08-10-10, 09:11 PM
| #11 | ||||
| نجم روايتي 
|  الف شكر لكل من ابدى اهتمامه بالرواية  اتمنى من كل قلبى ان تستمتعوا بها مثلى واليكم الجزء الجديد ولا تحرمونى من رد الجزء الرابع سمر:ياويلي على وتين كيف بتتصرف والله لو انا لانهبل لاعرس ولا زفه ياحسرتي عليها نفسي اكلمها اطمن عليها هيله:اسكتي بس والله انا مثلك صحيح هشام اخوي بس هو ماانحرم من عرس ولا شي مو مثلها بيوم وليله زوجوها بس ترا اخوي طيوب وحليل وانشالله تتقبله سمر:بدت عاد تدافع عن اخوها هيله تضربها على كتفها:والله ان اخوي حليل مااكذب عليك هيله تنادي امها :يماااااااااااه يماااااااااااه ام هشام:نعم نعم ايش تبين صوتك واصل لاخر الدنيا هيله:يمه ماجا هشام ام هشام:لا والله يابنيتي لحظه بس اودي البخور لاخوك واساله هيله:هاتيه عنك انا بروح ام هشام :بس بسرعه اخوك يستنى طلعت هيله وهي معاها المبخره وراحت للمطبخ لان في باب يطلع لجهة الرجال وجالسه تغني مابنكسر صابر لو فرصتي تمضي والحظ لو عاثر بصنع انا حظي لوتوقف احلامي برجع ارتبها وو........... سكتت يوم شافت اللي يهتز ومعطيها ظهره هيله:هتانوووه امسك المبخره ........: احم احم هيله من سمعت الصوت مو صوت اخوها حطت رجلها وطلعت صادفت امها ام هشام:انتي للحين ماوديتيها هيله بارتباك:اممم هاه لا ماوديتها امسكي وديها انت واعطتها امها وراحت بسرعه ام هشام:ياناس البنت ذي مدري متى تعقل وراحت تعطي المبخره ولدها ام هشام:هتان هتان اكرم:هلا خالتي هتان يصب القهوه هاتي المبخره عنك ام هشام: وهاشم اكرم:تعرفينه ياخاله عجاااز ام هشام وهي تعطيه المبخره:الله يعافيك ياوليدي ماتقصر طلع اكرم وهو يضحك على بنت خاله وجلس يتذكر شكلها وهي تبخر شعرها وتتمايل على اغنيتها كانت هيله طويله شوي عيونها ناعسه بنيه شعرها بني مايل للسواد قاصته فراوله الى حد كتفها تتميز بحبة الخال تحت شفايفها وهي اللي محليتها اكـــــــــــــــرم يالله تغير شكلها كثير عن وهي صغيره ياحليلها وراح للمجلس عند الـــــــــــــــــــرجال ابو مازن:ماجووو العرسان الساعه وحده وماجاوو ابو هشام :مدري هشام قالي شوي وجاي بس خلني اشوفه اخذ ابو هشام تلفونه واتصل على ولده هشـــــــــــام شاف تلفونه يدق شاله لقاه ابوه هشام:يالبلشه الحين ايش بقول لابوي ورد على ابوه::هلا يبه ابو هشام:وينك انت هشام بارتباك واضح:معليش يبه تغدووا انتوا ماراح نجي ابو هشام:خير انشالله ليه ماانتوا جايين هشام:والله يايببه وتين شوي مو مستعده خلها ترتاح شوي ابو هشام بحنيه: ارفق عليها ياوليدي وخلها على راحتها تراها توها صغيره وانحرمت من الفرحه زيها زي غيرها هشام :انشالله يبه تامر على شي ابو هشام : سلامتك يبه مع السلامه بيت ابو هشـــــــــــــــام عند الحريم ام مازن :ماجوو المعاريس ياام هشام ام هشام وهي جايه من جهة الرجال:: لا والله يقول ابو هشام مو جايين حزنت ام مازن كان ودها تشوف بنتها اللي بلحظه اختفت عنهم من غير سابق ميعاد ولا حتى تمهيد للامر في الصاله جالسين البنات هوازن وهيله وهتون وسمر وسميه وهيا هوازن وهتون كالعاده لحالهم وهيله وسمر وهيا وسميه هوازن كانت لابسه بلوزه بيضا باكمام طويله ومزمومه في نهايتها وحزام احمر وبنطلون اسود ساتان ماسك عليها ومع طولها المميز وجسمها المتوازن لكنها تميل للنحف معطيها جمال وكانت رافعه شعرها شنيون وحاطه روج احمر ومكحله عيونها السودا والواسعه بكحل اسود اما هتون فكان لبسها هادي مثل ملامحها كانت هتون عيونها عسليه مثل هشام لكن مو ناعسه وعندها غمازة على خدها الايمن مثل وتين وهي تاخذ من وتين الشعر الاسود وتدويرة الوجه وتقريبا امتلاء اجسامهم وكانت لابسه بنطلون جنز سكيني غامق وبلوزه رمادي فاتح وواسعه من عند الحلق ولافه شال على رقبتها بالوان مختلفه وحاطه مرطب زهر وكحل ازرق غامق وشعرها رابطته ذيل حصان اما هيله وسمر فكانوا لابسين مثل بعض بناطيل جنز باللون الازرق الفاتح وبلوزه اخضر عشبي سمر كانت طويله وحنطيه عيونها سودا متوسطه ملامحها حاده خشمها واقف وفمها صغير شعرها اسود حرير يوصل لاخر ظهرها هي ووتين مايحبون يقصون شعورهم اما هيله دايم تحب تغير بشكلها سمر كانت حاطه قلوس احمر هادي وكحل اخضرو فاكه شعرها وجايبته على جنب اما هيله فاكته لابسه عدسات خضرا وكحل داخلي بسيط ومرطب لحمي هوازن بحسره:ياحسافه ماجات وتين هتون:الايام جايه وخيرها بغيرها هوازن:بس كان نفسي اتطمن عليها مسكت يدها هتون بحنان ومسحت عليها:انشالله ربي يهدي سرهم ادعيلهم انتي بس هوازن:الله يوفقهم ويسعدهم يارب عند العرسان هشام طوال الوقت جالس لحاله بالصاله يفكر بمي وكيف قدرت تلعب عليه كان مقهور منها ومن ابوها ويتوعد ويتحلف فيها كيف حطته بهالموقف خلته صغير بعين نفسه مو بس الناس خلته يظلم وحده معاه مايربطه شي فيها سوى انه ولد عمها حط ايده على وجهه وتنهد تنهيده كلها تعب مو عارف يجيبها من وين والا من وين من مي وحقارة تصرفها هي وابوها والا من الصغيره اللي عنده اللي كسر فرحتها ومو عارف كيف يتعامل معها لاهي راضيه تتقبله وهو بعد مو مستعد لحياة جديده بعد اللي صار له قام بيشوفها من يوم كلمها الظهر ماطلعت من الغرفه ناداها للغدا ورفضت مو عارف ايش يسوي معها وقف عند باب غرفتها ودق البابوهو ينادي هشام:وتين وتين وتين:........... هشام:وتين ابي اكلمك شوي ممكن وتين بملل:ايش تبي هشام :يعني بالله بكلمك من ورا الباب اطلعي برااستناك وطلع وخلاها ماعطاها مجال ترد وتين بقهر:بعد يتأمر انابعرف ايش يبغى كل