لجل الوعد.. لكاتبة/ المحظوظة / كاملة

[جرح الذات]

الجزء السادس عشر

صلى سعود الفجـر اهو وأبوه ورجع البيت وأول مادخل غرفته يبي ينام ضربت عينه بالكامبيوتر واتذكر الايميل الي قرا عنوانه مع فتون
وبلا تردد بدل ملابسه بسرعه واهو يفتح الكامبيوتر يتحمل وياطول التحميل على قلبه لحظتها .. انفتح أخيرا وسحب الكرسي وجلس .. فتح ايميله بسرعه ودرات عيونه على الايميلات لين لقط الايميل وفتحه وعيونه متعلقة فيه بكل اهتمام وقرا :

Hi

Alslam alikom
How are you s3od?
Iam w3ad from london
Iam sorry but I want ask you haw ar you?
I hope evrythigs is ok enshallah
Kol 3am o enta b5er
Ramdan mobark
S3od
Iam so soooorrye

Bye

الترجمة :

هاي
السلام عليكم
كيف حالك سعود ؟؟
أنا وعد من لندن
أنا آسفة بس ابغى أسأل كيف حالك ؟
اتمنى يكون كل شي بخير
كل عام وانت بخير
رمضان مبارك
سعود
انا مره آسفـــــــــة
باي

ابتسم سعود ابتسامة حالمة وهمس بلا شعور : وعد ! ياحياتي على ايش الأسف؟
رد عليها وكتب :
هلا وعد .. ماتصدقين شكثر فرحتني رسالتك .. وربي ردتلي الروح ..
انا بخير الحمدلله وكل أموري تمام .. كل عام وانتي بصحة وسلامة يالغـ ـلا !

أرسلها واهو راضي على كل حرف فيها .. بحياته كل ماحوله يهمس بوعد .. اكتملت هالوعود وانتهت بمعرفته بسحـر حياته .. الي مايدري كيف جمعته الصدفة فيها وملكت كيانه بلا استئذان ! شعور عجيب يحسه من تطري على باله يخليه يبتسم ويعيش بحبور داخلي وأمنية مستحيلة تتمرد بقربه منها دايم وطول العمر ..
قلبه الي ماعرف هالمشاعر قبل ولا حس فيها .. يسمع عن الحـب عن الشوق بس ماعاشهم وظن انه ماراح يعيشهم ويوم خطب بنت عمه حاول يوهم نفسه فيهم .. حاول يفتعل هالمشاعر غصب .. عجيب قلبه الي أولد هالمشاعر بقلبه بكل تلقائية وعذوبة من عرف وعد !! هالمشاعر الي اتمنى يحسها تجاه بنت عمه انخطفت منه واتوجهت لوحده يدري ان قربها أبعد من المستحيل نفسه !!
اتألم حيل لهالخاطر ! كيف عرفتها كيف حبيتها كيف صارت بلحظة حلم حياتي ودنيتي؟؟

اتنهد من قلب يعاني لوعة زمن .. رجع لبس وطلع من البيت مشي ..
مشى واهو يسحب هواء عميق يحاول يوسع صدره من الضيق الي حسه وقت استشعر بـُعد وعد عنه للأبد !
واقع مدمر لكنه حقيقي ولابد منه .. !

وصل المسجد ودخل .. بغى يقرا كم آيه تشرح صدره .. اختار أحد المصاحف وقعد آخر المسجد وفتح المصحف على أول سورة بالقرآن يبتدي فيه ختمة رمضان .. وسمى بالله وقرا

::

بنفس الوقت كانت سيارة مارة بهالشارع تحمل بداخلها شخصين ميتين من التعب وعيونهم ووجيههم حمرت من توهج الشمس فيها وسط البحـر
خالد التفت لمرام لقاها ساندة راسها ومسكرة عيونها ..
ابتسم واهو يتذكر شلون هبل فيها وطير مخها وسط البحر .. ماكتفى بالمشي بس.. اختار منطقة هادية وجلس يدور بالدباب مسوي دوامة أمواج كبيرة وضخمة .. وكيف تمسكت مرام فيه بكل قوتها واهي تصررررررخ .. وماحن عليها ورجع الي يوم دمعت عيونها من الخوف
ضحك واهو يتأملها نايمه جمبه .. شكثر دلوعة انتي حياتي فديت نعومتك غلاي ..

نادها بنعومة : ميمي .. مرامو .. مرامي ..
مرام بوهن : هممممم ..
خالد : وصلنا بيتنا انزلي معاي ..
فتحت مرام عيونها بتعب وطالعت بيت خالتها واستغربت وقالت : ليه مارحت بيتي ؟؟
خالد باستهبال : نامي عندنا مرام !
مرام : خالد انت صاحي ؟؟؟
خالد واهو يغزملها : ماظنيت ..
مرام : ههههه جد خالد بروح بيتنا والله ان صحى ابوي ومالقاني بيذبحني ..
خالد : شالي يذبحك انتي خليه يلمسك بس وانا أكسر ايدينه ..
مرام : خالد أبوووووووووي ..
خالد : ابوك على عيني وعلى راسي بس عاد لايدوسلك على طرف ..
مرام : بس غلطانة انا خالد ترانا طالعين من البارح بالليل !!
خالد : اوكي ياعمري أنا جيت بيتنا عشانه جمب البحر باخذلي دش سريع لأني بوصلك وبروح دوامي على طول ..
مرام : جد ؟ بتروح مواصل ؟
خالد : ماعندي خيار ثاني ..
مرام بحنية : يوه خالد تعب عليك ..
خالد بضحكة : من طلبتي تركبين الدباب وانا عارف ان هذي نهايتي ..
مرام أنبها ضميرها وقالت : ياعمريييييييي ليتي ماطلبت ..
خالد : انتي ماتطلبين انتي تامرين أمر على قلبي وماقدر اعترض
مرام بحيا : حبيبي يسعدلي قلبك ..
خالد وهو يضحك : اوكي حياتي ضيعتي علي نومي اوكي .. بس تضيعين علي دوامي هذي قوية شوي ..
مرام : ههههههههههههه يالله يالله ..

وفتحت الباب ونزلت .. ونزل خالد ومشوا للبيت ودخلوا وقبل مايطلعون الدرج قالت مرام بهمس : ياربي فشلة خالد احس وجودي معاك ببيتكم هالوقت غلللللللللط
خالد : هههههههه صدقيني بنتذكرها بعدين ونضحك ..
ضحكت مرام وقعدت بالصالة وخالد طلع غرفته وفتح مالقى سعود فيها ! فرح ونزل وقال لمرام : مرام تعالي استني بالغرفة سعود مافيه !
مرام انحرجت تروح غرفته بس وجودها بالصالة محرجها أكثر لا يصحى أبو سعود ولا أحد من البيت ويشوفها وتتفشل .. واضطرت تقوم وقالت واهي تطلع الدرج : حسبي الله على شيطانك والله ان دروا أهلي مادري وش بيسون فيني ..
خالد واهو يمسك ايدها ويهمس : قوليلهم كنت بغرفته بنهار رمضان .. بيعذرونك !
مرام بحرج : ياربي خالد اسكت خلاص وخذلك دش بسرعه خلنا نخلص
خالد : ههههههه اوكي ..

دخلوا الغرفة وسكروا الباب .. فتح خالد دولابه يطلع ملابس ويقول : بكرا اذا اتزوجنا ان شاء الله بتطلعيلي انتي ملابسي اذا بغيت آخذ شاور ..
مرام بابتسامة : صدقني بسويها بكل محبه .. بس ..
خالد وهو ماسك باب الحمام يبي يدخل : بـس ؟؟
مرام : تتوقع هاليوم قريب ؟؟
خالد قرصه قلبه من سؤالها المفاجئ .. وقال : اتمنى من كل قلبي يكون قريب ..
مرام : اذا على الأمنية فأنا بعد أتمنى ..

خالد مارتاح لكلامها واهو من عقد عليها ماطروا ماضيه لا بزينه ولا بشينه .. اهو اتجنب الكلام واهي تناسته وماحبت تخرب فرحتهم بكل مره يتلاقون !
قال بتنهيدة : بادخل آخذ شاور ..
مرام : خذ راحتك..

دخل خالد واهي دارت عيونها بغرفته .. تناست مشاعر الضيق الي تملكتها لحظة ووقفت تتفرج على أغراضه .. شي حلو لما تكون وسط ممتلكات حبيبك وأغراضه الخاصة تعرف كل شي عنه .. حست بالحر وفسخت عبايتها .. وقعدت على مكتبه وصارت تقلب بأقلامه وأشرطته وتقرا الي عليها وتتفرج على أوراقه وكتبه .. ابتسمت واهي تقرا خربشات كاتبها تتعلق بشغله باين انها جدول مواعيد يرتب أفكاره .. واااو خالد يعني انت ممكن تكون جدي بوقت من الأوقات؟؟
دق جوال خالد وانتفضت بمكانها !!! تركت الاوراق ونزلت من المكتب ومشت لجواله وهي مستغربة من بيدق على خالد هالوقت !!
طالعت الرقم لقته رقم غريب مو مخزن ! كان صوت الدش لازاال يعني خالد مو سامع الجوال .. قررت تخبره اذا طلع .. وتركت الجوال مكانه بإهمال ..

شوي الا رجع يدق نفس الرقم بتواصل مستمر !! شاهاللزقة ياخي يعني لو مثلا خالد نايم شهالازعاج ؟؟؟
انحمقت حييييييل وقررت ترد .. مافيها شي لو سأل خالد من هذي يقوله زوجتي ومن حقي .. وردت : الووو ..
ـ : .............................
مرام : الوووووو
ـ : .........................
سكتت مرام شوي تنتظر تجاوب من الطرف الثاني مالقت .. استغربت وسكرت الجوال ورجعته مكانه وعصفت فيها الأفكار ؟؟؟ مين هالمتصل وليه مايرد ؟؟ يكون خوي خالد وعشان سمع صوت بنت استغرب وسكت ؟؟؟ بس ليه هالوقت عاد .. وليه مو مخزن رقمه عند خالد ؟؟ ...........معـ ـ ـقـول تكـ ـ ون ................ ؟؟
لالالا مرام شفيك انتي خالد غير جواله وطلعه باسم تركي يعني مستحيل تحصل عليه .. ! خفق قلبها بقووووة من هالطاري .. حاولت تنكر أي وساوس لعبت فيها .. بس مع محاولة الانكار هذي شي بداخلها أجبرها تفتح جوال خالد وتنقل الرقم اللي اتصل وتخزنه بجوالها !!
وسكرت جوال خالد ورجعته مكانه ..!!

حست بدوووخة وتعب مع أول يوم صيام لا وبعد بدون نوووم .. اتمددت على سرير خالد تنتظره يطلع وتروح بيتها تنااااام من حظها ماعندها جامعة اليوم ..

بعد دقايق طلع خالد ببجامة البيت ومنشفته على كتفه .. ! واتسمر مكانه يوم شافها واهي نايمة بنعومة على سريره .. !!
كانت نايمة على جمبها وذراعها تحت راسها وشعرها منسدل على وجهها .. وذراعها الثانية منسدلة من على السرير بلا شعور منها وبلوزتها القصير كاشفة جزء من بطنها وظهرها .. اتخدّر خالد واهو يطالعها مع هيأتها الي تذوووب الروووح .. ماقدر يطول النظر فيها واتنهد واهو يدور وجهه للدولاب يطلعله ثوب ! آه ياويل قلبي منك مرام بتجنيني معاك انتي .. تكفين قومي تراني مو متحمل أكثر .. لبس ثوبه وهو مغمض عيونه ويردد : اللهم اني صاائم .. اللهم اني صائم ..
سكر أزارير ثوبه ومشى لعندها وانحنى قدامها وأول شي سواه عدل بلوزتها وغطى الجزء المكشوف ..
رفع شعرها بحنية واهو يهمس : ميمي ..يالله بنمشي ..
<< غاااااااااااطسة بالنوم ومو سامعه
خالد وهو يمسح على راسها : مرام حياتي قوووومي تأخرنا ..
<< لا تـَـجاااااااوب ..
هزها على خفيف وينادي : يالله حياتي اصحي مرامووو
<< لا حياة لمن تنادي !
اتنهد ووقف ومشى لمرايته أخذ فرشه ومشط شعره واتعطر واهو ينادي عليها كل شوي ويرفع صوته بالنداء واهي مو حاسة فيه أبد .. !!
أخذ جواله وحطه بجيبه ورجعلها هزها واهو ينادي : مرام مادريت ان نومك ثقيل بهالشكل يالله حياتي قومي ولا ترا باطلع وأخليك !
<< مسكين يكلم نفسه
اتنهد بقووة ووقف محتار فيها !!
راح قعد جبمها على السرير وشالها من مكانها حطها بحضنه وضمها لصدره وباس جبينها ... الا ........... فتحت عيونها !!
خالد بضحكة: لو أدري ان ضمتي بتصحيك كان ضميتك من أول ..
مرام بكسل نوووم : خلصت نمشي ..؟
خالد انخبل منها وقال : ايه حياتي من أول أصحيك وانتي مو حاسة يالله بانتظرك تحت الحقيني
مرام واهي تقعد بكسل : استنى خالد انزل معاك ..
خالد مو قادر يتحملها بحضنه أكثر حطها على السرير وقال : ولا كلمة مرام .. استناك تحت بسرعه الحقيني ولنا كلام بعدين ..
مرام مو مستوعبة شي فركت عيونها بتعب ويوم ابعدت ايدها مالقته بالغرفة .. !!
قامت لبست عبايتها وطلعت واهي يالله تشوف الطريق .. نزلت وطلعت ولقته بالسيارة ينتظرها ..
ركبت وسكرت الباب وعلى طول سندت راسها على الجمب ونامت
<<< وخالد يردد يالييييييييل ماطولك !


********
على المغرب
طلعت أم سعود من المطبخ وشافت عبير بالصالة وقالت : عبير تعالي يمه اقلي السمبوسة
عبير واهي لامة ركبها ومعها مصحفها تقرا وقالت : يمه وين سولا عنك تعرفيني أصدع من ريحة القلي !
أم سعود: سولا قاعدة تقلي اللقيمات زين تعالي قطعي السلطة وانا اقلي السموبسة
عبير : طيب بس أخلص الجزء ودي هالشهر أختم القرآن مرتين..

فتون من أعلى الدرج : خلصت جزئيييييييييييييييييييييي ين !!!!!!!!
عبير بقهــر : يووووووه شفتي يمه دايم تسبقني ذي بكل رمضان .. انتي شلون تقرين ابفهم ؟؟؟
فتون وهي تنزل الدرج : زي العالم والناس بس بدون انقطاااع ..
أم سعود : زين أجل امشي قطعي السلطة يافتون
فتون : أول شي سويتوا فميتو ؟؟؟؟؟؟؟؟
ام سعود بضحكة : وحنا نقدر ننساه لاتقلبين السفرة علينا
فتون : ههههههههههه زين عرفتووووني

ودخلت المطبخ مع أمها ومشت للصحن الي فيه الخضرة وهي تقول : شلون أقطعها ؟؟
ام سعود : سلطة يافتون شالي شلون تقطعينها ؟؟
فتون : أول مره اقطع سلطة طيب مادري كيف !
ام سعود : وأنا فاضية أعلمك الحين ؟؟ اطلعي بس نادي اختك
فتون : الحمدلله فرجت اصلا ريحة القلي قالبة معدتي

طلعت نادت عبير واهي قعدت تقلب بالتلفزيون وفاجأة صرخت : عطشاااااااااااااااااااانة كم باااااااااااااقي وقت ؟؟؟؟؟؟
عبير من المطبخ : يامهبولة لاتخربين أجرك باقي نص ساعه ..
فتون : يووووووه ياطولها ..
ومشت للتلفون تمضي وقتها .. دقت على بيت خالتها وشوي الا رد مشعل
مشعل : الووووو
فتون : مشعلووووووووووه شلونك ؟؟؟
مشعل : بسم الله علينا قاعدين نفطر شتبين انتي ؟؟؟
فتون : تفطروووووون؟؟؟ ماشاء الله مسجدكم يحبكم يأذنلكم بدري !!
مشعل : ههههه ليته والله ..
فتون : تستهبل انت ووجهك .. قولي بس شمسوين على الفطوووور ؟؟؟
مشعل : فيمتووووو !
فتون : هههههههههههههه أجل مثلي انت هذا الي همك
مشعل : اي والله مارضيت أصوم الا يوم ذكروني فيه ..

ساره تصارخ جمبه واهو هاوشها يسكتها

فتون : شفيها سوسو ؟؟؟؟
مشعل : أزعجتني وانا بعد ثايمة ثايمة
فتون : ياعممممري عطني اياها ..
مشعل : لا مابي سولفي معاي خلي الوقت يروح جوعااااان
فتون : وانا عطشااااانة

ساره : ابي أكلللللللللللللم ..

فتون : هاتها ياشيخ ..
مشعل : بحط اسبيكر وكلميها
فتون : ياثقل طينتك ياخي مابي اكلمك انت ابي اكلمها إهي
مشعل : مب على كيفكم ابي اسمع ..

وحط اسبيكر ونادها .. وساره قعدت جمبهم تقول : فتوووون انا ثايمة !
فتون : شاطرة حبيبتي ماكلتي شي أبد ؟؟
ساره : ولااااااااااااااااااااشي ..

دخل فيصل هالوقت ولقى مشعل وساره متلمين عند التلفون يسولفون استغرب وقعد جمبهم !

ومشعل يقول : كذاااااابه كذااااااابة .. كل شوي تاكل حلاو وتشرب عصير واذا شبعت قالت اللهم اني ثايمة
ساره : ماما حنان قالت تثـومين ثـوم الاطفال .. آكل شوي وأثوم شوي ..
فتون : اي شطووورة ساره ربي يعطيك حسنااااات ..
مشعل : وانا مصوميني من فجر الله والله جف حلقي
فتون : معليه والله انا كنت اصوم وانا اصغر منك ..
مشعل : انتوا البنات غييييييير تتحملون أكثر من العيال
فتون : ههههههههههههههههه ومن وينلك هالمعلومة ؟؟؟
مشعل : فيصل قالها لمنى اليوم ..
فتون : اممممم فيصل .. شخباره فيصل ؟؟؟
رفع فيصل حاجب يوم سمعها تسأل عنه وأشر لمشعل يسكت ومايقوله انه هنا ..

مشعل : طيب الحمدلله كل شوي يذكر امي بالفيمتو ..
فتون : ههههههههههه حتى اهو برمضان يطق فيه عرق الادمان ؟؟
مشعل : ايييييه كلنا ..
فتون : زين مشعل لا تنسى تشرب الفيمتو بطريقتنا الخاصة

ساره : وشووووووو ؟؟؟

مشعل : ههههههه مو شغلك شي بيني وبين فتون ..
فتون : لا خلها تتعلم بالعكس حلو عليها .. اسمعي سوسو اذا شربتي الفيمتو طولي وانتي رافعة الكاس على فمك ليييييييين يصير فمك أحممممممممر بعدين روحي شوفي وجهك بالمراية كنك حاطة رووووج !

رفع فيصل السماعة هالوقت وقال : شهالكلام تخربين اخواني انتي ؟؟؟
فتون بصدمة : بسم الله انت وين طلعت !
فيصل متجاهل كلامها : وانا اقول من وين متعلمين هالحركات اثرها نصايحك ؟؟
فتون : ايه نصايحي يبه خلنا نستانس مافيها شي ..
فيصل : والوناسة ماتصير الا باللعب بالنعمة !
فتون هاللحظة رجعتلها روح القتال مع فيصل وقالت : الحين هالحركة تسميها لعب بالنعمة ؟؟ والله ودك تجربها بس موقادر ويا هالشنبات ههههههههههههههههههههههههه هههههههههههههه
فيصل ضحك بس مابين وافتعل العصبية واهو يقول : ليه شايفتني بزر عندك ؟؟؟
فتون : شدعوة أنا الي بزر يعني ؟؟؟ وهذاني للحين اسويها !!
فيصل : هين انتي بزر لين تعجزين ماتكبرين ..
فتون : طالعة عليييييييييييييييييييييك
فيصل : تشب عاد .. ولا وحده بهالعمر بالله تفتش مخازن الناس وتتسلق الدواليب وتورط غيرها بمصايبها ..
فتون ولع وجهها من الفشلة يوم اتذكرت الموقف وقالت بحرج : انا ماورطت احد انت الملقوف الي دخلت وقتها وورطت عمرك فيني..
فيصل : لا والله ؟؟ وكان أزين لو مادخلت وتركتك تطيحين ويتكسر كل ضلع فيك !
فتون بخرعة : اسم الله علي شهالفال الخايس ؟؟
فيصل : مو تلوميني ليش أدخل !
فتون : تدري عاد هذا انت يافيصل دومك متورط معاي مو شي جديد .. من عرفت نفسي وانا ماغير أوقع بمصايب وبالآخر تجي فيك .. معقولة بعد كل هذا ماكرهتني ؟؟؟
فيصل بشعور صادق همس : ماتصدقين لو أقولك حبيتك أكثر !

فتون انلجم لسانها من اعترافه الصريح وماعرفت بايش ترد .. !!
فيصل نفسه مادرا شلون طلعت هالكلمة منه بلا شعور .. وخفق قلبه بكل عنف واهو يترقب رد جارح .. ولا صراخ لاذع .. ولا تسكر السماعة بوجهه ..

لكنه اتفاجأ يوم سمعها تقول بصوت خانقته العبرة : فيصل أنا آسفة .... باي
سكرت السماعة وضاعت عيونها بالفراغ واهي تكابد دمعتها

" حبيتك أكثر " مو معقول فيصل بعد كل الي سويته فيك تحبني أكثر ؟؟ انت أي قلب تحمل بداخلك .. عمركم شفتوا وحدة تتمنى شخص يكرها ؟؟؟ ان كان أبد ما مر عليكم وحده من هالنوع فيالله عدوني أول وحده تتمنى هالشي .. ايه اتمنى يكرهني فيصل ويشوفني أبشع الخلق بعينه !! لأني ماقدر أحبه .. ماقدر أحققله أحلامه .. ماقدر أعيش مع انسان ذليته وأهنته .. انسان تحمل مصايبي وفوق هذا يحبني وانا مو قادرة أعطيه شي .. ولا شي .. ليتني على الأقل أفكه من شري .. انا ابتسامة وبالقوة ابتسمت يوم شفته لأني حسيته يستاهل بعد كل الي سويته فيه .. لكن هل اذا شفته مره ثانية باقدر أبتسمله من جديد ؟؟؟؟
قطع أفكارها دخول أبوها وسعود من برا .. وأبو سعود بإيده كيس فول وتميز .. << يمي يمي
ابو سعود : فتون امسكي ودي المطبخ
قامت فتون وبالها مو معها ومسكت كيس الفول من تحت ولأنه حااااار والكيس خفيف لسعها بقووووة وصرخت : آآآآآآآآآآآآآآآي يلسع !
ابو سعود : وانتي ليه مسكتيه من تحت .. ؟؟ امسكي ياماما من هنا فووووق ..
مسكت فتون الكيس من فوق واهي مكشرة من الألم ومشت للمطبخ واهي تتأوه وهمست بقهر: حسبي الله عليك يافيصل !

سعود الي سمعها وعقد حواجبه باستغراب !! شدخل فيصل تتحسب عليه ؟؟؟ ولا هي تعودت تحط حرتها فيه حتى بغيابه بعد !
تجاهل الموضوع وطلع لغرفته يبدل وأخذ مصحفه ونزل الصالة يقرا لين يأذن المغرب ..

::

" اللــــــــــه أكبر الله أكبـــــــــــــــــــــر "
صدع الآذان بكل روحانية يتبعه آذان مسجد آخر وآخر وكلها تعلن انتهاء وقت الصيام بهالوقت الكـل يستمع له ويترقبه غير عن كل الأوقات ..
وياحلو الآذان لما يخترق الحواس غصب ويشعل بالقلب مشاعر ايمانية مع أجواء الفطور الجميلة .. كان هذا شعور كل من يفطر ويستمع لباقي الآذان وهو يتردد بكل شموخ واعتلاء .. كم نفتقد بالغربة هذا الصوت الجهوري الي يولد بالقلب الطمأنينة والراحة واحنا نستشعر رمضاننا شامخ بشموخ صوت الآذان .. ((مو ورقة التوقيت جمبنا نطالع وقت المغرب متى ونقارنه بالساعه كل شوي لين يتوافقون ونعلم بعض ان الوقت دخل وناكل تمرتنا وصوت الأغاني يردح ببيوت الكفرة الي بجمبنا !! ))

ههههههههههههههههههههههههه ههههههههههههههه << يضحكون علي عبير وفتون !! اضحكوا مالومكم يانتوا عايشين بنعمة ببلد الاسلام ماتساويها نعمه احمدوا الله واشكروه

أبو سعود : الحمدلله .. يالله نلحق على الصلاة ياسعود ..
سعود : يالله ..
أبو سعود : وهالعلة خالد عيا لايقوم ؟؟؟
ام سعود : والله مت مووت وانا اصحي فيه تقول اصحي جنازة ماتحس !
ابو سعود : مادري شالي سهره واهو وراه دوام وصيام .. المهم حاولوا فيه يقوم يصلي على الاقل
ام سعود : ان شاء الله

طلعوا يصلون وعبير قالت : يمه بنصلي التراويح بأي مسجد ؟؟
ام سعود : جمب بيتنا مانبي نبعد لان وراي مشاوير القظا
فتون : يووووووه مابي جمب بيتنا ما اخشع الا مع توفيق صائغ ..
ام سعود : لاحبيبتي بعيد وقلتلك وراي مشاوير
عبير : يمه احنا نروح مع السواق وانتي روحي مشاويرك مع سعود ..
ام سعود : وسعود فاضي لدلعكم انتوا الي لازم بكل رمضان مناقر على المسجد .. اهي صلاة ولا تمشي ؟؟
فتون : لا صلاة ولأنها صلاة الواحد يختار المسجد الي يرتاح فيه والامام الي يخشع معاه
ام سعود : الله واكبر فتون تحكي عن الخشوع !! اليوم بس مشوها زي ماقولكم وبكرا روحوا الي تبون ..

فتون : يوووه طيب المهم لحد يغير القناة شوي وتجي طاش ماطاش
ام سعود : عشتوووا .. هذي الي تسولف عن الصلاة والخشوع مسرع ماقلبت على طاش ماطاش !!
فتون : ههههههههههههههههه الحياة دين ودنيا ماااامي
عبير : استغفر الله هذي انتي دايم .. وانتي صايمة انسانة ثانية ومن تفطرين تطلع شياطينك ..
فتون :قصدك تطلع حقيقتي لان شياطيني محبوسة طول رمضان ياويل حالها..
أم سعود : فتوووووون وبكم ان شاء الله !!
فتون : ههههههههههههههههههههههههه ههههه استغفر الله ..
::

رجعوا من الصلاة وانحطت السفرة الرمضانية المعتادة واتعشوا واحمدوا ربهم على النعمة
وفتون قعدت قبال التلفزيون تتابع برامجها الي خزنتها بجوالها وقت الدعايات قبل ..

ابو سعود وقف واهو ماسك شاهيه وقال : عبير ..
عبير : سم ؟
ابو سعود : تعالي يمه مكتبي أبيك شوي ..
استغربت عبير وقالت: ان شاء الله

راح أبوها لمكتبه واول ماراح التفتت عبير لسعود وامها وقالت : شيبي ابوي ؟؟؟
ام سعود بابتسامة : أندري عنه ؟؟ مناديك هو روحي شوفيه ..
عبير : شكلك تدرين يمه قوليلي وش يبي !
ام سعود : ههههههههههههه وليه ماتخلينه هو يقولك طيب !
عبير : بخليه بس مهدوولي (( والتفتت لسعود : سعود تدري عن شي ؟؟
سعود يمثل البرائة ويهز راسه : أبدا !
عبير : والله ماظنيتك تجهل شي ان كان ماأبديت رايك فيه بعد ..

" وينـــــــك عبير "
<< ابوها يناديها

عبير : جاية جاية .. (( ومشت واهي تقول : الله يستر حاسة السالفة فيها حياة أو موت !
سعود: هههههههههه ولو اهي كذا بيختارك انتي يالدلوعه !

ام سعود : ياعمري عليها جبانة عبير
سعود : مره .. ليتها تصير ربع فتون بس
ام سعود : اي والله لو هي فتون الي مناديها كان نطت تركض ..
سعود وهو يطالعها آخر الصالة تتفرج ولاهي حاسة بأحد : ههههههههههههههههههههههههه هههه حبيلها ..

دخلت عبير المكتب لقت ابوها قاعد على الكنب الصغير فيه .. مشت واهي تقول : شفيه يبه ؟؟
ابو سعود بابتسامة : شوي شوي اقعدي اول
عبير استحت وقعدت وهي تقول : ههههههه متحمسة ابعرف ..
ابو سعود : وانا جايك بالكلام .. عبير حبيبتي امس كنت ببيت ابوي انا وعمانك اتسحرنا سوى .. اتكلمنا بموضوع زواجكم واتشاورنا سوى ان يتم زواجكم باجازة الحج ان شاء الله !
عبير سكتت لحظة تبي تستوعب بعدها قالت بصدمة : اجازة الحج هذي ؟؟؟؟؟
ابو سعود : ايه هذي أجل السنة الجاية ؟؟
عبير : يبه انت تقصد زواجكم يعني ملكتم موو؟؟
ابو سعود : لا ياعبير اقصد زواجكم يعني الزواج الي تنتقلين فيه لبيت زوجك .. وشورنا ان يتم الزواج على طول بلا ملاك !
عبير انقهرت وقالت : ليه طيب ؟؟؟
ابو سعود : احسن يمه .. مافي شي يمنعنا نأخر الزواج وتملكون قبل واهو ولد عمك واكيد تعرفينه ويعرفك فماله داعي نقول خلكم تتعرفون على قبل وهالكلام !
عبير : بس .. مادري يبه احسها صعبة بعدين يمكن هو مايبي !
ابو سعود : لا هو كان معانا وأبدى موافقته على الموضوع باقي رايك انتي عبير ..
عبير : شلون يبه زواج بدون ملكة ماحسها تركب !
ابو سعود : بالعكس يمه صدقيني أزينلك .. انا اقولك لو هو غريب كان لابد من الملاك لكن ولد عمك وتعرفينه وشوله نأجل الزواج وخير البر عاجله !
عبير بتردد : مادري يبه .. ماتوقعت ابد زواجنا يتم بهالسرعه وخايفة !
ابو سعود : خوفك ماله داعي حبيبتي وبعدين هو شعور طبيعي بتحسينه حتى لو ملكتي وقرب الزواج بتخافين .. يالله عبورة خليني افرح فيكم بعدين جدك وعمانك موافقين مو حلوة اجي اقولهم عبير رفضت !
عبير : هي مو حلوة بس مادري يبه شلت هم !
ابو سعود : أدري صعب عليك تستوعبين الموضوع بسرعه بس هذي ثلاث شهور قدامك استوعبيه زي ماتبين ..
عبير : ياربي الله يعيييييييين
ابو سعود : يعني موافقة .. ؟
عبير بحيا : مبدئيا ايه بس ودي أستخير !
ابو سعود : من حقك يمه .. استخيري وعلميني بالي تحسينه ومايصير خاطرك الا طيب ..
عبير : ان شاء الله ..

ابو سعود : يالله حبيبتي ناديلي سعود..

قامت عبير وطلعت ودخلت الصالة واهي وجهها مثل الطماطم أحممممممر ..

اول ماشافتها امها وسعود ضحكوا عليها
عبير واهي تقعد بقوة : يعني كنتوا تدروووون ؟؟؟
سعود : أجل امور زي هذي بتخفانا !
عبير : ماشاء الله زين انتوا شرايكم ؟؟
ام سعود بحنية : والله استحسنت الفكرة صحيح مفاجأة هالخبر بس ان فكرتي فيه مايعيبه شي !
عبير : يمه ثلاث شهور بس مره قريييييييييب ..
سعود : ولو انتي مملكة من سنة مستحيل بتستعدين للزواج قبل ثلاث شهور ولا شهرين بعد!
ام سعود : وهو صادق ..
عبير : ياربي خفففففففت

سعود : المهم انتي وش قلتي لابوي
عبير بحرج : قلتله .. موافقة مدبئيا لين استخير !
ام سعود : ياعمري الله يريح قلبك ويكتبلك الي فيه خير يارب ..

عبير : آمين .. (( والتفتت على فتون وشافتها وهي مندمجة بالتلفزيون ونادتها من مكانها : فتوووووووووون يالخااااااااااايسة تعالي اقعدي معااااااااي استغلي أياااااااامي قبل ماتزوووووووج !!
التفتت فتون وبعيونها نظرات استنكار ..

عبير وهي تضحك : اسمعي النكته بس .. احتمال يصير زواجي بإجازة الحج هذي !!
فتون نطت واقفة وهي تصرخ : ايييييييييييييش ؟؟؟؟؟؟
ام سعود : شفيك باسم الله تقولك زواجها مب موتها !

فتون مشت لها بحمق وهي تقول : وش السالفة !!
عبير : ابوي تو كلمني يقول هو وعماني وحتى تركي يبون الزواج بإجازة الحج !
فتون وهي مكشرة : الحمد لله والشكر خل يسولفون عن الملكة بعدين الزواج!
عبير : لا يقولون ماله داعي ملكة ! زواج على طول
فتون بصدمة : مب صاحين .. وانتي شرايك؟؟
عبير : مادري مترددة ..
فتون : يعني احتمال توافقين ؟؟؟
عبير : ايه ليه لاء !!
طالعتها فتون بنظرة اتجمعت فيها الدموع بلا شعور .. ورمت الريموت بقوة على الكنب وطلعت الدرج بسرعه!
عبير تناديها : فتون شفيييييييك ؟؟
سعود تبع فتون بنظراته لين طلعت وقال : فتون اوقات تطلع حساسيتها بمواقف غريبة !
ام سعود والعبرة خنقتها : لاتلوم خواتك ياسعود الا أحمد ربي وأشكره الي علقهم ببعض جدسين بروح وحده !
عبير حزنت حيل على فتون ووقفت واهي تقول : باطلع اشوفها هالبايخة .. وايييييييييه ياسعود نسيت اقولك ابوي يبيييييييك
سعود : بدري ياحلوة .. (( وقام يشوف أبوه وأم سعود راحت بأفكارها لوين ماتتخيل بنتها الكبيرة عروسة بفستانها الأبيض ..

دخلت عبير على فتون لقتها متربعة على السرير وحاطة ايدها على خدها والدموع أربع أربع ..
عبير وهي تسكر الباب : فتون ياعمري الحين ليه الزعل ليه الدموع ؟؟؟
فتون : ..............
عبير قعدت جمبها وقالت تمازحها : تحبيني انتي ووجهك ؟
فتون واهي تدفها : انقلعي انتي مو وجه حب يا أكبر خاينة شفتها بحياتي ..
عبير : شدعوة فتوووووون؟؟ انتي دارية اني باتزوج الحين ولا بعدين !
فتون وهي تمسح دموعها بسرعه : ايه ادري بس مو الحين .. على بالي باقي أقل شي سنة وتملكين قبلها ونستوعب فراقك شوي شوي .. مب فاجأة تصير ثلاث شهوووور بس!
عبير : ياعمري يافتون والله انا نفسي انصدمت بالخبر بس لو فكرتي مافي شي يخليني أرفض !
فتون بغيرة : طبعا ذا الحبيب الغالي الي يلزمك تضحين بالدنيا كلها عشانه ..
عبير بابتسامة: مب أغلى منك يافتون ..
فتون ضحكت بسخرية وقالت : العبي على غيري يا حلوة ..
عبير : ياربي فتون ترا بابطل اتزوج مره وحده شرايك ؟؟؟
فتون : يكون أحسسسسسسسسسسن ..
عبير : خليني اشوف حبيب القلب اذا خطبك وش بتسوين ؟؟
فتون بتكشيرة : منهوو ؟؟
عبير : إلي هو ..
فتون : أقول فكينا من سيرته تكفين ..
عبير : منهوو ؟؟
فتون باستهبال : الي هوووو !!!
عبير : ههههههههههههههههههههههههه ههه ياحبيلك وبس ..
أخذت فتون المخدة ورمتها بقوة على عبير وضحكت ..

******

"فهذا الشهر الذي أوله مغفره .. وأوسطه رحمه .. وآخره عتق من النار "

أبو فيصل واهو يستمع للشيخ بالتفزيون : سبحان الله ! أوله مغفره ومشت .. وهذانا الحين بأوسطه الله يتغمدنا برحمته
أم فيصل : اللهم آمين .. مر بسرعه ياحسافته ويبيلنا ناخذ عمره قبل لاتجينا العشر الأواخر ويزدحم الحرم ..
ابو فيصل : يالله رتبي مع البنات انتوا كل ما زانت وحده شانت الثانية << افهموا قصده ..
ام فيصل : هههههههههههههههههه لا ان شاء الله يجي يوم نتوافق جميع ..
ابو فيصل : ههههههه ليته ..

منى من أعلى الدرج : يمــــــــــه جا آدم ؟؟؟؟؟
ام فيصل : ايه من أول ..
منى : يالله زين باطلع الحين أنا وحنان ..
أم فيصل : بسرعه ولاتتأخريون عشان ترجعون قبل تجي خالتك..

أبو فيصل : وين بيروحون ؟؟
ام فيصل : للسوق يكملون مشتريات العيد ..
ابو فيصل : الله يلحقنا خير .. المهم اذ جت اختك ابي زي ماتفقنا !!
ام فيصل بضيق : خلاص ترا طولتها عاد كافي 10 ايام ..
ابو فيصل تردد شوي .. بعدها قال : خلاص شوفي انتي خليك صارمة بالبداية وارفضي لا تتنازلين بسرعه عشان يحسون بغلطهم عدل ..
ام فيصل : ابشر ان شاء الله ..

مرت منى على غرفة مرام أول ودقت الباب ودخلت .. لقت مرام تمشي بالغرفة وتكلم بالجوال قعدت على السرير واهي تأشرلها بسرعه تخلص

مرام : أوكي خالد أنا أكلمك بعدين ..
خالد : قصدك أشوفك بعدين ..
مرام بفرحة : ليه جااااااي ؟؟
خالد : طبعا عندي حجة اليوم بجيب أهلي يتسحرون عندكم ناسية ؟؟
مرام : ايه صح اليوم خميييييس .. واااااو وناااااسة ..
خالد : آآآآآآآآآآآآآه الله يصبرني هالكم ساعه ..
مرام : ههههههه صبرت كل هالايام مو صابر هالساعات ..
خالد : والله استخفيت خلاااااص عقاب أهلك مايرحم كلش ..
مرام : قلتلك طلعت هالتمشية من عيووووننا ..
خالد : حسبي الله عليك يامشعل فظيحة انت ..
مرام : ههههههه مادري شالي غيبه ذاك اليوم واستقبلني وانا داخلة واشتغل رادار عند أبوي
خالد : والله ان شفته اليوم لأوريه شغله زين اخليه يحرم يطري اسمي على لسانه
مرام : هههههههه خير تسوي ..
خالد : اوكي ياعمري انتي توصين شي ؟
مرام : سلامتك حبيبي ..
خالد تنهــــــــد من قلبه وبعدها قال : ........... سلام ..
اتونست مرام على تنهيدته الي تبين شكثر متولع ومشتاق .. وسكرت والابتسامة مرتسمة على وجهها ..

منى واهي ساندة خدها على ايدها بملل : عشتي ويا هالخدود الحمر ..
مرام: آآآآآآآآآآآآه يذببببببح يامنى ..
منى : شوي شوي على عمرك تو الناس ..
مرام : والله بيجي يوم أمشي أهلوس بسبته ..
منى : هههههههه آه بس ليت من يجيبلي الحبيب ويعيشني بهالحب والله لأهلوس ماعندي مانع ..
مرام الي عرفت السالفة : أحسه بيجي .. ماظنيت بعد ماشافك بكل ذاك الزين بيظيعك من ايده
منى : آه يجنن يامرام بس يقهررررر اتخيلي كل ما أسأل لينا عنه تقولي ماعلق علي ولا جاب سيرة للي صار أبد ..
مرام : شكل طبعه غامض هذا ومايحب يحكي يحب يتصرف على طوووول ..
منى : ياويل قلبي لو صااااار ..
مرام : هههههههههههههههه وتلوموني قبل اثقلي وما اثقلي وشوفيك الحين مستخفة عليه
منى شبصت ظهرها وقالت مفتعلة الجديه : أبد ! جاني ولا ماجاني ألف واحد يتمناني !!
مرام : ههههههههههههههههههههههههه ههههه مسرع قلبتي ..
منى : ههههههههههههه المهم خالتي بتجينا على السحور
مرام : يقولي خالد يالله بسرعه مر رمضان !!
منى : اي والله زين قوليلي وين وصلتي بالقرآن ..
مرام : النحل .. وخالد بالكهف !
منى : ماشاء الله خلود يقرا ؟؟
مرام : ايه قعدت وراه لين صار يقرا وبالآخر سبقني
منى : ههههههه ياحليله المهم انا جاية لسالفة وأشغلتيني عنها
مرام : وشوووو ؟
منى : بروح السوق أنا وحنان تجين معانا ؟؟
مرام : حنان بتروووح ؟؟؟
منى : ايه ..
مرام : منى ماتلاحظين حنان اتغيرت شوي وصارت تطلع وتروج وتجي وتقعد معانا أكثر من قبل وتضحك !!
منى بابتسامة : الا ملاحظة وأمي ملاحظة بعد بس ماحبينا نعلق وتركناها بطبيعتها
مرام : شالي غيرها ؟؟
منى : مادري بس وش ماكان الحمدلله وان شاء الله ترجع مثل قبل وأحسن
مرام : ياااااارب يازينها خالتي واهي فرفوووشة
منى : اي والله .. المهم الحين بتجي ولا لاء ؟؟
مرام : اممممممم .. ودي وماودي .. خالتي بتجي ولا ابي يجون وانا تعبانة ومالي خلق ..
منى : قصدك خالد مب خالتي .. انتبهي بس لايدري ابوي يوريك بعد ذاك اليوم !
مرام : بس عاد مب على كيفه يحرمنا من بعض للعيد خلاص كفاية 10 ايام عقاب !
منى : كيفك بتتهورين اليوم لاتلومين الا نفسك
مرام : اهو مشعل لو مادرا عن شي عشنا بسلام ..

فتحت منى الباب واهي تقول باستهبال : ولا انا بعد ماأرضى تـُعصى أوامر أبوي بدون علمه !
مرام : انقلعي بس عساني اشووووووف فيك يوووم متولعة وماتلقين الي يبرد قلبك..
منى : هههههههههههههههههههه بتبطييييييين عضم .. بااااااااي ..

طلعت وسكرت الباب ونادت حنان ونزلوا ركبوا السيارة ومشوا للسوق

*****

طول الطريق وهي تغني : يا واحشني وإنت جنبي .. سبت ألف حاجة في قلبي .. بدلالك بعيونك بجمالك بجفونك.. لست أدري إيه مخبي آآآآآآآآه .. آآآآآآه اممممممممممم ..

خالد : فتون اهجدي الي يسمع يقول هي الي بتعرس بعد ثلاث شهور مب عبير ..

فتون ترد بأغنية : قول كدا .. اهو كدا .. كان فين ياحبيبي كل دا .. عيني أنا روحي أنا .. أنا حاسس بيك من سنه ..

عبير : ههههههههه دامك حاسه ياعمري ليش تنكدتي يوم دريتي اننا بفترق؟؟

فتون برضو تغني : تدرين وادري بنفترق .. تدرين قلبي بيحترق .. انتي الزمان وعيا الزمان لانتفق !

ام سعود : هذي الي ماترد الا بالاغاني يابنت استغفري حنا وين عايشين ..

فتون وهي تضحك : عييييييش الحلم حقيقة .. عيييييش بكل دقيقة ..

عبير ماقاومت : ههههههههههههههههههههههههه ههههههههههه مب صااااااحية اختي

خالد ضحك بعد وقال : قاموس أغاني هذي ارمي الكلمة عندها وفرها ألاها تغني

فتون طبلت وهي تغني : العين وصابتنا .. وكل مصيبتها ترا من عيووون الناس ترا من عيوون الناس

ام سعود وهي تكتم ضحكتها على بنتها : لا حول ولاقوة الا بالله .. خالد شغل اذاعة القرآن خل يهدا ابليسها
فتون : ههههههههههههههههههههههههه هههه جنية على غفلة ..

وصلوا بيت خالتهم ونزلوا ..
دقوا الجرس شوي وفتحلهم فيصل باب الشارع ..
دخلت ام سعود وسلمت عليه ومشت لداخل ..

خالد سلم عليه وقال : طالع ؟؟؟
فيصل : مب الحين شوي .. وانت ؟؟
خالد : طبعا لاء يبيلها سؤال هذي ..
فيصل : نكرتنا خلاص ؟ ايه الله يرحم ذيك الايام ..

دخلو البنات وسلموا وفتون قالت : خالد يالله ارجع البيت ولا بعلم عمي عليك !
خالد : ايييييوا كملت .. انا الي جاي بصرّف مشعل لا والله انتي الي يبيلك تصريف قبل ..
فتون : قلعتكم ليه ماتلزمون حدودكم ؟؟؟
خالد : وانتي أحد وكلك علينا ؟؟؟
فتون : لا بس مؤدبة ولا ارضى بالغلط

فيصل : إممممحق ههههههههههههههههههههههههه ههه
فتون وايدها على خصرها : شعندك تضحك الا مؤدبه وصايرة مضرب المثل بأخلاقي ..

خالد واهو يرجع على ورى : والدليل الإف إم الي فاتحته لنا بالسيارة (( ودار عنهم ودخل ..
فيصل : أفااااا تسمعين أغاني برمضان ؟؟؟
فتون : لااااااااااااااا .. أنا الي كنت أغني ..
فيصل وهو رافع حواجبه : ماشاء الله أخس والعن ..
فتون : ليه شفيها عندي موهبة وماقدر أكبتها ..
فيصل : شهالمواهب الكشخة .. زين احترمي الشهر على الاقل ..
فتون واهي رافعة حاجب : انا مو النوع الي أغير شخصيتي برمضان وألتزم فيه واتعبد واذا خلص رجعت حليمة لعادتها القديمة لا ..انا هي انا ماأتغير .. ولو باتغير باستمر برمضان وغيره !
فيصل : وهل ممكن تتغيرين ؟؟
فتون : ممكن ليش لاء ؟
فيصل : بكل شي ؟؟
فتون : وشو بكل شي يعني زي ايش ..؟؟
فيصل كان وده يقولها .. " قلبك ومشاعرك " بس اهو رمى عليها بالتلفون اعتراف بحبه وهذاها قدامه ماكن الكلمة مأثرة فيها .. قلبها جليد مايذوب وشالي يلزمه يسوي معها عشان يغيرها ؟؟ اتذكر جفاه وقسوته معها قبل كيف أثرت فيها لين دمعت عيونها .. حاول يستمر بهالاسلوب بس انهار عند طيحها بالمخزن .. وبعدها عجز قلبه يطاوعه يرجع لنفس الاسلوب !!
فتون : قولي زي ايش ..؟
فيصل انتبه وقال : اسألي نفسك يافتون ..
فتون وهي تلف قالت بضيق : فيصل للأسف انا ماعندي محاكاه داخليه ! اذا تبي توصلي شي وصله بطريقتك .. أما انا فلا تنتظر مني أحس على نفسي لأني مستحيل بحس بيوم من الايام ! (( ودارت عنه ومشت ..

الا صوته من وراها : بيجي يوم يافتون تبكين على خسارتك !!

التفتت فتون بقوة وطالعته من فوق لتحت لحظات ورفعت راسها بثقـة ودخلت البيت ..

لقت العيلة كلها مجتمعة وكلمته الأخيره يتردد صداها باذنها " أبكي على خسارتي ؟؟؟ " أي خسارة الي تتكلم عنها يافيصل ؟؟؟ اتنهدت بحمق .. ودخلت سلمت عليهم وقعدت ..

دارت بينهم سوالف عن السوق والتجهيزات والعيد وترتيباته والاستراحات والبحر والطلعات ..

الا ام فيصل تسأل : وين سعود لاتقولون مب جاي؟
ام سعود : الا بيجي ان شاء الله .. دقي عليه يافتون شوفي وينه ..
فتون : اوكي ..( وطلعت جوالها واتصلت وحطت الجوال على اذنها بالوقت الي دخل فيصل الصالة وقعد معاهم وماتدري ليه عورها قلبها مره !

رد سعود : هلا بغلا الدنيا ..


فتون ابتسمت : هلاااااااااااا حبيبي وينك ؟؟
سعود : بالطريق ..
فتون : جاي بيت خالتي ؟؟
سعود : يب ..
فتون : اووكي نستناك .. طيب سعود باطلبك طلب ..
سعود : آمري يا وعـ ... !! آمري فتون ..
فتون لقطت الاسم هالمره وصارت المره الثانية الي يغلط باسمها وينطق وعد ! بس شكله هالمره انتبه على نفسه .. وقالت بضحكة : شفيك تلخبطت !
سعود بحذر : ماتلخبطت ليه انتي شسمعتي ؟؟
فتون بدهاء : سمعت وعــد !!
سعود انصدم لأنه متأكد انه مانطق اسمها كامل !! هذي شلون عرفت الاسم من عندها !!! لايكون مفتشة بأغراضي ولا دارية بطريقتها تسويها فتون هذي من حبها لي تحسب ان لها حق بكل اموري الخاصة .. وقال : ليه قعدة معاك يافتون !
فتون : هههههههههههههههه انتظرها على جمر !
سعود اتأكد انها تدري عن شي وقال : بعـــد ؟؟؟ خلاص خير ان شاء الله والحين شتبين !
فتون وهي تضحك : أبي تمر السوبرماركت تجيبلنا حلويات ..
سعود : اوكي اي نوع ؟؟
فتون : على ذووووقك ..
سعود : خير .. يالله سلام
فتون : سلاماااات .. ((وسكرت واهي متونسة انها مسكت طرف الخيط الي يوصلها لأعماق سعود وتعرف عنه كل شي وتعرف منهي وعد الي مستحله تفكيره لدرجة يخليه ينطق اسمها أكثر من مره !!!

انتبهت على أصواتهم العاااااالية وخالد يترجى خالته ويقول : خاااااااااالتي ارحموا من في الأرض يرحمكم من في السماااااااااااااء ..
ام فيصل وهي تضحك : راحمتك بس راحمة نفسي بعد من هوشة عمك .. والله ان طلعتوا لايطربق الدنيا على راسي ..
خالد : واهو وش درااااااااه ؟؟؟؟ وذا مشعل أنا أأدبه .. (( ووقف ومشى لمشعل وشد إذنه وهو يقول : اسمــع ! لو قلت لابوك ان خالد جانا وقعد مع مرااام ترا باذبحك .. وانا باطلع الحين مع مرام بعد اياني واياك تعلم ابوك بشي..
مشعل بقهر : زيييين ابعد ايدك يالوحش !
ابعد خـالد ايده وقال لخالته : يالله خالتي وافقي بلييييييييييز !
ام فيصل تلتفت لاختها : ياختي شوفي ولدك ذا بيودينا بداهية !
ام سعود : خالد اركد الله يهديك انتوا الي تماديتوا ذاك اليوم ومارجعت البنت الا بصبح الله تستاهلون..
خالد بهيام : شسوي فيها يمه جننت مخي ماعاد صرت أعرف راسي من رجولي !

مرام استحت من كلامه قدام الكـــــــــل وغطت وجهها بظهر منى واهي ميته من الحيا ..

منى : هههههههههههه حرام عليك سيحتها قدامنا ارحمها شوووووي ..
عبير باستهبال : طيب ماينفع تطلعنا بدالها ؟؟؟
خالد : اقول انتي هش بس كلها ثلاث شهور وتبردين قلبك (( ويخبط على صدره : مو انا الي محترق ولاحد حاس فيني ..
ام فيصل : يالله عاد من قبل ماتملك اتفقنا زواجكم عقب ماتخلص مرام الجامعة ..
خالد : ولأني راضي بهالاتفاق الخايس المفروض ماتستقعدون لطلعاتنا يبه زووووجتي حلالي .. !
ام سعود وسعت عيونها بولدها تبي يهجد بس هو من شاف مرام استخف وبدل مايهدا مشى لمرام ومسك ايدها وقالها : قومي يامرام بس يالله ..

طالعت مرام امها وبعيونها رجاااااء تبيها ترضى ..

ام فيصل رضخت بس مابينت لهم وقالت : خلاص مالي شغل ان صار شي ولا درا عمك بقول مادريت عنهم !!
فيصل : خالد وجع اترك اختي ولا انا بعلم ابوي الحين !
خالد : ياحسافة عشرتنا ياولد خالتي !
فيصل : هههههههههههههه وين عشرتنا يوم أطلبك نطلع ..
خالد : خل الطلعات تولي واطلبني بعدين طلب يسوى وتشوف وقفتي معاك شلون..
فيصل : كل ذا عشانها ؟؟ ماخبرتك راعي خقااات ..
خالد : هههههههههههههه اشوف فيك يووم واذكرك !

وسحب ايد مرام غصب عن الكل ومنى تضحك وتقول : شوي شوي على اختي..
مرام ماتت من الحيا منه والفشلة من أهلها .. ولبست عبايتها
وطلعت وركبوا بالسيارة واهو ماصدق حصل عليها أخيرا وانطلق بالسيارة بجنون مو أقوى من جنون مشاعره !

::

بنفس الوقت وصل سعود وأول مادخل سألته فتون : وين الحلويات ؟؟
سعود وقف وقال : يوووه بالسيارة !
فتون برطمت وام سعود قالت : امش ادخل لاحقين عليها ..
.. مشى لأهله سلم عليهم وقعد ..

ماطالت القعدة الا يوم قاموا يجهزون السحور..
حنان سحبت نفسها للدرج وطلعت غرفتها وفتون الي انتبهتلها وابتسمت بمكر وطلعت وراها ..
ما أمداها تسكر الباب الا وسمتعه يدق !! توقعت انها ساره لحقتها وفتحت وابتسمت باستغراب يوم لقت فتون وقالت : خير ؟
فتون : ممكن أدخل ؟؟
حنان : أكيد ممكن بس غريبة شعندك ؟؟؟
قتون : بخاطري أسولف معاك لحالنا ..
حنان : ياعمري انتي تعالي ..
دخلت فتون وسكرت الباب وحنان مشت للاب توبها واهي تقول : ثواني بس ..(( وبسرعه شيكت على أي جديد لعضوها الي أسرها وبعدها سكرت اللاب توب ومشت وقعدت قدام فتون واهي تقول : ايه شعندك ؟؟
فتون وهي تحط رجل على رجل : ماعندي سالفة محددة بس كذا بغيت اسولف معاك .. وفاجأ اتذكرت وقالت : الا والله عندي سالفة خطييييييرة !
حنان وهي تضحك : انتي خلصيني عندك سالفة ولا لاء !
فتون بحماس : الا ياحنان عندي سالفة بمليون ريال بعد !! وماظنيت أحد يقدر يعاوني فيها غيرك !
حنان : وشي حمستيني ؟؟؟
فتون : حنان تذكرين انتي ياما كنتي مستودع أسرار اخوي سعود مووو ؟؟؟
حنان : على قولك .. كنت .. وانا اتغيرت وسكرت الدنيا بوجهي واهو تعب معاي لين يئس مني وتركني ..
فتون : سعود ماتركك ياحنان سعود للحين يتمنى زي ماكلنا نتمنى ترجعين مثل أول وصدقيني بيرجع يعتبرك أمينة سره بكل شي ..
حنان : والله يافتون عشان سعود وعشان ساره وعشان أهلي وكل الي يحبوني هذاني أحاول أتغير وأقتل الحزن بداخلي وأعيش طبيعية حالي حالكم ..
فتون ابتسمت واهي تعرف السر ورى هذا التغيير بس أجلت الموضوع يوم طرا على بالها سالفة سعود الي هي أهم بالنسبة لها <<< بيذبحها صالح لو درا عنها !
فتون بعين لامعة : اوكي اسمعي .. سعود من جا وانا ملاحظة عليه أمور تشكك !
حنان : مثل ايش ؟؟
فتون : أول شي يسرح كثيييييييير بالبداية أخذتها عن حسن نية وقلت يفكر بشغله بس صارت مواقف ثانية بينتلي ان فيه سرررررر بحياته !!
حنان بحماس : شالمواقف قوليلي ؟؟؟
حكتها فتون كل شي صادفها مع سعود .. وبالآخر قالت : واهو حس ان وراي شي وقال بنتكلم بعدين !! وانا مادري كيف اذا اتكلمنا أحسسه انه دارية وأخليه يعترف مو يتهرب !!
حنان بضحكة : وعــد !! من تكون هذي ؟؟
فتون : مااااادري أمووت وأعرف !
حنان : اوكي اسمعي أول شي اذا سألك حسسيه انه مو داري عن نفسه كلش وحتى مو مرتين بس نطق اسمها لا قوليله مرات كثيرة تقلب اسمي باسمها وانت مو داري !
فتون توسعت عيونها وقالت بضحكة : فديت دهااااااائك خالتووووو
حنان : هههههه مو لازم نحبكها صح عشان يخق ويعترف !
فتون : زين واذا اعترف ابين اني متونسة ولا مصدومة ولا كيف !
حنان : على حسب قصته .. فتون انتي يمكن ماتعرفين سعود مثلي سعود انسان غامض مايحب يحكي الي بخاطره لأحد وأسراره يكتمها بقلبه وكل الي همه يسعد الي حوله ويرضي أمه وأبوه حتى لو على حساب نفسه .. ياما ضغط على عمره واتحمل امور تضايقه بسبيل يرضي غيره !
فتون : ياعمري عليه والله ماتعلقت فيه من شوي ..
حنان : سعود يختلف عن غيره عمره ماحب ولا عمره لفتت نظره أي بنت مع كل المعجبات الي حوله حتى أنا ومنى كنا نضحك عليه نقوله شكينا برجولتك لأنه مايعبر البنات كلش ! حتى بنت عمه شوفي ماتحسينه متلهف عليها اذا ماكان متضايق بعد !
فتون بتكشيرة : هين هذي مالومه لو تضايق منها وكرها بعد !
حنان : عاد اقولك هذا هو سعود مو أي بنت تأثر فيه ! ومو بسهولة يحب ويطيح ودام هذي تقولين ماغير يسرح فيها ويطري اسمها فشكل مكانتها مو عادية بقلبه ومهمة حيل عنده !
فتون : ياعمري عليك ياسعود ليت من شافها وعرفها عاد احنا الحين مو دارين توقعاتنا صح ولا تطلع وعد شي ثاني ماطرا على بالنا ..
حنان : انتي اقعدي معاه وخليه يحكيك وعلميني
فتون : ان شاااااء الله ..

ابتسمت حنان لها كنها تبي تعرف اذا عندها شي ثاني ولا خلاص لأنها قلبها عند النت وفتون حست فيها وعرفت ان اللحظة جت وقالت : ابعرف انتي شالي عاجبك بهالنت مسنترة عليه الليل والنهار .. أبد كنك عمي صالح !!
حنان ابتسمت بحذر وقالت : ليه عمك صالح اهو بعد مسنتر على النت ؟؟؟؟
فتون : يوووه مررره .. ماغير بالمواقع الالكترونية والحين طايح بمنتدى مايقوم منه أبد ..
حنان قرصها قلبها وقالت : بعد ؟؟ ماشاء الله عليه وو .. ماتعرفين اي منتدى هذا ؟؟؟
فتون : لا بس ليش السؤااااال ؟؟؟
حنان : لابس لأني أعرف أغلب المنتديات قلت يمكن مر علي فيها ..
فتون : ويهمك هالشي ...؟؟
حنان بلعثمة : عادي بس فضول شفيك انتي ؟
فتون : يحقلك صراحة لأن عمي هذا كومة أسرار ودي اعرفها خاصة رفضه للزواج .. أموت وأعرف ليه رافض يتزوج !! << افا يالنصب !
حنان : معقولة للحين رافض ؟؟؟؟
فتون : ايه والحين أكثر بعـد واصلا ماعاد صار أحد يتجرأ يفتح معاه السيرة لأنه يولع ويعصب أحس ان فيه سر بحياته هو الثاني !
حنان ارتسمت على شفاتها ابتسامة خفيفة مسرع أزالتها لكن فتون مسرع مالقطتها !!

اتمنت يكون كلامها أثر على حنان وأولد الشك بقلبها ان هالي قلب حياتها طول الشهور الي فاتت اهو حلمها القديم صالح !

دخلت ساره عليهم وبإيدها ورقة وشافت فتون وضحكت وقالت : انتي هنا ؟؟؟
فتون وهي تمد لسانها : لا هنااااااااك !
ساره ضحكت وعطت حنان ورقة ورجعت تبي تطلع وهي تقول : ماما تقول يالله السحور ..
فتون : يالله .. (( وطلعت معها وحنان قامت للاب توب بسرعه .. وقبل ماتفتحه قلبت ورقة ساره بتشوف وشهي ؟؟؟
شافتها راسمة بنت صغيرة طايحة على الأرض !! رسمة بريئة لبنوته أم 4 سنوات لكن واضح ان الرسمة معبرة ومؤثرة واهي راسمه حول البنت الطايحة 7 قلووووب ! واضح انها تقصد بهالقلوب أهلها .. بس ليه هالرسمة ياسوسو ليه ؟؟؟؟؟

::

[جرح الذات]

نزلت فتون الدرج وهي تنزل انتبهت لفيصل قاعد يكلم بالجوال .. والصالة فاضية الكل بالمطبخ والخدامات رايحين جايين بالسفرة والصحون وخرابيط السحور ..
مشت وقعدت على الكنب وراقبته واهو يكلم بالجوال واهو حس بوجودها بس مابيّن انه منتبه وكمل كلامه يقول :
ايه على قولك الغربة بحد ذاتها كريهة مو عاد غربة ووحده والله شي يقتل ! ..
هههههههههههههههههههه خلاص يبه كلم البنت وانا عقب باتصرف !

انصدمت فتون من هالكلام ؟؟ شالي غربة ووحده وشالي كلم البنت ! فيصل انت شتخربط فيه ؟؟ يوووه شفيني انا الحين شدخلني ! ياربي تعبت من أحاسيسي هذي الي مرات أحسها تهتم بكل مايتلق فيك ومرات أحسها تنفر بقوة منك ! اتذكرت الخسارة الي اتكلم عنها وعورها قلبها .. أي خسارة تقصد فيصل فهمني تراني خلاص مب طايقة عمري !!

سكر فيصل الجوال ورفع راسه وشافها واهي مسرحة وقال بصوت رخيم : بايش تفكرين ؟؟؟
انتبهت فتون وقالت : نعـم ؟؟؟
فيصل : أوه .. آسف !
فتون : على ايش .. ؟
فيصل : سألت سؤال مالي حق فيه .. فوتيها !
فتون ضاعت الحروف عند شفاتها وماعرفت بايش ترد .. يعني اهي بروحها محتاره يجي اهو يحيرها أكثر معاه .. لو هي بوضعها قبل كان من قبل مايسحب سؤاله صرخت فيه وقالت مو شغلك !! بس الحين مو قادره ترده وبنفس الوقت مو قادرة ترد عليه !!

قامت وكل الضيق حاشيها وقالت بهمس : عن اذنك ..
ومشت للمطبخ وين ماكل العيلة هناك الي يغرف والي يحوس والي يضحك ولاحد داري بالمعركة النفسية الي تدور بين شخصين !

قعدوا على السفرة واتسحروا سوى ..

::

للمره الثالثة تلاحظ مرام جوال خالد يدق واهو مايرد عليه .. !! كان حاطه على الصامت يشحن وقالب وجهه .. بس اهي انتبهت لنور الشاشة الظاهر من الجوال وبالقوة ضبطت أنفاسها واهي تتمنى تعرف الرقم المتصل !
وقف خالد على محطة بانزين وخلال مايعبي العامل سألها : تبين شي من السوبرماركت ؟؟؟
مرام : اممممم انت تبي؟؟
خالد : اذا بغيتي شي نزلت جبتلي مثلك
مرام : اوكي ابي بيرا ..
خالد باستغراب : بيرا ؟؟؟؟؟؟؟
مرام بضحكة : ايه شفيك مستغرب ترا بيرا عصير عادي بس غازي وطعمه روعة
خالد : عاد تصدقين مايليق عليك أحس البيرا مشروب رجالي !
مرام : هههههههههههههههههه لاتكفى لاتحس كذا لأني مدمنتها ادمان << تقلدني 
خالد : ههههه بالعافية عليك.. اوكي بجيبلي معاك أجربها
مرام : زين جيب تفاح موسي اهو اطعم شي
خالد : والله خبرة ماشاء الله
مرام : هههههههههههههههه حدي

ضحك خالد ونزل واهي ظلت بالسيارة تراقبه بعيونها لين اختفى وبسرعه أخذت جواله وطالعت الرقم لقته نفس الرقم الي اتصل ذاك اليوم والي خزنته بجوالها !!!
رفعت حاجبها واهي تحاول تلقى تفسير لاتصال هالرقم المتكرر على خالد .. اهي خزنته بجوالها بس ماحاولت تعرف منهو أبد .. وفاجأة واهي ماسكة الجوال رن نفس الرقم وخفق قلبها بكل عنف .. ودها ترد وتعرف منهو وبنفس الوقت خايفة .. مو خايفة من خالد .. خايفة تنصدم من الشخص .. خايفة يطلعها أحد ماتتمناه .. وبلحظة خانها التفكير ضغطت رد على الاتصال وهالمرة اهي الي سكتت : ............
صوت أنثوي ناعم : الوووو .. !
شخصت عيون مرام من سمعت الصوت وأخذت نفس عميق وقالت : نعم !!
ـ : أهلين .. مين معاي ؟؟؟
مرام : انتي الي مين ؟؟
ـ : عفوا هذا مو جوال خالد ؟؟؟
مرام : الا جوال خالد وأنا زوجـة خالد .. مين حضرتك ؟؟
ـ .......... ( صمت ) .......... وانقطع الخط !!

سكرت مرام الجوال بقهر ورمته مكانه !!! سعرت النار بصدرها واهي تقول هذي هي ماغيرها أكيد .. قلتلي ياخالد انك غيرت رقمك عشان ماتوصلك وهذي هي الحين وصلتلك ؟؟؟ شلون وصلت ؟؟ ولايكون كلمتك !! ياويلي لو كنت راد عليها ومكلمها .. عصفت فيها الأفكار واهي تحس نفسها وسط نار تسعر ..

طلع خالد من السوبرماركت ومشى وركب السيارة ومعاه الكيس ..
التفت واهو يقول : تأخرت عليك ؟؟
حاولت مرام تخفي انفعالها وقالت : لا عادي ..
عادتها تبتسم اذا كلمها بس هالمره ردت باقتضاب ..
حرك السيارة واهو يقول : خذي البيرا اشربي !
مرام : مابي الحين ..
خالد : راح تسخن ..
مرام : كيفها عاد مو مشتهية الحين ..
سكت خالد وطالعها وحس ان فيها شي مو طبيعي .. قال بنعومة : حبي شفيك ؟؟
مرام : ولا شي ..
خالد : شلون ولاشي تركتك تضحكين والحين الشرر يتطاير من عينك !!
اتنهدت مرام وسكتت ..
رفع خالد حواجبه باستغراب وضربت عينه بجواله لقاه مفصول من الشاحن ومكانه متغير وخفق قلبه بقوووة ! عرف انها تلقفت وردت على الاتصال وأكيد سمعت صوت رهف بس شالي دار بينهم هذا الي مايدري عنه !!
سكت وعرف ان هالليلة ليلته الي هرب منها ومن مواجهة مرام لماضيه .. وكن هالخاطر وصلها يوم قالت بصوت مرتجف : خالد انا عمري ماسألتك عن ماضيك واتجنبت الحكي فيه .. بس الحين لو سمحت أبي أعرف هذي شلون تقدر توصلك ؟؟؟
خالد بهدوء : رديتي على جوالي ؟؟؟
مرام : ايه رديت ولو سمحت لا تسألني ليه لأن هذي مو أول مره ألقى اتصالها بجوالك !
خالد : اممممم .. برضو مايحقلك تردين !
مرام بانفعال : ايه المفروض أقعد غبية على عماي ولا ادري عن شي .. مو كافي محترمتك ولاعمري سألتك عنها بشي لأني صدقت وعدك يوم تقولي ماضيك انتهى ومستحيل تخبي عني اي شي يطري بحياتك !!!
خالد بنفس الهدوء : وانا عند وعدي مرام ..
مرام بنفس الانفعال : وين عند وعدك وانت زعلت الحين لأنك ماتبيني أعرف بمكالماتك ولا ادري عن شي !!
خالد انجرح بس اتحملها وقال : انا زعلت عشانك رديتي على جوالي !
مرام : وليه تزعل ؟؟؟؟ خايف أعرف شي عنك موووو ؟؟؟
خالد : لا حياتي خايف يطلع واحد من أخوياي ومابيه يسمع صوتك !

هنا سكتت مرام وماعرفت ترد !! حست انفاعلها زاد عن حده واهو ماتوضح انه غلطان بشي لحد الآن ! انقهرت من نفسها ومن الوضع ومن الاتصال .. ودارت وجهها للشباك واهي تكابد دموعها ..
التفت خالد وشاف شكثر وجهها مولع من القهر ..
مد ايده ومسك ايدها بنعومة وضغط عليها وهالحركة خلت دموعها تخونها وتنزل ..
شاف خالد دموعها وقال بحنية : ماتستاهل إهي ولا دمعة من عينك .. !
ماردت مرام ومسحت دمعتها بايدها الثانية .. وخالد سأل : كلمتيها ؟؟
هزت مرام راسها ..
خالد : شقالت لاني ترا ماكلمتها ؟؟
التفتت مرام وطالعته بعدم تصديق وقالت : جد ؟؟
خالد بابتسامة تذوب : والله حياتي ماكلمتها .. اهي مره بس رديت ومن سمعت صوتها عرفتها وسكرت بوجهها ولاعاد صرت أرد لين الحين انتي الي رديتي ..
يوه شكثر تأنيب الضمير مؤلم واهي الي حسبته راد عليها ومكلمها ومخبي عنها هالشي .. انقهرت حيل من نفسها والي حز بخاطرها اكثر تحمله لصراخها وانفعالها بكل هدوء واهو مو غلطان بشي .. !
مرام : معليه خالد انا غيرتي أعمتني ..
خالد : غاري ياعمري ومن حقك تغارين أنا كلي لك ومحد له حق يشاركني فيك بس اهم شي ماتظلمني ..
مرام من بين دموعها : معليه آسفة ..
خالد : أنا الي آسف لاني احطك بمواقف مهي من مستواك ..
مرام : خالد اهي شلون توصلك ..؟؟
خالد بتنهيدة : انتي لازم تعرفين بكل شي ..

