|
لو تاقف امالي على كف الأخطار والله لموت ولا يبين انكساري [ للكاتب هاجس ليل] كلي شقا كلي مل كلي اسرار كلي غموض وصار هذا شعاري كلي صبر كلي مشاوير واسفار في داخلي غربه وحيره وطاري كلي وفا كلي احاسيس واشعار مبداي ثابت ماتغير مساري لو تاقف امالي على كف الأخطار والله لموت ولا يبين أنكساري .............................. &&&&&&&&&&&&&&&&&&&&&&&&&&&&&& الـــــــــــــجـــــــــ ــــــزء الأولـــــــــ &&&&&&&&&&&&&&&&&&&&&&&&&&&&& بدت تصحى وهي تتلمس السائل على وجهها ....حار ولزج ...مدت يدها لعيونها اللي فتحتهم بصعوبه وتعب / دم ؟؟ الله ياخذك الله ياخذك متى افتك منك متى ؟؟ تسحبت للحمام بثقل ووقفت قدام المرايه وهي تستند على المغسله وتطالع وجهها والدم السايل من خشمها وشفتها المورمه / آآآآآهــ الله ياخذني وارتاح من الدنيا وبلاويها مليت مليــــــــــــــــــتـــ ــــــ دخلت تحت الدش بملابسهاالمتشققه منقرفه من نفسها وحالها فسخت اللي باقي منهم بقرف وعنف ورمتهم على الآرض بقوه وأخذت تغسل جسمها وتفركه بقوه كأنها بتقطع جلدها ودموع الألم والقهر والضعف تسيل على خدها / اصبري ياشمس اصبري ................................... تطالعه بصمت وهو يقرا الجريده وتتأمله بحب وهيام مد لها البياله الفاضيه وصبتله شاهي بسكات شربها من دون اي كلمه ساعه كامله قاعد يفصفص فيها الجريده ولا عبرها ولا عطاها وجه جت بتقوم بس خافت يبي شي حطت يدها على كتفه بحنان وهو متحمس مع الجريده وناسي اللي حوله نقز من الخرعه / وجععععععععععع هبلتيني .....شالت يدها بسرعه من على كتفه خوف من صراخه وعصبيتة القريبه اللي تنبأت بها - كذا تهبليني ماتعرفين تتكلمين تنبهيني ماتشوفيني مركز بالجريده ......امتلت عيونها دموع الموضوع مايستاهل كل هالصراخ والعصبيه والتجريح وهزت راسها بعلامة الرفض -اوهووووو نسيييييييييت .....بس بعد لا تسوين كذا بغى قلبي يوقف .....مزون مره ثانيه اشري قدام وجهي على الأقل نبهيني .... هزت راسها علامة الرضا وببتسامه عارفته أنه تحسف بس لايمكن ينطق كلمة الأسف على لسانه نبرة الندم بصوته تكفيها هو طيب وقلبه ابيض بس عصــــــــــبــــــــــــ ي وعنـــــــــــيــــــــــ ــد وبنفسها [ أنا غبيه كان نبهته بعد كم مره يهاوشني مااتوب ....مفروض يشتريلي جهاز يطلع صوت عشان انبهه .....يعني بالله عليه وشلون انبهه وانا مااتكلم.................... بالعربي طرمـــــــــــــــاء ] ............................................ بـــــــــــيــــــــــــ ـــــبــــــــــــ جيتكم جيتكم الشيخه وصلت الــــــــــســــــــــــ ــلام عليكم الكل رد /هلا هلا حيالله الغاليه وعليكم السلام حبت راس ابوها وامها وضربت روس عيال اخوها التوأم بخفه / وش لونكم حطو ايدينهم على روسهم بالم عادتها ماتخليها ماتسلم عليهم الا بالضرب معنهم اكبر منها وعليها يد مرزبه تفقش الراس -آآآآي يابقره كسرتي راسي -اقول طماطه اسكت لا تصدع راسي آآآي وآآي كنك بنيه - الحين عشاني اقول آي صرت بنيه ليه الرجال مهوب ادمي يتوجع تكلم الثاني - حشى مهوب يد عليك عجره قامت له وخنقته بين ايديها / ضاحيوه قل ماشاء الله لا تنظلني مافيني حيل لعيونك يحاول يتكلم بس مايقدر كاتمه انفاسه يالله ياخذ النفس / مــ ـــاشـــ ـــا ا ا الــ ـــلــ ــهــ مافكت يدينها لين شافت عيونه بدت تحمر تركته - حسبالي بعد مانت قايل ماشاءالله هه وراحت وجلست ولا كأنها سوت شئ ضاحي وهو يتنفس وشوي ويشفط اللي بالصاله من قوة تنفسه / جعلك الفاري بغيتي تذبحيني وراي زواج وعيال أنتي بنت انتي ؟؟ لا وبعد مسمينك الجازي اسم كله انوثه ورقه وحنان وانتي من جنبها لفت له وعطتها نظره / الظاهر ماتبت تبي من يعلمك وشلون الناس المهابيل يتوبون رفع ضاحي يدينه بأستسلام / لالا استسلم والله استسلم عارفك انتي ماحد يدوس لك على طرف تلميذه سطام - وه عساني فدى سطام بو عبدالله طماطه / اللي يشوفها يحسبه رجلها مايدري انه ولد اختها وهي خالته - اعوذ بالله من الغيره وين تودي الناس له ضاحي /اخبر البنات رقه ونعومه الا انتــــــــــــــــي كراتيه وسواقة سيارات بكل انواعها كبيره صغيره وتطعيس ومضارب ولسان مطرّق طوله كيلو - قل ماشاءالله لا تظل خالتي /منتد قسم من حي قلم الاعضاء طماطه / اووووووووه اكتملو اجتمع قيس وليلى الظاهر يوم رضعتو من جدتي تبادلتو هرمونات ولا شئ انتي طلعتي عربجيه وهو على الطالعه والنازله قل ماشاءالله وماشاءالله كنه حرمه هههههههههههههههه ............................... نرجع شوي لقبل 13ســـــــــــــنـــــــــ ــــهــ ونشوف كيف كانت حياة ابطالنا لااااااااااااااااا ابــــــــــــــــــــويـ ــ وطاحت عليهم بلا حراك شالوها وودوها للمستشفى طلع لهم الدكتور من الغرفه بعد مده / البنت فيها صدمه عصبيه عطيتها مهدئ وان شاءالله على بكرى تكون صاحيه بس وش اللي صدمها لسى هي طفله وش اللي اثر عليها نزل العم راسه بإنكسار وحزن / واللدها توفى ومن درت طاحت علينا الدكتور / طيب امها اخوانها وينهم محتاجتهم الحين يوقفون جمبها مهما يكن وضعهم هي طفله تبيهم حولها زاد حزن العم / امها توفت قبل سنه ولا لها الا اخت اكبر منها بسنه وشوي هز الدكتور راسه بأسف على حال البنت وراح وخلاهم .............................. لااااااااااااا يمه حراااااااااام عليك حرام - وش الي حرام خلاص كبرتي صرتي طول اللايحه -آآآآهــ آآآآآهـ آهــــــــــي مابي اتغطى مابي حرام عليكم ليه تلبسوني عبايه توني صغيره بالأبتدائي هاذي شمس ماتغطت للحين - ماعلي من زيد وعبيد خلاص كبرتي بلغتي مانتب صغيره ...وان شفتك تلعبين ويا واحد من عيال عمامك ولا خوالك ولا عيال الحاره بأحش رجولك حش فاهمه - لااااااااااااا يـــــــــــــمــــــه .....وطلعت الأم وتركتها ولا اهتمت لصياحها ماقدرت تستوعب اللي امها تبيه منها وشلون تمنعها تلعب مع العيال وهي طول عمرها معهم امها كأنها تحرمها من الاكل والشرب مو اللعب [أجل العب مع من مع البنات وععععععععععععع مايعات ولا يعرفون يلعبون الألعاب اللي احبها ] دقت على ولد اختها وصديق الطفوله وهي تبكي/ آآآآآآآهــ الو سطام شفت امي تقول لا تلعبين مع العيال وبعد تغطي ولا عادذ تطلعين الشارع وتلعبين سطام / ليييييييييه ؟؟ -تقول خلاص كبرتي وبلغتي -بلغتي ؟؟!! بس انا توني - تقول امي الحريم يبلغون قبل الرجال وتجيهم الدوره قبل - وانا بتجيني الدوره مثلك - لااااااااا ياغبي بس الحريم -يووووووووووه ابروح اسال امي متى ابلغ كلنا كبر بعض تكبرين قبلي وانا توني صغير وصك السماعه ......................... مزون مزون تسمعيني ؟ مزون حبيبتي ردي فتحت عيونها ببطء وشافت عمها قدامه توام ابوها اللي فقدته نسخه من ابوها فتحت فمها بترد عليه لكن عجزت فتحته مره وثنتين وثلاث لكن ماقدرت تبي تقوله ضمني ياعم ضمني كلهم راحو ابوي وقبلهم امي ماحد بقا لي بس خانتها حروفها ووقفت بحلقها بدت دموع الضعف والعجز تسيل على خدها ببراءه وهي تأشر لعمها بيدينها بعصبيه تبيه يفهما ويساعدها تحاول تشكي له بحركاتها بس من يفهمها راح يركض بالأسياب مثل المجنون ولا اهتم للي صدم فيهم واللي تلفظ عليه منهم كل همه يلقى دكتور بنت اخوه فتح باب الغرفه بلا استأذان وبعصبيه / دكــ تـــ ــور دكتور ماتتكلم ماتتكلم بنت اخوي ماتتكلم الدكتور وقف / نــــــــــــــــــعـــــ ــــــــــم .............هاذا اللي كنت خايف منه راحو لغرفتها ركض وهي تهز راسها يمين ويسار بعصبيه وكانها ترفض الحاله اللي هي فيه بدأ عمها والدكتور يهدونها لحد ماهدت الدكتور / تكلمي انطقي تقدرين تتكلمين .....هزت راسها بالرفض الكتور / تبين تتكلمين بس ماتقدرين صح ....؟؟ هزت راسها بالموافقه طلع الدكتور واستدعى طبيب القسم النفسي اللي خبرهم انا اصابها بكم نتيجة الصدمه ويمكن تزول ويمكن لا مع الزمن كل شئ بيبان اخذ العم بنت اخوه لبيته بعد يومين قضتهم بالمستشفى طفله كان وجهها يشع نور وبراءه 12 ربيع عمرها فقدت امها وابوها واختها والكلام ماراح تتكلم بعد اليوم الا اذا ربي قدر لها انها تتكلم ................................ من ذا الحرمه اللي جايه مع عمتي ام محسن -يمكن مرت ولدهم - بلا غباء لو مرت ولدهم كان جاء معهم ضاحي وضاري الطماطه وبعدين شكلها صغير ه مهوب كبيره خلنا نروح نشوف منهي يالله - السلام عليكم ياعمه /منتد قسم من حي قلم الاعضاء العمه / هلا هلا بعناد والدحمي حبو راسها / عيدك مبارك تقبل الله العمه / منا ومنكم ...ماشاءالله كل مالكم وتطولون صرتو نخيل عناد / ههههههههههه خلاص كبرنا 17 سنه وبندخل للجامعه العمه / هههههههههه ماشاءالله الله يبلغني فيكم واشوفكم معاريس وبيدينكم حريمكم عناد والدحمي / آآآآآآآآآآمــــــــــــيـ ـــــــــــن - شوي شوي لا تطيح بلاعيمكم لفو بصدمه للحرمه اللي عارفين صوتها بس شكلها غريب عليها كلهم بصوت واحد / الــــــــــــجــــــــــ ـازي الجازي وبفرحه فتحت غطوتها / هههههههههههه ماعرفتوني صح واحد صفر العمه / الجازي ووجع تغطي وش قلتلك تغطت بسرعه خوف من امها عناد / ههههههههههه لبسوك عبايه خساااااااااااره من يبارينا الحين - انطم لا تضحك علي وزاد ضحكه عناد فيها مادرى الا وهو طايح على الأرض بحركه وحده من الجازي وهي تركض تدخل بيت خوالها وعبايتها الراس وراها طايرها مثل البرشوت _ آآآآآآآخ هيييييييين اوريك الدحمي / ههههههههه ماحد قالك تتعرضها تعرفها ماحد يغلبها باربع اشياء الكوره والاونو والكيرم والكارتيه على نحفها بس فيها قوة رجال هههههههههه طيحتك وانت طولها مرتين ............ بس شكلها صايحه قبل لا تجي عيونها حمرا ومنتفخه - آآآآآآخ ماعليك منها عن 60 رجال بزر قريح كسرت ظهري الدحمي / هههههههههههه تستاهل مااحد يقواك الا هي ..................... والله مادري وش اسوي مادري البيت مليان عيال وكلام الناس مايرحم مع اني واثق بعيالي بس الشيطان حريص ولا احد ضامن عمره مايدري هو يعيش لبكرى ولالا حطت يدها على كتفه / لا تفاول على عمرك خلها على ربك وهد نفسك يابو متعب الصبر زين - مزون من صوب وحالتها وطيف اختها من صوب .....انا مادري منين طلعوا خوالها مهيتينهم طول ذيك السنين هم وامها ويوم جا الورث جو ياخذونهم بكل برود آآآآهــ بس ام متعب / وش بيدك تسوي مالك سلطه عليها - آآآهــ هاذا اللي شال يدي مزون وانا الوصي عليها ماقدرو ياخذونها مني بس طيف لا اني عمها ولا خالها حيا الله اخو رجل امها حنا اللي ربيناها بينا وما عديناها غريبه ورضعت مع عيالنا بالأخير نصير حنا الغرب وهو القرب آآآآخ منك يازمن -أم متعب / هد نفسك قلبك مايستحمل راحت مع خوالها وانتهى الموضوع وبيصيرون حريصين عليها مهما يكون هذولا خوالها والدم عمره مايصير ماء ........................... اقول ضف وجهك لمسح بخشتك الشارع - يـــــــــمـــــــــه خوفتينا وش بتسوين يعني بتلاحقينا بعباتك يعني وصلت عندها من العصبيه وفسخت عباتها ورفعت فستانها وربطته على خصرهاوطلع بنطلون الرياضه القطن الأزرق الهلالي هم شافوها ولا ماشافوها تستعد لمضاربتهم ولا همتها عباتها ولا اي احد حطو رجلينهم وانحاشو وهات ياطردي وراهم لحد مامسكتهم وكوفنتهم عدل يوم خلصت منهم تفلت عليهم - انا بنت ابوي ماحد يتطنز علي .....وخلني اشوف احد فيكم يوطوط قدام قدام البيت لأخليه طول حياته بلا رجلين ومشت راجعه لبيتهم ونافخه صدرها وكلها غرور وكبر وعيال الحاره يصفقون لها هاذي الجازي مو حيا الله قائدة المهمات الصعبه وراعية الفزعات والمساعدات حتى اللي اكبر منها مايستغنون عنها عقلها اكبر من سنها وعليها تخطيط اجرامي ............................. بـــــــــــــعــــــــــ ـــد ســـــــــــنــــــــــــ ه يبه من جدك تتكلم - ايه وش شايفني امزح معك انا - لا العفو يبه بس مزون مــــــــــــــزونــ يبه - ايه مزون وش بها يعني - بزر يبه بزر وش اسوي بها هي اولى متوسط وانا ثالث جامعه - مؤقت بس لحد مايجيها نصيبها وتروح لحال سبيلها وماعليك منها تزوج لو تبي وشف حياتك - آآهــ خلني افكر وارد عليك - مافيه تفكير رد علي الحين المرض يتمكن مني وانت اكبر اخوانك واركدهم كلهم مطافيق وخفاف لو ازوجها لواحد فيهم بيغلط معها وبيحرمها من نصيبها ولا كبر وبغى يتزوج بيتزوج لكن بعد وش بعد ماكسرها وجرحها بس انت غير انت بتضبط نفسك وتتحكم بها وبتعدها مثل خواتك - خلاص يبه ماعاش اللي يرد لك طلب ضمه الأب بفرح / هاذي هقوتي فيك يامتعب ......................... بـــــــــــــعــــــــــ ـــد ســـــــــــنــــتــــيــ ـنـــ شـــــــمـــــــس روحي غيري لباسك هاذا لباس ؟؟ - يمه ليه وش فيه حلو -حلو عند الحريم مهوب عند اخوانك وعيال عمك - يووووووووووه يمه توني صغيره لسى 15 عمري لا تصيرين معقده مثل خالتي اللي مغطيه الجازي وهي بسادس نزلت تتمخطر لصاله ولا اهتمت لكلام امها ببنطلون جنز ضــــــــيــــــــق وبدي بلا اكمام وقصير اي حركه يطلع بطنها وجلست على الكنب مايفصلها عن ولد عمها الا شبر وقدامهم التلفزيون اللي كان فيه فلم اجنبي * اثنين بعز شبابهم ومراهقتهم هي 15 وهو 20 شاب كله شباب وقوه ورغبه ومراهقه كلها انوثه ورقه ودلع ....جسم ممتلئ ملفوف وشعر يزيدها جمال بنعومته وسواده وبياض يزيدها اشراق وجاذبيه وفلم يزيد الرغبه والشهوه الحيوانيه بجسده والشيطان ثالثهم بلا حسيب ولا رقيب وصار ينقل نظره ....نظره على التلفزيزن ونظره لها تنهش بجسدها ......لحد ماحست انها مراقبه التفتت له وشافت نظراته لها ....هي توها بمرحله النتقال من الطفوله لشباب مافهمت وش مغزى نظراته لكن اعرفت ان هاذي مو نظرات ولد عمها اللي تعودت عليه لا هاذي نظرات حيوان بينقض على فريسته انباتها غريزتها بقرب الخطر منها قامت من عنده بسرعه وصعدت الدرج وبنص الدرج مسكها بقوه لفت له بصدمه من حركته ووجهها بوجهه وانفاسه الحاره والثايره تلفح وجهها أطالت النظر بوجهه تحسه يغالب شئ بنفسه أو يتكلم مع نفسه ماتدري وش فيه / ناصر بس تركها فجأه وكانه جمره يخاف تحرقه ولا خلاها تكمل حكيها / لا عمرك تجلسين عندي لا صرت لحالي فـــــــــــاهــــــــــم ــــــــــــه وغيري هالمصخره اللي لابستها مايسمى هاذا لباس المره هاذي مسكت نفسي بالعافيه بس المره الثانيه مادري وش بيصير والشيطان حولنا وتركها وطلع من البيت وهي تنتفض من الخوف نص كلامه عقلها فهمه ونص كلامه عقلها رفض انه يفهمه .......................... مزون مزون جت قدامه ووقفت ....روحي روحي للغرفه جيبي شنطة الأوراق بسرعه راحت بسرعه وجابت الشنطه وعطتهياه لف بيطلع ......حطت يدها على كتفه لف لها بفزع / مزون كم مره قلتلك لا قد تحطين يدك على كتفي ابتسمت له ببلاهه وكانها تعتذر منه ومدت له ورقه اخذها منها وقراها / بس هاذي الأغراض ماتبين شئ غيرهم .....هزت راسها بالنفي ناداه ابوه قبل مايطلع / متعب بتطلع الحين ...؟؟ متعب / ايه ابروح لواحد من الربع بندرس انا وياه خطة المشروع الأب / ايه الله يوفقك بس ابي اتكلم معك شوي متعب / تامر امر تفضل لف الأب لمزون /مزون روحي شوفي امك وين وناديها لي هزت راسها بالموافقه وراحت جلس الأب ومتعب - يابوي يامتعب انا يوم ملكتك على مزون ماكنت ابي افرضها عليك وتكمل حياتك معها ولا احملك حمل مالك خص فيه واكبر من طاقتك لا بس كلام الناس كثير وابي اقص السنتهم وانت عارفني رجال مريض ومالي بالدنيا كثر اللي مضى مابي لا صرت تحت التراب تنذل وتنهان وياخذونها خوالها ويلعبون بحلالها لأن مالكم سلطه عليها مثل ماخذو طيف يوم عمانها مابغوها وهم ماشوفها .....ولالها فلوس كثر اللي عند مزون اكيد بياخذون مزون عقب موتي - بعد عمر طويل يبه لا تفاول على عمرك - الموت حق وكلنا ذايقينه ....انا مابيك تربط مصيرك بها شف حياتك متى مانويت العرس شاور بس وانا ازوجك واعتبر مزون اختك مهوب زوجتك انت بسن زواج وهي توها بزر صغيره على الزواج - ان شاءالله يصير خير ....حب راس ابوه وطلع وهو يقلب الكلام براسه [ليش مااتزوج ابي بيت ومره وعيال ابي استقر وانا ماعلي قاصر الف بنت تتمناني اخلاق ودين وفلوس] ............................... يالله يالله روح جيب الفله - لالالالاهذا غش عارفه انك بتفوزين عشان كذا تتشرطين - والله ياعيوني كانك مانت قد اللعب والتحدي ليه تلعب وتفشل نفسك ....وخشنت صوتها ...يالله قم وروح ورنا طولك وجيب الفله لسهره مايصلح فلم بلا بطاطس وببسي قام وهو يتحرطم عليها ومنقهر منها ومغلوب على امره يعرفها لو مايقوم بتشوته يقوم بكرامته اصرفلها -والله ذا البنت جننتني ...كلن هاوشها بس ماتسمع لحد ولا تهاب من احد شوفي شوفي قاعده تلعب مع العيال بعبايتها كيرم ... تعبت معها مادري وش اسوي بها حتى عيال الحاره مانسوها يوم تغطت ولا اهتمو هي تغطت ولالا يجلسون عند عتبت الباب وهي من داخل ويسولفون كل اخبار الحاره عندها لو ماقفلنا الباب عنها كان طلعت وجلست معهم برى - هههههههههههه طولي بالله ياوخيتي .....ياحليلها الجازي مايهمها احد تسوي اللي براسها ولا يهمها احد بس انها طيبه واخلاق واذا بغيتها بشئ بالبيت ماتقصر - ايه والله صادقه واخوانها يحبونها ويغلونها ولا كان ماسكتو عنها للحين ...الله يهديها ويرزقها والله اني ادعي الله كل يوم انها تعقل وتترك هالحركات عنها - اصبري عليها شوي صعب عليها تتغير بين يوم وليله طول حياتها مع العيال وتبينها تنساهم بأيام - الله يعين بس ...................... نزلت تتمخطر على الدرج بدلع بتنوره قصيره وضيقه وبدي من دون اكمام وفتحه بالظهر مطلعها حوريه وجسمها اللي اكتملت عليه علامات الأنوثه وعيون شيطانيه تراقبها من اول مانزلت من الدرج لحد ماستقرت على الكنب بالصاله وبنفسه [وش هالغزال ويني عنه من سنين] اجلست وارتفعت التنوره وحطت رجل على رجل وارتفعت زود وهو جالس ينهش بلحمها نهش مااهتمت منه ولا من نظراته لآنها تعودت عليهن اي حرمه يشوفها بهالنظرات حتى خواته فأعتبرتها عاديه ولا لقتلها بال ...اخذت الريموت وبدت تلف على القنوات لفت له بدلع / وينهم اهلي ؟؟ - هاه - اقول اهلي وينهم البيت فاضي؟؟ - كلهم طالعين يزورون جدتي وبيتعشون عندها - يوووووووووه ملل البيت فاضي مره ياليتني رحت معهم ياليت وبخبث قال / متملله تبين تلعبين ؟؟ - وش قالولك بزر اللعب قرب لها وجلس بجمبها / هاذي لعبه غير حقت كبار بفرح طفولي لفت له / وش ذا اللعبه ؟؟ - تعــــ.... شـــــــــــــــمــــــــ ــــــس انقلعي فوق - بسم الله ناصر ليش تصارخ ؟؟ قهره برودها وردها / انقلعي فوق دام النفس عليك طيبه قامت بسرعه ولما مرت بجمبه كلمها من بين ضروسه / كم مره قلتلك لا قد تلبسين ذا المصخره صعدت فوق بسرعه خوف منه وانقهر زود لما بانت له فتحة الظهر ماكفاها شكلها تو يوسف لاصق فيها ولا بسه لبس كاشف اكثر من ماهو ساتر ومحليها زود على حلاها ويوسف ونظراته لها يعرف اخوه خبيث هو قدر يمسك نفسه وربي نجاه ونجاها من اللي كان بيسويه بس يوسف مايهمه احد مايهمه غير نفسه وشهوته لف لأخوه عطاه نظره وطلع من البيت وهاذي كانت اكبر اغلاط ناصر اللي ارتكبها بحياته تاكد من خروج اخوه وان البيت فاضي مافيه الا هو وهي والشيطان راح لها لغرفتها ونسى كل شئ الدين والقرابه والغرض كل شئ رماه ورى ظهره فتح الباب بقوه ....حطت ملابسها عليها تستر نفسها منه/ هــــــــــــــيـــــــــ ـــه خيرررررررر وش تسوي اطلع من الغرفه بدت عيونه تتفحص جسمها مثل الذيب لابغى ياكل الشاة - ليش متغطيه ؟؟ لاتستحين مني انا يوسف مهوب تبين تلعبين هذاني جيتك برسم الخدمه العب معك هههههههههه - اطلع برى اطلع قليل الأدب والله لأعلم ابوي عليك والله - هههههههههه علمي من اللي ماسكك -تحاول تغطي نفسها ببلوزتها اللي فسختها عشان تبدل ملابسها بس هو سحبها منها وصار ينهش بلحمها .......ضمت نفسها بيدينها تغطي جسمها وتهدي نفسها الفزعه وبدت دموعها تشق طريقها على خدها / اطلع ياحيواااااااااااااااااااا ان اطلع ياكلب ياوصخ ماهتم لصراخها ولا كلامها كل همه يشبع رغبة الحيوانيه سلبها كل شئ بدقايق طفولتها ومراهقتها احلامه وامالها ومستقبلها سعادتها وفرحها عذريتها وشرفها وصوت صراخها يتردد بالبيت ويرجع لها & مع اطيب أمنايتي بقراءة ممتعه لكم & & أخوكم هاجس ليل & |
&&&&&&&&&&&&&&&&&&&&&&&&&&&&&& الـــــــــــــجـــــــــ ــــــزء الــــــــثـــــــــانـــ ــــــــيـــــ &&&&&&&&&&&&&&&&&&&&&&&&&&&&& (( ـصــــورهــ نـــــــاقــــــــصــــــ هــــ )) بـــــــــــــــــعــــــ ــــــــد عــــــــشـــــــــر ســــــــنــــــواتــــــ صار عمر زهراتنا 25 سنه كل زهره لها حياتها وطباعها مشاكلها وآمالها أحزانها وافراحها وكل وحده منهم بنت عالمها الخاص فيها اللي ترتاح به وفيه خالي من اي حدود او قيود .....خالي من اي شئ منغص عليها واقعها اي شئ تمنوه بواقعهم ولا حصلوه وفروه بعالمهم السري .....عايش بهم ولهم ماحد يدري عنه ....رسموه بخيالهم يلجاون له دائما ويحتمون فيه زهرات تضمهم جنات ....خضره وجو وسماء تحيطهم صافيه وشمس مشرقه وابتسامه ترتسم على وجيههم بواقعهم رغم الألم رغم الحزن الثاير وسط القلوب اللي هز الروح وخلاها هشيم .....لكن مع ذلك تميزو بالقوة والصلابه مثل عود الخيزران واقف في وجه الريح وصامد صح ينحني لكن ماينكسر يساير الريح لكن مايخضع له زهراتنا تربطهم صله الدم والقرابه قبل الصداقه شمس والجازي أمهاتهم خوات وابائهم أخوان .....ومزون مرت عمها ابو متعب اخت ام الجازي وشمس زهرات يانعات تغري الواحد لأجل يقطفها ....فيه اللي انقطفت بكل وحشيه وقسوه وعدم رحمه ورماها بقايا انسان وفيه اللي ذبلت واصفرت اوراقها ولا أحد اهتم بها كثر الصد والجفاء اتعبوها وفيه اللي حوطت نفسها بأشواك مايسترجي احد يقرب منها أو يفكر يقطفها خوف على نفسه لا يتأذى ................................ فــــــــــي وقــــــتـــــــٍ وبــــــيــــــــتـــــــ ٍ مــــــــا - هاه بتجين اليوم ؟؟ بصوت مخنوق من الصياح / لا - لــــــــيـــــــــه ؟؟ ووش فيه صوتك كذا ؟؟؟ - زاد صياحها بكاء قهر وظلم ......انهارت يوم سمعت صوت صديقتها وروحها - يوسف الكلب مره ثانيه ؟؟ مالقتلها جواب غير صوت الصياح يرتفع وونة ألم وقهر وظلم يقطع صياحها - لاحول ولا قوة الا بالله .....وارتفع صوتها بعصبيه / وانتي مثل العاده لا كلمه ولا شئ مثل الجدار يسوي اللي يبي ويروح - مـ ـــ ـــ ـــا أقــ ــ ـــدر أتـــ ــكـ لـ ــم - نـــــــــــعـــــــــم وش اللي ماتقدرين تتكلمين .....شمس هذا شرف مو شئ هين ....كم مره يعتدي عليك هــــــاه؟؟ كم مره انطقي ... - كثير كثير آآآهــ أهــي - آه بس لو اشوفه مره وحده بس وحده لحاله لأدوس ببطنه لأعلمه من الجازي ووشلون يعتدي على اقاربها لكنه الجبان النذل الـــ.... يخاف يمشي لحاله ببيت خوالي يخاف من مره من مره وانتي اقعدي لين بكره تحملين ويرمي بلاه عليك ويقول انتي اللي جايته بنفسك - بــــــــــــــس بــــــــــــس يكفي خلاص مابي اسمع شئ ...... انتي تقدرين تتكلمين وعندك الجراه لكن انا لا مو كل الناس مثلك لو اقول لأهلي الحين بيقولون ليه ساكته طول عشر سنين ومخليته على كفه أكيد بيظنون اني راضيه افهميني افهميني وارحميني لا تزيدين علي تحسبين انا مستانسه من الوضع كل مايخلص مني اكره نفسي واتقرف منها والعن الجمال اللي جر علي المصايب كم وكم حاولت انتحر بس بالأخير اتراجع واقول ليه اخسر دنياي واخرتي عشان شخص مايستاهل آآآآهــ - رق قلب الجازي عليها بس من قهرها منها وضعفها وسلبيتها .....لو هي مكانها كان قالت وقالت ولا خلته يمشئ على وجه الأرض مستانس وهو ماخذ اعز ماتملك لو فيه موتها ويتردد عليها وياخذ اللي يبي منها كأنها فاجره وباغيه بايعه نفسها برخيص وهي ساكته ومستسلمه له من دون اي محاوله لرد كرامتها والأنتقام منه من اللي ترضى على نفسها تعيش هالحياة من ترضى ينسلب منها شرفها وهي ساكته خوف من العواقب .....بس فعلاً مو كل البنات مثلها هي تربية رجال واخت رجال غيـــــــــر غير تاخذ حقها بيدها لو فيه قص رقبتها - تنهدت تطرد من داخلها القهر والعصبيه والتفكير / آآآهــ طيب تعالي اليوم لجمعة خوالي ووسعي صدرك مزون بتجي - اشوف - الجازي بعصبيه / مافيه اشوف تجين غصب عنك ورجلك فوق راسك - طيب بسم الله علي خلاص بجي - ايه حسبالي مانتي جايه بعد .....حريم مايجون الا بالعين الحمراء هههههههه - هههههه لا والله وانتي وشو ان شاءالله - احم احم انا الجازي بنت ابوي - صدق ؟؟ - صدق مرتين ؟؟ طــــــــــــــيـــــــــ ــبـــــــــ يـــــــــــــمــــــــــ ـــه - عمى فجرتي اذني كل ذا تردين - عمى يعميك امي تحت وشلون تسمعني لا زم اصارخ - طيب روحيلها قبل ماتجي تهاوشني معك كالعاده - يالله سلااااااااااااام الى اللغاء في منزل الخوال - ههههههههههه الى الملتغى عن غريب وصكت السماعه وهي ممتنه لصيدقة عمرها الجازي دايم تطلعها من ضيقتها وحزنها من دون شعور منها وتقويها وتعلمها كيف تساير الحياة من دون ماتنكسر هي القويه بشلتهم الثلاثيه هي العقل المدبر لهم ......هي اللي دايم يكونون تحت حمايتها ويحسون بالامان معها فعلا هي عم 60 رجال وتسواهم كلهم .....يمكن قوتها استمدتها من تربيتها ويمكن لأن حياتها خاليه من المشاكل ولا قد انوضعت بمشكله يمكن ويمكن اشياء كثيره تفسر قوتها وصلابتها اشياء تعرفها واشياء ماتعرفها تركت التفكير عنها ملت منه كل حياتها تفكير بتفكير ......وقامت تبدل ملابسها وتستعد لجمعة خوالها الأسبوعيه ......................... فــــــــــي نـــــــفـــــــــس الوقــــــتـــــــ لكن بــــــيــــــــتـــــــ آخـــــــــــر دق جوالها بنغمة رساله فتحتها وابتسمت بهدوء ونعومه كالعاده من محتوى الرساله <اسمعي ياعبده تجين اليوم يعني تجين وغصب عنك لو مااشوفك جايه لأجي واسحبك مع كشتك ساااااااااااامعه يالله ضفي وجهك وراي شغل وناس غيرك> اتسعت ابتسامتها على هبال صديقتها اللي ماتخليه لو فيها الموت دايم تحب تجمعهم وتدورهم وتتفقدهم ماقد قطعتهم يمكن هي تهتم فيهم اكثر من اهاليم عارفه انها بتجي اليوم لبيت خوالها لكن مع ذلك ترسل لها يمكن تبي تحسسها انها مهمه عندها يمكن تبي تحسسها ان الجلسه من دونها مو شئ ولازم تكون حاضره بس اهتمامها فيهم هي وشمس يخليهم يحسون انهم مايسواهم احد عندها وخصوصاً هي لها وضعها الخاص صحيح كلهم يعاملونها بتميز شوي كانها فاقده كل حواسها وساعات مايتكلمون معها يأشرون لها كانها ماتسمع ونظرات الشفقه والرحمه اللي بعيونهم تكرها وودها تفقع عيونهم لا شافوها بها هي كانت مثلها مثلهم بيوم ماينقصها شئ لكن الله ابتلاها بمرض وناس مايفهمون افعال يسوونها من دون قصد منهم لكنها تجرحها وتدمي قلبها مافيه الا الجازي الا تحسسها انها بنت كامله ماينقصها شئ مثل الباقي وتقويها وتساندها .....عارفه ان بيت عمها ماقصرو معها واعتبروها بنتهم ووصية ابوهم لكن الجازي غير عنهم .....تفهمها وتفهم نفسيتها لكن هم لا المهم تاكل وتشرب وتنام من دون اي توابع ثانيه وهالشئ اللي خايفه منه على بنات عمها هي لقت حضن دافئ يضمها لكن هم لا ......مراهقات بوجه الأيام من دون احد يحتويهم - هــــاهــ اشوف الأبتسامه من الأذن للأذن لفت له برعب من صوته اللي افزعها - هبلتك ؟؟!! معليش عشان تعرفين وشلون تنقزيني لما تحطين يدك على كتفي ابتسمت بهبال مثل عادتها وهو يعرف ان هالأبتسامه معناها اعتذار - هههههههه خلاص فهمنا بس لا قد تبتسمين هاذي الأبتسامه تقهرني زادت ابتسامتها تقهره .....لا تبتسمين كذا ماتسمعين .....وضربها على راسها بخفه ومزح - متعب كسرت راس البنيه .....هاه يمه مزون راسك يوجعك حطت يدها على راسها وبرطمت بألم فتح عيونه على الأخير / كذابه يمه لا تصدقينها ماقالت شئ الا يوم جيتي حركت حواجبها له بتقهره وهو ميت غيظ منها / شفتيها يمه بنتك وش تسويلي لفت لها الأم وقلبت مزون وجهها من ساخر لمتألم وهي للآن ماسكه راسها - وش فيها ماشوفها سوت لك شئ ....تضربها ولا تبيها تشتكي وتتوجع .....هزت مزون راسها موافقه كلام الأم - تكلم بقهر طيب اشوف من بيوديكم لعماني خلي بنتك العقربه تدبر لكم أحد يوديكم رفعت حواجبها بسخريه وحركت يدها معناها ماهميتني وطقطقت بجوالها وثواني واالجوال يرن وحطته على طول على السبيكر /هلا مزون خلاص تجهزي انتي وخالتي والبنات ابسحب حدى العيال مع كراعه واجيكم واخذكم اذا قربنا بدق عليك خلاااااااص صكت الجوال وابتسامه تشفي على وجهها - هاذي الجازي ؟؟ ام لسانين متى بتخلي حركات الورعان عنها كنها سيارتها ولا هي اللي بتسوقها تعزمكم عليها كتبت مزون شئ باالجوال ومدته له <لو تسمعك تعلمك وشلون تسبها من وراها وعلى قولتها كانك رجال من صلب رجال وريني مراجلك قدامي مو من ورى ظهري> - هههههههههه تعرف تصف حكي بعد رفعت اصبعها بوجهه بتهديد وعيونها تنطق كلام كثير ألا الجازي لا تتكلم عليها وعيونها باين عليها العصبيه عرفت ان تهديدها وصله راحت وخلته .......................... فــــــــــي وقــــــتـــــــٍ وبــــــيــــــــتـــــــ ٍ آخـــــــــــر يوووووووووووه راحو وتركوني مايقدرون ينتظرون شوي - بقى انا تروحين معي .... لفت لمصدر الصوت وهي تتنافض من الخوف .....هالصوت اللي اقرفها وعيشها بذل ورعب طول هالسنين سلب منها فرحها وحلامها وحياتها وامانها.....كل اللي قدرت تنطقه / لا...لا مابي وراحت ركض لغرفتها وهي تتعثر بعباتها مره تدوس عليها ومره تطيح ومره تقوم ماهمها وجع الطيحه همها تروح من قدامه بأي طريقه وبأي وسيله الخوف موقف تفكيرها ....ماتشوف قدامها الا غرفتها بتوصلها هي الأمان بالنسبه لها وصلت واخيراً وصدرها يصعد وينزل وتنفسها يالله تاخذه ووجهها مصفر من الخوف تسنتدت على الباب وكانها بتمنعه من الدخول ما قد نامت وهي مطمئنه وهي قريرة العين ....تنام ويدها على قلبها تفز من نومها كوابيس مزعجه تقض مضجعها صورته لازم تطلع بكل حلم تحلم فيه بكل شئ تفكر به ليش لا وهو اللي دمرها ومااكتفى بمره بل مرات .....لما يغيب عقله ويشرب السم مايعود يفرق بين الحلال والحرام يسوي اي شئ يخطر على باله ويبيه مايهتم من اي شئ او اي احد اهلها مو راضين يفهمون انهم كبروا ....وصارو شباب للآن أهاليهم مصرين على السكنى مع بعض تفكيرهم تفكير زمان يوم كانت خمس ست عوائل تسكن مع بعض بأمن وأمان الواحد يدفع عمره فدوه لأهل بيته ولا يضرهم شئ يعتقدون ان الزمن مازال هو نفسه ماتغير به شئ لكنهم كانو غلطانين وهي اللي دفعت ثمن غلطتهم مافيه الا عمها ابو الجازي وخالتها هم اللي طلعو من البيت لما بدو العيال يكبرون هم اللي تفكيرهم صح وتربيتهم وحرصهم على عيالهم صح ولو ظلو عندهم اكيد مصير الجازي بيكون مثل مصيرها طق طق طق -لاااااااااااا جاء ياااااااااااارب ساعدني يــــــــــــــــارب - يمه شمس يالله اطلعي ترى تاخرنا - امي امي هاذي امي فتحت الباب وارتمت بحضن امها تنشد الأمان بحضنها / مارحتو؟؟ - تعجبت الأم من حال بنتها / بسم الله عليك وش فيتس لامارحنا - قامت من حضن امها / لا بس اشتقت لحضنك .....وابتسمت ابتسامه تخفي فيه الخوف والرعب - هههههههه يالله اجل انزلي واركبي مع خواتتس تاخرنا على الرجال - رجا ل؟؟ اي رجال ؟؟ ماحنا رايحين مع ابوي - لا انا وابوتس بنودي اختتس للمستشفى وانتي وخواتتس بتروحون مع يوسف - يوسف يوسف ....تردد الأسم بمخيلتها وصحبه مشاهد ومواقف تكرهها / لاااااااااااا - شمس بسم الله عليتس وش فيتس اليوم ....وش اللي لا - لا يوسف لا لا - روحي بلا هبال بس ...كثر الله خيره حلف على ابوتس لا يوديكم مايبي يتعب عمه ويرجعلكم - لا....فاهمين مع يوسف ماني رايحه لو تذبحوني معه ماروح ....تتكلم وهي تنتفض وذكرى امس واحداثه يمر قدامها - خافت امها عليها من اليوم ماهي طبيعيه / خلاص خلاص خلي خواتتس يروحون وانتي روحي معنا - خافت ليوسف يعيد اللي سواه معها مع خواتها هي صدق صارت تهتم فيهم وتراعيهم ومحافظه عليهم وحجبتهم من يوم هم صغار وتنقي لهم لبسهم بس يوسف شيطان خبيث ماله آمان / حتى خواتي مو رايحين معه لحالهم بنستنا هنا متى ماخلصتو مرونا ولا مو لازم اصلاً نروح سكتت امها ولا قالت شئ لما شافت نظرة التصميم بعين بنتها هي ادرى بنفسها وخواتها الأم شايله يدها من كل شئ شمس كانت الأم لخواتها حتى ان خواتها الصغار يسمونها ماما اهتمت فيهم وربتهم افضل منها وهي معترفه بقرارة نفسها ان بنتها اللي اصغر منها وتنقصها خبرة الحياة أفضل منها بتربية ......................... فــــــــــي بــــــــيـــــــتـــــــ الخوال وبخيمة الرجال كالعاده الجازي راحت على طول لخيمة الرجال تسلم على جدها واخوالهاواعمامها ولأن عمينها ماخذين خالاتها فأغلب اللي بالخيمه تفتش عنهم مسك الجد يدها وقعد يسولف معها هي الغاليه اللي مايسواها احد عنده تقريبا هو اللي رباها من يوم تغطت وهي ملازمه جدها من مزرعه لبر لصيد مابقت مكان ماراحتله هي وياه انقهرو اخوانها منها ودهم يتكلمون الخيمه مليانه شباب صدق عيال عمانها وخوالها بس مهما يكون مايحلون لها محسن / جويزه روحي داخل بيجون اجناب الحين استشفت من صوته الزعل مشت بتطلع ولما وصلت عنده باست راسه اعتذار له وربت على كتفها بحنان ابوي ماتهون عليه هو اخوها وابوها حرمته مرضعتها مع ولده خالد - اخس يابنت ابوها صايره حنونه - لفت عليه واعطته نظره وحقرته تمنى انه ماتكلم ومن داخل تغلي منه ودها تشق حلقه ذا اللي فرحان به ودها تنتقم لشمس بس وشلون والمجلس مليان وبنفسها [حرام علي لو القاه يوم لحاله والله مااتركه وانا بنت ابوي] ............................. فــــــــــي بــــــــيـــــــتـــــــ آخــــــــــــر هلاااااااااا خالي حبيبي متى جيت طوقها بذراعه بقوه وباسها على خدها - حبيبة خالي انتي توي جاي - انا حبيبة خالي طيب ليه مارديت علي امس ؟؟ - والله كنت تعباااااااان وراسي مصدع ولا كان رديت عليك - سلامتك ياقلبي ...هالمره سماح وباسته على خده - طــــــــيــــــــف قومي عن خالك ذبحتيه لفت لجدتها وميلت فمها ولا اهتمت لها - الله يهديك يمه عادي مشتاقه لي - ايه ايه يصير خير - هههههههههه تغارين منها ....انا حمد قعدتك مايوازيك بالغلا احد - العب علي بهالحكي اللي ماكول خيره ......ياوليدي متى تتزوج ابي افرح بك بتدخل الأربعين وانت لاولد وحرمه ولا ونيس ماحدن دايملك - يوووووووووه يايمه كل مااجي من سفره تعيدين وتزيدين بهالحكي اللي يغث - عف نفسك بدال ماتسافر وتخربط وتجينا - شغل يايمه شغل والـــــــــلـــــــــه شغل واسألي صالح هاذاه كل سفره معي وهو ملتزم ماهو مكذب عليك ولا هو بمخربط على قولتك - الأم بأستسلام / الله يهديك يايمه الله يهديك حطت يدها على خد خالها بحنان / ماعليك ياخال لا تضيق صدرك .....كل شئ بالدنيا يهون الا زعلك ابتسم بوجهها بحب وحنان هي الوحيده اللي فاهمته ..................... بعد مازانت الجلسه ببيت الخوال لالالا قولو لهم الجازي كبرت وعقلت وصارت تلبس ستيانات - شهقت بصدمه / الـــــــــجــــــــــازي مهبوله وش ذا الكلام ؟؟ - ضحكت الجازي بضحكه مدويه / ههههههههههه والله امزح وبعدين بنات اخوي متعودين على كلامي بينقلون الكلام للعيال مشفر وبيشلون هالكلمه منه - مادري عنك والله كل شئ اتوقعه منك - شموس لا تخليني اطلع حرة ناس فيك - لالالالا توي مصارخه لييييييييين شبعت مالي خلق مضارب وقالتها بدلع - ياختي تعدلي ليه انتي دلوعه كذا - لا والله وش تبيني اصير عربجيه مثلك .....أنا انثى كلي رقه ودلع - لاتذوبين علينا بس - جت تتسحب من وراهم وحضنت الجازي من ورى فجأه يــــــــــــــــمـــــــ ـــــه - ههههههه واخيراً الجازي خايفه - لفت على مزون ياحماره بغى قلبي يوقف - حطت يدها على أذنها وغمضت عينها من صراخ بنت عمتها اللي فجر اذنها وحضنتها بقوه مشتاقه لها وحضنت شمس بنفس الشوق واكتملو واحلوت الجلسه زود ..................... عــــــلـــــى الــــعــــشـــاء وهم متحمسين ياكلون مدت الجازي يدها وضربت راس مزون على غفله - الجازي حشى كسرتي راسها - تستاهل البقره قاعده اتشحذ ضاري سنه لين ماوافق واخليه يطلع الجمس من الكراج عشان يكفيها ويا خواتها وبالخير ترسل رساله بارده مثلها <خلاص بيودينا متعب ريحي كراع اللي بيجينا> - ههههههههه صدق مزون - ايه صدقين اجل اكذب عليك يعني .....ماتقدر تستغني عن حبيب القلب لاصقه فيه بالبيت وبالسياره ماتفارقه مادرت الجازي الا بقشر الليمون متوسط وجهها -آآآآآآآهــ يابقره قامت مزون وانحاشت خوف من الجازي وفتكها بها والجازي تركض وراها وتصارخ وهي معصبه / وقفي والله مااخليك وقــــفـــــي - هــــــــــيــــــــــه انتي وين حنا قاعدين به بحراج قصي لسانك صوتك واصل لآخر الحاره وقفت الجازي فجاه من الصوت اللي ماتدري من وين طلع لها ومزون فاطسه من الضحك عليها والموقف اللي انحطت فيه والتفشيله اللي حصلتها غطت وجهها بجلالها اللي ماينزلونه من عليهم ببيت خوالها لانه مليان عيال وداخلين طالعين بوسط البيت لفت لمصدر الصوت / وععععععععع عــــنــــيـّـــد توه امس خاط شاربك جاي تتمرجل علي اليوم وتصارخ - ولع منها هم قالو له انها عقلت بس لسانها طال زود على طوله اول لكن ماصدقهم انلجم من كلامها وقوته ذي لاخافت ولا انحرجت ولا اثر بها انا تخاف من هيبتي الرجال وترتعب .....كور يده بقوه يبي يفرغ غضبه فيها مايبي يسوي بها شئ يندم عليه بعدين - تكلم من بين ضروسه / اصغر عيالك انا تقولين لي عنيد اسمي عــــــــــنـــــــــاد لا انقال بمكان فزوله واللي توه خاط شاربه عمره 30 سنه لو انتي تحت وليته كان عرف وشلون يقص لسانك ذا اللي فرحانه بطوله ووقاحته - حركت يدها قدام وجهه / اقول رح هاذا اللي ناقصني لي اهل كانك ماتدري .....وانت مالك كلمه علي ولد خال تحصيل حاصل .....أنا بنت ابوي غير حكم ابوي وقوله مارضى به وراحت وتركته ولا خلته يكمل كلامه معها وهي تمشي بغرور ونافخه الصدر مثل عادتها لأنتصرت ضرب رجله بالأرض بقوة بيفرغ غضبه منها قبل لا يرتكب بها جنايه لولا معزة ضاري وضاحي وسطام عنده كان عرف وشلون يربيها ويوريها قدرها بس عارفهم مايرضون عليها شئ -جاه صوت من وراه / ههههههههه فشلوك - هه هه هه ضحكت من سرك قل آمين - أوب اوب شكلها مأتشه معك - دحمي تكفى مالي خلقك - افا يارجال - أقووووووول انا بروح للمستشفى ابركلي .................... - عمى وش صار لكل هالضحك - وخري وخري خليني ادوس ببطنها عشان تعرف وشلون تضحك - رفعت يدها تأشر بمعنى لا - تكلمي طيب - وهي لا حياة لمن تنادي استمرت بالضحك - مزووووووووون تكلمي .....أقول الجازي دوسي ببطنها - اعتدلت وقامت تسوي حركات واشارات بيدها وهي تغالب ضحكها وماهي الا ثواني حتى انسدحت شمس بجمبها من الضحك - عــــــــــــــمـــــــــ ـى يعميكم كلكم - هههههههههههههه اجل توه امس خاط شاربه ....وهو عمره 30 انتي ماتستحين وشلون ماخفتي والله اني لا شفته من بعيد ارتجف من الخوف من شكله وصوته وانتي بكل قواة وجه تراددين وانتي الغلطانه - ماله دخل فيني لو يشوفني انا وخويي بالشارع ماله كلمه علي ووععععععععع من زينه مادري وش اللي يخوف فيه لاهيبه ولا شئ - حراااااااااااااااام عليك عناد هو الهيبه بكبرها - ايه يصير خير بس - تصرفيني انتي ووجهك تخيلي ينقهر منك ويعلم ابوك ولا اخوانك - والله اني كنت خايفه وانا اتكلم معه خفت لا يشوفنا احد ويظن الشينه بنا بس ربك ستر ولا اظن انه بيعلم أحد ماتوقعه منه ولو بيعلم كان ماحط نفسه بهالموقف من البدايه - واثقه ان تحليلك صح - ثقتي بالله كبيره عيوني - ههههههههه والله انك سوالف ..................... بــــــــــعـــــــــــد يـــــــــــــومـــــــــ ـيــــــــــــنــــ -يوووووووه يمه حرام عليك مابي مابي - وش اللي ماتبين على كيفتس هو بتدخلين عليهم يعني بتدخلين - لا والله انا قوطي صلصه يدخلون ويطلعون على كيفهم اذا عجبتهم اخذوني واذا ماعجبتهم راحووخلوني - جويزه صيري حرمه سنعه وبتدخلين وانتي ماتشوفين الدرب صار عمرتس 25 متى تبين تتزوجين - متى مالله اراد تزوجت - انتي ماينفع معتس الا ابوتس - لالالا خلاص ابدخل - ايه هاذي بنتي السنعه .....هالله الله بالزين .....تلبسي ووزيني شعرتس وخليه على وجهتس وحطي من ذا الأصباغ على وجهتس وصيري نويعمه مثل خواتس كودتس تجوزين لهم ميلت فمها من كلام امها وبنفسها قالت [وعععععععع اتخيل شكلي معبيه وجهي من ذا الألوان حدي كحل وقلوس ويخب عليهم بعد ههههههههه ياحليلها امي تحلم انا اوريهم هاذا اللي ناقصني انا بنت ابوي يعاينوني كني بضاعه هههههههه يحصلون وحده هم مثلي ] فعلاً الجازي مع انها ماتتكلف بلبسها دايم ناعم ومرتب ولا تحب تفك شعرها ولا تحط مكياج لكن مع ذلك فيها جمال وجاذبيه وبراءة رغم قوتها وكل اللي اخطبوها كانت تردهم من دون سبب واهلها مخلينها على كيفها لكنها الآن كبرت واللي بسنها تزوجو فلازم اهلها يشدون معها شوي بس مايغصبونها على احد ماتبيه ....................... فــــــــــي بــــــــيـــــــتـــــــ آخــــــــــــر آآآي مزون يدك حاره - اشرتلهم بيدينها - ماشاء الله ماشاءالله ماحنا ناظلينك -بس شوي شوي كسرتي يدي - اشرتلهم بيدها (مانتو قد اللعبه انسحبو) - حامض على بوزك انسحب لو اروح بكره للجامعه بجبس - اشرتلها بيدها (عنيده) - طالعه عليك عيوني - اشرتلها بيدها (بسم الله علي) - انا اللي بسم الله علي منك - العنووووووووود صوتك واصل لأخر الحاره وش عندك تحرجين - هههههههه هلا هلا باخوي متعب .....سلمت عليه وحبت راسه تعتبرها ابوها يوم يتوفى ابوها كان عمرها 9 سنوات هو اللي رباها وراعاها وحل محل ابوها لحد ماكبرت وصارت زهره جميله عمرها 19 سنه -آآآآي شوي شوي - بسم الله خرمتي اذني وش فيك - يدي تعورني - ليه وش حصل لها .....وريني اشوف - مدت يدها له وهي محمره ومنتفخه / الــــلــــه وش مسوي فيها انتي - مو انا هاذي مزون ضربتني و.... - وخر يد اخته اللي كان ماسكها بعصبيه وقاطعها ولا خلاها تكمل كلامها وبصراخ قال / مــــــزون ليه تضربينها - حاولت العنود تفهمه السالفه لان شكله فهم السالفه غلط / متعب السالفه مو ..... - اسكتي لا تعذرين لها وانتي يالكبيره مستقويه على البزر.....بدأت تاشر له بتفهمه السالفه مسك يدينها بعصبيه وضغط عليهم بأقوى ماعنده وشوي تتفتت بيده / لو تفكرين تمدين يدك على وحده من خواتي في يوم لأكسرها لك فــــــــــــاهـــــــــم ـــــــــــهـــ - بدت عيونها تغورق دموع ونظرة عتاب وألم فيها ترك يدينها وراح وخلاهم - متعب متعب - نعم العنود وش فيه ثاني ماخلصنا من السالفه - هو بالأصل فيه سالفه عشان نخلص منها - بعصبيه قال / العنووووووود مالي خلق استهبالك - طيب خلاص بس انت فاهم السالفه غلط حنا ومزون كنا نلعب لعبة لاتقول اح و.... - نعم وش ذي لا تقول اح - هاذي لعبه نضرب يدين بعض واللي تقول اح تطلع برى وضربه مني وضربه منها لحد ماصارت حمراء وانتفخت حتى هي يدها اشد مني - يعني ذا الحمار والأنتفاخ على لعبه ....؟؟ - ابتسمت له / ايه - وانا هاوشت مزون عشان لعبه وسخافه - وانت ماخليتني افهمك السالفه على طول هبيت فينا وسكتني - حط يده على راسه هو ذبحته نظرة الاعتاب والألم بعيونها وهو على باله انها غلطانه وشلون الحين يوم درى انها مظلومه والكلام اللي قاله لها / وش اسوي فيك هاااااه ؟؟؟ - لاتسوي فيني شئ ماحد قالك عصب وصارخ من دون لاتفهم السالفه - انتم خواتي بحسبة بناتي وامانه عندي ماارضى عليكم تبين اشوف احد يمد يده عليكم واسكت - احم طيب روح راضها الحين طلعت وعيونها مدمعه تنبأ بأنهمار امطار غزيره - هههههههههه ضحكتيني وانا مالي خلق اضحك دعواتك لي بروح ارضيها والله يعيني على عنادها بس ابخليها شوي لين ماتهدى اخاف تفجر فيني - ههههههه بالتوفيق والله يرحمك مقدماً ............................ فــــــــــي بــــــــيـــــــتـــــــ آخــــــــــــر يمه شمس فيه واحد متقدم لتس ولد ناس واخلاق و..... - قاطعت امها قبل لاتكمل زواج ماني متزوجه - فكري يايمه واستخيري كم واحد رفضتيه - مابي اتزوج مابي .....بي اعنس بالبيت - الظاهر ان الطيب ماينفع معتس يجونتس خطاب كلن يتمناهم وترفضينهم انتي بليا سبب بس هالمره مب على كيفتس بتتزوجين غصب عنتس انا مادري وش تحت راستس عشان ترفضينهم - والله لو تزوجوني لأذبح نفسي - شمس وش ذا الكلام تذبحين نفتس عشان زواج - قلتلكم لو تزوجوني غصب عني بأذبح نفسي وذنبي برقبتكم - صفقت الأم يدينها ببعض بقلة حيله / الله يهيدتس يايمه الله يهديتس.....وطلعت برى الغرفه - وهي حضنت وسادتها ودموعها الي رافقتها سنين عمرها هاذي هي الحين بقربها من جديد / الحين يايمه جاتك القوه والشده وتبين تغصبيني على الزواج يوم كنت محتاجه قوتك وصرامتك ماشفتها ويوم كبرت ووعيت وضاع اللي ضاع جايه تغصبيني ياليتك غصبتيني ومنعتيني من اللباس اللي جنى علي ليتك سويتي مثل خالتي وغطيتيني مثل الجازي ليتك و ليتك تحسبين زمانا مثل زمانكم الحرمه تآمن نفسها مع حماها الحين غير غير مافيه الا ذيابه يتصيدون للخرفان بكل مكان ومن ماكان مايهتمون هي من اقاربهم هي من عرضه ولالا كم وكم من القضايا بالمحاكم اقارب معتدين على اقاربهم وفيه محارم معتدين على محارمهم أب او اخ او عم اوخال الواحد اللي يحس معهم بالأمان والأطمئنان صار ينخاف منهم اذا كان بعيد عن الدين واختفى الإيمان من القلب توقعي اي شئ من اللي قدامك لأنه مافيه رادع او مانع يمنعه ........................... فــــي مــــكـــانـــ مــــا ترن ترن ناظر الرقم غريب ماله خلق يرد بس شغله يحتم عليه يرد على اي اتصال يجيه - آلو من معي - آلو هلا .....هذا جوال عنيّد - الدحمي ووجع - هههههههههههه كل ماتذكر هواشكم افطس من الضحك - انطم بس ....كل ماتذكره انا يفور دمي ولو هي قدامي كان قطعتها - هههههههههه أحسن هاذي الجازي لا احد يدوس لها على طرف وانت ماشاءالله عليك صارخت لين قلت آمين ماطلعني من المجلس الا صراخك عليها اشوى ان ماطلع حدى اخوانها - ياليته طالع عشان يشوف قلة ادب اخته ويأدبونها - ههههههه ضحكتني الظاهر ماتدري وش هي الجازي لأن التأديب بيجيك انت لو هي غلطانه ماراح يسون لها شئ عندك مره واحد من اخوانها هاوشها عندنا راحت لجدي وشكت عليه وانه اهانها ونزل قدرها عند الناس ولو هي غلطانه يهاوشها بالبيت مب عند الناس وحلف جدي ان مااحد يمسها بكلمه قدام اي ماكان ولو درى ان احدن قايلها شئ ياويله منه يعني هاذي الجازي vipمحميه من السلطات العليا ماجد يجيها - آآآآهــ بس ودي اشفي غليلي منها لو يحطونها عندي يوم لأربيها من جديد واقص لسانها واحرقه اجل انا رجال ياقف على اشنابها الطير تتنافض مني وهي ولا خافت ولا تحركت ولا رف لها طرف - ههههههههه تزوجها وهبل فيها وورها نجوم الليل بعز الظهر - هههههههه خيالك واسع وين حنا عايشين به الظاهر القصص اللي تقراها مأثره عليك مااستحملها دقايق وشلون بأستحملها ايام وشهور .....