08-11-10, 09:17 PM | #21 | ||||
نجم روايتي
| a"]لبارت الخامس عشر,,, ,,,,,,,,,,,,,,,,,,,,,,,,,,,,,,,, هي صدمة حقيقية كانت بالنسبة لها وجمدتها بمكانها,,,, اكيد في شي غلط بالسالفة؟؟مو هذا ضاري اللي قالت لي عنه ام عبدالله انه بيموت على مااكون عنده؟؟ ام عبدالله...معقولة كانت تتشمت فيني وهي عارفة انه مايبيني!!!! كذا وبكل بساطة؟؟؟مايبيني ومالزمه حتى خادمة؟؟؟ ....اصلا هي صارت بعالم ثاني بمجرد سمعت كلمة ضاري ونظراته مادرت وش اللي انقال بعدها ولا شلي صار؟؟ كل اللي عرفته انها ماقدرت توقف علشان تسمع اكثر واكثر من اصواتهم اللي ارتفعت وانها قدرت بالموت تمشي وتروح عند سيارة ابوها حتى ماقدرت تفتح حتى باب السيارة وبمجرد مسكته طاحت على الارض وهي تبكي,,,, ليش ياربي ليش...انا كنت فاكرة اني ببدي حياة جديدة معك ياضاري,,, يوم انه مايبيني ليش قالت لي ام عبدالله انه ....هي منها ..هي السبب.. لكن وين بتروحين مني ياام عبدالله وين؟؟بردها لك صدقيني بردها,,, لك انتي وابوي على ها المذلة,,,,,ولك انت بعد ياضاري.... ماتدري كم من الوقت مر وهي مرمية كذا عند السيارة تبكي وتنتحب اهانتها ومذلتها لين شافت ابوها واقف قبالها يناظر وهوبقمة عصبيته,,, ابو عبدالله/قومي ركبي السيارة,,, حاولت تهدا شوي وقالت بعناد/على وين؟بتدور لي على عريس ثاني ترميني عليه؟ ابوعبدالله/ووجع اللي يوجعك ان شاءالله؟؟؟انتي ماتستحين؟قومي ركبي السيارة بس لاتفشليني؟ اصايل بقوة /ماني راكبة ولاني رايحة معك مكان وبتوديني عند ليالي اللحين يعني بتوديني مالي شغل؟ ******************************** كم من الوقت مر ياصبا وانتي حابسة نفسك بها الحمام ؟؟؟ ولمتى بتظلين محبوسة داخله وانتي خايفة تقابلين ها الوحش المخيف؟ بس ياترى بتقدرين تصمدين اكثر!!!! تحسست خدها اللي صار احمر من صفعته...هذا مافيه عقل اذا قارن كفي بكفه؟؟انا مايتراواللي اني ضربته بها القوة!!! راحت الامتحانات عليّ وخاب املي....حتى هالحلم ماقدرت اكمله واكمل حتى الثانوية العامة والسبب انت ياالحقير... لكن اذا مفكر اني بسكت لك غلطان....ماني قاعدة لك بها المكان لو شيصير بالعالم.... اذا تزوجتني علشان تكفخني براحتك وتقعد تذل فيني فاانت غلطان ياولد التميمي...انا بعد عنيدة وراسي يابس ومااتنازل ابدا عن حقي حتى لو كنت انت اللي بتكون ضدي وواقف بوجهي,,,, نايف بقوة من ورى الباب/اذا مفكرة انك بتقعدين يومك بطوله في ها الحمام فاانتي غلطانة لاني اقدر اكسر الباب!!! تنهدت بقوة وهي تمسح دموعها...بس بينها وبين نفسها قررت انها ماتطلع له واذا هو يبي يكسر الباب خليه يكسره واقصى مافي راسه يسويه؟؟؟ ******************************** تهاني/يمه.. ام احمد/نعم يمه... تهاني/كلمتي خالي ام احمد/لا.. تهاني/ليه ؟؟ ام احمد بتنهيدة/لانها بنت اخوه واذا طلع معها مااقدر احاججه... تهاني/وش معنى طلع امس ماطلع اللي قبله ولااليوم مثلا؟ ام احمد/يمكن ماعنده وقت الا البارح والكل مشغول وحب انه يظل معها بروحهم ومايضايقهم احد؟ تهاني/يمه لاتدافعين انتي عارفة ان الطلعة ماهي فكرته فكرة ام جاسر.. ام احمد/واذا قال لي انها فكرته مو فكرة مرته اقوم اكذبه يعني!!! تهاني/اووووووف... ام احمد/شسويتي بامتحانك اليوم؟ تهاني/ممتاز بس انشغل بالي على ليالي.... ام احمد/الله يكون بعونها المسكينة.....خالتك مو طلعت لها جوال؟ تهاني/أي بس البارحة ليالي ماكانت موجودة علشان تعطيها اياه.... ******************************* ام ضاري بعصبية/ليش بالله انت مارديت عليه من اول وقلت له انه ضاري مايبيها؟ ابو ضاري/انا بس قلت.. قاطعته بعصبية/انت شنو بالله ماتقولي!! ابو ضاري بتردد وهو يناظر مابين ضاري وامه/قلت يمكن ضاري يغير رايه اذا سافر ورجع؟ ام ضاري/نعم نعم!!!وليه يغير رايه بالله!! ضاري بشماتة/قلت يمكن اني اشوف بنت اخوك وتطلع ملكة العالم واتوه من سحرها الفتان يبى؟ولاعلى بالك ان ضميري بيانءبني هناك وبقول اخذ فيها ثواب واستر عليها وعلى بلاويها؟ابو ضاري بحسرة/يعني انت بعد ياضاري ماقدرت تمسك لسانك عن عمك وانهديت فيه كذا مرة وحدة؟بالهداوة يبى كل شي يصير؟ ام ضاري/لاعيوني ولدي رجال ودمه حار يخلص سوالفه كلها بدل مايقعد لي على الهداوة اللي كانت بتفشلنا اليوم؟ومادور اخوك المغثة يجي غير في عزيمة ولدي؟ ضاري/افا عاد يالغالية وان شاءالله خاطرك تكدر؟ولايهمك ترى عطيته كلام حلف انه مابيرجع يدخل بيتنا مرة ثانية؟ ام ضاري/زين سويت فيهم عيال الفقر؟ ابو ضاري/لاحول الله ولاقوة الا بالله العلي العظيم,,, ام ضاري/ابوك الشيبة راح بيتهم ولامابعد؟ ضاري/مااتوقع ..شكله لسه هنا؟ ام ضاري/وش ينطر ان شاءالله للحين ماراح؟انا عندي حوسة وماابي احد يضيق خلقي قوم وده لاني طرشت السايق يجيب لي اغراض؟ ******************************** في ملحق ليالي,, ليالي بفزع/يبى شفيها اصايل؟ ابو عبدالله بتهجم/مافيها شي.... اصايل بذيك اللحظة كانت تبكي وهي تشاهق.... ليالي بخوف وهي تضم اصايل لها/شلون يعني مافيها شي؟منت شايفها تبكي؟ ابو عبدالله/........... ليالي/تكلمي قولي شصاير شغلتي بالي يااصايل؟فيك شي؟تعبانة من شي؟احد مزعلك ولامضايقك؟سمعتي عن متعب خبر يضايقك قولي لاتخليني على اعصابي!!! ابو عبدالله بعصبية/خلاص انتي قلتي بشوف اختي وهذا انتي صار لك نص ساعة وانتي قاعدة معها يالله قومي فزي ورانا مشوار؟ بها اللحظة اندق الباب وقامت ليالي تفتح الباب وكان عمها واقف عند الباب.... ليالي بخوف انه يكون في شي لان عمها اول مرة يجيبها/عمي.. ابو جاسر/مافي تفضل؟ ليالي/حياك... ابو جاسر بتشكك/شكلك معك ضيوف؟ ليالي كانت خايفة ان اصايل فيها شي وعمها جاي علشانه بس شكله عمها مايدري عنها ولاعن ابوها بس قالت/ماعندي غير ابوي واختي اصايل؟ ابو جاسر/اخوي هنا محد قال لي!! ليالي بترجي وهمس/عمي تكفى طلبتك قول تم؟ ابو جاسر/في شي... ليالي/اذا ماعندك مانع اطلب من ابوي ان اصايل تنام عندي الليلة حاسة ان فيها شي وابي اكون قريبة منها؟ ******************************** عند باب بيت الماجد... نور/زيد..شفيها صبا ماجت اليوم تمتحن؟ زيد وهو يناظرها/مافيها شي؟ نور بعصبية/شلون يعني مافيها شي؟ زيد/مثل ماسمعتي.... نور/اقولك ماجت تمتحن وانت تقولي مافيها شي؟هي وينها؟ زيد/ماهي هنا.... نور بخوف/وينها؟ زيد/راحت بيت زوجها؟ نور بفزع/وين؟؟؟؟ زيد/سمعتي راحت بيت زوجها...صبا تزوجت ولاتساليني شي اكثر؟ نور/زيد انت متاْكد من ها الحكي اللي قاعد تقوله؟متى تزوجت؟قبل اسبوع كنا مع بعض؟ زيد/سمعتي اللي تبين تسمعينه خلاص ماعندي شي اقوله اكثر بعد؟ نور بعصبية/السالفة فيها نايف مدري وش اسمه؟ زيد بانتباه/منو؟ نور بنفس عصبيتها/السالفة فيها ذاك الرجال اللي انت سرقت منه صح؟ زيد بعصبية/حسني الفاظك احسن لك؟وبعدين انتي وش عرفك انه بيكون هو؟ نور/لانك ماتدري عن شي ياحظي...كانت خايفة وتلاقيها متعذبة هذا مو ادمي بالمرة ويجوز انها ماتت؟ زيد/انتي شقاعدة تخربطين؟قولي اللي تعرفينه بسرعة؟ نور/مو قبل لاتقول انت اللي عندك..كلمة بكلمة ولا مني قايلة لك شي ابدا!! ******************************** كان يصارخ ويصارخ ويصارخ وهي واقفة ببرود اعصاب وماكانها تسمع شي... هو مو قاعد يهدد انه بيكسر الباب خل يكسره يالله انا ماعندي مانع؟ مرت ثواني صامتة وقف فيها صوته وبعد دقايق بطيئة صارت تسمع اصوات تكسيرعلى الباب ووقف قلبها وراحت ذيك الثقة.. يعني الباب بينكسر....وش بيسوي فيني اللحين؟ غمضت عيونها بالقوة ومامضت فترة طويلة لين انفتح الباب فتحت عينها وسوت نفسها طبيعية... نايف وهو يناظرها ومستغرب منها...توقع يدخل يلقاها ماتت ولاانتحرت اما انه يدخل ويلاقيها واقفة بها البرود وها الكبرياء ها الشي ابد ماتخيله وتنرفز بقوة وقال بعصبية/مشاء الله..اشوفك للحين عايشة مامتي!!! صبا بقوة/وليش تبيني اموت!!!ان شاءالله اللي يكرهوني قبلي!!! نايف/شي واحد ابي افهمه انتي ماكنتي تسمعيني اناديك واكلمك ...ليه مارديتي عليّ! صبا بسخرية/كنت بشوفك قد كلامك بانك تكسر الباب ولا بس تصفصف حكي ماتسويه؟يعني بالمختصر رجال قد كلمته ولامنت برجال؟؟؟ نايف وصبا قاعدة تتشمت فيه ثارت ثوايره ذيك اللحظة,,, تقرب منها ولو كان في يدينها تحلف ان الشرر كان يطلع من عينه كان حلفت بس كل عرق فيها تيبس ذيك اللحظة وماقدرت تتحرك من مكانها حتى يوم جرها من شعرها وسحبها بقوة وهو يصارخ بعصبية/انا مو رجال ياصبا؟؟؟ليه وش شايفتني قدامك ان شاءالله ولاللحين ماتعلمتي من اللي جاك البارح اني رجال ؟؟؟زين انتي تبين الحرب تفضلي انا ماعندي مانع!!! صبا وهي تبكي من الالم/اتركني واللي يرحم والديك اتركني...والله ماني قاوية اوقف,,,, نايف بصراخ/انا مورجال ياحقيرة؟انا تبين تشوفين اذا كنت قد كلمتي ولالا؟طيب شوفي اذا كنت قد كلمتي ولا.... ماقدر يكمل كلامه لان صبا صرخت صرخة وطاحت من يده على الارض وهو يجرها من الحمام للصالة ,,, ******************************* وحده كان قاعد بالملحق بروحه يفكر بللي شافه قدام عينه... حاس بالتعب والخنقة والكتمة,,,وضيق الخلق,, عيال ماتربت بجد,,,,ولااحد يوقف بوجه عمه حتى لو كان عمه ردي ويقوله ماابي بنتك!!! والله مااخس منكم ياعيالي الا عيالكم اللي ماعرفتوا تربوهم؟ كذا وبكل قلة ادب ياولد ام ضاري تقولها بوجه عمك,,,صدق اني مااتواطن انا وعمك بس هذا اللي تربيت عليه وتعلمته بالجامعات والمدارس,,,, يقولك ماني طاب بيتكم مرة ثانية وتقوله ابركها من ساعة!!!! والله اني احس ان ضهري انكسر اليوم من كلامك يالشين؟والمشكلة ابوك مثل اللوح قدامك ماهو قاوي يقول كلمة من بعد كلمتك؟؟؟ عيال لاباركت فيكم تضيقون الخلق وتقصرون العمر ,,ياتربية الحريم!!! ******************************** نايف بخوف وهو حاط راس صبا بين رجليه/صبا...صبا كلميني؟ كانت هادئة جدا واقرب الى الموتى من الاحياء...كل شي فيها هادىء بس اللي كان مطمنه انها تتنفس,,, نايف بخوف/صبا....قولي شي...انتي حاسة بشي...قادرة تتكلمين ولامنتي قادرة,,,, كانت يده تمسح على شعرها اللي كان جاره قبل شوي وحس بالندم والحسرة انه قعد يتعامل معها كذا.. صبا صغيرة وضعيفة وماتتحمل أي شي..وانا من صباح الله خير طايح فيها اللحين تكفيخ واللحين ضرب؟ ياربي وش اسوي اذا ظلت كذا وماردت علي!!ّ لازم تشوفها دكتورة اللحين وبسرعة واعرف وش اللي صار فيها... سند راسها على الارض وقام بسرعة يدور جواله,,, ******************************** جاسر/احم احم,,, شمايل/هلا وغلا... جاسر/قاعدة بروحك؟ شمايل/والله.... جاسر/ليش وين اختك؟ شمايل/راحت تجهز لها ثياب لليلة؟ جاسر/لبيت عمي؟ شمايل/أي... جاسر/ماقلتيلي منو كان البارحة موجود ومنو اللي حضر وشنو صار؟ شمايل/ليش بالله انا شفتك من البارحة لليوم عاد!! جاسر/أي معك حق,,, شمايل/ليه مارحت اليوم الدوام؟ جاسر/يوم الثلاثاء اداوم,,,باقي لي يومين,,, شمايل/ووين مفكر توديني بها اليومين ان شاءالله؟ جاسر/انتي ماوراك اختبارات؟ شمايل/باقي لي الاسبوع الجاي واحد وبس!!! جاسر/المهم شصار البارح,, شمايل/والله وناسة لولا عماتي اللي كانوا قالبين وجوهم طول الوقت,, جاسر/ان شاءالله علشان ست الحسن والجمال ماكانت موجودة؟ شمايل/على قولتك,,,, جاسر/ومنهي كانت احلى وحدة فيكم البارحة من البنات الحلوين؟ شمايل/امممم...الكل...ويمكن انا بس!! جاسر/والله!!! شمايل/ههههه.. جاسر/ليش انتي وش كنتي لابسة؟ شمايل/وليش تسال؟ جاسر بخبث ولحاجة في نفسه قال/مدري بس يمكن لو انك لابسة احمر البارحة كنتي بتكونين الاجمل؟ شمايل/وش معنى الاحمر عاد!! جاسر/لانه لوني المفضل(طبعا من امس بس) شمايل بضحكة/تصدق بالله كل الموجودين البارحة كانوا لابسين احمر باستثناء امي وعمتي ام احمد وخالتي ام عادل؟؟ جاسر بانت الصدمة على وجهه وقال بخيبة امل/كل الموجودين.. شمايل/أي والله شفت الصدفة,,, رحم بحاله ان جواله دق ذيك اللحظة ورد بعصبية/هلا نايف.......شفيك....ليه....طيب بشوف وش يصير معي وبرد لك خبر يالله باي,,,******************************** ابوعبدالله/يالله مشينا,,, ابو جاسر/ابو عبدالله بغيتك بكلمة عند الباب,, ابو عبدالله/في شي,,,قالها وهو يناظر بليالي,,, ابو جاسر/سلامتك بس كلمة بيني وبينك,,,, طلع ابو عبدالله وطلع وراه ابو جاسر ولفت ليالي لااصايل اللي كانت تناظرها واللي اضطرت انها توقف عن البكي يوم ابو جاسر يدخل عليهم,,,, ليالي بخوف/ماراح تقولي لي شصار؟ اصايل بحزن/بموت ياليالي.... ليالي بخوف/اسم الله عليك....ليه تقولين كذا؟؟وليه جايين انتي وابوي اليوم هنا؟ اصايل بضعف/جابني ينهي حياتي .... ليالي/.......... اصايل/بس ماانتهت لاتخافين,,, ليالي/شلون يعني؟ اصايل/وين جاسر؟ ليالي/وش تبين فيه؟ اصايل/ليالي...انتي فيك شي... ليالي بتنهيدة/بس اسمع سالفتك بقولك عن سالفتي بها البيت؟ اصايل/يعني منتي مرتاحة هنا صح؟ ابو جاسر/ياليالي.. ليالي قامت/بشوف عمي وبجيك..يارب يكون اقنعه؟ اصايل/اقنع منو؟ ليالي/ثواني وجايتك؟ ******************************** بعد ماطلعت الدكتورة من شقة نايف,,, سكر باب غرفة النوم على صبا وراح لجاسر اللي واقف عند الباب,, جاسر/تعال انت..وش اللي صاير عندك؟ نايف/لا الحمد الله بسيطة تقول عندها ارهاق وشوية تعب من قلة الاكل علشان كذا جتها حالة الاغماء,,,, جاسر/وش اللي صار بينكم؟ نايف/وش بيصير بينا يعني؟ولاشي غير ان احنا متزوجين البارح؟ جاسر/نايف...وش اللي مدخل ها البنت براسك ابي افهم؟ نايف تنهد/هاذي لعبة ولازم اتمها للنهاية ياجاسر مهما كان,,, جاسر/طيب انت ملاحظت انها تعبانة ولاانها مااكلت شي,,, نايف/والله كنا نتهاوش ومالقيتها الاطاحت عليّ!! جاسر/وش له الهواش ياعريس؟توك تقول البارحة متزوج تقوم صباحية عرسك تهاوش مرتك؟ نايف بنرفزة/ان شاءالله تبيها تمد عليّ لسان وش طوله واسكت لها؟مستحيل طبعا!! جاسر/الله يسامحك على ها اللعبة الشينة...المهم انا ماشي تبي شي؟ نايف/لاسلامتك... جاسر بشماتة/روح ياعريس داري ام العيال اللي طاحت عليك من اول يوم؟؟؟ سكر الباب اول ماطلع جاسر وراح لغرفة النوم,,, ظل واقف يتاْملها...كانت ضايعة بالفراش الكبير بحجمها الصغير.. تقرب منها وظل يناظر فيها.. كانت جميلة حييل وشعرها منثور عليها بطريقة مهملة زادت من جمالها... مايدري أي شعور تملكه ذيك اللحظات وحس بخوف انه يفقدها في أي لحظة من لحظات حياته وانها ماتكون معه,,, لبسه الخوف من فوقه لتحته ودخل الفراش وتمدد جنبها وسحبها من يدها وحضنها بقوة وهو خايف انها فعلا تضيع منه,,, ********************************* ابو جاسر/خلاص بتقعد عندك اليوم؟ ليالي بفرح/صدق عمي...مشكور عساني ماخلى منك؟ ابو جاسر/ولو انه نشف ريقي على ماوافق....بس علشانك.. ليالي/يارب ارد لك ها الجميل اللي سويته لي ياعمي.. ابو جاسر بجدية/ليالي..بالنسبة للبارح..انا نسيت ان.,, قاطعته بسرعة/انا نسيت ليلة البارح واللي جرى فيها..وياليت انت بعد تنساها ياعمي؟ تنهد بارتياح وهو يناظرها وطلع,,, ليالي بفرح عند باب الصالة,,,/عطيني البشارة؟ لفت لها اصيل وعيونها غرقانة وشكلها ذبلان وقالت بضعف/ليه؟؟ ليالي بنفس الفرح/لانك بتقعدين عندي الليلة ابوي راح البيت...وراحت لها طيران تحضنها وسط دموع اصايل اللي انفجرت بالبكي مرة وحدة,,, ليالي بخوف وهي تبعد عنها/اصايل قولي شفيك هذا احنا صرنا بروحنا؟ اصايل وهي تشاهق/الحقير..يقول انا مالزمه حتى خادمة؟؟؟ ليالي/منو اللي يقول ها الحكي؟ اصايل/منو غيره...ضاري عسى ربه مايرضى عنه؟؟ ليالي/انتوا كنتوا جايين بيت عمي؟ اصايل/أي...لكن وين بتروح مني ام عبدالله والله لااردها لها... ليالي/وهي شيدخلها في ضاري؟ اصايل/من ليلة اللي تزوجتي كانت مفهمتني ان ضاري يبيني وانه مستعجل على العرس وانه يتصل في ابوي يسال عني وعيشتني على ها الحلموانا صدقته وعشت بالموضوع بجد,,, ليالي/طيب عمي ماكلمه,,, اصايل/لا...رحنا البيت لهم وطلع هو بوجهنا وقال ها الحكي وبعدها مدري وش قالوا لاني طلعت من بيتهم؟ ليالي وهي تضم اختها لصدرها/خيرة يااصايل خيرة زين انك مااخذتيه؟ اصايل بدهشة/ليه تقولين ها الحكي؟ ليالي بتنهيدة وهي تمسح دموعها/علشان لاتعيشين عيشتي يا اصايل.. اصايل/ليه وش فيها عيشتك ياليالي؟وش مسوي لك جاسر؟ ليالي بحسرة/جاسر...اه من جاسر ومن اليوم اللي دخلت فيه بيت جاسر...صدقيني ياليالي يمكن نعمة ان الرفض صار قبل الزواج علشان لاتعيشين وتنحطين بالمواقف اللي انا فيها,,, اصايل/خوفتيني عليك..قولي شفيك مع جاسر؟ ليالي/سمعي سالفتي من جيت ها البيت اول مرة لين البارح واللي جرى لي!!............................................ .. ************************************************** ******* **وش توقعاتكم للي جاي بالطريق وهل بتسكت اصايل وبتمشي رفض ضاري لها ولابيكون لها موقف ثاني؟ **زيارة لليالي بتغير من حيا ة اختها اصايل تدريجيا ياترى من منو؟ **انت احقر انسان شفته بحياتي ومابشوف مثلك ابدا!!!منهي اللي بتقولها وفي وجه منو؟ **نايف وصبا وهل تتقدم علاقتهم للافضل بعد ها الطيحة ويرق قلبه عليها شوي؟ يسلموا يااغلى ناس بالعالم,,,,, البارت السادس عشر,,, فتحت عيونها ببطء شديد وهي تدور بالغرفة بدون ماتتحرك.. كانت حاسة بصداع ذابحها بس ماهي قادرة تفكر لشنو.. سمعت حركة خفيفة بنفس الغرفة لفت وجهها للجهة الثانية ولقته واقف يلبس ثيابه قدام المرايا وانتبه انه قعدت... تقرب منها وقال /غذاك بالمطبخ لازم تقومين وتاكلين علشان تتقوين سامعتني!! رفعت راسها بشويش واعتدلت بقعدتها وقام يكمل لبسه وتذكرت اللي صار بينهم اليوم بعد ماكسر باب الحمام وبعد ماضربها وطاحت...وجتها غصة بصدرها وتذكرت انها ماراحت الامتحان اليوم ونزلت دموعها شوي شوي لين طلعت صوت شهقاتها.. نايف بخوف وهو يتقرب منها ويرفع راسها بيدينها/صبا انتي بعدك تعبانة؟ صبا بدموع وبكي/انت احقر انسان شفته بحياتي؟؟؟ نايف سكت وماعرف شيقول,,,, صبا كملت بقهر/وش كان يضرك لو خليتني اروح امتحاني؟؟؟شسويت لك علشان تهدم مستقبلي وماتتركني اروح الاختبار وتروح عليّ السنة؟؟ نايف بهدوء/بس هذا اللي مزعلك ومضيق خلقك...انك مارحتي الامتحان؟يبى خلاص اذا فيك حيل بكرة تروحين روحي انا ماعندي مانع! صبا بشك وهي تناظره/متاْكد؟ نايف/أي.. صبا انفجرت بالبكي وهي تقول/وامتحان اليوم اللي راح ؟ نايف/يبى يعيدونه لك بالوقت اللي تبينه وغصبا عنهم وش تبين بعد؟ صبا بصراخ/انت مفكر كل شي على كيفك؟كيف يعيدونه لي بها البساطة كيف؟ نايف بثقة/انا نايف ياصبا نايف....لو تبين امتحاناتك من بكرة لااخر يوم يجونك الليلة ؟الا اذا عندك شك باني نايف؟ صبا وهي عارفة انه اذا بغى يصير قد كلمته يصير قالت بضعف/بس مدرستي بعيدة عن هنا؟ قام نايف وهو يلبس شماغه وقال/انا بوصلك وبرجع اخذك مو مشكلة؟ قامت صبا وهي تناظره لين وصلت لعنده وقال/طالع؟ نايف لف لها/أي...بمر البيت وبعدها بروح الشركة وبجيك اخر الليل؟ صبا بلا مبالاة/وليش تجي وتقعد على قلبي بعد ماله داعي تجي؟ لف نايف وصار قبالها وكتف يدينه وقال بتهديد/شكلك غيرتي رايك وماتبين تروحين بكرة الامتحان؟ صبا بخوف من لهجته/لاخلاص تعال وقت ماتبي مالي شغل فيك؟ نايف سحبها من يدها وقربها منه وقال وعيونه بعيونها/عيديها ثاني علشان ماسمعتها؟ صبا بربكة/أي هي فيهم!!! اصايل/كنت حاسة ان نيران بقلبي كانت شابة ياليالي بس من سمعت سالفتك حسيت ان سالفتي هينة وماتستاهل اني ازعل نفسي...خيرة اني مااخذته؟ ليالي بتنهيدة/وش اقول لك انا....انتي بالجنة بعدك...لاتتقربين من نار بيت التميمي لاتحترقين؟ اصايل/تدرين شلون الله ياخذ ابو عبدالله اللي هو ابوي وام عبدالله وجاسر وامه وابوه واخوانه وضاري وابوه وفوقهم ابوهم ها الشيبة,, ليالي/وليش تدعين عليهم عاد؟ اصايل/من القهر اللي فيني ياليالي...حاسة اني بنفجر عنك اذا ماانفجرتي انتي!!! ليالي/اللحين حسيت بقيمة بيت ابوي بدل ها السجن اللي انا عايشة فيه يااصايل؟ اصايل/وليش تسجنين نفسك....هو مو عايش الدنيا طول بعرض!!خلاص انتي بعد عيشيها مثله ولاتشغلين بالك؟ ليالي/وين تبيني اروح؟ اصايل/ان شاءالله لو كل يوم اروح اغث تهانيوا بس مااقعد هنا؟ ليالي باعتراض/لا يااصايل جدي معه حق انا اسمي فيني متزوجة وعلى ذمة رجال مايصير اطلع من غير شوره؟ اصايل/طلعت روحه هووابوه وجده قولي امين... دق الباب وقامت ليالي تفتحه.. اصايل بحماس/ان شاءالله عبير يارب؟ ليالي/وهو في غيرها يجيني ياحظي اكيد بتكون هي؟ راحت تفتح الباب وكانت تهاني واقفة.. تهاني/مفاجاءة!!! ليالي وهي تسحبها لداخل وتقول بفرح/بس مو احلى من مفاجاْتي اللي عندي!! تهاني وهي تمشي وراها/شوف النذلة وش عندك بتفاجئيني فيه..اكيد شي من البارحة....اه اصايلوا الدبة هنا؟ اصايل وهي قايمة تحضن تهاني بفرح/شوف المغثى تهاني المغبرة...ياانك وحشتيني موووت... تهاني/مو كثري والله....الا وش عندهم بنات بو عبدالله مسوين اجتماع ومايعلمون؟ ليالي/كيف بقولك بالله؟ تهاني/مدري يمكن عن طريق الحمام الزاجل... ليالي/شسويتي اليوم بالامتحان؟ اصايل بسرعة/هاذي مايحتاج تسالينها اكيد زين والعلامة الكاملة بعد؟ تهاني/اللهم صلي على النبي,,,, اصايل/هههههههه تهاني/بالموت رضت امي اجي عندك كل ماقلت لها اني محتاجة اركز وابي مكان هادى قالت لي لا بتروحين تسولفين مع ليالي ومابتذاكرين...بالنهاية تمسكنت عليك وقلت مسكينة بروحها بقعد معها ظلي ولاظل الاشباح ووافقت!! اصايل/ياسلاام تمنين على اختي انتي بها الجية لمصلحتك؟ ليالي/انا راضية تمن بس لاتقطعني!! تهاني/شفتي انا وليالي بينا علاقة حب ثايرة ها اليومين انتي شيخصك يبى؟ترى اللقافة قرافة ياعيوني؟ ليالي/يعني مابتروحين الليلة بيت خالك؟ تهاني/طبعا لا.....ولو ان ام ضاري بتسوي لي فيها سالفة طويلة عريضة تعرفين بعد العشى على شرف حبيب القلب ضويري؟ اصايل/لحظة انتي وياها..وش سالفة ضاري والعشى؟ ********************************** *ريم/وش فيك؟ رانيا بخيبة امل/راحت علينا!! ريم/منهي!!! رانيا/تدرين انها كانت هنا اليوم؟ ريم/منهي زين؟ رانيا/اصايل... ريم/وليش جاية؟ رانيا/جت مع ابوها......ابوها جايبها لضاري يوم عرف انه رجع من السفر.... ريم/وليش جايبها بعد؟ رانيا/مو لان ابوي ماقال لعمي ان ضاري مايبيها قال له ان ضاري مسافر؟ ريم/علشان كذا امي صوتها واصل اخر الدنيا اليوم..... رانيا/تدرين ان ضاري هو اللي صار بوجههم وقال ماابيها؟ ريم/وانتي ليش مزعلة نفسك؟ رانيا/مدري من كلام تهاني عنها وعن جمالها ومن بعد ماشفت ليالي وقعدت معها حسيت ان في شي فيني تغير؟ ريم/بس امي رايها ماراح يتغير ولاحتى ضاري؟ راينا باامل/قلت يمكن اذا شافها ضاري يغير رايه؟ ريم/لاتخافين ضاري ماراح يغير رايه واذا امي سمعتك تتكلمين كذا ترى مقبرة الشهداء بتكون اقرب مكان يضمك؟؟؟فلاتعيدين السالفة مرة ثانية؟ *********************************** في المستشفى,,, عبير/ماتشوف شر يالغالي,,, الجد/الله يسلمك يابنيتي...والله مدري وش اللي كان بيكون جرى لي لو مامريتي علي اليوم؟كنت بروح فيها؟ عبير بحنية/لك طولة العمر يالغالي...لاتقول ها الحكي...انت بعدك شباب بس يبيلك تهتم بنفسك وباكلك شوي وماتخربط؟ الجد بتنهيدة/والله ماغير ضيقة الخلق اللي مرضتني ياعبير؟ عبير/من اللي مضيق خلقك يالغالي عاد؟ الجد/اللي سمعته وشفته اليوم؟ عبير/خير يبى صاير شي؟ الجد/بيني وبينك ياعبير ولايطلع يابنيتي...حسيت اليوم بشي غريب وانا اشوف ضاري يتكلم مع عمه ابو عبدالله...لاحشيمة ولاقيمة ماكانه عمه وكانه اصغر عياله؟ عبير/ليش اخوي هنا؟ الجد/جاي يجيب بنته لضاري؟ عبير/وليش يجيبها عاد!! الجد/مو لان اخوك ابو ضاري ماقال له ولدي مايبيها وذاك يوم سمع ان ذاري رجع من السفر جاب بنته وعلى باله بياخذونها؟ عبير بتنهيدة/حرام عليه يحط بنته بها الموقف؟ الجد/انا ماهمتني لاهي ولاابوها انا بس ابي افهم كيف ضاري مايهمه شي ويطل لسانه على عمه كذا .. عبير/تربية ام ضاري يبى وش تبيها تكون يعني!! الجد/ولو ضاري رجال ماهو صغير ..وعارف الزين من الشين؟ لفت بالشقة تستكشفها على راحتها بعد ماطلع وتنفست الصعداء... كان كل شي بالشقة يوحي بالفخامة.. الصبغ والديكور والاثاث....حست نفسها قاعدة بشقة من اللي يطلعون بالمسلسلات... تذكرت انها يوم جت هنا مع زيد بعد ماملكت كانت يافطة على العمارة(عمارة التميمي) يعني الشقة ملكه ويمكن العمارة كلها بعد!!! تنهدت بقوة وهي تتذكره..... وش يعاني منه نايف بالضبط.....ساعة هادى ورايق وساعة شيطان مايشوف قدامه؟؟؟ معقولة يكون فعلا مريض نفسي!!!! طيب اللحين سالفة زيد انحلت ولاانا اللي رايحة فيها؟؟ دق قلبها بقوة وهي تفكر بها الشي لانها من طلعت من البيت مادرت شي عن اهلها ولاسمعت صوتهم... لفت بعيونها تدور على تلفون باي مكان..وصارت تطلع بغرفة وتطلع من غرفة بس مافي أي فايدة... مافي الشقة أي تلفون؟؟؟؟ وش تعني ها الحركة يانايف بالله!!!شايل مفاتيح البيت كلهم حتى الحمامات ومافي ولاتلفون واحد بالغلط؟؟ هذا السجن بعينه وعلمه ياصبا وتحملي اللي بيجيك؟؟؟ ***********************************اصايل بتفكير/يعني الليلة بيكون فيه عشى في بيت بو ضاري؟ ليالي/أي... اصايل بشرود/ضاري.. ليالي بخوف/وش فيه ضاري يااصايل؟ اصايل/ابي ارد له اهانته؟ ليالي/شلون يعني!! اصايل بقوة/يعني مثل ماذلني بذله؟ تهاني بحماس/أي بس شلون انتي ماتعرفين ضويري.... اصايل/مايهمني أي ردة فعل بتكون صادرة منه المهم اني احاول....ماني خسرانة أي شي.... ليالي بخوف/انتي ماتخافين ابوي يعرف يااصايل.. اصايل بقوة/ابوي ماهو هنا والليلة فرصتي...ماابي اضيعها...حبيبتي تهاني بعد عمري انتي!! تهاني بحماس/حاضرين للي تبينه...بس نبي اكشنات عاد؟ يليالي/اصايل شيلي ضاري من بالك؟ اصايل بعناد/مستحيل طالما اني حطيته في بالي...لازم ارد لو جزء بسيط من اهانته ويارب اقدر... تهاني/شبتسوين ماقلتيلي؟ اصايل/اول شي سمعي زين اللي ابيه منك,,,,,,,,,,,,,,,,,,,,,, ***********************************جاسر بحسرة/راحت امالي بلاش...شفت شلون الحظ الردي اذا ضرب معك؟ ضاري/خير..وش صار مع جنيتك ؟ جاسر/ماقدرت تعرفها؟ ضاري/ليه؟ جاسر بنفس الزعل/حتى الخيط اللي كنت حاطه انقطع!! ضاري/شلون يعني!! جاسر/الثوب الاحمر كان هو اللي بيوصلني لها...وعلى بالي ان السالفة بسيطة؟ ضاري/وش اللي صار بعدين؟لاتقول ان مافي وحدة لبست ثوب احمر بين المعازيم وانها قاصدة تجي لك انت بروحك وبعدها تمشي؟ جاسر/لامو كذا...بس البنات كلهم كانوا لابسين احمر....تتصور كيف حظي ردي؟ ظل ضاري ساكت فترة وبعدها ضحك بقوة.. جاسر بعصبية/قاصرك انت بعد؟ ضاري/اقول قوم روح للبدوية بنت عمك فضفض عندها شوي....شوف وش رايها؟ جاسر/ضاري لاتنرفزني؟ ضاري/جايني بوسط بيتي يبيني اخذ بنته؟؟؟صدق ناس ماتحس ولابتحس بحياتها بعد؟تكون بنته ملكة جمال العالم وانا مدري؟؟؟ ام احمد/انا قلت امركم اخبركم قبل لااروح المستشفى؟ ام ضاري بعصبية/يعني شنو ياام احمد منتي جاية الليلة؟ ام احمد بعصبية/ابوي بالمستشفى وانتي تبيني اجي ياام ضاري؟ ام ضاري/وان شاءالله تبيني اكنسل العزيمة؟مقدر ياام احمد اعتذر من ضيوفي؟ ام احمد/المهم انا رايحة....اقول اخوي...معقولة ابوي يطيح عندكم بالبيت تعبان وانتوا ماتدرون لو ماعبير كانت مارته؟(كانت تكلم ابو ضاري وام ضاري هي المقصودة) ويوم ماسمعت جواب طلعت... ام ضاري بعصبية/ياسلاااام....انا قايلة ابوك لايحبني ولايحب عيالي!!ليش مادور يطيح غير اليوم بالله!!علشان يخرب علي! ويخليني اكنسل العزيمة لكن لو يموت اليوم ماكنسلتها... ابو ضاري/اذكري الله الوالد تعبان ماقاعد يتعير... ام ضاري/عساه مايقوم منها ان شاءالله؟؟؟وخواتك طبعا مايبون يجون يبون يقعدون عنده شيبة النار!!!تروح لهم المستشفى اللحين وتفهمهم ان ابوهم مافيه الا العافية وانهم مايصير يكسرون بخاطر ضاري ومايجون لانه اذا عرف بيزعل...ولا ضاري ماله خاطر عندهم.. ابو ضاري/طيب... ام ضاري/مو يغلبونك عاد ياحظي ويغيرون رايك؟؟؟المغرب خواتك لازم يكونون هنا..... ***********************************بعد صلاة العشى وتحديدا بالشارع عند سيارة ضاري اللي كانت واقفة بالجهة الثانية من البيت توه بيركب سيارته وانتبه على بوكيه ورد احمر على سيارته تقدم منه وشاله ولقى فيه كرت مكتوب فيه(حمد الله على سلامتك يالغالي...تو مانورت الشرقية) قلب بالكرت يمين وشمال ومالقى فيه أي اسم رمى الكرت وفوقه البوكيه باهمال جنب السيارة وراح يفتح الباب بيدخل...وسمع صووت اصايل اللي ذايب من النعومة يقول/حرام عليك وش مسوي فيك الورد علشان ترميه كذا!!ولاعلشان انك ارق منه ومابينكم مقارنة ترمية باهمال؟؟؟ لف لصاحبة الصوت يشوفها لقاها واقفة وراه علطول وريحة عطرها انتشرت بالمكان ...ناظر بعيونها الغرقانة بالكحل وقال/من انتي!! اصايل بنعومة/انا دانة ياضاري.. ضاري باحتقار وهو ياءشر باصبعه على بيوت الجيران اللي حوالينهم/أي بيت فيهم بيتك يادانة؟ اصايل حطت يدها على يد ضاري اللي كانت على باب السيارة وقالت وهي تاْشر بيدها على سيارة كانت واقفة قريب ومافيها غير السايق/انا مو من ها المنطقة ياالغالي...انا من منطقة ثانية ومن زمان من زمان كان ودي اسمع صوتك واشوفك مباشرة كذا بس الظروف ماخدمتني...وعلى فكرة ترى من قبل يومين وانا ودي اقولك حمد الله على السلامة بس انت ماعطيتني مجال ماكنت بروحك ابدا!! ضاري وعيونه بين عيونها الفتانة وبين يدها اللي خلت كل جسمه تسري فيه نار حارة/والمطلوب مني يادانة؟ دانة/ولاشي ياقلبي....بس خف شوي على الناس اللي هايمة فيك هو صدق الغرور مايلوق الا لك انت بس بعد والله قلبي يعورني من كثر صدودك؟ ضاري/متى شفتك علشان اصدك يابنت؟ [/size][/font][/SIZE][/FONT] | ||||