وصلوا البحـر واختاروا أحد الجلسات المغلقة.. وهناك ماكان بخواطرهم لحظتها الا تفريغ هالشحنات الي سببها لهم هالاتصال بوقت اتمنى خالد تكون هالجلسة غير !



خالد : شوفي حياتي .. انا وقت ما كنت أدرس الجامعة اشتغلت بشركة تدريب كم شهر بس .. وبهالشركة اتعرفت على زميل لي اسمه عادل .. عزمني مره على بيته و .. وشفتـ ..
مرام فهمت وكملت : شفت هالبنت هناك .. بالصدفة مو ؟
خالد : بالضبط ..
مرام : اوكي انا فهمت الباقي .. تطورت علاقتكم من بعد هالصدفة وانت حبيتها وبغيت تاخذها بس ظروف دراستك منعتك ..
هز خالد راسه بابتسامة ..
مرام : اوكي خالد الحين هذا ماضي الي مو قادرة افهمه شالي رجعها ؟؟
خالد : اهي اتزوجت ولد عمها وماتوفقت معاه واتطلقت .. ورجعت تكلمني تبي ترجع الي بيننا ..
مرام وهي رافعة حاجب : أووه ! طموحها عالي هذي !!
خالد : وش ماكان حياتي انا رفضتها بكل قناعة لاني ربطت قلبي فيك .. انتي وبس انتي ومابي غيرك انتي ..
مرام ذاب قلبها من كلامه بس لازال خوفها يقرصها وقالت : حبيبي بس اهي وصلتلك الحين أكيد عن طريق اخوها الي هو خويك .. ودام علاقتك مستمرة بأخوها بتقدر توصلك متى ماحبت !
خالد : علاقتي مو قوية فيه .. ويوم غيرت جوالي مافكرت أعطيه بس للأسف جا مره اهو وفريق عمل لشركتنا وشافني وسلم علي وسألني عن جوالي وانحرجت وعطيته ..
مرام : مشكلة يعني والحل ؟؟
خالد باستهبال : تبيني أتهاوش معاه واتطاق انا وياه عشان يكرهني وتنقطع علاقتنا ؟؟
مرام بضحكة : ماظن فيه حل غير كذا
خالد : لا ياعمري الحل بايدك انتي ..
مرام .. : انا ؟؟
خالد : ايه انتي اذا صدقتيني واقتنعتي اني مستحيل اخونك وأخبي عنك شي وانك الوحيدة بقلبي مابه غيرك .. راح تريحين قلبك وتريحيني ..
مرام : انا مصدقتك خالد بس اتصالاتها اهي و ..
خالد وهو يمسك ايدها بنعومة : خليها تحرق جوالي مو راد عليها ولا على أي رقم غريب .. اهي مأملة لأن مابعد تزوجنا بس اذا تم زواجنا ان شاء الله بتقطع الأمل ..
مرام بتنهيدة : يــــارب .. لاني مو متحملة أشوف وحده تحاربني عليك ..
خالد : مستحيل ياحياتي وحده بهالدنيا تساويك
ابتسمت مرام ابتسامة سحرت عينه وقلبه ..
رفع ايدها لفمه واهو يطالعها بحب وباس أصابعها بنعومة اصبع اصبع وهمس : أحبك مرام !

وشهد كل احساس حي بداخلهم على هالحب الكبير الي يربط بين قلوبهم .. والي مايندرى هل بتصفالهم الدنيا ويستمر حبهم على هالحال ..ولا بتخونهم الدنيا بلحظة غفلة منهم !!

::


نرجع لبيت ابو فيصل .. بعد السحور
طلع سعود جاب الحلويات وأول مادخل تراكضوا عليه ساره ومشعل
وفتون تمشي من وراهم : خير خير خير ؟؟ ابعد انت وياها هذا لي ..(( وأخذت الكيس
ساره تقول لفتون : ممكن شوكلت لو ثمحتي !
مشعل : وانا عطيني بعد !
فتون : اسكت انت اذا عرفت تتكلم مثل اختك عطيتك ..
مشعل : ماعرف ذي خالتي حنان معلمتها وانا محد علمني
فتون : استح على وجهك والله امك مربيتك أحسن تربية بس مايبان فيك
مشعل: بتعطيني ولا شلون ؟
فتون : انقلع والله ماعطيك شي

مشعل سحب الكيس منها واهي جرته بقوة وصاروا يتجارووون الكيس لين انشق وطاحت الحلويات بالارض ..
مشعل : أحلىىىىىىىىى باخذها كلها (( وانحنى ولم أغلبها بإيدينه
فتون : حلويااااااااااااتي ياخسييييييييييس .. سعوووووود شووووفه !
سعود : وبعدين معاكم بزران انتوا ؟؟
فتون : قوله يجيبها الحمار أخذ أزين شي
سعود : عيب يامشعل عطها واهي تعطيك من نفسها ..
مشعل الي بدا يفتح الحلويات : مب راضية تعطيني تقول اتكلم بأدب وانا مب فاضيلها الحين
فتون : عساك تغص فيها ان شاء الله !
مشعل بانفعال : استغفري !!!!
فتون : هههههههههه مسكين الا عساه سم بعد !
مشعل صرخ : استغفررررررررررري ..

منى : بس يامشعل لا تصارخ !!

مشعل بقهـــــر : خليها تستغفر عشان اقدر آكل لأن دعوة المظلوم مستجابة ..
ضحكوا عليه وام فيصل قالت : دامك تعرف انها مظلومة ليش تاخذ حقها ..

فتون رمت باقي الحلويات على مشعل و أخذت لبنان وأكلته وقعدت ببرود على الكنب والتقت عينها بعين فيصل الي كان شاهد على كل الي صار ..

كانت تعلك اللبان ويوم شافته خففت العلك وعيونها اتعلقت بعيونه !

"وش الخسارة يافيصل قولي ؟؟؟ "

" ابعدي عيونك لاتطالعيني تراني مو ناقص اعيش بألغازك أكثر"

" انا نفسي مو عارفة ليه ضاقت فيني الدنيا من سمعتني هالكلمة.. "

" بايش تفكرين يافتون وشالي تحسين فيه .. ريحي خاطرك وريحيني معاك "

ماتحمل نظراتها ونزل عينه وحاول يشغل نفسه بأي سوالف مع سعود ..
بس ماكانت أي سوالف !!
كانت سالفة لفتت سماع كل المتواجدين والي منشغلين بالسوالف مع بعضهم يوم قال فيصل : وافقت الشركة على طلب سفري وان شاء الله بعد العيد بسافر أمريكا !!
ام فيصل بفرح : ماشاء الله مبرووووووك ماعلمتني من قبل !
فيصل : حبيت أعلمكم اذا اجتمعنا كلنا ..
سعود : مبروك والله وزين سويت يوم قدمت عليها ..
حنان : حركة يافيصل عاد يبيلك تدبر امور الفيزا والسفر من الحين ..
فيصل : وهذاني حايس بهالترتيبات الله يعين ويسهل !
منى : يوووه فيصل ماتخيل البيت بدوووووونك عاد لازم من هالسفرة ؟؟؟
فيصل : اهو مب لازم بس انا حبيت أجربها وأجرب نفسي بالشغل هناك .. وقدمت عليها ووافقوا الحمدلله
أم سعود : الله يسهلك يارب ..
عبير : وكم بتقعد ؟؟
فيصل : اهي يا اربع شهور يا ثمان يا سنة .. وكل واحد ومهاراته !
سعود : موفق ان شاء الله واذا عندك اي استفسار اسألني ..
فيصل : أكيد ماستغنى !!

كانت ساكته طول هالكـلام محد انتبه لسكوتها الا اهو ماغيره !! رفع عينه وشافها وكنه انتبه او توهم انه وجهها حيل مصدوووم !!
اتمناها تنطق تقول اي كلمة تعبر عن خاطرها .. يبي يعرف شتحس فيه وش ردة فعلها لكنها كانت ساكتة كنها للحين ماستوعبت !
كمل سوالفه وعينه كل شوي تلقط أي حركة منها واهي ماغير ساكته وتقلب بجوالها شوي وتغير جلستها كل شوي كنها متوترة وشي مو عاجبها !

مر الوقت واتأخر وقامت ام سعود واهي تقول : يالله ماورى ماقعدنا ..
سعود : تراني رجعت مصطفى البيت وانا بوصلكم
ام سعود : زين اشوا اننا ماعتمدنا على هالخالد الي خرج ولم يعد
منى : هههههههههههه مهبول ولدك ياخالة والله ان اتأخروا هالمرة لايمدد أبوي العقاب سنة بعد !
خالد : مايتوب اهو بس خليها تجي على روسهم ..
ام فيصل : دقي يامنى على اختك هاوشيها وقوليلها ترجع بسرعه ..
منى : اوكي ..

وطلعوا كلهم من البيت وفتون تسحب رجولها تسحيب .. وبالحوش انتبهت لفيصل واهو ماشي للملحق .. التفتت لقت اهلها عند الباب يطلعون .. رجعت تلفت لفيصل بخاطرها كلام تبي تقوله ماقدرت تمنع نفسها ومشت بسرعه عنده واهو منشغل عند باب الملحق ..

وقفت وراه لحظات وبعدها قالت : ليه بتسافر ؟؟؟؟
التفت فيصل وبعيونه نظرة استغراب .. وشافها واهي عاقدة ذراعينها على صدرها وبعيونها نظرات تحقيق واستجواب !
ابتسم وقال : شغل يافتون !
فتون : انت قلت انه اختياري ومو ضروري اوكي ليه تغرّب عمرك وتتعب قلبك بفراق أهلك وتتعب ناس كثير معاك !
فيصل بسخرية : محد مهتم لفراقي واجد .. يمكن يزعلون بالبداية بس مسرع مايلهون ويتعودون على غيابي ..
كان يتكلم عن هالناس واهو مستبعدها منهم .. حست ان سفره هذا وراه ألف رسالة ورسالة يوصلها لها .. نزلت عيونها على الارض شوي ورجعت رفعتها وفيها نظرة غريبة واهي تقول : شالخسارة يافيصل ؟؟؟
فيصل ابتسم يوم درا انها شغلت بالها هالكلمة وقال : لا تشغلين بالك .. بتعرفينها مع الايام ..
فتون : وانا مافيني صبر اصدمني مره وحده وقولي !
فيصل : وليه تحدين عمرك على الصدمات فتون ليه ماتجنبين نفسك هالخسارة وبس!
فتون :لأني ... لأني ماعندي احساس يافيصل اوكي ؟؟ وصلي انت الي تبي ولا تتوقع مني اوتعي أنا على نفسي وأحس .. لأن قلبي حجر مايحس حلووو ؟؟؟
فيصل : لا مو حلو .. ولا هو صحيح هالكلام !
فتون بسخرية : عمرنا ماراح نتفق .. ! (( ودارت مبتعدة عنه وبخاطرها تتفجر أنواع المشاعر المبعثرة .. شالي صار فيها ماتدري .. بس الي تدري عنه ان فيصل كوى قلبها وروحها !

::

وصلوا البيت وطلعت فتون غرفتها ولاحظت عبير صمتها وملامحها المعصبة << لاحظوا معصبة مو حزينة ! انقهرت من نفسها ليه شغل بالها بكلامه ليه اتأثرت بسالفة سفره .. ليه هددها بالخسارة الي مو قادرة تعرفها !!
عبير : فتون شفييييييييييك ؟؟؟
فتون : مب طايقة عمري !
عبير : ليه طيب شصاير !
فتون بحمــق : أكررررررررره ولد خالتك سامعه شلون أكرهه ؟؟ أكرررررررررهـه ! (( وأخذت ملابسها ودخلت الحمام !
استغربت عبير شالي خلاها تقول هالكـلام ؟؟ ضحكت عليها وقالت هذي كل ماحست انها تحبه قالت أكرهه .. هههههههه حتى قلبك فلـّـة يافتون !

طلعت من الحمام لقت عبير نايمة .. صلت الفجر ونزلت الصالة .. قعدت تقلب بالتلفزيون تنتظر سعود يرجع من الصلاة .. وماطال انتظارها يوم دخل ابوها وسعود ومعاهم خالد
أبو سعود : ماشاء الله شالي مسهرك للحين ؟؟؟؟
فتون : انتظر سعود .. ودي اسولف معاه شوي
ابو سعود واهو يمشي للدرج : لاحقين على السوالف الحين ناموا أبركلكم ..
خالد : والله أنا تعبان وبروح أنام
فتون : نوم الظالم عباااااااادة
خبطها خالد على راسها وطلع الدرج تاركها تبرطم من وراه وتسب ..

قعد سعود على الكنب واهو يتنهد .. وسند راسه على ورى وسكر عيونه .. ابتسمت فتون على شكله ومشت وقعدت جمبه وقالت بضحكة : ياعمري ياسعود أجل طحت ومحد سمى عليك!
ضحك سعود بخفة واهو لازال على وضعه .. ياحلوها شكلها واثقة من كلامها ..!
فتون : شفيك تضحك زين ضحكنا معاك ؟؟
سعود : شتبين تعرفين ؟؟
فتون بتلقائية : منهي وعـد ؟؟
سعود : شلون عرفتي عنها ؟؟
فتون :حبيبي انت مو داري عن نفسك !! ترا أغلب وقتك مسرح وفكرك طاير بالعلالي .. وزود على كذا مرات كثيييييييييرة تجي تناديني تروح تناديني باسمها !! سكت انا مره مرتين ثلاث اربع لين خلاص حسيت ان في سالفة مو عادية والي أثبتلي صراحة الايميل الي جاك منها والي عرفته على طول لأني سامعة الاسم قبل !
سعود لازال مسكر عينه ويستمع لفتون وقلبه ضج بالمشاعر هاللحظة .. معقولة لهالدرجة اتصرف بلا وعي .. كنت اضحك على نفسي لاشفت وجه وعد بكل مكان .. بس ذا اسمها بعد مايفارق لساني .. آه ياوعد ملكتي روحي ..
فتون : سعود نمت ؟؟؟؟
سعود فتح عيونه بخفه وهمس : لا مانمت .. اوكي فتون تبي تعرفين منهي هذي ؟؟؟
فتون : أكييييييييد
سعود : بوعد يندفن هالكلام بالصالة ومايطلع ؟؟؟
فتون بحماس : ياشيخ ينحرق بعد مو يندفن بس علللللللمني
سعود سكر عينه وحس ان بخاطره يفضفض مشاعره لأحد وارتاح يحكي فتون لأنه يدري ان حبها الكبير له بيخليها تحافظ على سره .. وقال : أوكي .. وعد هذي بنت جمعتني وياها صدفة .. بنت لفتتني من أول مره شفتها حسيت انها مو غريبة علي .. كان فيها شي جاذبني وخلاني ماارتاح لين أكلمها .. وكلمتها ومع الوقت عرفتها أكثر .. مادري شالي صار بالضبط ولقيتها ملكت قلبي وحياتي .. مابغيت أحبها .. كنت أبي أعاونها لأنها تحتاج المعونة .. وكنت أبرر اهتمامي فيها اهتمام واحد بوحده محتاجة ومن ديرته .. بس بالآخر صار كم موقف خلاني أتصرف بدافع غير الاهتمام .. حسيت الي يحركني شي ثاني أكبر من مجرد اهتمام .. حسيت اني حبيتها بكل نبض ينبض بكياني ..
فتون : ............ واهي ؟
سعود مافهم سؤالها لأنه كان يحكي مشاعره بحبور كنه يحكي نفسه وعبر عنها واهو يتخيلها قدامها متناسي أي شي حوله ..
سعود قعد وطالع فيها لحظات وقال : شفيها اهي ؟؟
فتون : حبتك ؟؟؟؟
سعود اتذكر دموع وعد الي شافها بعيونها يوم سفره .. وقال : محد فينا اعترف بحبه للثاني بس تصرفاتنا تبين .. انتي قوليلي اذا تأثرتي لسفر شخص معنى كذا تحبينه ؟؟؟
ضاع الكلام من فتون واهي تحس هالسؤال موجه لها شخصيا .. ماتنكر ان سالفة سفر فيصل أثرت فيها بس اهي تنكر انها تحبه ! فلو بتقارن كلام سعود بمشاعرها فجوابها بيكون الرفض لا محالة وقالت : بصراحة مو شرط ! يمكن التأثر يكون لأن الشخص الي بيسافر تعودنا على وجوده وله مكانة بيننا وغيابة بيسبب فراغ كبير ..
سعود : اممم .. هذا الي قلته لنفسي أنا بعد ..
فتون : اهي تأثرت يوم سافرت ؟؟؟
سعود : شفت دموع بعيونها
فتون بخاطرها .. دموع ؟؟ لا هذا شي ثاني الحين .. ماظنيت انا بابكي على فيصل .. واتذكرت " بيجي يوم تبكين على خسارتك " يوووه فيصل إبعد عن بالي ارجوك خلني أركز مع اخووووي .. قالت بضيق : الدموع تعبر عن مشاعر كثيرة سعود .. بس أكيد بتميز مشاعرها اذا رجعت وشفت لهفتها وفرحتها برجعتك ..
ابتسم سعود وقال : واذا شفتها وشفت فرحتها وعرفت انها تحبني وانا أحبها اوكي وبعدين ؟؟؟
فتون : بعدين لا تظيعها من ايدك وكلـ ........... ! قطعت كلامها وقالت بضيق : بنت عمي ؟؟
هز سعود راسه واتنهد بقوووووة ورجع سند راسه وقال : حبي كان خطأ يافتون .. بس مادريت عن نفسي الا يوم وقعت ولازم أحاول أطلع من شباكها .. انا مردي راجع لديرتي ونصيبي اهو بنت عمي رضيت أم أبيت ..
فتون بقهر : لا ياسعود والله قهر ! أكيد انت ماحبيت وعد الا لانك لقيت فيها أشياء مالقتيها بمنال واهي الي بتسعدك وتريحك .. حسافة تظيع من ايدك وتربط نصيبك مع وحده عمرك ماراح تحبها ..
سعود مقتنع بكلامها بس قال : هذا قدري يافتون ..
فتون : وانت لا تستسلمله ..!
سعود : غصب عني انا مو عايش لنفسي بس .. انا عطيت كلمتي من شهور لابوي وجدي وعمي وانحسبت هالكلمة علي ولازم أوفيها لو وش ماصار .. صعب تستوعبين هالكلام وتقتنعين فيه .. بس انا مستوعب أهميته وش المشاكل الي بتصير من وراه لو ماتم !
فتون ضاق صدرها مرررررره وقالت : ياليتها عاد تستاهل هالتضحية .. ليتها تستاهلك وتستاهل قلبك هذي الي مادري بأي طريقة تفكر وتتصرف !!!!
سعود يحاول يبررلها : الدنيا قست عليها يافتون واذا لقت العوض بتتعدل .. المهم أنا حكيتك لأنك بغيتي تعرفين بس أبيك تنسين هالكلام يافتون ولا تجيبين طاريه لأحد !
فتون : ابشر ياسعود ولو اني اتمنى ان ربي يقلب الأمور وتصير اهي مكان منالوه
سعود بتنهيدة : أنت ترييييد وأنا أرييييد والله يفعل مايريد !

وانتهت الجلسة عند هالكلمة .. مهما خططنا وفكرنا ودبرنا بالآخر الله يفعل مايريد والي كاتبه اهو الي بيصير !

******
ابريطانيا

مر أول اسبوع على شغل وعـد بالمحل وكانت مره مرتاحة خاصة انها قدرت ترجع للحجاب هالشي الي أجبرتها ظروفها تتركه ووقت الي اتحسنت هالظروف ماترددت ولا لحظة انها ترجع تلبسه بكل اعتزاز ..
طلعت من المحل بعد ماستلمت راتب عمل أول اسبوع تدريبي..
والاسبوع الجاي يترسم دوامها موظفة استقبال ..
كانت شايلة شنطتها الصغيرة على كتفها وتمشي وعيونها ضايعة بالرايح والجاي.. تحس بتعب مع الصيام لكن نصيبها من الدنيا اهو التعب .. التعب النفسي والجسدي .. شهد وقفت معها وعاونتها وماقصرت بس مرات تتعاكس الظروف .. مثل هالمره دوام وعد يبدا وينتهي وشهد بمحلها صعب تطلع ..
لزم على وعد انها تروح وتجي بالباص وهالشي معناه تتحمل المشي والحر لين توصل لمحطة الباص ..

وصلت المحطة وطالعت الساعه .. باقي دقايق ويوصل الباص ..
سندت ظهرها على الجدار بتعب .. هل ممكن تنقلب الأقدار بيوم وتعيش معززة بحياتها بدل هالمعاناة الي تعيشها .. ؟؟ هل عدل حياتها الي تعيشها والي يقابلها ببلدثانية وسط أروع القصور بنت تعيش منعمة بالخدم والحشم والسائق الخاص !!
وين العدل مابين حياتها وحياة البنت المرفهـة بذاك المكان ؟؟

وصل الباص وركبت وأخذها لمنطقة أول مره تروحها .. تعرف فيها بعض العوائل بس لها سنين ماشافتهم !
وجاية تكسب فيهم أجر عسى الله يعوضها

وصلت ونزلت .. ومشت بين البيوت الصغيرة .. اهي مع ضعفها الا انها باينة بين هالبيوت والناس انها بنت عز ! حمدت ربها وشكرته حالها أحسن من غيرها بكثير ..

لقت طفلين يلعبون .. نادت واحد منهم وانحنت قدامه وقالت : وت از يور نيم ؟؟
الطفل : إياد ..
ابتسمت وعد بفرح .. لقت البيت المنشود بدون ماتبحث عنه
مسكت ايده وقالت : وديني لبيتك إياد ..
مشى معها واهو يطالعها بابتسامة ونظرة غرابة .. مسحت على شعره بابتسامة مطمنة

وصلوا البيت وقالت وعد :إياد حبيبي روح ناد ماما
إياد : اوووكي .. (( ودخل البيت يركض ينادي امه ..

أخذت وعد نفس عميق وطلعت المبلغ الي استلمته توها .. طالعت فيه لحظات لو سألوها شكثر محتاجته بتعدد حاجاتها الي ماتنتهي .. !!
لكنها مقتنعة بقول الله سبحانه وتعالى ((من ذا الذي يقرض الله قرضاً حسناً فيضاعفه له أضعافاً كثيرة ))
واهي تتصدق ياعسى الله يفتح الخير بوجهها ويعوضها ويطفي نار خطيئتها ..

أقبلت أم اياد والتعب ظاهر على ملامحها ومن شافت وعد عرفتها وابتسمت بفرح واهي تقول : وعـــــــــد ! ياأهلا وسهلا حبيبتي
وعد بابتسامة : هلا فيكِ خالتي (( وحضنتها بكل رحمة ومحبة ..
أم إياد : اتفضلي ياقلبي ..
وعد : سوري خالتي ماقدر لازم ألحق على الباص .. بس أنا جاية أباركلك بالشهر وأعطيك هدية بسيطة مني ..
ام إياد : تسلمي ياقلبي لشو متعبة حالك !
وعد : غالية ياخالة ولك حق علينا .. (( وحطت المبلغ بايدها وام اياد دمعت عيونها من الفرحة وشكرتها من قلبها
ودعتها وعد ومشت واهي تحتسب أجرها عند ربها .. ابتسمت بكل فرح واهي الي اتسببت بإدخال السرور على ناس طيبة ومحتاجة اتذكرت حديث الرسول الي يقول (( وإن أحب الأعمال إلى الله سرور تدخله على مؤمن ، تكشف عنه كرباً ، أو تقضي عنه ديناً ، أو تطرد عنه جوعاً ))
الحمدلله عمري مانمت جيعانة أنا أحسن من غيري بكثير .. الحمدلله ..
وصلت للمحطة وانتظرت الباص الثاني .. جا وأخذها لمنطقة بيتها ..
نزلت ومشت للبيت ماصدقت وصلت بسرعه راحت لأمها سلمت عليها وعطتها دواها وراحت لغرفتها أخذتلها شاور يبرد عليها وبعدها نامت بكل تعب ..

مر الوقت ماحست الا يوم جاتها أمها تدق عليها الباب وتقولها شهد جاية تنتظرنا
انتبهت للوقت يوووه صارلي كم نايمة وشهد عازمتنا على الفطوووور ..
طلعت من الغرفة لقت شهد بالصالة ..
شهد : صباح الليييييييييييل ..
وعد : هههههههه مساء الورد معليه نمت مو دارية عن نفسي
شهد : ومو عارفة كيف اوصلك لاتلفون ولا جوال !
وعد : مشي حالك حبيبتي ..
شهد : على قولك .. يالله مطوله ؟؟؟
وعد : دقايق بس ..

رجعت غرفتها جهزت على السريع ولبست طرحتها .. وطلعت لهم عاونت امها وطلعوا من البيت وركبوا السيارة ومشوا لبيت صديقتهم الغالية شهد وأمها ..

أفطروا سوى وقعدت أم وعد ويا أم شهد وبعض الجارات..

ووعد وشهد كانوا بالغرفة سوى ..
وعد اهي تقلب بجوال شهد : قدم جهازك ليه ماتجيبي نفس جهازي ؟؟؟
شهد : بفكر أغيره بس ماقررت أي نوع ..
وعد : جيبي نفس جهازي مره حلو وسهل
شهد : اوكي اعطيني جهازك دامك راميته بالدولاب على الفاضي
وعد بنظرة سخرية : لا ياعمري تحلمي فيه .. هذا أعز شي أملكله !
شهد : ياعييييييييني .. بس جد وعد افتحي الجوال واستخدميه بدل مهو مرمي بس كذا ..
وعد : شهد اتكلمنا بدا الموضوع قبل بليز لاتضغطي علي انا مرتاحة كذا
شهد : اوكي ليه ماتفتحيه ولما يجي تقفليه ؟؟
وعد : ليه شايفتني استغلالية !
شهد : مو كذا .. بس مادري انتي كيف تفكري !
وعد :صدقيني انا مرتاحة على الاقل مو محملته جميل !
شهد : مادري اش حايكون موقفه اذا جا وماحصلك ولا حصل أي أثر عنك ..

وعد على طول اتجمعت الدموع بعينها وقالت : ياشهد انا الي متعلقة فيه بس هو عادي ! هو كان يهتم ويسأل لأني بنت بلده وحس بقرابة بيننا بدي الغربة بس وقت مايجي ويلاقيني اختفيت ماعتقد حيهتم بالشكل الي تتصوريه ..
شهد : مادري ليه احس انه حيقلب الدنيا عليك ..
وعد : وانا احس انه حينصدم بالبداية بعدين حايعيش طبيعي ولا كن صار شي !
شهد : يالله ماندري عاد يمكن يصير شي ثاني مانتوقعه !
وعد : المهم انتي اسحبي نفسك من الموضوع وخلاص
شهد : انا زي مانتي عارفة محلنا حينقل الاسبوع الجاي للسوق الثاني .. وماعتقد حيقدر يوصلي أبدا ..
وعد بحزن : مرات اقول لنفسي خليني أتركله أي أثر بسيط يوصله لي يمكن يفكر يدورني .. يمكن يفقدني ويسأل عني .. أكون سويت الي علي وابتعدت ولو جاني يكون جاني بإرادته وتمشي الأمور وقتها زي ماربي يريد .. بس ارجع اقول لا ليه أعاني والواقع واضح انه مستحيل تستمر علاقتنا مهما كان نوعها ..
شهد : ياعمري ياوعد شوفي كيف تعبتي وانتي بس استعديتي لفراقه ..
وعد بكت من قلبها وقالت : ماتمنيت أحب أحد أبدا ولا اتعلق بأحد .. ماابغى أعاني أكثر من معاناتي انا الي فيني كافيني .. ليه لما حبيت لقيتني وقعت بحب واحد مو مناسب ؟؟ ليه سعود بالذات ؟؟ سعـ ـود ! ياويلي والله صعب فراقه ياشهد صعب .. صعب .. (( وراحت بنوبة بكاء تقطع القلب ..

قلبها الي غيم عليه الحزن سنين ودنين .. أشرقت عليه مشاعر ماحستها بيوم ! مشاعر عذبة نقلتها لسعادة وعيشتها بحبور وهناء وقت الي تملك قلبها حـب من يستحق الحـب ! لكن انقتلت هالمشاعر واهي بالمهاد يوم تجسدت الحقيقة قدامها .. مستحيل تكون لسعود !! وياويل قلبها الي تعلق بحتى حروف اسمــه !

*****


كلها أيام وليالي وينتهي هالشهر الفضيل .. ناس معتكفة بالمسجد وناس بالحرم وناس ماتطلع من السوق !
هذا هي ام سعود وبناتها طالعين من المسجد بعد صلاة التراويح والخشوم حمر كثر ماصاحوا مع الدعاء .. ركبوا السيارة ينتظرون سعود .. شوي وأقبل عليهم من بين زحمة الرجال ..
ركب السيارة واهو يقول : يووه اليوم زحمة شي مو طبيعي
ام سعود : اكيد للية خمس وعشرين وشاكين انها ليلة القدر ..
سعود : الله يكتبلنا أجرها
ام سعود : آمين .. يالله تأخرنا ترا تلاقيهم يحرتونا وأكيد خالتك وصلت ..

فتون : خليهم يحترونا عارفين اننا بالصلاة ليش ماراحوا هم صلوا بعد ..
سعود : مب كل واحد يقدر على قيام المساجد فتون ..
أم سعود : بالذات مسجد توفيق صائغ يطول حيل بالصلاة ..
فتون : وش عندها خالتي جاية بيت جدي اليوم ؟؟
ام سعود : هَـو .. مب أول مره تجي تسلم عليهم ومهي مطولة بالكثير ساعه وتروح ..
فتون : بيجي احد معها ؟؟
ام سعود :مشعل وساره بس ..
فتون : وليه مو مطولة شوراهم ؟؟؟
ام سعود بغت تخبرهم بس سكتت يوم دقها سعود !!
وقالت : مادري عاد كلن وظروفه ..

التفتت فتون لعبير وشافتها مسرحة بعالم ثاني وابتسامة خفيفة على وجهها ..
فتون واهي تنغزها : ألووووو
عبير انبتهت : هاه .. !
فتون : وين وصلتي عسى ماظيعتي بس ؟؟
عبير : لا معاكم لا تخافين ..
كانت سارحة تتخيل لو تلتقي اليوم بتركي .. العيلة كلها مجتمعة ببيت الجد واهي من زمااان ماشافته .. كيف بيكون لقائهم وذي أول مره يتواجهون بعد خطوبتهم !!

ضحكت فتون عليها .. ياحلوها اختي شكلها تفكر بالحبيب .. ! مر عليها طيف فيصل هاللحظة .. واتذكرت كلامه واتذكرت سالفة سفره وانقهرت وهمست بحمق : سخيف !
عبير باستغراب : منهوو ؟
فتون : واحد قاعد يلعب باعصابي ..
عبير : هههههههههههههههه أخيرا قدر عليها ..
فتون وهي صاكة على سنونها : أكرررررهـه
عبير بمكر : زين ليه كل شوي تطرينه دامك تكرهينه
فتون انقهرت من عبير وانقهرت من نفسها بعد << ماعندها غير القهر هذي وقالت بقهر بعد: اقول ارجعي اسرحي أحسن ..
عبير : هههههههههههههههههههه أبركلي

وصلوا ونزلوا من السيارة ودخلو البيت .. كلن راح لمجلسه وسلموا على العيلة ولقت أم سعود اختها ودخلوا بضجة السوالف ..

انتبهت عبير لوجدان واهي قاعدة تسولف مع نهى واتذكرت سلامها كيف كان حيل بارد .. عكس قبل الي كانت تمازحها وتفرح بجيتها ..
قامت ومشت لعندها ووجدان استغربت واهي تطالع عبير تمشيلها وابتسامة على وجهها.. مسكت عبير ايد وجدان وقالتلها : وجدان أبيك شوي ..
خفق قلب وجدان بقوة .. ذي شتبي فيني ؟؟ لايكون تحكيني عن خطوبتها وحبها اهي وتركي لا عبير أرجوك اتركيني ..
لفوا طرحهم وطلعوا الحوش ووجدان على طول قالت : شعندك عبير ؟؟؟
عبير انسندت على حافة النافورة وقالت بابتسامة : وجدان قد ايش حاقدة علي ؟؟؟؟
سكتت وجدان لحظات بعدها رفعت حاجب ودارت وجهها بدون رد ..
عبير : ادري انك حقدتي علي من كل قلبك ان كانك ماكرهتيني بعد .. بس وجدان حبيبتي انتي بنت عمتي وغالية عندي بغلاة فتون اختي .. مابي هالسوالف تفرقنا وتسبب خدش بعلاقتنا ..
وجدان بهمس : عبير مافي شي ..
عبير : شلون مافي شي ؟؟ شوفي حتى ماتبين تحطين عينك بعيني .. وجدان انا دارية ياعمري شكثر الوضع حساس بالنسبة لك لكن هذا قدر مكتوب من عند ربي لكل وحده مننا مو بكيفنا احنا نمشي الاقدار !
وجدان : اوكي عبير وانا استسلمت للقدر شالمشكلة ؟؟
عبير : استسلمتي بالكلام بس لكن قلبك لازال حاقد وزعلان موو ؟؟
وجدان : لاتخافين ماراح آذيكم بشي !
عبير : وجدان باعطيك كف على هالكلام !! الحين انا شكيت بأذيتك ؟؟ ادري انك مستحيل تسوينها لأنك ذوق وأخلاق .. انا الي مزعلني اهو حزنك وأحسك مب طايقة رقعة وجهي .. و لاتحسبين كل الي يهمني تركي يخطبني والباقي بالطقاق لا ياوجدان أنا تهمني علاقتي معاك ولايرضيني تزعلين بهالشكل أبد ..
وجدان : هو سؤال واحد ياعبير .. يوم سألتيني قبل ان كان أحب تركي وعرفتي اني أحبه .. وش كنتي تفكرين لحظتها ؟؟؟ ليه ماقتيلي انك انتي بعد تحبينه وانه هو يحبك ؟؟؟؟
عبير : اول شي ياحياتي أنا ماكنت أدري انه يحبني !! تعرفين شكثر ولد خالك غامض ولايحكي ولايعبر ولا يبين .. لكن صحيح انا كنت أحبه وقتها بس كيف تبيني أعترفلك وانتي باين انك متأثره بحبه وباجرحك لو اتكلمت .. ولأني وقتها والله مادري وش تركي يفكر فيه وشالي بخاطره ؟؟؟
وجدان : يعني تبين تقنعيني ان ماكان بينكم علاقة ؟؟؟
عبير بانفعال : لااااااااا .. وجدان انتي صاحية ؟؟ والله مابيننا ولا شي لهاللحظة .. ويكون بمعلومك له كم خاطبني للحين ماسمعت حتى صوته !! يمكن انتي تشوفينه وتكلمينه أكثر مني بس أنا وربي مابيني وبينه شي !
وجدان حنت شوي وقالت : اشوفه واكلمه صح بس صدقيني تركي مايعتبرني غير اخته !
عبير : هنيالك حياتي بأخوته لا تحسبيني بازعل واقول ينتهي اي شي بينكم لا .. وياليت انتي تريحين قلبك وتعتبرينه زي أخوك !
وجدان ابتسمت أخيرا وقالت : لا تلومويني عبير صراحة كانت صدمة بالنسبة لي وكرهتك وكرهت تركي بعد وقتها .. بس على قولك كل شي مقدر ومكتوب ..
عبير بابتسامة : وجدان انتي صغيرة وحلوة وربي ان شاء الله يعوضك بالي يسعدك ويعيشك بين السماء والأرض ..
وجدان : آمين ..
عبير واهي تغمزلها : يعني صافي يالبن ..؟
وجدان واهي تضحك : صافي ياقشطة ..
انفتح باب الرجال وطلع خالد ووجدان استحت ومشت راجعة لداخل ..
خالد : شعندكم برا ؟؟
عبير : نسولف شوي ..
خالد : أوكي انا ماشي ..
عبير : على وين ؟؟
خالد : مايبيلها سؤال !
عبير : ياويلي من هذا الي حتى واهو ببيت جدي مو قادر يصبر عنها !
خالد بهيام : قلتيها ياعبير .. احس اني فاقد التركيز وانا لي ثلاث ايام ماشفتها
عبير باستهبال : لا أجل الحق على عمرك !
خالد : هههههههههه اوكي يالله باي
عبير : باي ..
طلع خالد واهي وقفت مكانها شوي .. وبعدها مشت راجعة لداخل الا سمعت صوت من وراها يغني : مساء الخير والاحساس والطيبة .. مساء مايليق الا بأحبابي
اتسمرت عبير مكانها واهي تسمع هالصوت الي خفقله قلبها بكل عنف .. التفتت بخفة وشافت تركي واقف عند الباب وابتسملها يوم التفتت ابتسامة ذوبتها وكمـل : هلا بالي يصيب العطـر بالريبه .. يقول العطـر أنا زايل واهو باقي ..
ولع وجه عبير من الحيا وحست انها شوي وتطيح من الحرج وقالت بضحكة خجل : هلا تركي ..
تركي انخبل منها وقال : هلااااااااابك .. شلونك عبير ؟
عبير بصوت أقرب للهمس : بخير .. انت شلونك
تركي غني بهمس وعيونه معلقة فيها : انا مو تعبان أنا .. أنا دنيا من التعب راحتها بإيديك ..
نزلت عبير عيونها للأرض كثير عليها كل هذا مره وحده .. بتذبحني ياتركي خلاص روووح وبالقوة قدرت تهمس : سلامتك من التعب ..
تركي بشوق : متى ياعبير متى .. ؟

" وشو الي متى ؟؟ "

التفت تركي بقوة وعبير من سمعت الصوت وشافت التفاتة تركي خافت يكون أبوها ولا حدا عمانها وضربت الأرض ركض على داخل .. بس واهي تركض سمعت ضحـــــــــــــكـة من وراها قدرت تميز آذانها صاحب الضحكة وعرفت انه عمها صالح وولعت من القهر .. !

صالح : ههههههههههههههههههههههههه هههه جبانة بنت أخوي ..
تركي بقهر : انت الحين شطلعك لا بارك الله بهالشنبات
صالح وهو يخبط على صدره : جيت وأنا عمكم أنقذ الموقف لا تخقون وتروحون فيها ..
تركي : وماسويت خير طيرتها من قدامي وأنا الي ماصدقت عيني يوم شفتها
صالح وهو يدفه : تحب بنت أخوي انت ووجهك !
تركي واهو يلوي ايد صالح : يالله ليتني أشوف فيك يوم تحترق من الشوق وماتلقى من تطفي شوقك !
صالح وهو يضحك : طحنا بهالحظ من زماااااااااااان شدراك انت..
تركي واهو يدفه : ماظنيت انت وهالوجه تعرف تحب وتشتاق
صالح يفتقل الحزن : شفيكم كلكم تحطمون مشاعري ترا انا في قللللب .. في احسااااس !
تركي : تخسى ..امش ندخل ماعاد لها داعي وقفتي برا
صالح واهو يمشي لداخل : قلعتك انت ماسمعت الحديث الي يقول في التأني السلامة وفي العجلة الندامة ..
تركي واهو لازال منقهر منه : اقول اص بس لا عرفت وش نوع هالحديث تعال اتفلسف
ضحك صالح عليه ودخل واهو بخاطره مقتنع بالي سواه .. من لمحهم من شباك المجلس واقفين برا انهبل .. بغى يوقف معهم لايطلع عليهم حدا الشيبان ويصير موقفهم غلط وماكانت نيته يبعد عبير بس اهي ماتت من الخوف وهجت بلا تفكير !

::

كانت فتون قاعدة وانبتهت لتصاريخ البزران بالحوش .. طالعت من الشباك لقت وائل ولد عمها وباقي البزران يلعبون كوره وساره بينهم ..
فتحت الشباك وطلعت راسها وقالت : سااااااره .. ادخلي حبيبتي لاتعورك الكورة ..
ساره : أبي العب ..
فتون : وائل انتبه لا تجي الكورة عليها
وائل : خليها تدخل بنتكم هذي نبي نلعب حنا براحتنا ..
فتون انقهرت منه وقالت : العبوا محد ماسكم بس فتح عيونك زين ولا تصقع أحد
وائل برطم بكلام غير مسموع ..
فتون : اقول لا تقعد تخربط .. ساره بتقعد برا وانت انتبه وانت تلعب وبس !

ورجعت تقعد وجت عينها بمنال وشافتها تطالعها بحمق .. شكلها سمعتني وأنا أصارخ على وائل ياشيخة انقلعي انتي وهالنظرات ..

شوي الا دخلت ساره مغطية وجهها وتبببببببببببببكي ..
شافتها فتون وقامتلها بسرعه وقالت : شفيك ياساره ؟؟؟
ساره وهي تبكي : وااائل .. ضربني بالكورة .. على وذهـي " وجهي"
فتون ولعت من القهر ومسكت ايدها وطلعت الحوش واهي تتوعد فيه وتسب .. شافت البزران وماشافته بينهم سألت عنه قالها مشعل انه ضربها بالعاني ودخل البيت غرفة الخدامات ..

مشت مسرعه والبزران تحمسوا ومشوا وراها .. راحت من الباب الثاني الي يفصل عن الحريم ومشت للغرفة وفتحت الباب بكل قووووة ودخلت ..
لقت وائل واقف فيها
فتون بصراخ : ليش تصقع ساره بالكورة .. ؟؟؟؟؟؟
وائل : مانتبهتلها ..
فتون : لاتكذب انا دارية انك مسويها بالعاني لأن ما امداني أكلمك الا دخلت ساره تصيح .. وتوني سائلتهم برا قالولي صقعتها بالعاني ..
وائل بخوف : كذابييييييين
فتون : انت الكذاب ياسخيف .. قسم بالله لو عدت الحركة هذي مره ثانية ترا أنا الي باضربك ولاهمني اخوك ولا اختك ولا مين من يكون ..

" انتي قربي منه بس وتشوفين وش يصير فيك يالبزر "

التفتت فتون لقت منال واقفة وراها قالت بقرف : أعوذ بالله من الشيطان الرجيم ..اقول انتي اص ولا كلمة ماتدرين عن السالفة لا تتدخلين ..
منال : لا أدري بس مانزل مستواي للبزران مثلك جاية تهددين اخوي .. فيك حرة طلعيها فينا احنا مو بهالبزر !
فتون : مني محترة ولاشي الظاهر انتي الي محتره وذا حالك دايم ياكافي عمرك لا ابتسمتي ولا ضحكتي كن عفريت حاشيك ..
منال : انطمي ولا كلمة يالحقوده انا مادري أهلك شلون متحملينك انتي وهالسان الوصخ والاخلاق الخايسة
فتون : شوفوا من يتكلم على الأقل أنا عايشة طبيعية مو مثلك معقدة قلبك أسود من الدولاب الي وراك !

كـــــــــف قــــــوي صقعتهــــا منال فييييييييه واهي تقول : سكتلك أنا واجد وانتي كل مالك تتمادين ..
فتون مسكت خدها واهي مصدومة !!! عمرها مانضربت بحياتها والحين تنضرب من أكره مخلوقة على قلبها بكــت من القهر وقالت بصيااااااااااح : ياحماااااااااااااارة عســــــــــــــــى إيدك الكســــــــــر ان شــــــــــاء الله ..

كان صياحها عااااااااالي ووصــــــل لمسامع حدا الخدامات الي راحت نادت عبير وقالتلها فتون تبكي وجت عبير تركض وشافت اختها ماسكة خدها وتبكــــــي .. ومنال عند الباب تطالعها من فوق لتحت وتقول : انت الي حديتيني أمد ايدي عليك احترمي نفسك وألفاظك تسلمين ..

عبيـر بصدمـة : شصــــــــاير ؟؟؟؟
مشعل كان واقف وشايف كل الي صار وحكى عبير ..

عبير بانفعـال : منال انتي كيف تتجرأين وتمدين ايدك عليها ؟؟؟
منال بصراااخ : لأنها طويلة لسان وحقوودة وماتحترم أحد ..
عبيـر : كنك قاعدة تعددين صفاتك انتي مو هي .. ماشفت أحقد منك ياسخيفة ..
منال : عبيـــــر احترمي نفســـك وخليك برا الموضوع لايجيك كف ثاني انتي بعد !!

مشعل ركــض طاير لمجلس الرجال ودخل يركض عند سعود وهو يلهث بحماس وخووف..
سعود باستغراب : مشعل شفيك
مشعل قرب منه وقال واهو يلهث : منال ضربت فتون كف .. !
سعود بصدمـة : ايش ؟؟؟؟؟؟
مشعل : واللللللله ..
وقف سعود والغضب معتلي وجهه وقال لمشعل : شوفلي الطريق بسرعه ..
ركض مشعل وشافله الطريق ودخل سعود وعيونه تصرخ بالغضب ..
وصل الغرفة الي كانت بعيدة عن مجلس الحريم وباب يفصل بينهم .. ومنال يوم سمعت صوت سعود لبست طرحتها بضيق .. ودخل وشافها واهي رافعة حاجب وتطالعهم من فوق لتحت !
شاف فتون واهي منكسرة وتبكي وخدها محمر وآثار الاصابع فيه وانفعل واهو يقول: ليش تمدين ايدك عليها !
منال كانت مولعة حدها ومو ناقصة أحد وقالت : سعود لو سمحت انت بالذات مابي أغلط عليك !
سعود : ولك عين تغلطين أكبر من هالغلط بعد ؟؟؟؟
منال : انت ماتدري عن شي ارجوك لا تتدخل ..
سعود : وشالي صار زين فمهوني ..
حكته عبير الي صار باختصار واهي يالله تنفس من القهر ..

مشت فتون ومسكت ايد اخوها واهي تقول : خلك منها ياسعود ولاتنزل نفسك لمستواها وتكلمها !
منال بسخرية : الظاهر ناسية وش يصيرلي سعود يابنت عمي !
فتون : لا شلون أنسى أسوأ حدث بحياتي !
سعود صرخ : فتووووووون .. اطلعي برا انتي واختك وخلوني معاها وانتبهوا لجد يجي هالغرفة !
طلعوا خواته واهو التفت لمنال بقوة وقال بغضب : مهما كانت الاسباب يامنال ايدك ماتمدينها على خواتي سامعه ولا لاء !!
منال : وان كان خواتك مايأدبهم الا الضرب شتبيني أسوي ؟؟
سعود : خواتي وأنا أعرفهم وأعرف أخلاقهم شزينها ومايغلطون على أحد الا اذا كان اهو يستاهل الغلط !
منال : ايه قولها صريحة ياسعود .. قول ان أخلاقي مو عاجبتك واني أستاهل من يغلط علي واني ما أعنيلك شي بحياتك !
سعود : منال لاتقعدين تفسرين كلامي على كيفك أنا مو قاعد أبدي رايي فيك أنا قاعد أتكلم عن الي صار الحين ..!
منال : والحين شايفني غلطانة مو لأني فعلا غلطانة .. لأنك ماتشوف أي زين فيني لا انت ولا خواتك !!
سعود : وانتي على أي أساس حكمتي بهالشي ..؟
منال : أدري ياسعود .. أدري انكم ماتبوني وانك منجبر تاخذني وأدري اني ماأحرك بقلبك أي شعور .. كنت قبل أهتم بجيتك وقعدتك ولا حتى نظرتك لي وبسمتك بس الحين لا لأني أدري انك تغصب نفسك عليها ويبه ترا محد ضاربك على إيدك .. تقدر تفسخ الي بيننا واحمد ربك ان ماصار شي رسمي ..
سعود : كلامك ذا كله يامنال من خيالك ومن نظرتك السودا للدنيا .. انا محد جابرني عليك وافقت بإرداتي وبتستمر خطوبنتا برضو بإرادتي !!
منال : ليه ياسعود ؟؟؟ انا مابي رحمة من أحد ولا انك تراعي المشاكل مع ابوك وابوي على حسابنا .. تحس انك ماتبيني مو مرتاحلي يبه خلني ودورلك على الي تسعدك !
سعود بضيق : منال أرجوك فضي هالسيرة .. ان كنتي تظنيني من النوع الي يفكرش خطوبته عشان راحة وحب فما عرفتيني زين يامنال .. الي يربطنا أكبر من كذا يابنت عمي !
منال : وشو .. عاداتنا وتقاليدنا .. فرحة جدي وابوي وأبوك ؟؟؟؟
سعود : وهالأمور ماتعنيلك شي ؟؟؟
منال : مو لدرجة انك تضغط على نفسك ومشاعرك وتجبر عمرك علي !
سعود : قلتلك انا مو مجبور انتي ليه مو مصدقة ؟؟؟
منال : لاني ماشفت عكس كذا !!
سعود : ماحصلت فرصة أثبتلك العكس .. منال أرجوك .. لاتخليني أكره عمري وأكره الساعه الي فكرت أخطب فيها .. اتركي عنك هالأفكار وفكري زي العالم والناس .. وأهم شي لازم تفكرين فيه وتحطينه ببالك اني ما ارضى أحد يغلط على خواتي لو مين من يكون !
طالعته منال بنظرة ألم لمعت فيها الدموع .. لاحظها سعود ورق قلبه وقال : فيك خصال طيبة يابنت عمي بس انتي الي مسودة الدنيا بوجهك .. اصحي قبل ماتخسرين كل الي حولك .. (( ومشى للباب واهو يقول : عن اذنك (( وطلع تاركها تبكي إحساسها فعلا بالخسارة .. خسارة نفسها قبل أي خسارة ثانية !!

*******

بمنزل ثاني فوضـى تختلف تمااااااما عن ذيك الفوضى .. ومشاعر من نوع غير !

نزل أنس واهو بأبهى حلة وكشخـة وأمه ابتسمت من خاطر أم تتمنى الخير والسعادة لولدها
لينا : اككككككككشخ عز الله رحتي فيها يامنى
ضحك أنس وقال : جاهزين نمشي ؟؟
ام أنس : ايه يالله ..
وطلعوا وركبوا السيارة متوجهين لبيت أبو فيصل ..

لينا : تصدقون منى الخبلة من الحيا حتى انا ماتكلمني .. ترسلي مسجات وتستقبل مسجات واذا دقيت سكرت بوجهي من الحيا
أم أنس : ههههههههههههه ياحلوها هالبنت خجولة ومؤدبة يوم الخطبة ولا رفعت عينها من الأرض ..
لينا : بالبداية بس ولا بعدين بتشوفون تراها أرج مني ..
ابتسم أنس واهو يتخيل منى بملامحها الناعمة .. من شافها ببيته يوم وصوله واهو ماهناله بال لين كلم أمه تخطبها .. مايبي يحكي مع لينا عنها مايبي يسمع بس سيرتها .. ماكان يرضي قلبه الا انه يخطبهـا .. وخطبها ويا وكبـــــر فرحته يوم وافقت .. مايدري انها اهي بعد ماصدقت بخبر خطوبته ! اليوم شوفتهم الشرعية طبعا محد داري عن الشوفة الحلوة الي صارت بيوم وصله << هع هع

وصلوا البيت .. واستقبلوهم أهل البيت بكل حفاوة وترحيب .. أنس دخل مع فيصل وأبو فيصل لمجلس الرجال .. ولينا وأمها استقبلوهم أم فيصل وحنان ومرام .. وقعدوا سوى قعدة ودية ..

نزلت منى وطالعت نفسها بالمراية للمرة العاشرة .. ودخلت عليهم وسلمت وماقصرت ام أنس بالمديح الي أحرجها واهي حدها مو نااااااقصة ..

ماطال الوقت يوم جا فيصل وناداها تدخل

طلعت منى وأمها ومنى تحس الأرض تتزلزل تحتها !
فيصل : ههههههه شفيك يالله تبلعين ريقك !
منى بحرررررج : خايفة يافيصل ياربي طيب وين أقعد ؟؟
فيصل : اقعدي قبااااله خليه يتمقلك لايجي بعديني يقول ماشفتها زين !
منى : لااااااااا والله فشلة !
ام فيصل : انتي خذي صينية الشاهي حطيها لهم واقعدي جمب اخوك
منى : مابي اشيل لاء .. والله لا أكبها على وجهه من الخوف
فيصل : ههههههههههه مهبولة اختي .. انا بشيل الصينية الحين انتي امشي بس وهناك تخيريلك مكان ..
منى : زين ..
ومشت مع اخوها واهي يالله تتنفس من الخوف .. فتح فيصل الباب وطالعها تدخل
منى وهي صاكة سنونها : انت ادخل قببببببلي غطي علي ..
فيصل : الحمدلله اقول ادخلي لا أجرك مع ايدك
استسلمت منى واهي تتوعد فيصل بقلبها .. ومشت وعيونها بالأرض لين وصلت قدام أبوها ورفعت راسها تطالعه وتأشر بإيدها .. وين ؟؟ يعني وين أقعد ؟؟
أبو فيصل اشرلها بعيونه على المكان وكان قبال أنس .. مشت وقعدت وعيونها على الارض مارفعتها أبد ..
أنس ماقدر يمنع ابتسامة ترتسم على وجهه واهو يطالع هالبنت الصغيرة شلون كبرت وأنوثتها اكتملت بكل نعومة وحلاوة ..
كان ماخذ راحته بالنظر لين بدا أبو فيصل يعرف بمنى ويعرف منى بأنس مايدري انهم حافظين سيرة بعض .. !
منى على غفلة منها رفعت عيونها توقعت ان انس يطالع أبوها واهو يحكي واتفاجأت يوم شافت نظراته مصوبة عليها ونزلت عيونها بسرعه وقلبها يضرب طبوووووووووول ..

ضحك أنس بخاطره .. واهو يتمنى تعلن موافقتها هالمره قدامه ليطير فيها لآخر الدنيا من الفرحة .. بس كان العرف انها تقوم خلاص وابوها يسأله عن رايه وهذا الي صار لما أعلن أنس موافقتـه بكل ثقة وأصر يعرف ردها الحين قبل يطلع ..

دخل فيصل لقاها قاعدة على الدرج مادخلت للحريم ..
فيصل : هههههههههههههههههه هذا معناه انك موافقة ومستخفة؟؟؟
منى : اسكت روح عني تراني شوي وأصيييييييح من الحرج
فيصل : هههههههههه عليكم احاسيس عجيبة انتوا يالبنات .. المهم أنس يبيك تردين الحين موافقة ولا لا؟
منى : ليه الحين اصبروا علي شوي ..
فيصل : يالله عاد ذا شي روتيني اتعودنا عليه ولا ادري انك موافقة حتى بغيت أرجع بنص الطريق اسوي نفسي سائلك لأني عارف جوابك
منى : ياسلاااااااااام من حقي افكر وأستخير و
فيصل : خلاص بقولهم رفضت ..(( ومشى عنها الا منى صرخت : فيصل والله لا أذبحك
فيصل بمكر : أجل قوليها وخلصينا ..
منى بحيا : موافقة ..

وبكذا اتحددت ملكتها ثاني العيد لأن ثالث العيد اهو يوم عودة أنس وسعود لابريطانيا
شفتوا مسكينة حظها شلون ؟؟ << نفس حظي 


********

نزلت الدرج بسرعه وعبايتها بإيد وشنطتها بإيد وسعود قابلها أول الدرج وهو يقول : بل بل بل على ويييييييين كل هالرجة ؟؟
فتون واهي تلبس عبايتها بسرعه : عهود تنتظرني برا وبنروح السوق
سعود : هالوقت ؟؟
فتون : ايه شفيها ..
سعود : مره متأخر
فتون : شنسوي عاد باقي يومين على العيد وباقي اشياء ماشتريتها ..
سعود : عسى بتروحون مع سواق؟
فتون : لا مع أخوها ..
سعود برضو مارتاح وقال : أوكي زيني حجابك واقصري صوتك وبلا هبال قدام الرجال..
فتون واهي تطلع : لا توصي حرييييييييييييص !

طلعت واول ما اقبلت على السيارة رجعتلها الرهبة الي تحسها من وجود هالشخص والي تخليها لاشعوريا تخفض صوتها وتستحي وتحسب حساب لكل حركاتها ..

ركبت السيارة ورى عهود وهمست بالسلام ..
عهود باستهبال : وشووو ؟؟ ما اسمع !
فتون بخاطرها يعل ابليسك عهود الشر .. وقالت بصوت أعلى شوي : قلت السلام ..
سلطان : عليكم السلام .. شلونك فتون ؟
بلعت فتون ريقها واهي تذكر موقفها معاه وقالت : بخير .. (( بس وماقدرت حتى تسأله عن احواله ..
مشوا للسوق وسلطان طول الطريق يدندن بروقااان .. وعهود تعلق على أغانيه وفتون بالقوة تمسك نفسها عن الضحك ..
وصلوا ونزلوا ..
وسلطان وراهم قال : لا تطولون بانتظركم عند ستار بكس ..
عهود فرحت انه مو ماشي معاهم وقالت : ابشررررررر ..
ودخلوا السوق .. مشت عهود وفتون لمحلات الاكسسوارات ..
عهود : آخ ياهالمحل مغري كل مامريت جمبه أتمنى أشري شي بس نفسي ماتطاوعني !
فتون باستهبال : المشكلة ترا مو فينا المشكلة فيهم اهم الي مايجيبون شي يناسب أنوثتنا
عهود : هههههههههه امحق أنوثه ..
فتون : شوفي هالمحل جنون عبير تموت على التناير الي عنده ..
عهود : اي دام تنانير مو داخلة ..
فتون وهي تضحك : عهود ترا لازم نتعود نلبسها ..
عهود : ليش ان شاء الله

فتون : الترم هذا بنبدا الجامعة ان شاء الله وش تبينا نلبس ؟؟؟

عهود : بالبس بانطلون وأخلي العباية علي ..
فتون : يوووووه فطسسسسسسسسة ..
عهود : ولا اني البس تنورة يييييييووه ماعرف أمشي !
فتون : عاد انا الي أعرف بس لازم نتعود ..

دخلوا المحل الي يبون وشروا أغراضهم ويوم طلعوا انبتهوا للسوق شلون كل ماله يزدحم
فتون : اعوذ بالله ساعه عشان نحاسب مادري وش مطلع الناس من بيوتهم ..
عهود : هههههههههه مطلعهم الي مطلعك
فتون : كلهم يبون ساعه حزام ورباطات شعر ؟؟؟
عهود : يعني الي حولها ..
فتون : اوكي شكله مايمدينا نشرب شي بهالزحمة خلاص يالله نرجع ..
عهود : نروح ستار بكس عند اخوي نشرب ونطلع مره وحده ..
فتون : لا صعبة عهود ماااااااابي ..
عهود : اقول امشي بس بخاطري ذاك الكابتشينو الي يعدل المزاااااج ..
فتون اشتهت تشرب بس ميته حيا من سلطان .. عمرها ماستحت من أحد قبل وش معنى سلطان يولد بقلبها مشاعر الخجل !
استسلمت ومشت اهي وعهود .. وكلمت عهود أخوها تقوله يطلبلهم كابتشنو ..
وقفوا سوى يتفرجون على الحلويات وسلطان يحاسب البايع .. التفت لهم وقال : بتقعدون ؟؟
عهود : ايه ايه يالله !
فتون بهمس : وين نقعد مع اخوك انتي صاحية ؟؟؟
عهود : عادي فتون ترا اخوي مايعض ..
مشوا لوحده من الطاولات المكشوفة وحطوا مشروباتهم .. وفتون ميته من الحرج .. عمرها ماسوتها قبل والحين بتسويها مع واحد مجرد اسمه يحرجها .. مو عاد تقعد معاه على طاولة وحده ..
قعدوا على الكراسي فتون وعهود جمب بعض وسلطان قدامهم كان يتصرف بتلقائية كنه مع خواته .. مو منتبه للانفعالات العجيبة الي تتأجج بخاطر فتون .. وهذا الي خلاه يبتسملها بكل مودة ويقول : كبرتي وحلويتي فتون !
ولع وجهها من الحيا واهو ضحك على حياها الوااااضح وقال : بس خلاص هي كلمة وسحبناها ..
خفق قلب فتون بعنف من وجوده وابتساماته وكلامه هالأمور الي حركت فيها أنوثتها ..
سلطان انشغل باتصال جاله ..
وعهود دقت ذراع فتون وهي تقول بهمس : فتون شوفي ذاك من دخلنا الكفي واهو يطالعنا !!
فتون وهي تحرك الملعقة بكاسها : كيفه لا تطالعين فيه ..
عهود : شوفي امانة نظراته مو واحد معجب ..نظرات تخرع باسم الله كنه شايف فلم مرعب قدامه ..
ضحكت فتون على تعليقها وقالت : بس لا تطالعين فيه انتي بعد لا ينتبه لك اخوك ويوريك ..

سلطان قطع عليه الارسال داخل المحل فوقف وابتعد شوي واهو يكلم ..

بهاللحظة أقبل الشخص عليهم وعهود اخترعت وقالت : فتون جاي عندنا ؟؟؟
فتون : منهوو ؟؟
عهود : الشاب الي اقولك شوفيه جاي عندنا ونظراته تخرررررع !!

التفتت فتون وشــافته واهو مقبل عليهم وفورا عرفتـه .. وشخصت عيونها وشهـــقت من كل قلبهــــــا !!

آخر شي كانت تتوقعه انها تشوف هالشخص .. !!
وبهالمكان .. !!
وبهالوضع !!!!!!

**********

[جرح الذات]

الجزء السابع عشر

وقفت فتون وعيونها معلقة بالشخص الي يتقدم لها وقالت بخـوف : فيـ ـصـ ـل!!!!
وصلها فيصل والشرار يتطاير من عينه وقال واهو ينقل بصره بينها وبين عهود : منهي هذي ؟؟
فتون بتلقائية : عهود صديقتي
فيصل : ومنهو الي كان جالس معاكم ؟؟؟
فتون : سلطان اخوها !
فيصل همسلها بصراامة : وانتي من متى تقعدين مع رجال غريب ؟؟
عهود كانت قاعدة ومو سامعه وش يقول .. وقفت وسألت فتون : فتون تعرفينه ؟
فتون وعيونها على فيصل : ايه ولد خالتي ..
عهود : اه ماشاءالله .. (( وابتسمتله وقالت : اهلين ..
طالعها فيصل بنظرة غصب خلتها تكش منه وطالعته من فوق لتحت ورجعت مكانها ..

فيصل : لهالدرجة شايلة الكلافة بينكم ؟؟؟؟
فتون : فيصل احنا كنا نتسوق وعطشنا وجينا المحل نشربلنا شي ونمشي .. ماكنا مرتبين للقعدة !
فيصل : وتقدرين تقولين هالكلام لأبوك ؟؟؟
فتون بضيق : شدخل ابوي الحين لاتقول انك بتعلمه !
فيصل : المفروض أسويها عشان يأدبك ويحبسك بالبيت .. (( ورمى نظرة على سلطان ورجع طالعها واهو يقول بسخرية : معليه خربت قعدتكم .. اتركك تنبسطين يا مـؤدبة !!

وطالعها باحتقار من فوق لتحت ومشى عنها .. يسخر من أدبها الي كانت تتباهى فيه يوم هي ببيتهم .. لكن فتون ماهمتها سخريته هاللحظة .. كل الي همها شالفكرة الي أخذها عنها .. ؟؟؟ لحقته بعيونها واهو يمشي مبتعد طالع من المحل .. مايدري هل المفروض يجرها وياخذها معاه ولا يتركها بالطقاق دام أهلها هيتوها اهو شعليه ؟؟؟ ماقدر يهتدي لفكرة واهو النار تكوي قلبه وتحرق كيانه !! لكن فتون حست انه بطلوعه هاللحظة بتخسره .. شي بداخلها انفجر وخلاها تدف الكرسي بلا شعور وتركض وراه واهي تنادي : فيصــــــــــــــــــــــ ـــــــل !!

وقف فيصل مكانه عند الباب والتفت نص التفاته واهو يطالعها بتكشيرة !
بلعت فتون ريقها وقالت : خذني معاك !
فيصل بقرف : آخذك معاي ؟؟ وليه مو الحبيب الي جابك اهو ياخذك ؟؟؟
فتون برجاء : فيصل لاتقول كذا ..
فيصل : وهذا الحاصل .. الي خلاك تجين معاه يخليك ترجعين معاه واتركيني بحالي تكفين .. (( وطلع من المحل
لكن وين يروح من عناد فتون .. فتون العنيدة بكل شي تملكها العناد بهالموقف بالذات .. حست انها مستحيل تتقبل فكرة ان فيصل يروح منها واهي تظل مع سلطان وماتدري هل فيصل بيرجعلها ولا لاء !!
طلعت وراه واهي تنادي عليه : فيصل تكفى لاتتركني برووح معاك ..

مشى فيصل مطنشها لين وصل سيارته عند المواقف واهي مشت بسرعه لين وصلت عنده وقالت : انا مادري انت شتفكر فيه الحين لكن وش ماكان أقولك ترا مابيني وبين سلطان شي !!
فيصل بصرامة : ارجعي المحل يافتون لأني مو ماخذك !
فتون : اوكي براحتك .. لا تاخذني بس مو راجعة المحل ..
فيصل : وانتي تبين تطلعين من غلط تروحين تطيحين بغلط ثاني ؟؟ ارجعي المحل شوفي الشارع شلون زحمة انا مو داري شلون أهلك طلعوك بهالوقت !
فتون : رجعة للمحل مو رااااااااجعة .. ياتاخذني معاك يا بدورلي تاكسي يرجعني البيت ..
فيصل : ممكن أفهم ليه طيب ؟؟
فتون : عشان أثبتلك ان مابيني وبين سلطان شي .. ولا كان فرحت بطلعتك وكملت قعدتي معاهم .. !
فيصل : لا تخافين تراني مو معلم أهلك ..
فتون بانفعال : شدخل أهلي يافيصل أنا أبيك انت الي تفهم وتصدقني ..
فيصل : أفهم الي أفهمه شيهمك انتي ؟
فتون : يهمني تفهمني يافيصل لأني ....
فيصل: .... لأنك ؟
ضاعت الحروف عند شفاة فتون .. ماعرفت وش تقول وكيف تعبر عن الشعور الثاير بداخلها هاللحظة .. لمجرد ماطلع فيصل من قدامها واستشعرت خسارته شي بداخلها دفعها تتمسك فيه وترجعه لها وكن سهم انغرس بقلبها يوم حست بضياعه منها !

لمعت الدموع بعيونها وقالت : لأني مابي أخسرك فيصل !
سكت فيصل لحظات .. لوهلة ماستوعب كلامها .. مو معقولة أخيرا حست بقيمته وهمتها خسارته .. ماينكر ان قلبه تشقق من الفرحة بس فرصته يستغل ضعفها هالوقت ويكسب الموقف بصفه وقال : لا تمثلين يافتون انتي تكرهيني ولو الحجر يلين قلبك عمره مايلين ..
انجـرحت فتون من كلامه .. بس ماتلومه واهي الي حسسته بهالمشاعر واهي الي عمرها ماعاملته بشي غير الكره والصد والخناق والقسوة ..
قالت بضيق : وشالي يجبرني أمثل عليك ؟؟؟
فيصل احتار بجوابه .. بس ماحب يضعف قدامها وأنهى النقاش واهو يقول بصرامة : نأجل هالموضوع لبعدين .. اركبي السيارة وخلصيني ..
مشت فتون للسيارة واهي تطالع فيه .. شاف بنظراتها صدق ورجاء ولعوا قلبه عليها أكثر بس كابد مشاعره بقوة لا يضعف .. ذي فرصة جته من الله ليختبر مشاعرها ..
فتحت الباب الوراني يوم جت تحط رجلها راودتها فكرة ثانية وطلعت وسكرت الباب وفتحت الباب الأمامي وركبت وسكرته ..
ركب فيصل وطالعها بنص عين وماعلق ..

مشى بالسيارة وساد عليهم الصمت طول الطريق .. دق جوال فتون باسم عهود راحت سكرته بوجهها .. ومافاتتها ابتسامة السخرية الي على وجه فيصل هالوقت .. ودها تصرخ ودها يحس بالنار الي بقلبها .. كل شي هان عندها هاللحظة حتى لو يعلم أبوها ماهمها شي قد مايهمها انها ماتخسره اهو وانه يفهمها ويعذرها !!

وصلوا البيت ولف فيصل من شارع ثاني ودار للباب الخلفي ووقف السيارة بعيد شوي ونزلوا ماشين للبيت ..
سوى هالحركة عشان لايشوفها أحد من أهلها واهي نازلة من عنده ويعرفون عن شي .. آلمتها حركته هذي بدل ماتفرحها .. للمرة المليون يتحمل مصايبها وللمرة المليون يخبي عنها .. وماتدري متى تبطل تهورها .. فاجأها صوت فيصل يوم سألها نفس السؤال

فيصل : متى تبطلين تهور يافتون ؟؟؟
ضاعت عيون فتون بالرصيف الي قدامها وقالت بضيق : مالقيت من يردعني ..
فيصل : أهلك مو مقصرين .. ماشفت أحد مهتم ببناته كثرهم ..
فتون : أهلي عمرهم ماقصروا وانا ما اقصد هالشي ..
فيصل : ها شتقصدين ..؟؟
طالعته فتون بنظرة شاف فيها الألم وقالت : فيصل انا عندي فراغ مايملاه الا التهور هذا .. تقدر تقول مالقيت من يملى علي فراغي ..
فيصل : لا لقيتي بس انتي مسكرة عينك عنه وعاجبك وضعك الي تعيشينه

سكتت فتون لحظات وبعدها قالت : فيصل لو طلبتك طلب توافق عليه ؟؟؟؟
فيصل وده يقولها اطلبي عيوني أطلعها لك .. بس اتظاهر بالبرود وقال : يعتمد على نوع الطلب !
فتون : ان كان ودك أبطل تهوّر !
فيصل : أووه ! اوكي اطلبي أشوف!

