آخر 10 مشاركات
هيا نجدد إيماننا 2024 (الكاتـب : رانو قنديل - )           »          سجل هنا حضورك اليومي (الكاتـب : فراس الاصيل - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          في قلب الشاعر (5) *مميزة و مكتملة* .. سلسلة للعشق فصول !! (الكاتـب : blue me - )           »          587 - امرأة تائهة - راشيل فورد - ق.ع.د.ن ... حصريااااااا (الكاتـب : dalia - )           »          112 - دمية وراء القضبان - فيوليت وينسبير - ع.ق (الكاتـب : بنوته عراقيه - )           »          مشاعر على حد السيف (121) للكاتبة: Sara Craven *كاملة* (الكاتـب : salmanlina - )           »          إلَى السماءِ تجلت نَظرَتِي وَرَنـت (الكاتـب : ميساء بيتي - )           »          16- انت وحدك - مارغريت ويل - كنوز احلام القديمة (الكاتـب : Just Faith - )           »          سيدة قلبه (35) للكاتبة: Deborah Hale .. كاملة .. (الكاتـب : * فوفو * - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 23-10-10, 12:30 AM   #1

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
Rewitysmile25 قساة اضعفهم الحب........للكاتبة(( ملح الحياه وسكرها))ا




السلام عليكم ورحمة الله وبركاته

انا جبت لكم اليوم رواية حلوة اوى وهى رواية قساة أضعفهم الحب
إن شاء الله انزل كل يوم بارت بس يا ليت تعجبكم وتبعوها معى
لكن لو الرواية نزلت فى المنتدى من قبل يا ليت تنبهونى علشان اوقف تنزلها





لا تنســـــــونى من التقيـــــــــــــم




بسم الله الرحمن الرحيم

نبدأالرواية على لسان الكاتبة:

[rainbow]
قساة اضعفهم الحب,,,
[/rainbow],,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,
واخيرا ياقلبي احببت..فااليوم تحب وغدا ستحتضر وبعد غد ستموت وحيدا,,,لانك رفعت الحجاب الذي حجبك عن كل من اراد ان يحبك ورفعته للوهم الذي اوهمك بالحب ,,,
فيا قلبي للاسف ستموت وانت متوهم بان محبوبك سيعود يوما ,,,
فكف عن سطر كلمات الحب ياقلبي لمحبوبا لايعلم شيئا اسمه الحب في الدنيا......
فاانت تتعب نفسك بالكتابة وهو يسلي نفسه بحرق ماتكتب ياقلبي؟؟؟
افق وانظر الى حياتك فمحبوبك لن يعود لانه كذب عليك بكذبة حب ومن المستحيل ان تتحول الكذبة الى صدق ياقلبي ...
كف عن البكاء فدموعك لاتحرق الا الذي يحمل في جنبه قلبا ومحبوبك لايوجد في جنبه الا فراغ كبير تتبخر دمعتك فيه دون ان تعرف هي ماكانت تحمله دمعتك ياقلبي,,,
عد الى حجابك القديم وانعم بدفئك القديم فلا يوجد انسان يستحق ان يرى مايخفيه قلبك....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
غالياتي العزيزات على قلبي...متابعاتي اين ماكنتما ومتى ماقراْتم,,,ها انا معكم من جديد في هدية متواضعة مني لكم ونزف جديداتمنى ان ينال استحسانكم ورضاكم كما في السابق...
دعونا نبحر معا في بحر نزفنا الجديد(قساة اضعفهم الحب)ولكم مني كل الشكر والتقدير والعرفان لتواصلكم الرائع والدائم معي,,,,*************************************ا
البارت الاول,,,,
ابو جاسر/حيا الله اخوي,,
ابو طلال/تو مانورت الشرقية..
ابو عبداللله/منورة فيكم يااهلها...
ابو جاسر/والله عجزنا فيك ياخوي من كثر ماقلنا لك خل الديرة وتعال اسكن معنا بس منت طايع...
ابو عبدالله/لامستحيل..انا عشت عمري كله هناك ومقدر اترك الديرة ابدا وانتوا تعرفون ها الشي,,,
ابو طلال/اقلن البنات ياخوي اتركهم يروحون الرياض يكملون تعليمهم..
ابو عبدالله/أي تعليم بعد!!!كفاية الثانوية والبنت مالها الا بيت زوجها..
ابو جاسر/الله يسعدهم ان شاءالله وتشوف كل وحدة في بيت زوجها,,
ابو عبدالله/انا علشان ها الموضوع بالذات جايكم,,,
ابو طلال وابو جاسر ناظروا في بعض,,,
ابو جاسر/خير ان شاءالله ياخوي..
ابو عبدالله/انا جاي اخطب لبناتي عيالكم,,,,!!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,
جاسر/انا طالع تبون شي...
هتون/على وين العزم...
جاسر/طالعين انا وطلال ونايف البحرين,,
ام جاسر/أي بس عمك عمك بو عبدالله هنا...
جاسر بنرفزة/وانا شسوي له اذا كان هنا بالله!!!!انا ماعندي غير اليوم اجازة وابي اطلع بكيفي,,,
ام جاسر/ومنت رايح مسلم عليه قبل لاتمشي,,
جاسر/اذا رحت المجلس اسلم معناته ماراح اطلع ,,
شمايل وهي تسوي اظافرها/وانتوا وين رايحين بالبحرين؟
جاسر فتح عيونه على وسعها وقال بسخرية/وانتي المسؤلة عني؟؟؟!!!!
(عيلة بو جاسر الرميحي)
ابو جاسر/الاخ الاوسط بين ولدين وبنتين واطيبهم قلب,,,
ام جاسر/زوجته وسنده وبينهم صفات مشتركة,,
جاسر/الولد البكر او الشاب المغرور..عمره ثمان وعشرين سنة,,اسمراني مملوح يعجبك لاضحك وتشوفين فيه كل هيبة اذا عصب,,,غير انه شايف حاله كثير كثير,,,
هتون/البنت الكبيرة وعمرها اربعة وعشرين سنة,,,مغرورة حيييل ومايعجبها أي احد,,,,جمالها متوسط بس عزة نفسها دايم فوق,,,
شمايل/ البنت الثانية بعيلة بو جاسر وفي الشر والغرور نسخة من اختها بس في الاشكال مابينهم أي تشابه بسنة اولى بالجامعة,,,,
ثامر/الولد الصغير والضايع بالعيلة واللي مافي احد من سنه لامن اهل امه ولامن اهل ابوه عمره 12 سنة حبوب ومؤدب بس في بعض الحالات يقلب لشخص لايطاق من ثقل الدم!!
**************************************ريم/على وين طاير!!!
ضاري/البحرين....
رانيا/خذني معك اخوي واللي يخليك,,,
ضاري وهو يحوس بجواله ومو ملتفت لهم/انا رايح مع جاسر ونايف,,,
رانيا/واذا...جاسر ولد عمي ماهو غريب عنا وبيتنا جنب بيتهم ونايف من زمان نعرفه تكفى لاتقول لا...
ضاري/مرة ثانية,,,
ريم/ضاري...عمي بو عبد الله هنا....
ضاري باحتقار/وانا شكو؟؟؟؟اخوه ولااخوه؟؟؟
ريم/لامنت اخوه ..بس ولد اخوه يعني هو عمك...
ضاري وقف وقال/وخير يعني!!!
ريم/منت رايح مسلم عليه...
ضاري/لاطبعا....هذا ثوبه غير ثوبي...
ام ضاري من وراهم/اقول يمه لاتتاخر ترى الجسر اليوم زحمة ولاتنسى حلوتنا عاد!!(قالتها بمعنى روح ياضاري وماعليك من شي)
(عيلة ابو ضاري الرميحي)

ابو ضاري/الاخ الثالث بين اخوانه شخصيته مو بقوة ابو جاسر ولاابو عبدالله ويمشي بكلمة من ام ضاري ولاضاري ولده الكبير والوحيد...
ام ضاري/بالدرجة الاولى هي المسيطر على البيت يعني هي النفوذ والسلطة والكل بالكل وتكره شي اسمه ابو عبدالله واهله لانه عايش ببساطة بقرية قريبة من الرياض وتعتبره دونهم,,,وكل شي بالدنيا عندها ولدها ضاري وبس...
ضاري/الابن البكر ولمغرور والوحيد والمدلل ..بعمر جاسر والفرق بينهم شهور بس...متخرجين من نفس الجامعة ويشتغلون بنفس الشركة وكل الصفات بينهم مشتركة بس ضاري يزيد على جاسر في لامبالاته وغروره حبتين...
ريم ورانيا/تؤام بعمر شمايل بنت عمهم وبنفس الجامعة ويتشابهون لدرجة كبيرة حتى بالصفات وطبايعهم اخف شوي من ضاري لانه مافي مجال في ظل وجود ضاري انهم ياخذون الجو....
**************************************في قرية بسيطة قريبة من الرياض..كانت عيلة ابو عبد الله عايشة ببساطة شديدة وبعيدا عن كل انواع التحضر في بيت بسيط جدا..
طبعا بو عبد الله هو الاخ الاكبر بين اخوانه بس فضل انه يعيش بعيدا عن اهله بها القرية البعيدة عنهم وعن حياتهم وعنده زوجتين ام عبد الله والثانية ام ليالي واصايل اللي توفت واللي هم بيكونو محور الرواية,,,,
وعنده خمس بنات غيرهم من ام عبدالله....
اصايل/اووف ياربي لمتى عاد ها الحال...
ليالي وهي تناظر بالسماء/سنتين وانتي قاعدة بالبيت تعبتي..مابالك بللي قعدت ثلاث سنين ماتحسينها اوشكت على الانفجار!!!!
اصايل/الله يرحمك يايمه لو كنتي عايشة كنتي خففتي علينا..
ليالي/تتوقعين ابوي مطول على مايجي من الشرقية..
اصايل/مااظن هو مايحب القعدة هناك...
ليالي/وحشتني عمتي عبير حييل ومشتاقة لها ولروعة...
اصايل/اه لو بس احنا قريبين منها...
ليالي/تصدقين انا مااحب ها المكان ابدا!!رغم ان حياتي كلها هنا ومن فتحت عيوني ماشفت غيره بس مدري ليش ماحبيته...
اصايل/مايبيلها كلام ياليال...بيت تفتقرين فيه الى الحب والاحترام من الناس اللي حواليك اكيد ماراح تحبينه...
بدون مقدمات انفتح الباب اللي وراهم وعلى صوت ام عبداللع العالي بخشونة/علامك انتي حاطة راسك براس اختك ..شتقولون انتي واياها؟؟؟
ناظروا في بعض واسكتوا...
ام عبدالله/قوموا نظفوا المكان وشيلوا سفرة.العشى...
اصايل بنرفزة/وانتوا تعشيتوا؟؟ليش ماناديتونا!!
ام عبدالله/وانتي الاميرة علشان نناديك وقت العشى..مو كفاية انكم ماطبختوا العشى واكتفينا ناكل خفايف بسبتكم انتي واختك...قوموا بس قوموا بلا طوالة لسان,,,
اصايل بنفس اللهجة المتنرفزة/وطبعا ماشلتوا لنا من ها الخفايف شي!!!
ليالي/اصايل خلاص...
اصايل/والله حالة ..لافطور ولاغذى ولاعشى..اخاف نطر اللقمة منكم ياخالتي؟؟؟
ام عبدالله/يوم المنى اللي تطلعين من بيتي انتي واختك وارتاح منكم ومن شوفة وجوهكم...
اصيل بحدة/هذا بيت ابوي!!
ام عبدالله باستهزاء/وش دعوة ابوك بيموت عليك ولاعلى اختك ياحسرة...ابتلى فيكم من بعد وفاتها لاخالة ولاخال ولابيت جد يرميكم فيه وقعدتوا على قلبي....بس ان شاءالله يصير اللي في بالي وارتاح منكم,,,,
,,,,هذا حال ام عبدالله كل يوم مع اصايل وليالي من خمس سنين من توفت امهم مالها شغل ومشغلة الا ولسانها يجاكرهم ويهاوشهم بسبب وبدون سبب ودايم ليالي تسكت اتقاء للمشاكل ولغضب ابوها واصايل تنفعل بكل مافيها...
ليالي/البنت الكبيرة عمرها واحد وعشرين سنة سمرتها عجيبه عاطيتها هيبة وملاحة وتخليك تنجذب لها وانت تناظرها بدون ماتحس..نوعا ما هادئة اكثر من اختها وتمسك لسانها ومسالمة,,
اصيل/البنت المندفعة اللي ماتخلي شي بخاطرها ابدا ويطلعه لسانها علطول..على عكس اختها تماما من ناحية الشكل لان اصايل تقاسيمها حادة وقوية وفي جمال يشدك لها بمجرد تشوف نظرات عيونها العسلية..
الفرق بين ليالي واصايل سنة وحدة بس وعلاقتهم ببعض اكثر من خوات وصديقات لانهم مقابلين بعض طول حياتهم ومايتخيلون ابدا انهم يفترقون باي لحظة....
**************************************
بمجمع السيف,,,
جاسر/وش ها الحكي يابنت الناس...
على التلفون كانت غادة تكلمه/ماابي..زعلتني ليش توك تقولي..
جاسر بسخرية/وانتي ولية امري بالله علشان اقولك وتعرفين وين رايح ومن وين جاي!!!
غادة بدلع زعلان/ياسلااام انت ناسي انت شنو بالنسبة لي!!
جاسر بطولة بال وهو بدا يتملل/شنو؟؟
غادة بهيام/كل حياتي...
جاسر بحدة/المهم يللي انا كل حياتك الفلم بيبدي وبقوم اشوفه..
غادة/لاماابي ظل سولف معي...
جاسر /ترى مااحب اسكر بوجه احد فلاتخليني اسويها فيك..
غادة بقهر/طيب بس دق لي لاتنسى انا ناطرتك...باي..
ضاري وهو يناظر بجاسر ويشرب قهوته/ماخلصت من غادة؟
جاسر/وليش اخلص منها..تبيني كل يوم اشبك مع وحدة؟
نايف/بس مااحسك تحبها ياجاسر علاقتك فيها للبرود ميالة اكثر...
جاسر/يمكن ماني رايق لها كثير...
ضاري/انا مستحيل اتزوج الا بعد قصة حب تشلع قلبي من مكانه...
جاسر/ها ها ها..
نايف/الا الصدق وش صار مع اوراقكم خلصتوها ولالسه ماعندكم وقت...
ضاري/بلى خلصناهم..
جاسر/على قد ماكنت انتظر ها الدورة واسعى لها يوم جتني مو طايق اني اروح..
نايف/ليش عاد كلها شهر وانتوا رادين...
جاسر/.......................
(نايف التميمي..صاحبهم ومن عمرهم وبنفس اطباعهم الشينة ويمكن انه يزود عليهم بعد...توه راجع من لبنان ومستلم شركة ابوه بالدمام)
**************************************ام جاسر/خير يابو جاسر من طلع ابو عبدالله وانت صافن ؟عسى ماشر؟
ابو جاسر اكتفى بانه يتنهد...
ام جاسر جلست جنبه/لا السالفة فيها شي...شنو..شصاير؟
ابو جاسر/ام جاسر..اليوم اخوي ابو عبدالله طلب منا طلب غريب...
ام جاسر/شنو يعني طلب غريب...لاتقول بياخذ ابوه عنده لانه ماعمره طلب ها الشي.....
//////////////////////////////////////////////////////////////////////////////////////////////////////////////////////

