه خدم بيوصلون بعد ثلاث ايام بشوف لك وحده
: نبغاها مسلمه
ابو فيصل: مايصير خاطرك الا طيب
: بيض الله وجهك وجزاك الله خير
استاذنت بعد ماطمني انه في ثلاث ايام بتكون الخادمه في عندنا
دخلت البيت ورحت لغرفتي على طول تروشت ولبست وطلعت لامي كانت بغرفه بدريه دقيت الباب ودخلت لبست بدريه شيلتها وبحجر امي رهف
خذيت رهف من عند امي بستها وناظرت بدريه اللي اشوف في عيونها شوق الدنيا
: خلاص يابدريه بناخذها شكل امي حبتها
امي تقصد بدريه: وهو بعد اول ما صحى اليوم وسمع صوتها تبكي لقيته شايلها وهو بلعاده اذا صحى من النوم ماله خلق ابد
ناظرتي وقلت بصوتها الدافي: دامه ما عصب عليها اول ما صحى اجل اكيد انها خذت قلبه
خذيت فنجان القهوه من امي: ايه والله حبيناها
بدريه: حبتكم العافيه وناظرت امي: والله مدري كيف ارد معروفك ياخالتي
امي: بنتي يابدريه فيه بنت تشكر امها
رن جوال بدريه وكان المتصل زوجها اول ماشافت الاسم ناظرتني
:هلا نايف ..... لا الحمد الله............ ايه حياك.... بخير وهذي هي مع ياسر ........ طيب ....... مع اسلامه
امي: بيجيك
بدريه نزلت راسها: ايه يقول انا قريب البيت
مديت رهف لامي ووقفت: استاذن بروح للاستراحه
امي: تروح عن وجه ضيفك استح على وجهك الرجال بيجي
بدريه: حتى نايف يبغى يسلم عليك
ناظرتهم وجلست بقهردقايق وقالت بدريه ان نايف برى طلعت له سلمت عليه وهو سلم علي من قلب انا وهو كنا اصحاب لكن اللحين لا بعد ما اخذ حلمي يخسي والله
دخلته لحد غرفة بدريه طلعت امي لي وانا قاعد في الصاله
امي:انت ما تستحي البنت اعرست وانت تحرجها بزعلك على زوجها
وقفت واشرت على صدري: يمه احبها واموت الف مره اذا تذكرت انها متزوجه
امي: صل على النبي ياوليدي خلاص تمنى لها الخير
: اللهم صلي واسلم عليه
امي: بعد شوي بيجون بيت خالك
ضربت جبهتي:نسيت طلال
خذيت جوالي واتصلت بخالي وقال انه هو و العجوز وزوجته جايين وساره وطلال بالبيت ينتظرون العزيمة وهم بطريق اضطريت اروح من البيت عشان ما اواجه العجوز خذيت رقمه اتصلت فيه وقال ان ساره مصره تتعشى معنا قلت حياها خلها تجي
بعد ربع ساعه وقفت عند الباب ركب طلال وسلم
طلال فيه رجوله وتحس واذا سولفت معه تحس انك تسولف مع واحد من عمرك
طلعت ساره بعد عشر دقايق ركبت السياره واول ما دخلت المكان كله كان ريحة عطرها شكلها متروشه بعطر
ساره بدلع: ها ياسر عسى ماتاخرت عليك
: لا عادي ومشيت
رن جوالي وكان رقم غزلان مارديت عليها وهي بطبعها لحوحه رديت قبل اسمع صوتها اول قبل تتكلم
: هلا غازي(( اضطريت اقلب اسمها)) بعدين بتصل فيك
وقفنا عند مطعم ونزلنا لاني كنت عايش مع بنت خالي وبدريه فماكانو يتغطن مني
: اطلبو اللي خاطركم فيه
ساره: اطلب لي زي ماتطلب لك
تجاهلت تلميحاتها وتعشينا وطلع طلال وساره وراه وانا وراها همست لها
ترى اللي تعطر وتطلع كنها زانيه وقفت مذهوله وانا مريت من جبنها كاني ماقلت شي وصلتهم ورجعت للبيت
مالقيت احد بصاله رحت لغرفتي واتصلت بغزلان
: هلا
غزلان: هلا والله وينك
: موجود
غزلان: تاخرت علي
: كنت اتعشى مع ولد خالي واخته
غزلان اسكتت شوي : خطيبتك
:لأ
غزلان: قول والله
: بدون حلفان انا قلت لك مالي خاطر بالزواج ولو اتزوج ما راح اتزوج سوير
غزلان: اسمها ساره؟
:ايه
غزلان: اهي حلوه
:مملوحه
غزلان: عاجبتك
:طبعاً لأ
غزلان:ياسر كم عمرك اللحين
: ياسر وش عرفك باسمي
غزلان : خذيته من صاحبك
: كنتي تكلمين صاحبي قبلي؟!!!!
غزلان: لا ليش ظنك سئ فيني
: اللي تكلم واحد تكلم عشره غيره
سكتت شوي وانا حسيت بتانيب الظمير يمكن لاني حسيت اني جرحتها:غزلان
غزلان وبصوت باكي: نعم
: تبكين؟!!!!
غزلان: لا
: احس من صوتك تبكين
غزلان تنهدت: يتهأ لك
: طيب قولي لي كيف خذيتي رقمي
غزلان: كلمت واحد صاحبك وقلت له كان معك واحد عندي له امانه وبعد الموت عطاني رقمك وقال انك ياسر وتاكدت ان انت المطلوب
: ذكريني متى شفتك
غزلان: اللي كانت مع اللي فشلتها لما دفعت حساب المطعم
:ايه ذيك المزيونه ههههههههههههه ماتدرين وش صار فيني لما رجعت فلوسك ذاك اليوم بغى يموتني احمد
غزلان: مهي انا بنت خالتي تقصد انا كنت في السياره بس شفتك لما رميت عليها فلوسها
: يعني هي بنت خالتك
غزلان: رجع لنا وعطانا رقمه وقال ماعليك من يسور خليه يقعد على مثالياته سالته عن اسم ابوك وقال لي عبد العزيز وانا حفظت اسمك ووعدته بنت خالتي انها تكلمه اخذت رقمه اتصلت فيه اخذت جهاز تغير الاصوات واتصلت فيه وقلت لو سمحت انا لقيت محفظة واحد اسمه ياسر عبد العزيز ولقيت رقمك فيه احمد ابغى اعرف رقمه وعطاني رقمك على طول
:هههههههههههههههههههههه(( إن كيدهن عظيم))
غزلان: اعجبك انا وضحكت ضحكه دخلت قلبي حبيت ضحكتها من قلب
ماسكرت مني الا 3 الفجر واصلا بكر خميس ماعندي دوام
غزلان هذي عرفتها قبل شهر وقفت انا وصاحبي عند مطعم طالبين ونتظره يوصلونه للسياره جات وحده كل الجمال اللي بدنيا بعيونها ضربت النافذه وانا كنت بالباب اللي بجنب السواق اللي هو صاحبي
البنت اشرت علي : انا دفعت حساب عشاك واعتبره عربون تعارف
وراحت نزلت من سياره صاحبي ورحت لعند السياره اللي راكبتها ضربت النافذه
فتحت النافذه : كنت عارفه ان عيوني بتسحرك
ضحكت عليها: هههههههه بلعكس
وكانت بجنبها وحده اللي هي غزلان ماميزت ملامحها لكنها قالت اسفين اخوي ماكان قصدها
ورميت عليها حساب عشانا وطلبت من صاحبي انه يحرك السياره تنرفز صاحبي وصار يسبني احد يخلي هالجمال عشان مثالياتك يا ابو مثاليات
: خلاص وصلني للبيت وارجع اخذ العشاء ولا ترى بروح باتاكسي
احمد صاحبي وهو بقمه عصبيته: انزل لابارك الله فيك لامن العشاء ولا من الغزال اللي جاتك برجولها
مسكت الباب بنزل مسكني من ذراعي: خلك الله ياخذك بوصلك وبرجع وانشالله الاقي المزيونه
:ماتشبع من البنات مشفوح بنات وربي
احمد: اسكت بس والله في قلبي قهر اذا ما سكت لا اصدم الشبه
:ههههههههههههههههههه كل هذا عشان البنت ياخي تعرف الف غيرها خلاص بروح مع تاكسي لاتبكي علي
احمد:زيادة الخير خيرين
: وش اسوي هاللحين
احمد: بوصلك للبيت وباخذ العشاء وبسهر بمجلسكم لاني جوعان باللحيل
: امي نايمه عند جدتي تعش بالمطعم اخاف ترجع امي تشوف البيت وصخ وتزعل
نزلت منه ووقفت تاكسي وصلني للبيت وجلست على الانترنت لحد ما جاني نوم ورحت نمت
قطعت حبل افكاري مسج من عند غزلان
((في لحظه تشعر أنك شخص في هذا العالم بينما يوجد شخص في هذا العالم يشعر أنك العالم بأسره))
ارسلت لها مسج
(( انشالله اكون عند حسن ظنك تصبحين على خير))
ارسلت لي))وانت من اهله يالغالي اصحيك 4 ونص للصلاه))
ارسلت لها((ماتقصرين لكن الوالده قدها وقدود بتسحبني من شوشتي اذا ماصحيت))
وارسلت((اسفه سهرتك وانت متعود تنام بدري))
ارسلت لها(( بلعكس انبسطت معك انتبهي لنفسك .... سلام))
ونمت بعدها على طول
مرت الايام وعلاقتي انا وغزلان تقوى صرت اعتبرها نفسي واذا تضايقت هي اول شخص افكر فيه وصار لها مكان بقلبي وماصرت استغني عنها اما هي فيوم عن يوم تثبت لي اني اغلى انسان بقلبها لكن مهما بلغ غلاة غزلان ماتجي شي عند بدريه
الحب لبدريه بس... كبرت بنت بدريه وصار عمرها 8 شهور وحبها بقلبي يزيد يمكن سبب الشبه بملامح الكبير بينها وبين امها او يمكن بسبب انها بنت حبيبتي
كل خميس تجي عندنا بدريه وتنام وكل يوم خميس ما اطلع من االبيت ابد ويروح يومي مع بنت بدريه توها ماكملت 9شهور وامشيها معي بسياره ووديها محل الالعاب واخذ لها العاب كلمت غزلان وقلت اني بروح انا رهوفه لمحل العاب
وتفاجاءت انها كانت بلمحل نفسه انا ماعرفتها لانه كان فيه حريم كثير بلمحل
عرفتها لما قالت: ياسر حبيبي
التفت للصوت وناظرت عيونها اللي تزلزلني نظراتها: غزلان؟!!!!!!
: مفاجاءه صح وناظرت رهف اللي شايلها وقالت هذي رهوفه ياحياتي واخذتها مني وانا بصراحه دخت من لمستها لي لما اخذت رهف من ايديني
صارت تبوسها اما رهف تعلقت فيها كنها تعرفها من زمان وجات بنت وراها
البنت الصغيره: عمتي ابغى باربي
خذيت دبدوب وباربي للرهف اما غزلان فخذت قرقاشه وقالت: هذي اللعبه المناسبه لعمرها مهو دبدوب
:ههههههه اب فاشل
غزلان : وش دعوى
اخذت لعبه بنت اخوها الصغيره وحاسبت رغم انها ما رضت لكن انا قلت لازم تراضيني لانك طلعتي من البيت وما استاذنتيني
عطيت بنت اخوها اللعبه وقلت : اخاف تقول لامها انك قابلتيني
غزلان :بقول انه الكاشير
: افا صرت كاشير
غزلان:هههههههههههه
ياناس ياعالم اعشق ضحكتها نفسي انها تضحك طول الوقت احيانا البس قناع المهرج عشان بس تضحك (( انا كل اصاحبي يقولون عني ثقيل دم))
طلعت من المحل وقبل اركب سيارتي ((البرادو))
غزلان: ياسرزعلان مني
غمزت لها: وانا اقدر
مسكت بنت اخوها من ايدها وركبو سيارتهم وانا عيوني عليهم
عطيت رهوفه القرقاشه وصدعت راسي بصوتها مشت بسياره متوجهه للبيت وصلني مسج فتحته كان من غزلان
((( نحفان ياعمري امانه اذا رجعت تاكل لك شي حتى لو مهو وقت عشاء))
حنونه ياغزلان رغم صغر سنها عمرها 18 سنه الا اني ماقد قابلت بحنانها الا امي وحبها لي حتى اذا واعدتها اتصل فيها 11 واتصلت 11 ونص تقابلني بدموعها
ليش تاخرت خفت عليك واذا قلت لها من وش تخافين تقول السياره مالها امان
اقولها وش دعوى منتي واثقه من سواقتي تقول واثقه فيك والسياره لا
كم مره ومره ومره اثبتت لي انها تحبني لكن انا ما عطيتها شي سوى اني اعذبها كل مره تكلمني ما اقدر ما اطري بدريه ما اقدر ما اقول رهف ومع ذالك تشاركني الكلام
حتى اذا سولفت لها عن طفولتي مع بدريه تسكت واحيانا احس انها تبكي والله مهو بيدي بدريه روحها ساكنه فيني
...... وقفت عند باب البيت ونزلت انا وحبيبتي رهوفه دخلت البيت وكانو بصاله حريم عند بدريه وامي دخلت من عند باب المطبخ
جات بدريه لي بالمطبخ: اسفه ياسر اكيد انها سندرتك
خذتها مني وامديت لها الكيس الدبدوب وللعبه باربي: سمي
بدريه: وربي تحرجني يا ياسر
: انا اشتريتها لبنتي رهف مايحتاج تشكريني عطيتها ظهري ورحت لمجلس الرجال اشوف بعيونها شوق وحب لكن ما تقول ماتعترف
جاني اتصال من صاحبي احمد وقال انه بيجيني جلس معي شوي
احمد: بروح لمغرب تروح معي
: لا والله ماعندي اجازه
احمد: تكفى يا ياسر ابغاك تروح معي
: لا والله امي ماعندها الا انا واخاف اخليها
احمد قام متنرفز: هذا انت كل ما طلبت شي مقدر واسف واسمح لي الشرهه علي انا
: خلاص ولا تزعل بروح معك
احمد : تذكرتك علي وانشالله بعد اسبوعين سفرتنا
: طيب مايصير خاطرك الا طيب كم يوم بنقعد
احمد وهو يفكر: على حسب الجمال اللي بشوفه اذا حلوه اسبوع اذا وسط ثلاث ايام واذا لا برجع ثاني يوم
: وش تقول؟!!!
احمد: هاه ما اقول شي مع السلامه وقام
: تعال يارجال قهوتك
احمد: في المغرب سلام
وراح ولا شفت الا غباره:هههههههههه والله انك حبيب
خذيت الجوال واتصلت بغزلان: هلا والله
غزلان: كليت
:امممممممم بصراحه لا
غزلان: امانه قوم اكل لك شي
: عندنا حريم ولا تبغيني اروح للصاله وويشوفوني البنات ترى مالي دخل لو وحده اخطبتني من امي
اسكتت غزلان شكل مزحتي هذي ثقيله: تكفى يله قوم
:خلاص بنتظر للعشاء
غزلان: لا بجيك اللحين وبعطيك عشاء
: لا يكون خذيتي على شوفتي انا قلت لك انتي عرضي ولا ارضى عليك يشوفك واحد غريب مثلي واليوم ماقلت لك شي عشان بنت اخوك معاك ولا ني تفاجاءت وعشان ما اكسر بخاطرك انا ماقد طلبت شوفتك مثل كل الشباب لاني ما ابغى اشوفك رخيصه انتي غاليه بعيني وبتمين غاليه
سكتت غزلان ولا صرت اسمع الا صوت شهقاتها معناها اني جرحتها هذا انا دايم اجرحها لكن لمصلحتها والله
: خلاص ياغزلان عشاني خلاص
غزلان بين دموعها:اسفه
: لاتتاسفين انا ابغاك تعرفين قيمة نفسك
غزلان سكتت شوي: اشتقت لك وحبيت اشوفك فيها شي
: ايه فيها شوفيني من بعيد مهو كفايه كل يوم قبل تروحين للكليه لازم تتصبحين بخشتي
غزلان: من بعيد وبعدين انت ما تلتفت لي عشان اشوفك كويس
: واذا شفتيني بترسميني من زيني يعني
غزلان: عاجبني واحبك كيفي
احبك تصريح خطير من غزلان عمرها ما قالت لي احبك تقول اغليك ومحبتك وغلاتك لكن ماقد قالتها: وش تحبين فيني امانه كل مره اجرحك وازعلك
غزلان:يكفي انك ماتخدعني
: طيب قومي غسلي وجهك وارجعي كلميني
غزلان: طيب دقايق ورجعت : هلا
: انا قلت غسلي وجهك ماقلت تروشي
غزلان:ههههههههههههه
:فديت هالضحكه
غزلان: شكرا
: زعلانه مني
غزلان: لالكن عندي شرط عشان ارضى رضا تام
: وش هو
غزلان: برسل لك السواق بوجبه من كنتاكي خبري فيك تحبه
: لا وربي اقدر اقوم واجيب لي وجبه لي ولك بعد
غزلان: ادري بس هذا شرطي وش قلت
: طيب بس اخر مره ترى
غزلان: طيب
شكرتها وقفلت منها على اني قبل انام بتصل فيها شكلها بتقلب الدنيا علي اذا عرفت اني بسافر للمغرب مقدر ارد احمد على اني ضد افكاره الشيطانيه الا انه صديق طفوله ولا اقدر ارده
وصل سواقها واخذ منه الوجبه وكانت لاصقه عليه ورقه بالعافيه يابعد الناس
مدري ليه احس الوجبه هذي احلى وجبة كليتها من كنتاكي يمكن لان انفاس غزلان فيها مدري...
ارسلت لها (( وربي احلى وجبه كليتها بحياتي مشكوره))
وارسلت لي((صحه على قلبك ياقلبي وربي فرحتني اهم شي تاكل لانك نحفان))
مارديت عليها لانها تخجلني بحنانها علي وطيبة قلبها وحبها لي
دخلت علي شغالة بدريه تقول ان امي تناديني غريبه امي مرسله شغاله علي احيان احس امي زوجتي من كثر ماتخاف علي من البنات عشان كذا قررت اقولها اني بروح انا وخويي للكويت عشان لو درت اني بروح المغرب والله ماتخليني اتعدى السعوديه
رحت لامي بصاله: خير يمه امري
امي:خالك عازم نفسه على العشاء عندنا ويبغاك تقعد بالبيت
: لا مراح مشغول
امي: امي بالعمره مع طلال
: وهالمره من متفقه ضده عشان تاخذ حبيبته منه
قامت بدريه وراحت داخل ضربت جبهتي : خلاص يمه لاتعورين قلبي انا بروح للاستراحه لاحد مايروحون
امي: لا ماراح تروح وخالك ملزم يبغى يشوفك
:طيب بقعد دامني متاكد انك ماراح تكذبين وان عجــوز..اقصد امك في العمره
ورحت لغرفتي ونمت لحد ما صحتني امي وتقول ان خالي عندنا بدلت وطلعت له
سلمت عليه وعلى ساره اللي كل مره تجينا فينا ماتنزل عينها من علي احيانا احس بالاحراج منها والاحيان الثانيه انقهر من جراءتها
ساره: وشخبارك ياسر والله وحشتنا
خالي: تعال معي ابغاك رحت مع خالي للمجلس
: خير ياخالي والله خوفتني
خالي: ماتفكر في العرس يا ياسر
:لا والله ليش هالسؤال لانقول ان امي قالت لك تبغى تزوجني ترى توي ماصار عمري 25
خالي: وبكرى بتروح المدرسه هيــــــــه اللي بعمرك عندهم عيال
: طيب وش مطلوب مني زواج مالي خاطر فيه
خالي: اخطب لبنتك ولا تخطب لولدك وانا ابغاك تاخذ بنتي بنت خالك وعارف اخلاقها كويس
هاه لا الا ساره انا اكثر واحد يعرف ساره ويعرف الشر اللي بقلبها حتى لما رسبت في اولى ثانوي وبدريه نحجت شقت شهادة بدريه عشان ماتفرح وهي حزينه وقتها اشتريت لبدريه قطوة بيضاء شعرها كثيف وبعد ثلاث ايام مالقيناها وعرفنا من الشغاله ان ساره رمتها بالشارع عشان انا خذيت لبدريه هديه وهي لا لكن بدريه هي اللي نجحت حتى لو كانت راسبه كنت بجيب لها القطوه هذي بدريه مهي أي وحده.
خالي: هيه يالحبيب وين رحت
:هاه؟!!
خالي: وش قلت نتوكل على الله
........

رجل عشق من النساء واحدة وعشقنه النساء جميعاً...؟!!

ندى تدى likes this.


التعديل الأخير تم بواسطة فيتامين سي ; 11-10-13 الساعة 02:18 AM
~sẳrẳh غير متواجد حالياً   رد مع اقتباس
قديم 20-04-08, 07:35 PM   #2

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

لجزء الثاني..
ماحبيت اكسر خاطر خالي ولا اقوله لا خالي راعي مواقف معي ماراح انساها يكفي هو وعمي سالم اللي توسطو لي ووظفوني لما كنت ادرس بالجامعه فضطريت اوافق: ماراح الاقي عم احسن منك وحبيته على خشمه
مرت 3 ايام واليوم ملكتي ع ساره وكانت الساعه 5 العصر و53 دقيقه سالني الشيخ ترضى بساره زوجة لك ورضيت وسال ساره وبنفس اجابتي ردت خالي:مبروك
:الله يبارك فيك
عمي سالم حضني:الله يهنيك ياولدي
:الله يسلمك
عمي محمد:كان ودي انك ماتطلع بنات عمامك 5
:نصيب ياعمي
عمي محمد:منك المال ومنها العيال
:الله يخليك
والساعه 8 حفلة الخطوبه وكانت في بيت خالي رفضت اني ادخل وكم هائل من البنات بيكونون موجودين وغير كذا عجوز النار موجوده فوافق خالي وامي لانهم عارفين اني مستحيل ادخل فكان بيت خالي مقلط حريم طلبت اني اشوفها فيها دخلت وكنت ساره جميله بمعنى الكلمه متالقه في يومها من جد عجبتني اول ماشافتني نزلت راسها جلست بجنبها وانصرف الكل مسكت ايدها وهي منزله راسها:مبرووك
ساره بهمس:الله يبارك فيك
:ناظريني
ساره رفعت راسها وناظرتني ثواني ونزلت راسها:لا طولي وانتي تناظريني
ساره:..........
:شكلي خوفتك عشان كذا نزلتي راسك
ساره بسرعه:لا بلعكس ورجع الخجل يرسم على محياها
:تدرين انك اليوم جميله
ساره بثقة وغرور:بس اليوم
:هههههههههه طماعه عاد اليوم هو اللي قدرت اناظرك زين عشانك زوجتي وحلالي لكن اول بنت خالي ومقدر اناظرك بنظرات ثانيه
ساره وهي تحضن ايدها بيدي:ماني مصدقه
بست ايدها وقلت لها بهمس:خلاص انا صرت لك
ساره:يابختي
:يابختنا كلنا
طق الباب خالي ودخل ودخلت زوجته وخالات ساره وبنات خالاتها والغاليه بدريه دخلت اااه يابدريه حتى وانا متزوج حبك هو اللي مالكني من الساس لراس ياليتك بدل ساره والله لاكون اسعد انسان بالكون
بدريه وهي تمد ايدها:مبروك
عيوني تعلقت بعيونها الزجاجيه:الله يبارك فيك
وسلمت ع ساره اللي مابغت تسلم عليها مدت لي امي الشبكه ولبستها اياها وعيون بدريه الحزينه تناظرني رغم اني احس ان نايف هو المتربع في عرش قلبها الا اني احس ان سبب حزنها هو زواجي ربما تعددت الاسباب خوف من اني اتغير عليها او اكرها او زوجتي تذيها لكن ماعاشت اللي تجرحك بكلمه ومجنونك ياسر ع الارض يمشي استاذنت وقبل تطلع ناديتها رغم دهشة الموجودين:وين بتروحين
بدريه:نايف ينتظرني برى
ناظرتني ساره بعتب وقلت لها:خلاص حبيبتي شكلهم يبغون يجلسون معك
وقفت وناظرتهم:ماينشبع من الجلسه مع سارونتي بس شسوي كلها كم يوم وبتصرين لي انا بس الله يصبرني
وصلت للباب وتعليقات بنات خالاتها اللي مانتظرن لين اطلع من الغرفه اسمعها
((يابخت ساره فيه)) ((ياحلاته يجنن)) ((ياااااي رومانسي))
طلعت وتوجهت للبيت وكانت الساعه 10 خذيت الجوال وكان فيه مسج من غزلان


انت عمري لو فقدتك مابقى لعمري وجود
وين اروح بكل حبي وانت لأوطانه امان
مالحبك ياعيوني في طرف عيني جحود
لونسيتك مابقالي وسط هالعالم مكان
لوبرق شوقك ينادي
جاوبه شوقي رعود
انت كل الناس عندي يابعد كل الزمان


رميت الجوال ع جنب مستحيل ارد عليها مقدر اقولها انك ملكت ع بنت خالي
عارف اني بجرحها حتى لواني ماوعدتها بشي ولو ان طلبها ان تكون زميله او صديقه لكن غزلان دخلت قلبي وانا من الناس اللي ما حب اذي شخص دخل قلبي وانا عارف مكانتي عندها عارف اني اناني لكن انا ماخترت الزواج بإرادتي
اليوم الثاني صحيت الساعه 8 نزلت تحت وكانت امي صاحيه صبحت عليها فطرت ورحت للدوام واستاذنت وطلعت من الدوام لاني معزوم عند بيت عمي سالم ع الغداء
تغديت وبعد الغداء بعد ماراحو الرجال
عمي سالم:اسمع وانا ابوك ادري انك في اول حياتك ولاعندك ومصاريف زواجك كلها علي ان كانك معتبرني مثل ابوك
حبيته ع راسه:لا والله لو ان ابوي عايش ماحبيته اكثر منك لكن مثل منت عارف انا وظيفتي راتبها يكفيني وزياده وعندي اللي اتزوج حرمتين واخلي كل وحده في بيت
عمي سالم:الابو لازم يساعد ولده
:كلامك هذا اكبر مساعده بسته ع راسه وان احتجت وانا عارف اني ماراح احتاج بجيك ولاراح اروح لاغلى منك
دخلت علينا الدانه بنت عمي عمرها تقريباً9 سنوات وهي تصارخ :بابا الجوهره تعبانه مررره
قام عمي وانا احترت مدري شسوي اروح واره والا اجلس طلعت وقفت عند باب البيت وانا ماني عارف وش اسوي ....طلع عمي وهو شايل الجوهره لكن فاقده الوعي وهو مغطيها بعبايتها
عمي:ياسر اجلس في البيت لين ارجع
:خلني اروح معك
عمي ركبها في السياره:لا بس اجلس عند اخوانك
جلست بالمجلس والدانه وسعود ولد عمي الصغير عمره 3 سنوات امهم توفت لما ولدت سعود يعني تيتم وهو صغير لكن امر الله سعود جلس بحجري ونام اما الدانه فموّته نفسها بكاء مسحت ع شعرها:خلاص لاتبكين
الدانه:بس الجوهره بتموت
:لا هي تعبانه وبترجع لكم انشالله
الدانه:لا هي تقول انا ابي اموت
:ليش؟؟!!
الدانه وهي تمسح دموعها بيدها الصغيره:امس كانت تبكي وقلت لها ليش تبكين قالت انا ابي اموت
:يعني ماجيتو خطوبتي
الدانه:لا هي كانت تعبانه وتبكي
ناظرتها بحزن الدانه تحب الجوهره حب اخت وام وصديقه..؟!!
عندها اخت اكبر من الجوهره لكنها عايشه مع زوجها بالشرقيه لكن الجوهره هي اللي متحمله مسؤليتهم من جد يكسرون الخاطر ما اذكر بالضبط متى شفت الجوهره لكن تقريباً من 11 سنه او اكثر كانت صغيره وتلعب في الشارع لاني كبرت وجدتي اللي كنت ازورها توفت فصارت زياراتي لاعمامي بمجلس الرجال بس قطع علي حبل افكاري اتصال من عمي:هلا عمي وشلون الجوهره
عمي:لا الحمد الله بخير
:وش فيها ياعمي
عمي:سوّ لها غسيل معده لانها كلت جرعه زياده من مخدر الالام
:ولييييش
عمي:تقول تعبانه وماحست الا لما كلت العلبه كلها
مادخل بالي اللي قالته:واللحين كيفها طيبه
عمي:الحمد الله اللحين انا وهي جايين
:ليش؟!! المستشفى احسن لها
عمي:الدكتور يقول ماله لزمه
:الله يشفيها
عمي سالم:الله يسلمك
قفلت منه والدانه واقفه عند راسي:هاه الجوهره جايه
:ايه اللحين جايه
باستني بقووه بخدي:شكراً
:اشكري ربي
الدانه رفعت يدها الصغيره وصارت تشكر ربي
دخل عمي واستاذنت وطلعت من البيت وتحدد الزواج 4 ايام عيد الفطر وسافرت للمغرب ورجعت اما غزلان فماصرت ارد عليها عارف اني بجرحها رغم اني ما وعدتها بشي وبعد مرور 3 شهور وانا مقاطع غزلان اشوفها الصباح واقفه سيارتها وانا امشي بسيارتي بدون ما اناظر صوبها جاني مسج من غزلان الساعه 11 ونص باليل
(( مبروك ياقلبي عرفت انك ملكت على بنت خالك .... عشان كذا مقاطعني افا عليك اذا صرت مبسوط كني انا مبسوطه مستحيل ازعل عليك يكفيني وجودك في حياتي حتى لو كنت في هامش حياتك))
دايم يحرجني طيبة قلبها رفعت الجوال اتصلت عليها
: هلا غزالي
غزلان: غزالك وتخليها بروحها
: اسف والله ماعندي رد غير اني ما ابغى اجرحك
غزلان: لا عادي بس اشتقت لك موت..... وبكت
: خلاص والله ما اتحمل دموعك خلاص وغلاتي خلاص
غزلان: خلاص هاه مسحت دموعي
: طيب بحكي لك السالفه من اولها لاخرها عشان تعذريني
غزلان: مسموح حتى لوماشرحت اعذارك
حكيت لها من جية خالي لي وطلبه لي اني اتزوج بنته اللي محد خطبها واني ماكان ودي اخبرك واجرحك ولا كان ودي اخبي عليك واخدعك فقررت اني اتركك ولا اذيك
غزلان:بتقطعني اذا تزوجت صح
: مستحيل ياغزلان لو انها بدريه يمكن وسكتت
غزلان:كمل انا مستحيل اقارن نفسي ببدريه
:انتي بنت حلوه واخلاقك احلى غريبه ماتزوجتي للحين
غزلان: اخلاقي؟!!!! هذا انا اكلمك من ورى اهلي
: الحب مهو عيب وبدريه كانت تحبني وهذي هي تزوجت وتحب زوجها اكثر مني الف مره وهي اللي كانت تعشق ترابي
غزلان: انا مقدر اتخيل نفسي مع غيرك حتى لو جلست عمري كله وبدريه حبك لها كان مغطي على عيوبها انت كنت تحبها عشان كذا كنت متصورها تحبك
: لا هي كانت تحبني فعلاً
غزلان: ماكان قدامها الا انت وعشان كذا حبتك
: غيري الموضوع الله يخليك
غزلان :من عيوني مارح اسالك وش سويت في المغرب لاني واثقه من اخلاقك
: احمد خرب الدنيا ههههههههههه والله اسحبه للفندق سحب ما يقدر يركز من كثر ما يشرب جلست 3 ايام ورجعنا لاني خفت عليه
غزلان: طول عمرك حنون
: لو انا حنون ما بكيك كل شوي
غزلان:لاقصدك مصلحتي مهو قصدك جرحي
: غزلان والله وانا احس بالذنب لو انا صادك من البدايه ماكان تعلقتي فيني بهالشكل وحتى زواج ماتزوجتي
غزلان: محد تقدم لي لو اتقدم احد لي ذيك الساعه عاتبني ليش انا احبك
:هاه
غزلان :.............
: لا يحكي لسانك عبارات قلبك
غزلان:....................
: طيب وش فيني زود عن الرجال بالله
غزلان: انت كلك على بعضك زود
: شكرا من جد تحرجيني
غزلان بنبرة خوف: اوعدني ماتتخلى عني اذا تزوجت
: وربي ماتخلى عنك
غزلان: ما ابغى منك الا صوتك بس
:تامرين امر تراك منتي رخيصه عندي
غزلان: لكن تقدر على فرقاي
:....................
غزلان:ارسلك مطنشني اترجاك ولا ترد على مكالماتي والله ماتعرف كيف الشهور اللي راحت مرت علي حتى الحبوب المنومه صرت استخدمها عشان ما افكر فيك الا لما شفت واحد من عيال حارتكم وسالته عنك قال انه قبل كم شهر خطوبته على بنت خاله ارسلت والحمد الله يارب انك اتصلت فيني
:.........................
غزلان: مسامحتك بس تكفى ما ابغاك تتركني فجاءه يجن جنوني
: تامرين امر ياغاليه
غزلان: انا غاليه قول والله
: والله
غزلان:.......................
: غزلان....... غزلان.......... غزلااااااااااان............. بديت احاتي غزلااااااان
غزلان: مغمى علي ماني مصدقه
:هههههههههههه يامجنونه
غزلان: مجنونتك
: اقولك شي بفرحك
غزلان: ياليت والله
: ساره تجيني انتظار ومطنشها عشانك
غزلان بخوف: لا تكفى عشاني كلمها وانا بعدين يكفيني معك لو خمس دقايق كل يوم
: لا خليها تولي
غزلان: عشاني رد عليها وانا معك طول عمري بتشبع مني
:لا خلاص انا قلت عشان افرحك مهو عشان تخليني ارد عليها
غزلان: اكيد بزعل اذا صارت لك مشاكل من وراي رد عشاني
: تسلم لي طيبة قلبك
غزلان: مع السلامه
: مع السلامه
رديت على ساره: خير
ساره: من كنت تكلم كل هالوقت
: اكلم اللي اكلم لايكون مفكره نفسك ولية امري
ساره بصوت باكي: كنت تكلم بدريه ادري عارفه انك ماتحبني وعمرك ماحبيتني
:بدريه اشرف من هالكلام وكنت اكلم واحد صاحبي تبغين اعطيك رقمه
ساره وهي تبكي: طيب ليش رديت علي بدون نفس
: لانك ازعجتيني 10 مكالمات في 6 دقايق تبغين شي مهم
ساره: لا
: طيب خلاص مسحي دموعك ولا يصير خاطرك الا طيب هذا انا معك
ساره: اشتقت لك
: كلها شهر وبتشبعين مني
ساره: مستحيل اشبع منك ياخوفي انت اللي تملني
: وش دعوى احد يمل من زوجته
ساره: تعال لي بكرى ماباقي على رمضان الا 10 ايام وانت ماتزورني ماكنا في ايام الخطوبه
: خلاص بكرى بجيك اومر ثانيه
ساره بصوت عالي شوي: اوامر!!!!!!!!! انا ما امر عليك اذا منت مشتاق لي لاتجيني
: تطولين صوتك علي؟
ساره:..................
: طيب سلام
ساره: لحظـــــــــــــــــــه
: خير
ساره: اسفه
:ماتكفي
ساره: ماراح اعيدها والله
: طيب بصدقك هالمره بكرى بجيك
ساره: يااااااااااااااااااااي وناسه يابعد عمري ياسر
:هههههههه كل هذا حب فيني
ساره: اموت فيك
الكل يعترف بحبه لي لكن انا رغم حبي لبدريه وامي عمري ماقلت لهم احبكم هل بيجي يوم اقول لشخص غيرهم احبك:شكرا
ساره:انا دايم اعترف لك بحبي لك وانت ولامره سمعتك تقول لي احبك
: اهم شي افعالي
ساره: حتى افعالك مثلك ماتجيني ولاتزورني الا انا اطلب منك
:دام انا كذا سلاااااااااااااام
قفلت بوجها وقفلت اجهاز الوحيده اللي تداري على خاطري غزلان والله ما استاهل غلاها غمضت عيوني ورحت بسابع نومه
صحيت اليوم الثاني 11 وكان خميس وكلعاده كل خميس الحبيبه موجوده اول ما شافتني رهوفه مدت ايديها بابا
شلتها : مرحبا والله وانا اقول وش في بيتي منور اثاريك فيه
التفت لبدريه اللي قالت: شخبارك ياسر
حبيت رهف : دامني اشوف هالحلوه بخير الا انتي شخبارك
بدريه تنهدت: الحمد الله جابت لي امي صينية الفطور حطيت رهف بحجري وصرت اوكلها معي
بدريه: خلك منها واكل انت بتتعب لو وكلتها معك ماتشبع مشالله عليها
:صحه على قولة غــ غازي
بدريه:ههههه وتتكلم سوري بعد
: امشان هالحلوه رهف
امي:ساره كلمت اليوم تشكي تقول انك لاتمرها ولتسال عنها
ناظرت بدريه اللي ناظرت الارض: انشالله بمرها اليوم
امي: ايه ياوليدي لاتفشلني مع اخوي روح تغدى عندهم
: لا معزوم على الغداء اليوم
بدريه: خليه على راحته
ناظرتها متعجب يمكنها تغار علي لكنها صدمتني لما كملت جملتها وقالت /:عشان لازم يروح لها مروق خليه يعيش ايام خطوبته
حبيت اغيضها مثل ما غاضتني:مافيه احلى من ايام الخطوبه الله يسامح اللي خلت زواجك بعد ثلاث ايام من خطوبتك
قامت بدريه وراحت داخل قالت امي: ياحبك لضيقة صدرها
: ماسمعتيها وش قالت
امي:البنت ماقالت شي تبغى مصلحتك
مديت رهف لامي وقفت: والله مصلحتي انا اعرف منها فيها ما ابغى نصايحها
امي: ماكليت شي
:شبعت خذيت جاكيتي وبوكي وجوالي ومفتاح السياره وطلعت من البيت افتريت مدري وين اروح الكل اكيد نايم مالقيت الا اللي اذا ضاقت بي الارض توسعها علي غزلان
غزلان وصوتها نايمه: هلا والله
: نايمه
غزلان: احلى صباح وربي اللي اول ماصحيت سمعت صوتك فيه
:ههههههههه كل هذا حب فيني
غزلان غيرت الموضوع: غريبه متصل فيني
تنهدت: ضايق صدري
غزلان: غريبه اليوم خميس واكيد رهوفه عندكم
: تخانقت انا وبدريه
غزلان: ليششششش؟!!!!
قلت لها السالفه ابتداء بساره اللي تعلي صوتها انتهاء بي لما طلعت من البيت
غزلان:لاتتضايق بدريه تبغى مصلحتك
:انا ماقصرت مع ساره مهو كفايه انها تكلمني بساعات لازم اروح لها يعني
غزلان سكتت شوي:مهو كفايه الصوت اكيد تبغى تحس بايام خطوبتها
: انا استحي كل يوم والثاني طاق الوجه وش بيقول خالي
غزلان: لي خاطر عندك
: وتسالين بعد اكيد لك خاطر
غزلان: اممممممم بصراحه ابغى طلب صغيرون
: تامرين ماتطلبين
غزلان: اعزم ساره على مطعم خليها وخليك تحسون بايام خطوبتكم
: ماتغارين ----> سؤال غبي
غزلان:...............
: قد سمعتي اتفهه من سؤالي او اغبى
فجائتني ضحكتة غزلان:ههههههههههههههه ..... وربي ماقد شفت بطيبتك
: شكرا من بعض ماعندك
غزلان: وش قلت على الغداء
: طيب بكلمها اللحين اقولها
غزلان:..........
: واذا وصلتها بيتها برجع اتصل فيك.....(( ابغى اطيب خاطرها محد متحملني ومتحمل اغلاطي زيها وتسامحني ولا كني سويت شي))
غزلان: شكراً
: انا اللي بشكرك صحيتك من نومك وعذبتك معي ومع ذالك متحملتني لو اسوي وش اسوي ما اطلع من جزاك
غزلان: وش دعوى مكافئتي وجودك معي
: طيب ياغاليه تامرين بشي
غزلان: سلامتك
:مع السلامه
غزلان: مع السلامه
ضربت صدري بيدي بقووووه وقلت بصوت مسموع ياليتني اشيل بدريه من هنا واتوجك ياغزلان على مشاعري آآآآآآآآآآآآآآآآآآآآآآآآآ آآآآآآآه
اتصلت في ساره: هلا ساره
ساره: هلا حياتي هلا قلبي وينك طول امس اتصل ومقفل
: شوي شوي اولا انا موجود وامس انتي تعرفين ليش قفلت الجوال
ساره: احبك ياعصبي
: طيب وش رايك نتغدى برا اليوم
ساره: ياااااااااااي وناسه بشوفك
:ههههههههه طيب انا قلت البسي عبايتك واذا بتمكيجين ابغاك تغطين عيونك
ساره: تغار علي
: زوجتي اكيد ما ابغى احد يشوفها غيري
ساره: انا متعوده اطلع بدون اغطي عيوني
: ومعي بتتعودين تغطينهم
ساره: تامر امر ياحبيبي
حبيبي يمكن لو ان بدريه هي اللي انطقتها كان فرحت فيها: طيب الساعه 2 بمرك وش رايك
ساره: لا تعال اللحين بسولف معك لحد مايجي موعد الغداء ونطلع
: اللحين بيأذن بعد الصلاة بمرك ما ابغى اشوف اللي خبرك
ساره:خلاص بقول لابوي انتظرك بالمجلس اوكي حبي
: طيب ماتبغين شي وانا جاي اخذه معي
ساره: امممممممممم ابغى اشوفك بس
:خلاص بالكثير 45 دقيقه واكون عندك
ساره: باااااااااي بروح اكشخ
:هههههههه طيب سلام
صليت ورحت لساره اتصت بها وفتحت الباب ناظرتها من جد ساره حلوه وكل يوم عن الثاني تكون احلى كانت لابسه تنوره جنز لحد الركبه وتي شرت وردي ورافعه شعرها ومكياجها خفيف لكنها طالعه حلوووه وناعمه
دارت وابتسمت ابتسامه حلوه مثلها: وش رايك
قربت لها وهمست: احلى من الحلى نفسه
ظربتني على كتفي : استحي
: ههههههههههه طيب وديني للمجلس قبل تجي العجوز
ساره حطت ايدها على خصرها: طول منت زعلان عليها معنها بدريه ببالك
: ما ابغى اجيب طاري يزعلك مني ممكن
ساره من غير نفس وراحت قدامي:طيــــــــــــــب
مر الايام بسرعه وجاء يوم زواجي صحيت من النوم على صوت امي على الباب: قوم ياسر ترى اليوم زواجك
قلت بخاطري ادري زواجي اجل تحرير فلسطين يوه كني دخلت بسياسه؟!! خل ارد على امي: سمي يمه صاحي خلاص
دخلت الحمام تروشت وطلعت لامي حبيتها على رسها: صباح الخير يالغاليه
فجاءه وبدون مقدمات امي تبكي من يوم توفى ابوي ما شفتها تبكي ما احب اشوفها تبكي: خلاص ماتبغين اتزوج والله لاروح اطلقها
امي وهي بين دموعها:فرحانه اني شفتك متزوج قبل اموت
: وش دعوى يالغاليه والله اللي يشوفك يقول انك اختي منتي امي توك شباب وشكلي بدور لك ولد الحلال
امي متعجبه : يسور وش هالكلام
: انا ادري عنك تبكين عشاني بتزوج وانتي عنستي
امي رمتيني بعلبة المناديل: قوم لابارك الله فيك
: افا تضربين معرس بيوم زواجه افا
امي: خل عنك هالكلام وديني انا وبدريه للمشغل لان زوجها رافض انها تروح للمشغل لحالها
: وباي حق يرفض
امي: مثل الحق اللي خلاك تخلي ساره تغطي عيونها
عرفت تسكتني امي : طيب يله اركبي
وصلت بدريه وامي للمشغل واخوياي اتصال ورى اتصال اللي يبارك واللي يقول رحت للحلاق تزبطت تراك معرس والخ....
رفعت الجوال واتصلت اللي ادري ان جرحها اكبر من انها تكلمني بمثل هاليوم غزلان جاني صوتها الل يدل على عذابها: هلا قلبي
: هلا والله شخبارك
غزلان:...................
: زعلانه مني
غزلان:..............
:لاتسكتين كذا ما استاهل حبك والله وربي بيعوضك با احسن مني
غزلان انهارت تبكي وصارت في حاله من كلمتها ماقد صارت لها وانا احاول قد مقدر اسكتها لكنها مو قادره توقف دموعها
: غزالتي يرضيك تكدرين بيوم زواجي
غزلان: غـــ صـــ ـــب عـــ نــــ ـــي والــ لــ ــه
: طيب عشاني مسحي دموعك والله ماتهون علي دموعك
غزلان:..........
: انا قلت لك من الاول انك ماراح يكون فيه بينا شي انا وعدتك بشي واخلفت
غزلا بصوت متقطع:لأ
: طيب ليش الدموع اللحين
غزلان: ابكي على حظي الانسان اللي لو الف العالم بيت بيت ماراح الاقي مثله صار لغيري
: حتى لو نفرض اني حبيتك مستحيل نرتبط
غزلان بصدمه: حبيتني يعني انت تكرهني
: لا مهو كذا مدري مدري خاني التعبير انتي والله العالم انك غاليه
غزلان بقوه: لكن ما اجي اظفر من اظافر بدريه
هذي المره لاولى اللي تقول فيها غزلان شي يزعلني منها انا من الاساس قايل لها انك مستحيل تملكين قلبي انا ما لي ذنب سوى في اني خليتها تكلمني لو انا صديتها من البدايه ماكان صار هذا حبها لي
غزلان:ادري ساكت تفكر ليش انا تعلقت فيك واصريت اني اصير لو حتى على هامش حياتك
:.................
غزلان: لاني فقدت الثقه في كل الرجال وانا مراهقه واهم شخص بحياتي ومثالي في الحياه وماكملت 15 سنه شفت ابوي بحضان الخادمه خادمه خادمه ياياسر انا ما اقلل من شان أي انسان لكن انا انصدمت في ابوي اللي كان عندي مثال في الدين والوفا ولقيت فيك اللي مالقيته في ابوي لقيت فيك لوفاء لشخص باعك وحب غيرك مهو زي ابوي اللي امي قضت احلى ايام شبابها بالغربه معه طلعت من المتوسط عشان يكمل تعليمه في الخارج واكتفت بالمتوسط اورضت بالعيشه مع حمواتها المتسلطات عشان حبه انا حبيتك ورفضت كل اللي تقدمو لي واذا منت مصدق روح لاي واحد من جيرانا واسالهم قول غزلان تنخطب اولا لاني ما ابغى اعيش تجربة امي لاني اذا حبيته بسامح زلاته نفس امي انت عاجبي ياياسر وحبيتك ولا فكرت نفسي لغيرك
لانك غير يا ياسر غير .......... وقفلت بوجهي
حسيت بضيق تنفس فكيت ازراري من جد الارض كلها بوسعها ضاقت فيني اه يا غزلان ضيقتي صدري فوق ضيقتي كلمني احمد صاحبي وجلست معه لحد ما اتصلت فيني امي عشان اوصلها للقاعه مر الوقت بطئ بطئ بالحيل رغم محاولات اصاحبي في التنكيت عشان اضحك مر الوقت وصرت انا وساره بالفندق ناظرتها اجمل من كل مره اشوفها جمالها اسطوري عيونها لكن ماتجي عند حلاة عيون غزلان شفايفها بيضاها كل شي فيها كان حلو جلست نص ساعه اتمئلها من جد ما حسيت بالملل وانا اناظرها حلوه يا ساره سحرتني يمكن مع الايام تملكين قلبي مدري طيارتنا الساعه 9 الصباح للبنان.....
فتحت عيوني بكسل وكانت ساره واقفه قدامي وقالت بنعومه:ياسر الساعه صارت 7 وطيارتنا 9 بسرعه قوم
قمت بكسل:وتوك تصحيني
ساره:والله من الساعه 6 وانا اصحيك
وقفت مقابلها مامنعت نفسي اني امشط شعرها المبلول بيدي:احسك احلى بدون مكياج
ساره نزلت راسها فقلت:لو بتاملك ماراح اشبع بروح اتروش وانتي جهزي اغراضك طيب ياقلبي
ساره:اوكي
تروشت وصليت ركبت سيارتي وساره معي توجهنا للمطار خلصنا جوازتنا وركبنا بالطياره اللي ماكان فيها الا قليل يمكن لانه مهو وقت اجازه ولاني متزوج بايام دراسه وساره بجنب النافذه مدري ليه البنات يحبون النافذه بالطياره وحتى بالسياره
ساره وهي تحضن يدي وتحط راسها ع كتفي:ياسر قول والله انك لي انا بس
:انا لك
ساره:حتى قلبك
:كلي حلالك
ساره ابتسمت ابتسامه مثلها حلووه:اخيراً تحقق حلمي
:يعني كنتي تحبيني قبل اتزوجك
ساره:مررره
:ساره اذا تبغين قلبي ما ابغاك تعانديني ولا ابغى أي انسان يعرف بمشاكلنا اذا لاسمح الله صار بينا مشاكل
ساره:لا حياتك كلها معي بتصير افراح
:والمهم لا اقصد الاهم امي خليها بعيونك تراك تعرفين غلاتها عندي
ساره:عمتي بعيوني لا تحاتي
:وانا وين مكاني
ساره:بقلبي
:ههههههههه ياحبي لك
مر الوقت ولما قربت الطياره تنزل ساره:ياسر بقولك شي
:قولي
ساره:عادي انزل عبايتي
ناظرتها بتعجب: وليش؟!!!
ساره:كل اللي هناك بدون عبايات
:لا
ساره:تكفى ياسر
:قلت لا يعني لا
ساره والدمعه بعيونها:ترضى اني اتمشى معك هناك وانا مغطيه وجهي
:شيلي غطاك بس العبايه والشيله لا
ساره معقده وحاجبها:طيب
:خلاص ياعيوني فليها ماحبك معصبه
ساره:يابعد عمري ماكسرت بخاطري
نزلنا من الطياره وركبنا بتاكسي ورحنا للشقق مفروشه واجرت لنا شقه لمده اسبوع
:غناتي انا بروح ااجر سياره وراجع
ساره:لاتتاخر
:انشالله
ساره:ياسر
:همممم
ساره بدلع:بشتاق لك
:طيب لاتدوخيني قدام الناس
ساره ضحكت بدلع:هههههههه طيب لاتتاخر علي
:هوى وانا راجع
رحت لمكتب تاجير سيارات واجرت سياره ورجعت للشقه فتحت الباب لقيت ساره نايمه بشكل برئ وكانت لابسه فستان اصفر وفيه ورود جوريه حمراء كبيره ومنثوره بشكل حلوو وكان الفستان حرير وقصير وخصل شعرها ع سرير منتشره جلست اتاملها نايمه وعيونها مفتوحه فتحه بسيطه دليل انها مرهقه لاني نمت وقلت لها صحيني عشان ماتروح علينا الطياره بدلت ورميت نفسي بكسل ع السرير صحت ساره مفزوعه مسحت ع شعرها:حبيبك ياسر
ابتسمت بتعب ورجعت تنام وحتى انا رحت بسابع نوووومه صحيت العصر وماكانت ساره جنبي بدلت وصليت وطلعت اشوف وينها كانت بصاله جالسه وحاضنه رجولها وحاطه ذقنها ع ركبتها وتناظر التلفزيون وشكلها مندمجه
جلست بجنبها ولاحست فيني همست بإذنها :ياهوووووه انا موجود
ساره:يممممه
:بسم الله عليك خرعتك
حطت راسها ع صدري:اشتقت لك
مسحت ع شعرها:واضح هذي اللي بتنتظرني لين اجر لنا سياره وارجع لها رجعت لقيتها بسابع نومه
ساره ابتسمت بخجل:اول ماحطيت راسي ع المخده نمت وانت تاخرت بعدين ترا انا كلمت امي من جوالك لان جوالي مهو تجوال
:حلالك كن كلمتي امي
ساره:بصراحه لأ انتظرتك انت تكلمها
:طيب روحي جيبي جوالي
ساره عطتني جوالي اتصلت في امي وقامت توصيني ع نفسي كني ابو 10 سنوات خليت ساره تكلمها
ساره وهي تمد لي الجوال:تبغى تكلمك
:هلا يالغاليه
امي:تراي في بيتنا وطلال ولد خالك عندي
:ليه يمه عسى ماشر
امي:لا بدريه جتني الظهر في بيت امي وقالت انها تبي ترتاح عندنا كم يوم وتعرف امي ماتحب الحرمه تزعل ع زوجها حتى لو هو مخطي عليها
قلت متجاهل الزوجه اللي جالسه تسمع كل كلمه اقولها:زوجتها وحرمتني اياها وتنكرت لها تكفين يمه انتبهي لبدريه
امي:ياسر ساره عندك؟!!!
ناظرت ساره اللي معقده حواجبها وعيونها تحكي جرحها
:لا يمه داخل
امي:لاتقول هالكلام قدامها ترا اللحين صار عندك حرمه ماتحب احد يشاركها قلب زوجها انتبه لها يمه ترى هي صغيره
:طيب ابشري
امي:مع السلامه وانتبه لنفسك
:انشالله مع السلامه اول ماقفلت وقفت ساره وهي تبكي وبصوت عالي قالت:كان تزوجتها احسن اكرهك يابدريه حسبي الله عليك
:سااااااااااااااااره
ساره راحت لغرفتها وانا طلعت من الشقه متضايق ادري اني غلطت بحق ساره وبحق نفسي لما سمحت لنفسي اتزوج وانا ماراح احب الا بدريه اهم شي من وجه نظري ان اساس العلاقه الزوجيه الاحترام لكن انا ما احترمت وجود ساره معرفت وش اسوي ركبت سيارتي وصرت امشي بسياره من غير هدف رن جوالي وكان رقم الشقه:هلا ساره
ساره:وينك
:قريب
ساره:فطرت
:لأ
ساره:تعال انا مسويه لك الفطور
حتى وانا غلطان بحقك تسامحيني:لا مالي نفس
ساره:ياسر بلادلع تعال
:طيب
ساره:انتظرك
:طيب
ساره:احبك
:.............. يابعد عمري
ساره:لاتتاخر
:هوى وانا عندك
قفلت منها مبتسم غلطت بحقها وهي اللي راضتني وتحاتيني بعد رجعت لها وركبت الاصنصير وكانت معي وحده لبنانيه صغيره عمرها يمكن 15 سنه:انت شو اسمك
:محسوبك ياسر
البنت:سوري
:لا سعودي
البنت:انا غاده
:يا اهلا وسهلا
غاده:انا من لبنان
:ياهلا والله استاذن وصلت للدور 3 فيه شقتي
غاده وهي تطلع من الاصنصير:وانا هون فيه شقه رقم 4
:وانا في 2
غاده:عريس جديد
:ايه وزوجتي هون
غاده:ياااااااااي نيالها
:هههههههه بلعكس مقروده
غاده:شو؟!!
:سلامتك بس شرفونا نحنا بنجلس هون اسبوع
غاده:لا مابيصير انتو عرسان جدد
:فديت الذوق واهل الذوق
غاده وهي تمد ايدها:الله يهنيكم
:تسلمين
دخلت شقتي واول مافتحت الباب جتني ساره فرحانه وقفت قبالي:يا شينك لازعلت
:وياشينك لا عليتي صوتك ع حبيبك
ساره وهي تعطيني ظهرها:وياشينك لا حبيت وحده غيري
حضنتها وحطيت راسي ع كتفها:ويا حلاتك بالبجامه الورديه
مرت الاسبوعين من احلى الاسابيع ورجعت رغم محاولات ساره ان حنا نبقى اكثر ما عجبني في ساره انانيتها لكن انا رجعت حتى امي حاولت فيني اني اجلس واصرت بعد اني اكمل الشهر لكن انا رفضت ماعجبني اصرار امي قلت يمكن ساره كلمتها بعدين قلت لا انا قايل لها لو دخلتي احد بمشاكلنا مالك قعده معي ..... يمكن امي تبغاني انبسط لكن انا احاتيها لو انا ماخذها معي كان احسن لكن امي ميه% مارح ترضى
مرت 5 شهور من احسن ماتكون حياتي مع ساره ما اقول اني حبيتها لكن احترمها وانا اعتبر هذا اساس نجاح الزواج كان لي صاحب من جيران غزلان وسالته بطريق غير مباشر عن اهل غزلان وقال ان هالبيت مافيه الا 4 بنات كلهم متزوجات الا وحده تدرس بالكليه قلت له وش عرفك قال امي خطبتها لي وهي رفضت تقول انها مالها خاطر في الزواج وتبغى تهتم في امها كبيره في السن
حسيت بتانيب الظمير رغم وجود ساره بحياتي ومحاولاتها انها تنسيني بدريه الا ان غزلان هي اللي احتلت تفكيري و كم من مره احاول اتصل فيها لكنها ماترد اضطريت في عيد الاضحى ارسل لها هديه كناري مثل عادتنا لكن هي ما ارسلت لي شي ولا حتى اشكرتني مااحب اتصل كثير لاني خايف يكون الجوال بيد احد غيرها واسبب لها مشاكل هي معي غاليه وراحت عني اغلى
دخلت البيت راجع من الدوام قامت امي وحضنتني: مبروك يمه الف مبروك
:على وش يمه
امي: ساره حامل من 3 شهور
ببرود:مبروك عليك انتي اذا بنت بسميها منيره عليك
ساره من ورى امي: يوه يا ياسر منيره اسم قديم ابغى اسميها شهد
: اللي اقوله انا بيمشي
ساره: اوووووووف وش هالحاله وراحت فوق
ناظرت امي اللي قالت:خلها ع راحتها يمه
قلت بعصبيه وقلت وانا رايح: والله لاتندم وناديت بصوت عالي ســــــــــــــــــــــــ ـاااااااااااااره يازفـــــــــــــــــــت
.......................