شوي راز وجهه عندي عدلت شعرها اللي كانت تاركته مفتوح وجدلته جديله وحده وربطة باخره شريطه وسمت بالله وطلعت طلعت وتين وهي عابسه ووقفت بنص الصاله وتين:نعم ايش تبي رفع راسه هشام وكان بيرد عليها بس شكلها بالبجامه والجديله سحره حس فعلا انه امام طفله ابتسم على طريقتها بالكلام وقال:تعالي اجلسي مايصيراتكلم وانتي واقفه تنهدت وتين بغضب وجلست:وهذي جلسه ايش تبي خلصني هشام:اسمعي واتمنى انك ماتقاطعيني الين اخلص كلامي اوكي وتين:تكلم اسمعك هشام:انا عارف اني لو بتكلم من اليوم الين بكره واعتذرلك ماراح انسيك الالم اللي انتي فيه ولا اقدر اعوضك يمكن لو اقولك انا بعد صعب علي الوضع مابتصدقين اذا انتي انجبرتي علي فأنا انضحك علي يعني كلنا متعادلين بس خلاص اللي صار امر وانتهى واتمنى اننا نطوي صفحة الماضي ونعيش بهدوء انتي بنت عمي والحين زوجتي وانا شاريك لاخر يوم بعمري والخيار والقرار لك العمر قدامنا اذا شفتي نفسك ماقدرت تتاقلمين او تتقبليني فانا بعد سنه اخليك تروحين لحال سبيلك لانك بنت عمي وسمعتك سمعتي وصدقيني ماراح اقرب منك ولا المسك الا برضاك وهذا كل اللي عندي ايش قلتي وتين ساكته ماتدري ايش تقول اكتفت بالصمت هشام :ردي ياوتين هاه ايش رايك وتين:اوك اننا موافقه بس توعدني ونزلت راسها وتكلمت بتردد وخجل:لا لا تقرب مني ابتسم على برائتها : لك ماتبين بس ممكن اطلب منك طلب اذا ماعليك امر وتين:قول هشام:اممممم عادي لو اغير اثاث الجناح تسكنين فيه لاني بصراحه مااحب اترك اهلي لحالهم وتين بتفهم:سوي اللي تبيه مسك يدها هشام:انا ابي اللي يريحك بعدت يدها بحيا وقامت:انا بروح اصلي العصر وراحت بسرعه ضحك عليها وعلى تصرفاتها الطفوليه وتنهد وهو يقول اهم شي تقبلت شوي والباقي الايام تحله بيت ابو مازن ابو مازن جالس يتقهوى وفكره مشغول على بنته وام مازن مثله بعد ام مازن:ياابو مازن ماكلمت هشام ووتين ابو مازن :لا والله سكتت ام مازن شوي وقالت:ابي اتطمن على بنيتي خايفه عليها تكفى ياابو مازن ودمعت عينها غصب عليها رفع ابو مازن جواله واتصل على هشام وجلس يستنى الرد هشام:هلا وغلا عمي ابو مازن :هلا فيك ياولدي كيفك وكيف وتين هشام:بخير ياعمي ماناقصنا الا شوفتك اخذ ابو هشام يوصيه على بنته لكنه ماطول وقال:اعطيني وتين اكلمها هشام بارتباك :هاه لحظه بس راح هشام لغرفة وتين ودق الباب :وتين وتين وتــــــــــــــــين: ياليل الشقا بس هذا غثيث توي مكلمته ايش يبي كل شوي داق الباب طلعت له وهي معصبه وواصله معها وتين فتحت الباب وتخصرت وقالت :خير ايش تبي مو تـــ.... حط هشام اصبعه على فمها ويده الثانيه ماسكه الجوال مد لها الجوال وقال:ابوك يبيك بعدت عنه بعصبيه وقالت وهي تصارخ:ماابي اكلم احد ولا عندي ابو ولا شي وقفلت الباب بقوه وراحت ((هشــــــــــــــام)) واقف متفاجئ من ردة فعلها ماتوقع بتكون كذا واتذكر عمه رفع الجوال وقال:اا عمي وتين بالحمام تدق عليك اذا خلصت ((ابو مــــــــــــازن)) سمع كلام وتين كله بس مابين عشان ام مازن وما صدق هشام يقول انها بالحمام وقال:خير انشالله سلم عليها وقفل من بنته وحزن الدنيا كله فيه وقال لام مازن:هشام يقول بالحمام لاطلعت تكلمك ولا بكره انتي كلميها وقام بيطلع ام مازن:كيفها ياعبدالله عساها بخير ابو مازن مايبيها تحس:لا الحمدلله بخير باين من صوت هشام انهم متفاهمين الله يوفقهم بس ام مازن:امين يارب العالمين وطلع ابومازن (( بيت العمـــــــــــــه هناء)) .......:يماه هاه ايش قلتي بتقولين لابوي ام سالم:انشالله بس مو الحين خل نخلص من الامتحانات ويصير خير سالم:بالله وتصير السالفه مثل سالفة هشام تروح البنت علي ام سالم تضحك على ولدها:خلاص يايمه لاترجني اكلم ابوك يكلم خالك ويصير خير قام سالم وهو مستانس وباس راس امه:الله لايحرمني منك ياماما ام سالم وهي تضحك على ولدها:كل ذا الدلع عشان هوازن وتغمز له تنهد سالم بحب لامه :اي والله يمه بنت اخوك لعبت بحسبتي وقام :انا بروح اشوف ولدك اكرم مدري خلص اوراقه والا لأ *************** جالسه بغرفتها تبكي بحرق مشتاقه لاهلها ونفسها تكلمهم بس في شي يمنعها هم تخلوا عنها هم باعوها ليه مازوجوا هوازن اكيد يحبونها اكثر مني اكيد هم مايحبوني وجلست تصيح وتشاهق ماحست بنفسها الا...... ((هشـــــــــــــام)) جالس يفكر بينه وبين نفسه : هذي مجنونه تكلم ابوها كذا انا لازم اعيد تربيتها شكل عمي مارباها زي والله لاوريها وقام بيروح لها الغرفه دق الباب عليها مره وثنتين وثلاثه ماردت ناداها وتين وتين وتين فتح الباب لقاها طايحه مغمى عليها ووجها احمر من البكى شالها بسرعه ولبسها عباتها ووداها المستشفى طول الطريق وهو خايف عليها مايدري ايش فيها ولا ايش يسوي لو درا ابوه وعمه وهي امانه عنده وصل المستشفى وبسرعة البرق حملها وجلس يصارخ على الموظفات الين جوو الممرضات وحملوا وتين على السرير ودخلوها الغرفه ومنعوه يدخل معها جلس حاط ايده على راسه خلاص مافيه التعب والارهاق قضى عليه يومين مو قادر ينام زي الخلق وجلس نصف ساعه شوي والا الدكتور طالع من الغرفه راح هشام يمشي بسرعه:هاه بشر دكتور الكتور:لا تخاف مافيها غير شوية ارهاق وتعب وشكلها ماتاكل ونفسيتها شوي تعبانه احنا اعطيناها مغذي وابره وشوي وتصحى ارتاح هشام نسبيا:يعني تقدر تطلع الحين الكتور:ايوه عادي مافي مشكله هشام:اقدر اشوفها الدكتور:طبعا هشام:مشكور الله يعطيك العافيه ابتسم الدكتور:هذا واجبنا العفو راح الدكتور وهشام راح يتطمن على وتين دخل الغرفه ولقاها صاحيه