بنتظاركم بكرة في البارت الثاني....
البارت الثاني,,,,,
ام جاسر/شنو يعني طلب غريب..لاتقول انه بياخذ ابوه عنده لانه عمره ماطلب ها الشي...
ابو جاسر/لا..هو اصلا ماجاب طاري ها الشي ولاحتى سال عن ابوي ولاقال بيمر يسلم عليه...
ام جاسر/شنو اجل..
ابو جاسر/سمعي..........
**************************************ام ضاري وقفت وقالت بعصبية/هذا ياتجنن ياصاب عقله شي؟
ابو ضاري/...............
ام ضاري بحدة/وانت شقلت له؟؟؟
ابو ضاري/ماقلنا شي...سكتنا انا واخوي اصلا احنا تفاجاْنا من طلبه...
ام ضاري باحتقار/صدق ناس ماتستحي...بحياتي ماشفت مثل ها الاوادم!!!احد يجي عيني عينك ويقول خذوا بنتي لولدكم!!وين عايشين احنا...ولدي انا مشاءالله عليه وحوله وحواليه ياخذ ها البدوية القروية؟؟حشى لله...ماياخذها...مالقوا غير ضاري ولدي يرمونها عليه..هذا بس بيسمع الخبر بيقلب علينا البيت فوق تحت؟
**************************************اليوم الثاني...
عبير/انا هذا اللي سمعته امس منهم,,,
ام احمد (اختها الكبيرة)/متاْكدة اخوي بنفسه جاي يخطب لبناته,,,
عبير/هذا اللي صار...اكيد ام ضاري قالبة الدنيا اللحين هي من غير شي ماتواطنهم بعيشة الله لو بس تسمع سيرتهم..
ام احمد/أي بس ماله حق يسوي كذا في بناته..وش فيهم حلوين ومستورين لو بس علشانهم يتامى ماوراهم ضهر...
عبير/المشكلة مو فيهم ياقلبي ولافي طلب ابوهم..
ام احمد/اجل وين المشكلة؟
عبير بتنهيدة/بتقنعين منو فيهم...الام ولاولدها ولاابوه ..هم لو فيهم خير اخوانك قاموا بابوهم مو ها الساع تبينهم ياخذون بنات اخوهم اللي مايشيلهم الا البداوة ومايحطوهم الا القرواة واللي بحياتهم ماالتقوا فيهم..
ام احمد/الله يعين ياعبير يااختي...والله مو رايحين فيها الا اصايل وليالي..تلاقي ها الفكرة من ام عبد الله الله يصلحها...
عبير/وابوهم يبيها من الله...
ام احمد/البنت الكبيرة لعيال الرميحي,,,عندها احمد وتهاني وبسمة...
عبير/اخر العنقود في العيلة عمرها من عمر جاسر وضاري يعني على الثمان وعشرين سنة عندها بنت وحدة اسمها روعة والكل في العيلة يحط لها تقدير واحترام حتى ضاري وجاسر علاقتهم فيها حلوة,,,
**************************************جاسر ببرود يفتت الاعصاب/انا المقصود ولاغيري...
سكتوا الباقيين وناظروا فيه...
ام جاسر/أي...انت وضاري ولد عمك...
جاسر بلامبالاة/اخاف عمي مضيع بسوق الغنم بس!!
شمايل حطت يدها على فمها تكتم ضحكتها لان الموقف متاْزم وبتروح فيها لو يشوفونها تضحك,,,
ابو جاسر/جاسر..
جاسر/خير يبى,,,
ابو جاسر بتنهيدة/انت شرايك...
ام جاسر بصرامة/انتهينا من ها السالفة يابو جاسر...
ابو جاسر بحزم/بس انا ابي رايه هو...
جاسر بكبرياء/في شنو يبى؟
ابو جاسر/بالعرس من بنت عمك؟
جاسر بعصبية/يبى انت اكيد تمزح!!
**************************************رانيا/ههههه
ضاري باحتقار/عسى ماشر ليش تضحكين؟
رانيا/ياربي مو قادرة اتخيل..تصور نفسك ياضويري تاخذ ها القروية!!
ام ضاري بحدة/تكلمي عدل قالت ضويوي قالت؟ضويري بعينك هذا تاج راسك وتاج راسكم كلكم,,,
ضاري بشماتة/سمعتي!!
رانيا انفجرت بالضحك/مااتخيل ابدا ان ها البديوة القروية تعيش في بيتنا وتلبس وتاكل مثلنا..احسه شي غريب,,,
ريم/ليش هم مو عايشين في بيت...يمه هم عايشين بخيمة!!
ام ضاري/وشايفتني كل يوم زايرتهم بالله!!قلعتهم وين ماكانوا..
ريم بسخرية/اقول ضاري ماودك تجرب ها التجربة العويصة؟؟؟
ضاري باحتقار/الا ودي...ليش ماودي؟اقول يمه جهزي اغراضي وراي بكرة سفر وقولوا لها يقولك ضاري اعرفي انتي منو وشنو قدرك بعدين خلي ابوك يخطب لك؟؟؟
**************************************

كان قاعد بسيارته بروحه...ويطالع الناس من حوله وهو يحس نفسه غريب عن ها الارض وها الدار...
بس هذا القرار الافضل...
انه يكون هنا مو هناك..على الاقل هنا اقرب لهم ويشوفهم بسهولة ...تنهد بقوة وهو يتذكرهم...ماظل عنده غيرهم يعوضونه عن اليتم والهم اللي هو عايشهم طول عمره ...
ويعوضونه عن الوهم اللي عاشه ثلاث سنين باسم الحب وتوقف بلحظة وحدة من لحظات ها الزمن القاسي اللي مايرحم...تنهد بقوة اكبر يوم ذكرها وذكر برودها الغريب ولامبالاتها باخر اتصال بينهم!!وكاْنها نست شي اسمه حب دام ثلاث سنين!!ورجعت فيه ذاكرته لذاك اليوم الاسود اللي قالت له فيه انه لازم ينساها لانها بترتبط بانسان ثاني!!!
/**************************************
اول ماسمعت الخبر دخلت غرفتها وقفلت الباب لاينتبه احد الى تغير الوانها.وربكتها..معقول يصير ها الشي؟معقولة بتشوفه مرة ثانية بعد ها الثلاث سنين؟؟وبيعرف انها كذبت عليه وانها ماارتبطت وكانت بس تبي تقطع علاقتهم!!!!لامو معقولة...شفيك انتي..اصلا هو مايدري منو انتي ومنو تكونين ..ليش خايفة بس..ليش؟
وقف قلبك من سمعتي بها السالفة وحسيتي انك ممكن تشوفينه..تدرين ليش يابنت........لانك بعدك تحبينه وتبينه بس غرورك مانعك من الاعتراف بها الشي....اه ياقلبي اه...
**************************************
راحت عند اختها وهي تمسح دموعها وتردد كلام ابوها(جهزوا اغراضكم انتي واختك كلها كم يوم وتتزوجون انا خطبتكم لعيال اعمامكم امس)
فتحت باب الغرفة ودخلت وسكرته وراها وتسندت عليه..
كل ماحاولت تمسح بها الدموع يزيدون اكثر واكثر...
ليالي بخوف/اصايل وش عندك يابنت ليه تبكين؟
غطت راسها بيدينها وزاد بكيها...
ليالي بحنان ممزوج بخوف/علامك يابنت تراك خوفتيني...لاتقولين متهاوشة معهم من جديد المفروض تكونين تعودتي على ها السالفة خلاص صار لنا خمس سنين من وفاة امي الله يرحمها واحنا بها الحال...
اصايل وهي تمسح دموعها/انتي عارفة وين كان ابوي امس بالشرقية وليه؟
ليالي بهدوء/ابوي...
اصايل/كان رايح ينهي مصيرنا...
ليالي بخوف/شتقصدين بكلامك يعني راح ينهي مصيرنا؟
/////////////////////////////////////////////////////////////////////
اشوفكم في بارت بكرة ان شاءالله واللي بيكون في الصباح...(وخلوا الاحداث تمشي شوي بعدين بحط لكم توقعات ترى ماني ناسيتها ههههه)ولاحد يقولي البارت قصير بلاعيارة ههههه
هلا فيكم ياقلبي..
منورين كا العادة بس كاْني لمحت ناس تبي بارت اطول مدري احداث اكثر تبون تتلاعبون مثل المرة اللي فاتت ..لا خلاص انا صرت شريرة بعد الحمل يادوب ها الكم مقطع اللي بينزلون مافي غيرهم هههههه ..لابجد هو التقسيم كذا مع تطور الاحداث بتطول البارتات وبعدين مافي احداث كبيرة على قولتكم علشان تونا بالبداية شوي شوي وبتشوفونها طلعت لاتستعجلون,,,
ويابعد عمري ياملوك الله يرحم موتاكم وموتانا وموتى المسلمين جميعا,,,,

وتفضلوا البارت الثالث,,,,,
عبير/علامك يبى كل ماتجي عندي تقلب نفسيتك مرة وحدة؟
ابو عبدالرحمان بصرامة/لاني ماابي اقعد عند نسيب وبيوت عيالي مفتوحة؟؟
عبير بقهر/تحط اهتمامي فيك وخوفي عليك وتحط الملحق اللي كل واحد حاطه لك في حديقة بيته؟؟
ابو عبد الرحمان/يظلون عيالي وواجبهم يقومون فيني!!
عبير/شفيك يبى..انا واختي ام احمد نبي نخدمك بعيونا ومانبي شي غير صحتك ورضاك علينا...
ابو عبد الرحمان بعناد/وانا مابكون مرتاح وراضي الا وانا هناك...
عبير بقهر/عاجبتك حياة القهر عند ام جاسر ولاحياة الذل من ام ضاري!!!يبى لاتعرض نفسك ل..
قاطعها بصرامة/دقي على السايق خله يوصلني...
**************************************
هتون بعصبية/يبى شها الكلام..
ابو جاسر/اللي سمعتوه...
هتون/بس يبى...
ام جاسر/ابو جاسر..احنا ماقلنا..
قاطعها ابو جاسر/وانا مقدر اقول لااخوي الكبير لا وهو جاي ومتعني لوسط بيتي؟
هتون بعصبية/يبى انت اكيد تمزح هاذي كيف ممكن تكون زوجة لجاسر؟؟؟مستحيل مااصدق!!!
جاسر بهدوء ممزوج باحتقار/مشاء الله خططتوا لكل شي ...
ابو جاسر/يبى انت ولدي الكبير وانا طالبك..
جاسر بشدة/وانا ماابيها يبى...
ابو جاسر/يبى خذها علشاني..وبعدين تزوج عليها ثنتين وثلات محد بيقول لك لا...
جاسر بعصبية/يبى انت فاهم شنو يعني ها البدوية تكون زوجتي!!!
ابو جاسر بهدوء/هاذي مهما كان بنت عمك وبنت اخوي ياجاسر...
**************************************
اصايل بهدوء ورواق وهي بالها مشغول لبعيد/خلاص ماصارت بتذبحين حالك من كثر مابكيتي..
ليالي بزعل وهي تمسح دموعها/ليش انتي شايفة ان الوضع ماياْزم ولايذبح!!
اصايل بتنهيدة/ماتدرين ياليالي يمكن يكون الوضع مختلف وتتغير حياتنا بعد مانروح الشرقية ونكون قريبين من اهل ابوي...
ليالي باستنكار/اهل ابوي!!!ليش احنا منو نعرف فيهم غير عماتي ام احمد وعبير؟؟حتى جدي واللي هو جدي ماعمرنا شفناه ولايواطنه بعيشة الله...اي اهل هذولا الليبتتغير حياتنا بعد مانرتبط فيهم!!اعمامي هذولا ياماما لايحبوني ولايحبونك ولايحبون ابوي حتى,,,,
وبعدين لاتنسين شي مهم يااصايل يااختي ان ابوي المبجل هو اللي عرضنا عليهم ولاهم مالهم خاطر فينا اصلا!!!
قالت اخر جملة بغصة وتنهدت بحرقة واصيل ناظرت بسقف الغرفة بعد مامسحت دموعها اللي كانت حابستهم طول ماهي قاعدة تتكلم مع اختها واللي بعد اخر جملة قالتها ليالي فجرتها هي ودموعها مرة وحدة وماتحملت شعورها بالمهانة(ابوها هو اللي عرضهم للزواج وهاذي اهانة كبيرة ماممكن يتحملونها ابدا)
**************************************

