25-09-12, 07:01 PM
| #151 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  دخل طلال عشان يقول لـ أم عبدالله .. اول ماقال لها ان عبدالله عند الباب .. ماأنفك من ترجييات ام عبدالله ودعآويها بـ أن الله يوفقه بس يخلي عبدالله يدخل ثـواني دخل عبدالله .. اللي كان منزل رأسه .. جآ وجلس عند رجل امه .. مرت ثواني كانت صمت قـاتل وبدت دموع عبدالله تنزل ..ثوآني اجهش بالبكـاء .. ونزل لرجول امه بـ يحبها لكن هي رفعـته .. وهي تصيـح معه وتدعي له ان ربي يسـأمحه عبدالله :يمه سـآمحيني ..تكفييييييين سآمحيني !! / طارت عيونها من اللي تسمعه ..قالت بـ صوت عالي كله قهـر:وووش جآبه هذا ..عقب هالسنين جآي ..توه يتذكر ان عنده ام واخت ؟؟! طلال:تعوذي من الشيطان يامرام كلاً يغلط ..هو يمكنه عرف غلطته مرام :لا يرحم والدييه يعرف غلطته بعيد عني انا وأمي ..وييينه عننا اول ..وينه عن امي المسكيينه وهي عند خوالي فالقصيم وكل واحد يسمعها حكي يسـم البدن .. انا اقول ياطلال .."تكتفت ولفت وجهها عنه "..اطــــرده ولا عندي إستعداد اسمع منه قرب لها طلال .. وفك يديها اللي مكتفتهم وبآسهم .. اما هي طالعت بـ عيونه , أبتسم :حبيبتي مو انا غلطت قبل؟ وكنت أتعـاطى وفشلت اهلي معي ومابقى شي يسوود الوجه ماسويته ! .. انتي قلتي اني اغلى شي عطاك إيااه ربي .. "ببتسامه" ..ولا كنتي تعطيني من الرخيض؟ مرام بإندفآع :لا وربي أحبك أبتسم :وانا كنت غلطـان قبل واتعاطى؟! مرام تقاطعه:كنت ! .. اما الحين لا انت احسن زوج ممكن تحصله أي وحده طلال :طيب؟! هذا اخوك .. كان غلطان وعرف غلطته .."يوم شاف تغير وجهها قال بـ همس كله رقه"..عشـان خاطري طيب؟ مرام :عشان خاطرك / لما جلست مرام وجنبها زوجها طلال .. وام عبدالله على كرسيها المتحرك وجنبها عبدالله .. عبـدالله :أدري يامرام انك شايله علي .. وأدري ان حتى الوقت مراح يمحي الجرح اللي تسببت لك فييه .. لكن اقولك إن ربي مايضيع حق عبد .. "بلع ريقه بـ غصة آلم" .. انا تركت كل شي وجيت أطلب السمآح منكم ام عبدالله ركزت على تركت كل شي .. وسألت :وين مرتك عبدالله :طلقــتها !! ..خل تشوف حياتها مع واحد غيري مرام اتسغربت :ليه؟! عبدالله :اول شهر طلعـتوا عننا فييه .. كانت جواهر مبسوطه .. ماأخفي اني كنت مبسوط زيها على تأنيب ضمير .. المهم ان من اول شهر حملت جوآهر .. واحنا اللي كنا ننتظر المولود متى يجي عقب 4 سنين زوآج / -شفت ياعبدالله ..من طلعوا امك واختك .. جانا الخير وإن الله اني حامل بـ ولد أبتسم عبدالله :طيب جوآهر ..ليه مانجيب امي عندنا والله حرآم ..وبعدين ودي اتطمن على حال مرام في باريس جواهر تضايقت :لاااا .. انا قلت لك أنســاهم / كمل عبدالله :ولدت جواهر .. وبعد يمكن 11 شهر مات .. سكته كذا من غير سبب .. وهذي كانت الصدمه لنا .. لما بدآ يحبـي وتعودنا على حسه فالبيت ..