وتبكي واول ماشافته جلست تمسح دموعها ((هشام)) حزنه شكلها راح لها ومسح على شعرها بكل حنيه وباس راسها هشام:الف الحمدلله على سلامتك ماتشوفين شر ياوتين وتين بدت تنهار تبكي بصوت مسموع: هشام:يمسح دموعها ليه البكى خلاص مايصير خاطرك الا طيب وتين :ابي اطلع من هنا هشام: خلاص انا اروح اخلص الاوراق وانت اجهزي على مااجي طلع هشام وخلص الاوراق ومر على وتين لقاها لابسه عبايتها مسكها مع يدها جات بتفك ايده بس هو شاد على يدها طلعوا من المستشفى فتح لها باب السياره وركبت وتين وركب هو مشوا وطول الطريق وهم ساكتين كانت الساعه 11 ليلا وقف هشام عند مطعم وقال:يالله انزلي وتين باستغراب من المكان:وين انزل هشام:انزلي وبعدين تعرفين وتين مافيها حيل للنقاش نزلت معه الين دخلوا المطعم وكان المطعم جدا هادئ انواره كانت بالازرق البحري وكان ديكوره بالبني والاورنج والرمادي حجز لهم طاوله بجهه معزوله وجلسوا هشام:شيلي غطاك مافي احد وتين شالت غطاها:ليه جايبنا هنا ابتسم وقال:ليه الناس تجي مطاعم عشان نأكلك يادلوعه وتين رفعت حاجب:ماابي اكل هشام برواقه:ايش تحبين تاكلين وتين:قلت لك ماابي هشام:اجل بطلب لك على كيفي اخذ المنيو بدا يختارله ولها وربع ساعه وجا النادل واعطاهم طلباتهم هشام:يالله سمي بالله وكلي وتين:...... هشام:شكلك تبيني اأكلك يالله ماعليه وجا بيقوم بس وتين:خلاص باكل هاه شوف ضحك عليها وبدوا يكلون بصمت اكلت وتين شوي وقالت:الحمدلله ناظرها هشام باستغراب:مااكلتي شي وتين:حرام عليك انا مااحب اكل اصلا هذا النوع من الاكل هشام:اصدميني وقولي انك تسوين خرابيطكم يالبنات ريجيم وتين:انا احب احافظ على وزني مااحب امتن هشام:بس جسمك حلو مايحتاج تنحفين انا كذا عاجبني و.... حس انه بدا يتهور وشاف خدودها حمرا من الخجل وابتسم عليها وقال وهو يحك راسه ويضحك:كأني بديت اخورها صح بس ماعليك مني تراني عندي طلعات وتين ابتسمت:لا عادي واكل هشام شوي وطلعوا من المطعم متوجهين للفندق ((العـــــــــــــــــــم خالد)) جالسين هو وزوجته وعياله وفاء:وليد حبيبي خلصت موادك كلها وليد:ايوه يمه وفاء:عفيه ماما خلاص ترى بعد الاجازه باسبوع الامتحانات على الابواب والاجازه اصلا خلصت مابقى عليها الا كم يوم جات ((لمى)) عند ابوها توريه رسمتها لمى:بابا بابا شوف رسمتي ابوها :عفيه حبيبتي انتي رسمتيها لمى:ايوه خالد وهو يحضنها ويبوسها :شاطره حبيبة ابوها ويجي عبود الصغير عند ابوه يبيه يشيله مثل (لمى) وفاء:انت مو تشيل واحد وتخلي واحد ايش يفكني من صجة عبود الحين خالد ببتسامه حب:قولي انك انتي اللي غيرانه مو عيالك وفاء تطالعه:انا اغار من عيالي لا والله خالد :حطي عيني بعينك وفاء:انت فاضي والله ضحك خالد بصوت عالي وهمس لها:مو الحين تحطين عينك بعيني لا الوعد فوق استحت وفاء من زوجها اللي دايم جريئ وماعليه في احد وقامت تصرف الموضوع:يالله وليد شيل اغراضك وروح نام الساعه كم الحين وانتي بعد لمى شيلي رسوماتك وفاء وهي تشيل عبود :يالله عبودي حبيبي ماتبي تغير وتنام جاها عبودي يركض لحظنها واخذته وراحت تغير له قام خالد يشيل مع عياله ويلعب معهم وقالهم:يالله على النوم حبايبي ودخلهم غرفهم وراح على غرفته قبل مايدخل سبقته ريحة عطرها يعشقه ويعشقها من يوم وهم صغار وهو يحب بنت خاله وماصدق انها بثالث ثانوي خطبها وتزوجها وهي 19 سنه يعني صغيره نو عا ما دخل ولقاها معطيته ظهرها وجالسه تحط لوشن على جسمها كانت لابسه قميص نوم لحد الركبه اسود الصدر دانتيل وكانت وفاء قصيره شوي وشعرها قاصته كيري بس طول شوي من قدام وقصير من ورا عيونها ناعسه بنيه وفمها متوسط وخشمها صغير وواقف جا خالد ووقف وراها وحضنها وباسها مع رقبتها وهمس لها:حطي عينك بعيني وفاء بدلع:خـــــــــــــــالد خالد:ياروح خالد وجلس يبوس شفايفها وهي تتهرب منها بس هو ماسكها وفاء:خلودي تحبني وقف خالد قبالها وتنهد:اه ه ه ه وقرب منها وشالها وهي تصرخ بدلع:خلودي وحطها على السرير وهمس لها::الا اموت فيك وووو...................... مســــــــــــــــاء مثل اي مساءيمر على اناس دون ان يحسون به ويمر على غيرهم ثقيل يتمنون نهايته وعلى بعضهم جميل رائع لايتمنون سوى وقوف اللحظه حتى لاتنتهــــــــــــي............ .. **************************** في الصباح ............:انتوا متى تروحون وتفكوني تراني مليت كل شوي وانتوا متصلين وزاعجيني هتان:الشرهه موب عليك على اللي حاس انك بتفقده اذا سافر وائل:ياشيخ اقلب وجهك بس افقدك مو من زود المحبه ترى اقول بلا كلام فاضي ايش عندك داق علي من صباح الله خير هتان:ابد والله انا واكرم بنطلع الشرقيه ونبيك تخاوينا وائل:والله من زمان عن الشرقيه بس شكلك حمستني الا بس قلي متى نويتوا هتان:انشالله بعد العصر وائل:اوكي مروني اجل لاني بسيارتي ماني برايح وماعندي استلام بعد اليوم هتان:ياليل بس اصلا حنا كلنا بنروح بسيارة اكرم وائل:اوكي يالله الحين اقلب وجهك بنام هتان:لا تكفى سولف شــــ..... سكت هتان ان وائل كعادته قفل السماعه بوجهه ضحك على ولد عمه اللي مايغير عادته ((هشــــــــــــام)) صحى الصبح وقام اخذله شاور وطلع وهو لاف الفوطه على جسمه جلس يمشط شعره عند المرايه شوي والا يسمع صوت مسج جايه فتحه ولقاه من {{مـــــــــــي}} وكان لازال مسجل اسمها ((شريكة العمر)) تفاجئ من اسم المرسل وبدأ يقرا هشووم حبيبي عارفه انك زعلان مني وعارفه انك ماتبيني بس يشهد الله اني مجبوره على كل شي وان ابوي يوم اكلمك كان عندي وهددني يذبحني وانت