في الحي الهادى والفقير نوعا ما بضاحية من ضواحي الدمام وقفت سيارة نايف التميمي عند بيت محدد وترجل منها ودق جرس الشي اللي اسمه باب وهو متاْكل نصه من فوق ومن تحت عافي عليه الزمن...
بعد ثواني قليلة جاه صوت ناعم من ورى الباب يسال منو..
نايف بخشونة/انا نايف التميمي...
وقف الصوت مرة وحدة وكاْنه يحاول يستجمع انفاسه اللي تلاحقت بسرعة من سمعت بالاسم...
نايف كمل بخشونة/ترى عارف ان اخوك بالبيت وامك بعد..فتحي الشي اللي مسمينه باب لاتخليني اكسره...
بعد دقايق سريعة انفتح الباب وكانت واقفة قدامه بنت متوسطة الطول بعبايتها وغطاها ومو باين منها أي شي...واول ماتكلمت عرف انها نفس اللي ردت عليه قبل شوي...
صبا/اخ نايف لو سمحت الوالدة تعبانة شوي وزيارتك ممكن تزيد تعبها فلو سمحت ترجع بعد يومين تتفاهمون..
نايف بسخرية/واخوك النونو هو اللي يمرضها ولامتخبي بحضنها؟
صبا بعصبية/قلت لك اجل الزيارة شوي منت خسران شي...
نايف بعناد/واذا قلت لك ماراح ااْجلها شبيصير؟
صبا/..........ابوك منظر بشي ولاماْثر عليه ها المبلغ لو مارجع اللحين؟
نايف/انا مو شغلي انه يتضرر ولايبي فلوسه اللحين بس اخوك لازم يتاْدب..
صبا وهي تتلفت حوالينها خايفة احد يشوفها قالت بترجي/الله يخليك روح ومر بعد كم يوم وبعدين المحكمة بتعطيكم حقكم لو خايفين يضيع...
نايف/انا ماشي بس بلغي اخوك الحرامي انه أي مماطلة بالسالفة ماهي بصالحه ابدا...وانتي قلتي المحكمة بتجيبه قبل لاتجيب حقنا...**************************************
في ملحق بيت بو ضاري الخارجي واللي كان قاعد فيه جدهم بو عبد الرحمان دخلت ام احمد بنته وسلمت عليه ودنقت على راسه باسته...
ام احمد/شلونك يبى عساك بخير...
ابو عبد الرحمان/الحمد الله انتي شلونك وشلون العيال وابوهم...
ام احمد/كلنا بخير والعيال وابوهم يسلمون عليك...
ابو عبد الرحمان/ليش ماهم معك...
ام احمد/لا يبى انا جايتك بروحي بغيت اكلمك بسالفة وماابي العيال يسمعونها......
ابو عبدالرحمان/خير ان شاءالله...
ام احمد بتوتر/يبى...شصار على العيال اللحين؟
ابو عبد الرحمان باستفهام/أي عيال؟
ام احمد/جاسر وضاري..
ابو عبد الرحمان/ليش شفيهم....بكرة الليل بيسافرون...
ام احمد/لا انا اقصد سالفة العرس يبى...
ابو عبد الرحمان/ليش هم قالوا بيعرسون والله محد عطاني خبر؟
ام احمد بقهر/ليش محد قال لك عن جية اخوي بو عبد الله امس؟
ابو عبد الرحمان بعصبية/لا...وبعدين هو لو فيه خير كان مر سلم...
ام احمد/.......
ابو عبدالرحمان/وبعدين اخوك شيخصه بعرس العيال؟
ام احمد بهدوء/هو جاي يخطبهم لبناته اصايل وليالي...
**************************************ا
صايل/شفيك رايحة جاية...
ليالي بهمس/ابوي ماقال شي ولاجاب سيرة..
اصايل بنفس الهمس وهي تناظر بالحوش وتحديدا بابوها وخالتها ام عبد الله اللي قاعدين يتقهوون/وانتي ليش ذابحة نفسك تبين يقول لك...
ليالي/اصايل ابوي ماجاب لنا سيرة اصلا عن العرس غير كلمته لك البارح بانك تجهزين اغراضك وانا معك علشان الزواج وبس,,,وانتي شايفته من وصل البارحة راسه براس خالتي معقول ناوي يخطط لكل شي واحنا ماندري ويسوي لنا فيلم ويقول شيلوا اغراضكم ويودينا هناك وانتهت السالفة وبس!!!!
اصايل/ماتدرين يمكن عيال عمي يرفضون وماتتم السالفة..
ليالي/الله يسمع منك...
اصايل/تدرين منو مشتاقة اشوفه واحط راسي على صدره واقوله عن السالفة وابكي بكل قهر...
ليالي بتنهيدة حارة/الله يحفظه وين ماكان....تدرين يااصايل ساعات احس اني مابشوفه بعد طردة ابوي له من البيت وتهديده له...
اصايل بتنهيدة/تتصورين نروح هناك وهو مايدري عنا؟؟
************************************************** ************
شمايل/بس سؤال ممكن..
هتون بعصبية/خير...
شمايل/علامك معصبة كذا وشايلة نار بقلبك ..السالفة ماصارت وجاسر لايمكن يرضى ليش انتي مضيقة خلقك...
هتون بعصبية وصورة متعب في خيالها/اصلا كل الفكرة سخيفة وماكان له داعي انها تنفتح من الاساس...
شمايل/طيب كلنا عارفين ها الشي بس اللي يسمعك يقول انتي اللي بيزوجنك مو جاسر!!
هتون/سكري السالفة..
شمايل/سكرناها...
هتون/امس ماكانت عبير عمتي هنا ولاانا غلطانة...
شمايل/بلى رجعت مع جدي الليل وسولفت شوي مع ابوي ومشت ماطولت..

هتون/اممم...وحشتنا روعة الدبة,,
شمايل/فديتها تهبل طالعة علي..
هتون باحتقار/محق بعد!!!لو طالعة عليك محد حبها فينا!!
************************************************** ***********
اشوفكم بكرة ان شاءالله على خير وعافية,,,
مرحبتين فيكم يالغلا,,,
شلونكم وشخباركم وشعلومكم,,,,
تسلمون كلكم على تفاعلكم معي عساني منحرم منكم,,,
وتفضلوا نقراْ البارت مع بعض.....
البارت الرابع,,,,
شمايل/بس سؤال ممكن..
هتون بعصبية/خير...
شمايل/علامك معصبة كذا وشايلة نار بقلبك ..السالفة ماصارت وجاسر لايمكن يرضى ليش انتي مضيقة خلقك...
هتون بعصبية وصورة متعب في خيالها/اصلا كل الفكرة سخيفة وماكان له داعي انها تنفتح من الاساس...
شمايل/طيب كلنا عارفين ها الشي بس اللي يسمعك يقول انتي اللي بيزوجنك مو جاسر!!
هتون/سكري السالفة..
شمايل/سكرناها...
هتون/امس ماكانت عبير عمتي هنا ولاانا غلطانة...
شمايل/بلى رجعت مع جدي الليل وسولفت شوي مع ابوي ومشت ماطولت..

هتون/اممم...وحشتنا روعة الدبة,,
شمايل/فديتها تهبل طالعة علي..
هتون باحتقار/محق بعد!!!لو طالعة عليك محد حبها فينا!!
**************************************ضاري/السلام..
وعليكم السلام والرحمة...
ام ضاري/احط لك غذى يمه..
ضاري/لامو مشتهي...
ام ضاري/أي بس من طلعتك الصباح مااكلت شي يمه..
ضاري/اكلنا خفايف هناك انا وجاسر...
ام ضاري/خلصت ترتيب اغراضك...
ضاري/أي...
ام ضاري/قايلة لك انا بجهزهم لك بس ماطعتني..
ضاري بنرفزة/يمه اللي يسمعك يقول بيبي تجهزين اغراضي!!
ام ضاري/مهما كبرت بتضل في عيوني صغير واخاف عليك من الهواء الطاير...
ضاري/انتي قاعدة بروحك اجل وين عمتي ام احمد...
ام ضاري/ليش عمتك هنا...
ضاري/أي سايقها واقف برى يقول ينتظرها
ام ضاري/معناته قاعدة عند ابوها..مااشوفها مرت وسلمت..
ضاري بتاْفف/مدري شلاقين فيه ها الشيبة ماعنده غير الحنة والرنة..
ام ضاري باحتقار/وانت الصادق الله يفكنا منه قريب...
**************************************كانت واقفة بالمطبخ تعصر البرتقال لاامها اللي كسرها التعب...
حياتها في ها البيت غلط بغلط....وعيشتها وسط اهلها كانها عايشة بين ناس غريبين عنها..ماتدري ليش هم كذا وهي غير عنهم...صحيح هي تتمنى ان حياتها تكون افضل وتعيش وتلبس وتطلع وتستانس بس ماتمنته غير بالحلال ماتتمنى تاكل شي حرام...واللي سواه اخوها حرام وسكوت امها ورضاها بعد حرام بس لو ماطلع نايف بوجهه كانوا ناويين يكملون حياتهم بالحرام عادي!!
اه يادنيا اه..حاسة اني بنفجر باي لحظة ..مستحيل زيد اخوي مصيره السجن المؤبد ..منو بيظل لنا وشلون بنعيش عقبه شلون!!الله يسامحك ياخوي حلوت بعيونك سرقة معزبك وتزويرك باوراق الشركة وحساباتها ونسيت ان الله فوق وبيحاسبك بالدنيا قبل الاخرة ..هذا احنا بعدك بنضيع وبنتشت ولااحد يدري وش ممكن يكون مصيرنا...
منى من وراها بصرامة/مشاءالله ساعة تسوين عصير برتقال؟؟
صبا بهدوء/البرتقال يابس ويدي تكسرت وانا اعصر فيه...
منى/خلصي بسرعة وسوي شاي وقهوة اكيد جارتنا ام عادل بتمر تشوف امي..
صبا/اسفة عندي امتحان كيمياء ولسه مافتحته!!
(عيلة الماجد)
متكونة من ام يزيد وولدها الكبير يزيد ومنى البنت الكبيرة اللي وصلت لثلاثين وماتزوجت وصبا اللي بثالث ثانوي وعلاقتها باختها فاشلة من كل النواحي ومايجمعهم أي رابط..
صبا بثالث ثانوي ملامحها بسيطة وهادئة ومريحة ..متوسطة الطول جسمها مايل للنحافة اكثر فعلشان كذا تعطيها دايم عمر اصغر من عمرها ..
**************************************
وصلت سيارته لعند باب بيتهم وهو يتنهد بقوة..
اشتاق لهم كثير ووده يشوفهم بس سيارة ابوهم واقفة ومانعته من انه ينزل يسلم عليهم خصوصا بعد اخر طردة له من بيتهم,,,
ليش الزمن دايم واقف بوجهه وبطريقه ومانع عنه الناس اللي يحبهم...ليش دايم ينحرم من نعمة قربهم وحبهم وحنانهم...
فتح باب السيارة وصار يمشي حوالين بيتهم وكانه يتنفس هواهم...
حاول يمنع دمعة نزلت من عينه ومسحها بكم ثوبه بس مادرى ان غيرها نزلوا شلال.....اخذ بعضه وركب سيارته وصار يناظر في بيتهم بحسرة وقهر قبل لايحرك السيارة ويمشي,,,,
**************************************
الليل في مجلس ابو جاسر,,,
(جاسر وامه وابوه)
ابو جاسر/بكرة الصبح عمك نازل الشرقية واكيد بيسالني وانا ماابيه يروح ويرد على ها السالفة هذا اخوي الكبير ياجاسر,,,
جاسر بعصبية/وانا ماابي...
ابو جاسر بمسكنة/قلت لك يبى بس تزوجها على الورق وبعدين مالك شغل فيها بس وقع على الورقة ياجاسر...
جاسر/يبى افهمني..اللي تبيه شي مستحيل...
ابو جاسر/ماهو مستحيل ياولدي ليالي يتيمة وماعندها احد وبمجرد تجي عندنا ابوها ولاهو سال فيها بعد..يعني كل اللي عليك توقع بس وانا بكمل الباقي عنك...
ام جاسر/أي يعني ولدك يوقع وبعدين انت تستلم...ووين بتقعد ان شاءالله؟
جاسر/يمه انتي الثانية شتقولين؟؟انا ماابيها وانتي تقولين وين بتقعد؟
ام جاسر/مدام ابوك ماهو مطيح اللي براسه خل نتفاهم من اللحين...بيتي يتعذرها مايوسعها؟
ابو جاسر/بحط لها ملحق تحت ملحق الوالد بالحديقة غرفتين وصالة ولالك فيها ولالها فيك...
جاسر/اخذها بس مالي شغل فيها لامن قريب ولامن بعيد..
ابو جاسر بفرح/واذا تبي حتى السلام لاترميه بوجهها اذا شفتها بالغلط بس خذها..
جاسر/ولاني صارف عليها ريال واحد لانفقة ولاغيره لو تموت من الجوع..
ام احمد/السلام عليكم...
لفوا لها ثلاثتهم وردوا السلام....
ام احمد/متجمعين على الخير ان شاءالله...
جاسر/حياك عمتي تفضلي...
ام احمد/لايمه انا رايحة بيتنا بس لي كلمة مع ابوك...
ابو جاسر/خير يااختي ياام احمد....
ام احمد/انتوا ليه ماقلتوا لاابوي عن سالفة اخوي بو عبد الله وبناته؟؟
ام جاسر/انتي ناسية انه امس كان عند اختك عبير من الصبح...
ام احمد/وعبير ردته بعد صلاة المغرب وعرفت بالسالفة منكم,,,يعني ليش ماكلفتوا على حالكم تبلغونه,,,
**************************************
ليالي/تذكرين اخر مرة شفناه فيها كانت قبل حوالي خمسة شهور...
اصيل/والجوال اللي شافه ابوي عندنا واكتشف ان احنا نكلمه من وراه ونتف ريشنا بعد ها السالفة,,,
رغم انه الشي الوحيد اللي نتواصل فيه معه بس شنقول...
ليالي/اكيد اللحين هو قاعد يفكر فينا وباله مشغول علينا..
اصايل/يعني معقولة مافي طريقة نتواصل معه فيها بدون لايدري ابوي ولاخالتي ام عبدالله...
ليالي /مسوية روحك ماتدرين يعني....لو كانت فيه طريقة ماتركناها تروح من يدينا كيف ياحسرة علينا واحنا محبوسين ورى ها الجدران ومالنا غير عماتي اذا زارونا...
اصايل/ياربي انا خلاص مو قادرة اتحمل اكثر,,,
ليالي تنهدت وعيونها تدمع/قولي ماتدرين وش اللي ممكن تتحملينه وجايك بالطريق!!!
**************************************
ابو ضاري/رتبت امورك ياولدي خلاص,,,
ضاري وهو يحوس بجواله ولاهو مهتم/أي..
ابو ضاري بتردد/طيب وش قلت ياولدي على سالفة بنت عمك...
ام ضاري بعصبية/خلصنا من ها السالفة يابو ضاري وقفلناها,,,
ابو ضاري بنفس التردد/ييمكن ضاري عنده شي بيقوله...
ضاري كان بعده يحوس بجواله واكبر لامبالاة على ملامحه,,,
ام ضاري من قمة راسها/قلنا لك قفلناها ها السيرة خلاص عاد,,,,
ضاري وقف بيمشي وابوه قال بخيبة امل/يعني شقول لعمك ياضاري,,,
ضاري باحتقار/قوله يقولك ضاري بنتك ماتلزمه حتى خادمة!!!!!!
//////////////////////////////////////////////////////////////////////////////////////////////
اشوفكم بكرة على خير,,,

ندى تدى likes this.