مانت صاحي والله - اقول اسكت بس لا احد يسمعك اني اقرى قصص ثم يمسكها علي واحد من الشباب شافها بجوالي مرة صرت مصخره عند الشباب ماسكتو لين قلتلهم الجوال مستعمل شاريه وكان حق بنت والظاهر ان هذي قصصها - يقلع الفقش والنصب عندك بريال .....عادي ياشيخ واذا درو انك تقرى قصص هاذي حريه شخصيه - بلاك ماشفت اللي شفته ....وانت تفكيرك غير عايش 8 سنين برى وانت تدرس ماتعرف اللي اعرفه انا - صادق والله ...والله اني تحسفت على ذيك الأيام فوت مناسبات وجمعات علي - ماعليك كل شئ يتعوض اهم شئ مستقبلك والحمدلله رجعت لنا وانت دكتور قلب أد الدنيا واتفشخر قدام الناس بك واقول هاذا ولد عمي ههههههه - احم احم تسلم والله - هههههههه يادكتور بما انك دكتور قلب نبي نستشيرك بحاجه - غلبت الجديه على صوت عناد / عسى ماشر احد فيه شئ تحس انت بشئ - ايه والله اخوك تعباااااااااااان - وش فيك وين تحس الألم معه والا اقول تعال للمستشفى الحين عشان نسوي لك تحاليل عشان نطمن - لالالا انا عارف علتي وين - عااااارف؟؟ وش قالولك - انا مستصيب قلبي ذايب بهواها - ههههههه الله يقطعك والله اني صدقت انك من جد تعبان ومن هي ذا اللي صايبه قلبك ومسهرتك الليل وجابت راسك - آآآآآآآآآهــ وهو فيه غيرها - من هي ؟؟ - الجازي - وععععععععع عساك المرض اللي ماتقوم منك - هههههههه حشى الذيب والجني انت وياها ...بس حلو شكلك وانت مصدق - صدق انت تحبها ؟؟ - لا والله امزح معك عارفك تتنرفز أذا جبت سيرتها ولا تنسى اني خاطب وكم شهروانا متزوج - الحمدلله حسبالي صدق .....ومبروك مره ثانيه وعقبالي - هههههههه مستقطع على الزواج - ههههههههه لاتسأل بس .......................... فــــــــــي بــــــــيـــــــتـــــــ آخــــــــــــر دخلت عليهم بسرعه وهي تهلي وترحب وشايله المجلس بصوتها / هلا والله وغلا تو مانور المكان وازدان ياهلا فيكم ياهلا وسلمت على الحرمه الاولى والثانيه والثالثه بحراره وهم طايره عيونهم في ذا الحرمه اللي دخلت عليهم وتهلي وترحب بهم كأنها تعرفهم من سنين جلست مهعم وقهوتهم وسولفت معهم وكانها تعرفهم من سنين الحرمه الأولى / الا يام محسن وين بنتك الجازي تاخرنا خليها تجي بنشوفها - ام محسن وودها الأرض تنشق وتبلعها ماتدري وين تودي وجهها منهم ولا قدرت تنطق كلمتين على بعض / هاه ... الجازي الجازي - ضربت على صدرها بيدها / انا الجازي بنت ضاري الحريم لفو لها بصدمه / انتي الجازي - هزت راسها بتاكيد / ايه نعم انا الجازي بنت ابوي - اسكتو الحريم من الصدمه بالعاده البنات لا جا خطاب لهم يستحون ولا يتكلمون ويلصقون عند امهاتهم هاذي لا ...بايعتها تهلي وترحب وتسولف وتقهوي وكنها ماهي اللي بتنخطب - الا ماشفتو صوري والله انها رهيبه بتعجبكم ترى وقمزت راحت تجيبهم وجتهم تركض وهن بيدها واعطت كل وحده ألبوم والحريم ماسكين هاللألبومات ومنصدمين من جراتها وبنفس الوقن مايدرون وش يسون بهاللي معهم - وش فيكم افتوحها لا تستحون انتم عن قريب ان شاءالله بتصيرون حمولتي تمونون عادي - فتحو الألبومات وزادت عيونهم اتساع ومن صوره لصوره لحد ماخلص الأللبوم وقفت الأم وبناتها / يالله حنا نستاذن - وقفت ام محسن وهي مفتشله من الناس ومن بنتها واللي سوته بهم سواة مهابيل مب عقال - السموحه منكم واسترو ماواجهتم منا - ماواجهوالا كل خير يمه - عطته بنتهانظره سكتتها وراحت توصل ضيوفها لحد باب البيت - رجعت الأم للمجلس / انتي مهبوله ناقصن عقلتس وش ذا اللي سويتيه .....الحين الناس طارو ولا عاد هم جاين وبينشرون اللي شافوه ببيتنا بين الناس ولا عاد جاينتس خطاب ابد تحسبين نفستس صغيره اللي كبرتس عندهم ولدين ثلاثه وانتي حتى الرجل ماعندتس وتدلعين وتردين من ذا الخطاب - ماهتمت من كلام امها لأنها حفظته اي مشروع خطبه فاشل لازم تردده امها عليها جمعت الألبومات وراحت لغرفتها من دون اي كلمه ......................... بـــــــــيـــــــتــــ ام مــــــــتــــــــعــــــ بــــ طق طق طق - مزون مزون صاحيه ولا نايمه انتظر وانتظر ولا شاف رد يوم جاء بيمشي انفتح الباب رجع ودخل الغرفه شافها واقفه بوسطها وهي معطيته ظهره - مزون لفي ابكلمك شوي .....مالفت له وظلت على حالها - جاء ووقف قدامها وقابلها .....عيونها وخشمها حمر وخدودها بعد محمره شكلها صايحه لين قالت بس - مسح على شعرها بحنان ابوي / والله ماكان قصدي بس كنت معصب من قبل وتسرعت ولا فهمت السالفه وجيتي انتي قدام وجهك وهبيت فيك وقلت اللي قلت - رفعت راسها له ودموعها رجعت تنزل من جديد ماقدر يستحمل شوفتها بهالشكل هي وصية ابوه ووحده من خواته يعز عليه يشوف دموعها وشلون لو كان هو السبب بها وظلم بعد ضمها لصدره وهو يمسح على ظهرها / سامحيني يالغلا غلطه ماراح تتكرر حاوطته بيدينها بخجل وضمته لها أول مره يحضنها بس دايم يحضن خواته وكلن منهم سرح بأفكاره هو يلوم نفسه على اللي سواه وقاله ووشلون ظلم اخته ومتندم وهي متلذذه بحضنه وكل واحد هاللحظه شعوره غير الثاني بالنسبه له اخت بحضن اخوها الكبير اللي جاي يعتذر منها لأنه غلط بحقها اما هي متنعمه بحضنه لكن مو كأخ كزوج محرومه منه مشاعر حلوه وغريبه ثايره فيها تتمنى تدوم لكن مو كل مانتمنى دوامه يدوم -مــــــــــــاشــــــــــ ــــاء الــــــــــلــــــــــه انا يهاوشني وهي حاضنها ويطبطب عليها وش هالتفرقه ظلـــــــــــــم نقزت مزون من حضنه مخترعه من صراخها - العنووووود وش ذا اللسان هبلتينا بغيتي توقفين قلبها - معلوم بتنهبلون وانتم مو دارين بالناس خايف عليها ياعيني بس - حاوطها بيده مع كتوفها / اكيد بخاف عليها فيه اخومايخاف على اخته - اخته اخته اخته .....ترددت هالكلمه بعقلها ....[لكن انا مو اخته انا زوجته زوجته تتمنى قربه مو اخته ] - اقووووووول وخري عن اخوي بس ودفتها وحضنت العنود متعب وهي ماهي حاسه باللي حولها ولا ردت على العنود مثل العاده لما يتعاندون [يعتبرني اخته لكني اعتبره زوجي اللي في يومٍ من الأيام بيحن علي ويتمم زواجنا هو زوجي وبس ماعندي اخوان ماعندي ] .......................... فــــــــي بــــــيــــــــتــــ أم شـــــمــــــــــس - هلا شموس - اهلين - اف اف ليه الزعل من اللي مزعلك عشان اوريك به - هههههههه وانتي ماعندك تفاهم - ههههههه للأسف لا - لا تخافين مثل العاده جايني خطاب ورفضت طبعا وامي هالمره عصبت وقالت مو على كيفك بنغصبك ومن هالكلام قلتلها عاد اذا غصبتوني ابذبح نفسي وسكتت عني بس مادري عنها ماسكتت الا براسها شئ الله يستر بس - يوووووه وش السواة وخالتي توها تجيها القوة والشده - شفتي ؟؟ حتى انا قلت كذا - امممممم طيب وش رايك تتزوجين - الجـــــــــــااااازي وش جاك ؟؟ هذا وانتي عارفه حالي - مو عشاني عارفه حالك اقولك تزوجي - تكلمت شمس بسخريه / ايه ومن ذا اللي بيقبل فيني ومن اللي بيقوله انتي يامشاء الله عليك - انتي بتتزوجين شخص قريب مو غريب - ومازالت على سخريتها / ايه وبعد طلعي من ذا الدرر اللي عندك ومن ذا القريب اللي حاطه عينك عليه ؟؟ - يوسف - نـــــــــــــــعــــــــ ـــــم انتي الظاهر صار لمخك شئ اليوم - اسمعي كلامي مو هو اللي ضيعك هو اللي بيتزوجك - لو يبي يتزوجني كان تزوجني من زمان وستر علي - بيتزوجك بس مو بكيفه غصب عنه وهو مايشوف الدرب - ومن اللي بيغصبه لا تقولين انتي بس - لا انتي ياحلوه وبتسوين اللي اقولك عليه بالحرف الواحد وبدون اعتراض حتى لو حسيتي نفسك رخيصه ولا ماتربيتي كملي ولا عليك اهم شئ تنجحين ويتزوجك مامليتي حياتك مامليتي من حالك كل ماطرى له جاك واخذ اللي يبي وراح عنك كنك عبدته ولا وحده بايعه نفسها خلاص لازم تتخذين موقف وتتحكمين بحياتك يكفي اللي جاك منه ماتبين تعيشين حياتك مطمئنه تنامين وتصحين بامان مو تنامين وانتي تنززين كل شوي وتتاكدين من ان الباب مقفول مليون مره ماودك تحسين انك وحده عندك كرامه وعزه وماترضى على نفسها الذل والمهان مامليتي حياة الضعف والسلبيه اللي عايشتها .....بتعيشين طول عمرك بهالوضع عاجبك كذا خالتي هالمره سكتت عنك عشانك هددتيها وخافت عليك المره الجايه بيملكونك على اي واحد وانتي ماتدرين وذيك الساعه حليها عاد تحركي قبل مايتحركون وتضيع حياتك ويحصل شئ مانتي متوقعته وتطيحين من عين اهلك ويحملونك كل المسئوليه ولا راح يصدقون كلامك لو قلتي الصدق ويمكن يذبحونك بعد كل شئ اتوقعه من اهلنا بدو ولا يتنبأ بتصرفاتهم ................................ فــــــــــــي بـــــــــــيـــــــــتــ ــــــ الـــــخــــــوالـــ مجتمعين كعادتهم كل اسبوع - هههههههههههه لاتقول - والله تقول امي مزنه ان الحريم انقلبت وجيهم يوم درو انها الجازي ماستحت ولا عبرتهم - والله انها نكته هالجازي - الدحمي اسكت .....كمل ضاري - الدحمي / وش عندك عناد متحمس ؟؟ - لامتحمس ولا شئ بس ابشوف نهاية هبال بنت عمتي - ضاري / حدك كل شئ الا الجازي فاهم علي انت ؟؟ - خلاص خلاص فهمنا الجازي على العين والراس كمل بس - عاد يوم جو يطلعون طينتها عشان تضمن انهم مايوافقون ولا يرجعون جابت البومات صورها معنا وهي تسوق السياره وهي تطعس بالدباب وهي على الخيل وصورها وهي تذبح معنا الذبايح يعني كل صوره اخس من الثانيه ههههههههههههه وامي تقول ان عيونهم طلعت من مكانها يوم شافو الصور وطلعو على طول وامي تلحقهم تقول استرو ماواجهتو ههههههههه عليها حركاااااااااات قالتلي والله لأخليهم ينحاشون وينسون نعالهم عند الباب من العجله لكن ماصدقتها بس برت حلفتها وسوتها بنت ابوها .....آآآآهـــ تعبت من الضحك والله - دحمي / هههههههه شكلهم يتوقعونها ولد ولا شئ - ضاري / هههههه شكلهم والله ..... - عناد للحين منصدم من جرأتها وقوة حركتها ودهاء تفكيرها أما عبد الرحمن فما استغرب لأنه تعود عليها وعلى قوتها من صغرها أما عناد من عشر سنين منقطع عنهم سنتين نقلو لشرقيه عشان شغل ابوه و8 سنين ابتعث للخارج عشان يكمل دراسته ولا يجي الا بالأجازات ووقتها قصير ولا يمديه يعرف كل اخبار اقاربه - دحمي / وش فيك طايره بوهتك ؟؟ - لا.....بس منصدم على مستغرب - ضاري / هههههههههه عادي عادي الجازي لا تستغرب منها اي شئ انا وضاحي بنصك الثلاثين بعد كم شهر مانستجرأ نسوي بعض اللي تسويه - عناد / والله مادري وش اقول - ضاري / ماعليك الجازي حاله خاصه وشاذه عن القاعده شف انا اتكلم عنها عندكم عادي وبراحه بس خواتي انا لايمكن اجيب سيرتها عندكم ابداً بس الجازي غير ابوي وجدي دايم يتكلمون عنها عند عيال خوالي وعمامي ويفتخرون بها اكثر من عيالهم الرجال فحنا صرنا مثلهم ونتكلم فيها عادي عند اقاربنا وهي مشهوره بعد - دحمي / هههههههه الله يعينها على الحش بها اكيد اذنها توش 24 -ضاري / ههههه ماعليك منها تربية رجال محاوطه ابوي وجدي 24 ساعه ماخذه كل شئ منهم والله لو تدري ان احد متكلم فيها لتاخذ حقها لو به موتها ماعندها مانع بس انها حنونه تغمرك بحنانها فديتها والله آآآآآآهـــ الله يرزقنا بوحده مثلها -عبد الرحمن / هههههههه حالتك صعبه انت وعناد تزوجو وفكو اعماركم بدال هالتنهد - عناد / ايه والله ليه للآن عزوبي هذا ضاحي توامك تزوج وعنده ولد وانت ماتزوجت .... موظف ووظيفتك ماعليها وعندك خير وش اللي يمنعك - شوف من اللي يتكلم بس ....ترى انت اكبر مني وانت العزوبي الشهير بالعايله للآن ماتزوجت كل البنات منشنين عليك دكتور من قدك - عناد / ههههههههه الله يخسك ....أنا لي عذري كنت ادرس برى واذا تزوجت بيصير حدى الأمرين ياما اتزوجها وارجمها عند اهلها ولا اشوفها الا مره بالسنه أو اخذها معي للغربه وتبعد عن اهلها وناسها وانا رجال ماستحملت الغربه وانا مشغول بدراستي وشلون هي ومافيه شئ يشغلها ولو فرضاً درست ماراح يكون نفس وقتي بيكون اقصر وتتضارب اوقات دراستنا وغير كذا الظروف اللي تصير هناك والمضايقات اللي تحصل للمسلمين وخاصه السعودين وانا ماراح اخلي اهلي يتعرضون لها يعني المسأله من اولها حوسه بحوسه وانا مستغني عن وجع الراس وهاذاني جيت واتفرغت الحين امخمخ وادور حرمه تليق فيني وان شاءالله قريب نحصلها - ضاري / يوووووووووه حزنتني عليك والله سويت مشهد درامي صيحني ههههههههه بس حالي ازين من حالك ماعندي شئ يمنعني ولا اي شئ يعوقني عن الزواج انا ابي وحده تخش مزاجي مابي خطبة اهل - تفكيرك منحرف ياخي تبي تتزوج وحده تكلمها .....عناد وهو ربايا برى ماقال كذا - لالالالالالا انت فهتني غلط مابي وحده تكلمني خانت اهلها والثقه اللي اعطوهياه واهانتهم ونزلت روسهم للأرض وشلون بأتمنها هاذي على بيتي وعيالي ونفسي ووشلون ابدخلها بيت اهلي من الأساس وهو مافيه شئ دنسه اجي انا اتزوج من هالخمام وادنسه وتعرفني انا ماني راعي هالحركات .....انا ابي وحده تعجبني صفاتها واخلاقها مب مهم شكلها اهم شئ اكون مقتنع بها - ولا انت عارف عن وحده شئ الا اذا كانت من الأقارب طبعاً؟؟!! - ضاحي / عليك نوووووووور ابي من الأقارب ضامن انها مربيه عدل واهلنا ينشرى نسبهم بفلوس - الله يرزقك باللي تتمنى -آآآآآآآآآآآمـــــــــــــ ـــــيــــــــــــــــن .......................... فــــــــــي بــــــــيـــــــتـــــــ آخــــــــــــر - مو كن طيف كاثره حركاتها الماصخه مع خالي حمد ؟؟!! - لا ....عادي هي تعودت عليه بحسبة ابوها - يعني انتي تسوين كذا مع ابوك تحضنينه وتبوسينه على الرايح والجاي ؟؟!! - لا ...بس هي غير .....خوالي حرموها من كل شئ اختها واقاربها اللي تربت بينهم وما احتواها ودارها اللي خالي حمد فهي تحسه كل حياتها أمها اللي فقدتها وابوها اللي مات واختها اللي افترقت عنها وجدتي ماتعطيها وجه من تبينها تلجا لحضنه ويعطف عليها ... ..؟؟ تنحرف يعني ....؟؟َ!! - لالو الله مو قصدي كذا ...بس ..!! والا اقولك مادري - ههههههههه لا تصيرين تغارين منها عشانها احلى وابيض منك ؟؟ - هي صدق احلى مني وكمان جسمها روووووعه بس مو لدرجه الغيره الحمدلله ماناقصني زين - اجل خلي البنت بحالها واهتمي بنفسك - مادري والله بس ماني مرتاحه قلبي قارصني - هههههههه حشى مرت ابو مو بنت خال - ههههههههه اعبر عن شعوري لك - خلي شعورك لك ونقطينا بسكاتك عليك تفكير شيطاني ....اعوذ بالله منك ........................... نــرجـــــع لـــــبـــــــــــيــــــ ـــتــــــــ الـــــخــــــوالـــ طلع من المجلس يتمشى بالحوش ووصل لمزرعه جده اللي مايفصلها عن البيت الا باب كـــــــبـــــــيـــــــر و خاليه من العمال لأن العمال يجونها الساعه 6 كل يوم ويطلعون مع صلاة الظهر ولا عاد يدخلونها عشان اهل البيت ياخذون راحتهم فيها ويتونسون بها مليانه اشكال والوان نخل واشجار فواكه وخضار وبركة سباحه وخيمه ......أقرب ماتكون للأستراحه يعني سعة صدر على اصول فتح الباب بشويش ودخل وسكره وراه ماوده احد من العيال يفقده ويجي يخرب عليه خلوته وقفل الجوال عشان تكمل رحلته السريه مشى هنا وهناك والشعور بالراحه والسعاده واللذه يغمره .....سمع صوت اثنين يتكلمون اخذه الفضول لمكان الأصوات ميز انه صوت حرمه ورجال قرب زياده بحذر لا يطلع له صوت بالمشي .....لحد ماوضحت له الرؤيه الرجال معطيه ظهره ومغطي على وجه الحرمه اللي مابان منها الا جمبها المغطى بالجلال لف ورجع وهو يبتسم / ههههههه اكيد انه حدى ذا العيال اللي توهم متزوجين مسوين رحله رومانسيه بربوع المزرعه صدق بدو هههههههه آآآآآآهــ الله يرزقنا واتزوج لأعلمها كيف الرومانسيه ومن سيدها وملكها ..... الله يهنينهم مع بعض مشى .....لكن استوقفه صوت يعرفه زيــــــــــــــــنـــــ ويميزه لف بسرعه وراح ركض لمكانهم ...... اول ماشافته الحرمه مقبل بسرعه والشرر يتطاير من عيونه شهقت وغطت وجهها وانحاشت لف الرجال لورى بيشوف وش ذا اللي شهقت منه وانرعبت وقال بصدمه / ضـــــــــــــــــاريــــ ـ ماحس الا بكف على وجهه طراااااااااااخ / خـــــــــالــــــــد ياكـــــــــــلـــــــــب ـــ عرضك يالواطي يالحيوان وعطاه كف ثاني اقوى من الأول ومسكه من ثوبه بقوة وقربه لوجهه وانفاسه الحاره والثايره تضرب وجه اخوه - تخون اقاربك ببناتهم ..... تخون الناس اللي ائتمنوك على محارمهم ووثقو بك تفووووو عليك من ولد ياحسافه تربيه ابوي وجدي بك ياحـــــســــافـــــة حرام هالشوارب اللي على وجهك والله حراااااااااام ورماه على الأرض بقوة ولا اهتم لأخوه اللي يتلوى من الألم وهو ماسك ظهره بعد مارماه ضاحي على الحصى ضربه برجله بأقوى ماعنده مره ومرتين وثلاث / قــــــــــم قم ......فز اقولك ....ورجع يضربه .....اطلع برى تـــــــــحــــــــــركــ ـ اطلع لأذبحك قام خالد رغم الألم اللي قسم ظهره لنصين وطلع من المزرعه رمى ضاري نفسه على الأرض بقوة ولا اهتم للألم او الوسخ عقله ماهو معه بعيد عند اخوه واللي سواه حط يدينه على راسه لكبر المصيبه اخوه سود وجيهم وبينزل سمعة اهله للأرض وبيدنس اسمهم اللي سنين وسنين ابيض مثل الثلج كلن يفخر بهم ويتمنى عيالهم مثل عيال هالعائله وبالأخير يجي هالمفعوص يسوي هالسواة لو كان غلط الولد مغفور لو كان معذور بس هاذي عرضه وحده من بنات اعمامه او اخواله اكييييييييد هو حاميهم يخونهم طلع الحامي هو الحرامي - [وشلون يسوي هالسواه وشلون ......اكيد لعب عليها بكم كلمه اعرفه خبييييييييييث من يوم ماشى يوسف هالزفت وهو متغير الله يسود وجهك الله يسود وجهك مثل ماسودت وجيهنا لازم يتزوجها لازم يحسبها من خمامه ذا اللي يكلمهم يلعب عليهم ويرميهم بيصح غلطته ويتزوجها وهو مايشوف الدرب لو ادخل جدي ضاحي بالسالفه هاذي اخرة دلع ابوي له 25 سنه كنه ولد امس ] ........................ بــــــــعـــــــد 3 ايـــــــــــــامــــ بـــــــــيـــــــتــــ ام مــــــــتــــــــعــــــ بــــ هلا هلا بالغاليه جايبه لي الشاهي بنفسها فز واخذه منها وحطه على الطاوله ورجع باس يدها وراسها ومسك يدها بحنان وجلسها بجمبه على الكنب - هاه الغاليه بعيونك حكي اشوف - هههههه الله يقطع ابليسك خابرني زين - باس يدها / اذا ماخبرت الغاليه من اللي اخبر - ربتت على يد ولدها / ياجعلي اشوف عيالك قبل مافارق هالدنيا - بسم الله عليك يومي قبل يومي ان شاءالله - بسم الله عليك جعلي ماذوق حزنك لا تجيب طاري الموت على لسانك مره ثانيه - الموت حق يايمه - ناظرته بنظره حزن وخوف من فقد ولدها البكر البار بها اللي مايسواه بالدنيا احد عندها / لا تخليني ازعل منك - لالالالا كل شئ الا زعل الواللده .....اقول يمه ماودك تشوفين عيالي ؟؟؟ - لفت له بفرح ومسكت يده وهي بتطير من الوناسه الحمدلله ولدها التفت لنفسه بعد ماصار عمره 33 يوم كان بالسن المناسب لزواج توفى ابوه شال مسئولية البيت .....عائله كامله هو مسئول عنها 3 اخوان و3 خوات وامه ومزون حلف مايتزوج لين مايزوج اخوانه اللي اصغر منه وتزوجو يوم تزوجو جته مشاكل بالشغل وصمد وثابر لحد ماكبر الحللال وتخطى هالمحنه - الا منى عيني اشوف عيالك اليوم قبل بكرى - اجل شدي حيلك ودوريلي عروس على ذوقك - عــــــــــــــروووووس ؟؟!! ومزون يمه وين راحت ؟؟!! - مزوووون وش دخلها ؟؟ - هوّ !! وش اللي وش دخلها زوجتك هي تراها - يــــــــمـــــــــه ......انتي عارفه ليه تزوجتها وابوي الله يرحمه ويغفر له بلسانه قايلي اذا بغيت تتزوج تزوج ماعليك منها - بس يامتعب هالكلام قبل 10 سنين يوم كانت بزر وانت رجال بوقتها لو تتزوج عليها ماحدن قايلك شئ بس الحين هي حرمه وشيخة الحريم بعد ليه تتزوج عليها - يمه ....اول والحين مافرقت يعني .....وانا مابي وحده انجبرت عليها واعدها وحده من خواتي طول هالسنين اللي فاتت وانا اعتبرها اخت ولا قد فكرت بغير كذا في يوم ولا نظرت لها كزوجه ابد ولا قد حركت شئ فيني تجاهها اشوفها زي ماشوف العنود - طيب وش ذنبها المسيكينه ضيعت شبابها وهي على ذمتك تنتظرك .....وبالأخير تتزوج وتتركها - يمه اذا جاء احد يبيها بأطلقها واخليه ياخذها اما انا لا يمكن اتمم زواجي بها - متعب وش هالكلام ترضى احد يتزوجها عقبك ؟؟ - عادي يمه ليه ماارضى ابزوجها مثل مازوج خواتي - انا اشهد انك انهبلت - خلاص زواج ماني متزوجها يااما تتدوريلي وحده اتزوجها ولا خليت جدتي تتدورلي - لا بندور لك اللي تبي .....بس مزون كاسره خاطري - يمه بعد هالعمر بتزوجيني طرماء - ضربت الأم بيدها على صدرها / هوّ هذا مرض لا تتطنز به هي اللي جايبته لنفسها لا يبلاك ربي به - ماتطنزت ....بس يوم صمت صمت افطر على بصله مابي حرمتي وام عيالي طرماء وشلون بتتكلم معي ويتشاركني همومي وافراحي وحياتي وهي ماتنطق وشلون بترعى عيالي وتربيهم وبتعلمهم وتقولهم هذا صح وهذا خطأ وهي ماتتكلم معهم صعب يايمه صعب اني اربط مصيري بمصيرها ربي بيرزقها اللي افضل مني بأذنه - هزت الأم راسها باسى لحال مزون اللي مالها ذنب ومن حال ولدها اللي معند ولا هو راضي يتمم زواجه منها ....................... مشت تجر رجلينها جر مثقله بالأحزان والهموم والصدمه ملجمتها سمعت بما فيه الكفايه منه .....طول هالسنين اللي راحت وهي تحلم باليوم اللي تكون فيه زوجة بجد تحت سقف غرفه وحده يضمهم مكان واحد تسمعله وترد عليه من دون قيود او حيا ياما تمنت وتمنت ورسمت احلام واماني لكنه هدمه هو بلحظه كلامه حطمه وجرحها وجرح كبريائها وخدش انوثتها ....طرماء طرماء كلمات زي سهم الغدر اصابها مو هي السبب بطرمها مو هي ..... مالها ذنب بمرضها .....هم اللي فجعوها بموت ابوها مايعرفون انها طفله مايعرفون انها توها فاقده امه ومتاثره بموتها وتعلقت ببوها زود بمليون مره عن اول فأي صدمه بتأثر عليها عشرة اضعاف المعتاد مايبيني ومجبور علي ....طيب ليه يربطني به كل هالسنين لـــــــــــــيــــــــــ ه ليه ؟؟؟ ليه يمنيني بشئ هو مو قده ليه ....؟؟ كان طلقني ولا خلاني اتعلق به وابني احلام سنين وسنين اناني اناني اكرهك متعب اكــــــــــــــرهـــــــ ـــكـــــــــــ ودها تصرخ بهالكلمه ودها تقولها قدام وجهه ودها تحسسه انها ماتبيه مثل ماهو مايبيها لكنها عاجزه عاجزه صارت تلطم على خدودها كرهت عجزها وقل حيلتها .....هي تعترض على قضائها وقدرها لكنها مو بوعيها ولا تفكيرها شئ اكبر منها مليون مره كانت معلقه عليه امال كانت متوقعه تلقى عنده اللي فقدته لكنه طلع اناني وماهمه الا نفسه |
&&&&&&&&&&&&&&&&&&&&&&&&&&&&&& الـــــــــــــجـــــــــ ــــــزء الــــثـــــالــــثــــــ ــ &&&&&&&&&&&&&&&&&&&&&&&&&&&&& (( نـــــقـــــطــــة تــحـــولـــ وتــحــطـــمــــ )) بعد وقت قصير بتشرق شمس يوم جديد .....ربما تحمل معها المفرح والمحزن ربما تحمل معها تفريج هم قديم أو زيادة هم جديد على هم لكن مع ذلك يضل شروق الشمس يبعث الأمل في النفوس ويمدها بالقوة والصبر حتى يواصلوا المسير دون كلل أو ملل وبألسنه تدعو وتطلب من الله أن يمدها بالصبر ويعينها على اجتياز الطريق فتحت عيونها ببطء واعتدلت على السرير ومدت يدينها يمين ويسار وصوت طقطقت عظامها ينسمع مع كل حركه منها فركت عيونها ومسحت على شعرها مرات ترتبه وقامت تغسل وتتوضأ الأيام هاذي يأذن الفجر متاخر الشتاء توه داخل والمكيفات مره تشتغل ومره تطفأ على حسب تقلبات الجو طلعت بعد ماصلت ونزات تسوي القهوه لأبوها ......دقايق ودخلو رجال البيت جاين من المسجد اقبلت لأبوها وببتسامه حلوه وهاديه وباست راسه ويده / تقبل الله - منا ومنك وباست راس اخوها محسن / تقبل الله - منا ومنك لفت لهم / تقبل الله شباب ردو عليها / منا ومنك قربت له وهي تاشر على خده / خالد وش ذا متهاوش ويا احد ؟؟!! ناظر ضاري بخوف وارتباك / هاه ...هاذا هواش مزح - الله كل هذا مزح شوي ويفقعون عينك وتقول مزح الله يهديك بس كان جيتني احط ثلج على وجهك بدال مايورم ويزرق كذا - لالالا الحمدلله خف ولا فيه الم الا شوي بس ظهري احسه منكسر - تعال اهمزه لك - ايه الله يعافيك بس شوي شوي لأنه يوجعني بقوه - لا تخاف ماني بموجعتك جلس على الكنب ولف لها ظهره وهي تهمزه بيد خبيره متعوده تهمز أبوها وجدها واخوها محسن - آآآهــ على جنب .....لالالا يمين - هنا ؟؟ - ايه بس تحت شوي ......ووجه يتغير من الألم كل ماوصلت منطقه توجعه - اقول يااخصائية العلاج الطبيعي قومي جيبيلنا القهوه بدال مانتي قاعده تهمزين ذا الثور - اقول ضويري حدك عاد كل شئ ولا خلودي - تسلم والله عمتي هاذي العمه السنعه - هو مو ثور ثور ثوير صغير هههههههه -ضاري / هههههههههه صادقه -خالد /انا اقول غريبه الجازي تختلف مع ضاري - ههههههههه لا والله كلكم غالين عندي....ابروح اجيب القهوه وارجعلك - خالد / يالله انتظرك راحت وجابت صينيه القهوه من المطبخ وفيها صحون التمر والغفيص بالسمن ومرشوش فوقه إقط مطحون طبق ابوها اليومي - صقر ..قم صب القهوه ....فز صقر استجابه لكلام أبوه هو اصغر ابناء محسن الذكور بثالث جامعه - رجعت تهمز ظهر خالد وبعد مده / هاه كذا تمام - سحب يدها من وراه وباسها / تسلمين تنلف يدك بحرير ولا مدلكات تايلند صاح به ضاري / هيه انت وش تسوي ؟؟!! - ناظره باستغراب /وش سويت ؟؟ - ضاري / وش سويت ...تراها عمتك ماهب زوجتك - وانت وش شايفني مسوي بها - الجازي / ياخي خله هاذا اللي يعرف يشكر مو انتم تتقطع يديني من التهميز وبالأخير تشكوروني بضربه - ضاري / شوفو مسوده الوجه بدال لاهي تهاوشه تدافع عنه حتى الحيا ماستحت - هههههه عادي خله يدلعني بعد ين عادي ليه استحي انا عمته واخته وبنت خالة امه وبنت ولد عم ا.... - ضاري / خلاص خلاص فهمنا بتقعدين تسردين كل القرابه اللي بينا - هههههههههه توي ماخلصت - ولا بتخلصين لين بكرى - محسن / اقول الجازي البنات صلن - ايه قومتهم - وينهن مالهن بينه؟؟ - المها تذاكر وهتون الظاهر الظاهر انها عند امها - صقر / وذا المصريه هتون من الحين تذاكر - الجازي / وش مصريته ترى الأختبارات بعد ايام وهي ثالث ثانوي مو لعبه - الله يوفقهم يارب - آآآآمين - لف لولده / وانت متى بتستلم ؟؟ - ان شاء الله العصر وابجلس يومين - بيض الوجه - وجهك ابيض وربيت رجال بيرفع راسك ابتسم بوجه ولده بحب هو الأقرب لقلبه من بد عياله على قوة ولده وشدته وهيبته الي تطغى على هيبته اخوانه اللي اكبر منه لكن عند ابوه يرجع ذاك الطفل الصغير اللي يدور رضا ابوه وحنانه ولا يسوي شئ الا بشوره نظرات فخر وحب واعجاب يرسلها لولده هو يربت على كتفه / ماغلطت يوم سميتك ذياب ابتسم بوجه ابوه وباس يده بحب وتقدير خالد / ياهووووووووه على الجو ترانا عيالك بعد لف لهم محسن / كل واحد له بقلبي غلا غير الثاني - صقر / العب يبه علينا العب الحب كله لذياب ولا حنا لنا الله - ههههههههههه مساكين عال البطه السوده طلعتو ترى ابوكم يرقع لنفسه وبين قوسين يقول انه هو اكثرهم غلى - ضاري / الغيره تسوي اكثر من كذا ....غيرانه ان ابونا يحبنا وابوي ضاري مطنشك - راحت لأبوها وحبت خشمه / يبه من اكثر وحده تغليها من عيالك ؟؟ مسح على راسها بحنان / انتي القعده غلاك غييييييييييير ومتمكن بالقلب - تسلم ولفت لهم تناظرهم بنظرات تشفي وجلست بجمبه ودخلت يدها تحت ذراعه ومسكته/ الــــــــــــــلــــــــ ـــه حلو الواحد عنده ابو - ذياب / ههههههههه اللي يشوفها يقول يتيمه - ههههههه لا بس اذكركم بالنعمه اللي عندكم غيركم يتمناها - ضاري / أيه والله صادقه هاذا عناد لا ام ولا ابو ولا حتى اخوان صدق انه رجال ابو 30 سنه ولا قاصره شئ بس ولو تحس انه ضايع - صقر / هو ماهب ساكن عند جدي الحين ؟؟ - ضاري / الا وما قصر معه جدي حاطن له شقه ماهب جناح .....بس ولو الأم والأب غير - ابو محسن / الله يرزقه باللي تعوضه عن امه وبوه ميلت فمها يمين ويسار وهي بداخلها تغلي من القهر عليه ......................... الغرفه يلفها الظلام والهدوء يقطع سكونها صوت انين وصياح مكتوم بصوت مبحوح ....تهتز تحت الغطاء لها يومين على ذا الحال يسألونها اهلها وش اللي فيها تقول لهم انفلونزا فيه اللي صدقها وفيه اللي كذبها بس مايهمها تبي تجلس لوحدها تختلي بنفسها تعيد حساباتها وتدارك اللي فات من عمرها وهي برجواه وانتظاره ......رماها من دون احساس منه ومن دون رحمه وقال عنها كلام مثل السم تجرعته بصمت وهو يقطعها لين ماوصل لجوفها لألف قطعه سحبت نفس قوي تبي شهقاتها تخف شوي .....ملت من الصياح اللي ماراح يجيب لها فايده اعتدلت بوهن على السرير جسمها مافيه حيل يومين ماتاكل حتى اذا غصبوها ماتاكل شئ مسكت راسها وضغطت عليه بقوه الأم فضيع بيفتت راسها من قوته رفعت راسها وشافت وجهها بالمرايه عيونها حمرا وذبلانه وخشمها بعد احمر ومنتفخ وشفايفها مبيضه ومتشققه وشعرها محيوس وحالتها حاله وبنفسها [يستاهل يصير حالي كذا عشانه وهو حتى مافكر فيني ......يستاهل اتمنى الموت عشانه .....يستاهل اني انكسر وانذل عشانه ] بدت عيونها تدمع من جديد وشفايفها تهتز وبنفسها [يستاهل يستاهل ......احبه احــــبـــــهـــ هو اللي بقلبي ......آآآآهـــ يازمن ] تتمنى تشكي تتمنى تتكلم تتمنى تصارخ تتمنى تسوي اي شئ يفرغ اللي داخلها ملت الصياح والدموع اللي مازاتدها الا ضيق وهم مافيه غيرها .....هي اللي تفهمها ....هي اللي تهتم بها وهي اللي بتوجهها وتقولها الحل الصحيح بعيد عن العواطف وضعف قلبها دقت مره واثنين وثلاث عليها من دون رد....رمت الجوال على السرير ورجعت تصيح من جديد كل شئ ضدها يوم جت تخفف حزنها ماردت عليها وكأن الظروف تعاندها ارتفع صوت نغمة الجوال المكتوم من تحت الأغطيه وابتسمت من بين دموعها هاذي نغمتها الخاصه بها قامت بأقصى سرعه تقدر عليها والتقطت الجوال وحطته على اذنهاووصلها الصوت اللي تتمناه - هلااااااااااااااااااااااا ااوين ومرحبتين وبوستين على الخدين لأحلى مزون صوتها يشرح القلب ويخفف الحزن صوت سعيد ومتفائل وفيه قوه غريبه تقويك غصب عنك - مو العاده قايمه الصباح وش عندك ؟؟ - وصلها صوت نحيب وشهقات .... انصدمت الجازي من صوت الصياح والشهاق معناه انها من زمان تصيح ومو اي صياح صياح واحد موجوع ومطعون - مزون وش فيك ......احد فيه شئ ؟؟ - ضغطت على زر ومعناه لا - طيب سكري واكتبي وش فيك برساله .....ضغطت زر معناه لا - طيب وش فيك خوفتيني عليك ؟؟ فتحت السبيكر وبدت تكتب رساله جديده ماتبي صوت الجازي يختفي عن مسامعها وارسلت الرساله لها - ثواني وارتفع صوت الجازي / حـــــــــيـــــــــواااا اااااااانـــ بيتزوج .....وانتي ؟؟ - زاد صياحها وهمهمات عاجز غير مفهومه تطلع منها - اهدي الحين واذكري الله ابشوف اذا جاء ابوي يروح لشركه يجيبني عندكم مااقدر اخليك وانتي بهالحاله ولا ينفع التلفون شكرت ربها بقلبها انه اهداها مثل هالصديقه جوهره نادره......هي محتاجه احد عندها الحين ....احد يضمها ويهديها ويمسك يدها يمشيها على الطريق الصحيح محتاجه راي ثاني غير رايها اللي يحكمه قلبها ...................... بخطوات سريعه يجتاز حوش بيتهم وهو يسكر ازارير قميصه السماوي الفاتح ويحط القبعه الكحليه على راسه يخاف يتاخر وينخصم من راتبه مثل الشهر اللي فات - استوقفه الصوت / سلاااااام عزوز - رفع راسه لشخص اللي واقف بجمب سياره عند البيت اللي قبالهم ورسم ابتسامه صادقه على وجهه / وعليكم السلام صباح الخير - صباح النور .....هاه وش عندك طالع من الحين لشغل ....؟؟ - والله المدير طالبنا وخبرك اليوم خميس نستعد لزحمه ههههههه - هههههههه الله يوفقك بس والله تعب وياليته راتب يسوى بس لو انك طايع شوري ومخليني ادورلك شغل بالمستشفى عندنا اريحلك من الوقفه عند البيبان - تسلم عناد والله....بس والله مستحي منكم شغلتو خواني اللي قبل وماقصرتو علينا بشئ وجدي ضاحي يعدني واحد منكم عاد ياوجه استح - قرب له وربت على كتفه بأخوه صادقه وفخر بهالشاب المكافح اللي يشتغل ويدرس بنفس الوقت ولا يبي احد يتوسط له يبي هو يبني مستقبله بنفسه - لا قد اسمع منك هالحكي انتم من القرابه بينا دم وماسوينا معكم الا الواجب .....متى تطلع نتايجك ...؟؟ - يمكن على الأسبوع الجاي وان شاء الله انجح خلاص مليت من الدراسه - ههههه احمد ربك بس 5 سنين وش اقول انا اللي 10 سنين اكرف فيها - صدق كرف بس جيت دكتور كلن يتمنى مكانك - قعد يعدل ياقت ثوبه بفخر وكبر / احم احم أجل يحقلي اغتر ...؟؟ - ههههههههه يحقلك تغتر ونص .....ناظر ساعته الـــــــــــــــلـــــــ ـــــه اخرتنا عز الله طار الراتب يالله سلاااااام - هههههههههه رح الحق على اللي بقى منه ....الله يوفقك ويرزقك ويسهل دربك ................................ من امس وهي سهرانه ماغمض لها جفن افكار وافكار تدور براسها وكلمات تنتقي منها المناسب تتخيل الموقف اللي بتنحط به صوره ترعبها بمجرد التخيل وشلون بتطبقها على الواقع تنفسها يعلى وينخفض مضطرب من قلقها وخوفها ودموعها من دون استئذان تشاركها خوفها دق منبه الجوال على الساعه8 الصبح ضابطته من امس لكن من دون فايده لأنها كل شوي ترفع الجوال وتناظر الساعه وتحسب الدقايق والثواني اللي تمر هذا انسب وقت للي بتسويه يوم خميس وكلن نايم وهو يجي بهالساعه عقب سهرة امس اخذت جلالها عازمه على الامر ......خطوه تقدمها وخطوه ترجعها تفرك يدينها ببعض من التوتر وتمسحها بجلالها بعد ماامتلت من العرق ......لفت لباب هذا صوت خطواته المميزه على الدرج حافظتهم عن ظهر قلب خطوات سببتلها الرعب طول سنين .....ماتنام لين تسمعها وتسمع صوت بابه يتسكر عندها بس تحس باامان نسبي وتغفي عينها طلعت من غرفتها متجاهله صوت الخوف اللي يحذرها ويثنيها عن عزمها ماتسمع غير صوت العقل اللي يحثها(سنين وسنين وانتي منذله وصابره خايفه وضايعه وكسيره لمتى بتتحملين .....الموت ولا الذل ياشمس الموت ولا الذل) توجهت لغرفته والرعشه تتمتلك جسمها كله ........................... فتحت الباب بهدوء عكس طبيعتها وكلام خالتها وشرحها لحالتها وانهم ماصدقو انه انفلونزا وانه وراه سالفه للحين ببالها وصلها صوت انينها الموجوع اقتربت من السرير وبان وجهها بالظلام وآثار الصياح المتواصل واضحه عليه جلست على السرير واخذت تمسح على رسها بحنان ....فتحت عيونها ببطء ولما وضحت لها صورة الشخص اللي قدامها حطت راسها على رجولها وحضنتها مع خصرها بقوة ماتدري وشلون كانت حاضنتها ولا همها وجع ظهرها من جلستها المايله كل همها انها تكون بحضنها حضن دوم يحسسها بالأمان ....يحسسها ان احد يهتم لامرها ويفداه بروحه رجعت تمسح على راسها ....ماتدري وش الكلمات اللي تواسيها وهي بذا الحاله تبيها تفرغ كل اللي داخلها ثم تكلمها بلغة العقل مو القلب استمرت بصياحها ربع ساعه وللآن اليد الحنونه تمسح على راسها وآيات القرآن تتلى عليها بدت تهدى وبدى السكون يعم الغرفه الا من صوت شهقاتها من فترت لثانيه وتمتمات القران جاها صوتها سائل / هديتي ؟؟!! - هزت راسها بالموافقه مسكتها من كتوفها تساعدها بالجلوس .....جسمها واهن يومين بدون اكل كفيله انها تهد حيلها مدت لها منديل تمسح بها دموعها / الحين الصياح ذا كله ليه ؟؟ بدت عيونها تدمع وفمها يرتجف لكن صرخه من الجازي وقفت دموعها بعينها والغصه بوسط حلقها / بــــــــــــــــــس وياويلك لو تصيحين اظن يومين صياح تكفي لو ولدك ميت كان ماصحتي عليه هالكثر - انتي ليه تصيحين ...؟؟!! عشانه بيتزوج ويترك ......عشانه خذلك وانتي معلقه عليه آمال واحلام ...... عشانه ضيع سنين عمرك وانتي بانتظاره .....عشانك بينتيله حبك وقدمتيله قلبك ورماه بوجهك .....انتي تصيحين عشان هذا كله ؟؟ هزت راسها بالموافقه كلامها صح نفس الكلام اللي كانت بتقوله نفس احساسها معقوله هي تعرف وش تفكر فيه معقوله ؟؟!! اللي تعرفه انها ممتنه لها تكلمت بلسانها وعفتها من الكلام اللي ماتقدر تنطقه - وش بتسوين ؟؟ - رفعت كتوفها ماتدري وش تسوي - تبين تروحين له وتترجينه يتمم زواجكم ولا يتزوج عليك ......هزت راسها بلا - تبين تروحين له وتقولين شفني انا قدامك طول عمري ليه ماانتبهت لي .....هزت راسها بلا - تبين تروحين له وتقولين احبك ولا استغني عنك .......هزت راسها بلا - تبين تظلين طول عمرك برجواه وهو ماعمره عبرك .....هزت راسها بلا - تبين تصيرين طول عمرك ذليله له ويحرج عليك من يبي يتزوجك عشان يفتك منك .... هزت راسها بلا مره واثنين وثلاث ودموعها تنزل على خدها ويدينها على اذنها ماتبي تسمع ماتبي عارفه ان كلام الجازي صحيح ...بس ماتبي احد يصدمها بالواقع اللي هي عايشه به ومتجاهلته ماتبي تصدقه ....كانها عايشه لعبه او بطله من ابطال المسلسلات من بيخطبها وهي على ذمة رجال ثاني كلام مايقبله عقل ....الا اذا كان بيطلقها لا تزوج فهذا شئ ثاني انتفض جسمها من الفكره اللي توصلت لها وزاد صياحها وحضنتها الجازي تهديها هي عارفه انها قست عليها بالكلام بس لازم تصحيها من الأحلام اللي عايشها فيها لازم احد يفتح عيونها على حقيقة الحياة اللي عايشتها مو كل اللي نتمنى يتحقق لنا لازم تعرف انه بيصر لها اشياء اكبر من كذا تحتاج صبرها وقوتها وحكمة عقلها - اسمعيني زين ....عشتي ذليله سنين طويله ....كنتي قدامه وانتي بعز شبابك وزينك ولا بقيتي ولا خليتي من الجمال شئ ولا التفت لك ولا فكر فيك حتى .....خدمتيه وحشمتيه ونسى كل شئ سويتيه له لكن لحد هنا وبس .....لا تخلينه يتمادى بذلك ....عشتي عند ابوك معززه مكرمه وزوجك عمك له عشان لااحد يذلك ويضيمك من بعده .....لا تقبلين بالمذله من عقب اللي صار هو بيتزوج يتزوج قلعته بس لا يشوف نظرة الحزن والضعف والأنكسار بعينك لو تشوفين حرمته حاضنته وعياله يلعبون حوله وانتي للحين على ذمته لا تبينين ضعفك وانكسارك له امشي وانتي رافعه خشمك ونافخه صدرك خليه يعرف انه ماهمك خليه يعرف ان ابوك ربا بنت عن الف رجال ماتنكسر اضحكي معهم وهم يخطبون له ويجهزون لزواجه اضحكي ضحكه اخت لأخوها مو ضحكه موجوع اضحكي وانتي تتالمين وتنزفين بس لا احد يشوف انكسارك ويتشمت به لا احد يمسك عليك زله انا عارفه انك تحبينه وصعب تتخلصينه من حبه اللي من سنين وبتجيك ايام تكرهين نفسك وتلومينها وتتمنين الموت بس اصبري خلي غرفتك هي الشاهد الوحيد على دموعك ووجعك وجرحك وخلي دموعك عزيزه عليك لا تنزل بأي وقت واي مكان وعند اي احد حتى عندي انا فــــــــــــاهـــــــــم ـــــــــــهـــــ ................ صوت صراخهم واصل لأخر البيت وكل واحد منهم يقاطع الثاني - مب على كيفك - لا على كيفي ونص بتتزوجها ورجلك فوق راسك - زواج ماني متزوجها واعلى مابخيلك اركبه - بتتزوجها وانت حمار ماتشوف الدرب - مابقى الا اتزوج وحده اكلمها بكرى تكلم عشر غيري - ياكــــــــلــــــبــــ مهب انت اللي درت ولعبت عليها لحد ماكلمتك جاي الحين ترفض الزواج بها - لا والله واي واحد يدور ويلعب عليها تكلمه زين والله - استغفر الله استغفر الله .....قعد يستغفر بصوت عالي شكل اخوه ماهب جاي بالقوه - تبي تسود وجيهنا عند اهلنا هاذي من اقاربك من لحمك ودمك تزوجها واستر عليها - استر عليها !! شايفها حامل مني يومني استر عليها هي كلها مكالمات وكم مره اقابلها ببيت جدي تبين عشانهم اتزوجها على ذا الحال ابتزوج نص بنات الرياض - لا اله الا الله انت ثور هاذي عرضك شعرة وجهك سمعتها من سمعتك اللي يمسها يمسك مادري هي وش بنت خال ولا عم لنا ....ماهب وحده من خمامك اللي تكلمهم - وانا وش دراني اني اول واحد تكلمه واول واحد تقابله وان مافيه غيري وش دراني انه مافيه احد لمسها وانــ..... صوت الكف على وجهه اخرسه طرااااااااااخ / يالـــــمــــلــــعــــون ــــ انت اللي جارها لهالطريق ماتخاف ربك يرد اللي سويته بخواتك بمحارمك بأهلك ماتـــــــخــــــــــافــ ـــــ - لو وحده فيهم تفكر تسوي هالسواة بس تفكر كان ادفنها بمكانها - وبنات الناس عادي عندك ؟؟ - لا تسوي بها الواعظ الأمين حميتك على عرضك ماخذتك تبي تستر عليها تزوجها وفكنا تراها حلوه ودلوعه تنفعلك يالشايب وقطع كلامه الضربه اللي جته على خشمه واسالت الدم منه رفع يده بيمسح الدم بس جته ضربه ثانيه على وجهه اختل توازنه منها ورجع على ورى - تضربني عشان وحده ماتسوى تضربني عشان الــ..... الـــ.... كلمات بذيئه ووسخه تخرج من لسان اخوه كلمات محرمه تنقال بالبيت الطاهر الفضيل اللي تربو به ثورت الدم به اخوه داس كل شئ تربى عليه بافعاله ماحس بنفسه الا وهو داخل بعراك مع اخوه ضربه منه وضربه من اخوه ضربه يتفاداها وضربه تستقر بجسمه ويدين ثانيه دخلت بينهمم تفكهم عن بعض كانه بحلم ماحس باللي حوله ولا حس باليد اللي تطببه / آآآآي - عورتك ؟؟ - ايه .....وش ذا ؟؟ - معقم - حار لا تحطين - لازم عشان جروحك ما تتجرثم ماسالته ولا شئ عارفه عادته لاشافته متضايق تسكت وتتكلم معه عادي لين هو يفضفض لها من نفسه من دون لاتقوله -تنهد تنهيدت عاجز / آآآهــ - سلامتك ان شاءالله بعدوينك - بيذبحني ذا الورع وبيطر عقلي - من ...خالد ؟؟ - من غيره ذا الحيوان - الله وش مسوي ؟؟ - ووش ماسوى ....من ماشى يوسف ذا الزفت وحاله منقلب وبنفسها [تعلمني بيوسف اخس ماخلق ربي] - لا تستغرب حاله شف من مماشئ اول - بيسود وجيهنا وبيجر البلا على محارمنا - عادت الجمله بااستنكار / بيجر البلا على محارمنا ؟!! - ايه ....صايده مع بنت.... وكل شئ بالدنيا دين وبينرد لنا في يوم - هزت راسها باسى / انا مادري من طالع عليه هالولد حاله مايل - مادري مادري والله - تصدق ....من الأسم - قال باستغراب / من الأسم !!؟؟ - ايه منه ...كم مره قلتلكم غيرو الأسم اتشائم من هالاسم يجيبلي حساسيه - هههههههه وش دخل الاسم - ياخي كل اللي يغازلون بالرياض اسمهم خالد ولا فيصل ولا طلال - هههههههههه صادقه الربع بالاستراحه اغلبهم مسمين ذا الاسامي اكشخ على قولتهم - ههههههههه والله مخفه والبنات ريم والعنود وتلقى اسمها الحقيقي عمشه وذهيبه شافت ان مزاج ولد اخوها للآن نفسه ماتغير ومحاولاتها لأضحاكه بالمزح والسوالف فشلت حطت يدها على كتفه تواسيه / ضاري .... لا تضيق خلقك بيجي يوم بيندم ويتنمى انه ماسوى هالسواة حط يدينه على راسه / آآآآهــ ياخوفي يجي هاليوم ياخوفي .....لف وجهه لها انتي عارفه لو يجي هاليوم وش معناه ......معناه ان وحده فيكم بيصير لها شئ معناه ان انتم اللي بتدفعون ثمن تهوره واستهتاره .....طول اعمارنا وحنا محافظين عليكم لا قد رحنا للحرام ولا سوينا شئ يغضب الله ببنات الناس لأن عارفين انه بيرجع فيكم لكن هذا ....هذا مادري وش اقول .....يحسبه لعبه واذا كبر بينتهي وبيتزوج وكل شئ ينسي صدمها بكلامه معقوله هي ولا خواته بيدفعون الثمن معقوله يجي واحد ويدنس شرفها اللي حافظت عليه سنين عشان لذة ولد اخوها تكلم لما شاف الصدمه على وجهها / شفتي وشلون ان الأمر مب سهل مثل مانتي متخيله والكلب أقوله تزوجها واستر عليها يقول مانب متزوجها تزوجها انت - انت من صدقك تبيه يتزوج وحده خانت اهلها وشلون بيامنها على بيته وعلى عياله اعرف ان اللي مثل خالد من اشد المعارضين انه يتزوج عن هذا الطريق ويحرص على انه يتزوج وحده حشيم شف وشلون هو الحين شكاك وخانق خواته - بس هاذي غير - ردت باستغراب /وشلون غير - سكت مارد عليها مايدري ليه ....يمكن مايبي يصدمها ان وحده من اقاربها بهالشكل يمكن مايبي ان خالد يطيح من عينها زود لما تعرف انه خان اهله واعتدى على اعراضهم وكون معها علاقه مايدري وش اللي خلاه يسكت مايجاوب / الله يهديه ويستر عليكم ويحماكم وبنات المسلمين - احترمت رغبة بعدم الكلام وأمنت وراه / آآآآآآآمين ...................................... بــــــعــــد عـــدة أيـــــامـــ في يـــــومـــ تــجــمــــع الـــعـــائـــلـــة -نـــــــــــعـــــــــم ماكلمتيه - لا تصارخين ...لا ماكلمته - لوى يلوي رقبتك ومتى ان شاءالله يااخت شمس بتكلمينه لا تزوجتي - والله ماقدرت ماقدرت - انتي مهبوله .....قاعدين سنه وحنا نخطط ونتكلم ونعيد ونزيد بالحكي وبالأخير خفت ولا قدرت اتكلم - انتي ماراح تفهمين شعوري ابد شخص سببلي الرعب طول سنين كثيره طول هالمده وانا انتفض لا سمعت صوت مشيه بس وشلون تبيني اطلع واقف قدامه واكلمه طلعت من غرفتي وانا عازمه على هالشئ بس يوم شفته قدامي ولف علي ماقدرت افتح فمي دخلت غرفتي وقفلتها مرتين ولو فيه ثالثه كان قفلته تخيلت انه بيلحقني وبيسوي فيني شئ مو سهل اني اكلمه مو سهل ابداً - تنهدت بقل حيله شمس معها حق بس لازم تقوي نفسها وتدوس على مشاعرها لازم تحط حد لآلامها واحزانها ولازم تجبر اللي انكسر حطت يدها على يد شمس تئازرها وتواسيها وتوصل لها رساله انها هي معها بكل خطوه لو ايش ماصار - اوعديني انك تحاولين مره واثنين وثلاث اوعديني اوعديني انك تنسين خوفك لو لدقايق وتسوين اللي اتفقنا عليه أوعديني من بين دموعها ترد / اوعدك اوعدك ابتسمت بوجه شمس بمحبه تحاول تبثها شئ من القوة عشان تصمد وتحاول ولا تيأس أو تخاف - يالله عاد امسحي دموعك وخشمك تراك اقرفتينا رفعت يدها لخشمها تتحسسه وضربتها بخفه على يدها / عمى والله مافيه شئ - وانتي مخفه تصدقين اي شئ ينقالك صديقتي رقله الحمدلله والشكر هههههههههه - سألت شمس/ وين مزون - لا مزون لازم تكون آخر الحاضرات تتسحب تحسبينها مثلنا مرتزات من الصبح - تكلمي عن نفسك من الصبح انا جايه الظهر فيه احد يجي لناس بذا القوايل - وتبيني افوت جلسة جدي الصباحيه عشان نوم وانتي عارفتني من بعد صلاة الفجر ماانام اجي هنا وواسع صدري عند جدي ازين من مااقعد بالبيت اعد الجدران والبنات يالله يتسحبون العصر يووووووووه افين على ذا الحاله - وش فيك ؟؟ - تذكرت ان طيف بتجي وعــــــــيـــــــــــنــ ـــــ -هههههه اعوذ بالله كره اصلي لين الحين تكرهينها - ولين بكرى بعد تجيبلي الغثيان بدلعها المصطنع الماصخ وعقلها اللي كبر السمسم مادري وشلون تفكر هالبنت - خلاص قطعتي جلد البنت استحميلها كم ساعه وخلاص - لولا مزون كان سفلت فيها هالبنت آآآخ تقهرني ياختي وقعدت تقلد صوتها / هذاك المزيون ابو سكسوكه من ؟؟وذاك الطويل ابو ثوب بيج من ؟؟ ورجعت لصوتها الطبيعي / تقهر تسأل بكل وقاحه وسعة وجه ومطيحه الميانه الواحد يحشم عمره شوي والبيت اللي هو به - هههههههه اعوذ بالله شابه ضو .....ولا غيره ؟؟ - غيره من وش ؟؟ - عشانها خقت على عناد ومابقت ولا خلت شئ ماسألت عنه - وعععععععع ووعين الا مليون وع قدرها لابقين على بعض لو يتزوجها اصرفلهم يطلعون عيالهم كتله متحركه من ثقل الدم والسخافه وصغر العقل وععععععع حامت كبدي من الطاري - هههههههه الكره الأبدي مادري وش سوالك المسيكين طول عمره وهو ماكان هنا - من الله اكرهه وبعدين ماله الا فتره قصيره جاي اخذ مكاني عند جداني على طول - هههههههه يالله قومي خلينا ننزل اكيد الحين اجتمعو طلعو من الغرفه ولفت على الغرفه اللي جمبها/ آآآخ يالقهر ماخذ غرفتي ومستانس بها وانا حاشرني جدي بهالغرفه عشان راحة صاحب السمو - اكيد بيعطيه الكبيره هو ساكن هنا ووراه زواج بس انتي تجين زايره وتنامين يوم او يومين بالأسبوع - حتى ولو غرفتي هاذي من عشر سنين ويجي هو وياطوله كنه لوح وياخذها بارده مبرده - خلاص تزوجيه وتصير غرفتكم - شـــــــــــــــمــــــــ ــس اسكت لأقطع لسانك الحين ....