ياخاطفي وين آالقي عزتي في زمان المذلهـ..مكتملة بقلم(على شاطئ النسيان)

[جرح الذات]

الله يعطيك العافيه هدى على البارتات

الله يستر على شوق وش بيصير لها

منتظرينك حبيبتي على نار

[دمعه يتيمه]

منتظرينك على نااااار

[taman]

البـــآرت الثآلــث والثلآثون




.. , ( لآ ) تَجرحْ الْخَآفِقْ تَرى مَآبقَى رُوحْ , !


.............................. مَآبقَى رُوحْ , !


...................,,,,,........... مَآبقَى رُوحْ , !


فهد والخوف بعيونه : شوق فيك شي ؟
شوق ضغطت على يده والالم يزيد : نفس الالم يرجع لي
شآلهآ ودخلهآ لغرفتهم .. حطهآ على السرير وهي تتألم لكنها تحاول تتحمل اكثر وتصبر
فهد : خليني اوديك المستشفى
شوق بصوت ممزوج بالم : لا .. هذا الالم متعوده عليه
فهد : بــس انتي حــــآآآمـــل
تعلقت عيونهآ فيه مصدومه من الكلآم اللي قاله ... قالت برجفه : حــ..ــآآ...
مشى لعندهآ وجلس على ركبه وعيونه مركزه على عيونهآ .. مسك يدهآ وبآن حنآنه الدفين .. حنآنه اللي مخبيه عن الكل لكن هذي اللحظة لابد انه يظهر حنآنه لانه لو فقدهآ بيكون خآسر كل حيآته
فهد بنظره ممزوجه بحزن ولمعة أمل وتفاؤل : شوق حبيبتي .. أنآ لازم اقولك الحقيقه مقدر اشوفك تذبلين قدآم عيوني وما اسوي لك شي
شوق ماقدرت تستوعب كلامه الالاف الافكار تجي وتروح على بالهآ لكنهآ ما فاقت من صدمتهآ : حــآآمـــل .. أنـــآ حــآمل يآفهد ؟
نزل رآسه بأنكسآر كيف بيقدر يقولها وهو يشوف بعيونهآ الم وفرح .. حزن يسكن جوآنب حيآتهآ ..قال بصوت هادي : شوقتي .. انتي لآزم تجهضين
حست كأن كهرباء سرت بجسمهآ من كلمته .. كلمته هزتها من الاعماق ارتجفت عروقهآ وتجمد الدم فيها لسى ما بدت فرحتهآ ماصدقت انها تحمل وتحس بطعم الامومه اللي كآنت تحلم فيها طول عمرها طيف الفرح تلاشى من نظرآت عيونهآ .. وحلمهآ سراب مستحيل التحقق .. بلعت غصتهآ بحسره
شوق : أجهـــــض ..أنــآ أجــهــض ؟!
فهد مسك يديهآ وضمهآ بين كفوفه وقربهآ من صدره : ارجوك ياشوق لاتسمحين لنفسك انك تروحين مني الله يخليك .. وآفقي على العمليه
شوق سحبت يدهآ منه وقفت وبعدت عنه قالت بحده وعدم تصدقين : ايش تخربط انت .. أي عمليه تتكلم عنهآ .. انا مستحيل اتخلى عن حملي حتى لو كآن الثمن حياتي
وقف وجاء ورآهآ : شوق حبيبتي اسمعي كلامي لو مره
شوق صرخت عليه : انا سمعت كلامك كثير جاء الوقت اللي تلبي فيه رغبتي .. ارجوك فهد لاتستحي قول انك ماتبيني قول انك ماتبي مني اولاد لاني عار عليك .. انا عارفه ان ابوك طلبك تطلقني " سالت دموعها على خدها " انا راضيه انك تطلقني بس لاتحرمني من الامومه .. حقق لي هذا الشي بعدها مستحيل تشوفني هنآ بخلي كل شي وارجع لأهلي بس لاتقول اجهضي
فهد فتح عيونه على الاخير من كلامها : شوق انتي فاهمه الموضوع غلط
شوق بحده : لا فاهمه الموضوع صح ..
فهد لفهآ عليه بقوه وقال بصوت عالي حاد : لا فاهمه غلط انتي بتخسرين حياتك وانا مستحيل اسمح لك بذا الشي
شوق مسحت دمعتهآ وبعدت يده عن كتفها : ماعاد باقي شي اخسره يافهد .. قولي ويش باقي اخسره .. قـــــــــــول
فهد عقد حواجبه وقال وهو يرتجف : شوق أنــتـــ...


:::
:::


بآلمدينه
رغد : هلا والله فاتن
فاتن : كيف تجهيزاتكم لبكره
رغد : ماشي الحال انتي العروس كيف نفسيتك ؟
فاتن : الحمدلله بس خايفه ومتوتره
رغد : عادي حبيبتي .. اكيد بتخافين دنيا جديده وحياه مختلفه
فاتن : وين شهد ادق على جوالها مغلق
رغد : نايمه عندنا جياه تعبانه من بيتها
فاتن : المهم بكره من بدري تكونوا عندي
رغد بنيه صافيه : ان شاء الله كم فتونه عندنا .. بس دقي على ريماس عشان نروح المشغل كلنا مع بعض
فاتن : ايه بكلمها يالله باي
رغد : بايو
قفلت من فاتن واتجهت لغرفتهم يمكن تقدر تطلع شهد من عزلتها وجلستها اللي ماغيرتها من جات من بيت زوجها
جلست على الكرسي وعيونها على مشاري اللي جالس بحضن شهد ويلعب
رغد : عاجبك جلستك كذا .. بس بالغرفه ماتبي تطلعي ولا تشوفي احد
شهد ومعالم الحزن بوجهها : رغد اللي فيني كافيني لا تزيدي عليا
رغد عدلت جلستها وبيدها قلم تلعب فيه : اممم شوفي حبي ترى الزعل مو زين لك تدرين ليش " سكتت شوي تنتظر منها رد لكن ساد الصمت بينهم ".. شكلك ياشهد مو مهتمه باللي في بطنك ماهمك عاش سليم او مشوه
شهد رفعت راسها بخوف : مشوه ؟
رغد ترجع شعرها على ورى : ايه مشوه ياقلبي .. الحاله النفسيه بالحمل لها دور كبير على صحة الجنين ولا تنسي انك بالشهور الاولى ممكن يجي معوق والــخ من الكلام هذا لاتتعبني نفسك حاولي تنسي مصيره بيرجع لك هذا زوجك
شهد وعيونها على مشاري : بس قلبي يقول انه ماراح يرجع
رغد وقفت ومشت لها : شهوده لاتكوني يائسه خلي عندك أمل كل زوجين لازم تصير بينهم مشاكل
شهد : بس مشكلتي كبيره تخيلي يدري ابوي ايش بيسوي صدقيني راح يذبحني .. والا يقول لأمه حتى تكرهني عيشتي هي يادوب متحملتني
رغد : اصبري لك كم يوم والامور بتتصلح
شهد بدت تبكي : بفهم انا من وين طلع فيصل الحقير من وين ؟!
رغد شالت مشاري : ماتدرين يمكن هذي المشكله خيره لك .. قومي معي يالله غسلي وجهك وخلينا نروح للصاله نغير جو
شهد وقفت بتعب ومشت للحمام وانتم بكرامه بهدوء وصمت .. وبعدها اتجهت للصاله عند خواتها
سمر : اخيرا طلعتي يازعلانه
شهد بعصبيه : سمر ابلعي لسانك ابرك لك ماني ناقصتك
سمر كشرت وغيرت الموضوع : شوفوا انا طفشت مره بكره بنروح عند عمتي اوك
رغد : اي والله من زمان عن عماتي خلونا نروح
سحر : ماعندي مانع
شهد : انا مالي ..
كلهم قاطعوها : غصب عنك تروحين
رغد شهقت : بكره زواج فاتن هههههههههههه
سمر تذكرت : ايه صح .. وناسه يعني بنرقص ونفلها
شهد كشرت : والله مالي خلق اروح بكره تعبانه
رغد رفعت حاجبها : لازم تروحين ناسيه انها صديقتنا
شهد تنهدت : يصير خير اذا جاء بكره اشوف
سحر كآنت بعالم ثاني غير عالمهم تسرح فيه لوحدها


:::
:::


عـشـنـا .. تربّينـــا على الـ[آآآآه] بـ سكـــاتكـم آآآه غنــّـينــا ! .. وكم آآآه قـلنـــــا !


اوقات} نشكي من قســى الوقــت , وأوقـــات:
الجــرح في "قمــّـــة فـرحنــا" .. خـذلنـــــامن حزننا نجلس على (شــط الاآآآآهات)
هــم البحر} غارق بسيــرة مللـنــــا


جلست على الكنبه تبكي بألم وصمت بينها وبين نفسهآ ...نفسهآ تصرخ وتطلع كل الكبت والالم اللي بصدرها صوت تأوهآتهآ وشهقآتهآ تتردد في زوآيآ غرفتهآ الوآسعه .. على كبر المكآن على كثر مآتحسه يخنقهآ ويعذبهآ .. تحس بألم يسري بجسمهآ ويزدآد مع كل شهقه تشهقهآ .. حن قلبه كثير مايقدر يتحمل يشوفهآ تبكي قدآمه مايتحمل يشوف الدمع يجرح خدودهآ لو بيده ينزع كل الالم ومايحسسهآ فيه .. عيونه مافارقتها يشوف انكسار فرحتها وصدمتها بمرضها ... كان يخطي كل خطوه تقربه منها ويحس خطوته ثقيله ومساحته شاسعه بينهم .. اخيرا قرب منها وصار يشاركها انفاسها .. جلس جنبها ولف يده على ظهرها ويده الثانيه مسك كفها البارده فيها
مسح بعض من دموعها المتناثره بعشوائيه على خدها الناعم لايتقن لغة الحنان وليس محترف بعناق الاروآح ولا يدرك رقه الاحساس لكن قلبه لايشعر بسواها في هذه الاثناء : حبيبتي الدموع ماتنفع لازم تفكرين بالكلام اللي قلته لك
تعلقت عيونها بعيونه والدمع متعلق برموشها حطت خدها على خده وقالت بصوت مقطع من البكاء : ليش اي شي ابيه مايصير .. انا ما استاهل اكون ام ؟!
فهد لف يديه على ظهرها وضمها لصدره : هذا المكتوب لنا ..
شوق دفنت وجهها بحضنه وصارت تبكي اكثر واكثر وهو مايدري كيف يهديها او يخفف عنها لكنه عاذرها يحس بشعورها والان خوفها من مستقبلها المنتظر
شوق تمسكت فيه اكثر وكأنها خايفه من شي
فهد : ايش فيك ياعمري ؟.. لاتخوفيني عليك
شوق : تعبانه .. أنــآ تعبت كثير يافهد ماعدت اتحمل " رفعت صوتها وهي تشهق بالبكاء اكثر " ياليتني اموت وارتاح من العذاب اللي طول حياتي عايشه فيه
فهد : استغفري ربك يابنت الحلال مايجوز اللي تقولينه
شوق غمضت عيونها وتحس بحراره بعيونها حاولت تهدأ لكنها تسكت دقائق وترجع تبكي اكثر واكثر ... مشت للسرير حطت رآسهآ على المخده وشريط حيآتهآ يمر قدآم عيونهآ ببطئ وكأنه يتفنن بعذابهآ .. ماقدر يبعد عنهآ لحقهآ وجلس جنبهآ
شوق بصوت مبحوح : أتركني لوحدي ؟!
فهد وقلبه يتألم عليهآ : بخليك على رآحتك .. طلع وسكر باب الغرفه وقلبه وعقله عندهآ


{فــهــد }


والحل الحين ليش خربت كل شي وقلت لهآ يعني ماقدرت اصبر كم يوم .. بس حآلتهآ متقدمه مقدر اسكت أكثر .. يارب يارب يارب سألتك فأعطيني ..قومهآ لي بالسلآمــه واجبر قلب هالمسكينه


شآفته وآقف عند جنآحهآ وأشتعلت نار الغيره في قلبهآ مشت له بكل سرعه
رزآن : بغيت شي حبيبي
فهد بضيقه وصوت حاد : سلامتك .. طنشها ونزل الدرج بدون ماينطق بأي كلمه زيآده
ولعت من القهر وزاد حقدها لشوق اكثر واكثر .. سمعت خطوات قريبه منهآ وشافت هنادي ورآهآ وكمان هي طنشتها ودقت باب غرفة اختهآ ودخلت
هنآدي بمرح : شوآآقــه .. يادوبه وين وعدك لي لما قلتي بنطلع
ماحصلت رد منها مشت بسرعه للسرير ولفتها على جهتهآ وشهقت بصوت عالي وهي تشوف شوق تبكي ووجههآ لونه احمر .. انرعبت ووقف نبض قلبها بهذي الثانيه .. تفاجئت من شكلها
هنادي بخوف : شوق ايش صاير ؟!
شوق اكتفت بدموعهآ والصمت اللي زآد خوف هنادي
هنادي تهزها : ايش فيك تكلمي ؟!
شوق تغطي وجهها : تعبانه شوي
هنآدي رفعت صوتها المرتجف : ايش اللي يتعبك .. تكلمي ؟
شوق : مشاكل بسيطه
هنآدي : بينك وبين زوجك ؟
شوق غمضت عيونهآ الملتهبه من حرارة الدمع : ايه .. الله يخليك هنادي خليني لحالي محتاجه اكون مع نفسي
هنآدي حزنت عليها وبعدت خصلات شعرها اللي على وجهها : الله يعينك حبيبتي ...اذا بغيتي شي نآديني اوك
شوق تلف على يمينهآ وتغطي نفسهآ بالشرشف : اوك
طلعت وتركتهآ لوحدهآ تنفرد مع نفسهآ وقلبهآ وتنآجي ربهآ في وحدتهآ


{هنآدي }


مامشت علي تصريفة شوق .. اللي فيهآ ماهو بسبب مشآكلهآ مع زوجهآ احسهآ مخبيه شي بس ايش هو ؟!!.. اممم مافي الا اسئل فهد اكيد يعرف
رجعت لغرفتهآ وقفلت على نفسهآ .. سمعت نغمة جوالهآ وجريت له على بالها انهآ عبير متصله شافت رقمه وحقرته ماردت عليه رجع دق عليها مرتين وطنشته وحطت جوالها سآيلنت
هنادي : يحسبني رايقه له ولأشكآله
شافت مسج ومكالمات فتحت المسج اللي كان ( خايفه تردين ما اخبرك خواف من المواجهه ياهاني ... على فكره تراني مو لاحقك لرياض عشان ميت عليك لالا بس اخاف تلعبين بذيلك من وراي ).. ولعت من القهر وبدا الشرار يطلع من عيونها ارتفع ضغطها من مسجه اللي اعتبرته اقل من سخيف وتافه .. ماحست بنفسها الا لما اتصلت عليه
مآجد : هلا هلا اخيرا اتصلتي
هنادي : من تفكر نفسك عشان ترسل لي مسج زي وجهك
ماجد ببرود قاتل : وجهي حلو يعني المسج حلو
هنادي بحده قالت له وهي تصر على اسنانها : والله اللي بسط سبع ورفع سبع لو ماتتركني بحالي لا افضحك وانشر المقاطع اللي عندي وأخلي اهلك يعرفون حقيقة ولدهم الشاذ جنسيا
ماجد انصدم من كلامها : ويش تقولين ؟!.. انتي يا انسه فاهمه غلط
هنادي : يالله فاهمه غلط .. يعني المقاطع تكذب ياقلب امك .. شوف اتركني بحالي وماتشوف شي يضرك
ماجد عصب : تهددين يابنت محمد
هنادي بقوه : ايه اهددك مين انت عشان ما اهددك .. يالله لاعاد اشوفك متصل والا وربي حلفي مايروح هدر .. قفلت الجوال بوجهه ورمت نفسها على السرير غمضت عيونهآ
هنآدي { والنهايه معه وربي طفشت ماصارت كأنه يذلني الوآطي .. بس ماراح اسكت له والله ما أسكت له على باله بنت سهله بلاه ماعرفني .. لازم ادبر له شي ينكبه ويبعده عني آآآه بس }
ملت من جلستهآ في الرياض اتصلت على الخطوط وحجزت لها بأقرب رحله متجهه للمدينه .. بعدهآ حطت رآسهآ على المخده وغرقت في عالم الأحلام