~sẳrẳh غير متواجد حالياً   رد مع اقتباس
قديم 22-04-08, 06:23 AM   #3

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

الجزء الثالث
امي مسكتني من ايدي: تحملها ياوليدي كل الحوامل مثلها وهي اللحين من الوحام
: والله لادبها واخيلها تعرف ان امري هو الماشي على الكل ومنيره اسم البنت
امي: وان جاء ولد يا ياسر صل على النبي وساره بنتي
رحت من امي وانا ادعي ان اللي في بطن ساره بنت عشان اثبت لها ان كلامي اللي بيمشي دخلت الغرفه وكانت ساره تبكي
: عاجبك اللي قلتيه
ساره ناظرتني وهي تبكي: هذا بدل ماتقول مبروك او أي كلمه حلوه تهاوشني؟!!
:هذي امي وماحب احد يزعلها
ساره: وانا بس قلت منيره اسم قديم اسفه حبيبي ما ابغى ازعلك
كسرت خاطري:.........
ساره وهي منزله راسها:خلاص حبيبي لاتزعل
قربت منها وحطيت جبهتي على جبهتها وهمست:مبروك ياعمري
نقزت من مكانها وحضنتني: مبروك علينا اثنينا
:ههههههههههه وربي احيانا احس اني تزوجت طفله
ساره:زعلان مني
:طبعاً واكيد لا
ساره:يابعد عمري اممممم ياسر
:ياعيونه
ساره:بدريه تحت
ماقدرت اخفي لهفتي وشوقي:صدددق؟ّ!!
ساره:وليه فرحان كذا
:مشتاق لرهف
ساره:رهف ولا امها
:خلي عنك الغيره اللحين انا لك
نزلنا تحت وكانت بدريه جالسه ااااااااااااه وش قد انا مشتاق لها اول ماشافتني رهوفه جتني تركض شلتها صافحت بدريه:شلونك
بدريه:الحمد الله بخير
ساره بخبث:باركي لنا انا حامل
ناظرت عيون بدريه الحزينه:صحيح؟!!
الا بدريه اموت ولا اشوفها حزينه:انشالله تكون بنت وتشابهك
بدريه:مبروك
:الله يبارك فيك
ساره:لا انشالله تشابهني انا والا ابوها
ناظرت ساره معقد حواجبي الف مره قلت لها لاتجرحين بدريه:ساره جيبي لي مويه
ساره تأشر ع عيونها:انشالله حبيبي
بدريه نزلت راسها احس بالاحساس اللي تحسينه يالغاليه يمكن احساسي يخوني لكن انا عارف انك تمنيتي في يوم انك انتي ساره ومثل ماتمنيت ان اللي قالت حبيبي هي انتي قطع علي سرحاني صوت رهوفه:عمو ياسر
:رهوفه حبيبتي
رحت للمطبخ لساره وهمست لها:ساره اذا لي خاطر لاتجرحين بدريه ترى مالها الا الله ثم احنا
ساره:وليش ماتجلس في بيت زوجها
:لو انه زين اجلست هي جايه ترتاح اليوم بس خليها في حالها عشان خاطري
ساره:تدافع عنها
:عشاني لاتقولين لها شي
ساره:بشرط
:امري
ساره:تروح وتجلس مع اصحابك ولا تجي الا متاخر
:انشالله
ساره وهي تفكر:لكن بشتاق لك
:هههههه هاه غيرتي رايك
ساره:لا ماغيرت راي اتحمل بعدك ولا انقهر وانا اشوفك تناظرها
:طيب مع السلامه باخذ رهوفه معي
ساره بغيره:لا عطني اياها اوصلها لامها عشان ماتعبك
طلعت و اتصلت با احمد وطبعاً نقعني ربع ساعه انتظار
احمد:هلا
:انتظار انتظار انتظاااااااار الى متى وجوالك انتظار
احمد:الحريم يحبون الهذره وانا اسمع
:اللي يحب الهذره اللي جالس يسمع
احمد:يا اخي من اداب الكلام انك تسمع الطرف الثاني لين يخلص كلامه
:طيب يا فيلسوف زمانك انا عند الباب اطلع لي فتره واقف
احمد:طيب سلام
وانا واقف بالسياره دخلت بنت بيت احمد ماميزت ملامحها لكن اتوقع انها بنت اخته اذكرها لما كانت صغيره طلع احمد وشفته يتكلم معها لما ركب احمد:سلااااااام
:عليكم السلام مين اللي قاعد تسلم عليها
احمد:مهووي بنت اختي
:مهااا؟!! يا اخي اذكرها يوم كانت تلعب بالشارع بزر مداها تكبر
احمد:شيبنا صرنا نشوف الصغار كبار
:والله انا متزوج ولي العهد في الطريق
احمد بصدمه:صددددق
:ايه ابشرك
احمد بفرحه:الله يتمم عليك
منت ناوي تتزوج
احمد:لا اعوووذ بالله
:والله مدري وين بوصلك طريق الحرام اللي ماشي فيه
احمد:واللي يرحم والدينك ما ابغى نصايح
: طيب ماسالتني وش ابغى فيك هالوقت
احمد:ايه والله غريبه العاده مانشوفك الخميس
تنهدت:......
احمد:ام رهف
:ايه وفيه غيرها
احمد:ياخي متى بتنساها اللحين متزوج وانشالله قريب بتصير ابو
:اكبر غلطة سويتها اني تزوجت وبدريه في قلبي
احمد:ليشش؟؟!! منت مرتاح بزواجك؟!!
:بلعكس والله ان زوجتي تحاول ترضيني باللي تقدر عليه لكن انا ماعندي الا قلب واحد ولاني قادر احب غيرها
احمد:خلني اعرفك ع وحده تخليك تنسى ام رهف واللي خلفوها
:انا ما ادور ع متعة لحظات ولا سعاده وهميه ولاني من هالنوع
احمد:ياخي ماعرفت لك البنت تزوجت وراحت في نصيبها وانت للحين عايش في رجاء انها ترجع لك
:وبعيش عمري كله انتظرها
احمد:عشق بدوي لاعشق مهوب كذاب>>>قالها خالد عبد الرحمن
:وانا احسن من يمثل هذي العباره
احمد:مادح نفسه....
مرت الايام وغزلان مقاطعتني وانا مشتاق لها ماتوقعت ان غيبتها بتاثر فيني هالقد
احياناً او قف بسيارتي بعيد عن باب بيتها واشوفها وهي تركب السياره والحقها لحد ماتوصل للكليه عشان اتطمن عليها من جد لك وحشه تخوف ياغزلان
امي وساره سمن على عسل احيانا احس ان ساره تحب امي اكثر مني وطبعاً ما صرت اجلس بالبيت يوم الخميس لاني ساره تقلب الدنيا على راسي اكيد صاحي بدري عشانها واكيد تحب رهف ليش انها بنتها ............... والخ صرت اسلم عليها والعب مع رهوفه شوي واطلع من البيت ولا ارجع الا العشاء اجلس مع امي شوي واتعشى وانام
يوم عن يوم وكرشت ساره تكبر ويوم عن يوم انتظر اللي في بطنها بفارغ الصبر اتمنى اللي في بطنها ولد ويصير لي اخو وبنفس الوقت تمنيتها بنت لاني ماعندي خوات وعشان امي تتمنى يكون عندها بنت ولا راح تلقى احسن من بنت ولدها
وفي يوم وانا راجع للبيت كانت بدريه حاطه راسها على صدر امي وتبكي وشغالتنا اللي امي رضت استقدمها بعد ماتزوجت شايله بنتها
: خيييييييير بدريه وش فيه
امي: زوجها حسبي الله عليه
تصنعت الهدوء : ليش
امي: شارب السم وفاقد وعيه ضربها جعل يده الكسر
ناظرتني بدريه وبوجها كدمه : انا الغلطانه
اول ما شفت وجها ماعرفت وش اقول غير اني جلست على ركبتي وهي على الكنبه
وناظرتها بحزن: وش سوى غير اللي بوجهك الحقييييييييييييييييييييي يير
بدريه بقلة حيله: كل مكان بجسمي فيه مثل هذي
قمت مثل المجنون وانا اتكلم بجملتين: بوريه الحقير وبيندم
ساره وهي تمسكني من ايدي:تكفى ياسر مالك دخل فيها
بدريه:ياسر والله انا الغلطانه
االتفت لها وبقهر الدنيا قلت:وخايفه عليه وهو مسوي فيك كل هذا
بدريه وهي تبكي:انا خايفه عليك منه
ضحكت باستخفاف وقهر:لا تخافين
ركبت سيارتي متوجه لبيته وانا امشي بسرعه اعرف متهور لكن انا مقهور مقهور بموت من القهر بعد وقفت عند باب بيته ظربت الجرس مره ومرتين وثلاث وطلع لي يترنح انهلت عليه ركل وضرب وبكل ضربه احس بردت قلبي حتى مسكوني الشباب بشارع عنه وجات الشرطه واحبسوني اما نايف بالمستشفى مارضى يتنازل الا ترجع له بدريه ورجعت بدريه وطلعت من القسم 2 باليل....
وصلت البيت ولما عرفت...!!!! انه كان شرطه ان بدريه ترجع صرت اصارخ مثل المجنون يضربهـــــــا وترجع ويهينهــــــــا وتسكت مالها ابو يدافع عنها ولا اخو وقلت بصوت عاااااااالـــــــي وانا اضرب صدري اناااااا وين رحت عشان تتحمل الاذيه!!!!!!!!
امي تحاول تهديني وساره من صوب والشغاله واقفه مافي يديهن حيله حسيت اني بركان غضب وانفجر
امي: تقول انا راجعه راجعه ما ابي اذي ياسر اخوووووي
وانا بقمة عصبيتي:ومن قال لها اني متاذي انا بقعد بسجن عمري كله ولا يمد ايده عليها
ساره: تراها قالت اخوها لاتسوي روحك بطلها وحبيبها
التفت لها ومسكتها من اكتافها: وش تقصدين هاه وش تقــــــصــــــــديــــــ ــــــــن
ودفيتها على الارض وهي في شهرها الاخير صرخت امي حسبي الله على بليسك التفت لساره اللي صارخت بطني تكفوووووون ااااااااااااه بطني
قلت للشغاله هاتي عبايه شلتها وديتها للمستشفى وامي معاها لحظه بلحظه على طول دخلوها غرفه العمليات
امي جالسه وتقرء قران وبدون ما تناظرني ابد وبعد ساعتين طلعت لنا الممرضه...
الممرضه: مبروك بنوته قمر
امي: الله يبشرك بالخير وامها
الممرضه:الان مرهقه شوي وانشالله بكرى تكون احسن
ركبت السياره وامي شافت البنت ورجعت معي للبيت ماتكلمت وانا بعد ماتكلمت
رحت لغرفتي تروشت ونمت على طول وبكرى الصباح 9 صحيت ووديت امي معي المستشفى وخذت امي معها فطور لساره وقبل تنزل امي: مبروك بنتك ياسر
ابتسمت من قلب: مابغيتي تقولينها
امي: من اللي سويته بأمها ماتتصور شلون بكت لما عرفت انك بلقسم 3 ساعات مانشفت عينها من الدموع ولما جيت ضربتها هذا جزاها
: نرفزتني
امي:روح لها وطيب خاطرها
: تراي ماشفت منيره
امي: من منيره
: بنتك وبنتي اللي بلحظانه
امي: لاتقول منيره قدام ساره زعلت
: انا مسميها قبل تنولد يلا انزلي اروح اشوفها
امي: لاتسوي مشكله عشان اسم ياوليدي
قلت وانا انزل نظارتي الشمسيه: يصير خير يالغاليه
وصلنا لغرفة ساره وكان طلال برى سلمت عليه وقال ان جدتي وخالي وامه وخلاته عند ساره استاذنت نزلت للمطعم تحت وطلبت لي فطور لاني ماكليت شي من امس العشاء
طلبت لي فطور وكليت سرحت لما كنت في الثانوي وكانت ساره في المتوسط رجعت من المدرسه وكلعاده ماخذ من البقاله بيبسي وشيبس وشكليت للبدريه واذا ماجبت لها تزعل ساره قبل ادخل البيت: يسور عطني من اللي عندك
: هذي لبدريه بس
ساره سحبت الكيس من ايدي وحطته على الارض وصارت تدوس عليه
ضربتها كف : حرام هذي نعمه
ساره قامت تبكي : انت منت ولد عمتي انا اكرهك اكرهك وراحت داخل تصيح وانا دخلت بعدها ما كاني سويت شي
وحتى ايام الاجازات كنت اخذ دباب اجار (موتر سيكل) واركبه في الشارع انا وربعي وقبل ارجعه اوديه لبدريه عشان تنبسط وتلعب عليه واما ساره فما كانت بدريه ترضى انها تركب وانا تحت امر بدريه.... شوفي الدنيا لما كانت بدريه تدافع عني لما كنت من ممتلكاتها ((للان انا من ممتلكاتها)) كنت استانس وانتي ياساره لما حاولتي قلبت الدنيا عليك من تزوجتك وانتي تحاولين ترضيني
رن جوالي وكانت امي تبلغني ان اللي عند ساره راحو خذيت ورد معي وصعدته لها فوق _((الورد اقصر طريق للعتذار))
دخلت وامي استاذنت وطلعت من الغرفه ساره لفت وجها الجهه الثانيه
: زعلانه مني
ساره:روح للبدريه اللي حتى الجوال مارفعته تكلمني تحمّد لي بسلامه
: يمكن ماعرفت
ساره:لاتتعذر عليها عمتي قالت لها باركت لاعمتي ولاباركت لنا..... دمعت عيون ساره...... اكيد انها للحين تحبك ما ابغى اشوفك ابغى اموت
مسحت دموعها بطراف اصابعي: بسم الله عليك سارونتي من الموت تزعلين من حبيبك يسور
ساره: انت ماتحبني
مسحت على شعرها: ومن قالك كذا فيه احد ما يحب زوجته ام بنته
ساره التفت لي وقالت بسرعه:ياسر تجنن نسخه منك نفس الغمازه هذي واشرت بصبعها على خدي احبها اموت فيها لانها تشابهك
مسكت اصبعها وبستها: للحينك زعلانه مني
ساره: طبعا واكيد لا
: بعد عمري
ساره بدلع:روح شوفها
ابتسمت ورحت للحضانه لبسوني اللبس خاص بحضانه وكانت امي ورى الزجاج تشوفها ناظرتها كانت صغيره مررره لمستها على خدها وبكت وبينت الغمازه اللي بخدها طلعت لامي ورحت معها لعند ساره اول مادخلت : صح ياسر نسختك
:هههههههه صح وتاخذ منك ملامح
ساره: بلعكس تشابهك انت اكثر
امي: ياسر بطلبك طلب يمه ووعدني ماترديني
: افا يمه تامرين ماتطلبين
امي: لاتسميها منيره
ناظرت ساره اللي تغيرت ملامحها: ساره انتي قلتي لامي شي
امي: ساره ماقالت شي بس انا ما ابغى تسميها منيره
: طيب اجل انا اللي بسميها
ساره: أي اسم الا بدريه ومنيره
: سااااااااره
ساره حطت ايدها على فمها: اسفه خلاص
: نويت اسميها غزلان
امي وساره: حلو اسم غزلان
ابتسمت وقلت بروح ااسال الدكتور متى بتطلعين انتي وغزالتي
ساره: لا ابوي بياخذني معه بكرى بطلع لاني تعبانه وابي اجلس مع امي
: وامي بعد بتحن عليك
امي: مهما كان ماراح اكون احن من امها
ساره بضيق: مساله بيني وزوجي ما احب احد يتدخل
قلت بجديه:وامي مهي أي احد
ساره بضيق: بجلس عند اهلي ممكن
: ممكن وحتى وانا بشتاق لك
ساره: تعال لي اليوم العصرياسر تكفى لحالك هاه...>> ما انتبهت انها قصدها امي ماتجي الابعدين
: طيب
خذيت امي ورجعنا للبيت ورحت للمسجد صليت واول ماوصلت غرفتي رميت نفسي على السرير ارسلت مسج لغزلان (( امس ولدت زوجتي بنوته حلوه وانا سميتها غزلان ترى مالك حق ماتشوفين الغزاله سميتك))
3 دقايق بس والا غزلان يتصل بك
من قلب قلت: هلااااااااااااااااا والله وينك يالقاطعه
غزلان:هلا ياقلبي
:شلونك ياقلبي وربي مشتاق لك موت
غزلان:.....................
: ليش ساكته تكلمي واحشتني سواليفك
غزلان بصوت باكي:وانا بعد
: ليش قطعتيني وانتي قلتي اني اذا تزوجت ماراح تفترقين عني
غزلان: مقدر اتخيلك صرت لغيري مقدر ورجعت تبكي
: خلاص تكفين والله ما اتحمل دموعك خلاص ياغزلان
غزلان: كل يوم كنت ادعي ربي يصبرني عنك حتى لما كنت تتصل فيني اموت الف مره وانا اشوف حلم عمري يتصل وما ارد عليه
: بنكمل سنه بعد شهر وانتي بعيده عني
غزلان تبكي:................
: ماتبغين تشوفين غزلان الصغيره
غزلان:...........
: بتحبينها نسخه مني حتى غمازتها
غزلان: صدق
: ايه والله تشابهني
غزلان: مبروك
: مبروك علينا ترا هي بنتك مثل ماهي بنتي
غزلان: خلاص اليوم بشوفها باي مستشفى
: مستشفى(.......)
غزلان:ياسر
:سمي
غزلان: احبك
دخلت قلبي كلمتها:هاه
غزلان: احبك واموت فيك حتى لو انك صرت لغيري
:وانتي بعد والله لك غلاة بقلبي
سولفت معها لحد ماجا العصر ورحت صليت على وعد انها 5 بتكون بالمستشفى عشان تشوف بنتي
رحت لعند ساره اول ماشافتني: زين اللي جيتني لحالك
: ليش من بيجي معي
ساره من غير نفس: امك
:وش فيها امي عمتك وام حبيبك
ساره: مافيها شي بس ابغى اسولف مع زوجي بروحي
: طيب هذا زوجك معك سولفي معه
ساره:ولد خالي
: وش فيه
ساره: ولاشي
:سوير وش فيه تكلمي
ساره:مهديني اليوم بوكيه ورد كبير واشرت عليه
وقفت وقلت بصوت عالي: وش المناسبه
ساره ارتبكت:باسمهم كلهم امه وخواته وش فيها هذا انت تهدي بدريه في كل عيد
مسكتها من ايديها: وش قصدك تحبينه
ساره: ايدي ياسر
ناظرت ايدها اللي مسكتها وفيها مغذي جلست على الكرسي : اوريه
ساره: وش فيك ياسر لو تهاوشت وياه الناس ماترحم بتطلع علي اشاعات وانا اللحين ام بنتك
: من نفسك المفروض ماتقبلينها
ساره: وش اسوي يعني ارميها بوجوهم
: ايه ارميها
ساره: خالي كان معهم استحيت ارفضها والا انا ما ابغاها تكفيني باقة حبيبي وزوجي ياسر حياتي
دخلت ممرضه ومعها غزلان الصغيره جاء موعد حليبها بعد نص ساعه اتصلت غزلان
: هلا والله
غزلان: انا عند الحضانه تعال اشر لي على بنتك
: طيب طيب اللحين جاي وغزلان معي
ساره:من يكلمك
: واحد صاحبي يبغى يشوف بنتي
ساره: شوي شوي عليها الله يخليك
: طيب يامدام
خذتها ورحت للحضانه وكانت تناظر من خلف النافذة الزجاج
: احم احم
غزلان التفت مخترعه ناظرتني بعيون المشتاق بعد فتره من احتضان العيون قطع علينا صوت غزلان الصغيره واااااااااااااااع
غزلان: يمممممه
:هههههههههه هذي غزلان الصغيره خذتها من ايدي وجلست تبوس فيها ناظرتني وانا كنت مسند ظهري على الجدار واتاملها كيف طيوبه تبوس بنت حبيبها وكنها تبوس بنتها حتى كيف شايلتها كلك حنان
غزلان: وين سرحت
:هاه
غزلان: اللي ماخذ عقلك
: فيه احد غيرك
تجاهلت كلمتي وناظرت غزلان الصغيره وقالت: نسخه منك
:يليتها شابهتك
غزلان وهي تمد بنتي لي: ليش
: عشان ماتعنس
غزلان ضحكت ضحكه عسل نفسها:هههههههههه فيه احد قالك من قبل ان دمك خفيف
: لا والله انتي اول وحده خخخخخخخخ
غزلان:هههههههههههههه طيب وديها لامها لايشوفنا احد ويسببون لك مشاكل
: يابعد عمري ياغزلان
نزلت راسها وقبل اروح : لاتقطعيني وربي اني احتاج لك كثير
غزلان اشرت على عيونها بدون ماتتكلم
: تسلم لي العيون وصاحبتها
راحت وعيوني تلحقها ناظرتها وهي تمشي بممرالمستشفى ملكه بمشيتها وربي لك غلاة مايعلم فيها الا الله
رجعت غزلان الصغيره لامها ورحت للاستراحه

بعد مرور سنه

كبرت غزلان بنتي و جمعت حبين حبها وحب غزلان سميتها اما علاقتي مع غزلان فكل يوم عن يوم تكبر ومايمر اسبوع الا لازم تشوف غزلان الصغيره تاخذها الشغاله من عند باب بيت غزلان وارجع بعد ساعه او ساعتين واخذها بدون علم ساره طبعاً اعرف اني اخون بدريه وساره بنفس الوقت لكن انا مقدر ارفض لغزلان طلب وغزلان تحب غزاله الصغيره
امابدريه مع زوجها مشاكل بمشاكل وانا انرميت بلسجن مرتين بسبب اتهجم على زوجها ليش ماهم راضين يفهموني مقدر اشوف بدريه تنهان وانا ساكت وبلعكس اطلع الغلطان وامي تزعل مني وبدريه تقاطعنا ولاتجي بيتنا وامي من 5 شهور حالتها غريبه بعض الاوقات ادخل راجع من الدوام ولاقيها تبكي واذا سالتها تقول ضايق صدري واذا سالت ساره تقول مدري انا بغرفتي ولا انزل تحت وساره علاقتي فيها علاقة أي زوج يحترم زوجته وهي بعد لكن ماذيتني بالغيره ليش كاشخ وليش متاخروليش متعطر وليش وليش وليش هذا اغلب اسباب مشاكلنا وجدتي طبعاً واكيد مقاطعها لاخر يوم بعمري
في يوم الايام استاذنت من الدوام بدري ودخلت البيت 3 العصر لاني سهران امس ومانمت كويس غزلان مريضه وطول الليل تبكي ولاخلتني انام وساره تقول لازم تحس بمعاناة الام فضطريت استاذن عشان ارجع انااااام
دخلت البيت وسمعت ساره تصارخ على امي وتقول بصريح العباره: انتي ماتفهمين ياسر زهقان منك ليش ماتروحين لبيت امك وتعيشين معهم وتفكيني انا وزوجي نعيش لحالنا
امي: هذا بيتي وش سويت عشان تبغين الفكه مني ولدي لو يدري كان طردك
ساره وبصوت عالي وبوقاحه: يكون في معلوميتك تراك ماتجين ربع غلاة غزلان وغلاتي
حسيت ان الارض تدور فيني تسندت على الجدار وكملت سمومها اللي تبثها على امي وامي ساكته عشان تترك لها البيت :ياسر مايقدر يستغني عن غزلان وانتي انتهت صلاحيتك
دخلت للصاله كانت امي تمسح دموعها وساره على الدرج وايدها على خصرها: ياحقيــــــــــــــــــــ ــــــره(انا ماحب العنف ابد وخاصة مع الجنس النااعم لكن المره هذي غير) ورحت وراها لو انها طاحت بيدي كان ماخليت عظمه بجسمها ماكسرتها لكنها كانت اسرع ودخلت الشقه وقفلت عليها الباب
ضربت الباب ورفسته مثل المجنون هذا جزات امي اللي طلعت من بيت ابوها عشاني اللي تحملت الغربه وضيقت الصدر اللي ضحت على عشاني ولاتزوجت لما طالبو فيني عمامي هذا جزاتها اتزوج وحده تاذيها ضربت الباب بقوه: على بالك ملكتيني بغزلان غزلان ماتجي عند امي شي وربي لاوريك يالقليلة الادب
ساره من ورى الباب: امك ماتحبني وتبغى تتحكم فيني وفيك
: هذي امي اللي خلتني اتزوجك وانا اصلا ما ابغاك
امي: صل على النبي يايمه
التفت لامي وانا عيوني يطلع منها الشرر: كانت الحقيره هذي تبث سمومها عليك وانتي ماتقولين لي يمه انا ولدك وتخبين علي ااااااااه يايمه الى هالدرجه انا غبي ماشكيت فيها اااااااااااااااااااه ااااااااااااااااااااه
ساره: اتصلت في ابوي واللحين بيجي ياخذني ضربت الباب عليها وقلت : سااااااااره انتي طالـــــــــــــق ولمي اغراضك ما ابغاك في بيتي
وجلست في الصاله انتظر ابوها وانا ضغطي واصل حده بعد ربع ساعه وصل
خالي: خير عسى ماشر
بصوت عالي: الا شر وكل الشر بعد تدري بنتك المحترمه تطرد امي من بيتها لو انا مارجعت من الدوام ولاكان امي ماشكت
خالي:صدق الكلام اللي يقوله يامنيره
امي نزلت راسها قلت لامي: قولي له قوووووووولي خليه يعرف بنته على حقيقتها
خالي: ودني لها الله ياخذ عمرها من بنت
ظرب الباب خالي وفتحت له ساره على طول اول ما شافت ابوها ارتمت بحضنه يبه ظربني يبه امه طردتني مسكها خالي من ايدها: تطرين عمتك وتطولين لسانك عليها ياقليلة الادب
ساره: كذاب يبه والله
مسكتني امي لاروح لها واادبها وابرد قلبي فيها: خالي انا طلقتها ولا ابغى اشوفها
ساره: لااااا ياسر
عطيتها ظهري: وبكرى بتجيك ورقتك
طلعت من البيت مدري وين اروح من جد تعبان مانمت زين ومتضايق رحت للاستراحه ومن حسن حظي ماكانو فيها الشباب رحت للغرفة داخل وحطيت راسي ونمت نوووومه عميقه وصحيت على رنين جوالي المتواصل وكانت امي
رديت بصوت متعب: هلا يمه
امي: وينك يمه الساعه صارت 2 وانت للحين ماجيت
2 وانا ماصليت لا مغرب ولا عشاء كل هذا نوم اعوذ بالله من الشيطان
امي: ياااااااسر
: هلا
امي: اكلمك وماترد
: لا انا نايم بالاستراحه ما دريت
امي: كلمت احمد صاحبك وقال انه ما شافك
: مدري يمه انا دخلت على طول رحت داخل ونمت امري تبغين شي
امي: قوم ياولد تعال ابغاك من رحت وانا احاتيك
: افا عليك يمه تحاتين رجال
امي: متى تجي
: خلاص نص ساعه بالكثير وانا عندك
صليت وطلعت مالقيت احد من الشباب اكيد ماراح الاقي كلهم عندهم دوامات ونايمين في بيوتهم وصلت البيت وسمعت غزلان الصغيره تبكي اكيد خالي ماخذ ساره امي المفضله عند خالي وعشان كذا مستحيل يرضى ان بنته تاذيها لكن انا نفسي طابت منها ولا ابغى وحده ماتخاف الله ماخافت الله في امي وعمتها اللي ماعندها غيري كل مشاعر حلوه بقلبي لك ياساره ماتت قتلتيها بيدك وخداعك لي
: يمـــــــــــــــــــــــ ـه لايكون سوير هنا
امي: لا رمت بنتك وقالت بنتكم وانتو ربوها انا ابي اعيش حياتي
شلت غزلان من امي اللي صارت تحرك ايدها بسرعه وتطلع كلمات بابا بابا
: ياعيون بابا اذا ساره ماتبغاك امي امك وانا ابوك وان عاش راسي ماراح تحسين بغيابها
امي: الله يخليك لها ياوليدي لكن مايصير تحرم امها منها وهي حيه راضي زوجتك ورجعها ياوليدي واقهر الشيطان
ناظرتها معقد حواجبي: تحرم علي الى يوم الدين اللي سوته فيك مهو بشوي
امي:وغزلان
حضنت غزلان: انا ما مت يمه وابوي توفى وانا عمري 5 سنوات عوضتيني غياب الابو وربيتيني على الصلاة وطاعة الرحمان واللي ربتني بتربي بنتي
مسحت امي دموع سالت من عيونها جلست على ركبتي : افا يمه تبكين ماعاش من تنزل دموعك عشانه
امي حطت ايدها على كتفي:الحمد الله اللي ماضيع تعبي مسكت ايدها وبستها
يمه بنام نومة الارض في الاستراحه عورت ظهري مديت غزاله لامي وتعلقت برقبتي: يمه تكفين ماخلتني انام البارح بصراخها
امي: خلها تنام معك وحتى انا تعبانه وسهرانه وانا صاحيه من 8
سويت نفسي ببكي:تكفين يمه اخذيها
امي:ههههههههه هاتها
: لا امزح بنومها معي بست راسها تصبحين على خير
امي: وانت ما اهله لازعجتك نزلها لي
رحت لغرفتي وتمددت على سريري وغزلان نومتها على ايدي سرحت في ساره وفي كيدها
ساره: ياسر بيت مافيه عمتي ما يسوى
ساره: ياسر ما قد عرفت انسانه احن من امك علي
ساره: ياسر والله اني احب امك كثر امي او اكثر بعد
ياسر ويا ياسر وياسر وياسر كله كذب وكذب اااااااااااااااااااه وشلون انا غبي وربي امي ماتستاهل اللي سويته فيها ياساره
التفت لغزلان وكانت نايمه بستها وياليتني مابستها فتحت فمها ولا سكتت الا بلموت حضنتها ورحت معها بسابع نومه
صحيت على الساعه 4 مالقيت غزلان رحت غرفة امي لقيتها نايمه مع امي شكل امي خافت عليها مني ورجعت تاخذها وانا ماحسيت فيها رحت للمسجد صليت وسولفت مع واحد صاحبي لحد ماصارت 5 استاذنت منه وجلست باحديقه بيتنا قلت اكيد غزلان صاحيه بتروح للكليه اتصلت عليها
غزلان: هلاااا والله غريبه متصل هالوقت
:ههههههه لو ادري بتهلين فيني كذا كان كل يوم بتصل
غزلان: اذا كل يوم اكيد بتعود ولا اهلي مثل من شوي
:افا يعني ماتفرحين بمكالمتي الا بعض الاوقات
غزلان: لا وش دعوى لو بكيفي كلمتك طول العمر
: كم باقي وتتخرجين
غزلان: باقي لي سنه الا قولي غريبة متصل علي هالوقت
قلت بدون مقدمات: طلقت ساره
غزلان:أيـــــــــــــــــ� �ـــــــــــــــش
: اللي سمعتيه
غزلان: ليش وكيف ومتى وش السبب هذي ام بنتك شلون بتعيش من غير غزاله
:بنتها رمتها علي وراحت للبيت ابوها تبغى تعيش حياتها بكيفها
غزلان: لا ياسر لازم تصير اعقل منها هذي زوجتك مهما كان
: لا تسوين نفسك تحبينها
غزلان:........... لكن انا احبــــــــــك انت وابغى لك الخير
: يابعد عمري
غزلان: طيب وش السبب
حسيت كاني اسمع كلامها: تصوري الحقيره كانت ترفع صوتها على امي وغير كذا تطرد امي من بيتها غزلان تطردتها وربي ماني متندم على طلاقها لكن متندم اني ماصرت اسرع منها وضربتها
غزلان:تضربها!!!!!! لا حتى لو هي اغلطت على امك لقت عقابها طلاقك ولا على بالك الطلاق شوي بعدين الضرب حيله الضعيف وانت رجال قوي ولا تستقوي على بنت ضيعيفه ماتقدر على شي
:هذي ذيبه مهي ظعيفه وانا بس انتظر المحكمه تفتح وبطلع ورقتها اليوم بعطيها اياها
غزلان: استخير قبل تطلع الورقه
:............... انشالله طيب ياعمري اشغلتك وانتي وراك كليه
غزلان: لا اذا محتاج لي ماراح ادوام اليوم
: ياحياتي ياغزلان يوم عن يوم تثبتين لي حبك لي
غزلان: ماسويت شي ياقلبي
:وانا ابغى مصلحتك تامريني شي
غزلان: بتروح الدوام اليوم
: لا بقدم اجازه اسبوع بروح مع امي عمره
غزلان: طيب اذا رجعت من الكليه اقدر اكلمك
: اوكي 3 بعد الغداء بتصل فيك
غزلان: انتبه لنفسك ولاتنسى تستخير
:طيب مع اسلامه
غزلان: مع السلامه
آآآآآآه ياغزلان ياليتني احبك مثل ماتحبيني رحت صليت استخاره 8 صحت امي وصلحت الفطور امي ماتحب شغل الخادمه ابد وانا بعد ما احب الاكل الا من ايد امي او زوجتي اقصد طليقتي صحت غزاله ولعبت معها لحد ماجات 9 ونص رحت للمحكمه وبتردد دخلتها وطلعت ورقة طلاق وصلتها للبيت خالي طلعت لي الشغاله وعطيتها اياها رجعت للبيت وكانت غزاله تلعب بالعابها تمددت على الارض وصار راسي على رجوالها الصغيره ضاقت مني وضربتي بسماعه تلفونها اللعبه على جبهتي من جد عورتني وامي تضحك سويت نفسي ابكي وفجاءه غزاله واااااااااااااااع
:هههههههههه حلوه تضربيني وتبكين علي
خذتها امي وهي تقول: حسبي الله عليك من ولد اللحين وش بيسكتها
اشرت على الشنب : وكل هالشوارب وانا ولد الله يسامحك
امي: مهما كبرت بتبقى بعيني صغير وقفت بروح لغرفتي اريح وقبل اروح مدت غزاله ايديها الصغيره عشان اشيلها توها تبكي ماسرع مايبكون الاطفال وماسرع مايضحكون شلتها يمه تراي اليوم طلعت ورقة طلاق ساره
امي: وش هوووووووووووووو
: مثل ماسمعتي
امي جلست على الكنب وهي تمسح دموعها: والله اني ما ابغاك تطلقها هي توها صغيره وبتعقل وهي زوجتك وام بنتك
: اللي زوجني اياها انتي بتامر مع خالي ولما صل الموضوع لك عفتها لانها عضت الايد اللي انمدت لها واللي يرحم ابوك يمه قفلي الموضوع هذا انا تعبت منه
امي: متى ماصار خاطرك بالعرس قول لي
: الزواجه الاولى كانت بختياركم والثانيه ان ربي راد بتكون اختياري امسكي غزاله يمه بروح اصلي
خذتها امي بعد ماشال البيت صراخها ونحاشو جيرانا بعد
صليت ورجعت نمت قبل الغداء وصحيت على رنين الجوال غزلان
:هلااااااااااا والله
غزلان: هلا بك اسفه كنت نايم
جلست مسند ظهري على السرير: اصحى لعيونك حبيبتي
غزلان:حبيبتك؟!!!! وبصوت ياااااااااااااااااااااااا ااااااااسر
بسرعه بعدت الجوال عني: وش فيك يابنت فجرتي اذني
غزلان: هههههههه اصحيك لانه شكلك نايم ولا من متى تقول حبيبتي
: وانا ماكذبت
غزلان:..............
مدري شفيني بصراحه حبيت اغير الموضوع: وش سويتي بلكليه اليوم
غزلان: مافي جديد المهم انت وش سويت رحت للمحكمه
: ايه وعطيتها ورقتها
غزلان:لاتشيل بخاطرك حرمه بدالها الف حرمه وتحبك وترضيك وتحترم امك وتحن على بنتك وتحبها من غلاك وربي لوتبيني انا بنفسي اللي ادورها لك ماراح اتاخر دقيقه وحده
: غريبه ماكان هذا كلامك الصباح
غزلان: ماكنت ابغاك تطلق ودامك طلقت ما ابغاك تندم انك تسرعت
: ياااااااابعد عمري ياغزلان وربي اني لو الف الدنيا بيت بيت ماراح الاقي وحده تحبني مثلك
تنهدت غزلان: عارفه ياقلبي
: شخبار امك قلتي لي من كم يوم انها تعبانه
غزلان: تعبانه ياسر تعبانه وابوي مهو راضي يوديها للمستشفى يقول مافيها الا العافيه وقبل اكلمك كنت بغرفتها ولاطلعت الا لما نامت
: واخوانك وينهم
غزلان: اللي مسافر واللي بالقصيم ولا واحد منهم بالرياض
: انتي وديها
غزلان: مقدر على ابوي
:ليش علاقتك معه متوتره لهحد
غزلان: بعد ماكشفته مع الخادمه من بعدها انبنت حواجز
: ليش عشان فضحتيه
غزلان: بلعكس انت الوحيد في الدنيا اللي تعرف
: ليش علاقتكم متوتره
عزلان: يمكن لانه كل ماشافني تذكر سواد وجهه
: الله يشافي امك ويخليها لك ولايحرمك منها امين
غزلان: ولامنك انا بنزل اجلس عندها يمكن تبغى شي تامرني بشي
: سلامتك ياقلبي
غزلان: مع السلامه
سكرت من غزلان الا "حبيبة قلبي" تتصل!!!!!!!!