08-11-10, 09:26 PM | #22 | ||||
نجم روايتي
| البارت السادس عشر,, ************* وحدها كانت مرعوبة وخايفة من الفكرة اللي براس اصايل اختها!! طول عمرهم خوات وصديقات وحبايب ومايفرق بينهم غير بساطة ليالي وطيبتها الشديدة وقلب اصايل الطيب بس اللي بنفس الوقت مايسكت عن حقه؟؟؟ ياترى وش صار معهم اللحين؟شافوا ضاري ولالسه!!! هو في احد ثاني شافهم مع ضاري وصارت لهم سالفة!!!ضاري نفسه وش موقفه منها بيكون؟ هل بترتبك وتقوله انا اصايل بنت عمك وبتودي نفسها بداهية وبتودينا معها ولابتكون قوية مثل ماعرفتها دايما,,,, كل اللي شاغل افكار ليالي اصايل اصايل وبس... وهي بغمرة تفكيرها وسرحانها دق الباب وفزت تشوفهم اكيد انتهت المواجهة ويارب ماجاهم شي منها يضرهم ابدا!!! فتحت الباب بدون حتى ماتسال منو عنده وشحبت عيونها من الصدمة وجمدت يدها فوق مقبض الباب وطلعت منها شهقة عالية!!!!! *********************************** نرجع لضاري واصايل اللي تركناهم بروحهم,,,, اصايل/انا ماابي منك شي يالغالي...غير انك تخف عليّ شوي من غرورك وثقلك وتعطيني وجه وتعبرني,,,, ضاري وهو بعده يناظرها وقال بثقله المعتاد/شوفي يادانة.. قاطعته بسرعة/دانة ضاري....محب اسم دانة حاف احبه دايم جنب اسمك... تنهد وهو عيونه غرقانة بعيونها,,,, دق جوالها بذيك اللحظة وقالت باسى/حبيبي انا ماشية لاني مقدر اتاْخر اكثر زوجة ابوي ماترحمني...بس خل في بالك اني اليوم اسعد انسانة بالعالم لاني سمعت صوتك بدون حواجز بينا!!!! رفعت يدها من على يده وهي تناظره بكم نظرة حب تعلمتها هي وتهاني قبل شوي ,,,وقالت بتردد مصطنع /فيني اكلمك بالتلفون ولاماراح ترد عليّ لو دقيت لك؟ ضاري كان ملتزم الصمت وها الشي حيرها فعلا...لاهو اللي قال ولاهو اللي قال أي,,,, تنهدت بقوة لدرجة انه فتح عيونه على وسعها لانها كانت قباله ومشت لسيارتها,,,, وظل هو بروحه يناظر بسراب السيارة اللي مشى,,,,, ************************************************** ********** عبير باعتراض برى غرفة ابوها/لاطبعا مو رايحة؟ ابو ضاري /أي ليش عاد؟ عبير بعصبية/بذمتك عاد ياخوي ابوي تعبان بالمستشفى ومرتك مسوية عزيمة عشى في بيتها؟ ابو ضاري/وكانها قاصدة ها العزيمة لمرضه وتعبه ياعبير!!!العزيمة تحددت من قبل وكلكم تدرون بها الشي...وبعدين هي كلها عشى وش بيكون فيها يعني؟ عبير/لاياخوي ام ضاري بالذات ماهي عزيمة عشى وبس ولاماتعرف مرتك بعد يابو ضاري؟ واذا هي مصرة ماتكنسل العزيمة بكيفها؟ ابو ضاري/وليه تكنسلها عاد بس الله يهداك ياعبير؟ عبير/يعني على قولتكم عزيمة عشى يعني لاراحت ولاجت لاسيما ان العشى بيكون في بيتكم وش فيها لو كلمت الضيوف اعتذرت لهم وقالت لهم عمي ابو زوجي تعبان وطايح بالمستشفى وبس يقوم بالسلامة بتصر المناسبة مناسبتين!!!! ابو ضاري/...................... عبير/طبعا منت مقتنع بها الكلام... بس بكيفك..اما اني اروح والبس واجامل الناس فاانسى ياخوي يظل اللي هنا عزيز على قلبي اكثر من ولدكم اللي مسوين له العزيمة؟ ابو ضاري/شتقصدين يعني ياعبير؟ عبير/افهمها مثل ماتفهمها ووصلها لمرتك بعد وسووها سالفة بس انا عند كلمتي...وعلى فكرة قول لها اهل بسام زوجي يسلمون عليها لانها كانت عازمتهم الليلة وكلموني قبل شوي يسالون وانا قلت لهم ان ابوي بالمستشفى ومدري وش صار على عزيمتك فهم فهموها انها تكنسلت,,,,, *********************************** كانت سرحانة بافكارها لبعيد رغم الكتاب اللي كان بين يدينها ,,, كان شكلها مخلي نايف يوقف يتاْملها من عند الباب اللي مبين انها ماانتبهت انه انفتح لانها بعدها بنظرة شرودها لبعيد,,,,,, كانت متكورة على نفسها وضامة رجلينها عند صدرها والكتاب فوقهم وشعرها طايح عليها باهمال وعاطيها هالة جمال خاصة,,,, شي واحد بس خلاه يغير رايه ويقطع تامله فيها ويقول لها بكل قوة/انتي ماعندك غير ها اللبس تلبسينه قدامي!!!! فزعت يوم سمعت صوته وانقزت من مكانها وكتم ضحكته عليها لان شكلها كان فعلا مرعوب,,,, قالت بارتباك/انت متى جيت؟ نايف وهو يشيل شماغه ويجلس قبال التلفزيون وكانه يصد عنها ويقول بسخرية/خبري يقولون متى وصلت مو متى جيت؟ صبا ابلعت لسانها وسكتت لانها كانت ماتبي تحط لسانها بلسانه بعد سالفة السجن هاذي اللي حطها فيها وقاطع عليها كل اتصال بالعالم الخارجي,,,,, نايف وهو يتعبث بالريموت بين المحطات/اكلتي شي,,, صبا بدون نفس/الحمد الله.... قام المطبخ يشوف وش سوت في غيابه وهل صدق اكلت ولاتلعب براسه,,,, طلع بعد ثواني وهو ماسك صحن بيده وقال بتهكم/بس هذا اللي قدرتي تاكلينه؟ قالت بتحدي/يعني اكل فوق طاقتي مثلا!!! نايف بعصبية/انتي ماتفهمين يعني شنو انتي تعبانة ولازم تتقوين؟ صبا بلامبالاة/وانت ليش حارق دمك بالله...انا التعبانة مو انت...فرق بين السجان يتعب ولاالسجين؟ نايف رمى الصحن من يده على الارض وتكسر وطلح اللي بداخله وجمدت صبا بمكانها من الخوف,,, نايف تقرب منها وقال بعصبية/صبا لسانك طويل اذا ماكنت غلطان؟؟؟ صبا/............... نايف/مااشوفك قلتي شي يعني؟؟ صبا بنرفزة وصوت عالي/وش تبيني يعني اقول...انت حابسني بشقتك ومسويني انا والمساجين واحد...كل اقفال البيت بدون مفاتيح وحتى التلفون شايله ليش بالله ها الحركة ماتعني اني انا السجينة وانت السجان ولاانا غلطانة؟ نايف/بعد...طلعي اللي ماقلتيه وحاز بخاطرك يابنت الفقر؟ وقفت من مكانها والدم ثاير فيها ورمت كتابها وقالت بعصبية/واذا انا بنت فقر ليش حضرتك مقابلني يعني ولامنت خايف اني اعاديك بفقري واصب عليك لعنتي!!!! نايف/تعالي كفخيني بعد!!! صبا شالت كتابها من على الارض ومشت ومسكتها يد نايف بقوة ولفها لجهته وقال بعصبية/قايل لك الف مرة لاتمشين قبل لاانهي كلامي وان الكلمة الاخيرة تكون لي انا مو لك انتي سامعتني ولا اعيد ؟؟؟ صبا بعصبية/لا مو سامعتك...عيد بس بتعيد كثير مرة ومرتين وعشر لين تتقطع احبالك الصوتية,,, جاها كف من نايف ولف وجهها للجهة الثانية من قوته وحست بحرارته بس كانت ماسكة نفسها شوي... نايف وهو متندم بس ماحب يبين تسرعه قال لها بنرفزة/انا قايل انتي مو وجه الواحد يكون معك صلح ويلبي لك رغباتك..انقلعي داخل يالله ومافي بكرة روحة اختبار زين!!!!*********************************** يمكن يكون اخر انسان فكرت فيه بها اللحظة انه يكون واقف عند الباب ولاحتى فكرت انها ممكن تسمع عنه خبر بالوقت الحالي.... تسندت على الباب وهي تشاهق بصوت مو مصدق/معقول....انت يامتعب...انت بنفسك عندي هنا؟؟؟لامو مصدقة ابدا!!!انت كيف عرفت اني هنا يامتعب كيف؟ كان يمسح دموعه وهو يناظر فيها وبشكلها اللي هو نفسه ماتغير غير لبسها اللي توه يشوفه عليها لانه ماتعود تلبس كذا في بيت اهلها.... متعب بوله وحب وصوت باكي/سامحيني ياليالي سامحيني....سامحيني يالغالية لاني قصرت معكم ووصلتوا للي وصلتوا له؟ ليالي سحبته من يده وضمته لصدره بقوة وهي خايفة يكون مجرد سراب وماتشوفه بعدين ولاحلم وتصحى منه... بس يوم ضمته وضمها اكتشفت انه واقع وانه متعب بشحمه ولحمه,,,,, ليالي بعد ماانتبهت ان الباب بعده مفتوح قالت بسرعة وهي تجره معها لداخل/ادخل ماراح نوقف عند الباب طول الوقت؟ متعب بتردد/يمكن زوجك يتضايق لوجودي؟ سحبته بدون ماتعلق بكلمة لداخل الصالة وقالت بلهفة/كيف عرفت اني هنا واني تزوجت يامتعب؟ متعب وهو يضغط على يدها بقوة لاتضيع من يده/اول قولي لي انتي بخير...مرتاحة بحياتك ياليالي...قاصرك شي؟ ليالي بعد تنهيدة طويلة قعدت تحت ركبته مثل ماكانت دايما تجلس وقالت /انا بخير يامتعب بخير...انت طمني على نفسك شلونك وشلون شغلك .... متعب/انتوا الاهم ابي اعرف كل شي عنكم وابيكم تسامحوني على تقصيري.. قاطعته ليالي باستنكار/ومن قال عاد انك مقصر يامتعب ياخوي؟ القطاعة اللي صارت لاانت سببها ولااحنا....الله يسامح اللي كان السبب.... ليالي/كلمني عنك وش سويت طول ها الفترة اللي افترقنا فيها يالغالي؟ متعب تنهد وقال/مافي غيركم شاغل بالي وفكري....انصدمت يوم رحت اسال عنكم قبل كم يوم هناك وقال لي حمد ولد جيرانكم انكم تزوجتوا؟حسيت ان الدنيا تدور فيني وربي زعلان مني لاني قصرت بحقكم وانتوا بذمتي,,, ظليت اترجى ام عبدالله من الصبح وماخليت شي مااخذته لها وغريت نفسها فيه لين اقتنعت انها تقولي عنك انتي انك تزوجتي ولد عمك جاسر وانك انتي بتقولين لي وين بيت اصايل لانها ماتدري شي بعد على سالفتها وجيت الشرقية وقعدت وين بيت عمتك ام احمد لين وصلته ودلاني احمد على بيت جاسر ويوم جيت هنا وسالت عنك وصلتني الشغالة هنا,,,,وهاذي كل السالفة انا ابي اعرف سالفتك اللحين واصايل شخبارها ووينها فيه وانتوا مرتاحين ولاانجبرتوا على ها العرس وشنو صار بالضبط؟ ليالي ابتسمت له/تبي تعرف كل شي وتبيني اجاوبك على ها الاسئلة كلها مرة وحدة يامتعب؟ متعب /صدقيني ياليالي ساعات ماانام الليل من كثر تفكيري في اللي ممكن يكون جرى لكم... ليالي/قولي وش تبي تشرب؟ متعب/انا جاي اسولف معك واخذ اخبارك..... ليالي/بس عندنا سوالف كثيرة وبينشف ريقنا واحنا نسولف خل اسوي لك شي تشربه,,,, ********************************** *في السيارة,,, تهاني كانت فاطسة ضحك واصايل تسولف لها عن الاشياء اللي نستها,,,, اصايل وهي تضحك/أي نسيت اقولك....تنهدت تنهيدة طويلة من اللي تدربنا عليهم وحسيت نفسي بنفجر من الضحك يوم اذكر شكلك شلون سويتيها,,, تهاني/والله العظيم مو قادرة حاسة نفسي بنفجر من الضحك...خلاص بطني يعورني.... اصايل/أي ولا تتخيلين وش الاسم اللي طلع معي...دانة... تهاني/هههههههه اصايل/اه بس اه... تهاني/تدرين يااصايلوا اللحين اقدر اقول ان الشرقية نورت بوجودك فيها.... اصايل/أي وجود بكرة بيرجعوني معتقلي هناك وعلى بالك ابوعبدالله بيتركني بحالي هو ولاام عبدالله اللي للحين يحلمون في ها العبدالله اللي ماشرف؟ تهاني/ههههه من صدقك للحين يحلمون فيه؟ اصايل/مايدري ابوي العزيز ان الله باليه من فعايله الشينة وماعطاه عيال عطاه درزن بنات علشان يصير عاقل بس ماهو راضي يصير.... تهاني/يعني ابوك اللي هو خالي صاير ابو حاتم اللي في باب الحارة؟ اصايل/أي باب الحارة انتي بعد!!!! تهاني/شي مو من تخصاصاتك؟ اصايل /تهانيواقلبي وقف يوم يدق جوالك حسيت ان قلبي بيطيح من الخوف وكاني سارقته لاواحطيتها فوق راس زوجة ابوي اللي ماتتركني ولاترحمني!! تهاني/ههه يعني ام عبدالله وراك وراك.... اصايل/مانستغني عنها هاذي حبيبة قلبنا...بس خلنا بالجد وش تتوقعين من ضاري؟ تهاني/ولاشي....انتي لاتركتي له اسم ولاعنوان ولااي شي وش تبين منه بعد؟ اصايل بتنهيدة/ابي اهينه يااتهاني اهينه....مثل ماذلني...انا مااسوى اكون تحته حتى خادمة!!!ليش عاد!!!!وش سويت لك بالدنيا ياضاري؟ تهاني/اصايل لاتزعلين نفسك...هذولا طول عمرهم كذا لسانهم طايل على الكل لاتقعدين تضيقين خلق عمرك علشانه...خلنا بس نمر ناخذ لنا عشى ونروح لليالي تلاقينها تحاتينا اللحين؟ اصايل/ونرد سايق بيت عمتك قبل لايشوفنا ضاري مرة ثانية؟ تهاني/هههههههه *********************************** هاذي هي نقطة الضعف عندها.... كل كلمتين وههددها بالحرمان من الامتحان.,,, يعني يهينها ويذلها عادي بكيفه لكن تقول كلمة الحق اللي بخاطرها لاوالف لا تقوم الدنيا ماتقعد,,,, تنهدت وهي تفكر كيف تروح بكرة الامتحان ...مالها الا انها تتبع معها سياسة الانصياع لااوامره لين تخلص الامتحانات وبعدها تعلن حالة التمرد والعصيان بعد ماتاخذ مبتغاها منه,, ابتسمت للفكرة واللحين لازم تقوم تبداْ هي الصلح علشان تكمل الخطوة اللي بدتها,, كانت واقفة بالمطبخ وبعدها طلعت له الصالة بس مالقته رغم ان التلفزيون كان بعده شغال.. ترددت قبل لاتدخل غرفة النوم وماخاب ظنها كان هناك قاعد بالفراش وينظر بجهتها اللي رقدت فيها البارحة وسرى فيها شعور غريب وقررت انها ماتدخل بعد مارجعت لها ذكرى ليلة البارح معه وفي ها الغرفة بس الحظ عاندها لان عيون نايف انتبهت لها ولوقوفها عند الباب.... قال بتهكم نرفزها/في شي؟ ضايقتها لهجته وقررت تنسحب بس قالت لا هو يبيني انسحب علشان يفوز بس لا راح اتقدم واضغط على نفسي واكسب الامتحان وبعدها بوريه؟ تقربت وهي راسمة ابتسامة بريئة على وجهها لين وقفت عند راسه وهو يناظرها وقالت بصوت منخفض/اسفة,,, نايف وهو يشككها بنفسها/علشان الاختبار صح؟بس انا قلت مافي روحة يعني مافي روحة وكلمتي ماتصير ثنتين؟ نزلت راسها بالارض وهي تلعن افكاره وكيف عرف بللي يدور براسها..بس ماياْست ابدا وقالت باصرار/انت نرفزتني..ماله داعي كل كلمتين وتقول لي بنت فقر؟ نايف مسك يدها واستسلمت له وقال بهدوء/ليش مااكلتي انا مو منبه عليك قبل لااطلع؟ولاتحبين العناد انتي!!! صبا ببراْة طيرته وزادت من ضغط يده على يدها/شفيك نايف قلت لك هذا اكلي!!مقدر اكل اكثر من كذا.. نايف بخوف حقيقي بس كان بالنسبة لصبا شي عادي/بس انتي تعبانة؟ صبا تنهدت/طبيعي بتعب ...كل شي حولي يخليني اتعب ولاانت مفكر اني بدور بها الدوامة وبطلع منها بدون أي تاْثير؟ نايف/طيب تعالي نامي ارتاحي ولاناسية ان وراك قومة بدري؟ صبا باعتراض/أي بس انا ماخلصت مذاكرتي بعد.... شدها لعنده وهو يقول بثقة/مو لازم تخلصينها انا قلت تجين تنامين يعني تجين تنامين ماابي اعتراض؟ كانت على صدره بها اللحظة يوم رفعت راسها وصارت عيونها بعيونه وقالت بهدوء وشوية خوف/يعني بروح بكرة الامتحان منت قايل لي لا؟ نايف وقربها منه بها الشكل خانقها قال بسرعة وهو عيونه طايرة فيها/اكيد بتروحين.... صبا في بالها(أي كلمة فيهم ماتصير ثنتين يانايف) *********************************** هتون/وين عماتي؟ ريم وهي تناظر امها/ماراح يجون؟ هتون/ليه؟ ريم بهمس/جدي تعبان ومنوم بالمستشفى وهم عنده... هتون/أي بس اللي اعرفه انه من الضهر هناك يعني وقت الزيارة انتهى او بمعنى اخر يفترض انهم تعبوا من قعدة المستشفى؟ ريم/السالفة بالمبداْ عندهم كيف يحضرون العزيمة وابوهم تعبان مايصير؟ هتون باحتقار/يعني لو هو واحد له في الدنيا شي ماعليه الا خالص من الدنيا والدنيا خالصة منه يعني مالها لزمة ها التعكيرة؟ ريم/يظل ابوهم؟ هتون/انا لو هو ابوي ويكون بها العمر مااشيل همه وادخل واطلع واتونس؟ ريم/............. هتون/علشان كذا امك ماهي على بعضها؟ ريم/ترى عادي بكرة تسوي سالفة طويلة عريضة تقوم لها الشرقية وتقعد..هي بكبرها من جانا عمي مع بنته اليوم وسمعت بالطاري كانت بتسوي مذبحة بس لان العزيمة منعتها....المهم بقوم اشوف صاحبتي وبجيك؟ هتون بلامبالاة/خذي راحتك........ وحدها هتون راحت افكارها لبعيد....لبنات العم اللي بعمرها ماشافتهم..بس حبتهم بيوم من الايام من كلام متعب عنهم لانه كان دايم يسولف لها عنهم.....وكانت تحب بوقتها كل شي يحبه متعب,,,,, كان دايم يقول انهم غير وانهم اروع ناس شافهم بحياتي...وكانت حاطة في بالها ها الشي بس بمجرد ماصارت تبتعد عن متعب علشان تقطع علاقتها فيه كانت تقول بنفسها اكيد يقول ها الاشياء عنهم لانه مايشوف غيرهم ويعتبرهم اقرب شي له فطبيعي بيكونون روعة بعيونه.... ومن افترقت عن متعب اول شي كرهته اصايل وليالي مو لشي او لمعرفة ابدا... بس لانها كانت عارفة قدرهم عند متعب وانه عايش معهم ومايتخلى عنهم لو تخلى عن روحه..وها الشي كان يعذبها كيف انهم يمتلكون متعب وعواطفه وهي محرومة من حبه وحنانه وحتى من انها تسمع صوته؟ كان بالنسبة لها كل شي بس فجاْة غيرت رايها وهي تحس ان متعب مو الانسان اللي ممكن تعيش معه باقي عمرها....يمكن لانه يتيم ..ويمكن لانه ماعنده سند..ويمكن لانه مو بذاك المستوى المعيشي اللي هي تبي تطمح له وتعودت عليه اصلا!!! تنبهت على صوت وحدة من الجارات تسلم عليها وقامت لها,,,, *********************************** تهاني/يالله سلمي على بنت الخال اللي داخل؟ اصايل باعتراض/يالله نزلي تهانيوا لاتتليعنين..انا بكرة برد لمعتقلي وماراح اشوفك مرة ثانية؟ تهاني باسف/والله مافيني امي كلمتني اروح لجدي واعتذرت لها لاني معك.... اصايل/طيب اذا رجعت عمتي سلمي عليها كان ودي اشوفها هي وعبير بس الظاهر مالي نصيب من طيحة ها الشايب اللي جت بوقت غير ماسب؟ تهاني باعتراض/مااسمح لك يااصايل هذا جدي واحبه واغليه... اصايل/أي بس انا لاهو جدي ولااحبه ولااغليه!!! تهاني/تقولين ها الحكي لانك مابعد عرفتيه....اذا عرفتيه وعاشتيه بتغيرين رايك؟ اصايل/مايحتاج اغير رايي..انا لابشوفه ولاهو بيشوفني... تهاني/اوووف...تكفين دانة لاتروحين؟ اصايل/ههههه خلاص خلصنا من سالفة دانة وطلع ضويري مامنه فايدة ولاسوى أي ردة فعل بعد!! تهاني/يبى هذا الثقيل...ان شاءالله كنتي تبين يخق علطول؟ اصايل/انا كنت ابي اتشفى فيه وبس!!!بس ماوصيك كل ماشفتيه قعدي سبي وشتمي بالنيابة عني!! تهاني/ههه مايصير خاطرك الا طيب يالغالية ...علشان يوديني على اقرب مسلخ هو وامه ويسوني كباب اسياخ؟ اصايل/يالله يابعد قلبي استمتعنا اليوم معك.... تهاني بتاْثر/اصايل....لاتروحين...ظلي قاعدة معنا علطول؟ اصايل وهي قريب تبكي بس راسمة على شفايفها ابتسامة/مالي الا اتزوج ابوك علشان اقعد هنا...ها تعطيني وياه؟ *********************************** متعب بزعل/وانتي ليش ساكتة وراضية ياليالي؟ ليالي بهدوء/هذا نصيبي يامتعب... متعب/أي بس هو ماله حق يهينك كذا!!انتي مو قاصرك شي يابنت اختي.. ليالي/سيدي مافرقت العيشة هني ولاهناك.... متعب/واصايل شلونها اللحين ؟ ليالي/اصايل قدها يامتعب اكيد بتنسى السالفة مع الزمن...قلت لك اخذتها تهاني تمشيها وتغير معها جو وهي اذا روقت نست كل اللي بخاطرها؟ متعب/الحقير..كيف جاه قلب يقولها بوجهها كذا!!ماتسوى عندي خادمة؟؟؟أي والله والله هو اللي مايسوى ظفرها؟ ليالي/متعب انا مالومهم ابدا!! متعب/بسك طيب ياليالي... ليالي/هم ماعرفونا ولابحياتهم شافونا...كيف بيوم وليلة كل واحد تكون له زوجة مايعرف عنها أي شي غير اسمها واسم ابوها؟طيب يمكن هم هنا بانين حياتهم ومخططين على اشياء ثانية؟ابوي هو السبب بللي صار بس هم مالهم شغل؟ متعب/ابوك غلطان مية بالمية بس بعد هم غلطانين...ضاري كان بامكانه يرفض بهدوء وبدون ها الاساليب الهمجية ومحد غاصبه على شي...وحتى ضاري كان المفروض انه مايوافق على ها الزواج الصوري؟ ليالي/............... متعب/......... ليالي بفرفشة/انت شلونك....وهتون شلونها؟ متعب باسى ودموعه قربت تنزل/هتون.....هتون راحت ياليالي؟ ليالي باهتمام/وين راحت؟ رفع راسه وبانت دمعتين بطرف عينه وقال بحزن وزعل/هتون تزوجت ياليالي تزوجت؟ ليالي بصدمة/تزوجت!!!!مو على اساس انك تحبها وانها تحبك؟ متعب بحسرة/خطبها انسان ثاني وناسبها اكثر مني وماقدرت ترفضه وتقول لااهله لا... ليالي بحزن/وداست على قلبها ونست حبكم؟؟؟؟ متعب تنهد تنهيدة طويلة وقال/الله يوفقها....... ليالي/ويوفقك انت بعد!!الدنيا ماهي واقفة عند هتون وبس!!!اللي خلقها يامتعب خلق مليون وحدة غيرها؟ متعب بااسى واضح/والقلب ياليالي والقلب!!!وش يعوضه ويسد مكانها عنده؟ قطع عليهم كلامهم صوت الباب وقامت ليالي تفتحه وكانت اصايل اللي داخلة ومن دخلت فتحت اذاعتها وليالي تمشي وراها تبي تقول لها تسكت ولاتقول شي لان متعب هنا.. اصايل بصوت عالي/ياه ه ه ه ه وناسة مو طبيعية ها الشرقية؟اقول مايصير ترجعين انتي بيت ابوي واظل انا هنا بدالك ادخل واطلع على كيفي!! كانت وقفت اللحين في بداية الصالة يوم جاها صوت متعب اللي يضحك لانه شافها/أي يصير ليش مايصير؟ اصايل جمدت مكانها وهي تناظر في متعب وبعدها شهقت بقوة وراحت تركض له/متعب.,,,,مستحيل...وش جابك انت هنا؟ متعب وهو يضمها بقوة/مفكرة انتي ان ليالي اختك بروحك وبس انتي اللي تقدرين تزورينها؟ *********************************** جاسر /وهذا خلاص من تزوج ماعاد احد شافه؟؟ ضاري كان سرحان بروحه وماهو داري عن جاسر,, جاسر كمل كلامه/يعني مو معقولة مصدق روحه معرس من جد ماجت ثمان ونص الا هو رايح لها؟الله ياخذها ها البلشة؟؟؟هي انت وينك وين سرحان فيه انا اكلمك؟ ضاري لف له وقال بهدوء/دانة... جاسر باستفهام/دانة؟؟؟وش دانته؟ ضاري/اسمها دانة.... جاسر/منهي هاذي؟ ضاري/كل اللي اعرفه ان اسمها دانة...وان عيونها مووت..وان عطرها ذبحني...وانها كلها على بعضها فيها شي مو طبيعي,,, جاسر/أي دانة أي خرابيط انت بعد!!!!وين شايفها هاذي ومتى؟ ضاري/اليوم...قبل لااجيك هنا...كانت واقفة عند سيارتي...... جاسر/أي..... ضاري/تتوقع اشوفها مرة ثانية؟ جاسر/مقدر اتوقع شي وانا مو عارف هي وش قالت لك بالضبط؟ ضاري تنهد/قالت اشياء كثيرة بس انا مارديت عليها بشي.... جاسر/معناته ريح حالك ماراح تشوفها مرة ثانية ولاتتعب نفسك بالتفكير فيها؟ ضاري بحدة/ومن قال اني افكر فيها؟ جاسر بتعجب/ليش انت وش قاعد تسوي بالله اذا ماكنت تفكر فيها؟ ضاري/انا بس استعرضها بخيالي!!!! *********************************** ام احمد/ليش ماجيتي لجدك المستشفى تزورينه؟ تهاني/يمه جدي لاحقة عليه بكرة بزوره بس.. قاطعتها امها بعصبية/وسوالفك مع ليالي مو لاحقة عليهم!! تهاني/ماكنت قاعدة مع ليالي؟ ام احمد باستفهام/انتي موقلتيلي رايحة عند ليالي؟ تهاني/أي صح...وانا رحت لها؟ ام احمد/ومع منو كنتي قاعدة بالله!!! تهاني/مع اصايل... ام احمد بتفاجاْ/مع منو؟اصايل!!!ليش هي ماراحت بيتهم!! تهاني بحماس/لا هي بتنام عند ليالي الليلة..طلبت ليالي من خالي يقنع ابوها وبالموت وافق..وبكرة بتروح؟ ام احمد/يابعد عمري....وليه ماقلتيلي علشان اروح اشوفها؟ تهاني/يمدينا يمه خلنا نروح.... ام احمد/شلون يمدينا؟ تهاني/يمه انا ماصار لي ساعة من نزلتها عند ليالي ورجعت مابعد ناموا؟وبعدين الليلة ماهم نايمين وبيقعدون يسولفون اكيد.... ام احمد/اجل سمعي بكلم عبير لانها على بالها ان اصايل راحت مع ابوها وبنروح نشوفها مع بعض؟ تهاني/يالله خل اتجهز اجل.. ام احمد/على وين؟ تهاني/بروح معكم لااصايل وليالي.. ام احمد/عن العيارة يالله...انتي توك رادة من عندهم ... تهاني/يمه....ليش ماتقعد اصايل عندنا علطول مدام اختها هنا؟حرام تقعد هناك بروحها؟ *********************************** كان راس اصايل بحضن متعب وهو يقولب بشعرها وهي تسولف له عن ابوها وام عبدالله وعن كل شي.... متعب/عاد تدرون انا نقلت مكتبي من الدمام للرياض قلت علشان اكون قريب منكم؟ ليالي/بتكون قريب من اصايل وبس...احسدكم؟ اصايل/شعليه تحسدينا بالله!!!شايفتنا كل يوم بنشوف بعض؟ متعب/اصايل..انا ودي تقعدين عندي وش رايك؟ اصايل انفجرت تضحك ومتعب وليالي يطالعون في بعض.. متعب/قايل لك نكتة؟ اصايل وهي ميتة ضحك/على بالكم السالفة في يدي اظل هنا ولاهناك ولا وين مابغيت!!!يبى وراي ابو عبدالله ابو ولد ماجاه ولابيجيه بعد!!! ليالي/تاءدبي يابنت واحتشمي وانتي تتكلمين عن ابوك؟ اصايل/واللي يعافيك انتي والوالد الغالي!!!وكاْن متعب غريب ولامايعرفه؟يبى متعب عاش مع ابوي كثري وكثرك وعارفه زين؟ متعب/خلونا من ها السالفة...امانتكم مثل ماطلبتوا عطيتها لعبير؟ ليالي/أي قالت لي عنها وانا قلت لها تخليها عندها لين يصير شي... اصايل/عادي اعطيها ابوي واقوله يتركني حرة مثل ماابي؟ متعب/هو عادي وبس تنصرف كلها بيرجع ياخذك؟ اصايل/مشاءالله خاتم الوالد عدل ؟ متعب وليالي ضحكوا,,,, اصايل بحب وهي تناظرهم ثنينهم/دوم ها الحب ان شاءالله..... متعب/المهم بنات صار لازم امشي..... ليالي باعتراض/لا تكفى.. صايل بزعل/نام معنا الليلة؟ متعب/مقدر والله يادوبي ارجع عندي اجتماع من الصبح....اهم شي شفتكم وتطمنت عليكم..طبعا انا رقمي ماتغير وبطلع لكم كل وحدة جوال علشان نتواصل وبمرك ياليالي كل خميس وجمعة .. اصايل/وانا؟ متعب تنهد/انتي لازم تبقين معي يااصيل؟ اصايل وهي تبكي/انت عارف اني مابقدر اكون معك...لاتتركوني اثنينكم وتبعدون عني!!