المدينه .. بالتحديد في بيت أهل يوسف
أمه : غريبه بتنآم عندنآ يايمه
يوسف على وجهه تجآعيد العصبيه والضيقه : ليه ماتبوني انام عندكم ؟
شذي : لا ياعمي بالعكس مشتاقين لجلستك معنا وسوالفنا أخر الليل
غدير : بس مستغربين زوجتك وينهآ عنك ؟
يوسف : وديتهآ بيت أهلها بتنآم عندهم كم يوم
الكل بصوت وآحد : لـــيـــش ؟!
يوسف صرفهم على طول ووقف : تعبانه وتبي تنآم عند خوآتها .. أنا بروح المجلس يمه برتاح بكره وراي دوآم
مريم عقدت حوآجبهآ : ايش فيه يوسف اليوم
وقفت أمــه ولحقته للمجلس ... قفلت الباب ورآهآ .. جلست قبآلهآ وهي ملاحظة الضيقه والحزن اللي هو فيهآ
ام يوسف : علامك يمه صاير بينك شي انت وزوجتك ؟!
يوسف : مشاكل بسيطه ربك يحلها يالغاليه ؟
ام يوسف : قولي يمه ويش اللي صار بينكم ... يمكن يكون شي مايستاهل الزعل
يوسف : لايمه المشكله كبيره وتخصني انا وشهد مابي احد يتدخل يها لا اهلي ولا أهلها
ام يوسف : متى وديتها بيت اهلها ؟
يوسف : البارح في الليل
ام يوسف شهقت : الله يصلحك يايمه وماجيت عندي ليه ؟
يوسف : هذا انا جيت .. المهم يمه انا بنام الحين لي يومين ماذقت طعم النوم
ام يوسف : الله يصحلك ويصلح زوجتك من شفتها ما ارتحت لها قلت لك خلنا ناخذ من الجماعه ناس نعرفهم ونعرف بناتهم بس انت عاندت ورحت لناس اغراب عنا
زآد كلام امه الطين بله وحس بروح مخنوقه .. اخذ شمآغه وطلع بدون اي كلمه وتجاهل ندآءات امه وتوسلها له انه يبقى حتى يرتاح وينام ..
طلع من البيت وراح لفندق وحجز فيها حتى يغير جوه شوي ويبعد عن الكل وموضوع شهد مايروح عن باله أبد ... قفل جواله وريح بدنه المتعب واستسلم للنوم

[taman]

صباح اليوم التآلي


عَين ْالوفآ " تشتآق " لكْ
والثآنيةتبكَي عليكْ
وشّ حيَلة الملَح الوفيّ بـ عيَون ملتْ صَبرها؟
ليلْ الحكآيا هدَني
والصَبح دآيم يحترَيكْ
وشْ عآد في عمَر الفرحّ ليله عطتَني عمرهآ
ضيآك ماخلا وطنْ
والشمَس ذابتْ في يديكّ



فتح باب الغرفه بهدوء شآفها نايمه بسلام على سريرهآ كأنهآ طفله بريئه اقترب اكثر منها وهو يتامل ملامحها الهاديه في هذا الوقت جلس على طرف السرير وبَعَدَ خصل شعرها بشويش عن وجههآ وعيونه تتأمل كل تفاصيلها بدقه .. بدت تتحس من لمسته لخدهآ .. فتحت عيونهآ بخمول وتعب ... ورجعت غمضتهآ كأنهآ ترفض شوفته
قال بصوته الثقيل : صباح الخير
ردت بصوت اقرب للهمس : صباح النور ... حط يده على خدها
فهد : فتحي عيونك
شوق : ابي أكمل نومي
فهد بعد الشرشف عن جسمهآ : يالله حبيبتي قومي خلينآ نفطر مع بعض
شوق : مالي نفس افطر .. مالي نفس لأي شي بالدنيا
فهد عقد حوآجبه : اذا لي خــ...
شوق قاطعته : كيف لي نفس أكل اوانبسط وانا عارفه اني مريضه
فهد : بس مرضك له علاج بس انتي وآفقي وانا بويدك لأحسن مستشفيآت العالم
شوق : مابي ... انا فكرت حملي رآح اخليه يتم لأخر شهر
فهد : وحيآتك ؟!.. فكري زين ياشوق
شوق غمضت عيونهآ : خلاص يافهد لاتقلب الموآجع علي اللي فيني كآفيني
فهد سكت لأول مره يحس نفسه أنه عآجز .. مايقدر يغصبهآ او يبجرهآ على شي ماتبيه ولا يقدر يتخذ القرار بنيآبه عنها .. بآسهآ على جبينهآ وطلع من عندهآ متجه لشركته
{شوق }
ويش بتختارين ياشوق .. حيآتك أو حيآة طفلك ؟!.. لو أخترته بيعيش يتيم بنحرم من الأم اللي أنحرمتي منهآ .. ليش أكون أنآنيه واخليه يتعذب بحياته ويفقد حنآن الام طيب اذا أخترت حيآتي يمكن أنحرم من هالشي طول عمري وأخسر اللي حلمي اللي تمنيه من بعد زوآجي ... بس فكري بكلام فهد فكري بعقلك مو بقلبك بتحكمين على نفسك بالأعدآم وتظلمين طفلك ونفسك ... تخيلي رزآن تربيه يمكن تعذبه يمكن تخلي فهد يتخلى عنه ويرميه .. لآتسمحين لنفسك تدمرين حيآتك بيدك أكيد ربك بيعطيك على قد صبرك وأيمآنك فيه أنتبهي تغلطين وبعدين تندمين على اللي سويته ... قآمت ورآحت تغسل وجههآ وطلعت من غرفتهآ متجهه لغرفة هنآدي حتى تصحيهآ وتفطر معهآ
:::
:::
السآعه 3 الظهر
صحت من النوم وأخذت لهآ شور وتجهزت حتى تطلع مع صديقتهآ للمشغل ويتجهزون للزوآج
رغد : الله يخليك شهد جهزي فستآني واغراضي على السرير اوك عشان لما اجي مآ أتعب وانا ادور
شهد بتعب : طيب بس أنتبهي لنفسك واختاروآ أحسن وحده عشان تزبط فاتن
رغد ابتسمت لها : لاتخافين .. انتي ماراح تلحقينآ عشان تسوين ميك أب
شهد : لا انا بسوي شعري والميك أب مالي خلق اروح تعرفن زحمه وقرف
رغد باستهآ وباست مشاري : اوك انا رايحه ترى كلمت ابوي حتى هو رآح يحضر .. صحي سحر عشآن تبدأ تجهز نفسهآ هي وسمر مابقى شي عن صلاة العصر
شهد مشت معهآ لحد الباب : اوك بصحيهم مع السلامه
رغد : بآآيو
عند بيت فآتن
رغد : الو فاتن يالله أطلعي انا برى
فاتن : أوكِ بس اخذ الكيس وأجي
رغد بأستعجال : يالله اخلصي علينآ تأخرنآ عن الموعد .. ريماس بتحلقنآ هنآك
فاتن : طيب باي .. طلعوآ ومشوآ للمشغل
بآلبيت
سحر كآنت توهآ صاحيه من النوم شافت شهد تتفرج على التلفزيون
سحر جلست : متى صحيتي ؟
شهد : من بدري .. متى نآويه تخلصين ناسيه ان عندنا زوآج
سحر بكسل : مآنسيت بس ماشبعت نوم .. رغد رآحت ؟!
شهد : ايه رآحت مع فاتن من زمآن " وقفت بتروح للغرفة تشوف ايش تسوي بشعرهآ "
سحر : اقول شهد كأن وزنك زآيد شوي بطنك بارزه
شهد طلت ببطنهآ وعقدت حوآجبهآ : وآضحه يعني ؟!
سحر : اممممم تقريبا بس انا ملاحظة من كم يوم انك سمنتي
شهد ابتسمت ببرود وبعيونها نظرة الم : يمكن .. انا بروح للغرفه صحي سمر عشان تزبطون نفسكم لازم من بدري نكون مع فاتن
سحر رجعت راسها : طيب طيب
دخلت الغرفه وفتحت دولابهآ .. قاست كل الفساتين اللي في دولابها انصدمت اغلبها ضيقه ماترتاح فيها .. والبعض ماتقدر تقفلها رجعت لبست بجامتها وطلعت لغرفة شوق وفتحت دولابهآ شآفت فستانها النيلي اللي كآن بملكة ريم .. قاسته وحست انه ناسبهآ وماهو مبين بطنها البارزه شوي ورجعت لغرفتها نومت مشاري وبدت تستشور شعرها وتسويه كيرلي
كآنت مشغوله بنفسها فجأه حست بألم ببطنهآ وضغطت على الفرشه اللي بيدها ثوآني وتلاشى الالم طرى ببالها يوسف تنهدت وهي تتذكره نفسهآ تكلمه وتفهمه اللي أختلط عليه لكنها ماعندها القدره انهآ توآجهه كل قوتهآ تخور قدآمه
أخذت جوآلهآ قررت انها تكلمه وتنهي كل شي .. دقت على رقمه اللي كآن مغلق .. خآبت امالها حطت جوالهآ على الكمودينه وطلعت للمطبخ لأنهآ بدت تحس بالجوع
::
::
بآلرياض
كآنت هي وأختهآ بالصاله
هنادي : شوق انا حجزت على المدينه والرحله الساعه 2 بالليل
شوق تفاجئت من قرار هنآدي المفاجئ : ليش حجزتي ماطولتي هنآ
هنادي : خلاص طفشت برجع لبيتنآ مليت عندكم ... احس ماني ماخذه راحتي
شوق : كيف تسافرين لحالك بدون مايكون معك أحد
هنآدي تحط رجل على رجل : عادي الدنيآ أمــآن الحمدلله وماراح يصير لي شي كلها ساعتين وبكون بالمدينه
شوق اتصلت على فهد وقالت له عن قرار هنآدي وما أبداء اي اعتراض .. طلعت لغرفتهآ عشان تجهز شنطتهآ للسفر ....جآهآ مسج من رقم تذكره ومانسته ابد
( السلآم عليكم .. كيفك ياعمري ؟!.. وحشتيني موت مشتاق لصوتك ولحسك بحياتي .. تركتك فتره عشان تفكري بعرضي لك ابي ردك ظروري )
رمت جوآلهآ على الطاوله وطلعت لغرفتهآ وقفلت على نفسهآ دفنت نفسهآ بسريرهآ تحاول تهرب من أي شي يلاحقهآ حتى أذا كآنت ترفض وجوده بحيآتهآ
أمــآ هنآدي لبست عبايتهآ ونزلت بتروح للسوق تشتري لأخوآتها هدآيآ بالفلوس الباقيه معهآ ... وقفت بالكرآج تدور على أحد السوآقين اللي يمكن يكونوآ متوآجدين بهذآ المكآن لكن ماحصلت احد مشت خطوتين وشآفت نفس الشخص اللي ركبت معه اول مره ...
هنآدي : خآن خــآن ..." لف على الشخص اللي ينآديه وتفاجئ لمآ شآفهآ وآقف مو متغطيه ورآميه الطرحه على اكتافهآ
هنآدي : وديني السوق بسرعه عشآن ارجع بدري قبل اسافر بالليل .. اعطته ظهرها ورجعت للكرآج
أمــآ هو ماتركت له فرصه يفهمها انه اخو فهد او يشرح لها الموقف .. مالقى نفسه الا انه يمشي ورآهآ بدون اي تردد وبأنصياع تآم دون تعارض أي من جوآرحه على هذا الانقياد الغريب بالنسبه لمتمرد مثله .. دخل السياره ومشى بالطريق والصمت هو من سكن زوآيآ أروآحهم .. كل منهمآ يشرد بخياله الى عالم من احلام اليقظه او التمني
لفت على يمينها تتامل الطريق تذكرته وتلفت بكل الجهات حتى تشوف هو يراقبها او بس مجرد صدفه عابره جمعتهم بمكآن ليس بمكانهم
عند المتمرد الشرس تحولت روحه واستجابت اعضائه لهذا التحول شنت الافكار هجومها على عقله الباطن .. وبدت تتغير تصرفاته ... حست بالوقت يمشي ثقيل عليها وبدت تلاحظ ان الطريق فاضي لابيوت لا ناس ... حست انها خارج حدود الرياض تعرف ان مزرعة فهد ماهي بعيده عن الرياض كل هذا البعد .. طالعت ساعتها اللي كانت تنبها ان الوقت اللي مر كان ساعه وربع
هنآدي ( ايش به ذا السواق شكله ضيع الطريق اذكر المشوار نص ساعه والحين مرت ساعه واكثر .. اووف وقته يالهندي ) : اقول ياخان كأنك مضيع الطريق رجعنا للمزرعه احسن
باسل ابتسم : انا مو خآن .." عقدت حواجبها اللهجه سعوديه "
هنادي : هيه تستهبل يالهندي
باسل يمثل العصبيه : هندي بعينك انا سعودي تراك ذبحتيني هندي وهندي .." حست كأن كف جاها على خدها بقوه ماتخيلتها .. اضطربت انفاسها وزآدت نبضاتها "
هنادي بحده : رجعني للبيت رجــعــنــي
باسل ابتسم بلئم وخبث .. ومشى بمكآن شبه صحرآوي وبعد عن الطريق شوي : لا ياحلوتي انتي اللي جيتي برجولك
هنادي خآفت وحست انها بموقف خطر لكنها تمالكت اعصابها وحاولت تبين له انها قويه وماهي خايفه ابد : قلت رجعني مادريت انك خبل
باسل لف على مكان جلستها : الخبله انتي .. امشي انزلي يالله
هنادي فتحت عيونها على الاخير : ويش انزل هنا بالبر والظلام
باسل ضحك بصوت عالي وفتح الباب ونزل : انا نزلت قبلك .." فتح لها الباب ونزلت بسرعه وبعدت عنه وبيدها شنطتها
هنادي : خير اول شي ويش اسمك ؟
باسل يرفع حاجبه ويميل فمه : اسمي بسووول اخو فهود
عقدت حوآجبها وطالعت بنظرات استحقار وتقزز " ووع ذا اخو فهد صدق انه خكري ": اها اخوك فهد
باسل يتكي على السياره : ايه اخوي فهد, تدرين انك خشيتي مزآجي
انصدمت من وقاحته وجرئته صرخت بدون ماتستوعب : وقــــح .. قليل أدب
باسل رفع حوآجبه وابتسم بلئم : عادي اقولك عن اعجابي فيك من رجعت السعوديه ماقابلت بنت مثلك بقوتك وجرئتك
هنادي انقهرت منه : احد قالك انك توب في الوقاحه
باسل بنرفزها قرب منها شوي : ايه .. أنتي ياحلوتي
مدت يدها بتصفقه كف لكنه مسك يدها ولفها على جسمهآ وصار هو ورآهآ وحط دقنه على كتفها وشدها اكثر وقربها منه وهو روآهآ : لالا ياقلبي مايصير كذآ
هنادي تحآول تبعده عنهآ : بعد عني ياوآطي
باسل يشدهآ أكثر : ايش قلنآ خليك هآديه ورآيقه هالفرصه مآتجي ألا مــ...
هنآدي تقاطعه وضربه برجلهآ : قلت لك ابعد عني مآتفهم أنت
لفهآ بقوه وصارت قدآمه سحب لثمتهآ ونزلهآ وعلى شفاته ابتسآمــه نصر وقوة .. بعدت يده عنهآ وصدرهآ بدت تتسآرع انفاسه ماهي قادره تسوي شي او توقفه عند حده .. قرب من خدهآ وطبع بوسه
كهربتهآ ... منعتهآ عن الحركه.. الجمتهآ عن التحدث ... أثارت جنونهآ
دفته مع صدره بكل قوتها أختل توازنه وطاح على التراب رمت طرحتهآ وشنطتهآ بعيد عنها وجلست عليه وظربت فيه لما حست انها طلعت كل الحقد والغِل اللي فيهآ حآول يمسك يدهآ لكنهآ كآنت مثل المجنونه .. تضربه على صدره بكل قوتهآ ... حآول يوقفهآ فجأه هدت وركزت بعيونهآ عليه .. اخذت من التراب في يدهآ وحطته بفمه
هنآدي : هذآ مقامك يالحقير .. يالسافل
دفهآ بعيد عنه .. وقفت وجريت لطرحتها وشنطتها ولفت الطرحه بدون ماتغطي وجهها وهي تتنفس بسرعه وقلبها ينبض ايضا بسرعه .. وقف وهو يرمي التراب من فمه ويبصق " وأنتم بكرامه " نفض التراب عن بلوزته وشعره اللي طويل شوي وطل فييهآ بحقد .. مشى لها بسرعه من كثرت خوفها منه ما هربت ظلت وآقفه بمكآنهآ سحبهآ من شعرها بقوه
باسل صرخ عليها : انتي تمدين يدك علي
هنآدي بحده صرخت عليه : تستاهل لو في اكثر من كذا سويته فيك .. ما اتردد بقتلك ابدا
شدها اكثر من شعرها وهو يصر على اسنانه ويمشيها بالقوه لجهة السياره : ماعرفتي من باسل .. واعتبري انك لك دين عندي بيوم اوفيه لك
دفها بقوه للسياره ودخلها وهي متمالكه نفسهآ لاتبكي .. بينها وبين الانهيار خطوه وآحده فقط .. ضغطت على شنطتها بقوه ونزلت راسها ودمعتها متعلقه برموشهآ .. خافت منه ومن تهديداته لها
كان يسوق بسرعه جنونيه .. ورجعوآ للمزرعه وكل وآحد في باله افكار وخفايا لا أحد يعلم مآهي