التعديل الأخير تم بواسطة لامارا ; 30-09-18 الساعة 11:50 AM
taman غير متواجد حالياً   رد مع اقتباس
قديم 23-10-10, 06:51 AM   #2

جرح الذات

مراقبة ومشرفة سابقة ونجم روايتي

alkap ~
 
الصورة الرمزية جرح الذات

? العضوٌ??? » 54920
?  التسِجيلٌ » Oct 2008
? مشَارَ?اتْي » 16,539
?  مُ?إني » الدمــام
? الًجنِس »
? دولتي » دولتي Saudi Arabia
? مزاجي » مزاجي
My Facebook My Twitter My Flickr My Fromspring My Tumblr My Deviantart
?  نُقآطِيْ » جرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond repute
¬» مشروبك   cola
¬» قناتك dubi
¬» اشجع hilal
?? ??? ~
قول الله تعالى ..(إذكروني أذكركم وإشكروا لي ولا تكفرون )
?? ??? ~
My Mms ~
افتراضي

حبيبتي ذوقك اكيد رائع كالعاده باقي ما قرأتها

اكيد باذن الله لي عوده للتعليق بعد قرأتها


جرح الذات غير متواجد حالياً   رد مع اقتباس
قديم 23-10-10, 04:35 PM   #3

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

جهود واضح في القسم لاعدمناك يالغلا ^^

~sẳrẳh غير متواجد حالياً   رد مع اقتباس
قديم 23-10-10, 06:36 PM   #4

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
Icon26


اقتباس:
المشاركة الأصلية كتبت بواسطة جرح الذات مشاهدة المشاركة
حبيبتي ذوقك اكيد رائع كالعاده باقي ما قرأتها

اكيد باذن الله لي عوده للتعليق بعد قرأتها


[rainbow]
انت اللى كلك ذوق يا قلبى انشاء الله تعجبك
[/rainbow]



التعديل الأخير تم بواسطة taman ; 02-05-11 الساعة 10:30 AM
taman غير متواجد حالياً  
التوقيع











رد مع اقتباس
قديم 23-10-10, 06:39 PM   #5

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
Elk


اقتباس:
المشاركة الأصلية كتبت بواسطة soon مشاهدة المشاركة
جهود واضح في القسم لاعدمناك يالغلا ^^



شـكــ وبارك الله فيك ـــرا لك ... لك مني أجمل تحية .
انشاء الله الرواية تعجبك



التعديل الأخير تم بواسطة taman ; 02-05-11 الساعة 10:30 AM
taman غير متواجد حالياً  
التوقيع











رد مع اقتباس
قديم 25-10-10, 11:01 PM   #6

جرح الذات

مراقبة ومشرفة سابقة ونجم روايتي

alkap ~
 
الصورة الرمزية جرح الذات

? العضوٌ??? » 54920
?  التسِجيلٌ » Oct 2008
? مشَارَ?اتْي » 16,539
?  مُ?إني » الدمــام
? الًجنِس »
? دولتي » دولتي Saudi Arabia
? مزاجي » مزاجي
My Facebook My Twitter My Flickr My Fromspring My Tumblr My Deviantart
?  نُقآطِيْ » جرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond repute
¬» مشروبك   cola
¬» قناتك dubi
¬» اشجع hilal
?? ??? ~
قول الله تعالى ..(إذكروني أذكركم وإشكروا لي ولا تكفرون )
?? ??? ~
My Mms ~
افتراضي

يعطيك الف عافيه على البارت حبيبتي اعذريني

اني سمحت لنفسي احذف البارت الثاني لانه مكرر للبارت الاول

جسار وضاري اسلوبهم مره مو حلو الله يستر على البنات

الرجل المجهول هو الاكيد انو اخوهم بس ليش مطرود وش السبب

منتظرينك يالغلا لك ودي


جرح الذات غير متواجد حالياً   رد مع اقتباس
قديم 26-10-10, 02:40 AM   #7

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
افتراضي

وتفضلوا بارت اليوم,,,,,
*اليوم الثاني بعد صلاة الضهر...
ا,,,,
بوعبد الله/ياليالي ..ياليالي وصمخ...
ليالي بسرعة/نعم يبى,,,
ابو عبدالله بعصبية/لبسي عبايتك وتعالي لي السيارة,,
ليالي فتحت عيونها وقالت بخوف/وين بنروح؟
ابوها بنفس العصبية/وانتي من متى تناقشين يابنت!! لبسي عبايتك وتعالي,,,
ليالي بخوف مفضوح/ان شاءالله يبى,,,,,ثواني وجايتك,,,,
كان قلبها مقبوض من الخوف بس لو هو الموضوع صدق ليش هي بيناديها واصايل لا؟؟؟وبعدين هو ماقال لها خذي اغراضك معك بس قال لها تعالي....غريبة يبى هاذي اول مرة تقولي لبسي عبايتك وتعالي السيارة...الله يستر قلبي مو متطمن ابدا!!!!
**************************************
صبا/اوووف ياربي شمس مووت قربت اصير مشاوي..
نور/ههههه مشاوي عاد مرة وحدة؟؟؟
صبا بتافف/حرام والله حرام اسمنا نركب باص المدرسة شوفي وين يوقف واحنا بيوتنا وين..صارت الشمس ملازمتنا كل يوم..
نور بجدية/شصار على سالفة اخوك؟
تنهدت صبا بقوة/للحين ولاشي...بس الاكيد ان ولد التميمي مو تاركه بحاله وبيرجع هذا اذا ماكان رجع الصباح....
نور/الله يعين....
صبا/ضايق خلقي يابنت الناس مدري من وين الاقيها....
نور/هونيها وتهون يابنت الاوادم...الدنيا ملايانة سوالف وبلاوي لو تسمعين حكي الناس وسوالفهم كان هانت عليك عيشتك صدقيني....
صبا بصوت مخنوق/ساعات احس ان جو البيت بيخنقني...المشكلة انهم مو راضيين يعترفون بغلطتهم وزيد قاعد يتخبا لايتواجه مع نايف وامي تبطبط عليه ومنى مو هامها شي بالسالفة ابدا....
نور/وانتي شايلة كل شي فوق راسك طبعا!!
صبا بحزن/انتي تتخيلين انك تعيشين بالحرام وترضين!!!انا عارفة ان اخوي سرق واختلس من شركتهم مبلغ على اساس انه يفتح له مشروع برى ومشت السالفة بدون مايحس فيها احد لو ماجيت نايف وكشفه للموضوع....
نور/الله يعينكم ياصبا والله ان سالفتك متعبتني يالغالية مثل ماهي متعبتك بس مابااليد حيلة,,,
**************************************

مشوا مسافة طويلة بالسيارة الشي اللي اكد لها انهم رايحين الشرقية لانهم فوق الساعتين ماسكين الخط...
كان قلبها يدق بقوة كبيرة وهي مو متطمنة للسالفة ابدا...بس ليش هي بروحها ومامعها اصايل!!ولامعها اغراضها لو كان بيزوجها اليوم!!!بس لا..يمكن انهم يبون يشوفونها ولا يمكن عمتها عبير ولاعمتها ام احمد يبونها ..اي هذا الشي اللي وقف عنده تفكيرها وريحها نوعا ما ان عماتها هم اللي يبونها ولاشي ثاني غير,,,,
**************************************
هتون بعصبية/يمه انتي شلون رضيتي؟؟
ام جاسر بقهر/شتبيني اسوي يعني!!ابوك مو راضي يشيل السالفة من باله ويقول اخوي الكبير ومقدر ارده...
هتون بنفس العصبية والانفعال/كاهو عمي ابو ضاري بيقول لا..شمعنى جاسر تطيح فوق راسه ها البلوة يعني!!!!
ام جاسر/خلاص انتي الثانية يكفيني تصديع راسي من كثر ها السالفة ومن كثر ماحكيت فيها لاتزيدينها...
هتون بخوف/وجاسر بيملك عليها الليلة؟
ام جاسر /أي....قبل لايسافر بيملك وبيمشي...
هتون/ووين بتقعد ان شاءالله؟ولابياخذها ابوها؟
ام جاسر باحتقار/ابوها!!!ابوها قال مالها طالعة من بيتك الليلة ياخوي الا على قبرها يعني افهمها يافهيم انا ماابيها والبنت لاتبي عرس ولاهم يحزنون...
هتون/وعماتي رضوا انهم مايسوون لها عرس؟
ام جاسر/عماتك مايبونها تاخذ اخوك اصلا!!!اه يالقهر,,,,بضطر اتحمل قعدتها في بيتي اسبوعين لين يخلص ملحقها وارتاح منها ومن شوفتها..
هتون/قلتي لخالتي ولابعد...
**************************************
نايف/يعني خلاص بتاخذها الليلة؟
جاسر بغضب/وشو اخذها انت الثاني؟؟؟هي كلها ورقة بوقع عليها وبسافر مالي شغل فيها ولالها شغل فيني!!
نايف لف على ضاري/وانت!!
ضاري بفرح/وانا شنو؟
نايف باستفسار/وش صار معك...مثل سالفة ولد عمك..
ضاري بقوة/لاحبيبي انا قلت لا يعني لا...
نايف لف لجاسر/وش معنى انت ها المرة لا حقتك مامشت عند السلطات العليا...
جاسر /ظل ابوي يترجى فيني اني اوقع الورقة وانسى السالفة وفي النهاية اقتنعت هي كلها ورقة وماراح تاْثر بحياتي اساسا لالي شغل فيها ولالها شغل فيني ابوي بيحط لها ملحق تحت جدي يعني حتى ماراح اشوفها بنفس البيت وقلت له لو بس تطالبوني باني اتكلم معها برمي الطلاق ولاانا سامع لااحد شي...
نايف/طيب وبعد ماتملكون بتقعد معها ولاشلون؟
جاسر/شفيك انت!!لايكون مفكر اني بتزوج بنت مثل العالم والناس!!انا بتزوج بدوية...
نايف/والبدوية ماهي بنت؟؟
ضاري باحتقار/كل البدو بنات الا بنات عمي بو عبدالله مايتراواللي يعرفون شي عن الانوثة؟
نايف/بس انتوا تقولون مو شايفينهم من قبل..كيف قدرتوا تحكمون عليهم..
ضاري/مايبيلها كلام يااخي..هم وين عايشين ...بقرية...بعيد عن كل انواع التحضر يعني بتجيك ياجاسر ببرقعها و..
جاسر بطفش/خلاص عاد فكوني...مصدقين اني باخذها من جد..كلها ورقة اللي بتمسكونها علي!!
نايف وضاري/ها هاها ها..
**************************************
اصايل بخوف/وين راحت معه؟
ام عبدالله/اذا رجعوا ساليهم؟
اصايل بنفس الخوف/أي بس صار لهم فوق الساعتين ونص من طلعوا وين ممكن يروحون؟
ام عبدالله/مدري..
اصايل/مااتوقع ماتدرين ...قولي وين راحوا اكيد ابوي قال لك قبل لايطلع..
ام عبدالله قامت عنها وقالت لها بشدة/قلت لارجع ساليه وين كنت انا ماافتن بين الابو وبناته!!!
اصايل باحتقار وشماتة/لااكيد مو انتي اللي تفتنين ..بس تكفين علميني؟
ام عبدالله بحدة/اذا علمتيني وين ذهب امك خشيتوه؟؟؟؟
قالتها ومشت عنها واصايل محترقة بنارها وافكار توديها وافكار تجيبها...وين ممكن يكون ابوي اخذ ليالي فيه...صار لهم فوق الساعتين من طلعوا...معقولة عمي قايل له جهز البنات وطلع معها الرياض يتسوقون..بس لو صار ليش مااخذ معه ام عبدالله وهو مايتحرك بدونها؟ولامعقولة راحوا الشرقية وخطيبها قال بيشوفها هي اليوم وانا دوري بكرة؟؟؟معقول.....زين ليش ماتكلم ابوي....انا قلبي قابضني مدري ليش احس السالفة مو كذا وفيها شي....سترك يارب سترك....
**************************************
ام ضاري باحتقار/وجاسر وافق..والله ماهقيتها منه..
ابو ضاري/فشلتي من اخوي يوم عرف ان جاسر بياخذ ليالي قبل لايسافر..
ام ضاري/وانت شقلت له؟
ابو ضاري/قلت له ان ضاري مسافر ومافاتحته بالموضوع...
ام ضاري/وليش ماقلت له انه مايبيها..
ابو ضاري/خليه يزوج ليالي اللحين وبعدين بينسى سالفة اصايل..
ام ضاري/لاعيوني اذا جاب بنته ترجع تقوله ان ضاري مايبيها..
ابو ضاري/أي بس انا قايل له ان ضاري مسافر ارجع بكلامي يعني مايصير!!!
ام ضاري/قوله انك كلمته وقال ماله خاطر وانهي السالفة..
ابو ضاري/لاتخافين مدام ضاري مايبيها مابياخذها بس مقدر اقول لااخوي اليوم مايبيها وانا الصباح قايل له انه مسافر ماهي حلوة بحقي..خل تمضي كم يوم...
ريم/يبى...يعني ليالي بتجي اليوم..
ابو ضاري/تلاقينهم بالطريق اللحين؟
ريم/وليش خطبتوا ليالي لجاسر ماخطبتوا له الثانية؟
ابو ضاري/لان ليالي الكبيرة فالمفروض انها تاخذ جاسر...
ام ضاري/يابعد عمري ياجاسر قلبي بيكون معك على ها البلى اللي حطك ابوك فيه صدق ماتستاهل!!!!
ريم/يمه انتي شفتيهم قبل؟
ام ضاري باحتقار/اسم الله علي!!!ششوف فيهم عاد!!
ريم/حتى يوم هم صغار ماشفتيهم ولامرة؟
ام ضاري/يوم كانوا صغار شفتهم مرة لو مرتين مو اكثر...من على حياة جدتك.....يعني اذا توفى جدك بنشوفهم مرة ثانية بس مدام وحدة شبكت الله يعين بيصيرون بوجهنا بالروحة والجية؟
ريم/أي بس ضاري ماراح ياخذ اخت ليالي..
ام ضاري/أي بس بتجي تشوف اختها اكيد واذا عماتك تدخلوا بيخلونها تقعد عندها بعد وهذا وجهي مدام جاسر مايبيها وبيحطونها بملحق....وبذكركم!!!
**************************************
قبل صلاة المغرب بنص ساعة تقريبا وصل ابو عبد الله الشرقية وتحديدا بيت بو جاسر ,,,
لحظتها بس ليالي حست ان قلبها وقف عن الخفقان وماعاد ينبض,,,حست بخوف غريب وشالت فكرة ان عماتها يبون يشوفونها مرة وحدة ليش ماتدري,,,
وافكارها رايحة لبعيد ناداها ابوها بصوت عالي,,,
ابو عبدالله/وصلنا...
ليالي بصوت متقطع من الخوف/يبى هذا بيت منو؟
ابو عبدالله/هذا بيت عمك بو جاسر واللي بيصير بيت زوجك؟
ماتدري ليش نربط لسانها وسكتت ماتكلمت هل هو خوف ولاحيا من ابوها بس على الاغلب انه حسرة بقلبها ماقدرت تطلع,,,,,
ابو عبدالله/يالله قومي ننزل..
ليالي بنفس الخوف/يبى ليش جينا هنا اليوم؟
هو طلع السؤال بروحه ولاهي ماكانت قاوية تسال اوتتكلم باي سالفة,,,,
ابو عبدالله/يعني الوحدة ليش تجي بيت زوجها ياحظي,,,
ليالي/؟؟؟؟؟؟؟؟؟
ابو عبدالله ببرود/الليلة بتاخذين ولد عمك جاسر.....
ليالي باكبر خوف بالعالم/الليلة؟؟؟؟؟؟طيب ليش انا ماعندي خبر.....
ابو عبدالله/واذا كان عندك خبر شبتسوين يعني؟
ليالي/........................
ابو عبدالله بتهديد/سمعي..من الليلة هذا بيتك وماراح تطلعين منه الا على قبرك وانا عاطي عمك خبر بها الموضوع يعني صيري عاقلة وريحي دماغك سمعتي ولااعيد الكلام مرة ثانية...
************************************************** ************

قراْة ممتعة لكم والتعليقات قريبة ان شاءالله ههههه
اهلين وسهلين فيكم,,,,
رحنا وجينا على سالفة البارتات القصيرة هههههه
ماعلينا تسلمون كلكم وياهلا وسهلا بللي انضموا لنا,,,,
وتعالوا نشوف بارت اليوم,,,,