فتون برجاء : لا تسافر ..

انصدم فيصل من طلبها .. شالي يخليها تطلبه هالطلب معقولة لهالدرجة هامها سفره أو قعدته ؟؟ معقولة تبيه يقعد عشان يملا فراغها .. عشان يمنع تهورها !
فيصل : انتي من جدك يافتون ..؟؟
فتون لمعت عينها بالدموع وقالت : اي من جدي فيصل انت قلت السفرة مو ضرورية حيل اوكي بلاش منها لاتسافر !
فيصل : عشان أمنع تهورك موو ؟؟؟
فتون : فيصل تدري شلون بتمنعه ؟؟؟
فيصل : اي أدري زي موقف اليوم .. تببني جمبك أراقب مغامراتك وأحميك وأدافع عنك ..
فتون : لا يافيصل مو كذا ..
فيصل : فتووون .. تدرين انتي شكثر غالية عندي .. بس فكري فيها انتي شقدمتيلي ولا شعطيتني شي يخليني أمنع سفري عشانك .. همم ؟؟؟
سكتت فتون وطالعته بألم .. تألم حيل لهالنظرة بس نزل عيونه واهو يقول بتنهيدة : كان ودي أنفذلك طلبك بس اعذريني فتون .. بسافر !

طعـــــنة طعنت قلبهــا
هاللحظة حست ان بحياتها كل شي يهون .. الا فيصل .. مايهون ..!
ممكن ترضى بكل الجروح .. الا فيصل .. لايروح !


وطعن قلبها يوم أصر على سفره !

نزلت عيونها الأرض واهي حاسة بألم عمرها ماحسته بحياتها .. ! بس طبيعتها القوية خلتها تحبس دموعها .. وتبلع غصتها .. وتتظاهر بالبرود والنار تسعر بدخلها .. مشت للباب وطلعت مفتاحها وفتحته .. وقبل ماتدخل التفتت على فيصل وقالت : مادري أعتذرلك ولا أشكرك ؟؟
فيصل واهو رافع حاجب : لو فكرتي فيها يلزمك تعتذريلي وتشكريني .. بس مابي منك شي يافتون غير تنتبهين على نفسك وبس ..
هزت فتون راسها بخفة ودخلت البيت بدون حتى ماتودعه ولا بكلمة .. تركت الباب مفتوح وراها ماتدري ليه .. توقعت انه بيدخل يناديها يقولها اي كلمة تبرد خاطرها .. أو يغير فكرته بالسفر ..
بس اتفاجأت يوم مد ايده واهو برا وسكــر الباب .. وقفت مكانها لحظات لين سمعت صوت سيارته شخطت من قدام الباب مبتعدة ..
وهنا بس .. انهارت على الأرض تبكي ..!! تبكي بدموع جديدة .. وشهاق من نوع غيـر !
وقلب يصرخ باسم فيـــ ـــ ـــصــ ــ ــل !

******

* صباح يوم العيـد *

هالوقت ببيوت مختلفة نبدا :
.. بيت ابو فيصل ..

" من العايدين .. من الفايزين .. ان شاء الله .. "
كانت ساره ترقص بفستانها الوردي على صوت هالاغنية الي بالتلفزيون ..
مشعل طالعها بقهر وده يرقص بس شعليكم حاط السكبة والشماغ ولا يبي يتلفت حتى .. وقال : خلاص لا ترقصين اقعدي ..
ساره : مابي أقعد عيييييييد أبي أرقــث " أرقص"
مشعل : بيخرب فستانك من الرقص ..
طنشته ساره وصارت ترقص .. ومشعل يشوفها واهو متحقرص .. وبالآخر رمى الشماغ والعقال ورفع الصوووت واستخف واهو يرقص .. ضحكت ساره عليه وصاروا يرقصوون ويغنووون مادروا الا بالي جا يرقص معاهم
ساره : ههههههههههههههههههههههههه هههه فيثـل ؟؟ " فيصل "
فيصل : ايه بس انتوا ترقصون حتى أنا أعرف ارقص
مشعل اتحمس وقال : يالله فيصل اسمع ذي اغنية رهيبة خلنا نرقص عليها
فيصل باستهبال: احللللللللف ياشييييييخ ؟؟؟
مشعل بحماس : والله رهيبة تجيب الزار .. (( وقام يرقص من قلبه ..

نزلوا البنات بعباياتهم وضحكوا عليهم وعلى فيصل الي مجاريهم يرقص معاهم
منى : سوووووسوووو ماعايدتي علي !!
ركضت ساره على منى وضمتها ومنى تقول : كل عام وانتي بخييييييير
ساره : وانتي بخير ..

مرام واهي ترمي نفسها على الكنب : يووووووووه فيني النوووووووووم ..
فيصل : قلعتك دارية ان ورانا صلاة عيد وشوله نايمة متأخر !
مرام : وهو بكيفي ! ماكن ولد خالتك ناشب بحلقي عيا يطلع ..
منى : هههههههههههه تلقينه الحين نايم مو داري لاعن عيد ولا عن سعيد ..
مرام : ايه صح .. هذا هو دايم يضيع أول مناسبة شوفي أول يوم رمضان قضاه كله بالنوم ..
فيصل: والله عمي سعد متساهل شوي مع عياله .. والله لو انا اسويها ان يتوطا أبوي ببطني ..
مرام : والله ياحظهم شوف الحين انا جاريني غصب للصلاة وفتون نايمة محد نغص عليها .. ابوهم قال الي يبي يجي مايجبر أحد !
فيصل اتذكر موقفه الأخير معها وقال : فتون ؟ فتون بالذات المفروض عمي يشد عليها !
مرام : بالعكس والله ياحظهم ..
نزل أبو فيصل وأم فيصل وعند هاللحظة نسى كل واحد منهم الي بخاطره وقاموا سلموا على أهلهم وباركولهم بالعيد .. ونزلت حنان والفرحة ظاهره بمحياها .. عايدت على الكل ومشوا راكبين السيارة متجهين لصلاة العيد .. وبعد الصلاة كعادتهم يروحون يسلمون على العمان والعمات ..

::

بيت أبو سعود

ركب سعود وأبوه قدام وأم سعود بالخلف ..
أبو سعود : متأكدة يانورة ان خالد بيجيب البنات ؟؟؟
ام سعود : اي والله ان شاء الله .. ماطلعت الا وهم صاحين وبيلحقونا على الصلاة
ابو سعود : زين نشوف ..
حرك سعود السيارة ومشى لمصلى العيد .. وين مابهجة العيد كلها تكمن بذاك المكان .. وصلوا ونزلوا للصلاة .. الشمس مشرقة بهدوء .. كنها تراعي أجواء العيد وملطفة أشعتها عليهم .. أصوات التهليل والتكبير تصدع مشعله بالقلب مشاعر الفرح بهاليوم .. هاليوم الي تتصافى فيه النفوس وتسلى فيه القلوب .. وتهدا معاه الخواطر .. (( ويبكي المغترب على أهله  ))
صلوا الصلاة واستمعوا للخطبة الي كانت تحث على تصفية القلوب والنفوس بعبارات وجمل مؤثرة خلت الحاضرين بعد انتهاء الخبطة يسلمون على بعضهم ويهنون بعضهم بنفوس متجددة سعيدة ..
رجع أبو سعود وسعود للسيارة .. وأم سعود الي ماشافت بناتها دقت على جوالاتهم وقالوها انهم بالسيارة مع خالد ..

خالد مُصر انه حضر الخطبة وسعود مُصر انه ماشافه ولا لمحه .. وفتون تصر ان محد شافهم من الزحمة وام سعود تصر ان عيونها كانت تراقب الرايح والجاي !! وعبير ساكته ماتكلمت ولا بحرف .. ها شرايكم انتوا حضروا الخبطة ولا راحت عليهم نومة ؟؟؟

مشوا سوى لبيت الجد .. وين مالعيلة كلها مجتمعة على الفطور ..

::

بيت أبو تركي

نهى واهي تنط على السرير : سهرتنا الليلة خلوووووووها صباااااحي .. حلووووة محبتنا وفينا الهوى صاااااااااحي ..
وائل : الحمدلله والشكر الدنيا نهار وذي تقول سهرتنا ..
نهى : كيفي يبه مستخفففففففففة من الفررررررحة اول عييييييد يبدا بدون مشااااااكل عساك ماترجعين نوالووووووووه ..

منال وايه ترفع ايدينها : آآآآآآآآمين يارب بهاليوم الفضييييل

نهى : ههههههههههههههههههههه صار العيد يوم فضيل ؟؟
منال : اي هالعيد بالذات فضيل لأنها سافرت مع أهلها ليت كل عيد يسوون خير ويسافرون

وائل : اقول صجيتونا فيها متى يرجع ابوي وتركي من الصلاة ؟؟؟
منال : شوي ويرجع يالله انتوا جاهزين ؟؟
نهى واهي تنط من فوق السرير : باقي ألبس اكسسورااااتي ..
منال : بسرعه لايلج علينا ابوي بالله ترانا مو ناقصين كيني ميني ..
وطلعت لغرفتها واهي تحاول تولد بقلبها اي بهجة بالعيد .. تحس مروره بالنسبة لها مثل مرور اي يوم غيره ماعاد تحس بطعم لأي شي بدنياها .. يمكن الي يخليها تبتسم هاللحظة اهي الفرحة الي شافتها بعيون نهى ووائل !
وصل أبو تركي ونزلوا وسلموا عليه وباركوله وماخفى عليهم حزن عميق بداخله .. !!
بكل مناسبة لازم يمر طيف المرحومة بباله .. ويتخيلها حوله .. تبخره .. تهنيه .. تسعده .. !
كانت ذكراها هاللحظة بالذات وقت ماهو مستشعر فراغ كبير .. أولدت بقلبه ألم خلاه يقعد على الكنب ويفرك وجهه بإيدينه وكلهم فهموا الموقف ومشاعر ابوهم هاللحظة ..
وتلقائيا تسربت هالمشاعر لقلوبهم وقعدوا حوله يرافق خيالهم طيف أمهم المرحومة !!
ابو تركي بتنهيدة : الله يرحمك يام تركي ..
كلهم بهمس : آمين ..
سكت ابو تركي لحظات وماحب يطول الحزن على عياله .. وقف وقال : يالله مشينا .. تركي خلنا نمر بيت خوالك أول !
ابتسموا كلهم بفــرح على هالتغيير .. يموتون على قعدة خوالهم ريحة امهم وذكراها .. واكتملت فرحتهم بالعيد يوم ابتدا هاليوم بزيارة الغوالي .. اخوان امهم وأهلها ..

::

بيت الجد
وصلت كل العيلة وتبادلوا التهاني والتباريك ..
بهالوقت كان لازم تنفتح الصوالين على بعض لوجود الجد والجده والكل بيهنيهم بالعيد وبيسلم عليهم..
دخل الجد والعمان وعيالهم وأصواتهم تلعلع بالتباريك ..
وصالح يقول بصوت عالي : عييييييد مبااااارك على الجميييييييع من العاااااايدين من الفااااااايزين عساكم من عواااده
فتون : ههههههههههههههههههه زين اتركلنا كلمة نرد فيها ..
وقامت تسلم على جدها وعمانها .. والشباب قعدوا حول جدتهم وعماتهم يحاكونهم ويعلقون عليهم ويضحكون ..
وابو تركي بدا يعايد البزران ..

فتون وهي تضحك : عمي عطني وجه تراني انا لازلت عايشة طفولتي
نهى غطت فمها بايدها واهي تضحك على كلام فتون لأنهم مو متجرأين يمزحون مع ابوهم بهالشكل لكن فتون ماعليها من احد ..
ابو تركي بابتسامة : وانا اشهد انك انتي ونهى تصغرون ماتكبرون
فتون : هههههههه زين اجل عايدنا مثل الصغار
سعود : فتووووووون (( التفتت فتون تطالعه الا هو همس : عيب عليك !
فتون : ههههههههههههههههه عمي قلت شي غلط؟؟
ابو تركي : لا ابد خلها تستاهل هذي اخت الغالية مرة الغالي ..

ولع وجه عبير من الحيا واهي الي كانت طول الوقت ميته من الحرج لوجود تركي بالمكان .. مع انه اهو حاول مايطول النظر فيها لأنه بروحه منخبل منها ..

منال كانت آخر الصالة تراقب المشاهد الي تصير قدامها وقلبها يغلي .. ودها تمسك فتون تذبحها الي ماغير تضحك مو مهتمة بأحد ..
حست بضيق ماقدرت تفسره .. ليه مو قادرة تضحك ليه مو قادرة تشاركهم فرحهم على الأقل بهاليوم ..؟؟ وكان آخرة تفكيرها هذا سحبت نفسها وطلعت قدام عيون سعود الي انقهر حييييل يوم طلعت ..!! لأن هاليوم آخر يوم يشوفها وبعد يومين بيسافر .. كان متمني يروح واهو حامل صورة طيبة عنها .. صورة تخليه يرجع مشتاق لوجودها .. صورة تولد الحماس بقلبه لاتمام كل شي حلو بينهم ! بس اهي قشعت هالصورة بحركاتها .. وبطلوعها قتلت آخر شعور كان ممكن يولد ود بسيط بينهم !

جت أم وجدان واهي شايلة سلة حلاويات ودارت فيها واهي تغني الاغنية المعروفة : ياحلاوة العيد ياحلاوة .. فستاني جديد ياحلاوة .. أشكال وألوان ياحلاوة ..
ضحكوا على خفة دمها والبزران تراكضوا على الحلويات ..
وأولهم نهى وفتون ..
فتون : يادووووبا أخذتي فروروشر كثييييييير
نهى : هههههه طالعي كم حبة بايدك يامفتريـّة ..
فتون ببرائة : سبعة بس ..!!

الجده بصراخ : فتوووون ونهى يعل ابليسكم رجعوا الحلاو !! خلصتوا السلة ماصارت..
فتون : عااااااادي يمه عيييييد عييييييييد ...
الجده : واذا صار عيد خذولكم ذواقة هو مب شبع ..

جتهم وجدان وهي تقول : ودامكم اخذتوا الحين مانتوا ماخذين من الي جابتها امي
نهى : وش جابت امك ؟؟؟
وجدان : مارونق لاسيييييييييه !
فتون : ياسلاااااااااام هذي العمة ولا بلاااااااااش ..
وجدان :الله الله كل ذا عشان الحلااااة
فتون : ههههههه افا عليك انا من يومي احب عمتي ..

طالعت عبير بوجدان شكثر فرحانة ومبتهجة بالعيد وفرحتلها حيييييييل انها تجاوزت أزمتها واتمنت تظل دايم على هالحال وأحسن ..

وصل الفطور وقاموا الحريم وبناتهم يجهزونه .. ووقتها رجعوا الرجال للصالة ..

كانت عبير ماسكة السفر وماشية فيها للمجلس يوم انتبهت لتركي واهو داخل من الباب الثاني لمجلس الرجال .. لمحها واهي ماشية لحالها ابتسملها واهو يقول : فقدت رسالتك هالمره !
عبير بحيا : بصراحة قلت مو مرسلة بشوف انت ترسل ولا لاء ؟؟
تركي : أووه .. يعني كلنا انتظرنا بعضنا وآخرتها محد عبر الثاني ..
عبير انقهرت يوم درت انه ينتظرها واهي الي حسبته مطنشها وقالت : عادي لو ارسلك الحين ؟؟؟
تركي بابتسامة ساحرة : خلي جوالك جمبك انا الي بارسلك !
عبير بضحكة : اوكي ..
طلعت فتون من المطبخ وشافتهم واقفين بالسيب وقالت باستبهال: ابووووي ابووووي ابووووووي ..!!!!
تركي التفت يدوره وعبير اتخبت ورى الباب واهي ميته من الحرج ..
فتون : ههههههههههههههههههههههههه ههههههه ياجبنااااااااااااااااء
تركي : حسبي الله على عدوك انتي على عمك ماشفت أقلق منكم
فتون : هههههههههههههههههههههههه فديته عممممي راعي الفزعااات
عبير ضحكت ومشت مسرعه بالسفرة ومرت من ورى تركي الي قالها يوم مشت وراه : يارض احفظي ماعليك اليوم طالع قمر ..
وقفت عبير مكانها ماعرفت شلون تدخل على الحريم ووجها مولع من الحيا .. دارت وجهها تبي تضبط نفسها وشافته واهو يمشي على داخل .. وفاجأة التفت وشافها وغمزلها بابتسامة تذوب الروح واختفى عن عينها ..
اخذت عبير نفس طوييييييل واهي تحاول تزيل ابتسامتها الي مافارقتها من شافت تركي وهي ماتبي أحد يشك فيها ويا هالابتسامة .. وفاجأة اختفت ابتسامتها غصب يوم سحبت فتون السفرة منها بقوة وهي تقول : متنا جووووه وانتي سرحانة بعالم الحبيب ..
ودخلت الصالة وعبير متصمنة مكانها !! ياويلي من هالبنت شكلي غلط الحين وانا بادخل بايد فاضية .. ورجعت المطبخ من جديد وهي تحاول تبعد عن عيونها تركي وابتسامته !
تخدروا كلهم بعد الفطور وكبس عليهم النوم واهم بعضهم مواصل مانام ولا الي نام ساعة او ساعتين .. قاموا واتوادعوا متفقين يجتمعون بالليل على العشا ..

طلعت ام سعود وبناتها الحوش متوجهين لباب الشارع .. ولمحت عبير وفتون منال واهي راجعة للباب وفتون اتأففت من شافتها وهمست : توها تفكر ترجع يوم راحوا الناس لاماقدر على هالأخلاااااق !
طالعت عبير بمنال وصراع نفسي بداخلها مابين انها تروح لها ولا تطنشها وتمشي عنها .. بس حبها لتركي ورغبتها بتصفية أي أمور ممكن تنغص عليهم علاقتهم خلاها تمشي لها وبخاطرها تقول .. عشانك بس ياتركي ..!
شافتها منال واهي جايتها ووقفت تطالعها بشزز ..
عبير بابتسامة : شفيك منال ؟؟
منال بتكشيرة : مافيني شي !
عبير : خلاص منال اليوم عيد ليه ماتصفين الي بقلبك ؟؟
منال بسخرية : انتي صفيتي الي بقلبك ماشاء الله ؟؟
عبير : من قالك اني شلت بقلبي عليك من الأساس .. منال حنا بنات عم مايصير نزعل من بعض بهالشكل وان كان غلطت عليك فلاتنسين انك انتي بعد غلطتي على اختي !
منال : اختك تستاهل الي جاها وأكثر ياعبير !
عبير : انا مو جاية اتكلم عن الي صار وأحلل مين الغلطان .. انا جاية اقول صفي قلبك وانسي وخلي هالعيد فاتحة خير !
منال : انتي ياعبير تستاهلين بس اختك مستحيل اقدر اتصافى معها ..
عبير بابتسامة : فتون ماتكرهك يامنال ..
منال : طريقة حلوة تلطفين فيها الي بيننا بس انا ماعاد ارجي خير من اختك !
عبير انقهرت منها تتكلم مو كأنها هي الغلطانة بس مشت الموضوع وقالت : قلبك طيب يامنال وبتصفين ان شاء الله ..
منال : كلك ذوق عبير ..
عبير : تسلمين .. يالله اشوفك بالليل
منال : ان شاء الله ..
ابتسمت لها عبير ومشت عنها وطلعت !

أما فتون فهي قبل ماتطلع مادرت الا بالي يسحب ذراعها ويمشي فيها
رفعت راسها بصدمة وقالت : عمي صلوووح شتبي!
وقفها صالح قدامه وقال : قوليلي يافتون انتي متأكدة انك ماغلطتي وقلتي لحنان اني صالح ؟؟؟
فتون : لا والله ماقلتلها الا الكلام الي حكتيتك عنه وبس
صالح : ياختي غريبة ماعاد شفتها على الماسنجر بعد المره الي تضايفنا فيها الا مره وحده بس وكلمتها كلمتين السلام كيف الحال وشوي الا هي قالت اشوفك بعدين وطلعت وماعاد شفتها ابد !!
فتون : امممم مادري يعني انت شاك انها عرفتك ؟؟
صالح : يمكن ؟؟
فتون : اوكي مو حضرتك كاتب اسمك
صالح : بالبداية بس بس الحين غيرته ..
فتون : شخليته ؟؟
صالح واهو يحك راسه : معقول تذكر هالكلمة ؟؟؟؟
فتون : اي كلمة انت شتخربط ؟؟؟
سرح صالح شوي بعدها قال : اسمعي فتون.. انا دايم اشوف تاريخ ردودها بالمنتدى على الفجر.. شوفيلك يوم تصحين هالوقت ودقي عليها انك تبينها بسالفة على المسن .. ماتقدرين تقولينها بالجوال .. واذا دخلت دقي علي انا ادخل وانتي اطلعي متعذرة بأي سبب
فتون : يوووووووه عمي الفجر عاد بناااااااااااام !
صالح برجاء :فتون تكفين ارحمي عمك الي ابد مو قادر ينام ..
فتون : آآآآخ شسوي بقلبي الطيب .. اوكي عطني عيدية اول !
صالح : اقول لا تصدقين عمرك انتي تراك ملوزمة تردين جمايلي !
فتون : مالك جمايل علي بس لاتتهرب وعطني عيدية ..
صالح : تصدقين عاد والله تستاهلين .. (( وطلع محفظته وسحب منها خمس ميه وعطاها ..
فتون واهي تسحبها بقوة وتضحك : هههههههههههههههههه مشكووووووور عمووو ياشيخ تبيني اسهرلك الليل كله سهرت
صالح : هههههههههههههههههههههه بس عاد لاتحلمين بثانية
فتون : ههههههههههههه زين يالله اتأخرت على أهلي بااااااااي ..
صالح : يالله باي ..
ومشى لداخل البيت واهو يتمنى تنجح هالخطة .. خلاص مو قادر يصبر أكثر لازم يكشف القناع ويظهرلها بكل وضوح .. نفسه يوقف هالمغامرة وياخذ امه ويروح يخطبها ! ابتسم واهو يقول بخاطره شكل هذا الي بسويه أول ماتعرف حقيقتي !

ركبوا السيارة ومشى خالد فيهم .. وعبير طلعت جوالها وانتبهت لوجود رسالة واستغربت متى رن جوالها وماسمعته ؟؟؟؟
فتحت الجوال بسرعه لقت رسالة من تركي تقول :

أشوف الناس من حولي تهلي وتبتسم بالعيد
وأنا عيدي مع وصلك يحلي كل أعيادي !!
فقدتك ليلة البارح وانا اقول بترسل أكيد
ومرت ليلتي بدونك تشتت كل مواعيدي
حلفت وقتها ان فرحتي ماهي لجل العيد
لا حس قلبي بقربك هنا فرحتي تزدادي


ابتسمت عبير من الفرح وبنفس الوقت حزنت انها ماشافتها اول ما ارسلها ..
وبسرعه ردت وكتبت :
حبيبي لك بقلبي شعور يحلي كل وجداني .. أعذر عمري وقت العيد واقول مالها ثاني
وأرسلك تهاني وحب .. يا أحلى روح وأجمل قلب
كل عـــــام وحبنا .. بخير ..

سكرت جوالها واهي ماتدري متى يقراها ومتى بيرد .. بس هي ماعاد تبي شي يكفيها حبه لها الي خلاها تملك الدنيا ومافيها ..

*************

.. ثاني العيد .. يوم ملكة أنس ومنى ..

صعدوا البوت بعد ماحرقتهم السباحة بعز الشمس الحارقة .. رموا أنفسهم على أرض البوت وخالد يصرخ : جنوووووووووون وربي جنوووووووووووون سباحتنا بعز الظهر ..
فيصل : عييييييد يابابا عيييييييييييييد
تركي : انت انطم بس شعليك مسافر بكرا لجنة مامثلها ..
خالد بصراخ بعد : يعل ابليسك فيصلوووووووه لاتسااااااااااااااااافر ..
فيصل ضحك وقال : شفيكم حبيتوني فاجأة انت مو أول واحد يقولي لاتسااااافر
خالد : وتغلى علينا انت وجهك ؟؟ قال شغل ينمي مهاراتي تخسى يابو المهارات ..
فيصل باستهبال: ياربي شكثر معجبيني أنا شسوي بعمري ..!
تركي : اقول لاتصدق عمرك مسألة وقت وننساك ..
خالد غنى : مسألة وقت .. وقت وأنسى.. قلبي الي نسااااني .. وضحكتي الي هجرتني .. راجعة لقلبي ثااااني ..
فيصل يسبل عيونه باستهبال : كل هالعذاب وانا توني مارحت !
خالد : هههههههههههههههههههه اهجد مالقيت الا انت اغنيها لك
تركي : عاد من زين كلماتها لايهديك احد اياها بس ..
خالد كمل الاغنية : والله والله وحياة جرحي .. وعمري الي عطيت .. مثل ما قلت أحبك راح أقولك نسيت ! (( سكت شوي بعدها قال : يمه تعور هالكلمات ..!!
فيصل : اندري عنك معجب فيها
خالد اتنهد تنهيدة طويييييييييييلة وفز واقف واهو يقول : يالله بس خلونا نرجع
تركي ثاني ركبه وساند ايدينه ورى ظهره وقال : شعندك مستعجل ..؟
خالد : الطلعة من غير صلوح ماتسوى كلش ..
تركي : شسلطه ماطلع مع سعود وأنس الا بوقت طلعتنا ..
خالد : حتى ناصر مسوي فيها نشمي مع اهله ومعيي يطلع ..
تركي ابتسم بسخرية واهو يتذكر آخر لقاؤه مع ناصر والي قاله ان بدر متمرمط بين مكاتب الشرطة .. !
فيصل : الا على طاري صالح بيجي الملكة اليوم ؟؟؟
خالد : اتوقع دامه مع أنس وسعود أكيد بيعزمونه ..

تركي نط واقف واهو يقول : باركب جتسكي وبعدها نمشي ..
فيصل : يالله وانا معاك .. خلني أودعه ..
خالد صرخ : فيييييييييييييييييييييييص ل !!!!
فيصل وتركي اخترعوا والتفتوا عليه مستغربين .. الا خالد ركض بكل سرعته وشال فيصل بقوة مايدري من وين طلعت ورماه من فوق البوت على البحر واهو يصرخ فيه : لا تسااااااااااااااافر يالنذذذذذذذذل !
تركي : ههههههههههههههههههههههههه ه من الحب ماقتل..
طلع فيصل من وسط الأمواج واهو يضحك ويقول : مسافر ياحبيب الروح وانا كلي ألم وجروح.. أببعد عن هواك واروح سامحني على الفراق ..
ضحكوا عليه ونزلو كلهم بالجتسكي وانطلقوا فيه وسط الأمواج الساخنة
وظلوا يطاردون بعض ويحدون بعض بكل مرح مايندرون هل بيعودن هاللعب ثاني ؟؟

::
بيت أبو فيصل
دخلت أم فيصل البيت واهي شايلة أغراض جايبتها من السوق .. فصخت عبايتها واهي تتأفف من الحر وتنادي : وااااااااااتي ..
جتها الخدامة وقالتلها تحط الأغراض بالثلاجة .. وسألتها : وين البنات ؟؟
واتي : منى وحنان لسه مافي إجي .. ومدام حنان سوى سوى ساره في غرفة ..
واتي : زين ناديها بالله
واتي : اوكي ..

قعدت ام فيصل قبال المكيف ميته من الحر وطلعت جوالها ودقت على منى .. شوي وردت عليها
ام فيصل : هلا يمه وينكم للحين مارجعتوا ؟؟
منى وهي شوي وتبكي : يمه مالقيت للحين صندل شسوي ؟؟؟
ام فيصل : يووووه طيب رحتي لاستبس يمدحون صنادله ..
منى : هذانا بالطريق الحين نشوفه والله لو مالقيت فيه بانننننجن ..
ام فيصل : لا ان شاء الله تلقين واذا مالقيتي دقي علي اشوف ..
منى : ان شاء الله ..
أم فيصل : يالله (( وسكرت منها ودقت على جوال بنت اختها عبير ..
ردت عبير : هلا خالتوووو
ام فيصل : هلا عبير يمه شلونك ؟؟
عبير : بخير الحمدلله انتوا شلونكم شلون تجهيزاتكم ؟؟
ام فيصل : حايسين لهالحين .. اتخيلي العروس ومرام دايرين بهالحر يدورون صندل لمنى عجزوا يلقووون
عبير : يوووووه ليه توهم يروحون ؟؟؟
ام فيصل : تعرفين جانا العيد ربشنا واتوهقت الحين ..
عبير : ياربي شلون فستنانها اهي ؟؟؟
ام فيصل : تركواز على ذهبي قوليلي عندك صندل بهاللون ؟؟؟
عبير : ايييييييه خالتي عندي صندل فيه هاللونين بالضبط ..
ام فيصل : زييييين ياعبير عطيه منى تلبسه انتوا مقاسكم واحد ..
عبير : ابشري خلاص الحين بدق عليها
ام فيصل ارتاحت وقالت : الله يسعدك يالله دقي عليها
عبير : يالله ..
وسكرت منها ودقت عبير على منى وقالتلها وعاتبتها ليش ماكلمتها من أول وسألتها .. وفرحت منى ورجعت بيتها مرتاحة ..

باللليل كانت الأوضاع مستقرة وكل شي مرتب خصوصا ان ملكتها مختصرة ماغير بيت الخالة وأهل العريس ..
جاتها كوفيرا صلحتلها تسريحة ناعمة وحلوة مع شعرها الطويل ومكياج مناسب وحلو مع لون فستانها ..
مرام زينت شعرها كريزي اول مره تسويها وطلعت تهبل فيها واتمكيجت بلون فستانها أسود بوردي ..
حنان بعد كانت نعومة بفستانها السكري المطرز بخرز فضي ناعم .. ومكياجها هادي وناعم مثل ملامحها .. وطبعا مانقصها الشال الفضي الملفوف حول رقبتها ..

وصلــت أم سعود وبناتها مع خالد ودخلوا البيت وعبير وفتون مو ناقصهم زين عن بنات خالتهم ..
مشى خالد للملحق بس ماقدر يدخل بدون مايشوف مرام واهي بكامل زينتها بهالليلة ..
دق عليها ليييين فصل وماردت ..
انقهر ورجع دق مره ثانية ومره ثالثة لين جاه صوتها واهي تلهث وتقول : هلا خالد ..
خالد : ويييييينك ؟؟؟؟
مرام : معليه حبيبي مشغولة شوي ويجون اهل انس ..
خالد : اوكي اطلعي الحوش بشوفك ..
مرام : خالد اقولك مشغولة أنا والله ماقدر أطلع ..
خالد : مشغولة بايش شتسوين ؟؟؟
مرام : الف شغله وشغله الحين انا بالمطبخ ازين الحلى بالصواني واذا خلصت بروح أبخر المجالس ..
خالد : وليه كل هذا عليك وين الباقين ؟؟؟
مرام : كلن ماسكله شغله خالد خلاص حبيبي انا اكلمك بعدين !
خالد : يعني مو طالعتلي الحين ..
مرام : والله ماقدر حبيبي ..
خالد : اوكي باي ..
مرام : خالد لاتزعل والله مو بايدي
خالد : خير .. يالله سلام ..
مرام بهمس : سلام ..
وسكرت منه واهي منقهرة منه هذا شكثر دلوع ومتعبها معاه .. يبيني تحت ايده كل لحظة وكل وقت واذا تعكست ظروفي ماراعاني وزعل كريه طبعك ياخالد !
اتأففت ومشت تكمل شغلها .. وبخرت المجالس وشوي ودق الجرس معلن وصول العريس وأهله ومنى تلفت أعصابها من الخوف وحنان تضحك عليها وتهديها ..

اجتمعوا الرجال سوى بالملحق كان أنس واخوانه وعمه .. وأبو سعود وعياله وصالح .. وصديق ابو فيصل المقرب " ابو وليد "

زفوا منى زفة هادية ناعمة ماكانت اهي تبي كوشة وحوسة دام الملكة مختصرة
سلمت على أم أنس واهي ميته من الحرج ولينا من فرحتها بصديقتها قامتلها وحضنتها من قلبها ..

جابولها كتاب العقد ومرام تقول باستهبال: هاه وش شعورك ياحلوة ؟؟؟؟
منى : اص بس بموووووت ..
ضحكوا عليها ووقعت على عقد ارتباطها بأنس وهاللحظة أعلنت تغير الأحوال من بنت الى زوجة وخفق قلبها بقوة واهي تستوعب الموضوع ..
قامولها باركولها ومرام هالمره اهي الي حضنت اختها ودمعت عينها واهي تقول : زين ماطلعت من البيت قبلك خفت تاخذين الدلال كله
منى : ههههههههههه يالنحسة ..
شالت ام فيصل الكتاب واهي تغمز للبنات وتقول : عقبال مانفرح فيكم قريب ..
عبير بضحكة : آآآآآآآآمين ..
فتون : ياولي على اختي هالمستخفة ..
حنان : مايندرى يمكن انتي تلحقينها فتون !
فتون بتكشيرة : ليه مو انتي الي تلحقينها ..
حنان بضحكة : مايندرى ليش لاء !!
ابتسموا كلهم بفرح على نفسيتها المتغيرة وقامت ام فيصل ترجع الكتاب لفيصل ..
دخل فيصل بالكتاب واعطاه انس الي شاف التوقيع وابتسم وقاموا سلموا عليه وهنوه وباركوله ..
سعود : محد قدك يا انس عيد وعرس لا اله الا الله ..
انس : ههههههههههه كفانا الله شر الحسد ..

أبو وليد : وانت عقبالك ياسعود
سعود بابتسامة : بحياتك ياعم .. انا خلني اخلص من سفرتي ويجيب الله خير
ابو وليد : وين تشتغل ؟؟؟
سعود : بابريطانيا !
انقلب وجه ابو وليد من سمع هالاسم .. ولاحظ سعود علامات الارتباك على وجه ابو وليد بس ماعلق لين قال ابو وليد بغصة : كم باقيلك بابريطانيا؟؟
سعود : سنة ونص ان شاء الله ..
ابو وليد : الله يعديها على خير ..
سعود : آمين ..
سكت ابو وليد وضاع بأفكار وماضي قلب حاله هالوقت لضيق ماله مثيل خلاه يستأذن ويطلع قبل مايتعشى .. !!

استغرب سعود منه وعلى حاله الي انقلب فاجأة .. بس مافكر بالموضوع كثير الا يوم قال أبو فيصل : سعود شصار مع ابو وليد ليه طلع مبكر ؟؟
سعود : علمي علمك ياعم !
ابو فيصل بتنهيدة : ايه وانا الي حرصت أعزمه أغير عليه جو الهموم الي عايشها ..
سعود : صحيح مبين عليه واجد مهموم !
ابو فيصل : الله يهدي خاطره هالرجال كان يحلي المجلس بسوالفه .. مادري شالي صار وغيره !
سعود وهو يتذكر وجه ابو وليد الي انقلب فاجأة : سبحان الله .. دنيا ماترحم أحد ..!

جاهم صالح هالوقت وهمس لسعود : شفيكم تسرسرون ..؟؟
سعود : شدخلك ياخي لايكون عشاني عزمتك تحسب لك حق تتدخل بكل شي
صالح : بل بل بل هذا وانت مسافر بكرا ذا كلامك صدق من قال يارايح كثر الفضايح!
سعود : هههههههههههه زين قولي ماتحركت مشاعرك ياخي وفكرت تخطب انت بعد ..
صالح : الا شدراك انت بغربتك مو داري عني انا مفكر من زماااان ..
سعود وهو رافع حواجبه : ماشاء الله زين شفايدة التفكير نبي تنفيذ يالله ..
صالح بتنهيدة : اصبر علي شوي وتشوف الي يسرك
سعود بضحكة : انت شوراك ؟؟
صالح باستهبال : مادري ياهو فيصل ياخالد انت شوف من وراي !
سعود بضحكة : اقول قم بس قم ..!
ضحك صالح واخذه التفكير بهاليوم الي اهو حلم حياته هل بيكون واقع بيوم من الايام ..؟ خطوبته اهو على نور عيونه حنان ؟؟ ثارت مشاعره عند هاللحظة واتمنى من كل قلبه يشوفها .. يلمحها .. بس كيف بيقدر واهو بالملحق واهي داخل البيت .. ياويلي انا واهي بنفس المكان جدران تفصل بيننا بس قلبي عندها آه عساه يفداك حناني !

دخل ابو فيصل وضيفهم على العشا بكل ترحيب وحفاوة ..

وبعد العشا انتقل أنس مع ابو فيصل للمجلس الثاني الي يلتقي فيه مع العروس ..
وآخ من العروس الي ذابحها الحيا ومي قادرة تخطو ولا خطوة

مرام : ههههههههههههههههههههههههه ههه يازين اختي مادريت انها تستحي
منى : وجع وش شايفتني ؟
لينا : تهبليييييين كلك ملح وقبلة بس ادخلي على اخوووووي تراه حده مستخف ..
منى : اسكتوا تكفون خلوني اضبط عمري .. 1 2 3 4 5 6 ..
ضحكوا عليها البنات وام فيصل قالت : يالله يامنى ياعمري وانا بادخل معاك
اخذت منى نفس طويل وقالت : يالله ..
وفتحت ام فيصل الباب واهي متغطية ودخلت بنتها الي وقفولها كل الجالسين ..
سلموا عليهم وباركولهم واهي عيونها ظايعة وابتسامة حيا محلية وجهها ..
التقت عيونهم ببعض بس بيني وبينكم أنس ماكان أقل ارتباك من منى .. لاهو جرئ مثل خالد ولاهو خبره مثل سعود .. قوي بكل المواقف الا بهاللحظة قلبه يرقع طبووووول ..

نزلت عيونها ووقفت جمبه واهو انحبست الكلمات بحلقه ماقدر ينطق ولا بكلمة مبروك .. جابولهم الطقم وأنس خق هاللحظة بيمسك ايدها ورقبتها ياويل حاله بس ..!!
وحاول يضبط ارتعاشة ايديه ومسك الطقم وبدا يلبسها واهو يلعن بداخله هالعادة الكريهة !!!
طلعوا وفضولهم المجلس ولوهلة كان أنس بيقوم ويطلع معاهم !

انعكست الأدوار هاللحظة وصار أنس اهو الي مرتبك ومنى جاتها جرائة تطالع فيه ..
طالع فيها وماقدر يمنع ابتسامته وأخيرا قدر يقول : مبرووك !
منى بحرج : الله يبارك فيك ..
أنس اتأملها وحس ملامحها الناعمة شبيهة لمغنية أجنبية وقال : شكلك يذكرني بوحده !
منى باستغراب : نعم !
انس انتبه على نفسه وماعرف هذا وقت كلامه ولا لاء وقال : لا ولا شي !
منى : منهي الوحده الي اذكرك فيها ؟؟
انس بارتباك : خلاص منى بعدين ..
منى واهي رافعة حاجب : غريبة شجابها على بالك ..
أنس استغرب منها شفيها هذي زعلت ؟؟ ياماما تراها مغنية بس انا مهبول يوم فتحت السيرة الحين .. وضحك على ملامحها الي انقلبت لضيق وقال : ليه زعلتي تغارين ؟؟
منى ماغير تتلقى صدمات وقالت : نعــم !!
أنس : انتي شفيك مو عاجبك كلامي كل شوي منصدمة !
منى : انا ولا انت الي مو عارف تحكي .. !
أنس بحزن : أفااا ذا أولها ..؟؟
منى ضاق صدرها حيل شفيه هذا قلب الدعوة خناق ! انا الي ألوم حظي على أول لقاء بيننا .. وقفت وقالت : الظاهر محد منا عارف يحكي ..
أنس وقف واهو يقول : على وين ليش قمتي ؟
منى وهي تكابد دمعتها : خلاص باطلع تعبانة وانت بعد روح ارتاح وراك سفر !
أنس اتضااااااااايق يبيها تقعد ويبي يصلح كلامه بس للأسف خانه التعبير وقال : على راحتك !
انقهرت منى من بروده ودارت ويوم جت تبي تطلع نادها بنعومة : منى ..
وقفت منى وحست صوته كنه جايها من عمممممق قلبها والتفتت وبعيونها علامة استفهام..
أنس يبي يقول اي كلمه يداري خاطرها فيها بس ماطلعت معه الا : تصبحين الخير
منى وهي تحاول تخفي سخريتها : وانت من أهله .. (( وطلعت ..
ظل مكانه متحقرص مايدري شلون قال الي قاله وكيف خلاها تطلع وهي زعلانة !! آخ والله غبي قاعد افكر كيف أراضيها اصلا شلون زعلتها بأول مره نتقابل يعل لساني هالي يبيله قطع !

دخلت منى من الباب الخلفي عشان محد يشوفها ويسألها ويحرجها وطلعت من الدرج الخلفي فورا على غرفتها ..

اما بالمجلس تحت دق أنس على أهله وقالهم يطلعون .. استغربوا اجل وين منى ؟؟؟؟
لبسوا عباياتهم وطلعوا وحنان ومرام يودعونهم عند الباب ..

انتبهت هاللحظة مرام لخالد واهو واقف عند الملحق وأشرتله بإيدها ..
طالع فيها وبخاطره ميت عليها بس وجه لها نظرات جامده قهرتها ..

طلع أنس وأهله .. وداروا البنات بيرجعون الا صوت خالد ينادي مرام ..!
التفتت مرام وشافته ومشت بنعومة للدرج الخارجي ..
كان يبي يخانقها يعاتبها يلومها بس آخ ماتحمل شكلها .. كانت لابسة فستان أسود مموج بوردي قصير من قدام وطويل من ورى ومكياجها نفس الفستان ..
تظاهر بالقوة وقال : يعني لو ماناديتك ماكنتي بتطلعين ؟؟
مرام : الا بس مو الحين !
خالد : متى ؟ عقب ماروح !
مرام بدلع لعلها تراضيه : لا اصلا ليه تروح أمس ماشفتك زين وابيك اليوم تسهر معاي ..
ياويل قلبه مايتحمل كل هذا تأملها من راسها لين رجولها بنظرة ولعت كيانها وقال : مرام ترا بتجي لحظة أنسى نفسي فيها ..ارجوك وقتها لا تلوميني !
ضحكت مرام بحيا وقالت : عساها تبطي هاللحظة خالد مافينا نوقع بعقاب ثااني !
خالد بوله : زين مرام اقنعي اهلك يقربون موعد زواجنا شالي انتظر لين تخلصين الجامعة سنة ونص آآآآآآآآآآآآآه ياويل قلبي مو متحمل !
مرام حطت اصبعها على فمه وهي تقول بهمس : أص خاااااالد فضحتنا !
خالد حس بلمستها مثل السحر هز كيانه ومسك ايدها وباسها ..
تلفتت مرام يمين ويسار وهي تحس ان وقفتهم غلط مكانهم غلط حركاتهم غلط بس من وين بيفهم خالد المتهور
سحبت ايدها بخفة وهي تقول : خالد روح حبيبي وكلها ساعة بيفضى البيت ..
خالد اتنهد ومشى واهو يقول : يجيب الله مطر .. !
هزت مرام راسها واهي تضحك عليه ورجعت للبيت .. لقت خالتها والبنات متجمعات وقعدت معاهم ..

انتهت السهرة ودخلوا أبو فيصل وفيصل وسعود وخالد البيت بعد مانبهوا البنات يتسترون ..
أبو فيصل سحب نفسه على غرفته أما الشباب فقعدوا مع خالاتهم الي كانوا مندمجين بالسوالف عن الملكة وأهل أنس

خالد اختار مكانه بكل ثقة جمب مرام ..
وفيصل قعد واهو يقول: وين العروسة ؟؟؟
عبير : شكلها طلعت غرفتها بروح أشوفها .. (( وقامت وطلعت الدرج ..

أما فتون كان وجود فيصل بهالمكان مسبب لها دوامة داخليه ماصارت ولا استوت .. كل مواقفها معاه تطايرت قدام عيونها .. زينها وشينها .. ماتدري ليه وكيف ومتى صار فيصل هاجسها وذكراه ماتغيب عن بالها .. اتمنت لو يحس فيها ويحس بالألم الي سببه لها واهو مايدري .. ولا يمكن يدري .. يمكن متعمد !! طيب ليه يافيصل مو انت تحبني ..؟ ليه تعاملني بهالشكل ؟؟ ليه صرت قاسي فيصل ترا مو حلو عليك ؟؟

انتبهت على أصواتهم وخالد يقول : عساها تقلع قبل ماتوصلها يارب ..
فيصل : عادي أحجز على الي بعدها ..
خالد : عسى حريقة تصيب طيارات المطار كلها بعد ..

مرام بالقوة كتمت ضحكتها .. وسعود قال : خالد وجع ! خلني أسافر همين ادع مثل ماتبي ..
خالد : وانت بعد عسى شركتك تطردك وترجعلنا من ثاني يوم ..
سعود : الحمدلله والشكر انت شفيها فيوزك ضاربه ؟؟
خالد : فيوزي ضاربة عاد ذا شي يخصني .. بس انتوا اسألوا انفسكم يالمثقفين بالله الثقافة مو موجودة الا برا السعودية عشان تسافرولها ؟؟؟
سعود : السعودية فيها الخير والبركة بس مهي كاملة .. لو الي نبيه بالذات موجود فيها كان ما ابتعثتنا شراكتنا ..
خالد : أجل تدري.. يعل شركاتكم الدمار الشامل الي ينسفها بلارحمة!!

هنا مرام ماتحملت وانفجرت : ههههههههههههههههههههههههه ههههههههههههههههههههههههه هههههههههههه
ضحك خالد على ضحكها وفيصل قال : يبه بسااااافر يعني بسافر وانت موت بحرتك !

فتون كانت قريبة من فيصل وقالت واهي مغطيه وجهها بجوالها : مو بس اهو !!

التفتلها فيصل بخفة واهو يحاول يستوعب كلامها .. وده يسألها بس مو قادر لأن أي كلام زايد بيكون مفضوح بهالجلسة .. اتنهد تنهيدة ماخفت على فتون .. وبعدها قال : خل سفري يحسسك بقيمتي ياما ركضت وراك وترجيتك وماشفت منك الا الصد والاستهتار
خالد الي مافهم وقال : يالخراط من متى وانت تلاحقني .. أنا الي أدورك وأدق عليك والفواتير تثبت ولا نسينا ماكلينا ؟؟؟
مرام : ههههههههههه اتخانقوا !! ياهوه هدوا اللعب كلها ساعات وتتوادعون ..

ساره : لا انا بروح مع فيصل ..
فيصل بحنية : ياروح فيصل انتي الي تستاهلين أكنسل سفرتي عشان هالقلب الطيب بعد عمري
ساره : طيب لاتسافر ..!
خالد : أحلى سوسو ايه هاوشيه قوليله لو سافرت انا باتعب واظيع بدونك ..
ساره : لو سافرت أنا بمووت !

فتون ماتحملت وتجمعت الدموع بعيونها وقامت ماشية للمطبخ .. محد اهتم لحركتها حيل الا فيصل الا اتمنى يقوم ويلحقها ..
وقال بحمق : اسم الله عليك حياتي شالي تموتين ساره انتي بتحتريني لين أرجع وأجيبلك هدية حلوووووة معااااي
ساره : وشهي ؟؟
فيصل : أنا بدق عليك من هناك وأقولك وش الاشياء الحلوة وانتي تختارين ..
ساره بفرح : طيييييييب ..

حنان : سوسو تعالي حبيبتي ..
جتها ساره ومسكت حنان دقنها وباستها على خدها وقالت : روحي البسي بجامتك عشان تنامين عندي اليوم
ساره بفرح : والله ؟؟؟؟؟؟؟؟؟؟؟؟؟
حنان بابتسامة : اي والله
ساره : طيب بجيب دورا من الحوش تنام معانا
حنان : يالله روحي جيبيها بسرعه ..

طلعت ساره الحوش تركض تدور لعبتها .. وأثناء هالوقت انتبهت للملحق مفتوح بابه والنور ! مشت بخفة لين الباب ووقف وراه تطالع من بعيد ..
" تعالي ياحلوة "
انتفضت ساره بخوف يوم سمعت الصوت وقالت يوم انتبهت لرجال بالملحق : انت مييييييين؟؟
" أنا صالح عم فتووون تعالي سلمي علي "
مشت ساره بحيا ودخلت ومشت لعنده وسلم عليها وعلى طول انتبه لخدها الأحمر وقال : من عورك هنا ؟؟؟
ساره : وين ؟؟
صالح واهو يأَشر على خدها : هنا فيه جرح أحمر ..
ساره اتذكرت وقالت وهي تضحك : هذا مو جرح .. هذي ماما حنان باثـتني بقوة !
فتح صالح فمه ببلاهة واهو مبتسم ويتخيل حنانه بالروج الأحمر تبوس ساره ! آه ياويل قلبي ويلااااااااه .. كافي ياحنان طيرتي مخي يابنت الناس وانا واياك مالتقينا !!
ابتسم لساره وقال : تحبين ماما حنان ؟؟
سار وهي توسع ايدينها : ايه أحبها قد البحررررررررررر
صالح : هههههههه ماشاء الله واهي تحبك ؟؟
ساره بحماس : تحبني أكثر وحده بالعاااااااااااالم .. !
صالح : واااااااو شدراك ؟؟؟
ساره بفرح : هي قالتلي وقالت لو أنا مت بتموت معااااااااي !
كشر صالح من هالكلام وقال بضيق : شدخل الموت اسم الله عليك انتي واهي ..
ساره ببرائة تقلد نفس سؤاله : وانت تحب ماما حنان ؟؟
انصدم صالح من سؤالها .. شهالبرائة الي خلتك تسألين أخطر سؤال على قلبي ؟؟ كلمة أحبك قليييييييلة بحق مشاعري تجاهها بس انتي شعرفك يالمفعوصة !
وابتسم وقال : اذا انتي تحبنيها انا بحبها ..
ضحكت ساره وقالت : بث ترا هي ماراح تحبك .. هي قالت انا بث تحبني أكثر وحده بالعاااااااااالم !
ضحك صالح .. شكلها متونسة بهالحب والله مالومك بحبها ياجعلي فدوة لقلبها وقال : اوكي ياحلوة ممكن تجيبلي موية ؟؟؟
ساره : طيب تعال داخل كلهم هناك ..
صالح بضحكة : ماقدر انا قاعد أستنى سعود يجي يوصلني البيت ..
هزت ساره راسها واهي مو فاهمة وصالح قال : هاه تجيبيلي موية ..؟
ساره : طيب بس أول بدور دورا ..
صالح مافهم شدخل هالدورا وقال : جيبلي موية يالله عشان أعطيك حاجة حلوة ..
ساره : وشوووووووو
صالح : مفاجــــأة !
ساره بحماس : معاك الحييييييييين ؟؟
صالح : ايه معاااي بس جيبلي موية بسررررعه
ساره وهي تضحك : طيب ..
وركضت لداخل البيت وصالح يضحك عليها .. تجنن الله يحفظها مالوم حنان بحبها .. حنان .. آه حناني متى نستوعب واقعنا ونعرف بعضنا .. متى !

دخلت ساره البيت واهي تركض وراحت للثلاجة فتحتها وأخذت قارورة موية ورجعت تركض للباب تبي تطلع الحوش
نادتها حنان : سوسو شعندك طالعة مو قلتي تجيبين دورا وتجين ؟؟؟؟
ساره ركضت لها ومسكتها مع ايدها تسحبها وتقول : تعالي نشوف المفااااااجأة
حنان واهي تمشي معها : أي مفاجأة ؟؟
ساره : ماااااادري بس فيه مفاجأة برا ..
حنان : ساره شهالخرابيط امشي معاي بس ندخل
ساره جرتها للحوش ومشت فيها للملحق واهي تقول : اول شوفي المفاجأة بعدين نرجع ..
وصلت الملحق وحنان تقول : سوسو مافي شي بالمجلس حبيبتي .. دورا مو هنا دورا بالحديقة الي ورا ..

ساره فتحت الباب بوسعه واهي تقول : انا مابي دورا ابي المفاجأة !

رفعت حنان عيونها لتوقع بأكبر صدمة يوم شافت صالح واقف قدامها وسط المجلس !
شخص بصرها فيه وقالت بلا شعور : انـ ـت ؟؟
صالح ماكان أقل صدمة منها .. فجأة تظهر بنت قدامه ويوم شاف لقاها حبيبة قلبه الي اتمنى يلمحها بس بهاليوم !
اتعلقت عيونه فيها لحظات ومافهم سؤالها الموجه له ! وماطال تفكيره الا يوم دارت بسرعه بترجع لكن ساره مسكت ايدها وهي تقول : تعالي نشوف المفاجأة !!
حنان حاولت تجر ايدها من ساره واهي شوي ويغمى عليها من الصدمة والفشلة ! وماصدقت فلتت ايدها جت تبي تمشي إلا لقت نفسها واقعة بورطة ثاني يوم اتمسكت خيوط الدعاسة الي عند الباب براس كعبها !!

حاولت تجره بس كانت بتطيح ! غمضت عينها بقوة واهي تتمنى الأرض تنشق وتبلعها .. بغت تنحني وتنفصخ الصندل وتتركه مكانه وترجع لكن اتذكرت ان الصندل عبارة عن حبال لنص الساق وياحليلها واهي تكشف ساقها قدامه ..!!
شافها صالح واهي تسحب رجلها بقوه ومتمسكة بحافة الباب وساره جمبها تطالعها بحيرة!!

احتار لحظات هل يجي يساعدها ولا يتركها وياصعوبة هالموقف على كل واحد منهم !! بس كان لابد من انه يتحرك ويسوي شي ولا بتموت من فشلتها قدامه ..
مشى وقلبه يخفق بعنف ونزل عيونه بالأرض لين وصلها وانحنى على الأرض ومسك صندلها بصوابع مرتعشة ورفعه واهي ولعت من الحيا والفشلة .. ! فك خيوط الدعاسة من كعبها .. وترك صندلها وفهمت انها أخيرا فرجت ..
دارت بسرعه وضربت الأرض ركض على داخل بدون حتى ماتشكره !!

لحقها صالح بعيونه واهي تركض مبتعدة وقلبه طاير معها .. رمى نفسه على الأرض وجلس والموقف ينعاد قدامه وقلبه يرقع طبووووووول .. حوريه الي كانت قدامي !!حمرة هادية كانت معتليه وجهها .. هذا المكياج ؟؟ ولا هذا الحيا ؟؟ ولاهذي طبيعتك حناني ..ياويلااااه شلون جيتي برجولك لمكاني ؟؟ وحققتيلي أجمل أمنيه بشوفتك ! بس شقصدك يوم تسأليني " انت" ؟ معقول هاللحظة خلتها تربط بيني وبين العضو المجهول ؟؟ ولا أنا ماعندي غير هالتفكير بس واهي قصدها شي ثاني ؟؟ آه حناني .. ملكتي روحي وقلبي ووجداااااااااااني ! << ماقدر على هالرومانسية ..

اتنهد من كل قلبه وفاجأة استوعب المكان الي قاعد فيه ووقف بسرعه ومشى لجواله يدق على سعود هذا الي قاله دقايق وأجيك والحين خاس داخل ماطلع !

حنان دخلت واهي ماتشوف طريقها من الاحرااااج الي متملكها من راسها لرجولها .. طلعت غرفتها بسرعه وقلبها ماهدت دقاته من رفعت راسها وشافته لهاللحظة .. ياربي أنا شوداني لعنده ؟؟ شهالموقف الي طحت فيه معاه .. ليه معاك انت صالح بالذات .. ؟؟ دخلت غرفتها وساره معها ماهمست ولا بكلمة .. سكرت باب غرفتها وقعدت على السرير والموقف ينعاد قدامها .. شفت بعينك نظرة مو غريبه علي صالح .. ليه أحسك قريب مني وانت أبعد مايكون عني .. ؟؟ ياربي وش بيقول عني الحين ؟؟
صدقتي ياساره وربي مفاجأة !!

::

قامت ام سعود تلبس عبايتها بيطلعون .. وفيصل مشى للمطبخ وشاف بابه الخارجي مفتوح !! مشى بخفة واهو يتلفت وراه وطلع من الباب ..
دار بعيونه وانتبه لفتون قاعدة على الدرج المجانب للمطبخ ورافعة ركبها ودافنة وجهها بينهم وتبكي وشعرها القصير طايح على جوانب وجهها .. !! انصدم من شكلها وفرجة بين شفاته مفتوحة واهو يطالعها وقلبه تقطططططع بداخله عليها !! هذي المره الثانية من بعد المخزن يشوفها بمنظر يقطع قلبه .. مشى خطوة لا شعوريه ناحيتها .. كان يبي يرفع راسه يمسح دمعها يضمها يهديها يعرف شالي يبكيها .. بس وقف مكانه واستوعب الوضع الي بينهم ونزل عيونه بالأرض وتنحنح بخفة لايخرعها ..

انتبهت فتون للصوت ورفعت راسها وشافته قدامها ومسحت دموعها بسرعه ولفت طرحتها على راسها ووقفت ..
رفع فيصل عينه ومشى بخفة واهو يراقب وجهها بعد ماتركت الدموع آثارها عليه .. ماتحمل منظرها وقال : فتون شفيك ؟؟
بلعت فتون ريقها تكتمت شهاقها وضاعت عيونها بالفراغ والدموع مجمعة فيها ..
فيصل بحنيه : ليه تبكين يافتون ؟؟
فتون انقهرت منه يعني مو عارف ليه أبكي ؟؟ مو عارف انه من رجعني ذاك اليوم بيتي وذا حالي ! غبي يافيصل ولا تستغبي !
فيصل بدا يتسوعب شالي فيها واتنهد بخفة واتذكر كلمتها بالصالة وقال : شكنتي تقصدين؟؟
فهمت فتون انه يقصد كلمتها الي بالصالة وقالت بصوت مليان دموع : فيصل سفرك بيموت ناس كثير بحرتهم .. مافيك ترحمهم وتكنسل ؟؟؟
فيصل لوهلة بغى يضعف .. كل هالي فيك حياتي عشاني بسافر ؟؟ وقال : ولو رحمتهم وكنسلت يافتوون قوليلي انا وش كسبان ؟؟ بتظلين انتي فتون انتي المستهترة بكل شي .. مستهترة بوجودي مستهترة بمشاعري مستهترة بكلامي وبتحرقين قلبي مثل ماكنتي تحرقينه دايم !
فتون : لا فيصل لاااا ..
فيصل : شلون لا مو كنتي كذا دايم معاي ؟؟
فتون : ايه كنت كذا فيصل لأني وبكل صراحة ماكنت أحبك .. ماكان يعجبني اهتمامك فيني لأني أحسك فاهمني وفاهم حركاتي وكاشف كل صغيرة وكبيرة عني ومقيدني بتصرفاتي وانا ماحب أحد يتحكم فيني ولا يفرض جمايله علي.. !
فيصل بسخرية : يعني حبي واهتمامي لك كرهك فيني ..
فتون : هذاك أول فيصل مو الحين ..
فيصل : وشالي اتغير الحين ؟؟
فتون : مادري فيصل احس اني بموت اذا سافرت .. مو قادرة أتحمل فكرة انك بتسافر وتخليني وش ممكن تفسر هذا انت قوول ؟؟
فيصل سكت ونقل بصره بين عيونها الاثنين كنه يحاول يقرا مشاعرها فيهم .. مابغى يوهم نفسه بمشاعرها الانفعالية الي مايدري هل هي وليدة لحظة ولا مشاعر نابعة من عمق قلبها !
سكت لحظات كانت دهووور على قلب فتون الي تحس بالنار تحرق كيانها بسبته .. وأخيرا نطق وقال : فتون انا مابي أعرف وش مشاعرك هاللحظة .. أي شخص ممكن يتألم من فراق واحد كان مسوي ضجة بحياته وش ماكان نوع هالضجة .. خلي سفرتي هذي تكون اختبار فعلي لمشاعرك وتعرفين اذا انا فعلا صرت شي بالنسبة لك ولا لاء ؟؟
فتون : فيصل بدون ماتسافر وبدون ما اختبر نفسي انا متأكدة انك شي كبير بالنسبة لي ..
ابتسم فيصل وقال : حتى بأجمل أحلامي ماحلمت انك بتبكين علي بهالشكل وتترجيني أبقى قربك !
فتون : تتريق ؟؟
فيصل : لا سلامتك ..
فتون : عادي ترا يحقلك .. انا الي عايشة مافكر الا بنفسي ماصدقت ان بيجي يوم أبكي وأزعل على واحد والعجيب ان هالواحد انت ..
فيصل : وبتستغربين اني زعلان أكثر من اني فرحان !
فتون : ليه !
فيصل : كان ودي توتعين على عمرك قبل .. يوم اني موجود قربك وبين ايديك .. أما الحين فتون انا يوم قررت أسافر مافكرت أتراجع عن سفري ولا لأي سبب كان !

فتون بهمس : انت ليه صاير قاسي ؟؟
فيصل : على إيدك .. انتي الي علمتيني .. !
فتون : فيصل بتذبحني بسفرتك !
فيصل : صدقيني بتتألمين بالبداية وبعدها بارجع شخص عادي مثل ماكنت ..
فتون : ليه انت مو مصدقني لهالدرجة ؟
فيصل : بعد كل الي شفت منك صعبة أصدقك بكل بساطة ..

فتون انطعن قلبهــــا بكل ألم !! ليه يوم اتغيرت مشاعرها ناحيته سخر منها وتركها !! ولعـــــــت من الغيـــــــظ والقهــــــر ..وحست بجرح بكربيائها ومن مين بعد ؟؟ من الشخص الي كانت اهي تتفنن بجرحه طول حياتها .. ! بس مولهالدرجة اهي ضعيفة ولا لهالدرجة مشاعرها تتحكم فيها وتذلها ..

رجعت خطوة على ورى وطالعته من فوق لتحت وايه رافعة حاحب واحد وقالت بصوت متهدج من الدموع : اوكي فيصل .. خل سفرك ينفعك !!!

ودارت عنه مسرعة لداخل وعيونه تتبعها وكلامها ينعاد بباله .. " خل سفرك ينفعك " طبعا بينفعني بس انتي شقصدك فتون ؟؟ دار مكانه لحظات وفجأة وقف يوم اتذكر سلطان .. ! هذا الي شافها معاه .. وأكيد ذا نفسه الي سمعها من فترة تكلم عهود بالجوال عنه !! لايكون بيصفالك الجو يافتون اذا سافرت تلعبين وتتهورين كعادتك ؟؟؟ انا مسافر ايه وأهم أسباب سفري اهي انك تعيشين فراقي وقيمتي لحظة بلحظة .. تبكين على غيابي وتتحرين رجعتي يوم ورى يوم .. !! لكن سلطان هذا الي طلعلي مادري من وين ؟؟ مايدري ليه نغزه قلبه ومارتاح خاصة يوم ابتعدت فتون الحين واهي تتظاهر بالقوة وممكن تنتقم لكرامتها بأي تهور تقدم عليه ..

لا فتون حبي اي نعم انا قسيت عليك بس صدقيني أحبك وأبيك ومستحيل أتركك تظيعين من إيدي لو تنقلب الدنيا فوق تحت !!
وعلى هالخاطر مشى مسرع لداخل يبي يلحق عليهم قبل يطلعون .. دخل الصالة ولقى عبير طالعة نادها بسرعه : عبير وين أمك ؟؟؟
عبير : برا عند الباب ..
تجاوزها فيصل بسرعه وطلع وشاف خالته عند الباب .. ناداها بسرعه واستغربت منه بس ماتركلها مجال تفكر .. مسك ايدها ومشى معها للملحق ودخل واياها وسكر الباب !


******

[جرح الذات]

في أكشخ وأجمل قصور الحي .. انفتح باب الشارع المزين بأجمل ديزاين يعكس صورة لديزاين القصر من داخل .. لا بالتصميم ولا بتناسق الألوان والصبغ والبوية ..
كان هالقصر اهو حديث الحي بجمال تصميمه وروعة ألوانه ..
دخل " أبو وليد " البيت ومشى يسحب رجوله تسحيب وفتح الباب الداخلي ودخل ..ما أمداه يدخل الا وصلت لمسامعه ضجة عالية عكس الهدوء الي كان يحسه قبل لحظات دخوله ..
سكر الباب ومشي واهو يهز راسه باستيهاء من هالضجة الي مسببتها بنته .. صعد الدرج لين وصل الصالة وشافها متخصره بطرحتها ورافعة أغاني التلفزيون على أعلى شي وتهز وسطها وترقص وتغني وبنت عمها تصفقلها وتضحك ..
ضحكت من شافت أبوها وصارت تكمل الأغنيه واهي تأشرله وبنت عمها استحت ومسكت الريموت وقصرت الصوت ..
مشى أبو وليد واهو يقول : شهالازعاج يامشاعل يعني مايحلالك الرقص الا بهالفوضى
مشاعل : عييييييييييد يابابي عيييييييييييد ..
أبو وليد : واذا صار عيد تتسخفين انتي وبنت عمك بهالشكل ؟؟
ملاك : انا ماسويت شي ياعمي من أول أقولها اعقلللللللي .. اهجدددددددي .. اركدددددددي .. مافيه فايدة ..
ابو وليد : عن النصب عاد شايفك تصفقيلها ..
مشاعل : أحلى يالكسحة ههههههههههههههههههههههههه ههههههههههههههههههه
ابتسم ابو وليد وطلع محفظته من جيبه واهو يقول : باعطيك عديتك وعدية اخوانك ملاك لا تنسين تعطينهم ..
ملاك : ان شاء الله عمي..
وكان أسهل شي عليه انه يعايدها 2000 ريال واخوانها الصغار كل واحد 1000 ..
أجل بنته مشاعل تتوقعون كم عايدها ؟؟؟
شكرته ملاك وباست راسه ومشى عنهم وهو يقول : ملاك لك اسبوع عندنا متى ناوية ترجعين ؟؟
ملاك وهي تضحك : طردة مؤدبة عمووو بس شعليك ماكووو احساس أبد ..
مشاعل : بعدين خلها يبه مونستني بدل اخواني الي ماينشافون .. لو الله رازقني باخت كان ماطالعت بوجهها !
ملاك : نذذذذذذذذذذذلة وقسم !
أبو وليد عوره قلبه من هالكلام ونزل عينه الأرض ومشى عنهم واهو يحس بلفحات حارقة تلفح قلبه وروحه وكيانه .. اتنهد من كل قلبه واهو يكابد دمعة جريحة سكنت وسط عينه .. بلعتها عينه غصب وفتح جناح غرفته ودخل ..
مشى واهو يتلفت يدور زوجته الا سمع صوت الدش بالحمام .. فسخ شماغة وحس حيله طاااااايح ومهدووود ..
طاري الماضي ينسف قلبه بلا رحمه .. يحسسه بضيق خانق شوي ويقضي عليه .. مشى يجر جروحه وراه .. وفتح أحد أدراجه بوجه حزيييين وعيون تصرخ بالألم .. طلع أحد الصناديق من داخل الدرج .. وفتحه بخفة .. فتش فيه بسرعه لين لقى الصورة الي يبيها .. طلعها بسرعه واتأملهت لحظات .. هنا بس خانته دمعته وسالت ! اتنهد من خاطر قلب انصعق من جرح القدر ! رجع الصورة مكانها وسكر الصندوق ورجعه مكانه ..

أوقات تنتهي الأحلام .. وتختفي الحواس .. ويذبل الماضي .. وتظل الصور وبس الصور اهي الي تحرق القلب وتجدد فيه المعاناة ليظل هذا حال الشخص طول حياته ..

****
.. صباح ثالث العيد .. يوم سفر الحبايب

صحت منى واهي الي ماغفت لها عين طول الليل من القهر والحزن .. شهالحظ الي ربطها بانسان لليلة وحده وبيسافر ويتركها ؟؟ وياليت يوم لقائهم كان ممتع يترك بقلوبهم ذكرى حالمة وحلوة !! لقاء ماتوصفه الا بلقاء مقيت ماتوقعت ان يكون هذا حظها بيوم ملكتها .. اتنهدت واهي تحسب الوقت الباقي لسفره 4 ساعات وبيطلع اهو وسعود للمطار ! وينه حتى اتصال مافكر يتصل ولايرسل أجل من الحين حكمت على حالي معاه طول سفره أكيد مو معبرني لا باتصال ولا رسايل !! ضحكت بسخرية على عمرها وقامت بدلت ملابسها ونزلت الصالة لقت العيلة كلها مجتمعة حتى مرام الي مو من عادتها تصحى بدري الا انها كانت موجودة بهالوقت لأن هالوقت غير .. وقت وداع أخوهم الغالي ..
أخفت حزنها بقلبها ومشت وقعدت معاهم وانتبهت لفيصل واهو يكلم أمه بهمس وأم فيصل تهز راسها بسرعه ..
منى : شعندك يالأخو سمعنا خلنا نشبع من سوالفك قبل ترووووووح
فيصل : هلا صباح الخير قمتي ؟؟
منى : لا توني بس قلت أسلم عليك وأرجع غرفتي أكمل نومي ..
فيصل : زين ارجعي لأني خلاص ماشي (( ووقف
وقفت منى واهي تقول : الحين ؟؟؟
فيصل : ايه .. أبوي برا ينتظرني ..
منى بحزن : ياعمري يافيصل مو متخيله البيت بدووونك ..
مرام : أبد ياشيخة مو متخيلة لا البيت ولا أي شي ثاني بدووونه
فيصل باستهبال : خلاص لا تتخيلون كلها ساعه ويصير واقعي عيشوه بكل أوجاعه !
ابتسمت ام فيصل واهي الي زيها زي أي أم يعز عليها فراق ولدها الكبير..
دق أبو فيصل بوري السيارة بالشارع ليعن وصول لحظة الواداع ..
سلم على أمه وضمها .. وعقب سلم على خواته الي دمعت عيونهم بس ماخلاهم بدون مايمازحهم ويتوعدهم لالمسوا أغراضه ودخلوا غرفته المهم ضحكهم قبل يطلع ..
وطلع عنهم وأمه طلعت معاه تبي تشبع عينها منه لآخر لحظة ..