بآلمدينه بعد صلاة العشاء
وصلت رغد من المشغل وكآنت بأخر أنآقتهآ لبست فستآنهآ وانتظرت خوآتهآ ينهون استعدآدآتهم
ابو مهآ : يابنتي ماخلصوآ البنات
رغد ابتسمت : لا ابوي باقي لهم شوي .. تعال اجلس معي عبال يخلصون
ابو مهآ جلس : الله يهديهم مايخلصون من بدري الولد متصل عليا يقول يبيني من بدري اكون معه
رغد حزنت : يكسر الخاطر ماعنده أحد من أهله كلهم مآتوآ وكمآن فاتن تحزن نفس حآلته
ابو مهآ : الله يوفقهم مع بعض ويرزقهم الذريه الصالحه
رغد من قلبهآ : أمين يارب
شهد جآتهم في الصاله : انا خلصت وين سحر وسمر
ابو مهآ : يؤؤ عاد بقى اللي مستحيل يخلصون لو بعد عشر ساعات
شهد رفعت صوتهآ : سحر .. سمر يالله خلصوآ تأخرنآ
رغد : اقول شهد ماعلقتي على الميك آب
شهد : حلوو والله .. لايق على ملامحك
ابو مهآ : الله يصلحكِ يارغد لو ماحطيتي هالخرابيط على وجهك .. والله اني ما أحبها احسها علبة الوآآآن
شهد ورغد : هههههههههههههههه
رغد تتخصر : يعني ماشفت الا أنآ ومدام شهد ليش ماتعلق عليها
ابو مهآ ضحك : اقول هالكلام لكم الثنتين
رغد تغمز له : ترقع يابو مها .. يجي منك والله
ابو مهآ : ههههههه ايه ارقع قلبي شبابي
شهد ضحكت : أجل بندور لك عروس اليوم
ابو مهآ : لا مابقى بالعمر كثر ما مضى اي زوآج يابنتي وانا بالعمر هذآ
رغد : بسم الله عليكك يابوي تهبل الف بنت تتمنآك .. تصبغ الشيب وحركآتك شبابيه
شهد فطست ضحك : ههههههههههههههههه الله على الفضايح
ابو مهآ : عيب يابنت لا تشهرين بأبوك .. خليهم يحسبوني شباب
جآت سمر وبيدهآ عبايتهآ والشنطه : Im finish dady
ابو مهآ : تكلمي عربي يابنت
رغد : تقولك خلصت
ابو مهآ يوقف : أستنآكم بالسياره لا تتأخرون ..نزل وهم بعدهم ينتظرون سحر
رغد : سحير ماصارت تاخرنآ
سحر : خلصت بس البس عبايتي وأخذ الشنطه
شهد : أحنآ نازلين قفلي الباب ... شآلت ميشو وجآتها رغد
رغد بحده : ناسيه انك حآمل ..كمآن بكل ثقه شايلته الى متى اعلم فيك أنــآ
شهد عقدت حواجبهآ : هــــــس لآ تسمعك سمر.. ويش قلت لك انآ بعدين عادي اذا شلت ميشو ايش بيصير
رغد : بيصير انه يموت البيبي صدق انك مجنونه وفاصله اسلاك مخك
شهد تدفها : طيب امشي ولايكثر هرجك
نزلوآ كلهم واتجهوآ لقاعة الافراح
:::
:::
جهزت شنطتهآ وكل أغراضهآ .. تبي ترحل من هالمكآن اللي ضايقهآ كثير وكبتهآ اكثر ... نزلت دموعهآ حزن وأسى على حالها اللي كل يوم تتعرض لموقف يهزهآ ويفقدهآ قوتهآ ويخليها تميل للضعف ... مسحتها بعنف والقهر مالي قلبها .. مشت للشباك الزجاجي بغرفتها وبعدت الستاره .. شافته برى الملحق ومعه رجالين رجمت عليه من قلب ورجعت للسريرورمت نفسهآ عليه بكل قوتهآ وكأنهآ تفرغ كل طاقتهآ فيه
أمـــآ بالحوش
فهد : لو طولت شوي ياخالد
خالد : جايين نتطمن عليك وعلى صحتك " غمز له " واشتقا للاهل والعيال
وليد يضحك : ايه ايه قول لأمهآ وانت الصادق
باسل : اجلسوآ يوم كمآن ما ارتحتوآ
خالد : والله طيآرتنا بعد ساعه يادوب نوصل للمطار تخبرون الشوارع زحمه
فهد يسلم عليهم: توصلون بالسلامه
وليد : يؤؤؤؤ يبي الفكه ماقال اجلسوآ وأصر علينا شكله منغث منا
فهد : ابد والله البيت بيتكم انتم الداخلين وحنا الطالعين بس مافيني اترجاكم
خالد يحط يده على كتف فهد : أصيل ابو خالد
فهد : كل واحد من راسه يحط اسم ... طيب خلوني اقول ايش ابي انا
وليد : اللي بعده ان شاء الله يالله تاخرنا ياخالد .. نشوفك على خير
فهد : ع خير يارب
باسل : سلموآ على القروب
فهد ابتسم : اي صح سلموآ عليهم وان شاء الله لي جيه قريبآ لجده
خالد يأشر له من بعيد ويركب السياره مع السوآق هو ووليد ومشوآ للمطار
فهد لف على باسل وقال باستفسار : وين رحت قبل شوي
باسل : مشوار قريب ورجعت
فهد : أي مشوار قريب هذآ ؟.. قول وين رحت
باسل يمشي للمحلق : قلت قريب وبس .. رايح اخذ شور
مشى فهد للفيلآ وفتح الباب شاف رزآن بتطلع : على وين ياهانم
رزآن قربت منه ومسكت لياقة بلوزته بدلع : رايحه عند امي خالاتي مجتمعين عندها
فهد ( اسمح لها يافهد عشان تجلس مع شوق ) : اوك بس لاتتأخري
طبعت بوسه على خده وقالت بغنج مصطنع : لاتوصي ياعمري اصلا أنآ حدي مشتآقه لك
فهد يطلع الدرج : محتاجه شي
رزآن : سلامتك ياقلب رزونتك
طلعت ومرتهآ أختهآ مع سوآقهآ ورآحوآ لبيت ابوهآ
طلع الدرج وصار بالصاله العلويه ركز نظره على جناحهآ حس بأنقباض قلبه وأشتياقه ووله عليهآ .. مشى بخطوات متقاربه وفتحت الباب بهدوء .. دخل لقسم الملابس وبدل لبسه ولبس بجآمـــه رمآدي ورمى التي شرت على الارض يحس بحراره في صدره .. مشط شعره على ورى وتعطر وأتجه لدآخل الغرفه ... شآفهآ على سجآدتهآ تقرأ قرآن مشى للدرج حق الأدويه وأخذ من علاجه مع كأس مآء وأنسدح على السرير بتعب أرهقه
أنهت قرآئتهآ ولفت عليه وبصوت مبحوح قالت : عوآفي على قلبك
فهد ابتسم بذبول : الله يعافيك .. كيفك اليوم ؟!
شوق : الحمدلله على كل حال
فهد عدل جلسته وتنهد : نمتي ؟!
شوق تنزل شرشف الصلاه وتطوي السجآده : وتظن اني نمت ؟!
فهد : لا
شوق اخذت نفس طويل وجلست على الطرف الثاني من السرير : النوم مجافيني .. وكل شي بالدنيآ مليت منه .. من قلت لي عن " سكتت "
فهد طالعه بنظرات هاديه وركز بعيونها : شكلي تسرعت !!.. بس انآ كنت خآيف عليك ياشوق الدكتور ارعبني بكلامه .. وانتي تزيدين عليا بعنادك اعترف لك أول مره أحس بخوف يسكن حيآتي
رفعت رآسهآ وتلاقت عيونهآ بعيونه شآفت الصدق فيهآ تحس أنهآ اول مره تشوف فهد بدون أي غموض وبدون اي ضباب صورته كآنت وآضحه لها .. نظرآته كآنت صادقه ولمعتهآ تدل على أخلاصه .. أول مره يرآودهآ هذا الشعور
قالت بنبره ممزوجه بحزن : خآيف علي ؟!
فهد نزل رآسه وصار يلعب بغطاء السرير ويقلبه بعد سكوت طويل : تعتقدين انك رخيصه عندي عشان اتخلى عنهآ بسهوله ... لآ يآشوق ماعرفتي ويش تعنين لي وأيش أهميتك بحيآتي ... مابيك تضيعين مني يكفي العمر اللي ضآع منآ ... تسللت يده ليدها والفراغ بينهم كبير شاف دمعتهآ اللي سالت على خدها .. زحف لها ومسحهآ بهدوء وهي ساكنه في محلها
شوق : أجبرتني أحبك رغم قسوتك وظلمك... حبيتك لأنك عذبتني وأسعدتني ومانزلت دمعتي لسبب غير لأنك موجود بحياتي
فهد : غلطت كثير بحقك عذبتك وانتي ماتستاهلين العذاب ... كنت قاسي معك بس بـــس ماقدر هذآ أنــآ ما اقدر اتغير ماسبق أن أحد أهتم فيني ولا طالعني الا بنظرات الكره والحقد والانتقام .. حتى أنتي ياشوق بس ما ألومك أكثر انسان أذيته أنتي يالتني مت قبل ما ادمر حيآتك
رفعت رآسهآ زي المقروصه والدموع على خدودها : لاتدعي على نفسك ... ما أتحمل تبعد عني لحظة .. الله يخليك يافهد لاتتكرني وحيده صدقني انا من بعدك أضيع ... انت الامآن اللي كنت أدوره طول عمري .. الأمآن مالقيته الا بحضنك ... لفت يدها حول رقبته وضمته وهي تبكي ... تحس بحراره جسمه وحرارة جسمهآ الضعيف ... كآن يشدها لحضنه بقوه كأنه مايبيها تبعد عنه أبد
شوق : والله والله والله أحبــــكـ
فهـد : وأنــآ بعـــد أحــبــ... سمعوآ صوت دق على باب الغرفه .. بعد عنهآ ورآح فتح الباب وشآف ليزآ وبيدها جوال شوق
ليزآ نزلت رآسهآ : بابآ هذآ موبايل مآمآ شوق في شوف تحت
فهد أخذه منهآ : شكرآ .. دخل وقفل الباب وشآف 5 مكالمآت .. أتجه لهآ
فهد : شكل جوالك تكسر من المكالمات
شوق ترفع شعرها : هآت أشوف من اللي اتصل ... فتحت المكالمات لقتهآ كلهآ من هنادي
وقفت ومشت لغرفة هنآدي ... دقت الباب وبعدهآ بثوآني دخلت .. شافت هنآدي لابسه عبايتها ومجهزة شنطتهآ
شوق فتحت عيونهآ : ايش فيك ؟
هنادي : بروح للمطار خلي زوجك يوديني
شوق تطالع بالساعه : بس باقي على الرحله كثير
هنآدي : شوق بليز خلي فهد يوديني الله يخليك يمكن احصل رحلة ثانيه بدري يالله بسرعه
شوق : بروح أقول له ... رجعت لغرفتهآ وقالت لفهد عن هنآدي اللي نست موضوعهآ بالمره
فهد عصب : شلون تقرر من راسها ؟
شوق : شكلها متضايقه من الجلسه هنا .. حبيبي خلينآ نروح نوصلهآ للمطار وندور لهآ على رحله للمدينه قبل اللي الساعه 3
فهد أخذ جوآله وأتصل على وآحد من اللي يعرفهم بالمطآر وخلآه يحجز لهنآدي بأول رحله متجهه للمدينه ومن حسن حظهآ كآنت الرحله بعد ساعه و20 دقيقه
فهد يلبس ثوبه : ربي يسر لهآ سفرتهى قولي لهآ تنزل والخدم ينزلون شنطتهآ
شوق تلبس عبايتهآ وقاطعهآ فهد : وين وين ؟
شوق ببراءه : بروح معآكم لازم اودعهآ
فهد بأعتراض : لا ناسيه أنك تعبانه
شوق كشرت : بغير جو .. خلنآ نوصل هنآدي وبعدين نروح نتمشى حبيبي وربي مليت من الجلس هنآ .. الله يخليك وآفق
ابتسم لهآ : دآم تبين كذآ ماراح يصير الا اللي تبين كم شوآقة عندي
شوق ضحكت بخجل ورآحت على التسريحه كحلت عيونهآ وحطت روج ولبست عبايتهآ ونآدت هنآدي ... ونزلوآ لمكآن السياره
هنآدي كآنت متضايقه مره حاله قريبه للانفجآر لكنهآ متحمله حتى ما تخرب على شوق وفهد وتقولهم عن نجآسه باسل وحقارته ... لاحظت شوق على هنآدي الضيقه لفت يدهآ على كتفهآ
شوق : هنوده ايش فيك متضايقه ؟.. قلبي يقول في شي
هنآدي : مافي الا كل خير بس خلاص كآرهت الرياض ماتخيلت انهآ كذا ممله
شوق عقدت حوآجبهآ : بالعكس حلوه وتهبل
هنآدي : انتي متعوده عليهآ لكن أنا برى المدينه مقدر اعيش ... ما اعرف احد ولا اتكلم مع أحد طقت روحي عندكم
شوق ابتسمت : ياعمري انتي " باستهآ على خدهآ " بس ماتوصل الي انك تتضايقي مره
هنآدي ضمت شوق : أحبك يالخبله
شوق شهقت : خبله هآآآه .. هين يالدوبه
هنآدي تبعد عنهآ : حدك عآد لاتجرحين شعوري
شوق ضحكت : هههههههههه فديتك أنتي وشعورك ياقلبي .. سمعت نحنحت فهد وتغطت هنآدي على طول
فهد : جآهزين الحلوين
شوق : ايه جآهزين .. بس خلنآ نلحق عالمطار والا هنآدي بيطق فيهآ عرق
فهد يركب سيآرته وهو يضحك .. وركبوآ من بعده .. ومشى بسرعه عشان يوصل قبل الرحله بمده بسيطه


من بعد مزح و لعب أهو صار حبك صحيح
أصبحت مغرم عيون و أمسيت و قلبي طريح
و اخجل إذا جات عيني صدفه ف عينك و اصير
مربوك و حاير ف أمري من فرحي أبغى اطير


توحشني و إنته بجنبي و اشتاق لك لو تغيب
و احسد عليك حتى نفسي و اخشى يمسك غريب
و اخجل إذا جات عيني صدفه ف عينك و اصير
مربوك و حاير ف أمري من فرحي أبغى اطير


و انا الذي كنت أهرج و الكل من حولي سكوت
قد صرت أتلام و اسكت و أحسب حساب كل صوت
و اخجل إذا جات عيني صدفه ف عينك و اصير
مربوك و حاير ف أمري من فرحي أبغى اطير