~sẳrẳh غير متواجد حالياً   رد مع اقتباس
قديم 22-04-08, 06:25 AM   #4

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

الجزء الرابع

سكرت من غزلان الا "حبيبة قلبي"تتصل يووووووه نسيت اني ماغيرت اسمها ساره هي اللي مخزنه اسمها كذا بجوالي وانا بجوالها "روحي تحبك" عمر الالقاب ماكانت هي اللي تكشف عن غلاة لانسان بدريه لقبها بجوالي ام رهوفه وامي ام ياسر وهم اغلى ثنيتن بحياتي وما انسي غزلان واسمها غازي يعني اهم ثلاث اشخاص بحياتي.....
ساره كانت بيوم حالها من حالهم بس هي اللي جنت على نفسها المهم رديت
: نعم
ساره: طلقتني ياسر
: لا امزح معك
ساره باكيه: ليييييييش لييييييييش انا وش سويت
: ماسويتي شي انا يمكن طلقتك بهواي؟!! يتمت بنتي بهواي؟!! بعدتك عني دلع؟!! يمكن كل هذا سويته اتغلى!!!!!!!
ساااااااااره تدرين بغلاة امي عندي خليتني اسمي غزلان عشان امي اسمها مهو عاجبك وترجتني اني ما ازعلك واسميها منيره هذي اللي الجنة تحت ارجوالها وانتي حرمه وبدالك الف وحده وبنتك بدالها مليون وامي ماراح الاقي ام بدالها؟!!!!
ساره: معنها انك اخترت وفضلت امك ياولد امك
:انا ما اخترت احد لكن مستحيل اختار وحده مثلك قاسيه وكاذبه ومخادعه
ساره باكيه:نسيتني نسيت كل شي سويته عشانك
: وانا ما بخلت عليك بشي
ساره: ياسر احبك ليش سويت فيني كذا
:وانا كنت اغليك قبل اللي سويتيه في امي
ساره:انا ابغاك لي وبس شي خاص فيني من ممتلكاتي هي وش اللي معيشها معنا
:سااااااااااااااااااااااا� �اره هذي امي فاهمه يعني وش امي تخيلي بكرى غزاله لما تكبر تطردك؟!!!!
تتعبين وتربين وتضحين وفي النهايه يجي شخص وياخذ اللي تعبتي عليه وتصيرين انتي مالك لازم في حياته صعبه ياساره.......
ساره: انا بحس من نفسي وبروح لامي لانه خلاص عجزت انتهى دوري
حسيت اني بموت وانا اسمع كلامها الى هالدرجه تفكيرها وسخ:خلصتي اللي عندك
ساره: ايه
: اوكي سلام
وقفلت بوجها من جد ترفع ضغطي هالبنت تفكيرها محدود واناني يمكن لانها صغيره وطايشه....... وش صغيره وطايشه كملت 22 سنه مصير الايام تصحيها لكن بعد ماتخسر اللي حواليها تروشت ونزلت اتغدى لان امي ماتصلت فيني اول مانزلت لقيت شغالة بدريه بالصاله ومعها رهوفه وجاتني رهوفه تركض وحضنت رجولي رفعتها وبستها رهوفه: عمو ماما تبكي وفيها دم... هاه؟ وش تقول رهف قربت من غرفة امي و اسمعت صوت بدريه تبكي اهتز من راسي لاقدامي لاشفت دموعها دخلت غرفة امي ولقيت بدريه تبكي على صدرها صرخت فيها ناااااااااااااااااااااااا ااااااااااااااايف صح
امي: صل على النبي ياسر
ناظرت بدريه: انطقي يابدريه تكفين من ضربك خل اكسر ايدينه وش منه هذا
وكا فيه دم بطرف فمها
بدريه: طايحه من الدرج
عارف انها تكذب علي: تكفين يابدريه والله اللي بكاك لاخليه يبكي دم
بدريه رجعت تبكي ودفنت راسها بحضن امي اشارت لي امي اني اطلع طلعت وصرت ارفس الكنب واضرب الجدار مقهوووور بموت قهر كل مره اضربه ويرجع يضربها وهي ترجع له ااااااااااااااااااااااااا ه ومسكت ايدي اللي دخل فيها زجاج لاني ضربت مرايه بوسط الصاله بيدي ناظرت شغالة بدريه : جيبي منديل
جاتني امي وبدريه ومسكت امي ايدي وهي تبكي : وش سويت بنفسك
بدريه: ليش سويت بنفسك كذا وهي تمسح دموعها اللي تسيل على خدودها الورديه
ناظرتها بالم: ليش منتي فاهمه اني مقدر اشوفك تتعذبين
امي: قالت لك انها طايحه يالله قوم خلنا نروح المستشفى
: مقدر اسوق بكلم صاحبي احمد يجي ياخذني ناظرت بدريه جوالي في غرفتي
راحت تركض يعني معقوله تغليني يمكن باقي لي غلا لا ما اتوقع والا ليش كل مره ترجع لنايف الحقير رغم انها هي وامي يقولون انها طايحه الا انا احس انها منه الحقير لكن لو اتاكد ياويله ياسواد ليله قطع علي تفكيري رهوف وهي تبوسني : عمو انت فيك دم مثل ماما
امي حطت ايدها على فهما وعطتها الشغاله قلت لامي: ليش يمه سكتيها
مدت بدريه لي الجوال:اروج اجيب شماغك
اشر لها براسي بمامعناه لا... اتصلت باحمد وما جلس 3 دقايق الا وهو عند الباب لما وصلنا المستشفى
احمد:انزل معك
:لا خلك خاف تطير عليك هالمكالمه
احمد ببرود:تبغاني انزل نزلت
:لا مشكور خلني انزل يا اخي ايدي تنزف
نزلت ورحت للطواري جتو لي ممرضتين
الممرضه الاولى:من شو هاد
:من الزجاج بعد من وشو
الممرضه الثانيه:شو عملت بحالك
:يدي تعورني ماني فاضي اشرح
من جد تناسيت الالم مع جمالهم <<< يمكن لان ماعندي خوات ولا انا من النوع اللي يشوف التلفزيون كثير اشوف اكثر البنات حلوين لكن مهما بلغ جمال الممرضات مايجون شي بجنب جمال بدريه وجمال عيون غزلان((عيون غزلان لحالها لوحه جميله نادره الوجود))
فتحت عيوني ع لمسه حنونه ع شعري فتحت عيوني وكانت الممرضه الثانيه تمسح ع شعري ابتسمت بحنان
الممرضه الاولى:خلاص معفاي خيو
وقفت متجاهل نظرات الممرضه الثانيه لاني رجال ولابد اضعف مع جمالها وكل رجال يضعف مع الشكل الحلو والكلام المعسول
طلعت من الغرفه وجت لعندي الممرضه الثانيه:ياسر
التف لها:سمي
اللمرضه الثانيه:انت متجوز
قربت منها وهمست:متجوز 4 وكلهم حلوات مثلك
ورحت وتركتها بدهشتها ومشيت بممر المستشفى واحس ان نظاراتها اخترقت ظهري وطلعت مع صدري مثل اشعة الليزر ضعفت نفسي 1000 مره وقلت برجع لها وفيه احد يحصل حلوه ويقول بس كل ماحاول الشيطان اغرائي ذكرت ربي وتعوذت من الشيطان لحد ماوصلت لباب الخارجي للمستشفى تنفست الصعداء وانا اتذكر عيونها الحلوه ولمستها الحنونه قلت بهمس:اعووووذ بالله من الشيطان
ركبت سياره احمد اللي كان ينتظرني فيها سمعته وهو يكلم بالجوال يقول: خلاص حبيبتي لاتزعلين اذا رجعت بكلمك صاحبي معي سكت شوي ورجع قال طيب طيب ياغيوره اسمعي ياسر
عرفت انها تبغى تتاكد اذا انا بنت ولا رجال فما تكلمت
احمد وهو مسكر على اسنانه: يسور وجع تكلم
احمد:يسور زعلت تكفى طمنها
احمد: ياسر حسبي الله عليك سكرت
انفجرت ضحك على شكل وجهه وهو يترجاني:ههههههههههههههههه� � هههههههههههه ههههههههههههههه ههههههههههههههه ههههههههههههههه
احمد يرد على اللي تكلمه!!!! الكذاب خدعني: سمعتي ضحكته اللي تلوع الكبد تطمنتي حبيبتي....... اوكي حبيبتي باي...
:بالله دامك مدمن بنات ليش ماتتزوج
احمد وهو يمشي بسياره:ما حب المسوليه دامي محصل بنات بس قولها احبك وتمشي وراك ليش اتزوج واتحمل مسواليه عيال وزوجه وبيت خلني كذا مرتاح
:بكرى بيجيك بنات وعندك خوات
احمد: من فضل الله ماعندي الا وحده وموقف عددادها عمرها 37 ومتزوجه
: حرام عليك ياشيخ تزوج وخل بنات الناس في حالهم والله انا خايف عليك
احمد: خلنا من هالسالفه انا هلي تغدو عني وش رايك تغديني
: والمطعم اللي تبغاه بعد... بس خلني اكلم امي اطمنها لانها كلمتني 20 مره وبلمره اقولهم يتغدون
احمد:ابغى مطعم(*****)
:وش معنى هالمطعم
احمد برتباك:بس كذا ابغاه
وصلنا للمطعم اول ماجلسنا ع الطاوله طلبنا الغداء
جت بنت حلوووه وتمشي بكبرياء وكانت متجهه لطاوله اللي انا واحمد:احمد واخيراً شفتك والتف لي ماقلت لي ان عندك اصحاب مرتبين
عقدت حواجبي احمد وهي يناظرني:خلاص حبيبتي ببينا اتصال
البنت لما شافت ايدي:سلامتك ياقلبي
:الله يسلمك لو سمحتي ممكن نتغداء؟؟!!!
البنتوهي تاشر بيدها بنعوومه:استاذن تشااااااااو
راحت واحمد ما علق وانا اصلاً غسلت يديني من احمد وفضلت السكوت
ورجعني للبيت والله احمد اخو دنيا وانا ماعتبره الا اخو ماعتبره صديق دخلت الصاله ولقيت غزلان بحضن بدريه وتوكلها وبجنبها رهوفه
جلست بكنبه اللي بجنبها:منتي بناويه تقولين وش فيك
بدريه وهي مارفعت عينها علي: انا قلت بس انت اللي ماتبغى تصدق
: كم يوم بتجلسين عندنا
ناظرتني بدريه: تبغاني اروح لجدتي رحت لهم وفكيتك من همي
: والله ثم والله يابدريه اذا ماشالك البيت لاشتري لك بيت انتي تعرفين غلاك
بدريه تمسح دمعه نزلت من العيون الزجاجيه: الله لايحرمني منكم
غزلان صارت تحرك ايديها وتصارخ بابا بابا مدتها بدريه لي ولمستني اصابعها زين اني مامت من لمسة ايديها المخمليه قالت بدريه لي: وين امها ماشفتها
حضنت غزاله وصارت هي تبوسني وقلت من غير ماناظرها: طلقتها
بدريه:ايييييييييييييييييي� �
: مثل ماسمعتي واذا تبغين التفاصيل اسالي امي
قامت بدريه لغرفة امي وجات رهوفه مسكت ايدي: انا احبك
خليت غزاله بجنبي وخذيت رهف بحضني وغزاله شال البيت صراخها غيرانه علي خليتهم ثنينهم صدع راسي كل وحده منهم تبكي من جهه
: رهف بابا ليش تبكين
رهف وتمسح بيديها الصغيره دموعها: انت تحب غداله ماتحبني
حضنتها:غداله!!! بعد مهي بغزاله انا احبك اكثر منها بس هي اختك الصغيره شوفي ووقفتها بجنبها ورهف كانت اطول من غزاله بكثير فقلت لرهف: شفتي انها صغيره والصغير يحبونه اكثر
رهف:لا ما احبها
: لازم تحبينها عشان تصير كبيره وتلعب معك
رهف: ونلعب بمرجيحه
: وتلعبون بلمرجيحه
نزلت من الكنبه وراحت رهف تركض لغرفة امي اما غزاله لما التفت لها لقيتها نايمه ناديت شغالتنا وشالتها وودتها لغرفة امي تمددت على الكنبه وشغلت التلفزيون دخلت بدريه وهي شايله بنتها قالت لي: الله يجزاك خير
فرحت يمكن عشاني طلقت ساره وهي بتتطلق ويجتمع شملنا اخيراً....!!!!!
جلست بفرررررحه؟!!
بدريه: رهوفه تقول ماما انا احب غداله مره ... عشانها بتصير كبيره وبتلعب معي
تنهدت بخيبة امل:ومن يجلس معي وما اقنعه
بدريه بدلعها اللي اموت فيه: ياخطييييييير
:هههههههههه شوفي كيف قلبت غيره رهف علي الا حب في غزاله
بدريه تكلم شغالتها: وين القهوه والحلا وديها لغرفة امي
ناظرت الخادمه: لا خليها هنا
بدريه: بس امي تبغاها هناك لانها متضايقه
: لييييييييش؟
بدريه:مدري مدري
وقفت بعصبيه وقلت: بدريـــــــــــــــه
بدريه: زوجة خالي كلمتها وتحسبت عليها وهاوشتها تقول خربتي بيت بنتي الله لايسامحك ومن هالكلام اللي يغث \
: متى صار هالكلام
بدريه:قبل تجي بشوي دق التلفون وخذته خالتي وودته معها للغرفه ودخلت انت وهي لسى ما طلعت لما رحت لها اسالها عن سالفة طلاقك لقيتهامتضايقه سالتها وقالت لي من اول مادخلت عليها وساره تهاوشها لحد مكالمه زوجة خالي
رحت لغرفة امي ولقيتها جالسه ومكتمه حطيت راسي بحجرها :افا يمه تتضايقن وولدك ياسر موجود
امي: خربت عليك سعادتك وبكت... والله اني كنت اتحمل واسكت ولا اقولك واللي خايفه منه صار
رفعت راسي من رجوالها: يمه سوير بدالها الف وانتي مابدالك احد ماعاد ابغى اسمع سيراتها ابد خلاص تكفين يمه عشاني تراي تعبان وناظرت بدريه اللي متسنده على الباب بدريه خلينا نتقهوى هنا
بدريه اشرت على عيونها: ابشر... وراحت
التفت لامي:فديت عيونها ضربتني امي على كتفي ...... ااااااح لو اني من البدايه متزوجها مهو باحسن
امي: ياااااااااااسر
: نعم يمه
امي: بنت خالتك متزوجه واللحين هي مثل اختك
تنهدت: حاضر سيدي الضابط "صح مثل اختي؟!!!"
مرت اربع شهور وزيارات امي لبيت امها قليله اكيد سوير تبث سمومها عليها المشكله ان امي ساكته وماتشكي وساره كل اسبوع تتصل عشان غزاله وبدريه عرفت ان سبب دموعها ذاك اليوم والدم اللي بطرف فمها كان منه ضربها وهو مهوب في وعيه لكن هالمره ماضربته لان بدريه طاحت على رجولي ما اتهور لانها اكيد بتنازل اذا رجعت له وانا ابغاه يتادب واللحين لها عندنا 4 شهور ومرت مثل 4 ساعات ماابغاها ترجع له.... ماصرت اطلع كثير انام من10 مجرد وجودها معنا يفرحني حتى لو ما اجلس واسولف معها شوفتها واناطالع ونازل تسعدني اقول لغزلان عنها احسها تتضايق لكن مع ذالك تتحملني وتصبر انا اغلي غزلان لكن على قولتها ما اجي شي عند بدريه حب حياتي حلم الطفوله والشباب اغليها من كل قلبي انا باختصار مجنونها
صحيت من النوم على رنين جوالي وكانت الساعه 8 لا واليوم جمعه غريبه غزلان متصله
رديت بصوت تعبانه: هلا
غزلان: ياسر الحقني
جلست وقلت مخترع:خير عسى ماشر
غزلان: امي بلمشتسفى بين الحياه والموت
:هاااااااااااااااااه
غزلان وهي بين دموعها: انا موديتها مع السواق واخوي اللحين جاي اوهي اللحين داخل وانا هنا من نص ساعه ولاحد معي انا بروحي
: تبغين اجيك اللحين
غزلان: لا لحظه هذي ممرضه طلعت من غرفتها لحظه شوي
اسمع غزلان تقولها طمنيني الله يخليك وسمعت الممرضه تقول للاسف توفت ماسمعت الا صوت قوي اكيدصوت طيحة الجوال بالارض وصرت اكلم جوالها يعطيني مقفل مقفل مسكت قلبي من جد انا خايف عليها ولا اعرف أي مستشفى تروشت وصليت ودعيت انا الله يحفظ غزلان من كل شر ونزلت تحت وكان 9 الا ربع ولقيت امي تتقهوى وغزاله على دراجتها بست راسها وصبحت عليها
وجلست اسولف مع امي وفكري وتركيزي مع غزلان اللي مدري وش صار عليها ولا ادري هي باي مستشفى بعد ساعه ونص دخلت بدريه ومعها رهوفه رهوفه اول ما شافتني جات تركض وجلست بجنبي بدريه باست امي وجلست بتعب
بدريه: طووووول الليل وهي ترافس ماخلتني اذوق النوم
امي: الله يهديها واول امس رفستني لين حلفت اني ماخليها تنام معي
:هههههههههه ما باقي الا انا خلاص الليله بخليها تنام معي
بدريه: ماتقصر لكن اليوم ابوها بيجي ياخذنا
عقدت حواجبي: بامر مين ياخذك مافيه رجعه
بدريه:يمه تكلمي
امي: صل على النبي يا ياسر البنت مالها الابيت زوجها
قلت وانا اشرب الحليب: رجعه لنايف مافيه
بدريه: الرجال وعدني يتغير وانا بجربه بس هالمره
: قلتك مافيه رجعه
بدريه: ياسر تكفى خل اجربه هالمره طول الاربع شهور وهو كل يوم يكلمني عشان ارجع لما حسيته تغير خلاص قررت ارجع له
: الللي فيه طبع ماغيره
بدريه: انا وعدته ارجع له
ناظرتها بعتب: طيب انسي اني ولد خالتك اذا رجعتي له
بدريه رمت سهمها مصوبته لقلبي:برجع له وانت فيه وحده تنسى اخوها؟!!!
وقامت لغرفتها ناظرت امي اللي قالت: متى ياوليدي بتخليها في حالها وتتمنى لها السعاده
: مقدر يمه مقدر...... بدريــــــــه لي انا بس
امي: هذي بنت خالتك اليتيمه مالها الا حنا من بعد الله وزوجها اللي ماينعرف تاليه مع هاللي يشربه
: ليه ترجع له ليه متضايقه من العيشيه معنا انا قصرت في شي يمه ليه ترجع له نايف مايستاهلها ولا يعرف قيميتها
بدريه: يمه بخلي رهف عندك يومين
امي: في عيوني يابنيتي
: اسمعي يابدريه والله ثم والله لو يمد يده عليك مره ثانيه وش ثانيه اقصد العاشره لوديه في ستين داهيه وانتي تعرفيني
بدريه نزلت راسها وراحت لغرفتها خذيت شماغي وطلعت من البيت وانا طالع كانت ام احمد تضرب الجرس ومعها وحده عيونها تدوخ من جد جنان ولد اخت احمد في 4 ابتدائي دايم ياخذه معه سلمت على الولد والتفت لام احمد اللي واقفه عند الباب
: حياك ياخالتي
ام احمد: شلونك يمه معاد نشوفك
: لا والله موجود الا وين احمد
ام احمد: من متى حمووود يصحى هالوقت الله يهديه
: امين يالله استاذن انا انشالله العصر بمر عليه
ام احمد: ياسر يمه
: امري
ام احمد: بنت بنتي مها تبغى...
قطع عليها خالد اخو مها: ياجددددددده ليه قلتي اسمها
ام احمد : وش فيه اسمها الرسول الناس كلها تعرف اسم بنته فاطمه
خالد يرفس الارض بقهر: ليه قلتيه
مها اللي باين لسانها طويل: وش فيه لاقالت اسمي بياكله ياسر يعني
<<ياحلو اسمي.... خالد: وجع لاترفعين صوتك
حطيت ايديني على اذوني : ماسمعت اسم اختك خلاص يابطل وناظرت ام احمد : امري ياخاله هالملسون ماخلاك تكملين
ام احمد:هي واخوها نايمين عندي وامهم اتصلت فيني وتبغاها هي واخوها يرجعون عندها عزيمه رجال وتبغى بنتها تساعدها اذا ماعليك امر يمه وصلها هي واخوها وانا لاصحى احمد لحقتهم
: افا عليك بس كذا على خشيمي وناظرت خالد وهمست: عرفت اسم اختك يا اخو مها
خالد: وانا اعرف اسم بنتك غزلان
:ههههههههههه واعرف اسم امك
خالد: وانا اعرف اسم امك ام ياسر
:هههههههههههه يله اركب وناظرت ام احمد ومها اللي فطسو ضحك : ملكع
ام احمد: طالع على خاله الله يهديه
ناظرت مها اللي احس بشي يجذبني لها: يله امشينا؟
مها: يله
ام احمد كل الطيبه اللي في الكون تمتلكها انسانه حنونه عمري ماسمعتها تهاوش احمد كله تدعي له بتوفيق حتى لما كنت ادرس عندهم كانت تهتم فيني كني ولدها
ركبت وركب خالد قدام التفت له: من قالك تركب قدام انت الكبير يوم تركب
خالد: ياحليلك تبغى مهوي تركب قدام وقال بستخفاف.... معك
:هههههههههههههههههههههه الله يكثر حلاك
شغلت السياره ومشيت وكل ماطاحت عيني على المرايه الاقي مها تناظرني
لما وصلنا الحي اللي هم فيه ناظرت خالد اللي معقد حواجبه: يا بزر وين بيتكم
خالد:احترم نفسك ماني بزر انا رجال
مها: خاااااااااااااالد
: خليه خالد رجال وعن الف رجال
مها: لاتعطيه وجه هذ قليل ادب
: لا هذ اخوك مايصير تقولين عنه كذا
خالد وصف لي البيت لحد ماوقفت عنده قالت مها قبل تنزل: مشكور ياسر ماقصرت
: لا عادي تحت امرك
خالد نزل وقبل يسكر الباب: مشكور
مها قبل تسكر الباب: يابخت خالي احمد فيك
حسيت كلمتها هزتني وحسيت بقلبي زاد خفقانه وش قصدها هذي صح قلبي لبدريه ولايمكن أي بنت تاخذ مكانها لكن مهما كان انا رجل واكيد اتاثر بالكلام الحلوو لكن هذي وش تقصد يابخت خالي فيك هذي مهما كان وصار بنت اخت احمد يعني مستحيل اناظرها وقطع علي تفكيري خالد وهو يضرب النافذه نزلتها : امر يالحبيب
خالد: اعجبك باب بيتنا
:هاه؟!! لا....... اقصد مع السلامه ومشيت بالسياره
غزلان وش صار عليك وربي احاتيك ياليتك تطمنيني يالغاليه تميت ادور بشوارع الرياض بليا هددف لحد ماجات صلاة العصر صليت ورحت للبيت لان امي من الظهر قطعتني اتصالات ومارديت دخلت البيت لقيتها تبكي حطيت ايدي على قلبي: خير يمه عسى ماشر
امي: ماشر يمه ماشر
: اجل وش السالفه
امي: ام يوسف توفت
: من ام يوسف يمه
امي: حرمه خيره تعرفت عليها امي في الحج قبل 3سنوات والله ما بعد سمعتها تسب ولاتذم احد الله يرحمها
: الله يرحمها ويسكنها الجنه
امي: توفت اليوم الصباح ورجعت امي تبكي
: طيب يمه هذا يومها وامر الله تتعترضين على حكم ربك
امي: ونعم بالله لازم نروح نخلف عليهم
: ابشري متى مابغيتي تروحين قولي لي
امي:الله يصبر بنتها ام يوسف الله يرحمها كانت تحاتيها بعد عينها
: الله يصبرها يميمتي
امي: امي بتروح مع اخوي وانت وصلني لهم
: يله اركبي
امي: كانك تبي غداء خل الشغاله تسخنه وتعطيك اياه
: وروهوفه وغزاله من اخليهن عنده
امي: تبغاني اخليهم عند الشغاله لحالهم؟!!!!!!!!!!
: مدري عنك
امي: خذهم معك انا بعزيهم ولاني مطوله امي ذابحه روحها من البكي الله يحفظها
: ازهليها يمه قطوه بسبع ارواح
امي: اذكر الله حسبي الله عليك من ولد
: افا يمه تحبين امك اكثر مني
امي:انت تحبني ولا غزاله
: طبعاً واكيد انتي الله لايحرمني اياك
خذيت غزاله ورهف وركبت انا وامي السياره والتفت لامي: هاه يمه أي حي ساكنه
امي: حي (.......)
حسيت بقشعريره هذا نفس حي غزلان سبحان الله 2 يتوفون في يوم واحد لكن انا عمري ماسمعت غزلان تتكلم ان عندها اخو اسمه يوسف دايم تتكلم عن حسن معقوله امي تكون تعرف ام غزلان والله دنيا صغيره لحظه انا ليش سابق الامور خلني اتبع توصيف امي لكن للاسف انا ما انتبهت الا وانا واقف عند باب غزلان
امي: وش عرفك ان هذا بيتهم انا ماقد مره رحت معك لهم
:هاه؟ هذا بيتهم
امي: وش اللي هاه انت تعرف عيالهم
: لا بس هذا واشرت على بيت واحد صاحبي هذا بيت صاحبي وخابر ان جيرانهم واحد اسمه يوسف قلت يمكن انه هو
امي: يوسف عمره حوالي 45 وش عرفك فيه
: قلت لك هو يقول بيت ابو يوسف وعشان كذا انا اعرفت البيت
من حسن حظي امي سكرت الموضوع و قبل تنزل: لاتروح بعيد بتصل فيك
تنهدت براحه: بدور في الشوارع لاحد ماتتصلين
امي: الله يعطيك العافيه وانتبه لغزلان ورهف
: ابشري
نزلت امي وعيوني تتبعها خايف بلحيل على غزلان ولا ادري وش صار عليها واتصل على جوالها لكنها مقفل التفت لغزلان لقيتها نامت مددتها على الكرسي اللي بجنبي ورهف خذتها بحضني وقفت عند مطعم جوعااااااااان خذيت لي 2شاورما 1 فانتا كليتها بالسياره وكلت رهف معي جاني رقم غريب رديت بدون تفكير يمكن غزالتي اللي مدري وش صار عليها
رديت بلهفه: هلاااا
الطرف الثاني وكان بنت: هلا هلا هلا والله يابعد عمري على هالصوت يجنن
عقدت حواجبي: ميين؟!! (مستحيل تكون غزلان لانها في حال ابعد مايكون على المزح)
الطرف الثاني: معجبه
: غلطانه اختي وقفلت بوجها وربي ماني فاضي لوحده تستخف دمها اتصلت كذا مره وعطيتها مشغول حتى من غير ما اناظر الرقم ناظرت الجوال وكانت امي
: هلا والله
امي: يسور من اليوم اتصل وتقفل بوجهي
: محشومه يالغاليه لكن ما كنت اشوف الرقم
امي: تعال يمه رجعني
: ابشري
قفلت من امي وجاني مسج
(( وراك وراك والزمن طويل)) غزاله
كل استفهمات الدنيا طلعت بوجهي غزاله!!!!!! غزلان من سابع المستحيلات انها تفكر تختبرني لانها بحاله الله يساعدها ويكون بعونها من غزاله ياربي غزاله جديده بعد ما ابغى اعذب احد معي وغزلان تكفيني وقفت عند باب بيت غزلان وركبت امي واما اللي مسميه نفسها غزاله فزعجتني اتصالات حولت الجوال سايلنت لانها ازعجتني
: يمه بنتها اللي تقولين انها تحاتيها حزينه
امي: الله يكون في عونها
قلت باهتمام: ليه يمه وش فيها
امي: في انهيار ومرقده بالمستشفى(........)
: الله يشافيها احد معها
امي: لا اخوها حسن وابوها مع المعزين وزوجة اخوها وخالاتها وبناتهم مع الحريم واخوانها الباقين كلهم جاين
: جايين من وين
امي: اللي بشرقيه واللي بغربيه الله يهون مصيبتهم
: امين يمه
صحت غزاله وصارت تبكي ولجتنا بصراخها لاحد ماوصلت البيت نزلت امي وطرت هواء للمستشفى اللي غزلان فيه خذيت باقة ورد ورحت لعند غرفتها جات ممرضه لغرفتها سالتها عن حالتها قالت انها 10 دقايق او اقل بيروح مفعول المهدئ وتبغى تجلس عندها عشان لو صحت ورجعت لها حالتها تعطيها مهدئ سالتني من انا قلت اني اخوها دخلت الممرضه غرفة غزلان وانا تنفست الصعداء على قولتهم مهو من حقي اشوفها من غير غطاء لكن انا الوحيد اللي بقدر أأثر فيها تعتبرني دكتور نفسي والدكتور مايتغطون منه من جد احس بتانيب الضمير لكن وربي لمصلحتها انا بصراحه خايف عليها والله غزلان شي مهم وكبير بحياتي سمعت غزلان تصارخ فتحت الباب وطاحت مني الباقه لما شفتها هي اول ماشافتني مدت ايديها وكانها بحلم الممرضه خذت الابره تبغى تهديها لكن انا صرخت فيها لااااااا خليني معها بس
غزلان بصوت باكي: يــ ـــ ـــاســ ـــ ـــ ـــر
: ياعيون ياسر
قربت الكرسي وجلست تاملت الوجه الجميل ملامح حسناء وربي ما شفت ولا اتوقع بشوف اجمل منها عيونها لوحدها لوحه غير شفايف الورديه وفوقها من جهة اليسار حبة خال صايره مميزه على لون البشره البيضاء والخشم اللي اللي مثل السهم وربي جميله جميله ياغزلان انا كنت منهبل والسبب عيونك اللحين انتي اجمل واجمل
غزلان: وين امي وصارت تبكي بقوه
: خلاص عشان ياسر ما ابغى دموع
غزلان: ماني قادره وحطت ايدها على وجها وصارت تبكي وتشهق
:والله ما الومك لوبكيتي العمر كله
غزلان: انا مقدر اعيش من غيرها وهي تمسح بيديها دموعها اللي غرقت وجها
:خلاص ياغزلان لازم تحضرين عزاها هي ما تبغى منك الا الدعاء
جلست ساعه ونص وانا اهدي فيها تركتها بعد ماقامت وصلت واتصلت بسواقهم يجي ياخذها تروح البيت غزلان: ياسر
: ياعيونه
غزلان: لاتتخلى عني
: افا عليك تقولين هالكلام انا كلي لك
غزلان :..................
ماردت علي وانا احترمت صمتها وقبل اطلع مديت لها مصحف صغير: عشان خاطري اذا ضاق صدرك اقري فيه
غزلان مسحت دمعات مثل حبات الؤلؤ على خدها: ماقدر اتخيل اني بعيش بدونها
:هذا حال الدنيا حتى انا اللحين معك يمكن بعدين اروح ويجيك خبر وفاتي
غزلان فجاءه وبسرعه قالت: بسم الله عليك
: خلاص حبيبتي انتي روحي للبيت وانا بتطمن عليك كل وقت اوكي وعندي شي خطير بقوه بقوله لك بعدين((انه طلع بينا معرفه))
غزلان تنهدت: طيب
رحت ورجولي ترفض الروحه عنها من جد اغليها ولما شفتها حبيتها اكثر مرت الايام وغزلان بدت تتقبل الواقع بمراره وقلت لها عن الرقم وقالت كلمه وحده بس انا واثقه فيك وعرفه مهما جاتك ازعاجات فانت ماراح تكلم الا انا تحرجني بطيبتها
والرقم اللي تقول عن نفسها غزاله مزعجتني عرفت انها بنت اخت احمد صاحبي وهقتني وقالت انها بتقول لاحمد اني اكلمها اذا ما استمريت معها
ولما خبرت غزلان قالت كلمها وخل اسلوبك معها ناشف وهي من نفسها بتكرهك لكن حاجة بنفسي تخليني انقهر احمد والله ما اعتبره الا اخو ومها بنت اختي ضاقت فيني الدنيا وصرت انام اكثر الوقت ما ابغى اخسر اعز اصاحبي ولا ابغى اصدمه في بنت اخته ولا ابغى اجرح مها انا انسان ضعييييف ماعندي قرار الكل يتحكم فيني
انا ضعييييف بالحييييل انا ماقدرت امنع زواج بدريه!!! ماقدرت امنع نفسي اتعرف ع غزلان!! ولا قدرت امنعها!!!
مقدرت اقول لخالي لا ما ابغى ساره !!!! واللحين مها مقدرت اقولها اني ما ابغى هالتعارف!!!
ولا قدرت اقول لاحمد!!! آآآآآآآآآآآآآآه انا معرف اجرح ياليت عندي القسوه اللي بقلوب البشر عشان اقدر اعيش مرتاح
طلعت من صومعتي مواعد واحد اتغدى وياه وكانت امي جالسه بالصاله وشكلها مهومه
: خير يمه وش صاير
امي تمسح دموع من عيونها: مافيني شي
: افا يمه وش فيك
امي قامت رايحه لغرفتها
وقفت بوجها: افا يمه ماعاش من يبكيك
امي راحت لغرفتها وقفلت الباب عليها رحت للشغاله سالتها وش في امي قالت مدري حاولت فيها تفتح لي الباب لكنها ما افتحت رحت للتلفون الثابت يمكن احد مكلمها ومضايقها لاقيت اخر رقم رقم بيت عجوز قريح معرفت شسوي اتصلت بدريه
بدريه: مرحبا ياسر
يا بعد عمر ياسر<<مهو وقت رومانسيتك: شخبارك بدريه
بدريه: ابشرك بخير غريبه متصل فيني وربي خوفتني
: مدري يابدريه اذا تقدرين تجينا اللحين
بدريه: ليه امي فيها شي
: لا بس طلعت من غرفتي لقيتها تبكي ولا تكلمت بولا كلمه والبيت اخر رقم متصل رقم بيت امها (جدتي)
بدريه: ايييييييه عرفت اكيد بملكة ساره
: أي ساره
بدريه:هاه
: بدرررررررريه
بدريه: ساره بنت خالي
قفلت بوجه بدريه وهذي المره الاولى اللي اقفل بوجها وركبت سيارتي متوجهه لبيت خالي طقيت الباب وفتحت لي الشغاله وصرخت بوجها تنادي خالي وساره
وقفت عند الباب وانا ارفس الباب مره واضرب بيدي الجدار مره اشك اني خطواتي صارت علامه بالارض لاني اروح وارجع
جاء خالي: حياك ياسر
وساره وراء وحاطه ايدها على خصرها: وش تبي اللحين
خالي:ساره روحي داخل اللحين صرتي زوجه واحد ثاني ادخلي حرام يشوفك ياسر
: لييييييييييييييييييش زوجتها ياخالي
خالي:البيت جاء لها نصيبها ولد خالها ورجال والنعم فيه وانا وافقت عليه ولا تبغاها مثل البيت الوقف
التفت لساره: اخترتي الزواج وتخليتي عن غزلان؟!!! بس تراك وماراح تشوفينها
خالي: صل على النبي وادخل بتكلم معك
ناظرت خالي: تزوج زوجتي ياخالي
خالي: يااااااااااااسر ساره مهي زوجتك وانت اللي عايفها واللحين ليه معصب خل البنت يجي عليها عيال انا مااراح ادوم لها العمر كله
حسيت كلام خالي هزني من الاعماق انا ليش حمقان انا فعلاً كارها طيب ليش انقهرت اللحين هل هو حب تملك او انانيه طلعت من بيت خالي مقهوووور من حالي ومقهور او من ساره معرف........ اللي اعرفه اني مقهور وبس رفعت الجوال اتصلت بللي ياما رميت عليها همومي واللي تحاول قد ماتقدر ترضيني مر على وفاة امها شهرين
اتصلت عليها:شخبارك
غزلان: هلا ياسر
: وينك
غزلان: بالبيت بعد ويني
: انا متضايق متضايق يالغزلان
غزلان: ليش ياقلبي ماعااااااش من يقهرك
: لا عايش ويمشي على رجوله بعد اه ياغزلان ساره زوجتي ملكت خلاص صارت زوجة واحد ثاني لكن والله لاخليها تبكي دموع الندم ولاراح اخليها تشوف غزاله لين تموت هي باعت بنتها واشترت عيال ماتدري هل هم بيجون او لا
غزلان:متاكد انت يااااسر
:وش قصدك
غزلان:لا منت ياسر اللي اعرفه؟؟؟ياسر اللي احبه طيب مهو اناني اللي اعرفه حنون مهو قاسي اللي اعرفه يحب الخير لغيره خلاص ياااااااسر ساره طلقتها وهي شافت حياتها مافيه ام تكره بنتها لكن الحياه كذا تبغاها ترفض الحياه وتعيش وحيده لا زوج ولاعيال معها يشاركونها ليش ياسر مافكرت الا بنفسك ليش؟
: منتي فاهمتني
غزلان: انا اكثر وحده فاهمتك انت كرهتها وطلقتها وتبغاها تدفع الثمن طول عمرها حرام ياسر البنت مهما كان ضعيفه ولازم لها سند
تنهدت من خاطر: الكلام معك يريحني
غزلان بنعومه: احم احم مرايتك انا
: من جد عرفت اكلم اللي تهون علي قهري...... جاني مكالمه 2 مها
: غزلان ياربيه مها تتصل فيني
غزلان: كلمها وانا كلمني باليل بعد العشاء اوكي
: مع السلامه ياقلبي
رديت على مها
: نعم
مها: الله ينعم عليك من كنت تكلم هاه؟
: صاحبي
مها بعصبيه: لا تكلم زوجتك صح
: لا طليقتي تزوجت اليوم
مها: يعني بتتزوجني
اصدمتني جراءتها: انتي صغيره عمرك ماصار 18 وتفكرين بواحد عمره 26 سنه
مها بحب: عاااااجبني وربي ياسر احبك
: مهااااااااااا
مها: ياعمري
: مها المفروض انا اللي اقول البنت بلعاده فيها حياء
مها:................
: مها وينك
مها:.............
: الو
مها بصوت باكيه: ادري انك ماتحبني ولا تمناني لكن انا احبك وش اسوي يعني
لاني ضعيييييف كسرت خاطري: طيب خلاص مسحي دموعك
مها: لا ابغى اكلمك
:خلاص انا برى البيت اذا رجعت كلميني
مها: انا اليوم بجيكم العصر مع جدتي
:ليش تجين مافيه بنات بعمرك
مها: شفت انك ماتبغاني
معرفت شقول: لا خايف امي تشك بزيارتك
مها: لاتخاف
: مها الله يرحم والدينك انا ما ابغى اخسر اعز اصاحبي لاتكلميني ثانيه
مها: لا انا اموت من شوقي وانت مرتاح لا اسفه بكلمك
قهرتني بغيت اتهور واقفل بوجها بس تمالكت اعصابي: طيب اذا رجعت بكلمك سلام
وسكرت والله انا متوهق مع مها معرفت شسوي انا تعبان معها احيان افكر اقول لاحمد بس احمد خبز ايدي اكيد بتهور ويمكن يموّتها وافكر اقول لامها بس اكيد بتدري مها وبتسوي مشكله مافيه الا ام احمد بس مستحي اقولها وش اقول اقول بنت بنتك مذيتني ما يصير والله اني محتاااااااااااااااااااااا ااااااااااااار ولا ادري وش اسوي
رجعت للبيت لقيت غزالتي تلعب بعرايسها اول ما شافتني قامت تمشي خطوه خطوه بابا بابا شلتها وحضنتها من قلب احس غزاله انا بتعيش وحيده لا اخو ولا اخت تلعب معها ولا عمه بستها وتعلقت برقبتي طلعت امي من غرفتها نزلت غزاله ورحت لها
: افا عليك يمه تبكين عشان سوير بدالها الف ساره
امي سكتت وانا احترمت صمتها:يمه بنام وبنوم غزاله معي
امي:تغديت
: لا والله ولالي نفس
امي:غزاله ماتغدت
:خلاص خليها عندك
ورحت لغرفتي واول ما غمضت عيني الا وجوالي يرن رديت بكسل: هلاا
مها: هلا بك
: اهلين
مها: ناااااااااااااايم
: لا بس نعست
مها: لا والله يعني ما انتظرتني؟!!!!!!!!
: شسوي تعبان
مها: الساعه 3 مهو زين تنام هالوقت
:طيب يا استاذه مها ماراح انام
مها: باقي ساعتين بالضبط واجيكم
: حياك الله
مها: بس هاه ابغى اشوفك طيب
: لا صعبه
مها: ياااااااسر
: طيب بمر بس
مها بفرحه: طيب ياقلبي باي خل اكشخ
: باي
سكرت مني ونمت وصحيت على اتصال منها وكانت الساعه 5ونص
: هلا
مها: صحيتي
: صحيتي مهاوي شكلك غلطانه
مها: لا ماني غلطانه بسك نوووم يالله قومي
: طيب باي
عرفت انها عندها احد وخايفه يعرف انها تكلم واحد((ان كيدهن عظيم))...
تروشت ولبست ونزلت تحت وبحكم تصميم بيتنا لازم اني امر بصاله عشان اطلع برى البيت كانت ام احمد وامي جالسه سلمت على ام احمد لكن ما شفت مها الحمد الله شكلها ماجات
امي: وين بتروح يمه
:بطلع للاستراحه الا وين غزالتي
امي: نايمه
: توصين بشي يمه
امي:سلامتك
التفت لام احمد: ولا انتي ياخالتي
ام احمد: سلامتك يمه انتبه للطريق
رحت للمطبخ وقلت للشغاله تعطيني غداء لاني من جد جوعان المفاجاء لما التفت وكانت مها واقفه ويدها على خصرها ياجمالك يامها وربي تسحريني يوم عن يوم بجمالك يمكن انا اشوف كل بنت حلوه او لان بنات حواء بطبيعتهم حلوووين
مها بهمس: ماسالت عني يعني
اشرت على الشغاله بما معناه اسكتي
مها بصوت مسموع لي: وانا شعلي منها منت مهتم سوا كنت موجوده ولا لأ
:مها خلي عنك حركات البزران هذي
مها : اكيد سالت عن غزالان بنتك وما سالت عني
: مهااااااا تحطين راسك براس بزر
مها: انا ابغاك تحبني اكثر منها
: غلاتك غير وغلاتها غير
مها: ياسر احبك
وهقتني خفت احد يشوفها بدون غطى واتعرض لموقف انا بغنى عنه: طيب ياقلبي غطي وجهك
مها: ليش ماعجبتك
: لا والله بلعكس انتي احلى من الزين نفسه
عطتني ظهرها: على بالي
اول ما طلعت الا امي بوجها ناظرتها امي وناظرتني مها كملت طريقها للصاله بكل ثقه وامي ناظرتني: وش تسوي هنا؟.!!!
:ابتغدى
امي: قلت ل مها تقول للشغاله تسوي شاي نعناع وطولت رحت اشوفها
: وانا بعد دخلت ولقيتها وسلمت عليها وسالت عن اخوها بس وطلعت
امي: ماتبغى غدى
: لا شبعت وطلعت
متجهه لصاحبي اول ما وصلت للحي اللي هو فيه اتصلت
:يله اطلع برى
تركي: وينك
: لي ساعه مستنر عند بابك
تركي: ياكبرها ساعه يله طالع
اول ما وصلت لبيته لقيته توه يسكر الباب يعني توه طالع وانا مكلمه من 5دقايق
تركي وهو يركب: لي ساعه مستنر هاه؟!!!!
:هههههههه اعرفك ياخوي يومك سنه
تركي: هاه وش رايك نروح للاستراحه
: انا متضايق بروح لاي مكان غير الاستراحه
تركي: وش رايك نروح للمقهى
: على قولتك وصلنا للمكان المطلوب
وطلبنا لنا قهوه وجلسنا
تركي : هاه قول وش مضايقك
كنت بقول لاني من جد تعبان من مهاااااااا بالحيل وبعدين تركي انسان ثقه بعكس غزلان اللي ولا انسان في الكون يعرف علاقتي معها لان وعدتها اني اعتبرها عرضي ولا احب احد ينظر لها نظره سيئه حتى لو هالشخص مايعرفها....
كنت بتكلم الا وجوالي يرن با سم (( احمد))
من بعد ماتعرفت على مها وكل ما دق احمد حطيت ايدي على قلبي!!!!!!!!
الجزء الخامس
من بعد ماتعرفت على مها وكل ما دق احمد حطيت ايدي على قلبي
: هلا والله
احمد: وينك يارجال اسبوعين لا بينت ولا شفتك
:مشاغل
احمد: مشاغل ها!!! وينك اللحين خلنا نجيك
: انا وتر كي في المطعم(****) وقفلت منه
تركي: احمد بيسافر لدوله افريقيه يمدحون بناتها
: من جدك
تركي: لا من خالي
:خخخخخ
تركي: امس متصل علي يقول بتسافر معي قلت والله ان درت المدام ان ترفع علي قضية خلع
:هههههههههههههههه هذا احمد مايخلي طبعه قايل له يتزوج بس ماطاع
دخل علينا احمد ناظرت تركي: مداه يجي
تركي: اكيد انه يغازل في المجمع اللي قريب المطعم
:هههههههههههههه
احمد:وش يضحكك انت وخشتك
: نضحك عليك
احمد:اضحكو على انفسكم تو 4 بنات مرقميني
قلت بسخريه:يابختك عطني وحده
احمد: لا لا لاتحاول روح معي للدوله اللي بروح لها وعقب بعطيك البنات اللي اعرفهم لاني بأصل مليتهم
:لا والله انا اللحين عندي بنت
احمد: غزاله بزر
: والبزر بيجيه يوم ويكبر
احمد: تكفى ياسر والله اني ابغى خوتك
: لا تتكفى فيني خلاص بشاور الوالده وبرد لك خبر
احمد: هذا العشم
رن جوالي وكان عمي سالم
: مرحبا
عمي سالم:الله يسلمك
: كيف حالك
عمي سالم: بخير يامال خير وينك يابوك ماعاد شفناك
: مثلك عارف الدوام واول ما اجي مشاوير الوالده والبنت
عمي سالم: ماهو بعذر تعال اليوم العشى عندنا عشان اني تقاعدت
:مبروك ياعمي ياجعل ربي يعطيك الصحه
عمي:ابغى اشوفك ع العشاء وامك بعد خلها تجي معك البنات يبغونها
:ابشر عقب صلاة العشاء بجيك
عمي: حياك الله فمان الله
قفلت منه رن جوال احمد وراح يرد عليه وبعد فتره رجع
: من اللي متصل
احمد: بنت اختي تقول ابي اسافر معك قلت لها خويي ياسر بيروح معي قالت عادي انا مسافره مع خالي
قلت بقلبي ان كيدهن عظيم: وش قلتها انت
احمد:وافقت وانا اقدر على حنة مهوي بعدين مهاااوي بزر
قلت بقلبي بزر ههههههههه ياليت تعرف ان اللي تسويه في بنات خلق الله رجع عليك..
تركي:بتشوف فضايحك وبتعلم امها
: لا وابشرك يوم رحنا المغرب ما يرجع للفندق الا بالسحب سكران ولايقدر يعدل راسه
تركي:لا يا احمد خلها تقعد وش لها بالسفره تنصدم في خالها
احمد: مها بنت اخت ياسر مثل ماهي بنت اختي اكيد ماراح يخليها تشوفني
: طيب ليش وافقت انها تروح معك
احمد: وش اسوي ابوها كلمني وطلبني انها تروح معي
:وابوها ليش يوافق
احمد:بنته الكبيره واكيد انها لحت عليه لين كلمني
تنهدت: خلاص تذكرتي انا وهي عليك واقامتنا هناك علي
احمد: وش معنى التذكره علي
: تبغاني اساعدك ع المعصيه
تركي: تكفى يالمطووووع
رن جوالي وكانت مها ماعرفت ش اسوي قمت وانا مرتبك بعدت عنهم
:انا مع خالك يامها بعدين كلميني
مها: لحظـــــــه لحظــــــــــه لحظـــــــه انا بقولك
: اذا وصلت البيت بتصل فيك بليزززززز مها
مها: انتبه لنفسك حبيبي
قفلت منها وانا احس اني بورطه من جد انتي يامها نشبه
لما رجعت قال احمد بسخريه: هذا اللي مايبي يساعدني ع المعصيه
تركي: خله ع راحته لاتحرجه
بلاك ماتدري انها بنت اختك يا فالح جاء الغداء وماعطيتهم وجهه ((عند البطون تعمى العيون)) وبعد الغداء رحنا للاستراحه وبعد صلاة المغرب وصلت تركي بيته ورحت لامي اللي قلت لها تجهز لين امرها ركبت معي امي وغزالتي معها ومشينا متجهين لبيت عمي سالم
دخلت وقام عمي سالم كلعادة الطيبه وحضني وينك يارجال معاد شفناك
سلمت ع عمي محمد ورحب فيني ترحيب لايقل عن ترحيب عمي سالم لكن الفرق واضح عمي سالم ترحيبه صادق فيه ولا عمي محمد باين انه نفاق
جلست وجاء ولد عمي سالم سعود وحبني ع خشمي وجلس بجنبي عمره 8 سنوات وهو الولد الوحيد بين 3 بنات
سعود ولدعمي: شفت بنتك حلوه انا احبها
: خلاص وانا اخوك اذا كبرت زوجتك اياها
سعود: لا صغيره
:والصغيره بيجي يوم وتكبر
عمي سالم: والله ياسر وانت ماحلفتني انه كل يوم يسال عنك
ناظرته: وليش ماكلمتني
سعود: ماعندي جوال
: بس جوال بروح انا وانت بعد العشاء وباخذ لك جوال وشريحه وش تبي بعد
سعود: واقدر اكلمك واكلم زملائي
: عشان لابغيتني تتصل فيني انا اخوك الكبير
عمي محمد: تشتري لذا البزر جوال((هذا عمي محمد اغلى ماعنده الفلوس))
عمي سالم: لا والله ماتشتري له
:ليه ياعمي منت عادني ولدك
عمي سالم:والله العالم انك بغلاة ولدي
:اجل لاتقول بيصرف علي فلوس بطاقات شحن جواله فاتوره وانا اللي بدفعها
عمي سالم: لا يابوك لاتكلف ع نفسك
:خلاص ياعمي انا قايل لك سعود اخوي
سعود: باخذ اخر جوال كاميرا
: اكشخ اخر جوال بعد ولا يهمك تامر امر
دخل زوج بنت عمي الكبيره وسلمنا عليه ورجال وراى رجال لاحد ماصار المجلس مزحوم رجال
عمي : ياسر يابوك وصيت سعود يجيب القهوه وتاخر
: ابشر
طلعت من المجلس وصلت للمطبخ ناظرت من النافذه ماكان فيه احد وصلت للباب اول ماوصلت الباب الا وصدددمه قويه راس ع صدري كانت بتطيح الدله من الصدمه لكن ربي ستر ومسكتها نزلت راسي اشوف من صدمني
بنت ماعرفتها قالت بارتباك:هــ ــ ــ ــاه اسفــ ـــ ـــ ــه موقصدي وانخشت ورى الباب
سعود:ههههههههه اختي جوهره مطفوقه بغت تكب القهوه عليك
وقفت متجمد بمكاني شوي اللي شفته معقوله تكون الجوهره سبحان مغير الاحوال بعد ماكنت شيفه وشينه احلوت هذا هم البنات شينات صغار ولما نشوفهم اذا كبرو ننصدم بجمالهم
وقبل ارجع للمجلس قلت بصوت مسموع: سامحيني يابنت عمي ماشفت احد في المطبخ من النافذه ودخلت ما استاذنت ورجعت للمجلس جلست مع الرجال وفكري كله شاغلته جوهره سبحان الله كيف احلوت لا وخجوله يابعدهن يابنت عمي
بعد العشاء طلعو الرجال وعمي محمد استاذن وراح لبيته مابقى الا انا وعمي سالم
عمي سالم:لا تقطع يابوك
ابشر ياعمي وناظرت سعود: ناد امي خلها تطلع
ركبت السياره وركبت امي ومدت لي غزاله وصارت تمسكني من اذاني وتبوسني
: يمه شيليها حاستني وطيحت شماغي
امي:شالتها جوهره
اول ما قالت امي اسمها فز قلبي
امي كملت:وبنتك الشيطانه قطعت عقدها وحلفت جوهره انها ماتاخذه من غزاله
: يمه وش عقدها
امي: ذهب ابيض تقول عمك شراه لها لما نجحت في ثالث ثانوي
: وهي أي صف اللحين
امي: في رابع سنه في الكليه تخصص انجليزي
قلت بقلبي شوفو الصدف حتى غزلان رابع سنه وتخصص انجليزي
: ياحرام يمه عطتها عقدها اكيد ذكراه غاليه عليها
امي:اقولك قطعته يعني ماعاد ينلبس
: عطيني اياه بصلحه وبرده لها
امي:ايه والله ياوليدي يكسرون الخاطر يتامى يوم جيتهم الدانه طول الوقت هي جالسه بجنبي والجوهره حضنتني حتى الكبيره لما جيت رحبت فيني احسن ترحيب اما بنات عمك محمد وامهم زين اللي قامو يسلمون
:ماعليك منهم بس ترى بنات عمي سالم محتاجين ام تسال
امي: انا وعدتهم اني كل مافرغت اتصل فيهم
: زين يمه اعجبتك سيارتي ماودك تنزلين لبيتك
امي: الله يقطع بليسك
نزلت ورى امي متوجه لغرفتي تذكرت مها لانها طول ما انا عند الرجال وهي تتصل لين حولته صامت اتصلت فيها
مها: نعععععم
: الله ينعم عليك
مها: مليووووون مره اتصل وماترد
:انتي ماتفهمين كنت معزوم
مها: طيب لاتعصب
: تخلين التمثال يعصب
مها:ههههه حلوه
: وش اللي حلوه
مها: ان التمثال يعصب
: طيب وش كنتي تبغين على هالاتصالات
مها:مشتاااااااااقه لك يعني حرام اكلمك
:................
مها: وش فيك سكتت
قهرتني: مدري عنك على بالي ان فيه جريمه صارت وانا السبب فيها على هالاتصالات
مها: خلاص ماتبيني اكلم باي
وقفلت من جد انبسطت كنت بقوم ارقص لانها عقلت وتركتني لكن يافرحه ما تمت اتصلت ثانيه مها
:هلا
مها: اهلين
: قلتي ماراح اتصل عليك
مها: ليش منت راضي تقتنع اني احبك
: انا مقتنع
مها: ليش تتعامل معي بهالتعامل
:وانتي ليه ماتريحيني
مها:اريحك بوشو
:انتي بنت اخت احمد يعني مثل اختي تكفين يا مها ابعدي عني
مها:لا ما ابغى
:وشو اللي ماتبغين ليش تفكيرك محدود
مها بصوووت عالي:وشوو محدود انا احبك انت ماتفهم
موتي ولا انسان يرفع صوته بوجهي:مهااااا اذا انا ساكت مهو معناه ترفعين صوتك علي اقص لسانك واخليك طول عمرك ماتتكلمين فاهمه وقفلت الجوال بوجها
اتصلت وعطيتها مشغول واتصلت وعطيتها مشغول ارسلت مسج
((والله اذا مارديت اني لا اموت نفسي وانت تعرفني اني ما اهدد ولا اكذب))
لاني ضعيييييييف وخايف تموت نفسها حتى لو هي ماتعني لي شي ويصير ذنبها برقبتي واتم بتعذيب الضمير طول العمر والاهم اني ضعيف اتصلت عليها
:مها
مها:.........
:ليش ترفعين صوتك علي
مها باكيه:اسفه
الدموع سلاح البنات لا ثارة شفقه الرجال وانا من النوع اللي اضعف اذ انسان بكى قدامي:طيب حصل خير قومي غسلي وجهك
مها:ياسر ليه ماتحبني
:من قال اني هالكلام لو انا اكرهك كان قلت احسن خلها تموت وافتك منها
مها:...........
:والله انا اذكرك لما دخلتي اولى ابتدائي كنت انا واحمد نوصك للمدرسه يعني احسن اني انسان حقير وتافه اذا كلمتك لاني يا بنت احترمك قبل احترم اهلك اللي نطعنهم بالظهر
مها: طيب طيب خلنا من هالسالفه اللي تعور القلب بتسافر مع خالي
:انشالله
مها: وااااااااااااااااو وناسه
:كل هذا عشاني
مها: اكيد ياقلبي عمري ماتوقعت اني بحب واحد نفسك
:شكرا
مها: اوكيك حبيبي صاحبتي معي خط ثاني خلني ابشرها انك بتروح معي
:مهووووووووووي
مها: بسم الله وش فيك
: قلتي لها ان صاحب خالي يكلمني
مها: وش قالو لك انا غبيه قلت لها واحد تعرفت عليه في الشات
:واللي تتعرفين عليهم بشات تطلعين معهم
مها:يوووه خلني ارد عليها
:مهاااااااااااا
مها:سم
:خلي صاحبتك تحترمك وتاخذ عنك فكره طيبه ليش تبينين لها انك تكلمين واحد وتفتخرين قدامها وهو مهو فخر العكس صحيح
مها:رايك اني ما اقول لها
:لا طبعاً لاتقولين لها تكفين
مها:طيب حبيبي مع السلامه
: طيب سلام
قفلت منها وانا متضايق منها تذكرت جوهره الخجوله وابتسمت من جد كبرتي عيني الله يثبتك على منتي عليه
ارست غزلان(( شخبارك اللحين عسى نفسيتك تمام))
ارسلت لها(( دام فيه احد يحاتيني اكيد بصير تمام ))
ارسلت غزلان((اذا ماحاتيت حبيبي من احاتي ))
ارسلت لها(( تسلمين لي يالغاليه))
وبعدها ع طول نمت وصحيت اليوم الثاني الصباح رحت للدوام وانا راجع خذيت شريحه وجهاز لسعود مريت ع بيتهم ظربت الجرس
جاني صوت الجوهره: ميــــــــن
حبيت اتميلح:ولد عمك ياسر
فتحت الجوهره الباب فتحه بسيطه: هلا ياسر ابوي عند جارنا
: ومن قالك اني ابي عمي
الجوهره بجديه: من تبغى اجل
: ابغى اخوي
الجوهره بعصبيه: ماعندنا لك اخوان
: يالانانيه وسعود اخوك لحالك هو اخوي بعد
الجوهره: سعود راح مع ابوي
مديت لها الكيس من فتحة الباب اذا رجع قولي له اخوك ياسر جاب لك الجوال اللي وعدك فيه
الجوهره:انشالله تامر امر
وقبل اروح جاء صوتها الحنون منادي باسمي: يااااااااااسر
: سمي
الجوهره: اسفه نافخت عليك((رفعت صوتي))
: مسموحه يابنت عمي
الجوهرة من ورى الباب:فمان الله ومشكور على هدية سعود
: وانتي بحفظ الله وانتم اهلي مافيه داعي للشكر انتظر مكالمه سعود
ركبت سيارتي ورجعت للبيت لاني تعبان باللحيل الساعه7 المغرب وانا من 9 الصباح وانا مرتز في ذا الدوام اول مادخلت البيت كانت ام احمد جالسه في الصاله عند امي
اول مادخلت رحبت فيني حسيت نفسي ناقص او بالاصح احتقرت نفسي لو تدرين اني اكلم بنت بنتك مارحبتي فيني كل هالترحيب
ام احمد: احمد ومها بيسافرون الاثنين
ناظرت امي: يمه احمد طالبني اني اروح معه وش رايك
امي: والله اني خايفه عليك انت وخويك من هالسفرات
: افا عليك يمه رجال طول بعرض وتخافين علي
امي: بتقعد عندي امي لين ترجع بالسلامه
: والله اني مالي خاطر في هالسفره لكن احمد ملزم
ام احمد: الله يهديه يمه لا راضي يعقل ولا راضي ازوجه
: خليه ع راحته ياخالتي
ام احمد: ياخوفي ان اللي هو شايفه راحته توديه في داهيه
: احمد رجال ولا عليه خوف
امي: يعني بتسافر بعد يومين
:باذن الله
امي: ياسر يمه ماتغديت
: لا ولالي نفس ابي انام تعبان
امي: نوم العوافي يمه
رحت لغرفتي ورحت بسابع نومه وصحيت الساعه 4 الفجر شبعت نوم ناظرت جوالي وكان اتصالين من غزلان و27 اتصال من مها و4 اتصالات من سعود ولد عمي ومسج من غزلان((نوم العوافي يالغالي))
ومسج من مها(( عارفه انك ماتبي تكلمني الله العالم من انت مشغول معه؟!!!!!!!))
مسج من سعود شكل خواته اللي كاتبينه له((مشكور ياخوي اغلى هدية جتني في حياتي)) رحت للمسجد صليت ورجعت البيت سمعت صوووت وحده تبكي
دخلت بشويش لحد ماثبت وعرفت الصوت ماكان الا صوت حبي بدريه رحت من الحديقه للمطبخ وكانت جالسه ويدينها ع وجها
وقفت قبالها وجلست ع الارض:بدريه وش يبكيك
بدريه رفعت راسها وناظرتني بحزن:مافيني شي
: اجل وش جابك في هالوقت المتاخر
بدريه وقفت وقالت بعبره وحزن: انا عندكم من الساعه1
: تكفين يابدريه قولي وش اللي يبكيك
بدريه ناظرتني واشرت ع قلبها: ماعاد يقدر يتحمل عذاب الدنيا
جيت ومسكتها من اكتافها:لييييه ماتنطقين من اللي يسوي فيك كذا والله ان يبطي في المستشفى من اللي بسوي فيه قوووووولي هو ناااااااااااااااااايف
بدريه غطت وجها بيديها ورجعت تبكي كنت بروح لنايف لاني اضعف اضعف اذا شفت الغاليه تبكي
لكن يدينها الصغيره مسكتني من ذراعي : والله سبب دموعي هالمره مهي من نايف
:اجل مين
بدريه:خلاص خلني ارتاح وبكرى بقولك
: لاتكفين لاتنامين وانتي في هالحاله
ابتسمت بسخريه: من متى وانا انام مبتسمه؟
: انتي اللي جايبه الهم لنفسك ولا قلبي قبل بيتي مفتوح لك
بدريه:الدنيا مهي سايبه اكيد ابوي بياخذني اعيش عنده وزوجة وعياله ما يحبوني او جدتي لايمكن تستقبلني مطلقه اذا هي ماتحملتني وانا بنت وحده بتحملنا واحنا ثنتين
:والله ماحد ياخذك دام راسي يشم الهواء
بدريه بالم:ياسر الحق معه
:وشو حقه انهم يعذبونك بحياتك بدريه انتي ماتعرفين وش يصير فيني اذا شفتك حزينه انا اموووت فداء ضحكتك وشوفتك مرتاحه
بدريه:كل مره اجلس عندكم فيها يكلمني ابوي يقول ارجعي ولا ترى برجعك غصب وانا احفظ ماتبقى لي من كرامه وارجع لنايف اذا اتصل يطلب رضاي اااه ياسر انا ابي اموت واتارح واريح
:بسم الله عليك الله يخليك لنا كلنا....اممممم طيب وش رايك نصحي امي وتروح معنا امشيكم ومنها البنات ينبسطون وانتي بعد
بدريه:جعل يومي قبل يومك طول عمرك حنون ياخوي
((عورت قلبي مرتين مره لماتمنت تموت قبلي ومره لما قالت اخوي))
قلت بالم: بسم الله عليك هاه وش قلتي
بدريه ابتسمت:.............
:خلاص مسحي دموعك وصحي امي والبنات وخلينا نطلع شرايك
بدريه: امي صاحيه وتقرء الاذكار بس يمكنك تبغى تنام
: لا انا نايم من 8 وصحيت شبعان بعدين يله امشو يمكن اغير راي
ابتسمت وراحت بخطوات كنها غصن البان يميله الهواء يمين ويسار ااااه يابدريه حسبي الله على اللي فرقنا لو انا اللي متزوجك والله ماخلي دمعه تنزل من هاللعيون الناعسه واني لخلي كل ايامك فرحه
رحت للصاله وتمددت على الكنبه وشغلت التلفزيون وجلست اناظره لحد ماحشرتنا غزاله بصراخها جابتها بدريه ومدتها لي: خذذذ بنتك هالشريره صحت بنتي مخترعه
:هههههههه طالعه ع ابوها
ابتسمت وقالت بحنان: وفيه مثل طيبة قلب ابوها
: احم احم احرجتم تواضعنا
بدريه: لاتصدق نفسك
:اوووووووه طيحتي وجهي
بدريه:ههههههههههه
: ياجعل ضحكتك وابتسامتك دوم
سكتت ورجعت لامي وانا شلت غزاله خبت وجها برقبتي ونامت وانا اعلي على التلفزيون عشان تصحى لكن مافيه قلت غزاله تروحين معي للسياره وماردت قلت غزاله تروحين معي للحلوى رفعت راسها وناظرتني بعيونها الحلوه كلمتها الوحيده بــــابــــــا كبرت غزاله وللحين ماتتكلم
: ايه يابابا بنروح بجيب لك حلاوى
دخلت امي بست راسها وصبحت عليها جتني رهف وضمت رجولي عمووو
رفعتها: هلا ياعمووو وبستها
رهف: اختك ماحبها
عقدت حواجبي: من اختي وانا وحيد امي
رهف اشرت ع غزاله:هذذذذذذذي
: افا هذي ماتحبينها ليش
رهف: تبكي تبكي تبكي
الكل:هههههههههههههه
ركبنا السياره واحترت وين نروح وكانت الساعه 5 ونص
امي: وين بتودينا
: اللي تبون
امي ناظرت بدريه: وين تبغين تروحين
:وش رايكم ناخذ لنا فطور ونروح للحديقه نفطر فيها
امي وبدريه: موافقين
مريت محل معجنات واخذت عصاير ورحت معهم لحديقه عامه وجلسنا نفطر مع بعض لو اكتب ما كتبت ما اقدر اوصف شعوري وانا اشوف ضحكت بدريه اللي انحرمت منها سنين وبعد ما فطرنا قامت بدريه واخذت غزاله ورهف راحت تلعبهم بالمراجيح ناظرت امي : يمه لما رجعت من صلاة الفجر لقيت بدريه تبكي ماقالت لي سبب دموعها
امي: حماتها الله يهديها تقول لها احملي وهي ما ودها تجيب لها عيال يربطونها في نايف اكثر
قلت بفرحه: يعني هي ماتحب نايف
امي: هذا زوجها اكيد انها تحبه لكن ماتبي تجيب عيال تخاف تعقدهم تبغاه لين ينصلح حاله وحماتها تسمعها كلام يجرح في الطلعه والنزله
: ليه ماتروحين لها وتقولين لها ترى بدريه وراها رجال يكسر راس اللي يتعرض للبدريه
امي:انا قلت لبدريه لاتردين عليها لكن بدريه حساسه وكل كلمه توجعها
:بدريه في بيت لحالها وش دخل عجوز النار
امي:تقول ابي اشوف عيال لولدي
: قولي لها ان بدريه ساتره فضايحكم ولا تقول عن ولدكم لاحد
امي: الحمد الله الله لايبلانا فضيحته يعرفها الاولي والتالي
:كله من امك
امي: الله يسامحها
حسيت اني تضايقت بقووووووه لما اشوف حاله بدريه حبيبتي الوحيده اليتيمه اللي مالها ظهر ولا سند انتظركم بالسياره
ركبو وصلنا البيت لبست ملابس الدوام ورحت للدوام مر اليوم بطئ غير اني متعب بالهموم قدمت ع اجازه وافقو رجعت للبيت وكانت الساعه 2 ونص الظهر طالع بدري
دخلت وكانت امي والشغاله يرتبون السفره
امي:ياسر غريبه يمه راجع بدري
: مافيه هلا
بدريه: هلا والله
:اسمعي يمه الكلام الزين
امي: يله يمه بدل ملابسك وتعال تغد
: لا والله بروح انام
امي: ماراح نتغدى الا اذا تغديت معنا صح يابدريه
بدريه: صح يمه هاه وش قلت ياسر
: وانا اقدر عليكم خلاص10 دقايق بالكثير وراجع
طلعت بدلت ونزلت تحت تغديت وبدريه توكل بنتها وغزاله وين الاقي ام حنونه لغزاله غيرك لكن ماكل مايتمناه المرء يدركه
مدت لي بدريه عصير احلى عصير ذقته بحياتي يمكن لانه من ايد بدريه رن جوالي وقامت رهف وعطتني اياه وكان احمد رديت: هلا والله احمد
احمد:كيف حالك
:ابشرك بخير
احمد:طيارتنا بكرى 4 الفجر
: خلاص يصير خير
قفلت منه وناظرت امي : يذكرك بموعد السفره
بدريه بصدمه: وين بتروح
: بسافر مع صاحبي وبنت اخته
بدريه: بتطول
: لا كلها كم يوم ورادين
بدريه: انتبه لنفسك امانه
: ابشري وانتي الله الله في امي خليكم عندها غيري جو وتونسينها لين اجي
بدريه: امي في عيوني
: وكل واحده منكم هديتها محفوظه
بدريه: هديتنا شوفتك راجع بالسلامه
: ماوصيك ع غزاله ياخوفي رهوفه تضرب اختي اذا رحت
رهوفه: لا عمو انا احب غزاله
: توك الصباح قلتي ماحبها
رهوفه:انا احب عمو ياسر
: فديتك يابعد عمر عمك ياسر
رن جوالي وكان سعود
رديت: مرحباااااااااااا
سعود:كيف الحال
: بخير دامك بخير
سعود:مشكور ياسر جوالي حلووووو
:تكسره بالعافيه
سعود: لا ليش اكسره انا بزر
: لا رجال ولد رجال واخو رجال
سعود:ابوي يبي يكلمك
عمي سالم:كيف حالك ياسر
: والله بخير يالغالي
عمي سالم:جعل ربي يطول عمرك فرحت سعود ماكان كلفت ع عمرك وانا ابوك
: انتم هلي مافيها كلافه مريت عليك البارح ومالقيتك
عمي:اللحين انا في البيت حياك يابوك تقهوى عندي
:مشغول ياعمي
عمي:لا يابوك تقهوى ماني بقايل تغد لاني داري انك تغديت
: خلاص انشالله ساعه وبجيكم
عمي: سعود يبغى يكلمك
سعود: ياسر خلي غزاله تجي معك
:لا ياخوك بتزعجني
سعود:انا احبها وحتى الجوهره تحبهاااا مرره
مدري ليه حسيت برجفه: خلاص بجيبها
قفلت منه وناظرت امي: يمه خلي الشغاله تبدل لغزلان بروح انا وهي لبيت عمي طالبينها
امي:وش رايك يابدريه كلنا نروح لهم
بدريه: لا ياخالتي ماعرفهم
: لا بنات عمي ينحبون
امي: وانت من وين عرفتهم
: هاه
بدريه: وش اللي هاه
:انا حبوب اكيد انهم طالعين علي
بدريه:ههههههههههههههه
يانااااااااااس يالعالم اموت فداء لهالضحكه: يالله البسو خل اوديكم معي
بدريه وهي قايمه:دقايق والا انا جاهزه
امي وهي قايمه: ببدل لغزاله وبلبس عبايتي
بدريه: لا والله خلك جالسه انا ببدل لغزاله ولرهوفه وانا جايه باخذ عبايتك
امي: ياجعل ربي يسعدك يابدريه
ابتسمت بتسامتها اللي تهز حتى الجبل ناظرت امي: لو اني متزوجها كان مهوب احسن لي من غيرها
امي: النصيب وانا امك
: الله لايسامح اللي كانت السبب
امي: ياسر تدعي ع امي
تنهدت بحزن: لا ادعي لها
استكتت امي وحسيت انها تضايقت صح اني زودتها المفروض احترم وجودها لكن انا احس سككاكين تقطع قلبي اذا تذكرت انها زوجة لغيري والسبب امها اااااه يالقهر
قمت وحبيت امي ع راسها: اسف يالغاليه لاتتضايقين
امي: الله يرضى عليك ياوليدي
دخلت بدريه والبنات: خلااااااااص جهزت يالله ومدت عبايت امي لها
ابتسمت:يالله نروح
غزاله: اوح
كلنا ناظرنا بعض وقالت بدريه:ياحيااااااااااااااا� �اااتي تقول نروح
امي تناظر غزاله: فديت عمرك مابغيتي تنطقين
: غزاله قولي نروح
غزاله: بابا
: اقولك قولي نروح تقولين بابا عنيده طالعه ع جدتك من ابوك
امي: الا طالعه ع ابوها
رفعت ايدي ايدي باستسلام:ما ابغاها تشبهني خلاص طالعه ع بدريه
بدريه: حظي يوم غزاله تشبهني
: الله لايحرم غزاله طيبتك ولا يحرمنا كلنا منك<<مهو كني غازلتها عينك عينك
بدريه نزلت راسها وقالت امي: ياااااسر
: سمي
امي بجديه:يله نروح
سكتت وركبنا السياره وكانت غلاي راكبه وراي مشينا وطول الطريق كل ما طاحت
عيني ع بدريه تزايدت خفقات قلبي وربي اني احيانا اخاف تكون بدريه تسمعها
وصلنا لبيت عمي ضربت الباب وفتح سعود او ماشافني حضني
: هلا بالبطل سعود
سعود يسلم ع امي وبدريه بدريه كانت شايله غزاله
سعود: خليني ابوس غزاله
نزلتها لمستواه وباسها وبعدها رجع لي بعد ما بعدت امي وبدريه متوجهين للباب الخاص بالحريم: زوجتك حلووه وطيبه
: الله يسمع منك وتجمعني معها الايام
توقعت ان بدريه ما سمعته لكن المفاجاءه لما وقفت ناظرتني بحده