منى اتنهدت تنهيدة طوييييييييلة حست مرام انها مو على فيصل بس
وقالت : مادق ؟؟
منى وهي تقعد : أبد ..
منى : ياختي احس هالرجال مايحب يتصرف من بُعد .. أحس يبي كل شي يكون فعلي وواضح قدامه !
منى بسخرية : يقوم يسفهني بهالشكل عشان تفكيره المعووج هذا
مرام : ماتدرين منى يمكن يمرك ؟؟
منى : ههههههههههه يوم سفره بعد كثري منهااااا
مرام : والله ترا كل شي جايز
منى : حبيبتي هذا خلودك راعي هالحركات المتهورة .. أما أنس مستحيل ..((ومشت واهي تقول : خليني اشوف امي اكيد بتدخل منهارة الحين ..

طلع فيصل الحوش شاف ساره ومشعل ..
مشى لهم واهو يقول : يالله ساره انا ماشي حبيبتي وخذي رقمي من ماما بعدين كل مابغيتي شي دقي اطلبيه مني ..
مشعل : وانا ؟؟
فيصل حن عليه هاللحظة وقال بابتسامة : وانت بعد .. (( وقال يبي ينفخه : عاد لاوصيك يامشعل انت ولي العهد من بعدي خلك رجال انتبه على أمي وخواتي وعلى ساره ..
مشعل خبط على صدره يقلد حركات فيصل وقال : ابشر وانا اخوك
ضحك فيصل عليه وسلم عليهم وطلع ..

ركب السيارة ومشى اهو وأبوه للمطار .. مرت السيارة من الشارع الكبير الي منه ينفصل شارع ثاني يودي لبيت خالته .. كان بكل مره يمسك هالشارع ويمشي منه
وهالمرة اتجاوزه واابتعد عنه !!
وعيونه اتعلقت فيه .. وارتسمت صورتها قدامه ..
و
مسافر ياحبيب الروح وأنا كلي ألم وجروح
أببعد عن هوك وأروح سامحني على الفراق

::

بنفس الوقت
صرخت فتون واهي نازلة الدرج وانتبه لصراخها سعود واهو بالغرفة .. طلع بسرعه شافها طايحة بالدرج وماسكة ساقها بألم
سعود بخوف : فتون شفيك عسى ماشر ؟؟؟
فتون واهي مغمضة عينها بقوة : مانتبهت لأول درجة وطحت ..
سعود واهو ينحني قدامها : اسم الله عليك شلون مانتبهتي .. مظيعة الطريق انتي ؟؟
بلعت فتون غصتها واهي حاسة فعلا انها مظيعة طريق حياتها كله .. توهم قالولها فيصل طلع المطار .. يعني سواها وراح !! لآخر لحظة حلمت انه يلغي سفرته .. ماصدقت ان الي صار بينهم أمس اهو نهاية المطاف ! اتمنت لو تسمع صوته تسمع كلمة تغير مشاعرها الي حستها أمس بعد كلامه .. قوية على قلبها فراق اثنين بنفس اليوم .. راح فيصل .. وكلها كم ساعه ويروح سعود ..
اتمسكت بملابسه ورمت صدرها عليه وصارت تبكي وتناهج بكل ألم وتقول : لا تساااافر .. لا تسااافر
انهبل سعود منها ومن بكاها !! شفيها تبكي بهالشكل هذي حتى يوم سفري بالبداية مابكت كذا ..!
ضمها بحنية وقال : فتوووون يافتووون مايصير تبكين كذا وتقطعين قلبك وقلبي معاك .. ولا انا الغلطان الي جيت هالمرة علقتك فيني كان أزين لو خلصت هالسنتين ورجعت مره وحده!
فتون ماردت وظلت تبكي .. تبكي بلا شعور .. بلا ادراك .. تبكي مشاعرها الي انقتلت بمهادها .. تبكي جرح كرامتها .. تبكي وداعية من سكن وتربع على عرش قلبها .. من تحس بظياع من بعده .. فراغ مايملاه غيره .. اهم اثنين استووا كل دنيتها .. وهالاثنين تركوها .. وقالت من بين شهاقها : انت مالومك ياسعود لكن اهو ....
سعود باستغراب : منهو ؟؟
رفعت فتون راسها ومسحت دموعها بأصابعها ووقفت بسرعه وراحت لغرفتها تاركة سعود غرقان بحيرته .. معقولة تقصد فيصل ؟؟؟
اهي حكته عن الي صارلها بالمخزن وفسرتله ضيقتها وحزنها بانها مدينة لشخص تكرهه .. وهالشي حيل مئلمها .. بس الحين شكلها تبكي على فراقه ؟؟ شهالمشاعر المتناقضة بقلبك فتون ؟؟

وقف واهو يتنهد .. هالبنت بتظيع لو محد انتبهلها .. !!
عبير منشغلة بالترتيب لزواجها ..
خالد من ملك واهو ماعاد ينشاف دومه ويا مرام ..
وأنا بسافر راجع لشغلي ..
وإهي ... من لها ؟؟
حس انها تحس بنقص وفراغ فظيع وعز عليه وضعها .. نزل الدرج وبخاطره يكلم أمه تلتفتلها أكثر .. وتحط عينها عليها لايقتلها فراغها وتوقع بغلط ماتدركه ..
سعود الوحيد بهاللحظة .. وحطوا تحت "الوحيد" مليون خط ..
الوحيد الي فهم وضعها وحالتها وشالي ممكن يسببه هالفراق فيها ؟؟؟؟
وشال همها مثل الجبل على قلبه .. ومهو أول مره سعود يحس إحساس بفتون .. ويصدق هالاحساس ويوقع !!

*****

.. مرت الساعات .. وحانت لحظة وداع سفر أنس وسعود ..
كانت منى بالمطبخ تحاول تحبس دمعاتها وجرح قلبها الي نزف بليلة ملكتها ! سخرت من نفسها ومن حظها .. تحس بلوعة تكوي قلبها ومحد حاس فيها .. امها بغرفتها تبكي على فيصل ومرام مختفية أكيد تكلم خالد .. مشت طالعة الدرج الا يوم جتها الخدامة من الحوش تقول : منى .. في واحد يبغى انتي !!
منى بصدمة : واحد ؟؟؟
واتي : ايوا .. واقف بالحوش كلام نادي منى سرعه ..
استغربت منى ومشت لشباك الصالة وطالعت الحوش
و
انصدمــــــــــــــت يوم شـــــــــافته !
كان أنس واقف ببدلة السفر ومدخل كفوفه بجيبه ويدور بخفة يتأمل المكان حوله ..
خفق قلبها بكل عنف ! أنس .. !! جاي بيتي شتبي ؟؟ ضحكت على نفسها جاي شيبي يعني أكيد يشوفني !! ياويلي شلون بطلعله ؟؟ تسارعت أنفاسها واهي واقفة تتأمله بحيره .. هوسها شكله المختلف تماما عن شكله ليلة البارح يوم كان بالثوب والمشلح .. والحين شكل ثااااااني بالبدلة ..

" منى "
انتفضت من مكانها بخوف واستغربت مرام واهي تقول : شفيك اخترعتي اناديك بس!!
منى برجفة : مرام أنس براااااا قال للخدامة تناديني !
مرام بفرح : جــــــــــــد ؟؟ طيب وش تنتظرين اطلعيييييي ..
منى : مادري شلون أطلع لي شوي ماغير أطالعه من الشباك مو قادرة أطلللع
مرام بصدمة : الرجال وراه سفر يامهبولة وشكله مر يبي يسلم عليك وانتي متيبسة مكانك .. قوووومي اتحركي ..
منى : ياربي يامرااااام خااااايفة ..
مرام : ترا بيروح ويخليك ووقاتها خافي مثل ماتبين ..
منى بلعت ريقها وقالت : اوكي شلون شكلي؟؟
مرام بضحكة : والله تهبلين ..
كان شعرها سايح من بعد ليلة الملكة حتى مكياجها تارك أثر خفيف على وجهها .. ولابسة بانطلون جينز لو ويست وبلوزة قطنيه عادية ..
منى طالعت بلوزة مرام البنية ومموجة بذهبي وقالت : مرام عطيني بلوزتك بسرعه..
مرام وهي تضحك : يابنت مافي وقت رووووحي
منى : لا والله بلوزتك أحلــــــــــــى افصخيها بسرعه ..
ضحكت مرام وهي تقول : طيب يالله فصخي الي عليك بسرعه ..

وقفوا خلف الباب وهم يضحكون وبسرعه كل وحده فصخت بلوزتها وعطتها الثانية .. ولصغر حجم مرام صارت بلوزتها ماسكة على منى ومبينة مفاتنها بطريقة جذابة ..
مشت مسرعه للباب ولقت عطر على الطاولة بخت منه وأخذت نفس طوييييييييييل وفتحت الباب وطلعت..

كان أنس يراقب الباب وأول مانفتح اتعلقت عيونه فيه أكثر .. شافها يوم طلعت وابتسم ابتسامة ناعمة ..
مشت بخفة لين الدرج واتسمرت مكانها ماقدرت تنزل ..
مشى أنس واهو منخبل من هيأتها الناعمة وقال : هلا بالزعلانين وغلا ..!
منى بغت تبكي يوم تذكرت الي صار وزود على كذا تطنيشه لها والحين من حياها الي بيذبحها .. وقالت بهمس : هلا أنس ..
كان أنس آخر الدرج واهي أوله .. مد إيده لها يبيها تنزل .. منى ارتعشت ايدينها وتردد لحظات وبالآخر رفعت ايدها وحطتها بإيده ..
مسكها بنعومة ونزلها واهو يقول : شلونك منى ؟؟
منى بحرج : تمام .. وانت ... ؟
انس : وشو أنا ؟؟؟
منى : انت شلونك ؟؟؟
أنس : بصراحة مو بخير ..
منى بتلقائية : ليه عسى ماشر ؟؟
أنس : شلون أكون بخير وحبيبتي زعلانة !
ولع وجه منى من الحيا وانخنقت الكلمات بحلقها ودقات قلبها المتعالية تحسه بيسمعها لأنها بعد كانت قريبة حيل منه !
أنس : منى تدرين اني بسافر الحين ابريطانيا .. وطبعا ماهان علي أروح بدون ماشوفك وأسمح خاطرك لأني أدري انك حاقدة علي ..
منى هاللحظة نست كل آلامها وقالت : لا أنس عادي بس .. فقـ ـدتـ ـك !
أنس رق قلبه وقال : ياعمري صدقيني مارحتي عن بالي ولا لحظة .. بس احترت وش أدق عليك أقول ؟؟ تراني خبل ماعرف أحكي كلمتين حلوة على بعض الا وأخربها بكلمة مالأمها داعي ..
ضحكت منى بخفة على كلامه ,, واهو انهوس على ضحكتها الناعمة وكمل : عشان كذا قلت مايطفي ناري الا شوفتك .. وهذاني جيتك طاير كلي أمل تريحيني ان مابخاطرك شي !
منى ماحبت تضايقه واهو الي متعني لها وغايته يرضيها ونست كل أحزانها وقالت بابتسامة : مو بخاطري شي أنس .. وجيتك الحين عندي بالدنيا ..
أنس : ياااااااااابعد عمري انتي ..
منى ماعرفت شلون طلع منها الكلام بس حست قلبها الي يحكي مو لسانها .. اتعلقت عيونهم ببعض لحظات حست منى بألم لرحيله .. ولاشعوريا اتجمعت الدموع بعيونها بشكل قطع قلب أنس وقال بحنية : لا منى مابي دموع .. تراني خلقة ماتحملها مو عاد تطلع من منى عمري !
" منى عمري " سحرتها هالكلمة وذوبتها .. ورسمت ابتسامة ناعمة على شفتها وقالت بصوت متهدج من الدموع : بافقدك أنس .. تروح وتجي بالسلامة ..
أنس : يسلمك لي ربي قولي آمين
منى بهمس : آمين ..
طالعها أنس لحظات اتمنى الدنيا توقف عند هاللحظة .. بس الواقع يفرض على هاللحظة تنتهي وينتهي أجمل لقاء عاشه بحياته ..
رفع ايده وطالع الساعه وقال : آسف منى عمري .. أنا لازم أمشي
منى عورها قلبها حيييييل وكابدت دمعتها وهي تقول : اوكي الله معك .. (( وبالقوة قدرت تقول : أنس أطلبك طلب ؟؟
أنس بابتسامة عذبة : آمريني منى ..
منى : مايامر عليك عدو بس .. ياليت .. تطمني عليك أول ماتوصل .. وتعطيني أرقامك هناك !
تخدر أنس من طلبها الي يعبر عن اهتمامها فيه .. شي رائع لما تحس فيه شخص يهتم فيك انت وحدك ماغيرك .. يفقدك يشتاقلك يبكي عليك .. !
ابتسم ابتسامة ذوبتها وقال : من عيوني الثنتين غلاي ..
منى : تسلم عيونك ..
انس بتنهيدة : انتبهي على نفسك منى ..
منى : ان شاء الله .. وانت بعد ..
هز أنس راسه .. وطالعها لحظات وماقدر يروح بدون مايسوي شي يبرد فيه خاطره .. قرب منها بخفة وباس جبينها .. ومافاته الضوووو الي شب بوجهها .. ابتسم لها ودار عنها واهو يقول : فمان الله ..


منى بالقوة قدت تقول : الله معك ..
مشى لين طلع من الباب واهي بمكانها تراقبه لين وصل للباب وقبل مايطلع دار غمزلها بابتسامة .. وسكر الباب .. واهي لازالت متسمرة مكانها .. !!
رجعت بخطواتها على ورى وقعدت على الدرج ولا شعوريا سالت دموعها .. بس ماتنكر انها كانت مزيح من دموع الألم .. ودموع الفرح .. فهي على كثر ألمها لفراقه .. الا انها بتتشقق من الفرحة لجيته واهتمامه ونبرة الحـب الي حستها بصوته !

*******

حلقت الطائرة في سماء الدنيا مودعة بلاد الخير السعودية ومتوجهة لبلاد الغربة ابريطانيا

سعود كان محلق بذكرياته الحافلة الي عايشها طول فترة وجوده الي مضت ..
مواقف ممتعة .. مواقف محزنه .. ومواقف اتمنى لو ترجع به الأيام ويقلب أحداثها ..
توقف عند هالذكرى الي ارتبطت بمنال .. مرات يلمح بعيونها حزن .. ومرات يختفي الحزن ويحل محله سخط ! حسها مو قادرة تسعد نفسها .. وانقهر من صدودها له واهو بروحه محتار كيف يحسن العلاقة بينهم .. اتمنى يلقى تجاوب منها يولد بقلبه عطاء أكبر .. لكنه مالقى غير الصد .. واهو مو ناقص صدود لأن قلبه صاد عنها غصب عنه ..

حتى بآخر يوم شافها.. اتمنى تردله الابتسامة .. تظهر أي مودة كانت بتولد بقلبه شعور أليف ناحيتها .. بس للأسف .. عاندت قلبها واختارت البعاد ..

اتنهد واهو مايدري شنهاية هالعلاقة .. اتهمته انه خاطبها غصب عليه وانه مجبور عليها .. واهو محد جابره .. اهو من نفسه وافق يخطبها لأنه ماكان يدرك ان بقلبه مشاعر راح تنخطف منه وتحسسه انها ممكن تعيش وتحيا وتحب وتتمنى قرب من تحب ..
خفق قلبه عند هالخاطر .. وطيف من ملكت كيانه ينرسم بباله ..
ياترى شتسوين الحين ياوعد ؟؟؟
طالع الساعه يحسب الوقت .. واتمنى تمر الساعات بسرعه ويوصل ياعساه يقدر يشوفها ولا يلمحها ويبرد نار شوقه الي ماطفت بيووم !
شوقه .. وحبه .. وهيامه .. وغرامه .. مشاعر مادار انها تسكن بقلبه ..
وعد حركتها .. واهي ملكتها ..
ورحلت .. وتركتها !!

*******

اعتلى صوت آذان الفجر وانتفضت فتون بسريرها كنها أول مره تسمع صوت الآذان ..
قامت وقعدت واهي تتنهد بضيق .. طالعت اختها غاطسة بنومها هنيالها مو حاسة بمثل ناري الي مسهرتني الليل كله !
دخلت الحمام وانصدمت يوم شافت وجهها بالمراية وعيونها المورمة من دموعها الي بكتها طول ليلها .. اتنهدت وغسلت وجهها وطلعت أخذت جوالها وطلعت من الغرفة ونزلت الصالة واهي تحاول قد ماتقدر تبعد عن بالها طاري فيصل .. !

طالعت الساعة وحسبت الوقت بسرعه واتوقعت انه وصل .. يوووه خلاص وصل ولا ماوصل بكيييييفه .. سخيف قاسي مايرحم .. جعلك ماتتوفق بشغلك وترجع ثاني اسبوع يارب ..

قعدت قبال التلفزيون وقلبت فيه ولقت اغنية لأليسا ماكانت تبي تسمعها بس من الملل والضيق تركت القناة عليها .. بس لو كانت تدري أليسا شتنغي كان ماوقفت عند هالقناة .. لأنها من سمعت كلمات الأغنية آلمها قلبها واتجمعت دموعها بعيونها واهي تسمع وتعيش الكلمات : حبك وجع بعدو معي حبك حلم هربان ..
من قلب قلبي انسرق وبكيت ع غيابه
مطرح ما كنا نحترق صار الجمر بردان
والعطر عنده وفا اكثر من اصحابه

وحدي بدونك ماقدرت ما اصعب الحرمان
تركوا الندم عندي عيونك وغابوا
مجروح قلبي وصرخ عم يندهك ندمان
محروم طعم الهنا بغياب احبابو

رمت الريموت بقوة على الكنب ولمت ركبها وسندت راسها على الجمب ودموعها سالت بكل ألم .. أكرهك فيصل أكره مشاعري الي صرت أحسها تجاهك .. طول عمرك رابشني بحياتي مو مهنيني لا ببعدك ولا حتى يوم اتمنيت قربك !!
كنت سخيف يوم خذلتني .. كنت حقير يوم ذليتني .. أنا فتون أترجاك تقعد وتصدني .. كنت غبي يوم تركتني .. كنت مجنون لأنك ضيعتني .. وقتلتني ..حرام عليك فيصل دمرتني .. وبكل قسوة ذبحتني ..
وعدتني تبكيني عليك ويافرحتك ! بكيتني .. بس أوعدك ! ماعاد تشوف دموعي بعدها .. لأني زي ماخسرتك .. انت بعد .. خسرتني !!!

مسحت دموعها بقوة واهي تحاول تقوي المارد بداخلها .. ماتبي تضعف أكثر .. راح وتركها خلاص مستحيل تبكي خسارته أكثر ..
عاهدت نفسها بهاللحظة تكون دموعها آخر دموع .. حتى انت سعود مو باكية عليك ..
كلكم قلوبكم حجر !! رحتوا وتركتوني .. وانتي عبير .. أقسى منهم كلهم !! ضحيتي فيني بكل بساطة ووافقتي تبعدين عني فجأة بلا موعد .. !
كان وضعها حيل صعب .. تحس بالألم .. والفراغ .. والضياع ..
ان كان ماقد حسيتوا بهالمشاعر قبل .. فهي مشاعر قاتلة .. تخلي الشخص ممكن يوقع بأي مطب يواجهه .. على أمل ان هالمطب .. يسعده .. يغنيه .. يعوضه ..

وقفت ومشت للحمام الي بالصالة اتوضت وطلعت فتحت الدولاب وطلعت شرشف صلاة .. وصلت الفجر ..
طالعت الساعه هالوقت واهي تحس النوم مجافيها وملل مو طبيعي مصاحبها .. مين يكون صاحي هالوقت ؟؟ فاجأة اتذكرت عمها صالح .. اووه صح .. فرصتي دامني صاحية الحين أسوي الي يبي .. بس وربي مالي خلق كلللللللللش ..
بس حبوه صالح خليني على الأقل انقذه اهو من معاناته .. دامني مو قادرة أنقذ نفسي منها ..
طلعت غرفتها ودخلت بخفة عن لاتزعج عبير .. وفتحت لاب توبها .. وعبال مايتحمل دقت على صالح .. انتظرت لييييييين فيصل مارد .. اتوقعت انه بالمسجد يصلي ..
سكرت ودقت على حنان بعد كم دقة ردت : هلا !!
فتون : هلا حنانوو
حنان باستغراب : هلا فتون شفيك ؟؟
فتون : مافيني شي بس مو قادرة أنام متضايقة شوي بعد سفر سعوود ..
حنان : ايه ياعمري .. حالك حال الي عندنا كلهم مكشرين بعد سفر فيصل ياعمري ..
سكتت فتون لحظات .. بعدها قالت بتنهيدة : الله يسهل عليهم المهم حنان ..
حنان : هلا
فتون : بغيتك بسالفة شوي بس ماقدر أحكي بالجوال عبير نايمة .. تقدرين تدخلين الماسنجر ؟؟
حنان : امممم اوكي بس خليني اصلي الفجر وأدخل ..
فتون : اوكي .. استاك !
حنان : يالله مو مطولة .. باي

سكرت فتون ومامداها تحط الجوال جمبها الا يوم دق صالح ..
ردت : هلا عمي وينك ؟
صالح : كنت بالمسجد ..
فتون : اتوقعت .. المهم يالله حانت اللحظة الحاسمة !
صالح باهتمام : شصاااار ؟؟
فتون : توني مسكرة من حنان بتصلي الفجر وتدخل
صالح بدا قلبه يرررررقع وقال : يسعدددددددددلي هالي وعدت و وفـــــت يارب ..
فتون ببرود : يسعد ايامك .. يالله شالخطوة الجاية ؟؟؟
صالح : دقيقة أفتح اللاب توب .. (( وفتحه واهو يقول : اسمعي اذا دخلت سولفي معها شوي بعدين اتعذريلك بأي شغله بهالوقت قوليلي عشان أنا أدخل ..
فتون : طيب انا عندي فكرة أحسن ..
صالح : وشهي ؟؟
فتون : ماتحس ان هالحركات باخت خلاص .. يبه خلك صريح هالمره وخلني وقت ماتدخل انت أقولها دقيقة حنان عمي دخل بشوف شعنده !!!
صالح : ياويلااااااه قوية فتوووون ..
فتون : خلها عمي مصيرها تعرف الحين ولا بعدين .. اتوكل على الله بس واكشف الأوراق !
صالح : قولتك ؟؟
فتون : اي والله صلوووح خلنا نفرح فيكم ..
صالح : هي انتي وييييين شطحتي .. تونا بنكشف الأوراق تبين تفرحين فينا لا تتحمسن بقوة!
فتون : هههههههههه زين .. يالله يالله تراها دخلت ..
صالح : وااااااااااااااااااقلبي تسبدااااااااه ..
فتون : ههههههههههههههههههههههههه ه خبل عموو

فتون كان نيك نيمها : (( I don't care ))

دخلت المسن واهي ماسكة الجوال باذنها ..
وشافت نك نيمها راحت غيرته هالمره وكتبت : (( I rallye don't care ))

نادتها حنان الي نك نيمها
(( خذني بقايا جروح ..... )) :
هلا فتونه ..

(( I rallye don't care )) :
هلا خالتوو ..

(( خذني بقايا جروح ..... )) :
هلابك .. هاه شعندك قلقتيني ؟؟

(( I rallye don't care )) :
لا ترا مو لهالدرجة بس متضايقة شوي من موقف صارلي مع وحده من صديقاتي

(( خذني بقايا جروح ..... )) :
وشوووووو ؟؟

احتارت فتون وش تقول وقالت تكلم صالح بالجوال : ياربي صالح مادري شخربطلها ..
صالح : أي شي فتون أي سالفة .. !
فتون : أقول ادخل الحين خلاص ..
صالح : ياربيييييييييييي .. طيب بس سولفي معها الحين لا تشك ..
فتون: اوكي ..


وتذكرت سالفة قديمة صايرتلها مع صديقاتها فعلا وقالتها

(( I rallye don't care )) :
وحده من صديقاتي متخرجة بنسبة أقل مننا وسجلت بالجامعة وانقبلت بواسطة ..

(( خذني بقايا جروح ..... )) :
ايوا ؟؟

دخل صالح هالوقت .. وفتون الي انصدمت من نك نيمه .. مو عاد حنان !!!!
كان كاتب :
(( فقدت معنى الوجود وصرت أردد فيك ألحاني..لاقالوا شغاية أحلامك قلت " ترجع لي حناني" ))

فتون على الجوال : عمووو شهالبيت الكشخة ؟؟؟؟
صالح : اسكتي تراني حدي متوترررررررررر ..
فتون : كاتب اسمها انت بعد عز الله رحت فيها ..
صالح : المفروض تعرفني الحين .. يالله كلميها ..

فتون رمت القنبلة
(( I rallye don't care )) :
معليه حنان دخل عمي وانشغلت معاه شوي !!

صمـــــــــــــــــــــــ ــــــــــــــت
=================================

=================================
(( I rallye don't care )) :
خالتو وينك ؟؟؟

(( خذني بقايا جروح ..... )) :
معاك ..

(( I rallye don't care )) :
أوكي حنان عبير عصبت من صوت الطقطقة باطلع برا وأرجع أشبك << أنواع التصريف

(( خذني بقايا جروح ..... )) :
أستناك فتووون ..

(( I rallye don't care )) :
أووووووكي ..

وطلعت وقالت لصالح : ياويلي شكلها انصدمت تطول على ماترد علي !
صالح : أناديها ماترد !
فتون : شكلها مصدووومة ياعمري عليها بس اهي مو طالعة لأني قلتلها شوي وأجيك وقالتلي بتستناني ..
صالح : حلو .. وش بتسوين الحين؟
فتون : بارجع أنام طبعا ..
صالح : اوكي نوم العوافي ..
فتون : الله يعافيك ..

وسكرت منه وسكرت لاب توبها .. وقامت ومشت لسريرها .. وقبل ماتقعد قفلت جوالها عشان ماتدق حنان تسألها وينك ..
مهمتها الي عليها وسوتها .. والباقي عليك صالح .. سواء ردت عليك ولا ماردت .. المهم الحين انها عرفتك ..!

::


(( فقدت معنى الوجود وصرت أردد فيك ألحاني............. )) :
ممكن تردين شوي ؟؟

(( خذني بقايا جروح ..... )) :
نعم !

(( فقدت معنى الوجود وصرت أردد فيك ألحاني............. )) :
أخيرا .. كيفك ؟؟


(( خذني بقايا جروح ..... )) :
تمام

(( فقدت معنى الوجود وصرت أردد فيك ألحاني............. )):
مشغولة ؟؟

(( خذني بقايا جروح ..... )) :
أبد .. بس انتظر بنت أخوك !!!

................................. (( صمت ))
(( فقدت معنى الوجود وصرت أردد فيك ألحاني............. )) :
أوووه ! رميتيها بوجهي أهنيك على صراحتك الي ماقدرت أجيب ربعها

(( خذني بقايا جروح ..... )) :
كيف سويت كذا ؟؟

(( فقدت معنى الوجود وصرت أردد فيك ألحاني............. )):
مو كاذب عليك وقايلك صدفة .. أنا غايتي كانت أوصلك وكنت أدور أي وسيلة ممكن توصلني لك .. عرفت بمحض الصدفة انك تشاركين بمنتديات وبحثت عنك ولقيتك !

(( خذني بقايا جروح ..... )) :
ياويلي مو مصدقة .. انت ( لجل جروحك ) نفسك .. (صالح ) يعني انت الحين عارف كل صغيرة وكبيرة بحياتي !!! شلون سمحت لنفسك تدخل عالمي بهالشكل انت شلون فكرت؟؟؟


(( فقدت معنى الوجود وصرت أردد فيك ألحاني............. )):
حنان لاتقولين كذا .. ليه ماتعذريني وتعتبرين الي سويته رغبة باني آصلك .. وأقرب منك .. وأرجعك لي بعد مافقدتك !

(( خذني بقايا جروح ..... )) :
انا مو مستوعبة انت شقاعد تقول !
شالي ترجعني لك .. شهالكلام .. ؟

(( فقدت معنى الوجود وصرت أردد فيك ألحاني............. )):
حناان .. انتي ماتدرين شكثر تألمت يوم رحتي عني لأني كنت أبيك صدقيني .. حاربت أهلي وناسي عشانك بس محد وقف معاي .. اسألي الي تبين كيف كانت حالتي يوم اتزوجتي .. اسأليهم كيف صالح رافض الزواج كله من بعدك .. والحين يوم رجعتي ماقدرت أصبر بدون ماأوصلك وأملكك وأصلح غلطتي الأولى ..

(( خذني بقايا جروح ..... )) :
ماكان .. في طريقة الا هذي ؟؟؟


(( فقدت معنى الوجود وصرت أردد فيك ألحاني............. )):
حنان تدرين شلون كنتي عايشة منعزلة وبعيدة .. أهلك ماقدروا يوصلولك شلون أنا ؟؟ بغيت أدخلك من عالمك الي تعيشينه .. وأعيشه معاك لين انتي تحسين بقربك مني .. وبعدها مو ناوي أظيعك من ايدي أبد !!


(( خذني بقايا جروح ..... )) :
برضو مو قادرة أستوعب .. لا مستحيل .. انت .. صالح !!
كنت احس فيه شي غريب .. اهتمامك .. احساسك .. قربك .. بس مهما حسيت ماتوقعت يصدق احساسي .. !!
اعذرني انا حيل مصدومة .. مادري شقولك ..
اتركني الحين .. باي

(( فقدت معنى الوجود وصرت أردد فيك ألحاني............. )):
حنان أرجوك لاتزعلين .. التمسيلي العذر اني بغيتك .. وغايتي تبرر وسيلتي ..


(( خذني بقايا جروح ..... )) :
برضو مادري شقولك الحين .. خلني أستوعب صدمتي .. باي

(( فقدت معنى الوجود وصرت أردد فيك ألحاني............. )):
آسف حنان جد آآآآآآآآآآسف .. باي

سكرت حنان ولمت جوانب راسها بإيديها واهي موسعة عيونها بصدمة .. كنت حاسة انه اهو .. بس ماقدرت أصدق عمري .. صالح .. اهو نفسه لجل جروحك .. ولا مين بيهتم فيني وينتشلني من معاناتي زي ماكان دايم .. غيره !! بس لااااااااااااااااااااااا مستحيل .. عرف كل شي عني !!
وبسرعه فتحت المنتدى وراحت تقرا ردوده على مواضيعها .. صار لها احساس ثاني الحين وهي تقراها وتحسها من صالح !! مو من عضو مجهول ...
كل رد يعور قلبها أكثر من الثاني ..
كل رد يحرق كيانها أكثر من الثاني
كل رد يحسسها ان صالح جاي عشانها .. مو عشان شي ثاني !!


******

نزلت فتون ولقت امها وعبير بالصالة وقالت : يمه سعود مادق ؟؟؟
أم سعود : لا من بعد مادق يبشرنا بوصلوله ماسمعنا صوته ..
فتون : أمهمممم .. طيب باطلع أنا وعهود السوق نشتري أغراض للجامعة .. تعالي معانا عبير ..
عبير : امممممم مادري لاحقة على السوق الي بيهدني اذا بديت أشري جهازي ..
فتون بضيق : فكينا من هالسيرة !
عبير : يؤ يؤ لييييييه افرحي معاي يادوووبا ..
أم سعود : اي صح يافتون تو خالتك دقت تقول فيصل وصل بالسلامة أمس بالليل ..
فتون ارتاح خاطرها بس اظهرت البرود وقالت واهي ماشية للمطبخ : سألت عن سعود وبس مايهمني غيره !
ابتسمت ام سعود بسخرية .. تحسبها ماتدري بشي ! لكن على مين يافتون .. ؟؟

أخذتلها فتون علبة بيبسي .. وطلعت أخذت التلفون اللاسلكي ومشت واهي تدق على بيت عهود ..
بعد كم رنة جاها الرد الي خفق قلبها بقوة : هـلا !
فتون بأدب مو لايق : أهلين السلام عليكم ..
سلطان : عليكم السلااااااام .. فتون موو ؟؟؟؟
فتون بهمس : ايه ..
سلطان : هلا بفتون والله .. كل عام وانتي بخير !
فتون استغربت شيبي هذا يعايد والعيد خلص بس ردت : وانت بخير ..
سلطان : مستغربة اني أعايدك عادي اتصالك جدد العيد علينا ..
فتون خقت من كلامه .. واااه ياناس كلامه يجنن .. مو مثل الي يقولي شوفتك خربت علينا العيد .. ياويل قلبي بس ..
سلطان بضحكة : خلاص لاتروحين بناديلك عهود ..
فتون : معاك معاك .. اوكي استناها ..
سلطان : دقييييقة ..

وراح وشوي جتها عهود : هلااااااااااا والله توني أقول بدق عليك ..
فتون : ايه صدقتك ..
عهود : هههههههه شخبارك ؟؟
فتون بتنهيدة : ماشي حالي .. المهم نروح السوق اليوم ؟؟
عهود : اي ان شاء الله .. بس مين بيودينا ؟؟
فتون : مادري على راحتك .. تبين أمرك بسواقي ..؟؟؟
عهود : لا ليش مو أنا أمرك بأخوي ؟؟
سكتت فتون لحظة تصارعت بداخلها المشــــاعر .. هذا سلطان الي يتوددلها .. وهذا فيصل الي شافها معاه ومات بحرقته وبغى يذبحها .. بس انت يافيصل خذلتني تكفى روووح عن بالي ماعاد لك شغل فيني .. وقالت واهي رافعة حاجب : حلو .. ليش لاء!!

وبكذا تكون فتون ابتدت عهد مهي قده .. تناست فيصل .. واستسلمت لقرب سلطان الي يسحر قلبها بكلامه المعسول .. قلبها الي فقد بهاللحظة كل عنواين الطريق !

انا بالنسبه لي عادي .. تبي قربي تبي بعادي
اصلا من زمان وانا في وادي وانت في وادي
غسلت ايدي انا منك .. ولا بسأل ابد عنك
تبي ترجع تبيني اروح .. تأكد ماعلي منك !!
تسمح والا ماتسمح .. حبيبي انت ماتصلح
متى علمني كنا في يوم مثل باقي البشر نفرح؟؟؟؟

::

(( ملخص الأحداث ))

وصل سعــود لابريطانيا ليوقع بأكبــــر صدمة بحياته .. " وعد اختفت " فص ملح وذاب !!
أصلا من قبل مايسأل عنها .. خبره المدير الي كان يحكيه أخبار العمارة .. وقاله ان عيلة وعد انتقلت بس مايدري وين !!!

انصدم وقلق عليها واهو مايدري وش السبب !! كان أول شي طبيعي سواه انه دق على جوالها .. وانصدم يوم لقى الجوال مسكر ! حاول أكثر من مره مافيه فايدة .. أرسلها ايميل على ايميلها الي وصله منها ليلة رمضان .. وانتظر كم يوم مافيه أي رد ..!!!

من طرف ثاني أنس مانكر احساسه بالقلق من نقلتها المفاجأة .. لكن كونه خالي من المشاعر المسيطرة على سعود .. قدر يفهم سبب بعادها .. وحاول يقنع سعود فيه .. هذي فرصة تنتشل نفسك من الشباك الي وقعت فيها .. خلاص اهي راحت وانت حاول تنساها .. ابدا حياتك من جديد اعتبر هذا أول يوم لك بهالبد .. كان الكلام سهل طبعا .. بس الواقع صعـــــب ومدمر على قلب سعود .. وبالآخر رضخ ! واقتنع .. !
وعد مهي لي .. ومستحيل بتكون لي بيوم من الأيام .. وذي إرداة من الله انها تبتعد .. عساني أشوف حياتي من جديد .. بعيد عن الجنون الي يتملكني بكل مره أشوفها .. والشوق الي بيذبحني لا غابت عن عيوني ..

بس بقى طيفها ! يراوده طول ليله ونهاره .. طيفها الي جره بلا شعور لمكان شغلها .. ودخل واهو حاس بداخله انه مو لاقيها .. وفعلا مالقاها .. وابتعــد !! بس مشاعر القلق عصفت فيه وسهرته الليل واهو يبي يعرف بس .. اهي بخير ولا ؟؟
وهالمشاعر نفسها .. جرته لمحل شهد .. ومالقى المحل بكبره !!!
عرف لحظتها انها البعد مرتب له .. وان السالفة متعمدة ..
حز بخاطره حيييييييييييييل شلون هان عليها .. بس اهي شالي يجبرها تبقى عشاني ! ليه ابتعدت .. معقولة تحس بالي أحسه ؟؟ ولا قربي كان مضايقها .. آه وعد شالي سويتيه فينا ...؟؟؟
وبكل ليلــــــة ياخذه الشوق لدرجة الهوس .. يحس الدنيا ضيقة فيه وماعاد يقدر ينفس من الهـم والشوق .. يلقى أنس جمبه .. يقويه .. يقنعه .. يصبره .. !

مضت لياليه بلا طعم .. وأيامه بلا لون .. واهو مع اقتناعه ببعادها .. الا انه ماقدر يمنع أمنية تسللت لقلبه بكل يوم .. عساه يشوفها بأي مكان .. ولا يلمحها !!
وظل احساسه بالأمل مره يتلاشى لين يفقده ..
ومره يحسه يملكه ويطيره بسماء أحلامه


وعـد نفسها كانت تموت وتحيا بنفس اللحظة ألف مره .. واهي مو قادرة تتحمل بُعد من ملك حبه كل ذره بكيانها .. وبكل مره تاخذها أفكارها انها ترسله ولا ترد عليه .. ولا أي شي يبرد قلبها وقلبه .. ترجع تنثني عن هالقرار .. وتستوعب نهاية هالعلاقة .. وانها بدل ماتبرد قلبها .. راح تعذب وتولعه فيه أكثر ..
وصار الآهات وبس الآهات الشي الوحيد الي تعبر عنه مشاعرهم ..

::

من جهــــــــة ثانية .. ناس كانت غارقة بمشاعر انفعالية .. مشاعر عاصفة .. مشاعر غير متوقعة بداخل قلب قسى لدرجة التحجر على شخص .. ولاااان لدرجة الطراوة على شخص ثاني ..
أكيد عرفتوها ؟؟؟؟
فتون الي بلحظة ضياع .. ابتدت جامعتها مع عهود .. وكان هذا أكبر تقارب يقربها من سلطان .. الي مرات كثيييييييييييرة وصلهم ووجابهم .. وكم مره توددلها ..
واهي الي تحس بالنقص .. مالت بمشاعرها لهالشخص الودود !!!

::

حنــــــــان وللأسف !
رجعت حنان المنطوية الحزينة الـ " مصدومة " كانت تعيش وسط نار تحرقها .. مو عارفة كيف بلحظة انكشفت أسرارها كلها لأهم شخص اعتبرته بحياتها !! شعور بالحرج والألم والصدمة والحيـرة .. !
ماخفاها ان فيه سر بالموضوع .. وبلا تردد راحت شكوكها على فتون .. كلمتها .. حققت معها .. هزأتها .. بس خلاص الي صار صار ..
مو قادرة تعرف طريقها كيف ! ولا وين الصح .. ووين الغلط بحياتها !!

::

مرام وخالد
وين مالقلوب تنقط شهــــــد .. والدنيا تمطــر فرح .. كانت هذي حياتهم الظاهرية ..
رهف ابتعدت بعد ماحطمها صد خالد ..
بس مايئست .. ابتعدت تفكر بأي طريقة توصله لها غير المكالمات .. يمكن القى طريقة تختصر عليها الطريق وتجيبه لها لو كان بآخر الدنيا .. !

::

عبير
العروسة الحلوة الي ماعاد تشوف أحد .. كل يومها والثاني بالسوق مع أمها .. تجهيزات للزواج الي ماعاد بقى عليه شي
وهالشي بحد ذاته .. كان سبب ضياع فتون الي مو ناقصتها أسباب تضيعها !

********

* قبل زواج عبير باسبوع *

بالجامعة
طلعت فتون من المحاضرة واهي تتأفف بضيق وتقول : والله ما أسكتلها المره الجاية شايفتنا بزران عندها تطردنا التبن
عهود : ههههههههه بس ترانا غلطانين طول المحاضرة عيوننا بالجوالات ..
فتون : شسوي انتي بعد اخوك يرسل رسايل بأوقات مالأمها دااااااااعي ..
عهود : لاتحطينها باخوي تقدرين تشوفينها بعد المحاضرة ..
فتون : ياويل قللللللللبي والله ماقدر
عهود : هههههههههههههههه الي يسمعك يقول رسايل غزل واهي كلها نكت تحشيش ..
فتون : المهم يرسلي ويعبرني نكت تحشيش ولا تفتيش ..

عهود : اوكي وش بنسوي الحين ؟؟
فتون : نروح بيتنا وش نسوي عاد .. !
عهود : على قولك .. طيب واختك ؟؟
فتون : هذاني بدق عليها ..
ودقت على عبير وقالتلها باقيلها كم محاضرة ماتقدر تطلع
فتون وهي تكلمها : فكيك من المحاضرات يابنت خلاص زواج الاسبوع الجاي
عبير : خلاص اليوم آخر يوووووووم .. وباسحب ان شاء الله ..
فتون : اوكي أجل انا رايحة مع عهود ..
عبير : اوكي باي ..

وسكرت منها
عهود قالت : خلاص بدق على أخوي
فتون بضحكة : دقي حبيبتي دقي ..
ضحكت عهود على صديقتها المستخفة ودقت على سلطان الي رفض بالبداية بس يوم عرف ان فتون معاها وافق وجاهم !

لبسوا عباياتهم ينتظرونه وشوي ودق عليهم قالهم انه برا .. شالوا شنطهم وراحوا .. برضو لازالت مشاعر الحيا تملك فتون بوجود سلطان .. تكفي نظرة الاعجاب الي تحسسها بأنوثتها ..
ركبت اهي وعهود الي بدت تشتكي من الجامعة وسلطان يسمعها وساكت لين خلصت وبعدها قال مطنشها : شلون فتون ؟؟
ضحكت فتون بقلبها على عهود واهي ميته على حركاته وقالت : بخير الحمدلله ..
عهود : شهالطنااااااااش الي فيك انت ؟؟
سلطان : تشب عاد ..
عهود : أقول انت شكل مايرخيك الي النسرة الي وراي .. (( وكلمت فتون : فتوووووون ميته من الحر انتي وبخاطرك تشرين شي باااااااااارد موووو ؟؟
فتون : هاه .. مادري ؟؟
عهود : الا تدرين قولي ايه تكفين تراني ميته عطش ..
فتون : شدخلني انا ؟؟
سلطان : تبين السوبرماركت فتون ؟؟؟
فتون بهمس : براحتك !
عهود : تقووووووووول اييييييييه تبي يالله وقف
سلطان : ترا عندي آذان اسمع فيها .. وهي قالت براحتك مو ايه أبي ..
عهود بتكشيرة : وشي راحتك طيب ..
سلطان : الي يريح فتون يريحني ..
خلاص فتون شوي وتذوب مكانها من كلامه الحلو الي يسحر قلبها ..ويغير خواطر ومشاعر بداخلها ..

راحواالسوبرماركت وفتون ميته حرج من طيبته معاها وتدليعه لها خاصة مع تعليقات عهود الي ماترحم ..

ركبوا السيارة وام سعود دقت على فتون تسأل وينها .. ويوم عرفت انها طلعت قالتلها تجي على بيت خالتها لأن مافي أحد ببيتهم ..
وصلها سلطان بيت خالتها .. ونزلت وقلبها تعزف فيه مشاعر تفرحها .. وترسم الابتسامة بلا شعور على شفاتها ..

دخلت البيت ولقت امها وخالتها بالصالة ..
سلمت عليهم وقعدت إلا ام سعود تقول : خلصتوا جهاز عبير ؟؟؟
ام سعود : ناقصتنا أشياء بسيطة بس ..
ام فيصل : الله يسهل خلاص مابقى شي ونفرح فيها ..
ام سعود : بعد عمري بنيتي وعقبال مانفرح بمنى ومرام قريب يارب
ام فيصل : الله يسمع منك .. ونفرح بفتون بعد ..
فتون بتكشيرة : لا تكفون خلوني بعالمي مبسوووطة انا مافكر اتزوج قبل الجامعة !!!
أم فيصل : الله المستعااااان حبالك طويلة .. لا ياعمري كلها كم شهر ويجي فيصل

فتون بصدمة : وانا شدخلني فيه جا ولا ماجا !!

ام سعود : تعرفين من صغركم واحنا نقول انكم لبعض ..

فتون بانفعال : وشدخلني فيكم تقولون هالكلام ولا ماتقولونه .. ((ووقفت بحمق واهي تقول : معليش خالتي انتي على عيني وراسي بس لا تحسبيني بوافق على ولدك عشان كلامكم هذا ؟؟
ام فيصل بقهر : وشالي ناقص ولدي ماتبينه يالفالحة هاه؟؟؟
فيصل : مو ناقصه شي وألف وحده غيري تناسبه .. انا مستحيل أسعده شوفي من الحين أقولك اهي .. مستحيل ناخذ بعض وان كانك انتي وامي مخططين على هالشي انسوووووووووووه من هاللحظة ..
ومشت عنهم وطلعت الدرج ..
ام سعود تقول : مب صاحية هالبنت !
ام فيصل مقهورة منها ومن كلامها وقالت : بنتك ذي مادري شالي يلعب براسها .. تراها متغيرة من سافر أخوها انتي مو ملاحظة ؟؟؟
ام سعود بضيق : والله انا انشغلت طول هالفترة بجهاز عبير ومادري شصايبها .. بس ماعليك منها اذا جا فيصل يصير خير ان شاء الله

راحت فتون غرفة حنان واهي تحاول تخفي ضيقها وحمقها من كلام امها وخالتها .. حلم ابليس بالجنة آخذك يافيصل بعد ماذليتني وخذلتني ورحت وتركتني .. مو بعد مالقيت الي يحس فيني ويحسسني بسعادة ماحسيتها لا معاك ولا مع غيرك .. !

اتنهدت بقوة ودقت باب حنان ..
شوي وفتحت حنان الباب وطالعتها بصمت ..
فتون بابتسامة : ممكن أدخل ؟؟؟
فتحت حنان الباب واهي ساكته .. ودخلت فتون الغرفة وسكرت حنان الباب وراها ..
فتون وهي تقعد : شلونك حنان ؟؟
حنان باقتضاب : بخير ..

فتون بحزن : بس ياحنان مايصير الي تسوينه بعمرك .. بالله كل هذا عشان طلع الي تكلمينه اهو عمي !! بالله مو أحسن يكون عمي ولا واحد غريب ماتدرين شغايته معاك !
حنان : لو سمحتي فتون انتي بالذات لا تكلميني بهالموضوع

فتون : هذا جزاتي سويت خير فيكم؟؟ بغيت انقذك من معاناتك الي كنت تعيشينها ليلك ونهارك .. بغيت أقرب منك انسان حبك من صغرك واتمنى يجي اليوم الي ينجمع فيه معاك !! ومستحيل بيسعدك أحد مثله لأنه يحبك بكل جوراحه ..

حنان بدت تدمع وتقول : فتون انتي مو مستوعبة شي .. عمك هذا عرف كل ماضيي الي انتوا ماتعرفون عنه .. عمك مايحبني كثر ماهو شفقان علي وراحمني

فتون : لا حبيبتي عمي يحبك والدليل انه بغاك قبل مايدخل المنتدى وتعرفينه فيه !! حنان ياعمري ترا عمي حيل تعبان أرجوك فكري بطريقة ثانية غير هالطريقة الي تفكرين فيها ..

حنان واهي تمسح دموعها : فتون أرجوك قفلي الموضوع وانا بكيفي أفكر مثل مافكر ..

انفتح الباب ودخلت مرام وصرخت : فتووووووووووووووووووووووو ون !
فتون : سبراااااااااااااااااااااا ايز ههههههههههههههههههههههههه هههههه
مرام : وحشتيييييييني يادووووبا صارلي شهر يمكن ماشفتك
فتون واهي تسبل عيونها باستهبال : مو فاضية لأحد انا شاغلتني اموري وحياتي الخاصة ودراستي و ...
مرام بقرف : بس بس بس مو لايق عليك هالدوررررر

ضحكت فتون عليها وسلموا على بعض وحنان تتمنى تطردهم ثنتينهم من غرفتها ..
حست فتون بنظرات حنان وفهمت هالشي ..
وطلعت وهي تقول : تعالي انتي شمغيبك اليوم ؟؟؟
طلعت مرام من غرفة خالتها وسكرت الباب وهي تقول : مو بكيفي فتون كل شي بحياتي صار تحت حكم اخوك !
فتون وهي تضحك : اخوي قالك غيبي !!!
مرام : لا مو قالي بس اضطريت أغيب لأن حضرته سهران معاي أمس لين الفجر اتخيلي نمت عنده .. ويحكيني اليوم انه قعد ساعه يصحي فيني ماصحيت بالآخر قال للخدامة تشوفله الطريق وشالني وطلعني غرفتي وراح ..
فتون : ههههههههههههههههههههههههه ههههههههههههه مب صاحين ..
مرام : آآه بس .. قوليلي شخبارك انتي من زمان عنك ..
فتون : مابي اوقف بالسيب تعالي غرفتك ..
مرام : يالله ..

ودخلوا الغرفة وأخذتهم السوالف مابين الضحك والمرح ..
محد منهم داري شتخبي لهم الأيام من وضع يختلف تماما عن الوضع الي هم فيه الحين .. وضع مليئ بالدموع مايعرف اي معنى للمرح !!!

******
*يوم زواج عبير وتركي *

فوضى عارمة وسط أحد الكوفيرات وأجملها ..
مرام : لالالالالالالالالالالالال ا مو مصدقة عيووووووووووني مستحيييييييييييييل !!!!
فتون : ههههههههههههههههههههههههه هههه لهالدرجة متغيرة ؟؟؟
مرام : ياويليييييييييييييييييي تهبلين تهبلين تهبلين طلعتي جناااااااااان بالمكياااااااج !
فتون : احم احم انا جنان به ولا بدووونه
مرام : حرااااااااام عليك حارمة نفسك طول عمرك منه .. شوفي شلون صرتي وحده ثاااااانية قسم بالله رووووووووعه ..
فتون وهي تضحك : بس لا يكبر راسي الحين !
مرام : ههههههههه خلي يكبر مو خسارة هالشعر الي بينقص ..
فتون : لالالالا مو قاصته !
مرام بفرح : جد ؟؟؟
فتون : اي خلاص قررت أطوله

مرام : لاااااااااا انتي شصاير فيك اعترفي ؟؟؟ مكياج وشعر مره وحده بتهبلين بالعالم اليوووم !

وصلتهم منى وحنان الي اهم بعد انهببببببلوا على شكل فتون الغير متوقع وكلهم دقوها بالحكي على سبيل المزاح .. شعندك وشالي مغيرك وهالكلام الي خفقله قلبها واهي حاسة انه نابع من أنوثتها الي ماحستها الا على ايد سلطان ماغيره ..

داخل أحد الغرف
ملاك ثاني كلن يسمي الرحمن لاشافها .. عبير بمكياجها المموج وتسريحتها الناعمة طلعت مجسد للجمال والسحر والنعومة ..

طلعت بعد ما أنهت زينتها بكاملها .. وجاها خالد أخذها للقاعة ..
والبنات راحوا مع السواق..

بالقاعة كانت البهرجة على سن ورمح ..
أم سعود الي كانت فرحتها ماتساويها فرحة بزواج بنتها الكبيرة ..

وصلوا البنات وعاتبتهم ام سعود على تأخرهم بس انلجمت يوم شافت شكل فتون !!
ام سعود : انتي بنتي ولا شبيهتها !!
فتون : هههههههههههه شبيهتك وانتي الصادقة كلن يقول طلعت اشبهلك
ام سعود : تهبلين ياعمري حصني نفسك ماشاء الله طالعة وحده ثانية بهالزين ..
ضحكت فتون واهي راضية حيل على شكلها ..
وطول الزواج وعيون تراقبها .. عيون أم سلطان ماغيرها ..

نادتها وسلمت عليها ومدحت زينها وجمالها وولعت فتون من الحيا .. وكانت طول الزواج حولها اهي وصديقتها عهود ..

(( حانت الزفة ))

اتسكرت الأنوار ولبسوا البنات طرحهم
اتسلطت الأضواء على البالكونة الي على اليمين .. وانفتحت وظهرت منه عبير وأبوها !!
واتعالت الأصوات والزغاريط والتصفير ..
وزف أبو سعود بنته لين آخر درجة ووقف

بعدها اتسلطت الأضواء على البالكونة الي باليسار لتنفتح ويظهر منها تركي وأبوه .. وماقلت الزغاريط والأصوات المتعالية عن طلة عبير ..
زف ابو تركي ولده لين آخر الدرج ووقف

بعدها اتسلطت الأضواء عليهم الاثنين ومشى الأخوان متجهين لبعض .. سلموا على بعض .. وسلم أبو سعود عبيــر لتركي .. ومسك تركي إيدها كبداية تعلن انها صارت من هاللحظـة ملكه وحليلته !
طلعوا الأخوان من القاعة وتركي وعبير مشوا كالملاك الهادي لين وصلوا الكوشة .. وقعدوا .. اشتغلت أعذب الأغاني ..
وتركي همس لعبير : أبارك لنفسي عليك .. قبل ماباركلك ..!
ابتسمت عبير بحيا وقالت : وانا بعد ابارك لنفسي عليك .. تملك علي وتملكني بنفس اليوم مو مصدقة ..
تركي بضحكة : انا الي مو مصدق وباستخف ! مبروك حياتي ..
عبير : الله يبارك فيك ..

شوي وجوهم المعازيم يهنون ويباركون ويسلمون .. فتون قامت لاختها وحضنتها وماقدرت تمنع دموعها ..
عبير : بس حياتي لا تبكي ذي اول مره تحطين مكياج لاتخربينه
فتون واهي تضرب كتفها : هذا الي همك ..
ضحكت عليها وبعدها مشوا سوا ..
حان الوقت الي ياخذ عروسه بعد شوووووق نهك قلبه وروحه ..

وانتقلوا سوى لأروع الفنادق
فتحت تركي الباب وقالها : اوقفي ..
وقفت عبير وتركي اتلفت يمين يسار ويوم شاف السيب فاضي .. انحنى بخفة وشالها ودخل فيها ..
عبير وهي تضحك بحرج : ياويلي تركي شتسوي ؟؟
تركي وهو يضحك : هالحركة دايم أشوفها بالافلام وانتظرت يجي اليوم الي أسويها مع اني مادري وش معناها بس كذا عجبتني ..
عبير : ههههههه اوكي نزلني خلاص وصلنا ..
اتأمل تركي وجهها لحظات .. ووقفها ومسك ايدينها ورفعهم لفمه بخفة .. وباسهم بنعومة ..
ولعت عبير واهي تحس انها مو قادرة توقف من الحرج ..
والي أحرجها أكثر نظراته الحارقة الي ماترحم .. نزلت عيونها على الأرض واهو ابتسم على حياها .. قال بهمس : باتركك تاخذين راحتك لمدة خمس دقايق بس .. احسبيها زين لأنها ماراح تزيد ولا ثانية ..!
عبير بحرج : اوكي .. وانت وين بتروح ..
تركي : باطلع هالدقايق الخمس وأرجع ..
هزت عبير راسها وهو فسخ شماغة والي عليه وصار بس بالثوب غمزلها وفتح الباب وطلع .. فسخت عبير عبايتها وهي ماتدري وش تبدي بالخمس دقايق .. !!

مشت تسحب ذيلها الطويل وراها وفتحت دولابها الي جهزولها فيه أغراضها من قبل .. آه وش اقدر ألبس الحييييين .. هذا .. لالا هذا .. لالالا أحسن هذا !! يووه كلها تحررررج .. ياربي وش البس !! طال الوقت واهي تتأمل قمصانها يوم سمعت صوت الجناح انفتح ..!!

اخترعت وسحبت أول قميص صادفها ماتدري كيف شكله ..
ودخلت الحمام وسكرته ..
دخل تركي الغرفة وهو يضحك .. مشى الحمام ودق الباب وهو يقول : خلصت الخمس دقايق اطلعي ..
عبير ماردت واهي مولعة من الحرج .. وبسرعه غيرت فستانها ولبست القميص الوردي الي سحبته .. وانصدمت يوم شافت قصره ! لالالا بارجع لفستان الزواج !! وفعلا بغت تفصخ قميصها وترجع لفستانها بس دقات تركي على الباب ربشتها ..

أخذت نفس طوييييييييل واهي تدعي ربي يقويها ومايغمى عليها ..

وفتحت الباب واهي منزلة عيونها على الأرض ..

كان تركي منحني يدخل أغراض بالدرج .. قام وهو يرفع راسه .. وشافها ..
و
وأترك الباقي لخيالكم يتصوره .. ^ _ ^

*****

بنفس الوقت كانت فتون تبكي على فراق اختها ..
كل شي حولها يذكرها بمواقفهم .. ضحكهم .. جنونهم .. مرحهم ..
ماعاد قدرت تتحمل أكثر وطلعت من الغرفة ..
مشت بخفة لين غرفة أمها ..
دقت الباب بشويش .. ماجاها نداء عرفت انهم نايمين
فتحت الباب بشويش ودخلت ..

اتوجهت للكنب الطويلة الي آخر الغرفة واتمددت عليها .. عسى قلبها يهدا من رجفتها الي حستها من استوعبت فراق اختها
ذبح قلبها الفراق .. حست انها لو ماتت يوم .. بتموت بسبته ..!!


*******
بعد يومين
جا اتصال لبيت أبو سعود يقول ان أكو خطاب جايين يخطبون (( فتون ))
والصدمة كانت يوم كان الاتصال من (( أهل عهود ))

باختصرلكم الأحداث

الرد كان .. الرفض .. !!!!
طبعا فتون ولعت وثاااااااااارت عليهم .. بأي حق يرفضون بدون مايشاورونها !!
قالتلها أمها انها مخطوبة لفيصل !!! وان فيصل خطبها قبل مايروح .. !!!
تذكرون يوم كلم خالته بالملحق ؟؟؟
ارجعوا فوووووووووق واقروا

هنا ولعت أكثر وبكت وانهارت ..
وقالتلهم انها ماتبيه وحلم ابليس بالجنة تاخذه !!!!.. وتلفظت عليه بألفاظ ماتحملتها أمها وصارخت عليها انه يسواها ويسوى طوايفها !!

حتى خالد انقهر منها لأنه مايطيق عهود وأخوها ويحسوهم فري بزيادة !!
وبمره دقت عهود عليهم سمعها خالد كلام مايسرها .. انها تبعد عن فتون وان خراب فتون وخراب أخلاقها بسببها !!!
ولعت عهود منه خاصة يوم قعد يتشمت بأخوها ويقول اختي ماتاخذ واحد عرفها قبل يقصد علاقة عن طريق علاقة !!

توترت العلاقة حيل بين عهود وفتون .!

وفتون فإن كانها كرهت فيصل بيوم فكرها له بالمره اتجاوز كل الحدود ..
كرهته لدرجة انها دعت عليه بالموت .. !!

انت الي رحلت وخليتني .. اتركني أعيش لحياتي ..
ان كانك بيوم حبيتني .. عمرك ماحسستني بذاااتي
يكون بعلمك وافهمني .. أبدّي عليك المماتي !

**********

طلعت رهف من غرفتها بسرعه بعد ماسمعت صوت أخوها جاي من الحوش يكلم واحد من أخوياه .. راحت للشباك بسرعه وشافته واقف يسولف معاه وحست ان فرصتها جتها من السماء .. أسرعت لغرفته ودورت على جواله وشافته وأخذته بسرعه ووقفت عند الشباك تراقبه لايدخل فاجأة ويشوفها ..
راحت بسرعه لرقم خالد ودقت من جوال أخوها ..
رن كم رنة بعدها جا رد خالد : هلا والله ..
رهف : خــــــــــالد !
سكت خالد فجأة يحاول يستوعب الصوت ؟؟ متأكد ان هذا رقم عادل أخوها ذي شلون دقت منه .. !!
رهف : الووو .. خالد رد علي ..
خالد : نعم !
رهف : خالد مابي أطول معاك .. أدري اني هم على قلبك تتمنى تزيحه اليوم قبل بكرا .. وخلاص انا بروح وأريحك بس عندي أشياء بوصلها لك بنفسي .. وأوعدك ماعاد أنغص عليك أبد !
خالد : توصليلي أشياء .. ؟؟ شهالاشياء بالضبط .. ؟؟
رهف بتنهيدة : ماقدر أقولك بالجوال .. بس اذا ماتبيني اوصلها لك بوصلها لمرام ترا أسهلي عن طريق الجامعة ..
خالد بانفعال : اتركي مرام بحالها يارهف ولاتفكرين تقربين منها أحسنلك !!
رهف بضحكة : مو عشان كذا بلاش ندخل بمشاكل احنا بغنى عنها .. عطني موعد أشوفك فيه بالمكان الي تبيه .. وبعدها باطلع من حياتك للأبد ..
خالد : آسف رهف .. لا مره وحده ولا عشر مستحيل أقابلك انتي ليه مو مستوعبة اني انسان متربط ومتزوج !!!
رهف خبت جرحها وقالت : لو مني مستوعبة كان ماقررت أنسحب .. بس هي مره ياتكسبها بصفك يابتكره حياتك لأني مستحيل انسحب بدون ماوصلك الي أبي .. !
خالد : وش توصليلي انا متأكد ان مالي شي عندك !!!!
رهف : انت ناسي .. بس اذا تقابلنا بتعرف ..
خالد : وانا مستغني عنها ومابيها والحين فكيني تكفين ولاعاد تدقين ارجوك ..
رهف : براحتك .. لاتلومني لو رحت لمرام بنفسي ..
خالد بصراخ : رهـــــــــــــــف !! الا مرام ماتقربين منها فاهمة ولا لاء !!!!!
رهف : اوكي طاوعني أجل وخلني أشوفك !
خالد سكت واهو حيل محتار .. شتبي منه هذي وش تبي توصله أشياء ؟؟؟ وده يرفض ويتركها بس خاف فعلا تروح لمرام ..
وقال بضيق : عندك شي تعالي الكفي المنحوس الي كنا نتقابل فيه قبل .. باطلع من دوامي على 5 وأمر هناك ..
وسكر بوجهها واهو حيل متضااااااااايق .. ماوده يشوفها ولا حتى يكلمها .. بس اهي قالت هالمره وبتطلع من حياته للأبد وهذا الي يبيه .. تختفي من حياته ويعيش مع مرام بلا قلق ولا منغصات .. !

مرت الليلة كريهة وصعبة على خالد واهو يتخيل طيف مرام حوله .. تلومه .. تعاتبه .. بس عشانك حياتي وعشان نعيش بسلام ..

::
من بكرا

الساعه 5 بالضبط ..
دخلت الكفي وجرت اول كرسي صادفها وقعدت وهي تقول : يمه هالكفي أخيس كفي شفته بحياتي ماتشوفينه شلون مزوي وبعيد عن كل مكان .. خلينا نروح الرنديفو ولا ستار بكس ..
أم عهود : اقول حنا مو مطولين .. ابي آخذلي كاس قهوة يعدل مزاجي ونطلع .. قومي اطلبيلنا وانا باقعد آخر المحل ماحب الزحمة والناس
عهود بضيق : يوووه طيب ..
وقامت تطلبلها اهي وأمها ..

وصلت هالوقت ست الحسن وعدلت نظاارتها ونزلت .. دخلت المحل واهي تتلفت يمين يسار تشوف ان كان وصل ولا لاء .. !
اختارت أحد الطاولات البعيدة الي متعودين يقعدون عليها قبل .. وقعدت عليها ..!
صارت تدق أصابعها ببعض بتوتر .. اليوم بتشوفه بعد فراق سنوات .. ياويلي شلون شكله .. اتغير ولا لاء ؟؟ اه ياقلبي مو مصدقة اننا انتهينا خالد ..
انتفضت يوم انتفتح الباب ودخل خالد بقوة واهو يشيل نظارته لتظهر عيونه الصارمة تفر الطاولات لين استقرت على طاولتها !
وقف لحظات يطالعها واهي بدورها وقفت تطالعه ..
انصدم بداخله من شكلها .. وضعفها .. كانت متغيرة عليه 180 درجة .. ! بس ماغيرت صدمته شي من ملامحه الجامده ونظرته الصارمة ..
رهف وقع قلبها لرجولها واهي تشوفه .. نفس العيون الذباحه .. بس اهو عكسها .. وسامته زادت .. وهيأته حلت أكثر ..ََ

مشى بخفة وهو يتمنى يرجع بدل مايتقدم .. وقف قدامها وأول شي قاله : وين الأشياء ؟؟؟
رهف بصوت مرتعش : خالد .. اقعد شوي ..!
خالد : مو قاعد !! قلتيلي بتوصليلي أشياء .. هاتيها وخلصيني .. !
رهف : خالد الأشياء بقولها لك .. مو أسلمك اهي !
خالد بتكشيرة : نعم !!
رهف : خالد ارجوك لاتعصب .. انا ماكذبت عليك انا فعلا بوصلك أشياء يعني بقولك عليها .. أرجوك اقعد ..
انقهر خالد منها وحس انها ضحكت عليه .. بغى يرجع بس قال خلاص دامه جا خل يفتك منها لاترجع تدق عليه مره ثانية ؟؟
سحب الكرسي بقوة وقعد وقال : شعندك ؟؟؟؟

حاسبت عهود على الكفي وشالته ودارت تبي ترجع الا ضربت عينها بآخر الطاولة يوم شافت شخص يشبه صديقة عمرها فتون ..
آه من كثر شوقي لها صرت أتخيل شكلها بوجوه الناس .. مشت بخفة واهي تتبين ملامحه .. وانصدمــــــت !!!!
مو معقووووووول !! هذا خــــــــالد !! قاعد مع ميييييييين ؟؟؟؟؟
ياسلااااااااام علييييييكم هذا انتوا الي لعنتوا أبو جد فتون انها ماخذه واحد عن علاقة واتشمتوا بأخوي !!!
تعالوا شوفوا راعي العلاقات هنا بعيوونكم !
يالخاين ياخالد !!!!

وقفت مكانها مولعة ماتدري وش تسوي .. بس قهرها من المشاكل الي صارت والكلام الي جرحهم خالد فيه خلاها تاخذ موقف محدد وتقرر تتصل على مرام !!!
مشت كم خطوة على ورى .. وحطت الكفي على جمب واتصلت على مرام ..
شوي وجاها الرد بارد : هلا
عهود : هلا مرام شلونك ..
مرام : بخير .. انتي شلونك ؟؟
عهود : تمام .. مابي اطول عليك انتي كنك بسيارة موو ؟؟
مرام : ايه شتبين ؟؟
عهود : مابي شي بس ياليت تجين كفي الـ ............ ضروروووووووي !
مرام : نعم !! وليه ان شاء الله ؟؟؟
عهود : في مفاجأة تنتظرك !
مرام : عهود بلا استهبال .. قوليلي شعندك ؟؟؟
عهود : والله ما استهبل .. فيه مفاجأة تنتظرك وأقولك بعد .. تراها تتعلق بخالد !!
سكتت مرام لحظات بعدها قالت : خالد !!!
عهود : ايه .. وياتحلقين عليها ياماتلحقين .. فتعالي الحين بسرعه وانا باطلع !!
أخذت مرام عنوان الكفي ومن حسن حظها كانت وحدها بالسيارة ..

وصلت الكفي وقلبها يخفق بكل عنف .. مو قادرة تربط بين الكلام
.. كفي .. .. خالد .. عهود .. لا وعهود بعد بتطلع يعني مالها دخل بالمفاجأة المزعومة !! ياربي شالسالفة ؟؟؟

جرت رجولها جر واهي تحاول تبعد عن بالها أي وساوس ..

فتحت باب الكفي ودخلت ..

فرت عيونها المكان بسرعة .. واستقرت أخيرا على طاولة خالد ورهف !!!!!!

*******

توقعاتكم ؟؟؟ تعليقكم ؟؟ استنباطاكم ؟؟
كل مشاعركم تهمني ..

[جرح الذات]

الجزء الثامن عشر

عواصف هوجاء عصفت بالمكان محد حس فيها إلا شخص واحد كان يعاني من عواصف داخلية أقوى ..
مضى وقت واهي واقفة مكانها تنقل بصرها بين خالد ورهف وتحاول تكذب عيونها .. غمضت عينها وسكرتها اتمنت انه حلم والحين بتصحى منه .. !
بس تجدست الحقيقة قدامها يوم التفتت رهف عليها وشافتها .. !
عند هاللحظة بس استوعبت المشهد ومشت متوجهة لطاولتهم وعيونها تنتقل مابين رهف وخالد ..
حس خالد بقرب أحد منهم وحانت منه التفاتة ليشوف مرام تمشي ناحيتهم !!!!
وقع قلبه لرجوله من الصدمة !! وشخص بصره فيها واهو مو عارف شالي جابها لهالمكان ؟؟ وشالي تفكر فيه هاللحظة ؟؟؟؟

وصلتهم مرام وعيونها على رهف بالذات وقالت : أخيرا جبتيه ؟؟
رهف : عفوا انتي من حضرتك .. ؟؟
مرام بضحكة سخريه : أنا زوجته .. شرايك بهالمسخرة ؟؟؟
رهف بصدمة : مـ ر ام ... ؟
مرام تمثل انها حزنانة عليها وتقول : للأسف أنا مرام جيت وخربت عليك .. بس تدرين عاد ؟؟ (( والتفتت على خالد وطالعته بنظرة نسفت كيانه .. وقالت : مالومك فيه .. خالد مره وسيم وكول .. كلامه يجنن .. حركاته تسحر .. خسارة ان مالك حظ فيه !
وقف خالد بقوة واهو الي طول الوقت كان متصنم ومو قادر يستوعب وجود مرام وقال بخنقة : اتركيها عنك مرام ..
طالعته مرام من فوق لتحت وقالت : ارتاح حبيبي .. كمل جلستك الحلوة ترا لو أدري انك معاها ماجيت بس صدقني ماكنت أدري ؟؟
والتفتت لرهف وقالت بسخرية : هنيالك فيه .. حطيه بعيونك تراه بمنتهى الوفا !!
خالد بانفعال : مرام قلتلك اتركيها عنك مو اهي الي تساويك عشان تقوليلها هالكلام !
مشت مرام لخالد لين صارت قباله مايفصل بينهم شي وقالت بهمس مايسمعه الا هو : طريقة حلوة تتفادى فيها احراجك معاها !! بس خلاص انا باطلع من هالمكان .. وبالمره باطلع من حياتك كلها !
ودارت تبي تمشي الا ايد مسكتها وقفتها .. ماكانت ايد خالد .. كانت ايد رهف الي قالت : مرام ترا مو ذنبه انا الي جبته غصب عنه !
مرام بسخرية : أوووه ! من متى خالد بن سعد ينجبر ؟؟؟
رهف : صدقيني كان رافض وأنا .....
خالد ماتحمل مواجهة مرام لرهف وقال مقاطعها : انتي انطمي وانا عندي لسان أبرر فيه موقفي ..
سحبت مرام ايدها بقوة من عند رهف ومشت مسرعه لخارج المحل ..