تدري اني احبك احبك احبك جلس هشام بالارض من الصدمه وموعارف ايش يسوي هذا بعد اللي كان ناقصه تطلع مي مجبوره ((هشام بينه وبين نفسه)) كنت حاس انها مظلومه كنت حاس مو معقول الحب اللي كان بيننا يكون كذب مستحيـــــــــــل صحاه صوت دق الباب هشام:ادخلي وتين دخلت وتين واول ماشافت شكله بالفوطه طلعت برا هشام بستغراب ((ايش فيها ذي)) هشام:ادخلي اشفيك رجعتي وتين بعصبيه:انت ماتستحي جالس كذا ولا بعد مدخلني عليك ليه مافي حمامات يغيرون الناس فيها هشام طالع نفسه واستوعب انه بالفوطه وحب يقهرها لان لسانها طويل وعلى اي شي تعصب:والله انا حر والبيت بيتي ومافي الا انا وشدد على كلمة((وزوجتــــــــــي)) وتين:لايكثر بس اذا تسترت نادني باخذ اغراضي هشام وهو يهز راسه ((مافي فايده من هذي البنت ماتحشم احد ابد)) لبس هشام برمودا بيج وبلوزه ازرق بحري فيها كتابات بيضاء وناداها وتين وتين جات وطقت الباب مره ثانيه ضحك على حركتها هشام وهو يضحك:ادخلي ادخلي تسترت على قولتك دخلت وتين وهي تتحاشى تناظره هشام:البسي عشان ننزل نفطر تحت الجو حلو وتين :طيب هشام:امممممم اسمعي كلمت اخوي عن الاثاث وقالي انه قدر يشيل غرفة النوم والصاله وباقي بس غرفة الجلوس وغرفة الملابس ولما نرجع من ماليزيا يكون كل شي خالص انشالله وتين:ومن قال اني بروح ماليزيا هشام:وليه ماتروحين ياهانم وتين:اولا شهر العسل والخرابيط ذي للناس المتزوجين زي الخلق والعالم اما انا وانت زواجنا مجرد لعبة رد اعتبار لااكثر ولا اقل وثانيا المدارس ماييبلها كلها اسبوع وفاتحه وانا اخرسنه ماابي اضيع نفسي على اشياء تافهه ناظرها هشام بغضب وقهر على كلامها اللي ماتثمنه وقام ووقف قبالها وكانت وتين ترجع على ورى الين لصق بالجدار هشام:شوفي ياحلوه زواجنا زواج على سنة الله ورسوله بغض النظر عن الطريقه اللي تم فيها هذا شي وشي ثاني مو تشوفين اني مخليك على راحتك يعني بتتمادين لا ياماما انتي لحد الان ماعرفتيني واذا انا مخليك على راحتك فأنا مراعي ظروف الزواج اللي صارت وانتي زوجتي وحلالي ومتى مابغيت اخذت اللي ابيه من غير لااحد يحاسبني واللي يشفع لك بالسفره وروحتها اني اساسا مالي خاطر اروح ودراستك وباسها مع خدها وهي واقفه من غير لاتتحرك وقالها بنبرة أمر:انا بنزل افطر وفطورك بيطلع لك والعصر بنرجع بيتنا بيت الوالد انا راعيتك وتوقعت بتحترميني بس الظاهر انك مو كفو احد يعملك حساب وطلع هشام وترك وتين مصدومه ومقهوره منه وحست بالخوف فعلا خافت انه يتمادى اكثر مسكت خدها اللي تحسه نار من كثر الحراره اللي حاستها بجسمها وتين وهي تتحلطم:حقير وسخ وجلست ترتب اغراضها وهي واصله معها توقعاتكم ياحلوين هشام ووتين ايش نهايتهم؟؟؟؟ مي ايش وراها؟؟؟ | ||||
|  |
|
12-10-10, 01:32 AM
| #12 | ||||
| نجم روايتي
|   ولا رد واحد .....!!!! على العموم اذا لم اجد من يريدقراءة الرواية فسوف اطلب من المشرفة اغلاق الرواية او جذفها((ما فيش داعى انزل جزء جديد من الروايه)) اتعب نفسى ليـــــــــــــــــــــــ ــــــــــــــــــــــه:sm1 8: | ||||
|
| |
|
12-10-10, 05:50 AM
| #13 | |||||||||||||||
| مراقبة ومشرفة سابقة ونجم روايتي  
| اقتباس:
حبيبتي والله متابعينك وبعدين والله خشيت جو مع وتين وهشام وتبيني اقفلها حرام بأسوي اعراض عن القسم وانحاش:heeheeh: اما بالنسبه لهشام ومي يمكن فعلا تكون مجبوره من ابوها بس فيه احتمال انها خطه منها هي وابوها علشان تنتقم منه خاصه انه تزوج في نفس اليوم المحدد لهم بوتين وتعتقد ان هشام ما فرقت معاه المفروض هشام ينتبه وتين كرهت تصرفها مع ابوها المفروض مهما كان هذا ابوها لازم تحترمه حبيبتي شاكره لك على تعبك في انزال البارتات لك ودي  | |||||||||||||||
|
| |
|
12-10-10, 10:57 PM
| #14 | |||||||||||||||||||||||
| نجم روايتي
| 
| |||||||||||||||||||||||
|
| |
|
12-10-10, 11:12 PM
| #15 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| تسلمى taman على البارت ... هيدى مى ما حبيتها أبداً >>> يعنى حتى لو كانت مغصوبة كان بكل بساطة ممكن تبين له الحقيقة على طول ... كان ممكن يبين من صوتها لما حكت معه ... الله يستر منها وتين ... الحكى الله حكيتيه و ردك على أبوكى المفروض ما صار ... مهما كان هذا أبوكى taman متابعاكى و شكراً لك | |||||
|
| |
|
12-10-10, 11:17 PM
| #16 | ||||
| نجم روايتي
|  البارت الخامس مــــدخ ـــــــــل يانعمة النسيان وينك ولاتنسين الصبر معك وتكفين طلبتـــكـ كان مريتي الفرح ,,,,, ابيه اليوم بس لاتخلوني اليوم بس وباكر اتركوني مالي حيله على ضربات الزمن المواجع اثقلت كاهلي وعودي الغض.... ************ اتصل هشام على اهله وبلغهم انهم بيرجعون البيت اليوم جهزت ام هشام الغدا بانتظار ولدها وزوجته ((هشـــــام)) جاء على الظهر ودخل الجناح اول مادخل مالقى وتين قال اكيد جالسه تجهز اغراضها راح الغرفه وكان الباب مفتوح قبل مايدخل سمع صوت شهقاتها ووقف شوي وهو احزنه صوتها وهي تبكي ماحب يدخل عليها وهي تبكي رجع للصاله وبدا ينادي وتين ياوتين ((وتيـــن)) سمعت صوته مسحت دموعها وحطت اغراضها على جنب دخل عليها هشام هشام بجمود: جهزتي اغراضك وتين ووجهها احمر من البكى وبهدوء اكتفت بس انها تهز راسها بمعنى ايوه هشام: اجل يالله راحت وتين وهي ساكته طفشانه ماتبي تتكلم لبست عبايتها وطلعوا ******** انا عمري بقايا شمع احرقني الاسى والدمع اذا مافيك ترحمني احرق مابقى مني... طوال الطريق وهم سكتين الين