ماناقصني الا اتزوج عنيّد - وطي صوتك لا يسمعك - وخير ياطير خليه يسمعني واصلاً انا اذا بغيت اسبه وادري انه بغرفته ارفع صوتي عشان يسمع - بـــــــــقــــــــــرهــ ـ واكيد صوتك ياصله مفروض جدي شال الباب اللي بينكم وبناه ببلك مو بس يقفله خوفي اي يوم يكسر الباب اللي بينكم وينتف شوشتك ويكسر راسك وضلوعك من القهر انتي انسانه لسانك متبري منك ودايم يجيب لك المشاكل - اسكتي بس تبيني اشوف حقي ينوخذ مني واسكت هزت راسها بيأس من عناد بنت خالتها ماراح تتنازل عن رايها وبتظل ترد وترد فتاخذها من قصيرها وتسكت اصرف لها ............................. صوت ضحك وسواليف مالي المكان جلسه شبابيه ولا احلى مجتمعين بالمزرعه حول الحطب المشتعل وريحة السمر تنعش الروح اباريق الحليب والشاهي ودلال القهوه منتشره حول الضو وإقط وخفايف وتمر .....الجو بالليل تشتد البروده به والمنطقه اللي هم فيها ابرد مناطق الرياض وبالمزرعه كان الجو خيال - كم بقالك عزوز وتتخرج ؟؟ - خلاص انتهيت من آخر ترم لي بس نتيجتي بتتاخر شوي عشان التخرج - الله يوفقك ولين الحين على شغلتك الثانيه ..؟؟ - لين الحين والله - مرتاح بها ؟؟ - والله ياسطام مااكذب عليك واقول مرتاح لكن الحمدلله كلها شهور واشتغل مثل الناس - طق على صدره / تبيني ادبر لك وظيفه تستاهلها انا حاضر - مشكوووووور وماقصرت بس فيه بعض الأستاذه اللي درسوني وعارفين مستواي وقدراتي رشحوني لشركات هندسيه وكل وحده من هالشركات قدمتلي عرض ومميزات وانا الحين ادرس هالعروض وابشوف الأنسب منها لي - ماشاء الله الأخ صاير مصري من ورانا - ههههههههه شفت وشلون - عسى الراتب زين ترى الدنيا كل مالها بالغلا ووراك زواج ومسئوليات - لا الحمدلله كرواتب مبدئيه كل الشركات 7 الاف وطالع وعلى حسب مجهودك تترقي وتتلقى مكافأت وغير البدلات - الله يوفقك الله يوفقك من بعد مانتهى حديثهم الجانبي - عزيّز وصل عبد العزيز صوت يكرهه ويمقته يكره صاحبه وافعاله وسخرية الدايمه منه قدام الكل بس مايقدر يطنشه ولا يقدر يسوي له شئ ويأدبه أفضال جده عليه كثيره وعلى عايلته فحشمته من حشمة جده ولا هو قدره تحت النعال لف له ببرود وهدوء وهو يحاول يضبط نفسه واعصابه لا يتهور ويسوي شئ يندم عليه ويهين ولد الناس اللي اكرموه - نـــعـــم - لين الحين وانت تشتغل حارس امن ماغيرت هالشغله ضغط على البياله بقوه حتى بيضت اصابعه يبي يفرغ غضبه وقهره منه وبصوت حاول قدر الأمكان انه يكون طبيعي / وليه اغيره شغلي وانا مرتاح به - رد بسخريه وتحقير / مرتاح ؟؟!! وانت واقف طول اليوم عند البيبان بالحر والبرد وبالنهايه على 1500 ماتكفي بنزين هالخرده اللي معك رص على البياله زود وشوي وتتفتت بين ايديه / 1500 نعمه غيري ماهو محصلها مع 1000 المكافئه 2500 نعمة كريم وانا ماعندي مسئوليات ولا شئ بس اصرف على نفسي - بتقنعني الحين انك مكتفي بــ2500 بالشهر .....ولامحتمل تعب ذا الشغل وقلة الراتب عشان ذا المزايين اللي تشوفهم وتغازلهم على راحتك اتسعت عيونه على الآخر بلغت به الدناءه والحقاره انه يشكك بأخلاقه ونواياه ويهينه يحسبن كل الناس مثله حط البياله على الأرض بهدوء عكس البراكين الغاضبه الثايره بوسط بصدره قام على حيله ووجهه محمر من الغضب المكبوت وبصوت غاضب ونبرة مزمجره مخيفه - لهنا وبس ياخالد .....على كلامك االواطي والخسيس اللي مثلك مفروض اساويك بالأرض ولا تحرك بي ساكن لكني حاشم جدك والبيت اللي انت قاعد به ولا ابي العيبه تطلع مني بس لا تختبر صبري عليك وتتمادى .....لو تعيد كلامك اللي قلته ولا غيره مايكفيني الا دمك وهالحضور شاهدين وقد اعذر من انذر ويحرم علي مكان انت فيه .....ناظر الموجودين / السموحه منكم ارخصوني ....وطلع من المزرعه ونظرات الأعجاب والفخر من الموجودين تلحقه ........................... حاطه يدينها على خصرها وتهز رجلها / ياسلااااااااااام شغالة امه انا - امه الله يرحمها .....واللي تضف وترتب تصير شغاله يرضيتس غرفه تصير حوسه - ايه يرضيني ونص يحسب نفسه ملك مايبي الشغاله تدخل غرفته ولا تلمس اشيائه - جويزه وش ذا الحكي هذا ولد خالس ولا وراه لاام ولا زوجه ولا خوات من اللي يرتب حويجاته وينظف مكانه - رق قلب الجازي على جدتها وكسر خاطرها نبرة الحزن اللي بصوتها تحب جدتها وتغليها ولا تبيها تزعل عليها عشانه يكفي انه اخذ مكانها عندهم قربت وباست راس جدتها / مايصير خاطرك الا طيب اضف جناحه كم جده عندي انا ابتسمت بوجه حفيدتها المحبوبه عندها / الله لا يخليني منتس واشوفتس ببيت رجلتس وعيالتس حولتس - آآآمين .....دايم تأمن على دعاء جدتها لزواج لها لأنها اذا قالت مابي اتزوج لجدتها فتحت لها محاضره طويله عريضه فتشتري راحة بالها وتامن بلا وجع راس التفتت لشمس / يالله شمس خلينا نروح نضف غرفة صاحب السمو الملكي عــــــــنــــــــــاد قمزت شمس بجمبها /من صدقك انتي بتروحين تضفينها قصرت صوتها وقربت لشمس / ولا باحلامه اضفها هاذي شقه مو جناح صاله ومطبخ وثلاث غرف وين اضفهم كلهم ابخلي شغالتنا ترقى معنا تضفها وحنا تقعد نشوف التلفزيون ولا قضت نزلنا ولا من شاف ولا من درى - هههههههههه شيطانه وانا اقول وش ذا الطاعه اللي نزلت عليك فجأه وبتروحين تضفين - ههههههههه اعجبك انا جاهم صوت جدتهم / الجازي لفت لجدتها / سمي يمه آمري - انتبهي يمه لا تلمسين الكلوركس ولا تدخلينه الغرفه ولا تسوين به شئ ....عناد عنده حساسيه ينفر وجهه ويكتم صدره اتسعت ابتسامتها بشيطنه للحين هي منقهره لأن اخذ غرفتها هو اللي اختارها يوم جدها خيره وداري انها غرفتها بس يبي يعاندها - ان شاءالله يمه ان شاءالله [بنشوف وشلون تتهنا بالنوم اليوم] - وش عندك انتي وابتسامتك كني اشوف ابليس يبتسم - هههههههه الله يحلل ابليس عندي ...................... بـــــــــــــعــــــــــ ده بـــــســـــــــاعـــــــ اتــــ - حيالله طيف من زمان عنك تكلمت بدلعها اللي تكرهه الجازي / الله يحيك بس والله مشاغل ولا انتم دوم على البال - تكلمت الجازي بسخريه / ايه صح مشاغل والله..... الله يعينك العيال مسئوليه وغير كذا بيت ورجال مشاغل كثيره ناظرتها بحقد دوم هي اللي تفشلها وتتطنز عليها /والواحد ماينشغل الا بالعيال والزواج مافيه شئ ثاني - انتي نفس حالتنا متخرجه من زمان وعطاليه لا شغل ولا مشغله فوين الشغل معه لفت ولا ردت عليها والجازي بنفسها [ههههههه واحد صفر] تناظر اختها بحب وشوق كبير ....اخت اللي انحرمت من قربها غصب عنها تتمنى تكون علاقتهم احسن من كذا تتمنى انهم يكونون اصدقاء وخوات فعلا كل ماحاولت تتقرب منها تصدها وكانها عايشه بحصن منيع ماتبي احد يقرب منها حطت يدها على فخذ اختها عشان تنبها وقعدت تاشر لها بأشارات طيف / وش تقولين ؟؟ ورجعت تأشر لها .....لفت لهم / وش تقول ؟؟ ردت شمس / تقول وشلون جدتي والسكر معها ووشلون خوالي - طيف / اها .....بخير كلهم وذا العجوز صحتها مثل الحمار لاتخافين بتدفنك وتصلي عليك وهي للحين عايشه شوي وتنفجر من الغضب والحقد عليها هاذي اختها اختها .....المفروض هي الأولى اللي تتعلم لغة الأشاره عشان تتواصل مع اختها هاذي اهلها وهي وشمس تعلمو لغة الأشاره مع صعوبتها عشان صديقتهم وهي حتى ماكلفت نفسها وحاولت تتعلم - طيف / ايه صح ....شفت تو واحد عند الباب يـــــــــــــــــهــــــ ـــــبـــــــــلـــــ ثوبه اسود وشماغه احمر وله عوارض خفيفه وحجاته مقرونه من هو ؟؟ نفسه الدكتور ابتسمت شمس لما تذكرت كلام الجازي عنها الصبح لفت لها الجازي وهي محتقرتها / مدامك عارفه ليه تسألين مايكفي مأخره مزون لين الليل ماجت وتقعدين بعد تبصبصين بخلق الله طيف / وانتي ليه شايشه وتصارخين انا وياها خوات وننجاز عطتها نظره الجازي ولفت وخلتها بحقران اشرت مزون لأختها وقعدت شمس تترجملها / تقولك خالي ماخطب للحين لفت لها طيف بعصبيه وصراخ / لاااا ولا هو بمتزوج ابد الجازي / عمى فجرتي اذانا احد قالك انها صمخاء هي ماتتكلم مو ماتسمع استغربت مزون من صراخها وعصبيتها ماقالت شئ يسوى هي عارفه تعلق مزون بخالها حمد يمكنها تغار وتخاف حرمته تاخذه عنها وتنحرم منه ومن حنانه مثل مانحرمت من كل شئ قبل رن جوالها وهو بحضنها وطارت عيونها وش [وش يبي ذا داق انهبل هو عارف الوضع الحين وشلون ] نقزت ودخلت أبعد غرفه عن الناس -آلو - آلو هلا ....وحشتني من متى ماسمعت صوتك - هي كلمه ورد غطاها رقمي انسيه وامسحيه من عندك وانسي انك كلمتي واحد اسمه خالد في يوم ســــامــــعــــه انصدمت من كلامه هذا وش يقول بيحرمها منه هو اللي ركض وراها وهو اللي اوهمها بحبه وبالأخير يتركها بعد ماتعلقت به وحبته - خالد انت وش تقول؟؟ -اللي سمعتيه ولو جينا لكم خطاب ياويلك لو وافقتي بيصير اخر يوم بحياتك لو توافقين ردت وراه باستغراب / خطاب ؟؟!! انت بتخطبني فرحه ناقصه اختلطت بصدمه وحزن - لاتحلمين اخطبك قلتلك لو ....ماناقصني الا اني اتزوج وحده مثلك سألت باستنكار / مثلي ؟؟!! - ايه مثلك بكلمتين مني ركضتي وراي وكلمتيني وقابلتيني ولو استمريت معك مادري وش كنتي بتسوين ...؟؟ تكلمت / بس انت انت قاطعها / عارف اني انا اللي سعيت لك يوم شفتك بس انتي تجاوبتي معي وخنتي اهلك وانا لو اظل طول عمري عزوبي ماتزوجت وحده مثلك مرخصه بنفسها وبايعه اهلها عشان مين ماكان - يعني وش معنى كلامك ؟؟ - يعني اللي سمعتيه تمحين رقمي من عندك وتنسيني ولو جينا خطاب ترفضين ولو شفت رقمك تلفون واحد لأخوك ويدفنك تكلمت وهي تترجاه / خالد انا زعلتك بشئ..... غلطت عليك..... تبيني اطلع معك للمكان اللي تقوله انا موافقه بس لا تتركني لا تتركني احبك خالد والله العظيم احبك - اوهووووو انتي ماتفهمين حكي زياده مابي اسمع انتي ماعدتي تلزميني خلاص تكلمت بغضب انثى مجروحه / ماراح اسكت ابطين عيشتك - ههههههههه ضحكتيني ياماما تلفون واحد مني لمتعب واقوله عن بلاويك يالعنود ....بيذبحك وهو يضحك - انت ...انت ...حــــيـــــــــوانـــ حيـــــــــــــــــــوانـ ـــ - حيوان ولا انسان صيري بنت مطيعه وسوي اللي قلتلك لا يطلعلك وجهي الثاني وساعتها لاتلومين الا نفسك بااااااااي يادلوعتي هههههههههه طيط طيط .....تسكر الجوال بوجهها وللآن الجوال على اذنها ونزلت دموعها دون ماتحس بدفاها حرارة جوفها من القهر والغدر ماخلتها تحس بشئ غدر بها هو اللي لحقها ....شهور وهو يطرد وراها من يوم شافها صدفه ببيت جدها رفضت وتمنعت بدال المره مليون .....اوهمها بكلامه المعسول وبهداياه قال انه يحبها وبيتزوجها ....تخيلو مع بعض زواجهم وعيالهم وحياتهم ووشلون بتكون مراهقه طاهره تلقاها هو بكل خبث ومكر حتى لو كانت محافظه على نفسها لو كانت تربيتها سليمه لو كانت تعرف مصير هالعلاقات وسمعت من القصص الف كانت تتوقع ان هي غير وانه بيتزوجها لأنه قريبها عكس القصص اللي تسمعها وان الرجال فيها غريب عنهم لكنها تظل انثى تنجذب للكلام الحلو تنجذب لكلمات الغزل تحب اللي يهتم بها ويراعيها ويدلعها وهي ماهي اي انثى هي مراهقه انحرمت من حنان الأب ومن الحنان داخل البيت ومن اللي يسمعها لا شكت ومن اللي يحفظ اسرارها هي اصغر وحده والفرق بينها وبين امها كبير مافيه تواصل بينهم انثى متعطشه للعاطفه تنشدها بأي مكان لكنها لقتها بالمكان الغلط وعند الشخص الغلط مسحت دموعها بقسوه ووقفت بعزه وكبرياء رغم ان اللي داخلها هشيم وحطام وبقايا انسان مجروح - والله لأخليك تندم والله وانا العنود .............................. - يووووووه ياطيف مو دلع ذا مصاخه والله والله اني انقرفت تكلمت بدلع مضاعف عشان تقهر الجازي / اي بنت اكيد بتكون دلوعه مو مسترجله مثلك رنت الكلمه براسها / انا مسترجله؟؟!! - ايه ماتشوفين نفسك وشلون - عشاني مااصبغ وجهي بالأصباغ مثلك ولا اللبس اللبس المبهرج كنه لبس زواج مثلك ولا اتميع بالحكي مثلك ولا اصبغ شعري 600000 لون مثلك مو معناه اصير مسترجله - تكلمت من بين سنونها وهي معصبه من حكي الجازي الساخر بها / الا مسترجله - اجل اعذريني يااستاذه طيف انتي غلطانه وعندك خلط وعدم فهم بين المصطلحات المسترجله يااستاذتي اللي تقلد الرجال وتحاكيهم بكل شئ بلبسهم وقصاتهم وحركاتهم واوصواتهم ويكون عند بعضهم ميول للأناث اللي مثلهم هاذي هي المسترجله اما انا غير والحمدلله شعري طويل ولبسي بناتي وناعم وشئ طبيعي يكون فيني شوية خشونه لأن كل اللي كبري عيال وتربيت معهم وبينهم واغلب وقتي مع جدي كون اني مااحب اللبس المبهرج ولا المكياج ولا التميع بالحكي والدلع مايعني اني مسترجله ماعندها رد بعد ماسكتتها الجازي / اها ...يمكن كلامك صح - الجازي / الا اكيد صح مو يمكن .....وناظرتها نظرة تحدي وعيونها تنطق (كان فيك خير غالطيني ) وصلهم صوته الجهوري والعالي / يــــــــاولــــــــــد دربـــــــ تغطوا الحريم اللي بالصاله باجلتهم وارتفع صوت الجده / اقرب يمه عناد كلن تغطى دخل بهيبته وبنيته الطويله ورزته وراح لعند جدته وحب راسها ويدها تكلمت طيف لشمس/ يـــــــــــهـــــــــبــ ـــــــــلــــ صح ؟؟ وصل كلامها لمسامعهم وتكلمت الجازي / أحم ...على فكره طيف ترى عناد خاطب طيف / خااااطب .....ومن خطيبته ...؟؟ - الجازي / انا اتسعت عيون مزون وشمس من تحت الأجله من حكي الجازي قالت باستغراب / الدكتور خطيبك - وليه مستغربه ؟؟ - مااستغربت بس وشلون ..؟؟ - مايبيلها خريطه الخطبه راح لأبوي وخطبني مثل كل الناس قالت بشك / وكل ذا السنين ماتزوجتو كم عمره وكم عمرك ولا بميلادكم الخمسين بتتزوجون - هه هه هه ظريفه والله توه منتهي من دراسته وجاي من الخارج كان ماعندك علم وانا مااقدر اتغرب عن اهلي عاد هو نظر عيني مايبي يسوي شئ يضيق صدري ولا يقدر على زعلي انتظر لين انتهى من الدراسه عشان نتزوج مع انه كان يتمنى نتزوج اليوم قبل بكرى وياخذني معه برى وهو يدرس من 8 سنين وكنت وقتها بالثانوي سكتت طيف ولا قالت شئ ضربتها شمس مع جمبها / اجل خطيبته ونظر عينك صار - اسكتي لا تفضحينا .....لو تموت ماتاخذ واحد من عيالنا - وانتي وش عليك ؟؟ - صدق اني اكره عناد ويجيبلي المرض بس بعد فيه دم بينا مابيه يبتلا بوحده مثلها ابيها تشيله من بالها ولا عاد تفكر فيه ولا بعد لو بتتزوجه بتسكن معه هنا ببيت جداني عشان ينجلطون منها - ولو نشرت هالحكي - ببساطه اقول كذابه وتتبلى علي وكلهم يعرفون اني اكره عناد وانتم بتشهدون معي - ماشاءالله نشهد شهادة زور - في امها خير بس تكذبني ان ماخربطت ملامح وجهها - والله ينخاف منك - هههههههه عشان تعرفين حدودك ولا تتعدينها .....اقول مزون بتنامون هنا اشرت براسها لا الجازي / يووووووووه خسااااااااااره بتفوتكم المسرحيه قالت طيف بلقافه / اي مسرحيه ؟؟ - الجازي / مسرحية طارق العلي الجديده البيت بيتك قالت بعدم اقتناع / ايه ............................. بـــــــــــــعــــــــــ ده بـــــســـــــــاعـــــــ اتــــ - والله انك مجرمه حرام عليك - اسكتي اسكتي للحين فيني حره - بعد حرام اسمعي كحته وشلون شكله انكتم - لالالالا بعد بقى شوي هههههه - اشرت مزون لهم وش السالفه لأنها مافهمت من كلامهم شئ بعدت شمس عن الباب الي كانو جالسين عنده واللي يفصل غرفة الجازي عن عناد والجازي للحين ملصقه اذنها عليه - شمس / هاذا الله يسلمك جدتي قالت لجازي ضفي غرفة عناد لأنه مايبي الشغاله تضفها ولا تحطون كلوركس ابد لأنه عند حساسيه منه وجت ذا الخريش وجابت الكلوركس وملت الحمام منه وجابت فوطه وملتها كلوركس ومسحت البيبان ومماسك الباب والدروج والدواليب وكل شئ تطولها يد عناد حطت به كلوركس وحشرت الغرفه معمول وعود عشان لا يشم ريحة الكلوركس الا بعد مايلمسه وتقب الحساسيه عنده وشوفيه المسيكين له شوي وهو يكح كحة واحد مكتوم فتحت مزون عيونها على الاخير من هبال صديقتها ماتهتم من احد ولا بالعواقب بتذبح الرجال باللي تسويه وصلهم صوت كحة عناد وكل مالها تعلى زود - اشرت مزون لها - الجازي / وش يموته هو دكتور بيعرف يدبر عمره شمس / انا اقول تنحاشين وتشترين سلامتك ولا تنامين هنا لآنه اكيد بيعرف انه انتي وبيرتكب بك جريمه لامحاله - هههههههه عارفه عشان كذا ابروح اليوم مع اهلي حسافه راحت علي نومه وقومة صبح مع جدي شمس / ذا البنت اللي بتجنني خافي على نفسك وانحاشي - الجازي / هههههه حشى مصاص دماء مو عناد صار - شمس / الله يحلل مصاص الدماء عنده بغيتي تموتينه بيسوي فيك اكثر من مصاص الدماء الجازي / ههههه هاذا ضاري يدق علي .....يالله خلينا نطلع ابقفل الباب ونزلو وهو للحين يكح ويحك وجهه ...................... قامت مثل عادتها مع انها مانامت الا ساعات معدوده تعودت تقوم قبل آذان الفجر بكم ساعه قدامها الدريشه مفتوحه وهي منسدحه على جمبها فوق السريروقتها ولا يمكن تفوته هو الوحيد اللي يسمعها هو الوحيد اللي يمكن تقوله سرها من دون خوف انه يفضحه او ينشره هو اللي لا يمكن تتخلف عن موعدها معه تناجيه ويناجيها بصمت مثل عادته كل 30 يوم تنتظره لحد مايكون بهالمنظر الساحر دائره بيضاء منوره وسط ظلمة الليل بكبد السماء تناظره بشوق وهيام اللي يشوف وجهها بهالحاله يستغرب شكلها بالطبيعه تطالع القمر بنعومه وسلام وهدوء غرفتها الوحيده اللي تتفرد بهالمنظر منظر السماء الكامل من دون لا يحجبه بنيان وللآن كلمتها ترن بأذنها ....مسترجله مسترجله مسترجله غمضت عيونها بألم الكلمه اوجعتها وجرحتها صدق مانهارت وقدرت تلجم طيف وتسكتها لكن ردت بكبرياء مجروح ....بكبرياء انثى نازف ياما ياما سمعت كلمات مثل السم لكن مايهمها احد ولا تبين انكسارها لأحد ....يقولون اللي يقولون ماهي مغيره من تصرفاتها وطبيعتها شئ تكره الضعف والسلبيه والخوف ماتبي تصير مثل شمس تمادى يوسف بذلها وامتهانها عشان خوفها وضعفها سنين وسنين وهو مستمر بتعذيبها وذلها وهي ماحركت ساكن خوف وضعف ولا تبي تصير مثل مزون استغل متعب ضعفها وعجزها سنين اخدمته ووجبته وبالأخير قفا عنها وغدر بها وبيتزوج غيرها كلهم انذلو وانغدر بهم من اقاربهم اللي المفروض يدارونهم ويخافون عليهم فكيف الغريب بداخلها انثى تتمتع بكل صفات الأنوثه تحلم وتتمنى زوج واولاد وبيت وحياة هادئه رومانسيه بس ماتبي رجال يذلها رجال تكون امامه انثى ضعيفه مالها راي تظل طول عمرها دون زواج ومحتفظه بعزتها وكرامتها وقوتها ولا زوج يهينها ويتفنن بإهانتها ماهمتني الناس ماهمتني .....ابظل محاوطه نفسي باسوار واشواك ابظل اكابر وادعي القوة والخشونه ولا احد يدوس لي على طرف مستغل ضعف الأنثى انا بنت ابوي مااحد يهيني ولا يذلني ابتسمت بنعومه وصفاء عكس المشاعر الثايره بداخلها اكيد سمع شكواها اكيد وفهم نظرتها الحزينه من دون لا تتكلم ابتسمت بسعاده وهي تشوف الغيم الأسود ينقشع من قدامه ويبان صفائه ونقائه وبياضه ياترى هو يبتسم لي يواسيني ولا يبتسم يتشمت على جراحي ............................. تمشي بهدوء عكس الخوف والرعب اللي داخلها لازم اليوم تكلمه لازم مر اسبوع من حاولت تكلمه وكل يوم تحاول لكن تخونها قوتها وترجع لغرفتها سمعت صوت خطواته على الدرج رفعت جلالها اللي كانت لابسته من قبل على راسها وغطت وجهها وطلعت بسرعه من تفكير ماتبي ترجع ملت ترددها وجبنها شافها قدامه واستغرب منها له اسبوع من اخر مره شافها قدامه ويسمع حركة بغرفتها عكس هدوئها المعتاد لما يمر من عند غرقتها طلعت الكلمات من بين شفايفها خايفه ومرتجفه تسلحت بكل القوه الممكنه اللي تملكها بس منظره ومن دون تفكير منها يصيبها بالرعب والخوف - يـــ ـــ ــو ســ ـــ ــفــ ـــ ابــ ــــ يـــ اكـــ ـلـــ ــمــ ــكــ رفع حاجبه باستغراب / تبين تكلميني !! ردت برجفه / ايــ ــه - تكلمي - ماينفع هنا ناظرها بخبث وحقاره وابتسامه خبيثه تعلو وجهه / تبين بالغرفه ردت بصوت عالي وخايف / لاااااااااااا تكلم باستغراب / وليه لا....وين تبين اجل - آآآ بهاذي الغرفه .....واشرت على غرفة الغسيل للآن الأبتسامه الخبيثه على وجهه / ههههههه هنا وهناك نفس الشئ بيصير بأي مكان اهم شئ انا وانتي يالله خلينا نروح ومد يده بيمسك يدها ما ان لامست يده يدها سرت نفضه على طول ظهرها وبعدت يدها عنه بقوه ناظرها باستغراب / طيب شوي شوي مادري وش فيك وبعدين ليه متغطيه عني تراي شبعان منك ومن شوفتك مسكت جلالها بقوه وناظرته بحقد من تحت جلالها يتكلم وكأنه ماسوى شئ وكأن علاقه حميمه تجمعهم ماكانه في يوم دمرها ماكانه سلبها اعز ماتملك بدم بارد مشت وراه وصوت بداخلها يترجاها ترجع قلبها منقبض ماتدري ليه بس لازم تكمل لازم عشان تتحرر من الآلم والجرح اللي بيطول الوقت على بال مايخف ويندمل دخل ودخلت وراه وصك الباب وراها قرب لها والأبتسامه الخبيثه للحين على وجهه بدا بفتح ازارير ثوبه وهو يقرب منها - هالمره جايتني بنفسك من دون ضرابه كالعاده .....اشتقتيلي؟؟ حامت كبدها وتحس انها بترجع وطعم الترجيع بحلقها .....تنعاد ببالها صور كثيره تنقرف منها بشوفته بهالمنظر لازم تتكلم لازم يظن انها تبيه وجايه عشانه بس الخوف متمكن منها واخرسها قرب منها وقرب و ............ .................... - وشــــــــــــلــــــــــ ـــونـــــ - اللي سمعتيه - ومن الشيخ اللي ملك لي من دون لا اوافق ولا احلل ولا اوقع - واحد من معارفنا وحنا محللين لك وخالصين يوم تتعبين وتروحين للمستشفى اتسعت عيونها من كلام ابوها مخطط من زمان يعني / يبه انت صادق ولا تستهبل معي ارتفع صوت ابوها بصرخه / بــــــــنـــــــــــتـــ ـــــــ سكتت من صوت ابوها مهما بلغ الحنان بابوها بس اذا عصب ينقلب لأنسان مرعب نزلت راسهاوالدموع بدت تتجمع بعينها بس عزتها وكرامتها تمنعها من النزول انجرحت من اقرب واعز الناس لها - ليه يبه ماشاورتني تسوقني له كني بهيمه - انتي بنتي الغاليه ومحشومه ولا اظن لك راي بعد رايي - يبه طيب يمكن مابي هالرجال يمكني مارتاحله وارجعلكم مطلقه - الرجال زين ولو انه ردي كان ماقربته منا وزوجتك له بس تحسفت به وخفت اقولك وتردينه مثل العاده - مابيه يبه مابيه - ماعاد يفيد الحكي انتي الحين حرمته .....ورمالها ظرف بني على الطاوله هاذي مية الف مهرك جهزي عمرك وبعد 4 شهور بعطلة الصيف زواجك وقام من مكانه وخلاها قنابل ابوها يرميها بوجهها من اليوم ماتوقعت في يوم انا بتنغصب على الزواج هي مانغصبت وبس هي تزوجت من دون علمها بعد .....يمكن لو قالولها ورفضت واغصبوها كان ابرد حره تحس انها شاركت بقرار تعاستها من اولها بتكسر قوتي ابوي اللي عمره ماغصبني على شئ زوجني لك غصب عني ومن دون علمي تكلمت بصوت قوي وواثق يخفي وراه الألم والأنكسار / يبه من هو اللي زوجتني له ؟؟....كانت خايفه لايقول ابوها اسم تكرهه لف لها بعد ماسمع صوتها القوي ماخفت عليه نبرة الأنكسار والخيبه اللي بصوتها وتحاول تخفيه بنبرتها القويه هي بنته يعرفها زين ويعرف لما تكون قويه ولما تداري ضعفها بقوة زايفه يعرفها مثل نفسه التفت عليها والتقت نظراتهم نظره رحمه يوجهها لها ونظرة تحدي وكبرياء توجهها له رق قلبه لها هي الغاليه بس لازم بسوي كذا ماتعرف مصلحة نفسها وردت من الرجال اللي تحسف بهم كثيييييييير وهو ماراح يدوم لها - اللي زوجتك له هو ......... ...................................... - تخطبيله .....توجهت الأنظار لها بإستغراب كلهم عارضوه يوم بغى يتزوج وكلهم وقفو بوجهه وكلهم رأفو بحالها مالها ذنب باللي صار وكانت ضحية الظروف ناظرتها امها برحمه وعطف وصدتها بنظرة قوه زايفه قناع تلبسه لا صارت بينهم تبين لهم ان ماهمها فعل ولدهم وانه ماكسرها ولا اثر بها حطت امها يدها عليها برحمه وهي مدركه مدى المها ولا غشها القناع اللي لابسته - لا ماعليتس حنا بندور له هزت راسها بنفي واشرت لهم /متعب اخوي الكبير وانا اخته الكبيره وانا اللي بخطبله وحده على ذوقي ...كان هذا صوت العنود وهي تتجرم اشارات مزون اسكتت ام متعب الظاهر انها تعتبره صدق اخوها مثل مايعدها اخته اتسعت ابتسامته من اول ماجلس وهو مبتسم واخيرا زانت ظروفه وانفرجت وفضى لنفسه واخيراً بيكون له زوجه وعيال وبيحس بالأستقرار وموقف مزون اسعده زود هو حس بشوية ذنب تجاها من كلام امه وخواته وتعبها اللي استمر يومين توقع انه هو السبب به يوم درت انه ناوي يتزوج بس اللي يشوفها قدامه وتصر على انها بتخطب له غير اللي امه تتكلم عنها / كفو والله هاذي الأخت السنعه ابتسمت بوجهه بالم واشرت له <وش تبي مواصفات العروس> قعد يفكر وثواني وانطلقت الاجابه من فمه اللي طعنتها وهدت القوة الضئيله اللي متسلحه بها - ابي وحده مثلك بتمام جميله مثلك وخلوقه نفس اخلاقك وسنعه وراعية بيت ......نفسك 100% [يبي مثلي يبي مثلي .....يعني قد فكر فيني بس شافني ماناسبه مو قد المقام الطرماء مو قد مقامه العالي ....يبي وحده كامله من دون عاهه وعجز معترف بأن صفاتي هي اللي بيي ليه ماحاول يعيش معي ليه ماتنازل عن الكمال واحلامه واخذني انا لـــــيــــــه ؟؟؟] حست بيد على راسها صحتها من تفكيرها رفعت راسها وتلاقت عينها بعينه / الله يوفقك ويسعدك مع اللي يستاهلك وراح وخلاها تصارع الآلام داخلها وتبذل جهد جبار ....جهد تلقي صدماته وجهد رسم قناع القوه على وجهها بجداره ............................... هي وياه بالغرفه لحالهم المشهد ينعاد بمخيلتها مره ثانيه وهو يقرب ويقرب وابتسامته الخبيثه اللي تكرهه على وجهه رمت القنبله بوجهه اللي جمدته وصدمته ووقفت حركته وفتح عيونه على اتساعهم / حــــــــــــــامــــــــ ــــلــــــ - ايه حامل - وشلون حامل ...؟؟ - وشلون حامل اسأل نفسك وشلون ولي شهرين بعد حامل - وشلون تحملين مايصلح انا ماخذ حذري واحتياطي عشان لا تحملين ناظرها بنظرات مرعبه خلت الرجفه تسري على طول ظهرها نظرات مخيفه وكأنه ناوي على ذبحها - صدق انتي حامل ولا تكذبين ؟؟ لثواني الرعب تملكها منه وتبي تنهي كل شئ .....لثواني فكرت انها تفتح الباب وتنحاش وتحتمي وراء باب غرفتها وتنسى كل اللي خططو له لكن خلاص ملت ولا عاد تملك صبر / ايه حامل ...قالتها بنبرة الواثق بنبره قويه - ووش المطلوب مني يوم انك تعلميني - المطلوب انك تتزوجني - قال بسخريه / اتزوجك احلامك واسعه مره .....ووش دراني ان اللي ببطنك ولدي مو ولد غيري ردت وراها / غيرك !!! من بيسوي سواتك الحقيره معي غيرك - اقول روحي ارمي بلاك على غيري دايره على حل شعرك يوم حملتي وتورطتي تبيني اتزوجك وانبلي بك انا كنت اتسلى بك بس ولا الزواج مافكرت فيك ابد ولا طريتي على بالي انقهرت من كلامه ووقاحته بس ماتستغرب اي شئ من واحد مثله اسمعني يايوسف زين وحطني على بالك اتحملت كثير كثيييييييير تحملت حقارتك واهانتك لي اتحملت دنائتك وذلك لي وبتتزوجني غصب عنك .....ولا تحاول تسوي شويتينك علي وانه مو ولدك مااحد حط يده النجسه علي الا انت وفيه تحليل يالمتعلم يثبت ان اللي ببطني ولدك وعلي وعلى ااعدائي والله لأفضّح بك لو يذبحوني اهلي بعدها أهم شئ اخذ حقي منك واشوفك تموت قدامي تحسبني ماادري انك متزوج بالدس والله لأخليهم يجرجرونك بالمحاكم ويرجمونك لين تموت ياتتزوجني ياموتك على يدي انا خلاص الدنيا بايعتها ولا عاد يهمني احد ولا تهمني حياتي حتى اليوم ....اليوم تروح تخطبني من ابوي .....ولو ماخطبتني لا تلوم الا نفسك لو اخذت منك حياتك وراحت طلعت من الباب وهي تنتفض ماتدري وشلون قالت الكلام اللي قالته وماتدري من وين جتها القوة والجرأه كل اللي تدري به ان الكلام طلع من فمها وانها الحين هي بالطريق لغرفتها بعد مانجزت المهمه وهو للحين واقف بصدمته من كلامها وتهديدها وشلون عرفت عن زواجه وشلون رنت كلمات الموت براسه وانتفض لهالطاري يخاف من الموت يبي الحياة يبي يعيش على طاعه او معصيه اهم شئ يعيش .....بس فيه غضب وحقد عليها وشلون تحمل وانا محتاط وشـــــــــلـــــونــــ الله يلعني اكيد وانا سكران مادريت عن حالي طلع ولحقها ومسكها قبل لا تدخل غرفتها شهقت بقوة منه لفها له ورجعها على الجدار ومسكها من عضودها بقوة وطاح جلالها عن وجهها من قوة الضربه على الجدار ثم قرب لوجهها وشوي وخشومهم تتلامس وانفاسه الغاضبه النتنه تلفح وجهها / تهدديني ياللكلبه يالــ.....يالــ.... غمضت عيونها من الكلمات البذيئه اللي يطلقها عليها وخوف منه كل قوتها تبخرت يوم مسكها وقابلها عيونه المحمره وفمه المشدود من العصبيه ويدينه اللي ماسكتها بكل قوته اخرستها وضاعت الكلمات منها - سقطي اللي ببطنك - اسقطه ؟!! - تكلم بغضب مضاعف /ايه سقطيه ماهو انا اللي اتهدد - وووشــ ــلــون اسقطه - روحي لحدى هالمستشفيات وخليهم يسقطونه لك - انت انهبلت وين حنا عايشين به بأمريكا وحتى لو كانو يسقطون عادي انا ماتزوجت بيدخلوني بسين وجيم منين حملت واهلي بيدرون - كولي حبوب شيلي شئ ثقيل طيحي نفسك من الدرج اهم شئ يسقط دبري نفسك سوي اي شئ - لالالا انت مانت صاحي تبيني اذبح نفسي - اجل انا باسقطه لك مو لازم انتي - انت ؟؟!! - ايه انا شافت نظرة الحقد والشر بعيونه وسألت وهي خايفه من الأجابه / و وش وش بــ ــتــ ــســـ ــو يــ بــ ـــي - ابضربك لين ينزل - فتحت عيونها بصدمه منه / انجنيت وخرررر وخــــــــــــــر تحاول تفك نفسها من بين ايدينه بس ماسكها ومثبتها ويحاول يسحبها لغرفته تحاول وتحاول لكنه حاضنها بكل قوته ويسحبها لغرفته رغم كل محاولاتها رجال يفوقها قوه وطول وعرض وغير الحقد والعصبيه اللي داخله وتقويه زود وهي امرأه ضعيفه اقل منه بكل شئ كان سهل عليه انه يقواها ويسحبها معه تحاول وتحاول لحد ما ....... ................................ من هو يبه اللي زوجتني له ؟؟ كانت خايفه لايقول ابوها اسم تكرهه لف لها بعد ماسمع صوتها / واحد من الجماعه رجال وسنافي وقطّعناه من السؤال وحتى جدك يعرفه ويمدحه اسمه طلال بن فيصل الــ .... كشرت بوجهها طلال من الأسماء اللي تكرهها وتتشائم منها واسم ابوه بعد من اولها السالفه خربانه هه ............................. توه جاي من الدوام حس بتعب واستأذن وطلع يحلم بفراشه وسريره وهو بالسياره دخل البيت ورقى على طول لدور الفوقي مع انه جوعان بس جوعه لنوم اشد بمية مره من الاكل وصل لصاله اللي فوق ووقف بمكانه بصدمه وخيبه ومفاجأة الموقف كانت اكبر من ماتخيله بيوم كأن احد رمى قلبه برصاصه او اشد الم الأنسانه اللي حبها بصمت وطهر ....الانسانه اللي حلم بها كزوجه وحبيبه الانسانه اللي حافظ عليها بغيابها ولا خانها حتى بتفكيره ....الانسانه اللي تمناها وتمنى نظرة رضى وحده منها او اي اشاره منها عشان يتقدم لها ويخطبها يناظرها الحين وهي بحضن اخوه وحاضنها اخوه بقوة وقريبي من عند غرفته انتفض لصورة اللي تكونت بباله لما شافهم قرب الغرفه ووش ممكن يسون بها ماخافو من احد يشوفهم من اهل البيت ماخافو من اللي فوقهم وماتنام عينه شكلها عادتهم كل ماراحو اهل البيت لدواماتهم يختلون ببعض بعلاقه حقيره ومحرمه صرخ بكل قوته بكل غضب متمكن به بكل استحقار لهم / يـــــــــــــوســـــــــ ــــفـــــــــــ فلتها يوسف من بين ايديه متفاجئ من تواجده بهالوقت المفروض انه بالدوام الحين قطع تفكيره الكف اللي انطبع على خده وكف مثل قوته واشد انطبع على خدها كف محب انخان وانطعن من محبوبه ناظرته بألم تحسب انه جاي ينقذها من بين يدين ذا المجرم تحسبه بيخلصها من ألمها لكنه فهم السالفه غلط وزاد ألمها انا ضحيه وهو الجلاد هو اللي اعتدى علي وهو اللي تهجم علي وهو اللي سحبني لغرفته كلمات درات براسها ورفض لسانها ينطقها ودها تصرخ ودها ترد ....آلمتها وكسرتها نظرة الخيبه والألم بعيونه مايخفى عليها حبه عيونه تفضحه دايم يلمح انه يبيها ويبي يتزوجها بس تصده بجفاء وشلون تبادله الحب وتعيش معه وهي بهالحال لعبه رخيصه بيد اخوه نطقت واخيراً / انت فاهم السالفه الغلط تكلم من بين سنونه لا يرتكب بهم جريمه / غــــــــــلــــــــط تبين اشوفكم مع بعض بالسرير عشان افهم السالفه صح ماني اعمى اللي شفته من حقارتكم ووصاختكم يكفي يحق لكم الموت بس ماابس ادنس يديني بنجاس مثلكم ودار ظهره واتجه لغرفته - وقــــــــفــــــ انت فاهم غلط غــــــــــلـــــــــط نـــــــــــــاااااصـــــ ر |
&&&&&&&&&&&&&&&&&&&&&&&&&&&&& الـــــــــــــجـــــــــ ــــــزء الـــــــــــــــرابـــــ ـــــــــــــع &&&&&&&&&&&&&&&&&&&&&&&&&&&&& (( صــــراعـــــات عــــلــــى ارضـــــــــ الـــــــواقـــــــــعـــ ـــــ )) دخلت غرفتها ملجأها الوحيد ......مكان تقدر فيه تفرغ اللي داخلها براحه للحين هي بصدمه للحين ماهي قادره تصدق اللي صارلها كانت تطنز على اللي ينغصبون على الزواج تسخر من ضعفهم وسلبيتهم قدام اهاليهم وانهم يرضخون لحكمهم بسرعه هي مانغصبت وبس هم استغفلوها وزوجوها بدون علمها وين حنا عايشين فيه ويـــــــــــــــنـــــــ ــــ ؟؟؟!! عيشوها عيشة رجال تامر وتنهي بالبيت وكلمتها تمشي يشاورونها بأمور تتشاور الرجال بها وبالاخير يصدمونها بزواجها ماتدري وش تسوي ودها تصارخ ودها تصيح ودها تضرب احد .....تبي اي شئ يفرغ اللي داخها تتمنى دمعه دمعه وحده بس لأجل يخف اللي داخلها ....بس من زود قهرها رفضت عينها تدمع وغصه بحلقها منعت صوتها يطلع تتلفت على نفسها مثل المجنونه تدور اي شئ يطلع من العدم عشان تفرغ حرتها فيه وقهرها استقرت عيونها على التسريحه قربت لها مثل المجنونه واخذت عطر ورمته على المرايه تبيها تتفتت وتتكسر مثل ماانكسرت نفسها بس ظلت المرايه صامده وكانها تعاندها أو تتشمت بها زاد قهرها وغيضها ورمت الثاني والثالث لحد مانكسرت واستحالت لقطع .....تنهدت ورمت جسمها على السرير وهي تلهث من بعد المعركه اللي سوتها وسرت دمعه حاره يتيمه على خدها مسحتها بيدها ومدت يدها قدام وجهها بتشوف هالدمعه اللي جننتها ولا طلعت ابتسمت واخيراً نزلت واخيرا وتبع هالدمعه دمعات وارتفع صوت صياحها ودست وجهها بين مخادتها تكتم صوت صياحها وانينها المقهور ماتبي احد يشوف ضعفها ماتبي احد يشهد انكسارها وخيبة املها بأهلها اللي بنظرها غدروا بها وطعنوها بظهرها واستسلمت لألمها وحزنها بس بين جدران غرفتها مايشهد عليها الا خالقها ........................... سكرت باب غرفتها بيدين ترتعش وقفلتها مره ومرتين وتسندت على الباب رجلينها ماعادت تقدر تشيلها وبداخلها كل هالالم كل هالخوف كل هالحزن حمل ثقيل لو وزع على الناس لكافهم واثقلهم بعد .....بدت رجلينها تنهار وجسمها يطيح لحد مااستقر على الأرض بوهن وبعجز للحين ماهي مصدقه اللي صار....للحين تحس نفسها كانها بحلم وماصحت منه لا هذا مو حلم هاذا كابوس ..... تعوذت من الشيطان كذا مره تماشي احساسها اانه كابوس لكن لا .... هذا واقعها ....واقع انحطت به غصب عنها وكل ماله ويهديها صدمه جديده تقضي على الباقي بداخلها لعنت نفسها الف مره واستغفرت بعدها مليون مره .....ليه راحت للموت برجلينها لــــــــــــيـــــــــــ ـه ...؟؟؟ ليه ماطاوعت قلبها واحساسها ليه ؟؟؟ يوسف قضى عليها واحالها لرماد ...لكن بقى شعله خامله تحت الرماد وجاء ناصر وبكل قسوة وطفى هالشعله بتعيش حياة بلا سعاده بلا احلام بلا اماني ......حياة جامده بلا ملامح ....يوسف كان ومازال هو المتحكم وصاحب القرار بحياتها هي حمدت الله الف مره انه طلعلها ناصر من العدم وانقذها ......ماكانت تدري لو دخلها يوسف الغرفه وش راح يكون مصيرها هي ممتنه له وشاكره لو ظن بها السوء لو ضربها لو حطمها لو سوى بها اللي سوى بيظل جميله على راسها ولا راح تنساه لكنه بنفس الوقت قتل كل حلم جميل بحياتها ....كل حلم خجلان يجمعها هي وياه ....هي ماكانت تقدر تجتمع وياه على ارض الواقع فأكتفت بالحلم هو وياه يجمعهم الحب بعالم بنته بخيالها ... بعد اللي صار مايحقلها حلم ....مايحقلها فرح ... بتعيش واقعها بكل الآمه واحزانه وحقارته بعيد عن خيالها ثنت ركبها وحضنتهم بيدينها واسندت راسها عليهم واستسلمت لدموعها دايم كانت بجمبها وبتكون دوم .....( ضربتين بالراس توجع ) .................................. تحط ملابسها بالشنطه ملابس تكفيها اسبوع وشوي بكل برود وآليه وكأن الحياة ماعادت تسوى بعينها للآن آثار الصياح على وجهها حاولت تزيلها .....غسلت وجهها كذا مره وحطت كحل لكن بدون فايده نزلت الدرج بهدوء عكس عادتها وبيدها شنطه وباليد الثانيه العبايه حطتهم عند الباب ودخلت على ابوها بالمكتب - يبه ابروح لبيت جدي رفع راسه لبنت باستغراب داخله وبدون استأذان ولا سلام ونبرة الأمر اللي بصوتها ساكته ماتكلمت تنتظر الأجابه وهي منزله راسها - انتي تستأذنين ولا تامرين ؟؟؟ - وش تشوف يبه ؟؟ - اشوف انتس تامرين رفعت راسها له / ايه آمر لو كانت بوضع غير وضعها لو ماشاف آثار الصياح بعيونها لو ماشاف ذبلان وجهها لو ماسمع النبره الغريبه اللي بصوتها كان له تصرف ثاني كان عصب وهاوش بس اللي يشوفها قدامه ماهي بنته ......بنته المرحه اللي تعود عليها - تبين اوديتس انا او حدى العيال ؟؟ - ردت بسرعه / لا ناظرها باستغراب / وش اللي لا ؟؟ - مابي لاانت ولا العيال تودوني ابروح مع الشغاله والسواق - ليه ؟؟ سكتت وماردت وش تقول تقول انها للآن مقهوره منهم .....كلهم كلهم متفقين عليها كلهم كانو يدرون بموضوع الزواج ولا جابو لها طاري تحس اتجاههم بكره بحقد غدرو بها واستغفلوها .....قلبها شايل عليهم .....يمكن اذا ابعدت عنهم تنسى اللي سوو بها كل ماتشوفهم تتذكر اللي صار ويزيد القهر بقلبها ....بعدها عنهم مده تصفي القلوب محتاجه مكان هاددي بعيد عن الضغوط مكان تفكر فيه دون توتر ......بترسم الخطوط اللي بتمشي عليها بحياتها ماتبي تجي فترة بمستقبلها وتضعف تبي تكون طول الخط هي الانسانه المتحكمه القويه اللي مااثر فيها شئ ولا راح يأثر .......................... طقت الباب ووصلها صوت بنتها بمين - انا يمه شمس افتحي الباب فتحت الباب لامها وسكرته وراها - وراتس تسكرين الباب وش خايفتن منه البيت مليان ماحدن جايتس ابتسمت بسخريه وبنفسها [انا خايفه من اهل البيت انفسهم ]للحين تتصور لها صوره يوسف وهو يسحبها للغرفه للآن تتخيل وجه المرعب وكانه بيذبحها تخاف على نفسها تخاف يجي ويكمل اللي سواه صدق البيت مليان بس هذا شخص الواحد مايتنبأ بتصرفاته بايع الدنيا ولا يهمه احد - تعالي يمه اجلسي ابيتس بسالفه جلست بهدوء بجمب امها على السرير / انتي كبرتي ولا عدت صغيره بتدخلين الـ26 وانتي تردين بذا الخطاب قلنا يمكن تخاف من الغريب تخاف مايعزها ويصونها لكن جاتس خاطب قريب بالحيل اظن مالتس حجه وابوتس موافق ويقول بلغيها البنت ماتتشاور بولد عمها من دون تفكير وانتظار وفرحه بخبر امها / انا موافقه...... توقعت يوسف يرفض ....يسوي اي شئ الا انه يرضخ بهالسرعه حضنت بنتها بفرحه ودموع الفرح تسيل على خدها بنتها بكرها واخيرا بتتزوج وتشوف احفادها ومن بين دموعها / تستاهلون بعض ....ناصر رجال مافيه اطيب ولا احسن منه بعدت امها بصدمه من الأسم يمكن امها غلطانه بالاسم ولا هي ماسمعت الاسم زين / نـــــــاصـــــر ؟؟؟....سؤال تنتظر اجابته بس تتمنى ماتكون الموافقه عليه ناصر وشلون وشلون ؟؟؟؟ويوسف !! -هوّ شمس ماتسمعين ناصر - يمه ناصر ولا يوسف ؟؟ - وعععععععع وش يوسف وش جاب ناصر الدين الخير ليوسف الداشر الصايع لو على قص رقبتي ماخذتيه - لا يمه لا مااقدر اخذه مااقدر -هوّ شمس تو موافقه وش قلبتس - ناصر لا ناصر لا حسبته يوسف ماتوقعته ناصر -ناظرتها امها بشك / انتي تردين الخطاب عشان تبين يوسف - لا والله يمه ....بس مابي ناصر - العلم جاتس وابوتس موافق ولا رد الشور لتس وبكرى الصبح بتروحين انتي وابوتس تحللون ناصر مستعجل -بس مابي ناصر على كيفكم هو ناظرت بنتها نظره ناريه / وش بينتس وبين يوسف ؟؟ - والله والله ان مابينا شئ من اللي ببالك مسكت بنتها مع عضودها وهزتها بقوه / لا تكذبين وش بينكم وخلاتس تردين ناصر وتوافقين عليه انـــــطـــــقــــي حركتها ذكرتها بحركه يوسف وانعاد المشهد عليها بكل الامه واحزانه واوجاعه وارتمت بحضن امها وهي تصيح - والله يمه مابينا شئ والله انا بنتك تربيتك وشلون تشكين فيني مسحت ظهر بنتها بحنان / عارفه وانا امتس بس يوسف ماله امان وينخاف منه والشيطان حريص الله يلعنك يابليس الله يلعنك سامحيني يمه سامحيني ماردت على امها تبي تتنعم بحضن امها تبي تحس بالامان عقب الرعب اللي عاشته الصبح ماتبي تفارق حضنها تتمنى ترجع ذيك الطفله الصغيره البريئه كائن لا يشيل هم ولا يعرف الحزن ولا شاف وعاش سواد الحياة ولا ذاق غدرها ومرها مايهمه بالدنيا الا ضحكته وسعادته وبالليل يلقى حضن امه بانتظاره مفتوح له يرمي فيه كل تعبه ويحس بالامان والدفا نتمنى ونتمنى لكن ولا شئ من امانينا تحقق كل مانتمنى شئ يتحقق عكسه ....................... بــــــــــــعــــــــــد ايـــــــــــــــامــــــ ـ ترن ترن ناظرت اسمه على شاشة الجوال ولا ردت واي احد يدق على الجوال من اهلها ماترد دق مره واثنين وعشر ولا ردت لحد ماملت اونزعجت وقفلته مالها خلقهم ماصدقت متى نفسيتها تزين شوي يقومون يعكرونها باتصالاتهم وازعاجهم وصلها صوت جدتها اللي بالايام اللي عاشتها هنا ملازمتها تقوم معها وتنام معها واللي مريحها اكثر ان عناد عنده انتداب ولا هو فيه - سمي يمه - تعالي يمه انزلي لصاله نزلت بسرعه بس اول مابان لها الشخص اللي مع جدتها رجعت على طول ورقت الدرج ولا درت الا وهو ماسكها وساحبها ومدخلها للغرفه اللي بجمب الدرج لفت له بعصبيه وقهر / وش تبي فكني - الجازي هدي انتي شايشه عليهم انا وش علي - لا والله لا تستهبل اكيد كنت تدري ولا قلتلي كلكم كلكم استغفلتوني مسكها مع كتوفها / والله ثم والله وهالشوارب مهب على رجال لو كنت اكذب ....ماعندي خبر بزواجك وانتي عارفه اني كنت مسافر الأسبوع اللي فات مع الشركه كلامه صادق بس ناظرته بشك / والله ...انتي ماتامنين بالله هذاني حلفتلك ....تتوقعين لو كنت ادري ابغبي عنك انتي عارفه رايي بهالموضوع كل شئ بالغصب الا الزواج ناظرها بس للحين نظرة الشك بعيونها / ماصدقتيني للحين ...؟؟ ابتسمت بوجهه وحضنته / اشتقت لك يادب والله هههههه - ايه هاذي الجازي اللي اعرفها مب تو تجيبين الهم .....بس مب كنك صرتي رقيقه اليوم واشتقتلك ومادري وش ولا تسوين بروفات لزواج بعدت عنه بعصبيه / تصدق انك مــــــــــــلـــــــــــ يــــــــــــغ - ههههههههه من زمان توك تدرين - هه هه هه ياخف دمك انقلع بس ......ومسكت يده وجلسته على الجلسه واجلست جنمبه - هاه وشلونك ووشلون اهلي ووشلون البيت من غيري ووش هببتو من وراي ووشلون ابوي وامي ....كـــــــــــلــــــــكـ ـــــــــم وشلونكم - بس بس بالعه رادو مدامهم هامينك بهالشكل ليه ماتردين عليهم وهم مكسرين الجوال عليك - مابي ارد - وليه ماتبين تردين ؟؟ ان شاءالله ولا كبر راسك يوم صرتي مرت طلال بن فيصل - ضــــــــاري ترى والله لأقوم واخليك وقامت مسكها من يدها ورجعها تجلس / اجلسي بس .....بعدين ردي على جدتي هي مالها ذنب باللي صار تسمع كلام جدي وتمشي على قوله خايفه عليك حرام عليك اللي تسوينه بها - لفت له بضيق / ضايق صدرها علي عسى مايرتفع سكرها والضغط بسبتي - خايفه على صحتها ....ردي عليها اجل - ابدق عليها اليوم ان شاءالله - طيب وجدي - لا - ليه تقولينها بهالعصبيه عشانه هو غاصبك - طالما انك عارف الجواب ليه تسال - ابغاك انتي اللي تجاوبين عشان تفرغين اللي داخلك شوي بدال ماتنفجرين من العصبيه والقهر اللي بك - لا تخاف كلها يومين وارجع لطبيعتي - لا تضغطين على نفسك وتكبتين بداخلك مو عيب ولا ضعف انك تصيحين او تفضفضين لأحد هذا انا رجال وكل شئ يصير معي اقوله لك واشكي لك - انا غير .....انا عمتك - لا والله من زبن العمه واصغر مني بعد - عمتك وتاج راسك وش عندك وضربته على راسه وطيحت شماغه مسك يدها ولواها / كم مره قلتلك لا قد تضربيني على راسي وتخربين كشختي - آي آي اتركني كسرت يدي لواها زياده / قولي آسفه عمي ضاري - لو تموووووووت ماتأسفت لك - لواها زياده / قوووولي - لاااااا وزاد اللويه زود / آي آي آي جده جــــــــــــــــــدهـــ - خليني اشوف وش بتجي جدتي عليه على هلكوبتر ولا دباب على بال ماتوصل تلاقيني كاسر يدك هههههههه -آي آي آآآآآآآآآآآيـــــــــــــ ............................. جالسه بالصاله بصمت لكن مو مثل العاده ....جالسه ساكنه من دون اي حركه وكانها تمثال يتنفس بس تشوفه وهو يدخل ويطلع يرقى وينزل لا بس بنطلون وبلوزه مصغرته ومجملته بعينها مع انها مليانه تراب وبويه وشعره بعد ماسلم من التراب والتعب واضح عليه مقسم وقته بين شغل البيت وشغله بالشركه عيونها تتابعه بكل حركه يسويها وكل تنهيدت تعب يتنهدها تزيد اوجاعها .....ودها تاخذ كل تعبه ولا يتوجع ودها تروح تساله وش اللي يوجعه عشان تداويه ووش مضايقه عشان تخفف عنه بس لحظتها بيطيح القناع اللي لا بسته واللي تموت تحته الف مره .....عارفه ان قربه بيحطم قوتها وبيكسر قناع القوة والا مبالاة اللي لابسته تبي قربه وتبي بعده ....!!!! كلهم ملاحظين هدوءها الزايد كلهم حاسين بها هم إناث يعرفون مشاعر بعض ووشلون تكون ويعرفون لما الوحده تكون بطبيعتها ولا تتصنع الشئ الا هو لا هي مع اشغاله لا هي مع خطبته وزواجه القريب ولا اهتم بها ولا عاد سأل عنها بالعاده يسال عنها ويشوف وش اخبارها ووش محتاجه لكن من اول ماخطب وهو سافها ولا يعبرها وكانه يعطيها اشاره على كيف بتكون حياتها معاه بعدين كانها رسمه برصاص محاها من حياته يوم خطب خطبه غريبه وسريعه باسبوع خطب ووافقو وحللو وبعد شهر وشوي الزواج اغرب واسرع زواج والأغرب من هذا كله انها هي اللي خطبتله هي اللي اختارت غريمتها بيدها هي اللي اختارت السكين اللي بتنذبح بها وصلهم صوته التعبان / تعالو شوفو وش سوو العمال بقسمي قامو خواته اللي مجتمعين اليوم عندهم وامه بفرحه واخيرا اخوهم الكبير بيتزوج راحو كلهم وتركوها حتى بدون مايلتفتون لها تركوها جثه من دون روح اخذت حرمته مكانها وغلاها وهي ببيت اهلها وشلون لاجت وش بيصير حالها حست بيد على راسها ورفعته والتقت عيونه بعيونها المتسائله - ماتبين تشوفين وش سوو العمال بقسمي كل البنات رقو الا انتي فقدتك وجيت اناديك يالله تعالي - بنفسها [لا لا الله يخليك مابي اروح لغرفتك مابي اتخيلك انت وياها فيها مابي .....الصورة تذبحني مابي اتخيل كلامكم وضحكاتكم ولمساتكم ] استشف من وجهها الرفض بس مصر انه يقضي على الباقي الصامد بها جلس قبالها وحط يده على خدها بحنان ابوي مثل ماتعود / مزون وش فيك ؟؟ احد ضايقك بشئ ؟؟قوليلي تبين تروحين لخوالك ؟؟ تبين تروحين لشمس ولا الجازي ؟؟تكلمي مااحب اشوفك متضايقه -[لاااااااا ابعد مااتحمل لمستك مااتحمل نبرة الحنان والخوف علي اللي بصوتك ابعد .....ابعد وارحمني ....ارحمني من قربك ] بدت عيونها تدمع خلاص مابقلى بها قوة مصمم اليوم انها يحطمها انه ينهيها ونجح بكل جداره وهاذي دموعها تبكي وتنوح على بقايا قوتها اللي راحت استغرب دموعها وخاف عليها / مزون وش فيك ليه كل هالصياح لا تخوفيني عليك سكتت ولا ردت ودموعها تمشي على خدها بصمت سالها مرتين وثلاث ولا لقى رد منها رفعت راسها بابتسامه لها واشرت له وثواني واطلق ضحكه مدويه رغم تعبه / الحين كل هاذا لأنك ماتتحملين لحظات الحنان والله انك سوالف اجل ابشري بصير لك ام ثانيه عشان اتشمت على دموعك ابتسمت من بين دموعها جرحتني من قبل لين تعودت على تجريحك ماعاد يهمني مايضر الشاه سلخها بعد ذبحها ........................... -ماودك ترجعين معي اليوم - لااااا - ماكفاك اللي جلستيه ؟؟ بعدين بجلستك تضايقين الرجال - سالته باستغراب /اي رجال ؟؟ - عناد - عــــنــــــااااااد .....اولاً هو مسافر لا تخاف وثانيا وش اضايقه هو بيته هذا بيت جدي زي ماهو جده كلنا لنا نفس االحقوق والمكانه يعني لو اجي اسكن هنا ماله دخل ماناقصني الا انحرم من بيت جدي عشانه والله حاله - الجازي هذا بيته ماله غيره وهو احق به والسكنى فيه وانتي الحمدلله عندك اهل وبيت - لا تقول بيته هذا بيت جدي ولا تدخلها براسي اجلس هنا شهر بس عشان اضايقه على قولتك ناظرها بتهديد/ شوفي ياجويزه صيري حرمه عاقله واياني واياك تسوين حدى حركاتك معه ذيك المره ربك ستر ولو ماجيت ووديته للأسعاف كان راح فيها وعرف انه انتي اللي حاطه الكلوركس وبعد حبة الراس هجد ولا قال لأهلي شئ بس لا عاد تقربين صوبه بأي شئ انتي ماعدتي الجازي الصغيره وهو ماعاد عناد الصغير كبر وشيب حرام تراددينه وتحاكينه بليا سبب ســـــــــــامـــــــــــ ـعـــــــــــه سكتت الجازي نبرة ضاري خوفتها شوي اول مره يهددها وبنفسها [هين ان ماوريتك ياللوح مااكون الجازي رايح تتشتكي لضاري مثل الحريم ....نشوف ياانا ياانت اجل صار البيت بيتك تخسي والله] - هيييييييييه وين وصلتي ...؟؟ - هنا بس افكر بالكلام اللي قلته - قال بعصبيه / مايحتاج تفكير تنفذين وبس لا يوصل الكلام لأبوي ضاري عاد ذيك الساعه دوري احد يفكك منه - خلاص خلاص مايسوى علينا عنيّد تهاوشني عشانه - عنيّد !!! اصغر عيالك هو - يالليل شكلنا ماحنا خالصين من عناد ذا اللي مسببلي قلق وهو فيه وهو رايح خلاص الشيخ عناد حلو كذا - ايه كذا حلو الواحد يحشم الرجال ويقدرهم مهب يصغرهم - ان شاااااااااااء الله ....الحين انا مشتاقه لك وانت تهاوشني عشانه رق قلبه عليها / ماهاوشتك بس بعد مايرضيني تقللين من الرجال قدامي وهو غايب يرضيك احد يقلل من قدري قدامك ؟؟ لفت له / ومن يتجرأ يقول عنك شئ قدامي لأخربط ملامح وجهه هاذا اللي قاصر بعد - هههههههه بعدي عمتي والله ....هاذا انتي مابقيتي شئ ماقليته عن الرجال - وش جاب الصين لطين وش جابك لعناد قال بعصبيه وصراخ افزعها / الــــــــــــــجــــــــ ـــازي وش هالكلام حكيي اللي قلته لك تو اشوفك نسيتيه - طيب بسم الله هبلتني بصراخك غير السالفه لان شكلنا بنتذابح عشانه .....وشلون البنات ؟؟ - اي بنات ؟؟ - من يعني ...ضاحي ولا خالد مثلا - ههههههه ماقصدت كذا .....البنات بخير مفتكين منك عندهم عيد بالبيت - حرااااااام عليك والله فاقدتهم الوحيدين اللي اكلمهم هم بس ولو مشتاقه لشوفتهم وخصوصاً هالبارده هتون وشلونها صدق ؟؟ - هتون على حطت يدك معتصمه بغرفتها فوق ماتنزل الا تاكل وترقى من جديد من اول ماردينا خطابها ذا اللي مادري من وين جايبتهم وهي مضربه بغرفتها - لين الحين مستغربه منها من صدقها ذي جايبتهم اصلا مفروض ردتهم من الأول لاهم لمنا ولا الينا بس فشلت نفسها واحرجت صديقتها على غير فايده - خايف عليها -ليه سوت بنفسها شئ ؟؟ - لا بس انتي عارفه هي طيبه وعلى نياتها وكلمه توديها وكلمه تجيبها وتتأثر باللي حولها بسرعه - ووش اللي يخوف بالموضوع مافهمت ؟؟ - انتي ماتلاحظين تصرفاتها قبل وبعد مادخلت الجامعه اختلفت تماماً صارت شخصيتها غير - اكيد بتتغير خلاص كبرت ونضجت تبيها تظل بزر...بعدين مو مره متغيره - الا مره متغيره ودي اكلمها بس خفت تظن اني اتحكم بها وآمرها .....كلميها انتي يمكن تسمع منك - وش اقولها ....اقولها انك متغيره ارجعي مثل اول اصرفلك - لا قوليلها انتبهي على نفسك فكري مية مره قبل ماتصادقين وحده من البنات بالجامعه وتثقين بها ولا تصادقينها لين تتاكدين من اخلاقها وتربيتها - مادري احس خوفك ماله مبرر كذا بتخلي البنت عالمها محدود - انتي ماتفهمين الجامعه مب مثل المدرسه كلهم عيال الجيران ومعارف نعرفهم من سنين ونعرف اهاليهم مجتمع صغير ومحصور وكل اخباره معروفه عند الناس بس الجامعه غير غير ناس من كل مكان انواع واشكال مختلفه شخصيات غير تحس انك ضايع بينهم حنا يارجال كم وكم سالفه تصير لنا وكم واحد يحاول يجرك للحرام بانواعه فيه اللي انجرو لهالطريق وخسرو كل شئ دراسه مستقبل سمعه دين وفيه اللي يحارب عشان يظل مثل ماهو متمسك باخلاقه ومبادئه فما بالك ببنت عالمها اصغر من الرجل وتنفتح مره وحده على هالعالم ووحده مثل هتون بتاخذ الزين والشين - مفتحه عيونها على الآخر فعلا كلامه صحيح بس اول مره تنتبه له ولا يجي على بالها يمكن لانها ماضطرت تصادق احد واكتفت بصديقات المدرسه وزميلات بس من الجامعه او يمكن لانها قويه مااحد تعرض لها ماتدري اللي تدري فيه فعلا ان هتون يمكن تكون بخطر بس فيه وقت تحذرها وتنبها توها سنه اولى جامعه يمكن مامداها تصادق احد مع ان شخصيتها تغيرت تماماً عقب الجامعه - تصدق انك خــــــــــطــــــــيــــ ـــــر اول مره انتبه لهالنقطه الله يستر عليها بس ماعليك تربية محسن ان شاءالله ماعليها خوف وابكلمها بإذن الله لا تشيل هم انت - آآآآهـــ الله يعين - ياخي لا تتنهد تحسسني كأنك ابو وشايل هم عياله - هههههههه وش اسوي اخواني ولا وراي حاجه الا هم - اتزوج عشان يصير وراك حاجه ثانيه غيرهم - الله يجيبها بنت الناس مليت ابي اتزوج - تبي اخطبلك ؟؟ - لاااااااا ابي وحده تخش هنا .....ويأشر على راسه - الله يعجلّك حالتك ميؤس منها - ههههههههه كذا تحطميني ...ماعليك حاس اني قريب ابتزوج مادري ليه ؟؟؟!! الجازي وبسخريه / لاااااا توك تحس يوم وصلت الثلاثين مبرووووووووك اشوى انك ماحسيت بالخمسين - تتطنزين ان ماجيتك بكرى قلت اخطبيلي فلانه مااكون ضاري - يـــــــــــــــاربــــــ ـ يجي هاليوم ونشوف اخرتها معك .......................... - والله انه سخيف طيب مافيه احد من اخوانكم يجيبكم ؟؟ - لا كلهم رفضو - الحين ليه مايجيبكم هو وش وراه - مشغووووووووول مره بالقسم حقه -و بنفسها [جعله مايزين وكل مايصلح به شئ خرب شئ ثاني ويتاجل الزواج كمن سنه ولا تدخل على ترباته وغبراته ] - الجـــــــــــــازيـــــ - عمى فجرتي اذني - لي ساعه اناديك وانت ماتردين - قاعده افكر بحل عشان تجون - مافيه الا نجيكم بتاكسي - عشان اخوك ينحرك بدون مايوجهك للقبله - هههههه والله مااستبعد على متعب شئ - المشكله سواقنا مادري وين ارضه مايرد على الجوال .....بس لقيتها ابشوف حدى العيال يجيبكم - لالالا مو لازم نجي - والله لو وقفتك عليك آنسه العنود ماهتميت فيك بس ابي صديقتي من زمان عنها - سألتها بخوف وتبيها تنطق غير الاسم اللي ببالها / طيب من من العيال - امممممم مافيه متوفر بالخدمه حالياً الا سطام وضاري ابشوف ايهم بيرحمني ويجيب لي صديقتي واهلها النشبه تنفست بارتياح انه ماطلع هو الي بيجيبهم ماتدري وش بتكون رده فعلها اذا شافته خصوصاً وانها للآن تعاني من جرحه لها / خلاص بنتجهز .....بتجين معه ؟؟ - لا ليه خالتي فيه ليه اجي لو كنتو لحالكم انتي و مزون جيت معه - يالله اجل مع السلامه يالله يمديني اللبس -هدي شوي تراه مو عرس لا تقرفينا مثل طيف ترى بعدين اكرهك وانسى الدم اللي بينا - ههههههههه حرااااااااام عليك انا مثل طيف - اممممم بقى شويتين وتصيرين مثلها - عـــــــــــمــــــــــى يابقره - ههههههههههه ........................ السياره هاديه الا من صوته الرجولي وصوت خالته يقطع حكيهم ضحكات تطلع منه او منها مستمتع بالسوالف معها وصوت ضحكات خفيفه وناعمه وخجلى توصله من ورى كل ماقال تعليق او سالفه مضحكه استغفر ربه بنفسه ولعن ابليس اللي خلاه يتسمع لصوت ضحكاتها وركز على السواقه وصوت خالته بس وصلو عند باب الجد ودخلو بالحوش ....جلس بالسياره لحد ماينزلون عشان ياخذون راحتهم ولا يحرجهم مشو خالته وبنتها اللي كانت جالسه وراها بالسياره لداخل البيت بس اللي وراه واللي كان يسمع صوت ضحكها كانت تمشي ببطء شديد واثار هالشئ انتباهه وصار يتبعها بنظره وبدت تتمايل بمشيتها وكانها على وشك السقوط .....فتح باب السياره ونزل بخوف ومشى لحد ماقرب لها - أختي اختي ماردت عليه بس حطت يدها راسها وصارت تضغط عليه - انتي بخير ؟؟؟ تبين انادي لك احد ؟؟ طيب اجلسي لا تطيـــ....... مادرى الا وهو راجع على ورى ويطيح شماغه من قوة طيحتها عليه وماكان قدامه الا انه يجلس على الأرض وراسها بحضنه جلس شوي بدون مايدرك اللي حوله يبي يستوعب اللي صار نزل راسه بحضنه بشوف هي بخير ولا لا واتسمرت عيونه على وجهها كان منكشف .....مغمضه بحضنه بسلام ....النعومه والرقه مرسومه عليه وملامح ءاسرته صدق ماكانت جميله بس فيها شئ جذبه مايدري وشو وماخفت عليه مسحت الحزن اللي فيه مجرين بكل خد من كثر الدموع ظل يطالعها ونسى كل اللي حوله كانه بعالم ثاني.....مشاعر هايجه بصدره ....يدينه اللي ماسكتها تعرق رعشه خفيفه تسري بجسمه وضربات قلبه زادت سرعتها نسى كل شئ بهاللحظه دينه اخلاقه مروئته مبادئه تربيته ....بس هو وهي لحظات بس لحظات هي اللي عاشها معاها وحس باحساسه وتأمل وجهها وانطبعت بقلبه صوت من بــــــــــعــــــــيــــ ـــــــد ينبهه ويصحيه من حلمه الي عايشه انتفض وادرك غلطته وحجمها مس نار ولو احد يشوفهم وش بيظن بها وبه مد يده واخذ شماغه من على الأرض وكوره وحطه على الأرض ونزل راسها من حضنه بهدوء وبيدين تنتفض لين استقر على الشماغ وغطى وجهها بطرحتها اللي طاحت وهو يودع هالملامح طلع جواله من جيبه ودق ووصلها صوتها المرتبك / آلو الجازي فيه وحده من بنات خالتي طاحت مغمى عليها قدام باب الحوش - مغمى عليها !! يالله جايتك الحين طلعت تركض له ...شافت الجسم الأسود المدد على الأرض راحت بسرعه لها ولف وعطاها ظهره ولمح الحرمه الثانيه اللي طلعت ورى الجازي سألها بارتباك ونبره ماقدر يخفي الخوف فيها / هاه وش فيها ....؟؟ صحت ؟؟ يبي يلف ويسترق النظر يبي يشوف هل هي بخير ولا لا بس فيه اشياء كثيرة تردعه نساها بتهوره تو رجع يسالها / تحتاج مستشفى ؟؟ وصله رد الجازي متأخر حس كانه دهر / لالالا خلاص الحمدلله صحت مافيها الا العافيه بس تدلع شوي بندخلها داخل الحين - تنهد بارتياح / اجل ابروح المجلس عشان تاخذون راحتكم وكان احتجتم مستشفى ولا شئ انا حاضر ساعدوها تمشي لداخل البيت ولفت نظر الجازي الشماغ وهزت كتوفها ومشت ماتدري وش اللي جابه ولا من اللي حطه تحت راسها ولا انتبهت انه كان هو نفسه بدون شماغ ............................... ارخى الليل ستاره واتشحت السماء بسواد يبث الهدوء والسكون بالأنفس سواد يزينه لمعان النجوم ويتوسطه القمر بنوره وجماله مناجي المهمومين والمحبين العاشقين فيه الي يشتاق لليل لأنه وقت راحته ووقت يتخلص فيه من التعب ومن المجاملات والناس ووقت يصفى ذهنه فيه وفيه اللي يكره الليل ويكره سواده لأنه وقت يكون فيه لوحده تحاصره الهموم والأفكار والهواجيس وهذا هو حاله ....مستلقي على السرير وعيونه تطالع السقف والنوم مجافيه والتفكير اقلقه ومحاصره ولا هو راضي يفك عنه قام وتوضأ وصلى ركعتين يبي هالأفكار تروح عن بالله لكنها متمسكه به ومحاوطته من كل جهه رجع على السرير وتقلب مره واثنين وعشر لحد ماتعفس المفرش تحته وانحاس جسمه معرق مع انه شتاء والبروده قارصه الا ان جسمه يعرق فسخ بلوزته ورماها يبي شوية برد ينعشه يبي يلتهي بالبرد عن افكاره لكن كل ماغمض عينه انرسمت صورتها قدام وجهه انقلب على جنمبه غمض عيونه وفتحها يبيها تروح من قدامه لكن مافيه فايده رفع يده وشمها وغمض عيونه وتنهد للحين ريحة عطرها عالقه فيها ماتعشى عشان مايغسل وتروح الريحه واذا جا يتوضى مايفرك يده بقوه يخاف عليها لاتطير ويمكن ان الريحه راحت بس للآن عالقه بخشمه ومخه ويتوهم انها بيده طرد الأفكار الغبيه من داخله واعتدل بجلسته على السرير ومسح وجهه كذا مره وتأفف بصوت عالي - خلاص ماعاد فيني صبر هبلت بي وجننتني وسرقت من عيني النوم آآآآآآخ ياقلبي ضغط على قلبه مايدري ليه يمكن يبي يهدي دقاته اللي تزيد كل مانرسمت صورتها قدامه ..... او يمكن بيطمن قلبه او يمكن يخاف عليها لا تختفي من قلبه ويبي يحتفظ بها داخله مايدري ليه افكار وافعال مجنونه قاعده تحصل له ...قلبت كيانه بمره وحده ءأسرته وهي فاقده لوعيها وبدون شعور منها أجل لو كانت صاحيه وش بتسوي به ووش بيكون حاله رمى نفسه على السرير بقل حيله شكل النوم مو زايره هالليله وبيظل سهران وبيذبحه التفكير الا اذا نزلت به رحمة ربي وجاه النوم غصب عنه وبنفسه [لازم اكلم الجازي واسالها من هي لازم .....هي حدى بنات خالتي يااما العنود وهذي صغيره مره علي ويااما مزون وهاذي مشكله بس هي الأنسب لي بس وشلون اخطبها اروح لمتعب واقوله طلق حرمتك ابي اتزوجها مشكله والله مشكله يــــــــــــــاربـــــــ ــ رحمتك وعفوك ] وحط الوساده على وجهه ينشد النوم ............................ صبح الشتاء شئ غـــــــــــــيــــــــــ ر احساس حلو غير ايام الصيف تستمع باشعة الشمس بدون ماتحرقك حرارتها تستمع لتغريد العصافير بسعاده شعور جميل تشتاق له وتتمناه باايام الصيف الحاره جالسه ومستمتعه بالشمس والبرد وصوت العصافير وصوت النخيل والشجر لاهب هوى وتحركت ريحة الزرع والطين المختلط بالمويه منعشه وحلوه تنفست بعمق وملأت صدرها من هوى المزرعه اليوم هاذا مايجون العمال فماخذه راحتها دفى نسبي يجيها من النار المشتعله والمجتمعين حولها تطالع البخار الحار اللي يطلع من ابريق الحليب ويصتدم مع برودة الجو ويشكل سحابه دخانيه استهوتها ورجعتها طفله تنتبه لأبسط الأشياء واتفهها ابتسمت هي فعلا رجعت طفله حاطه راسها بحضن جدتها ولا وراها مسئوليات مثل ماكانت عليها بالبيت نفسيتها ارتاحت كـــــــــثــــــــيـــــ ـــر يوم هدت اعصابها فكرت بعقل وشافت ان ردة فعلها مبالغ فيها جالسه عند جدتها اسبوع وزياده .....اشتاقت للبيت اشتاقت لأبوها وامها بالخصوص لكنها عارفه نفسها اذا جلست بالبيت راح تصتدم معهم كل يوم ولا بتلقى وقت عشان تهدى اعصابها وتفكر ويمكن تتهاوش معهم بس يوم ابعدت هدت وفكرت وقررت ..... بتسلّم بامر الزواج لأنه صار وانتهى ....بس ماراح تكون بهالاستسلام والخضوع لرجلها بتظل مثل ماكانت ببيت اهلها واذا ماعجبه بيت ابوها مفتوح لها ولا هو عجزان عنها وتوقف تفكير لهنا اما ان يعطيها كل الصلاحيات اللي ماخذتها ببيت اهلها أو يرجعها لبيت ابوها - يــــــمـــــــه يــــــبــــــــه دخل بقامة الطويله وملأ المكان بحضوره رفعت راسها له .....ابتسامه صادقه وكبيره تزين وجهه ويبادلها امه وابوه شكله منقلب 180 درجه لما يكون فيه احد بالبيت يكون جامد ووجهه بدون تعابير أو احساس اللي يشوفه الحين يشوف طفل فرحان بشوفة اهله مخها للان ماشتغل عقب سرحانها كانت سرحانه وتطالع فيه ولا انتبهت انها منسدحه وماتغطت تناظره بكل قوة عين وعاقده اللي بين حواجبها وتدقق بوجهه وكانها رجعت ذيك البزر اللي ماتتغطى عنه وتشوف ردات فعله يوم دخل وهو مبتسم ويوم وقف عن الابتسام بصدمه وشوي وعيونه تطيح ويوم نزل راسه وطلع ماتدر ليه سوى كل هاذا ليه اشتغل عقلها بسرعه وبدت صور تقلبات وجهه تمر قدامها وحده ورى الثانيه اعتدلت بجلستها كانها ملدوغه [عــــــــــــــنـــــــــ اد] حطت يدينها على راسها وهي تناظره بكل قوة عين وجرأه وكانها متعوده على هالشئ هي صحيح ترد عليه وجريئه لكن مو كذا ابداً [وش بيقول عني وش بيقول اهلي ماربوني ولا متعوده تخز الرجال يـــــــــــــارب ] بس كبريائها مارضى انها تلوم نفسها وتشيل الغلط / [بس هو الغلطان مدرعم كنه بيته بدون لا يسلم ولا يتحمحم المفروض الواحد يسلم لا دخل الغرفه الفاضيه ايه والله كنه بيته حادر بدون سلام ....اكيد قاصد عارف اني هاليوم انام هنا واقوم الصبح معهم ] وصلها صوت جدتها وصحتها من تفكيرها / الجازي حطي جلالتس على راستس بيدخل عناد - لالا ابقوم وادخل من داخل - مسكت يدها وجلستها / اجلسي ابيكم كلكم حولي جلست غصب عنها وكانها جالسه على شوك وتغطت نادت الجده بوهن وحاولت ترفع صوتها اللي اهلكه الدهر / عناااااااااد حياك يمه تغطت الجازي دقايق وطلع من بين النخيل والأبتسامه الي تو راحت وبدلها بوجه جامد قرب لجدته يسلم عليها وكانت الجازي قريبه منها بعدت الجازي عن جدتها وهي تتأفف بصوت عالي اللي سمعه عناد لما انتهى من سلامه على جدته توجه لجده يسلم عليه وهو بطريقه دف المركه برجله واللي كان فوقها جيك المويه البارد واستقر بحضنها نقزت من برودة المويه اللي جتها على غفله منها وشهقت /آآآآآآآآهـــ الجد / بسم الله عليتس وش فيتس؟؟ لف لها وهو يغالب ابتسامته يعرف انها بتنفجر من العصبيه تحت الجلال وان اذانها تدخن من القهر ويعرف ان مليون سبه جته منها ومليون دعوه وصلته من فمها ويعرف انها ناويه عليه وتتحلف له بس مااهتم مايعرف ليه سوى هالفعل بس رغبه طفوليه بداخله الحت عليه مايدري ليه يمكن منقهر منها وبيرد شوي من حركتها مايدري بس سواه من دون تفكير منه وسعاده حقيقيه ماحس بها الا تو يبي يضحك يبي ينسدح من الضحك بس مايبي يلفت انتباه جدانه الجده / الجازي روحي غيري هدومتس لا يدخلتس برد وتركدي مرتن ثانيه هالمره ربتس ستر ومويه المرة الثانيه يصير فوقها شئً حار ويحرقتس لفت لعناد بعصبيه وبقهر ولو كانت النظرات ترسل شرر لأحترق بمكانه تناظره وهو رافع حاجب بتحدي وكانه يقولها كانك بنت علمي علي عارفها انها ماتستعين باحد عشان يقضي اشغالها من صغرتها واكيد يوم كبرت صارت اشد بتاخذ حقها بيدها وهو يستنى هاليوم افكار غبيه وطفوليه يسويها ويفكر بها مايدري ليه يمكن يبي يحس بالأثاره والتشويق بحياته البارده الراكده يمكن بيحس ان عنده اهل وانه رجع لحضن اهله بعد مافقدهم سنين ويمكن بيحس انه رجع ذاك الشاب اللي يحب يعاند الجازي الطفله ويشوف ردود افعالها مايدري وش يفسر فيه حاله بس اللي يدري عنه انها للحين ذيك الطفله بعصبيتها وعنادها وجنونها وصلها صوته / اسمعي كلام امي وروحي غيري مالنا خلق بانصاص الليالي نوديك للأسعاف لفت عنه بعصبيه وطلعت من المزرعه عارفه انه يقصد نفسه وانه بيعلمها انه عارف انها هي اللي حطت الكلوركس ويبي ينغزها / طز ولا هميتني اصلاً ......................... حطت جوال خالتها بمكانه بعد مااخذت الرقم منه وهي تتلفت بخوف ماتبي احد يشوفها ورقت لغرفتها بسرعه صار لها من الأشياء المجنونه اللي ماكانت تتخيلها الكثير الكثير ولو تدق عليه مايضر دقت عليه وبالمره الثالثه رد - آلو آلو وهي ساكته خايفه منه والمشهد يوم يسحبها والخوف اللي حسته ذيك اللحظه ينعاد عليها -آلو بترد ولا اسكر ماني فاضي لك وصله صوتها المرتجف بحروف متقطعه / آلـ ــــ ــو - هـــــــــلاااااااااا والله هلا لأحلى الو سكتت ماتعرف وش ترد - من انتي؟؟ تعرفيني ولا واصلك رقمي من احد ؟؟ - آ آ آآ ....ولا قدرت تتكلم - خلاص مب لازم تقولين لي خلينا نتعرف على بعض اكثر وترتاحين لي وذيك الساعه تقولين لي ...حلو الكلام ؟؟ شوفي من الحين اقولك كانك من بنات اخاف من اهلي اخواني وابوي ومادري وش ولا مااقدر اطلع من الحين مع السلامه بس كانك فري ياهلا بك ولو تبيني اصرف عليك وعلى اهلك واللي خلفوك ماعندي مانع معاك يوسف ....واسمك ياحلو ....بلاش اسمك الحقيقي اسم الشهره طيب ههههههههه ولا توك مبتدأه مالك اسم شهره انقرفت من حقارته ودنائته ماكفاه اللي سواه فيها يبي زود انسان متمرغ بالفساد والحقاره تمرغ وردت بسرعه لا يسترسل بالكلام وتنقرف زود / يوسف انا شمس فال باستغراب / شـــــــــمـــــــــس - ايه وانقلبت نبرة لأستحقار وسخريه / نعم يااخت شمس وش تبين ؟؟ -ناصر خطبني - لاااااااا مبروووووووووووك مبرووووك الله يهنيكم - اقولك ناصر خطبني تقول مبروك وش السواة روح قل لاهلي انك تبيني روح قولهم وبسخريه / لاااا وش تبين بعد ؟؟ بلعت سخريته / لو تزوجني ناصر بيعرف بحالي وبيفضحني ومو بعيده يذبحني قولي لأهلي اتك تبيني بدال ناصر ولا قله هو خلي يتراجع وانت تخطبني قل لأي احد اهم شئ الزواج مايتم - انا ماصدقت افتك منك تبيني ارجع واقول ابيها الله يعافيك استر علي بس كم شهر ثم طلقني الله يعافيك تبيني ابوس رجولك بستها بس استر علي - اقووووول شموس لا تسوين حركات الأفلام هالشويتين اللي تسوينهن مايمشن علي وين راح لسانك اللي فرحانه فيه يوم تهدديني - انسى كل شئ انا آسفه آسفه بس خل ناصر يفك الخطبه خلاص مابيك تتزوجني بس خله يبعد عني - انا اللي قلتله يخطبك وانا اللي ابيه يفضحك ولو يذبحك ويريحنا منك يكون احسن مو يوسف اللي يتهدد وينلوي ذراعه ســـــــــامــــــعــــــ ـه وخليني اشوف وشلون بتتصرفين والله واحلوت اللعبه بيصير اكشنات على كيف كيفي هههههههههه سلاااااااام ....تصدقين صوتك حلو بالجوال اعجبني حــــــيــــــــل بس خــــــســــــــارهــ بتصيرين مرة اخوي وانا مااخون اخوي سلااااام ياحلو ..ههههههه انزلق الجوال من يدها الأمور تعقدت وتداخلت ببعض عقلها مو مستوعب اللي يصير لها ناصر دخل بالسالفه ماتدري وش بيكون مصيرها يوسف قاله ولا ماقاله يمكن يكون قاله لالالا ماتوقع يوسف يدخل نفسه بالمشاكل يمكن يوسف قاله وحط الخطأ عليها ماتقدر ترفض ابوها موافق ولا حتى سالها رايها بس كيف بتكون حياتها معاه هل هي جحيم وخوف مثل هنا او اشد وا اخف ماعاد يهمها اهم شئ خواتها بامان اصرت على امها انها تدخلهم معها بقسمهم مافيه الا هي واخوانها الصغار برى القسم هي انذبحت وانتهت بس خواتها لالا يمكن يوسف فهمه السالفه ونعيش انا وياه بسعاده بس نبرة يوسف ماتدل لهالشئ نبرة شيطانيه كل ماجت تفرح بشئ تلقى الهم مترصد لها ويخرب فرحتها مظلومه دايما ً .... ماتبي تنفضح عايشه طول عمرها وساكته وصابره خوف الفضيحه خوف تنزل روس اهلها للأرض بس كل صبرها كل سكوتها طار بالهواء بزواجها من ناصر ملت من الحياة ملت لــــــــــيـــــــــه عايشه لو تموت اريح / لو اموت اريح قامت وصورة الموت والراحه اللي بتلاقيها بموتها قدامها طريق سهل وقصير عشان تحس بالراحه فتحت علية الحبوب قوة الحبه 700 ملم وفرغتها كلها بفمها وهي تبتسم من بين دموعها اخيراً بتذوق طعم الراحه اخيراً ...... ........................ لها كم يوم من رجعت لبيت اهلها تحس انها من سنه ماشافتهم مشتاقه حيل لهم حضنت كل واحد فيهم حتى الشغاله سلمت عليها عاتبوها مها وابوها وضاق صدرها بس هم اللي حدوها تسوي كذا جالسه بالصاله وهس شايلتها بسواليفها مابقو سالفه ماقالوها لها حتى هتون اللي ماتتواجد تحت دايما حاضره وتسولف والجازي من بين السوالف تدس النصايح ولا تجيبها على شكل سالفه تبي تنبه هتون لها من دون ماتحس انهم يتحكمون بها على قولة ضاري جاها اتصال وردت وهي ترقى الدرج - ههههههه استغربت انها للحين جالسه والله -مها / هههههههه حاشمتك عشانك توك جايه - الله يهديها ويرجعها لعقلها دخل بهيبته وقامو يسلمون عليه سلمت عليه بس فيه شئ بوجهه متغير وجهه مسود وعيونه محمره وش صاير حطت يدها على كتفه بخوف / محسن وش فيك ؟؟ رفع راسه لها وتنهد ....طاح قلبها بين رجولها / احد فيه شئ ابوي جدي العيال..؟؟ ماقدر يتكلم العبره خانقته هو الغالي ... هزته / تكلم ابوي فيه شئ ..؟؟ انـــــطـــــق طلع الكلام منه وكانه من بير عميق ويالله ينسمع ثواني اللي مارد بها لكن عند الجازي دهور بدت عيونها تدمع ....مسكت يدينه بقل حيله / راح وهو عتبان علي راح وهو عتبان علي ماارضيته ماارضيته حضنها مايقدر يشوفها بهالحال ومسح على ظهرها / ابوي بخير - آآآهــ الحمدلله ههههههه الحمدلله تضحك وتصيح ابوها بخير ومااهتمت ليه وجه اخوها بهالشكل بعدت عن حضنه بسرعه / اجل من ....؟؟ نزل راسه / ذيــــــاب بــــ..... قاطعه صراخ بنته / لاااااااااا وهي حطت يدها على فمها بصدمه وفتحت عيونها على آخرهم الموت مادخل بيتهم ولا تبيه يدخل لكن مو كل مانتمنى يتحقق ........................ - لاااااااا اخاف - وش تخافين منه ؟؟ - لالا اخاف يالله يالله كلمته - انتي مهبوله هذا خطيبك لا تنسين انه خطبك وانتم رفضتوه - انتي عارفه اني ابيه بس اهلي وش اسوي بهم - طيب مدامك تبينه وتحبينه قابليه - لالا حنا اتفقنا على مكالمات مو مقابل - لا هو يبي يشوفك عشان يتمسك بك ويرجع يخطبك - يعني اذا ماشافني مو راجع وخاطبني ؟؟ تلعثمت بالكلام / آ آ آ لا مو كذا قصدي عشان يشوف هو يرتاح لك ولالا مثل النظره الشرعيه تمام وكانه مارتاح ليه يخطبك وتتزوجون وتعيشون بنكد - مادري مادري خليني افكر - مايبيلها تفكير انتي عارفه ان بنات عماني وخوالي حاطين عينهم عليه ماتخافين احد ياخذه منك - لا هو قالي انه يحبني وبيحاول باهلي عشان يوافقون عليه - طيب اطلعي معه عشان يلقى دافع انه يستمر بخطبتك انا مادري ليه اهلك رفضوه مع انه ماقاصرنا فلوس - اهلي ماتهمهم الفلوس ولا اعترضو عشانها وقالو من اول مفروض ماتجون تخطبون لأنكم عارفين انهم بيرفضون لانكم مو من مواخيذخم - ايه ايه....و فكري على قولتك اخوي مرسلني يقول اقنعك لأن راسك يابس وعجز يقنعك بس لا تجين بعدين وتشكين لي وتتندمين ان وحده من اقاربنا ماخذه مكانك خافت صدق لااحد يجي وياخذ اللي حبته من بين يديها وقالت بسرعه ومن دون تفكير منها بحالها ولا وش راح يكون مصيرها - موافقه بس خليني اشوف وقت مناسب - ابتسمت بنصر وخبث/ خلاص ابروح ابشر اخوي مسكين تلقينه جالس على نار مادري وش سويتي له جنتيه بااااي - ابتسمت بخجل/ باي وقوليله تراني انتظره يدق علي وكانت صيده سهله استغلو هي واخوها الكثير الكثير من البنات عارفين ان البنات صارو اكثر حذر من قبل.... تعلمو وتثقفو وسمعو من القصص الكثير اللي خوفتهم من العلاقات المحرمه بس الشيطات شاطر علمهم خطه بديله وهي انها تصادق البنت حسب مواصفات معينه ماعندها خبره وطيبه وعلى نياتهاوينضحك عليها بسهوله ومن عايله مايقبلون الزواج بهم لحد ماتثق بها ثم يتقدمون لخطبتها وهم متاكدين من رفض اهل البنت لهم ساعتها يبدأ دور اخوها ...تقولها ان اخوي يحبك من كلامي عنك عنده وانه متعلق بك واكبر دليل على حبه انه جا وخطبك وانتم رفضتوه بس هو ماينام الليل يفكر منك ومن هالكلام اللي يعيش البنت بين السماء والأرض وينعش ارواحهم ويفرح قلوبهم العذراء لحد ماتتعلق به البنت ...ثم تقول انه يبي يكلمك مايقدر يعيش من دونك ومن دون لا يسمع صوتك سامحيني انا مره فتحت على السبيكر وانتي تكلميني وسمعك ولا نام الليل يهوجس بك مكالمه ورى مكالمه ثم خليه يقابلك يبي يشوفك النظره الشرعيه عشان يتمسك بك لاارتاح لك ويرجع يخطبك ويتحدى الكل عشانك تروح تقابله ويعجبها شكله وكلامه ولمساته تتوق نفسها لطلعه ثانيه وثالثه لحد ما يطيح الفاس بالراس وياخذ مبتغاه ويرميها ويطبق خطته الحقيره نفس البطل لكن البطله غير وضحيه غير ...... ...................... فتح عيونه ببطء ورجع غمضها النور فوق راسه واعماه وريحه يكرهها داخل خشمه عقد حواجبه هاذي ريحة مطهرات ومعقمات يحس بالآم فضيعه ببطنه وصدره ويده اليسار حرك يده اليمنى بضعف وتعب لكنها كانت متصله بسلكين واحد فيه سائل احمر والثاني ابيض غمض عيونه بالم اللألم فضيع فوق الأحتمال ثلاث جروح وثلاث طلقات شئ فوق طاقته بكثير يوم حس بالراحه وان الألم خف شوي غمض عيونه يبي يتنعم بهاللحظه من دون الم وسرقته الذكرى - يالله انا باحمي ظهرك وانت تقدمني - لالا خلنا نعلم القناصه خطر نمشي لهم - لا مافيه وقت حنا شفناهم خلنا نصوبهم من دون مانذبحهم لو القناصه شافتهم بتذبحهم على طول وحنا نبيهم احياء - نايف قلبي منقبض خلينا نعلم القناصه ونرتاح - قو قلبك ولا تخاف تعودنا كم اصابه وبعدها بنقوم مثل الخيول كالعاده هههههه شاركه الضحك بس قلبه ماهو مرتاح يمشي بحذر وهو يتلفت يمين ويسار ونايف يغطي ظهره بيروحون للمكان اللي اختبأو به ولا احد شافهم من الشرطه الا هم ورفض نايف يبلغ القناصه عنهم يبيهم احياء يبي يحقق مع الصغار حتى يوصل للكبار ضرب فيه نايف بقوة ومن قوة ضربة جسم نايف فيه طاح على الأرض اعتدل بجلسته بسرعه ولف لنايف اللي مرمي على الأرض وحاط يده على جمبه وضاغط عليها ماقدر يستوعب اللي صار / نايف نايف انت انصبت ؟؟ ابتسم نايف بوجهه بألم ورفع يده المغرقه بالدم / لاوشلون ؟؟ وانطلقت رصاصه ثانيه واخترقت ذراع نايف قاصده جمبه الثاني اللي يطلق عارف ان الستره اللي تحميهم من الرصاص مفتوحه من الجنبين عشان كذا يطلق على هالاماكن فسخ سترته من دون تفكير وحطها على العرض على نايف عشان يحمي جنوبه صاح به نايف بصوت متالم وتعبان / مـــــــــــجـــــــــنــ ــــــون البسه لا يصيبونك ماعاد يهمه شئ كل همه يحمي صديق عمره ثواني اللي انتهى فيها نايف من الكلام وثلاث طلقات متتاليه تصيب جسمه العاري من اي حمايه واستقرت ببطنه وصدره ويده اليسار ورمته على الأرض بعييييد قوه غريبه تمتلكها هاذي الرصاصه الصغيره تخترق الجسد وترميه بعيد مع ان الجسد يفوقها حجم وبثواني تفجر دمه وتقتله دقايق استغرقها حتى يستعيد شوي من قوة ويشوف صديقه تحامل على نفسه واخذ يزحف تعود جسمه على الأصابات كم وكم انصاب هو ونايف لكن هذا ماردعهم ولا خوفهم ولا قلل من عزيمتهم مستمرين بعملهم ومتفانين به وكل اصابه هي حافز لهم ودعم وتشجيع وكل جرح هي وسام يحمله.....شرف عظيم حصل عليه .....انصاب لأجل وطنه لأجل شعبه رد جميل وطنه عليه اللي قدمت له وقدمت ولا زالت تقدم له الكثير وتتعب عشانه كان يستحق الترقيات لكنه رفض مايبي يجلس ورى المكاتب ويطلع بالتلفزيون والجرايد يبي يكون بساحة المعركه بين اصغر الجنود ويشارك بحماية ارضه ووطنه يموت ولا يضرها شئ ولا يضر اهلها عمره فدوه لها ويسقى شجرها بدمه ولا يهمه وصل بعد جهد لصديقه وتحامل على نفسه وجلس وهو يطلق التنهيدات المتوجعه المتالمه ويصر على اسنانه من قوة الألم اخذ يضرب على خده بيده السليمه / نايف اصحى خلك معي الحين بتجي المساعدات نايف لاتغمض عيونك خلك مفتح نايف وهذاك جثه من دون حراك ومغمض عيونه .....نايف نايف رد رد ............................ دخلت اصبعها بحلقها وطلعت كل اللي بجوفها ...جلست على بلاط الحمام بوهن وهي تصيح ودخلت اصبعها مره ثانيه تبي كل اللي اكلته يطلع ....وطلع كل شئ نصه على الأرض ونصه على ملابسها منظر مقرف ومقزز هي نفسها منقرفه منه ....مستمره بصياحها ماتدري وين كان عقلها يوم تسوي اللي سوته بلحظة ضعف استغلها الشيطان وزين لها طريق الراحه السريع قررت تنتحر ضربت راسها كذا مره تبي تصحي نفسها وتنبها على اللي كانت بتسويه .....مايحقلها تزهق روحها روحها ماهي ملكها هي امانه عندها بياخذها الله متى شاء وكيف شاء وبنفسها [كنت ابذبح نفسي كنت ابنتحر مايكفي عذابي بالدنيا بعد عذاب بالآخره وش بيصير يعني اذا تزوجني ابتعذب اكثر من هالعذاب بيستحقرني اكثر من ماانا مستحقره نفسي ماعاد يهمني.....بالجنه السعاده تنتظرني] تحس بتعب تحس بخمول تحس بنفضه بجسمها ودقات قلبها سريعه صدق طلعت كل الحبوب من جوفها بس هاذي اثار اللي تحلل منها تذكرت شئ غفلت عنه لجأت للكل الا هو لحظات ضعف تمر عليها ماقد شكت له وتضرعت له قامت من مكانها وهي منقرفه ودخلت تحت الدش بملابسها وتروشت وهي جالسه مافيها حيل انها تاقف ولفت نفسها بفوطة اليدين اللي ماتغطي اللا القليل من جسمها وراحت لغرفتها ولبست ملابس ثقيله النفضه للحين تسري بجسمها غير رعشة البرد فرشت السجاده بوهن وهي يالله تصلب طولها وكبرت / الـــــــــلـــــــه أكـــــــــبــــــــر نعم الله اكبر .....اكبر منها ....اكبر من حزنها وهمها والمها ....اكبر من من ظلمها ....اكبر من كل شئ هو الكبير المتحكم المتصرف واقفه بين يديه تدعوه وتطلب رحمته تطلب عفوه وغفرانه تطلب انه يفرج همها ويفك ضيقتها ويقدلمها الخير بحياتها جلست على الأرض جسمها تعبان ولا تحمل وقوفها وكملت دعائها وهي جالسه ....................... فتح عيونه على صوت الأزعاج اللي حوله - قمت يمه ذياب ؟؟؟ عسى بس مازعجناك ؟؟ - ابتسم بوجه امه بتعب / لا الغاليه مازعجتوني بس شبعت نوم طول اليوم وهم ينوموني قربت له وهي تمسح على راسه ودموعها تسري على خدها / الحمدلله اللي احياك اسبوع وانت بين الحياة والموت وايدي على قلبي اخاف تروح مني ... بس الله مايخيب رجا عباده وهذاك حي وطيب قدام عيني مسك يد امه وباسها.....مشاعر صادقه مشاعر امومه غمرته ودموع يحس قدامها بالضعف والصغر وقفت الكلمات بحلقه مايدري اي شئ ممكن ينقال بهاللحظه ويوازي دموع امه مايدري وش الكلمات اللي تستحقها هالأنسانه العظيمه وقفت الكلمات عاجزه ومخذوله ......الموقف اكبر من اي كلمه تنقال ودمعه وحيده سرت من عينه تشاركها دموعها وتوصل القليل القليل من مشاعره لها مسحت دمعته هو ولدها كل القوة به لما تشوفه ببدلة تحس بالفخر والغرور يملأ صدرها ويرفع راسها فوق فوق بين الناس ماتقدر تشوف دموعه ابد لحظات صادقه بين ام ووولدها رجع طفل صغير على السرير وهي واقفه بجمبه لا حول له ولا قوةولا يقدر يتكلم بس عيونه هي اللي تعبر وممتنه لها مثل الطفل الرضيع تمام لا كلام ولا حركه بس عيونه هي اللي تتبعك تكلم يبي هاللحظه تنتهي لأن شكل امه وهو تعبان يحسسه بالذنب وتانيب الضمير زود على اللي فيه - وين ابوي وجدي ؟؟ - بالسيب برى هم والعيال مايبون يزعجونك وانت نايم وطلعو - الله يعافيك يمه ناديهم لي ابيهم بسالفه بس بدون مااحد يحس ناظرته باستغراب وخوف - لا تخافين يالغاليه شئ يسعدك مايكدرك ناظرته بشك - والله يالغاليه انه مافيه شئ يخوف والله دقت على رجلها ودقايق ودخل الأب والجد قربو له وسلمو عليه - انتم دارين اللي كان معي بالمواجهه نايف - الله يرحمه صلينا عليه وقمنا بواجبه - انا ابي اخطب اخته محسن / نـــــــــــعـــــــــــم وش تقول انت - اللي سمعتوه ابي اخته الجد / قم بالسلامه اول ثم اخطب - لا ابي اخطب الحين وبعد مااطلع ابتملك على طول محسن / مانت صاحي بنت الناس لعبه عندك ومالها قدر تخطبها وانت طايح بالمستشفى ماندري وش حالك واخوها توه متوفي - انا عارف جدها زين لو اني ماصحيت من الغيبوبه بيزوجها لي سكتو كلهم ماعجبهم الحكي فيه اصول واسلوم تربو عليها وولدهم بتعداها الا الام اللي فرحانه فيه - جدي يبه انا قلتلكم لاني مابي اتعداكم واخلي اللي اصغر منكم يخطبلي انا ابي ابوي وجدي يخطبونلي شاف نظره التصميم بعين حفيده ونظره حزن نظرتين مختلفات تحملها واكيد وراها سالفه وقال بصوته القوي الآمر اللي مااثرت به السنين بالعكس زادته عمق وقوه / تم ...محسن نروح نصلي المغرب حنا والجماعه بمسجدهم وبعد الصلاة حنا ببيتهم خطاب ابتسم بوجه جده شاكر له / تسلم يبه والله يخليك ذخر لنا طلعو تركوه واخذو معاهم امه.....حس بالراحه والنوم يغالب جفونه مفعول المسكن بدى وغمض عيونه وسبح بالظلام ورجعت ذاكرته لليوم المشئوم -نايف نايف فتح عيونك ....مره يضرب على خد صديقه ومره يضغط على جروحه وخد نايف امتلى من دم ذياب فتح عيونه بتعب وابتسم ذياب / الحمدلله عايش الحمدلله ....خلك معي لا تغمض عيونك بتجي المساعده الحين اسمع الطلق هدى ابتسم بوجه ذياب بابتسامه غريبه ماعمره شافها طول سنين صداقتهم بالمدرسه والكليه والشغل وتكلم بصوت متقطع تعبان / لا تـ ــخــ ــافـ ذيــ ــابــ مــ ـا احــ ــتــاج مــ ــســ ــاعــ ـده حـ ــاس نـ ــفــســ ــي بـ ـااســ ــلّــ ــم انتفض من كلامه نايف بيموت بيعيش حياته من دون صديقه الوحيد...... بكل مكان كتفه بكتف نايف باخطر المواقف واصعبها يحمون بعض وكلن منهم مايتردد يفدى الثاني بروحه - نايف لا تقول كذا وش هالكلام هذا تأثير الوجع ....اسمع اسمع مافيه صوت طلق اسمع......الحين بيجون الحين - ذيــ ــابــ امــ ــانــ ـتــك أخــ ـتــ ــي امــ ــانــ ـتــك تــ ـزوجــ ــهــا انـ ــتــ اللي عــ ــارفــ بالـ ــظـ روفــ مــ ـاامـ نــهـ ـا الا مــعـ ـكـ - اســـــــكــــــتـــــ بتقوم بالسلامه وانت اللي بتزفها لي اتسعت ابتسامته حتى بانت اسنانه وغمض عيونه وفتحهم ورفعهم لسماء - اشــ ــوفــ مــ كــ ــانــ ــي بالـ ــجــنـ ــه ذيــ ــابــ اشــ ــوفــ مــ كــ ــانــ ــي انــ ــ ـتــ ـظــ ـركـ لا تـ ـتـأخـ ـر دقايق اللي عاشها ذياب بخوف والم وحزن مشاعر كثيره عاشها فوق طاقته صديق عمره قدامه ينزف طريح الأرض يموت وهو مابيده يصلح له شئ ثواني ووصله صوته التعبان الواهن مره يعلى ومره يوطى كلمات واضحه وكلمات ماهي واضحه وحروف متقطعه - أشـ ـهـ ـد انـ ـ لا الـ ـهـ الا الـ ـلـ ـهـ واشـ ـهـ ـد انـ ـ مـ ـحـ ـمـ ـد رسـ ـولــ الـ ـلـ ـهـ وتبعها صوت غرغرة الروح وانقبضت روحه الطاهره عيونه مثبته على وجهه وهو يناظر خويه قدامه ينازع الروح ويتشهد بيفارقه بيروح لمكان غير بيروح ويخليه وحيد بدنياه ناداه بصوت واطي / نايف يمكن كان يتوقعه نايم ولا يبي يزعجه بصوته ويمكن كان يبي ينبهه انه هو هنا حوله ويبيه يلتفت له او يمكن كان بيتاكد انه مات وفارقت روحه جسمه شكله شكل واحد نايم وهذا اللي خلاه يقرب منه ويهز راسه ويناديه مرات / نايف نايف نايف نايف ابتسامه واسعه تتوسط وجهه اللي انقلب لأبيض عقب ماكان مسود من التعب والألم والنزيف ثواني واستقر جسده بجمب جسد صديقه ....التعب تمكن منه والنزيف اخذ كل قوته ولا عاد فيه اللي يتحمل الوجع عشانه خلاص راح راح مسك يده وضغط عليها بأقوى ماعنده بيكون آخر عهده بنايف هاللحظه ولا هو عاد شايفه ولا مكلمه ولا لامسه ولا حاضنه الا كان التقو بالجنه وقريب قريب نايف ينتظره .....وغرق بالظلام وريحة المسك انتشرت بالمكان ريحة غريبه تطلع من بين الدم والتراب والملابس والأجساد اللي اخترقها الرصاص ريحة دم الشهيد .....الــــــــــــلـــــــ� �ــه اي مثوى سيلقى واي جزاء .....يدفن بملابسه ودماءه ويبعث بها ....اي شرف واي مكانة هذه يتزوج بـ72 من الحور العين ويشفّع بـ70 من اهله ويزف يوم القيامه كالعريس عندما يزف لزوجته ....اي عز واي كرامة هذه هذا هو حال ابطالنا من فدو اوطانهم ودينهم بدمائهم وارواحهم ......................... -نـــــــــــعـــــــــم مو صاحي ذا والله وين حنا عايشين فيه سرقه عيني عينك - والله ماندري عنه بنقول لذياب ونشوف وش يقول عــــنـــد ذيـــابــ - ووش قال جدها ..؟؟ - قال مية الف مهرها ذياب / جاها وغيره - و500 الف له وماتنكتب بالعقد ذياب / نـــــعـــــم ؟!! - هذا كلامه ويقول ماتبون ترى غيركم طوابير وهذا ابو صالح يبيها ومستعد يعطيني اللي ابي لف ذياب لأبوه بعنف وعصبيه / بيزوجها ابو صالح !! انهبل ذا صرخ به ابوه / ذيــــابـــ هو ولي امرها ويحق له يزوجها اللي يبي ذياب / يبه الله يهديك ابو صالح كبر جدها ولا اكبر بعد وهي توها مالها الا كم سنه متخرجه من الجامعه ترضاها يبه لوحده من بناتك - لا مارضاها لكن وش الشور ..؟؟ - الشور اني اعطيه اللي يبي ولو يبي مليون اعطيه - حرام ياخذ هالمبلغ من دون حق مية الف حق البنت بس هو ليه - يبه اخوها فداني بعمره وانا استخسر بها وسخ دنيا عندي بالبنك اللي يغطي هالمبلغ وزود - افا ياذياب مهب انا اللي يعز على ولده شئ وفلوسي كلها فدوى لك ولو تبي الحين رحنا ملكناك عليها السعاده بقلبه ماتنوصف وهو يسمع كلام ابوه وده يقوم يحب راسه بس مايقدر - لالا كلها يومين ويطلعوني ونروح نملك -ضاري / ههههههههه والله اغرب ملكه منصاب ومتلفلف بالشاش من كل جهه ورايح تملك ابتسم على كلامه / وش اسوي امانه ياخوك امانه وياثقل الامانه الله يعين .................... الكل مجتمع اليوم بالبيت الفرحه فرحتين فرحه خروجه من المستشفى وفرحة ملكته اغرب ملكه مرت على العائله ويمكن لو قالوها لأحد بيضحك عليها اخذوه من المستشفى على بيت العروس على طول لكنهم مع ذلك مبسوطين وفرحانين مو مهم الظروف اللي حصلت بها الملكه المهم النتيجه وهذا حفيد جديد من احفاد العائله تملك وودع العزوبيه وبمجلس العقد ببيت المرحوم نايف وبعد مانتهو من كتابته كلن قام يسلم عليه ويبارك له سطام / ياخي ودي اضمك حيل لين تتلاقى ظلوعنا دفه بخفه / انا عارف انك نذل ماقد سويتها من قبل وانا سليم وطيب جاي تتنيذل وتسويها وانا كلي غرز ولصقات - هههههههههه كاشفني ياولد خالي وطلعو وكملو الأحتفال ببيتهم ووسط جماعتهم واهلهم ........................ طق عليها الباب بهدوء ووصله صوتها / خُش الباب مفتوح .....فتح الباب ودخل - غريبه وش جايبك فوق لقسم البنات شكل مافيه نقطة تفتيش تحت - والله قهر انتم متهنين فوق وكل القسم لكم وحنا ملحطين ومرمين برى كننا سواويق - هههههههههه معليش تحمل انت عارف ابوي لايمكن يخليكم بالدور الفوقي معنا ولا تنسى ماطلعكم الا يوم تزوج ضاحي - لا والله حتى اول كنا تحت ودي ارقى الدرج اقول ابروح انام فوق راضي بالتعب بس تصير غرفتي فوق لو بالسطح على الأقل احس اني داخل البيت قولي لجدي يرجعنا لداخل البيت ترى خطر ننحرف - ههههههههه لاتخاف منت منحرف ولا تنسى ان مرت ذياب بتجي يعني افقد الامل - ليه مايطلع ويفكنا من البدايه - صعبه يطلع ويخليها بالبيت لحالها وهو يستلم باليومين والثلاث حتى اهل ماعندها اذا سكنت معنا اريح له يروح وهو مطمن عليها ولو جاها شئ حنا حولها - ماعلينا انا ....وقطع كلامه وهو يلف للمرايه/ الــــــلـــــه وين مرايتك راحت....؟؟ - احم انكسرت - انكسرت !! ووش اللي كسرها ؟؟ - ابد الله يسلمك لقيت ابرص يمشي على الجدار رميته بالعطر مادريت الا وهو صاك بالمرايه وشوفة عينك انكسرت ناظرها بشك / الجـــــــــــــازي ناظرتها بالا مبالاة / والله انها انكسرت يوم رميتها بالعطر والله .....ماصدقتني بكيفك - المهم ماعلينا انكسرت والا مانكسرت وش عندك مخالف الانظمه والقوانين وراقي فوق - احم احم - فيها حمحمه السالفه ......اجلس اجلس وجلست هي وياه على السرير - احم ....... ابي اتزوج فتحت عيونها بفرحه / صــــــــــدقـــ مبروك مبروك وقامت وباسته على خدوده الــــــــلـــــــه بالجمله ماشاءالله يتزوجون عيال اخوي محسن - قولي ماشاءالله لا تطقيني عين ثم اهون عن الزواج - ماشاءالله ماشاءالله ....بس وش اللي غير رايك ولا لقيت اللي تخش مزاجك على قولتك - البنت اللي طاحت ببيت جداني اي وحده من بنات خالتي ناظرته بعصبيه / وش لك بها ؟؟ - آ آ آ لا بس ابي اخطبها - تبي العنـــــــــــــود ....والله البنت حبوبه وسنعه بس صغيره عليك مره كبر هتون عمرها 19 بس - انا خايف لا تكون هي .....صغيره علي مره توقعتها مزون ما عاقني الا افكر وشلون اقول لمتعب اني ابخطبها ناظرته بنص عين وبخبث / وانا اقول وش جاب الشماغ تحت راسها وش سويت بها .....؟؟ - والله حرام علي اني ماسويت بها شئ بس بس - تكلم وش بلاك تبس بس وش هببت بها - بس قعدت اناظر وجهها - قالت بصدمه / كان وجهها مكشوف ؟؟ - ايه وانا غطيتها يوم ناديتك ومتندم وتانيب الضمير ذابحني وشلون اهاوش خالد وانا اخس عنه هو يقابل بنات بكيفهم ورضاهم بس انا ....انا قعدت اشوفها بدون اذنها وعلمها وبدون وعيها والله اني استحقرت نفسي وحسيت اني مااسوى شئ حطت يدها على يده تواسيه عارفته وعارفه ان الذنب ماكله اكل - مو تبي تتزوجها ؟ قال بتاكيد وبقوه / الا بإذن الله وبنروح لهم خطاب - اجل خلاص هاذي شوفتك الشرعيه لا تطلب شوفه ولا شئ ابتسم بوجهها وباس جبينها / مادري وش اقول لك بس تخلين الواحد يرتاح ويفضفض غصب عنه الله يخليك لنا - احم احم عشان تعرف قدري بس - ههههههههه عارفين قدرك عارفين بس ابيك تكلمين البنت وتشوفين وش رايها كانها وافقت رحنا خطاب كانها ماتبي عليها وعلينا ستر الله مانبي يردونا ويصير حزازيات بينا _ ان شاءالله من عيوووووووني وانا ذيك الساعه اللي اخدم ضروي فيها ........................ - لا يمه مابي اشوفه - انزلي بس لايسمعتس ابوتس ثم يشيش علينا - يمه ليه اشوفه وجيهنا قبال بعض طول هالسنين - يقول ابوتس بيشوفتس وبيتكلم معتس طول هالسنين وانتي تتغطين عنه وبن شافتس معه سرى الخوف بجسمها وش ممكن يقولها / مابي انزل مابي - انزلي واللبسي شئ عدل - طيب مو الحين خلوها الظهر والعصر - وش فرق الظهر والعصر عن الصبح تبي اي شئ يأخر المواجهه معاه ماتدري ليه خايفه بس ماتبي تشوفه تحس ان بيغمى عليها لبست جلابيه ولبست جلالها وتزلت قابلها ابوها عند الدرج / وينتس ليه تاخرتي - آ آ آ كنت اللبس - يالله روحي للمجلس هو ينتظرتس لفت لبوها بصدمه وخوف / بدخل عليه لحالي - ايه ....بياكلتس هو بيتكلم معتس شوي هو قايل يبيتس 5 دقايق بس ناظرته وعيونها تترجاه/ الله يعافيك بيه ادخل معي مابي ادخل لحالي - روحي بلا دلع ولد عمتس ومتعوده عليه وبيصير زوجتس ليه الخوف وحطي الجلال على كتوفتس عشان يشوفتس راحت تجر رجلينها جر ماتدري وش بتكون ردة فعل ولا وش بيسوي ولا ليه طلب هالخمس دقايق لحالها ولا تبي تدري جاها اللي يكفيها وزياده بتروح ترمي نفسها بواقعها وتتقلب فيه بدون مقاومه دخلت وخطوه تقدمها وخطوه تاخرها واللي خلاها متردده زود وجهها اللي كاشفته واللي طول هالسنين تغطيه وتستره عنهم دخلت وعيونها بالأرض ومشبكه يدينها ببعض تهدي نفسها والنفضه اللي تسري بجسمها وصلها صوته القوي / انا طلبت من عمي اني اختلي بك 5 دقايق ابقولك كلمتين ورد غطاهم انا يوسف قالي كل شئ رفعت راسها له بصدمه / كل شئ كل شئ قابلتها عيونه البارده استشفت من وجهه انه مو معصب ولا شئ / [يعني يوسف قاله عن حالي عشان كذا جا وخطبني يحبني يحبني ] ابتسمت [ربي استجاب دعائي معقوله يوسف قاله الحقيقه من دون زياده معقول ....كل شئ معقول كل شئ بالدنيا ممكن يصير ] اخيراً بتعيش بسعاده اخيراً بتعيش بدون خوف وخيراً احلامها بتتحقق [احمدك يارب احمدك واشكر فضلك ] ......................... جالسه على كراسي مطاعم السوق بخوف ماتدري وشلون طاوعت صديقتها وجت الخوف وتانيب الضمير بياكلها اكل خلاها وراح يجيب لهم شئ يشربونه خوف غريب تملكها ودها تنحاش قبل مايجي بس صوت الشيطان يثني عزمها ويحليلها الجلسه جا بصينيه فيها كوبين صحن كروسان وابتسامه تزين وجهه الجميل ماتنكر انها انصدمت من جماله ووسامته وكشخته ورزته وطوله توقعته حلو بس مو لهدرجه ابداً - تاخرت حبيبتي عليك -ردت بحيا وكانها اول مره تكلمه /لا عادي حط الصينيه على الطاوله وقرب كرسيه لها حتى ماصار يفصل بينهم شئ الا الشيطان - ليه متحجبه كننا بنصور للجواز..... فكي طرحتك تقول اختي احلى مافيك شعرك مع اني اشوف انك كلك على بعضك قمررررررر ابتسمت بحيا على غزله / لا كذا انا مرتاحه - مد يده بجرأه وفك طرحتها بنعومه / مانبي نتعبك انا باشيلها لك اهم ماعلي راحتك نزل الطرحه على كتوفها وحرك شعرها بيده فعلاً كان احلى مافيها شعرها لمسات محب كاذب خادع تمر على شعرها خدرتها وشلت حركتها ماقدرت تبعده او تنبهه نست كل شئ بهالوقت نست عيون ماتنام تراقبها وملائكه يكتبون ذنوبها واهل تنزل روسهم بفعلها وعذاب ينتظرها ....................... رمت نفسها على السرير بفرح ودها تناقز على السرير تعبر عن فرحتها توها مسكره منها وتسألها اذا جوهم خطاب بتوافق ولالا - اكــــــــــيــــــــد بوافق استنيت هاليوم بفارغ الصبر عرفت انه مو متاخر وبيجي خاطب .....حست بكل حركاته ذا ك اليوم حست برجفة يدينه وهي بحضنه وحست بعيونه اللي تناظرها وشوي وتحرقها عارفه انها مو جميله بس بعد فيها شئ يجذب خطتها مشت مثل ماتبي واحسن وهاذا هو جا يخطبها وبيبدأ انتقامها منه - انا اوريك ياخالد تحسبني لعبه عندك تلعبي وترميني وراك .....بنشوف وش تسوي لادريت ان ضاري خطبني تملكها الحقد والقهر وسيطرت عليها رغبة الأنتقام وانستها انها تتلاعب بمشاعر انسان طاهر ماله ذنب الا انه حبها واعجب بها ........................... وصلها صوته القوي الآمر وصحاها من احلامها / غطي وجهك عني رفعت راسه له بتسائل -عاد الأمر بقرف / غطي وجهك الوسخ عني مابي اشوفه ماحركت ساكن ظلت مبحلقه بوجهه ماهي مستوعبه اللي يصير بس صرخه منه افزعتها / غطي وجهك غطت وجهها بسرعه - قالي يوسف كل شئ عنك قالي عن سواد وجهك ....لو بيدي كان ذبحتك وقطعتك بس اخاف الفضيحه تبين ترمين بلاك على اخوي..... تطلعين وتخربطين ويم حملتي وراح وخلاك ولد الــ...جيتي لأخوي تبينه يتزوجك ويكتب ولد الـ.... باسمه ويصير ولده .....انتي انهبلتي تبين عيال الزنايصيرون عيالنا بس وحده مثلك وش نرجي منها آآآآخ مايشفي غليلي غير موتك بس لو سويت بك شئ بننفضح انتي بنت خالتي وبنت عمي والفضيحه بتطول كل عايلتنا وبننفضح عشان وحده ماتسوى نعال والنعال اكرم كلمات كاذبه تنقال عنها .....كلمات بذيئه تنعت بها قوة الكلمات الجمتها ولا قدرت ترد وصدت حلقها ووقفت الحروف ولا طلعت - اسمعي بنملك وابقول لاهلنا ان عندي دوره وابي اخذك ونروح لحدى هالدير القريبه وننزله ولو تموتين معه ونرتاح منك احسن ابخليك على ذمتي وبنطلع من البيت انتي مامنك على خواتي وحتى على اخوي يوسف بأخليك مثل الشغاله واردى ابصبحك بضرب وامسيك بضرب الذبح بيكون رحمه لك ....ابعذبك واخليك تتمنين الموت وتتوسلين لي عشان اذبحك وارحمك وان فتحتي فمك بكلمه والا اعترضتي ماراح يحصلك طيب انا واقف قدامك وبالعافيه ماسك اعصابي اني ماذبحك او على الاقل اضربك لين يخف اللي داخلي بس مابي عمي ينصدم بانه عنده بنت مثلك تعب وربى وبالاخير تخونهم وتنزل روسهم بالتراب وطلع وخلاها من بعد مارسم حياتها ومستقبلها على اساس كاذب يرمي قرارات بوجهها من دون اساس مفتحه عيونها ومارمشت حياتها المستقبليه قدام عيونها ولها ان تتصور وشلون بتكون.... بالكلام بس انرعبت وشلون الحقيقه والواقع ماتبي تفكر ولا تبي تتصور سلّمت امرها لخالقها هو اقدر واعرف واحكم منها دعته والتجات اليه وماخاب ولا رُد من دعاه ....................... حسو بحركه غريبه عاملة النظافه رايحه وجايه بشكل مريب - البسي طرحتك ونقابك وخلينا نطلع شكل العامله مايطمن لبست طرحتها ونقابها بخوف وتوهم بيطلعون الا حراس الامن قدام وجيههم انتفضت من الخوف خلاص انفضحت انفضحت تكلم بثقه / وش فيكم ليه مجتمعين حولنا ؟؟ تكلم حارس الأمن / من اللي معك ؟؟ - حرمتي ....وجاء بيحط يده على كتوفها يبي يبين انها فعلاً حرمته بس صرخه منها وقفته وخلت حراس الأمن الباقين يمسكونه ويجرونه معهم - عبد العزيز خذ شنطتها لحد ماندق على الهيئه يجون ياخذونها سحب شنطتها منها وصار يفتش بها وصلها صوته وهي تترجاه -الله يعافيك استر علي والله اول مره .....والله هو كان بيشوفني الشوفه الشرعيه هو خاطبني من اهلي بس ارفضو الله يعافيك رجع الشنطه خليني اروح الله يعافيك استر علي والله لو يدرون اهلي بيذبحوني رجع الشنطه استر علي احب رجولك الله يعافيك مالقى لها بال متعود على هالحالات ياما وياما مسكو كثير قبلهم فتوسلاتها وكلامها الغير موزون ماهمه ولا اثر به طلع بوكها وقعد يفتشه يبي اي اثبات فيه اسمها ولقى بطاقه الجامعه ناظرها بصدمه وشوي وعيونه تطيح / انتي اخت ضاري وخالد ؟؟ سمع شهقتها وتاكد شكه يعني هاذي اخت خالد وضاري .....طالعه ومقابله من ورى اهلها بتجيب لهم الفضيحه والعار .....ابتسم بخبث ولمعة شيطانيه بعينه وابليس فوق راسه يوزه ويحرضه على الأنتقام [هاذي اللي ابهدم بها غرور خالد الفضيحه بأخته بتخليه مايرفع راسه من الأرض هاذا اللي بكسر بها خشمه واعلمه ان الله حق] ابتسامه خبيثه تتوسط وجهه وهو يتخيل وجهه اذا عرف واذا الناس بدأت تتكلم عليه شعور بالنصر والنشوه يحس فيه [بنشوف وشلون بترفع عينك بعيني بعد اليوم ياخويلد ههههه] |