مات ! تألمت ام عبدالله ونزلت دموعها على حفيدها ..صحيح ماشافته ..لكن مجرد الكلام عنه حرك دأخلها مشـآعر الامومه .. حتى مرام ماكانت افضل حال منها كمل عبدالله وهو يمسـح دمعته :وبعدها .. بـ كم شهر .. حملت جواهر .. وكانوا تؤآم .. ولدت كانوا ولد وبنت .. فرحتنا ماتوسعها الارض ابد .. وبعدها بـ 4 شهور مات الولد .. وبقت البنت .. ومره كنّـا طالعين للروحه مع اهل جواهر للشاليهات .. لما كملت البنت سنه .. كانت تمشي .. مادرت عنها جواهر الا هي طايحه فالمستشبح ..لحقنا عليها فاللحظه الاخيره .. لكن ماتت فالمستشفى .. أكتشفنا وقتها ان جواهر حامل ..بصرآحه ماكنت مبسوط ابد لآن قلبي معد يتحمل صدمه ثانيه .. لكن مع ضيقة الصدر والنفسيه .. سقطت ومن بعدها رفض الدكـتور انها تحمل .. لان الحمل بيسبب لها مشـاكل .. ام عبدالله :يــآبعد عمري ياوليدي !! .. عبدالله بـكى .. وكانت دموعه تزل على خده بـ غزآره :يمه .. مرام سامحووني ..اللي صآر لي اتعب نفسيتي مره .. والله مب سهله إن 3 من عيالي يموتون قدامي وانا ماتهنييت فييهم ..ادري إن اللي صآر لي عقـوبه ..تكفـون سآمحووني مرام بكت وراحت لـ اخوها وحضنتـه .. :مسـامحتك يآخووي..الله يجبر بـ خاطرك يـارب .. مسآمحتك كانت كلمات مرام مثل البلسـم على جروح عبدالله ..صحيح غلط .. وغلطاته بـ تجلس في قلب مرام ولا رآح تنسآها .. لكن هذا اخوها وعزوتها ولا لها غيره الاهـل مايتعوضون أبد .. ومن هالمبـداء .. مشت مرام مع عبدالله .. وعاشت بآقي عمرها تخفي جروحها عنه .. وتبتسم في وجهه وتبين له إنها نست وهي فعلاً ودها تنسى لكن هيهـات ◙◙◙◙◙ بڪْيتُُ وٍٍلآ لقِِيتُُ [لدمعتُُي] ع‘ـَـَـَينْْتُُوٍٍآسِِسِِينْْي غرقِِتُُ وٍٍلآ لقِِيتُُ . . لصرختُُي’ - منْْهوٍٍ - يمد آيدي‘ـَـَـَنْْ تُُصـوٍٍبنْْي{سِِهوٍٍوٍٍوٍٍم}آلموٍٍتُُ مرةوٍٍألف’ تُُخطينْْي . . ! ◙◙◙◙◙ ماسكه المشط وتمشط شعرها الصعب .. اخر شي حطت الفرشه وجابت الاستشوار .. جلست تتستـشور .. بس ملت لأن شعرها صعب ويبي له وقت .. نفس الشعره تكون ناعمه لكن ملفلفه على بعضها .. - هههههههه حالتك صعبه حطت يدها على خدها بملل عالتسريحه وهي تشوفه توه دآخل :يـآرب مرررآ طفشت أبتسم وهو يطالعها من خلال المرايه ..استحت من نظراته ورفعت الاستشوار بترجع تستشور شعرها ..تهرب من نظراته.. ثواني ماحست الا بيده تاخذ من الاستشـوار التفت له :وش بتسوي؟ محمد ببتسامه :خلي الفنانيـن يشتغلون أبتسمت :ههههههه اصدمنـي وقل انك بتستشور لي شعري محمد:إيه ..جربـيني! نجلا :هههههههههه ..