وصلوا فلة ابو هشام وتين بدت تحس بالخوف والتوتر هي ماكان ودها تواجه احد لحد الان مو قادره تتاقلم او تستوعب الوضع اللي هي فيه بدت تحس ان تنفسها يزيد ضمت ايديها ببعض بتوتر وصارت تفرك ايديها ببعض حست في يد ثانيه على يدها ناظرت لقت هشام يناظر فيها هشام:لا تخافين انا معك سحبت يدها بقوه وتين : بعد عني انت ماعندك احساس لاتسوي لي فيها حنين هشام تعوذ من ابليس داخله بينه وبين نفسه البنت ذي لازم تطلعني من طوري يعني هشام فتح بابالسياره:انزلي يالله نزل هشام ونزلت وتين اول مادخلت بيت عمها لقت عمها وزوجة عمها وهيله وهتون وهناء الكل في انتظارهم ام هشام بفرحه وهي تسلم على وتين:نورتي بيتك يابنيتي وتين ساكته جات هيله تركض وباستهبال وهي تحضن وتين:وحشتيني يادوبا ياهلا فيك ياهلا واخيرا بتصيرين عندنا هشام بمرح:طيب عبري اخوك مو ذبحتي البنيه هيله وهي تضحك:معليش يااخوي وبدت تغني مدام معاي القمر مالي ومال النجوم دخلوا داخل سلموا على ابو هشام وطول الوقت ووتين ساكته لاحظها هشام وماحب يضايقها اكثر هشام وقف:يالله بنروح نبدل ونازلين ام هشام:لاتتاخرون على الغدا هشام :انشالله قام هشام واشر لوتين تقوم معه قامت وتين بكل طواعيه ماعندها استعداد للكلام هيله :استناك وتين مو تتاخرين عاد انتي مافيه ابطئ منك وتين اعطتها نظره ((يعني مو وقت استهبالك)) سكتت هيله وهي متأكده ان وتين واصله لقمة الزعل وانها لحد الان الوضع صعب عليها طلعت وتين فوق ورى هشام وصلوا لحد الجناح فتح الباب هشام:ادخلي دخلت وتين ووراها هشام هشام:اجهزي عشان ننزل تحت للغدا وتين:انزل انت ماابي غدا هشام:وتين تعوذي من ابليس وخلي هاليوم يعدي على خير وانزلي تعشي وتين بعناد:قلت لك مو نازله مو نازله هشام بصراخ:وتين الحين تقومين تبدلين وتنزلين والا والله والله مايحصل لك طيب قرب هشام منها وناظرها من فوق لتحت بخبث وابتسم وحط ايده على خدها وبصراخ اعلى:فاهمه والاتبين افهمك ماردت عليه وتين اكتفت بالصمت وبعد فتره قصيره قالت له :وين غرفتي هشام:هذيك الغرفه فاضيه خليها لك لكن اغراضك حطيها بغرفة النوم جات بترد وتين وقفها هشام هشام:بالله لو جات هيله او امي او اي احد ايش بتقولين له وهو يشوف اغراضك بغرفة الجلوس والا لازم تعلمين الكل اننا كل واحد ينام بغرفه ماردت عليه وراحت غرفة الجلوس حطت اغراضها ورتبتها وطلعت لبس تنزل فيه لبست وتين بلوزه جلد نمر ماسكه على جسمها وعلى الوسط حزام احمر مع بنطلون ماسك عليها اما شعرها اكتفت بأنها تربطه ذيل حصان مع شريطه حمرا شكلها كان جنان مع انها ماحطت مكياج كثير حطت كحل داخلي اسود وهذا زاد جمالها جمال لان عيونها طبيعي كحيله وحطت قلوس لحمي مايل للحمره رشت عطر على نفسها واخذت صندلها الذهبي وطلعت لقت هشام بالصاله وتين :انا انتهيت ((هشام)) كنت برد عليها بجفاف بس اول مارفعت راسي وشفتها بلمت حلفت هذي مو بشر هذي اكيد ملاك انا ويني عنها من زمان كان من الاول اختصرت الطريق واخذتها وتين بملل:مطول وانت تناظر هشام ابتسم:وانتي لازم تردين وتطولين لسانك مشى هشام ونزلت وراه وتين اول مانزلوا راحوا الصاله كان مافيها الا ابوهشام واخواته جلس هشام ووتين مي عارفه وين تجلس اشر لها هشام وهو فاهم حيرتها بانها تجلس جنبه جلست جنبه بس بينهم مسافه ام هشام:حي الله وتين تو مانور البيت يمه بوجودك وتين :تسلمين ياخاله ام هشام :شوف ياوليدي مرتك وتمقل فيها لانك بعد اليوم ماراح تشوفها هشام استغرب والكل استغرب حتى وتين ام هشام كملت:راح اخلي وتين هالاسبوع عندي بالحفظ والصون الين نجهز لها كل شي حتى جناحك الاثاث اللي فيه بنغيره ويابنتي جهازك علي ماتدفعين ولا ريال من مهرك والبنات يساعدونك وخذوا معكم وفاء مرت عمكم خالد وتين دمعت عيونها من هاالانسانه الطيبه اللي الوحيده قدرت وضعها وتحاول تسعدها باي شي وتين قامت حبت راس خالتها وام هشام على طول حضنتها ونزلت دمعه من عيون وتين وتين :ماله داعي ياخاله ام هشام بحزم واصرار:انا قلت كلمتي وخلاص وانت ياهشام روح نام عند اخوانك ولا تدخل داخل الا بعد اسبوع فاهم قام هشام باس راس امه ويدها:اللي تامرين فيه يمه الله لايحرمني منك وقال يستهبل:بس ماكأن اسبوع كثيره استحت وتين ونزلت راسها وخدودها حمرت ام هشام:الا قليل ياوليدي المهم بس عن الهرج الفاضي اشوف يالله عطني مقفاك واذا جيت تدخل تنحنح او دق الباب زيك زي اخوانك فاهم هشام بطواعيه:فاهم وطلع هشام من الصاله وبقت ام هشام والبنات هيله جلست جنب وتين ومسكت يدها بحنان هيله :وتين كيفك وتين تطالعها بحزن وبتعب:تعبانه ياهيله تعبانه تداركت هيله الموقف ووقفت:يمه انا ووتين بنروح غرفتي وتراها بتنام عندي بعد وماتركت وقت لوتين تجاوب سحبت يدها قامت وتين وهيله واول مادخلوا غرفة هيله مسكت هيله وتين وشافت بعيونها دموع محتجزه ضمتها هيله وبدت وتين بالبكى وبصوت مسموع وتين:ضايعه ياهيله ضايعه تعبانه مذلوله كل الم الدنيا فيني مدري ايش اسوي والا وين اروح ودي اموت وارتاح ابي اموت وجلس تبكي بصوت مسموع وتشهق تمنيت ارحل لعالم عليه الفاتحه تقرأ .. ورفض موتي يواجهني بوجه القادم المخفي .. فهل شفتوا جسد ميت رفض يستقبله قبره ؟!! انا هذي معاناتي واظن اللي مضى يكفي ... ******* هيله: اذكري الله ياوتين تركت هيله وتين تبكي وتطلع اللي بقلبها وجلست فتره وهي بحضن هيله هيله وهي تلعب بشعر وتين ووتين كانت نايمه على رجلها هيله:اممممممم وتين كيفك مع هشام وكيفه معك عساك مرتاحه وتين وبتنهيده ماخفت على هيله:تصدقين مدري احس