مشى خالد يبي يلحقها بس رجع مره ثانيه لرهف ومسكها من عند رقبتها ونفضها بقوة واهو يقول بغضب : عاجبك الي صار هاه؟؟ أقسم بالله يارهف لو رجعتي لحياتي ثاني لأتسبب بفضيحتك عند أهلك ولأخلي اسمك على كل لسان !!((رماها بقوة على الجدار .. إلا فجأة سمع صـوت قوي قادم من الشـارع .. صوت تفحيـط سيــارة وصرير مززززعج هز كيانه واهو يحس ان له علاقة بمرام !!

رهف نفسها اخترعت من الصوت و غمضت عيونها بألم وهمست : خـ ـالد .. مـ ـرام طلعـ ـت .. إلحقها !!

دار خالد بسرعه والنيران تفور بكيانه وركض وفتح الباب بقوة كادت تخله .. وبقوة أكبر طلع من المكان ..
وكانت الصـاعقة !!
لقى مرام طايحة على وجهها .. وسيارة قربها مايفصل بينهم الا نصف متر !
صرخ بأعلى صوته واهو يركض ناحيتها : مـــــــراااااااااام !!!
نزل صاحب السيارة وركض اهو بعد لمرام وشافها وقال بخوف : ماصدمتها يالاخو .. والله ماصدمتها !!
خالد بصراخ : شصااااارلها ؟؟؟؟؟
الرجال : كنت ماشي بالشارع عادي الا طلعت اهي علي فجأة بتقطع الشارع بدون ماتتلفت .. وأول ماشفتها فرملت السيارة بقووووة لا أصدمها بس اهي من الخوف تيبست مكانها ماتحركت .. بعدها طاحت شكل اغمى عليها من الخرعة !!
شالها خالد وطبطب على خدها ونادها .. مالقى أي رد .. مهي حاسة بالي حولها !

اخترع خالد ووقع بين صدمتين !! صدمة دخلتها عليه وصدمة سقوطها فجأة ..
وقف وشالها بسرعه وركض فيها لسيارته وفتح الباب الخلفي وسدحها ..
وركب قدام وانطلق بالسيارة لأقرب مستشفى .. وطول الطريق يطالعها من مراية السيارة ويشوف الألم مكتسي ملامحها .. يضرب الدركسون بقوة تكاد تنسفه !

*****

نزلت أم فيصل الدرج واهي تكلم بالجوال : خلاص آدم ارجع البيت الحين بسرعه !
وسكرت منه واهي تقول : لاحول ولاقوة الا بالله .. الله يستر !
جتها منى واهي تقول : شفيك يمه ؟؟
أم فيصل مو قادرة توقف على رجلينها وقلبها ناغزها على بنتها .. رمت نفسها على الكنب واهي تقول : اختك مادري وين اختفت !! يقول آدم وصلها كوفي دخلته ولاعاد طلعت منه !
منى بصدمة : ايــــــش !!! يمه شهالكلام وين اختي وين راحت ؟؟؟؟
ام فيصل بقلق : لا تسأليني ترا دمي نااااشف ولادري وينهي وجوالها مسكر بعد !
منى : طيب دقي على خالد !
ام فيصل : والله بغيت أدق بس خفت أخرعه عليها .. قلت أصبر شوي يمكن ترجع ولا تدق واذا ما صار دقيت عليه ..
منى برجاء : يمه مافينا صبر شالي تنتظرين شوي ؟؟ عادي دقي عليه واذا قلق يعني شفيها ؟؟ هذانا احنا قلقانين يقلق معانا ..
ام فيصل : على قولك .. والله بدق عليه
ورفعت جوالها ودقت على خالد .. بعد كم رنه جاهم الرد بصوت خالد المبحوح : هلا خالتي ..
أم فيصل : هلا يبه خالد شلونك !
حس خالد بنبرة القلق واضحة بصوت ام فيصل فقرر يعلمها بدون ماتسأل وقال : بخير .. بتسألين عن مرام موو ؟؟
ام فيصل : اي ياخالد وينهي ؟؟؟؟
خالد بتنهيدة : طيبة هي مافيها شي .. بس تعبت شوي وأخذتها المستشفى ..
ام فيصل بخرعة : مرام بالمستشفى .. شفيها ياخالد ؟؟؟؟
خالد : مافيها شي خالتي .. طيبة وتقدرين تجين تشوفينها بعد .. بس هبوط بسيط تعرفينها شلون ضعيفة ..
أم فيصل هالوقت ماقدرت تربط بين الأحداث الملخبطة الي صايرة .. كل الي همها بنتها الي بالمستشفى الحين وشالي صايبها .. سكرت منه وقامت اهي ومنى الي سمعت الكلام وماتت من الخوف على اختها ..
لبسوا عباياتهم وطلعوا على المستشفى بعد ماقالهم خالد عليه ..

::

كان خالد قاعد جمب راسها .. ايد تمسح على شعرها والايد الثانية ماسكة إيدها وضاغطة عليها .. اتأمل وجهها وملامحها التعبانة وطعنات متتالية تطعن قلبه وكل جزء بكيانه ..
ياعمري انتي ماتحمل قلبك كل الي صار .. قوية عليك تشوفيني بهالمشهد الملعون .. وتكتمل صدمتك بالسيارة الي شفتيها مقبلة عليك .. أكيد بتخترعين ويغمى عليك .. هذا هو قلبك حساس ورهيف .. وانا الحقير الي دمرته .. آسف مرام .. سامحيني حياتي ..
رفع ايدها لفمه وصار يبوس أصابعها بنعومة ..

فتحت مرام عيونها بوهن وانصدم بصرها بوجهه .. رجعت سكرت عينها مره ثانية وقدرت تسترجع الأحداث الي مضت وخفق قلبها بعنف واهي تتذكر المشهد .. فتحت عينها مره ثانيه وشافته واهو يراقب ملامحها وماسك إيدها
جرت ايدها منه بضعف واهي تقول بصوت تعبان : إطـلع برا ..!

خالد عوره قلبه من كلامها .. اهو كان متوقع منها أي ردة فعل اذا صحت وشافته .. تصرخ عليه .. .. تمد ايدها عليه .. تبكي .. وكان بيتحملها ويتحمل كل الي يجي منها ..
لكن مرام مافيها تسوي شي من هذا .. كانت ردة فعلها انها تطرده !
خالد برجاء : اسمعيني مرام ..
مرام : لا تطري اسمي على لسانك !! (( ودارت وجهها على الجهة الثانية واهي تقول : اطلع برا .. مابيك خلاص .. اطلع من حياتي كلها ..
خالد بانفعال : مرام لاتقولين هالكلام بالله عليك !! انتي لازم تسمعيني وتفهمين الي صار !
مرام : مني مجبرة اسمع منك شي .. انت واحد مخادع كذاب شلون اسمعك ؟؟
خالد : مالومك بهالشعور لأنك مو فاهمة شي .. مرام صدقيني ضحكت علي ! قالتلي بتسلمني أشياء تريحني وتريحك منها بس اتفاجأت انها تبي تقعد معاي و ...
طالعته مرام بنظرة احتقار وقالت : و إيش كمل ؟؟؟ ماقدرت ترفض وتطلع ؟؟ خقيت قدامها واتحركت مشاعر حبك الأول !
خالد : لا يامراااام ماعاد بقلبي مشاعر ناحيتها صدقيني ..
مرام بصوت اتهدج من الدموع : خالد أنا أخذتك دارية ان لك ماضي أسود ومع ذلك رضيت ! ولا أنا انسانة عفت نفسي وصنتها شالي يجبرني آخذ واحد لعب بماضيه لين شبع ؟؟ بس لأني أحبك وأبيك ولأني صدقت ان ماضيك انتهى .. وعلى هالاساس اتقبلتك مو عشان يتجدد ماضيك حتى بعد ما أخذتني .. خالد انت انسان ضعيف .. تحاول تنسى ماضيك بس مو قادر .. صحيح سكرته بس أي نداء منه يرجعك له على طول !! لأنه لازال لها مكان بقلبك !!
خالد : مالها أ ...................
مرام وهي تبكي : لاااااتحاول تنكر ياخالد .. مافي شي يجبر زوج يحب زوجته ويخاف ربه انه يقعد مع وحده غريبة عليه الا لأنه ضعيف قدامها .. واسمحلي خالد .. انا ماتحمل أعيش مع واحد بهالشكل .. (( بكت أكثر واهي تقول : اطلللللع برا واتركنيييييي خلاص مابيك مابيك مابيييك ..

انطعن خالد بالصميم !!
كلام مرام نسف كيانه ودمره .. كلامها صحيح وماعليه غبار .. لو اهو كره رهف وقرر يبعدها عن حياته كان مانتظر يهددها بالفضيحة لهاللحظة !!
سأل نفسه ليه مو من أول رجعـة رجعتها لحياتي هددهتا بهالفضيحة وافتكيت .. أو من أول اتصال لها بعد ملاكي .. !! مو بعد ما شافتني مرام بوضع خلاني أهون من الحشرة بعينها !
شالي كان يمنعني من اني أبعدها وانا كل الي كنت اسوية اتجاهل اتصالاتها وبس !!
أنا الجاني وأنا الظالم وياويل قلبي منك مرام .. !
ياسخرية الأقدار الي خلته من البداية يرفض مجرد الكلام مع مرام بهالموضوع لأنه يحسه اهانة لعلاقتهم !! وآخرتها تنهـــــار هالعلاقة بسبب رضوخه الغير منطقي لطلب رهف !!

دخلت الممرضة واستغربت حالة مرام .. مشت واهي تقول : اش الي صار أخوي المريضة محتاجة ترتاح مو تنهار أكثر .. تعرف معها هبوط بالضغط بليز اتركها ترتاح

ضاقت الدنيا بعيـــــونه !
وقف واهو يحس بقلبه ينزف من جروح القدر .. مسك ايدها وحاولت تسحبها بس كان ضاغط عليها .. رفعها لفمه وباسها .. وانحنى عند راسها وقال بغصة : انا باطلع عشانك الحين بس راجعلك بعدين .. الموت ولا فراقك مرام ..
وترك ايدها وطلع وعيونها تتبعه وتناديه .. بس قلبها يرفضه ويعاديه .. !

جوها أهلها وكان خوفهم على حالتها أهم عندهم من معرفة شالي صار .. وماصار الليل الا واهي طالعة البيت بعد محاضرة طويلة من الدكتور كلها تلزمها انها ترتاح وتبتعد عن أي ضغوط .. بنت صغيرة بهالعمر .. ليه يصيبها انهيار ؟؟؟


*****

في فندق العروسين

انتبهت عبير من نومها ووقعت عيونها على مكان تركي فاضي ! استغربت وقعدت بخفة وطالعت الساعه لقت الوقت متأخر !! يالله صارلي كم نايمة ؟؟ شالي نومني هالوقت أصلا .. أذكر اني نمت بالصالة .. يوه يافشلتي شكل تركي شالني ودخلني !

فركت وجهها بوهن وقامت من فراشها وفتحت باب غرفتها لقت الصالة فاضية ! توقعت انه راح يصلي .. رجعت وفتحت دولابها أخذتلها حدا ملابسها الناعمة ..ودخلت الحمام ..

رجع تركي هالوقت من الصلاة وانتبه لباب الغرفة مفتوح .. دخل لقى السرير فاضي عرف انها صحت ..
ياسلام الغرفة باردة واهو فيه النوم .. له اسبوع مايشبع نوم وياكيف بيشبع وعبورة قربه !
بدل ملابسه بملابس البيت ورمى نفسه على السرير
شوي وطلعت عبير بلبسها الفستقي الناعم .. فستان بلا أكمام لنصف الساق ..

شافت تركي واهو ماخذ السرير بالعرض ومغطي وجهه بالمخدة ..
ضحكت وحبت تناكفه مشت بنعومة وأخذت مناديل ولفته لين صار طويل ونحيف ..
وقعدت وراه وسندت ذراعينها على ظهره وصارت تلعب بالمناديل عند اذنه ..
حرك تركي راسه واهو يقول : هممممممممممم ..
ضحكت عبير وهي تقول : قوم ياكسلان ..
تركي واهو كاتم وجهه بالمخده : تعبان ابنام ..
عبير : مافيه نوم تركي خلنا ناكل جوعانة ..
تركي : اوكي شوي بس ..
عبير : لا الحيييين .. بعد لثلاثة وقوم .. 1 .. 2 .. 3
تركي ماتحرك ..!
قامت عبير وهي تقول بزعل مصطنع : طيب تركي ماحبك ..
نزلت من السرير ومشت للباب الا تركي يقول : شقلتي ؟؟؟
التفتت عبير وشافته واهو رافع راسه مو ورى المخده وشعره مبعثر طالع يجنن .. وقالت بدلع : الي سمعته !
تركي : ماتحبيني هاه ؟؟
عبير ضحكت بداخلها بس حبت تناكفه وقالت : اي ماحبك انت عنيد وماتسمع الكلام !
تركي واهو يوقف : بتسحبين كلامك ولا شلون ؟؟؟
عبير وايدها على خصرها : لا مو ساحبة كلامي شعندك ..؟؟
تركي كان واقف على السرير واهي متخصرة بالأرض شكلهم يضحـك ..
تركي : انا اوريك شعندي (( وبنقزة وحده صار قدامها واهي اخترعت ورجعت على ورى بس تركي كان أسرع منها شالها بخفة ومشى فيها وهي تقول بضحكة : شبتسوي ؟؟؟؟؟؟؟؟
تركي : الحين تشوفين ..
مشى لين دولاب طويل بأدراج .. دف الكرسي برجوله لين حطه قدام الدولاب وطلع عليه .. ورفع عبير بكل قوة قدره ربي عليها لين وصلها فوق الدولاب وحطها واهي تصرررررررخ واهو يضحك ..
نزل من الكرسي وشاله من قدام الدولاب ورمى نفسه على السرير واهو يقول : لو سمحتي مابي ازعاج خليني انام ..
عبير بخوف : تركي حرام عليك نزلني ..
تركي كاتم وجهه بالمخده عشان لاتشوف ضحكته...
عبير : تركي خلاص والله مازعجك والله بخليك تنام زي ماتبي بس نزلني ..
تركي : خليك وتقولين ماتحبيني .. اتحملي الي جاك !
عبير وهي شوي وتبكي : تركي امزح معااااك .. نزلني ترا والله أخااااااف ..
تركي رق قلبه من صوتها المبين انها صدق خايفة .. لف جسمه وطالعها ببرود مصطنع وقال : تبين تنزلين ؟؟؟
عبير : ايه بسرعه والله خايفة أطييييح ..
تركي وهو رافع حاجب : اوكي .. قولي أحبك 15 مره بعدين أنزلك ..
عبير بصدمة : تركي انت من جدك ؟؟ حبيبي نزلني واقولك الي تبي ...
تركي : مو منزلك قبل ماتقولينها ولا كيفك ترا بنام !
عبير : لالا .. لاتنام ..
تركي : زين يالله قولي
ضحكت عبير بحيا واهي من تزوجوا ماقالتله هالكلمة الا مره وحده واهو اللي يالله سحبها منها .. والحين تركي مخيرها بين خيارين أهونهم صعب ! ياانه يتركها فوق الدولاب ولا تقوله أحبك 15 مره !!!
اتربعت وظهرت كل سيقانها وحطت ايدها تحت خدها وابتسمت بحرج وقالت واهي تحاول ماتطالعه : أحبك .. أحبك .. أحبك .. أحبك .. أحبك .. أحبك .. ((كانت ترددها بدون عد !!
وتركي كان منخبل على هيأتها ويضحك عليها ولا عد كم مره قالت ..

فاجأة سكتت عبير وقالت : كم صارت ؟؟؟
تركي : مادري .. ماكنتي تحسبين ؟
عبير بقهر : لاااااا .. انت ماكنت تحسب ؟؟؟
تركي: لاء .. يالله عيدي من جديد ..
عبير : ياربييييييييي مابي مابي نزلنييييييي ..
تركي : بتعيدين ولا بنام ترا أحس عيوني تتسكر بحالها ..
عبير بتنهيدة : ياويلي منك .. أوكي بعيد وانت احسب باصابعك
تركي بضحكة : أوكي ..
عبير : أحبك .. أحبك .. أحبك .. أحبك .. أحبك .. أحبك ..
وتركي يعد بأصابعه ويضحك .. لييييييييين كملتها 15 مره !
وعلى طول فزت وقالت : يالله نزلني
تركي انهوس من برائتها وقام واهو يقول : كنتي تقدرين تنطين على السرير .. شوفيه قريب !..
عبير : لا حبيبي انا مو بايعة عمري لو فتون اختي كان سوتها بلا تردد ..
تركي مايبيها تصير مثل فتون .. وعابجته واهي بريئة ونعومة بهالشكل .. ونزل ووقف قدام الدولاب ورفع ايدينه وقال : ارمي نفسك ..
عبير : لااااااا .. جيب الكرسي ونزلني زي ماطلعتني ..
تركي : عبير ماراح تطيحين .. بامسكك بسرعه الأرض قريبه ..
عبير واهي تطالع الأرض بخوف : ياويلي !
تركي: يالله عبير .. بامسكك أنا مستحيل أخليك تطييحن ..
استسلمت عبير ونزلت رجولها أول شي .. بعدين زحلقت نفسها واهو مسكها على طول بس تعثر وطاح على السرير على ظهره وطاحت عبير فوقه ..
عبير وجهها بوجهه خافت وقالت : تعورت ..؟؟
تركي طالعها لحظات وبدل مايرد قرب فمه وباسها ..
استحت عبير وضحكت وقالت : اقول لاتستغلني وقوم أكلني يالله ..
تركي بنظرة ولعتها : لاحقين على الأكل عبير ..
عبير بضحكة : الحين مو تعبااااااان وفيك النووووووم !
تركي باستهبال : أنا فيني نوم ؟؟ أفا من قال هالكلام ..؟؟

ضحكـــت عبير بنعومة .. وذاب تركي من ضحكتهــــا

**********
ابريطانيا

طلع أنس من الشركة واهو يكلم بالجوال : زين حياتي أكلمك بعدين لأني بسوق الحين .. بانتبه ان شاء الله .. اوكي ياعمري .. أحبك .. سلام
سكر ولاسعود جمبه يغني : ناس في مراكب سايرة وناس في مراكب تايهة وحايرة ..
أنس : لاحووول .. ردينا ؟؟
سعود : ليه ومن قال اننا خلصنا ..
فتح باب السيارة وركب .. وأنس ركب جمبه وشغل السيارة واهو يقول : وينك وقت البريك مريتك مالقيتك بالمكتب !
سعود : ايه وقتها دقت علي امي وطلعت اكلمها ..
أنس : غريب تدق هالوقت ؟؟
سعود : حتى انا استغربت .. بس ياخي صايرة شوية مشاكل عندنا وتبيني أكلم فتون ..
أنس ماحب يدخل نفسه وقال : ايه الله يصلح الأحوال
سعود :آمين .. ليه ماسك هالشارع وين بتروح ؟
أنس : بمر الفيوتشر شوب شوي ..
سعود : يوووووه أنس مالي خلق تكفى وصلني البيت وروح بكيفك
أنس : لاحبيبي مافيني رايح جاااي تعال معاي ومو مطول هناك ..
سعود : أنس بالذات هالمحل حوووسة ماطيق أدخله ..
أنس : سعود لاتصير بزر ..
سعود انتبه لمحطة باصات بالطريق وقال : اقول وقف باخذلي باص يوديني البيت !
أنس : مانت صاحي ياخي امش معاي شوي اخلص ونرجع ..
سعود : اعرفك انت راعي طويلة .. وقف يالله ..
أنس : بكفيك ..
وقف السيارة على الجمب ونزل سعود وسكر الباب ومشى متوجه ناحية المحطة ..

::

بنفس الوقت
طالعت وعد ساعتها لقت باقي دقايق وينتهي الدوام .. سكرت الكامبيوتر بعد ماخزنت معلومات شغلها فيه .. وقفت وشالت بعض الأوراق وراحت للمديرة وسلمتها اياها وشكرتها المديرة على جهودها
وقفت بعدها عند المراية وعدلت طرحتها .. وشالت شنطتها الصغيرة على كتفها ومشت طالعة من المحل متوجهة لمحطة الباصات ..

كعادتها من تطلع من المحل ينهار القناع المزيف الي يكتسي ملامحها طول مهي بالشغل .. من ابتسامة ومرح .. ومن تعتب باب المحل ترجع لطبيعتها الحزينة وعيونها الضايعة بالأماكن !!
تلمح خياله بين الرايح والجاي .. تحس بروحه طيف يسكن بعيونها

عرفتك بالزمن صدفة ....... بلا خطة ولا ميعاد
سكنت بقلبي وبجوفه .. وصرت لدنيتي أعياد
قدرنا نفترق لكن .......... عذابك بالفراق ازداد
لأنه مانتهى صدفة ......... أهو خطة غدر تنعاد

وصلت للمحطة واهي تكابد جروحها .. طالعت الوقت باقي دقيقتين ويوصل الباص .. اختارت أحد الأماكن البعيد عن زحمة الركاب .. وسندت ظهرها على الجدار .. وشنطتها على صدرها حاضنتها بذارعينها .. !

كان سعود واقف وكفوفه بجيبه ويتأمل السيارات يحاول يلقط منها الباص ..
رجع يطالع الركاب بتلقائية .. وجت عيونه ترجع للشارع الا اصطدمت بشخص بعيد واقف عند الجدار !!!
بنت بحجابها !!
انك تشوف وحده محجبة ببلاد الكفر شي يلفت النظر لمجرد احساسك ان هالوحدة مسلمة أو عريبة .. ذا أول شعور راود سعود أتبعه شعور ثاني يوم طرت على باله صديقة وعد المحجبة .. شهد .. (( تدرون وعد ماكانت تلبس حجاب قبل مايتركها سعود ))

كانت بعيـدة وماقدر يتبين ملامحها .. بس شعور غريب حسه يوم طول النظر فيها .. اقتنع انها مو شهد لأن واضح حتى واهي بعيد انها مو نفس الأشباه !! لكن هالوقفة الحزينة والراس المايل على الجمب .. ! يذكرونه بوعد .. بس وعد ماتلبس حجاب ..مشى كم خطوة واهو يتفرس ملامحها وقلبه يخفق بطريقة عجيبة .. كل ماقترب كل ماتيقن بداخله انها هي بس حجابها الشي الوحيد الي يخليه يعترض على احساسه ..
وصل الباص وقاموا الناس ومشوا للباص واتزاحموا
واختفت من عيونه .. !!
انقهر واهو الي يبي يشوفها عن قرب ويقطع الشك باليقين .. بس اتطمن انها ماوقفت بهالمحطة الا أكيد بتركب الباص .. انتظر لين ركب الكـل وركب اهو آخر واحد .. !

كانت قاعدة جمب احدى الشبابيك .. لما انتبهت لدخول آخر شخص للباص .. وآخر شخص اتوقعت انه بيركب معها نفس الباص !!

مشى سعود يدور مكان يقعد فيه وبنفس الوقت يدور البنت الي شافها
و
التقت عيونهم .. !

غـريبة قصة أيامي .. جنون الحب ابد مادام ..
كنتي جنة أحلامي .. وعشت بالفراق إعدام
رحلتي وضاعت أحلامي وقتلتي قلب لجلك هام
واشوفك الحين قدامي ..
حقيقة ؟؟ ولا حدا الأوهام ؟؟

مضى وقت وعيونهم معلقة ببعض .. وعواصف هوجاء تعصف بقلوبهم واثنيهم مو مصدقين الي يصير !!!
انتبه سعود لنفسه ..يوم مشى الباص واهو واقف ..
مشى بسرعه واختار أحد الأماكن وكان خلفها على الجهة الثانية .. قدر على الأقل يتبين جمب وجهها ويعيش حققية وجودها عنده ..

حس بروح تنبث بداخله وتسكن كيانه
عرف انه كان عايش بفراقها بلا روح .. بلا معنى .. بلا احساس ..
لأن كل هالمعاني سرقتها منه ... ورحلت !!

وعد نفسها كان قلبها يخفق بعنف شديد واهي الي شافته بعد طول هالفراق .. مو مصدقة ان سعود قاعد خلفها .. رجعلها .. شافها .. شكرت الصدف من كل قلبها ؟؟؟
غريبة اهي الي اختارت الفراق بنفسها .. لو سألوها بتقول هاللحظة أسعد لحظة بحياتها .. لأن شعورها هاللحظة .. شعور طفلة ضايعة لقت الأمان .. عرفت انها كانت عايشة بفراقه جحيم الحرمان .. والضياع .. !

طول الطريق واثنينهم على أعصابهم مايدرون شكاتبتلهم الدنيا باللحظة الجاية .. يرجعون يتفارقون !! ولا هذا هو اللقاء الي سرقته الدنيا منهم !

وقف الباص وقامو الركاب ونزل بعضهم والبعض ظل راكب منهم سعود ووعد !

وبكل محطة يوقف الباص ينزل البعض الا اهم ..
لأن اثنينهم شعورهم واحد ..
اثنينهم خافوا يتحركون وينزلون .. وتكتب عليهم الدنيا الفراق من جديد .. ! محد منهم بيتجرأ ويلحق الثاني !
لذلك قرروا يقعدون بهالمكان الي جمعهم بلا ميعاد ..
فكر سعود .. لمتى ؟ بتجي لحظة لازم ينزلون .. ووقتها .. شالي بيصير !!

وفجأة خلى الباص من جميع الركاب الا منهم اهم بس الاثنين
قال السائق بالانجليزي واهو مستغرب بقاء هالاثنين لهالوقت : انا حامشي لمحطة الـ ..... ! وهي تبعد ساعه .. حترافقوني لهناك بعد ؟؟؟؟

وقف سعود وطالع من الشباك للمكان الي وقف الباص فيه .. مكان مجهول وبعييييييد ولأول مره يشوفه .. بس مضطر ينزل خلاص لمتى بيظل بالباص .. مشى لين وصل لكرسيها .. والتفت وقال : ماراح تنزلين ؟؟؟
خفق قلبها وارتعشت ايدينها يوم سمعت صوته الي فقدته شهور طويله .. التفتت وشافت بعيونه نفس نظرة الخوف والحرص الي فقدتها ..
وقالت بهمس : الا .. (( وقفت وشافت من الشباك المكان الغريب .. والي لأول مره تشوفه !! راودها شعور بالخوف بس قرب سعود منها حسسها فورا بالأمان!

مشى سعود ومشت خلفه .. قرب من الصندق الي بجمب السواق ودفع المبلغ عنه وعنها ..
واهي وراه متنحة ماتدري شتسوي
.. بس تتبعه .. !

نزل من الباص ومشى كم خطوة ونزلت اهي وراه .. !
طالعها سعود لحظات .. واهي ماتحملت تطالعه نزلت عيونها على الأرض ..
اتنهد ومشى ومشت خلفة بخفة ..

سألها : جيتي هالمكان قبل ..؟؟
وعد : لاا ..
سعود : أوكي خليك هنا الحين أجي ..
وعد بخوف : فين رايح ؟؟؟؟
طالعها سعود وشاف الخوف بملامحها وقال : بروح أسأل عن موعد الباصات الي تجي هالمحطة .. اقعدي لين أجي ..
بلعت وعد ريقها بصعوبة وتأملت المكان حولها بخوف وقالت : أول مره أجي هنا .. أخاف أجلس لحالي ..
رق قلب سعود عليها ولام نفسه أصلا شلون فكر يتركها لحالها ..
ابتسم ابتسامة ذبحت قلبها وقال بحنية : تعالي معاي ..
مشى ومشت جمبه لين وصلوا أحد المحلاات وطلبوا مطوية الباصات .. قرا سعود مواعيد الباصات وكانت المفاجأة ..!!
أقرب باص ممكن يجي هالوقت بعد ساعتين.. !!
احتاااااار شسوي ؟؟ يكلم أنس؟؟؟ مستحيل أنس بيعرف هالمكان ويجيه .. ساعتين بيقضيها مع وعد !! كيف قلبه بيتحمل ؟؟ واش ممكن يسوي ؟؟

طالعها وقال : عندنا وقت طويل على مايجي الباص ..
هزت وعد راسها وعيونها متعلقة بعيونه ..
سعود : ماظن بنوقف بالشارع .. تعالي نشوف مكان نقعد فيه ..
وعد بهمس : على راحتك
مشى وتبعته وعد لاشعوريا .. نست كل شي هاللحظة .. نست قراراها بالابتعاد .. نست نهاية علاقتهم .. نست كل شي وماعاد تفكر الا برجعته .. وشوفته .. وقربه منها .. ومشاعر الراحة والأمان الي تحسها بقربه ..
مشى سعود وعيونه تراقب المحلات يدور شي مناسب يقعد فيه اهو وعد !
شالي صار ؟؟ كيف لقيتها ؟ شلون رتبت الدنيا هللقاء بيننا بعد ماصار وجودها سراب بحياتي؟
معقولة هالسراب استوى واقع !!؟
التفت وطالعها بنظرة خلت وجهها يولع مايدري من أي شعور بالضبط ؟؟ يبي يصدق عيونه .. وحتى لو أنكرت عيونه وجودها مستحيل قلبه ينكر .. تكفي المشاعر الدافية الي حسها أول مالقاها
وعد شوي وتطيح من تصادم الأقدار .. لاحظت نظراته الي يرميها عليها بين لحظة والثانية .. تشوف فيها بحر عميق من المشاعر قدرت تمير بينها نظرة عتب !
ياويلي من هالنظرة سعود .. انا بروحي ميتة ومنتهية مو عاد تذبحني بنظراتك .. اش الي تحس فيه الحين اش الي يدور ببالك ؟؟
لهاللحظة مادار بينهم أي كلام خاص !! ولا حتى سأل عن أحوالها ..
كن الي معاه وحده جمعته فيها ظروف وقتيه بتنتهي بعد ساعتين ويرجع كل شي زي ماكان!!
وعد نغزها قلبها من هالخاطر ! هل بتستحمل يرجع كل شي زي ماكان .. ويختفي سعود من حياتها من جديد ؟؟؟

وصلوا لأحد الكفيهات .. ودخلوها .. تلفت سعود لقى طاولة جانبية ..
قال بهدوء كنه مراعي ضجة مشاعرها هاللحظة : وعد .. اقعدي هنا باطلب كفي وأجي ..
اسمها بلسانه له وقع خاص كنه أول مره يناديها .. !
مشت للمكان الي أشر عليها ولازال الصمت وبس الصمت رفيقها من بداية المشوار .. كل الكلمات ضاعت منها مابقالها غير الصمت ونظرة عدم التصديق لوجود سعود معها !

دقايق وجاها سعود حامل كاسين .. حط الكاس الأول قبالها .. شكرته بهمس ورد عليها بهمس ممثال ..
قعد قدامها والكاس بإيده ..
مرت دقيقة والصمت يذبح بينهم ..
كانت وعد تقلب الملعقة بالكفي مكونة دوامة بهالسائل تشابة دوامة مشاعرها هاللحظة ..
قدر سعود هالوقت يطالع فيها ويتأمل ملامحها المكتسية بالحزن .. والضياع .. نفس الملامح ونفس الهيأة الي شافها فيها أول مره بالفندق ! بس الفرق ان وقتها كانت بلا حجاب !!
قال بهدوء : مبروك الحجاب !
أخذت وعد نفس ورفعت عينها وردت : الله يبارك فيك ..
سعود : ماشاء الله شالي غيرك وخلاك تلبسينه ؟؟
وعد : أنا من يومي ألبس حجاب بس ظروف عملي أجبرتني أخلعه .. والحين لما تركت العمل قدرت أرجع ألبسه بدون أي موانع ..
سعود : امهمم .. وشالي خلاك تتركين العمـل ؟؟
صدمـــــــــة !
سؤاله ضربها على الوتر الحسـاس !
كيف بتجاوبه وتعترف ؟؟؟
قال واهي تحاول تضبط رعشة صوتها : أسباب كثيرة خلتني أتخذ دا القرار ..
سعود : ممكن أعرف بعضها ؟؟
بلعت وعد ريقها بتوتر .. عمرها مارتبت كلام لهالمواجهة .. ولا هي عارفة كيف تصيغ أعذارها بطريقة مناسبة ..
طال صمتها وسعود ساكت يراقبها كنه حاس بالي يدور بخاطرها .. وبالآخر قالت : بصراحة أنا من البداية ماكنت مرتاحة بالعمل .. أكثر شي احساسي بالذنب فـ كل يوم أطلع فيه الصباح من بيتي بلا حجاب .. هذا سبب .. والثاني ..... !
سعود يحثها تكمل : .......... الثاني .. ؟
وعد لاشعوريا تجمعت الدموع بعيونها .. وقالت : انت تعرفه !!
سعود واهو رافع حواجبه باستغراب : أنا أعرفه !؟ صدقيني ماعرف شي .. !
وعد :مو معقول .. أكيد خطر على بالك ..
سعود واهو ينقل بصره بين عيونها : الحين انتي ليش تبكين ؟؟؟
وعد : الموضوع دا مأثر على نفسيتي مره ..
سعود : أوكي وليه سويتي كذا ؟؟ ليه تعبتي نفسك بهالشكل ؟


وعد : لو ماسويت الي سويته كنت بالنهاية حاتعب أكثر !
سعود واهو مو مستوعب قصدها ومشاعرها : ليه ؟ كان واضح انك مرتاحة !
وعد : مرتاحة صح .. بس حيجي يوم تطلع كل هالراحة من عيوني !
سكت سعود يحاول يستوعب قصدها .. راوده شعور انها تقصده اهو .. واليوم الي تتكلم عنه اهو يوم رحيله ! حب يتأكد من شعوره الي توصله وسألها : بيأثر عليك هالشي مره ؟؟
وعد : انت اش رايك ؟؟ اذا انت تحس ان قربنا عادي ومو مأثر عليك فبصراحة أنا غير عنك ..
سعود بنرة اهتمام : شلون غير ؟
وعد بتنهيدة : قربنا على قد ماكان يسعدني ..الا انه بنفس الوقت متعبني لأني مو قادرة أبعد عن بالي التفكير باليوم الي حتنتهي كل هالراحة الي أعيشها .. يمكن صعب عليك تفهمني لأن دالشي عادي عندك ..
سعود : ومن قالك انه عادي !!
ضاعت عيون وعد بوجهه ..
واهو قدر يترجم مشاعرها لأنها ماتختلف عن البركان الي انفجر بداخله من لحظة عرفها !
قال : يمكن تستغربين ياوعد بس صدقيني انتي أبد مو شي عادي بحياتي ..
التفت يبعد عنها عيونه لا تفضح مشاعره الثايرة .. وشوي ورجع طالعها بنظرة غريبة وقال : كنتي مرتبة لهالفراق قبل ماسافر ؟؟؟؟
هزت وعد راسها واهي تراقب ملامحه بحذر ..
سعود : وليه ماقلتيلي ؟؟ صدمتيني باختفائك وعد ! كنتي أقلها تركتيلي خبر ولا مسج يطمني انك بخير مو أكثر !
وعد من بين دموعها : ماحبيت اربطك معاي خفت تعترض وألقى نفسي أضعف وأتراجع ..
سعود : مو من حقي أعترض وعد .. حتى لو تركتيلي عناوينك كلها كنت بتفهم غايتك من رحيلك وماراح أضغط عليك .. بس يتطمن قلبي انك بخير وانك مرتاحة .. مو تختفين فجأة قلقتيني عليك وعد !
غطت وعد فمها بإيدها تمنع شهاقها المكتوم .. وماتحمل سعود يشوفها بهالشكل .. سحب منديل من الطاولة وعطاها واهو يقول : لا تبكين .. تكفين !
أخذت المناديل ومسحت عيونها بصوابها الناعمة وسعود يقول : وعد أنا ماعاتبك من فراغ .. أعاتبك من احساس قلب .... (( اتمنى يقولها يحبـــــك .. يتمناك .. يهيم بهواك )) بس كبت هالمشاعر وقال : قلب يعزك ويتمنالك الخير .. من عرفتك وانتي استويتي شي مهم بحياتي كان صعب علي أرجع ألقاك اختفيتي بدون مقدمات ..
وعد : آسفة سعود .. بس صدقني مادفعني لدالشي إلا لأني أدري ان بعادك الأخير بيقتلني !!
سعود : وليه يقتلك ..؟؟
وعد بلا شعور : لأني أحبـــك !
=================
لانت ملامح سعود من صدمة اعترافها !! ورجع على ورى بخفة وكلمتها يتردد صداها بإذنه يحاول يستوعب الي سمعه حقيقة ولا يتهيأله !
اعترافها كان ساحق لكل التوقعات الي خطرت على باله عنها .. !
وعد ماتدري شلون قالتها .. كيف تكونت هالحروف على لسانها مشكلة هالكلمة ! ماتدري شالي يحس فيه هالوقت وشالي بيقوله عنها .. !
نزلت عيونها وقالت بهمس : آسفه ..
سعود : على ايش الأسف ..
وعد : اتجرأت بمشاعري بس ماكان بإيدي .. وهذا سبب ابتعادي ..!
سعود بحنية : هربتي بحبك أحسنلك من انهياره بعد فترة !
هزت وعد راسها بملامحه تشع بالألم ..
سعود بابتسامة تسحر : مشاعرنا مهي ملكنا ياوعد .. ولاهو هو بكيفنا نمنعها عن الي نبي ونوجهها للي نبي .. ( واتنهد واهو يقول : ناس نحاول نحبهم وتعجز قلوبنا تودهم مجرد ود ! وناس .. ( ابعد عيونه عنها ) سكن حبهم بقلوبنا وسكن جوارحنا من أول ماعرفناهم..
وعد واهي تمسح دموعها بطرف كمها : ونهاية الحب دمار .. ماتشوف ان البعد من البداية أحسن؟؟
سعود : أنا أحترم قرارك وعد .. بس ماتدرين هالدنيا شتخبي لنا من مفاجآت !
وعد : ماعاد فيني اتحمل مفاجآت أكثر الي لقيته بحياتي يكفي وزيادة !

سعود اتألم حيل على حالها .. اتوقع انه اهو بس الي يعاني حبها .. وهذا هو الحين لقى ان قربه كان عذاب لقلبها أكثر من انه راحه !
شلون بيتحمل واهو ماعاد همه بهالدنيا غير سعادتها ..؟؟

عجيبة دنيا ماترحم .. تقرّب بين قلوب اثنين .. ويصير الحب هاجسهم .. وروح وحده سكنت جسدين .. سرقنا دربنا بغفلة .. ولقينا الحـب سكن قلبين
نهاية دربنا صدمــة .. نبي نمشي ونغمض العين !

طالع ساعته لقى الوقت اقترب .. رفع عينه وابتسملها ابتسامة ذوبت روحها .. بادلته ابتسامته بخفة وفهمت ان الوقت حان ولازم يقومون ..
وقف ووقفت معاه ومشوا .. وزي ما دخلت بصمت .. طلعت بصمت .. وطول الطريق بصمت .. بس هالمره رجعت بمشاعر غير .. كن جبل كان على صدرها وانزااااح يوم اعترفت بحبه ..
ماتدري شنوع مشاعره ناحيتها بالضبط .. بس الي همها انها خلته أمام صورة واضحة بلا أي غباش ..
وقفوا عند المحطة بانتظار الباص
كل من شافهم وابتسملهم يحسبهم أسعد زوجين ..
اتمنت وعد هالوقت نفس هالأمنية واهي تطالع سعود بطرف عينها ... لأي مدى بوصل من السعادة لو وقفت بيوم نفس هالوقفة مع سعود لكن بوضع مختلف .. زوجته !
آه ياقلبي شكثر جميلة الأحلام لما تكون بالخيال بس .. وياويل قلوبنا اذا ربطناها بواقعنا العقيم !
وصل الباص ومشوا متجهين ناحيته .. ركبوا .. وقعدوا بأماكن مختلفة .. وعد تفضل تقعد بطرف مافيه الا كرسي واحد عشان تمنع عنها الحرج لايقعد بجمبها رجال ..

هالباص وصلهم لمحطة ثانية ومنها أخذوا باص ثاني .. بهالوقت وعد قالت لسعود عنوانها .. مافكرت بشي هاللحظة غير انها مو قادرة تستوعب ان هالمرة بتكون آخر مره تشوفه ..

ركبوا الباص ومشوا لمنطقة بيتها .. ونزلت وعد وعيون سعود وقلبه يتبعونها .. مشت لين اختفت من قدام عيونه ..

شهد بهاللحظة انه لو عاش قبل جنون ماكان بيوصل لجنون حبه هالوقت ..
اتمنى من كل خاطر ينزل وراها ويطير فيها لجنة مايعيشها غيرهم ..
وردها حبهم .. عطرها قربهم .. شمسها وجودهم .. وظلها هواهم !

******

بعد أسبوع من الأحداث السابقة

مشت منى لغرفة مرام وقبل ماتوصل سمعت تلفون البيت يدق .. جت تبي ترجع ترد بس ترددت وخافت يكون خالد !! ماتبي ترد عليه لأن لو سألها عن مرام ماتدري وش بتقوووووووله !!
طنشت التلفون ودقت باب غرفة مرام .. وبعد لحظات فتحت مرام الباب وعيونها متورمة من البكي الي صار صديقها من طلعت من المستشفى ..
اتنهدت منى بضيق ودخلت وسكرت الباب واهي تقول : يعني مو قايلتلي شصار ؟؟
مرام : منى انتي ماتملين ؟؟؟ قلتك مابي اتكلم بالموضوع أمي الي هي أمي ماعاد سألتني انتي ليه ماتصيرين زيها ؟؟؟
منى : لأن امي ياحلوة مايرجها خالد بالاتصال ويقعد يتوسلها مثل مايسوي معاي والله شوي ويبكي واهو يترجاني اكلمك واقنعك تردين عليه وتكلمينه !
مرام بدموع : يعني رحمتيه اهو وأنا الي صرت ظالمة ؟؟؟
منى : شسويلك انتي مو راضية تحكيني !
مرام : ليه هو ماحكاك طيب !
منى : حتى اهو مب راضي يحكي .. كل الي يبيه اني أقنعك يكلمك بعد ماقطع الأمل انه يشوفك ! والله صرت مارد على مكالماته لأني ماعاد صرت اعرف وش أقوله !!
مرام وهي تبكي : مااااابي يامنى أكلمه ولا أشوووفه تكفيييين خليه يبعد عني انا للحين ماطلبت طلااااقي ومادري شالي مانعني أطلبه .. لايضغط علي بهالشكل يخليني أسوي شي يدمرنا احنا الاثنين .. !
منى بصدمة : طلاااااق !!!!!!! مرام .. انتي شقاعدة تقولين ..؟؟؟
مرام واهي تمسح دموعها : خلاص يامنى لاتسأليني شي بالله .. قلتلك مو متكلمة بالموضوع بس اتوقع فهمتي انه شي كبير .. خلاص محد له شغل فيني اتركوني بحالي تكفوووون ..!
منى لازالت مصدومة وشي بخاطرها بدا يحسسها انه الي صار له علاقة بماضي خالد ..!!

مشت وسحبت مناديل وعطت اختها ومسحت على راسها بحنية .. وتركتها وطلعت واهي تقول بخاطرها .. والله ان كانك ياخالد مسوي شي من سواياك الأولية فانا أقولك احلم بتراب رجولها !!

اتأففت من هالوضع الي صاير .. كلن بغرفته مهموم .. مرام الحين وحنان من أول ماتدري شالي قلب حالها ورجعت مثل أول !!!

نزلت الدرج ولقت امها قاعدة وشبح ابتسامة مرسوم على شفاتها
انشرح صدرها يوم شافتها على الأقل فيه أحد يضحك بالبيت
قعدت وهي تقول : شكلك متونسة يمه شعندك؟؟
توسعت ابتسامة أم فيصل وقلت : حزري من دق تو ؟؟؟؟
منى باستفهام : ميييييييين ؟؟؟؟
ام فيصل : خالتي أم سعد !!!
منى باستغراب : ............ أم سعد ؟؟ منهي هذي ..؟
ام فيصل : جدة عبير وفتون شفيك ؟؟؟
منى استوعبت : اهااااااااا ياحلووووها .. شعندها داقة علينا !!
أم فيصل : ماتتوقعين ! داقة ياعمري عليها تخطب حنان لولدها صالح !!!
شهقت منى من الصدمة وشقت الضحكة واهي تقول : وااااااااالللللللللللله ؟؟؟؟؟؟
ام فيصل : اي والله .. تهبل اهي وكلامها تعرفين الحريم الكبار شلون يكسرون الخاطر والله بغيت اعطيها الموافقة من عندي بس تراجعت وعزمتها تجينا بعد المغرب ..
منى : اليوووووووم ؟؟؟؟؟؟؟
ام فيصل : اي اليوم والله استحيت منها مره ..
منى : حنان تدري ؟؟؟
ام فيصل بتنهيدة : لاء .. وادري لوقلتلها بتعيي وترفض زي عادتها .. عشان كذا خليهم يجون ونحطها عند الأمر الواقع .. وبعدها كلنا نقوم عليها ونقنعها خلاص تشوف حياتها وتطلع من هالصومعة الي ساكنتها ...
منى : اي والله فكرتك زينة عساها توافق يااااااااارب ..

::

بعد المغرب
رن الجرس وطلعت ام فيصل للحوووش تستقبل الخالة أم سعد ..
دخلت العجوز بعصاتها وأم فيصل هلت ورحبت فيها ترحيب يليق بمقامها ..
واستقبلها لمجلسها وقعدتها ..

الجدة بصوتها اللي مضى عليه العمر : والله يام فيصل وليدي كان يبي حنان من قبل ماتاخذ ولد الـ ....(عيلته)... بس حنا تهاونا لين راحت منه وبغى يطير مخه .. وشوفيه ياويل حاله عايفن الزواج كلش ومايبي غيرها ..
أم فيصل بابتسامة وسيعة : والله يام سعد صالح والنعم فيه رجال مالي ثوبه .. واذا علي فأنا من الحين اعطيك الموافقة ..
أم سعد : أجل نادي حنان خليني أنا أكلمها ..
أم فيصل عجبتها الفكرة وقالت : ابشري طال عمرك ..

وطلعت لغرفة حنان ودقت الباب وشوي وفتحت حنان
أم فيصل : حنان حبيبتي البسي وانزلي تحت
حنان : وليش ألبس ؟؟؟
أم فيصل : وحدة تبي تشوفك !
حنان : وحده تبي تشوفني ؟؟ منهي هذي !
أم فيصل : اذا نزلتي بتعرفين الحين بسرعه لانتفشل معها
حنان : تكفين والي يسلمك مابي أنزل .. اعتذريلها بأي شي قوليلها نايمة تعبانة مالي خلق أشوف أحد أبد
أم فيصل : والله ماقدر ياحنان اقولها هالكلام صعبة !
حنان : لييييييه .. مو أول مره يجي أحد بيشوفني وتصرفونه
أم فيصل : الي كانوا يجون غير .. والي الحين تحت غير !
سكتت حنان شوي تبي تستوعب ..
وأم فيصل قطعت عليها وقالت : بسرعه لاتتأخرين بالله عليك .. اذا كانلي عندك خاطر لاتفشليني !
حنان بهمس : ان شاء الله ..
وطلعت ام فيصل وحنان ظلت مكانها تحاول تستوعب منهي الي جاية والي شايلة ام فيصل فيها الدنيا وماتبي تتفشل قدامها ..
معقولة تكوووووون ............................... ؟؟؟؟
قطعت على نفسها تفكيرها يوم خفق قلبها بعنف .. بس حنان لاتفكرين بشي .. البسي وانزلي وخلي الأمور تمشي بطبيعتها وبعدها مافي أحد يقدر يجبرك على شي ماتبينه ..

لبست بسرعه وضبطت شكلها على السريع ومافاتها تلبس وشاحها ورمته على رقبتها ..
ونزلت
أول ما أقبلت على الصالة ابتسمت لها العجوز واهي تقول : ماشاء الله تبارك الله .. هلا بنيتي
ابتسمت حنان بحنية يوم انعكست الأدوار وصارت العجوز ترحب فيها بوقت هي انخرس لسانها وماقدرت تنطق ولا حرف يوم اتأكدت ظنونها وصات الحرمة اهي " أم صــالح "
سلمت عليها وحبت راسها وجت تبي تختارلها مكان تقعد فيه إلا الخالة أم سعد قالت : تعالي اقعدي جمبي يمه ..
انحرجت حنان ومشت وقعد جمبها ..
ابتسمت لها العجوز ومسكت ايدها وضغطت عليها واهي تقول : شلونك يمه ؟؟؟
حنان بحرج : بخير الحمدلله .. انتي شلونك خالتي ؟؟
الخالة : نحمدالله ونشكره على كل حال .. (( ورق صوتها واهي تقول : يابنيتي جايتك أنا وشيباتي أبيك توافقين على وليدي صالح .. وليدي بغاك من سنين وحنا الي ضيعناك من إيده ومن ذاك اليوم واهو ماهناله مرقد ولا ارتاحله بال .. عاف الزواج وعاف الحريم .. وهالحين كتب الله انك ترجعين لأهلك وأنا أقول ذي فرصتنا من الله نصلح الي ضيعناه .. هاه شقلتي يمه ؟؟؟؟
طالعت حنان باختها واهي حيل منحرجة .. لقت اختها تبثها بنظرات وابتسامة التشجيع .. نزلت عيونها على الأرض وبلعت ريقها بصعوبة .. صعب عليها ترفض طلب هالعجوز واهي تلمس الرجااااء بصوتها !! إهي راعية أدب وذوق وصعب عليها تسوي هالشي بدون سبب مقنع ..
عاشت لحظة صراع بداخلها واهي ماتنكر ان قلبها مال وحن .. بس ترجع تتذكر شلون عرف أسرار حياتها كلها الي حاولت تخفيها عن كل العالم والناس .. وتوقع بحيرة تعذب قلبها وروحها ..
الخالة واهي تضغط على إيدها : يمه شالي تفكرين فيه قوليلي ؟؟ اسأليني يابنيتي انا ماتعنيت وجيتك ويا تعابي الا عشان تسأليني الا بخاطرك .. هاه يمه شعندك ؟؟؟
حنان بهمس : ماعندي شي ياخاله ..
الخالة : قوليلي يمه لا تستحين .. اسأليني الي تبين عن هالولد .. والله لو ماني بأمه وشهادتي مجروحتن فيه .. ولا كان قلتلكم عن زينة طبايعه وأخلاقه ..
أم فيصل بابتسامة عذبة : بدون ماتقولين ياخالة كلنا نعرف صالح وأخلاقه الي توزن بذهب الله يخليه لكم يارب ..
الخالة : آمين .. هاه يابنيتي ماسمعنا رايك ؟؟؟
أخذت حنان نفس طويييل وابتسمت للخالة وقالت بهمس : موافقـــة !
هي قالتها ولا ماقالتها .. انقلب حال المجلس بشكل ماتوقعته حنان أبد ..
الخاله ماصدقت سمعت هالكلمة جرتها لصدرها وضمتها من خاطر أم حنووون ..
أم فيصل تجمعت دموع الفرحة بعيونها .. وحمدت ربها وشكرته الي حنن قلب حنان أخيرا بعد عذاب السنين !
اتأثرت حنان حيييييل بموقفهم .. ماتوقعت ان كلمة منها بتسعد قلوبهم عشانها بهالشكل ! شكثر شايلين همي انتوا ؟؟ شكثر حزني وانطوائي مشغل بالكم ومكدر عليكم ؟؟

طلعت غرفتها واهي ماتدري كيف وافقت .. !
صعب عليها حيل ترد العجوز .. !! بس اهي بهالشكل قبلت بصالح زوج لها !!!

ياويلي شلون باقدر أعيش مع واحد يعرف كل صغيرة وكبيرة بحياتي !!! كيييييف ؟؟

جاها نداء من أعمق قلبها .. (( هل بظل طول عمري بلا زواج ؟؟؟؟ ))
مو أكيد بيجي يوم أتزوج شخص مايندرى منهوو ؟؟
هالشخص أكيد بيعرف بعض أسراري اذا ماعرفها كلها !! شبيكون موقفه ذاك الوقت ؟؟؟
هل باتحمل نظرات تحقير لأي ردة فعل انفعالية مني !
هل باتحمل سخرية من تشوهي ؟؟
هل باتحمل أسئلة تتعلق بماضيي ؟؟

صالح انســــــان عرف كل هذا .. ومع ذلك بغاني بكل عيوبي ..

كانت هاللحظة الي وصلتها لهالشعور .. لحظة زرعت أمل شفاف بداخلها ..
عمرها كله مر بلحظة قدامها .. أحداثه كلها بحزنها وبفرحها

وقت ما تذكرت عمري ..ما ذكرت الا " وفاك "
ولو أدوّن ذكرياتي... ما طبع فيها "سواك..."
انـــت
أوفى من لقيته .. زدت عن هذا وذاك....
لا تقول اني نسيتك .. او افكر في جفاك...
لو تمنيت الأماني ..
ما طلبت
" إلا لقاك "

::

من جهـة ثانية صالح كان بالسيارة ينتظر أمه .. طلعت بعصاتها ونزل اهو بسرعه مسك إيدها وعاونها وركبها وسكر الباب
مشى بخطوات سريعة وركب وقال واهو يشغل السيارة : بشري يمه !
ابتسمت العجوز من ورى غطاها .. ياحليل وليدي مستخف على البنية .. قالت : شف ياوليدي كل شي حكمة ونصيب من رب العالمين .. بس ...
صالح بانفعال : لاتقولين رفضت يمه لاء !!!
أمه : لاحول ولاقوة خلني أكمل كلامي ..
صالح بتنهيدة : هاه كملي ..
أمه : لاصارت الحكمة من رب العالمين صار لازم ترفضك ؟؟؟؟
صالح بابتسامة خفيفة : أجل ؟؟؟؟؟
امه : الحمدلله .. وافقت !

صالح شلون أوصفلكم شعوره هاللحظة .. كنه شخص على حافة هاوية .. يايسقط فيها يايجي من ينقذه .. كان هذا حاله وموافقتها انتشلته من دمار الهاوية..
ريحته من مشاعر كاوية .. كانت لقلبه عليلة .. وكانت إهي الداوية ..!

صورتك في عيني
وفي ~ القلب ~ طاريك
تعال شوف بدنيتي وش مكانك؟
ان جيت كل دقات قلبي تحييك
وان (رحت) تواسيني بقايا (حنانك)
أعاهدك ما يوم ممكن أخليك!!
وماعاش من ياخذ بقلبي (مكانك)


**************

[جرح الذات]

وقفت السيارة قدام بيت أبو تركي .. طالعت عبير البيت من شباك السيارة كنها تشوفه ولأول مره .. لأن هاللحظة غير .. هالمره ماراح تجي زيارة وتروووح ..
هالمره بتدخل وتسكن بهالبيت !
نزل تركي ومشى وفتحلها الباب واهو يقول : هلا بعبير حياتي وعبير بيتنا الجديدة ..
ابتسمت عبير ونزلت وسكر تركي الباب من وراها ..
عبير بضحكة : مادري شفيني خايفة !
تركي : شدعوة حياتي ؟ يمكن لأنه شي جديد عليك .. بس مع الوقت بتتعودين
عبير : ان شاء الله
مشوا للباب وفتح تركي الباب ومد ايده لداخل بحركات تمثيلية واهو يقول : تفضلي أميرة حياتي !
عبير : هههههههههه بس تراني باتعوّد على هالحركات ..
تركي : اتعودي حبي أنا عمري فداك ..
عبير بدلع : يسلم عمرك حبيبي
تركي : زين لاتخليني أرجعك السيارة .. ويالله قدامي على داخل
عبير : ههههههههههههههههههههههههه ه طلع اسلوبك الصدقي الحين هاه ؟؟؟
تركي : هههههههههههههههههه هذا احنا خليجين ماكو حكي سنع الا ولازم كلمة تدفش بالنص ..
عبير : هههههههههههه عادي كل شي منك حلووو

انفتح الباب هالوقت وظهرت منه نهى وصرخت : عبيييييييييييييييييير .. (( ركضت عليها كنها أول مره تشوفها بس فرحتها انها بتسكن عندهم حسستها بمثل هالشعور
ضحكت عبير عليها وضمتها وسلمت عليها ..
تركي يراقبهم وابتسم واهو يقول : ماكن في واحد واقف جمب عبير !
نهى باستهبال : اي صح انت أخوي ههههههههه (( وسلمت عليه واهو قرصها من أنفها
ومشوا سوى لداخل البيت ..

دخلوا البيت لقوا الصالة فاضية .. تركي بخاطره ارتاح لأنه كان شايل هم لقاء نوال لعبير ومايدري شلون بتعاملها !
تركي : نهى وين أهل البيت ؟؟
نهى : نوال وأبوي طالعين .. ومنال ووائل بغرفهم .. (( ماكملت كلمتها الا يوم سمعت صوت الباب من وراها ينفتح ودخل أبو تركي ونوال ..
أبو تركي : السلام عليكم ..
التفتوا كلهم وردوا السلام ..
أبو تركي بابتسامة : ماشاء الله متى جيتوا ؟؟؟
تركي : هذانا مالنا دقايق .. ومشى لأبوه وسلم عليه وعبير مشت معاه وسلمت عليه وعلى نوال الي طالتها بنظرات مارتاحت لها عبير أبد .. بس اتفااااااجأت وحتى تركي اتفاااااجأ يوم قالت نوال بابتسامة غريبة عليها : كان عطيتونا خبر انكم بتجون نستقبلكم ! ونستقبل العروسة الحلوة مو تجون ومحد بالبيت ..
تركي بدون مايشغل باله بغرضها : فيك الخير ماتقصرين بس طلعتنا من الفندق كانت فجأة ..
نوال بابتسامة عذبة : نورتي البيت عبير
عبير بحرج : منور بوجودكم نوال ..

نزلت منـال الدرج وشافت الكل مجتمع عند الباب .. عرفت ان تركي وعبير توهم واصلين .. قالت بفرحة : هلا جيييييييييتوا ...
تركي بابتسامة : هلا منال اي تونا جايين
منال : نورتوا البيييييت والله .. (( وسلمت على تركي وعبير ..

تركي حس بارتياح مبدئي لهالاستقبال .. اهو موطامع بهالراحة على طول بس على الأقل وقت وصولهم .. وكلها كم يوم ويسافرون فرنسا يقضون شهر العسل ^ _ ^
انتبه لنظرات منال ونوال المشمئزة وخاف ينشعل الفتيل .. مسك ايد عبير وقال : باخذ عبير أوريها الجناح وأشوفكم على الغدا ..
أبو تركي : اكيد خذوا راحتكم ياولدي ..
ابتسم تركي وراحوا لجناحهم ..
عبير ظهر اعجابها بالجناح واااااضح على وجهها .. كانت غرفة مزينة بتصميم ياباني الي السرير نازل على تحت وكل شي بالغرفة صغير ديكور يابناني بحت ويجنن ..
غير عن صالة ملمومة ألوانها بدرجات الأخضر الهادي .. تنتهي بمطبخ صغير مجانب على قدهم ..
كان الجناح رايق وحلووو وحست عبير بالراحة فيه
تركي : عجبك ؟؟
عبير بابتسامة : مررره .. ذوق مين ؟؟
تركي : تصدقين لو أقولك ذوقي !
عبير : لااااااا معقووول ؟؟؟
تركي : اي والله ..
عبير : وااااااو تركي ذوقك روعه جنااان مره نااااااعم وحلوووو
تركي بهيام : انتي الروعه والجنان مو الجناح ..
عبير استحت لرده الغير متوقع واهو ضحك وقال : بيطول هالحيا ؟؟؟
عبير استحت أكثر وقالت : مادري انا طبيعتي كذا و .. واحنا تونا مع بعض وانت بعد مو راحمني ..
تركي : شسوي عبير كل يوم أحس اني أحبك أكثر خلاص بانفجر ..
عبير بضحكة : لا أجل نفـّـس على عمرك حبيبي لا تنفجر ..
ضمها تركي بحنية وقال : باخذلي شاور وانتي خذي راحتك بالبيت ..
عبير واهي ذايبه منه :أوكي باستناك ..
باس جبينها بخفة ومشى عنها للحمام واهي قربها من تركي محسسها بجمال الأشياء حولها ..
دارت بالجناح تتأمل كل شي فيه .. مالفتها الا أغراض تركي الي تشوفها لأول مره .. تونست وقعدت على الكرسي وصارت تقلب بأوراقه وأشرطته وتحاول تكتشف غموضه الي يدور حوله بعض الأحيان ..
مر الوقت وماحست الا بصوت باب الحمام ينفتح وفزت من مكانها ..

طلع تركي وشافها واهي قاعدة على مكتبه وقال واهو عاقد حواجبه : شتسوين ؟؟؟
عبير ببرائة : ألعب بأغراضك !!
سكت تركي لحظات واهو مستغرب صراحتها البريئة هذي .. بكل صراحة تعترف انها قاعدة تلعب بأغراضه .. ياويلي هالبنت ماتعرف الخبث أبد .. أشكرلها صراحتها ولا أعاتبها على حوستها بأغراضي ولا ........
بس وينه اهو ووين قلبه الي ماتحمل نظرات عبير البريئة والي تترقب ردة فعله .. وردة فعله ماكانت غير انه مشالها ومسك ايدها واهو يقعد على الكرسي وسحبها وقعدها بحضنه واهو يقول : شتبين تشوفين ؟؟؟
عبير بابتسامة ناعمة : مافي شي محدد بس تونست يوم شفت أغراضك ..
تركي : لا بغار منها الحين .. انا بكبري عندك وتلفتك أغراضي
عبير : هههههههههههههههههه تقارن نفسك فيها انت بعد ؟؟
تركي : اي مابي شي يلفتك غيري ولا شي يجذب اهتمامك غير وجودي انا وبس ..
عبير بدلع : وانا ماحست بأغراضك الا عشان ألهي نفسي بغيابك ..
تركي هز راسه بنظره ذوبتها وقال : وتلوموني فيها ياناس ! وربي للحين مو مصدق ان هالجمال والنعومة ملكي أنا ..
عبير ابتسمت وقبل ماترد دق باب الجناح .. !

تركي بسخرية : ذا أولها ..
عبير بابتسامة : عادي تركي لاتنسى احنا قايلينلهم بنتغدا معاهم ..
تركي ارتاح خاطره انها ماتضايقت وهالشي طمنه انها بتتقبل الوضع .. بس ياخوفه تزيد الأمور عن حدها ..
قامت عنه واهو مشى للباب وفتحه لقى وائل برا .. سلم عليه وقاله على الغدا ..

مامرت الدقايق الا وكل العيلة مجتمعة على الغدا ..
تركي عيونه تراقب كل نظرة وكل حدث واهو شايل هم يصير شي يفجع عبير ويخوفها من الحياة بهالبيت .. وجود نوال ومنال بنفس المكان شي لا يحمد عقبااه !

نهى الي حست بأخوها وصارت طول الغدا تسولف مع عبير وتحاول تجذب الأنظار لها ولسوالفها بعيد عن أي شحنات داخليه ..

مر الوقت بسلام وماصدق تركي خلصوا يبي ياخذ عبير للجناح يرتاح ..
نهى : تركي خلها تقعد معانا ..
تركي : لا والله تعبان وبنام ..
نهى : انت فيها شي مسامعك ؟؟ اقول خل عبير تقعد معانا مو انت ..
تركي : اي وانا هذا الي سمعته ..
نهى : اوكي روح نام شدخلها فيك ..
عبير ضحكت على نهى وتركي قال : لا حبيبتي مايهنالي النوم واهي بعيدة عني ! بس من وين بتفهمين انتي يالمفعوصة ..
نهى : اوريييييييييك الحين صرت مفعووووصة يالمطفوووق

وائل : وليييييه .. فكينا انتي خلنا نسولف برواااق

نهى : هههههه وانتي من قال أحد بيسولف معاك !
وائل : عبير بتسولف معاي ولا لاء ياعبيييييير؟
عبير بابتسامة حنونة : الا بسولف واقعد معاك ونهى خلها تولي !

نهى : شف شف شف ..!! اوريك عبورة وانا الي طرت من الفرحة يوم جيتي !
وقف تركي يبي يروح جناحه وعبير وقفت معاه بتلقائية وغمزت لنهى .. ونهى مدت لسانها عليها .. ضحكت عبير ومشوا سوى للجناح ..

العصر
طلعت عبير من الجناح بعد مانام تركي واهي مافيها نوم وحبت تشوف بنات عمها ..
وصلت الصالة لقت نوال الي قاعدة فيها تقلب بالتلفزيون وتشرب شاهي ..
عبير بنعومة : سلام ..
طالعتها نوال بنفس النظرة الي ماتريح وفورا بدلت نظرتها بحنية وابتسمت وقالت : هلا بعيير .. تعالي حياك ..
ابتسمت عبير وقعدت .. ونوال صبتلها شاهي ومدتلها الكاس .. شكرتها عبير وأخذته منها وصارت تشرب وتدور بينهم سوالف هادية ..
عبير ماقدرت تعرف نوع تعامل نوال معها ..
شوي تحسها حنونه شوي تنتبه لنظرة غريبة بعيونها ..
شوي تبتسم لها .. شوي تحسها تسخر بابتسامتها !!

انتبهت على منال واهي تنزل من الدرج والتفتت للصالة وشافت عبير واهي قاعدة مع نوال قعدة ودية ..
ولايفوتكم شلون انقلب وجه منال ووللللللللع من القهر !!
نزلت باقي الدرجات واهي تكاد تخرق الأرض بقوة الغضب الي بداخلها ..
انتبهت عبير لشكلها وتبعتها بعيونها لين اختفت بالمطبخ ..
نوال كانت معطية الدرج ظهرها وماشافت شكل منال ولا كان استخفت من الفرحة .. استأذنت عبير منها ومشت عنها للمطبخ .. لقت منال واقفة تصبلها عصير ..
عبير واهي تراقب ملامحها : شفيك ؟
منال بقهر : ولا شي ..
عبير : الا منال وجهك منقلب وحاسة فيك شي !
منال بانفعال : شوفي عبير .. لازم تحطين ببالك انك بهالبيت ماتقدرين تكسبين الاثنين .. انا ولا نوال !!! واختاري وحده منا .. اذا تبين تستمر علاقتك معاي صافية بدون أي مشاكل ابعدي عن نوال ولا تحتكين فيها أبد .. اما اذا بتجالسينها وتحكاينها فاعرفي انك بتخسريني لأني ماتحمل أشوف وحده تهمني تجالس هالسعلوة !!

عبير لقت صعوبة باستيعاب هالكلام !! كلام غريب جديد على مسامعها صعب على قلبها !! بحياتها كلها ماعاشت مثل هالمواقف ولا انحطت بين هالخيارات !! ببيتها ترابط ومحبة يحسدونهم عليها .. ببيت خالتها ترابط وألفة ماتختلف عن بيتهم ..
انصدمت من كلام منال وماعرف بايش ترد وظلت عيونها ضايعة بلا جواب !!

منال : اشوفك محتارة !!
عبير : لا مو محتارة .. بصراحة مستغربة !
منال : عجيبة ليه مستغربة ..؟؟ أظنك تدرين اني انا ونوال مانتواطن ..
عبير : ايه انتوا ماتتواطنون .. بس ليه تدخليني بينكم ؟؟
منال : وجودك ببيتنا يحكمك تتدخلين بكل شي !!
عبير : اووه ! الظاهر بنختلف كثيييييير يابنت عمي !
منال : لابنختلف ولاشي .. اذا ودك الامور تمشي بسلام سوي الي اقولك لأنك مو كسبانةشي من علاقتك بنوال ! صدقيني ان كانها ضحكتلك فهي تضحك من قدامك وتسخر فيك من وراك !!

عبير عورها قلبها حيييييييييييل من هالكلام !! توه هذا أول يوم لها بهالبيت تتلقى هالصدمة ! سحبت نفسها من المكان ورجعت لجناحها واهي تحاول تحبس دموعها ..

طرا على بالها هالوقت الحب الي يظلل بيتها اهي وفتون وخالد وسعود وأمها وأبوها .. ثارت مشاعرها عند هالذكرى وتجمعت دموعها بعيونها ..
ياكيف بتنسجم بهالبيت وتتعايش مع أوضاعه !!
بس حب تركي ومشاعره الدافية حسسها بالأمان ,, مهما ضاق بها الحال قربه منها يغنيها .. يسعدها .. يريحها ..
تأملته واهو نايم .. تمدد جمبه وصارت تلعب بشعره بحنية ..
شكثر كنت تعاني بهالبيت بين خواتك وبين مرة أبوك ؟؟
حست انه فاقد لمعاني الحنان وعايش بضجة من المشاكل والقلق .. اتنهدت واهي توعده بخاطرها انها تعوضه كل الحنان الي فقده .. وتكونله الصدر الحنون والقلب الدافي الي يلتجيله كل ماتكدر خاطره وضاق حاله ..