أوكي عدلت جلستها عالتسريحه .. اخذ هو خصله من شعرها وصار يستشـورها .. كل شوي تطيح الخصله ويرفعها ويرجع شعر زياده .. بالعربي اسـتشواره مدري وش يبي :لاحـول! ..الحمدالله يارب اني رجال نجلا:هههههههه خله عنك محمد مطلع لسانه وعاض عليه من الحماس :لالا اصبري لازم ازينه دقيقه بس حاول يستشور بشكل احسن ..كل شوي يتـفنن .. آخر شي طفش مره وبغت تطلع له نخله في راسه .. و حااس شعرها بيدييييه وقال :كذا احلى!! قامت وهي تضحك :هههههههههههههههههه ..قلت لك انه حمار محمد :هههههههه .. رجع هو وجلس عالسرير .. وصار يطالعها من المرآيـه :دآقه علي أستشور لك ؟! نجلا تلف له :هههههههههه لآ تصبغ لي محمد أبتسم وهي ماعطته فرصه يعلق وكملت : اممممم كنت نآويه اكشخ لك .. عشان يكون الخبر على سنقه عشره خخخ محمد عقـد حواجبه : وش الخبر ؟! نجلا حطت يدها على بنطهـا وأبتسمت بـ خجل .. بدآ محمد يستوعب .. تهـلل وجهه وأبتسم لين تحولت إبتسـامته لـ ضحكه خفيفه حلوه :حـامل هزت رآسها :إيـه .. قام لها وجلس عالارض وهو ماسك يديها .. كانه يبي يقرب من بطنها يسمع ظنآه .. رفع عينه لها وطالع بـ عيونها العسليه بـ حب : هههههههههه احبك وربي نجلا :ههههههه ..اخاف بس يطيح كرتي بعدين محمد :هههههه حرآم عليك .."وكأنه جرع يستوعب من جديد بـ فرح "..يآشيخه عشاك اليوم على حسـابي ..اختاري المطعم اللي تبينه نجـلا: ههههههههههه لوني دآريه حملت من زمان محمد :طيب وش رأيك اليوم وانتي رآيحه لأبوك تبشرينه مره وحده بما ان اخوانك جايين من سفـرتهم نجلا مبتسمه :أوكـيييه .. "وقالت والحزن بادي يتخلط مع الفرح" .. تحس إن أبوي ممكن يفرح ؟ محمد :وليه لا .. ماتتذكرين كيف ندم يوم عرف عن ساره / - أنا آسف يـآمي .. ادري اني ظالمك ولا أي كلمه رآح تخليك تسامحيني نجلا كانت مصدوومه .. كمل ابوها : انا كل مره ادق على محمد أبي اكلمه قبل لا اكلمك لكن ماكان يرد والله لا يلوومه .. انا عرفت عن ساره .. وعرفت سوآياها فيك .. نجـلا لين الحين تحت تأثير الصدمه :كيف عرفت ؟ ابو فراس أبتسم بـ ألم :ماله دآعي .. اهي عايشه معي وربي كشفها .. وانا ماأتشرف بها زوجه لي .. وطلقتها .. خصوصاً إنها سبب في ظلمي لـ بنتي الوحيده / نجلا :ابوي ماتغير ..لين الحين يسافر ولا يسأل عني ..بس اللي مطمني إنه عرف إني ماسويت للساره شي .. ◙◙◙◙◙ حتى ناصر .. ماكان محمد احسن حال منه .. كان تدخل الغرفه وهي حاطه يدها على ظهرها من ورآ .. ماصدقت وصلت للسرير وجلست عليه بـ تعب ..قالت وهي تلهث من التعب :ووووهـ يالله الجنه رفع ناصر عينه من بين الاورق وهو على الكنبه وقدامه طاوله حاط عليها اوراقه وملفاته ..ضحك بـ صوت عالي ضحكته الرنانه :هههههههههه عجـزتي يامرتي ..