&&&&&&&&&&&&&&&&&&&&&&&&&&&&&& الـــــــــــــجـــــــــ ــــــزء الـــــخـــــامــــــــسـ ـــــــ &&&&&&&&&&&&&&&&&&&&&&&&&&&&& (( جــــــنــــــونــــ قــــلــــبــــــــــ )) غمضت عيونها بقوة وشدت الللحاف ورفعته وغطت به وجهها صوت طق الباب ازعجها وصحاها من النوم ماتبي ترد تبي اللي يطق يمل ويروح امنيتها تحققت وهدى الطق استانست ورجعت تنام من دون ازعاج ثواني بس اللي ارتاحت فيها ورجع الطق على الباب رمت الحاف عنها بعصبيه وقامت وهي تتحلطم بداخلها وتتحلف للي يطق فتحت الباب باقوى ماعندها وانصدمت من اللي شافته [وش جابه ذا ؟؟] شاف عيونها المصدومه المتسائله - ساعه لين تفتحين كسرت الباب وانا اطق - اشرت له بأنها كانت نايمه وماسمعت ناظرها نظره تفحصيه من فوق لين تحت / واضح انك كنتي نايمه مع ذا الكشه المنتفشه والبجامه المعفطه ناظرت نفسها وشهقت ودخلت الغرفه وسكرت الباب بوجهه وشافت نفسها بالمرايه .....شعرها محيوس حوس وبجامتها كأنها متهاوشه معها معفطه ولا فه على جمب وبعض أزاريرها مفتوحه عضت شفتها السفلى شافها بهالمنظر المزري والمبهذل دخلت الحمام غسلت وجهها ولبست جلابيه فوق بجامتها ومشطت شعرها بتشوف وش يبي عشان ترجع تنام بسرعه وطلعت له ابتسم بوجهها ابتسامة عذبه / ايه هذا الوجه اللي ينشاف مب تو هبلتيني ماردت عليه للآن ذايبه بأبتسامة الحلوه .......غريب امره هالأنسان جدي وجامد وصلب بس يبتسم تبتسم الدنيا معه .... ينقلب لشخص كله حنيه وطيبه ......ابتسامه تزيل عنك الهم والحزن حتى لو كان هو سببه يمكن ماكانت ابتسامة بتأثير هذا بنظر الناس لكن بنظرها هي .....بنظر المحب العاشق .....تسوى الكثيـــــــــــــر وتأثيرها عليها كــبـــــيــــر وصلها صوته وافزعها وصحاها من سرحانها / مزون وين رحتي ؟؟ ابتسمت بوجه ببلاهه وش تقوله سرحانه بأبتسامتك - هههههه ماعلينا تعالي معي شوي ارتسمت على وجهها علامات الأستغراب لكن ماعطاها فرصه تسأل ......مسك يدها ومشاها وهي طايره بين السماء والأرض ويدها ضايعه بدفا يده ماهمها الحزن اللي بقلبها ولا همها جرحها ونزفها أهم شئ هي بقربه ويدها بيده ضغطت على يده من دون وعي منها وكل هالمشاعر ثايره داخلها ....لف لها باستغراب وتسائل لكن هي سكتت ماعندها رد وما تدري وش تقول ظلت ساكنه بلا ادنى حركه منها - وش فيك ؟؟؟ اشرت ان مافيها شئ ....ناظرها بشك بس هي نزلت راسها .....ماتبي تجيب تبرير سخيف وكاذب لأفعالها ملت تلبس قناع السعاده وعدم الأهتمام وملت انها تجاريه فرحته وسعادته وتدوس على جراحها ولا احد مهتم بها بتخلي كل شئ يمشي بدون ماتدخل به ......يعرف او مايعرف عن اللي داخلها ماعاد يهمها اهم شئ انها ماتضغط على جراحها ويجي احد وينكأها لها طال سكوتها واحترم هالسكوت ولا اعطى الموضوع اي اهميه ولا زالت يدها بيده دخلو قسمه اللي العمال انتهو منه تماماً بويات وسراميك وجبس واناره وكان ولا اروع القسم اللي رفضت تدخله وتشوفه رغم اصراره والحاحه عليها هاذي هي تدخله معاه ويدها بيده وبرضاها ...... كأنه زوج ماسك يد زوجته ويوريها قسمهم اللي يجمعهم ..... ابتسمت على افكارها تخيلت نفسها صدق بغرفتها .....تتلفت بكل سعاده والأبتسامه كل ماله وتتسع وهي تناظر ارجاء الغرفه هنا بتحط السرير وهناك بيستقر الدولاب وهنا بتحط لوحه وهنا وهنا وهنا تتلفت بسعاده وهي تشرح باشارات يديها وهو متابع معها ومستغرب من حماسها وسعادتها وكأنها تتكلم عن غرفتها هو صدق كان جايبها عشان كذا يبيها تقوله وين تحط هذا وذاك وتنسق الغرفه لكن حماسها غريب وهو اصلاً توه ماقالها ليه مناديها شاف تصرفاتها ماهي طبيعيه لو انها اخته ولو كانت فرحانه لأجله بس مو بهالشكل هاذي فرحة عروس بغرفتها فكان واجب عليه انه ينبها ويصحيها من اللي هي فيه - مـــــزونــــ وصلها صوته اللي انتشلها من احلامها وصدمها بواقعها هي بالغرفه اللي بتجمعه مع حرمه ثانيه حرمه غيرها انرسمت ملامح الحزن على وجهها بسرعه استغرب هالحالات اللي تمر فيها ....سكون ثم سعاده وانطلاق ثم سكون وحزن اي تقلبات تعيشها هالأنسانه وده يدخل بعقلها بيشوف وش تفكر فيه ليه حالها يتقلب بهالشكل قرب لها وحط يده على جبينها / حرارتك طبيعيه ....وش فيك ؟؟ وش صابك اليوم ؟؟ وبلحظة تهور محب .......بلحظة ضعف عاشق .....بلحظة جنون مشتاق مااهتمت فيه ولا وش بيقول اهم شئ تخمد نار الشوق اللي بقلبها وتعيش هاللحظه بكل محتواها ارتمت بحضنه وشدت يدينها على خصره .....تبي تتنعم بحضنه .....تبي تحس بحنانه تبي قلبها المجنون بحبه يتطمن بقربه .....تبي تحفظ تقاسيم جسمه زواجه بعد مده قصيره خلاص بتنحرم منه هاذي لحظه ماراح تتكرر بتهورها بالمستقبل ولا عندها الجرأه انها تكررها هي سوتها بلحظة جنون ودون تفكير ولا يمكن تعيدها وترمي نفسها عليه بتجي وحده غيرها وتقاسمها فيه وبااهتمامه وحنانه لها بتجي غريمتها واذا جا ذاك الوقت عليها ان تنسى انه زوج واخ كأنها جالسه فوق خط فاصل بين نارين لاهي اخته فعلاً بتتصرف على هالأساس هي زوجة بتغار من حرمته اكيد لما تشوفهم مع بعض وحتى حرمته ماراح تعاملها مثل خواته ابداً ولا راح تحظى بااهتمامه ورعايته دون ماتثير غيرة زوجته ولا هي زوجته فعلاً لها الحق مثل مالثانيه حق بقربه وحبه ورعايته يعني هي بتعيش كالاشئ بالبيت مالها حقوق ولا تقدر تطالب بحقوق لا هي زوجه ولا هي اخت ......بتعيش بالظلام وبسلام ........ .................................... دخل عليهم بالمكتب بقوه وهو يلهث من التعب والعرق مالي وجهه ومبلل قميصه السماوي وانطلق صوته المتقطع من التعب / انحاشت ......البنت انحاشت قام اللي جالس على الكرسي مصدوم / نـــــــــعــــــــــم ....وشلون انحاشت وانت وين كنت ؟؟؟ - مادري بلمح البصر اختفت رحت ادورها مثل المجنون وحتى طلعت برى السوق بس مالقيتها فص ملح وذاب قام الثاني متنرفز / يعني وين راحت ؟؟؟معقول مااحد انتبه لها وهي تطلع ؟؟اكيد مسويه شئ بشكلها مغيره العبايه ولا الشنطه انطلق صوته / الشنطه معي ماخذتها لفت الأنظار له /جبها جبها اكيد فيها شئ يدلنا عليها اخذ الشنطه منه وكبها على الطاوله يدورون اي شئ يدلهم عليها كل اللي لقوه مكياج وعطورات ومشط ضرب واحد منهم على فخذه / آآآخ يالقهر يعني وين راحت وذ الملعون اللي داخل يقول مايعرف اسمها بنت وطلعت معه بس ....حتى رقم جوالها يقول بدون اسم تنهد باارتياح / خلاص الله يستر عليها راحت بحالها - عبد العزيز لا تصير بالطيبه هاذي هالأشكال ترجع لهالطريق طالما انها مانمسكت تحسب انها بكل مره بتسلم الجره لكن بيجي يوم وتنكسر هالجره وتتندم على كل اللي صار وسوته - مااعتقد انها بترجع لنار برجولها اللي صار لها كوية جمر بيظل اثره وبتحس بحرارة لأخر حياتها ......................... انصدم من حركتها مايدري وش يسوي هل يبعدها او يخليها ويطوقها بيدينه أو لا بس ليه احضنها هي اختي وبس وحضنتني من دون سبب.....لا تصير حاضنتني على اساس اني زوجها والله المشكله لكن صوت خفي داخله منعه من ابعادها وحبب له حضنها .....رفع يدينه بتردد لها وحضنها ووده وماوده وحس بيدينها تشد عليه وكأنها بتدخله داخل ضلوعها صوت يكلمه مايدري من [وش قاعد تسوي ؟؟ ليه حاضنها ؟؟وش غرضك لاهي حزينه تبي تواسيها ولا هي فرحانه تشاركها فرحتها حضنتك لها من دون سبب الا اذا كان قصدك شئ ثاني وترجي من وراها شئ اكبر من الحضنه ماحضنتك الا انها هي تبي هالشئ ] بعدها عن حضنه بعصبيه الكلام اللي توصله عقله كبــــيــــر عصبه ووتره رفعت راسها له باستغراب كانت عايشه هاللحظه بطولها وعرضها ومبسوطه ماتدري وش جاه وقلبه - اسمعي مزون انا ابتزوج وزواجي قريب مابقى عليه الا القليل وبتجي زوجتي للبيت وهذا شئ مافيه تراجع فلا تقعدين تسوين علي هالشويتين عشان تجريني ويطيح الفاس بالراس واخليك على ذمتي واعترف بك كزوجه غصب فــــــاااااهمه ...؟؟ واياني واياك تعيدين هالحركه مره ثانيه وانسي اللي صار بينا لأني بلحظة ضعف جلريتك فيه بس انا غلطت يوم عديتك وحده من خواتي .....وعاملتك على هالأساس لكنك بالحقيقه ولا شئ ولا شئ لا اخت ولا زوجه ......مجرد امانه ثقيله قبلت بها غصب عني وانتظر اليوم اللي اتخلص به منك وطلع وتركها تستوعب اللي قاله كلام كبـــــــــيـــــــر كــــــبـــــيـــــــر على قلبها التعبان المجروح ماعاد فيها قلب يتحمل هالأوجاع والكتم والتجريح ولا بقى فيها صبر كلامه سهام اخترقت روحها الطاهره ....صور الأمر على كيفه ومن وجهة نظره هو لو كانت فعلاً تسعى لهالشئ كان سوته من زماااااااان مو انتظرت 12 سنه صورها امراه رخيصه تسعى لأحقر الأشياء ......اصابها بمقتل جرح انوثتها وكبريائها .....ومافيه شئ اصعب ان تشوف الأنثى بعين اللي تحبه وتعشقه نظرة الأحتقار وانها انسانه رخيصه رمشت بعيونها كذا مره ماتبي دموعها تنزل على انسان بهالشكل وهالتفكير المحدود على انسان استحقرها واهانها وفكر فيها تفكير شين وهي اللي عاشت معه اكثر من عيشتها مع ابوها واهلها مايستاهل دمعه حتى لو كان الحبيب حتى لو كان العشيق سمحت له يجرحها ويعذبها ......لكن يهينها لا لا |
انطلقت صرخة استنكار من حلقها وسط اهلها / نــــــعــــــم.....ماسمعت ؟؟؟؟ عاد عليها الكلام بنفاذ صبر عارف انها سامعه زين / اقولك زوجك يبي يشوفك - خير وين حنا عايشين فيه على كيفه يجي - وش فيها زوجك ويبي يشوفك مافيها لا عيب ولا حرام - الا هو العيب بعينه وعلمه خير يشوفني بمصر حنا عايشين ؟؟ بعد بكرى يقول خلينا نطلع لمطعم - الجازي مافيها شئ لو جدي وافق عادي روحي هو زوجك - زوجي ولا طليقي ماني طالعه له هذا اللي قاصر دوت صرخه من ابوها اللي كان ساكت من اول معارضتها / الجازي انا عطيت الرجال كلمه مابي اثنيها بتدخلين غصب عنتس شافت ان العصبيه ماجابت نتيجه معهم وتخاف صدق يغصبها هو زوجها غصب عنها ومايعجزه يدخلها غصب على زوجها راحت عند ابوها وجلست جنمبه ومسكت يده برجا وعيونها تتوسله / يبه الله يخليك مابي ادخل عنده الله يعافيك يبه - مابي اسمع زود حكي انا اعطيت الرجال كلمه وهو جاي بكرى ان شاءالله - الحين خواتي ماخليت رجالهم يشوفونهم وش معنى انا - اخر وحده من خواتتس تزوجت ولدها الحين طولتس الزمن تغير وانا ابوتس وهو ماشافتس قبل لا يملك عليتس من حقه يشوفتس بعد استسلمت لواقعها ابوها ماراح يغير رايه ولا يثني كلمته هو زوجها يقدر يدخلها غصب عنها [بس والله لتندم ياطليل لانك طلبت تشوفني ] - طيب مو بكرى بكرى جمعتنا عند خوالي وانا اروح لهم الصبح وهو بيتمخطر ويشرفنا المغرب وانا ابجلس انتظره خلها بكرى واستدركت كلامها ...لالا بعده انام عندهم خلها بعد بعده طول ماهي تتكلم وابوها يناظرها بنظرات سخريه وهو ساكت وينتظرها لين تخلص كلامها - قضيتي ؟؟ - ايه الحمدلله - بيجي الرجال بكرى المغرب وبتجلسين بالبيت لين يجي لو مايجي الا الفجر واياني واياك لو طولتي لسانك عنده - سكتت وهي تبلع قهرها وتفرغ حرتهابالجوال اللي بيدها وتضغط عليه لحد ماسمعت صوت كسره رفعت الجوال تشوف وش صار مصيره لقت ان باب الكاميرا انكسر من قوة الضغطه وصلها صوته اللي يغالب الضحكه / اشوى ان اللي كان بين يدينك جوال مب رقبت طلال هههههههههه - لفت له بعصبيه / صقوووور اسكت مالي خلقك لا بالجوال على راسك مااهتم من تهديتها واستمر بالضحك .....ثواني اللي استمر يضحك وقطع ضحكه صوته بألم / آآآآآهــ وجعععععع مااهتمت منه ولا من توجعه ولا من الجوال اللي اصاب كتفه ولا اخذته منقهره من ذا الشخص اللي طلع بحياتها فجأه وسلب منها حقها باتخاذ القرارات المهمه بحياتها تغلي من القهر لو كان قدامها كان ذبحته دوم حياتها تمشي على خطوط مرسومه وهذا جا وقلب كل شئ فوق تحت من دون علمها او استئذان منها اكرهته قبل ماتشوفه أو تعاشره ......كرهت الأسم والشخص والحظ اللي رماها له ..................................... يمشي بالأسياب بسرعه كبيره .....يصدم بهذا ويتفادى ذاك ويتجاهل سب واعتذار يوصل لمسامعه بيوصل بسرعه بيلحقه عشان ينقذ حياته ......مسك ثوبه بيده ورفعه وصار يركض لازم يوصل لازم شاف ان المصعد طريق طويل لصعود لفوق ويمكن يوقف قبل الدور اللي يبي او يصيبه عطل فالدرج اسرع وءأمن وبخطوات رشيقه يطلع درجتين درجتين ولا زال طرف الثوب بيده وشماغه بدى يميل من ركضه وماكان منه الا انه فسخه ومسكه بيده الثانيه وهو يسابق الريح حط شماغه على اول استقبال شافه بطريقه ودخل الغرفه المقصوده مجتمعين حوله يحاولون ينعشونه ضغط على الصدر بانتظام بكل قوة اليدين واكسجين بالفم جاء وبعد اللي حوله وهو يالله ياخذ النفس ووصلهم صوته القوي الآمر/ جهاز الصدمات الكهربائيه بسرعه لبو امره بسرعه وقربو الطاوله له اللي عليها الجهاز .....شق لبس المستشفى اللي على جسم المريض وفرك الجهاز بالجل ....صعقه مره بالجهاز وماصحى مره ثانيه وللآن نبضات القلب غايبه ومالها اثر بالجهاز العرق بدى يتصبب منه والخوف تملكه مايبي يخسر مريض مايبي يموت مريض تحت يدينه زياده على اللي ماتو بدأت الانتفاضه تسري بجسمه بس لازم يتقوى مهنته تحتاج قلب قوي عيونه متعلقه على الجهاز يتوسل الله ان يعيد نبضاته .....عينه مره على الجهاز ومره على الرجال المستلقي بدون نبض على السرير ينتظر رحمة ربي فيه ان كان بحياته خير له ......جسد بين الحياة والموت ...... تنهد بصوت مسموع .....ومره ثالثه صعقت الكهرباء جسم ضعيف واهن يتارجح بين الممات والمحيا ثواني تفصله عن الموت اما نبض يرجع بعد غياب او غياب بدون عوده طوط 7878787878طوط 7878787878 طوط 878787878787 تنهد بارتياح وفرح وتعالت صيحات السعاده واصوات الحمد والشكر لله لأنه نجاه من الموت وكلن يهنيه .....قرب له الدكتور وهو يربت على ظهره - دكتور عناد اهنيك .....وحضنه بفرحه وكأن هالمريض اخ لهم او تربطهم به صلة قرابه لكن تربطهم رابطه اقوى من رابطه الدم رابطه الدين .....رابطة الأسلام اللي وصى المسلم بأخوه المسلم طلع بعد مااعطاهم التعليمات وامرهم بتقرير عن حالته كل ساعه لأنه بمرحله متقلبه مر الأستقبال واخذ شماغه ولبسه .....على الرغم من كونه دكتور الا انه محتفظ بالزي السعودي وقليل مايبدله ببنطلون وبلوزه حتى بدراسته برى وفترة الزماله اللي قضاها هناك كان يلبسه بس بالجامعه مايلبسه عشان المضايقات محتفظ بزيه ومبادئه في كل مكان الشئ اللي حبب الناس فيه ورغبهم بالأسلام واسلم الكثير على يده وهم الآن من اعز اصدقاءه وللآن على اتصال معهم نموذج مشرف ونفخر به يقدم رساله عن دينه ومملكته ونجح ....لو انه مجهود فردي بس واحد مع واحد لحد ما يكونون مجموعه تحمل رساله جميله عليهم بثها وتبليغها لناس وينظفون مالطخه غيرهم بسوء اخلاقهم وافعالهم والدين اللي يكون آخر اهتماماتهم هناك .......................... واقفه تحت الدش بالحمام وهي ميته من القهر ومنقرفه من ريحتها ماتحس بالمويه اللي تصب على جسمها تحس انها تتبخر من الحرارة اللي داخلها تفرك جسمها بقوة تبي تتخلص من الريحه اللي فيها كل اللي خططت له فشل .....مره تزم شفايفها ومره تعض عليهم من القهر منقهرها حــــــــــيـــــــــل من الموقف كله ومنقهره من نفسها اكثر شئ ......ماتوقعت انها باول مواجهه بتضعف وبتخونها مشاعرها بهالشكل كرهت نفسها وكرهت خجل الأنثى امام الذكر مهما بلغت قوتها فكيف اذا كانت قدام واحد مثله ماتوقعت انا بتخنع له بسهوله ومن دون مقاومتها المعهوده .....اسرها بحضوره وجنونه واخمد كل شئ كانت مجهزته له انطلقت منها تنهيدة الم / آآآهـــ نزلت عيونها لموضع الألم لقت ان فيه جرح بسيط بيدها من الليفه جرحت يدها من احساس منها ودون وعي ذهنها مشغول.....من اول لقاء خضعت له وسيرها مثل مايبي كيف بعدين ؟؟ خططت ورسمت وحطت قواعد لكن هو بكل بساطه خربط كل خططتها ومحى الخطوط اللي راسمتها وقلب قواعدها فوق تحت هي كانت معتقده انه بيجيها بالقوة والعناد عشان كذا تسلحت بكل قوتها لكنه جاها باللين والطيبه وهذا اللي صدمها وشل تفكيرها وانعاد المشهد قدامها ...... - تعال ادخل معي - وش دخلني معك انتي وزوجك وش يحشرني بينكم ؟؟؟؟عذول !! - والله من زين الرجال عاد .... تعال ادخل معي - ناظرها بسخريه وتحدي / تخافين ؟؟ صدق هي كانت خايفه بس كبريائها وعنادها منعها انها توافق على كلامه / لا ماني خايفه - اكـــــــيـــــــــد - اكيدين - وخر بس خليني ادخل - ناظرها باستغراب وصدمه /بتدخلين كذا ؟؟ - ناظرت نفسها بعدم مبالات / ايه كذا وش فيها ؟؟ - الــــــــــجــــــــازي روحي غيري ملابسك وخلي الأهبال عنك - عـــــــادي مو هو زوجي مفروض يشوفني بكل حالاتي وحرام اغشه خله يشوفني مثل ماانا بالطبيعه - بلا هبال هذا ولا شغاله تلبسه ولا عمري قد شفتك بهالشكل هذا .....متسلفه القميص من ستي ؟؟ - لا والله حقي .....هذا اللبسه لا جيت انظف - صرخ بعصبيه صرخه افرعتها/ روحي غيري هالمصخره زوجك اول مره يشوفك تقابلينه بهالشكل لو انا طالعه حرمتي كذا كان طلقتها متزوج شغاله انا - لا تصارخ ترى الحين انا على ذمة رجال واكيد انه رجال سنع ولا كان ماغصبتوني عليه واكيد انه مايرضى احد يصارخ على حرمته ويهاوشها عشان كذا لا تصارخ علي لأروح اشتكي عليك عند طلولي .....وقعدت ترمش بعيونها بدلع له فتح عيونه على اخرهم البنت تجننت رسمي .....صفق يدينه ببعض بقلة حيله مافيه فايده من ذا البنت وراح وتركها ......................... دخلت وهي تجر رجلينها وكل رجل تعزم الثانيه انها هي تدخل قبل الثانيه كرهت غبائها اللي خلاها تتعاند مع ضاري وتكابر ولا خلته يدخل معها على الأقل يخفف هالخوف والتوتر اللي فيها شوي وشلون بتقابل رجل ماتعرفه ولا عمرها شافته وبيوم وليله صار زوجها دون علمها بغت ترجع تروح تغير اللي مسويته بنفسها ....مافكرت باللي يمكن يقوله على اهلها يمكن يقول انهم مقصرين عليها او حارمينها من اللباس الزين مافكرت الا انها تقهره بس وتبين انها حاقرته بس توها تدرك مدى خطأها وغبائها جت بترجع بس صوته كان اقرب وناداها .....استسلمت للأمر ودخلت وراسها بالأرض ماتدري ليه .....كأنها مجرم وممسوك بالجرم المشهود وصلها صوته اللي ماخلا من نبرة المزح / وين كنتي بتروحين بتنحاشين مني هههههههههه رفعت راسها له واتفاجأت من اللي تشوفه .............................. طلعت من الحمام على صراخ ضاري اللي يستعجلها واللي صحاها من تذكرها - الــــــــــجـــــــــــا زي يالــــلـــــه تأخرنا كل هذا لبس ؟؟ لو انك لا بسه عند رجلك كان الحين مدانا واصلين بيتعشون عني وبيخلوني يالـــــــــــــــلــــــ ـــــــــــه والله لأروح واخليك ودبري احد يجيبك - طيب طيب قلت قصة حياتك هذاني طالعه لبست ملابسها ووقفت قدام مرايه الدولاب تمشط شعرها بهدوء وكأن صراخ ضاري ماكان لها ولا كان يستعجلها عينها على اللي فوق السرير .......تناظر الصندوق مره وتركز على شكلها مره وشئ من الخجل واحساس غريب يدور داخلها .....واستعادت ذاكرتها احداث قبل ساعة وشوي رفعت راسها له واتفاجأت من اللي تشوفه صندوق أحمر كبير نوعاً ما مزين بشرايط وورد طبيعي .....ماقدرت عينها تلقط بوضوح الا طقم الذهب بسبب لمعته شكل الصندوق ابهرها وفاجئها حست ان شكلها غبي واقفه ومتنحه وكأنها ماشافت خير ولا هدايا بكل حياتها قررت تسلم عشان تقطع الصمت وتضبط نفسها شوي وتكلمت بصوت مرتبك / السلام عليكم ماخفت عليها الأبتسامه اللي انرسمت على وجهه لما سمع صوتها / هلااااااااااا وعليكم السلام ليه تاخرتي تعالي اجلسي ....وهو يربت على المكان اللي جنمبه على الكنب المزدوج ناظرته بحقران [هه والله مصدق نفسه ياحلوي وانا لاصقه فيه يحلم ] وراحت وجلست على ابعد كرسي منفرد تكلم بسخريه / مافيه مكان ابعد من هالكرسي تجلسين عليه هذا قريــــــــــــــــبـــــ ـــــــــ مررررررررره رفعت راسها له / الا فيه ....بس اذا جلست عليه مااقدر اسمعك ومن اول ماجلست وهي كح كح كح كححح وكل شوي ترفع الساعه وصلها صوته /وش فيك وراك شئ مهم ؟؟ - ايه الحين وقت المضاد - تعبانه ؟؟ الجازي بنفسها [وش ذا الغباء مايسمعني اكح كح] - طيب روحي كوليه - لا اذا رحت اكلته - كوليه الحين لا يفوت موعده - لا ان شاءالله مو فايت اذا طلعت اكلته - مانيب طالع الحين ويمكن اسهر هنا .....يعني روحي كوليه لا يفوت موعده - بتسهر هنا !!! ايه حلو ويا الشباب نجتمع كلنا ضاري وسطام وصقور ويمكن ذياب اذا كان طيب - وش ابي بالشباب شبعت منهم خشتي بخششهم ....وتغيرت نبرة صوته ....انا ابيك انتي انا واوياك لحالنا كلامه الجمها كلام ماتوقعته ونبره فيها شئ غريب ماتوقعتها وبنفسها [وش فيك الجازي ردي .... مو هذا اللي كنتي ناويتله وبتجننيه وبتخلينه يندم انه تزوجك وين لسانك ليه ماتردين وش هالضعف اللي انتي فيه] - طيب تعالي عشان نفتح الهديه انا وياك - لا كذا انا مرتاحه - ولا يهمك الزم ماعلينا راحتك ....انا اجي لك وسحب الطاوله وقربها منها وجاب الصندوق وقعده عليها وبانت لها كل الهديه طقم ذهب وساعه وعطورات وعلبتين مفتوحات فيها خاتمين واحد ذهب والثاني فضه عرفت من لمعة الطافيه وصلها صوته / عجبتك ؟؟ رفعت راسها له بترد عليه بس من اول ماتلاقت عيونهم نزلت عيونها بسرعه اول مره من اول مادخلت تتلاقى عيونهم ويكون بهالقرب هذا تحس باحاسيس غبيه .....خجل وخوف وشئ لذيذ له طعم غريب يصير داخل قلبها كرهت غبائها كانت مخططه ومخططه وبالأخير بنظره وحده منه خجلت ونزلت راسها افزعها صوته وصحاها من سرحانها / كل هذا تفكرين بالهديه شكلها ماعجبتك طلع صوتها بعد مده ماتدري ليه ماتدري ليه الكلمات يالله تطلع من حلقها وليه فيها رجفه غريبه مع انها بالعاده لسانها طلق ترد بدل الكلمه عشر وسريعة البديهه بالردود لكن شئ فيه وبالجو اللي يجمعهم يمنعها انها ترد عليه ويسبب لها رجفه بجسمها وصوتها ويبعثر كيانها قبل كلماتها واخيراً طلع صوتها / لا بالعكس عجبتني حلوه والله .....بس ليه تعبت نفسك - اخيراً رديتي توقعتك والله مانتي راده .....ولا تعب ولا شئ هاذي شبكتك جبتها عشان البسكياها ماكنت ابي اعطيها اهلك يوصلونها لك ..... قلت اجيبها بنفسي واتحجج بها واكسب شوفه وهذا انتي قدامي قرب لها بياخذ شئ من الصندوق وبحركه غريزيه ولا اراديه بعدت عنه بالنسبه لها رجل غريب ماتعرف عنه الا انه زوج انربط اسمها باسمه وصلها صوته /حلو العطر اللي انتي حاطته - عضت على شفتها السفلى وسكتت من الفشيله ماتدري وش ترد عليه لعنت غبائها وتهورها اللي اللي خلاها تسوي كذا وتتفشل معه .....هو جاي بكامل اناقته وجايبلها هديه وهي داخله بهالشكل عليه بس ولو كبريائها الزائف اللي متمسكه فيه مارضى عليها - تعبانه وش تبيني احط ؟؟ - بس فــــقــــس !!! مع اني مااحبه ولا احب ريحته بس حبيته يوم شميته عليك جلس على الكنب اللي جنمبها / الجازي ردت من دون ماترفع راسها .....مالها وجه اصلاً ترفعه بس شئ بصوته سرى داخلها .....نغمة حنونه ماتدري وش هي ...بس وصلتها ومست قلبها - نعم - لاتاخذين بخاطرك شئ ترى ضاري قالي كل شئ عنك ....قال توقع منها اي شئ ....توقع ان الجازي تسوي لك اي شئ من دون لا تهتم بعواقب اللي سوته عشان كذا يوم دخلتي كنت حاط ببالي صور كثيره للي بتسوينه بس قميص كحيان وجلال ومتدهنه بفقس هذا والله ماطرى على بالي ابداً هههههههههههه لا تظنين ان باللي تسوينه اني باكرهك او اترك أو اهاوشك بالعكس هذا يخليني اتمسك بك اكثر .....ويخلني اتشوق اعيش معك عشان اعرف وش داخلك ووش اسرارك ووش شخصيتك ووشلون تفكيرك اللي يهديك للمقالب والمواقف اللي مثل اللي انتي مسويته الحين طول ماهو يتكلم وهي تتحلف بضاري .....ودها الأرض تنشق وتبلعها ولا تكون بهالموقف البايخ قدامه تحس نفسها صغيره وتفكيرها تفكير بزر ....ودها تروح تذبح ضاري ودها تقطعه من القهر اللي فيها فشلها عند رجلها كان قالها قبل ماتدخل انه قايله ذا الكلام خلاها تدخل على عماها وتظهر عنده بصورة المراهقه المتهوره بخطط الأطفال طلع علبتين الخواتم من الصندوق وشاله وجلسه على الأرض وجلس هو على الطاوله اللي قدامها وحط العلب على يد الكنب قربه منها اربكها وشتتها وشل حركتها فتح العلبه الأولى وخذ خاتم الذهب منه وقرب لها اكثر ومد الخاتم قدام وجهها - شوفي حفرت اسمك واسمي عليه ....شوفي .....وقربه لها اكثر ووضحت لها الكتابه الجازي & طلال شعور حلو تحس فيه ماتدري وش هو لكنها متلذذه فيه مسك يدها ودخل الخاتم بسهوله ورفعها لفمه وباسها ورجعها لحضنها بهدوء شهقت الجازي من فعله المفاجئ اللي ماتوقعته ومن جرأته نفسها للحين ماانرد لها [وشلون يتجرأ ويبوس يدي رجال غريب واول مره يشوفني يسوي كذا ] صحاها من سراحانها صوته وسؤاله / ماودك تلبسيني ؟؟ للحين منقهره منه على فعلته وجرأته الزايده وردت بسرعه وتهور / وليه البسك البسه انت تكلم بصوت مازح / ياســــــــــــلااااااام انا البسك وانتي ماتلبسيني رفعت راسها له باستغراب [وش يبي ذا ] متعجبه من شانه يتكلم معها براحه وحريه وبساطه وكأنه يعرفها من سنين فهم استغرابها / هههههه يالله لبسيني ......ومد يده واليد الثانيه ماسك بها الخاتم وماده لها .....خوذي لبسيني ماكان قدامها الا انها تاخذه تصرفت اليوم بغباء وبياخه بما فيه الكفايه ماهي مستعده لشئ ثاني - طيب مد اصبعك ....ماتبي تمسك يده ولا تلمسها ....لكنه ماعبرها - هاذي يدي قدامك شيليها وحطيها على كيفك قعدت فترة متردده [عادي هو زي اخواني وعيالهم مايفرق عنهم شئ ليه خايفه كذا امسكي يده بلا هبال من اليوم وانتي تحطين نفسك بمواقف غبيه ] مدت يدها ومسكت يده وهي ترتجف وسرت نفضه على طول ظهرها لما مست يده ....شعور غريب يعاودها وتحس فيه دخلت الخاتم بصعوبه ماتقدر تتحكم بيدينها من النفضه اللي فيها توها بترجع يدينها بحضنها....الا يمسكها ويرجعها عنده ويمسح عليهن بنعومه - ترى انا مااكل لحوم .....انا نباتي ....وانتي جوريه ....فخافي من قربي كانت منصدمه ومتوتره من حركته وقاعده تناظره بس اول ماقال كلامه نزلت راسها بخجل وشعور جميل يخالطه .....أول مره احد يحسسها انها انثى تستحق الغزل والكلام الحلو واللمسات الناعمه لو كانت قويه وخشنه لكنها بالأخير انثى تنجذب للغزل يجذبها الذكر بجمال تعامله معها سيطر عليها وابطل كل اللي كانت مجهزته له ومنع الكلمات انها تطلع من حلقها بحلاوة كلامه وافعاله وصلها صوته / انا اخذت رقمك من ضاري ابدق عليك قريب ان شاءالله يالله انا استأذن ابلحق على صلاة العشاء..... قام وللآن يدينها بيديه وقومها معاه ترك يد وظل ماسك يد ويمشي هو وياها لعند الباب خجلانه من الموقف ككل من مسكته من وقفته ومشيته ملاصقه لها من حركة اصبعه المستمره على يدها من الأبتسامه اللي يبتسمها بوجهها كل ماتلاقت عيونهم ومن وضعها المخجل بصدق اللي هي فيه قميصها وريحتها اللي لا تطاق وتسبب الكتمه وصلو عند الباب / لا خليك انا ابطلع لحالي انتي تعبانه مانبي نتعبك زود .....وابتسم بوجهها نزلت راسها بفشيله منه ومن تصرفها الطفولي ..... لثم جبينها وكلمات غزل جميله قالها بأذنها وطلع وخلاها وهي للآن ذايبه من كلماته اللي قاالها باذنها ونبره الغريبه اللي نطق بها ................................... |
- كل هذا صار ولا قلتيلي ؟؟ - وش اقولك ومتى مابي اشغلك معي وازيدك على اللي فيك اول شئ سالفة زواجك ثم حادث ولد اخوك ويوم زوجتوه وفرحتو اجي انا واخرب عليك فرحتك حطت يدها على يد صديقتها / شمس أنا صديقتك على الحلوه والمره معك لو فيني الموت مفروض تقولين لي حتى لو ماسويت لك شئ ولا غيرت بواقعك شئ بس على الأقل اكون جنبمك وحولك احد يساندك ويشد على يدك ويخفف عنك ويشل من الحمل شوي عنك .....الصديقات مو بالضحك والوناسه وبس بكل شئ بحزن او فرح والا تبين اعرف صدفه مثل ماعرفت اول مره ..... - خلاص الجازي لا تتكلمين عن السالفه مابي اتذكرها - لو ما جيت لبيتكم ذاك اليوم كان ماعرفت طول عمري وظليتي طول حياتك تتعذبين لحالك من دون سند او احد تقدرين تشكين له - خلاص قلتلك مابي اتذكر - انا اللي اصلاً ماني متكلمه لين الحين صورتك قدامي واخذتها الذاكره لورى لقبل 5 سنوات وشوي وكانت اعمارهم 20 سنه - الجازي عندنا يالله حيها يالله حيها غريبه جايه اليوم وش عندتس ماهب من عادتس تجين لمنا - هههههههه ابوي بيجي لعمي عنده رجال قلت اتعلق معه واجي عندكم - هههههههههه الله يحيتس كان جبتي امتس معتس مرتن وحده - لااااااا وين امي اصلاً لو تدري اني طالعه وجايتكم بوقت الدراسه بتهاوشني بس قلتلهااني ابروح مع ابوي للمكتبه ابي كتب ووافقت - هههههههههه تبين من يفضحتس عند امتس هااااه؟؟ - خاااااالتي مو يقولون الخاله مثل الأم وشلون يطيعك قلبك تعلمين علي - ههههههههه يالله هالمره بس بس المره الثانيه كل علومتس عند امتس - ههههههههههه انشاءالله اصلا ماعادني جايه عندكم انتي تخونين بالواحد ....الا وين شمس ؟؟ - فوق بغرفتها خليني اقول لشغاله تناديها لك - لالالا انا ابروح لمها اسويلها مفاجئه .....مع السلامه - الله يسلمتس رقت لها وطقت الباب كذا مره بس مااحد رد فتحت يد الباب وانفتح - شمس شموس شميسه شمـــــ..... انصدمت من اللي شافته منظر سئ ومزري ومؤلم للغايه طايحه على الأرض كأنها جثه من دون روح وشعرها منتثر حولها...وملابسها ممزقه بوحشيه ولا تستر الا القليل القليل من جسمها آثار كدمات وضرب منتشره عليه .....والغرفه محيوسه وآثار صراع داير فيها المشهد اكبر من قوة تحملها صار عقلها يجيب خيط وخيط ويروح باافكار بعيده معقوله يكون حرامي دخل لغرفتها وسوى فيها شئ وطلع من دون مااحد يدري ووش هالحرامي الجرئ اللي جاي العصر والبيت مليان سحبت مفرش السرير وغطت جسمها المكشوف وجلست قريب منها وهي تتنافض من الخوف لا تكون ميته ضربت على خدها برفق / شمس شمس اصحي ....شمس انتي تحسين فيني طيب حركي راسك ولا يدك كانك تحسين فتحت عيونها ببطء وتعب ولما وضحت لها الصورة فتحتهم على اتساعهم / الجـــــازي - الحمدلله طيبه مافيك شئ - تكلمت بخوف وارتباك / انتي انتي وش شفتي ؟ - ماشفت شئ لقيتك طايحه وحالتك حاله وقامت من دون لا تكمل كلامها - وين بتروحين ؟؟ - ابروح اعلم خالتي وعمي على اللي صار لك الحمدلله صحيتي بس لازم يعرفون عشان يعرفون وش صار لك ومن الي سوى كذا - اعتدلت بجلستها رغم التعب وانطلقت منها صرخة خوف / لااااااااااا - ناظرتها باستغراب /ليه لا خليهم يمسكونه ذا الحرامي الحيوان ماندري وش سوى بك بس يكفي انه تجرأ وطب على بيتكم وتهجم عليك وضربك - قلتلك لا انتي مانتي فاهمه شئ - مايبيلها فهم انا شفت شكلك وهذا يكفيني شكله سوى بك شئ كبير انتي ماشفتي حالتك يوم دخلت كيف ؟؟..... - شافت انه مافيه مفر من انها تقولها الحقيقه لأنها بتفضحها عند اهلها هذا مو حرامي اللي سوى بي كذا -سألتها باسغراب / اجل من ؟؟ - سكتت وبعد مده انطقت الأسم اللي ذبحها واللي صدم الجازي وزلزل الأرض من تحتها يــــوســــفــــ رجعت تسأل تبي تتأكد من الأسم هل سمعته صح او لا تبيها تنطق غيره مو معقول ولد العم حامي العرض يسوي كذا بعرضه بلحمه ودمه وشكل اللي ببالها واللي كانت خايفه منه هو اللي سواه بها ولا ليش شمس خايفه هالقد -يــــوســــفــــ ؟؟؟ - ايه - قربت لها وجلست عندها وحضنتها ......بس دفتها شمس لين رجعت على ورى فتحت عيونها بااستغراب وتسائل بس صوت شمس الباكي اخرسها وهي تقول / ابعدي عني لا تحضنيني مابي انجسك لين الحين اثاره علي نجاسته لين الحين علي باقي لمساته لين الحين احس بحرارتها على جسمي بعدي عني بــــعــــديـــــ قربت منها وحضنتها بقوة مااهتمت بصراخها ومقاومتها ولا بالألم اللي سببته اظافر شمس بيدينها كل همها تحتويها وتطمنها وتقولها انا معك بقربك حزني حزنك ومصابك مصابي ماتدري وش الكلمات اللي ممكن تنفع بهالموقف وتهديها وتواسيها لو تكلمت من اليوم لين بكرى ماراح تقدر تخفف اللي هي فيه موقف لا الكلمات تمحيه ولا طول الزمن ينسيناه - شمس هاذي اول مره ولا فيه مره قبل ؟؟ زاد صياح شمس وتمتمتها بكلمات سب وشكوى غير مفهومه اللي وصلها من شمس كان كافي انها تدري انها مو اول مره وانه سبق وجاها وين اهلها عنها وين خالتي وعمي وكل اهل البيت البيت مليان ومايفضى وشلون يكرر فعلته معها من دون لا احد يحس امها بقسم لحالها هي وبناتها الصغار ومخليتها برى غرفتها قدام غرفته تحط البنزين بجمب النار ومن دون لاتهتم ومن دون وعي منها اي جرأه يمتلكها هالشخص عشان يكرر فعلته الحقيره بوسط بيت مليان وتحت سقف غرفتها وغصب عنها وين كانت هي عنها وشلون ماحست بحزنها شلون تضحك وتنبسط معها من دون ماتشوف نظرة الحزن والأنكسار بعيونها عرفت الحين ليه شمس ترفض اللي يخطبونها عرفت ليه النظره الغريبه اللي بعيونها واللي مالقت لها تفسير الحين عرفت وش معناها موقف اكبر من انها تتخيله بيوم شئ كبير كبير بنت عمها وخالتها اغتصبها ولد عمها وخالتها اي حيوان هذا اللي سوى بعرضه كذا من يومه وهو مختلف عن العائله كلها عائله مشهوره بالأخلاق والصلاح طلع من بينهم نبته خبيثه معظم اقاربهم مايكلمونه عشان سوء اخلاقه وريحته السيئه اللي انتشرت بين الناس زادت من حضنتها لشمس تبي تهديها وهي تمسح على راسها بحنان وصوت شهقاتها يعلى كل ماقالت الجازي كلمات تخفف عنها وتواسيها ...................................... - تزوجت !!!! متى وليه مااحد قالنا ؟؟ - اصلاً كل الموضوع جا بسرعه وحتى هي ماتدري لقت نفسها زوجه له بيوم وليله تذكر يوم تجلس ببت جداني اسبوع تراها كانت توها داريه وزعلانه الظاهر سرح فترة ولا رد عليه - كنت تبيها صح ؟؟ - من ؟؟عسى الجازي ؟؟ - ايه - ولا عمري فكرت بها ناظرها بشك / عــــنـــاد تراي الدحمي صديقك - صديقي ولا جدي اقولك ولا عمرها خطرت على بالي - اجل ليه 24 ساعه تتكلم عنها وتتعاند انت وياها كنكم بزران - مادري بس مب اللي انت تفكر فيه يمكن حنين للماضي بكل مافيه حتى هي وعنادها وشقاوتها يمكن لأنها هي المنافسه الوحيده لي عند جداني بالغلا والمكانه أو يمكن اني ابي ارد لها شوي من حركاتها وكلامها او يمكن ابي اعرف جوانب هالشخصيه العجيبه بكل مافيها ابي احتك بها عشان اعرف وشلون تفكر هي نفسها الجازي الطفله المتهوره ولالا - يعني ماعمرك فكرت فيها كزوجه - لالالا ابـــداً ولا جاني خاطر بعد فكرت بكذا وحده من العائله كزوجه لكن الجازي لا ولا عمري راح افكر فيها - الله الله لـــــيــــه شايف عليها شئ عشان تشيلها من بالك لهدرجه -لا حشى الجازي ماهب محل لشك ابد ولو اني شايف كنت ابتركها اكيد اني ابسفل بها ولا كنت بقولك - اجل ليه مافكرت بها - انا اذا بغيت اتزوج ابي انــــــثــــــــى بكل ماتحمل هالكلمه من معاني رقه ونعومه وحيا وضعف جميل قدامي مو سلبيه ابي اكون انا اللي اقود وانا القوي وانا المتحكم مابي حرمه تنافسني بقوتي بكل شئ وهي اللي ممشيه بيت اهلها اذا تزوجتها اكيد بتطالب ان يكون وضعها مثل لما كانت ببيت اهلها وانا مابي هالشئ ببيتي ابي اعيش بسلام وهدوء وتفاهم مابي وحده متهوره بتصرفاتها وتسوي الشئ من دون ماتهتم بعواقبه مابي احط يدي على قلبي كل يوم واقول ان شاءالله ماتذبحني اذا زعلتها ابي رومانسيه وحب مب وحده كل حياتها مع الرجال تمشي ممشاهم وتسوي افعالهم وكنها وحده من ربعي انا مابي هالشئ ابداً عرفت ليه ماابيها وليه مافكرت بها كزوجها مع ان جدتي مزعجتني بها بس ربي رحمني وزوجوها اهلها - تصدق اول مره احد يتكلم عن الجازي كذا ولا عمري فكرت بها من وجهة نظرك هاذي حتى يوم خطبتها مافكرت بهالطريقه بالعكس كنت متشوق لحياتي معها كنت ابي اعرف دواخل هالأنسانه جامعه كل شئ بشخصيتها حلو حنان وحب لأقاربها عقلها يوزن بلد وتطلع رجال من مشاكلهم راعية بيت ومتحمله مسئولية بيت اهلها انسانه كنت متأكد انها ماراح تغثني او تزعجني او تكدرني لأنها بتكون اعرف بنفسية الرجال كيف تكون متقلبه حسب اللي يقابله برى البيت خسرتها ياعناد بتفكيرك هذا كل اللي قلته مختزنته ذاكرتك من ايام الطفوله عنها وانت انقطعت فترة طويله عنا ماتدري باللي يصير ولا هي كيف كانت شخصيتها ولا وشلون تتعامل مع الناس اللي حولها طبيعي بتعاندك وطبيعي بتسوي مقالب فيك انت اخذت غلاها من عند جداني وغارت منك وهو معروف ان الجازي التوب عندهم للآن ساكت للآن مو مستوعب كلام عبد الرحمن خطبها خطب الجازي غبي هو يوم يخطبها بس كلامه حلو عنها ماكنها هي اللي فكرت فيها بس متى وليه ماقالي ؟؟ - متى خطبتها ؟؟ - الــــــــلــــــــه من زماااااان كنت توي متخرج من الجامعه ومتوظف وهي توها كانت تدرس بالثانوي - وش صار وليه ماقلتلي وانا كل شئ اخره لك - هههههههه مشكلتك انك انسان خرار وش اسوي بك رفضتني واتسكر الموضوع ولا حبيت اقولك شئ خفت تخطبها لأنك انسب شخص لها بنظري ويكون بينا حزازيات بس الحمدلله تزوجت الله يوفقها تدري رجعت اخطبها مره ثانيه وثالثه يعني بين الحريم مابي اتفشل مره ثانيه بس كانت ترفض ولو توافق الحين علي ابتزوجها لو اني مملك - ناظر عبدالرحمن باستغراب لا يكون يحبها بس وحظه الردئ رماه على وحده مثلها / الله يوفقك ويوفقها كلن راح لحال سبيله وهي على ذمة رجال ثاني الحين شلها من بالك ....................................... جالسه بغرفتها مستسلمه كالعاده لواقعها تنتظر نهاية هالدوامه اللي هي فيها وتنتظر المصير اللي بتلاقيه بعدين على السرير وضامها ركبها لها ومسنده راسها عليهم وتفكر بحالها كيف بيكون بعدين هل بيكون اخف عذاب او ازود أو بتكون من دون احساس لا تحس لا بعذاب ولا شئ تك تك تك تك رفعت راسها بفرحه طفوليه وابتسامه واسعه تزين وجهها جا هذا صوته الـــــــــــلــــــــــه اشتقتله فتحت الدريشه تتأكد / الا هو هو .....مطر مطر الحمدلله لك يارب سمعت صوته وهو يضرب على المكيف وعرفته فتحت الباب بسرعه بتنزل تحت بتطلع للحوش بتشوفه رحمة ربي بتستمع فيه اول مره ينزل من اول مادخل الشتاء توهم مصلين الأستسقاء اليوم الصبح وبالليل نزل طلعت وهي لابسه بجامه ولا اهتمت ان ممكن عيال عمها يجون ويشوفونها او حتى ابوها ولا همها انها تبرد او تبتل او تمرض كل همها انها تشوف المطر وتستانس به رجعت لأيام الطفوله اذا شفنا المطر نطلع ركض ولا نهتم بصراخ اهالينا علينا وتحذيرهم لنا لو نطلع دقايق وبعدها يدخلونا اهم شئ نحس بقطراته علينا ونحس ببرودة الجو ونشم ريحة المطر الغريبه الجميله طلعت وشافت ان المطر غزير بس مو غزاره تاذي لا غزاره حلوه ومنعشه مشت لين وقفت بوسط الحوش ورفعت راسها لسماء وفتحت يدينها تستقبل قطرات المطر باحضانها تبللت كلها مابقى فيها مكان مو مبلول دخلت داخل بسرعه تجيب لها شئ من المطبخ كم مره بغت تزلق وتطيح لأن رجلينها مبلوله بس مااهتمت اهم شئ تاصل للي تبيه وتستانس.....اخذته من الدولاب وركض على برى جلسته على الأرض .....وهي تناظره تستناه يمتلئ من موية المطر تصرفات طفوليه كانت تسويها قبل وهاذي هي تعيدها جت بتمشي وزلقت ....توجعت شوي بس عااااادي قامت اليوم مبسووووووطه وكأن الله نزل المطر رحمه بها عشان تنسى اللي هي فيه شوي عجبتها الزلقه وتذكرت لعبها اول .......صارت تروح لأول الحوش ثم تركض وتوقف ورجلينها على الأرض الرخاميه المليانه مويه تتزحلق مره ومرتين وعشر وهي مبسوطه وتطلق ضحكات طفوليه سعيده تناظر الكاس اللي امتلى بموية المطر لونه بوني مع انه ينزل من السماء صافي وعذب لكنه يصادف اتربه وغبار عند طريق وصوله لنا ماهمها بوني ابيض اسود .....بتشربه وبس ماكأنها كبيره وعاقله تعرف اضراره كأنها طفله بتستمتع بأي شئ حتى لو كان ضار رفعته لفمها وشربته / آآآآح لذيــــــــــذ ههههههههه قعدت تدور بوسط الحوش وشعرها الطويل المبلول يلتف حولها كبيره بعقل طفله ونفسية طفله بالها خاااالي مايشغله الا اللعب والفرح تدور وتدور وهي تطلق ضحكات الوناسه فجأه وقفت ورفعت راسها لسماء الحين الثلث الأخير من الليل وقت نزول الرحمن لسماء الدنيا يغفر لمستغفر ويستجيب لداعي رفعت يدينها تدعي ربها تحت المطر قد قيل لها من قبل ان الدعاء تحت المطر مستجاب ماتدري هو صدق او خرافه تناقلوها الناس بس شئ بنفسها نادها وطلبها انها تدعي ودعت رفعت يدينها بضعف وانكسار ودعت دعت والتجأت واستجارت طلبت المغفره وطلبت الستر وطلبت ان الرحمه تنزل بقلوب وقلوب دعت بالأنتقام والتعذيب للي اذاها دعت ودعت وبكت اختلطت دموعها مع حبات المطر دموع طاهره ونقيه مثل طهر المطر المنزل من السماء طاحت على ركبها بضعف وهوان ماهمها الألم اللي تحس فيه من قوة الطيحه الحزن اجتمع عليها والألم اللي وسط صدرها اقوى واصعب بمليون مره تعب وجروح والم الجسم يروح مع الزمن ومايبقى له اثر بس تعب الروح والقلب يبقى ولو في يوم راح يبقى اثره موسم مايروح كل هذا وعيونه تراقبها من اول ماطلعت تلعب من اول ماطلعت تركض من الأطفال شافها وابتسم رجعت مثل قبل رجعت شمس اللي يحب شمس اللي ملكت قلبه وعقله عيونه تتبعها بحركاتها مره يضحك ومره يبتسم على تصرفاتها الطفوليه المجنونه ومره يسرح فيها وفي شكلها يسرح سرحان واحد عاشق متيم انسانه ياما وياماتمنى قربها بس هي طعنته خذلته وخذلت اهلها هي صحيح بتكون ملكه وزوجته بس مو حبيبه مو ام لأولاده مايتشرف بها حاول يكرهها حاول ينسى حبها حاول يرسم بباله ابشع الصور لها مع اللي غلطت معه عشان يكرهها بس عجز وما كرهها لكن زاد عذابه والمه ونزفه مايدري ليه يبي يتزوجها هل فعلاً السبب اللي قاله لها هو الصح او ان فيه شئ ثاني هو اللي خلاه يتزوجها يغار عليها مايبي احد ياخذها منه مايبيها تكون لأحد غيره لو انها غلطت غلطة ماتغتفر غلطة تستحق عليها الموت لو انها خانت اهلها وجرحته وذبحته بس للآن يحبها .....للآن يغار عليها اي جنون يعيشه اي امواج ثايره بوسط نفسه يصارعها هذا هو جنون العشاق هذا هو جنون المحبين يغفر ويسامح يمكن يقسى يمكن يجرح لكنه يتعذب اكثر من الحبيب اللي قسى عليه واللي جرحه بس لا يمكن ينسى اللي صار ولو ادعى ذلك يظل حاجزبينهم ولو طال الأمد جرح المحبين صعب انه يبرى الا بقوة اكبر منه بكـــــــــثــــــــيــــ ـــــر ................................. (مع تحيات اختكم ضوء القمر ) حطت نقطه بعد اسمها وسكرت الصفحه وحطت ايقاف تشغيل وسكرت الابتوب اللي كانت حاطته على مخدات قدامها فوق السرير وانسدحت بجمبه وهي تطقطق اصابعها من الألم والتعب جالسه كم ساعه تكتب القصه تعبت بس الحمدلله انتهت منها نزلتها بقسم قصص واقعيه نزلتها عشان البنات اللي مثلها ينتبهون عشان لا يصير لهم اللي صار لها عشان ياخذون الحيطه والحذر مليون مره ازود عن قبل لأن ابليس له مليون طريقه عشان يجر الأنسان للمعاصي والفساد انقلبت على جنمبها ولسانها يدعو له بكل انواع الدعاء هو انقذها بعد الله هو ستر عليها هو اللي حماها من الفضيحه وحمى سمعة اهلها اللي مااهتمت هي فيها وبغت تضيعها بجنون المراهقه جميله برقبتها لين ماتموت ماراح تنساه له ابداً انقلبت على ظهرها وتنهدت تنهيدت الم وحسره وارتياح مشاعر غريبه ماتدري وشلون اجتمعت بداخلها بس اللي عاش موقفها بيحس باكثر من كذا .....