انا احبكم..انا مالي غيركم,, ضمها متعب لصدره وقعدت ليالي تبكي,,,, متعب بحنان وهو يربت على شعرها/ومن قال ان حنا بنتركك يااصيل... اصايلوهي تبكي/على بالكم اني بعيش هناك وانا بروحي!!!مستحيل طبعا انتوا عارفين ام عبدالله والعيشة معها لوين تودي؟ ليالي وهي تبكي/خلاص اصايل لاتزيدني هم على همي!!! ظل الجو هادى دقايق وهم ثلاثتهم يبكون وكل واحد يبي يواسي الثاني وهو مو عارف..... *********************************** شمايل بفرح/وناسة...زين سوى فيهم ضاري عيال الفقر؟؟؟ ريم/أي بس عمي ماكان يدري انه مايبيها لو كان يدري ماكان تعب حاله وجا هنا علشان ياخذ ها الاهانة من ضاري؟ شمايل/خله علشان يعرف مقدار نفسه هو وبناته؟؟ رانيا بشوية نرفزة/طيب اذا هو يستاهل هي اكيد ماتستاهل؟ شمايل/بلى تستاهل؟ رانيا بتحدي/يعني لو كنتي مكانها وكان هذا ابوك بتقولين نفس الحكي؟ شمايل/اسم الله عليّ اكون انا بمكانهم,,حبيبتي انا بنت عز واهلي يبوني ويحبوني....ماهم مرخصين فيني!! رانيا/وهي وش ذنبها بالله!! شمايل/وانتي ليش تدافعين عنها؟ رانيا/وانتي ليش محاربتها؟ ريم/يابنات هدوا شوي شفيكم,,,,, شمايل/شوفي اختك مدري وش جاها على بنات البدو؟ رانيا بعصبية/بنات البدو اللي تحكين عنهم هم بنات عمي وينات عمك؟ شمايل/لاحبيبتي انا ماعندي بنات عم بها المستوى القروي,,,, ريم وهي تنار رانيا بنظرة معناها خلاص فضيها سيرة/وش فيكم بتتحاربون...يبى انسوا سالفتهم وقولوا لي شرايكم في لبس نورة اللي جت فيه كاشخ صح؟ شمايل/صراحة ذويقة هالبنت؟ ريم/انا يعجبني لبسها مرة... رانيا سكتت وهي تفكر بليالي كان ودها تعزمها على الليلة علشان يشوفوها وتقهرهم وتثبت لهم انها مو مثل ماهم متصورين بس يوم شاورت عمتها عبير مارضت وقالت هم مابيتقبلونها لاتحرجين البنت وهي ضيفتك وسمعت كلام عمتها...بس ياليتهم يشوفونك ياليالي والله بيحبونك بعدها وبيشيلون ها الافكار من راسهم!!! *********************************** ماعجبها الجو في بيت عمها كثير خصوصا ان العشى انتهى وصارت سوالف الحش في فلانة وعلانة اللي تزوجت واللي تطلقت واللي مدري وش فيها.. وحست في بعض النظرات تناظرها بنص عيون ..علشان كذا اخذت بعضها وراحت تمشي لبيتهم اللي ماكان بعيد عن بيت بو ضاري...كان بينهم اربعة بيوت بس.... ظلت تمشي على مسار البيوت لين شافت سيارة واقفة عند باب بيتهم واول مرة تشوفها.. غريبة لمنو بتكون يعني ها السيارة,,,وضاري طالع وابوي طالع وثامر طالع وماكوو احد بالبيت.... توها بتتقرب من البيت الا متعب طالع منه ومتجه ناحية السيارة اللي هي تناظر فيها.... شهقت بقوة وماتحملت...مسكت جدار البيت وهي مو مصدقة اللي تشوفه...متعب هنا في بيتهم!!!! شي مو معقول ابدا!!! اكيد جاي يزور ليالي....ياربي وش اسوي انا اذا ....... ************************************************** ************ حبايب قلبي في بيني وبينكم كلمة وياليت تعطوني السماح..انا باغيب عنكم لمدة ثلاثة اسابيع لاني بسافر فبيكون هذا اخر بارت لكم مني لين ارجع لكم ان شاءالله بعد ثلاثة اسابيع من سفري لاني بكرة مسافرة واول ماارجع بترجع الرواية مثل ماكانت..اتمنى ماتزعلون ولاتحطون بخاطركم مني... وابي ارجع والاقي تعليقاتكم على اللي بيصير بين صبا ونايف؟؟ وضاري هل ممكن يلتقي بدانة الوهمية مرة ثانية ولابيشيلها من باله خلاص ولاكانه شافها؟؟وجاسر وهل بيتعبه فعلا تفكيره بليالي اللي بيشوفها للمرة الثالثة؟؟؟بس متى وشلون بتعرفون في البارت الجاي.. اي ومتعب وهتون وهل ممكن ينتبه لها ويشوفها ويعرفها ولا...شبيصير؟ اتمنى من المشرفات العزيزات ان بمجرد ماياخذ ها البارت حقه من القراْة والتعليق يقفلون الرواية علشان لاتطول علينا الصفحات لين ارجع واتمنى لكم وقت سعيد كلكم....ودعواتكم لي... اول شي مرحبا فيكم كلكم وياهلا وسهلا باللي انضموا لنا ... كان عندي كلام كثير ودي اقوله واكتبه بس اعتقد ماله داعي ابدا اني اتكلم لاني احب اتعامل برقي اكثر من اللي صار وانا كنت متمنية الرواية تتقفل بس مدري وش اللي صار...عموما للي قال ان المدة انتهت احب اقول لكم ان اليوم بالضبط كملت ثلاث اسابيع بالضبط من يوم تركت الرواية وراجعوا اخر بارت وشوفوا التاريخ,,,, وللي قالوا اني ادخل وليش ماانزل..انا فعلا كنت ادخل ومااعتقد انها جريمة اني ادخل وفي شي اسمه انترنت بكل مكان والرواية محفوظة بجهازي بالبيت وانا بامكاني اذا دخلت مااسجل حضوري بس مو هذا اسلوبي ابدا لاني عاطيتكم خبر اني بغيب ثلاث اسابيع والمدة ماانتهت فما احد يجي ويحاسبني؟؟؟ عموما ابلغ كلام عندي هو السكوت رغم اني كنت جاية وناوية ارد عليكم تعليق بتعليق بس تعليقاتكم انتوا عارفينها وانا اترفع عن بعض الردود عليها(طبعا مو الكل وانا اعتذر للبقية بصراحة على مزاجي العصبي اليوم بس انا كنت اتابعكم تقريبا بشكل شبه يومي وماتوقعت ابدا ها الكلام) خلونا لانطول السالفة ونتذكر شوي من اللي صار باخر بارت,,,, هاذي هي نقطة الضعف عندها.... كل كلمتين وههددها بالحرمان من الامتحان.,,, يعني يهينها ويذلها عادي بكيفه لكن تقول كلمة الحق اللي بخاطرها لاوالف لا تقوم الدنيا ماتقعد,,,, تنهدت وهي تفكر كيف تروح بكرة الامتحان ...مالها الا انها تتبع معها سياسة الانصياع لااوامره لين تخلص الامتحانات وبعدها تعلن حالة التمرد والعصيان بعد ماتاخذ مبتغاها منه,, ابتسمت للفكرة واللحين لازم تقوم تبداْ هي الصلح علشان تكمل الخطوة اللي بدتها,, كانت واقفة بالمطبخ وبعدها طلعت له الصالة بس مالقته رغم ان التلفزيون كان بعده شغال.. ترددت قبل لاتدخل غرفة النوم وماخاب ظنها كان هناك قاعد بالفراش وينظر بجهتها اللي رقدت فيها البارحة وسرى فيها شعور غريب وقررت انها ماتدخل بعد مارجعت لها ذكرى ليلة البارح معه وفي ها الغرفة بس الحظ عاندها لان عيون نايف انتبهت لها ولوقوفها عند الباب.... قال بتهكم نرفزها/في شي؟ ضايقتها لهجته وقررت تنسحب بس قالت لا هو يبيني انسحب علشان يفوز بس لا راح اتقدم واضغط على نفسي واكسب الامتحان وبعدها بوريه؟ تقربت وهي راسمة ابتسامة بريئة على وجهها لين وقفت عند راسه وهو يناظرها وقالت بصوت منخفض/اسفة,,, نايف وهو يشككها بنفسها/علشان الاختبار صح؟بس انا قلت مافي روحة يعني مافي روحة وكلمتي ماتصير ثنتين؟ نزلت راسها بالارض وهي تلعن افكاره وكيف عرف بللي يدور براسها..بس ماياْست ابدا وقالت باصرار/انت نرفزتني..ماله داعي كل كلمتين وتقول لي بنت فقر؟ نايف مسك يدها واستسلمت له وقال بهدوء/ليش مااكلتي انا مو منبه عليك قبل لااطلع؟ولاتحبين العناد انتي!!! صبا ببراْة طيرته وزادت من ضغط يده على يدها/شفيك نايف قلت لك هذا اكلي!!مقدر اكل اكثر من كذا.. نايف بخوف حقيقي بس كان بالنسبة لصبا شي عادي/بس انتي تعبانة؟ صبا تنهدت/طبيعي بتعب ...كل شي حولي يخليني اتعب ولاانت مفكر اني بدور بها الدوامة وبطلع منها بدون أي تاْثير؟ نايف/طيب تعالي نامي ارتاحي ولاناسية ان وراك قومة بدري؟ صبا باعتراض/أي بس انا ماخلصت مذاكرتي بعد.... شدها لعنده وهو يقول بثقة/مو لازم تخلصينها انا قلت تجين تنامين يعني تجين تنامين ماابي اعتراض؟ كانت على صدره بها اللحظة يوم رفعت راسها وصارت عيونها بعيونه وقالت بهدوء وشوية خوف/يعني بروح بكرة الامتحان منت قايل لي لا؟ نايف وقربها منه بها الشكل خانقها قال بسرعة وهو عيونه طايرة فيها/اكيد بتروحين.... صبا في بالها(أي كلمة فيهم ماتصير ثنتين يانايف) *********************************** هتون/وين عماتي؟ ريم وهي تناظر امها/ماراح يجون؟ هتون/ليه؟ ريم بهمس/جدي تعبان ومنوم بالمستشفى وهم عنده... هتون/أي بس اللي اعرفه انه من الضهر هناك يعني وقت الزيارة انتهى او بمعنى اخر يفترض انهم تعبوا من قعدة المستشفى؟ ريم/السالفة بالمبداْ عندهم كيف يحضرون العزيمة وابوهم تعبان مايصير؟ هتون باحتقار/يعني لو هو واحد له في الدنيا شي ماعليه الا خالص من الدنيا والدنيا خالصة منه يعني مالها لزمة ها التعكيرة؟ ريم/يظل ابوهم؟ هتون/انا لو هو ابوي ويكون بها العمر مااشيل همه وادخل واطلع واتونس؟ ريم/............. هتون/علشان كذا امك ماهي على بعضها؟ ريم/ترى عادي بكرة تسوي سالفة طويلة عريضة تقوم لها الشرقية وتقعد..هي بكبرها من جانا عمي مع بنته اليوم وسمعت بالطاري كانت بتسوي مذبحة بس لان العزيمة منعتها....المهم بقوم اشوف صاحبتي وبجيك؟ هتون بلامبالاة/خذي راحتك........ وحدها هتون راحت افكارها لبعيد....لبنات العم اللي بعمرها ماشافتهم..بس حبتهم بيوم من الايام من كلام متعب عنهم لانه كان دايم يسولف لها عنهم.....وكانت تحب بوقتها كل شي يحبه متعب,,,,, كان دايم يقول انهم غير وانهم اروع ناس شافهم بحياتي...وكانت حاطة في بالها ها الشي بس بمجرد ماصارت تبتعد عن متعب علشان تقطع علاقتها فيه كانت تقول بنفسها اكيد يقول ها الاشياء عنهم لانه مايشوف غيرهم ويعتبرهم اقرب شي له فطبيعي بيكونون روعة بعيونه.... ومن افترقت عن متعب اول شي كرهته اصايل وليالي مو لشي او لمعرفة ابدا... بس لانها كانت عارفة قدرهم عند متعب وانه عايش معهم ومايتخلى عنهم لو تخلى عن روحه..وها الشي كان يعذبها كيف انهم يمتلكون متعب وعواطفه وهي محرومة من حبه وحنانه وحتى من انها تسمع صوته؟ كان بالنسبة لها كل شي بس فجاْة غيرت رايها وهي تحس ان متعب مو الانسان اللي ممكن تعيش معه باقي عمرها....يمكن لانه يتيم ..ويمكن لانه ماعنده سند..ويمكن لانه مو بذاك المستوى المعيشي اللي هي تبي تطمح له وتعودت عليه اصلا!!! تنبهت على صوت وحدة من الجارات تسلم عليها وقامت لها,,,, *********************************** تهاني/يالله سلمي على بنت الخال اللي داخل؟ اصايل باعتراض/يالله نزلي تهانيوا لاتتليعنين..انا بكرة برد لمعتقلي وماراح اشوفك مرة ثانية؟ تهاني باسف/والله مافيني امي كلمتني اروح لجدي واعتذرت لها لاني معك.... اصايل/طيب اذا رجعت عمتي سلمي عليها كان ودي اشوفها هي وعبير بس الظاهر مالي نصيب من طيحة ها الشايب اللي جت بوقت غير ماسب؟ تهاني باعتراض/مااسمح لك يااصايل هذا جدي واحبه واغليه... اصايل/أي بس انا لاهو جدي ولااحبه ولااغليه!!! تهاني/تقولين ها الحكي لانك مابعد عرفتيه....اذا عرفتيه وعاشتيه بتغيرين رايك؟ اصايل/مايحتاج اغير رايي..انا لابشوفه ولاهو بيشوفني... تهاني/اوووف...تكفين دانة لاتروحين؟ اصايل/ههههه خلاص خلصنا من سالفة دانة وطلع ضويري مامنه فايدة ولاسوى أي ردة فعل بعد!! تهاني/يبى هذا الثقيل...ان شاءالله كنتي تبين يخق علطول؟ اصايل/انا كنت ابي اتشفى فيه وبس!!!بس ماوصيك كل ماشفتيه قعدي سبي وشتمي بالنيابة عني!! تهاني/ههه مايصير خاطرك الا طيب يالغالية ...علشان يوديني على اقرب مسلخ هو وامه ويسوني كباب اسياخ؟ اصايل/يالله يابعد قلبي استمتعنا اليوم معك.... تهاني بتاْثر/اصايل....لاتروحين...ظلي قاعدة معنا علطول؟ اصايل وهي قريب تبكي بس راسمة على شفايفها ابتسامة/مالي الا اتزوج ابوك علشان اقعد هنا...ها تعطيني وياه؟ *********************************** متعب بزعل/وانتي ليش ساكتة وراضية ياليالي؟ ليالي بهدوء/هذا نصيبي يامتعب... متعب/أي بس هو ماله حق يهينك كذا!!انتي مو قاصرك شي يابنت اختي.. ليالي/سيدي مافرقت العيشة هني ولاهناك.... متعب/واصايل شلونها اللحين ؟ ليالي/اصايل قدها يامتعب اكيد بتنسى السالفة مع الزمن...قلت لك اخذتها تهاني تمشيها وتغير معها جو وهي اذا روقت نست كل اللي بخاطرها؟ متعب/الحقير..كيف جاه قلب يقولها بوجهها كذا!!ماتسوى عندي خادمة؟؟؟أي والله والله هو اللي مايسوى ظفرها؟ ليالي/متعب انا مالومهم ابدا!! متعب/بسك طيب ياليالي... ليالي/هم ماعرفونا ولابحياتهم شافونا...كيف بيوم وليلة كل واحد تكون له زوجة مايعرف عنها أي شي غير اسمها واسم ابوها؟طيب يمكن هم هنا بانين حياتهم ومخططين على اشياء ثانية؟ابوي هو السبب بللي صار بس هم مالهم شغل؟ متعب/ابوك غلطان مية بالمية بس بعد هم غلطانين...ضاري كان بامكانه يرفض بهدوء وبدون ها الاساليب الهمجية ومحد غاصبه على شي...وحتى ضاري كان المفروض انه مايوافق على ها الزواج الصوري؟ ليالي/............... متعب/......... ليالي بفرفشة/انت شلونك....وهتون شلونها؟ متعب باسى ودموعه قربت تنزل/هتون.....هتون راحت ياليالي؟ ليالي باهتمام/وين راحت؟ رفع راسه وبانت دمعتين بطرف عينه وقال بحزن وزعل/هتون تزوجت ياليالي تزوجت؟ ليالي بصدمة/تزوجت!!!!مو على اساس انك تحبها وانها تحبك؟ متعب بحسرة/خطبها انسان ثاني وناسبها اكثر مني وماقدرت ترفضه وتقول لااهله لا... ليالي بحزن/وداست على قلبها ونست حبكم؟؟؟؟ متعب تنهد تنهيدة طويلة وقال/الله يوفقها....... ليالي/ويوفقك انت بعد!!الدنيا ماهي واقفة عند هتون وبس!!!اللي خلقها يامتعب خلق مليون وحدة غيرها؟ متعب بااسى واضح/والقلب ياليالي والقلب!!!وش يعوضه ويسد مكانها عنده؟ قطع عليهم كلامهم صوت الباب وقامت ليالي تفتحه وكانت اصايل اللي داخلة ومن دخلت فتحت اذاعتها وليالي تمشي وراها تبي تقول لها تسكت ولاتقول شي لان متعب هنا.. اصايل بصوت عالي/ياه ه ه ه ه وناسة مو طبيعية ها الشرقية؟اقول مايصير ترجعين انتي بيت ابوي واظل انا هنا بدالك ادخل واطلع على كيفي!! كانت وقفت اللحين في بداية الصالة يوم جاها صوت متعب اللي يضحك لانه شافها/أي يصير ليش مايصير؟ اصايل جمدت مكانها وهي تناظر في متعب وبعدها شهقت بقوة وراحت تركض له/متعب.,,,,مستحيل...وش جابك انت هنا؟ متعب وهو يضمها بقوة/مفكرة انتي ان ليالي اختك بروحك وبس انتي اللي تقدرين تزورينها؟ *********************************** جاسر /وهذا خلاص من تزوج ماعاد احد شافه؟؟ ضاري كان سرحان بروحه وماهو داري عن جاسر,, جاسر كمل كلامه/يعني مو معقولة مصدق روحه معرس من جد ماجت ثمان ونص الا هو رايح لها؟الله ياخذها ها البلشة؟؟؟هي انت وينك وين سرحان فيه انا اكلمك؟ ضاري لف له وقال بهدوء/دانة... جاسر باستفهام/دانة؟؟؟وش دانته؟ ضاري/اسمها دانة.... جاسر/منهي هاذي؟ ضاري/كل اللي اعرفه ان اسمها دانة...وان عيونها مووت..وان عطرها ذبحني...وانها كلها على بعضها فيها شي مو طبيعي,,, جاسر/أي دانة أي خرابيط انت بعد!!!!وين شايفها هاذي ومتى؟ ضاري/اليوم...قبل لااجيك هنا...كانت واقفة عند سيارتي...... جاسر/أي..... ضاري/تتوقع اشوفها مرة ثانية؟ جاسر/مقدر اتوقع شي وانا مو عارف هي وش قالت لك بالضبط؟ ضاري تنهد/قالت اشياء كثيرة بس انا مارديت عليها بشي.... جاسر/معناته ريح حالك ماراح تشوفها مرة ثانية ولاتتعب نفسك بالتفكير فيها؟ ضاري بحدة/ومن قال اني افكر فيها؟ جاسر بتعجب/ليش انت وش قاعد تسوي بالله اذا ماكنت تفكر فيها؟ ضاري/انا بس استعرضها بخيالي!!!! *********************************** ام احمد/ليش ماجيتي لجدك المستشفى تزورينه؟ تهاني/يمه جدي لاحقة عليه بكرة بزوره بس.. قاطعتها امها بعصبية/وسوالفك مع ليالي مو لاحقة عليهم!! تهاني/ماكنت قاعدة مع ليالي؟ ام احمد باستفهام/انتي موقلتيلي رايحة عند ليالي؟ تهاني/أي صح...وانا رحت لها؟ ام احمد/ومع منو كنتي قاعدة بالله!!! تهاني/مع اصايل... ام احمد بتفاجاْ/مع منو؟اصايل!!!ليش هي ماراحت بيتهم!! تهاني بحماس/لا هي بتنام عند ليالي الليلة..طلبت ليالي من خالي يقنع ابوها وبالموت وافق..وبكرة بتروح؟ ام احمد/يابعد عمري....وليه ماقلتيلي علشان اروح اشوفها؟ تهاني/يمدينا يمه خلنا نروح.... ام احمد/شلون يمدينا؟ تهاني/يمه انا ماصار لي ساعة من نزلتها عند ليالي ورجعت مابعد ناموا؟وبعدين الليلة ماهم نايمين وبيقعدون يسولفون اكيد.... ام احمد/اجل سمعي بكلم عبير لانها على بالها ان اصايل راحت مع ابوها وبنروح نشوفها مع بعض؟ تهاني/يالله خل اتجهز اجل.. ام احمد/على وين؟ تهاني/بروح معكم لااصايل وليالي.. ام احمد/عن العيارة يالله...انتي توك رادة من عندهم ... تهاني/يمه....ليش ماتقعد اصايل عندنا علطول مدام اختها هنا؟حرام تقعد هناك بروحها؟ *********************************** كان راس اصايل بحضن متعب وهو يقولب بشعرها وهي تسولف له عن ابوها وام عبدالله وعن كل شي.... متعب/عاد تدرون انا نقلت مكتبي من الدمام للرياض قلت علشان اكون قريب منكم؟ ليالي/بتكون قريب من اصايل وبس...احسدكم؟ اصايل/شعليه تحسدينا بالله!!!شايفتنا كل يوم بنشوف بعض؟ متعب/اصايل..انا ودي تقعدين عندي وش رايك؟ اصايل انفجرت تضحك ومتعب وليالي يطالعون في بعض.. متعب/قايل لك نكتة؟ اصايل وهي ميتة ضحك/على بالكم السالفة في يدي اظل هنا ولاهناك ولا وين مابغيت!!!يبى وراي ابو عبدالله ابو ولد ماجاه ولابيجيه بعد!!! ليالي/تاءدبي يابنت واحتشمي وانتي تتكلمين عن ابوك؟ اصايل/واللي يعافيك انتي والوالد الغالي!!!وكاْن متعب غريب ولامايعرفه؟يبى متعب عاش مع ابوي كثري وكثرك وعارفه زين؟ متعب/خلونا من ها السالفة...امانتكم مثل ماطلبتوا عطيتها لعبير؟ ليالي/أي قالت لي عنها وانا قلت لها تخليها عندها لين يصير شي... اصايل/عادي اعطيها ابوي واقوله يتركني حرة مثل ماابي؟ متعب/هو عادي وبس تنصرف كلها بيرجع ياخذك؟ اصايل/مشاءالله خاتم الوالد عدل ؟ متعب وليالي ضحكوا,,,, اصايل بحب وهي تناظرهم ثنينهم/دوم ها الحب ان شاءالله..... متعب/المهم بنات صار لازم امشي..... ليالي باعتراض/لا تكفى.. صايل بزعل/نام معنا الليلة؟ متعب/مقدر والله يادوبي ارجع عندي اجتماع من الصبح....اهم شي شفتكم وتطمنت عليكم..طبعا انا رقمي ماتغير وبطلع لكم كل وحدة جوال علشان نتواصل وبمرك ياليالي كل خميس وجمعة .. اصايل/وانا؟ متعب تنهد/انتي لازم تبقين معي يااصيل؟ اصايل وهي تبكي/انت عارف اني مابقدر اكون معك...لاتتركوني اثنينكم وتبعدون عني!!انا احبكم..انا مالي غيركم,, ضمها متعب لصدره وقعدت ليالي تبكي,,,, متعب بحنان وهو يربت على شعرها/ومن قال ان حنا بنتركك يااصيل... اصايلوهي تبكي/على بالكم اني بعيش هناك وانا بروحي!!!مستحيل طبعا انتوا عارفين ام عبدالله والعيشة معها لوين تودي؟ ليالي وهي تبكي/خلاص اصايل لاتزيدني هم على همي!!! ظل الجو هادى دقايق وهم ثلاثتهم يبكون وكل واحد يبي يواسي الثاني وهو مو عارف..... *********************************** شمايل بفرح/وناسة...زين سوى فيهم ضاري عيال الفقر؟؟؟ ريم/أي بس عمي ماكان يدري انه مايبيها لو كان يدري ماكان تعب حاله وجا هنا علشان ياخذ ها الاهانة من ضاري؟ شمايل/خله علشان يعرف مقدار نفسه هو وبناته؟؟ رانيا بشوية نرفزة/طيب اذا هو يستاهل هي اكيد ماتستاهل؟ شمايل/بلى تستاهل؟ رانيا بتحدي/يعني لو كنتي مكانها وكان هذا ابوك بتقولين نفس الحكي؟ شمايل/اسم الله عليّ اكون انا بمكانهم,,حبيبتي انا بنت عز واهلي يبوني ويحبوني....ماهم مرخصين فيني!! رانيا/وهي وش ذنبها بالله!! شمايل/وانتي ليش تدافعين عنها؟ رانيا/وانتي ليش محاربتها؟ ريم/يابنات هدوا شوي شفيكم,,,,, شمايل/شوفي اختك مدري وش جاها على بنات البدو؟ رانيا بعصبية/بنات البدو اللي تحكين عنهم هم بنات عمي وينات عمك؟ شمايل/لاحبيبتي انا ماعندي بنات عم بها المستوى القروي,,,, ريم وهي تنار رانيا بنظرة معناها خلاص فضيها سيرة/وش فيكم بتتحاربون...يبى انسوا سالفتهم وقولوا لي شرايكم في لبس نورة اللي جت فيه كاشخ صح؟ شمايل/صراحة ذويقة هالبنت؟ ريم/انا يعجبني لبسها مرة... رانيا سكتت وهي تفكر بليالي كان ودها تعزمها على الليلة علشان يشوفوها وتقهرهم وتثبت لهم انها مو مثل ماهم متصورين بس يوم شاورت عمتها عبير مارضت وقالت هم مابيتقبلونها لاتحرجين البنت وهي ضيفتك وسمعت كلام عمتها...بس ياليتهم يشوفونك ياليالي والله بيحبونك بعدها وبيشيلون ها الافكار من راسهم!!! *********************************** ماعجبها الجو في بيت عمها كثير خصوصا ان العشى انتهى وصارت سوالف الحش في فلانة وعلانة اللي تزوجت واللي تطلقت واللي مدري وش فيها.. وحست في بعض النظرات تناظرها بنص عيون ..علشان كذا اخذت بعضها وراحت تمشي لبيتهم اللي ماكان بعيد عن بيت بو ضاري...كان بينهم اربعة بيوت بس.... ظلت تمشي على مسار البيوت لين شافت سيارة واقفة عند باب بيتهم واول مرة تشوفها.. غريبة لمنو بتكون يعني ها السيارة,,,وضاري طالع وابوي طالع وثامر طالع وماكوو احد بالبيت.... توها بتتقرب من البيت الا متعب طالع منه ومتجه ناحية السيارة اللي هي تناظر فيها.... شهقت بقوة وماتحملت...مسكت جدار البيت وهي مو مصدقة اللي تشوفه...متعب هنا في بيتهم!!!! شي مو معقول ابدا!!! اكيد جاي يزور ليالي....ياربي وش اسوي انا اذا ....... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,, هاذي كانت اخر نقطة وقفنا عندها بالبارت الاخير.... تعالوا نقرا بارت اليوم ,,,,, البارت الثامن عشر... ,,,,,,,,,,,,,,,,,,,,,,,,,,,,,,,,,,, معقولة ياربي يكون هدا هو متعب!!هو نفسه ماتغير فيه شي من ثلاث سنين مضت!!!كيف ياربي كيف..كيف بقدر امشي خطوة وحدة قدام وهذاهو واقف قدامي بشحمه ولحمه وطوله وعرضه!!!اه يامتعب اه...ماتوقعت بيزم من الايام بشوفك واقف وعند باب بيتي بعد؟ ياليتك ياخوي ياجاسر ماوافقت على ها البلشة اللي بتقعد لنا مثل الشوكة بالطريق ولااشوف متعب كذا من بعيد.. اه يامتعب ياعمري شقد خاطري ارمي نفسي ابحضنك واخذ حنانك وحبك وارجعك لحياتي من جديدوانسى واتناسى افكاري الغبية ...هذا متعب ياقلبي..متعب اللي مابعد صار له شبيه بها العالم... تنبهت على صوت السيارة اللي مشت ورفعت راسها تناظر بالفراغ اللي تركته السيارة وصاحبها وانتبهت انها كانت تبكي ودموعها مغرقينها ..معقولة ياقلب متعب ماتنبهت على وجودي جنبك ولاخلاص شلتني من بالك؟؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ناظروا ثنتينهم في بعض بعد ماسمعوا دق الباب... اصايل /معقولة يكون متعب نسى شي يبي يقوله؟ ليالي وهي قايمة تفتح الباب/أي بس صار له اكثر من نص ساعة من مشى؟ فتحت الباب وابتسمت.... ام احمد/عسى مانمتوا واكون ازعجتكم بها الوقت؟ ليالي بحب/مكانك ياعمتي..انتي مايجي منك ازعاج... ام احمد/الله يسلمك ياليالي..انا يوم قالت لي تهاني ان اصايل عندك قلت اجي اشوفها قبل لاتمشي.. ليالي/يعني الجية ماهي لنا لبنت اخوك المزيونة؟ ام احمد/ادري اني مقصرة ياليالي بس معليش السموحة يابنتي.. ليالي وهي تضمها/افا عليك بس يالغالية انا كنت امزح معك ولاني قاصدة شي بكلامي..يالله دخلي لاتوقفين عند الباب... دخلوا الصالة واصايل من شافت عمتها جت لحضنها... اصايل وهي تبكي/وحشتيني ياعمتي شلونك.... ,,,,,,,,,,,,,,,,,,,,,,,,,,,,,,,,,,,,,,,,,,,,,,, ام ضاري/سووها خواتك وماحضروا.. ابو ضاري بخوف/قالوا ماهي حلوة يجون والوالد تعبان.. ام ضاري بعصبية/عساه مايقوم ان شاءالله وانا اللي صار وجهس اسود قدام المعازيم؟ ابو ضاري/............... ام ضاري/وقايلة لك لاترد الا اذا اقنعتهم وانت خبر خير ساكت ماتحركت... ابو ضاري/شقولهم يعني؟ ام ضاري/لاتقول شي بس على الاقل حسسهم بقيمة ضاري وحيدك وغلاته عندك؟بس شقول..انا اذا انت ابوه ماهمك هم بيحرقون حالهم... ابو ضاري/................. ام ضاري/اشوف حكي بفمك قول سمعني؟ ابو ضاري بتردد اكبر/مابتروحين تزورين الوالد؟ ام ضاري /هذا اللي ناقص بعد!!!لاماني رايحة ازوره ؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,, ام احمد/يالله يابنات انا اسمحوا لي بمشي... اصايل بزعل وهي ماسكة كتف عمتها/لاعمتي تكفين قعدي شوي بعد.. ام احمد/مايصير يمه وراي بيت والوقت تاخر؟ ليالي/كا اللي عندك شايلين اعمارهم ماهم صغار..قعدي عمتي والله قعدتك ماتنمل... اصايل/بعدين انا بكرة راجعة وماراح اشوفك الا بعد ماتطلع روحي ..تكفين عساك تشوفين احمد عريس.. ام احمد ة بظلت تناظر بااصايل وبالها شارد لبعيد ماهو معها... ليالي/نامي معنا الليلة وش رايك؟ ام احمد/وانا صغيرة ماسويتها ونمت برى البيت اللحين يوم اني بعرس عيالي اسويها؟بكرة ان شاءالله انا وعبير بعد مانتطمن على ابوي بنجي نتغذى عندك ..هي كان ودها تجي تشوف اصايل الليلة بس روعة مدري وش فيها وقالت بكرة.. اصايل بزعل/ياسلام يعني بكرة كلكم مع بعض وانا مقابلة ام عبدالله واندب حظي... ام احمد وليالي ظلوا ساكتين... اصايل بفرفشة وهي قريب تبكي/اقول عمتي زوجيني احمد تكفين؟؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,, تنبهت من نومها بها الليل وحست انها مخنوقة وفتحت عيونها بشويش... وادركت انها كانت بحضن نايف وانه ضامها لصدره بقوة خنقتها مووت,,,, ظلت تتامل شكله وهو نايم..كان نايف وسيم حييل هو مع سمرته اللي زايدته حلى فوق حلاه وشعره الناعم الاسود عاطيه هيبة وجبروت اكثر واكثر... رفعت يدها وقربتها من شعره وترددت تلمسه ولالا؟ لاشعوريا لقت نفسها تبكي على وضعها وحالها....ليش نايف تزوجها بها الطريقة؟هذا اول سؤال كان يدور بخاطرها وفتح لها باب اسئلة ثانية مالقت أي اجابة لهم.... ليه حابسها بها الشقة ومانعها من اهلها ومن العالم كله؟؟؟ليش يظل يقسى ويجرحها بالكلام لين يحس انه اهانها واذلها؟؟؟طيب ليش بها اللحظات الخاصة بس يكون انسان ثاني غير عن اللي هي متعودته منه ويكون شفاف لاابعد درجة؟؟؟ ماقدرت غير انها تبعد راسها عن صدره العاري وتتنهد وهي تمسح دموعها لانها مو عارفة وش اللي ممكن يكون جايها بالطريق منه؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,, اصايل/تكفين عمتي زوجيني احمد وخلوني ابقى هنا.. ابتسمت لها ام احمد وهي بعدها على شرودها/خذيه وفكيني منه ومن طياشته...يالله انا قايمة مع السلامة.... تقربت اصايل منها بتضمها... لانها مابتشوفها لفترة طويلة اكيد بس ام احمد ماعطتها مجال طلعت بسرعة.. بعد ماطلعت ظلت اصايل تمسح بدموعها اللي ماقدرت تمنعهم اكثر.... ولفت بعدها على ليالي لقتها تفكر.... اصايل/وين سرحانة؟ ليالي/اصايل عمتي فيها شي...لاحظتي!! اصايل/شي مثل شنو؟ ليالي/مدري ..بس كانت شاردة كثير...تتوقعين جدي فيه شي؟ اصايل/لامااعتقد...يوم سالنها قالت احتمال بكرة يرخصونه.. ليالي/أي بس انا لاحظت شرودها الكثير وهي مالها بالعادة؟ اصايل/وش تتوقعين شاغل بالها يعني؟ اصايل/وش تتوقعين شاغل بالها يعني؟ ليالي/مدري.. اصايل بضحكة/ياتهاني هانم ...يااحمد باشا..يابسمة الالم مافي غيرهم ههههههه ليالي وهي تضحك/يمكن.... اصايل بجدية/ليالي ابي اقعد عندك ماابي ارجع هناك لهم.... تنهدت ليالي ومسحت دموعها وتمنت الشي يكون بيدها كان ماتفارق احتها طول العمر.. اصايل وهي تمسح دموعها/لاتبكين ياليالي الله يخليك...بس من جد انتي مو متخيلة الوضع اللي بعيشه بدونك كيف بيكون؟ ,,,,,,,,,,,,,,,,,,,,,,,,,,,,,,,,,,,,,, يوم ثاني الصباح.... حطت ام عبدالله دلال القهوة والشاي قدام زوجها وقعدت قباله... ام عبدالله/خير ان شاءالله وش عندها اختك داقة من الصبح وش تبي؟؟ ابو عبدالله بتفكير وضيق/طالبة طلب غريب.. ام عبدالله/وشو ها الطلب الغريب بعد!!! ابو عبدالله/.................................... ام عبدالله/وش فيك يارجال شتبي منك اختك تكلم؟ ابو عبدالله تنهد وقال لها/اصايل.... ام عبدالله/وش فيها ها المقرودة بعد!!!مو كفاية ولدعمها مابغاها؟؟وش مهببة لهم هناك؟ ابو عبدالله/انتي وش تتوقعين؟ ام عبداللله/بعد اصايل ينخاف منها..بنتك نسرة اسالني عنها بس شفيها؟ ابو عبدالله تنهد/سمعي...... ,,,,,,,,,,,,,,,,,,,,,,,,,,,,,,,,,,,,,,,,,,,,,,,, صبا بضيق وهي لابسة عبايتها/يالله باقي ربع ساعة بس؟؟؟ نايف وهو يلبس شماغه قبال المرايا ويكلمها بدون اهتمام/على شنو؟ صبا بعصبية/على الاختبار طبعا!! نايف ببرود/وخير يعني؟ صبا/اذا تاخرت بيحرموني من الاختبار؟؟؟ نايف بلامبالاة/اللحين بنطلع علامك انتي... صبا بضيق/نايف شفيك كانك مو مهتم؟ نايف بشماتة/وتكونين رايحة تقدمين اختبار الدكتواره وانا مدري!! دق جواله بها اللحظةولف لها/يالله السايق وصل؟ صبا ببراة وهي تشيل كتبها/لي شانت ماكانت معك سيارة يعني!! نايف/وانتي الصادقة السايق علشان يوصلك مدرستك ولاعلى بالك بتركبين جنبي!!! صبا بلعت اهانته وقالت بهدوء/وش فيها يعني؟ نايف/هذا اللي قاصر بعد واذا اجد شافك نازلة من سيارتي شبيقول بالله!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , وحدها مانامت الليل وهي غارقة بدموعها وصورة متعب ماهي راضية تفارقها.... تنهدت بقوة وقامت من فراشها ووقفت قبال نافذتها بعد مارفعت الستاير تناظر بالشارع وبالمكان اللي كانت واقفة فيه سيارته بالامس..... ياترى كم صار لك واقفة عند بيتنا ياسيارة متعب؟؟؟؟قضيتي طول الليل هنا وانا مدري عنك؟؟متى بترجع من جديد واملي عيني بشوفتك؟عرفت عن ليالي وعن وضعها يامتعب وبتسكت ولابتدافع عنها؟؟؟تعال يامتعب تعال.....عيني مشتاقة تشوفك وتشوف حلاك وزينك...ودي اشوفك اكثر واكثر واكثر يالغالي,,,, طول الليل ماناموا كانوا قاضينها سوالف ماتنتهي وكل وحدة فيهم تحارب النوم علشان تقضي باقي الوقت مع اختها اللي بتفارقها الى اجل غير مسمى..... اصايل/طلع الصباح بسرعة؟ ليالي بزعل/ماكان ودي يطلع ابدا!!! اصايل بحزن/تدرين اني بشتاق لك وماراح يعوضني أي شي عن غيابك... تنهدت ليالي وسكتت... اصايل بفرفشة وهي بتموت من الزعل/ياليت ابوي يضيع طريق الشرقية؟ ليالي بجدية/انتبهي على نفسك وبلاش تتعاركين مع ام عبدالله بكل ثانية تمر؟ اصايل/شكلك مشتاقة لهواشتنا ؟ ليالي/ماابيها تغلط عليك... اصايل/تصدقين محتارة كيف ارد لها شماتتها فيني!! ليالي/احقريها وبس!!! اصايل بعناد/مستحيل!!!لازم تفهم اني مااسكت عن حقي ابدا!!! ليالي بترجي/اصايل لاتفتحين لنفسك معها باب مشاكل خليها تولي عنك؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,, | ||||