و الله يا أحلى عمري في عيوني مالك مثيل
تساري الروح و تغلى و تكون عنها بديل
و اخجل إذا جات عيني صدفه ف عينك و اصير
مربوك و حاير ف أمري من فرحي أبغى اطير
الكل كآن يرقص ومبسوطين بجمعتهم .. أنتبهت ريمآس لشهد الي جآلسه بعيد عنهم .. وقفت عن الرقص ومشت خطوتين متجهه لشهد لكن مسكتهآ كوثر
كوثر : وين رآيحه ؟!
ريمآس استغربت تطفلهآ بالسؤال : بشوف شهد بخليهآ ترقص معي
كوثر ميلت فمهآ : أنا ارقص معك أحب هذي الاغنيه
ريمآس : بس بكلمهآ كمآن
كوثر لفت وشافت شهد سرحآنه وماهي يم الزوآج والرقص : شكلها رايحه بعالم ثاني خليهآ بحالها وتعالي نرقص ... سحبت ريمآس اللي انصدمت بكلامهآ وحركآتهآ كأنهآ مقهوره من شهد .. ودخلوآ الكوشه يرقصون .. كآنت رغد مبسوطه ومتحمسه وترقص بحمآس ومعهآ سحر وعبير
اما ريماس جآملة كوثر وبعد ما أنتهت الأغنيه رآحت بسرعه لشهد اللي باين عليها الضيق والزعل لكنهآ تحاول تخفيه عن الجميع حطت يدها على كتف شهد وبعدت خصل شعرها اللي مجعدته بعشوآئيه .. رفعت عيونها لها وابتسمت بشفافيه ورضاء ... عدلت لها الورده الصغيره اللي على جنب
ريماس : مالو القمر زعلان
شهد : بالعكس فرحانه لفتونه
ريماس تجلس على الكرسي وتأخذ قطعة شوكلاته : امممم علينا ياقميل .. اعترفي ايش اللي مضايقك ومنكد عليك
شهد : والله ولا شي
ريماس رفعت حواجبها كانها مفجوعه : لاتحلفين شهوده لاتحلفين ... بس قولي مابي اقول ونفهمها
شهد ابتسمت : طيب بس اقدر اقول شوية مشآكل
ريماس : لاتعكري مزآجك انبسطي اليوم وكل مشكله لها حل
شهد تنهدت : ان شاء الله
ريماس توقف : امشي نروح لفاتن بالغرفه تلاقيها خايفه ومرعوبه
شهد وقفت ومشوآ بالممر ... كانت تسولف مع ريماس عن رأيها بفاتن وايش عجبهآ فيهآ ..لكنها سمعت صوت ورآهآ لفت وشافت حرمه كبيره بعمرها شوي وعلى وجهها ابتسامه
الحرمه : السلام عليكم
ريماس وشهد : وعليكم السلام
الحرمه : ممكن اعرف اسمائكم
ريماس : انا ريماس
شهد : وانا شهد
الحرمه : عاشت الاسامي
ريماس وشهد : تسلمي
الحرمه ركزت على شهد وكان واضح اهتمامها فيها : حبيبتي انتي مخطوبه
شهد عقدت حوآجبهآ بأستغراب : لا متزوجـــه
سكتت الحرمه وبعدها قالت : الله يوفقك يابنتي ويستر عليك
شهد : تسلمي ياخالتي .. ضغطت على يد ريماس اللي فهمتها على طول
ريماس : نستاذن
الحرمه : تفضلوا ... بعدوآ عنهآ وكآنوآ ماسكين نفسهم عن الضحك
ريماس : هههههههههههههه آآآه بطني
شهد : اكره ذي الحركه ما اطيقها
ريماس : اقول دآمك زعلآنه من زوجك روحي قولي زوجيني ولدك واقهريه هههههههه
شهد كشرت : لا ياشيخه بعيوني مافي احد مثل يوسف
ريماس : اجل انطقي لما زوجك يرضى عليك " ومدت لسانها "
شهد تدفها : على الغرفه بس ولا تكثري هرج
بالكوشه
رغد : وين ريماس النذله ؟
سحر : شفتها راحت مع شهد اكيد عند فاتن
عبير : اقول رغيد لاتلحقيهم شهد راح تعطيك نشرة الاخبار مع ادق التفاصيل قومي ارقصي
رغد بتعب : وربي تعبت رجولي تقول ارحميني
سمر تسحبها : بلا بياخه قومي نرقص خلينا ننطرب الليله
رغد توقف بدون حيله : امرك انسه سمر
وصاروآ يرقصون ويهيصون على الاخير
:::

[taman]

بآلمطآر
كانوآ ينتظرون الرحله لان مابقى الا اقل من ربع ساعه على موعد الأقلاع
هنادي : سامحوني ثقلت عليكم وتعبتكم
شوق : تعبك راحه حبيبي
فهد : افا عليك ياهنادي ويش هالكلام ... والله انبسطنا بجيتك
هنادي : اكيد تنبسطون اصلا تحصلون وحده زيي
شوق تقرصها : بلا غرور بليزز
هنادي : آآآي طيب بس لاتقرصين
فهد ضحك : يالله روحي وانتبهي لنفسك زين وكلمي اختك اذا وصلتي المدينه
هنادي تضم شوق وتبوسها : اكيد بكلمها .. بس انت حط بالك عليها زين وزورونا بالمدينه
شوق وفهد : ان شاء الله
هنادي : مع السلامه
شوق : في أمــآن الله ياقلبي .. راقبتها بعيونها الى ان غابت عن نظرها حست باقتراب دمعتها لكن فهد اخذها بسرعه بدون ماتحس
فهد : مانبي دموع وحزن خلينا نروح نتمشى .. بس قولي اول وين تبين نروح
شوق تفكر : على ذوقك
فهد باعتراض : لا على ذوقك انتي .. اختاري اي مكان خاطرك تروحين
شوق : اممممم اول شي نروح مطعم نفسي بأسكريم بالفانيلا والمكسرات وعليه شوية توفي و...
فهد : بس بس الحين نروح وبالمطعم اطلبي اللي تبين تفداك مطاعم الرياض كلها
ركبوآ السياره وقالت له : طيب بعد ما نطلع من المطعم وين نروح
فهد : مدري مافي مكان معين ببالي
شوق : ياربي وديني مكان استانس فيه ابي انسى كل اللي ببالي
فهد : ابشري بس خليني افكر في مكان يليق بأثنين عايشين أحلى قصة حب
حمرت خدودهآ وضربته بخفه على يدها : وجــــع
فهد رفع حاجبه وطالعه بنظراته الحاده : ليش وجع .. هذا جزآي ياعبله
شوق : اسكت بس ياعنتر
فهد : ههههههههههههآآآآآآآآي حلووووه بس لاتعيدينها
شوق لفت عليه : تصدق احيان احس فيك شي طفولي
فهد استغرب من كلمتها : طفولي ؟!
شوق : ايه بس انت ماتلاحظ نفسك "سكتت شوي وبعدها قالت " فهد في خاطري شي ودي اقوله لك بس خايه تفهمني غلط او تعصب علي
فهد : لا قلبي مستحيل اعصب بس قولي
شوق بتردد : أحــمــد
فهد بحده قال : الله ياخذه ويش فيه بعد هالوآطي ؟
شوق طلعت جوالها ومدته لفهد اللي قرأ المسج وبدت معالم العصبه تترسم على وجهه : الحقير أبــن ...
بدت تحكيه عن اتصالاته وكلامه لهآ وتهديدآته وهو مستمع بأنصآت لهآ
بآلطياره
دورت على رقم مقعدهآ وبمساعده من المضيفه حصلت المقعد جلست فيه وتحس برآحه سكنت قلبهآ الصغير بدت تقرأ بعض الأيآت القرآنيه والأدعيه خصوصا انهآ أول مره تركب طيآره وبدون مايكون احد من اهلها معهآ ... حست بأحد وآقف جنبهآ وجلس في المقعد اللي جنبهآ لفت وانصدمت لمآ شآفته بدت ترتجف من الخوف
هنادي ( ياربي ليش هالموآقف تصير معي ... ليه الصدف تجمعنآ الله يستر والله هالمره ماراح يتركني ... آآآه ويش هاليوم الثقيل بدينآهآ بباسل الكلب والحين هو ... ويش اسوي بنفسي أنآ ويـــــــــــــش !!!)
أخذ المجله اللي قدامه حتى يتسلى فيهآ على ما يحين موقع الأقلآع .. لف وشاف البنت اللي جالسه جنبه وباين عليها الخوف والارتجآف .. دقق بهيئتهآ أكثر
قال بصوت ممزوج بالدهشه : هنآآآآدي
هنآدي لفت على الشباك وقالت : أوووف ورآي ورآي ماتمل أنت
ماجد : ربي هو اللي يجمعنآ لو علي مايشرفني ان الصدف تجمعني بوحده مثلك
ولعت من كلمته حست ببرآكين غضبهآ تثور من جديد عليهآ ... خمدت لساعات بسيطه من بعد حركآت باسل معهآ والحين ماجد يستفزهآ .. تعوذت من الشيطآن وسألت ربهآ انه يعينهآ ويكون سندهآ في حال ضيقتهآ .. ويحميهآ من شر شيآطين الأنــس .. طنشته ولا ردت عليه
( أعزائنآ المسافرون نرجوآ منكم ربط الآحزمه تأهبآ للأقلاع ... وشكرآ )
الكل بدأ يتجهز ... وأقلعت طآئرتنآ متجه الي مدينة الرسول صلى الله عليه وسلم
بعــد نص سآعــه .." في الجو"
شآفت الريآض وقت الليل وأعجبهآ منظر الآنآره وصغر المكآن وبعدهم عن الآرض
ذكرت الله سبحانه رحيم ويرحم اللي مـــــــات
خلق آدم ومن طين نفخ والــــــروح محييها
هجرت الناس ولحالي أخـآوي ليلي بحسرات
أراجع ذكريات الأمس مضى لي وقـــــــــت آخاويها
أبكسر لك من ضلوعي قلم وأرسم لك اللوعات
وعلى جرحي ابكتب لك عن الدنيا وامانيها
رجيت الشمس في لحظة غروب وطالت الساعات
وانا كني دقايقها واســافر فـي ثوانيــــها
مشاعر في بحر هايــج يتيمه من طرف أموات
وبحور العشق مهجوره من يحــــدد شـــواطيــــها
مشيت وخطوتي ترسم شعور وصورة الهقوات
مدينة صمت والشارع محـــطة دم وابنــيها
مع الايام والصوره رسمــــت بريشــــة المــــأسآت
من ألوان العذاب أرسم إســــــم دنيا ومآسيها
سألت دروبها عني سؤال وفي الاجابه مات !!
سؤالي لو سأل ميت جـــوابه مـــات مــــــاشيها
أنا وحظي بنينا قصور رمال وصرحها ما فات
رياح وشالت أبوابه وخـــانت حـــلم بانيـــها
أنا إعرابي فعل ماضي لإسم غربه ألم وآهات
وأنا الحاضرواببني له مواجع كنت مخفيها
شربت من السكوت إحراج أجامل بأكثر الاوقات
ولقيت الناس طماعه وجزاة الطيب خافيها
سكوتي هو تسبب لي تحملت أنا الغلطات
أراجع واعتبر نفسي أنا الغلطان تاليها
أنا مسافر مع أيامي وارافق رحلة الساعات
وأبي صالة مطار اليأس أبجلس في كراسيها
أنا تجرحني الكلمه أفكر بأبسط الكلمات
وأسولف واشرح لنفسي واعاني قصتي فيها
دقيقه من عمر ساعه الى يوم عمر واوقات
من ايامي كشفت اني وقفت وقمت أقهويها
خـلاص ابسكن في مدينـة صمـت وأكمل هالعمر بسكـآت
نهاية قصتي وادري مصير المــوت يمحـــيهآ
بالزوآآج
مشت رغد بتروح لفاتن بالغرفه تشوفهآ قبل يدخل تركي عندهآ ... طلعت من مكآن القاعه وفي صالة الأستقبال وقفت عند المرايا تشوف نفسهآ ... لفت بتكمل طريقهآ وتفاجئت لمآ شافت نوره أخت عبدالله ومعهآ بنت خمنت عمرهآ 25 ومعهآ طفل نفس اللي شافته مع عبدالله في السوبر مآركت .. وقفت مصعوقه بمكآنهآ
رغد ( كيف مآ أنتبهت لنوره " رد صوت بداخلها " كيف بتنتبهين وانتي طول وقتك بالكوشه )
قربت نوره وهي تلاعب الولد الصغير رفعت راسهآ تبي تكمل طريقهآ وتغيرت ملامحهآ لما شافت رغد وآقفه قبآلهآ ..
...: نوره ايش فيك خلينآ نمشي
نوره حست بنفسهآ : هآه يآلله طيب .. مرت من عند رغد وتحس بعيون رغد مركزه عليهآ
نوره : اقول امل انتي اسبقيني بكلم صديقتي واجي
أمل : طيب يالله حمودي نمشي .. ورآحت
رجعت نوره وشافت رغد مشت ومعطيتهآ ظهرها
نوره : رغـــــــــــد لحظة ... مشت بسرعه ووقفت قبالها
رغد بدون ماتطلعها : أمري بغيتي شي ؟!
نوره ماتدري ايش تقول لهآ : أنــآ ..
رغد طلت فيهآ : أنتي ايش ؟
نوره : بسئلك كيفك ايش مسويه بحياتك ؟
رغد ابتسمت ابتسامه باهته مجامله لها : اخباري تسرك حبيبتي .. عايشه حيآتي بسعاده
نوره حست انها تقولها مو من قلبها : ان شاء الله دوم يارب السعاده
رغد : مين اللي كآنت معك ؟!

نوره نزلت راسها : زوجة عبدالله
رغد : مشاء الله حلوه .. يتهنى يارب
نوره : تسلمين من ذوقك ... انتي ما أنخطبتي ؟!
رغد : لا ... بكمل دراستي
نوره بتغير الموضوع : ايش جايبك هنآ ؟!
رغد : زوآج صديقتي
نوره : أهـــآآ .. فاتن تصير صديقتك
رغد : ايه ... تعرفيهآ انتي ؟
نوره : لا بس تركي يصير ولد خالتي
رغد استغربت أو بالاصح انصدمت : ولد خالتك ؟!
نوره : ايه ايش بك تفاجئتي ... ماتوقعت اشوفك هنآ ابدآ
رغد : حتى انا اخر شي اتوقعه اني اشوفك هنآ
نوره : ربي يحبنا عشان كذآ يجمعنا مع بعض
رغد ابتسمت وبدت عيونهآ تلمع : ماعليش مضطره اروح تأمرين بشي
نوره : سلامتك .. اشوفك على خير
رغد : اذا ربي أرآد... باي .. رآحت وتركتهآ مشت بسرعه لغرفة فاتن وقفت عند الباب وتحس قلبهآ بيطلع من بين ضلوعهآ من قوة نبضآتهآ ... زآدت سرعة تنفسهآ وحست بحراره بعيونهآ وتجمعت الدموع بعينهآ لكنهى حاربتهآ عشان ماتنزل ... لكن ماتقدر تنسآه هو الأنسان اللي حبته بأخلاص ومن قلبهآ ... مآ أستوعبت الى الان انه يكذب عليهآ والامر من هذآ ماتعرف الأسباب اللي خلته يتزوج غيرهآ ويتركهآ تعيش بوهم كذبة المتقنه ..تذكرت بعض ابيآت رددتهآ بنفسهآ
لاتثور ..!
أنتبه باقي شعور
وباقي بصوتي كدر
وباقي بليل الصباح
اوجاع واشلاء وكسور ..!
آآآه ياكثرالغياب
وما أقلك يالحضور ..
آآآه لو تدري وتدري
كم عروق تموت لجلك .. ؟
وكم عروق تعيش حلم
وتسقي الميت شعور !