البارت السادس,,,,
ابو عبدالله بتهديد/سمعي..من الليلة هذا بيتك وماراح تطلعين منه الا على قبرك وانا عاطي عمك خبر بها الموضوع يعني صيري عاقلة وريحي دماغك سمعتي ولااعيد الكلام مرة ثانية...
ليالي ودموعها خانتها ونزلت/شنو يعني الليلة؟؟؟يعني ماراح ارجع معك البيت؟؟؟
ابو عبدالله وهو يفتح باب السيارة ينهي السالفة فيها/لا طبعا من الليلة هذا بيتك يالله نزلي؟؟؟
**************************************
صبا/زيد..وش صار ياخوي؟
زيد بعصبية/على شنو؟
صبا/مع ولد التميمي..
زيد بصراخ وانفعال/وانتي وش عليك بالله!!!هذا اللي قاصر البزارين يتدخلون بسوالف الكبار..
صبا بعصبية/انا كبيرة ماني بزر بعدين تعال..انا كبيرة ولازم اعرف وش اللي قاعد يصير في بيتي ولاانت ناسي اني عايشة معكم..
زيد باحتقار/ارتاحي ماصاير شي...
صبا بعصبية/كيف مو صاير شي وانت ماتطلع من البيت حتى؟؟؟زيد روح للرجال وتفاهم معه تخبيك بالبيت راح يكبر السالفة اكثر وبيعقدها بدل لايحلها...حتى اذا حس انك غلطان وناوي تعتذر وبيبسط عليك السالفة بهروبك الدايم منه راح تخليه يفكر شي ثاني ياخوي صدقني..
زيد باستهتار/اقول مو ناقصينك الا انتي دكتورة صبا...روحي بس يابابا ذاكري امتحاناتك وماعليك من اللي يصير بالبيت...
صبا بقهر/انتوا كلكم كذا كلام الحق والصدق ماتبونه...ماتمشون الا اللي براسكم وبس!!!
///////////////////////////////////////////////////////////////////////////
عبير/ها منتي جاية معي..
ام احمد بزعل/لا...
عبير قعدت جنب اختها/مايصير ياام احمد بتكون بروحها الليلة ومامعها احد وبيت اخوك بيروحون المطار مع جاسر وضاري يعني يادوب بيحضر ابوها الملكة وبعدها بيمشي وهم بيرمونها وبيطلعون,,,ماابي احسسها بغربة فوق غربتها...
ام احمد/روحي انتي...انا صدق حاسة مالي وجه اقابلها....اذا شفتها بياْنبني ضميري حييل ومابملك نفسي
عبير/وانتي شكو عاد يااختي ياام احمد ابوها اللي باع البيعة واخوك اشترى لولده....
ام احمد/أي بس لاتنسين ولده ماهو شراي ومايبيها واخوك ماحب يكسفه هاذي كل السالفة....يعني محد رايح فيها غيرها هي...
عبير/الله يعينها ويخفف عليها...
ام احمد/طيب واختها مابتجي معها...
عبير/اكيد لا...لان بو ضاري ماقال لاابو عبدالله انه مايبي بنته وقال له ضاري مسافر ماهو هنا واذا رجع بيكلمه...
ام احمد/وليش بعد يماطل معه .كان قال له مانبيها وانتهى من ها السالفة,,,,
عبير/والله مدري شقولك...اللحين شقلتي بتجين ولامنتي جاية....
ام احمد/لاماني جاية..
عبير/ومنتي مسلمة على عيال اخوك قبل لايسافرون....
ام احمد/انا عمتهم واذا اهمهم بيجون يسلمون هم عليّ!!!
**************************************
كان التوتر مالي بيت بو جاسر..وخصوصا عند هتون اللي عقلها يودي ويجيب وعلى بالها ان متعب بيكون مع ليالي رغم انها واثقة مليون مرة انها مابتجي الا مع ابوها(بعدين بتعرفون منهو متعب وشنو سالفته) بس قلقها استبد فيها لاابعد حد وماهي قادرة تتمالك نفسها..
ام جاسر بعد كانت بقمة الضيق على الضيف الجديد اللي بينحسب على عيلتها وبيفرض نفسه وافكار توديها وافكار تجيبها علشان تعطي ليالي فكرة صارمة من البداية عنهم وتعرفها حدودها لاسيما ان الملحق مامداه ينبني وجهزوا لها غرفة في بيتهم لين تنتقل بعد اسبوعين لخارج اسوار مملكتهم,,,
جاسر العريس الجالس بهدوء واحتقار ماهو شايل هم شي غير موعد سفره اللي مايبي يتاْخر عنه وحريص عليه علشان يتنفس براحته وبدون مايذكر نفسه ان فيه بدوية دخلت في دفتر العيلة التابعة له وصارت شريكة حياته على الورق بس وبدون علم أي احد من الاهل والجيران والمعارف!!!!

**************************************

اصايل بروحها كان القلق مستبد فيها وماعندها غير ترفع يدينها تتوسل لربها يكون بعون ليالي اللي صارت متاْكدة انها بالشرقية مليون بالمية بسبب تاْخير ابوها ونظرات الاحتقار اللي بعيون ام عبدالله وتلاحقها وين ماقامت ووين ماراحت,,,
تفكيرها كله كان محصور انهم يبون يشوفون اختها اكيد او ان عماتها يبون يسمعون منها الموافقة وماقدروا يجون بنفسهم فاابوها وداها عندهم علشان يسمعون موافقتها وموافقة اختها,,,
هذا الشي الوحيد اللي قدر يستقر بعقل اصايل ذيك اللحظات وقلبها يدعي لااختها وصديقتها وحبيبتها وكل شي بدنيتها ان الله يكون بعونها ومايتخلى عنها في مثل ها الموقف وماهي دارية عن اللي جاي,,,,,
*************************************

ماكانت عارفة شلون تتماسك من صدمتها وتوقف على رجلها...
كيف يعني بتظل هنا من الليلة؟أي منطق هذا واي عدل؟اساسا هي جاية حتى بدون ثيابها واغراضها!!!انت شقاعد تقول يبى..مستحيل....
رجعها للواقع صوت ابوها المعصب بخفيف وهو يفتح باب السيارة اللي جنبها/ان شاءالله تبيني انا افتح لك الباب وانزلك على بالك سندريلا!!قومي بس خلصيني خليني ارتاح منك ومن همك؟
طاحوا دموعها بحرارة على وجهها...ليش يبى ليش...معقولة انا هم على قلبك؟؟؟وش مسوية انا علشان استاهل منك ترميني ها الرمية عاد!!
نزلت وهي تغالب قهرها وحسرتها وحيرتها وكل شي قاعد يصرخ فيها ووقفت لحظة وقالت لاابوها ودموعها مالين وجهها
ليالي/يبى اصايل ماهي مالكة الليلة مثلي!!
ابو عبدالله بقهر/لا...ولد عمها مسافر وبعده مارجع...قومي يالله عن الهذرة الزايدة...
**************************************
ام زيد/منى وين اخوك ماشفته لايكون بس طلع؟
صبا بقهر/واذا طلع وش راح يصير يمه..ماهو رجال..ولابيظل متخبي بالبيت طول عمره؟
منى بعصبية/انتي سكتي ومحد طلب رايك؟؟؟؟يمه زيد فوق بيريح شوي..
ام زيد بحسرة/الله يريح قلبه..
منى/امين يارب..
صبا بدهشة وهي تناظرهم/يريح قلبه!!!ليش مو هو اللي جابه لنفسه ولنا!!!!
قابلتها نظرات احتقار وكره من امها واختها وشبت فيها امها بعصبية/شوف قليلة الحيا!!!هذا بدل ماتوقفين مع اخوك اللي شايلك وشايل همك وقاعد يتعب عليك تقولين ها الحكي!!
صبا/يمه انا ....
منى بعصبية/انتي وحدة ضايع فيك الخير والنعمة يابنت الفقر!!اقول اكرمينا بسكوتك لان اخر انسان نبي نسمع صوته بها البيت وفي ظل ها الظروف هو انتي!!
تنهدت بقوة وهي تكتم قهرها وقامت غرفتها تفجر فيها باقي مشاعرها اللي ماطلعت قدامهم!!
**************************************
كان موقف صعب على ليالي من بدايته يوم يدخلون البيت ويدخل ابوها المجلس لان الشيخ هناك ومعاه الشهود وظلت واقفة هي تنتظر عند باب المجلس..ماكانت عارفة شتسوي ولاشتقول من بداية الامر مبين احتقارهم لها ...وش يعني انها تكون واقفة هنا وحتى مايخلونها تدخل داخل؟؟؟؟ظلت واقفة ودموعها ينزلون من تحت غطاها بصمت وهدوء مثلها..وهي لاحول ولاقوة..وموكلة امرها لربها..لين يفرج ربها السالفة وتنتهي ولو انها توها بتبتدي!!! الله يسامحك يايبى الله يسامحك...والله يسامحك ياخالتي ام عبدالله....شسويت انا علشان انحط بها الموقف المهين؟؟
وحتى لو كنت مضايقتكم ها الرمية اللي رميتوني فيها مذلة وتبكي حتى العدو كيف انتوا قلبكم ماهو راضي يرق لي كيف!!!!!
كل اللي كان هامها اصايل اختها وصديقتها وحبيبتها بذيك اللحظات..اكيد انها قاعدة تفكر فيني اللحين وضايق خلقها هذا اذا ماكانت تبكي من خوفها...ياربي احميها واحفظها وخليني التقي فيها عن قريب...
(ليالي واصايل مايدرون عن وضع اعمامهم شلون لان عمتهم عبير وعمتهم ام احمد اذا جوهم ياخذونهم الرياض يونسهم لانها اقرب لهم ونادرا مايسولفون عن العائلة يكون تركيزهم على ليالي واصايل بس علشان كذا ليالي واصايل مايدرون عن اعماهم اذا كانوا متفقين مع بعض ولابعيدين عن بعض)
**************************************
في المطار...
نايف/ها ملكوا خلاص...
ضاري باحتقار/أي...وانت متصور ان عمي بيروح بدون مايملكهم على بعض؟
نايف بشماتة/اخاف بس البدوية تفر عقل جاسر ومايجي المطار وتروح عليه الرحلة؟
ضاري/لاتطمن كلمني وهو قريب من هنا
نايف/اوووف يعني ماقعد مع العروسة؟
جاسر من وراهم بشماتة/لاحق عليها وين بتطير من الليلة رماها ابوها ومشى!!!
لفوا اثنينهم له..
ضاري/من جده عمك رماها ومشى؟
جاسر جلس جنبهم /أي..كاهي بالبيت....هو قايل بنفس الليلة بتقعد عندكم ولالها رجعة بيتي الا على قبرها؟
نايف/ههه ومتى بتروح قبرها يتراواللي بيكون اريح وارحم منك ياجاسر؟؟؟
جاسر/هاذي تحمد ربها اني موقع على ورقة ومخلي اسمها جنب اسمي!!والله صدق ناس ماتعرف قدرها.....انت شسويت مع ذاك مدري شسمه..
نايف/سلامة عمرك بكرة بمر عليه وبنهي السالفة؟؟
**************************************
في ملحق ابو عبدالرحمان في بيت بو جاسر,,,
عبير بقهر/شتعني ها الحركة يبى؟
ابو عبد الرحمان ببرود/بيروحون يودعون ولدهم بالمطار وانتي عارفة ها الشي ليش جيتي بها الوقت؟
عبير بقهر/يبى انا جاية اشوف بنت اخوي؟
ابو عبدالرحمان/اخوك لو هو سنع مارمى بنته ها الرمية ومشى وماهمه شي....لعن بودارك لهدرجة مرخص فيها لاعرس سالت عنه ولاهم يحزنون حتى مهر ماقلت عطو بنتي وكانها مريضة ويبي الفكاك منها...بس تدرين قلبي حاسسني ان فيها شي ولا وراها سالفة ولاليش ..
قاطعته عبير بعصبية/يبى!!معقولة انت تفكر بالطريقة ذي!!!!بنات اخوي ليالي واصايل من اشرف الناس كيف تفكر فيهم بها الطريقة يبى؟
ابوها بعصبية/وليش يزوجها كذا ماتقولين لي!!!
عبير /هو طول عمره كذا ومن توفت امهم وماعاد لهم احد بها الدنيا قلبته مرته عليهم ونسى انهم قطعة منه...وبعدين مايحتاج اكلمك عن قلبه الكبير انت اكثر واحد تعرف ولدك؟؟؟؟
**************************************
بااخر الليل في بيت الماجد كانت صبا تمشي فوق سطح البيت اللي كان يطل على الشارع ..بس المكان كان مظلم ومايبان فيه شي....
كانت تمشي وهي حاضنة كتابها وتفكيرها رايح لبعيد...
لحياتهم اللي بتدهور اكثر من ها الوضع اللي هم عايشينه....
زيد اخوها الوحيد ضيعهم بفعلته الشينة مع معزبه....
البيت كله خانقها ماهي قادرة تتواصل معهم بسلام..
ماتدري العيب فيها ولافيهم؟منو فيهم الغلطان ومنو فيهم على حق؟
ليش دايما متعاكسين باتجاهاتهم وافكارهم,,,معقولة يكونون على صح وهي مو عارفة ها الشي؟؟
لامستحيل انهم يكونون على حق..السالفة واضحة وضوح الشمس مايبيلها أي تفكير واي احد ينظر لها يعرف الحق من الباطل....
هو سرق معزبه بالشركة وزور باوراق رسمية ..يعني بيكون على صح؟؟؟
اه ياربي...لمتى بنعيش ها الخوف والقلق..متى بتتشجع ياخوي وتروح تعترف وتعتذر وتنهي السالفة اللي مضيقة خلقنا كلنا ومشتتنا عن التفكير,,,,
**************************************
مايدري ليش حس بضيقة عجيبة في صدره سرت بها اللحظات..
أي طاري هذا اللي طرى لباله بتالي الليل وصحاه من رقاده وخلقه ضايق ومتكدر...
وش اللي ممكن يكون.....
رفع جواله يناظر اذا كانت فيه مكالمة ولارسالة يطمنونه بس مالقى أي شي...
معقولة البنات صاير لهم شي.....
اه من البنات ومن هم البنات ومن فراق البنات...
مالي الا اتوكل على الله واروح لهم باقرب فرصة تصادفني خلال ها الاسبوع واطلب من ابوهم اني اشوفهم واقعد معهم اظل انا خالهم وهم بنات اختي ومالنا غير بعض بها الدنيا..مو معقولة انه يطردني ويمنعني عن شوفتهم ....
يبيلي اخذ لهم شوية صوغة هو ومرته علشان يرضون ويقتنعون....يالله طالبك لاتردني اشوف ها البنات واطبطب عليهم واعوضهم شوي يوم الله انعم عليّ ويحنن قلب ابوهم عليهم وعليّ يارب,,,,
(متعب الراجح.....الشخص المعذب بحياته....عمره ست وعشرين سنة....الخال الوحيد لليالي واصايل والباقي لهم من اهل امهم كانوا عايشين مع بعض وكان عايش معهم بعد وفاة امه وابوه وبعد ماتوفت ام ليالي واصايل ام عبدالله طردته من البيت وصار ابو عبدالله يمنعه حتى من زيارة ليالي واصايل..وراح الشرقية وكمل تعليمه واشتغل وفتح له مشروع وتوفق..وحب له بنت عن طريق التلفون وظلوا يحبون بعض ثلاث سنين لين قالت له انها بتتزوج وتركته نهائيا..وبها الاثناء ابو عبدالله طرده من البيت بشكل نهائي وحرمه من التواصل مع بناته)ورجع الرياض اللحين علشان يكون قريب منهم,,,)
*******************************************
يالله ابي توقعات للبارت الجاي,,,,
مرحبتين فيكم يالغلا,,,,
شلونكم وعساكم دوم على القوة..
بالنسبة للي سالتني عن البارت فهو يوميا الا اذا ماتبونه يوميا حاضرين مافي مشكلة(ههههه)
وبالنسبة للوقت معليش وقتي شوي مو مرتب بين مواعيدي وروضة بنتي وحوسة ومن هنا وهنا يعني بيكون باول وقت فراغ يصادفني باليوم بس الاكيد انه بينزل معليش بس يترتب وقتي بيكون في وقت ثابت...
وتفضلوا نقراْ البارت الجاي....
البارت السابع,,,
*ماتدري أي لحظات مرة عاشتها اليوم بطوله...مرت على بالها المواقف متسلسلة من قال لها ابوها عن ملكتها وانها مابترد معه الليلة البيت لين نزلوا من السيارة ودخلوا بيت عمها وظلت واقفة تنتظر مصيرها بالحوش وبعدها جاها ابوها مع الشيخ وماتدري ليش حتى ماسالوها اذا كانت موافقة ولالا ؟؟ولاانهم سالوها وقالت أي وهي تناظر بابوها ونظراته الصارمة وقالت أي بدون ماتحس كل اللي تتذكره انها وقعت بيد مرتجفة ودخلوا عنها وبعد دقايق طويلة مرت جتها الشغالة ودخلتها داخل للغرفة اللي هي قاعدة فيها اللحين...
ولاشافت لاعمها ولاولده اللي اسمه زوجها ولااي كائن حي ابدا وكاْنها في بيت مهجور...
ظلت قاعدة بالغرفة وهي حاسة بالاختناق ذابحها...
عايشة وسط اربع جدران بخوف وحذر وترقب....ماهي عارفة من ممكن يدق الباب ويدخل لها هذا اذا كان احد معتبر انها موجودة بها الغرفة وداري عنها؟؟؟؟
***************************************اصايل بفزع/شنو؟
ابو عبدالله بصرامة زلزلتها/سمعتي شقلت لك...راحت بيت زوجها..اختك اعرست الليلة وعقبال مايجي ولد عمك من سفره وياخذك انتي بعد!!
اصايل والدموع تطيح منها وانفاسها متسارعة/شلون تزوجت يبى؟؟؟؟
ابو عبدالله/مثل العالم والناس يعني شلون؟
اصايل ببكي/يبى...انت شسويت.....انت عارف شسويت بليالي الليلة.؟؟معقولة ماهمك تركتها هناك بروحها ومامعها احد؟
ام عبدالله بصوت عالي/انتي بتعلمين ابوك شيسوي بعد ياقليلة الحيا؟؟لعلمك هو لو موخايف عليها ويبي يتطمن على مستقبلها كان مازوجها ؟
اصايل بعصبية/انتي لاتتدخلين سامعة؟اصلا الفكرة كلها من راسك يالسوسة؟
ام عبدالله بشدة/انا سوسة يااصايل!!زين لكن هذا وانا اللي اخذت فيكم الاجر بعد وفاة امك
اصايل/أي اجر أي خرابيط؟؟؟لاتدخلينا بسالفة وتخلينا ننسى السالفة الاهم...يبى مايصير ليالي بتموت بروحها انت ماتعرفها هاذي ماتدبر امورها وماتعرف تتصرف الله يخليك يبى ودني لها؟
ام عبدالله/شايفته سايق لكم رايح جاي على خط الشرقية؟روحي بس نامي وخلي ابوك يرتاح لانه تعبان من المشوار..
اصايل بعناد/مو نايمة لين اشوف اختي واتطمن عليها..
ابو عبدالله بصرامة وشدة/اقول روحي انقلعي من وجهي ولاتخليني اقسم اسوي لك شي ماتبينه...روحي بس انقلعي عني قالت بتشوف اختها..خلاص انسي ان لك اخت هي تزوجت وانتي انتظري زوجك يجي وياخذك...ياالله روحي بللي مايردك ان شاءالله...
**************************************