انتبه على دفا قربها والتفت وفتح عينه بوهن وشافها .. ابتسم ابتسامة ناعسه وعبير قالت : ازعجتك ؟؟
تركي : بالعكس .. ظنيت اني بجنة فتحت عيوني وشفت حورية قدامي
عبير بضحكة : بغار منها من الحين ..
ضحك تركي بخفة وقال واهو يراقب ملامحها : كنك متضايقة عبير شفيك
استغربت عبير وفرحت بنفس الوقت انه حس فيها على طول وقالت بتنهيدة : مافي شي تركي بس .. شكل الوضع حيل متأزم بين اختك ومرة أبوك !
تركي بضيق : ايه .. ليه صار شي ؟؟
عبير مابغت تحكيه وتكدر عليه وقالت : لالا بس لاحظت من نظراتهم لبعض ..
تركي : انتي خليك بعيدة عن الكل عبير .. يمكن تستغربين من زوج يطلب من زوجته تكون بعيدة عن أهله .. بس لأني اعرفهم زين وأعرفك .. منال ونوال مايتعاشرون .. وانتي قلبك مايتحمل !
سكتت عبير لحظات أخذها تفكيرها لبعييييييد .. !
تركي : شتفكرين فيه ؟
عبير بضيق : تركي .. منال بتصير مرة أخوووي !!
هز تركي راسه يحثها تكمل ..
عبير : بصراحة .. ودي تتغير نفسيتها شوي قبل لا يتم زواجهم ..
تركي : والله ياعبير وانا أتمنى هالشي أكثر منك .. سعود انسان طيب ويستاهل وحده طيبة تسعده وتريحه .. ومنال فيها الخير بس الظروف قستها .. يمكن لاتزوجت وشافت الحب الكبير ببيتكم شلون .. بتلين وتتغير !
عبير هاللحظة تجمعت الدموع بعيونها وثار شوقها لأهلها ...
تركي : شفيك حياتي !
عبير بخنقة : اشتقت لأهلي .. وفتون ..
تركي : ياعمري وليه تبكين الي يسمع يقول حنا بديرة واهم بديرة .. قومي اوديك لهم قومي..
عبير بفرحة : جــــد ؟؟؟
تركي : اجل امزح معاك .. ( وبغمزة : كم عبير عندي أنا ..
عبير : ههههههه وحده ..
تركي : عساني فدا هالوحده ..

قامت عبير واهي طايرة من الفرحة .. بدلت ملابسها بسرعه وتركي لبس وطلعوا سوى رايحين لبيت أبو سعود

بنفس الوقت
كانت فتون قاعدة على النت بملل .. تقرا قصة من قصص ألم الاماارت اسمها :
"دنيا الوله" !! * _ ^
ضاق صدرها واهي نص الأحداث مو مستوعبتها لأن بالها مو معها .. غلطتها هي بعد الي تقرا هالقصة ماتدري ان بعض أحداثها توجع بس نهايتها شي ثاني .. ^ _ ^
اتأففت وسكرت النت وقامت بضيق ..

روتين حياتها صار يذبح من بعد زواج عبير .. ! خاصة مع تعامل أمها الجديد والي صارت تشدد عليها مره لا تطلع لحالها ولا تاخذ راحتها مثل قبل !!
انقهرت يعني مو كافي رفضوا سلطان .. منعوني عن عهود .. لا بعد يمنعوني من الطلعات والروحات .. كله بسبتك يافيصل .. انت بس لو تختفي من الوجود كان عشت بسلام من زمان !! لا وبعد بيزوجوني اياك اذا رجعت .. والله ان تكره حياتك وتكره اليوم الي عرفتني فيه !!
ارتسمت صورته ببالها هاللحظة .. وماتدري كيف اتذكرت مواقفه معها .. بالبر .. بالمخزن .. بالكوفي .. وبكل مكان كان لوجوده تأثير بحياتها .. لو ماكان موجود كيف كانت بتجري الأمور !! ماكنت أبي جمايلك يافيصل لأني مستحيل أردها لك بيوم !! اهي مره فتحت قلبي لك وخذلتني لا تظنني بعيد محاولتي مره ثانية !!!

طلعت من غرفتها ونزلت الدرج .. وطرت على بالها عبير هالوقت ..
أوريك انتي الثانية الي ماشفتك غير مره وحده من زواجك .. حتى اتصالاتك دقايق ويشغلك الحبيب ! ايه تهني ياعمري وخليني انا بمعاناتي ..

رمت نفسها قبال التلفزيون وصارت تقلب فيه بملل ..
جت ام سعود هالوقت وقعدت بالصالة ومعها جريدة تتصفحها ..
قامت فتون ومشت لها واهي تقول بضيق : يمه ابي أطلع !!
طالعتها امها من فوق لتحت ورجعت تتصفح جريدتها ..
فتون : يمه أظنك تسمعين وش أقول .. أبي أطللللللع من البيت ..
أم سعود : وأظنك عارفة ردي من قبل ليه تسألين !
فتون بانفعال : ولمتي يعني بتحاصروني ؟؟؟؟
أم سعود : لين يجي ولد خالتك من غير شر وياخذك !
فتون ضاقت من هالسيرة وقالت بقهر : وليه طيب فهميني ؟؟؟ انا ماغلطت بشي يعني ماغلطت بشي .. ولو فيه غلط بالموضوع كان ماخطبني سلطان بالأخير !!
أم سعود بعصبية : انتي ماتملين من هالموضوع !!!!
فتون : لا ما أمل لين يرجع كل شي زي ماكان وتفكون عني الحصار !!
ام سعود : عشان توقعين بالغلط مره ثانية !!! للأسف انتي للحين مخك مانضج !! المره هذي مرت بسلام ياعالم وش تبدعيلنا المرة الجاية !
فتون : والله يمه انتي عارفة شلون مربيتنا وعارفة اني ماغلطت من فراغ !! شوفي وين كنتوا انتوا عني وقت صار الي صار
ام سعود : ايه وعشان كذا ياحبيبتي ابي أحطك الحين قدام عيوني ليل ونهار عشان ننتبهلك زين !
فتون : ياسلام يعني يانطخــــــه يانكســـــر مخه !!
ام سعود طنشتها وصارت تقلب بالجريدة
فتون بضييييق : اووووووف .. !
ورجعت للتلفزيون واهي ميته من القهر ..

" مرررررررررحبااااااااااااا ااااا "

فزت فتون من مكانها يوم سمعت صوت انتشلها من عمق عذابها وردلها الرووووح الي مزقتها بأفكارها ..
التفتت وشافت عبير واقفة عند الباب ومميلة راسها بنعومة وتبتسم لهم
فتون بصراخ : عبيييييييييييير ياحماااااااااااااااااره
وركضت لها وحضنتها من كل قلبها .. ولا شعوريا سااااالت دموووعها واهي تقووول : وحشتيني عبير مرررررررررره فقدتك ..
عبير بكت معها وهي تقول : بس فتون حياتي والله انك مارحتي عن بالي ولا لحظة !!
ام سعود اتأثرت حيل من مشاعر فتون .. بس قست قلبها وهي تشوف ان الي تسويه معها صح لأن فتون من رفضوا سلطان واهي صايرة متمــرّدة !
مشت لعبير واهي تبتسملها ابتسامة أم حنونه وتقول : هلا بشمعة البيت الي انطفت من راحت ..
أبعدت فتون عن اختها وعبير ضمت امها وسلمت على راسها ..
وقعدوا سوى
أم سعود : أجل نقلتوا لبيت عمك .. هاه شلون عسى ارتحتي ..
عبير : تونا يمه اليوم نقلنا بس الحمدلله كل شي تمام ..
ام سعود : الحمدلله .. وشلون تركي ليش مادخل !!
فتون : شنبي فيه اهو بعد مو كافي أبعد عبير عنا يروح يدخل .. لا تكفين خليه يروح من غير شر !
عبير رمت المخده على فتون .. وام سعود قالت : يالطيييييف على اللسان
فتون بتجاهل : وين قررتوا تسافرون ؟؟؟
عبير : فرنسا الظاهر ..
فتون : وااااااااو زين .. اوكي باكتبلك لستة بالطلبات الي أبيها
ام سعود : يالله لك الحمد والشكر .. البنت رايحة تنبسط مع زوجها مب تدور طلباتك ..
فتون : شسوي عاد ذي فرصتي لان الاشياء الي ابيها مو بالسعودية
أم سعود : كلها فترة وتتزوجين ويجيبلك فيصل الي تبين !
فتون بقهر : بـــــــس فكوني من سيرته .. !! اصلا انتم تكرهووونه عشان كذا بتزوجنه وحده تنكد عليه !
ام سعود : خافي ربك يافتون والرجال ما آذاك بشي عشان تنكدين عليه !
فتون : انتي ماتدرين عن شي .. فيصل ذا مجرد وجوده بالدنيا أذية !
ام سعود بصراخ : فتووووووون !!!
فتون : خير يمه شفيه !!!! ماشفت أهل مثلكم ماغير يدافعون عن ولد الناس على حساب بناتها .. عشانه هو تضحون ببنتكم الله مايرضى بهالشي !!

عبير وهي تدري ان هالكلام ينرفز أمها وقالت برجااااء : فتون خلاص !!

فتون : شالي خلاص ماتسمعينهم وش بيسوون فيني !!
ام سعود : خلي افكارك السخيفة تنفعك حنا نبي مصلحتك مو نضحي فيك زي ماتقولين .. مادري من وين جايبة هالكلام وصايرة بهالطبع الخايس

فتون بهمس : تربيتكم !

كــــــــف قوي جاها من أمها على خدها خلاها تنخرس غصب عنها وأمها تقول بعصبيه :

طالت وشمخت يافتون !!! صايرة متمردة ولسانك يلوط آذانك !! ماغير تسبين وتشتمين بالرجال واهو ماجاك منه الا كل خير !! والله ان مابطلتي هالكلام واتعدلتي لأكسر راسك سامعتني ولا لاء !! ويكون بمعلومك ان كانك ماتدرين .. فيصــل جاي بعد شهر !!! انا سكت وقلت اعلمك بالوقت المناسب عشان تستعدين اذا جا تملكون وزواجكم يصير بعدين .. لكن تدرين .. بيصير حالك حال اختك .. ملكتك وزواجك بيصرون بعد شهر اول مايجي فيصل بإذن الله !!!!!


فتون كانت ماسكة خدها ودموعها متحجرة بعيونها وتتلقى الطعنات والصدمات من أمها !!
انفعلت وقالت : مابيييييييه .. مابييييييييه .. عشانه أهو تروحين تضربيني أنا !!
ام سعود بصراخ : عشان لسانك الطويل وطبعك الخايس ..!!!!

طلعت فتون الدرج مسرعه واهي مولعه ومعصبة لآخر حد ..
كرهته هاللحظة أكره من أي لحظة ثانية .. !!
اتمنت هالوقت أمنية غريبة !!
واهو يتم زواجهم فعلا عشان غرض واحد
عشان تنكد عليه وتعذب قلبه وتبهذله وتعيشه بنار ماترحم !!

::

هدت الأوضاع نوعا ما وعبير لازالت بالصالة مع أمها بعد ماكسرت الباب على فتون مو راضية تفتح ..
عبير بتنهيدة : صدق يمه ؟؟
ام سعود : وشو ؟؟
عبير : تزوجين فتون بعد شهر !
ام سعود : ايه هذا الي بيصير بإذن الله وأصلا اهو وخالتك ودهم بس مراعينا احنا والبنت .. وانا الحين ماعندي مانع ..
عبير بضيق : بس مادري يمه صعبة عليها ..
ام سعود : اهي الي جنت على نفسها بحركاتها القرعة .. وبعدين انا وش بسوي فيها ياعبير !! بزوجها لواحد مستعد يقطع عمره عشانها !! مايحتاج اقولك عن فيصل اظنك تعرفينه أكثر مني !
عبير : الا صح .. بس وش يمديكم تسوون بهالشهر !
ام سعود : نسوي الي نسويه ربك يسهلها المهم هذي لو بقت على هالحال بيزيد تمردها لين مادري وش بتسوي بعمرها وفينا ..

ساد الصمت عليهم لحظات قطعه عليهم اتصال تركي ردت عبير : اهلين ..
تركي : هلا حياتي شلونك !
عبير : الحمدلله انت شلونك ؟
تركي : مشتاااااااااااااااااق..
عبير استحت وقالت بهمس : وانا بعد ..
تركي : زين هاه أجي ؟؟؟؟
عبير بضحكة : لاااا وين تو الناس ..
تركي بضيق : لمتى بتقعدين ..؟؟
عبير : امممممم باتعشى هنا لاني مابعد شفت ابوي ..
تركي : اوكي أول ماتخلصين دقي عشان امر اسلم على عمي ..
عبير : ان شاء الله ..
تركي : آآآآآآآآآه أحبك حياتي .. سلام
تركي بحرج من نظرات امها : سلام ..

وسكرت لقت امها تبتسم لها واستحت عبير مره ..
ام سعود : عسى الله يهنيكم دووم يارب
عبير : آآمين ..
ام سعود : دريتي عن خالتك حنان !
عبير : ايييييه دقت فتون وقالتلي ..
ام سعود : ماشاء الله ماعندها وقت هالبنت ..
عبير : بس عاد مادري بيصير شي قريب ؟؟
ام سعود : حنان ماتبي احتفال ولا شي .. تبي بس عشا رجال وعقد ..حتى تقول ماتبي تشوفه يومها ومن بكرا اذا حب يشوفها يجي ..
عبير : والله مب شينة الفكرة .. طيب ماحددوا الوقت ؟؟؟
ام سعود : لا توهم بس خلال الاسبوع الجاي ان شاء الله
عبير بضحكة : دقيت ابارك لعمي لقيته مستخففففف من الفرحة
ام سعود : هههه ياحليله والله يستاهلها

انفتح الباب ودخل خالد البيت ووجهه شاااحب وملامحه يكتسيها الغضب !
مشى بالصالة مو شايف أحد وعبير وقفت واهي تقول : السـلام لله !
التفت خالد واهو صدق ماحس فيها وقال بملامح جامدة : هلااا عبير .. شلونك ..
عبير واهي تسلم عليه : بخير الحمدلله انت شلونك ..
خالد بتنهيدة : لازلنا عايشين ..
ومشى للدرج ...
الا أم سعود تناديه : خالد !
وقف خالد عند الدرج واتأفف بخفة .. دار وجهه وطالع أمه باستفهام ؟؟
ام سعود واهي تراقب ملامح ولدها : وين كنت يبه ؟؟ من الصبح وانت طالع ولاتغديت
خالد : تغديت برا ..
ام سعود : طيب شفيك ؟؟ شصاير ياوليدي حالك مو عاجبني انت ومرام !
اتنهد خالد واهو داري ان خالته أم فيصل مستحيل تخبي عن اختها شي .. وأكيد حكتها ان مرام تعبت وصار فيها شي .. وقال بضيق : يمه سوء تفاهم بس .. لا تشيلين هم !

وصعد الدرج وعادت له مشاعر الغضب من وقت مااسترجع اتصاله بمنى واعتذارها منه ومن مساعدته لأنها يئست من اختها
دخل غرفته وصفق بابها بكل قووووة !!!!
اتأفف واهو يمرر صوابه بين شعره بضيييييييق ماله مثيل !!!
يعني كيف بوصلها !!! رافضة أشوفها وأكلمها وهذي منى بعد سحبت نفسها بعد مايئست منها يعني شلووووووون ؟؟؟؟ لمتى بظل على هالحال !!!!!

قعد بقوة على الكنب .........
استرجع شكلها ذاك اليوم .. صدمتها .. طيحتها .. تعبها بالمستشفى .. دموعها .. كلامها .. طردها ..
لا يامرام أرجوك حياتي سامحيني وعطيني فرصة .. آآآآآخر فرصة أصلح فيها غلطتي !!
اتنهد ومسك جواله يقلب فيه واهو يحس دموعه بتخونه وتنزل !!!
مو قادر يتحمل أكثر ..
فتح الجوال وكتب لها مسج هذا الي يقدر عليه بعد مايئس من انها ترد عليه .. وكتب :

أنا مدري وش احساسك ومدري وش تظنيني .. !
انا الصادق في عينك كنت .. صرت الكاذب الخوان

أنا أخطيت ما أنكر ولافي عذر يكفيني ..
سوا اني أحبك حيل واني دايماً انسان

انا ادري بمدى جرحك وأدري الحظ جافيني ..
يطول الوقت ما أخطي واذا اخطيت كل شي بان !!

انا لو ماحصل ماكان وشو الى يدريني .. بأنك ماسواك أنتى سكنتى القلب والوجدان

انا اسف على اعذاري عجزت القي عذر فيني .. يليق بغلطتي بحقك ويرجع كل شي كان

احبك كثر أخطائي وادري انك تحبيني .. وادري لو تفارقنا فلانقدر على النسيان

اذا تقوي على فراقي وبعدي عنك خليني .. انا مليت من دور الكراره ولعبت الغفران

قليل العمر يالي انتي دموعك ماتساويني ..
حرام انه يضيع فراق .. هي من قلها الأحزان؟

أرسلها وخلى الجوال بجبمه ينتظر رد .. أي رد .. حتى لو تجرحه .. تشتمه .. الي يجي منها بيقبله .. بس يعرف شالي تحس فيه ..

جفا الأحباب حيل قتال !! يكوي القلب يهد الروح
فمان الله ياذاك الحب .. مضى وصرنا بقايا جروح

سند راسه على ورى وقلبه ينزف من الجرح .. والندم يكاد يسحق كيانه ..

انتبه على رنين الجوال واهو الي يئس انها ترد .. فتح الجوال بسرعه ولقى مسج من مرام :
ما بتشفع لك دموعك .. انت من قلبي انتهيت
ما كسر قلبي خضوعك .. لو ترجيت وبكيت

كان متوقع منها الصد والجرح بس ذبحت قلبه هالكلمات !! ماقدر يتخيلها تنبع من قلبها .. مجرد هالفكرة تقتله .. تسحقه .. تنفيه .. أرسل :
على شاطئ بحر ذيك العيون أكتب معاناتي
دخيل عيونك
وصوتك
وهمسك

لاتخليني !!

مسك الجوال بقوة ينتظر الرد .. وجاه الرد الي على قوة كلماته .. وجرح حروفه .. وعنفوان تعابيره .. الا انه بث بعض الأمل بخاطره :

ما ينفـعـك ذا الـيـوم دمعات وحـلوف
قــلـبــي حـلـفـت انــي لأرد اعــتـباره

والله لاذلـــك ذل..!يــازيــن..
و تــشـوف
بـعـيـونــك الـحـلـوه
مـعـانـي الحقاره

واصـفـعـك كـف..! واتبـعه عـدة كفـوف!!
وتـعيـش فـي ظـلـمي وتـكويـك نـاره

حتى تتوب ويصبح الوضع مـعـروف
انـي مـحــال أرضـى ابــد..
بالخــساره !!

بعز جرحه .. ودموعه .. وحرقته .. الا انه ابتسم .. وأرسل :

ولاتــــزعل ولا تتعب شعـــورك
ولا تآخذ على خاطرك منــــــــي
اأبتأسـف الييييييييييين أرضي غرورك !
وبقووول اني مقصــــر غصب عني

::

***************

بعد ملكة حنان بيوم .. !

للمرة الرابعة تبدل ملابسها .. واهي شوي وتبكي ماتدري وش تلبس وصالح كلها دقايق ويوصل !!
اتأففت وأخيرا استقرت على تنورة مشجرة بألوان الزهر .. وبلوزة مابين الزهر والفوشي .. واختارت حدا شالتلها الفوشية ولفتها بطريقة ناعمه على رقبتها ..
طالعت نفسها بالمراية .. حست برضى بسيط ولو انها تتمنى تمسك هالشال وتقطعه ! هذا نصيبها تخنق عمرها بالوشاح طول حياتها !!
دق باب غرفتها وفزت وأخذت نفس طويل .. فتحت الباب لقت ساره تقول : عمو ثالح تحت ..
حنان : ياويلي من عمك ثااالح .. يالله حبيبتي نازلة ..
ساره بضحكة : حلو سكلك!
حنان : شكرااااااايا عسسسسسسل ..
غريب ان حنان هالوقت حست بثقة من شكلها بسبب ابداء راي ساره فيها !!
ساره عندها بالدنيا ودام انها عجبها شكلها خلاص اقتنعت انها حلوة !

نزلت الدرج واهي تحاول تضبط انفعالاتها .. شافت منى بالصالة الي قامت على طول وقالت : تبهليييييييييين ياحنان ..
حنان : ادري ساره مدحتني قبلك !
منى : هههههههههههه يازينها ..
حنان : الله يعين مادري شلون بادخل ..
منى : بالبداية بترتبكين بعدين بتهدين شوي ..
حنان : ان شااااااء الله .. يالله دعواتك ..
منى : ههههههههه ألبي معاك وداعيلك

ضحكت حنان ومشت للمجلس .. اخذت نفس عمييييييييق
و
فتحت الباب
صالح كان قاعد يهز رجله بتوتر ينتظر قدومها .. وأول مانفتح الباب فز واقف واتعلقت عيونه فيها وقلبه يضرب ديسكووووو ..
حنان بهمس : السلام ..
صالح : عليكم السلام (( ومشى لها وسلم عليها ورفع ايدها وباسها بنعومة واهي ولعت من الحيا .. ظل ماسك ايدها ومشى ومشت معاه وقعد ولأن ايدها بإيده اضطرت تقعد جمبه واهي ميته من الحرج ..
صالح : مبروك .. حناني !
رفعت حنان عيونها وطالعت فيها وشافت مشاعره الدافية تظهر بكل حب بعيوووونه .. ! حناني ! هالكلمة لها سحر خاص بكيااانها تطيرها بعالم من المشاعر والاحلام الي سكنت خيالها يرأسها صالح وبس صالح !

قالت بهمس : الله يبارك فيك ..
صالح : عذبتي قلبي لين حنيتي عليه ..
حنان بحرج : اعذرني صالح .. انا ....
صالح : لا تقولين شي حنان .. اسمي من لسانك الحلو ينسيني كل عذابي ..
ولعت حنان وماعاد عرفت وش تقووول

اندق الباب هالوقت وانفتح ودخل عليهم راس ساره
ابتسمتلها حنان وساره ماصدقت بهالابتسامة جتها تركض بسرعه وطاحت بحضنها
صالح بضحكة : سوسو ماسلمتي !!
ساره واهي تطالعه بزعل : ماحبك عسانك ماعطيتني المفاجأة !
صالح اتذكر وضحـــك ضحكه خفقلها قلب حنان بقوة وقااال : معليه حبيبتي يومها صار شي طير مخي ماتذكرين ؟؟ وغمز لحنان الي بتموت من الحيا ..
ساره : لاااا ما اتدكر !
صالح : ماعليك .. بكرا ان شاء الله اروح انا وانتي وحنان نشتريلك لعبة شرايك ؟؟
ساره بفرح :اييييييه بقووول لمشعل ..

وزحلقت نفسها بسرعه من رجول حنان وصار الي ماحد حسب حسابه بيوم !!!!!!

انشد الشال من على رقبة حنان وطاح على الأرض وساره الي ماتدري وش سوت ركضت برا الغرفة وسكرت الباب وراها ..

حنان اتمنت الأرض تنشق وتبلعها هالوقت وانحنت بسرعه تاخذ الشال وايدينها ترتعش بقوة من الحرج واهي ماتبي تطالع بوجهه لأنها متأكده انه شاف تشوووها !!
صالح طبعا شهد على كل الي صار وشافها واهي ميته من الحرج وتاخذ الشال من الأرض !!
رفعت نفسها وعيونها على الأرض وجت تبي تحط الشال على رقبتها إلا ...........
مسك صالح الشال وأبعده عنها ..
حنان ووجهها أحمـــــر وعيونها بحضنها : صالح اتركه لو سمحت ..
صالح : انتي الي اتركيه .. مابيك تحطينه .. (( وسحبه منها غصب عنها وحطه جمبه ..
حنان تسارعت أنفاسها وقلبها يخفق بعنف واهي مو قادرة تحط عينها بعينه
صالح قرب منها وقال بحنية : ليه معذبه نفسك بهالشكل حنان ..
حنان ماردت ودارت وجهها على الجهة الثانية ودموعها اتجمعت بعيونها ..
مسك صالح دقنها بطرف أصابعه ودار وجهها عليه ..
وبكل نعومة نزل صوابعه لمكان تشوها واتحسسه بخفه واهو ينقل بصره بين المكان وبين عيونها المدمعة ..
حاولت تبعد ايده بس مسك ايدها بإيده الثانيه واهو يقول بهمس : مجنونة !
طالعته حنان باستفهام ودموعها تسيل غصب عنها
صالح : شلون ظنيتي اني ممكن أنفر منك عشان هالشي !!!!!!
حنان بدموعها : صالح لاتجاملني تراني مو ناقصة ..
صالح : أجاملك ؟؟؟ شالي يجبرني ياحنان .. !

ثارت مشاعر الحب بخاطره .. واتمنى يحسسها انه مايشوف فيها أي عيب وانها بعيونه ملاك مامثله .. قرب منها أكثر .. ورفع راسها .. قرب فمه مكان التشوه وباسه !
وصار يبوس كل جزء مأثر عليه الحريق ومشوهه !!

حنان حست بدوااااار هالوقت وشوي ويغمى عليها من الموقف !!!

رفع راسه وابتسم لها ومسح دموعها بحنيه وقال : ان كان زوجك يشوفك بعينه ملاك .. يهمونك الناس ؟؟ ردي علي حنان يهمونك الناس .. !
هزت حنان راسها واهي تقول بهمس:لا ..
صالح : زين فكي نفسك من هالعذاب الي معيشة عمرك فيه .. وأرجوك حناني .. لا عاد تلبسين هالشال !! ارمي الناس وكلامهم ورى ظهرك .. وعيشي زي ما انتي تبين .. مو زي ماغيرك يبي !!
حنان ماردت .. ولاقدرت ترد .. كان حجم الموقف صعب حيييييييييل عليها ..
طالعته بعين ترجي الأمان .. والحب .. والحنان ..
وبلا شعور منها .. رمت راسها على صدره وتركت المجال لدموعها تبكي وتغسل قلب ذبحته الجروووح !!!
ضمها صالح بكل حنية وخلاها تبكي على صدره .. يمكن حركتها هذي غير متوقعة !!
بس الموقف كله بأكمله هز قلبها وكيانها !!

********

بعـــــد شهـــــر

نزل من الطيارة يجر شنطته وراه .. دارت عيونه بالمطار تراقب الرايح والجاي .. ثارت مشاعره واهو يتخيل لقاء أهله الي ماتعود على فراقهم ..
استقرت عيونه عند شخص خفق قلبه بقوة اول ماشافه .. عرف بهاللحظة شكثر فقده واشتااااقله .. مشى بخطوات سريعة لين وصله وقال بشوووق : هــــــلا يبــــــه
أبو فيصل بحنيـــة : هلا بفيصل الغااالي ..
وضمه وفيصل باس راسه وإيده وشاف مشعل جمبه سلم عليه ومازحه بكم كلمه ومشوا بعدها سوا لبرا المطار منتقلين لبيت أهله ...

وصل فيصل ولقى العيلة متجمعـــة تنتظره ...
سلم عليهم بكل شووووق ووله ..
مافااتته البهجة الي تشع بوجه حنان .. ولا فااتته لمحة الحزن الي تكتسي ملامح مرام .. بس ماسأل واهو هالوقت يبي يستمتع بكل لحظة حلوة فقدها واهو بعيد عنهم

من بكرا
سكرت ام سعود سماعة التلفون ومشت للدرج نادت فتون ..
طلعت فتون ووقفت أول الدرج تطالع امها ..
ام سعود : انزلي شوي أبيك ..
اتنهدت فتون ونزلت الصالة وقعدت وهي مكشرة ومالها خلق لشي ..
ام سعود رمتها بوجهها : فيصل جا !
انقرص قلب فتون بقووووة بس ماظهر على ملامحها شي من الانفعال الي بداخلها وقالت بجمود : ماشاء الله .. الحمدلله على سلامته
أم سعود : الله يسلمك .. وخالتك تو دقت تسأل متى نبي الزواج لأنه اسبوعين ورايح وبتروحين معاه تكملون هالكم شهر الي باقية وتجون !
فتون ضحكت ضحكة خفيفة بسخـرية .. وقالت : واهو .. شرايه !!!
ام سعود : اهو وده ياخذك بدون زواج !! ويكون بعلمك ترا درا عن كل شي !
فتون نغزها قلبها وقالت : درا بخطوبة سلطان !!
ام سعود : ايه !!
انصدمت فتون !! محد ممكن يستوعب صدمتها لأنهم مايدرون ان فيصل يدري بماقبل هالخطوبة !! انصدمت واهي ماتدري شالي يفكر فيه فيصل هالوقت ..
وسألت بحذر : بالله دار ومع كذا متلهف ياخذني بدون زواج !!!
ام سعود : اي والله .. عشان تعرفين شكثر الرجال شاريك ويبيك
فتون بخاطرها .. والله ماعرفتي شالي يفكر فيه يمه !!
بلعت فتون ريقها وقالت : شوفي يمه ترتيبات الزواج هذي انا مالي شغل فيها !! انا كلي الي ابيه شي واحد بس
ام سعود : وشو ؟؟؟
فتون : أبي تصير شوفــة بيننا !!
ام سعود : نعــم !! الي يسمع يقول مايعرفك ولا تعرفينه ..
فتون : يمه الشوفه من حقي شرعا .. وبعدين اهو غاب كم شهر يمكن اتغير شكله !! يمكن انا بعد اتغيرت عليه .. خلينا نشوف بعض قبل الزواج أزين ..
أم سعود وهي تراقب ملامح بنتها : والله مادري وش ورى هالشوفة يافتون ..
فتون بابتسامة مصطنعة : لهالدرجة صرت سيئة بنظرك يمه !
ام سعود بحنية : ابد يافتون انتي بنتي وحبيبتي وامنيتي اشوفك سعيدة ومبسوطة .. وخلاص اذا على الشوفه نسويها عسى الله يتمم بينكم بالخير ..
فتون واهي رافعة حاجب : آمين !!

فيصل من جهـة ثانية كانت صدمته ماتساويها صدمة !! شلون يخطبها سلطاااان ! شالي صار بينهم عشان يتجرأ ويخطبها .. ؟؟ هذي بايش كانت تفكر طول ماكنت أنا غايب عنها !!!
كذا تخون حبي لها بهالشكل ؟؟؟ كل مشاعري الي عطيتها اياها .. تضحياتي وتنازلاتي .. وفائي وتحملي لكل بلاويها وصدودها .. كذا تكافيني يافتون !!!..
ماتحمل صدمته وأخذ جواله وأرسلها مسج :

تعالي واحسبي وياي .. كم مره جرحتيني
وربي ما عرفت ارتاح ويني وين راحاتي ..

اذا به جرح ناسيته جديد ولا هديتيني
وفيتي وحيل كفيتي تفننتي بصدماتي ..

همت بوقتها والناس مدري وينها اويني
مشيت لخاطر العشره لابعد من مسافاتي ..

خدعتيني تبين الصدق انتي ماخدعتيني
انا اللي قلت لي كذبه امصدقها على شفاتي ..

فهمتيني لا والله ولا عمرك فهمتيني
ولا تفرق معاي اليوم هاتي من الالم هاتي ..

كبيره حيل في حقي .. طفله ولعبت فيني
ولكن وش نقص او زاد غلطه في ملفاتي ..

خسرت وهذي الدنيا ويعني لو تخونيني
انا ادري ويش ضيعني شعوري وطيب نياتي ..

((استعدي للزواج .. استعدي للسفر ))

قرت المسج وقلبها يخفق بكل عنف بعض الأبيات آلمتها وبعضها ماحركت فيها شعور !!
ويوم وصلت عند الجملة الأخيرة قرصها قلبها منه يهددها بالزواج والسفر !! شالي بيسويه فيها .. احتارت بايش ترد .. وبالآخر كتبت :

(( وانت استعد للشوفـة يوم الخميس ))


قالوله عن الشوفـــــة وسطح من الضحك !! لأنه يدري انها ماتبي تشوفه ويشوفها .. تدري انها تبي توصله كلام يرضي كبريائها !!
ننتظر الخميس على أحر من جمــر !!
يوم الشوفة !
كان فيصل قاعد اهو وخـالد الي مستخف بهاللقاء وبس يتريق .. لما انفتح الباب ودخلت فتون وراسها مرفوع وتطالع فيصل من فوق لتحت ..
فيصل بصراحة انصــــــــــدم من شكلها .. كانت مجسد للأنوثة .. شعرها الي دايم بوي .. طايل وواصل تحت كتوفها .. ومنسدل بكل نعومة على الجمب ..
لابسة تنورة بدرجات الموف والبنك .. وبلوز بنك مخصرة !! لو اهو مو حافظ ملامحها عن ظهر غيب كان قال انها مو فتون أبد !!!
سلمت بهمس ومشت ماكن الأمر يعنيها .. قعدت بنعومة وحطت رجل على رجل مو مهتمه بنظرات خالد الحادة الي تبيها تنزل رجلها ..

خالد : وين الشاهي !
فتون : محد عطاني !
خالد : قالولي فتون بتدخله معها ..
فتون بتكشيرة : محد عطاني شي ولو عطوني ماراح آخذ بعد ذا الي نقص ادخلكم شاهي !!
ابتسم فيصل بسخرية .. الشكل اتغير بس الطبع اهو هو ماتغير فيه شي ان مازاد تمردها بعد !!
طلع خالد يجيب الشاهي وأول ماطلع التفتت فتون بقوة لفيصل وقالت : اسمع !
طالعها فيصل وابتسامته الجانبية تنرفزها وقالت : يكون بمعلومك ان أهلي مجبريني عليك ولا أنا الموت عندي ولا آخذك !!!
بالصمييييييييييم !!
طعنته بالصميم بس كتم جرحه وقال : أدري بدون ماتقولين .. دومك بلا قلب شالجديد يعني !!
فتون بانفعال : دامك تدري ليه تبي تاخذني ؟؟؟
فيصل يبي يقهرها ويردلها ربع الي سوته فيه وقال : ياماما بكيفي .. حكم مزاجي آخذك ومحد يقدر يمنعني ولا حتى انتي بعد !!! بتزوجيني غصب عنك وبتسافرين معاي بعد غصب عنك وهناك وريني شلون عضلاتك !
فتون بقهــر : مغرووور سخيف ..
فيصل : قولي عني الي تبين .. عندك المجال مفتوح لين يوم الزواج ..
اتنهدت فتون بقهــر فضيع وقامت واقفة .. طالعته من فوق لتحت ومشت مسرعه للباب الا دخل خالد وشافها واهي ماشية وقال : ماشاء الله انتهت الشوفه !
فتون : اي وليتها مابدت ..

طلعت واهي تسب وتتوعد فيه .. مشاعرها المتصارعه بداخلها واهي تتذكر شكله وهيأته وشعورها أول ماوقعت عينها عليه ..
وترجع تذكر كلامه واستهيافه بقوتها وتردد كلمتها المعتاااااادة : أكرررررهك !

*****

* يوم الزواج *

كل شي كان غير عند فتون وبتخطيط فتون !!
ثلاث مرات تفتح تسريحتها وتعيدها !!
مكياجها وآخ يامكياجها الي انعدم وجهها واهي تغسل فيه وتعيده !!
حتى الكوفيرا اتنرفزت منها بس اهي شعليها الي براسها تسويه ..

وأخيرا خلصت وطلعتها ملاااااااااك بهيأة بشر !!

كل الموجودين انبهروا على شكلها ..
مرام بخناق : فتون لو سمحتي يعني شيلي العلك من فمك حتى وانتي عروسة ماتقاومينه !!
فتون واهي تعلك : خليني اطلع حرتي فيه !
مرام : مانتب صاحية !!

حانت الزفة
فتون الي يشوفها يقول أسعد عروسة على وجه الأرض
ضحكتها شاااقة وجهها .. ما أظهرت شي من ثوران مشاعرها وأعصابها هالوقت ..
أقبل فيصل ناحيتها واتمسكت بذراعه بطريقة أربكته !!!
طول الزفة واهي توزع ابتسامات وضحك وتأشر بالورد .. الكل حسب انهم أسعد زوجين !! فيصل فهم لعبتها وصار يلعب مثلها ..
مسك ايدها وضغط عليها واهي انتبهت لحركته .. طالعته واهي رافعة حاجب كنها تقول لاتصدق عمرك !!
ماهتم بنظراتها وصار يضحك مع امه وخواته يوم سلموا عليه ..
شربها العصر وشربته واهم يخفون انفعالاتهم بابتسامات تفننوا بمثيلها ..
كان هذا حالهم لييييين ..............

حانت اللحظة الي ينتقلون فيها لبيت أم فيصل عشان يبدلون ملابسهم بسرعه ويطلعون المطار !! سفرهم بعد ساعتين !!

فتون لهاللحظة كاتمة مشاعرها ولا اهي شوي وتنفجر !
زواج وسفر وبُعد مره وحده !!

طلعوا سوى وركبوا السيارة بقيادة خالد الي ماكان يفكر هالوقت الا بمرام !! هل بيقدر يشوفها بزحمة الوداع !! اتمنى من كل خاطره يشوفها ويهدي قلبه المنذبح من كثر شوقه عليها ..

وصلوا البيت ونزلوا .. فيصل بحكم تمثيل دور العريس المبسوط مسك ايدها وعاونها واهي استلمت له .. مشاها لين دخلوا البيت ..
وهناك كانوا البنات بس مجتمعين لأن أم فيصل وأم سعود ماقدروا يطلعون من الزواج والمعازيم فيه !
ومرام ودعت فتون أول ماوصلت البيت وطارت لغرفتها ..
لصومعة دموعها وأحزانها .. قبل ملتلمح خالد وتشوفه !!

أثناء هالضجة .. الي عطاها ملابسها والي سكر الشطت عنها
وفيصل راح لغرفته يبدل ويلبس ملابس السفر ..
اتوقعوها تبكي !! ولا تعصب .. بس فتون قلبت توقعاتهم يوم كانت تضحك كأن الأمر عـــــــــادي عندها !!
والله ماخليه لا أهو ولا اهم .. يحسون انهم اجرحوووني .. وغصبوني وذلوني !!

نزل فيصل لقاها لابسة عبايتها تحكي مع البنات عند الباب ..
قرصها قلبها بقوة يوم شافت لحظة الفراق حانت ..

مشت خطوة لورى واهي تقول : باي بنات .. اعفوني من السلام تكفون لاني مو قده ..
ماكانت تبي تنهار أبد .. وفضلت تبتعد بدون سلام !
طلع فيصل الحوش وانتبه لفتون واهي واقفة بشموخ بلا دمعة .. ولا أي هيأة حزينة !!!
نزل الدرج ونزلت معاه .. بدون أي كلمة ولا أي حرف .. !
وبنفس هالحالة ركبوا السيارة .. ومشى فيهم خالد للمطار ..
والبنات شالوا بعضهم ورجعوا لقاعة الزواج ماعدا مرام الي حاسة بضيقــة مو طبيعية بعد ماشافت خالد من الشباك .. واتجددت عليها جروحها !!

وصلوا المطار ..
وفيصل انبته لتسارع أنفاسها .. ضايعــــــة ولا تبين .. !!
خايفة وتمثل !
لعبت دورها صح بس مو على فيصل الي فاهم مشاعرها أكثر من نفسه !!

ودعهم خالد وطلع عنهم..

وهم مشوا سوى لوين ماينتظرون طيارتهم .. وماطال الوقت يوم نادوا على رحلتهم .. وقفوا ومشوا والصمت الذباح اهو الي يدور بينهم ..
مشوا للطيارة .. وركبوها ..
كانت فتون بجمب الشباك واهو جمبها ..
بعد دقايق ... مشت الطيارة بكل قوووة .. فتون كان قلبها يخفق بعنـــــــــــف ..
عادتها بكل مره تسافر تنط على ذراع سعود ولا ابوها وتتمسك فيهم واهم يهدونها ويطمنونها ..
بس هاللحظة الي جمبها مو أبوها ولا سعود .. الي جمبها شخص دار الزمن ولا لف بتحتاجه يعني بتحاتجه .. وأولها هاللحظة .. ومع ذلك قاومت واهي قابضة على شنطتها بقوة ومسكرة عيونها ..
وفيصل شافها واتأملها بحنيـة ! ليه تسوين بنفسك كذا يافتون!!
وده يمسك ايدها ويطمنها بس خل عنادها ينفع .. مصيرها تجيني برجلينها !!!!

أقلت الطيــــــــــارة بكل عنفوان قوي بقوة مشــاعرهم وثورانها .. لتطير فيهم لوين مايستفرد فيصل فيها .. ويروضها بطريقته وبجميع وسائله !!!!

::


خالد أول ماطلع من المطار ماتحمــــــــل يمر هاليوم بدون مايشوف مرام واهو الي حس بقربها واتمنى يشوفها وماحصله ..!!
دق على البيت بلا سبب معين ..
ردت الخدامة : الووو
خالد بعد ماميز صوت الخدامة : واتي .. وين البنات !!
واتي : كله روح زوااج مره ثاني ..
خالد اتضااااايق وقال : كله كله ؟؟؟
واتي : لالا مرام مافي روح !
خالد ماصدق وقال : مرام بالبيت ؟؟؟؟؟؟؟؟؟؟؟؟
واتي : ايوا في غرفة حق هيا ..
خالد : طيب واتي اسمعي .. خلي باب الشارع مفتوح والباب الي داخل مفتوح اوكي !!! وانا بجي الحين ولا تقولين لمرام شي أبد !!!!
واتي : اوكي ..
خالد يحرصها : واتي لا تقولين لمرام .. وباعطيك الي تبين اذا سكتي ..
واتي استانست وقالت : هههههههههه طيب اوكي ..
خالد : باي
ودعس على البانزين بكل قوة وهالفرصة جته من الله .. مرام لحالها بالبيت .. بيدخل عليها وبيطلع غرفتها ماعاد قلبه يتحمــــــل أكثر ..

طاوعك قلبك تخليني وسط صحرا
ونار الشمس تكويني !!
تخيل خطوتي حافي وشوك الأرض يدميني !!
تخيل لهفه أنفاسي أدور قطرة ترويني
ترى هجرك مثل صحرا وشوفتك بس تحييني !!
ما ابيك تتخيل أنا ..... ابيك (( تحس )) فيني !

*******

رجعت وعد البيت واهي ميته من التعب .. شغلها اهو شغلها ماتغير لكن هالشهر الي فات صارت تروح واهي كل الي تنامها ساعتين ومرات تروح مواصلة .. ذا حالها من بعد مارجع سعود لحياتها ..
رجع وكأنه مارجع .. رجع ولع قلبها أكثر وابتعـد ..
ماعاد تدري اهو وينه وشالي يسويه وشالي يفكر فيه ولأي شعور وصل من بعد آخر لقائهم .. أنهكها طول المشي واهي تعبانة وماصدقت لاح لها باب عمارتها ..

مشت لين وصلت وقبل ماتفتح الباب انفتح اهو وطلع منه شخص ......
و انصـ ـدمـ ـت !!
آخر شخص توقعت وعد تشوفه بهالمكان !!!
شخص بصرها فيه وتسارعت أنفاسها واهي قابضة على شنطتها بقوة ..
وهمست بضييق : مُراد !
هذا كيف عرف مكاني ؟؟ وليه جاي هنا ؟؟ اش يبغى بالضبط ؟؟؟

انتبهلها مراد واهو بدوره انصدم وماكان متوقع يشوفها بهالمكان ..
وكان تعبيره عن صدمته اهو ضحكــــــــــة مجلجلة نرفزت وعد واتمنت تمسكه وتنتفه وتمحيه عن الوجود !!
أقبل مراد عليها واهو يقول : هاااااي وعد !! كيفك ؟؟
صدت وعد عنه ومشت من جهة ثانية ..
لحقها واهو يقول : على وييييين وعد .. تعالي شوفي الصدف كيف تجمعنا بكل مره ودا دليل اننا لبعض ..
وعد أسرعت بخطواتها للباب بس اهو كان أسرع منها وجا قبالها وخلاها تصدم فيه غصب عنها
وعد بقهر : ابعد ياحقير !
::
بنفس الوقت
كان سعود شاخط بالسيارة بسرعه يقطع شوارع المدينة بعد ماقاوم بصعوبة شوقه الكبيــر لوعد .. أكثر من شهر من بعد ماشافها وافترقوا لايدري عن أحوالها وأخبارها ..
لحد يلومني ارجوكم لأن محد حاس بالنار الي تسعر بداخلي ليلي ونهاري .. كثر الله ألف خيري الي اتحملت طول هالفترة بعيد عنها وأنا الي عارف كل الطرق الي توصلني لها ..
بس عاد خلاص مو قادر ..
أبي بس ألمحها حتى لو ماشافتني .. أبي أريح قلبي انها طيبة وبخير ولا ترا بافقد عقلي وانتوا الخسرانين << زين لاتدف

وصل لمنطقتها الي نزلت عندها آخر مره من الباص ..
نزل ومشى بين البنايات يحاول بإحساسه يعرف أي بناية بالضبط .. !
واهو يمشي من بعيد انتبه لخيال اثنين عند أحد أبواب العمارة .. خفق قلبه يوم اتبين وعد من حجابها بس ماعرف الثاني ومشى بسرعه يبي يعرفه !!

::

مراد : اووووه وعد للحين شكلك زعلانة .. صدقيني مو لايق الحقد عليكِ ..
وعد : مافكرت أزعل لأنك ماشغلت بالي أصلا .. ابعد عن طريقي وحياتي كلها لو سمحت
مرام : بليز وعد ليه صايرة عنيدة .. ؟ بس حتى وانتي عنيدة أحبك ..
ومسك طرف حجابها واهو يغمز ويقول : رجعتي للحجاب .. بس برضو حلوة فيه !
وعد واهي تدف ايده بقوة وتصرخ : بعد يدك عني .. انت ايش ابغى أفهم ؟؟ حقير وواطي وحيوان ماتحس !
هنا عصب مراد وقال : لا تعمليلي فيها محترمة وتمثلي علينا الأخلاق .. ترا الكل عارفك وعارف سواد عمايلك مع ولد الـ .... الي من السعودية
وعد ولعت يوم سب سعود واتهمه بهالشكل وقالت : احترم نفسك لو سمحت ودا الي تتكلم عنه أشرف منك ومن الي خلفوك !
مرام : طبعا أكيد حتبرريله عمايله .. مو هو الي قدر عليك وخلاك ترضي بالـــ ............

قطع كلامه يوم جته لكمة قوية على فمه خلته ينخرس غصب عنه ويبلع كلامه بحلقه واهو يمسك فمه المدمي وسهام الشر تتطاير من عينه متصوبه تجاه.. سعود ..!!

سعود بعصبية : ثمّن كلامك يالحقير قبل ماتنطقه ..واعرف منهو خبيث الوجه قبل تتكلم عن العمايل السودا !!
مراد بصراخ : انت شعلاقتك فيها قولي ؟؟؟ حالك حالي وغايتنا وحده لا تحاول تمثل الأخلاق لان مافي شي يربطك فيها ..
سعود : هذا تفكيرك انت المقفل ! ان مافي واحد يحاكي بنت الا غايته خبيثة .. وانا مني مجبر أبررلك غايتي وأثبتلك أخلاقي لكن هي كلمه خلها حلق باذنك واذان الي يحكون مثلك .. لو الدنيا كلها رضت بتفكيرك الشين الي تفكر فيه يكون بعلمك وعد مستحيل بترضى !!
مراد ضحك بسخرية وقال : وانا اشهد وأكبر دليل هالحجاب !!
سعود واهو صاك على سنونه وبصرامه : انقلع من هالمكان !!
مراد : والله مهو مكان أبوك تتحكم فيه ومني متحرك منه !!

لكمة ثانية جته على أنفه خلته يطيح على الأرض .. بس هالمره اتحامل واهو ماعاد يشوف طريقه من العصبية ووقف بسرعه وركض على سعود واهو يصرخ ويسب ..

وعد كشت مكانها وسالت دموعها من الخووووف واهي تراقب الي يصير وخايفة على سعود يتأذى بسببها ..

لكن سعود أول ماهجم عليه مراد اتفاداه واهو ينحني على اليمين ووقف واهو يقول لوعد : روحي داخل ..
بلعت وعد ريقها واهي ترجع بخطواتها على ورى .. وشافت سعود يمسك مراد من ذراعينه ويهزه بقوة ويقوله كلام ماقدرت تسمعه بس شافت الخوف بوجه مراد ..

ترك سعود ذراعينه بقرف .. ومراد رجع على ورى بعصبيه واهو يتوعد عشان ينقذ كرامته مو أكثر ..
طالعه سعود باستحقار لين ابتعد عن المكان واختفى ..

اتنهد تنهيدة طويييييييلة .. ومشى للباب وفتحه ودخل وشاف وجه وعد وآثار الدموع عليه ..
وقال بحنية : آذاك بشي !
شالي قلب حاله خلال لحظات .. ! برا كان مولع لدرجة الغليان .. والحين واهو مع وعد ويشوف دموعها رق قلبه واتدفق حنانه عليها
وعد واهي تحاول تبتسم : لا .. انت لحقت علي ..
وعد : حلو .. الحمدلله .. ( وبتنهيدة : آسف وعد .. شكلي مسببلك حكي ومشاكل !
وعد : ماعليك منه هدا كداب وطول عمره كداب ومحد ياخد على كلامه ..
سعود : بس معاه حق .. كنا سوى بنفس العمارة وهالشي يجيب الشك خاصة اذا تصادفنا بمكان ثاني ويا بعض !
وعد : يشكوا زي مايبغوا أهم شي احنا ماغلطنا ..

سكت سعود وصار يتخيل شالي كان بيصير بينها وبينه لو ماوصلت هالوقت ؟؟؟
شالي ممكن يصير فيها لو تركتها بيوم ورحلت ؟؟؟
شالي سويته فيها من يوم ماجيت هالبلد ؟؟
ولعتها وعلقتها فيني واتسببت بعذابها بدل ماأسعدها !!
وهل العذاب مختصر عليها إهي بس ؟؟
مو أنا بعد متولع فيها ومو قادر أتحمل فراقها خاصة بعد ماعرفت بصراحة انها تحبني..
هل باقدر أبعد عنها بعد اليوم وبعد ماشفت مراد معها ؟؟؟
مستحيل أقدر أتحمل فراقها .. مستحيل ..
ياربي شالحل ؟؟؟

وعد كانت تراقب ملامحه الي شوي تشوفها تلين .. وشوي تجمد .. وعيونه غارقة ببحر تجهله .. ماتدري شالي يفكر فيه هالوقت .. طالعته واهو مبين مو حاس فيها ..
ياويلي من حبك سعود .. ليتني اقدر اوقف الزمن عند هاللحظة .. وأنعم بقربك طول العمر ..

" وعد "

جاها صوته ينتشلها من أعمق خيالها .. ورفعت راسها بنظرة استفهام ..

شافت بعيونه نظرة رجاء .. وشبح ابتسامة خفيفة مرتمسة على شفاته ..

قال واهو ينقل بصره بين عيونها ويقول بنبــرة حب صادق : لو خطبتك .. تتزوجيني ؟؟؟؟

*************

[جرح الذات]

الجزء التاسع عشر ..

وصل خـالد أخيرا لبيت مرام .. حمد ربه انه وصل سالم واهو طول الطريق مافي سيارة الا وسقط عليها وقطع كم اشاره ويا سرعته الغير معقولة بهالزحمة .. كله من خوفه يتأخر لحظة وحدة ممكن يتغير فيها الوضع ولايقدر يشوف مرام !
فصخ شماغه وعقاله وطاقيته ورماهم جمبه بالسيارة ومرر صوابعه بين شعره بسرعه ونزل وخبط بالباب .. مشى خطوات مسرعه وفجأة وقف ورفع راسه ودوّر بعيونه شباكها .. لقى الضوء خفي .. ضيق عيونه واهو يمشي بخطوات هاديه ويحاول يوصل بتوقعاته لشالي تسويه مرام هاللحظة ؟
اتهند تنهيدة طويلة وفتح الباب ودخل ..

مرام الي بكل مره تحتويها الوحدة .. تعاودها ذكرياتها الأليمة وتعيش حالة من الدموع وألم الجرح .. كانت ذكرى ذاك المشهد تهد حيلها ولاهو سهل على قلبها تتحمله ..
فكت شعرها بعد مابدلت ملابسها ببجامة النوم قطنية بلون الاسفنج الفاتح ..
مسحت المكياج الثقيل الي بالغصب حطته .. ولازالت أثاره الخفيفة تزين وجهها ..
كانت جالسة على النت ولامه رجولها فوق الكرسي وساندة خدها على ركبها وتدور بالماوس بين المواقع .. اتأففت بملل ورفعت راسها وسندت طرف دقنها على ركبتها وراحت لملف مخزنة فيه الأغاني الي تحبها .. اختارت أغنية كانت تتهرب من سماعها بس هاللحظة ثارت فيها الذكريات بعد ماشافت خالد من الشباك مع فيصل وفتون ..
شغلت الأغنية وخلتها تشتغل .. ورجعت تقلب بالمواقع بلا تركيز :

"فاتت سنين و أنا بسمعك و لا عمري فكرت أخدعك
مالقيتش جرحي بيوجعك و لا قلبي عز عليك
و عايزني تاني أصدقك و أسيب حياتك تسرقك
شئ مستحيل إني أعشقك أو حتى أفكر فيك"

تركت مرام الماوس ورجعت ظهرها على ورى واهي تفرك وجهها وتمرر ايدها على راسها بضيق :

"و الله أنا قلبي جنيت عليه و بكل بساطة لعبت بيه
و عايزني ارجع دلوقتي ليه لحياتي معاك ؟
شفت القسوة فيك و عرفت الغدر دا من عنيك
أنا بعد دا كله ازاي و ليه ارجع لهواك"

تجمعت الدموع بعيونها ومدت إيدها للدرج وفتحته ورفعت كم دفتر وسحبت صورة من تحتهم كانت لخالد واهو بالبحر ..!
طالعت الصورة بألم ودموعها تسيل .. قرصها قلبها واهي تشوف الضحكة بعيونه والابتسامة الحلوة الي تسحر قلبها وكان صعب على قلبها هاللحظة تسمع هالأغنية الي تحكي واقعها معاه .. صارت تطالع بصورته وتبكي :

أيام حياتي كلها باوهم في روحي و اقولها
انك اكيد محتاج لها .. كدبت كل دا ليه ؟
عيشتني في اجمل هوى و وعدتني حنكون سوا
اخرتها ضاع عمري بايديك بتقولي دنبي انا ايه ؟

قبضت على الصورة بقووة وبكل ألم مسكتها وشقتها قطع صغيرة ورمتها على الأرض ودفنت وجهها بين ركبها وصارت تبكي وتشاهق بكل ألم :

والله أنا قلبي جنيت عليه و بكل بساطة لعبت بيه
و عايزني ارجع دلوقتي ليه لحياتي معاك ؟
شفت القسوة فيك و عرفت الغدر دا من عنيك
أنا بعد دا كله ازاي و ليه ارجع لهواك ؟؟

لو كانت مشاعر الندم والحسرة تنشاف بالعين .. كان شفتوها وبكل وضوح بعيون خالد هالوقت !
بعد ماصعد لغرفتها ولقى الباب مو مسكر كله .. قدر يطالعها من خلفه وشهــد على كل الي صار !
خفق قلبه بكل ألم وضيق .. ياويل حاله واهو يشوفها تبكيه بهالشكل ! على كل توقعاته الا انه ماتوقع يشوف هالموقف إلي نسف آخر شعور شامخ بداخله !
حط ايد على خصره وايده الثانية مررها على شعره والحيرة تعصف فيه واهو يراقبها من خلف الباب .. اتمنى يدخل هاللحظة وياخذها بأحضانه ويخليها تطلع كل ألمها وحرتها فيه ياعسى تسامحه بالآخر وتريح قلبه وترتاح ..
ماتردد عند هالشعور ومشى وفتح الباب بشويش ودخل بكل ثقة .. مافكر بردة فعلها ولا بمفاجأتها ولا بموقفها منه .. خلاص أهو قرر يهدي قلبه بشوفتها والي يصير يصير ..
مشى لوين ماهي قاعدة على الكرسي ودافنة وجهها بركبها وتبكي ..

دوّر الكرسي بهدوء وانحنى قدامها ومسك جوانب ساقينها بنعومة وهمس : مرام !
مرام حست بتدوير الكرسي وعرفت ان فيه أحد داخل عليها وقبل ماتستوعب وقبل حتى ماتسمع صوته .. شمت ريحة عطره الي تعرفها وتميزها من بين العطور .. خفق قلبها بكل عنف وسماعها لصوته خلاها تكتم شهقاتها فجأة .. بدون ماترفع راسها ..
خالد بحنية : مرمر حبيبي ....
رفعت مرام راسها بهدوء وخصلات شعرها متناثرة على وجهها الأحمر من البكي .. شافته قدامها .. خالد بلحمه وشحمه ! زادت دقات قلبها أكثر والصدمة عقدت لسانها واهي ماتدري شالي جابه وكيف دخل عليها هالوقت !
طالعها خالد بنظرة كلها أسف وشوووووق .. عض شفته واهو يتنهد ويطالعها وقلبه مو متحمل يشوفها بعد كل هالوقت وثمة حاجز يفصل بينهم ..
مسك ايدها بخفه وجا بيسحبها لكن مرام جرتها واهي تدير وجهها على الجهة الثانية وتقول بهمس مرتعش : اتركني ..
خالد برجاء : تعالي مرام .. ترا الي تسوينه فيني كثير والله ماعاد أتحمل !
مرام ماردت.. صدمها وجوده بهالوقت بالذات الي ثارت مشاعر جرحها فيه .. مسكت طرف المكتب ورجعت الكرسي على ورا ووقفت تبي تبعد بس خالد وقف معها ومسكها من ذراعينها ..
سكرت مرام عينها بضيق وقالت بخنقة : لو سمحت اتركني واطلع ..
دورها خالد عليه ولم خصرها بذراعه وقربها منه وهمس واهو ينقل بصره بين عيونها : ماوحشتك؟
ابعدت مرام عيونها عن لاتفضح مشاعرها الثايرة الي ماهدت من يوم اتفارقوا والي لولا حبها الجنوني له ماوصلت لهالحد !
مسك خالد دقنها ورجع عيونها عليه وقال : حياتي ردي علي .. ماشتقتيلي ؟؟
هــزة هزت كيانها واهي بين إيدين حبيبها الي حبته بكل مشاعرها ونبضها واحساسها .. هالحبيب الي خانها قدام عيونها وطعن عمق قلبها ياكيف بتتحرر من صراعها النفسي هاللحظة .. عجزت ترد وتركت المجال لدموعها تعبر عنها ..
هز خالد راسه بضيق وبدون أي تردد نزل ذراعه وشالها ومشى فيها للسرير وقعد عليه وضمها بحضنه وإهي سندت راسها على صدره وصارت تبكي من كل قلبها ..
تبكي جارحها وتشكيله .. على كبـر جرحها وألمها إلا ان حبها وشوقها كان أكبـر .. ولأن خالد حتى واهو الغلط راكبه من راسه لرجوله لازال على جرائته وثقته الي صعب تقاومهم .. بكت وصارت تقول مابين شهاقها : أنا تعبـ ـانـة يـ ـاخـ ـالد .. واللـ ـه تعـ ـبانة
خالد واهو شوي ويبكي معها : ياروح خالد انتي سامحيني وإنسي .. أدري انك تعبانة وان قلبك مو متحمل بس لمتى يامرام ؟؟ لمتى بتعيشين بهالحالة ؟
مرام وإهي تبكي : خالد لاتضغط علي .. حاولت أنسى بس صورتك معها مو راضية تنمحي عن بالي .. كل يوم أذكرها وينهد حيلي ويتجدد الجرح فيني ..
خالد : كل يوم تذكرينها وماقدرتي تذكرين أي شي ثاني حلو بعلاقتنا ممكن ينسيك ؟؟
مرام : كلها ماعاد صارلها معنى ..
خالد بضيق : ليه يامرام .. ؟
رفع راسها و ومسك جوانب وجهها وقال : مرام باسألك .. تنكرين اني أحبك ؟؟
هزت مرام راسها بالنفي ..
خالد واهو يمسح دموعها : تنكرين اني مجنونك؟
هزت راسها ..
خالد : زين دامك عارفة ومتأكدة اني أحبك .. وأهيم بهواك .. ماتقدرين تعذريلي هالزلة ؟؟
مرام : انت شايف زلتك سهلة ؟؟
خالد : لا مو سهلة .. ومستعد أتقبل منك أي عقاب .. عاقبني بالي تبين واشرطي علي بالشروط الي تريحك .. بس لاتجافيني !
مرام : خالد انا .....
قاطعها وقال بدون مقدمات : مرام انتي تحبيني ؟؟
ضاعت عيون مرام بوجهه .. لو على الحب كان هان حالها .. بس اهو عشقها وغرامها وهذا الي دمرها وهد كيانها ..
خالد واهو يراقب عيونها الضايعة : ردي علي ..
مرام : خالد انت عارف انت منهو بالنسبة لي وكلمة أحبك ماتوفي ..
خالد : زين حياتي شفايدة الحب ان كان مايخلينا نسامح ونعطي غيرنا فرصة يصلح غلطته
فكت مرام نفسها من بين ذراعيه ووقفت ومشت واهي تمرر ايدها على راسها .. وبعدها التفتت وطالعت فيه وقالت بصوت متهدج بالدمع : خالد انا فعلا زعلت وحقدت عليك بذاك اليوم لدرجة اني فكرت جديا بالانفصال .. وبعدما هديت بكم يوم محيت من بالي فكرة الانفصال بس مو معناها ان قلبي صفالك ونسيت كل شي ..
خالد : لحظة مرام .. شالي خلاك تمحين فكرة الانفصال !
طالعت مرام الاشياء حولها بحيرة وقالت واهي تحاول تجمع الكلام : ماتسوى علينا ننفصل عشان الي صار و .. وأنا دارية انك تحبني ومقتنع فيني وتبيني بس .. ضعفك اهو الي وصلك لهالمواصيل ..
خالد : حلو انك مقتنعة بهالشي ..
مرام : بس مو معناه اني أرجعلك ولا كن شي صار .. (( تجمعت دموعها بعيونها واهي تقول : خالد على كثر ما أحبك على كثر مانا مصدومة ومجروحة منك .. على كثر مامنعني حبي أنفصل عنك على كثر مامنعني جرحي أرجعلك .. مادري شسوي وربي مادري !
وقف خالد يبي يروحلها الا هي مشت لكرسيها وانتبهت لقصاصات الصور بالأرض .. وقفت قدامها وانحنت بخفة تشيلها
مشى خالد بهدوء واهو يطالع بالقصاصات ويقول : زي ماشقيتي الصورة ومحيتيها عن الوجود .. امحي معها ماضي خالد الي بالصوره نفسه ..
شالت مرام القصاصات ووقفت تطالع فيه واهي قابضة على الصوره بقوة
خالد بابتسامة خفيفة : مره صعب ؟؟
طالعت مرام بالقصاصات بصمت .. وخالد كمل : اذا ودك تحرقينها .. تبلينها وتذوبينها .. سوي الي يريحك بس يكون شي يساعدك تمحين ماضي خالد من بالك
مرام وصوابعها تلعب بأطراف الصوره : مو بهالطريقة ياخالد أنسى ماضيك
خالد : هاه شلون ؟
رفعت مرام راسها وطالعت بعيونه : انت لازم تتغير وتثبتلي العكس .. وتكشفلي بداخلك انسان ثاني ..
خالد واهو يمشي ناحيتها : وكيف يامرام وانتي مجافيتني ومو معطيتني فرصة لا أشوفك ولا أكلمك !
مرام : لاتلومني ياخالد .. صدمتي مو هينة ..
مسك خالد إيدها الثنتين بنعومه ورفعهم لفمه وباسهم بخفة وقال : أنا آسف حياتي .. حتى آسف ماتركتيلي فرصة أسمعك اياها .. آسف على كل أذية آذيت فيها قلبك الرقيق ..(( باس ايدها مره ثانية وقال : مرام أبيك تفكرين بوضعنا زين .. من البداية انا كنت معارض يتأخر زواجنا كل هالسنوات .. لأني ماقدر أصبر كل هالمدة هذا أولا .. ثانيا عشان لانوقع بمشاكل وخلاف تأثر بعلاقتنا .. بس محد طاعني للأسف .. وأتمنى الي صار يخليك تعيدين النظر بهالموضوع ..
هزت مرام راسها بصمت ..
خالد : مابي أجبرك على شي يصعب عليك .. مابي أقولك ارجعيلي مثل أول .. أبيك من نفسك تتقبليني بحياتك شخص ثاني .. بس يهمني قلبك مايتعب .. يهمني عيونك ماتدمع .. مابي يتكرر الي صار معاك اليوم .. وتلعب فيك الهواجس يمين يسار .. أوكي ياقمر؟
هزت راسها ..
قربها خالد منه وضمها لصدره بقوة وإهي استسلمت لضمته كونها ماتحس بهاللحظة غير بحبها وشوقها لهالشخص الي ملك حبه كل ذرة بكيانها .. مسح خالد على راسها .. وبعدها بخفة وباسها جبينها وباس كل جزء بوجهها .. وهمس : أشوفك مره ثانية وانتي بأحسن حال
مرام وقلبها يخفق بكل عنف همست : ان شاء الله ..
بعد خالد عنها وقال : فمان الله ..
مرام واهي متصلبة مكانها : مع السلامة ..
طلع خالد .. واهي حست بدوار من بعده .. رمت نفسها على الكرسي وراها وإيدنها عرقت من توترها ومشاعرها الي أثارها خالد بكل عنفوان بأسلوبه وكلامه ..
رمت القصاصات على الطاولة واتنهدت تنهيدة طويلة .. سندت كوعينها على الطاولة ولمت راسها بإيدينها وهمست لنفسها : آه ياخالد أحبك .. أحبك .. انا نفسي مو قادرة على فراقك .. يارب اهدينا للي فيه خير لنا .. يااارب ..

********


}{}أمريكــــــا {}{

وصلت الطيارة أخيرا بعد عناء سفر 14 ساعه .. نزلوا الركاب منها من ضمنهم عروسين كانوا مزيفين بأقنعة قدام الأهل والحين جت اللحظة الي ينزعون فيها هالأقنعة وتظهر حقيقتهم قدام بعض ..
كانوا واقفين بالسرا الطويــــــــل عشان ختم الجوازات وفتون عاقدة ذراعينها وتتفرس الناس بنظراتها ..
طالعها فيصل لحظات وقال : تقدرين تقعدين اذا تبين
فتون بدون ماتطالعه : مابي ..
فيصل : براحتك ..
وكان هذا أول وآخر كلام دار بينهم لين انتهوا من ختم الجوزات والتفتيش والتحقيق الي يحسس بالذل لابارك الله فيهم ..
طلعوا وأخذوا شناطهم وحطها فيصل بعربية ودفها لين طلعوا وكانت سيارة أجرة تنتظره .. ركبوها ومشوا للفندق ..
طول الطريق والكلام كان بين فيصل والسواق .. وفتون راكبة ورى عيونها تتقفل من التعب والنوم .. تنتظر بس متى توصل عشان ترمي نفسها على السرير وتنام !
وماطال انتظارها يوم وصلوا الفندق ونزل فيصل الشنط وصعد اهو واياها للجناج والصمت اهو الي سايد بينهم .. ياخوفنا يكون هذا الهدوء الي يسبق العاصفة

دخلوا الجناح وفتون مانتظرت فيصل يقولها ولا يوريها شي .. مشت وفتحت باب على اليمين لقتها غرفة كبيرة ومرتبه يتوسطها سرير واحد كبير ..
عقدت حواجبها وكأن مو هذا الي كانت تتوقعه !
طلعت وفتحت باب ثاني لقته حمام !
دارت بعيونها مالقت اي باب ثالث بالجناح غير صالة مرتبه يزينها مطبخ بالأخير وطاولة أكل
طالعت بفيصل الي كان يدخل الشنط الصالة ومنتبه لحركاتها .. وقالت : ليه بس غرفة وحده ؟؟
فيصل : كم تبين يعني اظن مافي احد غيرنا !
فتون : مافي أحد غيرنا بس احنا ...
فيصل : احنا ايش ؟؟ كملي !
اتأففت فتون وماردت عليه ومشت للحمام .. دخلت وسكرت الباب وسندت نفسها عليه واهي تتنهد بضيق .. من تحسب نفسك انت يوم تختار جناح بغرفة وحدة وسرير واحد ؟؟ يعني بتجبرني على شي مابيه والله لأكرهك عيشتك لو حاولت بس ..

فصخت عبايتها وطرحتها ورمتهم على الغسالة الي بالحمام .. غسلت وجهها وانتبهت لمجموعة كريمات وصوابين بجمب المغسلة .. قعدت تفتحهم كلهم وتجرب فيهم .. وكل كريم دهنت جزء من إيدها منه .. يعني سوت خليط من الروائح العجيبة .. مررت أصابعها داخل شعرها بسرعه .. وطلعت من الحمام بهدوء ..

كان فيصل قاعد على الكنب ومعاه الجوال ويتصل .. مرت من قدامه للكنب الثانية وأخذت الريموت بطريقها وفتحت التلفزيون وقعدت .. ظهرت القنوات الأجنبية والصوت كان عالي وفتون تقلب القنوات بعشوائية ..
طالعها فيصل بدون ماتنتبه له .. أي نوع من المعارك بنخوضها سوى يافتون عشان نوصل لبعض ؟؟ مبين استهتارك اهو زي ماهو ماتحسبين حساب لوجودي أبد .. طالع ملامحها الوديعة .. وعيونها واهي مركزة بالتلفزيون .. شاف فيها طفلة صغيرة .. بس عنيدة !
مرت ذكرياته معها بسرعة البرق ولقى بهالانسانة قلب يحمل كل أنواع المشاعر .. الطيبة والقسوة .. الحب والكره .. اللين والعناد .. كيف يقدر ينتشل من قلبها المشاعر السيئة ويبقي بس مشاعرها الحلوة ..
حس انه غلط يعاملها بنفس أسلوبها وعنادها .. خاصة واهي مهما كان عروسة جديدة ودلوعة وتوها متغربة عن أهلها .. هالفترة بالذات بيعاملها تعامل خاص وبيشوف هل يؤدي نتيجة ولا يعاملها بأساليب ثانية !