فتحت الباب ودخلت وابتسمت حتى ماتبين شي
رغد : كيف حال عروستنآ
فاتن بخوف : وربي خايفه يارغد .. بموت من الخوف ...احس قلبي بيوقف توه كلمني قال ربع ساعه وبيدخل هنآ وجاتني بنت خالته سلمت علي
رغد : اللي اسمهآ نوره ؟
فاتن تجلس على الكرسي : ايوه ... تعالي شوفي في حآجه ناقصه والا خربانه الظاهر الميك أب ساح من التوتر اللي فيني
رغد وقفت قبالها : بسم الهل مشاء الله ملاك .. قمر 14 تهبلين
فاتن : خذي شي هوي عليا ميته حر
رغد رفعت حوآجبها : الغرفة زي الثلج .. والله منتي صاحيه
فاتن : اقولك ميته حرررر بموت حر أنا
رغد تدور شي عشان تهوي عليهآ ... دخلوآ شهد وريمآس ومعآهم كوثر
كوثر : الف مبروك فتونه ..منه المال ومنك العيال
فاتن انحرجت : الله يبارك فيك عقبالك
ريماس : ان شاء الله جآهزه مابقى شي على دخول المعزب
شهد تدقهآ : قولي عريس ايش معزب
كوثر : لا أحسن المعرس
رغد : أقول انتي وهي بلا هرج فاضي ... وصبوآ لها شي بارد تشربه حرام ميته حر
ريمآس تأشر على عيونهآ : من عيوني كم فتو عندنآ .. الحين نجيب لها أطلق عصير في المدينه كلهآ
شهد جلست على الكرسي : قولي الأذكار فاتن قبل الزفه زي ما أتفقنآ
فاتن : ان شاء الله
كوثر حست انهآ ماهي طايقتهم وأستأذنت وطلعت برى خآصة لما تتذكر انهم اخوات ريم


:::
:::
بالمطعم
شوق : الحمدلله .. تسلم فهودي تعبتك
فهد يتكي على الطاوله ويرفع يدهى لمستوى شفايفه ويبوسهآ : تعبك رآحه ... أهم شي شوآقتي مبسوطــه
أكتست خدودهآ بالحمره وابتسمت بخجل : دآمك معي أنآ دوم مبسوطه
فهد : الله يديم هالمحبه بيننآ
شوق :اميــــن الله يسمع منك .. ويش رايك نطلع من هنآ
فهد : اوك يالله حبيبتي ... لبست نقابهآ وقفآزآت اليدين وأخذت شنطتهآ ومشت معه متجهين لسيارتهم ... شآف محل جنب المطعم
فهد : اركبي الحين أجيك ؟.. مانقشته بحرف وركبت السياره تنتظره
كآن المحل محل ورد ... طلبه يسوي له بآقة ورد فخمه من الجوري الأحمر والابيض ونآزل منهآ شرآئط سآتآن حمراء .. مشى للسياره وهي مستغربه منه .. دخل وسكر الباب انتظرته يتكلم
لكنه أكتفى بأنه مدهآ بدون اي كلمه وشغل شعر أهدآء منه لهآ

ألا يا شوق زاد الشوق .. ومثلي زايدٍ شوقـه


يشق الشوق صدره ما يتوب ودايما يشتـاق

يعاني { لوعة العشّاق } ويبان الشوق بعروقه


عسى الله يجبر اشواقٍ تعاني في حشا العشّاق

أنا داخل على الله يا [ غلاه ] الروح مسروقه


سرقها شوقي لشوقٍ ذبحني بوجـده الحـراق

رماني برمشه الساحر ..وقلبي ابتدى عوقـه


سرقني وصرت مجنونه ودمعي بسبته دفـاق

فديته عشقي الوردي ..أموت بحسنه وذوقـه


فديته يوم يسرقني .. حلاله دامـه السـرّاق

تملكني أنا كلـي .. غـلاي وكلـي حقوقـه


أبيه وغيره يولي .. وبلاه الكون مـا ينطـاق

حبيبي وعشقي الغالي .. أبيع الروح في سوقه


وعلى عهد الوفا له باختم بنبضي علي ميثاق

أبيه ولو يلوموني .. غريق وغايتـي طوقـه


ولا باهتم لـو قالـوا معاهـا دايمـا منسـاق

ماهوب ذنبي إذا باضعف وباقي الناس محروقه


جماله أبدعه ربي .. وكل زين بوصوفـه لاق

عليه النفس مشتاقه .. حرام النـوم ماذوقـه


أنا احبه حقيقه ماهيب قصـه علـى الأوراق



وقتهآ حست أنهآ ماتقدر تعيش بدونه .. وحسمت قرآرهآ النهائي .. وأكتفت بأنهآ تلتزم الصمت لأنهآ لو بتتكلم وتشرح له شعورهآ ما توفيه أبد

[taman]

:::
ببيت سيف
كآنت جالسه لحآلهآ كالعآده تنتظر وصوله للبيت وهي ميته من خوفهآ عليه .. سمعت صوت الباب واخذت نفس طويل .. كآنت بأبهآ حله تقابله فيهآ .. دخل ورمى نفسه على الكنب
سيف : سلآم
ريم : وعليكم السلام ... كيفك حبيبي ؟!
سيف بتأفف : بخيرررر
تحطمت لما قابلهآ بهذي النبره الحاده : أحط لك العشاء
سيف : لا تعشيت مع خوياي
ضعفت أكثر وحست بالانكسار : بس أنآ انتظرك من بعد العشاء .. عشان نتعشى مع بعض
سيف عصب : قلت لك تعشيت غصب يعني اتعشى معك
ريم شوي وتبكي : انت ايش فيك علي ...تطلع من أول ماتصحى وتآركني لحالي ولا سائل فيني .. والحين جاي تصرخ عليا
سيف : راجعي كلامك وتعرفين ليه أصارخ عليك ؟
ريم : عشان قلت ابيك تتعشى معي تعصب كل هالتعصيب
سيف بحده : شكلك مو نآويه على خير
ريم نزلت دموعهآ وبدت تبكي : انت ايش صاير لك .. مو سيف اللي اعرفه انت وآحد ثاني .. وين سيف اللي كآن يقولي احبك .. وما اقدر اعيش بلآكِ .. كل كلامك طلع كذب وخدآع ... فاكر ايام الخطوبه كنت توعدني باشياء واشياء لكن أنصدمت بوآقعي المر معك ... طلعت كذآآآب محترف
سيف وقف وعصب عليهآ : أنــآ كذآب
ريم : وين وعودك لي .. والا رآحت أدرآج الرياح
قرب منهى وشدهآ مع يدهآ ووقفهآ قباله :هذآ أنا بتعيشين معي أهلا وسهلآ ماتبين .. مع السلآمــه
ريم شهقت وصارت تبكي بهستريا : أكيد انجنيت ...
سيف رمآهآ على الكنبه : ريم أتقي شري وخلي الليله تعدي على خير
ريم : أصلا احنآ زوآجنآ بس على ورق ... انت ماعمرك بيوم كنت زوج
طالعهآ بنظرآت شرآنيه ومسكهآ مع اكتافهآ بقوه : أيش قلتي ..
ريم بقوه وتحاول تبعده عنهآ: اللي سمعت ... من تزوجنآ ويش كنت تسوي هآه .. تنام بغرفه وانا بغرفه وحياتنا كلهآ مشآكل بس انا راضيه ومتحمله عشاني أحبك واموت فيك .. وراح استنى سنين بس ترجع سيف اللي كان قبل .. مو سيف البارد اللي قدآمي الحين
صار يتنفس بسرعه وبعدهآ عنه وكأن انفاسه بدت تضييق .. وبدأ يدوخ ويفقد وعيه .. خفت رؤيته وكأن السراب بينه وبينهآ ... وحراره فظيعه سرت بجسمه .. حاول يتمسك باي شي حوله لكنه فقد وعيــــه وطآآآح على الأرض
ريــم : سيـــــــــــــــــــــــ ـــــــف
**
**

[taman]

البآرت الرابع والثلاثون


أمدٍآكْ نزٍفهْ لكنْ .. آدٍوٍآهْ مآ أمدآكْ

عليٍّ كم جآرٍ آلزٍمآنْ وٍطعنيٍ
أسمع صدٍىٍ صوٍتْ آلمعآليق تنخآكْ

وٍينْ أنتْ .؟ يآلليٍ كل مآ غبتْ كنيٍ
وٍآقف علىٍ بآب آلأمل .. وٍأتحرٍآكْ

ليتكْ تعرٍف تخوٍنْ .. وٍأقوٍلْ : ..[ خنيٍ ]..
علىٍ آلأقلْ آلقىٍ سبب .. وٍأتناسآكْ

وٍليتْ آلزٍمنٍ ف محبتكْ .. مآ خذٍلنيٍ
وليتْ آلهجرٍ منْ طيب خآطرٍكْ .. وٍرٍضآكْ

لوٍ أنْ قرٍبكْ وٍآلوٍصلْ .. بآلتمنيٍ
ما غبت عن عيني كثر ما اتمناك

خآيف يطوٍلْ آلبعدٍ ..[ وٍتسج منيٍ ]..
[.. وٍيآخذٍ مكآنكْ ..] شخص .. مآهوٍب يسوٍآكْ

وٍش عآدٍ أسوٍي يوٍمكْ أقفيتْ عنيٍ .؟
لآ أنآ أتبعٍ آلمقفيٍ .. وٍلآ أحب فرٍقآكْ ..!!!

بآلمطآر كآنت الساعه 2 ..وتوهآ وصلت من الرياض .. طلعت للموآقف تنتظر جلالي اللي اتصلت عليه اول ما نزلت من الطياره .. انتظرت ربع سآعه بعدهآ سمعت صوت ورآهآ
ماجد : تنتظرين مين ؟!
هنآدي بدون ماتلف عليه طنشته ولا ردت على سؤاله ..
مآجد : قلت تنتظرين مين ؟!
هنآدي : شي مآيخصك
مآجد يعآندهآ وبيزيد قهرها: الا يخصني ونص
هنآدي : لاتكون ولي أمري وانآ خبر خير
مآجد يرفع عيونه ويحك راسه : والله أتوقع انه كذآ
هنآدي صرت على اسنآنهآ وهي مغتآظه منه مره نفسهآ تقتله وترتاح منه ومن لقافته
مآجد : اقول امشي اوصلك بيتكم
هنآدي طلت فيه بنظرآت استحقآر وكره : أيش قلت ؟
مآجد : قلت امشي أوصلك
هنآدي كتفت يديهآ ورفعت حآجبهآ : عندك ثقه عميآء بنفسك .. بكل وقاحه وجراءه تقولي أوصلك ..وين عقلك أنت ؟!
مآجد : عقلي باقي مآطار .. بس شكلك نآويه تجيبين لنفسك مصيبه .. المكآن قليل الناس فيه ممكن اي احد يجي ويخطفك
هنآدي بأستهتار : يالله خآيف علي .. سبحآن الله طيبتك فجأه طلعت .. يالله روح عن وجهي
مآجد انقهر ومسك يدهآ بقوه : اقولك امشي قدآمي بلا عبط
هنآدي تفك يدهآ منه بقوه : هيه من تحسب نفسسك ... وربي لآ أجمع الناس عليك
مآجد بتحدي : أتحدآك تسوينهآ .. أصلا ماعندك القوه اللي تخليك تسوينهآ
هنآدي ولعت من القهر وبدأ الغضب يسيطر عليها : صدق انك وقــح وأنسآن جدآ سافل
مآجد يسحبهآ : أقولك أمشي يالله قدآمي
صرخت عليه : أتركني بلا يبليك
مآجد عصب منهآ وقال بنبره حآده : اتقي شري ياهنآدي
هنآدي تبعد عنه وتأخذ الشنطه معهآ : وبعدين معك أنت .. اتركني ..يآنآس يآ عآلم تعآلوآ شوفوه بيأخذني غصب عني ...
جوآ رجآل كثير ومعهم من أمن المطآر
...: خير يأختي ويش صاير
مآجد : مآصاير الا كل خير
الأمن : امش انت معنآ تتحرش ببنآت خلق الله ... طالع مآجد هنآدي بنظره حآرقه
مآجد بقوه : ويش أتحرش .. هذي زوجتي وبنت عمي
...: صحيح هو زوجك ... مآدرت هنآدي اللي متفاجئه من كلمته
مآجد سحبهآ بقوه : امشي فشلتينآ عند النآس .. دفهآ قدآمه وهي مو مستوعبه اللي صار
بعدوآ عن الكل وصاروآ بمكآن شبه خالي
هنآدي حست على نفسهآ وعصبت : كيف تتجرأ وتقول لهم كذآ ... ماعندك دم انت
مآجد بحقد : أنتي اللي اجبرتيني لو أنك عاقله كآن وآفقتي من البدآيه
شآفت سياره جلالي وتفلت عليه ورآحت للسياره بسرعه وهي مقهوره منه على الاخير ودمهآ يفور دآخل عروقهآ من وقاحته معهآ

:::
:::
ببيت سيف
صحى من بعد طيحته ... حس بحراره تسري بجسمه و تعبان .. فتح عيونه وشآفه جنبه تعمل له كمآدآت بارده تخفف حرآرة جسمه شوي .. بعد يدهآ عنه بقوه وقال بتأفف
سيف : ايش صآر ؟
ريم زعلت من حركته لهآ : أغمى عليك
سيف يجلس بعيد عنهآ : قلتي أغمى عليآ ...
ريم ( يارب صبرني على هالحاله والله بديت أمل منك ياسيف مآصارت كل يوم مشآكل أو تطنشني وتسأل عليآ أحسن شي اسويه أطلع عن الغرفه ): اذا بغيت شي انا بالصاله
طلعت وتركته بالغرفه لحاله يمكن يهدآ ويرتآح
سيف ( ويش فيك ياسيف منت طآيقهآ ولا طايق وجودهآ معك ... دآيم تتهرب منهآ وماتبي تقابلهآ كأنك كرهتهآ ... آآآه بس رحمتك يارب ) تذكر كلامهآ قبل يغمى عليه
طلعت كذآآآب محترف
وين سيف اللي كآن يقولي احبك .. وما اقدر اعيش بلآكِ
سيف : يارب لطفك ورحمتك يارب
تردد يطلع لهآ او ينآم ويطنشهآ .. بعد تفكير دآم ساعه طلع لهآ بالصاله وجلس بعيد عنهآ شآف اثر الدموع بوجههآ وعيونهآ حمراء ومنتفخه بآين انهآ كآنت تبكي ..
سيف : زعلتي مني ؟!
ريم كآنت تتفرج على التلفزيون ومالفت عليه : وتسأل بعد
سيف بحده : لاتجاوبي على السؤال بسؤال
ريم : ماعندي لك جوآب
سيف : ايش بك اليوم انتي من جيت وأنتي قالبه خلقتك علي .. والحين تبكين كأني أنآ الغلطآن
ريم لفت عليه معصبه : غلطآن وستين غلطآن
سيف عقد حوآجبه وابتسم بسخريه : وآثقه بعد اني الغلطان
ريم بقلة صبر : ماتشوف تصرفاتك معي كأني عدوتك مو زوجتك .. أذا ماتبيني لا تفكر اني ميته عليك ... ترى عندي أهل يغنوني عنك
وقف وعيونه يطلع منها الشرار : أنتي طآلق
ريم وقفت مصدومه : أيـــــش
سيف صرخ عليهآ : طآآآآآلــــــق ..جريت على غرفتهآ وهي تبكي .. أتصلت على جلالي عشآن يجي يأخذهآ من البيت
:::
:::

بآلسيآره
هنآدي : مين اللي أتصل
جلالي: هذي ريم في وآجد ابكي
هنآدي بخوف : روح لهآ بسرعه يالله .. وأتجهوآ بأقصى سرعه لبيت ريم أنتظروهآ دقائق معدوده ونزلت لهم أول ماركبت كآنت تشهق من البكاء
هنآدي بخوف : ريومه ليه تبكين ؟!
ريم تمسح دموعها : متى جيتي من الرياض ؟
هنآدي : توي جيت ... قولي ايش فيك تبكين ؟
ريم رجعت تبكي أكثر : ســيــف
هنآدي : ايش فيه ؟!
ريم شهقت وبعدهآ قالت : طـ...ــلــ..ــقــ...ــنــــي
هنآدي كأن أحد صفعهآ كف على وجههآ ماقدرت تتحمل أكثر هي كبت نفسهآ اليوم الى حد الأنفجآر كثرت صدمآتهـآ وفجرت دموعهآ ريم .. ضمت ريم وشآركتهآ بكآهآ وشهقآتهآ
وصلوآ على البيت قبل مايجون اخوآتهم من الزوآج

الساعه 3 أنتهى الزوآج ووصلوآ فاتن لتركي وشآلوآ بقية اغراضهآ ..واصبحت القاعه فاضيه الا من رغد وأخوآتهآ واهل عبدالله ..
سمر : ترى شلت كيس بروح لسياره ابو اتصل يقول جلالي وصل يالله بسرعه
رغد وشهد : بس نلبس العبايات ونجيكم
ام عبدالله : نشوفكم على خير
شهد طلت برغد اللي لفت عنها ولبست العبايه كأنهآ تتهرب من شوفتهآ : على خير ياخالتي والف مبروك لانوصيكم على فاتن
ام عبدالله : الله يبارك فيك يابنتي وفاتن ان شاء الله تركي بيسعدهآ
شهد وسحر : يارب
نوره تودعهم : مع السلامه .. يالله يا مهند ..ومسكت يده ومشوآ
اما رغد لبست عبايتها تلثمت وطلعت بسرعه لانهآ تحس توآجدهم يربكها ويذكرهآ بذكريات تتعبهآ وتألمهآ .. دورت بعيونهآ على سيآرتهم وشافتهآ بعيده شوي .. مشت شوي وشافت كآمري 2008 سودآء .. ووقفت جنبهآ تـأشر لهم يقربون السياره شوي
مهند يجري : بآآآآآآبــــــآ
شآله وباسه على خده : انبسطة ياولد
مهند : أيوه
عبدالله : حلو الزوآج
مهند : مرآآآ حلو حتى أسئل مــآمــآ
عبدالله رجع باسه على خده : شآطر حبيبي يالله أركب السياره قبل ماما تجي .. فتح له الباب ودخل .. سكر الباب ورفع راسه وشآفهآ وآقفه تلاقت عينه بعينهآ ... شآفته وأبتدت قصة نزفهآ من أول وجديد ... شوفته تدمي قلبهآ المتنآسي جرحه الصعب ... عيونه تبوح بفرحته وسعآدته في حيآته حست ابنآنيته وحبه لنفسه أكثر منهآ ... لآمت نفسهآ وقلبهآ على حبه استحوذت عليهآ رغبتهآ الجآمحه في البكآء .. أصبحت في حرب دآخليه بينهآ وبين نفسه ماتبي عينهآ تدمع لشوفته ولا قلبهآ يحن لأيآم حبه المآضيه ... اقنعت قلبهآ وعقلهآ بهجره لهآ وكآن الشعور السآئد عليهآ قسوتهآ عليه وعلى مشآعرهآ التي تكنهآ له
فمّانْ آلَجَّرَحَ لآ والله فمّانْ أَحزانِيَ الكُبرَى
.فمّانْ أَغلى ثلآث سنِيَنْ مِت بها عشانْ آعِيشَّ