كان قاعد بداره بالملحق وهو رايح بافكاره لبعيد,,,,
زواج البنت من ولد عمها بها الطريقة اكبر غلط لاسيما انه زواج على الورق وبس وان اهل مايبونها ومايواطنونها بعيشة الله...
لوم بناتها عبير وام احمد لسكوته كان بجهة واحتقار عياله له لانهم ماعطوه خبر بالسالفة صار بجهة ثانية,,
كيف ممكن يتدخل بسالفة هو مايدري عنها وماحد شاوره فيها من الاساس!!!
وبعدين حى لو تدخل شبيسوي بالله!!!
عياله طلعوا من شوره من زمان وماعاد له كلمة عليهم,,,,
اصلا لو هو له مكانة عندهم ماكان قاعد بها المكان بعيد عنهم وكانه منبوذ ولامريض ولاحتى فيه علة تنقل العدوى ولا مثل أي واحد من الخدم,,,كان المفروض يعيش معهم داخل البيت ويكون بوسطهم قاعد وعيالهم يكبرون حوالينه وهو يربيهم مثل ماربى عياله بس الزمن كله تغير وكلا صار يبي مصلحته وبس!!!
ونسوا ولاتناسوا انه ابوهم اللي عمره ماقصر معهم باي شي وشقى عمره كله راح لهم,,,,,,
**************************************
طلعت شمس اليوم الثاني على ليالي وهي قاعدة بنفس الهدوء والحزن اللي قعدت عليه من البارح من دخلت ها الغرفة واللي هي اشبه بسجن,,,
كانت بمثل مكانها ولاحتى غيرته,,,
كان شي قاعد على قلبها وخانقها...احساس ماممكن توصفه ابدا لااي مخلوق غير اختها اذا ربها كتب وشافتها مرة ثانية,,,
ماتدري شلون تعبر عنه....هو احساس بالمرارة والمذلة والمهانة ولاشتقول بالضبط؟؟؟
من دخلت ها الغرفة وقعدت فيها مامر عليها أي مخلوق رغم انها تسمع اصوات رايحة واصوات جاية بالبيت بس حاسة كانها مسجونة هنا وما مفروض احد يشوفها,,,مرت في بالها افكار كثيرة..ساعات تقول ان ولد عمها اخذها وامه وخواته مايدرون علشان كذا هي هنا بها الغرفة لين مايشوف له صرفة لاسيما ان ابوها اكيد استعجل عليه بالموضوع وماعطاه فرصة يدبر اموره ....
ياربي شبيصير اللحين,,,لمتى بظل محبوسة بها الغرفة ومحد يدري عني!!!!
ياترى كيف نمتي البارح يااصايل؟؟؟؟
ادعيلي يااختي ادعيلي...حتى ها الزوج ماشفته لو نظرة وحدة وقلبي حاس انه مابيكون ارحم لي من ابوي!!!!
مدري ليش حاسة بالموت يااصايل وانا مابعد شفت احد فيهم كيف لو تصير بين مواجهات ويرفضوني,,,ابوي بيذبحني لامحالة لانه موصيني مااطلع من ها البيت الا على قبري وماارد له مرة ثانية!!!!
قطع عليها تاملاتها صوت الشغالة اللي كانت واقفة فوق راسها وهي تكلمها..
رفعت راسها بفزع وشافتها واقفة قبالها,,
ليالي/في شي,,
الشغالة/اللحين تبي فطور ولابعدين؟
ليالي/ها...لا ماابي شي....
الشغالة/ok...اسمي جانيت اذا يبغى انتي حاجة...
ليالي/لو سمحتي......
لفت لها الشغالة مستغربة منها..
ليالي بارتباك/وين بابا جاسر؟
الشغالة باحتقار/بابا جاسر سافر البارحة؟
**************************************
في بيت ابو ضاري,,,
ام ضاري/وصلت بنت اخوك القروية؟
ابو ضاري/أي من البارحة هي هناك؟
ام ضاري/اشوف ام جاسر البارحة بالمطار ماتتكالم!!!ووين حطوها؟
ابو ضاري/حطوها بغرفة تحت ...
ام ضاري/ومتى بيسوي لها اخوك الملحق؟
ابو ضاري/من اليوم بيشتغلون العمال فيه....ماتبين تروحين لها ياام ضاري؟
ام ضاري بنفخة/نعم نعم!!عيد ماسمعت شقلت؟؟اروح لها؟؟؟شسوي بالله اروح لها؟اعظم سلام ولاابارك لها؟
ابو ضاري/.......
ام ضاري/ان شاءالله تبي تمر عليها ياعيوني؟
ابو ضاري بتردد/ليش لا...هاذي بنت اخوي..
ام ضاري باستهزاء/أي..صح..لازم تمر عليها وتشوف طلباتها وشلي قاصرها وتجيبه لها!!!اسمعني زين ياابو ضاري تروح بيت اخوك ماعندي مانع بس تقرب صوب ها الخايسة ولاتحط لسانك بلسانها لا..هاذي سالفة ثانية...انا لاابيها تشوفنا ولانبي نشوفها لاانا ولااعيالي ولاحتى انت!!

**************************************ا
لضهر عند بيت الماجد...
كانت نور وصبا يمشون راجعين من المدرسة ودخلت نور بيتهم يوم وصلوا لانه كان اقرب من بيت صبا وظلت صبا تمشي لعند بيتهم وراسها بالارض وهي شبه سرحانة لين سمعت صوت فرامل سيارة بالقوة وكانها صدمة قوية ورفعت راسها وشهقت بالقوة..
كانت سيارة زيد ضاربة بسيارة ثانية ومبين ان زيد اللي غلطان راحت تركض لسيارة اخوها تتطمن اذا كان صاير له شي واول ماوصلت له كان اللي بالسيارة الثانية طلع منها ووقف على راس اخوها اللي للحين مانزل من السيارة..
صاب رمت اغراضها وشنطتها على الارض وهي تلهث/زيد..زيد صار لك شي ياخوي؟
تنحى نايف على جنب علشان تتقدم من اخوها اللي حابس نفسه في السيارة وماكان يبي يشوف نايف اللي واقف قدامه!!!!
**************************************
على سفرة بيت ابو جاسر...
ابو جاسر/طلعتوا لليالي شي تاكله؟
ام جاسر بدون ماتناظره وبدون نفس/راحت لها الشغالة قالت ماتبي شي؟؟
شمايل/لمتى بتظل هنا قاعدة معنا؟
ابو جاسر/اسبوعين وبيخلص ملحقها.....
ام جاسر/الله يعين قلبي بها الاسبوعين؟
هتون بغضب/ليش هي قايلة لك شي يالغالية وضيقت خلقك؟
ام جاسر بقهر/وجودها بروحها يكدر خاطري ويضيقه...
ابو جاسر/ماعليه ياام جاسر...هي بعد قاعدة بغرفتها ومسكرة على روحها دارها ولاطلعت منها امس..
ام جاسر/لاوالله وان شاءالله تبي تطلع وتتمشى بوسط بيتي بعد!!!تحمد ربها اني مضيفتها عندي ؟
ابو جاسر/محد منكم مر عليها وقعد معها؟
شمايل بدون نفس/انا عندي امتحانات بالجامعة مافيني اضيع أي وقت؟
هتون/اذا انا المقصودة فا لااحد يفكر يفرض عليّ ها الشي؟
ثامر/هي كم عمرها؟
ام جاسر/وانت وش عليك ؟؟؟كل غذاك وانت ساكت؟
ابو جاسر/أي بس مايصير تقعد بروحها مروا شوفوها اكيد هي مستحية منكم..
ام جاسر/ها الاشكال ماتستحي لاتخاف عليها بتشوف قوة باسها بعدين....
ابو جاسر/أي بس مايصير ابوها جابها بدون شي شوفوها يمكن تبي تتحمم ولاتبي شي؟
هتون باحتقار/خل جانيت تعطيها من ثيابها؟؟؟
**************************************


ام عبدالله/وصمخ ماتسمعيني اناديك من صبح الله؟
كانت اصايل على فراشها من البارحة ودموعها ماوقفت وناصبة مناحة وعزا على فراق ليالي اختها الغالية,,,
ام عبدالله/صدق ماتستحين تخزيني بنص عيون وترجعين تحطين راسك على مخدتك؟؟؟قومي بس قومي عساك البلى الناس بترجع تنام نومة العصر وانتي مابعد قمتي من نومتك البارحة؟
اصايل بغضب/ومن قال لك اني نمت اصلا!!!
ام عبدالله/والله عاد مو ذنبي....
اصايل بقوة/قولي له ابي اشوف اختي...حرام مايصير كذا..
ام عبدالله/وش اللي مايصير انتي بعد...انتي ماتحبين اختك وتبين لها الستيرة يااصايل خلاص..ادعي انك تلحقينها بسرعة؟
اصايل/لو هي وحدة من بناتك رضيتيها لها تتزوج بها الطريقة وبها الوضع؟ياعالم هي حتى ثياب مااخذت معها؟
ام عبدالله/فكرك جاسر بيقصر عليها؟؟؟هذا فلوس فلوس على قلبه هو وابوه...بكرة اختك بتعيش ملكة ياحظي وانتي بتلحقينها..وقاعدة تبكين!!قومي ياعمري قومي مسحي دموعك..
اصايل بحدة/يوم انهم فلوس وبيعيشون اختي ملكة ورى ماعطيتيهم وحدة من بناتك ورميتني انا واختي عليهم!!!!
**من كثر ارتباكها وخوفها فتحت غطاها وهي انفاسها تتسارع وكانها نست الواقف جنبها ..
صبا بخوف/زيد صار لك شي ياخوي؟
كان منزل راسه ومايبي يتكلم من خوفه من مواجهة نايف...طول الوقت قاعد بالبيت بس الحظ الردي خلاه يطلع ومن شاف سيارة نايف جنبه ماعرف شيسوي وصدمها بس زين انه ماتعور...بس صدمة السيارة بعد سالفة ثانية طاحت على راسه...
صبا/زيد..انا اكلمك ياخوي رد عليّ!!
زيد بهدوء/مافيني شي....
نايف باحتقار /تبي تروح المستشفى؟
لفوا اثنينهم له وكانهم تناسوا وجوده...
كان يبتسم بشماتة وتلاشت ابتسامته اول ماشاف صبا تناظره باحتقار ...
زيد انتبه على نظرات نايف لااخته وقال له بسرعة/صبا روحي داخل انا بلحقك؟
نايف بقوة/لسه بدري تلحقها ؟؟؟انا ماصدقت اشوفك؟تبي تهرب بسهولة؟
ساد الصمت المكان...
نايف بنفس القوة/وين تبي نتكلم؟ترى مافيني انتظرك كثير عندي مشاوير غيرك خلصني؟
زيد بتردد/بعطي امي خبر ..
قاطعه نايف/انت شسالفتك على امك ياولد امك دايم محتمي وراها؟
زيد بشوية غضب بس مكتوم/قصدي بسوي لك طريق تتفضل؟
نايف بسخرية/روح عطها خبر انك بتطلع معي وبلاش القعدة بفندق خمس نجوم اللي يسد النفس...وبسرعة تراني انتظرك لاقسم بالله العظيم مايصير لكم خير اليوم؟
نزل زيد من السيارة بسرعة واختفى داخل البيت ولفت صبا تاخذ اغراضها من على الارض وهي تتمتم بشتايم لنايف اللي ماشافت بحياتها مثل حقارته,,,
*************************************
عبير/قلت ادق قبل لاتطلعون
ام جاسر/ليش وبن بنروح ؟
عبير/مدري يمكن عندكم شي...
ام جاسر/واذا كان عندنا شي البيت بيتك ياعبير..
عبير/تسلمين...بس انا جاية ازور ليالي؟
ام جاسر بتمتمة/أي..
عبير/شلونها ان شاءالله مرتاحة؟
ام جاسر بصراحة/شوفي عبير انتي عارفة انها بتقعد ضيفة في بيتي لين تروح ملحقها وانا مالي شغل فيها ولاهي لها شغل فيني!!
عبير/أي بس ياام جاسر حق الضيف تباشرينه ولاانا غلطانة؟
ام جاسر بكبرياء/وانا مو مقصرة الشغالة تروح لها كل مافضت وسالتها اذا تبي شي وش تبي بعد اكثر من كذا!!!
عبير تنهدت/ابوي ماقال يبي يشوفها؟
ام جاسر/ابوك اليوم ماهو عندنا...في بيت بو ضاري...
عبير/طيب انا اتركك اللحين توصيني على شي؟
ا م جاسر/سلامتك...بس جيبي لنا روعة اشتقنا لها نبي نشوفها...
عبير بهدوء/ان شاءالله....مع السلامة,,,
**************************************صبا انتفضت بقوة وهي تباعد يد نايف اللي مسكتها من كتفها...
صبا بخوف/مجنون انت!!
نايف بشدة/كنك قاعدة تسبين وتشتمين فيني!!
صبا بعدت نفسها عنه بالقوة وهي اللي تالمت طبعا...
نايف/ليش ماتصيرين قوية يالبزر وترفعين صوتك؟وتسمعيني!!
صبا وهي تغالب دموعها وتقول بضعف/أي وانا الصادقة مهما كان زيد غلطان فاانت ماعندك أي اسلوب للتفاهم وكاْنك تكلم حشرة مو بشر؟
نايف بنفس الشماتة/ليش انتي عادة اخوك بشر؟؟؟
/////////////////////////////////////////////////////////////////////////