08-11-10, 09:35 PM | #23 | ||||
نجم روايتي
| البارت الثامن عشر ************************* كانت واقفة مع نور عند بوابة المدرسة وفي بالها شي تبي تسويه... نور بلهفة/صبا طمنين شلونك... صبا بشرود/وش تتوقعين يعني؟ نور/نايف صح؟ صبا/ليش انتي متوقعة غيره؟؟ نوربعصبية/وليش تزوجك؟ /صبا/يقول يبي يكسر راسي.... نور بضيق/وزيد وافق!!! صبا/ليش هو قال لزيد ها الحكي.... نور/شلون تزوجك اجل... صبا/اخذني بالاول علشان اكون خدامة في بيته وبعدها لقيته يتفق مع زيد على موضوع الزواج,,, نور/وانتي ليش مااعترضتي؟ صبا/ومنو قال لك اني مااعترضت؟؟؟بس منو اللي بياخذ باعتراضي عاد يانور...امي ولازيد؟؟؟؟ قالتها وتنهدت.... نور/وكيفك معه؟ صبا بضيق/مخنوقة يانور مخنوقة...نايف حابسني حبس انفرادي مانع عني كل العالم,,,, نور/وليش للحين انتي عنده روحي عند اهلك ياصبا؟ صبا وهي تتنهد/ياليتني اقدر يانور كان سويتها صدقيني,,,, كانت تتكلم وفي بالها موقف نايف الصباح يوم وصلت مع السايق عند المدرسة وكانت سيارة نايف قريبة منهم وبس وصلت جنبه نزل النافذة وقال لها بتهديد/ياليت تردين مع السايق مباشرة وماتحاولين تلفين وتدورين لانك عارفة انا وش ممكن اسوي!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,, بعد الساعة عشر الصباح رجع جاسر البيت وكان ثامر اخوه واقف عند الباب.. جاسر/ناطور انت واقف هنا؟؟؟ ثامر/انت ليه راد من دوامك,,, جاسر/وانتب تحاسبني بعد ليه راد من دوامي!!!! ثامر بخوف/لامو القصد بس اعتبره سؤال عابر وبس!!! دخل عنه جاسر البيت بدون مايلف عليه ولايرد عليه ولف له؟ جاسر بتاْفف/يعني لازم ادخل من الباب الثاني!!! تحرك ناحية الجهة الثانية من البيت واللي بها اللحظات كانت ليالي تمشي فيها بعد ماجت عمتها ام احمد واخذت اصايل لان ابوها بيمرهم هناك...فقالت تطلع تتمشى وتسلي نفسها بدل قعدة الملحق..... كان يمشي وهو سرحان وفكره شارد وكانت عاطيته ضهره لانها سابقته بخطواتها ووقفت مكانها وشردت هي بعد لين صار وراها وصدموا في بعض...انتبهوا اثنينهم من شرودهم لفت ليالي لعنده ورفعت راسها ويوم رفع راسه هو بعد بانت الصدمة بعيونهم اثنينهم .. جاسر هذا اخر شي توقع يشوفه بس شهقة ليالي بوجهه خلته يوقف بمكانه يناظرها ويناظر الفزع والخوف اللي ارتسموا بعيونها بدون ماينطق بكلمة وحدة.... تنهد بقوة يوم لقاها مشت بسرعة وهي تحاول تهرب منه وهو اللي تمنى يكلمها لو كلمة وحدة؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, رجعت من جديد لسجنها الانفرادي اللي ماتدري لمتى بيظل ضامها ومتى راح تقدر تتخلص منه!!! حتى ماعنده ثقة فيها يطلع معها الصباح ويقفل البا ويرجع معها ويقفل الباب والمفتاح بجيبه ومايتركها مع السايق لازم سيارته قريبة من سيارة السايق لتاْكيد السجن اللي هي عايشة فيه!!!!! كان خوفها من نايف هو اللي مانعها من انها تتخذ أي خطوة للهرب.. ومرددها في انها ترجع بيت اهلها....لان نايف مجنون وممكن يسوي أي شي,,,,, وش تبين تاكلين على الغذى؟ رفعت راسها ولقت نايف يكلمها وهو متسند على زاوية الباب وبيده كاس عصير... رفعت راسها وهي بعدها بمريولها وقالت له/انا ماابي أي شي..بحط راسي وبنام ومو قايمة الا بعد صلاة المغرب.. نايف/حلو ..معناته انا مو راد الا الليل مرة وحدة واذا رجعت جبت لك شي تاكلينه....عموما الثلاجة فيها اكل.... صبا/نايف.... نايف/خير.... صبا ظلت تناظره وفي بالها الف سؤال تبي تساله بس حست انها مو قادرة لاسيما ان في شي بنظرات نايف كانت تحكي عن شي مخالف لتصرفاته معها... بالاخير تنهدت وقالت/سلامتك ولاشي.... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, في المستشفى,,,, عبير تكلم بجوالها/ووافق!!اي...حلو....شوفي انا بس اطلع من عند الوالد بدق لك اشوفك وينك فيه..مع السلامة,,, ابو عبدالرحمان/منو هاذي؟ عبير/هاذي اختي ام احمد تسلم عليك وتسال عنك... ابو عبدالرحمان/هي داقة لي الصباح وانا قايل لها اني بطلع لاتجي...وش عندها بعد!! عبير/كنا نتكلم عن بنت اخوي ابو عبدالله.... ابو عبدالرحمان/......................... عبير/ماودك تعرف وش فيها؟ ابوعبد الرحمان بضيق/لاهو ولابناته يهموني؟ عبير تنهدت/......................... ابو عبدالرحمان/ووين ها الدكتور مابيجي يكتب لي خروج؟ عبير وهي تتنهد/جاي اللحين يبى,,,, ابو عبدالرحمان/................. عبير/وش رايك انت تجي تقعد عندي كم يوم لين... قاطعها بصرامة/خلي السايق يوصلني بيت اخوك ابو جاسر.... عبير وهي تتنهد/ان شاءالله...على امرك يبى.... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, كان كاس الماي في يدها وكل شوي تشرب منه ومع ذلك حاسة انها عطشانة ومو قادرة ترتوي... كل تفكيرها رايح لعند جاسر ذاك الانسان اللي محسوب عليها زوج على الورق بس!!!!! شي غريب قاعدة تشوفه بعيونه تغير عن اول مرة صادفته فيها....عيونه فيها شي...فيها غموض ممزوج بعاطفة ممكن تنفجر باي لحظة..... شي بعيد عن القسوة والجلافة اللي شافتهم فيه اول مرة.... شصار لك ياليالي تفكرين في الانسان اللي اهانك بموافقته على ها الزواج!!!! ياليتك ياجاسر صرت رجال مثل ضاري ورفضت الموضوع من البداية بدل اذلالك لي واهانتك لشخصيتي انت واهلك وانا اللي توني بحياتي اصادفك ياولد عمي!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, ماكان حال جاسر مختلف ابدا عن حال ليلي في التفكير والسرحان... من دخل البيت وصعد غرفته حس باحساس غريب... كان محاول يشيلها من باله طالما انه مو قادر يوصل للخيط اللي بيربطه فيها.... بس القدر حال بينه وبين رغبته وملى عينه بشوفتها من جديد.... تبسم بينه وبين نفسه وهو يذكرها كيف كانت واقفة قدامه مثل النسمة.... بس تلاشت ابتسامته فجاْة وهو يتذكر عيونها ويستعرضها بخياله...نفس نظرة الفزع والخوف شافهم مرة ثانية بعيونها....بس ليش ياترى!!!!! وش اللي مزعلها ومكدر خاطرها كذا!!! تنهد بقوة وهو يحاول يكون طبيعي....وتبسم بينه وبين نفسه وهو يذكر كلام ثامر اخوه اول ماوصل(خالتي وبناتها هنا)..واخيرا عرفت انتي منو,,,,بس ياترى انتي ريم ولاحنان؟؟؟ يالله معليش ياجاسر هاذي بتكون اسهل مدام عرفت هي من بنته ومن تكون الاسم لاحق عليها وعلى انك تغزل فيه!!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,, منى/يمه....علامك قاعدة ومتكدرة؟ ام زيد بتنهيدة/افكر في اختك يامنى,,, منى/وش بيكون فيها يعني؟ ام زيد/من طلعت من البيت ماسمعت صوتها....مدري مرضانة ولاصاحية,,,,متضايقة لو مرتاحة,,,,تاكل ولاتنام جويعة,,, منى بحدة/لاتخافين على بنتك مافيها الا العافية,,, ام زيد بانكسار/أي بس هي حتى ماراحت امس تختبر بالمدرسة,,, بها اللحظة دخل زيد وسلم,,,, زيد/علامكم قاعدين كذا!! منى بدون اهتمام/تعال اسمع امك شتقول؟ زيد/شفيك يمه,,, منى/انا اقولك شفيها..تقول قاعدة احاتي صبا.... زيد/اليه شفيها صبا؟ م زيد/يعني هي من طلعت ماسمعنا صوتها.... زيد/أي بس هذا طلب المعزب وانا مقدر اقوله لا.... ام زيد/يعني مقدر اسمع صوت بنتي يازيد... منى بنرفزة/يمه بنتك مافيها الا العافية لاتحاتينها... زيد/منى الصادقة يايمه واذا لاقدر الله جرى لها شي بنسمع... ام زيد بانكسار/وانا اقعد انتظر لين يجيني خبر عن بنتي واسمعه!!!والله حرام عليكم ياعيال تراها اختكم... ,,,,,,,,,,,,,,,,,,,,,,,,,,,,,,,,,,,,,,,,,,,,,,,, على ا لساعة وحدة ونص اندق باب الملحق .. كانت ليالي رامية نفسها على الكنبة وافكارها مشغولة بجاسر. وقامت تفتحه,,,, كانت عمتها ام احمد وجنبها عبير ووراهم تهاني وبسمة ... ليالي بفرح/هلا وغلا.... ام احمد/وبعد../ ليالي/لاقبل ولابعد شامة ريحة لذيذة اكيد جايبين معكم الغذى؟ عبير/اللحين تركتينا وماعرفتي الا بطنك!!! ليالي/هههههه عمتي امزح...شخبار جدي؟ ام احمد/بملحقه قال بيريح الحين شوي والعصر بنروح نقعد معه...اللحين بندخل ولابنظل واقفين؟ ليالي/عمتي هذا سؤال الله يسامحك؟المكان مكانك تفضلي..... دخلت ام احمد وراها عبير ووراهم بسمة الليس لمت على ليالي وبعدها تهاني وكانت وراها وحدة,,, تهاني بنفخة/كنت بجي بروحي بس نظرت فيها..وقلت لازم تجي شغالتي وراي تشيل عني كتابي حق امتحان بكرة... جتها ضربة بالكتاب على راسها من اصايل اللي كانت وراها واللي قالت بصوت عالي/شغالة بوجهك يللي ماتستحين على وجهك,,, كانوا كلهم يضحكون الا ليالي اللي كانت تناظر باصايل بدون تصديق,,,, اصايل وهي تدفها لداخل/هذا انا بشحمي ولمي مو نسخة مني لاتخافين!! ليالي/وابوي......انتي مارحتي معه!! ام احمد/دخلي يابنت الناس وبنقول لك السالفة... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,في مطبخ بيت بو جاسر وقت الغذى,,,, كان بو جاسر وجاسر وثامر على الطاولة وهتون وشمايل مع خالتهم وبناتها..... ام جاسر وهي عند الباب../تبون شي ولاامشي... ثامر/لا.... ابو جاسر/اقو لام جاسر.... ام جاسر/خير.... ابو جاسر/ترى ابوي رخصوه المستشفى وكاهو بالملحق... ام جاسر/وانا شسوي له يعني!!! بو جاسر/مريه تحمدي له بالسلامة... جاسر/شلون يعني تترك ضيوفها وتروح تقابله!!!مايصير يبى...خالتي وبناتها مو كل يوم بيجون وجدي معنا طول الوقت باي ساعة بتمره.. ام جاسر وهي طالعة/قوله ها الحكي ياجاسر.... ابو جاسر/...................... ثامر/عماتي هنا... جاسر باستنكار/عماتي وخالتي ام عادل!!!ماخبري يتفقون.... ثامر/لاعماتي عند مرتك جايين يتغذون معها.. جاسر بنرفزة بعد مارمى الملعقة على الطاولة /سديت نفسي انت مع سيرتها القروية...ياشينك بس,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,, نايف/يعني شاغلة تفكيرك؟؟؟ ضاري باحتقار/ابدا!!!بس ماشفتك امس قلت اقولك عنها... نايف بخبث/طيب هي حلوة... ضاري بغرور/مااتوقع جمالها يوصل لمستوى جمال ضاري!!! نايف/طيب وش اللي حسيته يوم سمعت صوتها؟ ضاري بلااهتمام/عادي... نايف بخيبة/يعني ماااثارت فيك أي شي؟؟؟ ضاري بخبث اكبر/لا...مو مثل ماسوت فيك صبا؟؟؟ سكت نايف لحظات وبعدها قال/ليش شسوت فيني صبا عاد!!! ضاري/ولاشي ..بس خلتك تتزوجها!!!! نايف بثقة/وانا ماتزوجتها الا علشان اذلها واهينها واكسر راسها وبس!!! ضاري بدون تصديق/يجوز,,, نايف بضيق/شنو...مو مصدقني؟ ضاري/اللي اعرفه ان في راس بينكسر بس منهو فيكم الله اعلم!!النهاية بتوضح كل شي,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , في ملحق ليالي,,, كانوا فارشين لهم سفرة بوسط الصالة وقاعدين ضحك وسوالف,,,, ام احمد/دقيت على ابوك من الصبح وقمت اترجاه ساعة كاملة انه يخلي اصايل عندي بالاجازة لان البنات يبونها وبالموت رضى... اصايل/طبع عمتي مبيتة النية من البارحة,,,تذكرين يوم تقولين ان فيها شي...كانت تخبز السالفة في بالها.. ليالي/طيب وهو ماقال متى بيجي ياخذها؟ عبير/عمتك اقنعته انها تقعد عندنا ثلاثة شهور يعني طول الاجازة وبعدها يصير خير... ليالي بفرح/والله مو مصدقة .. تهاني/لاتصدقين نفسك لانها بتكون معي!!! ليالي باعتراض/لااكيد بتكون معي انا!! اصايل بنفخة/اللي بتدفع اكثر بقعد معها..لاتتخانقون علشاني ام احمد وعبير/ههههههههههههه بسمة/مااتخيل اصايل معنا بنفس البيت احسب تصير فيه زلازل وبراكين.... اصايل/وش تقصدين بالله!!!بس تدرين عنادا فيك بقعد عندكم؟ تهاني بمزح/ياثقل دمك...قلنا لك مانبيك.. اصايل قومت روعة من حضنها/قومي شوي روعة هانم خلني اصفي حسابي مع رقية وسبيكة,,, عبير/صار ماصار بنتي لايجيها طشار من هنا ولا من هنا.... ليالي/ههههههه ام احمد/خلونا نكمل غذانا يالله وراكم مذاكرة انتي وياها لاتتخلوني اردكم البيت؟ بسمة/تهانيوا بسرعة تحول الى حجر قبل لاتسويها الوالدة... تهاني/ماعليك منها ام حميد قولي لها بقعد عند جدي وبتصدقك!!! ام احمد/تكلمي عدل ولاتقلبين ابوي طماشة لك ولااختك؟ اصايل/خلونا باالجد اللحين.. تهاني/تكفين لاتسوين روحك شخصية... اصايل/عبير....الامانة عندك صح؟ عبير/أي.... اصايل/حلو...بيعيها..وليالي تاخذ نصيبها وانا اخذ نصيبي.... ليالي/ليه؟؟؟ تنهدت اصايل/ليالي انا ماابي اقعد بها الثلاثة شهور كذا....ابي ادرس باخذ لي دورة انجليزي ودورة حاسب وبعدين لمتى بتضل ها الامانة على حالها...لين ارجع لبيت الهم من جديد؟؟؟ تهاني/ايه الحركات الجامدة دي يابنت!!! ,,,,,,,,,,,,,,,,,,,,,,,,,,,,,,,,,,,,,,,,,,, رانيا/اقول ضاري.باشا... ضاري/خير... رانيا/ماودك تعرس.... ضاري/وليه تبيني اتزوج؟ رانيا/علشان تفضى لنا الساحة شوي مع ام ضاري... ريم/ومن قال لك ان الساحة بتفضى لنا بعد ضاري!!بعده بيجوون عياله ياحظي؟ ضاري/سمعتي!!! رانيا/يعني مافي مجال نكون موضع اهتمام... ام ضاري بصرامة/وانا مقصرة معكم ياطويلة اللسان؟؟؟ رانيا/ماقلنا مقصرة بس نبي ولدك يتلحلح ويعرس... ضاري/ولله مو بعيدة تسمعين عن عرسي ها اليومين ليش لا؟الفكرة ورادة... ريم/ومنهي تعيسة قصدي سعيدة الحظ؟ رانيا/وفكرك ام ضاري بتقتنع فيها؟ ام ضاري/والله حبيبتي اذا ضاري بيختارها بنفسه فاانا اثق بذوق ولدي كثير وبتكون على راسي من فوق لانها زوجة الغالي.... ,,,,,,,,,,,,,,,,,,,,,,,,,,,,,,,,,,,,,,,, جاسر/اقول هتون... هتون بشرود/هلا... جاسر/علامك سرحانة... هتون/ها. ولاشي..........تبي مني شي...بروح عند بنات خالتي مايصير تاركتهم بروحهم مع شمايل.... جاسر اعتدل بقعدته وقال/خلي عنك ها البزارين وانتي بتحطين راسك برؤسهم بس!! هتون باستنكار/بنات خالتي بزارين!!!من جدك انت؟؟ جاسر مسوي روحه مو مبالي/ليش كم اعمارهم بالضبط؟ هتون/ياولد الحلال .ريم كبرك بالضبط وحنان اصغر منك بسنة ونص وانت تقولي بزارين؟ جاسر/لا كبروا يعني...والله زمان عنهم.... هتون/.................... جاسر/أي الاحلى فيهم ريم ولاحنان؟ هتون/قوم شوفهم وعطينا رايك.... جاسر/هم يكشفون وجيهم صح؟ هتون/اممممم جاسر/انا يوم رجعت البيت لقيت وحدة تتمشى على مااعتقد كانت سمراوية منهي فيهم؟ هتو بملل/ثنتينهم سمران ....قالتها وقامت عنه,,,, جاسر بنرفزة /و ها البنت الي ماتخلي الواحد ياخذ منها أي شي.... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,اصايل بجدية/أي...انا ابي ادرس واشغل وقتي...مدري عندي احساس اني ماراح ارجع بيت ابوي مرة ثانية..بيت الهم اللي كان ضامني طول عمري وخنقني بجدرانه الاربعة!!!مدري يمكن اذا وقفت معي بنهاية المطاف انحرف ولاارد هناك.... ام احمد بضحكة/عقلي بس عقلي.... اصايل وهي تضحك/لانك ماعشتي اللي انا عشته هناك.... ليالي بضعف وانكسار/لايااصايل لا....لاتقولين ها الحكي....بيت ابوي احلى من كل بيت ثاني بتعيشين فيه..صدقيني يااصايل انا اتمنى يرجع الزمن فيني وارجع لذاك المكان اللي طلعت منه.... هذا المكان اللي انا عايشة فيه هو السجن الحقيقي يااصايل....لاتفكرين تقعدين بالعذاب اللي انا قاعدة فيه تراك بتموتين..... اه يااصايل اه....ساليني انا وش معنى الغربة وبقولك .... تنهدت بقوة واكتشفت انها كانت تتكلم بانفعال وان دموعها سابقينها على خدودها وان الكل كان ساكت ويناظرها.... مسحت دموعها وقالت وهي توقف/انا بجهز الشاي والقهوة... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, ثامر/شكله اجتماع عائلي مغلق... شمايل/وين؟ ثامر/تحت بين ابوي وامي.... جاسر/وانت وش عليك؟ ثامر/انا اعتقد ان الموضوع يخص بيت خالتي ام عادل.. جاسر/ليش؟؟؟ ثامر/من طلعوا من عندنا وامي وابوي باجتماع مغلق.... جاسر /هتون وينها؟ ثامر/بغرفتها... جاسر لف لشمايل وقال لها/شفيها اختك؟ شمايل/من البارحة حسيتها مو طبيعية مدري شفيها ..حتى طلعت من بيت عمي قبلنا ويوم رديت لقيتها نايمة..وهي اللي مالها عادة تنام بها الوقت...واليوم يادوب تتكلم معنا وطول الوقت شاردة.... جاسر/انت ماوراك مذاكرة؟ ثامر/حلصت... جاسر بقوة/...قوم راجع ونام......قام ثامر ولف جاسر لشمايل... جاسر/انتي عارفة عن أي موضوع يتكلمون فيه امي وابوي؟ شمايل بتردد/اتوقع علشان انها بتستضيف بيت خالتي عندنا... جاسر/ليه؟؟؟؟ شمايل/ تعرف امي بعد...خالتي قالت انهم بيسوون صيانة بالبيت شهر كامل وهي ماتبي تقعد باي مكان خلال ها الشهر فاامي الغالية اكيد بتستضيفهم!! جاسر في باله(حلو....والله وضحك لك القدر ياجاسر وبتشوفها كل يوم وبتملي عينك منها) ,,,,,,,,,,,,,,,,,,,,,,,,,,,,,,,,,,,,,,,, دخل الشقة بعد صلاة العشى ولقاها قاعدة ومتكورة على حالها.. والكتاب بعيد عنها .... حط الاغراض اللي عنده على طاولة الطعام وتقرب منها ونزل لين وصل مستواها وهمس لها من وراها/ليش الكتاب بجهة وانتي بجهة ثانية!!! ماكانت شاردة لحظة اللي دخل وسمعت صوته ...بس يوم كلمها بها الهمس ارتعشت وتنهدت وماردت عليه.... نايف بعد ماوقف/جبت لك بيتزا قومي اكليها.قبل لاتبرد.. قامت مثل الطفلة المجبورة على اطاعة الاوامر وفتحت كرتونة البيتزا وشالت لها قطعة وقامت تاكل فيها شوي شوي.وهي سرحانة ونايف واقف مكانه يتاْملها...كان عارف ان راسها الصغير فيه شي يدور بس شنو ماهو عارف... نايف/صبا.... رفعت راسها له.... نايف/فيك شي يوجعك؟ صبا بهدوء/لا... نايف/علامك قاعدة بمكانك لاتذاكرين والفكر شارد؟ صبا بتردد بعد ماحطت البيتزا بمكانها /نايف.. نايف سحب له كرسي وقعد قبالها وقال بجبروت/انا اسمع... صبا بانكسار/صورة امي ماهي مفارقتني اليوم ابدا!! نايف بلامبالاة/والمعنى؟؟؟ صبا بترجي/انت تصبر يوم ماتسمع صوت امك لو ماتشوفها؟ نايف/سالتك عن المطلوب؟ صبا/ودي اسمع صوت امي تكفىى ا لله يخليك نايف بقسوة/قلت لك انسي كل العالم اللي تعرفينه ياصبا..دنيتك ماعاد فيها غير نايف وبس!!! تقربت منه صبا وقعدت قباله وواصلة لعند ركبته لانها قاعدة على الارض وهو على الكرسي وقالت بترجي/طلبتك وش ماتبي سوي فيني بس خليني اسمع صوت امي..واللي يعافيك... نايف بقوة/قومي كملي عشاك لايبرد وبلا هذرة فاضية لاتودي ولاتجيب.... صبا بترجي اكبر/بس انا ابي اسمع صوت امي!!! قام عنها وقعد قبال التلفزيون ومسك الريموت يغير بين القنوات ولاهي هامته بعد,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,, كان استقبال الجد لااصايل مثل استقباله لليالي مازاد عنه شي.. كل الفارق انه حيا ورحب في بنات عمتها قدامها وهي طنشها على جنب..بعد ماعطاها كم نرفزة من هنا ومن هنا على قعدتها هناوكيف. انها مارجعت مع ابوها اما ليالي انسحبت بسرعة لانه ماعبرها اصلا وفوق هذا كله هي كانت متضايقة ومتلخبطة بمشاعرها وحاسة انها منحرجة من عماتها.... رجعت الملحق وجت وراها عبير... كانت واقفة بنص المطبخ يوم تدخل عبير وتلف لها.... عبير/ليالي ليالي/نعم عبير/فيك شي... ليالي بنفي/لا عبير بتشكيك/متاْكدة؟ ليالي وهي تحاول تكون طبيعية/اي عبير/مدري ليش مو قادرة اصدقك وحاسة ان فيك شي... ليالي تنهدت وقالت/لاتشغلين بالك ياعمتي مافيني أي شي انا بس حاسة بشوية ضيق وبيزول بعدين... عبير/ليالي...احد مضايقك هنا ولامكدر خاطرك بكلمة؟ ليالي/ابدا ياعمتي انا لااشوفهم ولاهم يشوفوني,, عبير/معناته في شي ثاني مكدر خاطرك... ليالي/صدقيني مافي شي... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, بجهة ثانية وتحديدا برى ملحق الجد..كانت اصايل واقفة مع عمتها ام احمد.... ام احمد/هي شايفة احد منهم يااصايل؟ اصايل/لا... ام احمد/منو اللي مزعلها؟ اصايل/هي ماقالت انها زعلانة؟ ام احمد/بس الزعل مبين عليها ولاماتعرفين اختك يااصايل؟ تنهدت اصايل.... ام احمد/انتي عارفة شي وماتبين تقولينه لي... اصايل بنرفزة/هي وش اللي شافته يسر عاد من دخلت هالبيت ياعمتي!! صدقيني انا مقدر اقولك عن أي شي بس كل شي حولها مو مريحها رغم مكابرها على انها تكون هادئة وطبيعية..فاهمة شنو يعني تعيشين بوسط بيت كل اهله يكرهونك ياعمتي!!!! ام احمد تنهدت وبها اللحظة انفتحت البوابة ودخلت منها بنت ووصلت لعند ملحق الجد ووقفت تسلم على ام احمد... رانيا/عمتي شلونك؟ ام احمد/هلا وغلا في بنت بو ضاري؟ اصايل وقف قلبها ورفعت راسها تشوفها عدل.... رانيا/وحشتينا ياام احمد زمان عنك... ام احمد/تدلين بيتي ومكاني اذا وحشتك؟ رانيا/هاذي معك حق ياعمتي بس والله شغلتنا ها الامتحانات... ام احمد/ربي يوفقكم وين تؤامك ماجبتيها معك؟ رانيا/مدري عن احد جاية بروحي بسلم على جدي وبمشي... قالتها وابتسمت لااصايل ودخلت داخل الملحق لجدها واصايل فكرها راح لبعيد وقلبها يدق بقوة وكل شي بداخلها متحفز لقتل ضاري!!!!!! ,,,,,,,,,,,,,,,,,,,,,,,,,,,,,,,,,,,,,,,,,,, تعبت من كثر ماترجت فيه وهو اذا نطق الصخر بيفكر يتلحلح ويرد عليها... تركت كل شي وراها حتى كتابها ودخلت تغسل وراحت تنام... مامرت دقايق الا وهو رامي نفسه جنبها... صبا تنهدت بقوة والمعنى انها متضايقة حيل من قربه وماتبيه يتقرب اكثر بس نايف قال في نفسه هاذي ماتنترك على كيفها تقرب منها وصار لازق فيها وهي عاطيته ضهرها.. توه بيحط يده في شعرها قالت له بقوة/انا نايمة؟ نرفزته الكلمة والاسلوب اكثر وتوكى على يده ولف وجهها لعنده باليد الثانية وصاروا قريبين من بعض... قال بقسوة/ماسمعت!!! صبا بعناد/انا نايمة؟ نايف/اول مرة اشوف ناس تتكلم وهي نايمة؟ صبا بعناد اكبر/بكيفي اتكلم وانا نايمة وانا قاعدة؟باي وقت يريحني؟ نايف/لاوالله!!!تعالي علميني وسمعيني تراني مااسمع زين؟ صبا لفت عنه للجهة الثانية ولفها لعنده بقوة وقال بقسوة/جربي تسوي ها الحركة مرة ثانيةوشوفي وش يجرى عليك؟ تنهدت بقوة لان الموقف اخطر من انها ترد ولاتزيد بكلمة وحدة لاسيما ان انفاس نايف صارت خانقتها... ,,,,,,,,,,,,,,,,,,,,,,,,,,,,,,,,,,,,,,,, ا ا,, واخيرا حل الليل وهداْت الحركة وبقوا ثنتينهم يتسامرون مع بعض,,,, ليالي/شتسوين؟ اصايل وهي ماسكة الجوال بلا اهتمام/اقولب بااغراضك... ليالي بانكار وهي تناظر بالجوال/اغراضي!! اصايل/أي...عمتي عبير جايبته لك علشان يتواصلون معك فيه وعطتني اياه اسلمه لك وانا حست فيه لين شبعت... ليالي/جيبي ندق على متعب نخبره ان صار عندنا,,, قاطعتها اصايل/ماانتظرك...دقيت له وعطيته الرقم وسولفنا شوي وسال عنك وقال بيجينا الاربعاء وقال لي اسلم عليك وبكرة بيكلمك,,,, ليالي/مشاءالله.. اصايل/مو اقولك ماانتظرتك وتعبثت فيه براحتي...ماعلينا شفيك اليوم؟ ليالي/انا ولاانتي؟ اصايل/انا!!! ليالي/من رجعتي من عند جدي وانتي مو طبيعية...هو ضايقك بشي ولاكدر خاطرك؟ اصايل/ومن قال عاد ان ها الشيبة ولاكلامه بيهموني من الاساس؟ ليالي/عيب يااصايل هذا مهما كان جدي واكبر منا بالعمر والواجب علينا نحترمه... اصايل/خلينا منه ومن سيرته.. ليالي/قولي شعندك؟ اصايل/شفت اخت ضاري؟ ليالي/ريم ولارانيا؟ اصايل/رانيا... ليالي/وتكلمتوا مع بعض؟ اصايل/ابدا...بس مدري ليش ماحسيت اني مرتاحة لشوفتها.. ليالي/بالعكس انا قعدت معها مرتين وحسيتها حبوبة,,, اصايل/تعرفيني مو مثلك ياليالي وعندي الناس كلهم طيوبين وزوينين؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,, طول الليل مانامت وافكار توديها وافكار تجيبها وبس طلع الصباح وراحت المدرسة بعد حراسة مشددة من نايف طلعت بعدين مع نور لين موقف الباصات مباشرة وكانها تتجاهل سيارة السايق اللي ينتظرها ولا حتى سيارة نايف اللي كانت واقفة بعيد.... تنفست الصعداء يوم ركبت ومشى الباص لمنطقتها المعتادة... نور بهمس/تهقين شبيسوي لك؟ صبا وهي مغمضة عيونها/مدري...ومايهمني بعد....تعبت يانور تعبت... نور/بودي اقولك تعالي عندي بس انتي عارفة نايف واطباعه بيمشكل ابوي معه وابوي انسان على قده مثل منتي عارفة.. صبا/عارفة انك ماراح تتخلين عني يانور...بس نايف معذبني بتصرفاته معي....ماني قاوية عليه..واللي ذابحني انه كل ساعة بحال...مرة رايق..ومرات دموي وشراني..ومرة ينحاف من سكوته.....صرت اخاف من نومتي جنبه يانور؟ نور/وهذا اللي مخوفني من ردة فعله لو طال انتظاره ومابينتي؟ صبا/انا مو هذا اللي مخوفني....