فمّانْ آلحبَ وَأحلآم القلوُب البيضَ وَ الخضرآ
.فمّانْ الآه ، منْ كِثر الزَعلّ وَ الشُوَقَ وَ التَطنِيشَّفمّانْ عَيُونْكَ ، إِلليَّ مالها بِيَنْ العَيَوٌنْ آّخرَىّ
فمّانْ غَروُركَ ، إِلليَّ علم الطاوُوسَ نْفَّشَ الرِيشَّ


أمــآ هو سرح فيهآ سرح بنظرتهآ التي أسرته الى عآلم جميل .. عآلم نسى طريقة الوصول له من بعد غيآبه عنهآ ... مآزال لحبهآ بقيه في قلبه .. مآزآل لهآ مكآنه وحيزآ لا يشغله سوآهآ كآنت بعيده كل البعد عنه .. مسآفآت وحوآجز تبعدهآ عنه ...كآنت من يتمنآهآ في يوم من الأيآم كل منهم تبوح عينآه بمآ في دآخله للأخر
مشت وطنشته ركبت السياره بسرعه وقربت من الشبآك حتى تشوفه
رغد ( يمكن تكون أخر مره أشوفك ... صرت ملك لغيري مو من حقك تطآلعني وتخونهآ )
جآت سحر وشهد
ابو مهآ : تأخرتوآ يابنتي
شهد : أسفين يايبه ... يالله ياجلالي روح البيت
وصلوآ بيتهم وكلهم تعبانين من الزوآج ... تفاجئوى لمآ شآفوآ هنآدي وريم في البيت
أبو مهآ : يبه هنآدي متى وصلتي ... جآت هنآدي وسلمته عليه وباست يده
هنآدي : قبل سآعه
ابو بحده : وكيف جيتي ومحد درى عنك ؟!
هنآدي : حبيت اسويهآ مفاجئه ... سلمت على البقيه وسط استغرابهم من جيتهآ
ابو مهآ جلس على الآرض وطلب سمر تجيب له مآء وعلاجه : وانتي ياريم ويش جايبك
نزلت دمعتهآ على خدهآ وأكتفت بالسكوت
ابو مهآ : خير يابنتي ويش اللي يبكيك ؟
ريم بكت وقالت من بين بكاها : طلقني
ابو مها بصدمه : طلقك ؟!!!
ريم تشهق : أيه طلقني ... متأكده انه مريض مو سيف الأول
شهد عصبت : كمآن تدافعين عنه خليه يولي ..
ابو مهآ : لاتزيدين النار حطب يابنتي
شهد بدت تدمع : يعني هم الرجال مفكرين اننآ بنموت من غيرهم كل يوم جايبين مشكله جديده
سحر جريت لريم وحضنتهآ : خلاص ياروحي لا تبكين .. وقفتهآ وأخذتهآ لغرفتهم
رغد مآعلقت على الموضوع ابدآ ورآحت غرفتهآ ومعهآ مشاري .. ولحقتهآ شهد اللي متمالكه نفسهآ لا تبكي
رغد تقفل باب الغرفه وتبدل فستآنهآ ورى الحآجز الخشبي : شفتي عبدالله ؟
شهد تحاول تهدي نفسهآ وتغير لمشاري ملابسه : ايه شفته ... ايش جايبه للزواج
رغد : تركي يصير ولد خالته
شهد : ايوه عشان كذا جاي ... قهرني الزفت اللي اسمه سيف
رغد مشت للتسريحه وبدت تمشط شعرهآ : اكيد بينهم مشكله .. ماتلاحظي ان مشاكلكم كثيره
مسكين ابوي يلاقيهآ منك ووالا من ريم
شهد نزلت دموعهآ ومشاري كآن يلعب بالسلسال اللي في صدرهآ : يوسف ما أتصل ولآ سأل عني ... مايدري اذا انا حيه والا ميته
رغد لفت عليها وبيدهآ كريم مدته لها : مسحي الميك أب ولا تفكري فيه .. مصيره يرجع
شهد : بس أنآ أحبه وفاقده حيل ... ماتتخيلي الثلاث الايام اللي فاتت كيف مرت عليا
رغد جلست على السرير : الحب عذآب .. روحي نزلي الفستآن انا بطلع اشوف ريم والبنات

بغرفة ريم وسحر
سحر : خلاص ريومه هدي اعصابك مايصير اللي تسويه
ريم تصرخ عليهآ : انتي عارفه ايش معنى طلقني ؟!.. يعني يمكن مانرجع لبعض
سحر : بسم الله عليك ريومه ايش حصل لك ... اكيد بيحس بغلطه ويرجع لك هو تسرع ذابقراره
ريم تدفن راسه بصدر سحر : والله ما سويت له هو من فتره بس معصب مو طآيق احد وبس ينفخ عليآ
هنآدي تغطي راسهآ بالمخده : آآآآآه يآزين سريري زينآآآه ... أشتقت له مووت ما اعرف انآم بدونه
سمر : الناس بوآدي وهذي بوآدي ثآني
بعدت المخده عن وجههآ : بلاك ماجربتي تجلسين أسوبع برى المدينه وربي وربي وربي رآح تروحين فوق الفيصليه وترمين نفسك ويكتبونك منتحررررره
سحر عقدت حوآجبها : ما استانستي هنآك
هنآدي : أستآنست ؟!... قولي ضقتي صار فيك اكتئاب مزمن ... حاله نفسيه اي شي من هالقابيل مو وناسه شفتوى لو معي وحده منكم ياوجيه العنز كآن يمكن انبسطت
سمر : لو سمحتي مافي عنز بالبيت هذآ غيرك
سحر وريم ضحكوآ على كلام سمر اللي قالته بنبرة حقد
هنادي ابتسمت : عشان ريومه ضحكت بسكت لك والا يكون علمتك من العنز
سحر : يسلموو سموره عشانك ضحكتي ريومه
سمر : جاملوني طيب حسسوني اني قويه
هنادي : بليز هدوءءء ... تصبحون على خير
الكل : وانتي من اهله
سمر : لو سمحتمو قفلو الانوار ورحوا بمكان ثاني سولفوا مع بعض
سحر : قومي ريوم نروح الصاله مافيني نوم
ريم : طيب يالله ... تصبحوا على خير
سمر : وانتي من اهله .. خذوا الباب في طريقكم

سكروآ الباب وطلعوآ من غرفه وكآنت رغد جايتهم
رغد : وين رايحين
ريم : بالصاله هنادي وسمر بيناموآ
رغد تعدل بلوزة البجامه : كويس بروح اسوي لي عصير واجيكم تبون ؟!
سحر : يس سوي لي ولريوم عشان تروق
رغد : اوكيشن
:::
:::

بآلرياض
بعد مآرجعوآ من المطعم دخلت غرفتهآ وهو أتجه لمكتبه يخلص بعض الأورآق ...بعد مآ أنتهى ناظر ساعته وكآنت الساعه 3 ... تنهد ورجع راسه لورى يفكر بكلام شوق عن أحمد وشكهآ برزآن انهآ هي اللي تساعده وتحرضه
فهد ( وبعدين هالعله ماراح يتركني بحآلي ... يعني لازم ادمره .. ورزآنوه على بالهآ ماني داري عن اللي تخطط له مع ابوهآ وأني افوتهآ لهآ بمزآجي .. كل شي الآ شوق يا أحمد ألآ شوق )
فتح درجه وشآف البوم الصور الخاص فيه وصار يقلبه ويتفرج على صوره اللي مآلتيه وصور أمه وجده بكل مكآن بالعالم ... ذكريآت وذكريآت مرت على باله بهذ اللحظة سكره بقوه ودخل الغرفه التابعه للمكتب وشآف اللوحآت اللي رسمهآ أتجه للوحه يحبهآ كثير فتح الشرشف الأبيض عنهآ اللي حآميه عن الغبار وشآف اللوحه اللي كآن رآيمهآ قبل يتزوج شوق بفتره بعد مآ حبسته بملحقهم
(( كآن رآسم وجه شوق وعيونهآ دآمعه وعلى خدهآ جرح ينزف وسكين طآيحه وطريق مظلم وفيه شمعه وحده ...وشخص طآيح على الرصيف ))
تنهد وغطى اللوحه وطلع من الغرفه
فهد ( آآآآآآآهـ ياشوق ليتك ماشفتي شي ولا اربكتي كيآني ... الله يسآمحك خليتيني صغير في عين نفسي ماحد قدر يعرف منهو فهد غيرك ... صرت اسهل لغز قدآمك )
طلع وشآف رزآن تمشي مع الدرج وتكلم الجوال تضحك
رزآن : هههههههه مغفله .. انا قلت من زمآن بس محد عبرني ... ههههههههههه تيب اوكِ بيننآ فون باي ..وكملت مشيهآ مع الدرج سمعت صوته ورآهآ ارجفهآ في مكآنهآ وارعبهآ خافت منه وخافت انه سمع شي من كلامهآ
فهد : بدري يامدآم " طل في سآعته".. تدرين كم الساعه ؟
رزآن لفت وابتسمت ببرود : حبي اهلي كآنوآ مجتمعين حرآم افوت جلسة زي كذآ
فهد : بس قايل لاتتأخرين وانتي تضربين كلام بعرض الحيط
رزآن : حبيبي ... ماتسوى انك تعلق على هذآ الشي وعد مني ماعاد اكررهآ .. بس اهم شي ماتزعل
فهد طلع الدرج : حصل خير .. مسكت يده وطلعت معه لحد مآوصلته عند جنآح شوق
رزآن : تصبح على خير حبيبي
فهد : وانتي من أهله .. دخل الغرفه وسكر الباب .. شافهآ نآيمه على السرير مشى بشويش حتى ما يزعجهآ وأنسدح جنبهآ .. النوم مجآفيه وتفكيره كله بكلامهآ
:::

[taman]

:::

أمـــآ عند يوسف
توه خلص شغله رجع للفندق وتذكر انه مقفل جوآله يوم كآمل... فتحه وحطه على الطاوله وأخذ له منشفه ودخل يأخذ شور يريحه بعد تعب الشغل وعنآه ... بعد ماطلع من الحمام وأنتم بكرآمه جلس على الكنبه واتصل على الرسبيشن يطلب له أكل .. أخذ الريموت وجلس يقلب بالقنوات يدور شي يسلي وحدته ... سمع صوت مسج وصله مد يده وأخذ جوآله وفتح عيونه على الأخير لما شاف عدد المسجآت اللي وصلت 14 مسج .. فتحهآ وكآنت كلهآ من خدمه موجود .. خمس مسجآت من عبدالله اللي كآن يتصل عليه وجوآله مغلق 3 مسجآت من جوال امه و4مسجات من غدير ومسج من الشغل وأخر مسج كآن من رقم شهد
أستغرب أنهآ أتصلت عليه شآف موعد اتصالهآ تردد يدق عليهآ أو مآيدق .. بعد تفكير طويل أتصل عليهآ ... أنتظر ردهآ بفارغ الصبر لكن خآب أمله وماردت عليه .. رمى جواله بعصبيه جنبه

في بيت ابو مهآ
البنآت : ههههههههههههههههههه
شهد : اووووش في نآس نايمين ماحسبت ميشو ينآم
رغد تعدل جلستهآ : نبي نضحك حرآآم نضحك ونغير جونآ شوي
شهد توقف : لا مو حرآم .. بروح المطبخ وامر الغرفه اشوف ميشو
سحر : بالله جيبي كآس مويه
شهد : طيب بس خفضوآ أصوآتكم شويه
رآحت للمطبخ وبعدهآ مرت على غرفتهآ شآفت أضآءة جوآلهآ قربت منه وشآف مكالمه من يوسف .... ظلت تنآظر الشاشه وبعدهآ تشجعت ودقت عليه .. رنه ...رنتين
يوسف : هلآ
شهد بأرتباك : السلآم عليكم
يوسف : وعليكم السلآم
شهد : كيفك ؟!
يوسف يمط كلمته : الحمدلله بألف خير
شهد سكتت وبعدهآ قالت له : شفت أتصالك ماكنت عند الجوال .. بغيت شي ؟!
يوسف : لا بس لقيت اتصالك العصر ومافضيت اشوف ويش تبين توي فضيت
شهد طرت ببالها تصريفه : كنت ابيك تجيب شوية ملابس لي
يوسف : تعالي انتي وسوآقكم خذي اللي تبينه اصلآ انا برى المدينه
شهد انقهرت من كلامه وعصبت : طيب شكرا
يوسف : تبين شي ثاني قبل اقفل
شهد بدون نفس : لا .. باي ..وسكرت قبل يسكر هو وضلت تبكي بسريرهآ
شهد ( ليش تعآملين كذآ يآيوسف ماتركت لي فرصه افهمك او اقولك ايش اللي صار ... الحين محتآجتك أكثر من أي وقت ... آآآآه يارب ويش المصآيب اللي تجينآ من كل نآحيه ) مسحت دموعهآ وتلحفت بفرآشهآ وعيونهآ على وجه مشاري البريء غمضت عيونهآ ونزلت دمعه من عينهآ أحرقت خدهآ بهدوء ونعومه
شهد : ياتري من أهلك يا ميشوو مين ؟!.. وليش يوسف قال انك ولد فيصل الحقير

أمــآ بالصاله
ريم : كأن شهد تأخرت
رغد وقفت : أكيد تعبانه ونآمت ... انا قايمه انآم أذن الفجر ..تصبحون على خير
ريم وسحر : وأنتي بخير
أنتظروآ لمآ رغد رآحت عنهم
سحر : ريمآآ حكيني ايش صاير معك ..ليش سيف طلقك
ريم بضيقه ونبرة باكيه : والله مدري بس يعصب عليا قلت له ...وبدت تحكيهآ عن اللي صار