taman غير متواجد حالياً  
التوقيع











رد مع اقتباس
قديم 26-10-10, 02:45 AM   #8

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
افتراضي

البارت الثامن,,,,,

صبا/تافه.....حقير...
نايف/بعد...لاتخلين شي بقلبك طلعي كل اللي عندك....
صبا اكتفت انها تناظره بخوف وفجاْة اكتشفت انها كاشفة الوجه وشهقت بقوة وحطت الغطاء على وجها بسرعة وهي تحمل شنطتها على كتفها وباقي كتبها بيدها وتروح تركض لجهة بابهم..
نايف بصوت عالي وشامت/بعد شنو ياقلبي بعد ماحفظت ملامحك؟؟وينك اذا تبين ارسمك ماعندي مانع ترى صورتك ركزت ببالي!!**************************************
اصايل بشوية خوف/يبى...
ابو عبدالله بملل/اذا ماعندك شي مثل العالم والناس وهذا اللي اتوقعه لاتتكلمين؟
اصايل بضعف/يبى تكفى حلفتك خليني ..
ام عبدالله/انتي ماتملين من ها السالفة؟
اصايل بحدة/ياناس اختي وابي اتطمن عليها؟
ابو عبدالله بحدة/روحة الشرقية ماراح تروحين؟
اصايل بقلة حيلة/طيب خليني اكلمها...واللي يسلمك يبى تكفى...اذا كلمتها ماراح اطلب منك شي مرة ثانية..
ابو عبدالله يبي يصرفها/طيب اكلمه واشوف اذا زوجها ماعنده مانع ..
فتحت له اصايل مناحة جديدة وقالت بهلع/شلون يعني يبى في احتمال انه مايتركني اكلمها؟؟؟
ابو عبد الله بتاْفف/يابنت هم توهم معرسين البارح والرجال يبي يقعد مع مرته(احلف والله)مايصير ..
اصايل بعناد/لايبى مو على كيفه مايتركنا يكلمها بعدين بيفكرنا مو مهتمين لها وبيرخص فيها؟
ام عبدالله بشماتة/أي صادقة يابنيتي....
اصايل/دق لهم اللحين يبى..
ابو عبدالله بنرفزة/خلاص عاد لاتصيرين حنانة وانقلعي دارك تراك ادوشتيني....
**************************************
عبير بتردد بعد شوفة ليالي قاعدة وعيونها شاحبة/ادخل ولامو مرحب فيني!!
كانت عبير دقت الباب اكثر من مرة بس ليالي كانت سرحانة وماسمعت ويوم فتحت الباب وقفت عنده ومادخلت داخل....
كانت ليالي بعدها سرحانة ومارفعت راسها....
عبير بصوت اعلي/ليالي...
رفعت راسها وكل معالمها جامدة وشاحبة وها الشي اللي خوف عبير اللي قالت بسرعة/وش فيك....
وقفت ليالي اول ماشافت عبير قدامها وقالت بصوت متقطع/هو صدق سافر البارحة بعد ماملك عليّ ياعمتي؟؟؟
عبير صارت تناظر بالارض من الاحراج اخر شي توقعته انها تبتدي مع ليالي من ها النقطة الحساسة واللي ماكانت عارفة انها درت شي عنها ....
وحده بس كان سكوت عبير ياْكد لليالي بان الشي صحيح وقالت بصوت باكي/ليش....
رفعت عبير راسها علشان تتكلم بس تفاْجات ان ليالي ماقدرت تتماسك وطاحت على الارض...
**************************************
تافه...حقير..
ها الكلمتين بس اللي كانوا شاغلين بال نايف طول ها الساعتين اللي قاعدهم مع زيد في الكافي من وصلوا ...
ساعتين وهو يفكر فيهم وكل كلمة ماخذة لها ساعة بالكامل وهو يعيد ويزيد فيها بعقله...
ياترى وش ممكن تسوين ياصبا علشان تكفرين عن ها الكلمتين اللي اكيد انك ندمانة اللحين يوم قلتيهم وبتندمين اكثر واكثر عليهم!!!!
هذا بس اللي كان شاغله بعكس الانسان اللي قاعد قباله وكل وصلة فيه ترتجف من الخوف وهو حاس ان سكون نايف ها الساعتين الكاملين وراه اكيد مصيبة وانه مابيرمي عليه أي راي الا وهو حاسب حسابه زين...الله يستر والله ان قلبي طاح بين يديني من سكوتك يانايف ولالي حيلة اسالك عن شي,,,,
قطع الصمت جوال زيد اللي دق للمرة الخامسة من قعدوا,,,,
ورد عليه بخوف وبصوت واطي.../قولي لاامي اني مابعد خلصت واني انا اللي بكلمها طيب...
قولي لاامي.....هذا معناته انها هي اللي كانت على الخط يانايف....طيب ياصبا طيب...بشوف وش الدبرة معك يالبزر...وبوريك منهو نايف اللي قلتيله حقير وتافه..اذا مااضيعك وااوديك ورى الشمس مااطلع نايف التميمي....
صار يناظر بزيد بصرامة وزيد شوي ويموت بثيابه من الخوف....
نايف بقوة/كيف وضع الاهل؟
زيد بخوف/شلون يعني؟
نايف بنفس القوة/يبيلها فهامة هاذي؟سالتك عن الاهل...ولاتبيني ارميك بالسجن علطول وانا ماعرفت شي عن اهلك؟
زيد بخوف اكبر/تكفى طال عمرك عطني فرصة...انا امي ماعندها الا انا وبنتين شلون بيعيشون؟
نايف وهو يبي يوصل لهدفه من خلال ها الاسئلة/وانا اللي قلت لك تعال اسرق!!يااخي اذا انت انسجنت تشتغل وحدة من خواتك وتصرف على اهلك؟
زيد بمسكنة حقيقة/أي بس اختي الكبيرة طايفة الثلاثين ومامعها الا شهادة ابتدائي منو بيوظفها عنده واختي الصغيرة توها ماتخرجت من ثالث ثانوي,,,
يعني انتي يالبزر بثالث ثانوي...زين اول شي عرفناه عنك...و لاماهو اول الاشياء..عرفنا ان اسمك صبا من قبل وانك حلوة مووت!!!!
**************************************
كان قاعد بمكتبه وهو سرحان بعالم ثاني,,,,
كل اللي عرفه ذيك اللحظات ان يده لاشعوريا مسكت القلم وخطت ها الكلمات,,,
ماكرهت الفجر يوما الا عندما كان في الفجر الرحيل,,,
غبت عني في الشروق فظل العمر بعدك ليلا طويل,,
امطرتني السماء اشواقا واشجانا وحزنا ثقيل,,
واظل حتى الفجر انتظركي فيرثيني الليل ووجه القمر الجميل,,
وتشرق عليّ الشمس وتعدني غدا بعودة الغائب النبيل,,,
فاابكي وابكي ويبكي الدمع في عيني فااكره الدمع الذليل,,,
وبعد سنين وقبل رحيل الشمس في المغيب همست لي,,
لايرد الدمع غائبا فارحم قلبك العليل..
لقد نسيك حبيبك وشمس هواه افلت..ولم يبقى من وهجها سوى ومضات الاصيل...
فقد كان حبك كالندى اذابه الفجر عند الرحيل..
والحب يابني لايمنح ابدا لعابر سبيل!!استاذ متعب..استاذ متعب...
رفع راسه بفزع وهو يشوف سكرتير مكتبه واقف على راسه...
متعب بضيق لاانقطاع افكاره/في شي...
السكرتير/طال عمرك مضت نص على وقت اللي المفروض نكون قفلنا فيه؟
متعب/أي طيب....طالع اللحين...
رجع بافكاره من جديد لها....ماكانت بحياته ابدا مجرد عابر سبيل لانها ملكت كل كيانه وتفكيره بها الثلاث سنين....عاش معها مثل مايعيشون أي حبيبن وها الشي واثق منه مثل ثقته بنفسه....تنهد بقوة وهو يكور الورقة اللي توه كتبها ورماها بااقرب زبالة له وقام من مكتبه وحالة الحزن ملازمته كااعز صديق وفي مايمكن يتخلى عنه بحياته!!!
**************************************
عبير بخوف/ليالي....ليالي شفيك يابنتي...
هتون وهي عند الباب بضيق/جاية لنا بعلتها؟
لفت لها عبير وقالت بحدة/انا جايبتك هنا عون شوري عليّ وش نسوي بدل هذرتك اللي مامنها أي فايدة؟
هتون بعصبية واضحة/يعني هي طاحت علينا واحنا تونا نشوفها وش ممكن نعرف وش اللي فيها ؟
عبير وهي تضرب ليالي بشويش على خدها وتصحيها.../ليالي...حبيبتي قومي كلميني طمنيني...
فتحت عيونها بشويش بعد مارشت عليها شوية مويه على وجهها..
ليالي بصعوبة/عمتي...
عبير بفرح/ليالي...شفيك ياقلبي خوفتيني عليك...
نزلت دموعها قبل سؤالها لعبير/صدق جاسر سافر البارحة؟ليش هو مايبيني؟
هتون بقوة واحتقار وهي بعدها عند الباب/أي مايبيك...
عبير بحدة/هتون وش قلة ها الادب؟
هتون بنفس الوقاحة والثقة/خلها تعرف من اللحين بدل لاتسوي لنا فيها فلم هندي..اخوي مايبيك يالبدوية فماله داعي ها الدموع !!!
لفت ليالي وجهها للجهة الثانية علشان لاتسمع أي شي جديد وعبير تاْنب هتون بنظراتها اكثر من كلماتها...
ليالي بصعوبة/طيب ليش ملك عليّ يوم انه مايبيني!!
هتون قالت بحدة/لانه انغصب يملك عليك...ولاتنتظرين منه أي شي؟؟؟؟
قالتها وطلعت من الغرفة وصفقت وراها الباب.بقوة....
الشي اللي خلى صوت ليالي يعلى بالبكي/ليش ..ابي افهم بس ليش....منهو اللي غصبه ياعمتي!!
عبير تهديها/خلاص حبيبتي هدي اللحين وبعدين بنتكلم....
ليالي ودموعها خانقتها/لو كان لي راي ياعمتي عند ابوي كان قلت لا..بس انتي عارفة اني اليوم اللي جيت فيه تفاجاْت بكل شي واني مااملك امري قدام ابوي....
عبير/خلاص يابنت الناس هدي....انتي تعبانة ولازم ترتاحين بعدين اللي فهمته انك مااكلتي شي من جيتي وتلاقيك حتى في بيتكم مااكلتي شي...قومي غسلي وبجيب لك شي تاكلينه....
ليالي غطت عيونها بيدينها علشان لاتشوف عمتها دموعها ماتدري ان صوت شهقاتها فاضحها..
عبير /ياليالي حرام عليك ها البكي....ليش تبكين ؟
ليالي بانكسار/ابوي رماني على رجال بعد مايبني ..وين اروح لاابوي يبيني ارد بيته ولاها الرجال يبيني وسافر من ملك عليّ!!!شسويت انا؟؟ليش يصير معي كذا وكاني مريضة بشي معدي ولا فيني شي ينرفز الناس عني!!!
ليالي وهي تضمها لصدرها/ليالي...بنتكلم بالموضوع انا وانتي بس اذا هديتي اللحين ماينفع...صدقيني انا مو راضيني ها الشي ابدا بس شسوي....الامر لاهو في يديني ولافي يدينك....قومي حبيبتي قومي غسلي وجهك وبعدها بنتكلم...
شدت ليالي على نفسها رغم ان كل تعب العالم كان فيها ذيك اللحظات واول ماوقفت رجعت طاحت من جديد وسط صرخة عبير اللي كانت تناديها باسمها,,,,
**************************************
زيد/شلون يعني مافهمت؟
نايف/يعني اللحين بتنقلع عن وجهي وبترجع بيتكم لين افكر فيها وفي اللي ممكن اتغاضى عنه واللي اتفاهم فيه لكن ياويلك ياسواد ليلك ياولد امك لودقيت لك بكرة ولابعده ومارديت عليّ ترى مايرد الشرطة عن بيتكم شي لو اخليهم يرمون امك وخواتك بالشارع سامعني!!
زيد/سامعك طال عمرك....
نايف/اللحين قوم انقلع عن وجهي خلني افكر....
قام زيد بحركة سريعة من على الكرسي وكانه ينتظر ها اللحظة من قعدوا ولف بيطلع بس صوت نايف القوي كان لازم يوقفه قبل لايكمل مشيه,,,,
نايف/وينك..لاحظ اني للحين ماحكيت بصدمة سيارتي اليوم ومتغاضي عنها!!!!!
كمل زيد طريقه وهو فيه قهر العالم كله من اللحظة اللي خلته يفكر يطلع برى البيت ويشوف نايف بوجهه ,,بس هذا القدر اللي مامنه مفر,,,,
اما نايف رجع يسرح من جديد في اللعبة الجديدة بساحته...صبا وكلام صبا وشنو ممكن يكون عقاب صبا؟؟؟؟؟
تنهد وهو يذكرها ورفع كوبه يشرب قهوته اللي بردت من كثر ماافكاره سرحانة بها البنت المجنونة وبها الكلمتين اللي اثاروا ساتفزازه!!!
أي اكيد بيثيرون استفزازه لان وحدة مثل صبا وعايشة بها العيشة وبها الوضع ماالمفروض انها تتلفظ وتقول ها الكلام لي انا نايف شخصيا!!!
لكن اذا فكرت انها بتعدي معها على خير فهي بتكون اكبر غلطانة..انا نايف...مو أي شخص ثاني ممكن يمررها لها....
**************************************
اصايل بترجي/وين ابوي؟
ام عبدالله وهي تشرب قهوتها/طلع...
اصايل بقوة/اووووف
ام عبدالله/عمى بعينك يللي ماتستحين!!ليش تتاْففين؟
اصايل بنرفزة/شحقه طلع بدون مايقول لي!!!
ام عبدالله باحتقار/وهو متعود يشاورك قبل لايطلع ياحظي!!
اصايل بنرفزة/عارفة انه مايشاورني بس ها المرة انا ابي منه شي...
ام عبدالله بلقافة/شتبين؟
اصايل بتاْفف/يعني شكون ابي بالله!!ابي اشوف كلم عمي مدري ولد عمي ابي اسمع صوت اختي واتطمن عليها؟
ام عبدالله/تدرين ان ماعندك سالفة يااصايل؟؟؟
اصايل بهلع/انا ماعندي سالفة!!!
ام عبدالله/أي والله ماعندك سالفة...اللحين اختك غرقانة بالعسل مع عريس الهنا وماهي طاقة لك خبر...وانتي تقولين ابي اكلمها...
اصايل/هي...
قاطعتها ام عبدالله/هي شنو ياحظي هي شنو؟هي يالعاقلة اللي المفروض تكلمك...لو هي تبي بتقول لزوجها ابي اكلم اختي اطمنها بس هي مافكرت فيك وهامتها وناستها وبس وانتي ياخلاف عليك ذابحة عمرك على ولاشي....
اصايل بتفكير/بس...بس يمكن زوجها...
ام عبدالله/زوجها شفيه ياحظي موفر لها كل اللي تبيه مثل ماعرفت من ابوك شي ولاكانت تحلم فيه حتى!!!بيضرها انها تكلمك ولامستكثرة عليك تعرفين الخير اللي هي فيه؟
اصايل قعدت جنب ام عبدالله وقالت بتردد/لا..مو ليالي اللي تفكر كذا ياخالتي....انا اعرفها...وبعدين هي راحت حتى ماشالت مع ثيابها شسوت البارح بس!!
ام عبدالله/شسوت تقول لي!!!تلاقين ولدعمها حاط لها دولاب طول بعرض وفيه من كل الاشكال والالوان وانتي تقولين لي شسوت البارحة؟
اصايل بتردد/مااصدق ليالي ممكن ماتسال فيني ولات...
ام عبدالله/انتي قومي اللحين ودخلي دارك وفكري في ولد عمك ضاري اللي بيصير زوجك ياحظي..ماتدرين متى يرجع من سفرته..يمكن الليلة خوب هو مستعجل على العرس بس يرجع يبي ياخذك...قومي فكري وش بتسوين....
اصايل بتردد/هو قال انه مستعجل؟
ام عبدالله/أي هو مكلم عمه من الديرة اللي مسافر لها وقال له قول لااصيل تحط في بالها اني باي وقت ارد بجي اخذها ولاتقول لا ياعمي...وابوك طبعا مابيقول لولد اخوه لا..
اصايل وبدت افكارها تسرح لبعيد/هو ليش مسافر...
ام عبدالله/مسافر تابع عمله الشركة مسفرته..
اصايل/اممم..
ام عبدالله/قومي حبيبتي قومي دارك وفكري براحتك...
قامت اصايل وفي بالها الف حلم وحلم وردي على ضاري اللي كلم ابوها وقال انه مستعجل يبيها...
ام عبدالله بهمس/عساك ماتتهنين لاانتي ولااختك قطع!!!مصدقة نفسها يبيها وبيموت عليها بعد!!!