~sẳrẳh غير متواجد حالياً   رد مع اقتباس
قديم 23-04-08, 08:59 PM   #5

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

الجزء السادس
توقعت ان بدريه ما سمعته لكن المفاجاءه لما وقفت ناظرتني بحده
حطيت ايدي ع فمي: خلاااص يا اخت بدريه ماراح اعيدها
بدريه اشرت لي لما قربت منها:نسيت حليب غزاله
تنهدت بارتياح وبعدها ضحكت:بس كذا ماراح نتاخر عندهم ولا ناويه تنامين عندهم
قولي كنك ناويه ارجع اروح اجيب لها حليب
بدريه تضربني خفيف ع كتفي: ياثقل دمك
:ههههههههههههه وياخف دمك
راحت بخطوات ثابته كنها تشمي ع رمشي وخايف عليها من الهوى انها تطيح ياليت يابدريه تدرين بغلاتك على كثر ما شفت وانعجبت الا انتي ماتجي بنت امها بجنبك اااااه ياليتك تدرين والله لاتفاخرين فيه وتقهرين عبله محبوبة عنتره
سعود مسكني من ايدي:ابوي يناديك
دخلت المجلس وحبيت عمي ع راسه وجلست بجنبه مد لي سعود قهوه تقهويت وقلت لعمي
: انا بسافر مع خويي لدوله(.......)
عمي: وليه وانا ابوك مالك حاجة بالسفرات
:والله اني مالي خاطر بهالسفر لكن هو لزم علي
عمب: احرص ع نفسك من الحريم وانا ابوك ومن الامراض
: افا عليك ياعمي توصي واحد بعمري
عمي: كانك تبغى العرس بنات عمك كثير ومهر زواجك علي
احرجتني طيبة قمت وحبيته ع خشمه: الله يخليك لنا ذخر
عمي:ماوصيك ياولدي الله الله بنفسك
دخل سعود ونادى عمي وقال ان فيه واحد يبغاه عند الباب استاذن عمي وانا جالست انتظره
جاء سعود وجلس بجنبي مد جواله وقام يوريني اشياء بجواله خذها من خواته ومن عيال الجيران لكن المفاجاءه لما وصلنا لصورة ملاك في صورة انسان الجوهره وهي نايمه لابسه بجاما بيضا بدون اكمام وبحضنها دبدوب مامنعت نفسي اني اتامل براءتها كل براءه الدنيا فيها لحظات لا ثواني وحسيت كان بزلزال زلزلني ماعجبتني هالشي ناظرت سعود: من اللي صورها
: انا صورتها وهي نايمه وانفجر ضحك وماقلت لها عشان ماتعصب
قلت بصوت عالي: فيه احد ارسلتها له
سعود بخوف: لا
قلت له بصوت عالي: ارسلتهاااااااااااااااا ولالأ
سعود وهو شوي وبيبكي: والله مارسلتها
قلت له بحده: ان صورتها ثانيه والله لازعل عليك وقفت
ورحت لجهة المطبخ وقلت لسعود روح ناد الجوهره وقل لهاتغطى ابغى اكلمها وقول لها لاتقولين لامي ولبدريه
سعود وهو زعلان: طيب
جلست 5 دقايق لو انا ما كلمت عمي وماعزمني وماعطاني سعود جواله
لو واحد من جيرانهم اخذ جواله وارسلها له وانتشرت صورتها ضربت الجدار ضربه ورى ضربه لحد ماحسيت اني ايدي ماعدت احس فيها وانا الوم نفسي انا السبب لاني اعطيت سعود البزر جوال بخاصية كاميرا فقدت الاحساس بالعالم من حولي من قهري انا مقهوووووور
حسيت فيه ايد مسكتني من ذراعي: كفاااااااااايه خلااااص الله يخليك
التفت:انتي الجوهره >>سؤال غبي الدانه ماتتغطى
الجوهره بعيون خايفه: ايه الجوهره خير وش فيك سعود يبكي وانت تضرب الجدار والله خرعتوني ابوي فيه شي
تنهدت ومسكتها من ذراعها:شوفي صورتك يافالحه
حطت ايدها ع فمها:.......................
: لو ان سعود ارسلها لجيرانكم وللناس اللي بالشوارع وصارت صورتك في كل بيت وسمعتك بتراب من بتجي في راسه
الجوهره وعيونها غرقانه دموووووع صرخت عليها: تكلممممممممي مين بتجي في راسه
الجوهره قالت بصوت خايف مرتجف: يعني انا انفضحت
:.............
الجوهره:تكفى الله يخليك تكلم
تنهدت: لا محد شافها الا انااااا
الجوهره صارت تبكي وانا واقف ماني عارف وش اسوي: خلاص انا هزئته وما اتوقع انه بيسويها مره ثانيه
الجوهره ناظرتني بعيون حمراء: والله اني مالي ذنب
:واضح من الصوره...... غمضت عيوني بالم قالت بخوف: ياااااسر وش فيك
:إيــــــــدي
الجوهره: ياااااااااااااااسر ناظر يدك
ناظرت ايدي اللي متفخه بشكل يخوف وقلت لها وبالم: لا تقولين لامي وتخوفينها بروح للمستشفى وخذي الجوال ولاتعطينه سعود لين يحس بالغلط اللي سواه ولا يكرره
الجوهره بخوف:انتبه لنفسك
طلعت وكان عمي ويتكلم مع واحد ركبت سيارتي اشر لي عمي اني انتظر
نزلت النافذه: دقاااااايق وراجع
اشر براسه موافقه رحت للمستوصف قريب من بيت عمي ومن جد ايدي توجعني وماني قادر ارفعها وقفت سيارتي ورحت للاستقبال واكانت بنت^_* لكن في غايه الاحترام
البنت:عندك موعد ولابتحجز
:وش موعده ناظري يدي
اول مارفعت راسها قالت بحنان: وش جابك هنا ليش مارحت للطواري
:انا معرف بالمستوصف هذا بس لانه قريب من هنا جيته
البنت:خلالالالاص ولايهمك وراحت معي للدكتور
وسوى لي اشاعه واعطاني شد لها لاني تسببت بتشعر في العظم طلعت من غرفه الدكتور وتنهدت برتياح ومريت من جنب الاستقبال
البنت: اشرت لي لو سمحت
عقدت حواجبي:سمي
البنت:ليس الشديد بالصرعه وابتعد عن المشاكل عشان ماتتاذى
>>على بالها متهاوش:ههههههههههههه هههههههههههههه هههههههههههه
البنت:ليش تضحك؟
:تعرفين اللي يحاول بس يرفع صوته علي اكسر اصابع ايدينه وارجوله بعد انا عنتر بس ابيض وبدريه عبله بس بدريه احلى،،،،
قلت بقلبي... ((مادح نفسه يبغى له بوسه)) مثل جديد من تاليفي خخخخخخ
البنت:ايش؟!!!
: احم احم سلامتك
البنت:الحمد الله على السلامه
:يسلمك ربي
وانا طالع كان فيه واحد كبير شوي بسن نازل من سياره الاسعاف ويدف ولد وثنتين وراه منقبات يبكون فجعني المنظر شكل الولد الصغيرمغمض عيونه ومافيه حياه والحريم اللي يبكون والشايب اللي معتفس رحت وراهم ماقدرت اروح مع اني مافي يدي حيله لكن انا رحت وراه على طول دخلوه الطفل العنايه وبقن الحريم والشايب وقفت بعيد شوي عنهم يمكن 10 دقايق ماني عارف وش اسوي رحت بخطوات متردد
:خير ياعم عسى ماشر
الشايب: تكلمني
:والله ياعمي ماقدر اروح وانا اشوف حالتك
الشايب بحزن:ربك بيحلها
:اللي داخل ولدك
الشايب:ولد بنتي
مقدرت اقول وش فيه بس فيه شي بقلبي حن على هالشايب وعلى الطفل جلست بالكرسي اللي بجنبه وحولت جوالي صامت لان مها تتصل
:ماني طالع لاحد ما اتطمن عليه الله يقومه بالسلامه
الشايب:فيك الخير والله يسمع منك
ثانيه ورى ثانيه ودقيقه ورى دقيقه لحد ماصارت ساعه ونص وصوت بكاء امه واللي معها هو الحديث المسيطر جاء واحد وقال بقهر:انا الغلطان اللي خليت ولدي عندك
وحده من البنات:انا امه مثل منت ابوه
الرجال: ولا كلمه فاهمه
الشايب:صل على النبي
الرجال:مصلي عليه قبل اشوفك انت وبنتك
سويت فيها قوي عشان اوقف الرجال اللي داخل متفرعن على الشايب مايدري ان كل قوي الله اقوى منه:هيه هذا مستشفى محترم ومشاكلكم برى المستشفى
الرجال يقصد الشايب:حسبي الله عليك انت وهي
وراح بعيييييد ووقف يشرب دخان التفت للشايب:هذا ابوه
الشايب:طليق بنتي وماذينا كل يوم والثاني متصل يبغى ولده واليوم اتصل وراحت ترد عليه ونست ولدها في الحمام ولقته غرقان فيه
تضااااايقت بقوه فكيت ازار ثوبي اللي فوق:يعني هو غريق
الشايب:لا كان يتنفس بصعوبه وانا مثل ماتشوف يله امشي ولاعندي عيال يسوقون اتصالنا بلاسعاف وعلى ماجاء والله انه يتنفس بس بصعوبه
البنت:ياحسرتي عليك ياولدي حسبي الله عليك يا فهد
:............
الرجال:حسبي الله عليك انتي
وقفت:اسمع والله ان ماحترمت نفسك لاخلي الامن يرميك برى ترى حزنها مثل حزنك ويمكن اكبر ادعي لولدك بدل ماتدعي عليها
الرجال عقد حواجبه وراح لاستراحه الرجال
طلع الدكتور وقفت بلهفه:هاه بشر
الدكتور :تدعي مرحله الخطر
الشايب حضني:الحمد الله
الحرمه:اقدر ادخل عليه
الدكتور:احسن بكرى
الحرمه:الله يخليك بس شوي
الدكتور دقيقتين
الحرمه:انشالله
:دكتور يعني الغرق ما اثر عليه
الدكتو:لاا اللحين بخير بس لازم انه يراجع التدليك الصحي لانه جاء له ارتخاء في المفاصل
:وهذي تطول
الدكتور:لا بس يمكن شهرين وراح يرجع طبيعي
التفت لابو الطفل اللي كان واقف:ولدك اللي تطالب فيه بغى يروح منك والسبب انتحين بحاجتكم انتم الاثنين ولازم تفكر فيه قبل تفكر بنفسك
الشايب:الغريب عليه وعلينا صار احن منك
:ماغريب الا الشيطان استاذن ياعمي
الشايب:روح ياولدي ربي يوفقك
عطيته رقمي وقلت لابغيت شي انا ولدك ورحت نازل سمعت صوت نسائي لو سمحت التفت يمكن المقصود انا
اشرت على صدري:انا
البنت وقفت وهي تنتفس بسرعه شكلها كانت تركض:انا خاله الولد اللي من شوي
عقدت حواجبي:هلا امري
البنت:فيه منك شخص ثاني
:مافهمت؟!!
البنت:فيه برجولتك واحد ثاني ولا انت حالة نادره
: ههههههههه الكل فيه خيره وانا في نظر بعض البنات رخمه ((ضعيييف))
البنت:لا وربي انك واحد نادر وجوده
:مشكوره شهادتك وسام على صدري
البنت:انا عمري 25 ولا افكر اني اتزوج بسبب زوج اختي وكنت متوقعه ان كل الرجال مثله وانت اثبت لي العكس
حسيت بالاحراج وهي قاعده تمدح فيني:احم احم
البنت:قول امين
:ليه
البنت:قول وبس
:امين
البنت:ياااااااااارب اتزوج واحد مثلك في رجولتك وحنانك وطيبه قلبك ووسامتك
وعطتني ظهرها وراحت تاركتني وانا كلي صرت علامة استفهاااام كبيره
انا ماحررت فلسطين؟!!!! انا سويت اللي أي واحد مكاني بيسويه بس شكل فيها عقده من الرجاجيل سويت الشي للي املاه علي ظميري اني شفت واحد على عكاز وكبير في السن وطفل بين الحياه والموت وحرمتين ظعوف يبكن اكيد ماراح امر مرور الكرام
ركبت سيارتي وتنهدت ومسكت ايدي اللي تعورني هذا انا كل ما انقهر احط قهري في اشيائي او و في نفسي مهما كبرت ابقى انا ياسر الطفل اللي اذا انقهر يصب قهره ع أي شي قدامه اااااااااااااه يالقهر للمره الالف ااذي نفسي مشيت بالسياره متوجه لبيت عمي
اول مادخلت المجلس لقيت عمي
عمي وقف بخوف: عسى ماشر يابوك اتصل وماترد علي
:لا ماشر طحت على ايدي وتعورت
عمي:الحمد الله ع السلامه
: الله يسلمك الا ياعمي من الرجال اللي جالس تكلمه
عمي حسيت انه يتهرب:يسلم علي
:يسلم عليك ليه مادخلته ماخبرك تسلم ع اصاحبك وانت برى
عمي: بقولك ومابغاك تقول لاعمك محمد
: خير ياعمي
عمي: هذا مقاول عماره بنيتها ويبغى قروشه
:عندك عماره
عمي:خبرك سعود ماكمل 7 سنوات وبناتي ماعندهم خوان ابي اخلي لهم شي يبنفعهم بعد موتي
:الله يعطيك طولة العمر وتشوف عيال عيالهم واذا تبغاني اتابع المقاول تراي ولدك
عمي:لا ابشرك جهزت
: مبروك ياعمي والله يعطيك خيرها ويكفيك شرها
جاني مسج من جوال سعود((مشكور ياولدعمي مدري لو ان الله ماخلاك تشوف صورتي كان رحت فيها الله يجزاك عني كل خير))
ارسلت لها: ((مثل ما قلتلك لا تعطين سعود الجوال لين ارجع من السفر طيب))
ارسلت: ((انشالله والله يجزاك عني كل خير))
اتصلت فيني امي
: هلا
امي: يله يايمه بنتك تبكي ونسينا ناخذ لها حليب
:ياحب بنتك للحليب
امي: الله واكبر عليك قول مشالله
:بسم الله علي ومشاء الله عليها انا قايل ان غزاله بنتك وانا ولد الجيران
امي:وماحبيتها الا من حبك
: اجابه دبلوماسيه
امي: يله يمه
: خلاص يله انتظركم برى
عمي: وين وانا ابوك
: غزاله جوعانه وازعجتهم تبكي
عمي:هاتها خل اسلم عليها
:انشالله
طلعت لامي
اول ماشافت يدي: يممممه ياسر وش فيك\
: مافيني شي
امي: ويدك
:طحت عليها وكسر بسيط
امي: بسم الله عليك ومتى هالكلام
:تو من ساعه يمكن
بدريه: سلامتك ماتشوف شر
: الله يسلمك خلاص يمه فيه اسئله ثانيه عمي يبغى يسلم ع غزاله
خذيت غزاله من ايد بدريه وسلمت ع عمي وطلعنا ورجعنا للبيت وطول الطريق وصوت غزاله وهي تبكي ماسكت صدعت روسنا
اول ماوصلنا البيت رحت للمسجد صليت المغرب ورجعت لغرفتي لان غزلان اتصلت علي وعطيتها مشغول بعدين انا مسحيل اسافر وانا ماخبرتها
غزلان: هلا والله
: هلا بهالصوت
غزلان:وووينك طولت ماتصلت
:وش اسوي اول ماتصلتي كنت ببيت عمي وبعدين في المسجد واللحين فضيت واتصلت فيك
غزلان: انا توقعتك مشغول بالداوم ليش طالع بدري عسى ماشر
: مقدم ع اجازه وعطوني وبعدها استاذنت
غزلان: ليييييييش
: بسافر مع خويي
غزلان: احمد
: وش دراك
غزلان: عرفت من كلامك ماحد يحب السفرات غيره
:لا وبنت اخته بتروح معنا
غزلان:مهاااااااااااا
:ايه
غزلان:تكفى ياسر لاتروح
: وش اسوي والله اني رفضت بس احمد لزم علي
غزلان:اخاف هالسفره تقربكم من بعض
: لا مستحيل وحده ارخصت بنفسها وكلمت واحد من غير علم اهلها لايمكن انها تملك قلبي
غزلان:................
للمره المليون اجرح غزلان بس والله مهو قصدي:غزلان
غزلان:................
:انتي غير وربي انك غير
غزلان بصوت باكيه:ياليت انا لك بنت عم ومحجوزه لك
: خلاص عشاني لاتبكين وربي مهو قصدي
غزلان:متوقع اني افتخر بنفسي وانا اخون نفسي قبل اخون اهلي اخون نفسي لاني اسوي شي غير عن اللي تربيت عليه وغير عن قناعاتي واخون اهلي لانهم اعطوني ثقه ماني قدها انا خاينه للكل
:............................
غزلان: خلاص مع االسلامه وقفلت بوجهي
ناظرت الجوال وقلت ماالومها تصرف طبعي لوحده جرحتها حتى لوكان من غير قصد لكن هذي الحقيقه مهما بلغ حب غزلان بقلبي لايمكن اني اثق فيها حتى لو اني قلبي يثق فيها لكن الواقع ضدنا والواقع يرفض العلاقات المشبوهه
انتظرت صلاة العشاء صليت ونمت
صحيت 3 ع اتصالات مها
رديت بصوت متعب:نعم
مها: الله ينعم عليك
:هاه شتبغين
مها: يله قووووووووووووووووم ياخوفي تروح علينا الطياره بسرعه قوم جهز اغراضك
: طيب
مها: ياسر حبيبي قوم
جلست: خلاص صحيت
مها: قوم تروش عشان تصحصح
: اوكي باي
اول ماقفلت منها الا احمد يتصل
:هلا احمد
احمد: صحيت
: ايه البركه في مـ..........<< سكتت لان شكلي كنت بعميها
احمد:البركه في ام ياسر الله يطول لنا في عمرها
:ايه وانت صادق
احمد: نص ساعه وبمر عليك
: طيب
قفلت منه وحمدت ربي اني ماغلطت وقلت اسمها رحت للحمام تروشت لبست بنطلون جنز وتي شرت اسود ما حب ابد البدل واحب الزي الرسمي الثوب والشماغ بسافر انا ووجهي يازين شكلي رايح لها الدوله بثوب وشماغ
المهم جهزت اغراضي بشنطه وجوازي ونزلت تحت اكل شي جوعااااان خليت شنطتي بالصاله رحت للمطبخ اخذت ابريق مويه عشان تغلي لاني بسوي لي شاي
سمعت صوت بدريه لكن ما اميز الكلمات اللي قاعده تقولها قربت من الباب الخارجي للمطبخ كانت تقول >> ياغزاله نامي نامي تكفييين نامي
طلعت من المطبخ لقيتها شايله غزاله بحضنها وتغني لها شعرها الحرير اللي يطيره الهوى عيونها اللي مغمضتها لان شكلها تعبانه كل شي فيها فريد نوعه وغزاله ازعجتها مامنعت نفسي اني اناظر لوحة من اجمل لوحات العالم اتقان
صدق الشاعر سعد علوش
((حبيبتي تحفه من النوع الفريد لاجيت ابي امدحها اخاف اذمها))
آآآآآآآه يابدريه حسبي الله على اللي فرقني عنك وحرمني اياك جلست اتاملها بالصمت ياليت لارمشت اشوفك ولافتحت اشوفك ااااه انا وش قاعد اقول
بصراحه في شي منعني اني استمر في النظر لها مع ان شوفتها ماتنمل والنظر لها اكبر متعه كنها متعتي يومي بزر اذا ناظرت توم وجيري((وش جاب توم وجيري لبدريه حبيبتي وش عرفني في الوصف انا وجهي))
فقلت : احــــــــــم احــــــــــــم
بدريه فتحت عيونها وغزاله فتحت فمها غطت شعرها ووقفت بكسل ومدت لي غزاله خذ بنتك انا تعبانه ابغى انااام والانسه شكلها ماراح تنام
اول ما شافتني غزاله سكتت وصار تناديني بابا شلتها وحضنتني وقفت بدريه بحزن وتعبت من السهر: متى بتسافر
:بعد شوي بيمر صاحبي
تذكرت المويه اللي ع نار:بدريه الله يخليك المويه ع النار شكلها غلت ابغى بس شاي
بدريه واشرت ع عيونها: تأمر ورحت بغنجها اللي اموت فيه يوم عن يوم يزيد حبك اللي بقلبي حتى لو انتي اصحبتي لغيري
ناظرت غزاله وكانت في سابع نومه كنها عارفه انها بتفقدني ومانامت الا بحضني دخلت بدريه وفي ايدها كوب الشاي اول مانزلت الكوب ع الطاوله مديت لها غزاله وهمست: نامت
بدريه:بوديها لفراشها امانه لاتروح قبل اجي
: تامرين بس لاتتاخرين اخاف احمد يصدم و يكسر سور البيت
بدريه:ههههههههه خلاص دقيقتين
شربت الشاي وكنت احس ان طعمه احلى اكيد لان بدريه اللي قدمته دخلت بدريه وبيدها شنطتي:الحمد الله انك مارحت
:مجنونه انتي؟!!!! اروح وانتي تبغين تكلميني
بدريه ناظرتني بحزن وسكتت:.................
مقدرت اقاوم نظراتها وخفت اضعف فقلت: احم هاه اقصد آمري
بدريه: امانه امانه تنتبه لنفسك من بنات الحرام
معقوله بدريه تغار علي بس انا احسها تحب زوجها رغم معاملته لقاسيه:افا يابدريه تشكين فيني
: لا بس خايفه ع اخوي فيها شي
حطمتني والمت قلبي:وانا عند وعدي لك
بدريه مدت الشنطه: ترجع لنا بالسلامه يارب
صوت بوري:هذا احمد وصل
تركت الشاي فقالت بدريه: ليه ماكملت الشاي ماعجبك
:لا بلعكس بس سكره زايد
بدريه: والله اني ماحطيت الا نص ملعقه
:لانك عسل لمستك للكوب زادت في سكر الشاي
بدريه:ياااااااااااسر
:هههههههههههههه مع السلامه
بدريه ابتسمت:مع السلامه انتبه لنفسك
لما وصلت للباب قالت بدريه وفي عيونها شوق مثل شووقي لما غابت عني سنه:الله يحفظك
ابتسمت وطلعت سكرت الباب ركبت مع احمد: سلام
احمد: ساااااااااااعه يارجال زين ماطارت الطياره
:هههههههههه لا باقي عليها نص ساعه اسرع ولا راحت علينا
مها: كيف حالك ياسر
: الحمد الله بخير وانتي
مها: ماشي الحال
سكتنا لحد ماوصلنا المطار نزلنا واحمد مستعجل المهم خلصنا كل شي قبل تطير الطياره جلست مها بجنب النافذه واحمد بجنبها وانا بجنب احمد لما جلسنا تنهد احمد تنهيده بغت تطيرنا التفت له وانا فاطس ضحك:ياخي انا ماقد شفت احد ملهوف ع السفر مثلك
احمد:لو انها طارت ماكان لقينا حجز قبل شهر او 20 يوم
: وطيارات رجال الاعمال
احمد: وجهي انا وياك وجيه رجال اعمال
:هههههههههه في هذي صدقت وجهك مهو وجه رجل اعمال حتى وظيفه سكرتير واجد عليك
احمد: خلنا نوصل وتعرف من اللي وجه مهو وجه رجل اعمال ونشوف من اللي البنات بيركضون وراه
: ورى جيبك وقروشك وانت صادق ولا مهو من زين خشتك
مها: خاااااااااالي
احمد بتردد: اقصد اااااا اقصد
: مايقصد شي لاتدققين كثير يامها
احمد: تراي وديتك معي ياويلك لو سمعتك تقولين لاحد كلام هنا ولاهينا
مها: ولو ياخالي سرك في بير
احمد: عفيه عليك بنت اختي
مها: خالي تراي برمي عبايتي
احمد:براحتك
: وليه ترمينها
مها:احنا متعودين اذا طلعنا برى السعوديه نرمي عبايتنا حتى مع ابوي لما سافرنا ماليزيا في الصيف رميت عبايتي وامي بعد وحتى خالي كان معنا صح خالي
احمد:ياسر خلها براحتها
سكتت وانا مقهور يعني في السعوديه ربي يشوفها واذا طلعت لا انا حتى ساره لما سافرنا ماخليتها ترمي عبايتها ولا شيلتها لو حنا مسافرين دولة اوربيه كان صح لانه بيصير شكلها بالعبايه ملفت للنظر لكن مسافر لدولة مسلمه مثلنا تعرف عادتنا وتقاليدنا صحيح ان ساره زعلت وقلبت الدنيا لكن في النهايه رضت لانها تعرف اني مستحيل ارضى ان الكل يتمتع بشكلها وانا واقف مكتف ايديني قولو رجعي معقد غيووور وقولو اللي تقولونه لكن طبعي ماغيره ومن وجهة نظري اشوفها غريزه في كل رجال .
طول الاربع ساعات وانا ساكت واحمد نايم ومها تكتب في دفتر معها مدري شتكتب بس شكلها تكتب مذكراتها لما قربت الطياره تنزل قامت مها واستاذنت ولاحظت ان اللي كانو معنا بالطياره ولا وحده منهم لابسه حجاب الكل رمى حجابه كان احنا مسافرين امريكا استغربت منهم رجعت مها وكانت لابسه تنوره لنص الساق سوداء وتي شرت اصفر فيه صوره بنت بالاسود وشعرها المدرجات مخليته ع اكتافها ماقدرت اناظرها فنزلت راسي مرت علي وريحة عطرها زلزلت كياني فاتنه يامها حتى لوكان سنك صغير ابتسمت لي وغمزت بعيونها انتبهت لعيوني اللي فاتحها على الاخر وشكلي اللي مفهي شكلها سحرتني انتبهت لانفسي فقلت احم احم ضحكت مها بدلع من جد احس اني مسحور عند جمالها ماتوقعتها كذا انا شفتها قبل هالمره بمطبخ بيتنا لكن ماتوقعت انها فاتنه لهالدرجه
((قلب الرجل لايسكنه سوى واحده وعينيه تسكنها الملاييين))
جاء صوت الكاتبن معلن ان الطياره وبتنزل وعيلنا ربط احزمة الامان نزلنا وخلصنا جوازنا وركبنا بتاكسي انا قدام واحمد وبنت اخته ورى وقفنا عند فندق نزلنا وحجزت لنا غرف خذيت المفاتيح وكل واحد راح لغرفته نزلنا شنطنا اما انا فمازال جمال مها سارقني مهو معناه انها عجبتني اعجااااااااب فقط لاغير
مهو معناه اني حبيتها الحب للبدريه جعل يومي قبل يومها
نمت لان الساعه توها بتوقيتهم 7 الصباح وصحيت ع الساعه 1طلعت من الغرفه ابغى اكل شي لاني جوعااااااان لقيت احمد طالع من الغرفه ويكلم واحد اول ماخلص كلامه جاء لي
احمد: تكفى ياسر خذ مها وديها أي مكان ملاهي سينما أي شي بس خليها تروح عني
: ليش وش بتسوي
احمد: تكفى ياسر سوي لي هالخدمه
:ابشر ماطلبت شي بس من الرجال اللي تكلمه من شوي
احمد: مدير الفندق وطالب منه خدمه المهم مابغى اشوف خشتك انت ومهوي الا اذا اتصلت فيك طيب
:هههههههههههههههه قايل لك تزوج وفك عمرك
احمد:انت روح ولاعليك مني
طلعت مها:خالي انا جوعانه
احمد وهمس:خذها تكفى مدري شلي خلاني اوافق واخذها
:قااااايل لك ماله لازم تجي معنا
احمد:زوج اختي طلبني الله ياخذه
:اللحين وش السواه
احمد:صرفها الله ياخذها
:طيب خلاص بروح معها
احمد: مها اناتعبان
مها:طول الطريق وانت نايم وبعدين انت واعدني تمشيني
احمد: ياسر بيمشيك انا بنام
مها:خااااالي بروح مع ياسر لحالي
<<غرررريب امري على كثر البنات اللي عرفتهم وكيدهن الا اني مافقدت الثقه في الحريم لكن بنت تعطي انطباع خاص فيها
احمد:ياسر اخوي وعتبريه انا
مها: طيب ماعندي مانع
تضااااااااايقت من الثقه اللي عطاني اياها احمد وانا ما استاهلها
ابتسمت لي وانا رحت معنا ركبنا الاصنصير وهي مثل الطاوؤس بجنبي لما وصلنا للباب الخارجي للفندق ناظرتها: وين تبغين تروحين
مها:ماعندي مكان محدد أي مكان المهم اني معك
سكت وركزت قدام لاني اخاف اضعف قدام عيونها الحلوين:بنركب مع التاكسي وبنساله عن الاماكن الحلوه اللي هنا
مها: اوكي
ركبنا بالتاكسي انا قدام وهي ورى ماعجبها الوضع وزعلت لكن مستحيل اخون احمد واجلس بجنبها هو مأمني ع بنت اخته ماراح اسوي شي مايعجبه ويعجبها
سالت التاكسي عن الاماكن الحلوه قال ان حديقة الحيوانات من احلى الاماكن واكثر اناس الخليجين يروحون لها
قلت وانا مناظر لقدام: هاه بدريه وش قلتي
مها: بــــــــــــــدريه
:هاه اقصد مها
مها: مين بدريه
:بنت خالتي الصغيره
مها:ع بالي
:طيب وش قلتي
مها: انا معك أي مكان بيصير حلو
وصلنا للمكان المطلوب نزلنا مها وهي تجي قدامي وايدها ع خصرها:لا والله راكب قدام وانا ورى
: عشان خاطري لاتصغريني بعين احمد
مها بدلع: اوكي حبيبي
قلت بضيق: خلاص ندخل
خذينا التذاكر ودخلنا وكان ع الايد اليسار حمار وحش وكانو كثير
مها وكانها بنت صغيره وقفت تناظرهم:ياسر شوف ياحلاتهم
: شوفي الصغير وكان واحد صغير توه طالع من ورى صخره
مها: ياحياااااااااااتي يهبل
جاء حارس وقال يوجه الكلام لمها اذا تبغين اخليك تلمسينه
مها بطفوله راحت وراي:لااااااااا اخاف
:هههههههههههه توي ادري انك بزر
مها راحت قدامي:لا انا كبيره
وصرنا نمشي ونتفرج ع اشكال الحيونات ومها تعلق ع كل حيوان جلست ع طاوله بجنب مكان ايس كريم اخذت لها واحد وخذت لي قهوه
مها بفرحه:ماتصدق كيف انا فرحانه
:هههههههه دوم انشالله
بعدها قمنا نكمل جولتنا وصلنا مكان فيه تجمع ناس قدرنا اناومها ندخل ونصير بالصف اللي قدام عشان نعرف وش صاير قالت لنا وحده ان فيه وراى هذا الحاجر مفاجاءه مانعرف وش بس هو حيوان مهو موجود في الحديقه
ناظرت مها:تتوقعين اسد
مها: لاتخوفني
:شكله اسد
مها: لا انا وانت شفنا الاسد وهي تقول حيوان مهو موجود في الحديقه
:يمكن الثعبان الكبير اللي نشوفه في التلفزيونات ترى هذا مهو موجود بعد
مها:يااااااااسر لاتخوفني
:ههههههههههههههه
مها بخوف: لا اصلاً هي قالت حيوان ما قالت زاحفه
:طيب ننتظر ونشوف
مها:انا ما اخاف وانا معك
ناظرتها بتعجب فقالت:غلبتك هههههههههههههه
جاء صوت يعلن ان قرب رفع الحاجر عشان نشوف الحيوان
3 2 1