الظاهر يبي لي اعرس هيله طالعته بـ نص عين :إييه جرب انت بس .. ناصر :هههههههههههه .. يالله هانت رآح الكثير مابقى الا القليل هيله :متى أووولد بس .. بـ جلس 10 سنين مراح احمل .. ناصر :لا عيـوني أبي فريقكرة قدم عندي فالبيت .. هيله :إييييييه الفريق تلقآهم في استاد الملك فهد ..مهب عندي ناصر:قـايل لك بـ عرس بس انتي الله يهدييك هيله :وانا اقولك جرب ناصر:هههههههههههههههههههه� �ههههههههههه مالت هيله على تحت عشان تاخذ الشطنه حقتها :المهم لو سمحت عيوني لا تزعجني عشان عندي إمتحان ناصر :كيفك مع الادآره ؟ هيله :والله بيني وبينك يعني ..احسن من الطب ..تركته لـ أهله خخخ ناصر :خساره كنتِ بـ تصيرين الد.هيله هيله :وانا مستغنيه ..أبي أصير ماما هيله ناصر:يـؤ يعني جده هيله :هـ هـ هـ ..سماجه مب عاجبك أسمي ناصر :ههههههههه .. لا هيله :اهم شي انه عاجبك ابوي ..على اسم امه ◙◙◙◙◙ - شلــون ؟؟ وليه طيب خجل وهي تتبسم إبتسامه طافيه :عآدي يابندر ..دآيم انا وخالد في إختلاف ..بـ حكم إختلاف البيئـه .. بندر : طيب ولو .. مفروض يعني تعديـتوا مرحلة الاختلافات على قولك .. خجل :اول خلافنا كان عالغطـا .. حتى فالسفـر مايبيني افتش ..وانا ماتعودت كذا ..تدري لو يدري عن سفـرتي لـ باريس يوم عدتي وش بيسوي..اتوقع يعايرني فيها طول عمري بندر :هذا الظاهر متخلف وعايش فالجاهليه ..مايصلح لك خجل تبتسم :لا يـابندر ..بالعكس .. هو الصح ! ..انا ادري إني غلطانه بـ سفرتي لـ باريس وادري إني غلط ليش اني افتش ومو متغطيه .. بس عاد طآح على وحده زيي تدري ولا تسوي أبتسم بندر على اخته .. دايم في خلافات مع زوجها ..لكن تحبه وهو يحبها ..لو مب حابين بعض كان محد فيهم تحمل الثـاني ابد .. تذكر تجربته هو ..يوم قـال لأمه عنهـا .. وإنه يبيها / - انت عارف المبـداء يابندر .. زوآج من برآ العايله ...مرفوض! بندر :بس يمه .. انا إنسـان ادور راحتي والبنت ارتحت لها ام سعـود :تبيني اوافق على وحده من هاللي تعالجهم .. وش تبي الناس تقول؟ .. وش علة ولدك؟ ماخذ من برا العايله ولاهيب من مستـوانا لا المادي ولا الاجتمـآعي ..حتى نسب مهيب معـروفه ..هذا إن كانوا قبايل بعد .. بندر :يمـــه!! ..انا منيب متزوج فلوسها ولا نسبها ولا أهلها .. إن اكرمكم عند الله أتقـاكم ام سعود:ماأختلفنا على هالشي ..بس توك شاب وكل مواصفاتك زينه .. وش تبي بـ مـــــرآم ؟! / تنهـد من أعمـاقه على هالذكرى .. يمكن ماكان يحس إتجاهها بـ أي حبْ .. لكن كانت تنقط براءه حتى من وجهها البـريء والـ"بيبي فيس" .. ماينسى قصة شعرها والمخدرات اللي خلت ملامحها تذبل وجسمها الضعيف ينحـف بـ شكل كبير .. دعـآ لها بالتوفـيق مع طلال .. صحيح معد شافها ولا عاد يتذكر زي اول ..