غمضت عيونها وانعادت ببالها ذكرى سئيه بقعه سوده بحياتها ولا يمكن تنساها او يمحيها الزمن وصلها صوته / استغفرالله استغفر الله لفت له باستغراب وشافته يمسح وجهه بيده بقوة وكانها يبي يصحى من اللي هو فيه - اسمعي انا اعرف اخوانك واعرف اهلك كلهم بعد وكنت ناوي بك نيه شينه والشيطان وراي ويحرضني بس ربي ستر وصحاني من اللي انا فيه وش ذنب اهلك اخذهم بذنب اخوك بذنب واحد مايستاهل انه يكون ولدهم اهلك لهم علي وعلى اهلي جمايل وفضايل وجا الوقت اللي اردها لهم كلهم ابيك تنحاشين تنزلينللمواقف وتطلعين برى ادخلي بين البيون وبين الحواري اللي جنمب السوق اركضي لأبعد مكان عن هنا لأنهم يمكن يطلعون يدورونك وعارفين شكلك - انتي جايه مع السواق هزت راسها بالموافقه -خلاص زين .....اذا ابعدتي دقي على سواقكم خليه يجيك بالمكان اللي رحتيله اسمعي انا ابطلعك واشوف لك الطريق عشان تطلعين برى وهنا ينتهي دوري كان ربي شاء انك تنجين ويستر عليك بتطلعين بسلام وكانه شاءانك تنمسكين بتنمسكين يالله امشي معي واقفه وهي متنحه فيه معقوله بيتركها تروح معقوله بتنجى معقوله بيستر عليها معقوله بترجع للبيت بسلام وهي سليمه مثل ماطلعت منه بس اذا انمسكت اذا انفضحت اذا واذا وش بتسوي ساعتها وصلتها صرخته اللي افزعتها / يالـــــــــلــــــــــــ ـه مشت معه بطواعيه ونزلت هو وياه بالمصعد للمواقف وطول طريقه للمواقف تسمعه يتمتم بكلمات ياترى هو مثلها يدعي انه مايوقف باي دور ويشوفها احد هل هو مثلها خايف ولالا وصلو بسلام وكأنه استغرق قرن لحد ماوصل كب شنطتها على كبوت سياره قدامهم وصار يدور ويدور مد لها الجوال ومدلها البوك واوراق جامعيه فيها اسمها مد لها كل شئ يحوي اسمها ويدل عليها ورجع الأغراض الباقيه بالشنطه واخذها معه -يالله روحي اركضي واطلعي من هناوانا ابتصرف بالباقي ......يالـــــلـــــه راحت تركض بكل قوتها تطلع من المواقف تركض تنشد الأمان والستر اللي بتلقاه اذا طلعت من هنا تركض وتركض قطعت مسافه طويله عن السوق من حاره لحاره من شارع لشارع مااهتمت بنظرات الناس لها ولا شكلها المضحك وهي تركض بالعبايه كل همها انها توصل لأبعد مكان عن السوق ركضت لين وصلت لشارع بعيد ودقت على السواق وجاها بالمكان اللي قالتله بعد استغراب منه اول ماستقرت بالسياره تكلمت بصوت خايف ومرتجف ومو مصدقه انها نجت / كومار روح بيت سرعه يالله سرعه سرعه مافيه مشكله اقطع اشاره سو اي شئ بس سرعه روح بيت سكت السواق مستغرب من حالها ومن كلامها اللي اشبه بالهذيان يوم شافت ان السواق ابعد عن منطقة الخطر وانها صارت بامان صاحت.... صاحت وصاحت لحد ماملت - الحمدلله لك يارب الحمدلله لك يارب آآآآآهـــ آآآآهـــــــــي الحمدلله الحمدلله والشكر لك ياربي الحمدلله ياربي كلمات حمد وشكر قالتها مليون مره يقطعه صوت صياحها والسواق مستغرب من حالها ومن صياحها سالها كم مره بخوف بس ماردت عليه وكأنها ماتسمعه وسكت عنها .............................. - نــــــــعـــــــم انهبل عجوز قريح هذا شافنا وافقنا على هباله اول جاي الحين يزيده - الــــجــــازي احترمي الرجال - يبه هو احترم نفسه يوم انا احترمه .....اجل فيه رجال عاقل يقول تعالوا خوذوا حرمت ولدكم ولا جبتها لكم فيه احديسوي بحفيدته كذا ولا عشانها يتيمه ولا وراها واللي - انا والله كنت كارهه من اول بس عشان ذياب سكت والا واحد مااحترمنا ولا وجبنا وش نبي بنسبه - نسب اخوها يكفي يبه والبنت طيبه واخلاق تربية المرحوم اخوها بس جدها هو العله محسن وش بتسوي - والله مادري لازم نسال ذياب اول .....البنت صارت بنتنا من اول ماملكت على ولدنا ولا نبي احد يمسها بشئ ولا يأذيها ولا يذلها حتى لو كان جدها الجد / اجل خلاص رح جبها انتي وحرمتك وزفوها لبيت رجلها ولا تقصرون عليها بشئ ولا تذلونها يوم شفتو ان جدها ذلها وان مالها ظهر ترتكي عليه خلوها عروس اهلها جايبينها لبيت رجلها ......سمعت يا محسن ؟؟؟ - ان شاءالله يبه وعلى امرك ماتنضام مرت الذيب وهي ببيتنا ............................... دخلت على اهلها وشافت وشلون منظرهم اللي جالس بحزن واللي يصيح بألم وجو الحزن والكآبه مخيم على المكان طار عقلها وش فيهم اهلها وش عندهم احد ميت احد جايه شئ شدديد راحت تركض لأمها - وش فيكم من اللي مات - يــــــوســـــفــــــ - يوسف مات ؟؟!! - لا جاه حادث قوي مايدرون هو بيعيش ولا بيموت متكسر تكسر مابقى فيه عظمة سليمه ونزف دم كثير وكل الرجال رايحين يتبرعون له وعسى الله يشفيه ويعديه الشر - بنفسها [يوسف يوسف جاه حادث تكسر بين الحياة والموت يتالم ويتعذب محتاج لناس ولا بيموت ذاق اللي ذقته ذاق شوي من اللي حسيت به .....ربي استجاب دعائي ربي ماخيب رجائي دعيت انه ينتقم منه وهذا هو يصارع الموت بالمستشفى .....] شعور بالسعاده تحس فيه شعور بالأنتصار يغزو قلبها هي دعت عليه وربي استجاب لها ذاق شوي من العذاب اللي ذوقهياه..... ذاق بس عذاب الجسد بس بقى عذاب الروح للحين ماذاقه ابعدت عن اهلها ماتبيهم يشوفون سعادتها مهما يكون هم اهلها ولا لهم ذنب انه ولدهم ولا تبيهم ياخذون على خاطرهم منها اذا شافوها سعيده بوسط حزنهم صحيح كانت سعيده بس شئ من تانيب الضمير تسلل لقلبها هي السبب باللي صار له هو ماهمها كثر ماهمها حزن خالتها وامها عليه هو اللي مضيق صدرها ماتوقعت ان دعوتها تستجاب ماتبي تكون السبب بعذاب احد اي قلب تحمله بين جنباتها هذا اللي يخليها ترحم قاتلها ومعذبها وتحس بتانيب الضمير تجاهه قلب طاهر ونقي على كثر اللي صار لها ظل مثل ماهو مايشوبه شئ ................................... -نـــــــــعـــــــم وليه انتظر برى وهي داخل - لا والله وش رايك بتكون معها بعد - ايه عادي حرمتي - لالالا ياعيوني حالك من حال اخوانك تقعد برى لين ماينتهي الشغل بقسمك ثم عاد ادخل - الــــــــــلــــــــــه متى بينتهون من الشغل يبيلهم وقت طوووووووووويل وانا تعبان ابي احد يداريني ويهتم بي - ههههههههه لا والله تلعب علينا بهالكلمتين نتنظر لين ماينتهون العمال من قسمك وانت والله انك ماتستحي كلك جروح وغرز وتبي تعرس صِح اول ثم تكلم مادري يبينا نزفه لها وهو ياكل ذاك المسكن اللي ينومه من الساعه 8 - ههههههههه خلاص شالو الغرز والمسكن مو لازم ناكله يوم ماهب ضارني ان شاءالله وبعدين اعودها تنام وتقوم معي من ثمان تلاقينا نايمين كلنا - والله القرار من السلطات العليا قدم معروض عندهم وانشاءالله تتنزل بقلوبهم الرحمه ويقبلونه - مدام فيها الروووس الكبيره نطلع منها لأنا مالنا امل يوافقون آآآآآخ يالقهر حرمتي بتصير داخل وانا مااقدر حتى اشوفها - هههههههههه من جد ذياب حالتك صعبه اركد لا احد يسمعك بس ثم تصير مصخره صدق - ههههههههه خلاص صار مصخره وقضى كلنا سمعنا لف لهم / الــــــــلـــــــه كملت ضاري وصقور عز الله كل الرياض بكرى بتدري كلهم / هههههههههههههههه ........................................ دخلت للمستشفى وهي تجر رجلينها بغير وقت الزياره تبي تشوفه باي طريقه كانت لازم تكلمه لازم .....هاذا الوقت المناسب اللي ممكن يرحمها به ويقول الحقيقه وينقذها من مستقبلها المظلم لها مده وهي تفكر تسوي هالشئ من اول ماقالولها انه صحى من الغيبوبه وان حالة استقرت وهي تفكر تسوي هالمجازفه حياتها خربانه خربانه مايمنع انها تحاول تغير فيها شئ اما يعدلها او يخربها زود وصلها صوت افزعها / لو سمحتي يااخت الزياره ممنوعه هالوقت الزياره تبدأ من 4 العصر وتنتهي 9 الليل - ردت بصوت متقطع خايف/ آ آ آ لازم ادخل اشوفه - اسف والله هاذي قوانين المستشفى مانقدر نخالفها - بس شوي ابقوله كلمتين واطلع ولا احد حاس فيني - لالالا اسف لو يشوفونك بتكون المسئوليه علي - الله يعافيك هو زوجي ولا شفته وتوه صاحي من الغيبوبه خلني اشوفه دققتين واطلع الله يعافك وصاحت ماتدري منين الدموع طلعت ولا تدري وشلون صاحت مالقت نفسها الا تصيح وقف مذهول منها وده يدخلها رحم شكلها وصياحها بس القوانين ماتسمح - خلاص يااختي اهدي ان شاءالله بتشوفينه انا ابساعدك واخليك تدخلين بس كلها خمس دقايق اذا ماطلعتي بلغت عنك وخليت الأمن اللي فوق يمسكونك ويطلعونك برى خلاص هزت راسها بالموافقه وراحت وراه عطته اسمه ودلها على غرفة كانت غرفه بآخر الممر كل الغرف اللي بجنمبها فااااضيه وغرفة الممرضات باخر السيب من الأتجاه المعاكس لغرفته تمشي ببطء شديد وخوف يثنيها عن عزمها بس لازم تكمل وشلون ترجع يوم قطعت نص الطريق له فتحت الباب عليه ودخلت .....وانصدمت من اللي شافته جسد مرمسي على السرير مكشوف الصدر واسلاك مشبكه بصدره الشاش مغطي معظم راسه ويدينه ورجلينه ومبقع بالدم وجهه اللي يمتاز بالجمال والوسامه الطاغيه صار قبيح ومشوهه واشباهه ماهي باينه من الجروح اللي فيها .....وين راحت قوته وشدته وين راح بأسه وجماله كله راح بلحظه وحده وخسره مره وحده قال الله كن فكان هذا حاله صعب انك تشوف انسان طول حياته وهو مثال للقوة وجمال الوجه والجسم مرمي كأنه قطعه باليه على السرير الأبيض اسلاك موصله فيه شئ يحمل الدم له وشئ مغذي وعلاجات فتح عيونه ببطء وتعب لما حس بحركه حوله ناظر الجسم اللي يغطيه السواد وضيق عيونه باستغراب وانطلق صوته الواهن التعب / من انتي ؟؟ تلعثمت وماقدرت ترد صورته على كثر ماوصفوها اهلها ماتخيلتها بالسوء هاذا لامت نفسها على دعاويها اللي جلبت الموت والعذاب له _ انا شمس .... - رد باستغراب / شمس!!! - ايه - وش جابك - انا ..... انا جيت عشان عشان - تكلمي مالي خلق عاهات يالله تطلعين الكلمه - انا ابي اكلمك بـ.... بموضوع مهم - تكلم بنفاذ صبر / ووش هالموضوع اللي جابك لنا - ابيك ...آ آآ تقول لناصر الصدق - نــــعـــــم ماسمعت - ابيك تقول لناصر الحقيقه - انا ماصدقت افك نفسي من هالمشكله تبيني ارجع له واقوله تبينه يذبحني - مااعتقد بيسوي بك شئ وانت بهالحاله .....هذا انسب وقت عشان تقول الصدق وتفكني من الجحيم اللي بعيشه معه .....الله يعافيك مره وحده بس لب لي طلبي قل لناصر الله يعافيك قربت له وحبت يده المجبسه / احب يدينك ورجلينك كان تبي بس قل لناصر الصدق مليت وانا عايشه بعذاب طول عمري خلني اعيش مع ناصر بسعاده .....كلها كلمتين اللي بتقولها ماراح تضرك بس بتسعدني سكتت وسكت والهدوء خيم على جو الغرفه تشوفه يفكر وكان يتكلم مع نفسه واخيراً ابتسم ابتسمت بدورها له من ورى غطاها ابتسم واخيراً اخيراً الحياة بتبسم لها - تبين اقول لناصر الحقيقه - ردت بفرح / ايه - شفتي نجوم السماء اقربلك لو اشوفك ميته قدامي ماقلت لأحد الحقيقه انا متلذذ ان فيه انسان تحت رحمتي اذله واهينه من دون لااحد يسوي بي شئ اجي واخذ منه اللي ابي من دون حساب من احد انتي صدقتي اني ابتركك لو صرتي مرت اخوي لو انك مرت ابوي مافكيتك مني تبيني اتخلى عن هاللذه والمتعه المجانيه بسهوله احلمي كثـــــــــــيــــــــر ورددي يالليل ماطولك سكتت من القهر ومن الحقد اللي داخلها عليه وصلت به الدناءه لهالمستوى .....انسان توه ربي منجيه من الموت شاف الموت بعيونه وذاقه وشلون يكون بهالحقاره مااتعظ ولا انردع انسان مريض بكل ماتحمل هالكلمه من معاني حقير وواطئ - يالله اطلعي وسكري الباب وراك حامت كبدي منك وانتي متلفلفه بذا الخيمه تقدمت له بقهر والحقد معمي عيونهاوغضب العالم مجتمع بقلبها عليه - تبيني اطلع ؟؟ - ناظرها نظرات شك نبرتها مب طبيعيه فيها شئ غريب رد بتوتر / انقلعي برى - طيب ابطلع .....بس قبل لازم احط ذكرى لي بالمكان قربت لسلك اللي ينقل الدم وسحبته بعنف من يده انطلقت صرخة الم منه بس مااهتمت وبدى الدم يسيل من يده بغزاره - اقعد هنا انزف لحالك مااحد حولك...... انزف لين تموت وترتاح الناس منك وارتاح انا بعد - يامهبوله وش سويتي بتذبحيني .....روحي نادي الممرضه ناي اي احد مايصلح انزف انا محتاج لدم ......اضغطي على مكان النزف بسرعه اضغطي -ردت ببرود وكأن اللي قدامها موانسان ينزف/ لااااا - اقولك اضغطي ماقدر اضغط ماتشوفيني متكسر - لو اشوفك ميت قدامي ماضغطت عليه ابداً - شمس الله يعافيك اضغطي عليه ووقفي النزف والله والله اقول لناصر بس وقفي النزف - هههههه ضحكتني...... علمتني اني مااثق باحد .....علمتني القسوه وهذا اول درس من دروسك اطبقه عليك انزف لـــــــــيــــــــنـــــ ماتموت قعد يصارخ بصوته التعبان اللي ماتعدى الغرفه - ههههههههه لاتتعب نفسك مااحد سامعك رامينك باخر السيب طلعت وتركته يـــــنــــزفــــــ تركته يصارع الموت ينادي باسمها وصوته يرتد له نفس اللي سواه فيها ذبحها وخلاها تنزف وهي تنادي بس هي ارحم منه هو طول السنين اللي فاتت وهو يذبحها من جديد بس هي ذبحته مره وحده ماله رجعه منها |
&&&&&&&&&&&&&&&&&&&&&&&&&&&&&& الـــــــــــــجـــــــــ ــــــزء الـــــســــــــادســــــ ــ &&&&&&&&&&&&&&&&&&&&&&&&&&&&& (( ســـخـــريــة الــزمـــن )) (( لا إلـــه إلا الـلـه مالـنـا ربــــٌ ســوـوـواهــ )) ربنا رب القلوب وهو علام الغيوب في الشروق وفي الغروب نوره يهدي العصاه ربنا الهادي الودود فضله ملئ الوجود عفوه خير وجود فارتجي دوماً رضاه تحط ملابسها بالشنطه بهدوء وسكينه ....وبحركه بطئيه الدموع ماخذه مجراها على خدها.... تصيح بصمت ودون ادنى حركه منها قلبها مطعون وينزف.....روحها مجروحه..... عيونها ماترمش ...مصوبه على اللا شئ الدنيا ماعادت تسوى بعينها....على اتساعها ضاقت عليها .... حبت وأنطعنت... عشقت وأنذلت.... اخلصت وانجرحت.... ماعادت تفرق عندها حياة أو ممات.... بتروح وتخليه ....بتترك البيت له لحاله هو وحرمته بتخليه ينبسط بفراقها .... بتفارق البيت اللي تربت فيه أغلب سنوات عمرها البيت اللي لها فيه أجمل الذكريات.... فيه حبت .....وعشقت...فيه تخيلت ....وحلمت.... فيه عاشت بقرب محبوبها .....فيه متعت عينها بشوفه .....ومسامعها بصوته.... ويديها بلمسته بتترك هذااا كله عشان نفسها ....عشان عزتها وكرامتها اللي انهانت وانداس عليها بس الحقيقه غيرررر .....الحقيقه أنه لو أهانها وتمادى بإهانتها وجرح كبريائها وكرامتها بتظل عنده لو يعذبها باليوم ألف مره بتطلب قربه ..... لو يبيعها برخيص بتشرتي قربه بالغالي بس خلآآآآآص ماعاد فيها تتحمل كل هذا منه ....ماعاد تقدر تتحمل جفاه وصده وتجريحه ماتقدر تتحمل شوفته بقرب غيرها .... هي انسانه ولها طاقة تحمل وحد ....بعده بينفذ صبرها وتتحطم قوتها... بتروح وتتركه .......يمكن تصير ماتشتاق له !!! يمكن تسلى عنه !! يمكن حبه ينقص لين يختفي من قلبها!! أحتمالات حطتها واقنعت نفسها فيها ......وبتعيش برجوى أنها تتحقق... لو كانت تنطق .....لو كانت الحروف تطلع من فمها.... تبي تقول كلمه وحده بس....كلمه ياما تمنت انها تنطقها ويتردد صدى صوتها بها كلمه تريحها....وتعينها....وتحسسها أنها مو لوحدها بهالدنيا كلمه تزيح اللي اثقل قلبها وروحها.... -يآآآآ الـــلــــه * لا إله إلا الله...لا إله إلا الله مالنا ربٌ سواه * ........................... تضغط على ازارير الجوال بكل هدوء مره تعض على شفايفها ومره تحط كفها على خدها الحمره تعلو خدودها وعلامات الخجل واضحه عليها بشكل كبير جوالها بحضنها وكفوفها تحاوطه تمنع عين اي احد يسترق النظر بين كل حرف تكتبه والثاني ترفع نظرها وتدور فيه على اوجه الموجودين تتطمن ان مافيه احد منتبه لها او عارف هي وش تسوي يهتز الجوال بحضنها ويصدر ازيزه المعتاد اذا تحول لوضعه الصامت تفتح الرساله بلهفه وشوووق وتقراها كلمه كلمه وحرف حرف وابتسامه خجوله تزين وجهها وتزيده خجل واحمرار ترفع يدها وتمسد شعرها وكان صاحب الرساله حاضر قدامها ويشوفها 7 7 7 من اول وهو شاك بوضعها .....حركاتها مريبه وتصرفاتها غريبه ....اول مره يشوفها بهالوضع اول مره يشوفها متمسكه بجوالها ولا تفارقه.... 24 ساعه وهو بيدها ومحول على الصامت اول مره يشوفها هاديه وساكته وبوجه خجول معقد حواجبه وعيونه مصوبه عليها ومركز بتصرفاتها وتقلبات الوان وجهها الوضع مايطمن لازم يتاكد بنفسه قام من مكانه متجه لها وكانه صقر بينقض على فريسته قرب منها وحط يده على كتفها بحركه افزعتها وخلتها تطيح الجوال على الارض من الخوف وتحطت كفوفها على قلبها بفزع / يـــمــه خوفتني - وش جالسه تسوين من الصبح بهالجوال ؟!! ناظرته بعيون متسعه خايفه مصدومه ماتوقعت ان احد يكون منتبه لها ماتوقعت ان احد يشك بتصارفاتها شافت عيونه المتسائله وهي تطلب جواب ماتدري وش تقوله ولا كيف تبرر موقفها لو انتظرت لين ماتكون لوحدها وتسوي اللي تبي مو احسن من الموقف اللي انحطت فيها تصرف غبي وطفولي اللي سوته وبتدفع ثمنه -ررردي وش تسوين ؟!! - أ..آ ..انــا ....جالسه ...شسمه ناظرها بتعجب / شسمه وش يعني؟ - آ...آ... رفعت عيونها له بفرحه وكأنها لقت مصباح علاء الدين / آيه صح جالسه ارسل لمزون ناظرها بشك ومد يده لها / هاتي الجوال اشوف اخذت الجوال من على الارض وحطته ورى ظهرها بحركه خوف طفوليه وهي تناظره بنظرات خوف / مابي ماني معطيتك اياه - هاتيه بالطيب احسن لك - لا مافيه جوالي وانا حره فيه حوطها بذراعه وسحب الجوال منها وسط مقاومتها الانثويه الفاشله فتح على الرسايل على طول وقرى اول رساله واتسعت عيونه اللي كان شاك فيه طلع صح !! نزلت عيونها للأرض باستسلام وخوف وخجل غريبه عليها تنتظر مصيرها !! ................................. صوت صراخ ....وصور دم على الأرض....توسلات انسان ضعيف وتعبان صورة جسد يرتعش ألم ....انتقام شيطاني......صوت أنين ....جسد مرمي نازف صور فلاشيه تطلع وتغيب بدوامه من الظلام....يدينها تطلب النجده وتتخبط بالظلام والوحده 7 7 7 -لآآآآآآآآآآآآآ قامت مفزوعه .....نفسها مضطرب....صدرها يصعد ويهبط بسرعه حلقها ناشف من صراخها....قطرات من العرق مستقره على جبينها جسدها يرتجف خوف وفزع.....صوت اصتكاك اسنانها ببعض من الرجفه ضغطت على قلبها بيدها تبي تهديه وهي تقرى المعوذات تعوذت من الشيطان ونفثت عن يسارها ثلاث مرات مسحت بظهر كفها العرق من على جبينها ..... غمضت عيونها وأخذت نفس عمييييق تبي نفسها ينتظم شوي جمعت كفوفها ومسحت على وجهها وهي تطلق زفره ارتياح نسبي من صدرها كابوس مخيف.....أصوات وصور مرعبه.....مرت عليها نفسها ضاق عليها وماقدرت تاخذ نفس......توقعت انه نهاية حياتها وان هذا هو الموت توقعت ان الموت هو عقابها على اللي سوته .... مدت يدينها تطلب النجده تبي احد ينقذها من الموت بس ماكان حولها احد قامت مفزوعه وصرخة اعتراض انطلقت منها الصور للحين قدامها....الأصوات للآن بمسامعها تغمض عينها وتفتحها تبي الصور تختفي من قدامها ....لكن مافيه امل حطت يدينها على أذانها وهي تحرك راسها يمين ويسار....ماتبي تسمع صوت الأنين صوت العذاب ....بس الصوت مرافقها -خلآآآآآص يكـــفـــي .....ارحمووووني حلم ياشمس ....كان حلم انا ماذبحته ......مآآآآآآذبحته....آآآآآهـ انسدحت على السرير بجزع واستسلام .....جسدها مرمي بعرض السرير تكورت على نفسها تنشد الأمان منها لها..... كفوفها استقرت تحت خدها.....وعيونها غمضتهم بسكينه وسلام....ودمعة ألم وخوف تلامس خدها وتستقر على كفها -كان حـــلم حــــلم .....يـــــــآآآآآرب رحــــمـــتــــكـــ .... يآآآالـــلـــه عفوووك ورحمتك..... وغشاها النوم .... سبحااانه كم هو رحيم.... نادته بوقت شدتها ....طلبت رحمته وعفوه عند جزعها .....وانزلها عليها ارسل النوم لها رحمةً منه ارسل النوم ليريح قلبها المعذب ويطمئن روحها الفزعه *ربنا الحي الرقيب يقبل العبد المنيب * *فهو رحمن مجيب لدعاء ومن دعاه* *ربنا الهادي الودود فضله ملئ الوجود* *عفوه خير وجود فارتجي دوماً رضاه* *سبحانك ربي إني كنت من الظالمين* .................................. الساعه 12 باليل ....الظلام طاغي على المكان بكل قوه واستبداد اجبر الناس على الهدوء ....واجبر القلوب الخائفه على الفزع والشعور بالوحده واجبر خيال المعشوقين انها تزور احلام عاشقينها ..... ظلااااام .....هدووووء ....وحده امواج البحر تضرب بكل قوتها رمال الشاطئ وكانها انسان غاضب يفرغ غضبه بأول شئ يواجهه صوت ارتطام الامواج قوي وعالي ومخيف ....وكانه نحيب وانين الناس اللي شكت للبحر اللآمها واحزانها يمشي بهدوء وذهن شارد ....اقدامه الحافيه توطى على حبات الرمل الأبيض المبلول بماء البحر مخلفه وراها اثار اقدامه وتظل علامه تشهد على احزانه ازارير ثوبه العلويه مفتوحه .... يدينه بجيب ثوبه يحميها من برودة الجو شكله مبهذل ....وشعره الطويل نسبياً متطاير على غير عادته رفع عيونه الذبلانه بتثاقل للقمر ....ناظره كيف عالي ويشع قوه ونور ويمد اللي حوله بالقوه والأمل نظرات متوسله ....تمنى لو انه شخص يقدر يشكي له همه ويخفف عنه وياقف بجنمبه نظرات متوسله ونظرات حاسده ....يحسده لاعنده هم ولا عنده شئ يثقله نزل عيونه للبحر وشاف انعكاس صورة القمر على سطحه صورة متموجه وغير ثابته نفس مشاعره هبت موجة هوى شتوي قارص ....تداعب خصلات شعره وتلامس اطرافه رقبته بنعومه ....وتحث امواج البحر على الحركه اللي جت تعانق اطراف الشاطئ بكل شوق نزل راسه لرجلينه ورجع خطوتين لورى بحركه غريزيه من برودة الموج اللي لامسهم ماهمه برودة الجو ولا ثوبه المبلول ....تمنى لو ان همومه مثل اثآر اقدامه يمحيها الموج دون ألم تمنى لو ان الهوى البارد اللي يلامس صدره يزيل همه من دون مايحس .....تمنى لو ان هالبحر على اتساعه يشيل بداله همه لكن ماكل مانتمنى يتحقق !!! جمع كفوفه البارده ونفخ بوسطهم من انفاسه الحاره ومسح على وجهه يبي يحس شوي بالدفا حضن نفسه يطلب الدفى .....لكنه بداخله يبي يطمن نفسه ويبي يحس انه مو لوحده وان احد يشاركه بهمه تنهد بقل حيله وغمض عيونه واستسلم لهمومه وللجو وبرودته . ................................... ههههههههههههههههههههههههه ههههههههههههههه آآآآآخ يابطني ماتحمل خلاآآآآآآآص مافيني حيل اضحك زود - وجع بلا سخافه هات الجوال - ياشيخه روحي بس ....انتي ووجهك لاينفجر صاير كنه طماط يقالك مستحيه الحين وينك ووين الحيا اللي مثلك مايعرف الحيا هههههههههههههههههههه زاد خجلها ودها تدخل بثيابها ولا تكون بهالموقف الغبي تكلم وهو يغالب ضحكته / اجل حبيبتي وعمري وحياتي ههههههههههههههههههه صرتي تسمعين كلام رومانسي والله كبرتي يابنت ههههههههههههههههههههههههه هههههههههه وانتي وش رديتي عليه اشوفك متحمسه وانتي تكتبين لايكون كتبتي انقلع لااشوتك بلا كلام قليل ادب هههههههههههههههههههههههه امتلى صدرها غضب وقهر من حركته وتجريحه لها قدام الكل احمر وجهها بحمرة الغضب والخجل بوقت واحد الصاله مليانه فيها ابوها واخوانها وعيال اخوها موقف كبير اللي انحطت فيه قدامهم رفعت راسها له وعيونها غرقانه بدموع رافضه النزول .....وبتعابير وجهها اللي يغالب الصياح مدت يدها له / خالد هات الجوال مد لها الجوال بهدوء شكلها صدمه ماتوقع يكون ردة فعلها على اللي سواه كذا متعود انه يمزح معها بدفاشه وتتقبل مزحه برحابة صدر وسعاده حرك يده عند راسه بعدم فهم لتصرفها واستغراب وعدم اهتمام لها / وش فيها الجازي انجنت من تملكت اخذت الجوال منه وتوجهت لدرج براس منزل للأرض وعيون تتابع خطى اقدامها توطى على العتبات بكل قوتها تبي تفرغ شوي من غضبها فيه لو كانت العتبات تحس وتشعر كان أنت من الالم تخيلت ان كل عتبه خالد وتدوس عليه ....جرحها بكلامه ... كل كلمه طلعت منه جرحتها ....جرحت مشاعر المراهقه اللي تحس فيها ماهتم لخجلها ولا لمشاعرها وضحكته الساخره منه طعنتها ....ليه ضحك ليه ؟!!... استهزأ فيها ؟!! ماهي انثى ...!! مالها قلب يحب ويكره ...!! مالها مشاعر خجوله ...!! ليه مايفهمها ؟!! هي ماعاشت مراهقتها كانثى ...عاشت مراهقة الرجال بجسد امرأه توها تعيش مراهقتها ....توها تحس بانوثتها تحس ان قلبها قلب مراهقه .... فيه خوف المراهقه ....وخجل المراهقه كلمات غزل بسيطه تقلب حالها فوق تحت ضحكه قصيره منه تخلي العالم وردي قدامها بكل سواده تحس بخوف المراهقه لادق ولا ارسل لها تبعد عن العيون وكانها على علاقه محرمه معه ومو زوجته تحس ان هذي مغامرتها الصغيره السريه وماتبي تشرك احد فيها حتى صديقاتها كانو برى هالمغامره ....ماعلمتهم ولا قالت لهم شئ تغار ماتبي تشارك انثى بسوالف عن زوجها ...ماتبي انثى غيرها تتلذ بسماع اي شئ عنه غيره !! انا اغار!!! معقوله احبه ؟؟!!! لالالا اتوهم شكلي كملت طريقها لغرفتها وهي تنكر النتيجه اللي توصلت لها معقوله تحب ... هو صدق عيشها بجو خيالي فوق ماكانت تتصور بس مايوصل للحب بيذلني مثل مزون لانها حبته وعشقت التراب اللي يمشي عليه ذلها وصدها وعذبها لا مابي احب مابي اتعذب مابي اذوق طعم الذل مابي ........................ -انهبلت انت وش ذا اللي سويته ؟!! - لا تزيدني مانب ناقصك ترى تكلم بصوت واطي يحاول يكتم غيظه / استغفر الله العظيم - وينك فيه الحين ؟ - على البحر بالشرقيه - بالشرقيه ؟!!! وش تسوي هناك بدال ماتشوف حل لمشكلتك رايح لشرقيه - وش اسوي ضاقت علي الوسيعه مالقيت نفسي الا ماسك خط الشرقيه - متى بترجع ؟ - اليوم ولا بكرى بالكثير ....ماخذت اجازه من شغلي ولا أقدر ءأخر الأمر اكثر من كذا اخرته بما فيه الكفايه وبكرى هي بتوصل لازم استقبلها هي وجدها بمطار الرياض تنهد / الله ييسر لك امرك ويعينك مادري وش صابك وخلاك تسوي هالسواه - المكتوب مالنا مفر منه - صدقت ....يالله تأخرت على الإجتماع لازم اقفل بينا اتصال....اوك - اوك مع السلامه اجل - مع السلامه .............................. يــوم الـخــمــيــس بيتــ الــجـــد فتحت عيونها على اخرهم بصدمه / من صدقك انتي ... من قالك ؟؟!!! - ايه والله ضاري قالي وخوالي قايمين عليه ومجتمعين كلهم اليوم عشانه ...خلاص هو جابها ومسكنها بفندق هي وجدها لين يرضون الشيبان ويجيبها هنا - عمري ماتوقعت هالحركه من واحد من عيالنا وخصوصاً هو - ليه هو معصوم مو بشر يعني .... اصلاً انا متوقعه هالحركه منه من زمان اي رجل بمكانه بيسوي اللي سواه - مادري والله بس قويه حركته - تدرين على اني اكرهه ولا اوطنه بعيشة الله بس رحمته مايستاهل هالشيشه كلها من خوالي وش يبونه يسوي رجال بكل قوته وشبابه بالغربه ولحاله وحوله كل هالفتن يبي احد يشاركه حياته ويعفه ويرده عن الحرام بس لو انه معلم خوالي على الاقل مو يوم تزوج وخلص وجاب عيال جا يرمي هالقنبله بوجيهم خصوصاً وجداني ينتظرون اليوم اللي بيتزوج فيه عناد - الله يعينه - الــلــه توني ماستانس خلي جداني يعرفون اللي فضلوه علي تزوج من وراهم وبدون شورهم وياليتها من ديرته بعد من ديرة الكفار - حرام عليك لاتتشفين فيه لاربي يبلاك - طيب يصير خير - انتي متى تعقلين بتتزوجين خلاااص وهو متزوج وعنده عيال متى بتحترمينه - حريمته لو ينتحر ماطال احترامي بيظل بنظري عنيد البزر - ههههههههههه استغفر الله العظيم ورفعت يدينها تدعي / ياااارب عطها عقل بدال هالمهلبيه اللي بمخها - وجع يادبه ......وطبت عليها تضربها بمزح مزح محب ....مزح صديق.... .............................. - هاه بشري ردت عليك ؟ - لا مقفله جوالها - مقفله جوالها!!! - غريبه والله اول مره مزون تسويها وتقفل جوالها - دقي على جوال العنود جربي - طيب دورت بالاسماء ودقت عليها ثواني ووصلها صوت العنود - هلا العنود وين مزون ؟؟ - بسم الله شموس سلمي بالأول وش فيك مستعجله - السلام عليكم وين مزون خلصينا ماتدري وش تقول ولا وش ترد عليها كلهم انصدمو من اللي صار وخصوصاً بهالوقت كيف بصديقاتها وش بتكون ردة فعلهم - آ ...آ تكلمت بخوف / وش فيك ؟!! وش صاير!! مزون فيها شئ خوفتيني تكلمممممي - لا مزون بخير...آآ...ان شاءالله انها بخير 7 7 7 جالسه تشوف وجه شمس اللي انرسمت علامات الصدمه عليه ويدها اللي حطتها على فمها بعدم تصديق وذهول وعيونها اللي امتلت دموع الخوف تملكها ضربات قلبها زادت سرعتها وشفايفها نشفت وكأن لها ايام ماذاقت المويه تمشي برجلين ماتقدر تشيلها ...تكلمت بصوت واطي وكان الحروف تطلع من بئر عميق - وش فيها مزون؟ رفعت راسها لها ودمعه فرت من عينها واستقرت على خدها / طلقها يالجازي طلقها - نـــــعـــــــم حطت يدينها على راسها ماهي مصدقه اللي سمعته ماتوقعت انه بيجي يوم وتوصل به النذاله لهدرجه هي تحبه .... لا ذاك مو حب وبس ذاك حب بجنون ... عشق بدون تفكير اخلاص ووفاء دون مقابل بعد مرور نص ساعه 7 7 تكلمت بسرحان وعيونها مصوبه على اللي قدامها / ليه ماعلمتنا ردت عليها شمس وللحين هي تحت تأثير الصدمه / مادري لاتسأليني عقلي توقف عن التفكير - مو حنا صديقاتها ليه ماعلمتنا....ليه تحس بالألم لحالها.... ليه تتعذب لحالها ماتبي احد يشاركها حزنها ؟!!... ماتبي احد يخفف عنها؟!! ليه ابعدتنا عن حياتها من اول مشكله صادفتها - ساعات بوقت الحزن نحتاج اننا نكون لحالنا حنا واحزانا وبس دون شريك ....دون اي مخلوق يخفف عنا ماندري ليه نسوي كذا ولا نبي ندري ليه نبي نعيش حزننا لوحدنا وبس يمكن نبي نحس بقوتنا وان حنا قادرين على تخطي كل هالحزن لوحدنا او يمكن اننا نبي نعيش الحزن دون مايخف او يتغير عشان نحس بالشفقه على انفسنا وبالظلم واننا نستاهل احسن من هالحياة اللي عايشينها او يمكن مانبي احد يحس بالشفقه تجاهنا او يتشفى فينا او يلومنا ونحن مو ناقصين الأنسان بطبعه غريب ماتقدرين تعرفين اسبابه ناظرت شمس بنظرة اعجاب وفخر الحياة علمت شمس كـــــثــــــيرررر خلتها شابه عمرها 25 بتجارب وعقل شايب مسن خاض الكثير خلال حياته - شمس ردت عليها وهي مستنده على الجدار ومدده رجلينها / هممم - احبك يالدبه لفت لها وعدلت جلستها وحضنتها بكل حب نحتاج احياناً لسماع مثل هالكلمات اللي تعبر عن حب الأشخاص لنا وتعبر عن مشاعرهم تجاهنا ....قد يكون أب او اخ او زوج او ام او اخت او زوجه او صديق قد نكون عارفين بمحبتهم لنا ....وعارفين بمكانتنا بداخل قلوبهم لكن يوم نسمع هالكلمات تطمن قلوبنا بان حبنا داخل قلوبهم مانقص ....وتنعش اروحنا ليه نبخل بكلمه صغيره تطمن اللي نحبهم !! * احبك ياصديقي (م.ف)* 7 7 7 - قومي نروح لها - يالله وتكلمت بحيره /بس وش نقول لاهلنا ؟؟ - بنقول لهم ولدكم الثور طلق صديقتنا - ههههههههههههه لو تسمعك مزون بتذبحك - هذاك اول ياشمس الحين كل شئ تغير افقدي الأمل انها ترجع مزون اللي عرفنها لو يمر الوقت وتسلى بس بيظل جرحها ندي .................................... صراخهم واصل لآخر البيت لهم نص ساعه واصواتهم ماهدت وكل مالها وتعلى زود هي مصره على رايها وهم معارضين ماحد فاهمها ....ماحد مقدر وضعها ....لازم تروح لها ...ماتقدر تخليها لحالها بمحنتها - انتي ماتفهمين نقولتس خوالها معيين عليها تجينا ولا نجيها ومغيرين جوالها وش تبين تروحين لها جت وجلست بجنب جدتها / يمه ماقدر اخليها وانا ماحاولت حتى اني اوصل لها هي محتاجتني الحين وشلون ماكون بجنبها بوقت شدتها افهموني ياناس - اهلتس مهب مطيعينتس تروحين لها ماهب راضين لتس المذله - انتي اقنعيهم خليني اروح اشوفها لو مره وحده بس ابي اتطمن عليهم راضيه انا بالمذله مو بنتك هي مو انتي مربيتها ماودك تشوفينها ولا على الاقل تتطمنين عليها تكلمت الجده بصوت اتعبه طول السنين وبيدين واهنه ممكسه بطرف شيلتها تمسح الدموع عن وجهها اللي رسم عليه الزمن اجمل التجاعيد / تحسبينها هينه علي اني اشوف بنيتي متطلقه ومرجومه ببيت غريب ماعمرها طبته دريت عن السالفه قبلكم ولبست عباتي ووقفت عند الباب لين ماودوني لها بس طردوني ....ماقدروني.... مايشوفوني عجوز والشيب مغطي راسي والعصا بيدي قلت لهم بشوف بنيتي وباخذها عندي قالو لي ماعندنا بنات لتس هذي بنتنا واللي رابطها فيكم اول طلقها ولا عاد نبي نشوف احد منكم هنا هذي بنتي ربيتها بين بناتي واخذوها مني وتهدج صوتها وسالت دمعه قهر على خدها الطاهر يعني كيف ؟!!خلاص ماعاد بشوفها بنحرم من شوفة صديقتي يعني انسى ان بحياتي صديقه اسمها مزون عارفه هي ان مزون مو قويه وانها ماتقدر تعارض رغبة خوالها يعني بالمختصر بتنحرم منها الا كان بتصير معجزه تملكها غضب شديد وقهر....حقدت على متعب وعلى اهله وعلى خوال مزون حقدت على الحب اللي عذب مزون طول حياتها قامت من الصاله وتوجهت لدور الثاني بسرعه وعيونها غرقانه دموع ماتشوف اللي قدامها ........................... نازل من غرفته بسرعه وعصبيه جده عنيد للآن معند على رايه ومو راضي انه يجيبها للبيت رجال العائله تدخلو بالموضوع بس جده رافض وزعلان عليه وجدها اقلقه باتصالاته بيرجع لديرته ولازم يجي ياخذها نفسيته زفت طول الوقت معصب واعصابه مشدوده ولا يتحمل اي كلمه وعلى طول يثور ماخذ اجازه من شغله مايبي يفرغ باحد ماله ذنب غضبه ويسوي شئ يندم عليه 7 7 7 - آآآآي رفعت الجلال وغطت وجهها عنه ارتفع صوتها غاضب /داخل بيت مليان حريم مو محارمك ماتعرف تتنحنح وليه تدخله من الأساس تتمشى به كنه بيتك فاتح عيونه باستغراب من تصرفها تتكلم معه بعصبيه وكانه ذابح شخص عزيز عليها - خير انتي شايف طولة اللسان وقلة الأدب عاجبتك كل يوم والثاني مديتي لسانك تصارخين - اوووووه ترى مالي خلقك وخر عني بس - واذا ماوخرت وش بتسوين - وخر بس بلا حركات بزران شايفني فاضيه لأشكالك - اشكالي !! وش فيهم اشكالي - لا سلامتك مافيهم شئ بس وطو راس اهاليهم وسودو وجيهم وراحو تزوجو لهم وحده ماهي من ثوبهم ومن ديار الكفار وجابو منها عيال ولا ندري هم عياله بالحلال ولا عيال غلطه بينه وبينها اتسعت عيونه بذهول وعصبيه وجه صار احمر وبينفجر من الغضب عروق رقبته وجبينه برزت بشكل مخيف ورفع يده طــــــرآآآآآآخ وتردد صدى صوت كفه يوم هوت على خدها ماهمها ألم خدها ولا همها الدم اللي طلع من شفتها ولا همها وجهها اللي انكشف والجلال اللي استقر على كتوفها الألم اللي تحس فيه داخلي.... ألم نفسي ماعمر احد رفع يده عليها .....يجي هذا ويضربها ليته محرم لها وله حق عليها بالنسبه لها غريب مثله مثل اي واحد بالشارع كيف يتجرا ويضربها حست بذل واهانه كــــبـــيره شعور عمرها ماحست فيه رفع كفه لوجهه وشاف باطنه احمر من قوه صفعته ....كور يده بندم على تهوره ماله حق يمد يده عليها ولا له حق يفرغ غضبه عليها صدق كانت تستاهل على كلامها بس ماله حق باللي سواه لو يدرون اهلها باللي سويته بيكسروني مب بيعطوني طراق رفع عيونه لها وبتردد قال / آ...آ نا آسف ماكنت اقصد انتي اللي استفزيتيني وخليتيني أضـ..... - حقــــيـــررر وواطي طول عمرك حقيرررر....تفووو عليك ودفته بعصبيه وبقوه ماتدري منين استمدتها وبجسم ضئيل يفوقه هو قوه وحجم عشر مرات .................................. ازعاج بواري السيارات...... الطريق زحمه ......الأشاره تصير حمرى وخضرى والسير متوقف ..... الأعصاب مشدوده ....والعصبيه باينه على الوجوه قطرات المطر تنزل على السيارات وتشكل خطوط مايله عشوائيه بشكل حلو وبمنظر محبب لنفس اللي مشغول وعنده موعد وكل شوي يرفع يده ويطالع الساعه ويتأفف تأخر خمس دقايق يمكن أو عشر عن اللي مواعده واللي يمسح العرق المتصبب على جبينه .....الجو مكتوم فيه رطوبه بسبة المطر ... لو كان ماشي بالسياره بيجيه هوى بارد ويخفف من رطوبه الجو بس السياره واقفه والهوى اللي حولها واقف مافيه نسمه هوى تخفف عليه والأطفال يطلعون يدينهم من الدرايش يتلمسون قطرات المطر بفرحة طفوليه وكأن الموقف وعصبية ماتعنيهم بأي شئ صار لهم واقفين بالطريق ربع ساعه بسبب الحادث ....وراهم موعد مهم والحادث اخرهم - الله يستر علينا من هالحوادث حصدت عيالنا والله - امييييييييييين اخيراااا انفتح السير وتحركت السيارات - الحمدلله مابغوا يتحركون مشى بسيارته وراح للحي اللي يبيه ومن حاره لحاره اردى منها ..... الاناره مو كثيره والحواري مظلمه وموحشه البيوت اللي فيها قديــمـــــه ....والحاره هاديه هدوء مخيف ... والهوى شتوي خفيف يحرك الشجر ويصدر صوت مسموع مرعب.... تطالع البيوت والحاره باستغراب ماتوقعت انهم يكونون ساكنين بمثل هالحاره مو ازدراء منها ولا استحقار .... لا .....هي مستغربه لان حالتهم الماديه ميسوره فليش ساكنين بمثل هالحي وهالبيت دخلو حاره مافيها نور بتاتاً مظلمه تماماً الا من نور بعض البيوت الخفيف اللي ينور بس الباب اللي هي عنده بس نور سيارتهم هو اللي ينور الطريق قدامهم بان لهم من بعيد جسم طويل واقف متشح بالسواد ...... قربو اكثر له ووضح لهم جسم حرمه عليها عبايه وبجمبها شنطتين كبار وكيسه وقف السياره ونزل منها بسرعه متجه للحرمه وعلامات الصدمه والذهول على وجهه 7 7 7 وبحركه خوف لاأراديه.... رفعت يدينها ومسكت عباتها وضمتها لصدرها .....رجعت بخطوات سريعه متعثره ولصقت بالجدار تحمي نفسها قرب لها أكثر وانطلق من بين شفايفها صوت مرتبك خايف ....حروف وكلمات متقطعه وغير متناسقه ....تطلع منها بدون وعي وغير ترتيب - اللــ ....الله .....الله يخليك لآآآ تـ ..تــتـسوي فيني شئ وقف بصدمه أكبر لما سمع صوتها المرتبك المذعور وشاف شكلها وهي تحمي نفسها بخوف وبيدين ترتجف انلجم لسانه بيقول لها من هو بس منظرها وصوتها ربطت لسانه 7 7 7 7 جالسه بالسياره وتشوف الموقف من اول ......وتشوفه وهو واقف ساكت والحرمه لاصقه بالجدار بحركه خوف منها نزلت من السياره واتجهت للحرمه بسرعه وهي بطريقها لها تشوف الحرمه تجلس بجزع وخوف على الارض وكانها استسلمت لمصيرها دون ادنى مقاومه منها وصلت لها وحطت يدها على راسها / مهره ......؟؟!! أنا الجازي ...... حنا أهل ذياب رفعت رأسها للجازي بتردد وعدم تصديق ....وبحركه سريعه حضنتها بجسد مرتجف مبلول باااارد..... ونفس متقطع - طلعني ....تأخرتوا عليه وطلعني برى البيت .......سافر وخلاني لحاالي لحاااااااالي بالشارع...... جاني اثنين .....خفتــــ .....ظلاااااام ...... انتظرتكم كثيرررر بس تأخرتو كلمات يقطعها صوت صياحها.... وصوت مرتجف خايف ..... تبي تضمها..... تبي تهديها .....تبي تمسح على ظهرها وتطمنها بس ماتقدر .....مهره ماتركت لها مجال مطوقتها بيدينها بقوه ولا تقدر تحرك يدينها 7 7 7 للآن مصدوم ماتوقع أن توصل الدناءه بجدها ويسوي بها هسواه مايكفي انه طلعها من بيتها وسكنها بهالبيت الشعبي القديم وباع البيت مايكفي انه عيشها عيشة الذل والمهانه والفقر بعد حياة العز والرخاء الغضب والقهر متملكينه ......وده يتكلم يهاوش وده يسوي أي شئ عشان يطلع غضبه وقهره بس هي وش ذنبها يتكلم عندها ويزيد همها هم .......أكيد هي منقهره اكثر منه ....اكيد انها حزينه أصعب شئ لما تحس ان أهلك عزوتك ....سندك....فخرك....عزك...واللي تتكي عليهم ....وتلجأ لهم لاجار عليك الزمن مايبونك....مايتمنون لك الخير....مهملينك....بوقت شدتك ماتلقاهم حولك أجل كيف شعورها هي ؟!! والشخص الوحيد اللي بقى لها من أهلها واللي مفروض يكون أحن شخص عليها يعتبرها شئ ثقيل وانحط على عاتقه ويبي يتخلص منه باي طريقه كيف شعورها وهو راميها لحالها بالشارع !!! ظلآآآآم.......بررررد..... مطررررر ..... وحـــشـــه ....رجال طامعين فيها ..... خووووف....ذل ويــــــتــــــــم..... يتيمه....ومافيه أصعب من كسرة قلب اليتيم ...................... -انت انهبلت تبي تتزوج واخوك طايح بين الحياة والموت بالمستشفى - اخوي بخير وانا تطمنت عليه من الدكتور وقالي حالته مستقره وماعليه خوف وانا مسافر مسافر بزواج ولا بدونه الله لايعوقني بشر بس ابي احد معي بغربتي يونسني ويردعني عن الحرام كلام ولده صح ....الفتن حوله والحرام للمكان اللي بيسافر له ولده حلال والوحده شينه ....غربة اهل ووطن ....واخوه حالة مستقره مالها داعي جلسته جنمبه حط يده على كتف ولده وربت عليه / اجل على البركه والله يكتب لك مافيه خير وصالح باس راس ابوه ويده وارتمى بحضنه ....رفع ابوه ييدينه ولفها عليه وكف يده يربت على ظهره باستغراب من تصرف ولده ولمعة دمعة اب اشتاق لحاجه ولده له مسند راسه على كتف ابوه ومايدري وش شعوره بهاللحظه هو فرح هو حزن ....هو قهر هو غيظ ولا يدري ليه هو الحين بحضن ابوه ....يمكن يبي صدر يوسعه هو وهمومه يمكن يبي الشخص اللي تحمله بصغره واعتنى به يحس بشي من اللي بداخله يمكن يبي يحس ان احد يشاركه همه ويخففه عنه مايدري ليه حضن ابوه ....ولا يدري وش شعوره بهاللحظه افكار متلخبطه وشعور غريب وحاجه طفل بجسد رجل لحضن الاب اللي اعتقد انه ماعاد يسعه لكنه كان غلطان عمر حضن اللوالدين مايضيق عمر الحضن اللي احتوانا بصغرنا يصد عنا عمر الحضن اللي كان مفتوح لنا يتسكر بوقت حاجتنا له حنا اللي نتوهم اننا كبرنا وحنا اللي نحس ان حضن واللدينا ماعاد يسعنا لكن لو جيت تبي دفاه لو جيت تفرغ همك بوسطه لو جيت محتاج حنانه لو جيت بعد زمن طويل وانت صاد عنه وملتهي بدنياك بتلقاه مثل ماخليته بصغرك ماتغير رحب وواسع ودافي وحنون بيحتويك بأي وقت ...................... مد يده لها يصافحها وهي ترتعش .... مو خوف ....ولا حيا.... مايدري ليه يده ترتعش .... واجه رجال وشخصيات مهمه بس ماعمره صار حاله مثل هاللحظه بالعكس دايم جرئ دايم متمكن من نفسه ويقدر يسيطر على أنفعالاته بس معها تغير حاله كثيرررر.... قلبه يدق بسرعه غريبه عليه أول مره تجيه يده ترتعش..... العرق مبلل منابت شعره وباطن يده.....الكلام واقف بنص حلقه ومو راضي يطلع - احم حمم ..... هلا والله نورتي البيت - جاه صوت من وراه أفزعه / الحمدلله مابغيت تتكلم تكلم من بين سنونه مو ناقص شئ يربكه زود /الجااااازي هوينا عرفت أنه بيعصب ......كتفت يدينها ومدت بوزها/آآآآسفه أبوك قالي خليه يسلم وخوذي البنت معك لفوق لاتخلينها تجلس معه إلا بعد الـــــعــــرررررس فتح عيونه على آخرهم/ باللهي !!! - واللهي -تراها زوووووجتي كان مادريتو -والله انا عبد مأمور عندك اعتراض قله لآبوك مالي دخل لاتكلمني انا تكلم بعناد غريب على الجازي /بجلس معها وبسولف لـــيـــــــن الفجر عندكم مانع طلعوه يمكن انحرج من تصرف أبوه عند زوجة وبيسوي أنا القوي واني ماني صغير قدامها او يمكن من ارتباكه ماقدر يتصرف صح ماتدري ليه سوى كذا ميلت فمها بعدم أهتمام /كيفك انا قلت لك .....لاتلوم الا نفسك لو قالك محسن شئ بعدين - طيب طيب بس اطلعي رفعت كتوفها بلا مبالاة وطلعت ألتفت لها للآن متغطيه مافتشت ....وللآن يدها بيده - ارفعي الغطاء عن وجهك زوجك انا وانتي حلالي 7 7 7 ماتبي تفتش ....ماتبيه يشوفها لأول مره بهالمنظر المزري مبلله من المطر .....وجهها عليه بقايا الصياح والدموع خالي من اي زينه .....علامات الحزن مرسومه عليه لو كانت بموقف حزن.....بموقف صعب .....لكن تظل انثى تتوق نفسها للجمال والكمال.....وبالأخص عند زوجها شريكها بالحياة تكلم بصوت هادي ونبره واطيه / نفسي اشوفك يامهره....منيتي شوفة وجهك الموقف كبيررر....يومها كان طوووويل وصعب ومتعب مشاعر هايجه ومتلخبطه داخلها .....لأول مره تشوفه بعد الزواج.....لأول مره يده تلمس يدها مشاعر خجل وارتباك وخوف مشاعر غريبه مجتمعه وثايره وسط صدرها 7 7 7 -ذيــــــــااااب ألتفت لمصدر الصوت وقابلته عيون أبوه المعصبه ماينكر ان شئ من الخوف تملكه ....ترك يدها بسرعه وخوف بحركه أضحكت مهره وأبوه - ماوصلت لك الجازي كلامي ؟؟ -آ ..آ ... - لا ماقلت له نسيت يامحسن ألتفت على الجازي / نسيتي ؟!! قلت لتس كلام توصلينه ..... ماعندنا بنات يشوفونهم رجالهم قبل العررس تنهد براحه وشكر الجازي بقلبه لانها أنقذته من الموقف اللي انحط فيه قدام أبوه وزوجته حطت يدينها على خصرها وميلت وقفتها بحركه قهر طفوليه منها / ياسلآآآآآآم أجل ليه مخليني أقابل طلال واجلس معه ساعتين لحالنا ...؟ على روسنا ريشه يعني وذياب ومهره لا......؟ - نزلي يدينتس وعدلي وقفتس وانتي تكلميني نزلت يدينها بحيا من اخوها /آآآسفه - انتي بنت أبوي هو ولي امرتس بعد كلمته مالنا كلام من بعده وضرب على صدره.....بس مهررره بـــنـــتــــي ....وانا مسؤل عنها ومال أحد كلام عليها قبل العرس غيري . بنتـــي بنتـــي ....!! كلمه رنت بأذنها....كلمه لها صدى حلو بمسامعها....كلمه انحرمت من سماعها كلمه حست بصدقها وهي تطلع منه .....حست بأبوته وحنانه عيونها تدمع من تحت غطاها ....بس حست بلذة وجود الأب بجانبها وبحياتها قرب لها وحط يده على رأسها بحنان أبوي ورحمه منه/ مهره يابنتي ..... انتي الحين وحده من بناتي ماتفرقين عنهم بشي ويمكن انتي ازود منهم بالغلا انتي زوجة الغالي.....اللي يضرتس يضرني واللي يفرحتس يفرحني....قدرتس من قدري لتس مني وعد وعلي عهد انتس ماتذوقين الضيم والذل وراسي يشم الهواء بإذن الله .....اللي يجيستس بكلمه يتشهد على روحه كفاتس ماجاتس وانا أبوتس .... توتس شباب انسي كل اللي صار وأبدي حياتس من جديد طول ماهو يتكلم كانت تصيح .....طول ماكانت تسمعه تنعرض قدامها صور ابوها واخوها حست فعلاً أنه أبوها...حست بالحنان اللي فقدته بموت اخوها..... تمنت اب ...تمنت سند....تمنت عضيد....تمنت ظهر تتكي عليه دعت وأللحت ....وربي استجاب لها دعائها ولسانها يردد / يآآآآالـلـه ....مأوسع رحمتك وأكثر فضلك.....لك حمدي وشكري مسكة يده اللي على رأسها ورفعت الغطاء عن وجهها وباستها بأمتنان بنت لأبوها باستها بلهفة بنت فاقده حنان الأب... باستها بشوق يتيم لأبوه .... تكلم والعبره خانقته /خلااص يابنتي اذكري الله .....مامليتي من الصياح....قولي لاإله إلا الله -خلآآآآآص عاد تراكم صيحتونا لف لها باستغراب / هههههههههههههههه أجل صيحناتس.....الدموع تغسل العيون احسن لتس عيونه مسمره عليها كل الجو ماعنى له شئ ......كل الكلام اللي انقال ماكان منتبه له.... كل باله وتركيزه عليها .....على وجهها ....هايم فيه وباشباهه ومسحة الحزن اللي فيه جذبته زود لها..... الرجل فينا لما يحس ان المرأه ضعيفه وحزينه وانه هو اللي يحميها وهو اللي يدافع عنها ويشيل عنها حزنها يحس بجاذبيه لها زود .....طبيعه بالرجل.... لكن مايحب أنها تكون ضعيفه وسلبيه بكل حياتها ماكانت جميله وماكانت بيضاء....جمال عادي وبياض عادي معتاد لكنها بعينه مافيه اجمل منها ....وتسوى عنده مليووون وحده - احم احم يالطيب يالحبيب .....ياهوووه ....نزل عيونك ابوك بيشوتك بعد شوي والبنت مستحيه دخلت بثايبها شوي وتاكلها بعيونك شوي شوي على روحك - هآه -لآآآ الرجال مو معنا كلش.....اقوول الأفضل انك تشتري سلامتك وتنحاش لأن شكل ابوك ناوي لك نيه شاف ابوه وشاف شكله ....فعلاً شكل ابوه بيسوي له شي/أ..أسـتأذن أنا ......مع السلامه مهره اشوفك على خير - بعد العرررس بإذن الله - بعد العرس بعد العرس أمرك يبه كاتمه ضحكتها من شكل ذياب وخيبة الأمل اللي انرسمت على وجهه بعد كلام أبوه ................................. ................................... فاتح ازارير ثوبه ....وشايل الشماغ من على راسه ومنزل مرتبة السياره ومرخي جسمه عليها حاط اصابعه على راسه ويحركهم بحركه دائريه الصداع فتت راسه يبيه يخف اكل مسكن ومافاد معه وحرارته مرتفعه .....عيونه مغمضهم من الالم له حوالي ساعتين وهو يفتر بالسياره من شارع لشارع وباله مشغول بالمصيبه اللي حلت عليه حط راسه على الدريكسون وزفر بضيق وقل حيله / يارب رحمتك مايدري وش الحل ولا يدري كيف بيتصرف انحط بين نارين ولا يدري ايهم اخف حراره ورجع بذاكرته لقبل ساعات من الحين 7 7 7 نازل من سيارته بسرعه اتصاله خوفه وخلاه يجي بسرعه وبدون تفكير دخل للمقهى اللي مواعده فيه ولقاه جالس باخر طاوله توجه له وقام الثاني من مكانه واستقبله بكل حب وترحيب للآن على اعصابه مايدري وش يبي فيه ولا يدري ليه طلب يقابله لحالهم وبمكان غير بيتهم يفرك يدينه ببعض بتوتر ينتظره يتكلم ويقول اللي عنده ناداه بتردد / عبدالعزيز - سم - عدوك يسم ....اكيد مستغرب من اتصالي وليه طلبت اقابلك ....بدخل بالموضوع مابي اقلقك ولا اشغلك شاف الحيره بعيونه / افا عليك خذ راحتك امرني وش بغيت - والله محتار ومستحي منك مادري منين ابدا ولا وش اقول - قل مافي خاطرك اسمعك انا - مالقيت انسب من هالوقت افاتحك بموضوع دايم ببالي .... امورك الحين استقرت استلمت وظيفه وبتقدر تفتح بيت وتعيل اسره واكيد الزواج طرى على بالك حط يده فوق يد عبدالعزيز / انت رجال تنشرى ومناسبتك شرف واتمناك دايم نسيب لنا وزوج لوحده من محارمي عمتي تزوجت مابقى غير خواتي مو قصور باختي ولا ان فيه شئ يعيبها ولا حقران بقدرها لا بالله بس انت رجال قل ماينلقى مثله بهالزمن واقدر أئتمنك على اختي لاتحسب اني مرخص باختي بالعكس ...كثار طقوا بابنا خطاب لها لكننا نبي الكفو لها واللي يستاهلها وماراح نلقى احسن منك كفو لها فكر بالموضوع وخذ راحتك ...كانك وافقت بيتنا مفتوح ونرحب بك انت واهلك بأي وقت تعالوا لنا خطاب ولك الحق بشوفتها وكانك ماتبي علينا وعليك ستر الله واللي بينا لا يمكن يتغير ولا بيشيل خاطري عليك شئ بتظل مثل مانت اخو عزيز وغالي وسواءً كتب الله بينكم نصيب ولا لا اللي بينا لا يطلع لأحد ولا ابي ابن امه يدري بالكلام اللي قلته لك انا مقتنع باللي سويته وعارف انه الأحسن لأختي بس هي بتنظر للأمر بنظره غير ....بتحس اني ارخصت بها ولا ابي ابوي يدري واني سويت شئ يحدد مصير بناته من وراه ناظر وجه عبدالعزيز وشاف الصدمه باينه عليه وعلامات الرفض مرسومه على ملامحه حس انه تسرع وندم على انه قاله وتمنى لو ان الوقت يرجع دقايق لورى ولا فاتحه بالموضوع من اساسه - قلت لك مانت مضطر توافق وبتظل مثل مانت عزيز وغالي كلامه صدمه ماتوقع انه ينخطب وانه بنظر الناس الرجال النادر وجوده اللي ينشرى نسبه ومن من ....من ناس ماعمره تخيل يناسبهم بالعكس كان نسبهم مثل الحلم بالنسبه له لكن الحين صار حقيقه ومو هو اللي راح لهم خاطب هم اللي جوه خطاب 7 7 7 كور يده بغيظ وعظ شفته قهر ليته بلع لسانه وماقال شئ .... وبداخل نفسه يقول [جيته خاطب وشاري وبالاخير يرفض ويشوف نفسه ارخصت باختي بدون فايده ليتني ماتكلمت ليتني مانطقت بحرف ] صدق انه قاله ان اللي بينهم ماراح يتغير وان انه له الحق بالرفض والقبول بس برفضه حس باهانه وذل كبيرررر ....حس كأنه اهان اخته ...حس بالذنب تجاهها كأن فيها عيب او ناقصه يوم عرضها عليه صدق انه مقتنع باللي سواه بس تظل اخته شقيقة عرضه لحمه ودمه ماتهون عليه انجرح من تصرف عبدالعزيز وحس بجرح اخته كيف بيكون ألمه لو تدري عن اللي سواه دفع الكرسي بقوه بيفرغ غضبه مايبي يتهور ويسوي شئ يندم عليه مهما يكن له الحق بالرفض والقبول واختيار شريكة حياته بس حمية الأخ لأخته هي اللي اشعلت الغضب بصدره - يالله اشوفك على خير كأن صوته صحاه من غيبوبته والسرحان اللي كان فيه ....قام بسرعه عبدالعزيز من كرسيه ولحقه ومسكه مع مرفقه / وين يارجال وين بتروح تكلم بغيظ مكبوت / ردك وصل مابي اطول عليك واحرجك - وش تحرجني ووش خرابيطه ....قل لا إله إلا الله وتعال اجلس بس سحبه معه ورجلين الثاني تقاوم الرجوع معه وجلسه على الكرسي ورجع جلس بمكانه - كنت تتوقع سكوتي يعني رفضي صح ؟ - ايه - لا غلطان ....انا انصدمت من طلبك ماتوقعت انه بيجي يوم واناسبكم صدمه الخبر بس مب الرفض ....فيه احد يرفض نسبكم انهبلت انت زفر بارتياح وكأن جبل وانزاح عن صدره ....اختياره كان صحيح فعلاً رجال ينشرى /الله يوفق اختي معه حرك راسه يمين ويسار وكأنه يمنع نفسه من الصياح / الـــــلــــــــــه ياعزوز بئيت باش مهندس ائد الدونيا وعلى وش قواز واتخطبت ....العيال كبرت ياولاد انطلقت ضحكه من كل الأثنين واحد يضحك بكل راحه وسعاده ويدعي الله بالتوفيق لهم وواحد يضحك يبي التوتر يخف عنه شوي - اممممم ممكن اسألك سؤال كان مافيها احراج - حنا الحين اهل ونسايب اسأل لاتنحرج من شئ - عشان اخبر الأهل مب لشئ ثاني حس بتردده / عبدالعزيز اسأل وش فيك منحرج وخايف - انا عارف انه سؤال غبي بس عشان الأهل ....أي وحده من خواتك بأخطبها؟؟ - هتون هتون ....هتون ... تردد الأسم بباله ....هذا اللي كان خايف منه ....هذا هو الاسم اللي مايبيه ينطقه هتون اللي مسكتها مع خويها هتون اللي كنت بانتقم من خالد عن طريقها هتون اللي ساعدتها ونحشتها وشلون باعيش معها ....وشلون بأمنها على بيتي وعيالي بنت قدرت تخون اهلها وتسوي اللي سوته من وراهم وهي ببيت مليان وش بتسوي ببيتي وهو فاضي وشلون باتركها لحالها بالبيت وشلون بارتاح....بيصير كل وقتي تفكير وقلق حياتي بتكون شك وهواش ....اي حياة باقدر عليها حتى لو انها تابت حتى لو انها ماراح تسوي اللي كانت تسويه وماراح تخوني لكن بتظل بنظري امرأه لعوب خانت اهلها ومااستاهلت الثقه اللي انعطت لها باي عين بطالع بوجهها :...بعين الشاك ....بعين الجلاد ....بعين الاحتقار ماقدر اتخيل شكل حياتنا جحيم ×جحيم بس كيف ارفض ووش اقول افضح البنت افضح اهلها لو اتكلم بادمر عائله باكملها مب بس هي لو تحس بعذاب وألم تستاهل هذا جزاء عملها بس اهلها وش ذنبهم لهم خير علي وعلى اهلي وشلون اجازيهم بهالشكل .....لازم ارضى وبسكات اشيل همي لحالي بس كيف باعيش معها اي حياة بتكون حياتي يـــــآآآربـــ رحمتك |