اللي شاغلني صدق اللي انا رايحة عندهم ياترى بيضموني لو بيتحلوا عني ببساطة مثل ماباعوني!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, جاسر اليوم عنده حالة غير اعتيادية بوقفته قبال المرايا من كثر مايتعطر ويتكشخ.... كل امله انها تكون ريم اللي نامت البارحة مع شمايل وانه ينزل ويلقاها صحت من النوم ويملي عينه منها..بس ها المرة هو مصر انه يكلمها ويسلم عليها ويسمع صوتها وتكون البداية من طرفه هو.... بعد فترة طويلة قضاها وهو يرتب افكاره قرر انه ينزل علشان يشوفها يمكن صحت... نزل الدرج على اقل من مهله وماصادف غير شغالتهم بوجهه تقول له انها جهزت له الفطور.... نايف وعيونه تلف شمال ويمين/وين الباقي محد صحى؟ الحدامة باستغراب/لا...كلهم ماناموا الا الصباح؟ بان عليه الضيق وقرر يطلع ياخذ له لفة حوالين البيت يمكن يشوفها تتمشى بنفس المكان اللي صادفها فيه قبل بس خابت امانيه وماشاف غير الفراغ وبس!!! اخذ بعضه والقهر مضيق عليه انفاسه وطلع من البيت... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , ليالي/صباح الخير.. اصايل وهي تفرك بعيونها/صباح الانوار... ليالي/ماتوقعتك تقعدين بدري... اصايل/يعني مااكون متعودة على القعدة بدري هناك؟ ليالي/أي بس انتي هنا اميرة وماتخدمين احد,,, اصايل/خاطري في بيتزا اللحين... ليالي/قومي دخلي المطبخ وسويها... اصايل/شوف اللي ماتستحي على وجهها!!هذا وانا ضيفة عندك المفروض تشيليني فوق كفوفك... ليالي/هههههههه اصايل/المهم جهزي حالك اليوم بنطلع السوق... ليالي/أي سوق؟ اصايل/أي سوق حلو.... ليالي/ليه؟ اصايل/بيكون ليه يعني؟؟؟باخذ لي ثياب وبفصل لي عباية و.. قاطعتها ليالي/انتي ومنو؟ اصايل/انا وانتي؟ ليالي/من قال لك اني طالعة من بيت جاسر اصلا!! اصايل بنرفزة/ليال خلاص عاد...انسي كلام جدك وعيشي الدنيا.. ليالي باصرار/انا مو رايحة أي مكان؟ اصايل بقهر/بروح مع عبير زين,,,,وانتي قعدي لين تعفنين وتموتين؟؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,, ام زيد وهي تبكي/ماني مصدقة عيوني ياصبا... صبا وهي بحضن امها/اشتقت لك يايمه اشتقت لك....طمنيني عن صحتك؟ ام زيد/مو شاغل بالي غيرك يايمه ياصبا..قوليلي شلونك وشلون نايف معك؟ صبا ببكي/انا مو بخير يمه..ابيكم ماابيه!!!! ام زيد/مقصر عليك يايمه؟ صبا بقهر/معذبني؟ ام زيد/حسبي الله ونعم الوكيل.... صبا/شسوى معه زيد يايمه....خلصوا خلاص؟ ام زيد/خلينا من زيد اللحين وخلنا فيك..انتي الاهم ياصبا..من وين جاية؟ صبا/من المدرسة...توني مخلصة امتحان وجيت هنا علطول..... ام زيد/يعني زوجك مايدري انك جايتنا؟ صبا/عمره ولادرى؟؟؟ماابي ارد له يمه خليني عندك.... ام زيد/يايمه انا مو قده وقد باله الطويل...لاتطلعين من غير شوره مرة ثانية علشان لايزعل عليك واهم شي لاتربطين نفسك معه بعيال هذا واحد ماينضمن ابدا!!! صبا بتردد وخجل/شلون يعني....شسوي؟ ام زيد/سمعي.... جاهم صوت زيد بقوة ومزلزل الارض/صبا كانوا واقفين بالحوش قريب من الباب ولفوا له ثنتينهم ...صبا ماوقفها صوت زيد وقفتها وجمدتها نظرات نايف اللي كان جنبه واللي كانت تقول ان مصيبة بتصير لامحالة,,,, ام زيد بخوف/صبا كانت.... نايف بقوة/كذا الناس اللي متربية ياصبا؟؟؟كذا!!! تنفست بقوة وبلعت لسانها.... تقدم منها زيد والشرر بعيونه وجرها من يدها وهي لاحياة ولادم يسروون فيها... زيد بعصبية/اعتذري من زوجك واذا عدتيها وطلعتي بدون شوره انا بدفنك بيدي؟ نايف لبس نظارته ومشى وهو يقول لزيد/حطها بسيارة السايق,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,, ابو عبد الرحمان/ماقصرتي يابنتي خوش ريوق عساني مااعدمه.... عبير/الف عافية على قلبك ...روعة تعالي هنا خل اغراض الباب بمكانهم؟ ابو عبدالرحمان/خليها تلعب لاتقيدينها.. عبير/بتعفس لك اغراضك يبى؟ ابو عبدالرحمان/وانا شعندي عاد!!!خليها بس على راحتها....الا اقول عبير.. عبير/سم يبى.... ابو عبدالرحمان/بنت اخوك شتسوي قاعدة هنا..مو ضاري قال مايبيها شخلاها ابوها تسوي هنا وماشالها معه؟ عبير/الله يسلمك هاذي فكرتنا انا واختي انها تقعد عندنا بها الاجازة... ابو عبدالرحمان/وليش؟ عبير/بدل ماهي قاعدة هناك بروحها مع زوجة ابوها تقعد معنا...انت متضايق يبى؟ ابو عبدالرحمان/البنت مكانها بيت ابوها وماتطلع منه الا على بيت زوجها ولاعلى قبرها ياعبير... عبير/يبى اللي بينا وبين اخوي مايعني ان احنا نترك بناته بروحهم ومانسال فيهم ولاانت ناسي انهم يتامى وماعندهم سند هناك يوقف بوجه زوجة ابوهم الي دايم ضدهم....وبعدين لاتنسى يبى ان اصايل طول عمرها مع اختها وفجاْة تتركها بروحها وتمشي عنها..ماهو عدل ان احنا نخليها,,, ابو عبدالرحمان/أي بس انتي عارفة ان عمامها.. قاطعته عبير/لاتنسى يبى ان احنا عماتها بعد وقادرين نقوم فيها بدون اخواني ومنتهم علينا!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,, دخلت المطبخ ولقتها تعجن البيتزا.... اصايل من على الباب/ليالي...زعلتي من كلامي!!! ليالي/لو كنت زعلت ماقمت اسوي لك بيتزا؟ تنهدت اصايل ودخلت المطبخ وسحبت لها كرسي وقعدت عليه/انا ماابيك تزعلين من كلامي..انا تهمني مصلحتك وماابي واحد مثل جاسر ولاجده يملون عليك حياتك؟ ليالي بهدوء/امي دايم كانت عند شور وماتطلع منه لين الله اخذ امانته...اصايل انا ياحبيبتي عارفة انا كل اللي بيني وبين جاسر توقيع على ورقة وبالاجبار بس انا لايمكن اطلع من بيته الا اذا الله اخذ امانته ولاحكم بينا!!! اصايل/انا مدري ليش انتي راضية بها القدر ياليالي....انا لو منك وشفت متعب ودليت طريقه اتطلق من ها الجاسر واروح مع متعب؟ ليالي/............... اصايل/قولي شي ليش ساكتة؟ ليالي بهدوء/فكرك ابوي بيتركني اروح مع متعب اذا تطلقت من جاسر؟ اصايل/مو لازم ابوي ولاغيره يعرف انك تطلقتي من جاسر اصلا!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,, كل افكار ام زيد ذيك اللحظات كانت بصبا واللي ممكن انه يسوي فيها نايف اللحين؟ ظلت تدعي ربها انه يتلطف فيها ويحنن قلبه عليها شوي.....ماجاها ندم على عدم اعتراضها بها الزواج الا يوم جتها صبا تشتكي....هذا وهي ماسمعت شكواها ولاقالت لها عن نايف وسوالفه شي...بس الاكيد ان صبا ماراح تجي تشتكي من فراغ..بس لو ماوافقت على ها الزواج اكيد ان زيد بيكون انرمى بالسجن وخسر مستقبله وضيعهم زيادة وبيتقطع قلبها على ولدها بعد!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,, بها اللحظات كانت صبا توها داخلة الشقة وقلبها وقع تحت رجلينها من الخوف ومن توقعها اي شي من نايف حتى لو دخل المطبخ واخذ سكين وذبحها ماراح تستغرب منه لانها عارفة ومجربة منه وش يعني نايف معصب ومقهور منها!! ماخاب ظنها اول ماقفل الباب حط يده على كتفها ولفها لجهته بقوة المتها,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,, ماراح اترك لكم توقعات للي بيصير في بارت بكرة وانتظر توقعاتكم انتوا,,,, واللي يحبون الاكشن اكيد بارت بكرة بيعجبهم لانه يتضمن اكشنات شوية.. بنتظاركم بكرة بنفس الوقت... مرحبتين فيكم يالغلا... كيفكم وشخباركم..ان شاءالله حليون وطيبين...ومنتظرين البارت هههه عموما ونظرا لاني مقدر ارد طلب لكم وقلتوا تبون بارتين مدمجين غالي والطلب رخيض(للحين طيوبة) (هنا بيبتدي الشر اللي فيها ههههه)بس بكرة مافي بارت لانه بينزل مع بارت اليوم يعني لقانا بيكون يوم الاربعاء ان شاءالله بنفس الموعد..... وحلونا نشوف وش بيصيرمن احداث في بارت اليوم,,,,,ا لبارت الثاني والثالث والعشرين,,,, كانت يد نايف على كتف صبا ولفها لجهته بقوة المتها وعيونه شابة نيران العالم وهذا اللي خوف صبا وقال لها بكل شراسة وهو يضغط على كتفها/تدرين ان اللي يتركك تروحين مدرستك اكبر غبي بالعالم!!!! بلعت ريقها وحست بالخوف اللي ماقد حست فيه مع نايف من قبل... كمل وهو يشدها من شيلتها/انا تطلعين من وراي ياصبا وانا اللي منبه عليك!!!!انا تستغفليني وتتركيني انتظرك ساعة كاملة مدري فيها اذا كنتي عايشة لو ميتة!!! طاحت شيلتها من عليها وطاح شعرها على وجهها وكره انه يشوفها جميلة ولاجذابة قدامه على الاقل بها اللحظات لين تتاْدب وتاحذ جزاها.... جرها من شعرها بالقوة وصرخت من الالم... صبا ببكي/نايف تكفى فك شعري انا ماسويت شي.... نايف بصراخ/ماسويتي شي!!!طالعة بدون شوري وتقولين ماسويت شي!!!هذا مو شي بالله!!ماتقولين لي شنو الشي بنظرك يامتربية؟؟؟ صبا/انا رحت عند امي وانت ماتقدر تمنعني عن امي واهلي انا مو عبدة عندك؟ رماها على الارض بقوة كسرت عظامها وصارت تحت رجله ورفع رجله يدوس عليها وقال بشماتة/ها الزبالة اللي انتي عادتهم اهل انسيهم زين يابابا ماله داعي كل يوم اذكرك.....وانسي بعد شي اسمه مدرسة خلاص شيليها من بالك؟ رفع رجله عنها وتقدم للمكتب اللي بالصالة وشال كتبها عنده وراح لعند باب الشقة وهي تزحف وراه تترجاه يترك كتبها عندها بس لاحياة لمن تنادي ياصبا !!! طلع وقفل عليها زنزانتها كا المعتاد بس ها المرة بقهر اكبر....تسندت على الباب وهي تمسح دموعها,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,محمد/متعب...شفيك صار لك يومين منت على بعضك؟ اكتفى متعب بانه يتنهد.... محمد/خير...صاير شي جديد معك,, متعب/مفكر اني انقل شغلي والمكتب للشرقية؟ محمد باندهاش/متعب شسالفتك مع الشرقية انت!!صار لنا سنتين بس من فتحنا المكتب وانتقلنا من الشرقية للرياض واللحين يوم ربك فتحها عليك بتروح الشرقية من جديد؟ متعب تنهد وتسند على كرسي سيارته وقال/ظروف... محمد بعتاب/لمتى بتعتبرني غريب عنك يامتعب وبتظل مسكر عني قلبك؟سنتين جمعتني فيك هنا بالرياض ومقابلك يوم بيوم...وش فيك ياخوي..سولفلي انا اسمعك...ولامعتبرني للحين غريب عنك ولاني قد شكواك وهمومك؟ متعب/لاتزعل مني يامحمد انا بس... محمد/لاتضغط على نفسك وتقول اذا ماودك يامتعب..انا بس يهمني انك تعرف اني جنبك وماراح اتخلى مهما صار,,, متعب بامتنان/عارف يامحمد وشاكر لك وقفتك جنبي...انا بس ظروفي متقلبة ومو قادر استقر.... محمد/تزوج يامتعب...ماراح يخليك شي مستقر بحياتك غير الزواج... متعب برعب/اتزوج!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, كانت تقطع الفليلفة بذيك اللحظة وجرحت اصبعها بالسكين بدون ماتحس... اصايل بخوف/انتبهي ياليالي..شوفي كيف جرحتي نفسك؟ ليالي بلامبالاة بجرحها/انتي شتقولين يااصايل ؟شنو يعني اتطلق من جاسر وفوقها ابوي مايدري؟؟ اصايل/وش فيها يعني؟ ليالي/انتي صاير لعقلك شي؟ اصايل/متعب معنا ياليالي وماراح يتخى عنا مهما صار..ولاراح يخلي جاسر لو غيره يذلونك بها الطريقة في التعامل؟ ليالي/ومتعب دايم لي ولك العمر كله يااصايل؟ اصايل/متعب ماعنده غيرنا واحنا ماعندنا غيره؟ ليالي/لايااصايل مو صحيح ها الحكي ابدا!!!متعب بتكون عنده حياة ثانية مع زوجته وعياله,,, اصايل باندفاع/بس هو قال ان هتون تزوجت وتركته!!! ليالي/وهو بضل واقف على الاطلال يااصايل؟حياته ابدى من انها توقف على ذكرى انسانة ماقدرت حبه... اصايل/أي بس متعب هو املنا الوحيد بها العالم واذا قلنا له لاتتزوج ماراح يتزوج.. ليالي/وانتي ترضينها عاد لمتعب ياصايل انه ينحرم من حياته علشان يكون جنبنا!!لامستحيل انا ماراح ارضى بها الشي مهما صار يااصايل..متعب لازم تكون حياته انجح من حياتي وحياتك بالف مرة,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, وقفت سيارته عند البحر وظل مستند على كرسيه.. كان بين اللحظة والثانية يلف للكرسي اللي جنبه ويناظر بكتب صبا اللي رماهم باهمال ويتنهد بعمق.... ياترى هذا هو الصح يانايف؟انك تحرمها من اهلها ومن دراستها علشان تتفرغ لك؟ لا..مو صحيح انا بحرمها علشان تتاْدب وتسمع كلامي وماتكسره مرة ثانية... هاذي راسها يابس وباسها قوي ولازم تفهم ان كلمتي وحدة ومااعيدها مرتين!!اذا قلت لها انسي اهلك تنساهم وماتلف وتدور من ورى ظهري.... بداخله كان بركان ثاير من اول ماعرف انها مو بالمدرسة وانها اختفت من قدام عينه بدون ماينتبه لها وهذا وهو مفضي نفسه لها ويلازمها بالروحة وبالجية تقوم تكسر كلامه وتروح عند اهلها..حس ان شياطين العالم كلها وقفت قباله ذيك اللحظة ونوى عليها بالشر... بس اللحين كل مايتذكر شكلها وهي مرمية تحت رجله تسترحمه وتستعطفه وتترجاه يجس انه ارتكب خطاْ فادح بحقها وان مو صبا اللي المفروض تنرفع عليها يد وتضربها؟؟؟ امتدت يده لاشعوريا لكتبها وشال واحد منهم وقربه منه يشمه وهو يشم ريحة صبا فيه ويشوف صورتها.... ,,,,,,,,,,,,,,,,,,,,,,,,,,,,,,,,,,,,,,,,,,,,,, ريم/انتي وين معزومة ماقلتيلي؟ رانيا راحت لعند الباب وقفلته وجلست قبال اختها وقالت بهمس/انا مو معزومة.. ريم/شلون يعني؟ رانيا/بروح لليالي... ريم/رانيا بقولها لك اخر مرة ابعد عن الشر وغنيلوه... رانيا/مااعتقد ان ليالي هي الشرياريم.. ريم/حتى وان...احنا مو مسموح لنا بزيارتها ولاالكلام معها.. رانيا/ليش عاد!!!يتراواللي ان احنا بنات عم ولاانا غلطانة؟ ريم/منتي غلطانة بس لاتحطي نفسك بموقف تنحسدين عليه... رانيا/ودي اعرفها اكثر واكثر...انا تفاجاْت يوم شفتها صراحة؟ ريم/أي بس انا اخاف احد من بيت عمي يشوفك داخلة ولاطالعة من عندها ويعلم امي وانتي عارفة امي سيرتهم ماتحبها...كيف لوعرفت انك عندها؟ رانيا/تطمني محدب يشوفني...بعدين هم مايواطنونها بعيشة الله...وازيدك من الشعر بيت شمايل تقول ان خالتهم وبناتها عندهم بيكونون ضيوف شهر كامل يعني مابيتركونهم وبيشوفون ليالي ومن يجي عندها؟ ,,,,,,,,,,,,,,,,,,,,,,,,,,,,,,,,,,,,,,,,,,,,, دق جواله ورد بملل/هلا... غادة/هلا حبيبي جاسر بتاْفف/خير في شي... غادة/علامك متضايق؟ جاسر/انا بالدوام مو فاضي؟ غادة/جاسر...صار لازم نتكلم... جاسر/عن شنو؟ غادة بتنهد/عن علاقتنا وعن ابتعادك عني ... جاسر بملل/عن شنو عن شنو؟ غادة/عن ابتعادك عني ها الفترة...انت بالك مو معي اصلا من رجعت من السفر..انت متغير؟ جاسربنفس الملل/وبعدين؟ غادة/ممكن اعرف وش فيك؟ جاسر/مافيني شي.... غادة/أي بس انا حبيبتك مالازم تخبي علي أي شي... جاسر/انتي شنو؟ غادة/حبيبتك.. جاسر/مين قال عاد!!! غادة بافعال/شلون يعني ياجاسر...اذا ماكنت حبيبتك شكون بالله!!! جاسر/لحظة لحظة,,,,انتي اصلا من فهمك انك حبيبتي!!انا عمري ماقلتها لك ولاحسست بها الشي....كل اللي بينا مجرد تسلية وبس...ولامفكرة انك بتحاولين تمثلين علي الدور وانك عشتي الجو وان انا اللحين لازم اعترف لك بها الشي....انسي يابابا..مو انتي اللي جاسر اختارها تكون حبيبته وناوي يكمل معها باقي مشواره ودربه!! ,,,,,,,,,,,,,,,,,,,,,,,,,,,,,,,,,,,,,,,,,,,,, تهاني/شوفي اللحين بننزل عند مجمع الضهران.. اصايل/انتي متاْكدة اني ماراح اعطلك عن مذاكرتك... تهاني/ابدا...وش احلى من الطلعة اصلا!! اصايل/ترى انا كنت بجي مع عبير لو مادقيتي وقلتي انك جايتنا... تهاني/انا من ليالي هانم مااقعد بها البيت دقيقة وحدة.. اصايل/سكتي لاتقهريني زيادة ..عجزت معها تقول طلعة من بيت جاسر ماهي طالعة خل جاسر ينفعها اذا دفنت روحها بها العالم... تهاني/ليالي طيوبة بزيادة وبيت خالي ياخذون حق القوي مابالك بالضعيف؟المفروض انها تتغير وتغير من شخصيتها ولابتتعب معهم...ترى للحين ماوروها وجهم الحقيقي!! اصايل/انسي...ليالي ماراح تتغير لو تغير ها العالم كله...بس خلنا حقانين هم مالهم فيها ابدا من دخلت بيتهم وحلقة الوصل جدك وبس!! تهاني/قلت لك هي مابعد شافت وجههم الحقيقي نطري عليهم شو وبتشوفينهم وش يسوون فيها وبتذكريني ان شاءالله...المهم هذا بتلاقين فيه بناطلين حلوة... اصايل/أي بس انا مامعي فلوس ومابعت... تهاني/باخذهم منك بعدين لاتفكرين بخليها لك مجانية اصايل/الله ياخذك على ها البخل اللي انتي فيه ولاكانك بنت عز وعندكم خير؟ تهاني/ههههه والله طالعة على خالي ابو عبداللله هههههه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, رجع لشقة بوقت ابكر من كل ليلة..كان يبي يراضيها ويصالحها بطريق غير مباشر بس المهم لايلقاها ميتة ولاغرقانة بدمها ولابعده مرمية بنفس المكان اللي كانت فيه الصباح,,, تنفس الصعداء يوم مالقى أي اثر لدم ولالقاها طايحة بالصالة...راح غرفة النوم ومالقاها...دخل المطبخ وبعد مالقاها دور بالحمامات ومالها أي اثر...دق قلبه بقوة رغم انه متاكد مليون في المئة انها ماراح تطلع باي طريقة من ها البيت...تلف يمين وشمال وارتاح يوم لقاها قاعدة بزاوية من زوايا الصالة على الارض وهي ضامة ركبتينها لعند صدرها وتنظره بحقد مالي عيونها... تقرب منها ورمى عند رجلها مجموعة اكياس ورفت راسها تناظره باستفهم بس ماتكلم... قالت بصوت مبحوح من كثر البكي/شنو هذا؟ نايف بصرامة/ثياب شبيكونو يعني!!!! صبا وهي تناظر بالاكياس/وليش جايبها عندي؟ نايف باحتقار/علشان تلبسينهم طبعا!!يتراواللي من حقي الاقي عليك ثياب محترمة مثل العالم والناس ماتلبس ...ثياب تروق لي انا بدل ها البيجامتين اللي معك واللي جابوا لي المرض من كثر مالبستيهم؟؟؟ صبا بعناد/انا مو لابسة لك شي انسى!! نايف بتهديد/احلفي!!!شكلك ناسية وش مسوية اليوم؟ صبا بكبرياء مجروح/انا ماسويت شي...رحت اشوف امي مااعتقد اني اجرمت!!! نايف/رحتي بدون شوري..يعني مشيتي كلامك فوق كلامي؟ صبا/................. نايف/قومي لبسي لي واحد بسرعة ترى المطعم جايب العشى اللحين؟ صبا بنفس العناد/واذا مالبست وش بتسوي؟ نايف/ولاشي...بس تراني اعرف البسك بنفسي!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, تهاني/تعالي امشيك على كورنيش الخبر بس.... اصايل/ماابي نتاْحر عن ليالي تاركينها بروحها حرام... تهاني/يابنت الناس تونا مكلمينها وقالت انها بتنام شوي لين نرجع... اصايل/ولو انا مااحب اتركها واطلع غير انها قهرتني اليوم ولا بكرة بخلي عبير غصب تجيبها معنا اذا رحنا نبيع الذهب... تهاني/كم بتعطوني اذا بعتوه؟ اصايل/ولاريال..ليش نصرف على عميان احنا؟ تهاني/زين ياست اصايل بتشوفين اللي توريك الشرقية كيف صايرة؟ اصايل بكبرياء وهي تضحك/ماني بحاجتك ياقلبي... تهاني بفزع/اصايلوا... اصايل/خير.. تهاني/من هذا؟ لفت اصايل للجهة اللي تاْشر عليها تهاني ووقف قلبها يوم شافت ضاري طالع من د.كيف وبيده قهوته وباليد الثانية ماسك الجوال يسولف فيه.. تهاني/ها..اشوف خرستي من شفتي ولد خالي!! اصايل باصرار/ابي اروح اكلمه؟ جرتها تهاني للجهة الثانية وصاروا يمشون بهرولة.. تهاني/هنا بنوصل لنهاية الشارع اللي هو يمشي فيه اسرع منه...علشان اذا هو بيطلع لسيارته تطلعين بوجهه.. اصايل/ياعمري انتي ياام الافكار روحي عسى ربي يوفقك وتنجحين بها الامتحان اللي مافتحتيه بس انتي ماعليك خوف تنجحين وانتي مغمضة.. تهاني وهي تدفها قدام/روحي عساك ماتتوفقين انتي مع لسانك اللي يغث!!وش ها الحكي ياحسودة؟ اصايل/خلاص قصري حسك كاهو تقرب من هنا...ويلي احس ان انفاسي تقطعت من كثر الركض... تهاني/انا بوقف قريب علشان لاتفوتني ولاكلمة... تقرب ضاري منهم وهو بعده مشغول بمكالمته لين صارت اصايل بوجهه...ظل يناظرها ثواني وبعدها اعتذر عن مكالمته وسكر تلفونه بسرعة وظلوا يناظرون في بعض... قطعت الصمت اصايل وقالت بصوت لاهث/ضاري شلونك؟ مارد عليها بس ظل يناظرها ويتفحصها من فوقها لتحتها وحمدت ربها ان شكلها مقبول والفضل يعود لتهاني هانم اكيد.... ضاري بعد صمت طويل/شتبين يادانة؟ اصايل مسوية انها مرتاحة ومبتسمة/زين انك مانسيت اسمي.... ضاري/سالتك وش تبين؟ اصايل وهي تبلع ريقها/ابيك تروق مااحب اشوفك معصب... ضاري/ومن قال اني معصب؟؟؟انتي ليه تكلمين وكان احد يطاردك؟علامك تلهثين جاية تركضين انتي!! اصايل/أي..شفتك من بعيد وخفت تمشي قبل لااسمع صوتك .. ظل يناظرها بدون مايتكلم وهي حست بالارتباك من نظراته الجريئة لها وبداخلها تبي تغسل شراعه بس مسكت نفسها.. قال لها بعد سكوت/انتي جاية بروحك هنا؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,, ليالي/زمان عنك.. رانيا/توني فضيت وخلصت امتحاناتي... ليالي/ربي يوفقك ان شاءالله... رانيا/انتي دايم قاعدة هنا ماتطلعين؟ ليالي/ليش وين تبيني اروح؟ رانيا/أي مكان..وكل مكان..لاتنسين انك حرة؟ ليالي/أي بس انا مقدر اطلع بدون شور ولد عمي... رانيا/ليه هو مايرضى تطلعين؟ ليالي/لامو كذا السالفة بس اطلع وين اروح وشسوي....عماتي ويجون عندي.... رانيا/انا منك ماارد هنا الا بوقت النوم بس!! ليالي/.......... رانيا/انتوا مو متفقين ان كل واحد يعيش حياته مثل مايبي؟ ليالي/..................... رانيا/ابي اسالك سؤال ومنحرجة منك....هو طلب مو سؤال؟ ليالي/لاعادي تفضلي.. رانيا بتردد/عندك صورة لااصايل اختك....ابي اشوفها.... ليالي/صورة لااصايل؟؟ رانيا/أي.... ليالي/ليه!!! رانيا/ودي اشوفها... ليالي/طيب شوفيها على الطبيعة بدل الصورة؟ رانيا/انتي عارفة ان احنا مانروح عندكم ولاانتوا تزورونا كيف بشوفها؟ ليالي/أي بس اصايل هنا...موجودة معي!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,, كانت تتامل بنفسها قبال المرايا بعد مالبست الثوب ..حست نفسها غير... حست انها انسانة ثانية غير عن اللي تعودت عليها وتشوفها دايما.... لاول مرة تلبس ها اللبس بحياتها..ولان جسمها ضئيل وحجمها صغير صار الثوب كبير عليها رغم انه باصغر مقاس!! فتحت شعرها وتركته يطيح عليها باهمال وانسيابية وحطت لها كم خصلة على جبينها...كانت ملامحها جميلة وهادية بدون أي مساحيق تجميل... ظلت تناظر بالاكياس المرمية تحتها واللي كانت كلها ثياب وعطورات وكريمات واكسسوارات جابهم لها نايف... شق دانت غريب ياولد التميمي!!!في شي فيك مو قادرة افهمه ابدا!!! في الصباح كسرت عظامي وبغيت تموتني لاني طلعت بدون شورك....واللحين جايب لي ثياب واشياء حلوة وكانك تراضيني فيهم!!! انت شسالفتك يانايف شسالفتك....لاوفيها السالفة عشى بعد!!!! من جد حيرتني معك ومو قادرة اعرف شلونا تعامل معك...... دخل بيناديها علشان تجي تتعشى معه..لقاها واقفة قدام المرايا وهي مغمضة عيونها وتفكيرها رايح لاابعد سما... كان يناظرها بالثوب اللي من كثر وسعه عليها كانت خيوطه طايحة على جنب باهمال وعاطيها جمال.... ظل واقف يتامل فيها...فيها شي ها البنت قاعد ياْثر فيه... مو قادر يتحمل يفارقها ابدا من اخذهاوكل مانوى يبتعد عنها اكثر واكثر لقاها تشده ناحيته بجمالها.....وعنادها!!! ماقدر يقاوم بعده عنها...تقرب منها بخفة وحوط خصرها بيدينه وفتحت عيونها بسرعة وشافت قدامها بالمرايا وهو حاضننها ... صبا بجفاء شديد/تبي شي؟ كان وده يذبحها بس مارد عليها ظل واقف مكانها ماتحرك... صبا قهر/عظامي كلها تعورني من طيحة اليوم فلو سمحت بعد شوي عني!!! بعفوية ابتعد عنها وهو يناظر بجسمها بخوف....معقولة تكون صدق متعورة وهو مايدري عنها!!!! انتبهت صبا لنظرات الخوف بعيونه وحست انه فيه شي تغير.... يوم لقاها تناظره انتبه على نفسه وقال لها بقوة/يالله لايبرد العشى؟ ,,,,,,,,,,,,,,,,,,,,,,,,,,,,,,,,,,,,,,,,,,,,, اصايل بخوف/ليش تسال؟ ضاري/مجرد فضول؟ لفت جهة تهاني وقالت/معي صديقتي.... ضاري/ماعندك اختبارات تذاكرين ولا انتي بالجامعة؟ اصايل باندفاع/ضاري انا احبك..... طاح كوب القهوة منه وحس بالارتباك... كانت نظراتها مو طبيعية ابدا بالنسبة لضاري ولو هو شخص ثاني كان شاف فيهم كل كره العالم بس كلمتها خلته يقراْ نظراتها على اللي سمعه منها... ضاري/ماتحسينها جراْة منك تقولينها؟ اصايل بتنهد/تعبت...تعبت وحبك مغلبني وانت صخر ماتحس!!! ضاري/من زمان انتي تعرفيني!! اصايل وهي تغمض عيونها/أي من زمان..... رنت كلمته في بالها ذيك اللحظة وثارت فيها كل شياطينها(بنتك ماتسوى تكون عندي خادمة!!!) مافتحت عيونها الا ودموعها سبقوها.. ضاري وهو يشوف دموعها/فيك شي.... اصايل/انت ماتحس لانك ماتحب!!!انا متحملة منك ومن حبك الويل ياضاري!!!فاهم يعني شنو الويل؟؟؟ ظل بمكانه متردد وكانه فقد بكلامها كل شخصيته وهيبته وحضوره... اصايل/انا بظل احبك لااخر نفس فيني!! ضاري/عندك وقت نتكلم..... اصايل/لا.... ضاري/لا.... اصايل/مقدر زوجة ابوي ماترضى اتاخر اذا طلعت وانا اصلا كنت راجعة البيت بس شفتك وماقدرت امشي بدون مااسمع صوتك... ضاري/طيب.....وفنا نكي على التلفون؟ اصايل بحزن/لاانا ماعندي تلفون خاص فيني وتلفون البيت مقدر اكلم منه لانها دايم تكون حاطة اذنها وتسمع... ضاري بضيق/كيف يعني؟ اصايل/............ ضاري/طيب فيني اشوفك بكرة؟ اصايل/وين؟ ضاري/باي مكان تختارينه؟ لفت اصايل لتهاني لانها تورطت وتبي المساعدة,,,,, ضاري بنرفزة/مني هاذي؟ اصايل/صديقتي...واللي اطلع معها دايم... جت تهاني عندها وجرتها من يدها وقالت /بكرة بنروح فينسيا مول بعد صلاة المغرب....... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , على طاولة الطعام كان الجو هادى جدا الا من صوت التلفزيون اللي شغله نايف يمكن علشان يكسر صمتهم.... كانت شاردة بافكارها لبعيد ورفعت راسها لقته يناظرها قالت باستعطاف/بكرة مافيني اروح الاختبا قاطعها بصرامة/قلت لك انسي شي اسمه مدرسة؟ تنهدت بقوة ومسحت دمعة بانت بطرف عينها.... كل اللي كانت تسويه انها تلعب بالملعقة..... نايف باحتقار/والله صد ق قوية باس!!!لك عين تسالين بعد اذا فيك تروحين لو لا؟ صبا ببراْة/انا ماسويت شي يانايف... نايف بصراخ/لاتقولين لي ماسويت شي؟؟؟؟ انكمشت على روحها من صوته العالي وقرب منها صحن المشاوي تاكل منه.. صبا/مااحب اللحم ولاالدجاج؟ نايف بنفس الاحتقار/صدق بنت فقر ومو متعودة على الاكل؟اكيد كل اللي تاكلينه بحياتك برتقال وتفاح وبطاطس مقلي!!! قامت بنرفزة وقالت بصراخ/لاتقعد تعايرني كل شوي بفقري!!انا ماضربتك على يدك وقلت لك تعال..... نايف/قعدي بس قعدي.... صبا بعناد/مو قاعدة ماابي شي بروح انام... نايف بصراخ زلزلها/قلت لك اقعدي.... قعدت بسرعة ودموعها متجمعة بعيونها... كمل بنفس صراخها/ثاني مرة ماتقومين من السفرة وانا بعدني جالس!!!!وماتتركيي اكل بروحي!!!وماترفعين صوتك لاني بمجرد اسمعه عالي بيجيك كف يسكتك.... مسكت الملعقة وقامت تاكل بالتبولة وهي مالها نفس بس لانها ماتبي ترفع راسها وتشوفه....بها اللحظات هي حاسة بكل ذل ومهانة منه.....كل شوي وقال لها بنت فقر....نزلت منها دمعة ماغابت عن نايف اللي تنهد بقوة ولام نفسه على تسرعه معها... قام من على السفرة وراح جلس قبال التلفزيون.. قامت وراه وجت بتدخل الغرفة.. نايف/وين؟ وقفت مكانها ومالفت له/بروح انام؟ نايف/انتي ماتسمعين الكلام؟توني اقولك اذا انا جالس ماتقومين..... رجعت بتجلس وناداها تجلس جنبه...... تقربت منه بتجلس ومسكها من يدها وخلاها بحضنه... حست بالارتعاش منه ... حركاته وتصرفاته يخلونها تموت من الخوف.. نايف وهو يغير بالقنوات/وش تبين نشوف؟ قالها بهدوء وهو يناظر بالتلفزيون... ضحكت ضحكة شماتة واحتقار..... لف لها نايف..../خير في شي يضحكك؟ صبا بعناد/اقول نايف التلفزيون مو مشمول عندك ضمن انواع الترفيه بسجني الانفرادي هذا!!!اشوفك تاركه لي وماشلته؟ نايف/مو راد عليك... صبا /لاتكفى رد علي لانك لو مارديت بقعد اترجاك لين الصبح؟عمرك مارديت وانا بموت يعني لو مارديت علي؟ جاها كف على خدها وهي بحضنه سكتها مرة وحدة.... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, في السيارة.... تهاني/علامك قلبتي مرة وحدة وقمتي تبكين؟ اصايل وهي تمسح دموعها/انا مااسوى عنده خدامة!!!بيشوف لكن اذا ماخليته مايسوى عندي سايق؟؟؟ تهاني بمؤاساة/اصايل خلاص حبيبتي انسي السالفة ليش تتركينها تاْثر عليك؟ اصايل/والله لاادفعه ثمنها غالي!!!على باله الناس ماتحس ولاتنجرح من كلامه؟؟؟ تهاني/والله انا اللي اشوفه انك قربتي توصلني له...بس ليش ماكنتي تبين تسولفين معه اليوم وكذبتي عليه؟ اصايل/مدري حسيتا ني لو وقفت قباله دقيقة بطلع كل اللي بقلبي....ابي اجيه وانا رايقة والعب عليه عدل مو كذا!!! تهاني/................ اصايل بتوعد/الوعد بكرة ياضاري.....بنشوف ياولد عمي بنشوف منهو اللي بيركض يبي ود الثاني ؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,, يتبع التعديل الأخير تم بواسطة taman ; 08-11-10 الساعة 09:45 PM | ||||