بغرفه رغد
دخلت وشآفتهآ تقلب بجوالهآ ومنسدحه على سريرهآ .. قربت بشويش وجلست على طرفه
رغد : ليش مارجعتي للصاله
شهد : متضايقه ومالي مزآج ارجع
رغد مسكت يدهآ وسحبت منهآ الجوال وحطته في الدرج : ايش مضايقك ياعمري
شهد جلست وضمت رجولهآ لبطنهآ : كلمت يوسف ... حسيت قاسي معي ماعاد يوسف الحنون
رغد : وليش كلمتيه ؟!
شهد : لقيت منه مكالمه .. رغد انآ محتآجته كثير هالوقت محتآجه وجوده جنبي ... حآسه اني ضايعه بدونه
رغد بعدت شعرهآ عن وجههآ وقالت بألم : اضغطي على نفسك وكلميه عشان تفهمين اللي مافهمه ... ترى بين الزوجين مافي كرامه
شهد نزلت رآسهآ : عارفه يارغد ... بس تعرفيني انا مستحيل اعتذر من أحد حتى لو أنآ الغلطانه كيف وأنآ مظلومه
رغد : قلت لك بين الزوجين مافي كرآمـــه
شهد بحده : ماعندي جراءه عشان اوآجهه واقوله اللي في خآطري أخآف يصدني زي أول مره .. انتي اكثر وحده تعرفين طبعي زين
رغد تلعب بخصله من شعرهآ : لمآ شفت عبدالله جآني أحسآس غريب .. حسيت اني كرهته صرت اقسى عليه رغم ان قلبي يحن له بس كل مآجيت ألبي صدى قلبي تمنعني الذكرى انه أسآمحه .. حآقده عليه ياشهد نفسي يتعذب زي مآعذبني سنتين ونص وقريب تصير ثلاث
شهد : لاتكوني حقوده يارغد
رغد : مو سهل اللي مريت فيه ... صح غلطت لكن مآ أستآهل كل هذا العقاب
شهد : أنسي الماضي لانه ماراح يجي من ورآه الا الالم
رغد : أزعجتك .. بروح اصلي وأنآم
:::
:::
:::
بالرياض
صحت على صوت المنبه ورآحت تتوضى وتصلي .. بعد مآصلت وخلصت حزبهآ اليومي قفلت المصحف ورجعت للسرير ... شآفته صاحي
شوق : فهد قوم صلي " بعد الشرشف عنه ووقف شافت ملامحه كأنه مانام أبد " ..انت مانمت
فهد : لا مانمت
شوق : ليش مآنمت حبيبي
فهد : جفاني النوم .. عن أذنك ..واتجه للقسم الحمام وانتم بكرآمه ..
أمآ هي راحت جهة البلكونه وبعدت الستاره عن بابهآ الزجاجي .. تسمع صوت العصافير وصهيل الخيل .. ابتسمت وفتحت الباب طلعت وجلست على الكرسي ترآقب السمآء وخيوط النهار بدت تنتشر في السماء ... مرت ربع ساعه وهي ماحست على نفسهآ .. كان الجو يميل للبروده ضمت يديهآ لبعض وتحاول تدفي نفسهآ وتمرر كفهآ على ذرآعهآ عشآن تدفآ ... مآحست على نفسهآ الا وهو حآط يديه على صدرهآ .. رجعت راسهآ على ورى وطلت فيه
فهد ابتسم : بردآنه ؟!
شوق : شوي مو مره
بعد عنهآ ورآح عند حد البلكونه يتأمل مزرعته الكبيره ... وقفت ورآحت جنبه لف يديه على بطنهآ وصاروآ يطالعون مكآن المسبح وكل وآحد فيهم سآكت
شوق : فــهـــد !!
فهد : ياعيونه
شوق : انا خلاص قررت
فهد قربهآ لصدره أكثر ولفت وجههآ على وجهه وصارمايفصل بينهم الا أنفاسهم: بخصوص ؟!
شوق : رآح أسوي العمليه .. أبدأ أنت بالأجراءت عشان اسوي التحاليل اللازمه
فهد بنظره جديه : متأكده من قرارك
شوق : أيه .. برتآح من الألم ... ربي مو كآتب لي هذا الشي انا راضيه بقسمتي ونصيبي
فهد باسهآ على خدهآ : ان شاء الله من اليوم راح ارسل أورآقك لأحسن مستشفى بألمآنيا وأحدد معهم موعد العمليه
شوق تنهدت وأخذت نفس طويل : أن شاء الله
فهد : طالعي السماء صايره زرقاء صافيه
شوق ابتسمت : حلو لونهآ ...حلو الصباح
فهد يقرص خدهآ بخفه : أكيد حلو دآمك فيه .. نغزته مع جنبه
شوق ترفع راسها : اكيد مليون بالميه بعد بوس يدك وجه وقفى لأن بنت القايد معك
فهد يبتسم بخبث : مو أبوس يدي ابوسهآ هي .. وطبع بوسه سريعه على شفاتهآ
حمرت خدودهآ وأعلنت حآلة من الأضطرآب
شوق بحده : فــــهــــيـــد
فهد يتكي على السلم : مالي خص انتِ قلتي بوس يدك .. ورفع حآجبه
شوق تشده مع شعره : قلت يدك ماقلت بوسني .. أفهم ايش اقول بالأول
فهد : ابشري طال عمرك
شوق : ياكرهك اذا قمت تنكت
فهد يضحك : يؤؤؤؤؤ ماتوقعتها منك ابد
شوق : شوف عاد اليوم بنروح بيت ابوك اوكي
فهد : اوكي

العصر
دخلت مهآ البيت ومعهآ بنتهآ ولقت شهد وميشو بالصاله جالسين
مهآ : ســـــــــــــلآلآلآم
شهد : وعليكم السلآم
مهآ تبوس شهد : أخبارك ياعسل
شهد : منيحه .. انتي كيفك ؟!
مهآ : تمآم التمآم
شهد فتحت يدهآ : رنومـــه تعالي في حضني .. ضمتها وصارت تبوسهآ
مشاري يحآول يبعد يد شهد عن رنيم وبتكشيره قال : مــآمــآ .. مــآمــآ
شهد ضحكت : هلا عيوني
مشاري يدف رنيم بقوه : بعدي عن ماما
مها كآنت تنزل عبايتها : بشويش على بنتي بكره تجي تخطبها والله ما ازوجك
شهد تبعد رنيم عنهآ : تعال ياحبيبي .. تعال ياروح شهد
مشاري : ما أحب رنيم
مهآ تجلس بنتها بحضنها : ليش ماتحبها ياقليل الخآتمه
مشاري يدفن وجهه بصدر شهد : ليش تجي بحضن ماما
مها وشهد : ههههههههههههههههه
شهد : خلاص حضني لك انت ياميشو
مها : وين البنات
شهد : نايمين .. اقول مادريتي عن ريم
مها بخوف وتغير وجهها : ايش فيها ؟!
شهد : تطلقت
مها وعلامات الصدمه على وجهها : من جـــد !!
شهد : والله
مها : ايش السبب
شهد تهز كتوفها : الله اعلم
مهآ بفضول : وانتي ليش جايه هنآ مو ببيتك ؟!
شهد ركزت بعيون مهآ : امممم متهاوشه مع زوجي
مها شهقت : يالطيف .. ايش صاير في هذا البيت كله مشآكل
شهد بان الحزن عليها : الله يخليك لاتعكرين مزآجنآ كلنا تعبانين ومشاكلنا مأزمتنآ
مهآ سكتت شوي : اقولك اليوم عازمتكم على العشاء بأفخم فندق بالمدينه عشان ترتاحون شوي الحين بروح اتصل على الفندق احجز طاوله .. قامت وتركت بنتها عند شهد تتفرج علي مشاري اللي يشدها مع شعرها وهي تكرشه بوجهه ويتضاربون مع بعض
صحت ريم وجات للصاله شافت رنيم وجريت لها رفعتها : ياحي الله رنومه .. وين بوسة خاله ريما "باستها على طول "
ريم : فديتك انا .. وين مامتك
رنيم : رآحت
شهد : ماصحوآ البقيه ؟!
ريم : شفت رغد دخلت الحمام اما هنادي وسمر وسحر بسابع نومه
دخلت مهآ : بروح انا اصحيهم فالينها نوم بيأذن الغرب
ريم : هههه الحين يعصبون
شهد وقفت : بروح اسوي الفطور لهم
ريم : وانا بروح اساعدك .. ومشوآ للمطبخ وهم مندمجين بسوالفهم

:::
:::
:::

بالرياض كان الوقت قريب المغرب
فهد واقف جنب الدرج : شوق يالله تأخرنا
رزآن نزلت قبل شوق : خلينا نروح السياره هي تلحقنا
شوق كآنت ورآهآ : انا خلصت يالله فهودي مشينا
فهد طلع قبلهم وهو حاس ان في مشكله راح تصير بين شوق ورزآن .. ركبوا السياره بهدوء ووصلوآ قصر ابو رياض
ندى : ياهلا وغلا بشواقه .. ضمت شوق وباستها وسلمت على فهد بحراره اما رزآن سلمت عليها بكل برود
ليان : كيفك شوق ؟
شوق : الحمدلله بخير
ام ليان : وانتي يارزان ايش اخر اخبارك ؟!
رزآن تسند ظهرها وبدلع قالت : والله تعبني الحمل مره
ام رياض : الله يقومك بالسلامه يابنتي كلها كم شهر وترتاحي
فهد : واخبارك يام ليان وانتي ياخالتي
ام رياض : بخير وعافيه ... بشرنا عنك وعن احوالك
فهد : الحمدلله كل شي تمام ... الا وين هزآع ورياض ؟!
ام رياض : بالمجلس ينتظرونك
فهد وقف : اجل استأذن بروح اسلم عليهم
الكل : حياك
بعد ما طلع فهد
ليان : كيف عمتي يارزان ان شاء الله بخير
رزان بدون نفس ترد عليها : ماشي حالها
ندى : من زمان عنك ياشوق .. والله لك وحشه ماهي بسيطه
شوق خجلت من كلام ندى : تسلمي ندوو انتي اللي ماتنشافين ابد
ندى : احلفي بالله .. حتى اتصال ماتتصلين
شوق : ايش اسوي كنت مشغوله تعرفين فهد وطيحته بعدين جوا اهلي من المدينه وجلست هنادي عندي في البيت وامس اللي سافرت مافضيت والله
ام رياض : الله يكون بعونك يابنتي .. وكيف خواتك عساهم بخير
شوق : الحمدلله عايشين كل وحده لاهيه بحياتها
ام ليان : الله يوفق الجميع يارب
الكل : امين
رزآن : وين عمي
ندى طلت فيها بنظرة كره : بالشركه .. ويتاخر برجعته
رزان : نفسي اسلم عليه قبل نروح مايصير نجي ومانسلم عليه
ندى تبتسم ببرود : يمكن يجي بدري انتي وحظك
ام ليان: اقول شوق زوج اختك شهد يقرب لكم
شوق : لا والله بس يقرب لسيف زوج ريم
ام رياض : من اي عايله هم
شوق : الغانم
ام ليان : يعني يقربون لجدتي ام ابوي
شوق : والله معرف صراحه
ام رياض : اضن يقربون لها لأن ام صالح كان من اهل المدينه يوم تزوجهآ ابو صالح اخذهآ للخبر وبعدهآ استقروآ بالرياض وماكان يوديهآ لأهلها وانقطعت اخبارهم عنها بس اذكرها تقول عندهآ أخت اصغر منها بسنه يوم جينا لزواجك من فهد كأنهآ عرفت بنآت اختها
شوق : والله ياخاتلي ماعندي خبر عن هذا الشي
رزان : بالله انتي عن ويش تدرين منقطعه عن الناس كلها
شوق قالت بحده : ايش خصك انتي .. كلمت خالتي ماكلمتك " ضحكت ندى بصوت عالي واعطتها امها نظره سكتتها واربكتها نظرات ام ليان "
ام رياض : حياكم الله تفضلوا الشاي
شوق احتدت ملامحها وردت ببرود على ام رياض : الله يحيك
رزان تطالع شوق بنظرات استحقار وتقزز ...طنشتها شوق وصآرت تسولف مع البقيه وأخر أهتمآمهآ رزآن

جلسوآ نص سآعــه وبعدهآ جآء فهد
فهد : يالله بنمشي
ام ليان : بدري يافهد أجلسوآ أسهروآ عندنآ الليله
فهد :والله عندي أشغال بالمكتب مآخلصتهآ ولآزم اخلصهآ عشآن أسلمهآ بكره
ام رياض : سآعه ماراح تضرك ياوليدي جلسوآ شوي بعد
شوق : خلينآ شوي عشان خالتي
فهد جلس جنب ليآن وأبتسم : طيب ساعه بس " لف على ليآن وقال بهمس " كيف زوجك معك
ليآن ابتسمت بحيآء : الحمدلله زين معي
فهد بنظره اربكتهآ : ما يلعب بذيله أو يجننك
ليآن نزلت رآسهآ : لا الحمدلله
فهد يخفض صوته أكثر : اتمنى مايرجع لخرابيطه وبلآويه وأنتي بعد ما تغلطين مثل أول
ليان ارتبكت من كلامه : انا ندمت وتبت وهو بعد
فهد يحط رجل على رجل بكل شموخ وهيبه : الله يوفقكم .. بس اذا أحتجتي اي شي كلميني لا يردك الا لسآنك
ليآن : مشكور ياخالي
فهد : العفو .. أنآ تهمني مصلحتكم أكثر من نفسي

[taman]

بآلمدينه
كآنوآ مجتمعين كلهم على دلة القهوه ويسولفون مع بعض
هنآدي تتمدد :اقول مهآوي متى نروح المطعم لقد شعرت بالجوع الفظيع
مهآ تنآظر الساعه : نصلي العشاء وبعدين نلبس ونطلع
سمر : حـــلــوو .. ونآآآآســه الله لايحرمنآ منك يامهآوي
سحر توقف : عن اذنكم بشوف المسن وارجع
دخلت الغرفه وفتحت الآب توب ودخلت المسن على طول .. لقت اهتدآء متصله
سحر : سلآم
اهتدآء : وعليكم السلآم .. وينك ياظالمه يومين مآ دخلتي ؟!
سحر : أنشغلت والله ... أخبارك ؟
اهتداء : الحمدلله تمآم انتي اخبارك ويش مسويه بدنيآك
سحر : ماشي الحال
أهتدآء : والله فقدتك يومين دآيم اسولف معك وامس طفشت مره
سحر : ههههههه شكلي مهمه مره
أهتدآء : مهمه وبس قايله لك أحبك بس ماتفهمين
سحر : آآآه رجولي توجعني
اهتداء : من ويش ؟!
سحر : امس كنآ في زوآج وتعبت من الرقص
أهتدآء : محد ضربك قال تقطعي من الرقص تستاهلي
سحر عصبت : آآخ لو انك جنبي عطيك ذآك الكف اللي يخليك تلفين حول نفسك
أهتدآء تضحك : اذا من يدك موآفقه
سحر ضحكت بصوت عالي : صايره مآصخه يابنت
أهتدآء : اللي يعرفك لآزم يتمصخ
سحر : اوريك ياهدوو .. يالله انا بطلع قرب يأذن العشاء
اهتداء : ويــــن بدري توك جايه ؟!
سحر : بنروح مطعم انا وخوآتي
أهتدآء : أي مطعم ؟!
سحر على نيتها : في فندق ......
أهتدآء : اها بالعافيه عليكم .. لاتنسين تجيبين لي شي
سحر : بصور الطاوله وارسلك الصوره بالمسن عشان احسر فيك
اهتداء : ياربي على عرق النذاله اللي فيك يابنت
سحر : اقول لو اكمل سوالف معك يسحبون عليا ويتركوني .. اشوفك بالليل باي
اهتداء : بآآآي
بعد العشاء لبسوآ عبايتهم وطلعوآ مع السوآق
شهد عصبت : ميشوو أهدى ياماما
مها تضحك : شوفي بنتي كيف مؤدبه قاضبه مكآنهآ
سمر بتأفف : الله على الفاظك يامهآآوي .. شنو يعني قاضبه الظاهر أخذتي كلام أهل القريه اللي تدرسين فيهآ
مهآ : هههههههه يجنن كلامهم
رغد تلف على سمر : مهبوله يبيلنآ نفتح معجم ونجمع الكلمات اللي تقولهآ مهآوي وربي اصير اكبر مرجع في الالفاظ
شهد ابتسمت : خلوهآ على رآحتهآ
مهآ: شوفوآ الناس الدموقرآطيه مو انتم ياسمر ورغد
رغد : حقك علينا آسفين
جلآلي : هنآدي أنتِ في سكوت غريبه
كلهم لفوآ على هنآدي اللي في المقاعد الخلفيه وفطسوآ ضحك على شكلهآ رايحه جو مع الأغنيه الهنديه اللي مشغلهآ جلالي
هنآدي : تبيني أهفك بأقرب شي عندي ياجلالي ... دآيم مطيح وجهي
جلالي : دآيم انت في قرقر وآجد .. انا في شوف انت سكوت في قول اكيد مريض
هنآدي تشد طرحتهآ : آآآه ويش اسوي اذا تكلمت كسحتوني وسكتوني واذا سكت قلتوآ غريبه ويش اسوي بنفسي أنتحر ارمي نفسي من السياره
الكل : ههههههههههههههههههههه
رغد : على مهلك شوي شوي لايطق فيك عرق بعدين نبتلش
شهد تغمز : خلوهآ تعبر عن أحآسيسهآ المكبوته
جلالي : هنآدي في يجي من رياض في صير انسان ثاني
مهآ: آآآآه يابطني الله يجآزيك ياجلالي .. شكلك حآقد على هنآدي
هنادي تسوي نفسهآ شوي وتبكي : حسبي الله ونعم الوكيل
سمر تدقهآ : احمدي ربك احد يسأل عنك هدي بس
هنآدي تهمس لها : اقول شخبار ولد عمتي معك
سمر تقرصها : اووش لا أحد يسمعك وربي يذبحوني
هنادي : ايه بان الخوف فيك
سمر بترجي : الله يخليك اسكتي
هنآدي : طيب بأسكت
وصلوآ للفندق ونزلوآ كلهم
مهآ تشيل رنيم وقالت لهم : بليز هدوء مابي مهآوشآت مع بعض
هنادي تدفهآ : ياختي خلصينآ وربي مآصارت الجوع ضرب عندي
سحر تمشي قبلهم للمصعد وأنفتح دخلت هي والبقيه عدآ شهد ومشآري مآكآن لهم مكآن
شهد : خلاص اطلعوآ بروح لمصعد 3
مهآ : ترى المطعم بالدور 5