&&&&&&&&&&&&&&&&&&&&&&&&&&&&&& الـــــــــــــجـــــــــ ــــــزء الـــــســــــــابـــــع &&&&&&&&&&&&&&&&&&&&&&&&&&&&& (( عطاشا في رجا الله )) حاطه شالها الصوف على كتفها ....ومخبيه رجلينها من برودة الجو داخل شرابين صوف وشبشب بيت فرو ... يدينها داخل جيوب قميصها القطني الثقيل ....وتستقر على راسها قبوعه صوفيه اللي كل شوي تسحبها عشان توصل لاذانها وتحميها من البرد خشمها محمر من شدة البرد مع ان الوقت ظهر المفروض اشعة الشمس تدفي الجو لو شوي لكن هالوقت من السنه الشمس مالها أي تاثير ببرودة الجو على الرغم من برودة الجو القارصه الا انها مستمتعه فيه رفعت راسها وغمضت عيونها واخذت نفس طويل وفتحت عيونها برضى على الريحه اللي استنشقتها .... وانطلق صوتها بسعاده طفوليه / يــاســلااااام مــطــر ورجعت غمضت عيونها وانفها يستنشق الريحه بسعاده رائحة المطر....له رائحه غريبه مزيج بين رائحة الماء ورائحه التراب ورائحة الزرع نستبشر اول مانشم هالريحه ويشعرنا براحه وسعاده غريبه كثير من القلوب تسعدها رائحة المطر وتلقى لمعة السعاده باينه بالعيون ونظرة الامل لقدوم المطر تعلو الوجوه وغالباً مايكون انذار كاذب ولا ينزل مطر بس مع ذلك تظل الفرحة والأمل يملى القلوب يمكن هالرائحه نعمه من الله .... يمكن يبي يحسس الارواح الحزينه بالسعاده ويحي الارواح الخائبه بشوية امل لو تاملنا كل شئ حولنا لو شئ بسيط حتى لو يكون تافه .... هو نعمه من ربي .... يمكن تكون القلوب السعيده ماتلقّي لها بال ويمكن تكون الارواح المتفائله ماتعطي هالاشياء اهميه بس فيه ارواح فقدت الامل وفيه قلوب انحرمت السعاده ...فتحس هي باحاسيس غير عن باقي الناس يمكن اقل الاشياء واتفهها تسعدها وتحيي الأمل داخلها & سبحانك ربي & - الجازي افزعها الصوت اللي صحاها من خلوة الاستنشاق واللتفتت على صاحب الصوت / يــبــه خوفتني مشت لجدها وباست راسه ويده / مساك الله بالخير - مسيتي بمثله - وين رحت اليوم ؟...عارفني اني الجمعه انام عندكم...صحيت الصبح ومالقيتك فيه ....مافيه الا جدتي - الصبح معزوم عند ابو صالح بمزرعته على الفطور اكلت لقمتي ومشيت للمسجد تكلمت وهي تحرك يدها بطريقه تخويفيه طفوليه / ياويلك امي تحسب عندك شغل مادرت انك مسير وتفطر عند ابو صالح - افــااا العجوز بتزعل علينا - ههههههههه لو تسمعك قايل عجوز بتزعل بدال المره عشر - اجل ماقلنا شئ - ايه بالحيل ماقلت شئ وانطلقت ضحكه من الاثنين - ادخلي وانا ابوتس عن البرد لا تسخنين علينا مثل هاك اليوم - هاك اليوم منكب علي مويه بارده الحين لاتخاف علي متلفلفه زين - هههههههه اشوفتس غاديه كبر جوزى لفت له بزعل وتكلمت وهي مبرطمه / كبر جوزى ؟!! انا كبر الناقه يبه!!! - هههههههه لا لتس الحشميه بابنيتي - محشوم ...بس لاتقولها لي مره ثانيه اخاف تنشب فيني وتصير لي معياره - ابن ابوه يقولها لتس ماعاد الا هي يتكلمون على شيخة المزايين جويزه باست يد جدها / الله يخليك لي ذخر وعون ومسكت يده ومشت معه لداخل البيت .................................. ( بــعـــد عـــدة أيــــام ) جالسه على طرف السرير ويدها على فخذها تحركها بتوتر...ونفضة خوف خفيفه تسري بجسدها حرارة جسمها مرتفعه وبدى العرق يتكون على وجهها وبمناطق من جسمها مره تجمع كفوفها وتضغط عليها بقوه تبي تحس بشئ من الطمأنينه وتبي هالخوف يخف ومره ترفع يدها وتحركها قدام وجهها تبي الهواء يجيها وتحس ببروده.. مع ان الوقت شتاء والجو بارد بس خوف الموقف اللي هي فيه وتوتره رفعت حرارة جسمها وكانها بأحر ايام الصيف بين كل فترة والثانيه تحرك لسانها على شفايفها الناشفه من الخوف عشان ترطبهم وكل شوي تعدل من وضعية جلستها وكل جلسه ماترتاح فيها وترجع تغيرها - هاه خلصتي ؟ تنهدت بتوتر / ايه خلاص - تعالي قربي خليني اشوف شكلك ....وبدت تمرر يدها على شعر الثانيه وترتب من شكله وتمسح على كم بلوزتها وتعدل من وضعه قمر ....الله يحفظك من عين الحاسدين ويوفقك ويتمم لك على خير - خايفه عمتي وربي خلاااص ماقدر اوقف من الخوف لفت يدها حول كتفها تطمنها / هتون.. قولي لا إله إلا الله ..شئ طبيعي تخافين مقبله انتي على زواج وحياة جديده وبتدخلين الحين على رجال غريب عمرك ماشفتيه انتي اذكري ربك وخوذي نفس عميق وان شاءالله بتهدين وبيخف التوتر اللي انتي فيه تكلمت بخوف وبتوتر/ مادريتو من اللي جاي يخطبني؟ - لا ..اخوي ماعطاني وجه وضاري اسأله يقول مالك شغل بعدين تعرفين هذي خطبة رجال وخالد يوم سألته عصب علي شكله متهاوش ويا اللي خاطبك هههههههههه - الــلـــه من اولها مشاكل... الله يستر بس تكلمت باستغراب / بس الغريب ان اهلي مختبين وحالتهم حاله لو اللوليد بن طلال بيخطب منهم ماسوو كذا تكلمت وهي تحرك عيونها بخوف / اسكتي لاتخوفيني زود - تخيلي يصيرون بيزوجونك واحد من الشياب اخوياء ابوي وكل هالخبه عشانه تكلمت بعصبيه اعصابها مو مستحمله وعمتها زادتها زود / خلاااااااص يـــكــفـــي - انفجرت المسيكينه ههههههههههههههههه دخلت بسرعه وبخوف للغرفه /بسم وش صار...وراكم تصارخون - مهره واللي يسلم عمرك طلعيها من غرفتي مابيها عندي - الجازي وش سويتي لها ؟ لفت لها ببراءه / انـــا ؟!!! - اجل جدتي - ماسويت لها شئ ...بس قلت لها تخيلي يزوجونك شايب من اخوياء ابوي بــس ...ورمشت بعيونها ببرائه - اجل بس هاه...اقول اطلعي لاتوقفين قلب البنيه - لا ابي اجلس معكم حــ ... وقطع كلامها دقة جوالها وبسرعه حمرة الخجل لونت خدودها وابتسامه حالمه زينت وجهها / عن اذنكم عندي شغل - هههههههههههه ليته من زمان داق طلول وفاكنا منك عميمه ............................ - خالو ودها لأهلها ازعجتني وهي تصيح وربي ماخلتني انام - لااااااء - خالو حرام عليك - قلت لا يعني لا ...لو يحبون السماء ماخليهم يشوفونها قربت له بدلع وهي تلمس عوارضه / خالو خلها تروح لهم وانا اروح معكم كننا بنتمشى مع بعض ونخليها ببيت اهلها وانا وياك نروح لأي كوفي ولا أي مكان بعيد عن هنا ...انت عارف ان جدتي هالعجوز ماتخليني اطلع معك لحالنا لازم معنا حرس ....وبرطمت بدلع ناظرها بحب واعجاب ...يحس قلبه يخفق معها بجنون .... مايتحمل دلعها وغنجها ...مايقدر يرفض لها طلب يتحين الفرص عشان يجلس معها لوحدهم ....صار مايطول بالسفر عشانها ....يشتاق لها بشكل مو معقول يحس بجنون المراهقين رجع له ....احساس رهيب اللي يحس فيه ولا يبي يصحى منه - كم عندي من طيف انا تكلمت بدلع وهي تبوس خده / وحده بس ............................. تنزل بخوف وتردد من فوق تقدم رجل وتأخر الثانيه ترفع يدها وترتب خصل وهميه على وجهها تنفسها مضطرب مسموع صوت اهلها يوصلها من تحت ويحثها على السرعه شافت اهلها كلهم ينتظرونها بالصاله ماعدى جدها وواحد من اخوانها انرسمت ابتسامة محبه على وجه ابوها اللي مد يده لها اول ماحطت رجلها على الأرض نازله من الدرج حس بنفضة الخوف بيدها ترك يدها وطوق اكتافها بيده وشد عليها يطمنها ويهديها ابتسامه مرتبكه زينت شفايفها رفعت راسها له وتأملته بحب لثانيه ورجعت نزلته وبسرها تدعي [الله لا يحرمني منك يابوي ] تكلمت بصوتها الحنون ومسحه من مرور الدهر واضحه عليه /بتعطونها شئ تدخله معها لرجال...خرابيط من خرابيطكم عصير ولا شيّن ثاني قربت منها وهي تمسح على شعرها بحب وهدوء / لا ياخالتي بتدخل ويدها خاليه.. بنيتي خايفه وتتنافض اخاف تدخل معها شئ وتكبه عند الرجال جاوبتها الخاله / احسن بعد خله يشوفها وتطلع من عنده بسرعه...قايله لكم ذا الخرابيط مالها داعي تزوجنا قبلهم ولا شافونا رجالنا الحين لو ماكتب ربي بينهم شئ بيتعلق قلبها به وبيضيق صدرها زود - احسن يمه عشان لاجا بعدين ودخل عليها وجاه كم ولد يقول اني كارها والا مارتحت لها ويتركها ...يشوفها من الحين قبل مايطيح الفاس بالراس - جويزه خلي الخربطه عنتس هذاتس ماشفتي رجلتس والحين ماغير متعلقه بجوالتس وتحاكينه وميتتن عليه وجهها اشتعل خجل.... ألوان الطيف مرت عليه ...بتتكلم بترد ماقدرت... الحكي واقف بنص حلقها / آ...آ بروح لمهره فوق لحالها - هههههههههههه ياحليها همست باذن بنتها / اذكري ربتس واقري الحمد تهدي قليبتس - خايفه يمه سحبت بنتها لحضنها وطوقتها بيدينها .....تبي تهدي روحها الصغيره الخايفه وتطمن قلبها الطاهر الفزِع وصلهم صوته / خلااااص عاد تأخرنا على الرجال قامت من حضن امها وهي تزفر نفس ضيقه تبي شوي من توترها يخف شوي اتبعتها نظرات امها بحب واعجاب وسعاده ...بنتها بتتزوج ...طفلتها اللي كانت بزمنٍ مضى تحوي جسمها الصغير بحضنها تزوج لها اولاد من قبل بس زواج البنت غير الولد من اول مايكبر ينفصل عن اهله ويلتهي بشغله ومسئولياته لكن البنت دايم هي الأقرب لأهلها وهي اللي تكون دايم قدام وجيههم وتخدمهم وتلبي طلباتهم ودعتها بعيون باكيه وبقلب محب وبلسان يلهج بدعوى لله / يــارب وفقها واكتب لها الخيره وتمم عليها بوقت فرحتك تقول ياااارب بوقت حزنك تقول يارب اذا اشتد عليك الكرب تقول يارب وحده من يُدعى ووحده من يستجيب سبحانه وتعالى يسمع منا دعائنا ويستجيب لنا بكرمه وفضله يستجيب دعائنا مع معاصينا يستجيب لتوسلاتنا مع ظلمنا لأنفسنا رحيم بنا روؤف بحالنا & سبحانك ربي لاإله إلا أنت إني كنت من الظالمين & ................................ حس بصوت خطوات تقرب من المجلس اللي هو جالس فيه زاد توتره وزاد ضيقه وهمه يضرب رجله على الأرض بحركه آاليه لاشعوريه تعود عليها اذا توتر حط يده على يد الكنب وضغط عليها ...اصابعه ابيضت من قوة مسكته شئ من القهر يسري داخله يحس انه مغبون ومنخدع ...يحس انه مثل الشاة اللي تنقاد لمذبحها بدون مايكون لها رأي أو تقاوم مصيرها حس بحقد وقهر كبــــير تجاهها ...وحقد اكبر على نفسه اللي رضت ورضخت للأمر على صعوبته وصله صوت ذكوري / تأخرنا عليك ياوليدي تعرف الحريم وشغلهم كلام ماينتهي وصياح كن الليله دخلتها مهب شوفه وبس ابتسم مجامله له وطاحت عيونه عليها ....على الأنسانه اللي بيوم كان مصيرها بيده اللي بيوم كان يقدر ينهيها ويقضي عليها وعلى اهلها على الأنسانه اللي جبر نفسه عليها عشان اهلها وهي ماهتمت فيهم وخانتهم وده ترفع راسها وده يشوف عيونها ... بيشوف اذا قدرت تمثل البراءه فيهم مثل ماتمثلها الآن براسها اللي منزلته للأرض ويدينها اللي تنتفض ولا لا رفعت راسها واخيراً له بعد محاولات مستميته من ابوها انها ترفعه وان من حقها انها تشوفه مثل مايشوفها واصتدمت نظراتهم ببعض رماها بنظرة حقد ونظرة قهر والنظره اللي قتلتها نظرة الإحتقار يحاول يخفي الإحتقار والحقد اللي بعيونه عن ابوها بس ماقدر شئ منعه شئ اقوى منه ماخلاه ينزل عينه ويخفي ذيك النظره الموجعه منها كل نظراته ماعنت لها بذاك الوقت شئ ...كل الدنيا ماعادت واضحه بالنسبه لها سواه هو ...هو ...نفسه ...نفسه حارس الأمن لا..لا...لااااا لايمكن اتزوجه ...ماقدر اتزوجه ناظرها بتفحص واستغراب من نظرات الصدمه وعدم التصديق اللي بعيونها عجز يفهم سبب هالنظره [معقوله ماتدري اني انا اللي خاطبها ولا يمكن نظراتي صدمتها ...وش سالفتها هذي] انتبه ابوها على حركة راسها ولف لها شافها تحرك راسها يمين ويسار علامة لرفض وعيونها مليانه دموع وصوت تنفسها عالي - مابيه مابيه تصنم ابوها من فعلها / بسم الله عليتس وش فيتس تكلمت بصوت اعلى وهي تحرك يدينها بعصبيه/ مابيه...قلت لك مابــــــيـــــــه مسكها من كتوفها وحضنها باقوى ماعنده وهي تصيح ماهتم لرجال اللي جالس ولا اهتم وش ممكن يقول عنه كل همه بنته ...طفلته اللي انهارت قدامه ومايدري وش السبب حس وجوده ماله داعي... موقف محرج انحط فيه انجرح جرح كبيررررر لكرامته ولرجولته ...هو ضغط على نفسه وداس على كرامته عشانها وهي رفضته بحركه مُذله له حشم اهلها وكان بيرتبط بها وتناسى نفسه وهي بكل حقاره داست عليه وكأنها تنتقم منه حفظ سرها وحافظ على سمعتها وسمعة اهلها وهي ماهتمت فيه واهانته بعالي صوتها استنقص نفسه اللي رضت له المذله وخلته يوافق ويجي خاطب لها قام من مكانه بهدوء وهو يحمل بقايا كرامته اللي انتثرت لأشلاء بسببها / عن اذنك ياعم... والخيره فيما اختارها الله رفع راسه له وبعيون خايفه على بنته / ماعليه ياولدي مادري وش جاها البنيه كانت راضيه بك وانقلب حالها من يوم ماشافتك للحين هي بحضنه صارت تصيح بدون صوت بس دموعها تنزل بصمت على خدها وصوت شهقاتها بين الدقيقه والثانيه ... تكلمت بصوت هامس باكي / مابيه الله يخليك لاتزوجني له خفق قلبه رحمه بها وهز راسه بألم / لاحول ولا قوه إلا بالله ...مادري وش جاها ...السموحه ياولدي والله يعوضك بأخير منها قرب له وباس راسه ماهمه ان كان قريب منها ولا همه حركتها وهي تنفر منه يوم قرب لأبوها كل همه يبوس راس الرجال بشفقه اللي انطعن بظهره من اقرب الناس له / كل شئ قسمه ونصيب ياعمي لايضيق خلقك وتجاوزهم وهو يتجه للباب مخلف وراه اب انطعن غدر وقاتله تتنعم بحضن مقتولها بلا احساس ......................... جاه صوت ابوه وافزعه / وش عندك داخل للبيت بهالوقت تلعثم ومن الخرعه ماقدر يطلع الكلام منه ويرد على ابوه / آ ..آ رد بصوت آمر / تكلم انطق - البنات رايحات لسوق قلت ادخل عادي مافيه سبب عشان اظل بالحوش - اها .....بس اول مايجون لاشوفك موطوط هنا سامع - على امرك يبه ارتفع صوت تلفون البيت وامتدت يد الأب لها / آلو وتغير وجهه باهتمام وخوف /أفآآ عسى ماجاه شئ؟؟ زفر براحه / الحمدلله ...الظاهر يبلنا نسفره صار مايشوف وكل يوم وهو صادم لنا بهالسيارات اعدم سياراتنا بكلم واحد من العيال يروح له وواحد يجي ياخذكم من السوق يالله مع السلامه تكلم بقلق / عسى ماشر يبه وش صار - السواق صدم بالسياره بس الحمدلله ماجاه شئ - اها....الحمدلله بالحديد ولا باللحم - دق على السواق شف هو وينه ورح له وخلص الإجراءات وخل صقر يجيب الجازي وحرمتك من السوق ناظر ابوه بنظرات توسل يشوبها شوي من الخبث والفرحه / ليه ماروح انا اجيبهم من السوق وصقر يخلص الإجراءات ناظره ابوه بعصبيه / مانت جايبهم لاتفكر بس ناظر ابوه بخيبة امل / وليه؟!!! - مانيب مخليك تجلس معها قبل العرس تكلم باستغراب / يبه بنروح لحالنا يعني ... معنا الجازي ترى - قلت لك لا... الجازي اعرفها خبله بتخليك على كيفك تكلم وشئ من العصبيه تملكه / يبه تراها حرمتي - عارف وعشان كذا باخلي صقر يجيبهم من السوق وانت رح لسواق - يبه!!! - وحطبه ...قلت كلام لاتعيده علي انت رح لسواق وصقر لحرمتك والجازي ومشى للباب منهي بطلعته الكلام وحاسم الأمر وهو دق على السواق وفرغ غضبه فيه وطلع للحوش وهو معصب وواصل حده ............................ يمشون ثلاثتهم بجنب بعض وكل واحد منهم لابس فروه تمده بالدفى من برودة الجو اللي رافع الفروه على راسه ينشد الدفا له واللي حاطها على كتفه ومتلطم بشماغه واللي لابس قبوعه حالتهم مزريه ...بالشتاء البرد ماخلى مجال لاي واحد فيهم انه يشخص اويظهر زينته كلهم اجسامهم متغبيه ورى الفروات ولو حصل لهم انهم يلبسون فروتين فوق بعض لبسو اصواتهم واصله لأخر الحاره مزح وضحك وسوالف هذا وقت دخلتهم لبيت اهلهم من اول ماتزوج اخوهم وابوهم محدد لهم اوقات عشان يدخلون للبيت ويجلسون مع اهاليهم لهم من بعد صلاة الفجر لساعه سبع ومن بعد صلاة الظهر الا صلاة العصر ومن بعد صلاة المغرب للعشاء واغلب وقتهم يكون بالخيمه واللي يبيهم من اهلهم يجي لهم اول ماقال لهم ابوهم عصبوا وشاشوا لكن بالاخير قدرو وضع مرة اخوهم وانهم بتواجدهم الدائم داخل البيت بيحبسون راحتها ورضو بالامر الواقع 7 7 7 شافوا اخوهم طالع من داخل البيت بسرعه كبيره وعلامات الغضب باينه عليه شاف اخوه بهالشكل وتكلم يمازحه والابتسامه على وجهه / ماشاءالله وش زودك عننا حنا ملحطين بالخيمه بسبتك وانت داخل البيت تسرح وتمرح لف له وتكلم بقهر وعصبيه وهو حاط سبابته على فمه / آآآص ... انمحت الإبتسامه مع على وجهه بصدمه من اخوه جا بيتكلم كمل مقاطعه / صقر...انــطــم ولا كلـــمــــه اسمعها منك واخذ طريقه للباب الخارجي وسكرالباب وراه بقوه وكانه يفرغ غضبه فيه مصدر صوت قوي افزعهم وصحاهم من صدمتهم ماتحركو للحين واقفين وساكتين .... ثلاثتهم مصدومين بحركته اول مره يتصرف مع احد هالتصرف...تصرفه غريب عليهم لف لهم صقر وللحين علامات الصدمه مرسومه على وجهه / وش فيه ذياب ؟!!! - والله ماندري عنه حتى حنا منصدمين منه ماعمره قد تكلم على احد فينا بهالطريقه حركت ذياب جرحته ...حسسته انه توه بزر ماله قدر اول مره يسويها ذياب مع احد فيهم ....هو صحيح عارف ان ورى تصرفه سبب وانه اخوه ويمون عليه بس ولو حركته جرحته وخصوصاً يوم جت من شخص يحبه ويغليه وله مكانه غير عن الكل بقلبه اللتفتو على بعض وحسوا بجرح صقر بس مايدرون وش الكلمات اللي مفروض تنقال بهالموقف حط يده على كتف صقر / لاتاخذ بخاطرك يمكن صاير شئ حنا ماندري عنه وخلاه ينفجر بهالشكل تكلم وهو يغير وجهته من داخل البيت لغرفته الخارجيه ويرسم ابتسامه بألم على وجهه/ ماعليه ياضاري حصل خير .......................... تمشي بصعوبه بالمزرعه ....خطواتها متعثره ....رجلها يالله تشيلها من الارض بسبب الطين وخصوصاً وان جزماتها ماتساعدها ..لابسه جزمات رجاليه لقتها عند الباب ماتبي جزماتها تتوسخ بالطين والمويه اليوم امطرت والمويه حولت تربة المزرعه لطين صعب انك تتحكم بمشيك عليه لكن ربي عطاها على قد نيتها وخلاها تتمنى انها لبست جزماتها ولا هالجزمه اللي تعيق حركتها وكم مره تنشب بالطين وتطلع من رجلها ولا تتطيح بسبب كبر حجمها جلالها رابطته على خصرها ماهمها ان احد يجي على غفله ويشوفها كاشفه.... منقرفه من اللي هي فيه ولو يجي احد قدامها بتثور فيه المويه تسربت لداخل جزمتها وجمدت اصابع رجلينها صوت تأففها عالي من هالوضع اللي هي فيه / اف اف وش هالحاله ...وش لقفني افزع بالله ...هذي اخرة السناعه واخيراً لقت ظالتها المنشوده نعناع جدتها للحين سليم ولا تضرر من المطر تنهدت براحه ولفت بترجع قابلتها عيون كبار خليط بين اللونين العسلي والاخضر ...يتوسطون وجه طفله دائري ابيض وحمره ملونه خدودها... وشعر بني فاتح وخصلات منه تحولت لأشقر تحت ضوء الشمس رجعت بحركة خوف لاراديه من هالطلفه الغريبه اللي فجأه جت قدامها لكن الجزمات كانت لها بالمرصاد ....نشبت بالطين وخلتها تتعثر ويدينها تتخبط بالفراغ تبي منقذ يطلع من العدم وينقذها لاتتطيح وكلمات اعتراض تطلع منها وكانها بتمنعها لاتطيح على الأرض / لا لا لااااا واستقر جسمها على الأرض بحركه مسرحيه مضحكه ....والجزمات صامده ماهزها ريح بنفس مكانها وكانها تتشفى فيها ظلت بمكانها ماتحركت ولا حاولت تتعدل عقب طيحتها وصلت معها لحد القرف من الحاله اللي فيها ...ملابسها كلها طين ومويه حتى شعرها ماسلم من الطين ...والبرد جمد اطرافها تكلمت بنبرة قهرر / جعل نعناع جدتي ينحــــررررررق 7 7 7 وصل لمسامعها صوت ضحك طفولي خجول... لفت لمصدر الصوت وشافتها قدامها نفس الطفله اللي خافت منها واللي الحين هي متمدده على الارض بسبتها جلست تتأملها ...طفله يمكن عمرها خمس سنوات بس ...اشباهها غريبه عيونها وشعرها وبياضها كأنها اجنبيه بس تحس دمها خليجي بصوره غريبه مدت يدها لها / تعالي ساعديني بدال ماتضحكين مشت لها الطفله بحيا وبتردد ومدت لها يدها الصغيره شافت يدها المتسخه بالطين والبارده ويدين هالطفله اللي داخل القفاز الدافيه ....رجعت يدها وتسندت على الارض وتعدلت بجلستها للحين الابتسامه مرسومه على وجه الطفله ببراءه ....تكلمت بمزح / عاجبك يعني يوم طحت ؟ هزت راسها علامة الموافقه بابتسامه - وش اسمك حبيبتي ؟؟ - لمار - حلو اسمك ....تبادليني؟؟ ... انتي يصير اسمك الجازي وانا لمار - لئه دأ اسمي انا فتحت عيونها على اخرهم بصدمه / مصريه ؟!!!! ............................ جاها صوته الرجولي الخشن من وراها وافزعها / بنتي سعوديه مب مصريه لفت لمصدر الصوت بفزع ولقته قدامها بطوله الفارع وجسمه اللي يغطيه بفروه وعيونه الوحيده اللي طالعه من وجهه بسبب الشماغ اللي متلطم فيه وحواجبه المقرونه بجمال وابداع استوعبت الموقف اللي هي فيه وانها قباله .... رجال مو محرم لها وجه لوجه ...نزلت عيونها لحضنها اللي كانت مصوبه عليه ببلاهه ويدينها تحاول تفك فيهم الجلال اللي رابطته حول خصرها لكن حتى الجلال خذلها ورفض انه ينفك .... يدينها اللي تجمدت من البرد ولا تقدر تتحكم فيهم زين وجلالها المبلول ماساعدوها انها تفكه عيونها امتلت دموع ماتبي تكون بهالوضع المزري قدام احد وخصوصاً هو متسخه وكاشفه وبموضع ضعف [ انفك...انفك ....من اللي داعي علي اليوم ] يطالعها بعيون ضاحكه وابتسامه يغالبها مايبيها تتحول لضحكه كلها طين من اولها لاخرها حتى شعرها كله ملطخ طين .... ماخفت عليه الرجفه اللي تسري بجسمها ولا شفايفها اللي يخالطها بياض بسبت البرد اضحكته محاولاتها الفاشله بفك جلالها وكلامها اللي واضح منه انها تكلم نفسها بس مانتبهت انه كان بصوت عالي يحس ان الوضع عادي عنده انه يطالعها ....يحس انه تعود على شوفتها كل اسبوع كم موقف جمعه معها وكم مره يدخل صدفه ويشوفها دون ماتدري يمكن لانه عاش بالخارج سنوات طويله وصار عادي عنده الوضع او يمكن لانه متعود عليها وعلى شوفتها من صغرهم ويحس انهم للحين صغار وماكبرو او يمكن يحس انها وحده من محارمه اللي تعود على تواجدها ببيت جده كل اسبوع مايدري ليه دايم يختلق لنفسه اللوامه الأعذار كل ماشافها من دون علمها بس اللي يدري عنه ان شوفتها عادي عنده مالها اي تأثير وماتثير اي شئ داخله الا مشاعر وذكريات الطفوله 7 7 7 فسخ الفروه من عليه ورماها عليها / تغطي فيها قبل لايتوقف قلبك من البرد وابلش بك ومد يده لبنته وتوجه لباب المزرعه مخلف وراه الجازي بكل غضبها وقهرها وحقدها / جعلك تــمـــوووت انت والنعناع ........................... انطلق صوتها بعصبيه /استغفر الله متى تتأدبين انتي... تعبت وانا اربي فيك فتحت عيونها باستغراب وبرائه / بسم الله وش سويت !!!... توي جايه والله - كم مره اقولك لاتتأخرين هــاه حطت يدينها على رقبتها / الــجازي بذبحك ...قسم خوفتيني قلت اكيد صايره مصيبه تحاول تفك يدينها وهي تضحك / ههههههههه شموس يالدبه فكيني بتموتيني ترى فكتها وبدت تصفط عباتها وطرحتها / يحصلك انتي تموتيني على ايدي - هقوتك اصير شهيدة يعني ؟!! - انقلعي وش قالولك كافره انا - هههههههههههه الله اعلم بالخفايا توجهت لها بتهديد / وجع ...باذبحك جد الحين - هههههههههه فداك 7 7 7 -امشي ننزل تحت نشقر عليهم ونشوف وش الجديد - ياحبك للقافه - احمدي ربك اجيب لك الأخبار طازه اول بأول - بهذي عز الله صدقتي ماحد ينافسك - افا عليك بنت ابوي انا ماحدن مثلي - لاتذوبين علينا بس ..صار بك من طبع طيف اشوف تغيرت ملامح وجهها بقرف وبسرعه من اول ماسمعت اسمها / قطيعه لاتجيبين طاريها من اول وهي مقرفتني وعقب مامنعو بمزون عنا صارت سيرتها هي وخوالها تفور دمي وقفت وهي مصوبه عيونها على الفراغ وكانها تتأمل طيف انسان قبالها/ تصدقين اشتقت لها - حتى انا ...الجمعه هنا ماتسوى بدونها - اول كنت انتظر متى يجي الخميس عشان اجي واشوفكم واجلس معكم .... عشان احس بقوتكم واستمدها منكم حتى لو ماتكلمتو وحتى لو ماكنتو تدرون بالهم اللي داخلي بس مجرد وجودكم حولي يعني لي الكثير بس شوفتي لمزون غير ...يمكن لأنها مرت بمصايب ومشاكل بعكسك ويمكن لانها فقدت شئ مثلي ....مادري ليه؟!! بس مع كل اللي مرت فيه اشوفها صابره ومتحمله ونادراً ماتنهار وتضعف احس انها عايشه بأمل ورجوى شئ يمكن يتحقق لو كان صعب المنال يمكن بقراره نفسها تعرف انه من المستحيلات لكن عندها أمل كبيرررر ان امانيها تتحقق مهما طال الزمن عشان كذا شوفتها تبث بداخلي أمل اني اعيش بدون ماجزع وبدون ماضعف وارتجي ان آمالي تتحقق ....................... - تعالي يالمصريه سلمي علي تكلم بنبره معاتبه / الدحمي ..خـــيــر - خلااااص ياشيخ اسفين .....تعالي ياأم عبدالرحمن سلمي علي - لا والله ....عبدالرحمن اجل !! بنتي ولا بنتك هي ....نادها باسمها - ياخي اسمها مادري وش قايل ماتعودت عليه احس اذا قلته تجيني حموضه تكلم وهو يربت على فخذ عبدالرحمن بتهديد / خلك عاقل واشتري سلامتك ونادها باسمها - طيب طيب ..ماتسوى علينا هالبصوه اللي باشتري سلامتي عشان اسمها تعالي يالمّو يا ام الدحمي سلمي علي حرك راسه يمين ويسار بعدم رضى / مايفيد فيك الحكي انت - ههههههههههه الظاهر لا مسك يد بنته وقربها لعبدالرحمن / سلمي على عمك الدحمي ذا الدلخ وقفت بحيره وبعيون متسائله / بابا الدلخ ايه ؟!!! توهق مايدري وش يرد عليها مايبي يقول معناها وتتعلم على قلة الإحترام وتصير تتلفظ على الناس / آ ...آ معناها يابابا الشئ الجميل نطت بحضنه ولفت يدينها حول رقبته بطفوله وناظرته بعيون كلها محبه / بابا انت دلخ ... وطبعت قبله برئيه على خده - ههههههههههه تستاهل حقك وماجاك - اقول انطم بس - ياخي وش فيك معصب مب امها مصريه خلاااص هي مصريه بعد - اولاً البنت تنسب لأبوها مب امها ثانياً امها مطلقها انا من زمان وتزوجتها لسبب والا انت عارف وجهة نظري بالزواج من غير بنت ديرتي تكلم بتردد / غلطت معها انت ؟ لف له بعصبيه وكلام الجازي ينعاد قدامه / اياني واياك تعيد هالكلام قدامي اقطع دراستي كلها ولا اطيح بالحرام والعياذ بالله ماهقيتها منك ياعبدالرحمن ...تشك فيني انا !!! - السموحه منك ....بس ماجا ببالي سبب مقنع للي سويته ...انا عاذرك انك تزوجت ومعك حق بزواجك... بس حركتك يوم تغبي عنا زواجك وان عندك بنت هو اللي شككني - لا السالفه مب كذا ابد.... تنهد بضيق / الشكوى لله بقولك السالفه عشان تشيل نظرة الاتهام اللي اشوفها بعيونك تكلم بسرعه وهو يدافع عن نفسه / لا والله مـ ... تكلم مقاطعه / لا تقول شئ عارف اني غلطت وان سواتي تخلي الواحد يشك فيني بس انت بالنسبه لي غير مابيك تشك فيني لو وش ماكان المهم بس ....تذكر جارنا عبدالرزاق المصري اللي بالشرقيه - لاتقول متزوج سمر بنته هز راسه علامة الموافقه فتح عيونه على اخرهم بصدمه / يقلعك انهبلت انت ...وش تبي بسمر بزر اذكرها - عاد هذا اللي صار تكلم وهو راسم ابتسامه عريضه على وجهه / حبيتها يعني ؟ رفع حاجبه باستنكار / وراك فاتح خشتك ومستانس وانت تسأل ؟!! - لا بس اتذكرها مزيونه ينعن خيرها.... قلت يمكن فتنتك وحبيتها - وش حبيتها بعد انت كانت بزر وش احب بها بالله - اها ...اسلم - جا عرض لابوها على شغل هناك وانه يمكن ياخذ الجنسيه وخصوصاً ان حرمته امريكيه راحو وانا بعدها بكم سنه جتني بعثه لامريكا برضو وسكنت عندهم اول ماوصلت تقريبا ست شهور بعدها اخذت لي شقه بجنبهم وكانو مثل الأهل لي وجباتي كلها هم يطبخونها بيتي هم ينظفونه اطلع واتمشى معهم يعني تقدر تقول اني طول الوقت معهم الا وقت النوم بعدها كبرت البنت تخيل انت الوضع مراهقه وعنيده بعد بامريكا كل يوم هي بمشكله وكل يوم وهم مسحبين ابوها مره لمدرسه ومره لشرطه بهذلوه زين مازين خلاص صكت به الدنيا يوم وصل عمرها 17 اختفت عن البيت يومين خلالهم انجن ابوها ماخلى مكان مادورها فيه حتى انا وقتها طلعت ادور معه ... بعدها لقوها الشرطه وسلموها لأهلها ...بوقتها جاني ابوها يشكي قال انه لازم يزوجها من اي رجال عربي عرضها على عيال عمها واقاربهم كلهم رفضو الزواج منها بحجة انها متربية بالسعوديه وامريكا وراح تكون متطلبه ولا بتعجبها عيشة مصر وماكانو يدرون عن مغامراتها بامريكا وهي رفضت بعد انها تستقر بمصر واضطر يدور لها زوج بامريكا نفسها وكان صعب عليه انه يلقى رجال يأمنه على بنته وعرضها علي أول الأمر انصدمت ورفضت بس يوم جلست وفكرت بالموضوع زين لقيتها مناسبه لي وتعيني بغربتي وتخففها علي وتردعني عن الحرام تكلم مقاطعه / يعني كان عادي عندك تتزوج وحده ماضيها بهالشكل كل يوم بمشكله -الصراحه ماكانت تعني لي شئ ولا بتعني بيوم لي ....كنت بتزوجها فترة دراستي بـــــس وبدون عيال ووجع راس واذا خلصت دراستي وجيت برجع السعوديه باطلقها وبيكون ذيك الفتره عمرها فوق العشرين بتكون فاهمه وناضجه يعني ماعليها خوف تكلم بصدمه / من جدك انت كان هذا تفكيرك - ايه والله ...بحركتي ذي ضربت عصفورين بحجر ...سويت خير لأهلها بأني حفظت بنتهم لين ماتكبر ونفعت نفسي بأني لقيت لي وحده تونسني وتقضي حاجتي - ينعن بليسك وش هالتفكير عليك - مامات حق وراه مطالب لف له باستغراب / وش دخل هذا بالموضوع - والله مادري هذا اول شئ جا ببالي - هههههههههههههه اقول الله يستر عليك ...قم بس قم هذا عمي ابو محسن وعياله جو ....يالله فـــزّ ........................ ارتفع صوت طق باب الغرفه - مين؟ واستمر الطق على الباب بدون ماحد يتكلم - وجع مـــيـــن ؟ ولا زال الطق مستمر نرفزها صوت الطق ونرفزها اكثر صمت الشخص اللي ورى الباب ولا تكلم - لو تموتون عند الباب مافتحت لكم لين ماتقولون من انتم واستمر الطق وكل مره ينطق الباب بنغمه غير عن اللي قبلها مره طق عادي ومره طق مصري ومره خليجي - بقوم افتح بينفجر راسي من الإزعاج - شموس اجلسي بزران ذولي لو بتفتحين لواحد منهم جوك الباقي يطقون - بقوم افتح لهم واجلدهم وارجع - هههههههههههههه كفو - تربيتك ...وغمزت لها بعينها - هههههههههه حركات شموس والله وانطلقت صرخه من شمس افزعتها وخلتها تجي باقصى سرعتها للباب والخوف متملكها - وش صار شمـ....... مــــــــزووووووون وبدون تفكير وبسرعه لفت يدينها حول شمس المرتميه بحضن مزون وحول مزون وصرخات فرحه وسعاده وعدم تصديق تنطلق منها ثلاثتهم حاضنين بعض مايدرون وشلون ولا يدرون كم من الوقت قضوه وهم حاضنين بعض كل اللي يدرون عنه انهم بحضن اعز الناس على قلوبهم ....بحضن اللي انحرمو منهم غصب عنهم وفقدوهم الصمت يلف المكان الا من صوت شهقات خفيفه بين دقيقه والثانيه ونفس مظطرب مره يعلى ومره ينخفض الدموع تشق طريقها من عيون كل وحده فيهم وتستقر على كتف او حضن الثانيه ولمسات حب واشتياق تمررها كل وحده فيهم على شعر او ظهر الثانيه وضحكات سعاده مفاجئه من بين دموعهم تخترق سكون المكان تنطلق من وحده وتشاركها فيها الثانيه يمكن لو شافهم احد بيقول يبالغون او انهم يخادعون بعمق مشاعرهم لكن لو يجي يوم وتفقد غالي غصب عنك وفجأه يظهر بوجهك بوقت ومكان ماكنت تتوقع انك تلقاه فيه بتكون ردت فعلك مبالغ فيها وبتظهر كل مشاعرك واحاسييك تجاهه باقوى صورها يمكن تبي تحسسه بعمق أللمك يوم فقدته ....او يمكن تبي تحسسه بعظم شوقك له أو يمكن تخاف تفقده مره ثانيه وتبي تبث له كل اللي بقلبك له من حب قبل مايختفي من قدامك او يمكن تكون بوقتها مانت واعي لتصرفاتك ولا ردات فعلك من الأساس فتسوي شئ على غير صورته الحقيقيه !! ............................. - ماكملت لي السالفه لف له باستغراب / أي سالفه ؟!! برطم بخيبه / نسيت!! بسم الله مامداك ......سالفتك انت وحرمتك - اها .....صادق اللي قال الخيل ماينسى سالفته هههههههههه - اقول انكم بس وكمل بــس - هههههههههه طيب المهم ياطويل العمر تزوجتها وعشت معها سنه كامله مانكر وقتها انها عوضتني عن اهلي كانت مرحه وجلستها ماتنمل يعني وقت مابي ونيس كانت فيه ووقت مابي زوجه كانت فيه تمنيت وقتها اني اكمل معها وتصير زوجتي ونجيب عيال رجعت بيوم من المستشفى وناديت عليها ماحصلتها رحت للمطبخ مالقيت شئ على النار توقعتها عند اهلها مثل العاده لاصارت تعبانه تروح عند امها واجي انا اتغدى معهم طقيت على اهلها وسألتهم عنها وقالو ماشفناها عقب الصبح يوم تجينا طلعنا انا وابوها ندورها ماخلينا مكان كانت تروح له مادورناها فيه بلغنا الشرطه وعطيناهم صوره لها يوم مر على اختفائها 24 ساعه رجعت للبيت وانا حالتي حاله ضايق ومنهار فتحت الدولاب بغير ملابسي لقيت ملابسها كلها مب موجوده فتحت دولابها الثاني نفس الشئ حتى لابتوبها ماكان موجود .....ماجا ببالي انها بتسويها وتنحاش كنا عايشين مثل أي زوجين بسعاده وتفاهم وهي خلال زواجنا استقام حالها وانضبطت مادري ليه سوت كذا ....جلست اراجع نفسي واستعيد تصرفاتي معها يمكن اكون ضايقتها او يمكن سويت لها شئ وانا ماحسيت وهي لأنها صغيره تكون فسرته تفسير ثاني غير قصدي بس اللي ريحني وصدمني وخلاني اعصب بنفس الوقت رساله كانت حاطتها لي على الكمدينه .... وكمل بابتسامه سخريه ماخلت من الألم / نفس الأفلام كاتبها فيها انها كملت 18 خلاااااص وانها كانت تنتظر هاليوم متى يجي عشان تنحاش مع حبيبها وان كل عيشتها معي ذاك الوقت كانت كذب وتمثيل عشان ماشك فيها وبــــــس انهت كل اللي بينا بشوية كلام على ورقه ...................................... فتحو عيونهم بصدمه وبصوت واحد / انتي اللي طلبتي الطلاق هزت راسها علامة الموافقه وابتسمت ابتسامه ألم لهم تكلمت بعصبيه / مزون انتي انجنيتي ؟!! ليه تطلبين الطلاق مو انتي تحبينه ليه تستعجلين وتتطلقين منه - شمس..!! تزوج عليها هو واكيد بينساها يعني حبها ماله داعي تكلمت بدفاع / الا حبها له داعي ونص ...كان صبرت وحاولت مره واثنين ومليون وش فايده الحب كانها بتستسلم عند اول مشكله تواجها وياه اشرت لهم وهم يتابعونها ( مايبيني تفهمين كيف مايبيني ؟ حتى ماعمره فكر فيني كزوجه ...يعتبرني اخت لاأكثر وبعد اللي صار - صار يرمي علي نظرات احتقار بكل مره يشوفني قدامه صار يمنع خواته مني ويحذرهم من جلستهم الكثيره معي ...وكاني مرض خطير ..حسسني اني غانيه ...نظراته كلامه تصرفاته ..كان شئ اكبر من طاقتي ...انا استحملته اول وهو مجافيني صبرت وانا اشوفه بينزف لغيري بس لهنا وبس كرامتي فوق كل شئ ماستحمل اشوفها تحت رجلينه واسكت) حطت يدها على فخذها تواسيها / ليه ماقلتي لأحد من اهلي او خوالك على الأقل يلقى احد يوقف بوجهه ويكون بصفك ابتسمت بمراره ( اهلك مو اهلي ...انا مجرد بنت لأخو رجل بنتهم بــــــس...لاهم عماني ولا هم خوالي بنت غريبه عنهم احتووها بينهم تبيني اجي اشتكي ولدهم عندهم !!! مابي اطلع قليلة اصل.... ولا ابي اقول شئ لخوالي مابيهم يتشفوون فيني ويعايروني بالرجل اللي فضلته عليهم واللي مارضيت اعطيهم ورثي يشغلونه لي عشانه وفوق كل هذا هو ماعاد يعني لي شئ خلااااص ...واحد اهاني ..اهان لحمه ودمه ماعاد يلزمني ) ناظروها بتأمل واعجاب كيف قدرت تخفي ألمها وترسم ابتسامه سعاده زائفه على وجهها يعرفون ومتاكدين انها للحين تحبه ولو جاها يطلب السماح بتسامحه وبترجع له بدون حتى ماتشاور نفسها يعرفون العيون اللي تحب ويعرفون العيون اللي تكابر وتقاوم ألمها انه يظهر فيها كل وحده فيهم تدعي بسرها لها رحمه بحالها وحب لها [ يــارب ارحم ضعفها وارئف بحالها ...يارب امددها بقوه وصبر منك ...ولا تشمت اي مخلوق بها] ......................... الصدمه مسيطره عليه للحين معقوله كل هذا صار فيه لو احد قايل له القصه ماصدق.... فيه احد بهالحقاره ذي - اجل كيف جت بنتك ؟!!! تزوجت وحده غيرها بعد !!! - لا هي ام بنتي - رجعت لك يعني - لااااا - اجل ؟!! بعدها بكم شهر استدعوني بالمستشفى اللي كنت شغال فيها قالو ان مريضه تبيك رحت لها باستغراب وتفاجأت يوم شفتها ....كانت سمر تنططت الشياطين قدامي .....كان ودي وقتها اذبحها مع انها كانت اية من الجمال بس وقتها كانت قدامي بابشع الصور انسانه خاينه حقيره ...تخلت عن اهلها وعني عشان واحد غريب عنها لا يحل لها وغير دينها بس اللي صدمني اكثر وهدى ثورة الغضب اللي فيني صياحها المفاجئ صارت تصيح بصوت عالي وتنتحب بعدها رمت علي القنبله وانها بالمستشفى عشان تالد .....وان الطفل اللي ولدته ولدي انصدمت وقتها وظليت فاتح عيوني بصدمه وبعدم تصديق وشـــــك اذكر وقتها اني تلفظت عليها وقلت انها كذابه ومن هالكلام قالت كانت ماتصدق سو تحليل وتأكد واللي صدمني اكثر انها قالت لاتتعب وتسوي تحليل وتخسر فلوس البنت تعبانه وبتموت قلبها مريض رمت علي قنابل ورى بعض بدون أي احساس منها....قلبها صار ميت ماكأنها ام ...مافيه رحمة الأمهات ابداً مع انها تربت بين ام واب من احن الناس على عيالهم وبكل برود طلعت من المستشفى مخلفه وراها بنتها وهي بين الحيا والموت اذكر اني صرت انام بالمستشفى وقت راحتي اقضيه معها بالحضانه واتابع حالتها ووقت الشغل اطلع من قسم الأطفال واتابع حالاتي ....كل المستشفى وقتها كان متعاطف معي يوم كبرت شوي سوينا لها عمليه وكانت نسبة نجاحها قليله مره واحتمال موتها هو الأكبر بس كنا مضطرين تكلم بفرحه وبسمة سعاده حقيقيه تعلو وجهه / ونجحت العمليه وقتها طرت من الفرحه مع اني ماتأكدت للآن انها بنتي يوم خفت شوي سويت التحاليل وطلعت بنتي فعلاً وبديت رحلة التعب..... مشاوير من المستشفى لسفاره ولكل مكان عشان اثبت انها بنتي وخليت امها تتنازل عنها قانونياً عنها والحمدلله خلصت اوراقها ورجعت معي للبيت وقت نومها عندي وجلستها ووقت دوامي اوديها عند خوالها انمد له كاس مويه بشكل مفاجئ وافزعه ....شاف ابتسامتها البريئه / هذا لي يابابا ؟ هزت راسها بعلامة الموافقه / تكلمت كثيررررر .....وفتحت ذراعينها على اخرهم جبت ميه ليك عشان ماتتعب فتح عيونه على اخرهم وانطلقت ضحكه مدويه منه على تصرف بنته ............................................... جالسها تشوفها وهي تأشر وتشرح لثانيه مقابلتها شئ ومتحمسه وتلف على الثانيه وتشوفها مركزه ببصرها على يد اللي تأشر ومندمجه مع السالفه انرسمت ابتسامه على وجهها ...ابتسامه محبه وصداقه حقيقيه شئ من الألم يعتصر قلبها..لكن لايمكن تبينه لهم هم فرحانين ومبسوطين بجمعتهم ماتبي تخرب عليهم سندت خدها على يدها وانزلقت خصلات من شعرها الأسود الناعم وحاوطت وجهها ناظرتهم بتأمل ...تبي صورهم تنحفر داخلها ماتبي يجي يوم وتنساها او تغيب ذكراهم عن عقلها بتشتاق لهم بتشتاق لجمعتهم مع بعض بتشتاق لعناد هذي ومسالمة ذيك لشقاوة وحده وهدوء الثانيه بتشتاق لهم ولشخصايتهم المتضاده ارتفعت نغمة الجوال وافزعتها وصحتها من نشوة تأملها - آلو هلا يبه - طيب ان شاءالله - لالا خلااااص بانزل الحين لفت لها بخيبه / بتروحين الحين؟ -ايه خلاص وراي يوم طويل بكرى ....ورسمت ابتسامه كاذبه على وجهها يشوبها الحزن قامت تلبس عبايتها بهدوء غريب عليها وقامو هم بدورهم يودعونها مدت يدها تصافحها كالعاده اذا جو يودعون بعض كل خميس بس اللي صار فاجأهم سحبتها لحضنه وحضنتها باقوى ماعندها وسحبت الثانيه من يدها وحضنتها ثلاثتهم بحضن بعض من جديد كان الموقف ينعاد ثنتين منهم منصدمين من حركتها وجامدين ولا بادلوها الحضن واخيرا طلع صوتها وقدرت تسال / شموس وش فيك ؟!! - اص ..احضنيني وانتي ساكته يالجازي احضنيني سكتت بصدمه وحضنتها ...شئ بصوت شمس خلاها تلبي لها طلبها دون ماتسأل حست فيها انها تتوسلها ....صوتها غريب اول مره تسمعه بهالشكل يخالطه خوف وحزن حست بنفضه بجسم شمس وزادت من قوة حضنتها لها وصلت رطوبه وحراره لكتفها وعرفت انها دموع شمس عقلها يشتغل بسرعه بتدور سبب للي يصير ماللقت شئ للحين مصدومه من كلام شمس وفعلها ودها تسألها بس ماتقدر تتكلم وحتى يدينها ماتقدر تأشر فيهم لأنها حول شمس بعد فكتهم بعد مادق جوالها كذا مره وصوت طق وازعاج واحد ينادي من ورى الباب باسمها ورمت القنبله بوجيهم / بسافر بكرى لمصر ...شهر عسلي مع ناصر وزينت وجهها بشبح ابتسامه شاحبه مرتجفه كاذبه ودمعه ألم وخوف فرت من عينها تكمل مسيرة اللي قبلها من الدموع فتحو عيونهم بصدمه مزون ابتسمت بسعاده وصارت تأشر لها بتبريكات وحضنتها وباست خدها وهي ظلت تحت تأثير الصدمه والصاعقه اللي نزلت عليها راسها منزل للأرض وعيونها مفتوحه ولا رمشت فيها ومصوبه على الفراغ شمس بتسافر مع ناصر !! يعني بتتعذب زود على عذابها بيذبح الأمل اللي بداخلها بيعيشها بذل زود على اللي عاشته بيعاقبها على جرم مارتكبته هي ماقدر عقلها يتصور الحال اللي بتكون عليه شمس ولا مقدار العذاب اللي باعيش فيه هنا فيه هي واهلها ينسونها العذاب اللي ذاقته على يدين يوسف لكن بالغربه من معها بتكون وحيده وبتعيش بعذاب رفعت راسها وشافت مزون ماسكه يد شمس بسعاده وابتسامه عريضه على وجهها [تكفين يامزون لاتذبحين شمس بابتسامتك] راحت لها وحضنتها باقوى ماعندها ماتدري ليه سوت كذا ...يمكن تبي تحسسها انها حاسه بألمها وعذابها حاسها بخوفها وانعدام الأمان ...حاسه بصعوبة الحياة اللي مقبله عليها وبتعيشها تكلمت بهمس حزين مرتبك /خايفه كلمه وحده طلعت منها وعرفت منها الجازي الجواب لأي سؤال كانت بتسأله خايفه ...معناها انها كانت عايشه وتحاول تتناسى اي حياة مقبله عليها خايفه ....معناها انعدام الأمان والشعور ببرد الغربه يسري بداخلها خايفه ....معناها انها انسانه ماعندها اي قوه عشان تواجه مصيرها او تسوي اي فعل تعترض على اي ظلم تتعرض له خايفه ....معناها محتاجه لأحد يطمنها ويخفف عنها ويحسسها بدفى الأهل - ربك مايضيع حق احد...مالك الا هو بغربتك وانطلق صوتها داعي بداخل قلبها [يــــآآآآربــ رحمتك ] ابتسمو لما حسو بيدين تطقوهم / يالله حضن الوداع اليوم ماعاد باشوف احد فيكم وظلو حاضنين بعض ماهمهم صوت الجوال ولا الازعاج اللي برى كل همهم انهم يرتوون من بعض ...كل وحده بتنحرم من الثانيه غصب عنها بيكون اخر عهدهم ببعض هالمكان وهالحضن وهالوقت لازم مايفرطون به ............................. ( بــعـــد عـــدة أيــــام ) تكلمت وهي تنفخ الرماد عن الجمر وتحط كسرة العود وتمدها لثانيه / ماشاءالله الله لايضركم ياعيال اخوي محسن بتتزوجون دفعه وحده - جويزه... اذكري الله لايجي الولد شئ - ماشاءالله تف تف عليك من عين الحاسدين اخذت منها المدخنه وقربتها له ومسكت طرف شماغه وحطته فوق المدخنه وهو يحرك يده فوق المدخنه ويوجه الدخون له تناظره بعيون محبه ...بعيون حنونه ...بعيون ام رحيمه متيمه بولدها ابتسامة سعاده طالعه من اعماق قلبها مرسومه بصدق على وجهها بدت الدموع تتكون بعيونها ...دموع فرحه ودموع فخر ودموع حزن طفلها الصغير اللي ياما حملته يدينها وياما نام بحضنها وياما احتاج لوجودها بجنبه وقضاء ابسط الأشياء عنه هذا هو قدامها بليلة ملكته يفوقها جسم طولاً وعرضاً من بين عيالها هو المفضل عندها ...احن واحد من عيالها عليها هو ودايم راسه ماله مكان الا رجلينها يتوسدهم ومايكتفي بكذا وبس ...يطالب انها تلعب بشعره وتحك راسه مثل ماكان صغير كل عيالها كبرو وبعدو عنها وماعادو يحتاجونها او يحتاجون لحضنها لكن هو بعكسهم محسسها انه للحين صغير وبحاجتها ومايرتجي الدفا الا من حضنها وبلسان مخلص وداعي وبسرها مايعلم بما تقول غير خالقها [ يارب وفقه ويسر امره وان كان بامره خيره تممه وان كان به شر له ابعده عنه ...طلبتك ياربي انك تبعده عن كل مكروه وتسمح امره ] انتبه على سرحان امه وعلى الدموع اللي ماليه عيونها ماهان عليه شكلها ولا هان عليه ان دموعها الغاليه تنزل بسبته نزل راسه وباس يدها ورفعه وباس راسها بنفس طويل وهو يستنشق رائحة راسها اللي تسوى عنده الدنيا خليط بين روايح غريبه دهن عود مع عطور فرنسيه غريبه ريحة امه.. بس اللي يعرفه ان هالخليط يكّون شئ مميز يختص فيها هي وبس يترك اثر باي مكان تجلس فيه او اي شئ تلبسه يشتاق له ويحن له كل مابعد عنها - الله لايحرمني منك يمه ويطولي بعمرك ..................... تشوفهم وهم مختبين رايحين وجاين ...طالعين ونازلين اليوم ملكة اخوهم والبيت قايم وقاعد عشانه كل وحده فيهم تروح لغرفة امه اللي متواجد فيها هو وتلبي اي طلب يطلبه منها بدون تذمر بالعكس تسويه بسعاده وطواعيه وكل وحده فيهم تدخل وتسولف عليه وتدعي له بالتوفيق وتطلع ولإبتسامه تعلو وجهها كل شوي وحده منهم تجي وتقولها الاحداث بسعاده زايده الفرحه باينه بوجوههم والسعاده تشع من عيونهم بصوره غريبه ماتنكر انها كانت طول الليل امس وهي سهرانه معهم وتسولف عن الملكه ولا تنكر انها فرحانه مثلهم وتتمنى له التوفيق بس شئ من الحزن والغبطه بداخلها شئ مؤلم وغصه غريبه تحس فيها شعور غصب عليها تملكها بدون احساس منها رجع لها الشعور باليتم ....تجدد عليها حزنها على فقد اخوها حست بمرارة اللي سواه فيها جدها بحلقها محتاجه لأهل ...محتاجه لسند ....محتاجه لأحد بوقت فرحها وحزنها يشاركها ويكون جنبها محتاجه لأي احد من ريحة اهلها يكون بهالوقت حولها ويخفف عنها اللي تحس به محتاجه ليد من لحمها ودمها تمسح على راسها وتلمها لحضنها تسحبت لغرفتها بقلب مكسور بروح مخذوله من اقرب الناس لها دخلت غرفتها واستقر جسمها على السرير وعيونها الدامعه الراجيه رفعتها لفوق وتكلمت بصوت منخفض بصوت تغالبه غصة الحزن ومرارة الخذلان والإنكسار - يـــــآآآآرب ياعظيم ياحي ياقيوم برحمتك استغيثك.. لاتذقني مرارة الخذلان منهم ياااارب عوضني عن اهلي بهم ...يارب اسكن حبهم بقلبي وحبي بقلوبهم يـــارب انسني حزني وهمي واملى قلبي سعاده وسكتت ونزلت عيونها لتحت وبعد دقايق رجعت رفعتهم وغصة الصياح واقفه بنص حلقها -واسكن اخي فسيح جناتك يــ.... وقطع صوتها صياحها ...تذكرت اخوها كان هو الوحيد اللي بقى لها من اهلها ...كان هو الأخ والأب والأم والصديق كان بالنسبه لها كل شئ بحياتها ....رفضت الزواج لين مايتزوج وتتطمن عليه كل دراستها كانت انتساب عشانه ماتبي تقصر بشئ تجاهه ومع كل هذا راح وخلاها بدنياها وحيده بدون اهل بدون ظهر ومن بين الدموع / يــآآآآرب عوضني بذياب واهله عن كل مافقدته يارب ...يارب من فوق سبع سموات يسمع ندائنا من فوق عرشه يجيب دعائنا من ملكوته يجير من استجاره سميع لشكوانا ....خبير بحالنا رحيم بنا مجيب لدعائنا ...كريم بالعطايا لنا & سبحانك ربي & |