~sẳrẳh غير متواجد حالياً   رد مع اقتباس
قديم 24-04-08, 09:32 PM   #6

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

الجزء السابع
جاء صوت يعلن ان قرب رفع الحاجر عشان نشوف الحيوان
3 2 1
فرنفع الحاجز ومكان الا فيييل لكن المسافاه بينا وبين الفيل ماتتجاوز 10 خطوات اول ما انرفع الحاجر تعالت الاصوات اما مها خبت وجها في حضني ومسكتي بقوه بيدينها كني بروح واخليها ماعرفت وش اسوي ابعدها او اخليها؟!!
لكن اثبتي لي يامها انك منتي سوى بنت صغيره رفعت راسها ودموعها ع خدها مسكتها من ايدها وطلعنا من الزحمه وناظرتها ودموعها ع خدها وهي تمسحها بطرف اصابعها
قلت لها: هذي الي ماتخاف وانا معها
مها بين دموعها: والله خفت
: لاتخافين وانا معك
مهابزعل: خلاص ما ابغى اقعد هنا
: ولا يهمك نطلع بس وين نروح
مها: بكيفك
قلت بقلبي احمد قايل لاتجي لين اتصل فيك: طيب شرايك نتغدى
مها:اوكي
طلعنا وكان فيه مطعم للمكؤلات الهنديه والصينيه بجنب الحديقه
:مهاوي شرايك نروح لهلمطعم
مها:يااااااااااي ياحلاة اسمي
:هههههههههه الله يقطع بليسك
مها: انا معك لو تبغاني اروح البحر موافقه
رحت معها للمطعم مها طلبت لها شبس وبيبسي وانا طلبت رز ولحم مشوي وسلطه وعصير ليمون
: وش هاللي طلبتي يامها
مها: ماحب اكل كثير
:ايه وانا اشوفك مختفيه
مها: وش عرفك بالرشاقه
:اللي اشوفه هيكل مهو رشاقه
مها بتردد:صدق مهو حلو جسمي
:مهو كذا قصدي خلي عنك هالكلام اقصد انك بتطلبين شي دسم تاكلينه
مها سكتت شوي: خلاص بطلب لي مشويات
لما قدمو الاكل مها: ياسر حبيبي عندي طلب صغيرون
:اطلبي
مها: انا اللي بوكلك
ناظرتها بتعجب:مها لاتزعليني منك
مها رمت الملعقه بقهر:شفت انك ماتحبني ولا تحب أي شي مني
:طيب ممكن اتغدى من امس الساعه 7 ماكلت شي
مها تكتفت وسكتت وهي مبوزه بسلامتها حلوه توكلني انا بزر ولا ماعندي يدين ولا ماعرف اكل والله حاله بنات اخر زمن
تغديت وانا مارفعت عيني عليها ابد ،،شربت العصير: الحمد الله شبعت وانتي
مها وهي تمسح دموعها: ما ابغى اكل
: عشان ياسر تاكلين
مها: ياسر كسر بخاطري
:ياسر خايف عليك من نفسه والشيطان شاطر ولا ياسر مهو رجال مثل هالرجال
مها: ويسواهم كلهم بعيني
:يابعد قلبي يله تغدي مهو كفايه انه طول الرحله وانا كل يوم بفسحك
مها بفرحه:صحيح
:ايه والله ع حسب معرفتي با احمد ماراح يطلع من غرفته ابد
مها: وليش
ارتبكت:مدري كذا طبعه
مها: بكيفه اهم شي اني معك
: وانتي معي ممكن تتغدين
مها: طيب
جلست اتاملها وهي تاكل نعومه وهي تاكل رفعت عينها الا وشافتني اناظرها
قالت مها بدلع:ماعرف اكل اذا انت تراقبني
:ههههههههه طيب هاه وغمضت
ابتسمت ورجعت تاكل بعد 5 ملعقه:خلاص شبعت
:لا لا مايصير ماكلتي شي
مها: والله شبعت
:لاعشاني اكلي عشان ماحس اني سديت نفسك عن الاكل
مها: امممممم بشرط
:امري
مدت لي سمبوسه فكليتها من ايدها التفت للتصفيق كل اللي بالمطعم صار يصفق حسيت اني صاحب موسسه وقصيت الشريط الاحمر وقفت السمبوسه ماقدرت ابلعها ناظرت مها اللي تضحك
الكل رجع يركز بغداه فقلت:مهوي حنا سوينا شي غلط
مها وهي تضحك:لااااا بس لاني كنت ابكي والكل يناظرك وانت تاكل ولا عليك وانا قدامك واصيح ولا اهتميت فيني وفجاءه صرت رومانسي اكيد تفاجؤ هههههههه هههههههههههه
قلت بقلبي والله ناس رومانسيه: خلاص انا مدري كيف بلعت احسها وقفت هناواشرت على رقبتي
قامت مها وعطتني كاس مويه:انا بشربه بنفسي اخاف يصفقون واشرق فيه
مها:ههههههههههه بسم الله عليك
طلعت انا ومها من المطعم التفت لها وحطيت ايديني بجيبي:وين نروح
مها: ابي اروح البحر
:البحر يبي له مشوار ساعه ونص خليه بكرا اللحين اختاري مكان ثاني
مها: نروح السوق
:طيب
مها:ياااااااااااابعد عمري
:طيب انا عندي طلب
مها:امرررر
: قبل نرجع للسعوديه بقولك((كنت بقولها ان احنا لازم نحط حد لهالعلاقه))
رحت معها للسوق مرت محل اكسسورات اخذت اسواره بحرفي وعقد
مها مدت لي العقد:لبسني اياه
همست:مها حنا بمكان عام مايصير
مها في عيونها اصرار:ياسر لبسني اياه
:واذا قلت عشان خاطري لا
مها رمت العقد بقهر في الشنطه وراحت قدامي وقالت بصوت مسموع:اووووووف
ناديتها:مهااااا
مها التفت لي وهي رافعه حواجبها:خير
:انا واحد غريب بنسبه لك مايصير اني البسك العقد
مها:من قال انك غريب انت اقرب لي من انفاسي
:ههههههههه مدري من وين تجيبين هالكلام الحلو
مها وهي منزله راسها:من قلبي لو انك تحبني كان قلت مثله
: طيب ولاتزعلين
مها تنهدت:لاعااااادي
:طيب وشرايك نروح انا وانتي لمحل ملابس اطفال
مها بقهر:عشان غزاله
عقدت حواجبي :ايه عندك مانع
مها:لا وانا اقدر
اخذت فستان زيتي مع بلوزة بيضاء لغزاله ورهف نفسه لكن حجم اكبر
رحت مع مها لمحل ملابس نسائيه مها:ياسر اجلس هنا
جلست بالكرسي ومها خذت لها كم بدله وراحت بغرفة القياس وانا استغليت انها راحت فاخذت لامي دراعه ولبدريه تنوره جنز وبلوزه كحلي ورجعت جلست ع الكرسي طلعت لي مها:وش رايك
كانت لابسه تنوره لحد الركبه رماديه وبدي وردي وجاكيت رمادي ومخليه شعرها وطالعه كانها ملاك
مها:ياااااااااسر وش رايك
:مووووت
مها ابتسمت ورجعت مره ثانيه غرفة القياس وبعد10 دقايق طلعت وهي لابسه فستان سماوي مموج بالاسود نص كم ولنص الساق من جد خذت عقلي جت لقدامي لفت لفتين وقالت:هاه ياسر شريك اليوم بشتري ع ذوقك
استحقرت نفسي كيف اناظر بنت اخت خويي بهالنظرات وقفت وقلت:مها اخذي اللي تبين انتظرك برى
رن جوالي وكان احمد وسالني عن مكاني وقلت له وين انا فيه وقال خلاص مسافة الطريق وبيجيني
جت لي بنت لابسه ولا كنها لابسه سالتني عن مكان فقلت لها انا من السعوديه ولا اعرف هنا شي اول ماعرفت اني خليجي صارت تتمايل وتتدلع ومسكتني من يدي لكن الحمد الله ان مها طلعت ولا كان صار مالايحمد عقباه مها وهي حاطه ايدها ع خصرها:لا والله كان رحت معها احسن والتفت لها وقالت بصوت عالي:هذا زوجي انا وش تبغيييييييييين
مسكت مها من ايدها وطلعنا من المجمع مها وهي تمسح دموعها: ماتوقعت انك من اللي يحبون البنات وش شفت فيها وماشفته فيني
:قولي لا اله الا الله ماكان بيصير شي ترى مهي اول سفره لي
مها وهي تبكي:عاااااارفه انك ماتحبني
: طيب اسكتي الناس تناظرك
وقف تاكسي ونزل منه احمد فهمست لها: خلاص اسكتي خالك وصل
احمد:انا مابعد شفت مثل هالدوله جميلة مناظرجميله وبنات اجمل
:في هذي صدقت بس مافيه ازين من ديرتنا
احمد وهو يناظر مها: افاااااا مها وش مبكيك
مها: ولا شي
:استاذن بروح الفندق ارتاح واكلم امي ماسالت عنها ولاعن غزاله بعدين تراى من صحيت وانا ورى بنت اختك تعبت طاحت رجولي
احمد وهو يحط ايده ع كتفي:نخدمك بالافراح
رجعت للفندق ودخلت غرفتي جاءني مسج من مها
((كلم غزاله اسال عنها!!!!!!! لو انها انا ماكان كلمتني ولاسالت عني))
معرفت وش اسوي اسال عنها او احقرها عقلها صغير فيه احد يغار من بنت كبر غزاله اتصلت با احمد وسالته ليش مها تبكي<<ينقال لي مادري اللحين
فقال انها مشتاقه لامها <<< إن كيدهن عظيم
وسالته متى طيارتنا فقال بعد بكرى
اتصلت ع بيتنا فردت بدريه فقلت لها من قلب:مرحباااااااا
بدريه: هلا ياسر شلونك
: بخير الحمد الله
بدريه:رهوفه مزعجتني مشتاقه لك
:فديت روحها طيب خليها تكلمني
رهوفه:هلا عموو
:ياعيون عموو اشتريت لك هديه حلوووه
رهوفه:وعزاله
:الكل يغار من غزاله المسكينه
رهوفه:انا احب عزاله اختي
:وابو غزاله يموووت فيك
بدريه خذت السماعه من رهف:طولنا عليك تبغى تكلم امي
:ايه والله ياليت
بدريه:لحظه
واسمعها تصوت ع امي ومن قال اني مابغى اكلمك انتي بعد يابعد عمري يابدريه
جت امي:هلا ياسر شلونك يمه
:ابشرك بخير
امي: كلنا بخير يمه وبنات بعد وانت متى بتجي
:بعد بكرى طيارتنا
امي:ع خير
: هاه توصيني بشي
امي: سلامت عمرك
:فمان الله
امي: وانت بحفظ الله
قفلت من امي وصليت ونمت وصحيت ع اتصال من مها وكانت الساعه 8 يعني مانمت الا ساعه ونص
رديت:هلا
مها:شبعت نوم
:الحمد الله
مها: طيب احنا تحت تعال لنا
:شوي بنزل
مها:تكفى ياسر النوم لاحق عليه انا ابغام
:طيب خلاص بنزل
مها : انتظرك سلام
تروشت ولبست ونزلت تحت وكان احمد جالس هو ومها بطاوله منعزله سلمت وجلست
احمد:صح النوم
:صح بدنك
مها:ياسر من جينا وهو نايم
:وش اسوي فكري مشغول ع امي
احمد: ليش عسى ماشر
:لاماشر بس خايف عليها تعرف ان ماعندها غيري ولا عندها رجال بالبيت
احمد: الحمد الله السعوديه امان
مها: بعدين امك عجوز من بيناظرها
ناظرتها بحده وقال احمد: وش هالكلام يامها
مها ناظرت الجهه الثانيه:...............
احمد:وش رايك نروح للسينما فيه فلم يمدحه مدير الفندق
:وش هو الفلم
احمد:هندي بطولة شاروخ
: اذا في الفلم اشواريا اوكي لاني من عشاق اشواريا فما عندي مانع اشوفه
مها بقهر:اشواريا وووووع شاروخ احلى وانا اموت في شاروخ
:وش جاب ملكة جمال العالم عند شاروخ
مها:والله انا احلى منها صح خالي
احمد بسخريه:ايه كثري منها
:ههههههههه هههههههههه ههههههه ههههههههه
مها بعصبيه:لو انا ماني بنت اختك كان شفتني حلوه
احمد:ولا تزعلين يامهاوي والله انك حلوه بس لسانك طويل
مها وقفت وقالت بغرور:عارفه وماني محتاجه شهادتك
احمد+انا:ههههههههههههه
لما وصلنا لشباك التذاكر قال ان فلم شاروخ الساعه 10 ونص واللحين فلم رعب
اتفقنا ان احنا نشوف الرعب واذا فينا شده شفنا فلم شاروخ
جلسنا وكان بجنبي ع اليمين احمد وعلى جنبي اليسار بنت اجنبيه مها ابد ماعجبها الوضع بس ماتقدر تجي بجنبي لان خالها موجود المهم ان احنا ناظرنا الفلم وكان متعلق برقص ع مقبره وارواح وزي كذا وكل موقف يخوف الاجنبيه تمسك ايدي وانا طبعاً ماعندي مانع واذا مسكت ايدي ناظرت مها ونظرات مها المقهوره تحفه فيه مقطع من الفلم ان لروح كانت تركض ورى البطله وصرخت البطله صرخه قويه مما خلى اللي في القاعه كلهم يصرخون فالبنت الاجنبيه خبت وجها ورى ظهري
احمد:يابختك شرايك نتبادل في الاماكن
ولما شافتها وسمعتنا مها قامت وهي تبكي وناظرتني بقهر:فلم سخيف
طلع احمد وانا وراه وكانت واقفه وتمسح دموعها
احمد: افا يامها ماتوقعتك خوافه
مها:ماني بخوافه بس فلم سخيف
:وهذا حنا طلعنا منه
ناظرتني بحده وقالت:كان جلست بجنب الاجنبيه وش اللي مطلعك وراحت تركض لغرفتها وهي تبكي
ناظرت احمد: وش فيها بنت اختك
احمد: الشرهه علي اللي موديها لو اني مخليها كان احسن
:......... شرايك نرجع نكمل الفلم
احمد: وانا اللي بقعد بجنب الاجنبيه
:هههههههههههه مايفوتك شي
كملنا الفلم وطبعاً ما اقولكم عن الحلفه اللي مسويها لاخ احمد مع الاجنبيه اللي بجنبه طلعت انتظر احمد برى لانه يتكلم مع الاجنبيه 5دقايق وطلع احمد ولاجنبيه حاضنه ذراعه ناظرته متعجب فقال احمد: علقتها
:هههههههه منت بهين
ناظرت البنت الشقراء الحلوه وكانت منتشر ع جسمها بقع حمراء وكبيره خفت من شكلها وكنت بقول لاحمد لكن ماقدرت لانه داخل جو مع سوالفها
احمد:بروح اتعشى تتعشى معنا تقول ان عندها صاحبه اذا تبغاها
:اقول احمد خل عنك هالحركات ومحد برايح فيها الا انت بعدين ابغى اقولك شي مهم((البقع المنتشره على جسمها)) بس معطاني فرصه
احمد: لاحقين عليك انت وخشتك ومسكها من ايدها وراح معها وانا اناظرهم لحد ماركب بالاصنصير
طلعت برى الفندق ماعندي مكان بالضبط اروح له فقررت اني اروح للبحر حتى لو ان المشوار بعيد لكن هنا محد ينام يعني حتى لو صارت الفجر بلاقي ناس كثيره بالشوارع نزلت عند البحر وكانت الساعه لسى 11 خذت جوالي وحولته صامت صرت امشي ع الشاطي مسافه طويله معرف بالضبط كم كيلو مشيت لكن مشيت مشوار طويل جت في بالي غزلان لانها مره قالت لي ان امنية حياتها انه يكون عندها طريق طوله 10 كيلو ويكون من الجنبين اشجار وبجنب الاشجار يكون فيه اعمدة انوار بين كل شجره ويكون بشتاء ويكون فيه مطر تتمنى انها تركض بين هالاشجار وهي تصارخ باسمي ((ياسر احبك))امنيه غريبه صح؟؟!!
لكن وربي هذي امنيتها....
وقفت من المشي بعد ماحسيت نفسي تعبت واني جوعان جلست ع طاولة منعزله شوي طلبت من الجرسون يجيب لي ساندوتش تشكن وبيبسي اتصلت بغزلان لانها زعلانه مني لكن ماردت واتصلت غريبه مستحيل تكون نايمه لانها ماتنام الا متاخر
اتصلت كذا مره وماردت يمكن نايمه لكن مستحيل غزلان تشوف رقمي وماترد مستحييييييييل
تعشيت ورجعت للفندق ركبت بالاصنصير رايح لغرفتي او مادخلت الممر كانت مها واقفه عند باب غرفتها شكلها تحتريني من فتره سويت نفسي ماشفتها ورحت لغرفتي مها: لا والله ماتشوفني يعني
جيت لعندها وكنت تعباااااااااااااااااااااا ااااان ودايخ فقلت لها حطيت ايديي على صدري:خير امري
مها: من كنت سهران معها
عقدت حواجبي:وش قصدك هاه؟
مها بصارخ:عااااااااااارف قصدي
حطيت ايد ع فمها وقلت وانا متنرفز:ان عليتي صوتك ثانيه والله لقص لسانك فاهمه
مها مسكت ايدي وخرتها عنها بقوه: والله لاقول لخالي انك تغازلني
: وانا براويه رسايلك اللي بجوال وانا مسجل لك مكالمات وبنشوف من اللي حجة اقوى يافالحه ومنهو الخسران في النهايه ومهو انا اللي تهددينه طول الفتره اللي راحت وانا محترم شعورك لاني من طبعي ما اجرح شعور أي شخص حتى لو ماشاركته نفس المشاعر فاهمه
مها بصدمه: ياسر انت مسجل صوتي
التفت انا وهي لباب لغرفة احمد اللي انفتح بقوووووه




وكانت البنت الاجنبيه اللي كانت معنا بالسينما طالعه من الغرفه وهي لابسه قميص نوم التفت لعيون مها المنصدمه فقلت لها بسخريه:ههههههههههههه هذا خالك اللي بتشتكين عنده شوفي فعايله اول انا ساكت عنك طول الفتره اللي راحت عشان خاطر احمد وامه وعشان خاطر ما اجرحك مهو عشاني خايف من أي انسان فاهمه ياماما
ورحت لغرفتي قبل اقفل الباب دفت مها الباب ودخلت وسكرت الباب ناظرتها بحده:مها وش تبغين
مها: انا احبك والله
عطيتها ظهري:اطلعي برى
مها جت قدامي وهي تاشر على نفسها خذ اللي تبي بس لاتحرمني منك
ناظرتها بقهر من جد انا ماحب العنف ابد ولا اعرف كيف قدرت اضبط اعصابي ولا امد ايدي عليها اللي سويته اني مسكتها من اكتافها وقلت لها بهمس: انت اغلى من انك ترخصين نفسك لي يامها
مها وهي تمسح دموعها: طيب انت مسجل صوتي عشان تهددني فيه هذا انا جيت لك بدون تهديد خذ اللي تبي مني وانا بس ابي وجودك معي
فيه مقوله تقول
دموع المرأة طوفان يغرق فيه أمهر السباحين

كسرت خاطري ومن الناس اللي يضعف عند دموع فتاة حسناء:طيب ياقلبي لاتبكين اللحين روحي لغرفتك وبكرى بفهمك لاني تعبااان ودايخ وانتي شكلك تعبانه
مها وهي بين دموعها اشرت براسها موافقه فتحت الباب ناظرت السيب ومكان فيه احد مسكتها من ايدها قلت بهمس يله بسرعه روحي غرفتك
راحت لغرفتها تركض وقفلت الباب ورحت لسرير ومها وتصرفها الغير مبالي الطايش اللي مستحيل يصدر من عقل كامل ماغاب عن بالي انا ماسجلت لها مكالمات بس مابي كل شوي تهددني انا ماني خايف واحمد بداله الف لكن اذا هي مو مراعيه سمعتها انا تهمني واذا على البنات فالبنات هنا مقابل مبلغ بسيط تعطيك كل اللي تبي
غمضت عيوني ونمت وانا افكر فيها
صحيت اليوم الثاني تروشت وطلعت واول مانزلت بالاصنصير متوجهه للمطعم كانت مها تفطر جلست بطاولتها وسوت نفسها ماشافتني قلت: احم احم
مها رفعت راسها وناظرتني بعيون تعبها السهر:هلا ياسر
:وين خالك
مها: بغرفته
:غريبه صارت12 من عادته هالوقت صاحي
مها قالت بالم: ايه صحى وشفته يدخل هو وحده لغرفته
: اها منتي ناويه تطلبين لي شي
مها قامت وقالت بجديه:انا حددت موقفي معك
:وش قصدك
مها بحزن:مقدر استمر مع واحد مايحبني
وراحت ونظراتي المذهوله تلحقها غريبه معقوله هذي مها واخيراً عقلتي يامها ياعساه دوم طلبت لي قهوه وكرسون جبنه وفطرت رن جوالي وكان الشايب جد الطفل اللي بالمستفشى رديت:مرحباااااااااا والله
الشايب:هلا ياسر كيف حالك ياولدي
:والله بخير كيف حالك ولد بنتك عساه بخير
الشايب:الحمد الله بخير وبنطلعه اليوم ومسوي له عزيمه عشان سلامته
:ياعسا سلامته دوم
الشايب:تراك معزوم
:لا والله انا مسافر ماني في السعوديه
الشايب:ماتشوف شر يابوك وترجع بالسلامه
:الله يسلمك
الشايب:فمان الله
:مع السلامه
دقايق لا لحظات رن الجوال باسم الشايب ثانيه
رديت:ياهلا
صوت ناعم:هلا كيف حالك ياسر
:الحمد الله مين
البنت:انا اللي وقفتك بالممر
:ياهلا آمري بايش اقدر اخدمك
البنت:تدري وش مخزنتك بجوال ابوي
:وش
البنت:شهامه
:احم احم احرجتم تواضعنا
البنت:لانك تستاهل
:الله يسلمك
البنت:ياليت نشوفك اليوم
ماصدقت افتك من مها تجيني وحده ثانيه فضطريت اكذب:انا مسافر بخلي زوجتي وامي تجيكم انشالله
البنت بصدمه:متزوج
:ايه وعندي بنت بعد
البنت:يابختها زوجتك والله انها اسعد وحده في العالم ويابختها بنتك في ابو مثلك
:الله يرزقك بواحد احسن مني
البنت:لا مستحيل مافيه احسن منك في الدنيا كلها
:...لو خليت خربت الناس اللي فيهم الخير واجد
البنت:طيب ياسر تامرني بشي
:سلامتك وانتبهي لنفسك من عيال الحرام
البنت:...........
البنت:صدقيني اذا عرفتي قيمته نفسك وقربتي من ربك بيعطيك الله على قد ماتمنين
البنت بحزن:مع السلامه
:لو سمحتي
البنت:نعم
:اذا احد تقدم لك وماتعرفين اخلاقه اعتبريني اخوك واتصلي فيني ولك مني اللي يسال عنه واذا تمام واذا لا قلت لك
البنت:مشكور يالغالي مع السلامه يا اطيب قلب
:ياهلا مع السلامه
اول ماسكرت الا وكانت امي
رديت: مرحبا
امي:صباح الخير
:صباح النور والسرور
امي وصوتها متغير: متى بتجون يمه
:قلت لك امس بكرى انشالله
امي:الدنيا رايحه وكل من عليها رايح صح يمه وكل من عليها فاني
قلت بخوف: بدريه فيها شي ولا غزاله
امي:لأ
حطيت ايدي على قلبي: تكفييين يمه من
امي: عمك سالم
حطيت ايدي على قلبي:عسى ماشر يمه وش فيه
امي:كلمتني الجوهره تقول انه طاح عليهم ولاتسمع منه الا اسمك وهو في العنايه
:طيب خلاص يمه انشالله اني قدرت رحت لكم اليوم
طلعت من الفندق ركبت تاكسي ورحت للمطار بعد محاولات قالو ان فيه طياره لرجل اعمال بتمشي الساعه 2 بعد مادفعت ثمن التذكره دبل سعرها 3 مرات يعني ماباقي الا ساعه ونص يادوب اخذ اغراضي من الفندق خذيت اغراضي ورسلت راساله لاحمد اني مسافر لامر ضروري
ركبت الطياره وكان طول الوقت وتفكيري مع عمي وطول الاربع ساعات وانا اقرء القران وش السالفه من اللي سوى فيه كذا وش منه تضايق والله لايندم طول عمره الفاعل وكان بجبي واحد كبير في السن ولما شاف حالتي
الرجال:انا محمد ال..........((من اكبر رجال الاعمال بالرياض))
:مرحبا انا ياسر ال......
محمد:والنعم والله انا اعرف عمك محمد وعمك سالم ونعم فيهم والله
:ماعليك زود رجعت اركز النظر لقدام وانا للحين في همي
محمد: خير ياولدي اشوفك منت ع بعضك
: عمي سالم طايح بالمسشفى
محمد: لاحول ولاقوه الا بالله ماتعرف وش منه السبب
: والله ماعرف الا انه طاح عليهم وطول الوقت وهو مايقول الا اسمي
محمد: هذا كرتي واذا قصر عليكم شي انا موجود وانا انشالله بزوره
: الله يجزاك خير
مرت الساعات وكنها شهور نزلت الطياره ركبت بتاكسي رحت للبيت ركبت سيارتي اتصلت بامي: يمه عمي باي مستشفى
امي : انت بالسعوديه
:ايه ماقلتي أي مستشفى
امي:مستشفى(..........)
: طيب بروح له وانشاالله عقب بجيكم
وقفت سيارتي بمواقف المستشفى ونزلت بخطوات مستعجله وسالت بالاستقبال عنه فقال لي غرفته طلعت له وقفت عند الباب وكانو الكل متجمع عند الباب اول ماشافني سعود جاني يركض ودفن وجهه بصدري: افا عليك الرجال مايبكي
سعود: انت زعلان مني وابوي مريض
: انشالله بيصير احسن
رحت لعندهم وكان زوج بنت عمي الكبيره الماسه واقف مع البنات وكانت الجوهره منهاره من جد حطيت ايدي ع قلبي: خير عسى ماشر عمي وش فيه
عيسى:تقول الجوهره انه جاء واحد طلع معه برى ويعد ربع ساعه دخل وهو ماسك قلبه وفجاءه طاح عليهم ولما جت الاسعاف خذته ماصار ينطق الا باسمك
وقفت عند الباب اللي بوسطه زجاجه شفافه وكانت نايم ناظرت عيسى: عادي ادخل
عيسى:لاتتاخر
دخلت وكان نايم بسلام وفي صدره اسلاك وعليه اكسجين وبيده مغدى حسيت ان قلبي تقطع وحسيت ان رجولي خانتني عن الوقوف مسحت ع راسه وقلت بهمس:عمي ياجعلك ماتشوف شر
عمي فتح عيونه بصعوبه رنيت جرس الممرضات عمي قال بتعب وكلمات متقطعه: ياسر خدعوني خذو تعب عمري
: من هم ياعمي
عمي:مرزوق خلاني اكتب عمارتي باسمه من ضمن اوراق الاجارات من غير مدري
: من مزروق
عمي: بناتي وسعود امانه عندك امانه
:الله يخليك من مرزوق
دخل الدكتور المشرف ع حالته وممرضتين طلعوني برى قلت وانا احس حالي مخنوق: والله لايندم
ناظرت عيسى والبنات المنهارات:عمي محمد وينه
عيسى:جاء الظهر وشافه ورجع لبيته
ناظرت البنات يله امشو معي للبيت لحد ماتتحسن حالة عمي الدانه: لا مابي ابي ابوي ابي اجلس معه
ناظرت الماسه اللي راح من حضنها سعود لي: خلاص مانبي دموع خلونا نصلي وندعي له وانا وانتو من الفجر بنكون عنده
الجوهره كانت تبكي بصمت والدانه منهاره فقالت الجوهره:وابوي يجلس لحاله
:انا بنام عنده بس يله تكفون ترى قلبي تعبان
رحت للسياره وركبو وطول الطريق وصوت البنات وهم يبكون هو الصوت المسموع من جد حسيت نفسي متضايق بموووت من الضيقه اتصل فيني احمد كم مره لكن انا مارديت عليه وقفت عند باب بيتي ناظرت البنات يه انزلو ادخلو معي وخيبه امل وحزن الدنيا بعيونهم وسعود بعد يبكي اول مافتحت الباب حضنتني امي وبدريه سلمت علي وغزاله صارخت بابا ورهوفه عمووو ياسر
امي راحت للبنات: خير يمه عسى ماشر
:يمه البنات بيباتون عندنا اليوم انا راجع لعمي بالمستشفى
سعود: بروح معك
نزلت لمستواه ومسحت دموعه:انت رجال والرجال مايبكي صح
اشرت براسه والعبره بعيونه خذيته بحضني:خلاص انشالله بيطلع وبيرجع مثل اول واحسن بعد
رحت لغرفتي بدلت ملابسي بالزي السعودي طلعت من البيت والدنيا بكبرها ضايقه فيني من يقول ان الرجال مايبكي خذيت طرف شماغي ومسحت دموع فرت من عيوني والله لاخليه من فعل فعلته يندم طول عمره مثل ماخذه منك بلحيله وانا باخذها من بحيله اقوى من حيلته
وقفت عند المستشفى ومشت بخطوات متثاقله ومتعبها الخوف ع عمي اول ماوصلت للممر المؤدي الى غرفته شفت الماسه طاحيه ع الارض وزوجها جالس عندها رحت لهم :خيييييييير وش فيه
عيسى: عمك عطاك عمره
سندت ظهري ع الجدار ورميت الشماغ ع الارض وخذتني الذكرى لقبل 14 سنه
عمي سالم:هاه ياسر اليوم شهادتك ابغاك تبيض وجهي((كان يوم تخرجي من الثانوي))
ابتسمت بخوف: انشالله ياعمي اني ناجح
وقفت عند غرفة مدير المدرسه وقال عمي انتظر هنا وانا بشوف نتيجتك وبجيك
طلع عمي من غرفة المدير وهو حاط شماغه ع كتفه
ناظرته بخوف:راسب صح
ناظرني عمي وهو حاط يدينه ع اكتافي وقال بصوت عالي وبفرحه: ناجح وبنسبة 86%
: الحمد الله ياعمي ذاكرت وربي ماضيع تعبي
خذني عمي بحضنه : الله يوفقك ياولدي
قطع حبل افكاري صوت عيسى وهو ينادي باسمي وانا من بعد ماكنت واقف جلست انهارات قواي
عيسى: افا عليك وانا اخوك هذا وانت سندهم تبكي
وقفت وناظرته بحزن:................
عيسى: حال الدنيا وانا اخوك انا باخذ البنات وزوجتي لبيته تعرف لازم العزاء في بيته
عطيته ظهري مابغى افكر كيف بترك عمي سالم الغالي بحفره مافيها الا هو لا انا ولا العماره اللي دنت باجله ولا مال ولاعيال ولا حتى انا اللي كنت اعز واحد عنده وماراح معه الاعمله سوا كان صالح اولا
مشيت بحزن وانا مدري كيف وصلت لباب سيارتي ركبت فيها سندت راسي ع الكرسي وشوي شوي بدت عيوني تغمض هل انا مت او نمت عيوني غمضت غصب عني ضلمت الدنيا معلنه رحلتي من عالم الواقع لعالم الاحلام الذي لايوجد فيه بطل سواي
فتحت عيوني ع ضوء الشمس القوي اللي دخل لي من زجاج السياره الامامي فتحت عيوني انا مين جابني لهالمكان ناظرت اسم المستشفى وتذكرت عمي نزلت من السياره اخذت جوالي وكان فيه اتصالات كثيره اتصلت بعيسى لانه اتصل من نص ساعه
عيسى:وينك يارجال
: والله مدري ويني نمت بالسياره ولا حسيت بالدنيا الا تو
عيسى:الظهر بنصلي ع عمي وبندفنه
قلت بحزن وانا اقاوم عبره:الله يرحمه
رحت لسيارتي وتوجهت بها الى بيتي نزلت من السياره وكانت بدريه وامي جالسين بالحديقه اول مادخلت رحت لامي اللي كانت جالسه حطيت راسي بحجرها وصرت ابكي مثل البنات غمضت عيوني ودموعي معلنه نزولها بدون توقف
اسمع امي وهي تسمي علي وبدريه بعد سمعتها تقول بروح اجيب له مويه ورهوفه احس بنفاسها ع صدري وهي تقول عمو ياسر ليه تبكي انا بروح الروضه تروح معي انا حزين بموت من الحزن حسيت بلمسه امي وهي تمسح ع وجهي بالمويه
رفعت راسي: يمه عمي راح معاد نشوفه مره ثانيه
امي:الله يرحمه يمه هذا حال الدنيا
بدريه وهي عيونها حمراء شكلها كانت تبكي من دموعي: كلنا بنموت
ناظرتها بعتب: بسم الله عليك
نزلت بدريه راسها وانا وقفت واناظرت السماء وقلت بحزن:حسبي الله ونعم الوكيل اللي فعل فعلته وباع ضميره
طلعت من البيت بلا هدف صرت امشي بشوارع وامشي وصلت لحاره ثانيه جلست عند بقاله عند الدوار مثل ماكنت اسوي ايام المراهقه اناظر اللي رايح وجاي واللي يفحط خاطري افحط في مكان مافيه الا انا واعبر عن حزني لين اقول شبعت وتلثمت بشماغي وصرت اناظر اللي يفحطون
ورجعت لحارتنا وانا احس نفسي تعبان ومرهق وحزيييييييين وصلت لبيتنا ركبت سيارتي صلينا ع عمي صلاة الظهر وقبل ندفنه حبيته ع جبينه دفناه عزو المعزين وانا احس نفسي في عالم ثاني مافيه الا انا عالم هو كله رمادي حزين ماتنسمع فيه ضحكت طفل شفت احمد بين المصلين لكن ماكنت في حال تخليني اتحمد له بسلامه مد يده احمد يعزيني في حزني حضني فقلت له بهمس: شفت شلون الدنيا ماتسوى كان مع اهله وفي دقايق فقدوه
حسيت ان احمد حاول انه يناظر كل شي الا وجهي ركبت سيارتي ورحت لبيت عمي مرت ايام العزاء كئيبه وباخر ايام العزاء وحتى محمد رجل الاعمال قال لي بالعزاء لازم امر عليه لانه عنده موضوع مايصلح يقوله في هالفتره
عمي محمد:ياسر نبغى نحصر الورث
ناظرته بجديه: ورث مين
عمي محمد: ورث اخوي تراي اخوه ولي في ورثه مثل مالعياله
:عمي سالم عنده ولد وهو يحصر الورث عليه وع خواته انت مالك شي الا كانك تبغى تاكل حلالهم
عمي: انا ولي امرهم اللحين
:ولي امرهم مهو ظالمهم ووريث معهم
عمي محمد:.............
طلعت من البيت ورحت لبيتنا حطيت راسي ونمت لي فتره مانمت كويس وكانت الساعه 11 نمت وصحيت اليوم الثاني وكانت الساعه 8
تروشت ونزلت وكانت امي جالسه لحالها مهي بلعاده
:غريبه يمه بدريه وينها
امي: راحت بيت زوجها
انصدمت:متى
امي:الفجر
رن تلفون البيت رديت فكان صوت الغاليه: بدريه
بدريه بصوت باكي: وين امي
:بدريه وش يبكيك نااااايف
بدريه: يااااااااااسر ابعد عن حياتي نايف هذا مهما كان ابو بنتي
حسيت انها جرحت قلبي قفلت الخط وانا واقف ماسكه ماخلتني اقولها اني ماعيش فرحان وهي حزينه ناظرت امي:يمه كلمي بدريه مدري شفيها
طلعت من البيت ركبت سيارتي ماعندي جهه بالضبط اروح لها رحت لبيت عمي محمد دخلت المجلس وكان عمي جالس وسعود يصب له القهوه جلست وسلمت ع عمي ومدلي سعود قهوه وجلس بجنبي
عمي: اليوم بنروح المحكمه وبنحصر الورث
:عمي ترى اللي ماله اب له رب
عمي محمد بعصبيه:وش قصدك انا باخذ حلال عيال اخوي
حبيته ع خشمه:السموحه ياعمي مكان هذا قصدي بس اذكرك
عمي محمد: روح معي للمحكمه وشوف الا كانك مخوني
:محشوم ياعمي
عمي محمد: البنات وسعود بيسكنون معي لين البنات يتزوجون وسعود يتزوج
:الله يجزاك عنهم كل خير وراتب عمي التقاعد بيكفيهم انشالله
عمي محمد: انشالله
قلت لسعود ينادي الجوهره بكلمها من ورى الباب لاني برجع للبيت جوعان ومتضايق وقفت ورى الباب فجات الجوهره:نعم ياسر
: الجوهره
الجوهره: ايه
:ادري انك حزينه وانا مثلك حزين بس سعود صغير ع الحزن اذا ماعليك امر جيبي جواله عشان اعطيه اياه تعرفين ابي شي يفرحه لاني خايف عليه من العقد
الجوهره: دقايق بس
بعد 5 دقايق جت الجوهره ومدت لي الجوال من ورى الباب: سم
:الله يخليك يالجوهره اذا بغيتو شي ماتخلونها بقلوبكم تراي موجود
الجوهره: الله يخليك لنا ذخر
:وانا من الاسبوع الجاي بوصلكم للمدارسكم والكليه
الجوهره: لا مانبغى نلكف عليك
:لا خبري بعمي الله يرحمه مايامن لكم مع الباصات وعمي محمد ماله خاطر ابد بتوصيل البنات للمدراس ماصدق انه يتقاعد
الجوهره: لا مانبغى نتعبك وكملت بحزن كل شي تغير بموت الغالي
:خلاص يابنت عمي انا قلت بمركم الاسبوع الجاي انشالله توصين بشي
الجوهره: سلامتك
اول ما التفت كانت اخر شخص توقعت اشوفه...؟؟؟؟؟


~sẳrẳh غير متواجد حالياً   رد مع اقتباس
قديم 24-04-08, 09:35 PM   #7

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

الجزء الثامن
غزلالالالالالالالالالان!!!! !!!!
غزلان وقفت متفاجاه مثل ما انا متفاجئ بعد لحظات من احتضان العيون جاء صوت
التفت للصوت اللي قال :ياهلا ياهلا على ما اتعقد انتهى العزاء من امس
التفت وماكانت الا سديم بنت عمي محمد لاني كم مره شفتها ونفس كل مره بدون قصد منها؟!!!!
غزلان بأدبها واحترامها المعهود:ياهلا فيك ممكن تعطين الجوهره هذي الملزمه
سديم:لا صرت خادمه عندك وعند الجوهره آمري مثل ماتحبين
انا واقف مثل الطرش في الزفه جت الدانه ومسكت غزلان من ايدها وراحت فيها داخل التفت لسديم الغريب انها متمكيجه وماكن عمي من ثلاث ايام متوفي اول ماشافتني قالت بنعووومه:ياااااااسر
قلت بتعجب:انتي دايم تقابلين ضيوفكم بهالاسلوب
سديم:وووع لايكون تعتبر غزلان ضيفه
:طلعي غزلان من السالفه انا اتكلم بشكل عام اللي يدخل بيتك له حق عليك
تأففت سديم:طيب يا اخ ياسر اخر مره ممكن اروح
:افا ياسديم متمكيجه وعمك توه متوفي
سديم:الحزن في القلوب
:واذا حزن القلب منعك انك تتمكيجين وانك تاكلين وانك تنامين
سديم:تبغاني اسوي هالاشياء عشان اموت
:انشالله يوصل عمرك 200 سنه وانتي بصحة
سديم ضحكت بدلع:ههههههههههههههه
فقلت بجديه: احترمي حزن بنات عمك
عطتني ظهرها:جوهروه باطه كبدي الله ياخذها
جيت قدامها:سددددددديم وش هالكلام
سديم وهي تعدل لثمتها: انا رايحه للجامعه والباص بعد شوي بيجي ماني فاضيه لجدال مامنه فايده
اشرت ع العبايه اللي لزينه اكثر منها لستر:بتطلعين كذا
سديم:ايه
قلت باندهاش:فيه احد يطلع بهالعبايه
سديم: كل بنات الجامعه كذا
قلت باصرار:ماراح تطلعين بها اذا ماعندك اخوان يعدلونك ولا ابو يسال عنك انا موجود
سديم: وانت شدخلك
: ولد عمك وغصب عليك بتطعين كلامي
سديم:والله لاقول لابوي
:وعمي بيوقف معي وبنشوف من اللي كلامه بيمشي بالاخير
سديم:بخلي ابوي يوصلني مو مشكله وعبايتي ماراح اغيرها
عقدت حواجبي:والله ياسديم مافيه جامعه بهالعبايه،،، وش قلتي؟!
سديم وهي تاشر بيدها بلامباله: اليوم مهو لازم اروح بكرى بروح
قت باصرار:واللي خلقني وخلقك ان جامعه مافيه اذا عاندتيني
سديم التفت وقالت بقهر: وش حكايتك انت تبغى تتهاوش وبس
تنهدت:لا مابغى اتهاوش روحي خذي عبايه مافيه زينه
سديم ضربت برجلها لارض بقهر:اوووووف ياربي وش هالحاله
وراحت داخل وبعد 10 دقايق طلعت وهي لابسه عبايه فيها زينه لكن اخف من اللي قبلها بوااااجد
سديم:كذا عاجبك
:ماعندك غيرها
سديم:لا ماعندي هذي عباية رتاج اختي بس عشان انت تبغاني اغير عبايتي لبستها
:طيب اخذي من الجوهره
سديم بغرور وتعالي:أنا اخذ من الجوهره لا والله ماخذيت
:المهم غيرتي عبايتك وياليت بالمره تاخذين لك عبايه غيرها
سديم بقهر:انشاااااالله اوامر ثانيه
ناظرتها:تمام عليك بس عندي طلب صغيرون
سديم:ياربيه وش بعد
:غطي عيونك
سديم هاه وهذا انا غطيتها
:مشكوره وخرت عن الباب تفضلي روحي
رجعت لسعود اللي جالس ع الدرج وايدينه ع خده ويبكي ضميته افا وانا اخوك تبكي والدموع للبنات
سعود:انا ابغى ابوي
: انا ابوك
سعود: يعني خلاص ابوي ماعاد يجيبي وياخذني من المدرسه ولا يوديني معه
دمعت عيوني وضميته:خلاص ياسعود ما بغاك تفكر بهالتفكير
سعود: شفت انك تبكي مهو البنات بس
ابتسمت بحزن وطلعت من جيبي جواله: خذ هذا جوالك
سعود فرح وفرحته فرحتني:والله ماصور بنات بجوالي
:عفيه عليك رجال اخو رجال
دخلت على عمي
عمي:وش كنت تبغى في البنات
:ابغى اقولهم اني من السبت بوصلهم مدارسهم
عمي محمد:ايه والله احسن تفكن من اجار الباص
عقدت حواجبي: مهو كذا قصدي؟!! حلال عمي سالم واجد وورثهم بيكفيهم عمرهم كله
عمي محمد يتهرب:اجل ليه بتوديهم
:لان عمي موصيني عليهم وفي حياته ماركبو مع السواقين
عمي محمد:ياليت تاخذ بناتي معك
:بناتك ياعمي حياتهن على كيفهن
عمي محمد: وش قصدك
:سديم طالعه بعبايه للزينه اكثر منها للستر
عمي محمد:وهي وين بتروح من البيت للجامعه ومن الجامعه للبيت من بيشوفها
:وسواق الباص اللي تركب معه مهو برجال ورفعت ضغطي على ماغيرتها وبنات عمي سالم يطيعون كلامي ومايعاندوني
عمي محمد:انت ولدي وبحسبة اخوهم اللي تشوفها تغلط لايردك شي
قمت واستاذنت من عمي وركبت سيارتي وكانت الساعه 11 رحت لروضه رهوفه
وكانت واقفه برى خذيت لها من البقاله سنكيرز وعصير وشبس اول ماشافتني جتني تركض وباستني بخدي:عمو ياسر بروح معك لبيتنا
:اي بيت
رهوفه:بيت امي منيره
:يابعد عمر عمك خلاص حبيبتي قولي لماما ياسر يسلم عليك
((ااااااه يارهوفه المفروض ان انتي بنتي لكن حسبي الله على من كانت السبب))
رجعت للبيت وكانت امي جالسه تمددت ع الكنبه وغطيت عيوني بذراعي
امي: ياسر كليت شي
:لا والله ولالي نفس
جابت لي امي فطور :ياااااااااسر
:لبيه
امي: تكفى ياسر لاتحرق قلبي اكل انا وبنتك محتاجينك
ناظرت غزاله اللي كانت تلعب بعراسيها وبراءه الدنيا فيها لو لا سمح الله صار فيني شي وين بتروح اكيييييييييد بتاخذها امها وبتعيشها مع زوج ام ماينعرف اذا حن عليها ولا لأ؟!!
اذا العم وهو اخو الابو يظلم شلون بزوج الام؟!!!!!!!!!!
امي هزتني:ياسر وش سرحان فيه
تنهدت بحزن:ولاشي
كليت بهدوء مر اسبوع علي كئيب انشغلت ولا مريت ع عيال عمي وانشالله من بكرى بيبدون دراسه وحتى احمد معاد شفته لامها ولا غزلان ارد عليهم حسيت اني صرت في عالم مافيه الا انا والحزن اشوف بنت بدريه عند الروضه وحس اني اشوف بدريه وبدريه ماصار تجينا شكلها زعلانه مني وانا ماسويت لها شي سوى اني قلت لها نايف سبب دموعك هل هو نايف؟!!،،، ماراح اقول خير تعمل شر تلقى
لاني اسوي خير بنفسي والسبب اني ماحب اشوف دموع الغاليه بدريه
حتى احمد قاطعته وتركي والشباب كلهم ارسل لي مسج احمد انه يبغاني ضروري وانا قلت بجيك بعد صلاة العشاء صليت في مسجد قريب من بيت بدريه الساعه 8 و6 دقيقه و58 ثانيه بعد ماطلعت من المسجد القريب من بيتها وقفت بسيارتي عشان اشوفها يمكن تطلع او اشوف زوجها طالع او بنتها او حتى شغالتها فقدتهاااا بالحيل ناظرت بيتها يمكن اشوفها او اشوف من شافها صحيح ان المده اسبوع لكن في الحقيقه 6 سنوات لا اقصد 6 دهور لا اقصد عمر الدنيا مده طووووويله اشتقت لها يمكن لاني عارف انها زعلانه علي غمضت عيوني ..........