08-11-10, 09:37 PM | #24 | ||||
نجم روايتي
| اصايل/بنشوف من يركض ورى الثاني يبي وده ياضاري؟ تهاني/انتي وش هدفك بالضبط يااصايل ؟ تنهدت بقوة ومسحت اخر دمعة كانت عالقة فيها وقالت/تصدقين مدري...كل اللي مر على بالي اني اعلقه فيني لو قدرت...بس بعدها ما فكرت وش اللي ممكن اسويه... تهاني/................. اصايل/كل اللي اعرفه اني ابي اهينه مثل مااهاني واذله باي كلمة ولا حركة... تهاني/خلاص روقي بقولك خبر حلو... اصايل/شنو؟ تهاني/لا تروقي بالاول؟ اصايل/خلاص رقت قولي.... تهاني/احم احم احم....انا بنام عندكم الليلة؟ اصايل/مالت على ها الخبر الشين!!!! تهاني/اووووف كذا تجرحين مشاعري بدون اهتمام!!! اصايل/هههههههههههههه يالله قومي بس وصلنا خل نشوف اخبار ليالي من فراقنا..... ,,,,,,,,,,,,,,,,,,,,,,,,,,,,,,,,,,,,,,,,,,,,,,, عطاها كف وهي بحضنه وياليته ماعطاها وهذا هو احساسه بالذنب معها...دايم يجي متاْخر ويندمه على اللي سواه بعد مايفوت الوقت...... قامت عنه بكل عصبية ويدها على خدها وهي تحاول تمسك نفسها لاتبكي قدامه.. مسك معصمها قبل لاتمشي وقال بكل برود مغاير لمشاعره اللي متاْججة بذيك اللحظات/على وين ان شاءالله؟؟ صبا بكل حرقة/على جهنم الحمرة انت وش لك فيني!!! نايف/صوتك شوي عالي....لاتخليني اعطيك كف ثاني ياْدبك؟ صبا وهي محترقة/يالله كفحني مثل ماتبي اذا كان هذا اللي تبيه!!!!يالله هذا انا واقفة قدامك ... نايف بصراخ/قلت لك قصري لسانك لابقصه لك سمعتيني ولالا؟ صبا بصراخ/لاماسمعتك ولاابي اسمعك بعد زين؟؟؟؟طلقني اذا انت رجال وكلمتك كلمة رجال طلقني!!!!! جرها من شعرها ورماها بحضنه وقال لها وهو يحضنها بالقوة/موتي بنارك مو مطلقك يابنت الفقر؟؟ صارت تضربه بيدها على صدره وهي تبكي /انا اكرهك يانايف اكرهك....عمري ماكرهت احد بالعالم بس انت جابرني على كرهك؟ نايف بهدوء/اكرهيني مثل ماتبين وحطي في بالك ان ها الكره متبادل بينا لاني مااطيق اسمع صوتك حتى!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, رانيا بخوف/انتي تنتظرين احد ياليالي؟ ليالي/لا...بس هاذي اكيد اصايل رجعت لانها قالت مابتتاْخر؟ را نيا/ليش هي وين رايحة بروحها؟ ليالي/لاهي مو بروحها هي مع تهاني بنت عمتي..... قامت تفتح الباب ودخلوا تهاني واصايل بصوتهم العالي.. تهاني/اكيد اشتقتي لنا.. اصايل/لي مو لك ؟كلا عارف قيمة نفسه وقدرها.... وصلوا للصالة وسكتوا ثنتينهم يوم شافوا رانيا واصايل لفت على ليالي بسرعة ,,, تهاني بتفاجىْء/رانيا!!! رانيا/ماوراك اختبارات؟ولاناوية تعيدين السنة؟؟؟خبري اللي بثالث ثانوي مايرفعون راسهم من الكتب؟ تهاني بتطنيش/خلصت مذاكرتي وحسيت بخنقة اخذت اصايل وطلعنا نغير جو..... رانيا رفعت راسها لااصايل اللي كانت تناظرها من بعيد لبعيد...... رانيا وهي مبتسمة/اهلا...... اكتفت اصايل بانها تناظرها من فوقها لتحتها وتدخل الغرفة الثانية بدون ماترد عليها وتهاني وليالي يناظرون في بعض.... رانيا/عادي....بعد اللي صار انا مو متوقعة منها سلام حار اكيد؟؟؟ ليالي بخجل وتردد/لامو كذا السالفة..... رانيا شالت شنطتها/انا ماشية بمرك بوقت ثاني.....قلتيلي هذا جوالك صح؟ ليالي/أي..... رانيا/خلاص بيكون بينا اتصال اجل.....مع السلامة... ليالي/بعدها وقت.... رانيا/لاماعليه مبين اصايل متضايقة روحي شوفيها انا بمرك بوقت ثاني...... تهاني/سلمي على التؤام؟ رانيا/يوصل...تصبحون على خير...... بعد ماطلعت... ليالي بنرفزة/شفيها هاذي؟ تهاني وهي تشيل عبايتها/لاتلومينها توها شايفة ضاري وماْثرة شوفته عليها بالمرة!!! ليالي/وين شافته؟ تهاني/عطيني شي اشربه علشان اقولك لي صار.. ليالي/وانا اشتغل عندك ان شاءالله!!!قومي شربي بنفسك وتعالي سولفي؟؟ تهاني/انتي واختك ناكرين جميل ومعروف ونعمة؟ ليالي/باقي بعد من الشباب اللي تعرفينهم ماقلتي اسمه!! تهاني/هههههههههههههه عجبتني صراحة؟ وقفت ليالي/اقوم اشوف اختي ابرك لي من مقابلك ياحظي؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, ماصدقت على الله يجيه تلفون علشان تتحرر من حضنه وتقوم ,,, ركضت للحمام وفتحت الدوش وقعدت تحته.... كانت تبكي وتبكي وتبكي بكل قهر...وتلعن الحظ اللي رماها تحت رجله....انسان ماعنده ضمير,,,انسان عنده انفصام بالشخصية,,,,انسان متجرد من معنى الانسانية ان صح لها التعبير!!! ماتدري ليش تتنفس بحريتها بعيد عنه.....وكل ماتحاول تربط بين تصرفاته تفشل,,,,, الشي الوحيد اللي هي تاْكدت منه انه عنده حالتين منفصلتين طول ماهو قاعد معها..... حالة كره واستعباد للوقت العادي...وحالة شفافية زصدق بالمشاعر بالحالات الخاصة!!! الحالات الخاصة.....فكري فيها ياصبا....نايف بذيك اللحظات يكون انسان ثاني معك ليش ماتستغلينه لصالحك!!!!! قطع عليها تفكيرها صوت الماي اللي وقف فجاْة وفتحت عيونها اللي كانت مغمضتها ولقته واقف بطوله قدامها وماد يده بالمنشفة لها ويقول لها بلوم/انتي طفلة انتي!!!!ليش تسوين ها الحركات...علشان تمرضين؟ صبا لزقت مكانها وقالت بعناد/مالك شغل فيني!!!! نايف بامر/قومي....مو زين الوقت خريف وقعدتك تحت الماي كذا تضرك ماتنفعك؟ صبا بنفس العناد/بكيفي.....خلني امرض...انا ابي امرض علشان ارتاح وترتاح مني!!!! نايف باندفاع/ومن قال اني برتاح اذا مرضتي عاد ياصبا!!!! رفعت راسها تناظره باستفهام عن كلمته وتلاحق نفسه وقال/يعني انا حاط في بالي امرضك واموتك بطريقة ثانية مو كذا!!! تنهدت بقوة وغمضت عيونها من جديد.....شي فيه ماهي قادرة تحدده بالضبط؟واي كلمة من اللي قالهم هي الصادقة؟ نايف/يالله قومي... صبا بانكسار/ابي اروح بكرة احضر الاختبار.... نايف/أي على عيني..... صبا وقفت وقالت بفرح/صدق!!!! مسك يدها بدون مايرد عليها وقومها من البانيو ويوم وصلت لحضنه ابتسم بخبث وقال لها/بحلمتك الليلة خلصي كل اختباراتك لانك ماراح تشوفين شي من ريحة المدرسة بعد!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,, ريم/شفيكم؟ ضاري/............. رانيا................... ريم/عسى ماشر كل واحد سرحان بدنيا..... كان ضاري شارد بفكره بعيد ورانيا بعد بس النقطة اللي جامعتهم اثنينهم بدون مايدرون اصايل....!!! رانيا كانت تفكر فيها...شافتها كذا بالسريع وحستها جذابة,,بمعنى اخر فيها لمحات جمالية ماتصورتها ولاحطتها في بالها اصلا!!!! بس طبعها اكيد غير عن طبع ليالي ومبين انها مو سهلة....لانها مافكرت اصلا توقف ترد السلام!!!! انا شايفتها بس وين...تذكري يارانيا تذكري...... أي بس هي نفسها اللي كانت واقفة مع عمتي ام احمد قبل ليلتين عند ملحق جدي؟؟؟؟؟ ضاري بعد كان فكره مشغول فيها وفي اللي بتقوله بكرة واللي هو بيقوله,,,,,جريئة ها البنت....فيها شي غير عن البنات اللي تعود يشوفهم بالاسواق والمجمعات والشوارع...جرئتها نابعة من حرقة,,,,قالت كلمة احبك بطريقة اثرت فيه شلون مايدري!!! كل اللي يعرفه انه ارتبك يوم سمعها تقولها...... تنهد بقوة وهو يتذكرها....مايدري ليش فيه رغبة قوية تلح بداخله انه يشوفها مرة ثانية.... معقولة ها البنت تحبني من زمان مثل ماقالت!!!! وهل يعقل ياضاري انك انت بعد تبادلها مشاعرها وتحبها بيوم من الايام؟؟؟؟؟ هل يعقل ياضاري انك تنسحر وتنجذب لدانة وتميل صوبها؟ وهل دانة بتكون هي البنت اللي انت ناوي تعيش معها قصة حب عاطفية قبل الزواج وتكملون بعدها حياتكم ,,, اترك كل شي للايام ياضاري ولاتستعجل بالتفكير في أي شي,,,,, ريم/ياساتر عليكم,,,,انا ادفع نص عمري علشان اعرف ضاري باشا ورانيا هانم بشنو يفكرون وسرحانين؟ تنهد ضاري ومارد عليها...اما رانيا قالت بتمتمة/ولاشي ,,,,, ريم/انتوا شايفين اشكالكم كيف صايرة علشان تقولون ولاشي؟ ضاري قام عنهم بدون أي كلمة ونظراتهم تشيعه.... رانيا باهتمام/اول مرة اشوف صافن بها الطريقة؟؟؟تتوقعين شفيه؟؟؟ ريم/قبل لاارد عليك عن ضاري خلني اسالك انتي شفيك؟ رانيا/.................... ريم/ماعدت الجلسة على خير؟؟؟ رانيا بتنهيدة/مين تتوقعين شفت اليوم؟ ريم بخوف/احد شاك من بيت عمي!!! رانيا/لالا....شفت اصايل ياريم؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, كانت قاعدة على الارض بالغرفة الخالية من كل شي الامنها وجلست ليالي جنبها.... ليالي/اصايل..شفيك ياقلبي؟ اصايل بتنهيدة/شتبي جاية هاذي هنا؟ ليالي/اولا هاذي بنت عمنا...ثانيا احنا ماشفنا منها أي مضرة بعد ليش متضايقة من وجودها؟ اصايل بانفعال/كلهم ماشفا منهم أي مضرة تدرين ليش؟؟؟لان مابعد صار الوقت اللي يطلعون الشي اللي بداخلهم علنا!!! ليالي/انتي ليش كارهة الكل؟ اصايل/لان الكل كارهنا..... ليالي/.............................. اصايل/............................. ليالي/تكلمتوا مع بعض؟ اصايل بتنهيدة/أي...... ليالي/ناوية تكملين ها ا لمسرحية يااصايل ؟طيب لمتى؟واذا عرفك منهو انتي مافكرتي شراح يصير ولا ردة فعل ابوي شبتكون؟ اصايل/مو ناوية اعرف بنفسي بالوقت الحالي.... ليالي/خير ان شاءالله شكلك ناوية تطولين وتعرضين بالسالفة معه؟ اصايل/لين افكر كيف ارد له اهانته وهو بالقمة ياليالي؟ ليالي/بعدي عنه يااصايل خله يولي...... اصايل بعناد/مو قبل مااذله ياليالي مثل ماذلني واحتقرني,,,,, ليالي تنهدت بقوة/قومي خل نطلع تهانيوا بروحها بالصالة.... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , اليوم الثاني,,,,, في الشركة اللي يشتغلون فيها جاسر وضاري.... جاسر/خير ان شاءالله...السرحان ماخذ حيفه فيك؟ ضاري بتنهيدة/شخبار جنيتك؟ جاسر بفرحّ/ليش ماقلت لك.... ضاري/شفتها؟ جاسر/طلعت بنت خالتي.... ضاري/صدق!!!واحد مايدري منهم بنات خالته ياحظي!!! جاسر/خبرك فيني مااشوفهم بالمرة بس اللحين بقعدتهم عندنا بالبيت بتنفتح لي كل الابواب وبتتسهل... ضاري/يعني حكيتوا مع بعض؟ جاسر/لا لسه... ضاري/ومتى ان شاءالله ناوي تحكي معها.... جاسر/ابي اشوف فرصة مناسبة وادخل منها.... ضاري/ترى مثل ها الفرصة ماراح تكرر مرة ثانية يعني يبيلك تستغل قعدتها معك بالبيت لانها اذا راحت صعب تتكلمون بحريتكم لانها مو شرط تكون فاتحة لك المجال!! جاسر/عارف ياضاري....بس انا متوهق مدري شلون حاس بالارتباك لاتنسى ان امها واختها الثانية موجودين واحس اني بحضرتها بنسى كل العالم حواليني,,,,, ضاري/..................... جاسر/انتش فيك حاسك مو على بعضك؟ ضاري/البارحة صادفت دانة على الكورنيش؟ جاسر/المجنونة ماغيرها؟؟ ضاري/هي من ناحية مجنونة فهي فعلا مجنونة تصور البارحة من شافتني قالت لي احبك!!!قالتها بكل حرقة ونار في صدرها..... جاسر/................. ضاري/شي بداخلي تغير يوم سمع ها الكلمة منها ليش مدري؟رغم اني التقيتها قبل بس البارحة حسيت اندفاع مشاعرها يطلع من قلبها ويوصل قلبي بدون حواجز,,,,شي غريب سرى فيني مو قادر اشوف له أي تفسير.... جاسر/وغير احبك وش قالت؟ ضاري/ولاشي!! جاسر/هي جاية تقولك احبك وتمشي بس!!!! ضاري/كانت متاخرة على البيت وماتبي تطول معي كثير وقالت انها اليوم بتروح فينسيا مول..... جاسر/وطبعا انت بتروح تشوفها؟ ضاري/في حكي لازم اسمعه منها ولازم هي تسمعه مني؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, اصعب شي الشعور بالوحدة والغربة والعيش مابينهما.. ها الشي هو اللي كانت صبا متعذبة منه.... كانت جالسة بنص الفراش وهي تناظر بالغرفة من حولها..... شقة ماْثثة من افخم مايكون وعلى اروع الديكورات كل اللي تبيه موجود وكل اللي كانت تحلم فيه كاهو متحقق لها,,,, شي واحد بس كان ناقصها....الونيس اللي يرد عليها الصوت!!!!! بها اللحظة بس تمنت انها تعيش على حصير بالشارع وتتنفس مع باقي الناس وتشوفهم بدون أي تعقيد ولاانها تقعد بها المكان الفخم وبروحها!!!! حتى نايف ماتشوفه غير اخر الليل اذا خلص من كل اشغاله ... طول يومها جالسة بروحها لين حست انها بلحظة من الللحظات بتكلم الجدران من الجنون اللي قرب يصيبها!!!! اه منك يانايف اه,,,واه منك يازيد ..انت اللي رميت اختك ها الرمية ومااهتميت.....باهمالك وطمعك وعماك عن الحلال والحرام!!! محد دفع الثمن بينكم غيري وانا اللي كنت معترضة عليكم وعلى اللي تسوونه بس شقول ياربي....اذا انت كاتب لي ها النصيب مقدر اعترض بس خفف عني ياربي لاني بموت..... ناظرت بالساعة اللي قبالها وهي تعد الوقت للبات اللحين اكيد دخلوا يمتحنون الفترة الثانية!!! مسحت دموعها وكتمت شهقتها وحطت راسها تحت المخدة علشان تتجاهل وضعها...حتى الاختبارات ياصبا انحرمتي منها لانك فضلتي تشوفين امك وتتطمنين عليها!!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, ليالي/طبعا انتي اللي مكلمة عبير؟ اصايل/أي.... ليالي/ليش يااصايل انتي معها تكفون انا اروح شسوي؟ اصايل/وانا اروح شسوي!!!!حالي من حالك وعبير ماهي راضية تروح بروحها تقول الذهب لكم وووقت بيعه انتوا لازم تكونون موجودين...فاذا انتي مارحتي انا مو رايحة؟ ليالي/............ اصايل/هي اللي كانت داقة صح؟ ليالي/أي.....قالت انها بتكلم جاسر تاخذ لي اذن علشان اطلع معها اليوم... اصايل/حلو....يعني انتي برى السالفة ليش مضايقة حالك مو انتي اللي بتتنزلين له وبتكلمينه؟ ليالي بتردد/واذا مارضى؟؟؟ اصايل بعصبية/كيفه هو مايرضى بعد!!! ليالي/انا اقول لو....... اصايل/طنشيه... ليالي بتعجب/كيف اطنشه وهو ولي امري!!! اصايل بنفس الاسلوب/ولي امر على الورق وبس!!!!بالحياة ماله عليك أي حقوق ياليالي,؟؟ ليالي بتنهيدة/قومي لبسي عبايتك... اصايل/وين؟ ليالي/بنسير على جدي اليوم هنا ماهو في بيت عمي.... اصايل/مو رايحة له ؟؟؟علشان اغث حالي بس!!! ليالي/عن العناد ويالله قومي؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , شمايل/عيدي عيدي وش قلتي!!! حنان بنت خالتها/اللي سمعتيه..... شمايل/لاتضحكيني؟ ريم بتاْييد/أي والله خوش فكرة,,,, شمايل باشمئزاز/وش تبون تسوون فيها عاد؟ حنان/نغير جو ونتشمت فيها براحتنا.....هتون وش رايك انتي؟ هتون/................... ريم/وينك انتي غرقانة بها السرحان نكلمك احنا؟ هتون/...................... ريم دفتها بيدها وانتبهت من سرحانها... هتون/ها...وش صاير؟ حنان/اللي ماخذ العقل يتهنى فيه؟ هتون بكبرياء/شرد فكري بسالفة قايل لي عنها جاسر امس.....ماعلينا شكنتوا تقولون؟ شمايل/حضراتهم يبون يشوفون ليالي بنت عمك وحرم اخوك المصون؟ هتون/وش تبون فيها؟ حنان/نبي نسخر عليها براحتنت ونغير جو ههههههه ريم/مو تقولون قروية ومتخلفة...بدل محنا قاعدين فاضيين نقلبها لنا سالفة,,,,, هتون/.................... شمايل/خلوها لليل افضل لان اللحين يمكن وحدة من عماتي تمر عليها ولاشي...بس الليل امان ماكو احد؟ حنان/الخوف انها تنام بدري ومانلحق عليها!!! شمايل/نسهرها علشانا وش فيها يعني!!! ريم وحنان/هههههههههههههههههه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , في ملحق الجد..... دقوا الباب ويوم جاهم صوته الصارم يسال منو دخلوا.... ظل يناظرهم وهم عند الباب ينتظرون اذن الدخول منه.... ابو عبدالرحمان وهو يناظرهم/خير في شي؟ ليالي بعد صمت/سلامتك...بس قلنا نمرك نتطمن عليك؟ ابوعبدالرحمان بصرامة/وبموت انا اذا ماتطمنتوا عليّ!!! ليالي/......................... اصايل/ليش حرام نمرك ونسال عنك وعن احوالك؟ ليالي دفتها بيدها علشان تسكت والجد يناظرها..... ابوعبدالرحمان/وش عليه انتي طولان لسانك ماتقولين لي!!!! اصايل/لساني مو طويل؟ ليالي/اصايل ووجع.... اصايل/وانا شقلت عاد!!! ابو عبدالرحمان/تبون شي؟ اصايل بنرفزة/امشي بس نروح وش اللي موقفنا كذا!!! طلعت وظلت ليالي تناظرها وهي منحرجة من جدها.. ابو عبدالرحمان/ماتروحين تلحقين اختك؟ ليالي بتبرير/هي بس....يعني ماتقصد شي؟ ابو عبدالرحمان/انا بنام شوي اللحين؟؟؟(يعني فهميها) ليالي باعتذار/انا اسفة عل الازعاج.....نوم العوافي ان شاءالله..... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, تهاني/مايسالون عني شسويت بالاختبار؟ اصايل /يكون يعني ينخاف عليك؟وبعدين تعالي اشوف رجلك اخذت على الجية هني كل يوم من بعد المدرسة؟ تهاني/يايبى بسوي لكم جو... اصايل/يعافيك انتي وجوك مع جدك؟ تهاني/زين لكن اللي توديك فينسيا مول الليلة تكملين مشوار الحب تطلع تهاني؟؟؟؟ ليالي دخلت وقفلت الباب وهي معصبة... ليالي/اصايل وش فيك انتي!!!! اصايل/مافيني شي...بس انتي مو شايفة انه مو متحملنه ابدا!!!! ليالي/ولو ما المفروض ابدا انك تطولين لسانك.... تهاني/صحيح انتي وياها وين كنتوا؟ ليالي/هلا تهاني كيفك؟شسويتي بالاختبار؟ تهاني/يابعدي انتي...عساك مو اللي في بالي!!! اصايل/لابموت علشان اكون مثل ماتبين؟ تهاني/وين كنتوا؟ ليالي بتنهيدة وهي تقعد بعد ماشالت عبايتها/عند جدي.... اصايل بعصبية/وياليت لو مارحنا!!هذا جدك مدري شعليه شايف حاله؟ تهاني/...................... ليالي/انا تعبت منك ومن طوالة لسانك؟يابنت تاْدبي هذا جدك؟ اصايل/لاماهو جدي ولاابيه يكون بعد!!!!اول مرة بحياتي اشوف جد مثل هذا؟؟توني اصادفه بحياتي ماشفته قبل وهو مو طايقني!!!!! تهاني/يعني جدي شوي عصبي بس تراه حبوب وطيوب... اصايل/واللي يعافيك انتي بعد محد طلب رايك؟ تهاني/انتي علامك اليوم شابة فيني نيرانك؟ اصايل/مافيني شي...... تهاني/طيب حاكيني عدل مثل الناس...... اصايل/انا هذا اسلوبي وغيره ماعندي عاجبك عاجبك مو عاجبك على كيفك؟انا قايمة اريح ولااحد يجيني لين تجي عمتي عبير؟ تهاني بهمهمة/بنموت عاد علشان نجيك؟ اصايل/قلتي شي؟ تهاني/سلامة عمرك بس كنت اسال ليالي وش طابخة ولابنطلب لنا من المطعم لاني جوعانة؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,, العصر في بيت بو جاسر..... ام عادل/حيا الله جاسر الغالي.... جاسر/الله يسلمك ياخالتي.... ام عادل/علامك يمه ماتنشاف ابدا!!! جاسر/موجود... ام عبادل/اخاف بس مضايقنك وجودنا هني انا وبناتي؟ جاسر/شدعوة ياخالتي البيت بيتك....والساعة المبارة اللي تكونين فيها انتي والبنات معنا؟ ام عادل/عساك سالم.....عاد البنات دايم يسالون عنك ويقولون شكلنا مضايقين جاسر ماصايرين نشوفه ابدا!!! جاسر/وش ها الكي ياخالتي عاد!!!بيتهم وهم الداخلين وانا الطالع.....مشاءالله عليهم نسايم مالهم صوت ابدا!!! ام عادل/أي بعد تعرفهم بنات خالتك من صغرهم وهم يستحون.... جاسر/ياليت كل البنات مثلهم...الله يخليهم لك ياخالتي.... ام عادل/اقول جاسر يمه...لايكون انتب تقعد بدون عرس علشان ها القروية اللي تزوجتها؟ جاسر/وش ها الحكي اللي ينرفز بس ياخالتي!!!مين قال عاد!!! ام عاد/أي ااف انك حاط ببالك ها الشي...ترى محد يدري عن زواجكم ابد...والبنات كلهم حولك من يمين ومن شمال ويبون بس تتعطف عليهم يايمه... ابتسم لها جاسر/قريب ياخالتي بتسمعين اخبار تفرحك ان شاءالله.... ,,,,,,,,,,,,,,,,,,,,,,,,,,,,,,,,,,,,,,,,,,,,, ام زيد/يمه طلبتك لاتقول لا.. زيد بنرفزة/يمه اذا السالفة فيها صبا شيليها من بالك؟ ام زيد/يايمة ابي اتطمن عليها مايصير... زيد/انتي ماشفتيه شلون قلب على راسي الدنيا يوم تجي عندك؟فكيني واللي يعافيك ماابي مشاكل معه...هو مايبيها تشوفنا ولاتحاكينا خلاص.... ام زيد/لامو خلاص...انا ابي اشوف بنتي وها الشي من حقي,,,,يمه اختك ماهي مرتاحة والله العالم وش قاعد يسوي فيها؟ زيد/والحل يعني وش تبيني اسوي؟ ام زيد/يايخلينا نشوف بنتنا ونكلمها لابنشكيه الشرطة؟ زيد/أي عدل وقلبيه عليّ والسالفة تطيح فوق راسي انا وهو يطلع منها وانرمى بالسجن؟؟؟ ام زيد بلعت حسرتها وسكتت.... زيد/يمه قلت لك صبا مافيها شي....خلاص صدقيني... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, عبير/اخوك هني؟ ثامر/أي.....دخلي عمتي... عبير/لابس قوله عمتي عبر تبيك بسالفة دقيت له وجهازه مغلق .. ثامر/بتظلين واقفة دخلي.. عبير/لاماعليه ثامر انا مستعجلة وابيه ضروري.. ثامر/هو انا عارف انك ماتبين تشوفين خالتي وبناتها بس ماعليه بروح اناديه ل؟ عبير/وبدون ماتسوي دعاية لو سمحت؟؟ ثامر/طيب..... كانت ليالي ها اللحظات واقفة عند باب الملحق مع تهاني واصايل سبقتهم السيارة مع روعة.... ليالي/حبيبتي ماعليه مو مطولين ان شاءالله.. تهاني/لالالازعلانة لانكم مااخذتوني معكم!!! ليالي/ههههه ياحليلك توك قدام عمتي عبير مو قادرة ترفعين راسك من على الكتاب واللحين تبين تجين معنا!! تهاني/المهم تمرون على أي شي يناكل ولاينشرب تذكريني...هاذي وصيتي لك ياليالي.... ليالي/ههههه من عيوني.... تهاني/واختك حسابها بعدين...الوعد اذا بغت تروح فينسيا؟ ليالي/حرام عليك تراها طيوبة بس شوية عصبية...تلاقينها نست السالفة بكبرها اللحين؟ تهاني/واللي يعافيك ياربي انتي لاتتكلمين عن الطيبة لانها ماتلوق لك ولاتعرفين عنها شي!!!!قالت اصايلوا طيبة؟؟؟؟قولي نسرة قولي ذيبة قولي مفترسة بس لاتقولين طيوبة؟هاذي محد يعرف لها غيري؟؟ ليالي/انتي بعد خفي عنها شوي... تهاني/لامو خافة عنها خلها مثل ماتسوي لي بسوي لها.... ليالي/سكري بس الباب تلاقي اللحين عبير بالسيارة وانا واقفة اسولف معك....يالله اشوفك بعدين,,,, تهاني/بايات.... طلعت من باب الملحق ووقفت مكانها يوم سمعت صوت جاسر.... لاشعوريا غطت وجهها بسرعة ورفعت راسها كان واقف مع عبير ومبين ان بينهم مشاداة كلامية وقررت ترجع الملحق لانها مايصير تروح السيارة وهي مابعد اخذت موافقته..... وهي راجعة تدق الباب وقفت مكانها تسمع كلام عبير اللي كانت معصبة.. عبير/جاسر هاذي المرة الاخيرة اللي اقولك فيها حسن ملافظك فيها...اللي مو عاجبتك بنت اخوي وبتظل بنت اخوي واحطها على راسي من فوق؟؟ جاسر بشماتة/انتي ماتشمئزين اذا طلعتي مع وحدة مثل هاذي..... عبير بعصبية/كان لاتزوجتها وعلقتها بها الطريقة الحقيرة؟ جاسر/ومن قال لك اني ابيها عاد!!!!هذا الوالد اجبرني اوقع على ها الورقة وانساها نهائيا!!! عبير/انت كيف تقولها بدون مايتاْثر فيك شي ياجاسر؟ جاسر/عمتي خلنا نكون صريحين وواضحين مع بعض انا ماابيها وانتوا تدرون اني ماابيها ليش بعد لازم ابين العكس؟؟؟؟وبعدين انا بتزوج قريب..... رجعت من جديد لملحقها ولاسجنها ولا وش مايكون وسط استغراب تهاني اللي قالت لها اذا جت عبير تسال عنها انها تعبانة وماتقدر تطلع بتدخل تنام علشان ترتاح وهم بيقومون بالسالفة بدونها...... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,متعب/ابي اتشرى من السوق... محمد/وش تبي تاخذ؟ متعب/مدري وش ممكن الواحد يشتري لبنات بالعشرين؟ محمد/امممم... البنات كل شي طبعا تشتري لهم وانت ساكت؟ متعب/هههههههههه محمد/مين..خواتك؟ متعب/اكثر من خواتي والله يامحمد....هذولا بنات اختي الله يرحمها... محمد/الله يرحمها... متعب/من وعيت على الدنيا ماشفت غيرهم وغير امهم وتربيت معهم بنفس البيت....لين صارت ظروف وماتت اختي واضطريت اطلع من البيت... محمد/واللحين هم بالشرقية؟ متعب/وحدة منهم تزوجت ولد عمها واختها قاعدة معها ها الاجازة وماابي اروح لهم ويدي فاضية....ابي ابتدي معهم حياة جديدة واعوضهم عن كل شي فقدوه بغيابي ومالقوه بحضور ابوهم؟ محمد/طيب هم وش يحبون... متعب/هم كل شي بيرضيهم....عاشو بقرية بحياة بسيطة جدا رغم عز ابوهم.... محمد/اممممم متعب/ابي اللحين اعوضهم عن غيابي... محمد/يعني علشانهم تبي ترجع الشرقية من جديد؟ متعب/أي...ابي اكون قريب منهم....ابي اكون بوسطهم من جديد ونرجع نعيش مع بعض؟ محمد/أي بس مو تقول ان وحدة منهم تزوجت ولد عمها؟ متعب تنهد/تزوجته على الورق بس!!! محمد/شلون يعني؟؟؟ متعب/سالفة طويلة....لك خلق تسمع..... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ام ضاري/عين الله تحرسك ان شاءالله... ضاري وهو يشيل القميص اللي عليه ويلبس واحد ثاني/أي احلى الازرق ولا الابيض؟ ام ضاري/يمه انت وش ماتلبس قمر,,,انت اللي تحلي اللبس مو هو يحليك؟ ضاري/أي بس ابيك تقولين الصدق... ام ضاري/وانا وش قاعدة اقول عاد يايمه,,,,انت كل شي تلبسه تقط الطير من السما؟ ضاري/وش رايك البس الثوب افضل؟ ام ضاري/انت وين رايح؟ ضاري/بشوف الربع يعني وين بروح؟ ام ضاري/وليش هالك نفسك كذا ومحتار؟ ضاري/يمه ماتعرفيني بعد!!!انا ماحب اطلع وشكلي مبهدل؟؟؟ ام ضاري/عيوني عليك باردة يالغالي انت ماتطلع مبهدل ابدا قمر عسى ربي يحفظك؟ ضاري/تسلمين يالغالية.... رانيا دخلت/اقدر ادخل؟ ام ضاري/وتكونين تستاْذنين ياحظي!!!منتي دخلتي وانتهيتي؟؟؟ رانيا/ول؟؟؟انتي ليش ماتطيقيني؟ ام ضاري/بذمتك في ام ماتطيق بنتها ياحسرة؟ رانيا/انا ادري عنك ؟؟دايم مايعجبك الحكي اللي اقوله ولاالشي اللي اسويه؟ ضاري بنرفزة/اذا بيعلى صوتكم دوروا لكم مكان ثاني غير غرفتي لاني مو رايق وذهني مشوش ومو فاضي لسوالفكم؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,, في السيارة.... اصايل/شلي صار ياعبير؟ عبير بهدوء/مدري.. اصايل/ليش ماجت ليالي معك؟ تنهدت عبير وقلت/مدري..... اصايل/أي بس انا مو مصدقة انك ماتدرين؟ عبير/................ اصايل/مارضى تجي معنا؟يامسخفه؟؟؟ عبير/ياليته مارضى.... اصايل/شلون يعني.... عبير بحزن/ليالي سمعت كلام جارح من جاسر ماتمنيتها سمعته؟ اصايل بعصبية/شقال لها الحقير؟؟؟ عبير/................... اصايل/اصلا كيف يتجراْويكلمها بكلام يجرحها....وانتي كيف تسكتين له ياعبير؟ تنهدت عبير/انا ماقلت انه كلمها مباشرة... اصايل/كيف يعني؟ عبير/كان يتكلم معي وهي كانت طالعة وسمعتنا وبعدها رجعت الملحق وقفلت عليها غرفتها وقالت لتهاني تقولي انها تعبانة وموجاية.... اصايل/وانتي شفتيها واقفة وخليتيه يكمل كلامه... عبير/انا ماشفتها ولاادري عنها بعد!!بس تهاني قالت لي والواضح انها سمعت كلامنا وهي طالعة تشوفني...حاولت اكلمها بس مافي أي فايدة قافلة على روحها الباب.. اصايل بنرفزة/معناته تبكي!!!!عسى الله ياخذك انت ياجاسر وولد مك ضاري بيوم واحد ان شاءالله؟؟؟ عبير/؟؟؟؟؟؟؟؟؟؟؟؟؟؟؟؟؟ .,,,,,,,,,,,,,,,,,,,,,,,,,,,,,,,,,,,,,,,,,,,,, وحدها كنت قافلة عليها غرفتها ومحاولة تخفي المها عن اللي حوالينها,,,, أي ذل هذا اللي تعيشينه ياليالي بها البيت ومع ها الزوج؟؟؟؟ ليش تعاملني كذا ياجاسر بس!!! انا ماعمري اذيتك ليش تاْذيني بس وتحتقرني بها الطريقة؟؟؟ حتى ظلي مايطلع برى البيت بدون مااحاول اخذ شورك...وانت مخليني بعيون الكل شي حقير ومشمئز وماينطاق!!! شلون بس اقدر اواجه عبير والباقي بس!!! ولمتى بيظل الوضع كذا ياربي لمتى!!!! شي غريب محيرني فيك ياجاسر....كلامك شي جارح وقاسي ولايمكن لبشر يتحمله وانت تقوله بدون ادنى اهتمام لمشاعري لو سمعت وبنفس ا لوقت نظراتك يوم التقينا فيها وميض غريب....فيها شي ابعد مايكون عن لسانك السليط هذا!!! بس ليش هناك اختلاف بين نظراتك وكلامك مدري؟؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,, بعد صلاة المغرب.... رجع الشقة,,, ماقدر يقاوم رغبته اكثر في انه يشوفها لانه مفارقها من الصباح يوم يطلع وكانت هي بسابع نومة وماحب يصحيها.. بس لهنا واشواقه ماهي قادرة تهداْ لازم يروح يشوف قمره اليوم ويشبع منها لانه الليل بينتهي بسرعة!!! كان الهدوء سايد الشقة بكاملها ومحولها لبيت اشباح لاسيما ان حتى الانوار كلها مطفية!!! تنهد وحس بداية مو مريحة ابدا,,,,شغل الانوار ولفت عيونه بالصالة وماكان لها أي اثر,,,, طل بعيونه على المطبخ وماكانت هناك اكيد,,,,ويوم فتح انوار غرفة النوم كانت صبا راقدة بسابع نومة,,, ارتاح وتضايق بنفس الوقت,,, ارتاح لانها نايمة وموجودة ....وتضايق لان عندها اليوم بطوله ومادورت تنام الا بحضرته ووقت اللي هي عارفة انه بيكون موجود!!! تنهد بحرقة يوم جاه احساس ان الحركة عناد منها ليس الا!!! قسى صوته وهو يصحيها من نومتها.. نايف بخشونة/صبا...صبا....اصحي علامك نايمة,,,,صبا,,,قومي يالله خل عنك النوم؟ صبا بثقل ونعس/نعسانة ابي انام... جرها من يدها بيقومها وقال بنفس اللهجة/عندك النهار بطوله نامي فيه ولاالسالفة عناد يوم جيت انا نمتي!!! صبا لفت للجهة الثانية وماردت عليه وسحبها بقوة وقامت وهي تتاْفف.. نايف وهو يناظرها بعد ماوقفت وقال بعصبية/انتي وش سالفتك مع العناد.....يعني امس بس جايب لك ثياب تلبسينهم تقومين تلبسين لي ها البيجاما اللي عفنت!! صبا وهي متخصرة قالت بعصبية/والله عاد ثيابك ماريحتني ولاناسبتني!!!وبيجامتي المفنة بنظرك تسوى الشي اللي جبته عندي!!! نايف بتحذير/انا مو قايل لك لسانك لايطول؟؟؟؟ولاماتسمعين الكلمة من مرة؟ صبا/............... نايف/روحي بدلي يالله....ماابي اقابلك بها الزبالة مرة ثانية وذكريني ارميهم بعد ماتشيليهم...مدري لمنو جايب انا الثياب البارحة؟ بنرفزة قالت/كلهم كبار عليّ!!! نايف/وانا وش عرفني انك ماتلبسين مقاسات نسائية وماتشترين الا من اماكن الاطفال بالله!!! صبا/انت تتظريف ولاتسخر؟؟؟ نايف وهو يشوف لمعة العصبية بعيونها قال وهو يكمل رواقنه/الاثنين,,,,, صبا/................... نايف وقف وصار مقابلها/مرة ثانية ماتنامين الليل يا.....صبا هانم سامعتني؟ صبا/والله انا بنام بالوقت اللي يريحني ومو ماشية على هواك؟ نايف/اقول لايكثر علشان لايجيك كف من جديد؟ صبا بنرفزة/شي واحد بس ابي افهمه..انتوا بالمدرسة شغلتهم يعلمونكم بس كيف تكفخون البنات وتضربونهم!!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,, استعاذت بالله من الشيطان وقامت غسلت وجهها وطلعت قعدت مع تهاني اللي كانت نص تذاكر ونص تكلم بجوالها ونص تاكل ونص تشاهد.... وبعدين دقت عبير وقالت انهم ماخذين شوية اغراض ولبست عبايتها علشان تطلع لهم تساعدهم,,,,ومنها تسوي الامور طبيعي وانها مافيها شي.... دخلوا عبير واصايل مع روعة وكانت هي اخر وحدة ويوم دخلت من بوابة الفيلا كان جاسر طالع من باب الصالة لفت بسرعة وغطت وجهها عدل وتقدمت ناحية ملحقها وهي شبه تركض لان ضربات قلبها زادت.... وقفها صوته القاسي وهو يكلمها.... جاسر باحتقار/ماله داعي تطرشين مطاريش بيني وبينك وتستاْذنين بالروحة وبالجية وتعطين نفسك اهمية ومدري شنو؟ كانت عاطيته ضهرها بذيك اللحظات ولو فكر يفتح غطاها كان شاف دموعها مغرقتها .... جاسر بنفس الاسلوب/يعني على بالك بتكبرين بنظري ولابتلفتين انتباهي اذا سويتي كذا!!!!اصحي يابنت البدو كل اللي بيني وبينك ورقة وضاعت بعد مدري عنها وينها؟؟؟؟ ياليتها تملك أي جراْة بالعالم علشان ترد عليها وتوقف سيل اهانته بس مو ليالي طبعا اللي تقدر تسوي كذا لو تنطق بحرف واحد بحضرته... كل اللي سوته انها تنهدت.... جاسر/سمعي....خلك مع عماتي وين مايبون يروحون ويجون,,,عماتي بس وبلا لفة ودورة وبطلي حركات ابي اذن ادخل وابي اذن اطلع لاني مو فاضي لك ؟؟؟ ماتدري كيف طلعت منها كلمة ان شاءالله وهل طلعت واضحة ولا دموعها كانوا محشرجين صوتها بذيك اللحظات...... كل اللي سمعته بعدين صوت البوابة يتسكر ولفت مالقت له أي اثر فتحت غطاها علشان تمسح دموعه لايفضحونها اذا دخلت,,,,, .,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,, بعد مضي اكثر من ساعة كانت تهاني واصايل بمجمع فينسيا مول وبالموت قدروا يطلعون لان عبير كانت موجودة وبعدها راحت لاابوها تشوفه اذا يبي شي.... بداخل المجمع.... اصايل/احس ان احنا تاْخرنا عليه؟؟؟؟ تهاني/............... اصيل بقهر وهي تعدل لثامها /شبيقول اللحين ماهي قد كلامها ابدا!!! تهاني مسوية شخصية/انتي مو ملاحظة اني مااتكلم معك من رجعتي من طلعتك مععبير؟ لفت لها اصايل وهي تضحك/والله!!!تصدقين مااخذت بالي؟؟جد ماتكلميني؟ تهاني/وكنت بسويها فيك ومابجيبك بعد؟؟ اصايل/وش اللي خلاك تغيرين رايك وتجيبيني؟ تهاني/اصايلوا انتي ماتستحين؟ اصايل/هههههههههههههههه تهاني/يعني صدقيني وحدة غيري من لسانك تتبرى ولاعاد لها فيك بس مدري أي حظ راميني عليك انتي واختك؟ اصايل تنهدت وقالت بنبرة حزن/عيني عليها ها الاخت المسكينة بس!!!مدري كيف تضمها بقلبها وتسكت ,,والل لو انا منها كان ارتكب فيه جريمة وماهمني؟؟؟ تهاني/سفاحة ماينشره عليك؟ اصايل/المهم دبريني وين الاقيه ؟ تهاني/حبيبتي هذا مجمع عوايل يعني مابتلاقينه؟ اصايل بعصبية/شوف الحمارة وليش قلتي له ان احنا بنجي هنا...؟؟ تهاني/شفتي ان لسانك دايم متبري منك!!زين سمعي باقي الحكي.....بنشوفه هناك عند جوفريز.. اصايل/شنو هذا بعد!!! تهاني/هذا الله يسلمك شقق فندقية مفروشة.؟؟؟يعني شبيطلع وهو بمجمع اكيد مقهى؟ اصايل/اممممم شوفي اول شكلي تمام,,,,, تهاني/يعني ..نص ونص؟ اصايل/هاذي طبعا حقت غيرة؟ تهاني/مين قال لك؟ اصايل/لاني واثقة من جمالي.... تهني/اللي مابرز الا على يدي!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,كان واقف عند بيتزاهت يستلم طلبه ويوم اخذه ومشى سمع صوت ضحكة مالوفة عنده ودق قلبه.... معقولة تكون هي؟؟؟؟ لف بسرعة وراه والتقت عيونهم ببعض وجمدوا ثنينهم مكانهم,,,, لاهي توقعت تشوفه ولاهو حط في باله انه بيشوفها,,,,على الاقل مو الليلة؟؟؟ كانت هتون واقفة مع حنان بعيد عن ريم وشمايل وكلهم كاشفين واللي ميزه صوت ضحكتها اللي ماهو قادر ينساه؟؟؟؟ هي بعد وقفت مكانها وطاح قلبها بين رجلينها وحست بالخطر وبالربكة وبكل شي...... كانت تبي تروح له حتى لو مالاقت عنده قبول وكان واقف بدوره والصدمة باينة عليه... ظل واقف مكانه متسمر يناظر فيها...هي بشحمها بلحمها.... بس هو مايقدر يحاكيا ومعها وحدة ثانية وافترض انها اخت زوجها ..وبس جا طاري زوجها في باله مشى بكل عصبية وهي تشيعه بنظراتها المتلهفة,,,, كان بينه وبين نفسه كتلة تعب وقهر....وش تبي تقول لها يامتعب عاد!!!نسيت انها على ذمة رجال ثاني وانها صارت حرام وماتجوز لك؟؟ تنهد بقوة وهو يدخل سيارته ويكر الباب بقوة.... حب انه يفاجى ليالي واصايل بجيته الليلة قبل بكرة لهم وقال ياخذ لهم عشى قبل لايمشي ويوم شافها حس ان الدنيا كلها تدورحوالينه وماهو قادر يركز بشي... اصلا مو قادر يقول لهم شي اذا قابلهم وشافهم ويمكن جت خيرة ان ماقال لهم انه جاي من الاساس؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , في جوفريز/انا اسفة لتاخري...بس حصلت شوية ظروف وتعطلت السيرة اللي كنا جايين فيها؟ ضاري/وين بيتكم؟ بسرعة قالت/بالدوحة.... المكان الوحيد طبعا اللي عارفته هنا واللي ساكنين هناك بيت عمتها ام احمد.... ضاري/ليش شلتي نقابك وحطيتي ها اللثام!!! اصايل/..................... ضاري/.................. اصايل/مضايقك؟ ضاري وهو مايناظرها/لا بس مكثرة شوي بالكحل وعيونك صايرة ملفتة؟ اصايل/لا.. ضاري لف لها وقال باستفهام/وشو اللي لا؟ اصايل/يعني هي عيوني من تشوفك تكتحل بشوفتك طبيعي!!! ظل يناظرها وهي تتكلم وهي ميتة من الخوف وتمنت بذيك اللحظات انها ماجت وسمعت كلام ليالي,,,, ضاري/حاسك خايفة مني!! تنهدت بقوة وقالت/خايفة من قلبي لايفضحني؟؟؟ ضاري/في شي مو قادر افهمه ولااستوعبه؟ اصايل/منت مصدقني صح؟ ضاري/مو كذا السالفة....بس في احد يحب احد بدون مايعرفه ويتكلم معه؟؟؟ اصايل بتنهيدة/ماسمعت عن الحب من اول نظرة؟؟؟؟ ضاري/وانتي مصدقة ان ها الحب موجود؟ اصايل/طبعا!!!لاني دايم احلم فيك ياضاري بخيالي...لاني من شفتك ماقدرت افارق صورتك اللي سكنتني.... ضاري/........................ اصايل/..................... ضاري/ماسالتك وش تشربين؟ اصايل/بحضورك يكفيني اشوفك وبس.... ضاري/ماتحسين انك مزودة السالفة حبتين؟؟ اصايل بتنهيدة طويلة خلته يناظر فيها غصب وقالت بتمثيل محزن/ماعشت اللي انا عشته ولاعمرك فكرت بحب شخص مايدري عنك ...ماقاسيت أي نوع من انواع العذاب علشان تقول ها الحكي؟بس بيجيك يوم وبتحب ياضاري وبتدري ان كلامي صحيح.... ضاري/...................... اصايل/............. ضاري/طيب وليش كذبتي عليّيوم انك تحبيني؟ اصايل بخوف/انا كذبت عليك؟بشنو عاد؟؟؟ ضاري تسند على كرسيه وقال بهدوء وهو يناظرها/يكفي انك ماقلتيلي اسمك الحقيقي وكذبتي عليّ باسم دانة وعلى بالك اني بصدقك؟؟؟ طاح قلبها بين رجلينها بها اللحظة وفتحت عيونها على وسعها وتلعثمت وماعرفت شتقول له.. ضاري /يالله دافعي عن نفسك؟ اصايل بتردد/انا.....انا... ضاري/انتي شنو بالضبط يا.. ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,, يتـــــــــــــــــــــــ ــــــبع | ||||
08-11-10, 09:38 PM | #25 | ||||
نجم روايتي
| الي السلام عليكم ورحمة الله وبركاته وم سوف اقوم بتنزيل باقى الرواية كاملة بما انه ليس هناك من يتابع الرواية او يهتم بها حتى تحولها المشرفة الى قسم الروايات الكاملة التعديل الأخير تم بواسطة taman ; 08-11-10 الساعة 09:53 PM | ||||
08-11-10, 10:00 PM | #26 | |||||||||||||
نجم روايتي
|
التعديل الأخير تم بواسطة taman ; 08-11-10 الساعة 10:16 PM | |||||||||||||
08-11-10, 10:13 PM | #27 | |||||||||||||
نجم روايتي
|
| |||||||||||||
08-11-10, 10:34 PM | #28 | |||||||||||||
نجم روايتي
|
| |||||||||||||
08-11-10, 10:42 PM | #29 | |||||||||||||
نجم روايتي
|
| |||||||||||||
08-11-10, 10:50 PM | #30 | ||||
نجم روايتي
| ركبت غرفتها وقفلت الباب وراها ورفعت جوالها وبا اصابع مرتجفة دقت على رقمه,,,, ليش دقت له بها اللحظة بالذات ماتدري؟؟؟؟ لابلى تدري...كانت غيرتها من اصايل وتلفونه لها اللي قبل دقايق بس هو السبب!!!! كانت تتنفس بقوة كبيرة وهي مو عارفة شتقول له اذا رد عليها... جاها صوته الحنون مثل عادته دايما هادي وفيه نبرة حنان تدمع لها عينها... متعب بهدوء/الو نعم... هتون/ماكان فيه غير صوت تنهيداتها وبس؟؟؟ متعب/منو معي!! هتون بتردد وانفعال/م...متعب.... متعب بدهشة ولهفة/هتون!!!!! هتون مسحت دمعة نزلت من عيونها اول مانطق باسمها وماتحملت تسمع صوته اكثر من كذا سكرت السماعة بوجهها وفي داخلها الف نار شابة وعلى وجهها الف دمعة ودمعة نزلت صارت تمسحهم بكبرياء ,,,,,, ******************************************جاسر/سالتك ماني مزيون بعيونك؟ ليالي تجراْت ورفعت راسها وسالته بهدوء/جاسر انت شتبي؟ تنهد وقال لها/قلت لك شبي... ليالي/................. جاسر/.نقعد مع بعض ونسولف علشان نفهم بعضنا اكثر.... ليالي/طيب ليش كل هذا؟ جاسر/وليش انتي مو متقبلة فكرة ان احنا نقعد مع بعض؟ ليالي بشوية نرفزة/لان انت كل ساعة لك حال معي!!!انا مو عارفة لوين بنوصل وانت كل يوم بوجه وشكل؟ جاسر بدهشة/انا!!!! ليالي/............... جاسر/ليه تقولين ها الحكي؟ ليالي/يعني موقفك بالامس بعد الحفلة كان.. قاطعها بسرعة/لاتخافين اذا على بنت عمي البدوية فاانا اخذت لك حقك منها رحت وغسلت شراعها وادبتها...وش ماتبين اخليها تسوي لك وتعتذر منك غصبا عنها بتسويه؟ ليالي بصدمة/بنت عمك البدوية؟؟؟؟؟ جاسر/أي......لاتفكرين انها بتكون عايق لموضوع ارتباطنا....راحت ولاجت كل اللي يجمعني معها ورقة وبس وماابيك تتحسسين من ها الشي؟ ماتدري أي شعور تملكها بذيك اللحظة ولاكيف توصفه... هو مزيح من الغضب والقهر...ولا الذل والمهانة..ولاشنو بالضبط ماقدرت تكتشف..... كل اللي عرفته ان دمعة من عينها طفرت وبغت تفضحها لولاانها تماسكت بسرعة وقالت له بصوت بايح... ليالي/جاسر....حمد الله على سلامة الوالد....... قالتها وطلعت بسرعة وهي غرقانة في بحر من اقسى الانواع واذلها؟؟؟؟ ******************************************ضاري جاي يااصايل جاي..... تحركي بسرعة... أي وين اروح وانا اول مرة ادخل البيت ولاادري هو من وين بيجي ولامن وين بيطلع!!!! تعالي احنا دخلنا من ها الباب..... خليني اوقف هنا عند الحاجز لين اشوفه دخل الغرفة وبعدها اطلع من نفس الباب بدون ماينتبه لي!!! هاذي المصيبة ان ضاري يشوفني هني ويعرفني...مو وقته ابدا.... بعده ماتعذب مثل ماابي....بعده مااحترق بناره علشان اذله واهينه مثل مااهاني!!!! وبعدين يااصايل وبعدين.... ولو مااحترق بناره ولاانكوى ولاقدرتي تهينه وتذلينه وش بيصير ياترى؟ تنهدت بقوة وهي تشيل ها الطاري من بالها.... سمعت صوت خطوات تقترب ولفت تشوف من بعيد وشافته.... كان ضاري اللي جاي وهو يتمختر بمشيته... كان وسيم....الا ابعد من الوسامة الى شي مفرط الجاطبية,,,,فيه كبرياء وغرور محلينه اكثر واكثر... بس حسافة ياضاري حسافة....ها القلب تعهد لك بالكره طول العمر ولا كان حبك لانك ماتنعاب؟ انتي شقاعدة تقولين يااصايل....ضاري ماينعاب؟؟؟؟ أي ماينعاب....وش اقول بعد....ضاري الف بنت تتمناه..طول وعرض وجمال وهيبة ومستقبل ووظيفة وعيلة...من اللي ترفضه عاد وليه؟ انتي ترفضينه يااصايل انتي!!!ولاانتي ناسية انك ماتسوين بعينه مجرد خدامة واقل بعد؟؟؟؟ تنهدت بقوة واول مادخل الغرفة مشت من نفس المكان اللي كان جاي منه ضاري وطلعت ....طلعت من ها البيت بكبره للملحق اللي ضام احزان وااوجاع ليالي؟؟؟ ******************************************نايف/وانتي بتمشين شوي وبتوقفين؟ صبا وهي مو قادرة ترفع راسها/نايف مستحيل...انا مقدر اكمل كذا!! نايف/ليش بالله!! صبا/مدري احس نفسي عريانة والكل يناظرني لاني كاشفة وجهي انا ماتعودت على كذا؟؟ في باله يقول ومن قال اني ابيك تكشفين وتناظرك غير عيني!!!بس الضرورة لها احكام ياصبا... نايف بقوة/وماتقولين لي كيف اعرفك انا اذا ضليت مع اهلي؟ صبا/ليش جبتني من الاساس؟ سؤال محير فعلا يانايف...ليش؟؟؟؟ نايف/............... صبا/.............ماعليش اتنقب؟ نايف/لا...نص العالن يتنقبون بالله انا كيف اعرفك وسط الناس؟ صبا بعصبية/وبنضل كذا ان شاءاللله لمتى؟ نايف/خمسة ايام .... صبا/اوووووووووووووف..... نايف/تبين ندخل السينما... صبا/انا جوعانة؟ نايف/وين تبين نتغذى؟ صبا/في أي داهية.... نايف/يعني ماعندك مكان محدد؟ صبا/رجعنا للشماتة مرة ثانية؟؟؟بالله انا خلني اعرف مطاعم الدمام علشان اعرف مطاعم الكويت؟ نايف/ماقصدت شي... صبا/أي وانا صدقتك؟ نايف/انتي دايم لسانك كذا سليط.... صبا/أي... نايف/صبا انتي كبرتي بلاش ها الحركات طيب؟ صبا/مين قال كبرت ؟؟؟بعدني صبا ماتغيرت؟ ناظرها بنص عيون وقال/متاْكدة؟ نزلت راسها بالارض وتنهدت بحزن ورفعت راسها مرة ثانية/بس شلت همك يانايف ومدري متى بتخلص منه؟ تهاني/بعد اصايل وعرفنا ليش صافنة؟انتي شفيك؟ ليالي وهي تحاول تبتسم/ولاشي.... تهاني/لاتكذبين مبين عليك في شي مضايقك؟ اصايل/قولي الصدق في احد من الجماعة الارهابية مزعلك؟ ليالي/هههههه والله محد ارهابي غيركم؟ تهاني/افا!!!!طلعنا احنا الارهابيين اللحين؟ ليالي/ليه على بالكم انتوا شويه.... تهاني/طيب انسة ليالي مابنرد عليك...... اصايل/هههه تهاني/يكفي اني مقهورة من مرضتك اللي خربت علينا جو يوم الخميس ولاكان احنا بالكورنيش وقاعدين ومستانسين؟ ليالي/الكورنيش عندك اربع وعشرين ساعة ماجت الا على مرضي؟ تهاني/هي مو بالمكان يابنت افهمي!!هي بالجمعة؟ اصايل/هههههه طيب انتي طول اليوم معنا أي جمعة هاذي اللي تتكلمين عنها وضحي هههه امك ولابسمة ولاخالتك عبير ولاجدك هههه ليالي/هههه وانتي الصادقة شكلها تقصد متعب؟ تهاني/يعني انتي واختك ماتعرفون تتحدون بكلامكم الا اذا انا بالنص؟؟؟زين يابنت بو عبدالله اوريكم؟ اصايل/اقول فكينا كم باقي على اختباراتك؟ تهاني/ثلاثة ايام؟ اصايل/اخلصي ترى انا ملانة وابي اطلع واتنفس؟ تهاني بخبث/ولاتبين تشوفين ضاري؟ ليالي/عقلي يالله عقلي انتي وياها عيب ها الحكي؟ اصايل وتهاني/ههههههههههه ******************************************حنان/بتعدينها لهم؟ شمايل/طبعا لا؟ حنان/شبتسوين يعني!!! شمايل/مافي شي محدد بس بردها يعني بردها... حنان/مالازم تتركينهم يهينونك بها الطريقة وتضلين مكتفة يدينك عنهم؟؟بعدين يفكرون انهم انتصورا عليك؟ شمايل/تخسي هي واختها.....بس تصدقين انا توقعت اشكالهم غير عن كذا!!! حنان/يعني بعد تهاني بنت عمتك ماقصرت لبست وعدلت وغيرت من الشكل الخارجي كله؟ شمايل/لايكون بس غيرتي رايك وراضية بعرس جاسر عليها؟ شمايل/طبعا!!!انا بس قاعدة افكر شلون ارد لهم اهانتهم....ماني قادرة اكلم وحدة من البنات اللي حضروا؟هذا غير فشلة امي من جيرانا اللي عرفوا بالسالفة واللي بينشرونها اللحين؟ حنان/صدق ناس زبالة.... شمايل/يااني بفتح عيوني عليك ياليالي زين وبمسك عليك أي خيط وبتشوفين اذا ماشلعتك من ها البيت؟ ******************************************وقفو ا عند محل من المحلات كان عارض فستان اسود قصير... نايف/صبا....وش رايك بالفستان؟ صبا بلامبالاة/عادي... نايف وهو يناظره/هو الحلاوة فيه انه عادي.... كانت تناظر بوجهه بذيك اللحظة ولف لها وقال/شرايك ندخل نشوفه؟ صبا/ليه؟ نايف/جربيه ابي اشوفه عليك كيف بيصير؟ صبا بعناد مشت عنه/ماابي اجربه لانه مو عاجبني وماابيه!!! مشى وراها وهمس لها بعصبية/كم مرة قلت لك ماتمشين وانا اكلمك؟ صبا بلامبالاة/وش بتسوي يعني بتكفخني قدام العالم ولا بتخليها لين نرد الفندق؟؟؟يبى تدري شلون انا تعودت على اسلوبك وماعاد ياْثر فيني وش مابتسوي؟ نايف مسك ذراعها وخلاها تمشي وهي لازقة فيه وهو يهمس لها/تكلمي عدل ولاانطمي سكتي!! صبا/انا كنت منطمة ساكتة انت اللي حاكيتني؟ نايف/تدرين مافي غير نرجع الفندق انتي مو وجه الواحد يجيبك ها المجمعات؟ صبا بعناد/ماني راجعة ابي ادخل السينما..... ******************************************اصاي ل/تعالي قولي شعندك؟ ليالي/راحت تهاني؟ اصايل/أي..... ليالي/انتي شعندك؟ اصايل/شفت ام ضاري؟ ليالي بخوف/قالت لك شي؟ اصايل/مااعتقد انها عرفتني؟ ليالي/................ اصايل/بمجرد دخلت هي وقالت ان ضاري جاي وراها طلعت انا...يمكن بعد ماطلعت عرفتني بس قبل لا... ليالي/كيف حسيتيها...مثل ام جاسر واختها؟ اصايل/مدري....بس فيها من كبرياء ولدها كثير..... ليالي/قصدك هو ماخذه عنها؟ اصايل/المهم انهم يتشابهون بها الشي؟ ليالي/وشفتي ضاري؟ اصايل/تورطت ماعرفت وين اروح يوم دريت انه جاي وقفت بين الحاجز والغرفة الثانية وانا ميتة خوف لااحد يفتح الباب اللي وراي ويشوفني ساعتها طردتي من ها البيت مامنها مفر؟ ليالي/.................. اصايل/قولي شفيك؟ ليالي وهي تبكي/جاسر؟؟؟؟؟ اصايل/جاسر؟؟؟؟؟ *******************************************ضار� �/حاسك متوتر في شي؟ جاسر بتنهيدة/مدري.... ضاري/شفتها اليوم؟ جاسر/أي.. ضاري/وتكلمتوا مع بعض؟ جاسر/اممم ضاري/علشان كذا انت متوتر ومتضايق؟ جاسر/مدري في شي ملخبط مو قادر افهمه؟ ضاري/شنو؟ جاسر/يعني حسيتها تقول اشياء مو مفهومة.... ضاري/مثل شنو يعني؟ جاسر/مدري كانت تتكلم معي عن موقفي امس واللي صار بعد الحفلة وتقولي انت كل ساعة معي بشكل ومحيرني ومو عارفة انت شتبي؟ ضاري/.................. جاسر/مدري.....حاس ان في حلقة مففقودة بالسالفة؟ ضاري/انت مدخل احد بينك وبينها يتكلم؟ جاسر/لا..... ضاري/يجوز ان وحدة من البنات موصلة كلام على لسانك وماعجبها.... جاسر بضيق/خواتي!!!!اذا صدق مسوينها اذبحهم يعني اذبحهم؟؟؟ ******************************************شماي ل/صدق اللي مايتسمون دخلوا بيتنا اليوم؟ هتون بلامبالاة والفكر شارد/أي شمايل/وانتي دخلتيهم عادي؟ليه ماطردتيهم؟ هتون باحتقار/ناس بدون كرامة مافرقت عندهم طردتيهم ولالا؟ شمايل/ولو علشان يعرفون وش مستواهم ومايعيدونها ويوطون بيتنا مرة ثانية؟ هتون/عمتي عبير كانت موجودة وعمتي ام احمد جاية بالطريق.... شمايل/هاذي المشكلة ان اللي بينا وبينهم عماتي!!!! هتون/............. شمايل/ماتدرين شكثر اكرههم ياهتون...احس اني مو قادرة... دق جوال هتون ها اللحظات وكان متعب اللي داق عليها نص رنة وقطعه.... رفعت راسها وقالت بكل شراسة وغضب/مو كثر كرهي لهم!!!!انا مااتمنى لااي وحدة فيهم الخير والسعادة ابدا!!!ودي يغيبون عن ها العالم ويريحونا؟ شمايل/............... هتون/ماني متصورة وجودهم بقربنا اكثر وش بيغير من حياتنا!!! شمايل/يخسون يغيرون من حياتنا ها الحثالة ماعازهم!!! هتون/ادعي ياشمايل ادعي...ان يصير أي شي ويبعدهم عنا...خلاص وجودهم صار حارمنا حتى التنفس بحرية؟ شمايل/لهدرجة تكرهينهم ياهتون؟ هتون/واكثر مماتتصورين هذولا سلبوا مني اعز شي عندي وماردوه؟ شمايل باستنكار/وش اخذوا منك؟ هتون/شي ماراح تفهمينه...شي صار لهم وانحرمت انا بنت النعمة والخير ...المدللة والمعززة منه!!!! ****************************************** في السينما,,,,,, نايف/وانتي مثل البزارين قاعدة لي تاكلين وتاركة الفلم؟ صبا بلامبالاة/توقعت الفلم بيكون احلى من كذا؟ نايف باستهزاء/مشاء الله!!!مو خبرة اخت صبا بالافلام؟ صبا/قول اللي تبيه مو رادة عليك؟ نايف/........... صبا/ماسالتني ليش؟ نايف/ليش؟ صبا/لاني نويت ارجع لسياسة الحقران معك خوب انت ماتمشي الا كذا!!! نايف/خير خير؟؟مايمعت اللي قلتيه عيدي كلامك؟ صبا/............ نايف/اخاف مضيعة بس وقاعدة تكلمين اخوك زيد بدل ماتكلمين انا!!! صبا/حشى لله!!!انا صدق دايما كنت ضدهم بللي يقولون ويسوونه وكنا مو متفقين بس ماكنت اتكلم معه كذا ابدا!!!انا قاعدة اكلمك انت ياعمري؟ نايف/........................ صبا/................. نايف/انتي ماتستحين تكلميني بها الطريقة؟ صبا/لا؟... نايف/كبر راسك يوم جبتك؟على بالك بتطلعين من الفندق كل يوم؟ صبا/قلت لك مافرقت عندي ابدا!!!لاسجن الدمام ولاسجن الكويت؟ نايف/انا اقول ترجعين تمسكين لسانك من جديد احسن لك؟ صبا/مو توني اقول لك ببدي معك سياسة الحقران ؟؟بس انت اللي خليتني اتكلم شسوي لك؟ ******************************************اصاي ل/انتي شفتيه اليوم وتكلمتي معه؟ ليالي وهي تمسح دموعها/أي...... اصايل بعصبية*/وشنو قال لك ولد ال... ليالي ببكي اكبر/اصايل...جاسر مايعرفني؟ اصايل/شلون يعني مايعرفك؟ ليالي/هذا اللي حسيته من خلال كلامه اليوم واللي عرفته منه.. اصايل/طيب شلون؟ ليالي وهي تمسح بدموعها/كان يتكلم معي مثل المرة اللي فاتت على الكورنيش ويوم قلت له انت وش تبي مني قال انه يبي نقعد ونتكلم قلت له انك محيرني تفجاْ وقال انه علشان البارحة واللي صار راح وغسل شراع البدوية علشاني !!! اصايل/البدوية؟؟؟ ليالي وهي تبكي/اللي هي انا!!!! اصايل/............... ليالي وهي تتنهد/قال لي لاتفكرين ان موضوع ارتباطي فيها ممكن يكون عايق بارتباطنا لان كل اللي بيني وبينها ورقة وبس!!!!وماابيك تتحسسين من ها الشي؟؟ اصايل/هذا اكيد مريض ولاعنده انفصام بالشخصية؟ ليالي/هذا اللي فكرت فيه بالبداية...بس بعدين قلت اكيد انه مو شايف ها البنت من قبل اللي هو يتكلم معهي على اساسها وربط بينا واستبعد اني اكون ليالي البدوية.....زوجته؟ اصايل/................... ليالي/شفتي الحيرة اللي انا فيها؟اللحين بس وضحت تصرفاته لي؟اللحين بس فهمت ليش كل موقف يختلف عن الثاني؟لانه دايم اذا جا يغسل شراعي مايكون شايفني؟ اصايل بابتسامة/اذا كذا لعبي معه لعبته وشوفي لوين توصلون؟ ليالي بكبرياء/جاسر؟؟؟؟انا عفته يااصايل ....وماعاد يهمني باي شي..... ***************************************** رانيا/وش عندك سرحانة؟ ام ضار/افكر... ضاري/بشنو؟ ام ضاري اعتدلت بقعدتها تكلم ضاري/اليوم في بيت عمك كانت بنت موجودة مع عبير ومع عمك وتهاني ويوم دخلت انا وسلمت وقلت انك جاي مشت؟ ضاري/.......... رانيا/صدق؟؟؟ ام ضاري/يوم سالت عبير ليش مشت ضحكت وقالت لي غريبة ليش تبينها توقف؟ ضاري ببرود/وهذا اللي شاغل بال ام ضاري؟ ام ضاري/قاعدة افكر فيها؟ رانيا/يمكن تكون ليالي زوجة جاسر؟ ام ضاري باحتقار/ليالي عاد!!!وش جاب البدوية للبنت اللي شفتها؟فرق السما والارض؟ رانيا/يمه انتي شايفة ليالي من قبل ولااختها اصايل؟ ام ضاري/الله لايوريني اياهم...وش ابي فيهم؟ رانيا/طيب كيف عرفتي انهم بدو؟ ام ضاري بنرفزة/يعني وش تبينهم يكونون بالله!!! رانيا/أي بس عماتي يقولون... ضاري/عماتي دايم واقفين معهم حتى لو كانوا زبالة!!!يضلون يشفقون عليهم وعلى يتمهم .. رانيا/لامو صحيح...ماتي دايم يكونون مع الحق؟ ام ضاري باحتقار/وبالنسبة لهم بنات اخوهم هم الحق؟ رانيا قامت تتحلطم بروحها.. ضاري/شعندك انتي تتكلمين؟شتقولين؟ رانيا/وين ريم راحت؟ ام ضاري/بعدها في بيت عمك..وانتي مو رايحة تشوفيه؟ رانيا/بلى يمه بروح.... ******************************************في فندق شيراتون الكويت... نايف/صبا... لفت له وهي تشيل عبايتها.. رفع يده بالكيس/روحي لبسيه؟ صبا باستفهام/شنو هذا؟ جلس وقال لها/روحي لبسيه؟ اخذت الكيس منه وتطلعت داخله وشالت الثوب وصارت تناظر بينه وبين نايف وقالت/ ليه شريته؟؟؟ نايف بثقة/لانه عاجبني!!! صبا/لي!!! نايف/اجل لي!!!اكيد لك؟ صبا/ بس ماابي البسه.. نايف/ماحد طلب رايك انتي عليك التنفيذ وبس؟ صبا رمت الكيس من يدها بلااهتمام وفتحت الكيس اللي كانت ماخذة لها فيه كم بيجااما وجتها يد نايف تلف ذراعها بقوة نايف بعصبية/انتي ماتعرفين تريحين وترتاحين ابدا!! صبا وهي تناظره بدون ماتتكلم... نايف/قلنا لك لبسيه؟ صبا بهمس وهي تناظر بعيونه مباشرة/ليه؟ليه تبيني البسه؟ نايف بارتباك من نظراته/حبيت اشوفه عليك؟ صبا/أي بس انت تدري انه مافيه شي مميز ثوب اسود عادي وش تبي تشوف فيه؟ نايف بهمس/انتي بتكونين المميزة مو هو؟يالله لبسيه؟ صبا/واذا لبسته وش لي؟ نايف/مافهمت؟ صبا/يعني اذا لبسته وش بتعطيني؟ نايف وهو يضغط على يدها ويقول/بتلبسينه بدون ماتساومين وغصبا عنك؟ جاسر/هتون... هتون/نعم.. جاسر/انتوا قايلين لحنان شي على لساني!! هتون/مااعتقد ليش تسال؟ جاسر بتردد/مدري اليوم تكلمت معها وحسيتها غريبة بكلامها وتصرفاتها,,, هتون/ومن قال لك انها طبيعية اصلا!!! يبى انت اخترت بدون ماتفكر ولساتني اقولك فكر عدل واقعد معها اكثر,,,, جاسر بنرفزة/انا عاجبتني......... بس كلامها كان غريب يعني حسيت انها تحاكمني على شي انا ماسويته؟ هتون/امي لسه ماكلمت خالتي صح؟ جاسر/انا قلت لها تكلمها اليوم وش تنتظر بعد!!! هتون/يعني معزم؟ جاسر/ماابيها تطير من يدي!! هتون باحتقار/ماهي شماتة في بنت خالتك ولااجحاف بذوقك بس لو كانت بتطير طارت من زمان ؟؟؟؟ جاسر بتاْنيب/هتون؟؟؟ هتون/.......ماتناسبون بعض صدقني...لاهي تروق لك ولامن ذوقك اصلا وش اللي صار مو فاهمة؟ جاسر/قلت لك اعجبتني ودخلت مزاجي ومحد بيغير رايي عنها لو شيصير؟ هتون/أي....بس لاتجي تشتكي بعدين لان شكواك مالها قيمة ..بتكون تربطت فيها خلاص...وخالتي مالك منها فكة؟ جاسر/اذا حبيتها وبادلتني شعوري مابيهمنا أي شي بالعالم؟ هتون/بظل مو مقتنعة ياجاسر مدري ليش....حاسة ان السالفة اكبر من حنان؟؟؟؟؟ رانيا/تدري امي عن أي بنت كانت تتكلم ياضاري؟ لف لها ضاري اللي كان يحوس بجواله وماتكلم... جت وقعدت جنبه... رانيا/ضاري... ضاري/نعم... رانيا/سالتك تعرف البنت اللي تكلمت عنها امي؟ ضاري/ماابي اسال ولاابي اعرف بعد...لانها ببساطة ماتهم ضاري؟ تنهدت وقالت/أي بس هاذي.... ضاري/قلت لك هاذي ماتهمني من تكون؟ رانيا/ليه؟ ضاري بجدية/في وحدة شاغلتني يارانيا...اسمها دانة...ممكن اخليها تتعرف عليك لان شوي ظروفها صعبة ومااقدر اتواصل معها كثير؟ رانيا بخيبة امل/أي بس... ضاري/شنو؟ رانيا/قلت لك اني ابي اوريك وحدة من البنات اللي اعرفهم؟ ضاري/وانا ماابي اشوفها؟ رانيا/لاتسوي شي بس شوفها من بعيد وعطيني رايك؟ ضاري/لا... رانيا/لاتضيع من يدك وبعدين تتحسف..... ضاري/قلت لك مو شاغل لي بالي اللحين غير دانة؟ رانيا بقهر/طيب عطيني رقم ها الدانة خلني اشوفها واتكلم معها؟ ضاري /يعني لو كان رقمها عندي كنت مقابلك اللحين؟ رانيا/حتى رقمها ماعندك؟؟اجل وش عندك؟ ضاري باسى/ولاشي.....بظل منتظر منها اتصال.....ويمكن ماتتصل ؟ رانيا/ليه؟ ضاري/مو من خصوصايتك؟ رانيا/وش ها العلاقة الغريبة؟لارقمها عندك ولاهم يحزنون؟طيب كيف تكلمون بعض؟ ضاري/دقت لي مرة على الشركة وبس!!!! رانيا/وانت ليه مااخذت رقمها؟ ضاري/ماعندها رقم.....شفتي ها الجوال؟ رانيا/جديد؟ ضاري/أي.....طلعته امس وانتظر اشوفها علشان اعطيها اياه؟ رانيا/واذا مابينت مرة ثانية؟ ضاري/.............. رانيا/وش بتسوي؟ ضاري بصراخ/بتبين...لانها تحبني؟؟؟فاهمة وش يعني تحبني؟ رانيا وهي واقفة/اللي انا شايفته انك انت اللي تحبها مو العكس؟؟؟بس اذا بغيت نصيحتي لاتعلق نفسك على ها الاشكال اللي يجون يومين ويغيبون شهر بحجة الظروف وخلني اوريك البنت اللي ... قاطعها ضاري/انتي ماتفهمين قلت لك ماابي اشوف احد؟؟؟؟اصلا الغلط مني انا يوم احاكيك ولاانتي مو كفو ؟ ليالي/هلا متعب هلا حبيبي.... متعب بحزن/شلونك اليوم ليالي/معقول اسمع صوتك ومااطيب؟ متعب/والله ماكان لي قلب امشي وانتي تعبانة,,, ليالي/عارفة يامتعب لاتقعد تتعذر كل شوي... متعب/ليالي.... ليالي/خير... متعب بتنهيدة/كلمتني اليوم؟ ليالي بدهشة/هتون؟ متعب بحزن/أي... ليالي/وش قالت؟ تنهد بقوة وقال باسى/ولاشي قالت لي متعب وبعدها سكرت ... ليالي/ليش متصلة اذا مابتقول شي؟ متعب/انا من سكرت وانا بعالم ثاني ياليالي ومو عارف شسوي؟ ليالي/لاتفكر فيها كثير علشان لاتتعب نفسك يامتعب....اذا هي عندها شي بتدق وبتقوله بصراحة؟ متعب/اخاف انها بمشكلة ولاصاير لها شي ومنحرجة تتكلم؟ ليالي/خل نيتك خير ومتفائل يامتعب.... متعب/اذا صاير لها شي بموت نفسي ياليالي...ماابي الدنيا بعدها؟ ليالي/انت للحين تحبها؟ متعب بانفعال/ليش انا متى شلت حبها من بالي ياليالي؟؟؟حتى اللحظات اللي اكره فيها انها ذلتني وتركتني واعزم اني اشيلها من بالي...مقدر اشيلها غير ثواني صغيرة بس وارجعها لمكانها بوسط قلبي.... ليالي/الله يكون بعونك...محد مرتاح بدنيته يامتعب محد مرتاح؟ متعب/ليه الشقى مكتوب علينا احنا الثلاثة ياليالي؟ ليالي/............ متعب/متى بنرتاح؟تعبت والله تعبت وحاس انكم مو قادرين تكملون بعد؟ ليالي/الجاي اكيد خير يامتعب صدقني.... متعب/عموما انا بكرة نازل الشرقية وبمركم علشان عندي شوية شغلات بالمكتب.... ليالي/يالله ننتظرك.... متعب/وين اصايل؟ ليالي/قلت لها تتجهز علشان نروح لجدي نقعد معه شوي وسوت روحها نايمة علشان لاتروح معي!! متعب/ههه مابتتغير ها البنت؟ ******************************************ام جاسر/اقول يااختي اام عادل.. ام عادل/خير في شي... ام جاسر/يعني حنان مشاءالله حولها وحواليها كبرت وصارت عروس.. ام عادل/هي صارت عروس صارت عروس بس عاد تدرين يااختي انا مابرميها على مين ماكان تضل بنتي غالية عندي وماافرط فيها؟ ام جاسر/وانتي الصادقة يااختي مو كل واحد يستاهلها؟ ام عادل/هذا انتي قلتيها؟ ام جاسر/أي بس عاد جاسر اكيد غير؟ ام عادل بخبث/وش يدخل جاسر بسالفة حنان اللحين؟ ام جاسر/عاد بلالف ودوران مع بعض...جاسر مكلمني من امس يبي حنان ولو ماتعب ابوه الصباح كان كلمتك من الصبح عن ها السالفة....ها وش رايك انتي!!! ************************************************** ****** احسكم تعبتوا من كثر ماتقرون بارت اليوم الطويل... اذا ماتبون بكرة بارت عادي قولون لاتستحون ههههههه المهم وش تتوقعون يصير بكرة بين ليالي وجاسر وكيف بيعرف انها مرته؟؟؟؟(اللحين كلهم بيقرونه بكرة مدام بيدري انها مرته هههه9 لاتعليق اليوم بندخل علطول في البارت هههههه البارت الثالث والثلاثين,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,, دخلت ملحق جدها بعد مادقت الباب وسمعت صوته ياْذن لها بالدخول.... طال وقوفها عند الباب وهو يناظرها من فوقها لتحتها بدون مايقول لها تتفضل... ابو عبدالرحمان بصرامة/شتبين؟ ليالي بتردد وهي تمد له بيدها صحن/مسوية عصيدة وقلت اجيب لك تذوقها... ابو عبدالرحمان/ليش ان شاءالله قالوا لك مجوع ؟؟ولامااكل انتظرك تتعطفين عليّ!!! ليالي/مو هذا قصدي ابدا...بس حبيت يكون بينا عيش وملح... ابو عبدالرحمان وهو يلف بوجهه عنها/وانا ماابي يكون بيني وبينك أي شي يابنت عبدالرحمان؟؟؟ ليالي/............. ابو عبدالرحمان/....................... تقدمت شوي منه وحطت الصحن قباله وجلست جنبه ولف يناظرها... ابو عبدالرحمان/انا ماقلت لك تعالي قعدي!!! ليالي/ممكن افهم انت ليش تكرهني؟؟؟ ابو عبدالرحمان/وانتي ليش تتوقعين اني بحبك؟ ليالي/ولاشي بيخليك تحبني..بس بعد ولاشي بيخليك تكرهني واحنا تونا نشوف بعض ياجدي!!!!انا مدري وش اللي بينك وبين ابوي بس تظل انت ابوه وسلطتك انت عليه ماهي سلطتي انا...لاني اروح ولااجي مااقدم ولاااْخر بحياته وبقرارته!!! ابو عبدالرحمان/وبعد!!!من معلمك تصفين حكي ها الكثر يابنت ابوك؟ ليالي بضيق/جدي انا متضايقة؟؟تعبانة؟؟ادري ان كل اللي بالبيت يكرهوني ومايواطنوني بس انا شسوي؟؟؟شذنبي اصلا!!!!انا مقدرت اوقف بوجه ابوي واقول لا...وهو اساس ماعطاني خبر جابني وحطني وراح عني!!! بظنك وحدة مثلي تدري ان كل اللي حولها يكرهون طاريها مو بس وجودها بتكون مرتاحة؟ ابو عبدالرحمان/وانا مالي ومالك...رجعي عند ابوك؟ ليالي/مو انا علشان كذا جايتك؟ ابو عبدالرحمان/انا مالي شغل فيك ولافي اللي بتسوينه؟ ليالي/اذا رجعت بيت ابوي وش بيصير بعدها بين الاخوان؟هذا اللي انا قاعدة افكر فيه ياجدي؟؟؟هم مايدرون عن بعض الا بالمناسبات بس وكل اللي بينهم تلفون واذا ثقلت جاهم ابوي يعني اذا رجعت عنده ماتتوقع ان حتى ها التلفون ينقطع مابينهم!!!ادري مو حبا فيني بس علشان كلمتهم.... ////////////////////////////////////////////////////////////////////متعب بلهفة/هتون حلفتك ماتسكرين الخط بوجهي؟ هتون بتردد/ماراح اسكر.... متعب/شغلتي بالي.....من يوم شفتك وانا افكر فيك؟ هتون/ليش لساتني في بالك؟ متعب/انتي عارفة انك مابتطلعين منه لو شصار حتى لو جبتي مليون ولد ياهتون؟ هتون/.................... متعب/انتي جاري عليك شي صح؟. هتون/كنت ابي اقولك شي..... متعب/انتي مرتاحة معه؟؟يعني ماهو مضايقك ولامعذبك ولامتعبك؟ هتون/............... متعب تنهد/ادري مو من حقي اسال ها السؤال وادري انك حرام علي! بس انا حاس ان فيك شي ولاليش اتصلتي!! هتون بتعب/انا فعلا فيني شي.....وماني عارفة شلون افاتحك بالموضوع؟ متعب/خير ياهتون...قولي انسي كل الحب اللي بينا واعتبريني اخوك اللي واقف جنبك وانا ماراح اقصر باي شي تبينه.....انا جاي الشرقية بمر على ليالي اقعد عندها وفيني اشوفك باي مكان اذا تبين ولك عيوني انتي بس امريني؟ هتون/...................... متعب/تتعلق السالفة فيه؟ هتون بتنهيدة/تتعلق السالفة بقلبي!!! متعب بذهول/بشنو؟ هتون/بقلبي يامتعب...قلبي اللي حبك وماهو قادر ينساك لليوم؟ متعب/انتي شقاعدة تقولين؟ هتون/اللي سمعته.....انا قلبي لسه ينبض باسمك ويبيك....يبيك انت بروحك تعيش بداخله.... متعب........... انا ماشفت نفسي يوم لاني منخلق من طين.. ولو اسمي وصل عالي بظل اللي عرفتيني... ولكن للاسف هانت ليالينا بغمضة عين.. وعلى الفرقا اسبابك نعم انتي جبرتيني... توصي بطعناتي وبعد ماتنزف السكين... وقبل لاالفظ انفاسي على نفسي توصيني... دخيلك قلبي الوافي لاتخلينه ولاتطرين... وراس اللي تحبينه تصدي عن مدى عيني... وصلتي حق نهاياتي وشللي بس بقا تنهين... على مااظن ماباقي ولاحاجة تحس فيني... مدام انك وفيتي له وبنفس الوقت خنتيني... وشللي بس تحسينه اذا انتي كنتي تحسين... تحبيني وتحبينه... تحبينه وتحبيني؟؟؟ حضنتي قلبي ونمتي وعلى صوتي انا تصحين... والا منك تمللتي تحضنينه وتمسيني... محال تصير في الدنيا بشر في داخله قلبين.... تبينه بقلب وفي قلبك بعد قلب يناديني.... انا ماابيك لو انك على الفرقا دهر تبكين.... صعب ارضى بنزواتك ولو حتى بغيتني.... ثلاث سنين اواربع وكاد انها كثير سنين.... بعد هذا العمر كله على ايامي صدمتيني... بعد لاتنطقي بكلمة رجيتك اسكتي تكفين اخاف انك ان تكلمتي خطا باسمه تسميني... واذا مرة ذكرتيني مع الايام ابتنسين... ويبقى لك مثل ذكرى جميلة لاذكرتيني... كثير اللي يتمنونك واكيد انك تبين تلقين... وانسي يوم ما انتي تمنيتي ولقيتيني... انا وش جابني لدربك انا وين وغرامك وين.... انا اكبر من عيوبك وعيب انك عرفتيني.... وانسي انك ذبحتيني وامانة ادفني السكين... وعلى قبري بدال اسمي ابي كلمة خسرتيني... اصايل/متاْكدة محد بيشوفني ولابيصير لي شي؟ تهاني/تطمني الامتحان مدته ساعة ونص وانا من نص المدة طالعة وانتي بتبقين بالحمامات مابتطلعين؟ اصايل/اوووف لو ادري قعدت مع ليالي وماجيت؟ تهاني/قلت لك اليوم اخر يوم والبنات بيطلعون يفلونها ماتبين تشوفين سوالفنا بنات الشرقية؟ اصايل/هاذي بداية السوالف اني اظل جالسة بالحمامات ساعة انتظرك ياقلبي؟ تهاني/احس ان كلمة قلبي ماهي طالعة صدق من قلبك بس معليش بعديها لك لانك غالية عندي!! اصايل/لاتكفين.... روان (صاحبة تهاني)/يالله تخبي بالحمام احنا بندخل؟ اصايل/مالت عليّ يوم اني اطيعك ياهبلة؟ تهاني/جوالك معك؟ اصايل/أي...شتبين فيه؟ تهاني غمزت لها/دقي على الحبيب... اصايل بهلع/من جوالي!! تهاني/الله والجوال؟؟؟سوا هذا اولا ثانيا هو بدون اسم..ثالثا لمين ها الرصيد ان شاءالله لين يبقونه منك الاتصالات؟دقي يبى ضيعي وقتك؟ اصايل بتردد/ادق له على الجوال؟ تهاني/أي يادلخة اجل على الشركة؟ اصايل بنفس التردد/أي بس اخاف....يعني هو ضاري عادي يرتكب فيني جريمة من التلفون بس!!! تهاني/دقي بس وشوفي لك فرصة معه خلنا نشوف النار بتحرق منو فيكم بالنهاية؟ اصايل/طبعا هو!!! تهاني/يالله ادعيلي... اصايل/اللي يسمعك يقول قاصرة احد يدعيلك؟ ////////////////////////////////////////////////////////////////////بمجمع سوق شرق بالكويت.... كان نايف يمشي مع امه جماعتها وعيونه على اللي تتمشى جنبهم واللي عاطيها الف وصية انها ماتروح ولاتجي الا بالدرب اللي هم ماشين فيه.... ام نايف/اقول يمه علامك منت معنا؟ نايف بارتباك/انا!!!! ام نايف/أي انت!!صار لي ساعة اكلمك وانت ماغير مبحلق لي بها البنات ولاماعندنا بنات بالسعودية؟؟؟؟؟ نايف/لايمه مو كذا!!! خالته/قايلين لك زوجيه لمتى بعد عزابي ومو شايل هم شي؟ نايف/خالتي لاتشيلينها عليّ!!! ام نايف/انا مو ناقصة احد يشيلني عليك...اصلا ابوك موصيني اول مانرد من الكويت اني اخطب لك..يقول سهراتك زايدة وماتجي الشركة الا متاْخر وحط وشال عليك؟ نايف/هذا وانا شايل عنه كل الشغل ابو نايف يذم فيني من وراي على ها الكم يوم اللي تاْخرنا فيهم!!!! ام نايف/خلونا ندخل ها المحل قبل لاننزل السوبرماركت؟ نايف/اجل انا بنتظركم هنا مو واجع حالي معكم... دخلوا كلهم وراح وقف ورى صبا وقال بهمس/دخلي معهم.... صبا بعناد/مو داخلة المكان اصلا يفشل؟ نايف/نعم!!!! صبا/مو داخلة؟ نايف/صبا لاتعصبيني ودخلي.... صبا/نايف...منهي فيهم امك؟ نايف/وش تبين انتي باامي؟ صبا/هاذي اللي شنطتها كحلية؟ نايف/مالك شغل؟ صبا/وش رايك اروح اشتكي عليك عندها وافضحك ونخلص من ها السالفة؟ نايف وهو يرفع جواله/عادي لان بتلفون واحد بعد مني برمي اخوك بالسجن وبشلع اهلك من البيت وانتي بتبقين على حالك لابتطاليهم ولابيدرون عنك بشي؟ رمت عليه نظرة غضب... نايف/علشان تتاءدبين وتثمنين كلام ...يالله دخلي قدامي بسرعة؟ صبا بتاْْفف/زين لكن بتشوف.....اذا ماشيبتك وتبت انك اخذتني؟ نايف/وش دعوة انا مااعلنت توبتي للحين؟ ////////////////////////////////////////////////////////////////////بملحق ليالي... عبير/يعني سوتها وراحت المدرسة مع تهانيوا؟ ليالي/ها البنت ماتقعد بالبيت دقيقة وحدة ياعبير...اللي يشوفها يقول انها كانت ملكة بديرة ابوها؟ عبير/هههههه خليها يابنت الناس تتونس لاحقة على الهم وضيقة الخلق؟ ليالي/بس اصايل بزيادة السالفة عندها... عبير/متى بتبدي دراستها؟ ليالي/يوم السبت الجاي.... عبير/طيب كيف بتدرس صباح ولاعصر... ليالي/لا بتدرس العصر تقول مالها خلق تقوم من الصبح.... عبير/شسويتي بفلوسك انتي وياها؟ ليالي/على حطة يدك قاعدين.... عبير/شغليهم... ليالي/انا ماافهم بها السوالف... عبير/طيب انتي ماتبين تدرسين مثل اختك؟ ليالي/.................. عبير/شنو؟ ليالي/انا ابي ارجع عند اهلي ...ابي ارجع بيت ابوي ياعبير ماابي اكمل هنا؟ عبير/طيب ليه؟ ليالي/.............. عبير/ام عادل ولاام جاسر؟ ليالي/لا..... عبير/ليالي صارحيني....من متعرض لك؟ ليالي/محد بس ابي ارد خلاص....الرجال بيتزوج وانا ماابي اضل طول عمري قاعدة بها الملحق ياعبير؟خلني اخدم ابوي بقية عمري اسمه فيه ابوي..... عبير/شها الحكي بس ياليالي؟ ليالي/انا حاسة اني قاعدة اختنق كل ساعة بها البيت ياعبير... عبير/انا ادري انهم ماقصروا معك بس صدقيني قاطعتها ليالي/عبير....ليش جدي يكره ابوي؟ عبير/.............اخوي الله يهداه... ليالي/ادري ان ابوي هو السبب بس وش سوى؟ عبير/هو اللي طالب ان جدك يقسم حلاله بينا وهو عايش.... ليالي/وجدي ليش طاعه؟ عبير/مو لانه قوم الدنيا وقعدها وقال انه محتاج وظروفه صعبة ومابيقبل أي مساعدة غير ورثه ..حتى البيت اللي كان لجدك باعه ابوك وقال انه جدك بيضل بينهم هم الثلاثة وبعدها عطى اخوانه حصة اكثر من حصته علشان يتحملون هم ابوهم وهو يرفع ايده من السالفة...تتوقعين انه بيحبه؟ ليالي/اه يبى اه....تصدقين ماعمري حسيت ان ابوي عنده فلوس ولاخير...ماهو متغير من حاله شي ابدا!!! عبير/مدري لمنو قاعد يجمع بها الفلوس اللي ماراح تروح معه بااخرته....يابنت كل الناس فاهمين وهو فاهم بس الضمير ومايسوي,,,,,,تعالي روعة وينها؟ ليالي/أي صدق مالها صوت...خل نشوفها لاتسوي فيني شي مو قاصرينها بعد ها الصغيرونة؟ **************************************بااصاب ع مرتجفة دقت له وبعد انتظار شويات رد بغروره وهيبته.. ضاري/نعم... اصايل وقلبها واقف/الو... ضاري دقق بالصوت وعرفهاوقال بلهفة/هلا,, اصايل بتردد/مشغول؟ ضاري/كنت انتظرك تتصلين من زمان؟ اصايل/ليه!!! ضاري/ها.....لا بس انتي قلتي بتكلمين... اصايل وهي تبتسم/أي....مثل منت عارف على التلفون وقت مايتواجد معي!! ضاري/هذا تلفون منو؟ اصايل/صاحبتي... ضاري/طيب انا ماخذ لك تلفون علشان نكلم بعض فيه.... اصايل/أي.... ضاري/يعني وين بشوفك علشان اعطيك اياه؟ اصايل/ومن قال لك اني بقبل اخذه منك ياضاري؟ ضاري/وليش ماتاخذينه؟ اصايل/احبك أي...بس اني اخذ منك أي شي لاوالف لا.. ضاري بنرفزة/وكيف بقدر اكلمك بالله اذا ماعندك تلفون نتواصل من خلاله؟ اصايل/شسوي بعد بظروفي؟ ضاري/يوم ان ظروفك كذا خلاص وافقي وخذيه...محد بيشوفه معك خبيه زين؟ اصايل/ماهي مسالة احد يشوفه ولالا؟انا قادرة اطلع لي واحد واخبيه ومحد يدري عنه بس المسالة نفسية....انا ماابي اسوي ها الشي ... ضاري/وكيف بالله تبينا نسولف مع بعض؟ اصايل/كل ماصارت لنا ظروف وقدرنا نكلم بعض؟ ضاري بتشكيك/انتي متاْكدة تحبيني؟؟ اصايل باندفاع ودفاع/وانت شاك ياضاري ياعمري... ضاري/مدري....بس خبري اللي يحب يموت على ما يسمع صوت حبيبه؟؟ اصايل/وانت طبعا شاك اني ابي اسمع صوتك؟ ضاري/ظليت افكر فيك من يوم اللي رحتي الراشد ورحت هناك بس مالقيتك يادانة؟يعني حتى الليل لمى تطرين على بالي مدري شسوي...فاهمتني؟ اصايل بتمثيل انها فرحانة/يعني افهم من كلامك انك بديت تحطني في بالك؟ ضاري/.......... اصايل/تصدق حتى سكوتك ريحني؟ ضاري/متى بشوفك مرة ثانية؟ اصايل/انا اللحين مقدر لاني باخذ لي دورة كمبيوتر ودورة لغة انتظر عليّ شوي... ضاري/حلو,,,,,ووين بتاخذينها؟ اصايل/يهمك تعرف؟ ضاري/طبعا.... ام عادل/يعطيك العافية يمه... جاسر/الله يعافيك ياخالتي... ام جاسر/احط لك الغذى يمه... ام عادل/بكرة يتزوح وترتاحين منه ومن خدمته ابتسم لها جاسر/ قالت لك امي.. ام عادل/وش دعوة ياجاسر يمه....صدقني لو هي ذبيحة ماعشتك...انت بس لو قلت لي سحبتها وعطيتك اياها بدون ماتكمل كلمتك؟ جاسر/تسلمين ياخالتي... ام جاسر/عاد احنا وين بنلاقي احلى من حنان؟ جاسر/على قولتك يمه... ام عادل/أي تراها غالية ومدللة... جاسر/وبعد!! ام عادل/وحساسة مرة... جاسر/أي يبين عليها... ام عادل/دير بالك عليها ولاتزعلها ياجاسر؟ جاسر/بعيوني ياخالتي مايحتاج توصيني.... ام جاسر/لا يمه..لازم تسمع كلام خالتك هي ادرىببنتها منك واسمع اللي يضايقها ولاتقربه..... جاسر/وانا اقوى اضايقها عاد ياام جاسر؟ ////////////////////////////////////////////////////////////////////جت من وراه وهو يناظر بالبضاعة اللي قدامه صبا بهمس/عادي اشتريلي اكل واغراض ابيها؟ قال لها بدون مايلف/وانا ليش عاطيك فلوس بالله!!! صبا بدلع/مدري..اخاف اسوي شي انت مو راضي عنه بعدين تزعل عليّ وانا مااتحمل زعلك لحظة؟ غمض عيونه وقال بهمس/صبا.... صبا بنفس الهمس/أي حبيبي... نايف/بذبحك,,,, صبا/حلالك...... لف لها...وغمزت له بعيونها....وناظر بحوالينه وحمد ربه ان ماحد من جماعته قريب منهم... نايف بتاءنيب/لشنو ها الحكي اللحين بالله ماتقولين لي!!! صبا بنفس الدلع/يعني مايصير اقول لك ها الحكي ياعمري؟ نايف وهو ماسك نفسه/عندك الفندق بنشوف اذا رجعنا ولاالسالفة بس عناد؟ صبا/لا بالفندق انا استحي!!مقدر اكون معك بروحنا!!! نايف/ياسلاااااام!!ولسانك مايقطر عسل الا وسط الناس..؟ صبا/خلاص مو قايلة لك شي... مسك ذراعها قبل لاتمشي من وراه... نايف بهمس/بنشوف الليلة بالفندق وش تقولين؟ صبا بلامبالاة/خلاص انت مابغيت مني شي هنا!!!تحطمت نفسيتي ومقدر اقول أي شي؟؟؟؟ نايف/شوف بنت ال.. صبا/اششششششش خلاص يالله امشي من هنا في وحدة يمكن انها امك جاية صوبنا؟ نايف وهو يفتح عيونه على وسعها/وانا اللي امشي مو انتي!!! صبا/طبعا!!يالله الحق على نفسك وامشي لاتمشكل نفسك.... ابو عبدالله/هقوتك البنات يشوفون بعض؟ ام عبدالله/مايبيلها كلام!!!اصلا عماتها ماخلوها عندهم الا علشان اختها المقرودة؟ ابو عبدالله/............. ام عبدالله/.............. ابو عبدالله/يعني تتوقعين جاسر راضي يشوفون بعض ولا غصبا عليه؟ ام عبدالله/والله عاد مدام خواتك بالسالفة محد يقدر عليهم... ابو عبدالله/.............. ام عبدالله/خلنا بعيدين عنهم وصفي لنا الجو كم يوم من سيرتهم...بناتك ينخاف منهم ماينخاف عليهم؟ ابو عبدالله/يمكن اصايل بس ليالي مااعتقد.... ام عبدالله/هذا لانك ماتعرفها النسرة ولاتشوف سوالفها معي!! ابو عبدالله/ليالي؟ ا م عبدالله/أي ومن غيرها....انا بس كنت اداري عنك سوالفها لاتضايق نفسك ولاهي يمه منها ... ابو عبدالله/الله يستر منها اجل...لاتفشلني قدام ولد اخوي ويردها لي من جديد؟ ام عبدالله/مانبيها حتى اذا ردها ياعيوني؟بضاعته وشراها ويصطفل وياها وش ماسوت احنا مالنا شغل؟ ////////////////////////////////////////////////////////////////////ثامر/انتي شتسوين هنا؟ شمايل/مالك شغل؟ ثامر/مسوية حراسة على ليالي؟ شمايل/أي.....كانت الصباح عندها عمتي عبير ...بس اختها مابينت....ابي اشوف وش يسوون ووين يروحون؟ ثامر/اممم شمايل/انت ماشفتها مرة طالعة ولاداخلة ولا... ثامر/انا مااشوف الا عماتي يجونها وبس!!!! شمايل/زين انقلع عني خلني اراقب بهدوء.... ثامر/مالت على الاخلاق الشينة بس!!! شمايل/روح لاادفنك قال مدري شنو؟ *****بالمطبخ,,,, كانوا جاسر وهتون بس واقفين مع بعض.... هي فكرها الشارد بمتعب اللي بيجي لليالي باي لحظة وبصده لها .... وجاسر بتفكيره بليالي اللي مو داري انها مرته وحلاله وخاطب غيرها..... جاسر/اقول هتون...البنت من درت اني خاطبها ماهي مبينة؟ هتون بلامبالاة/وش تبي فيها عاد بتشبع منها بعدين؟ جاسر بنرفزة/انتي ليش كذا اخلاقك شينة؟ هتون/طالعة على اهلي !!يعني لمنو بكون طالعة ؟ جاسر/فينا نقعد مع بعض صح؟ هتون/فيكم... جاسر/طيب روحي ناديها قولي لها جاسر يبي يكلمك؟ هتون/قول لشمايل انا مالي خلقها كثير... جاسر بصرامة/حطيها على بالك زين تراها مرتي واحترامها مثل احترامي!!! هتون/ترى انا للحين شاكة في سالفة حنان ياجاسر؟احسها بتجيب لك مصيبة؟ جاسر/اوووف منك...تدرين انك تمللين؟ دخلت شمايل المطبخ وهي تشاهق وشكلها جاية ركض... جاسر/جيتي بوقتك...روحي.. قاطعته وهي تلهث/الحق.... جاسر/على شنو؟ شمايل/على مرتك اللي مسوية روحها شريف مكة؟ جاسر بنرفزة/شمسوية بعدّّ شمايل/شرفك ياجاسر شرفك؟؟؟تصور انها مدخلة رجال غريب عندها وبنص النهار!!!هاذي عدمها الحيا ياخوي؟ طاح الكاس من يدها وطلع الشرار من عيونه وقال بعصبية/انتي متاْكدة؟؟؟ شمايل/شفتها بعيوني وهي فاتحة باب الملحق له وبعدها دخل وراها وجايب لها اغراض بعد!!! ماانتظر يسمع اكثر اخذ بعضه وراح لملحق ليالي وهو مايشوف اللي قدامه.... وحدها كانت بمكانها وتوها بتستوعب السالفة,, ليالي ورجال غريب وجايب لها اغراض؟؟؟مستحيل؟؟ظ لحظة....الرجال الغريب....هو ماغيره.....لاياربي لاتتهور ياجاسر هذا متعب اكيد...وين عبايتي خل اروح الحق الموقف..... وصل لباب الملحق واللي كان بعده مو مقفل بس مسكر على خفيف واي شي بيفتحه.... فتحه مثل الاعصار وكانت هي ومتعب واقفين قبال بعض ويضحكون وماانتبهوا لدخلته الشرانية... مسكها من ذراعها بدون مايلفها لعنده ورماها على الارض وطاحت على وجهها.... جاسر وهو بركان/انا يانذلة تخونيني!!!انا ياكلبة يللي ماتربيتي!!!!انا تدخلين رجال في بيتي وبعز النهار بعد!!!الا اربيك الا اربيك يابنت الكلب... كان يرفسها برجله ذيك اللحظات وهي مرمية تحته وهو مو شايف اللي قدامه لين مسكه متعب وصاروا يتعاركون مع بعض...متعب بعصبية/احترم نفسك ياخسيس..ليالي اشرف منك ومن كل اهلك بعد؟؟ جاسر بانفعال/أي بعد دافع عنها...مو مدخلتك بيتها وموفرة لك اللي تبيه وش بتقول عنها يعني؟؟؟؟وش بتقول غير ان عندها زوج مغفل مايدري بللي حوالينه؟؟؟ ليالي وهي تبكي/جاسر لا...انا ماسويت شي... جاسر وهو يشيلها من شعرها/وش اللي ماسويتي شي ياكلبة؟وهذا منو؟؟هذا اللي مدخلته بيتي وش يطلع؟ رفعت راسها بعد ماعطاها كف على وجهها والتقت العيون ببعض...وجمدت يده مكانها...وجمدت عيونه مكانها...وجمد كل شي فيه كان قبل شوي مشتعل... ليالي وهي تبكي/جاسر...لا....حرام عليك لاتفكر فيني الشينة؟ متعب بنرفزة/لبسي عبايتك مالك قعدة في بيت ها الواطي الحقير.... قامت تلبس عبايتها ووحده قعد على الارض مثل الحيران وهو يحاول يربط بين شكلها واسمها لين دخلت هتون... ومتعب ماسك جاسر من ثوبه وبدو يتعاركون من جديد... متعب/انا مااسمح لك تهينها ولاتلمس منها شعرة وحدة فاهمني؟؟؟ جاسر/انت واحد حقير ونذل بس وين..لاتفكر انك بتطلع من ها المكان الا وهم شايلين جثتك وراك؟ هتون بصراخ/جاسر لا...هذا متعب خال ليالي؟ جمدت اليدين على بعض للصوت اللي جاي.... متعب لاشعوريا لف ولقاها واقفة قباله هي بكل مافيها...ولاشي تغير فيها من اربع سنين وجاسر بعده بحيرته ....هاذي ليالي مرته وهذا خالها؟؟؟وش اللي قاعد يصير؟ طلعت ليالي بعد مالبست عبايتها وهي تبكي وتناظر بجاسر اللي كان يناظرها بنظرات غريبة مافهمتها ومتعب اللي كان هو وهتون يناظرون في بعض بعد بنظرات مافهمتها.... طلعوا متعب وليالي وتركوت روح جاسر الحيرانة ودموع هتون وبس!!! جاسر بصدمة/هتون....هاذي ليالي؟ هتون وهي تمسح دموعها/وهذا خالها متعب...انت ليش تسرعت وحطيتنا بها الموقف؟ جاسر بنفس الصدمة/أي بس هاذي البنت اللي انا فاكرها حنان وابيها ياهتون؟ هتون/شنو؟ | ||||
أدوات الموضوع | |
انواع عرض الموضوع | |
|
|