مسك الجوال واتصل على أهله وشبك الخط معاه ..
فيصل : فتوون ..
التفتت فتون بصمت وشافته واهو رافع الجوال لاذنه ..
فيصل : ممكن توطين الصوت شوي .. بكلم أهلي
مسكت فتون الريموت وسكرت التلفزيون مره وحده !
فيصل ماعلق لأنه سمع رد من الطرف الثاني ..

وقف واهو يقول : ألووو .. هـلا سوسو حبيبتي أنا فيصل .. شلونك ياقلبي .. اي بأمريكا .. هههههههه طيب ياعمري ان شاء الله أجيبلك .. وين ماما ؟
ابتسمت فتون واهي تسمعه يكلم ساره .. ليته يعطيني أكلمها هالبنت اشتقتلها من الحين .. الله يصبرني عن أهلي وبس ..!


سندت ظهرها على الكنب ورفعت رجولها واتكت بذراعها على المسندة الي باليسار وصارت شبه متمدده !
كان فيصل يكلم واهو رايح جاي بالصالة ويوم انهى الاتصال التفت عليها وشافها بهالشكل ورق قلبه حيل .. حاول يكبت مشاعره لاتفيض أكثر واهو الي ماتوقع يحرك مشاعره شي بعد الي صار بالسعودية ..
قال بهدوء : تبين تكلمين أهلك؟
فتون : سمعتك تقول لخالتي تبلغ أهلي اننا وصلنا وبخير ..
فيصل : ايه بس اذا ودك تكلمينهم بنفسك عادي كلميهم ..
فتون : لا اذا علي بكلمهم بكرا مو مشكلة ..
فيصل : براحتك .. (( وحط الجوال على الطاولة ومشى لشنطته وفتحها وطلع أول ملابس صادفته وراح للحمام .. فتح الباب ودخل وسكره وبعد 5 ثواني طلع .. !
استغربت فتون من هالسرعه بس ماعلقت
فيصل بهدوء واهو عند الباب : فتون أحب أذكرك ان هنا مافي خدامة تشتغل وراك !
فتون : أدري !
فيصل : أجل أكياس الكريمات والصوابين الي فتحتيهم على المغسلة من بيشيلهم ؟ وعبايتك من بيغسلها ؟؟
فتون واهي توقف : ياربي الحين هذا الي ضايقك ؟؟ ترا كثر منها هالحوسة لأني ماعرف أدبر ولا شي بالبيت !
فيصل : مو مشكلة تتعلمين مع الوقت .. انا رجال وجيت بهالغربة لحالي واتعلمت أعتمد على نفسي ..
فتون : مو شرط أكون مثلك !
فيصل حس انه بيدخل معها بجدال عقيم ولاهذا وقته أبد.. يدري انه آلاف من هالجدال بيصير بينهم الأيام الجاية فخلي يعديها على خير الليلة
دخل الحمام وسكر الباب .. ولم الأكياس كلها ورماها بالزبالة .. وأخذ عبايتها وحطها اهو بالغسالة الأوتوماتيكية .. << سهلة مره عشان كذا اتعود عليها ..
كل الي سواه صب سائل غسيل فيها وسحب زر عشان تشتغل واشتغلت الغسالة تسوي الي عليها من اضافة الموية وغسل وعصر وتنشيف ..
بعدها دخل ياخذله شاور دافي ..
فتون أول ماسمعت صوت الدش انفتح .. نطت بسرعه على جوال فيصل واحتارت اصابعها على الأزارير واول رقم طلع معها رقم عبير اختها ..
دقت الرقم ورفعت الجوال لاذنها والحماس ياكلها .. شبك الخط وقامت تدور بالصالة تنتظر الرد .. بعد كم رنة جاها الرد : الووو
فتون استغربت الصوت : مرحبا
: اهلين .. مين معاي ؟
فتون حاست فمها يوم عرفته وقالت : انا فتون هلا تركي
تركي : هلاااا والله ياعروسة شلونك شلون فيصل ؟؟
فتون اتضايقت هذا من سمحله يرد على جوال اختها .. وردت : بخير الحمدلله طيبين انت شلونك ؟؟
تركي : تمام والله الحمدلله على السلامة
فتون : الله يسلمك
تركي : هذه عبير من سمعت اسمك انخبلت .. خذيها لاتنخبل صدق
فتون : هههههه ياعمري هاتها

عبير : فتوووووووووووووون حبيبتيييييييييييييييييي
فتون : هلاااا عبير حياتي شلووووونك؟؟؟
عبير : بخير الحمدلله انتي طمنيني عنك شلون سفرتكم عسى ماتعبتوا
فتون : لا ابد فلة ووناسة ونوم وأكل وعلى كيف كيفك
عبير : ههههههههههههههههه ياخرطك
فتون : أندري عنك انتي بعد الا تعب وقرف خاصة لما تكونين مع واحد متعبك اصلا بدون اي شي !
عبير بهمس : فتون ياعمري هونيها وعيشي حياتك ترا والله فيصل طيب
فتون : هش بس .. المهم قوليلي اخباركم انتم وش صار بزواجي بعد مارحت
ضحكت عبير وحكتها الي صار وأخذتهم السوالف مابين حكي وضحك لين انفتح باب الحمام وطلع فيصل وكانت واقفة عند الشباك مو منتبهة له .. حست بحركة خلفها والتفتت بسرعه وشافته واقف يطالعها
خفق قلبها بقوة من المفاجأة ماتدري شلون مانتبهت للوقت ولا لصوت الدش يوم وقف ! بس ماظهر على وجهها شي وقالت بضحكة : يالله عبورة بسكر تبين شي ؟؟ اوكي حياتي سي يو .. بااااي
وسكرت الجوال ومشت بلكاعة ورجعت الجوال مكانه ..
نقل فيصل بصره بين الجوال وبينها وقال : دقيتي على عبير ؟؟
فتون : يس ..
فيصل : كذا بدون ماتقوليلي ؟؟
فتون : ياسلام مو انت قايلي اذا تبين تكلمين أهلك عادي!
فيصل : تدقين على أهلك تطمنينهم عنك بس .. لكن اذا بخاطرك تسولفين وتطولين اجيبلك بطاقة تكلمين من التلفون مو من جوال السعودية !
فتون ببرود : عاد أنا شدراني
فيصل : لأنك مو معبرتني فماراح تعرفين شي ..
طنشت فتون وراحت لشنطتها وفتحتها وصارت تدور على أغراضها الي تحتاجها ..
اتنهد فيصل بخفة وقعد على الكنب وأخذ المنيو المتواجد بالجناح وقرا قائمة المأكولات ..
التفت على فتون وقال : شتبين تاكلين ؟؟
فتون بدون ماتطالعه : مو مشتهية شي !
فيصل : طيب تشربين شي؟
فتون : لا مشكور ..
فيصل : طيب المطبخ فيه شبسات اذا بغيتي يعني ..
ودق فيصل المطعم وطلبله اهو كاس قهوة وحلى بسيط ..
فتح التلفزيون وقعد يقلب وعيونه انخطفت ناحية فتون تتأملها واهي تحوس بشنطتها .. لو بيقعدلها على كل حركة وزلة فبيعيش ليله ونهاره بمشاكل وخناق خاصة انها مستحيل تعترف بخطأها .. يحبها ويموت فيها وهذا أكبر سبب يخليه يمشيلها زلاتها معاه .. ولا مين بيتحمل وحده تتجاهله بهالشكل ! لو كانوا بوضع مختلف كيف كانت بتدور الأحداث بينهم ؟؟ يمكن كانت بتستحي منه .. تبتسم بوجهه .. تعبر وجوده .. اهو نفسه كان بيهتم فيها ويحرص على رضاها ويدلعها ويسويلها كل الي تبيه ..
هذا لو كان الوضع مختلف
بس مع وضعهم الحالي وفتون واااااضح اعتراضها على زواجهم ونفورها منه .. صعب عليه يظهر كل الي بقلبه ناحيتها من مشاعر مصيرها تندفن أعماق قلبه ..

وصل الطلب ودق الباب .. قام فيصل وقال : فتون ابعدي عن الباب باخذ الطلب
فتون : طيب لحظة ..
وصارت تلم كل الأغراض الي طلعتها وتحطها داخل الشنطة ..
فيصل : بعدين يافتون الحين خليني أفتح الباب ..
فتون : لحظة بس خلاص خلصت ..
ووقف وسحبت شنطتها للسيب الصغير الي يبعد عن الباب وقعدت على الأرض ورجعت تفتح الشنطة وتحوس فيها
هز فيصل راسه وفتح الباب .. أخذ الصينية من النادل ودار بينهم كلام سريع وشكره وسكر الباب ومشى للصالة وحط الصينية على الطاولة
طالعت فتون فيه لحظات وقالت : أبي كوفي !
فيصل : مو توي سائلك قلتي ماتبين شي ؟
فتون : ايه مابي آكل وأشرب .. بس الكوفي غير
فيصل : خلاص تعالي .. (( ودف الصينية بشكل يفهمها تاخذ الكوفي لها ..
فتون : لا خلها لك واطلبلي ثاني
فيصل : انتهت فترة العشا وماعاد يوصلون طلبات ..
فتون : خلاص اجل مو لازم بالعافية عليك
فيصل : فتووون .. قلتلك خذيه والله ماراح أشربه ..
فتون : أجل ليه طلبته ؟؟
فيصل : احترت وش اطلب قلت أطلب شي خفيف بس مني ميت عليه ..(( وابتسم : تعالي اشربي قبل مايبرد
نزلت فتون عيونها بسرعه ماتبي تشوف ابتسامته لأنها تفجر بقلبها شعور ترفضه وماتبيه ..
وقامت بخفة ومشت وأخذت الكاس واهي تقول : مره شكرا ..
فيصل مارد وصار يتفرسها بنظرات أربكتها وخلتها تدور بسرعه راجعة لشنطتها والكوفي معاها ..
ضحك بخاطره عليها .. والله ماكبرتي يافتون .. تحسبيني أقصد شي ثاني بنظراتي لا ياعمري ارتاحي ونامي بالعسل .. قدامنا وقت طويييييييل لين نوصل لبعض ..وبرضى بعض !

فتون تشتت أفكارها ودقات قلبها تزداد واهي تحس نظرات فيصل مصوبة عليها و وساوسها أخذتها يمين يسار .. توترت بشكل مو طبيعي .. وسحبت لها أستر بجامة عندها وقامت بسرعة للحمام وسكرت الباب وراها ..
اتأففت بضيق .. ياربي تعباااانة ابي اناااام بس شلووون .. ؟ ياليتك تقوم يافيصل وتتركلي الكنب لحالي انام فيه .. والله ماتجمعني معك غرفة لو تموت انت ونظراتك الخبيثة ! اوووف أكره الزواااااااااج .. !
دخلت وأخذتلها شاور حاولت تطول قد ماتقدر .. يارب أطلع وألقاك انخمدت .. وانا بافتح التلفزيون بسوي نفسي اتفرج وجاني النوم ومادريت عن نفسي .. مو رايحة الغرفة لو يطير ! من تحسب نفسك تطالعني وتبتسملي تحسبني باستجيب معاك لا والله الموت ولاقربك .. هذا أنتم يالرجال حقيرين ومايهمك الا نفسكم ..
اتأففت وطلعت نشفت نفسها ولبست ملابسها وقعدت ساعه تسرح شعرها .. وبعد فترة طويلة أخذت نفس وفتحت الباب وطلعت ..
و
مفــــاجأة !

لقت الصالة مظلمة إلا من نور خفيف طالع من الأبجورة الي جمب التلفزيون .. وكانت المفاجأة الأكبر ان فيصل اهو الي نام على الكنب .. واتلحف بلحاف زايد وحاط ذراعه فوق عيونه ومبين شكله غاطس بالنوم له فترة ..
اتفاجأت فتون من هالحركة ! اتلففت لقت شنطتها مو بالصالة .. مشت بهدوء للغرفة وفتحتها .. لقت الشنطة محطوطة عند الجدار آخر الغرفة
مشت وقعدت على السرير واهي تحاول تلقى تفسير لهالحركة ! معقولة فاهمني وفاهم رغبتي بالانفصال عنه ! واهو بكل بساطة راعاني وحقق الي أبي .. بس شالي خلاه يتركلي أنا الغرفة وينام اهو بالصالة !! ولا يمكن يكون حتى أهو راغب بهالانفصال ؟؟
طالعت بأغراضها الي كانت مطلعتها من الشنطة ومبعثرتها حولينها .. مرصوصة بترتيب فوق الشنطة .. !
فيصل بتدوشني معاك انت .. خلاص كثر الله خيرك والله يعينك علي .. !
فتحت اللحاف ونفضته ودخلت تحته وغطت نفسها ولاحاولت تفكر كثير فيه .. ولافكرت حتى انها تشكره بكرا ولا تعطي الي سواه أي أهمية ! أفكارها راحت فيها لبعييييييد لوين ما أمها واختها وناسها تفصل بينها وبينهم أميال وأميال .. هنا بس ضاق صدرها وخنقتها العبرة الي كتمتها طول دوشة الزواج والسفر .. ارتسمت صورهم قدامها وعصف فيها الحنين عليهم .. وأخيرا سالت دمعة من عينها مسرع مامسحتها وغطت وجهها باللحاف مستسلمة للنوم ..

" نوم العوافي حبوبة " << مين إلي قالها أنا ولا فيصل ؟؟؟

*********


}{}ابريطـانيــا {}{

في أحد البيوت المتوسطة الرقي .. كانت البالكونة تطل على منظر مبدع من خلقه سبحانه .. الشمس عاكسة أشعتها على أوراق الشجر .. وحبات الحجر .. بطريقة ماتملل الي يطالعها !
شهد : كل دا اعجاب بالمنظر ؟؟ امشي ندخل بس عطشت ..
وعد : أوكي روحي جيبلك شي تشربيه وتعالي
شهد : يووووه مافيا أنزل وأطلع
وعد : اكسرسايز بصالحك شهوده روحي يالله
شهد : اش عندك تبغي الفكة مني ؟؟
وعد بابتسامة : عشان أبغاك تجيبيلي معاكِ أنا كمان عطشت ..
شهد : أهااا قولي كدا .. يالله نكرمك دامك في بيتنا ..
وطلعت ونزلت المطبخ ..
فتحت وعد ربطة شعرها وانسدل بنعومة على كتوفها .. مررت صوابعها فيه ورجعت لمته مره ثانيه .. وعيونها تايهة بالأشياء حولها ..
مر كم يوم من بعد آخر لقاء بينها وبين سعود والي رمى عليها مفاجأة خطبته لها .. اتذكرت كيف انعقد لسانها لحظتها وماعرفت بإيش ترد .. وكيف قدّر اهو موقفها وتركلها المجال تفكر كم يوم وترد ..
اتنهدت من خاطر قلب يعاني لوعة شوق ماتدري تجاري عواطفها وتوافق .. ولا تحكم عقلها وترفض !
ماتنكــــر شلون بغت تطير من الفرح بسبب خطوته هذه الي تنم عن مشاعر حلوة وخفية بأعماقه .. بس خوفها من غدر الزمن ! الي جرا على ماضي أمها يرجع يتكرر فيها من جديد !
حيــــــــرة تهد حيلها وماتوقعت ان ممكن توصل العلاقة بينهم بهالشكل !
في أسوأ أمنياتها ما اتمنت انهم يتفارقون
وفي أجمل أمنياتها ماتجرأت تتمنى انهم يتزوجون !
كان مجرد حـلم .. يولد بثانية ويموت بالثانية الي بعدها ..
ماتوقعت ان هالحلم .. استوى واقع .. والحكم الآن بإيدها
ياتحققه .. ياتمحيه !

" هالووووووو "
فزت من مكانها والتفتت واهي تقول : وجَع فجعتيني ..
شهد واهي تحط المشروبات على الطاولة الصغيرة : تعالي اجلسي بس وقوليلي متى تبغي الملكة متى تبغي الزواج ؟؟
وعد بحمق : شهــــــد !!
شهد : هاه خيييييير لاتقوليلي لين دحين محتارة ..؟
وعد واهي تقعد: والله حموت من الحيرة كمان ..
شهد : انتي وبعدين معاك كل كلامي وكلام أمي ما أقنعك بشي ؟؟ قلنالك الرجال مو سوا !! وسعود أكّد عليكِ بنفس الوقت وبمسجاته الي بعدها انه مقتنع بخطوته وينتظر ردك .. وهو رجال يتصرف بطريقته ويقنع أهله بطريقته انتي عليك منه هو وبس ..
وعد : ياشهد أحسها مغامرة خطيرة ..
شهد : لاهي مغامرة ولا شي .. وبعدين ياوعد مايستاهل تغامرين عشان حبك ؟؟ يامجنونة سعود يحبك ويبغاك سعوووووود جنتل مان سو كيوت .. فري كول .. افري ثنق فيه يجنن ياوعد فووووقي !
وعد واهي تضحك : شهد بلا هبل ..
شهد : من جد مره تقهري اليوم كلميه وقوليله انك موافقة
وعد بتنهيدة : لا حاستخير أول ..
شهد: طيب استخيري وكلميه اليووووووم ..
وعد بانفعال مفاجئ : شهد كيف يخطبني وأهله مايدروا افرضي راح علمهم وعارضوا وعملوله مشاكل .. يمكن مايطلقني زي ما بابا عمل مع ماما بس يمكن يتركني معلقة هنا !!
شهد : ياوعد هو أدرى بأهله والأسلوب الي ينفع معاهم .. سعود عاقل وما أقدم على خطوة ورجع يأكدلك عليها الا وهو عارف اش حيسوي ..
وعد : أتمنى ياشهد .. والله زي ماهو يحبني ويبغاني أنا أموت أذوب أدوخ عليه ..
شهد باستهبال : ياويلي بس لاتخربيني تراني عذراء المشاعر !
وعد : هههههه كلنا كنا ..
شهد : وانا لازلت وحاستنى فارس أحلامي يجيني واحد مفصل زي ما أحلم فيه
ضحكت وعد عليها وبداخلها ارتاحت يوم بدت تتقبله الفكرة وترسم خيالاتها الوردية بارتباطها بحبها الأبدي .. ياحلو الأحلام اذا ظلت أحلام نشكلها مثل مانبي .. !

مر الوقت مع شهد بسرعه واضطرت وعد تمشي وترجع لأمها ..
وبالسيارة
وعد : شفتي ياشهد وهدا سبب تاني كمان !
شهد وعيونها على الطريق : وت الس ؟؟
وعد : ماقدر أسيب ماما !! ماما مالها غيري ولازم أكون عندها وجمبها على طوووول ..
شهد : يصير عمرك مح تتزوجي لاسعود ولا غيره !
وعد : ومن قالك ميتة على الزواج .. تعرفيني من يومي رافضة هالزواج ومتعقدة منه بس سعود آآه قلب كل موازين حياتي ..
شهد : وعشان سعود ياوعد فكري بالموضوع مرتين وثلاثه .. ياوعد اهو خاطبك وعارف وضعك وعارف كل شي عن حياتك .. أكيد ماراح يبعدك عن أمك ..
وعد بحنية : حبيبتي ماما مستحيل يبعدني عنها شي ..
شهد : وبعدين ترا من حقك تسأليه كل الي تبغيه عشان تتطمني ويرتاح قلبك ..
خفق قلب وعد بقوة وسندت راسها على الخلف وعاشت بخيالها هاللحظة تصور لقائهم الثاني وتفاهمهم على هالموضوع .. هل بيحتمل قلبها تفارقه واهي شافت الموت بفراقه ؟؟
ولا حبها يفرض عليها من هاللحظة انها تضحي بكل الي تقدر عليه عشان تبقى معاه !
ضاق صدرها من حيرتها وقررت فعلا انها تقعد معاه وتعبرله عن مخاوفها .. واهو بدوره يحاول يقنعها ويسحر قلبها بأسلوبه ..

::



::

من جهة ثانية كان سعود يحترق بكل لحظة بانتظار رد وعد الي يا توافق وتطفي نار شوقه ولهفته ولا انها ترفض وتشعل النار بقلبه أكثر !
وقف السيارة بالمواقف ونزل واهو يسحب جاكيته .. رماه على كتفه واهو ماسك طرفه ومشى بخطوات ثابته لبنايته .. فتح الباب ودخل ورفع نظارته الشمسية على راسه .. مر من صالة الاستقبال ولانت ملامحه واهو يسترجع ذكرياته مع وعد بهالعمارة تشهد لهم هالصالة الي ياما جمعتهم ..
اتنهد اهو يصعد الدرج .. ان كان الي سويته جنون على قولة أنس فأنا أشوف العكس .. الجنون اهو ان أخلي هالملاك يضيع مني ! الجنون اهو اني أقتل حبنا بإيدي .. آه يازمن تكفى لاتحرمني منها ..
وصل شقته وفتح الباب ودخل .. رمى جاكيته ومفاتيحه على الطاولة ومشى واهو ينادي :
أنـــــس .. أنــــــس
جاه صوت أنس من بعييييد : هااااااااه ..
سعود واهو يمشي ناحية الصوت : هوا ان شاء الله وينك ؟؟
دخل الغرفة لقى أنس قاعد على الأرض ولاب توبه مفتوح وحوسة أوراق حولينه ..
أنس واهو يكمل شغله : هلا بعاشق الغبرا << أنس له فترة مايسمي سعود الا بهالكلمة وسعود اتعود عليها منه ..
سعود واهو يقعد على السرير : شتسوي ؟؟
أنس : أشتغل
سعود : وش شغله ..
أنس : شغل وبس
سعود : احلف عاد !! مالت عليك
أنس : وين رحت ؟
سعود باستهبال يقلده : مشوار وبس
أنس : ههههههههههههههههههههههههه هه

حلووووة منك حبيبي
ابتسم سعود ابتسامة سخرية منه ومن ضحكته المجلجة الي مالها داعي ..
أنس : تتريق علي انت وهالوجه .. قم يالله من أول انتظرك نطلع ناكل ..
سعود : وليه ماطبخت ؟؟
أنس : حست بالشغل وما أمداني .. بعدين شعندك انت تحاسبني ماطبخت كني زوجتك؟
سعود : هههههه انت قايم بدور الزوجه عاد طبخ وغسيل وتكنيس فديت هالشنبات حبيبي
أنس واهو يوقف : ايه وانت السي سيد عمرك ماحطيت إيدك بشي مالت عليك بالخمس
سعود : كلن وميوله عاد ..
أنس :صح لسانك وانت ميولك التسدح والسرحان حسبي الله على من قلب حالك
سعود واهو يوقف : الظاهر ماتشوف عمرك وانت السرحان صار جزء منك .. بس عاد مو لايق عليك ..
أنس : اي لا شلون يليق علي .. (( وقعد يلبس شرابه واهو يكمل بسخريه : لازم أكون رومانسي وأتدرب على بعض الكلمات مثل حبيبتي وحياتي وعمري .. لازم أتكلم بهدوء ونعومة مع البنات وتطيح قلبي دموعهم .. لازم أكشخ بمظهري حتى لو بانزل أجيب أوراق من البريد
سعود ضحك لأن أنس كان يتريق على حركاته هو وقال : هههههههه وبرضو ماراح يليق وضعك كذا أحلى ..
أنس : احلف بس .. المهم انت جاهز
سعود : ايه لتص قو

وبالمطعم
أنس : الحين ماردت عليك وعد ؟؟
حط سعود الملعقة بالصحن وقال باقتضاب : لاا ..
أنس : لو هي عاقلة بترفض ..
سعود : عساها تطلع مجنونة اجل ..
أنس بجدية : سعود ياسعود .. السالفة معقدة من ناحيتك وناحيتها بعد .. غير على أهلك وبنت عمك ووضعك وعاداتك .. الا ان حتى اهي صعب عليها تترك البلد وامها وبتعيش بقلق انت صدقني ..
سعود : أدري يا أنس ان السالفة معقدة .. وأنا من ناحيتي بسهل الي أقدر أسهله .. أي شي تامرني فيه اهي من ناحيتها بحققه .. أما الأمور الي تتعلق فيني مابي أفكر فيها الحين وخلها على ربك
أنس : لاياسعود لازم تفكر فيها الحين .. انت بس اتخيل اليوم الي تواجه أبوك وعمك بزواجك منها .. وبنت عمك منطقـّة سنين تنتظرك ..
سعود بانفعال : ياخي مابي بنت عمي انا ماخترتها اهم الي اختاروها لي .. باتزوجها عشان ابوي وعمي ومن حقي اختار شريكة حياتي
أنس : شلون يعني بتروح تقولهم خلاص أنا اخترت شريكة حياتي الي أبيها وظفوا بنتكم ؟؟؟
سعود : لاحبيبي مو كذا .. بخلي السالفة تمشي زي ماتمشي .. ان قدرت افركش الارتباط بهدوء وبدون مشاكل سويتها .. أما اذا والله بتلحقنا مشاكل ووجع راس باخذ الابنية غصب بس لازم أبوي يدري عشان لاحد يلومني اذا درا بعدين ..
أنس : يعني ناوي تعلم أبوك ..
سعود : أكيد ..
أنس : الحين ولابعدين ؟؟
سعود : لاطبعا بعديييييين اذا تميت كل شي .. الحين مابي شي يوقف بطريقي أبد ..
أنس : بس ياسعود لازم وعد تدري انها بتواجه معك مطبااااات
سعود : الله لايكثر منها .. وبعلمها كل شي ..
أنس بتنهيدة : لابارك الله بهالحب الي طير مخك ياسعود
سعود بابتسامة : اتطمن حبيبي مخي عندي وافكر فيه .. واجمل شي سويته اهو اني خطبتها ..
أنس : هذه نظرتك انت لأن قلبك الي صار يفكر مو مخك ..
سعود : يا أنس انا ماعمري حبيت ولاهويت.. وان كان الحب يقلب موازين الواحد بهالشكل وانت تشوف اني احكم قلبي مو مخي أجل صدقني مو بايدي .. وصعب علي احكم مخي ان كاني فعلا ماحكمته ..
أنس : فكر ياسعود مره وثنتين وثلاث واستخير ربي قبل كل شي ..
سعود بتنهيدة : الله يكتب الي فيه خير والي كاتبه ربك بيصير ..
أنس : هالفترة طيب مانت معلّم ولا أحد ..
سعود : يمكن أعلم شخص واحد بس
أنس : مين ؟
سعود : فتون اختي ..
أنس باستغراب : فتووون ؟؟ اختك الصفيرة الي متعلقة فيك
سعود : عليك نوور
أنس بضحكة : وش معنى اهي الي اخترتها !
سعود : لأنها دارية عن وعد من اول !
أنس : جد ؟ علمتها ؟
سعود : لا والله اهي الي اكتشفت .. (( وبضحكة : هالبنت داهية ومو سهلة وماينضحك عليها .. غلطت باسمها كم مره وناديتها وعد .. حطت الاسم ببالها .. ومره طلبتها تشيك ايميلي انتبهت لرسالة باسمها وبس خلاص عرفت ان أكو ساااالفة .. وقعدت وراي تبي تعرف لين علمتها ..
أنس : ياسعود اختك صغيرة هذي تروح الحين تعلم عليك وتخرب تخطيطاتك كلها ..
سعود : لاحبيبي فتون ذكية .. ومهي صغيرة تراها اتزوجت نسيبك الحين ..
أنس : بس برضو نبـّه عليها انت
سعود : مو عشان كذا بعلمها بعد أبيها تكلم وعد عشان ترتاح وتحس ان ممكن أحد يتقبلها وانها مو غريبة
أنس : الا صحيح .. ههههههههه فتون هالبزر صارت الحين المعين لأكبر خطوة بحياتك..
سعود بابتسامة : فتون تختلف عن عبير مع ان عبير الكبيرة .. عبير هادية وبريئة وممكن ينقص عليها وغير عن كذا خوافه شوي وماتحب تغامر ..

دق جواله ويوم رفع لقى رقم عبير اخته .. ضحك واهو يرد : الطيب عند ذكره .. هلا والله وغلا
عبير بضحكة : هلااااا سعود تكلم مين عني ..؟
سعود : ومن عندي غير اللزقة أنس جت سالفة واتذكرتك .. شلونك حياتي ؟
عبير : الحمدلله بخير انت شلونك ووشلون وضعك وشغلك؟
سعود : لا اتطمني كل شي تمام الحمدلله .. شلون تركي وعمي ؟؟
عبير : والله طيبين .. اليوم مسافرة أنا وتركي فرنسا وحبيت أسلم عليك قبل ماروح ..
سعود : جد ؟؟ ماشاء الله شهر العسل يعني
عبير بحيا : ايه تعرف جانا زواج فتون فجأة وماسافرنا .. والحين بنسافر
سعود : ياعمري عليكم .. يالله انبسطي حبيبتي وموفقين ..
عبير : الله يسلمك .. يالله معاك تركي بيسلم عليك
سعود : هاتي ..

تركي : السلام عليكم هلا سعوووود
سعود : عليكم السلاااااااام هلا بتركي وغلا شلونك
تركي : بخير الحمدلله .. أخبارك انت شمسوي ؟
سعود :ماشي حالنا الحمدلله .. أجل بتاخذ اختي وتطير فيها !
تركي : شفت شلون ياخي عجزت أتهنى فيها بين الناس قلت اخذها انفرد فيها هناك بدون محد ينغض علينا
سعود : ههههههههه ماشاء الله عليك عاد شوي شوي عليها ترا ماتتحمل خدش
تركي : آآآه لا تقولي ياسعود .. وانا شمعذبني غير هالنعومة ..

استحت عبير وضربته على رجله عن لايحرجها مع أخوها
مد تركي ايدي وأشرلها تستنى كنه يتوعدها وقال : زين حبيبي توصي على شي ..؟
سعود : سلامي للجميع ..
تركي : يوصل ان شاء الله .. يالله نشوفك على خير
سعود : الله يحفظكم .. مع السلامة
تركي : مع السلامة ..

سكر تركي الجوال وحطه جمبه وعبير فزت من مكانها وابتعدت خافت تركي يسويلها شي ..
كتم تركي ضحكته وقال : الحين احكي سعود شكثر متولع فيك تروحين تضربيني ؟؟
عبير : ايه ليه تحرجني عنده !
تركي : وين الاحراج بالله .. واحد يحب زوجته ويموت فيها ويبي الناس كلها تدري بهالشي ليه الاحراج !
عبير ولع وجهها وقالت : يكفي انا أدري ..
تركي : لا انا من كثر الي فيني ودي كل ماكلم أحد أطلع الي فيني لا أنفجر ..
عبير بنعومة : ههههههههههههههههههههههههه ياعمري ..
تركي : وتضحكين بعد هذا بدل ماتراضيني تراني زعلان ..
مشت عبير وقعدت جمبه واهي تضحك ..
تركي طالعها ينتظرها تسوي شي مالقى عندها غير الضحك !
تركي : هذا الي عندك ؟؟
عبير : ههههههههههههههههههههه راضيتك وقعدت جمبك شتبي أكثر !
تركي : ماأستاهل شي ثاني !
عبير : تستاهل عيوني وروحي انت (( وقربت منه وباسته وهمست : لاتقول ولا شي لأنهم ينتظرونا برا من اول ..
تركي اتخدر : خفي على عبورة آه قلبي مايتحمل ..
وقفت عبير واهي ماسكة ايده وقالت : توك تقول لسعود بفرنسا محد منغض عليك خلاص الحين قوم لاتفشلنا
وقف تركي واهو يقول بتنهيدة : الوعد بفرنسا ..
ضحكت عبير بحيا ومشوا للباب وقبل مايطلعون لمها تركي بحركة خاطفة وباسها ..
وتركها وجا يبي يطلع ..
عبير : لحظة تركي ..
التفت تركي باستفهام ..
عبير بضحكة : مسح فمك يافضيحة .. (( وعطته مناديل
أخذ تركي المناديل ومسح فمه وشاف آثار الروج عليه ..!
ضحك ومسحه زين ومسك ايدها وطلعوا ..

أول ماقربوا من الصالة سمعوا خناق ..

وائل : شفتي لو تطيرين تبوسين السماء وترجعين مانتي ماخذتها ..
نهى : باخذها غصب عنك وعن طوايفك وورني شلون بتمنعني
وائل : والله لاأبكسك وأنتفك ولا أبقي فيك عرق ينبض
نهى : مسكييييين فالح بالكلام انت بس ماتقدر تلمسني

قرب وائل منها ودفها وعلى طول ركض خايف واهو يقول : عشان لا تتحديني..
نهى : ياحماااااااار يااااااااااااااااادوووووو وووب .. (( وركضت وراه

طلع عليهم تركي واهو عاقد حواجبه و وائل الي مانتبهله صدم فيه !!
مسكه تركي من بلوزته وشده بقوة ووقفه واهو يقول بعصبية : فتح عيونك مره ثانية ..
رجع وائل على ورا وكل عنفوانه الي قبل شوي اتلااااااشى ..
تركي بعصبية : وش هالتصاريخ انت وياها والألفاظ الخايسة الي مثل وجيهكم !

.. محد رد .. وعبير راحت المطبخ عشان ماتحرجهم ..

تركي : ماتردين انتي يالكبيرة العاقلة ..
نهى : والله هو الي طول لسانه علي ومد إيده بعد ..
وائل : هي الي رفعت ضغطي وعاندتني
تركي : وعلى ايش ابي افهم ؟؟ وش الي تاخذينها وماتاخذينها ..
نهى بحرج : غرفتك !
تركي باستغراب : غرفتي ؟؟؟؟
نهى: ايه .. انت من طلعت وأنا أبيها عاجبني مكانها جمب الدرج .. ووائل من سمعني اتكلم عنها نط زي الملقوف الا والا يبيها ..
وائل : ياتركي هذه غرفة الأولاد .. انت رحت خلاص أنا الي بعدك آخذها
تركي عقد ذراعينه على صدره وقال : وانتوا على كيفكم تقررون وتتناقرون .. وانا صاحب الغرفة ماتسألوني وتستأذنوني .. ماكن باقي من أغراضي وملابسي فيها ولو بغيتها تقعد لي بخليها بعد ..
طالع بنهى وقال : وانتي بزر ماتكبرين تتهاوشين معه عشان الغرفة كن الراي رايه مو رايي انا ولا ابوي !
وطالع بوائل بنظرة حرقته واهو يقول : وانت يقالك ولي العهد من بعدي .. هذا وانا بسافر اليوم واقول خواتي بظل اخوهم الثاني يخاف عليهم ويداريهم وصلت فيك تمد ايدك على اختك!
نزل وائل عيونه بالأرض من الاحراااج .. وتركي اتعمد يقوله هالكلام يبي ينفخه ..
مشى تركي عنده وقرب منه وقال بصوت مايسمعه غيره : ياوائل بكرا اذا نفروا منك خواتك بتعيش لحالك مالك أحد .. اذا كرهتهم فيك من صغرك ماعاد يبونك اذا كبرت .. رح يالله لاختك واعتذر منها ترا مهما صار اهي أكبر منك ..

وتركه عشان مايحرجه وراح للمطبخ لقى عبير واقفة تسوي كوفي
عبير اول مادخل تركي توترت لأنه معصب ..
مشى تركي من جمبها يبي يروح للثلاجة وقرب منها وهمس عند اذنها : احبك .. (( وكمل طريقه للثلاجة واهي ماتت عليه وطالعته واهو يفتح الثلاجة ويطلع عصير وملامحه جدية خلتها تضحك من تناقضاته ..
ابتسم لها تركي واهو يدري شالي يضحكها .. اهو اتعمد يسوي معها هالحركة عشان لايوترها بسبب الخناقات اللا منتهية بهالبيت .. !
قعد على الكرسي ومعاه العصير واهي اخذت كاس الكوفي وقعدت جمبه ..
تركي : حاولي تسكرين الشنط الحين عشان ناخذها مره وحده معنا ونمر نسلم على أهلك ومن هناك على المطار
عبير : امممم حلووو .. خلاص باخذ الكوفي معاي واخلص منهم الحين ..
تركي : يالله وانا شوي وألحقك ..
ابتسمت عبير وأخذت كاسها وطلعت .. وتركي أخذ كاس عصيره وطلع للصالة يبي يشوف وش صار على اخوانه
لقى نهى ووائل قاعدين يتفرجون على فلم ويعلقون على الأبطال ويضحكون ولاكن شي صار بينهم .. ابتسم تركي والله هذا أحلى شي فيهم ..

قال بهدوء : نهى وين ابوي ؟؟
التفتت نهى وقالت متناسية الي صار : راح اهو ومنال عند خوالي !
تركي : جد ؟ ياحليلهم .. ونوالوه وينهي ؟؟
نهى واهي تحوس فمها : نايمة ..
تركي : زين انا وعبير بنطلع بعد شوي نمر على ابوي نسلم عليه بعدين بيت عمي وبعدها على المطار

وائل : ياحظكووووووم ..
نهى : اقول لا تحسدهم بس من دريت وانت حاط عينك على هالسفرة
وائل : ليه شقالولك عيوني حارة مثل عيووونك ..!
نهى : بسم الله على عيوني من عيونك ..
وائل : والله ان أحر منها مافي كل مادخلتي غرفتي وعجبك شي تتطلعين من هنا ينكسر من هنا !
نهى : يانصاااااااااااب انا ولا انت الي .......
ورجعوا للخنااااق من جديد ..
وتركي هز راسه وسحب نفسه من عندهم .. يدري اذا طلع يسلم عليهم بعد شوي يلقاهم يضحكون ..
وبعد ساعة طلع اهو وعبير وسلم عليهم وودعهم .. ولقى نوال صحت سلم عليها ومافاته تكشيرها ونظرات الغيرة بعيونها .. بس طنشها واهو الي اتعود على هيأتها هذي ..
طلعوا ومروا على خوالهم .. وسلم عليهم وعلى أبوه ومنال ..
ومن هناك على بيت عمه سعد ..

على طاولة العشا ..
كانت أم سعود وأبو سعود وخالد وتركي وعبير يتعشون وسوالفهم مابين ضحك وتعليقات
وكلهم مافاتهم مرح خالد الي فقدوه من فترة .. أسعدهم هالشي وماعلقوا وتركوه على طبيعته ..
بعد العشا
قعدت عبير مع أمها بغرفتها وتركي قعد مع خالد بالصالة
تركي : خالد كيف أحوالك مع مرام ؟؟
خالد ابتسم من جا طاريها وقال : شالي خلاك تسأل ؟؟
تركي : ابد باتطمن عليك وملاحظ ان كن نفسيتك أحسن
خالد : والله ياتركي مهو بالشكل الي تتصوره بس تقدر تقول احسن 50%
تركي : حلووو .. شصار كلمتها !
خالد : لا .. رحتلها البيت على غفلة !
تركي : جد ؟؟ شلون ومتى ..؟
حكاه خالد كل شي صار بينهم .. وكيف كانت منهارة وكيف رضت بالآخر عليه
وقال : بس لازلت أحس الحاجز بيننا مانزاح .. ودي ترجعلي مرام الي قبل ودي أمحي الي صار من بالها بأي طريقة
تركي : قالتلك اهي اثبتلي العكس بتصرفاتك .. وانت أول شي تسويه غير رقمك وادري انها المره العاشرة بس عاد لازم تتحمل نتيجة غلطاتك ..
خالد : ياشيخ أغيره وأغير اسمي ان بغت بعد بس أهم شي ترضى وترجعلي مثل قبل ..
تركي : لاتخاف مرام تحبك وتموت فيك ولا ماكان رضت عليك بهالسهولة ..
خالد : آخ ان كان اهي تحبني انا شقووول ..
تركي : لاتقول .. اتصرف وحسن صورتك وماتخفى عليك انت ماشاء الله الأساليب
خالد : هههههه وانا مادمرني غير هالاساليب ..
تركي : هههههه الله يصلح احوالكم يارب

عند عبير وأمها ..
ام سعود : تصدقين فتون ماكلمتني !
عبير : غريبة عاد انا كلمتني بنفس اليوم الي وصلت ..
ام سعود : عليها حركات هالبنت عجيييييبة
عبير : امشي ندق عليها الحين انا بعد بسلم عليها قبل ماسافر
ام سعود : يالله دقي

دقت عبير على جوال فيصل .. لأن فتون ما اخذت جوالها على اساس تطلع شريحة من هناك ..
شبك الخط وبعد كم رنة جاها الرد بصوت فتوون : عبييييييييير ؟؟؟؟
عبير : هلا فتوووووووون
فتون : هلا وغلا عبير شلووونك ؟
عبير : بخير الحمدلله انتي شلوونك ؟
فتون : تمام والله انك ببالي واقول عسى ماسافرت الحين بدون ماكلمها
عبير : هذاي بسافر بعد كم ساعه والحين انا عند أهلي اسلم عليهم
فتون : عند اهلي اااااااه ياحظك ..
عبير : اسكتي بس امي زعلانة تقول لاكلمتيها ولاشي
فتون بحمق همست : ماعندي جوال ياعبير ولا ابي اطلب من فيصل شي وانتظرت اهو يعرض علي مره ثانية ماعرض شسوي بالله !
عبير ماعرفت ترد عليها قدام امها وقالت : انا اكلمك بعدين الحين خذي امي ..

وعطت امها الجوال
ام سعود : السلاااام عليكوووم ..
فتون : عليكم السلام ماااااااااااااااامي حبيبتي
ام سعود خانقتها العبرة : ياروح امك انتي شلووونك وش اخبارك ؟؟
فتون : بخير الحمدلله انتي شلونك يمه وشلون ابوي ؟؟
ام سعود : طيبين الحمدلله انتي كيف امورك استقريتوا ولا مابعد ؟
فتون : تونا بفندق وبعد يومين بنروح الشقة الله يعين بس ..
ام سعود : انتبهي على نفسك حبيبتي ..
فتون : ان شاء الله .. خلاص انا بطلع شريحة قريب واعطيك رقمها
ام سعود : ان شاء الله .. يالله ياعمري سلميلي على فيصل
فتون وماودها تسكر : يوصل .. مع السلامة
ام سعود : مع السلامة حبيبتي

سكرت فتون وضاق صدرها بعد ماسمعت صوت امها .. وقفت ومشت تبي ترجع الجوال الا طلع فيصل من الحمام ..

فتون ومن قبل مايتكلم : اختي عبير اهي الي دقت وشفت رقمها ورديت ..
فيصل يستهبل عليها : برضو ماتمسكين جوالي ولاتردين عليه ..
فتون أخذتها جد وقالت : اوكي جيبلي شريحة وفكني من جوالك ..
فيصل : بعدين.. الحين ماعندي فلوس ..
فيصل كان يقصد ماعنده دولارات .. بس فتون فهمت انه مايملك اي فلوس من الاساس وقالت : ياسلام ماعندك فلوس وجايبني هنا ليش ؟؟ عشان تعيشني على الحديدة ؟؟
طالعها فيصل بصرامة ومارد
فتون ومو مهتمة بنظراته : خلاص جبلي شريح من فلوسي
فيصل بعصبية : فلوسك خليها لك ولاتجيبين سيرتها عندي فاهمة ولا لاء !
فتون : وش تبيني اسوي اذا انت ماعندك فلوس طيب !
فيصل بحمق : شغلي مخك وافهمي .. انا ماعندي دولارات .. خلال هاليومين بروح احول فلوسي .. ويصير عندي اجيبلك الي تبين فهمتي ولا افهمك زيادة؟؟
فتون واهي رافعة حاجب : انت خلي كلامك واضح من البداية
فيصل واهو يمشي للباب : والله انتي الي مادري كيف فهمتيها .. ولا انا فيصل مايكون عندي فلوس شلون تركب هذه؟
فتون بسخرية : كل شي يركب عليك لا تخاف !
فيصل يبي ينهي الموضوع لايغلط عليها وقال : بانزل اطلب عشا شتبين؟
فتون : ماااابي منك ولا شي ..
فيصل : أحسن وفرتي ..

وطلع وخبط الباب وتنهد بضييييييق .. لسانك يبيله قص يافتون وشكله اللين مايفيد معك !
نزل وطلب ساندوتشات وحسب حسابها فيهم .. يمكن تشتهي وتاكل واهي الي من وصلوا ما أكلت ولا شي وحتى بالطيارة ما أكلت شي ..
بعد نص ساعه رجع لقاها متمدده على الكنب .. لابسة بنطلون جينز ماسك وبلوزة عودي ماسكة بأزارير من قدام مبينة مفاتن جسمها بطريقة تجنن .. وشعرها الناعم منسدل على كتوفها ومرجعته ورا آذانها ..
كانت ماسكة الريموت تقلب ولا التفتت لفيصل ولا عبرته .. وفيصل حاول يبعد النظر عنها لأنه مو متحمل .. وانقهر انها مو معبرته ولا تحسب حساب حركاتها الي تولد بقلبه الجنون بكل أنواعه !
مشى وعيونه على التلفزيون ويقول : ابعدي لو سمحتي شوي ..
حط الأكل على الطاوله واهي قامت وتركت المكان كله وقعدت على الكنب الثانية ..
اتضايق بخاطره من نفورها لدرجة ماتبي ولا تقعد جمبه بس مثل ماهي ماتهتم أظهر هو اللامبالاة بعد ..
سم بالله وبدا ياكل وفتون عيونها على التلفزيون .. بدت ريحة الأكل تنشر عبيرها الفواح بالمكان وتخلي الشبعان يشتهي .. مو فتون الي من كم يوم ما أكلت شي يسد جوعها ..

قرص الجوع بطنها واتمنت تلتهم كل الي مع فيصل واهي تكابد أصوات بطنها الي تقرقع من الجوع .. وكل الي سوته دخلت ايدها بجيبها وطلعت لبانه من النوع الي تحبه وفتحتها وصارت تعلكها وتطقطق فيها ماكن هامها شي ..

فيصل كان مراقب حركاتها واتعجب من مقاومتها العجيبة للجوع .. بس يدري انها عنيدة وانه لو عرض عليها تاكل ماراح تاكل فليش يضايق نفسه بردودها ..
خلص وحمد ربه ووقف وقال : فتون باقي الأكل أكبه ولا تبين منه شي بعدين ؟
فتون بخاطرها .. أبيه الحييييييين هاته تراني ميتة من الجوووع .. قالت : انا مابي تبي ترفعه لك انت براحتك..
انقهر فيصل منها وقال : أنا شبعت ومو ماكل منه مره ثانية .. تبينه انتي حطيته بالثلاجة ماتبينه بكبه !
صراع بين العناد والرضوخ .. جوعانة وتبي تاكل وبنفس الوقت ماتبي تحسسه بضعفها .. وياقوتها يوم انتصر عنادها وقالت : لاشكرا مابي..
ولع فيصل منها واهو يدري انها جوعانة وتبيه .. مشى واهو يقول : عنيدة !
ابتسمت فتون بسخرية .. وكملت علك واهي تتفرج ..
دخل فيصل المطبخ وفتح الزبالة وجا يبي يكب الأكل .. بس آآخ قلبه ماطاوعه .. يمكن تشتهي بعد شوي وتاكل .. بنت اللذين لها كم يوم ما أكلت تبي تتعب عمرها هذي !
فتح الثلاجة وحط الأكل فيه وصكها وكانت حركاته واضحه حيث ان المطبخ مفتوح على الصالة ..
مشى وقال : طيب متى ناوية تقومين ابي انام
فتون : وش اقوم اسوي مافيني نوم ولاعندي شي اسويه ابتفرج !
فيصل : اجل انا بادخل انام بالغرفة ومتى ماخلصتي قوميني ..
ومشى بدون ماينتظر ردها
انقهرت فتون منه .. غرفتي ياحمار شتبي تنام فيها .. ! الحين وش اسوي بالله ! ادخل اقومه اقوله اطلع برا يالله بنام !! اووووووف شهالورطة !! والله شكلي انا بنام بالصالة اليوم !
طنشته وكملت متابعتها للبرنامج .. بصراحة اهي متونسة حيل على التلفزيون وقنواته ومسليها وممضي عليها وقتها ..
بعد ساعه ماتحملت الجوع أكثر ..
راحت المطبخ وجت تبي تفتح الثلاجة بعدها ترددت .. ماتبيه يقوم فجأة ويلقاها تاكل ..
اتذكرت الشبسات الي قالها عنهم وراحت تدورهم بالدواليب لين لقت كيس كبيــر بطاطس خل بالملح ..
أخذته ورجعت للتلفزيون .. وفتحته بسرعه وصارت تلتهم منه بشراهة ..
كان الكيس كبيـــر واهي تاكل منه بلا شعور .. مر وقت واهي ماغير تاكل منه ولسانها وفمها احرقوها من الخل بس الجوع كافر !
بعد ساعه انفتح باب الغرفة وطلع فيصل متوجه للحمام .. لمح بإيدها الكيس وابتسم بسخرية ومشى عنها للحمام بدون ولا كلمة ..
ضحكت على شكله .. هذا شمصحيه الحين ..؟؟ أشو اني ماكليت الي جابه عشان لاينتصر ويضحك علي ..
كملت أكل من البطاطس لين طلع فيصل راجع للغرفة .. التفت التفاتة سريعة ناحيتها وانصدم !!
فيصل : يابنت ارحمي نفسك من البطاطس طالعي شلون شفايفك بيض كنها مدهونة بطباشير !
فتون فركت شفايفها باصابعها وطالعت اصابعها مالقت لون ! طالعته باستغراب وقتلته نظرتها البريئة وضحك : ههههههههههههههههههههههههه هههه الحين شفايفك الي بيض تتوقعين اذا مسحتيها بيروح البياض بايدك ؟؟
تفشلت فتون من حركتها وماقدرت تقاوم الضحك .. ضحكت بحرج واهي تميل راسها على اليمين وعيونها على التلفزيون ..
فيصل بهدوء : يكفي فتون بجد .. اذا انتي جوعانة لاتكابرين .. طلعي الأكل من الثلاجة وسخنيه وكليه ..
فتون : لاخلاص شبعت ..
فيصل وهو يقعد مقابلها : يعني كنتي جوعانة !
فتون : تقدر تقول اني كنت ميتة من الجوع .. مو بس جوعانة
فيصل : وممكن أفهم ليه تسوين بنفسك كذا ؟
فتون ماردت ومسكت شريحة بطاطس صارت تقرقط أطرافها .. << شبعانة وتلعب..

اتنهد فيصل وراح للمطبخ يبي يشرب موية ..
فتون نزل عليها روقان مفاجئ وصارت تغني وتدندن ..
سمعها فيصل بس ماميز كلمات الأغنية .. وابتسم واهو يرجع الصالة بكاس الموية ويقول : شهالروقان على آخر الليل !
فتون : هاه شتبيني اسوي أعصب وأزعق !
فيصل : لا تكفين رووقي ..
فتون : هذاني رايقة بس لا تحارشني عشان لا اعصب !
فيصل يشرب الموية ببرود ويقول : لا مو محارشك بالعكس ابي استغل روقانك واسمعك تغنين !
فتون طالعته بصدمة : نعــــم !
فيصل : شفيك ؟؟ عادي غني زي تو وانا باسمع ..
فتون : شتبيني اغني .. اهي اغنية طرت ببالي وغنيتها وبس ..
فيصل : طيب انا الحين ابيك تغنينلي ..
فتون : وانا مابي ..
فيصل : شفتي انتي الي بتخربين روقانك مو انا ..
اتأففت فتون .. وطرا على بالها أغنية تغنيله اياها وابتسمت بخبث وقالت : تبيني اغنيلك؟؟
فيصل : غنيلي ..
فتون : طيب بس على شرط ماتقاطعني ..!
فيصل استغرب طلبها بس قال بضحكة : مو مقاطعك لاتخافين
فتون بحماس : طيب .. احم احم .. " ليــــتك تموووووت .......... "
فيصل شخصت عيونه وعصب وقال : فتــــــــــــــون !!!!
فتون بضحكة : شفييييييييك قلت لا تقاطعني !
فيصل : والله ان كان هذا أولها ينعاف تاليها ..
فتون : لالا بتعجبك بس انت اسمع ..
فيصل بتنهيدة : يالله ..
فتون : ليتك تموت اليوووم وارتاح انا منك !
عصب فيصل ووقف واهو يقول : تـشب ! غلطتي أنا الي أجاريك وأسمعلك وأعطيك وجه من الأساس .. ومشى ناحية الغرفة واهو يقول.. صدق اذا أكرمت الكريم ملكته واذا أكرمت اللئيم تمردا ..
ودخل الغرفة وخبط الباب بقوة .. وفتون انفجرت من الضحك : ههههههههههههههههههههههههه ههههه
وطاحت على ظهرها على الأرض وصارت تضضضضحك وتحاول تكتم ضحكتها لا يسمعها ..

الا فجأة فتح فيصل الباب وطلع عليها .. !!

::


**************

[جرح الذات]

الجزء العشرين

::
طلع فيصل وشاف فتون طايحة على الأرض تضحك وعيونها مدمعة من الضحك ..
مشى لها واهو معصب واهي كتمت ضحكتها وفزت واقفة ورجعت على ورى وقعدت على الكنب ..
فيصل بعصبية : ممكن أعرف ليش هالضحك ؟؟؟؟
فتون ببلاهة وعيونها تطالع بالسقف : مو شي مهم !
فيصل : ودامه مو شي مهم ليه الضحك بهالطريقة المهسترة ؟؟ انا عارف شالي ضحكك وعارف شالي يدور براسك وان كان مشيتها لك فأنا بمشيها بمزاجي .. (( وعلى صوته واهو يرفع اصباعه بوجهها ويقول : ولا ولله يافتون تصرفاتك هذه ان ماحديتي منها وبطلتيها والله لا استخدم معاك اسلوب ثاني وماراح تلومين الا نفسك !
عقدت فتون ذراعينها على صدرها وقالت : فيصل انت اتزوجتني وعارف طبعي وعارف حركاتي ابي اعرف شالي تغير ؟؟
فيصل : صبري .. ! الي ماراح يطول عليك وعلى حركاتك .. وهذاني حذرتك !! مو قايلك بطلي الحركات الفلانية والطبع الفلاني لا لأنك ادرى بالي قاعدة تسوينه وانا ادرى بعد بالافكار الي تدور براسك .. اذا انتي ذكية أنا أذكى فارضي بواقعك الي حطك بنصيبي عشان تعيشين مرتاحة .. لكن دامك بتعيشين بهالطريقة فماراح تلقين مني الا الي يغثك وينكد عليك واعرفي انك انتي السبب !
فتون بانفعال : يعني تدري ياذكي انك مصدر نكد وغثا لحياتي .. شلون ترضاها على نفسك بنت ماتبيك وتاخذها؟؟ ليه ماتركتني اعيش مثل ما ابي واخذ الي ابي !!
ولع فيصل وتطاير الشرار من عيونه واهو يقول بصوت اقرب للصراخ : ومن قالك أخذتك بسماحة خاطر ؟ ولا قلبي للحين يحبك وميت عليك ! انا اخذتك لأسباب كثيرة أولها انك خراب ولازم تتزوجين عشان تتعدلين ولا بتطيحين بخراب اكبر ! والثاني لأن للأسف صار الكل ينتظرني اتقدم وآخذ البنت الي من صغرها واهم يتمنونها لي مادري شالي جاذبهم فيك ومنزلين مستواي انا لهالشكل ! والسبب الأهم عشان لا عاد تلعب فيك الأفكار وتفكرين انه ممكن تاخذين أحد غيري سواء هو يبيك ولا مايبيك .. جربتي حظك مره وشفتي النتيجة والحين شكله حتى بعد ماتزوجتي مانفضتي هالأفكار من بالك !! شكلك للحين تفكرين بماضيك وتتمنين ترجعيله ..
كانت نبرة صوته مخيفة وعيونه تطالعها بنظرات قاتله وهالشي قرص قلبها وخلاها تنلجم عن الرد ..
فيصل : ردي سمعيني شالي تفكرين فيه وناوية عليه .. اني أمل منك وأكرهك وأطلقك وتصير ذي فرصتك ترجعين للحبيب الغالي !
فتون وقلبها يخفق بقوة : لاتتقول علي شي ماقلته ولا تتوهم اشياء ماسويتها !
فيصل : يافتون انا وصلت للمرحلة الي افهمك بدون ماتقولين ولاتسوين .. (( وبسخرية : مادري أهني نفسي على هالشي ولا أندب حظي ..
فتون حاست فمها واهي رافعة حاجب وعيونها ضايعة بالتلفزيون بدون تركيز ..

مشى فيصل للتلفزيون وسكره وقال بلهجة أمر : ادخلي نامي خلي اليوم ينتهي على خير ..
فتون :مابي انام ..
فيصل بعصبية : المفروض تنطمين وتمشين وانتي ساكتة مو تقاوحين بعد !
فتون بانفعال : كل هذا عشاني ضحكت ؟؟
ولع فيصل لأنه يدري انها تستهبل وتسوي نفسها مو فاهمة .. ومشى لها واهو يقول : الظاهر انتي ودك استخدم القوة معاك ..
ومسكها من ذراعها وسحبها بقوة واهي كشرت وحاولت تسحب ذراعها منه لكن ابو العضلات كانت قبضته أقوى ومشى للغرفة واهو يسحبها بقوة وراه
فتون واهي تحاول تفك اصابعه وتقول : اقول تراني مو غنمة تسحبني وراااااك .. فك ايدي فــــــــــك !
فيصل دف باب الغرفة ودخل وسحبها ودفها بقوة على السرير وقال : انخمدي !
فتون بصراخ : انت شتحسب نفسك يعني عشانك رجال تفرد عضلاتك علي .. ؟؟ ترا اذا تستقوي بعضلاتك بتلقى تصرفاتي اقوى وأعند ولاني نايمة يعني مو نايمة !!
فيصل : عسى عمرك مانمتي اقعدي اسهري لحالك بهالغرفة لين بكرا ..
وطلع وقفل عليها الباب بالمفتاح

ومشى واهو يتنهد تنهييييييدة طوييييييييلة ويهز راسه بحمق وضيق ..
ما امداه يوصل الصالة جا يقعد الا سمع صوت باب الغرفة يحاول ينفتح ..

اتفاجأت فتون يوم لقته مقفل من برا وولعت وصارت تخبط الباب بإيدينها ورجولها واهي تصرخ : افتح البااااااب يانذل ياسخييييييييييف والله لاتندم على حركاتك هذه افتتتتتتتتح
ضحك بسخرية على تهديدها بدل ماتخاف من تهديده صارت اهي تهدده ..
بعد ثواني وقف التخبيط واختفى صوتها ..
ارهف سمعه يبي يسمع لها حس ماسمع !
معقولة تكون استسلمت ! لا مو فتون الي بتستلم بهالسهولة .. شكلها قاعدة تفكر شلون تنتقم مني!
اتنهد واهو يرمي نفسه على الكنب بمحاولة للنوم استعداد لحرب جديدة بالغد!

::

مرت الليلة تحمل أنواع الضجيج الداخلي عند فيصل وعند فتون !
فتون الي انصدمت وولعت يوم قفل عليها وكانت ردة فعلها تلقائية انها تخبط الباب وتعصب .. بس بعد شوي استوعبت انها لو تخبط لين بكرا ماراح يفتح ! فيصل اذا هدّد ..هدّد !! واهي نرفزته واستنزفت صبره وكان هذا اول بوادر الانقلاب !
كتمت غيضها وصارت تدور بالغرفة ذهاب وعودة وبين فترة والثانية توقف وتخبط الأرض برجلها بعصبية ..
لين تعبت ورمت نفسها على السرير وصارت تسترجع كلامه ..
ماتدري ليه استوقفتها كلماته يوم قالها " من قالك أخذتك بسماحة خاطر ؟ ولا قلبي للحين يحبك وميت عليك !"
شعور قرص قلبها من داخل .. كنت اتوقع ممكن تتحملني عشانك تحبني وتموت فيني .. بس اعترافك هذا يدل على ان ماعندك أي طاقة صبر تصبرها علي ! معقولة كرهتني بهالبساطة .. ؟ شحبك الخيخة هذا الي يزول من أول صدمة !
ماتدري ليه انعكس تفكيرها على نفسها وصارت تفكر بحبها اهي .. وكيف انقلب فجأة يوم خذلها وسافر وخلاها !
اتنهدت ورمت راسها على المخدة وهمست : انا الي قلبت مشاعري بمزاجي .. وأقدر أرجعها بمزاجي .. أما هذا شكله كرهني من قلبه مو بمزاجه .. الله شهالحياة الحلوة الي تربط بين زوجين يكرهون بعض !
ابتسمت بسخرية على حالها .. وانقلبت على الجهة الثانية واهي تحاول ماتفكر .. حاولت بس ماقدرت .. حاولت تغلط نفسها بس عجزت .. تحس ان الي تسويه صح لأنه أخذها غصب عنها !! .. وليه ياخذني غصب واهو يكرهني .. ؟ وأسبابك سخيفة وغير منطقية ..
صحيح غبي ومتخلف !

ممكن صدع راسها وغمضت عينها تبي تنام .. يمكن هدها التعب ونامت .. بس هالاحتمالات مستحيلة تصير عند الشخص الثاني الي بالصالة ..

فيصل الي ماقدر يستمر على وضعية محدده اكثر من دقايق .. يتمدد شوي .. يتقلب شوي .. يقعد شوي .. يرجع يتمدد .. مو قادر يرتاح من بعد ماغلى دمه منها .. واهو يفكر بالمعارك القادمة الي بيدخلها مع فتون .. ولمتى طيب ؟؟ أي أسلوب ينفع معاها هذي .. ؟ غير عنادها وركبة راسها ودلعها واستهتارها .. غير ذا كله تولعني طولة لسانها ! البزران لاطولوا لسانهم حرقنا ألستهم بالفلفل !! اما هذه شسوي فيها ؟؟؟
ضحك على نفسه يوم اتذكر أحلامه انه يرجع السعودية يلقاها تنتظره بلهفتها .. مثل ماتركها بلهفتها ! مادرى ان هالانسانة ردود أفعالها سلبية وغير متوقعة !
سأل نفسه لو كان يدري ان هذا الي بيصير فيها .. هل كان أصر ولزّم على السفر ؟؟
مو فتون اهي حلم حياته ؟؟؟ مو طول عمره يحلم ويتمنى انها تحبه او تميل له ؟؟
ليه بعد مالمس منها هالمشاعر .. راح وتركها .. ؟؟ وليه اهي قتلت مشاعرها فجأة وانقلبت أسوأ من قبل ؟؟
حز بخاطره كلامها وكيف كانت تتمنى لو تركها تاخذ الي تبي !!
اتألم حيل واتنهد .. مهما حاول يخدع نفسه ويخدعها انه ماعاد قلبه يهواها مثل أول
الا ويجيه نداء من داخل .. " أحبهـــا وأمووووت فيها "
بس صعب مع شخصية فتون الشرسة هذه .. انه يظهرلها أي مشاعره
اهي من غيرها مستقوية شلون لا حست فيها ..
وهل تقدر يافيصل تعاملها بدون ماتحسسها بشي من حبك ؟؟؟؟

مشكلة الحب ..
انه اهو الي يحكمنا ..
يضغط علينا ..
.. يسيرنا ..
نسهر الليل نفكر ونخطط كيف نقسى ومانسمحله يأثر علينا
واذا صحينا ..
.. نسينا ..
وسوينا كل الي يمليه علينا
.. مشكلة الحب ..

********

}{}ابريطـانيــا {}{

فتحت‏ ‏وعد‏ ‏باب‏ ‏شقتها‏ ‏ودخلت‏ ‏وسكرت‏ ‏الباب‏ ‏بسرعة
مشت‏ ‏واهي‏ ‏تطالع‏ ‏بساعتها‏ ‏وانتبهت‏ ‏ان‏ ‏موعد‏ ‏دوا‏ ‏أمها‏ ‏مر‏ ‏عليه‏ ‏ثلث‏ ‏ساعه‏ ‏وماتدري‏ ‏عن‏ ‏امها‏ ‏أخذته‏ ‏بموعده‏ ‏ولا‏ ‏لاء
نادت‏ ‏واهي‏ ‏تمشي‏ ‏بالصالة‏ ‏:‏ ‏السلام‏ ‏عليكم‏ ‏ماماااا‏ ‏وير‏ ‏ار‏ ‏يو‏ ‏؟
طلعت‏ ‏أمها‏ ‏من‏ ‏المطبخ‏ ‏وعلى‏ ‏وجهها‏ ‏ابتسامة‏ ‏حنونه‏ ‏وقالت‏ ‏:عليكم‏ ‏السلام‏ ‏أيام‏ ‏هير
مشت‏ ‏وعد‏ ‏لأمها‏ ‏الحنونه‏ ‏وسلمت‏ ‏على‏ ‏راسها‏ ‏وسألتها‏ ‏:‏ ‏بليز‏ ‏ماما‏ ‏دونت‏ ‏تيلمي‏ ‏يو‏ ‏فورقيت‏ ذا‏ ‏ميدسن !!
ام‏ ‏وعد‏ ‏:‏ ‏نو‏ ‏الحمدلله‏ ‏ايام‏ ‏تيك ات‏ ‏ناو
وعد‏ ‏:‏ ‏كان‏ ‏لازم ياماما ‏بيفور‏ ‏20‏ ‏مينتس
ام‏ ‏وعد‏ ‏واهي‏ ‏تمشي‏ ‏للصاله‏ ‏:‏ ‏اتز‏ ‏اوكي‏ ‏بيبي
مشت‏ ‏وعد‏ ‏معها‏ ‏واهي‏ ‏تخلع‏ ‏حجابها‏ ‏ومررت‏ ‏ايدها‏ ‏بشعرها‏ ‏
ام‏ ‏وعد‏ ‏واهي‏ ‏تقعد‏ ‏:‏ ‏أني‏ ‏نيو‏ ‏ياوعد؟
وعد‏ ‏بابتسامة‏ ‏:‏ ‏مافي‏ ‏جديد‏ ‏ياماما‏ ‏بس‏ ‏آي‏ ‏فيل‏ ‏انك‏ ‏مو‏ ‏مرتاحة‏ ‏للموضوع‏ !

ام‏ ‏وعد‏ ‏بالانجليزي‏ ‏بس‏ ‏انا‏ ‏اترجمه‏ ‏لكم‏ ‏:‏

وعد‏ ‏: يا ماما سعود مو نفس بابا !!
ام‏ ‏وعد: اعرف يابنتي .. أبوك الله يسامحه كان .... (( وسكتت شوي بعدين اتنهدت وقالت : لاتخليني أتكلم عنه وأتذكر أشياء مضى عليها العمر .. !
وعد : ليه ياماما دايما اذا انفتحت سيرته ماتحبي تتكلمي عنه ؟؟ في شي أنا ماعرفه ؟
أم وعد : لايهمك ياوعد .. بس انا عارفة ان سعود يختلف عنه .. سعود انسان قلبه طيب وآي نو هي لوف يو ! آند يو لوف هيم ! بس ماندري اش الظروف الي تواجهه بعدين والي ممكن تكون عقبة بطريقكم
وعد: طيب ليه نفرض الأسوأ ؟؟ ليه مانتوقع انها تكون ظروف كويسة
ام‏ ‏وعد بتنهيدة : ماظن .. بس شوفي حبيبتي انا غلطتي اني اتزوجت على عماي .. ما بغاك تكرري هذه الغلطة .. وابغاك تدخلي على نور .. اتكلمي مع سعود وخليه يفهمك ظروفه ووضعه ويخليلك الصورة واضحة
وعد: اكيد .. وانا كمان لازم أكلمه عن ظروفي وأفهمه ..
أم وعد باستغراب : ظروفك ؟ اي ظروف .. ؟
وعد : لازم يعرف اسباب ترددي وضروري يفهم اني مستحيل استغنى عنك وانك حترافقيني مكان ماروح ..
ام وعد : وعد بليز .. ماتدخليني انا بالموضوع ..
وعد : كيف ياماما انتي ...
قاطعتها امها : وعد انا مح اعيشلك طول العمر .. ! بليز ماتخليني عقبة بطريقك كذا تزعليني ماتفرحيني .. انا اسعد يوم بحياتي اذا شفتك مبسوطة مع شخص يحبك ويشيل عنك ويحققلك أحلامك .. مو بكل ليله أحط ايدي على قلبي كل ماخرجتي من البيت الين ترجعي ..!
وعد بحزن : ماما حبيبتي انا مالي غيرك ولا اقدر اعيش بعيدة عنك ..
ام وعد : سعود ماراح يبعدك عني .. بس مـا أبغاك تخيريه بين بقائك معايا ولا رفض الزواج .. بليز وعد ماتسوي كذا ..
وعد بابتسامة : ان شاء الله .. وانا حاتكلم معاه قريب عن كل شي وافهم منه كل شي ..
ام وعد : الله يكتبلك الخير يابنتي
وعد آمين .. (( وقفت واهي تقول : بروح اخدلي شاور واجي اتغدا معاك
ام وعد : اوكي تيك يور تايم ..
‏وعد‏ ‏انا‏ ‏امك‏ ‏وابغى‏ ‏مصلحتك‏ ‏ولايرضيني‏ ‏تطيحي‏ ‏بالنار‏ ‏قدام‏ ‏عيوني‏ ‏..‏ ‏انا‏ ‏عارفة‏ ‏ان‏ ‏سعود‏ ‏رجال‏ ‏طيب‏ ‏وشهم‏ ‏بس‏ ‏ظروفة‏ ‏وحياته‏ ‏ماتناسبنا .. هو حايرجع لأهله قريب ويواجههم بزواجه ويمكن يوافقوه ويمكن يعارضوه ! مافكرتي لو عارضوه اش حايسوي ؟؟ مستعدة يطلقك زي ما أبوك سوا !