وسرقتني الذكريات من 6 سنوات ابتداء من زواج بدريه لوفاة عمي لحد ما ضرب علي واحد نافذة السياره
نزلت النافذه:خير اخوي امر
الرجال: لك ساعتين وانت في مكانك ماتحركت
:ساعتين!!!!
الرجال:عسى ماشر ياخوي فيك شي
:لا الحمد الله بخير

وللمره الاولى تسرقني الذكريات يمكن لاني افتقد بدريه ويمكن لاني حزين

مشيت بالسياره رحت لبيت احمد دخلت المجلس ولقيته نايم ومتلحف ناديته خفت مايكون احمد فقلت بتردد:احمــــــــد
احمد وخر اللحاف عنه وقف مد ايده سلمت عليه وكان كل ايدينه ووجه بقع حمراء مسكته من اكتافه وهزيته بقهر:وووووووش هذا
احمد نزل راسه وبعيونه عبره:...................
هزيته:من الاجنبيه اللي كانت معك صح
احمد هز راسه بالايجاب:انا خايف انها تكون مريضه بالايدز وعادتني
:ووووووين عيونك ليه ماشفت جسدها ليه ما اشمئزيت منها
احمد:...................
:حسبي الله عليها
سندت ظهري ع الجدار وغمضت عيوني قلبي معاد يقوى الطعنات فقدت عمي وهذا احمد اعز اصحابي في الطريق: حسبي الله عليها
احمد وهو يبكي: انا ضعت يا ياسر
حطيت ايدي ع كتفه:خلك رجال ولا تضعف
احمد: خلاص نهايتي قربت
حطيت ايدي على قلبي:خلاص بروح انا معك لمكه يومين وندعي لربي انه يغفر لك
احمد بحزن :انا انتهيت خلاص
:هذا حنا يا الشباب نكره الزواج والمسؤاليه ونروح ندور للمتعه الحرام وفي النهايه تجي بروسنا اااااااااه ياليتك طاوعتني وتزوجت
احمد:............
:انشالله نهاية الاسبوع بروح معك لمكه وندعي ربي انه يشفيك
احمد:اخاف اعادي هلي
:لا تخليهم يشربون من شي بعدك ولا يغسلون ملابسك وانشالله ربي بيشافيك
ناظرني احمد بنظره منكسره:خايف افحص ويكون من النوع الخطير ويلقون القبض علي وانسجن
:لا بنروح لواحد وبنعطيه فلوس لعل وعسى يستر عليك
احمد:بس لو ستر علي اكيد بعادي الناس
:انت تعرف كيف تحافظ على الناس اللي عندك المهم نقدر نقنع الدكتور انه يستر عليك
احمد: توي راجع من سفره وماعندي فلوس
:انا صاحبك وجيبنا واحد
احمد: ............
استاذنت منه ورحت للبيت اول مادخلت كانت رهوفه في الحديقه هي وغزاله يلعبون وشغالة بدريه معهم فرحت فرحه لاتوصف جتني رهوفه تركض وغزلان وحضنت ركبتي حضنتهن
غزاله بزعل وغيره بنات:اوحي ادا بابا ((روحي هذا بابا)) عمرها قرب 3 سنوات وللحين ماتتكلم زين
رهوفه بعناد:انتي روحي هذا عمو ياسر
:هههههههه حشى حريم رجل,,,((زوجات رجال واحد يعني شرايك))
خلاص رهوفه انتي بنتي وغزاله بنتي شرايكم
رهوفه:لا انا بس غزاله ماحبها
غزاله:انتي وع
رهوفه بصوت عالي :انتي اللي ووووع
:ههههههههههههههههههه وش رايكم تهاوشون ترى انا اموووت بهوشة الصغار
رهوفه:لا ماما تقول لاتضربين غزاله
((فددديت عمرك يابدريه ويلوموني يوم اغليك))
بسته رهوفه بخدها:خلاص بكرى بعطي الجيران غزاله ويصير ماعندنا غزاله
رهوفه وهي في عيونها دموع:لاااااااااا ما ابغى
:هههههههههه خلاص ماراح اعطيها احد
اول مادخلت شفت بدريه حاطه راسها ع صدر امي وهي تبكي ضاق تنفسي ماني قادر اتحمل والله جيت لعندها :يمه بدريه وش فيها
امي:تعبانه
ناظرتها بحنان:سلامتك يابدريه اوديك المستشفى
بدريه قامت من حضن امي وهي تمسح دموعها بحزن واكسار واشرت برسها بلأ وراحت لغرفتها وامي معها ,,,,
ياحبيبتي يابدريه مالك في هالدنيا حظ لماكنتي طفله انحرمتي حنان امك و ابوك ولما كبرتي انحرمتي الراحه مع الزوج اللي هو المنقذ لك من جدتي وتحكمها اااااااه يابدريه ياليت الزمن يرجع لورى كان تزوجتك ورحنا من هالعالم الظالمه رحنا لعالم مافيه الا انا وانتي وامي عالم مافيه للقسوه مكان احس بسكاكين تقطع جوفي ياليتني امووت ولا احس بالاحساس اللي احسه طعنات قلبي كثيره موت عمي ومرض احمد وحزن بدريه وعيال عمي وهمهم وانا محد مفكر فيني ااااااااااه ياموت اخذني وخلني ارتاح...
لالالالاااااااا ارتاح انا وغيري يتعذب امي وبدريه وعيال عمي واحمد وبنتي غزاله وش بيصير لهم من ربي خلقني وانا افكر بالغير ونفسي اخر اهتماماتي
امي:يااااسر
:هاه!!.... نعم!!.... امري!!
امي وهي تحط ايدها ع صدري:ياسر تبكي
حطيت ايدي على عيوني واذا بدموعي ع خدي:لا يمه
في احيان يحتاج الرجال للدموع لعل وعسى يرتاح
رحت لغرفتي تمددت ع السرير وغمضت عيوني والافكار تودي وتجيب فيني قطع علي حبل افكاري رنين جوالي شفت المتصل واكانت غزلان
رديت بشوق الدنيا:ياهلاااااا وغلاااااا
غزلان بلهفه:شلونك ياقلبي
:ماشفت الراحه ولا ذقتها من رحتي عني
غزلان:بسم الله عليك يالغالي
:مشتااااااق لك
غزلان:بس انت مارديت علي طول الفتره اللي راحت
:ماكنت في حاله تسمح لي ارد على احد وكنت مقاطع الكل
غزلان:...........
:لا تكفين لا تسكتين تكلمي مافيه كلام مثل كلامك يبري جروحي
غزلان بصوت باكيه:البقيه بحياتك
:عمرك الباقي
غزلان:شوف الدنيا كيف صغيره طلعت ولد عم الجوهره
:وامي تعرف امك الله يرحمها
غزلان:صدددق؟!!
:ايه والله انا كنت بقولك بس ماسمحت لي الظروف
غزلان بحزن تنهدت:ياحسرتي اللي صار فيني... يعني طلعنا معارف
:ايه
غزلان:ياسر انا احبك
:هاه
غزلان: احبك
:حبيبك بموت من الهم
غزلان بسرعه: بسم الله جعل يومي قبل يومك
تنهدت بحزن:خلي الموت للي يبي يموت
غزلان:ومن قالك اني مابي اموت
:.............
غزلان وهي تبكي:زوجوني غصب عني خلاص انا انتهيت
مدري ليه حسيت اني تضايقت زووود:.................
غزلان:انا مابغاه انا ابغاك
:وانا ابغاك
غزلان وهي لسى منهاره:ابغى اتطلق بس ابوي واخواني ماهم راضين يطلقوني
:يعني ملكتي؟!!
غزلان:قبل امس
:من وين تعرفونه
غزلان:معيد بالكليه
:يعني استاذك وكيف عرفك
غزلان:انا شاطره عنده واناقشه في الماده وسال عن اهلي وجاء هو وامه وخطبوني قال انها هي الوحيده اللي تسال عن الامور المهمه واحس انها مكافحه والباقيات همهم بس يخلصون الماده وانا اهم شي عندي افهمها اه ياسر ما بغاه والله مانمت من يومين ولا كليت شي انا انتهيت انتهيت
:تحبيني ياغزلان
غزلان: وللحين تسالني
:صلي الاستخاره وشوفي يمكن هو احسن لك مني
غزلان:...........
:والله ثم والله منتي رخيصه عندي لو ان الدنيا ع كيفي كان انتي اللحين زوجتي بس لازم تعرفين ان ماكل مايتمناه المرء يدركه
غزلان:............
:غزلان يالغاليه والله اني اغليك وانتي تدرين بس اقتنعي يمكن يسعدك اكثر مني
غزلان: وانا احبك
:وانا بعد بس الظروف خلتك تصرين لواحد غيري
غزلان:...............
:غزلان لاتزعلين هذا حظي اذا اغليت شخص وعزيته لازم يتزوج غيري
غزلان:اذا تزوجت اتصل عليك؟
:ترضين زوجك يكلم غيرك؟
غزلان:لا طبعاً
:حتى هو مايرضى تكلمين غيره وحتى انا مرضى ان حبيبتي تكون خاينه
غزلان:..............
:صلي وطمنيني عليك
غزلان:زواجي بصيفيه يعني بعد شهرين
:الله يوفقك
غزلان بحزن:مع السلامه ياحلم عمري الضايع
وقفلت ناظرت السقف وقلبي يتقطع رفعت ايدين وقلت((الله يوفقك ياغزلان مثل ماقد خففتي علي همومي ومثل ماقد ضحيتي عشاني وقد جروحي اللي جرحتك وسامحتيها ونسيتها))
غمضت عيوني ونمت صحيت ع الساعه 3ونص تروشت لعل وعسى تخف ضيقتي لبست ثوبي لاني بروح المسجد بعد نص ساعه ونزلت تحت وماكان فيه احد رحت للثلاجه خذت كاس لبن وطلعت للحديقه وجلست ع الكرسي طلعت باكيت الدخان وخذيت زقاره ليش مستغربين!!!!!
من توفى عمي وانا ادخن احس همومي كثيره يمكن الدخان يخفف عني رميت الزقاره 8 بفمي
بدريه: يااااااسر
التفت لها وكانت سانده ظهرها على الجدار:هاه
بدريه:الله يخليك بسك دخان
ناظرتها بحزن:انا حزين
بدريه جلست ع الكرسي:هذا وانت رجال وتقدر تروح وتترك هالناس اجل انا وش اقول
غمضت عيوني: اروح وين اروح وانا قلبي كله جروح فتحت عيوني وناظرتها بعتب اخلي امي وغزاله لمين عيال عمي مين اخليهم له وانتي اخليك ترجعين للي ظلمتك اااااااااه يابدريه انا تعبان
قامت بدريه وناظراتي تتبعها راحت ورجعت لوحدتي بعد 3 دقايق جت بدريه وبيدها كاس عصير
بدريه:اشرب عصير ليمون انشالله يهدئ اعصابك
ضحكت بسخريه:اعصابي هاديه بس قلبي ماراح يهدى الا اذا توقف نبضه
بدريه:ياااااااااسر لا تعور قلبي
:انتي وش مصحيك
بدريه:مانمت عشان اصحى
:طيب ليش اليوم كنتي تبكين
بدريه:...........
:والله ما اتهور بس خبريني
بدريه وعينها بالطاوله:انا حامل
حسيت انه سهم وصوبته لقلبي حطيت ايدي ع قلبي:..................
سكت وهي ساكته طال السكوت نص ساعه ودموع بدريه اللي سيول ع خدها تمشي بلا توقف ونا اناظرها بحزن ماني قادر اسوي شي اللي اقدر اسويه حسبي الله ونعم الوكيل ع من كانت سبب تعاستك وتعاستي يابدريه جاء صوت الحق منادي لصلاة الفجر قمت وقفت:بدريه وقفي
وقفت بدريه وعينها بالارض رفعت راسها وناظرتي بحزن:عشان اخوك ياسر مابغى اشوف دموعك
بدريه ابتسمت ابتسامه شاحبه:انا بقعد عندكم لحد ما يثبت الحمل اخاف يضربني نايف واسقط
عقدت حواجبي:ماعاش من يمد يده عليك وانا عايش اذا دخل عليك وهو فاقد وعيه اتصلي فيني واخلي عقله يرجع له
بدريه بدلع:يعني ماتبغاني اجلس عندكم
:يعلم الله ماهم خلقه ان افرح ماعندي اذا شفتك وشفت رهف
بدريه: الله لايحرمنا منكم
: بروح اصلي وبرجع ابغى شاي من يدين بدريه
بدريه وهي تاشر ع عيونها:انشالله
:لاتنامين اذا رجعت عندي لك مفجاءه
بدريه:اصلا مافيني نوم
سويت نفسي زعلان:يعني لو فيك نوم كان نمتي وماهمتك مفاجئتي
بدريه:لا مهو كذا
:لا خلاص خلاص ومسكت قلبي اااااااه قلبي جرحتيه
بدريه:هههههههههههههه
فديت هالضحكه قلتها بقلبي:خلاص بصلي وبرجع
بدريه وهي متكتفه:فمان الله
صليت اول ماسلم الامام رجعت للبيت وكانت بدريه جالسه وقدامها صينية فيها شاي وبسكويت وحليب:ليش تعبتي نفسك
بدريه:كلها جاهزه بس الشاي هو اللي صلحته
:الله يخليك لنا
بدريه ابتسمت:هاه ماقلتي لي وش المفاجاءه
:بسم الله خليني افطر اول بعدين اقولك
مدت لي بدريه كوب شاي وفكت البسكويت ومدت لي وحده شربت الشاي واكلت البسكويت وانا احس نفسي اسعد واحد بالدنيا حبيبتي قدامي وتمد لي الاكل بعد
بدريه:ياسر اشرب الحليب
:كل هذا عشان المفاجاءه يالمصلحجيه
بدريه:ههههههه
دخلت امي الصاله وشافتني انا وبدريه صاحين صبحنا عليها وراحت تتوضى تصلي الفجر وقفت وفقالت بدريه:على وييييين
:بجيب المفاجاءه
بدريه ببتسامه:انتظرك
رحت فوق اخذت الهدايا اللي كنت ماخذها لهم وانا مسافر نزلت فقلت وانا على الدرج بدريه غمضي عيونك
بدريه:طييييييييب
مديت لها الكيس اللي فيه هديتها:خلاص افتحي عيونك خذت الكيس اول ماشافت الهديه:وااااااو والله حلوه
:تستاهلينها
بدريه:هذي لي
عقدت حواجبي: وفيه بنت في بيتنا غيرك
بدريه بمتنان: مشكور ياسر
:اما رهوفه وغزاله جبت لهم نفس الملابس لاني ماعرف اختار
بدريه:روووعه والله يجنن ذوقك الله يخليك لنا
طلعت امي فقالت بفضولها المعروووف:وش تشوفون
قلت لها وانا معطيها ظهري:يمه غمضي عيونك بوريك شي
امي:وش بتراويني
:انا مقدر على فضولك يا ام ياسر
فعطيتها الدراعه عجبتها وصارت تدعي لي لما صارت الساعه ست صحت رهوفه ولبستها بدريه وطلعت معها بوصلها للروضه مريت ع بيت عمي طلع سعود والبنات
سعود وهو يركب قدام:صباح الخير
:صباح النور والسرور
سعود :وهو يكلم رهوفه:روحي ورى يابنت
رهوفه:لاااااا انت اللي روح
سعود:خلها تروح ورى ضاق علي المكان
ناظرت رهوفه:تروحين ورى
رهوفه:لاااااااااااا ما بغى
:خلاص حبيبتي لا تعصبين تعالي هنا وكان فيه مكان بين السايق واللي بجنب السايق جلستها فيه ركبت الدانه وبعدها ع طول الجوهره فقالت الدانه اول ماشافت رهوفه:ياحلاتهاااا ياسر تهبل من هذي
رهوفه ناظرتهم بغرور:انا بنته
قلت بقلبي بلاك ماتدرين انه كان يمكن تصيرين بنتي استغفر الله حكم ربي وانا راضي به
الدانه:غزاله مامداها تكبر في يوم وليله
:هههههههههههه ناظرت رهوفه حبيبتي قولي لهم من انتي
رهوفه:انت تقول انا بنتك
حضنتها وقلت للدانه:هذي بنت بدريه ومثل بنتي
الدانه:ايه اذكرها مره جت لنا
رهوفه تناظر سعود بقهر:هذا مين
:هذ اخوي
رهوفه:لا انا ماحبه
:وش اسوي يعني اعطيه جيرانا نفس غزاله
سكتت شوي وناظرتني ببراءه:لا خليه يلعب معي انا وتامر صاحبي في الروضه
:لا هذا كبير لازم يلعب مع الاولاد اللي كبره وانتي العبي مع البنات
رهوفه:امي تقول لا تلعبين مع تامر العبي مع مرام
:وليش ماتلعبين مع مرام
رهوفه:لانها تضربني
:وتامر
رهوفه:تامر يلعب معي ومايضربني
:خلاص العبي معه
سكت وناظرت بالمرايه عيون الجوهره الحزينه اللي تناظر من النافذه شكلها سرحانه وحزينه بنفس الوقت وقفنا عند الاشاره فقالت رهوفه:عمو ياسر انا جوعانه
ضربت جبهتي:نسيت ان بدريه قالت عطها ساندوتش
خذيت شنطة رهوفه وطلعت لها الساندوتش والعصير وصارت تاكل مديت الساندوتش الثانيه لسعود وبلموت خذها مني
وصلنا الدانه مدرستها وقبل تنزل:شكرا ياسر
ابتسمت لها:الله يوفقك
قفلت الباب وصلنا لمدرسه سعود وقبل ينزل:سعود معك مصروف
سعود:لا عمي يقول ماعندي فلوس
الجوهره:لا تصدقه ياسر معه فلوس بس يبغى زود
سعود برتباك:ايه صح امزح عليك
: سعود تكذب علي؟!!
سعود ناظر الجوهره وبعدها:لا ماراح اكذب ع ياسر انا قلت لعمي بس عمي قال ماعندي فلوس
عطيته مصروفه فقال وهو يضحك:الباقي برجعه لك
سكر الباب وناظرت الجوهره: اللحين الدانه نزلت بدون مصروف
الجوهره طنشت وماردت علي وتمت تناظر من النافذه وحزن ادنيا بعيونها
رجعت لمدرسة الدانه وقفت فقلت للجوهره: انزلي عطيها مصروفها
الجوهره:ماتبغى والله يخليك مابغى اتاخر ع الكليه
:انزلي عطيها مصروفها
الجوهره:عندي مكافاتي باخذ منها ومن بكرى بعطيهم مصروفهم
عقدت حواجبي:هذا وانا موصيك انك تقولين لي لانقصك شي
الجوهره انهارت تبكي:وش تبيني اقولك اني خلاص ماحب الحياه اللي ابوي مهو فيها ولا بيت احس نفسي غريبه وقالت بصوت متقطع ياسر انا تعبانه
:عمي قصر بشي عليكم
الجوهره تمت تبكي ناظرت رهوفه اللي نايمه:طيب خلاص لاتبكين وانشالله بتهون
نزلت ورحت لحارس المدرسه وعطيته اسم الدانه والفلوس وقلت انها من عند الجوهره ورجعت وصلت لروضه رهوفه صحيتها وباستني ونزلت لروضه
ناظرت الجوهره اللي حاظنه رجولها وهي تبكي
:اوديك للكليه
الجوهره:لا
: طيب هدئ باقي ع الدوام نص ساعه
نزلت عند بقاله خذيت لها مويه وعطيتها ياها خذتها بتردد حطيت راسي ع الدركسون وغمضت عيوني هذا هم جديد طلع لي ماهم مرتاحين في بيت عمي
الجوهره بنبرة حزن:خلاص ياسر وصلني للكليه
مشيت بالسياره لحد وصلت باب الكليه وكانت غزلان توها تنزل من سيارتهم وقفت تلاقت عيونا للحظات نزلت الجوهره وقالت اذا خذيت العيال انا بعد بكون خلصت محاضرتي
قلت بالم:بالتوفيق
غزلان حضنت دفاترها وراحت وانا عيوني تتبعها لحد مادخلت من بوابه الكليه رجعت لبيت لبست ملابس الدوام دوامت واستاذنت ساعه من الدوام مريت رهوفه وخذيتها ركبت قدام ولا يمكن تتخلى عن مكانها ومريت ع سعود وطبعاً جلست رهوفه بجنبي وسعود بجنبها
سعود وهو يمد لي الباقي من مصروفه:شكراً
:لا خلها معك وفيه احد يشكر اخوه
ابتسم سعود ومريت ع الدانه اول ماركبت:مشكووور ياسر ماقصرت
ناظرتها وانا معقد حواجبي:ع ايش تشكريني
الدانه:ع المصروف
:ومن اللي قالك
الدانه: الجوهره ماعندها فلوس وعمي مستحيل يرسل لي فلوس وهو ماعطاني
:انا اخوك مافيه شي
الدانه تبتسم:قلت للبنات ان هذا ولد عمي مسويه حركه عشان ماعرف
: احم احم اكيد مدحوني
الدانه:اووووووه ماتتصور بس انا قلت لهم بسكم ترا هذا زوج الجوهره مارضى حد يغازله
:ههههههه وخطبتيني بعد
الدانه:وبكرى بجيب مهرك
:خخخخخخخخخخ والله انك حبيبه يا الدانه
الدانه:طالعه على ولد عمي لا لالا اقصد اخوي
ابتسمت لها بحنان وقفنا عند الكليه وركبت الجوهره وهي مكبله بالهموم سلمت وسكتت والدانه ماسكتت والله دخلت قلبي بسرعه هالبنت
وقبل ينزلون سعود:بروح معك
الجوهره بجديه:لا عندك مذاكره
:بعد مايذاكر بمرعليه
الجوهره:لازم يجلس عندنا
دقيت لها تحيه عسكريه:تحت امرك يابنت عمي
نزلت الجوهره بدون ماتعلق رحت انا ورهوفه للبيت نزلت وخذيت شنطتها اللي تركتها في سيارتي انا ضد ان التعليم يبداء من 6 سنوات لانهم اطفال اللي ينام بالفصل واللي يبكي واللي يصارخ واللي يهاوش المفروض يبداء من 9 سنوات
اذكرا اول مادخلت اولى ابتدائي مادخلت الا وعمي سالم الله يرحمه معي اسبوع وانا مدخل الفصل الا وهو معي

يله ايام وراحت وجات بدالها ايام وبتروح هالايام وبيجي بعدها ايام وبصير انا ذكرى يتذكرها شخص ثاني والشخص الثاني بيتذكرونه اشخاص اخرون وهكذا الدنيا عاشر من تعاشر فانك تاركه وراحل وتبقى السمعه الحسنه والذكرى الجميله

فتحت الباب وعطيتها شنطتها ورجعت للدوام مر اليوم بسرعه ولاني ترقيت واصبحت رئيس قسم صرت اطلع متى ما ابغى وادخل متى ما ابغى مر اليوم بسرعه رجعت ع الساعه 6 دخلت البيت واتصل فيني احمد عشان نروح للدكتور بدلت ووطلعت له وانا طالع كانت بدريه لابسه البدله اللي اشتريتها لها
ابتسمت لها:تقطعينهم بالعافيه
بدريه:قلت خل البسهم اللحين بعدين بتكبر كرشتي ولا اقدر البسها وش رايك حلوه
:انتي احلى من اللبس
ابتسمت بدريه واستاذنت منها وقلت لها لايتعشون الا وانا معهم ركبت سيارتي مريت على احمد وركب ولا سلم مديت ايدي فقال احمد:لا مابغى اعاديك
:سلم يارجال اللي كاتبه ربك بيصير
سلم علي بسرعه اول ماسحب يده البارده من يدي ركزت ع الطريق وانا قلبي يتقطع ع خويي واخو دنياي وقفت عند المستشفى وناظرت احمد توكل ع الله وانا معك ماراح اتخلى عنك حتى لو كان من اخطر انواع المرض
احمد: علاماته طلعت باسبوع اكيد انه خطير
تنهدت كلامه صحيح بس وش نسوي امر الله: خلاص احمد فلها وربك بيحلها
احمد نزل من السياره ونزلت انا معه رحنا لعند دكتوره جلديه اجنبيه طلبنا منها ماتبلغ مهما كانت النتيجه المرض طبعاً مارضت الا بعد مادفينها بكم ريال
حلل احمد الدم وهم الدنيا بعيونه اول ماطلع كان وجهه شاحب حضنته:هونها وتهون
احمد: النتيجه بعد 4 ايام مدري وش بيصبرني
:توكل ع الله
احمد:انا بروح لمكه وبدعي ربي وانت اخذ النتيجه وخبرني فيها
تنهدت بحزن:.........
مشيت واحمد بجنبي نزلته في البيت خذ كل اغراضه وحجز له ع حمله بتروح الساعه 3 كلم امه وخبرها ونزلته بالفندق بعد مادعيت له من قلب
رحت للبيت وكانت الساعه 10
امي: توي بتصل فيك البنات يبكون جوعانين
:تعشو عليكم بالعافيه مالي نفس رحت منهم وانا اسمع بدريه وهي تقول حال ياسر مهو عاجبني وماسمعت رد امي لاني بعدت عنهم دخلت غرفتي غمضت عيوني
وانا احس نفسي تعبااااااان غير عن كل مره مكبل بالهموم وضايقه بي احزاني غمضت عيوني وتمنيت انها تكون النومه الابديه..................


~sẳrẳh غير متواجد حالياً   رد مع اقتباس
قديم 24-04-08, 09:37 PM   #8

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

الجزء التاسع....

ونمت ورحت بسابع نومه ومرت الايام بسرعه اما احمد فراح للمكه والجوهره يوم عن يوم تثبت لي ان فيه شي من خوفها اني اوصلها للكليه قبل سعود تحب ان احنا نوصل الصغار بعدين هي وبدريه عندنا والحمد الله البسمه ماتفارق شفاتها وقفت عند باب المختبر وانا مغمض عيوني بعد شوي تطلع نتائج تحليل دم احمد
طلعت الممرضه ورحت وراها وقلبي يخفق في الثانيه خفقتين وصلنا لغرفة دكتوره ثانيه غير الدكتوره الاوله دخلت والممرضه معها الاوراق
الدكتوره لبست النظاره وصارت تناظر وهي معقده حواجبها
صرخت فيها:خلااااااااااص تكفين تكلمي
الدكتوره: أنت احمد
:لا انا اخوه احمد مسافر
الدكتوره:وهو ليه ماجا يشوف تحاليله
:ليه في مرض خطير
الدكتوره:بس المرض اللي فيه مايستاهل تحليل دم ومن الكشف المبدئي نتعرف على المرض اللي فيه!!
:الى هالدرجه خطير
الدكتوره:انت مالك يا ابني هو طفح جلدي صار مرض خطير
حسيت اني تنحت:يعني كيف
:يعني استعمل ملابس او نام بمكان مش نظيف او اكل اكلات بحريه يا ابني هي مسأله بسيطه والعلاج بسيط كمان
:لا وش بسيطه هو كل وجه ويدينه كذا وحتى صدره بعد
الدكتوره:لادية حاجات بسيطه اووي له علاج وهو معاه حساسيه بالدم
:يعني مامعه الايدز
الدكتوره:لا والعياذ بالله
عقدت حواجبي:بس فيه دكتوره هنا قالت لنا انه معه مرض الايدز
دكتوره:لا ديه تبقى مصيبه اذا فيه دكتوره مش عارفه تفرق بين الايدز ولاالطفح الجلدي وبإمكانك تقدم شكوى ضدها عند الاداره
قلت بقلبي ((الحمد الله خيره ربي بغى له الهدايه)) وقفت :المهم سلامت الغالي
طلعت واتصلت با احمد فرد بصوت خايف: النوع الخطير عارف
:والله مدري وش اقولك
احمد: قول خلاص انا مات احساسي
:هذي نهايه الحرام
احمد تنهد:..............
:خلاص بقول بس قوي قلبك
احمد:مايبي لها تقويه قلب عارفه
:ابشرك طلع حساسيه مافيك ايدز ولا غيره
احمد:وش تقول
:اللي سمعته حساسيه بالدم ونت اكيد مسوي شي سبب لك الطفح الجلدي
قفل الخط بوجهي شكل الدنيا مهي سايعته من الفرحه الله يتمم عليه
ضحكت من الفرحه فرحان بالحيل اتصل في البيت وجاء صوت حبيبتي
بدريه:الوو
:هلاااا وغلااا
بدريه:هلا بك وينك تأخرت امي تحاتيك
:أنا جاي اللحين بس تجهزي انتي وأمي والبنات
بدريه:ليه
:بروح معكم لأي مكان ننبسط فيه
بدريه بفرحه: دقايق وأحنا كلنا جاهزين
اول ماوصلت للبيت بدلت ملابس الدوام لاني ع طول طلعت من الدوام ورحت للمستشفى وانا نازل كانو كلهم جاهزين
:بسم الله كل هذي فرحه بالتمشيه
امي:من زمان ماشفناك تبتسم
بدريه:ايه وامي صادقه فقدنا الفرحه
غزاله جتني تمشي وهي بشويش تمشي دبدوبه شلتها:مشاااا الله يغزاله كم وزنك
غزاله:بابا انت حووو((انت حلووو)
:وأنتي احلى وحده
رهوفه وهي تسحب ثوبي:وأنا شيلني مثلها
:هههههههه بدينا بالغيره
نزلت غزاله وشلت رهف لكن غزاله فتحت فمها
جلست على الكنب بقهر:خلالالالاص دام انكم تغارون من بعض ماني برايح
:توي ادري بمعاناة الرجال اللي متزوج ثنتين
بدريه+امي:ههههههههه
:تدرين يمه اني متزوج ثنتين
امي:عقدت حواجبها وبدريه سألت:ومن هن سعيدات الحظ
اشرت على البنات اللي وحده على جنبي اليمين والثانيه على اليسار:رهف الاولى والثانيه غزاله
بدريه:رهوفه خلاص عموو ياسر تعبان
رهوفه بعنادها اللي اموت:لأ خلى غزاله تروح
وقفت وعطيت رهف أيد والايد الثانيه لغزاله وغمضت عيوني: خلالالاص بمشي وراكم ولاادري وين بتروحون
ركبت السياره ورحت معهم للملاهي وجلست انا وبدريه وامي والبنات يلعبون مع الشغاله اتصل فيني احمد ورديت:هلاااااااا
احمد: الله يبشرك بالولد قول امين
:الله يجيب امه عشان يجي
احمد:خلاص بزوجك مها بنت اختي معندنا بنات بالعايله غيرها
حطيت ايدي على قلبي (مها وين غيبتها) تهربت:سلامتك اكبر بشاره... ليه قفلت الخط
احمد: اغمى علي من الفرحه زين اني كنت بجنب بقاله ولا كان خست بالشقه محد درى عني
:ههههههههههه ياله الحمد الله ع السلامه
احمد: اذا رجعت بخلي امي تخطب لي
:ايه هذا التفكير السليم
احمد: مافيه بنات ولا سكر ولا سفر
:ههههههه الله يجزاي الحساسيه الف خير
احمد: ماتعرف الاحساس اللي حسيته طول الايام اللي راحت
: الف مبروك يا احمد
احمد: بخطب بس زواجي انا وياك بيوم واحد
:ان كانها راجعه علي مالي خاطر بالزواج
احمد:بخطبها والزواج بخليه بعد سنه او اكثر ع ما اجمع المهر وابني شقه ومنها الى سنتين بتكون غيرت رايك
:ع قولتك من يدري عن الدنيا اهم شي سلامتك يالغالي
احمد: الله يسلمك
:في امان الله
احمد: وانت بحفظ الله
رجعت للطاوله وجلست: احمد يسلم عليكم
امي : الله يسلمه امه تقول حاله هاليومين مهو عاجبها
:لا بشريها قولي بيرجع مثل اول واحسن انشالله
امي: الله يسمع منك
بدريه: شرايكم نرجع احسن اني تعبانه
ناظرتها بخوف: وش يعورك
بدريه: الآم في ظهري
امي: سلامت عمرك يمه يله ياسر خلنا نرجع
ناديت الشغاله وركبنا وبدريه وامي بالمقعد اللي ورى وانا امشي بطئ خايف عليها
بدريه: ياسر خلاص مافيني شي امشي عادي
امي:سلامتك يا يمه
وقفنا عند البيت امي :ياسر ماراح تنزل
حسيت اني متضااااايق:لا يمه بروح للاستراحه لابغيتو شي اتصلو فيني
امي: ليه ماراح تتعشى معنا
:لا بتعشى مع الشباب
امي: الله يحفظك يمه
اتصلت بتركي:هلاااا ياسر وينك ياخي من عزاء المرحوم وانا اتصل فيك لا ترد ولا تتصل
:هلا تركي والله ظروف انت وينك اللحين
تركي: في البيت
: مشغول
تركي: لا والله
: طيب بمرك وبنروح انا وانت للاستراحه
تركي: طيب بس لانتاخر 12 لازم اكون في البيت المدام ماتحبني اتاخر
:وللحينها مسيطرة عليك
تركي: بنت خالتي وزوجتي وام ولدي او بنتي اللي في الطريق
: واخيرا بيجيك عيال
تركي: 5 سنوات وانا متزوج والله ماضيع صبري
: ليه مابشرتني
تركي: لي اسبوع وانا اتصل بس انت ماترد
:مبروووك انشالله
تركي:انتظرك
:10 دقايق والقاك برى والا بروح واخليك
تركي:سلام
ونقعني 15 دقيقه وركب تركي تركي وهو يتأفف:مابغت ترضى انها تخلني اروح
مشيت بالسياره:هههههههههه ياخي ليه تخليها تتحكم فيك لك حقك ولها حقها
تركي:زوجتي ولازم اطيعها
:خبري هالكلمه تنقال لام والا الابو؟!!!!!!!زوجتي اعطيها حقوقها وحريتي من حقوقي مالها حق التصرف فيها
تركي:لازم اداريها عشان اللي في بطنها
:من عرفتك وهي متحكمه فيك حتى قبل تحمل
تركي:ياخي زوجتي واحبها
:حتى لو تحبها لك حقوقك لا تخليها تاكلها عليك
تركي سكت وناظر من النافذه
"."."." تركي عاش مع زوجة اب تعامل الخدم اللي في بيتهم احسن منه حتى ابوه كان قاسي معه لا حس بحنان الام وحتــى ابوه... كان يطرده من البيت الى ساعات متاخره في الليل من غير كتبه إرضاء لزوجته اللي ماتحب تركي
واذا سالناه:ليش تتأخر ماترجع للبيت
يقول: ابغى اجلس معكم؟!!!
وغير كذا كان يذاكر من كتبي انا واحمد وطول حياته وهو بمشاكل مع زوجة ابوه اللي خلت منه شخص مهزوز الشخصيه
اول ماتخرج من الجامعه توظف وطلع بشقه وتزوج بنت خالته وحتى لما تزوج سلم لزوجته كل مفتاح حياته... وصار يكره شي اسمه **مشاكل** ومتوقع انه اذا مشى تحت اوامر زوجته بيبتعد عن المشاكل واول سنتين كانت زوجته مطينه عيشته لاتروح..!! لاتجي..!! وديني...!! يعني **اعطى ولاية نفسه لزوجه متسلطه**
لحد ما حللو عرف ان سبب تاخر الحمل منها ولأن تركي يحبها ماقال لها...؟!!
وهي لما راحت المستشفى عرفت التحاليل قالت بدهاء ان مافيه سبب لتأخر الحمل...؟!!!!!وان الحمل من الله
تركي احترم السبب اللي ماخلاها تقول له انها سبب تاخر الانجاب طمنها وقال انه عادي عنده اهم شي يعيش براحه نفسيه وهي عاملته مثل الامير عشان مايتزوج عليها او يمكن عشان انها حاسه بالذنب انها خبت عليه كانت تروح للمستشفى تعاالج وكم مره يشوفها وهي تروح مع امها للمستشفى وماقال لها عشان مايجرح شعورها حنون ياتركي وشكلها بعد ماتاكدت انها خلاص حملت وإنها حست انها تقدر تملكك رجعت لمشاكلها وعوار راسها *.*.*.*
التفت له:تركي
تركي:سم
:رجعت زوجتك للمشاكلها
تركي تنهد: اكثر من اول
: طيب شرايك اروح انا وانت لمقهى لو نروح لاستراحه ماراح تاخذ راحتك بكلام
تركي:ياليت والله اني احس نفسي مخنوق
وقفنا عند مقهى كنا نروح له ايام ماكنا اعزوبيه تركي: ياحبي لهالمقهى
جلست انا وياه وطلبنا معسل:هاه يتركي ماقلت لي وش فيك
تركي: تبغاني الليل والنهار في وجهها زي ماكنا اول سنتين زواجنا
:يمكن اثار الوحام ترى طلقيتي لما حملت بغزاله ماكانت تحب تشوف رقعه وجهي لكن طلعت انت العكس
تركي:والله اني متاذي معها مدري وش اسوي حتى العشاء ماتعشيني وتطلب أكل من مطعم بأخر الرياض وطلبات ماني قادر عليها واذا رجعت من العمل تعبان تقول لاتنام أنت تنام وأنا اجلس لحالي
:طيب اللي سمعته منك انها دافوره وخريجه رياضيات
تركي:ماتحب التدريس ولاتحب قومة الصبح
: خالتك عندها خبر باللي تسويه بنتها
تركي: خالتي مهو عاجبها اللي بنتها تسويه ابد
سكتت شوي: عندي لك راي كانك بتسويه ولا خلني اسكت احسن ولاتعب نفسي واتكلم
تركي:باذن الله ان قدرت بسويه
:اتفق مع خالتك انك تخليها عندها كم يوم
تركي: ياخي انا احبها ماحب يوووم الخميس اللي تنام في بيت اهلها فيه
:كلها كم يوم عشان تعيش بسعاده اثبت لها ان العيال مهم اللي يربطونك بها
تركي:ايه والله اني احبها مهو عشان العيال
:اجل اخذها مني
تركي:اخليها مقدر والله
:خلهابس كم يوم وفي هالكم يوم تخلي خالتك تبين لها انك بتتزوج عليها عشان تحس انها بتفقدك وللابد واراهنك اذا ماصارت لك الزوجه اللي تتمناها
تركي:ظنك
:مهو بظني الا متاكد بس اذا رجعت البيت اللحين وسببت لك مشكله قولها انا مليت المشاكل جمعي اغراضك وتركها في بيت اهلها واتفق مع خالتك اللحين عشان ماتزعل منك اذا جت لها بنتها با اغراضها
تركي:بشتاق لها
: اقول ياروميو زمانك كلها كم يوم وترجع لك احسن من اول
تركي تنهد: شورك وهداية الله
تقهويت معه وطلعت معه ورحنا لمطعم تعشينا وبعدها للاستراحه سهرت معهم وطلعنا وصلت تركي بيته ورحت انا لبيتنا
دخلت البيت كانت الساعه 1 لقيت امي وبدريه صاحين غريبه العاده امي نايمه ومن فتره بعد:خير يمه عسى ماشر
امي:ماشر بس بدريه ماجاء لها نوم وجلست معها
:خلاص انا موجود بجلس معها وانتي نامي
بدريه:مشكور ياخوي الله لايحرمني منكم
ابتسمت لها: بروح ابدل وبنزل
رحت بدلت ونزلت تحت مالقيت احد في الصاله طلعت بدريه من غرفة امي :خلاص ياسر نعسانه بنام
ناظرتها بحنان:نوم العوافي
رحت لغرفتي ونمت وصحيت اليوم الثاني الساعه 10 لبست ونزلت تحت فطرت جلس اشوف التلفزيون وصليت الظهر وتوجهت لبيت عمي اول مادخلت المجلس كان سعود ينظفه اول ماشافني جاني وقف بفرحه:يااااااسر
حضنته:اشتقت لك وجيت اشوفك
:ليه تنظف المجلس
سعود: عمي قالي اني انظفه
:وليه ماعندهم خادمه
سعود:لاا ماعندهم وبعدين حتى الجوهره تنظف البيت وتسوي الغداء
عقدت حواجبي:أنـــــــــــت ليه تنظف المجلس
عمي:يقول نظفه اذا شفته وسخ
:والجوهره والدانه بعد خدم
سعود: لا الدانه قالت ما انظف انا ماني خادمه
:والجوهره ليه ماقالت كذا
سعود:لان عمي ضربها عشان صارخت ع سديم
:ضربهاااااااا
سعود:حتى انا يضربني عشان اريج بنته
:والدانه
سعود: لا الدانه تقفل ع نفسها والجوهره تعطيها اكلها من النافذه
: وليه ماقلت لي
سعود: الجوهره تقول ان قلت لياسر زعلت عليك
دخل عمي وقفت اول ماشافني قال بنفاقه المعروف:ياسر يامرحبا يامرحبا
سلمت عليه وانا اكتم قهر قلبي طلعت من المجلس متجاهل عمي وهو يناديني ضربت الباب الداخلي بقوووه وفتحت لي اريج صرخت عليها انها تنادي الجوهره والدانه
وعمي واقف عند باب المجلس يناظرني مستغرب هذا عمي اللي كان خايف منه عمي سالم كنك عارف انه هو اللي بيظلم بناتك من بعدك طلعت الجوهره وهي لابسه عبايتها وحاطه ايدها ع قلبها:اخوي سعود فيه شي
مسكتها من ذراعها سحبتها وقفتها عند عمي: صحيح الكلام اللي سمعته ان هذا اللي هو للاسف عمي مشغلكم خدم في بيته
الجوهره:.............
صارخت عليها:تكلمـــــــــــــــ� �ـــــــي
عمي: وش هالكلام ياسر
:تضرب سعود ومشغله عندك ومشغل الجوهره خادمه وتضربها والدانه حارمها من الاكل حرام عليك ياعمي ابوهم ماصار له شهر من توفى
عمي: تبغاهم ياكلون ويشربون مجاناً
الجوهره التزمت الصمت وتركت دموعها تعبر عن قهر قلبها
الدانه وهي تجي واري:باع بيتنا وخذ فلوسه وبعدددين حنا ماناكل مجانا ناكل من حلال ابوي
ناظرت عمي مستغرب: صحيح هالكلام اللي سمعته
عمي: مالهم شي عندي
ام سديم مرت عمي: خــــــيـــــــــر ياسر عشان ماعندنا عيال يوقفونك عند حدك جاي بيتنا شاط عمرك ومهو كفايه انك تتحكم في لبس بناتي جاي اللحين تذبح ابوهم
ناظرتها بقهر:ربك مايرضى بالظلم والفلوس تجي وتروح المساله مهي مساله فلوس المسأله مسأله ظلم وأكل مال يتيم
ناظرت بنات عمي:جهزو اغراضكم واغراض سعود معاد لكم قعده في هالبيت
عمي وزوجته دخلو المجلس وقفت في الحديقه وانا اروح واجي مقهووور ومقهووور بموووت من القهر اضرب الارض مره والجدار مرات جاء سعود بنظرات خايف:ياسر لاتعصب
التف له وخبى وجه بيديه حسيت حركته طعنت قلبي جلست على ركبتي وحضنته:اللي يمد يده عليك اكسرها تبغاني انا امد يدي عليك
سعود:عشانك معصب
:وإذا عصبت اضرب سعود
جات الدانه والجوهره وراها ومعهم شنطهم خذييتها منهم وحطيها بالسياره وركبو ومشيت بالسياره لحد ماوصلت لبيتي
اشرت:هذا بيتي ومن اليوم وراح بيتنا كلنا عمي مات وهو يوصيني عليكم
الدانه:الله يخليك لنا
نزلو ودخلنا البيت وكانت امي وبدريه جالسين فقلت: يمه من اليوم وراح عيال عمي بيعشون معنا
امي وقفت مذهوله:الساعه المباركه اللي بيكون عندي وعند بدريه بنات يونسون وحدتنا يامرحبا يمه
:يمه الغرفه اللي بنجب غرفة بدريه عطيها الجوهره والدانه وسعود بينام عندي في غرفة غزاله بشقتي لان غزاله تنام مع معك
سعود: لا بنام بالمجلس عمي يخلني انا بالمجلس
حطيت يدي على راسه:لا خلاص اللحين انت عندي وبتنام معنا
رحت لغرفتي وتمددت بسرير وانا احس نفسي متضايق يمكن لو انا رحت مع عمي للمحكمه كان ضمنت حقهم احساسي بذنب بيذبحني اللحين طلعو من بيت عمي ومالهم حقوق وش اقولك ياعمي سالم اقولك اني ماصنت امانتك واني ضيعت حقوقهم وخليتهم عند واحد في حياتك ماكنت تأمن كيف بمماتك امنت له أنا اااااه
ضرب خفيف ع باب غرفتي خلاني افتح عيوني انفتح الباب الدانه: عادي ادخل
:حياك تعالي
قربت كرسي وجلست عليه قالت وهي تناظر الغرفه:وااااااااو غرفتك تجنن
:هذي ذوق ام غزاله.. بعدين تراي زعلان منك
الدانه وهي ترتبع وتتكلم مثل لاولاد: ليه وش سويت
:ليه ماقلتي لي انكم منتم مرتاحين في بيت عمي
الدانه: من قال ماني مرتاحه بلعكس اكشن ومغامره احس نفسي بمسلسل
جلست وناظرتها بتعجب:وفيه احد يحب المشاكل
الدانه وهي تاشر ع نفسها بفخر:انا تصدق كانت اذا تحرشت فيني اريج افقع وجها
:اريج في خامس وانتي ثالث متوسط حرمه تضربين بزران
الدانه وهي ترجع شعرها القصير لورى: انا بنت لو سمحت ماني حرمه
:هههههههههههههه وش فرق هذي عن هاذي
الدانه: الفرق ان البنت مابعد تزوجت والحرمه تزوجت
:خلاص عندي واحد صاحبي نفسك يحب المغامرات والاكشن بزوجك اياه
الدانه بحياء بنات: بسم الله علي
:وليه وش فيه خويي هاه؟وش فيك زود عليه
الدانه بفخر:انا بنت سالم واخت ياسر كلي ع بعضي زود
:ههههههه غلبتيني
الدانه: كفك
ضربت كفها بقووه:طااااااااااااااااخ
ضربتني ع كتفي:دفش شوف شوف حمرت يدي
:هههههههه فيه احد قد قالك انك مسترجله
الدانه: وهي توووقف يوووووووه كثير يله انزل تحت عشان تتغدى معنا
:تعاااالي
الدانه: امر
:ليه ماقلت لي ان الجوهره ماذيها عمي
الدانه رجعت وجلست ع الكرسي:شوف بقولك واللي فيها فيها يوم الاثنين والثلاثا صح الجوهره ماداومت
: ايه صح وقلتي ان دكتورتها مستاذنه
الدانه: اكذب عليك هي اللي قالت اقول كذا عشانها تقول يكفي ياسر همنا وهم مصروفكم
يابعدهن يابنت عمي تحاتيني:ايه وبعدين
: المهم لما رجعنا من المدرسه يوم الاحد قالت ام سديم لي اني انظف البيت قلت اسفه في ايدي حنا ورحت للغرفه وقفلت علي ولما حاولت الجوهره ترفض كان عقابها انها تاكل ضرب من عمي ولما خبرته سديم اني بعد رفضت اشتغل شغاله عندهم كان بيضربني بس انا مقفله الباب فالجوهره كانت مستحيه تقابل البنات وتحت فمها بقعه بنفسجه من كف عمي
سمعت كلامهم انا احس مرارتي بتفقع:طيب اختك الماسه وينها
:الماسه راحت مع زوجها للشرقيه لانه قطعو اجازته بسبب عجز في عدد الموظفين واليوم بتجي
:يعني ماتتصل فيكم
الدانه: الا تتصل بس الجوهره ماتقولها نفسك
:.............
الدانه: اقولك شي بس قول والله ماتقول لاحد
:ايه ماني قايل
الدانه: سديم عندها جوال محد يعرف عنه وخاشته بدولابها شفتها وهي تخبيه خذيته وحفرت له في الحديقه ودفنته عشان تعرف تاذي اخت مين
:كفك عفيه عليك بنت عمي ماترضى بالغلط
الدانه غمزت: اعجبك بعدين انا شعاري في الحياه ((خلك قوي الناس كلها تخاف منك))
عقدت حواجبي:اول مره اسمع هالشعار
جت امي : الدانه وش تسوين كل هالوقت بغرفة ياسر
: اخت تسولف مع اخوها فيها شي يمه
امي: لا مافيها بس انا قلت لها تناديك تتغدى معنا
الدانه وهي تحط ايدها ع كتف امي:ترى ولدك لي ساعه وانا اقوله ترى خالتي تتنظرنا تحت بس هو يضيع الوقت عشان ما اتغدى لكن انا متغديه متغديه الله لايعوقني بشر
امي +انا:هههههههههههههه
نزلت بشطانتها وهي تركض ع الدرج نزلت مع امي وانا مرتاح شوي سوالفها حلووه وتوخر الضيقه عنك : يمه الجوهره عادي تتغدى معي
امي:تقول مالها نفس في شي وهي في غرفتها نايمه
:بس بدريه ماتتغطى مني عكس الجوهره
امي:الجوهره تكسر الخاطر تحس انها غريبه وهي في غرفتها
:خليه يمه اللي شافته في بيت عمي مهو شويه
امي: وش سوى هاللي مايخاف ربه
:اسالي الدانه وتقولك التفصيل الممل
لقيت الكل متجمع ع السفره وبدريه معهم وسعود وغزاله ورهوفه جلست وجلست امي بجنبي تغدينا ومن احلى مايكون الغداء بوجود الدانه بعد الغداء
الدانه: بدريه تدرين ان بنتك يبغى لها قص لسان
بدريه: من زمان
رهوفه وهي تسند ع كتفي: انتي عمو ياسر بيقص لسانك
الدانه: اذا راح عمو ياسر باخذ المقص وبقص لسانك
رهووفه:لاااااااااااا ما حبك
الدانه:وش رايك يابدريه نعطيها الجيران عشانها ماذيتك بالمشاكل
رهوفه وهي عاقده حواجبها: ماما قولي لا
بدريه:ههههههههههههه
ناظرت رهوفه: وش رايك اعطيك الجيران ولا سعود ولا بنتي غزاله
رهوفه:لا هذذذذذي ما ابغاها وهي تاشر ع الدانه
الدانه وهي تسوي نفسها حزينه وتبكي خلاص بروح مع السلامه نقزت رهوفه من الكنبه وراحت لها ومسكت يدها: خلاص عموو ياسر ابغاها
:فديت الطيوبه انا
خذتها رهوووفه وحضنتها :عادي بدريه اخذها معي لعند الجوهره
بدريه: عادي حبيبتي...... راحت الدانه تركض وهي شايله رهوفه
:بدريه وش رايك في الدانه
بدريه: حبوبه وتدخل القلب بسرعه
:صح تشبهني
بدريه تسوي نفسها تفكر: لا بصراحه بدون زعل
: ايه
بدريه: اكيد
:ايييييييه
بدريه: مافيه مثل ياسر وبنت عمه
:هههههههه ع بالي بتجبين شي مفيد بس اجابه دبلوماسيه
بدريه: اصلا كانو بيعطوني جواز دبلوماسي بس انا قلت والله ماتعطوني انا بنت خالة ياسر وتعطوني اقلبو وجيهكم
:ههههههههههههه انتقلت العدوى من الدانه
بدريه:ماعندي مناعه ع طول عادتني
: بدريه بقولك شي قبل اقوله لامي وباخذ رايك فيه
بدريه:وش هو
: عيال عمي نفسيتهم تحت الصفر ترى حتى الدانه اللي تضحك وتفرفش هي تضحك من ورى قلبها فانا قلت نروح الشرقيه كم يوم ناخذ لنا شاليه ترى شوف البحر تبري الجروح
بدريه:والله ممتاز واكيد امي بتوافق ع طول
:خلني بروح اقولها
بدريه: ياسر
:سمي
بدريه:انت اطيب واحد بالعالم
ابتسمت: شهاده اعتز فيها
ورحت لامي وانا مار ع غرفة الجوهره سمعتها تقول: ليش فرحانه بزياده اليوم بتحملونا وبكرى بيطردونا اااااااه يابوي تركتنا في دنيا ماترحم
طقيت الباب وفتحته فتحه بسيطه عشان يسمعوني وقلت: افا عليك الجوهره مهو با انا اللي يطرد عيال عمه وامانه عمه
ورحت لامي وقلت لها وافقت ع طول وصارت تدعي لي اني رحمت هاليتامى وقررت ان بعد ساعه بنمشي وقلت لامي تقول للجوهره وتقنعها لانها هي الوحيده اللي عنيده وحساسه وقلت لبدريه فرحت فرحه لاتوصف وجهزت نفسها بسرعه وجهزت غزاله ورهوفه والدانه فرحت وسعود بقت الجوهره لكن انا معرف وش ردت فعلها بس المهم ان كلهم ركبو ومشينا للدمام
وبدريه والدانه يسولفون وامي كعاتها اذا ركبت السياره نايمه
:بدريــه
بدريه:هلا
:تدرين ان الدانه ولد وتتهاوش مع البنات
بدريه:يؤ تكفين لاتهاوشيني ترى انا خوافه صح ياسر
:بدريه بنت عشان كذا تخاف لاكن انتي ولد
الدانه: توك اليوم تقول عني حرمه يوم افقع وجه اريج
: اسلوبك اسلووووب ولد
:الجوهره تقول انا سحليه وافتخر ولو تسماح انتحر وبقول قولتها
:يؤيؤيؤ يالجوهره ياكرهك لمعشر التماسيح بتنتحرين مره وحده
الجوهره التزمت الصمت وماعلقت
مرت الاربع ساعات بسرعه
وقفت عند مكتب لتاجير الشاليهات واجرته ثلاث ايام
نزلنا وزعنا الغرف وكانت كلها بجنب بعض لكن للاسف غرفتي مافيها ليت وقلت يمكن اذا رجعت تصير كويسه رهوفه وهي تأشر على البحر:الله موووويه حلوووه
خذيت لنا قارب وركبنا فيه الكل كان يضحك ومبسوط الا الجوهره كانت واقف في بداية القارب وهي حاطه ايدها ع خدها وتناظر البحر هل هو شوق لبوها او هو خوف من الايام الجايه اتوقع السبب محصور بين السبب اذا ماكنا السببين جميع بدريه الحنونه راحت وقفت بجنبها الفضول ذبحني فرحت وجلست ورى المتحكم وقادر اسمع صوتهم بوضوح
بدريه: الجوهره ليش ماتجلسين معنا
الجوهره: ماحب احس نفسي عبء ثقيل ع احد
بدريه: لا ماتعرفين ياسر عمره مافكر بهطريقه انا وبنتي عندهم اكثر الايام بلعكس احس انه يفرح اذا شافنا عندهم
الجوهره:انتو شخصين بعدين بنت خالته احنا ثلاثه وماعندنا دخل بعد شهر بتخرج من وين تجيني فلوس اقدر اساعدهم ع مصروفنا,, يوم احنا عند عمي صحيح اني منهانه لكن اعرف اني اكل من حلال ابوي مهو من عنده لكن اللحين كل شي تغير
بدريه: انشالله بتتوظفين بتساعدينه في مصروفكم مع اني متاكده ان ياسر مايفكر بهالطريقه
الجوهره: ياسر الكل يدري اني يحبك فمستحل انه يستكثر عليكم شي
بدريه تنهدت:هذاك اول
الجوهره:ليه وش تغير
بدريه:انا تزوجت وياسر اخوي وبس وهو قالها بلسانه اني مثل اخته معناها ان أي مشاعر ثانيه كانت بقلبه ماتت او بالاصح تغيرت
الجوهره بلهفه: والله
بدريه: والله يعني متحملنا عشانا كلنا لنا غلاه بقلبي حتى لوتفاوتت درجات الحب هذي بعدين تراه يقول عيال عمي خلو لبيتنا حس وفيه حركه
الجوهره:صدق
:ايه والله خلاص عاد فليها وانسي همومك هو جايبكم هنا عشان تغيرون جو
الدانه:بوووووووووو
حطت الدانه ايدها ع فمي وقالت: لاتصارخ وبتفضحنا
:انتي من وين طلعتي
الدانه: قاعد تتصنت عليهم
حكيت شعري:بعدين انتي وش جابك وراي
الدانه وهي تمسكني من ايدي: تعال تعال خالتي تناديك
رحت وراها : سمي يمه
امي: غزاله جوعانه رجعنا للشاليه خلنا نوكلها
:يمه بنتك هذي مدري ع مين طالعه ماتسكت الا لازم شي في فمها ماتشوفيها يالله يالله تمشي
امي:لا اله الا الله حرام عليك قول مشالله
: مشالله مشالله تف تف
رجعنا بالقارب للشاليه ونزلنا انا جلست ع صخره عند البحر ادخن لان امي ماتحب ادخن قدامها جت الدانه وجلست بجنبي:تعرفت ع وحده هنا
:مداك
الدانه:ايه مداني والله اني حبوبه
: طيب وبعدين
الدانه: تقول روحي معي للمطعم ناكل مع امي واخوي
عقدت حواجبي:وش قلتي لها
الدانه:قلت لها اقلبي وجهك تبغين ياسر يذبحني
:ايه عفيه عليك خلك كذا
الدانه:عطني زقاره
:أيــــــــــــــش
الدانه: مهو كذا يسون الشباب المراهقين اللي يبغون يسون انفسهم انهم رجال
: الشباب مهم البنات
الدانه: امزح معك وش فيك حمقت
:وين الناس
الدانه: الجوهره مع بدريه وخالتي مع غزاله وسعود مع رهف وانا معك
:هههههههه عارف انك معي
الدانه: لازم اقول كل شي بتفصيل
:وش رايك نروح ناكل لنا شي
الدانه:هههههههههههههههههه توك تضحك ع غزاله
:لاتعيب وتبتلي
تعشيت مع الدانه وماتركت وحده بمطعم ماعلقت عليها او ع لبسها وحتى الشنط ماسلمت من تعليقاتها والله انها فله حجاج ع قوله تركي ايييييييه تركي وش صار عليه يله خل انتظر يا يشكرني يا يهزئني
الدانه: ماشبعت
:الا
الدانه: خلاص يله خلينا نروح
رحت توجهت لغرفتي شغلت الليت لكن ما اشتغل اضطريت اني انام بدون لليت حطيت راسي والافكار تودي وتجيب فيني عمي للحين ما اتصل كانه ماصدق انه افتك منهم خذ حلالهم وخلاهم لكن باقيه العماره انشالله اني اقدر استرجعها
ماقدرت استرجع بيت من عمي وهو عند عمي كيف بقدر استرجع عماره من واحد غريب لكن ما اخذ بلحيله يسترد بلحيله اااااااه ياعمي طول عمرك طيب وحبيب ماقد شكى منك جار ولا قد سبيت انسان حتى ابوي لما توفى صرت لي الابو والعم بنفس الوقت لما بغت جدتي تاخذني من امي وقفت بصف امي وقلت بيتم عندها واحنا عيونا عليه لو وش سويت ماراح ارد لو جزء بسيط من افضالك يكفي الوظيفه اللي انا فيها من فضل الله ثم فضلك اسعدتني وريحتني في حياتك وانا اشقيت عيالك اللي وصيتني عليهم وقفت مكتوف الايدين وعمي ياخذ حلالهم حسيت عيوني نزلت دموعها
انفتح الباب فخليت اللحاف ع وجهي,,,, لحظه سمعت حس احد سكر الباب المفاجاءه
لما انرفع اللحاف و قالت الجوهره دانه وخري خليني انام تعبانه ومالي خاطر اتعشى ودخلت بداخل اللحاف ونامت بجنبي ماوصف لكم الاحساس اللي حسيته احساس خوف وفرحه وومفاجاءه جميع الاحاسيس تجمعت فيني هذيك اللحظه معرفت وش اقول هل اقول انا ياسر او اسوي نفسي نايم او انبها لكن هي قلبت للجهه الثانيه وصارت مواجهتني وقريبه مني وقالت: دانه انتي مبسوطه هنا
:................
الجوهره: لاتسوين نفسك نايمه تقول خالتي انها توها شايفتك
:................
حطت ايدها ع صدري وهزتني لكن انتبهت اني ماني الدانه كانت بتصارخ بس انا حطيت ايدي ع فمها وقلت بهمس:انا ياسر وانتي شكلك غلطتي بالغرفه