&&&&&&&&&&&&&&&&&&&&&&&&&&&&&& الـــــــــــــجـــــــــ ــــــزء الـــــثــــــــامـــــن &&&&&&&&&&&&&&&&&&&&&&&&&&&&& (( قــلــوبــ تـائـهـه بــيـــنــ آلــســعــادهـ والــحــزنــ )) جالسه على الكنب وراسها منزلته للأرض وكل شوي ترفعه بخوف وتلتقط صورته وتحركاته تشوفه وهو يبتسم مره ومره تتحول ابتسامته لضحكه بدون سبب من شدة فرحته تشوفه على غير عادته فيه نشاط غريب مايقعد بمكانه ....مره هنا وهناك بكل مكان تلقاه يحرك يدينه وهو يشرح شئ وتتخيل انه بيطير من فرط سعادته تشوف عيونه وكيف نظرة السعاده تشع منها شع ووجهه مرتاح وفيه نور غريب لهدرجه مبسوط ....لهدرجه مرتاح ودها تشاركه بفرحته ...ودها تبارك له بالاحضان مثل خواته وامه وجدته ودها بنظره منه...نظره وحده بس يحسسها فيها ان سامحها ولا هو بزعلان منها ودها بشئ من طرفه يكسر الخوف اللي بقلبها منه ويطمنها عشان ترتمي باحضانه اتعبها بعده عنها واتعبها جفاه وزعله ماعادت تتحمل ولا عاد فيها صبر اخوها هو ... وماكان بالنسبه لها اخ وبس كان كأب بالنسبه لها حريص عليها وعلى اللي يهمها اكثر من ابوها كانت دلوعته من يوم هي صغيره ...اول أخت وصلت لبيتهم هي ...كانت غير عن الكل... مهما تسوي كان يغفر لها ويسامح بس عقب اللي سوته زعل عليها ولا عاد تكلم معها ابد... بس عدة كلمات ضروريه وهالشئ ماتعودته منه تتذكر الأحداث اللي صارت وغمضت عيونها بألم وندم داخل عليها وعلامات الغضب مرسومه بوضوح على وجهه وعروق رقبته بارزه ...صدره يرتفع وينزل بقوه واضحه شافته بهالمنظر وقامت مفزوعه من سريرها اول مره تشوفه بهالشكل المخيف بالنسبه لها انطلق صوتها بخوف / ضـ ـآآآري و..وش فيـ ـك فيه قهر الدنيا منها واللي قهره زود نظرة الخوف عليه وسؤالها وكأنها ماتدري وش فيه رفع يده بيضربها كرد فعل طبيعي لغضبه وقهره منها ونزل بها على وجهها شهقت بعالي صوتها وحطت كفوفها على وجهها تحميه من ضربه بحركه خوف منها سمعت صوته وهو يستغفر ...ابعدت يدينها عن وجهها وهي مو مصدقه انه ماضربها وشافته وهو يمسح على وجهه بعصبيه وياخذ نفس طويل ويزفره تشوف يده وهو مكورها بكل عصبيه وكأنها شئ جامح مايقدر يسيطر عليه تكلم من بين اسنانه وكأنه يغالب رغبه بداخله / ليه ترفضينه ؟ فتحت عيونها بصدمه ...يعني كان بيضربها عشانها رفضته وحاله المنقلب فوق تحت عشانه تكلمت بخوف / مـ ـابـ ـيـ ـه تكلم بصوت عالي وبحده افزعتها / ماتبينه ؟!! - ايه كمل بنفس حدة صوته / وبدون سبب ؟؟ وتكلمت بتوسل / مابيه ...لاتغصبوني مثل عمتي ....مابيه مابيه ...مافهمتو من صياحي عنده اني مابيه...ماتفهمون انتم ؟ ناظرها باستغراب وتوجس / صحتي عنده...شلون يعني ؟!! تكلمت بخوف وتردد وهي تبعد وجهها عنه خوف انه يضربها/ يوم شفته جلست اصيح وقلت مابيه فتح عيونه على اخرهم بصدمه وغضب والشئ اللي تراجع عنه من شوي وماسواه ...سواه الحين وصوت الكف يتردد بالغرفه وتكلم بصوت غاضب هادر / الظاهر دلعناك زياده عن اللزوم ...تهينين الرجال بهالشكل ...وبيتنا بعد يالكلبـــه يبي لك تربيه من جديد ....ماتستاهلينه....لا حشا ماتستاهلينه الغلطه غلطتي يوم شريت نسبه وبغيته لك بس انتي ماتستاهلينه ....قدرك الردي من الرجال وبــــس وطلع وتركها ويدها على خدها وعيونها مارمشت من الصدمه والألم ...................... بغرفه يلفها السكون والهدوء ويلون جدرانها السماوي الفاتح المريح للعين والاعصاب منسدحه بتعب على سرير ابيض يتوسطها .... راسها مستقر على المخده وشعرها الاسود الناعم محاوط وجهها بفوضويه وزاده جمال فوق جماله عيونها مفتوحه ولا رمشت مصوبه على الساعه اللي متوسطه جدار الغرفه وبحيره من الدموع ساكنه هالعيون كفها اليمين يتلمس بشرود اللصاق المربع اللي انحط على يدها وتضغط عليه ماهمها الالم ولا همها ان الدم لطخ بياض القطنه بالعكس حست ان الالم الجسدي ريحها عن ألمها النفسي اللي تحس فيه استمرت على وضعها ساعات ...ماحست بالممرضات اللي جو وغيرو لها القطنه ولا حست بالابره اللي اخترقت جلدها الناعم ولا حست بتسرب المغذي وانعاشه لجسمها .....كأنها جثه هامده بدون روح لو احد سألها كم جلستي بهالغرفه بتقوله الوقت اللي جلسته بالساعات والدقايق والثواني حضنت يدينها بألم تواسي نفسها بنفسها .....وذكرى الايام اللي فاتت تجتاحها بكل قوه وعذاب بدون رحمه او تمهل 7 7 7 تنتقل من حضن امها لحضن ابوها لحضن خواتها لحضن خالتها وعمها وهي تحس انها بدوامه مالها نهايه وانها مو بوعيها اول بنت تتزوج لأهلها واول بنت تتزوج من البيت اللي هم ساكنين فيه وبتكون زوجه لمن !!... زوجة لناصر محبوب اهله واقاربه والرجل الصالح اللي كلن يتمناه لبنته زوجه لناصر ...!! حلم الطفوله والمراهقه....حبيبها السري الحلم اللي ماتخيلت انها بيوم بتحققه بعد ماذبحها يوسف كان بالنسبه لها مثل الشمس ...قربه يحرقك والنظر له يعميك ولا يمكن تطوله او تلمسه بيوم وشاء القدر انها تكون زوجته ويرتبط اسمه الطاهر باسمها اللي دنسه يوسف حلمها تحقق لكن تحقق ببشاعة الواقع ومر الحقيقه صحت من سراحانها على صوت امها وهي توصيها ومالقطت اذانها الا اخر جمله من لسانها / شمس ..سمعتي وانا امتس .. سوي مثل ماقلتلتس... ومسكت امها يدها وكأنها تطمنها وتسر لها بسر وتواصل كلامها بصوت اوطى /واذا بغيتي تسألين عن شئ لا تستحين... هالامور مابها حيا ....لاتخلين رجلتس يمل من حياتس....سمعتي؟ ابتسمت من تحت غطاها بسخريه وألم [ اي حيا يايمه اي حيا ...هو بقى فيني حيا بعد سوايا يوسف فيني ...الله ينتقم منك ..الله ينتقم منك]....وطيف يوسف بابتسامة الخبيثه تنرسم قدامها دقايق وصحت من تخيلاتها ....المكان فاضي من اي احد تعرفه صارت تتلفت بخوف يمين ويسار .... ماتدري وين راحو اهلها ولا تدري وين راح له ناصر الخوف تملكها ...خوف من الوحده وخوف من المصير اللي ينتظرها وخوف من الضياع بدنياها يدها امتدت لشنطتها بسرعه وبدون تفكير بتطلع الجوال وتدق على اهلها بس تذكرت انها ماخذته معها لأنه مايشتغل بمصر تمشي بسرعه هنا وهناك لعلها تشوف طيف احد من اهلها مسكت كتفها بألم وعيونها تدوّر بخوف بين هالناس وجه تعرفه....كم واحد ضرب كتفها بدون ادنى اهتمام فيها ...بعضهم اللتفت بسرعه ورمى عليها اسف وبعضهم راح بطريقه تحس انها وحيده منبوذه بهالدنيا ماحد يبيها ولا احد بجنبها يحميها عقلها متعطل ...بداخلها هم وحزن اكبر من الموقف والضياع اللي هي فيه الحين يمكن لو كانت بوضع طبيعي وزواج طبيعي كان تصرفت ...كان دقت على اهلها او دقت على رجلها امتلت عيونها دموع....وصور لها عقلها ان اهلها عرفو بسالفتها وهم قاصدين انهم يضيعونها ويتركونها بهالمكان وحيده منبوذه ويفتكون من عارها ....ونزلت دموعها ...وخارت قواها وجسمها ينزل باستسلام ويستقر بكل ضعف على الارض وقبل مايوصل جسمها للأرض بكم ( سم ) ارتفع بقوه وسرعه ...وألم قوي اخترق عضدها انطلقت من بين شفايفها شهقة خوف لااراديه وحطت يدها على موضع الالم ولامست يدها اصابع كبيره خشنه ودافيه رفعت عيونها اللي كانت غرقانه بالدموع وتلاقت مع عيونه وميزت هالعيون اللي تقدر تطلعهم من بين الف عين وعين ....عيون عشقتها وعشقت صاحبها ووصل لمسامعها صوته وكأنه يكتم غضبه ويتكلم من بين اسنانه / وين رحتي ؟؟ بتتكلم ماقدرت ماتدري وين راح صوتها...عيونه المليانه غضب واستحقار الجمتها ...وقوة مسكته آلمتها وبددت اي قوه كانت بداخلها - انطقي وين رحتي؟ واخيراً طلع صوتها ...واطي ونبرة الخوف واضحه فيه / كنت ادوركم - كنتي تدورينا اجل ؟!!! ولا كنتي بتنحاشين مع حبيب القلب ...وشكله رماك ماعاد بحاجتك يالـ... ورجعتي مثل الكلبه لمكانك فتحت عيونها على اخرهم بصدمه من كلامه....كلام جارح ومهــــيــــن وياليته صدق كان اهون على قلبها المعذب.... لكنه ظلم ظلم عارفه ان حياتها معه بتكون جحيم بس توقعت انها تعودت على العذاب وبتتحمل لكنه فوق طاقتها بكثيررر جرح الحبيب وعذابه غير....اقوى واشد ألم وعذاب الظلم اشد بمليون مره [حسبي الله ونعم الوكيل على من كان السبب ...حسبي الله] 7 7 7 خلصو الإجراءات المتعبه واخيراً استقرو على الكراسي بانتظار اعلان رحلتهم ماعادت تحس بعضدها لابألم ولا بغيره ....خلص كل شئ ويده ماسكه بعضدها الضعيف وشاده عليه بقوته الرجوليه وحتى يوم جلسو ماحرر عضدها ....وصل لمسامعها كم همز ولمز من اللي يمرون فيهم يحسبون انهم معاريس عاشقين وان الرومانسيه حاضره بينهم حتى بالمطار وبوسط الزحمه كل تعليق منهم كان يزيدها هم وألم وكل تعليق كان مثل السكين اللي يطعن روحها حاولت تتناسى كل الالم اللي تحس فيه ولسانها ماكل من دعائه وطلب رحمته والالتجاء له هو اعلم واخبر هو القوي المتحكم هو الرحيم اللطيف هو المنتقم الجبار [ يــــآآآآرب رحمتك ....حسبك ربي ونعم الوكيل ] 7 7 7 7 يقودها مثل الشاة لاحول لها ولا قوه بيد وبيده الثانيه يسحب الشنطه انطلق صوتها معترض بعد خوف وتردد/ خلاص اتركني وين بانحاش بوسط الطياره وحررها من مسكته واخيراً بصمت...جلسّها بمكانها ورفع الشنطه وجلس بجسده الضخم بجنبها يده ضربت يدها بسبب ضيق المكان وشالها بسرعه وعلامات القرف والعصبيه مرسومه على وجهه آلمتها هالنظره واصابت قلبها بسهم دامي ....انكمشت على نفسها تحاول تبعد عنه عشان ماتشوف هالنظره الجارحه مره ثانيه اذا لمست يده بدون قصد وتكلم بصوت واطي وكانه يكلم نفسه / وش ذا الضيق ...ليتني حاجز درجه اولى بدل ذا القرف نزلت راسها والدموع رفضت انها تنزل وتواسيها وتوقف بجنبها مثل ماعودتها حتى دموعها تخلت عنها بغربتها وهي بحاجتها وصلها صوته وهو يكلم احد ثاني وثواني حست بمكانه فاضي وجسد صغير يستحل مكانه لفت وجهها لجهته شافت خدامه تناظرها ببتسامه وبلاهه ناظرته بصدمه لكنه قابل نظراتها بنظرات استحقار نزلت عيونها لحضنها بألم [ حط الخدامه بينا....يعني هي انظف واشرف مني ...يتحمل قربها ولا قربي يكفي ياناصر عذاب يكفي ] انقلبت على جنبها على نفس السرير الابيض بجسد واهن وروح معذبه ميته وغمضت عيونها وهي تطرد هالذكرى من بالها وسالت دمعه طاهره على خدها كانت حبيسة عيونها لأيام اللي تمر فيه مايهونه عليها الدموع ولا يخفف عذابه الصياح بعالي الصوت مالها غير ربها هو اعلم بها وهو ارحم بها وهو يعرف وش الخيره لها بكل امرها ............................. سكر الجوال وابتسامه حالمه تزين وجهه انسدح على السرير وحط راسه على الوساده والابتسامه كل مالها وتتسع حط الجوال على المخده قدام عينه وهو يطالعه وغمض عيونه وهو يتخيل صوتها يرن باذنه ....وصوت ضحكتها وهو يثير المشاعر بقلبه والموقف الوحيد اللي جمعها معه استعاده كامل بذاكرته مثل عادته كل ماسكر منها تذكر لمستها الدافيه وتذكر خجلها اللي تحاول تخفيه ...تذكر طريقتها البريئه للتعبير عن رفضها ابتسم ابتسامة محبه وعشق ....وبتصرفاتها البريئه والعفويه تخليه يعشقها ويذوب بهواها باليوم الف مره كان كسبها وامتلاك قلبها تحدي بالنسبه له....كانت مثل الخيل الجامح اللي بعد عناء وصبر روضه فارسه وامتلكه كانت مثل المراهقه بخجلها وتصرفاتها معه اذا تغزل فيها....ومثل فرحة الطفل اذا دق عليها وسمعت صوته كانت وهو يتغزل تتلزم الصمت مايسمع الا صوت تنفسها الا يضطرب اذا بدى يتكلم وصار يعشق هالنفس تذكر شهقتها يوم طلب منها تبادله كلمات الغزل وتذكر تصرفها اللي خلاه يضحك ...قفلت الجوال بوجهه وظلت مقفلته كذا يوم من شدة خجلها بحكم دراسته بالخارج شاف كثيررر وقابل كثيررر....وبنات كثير يبون قربه لكن مافيه احد ملى عينه وملك قلبه سواها مستغرب من نفسه ...كان من شروطه بزوجته الجمال والنعومه وهي جت عكس اللي يبي جمالها عادي مايجذب...ماينكر ان البرائه الجذابه واضحه عليها على الرغم من قوتها لكن ليه نستغرب ...احوال القلب عجيبه ... دايم يعاكس رغبات صاحبه ويطيح اسير لحب شخص بعكس هالرغبات تنهد تنهيده من اعماق قلبه / شكلك حبيت ياولد وش فيني انجنيت صرت اكلم نفسي هههههههههه انا اشهد انها هبلت فيني بنت ابوها الله يصبرني بــــس متى يجي العرس مـــــتـــــى .................... حاطه راسها على جانب الدريشه ....وراسها مره يرتفع ومره ينزل بقوه ويضرب بالدريشه مصدر صوت كل مامر الباص بمطب وصوت ازعاج البنات بسوالفهم اللي ماتنتهي مالي المكان دون ادنى اهتمام ان هناك رجل اجنبي يسمع لأصواتهم وضحكاتهم لكن مع كل هذا كانت مستغرقه بالنوم ...اليوم كان متعب لها بالجامعه ....برد وكرف ... كل المحاضرات بمباني مختلفه وعشان تحضرهم لازم تقطع المسافه الشاسعه بين المباني وبهالبرد اللي فتت عظامها حست بيد على كتفها تهزها / العنود العنود قومي وصلنا بيتكم قامت كأنها بحلم وبآليه تعودت عليها اخذت شنطتها وعدلت غطاها ونزلت لبيتها فتحت الباب بمفتاحها ودخلت وكالعاده البيت كأنه بيت اشباح مافيه صوت ولا اي احد من بعد روحة مزون صار البيت كئيب وكأنه بيت مهجور وامها اللي تعودت على مزون ماطاقت فراقها ومن بعد طلعتها من البيت وهي اغلب الوقت ساكته ومايدرون وش فيها البيت كأنه كان سفينه ومزون الربان ومن بعدها مالقو لهم شاطئ يرسون عليه ولا قدرو يوجهون السفينه وعشان كذا اخوهم قدم زواجه صعدت لغرفتها وهي تناظر للغرفه الملاصقه لها ...غرفة مزون ودخلت لغرفتها بسرعه وسكرت الباب.... ماتبي تروح وتطل على هالغرفه وتتذكرها كانت كل ظهر تروح عندها ...حتى عباتها ماتفسخها تجلس تسولف عليها والثانيه تسمع وماتمل منها ومن كثر هذرتها والحين مافيه غير الجدران مقابلتها 7 7 7 لفت انتباهها علبه مغلفه بطريقه حلوه وفوقها ورده حمرى ابتسمت من قلب بعز حزنها ربي ارسل لها شئ يبسطها ويخفف الحزن اللي تحس فيه وبلسان شكور / الحمدلله لك يارب مدت يدها للعلبه واخذتها واستنكرت الكرت اللي عليه وارتفع صوتها باستنكار (محل محمد صالح لإصلاح الأجهزه المنزليه) قلبت الكرت وانطلقت منها ضحكه ...كان مكتوب على ظهر الكرت بقلم ازرق وواضح ان اللي كتب كان مستعجل [اسف على الطريقه اللي عطيتك فيها الهديه ...المفروض البسك اياها بيدي بس حكم القوي على الضعيف ...اخوك مارضى ادخل اشوفك ملبوس العافيه ومبروك علي فيك زوجك المحب : ضاري] تنهدت بندم كــــبــــيــــرررر وانطلق صوتها متوسل / يآآآرب سامحني ماستاهلك ياضاري والله ماستاهلك ....ليتني رفضتك ليتني ................... يمشون ويدينهم تأن من اطنان الأثقال اللي شايلتها ومع ذلك مارحموها ....كل شوي يزيد الثقل يمشون بخطوات سريعه يدخلون لهذا وذاك ينتشرون بارجاء المحل وعيونهم تدور على كل اركانه ويدينهم تمتد لأي قطعه تناسب للعروس واصواتهم تتعالى بحماس وهم يتشاورون على القطعه انطلق صوتها بتعب واضح / عمه حرااام عليك وربي يديني بتنقطع من الاكياس ونزلت الاكياس من يدينها ومدت كفوفها الناعمه لعمتها وخطوط عميقه وحمرى تتوسطها / شوفي شوفي وشلون شكلها من الاكياس ارحمينا شوي رق قلبها عليها / خلاص خلاص باخذ الاكياس واعطيهن السواق ...وبعد احسن عشان ماتضيع تكلمت بفرحه وكانها بشرت بمليون ريال / تسلمييييييييييين يااحلى عمه ....وباستها على خدها تكلمت بخجل غصب عنها من حركة بنت اخوها وهي تبعدها عنها / هتووون عيب استحي بالسوق حنا مو بالبيت - هههههههههههه طيب يالخجوله - اقول اها بس ....جيبي الاكياس وانتي ساكته واخذت الاكياس من الكل ودقت على السواق يقرب لباب المجمع عشان تعطيه الاكياس ................... تكلم بصوت عالي غضبان / اول مادق عليكم تطلعون مب تطقوني ساعه عند الباب ولا قسماً بالله ماعاد اجيبكم ولا لي دخل بطلعاتكم ....فاهمممممين ردو بخوف من عصبيته اللي نادراً ماتظهر عليه / فاهمين فاهمين تكلمت اخته الكبيره / طلال ...ماودك تنزل معنا وتختار لك كم جزمه وكم لبس جديد - لاااا... انزلو وفكوني بس سكتت اخته الكبيره وهي مقدره للعصبيه اللي هو فيها مع انه ماعمره عصب عليهم بس اللي مر فيه مو شويه استغفر ربه بسره وذكره ....عارف ان عصبيته مالها داعي بس اللي صار من شوي افقده اعصابه واتلفها بسبب شاب مستهتر سُلم سياره يحسبها لعبه ويحسب الشارع انوجد ساحه له يمارس فيها طيشه بغى يجيه حادث وتنقلب سيارتهم .... وخواته ...امانه ابوه عنده كانو بيموتون بهالحادث لولا لطف الله وستره الموقف كله كان فوق طاقته ....الخوف من الموت والخوف على خواته والمسئوليه لو يجي الارواح اللي معه شئ وقهره من الشاب اللي كان بيكون سبب موتهم كلها شكلت عامل ضغط وخلته يعصب ويفرغ غضبه على خواته صح هم كانو معه بنفس السياره والخطر اللي كان بيصيبه بيصيبهم برضو لكنه هو اللي يسوق وهو اللي سياره الشاب طلعت بوجهه وهو اللي تفادها وبغى يصدم بسياره ثانيه وهو اللي بقدرة الله عدل سيارته بسرعه ونجا من السياره الثانيه وهو اللي بيلومونه الناس لو ماقدر يتحكم بالموقف وقف عند مدخل المجمع والسياره اللي قدامه مو غريبه عنه دقق بالنظر واطاله ...بس يبي يتأكد اول وبسرعه يده امتدت على جيبه وطلع الجوال وبسرعه اكبر دور على اسم بباله ويتقدم الأسم حرف الالف مكرر خمس مرات عشان يتصدر القائمه ودق عليه ثواني وانطلق صوته / الو هلا والله وغلا السلام عليكم انتي طالعه لسوق ؟؟ بأي سوق طيب وجايبكم السواق بجمسكم ؟؟ اهااا حلو لا لا مب شئ... اسأل بس يالله اخليك مابي اشغلك... وبأتصل عليك بالليل ....اوك؟ باي ياقلبي انحرج من كلامه وارتفع صوته /احم احم .... صوته كان عالي ونسى انه بين خواته يوم ختم مكالمته بـ ياقلبي تحمحم يبي توتره واحراجه يخف ويشتت انتباه خواته عنه لكن صوت ضحكات مكتومه توصله من ورى خلته يندم على استعجاله بالاتصال ولسانه اللي مايقدر يسيطر عليه بحضرتها ..................... جالس على كرسي حديد متصل بكرسيين بوسط سيب ضيق وازعاج اللي يمرون فجر راسه عيونه الذبلانه معلقه على باب الغرفه ومركز بنظره على اي احد يطلع ويدخل بقلق حط يدينه على ظهره يمسده وانطلقت منه تنهيدة وجع....يحس ان ظهره بينقسم نصين التعب هد جسمه ....يومه كان طويل وصعب ...طول امس مانام ...والايام اللي قبلها كثرة التفكير حرمته النوم واذا نام الكوابيس المزعجه تكدر نومه المسروق اركى مرافقه على ركبه وغمض عيونه ومسح وجهه بيدينه بتعب وهو يتنهد يبي يرتاح ... يبي شئ يخفف هالعذاب والألم اللي يحس فيه ....يبي احد يشيل عن راسه التفكير ويرتاح لو ثواني شبك اصابعه ببعض واسند جبينه عليهم والافكار تروح وتجي التفكير اتعبه والقلق من اللي بيصير محاصره وصله صوت خطوات قريب منه ...رفع راسه وقابلته عيون الدكتور فز من مكانه وتناسى تعبه / هاه يادكتور وش نتيجة التحليل - المدام سليمه ومافيهاش اي حاقه - كيف مافيهاش اي حاقه؟!! يعني مب حامل؟!!! - لئه مش حامل ....بس كول حاقه فيها سليمه ...وامكانية الحمل عندها كبيره ائوي تكلم بنره حاده وعصبيه / عمرها ماحملت ...هي حامل ولا لا هذا اللي ابي اعرفه انصدم الدكتور من عصبيته ومن كلامه وتكلم بخوف / آ... آئولتلك مش حامل تكلم بعصبيه وبصوت واطي وكأنه يفكر بصوت عالي / وشلون ماكانت حامل ...وش السالفه واتسعت عيونه وكانه اكتشف شئ / طيب ماكانت حامل وسقطت؟!! - لأ ....الرحم على ودعُه الطبيعي ماتعردتشي لأي حمل ولا تغيرات مسك راسه بقوه ....يحسه بينفجر شئ مافهمه...شئ بالقصه ناقص التفكير لعب براسه لعب ....معقوله تكون معطيته فلوس عشان مايعلم ...معقوله تكون تكذب وتبي يوسف يتزوجها فيه شئ مافهمته اكيد [يـــآآآرب ألهمني الصبر] وتكلم موجه كلامه لدكتور / لازم اتأكد ما أثق فيك ولا فيها وتوجه للغرفه اللي هي فيها وترك الدكتور بالسيب ولاعبره هو ولا اعتراضاته على كلامه ......................... جالسه على الكراسي والطاولات مقابل المطاعم سانده مرفقها اليسار على الطاوله ومريحه راسها على يدها عيونها تتابع اللي يطلبون بتعب ترفع كوب الكابتشينو الورق بيدها اليمين وتدخله من تحت غطاها وتشرب راسها يوجعها ....طلعت من البيت العصر ولا شربت قهوه وبنفسها [ مشكله الإدمان والله ] وصلها صوت افزعها / الجازي ؟ تركت الكوب من يدها ورفعت راسها ولفت لمصدر الصوت ببطء وخوف من الصوت الرجالي وانصدمت من اللي شافته وانطلق صوتها بدون شعور وبصدمه/ طلال؟ انرسمت ابتسامه واسعه ومشرقه على وجهه / عيون طلال ماتدري وش تقول ولا كيف تتصرف ظهوره فجأه قدامها وبهالمكان العام وهي تعبانه لخبطها وعطل تفكيرها فزت من كرسيها بسرعه وصارت تتلفت يمين ويسار بخوف من ان يكون احد يشوفها ماتدري ليه سوت كذا بس ماكانت بحالتها الطبيعيه وانطلق صوتها بدون تفكير / وش تسوي هنا ؟!! - جايب اهلي ودخلت معهم استغرب من سكوتها / الجازي ...ماودك تسلمين علي ....وابتسم بوجهها شكلك مستحيه مني ومن الناس بعد ... وقرب لها ومسك يدها / تعالي ندخل بقسم العوائل عشان ناخذ راحتنا سحبت يدها من يده بسرعه / انهبلت انت ؟!! وش تسوي بتفضحنا عند الناس !! وصارت تمسك يدينها بتوتر وخوف وتضغط عليهم / ياااربي تخيل يشوفوني بنات اخوي ومرت ذياب انمحت الابتسامه من على وجهه بصدمه من تصرفها وكلامها / وش هالكلام... انا فرحان بشوفتك وانتي همك بنات اخوك !!! ندمت على الكلام اللي قالته وتمنت لو كانت طرما ولا قالت اللي قالته / طلال آ... تكلم مقاطعها بعصبيه / بلا طلال بلا بطيخ ...خلاص مانبي سلام ولا غيره وروحي لبنات اخوك اللي خايفه يشوفونك مع زووووجك ...وكمل وهو يأشر على نفسه /اللي هو انا ولف ومشى وخلاها ماتدري وش تسوي ولا كيف تتصرف كل شئ مر بسرعه وهذا هو مشى وخلاها زعلان منها وارتفع صوتها بأسمه / طلال ....طلال...وقف شوي وصارت تلحقه وتناديه وهو ماشي بدون مايعبرها مايهون عليها زعله ....ولا تبيه يعصب منها وهم توهم ببداية حياتهم عارفه انها جرحته بحركتها وكلامها ونست انه زوجها وان هي بالنسبه له غيررر...بس تصرفت بدون وعي منها وتحت تأثير الصدمه والتعب جت بتمسك يده لكنه نفض يدها بعصبيه / ابعدي عني لا اسوي شئ اندم عليه ....وزاد من سرعة مشيته شافت ان ندائتها له ماجابت فايده ولفتت انتباه الناس لهم وشافته وهو متجه للمصعد ويضغط عليه وثواني وانفتح باب المصعد الفاضي ودخل بقامته الطويله وحيد لداخله ومرت ببالها فكره مجنونه ونفذتها بدون تفكير لأنها عارفه لو فكرت فيها ماراح تسويها وقبل مايتسكر الباب بثواني استقر جسمها بجانبه وبحركه مفاجئه له وبحركه كانت من سابع المستحيلات انها تسويها بيوم ...ووين بالسوق... بمكان عام ارتمت بحضنه ولفت يدينها حوله ....وانطلق صوتها واطي وخجول / فديتك طلال لاتزعل مني ............................... ببيت شبه خالي وبصاله واااسعه لاتخلو من البساطه بالاثاث والناس اللي ساكنته استقر جسدها الواهن اللي اضعفه طول السنين على جلسه صممت على الطريقه القديمه ومكسوه بالسدو الاحمر والاسود ووصلها صوت طفولي / ماما عاوزه حليب تكلمت الجده وكأنها تلقن طفل ببداية نطقه / قـ ـولـ ـي يـ ـمـ ـه ابـ ـي حـ ـلـ ـيـ ـب ردت بصعوبه / يما ابي حليب ...وابتسمت بنصر ردت لها الابتسامه وامتدت يدها لأبريق الحليب اللي مستحل جانب المنقد وصبت لها ببياله ومدته لها / خليه وانا امتس لين مايبرد من يوم جت البنت وهي ماليه حياتها ....تعتني فيها وتسولف معها رجعتها سنين وسنين لورى ....حست أنها للحين بشبابها وعيالها للحين صغار وبحاجتها عيالها كبرو وتفرقو من حولها وجاهم عيال واحفاد وكلن ببيته وعياله لاهي عنها ومسحت على شعرها بحنان وامتنان ... وصحاها من سرحانها صوت رجالي خشن / ياأهل البيت الشيخ عناد وصل وابتسمت من سماع صوته واتسعت ابتسامتها يوم دخل وشافته وارتفع صوتها المنهك / يــآآهلآآآ بالطش والرش ...هلا ياامك هلا اقبل عليها وهو يبادلها نفس الابتسامه الصادقه ويبوس راسها وتكلم يمازحها / الله الله كل ذا فرحه بشوفتي !! اخاف انك تحسبيني جدي ضاحي بس ضربته على كتفه بخفه وضعف وسعاده يشوبها شئ من الخجل بعد هالعمر الطويل كم لها وهي زوجة ضاحي وكم لها وهي ام وجده ومع ذلك للحين الخجل الفطري فيها بعكس هالجيل يمكن بسبب تربيتهم او البيئه اللي عاشو فيها او عيشتهم بمكان خالي من وسائل الإعلام والإتصال اللي بدال مايساعد بتطور الامم والحضارات تساعد بهدمها وتدميرها وتدمير العقائد الدينيه والتقاليد - لمو حبيبتي ماتبين تسلمين على بابا لفت بحركه زعل طفوليه وطنشته لف لجدته وهو يبتسم على حركات بنته ويأشر لها بعيونه على بنته - زعلانه عليك تقول انك واعدها توديها للملاهي واخلفت وعدك جلس بتعب على الجلسه بجنب جدته / وش اسوي يايمه دقو علي ورحت لهم ...وهذي طلعتي من المستشفى منهد حيلي ربتت على يده بحنان / قواك الله ياوليدي ....بس البنت متعلقه فيك ويالله تسلى عنك ....لاتحرمها منك وانا امك - الله يعين بس كلم جدته وهو يبتسم بخبث / يمه تبين كيندر سبرايز ؟؟ لفت له الجده باستغراب وعدم فهم / وش تقول انت؟!! وانطلق صوتها بفرحه وهي تنط بحضنه / انا ..انا عاوزه كيندر سبرايز حضنها وهو يبوس راسها ويضحك ويعطيها الكيندر - ههههههه عرفت لها - هههههه طول هالسنين وحنا مقابلين بعض - متى ناوي تتزوج....بنتك لازم لها احد يناظرها ويلاحقها من مكان لمكان....وانا شوفت عينك عجوز ويالله اقوم واقعد انت تبي لك حرمه تناظرك وتشوف وش تبي و بنتك لازم لها ام تعلمها وتهتم فيها وتجيب لك عيال يشيلونك ويعينونك وقت شدتك انا مانب دايمه لك وحتى بنتك اللي ربيتها بتتزوج وتروح لبيت رجلها بس حرمتك هي اللي بتدوم لك ....شفني انا وجدك كم عندنا من العيال وعيال العيال وبيتنا خالي مافيه الا انا وهو ....مالنا غير بعض ... كل واحد فينا يطالع الله ثم يطالع الثاني سكت شوي وهو يشوف بنته لاهيه تفك الكيندر ثم تكلم / شورتك وهداية الله يمه....اخطبي لي نقوتك من الحريم تهلل وجهها سعاده ودموع الفرح شقت طريقها على خدودها / عساه مبارك عليك ....يارب جعل التوفيق والفرح فاله ومدت يدينها الضعيفه له تحاول تحضن جسمه الشاب القوي ....حضنها وعبره بحلقه ودموع بعينه ماتوقع انها بتفرح له بهالشكل ....توقع فرح عادي بس اللي يشوفه فرحه فوق توقعاته بكثيرررر ومحاولتها انها تقربه لها وتحضنه بجسمها الضعيف ودعواتها الصادقه له كونت الدموع بعينه والعبره بحلقه ............................................ للحين بمكانه جامد ماتحرك ولا ظهرت عليه اي ردة فعل وللحين يحس بدفى جسمها و يحس بيدينها محاوطته ويحس برنة صوتها تخترق قلبه وهي تقول جملتها (فديتك طلال لاتزعل مني) انرسمت على وجهه المصدوم ابتسامه غيررر ...يمكن لو شافها احد يعرفه بيقول اول مره نشوفه يبتسم بهالشكل ابستامه من قلب عاشق ....من قلب زوج متيم بزوجته تنهد وزفر نفس الراحه ولف لها شافها واقفه بزاوية المصعد وبينهم ناس ...حريم ورجال وعربة طفل ناظرهم باستغراب متى جو ومتى دخلو ومتى فارقت حضنه ....كل شئ صار بدون مايحس وكانه ماكان بوعيه حركتها مثل المويه طفت نار غضبه وشالت كل القهر اللي بقلبه منها وحس نفسه بيطير من فرط سعادته ونشوة الحب اللي ملت روحه وقف المصعد ونزلو الناس منه وهي كانت اخر وحده تطلع منهم مخلفته وراها غرقان بجموده مسك يدها قبل ماتطلع ورجعها بجنبه وخلى المصعد يتسكر عليهم ............................ تمسكه مع يده وتحاول انها تسحب جسمه الضخم وتجلسه على الكنب ولسانها ينطق بأي كلام تعرفه عشان تهديه وتطفي ثورة الغضب اللي هو فيها وعيون خواته تتابع اللي يصير قدامها بصمت وبخوف واستغراب من عصبية الزايده - اذكر الله وصل على النبي وانا امك ...ولا تسبها هذي عرضك نفض يدها بغضب وكأن كلامها البنزين اللي زاد غضبه اشتعال / ماصدقت متى طلقتها قامت تناطحني وتبي فلوسها تبي تكسرني ...تبي تخليني اندم على طلاقها اللتفت لبنتها وبصوت آمر / العنود جيبي لأخوتس مويه زمزم من الجيك بسرررعه وواصلت كلامها بحزن / وش اللي جانا ؟!! ....عين وما صلت على النبي قاطعها بحده وعصبيه / يـــمـــه ...وش عينه!! اقولك تبي فلوسها فلوووووسها تفهمين وش فلوسها - عطها فلوسها ...وش تبي بحلالها - وشلون اعطيها فلوسها !!....فلوسها هي سيولتي ....وهي اللي ادخل فيها بالمشاريع ...لو اخذتهن مني بخسر واسمي اللي بنيته بسنين بتهده بنتك بيوم وهذا هو اللي تبيه طول عمرها يجيها ربحها لعندها بدون وجع راس وتاخذ وتسكت يوم طلقتها بتاخذ فلوسها بارده مبرده بتعض اليد اللي ربتها واعتنت فيها وحافظت عليها وحمتها من خوالها اخذت المويه من بنتها ومدت الكاس له / اشرب يايمه وتعوذ من ابليس وهذا حلالها ماطلبت شئ مب لها وكان قلت لها انك بتخسر لو اخذت كل فلوسها فهمها وش اللي بيصير ومزون طيبه وتحفظ العشره ماظنتي بتسوي شئ يضرك -من قال انها طيبه؟!!... تمثل عليكم يوم كانت بحاجتكم لكن شوفيها يوم طلقتها وراحت لخوالها استقوت وطالبت بورثها وكور يده بغضب / لكن هين واللي خلقني لأخليها تندم على اللي سوته وفكرت فيه وتكلم بحقد غريب على اهله / بأحول كل فلوسها باسمي وخلني اشوف وش بتسوي حطت يدها على صدرها بخوف من كلامه وتوعده لها / لااا ...مال يتيم هذا ....ياويلك من ربي بتاكل مال حرام وبتوكلنا مال حرام وبتوكل عيالك بعد إن سويت بفلوس مزون شئ من اللي قلته لا أنت ولدي ولا انا امك ...ســـامـــع ؟؟ زاده غضبه وقهره منها وبقلبه [ والله لأخليك تندمين على اللي فكرتي فيه وطلبتيه ] .......................... دخل عليها وهي سرحانه وتقلب تمره بيدها ....ناظرها باستغراب اول مره يشوفها سرحانه بهالشكل سلم ولا ردت تنحنح ولا ردت....خاف ان يكون فيه مصيبه ولا شئ كبير شاغل تفكيرها [الله يستر وش صاير ] حط يده على كتفها بهدوء وهو يسمي بقلبه عليها خوف انها تنفزع / يمه يمه - سم - عسى ماشر وش صاير..؟؟!...لي شوي داخل اسلم واناديك ولا رديتي علي - مانتبهت ياوليدي ...وعليكم السلام جلس مقابلها مايفصل بينهم شئ وركبته تلامس ركبتها / وش صاير؟ ناظرته باستغراب / ماصار شئ....وراه انت سامع شئ؟! - لا... بس اشوفك سرحانه ومانتي يمي قلت يمكن صايرتن مصيبه وانا مادري - لا ... وش هالفال ...ماصار الا كل خير بس جلست اتنقى لك من بين الحريم على وحده هديه رضيه سنعه مالقيت ....كلهن على ذمم رجال الجازي اللي كنت ابيها لك اخذها واحد وشمس واخذها ناصر والعنود الدلوعه اخذها ضاري وهتون خابره ان واحد خاطبها من بقى ياربي من بقى ؟ وتكلمت بسرعه وكأنها تذكرت شئ / ايـــــه بقى مزووون هاه وش رايك وانا امك فيها ؟؟ وناظرته بسعاده وابتسامه للحين مصدوم منها.... كل ذا السرحان وانشغال البال بسببه ....بسبب موضوع قاله لها ونساه تماماً ماخلت احد مافكرت فيها ....ابتسم بمحبه لها وباس يدينها / الله لايحرمني منك يمه تكلمت بعصبيه تحاول تخفي ابتسامه خجوله انرسمت بحيا على وجهها وسعاده بحلاوة وجود الابن وامتنانه لها بقربها منه / اقول اها بس خل عنك الخربطه...هاه وش قلت ...تبي مزون؟ - مزون زوجة متعب ؟!! - طلقها من زمان وبعد شهر وكمن يوم بتطلع من العده - صعبه يمه اتزوج زوجته - هو مطلقها بالعاني وهذاه متملك وبيتزوج ...ماظنتي انه يبي يقطع نصيب بنت عمه - مادري صعبه يمه طليقته هي وبنت عمه هو اولى بها - ماطلقها وهو يبيها - مادري والله ....بعدين يمه طرما هي - والله انها تسوى مية بنت صاحيه ومعافيه ....تربيتي ذا البنت صايمه ومصليه وهاديه وطيبه وسنعه وشايله بيت عمها على راسها - مادري يمه دوري غيرها مابي مزون - بناتنا خلصو الباقي كلهم صغار ماينفعون لك طيب تبي طيف ؟....اخت مزون واكبر منها على ان الجازي ماتحبها وحالفه اني ماخبطها لك بس كانك تبيها صمت ثلاث ايام وخطبتها لك ناظرها باستغراب وعصبيه / والجازي وش عليها اتزوج اخت مزون ولا لا ...ومن هي عشان تحلف عليك اخر عمري هالنزغه الجازي تتحكم فيني من اخطب ومن مااخطب - اذكر ربك وانا امك والجازي اعرف فيها مني ومنك... تقول انها دلوعه ورفله وبتجيب المشاكل للبيت ولا تنفع تسكن معنا ....بتأذينا انا وجدك وتقول انها ماتنفع لك وهي عكس طبايعك واللي انت تبي تكلم بعصبيه افزعت جدته / وش دخلها هي ....من متى تعرفني يوم انها تحكم وتقول ماتنفع لي امي هي ولا اختي...قولي لها تبلع لسانه ولا تتدخل فيني ولا قسماً بالله لأوصل هالحكي لأبوها وهو يعرف يتصرف معها وكانه عاجز لايمسكها ويربيها يخليها لي وانا اربيها وقام من مكانه بعصبيه ووراه جدته مصدومه من عصبيته اللي كانت تسمع عنها ولا عمرها شافتها ومتندمه انها قالت له وخايفه يسوي شئ يضر الجازي وصلها صوته / وعناد بالجازي مانب متزوج الا اخت مزون وخلنا نشوف وش بتسوي بنت ابوها .............................. جالسه على طرف السرير ويدها ماسكه الكتاب وضاغطه عليه باقوى ماعندها وعيونها مصوبه عليها بصدمه والدموع المجتمعه بوسطها مخليه صورتها مشوشه ومو واضحه اللي قدامها مو اختها انسانه ماتعرفها .....انسانه اول مره تشوفها وتتعرف عليها او يمكن ماكانت تشوفها بوضوح وشافتها على حقيقتها وبوجهها الحقيقي البشع ترفع راسها وتشوف فم اختها ويدها يتحركون بعصبيه بس ماتقدر تسمع كلمه من كلامها الجارح وصوت اختها الحاد الغاضب يخترق سمعها ويصيب قلبها ويدميه / تسمعين يامزون ابعدي عن خالي ان شفتك جالسه بجنبه ولا بالغرفه اللي هو فيها والله ثم والله لأخليك تندمين انا من اول وانا ماعتبرك اخت ....اعتبرك وحده زايده مالك قيمه ولا معنى بينا واعتبرتك ميته بموت ابوك ولا عدتي تهميني بس كنت اكلمك واجي لك عشان خالي يقولي ويوصيني وكنت اشفق عليك ناقصه ويتيمه وعيال عمك مبتلشين فيك كلهم مايبونك ...كنتي منبوذه من خوالي ومايبونك الا عشان فلوسك والحين عمانك وزوجك رجموك علينا قربت لها ومسكتها من كمها وهزتها بعنف وغضب وشعرها الناعم تحرر من لفته وانتثر حول وجهها واكتافها /لكن من هاللحظه انتي عدوتي يالكلبه يالـ.... ومايربطني بك شئ ومايشرفني اني اكون اختك وطلعت وسكرت الباب بكل قوتها وتركت وراها بقايا انسانه نزلت راسها للكتاب بحضنها تحاول انها تقرى حرف من المكتوب قدامها ماتقدر غمامه قدامها حجبت الرؤيا عنها وعطلت تفكيرها وخلتها تتصرف تصرف ممو بوقته وتقرى الكتاب وهي متعرضه لسيل من الشتائم من لسان اختها وشوي شوي الصوره صارت مشوشه قدامها ومو واضحه مره تطلع ومره تختفي تحس انها بلعبه وهاللعبه تدور فيها وتنزل وتصعد فوق وتحت تركت الكتاب من يدها ووقفت ومسكت راسها ....تحس الارض صارت مثل المويه تتحرك من تحتها ماعاد فيها صبر ولا تحمل اللي جاها اليوم كــثـــيـــر وفوق طاقتها تبي تتكلم تبي ترد تبي تعترض كلهم يوجهون لها سب وكلام واتهامات وماتقدر تتدافع عن نفسها ولا تقدر تعترض على قرار يحدد مصيرها انحرمت نعمة الكلام وانحرمت من كل حقوقها وانحرمت من انسانيتها داسو عليها عشانهم يحسبونها ضعيفه ....يحسبونها ناقصه وماتوازيهم لابالقوه ولا بالكمال كبتت بداخلها على مر السنين الكثير الكثيررر من صغرتها وهي تشوف العذاب والظلم لكنها ماتقدر تتكلم ....ساكته وراضيه وعايشه على امل أن الحال بكرى بيتعدل لكنها تشوف ان كل يوم يتمادون اللي حولها واقرب الناس لها بظلمها وتعذيبها ماعاد تقدر روحها الطاهره على الظلم ولا عاد يقدر قلبها الضعيف على تحمل العذاب وجسمها ماعاد يقدر يحمل بداخله كل هالعذاب والظلم كلام متعب وسبه لها وقراره اللي صدمها ووقوف اختها بوجهها والسب والتهديد اللي وصلها منها كلها استنزفت اخر قطره من القوه اللي بداخلها وهذا هو جسدها بكل مايحمل من اوجاع والآم وعذاب يتهاوى على الارض عل وعسى تقدر الارض تتحمل مااثقل روحها ........................... منسدح على الكنب بتعب ظاهر عليه وكمادات مويه بارده تنحط على جبهته وتنشال وجسمه متلحف بطانيه ...ماطلع منه الا وجهه قرب له بخوف وعلامات القلق باينه بعيونه / ماتبي اوديك للستشفى يطمنونا عليك ويعطونك علاج تكلم بصوت تعبان / تسلم يبه ...يمكن برد داخلني لاتخاف علي ...اللي سلمني من طلق الرصاص بيسلمني من الحراره - اجل لازاد عليك التعب خل السواق ولا خالد ذا الهايت يوديك للمستشفى - يبه الله يهديك رح وانت متطمن ...ابتغطى بالبطانيه ومع هالكمادات اللي تحطهن علي الجازي بتروح الحراره واخف .... لاتشيل همي تكلم بحنان ابوي / الله يعافيك ويشفيك يارب ناظره اخوه بنظرة شك / ياخي مادري ليه حاس انك تكذب وتتميرض لف له وبعيونه نظرة توسل / ضاري فهم عليه اخوه وتكلم وهو يبستم بخبث / لا شكله تعبان جد ...مشكله يبه مرض القلب يقولون انه اخطر الامراض تكلمت الجده بخوف / بسم الله على وليدي وش قلبه بعد ....كلها حراره تبي الدفا وتروح وكمل بنفس ابتسامة الخبيثه / ايه والله الدفا وبس.... ودفاهم غيرر على حسب ماسمعت عقبال مانجربه بالحلال قولو امين بادل اخوه نفس الابتسامه / امـــــيـــــــن يارب الله يسمع منك لفت الجده للأبو / وش سالفة عيالك - الظاهر انهبلو عيالي ادعيلهم بالشفى تكلم بصوت واطي عشان مايسمعه ابوه / مصدقه انتي جايبه مويه بارده جمدتيني شيليها عني ولا جيبي مويه دافيه - تبيهم يكشفونا يعني - وطي صوتك لاأحد يسمعك وصله صوت ابوه / تبي شئ مشتهي شئ؟؟ - محسن الله يهديك حامل هو عشان يتشهوى - هذا ذياب مب اي واحد لو يشتهي اللي ورى البحور اجيبه له لو من اخر الدنيا - الله يخليك لنا يايبه ذخر ولايورينا فيك مكروه وكمل كلامه وكأنه تذكر شئ / يبه ماودك تاخذ خالد معك ...كل مانروح لدورية العائله مايروح معنا خل الرجال يشوفونه ويجلس حولك وحول جدي - صادق والله... وينه هو فيه ؟؟ - الظاهر برى بالخيمه واتجه للباب الخارجي وصوته ينادي / خالد خالد تكلمت يوم شافت جسم اخوها طالع من الصاله وضاري وهو يلحقه/ اجل خل الرجال يشوفونه هاه - اسكتي بس خليني استانس - تبي من يفتن عليك عند ابوك - الجازي واللي يسلم روحك لاتتنيذلين علي ...ياختي هالشايب حاكرني حكره ابي اشوفها ابي اسولف معها وجه لوجه والجوال هي تستحي ولا فيه وقت اصلاً ...انتي ماسويتي فيني خير كل يوم موديتها من سوق لمشغل لمادري وش وتجي هلكانه وتنام وانا جالس طول اليوم اتحسر.... اشوفها ولا اقدر اطولها ولا اشبع من صوتها - ياحووول رحمتك خلااص ....بضبط لك الوضع واخليك تقابلها وتستانس - تكفين يالجازي طلبتك مابي شئ يخرب علينا...هي كلها يوم اللي بيروحون فيه اهلي وبعدها بيرجعون وبيصك عليها ابوي وعاد مافيه امل اشوفها ابتسمت وهي تضرب على صدرها / افا عليك انا بنت ابوي ازهلها بس .......................... مسك يد الكرسي اللي جالس عليه بقووه يبي يفرغ غضبه وقهره من كلام الدكتور مايبي يتهور ويسوي شئ يندم عليه ...شئ يسبب الفضيحه له واهله بهالديره وبالغربه صاك على اسنانه يبي يلجم لسانه لاينطلق ويرمي قذائف من السب والشتم قام من مكانه وهو متجه لغرفتها والكلام نفسه يتكرر بكل مره يحللون فيها وكلام الدكاتره واحد ( مش حامل ... رحمها ولا مره كان فيه حمل ...مافيش حمل وماتعردتشي رحمها لأي عملية اقهاز ) راح لأفضل خمس مستشفيات وكلها نفس الكلام ونفس الجواب اللي زاد حيرته وزاد غضبه وفجر راسه من التفكير لازم يفهم ...شئ باللي قاعد يصير قدامه مافهمه وشئ مفقود بالقصه اللي انقالت له دخل عليها وشافها جالسه على طرف السرير بضعف وتعب وهاله من الحزن محيطه فيها جسمها متشح بسواد العبايه معاكس تماماً لبياض ونقاء قلبها وتلف الطرحه على راسها بتعب وببطء وعلامات الألم تنرسم على وجهها كل ماحركت يدها اللي اخترقتها الكثير من ابر التحليل والمعذي على مر ايام قليله رق قلبه عليها ....الرحمه للحين بقلبه على رغم القسوه اللي مارسها عليها وحبها للحين مسيطر عليه ولثواني...ثواني بس تمنى لو يضمها لحضنه وينسى اللي صار ويعيش معها عيشة عشاق مثل ماكان يتخيل طول عمره لكن شئ اكبر من الحب واقوى منه ...شئ صعب انه ينساه او يتغاضى عنه شئ عشانه يدوس على قلبه وعلى حبه وعلى اي رحمه اتجاهها كلمه يتردد صداها بباله بين كل ثانيه واختها كلمه يقولها بعالي صوته ويذكر نفسه فيها كل مارق قلبه العاشق على معشوقته كلمه كل ماتمر على باله يزيد غضبه وحقده وتمحي آخر آثار الرحمه بقلبه زآنــيـــه.....ايه زآنــيـــه سوت ذنب عظـــيـــم يمكن مايغتفر الا بتوبتها الصادقه جابت العار والفضيحه لأهلها خانت اهلها ودينها ونفسها ظلمت الكل بتصرفها حتى نفسها بعد هذا كله مااعتقد ان لرحمه والحب بقلبه مكان 7 7 7 سمعت صوت الباب ينفتح وصوت خطوات تقترب منها وظلال شخص ضخم يمشي قريب منها رفعت راسها وطاحت عيونها عليه ....ورمته بنظره ألم وعتاب وخيبة امل ورجعت نزلت راسها بألم واستسلام.... مافيه اي كلمه تنقال تخفف عنها اللي تحس فيه تحس ان الكلمات صغـــيـــره مقابل حجم مصيبتها وتحس انها ماتوفي وصف الألم اللي داخلها ولا تقدر تشفي جراحها وتعيد الحياة لروحها الميته كان جاي يشفي قهره منها ....كانت الشياطين قدام عينه ووده يذبحها ويفك نفسه من المصيبه اللي تحملها لحاله وده يسوي اي شئ فيها بس يطفي النار اللي بقلبه ومايطفيها غير موتها لكن نظرتها له هزته خلته يوقف ولا يكمل طريقه لها نظره صادقه ومايقدر احد يمثلها داس على كل شئ يثنيه عن عزمه وقرب منها لكن وشلون يدينه تطاوعه والدم اللي يسري بداخلها شايل حبها وشلون تطاوعه والروح اللي تحركها متشبعه بعشقها لكنها زآنــيـــه وكانت هالكلمه اللي ماغابت عن باله هي اللي تحركه وقوتها تزلزله ونارها تكويه وتخليه يسوي شئ ماتوقع انه بيوم يسويه قرب لها ورفع يده ونزلها بقوته الرجاليه يزيدها قوة قهره على خدها وحتى خدها الثاني ماسلم من قوته وبطشه رفعت يدينها تحمي وجهها بخوف منها وصدمه ويدينه بكل قوه وجبروت تطبع بصماتها على وجهها الناعم كل شئ غاب عن باله بهاللحظه ...حبه لها والفضيحه اللي بتصير بعد ضربه لها والعذاب اللي بيصيب قلبه بعد اللي سواه حاوط رقبتها الضعيفه بيدينه القويه وروح القهر والحقد والغضب تحركها وتضغط عليها يبي ينهي حياتها القذره....ويبي روحها الفاسده تفارق جسدها النجس ويبي يمحي العار والفضيحه اللي دنست فيه عائلتها حطت يدينها الضعيفه على يدينه الماسكه رقبتها بكل قوه تحاول تفكهم لكن ضعفها قدام قوته ماساعدتها صارت تجرح يدينه باظافرها عشان يفك يدينه عنها لكنه مافكهم وزاد قوة ضغطه عليها مدت يدينها لوجهه وصارت تجرح اي شئ توصل له اظافرها جلده ودمه باظافرها لكنه ماحس بأي ألم وكأن له جسم حديدي او جسم خالي من الاعصاب تحاول تحرك رجلينها وتبعده عنها لكنها فقدت كل قوتها بالايام اللي فاتت وماعاد تملك اي قوه تساعدها على القتال تبي تصارخ تبي تستنجد بأي احد لكن ماتدري وين راح له صوتها تفتح فمها وتسكره وهي تسحب نفس بقوه تبي الهوى يدخل لجوفها ....بس تحس انها داخل صندوق ومافيه ذرة اكسجين تحس الدنيا تدور من حولها وثقل غريب براسها تحس اطرافها ماعادت متصله فيها وانها صارت خفيفه تحس انها روح بدون جسد ....روح تطير فوووق هنا وهناك بدون شئ يثقلها ابتسمت وفكت يدينها عنه واستسلمت لمصيرها وواقعها هذا هو الموت....هذا هو رحمة ربي فيني هذا هو اللي بيرحني من العذاب اللي انا فيه هذا انا واخيراً بأعيش حياتي بدون ألم ربي اخبر فيني والموت ارحم غمضت عيونها باستسلام ورفعت سبابتها ولسانها بكل ثقل ينطق بالشهاده |
| الساعة الآن 01:09 AM |
Powered by vBulletin®
Copyright ©2000 - 2024, vBulletin Solutions, Inc.