لحد الان مو مستوعبه اللي صار لو ان اخوك كان مطلق وانا تزوجته من قبل كان يمكن اتقبل شوي لكن يتزوجني وفي قلبه وعقله وحده ثانيه مااقدر مستحيل احط نفسي بهالموقف هيله:اتوقع ان هشام انتهت علاقته بمي خلاص يعني مي مجرد ماضي وتين:كيف ماضي وهو لسى ماطلقها ياهيله كيف ماضي ولاتنسين انه بعد مجبور علي يعني مو بكيفه الامور كلها ضد هالارتباط انا صغيره على الزواج ولا عمري فكرت مجرد تفكير بهالموضوع وقدامي دراستي وتوي بثالث ثانوي يعني مشوااار طويل على تحمل المسؤليه هيله فرحانه ان وتين بدت تاخذ وتعطي معها :وتين حبيبتي صحيح الموضوع صعب ومحد يقدر يحس بصعوبته قدك انتي بس انا عارفه انك قويه وقدها انشالله وكلنا راح نتزوج وصدقيني انا ماامدح اخوي بس هشام تراه مره حنون وطيب لكن الشي اللي مايحبه طوالة اللسان وانتي حاولي تتقربين منه وانشالله ربي يهدي سركم تنهدت وتين:ا ه ه ه ه ه احس اني مشوشه والحمدلله ان خالتي عطتني اجازه من اخوك اسبوع على الاقل ارتب مشاعري واحاول اضبط اعصابي هيله بمزح تبي تغير جو وتين:تدرين قومي عن رجولي قومي يالله الحين مدلعتك ومخليتك على رجولي واستنى البنت تقول اهم شي اكون معك بنفس البيت وانتي معطيتني طاااف يالله قومي قومي وتين وهي تضحك على استهبال هيله:اي والله الشي الوناسه في الموضوع اني بكون مقابلتك الله يعيني بس وجلسوا يسولفون مع بعض في بيت ابوهشام مجلس الرجال هشام:ومتى مسافر ياهتان هتان: بكره العصر انشالله هشام:خلاص اوصلكم انشالله هتان:لا ياخي العزيز انت معرس خلاص يودينا الكسول هاشم بيك هاشم يناظره:بالله ومن قالك اني بوصلك ماكانك جاي من الشرقيه امس وجايبك من بيت عمتي وانا قاعد سواق على حسابك ماني موديك هشام وهو يضحك عليهم:انا بوديك خلاص انا فاضي فاضي امي مانعتني من دخول البيت اصلا هاشم وهتان باستغراب:ليه هشام:تقول ودها تجهز لوتين من جد وجديد وماتبيني اشوفها الا نهاية الاسبوع هاشم وهتان:ههههههههه هاشم:والله الوالده تعرف تسنعك احسن مو بس انا ماادخل حتى انت في بيت ابو مازن هوازن وهيا وام مازن جالسين بالصاله يتقهوون ووليد ووسن يلعبون عندهم دقت ام مازن على جوال بنتها وتين لقته قافل ام مازن:هوازن هوازن:سمي يمه ام مازن:بالله دقي على هتون واسأليها عن اختك هوازن حاسه بحزن امها اللي من فارقت وتين البيت وهي مو مثل اول هوازن:انشالله يمه اخذت هوازن جوالها ودقت على هتون وانتظرت الين جاها الرد هوازن:السلام عليكم هتون:وعليكم السلام ورحمة الله وبركاته هلا والله فيك هوازن:كيفك يادبا وحشتيني هتون:وانت اكثر ياعسل انا تمام كيف الاهل هوازن: بخير الله يسلمك وانتي كيف الاهل وكيف هشام ووتين هتون:الاهل بخير وهشام ووتين بعد بخير دريتي انهم رجعوا البيت اليوم الظهر هوازن :من جد كيف وتين عساها بخير هتون:والله مافيها الا العافيه شوفيهم هي وهيله كالعاده من شافوا بعض طنشوني ولا كاني موجوده وطلعوا فوق لغرفة هيله تصدقين من الظهر الين الحين المغرب ماشفتهم هوازن تضحك براحه من اللي سمعته:طيب هتون الله يرضى عليك ممكن تنادين وتين بكلمها امي تبي تكلمها وهي مقفله جوالها هتون:اوكي من عيوني دقايق وادق عليك هوازن :تسلمين يالله عاد باي انتظرك هتون:مع السلامه قفلت هتون من هوازن وطلعت فوق لغرفة هيله دقت الباب بهدوء مافي رد دقت مره ثانيه بعد محد رد فتحت الباب لقت وتين وهيله نايمين جنب بعض ولقت وتين صاحيه من دق الباب ابتسمت هتون:نايمين ياكسالى قوموا ترى مو زين نوم المغرب وتين:والله اخذتنا السوالف ونمنا شوفيني حتى غيار ماغيرت هتون بابتسامه:قومي ياكسلانه هوازن دقت علي تقول خالتي تبي تكلمك وجوالك مقفل وتين:اصلا جوالي مو معاي في بيتنا مااخذته معي وشكله قافل مخلص الشحن مدت هوازن جواله لوتين:متى ماخلصتي منه جيبيه خذي راحتك ياقلبي وتين ببتسامه:تسلمين الله لايحرمني منك قامت وتين وهي تعدل شعرها وراحت لجناحها بالدور الثالث واتصلت على جوال هوازن الين جاها الرد وتين:الو هوازن:هلا تونه حياتي كيفك وحشتيني والله وحشتيني وتين بصوت فيه شوق وفيه بحة بكى:كيفك وكيف امي هوازن:امي طيبــــــــ............. ام مازن:وتين ياقلب امك ياعين ابوي انتي كيفك انشالله بخير والله البيت من دونك مايسوى وتين ببكى:يمه يمه والله محتاجتك يمه ابي ابكي على صدرك يمه ام مازن هي الثانيه تبكي :ياقلبي بكره انشالله اجيك طمنيني عليك يابنتي كيف هشام معك وتين : الحمدلله يمه الحمدلله وهم يكلمون وتين دخل ابو مازن عليهم ويوم عرف انها وتين ابو مازن بصوته الرجولي:اعطوني اكلمها وتين من سمعت صوت ابوها:هااه يمه اكلمك بعدين الجوال مافيه شحن سلمي على اخواني مع السلامه قفلت وتين بسرعه من غير ماتستنى رد امها ماتبي تكلم ابوها تحس للحين فيه شي بقلبها عليه جــــــرحي ياابوي عميـق عميـــــق عميــــــــــــق وشلون بعاتب من للحياه انا بعد الله بسبته جيـــــــــــت وشلون بعاتب منهو من الحياه حمانــــــــــــــــي ***** جالسه على الكنبه بالصاله انتبهت ان فيه صوت شي يهتز ناظرت لقته جوال توقعت انه يكون لهشام بحكم ان مافيه احد يدخل الجناح الا هو وهي اخذت الجوال وشافت مكتوب على الشاشه ((شريكة العمر)) توقعت انها مي ماتدري ليه حست بالغيره منها وجاها فضول تعرف بعض من اسرارها مع هشام استنت الاتصال يقطع وفتحت على قسم الرسائل وشافت رسائل كثيره لمي وكلها حب وغراميات وراحت للرسائل المرسله وجات بتفتح بس وقفها ((هشام)) هشام :خلصتي تفتيش ياهانم وتين بغضب:مادامك تحبها وتبيها