~sẳrẳh غير متواجد حالياً   رد مع اقتباس
قديم 24-04-08, 09:41 PM   #9

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

الجزء العاشر........

الجوهره طاحت من ع السرير سندتها لاني حسيت انها من الصدمه رجولها ماعاد شالتها لما وصلت للباب قلت بحنان:بسم الله عليك
وانا رجعت سكرت الباب رجعت للسرير بغيت انام لكن النوم جافاني ماقدرت انام لمست ايدها البارده صوتها الحزين نبرة صوتها المبحوحه ريحتها الحلوه كلها تعلقت بذهني ورفضت انها تطلع تعوذت من ابليس وقلبت للجهه الثانيه لكن طيفها مافارقني قمت ووقفت وقلت بروح اطلع أي مكان بعيد عنها
فتحت الباب وشفت عبايتها طايحه خذيتها وطقيت الباب ماحد رد طقيته اقوى لكن ماردت قلت اكيد انها طالعه معهم فتحت الباب وناظرت بالغرفه وكانت فيه صوت احد يبكي بصوت مكتوم
فقالت الجوهره وهي تبكي من ورى الباب: مييييييين
:خذي عبايتك مديتها لها وانا معطيها ظهري
الجوهر: شكرا
:ليه الدموع اللحين
الجوهره بصوت مبحوح:انا مكان قصدي والله
: وليه تحلفين انا مصدقك
الجوهره:والله ماكنت ادري
:لو انه صار نفس الموقف في بيتنا كان قلت متعمده لان غرفتي معروفه بعكس هنا
وخوفك والصدمه اللي صابتك ودموعك اللحين تبثت لي 1000,000% انه مكان قصدك
كملت وقلت لها: خلاص اوعديني ماشوف عيونك تبكي ثانيه
الجوهره: انشالله
:طيب انا بروح لهم وانتي بعد 10 دقايق الحقيني
الجوهره: ان شالله
سكرت الباب ووقفت عند الباب جاني صوتها الواطي اللي تكلم فيه نفسها:الله يخليك لنا يا ياسر
فتحت الباب وقلت: سمعتك ويخليك لنا يالجوهره
ورحت لهم وكانو جالسين بجنب المراجيح مدت لي امي قهوه تقهويت دقايق الاالجوهره لاحقتني اول ماشافت دانه الجوهره صارت تغني ترحب فيها جلست الجوهره وكانت بدريه واقفه مع البنات بمراجيح
الدانه بدفاشتها: ياسر وش رايك اروح اخرع بدريه
الجوهره: دااااانه بزر انتي؟!!!
قلت بحنان على بدريه: لأ الا بدريه لاتخرعينها ترى بدريه حامل
امي: وش فيكم عليها تمزح عليكم اعرفها
الدانه وهي تلف الشيله على راسها مثل الغتره: ايه خالتي قولي لهم امزح كلوني بسم الله علي منهم
الجوهره متجاهله الدانه: خالتي بدريه حامل
امي: ايه في الشهور الاولى
الجوهره وهي قايمه: انا بقعد مع البنات وخلي بدريه ترتاح
امي: الله يوفقك يابنتي دنيا واخره ناظرتني امي بنظره فهمت مغزاها
فستأذنت ورحت انام لاني من جد تعبان رحت لسريري وحنان الجوهره ماغاب عن بالي نمت واليوم الثاني قضيناه بملاهي وبرجعه كانت الساعه 9 بدريه تعبت علينا لما دخلت البيت كانت سانده راسها ع صدر امي والجوهره والدانه وسعود وانا اناظرها بعيون خايفه بس نظراتي انا غير حبيبتي تعبانه وانا واقف قدامها ماني قادر اسوي شي جلست ع ركبتي بدريه: اوديك المستشفى
بدريه هزت راسها وماتكلمت فقلت: تكفين بدريه خليني اوديك
امي:لا عادي يمه هذا تعب اول الحمل لازم يصير
الجوهره: خالتي خليها ترتاح بغرفتها
بدريه: ايه يمه وديني غرفتي
ودوها لغرفتها وانا دخلت غرفتي وانا متضايق حبي بدريه تتعذب من هالحمل لو يصير لها شي لاسمح الله ماراح اسامح ام نايف
طلعت من غرفتي لاني متضاااايق و النوم ماجاني
وانا طالع مريت ع غرفة الجوهره والدانه كان اسمي هو الحوار بينهم مما خلاني اوقف اسمع اللي تكلمون عنه
الجوهره:انا ماقد شفت بحنانه انسان طيب وحنون مثله انا ماقد شفت
الدانه: الا ابوي
الجوهره: لا ابوي مافيه مثله
الدانه:شفتيه شلون كان خايف ع بدريه
الجوهره: الله يشفيها والله انها طيوبه وحبوبه
الدانه:هذي اللي كنتي تقولين انه يحبها
الجوهره: ايه بنت خالته تذكرين لما كنا صغار لما كان ابوي يجيبه شلون كان يمدحها ويسولف عنها
الدانه:للحين تحبينه
الجوهره:...............
حسيت انه مهو من حقي اسمع اكثر فرجعت لغرفتي ونمت وصحيت الساعه 5ونص تروشت وصليت طلعت وكان كل شي مظلم بصاله رحت للمطبخ صلحت لي قهوه وطلعت برى الشاليه اتمتع بشوفة الشمس وهي تشرق دخلت ايديني بجيب البنطلون وصرت واقف واللي يشوفوني يقول تمثال صح انا تمثال لكن التمثال مايحس وانا كلي احسايس و احزان تنفست الصعداء وطلعت من جيبي باكيت دخان واخذت زقاره ولعتها بكسل ..ياسر التفت لشخص اللي ناداني
: سمي
الجوهره وهي واقفه: نسيت القهوه ع النار
تنهدت:من يومي نساي
الجوهره وهي تمد القهوه:تفضل
:تسلمين غريبه للحين مانمتي
الجوهره:ماعرف انام في المكان الجديد علي انام نوم متقطع
:طيب اذا مافيك نوم اجلسي معي
الجوهره عطتني ظهرها حسيت بخيبة امل بس احيت لامل لما جابت كرسي وقالت: اجلس هنا وانا بروح اخذ الثاني
ابتسمت لها وجلست في الكرسي وناظرتها وهي تاخذ الكرسي الثاني وتجلس بعيد نوعا ما مني
:شخبار بدريه
الجوهره: لا الحمد الله بخير نامت وهي تمام
: الله يبشرك بالخير
الجوهره: تحاتيها
:اختي وغاليه علي اكيد بحاتيها >>مدري ليه قلت اختي يمكن عشان تعرف ان اعامل بدريها هالمعامه موب عشان حبها اللي غرقان فيه
الجوهره: الله يخليك لنا
: الماسه ما اتصلت
الجوهره: الا اتصلت وهي بتجي اليوم
: ترى بكرى بنمشي للرياض ولا نسيتو ان الاختبارات قربت
الجوهره:سعود الاسبوع الجاي اختباراته وانا والدانه بعد اسبوعين
: الله يوفقكم واذا بغيتو مدرسين خصوصين قولو لي
الجوهره: خيرك سابق
:لاتقولين افضال او معروف ترى ايام الثانوي وحتى في الجامعه عمي سالم كان يجيب لي مدرسين وهو اللي يحاسبهم بالله اذا بغيتو ترى هذا كورس التخرج
الجوهره:لا الحمد الله انا دايم انجح بدون مدرسين بس الدانه هي اللي دايم تحتاج مدرسين وماتنجح الا بدف
: والله الدانه هذي عجيبه اذا جلستي معها تتكلم كنها من عمرك واذا سويتي عقلك صغير صار عقلها اصغر والعكس صحيح واذا جيتها متضايق رحت مبسوط
الجوهره:علامة الجوده عندها روق وفلها وربك بيحلها
:تصدقين اقولها وش رايك بدراسه تقول اذا ماتبغاني اتضايق لاتطري الدراسه
الجوهره:ابوي الله يرحمه دايم يقول لها بزوجك قبل الجوهره عشانها كسوله في الدراسه واللي ماتحب الدراسه تبغانا نزوجها
:وش ترد عليه
الجوهره تنهدت وناظرت البحر بحزن:تقول موافقه وبدون مهر اذا كان شايب وحنون مثلك
حسيت ان الجو تكهرب:فقلت الله يرحمه
الجوهره: بروح انام تبغى شي ثاني
:اجلسي معي شوي احس نفسي متضايق
الجوهره:من ايش متضايق عشان بدريه تعبانه
:لا انتي طمنتيني بس احس انكم حاسين انفسكم اغراب وهذا اللي ما ابغاه
الجوهره ناظرت البحر وسكتت:.............
:انتي الوحيده اللي حاسه انك غريبه
الجوهره ناظرتني: لاني الوحيده اللي كبيره وفاهمه سعود مابعد صار عمره 8 والدانه ماصارت 14 وانا الوحيده اللي فاهمه الدنيا وعارفه مهما تحملتنا بيجي يوم وبتطفش
: اطفش من عيال عمي سالم
الجوهره:ماقصد هالكلمه بضبط لكن بكرى بتتزوج وزوجتك ماراح ترضى ببنات اغراب في بيتكم ساعاتها بتشتري راحتك وبترجعنا لبيت عمي
:مابعد عرفتيني يا الجوهره مهو انا اللي ينكر المعروف ويخون الامانه وبعدين من قالك اني لي خاطر بالزواج واذا نويت اتزوج هذيك الساعه خافي وحاتي
الجوهره:معقوله ماتبغى لغزاله اخو ولا اخت
:اكذب عليك اذا قلت مابغى لكن انا خلاص عندي شعار عكس شعار دانه لا للزواج
الجوهره:من متى وهذا شعارك
سكت شوي وقلت:تقريبا من 6 سنوات
الجوهره: بس اللي اعرفه انك من من سنه وشوي مطلق يعني كنت متزوج
:تزوجت وانا مالي خاطر بزواج عشان خاطر امي واخالي
الجوهره: لاتقول مغصوب الرجال ماينغصب
:لا ماني مغصوب بس ماحبيت اكسر خواطرهم
الجوهره ناظرتني وسرحت :الجوووووهره
:في وين سرحتي
الجوهره:انت طيب بالحيل
:الحمد الله من فضل الله
الجوهره:الله لا يحرمنا طيبتك
ابتسمت لها: انا جوعان بالحيل عادتني غزاله
الجوهره: حرام عليك قول مشالله
:مشالله
الجوهره: تبغاني اسوي لك شي
:لا مانبغى نتعبك
الجوهره:لا عادي والله
:لابروح المطعم يمكن ماتعرفين تطبخين
الجوهره: لااا اعرف اطبخ بعدين انا اسوي بيض ع كيفك
:وش دراك ان خاطري في بيض
الجوهره وهي واقفه: يمكن اني جنيــــه
راحت وخطواتها الثابته ومشيتها المتزنه اسرتني طريقه كلامها كل شي فيها يعجبني خجلها كل شي فيها عاجبني
جت الدانه وهي لابسه بجاما وشعرها منكوش اول ماشافتني اشرت بيدها وجتني تركض جلست في الكرسي اللي كانت جالسه عليه الجوهره: صباح الخير
:صباح النور
الدانه: خير وش فيك تناظرني كذا
:ليه منتي لابسه شي
الدانه وهي تاشر ع بجامتها: وهذي وش
:انا اخوك صح بس الناس اللي في الشاليه مهم زين يشوفونك كذا
الدانه: انا مع اخوي اتحدى أي واحد منهم يناظرني
:لا مايصير قومي البسي عبايتك
الدانه: ان شاء الله وتثاوبت
:وانتي ليش مانمتي ماتعودتي ع المكان بعد
الدانه:لا غزاله الشريره نامت معنا ولاخلتني ولا خلت الجوهره تنام اما سعود نومه ثقيل ولاحس فيها وهي ترافس وتصارخ
:وليه مانامت مع امي
الدانه: خالتي تعبانه وبدريه نايمه عندها فقالت الجوهره تنام معها
:ليش ماجبتوها تنام معي
الدانه: الجوهره مبسوطه عليها خلتني انا وسعود ننام ع الارض عشان حضرت الاميره تنام ع السرير
:حاطه راسك براس هالبزر
الدانه: بنتك مهي بزر حرمه اللي يحط راسه براس الحريم هذي حرمه
:ههههههههههههه تنتقمين مني يعني
الدانه: لا والله انا اموت في غزاله بس احب رهوووفه اكثر عشان احرق اعصابها
:الا رهوفه خليها ترى امها تعبانه الله يشفيها
الدانه: بقولك شي بس لاتقول للجوهره
:قولي
الجوهره من ورنا: وش فيها الجوهره
الدانه وهي تحط يدها على فمها: كبسه طاحت علينا
:هههههههههههه
الجوهره وهي تنزل الصينيه ع الطاوله: وش فيها الجوهره
:من ايد ماننعدمها
الجوهره:بالعافيه
:تسلم يدينك
الدانه: خلاص يافاتن حمامه وعماد حمدي
:ههههههه ياخطيره الدانه تشوفين افلام عربيه قديمه
الدانه: بصراحه لا بس اسمعهم بالمسلسلات الخليجيه يقولها لما يشوفون اثنين يتغزلون في بعض يقولون فاتن حمامه وعماد حمدي
الجوهره: قص في لسانك وش يتغزلون يشكرني بس
الدانه وهي تحط ايدها ع فمها: خلاص اسفه ما اعيدها
الجوهره:استاذن بروح انام
:نوم العوافي والله يعطيك العافيه
سكتت وراحت حسيتها تضايقت من كلام الدانه:حرام عليك احرجتيها
الدانه: اتركها عنك خجوله
: حلاة البنت في خجلها
الدانه:لا ولد عمها عادي
: حتى ولد عمها ولا ولد عمها مهو برجال
الدانه:الا رجال وعن الف رجال
: في الدين حرام يشوفها وتحل له يتزوجها لو اخوها مايقدر يتزوجها وبدريه ماتتغطى مني لان احنا عشنا في بيت واحد وصعبه انهم يتغطون مني وانا وهم عشنا تحت سقف واحد ومن قبل تنولد هي وساره وانا معهم
الدانه:بس الجوهره من شوي جالسه معك وانت مؤدب معنا افيها شي لو جلسنا معك
:ما اختلى رجل با أمراه الا والشيطان ثالثهم وانا جالس معها قدام الناس ماجلست معها قدام الناس وغير انها بنت عمي وفي وجهي
الدانه:المهم انها جلست معك
:جالسه بعيد عني ومتغطيه هي حبت تخدمني وشافتني متضايق وجلست معي هذي كل السالفه يعني لازم تحترمين اختك وماتحرجينها قدامي
الدانه وهي تاخذ الخبزه: اكل انت بس بعد بتصير نفس بنت عمك بتعطوني درس في الاخلاق بعد مافطرت مع الدانه
صحيت سعود وركبنا انا وهو والدانه بقيات بحريه سعود معي والدانه بلحالها لكن صارت تصارخ تبغاني اساعدها لانها معرفت تشغلها وبلاشارات عرفت فرجعت وقالت :توووووبه معاد اركب
سعود: ههههههه الخوافه
الدانه: الله ياخذك معد تحركت كنت بموت في البحر
اتصل فيني عيسى زوج الماسه وقلت له رقم الشاليه فجاء وسلمت عليه وراحت الماسه داخل لهم تقهويت انا عيسى وسعود راح يلعب مع عيال اخته من عمره
عيسى:ياسر انت يوم طلعت من غرفه عمي كنت تقول والله لايندم من كنت تقصد
:هاه
عيسى : لاتقول هاه ابغاك تقول الصدق
قلت بخاطري بقوله يمكن يقدر يساعدني: عندك خبر ان عمي خذ حلال عيال عمي
عيسى بغصه: ايه
:حتى الماسه؟!
عيسى:والماسه
:بس انت ولي امرها
عيسى: سلمناه حقها توقعت ان عنده ضمير
:طيب تدري ان عمي كانت عنده عماره
عيسى:عماره؟!!!!
:ايه واحد ينقال له مرزوق خذها منه بلحيه بحيث خلاه يوقع ومن ضمن الاوراق كانت ورقه بيع العماره وهذا اللي كان سبب موت عمي
عيسى: مرزوق ماغيره
:أي مرزوق
عيسى:هذ موظف مع عمي ويشتغل في الشركه وفي الاوانه الاخيره فتح له مكتب **** فيها وكان كلامه مايريح وياما حذرت عمي منه لكن الله يهديه ماكان يسمع
: المهم اللحين ابغى استرجع حلال هاليتامى
عيسى:والله مدري شلون اقدر استرجعها
:ماخذ بلحيله يسترد بلحيله
عيسى: كيف
:نفس الطريقه اللي سواها في عمي بنسويها فيه انا اعرف واحد يعرف عمامي وهو رجل اعمال وبخليه يسترجعها منه بلحيه
عيسى: متخاف انه ياخذها
:خيره واجد وماظن انها بتهمه هالعماره اذا رجعت للرياض بزوره وبقوله اهم شي انك تعطيني عنوان **** مرزوق ورقم تلفونه
طلع عيسى بوكه وطلع كرته وعطاني اياه مر اليوم عادي ولما جاء الظهر رجعنا للرياض والساعه 4 وصلنا وكل واحد راح لغرفته يدور الراحه اما انا فتروشت ولبست واتصلت في محمد رجل الاعمال: سلام
محمد: وعليكم السلام
:انا ياسر ال...
محمد: والنعم يامرحبا كيفك وكيف عمامك
:انا بخير وعمي محمد بعد
محمد:وعمك سالم كيف حاله تراه غالي
:عمي محمد عطاك عمره
محمد بصدمه: وش هو
:اللي سمعته
محمد:لا حول ولا قوه الا بالله دنيا ماتدوم لاحد الا وش سبب موته
:سببها طويل ياليت اقدر اشوفك واخبره فيه
محمد:تعال اللحين انا طالع من البيت
: وين اقابلك
محمد: في مقهى (****)
:صار يله فمان الله
محمد: وانت بحفظه
توجهت للمقهى اللي هو فيه سلمت عليه وشرحت له سالفه مرزوق وخدعه لعمي
محمد: شوف انا اومن بحكمه انه مهما بلغ ذكاء الرجل فانه لايستطيع ع دهاء المراء
:يعني شتقصد
محمد: بسال ام عبد العزيز وانشالله بلقا الحل عندها
:وراء كل رجل عظيم امراءه
محمد: في هذي صدقت اول ماتزوجت ام عبد العزيز كنت داشر لاشهاده ولا مال انا بنيت نفسي من الصفر وهي ساعدتني خطوه بخطوه وانشالله اني بسترجع العماره ترى اخو دنيا وغالي عندي
: الله يجزاك عني كل خير
محمد: انا بستدعيه اللحين وبساله عن العمارات اللي عنده ومن مين شراها واذا وصلت لعماره سالم قلت له يخليها مايبيعها لين يحلها ربك
:اخدمك بالافراح
محمد: ولو يا ياسر ياما خدمني سالم جعل مثواه الجنه
استاذنت منه ورحت لا احمد لاني ماشفته من اسبوع اول مادخلت المجلس وكان تركي وعادل اول ماشافني قام وحضني: الحمد الله ع سلامتك
سلمت ع تركي وعادل
احمد: بارك لعادل
:مبروك بس ع وش
عادل: جاني ولد امس
:صحيح مبرووك
عادل:عقبالك
:الله يجيب امه عشان يجي
احمد: انا قول بتزوج وانا بزوجك
: لا انا كذا مرتاح وانت ياتركي شخبارك لانه جالس سرحان
تركي:هاه؟
غمزت:هاه من اللي ماخذ عقلك
تركي: محد انا استاذن وطلع من المجلس استاذنت ولحقته كان عند الباب صوت له:تركـــــــي
تركي من غير نفس:نعم
:الله ينعم عليك وش مضيق صدرك
تركي: ياخي نستني لاعاد اتصلت ولا سالت تقول والله مارجع له
:انا قايل لك خلها كم يوم وتتعدل قد اتفقت مع امها وقلت انك بتمثل عليها انك بتتزوج عليها ولا لسى
تركي:لا ماقلت ولاني قايل انا بروح اترجاها ترجع لي
:كانك تبغى تعيش عمرك في مشاكل ارجع لها
تركي: ابغاها بس مابغى مشاكل
:خلاص قوي قلبك هي حرمه وقلبها ضعيف قوت بعدك وانت ثلاث ايام منت قادر خلك رجال وكلها كم يوم وبتعدل حالك والله ان حالك مهو عاجبني
تركي:...........
:كلم خالتك وقولها اللي انا قلت لك وسافر انت لمكه يومين يعني رايح تخطب واتحداك اذا مارجعت وانصلح حالها
تركي: بسوي نصيحتك ومايندى عن تاليها
:تاليها سعادتك اللي ماذقتها صغير ولا حسيت فيها وانت كبير
تركي: خلاص استاذن
:وين
تركي: بسوي التمثليه ولا نسيت
:ههههههههه لا مانسيت المهم ارجع طيب
تركي: انشالله
جلست مع عادل واحمد ربع ساعه ودخل تركي همس:قلت لها وقفلت بوجها وهذي هي تتصل بس قلبي مايطاوعني مارد
:خلك رجال بس هاليومين
تركي:والله مدري انا اقدر ولا لأ
احمد: وش تتكلمون عنه
:بنسافر لمصر تسافر معنا
احمد:لااااا والله ماسافر
:خخخخخخخخ
تركي: ياسر ارسلت
:وش تقول
تركي: تقول اني مستحيل اتزوج عليها لاني احبها وقريب بتصير ام ولدي او بنتي
:قول والله ان ماتعدلتي لاتزوج عليك والعيال اخر مافكر فيهم
تركي: حرام اجرحها
:اكتب اللي اقوله لك وبس
تركي وهو يكتب مسج:هاه ارسلت لها بس والله اني خايف عليها
:ماراح يصير لها الا العافيه
رجعت اسولف مع احمد وعادل لحد ماقال تركي: تقول لاتتزوج والله لاتغير
:هههههه ههههههههه ههههههههه هههههههه قايل لك
تركي حبني ع خشمي: والله ان لك هديه ان تعدلت
:رجعها وجربها وعندي لك راي بعد روح انت وياها يومين مكه وقول لها خلنا نبدى حياه جديده من اطهر اماكن الارض مافيها مشاكل والله يهنيك
قام تركي واستاذن وراح ولحقه عادل بيروح للمستشفى يطلع زوجته وبقى المجلس انا واحمد:هاه بشرني عنك عساك مبسوط
احمد: ماتتصور وقلت لامي تكلم خالي عن بنته
:الله يوفقك
احمد: بنت اختي انخطبت
:مها
احمد: ايه ولد عمها وهي واقفت لانها ماتحب الدراسه وامها تقول قعدتها في البيت مالها لزمه وتخوفها عليها
: وانت شرايك
احمد: مها صغيره ع الزواج
:انا اقول خلها تروح في نصيبها والله يوفقها
احمد:انشالله الملكه والزواج في الصيف
مدري ليه احس نفسي تضايقت اخاف انها رضت بهالزواجه عشان تنساني او عشان تنتقم مني وتثبت لي انها بتزوج اذا انا ماتزوجتها احمد: وين وصلت
:ماني بعيد
احمد:اشوف سعود ولد عمك عند بابكم
:ايه خلاص سكنو معنا
احمد: ليه تزوجت منهم
:لا بس انا ولد عمهم وهم مارتاحو هناك بعدين عمي موصيني عليهم قبل يموت
احمد:بس مهي بعدله ان هم يسكنون معكم بدون صفه رسميه لو انه بيت عمهم كان صح لكن بيت ولد عمهم وعزوبي ماعنده زوجه والله مايصير
رن جوالي وكان خال سعود:من قبل امس وخالهم يتصل بس انا مارد عليه
احمد: رد عليه شوف وش يبغى
رديت علي خالهم: هلا
ابو عبد الله:هلا ياسر كيف حالك
:الحمد الله بخير
ابو عبد الله: انا عند بيتكم انت وينك
:انا عند جارنا وجاي لك اللحين
قفلت منه وقفت استاذنت ورحت له وانا طالع كان واقف ومعه ولده الكبير من عمري تقريباً دخلت المجلس وقفت عشان اظيفهم لكن قال خالهم:وانت داخل قول لعيال اختي يجهزون اغراضهم
:وين يروحون
عبدالله: بيرحون معنا
:وليش
ابو عبدالله:والله ياولدي الناس كلت وجهنا الكل يتكلم عنا ومافيه صفه رسميه عشان يجلسون عندكم وانت عزوبي
اشرت ع عبدالله: وهذا واخوه ماهم عزوبيه..؟!! اذا جلسو عندكم اسف عيال عمي مالهم طلعه من بيتنا وع حسب علمي ان الخال خلي والعم ولي
عبد الله : احترم نفسك
:انت وابوك اللي احترمو نفسكم
لما سمع سعود اصواتنا بدت تعلى راح ينادي خواته دخلت الدانه:خير خالي
عبدالله بصوت عالي: جهزي نفسك انتي واختك
:لاتعلي صوتك وانت في بيتي ولا تراك بتندم طول عمرك انك فتحت فمك ببيتي
اخذ خالهم عبدالله وطلعه برى وجت الدانه بجنبي والجوهره و سعود
الجوهره سلمت ع خالها فقال لها: جهزو انفسكم بتروحون معي
الدانه:خالي اسفه ماراح نروح معك وينك لما شغلنا عمي خدم في بيته
الجوهره: وينك لما ظلمنا عمي اذا ع الناس خلهم يتكلمون ماراح نروح معك
الدانه: هذا اللي مهي عاجبتكم ولا عاجبه الناس قعدتنا في بيته مارضى ان احنا ننظلم
الجوهره:اسبوعين مرت ع وفاة ابوي وينك ياخالي ليش ماسالت ولا بس عشان تسكتون الناس ومهي هامتكم مصلحتنا
طلع خالهم من المجلس وهو في قمة انفعاله ناظرت الدانه: انا قايل انك طالعه علي بس محد مصدقني
الجوهره: انا مصدقتك
: انشالله اكون عند حسن ظنكم
الدانه:يسور
: قلنا طالعه علي مهو تقللين من اسمي
الدانه وهي تغمز بعينها: ميانه
: المهم وش تبغين
الدانه: الاختبارات قربت وانا ابغى مدرسة رياضيات
:طيب تعرفين مدرسه معينه
الجوهره: الدااااانه
الدانه: خلاص هو قال انه اخوي والاخو يتحمل اخته مهوب صح
:الا صح هاه ماقلتي تعرفين مدرسه
الدانه:ايه اعرف بس ماتشرح كويس
:انا اعرف واحد بروح انا معك له وش رايك
الدانه بغرور:لا والله وش قالو لك وين احنا فيه يدرسني رجال حلوه هذي
:ههههههههه انا قلت رجال انا قلت اعرف واحد الواحد هذا زوجته خريجة تخصص رياضيات
الدانه:اها ع بالي يدرسني رجال
عقدت حواجبي:تهقينها مني
الدانه:طبعاًلا
: خلاص ان حصل بكرى بروح معك لها شرايك
راحو داخل فا اتصلت بتركي لان زوجته هي اللي خريجه رياضيات: وينك
تركي:راجع انا والمدام البيت
:ههههههه واخيرا
تركي بجديه:هاه بغيت شي
:انا قلت سوي نفسك عصبي عليها مهو علي انا
تركي:ههههههههههههه هههههههههه هههههههه
: المهم قول لزوجتك بنت عمي تبغى منها شوية دروس تقويه اذا تقدرتعطيها
تركي: طيب
:اسالها دامها جنبك
تركي اسمعه يسالها بطريقه واحد قوي: تقول ايه ماعندها مانع خلها تجيها العصر
: الله يجزاها خير
تركي:ماننسى معروفك
:ماسويت شي والكلام والنصحيه في زمانا هذا ببلاش
تركي: مع السلامه
:مع السلامه
مر اليوم عادي اتصلت بعمي فمارد علي عرفت انه زعلان مني مصيره يرضى ومرت لاسابيع انتهت الجوهره من اختباراتها من اسبوع اما سعود فنجح الحمد الله وبدريه الحمد الله خفت الالام اللي تحس فيها لاني معاد شفتها تتالم بكرى اخر اختبار عند الدانه ورياضيات دخلت راجع من الدوام العصر والدانه تبكي امي عندها
:الدانه تبكي عسى ماشر
امي: خايفه من اختبار الرياضيات
: ليه مافهمتي ع شرح زوجة تركي
الدانه وهي تناظرني بقهر: الا فاهمه بس ليه يخلون الرياضيات اصعب الاختبارات اخر يوم تكون طاقه مافيه
:انتي فاهمه الماده
الدانه: ايه
:طيب ليش خايفه من الاختبار
الدانه: سعود خلص والجوهره وانا الوحيده اللي اذاكر مهو قهر
امي: لا مهو قهر القهر ان كلهم يروحون المدرسه وانتي لا
الدانه: لا ياخالتي ياليتهم يروحون وانا اجلس في البيت
امي: انا كان اخوي يروح المدرسه وبنات عمي وانا ماحب المدرسه لما وصلت ثالث ابتدائي طلعني من المدرسه ويوم كبرت وعرفت قيمه المدرسه ابو ياسر الله يرحمه دخلني محو اميه وتعلمت اقراء واكتب
الدانه: وانا اعرف اقرء واكتب ليه ادرس
:اسمعي يالدانه والله ان ماخليتي عنك هالكلام ترى بزوجك
عقدت حواجبها وناظرتي:عاجبك كلام ولدك
امي: ايه اذا خليتي المدرسه معناها ياناس تعالو اخطبوني
الدانه: بس انا ما حب المدرسه
امي: هانت بكرى اخر اختبار
الدانه وهي تناظرني: ترى ريم زوجة صاحبك تقول لازم اجيها اليوم عشان تراجع معي
امي:الله يجزاها خير بس لاتثقلون عليها روحو لمدرسه غيرها
الدانه: لا بلعكس هي طيبه مررره تقول ان ياسر اعز اصحاب تركي وهي تحب اللي يحبهم زوجها
: والله هي قالت كذا
الدانه: أي والله بعدين ترا هي حلوووه مره
:خلاص لاتمدحين زوجه صاحبي ترى يعصب لادرى انك مدحتيها قدامي
امي: تغديت
:ايه تغديت بالدوام
امي: اليوم اللي مصلحه الغداء الجوهره الله يجزاها خير
الدانه: ترى الجوهره فنانه طبخها حلو
:خلاص خلوها تصلح العشاء
امي:انا اللي بصلحه ولا مليت من طبخي
:لو اكل من اليوم الا بكرى ماراح اشبع اذا كان من طبخك
امي وهي تناظر الدانه:هاه يايمه للحين خايفه
الدانه: لا بس ياليت ياسر توديني لريم عشان تراجع معي
:انتي ذاكرتي
امي: من جات والكتاب بيدها الله يوفقها
:يالله البسي وانا انتظرك بالسياره
الدانه راحت تركض لغرفتهم
: خبله
امي:لا والله الدانه عقلها يوزن بلد
: وين بدريه والجوهره وسعود
امي: سعود عند خالد ولد بنت ام احمد
ع طول جت في بالي مهاااااااا وش صار عليها مدري والله جت الدانه وهي تلبس عبايتها خذت دفاترها وركبت السياره معي وقفت عند باب بيت احمد وكان سعود يلعب في الحديقه مع خالد : وصيت سعود ع خالد وصيت خالد ع سعود
لكن المفاجاءه لماتلاقت عيوني وعيون مها لانها كانت تنادي خالد نزلت راسي بسرعه ورجعت للسياره رحنا لشقة تركي نزلت الدانه وانا قلت لها بفتر بالشوارع لين تتصل فيني اول مانزلت رن جوالي بأسم مها ترددت ارد او لا لكن قررت اني ارد عشان اسلها عن سبب موافقته ع الزواج
:هلا والله
مها: اهلين
: كيف حالك
مها: من احسن مايكون
:مبرووك
مها برتباك:عرفت
:بسالك امانه ليش وافقتي
مها:اول احلف انك تكسر الاشرطه اللي عندك
: قسم بالله ماعندي ولا شريط لك كم شهر وانتي معي ماعرفتي طبعي!!!! المهم ماقلتي ليش وافقتي لايكون تنتقمين مني
مها:شوف ولد عمي هذا انا احبه من زمان بس قالت لي وحده انه يكلمها فحبيت اثبت لنفسي اني اقدر اكلم غيره واقدر احب بدون مايدري فماشفت قدامي الا انت لانك صاحب خالي وسهل جدا ارتبط فيك بزواج وغير كذا عاااااجبني واحبك
:يعني حطيتي راحتي تحت رجولك ودستي عليها ومشيتي ورا انتقامك
مها: والله انا حبيتك بس لما خطبني ولد عمي فرحت فمعناها انه يحبني فرجع حبه اللي في قلبي
:بقولك شي حطيه في بالك الزوجه دايم زوجها يحترمها
مها:يعني شلون؟
:يعني الحبيبه اللي تعرف عليها من مغازل او تلفون او شات او شي ثاني اكثر الشباب مستحيل توصل للاحترام حتى لو حبها لايمكن يحترمها بلعكس بناظرها على انها ماتربت انا اشوف ان اغلب الشباب مهو كلهم هذي نظرتهم
مها:..............
: وانا عارف اخت احمد انها ربتك احسن تربيه ولك معزه بقلبي واحترام واللي سويتيه معي غلطه وباذن الله ماراح تكرر وبتم صفحه مخفيه في كتاب حياتك وذكرى حلوه ولا أنا ذكرى شينه
مها بسرعه:لا والله احلى شي مر علي بحياتي
:الله يسعدك بحياتك الجايه
مها: امين امممم ياسر
:نعم
مها: سامحني
:الله يسامحك ويوفقك
مها:مستحيل انساك
:ولا انا
مها بحزن: مع السلامه
:مع السلامه
حسيت بفرحه وسندت راسي على الكرسي وغمضت عيوني احس براااااحه ماقد حسيت فيها الا اليوم رن جوالي وكانت بدريه
:هلا وغلا
بدريه: ياسر وينك
ناظرت حولي فقلت: واقف عند شقه تركي انتظر الدانه لين تخلص مراجعتها
بدريه:ابغا اقولك شي مهم
: طيب اللحين انا جاي لك
بدريه: لا ابغى اقولك هالموضوع برى البيت
: طيب مثل ماتبغين بس خليني انتظر الدانه ماراح تطول
بدريه: طيب مع السلامه
كلمتني الدانه وقالت انها خلصت وقلت اني واقف تحت ركبت الدانه: مشكووور ياسر فديت قلبك
: على وش
الدانه:عشانك وديتني وانتظرتني
:لا تحت امرك
الدانه: ياحلاة ريم قلبها طيب تقول انا بكرى بكلمك اذا رجعتي من المدرسه اتطمن وش سويتي في الاختبار
:انا ماعرف الا الناس الطيبين
الدانه:زوجها نايم بالصاله فخذتني لغرفة البيبي وتتكلم بهمس خايفه يصحى
قلت بقلبي منت بهين ياتركي صارت حتى نومتك تحسب لها حساب:ها وبعدين
الدانه: قلت لها تزورنا .....عادي
:اكيد عادي تراه بيتك
الدانه: قلت لها ان اختي وبدريه من عمرها وبتنبسط معهم
:شكلك رحتي عشان تسولفين معها
الدانه: لا والله كلها 10 دقايق بس والباقي تراجع معي
: طيب ترانا وصلنا نزلت الدانه مبتسمه واتصلت في بدريه وقلت لها اني عند الباب طلعت بدريه وشغالتها شايله غزاله ورهوفه وراها تمشي بكسل
بدريه: سلام
: نورت سيارتي
بدريه: ياحبك للمجاملات
:بعدين الجيش اللي جايبة معك ليش
بدريه: خلهم ينبسطون معنا
:يعني وين تبغيني ادويهم
بدريه: انا عازمتك ع مطعم بس لازم تكون فيه ملاهي صغار عشان يلعبون
اشرت ع عيوني: تامرين يالغاليه
وقفنا عند المطعم المطلوب راحت شغاله بدريه مع البنات وانا وبدريه جلسنا متقابلين
تمنيت انها قدامي بصفه رسميه وتكون زوجتي وحلالي وحبيبتي
طلبت لي عشى وللبنات وبدريه تسولف عن بنات عمي مهي راضيه تقول وش الموضوع اللي تبغاني فيه فقلت: بدريه الله يخليك وش موضوعك
بدريه:بقولك بس اوعدني ماتزعل ولاتتنرفز
:انشالله
بدريه: اليوم ام نايف جتنا في البيت عشان تشوف رهوفه وتشوف اذا انا مرتاحه عندكم اولا ولما جت الجوهره وعرفناها عليها قالت بشمزاز هذي اللي خلت بيت عمها وسكنت مع الغريب وامي ردت عليها وقالت بيت عمها ولد عمها يعني بيتها
ماهمني في هالموضوع الا ردت فعل الجوهره: والجوهره وش سوت
سوت نفسها ماسمعت وراحت لغرفتها ولما دخلت عليه اقالت لي وهي تبكي: عارفه ان كل الناس تتكلم علي حتى زوجة خالي قالت اني جالسه عشان ياسر يتزوجني ماهم عارفين السبب الاصلي
:وبعدين
بدريه: تقول انها تبغى ترجع لبيت عمها ومهي مشكله الدانه وسعود يعيشون معنا لان الدانه صغيره وسعود ولد والولد حامل عيبه وهي اللي الناس كلتها
:ماعليها من الناس
بدريه: وشلون معليها من الناس وحنا الناس ياسر لو حده عاشت مع ولد عمها بنتكلم عليها لان احنا ماندري انها عاشت حياة قاسيه في بيت عمها الناس ماعليها الا من الظاهر
: يعني تبغيني اخليها ترجع للي ظلمها واكل عليها حقوقها مستحيل
بدريه:صح انك تغليني
:وهذي يبغى لها سؤال
بدريه: واذا طلبتك طلب وش بتقول
:بقول ابشري من عيوني
بدريه:انك تخليني اخطب الجوهره لك