يعني زي لا قالوا البعيد عن العين بعيد عن القلب .. ◙◙◙◙◙ - ههههه أجل قايل لك قل لآمك تدور لك قبلها بـ سنه ويالله يمدي طارق :والله إني زهقت .. لا راحوا لـ عرس ولا شي .. قالوا ..حلوه بس قرويه .. ولا ماعليها بس جسمها مدري شلون ..قسم بالله ذا الحريم يفصفصوون اماً جابت هالبنت .. احسهم بـ يشوفون أشياء فيني انا مدري عنها ناصر:هههههههههههههههههههه� �هههههه طارق:سويت حركه ..وش رآيك فيها ناصر:وشي؟ طارق:قلت لهم عن اخت خالد .. زوج بنت عمك ناصر :إييييييه ..ههههههههههههههه بـ تخطبها ؟ طارق:قلت لهم بـ أروح اشوفها .. وإن جازت لي ابيها ولا علي منكم ناصر :ماشاء الله عليك من موقف خقيت معها ؟ طارق : لآ .. انا اهلي كانوا يدورون لي ..ومصخوووها لوني معرس يوم اقولهم قد جاني بـزآرين .. وندى هي اللي اعرفها وقد شفتها يعني ناصر:تعرفها طارق:يـاتنكه مب اعرفها اعرفها ... بس يعني قد شفتها وادري وش هي يعني مب داخل على عمـآي ◙◙◙◙◙ طلعت من المكتبه وركبت السياره وهي فـ قمة توترها .. طالعته بـ عيون خآيفه وهي تضم كتبها اللي داخل الكيسه الحمرا محدده بـ الابيض لـ صدرها من جرير ماعلق ولا تكلم .. حرك السياره بـ ملامح جامده .. تخاف منه لا عصب .. ليه لا وهي شافته كيف مع جده .. هذا هو لا عصب يصير وحـش ولا روّق .. تحسه حمل وديـع مايضرك .. جود ببتسامه :آسفه لآني تأخرت ..بس على مالقيت كتبـي التفت لها وهو مبتسم :هههه مشكله اللي شآك فـ نفسه جود :يعني مب معصب نواف :لا .. "وببتسامه " والله وكبرنا يـاجووييد وصرنا نروح للجامعه ونشتري لها كتب جود :إييييه عيوني مب بس انت نواف:ههههههههههههههه بـ فتك من "ويقلد صوتها" والله المدرسه هي اللي كارهنتي ومستلعنه علي انا ماسويت شي جود :وانا صـادقه لين قلت لك كذا اكون صادقه نواف:سـبحاااان الله كل المدرسات كارهينك جود:لا مب كلهم بس حقت العربي .. والجغرافيا وووو ..امممممم ..التعبير نواف:في ثالث تاخذون تعبير؟ جود :إيييييه .. احل زيكم يالعلمي نواف:هههههههههه صح المهم تخرجي وفكينا منيب فاضي لك انا ومشاوير جامعتك المشكله انك ماتحبين السوواايق ولا كان جود:ههههههههه لا والله اخاف بعدين اتعود ان شاء الله نواف:إيه كل شي بعدين ..حتى الحمل بعدييين ..الظاهر اني بصير شايب وانتي معييه تحملين جود:هههههههههههه خلني أستقر فالجامعه ثمن نحكي بالهموآضيع ! ----[ The End ] * . . تمت بحمد الله رواية ثقيلة مزحة الدنيا | ||||
|  |
|
14-11-15, 11:49 PM
| #152 | |||||||||||
| نجم روايتي وقاصة بقصص من وحي الأعضاء وكاتبة في قلوب أحلام وكاتبة ومحرر لغوي بقسم وحي الخيال - مقيم التسالي - منسق المجلد الأول لوحي الخيال - م  
| شكرا علي الرواية | |||||||||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