ليه تزوجتني ليه هشام : ومن قال اني احبها وتين ببكى:والرسائل هذي احبك ومدري ايش وهشومي مالت عليها هشام ببتسامه من غيرتها:والحين بتفهميني انك غيرانه وتين بغضب اكبر:من زينك اغار عليك هشام بضحكه بصوت عالي قرب منها واخذ جواله وسحبها وجلسها جنبه وفتح على الرسائل المرسله ووراها انتي شفتي رسائلها بس ماشفتي ردي صح سكتت وتين وهي تقرا ردوده على مي ((اسمعي يابنت الناس انا وانتي انتهينا انتي من طريق وانا من طريق وورقة طلاقك توصلك قريب ولاعاد تدقين فاهمه)) وتين تطالعه بخجل من اللي سوته وجات بتقوم بس هشام حضنها وهمس لها:تكفين وتين نبي نعيش بهدوء بهدوء جات بتبعد عنه وتين بحيا تحس انها مسويه شي غلط بس هشام كان ماسك ايدها هشام بحنان:وتين تبينا نبدى صفحه جديده والا تبينا نعيش بحرب لاخر يوم بعمرنا نزلت راسها وتين هشام:ايش يعني السكوت علامة الرضا رفعت راسها وتين وتكلمت بتعب:خايفه حضنها هشام مره ثانيه ومسح على ظهرها:لا تخافين وانا معك والله لاعوضك اللي راح كله والله خلي دموعك في عيونك وانا ابكيك=خلي الحزن لي وانسي الحزن تكفين انا خوي الحزن ما ارضى يخاويك=ما ابغاك لو خطوه بدربه تسيرين لا لطخك بالله وشلون انقـّـيك=اذا غدينا في ظلامه مساجين...} وباس راسها وقرب من وجهها وقال:انا بطلع قبل لااتهور انتي محد يقدر يقاومك بس الوعد اخر الاسبوع وغمز لها وراح ابتسمت وتين وهي مو عارفه كيف سحبها لعالمه بدون شعور وتنهدت وقالت بينها وبين نفسها :انا شفيني طحت عند الولد مرره وحده لازم اثقل شوي مايصير بس ياحلاته هو وعيونه النعاسيه وقامت تبدل ملابسها ايــــهـ أحبـــكـ بغــروري .. وشمــوخــي .. وبعنـــادي اللي طــوعتـــهـ بيديــــكـ !! وبغــروركـ .. وبكثــر جــوركـ وبحنــانكـ ودافي إحســـاسكـ وأمــــانكـ لا نثرتـــهـ من أجيـــكـ ايــــهـ أحبـــكـ وتـــوي دريت .. ان الهـــوى حــدهـ خطيــر يقـدر يغيــر في ملامحـنــــا الكثــــيـر يقــدر يغيــر في لحظـــهـ يجعــل المهــر الجمـــوح .. طيــر صغيـر ويغـفـــى على الكـــف الكبيــــر !! ********** سمر: يالخاينه ياهيله خلاص جات وتين عندك وسحبتي علي هيله:ههههه حرام عليك احسدينا بعد تبين تعالي حياك البيت بيتك سمر:والله اني مقهوره انتوا اربع وعشرين ساعه مع بعض هيله:قل اعوذ برب الفلق منك اقول بس عن الربربه الزايده بكره تخاوينا بنطلع السوق سمر:خير ايش عندك بتذلفين السوق هيله :ياشيخه امي حالفه اننا نقضي لوتين من جد وجديد تبي تعوضها وتخيلي امي حارمه هشام يدخل داخل البيت الين اخر الاسبوع سمر:هههههه والله امك تحفه بس تصدقين احسن خلي وتين تحس بقيمتها شوي الا صح هيلوووه كيف وتين واخوك هيله:اول شي هيلووه بعينك وثانيا وتين لحد الان تحسينها مو متقبله بس الاوضاع مستتبه سمر:حلوه مستتبه ذي من وين جايبتها المهم الله يسعدهم والله هيله:اميــــــن يارب هيله:يالله عاد اذلفي وبكره نتلاقى اوكي سمر:اوكي يالله انتي بعد اذلفي هيله:مع السلامه سمر:مع السلامه *********** جالسه بحضنه وايديه تلعب بشعرها بجناحهم من يوم تزوجها عاده عنده يحب يخصص وقت له ولها بس محد يشاركهم فيه حتى عيالهم وفاء:حبيبي خالد:امممممم وفاء:حبيبي ام هشام كلمتني وتبيني اروح اقضي لوتين لان البنات مايعرفون شي وتبيني اساعدها خالد وهو ماسك اصابعها ويلعب فيها:اوكي حياتي روحي وتكفين حياتي لاتقصرين عليها بشي واذا نقص اي حاجه بلغيني رفعت نفسها وفاء وطالعت فيه بنظرات كلها حب وعشق حد الثماله هالرجال يأسرها بطيبه بحنانه بحبه لها ولاهله ماكانت وفاء من النوع اللي يغار من زوجها على اهله بالعكس كانت مثال للمراه اللي دايم تساند زوجها يبر اهله كنت أحسب الــ حُ ــبْ ’’هـمـْ ‘‘ شي .. مبـ هـم ..!! لا لــه تعريف و مكـ’‘ـآن في زمـن كلّه .. كِــذب ’’ ليـن جــِيتْ .. ومادريت إني ’’ أــ ح ِــبْ ..! ابتسمت وباسته على خدوده بوسه هاديه مثلها وحضنته وفاء:الله لايحرمني منك ولايحرم اهلك منك وبعدت عنه :خالد خالد:لبيه وفاء قربت من اذنه وهمست: احبـــــــــــك حط خالد ايده على خصرها وقربها له لكـــــــــــن سمع صوت ولده عبدالله يبكي بعدت وفاء عنه بهدوء وهي على شفايفها طرف ابتسامه وفاء :عبود حبيبي ليه تبكي عبودي:اهئ اهئ اهئ مسكته وفاء وحضنته:خلاص ماما من بكاك عبود بدلع:ابي ثبيثتون ((سبيس تون)) ولمى ماتحطها لي خالد:بالله الحين انت مخرب علينا الجو واخرتها علشان افلام كرتون وفاء تضحك عليه:خــالد خالد:وانا صادق يامن شراله من حلاله عله وهو ياخذه منها ويبوسه ويدغدغه الين ضحك خالد:ابشر وانا ابوك بكره اشتري لك تلفزيون لحالك وتفرج زي ماتبي وفاء تناضره:من جدك انت خالد:ايوه من جدي والا مستانسه كل شوي وهو داخل ومخرب علينا جونا عشان خرابيطهم اجيب له تلفزيون وارتاح وفاء ضحكت عليه :ههه ههههههههههه والله انت مجنون خالد بهيام:مجنون فيك ياقلبي خالد يحك راسه :عبود ماودك تروح تلعب مع اخوانك عبودي:لا بابا ابي انام عندتم((عندكم)) خالد :كملت بعد لا لا انا بكره شاري له تلفزيون وبلاي ستيشن وقيم بوي عشان افتك منه وفاء هزت راسها وجلست تضحك على زوجها **************** هوازن:يمه ترى بكره بنروح للسوق ام مازن :ليه هوازن:خالتي ام هشام تبينا نقضي لوتين وتخيلي يمه مانعه هشام ان يشوف وتين الين تخلص تجهيز ام مازن براحه وفرح:الله يجازيها خير ويفرح قلبها زي ماهي جالسه نفرح قلب بنيتي والله انها من يوم يومها اصيله ماتقصر ابتسمت هوازن شوي والا مازن داخل عليهم مازن : السلام