في المستشفى,,,
عبير/حمد الله على سلامتك..
ليالي/...........
عبير/الدكتور يقول صار عندك هبوط بالدم وهذا كله منالارهاق وقلة الاكل....
ليالي/..................
عبير/ليالي قولي شي...
ليالي بحزن/وين اروح ياعمتي؟
ليالي بتاءثر/بتجين معي البيت اليوم بتقعدين عندي لين تتحسن صحتك وبعدها ...
ليالي باعتراض/لاياعمتي لا...
عبير/مالك حق تعترضين ياليالي انا ماراح اخليك وحيدة في بيت ام جاسر؟
ليالي/..........
عبير/..........
ليالي بخوف/واذا ابوي عرف اني مو في بيت زوجي!!!!
عبير باحتقار/لاتطمني ابوك مابيكلف على عمره ويسال عنك من اليوم هذا اذ فكر يسال؟هاذي عمتك ام احمد اكيد متصلة تسال عنك خل ارد عليها....هلا...هلا اختي شلونك...اي الحمد الله بخير...لحظة...ليالي عمتك تبي تكلمك....
ليالي بضعف/الو....هلا عمتي....بخير عساك بخير...الحمد الله.....اي...اي....طيب....ماعليه ..مع السلامة,,,
مدت يدها بالجوال لعبير وقالت بتردد/عمتي ام احمد تقول اروح لها البيت؟
عبير/يعني هي عمتك وتروحين لها البيت مافيها شي وانا تقعدين عندي تصير سالفة؟
ليالي بدفاع/لاموقصدي بس هي وضعها غير بقضي يومي مع تهاني ولابسمة...انتي بنحرج من وجود زوجك ويمكن احرجه بعد....
عبير/شها الكلام ياليالي البيت بيتك..
ليالي/ماعليه خليني اليوم هناك وبكرة تعالي خلينا نتكلم بالموضوع لاتتركيني الله يخليك,,,,
*************************************
*ليش انت وحيد يامتعب ماسالت نفسك ها السؤال؟؟؟؟
طيب ولمتى بتظل حزين ووحيد؟؟؟لااهل ولااصحاب ولاونيسة ترد عليك الكلمة؟؟؟
تنهد من قلب وهو يذكر ها الثلاثة الاشياء اللي يفتقدهم بحياته,,,
الاهل....واللي ماظل له منهم غير ليالي واصايل ومحروم من شوفتهم صار له اكثر من خمسة شهور لاشافهم ولاسمع صوتهم بدون أي ذنب جناه؟؟؟؟
الاصحاب...والصديق الوحيد اللي عاش معه طول دراسته بالشرقية اربع سنين كاملة وبعدها توفى بحادث سيارة الله يرحمه ويغمد روحه الجنة ويلهم اهله الصبر والسلوان واللي عجز من بعده يلقى أي صديق يسد مكانه ولاحتى يطلعه من عزلته,,,,
ونيسة.....كانت في حبيبة بحياته بس الزمن بعادهم....مايدري هي فرطت فيه بسهولة كذا ليش!!!
كيف جاها قلب وقالت له اتركني في واحد متقدم لي وانا موافقة عليه!!!
ليش علقته وبالنهاية اختارت غيره!!!
مايقدر يتحمل ذكر ها السالفة ابدا..ولايقدر يتخيلها تكون قاعدة باي لحظة مع رجال ثاني ويتغزل فيها ويلمسها وتحق له وهو ينحرم منها!!!!
مايقدر لازم تنزل دموعه بعد مايذكر ها الاشياء اللي فاقدهم بحياته....
لاشعوريا مسك طرف شماغه يمسح الدموع اللي طاحت من عينه واللي ماعنده غيرهم تبين ضعفه وانكساره بها العالم الغريب!!!!!
*************************************
*في غرفتها كانت قاعدة تتخيله...
كيف ممكن يكون شكله؟
اسمر ولاابيض؟طويل ولاقصير؟نحيف ولاسمين؟
طيب ولاشراني؟هادى ولاعصبي؟بخيل ولاكريم مثل ولد عمه؟
ياترى وش ممكن تكون ياضاري؟وليش قلت لاابوي انك مستعجل بالزواج...ماودك نقعد ونتفاهم وبعدها نقرر اذا نكمل ولالا؟لهدرجة واثق ان احنا بنتفق مع بعض....
ياحبي لك...شكلي حبيتك خلاص ....اصرارك عليّ قاعد يخليني ابتسم بيني وبين نفسي مثل المجنونة...بس مو مهم مدام باخر المطاف بتوسد حضن الرجال اللي مستعجل ويبيني!!!
معقولة يكون هو طلبني من ابوي وابوي مارضى يزوجني قبل ليالي وراح لبيت عمي وخطبها لجاسر بما ان ضاري مصر عليّ!!(عاشت الجو بحق وحقيق)
تجوز ليش لا...اه لو بس اعرف عنك أي شي....وش تحب...اي الالوان تفضل...وش اكلتك المفضلة,,,أي شي لو كان بسيط علشان يكون مدخل بينا,,,
متى بس تجي وحدة من عماتي واقدر اعرف منها أي شي قبل لايجي ضاري وينفذ اللي براسه وياخذني وانا مابعد جهزت شي لااستقباله!!!
*************************************
في ملحق الجد في بيت بو ضاري,,,,,
الجد/من وين جاية؟
عبير وهي تلهث/طلعت من المستشفى ومريت بيت ام احمد وجيتك اسلم عليك؟
ابو عبدالرحمان بخوف/المستشفى؟عسى ماشر يابنيتي؟
عبير بحزن/الا شر يايبى....ليالي طاحت عليّ اليوم؟
ابو عبدالرحمان/..............
عبير/اشوفك ماقلت شفيها ولاسلامتها يبى؟
ابو عبدالرحمان بعدم اكتراث/وش بيكون فيها يعني!!
عبير بتودد/يبى البنت انصدمت ان زوجها مايبيها وانه سافر بنفس الليلة؟
انت تشوفها حلوة يبى يسافر بعد ماملك عليها ولاحتى فكر يسلم عليها لو يشوفها..
ابو عبدالرحمان/كذا احسن لها علشان لاتتحسس؟
عبير/لايبى مو صحيح..هي كذا انجرحت...تصور بيت ولدك رامينها بغرفة من البارحة ومحد سير عليها حتى ولدك وعرفت من الشغالة ان الزوج الموقر سافر من البارحة؟برايك يبى أي صدمة هاذي من اول ليلة؟
ابو عبدالرحمان/وليش ابوها ماقال لها؟
عبير/محد قاهرني بالسالفة الاابوها وعمها ...احد يرمي بنته ها الرمية,,,,ولااخوي الثاني حابسها بذيك الغرفة ولاتدري وش قاعد يصير وكانها معزولة لمرض معدي فيها؟
ابو عبدالرحمان/انتي لاتشغلين بالك؟
عبير/كيف يبى مااشغل بالي..هاذي بنت اخوي...والبنت يتيمة...وانا طول حياتي ماشفت منها الا الخير مقدر اتركها بموقف مثل كذا واسكت......اليوم اخذتها اختي ام احمد وبكرة بمر انا اخذها وبنشوف يحس ابو جاسر لغيابها ولالا؟
ابو عبدالرحمان/تطلعونها من بيته بدون ماتقولون له؟
عبير/أي...واذا هو مهتم هو اللي بيسال عنها؟
ابو عبدالرحمان بعصبية/جنيتي انتي!!لو تسوينها لاانتي بنتي ولاانا ابوك؟
عبير بصدمة/يبى..
ابو عبد الرحمان بعصبية/تقومين تردين البنت اللحين لبيت اخوك بدون حرف زايد ولاانا بقوم اتصل فيه واعلمه....الشره مو عليكم على اللي جاية وماهي متربية وين ماتبي طلعت ولاكانها تزوجت وصارت مسؤلة؟
عبير بنفس الصدمة/انت تقصد ليالي يبى..
ابو عبدالرحمان/أي نعم اقصدها,,, كانت بلوة عند ابوها وبنبتلي فيها احنا!!!!!!!!
////////////////////////////////////////////////////////////////////////////////////////////////////////////////////


taman غير متواجد حالياً  
التوقيع











رد مع اقتباس
قديم 26-10-10, 05:48 AM   #9

جرح الذات

مراقبة ومشرفة سابقة ونجم روايتي

alkap ~
 
الصورة الرمزية جرح الذات

? العضوٌ??? » 54920
?  التسِجيلٌ » Oct 2008
? مشَارَ?اتْي » 16,539
?  مُ?إني » الدمــام
? الًجنِس »
? دولتي » دولتي Saudi Arabia
? مزاجي » مزاجي
My Facebook My Twitter My Flickr My Fromspring My Tumblr My Deviantart
?  نُقآطِيْ » جرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond repute
¬» مشروبك   cola
¬» قناتك dubi
¬» اشجع hilal
?? ??? ~
قول الله تعالى ..(إذكروني أذكركم وإشكروا لي ولا تكفرون )
?? ??? ~
My Mms ~
افتراضي

يعطيك الف عافيه على القصه كما توقعت قصه رائعه ومبشره باحداث مثيره

ليالي اصبري والله يفرج عليك مصيبتك عسى ان تكرهوا شيئا وهو خير لكم

وان شاء الله تتلاقي مع خالك وربي يجمع شملك انتي واختك ويعوضكم خير

اصايل هههههههههههههه عايشه الجو مصدقه عمرها انو يبيها ماتدري هي وش اللي

يتطيح عليه مسكينه ما معك الا احلامك الله يستر لا تكون صدمتك اقوى من اختك

وابو ليالي واصايل حسبي الله عليه لذي الدرجه حرمته لاحسه بعقله

نايف اكيد بياخذ صبا اويشغلها عنده او يتزوجها الله يستر لايفكر بشيء ثاني


جدهم كرهت موقفه من ناحية ليالي وتفكيره الغلط حسبي الله عليه من حقهم اولاده يسون كذا فيه

بس شكله اللي راح يهتم فيه هي ليالي واختها اذا جت

حبيبتي منتظرينك وكلنا شوق للبارت الجاي

لك ودي


جرح الذات غير متواجد حالياً   رد مع اقتباس
قديم 27-10-10, 09:36 PM   #10

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
Chirolp Krackr


اقتباس:
المشاركة الأصلية كتبت بواسطة جرح الذات مشاهدة المشاركة
يعطيك الف عافيه على القصه كما توقعت قصه رائعه ومبشره باحداث مثيره

ليالي اصبري والله يفرج عليك مصيبتك عسى ان تكرهوا شيئا وهو خير لكم

وان شاء الله تتلاقي مع خالك وربي يجمع شملك انتي واختك ويعوضكم خير

اصايل هههههههههههههه عايشه الجو مصدقه عمرها انو يبيها ماتدري هي وش اللي

يتطيح عليه مسكينه ما معك الا احلامك الله يستر لا تكون صدمتك اقوى من اختك

وابو ليالي واصايل حسبي الله عليه لذي الدرجه حرمته لاحسه بعقله

نايف اكيد بياخذ صبا اويشغلها عنده او يتزوجها الله يستر لايفكر بشيء ثاني


جدهم كرهت موقفه من ناحية ليالي وتفكيره الغلط حسبي الله عليه من حقهم اولاده يسون كذا فيه

بس شكله اللي راح يهتم فيه هي ليالي واختها اذا جت

حبيبتي منتظرينك وكلنا شوق للبارت الجاي

لك ودي



شـكــ وبارك الله فيك ـــرا لك ... لك مني أجمل تحية .

ربنا يبارك فـــيــــك يا قـــمــــــــــــــــــــ ـــــــر0
000000000 ((دائما رافعة معنوياتى ))


taman غير متواجد حالياً  
التوقيع











رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 09:21 AM



Powered by vBulletin®
Copyright ©2000 - 2024, vBulletin Solutions, Inc.