شهد : أوكي ... مشت للمصعد اللي جنبه واستنت شوي عبال ينفتح حست برجال يوقف جنبهآ بس مآ التفت ولا هو ركز من هي ..
مشاري : بابا .. بابا
شهد شالته وحاولت تمسكه : عيب ياماما اووش
مشاري : مآمآ شوفي بابا يوسف .. لفت وشآفت يوسف وآقف جنبهآ ضحك لمشاري وأخذه من يدهآ وباسه على خده أمآ هي سحبته بقوه منه وانفتح المصعد ودخلت بسرعه ودخل هو ورآهآ ... ضغط على الزر وصارت تهز رجلهآ وتحاول تمسك مشاري اللي بيروح ليوسف
شهد ( قال برى المدينه .. اكيد مالقى له تصريفه غيرهآ .. كذآآب)
حست ان المصعد مآيتحرك ضغطت مره ثانيه على الزر لكن هو وآقف بمحله
يوسف : اي دور تبين ؟!
شهد : الخامس
يوسف ضغط زر وبعده رقم 5 .. وحست ان المصعد تحرك ثوآني وأنفتح الباب على الدور اللي تبيه وطلعت ومعهآ مشاري
طلع ورآهآ وشآفهآ لما جلست على الطاوله
سحر : ايش فيك شهد كأنك متوتره ؟!
هنآدي وتجآعيد العصبيه على وجههآ : مهآوي قولي لمدير المطعم يجيب حآجز ماني قادره أخذ رآحتي كل العالم تطالعنآ
مهآ : تغطي زين مآ حد يطالعك
هنآدي توقف : انا بروح للمدير مره مكشوف صرآحه .. وقفت سمر ورآحت معهآ ويدورون المدير
رغد لاحظت تغير شهد وسرحآنهآ همست لهآ : وين وصلتي
شهد لفت تدور بعيونهآ على يوسف بسس مآشآفته : قابلت يوسف هنآ
رغد : بــجــد ؟!
شهد : وربي كآن معي بالمصعد
رغد : قال شي
شهد : لا ماقال ولا شي ...وسكتت أخذت كآسة عصير وشربتهآ
مهآ : ايش فيكم معصبين ؟!
سحر نزلت اللثمه وأخذت عصير الفرآوله اللي طلبته : تصدقين فخم مره المطعم وفيه كل الجنسيآت
رغد تتأمل الناس: صادقه شوفي امآرتيين وكوتيين وسوريين حتى اروبين موجودين
سحر : شهد وين سرحآنه ؟!
شهد : أتأمل المكآن
مهآ : كأن هنآدي وسمر تأخروآ
رغد: لاتوهم رآحوآ ... اممم تخيلي ياسحر ابوي يجي المطعم صدفه ويشوفك كآشفه وجهك
سحرطلت برغد : عادي ما أتوقع يقول شي بعدين انآ حكون دكتوره شي طبيعي اكون كآشفه وجهي
مهآ : اممم ما حد رآح يحآسبك على تصرفآتك لكن تأكدي كل شي رآح تتحآسبين عليه يوم تكوني في قبرك
سحر عصبت : الله خليكم ايش هذآ .. ترى جايين ننبسط مو جآيين نكتئب
ريم : ياهوو بس خلاص ماصارت
مهآ : وحكت شهر زآد
ريم : مهآوي ترآك مطلعتنا نستانس مو نتهاوش
مهآ : اسفه انتي وهي .. طلعت جوالهآ بتدق على هنآدي لكنهآ لمحتهآ من بعيد جآيه

كآنت في عيون ترآقبهم ومآابتعدت عنهم دقيقه ...وتحديد سحر

:::
:::
:::

بالرياض

رجعوآ لبيتهم وكل وآحد دخل غرفته بعد مآ اتعشوآ عند ابو رياض اللي حلف انهم مآيروحون من عنده بدون عشآء ... انبسطت شوق مع ليان وندى والبقيه لكن رزآن كآنت متضايقه منهم لآنهآ تكرهم من زمآن وخلة فهد يويدهآ تشوف أمهآ لأن اختهآ اتصلت عليهآ وقالت أنهآ تعبانه شوي ...أمآ فهد كآن بمكتبه منشغل بالصفقآت المعروضه عليه ودرآستهآ ومرآقبته لأنشطة شركته في المملكه

مرت السآعآت عليه وهو مآحس بمرورهآ ابدآ .. قفل كل الملفات وطلع للغرفه تعبان ومرهق دخل اخذ له شور بعدهآ انسدح جنب شوق ... حس بالم ينغزه في صدره فتح الدرج وأخذ الدواء حاول ينام لكنه ماقدر ينآم .. لبس بلوزة بجآمة وطلع من الغرفه عشان مايزعج شوق بكثرة حركته .. طلع لصاله العلويه وقرب من الجدآر الزجاجي وقف يشوف المزرعه في الليل نقل نظراته في جميع انحائها شاف شي اثار جنونه وشل عقله عن الاستدارك ... عجز عن الفهم او تمالك نفسه .. نزل زي المجنون بكل سرعته وقلبه ينبض بسرعه وانفاسه تتزآيد
فتح الباب وكأنه بيقتلعه من مكآنه .. كآن مثل العاصفه الهوجآء في ثورآنهآ

بآلملحق
رزآن تضحك : بسول مآيصير اللي تسويه
بآسل ابتسم بلئمه خبآثه : انتي خليتي فيهآ يصير مآيصير ... لف يده حول خصرهآ وقربهآ منه ويده الثانيه على خدهآ
بآسل : تعجبني البنت الجريئه والمتمرده مثلك .. قرب من خدهآ بيبوسهآ لكنه تفاجئ من فتح فهد للبآب
فهد صرخ : يآوآطيــيــن ... بعدت بسرعه عن بآسل وخآفت من هيجآن فهد
بآسل وقف وهو يرتجف : هــ..
فهد : أخر شي كنت أتوقعه انك تخونني مع زوجتي ياباسل
رزآن بخوف : انــآ ... صرخ عليهآ صرخه أرعبتهآ وخلت كل اطرآفهآ ترتجف مشت بسرعه وجريت للبيت
فهد بحقد وصرخه هزت قصره : رآجع لك ياحيوآآن .. وركض ورى رزآن اللي دخلت البيت
وصل لهآ قبل تطلع الدرج وتهرب لغرفتهآ ..مسكهآ مع شعرهآ وسحبهآ أختل توآزنهآ وصرخت من قوة شدته لهآ
فهد كان مثل المجنون يصرخ بكل قوته كل اللي في البيت صحوآ على صوت صرآخه
فهد : تخونني .. ومــع مين مع أخوي ؟!
رزآن تبكي : خليني افهمك .. أعطآهآ كف الجمهآ عن الكلام .. وشدهآ من شعرهآ ونزلهآ من الدرج وهو يسحبهآ سحب .. وصرخآتهآ تتردد في زوآيآ القصر .. طلعت شوق من غرفتهآ خآيفه على أثر الاصوآت اللي سمعتهآ .. وقفت عند السلم وشآفت فهد يضرب رزآن كآن يضربهآ وهو شبه فاقد الوعي .. رمهآ على الأرض بقوه وصار يرفسهآ على بطنهآ وهي تبكي وتصرخ .. كآن يشوفهآ شخص ثآني ذكريآت تضآربت في عقله الباطن .. نزلت شوق بسرعه وحآولت تمسك فهد لكنه يدفهآ بعيد عنه .. ويضرب رزآن صارت تنزف وتنآدي بأسم شوق ... بعدته بقوه عنهآ حآولت وحآولت لمآ نحجت
شوق صرخت بوجهه وهو يتنفس بصعوبه ويشهق : فـــهـــد .. حرآآم اللي تسويه
فهد يصرخ : أعترفي اللي ببطنك ولد مين .. أعترفي ؟!
رزآن تتألم وتبكي : والله ولدك والله
فهد : كذآآبه مو ولدي .. انتي فاجره يافاجره
شوق تمسكه مع صدره : خلاص يافهد أطلع للغرفه
فهد يتفل عليهآ : وآطيه سآفلــه ..
رزآن تصرخ : آآآه بطني رآح أموت من الألم .. آآآآآه
فهد : تستآآهلين .. دفته شوق وحاولت تطلعه الدرج
فهد : قوليلهم يرمون هالقذره برآ ... وطلع يجري للغرفه .. لفت على رزآن وطالعتهآ بنظرآت استحقار
رزآن تحاول تقوم وبصوت مبحوح تنآدي ليزآ اللي كآنت وآقفه على جنب هي وباقي الخدم يطآلعون فهد ونفس الموقف يتكرر للمره الثانيه .. جوا بسرعه يسآعدونهآ
شوق : طلعوهآ برآ زي مآقال فهد
رزآن : شوق الله يخليك سآعديني رآح اموت
شوق بحده : تستاهلين .. كنت عارفه كل شي عنك وعن باسل لكن سكتت ودعيت ربي يهديك لكن سبحآن الله مآ صنت نفسك وهذا اقل من الجزاء اللي تستحقينه
وقفت بكل عنآء وبمساعدة الخدم : تتشمتين فيني ؟!
شوق : حشى ما اتشمت اصلا ما تهميني عشان اتشمت فيك
طنشتهآ ولحقت فهد فتحت باب الغرفه بهدوء وشآفته واقف جنب الكرسي ومثبت يديه عليه ومنزل رآسه بأنكسآر ... سكرت الباب وقربت شوي منه
شوق : فــهـــد .. "مارد عليها قربت منه أكثر وحطت يدهآ على كتفه ".. لاتهتم للي صار
فهد بعصبيه :شلون مآ اهتم للي صار ... عارفه يعني ايش زوجتي تخونني
شوق مسك يده وحاولت تهديه : لاتعصب فكر بهدوء العصبيه ماهي كويسه لك
فهد جلس على الكرسي : أعطيني مويه .. عطشان ..

برى القصر .. كآنت تنزف مرره .. أخذهآ باسل في سيارته وودهآ لأقرب مستشفى وسووى لهآ عمليه مستعجله وأتصل على أهلها عشان يجون لهآ
أبو رزآن : خير ياباسل ويش صاير لهآ ؟
باسل : مدري بس الدكتور قال لازم يسوون لهآ عمليه
ام رزآن : زوجهآ وينه عنهآ
باسل تغير وجهه : مدري انا بروح تقوم بالسلامه ...طلع وتركهم بالمستشفى رجع البيت لحاله وشاف فهد طالع
فهد صرخ بوجهه : مابي أشوفك هنآ ... سآآمــع
باسل : بريحك واطلع من هنا
فهد : تسوي خير .. طنشه وطلع بسيارته مايدري وين رآح

[taman]

بآلمدينه

كآنت جآيه من الغرفه جلست قبال مها اللي استغربت منها
مها : ايش فيك وجهك اصفر
شهد : تعبانه شوي
مها : ويش اللي تاعبك ؟!
شهد نزلت راسها : حآمــــل
مها ابتسمت : مبروك .. بس ليش تقوليها وانتي زعلانه
شهد : قلتهآ وانا مبسوطه
مها : ماشفتي وجهك وانتي تقوليهآ
شهد : المهم الله يخليك قفلي على الموضوع
دخلت هنآدي تصارخ وشايله رنيم فوق رقبتهآ
مهآ صرخت عليها : لاتــطيـــح
رنيم تأشر لأمهآ وتضحك : بآآآآي
هنادي : سوي كش لهم
رنيم : لاعيب
شهد ضحكت : الصغيره تقولك عيب استحي على دمك ياهنآدي
هنآدي : اقول مالت عليكم ... ورآحت لغرفتهم
ريم : من بالصاله
هنآدي : مهآوي وشهد
ريم توقف : بروح لهم ... سحر الحقينآ
سحر : لالا انتظر صديقتي مسن
ريم : اذا كلمتي لينآ سلمي عليهآ وقولي لهآ ان مشتاقه لهآ حيل
هنآدي : أوووه ذكرتوني ... لبست عبايتهآ ونزلت لشقة اهل عبير
أمآ سحر كآنت تنتظر أهتدآء تدخل وأخير دخلت
سحر : بدري لو تاخرتي
أهتداء : انتي قلتي بتخرجين قلت ليش اجلس اروح احسن لي
سحر : بس ماتأخرنآ كثير
أهتدآء : تصدقين عآد كنتي قمر بينهم
سحر استغربت من كلام أهتدآء : ايش تقولين أنتي ؟!
أهتدآء : كنت هنآك بنفس المطعم وشفتك
سحر : أكيد تمزحين زي العاده
أهتدآء : اول شي أنآ مو أهتدآء ... أنـــ


:::
:::
:::

اليوم اللي بعده في بيت فهد
فهد يسحب الشنطه : يالله ياشوق
شوق بأستغراب : كأنك مستعجل
فهد طالعها بنظرآت حآده : مابقى شي على الطياره خلينآ نلحقهآ
شوق تنزل الدرج وتوقف عن السياره : وين بنسآفر
فهد : أقولك بالطياره ... ليزآ أنتبهوى للبيت أوكِ
ليزآ : اوكِ
فهد : أذا جآء باسل لاتقولين له أننآ سافرنآ
ليزآ : أوكِ
ركب السياره ومشى بسرعه جنونيه قآصد مطآر الملك خالد الدولي
شوق : فهد قولي وين بنسافر
فهد : ألمآنيآ
شوق بصدمه : لـــيـــش ؟!
فهد طل فيهآ : لعمليتك .. بعدين أفهمك كل شي

بمزرعه فهد
جآء ابو رياض ومعه ابو رزآن
ابو رياض يسأل الحارس : وين فهد ؟
الحارس : رآح من ساعه مع المدآم
ابو رزآن : وين رآح ؟!
الحآرس : والله مدري يا عمي
ابو رياض طلع جواله واتصل على جواله لكنه كآن مغلق : مقفل جواله
ابو رزآن بتهديد : لو يصير لبنتي شي مآرآح اسآمح ولدك ياصالح
ابو رياض بعصبيه : ان شاء الله مافيهآ الا العافيه
ابو رزآن : سمعت الدكتور ويش يقول جآتهآ اكثر من ضربه عشان كذآ مآت الجنين في بطنهآ اكيد ولدك العاصي سوى لهآ شي
ابو رياض : لاتظلمه .. على العموم لا طلعت بنتك من العنايه فهمنآ منهآ السالفه كآمله
سكت ابو رزآن وهو حآقد على فهد ومغلول منه الي حد اللآمعقول ... أمآ ابوه كآن بينجن من عمايل فهد اللي مايفهم قصده منهآ .. لكنه متأكده انه انتقام منهم على زوآجه منهآ بالغصب
:::
:::
:::

ببيت اهل سيف
دخل عليهم والتعب على وجهه ... أثر السهر وآضح بنظرآته والسوآد تحت عيونه
ام سيف : بسم الله عليك يايمه .. مآنمت ؟!
سيف جلس بتعب وهو يحس بضيقه واختناق أنفاسه : أنآ طلقت ريم
خوآته وأمه : ويــــش
سيف : طلقتهآ
جدته بلوم : ليه ياولدي طلقتها البنت مافي زيهآ
سيف: أكرهآ ياجدتي .. مدري ويش يصير فيني أذا شفتهآ
شهقت ساميه وانهارت من البكاء ... تفاجئوآ كلهم من بكآئهآ المفاجئ ومحاولاتها للهروب منهم
جدتهآ شكت بالموضوع : اقولك اجلسي مانتي طالعه غرفتك قبل تقولين ليش تبكين ؟
ساميه يادوب تنطق من بين بكاها : تذكرت شي بكآني
جدتها : يابنت قولي الصدق ولاتكذبين
ساميه تطالع امها بنظرات خوف وألم : هذا الصدق ياجدتي


:::
:::
:::


بعد اربع ايام بمستشفى معروف في ألمانيا توهآ صاحيه من العمليه كآن الالم يعتصرهآ

الم اول مره تحس فيه .فتحت عيونها وشافته جالسه بجنبها يقرأ كتاب
همست بصوت شبه مسموع : فهد ..
لف عليها بسرعه ومسك يدها بفرح : شوقتي ... الحمدلله على سلامتك
شوق تبكي : فهد بموت من الالم ... الم فظيع ما اقدر اتحمله .. خليهم يعطوني مسكن يخففه عنا
فهد : تحملي ياروحي ... مايصير يعطونك مسكن توك صاحيه من البنج
شوق تتمسك بيده اكثر : فهد وربي بموت ... الم ماعمري حسيت فيه .. ايش عملوآ فيني
فهد حط يده على شعرها : ياعمري انا .. اهدي الحين ولما تجي النيرس اكلمها تعطيك مسكن
شوق تصرخ عليه : مقدر استحمل والله مقدر ... روح نادهم روح
فهد وقف وهو بحيره من امره : طيب الحين بروح انآديهم لك


بهذآ الوقت في المدينه
ابو مهآ قفل جواله من ابو رياض وهو قلقان : اللهم اجعله خير
مها : ويش فيه يابوي
ابو مها : ابو فهد يقول فهد وشوق ماهم بالرياض وجوالتهم مقفله
شهد بخوف : لايكون فيهم شي

ابو مها : الله اعلم ... ادعوا انهم يرجعون بالسلامه

الكل : أمين ياررب