~sẳrẳh غير متواجد حالياً   رد مع اقتباس
قديم 24-04-08, 09:45 PM   #10

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

الجزء الحادي عشر

:أخطبــــــــــــــــــــ� �ها؟!!!!
بدريه:...أنا شايفه انها الزوجه المناسبه لك
بدريه ليه تقتلين اخر امل لي إنه للحين حبي عايش بضلوعك انتبهت اني قلتها بقلبي تنهدت بحزن والالآآآآآم:مابغى اتزوج
بدريه:خلني اكمل
عقدت حواجبي:كملي
بدريه: انا شفت تعاملها مع امي كويس حتى الصينيه ماتخليها تشيلها وهي جالسه حتى غزاله كذا مره وانا اشوفها من غير ماتحس اني اشوفها توكلها في المطبخ وتنومها وتسكتها اذا بكت وحتى لما سالتها عن رايها فيك قالت انها طول عمرها مافكرت في انسان غيرك
:الجوهره قالت لك كذا
بدريه: تذكر يوم دخلت المستشفى اول ماملكت ع ساره
:ايه
بدريه: تقول انها من الصدمه كلت الحبوب من غير تحس
:......................
بدريه: انا عارفه انك تغليني واثق من ذوقي وعارفه انك بتقبل البنت اللي اخترتها لك بغض النظر عن الاسباب اللي قلتها لك
: بس انا مافكر بالزواج
بدريه: وليش ماتفكر فيه ياسر والله مهو عاجبني وضعك وانا خايفه انك تفكر تتزوج وتجي غزاله زوجة ابو تظلمها فبغاك تتزوج الجوهره لاني عرفت انها حنونه ع غزاله وبتصير لك زوجة تسعدك وبتصير لامي البنت اللي ماجابتها
:.........
بدريه تسوي بعيونها حركات تستعطفني: تكفى ياسر
ناظرت بدريه بحب: بوافق بس عشان انك اللي اخترتيها لي
بدريه:بس مابغاها تدري اني اللي قلت لك اخطبها ابغاها تحس ان انت اللي خطبتها من نفسك
:ان شاء الله
بدريه:نقول مبروك
ضربت جبهتي:يوووووه نسيت ان امي قالت لي اتعشى معهم
بدريه: انا قلت لامي اني عازمه اخوي ياسر ع عشاء وقالت ناخذ لهم عشاء واحنا راجعين
:خلاص انا شبعت
بدريه: وانا بعد
وقفنا واخذنا عشاء لهم ورجعنا البيت ورحت للاستراحه وباركت لاحمد اللي ملك ع بنت خاله واخيرا بيتزوج وبيودع العزوبيه وكان تركي جالس
همست: مشالله وصرنا نسهر لحد الساعه 10
تركي: بركات نصايحك الله يجزاك خير
:عساك مبسوط
تركي: اكثر من ماتتصور
:الله يدوم عليك هالسعاده
اتصل فيني عمي
:هلااااااا ومرحبا ببوي اللي مقاطعني
عمي محمد:هلا ياسر
:كيف حالك ياعمي
عمي محمد: تعال لي اللحين ضروري
حطيت ايدي على قلبي:خير ياعمي عسى ماشر
عمي محمد: انت تعال وبتعرف
طلعت من الاستراحه مستعجل ركبت سيارتي وصلت لبيت عمي محمد نزلت من السياره ودخلت المجلس لقيت سديم بدون غطا ايدها وهي تبكي منهاره
ناظرت عمي اللي قال: تبغى تنحاش وتفضحنا
:تنحااااش؟!!
عمي محمد:عنود اختها سمعتها وهي تكلم واحد وتواعده تطلع معه وجت لي وخبرتني
سديم بصراخ:انا مابغاااااااكم ابغاه هو
جلست ع ركبتي وقلت وانا مسكر ع اسناني:انت اسكتي ولا كلمه ولك عين تتكلمين
ام سديم وهي تبكي:كانت بتفضحنا وتسود وجوها
ناظرت عمي: كمل ياعمي
عمي:وشفت السياره وقفت عند الباب واخذت رقم اللوحه وهي طلعت بشنطتها بس مسكتها قبل تطلع
سديم:احبه وابغى اروح معه انتو مالكم دخل فيني
مسكتها من شعرها: انتي ولا كلمه لا اقص لسانك
عمي:انا كبير وامها كبيره ومانقدر عليها
وقفت وغمزت بعيني لام سديم:خلنا نذبحها نفتك قبل تجيب لنا العار
ام سديم فهمت علي:الموت اهون ولا الفضحيه
سديم:يمه لاااااااااااااااا مابغى اموت
مسكتها من ذراعها ووقفتها وقلت:وين تحسبين نفسك يا آنسه في امريكا مثلا تروحين تعيشين مع واحد غريب ولا مراهقه عمرك 14
سديم:يممممممه تكفين لاتخليني اروح
مسكتها وسكرت ع فمها وركبتها في السياره وفمهت عمي وزوجة عمي اني بس بخوفها ماراح اسوي لها شي وبخليها في بيتنا كم يوم خذيت رقم اللوحه من عمي
وعطيته صاحب لي في المرور وطلع لي الاسم مشيت بالسياره للبر ومشيت مشوار طويل نوع ماء في البر نزلتها من السياره ع الارض:خلك هنا تموتين ولاحد بيدري
عنك
سديم:لا تكفى ياسر اخاف الظلمه
: والطريق اللي عايشه فيه مهو اظلم
سديم:طلال احبه انتم مالكم دخل هذي حياتي وانا حره
:خلاص انتي حره اجلسي في هالمكان وتعرفين انك حره والمكان كان مظلم وركبت سيارتي وبعد شوي عنها وسكرت الليت سياره عشان تحس بالخوف 10 دقايق ورجعت لها
كانت تزحف لاني رابط ارجولها ويديها
سديم كانت ترتجف فقلت لها: هاه بتسوين اللي في راسك
سديم: ابوس ايدك ما ابغى اجلس هنا الله يخليك
جلست ومسكتها من شعرها:انا ما امد يدي على البنات لانها مهي برجوله لكن انتي بتخليني اغير سلوبي واذبحك مره وحده ونفتك منك
سديم وهي بين دموعها:ابوس ارجولك فكني رجعني بيتنا
مسكتها من يدينها وركبتها في السياره وهي تبكي طول الطريق شغلت القران عشان تهدئ شوي لاني شكلي لو تاخرت عليها شوي صار فيها شي
سديم: انا خايفه انا بموت من الخوف لا انا الخوف كله
التفت لها: اذكري الله
سديم وهي ترتجف:لا اله الا الله
ماحب القسوه بس لازم تعرف ان وراها احد يقدر عليها عمي كبير وشايب ندري بس لازم احد يوعيها وصلت البيت وفكيت ايدها ورجولها
:ما ابغاهم يدرون وش سالفتك فدخلي محترمه نفسك لاتنفضحين
اول مانزلت رجلها على الارض اهربت بس مسكتها قبل تبعد:وتبغين تنحاشين بعد؟!!!! دخلتها البيت وانا اسحبها
اول مادخلت الكل وقف وديتها لغرفة جدتي ودفيتها داخل وقفلت عليها الباب وهي تصارخ وتضرب الباب اقوى ماعندها
قلت وانا اناظر البنات وامي:خلوووووها هنا ما ابغى احد يتكلم معها
امي:يااااااسر
:هذي وحده لازم لها تربيه وانا اللي بإدبها
امي:لا تسوي في نفسها شي
صح وين راح عن بالي هالشي ربطت يديها ورجولها وخليتها في الغرفه: اذا عرفتي تحافظين ع نفسك فتحت الباب
كانت تصارخ باعلى صوتها طلعت وقفلت الباب والمفتاح معي
قلت وانا اناظر البنات:انا بنام لو سمعت ان وحده منكم تكلمت معها لاتلوم الا نفسها
رحت لغرفتي فاتصل عمي وطمنته انها عندنا وخبرته انها كانت بتنحاش
عمي محمد: الله يوفقك ياولدي ويسعدك دنيا واخره
:الظلم ياعمي ظلمات في الدنيا والاخره
عمي محمد:.............
: حلال هاليتامى ياعمي
عمي محمد: مع السلامه
:الله يسلمك
قفلت منه وحطيت راسي ونمت وصحيت الساعه 5 صليت ونزلت تحت ورحت لغرفة سديم وحصلتها صاحيه سديم بصوت عالي:خيييييييييييير
خذيت كرسي وجلست وقلت بهدوء:لاتعلين صوتك
سديم:اووووووووووف وش تبغى
:ليش سويتي اللي سويتيه
سديم:احبه
: واللي تحب تسوي سواتك
سديم:كيفـــــــــــــــــ� �ــــــــي وش دخلك فيني
حسيت اني بركان غضب وانفجر نزلت من الكرسي عطيتها كف قووووي
قالت سديم بعناد:اضربني اضــــــــربني عادي مــــاني خايفــــــه انا احب طلال احبه فاهم احبه
مسكت شعرها وانهلت عليها ضربت تمت تصارخ لاحد ما صحت اهل البيت كلهم جتني امي ومسكتني
سديم:اكرهك ياسر والله ينتقم منك
الجوهره مسكت سديم وهي تقول:خلاص اسكتي
سديم:حتى انتي مسويه شريفه لاتخليني اقول عن فضايحك
ابعد الجوهره عنها ونظرات عيونها الخايفه فضحتها طلعت من الغرفه وامي خذتني معها للصاله وبعدتني عنها جلست في الصاله وانا احس اني ماني قادر اتنفس مقهووور الدانه جت تركض وبيدها كأس:اشرب
ناظرتها وانا في قمة عصبيتي ومارديت عليها:............
الدانه بخوف حطيت ايدها على عيوني:يممممممه لاتخوفني اشرب بس
ابتسمت وخذيت المويه:شكراً
الدانه بدفاشتها:ترى نصه انكبت في الطريق لاني اركض
:هههههههه
الدانه وهي تغمز:ايه خلك كذا تخسي سديم تعصب في اخوي
وقفت مارديت عليها وطلعت ركبت سيارتي وسندت راسي على ورى وانا مغمض عيوني مشيت وماعندي جهه بضبط اروح لها وقفت عند باب اللي ياما خففت عني وصارت من ضمن ذكرياتي اللي لو اعيش العمر الف مره ماراح لاقي وحده تحبني اكثر منها ضعفت نفسي ودقيت رقمها با اصابع مرتجفه جاني صوتها الحنون النايم المبحوح غزلان:هلااااا وغلاااااا
:غزلان
غزلان:ياعيون غزلان انا بحلم ولا بعلم ياسر رجع لي
:انا متضايق
غزلان:ياجعل الضيقه تسكن بصدري ولاتعرف طريقك ابد
:انا اسف ياغزلان اتصلت فيك بس انا متضايق وماعندي الا انتي
غزلان:وليش تتأسف ماتعرف كيف مكالمتك هذي فرحتني
:مرتاحه مع زوجــ وسكتت
غزلان:هو يتمنى يراضيني بأشي بس انا مابي الا انت
:يعني مرتاحه منه
غزلان:والله هو مايقصر معي ويكفي انه يحمل بعض من صفاتك وهو الاحترام والخوف من الله
:الله يوفقك وانشالله تحبينه اكثر مني
غزلان تنهدت:لا يمكن ومستحيل انا باحاول اسعده لكن ياخذ غلاتك ما اتوقع
ندمت اني اتصلت فيها لاني بكذا اساعدها على عدم نسياني:طيب انا اسف اللي اتصلت فيك بس حبيت اتطمن عليك ولاني لمن تضايقت تروح ضيقتي بسماع صوتك
غزلان بحزن:بتقفل
:ايه خلاص ياطماعه
غزلان:خاطري ازور الجوهره عشان اشوفك وغير كذا وحشتني غزاله
:حياك البيت بيتك وصاحب البيت حلالك وتنورينه باي يوم
غزلان:مشكور
:تأمريني بشي
غزلان:سلامتك
:مع السلامه
رجعت للبيت لقيت امي وهي شكلها تعبانه بالصاله :وين سديم
امي:جالسه بالغرفه وماتبي تاكل
:طيب يمه ارجعي نامي انا بتصرف معها
دخلت ولقيتها مثل حالها جلست على الكرسي وانا اتصنع الهدوء
:ممكن تقولين لي وش السبب اللي يخليك تنحاشين
سديم بدموع وقهر:مليونير بيتزوجني وبيعشني احسن عيشه
:وليش ماخطبك من عند ابوك
سديم: اهله ماراح يرضون عشان كذا قال انه يتزوجني بسر وابوي مستحيل يرضى اني اتزوج بسر
:هو يداري ع اهله وانتي ما اهتميتي لاهلك
سديم:هو يحبني اكثر من اهله
:طيب ليش لما صادك ابوك انحاش
سديم:خاف
:طيب ليش ماقال انا ابغى اتزوجها هو يحبك ع قولة
سديم: عنده ظروفه
:طيب ممكن تعطيني رقمه واشوف اذا هو يحبك بزوجك اياه
سديم:لا اكيد تبي تفرق بيني وبينه
:قسم بالله بس بتكلم معه ترى عندي اسمه كامل وماني منتظر لحد ماتفتح شركه الاتصالات واخذ الرقم
عطتني سديم الرقم رفعت الجوال فتصلت وخليته سبيكر:طلال
طلال بصوت نايم: نعم
:انا اخو سديم اللي بيغت تنحاش معها اليوم
طلال برتباك:خيــــــــــــر
:انت تحب سديم وتبغى تتزوجها
طلال:هي اللي تحبني انا عادي عندي حالها من حال غيرها
سديم حطت ايدها ع فمها بصدمه واشرت لها تسكت: طيب ليش ماتبغى تتزوجها
طلال:وحده تعرفت عليها من الشارع وحبتني من ورى اهلها لا وبغت تروحمعي بدون صفه رسميه مستحيل اامن لها واصلا مهي كفو تصير زوجتي وام عيالي ولا تشرفني قدام اهلي
:طيب ليش تتكلم وكنك تكلم واحد من ربعك مهو كنك تكلم واحد لعبت في عرضه وعادي ومنت خايف
طلال: رقمي بدون اسم ولانا خايف تعرفني
:اسمك طلال فهد ال..... مهو بصح
طلال:هاه؟
: ع بالك بنات الناس لعبه انا واصل لك واصل
طلال:هاه... انـ ـ ـ ـا مسـ ـ ـ ـ افـ ـ ـ ـ ـر اللحين
قلت بسخريه وانا اناظر سديم:ليش وحبيبتك سديم بذبحها اذا ماتزوجتها
طلال: موّتها اشنقها اذبحها اهم شي انا الحياه مره وحده بااااااااي
وقفل بوجهي ناظرتها وكانت منهاره تبكي فكيت ايدها وارجولها وقلت:عرفتي حقيقته,,,, حضنت رجولها وانفجرت تبكي
:اسمعي مستحيل اقول لاحد عن اللي انتي سويته لانها تهمني سمعتنا واللحين عرفتي تفكير الشباب قرري تبغين تنحاشين لحين
سديم وهي تبكي: خلني في حالي
:ياسديم الحب اللي قاعده انتي وبنات هالوقت تدورونه عن طريق التلفون او النت او المراسله هذا حب وهمي سعاده وهميه الحب اكبر من كذا
سديم:خلاص كفايه الله يخليك
طلعت من الغرفه ورحت للصاله ونمت سمعت حس احد قدامي بس تعبان طول الليل وانا افكر في سديم مانمت زين فتحت عيوني بشويش وكانت الجوهره او يتهئ لي انها الجوهره تلحفني رجعت غمضت عيوني تعبان وماني مركز صحيت ع اتصال جوالي رديت بكسل وانا مغمض عيوني:هلا
عمي: ياسر انا عند الباب تعال افتح لي
وقفت وكانت الساعه 10 طلعت وفتحت له الباب سلمت عليه ودخلته المجلس ورحت للمطبخ وكانت الجوهره فيه : تكفين الجوهره ابغى قهوه وفطور لعمي تراه مافطر
الجوهره: ان شاء الله دقايق بس
رجعت له وقلت اللي صار بضبط بيني وبين سديم انتهاء بسديم اللي تركتها تبكي
عمي: تهقى انها ماراح تعيدها
:عمي الجرح اللي انجرحته طول عمرها ماراح تنساه واكيد بتفكر في الخطوه قبل تسويها الف مره قبل تفعلها
عمي وهو يحط ايده ع ايدي: الله يجزاك كل خير
:انا ولدك ياعمي ماسويت شي
عمي وهو يمد لي ثلاث بطاقات ائتمانيه:هذي حلال عيال عمك والماسه لازم زوجها يكون معي عشان اعطيها حقها
حبيته ع خشمه:الله يخليك لنا
دخلت الجوهره وسلمت ع عمي وقلت لها ان عمي رجع لها حلالها فخذتها من يدي وحطتها ع الارض وداست عليها: هذي اللي في يوم قسيت علي عشانها انا ما ابغاها وراحت
عمي وهو منزل راسه يناظر البطاقه:ماراح يسامحوني
:من نعم الله اللي اعطاها الانسان النسيان وان شاء الله بتنساها
عمي:ان شاء الله
قلت بدون مقدمات:عمي انا خاطري في الجوهره وابغاها زوجه لي
عمي متفاجئ: هذي الساعه المباركه اللي بتسكت الناس عنها
:عمي اسال الجوهره ورد لي خبر انا بروح اشوف سديم وانادي الجوهره بطريقي
رحت للصاله وكانت الجوهره جالسه وغزاله معها خذيت غزاله:عمي يبغى يكلمك في المجلس
الجوهره هزت راسها وراحت له وانا رحت لسديم ضربت الباب عليها دخلت عليها بعد ماتغطت مديت لها غزاله خذتها: صباح الخير
سديم:صباح النور
: شخبارك اللحين
سديم وهي تبوس غزاله: تمام من شفت غزاله
:سديم عمي موجود وش رايك بتروحين معه
سديم:مالي وجه اشوفه
:قلت لك ماراح نقول لاحد و محد يعرف الا اهلك
سديم وقفت ومدت لي غزاله:مشكور ياسر
ابتسمت وطلعت من الغرفه وانا رحت لعمي بلمجلس جلست: هاه ياعمي وش قالت
عمي: وفيه بنت ماتتمناك اكيد وافقت
حضني عمي: مبروك ياسر منك المال ومنها العيال
: الله يتمم ع خير
عمي: متى مابغيت المكله قول
:خلنا نخليها الاسبوع الجاي يكونون البنات استلمو نتايجهم ونخلي الفرحه فرحتين
دخلت سديم: أي فرحه
عمي:ولد عمك خطب الجوهره ووافقت
حسيت في عيونها خيبة وقالت بصوت متقطع: مبـ ـ ـروك
: الله يبارك فيك وعقبالك
سديم: بعد اللي سويته ما اتوقع احد يبغاني له زوجه
:الله يستر ع عبيده والحمد الله ان حنا كنا ع البر
سديم:يعني انت بتقبل فيني زوجه
عقدت حواجبي ومارديت:.......
سديم تنهدت وقال عمي: انا استاذن
:لا ياعمي تغدى معنا
عمي: لا ام سديم طول الليل مانامت تحاتيها
عمي خذ سديم وراحو رحت لغرفة امي عشان ابشرها وسمعت الجوهره وانا مار ع غرفتها تتكلم: باركي لي يابشاير واخيراً خطبني...وسكتت وكملت..ولد عمي ياخبله لا هذاك لايمكن افكر فيه؟!!!.... شفتي لو اني سويت نصيحتك وقلت له اني احبه كان من المستحيلات يفكر فيني....اكيد مستحيل اصلا انا مقدر اقوله لو اموت اني احبه حتى لو انحرمت منه....حتى لو مثل ماقلتي تزوج وعنده بنت يكفي انه في الاخير رجع لي وبنته بنتي وامه امي وهو حبيبي
من جد انبسطت من كلامها هذي الزوجه اللي الف واحد يتمناها بس من هذاك اللي لايمكن تفكر فيه ؟!!!!
طقيت ع امي غرفتها ودخلت:كانت جالسه توها صاحيه
صبحت عليها:غريبه يمه العاده من الصباح صاحيه
امي: صراخ بنت عمك ماخلانا نصحى والجوهره حلفت انها تسوي الفطور
: يمه انا خطبت الجوهره من عمي وهي وافقت
امي بفرحه: صحيح يمه
:ايه يمه
امي: احسن ماخترت يمه
: منتي زعلانه مني عشاني ما استشرتك
امي: لو انك ماقلت لي كان انا اللي قلت لك
:واتفقنا ان الملكه اذا طلعت نتيجهم
امي:بتسوي حفله وعمك توه متوفي
:لابنسوي ملكه سكاتي وانشالله برضيها بالعرس
امي:الله يوفقك ويوفقها حتى هي حبوبه وتستاهل
: بعطيك مهرها وانتي عطيها اياه
امي:ياسر
:لبيه
امي:الى متى وانت مقاطع خالك هو ماغلط زوج بنته والابو يبي الخير لبنته وحتى ساره ماتشوف بنتها الا اذا كنت بالعمل مايصير يمه هذي ام وهذا خالك هي ماغلطت يوم تزوجت هي جاءها نصيبها والحيا ارزاق
:يعني وش المطلوب
امي:اتصل في خالك واعزمه على زواجك
:لا بروح له البيت احسن
امي حطت ايدها على ايدي:الله يوفقك ويسعدك مثل ماتدور رضاي
طلعت للصاله وجلست اناظر التلفزيون وطلعت بدريه وهي لابسه عبايتها وقفت قدامي تنتظر مني اسالها وين رايحه التزمن الصمت لاني عارف وين بتروح فقالت:نايف ينتظرني برى
ناظرت التلفزيون ومارديت عليها:.............
بدريه:أمانه عندكم رهوفه
وقفت:ليه تتكلمين وكنك منتي راجعه لي
بدريه وهي تعدل لثمتها:والله مدري عن نايف يحب السرعه اخاف يصيير لي شي
هزيتها من اكتافها:والله ماتروحين معه
بدريه:ياسر يبغاني بس انظف البيت ومشتهي غداء انا اسويه
قلت بصوت عالي:فيه عقله ولا ارجع له عقله
بدريه:ياسر هدئ هو يقول من امس ماشرب خلاص يعني فيه عقله
:طيب ليه توصين على رهوفه
بدريه:لانها اول ماتصحى اكيد بتدور لي
جلست بكسل على الكنب:خلاص في عيوني روحي
بدريه:الله لايحرمني من طيبتك
سندت راسي على الكنب وغطيت عيوني بيدي:خلاص روحي ولاصحت رهف خليتها تكلمك
هدوء عم الصاله عرفت ان بدريه طلعت نص ساعه مرت علي وانا ساكت والهدوء هو الاجواء من حولي نبضات قلبي هي الوحيده المسموعه بدريه خايفه على رهف من بعدها ليه ما خافت علي لاني بموت لو لاسمح الله صار لها شئ
هزت ايد صغيره على صدري رفعت ذراعي عن عيوني وكانت غزالتي شلتها وجلستها على بطني وقلت:غزاله تبغين ماما
غزاله:ماما
:ايه امك ساره تبغينها
غزاله مدت شفايفها بدون ماتتكلم:........
بستها:فدددددديت غزالتي
طلعت رهوفه هي وشوشتها المنفوشه:وووين ماما
:هههههههه قالت بدريه تعالي
رهوفه وهي تجلس على طرف الكنبه:عمووو وين ماما
:وين بوسه عمو
رهوفه باستني بخدي:وين ماما
طلعت الجوال واتصلت ببدريه وحطيته بإذنها وصارت تكلم امها وشوي شوي صارت تبكي جلست وخليت غزاله بجنبي وخذيت الجوال منها
بدريه هي تكلم رهوفه:خلاص رهوفه االلحين بجيك
قاطعتها:لا بروح انا وهي وغزاله للبقاله
بدريه:تبكي تعاتبني ليه اروح واخليها
:لا تحاتينها بعيوني
بدريه:الله يخليك لنا
رهوفه وهي تخبي وجها الصغير بصدري:ابي ماما
:وماما بتجيك ليه تبكين
رهوفه:بروح معك لماما
:عيوني لك
وناديت الشغاله تلبسهم ركبت السياره انا وغزاله ورهوفه وقفت عند باب بيت خالي ضربت الجرس وطلع لي طلال سلمت عليه دخلت المجلس وحبيباتي معي رهف وغزاله
طلال بوّس رهوفه بحب وقال وهو يشيل غزاله:فددديتها بنت اختي
غزاله وهي شوي وبتبكي وهي تناديني وتسوي حركات بيدينها:بابا
طلال:كله منك ياسر تحس ان حنا اغراب منك حارمنا منها كبرت وحنا مانشوفها
حسيت كلماته مثل السكين بقلبي ابتسمت بمراراه:بنتك ياطلال كان جيت وخذيتها
طلال:التقصير منا ومنك كلنا قصرنا
:ابد لاحسيت انك مشتاق لها ماعليك الا تتصل فيني
طلال:الله يخليك لها انا بروح اوصي على قهوه
:وناد خالي بطريقك
رهوفه:انا احب طلال
:وحتى طلال يحبك
رهوفه:بس ماحب خاله ساره
عقدت حواجبي:ليه
رهوفه:هي تضربني
:اكسر يدينها اذا مدتها عليك
رهوفه:انا احب ماما
:وحتى أنا
ساره:مشاالله يالوافي للحين وانت تحبها
وقفت وقلت بدهشه:سـ ـ ـ ـاره
ساره وهي تحضن غزاله وتبكي:حسبي الله عليك فرقتني عن بنتي الله ياخذ حقي منك
:انتي اللي اخترتي بعدها
ساره وهي تحضن غزاله بحب وحنان وغزاله مثل المخدره مابكت:غزاله أنا ماما
غزاله وهي تمسح عيون ساره الباكيه:ماما
:بنتي حنونه طالعه علي
ساره:واضح الحنان ياويلك من الله قطعت ام عن بنتها
:ساره
ساره ناظرتني بنظره كره وحقد:الله لايسامحك
:انا غلطان واناني ادري
ساره:باخذ غزاله معي وبخليها تنام معي اليوم
:في بيت زوجك لأ
ساره التفت لي وقالت بقهر:لأ ابشرك تطلقت
وطلعت من المجلس ورهوفه ماسكتني من ثوبي دخل خالي:وووينك ياولدي معاد نشوفك
:مثلك عارف بعد عزء المرحوم وانا مشغول
خالي:الله يرحمه
:خالي انا خطبت بنت عمي وملكتي الاسبوع الجاي
خالي ويده على كتفي:الله يوفقك ولا نقصك شي لايردك الا لسانك
حبيته على جبينه :الله لايخلينا منك انت اول المعزومين
طلعت من بيته ورحت للبيت مر الاسبوع سريع وطلعت نتيجه الدانه وناجحه بجيد المهم في نظرها انها نجحت والسلام اما الجوهره تخرجت بتقدير جيد جداً صحتني امي: ياسر يمه قوم
فتحت عيوني بكسل:.....
امي: قوم الساعه صارت 9 وعمك يبغاك وجوالك ماترد عليه
صحيت وتروشت وصليت ونزلت لعمي ورحت معه لبيت الشيخ خذيناه وكان احمد وتركي وعادل في البيت يعني عزمنا جيرانا ع غداء خطوبتي ملكت
احمد حضني وعادل وتركي باركو لي دخلت لامي اللي قابلتني بدموع الفرحه والدانه وسعود بسلام حاربدريه صافحتني وفرحة الدنيا بعيونها آآآآآآه يابدريه لاخر يوم اتمنى اشوف بعيونك ندم شوق لهفه لكن الفرحه مرسومه على محياها الغالي رهوفه ماسكه ايد بدريه شلتها ودرت فيها
:رهوفه قولي مبروك عشان يتبارك زواجي
رهوفه:مربوك
الدانه:يؤيؤ قولي مبروك وش مربوك ويييييو ماتعرف تتكلم
رهوفه:انتي وع
الدانه:وع انتي
سعود:رهوفه وسخه
رهوفه معقده حواجبها ومترفزه:عمو ياسر انا ماحبهم
بدريه:بس كلهم يحبونك
نزلت رهف وشلت غزاله وحضنتها من قلب ومسحت على شعرها بحنان
رجعت للمجلس وبعد الغداء الكل راح بيته وجتني امي تقول ان لازم ابارك للجوهره جيت لها وكانت جالسه بصاله الثانيه وكانت مثل الاميره في الفستان الوردي جميله وناعمه بملامحها جلست بجنبها وبستها بخدها حسيت انها استحت: مبروك عليك انا
ناظرتني بخجل وعتب:ومبروك علي احلى بنات الكون
ابتسمت ابتسامه حلوه مثلها مسكت ايدها:قولي وش تمنين في هاللحظه
سكتت الجوهره:............
: طيب عشاني تكلمي
الجوهره:..........
:عشاني
الجوهره تنهدت وقالت بحزن: ابغى ابوي معنا
عقدت حواجبي:لاعاد قولي شي معقول
الجوهره نزلت راسها وسكتت:..............
:طيب ناظريني
ناظرتني بعيونها الحلوه في عيونها بريق جذبني لها: انا ماقلت ناظريني قلت غمضي
ناظرتني وغمضت طلعت من جيبي العقد اللي اقطعته غزاله بعد ماصلحته عند محل مجوهرات مسكته بيدي: يله افتحي
الجوهره وهي تناظره في ايدي: هذا العقد اللي اشتراه لي ابوي لماتخرجت
:وقطعته غزاله
الجوهره جت بتاخذ من ايدي فقلت لا انا بلبسك اياه ولبستها همست في اذنها:الله يقدرني واشوف الفرحه في عيونك دايم
الجوهره: دامني معك اكيد بكون سعيده
قطع علينا ضرب دفش ع الباب وانفتح فجت الدانه صافحتني: مبروك عليك اختي وناظرت الجوهره ومبروك عليك اخوي
دخلت امي وباركت للجوهره وسعود والماسه وعيال اختها الصغار وبعدهم الغاليه الحبيبه المستحيله اللي قتلت اخر أمل في حياتي بخطبتها للجوهره لي
بدريه: مبروك ياخوي مبروك ياجوهره
: الله يبارك فيك عقبال رهوفه
بدريه: بسم الله ع بنتي
:ههههههه ليه الزواج يخرع
:كذا تعقدين الجوهره
الجوهره ابتسمت لبدريه:............
بدريه: لا مهو كذا قصدي انها بزر
الماسه: مبروك ياسر مبروك الجوهره الله يجمع بينكم بلخير
الجوهره ساكته وتناظرنا مبتسمه مع انها تعرف اني كنت ومازلت احب بدريه الا انها مهي متضايقه لانها واثقه من حبها لي وهذا يكفيها
دخلت دبدوبتي غزاله وصار تسحب ثوبي شلتها وجلستها بجنب جوهره:خلاص من اليوم هذي بنتك انا متبري من هالدبه
الجوهره ضحكت بخجل:......
غزاله التفت للباب:ماما
جت ساره بأحسن لبس وعطرها القوي المعروف متاجهله الكل وبدون ماتسلم على احد الموجودين قالت بكبر وغرور:مشالله ياسر وتزوجت
:الله يبارك فيك
ساره بضحكة سخريا:لايمكن ابارك لك بدعي عليك مثل ماحرمتني بنتي ربي يحرمك الغالين
الجوهره منزله راسها بدون ماتتكلم:........
بدريه:ساره تعالي بلاش فضايح
ساره وهي تأشر على بدريه بستحقار:انتي تبين تنصحيني
طلعت ساره بعد ماجت لها غزاله وحضنت رجولها بطفوله شالتها وطلعت برى الكل طلع ومابقى غيري انا والجوهره
رفعت وجها اللي يناظر لتحت تلاقت عيوني بعيونها:وش مضايقك
الجوهره:..........
:أنا ابغيى اعرف وش مضايقك بالضبط
الجوهره:للحين تحبها
:الجوهره وليش هالسؤال
الجوهره:اذا في حياتك شخص غيري وبنافسني للوصول لقلبك قولي او فيه من هو يمنعي من دخول قلبك
غمضت عيوني وقلت بالم:صدقيني من اسبوع بضبط وانتي الوحيده اللي مسيطره على مشاعري ومسوي حصن منيع على قلبي وانتي الوحيده اللي عندك مفتاحه تبغين تدخلينه ولا بس عاجتك ميدلية المفتاح
الجوهره ابتسمت ابتسامه حلوه:اكيد ابغاه
مر اليوم من احسن مايكون فرحان ومبسوط والفرحه الي اشوفها في عيون الجوهره مفرحتني اكثر
اليوم الثاني عزمنا عمي محمد بمزرعته ورحنا كلنا لها والكل يلعب ومبسوط وانا طلعت من المجلس رايح لامي : نعم يمه
امي:نسيت حليب غزاله في البيت
:طيب خلاص بروح لصيدليه قريبه وباخذ لها اللي تبي
امي: الله عطيك العافيه
طلعت الجوهره من المطبخ اول ماشافتني جت لعندي وقالت: احم احم اكيد تدور علي
:هههههههههههه مشكله الثقه
الجوهره:اكيد واقف عند صاله الحريم اكيد انك تبغاني او تبغى امي
:لا امي تبغاني اروح اخذ لغزاله حليب لانها نسته
الجوهره: بس انا مانسيته وخذيته معنا
:صدق الله يجزاك خير كفتيني شر العنوه
الجوهره وهي تضربني ع كتفي بنعومه:هذا بدل ماتقول الحمد الله عشان تشرب حليبها وتشبع تقول عشان تكفيني تعب المشوار
:انا قايل هالبنت ماتسكت الا شي في فمها ماتشوفينها دبيه
الجوهره:حرام عليك هذا اللي محببني فيها
قربت منها وهمست: اكيد
الجوهره بخجل: وعشانها بنتك
رجعت للمجلس تغدينا وبعد الغداء استاذن عيسى بيرجع للشرقيه هو وزوجته وعياله اتصلت في الجوهره وقلت لها ابغاها وقفت عند باب المجلس وسندت ظهري على الجدار ونزلت راسي اناظر تراب الارض اللي منه خلقنا واليه نعود اسمع الجوهره تقول احم احم بس سويت نفسي ماسمعتها الجوهره بعدم تحمل: ياااااسر
:ياعيونه
الجوهره: من ساعه وانا هنا
:ادري
الجوهره: شلون دريت
:وهل يخفى القمر
الجوهره:ياحبك لاحراجي
مسكت ايدها تعالي معي افرجك ع مزرعة عمي عارف انك مليون مره شفتيها
الجوهره: بس معك بتكون لها مكان بقلبي غير
مشيت معها لداخل المزرعه وكان فيه جراده كانت ع كتف الجوهره
:اممممم الجوهره
الجوهره:هلا
:وش هلا قولي لبيه ياقلبي
الجوهره بدلع:يااااسر
:هههههه ياحبني لك
الجوهره سكتت بخجل::.........
:تعرفين الحشرات صح
الجوهره:اكيد وفيه احد مايعرفها
:مدري على بالي قعدة المدن نستكم الحشرات
الجوهره:تكفى ياللي ساكن بالبر اللحين
:ههههههه طيب لو قلت لك ان المزرعه مليانه حشرات
الجوهره:بقول وش علي لابسه جزمه يعني ماراح المسها
:وان قلت انها على كتفك
اول ماشافتها صرخت وحضنتني ومسكتني بقوه وكني بطير مثلاً مسكت الحشره وخليتها بيدي وخليت ايديني ورى ظهري وقلت لها
:هههههه خلاص وخرتها
الجوهره وهي ترفع وجها عن صدري: يمه اخاف منها
:بس مادريت انك خوافه
الجوهره: لا يعني مهو مره اخاف من الحشرات
:عندي لك هديه
الجوهره :صدددق
افتحي يدك وغمضي عيونك فتحت يدها وغمضت عيونها حطيت الجراده في يدها وقلت افتحي عيونك احلى هديه لاحلى قويه
صرخت وصارت تمسح يدها ع تنورتها وهي منقرفه منها وانا اضحك ع شكلها الخايف
الجوهره: حرام عليك خوفتني
:ههههه لازم تقولين انك ماتخافين ههههههه
الجوهره وعيونها تغرقت دموع : ماحب الحشرات
مسحت دموعها: امزح معك ياقلبي
الجوهره:لاعادي حلالك
:يعني اعطيك حشره ثانيه لانك حلالي
الجوهره بخوف: لا امانه
مسكت ايدها وبستها: امزح عليك
الجوهره نزلت راسها بخجل:...................
: تبغين تسوقين سيارتي
الجوهره: ماعرف
:انا اعلمك
الجوهره: صدق
:ايه ياقلبي
رحت معها لسيارتي وكانت سديم واقفه وكعادتها طلعت بوجهي بدون ماتدري وكانت كاشخه على الاخر
سديم هي مره قريبه مني رفعت راسها وقالت:اووووه اسفه ورجعت
حبيت انرفز جوهره:ياحلاتها بنت عمي
الجوهره تضايقت وخرت وجها للجه الثانيه لفيت وجها لي وقلت:بس ماتجي بحلات جوهرتي
الجوهره:يعني هذا قسم الرجال هي وش تبي فيه
رفعت اكتافي:والله مدري روحي اساليها
الجوهره:..........
:جوهره تغارين علي
الجوهره اسكتت وهي متضايقه:..............
ضربت حواجبها بصبعي خفيف:خلاص فكيها واركبي سيارتي
وخليتها خطوه خطوه لحد ماعرفت تمشي السياره لحد ماوقفتها
:هاه شرايك وناسه
الجوهره: من جد وناسه وباستني بخدي مشكور حبيبي
:صدق
الجوهره: وش هو
:اني حبيبك
الجوهره نزلت راسها: والله حبيبي
:يابختي
الجوهره: يابختي انا
:يابختنا كلنا
رن جوال الجوهره ومارديت سالتها:ليه ماتردين؟
الجوهره:هذي غزلان صديقتي اكيد بتزعل لاني ماقلت لها اني ملكت
حسيت نفسي ارتبكت:وناظرت كل شي الا وجه الجوهره
الجوهره:غزلان هذي من اغلى صاحباتي وماتتصور ياسر كيف هي طيبه ومحترمه
وباره با أمها تعرفت عليها اول مادخلت الكليه وللحين مستمره علاقتي معها
سرحت وانا احس بألم واحس بحساس غزلان لما بتعرف بزواجي من الجوهره صديقتي متزوجه حبيبي وش قد بتألمين يا غزلان اذا عرفتي وحتى الجوهره بتنجرح اذا عرفت انه كان بيني وبين غزلان علاقه تنهدت بحزن وانا اناظر الجوهره اللي قالت:جالي مسج تبيني ضروري عادي ادق عليها
اشرت براسي بلموافقه:........
ناظرت الجوهره اللي تكلم غزالتي:هلا غزاله ...الحمدالله بخير...وانتي اخبارك...من قالك؟!!!...وربي كل شي صار بسرعه وكان ودي انك تكونين اول الناس بس وربي ماكان فيه احد وان شاء الله نعوضها بالزواج...ايه ياسر وش عرفك بأسمه....اها قالت لك بشاير ....طيب.... التفت لي وقالت :غزلان تقول مبروك
ابتسمت بحزن:الله يبارك لها جروحنا
جوهره:أيــــش
:هاه ولا شي انا نازل اذا خلصتي مكالمه ارجعي داخل
نزلت وانا اسمعها تقول:مدري وش فيه تضايق
مشيت لداخل المزرعه رميت شماغي على كتفي وصلت للغالي معاند اللي اتأمله ولا احس بالملل مسحت على رقبته ونزل راسه لي كنه يواسيني وغزلان من يواسيها وانا متزوج صديقتها وكيف تنساني وانا بيكون في حياتها دام الجوهره بحياتها انا لايمكن انساها ولا حتى بحاول انساها لان الغاليه غزاله بنتي بأسمها سميتها
:ياقلبي ياغزلان الله لحاله عارف بمدى جرحك لما عرفتي بزواجي من صديقتك الجوهره
التفت للصوت اللي قال:وانا اقول وش اللي خلى ياسر يطول بنظراته للغزلان ذاك اليوم وهو المحترم والعاقل
:سدددددديم
سديم:ايه سديم
برتباك:وش تقولين
سديم:طلعت تحب غزلان واحنا حارمنا من الحب
رجعت اناظر معاند:تغطي بعدين تعالي حاسبيني
سديم:ماني متغطيه وش بتسوي
التفت لها وانا اخفي خوفي وارتباكي بعصبيتي:سديــــم لاتنرفزيني
سديم:وليه تتنرفز أنا بنظره اطيح عشره تجيني انت وتقول ماتبغى تشوفني كانك ماتبغى تشوفني الف واحد يتمنى يشوفني
ليه انا حظي يطيحني على سديم واشكالها مسكتها من اكتافها وقلت باعلى:سدددديم
غمضت عيونها وماتكلمت وقلت وانا بقمة قهري منها:الكلام اللي تقولينه تقول وحده حقيره وواطيه ماتقوله بنت رجال
سديم وهي توخر يديني:بروح اقول للجوهره هدية خطوبتك زوجك له علاقه مع صديقتك غزلان
حسيت اني اضعف واحد وحسيت ان يديني مقيده اشوفها وهي تمشي ببطئ وشعرها تلعب به نسمات الهوى كنها تقول ياسر ناديني وقول لأ تروحين رجعت للواقع فقلت:سديــــــــــــــــم
سديم ارجعت لي ولما وصلت قدامي قالت:غيرت رائك
:وش مطلوب مني
سديم:طلق الجوهره
:وليه
سديم:لأنها ماتستاهلك
:ليه انا من كوكب ثاني
سديم:لأ بس طلقها
:طيب وان طلقتها وش بتسفيدين
سديم:لأني اكرها اكرها بمعنى الكلمه الكره من لما.... وسكتت فجاءه
:قولي ليه سكتي
سديم برتباك:مالك دخل؟!!!!!! وراحت تركض
عقدت حواجبي بدى كل شي يتشتت قدامي
قطع علي حبل افكاري صهيل معاند رفعت راسي وكانت الجوهره واقفه قدامي
الجوهره حطت ايدها على فمها:معاند فضيحه
:يخاف على من تخريعك لي
الجوهره بحنان:مستحيل يخاف عليك اكثر مني
ابتسمت بدون ما اتكلم:...........
حضنت يدينها بيديني وقالت بنزة حزن:وش اللي مضايقك خلاص ماتبغاني اكلم صاحباتي والله ما اكلمهم اهم شي عندي رضاك
مسحت على خدها بحنان:.....
الجوهره:انا مابغى الا رضاك
:وانا ابغى جوهره بس
الجوهره تمسح دمعه فرت من عيونها:طيب ليه تضايقت من شوي
كنت بقولها بس خفت على مشاعرها هي عكس ساره ساره تزوجتني وهي تدري اني احب بدريه لكن الجوهره لأ قبلت فيني لانها متوقعه ان بدريه حبها اختفى من قلبي يعني هي لما حبتني لانها متوقعه اني لها هي بس محد ينافسها على قلبي:واذا قلت لك اني ماحب دموعك
الجوهره:بقول لك ماراح تشوفها ثانيه
:واذا قلت لك تحبيني وش بتقولين
عطتني ظهرها: بقول ياحبك لحراجي
حضنتها وحطيت وجهي على كتفها:عمري ماحسيت لبنت في الدنيا للي احسه لك اللحين
الجوهره:وش قصدك
:اقصد اني اخاف على شعورك من نسمة الهوى اخاف تنجرحين وتنصدمين فيني
الجوهره:مستحيل ياليت كل الناس بحنانك
التفت للي جت تركض ابعدت الجوهره عني
الدانه وهي تنتفس بسرعه:ريم مدرستي هنا
ضربت جبهتي:أيـــه انا عازم تركي وزوجته
:طيب انا بروح له
الدانه غمزت بعينها:عايشين بربيع هنا والناس داخل قالبه الدنيا عليكم
الجوهره ضحكت بخجل وحبيت احرج الدانه:ليه منقهره منها تبيني ازوجك
الدانه بخجل:يوووه بسم الله علي
:مالك الا عامل المزرعه شايب ومسكين ويبي يتزوج سعوديه وش قلتي
الدانه:ولا أنت وش رايك بشغالة بدريه ترى والله حبيبه وطيبه وتبي سعودي
الجوهره ضربت دانه خفيف على كتفها:بسم الله على ياسر
حبيت احرج الجوهره:ياحبك لي يالجوهره ماقدرتي تسكتين حتى من الشغاله تغارين
الدانه:ويييييو فشلوها
الجوهره:من فشلت ياسر
:لأ انتي ولا هي معاند
ورحت عنهم دخلت المجلس وكان تركي جالس مع عمي سلمت عليه وجلست بجنبه
تركي:ياخي وينك
:كنت بعيد
تركي يغمز بعينه:اعترف من كنت معه
:هههههههههه
عمي محمد:أنا استاذن ياعيال
تركي:وين رايح
:يتفقد المزرعه كعادته
تركي:هاه وش قولتك بالعرس
:والله هذي ثاني تجربه لي ماني مثل بعض الناس وحده ومسيطره عليه
تركي:وحده وياله نقدر نرضيها تبيني اخذ ثنتين
:هههههههه في هذي صدقت غزاله ورهف موريني نجوم النهار
تركي:الا ترى غزلان محجوزه لعبد العزيز
:من عبد العزيز
تركي:ولدي
:لا محجوزه لسعود
تركي:من زين بنتك الدبيه تمن فيها
:وانت وش عرفك بالبنات شينات صغار بس تعال لهم لاكبرو
تركي:اخاف اقولك زوجني اياها واسحب على عبد العزيز
:وينك يام عبد العزيز اسمعي تركي
تركي بخوف:تكفى اسكت ماصدقت على الله تتعدل
:هههههههههههه
دخل سعود وهو يلهث من الركض:ياسر الحق علينا
قمت أنا وتركي ماندري وش السالفه رحت ورى سعود اللي اخايف رحت وراه لحد حمام السباحه وكانت اخر شخص توقعته يصارع الحياه في المويه تحاول تطلع ماصرت اشوف قدامي الا دعوة ساره الله يحرمك اللي تحب.......؟!!!


~sẳrẳh غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كيد النساء بسمة الدمع منتدى الضحك والفرفشة 23 02-07-10 08:09 PM
النساء هشام265 تراتيل المشاعر 5 09-05-10 01:43 AM
النساء وما ادراك ما النساء @ أخت الرجال منتدى الضحك والفرفشة 13 22-12-09 08:20 AM


الساعة الآن 08:31 AM



Powered by vBulletin®
Copyright ©2000 - 2024, vBulletin Solutions, Inc.