عليكم ام مازن وهوازن:وعليكم السلام ورحمة الله وبركاته مازن :وين الناس البيت هادي غريبه ام مازن : ابوك تعشى ونام وهيا فوق على التلفزيون ووليد ووسن اذكرهم على البلاي ستيشن ووائل طلع من العصر ماشفته مازن:ووتين كيفها ماكلمتوها هوازن:الا كلمناها اليوم وهي بخير الحمدلله مازن:الحمدلله الله يوفقها ويرزقها انشااله الذريه الصالحه ام مازن :امين يارب ويرزقك انت بعد متى بتتحرك وتتزوج هوازن:اي والله مازن تزوج ودي بعرس قريب اطلع حرتي فيه كفايه وتين ماتهنيت بعرسها زين ودي اكشخ والبس وارقص وافل امها بعد مازن:صدق انك فاضيه بتزوجيني عشان تفلينها على قولتك اقول قومي بس حطي العشاء حدي جايع واتركي الكلام الفاضي عنك ام مازن :لحظه استنوا اخوكم وائل وتعشوا مره وحده مازن:انا ادق عليه اشوفه وين طلع جواله واستنى الرد مازن:الو وائل : هلا مازن مازن:وينك بتجي والا لأ ترى ذبحنا الجوع وانت ماجيت وائل:تعشوا من ماسككم مازن:الشرهه مو عليك على امي المسيكينه اللي ماتبينا نتعشى الا لاجيت حضرتك وائل يضحك:يالبى ماما والله اني لاجي لو اني وين دقايق وانا عندكم مازن:بسرعه وعن الهياط الزايد وائل : اوكي في امان الله مازن:في امان الله ************ في اليوم الثاني صحت هيله بدري وكانت لابسه بجامه موف برمودا وحفر ناظرت وتين وهي نايمه وهي عارفه بنت عمها اذا نامت نومها من النوع الثقيل قربت هيله من وتين وبيدها ورقه وحطت الورقه على اذنها وتين:اممممممم هيله:قومي ياكسوله النوم ذبحك وتين:هيله خليني انام وتين:يابنت من امس نايمه بدري وللحين ماشبعتي نوم قومي يالله بلا بثاره والا والله لا ارش عليك مويا وتين قامت وهي تتثاوب وشعرها حايس وكان شكلها مرره كيوت لابسه بجامه شورت لون ابيض وبلوزه حمرا فيها قلوب اصفر هيله وهي تحوس شعرها زياده هيله:يالله انا باخذ شاور واغير وانزل افطر مع ابوي وتين :خليني انا اسبقك تعرفين شعري ياخذ مني وقت هيله تضحك باستهزاء:هههاااااي ضحكتيني ايوه انت تدخلين قبلي عشان يجي الظهر وانتي ماخلصتي اقول استريحي ياتنتظريني ياتروحين حمام هتون والا اقعدي بعفنك وتين تطالعها وهي رافعه حواجبها:بسم الله اكلتيني بقشوري اعوذ بالله انتي لسانك كيف مستحملك هيله وهي تضحك:اذكر ربك بس لاتنظليني وتين تبادلها الابتسامه:هههه ماشالله ماشالله خلاص انا بروح غرفة هتون ابرك منك هيله دخلت الحمام وهي تضحك اما وتين طلعت بتروح جناح هتون وجالسه تمش ي بالممر وكان شعرها متروك سايح باهمال على وجهها وهي نعسانه بس قالت تقوم تنشط نفسها بعد ازعاج هيله وكان معها كيسه فيها اغراضها وكانت تمشي بحريه ماعليها شي لاعبايه ولاطرحه لانها عارفه ان البيت محد بيدخله لانهم عارفين انها موجوده ويوم وصلت غرفة هتون وجات بتدق الباب الا........... وتين بشهقه:اهـــــــــــــــــ� �ــئ هشام حط ايده على فمها ولفها له هشام يناظر فيها من فوق لتحت وجلس يقول بينه وبين نفسه((هالبنت تأسرني كل يوم واشوفها احلى من اليوم اللي قبله)) هشام ببتسامه عذبه: صباح الخير وتين بخجل من لبسها وتوتر:صباح النور هشام وهو يتنهد: ليه طالعه كذا وتين استحت وانحرجت من سؤاله: ماكنت احسب فيه احد وانا كنت رايحه اتحمم بغرفة هتون هشام بحنان وهو يمسح على شعرها: لاعاد تطلعين كذا وقرب من عندها وهمس في اذنها:الزين ذا محد يشوفه غيري ((وتين)) خلاص ضاعت علومها تحس بانفاسه الحاره على اذنها وصلت لاخر ذره في جسمها من الاحراج ((هشام ))مايدري ليه يحب يشوفها مستحيه يحس الحيا والخجل يزيدها جمال وتين بارتباك: انا بروح هشام يبتسم : الله معك استناها هشام الين دخلت غرفة هتون وطلع فوق بسرعه قبل لاتشوفه امه ((وتيــــــــــــــن)) تحس نبضاتها سريعه ومي راضيه توقف وتحس جسمها نار نار تحس باحاسيس اول مره تحسها بحياتها ماتقدر تقاوم عيونه ماتقدر ترفض لمساته معه بـــــــــــس تحس انها انـــــثى تحس بانجراف مشاعرها ناحيته وهي اساسا من بعد ماشافت رده مس على مي قررت انها تعيش بهدوء وماتبي مشاكل وقررت بينها وبين نفسها انها ترضى باللواقع وتحاول تتقبل هشام لانها عارفه ومتأكده ان اهاها مستحيل يخلونهم ينهون هالزواج ولاهي مستفيده اصلا شي فعشان كذا قررت وغصبن عليها تتقبــــــــــــل هشام وتعيش بهدوء مــــ خ ــــــرج احيانا الدنيا تكسرنا ونظن ان الكسر مستحيل يتصلح وفـــ ج ــــــأه ومن غير ميعاد تهدينا ((كاس)) اجمل من اللي كسرته يجبر خواطرنا وينسينا الكاس اللي ((انــ ك ــــ س ـــــر)) انتهى الجزء الخامس | ||||
|
| |
|
13-10-10, 12:06 AM
| #17 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| تسلمى taman على البارت ... هشام و وتين ... ربى يهدى سركم و يبعد عنكم الحية مى ... وتين ... لمتى الغضب من والدك ... ألا تنوين مسامحة هشام ... أليس والدك أولى ... taman متابعاكى و شكراً لك | |||||
|
| |
|
13-10-10, 01:59 AM
| #18 | ||||||||||||||
| مراقبة ومشرفة سابقة ونجم روايتي
| تسلمي حبيبتي على البارت وتين انا مع هبه اذا قدرتي تسامحين ابن عمك فالاولى منه ابوك قاهرني تصرفها معاه عندي احساس ان مي راح تخرب عليهم الله يستر منتظرينك عمري على احر من الجمر | ||||||||||||||
|
| |
|
13-10-10, 08:02 PM
| #19 | ||||||||||||||||||||||
| نجم روايتي
|  [
| ||||||||||||||||||||||
|
| |
|
13-10-10, 08:31 PM
| #20 | |||||||||||||||||||||||
| نجم روايتي
|
| |||||||||||||||||||||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