راحت وعد ‏لغرفتها‏ وكلام‏ ‏امها‏‏ ‏أثـــر فيها حيل .. ‏ ‏وبنفس‏ ‏الوقت‏ ‏أسعدتها‏ ‏مدايحها‏ ‏لسعود‏ ‏وشخصه‏ ‏
دخلت الغرفة وسكرت الباب واهي ماتشوف غير صورة سعود قدامها .. بنظرته القاتله وابتسامته الحنون .. اتخيلت هالشخص‏ ‏يكون‏ ‏ملكها‏ ‏وحبيبها‏ ‏وحدها‏ ‏ماغيرها‏ ‏..‏

بس ضاق صدرها يوم اتذكرت كلام امها عن أبوها !! حست ان فيه أشياء تخبيها عنها ..
‏حست‏ ‏نفسها‏ ‏طايرة‏ ‏بأحلامها‏ ‏و بلا شعور منها ارتسمت احلى ابتسامة‏ ‏حالمة‏ على‏ ‏وجهها‏ ‏..
أبويا .. بابا .. هههههه معقولة يكون لسه عايش ؟؟ وممكن أشوفه بيوم من الأيام ! معقولة تكون الاقدار مرتبه اني آخذ سعود عشان أوصل لأبويا ؟؟ ياااااه أنا شطحت بأحلاااااامي بعيييييييييد .. !

فزت‏ ‏فجأه‏ ‏يوم‏ ‏سمعت‏ ‏رنين‏ ‏جوالها‏ ‏داخل‏ ‏الشنطة‏ ‏..
وماتدري‏ ‏ليه‏ ‏توترت‏ ‏واهي‏ ‏تشيل‏ ‏الشنطة‏ ‏وتدور‏ ‏على‏ ‏الجوال‏ ‏بإيدها‏ ‏لين‏ ‏لقته‏ ‏ورفعته‏ ‏‏وشافت‏ ‏الرقم‏ ‏الي‏ ‏خفقله‏ ‏قلبها‏ ‏‏!‏‏!‏ ‏

ردت‏ ‏ورفعت‏ ‏السماعه‏ ‏لاذنها‏ ‏وقالت‏ ‏بهمس‏ ‏:‏ ‏اهلين‏ ‏..
سعود‏ ‏:‏ ‏هلاااابك‏ ‏وعد‏ ‏..‏ ‏شلونك
وعد‏ ‏ووجهها‏ ‏مولع:‏ ‏كويسه‏ ‏الحمدلله‏ ‏و‏ ‏..‏ ‏انت؟
سعود‏ ‏بنبرة‏ ‏هادية:‏ ‏انا‏ ‏ايش؟
استحت‏ ‏وعد‏ ‏وقالت‏ ‏:‏ ‏انت‏ ‏كيفك‏ ‏حالك‏ ‏
سعود‏ ‏:‏ ‏اهااا‏ ‏..‏ ‏ ‏مازلت‏ ‏عايش‏ ‏الحمدلله
ضحكت‏ ‏وعد‏ ‏بخفة‏ ‏وماعلقت ..
سعود : وأخبارك ؟
وعد بخطارها .. أخباري انت الي قالبها وعارفها ومكيفها من دخلت حياتي لهاللحظة ..
قالت : اخباري نفس اخبارك ..
ابتسم سعود وذي اول مره تبادره بتلميح عن مشاعرهم
وقال : عساها أحسن الأخبار يارب ..
وعد بهس :آمين وياك ..
سعود‏ ‏بتنهيدة:‏ ‏وعد‏ ‏ماني‏ ‏مطول‏ ‏عليك‏ ‏بس‏ ‏ودي‏ ‏اشوفك‏ ‏اليوم‏ ‏ضروري‏ ‏..‏ ‏عندي‏ ‏كلام‏ ‏كثير‏ ‏لازم‏ ‏أتكلم‏ ‏فيه‏ ‏معاك‏ ‏..
خفق‏ ‏قلب‏ ‏وعد‏ ‏بقوة‏ ‏واهي‏ ‏ماستعدت‏ ‏ولا‏ ‏بأي‏ ‏حال‏ ‏لهاللقاء‏ ‏المفاجئ‏ ‏‏!‏‏!‏‏ ‏بس‏ ‏هذي‏ ‏فرصتها‏ ‏عشان‏ ‏تقوله‏ ‏كل‏ ‏الي‏ ‏بخاطرها‏ ‏ويحطون‏ ‏النقاط‏ ‏على‏ ‏الحروف‏ ‏..
استجمعت‏ ‏قواها‏ ‏وقالت‏ ‏:‏ ‏وانا‏ ‏كمان‏ ‏عندي‏ ‏كلام‏ ‏ودي‏ ‏اقولك‏ ‏عليه‏ ‏..
سعود‏ ‏:‏ ‏حلوو‏ ‏‏ ‏..‏ ‏اوكي‏ ‏وين‏ ‏تحبين‏ ‏نتقابل‏ ‏؟
وعد‏ ‏:‏ ‏افضل‏ ‏ب ((.......‏ ‏مول‏ )) ‏الي‏ ‏جمبكم‏ ‏..
سعود‏ ‏:‏ ‏برضو‏ ‏حلو‏ ‏..‏ ‏اوكي‏ ‏7‏ ‏المغرب‏ ‏يناسبك؟
وعد‏ ‏بدون‏ ‏تردد:‏ ‏مناسب‏ ‏..
سكت‏ ‏سعود‏ ‏شوي‏ ‏كنه‏ ‏يبي‏ ‏يقولها‏ ‏كلام‏ ‏..‏ ‏ووعد‏ ‏قطعت‏ ‏صمته‏ ‏وقالت‏ ‏:‏ ‏اوكي سعود‏ ‏..‏ ‏؟
سعود‏ ‏:‏ ‏اكيد‏ ‏اوكي‏ ‏..‏ ‏!
وعد‏ ‏:‏‏ ‏يالله نشوفك على خير
سعود‏ ‏:‏ ‏ان‏ ‏شاء‏ ‏الله‏ ‏..‏ ‏
وعد‏ ‏:‏ ‏فمان الله
سعود‏ ‏: مع السلامة ..

سكر سعود السماعه واهو يضحك على نفسه .. شالي صار فيني من سمعت صوتها عجزت أتكلم زين .. ! شلون بشوفها وباقعد معها وأكلمها .. يالله ياسعود انت الي مايهزك ريح هزتك بنت وزوبعت حياتك !
وقف واهو يضحك ويهز راسه ويدور بجواله على رقم فيصل .. واول مالقاه دق عليه ورفع الجوال لاذنه ..
بعد كم رنة جا الرد
سعود : السلااااام عليكم ..
فيصل والنوم بعيونه : عليكم السلام هلا ..
سعود : هلا فصفص شلونك .. << عيارة فيصل وهو صغير
فيصل ماعرف المتصل الا من هالكلمة لأن سعود يمازحه فيها بين فترة وفترة
قعد على حيله واهو يقول : هلا بسعووووود هلا اخوي بخير الحمدلله انت شلونك
سعود واهو يطالع بالساعه : تمام الحمدلله عسى ماصحيتك تراني ماحسبت فرق التوقيت بيننا
فيصل : لاماعليك الدنيا نهار و بقوم اصلي .. الا شخبارك شلون شغلك؟
سعود : ماشي الحال الحمدلله .. شلون دلوعتنا الي عندك
فيصل بضحكة مغصوبة : اييي دلوعتكم انتوا انا ماعندي دلع بنات ..
سعود : لا فتونه دلعها ماشي على الكل الصغير والكبير
فيصل : وانا اشهــــــد ..
سعود : هههههههههه عسى مهي ملعوزتك ..؟
فيصل باختصار : لاتشيل هم .. اخبار اهلك تدري عنهم ؟
سعود : والله من كم يوم مكلمهم ان شاء الله انهم بخير
فيصل : الحمدلله ..
سعود : الا وين فتون مالها حس شكلها نايمة
فيصل : ايه ايه .. نايمة وشوي وتصحى واخليها تتصل عليك
سعود بضحكة : خذوا راحتكم مو مستعجل
ابتسم فيصل وماعلق .. ناخذ راحتنا بايش ؟ بالخناق والطقاق ؟ كلن على همه سرى !
سعود حسب ان سكوت فيصل احراج منه .. فما طول وقال : يالله حبيبي نشوفك على خير
فيصل : على خير .. ((وسكر السماعة ..

اتنهد واهو يطاله بالفراغ .. هذا سعود يبي فتون .. والله شكلي بطلع لها جوال اليوم عشان افتك .. كافي كل خلافاتنا هاليومين عشان هالجوال !
طالع الساعه لقاها 10 الصبح وفتون من امس الليل مالها حس ! معقولة كل ذا نايمة !!

وقف وراح للحمام .. أخذله شاور .. وطلع وبدل ملابسه وصلى
.. وبعدها ..

طالع بباب غرفتها ! ياترى اذا فتح الباب وش بيلقاها تسوي !! وكيف بيكون وضعها !
مافكر كثير ومشى للباب وفتحه بخفه ودخل ..

وقف لحظات عند الباب يتأمل المنظر الي قدامه ..
كان السرير مرتب واللحاف زي ماهو ماتحرك .. وفتون نايمة على السرير بالعرض ومبين انها اهي مختارة الوضعية بكيفها .. كانت نايمة على بطنها بلا مخدة وبلا غطا .. وذراعينها ممدودة جمب راسها ووجهها مدفون بينهم وشعرها مبعثر حولين راسها ..
مجسد ملائكي بس لأنثى قوية حتى براحتها .. عنيدة حتى بنومها ..
احتار بأي اسلوب يصحيها .. كان لازال متضايق من الي سوته فيه البارح بس ماينكر ان شوفته لها هاللحظة محت اي ضيقة بداخله تجاهها ..

قرب منها بخطوات خفيفة وهمس : فتووون ..
شوي الا انقلبت فتون على جمبها وبان وجهها محمررررر من الجمب أثر نومها عليه ..
فيصل كان صعب عليه يطول النظر فيها ومع ذلك عاند مشاعره وصار يتأملها من راسها لرجولها .. حس أنوثتها الرائعة .. وجسمها الضعيف .. وملامحها الناعمة .. مظهرها هذا ينافي تماما جوهرها الداخلي .. الي تلبسه بالقوة والقسوة !
انقهر على حالهم وهمس بتنهيدة : خسارة يافتون !

فتون الي صحت وحست فيه واقف جمبها بس مافتحت عينها .. سمعت همسه .. وفتحت عينها بوهن وقالت : هممم .. ؟؟
اتفاجأ فيصل بردها بس مابين وقال بهدوء : صباح الخير ..
فتون بكسل واهي تفرك عيونها : صباح النور
حط فيصل الجوال على السرير ودار جسمه واهو يقول : قومي صحصحي ودقي على سعود .. قبل شوي متصل فيني يبي يكلمك ( ومشى يبي يطلع
فتون : وليه ماعطيتني اياه على طووول !
التفت لقاها قاعدة بميلان وعيونها ناعسه وتنتظر منه اجابة ..
قال : كنتي نايمة !
فتون : عادي كان صحيتني .. ولا ماتبي تحسسه انك حابسني !!
فيصل واهو يطلع : أقول اصبحنا وأصبح الملك لله !
فتون همست بسخرية تكمل عليه : والحمدلله ولاإله الا الله ..
فيصل التفت واهو يقول : شقلتي ؟؟؟
فتون بكل برائة : اكمل الدعاء بس !!
فيصل : بس.. ؟
فتون واهي تهز راسها : اممم ..
فيصل : خير .. (( وطلع عنها يحاول مايسمع اي كلام ثاني ممكن تهمسها من وراه ترفعله ضغطه ..

قعد بالصالة واتوقع ان فتون بتكلم سعود الحين بس استغرب يوم طلعت وراه ومعها ملابسها ومتجهه بكل برود للحمام ..
واستغرب اكثر يوم سمع بعد لحظات صوت الدش !
رجع راسه لورا واهو يفكر بأحوالها العجيبة .. مرات يحس حماسها واندفاعها لاشياء جدا تافهة .. ومرات تتصرف ببرود واستهتار مع امور هي فعلا مهمة وتستحق الحماس !
اتوقعها تنهبل على اتصال حبيب قلبها سعود ! لكنه ابرد ماعندها الحين هو الاتصال ..
يمكن ذا حالها اول ماتصحى من النوم !
اااخ بس ادوشتيني يابنت الناس .. طفلة وتقلب مخي وحياتي !

شغل نفسه ببعض اوراقه واغراضه وماطال الوقت يوم طلعت فتون مصدرة صجة واهي تخبط بالباب وتقول : يووووووووووه !
التفت فيصل وعلى وجهه عبارات الاستغراب والاستفهام وقال : شفيييك ؟
فتون بانفعال : حماماتهم هذي الي مافيها بلاعات والموية تسبح بالارض بالله شلون الواحد يقدر يوقف ويلبس بعد مايخلص شاور ؟؟
كانت تتكلم واهي تأشر على الحمام ورذاذ الموية يتناثر من شعرها ويقطر على لبسها بشكل يبين انها مانشفته لحد الآن !
مشى فيصل للحمام وفتح الباب وشاف بركة موية بالأرض .. وانصدم !!
التفت واهو يقول : وهالموية من وين جت ؟؟
فتون واهي قالبة راسها عند ركبها بهيأة ركوع وتنشف شعرها : تكبكبت وانا اتروش دايم انا كذا اذا اتروشت !!

انصدم فيصل !! لا انا متزوج بزر بمعنى الكلمة وياحليل مالتقيييييييييت !

فيصل : فتون .. ارفعي راسك اسمعيني
رفعت فتون راسها وشعرها متناثر على جبينها
فيصل يكلمها كنها طفلة فعلا : فتون قلبي ترا البلد هنا مو زي السعودية .. بلاعات مافيه .. خدامة مافيه .. لازم حبيبي تنتبهين وتحاسبين على كل شي بالبيت ..
فتون : شلون يعني ماتروش ؟؟
فيصل بنفس الاسلوب : اتروشي بس على شوي شوي .. اوكي حبيبي ؟
اتفاجأت فتون من اسلوبه ماتدري هو يتمسخر عليها ولا بجده رحمها وحن عليها !
كانت نبرته بالكلام حنونة وخلت فتون تعجز عن الرد .. دارت وراحت للغرفة بهدوء وسكرت الباب وراها بهدوء مشابه ..
فيصل من جهة ثانية جزم وحلف ان زوجته طفلة بس كبيرة ! بس حتى الاطفال اذا غلطوا لازم نصارخ عليهم ومرات نضربهم !
خلاص الحين عرف الطريقة المناسبة للتعامل معها !

مشى ودق على خدمة الغرفة يجون ينظفون الجناح
واول ماسكر طلعت فتون من الغرفة واهي ماسكة الجوال بايد والباب بايدها الثانية وتقول : فيصل بتقفل علي الباب الحين ؟؟
سكت فيصل لحظات واهو الي ولاخطر على باله يرجع يقفل عليها .. وقال : انتي شرايك؟
فتون : امممم .. براحتك بس اذا بتقفله قولي عشان اخذلي شبس من المطبخ جوعانة !
ضحك فيصل وقال واهو يقعد : خذي راحتك ياحلوة مو قافله ..
فتون بدلع : ثااااااانكس .. (( ودخلت وسكرت الباب وراها تاركة فيصل يصارع انواع المشاعر !
بعد ثواني سمع صجتها بالغرفة وضحكها عرف انها تكلم سعود .. وشوي وهدا صوتها بس مبين انها تكلم لكن مو واضح الصوت .. بعد دقايق خلصت وفتحت الباب وطلعت
مشت ناحيته بابتسامة واهي تقول : شكرا ..
فيصل : شكلك مبسوطة بمكالمة سعود
فتون : اوووه بشكل ماتتصور ..
وقبل مايعلق قالت : فيصل شكلك لابس تبي تطلع ..
فيصل : ايه ..
فتون : اوكي ممكن تطلعني تراني مليت من القعدة بهالجناح ..

اتقبل فيصل الفكرة .. ان كانوا بيختلفون ولا يتخانقون فهنا ولا برا كله واحد
فرصة يطلعون ويحتكون ببعض اكثر يمكن تتغير الاحوال !
ابتسم ابتسامة اربكت فتون وقال : جاهزة ؟؟
فتون بعين لامعة : تقريبا ..
فيصل : يالله ..
فتون : اووووووكي بروح البس ..
فيصل : اجل شلون تقولين جاهزة ؟؟
فتون : شغلات كثيرة تلزمني قبل الروحة وأولها الشاور وأخذته .. يالله دقايق بس ..
فيصل : عجلي ..
طارت فتون لغرفتها وبسرعه لبست بنطلون كحلي عليه بلوزة طويلة درجات الأزرق الفاتح والكحلي .. وطرحة كحلية بطرف سماوي ..
طلعت وسكرت الباب والتفتت لفيصل بصمت .. طالعها فيصل بنفس الصمت ..
وبعدها مشى للباب وفتحه بوسعه عشان تطلع ..
مشت فتون وطلعت وأهو سكر الباب وراها وطلع ..
ومشوا للأصنصير وفيصل بخاطره يتمنى يمر هاليوم بسلام .. زي ما بدا بسلام !

*******


كانت مجسد للأنوثة واهي تمشي في ممرات المول .. ماتدري ليه حست ان أغلب الانظار متوجهه عليها ! معقولة شكلها ملفت لهالدرجة ؟؟ معقولة اتكلفت بأناقتها ؟؟ كانت لابسة تنورة " قونلة " فستقي الي هو الأخضر الفاتح .. وبلوزة بأكمام طويلة بلون الزرع الأخضر الغامق .. وطرحتها بنفس لون تنورتها .. يمكن هالشكل الغير متعارف بكثرة ببلاد الكفر يخلي هالاشكال تبحلق فيها !! ولا عيونها إهي التايهة بين الناس تخلي الناس تطالعها غصب يبحوثون باحساسهم عن ماتريد !
ويمكن يكون توترها من اللقاء حسسها بكل هالفوضي !

طالعت ساعتها لقت انها بدّرت عن الموعد المتفق 10 دقايق .. !!
حماسها وفضولها وشوقها ولهفتها ومزيج من المشاعر الضاجة بداخلها اضطرتها تجي وتنتظره قبل الموعد..
اختارت احد الطاولات وعيونها تدور تلقائيا بالناس .. وقبل ماتسحب الكرسي شافته جالس على طاولة مجانبة من الجهة الثانية !
ضحكت بداخلها .. كنت أحسب اني جاية بدري ! ياترى من متى هو جاي ؟؟
طالعت فيه واهو جالس بثبات وملامح وجهه تحمل كل جدية لشخص اول ماتشوفه هاللحظة تحس انه رجل اعمال وينتظر شريكه بالعمل !
بس تتغير فكرتك فورا لما تشوف ملامحه لااااانت أول ما أقلبت عليه وعد !

ابتسم ابتسامة تذوب الحجز واهو يوقف ويقول : مرحبا ..
كان المفروض اهي تبادره التحية بس بهاللقاء بيكون كل شي معكوس وغير متوقع !
قالت واهي تسحب الكرسي : اهلين سعود
سحبت الكرسي وقعدت وقعد معها
سعود : هلا والله شلونك ؟
وعد : تمام الحمدلله .. كنت بتستناني من أول !
سعود : اممم يعني لي ربع ساعه
وعد بابتسامة : اوكي وليه جيت بدري ؟
سعود : نفس الاسباب الي خلتك تجين بدري ..
ضحكت وعد بخفة وأبعدت عينها عنه وبانت سنونها اللؤلؤية بشكل يعطيها حلا أكثر ..
سعود : شتشربين ؟؟
وعد : آز يو لايك
سعود : لا اختاري لاني دايم ألاحظك اذا شربتي يبقى ثلاث اربعاع الكاس ماتكملينه !
وعد استحت من ملاحظته هذه وقالت : مو لسوء اختيارك سعود بس انا لما اكون متوترة ماشتهي أشرب شي .. وآي ثنك كل مره قعدنا سوى كنت متوترة فيها !
سعود : ودي تكون هالقعدة آخر قعدة من هالنوع !
وعد بهمس : أتمنى .. !
ابتسم سعود وقام هالمره لمحل عصيرات يغير عن الكوفي .. اختارله اهو واهي نفس النوع حتى مايحرجها بالاختيار ..
بعد دقايق جا جايب معاه العصير .. كانت تراقبه واهو ماشي وتطالعه بابتسامة خفيفة تركت أثرها بقلبه .. مثل أي ابتسامة ثانية راح تترك أثرها بقلبه وبباله وتهد حيله ذكراها !!

قدملها العصير وشكرته وقعد قبالها .. صمت دار لثواني بسيطة بس بالنسبة لهم يعتبر وقت طويل ..

وبنفس الثانية مع بعض :
سعود : وعــد ..
وعد : سعـود ..
سكتت وعد وابتسمت ..

سعود : اتكلمي وعد ..
وعد : لا اتفضل انتَ
سعود : أنا كنت بقول اذا عندك كلام بتقولينه اتفضلي قوليه ..
وعد : اهمم .. (( استجمعت قواها وحاولت تبعد عنها اي حرج لأن هالجلسة محسوبه عليها طول عمرها الي بتعيشه .. لازم تجنّب بهاللحظة .. عواطفها .. وحرجها .. وضعفها .. وتتكلم بعقلها مو بقلبها .. كان صعب على نفسها هالموقف .. بس الظروف أصعب !

أخذت نفس وقالت : سعود أنا من داك اليوم إلييي .. إليي ((وماعرفت تجيب كلمة مناسبة ..
سعود أسعفها : خطبتك فيه ..
هزت وعد راسها كنها تشكره على الكلمة المناسبة .. وكملت : من داك اليوم والموضوع ماراح عن بالي ولا لحظة .. فكرت فيه من كل النواحي .. استشرت كتييير .. استخرت كتيير .. حكمت عقلي كتثير .. وما أنكر ان قلبي كان له حكم علي كمان .. (( حاولت تبعد عينها عنه لحتى تقدر تجمع الكلمات المناسبة والي ماتقدر تجمعها تحت نظراته الي تراقب كل حركة وكلمة منها ..
كملت : واتوصلت بالآخر انه انا فعلا اتمنى ارتبط فيك سعود .. انت شي كبير بالنسبة لي .. واعترف انه مو سهل علي اعيش بدونك .. بس انا ابغى اشرحلك ظروفي وياليت تفهمها !
شبك سعود ايدينه الاثنين تحت دقنه وهمس : اتفضلي ..
وعد : سعود انا لي ماضي قاسي انت عارف اشياء كثيرة عنه .. ماضي مرتبط فيني انا وماما وهو الي موصل حالتنا لدا الحال .. السبب فيه بابا الله يسامحه ! انا ماقولك انك انت حتعمل معايا نفس ما بابا عمل ..لا بابا تركنا بمزاجه لأنه حتى لو كانت ظروفه صعبة مستحيل تستمر بدي الصعوبة طول دي السنين .. بس انا الي خايفة منه معاك انه تواجهك نفس الظروف مع أهلك .. مع بلدك .. وقد ايش حتستمر الله أعلم ! وماما اش حايصير عليها .. حاتركها ولا آخدها معايا .. انا عن نفسي مستحيل أستغنى عنها .. ولو حاخدها كيف حايكون الوضع وكيف حاتعيش كأجنبية .. يعني ياسعود أحس الأمور معقدة شوي ونفسي أفهم انت اش الي مخطط عليه ..!
سعود : اوكي .. هذا الي عندك ؟
وعد واهي تهز راسها : تقريبا ..
سعود واهو يرخي ايدينه : شوفي ياوعد .. لو مافكرتي بهالشي فبتكونين انسانة متسرعه ماهمك الا مشاعرك ونفسك وبس .. بالعكس انا اقدر فيك حرصك واهتمامك على حياتك وحياة أمك .. ومن حقك تدخلين على نور وتعرفين شالي بيصير عليك لو ارتبطتي فيني وانا مو خادعك ولا كاذب عليك وبكون صريح معاك بكل شي .. اوكي ؟
وعد بدت توجس الخطر وقلبها خفق بقوة وقالت : اوكي ..
سعود : اول شي ياوعد بالنسبة لأمك لاتشيلين همها .. أمك فوق عيني وراسي واهي الأولى واحنا وراها .. صدقيني أول مافكرت ..فكرت فيها ومستحيل أبعدك عنها لا بهالبلد ولا لو عشنا بالسعودية .. أوعدك بتكون معاك بكل مكان وأمورها بتنضبط من أحسن مايكون ..
ابتسمت وعد وقالت : مشكور ياسعود والله ذا يدل على طيب أصلك ..
سعود ماعلق وكان متحمس يقولها عن الأمر الثاني والي هو العقبة الأكبر بعلاقتهم ..
قال بهدوء : الشي الثاني ياوعد .. انا خاطب !
انبهتت وعد !! وعادت عليه بهمس : خـ ـاطب ؟؟
سعود : ايه خاطب بنت عمي وللحين ماصار بيننا لا ملاك ولا شي مجرد خطبة بس الكل داري عنها والكل ينتظرني أخلص من شغلي بابريطانيا عشان أرجع وأتزوجها ! لكن ياوعد أنا بصراحة مابيها ولاني مرتاح لها ..
وعد ولازالت الصدمة مبينه فيها : من بعد ماعرفتني صح ؟؟
سعود : لا أبدا .. من قبل ما اجي ابريطانيا وانا كنت حاس نفسي مو متحمس ومعارض داخليا بس كتمت اعتراضي بداخلي وكوني كبير العيلة وأول الأحفاد ماحبيت أكسر خواطر عماني وجدي ومشيت لهم الي يبونه بس صدقيني ماكنت راضي ولا راغب فيها !
وبعد ماجيت هنا وعرفتك و حسيتك الانسانة الي تناسبني وحسيت كني ضايع ولقيت الي أدور عليه .. بصراحة ياوعد انتي أعطيتيني أشياء بدون ماتحسين فيها .. حببتيني فيك وعلقتيني فيك وخليتيني أرجع أعيد حساباتي وأفكر بحياتي من جديد وعرفت انه من حقي آخذ الي أبي وأعيش مثل ماأبي مو مثل ماغيري يبي !
بلعت وعد ريقها بصعوبة وقالت : وبنت عمك ؟
سعود بتنهيدة : بنت عميييي .. قلتلك ياوعد بكون صريح معاك .. انا أبيك انتي وما ابي غيرك .. وباشرحلك انا شالي مخطط عليه ..
هزت وعد راسها واهي تحس الكلمات مخنوقة بحلقها ..
سعود : خطتي ياوعد اني اتمم زواجي منك وانا هنا .. واذا خلصت من شغلي بارجع .. واقولك من الحين .. بارجع لحالي .. ! وهناك بحاول بكل الطرق أكشف لأهلي عن زواجي منك .. والله اتقبلوا أهلي الموضوع وقدرت بهالطريقة أكنسل زواجي من بنت عمي .. حلووو .. بارجع طيران آخذك وأجيبك معاي .. لكن اذا بتواجهني مشاكل وتعقيدات ويجيني كلام وزعل وهالأمور فأقولك من الآن .. باضطر أتزوج بنت عمي .. واعرفي انها بتكون الثانية .. وانتي الأولى .. ووقتها بارجعلك هنا آخذك وأجيبك ولاحد يقدر يفتح فمه بكلمة .. زواج من بنت عمي واتزوجت مثل مايبون .. خلاص ماعاد لهم حكم بحياتي بعد اسوي الي ابي واتزوج الي ابي ..
وعد بضيييق : لا ياسعود صعب .. اش ذنب بنت عمك اشذنبها ؟
سعود : ياوعد انا ماراح أجرحها ولا أظلمها بشي وراح أعاملها أحسن معاملة .. وزواجي منك مافيه ظلم لا لها ولا لغيرها بالعكس .. لو أحد بينظلم بكل هالزوبعة فهو أنا الي باخذ بنت عشان العيلة وبس ولا انا مابيها .. وعموما هذه كلها مجرد توقعات للمستقبل .. ماتدرين ياوعد يمكن تمشي الأمور عكس مانتوقع وتكون بصالحنا ! ليه ننهي أحلى خطوة صارت بيننا وندير ظهورنا لبعض عشان احتمالات ماندري يمكن تحصل ولا يمكن يحصل غيرها !
وعد وكل الضيق حاشيها : بصراحة على قد ماتوقعت اني ممكن أواجه مشاكل بس ماتوقعتها مشاكل من دا النوع ابدا !
سعود : مقدور عليها ياوعد صدقيني .. انا ماخطبتك عشان أتمم كل شي بيننا وبعدها أرميك ورى ظهري وأخليك ! مستحيل .. اهي كلمة حطيها براسك واستوعبيها زين ياوعد ..
وركز على الحروف واهو يقول : أنا توصلت لقناعة .. انك الانسانة الي أحبها وأبيها ولاقدر أعيش بدونها .. فهمتيني ؟؟
ضاعت عيون وعد بوجهه .. كيف جتها الجرأة تحط عينها بعينه بعد كلمته هذه ؟ يمكن تبي تبحث عن الصدق بعيونه .. وشافت الصدق يصرخ بوضوح بكل نظراته ونبراته..
تجمعت الدموع بعيونها .. كثير عليها كل هالاعترافات .. الحلو فيها والصعب .. كان فوق استحمالها ..
قالت بصوت متهدج بالدموع : ولا حتى انا ياسعود .. بس حنواجه مشاكل كثير !!
سعود وعيونه مركزة بعيونها وقال : صح .. بس حانكون اقوى منها ان شاء الله .. وكل شي له نهاية والمشاكل مهما كبرت مصيرها تصغر ومهما طالت مصيرها تنتهي ..
سكت شوي يبي يتركلها فرصة تستوعب حجم المفاجأت الي وقعت عليها .. وبهاللحظة خطرت على باله فتـوووون !
سعود : وعلى فكرة ياوعد ..
رفعت وعد عينها لعينه بصمت ..
سعود : ترا اختي تدري عن كل شي .. وماتصدقين شكثر تتمنى يتم هالزواج بأسرع وقت لأنها حاسة فيني ومقدرة وضعي وظروفي ..
وعد ارتااااحت ان أحد من عيلته داري عنها وعارفها وبانت اللمعة بعيونها وقالت : وممكن تساعدك بشي ؟
سعود بابتسامة : أكيد .. اختي فتون هذه دلوعة العيلة والكل يحبها والمهم انها طرف ثاني ممكن أتعاون معاه .. وترا حتى اختي الثانية عبير واخوي خالد .. وحتى امي .. كلهم متفهمين وواعين وكلهم لو دروا عني وعن وضعي وحسوا فيني بيوقفون معاي ويساعدوني ..
وعد ارتاح خاطرها نوعا ما يوم حسسها سعود باحتمالية قبول أهله لموضوعهم .. وشافت سعود يطلع جواله ويتصل ويقول : اتفقت مع فتون تكلمك اذا اتقابلنا عشان ترتاحين ..
وعد بابتسامة : سعود ماله داعي تحرجها خلاص انا ريحني كلامك
سعود واهو يرفع الجوال لاذنه : بترتاحين أكثر ..

بعد أول رنة جاه الرد : هلااااااااااا
سعود : هلا والله فتون اتوقعت فيصل يرد
فتون : لا انا خليت الجوال معاي لاني توقعتك تتصل هالوقت .. وينها ؟؟؟
سعود : اصبري انتي.. الحين وين فيصل ؟
فتون : قام يطلب غدا وانا على الطاولة بعيده عنه .. يالله وينها ؟
سعود : فتون اركدي .. باعطيك اياها الحين بس ياويلك ترجينها ..
فتون : ههههههههههههههههههه اوكي يالله هاتها ..

مد سعود الجوال لوعد .. ووعد ابتسمت واهي تاخذه ..
رفعت الجوال لاذنها وقالت بهدوء : مرحبا
فتون بجرأة مو غريبة عليها : اهليييييييييييين وسهلييييييييييين وعودة شلووونك ؟؟؟
وعد الي ماتوقعت كل هالترحيب ضحكت واهي تقول : كويسة الحمدلله .. انتي كيفك ؟
فتون : انا بخير أسأل عنك دايم .. وبكل مره اقول لسعود يسلميلي عليك يوصلك عاد ولا لاء ؟؟
وعد : هاه .. الا الا هههههههههه
فتون : هههههههههههههههههههههه شفيك تضحكين ولا شكله مايوصلك شي ..
وعد : بصراحة ماقالي انك تعرفيني الا دحين .. ومن جد فرحت فرصة سعيدة ياقلبي ..
فتون : والله وأنا أسعد .. من كثر مايحكيني سعود عنك اتمنيته فعلا يخطبك .. والحمدلله عقل وسواها تكفين لاتردينه تراه ميت عليك ارحميه من الورطة الثانية منالوووه ووافقي عليه << طبعا كان هالكلام خارج الاتفاق الي بين سعود وفتون ..
وعد باستغراب : منالووه .. من دي ؟؟
شخصت عيون سعود فيها وعرف ان فتون بدت تخبص بالحكي مد ايده واهو يقول : هاتيها هذي هاتيها
سمعته فتون وضحكت وهي تقول : هذه بنت عمي الي يبونه ياخذها ياويل حاله .. وانا مابيها ابيك انتي تاخذين اخوي .. بليز وعد لاتتركينه لها والله ماتستاهله ابد ..
وعد بضحكة : وه ياقلبي عليكِ خلاص عشان خاطرك بس حوافق ..
فتون : هههههههههههههه يسعدلي إيااك ياعسل والله مالوم اخووووي فيييييييك ..
وعد : ههههههه تسلمي .. اقولك أخوكِ يبغاكِ .. يالله فرصة سعيدة حبيبتي
فتون : وانا أسعــــد .. باي
وعد : باي

وعطت سعود الجوال
سعود : هلا فتون خلاص بردتي الي بقلبك !
فتون : ايه يازينها اقولك سعود سعودية اهي مو ؟؟؟
سعود : ايه ايه ..
فتون : بس كلامها حجاااازي ؟؟؟
سعود يبي يصرفها : اقول اكلمك انا بعدين يالله ..
فتون : يجنن كلامها عطني اياها مره ثانية تكفى ..
سعود : اقوووووول فتون يالله لايجي فيصل بالله عليك وان شاء الله مره ثانية تكلمينها
فتون : اووووووكي وبليز اتصل فيني اليوم بالليل حكني وش صار بينكم ووش انتهيتوا عليه
سعود : ابشري ياعمري يالله سلام
فتون : سلام ..

سكرت فتون واهي متونسة حيل بهالمكالمة .. من حكاها سعود عن وعد واهي تتنتظر بلهفة هالاتصال .. أولا لتشبع فضولها وثانيا لإحساسها الكبير بأخوها ورغبتها بمعاونته بأي طريقة تقدر عليها ..
تركت الجوال على الطاولة وسندت ظهرها على الكرسي وعيونها ضاعت بمحلات المطاعم لين استقرت على المحل الي واقف فيصل عنده ..
طالعت فيه واهو واقف يطالع بلافتات الصور الي بالمطعم .. وحاط ايدينه بجيبه مو حاس بنظرات الي حوله .. ضحكت فتون عليه حيث ان دوره وصل والي وراه صاروا يتعدونه ويمشون واهو رافع راسه وعيونه متعلقة بالافتات يطالعها .. معقولة كل ذا يختار الطلب!! ولا سرح بالك بشي ثاني الله يعينك على نفسك يافيصل ..!
شافته انتبه أخيرا على نفسه واتقدم للعاملة يطلب الطلب .. ابتسمت بتلقائية وماتدري ليه اتذكرت كلمته اليوم الصبح " خسارة يافتون "
شقصدك بالخسارة ؟ اهو أنا ولا انت الي تسببت بأكبر خسارة بيننا يوم ركبت راسك ورحت وتركتني بالوقت الي كنت بأمس الحاجة لقربك ! كنت تظن اني بظل محتاجتك طول عمري ؟ لا حبيبي انت بخذلانك لي خسرتني وخسرت اي مشاعر حلوة كان ممكن تحيا وتكبر بداخلي .. ! وياليت مع هذا رحمتني .. الا قسيت وقسّيت الكل علي وحسستهم انك انت الصح وانا الخطأ لين أجبروني على زواجي منك ! آخ بس وتلومني على استهتاري ! والله لو مو عايشة بهالاستهتار كان انحرقت باليوم بدل المره ألف مره !!
يوه شفيني أفكر كذا الحين خلاص انا ابي استانس اليوم وبخلي القلق والمشاكل بالجناح لايقوم يرجعني للفندق الحين ..

دقايق وجاها فيصل بالطلب .. قعد واهو يقول : هذا السبايسي الي طلبتيه ..
فتون : وانت ؟
فيصل : عادي ..
فتون : ماتحب الحوار ؟
فيصل : مو كثير بس ممكن آكلها .. انتي شكلك تحبينها ..
فتون : مررررره ولا استطعم الأكل بدونها
فيصل : مالومك أجل على هالطبع
فتون : شفيه طبعي ؟
فيصل باستهبال : شحلاته يجنن
فتون بنفس الاستهبال : مشكور هذا من ذوقك ..
ومسكت الشوكة بإيدها وفيصل يضحك بداخله لأنه قال للعاملة تكثر الفلفل !!

غرست فتون الشوكة بقطع الدجاج الصغيرة الي بالصحن وحطتها بفمها .. وما أمداها تمضغها الا ولّع فمها وتجمعت الدموع بعيونها وحمر خشمها ..
طالع فيصل وجهها الي انقلب فجأة ودموعها الي طفرت وقال مسوي برئ : شفييييك مو تقولين تحبين الفلفل !!
فتون والدموع بعيونها : اي بس مو لهالدرجة (( وبلعت اللقمة الي بفمها بالغصيبة ورجعت الشوكة بالصحن واهي تقول : مح أقدر آكله ..
وأخذت عصير فيصل بدون اذن لأنها طالبة كوكاكولا وبيولعلها فمها أكثر .. شفطت من العصير كم شفطة لين هجد لسانها شوي .. وكل هذا تحت نظر فيصل ..
رجعت العصير له واهي تقول : معليه بس من جد اتورطت ..
فيصل واهو يراقب عيونها : حلالك ..
فتون ماردت وأخذت مناديل وصارت تمسح خشمها وعيونها ..
فيصل حن عليها وجذبه شكلها المتغير مع الدموع وقال : هذي أول مره أشوفك تبكين من أخذتك .. بالله مابكيتي على فراق أهلك ؟؟
فتون : لا .. ترا أنا ما أبكي أبد .. أقصد أجهش بالبكى والصياح .. أما الدموع الي تطفر هذي ممكن تطلع مني غصب بس مسرع ما أكتمها ..
فيصل باستغراب : غريبة انتوا البنات معروف عنكم الدموع والصياح على الي يسوى ومايسوى ..
فتون : دموع التماسيح هذي .. للأسف أنا أعرف أمثل كل شي الا الضعف والدموع ..
فيصل : اممم لاحظت !
فتون : أكيد بتلاحظ لأنك حاطني تحت المجهر تراقب كل صغيرة وكبيرة تطلع مني .. اتوقع عرفتني أكثر من نفسي مو مثلي الي ماعرف عنك ولا شي !
فيصل : الواحد مايعرف عن الشخص شي الا اذا كان يهمه ..
فتون : قصدك .. انت ماتهمني ؟؟
فيصل : هذي مافيها كلام .. بس انا قصدت بكلامي انك انتي تهميني ..
سندت فتون دقنها على ظهر كفها وقالت : أشك !
فيصل : اني أنقهر من تصرفاتك .. أو ان مكانتك ماعادت بقلبي مثل أول هذا مايعني انك ماتهميني ..
فتون حز بخاطرها كلامه بس كعادتها مابينت شي وقالت : بس أنا في شيئين أعرفهم عنك !
فيصل : وشهم ؟
فتون : الأولى عرفتها من فترة وخلنا منها الحين .. والثانية انك مررررره مرتب !
عقد فيصل حواجبه وقال بضحكة : على أي أساس حكمتي !
فتون : يعني .. تهتم كثير بالجناح وترتب اغراضك وحتى أغراضي .. وتشيل حويستك وحتى حويستي من بعدي .. امممم سيارتك مره نظيفة ومرتبة .. يعني مثل هالأمور ..
فيصل : حلو .. ملاحظة بمحلها .. طيب وشهي الأولى ابعرفها ؟
فتون واهي تاخذ الكولا : لا مالها داعي .. اعتبرها ملاحظة وحده


فيصل بخاطره متمنى يعرف شالي بخاطرها ولاتبي تقوله .. بس ماحب يضغط عليها ويحسسها باهتمامه واهو توه كاذب عليها وقايل انها ماعادت بقلبه مثل أول ..

أخذ الصحن من قدامها وبإيده الثانية حط صحنه عندها ومسك نفس شوكتها وأكل ..
فتون : ترا مره حاااار !
فيصل : عادي باتحمله ولا انه ينكب .. كلي انتي هذا فلفله خفيف ..
وصار ياكل بدون مايطالعها وتركلها المجال تطالعه اهي وتفسر حركاته وتصرفاته ..

وبعد فترة رفع عينه لها فجأة وشافها واهي تطالعه وقال : بغيتي شي ؟
فتون انتبهت وماحبت تحرج نفسها ومسكت طرف كيس الكاتشب بإيدها وقالت : مو قادرة افتح الكيس مع أضافري ..
طالع فيصل بأضافرها الطويلة وابتسم وأخذ الكاتشب وفتحلها اياه وصبه على الأكل
انقهرت فتون لانها ماكانت تبي الكاتشب بس اتعذرت فيه .. والحين ورطها فيه يوم صبه كله على الأكل وطالعت الصحن واهي متنحة فيه !
فيصل : هاه شفيه بعد ؟؟
فتون : لا ولا شي .. (( وأخذت الشوكة وصارت تاكل غصب وتبلع غصب واللقمة الي ماتستطعمها تجرعها بالكولا وعلى هالحال لين خلصت .. ومسحت بالمناديل ..
فيصل كان مخلص قبلها وماسك الجوال يقلب فيه ويوم خلصت سألها وعينه على الجوال : سعود اتصل ؟؟
فتون : ايه ..
فيصل : شعنده مره ثانية !
فتون باستهبال : اشتاقلي ..
فيصل بسخرية : والله انتي وياه علاقتكم عجيبة ..
فتون : ياسلام اخوي ويبي يكلمني مره مرتين ثلاث شالعجيب ؟؟
فيصل واهو يرجع الكرسي على ورى: العجيب ان سعود العاقل الراكد الي حتى احنا الشباب نحترمه منزل مستواه لك وداق صحبة معاك
فتون بانفعال : وليه يعني انا شفيني .. ناقصة ايد ناقصة رجل !
فيصل : انتي شفيك عصبتي !
فتون بنفس الانفعال : اسمع كلامك انت ولا عشانك مو طايقني ولا أعني لك شي تحسب حتى اخوي نفسك .. لا حبيبي ترا اخوي انا اسوى عيونه ولاعمره كسر خاطري بشي ومكانتي عنده بالدنيا !
فيصل : بل بل بل .. ياعمري الله يهنيك انتي وياه ويديم عليكم انا شدخلي بعد ..
وقف واهو يقول : قومي خلصينا بس خليني اطلعلك شريحة ويصير لو يبي يكلمك الليل والنهار مو شغلي ..
فتون واهي توقف : ايه وِلاّ بعد !
فيصل : فتون خلينا بساعة رحمن !
فتون : ياسلام ومين الي بادي بالتريقة والحكي الفاضي !
فيصل بعصبية : وانتي كلش ماتتحارشين الا وعلى طول تقبين !! ماتعرفين تسكتين وتتغاظين عن اي كلمة !
فتون : لا والله ماعرف عشان كذا لاتدعسلي على طرف !
فيصل : لا بتعرفين واذا ماتعرفين بتتعلمين ان شاء الله لأن أسلوبك هذا ماراح اخليه يطول معاي .. قدامي يالله !
فتون بسخرية : قدامك ولا وراك !
طالعها فيصل بعصبية وفتون ردت على نظرته بضحكة مستهترة واهي تقول : والله يا امشي جمبك ياوراك ماخبرت الحرمة تمشي قدام الرجال !
فيصل : يعني غاوية استهبال انتي .. ؟؟ اوكي يافتون يالله خليك ورااي .. والله لو قدمتي خطوة وجيتي جمبي لا أفشلك قدام الناس كلها !
ومشى تاركها واهي طارت عيونها فيه وأخذت شنطتها بسرعه من فوق الطاولة ومشت الا تعلّق طرف الشنطة بالكرسي .. سحبتها بسرعه مانسحبت واضطرت انها ترفع الكرسي عشان تطلع حبلها .. وعيونها كل شوي تراقب فيصل الي مشى بخطوات مسرعه بدون حتى مايلتفت ..
طلعت الشنطة أخيرا وسحبتها واهي مولعة من فيصل الي راح وخلاها .. شالت الشنطة على كتفها ومشت بسرعه ومع سرعتها انحشرت رجلها بقوة بأحد الكراسي وكشرت واتأوهت بألم ! بس ماقدرت تهدّي ألمها لأن فيصل كل ماله يبتعد ..
سحبت رجلها ومشت مسرعه ومع سرعتها زاد ألم رجلها وصارت تسب وتشتم بفيصل واهي تدوره بعيونها .. والله هذا من جد مطنش ولاهو داري عني حسبي الله عليك .. شافته يهدي من سرعته واهو يطالع لافتات المحلات .. وبعدها اختار احد المحلات ودخل .. ارتاحت فتون على الأقل تقدر تهدي من سرعتها شوي .. ومشت لين وصلت لبوابة المحل ولقته محل اتصالات ..
وقفت عند الباب وانحنت تفرك رجلها وأول مالمسته آلمها .. كشرت واهي حاقدة على فيصل السبب بالي صارلها .. ظلت واقفة تستناه برا 10 دقايق وطلع معاه ظرف وكيس صغير
شافها عند الباب قال بسخرية : الحمدلله على السلامة !
فتون : لو سمحت تراني مو ناقصتك !
حس فيصل انها معصبة حدها بس مادرا شالي ولعها أكثر .. معقولة عشان طنشها ومشى تاركها وراه ! واهو طول الوقت يطالع بطرف عينه يمين يسار متوقع انها تعانده وتجي جمبه .. وماجت ومع هذا مالتفت يشوفها ..
قال : عاد انا الي ناقصك وناقص حركاتك ..امسكي هذي شريحتك حطيها بجهازك وعطي رقمك لسعود وأهلك والي تبين ..
أخذت فتون منه الظرف بدون ماتشكره ودفسته بشنطتها بقوة ..
طنشها فيصل ورجع يمشي ..

فتون بقهـر : فيصل !
وقف فيصل والتفت لها نص التفاته
فتون : لو سمحت يعني انا مو حيوانة عندك امشي وراك وانت ماشي بسرعه ولاحتى تلتفت تستناني ..
فيصل : شسويلك اذا صايرتلي سلحفاة يالله تمشين
فتون : وانت شالي معجلك ابافهم ؟؟ بعدين انا خبطت بالكرسي ورجلي مره توجعني ماقدر أسرع !
فيصل اتغير وجهه وقال باهتمام : جد ؟؟ متى هالكلام !
فتون : تو يوم مشيت وتركتيني وجيت بسرعه بالحق عليك .. مانتبهت لكرسي وخبطت فيه
اتنهد فيصل بخفة .. وقال بهدوء : سلامات .. اوكي على هونك ..
مشت فتون بخفة وانتظرها لين وصلت جمبه ومشى معها بخفة ..
حز بخاطره شكلها واهي متألمة ومحمووووقة بنفس الوقت .. ومع قهره اهو وغضبه منها ومن كلامها الي عند المطعم الا انه ماقدر مايراضيها بأي شي يريح خاطره ..

وجته من الله يوم وقفت فتون فجأة عند محل اكسسورات وقالت : لحظة شوي ..
شافها فيصل واهي تطالع المحل من برا وقال : اذا ودك تدخلينه ادخلي ..
فتون : اوكي بس بشوف اكسسوار لجوالي ..
فيصل : خذي راحتك
مشت فتون واهي انولد عندها شعور بالندم على الي سوته .. يعني اهو مطلعني وفوق هذا طولت لساني عليه ومع كذا يعاملني الحين بلطف .. يوه يعين وش ابي انا ؟؟ أبيه يرفضلي اي طلب ويصارخ علي ويتخانق معاي ..؟؟ لاااا بس انا مابي أضعف مااابي!!

((آآآآآخ يافتون أحسلك شوفي الاكسسوارات واطلعي وخلصي عمرك من هالتفكير ))

كانت قاعدة تتأمل مجموعة من الاكسسوارت وفيصل عاقد ذراعينه عند الباب يتأملها .. أحسها انسانة ميزاجية ! بنفس الساعه الي تزعل وتعصب فيها .. ممكن ترضى وتهدا فيها .. مو قلتلكم طفلة ؟؟
اختارت وحدة من الاكسسوارت وماتدري شالي خلاها تلتفت لفيصل وتأشرله فيها وتقول : حلو ؟؟
طالع فيصل بالاكسسوار ولمجرد انه بين اصابعها حسه فعلا حلو وابتسم واهو يقول : مره حلو ..
مشت فتون وحطته عند الكاشير وفيصل جا وحاسب عليه وعطاها الكيس وطلعوا ..

أكثر من محل لفت فتون .. ودخلته وفيصل على قلبه زي العسل .. خلاها تختار الي تبي وتشري الي تبي ..
مر الوقت عليهم لين قرب دخول المغرب

فتون : فيصل انت تبي شي ولا خلاص ؟
فيصل : لا والله انا قاعد عشانك ..
فتون : اوكي انا خلاص تعبت رجلي مو مساعدتني امشي ..
فيصل : اوه ! يالله اجل مشينا

ومشوا وطلعوا من المول .. وراحوا للسيارة .. حط فيصل الأكياس بالخلف وركب وركبت فتون وعلى طول طلعت جهازها القديم وحطت فيه الشريحة وصارت تقلب فيه
فيصل : شتسوين ؟
فتون : أرسل رسايل لأهلي عشان يعرفون رقمي
فيصل : ايه استخدمي الرسايل اكثر شي لأن لك بالبداية 100 رسالة مجانية
فتون باعجاب : امممممممم حلوووو ..
وكان هذا آخر كلام دار بينهم لين وصلوا الفندق ..
نزلوا ودخلوا واهم بالسيب رن جوال فيصل بس كونه شايل الأكياس ماهتم يرد ..

فتون : رد على جوالك !
فيصل : مب لازم بشوفه بعدين ..
فتون : اوكي هات انا أرد
فيصل : خلاص قلتلك بعدين مو مهم !
فتون : يمكن يكون سعود طيب !
فيصل واهو يدخل الاصنصير : للحين سعود ؟؟
فتون : ايه للحين والين بكرا بعد .. عطني الجوال بليز
فيصل : بس يافتون ادخلي خلينا نطلع وبالاصنصير نشوف منهوو
فتون : مافيه ارسال بالاصنصير ..!
فيصل بانفعال : اقول خلصيني وادخلي .. ماصار ذا كله عشان لايطلع سعود؟؟
دخلت فتون واهي تقول : ايه عشان سعود وبس سعود .. ابي اعرف شالي قاهرك منه !
فيصل : ماقهرني منه الا حركاتك هذه الي بتكرهني فيه بعد مو بس تقهرني..
فتون : يالطيييف كل ذا عشاني مهتمه فيه .. ياخي الحب من الله انا احب اخوي واموت فيه مو عشاني ماحبيتك تنقهر وتغار منه !
كشر فيصل وقال بحمق : على قد ماكنت اقول عقلك صغير الا اني ماتوقعت صغره بهالشكل !
فتون : مسكين لو عقلي بهالصغر الي تقول عنه ماكان صبرت على سواياك معاي !
وصل الاصنصير وانفتح وفيصل ولع منها واهو يقول : سواياي معاك ؟؟؟ (( وبنبرة وعيد : اطلعي ويصير خير بالجناح ..
طلعت فتون واهي تضحك باستهتار وتقول : هههههههههههههه وش الي بتسويه يعني هناك ماتقدر تسويه هنا تضربني مثلا ؟؟؟
فيصل : تتحديني يعني .. زين يافتون ! ((ومشى بخطوات مسرعة لباب الجناح وفتحه ومسكه لين دخلت وخبط الباب ..
فتون ولاكنها سوت شي : يالله شف الجوال الحين لو سمحت ..
فيصل بصراااخ : مني شايف الجوال .. ولانتي مكلمة سعود فاهمة ولا لاء
فتون : وليه يعني مالقيت تعاقبني الا بأخوي ؟؟ عشانك شايفني مهتمه فيه .. يبه لاتكون حسود بهالشكل !
فيصل بنفس العصبية : انطمي ولا كلمة يافتون لا أسكتك الحين بطريقتي !
فتون : وليه تبيني اسكت وليه العناد ذا كله عشان مكالمة .. الحمدلله جتني شريحتي وبكلم من اليوم لبكرا غصب عليك وانت موت بقهرك !

لا خلاص ! الصبر وله حدود فلاحد يلوم فيصل الي صبر وصبر لين مل الصبر منه ..!!

مشى لفتون ومسكها مع شعرها وشده وصار ينفضها بقوة من شعرها واهو يقول بعصبية تخرع : تطولين لسانك مره ثانية اقسم بالله لاتاخذين كف على فمك يافتون !!
فتون واهي مكشرة وتصرخ : وجع اتركني اترك شعري يا .....
كف على فمها خلاها تبلع سبتها غصب عنها .. وفيصل قال : تو كلامي مامر عليه ثواني وتطولين لسانك مره ثانية !! .. هالمرة جاك كف خفيف لاتخليني أعطيك كف يكسر سنونك تكسير !!
ودفها من شعرها على الأرض ومشى لشنطتها وأخذ الجوال واهو يقول : وجوال مافيه اليوم وانقلعي على غرفتك ..
فتون بصراخ : أحسن مابيييييييييييييه مابي منك شي .. أخذه وإخذ كل الأشياء الي شريتها من فلووووسك مابيهاااااا
مشى فيصل لها واهي بدل ماتسكت وتخاف صرخت : تبي تضربني اضربني لاتحسبني خايفة منك .. عفيه عليك يالعريس الي هذي سواتك مع وحده ماكملت اسبوع معاك!!
فيصل : انتي آخر وحده تتكلمين عن الاسلوب والتعامل .. شوفي تصرفاتك انتي شلون وهل تستاهلين الي سويته فيك ولا لاء ..!
ورفعها من ذراعها بقوة ومشى فيها للغرفة واهي تحاول تسحب ايدها وتصرخ : اتركني مابي ادخل الغرفة الحين مااااااابي ..
فتح الباب ودفها بالغرفة واهو يصرخ ويقول : غصب عليك بتدخليييين .. وغصب عليك بتسمعين كلامي .. ومن اليوم ورايح كل مالقيت منك عناد وطولة لسان والله ماراح تلقين مني إلا الضرب !
وطلع وخبط الباب بقوة ..
ظلت فتون بمكانها طايحة ودمها يغلي منه !! رفعت ايدها واتحسست فمها الي لسعها من كفه وهمست بعصبية : عسى ايدك الكسر ياحماااار .. وفركت رجلها الي آلمتها أكثر بعد مادفها على الأرض ..
تجمعت الدموع بعيونها وبسرعه مسحت عيونها .. والله ما أبكي بسببك وأحسسك بقوتك يامجرم .. والله لخلي أحر ماعندك أبرد ماعندي!
وقامت بصعوبة وأخذت ملابس من شنطتها وفتحت الباب وطلعت متوجهة للحمام .. الا انتبهت لنور الحمام وعرفت ان فيصل داخله !

رجعت الغرفة وقبل ماتسكر الباب سمعت رنين جوال فيصل !
اتحقرصت مكانها تبي تشوف المتصل ..!
بس اتذكرت ضرب فيصل وتهديده !
ضربت الأرض برجلها بعصبية ودخلت وسكرت الباب بقوة

(( هع هع شكله فاد الطق معها .. مبروك عليك يافيصل ))

******



في منزل أبو فيصل

تررررررررررررررن تررررررررررررررررررررن تررررررررررررررررن

تكررت دقات جرس الباب بطريقة متتالية خلت منى تطلع من غرفتها واهي منزعجة ! نزلت الدرج واهي تقول : يعني صنج انتوا ماتسمعون الجرس ..
نزلت الصالة لقت ساره ومشعل يلعبون بلايستيشن
منى واهي تمشي لتلفون الباب : ماتسمع الجرس انت وياها من أول وهو يدق !
مشعل : الا بس لو قمت باخسر المرحلة !
منى : انطم بس انت واعذارك ..
مشعل : وبعدين مين بيكون يعني خالتي نورة ماغيرها
فتحت منى الباب ورجعت للصالة واهي تقول بعصبية : وخالتك نورة مالها قدر عندك يالسخيف ! قم صك البلايستيشن وفارق من هنا مانبي ازعااااج ..
مشعل : لا والله وين واروح .. كم مره قلتلكم حطولي بلايستيشن بغرفتي وافتكوا مني مارضيتوا خلاص والله مو صاكة
منى : بتصكه غصب عليك يكفي من صباح ربي وانت قاعد عليه ..

انفتح الباب الداخلي ودخلت أم سعود واهي تقول : السلام عليكم
منى : هلا خالتي عليكم السلام
أم سعود : وينكم ياكافي كسرت الباب محد يفتح !
منى : والله انا كنت بغرفتي وهالصنج ذولا قاعدين يلعبون وماسمعوه معليه ياعمري ..
وسلمت على خالتها وقعدت بالصالة ..

منى : ساره قومي افصلي الفيش..
نطت ساره بحماس واهي الي ماصدقت تخرب على مشعل الي دايم يغشها ويفوز عليها .. وفصلت الفيش وعصب مشعل وقال : والله مالي دخل تحطوووون تلفزيون بغرفتي يعني تحطوووون .. مب كل مالعبت تفصلونه علي عشان ماتبون ازعاج ..
أم سعود : بس يامشعل عيب تصارخ على اختك
منى : مالت عليه هذا الي مايعرف العيب حتى خالته مايسلم عليها
مشعل : امس كانت عندنا وقبل امس بعد وكل يوم اسلم عليها يكفي ..
أم سعود تعانده : وبكرا بعد بجيكم وبعد بكرا وكل يوم بتسلم علي شعندك ؟؟
مشت ساره بنعومة لخالتها وسلمت عليها وضمتها أم سعود بقوة واهي تقول : هذي عمري هذي وبس عساني مانحرم منها .. باستها وقالت : سوسو تجين تعيشين عندي انا ماصار عندي بنات .. فتون بامريكا وعبير بفرنسا !
ساره : هههههههه اش أثـوي لحالي !
ام سعود : العب انا وياك بلايستيشن حق خالد .. ونقعد نكلم عبير وفتون بالكامبيوتر واطلع انا وياك السوق انتي تعالي بس وتشوفين شلون تنبسطين

" اقول اتركي بنتي بس بحالها "
التفتت أم سعود لقت حنان تنزل الدرج وعلى وجهها أحلى ابتسامة
ضحكت ام سعود وهي تقول : والله لو انها بنتك صدق ماحرصتي عليها هالكثر..
حنان : بلاك ماتدرين بالي بقلبي .. ((ومشت لساره وحضنتها وباستها .. وبعدها سلمت على اختها ام سعود وقعدوا سوى يسولفون ..
بعد نص ساعه دخلت أم فيصل اهي ومرام الي كانوا بالسوبرماركت .. ومافاجأهم وجود ام سعود لأنها من سافروا بناتها واهي كل يوم تجي لاختها تمضي يومها عندها بدل ماتكتئب لحالها بالبيت ..
سلموا عليها وفصخوا عباياتهم وقعدوا ..
أم فيصل : وين القهوة والشاهي يامنى عيب عليكم تاركين خالتكم بدون شي..
منى واهي تقلب بالريموت : تكفين يمه عاد خالتي الحين بنستحي منها !
ام فيصل : مب عن تستحون الا هذا شي طبيعي حتى احنا اذا قعدنا لابد من القهوة توسطنا شجاك انتي يوم قرب عرسك ..
منى : ههههههههههههههههههههههههه هههههههههه عرسي
مرام ضحكت على اختها : ايه عرسك شفيك ؟
منى : اقول اسكتي انتي بس على بالك مستوعبة انك بتعرسين الحين
مرام : ههههههههههه والله الي خلى عبير وفتوووووووون يعرسون يخلينا نعرس

ام سعود : ااااه بس ياشوقي لهالعبير وفتون ..
أم فيصل : هذي الدنيا ياوخيتي وبكرا اجي اشكيلك انا من فراق بناتي وعلى هالحال
ام سعود : والله البيت خالي بدونهم ياناس عندي أربع مابقالي الا واحد !!

مرام واهي تهز راسها بإنكار : وليه يعني ماملى عينك هالوااااحد ؟؟؟؟
حنان : اتكلمت المحامية ام السعف والليف .. أأأ أقصد أم الشعِر والريف ..
ضحكوا على تعليق حنان ومو غريبة عليها هالرميات المضحكة بالفترة الأخيرة..

مرام : اي بعد اذا ماحاميت عنه مين بيحامي .. مو عشاننا متقاطعين باسمحلكم تحقرونه والله باقعدلكم بالمرصاد ..
طبعا الكل عارف انهم متقاطعين ولو انهم ماعرفوا الأسباب بوضوح .. وكيف مايعرفون وخالد ومرام كانوا راجين الكل بمكالماتهم وطلعاتهم ولقائاتهم ..

أم سعود : زين كانه يهمك ياست الحسن والدلال ارحميه شوي وسوي الي يبي ..
مرام واهي تحط رجل على رجل مصطنعة عدم الاهتمام : وش يبي بعد ؟؟
أم سعود : أبد مايبي غير انكم تقدمون العرس .. ويصير بدل ماهو عقب سنتين يصير عقب شهرين !
سكتت مرام مع ان الكل اتوقعها تنصدم وتنفعل وترفض ..
أم فيصل بجدية : هالكلام جد يانورة ؟؟
ام سعود : اي والله وانا واختك .. خالد ماعاد فيه مخ صاحي كل يوم والثاني واهو ناشب بحلقي الا ويبيني افتح معاكم الموضوع وأقنعكم بتقديم العرس .. ويقول ان كل ماطالت المدة كل ما كثر الخناق بينه وبين مرام وبعدين اهو خلاص ماعاد فيه صبر ..
ام فيصل التفتت لمرام وقالت : غريبة ساكته .. سمعينا ردك !
مرام باقتضاب : صح كلامه ..
أم فيصل : يعني ماعندك مانع يصير الزواج بعد شهرين ؟؟
مرام بنفس الاسلوب : لااا ..
ام فيصل تبي تتأكد من رايها وقالت : مو تقولين بعدين ليه بدري وما أمداني أخلص وحكي زايد ناقص .. أكيد يامرام ؟؟ ..
مرام : ايه ..

منى بانفعال : هـــي انتي اهرجي زي الناس شفيك ماعندك غير .. لاء .. ايه .. اصبروا شكلها مفهية هذي .. زين حتى لو بعد اسبوعين اوكي برضو ؟؟؟
مرام : ياشيخة انقلعي ..
منى : اندري عنك قلت بشوف بوعيك انتي ولا لاء ..
مرام : الا بوعيي وموافقة .. ولا لازم أنخبل وأنهبل وأقوم أرقص بعد ؟؟
منى : ايه لازم لأن هذه مرام الي تعودنا عليها ماتعودناك بهالثقل ..

مرام بقهر : يمه شوفيهـــــــا !
أم فيصل : ماعليك منها ذي مستخفة اليوم .. خلاص اجل انا ماعندي مانع يام سعود وبشاور ابو فيصل وأردلك بكرا ان شاء الله ..
ام سعود : على خير ان شاء الله
وجابتلهم الخدامة القهوة والشاهي وحلت السوالف .. ويازينها من قعدة .. (( اتخيلت امي وخالاتي .. الله لايحرمني منهم ))

بعد ساعه دق جوال منى يوم طالعت لقت صديقتها لينا المتصلة ..
منى بضحكة : هلا بأخت زوجي المصون ..
لينا : الحين مين المصون انا ولا زوجك ؟؟
منى : لا انتي ولا أهو .. انا
لينا : يالله لك الحمد .. شلونك يادوووبا
منى : اسكتي امانة ترا هالكة عمري بالريجيم ؟؟
لينا : والله انك خبلة ماتصدقين ان جسمك زين ومايحتاج !
منى : اي بس عندي زوايد مالها داعي ..
لينا بضحكة : خليها ترا أذكر أنس كان يقول أحب البنت الي لامسكتها امسك لحم مب عضام توجع !
منى حمر وجهها وقالت : مالت عليك انتي واخوك يبه بكيفي انا بانحف عشاني انا مب عشانه اهو ..
لينا : ايه طيييييب وخليه يجي ويقولك شهالنحف ييييييع عليك .. وبنشوف وشلون تتحطيمن وقتها ..
منى : لاياعمري مشاعري ماتتحطم بهالسهولة
لينا : تكفين يام المشاعر المهم اسمعي
منى : همممم ؟
لينا : تعالولي اليوم طفشانة وعندي فلم هندي جديد امشوا خلونا نتفرج عليه سوى
منى : انا ماعندي شي بس مادري عن البنات
لينا : اسأليهم وشوفي ..
منى : اوكي لحظة ..

أبعدت الجوال وقالت : بناااات هذي لينا تقول تبينا نجيها اليوم شعندكم ؟؟
حنان : انا باطلع مع صالح والله ..
منى : يووووه انتي ماعاد صرتي فاضية لنا أبد ..طيب بتطولون ؟؟
حنان : اممممم يعني ساعه ..
منى : حلوو طيب احنا ماظن نطلع قبل ساعه ..
حنان : بشووف اجل ان أمداني رحت معاكم ..
منى : وانتي يامرام عـاد الله يرحم ايام خالد ..
حاست مرام فمها وقالت : ايه ارتاحي ماعندي شي ..
منى : يعني تجين معاي ؟

هزت مرام راسها بالموافقة واهي ماتدري ليه مالها نفس تتكلم وتتفاعل بشي ..
ماتنكر انها حاسة بفراغ كبيـــــر من بعد خالد .. واهو الي كان مشغل يومها كله بمكالماتهم ورسايلهم واجتماعتهم ..
بس مايندرى وين الخير .. هذا هو اتقدم موعد زواجهم تقدم كبيــــــــر ماتوقعوه ولاحسبوله أي حساب .. وياكبر فرحتك ياخالد !

بعد صلاة المغرب اتجهزوا البنات ولبسوا ليروحون للينا ..
طلعت مرام الحوش قبل منى ودقت على حنان ..
بعد شوي ردت حنان : هلا والله
مرام : هلا خالتي وينك ؟؟
حنان : بالبحر مع صالح ..
مرام : ادري بس قصدي مطولة ؟؟
حنان : يعني شوي ليه في شي ؟؟
مرام : مو عشان بنعرف بتجين معانا عند لينا ولا لاء !
حنان : اه لا ماظن يمديني ارجع قبل ماتروحون .. خلاص انتوا روحوا وانا بخلي صالح يوصلني عليكم ..
مرام : اووكي يالله باي ..
حنان : باي
وسكرت الجوال وحطته على الطاولة الا أخذه صالح ودخله جيبه
حنان بضحكة : شفيك على جوالي؟
صالح : أشغلنا وانا كلها فترة بسيطة الي اقعد معاك .. قبل شوي ساره والحين مرام لا ياعمري اتعودي اذا صرتي معاي تنسين الكل وماتشوفين غيري ..
حنان : ههههههههههههههههههه يعني الدعوة غصب !
صالح الي اتونس على ضحكتها وقال : ايه أنا كل شي عندي غصب .. تحبيني غصب وتموتين فيني غصب وماتشوفين غيري بالدنيا غصب
حنان : ههههههههههههههههههههههههه مالت عليك اجل ..
صالح باستهبال : الحين هذا رد على كلام الحب !؟
حنان : ههههههههههههههههههههه انت اسمع كلامك الحين شلون بعدين اتكلم عن الرد ..
صالح ضحك وقال : ههههههههههههه والله ماعرف اجمع كلام ياحنان ..بس افهميها عاد انتي انا أحبببببببك وصدق أنقهر اذا انشغلتي عني وانتي معااي ..
حنان : ماعاش من يقهرك حبيبي وهذا جوالي وعندك خله معاك لين توصلني هاه شتبي بعد ..؟
صالح : ياويل حاااااالي أنا .. اقول تراني مانعطى وجه بقول الحين أبي زواجنا الاسبوع الجاي ..
حنان : هههههه ياعمري صدقني ما أكره .. بس الظروف مو بكيفنا ..
صالح : الله ياحياتي يسهلها ويعديها ويجمعني فيك بأقرب وقت..

وعلى هالحال كانت جمعات صالح وحنان مثل زخات المطر الباردة بعز الصيف ..
تغمر قلوبهم بالسعادة والحب ..
بعد دوامات الشجون الي عاصورها ..
وكان الصبر مفتاح الفرج

::

في منزل أبو أنس
كانوا منى ومرام ولينا متسلكحين قدام التلفزيون وكل وحده معها شبس ويضحكون ويعلقون على أشكال الأبطال ولبسهم متجاهلين الفلم وقصته !

لينا : مرام شقالت خالتك ؟؟
مرام : قالت بتخلي صالح يوصلها علينا
منى : الحين هذي الي تقول ساعه والله ماعندها سالفة ..
مرام : مهي اول مره تقولنا ساعه وبالآخر توهقنا ولاترجع الا بعد ماتشبع ..
منى : خليها ياعمري احنا ماصدقنا تاخذ عليه وتشيل شوي من الكلافة بينهم .. مسكين تعب معها لين بدت تفك شوي من الحيا وتطلع معاه ..
مرام : اي والله الله يسعدهم من جد غيّر حنان وأثر عليها كثييير ياحبيله ..
منى : ايه هذا الي يحب صدق مالت على حظوظنا ..

لينا : خير ان شاء الله مب عاجبك أخوي ولا مب عاجبك !
منى : أقول أص بس انا شفته زين ولا قعدت معه عشان يعجبني ولا مايعجبني ..
لينا : ومو بايده عاد لاتلومينه ..
منى بتنهيدة : مالومه انا ألوم حظي ..

مرام : هههههههههههه ياحليل أختي تنهيدات وحركات طلعلها قلب !
رن جوال منى برنة مسج .. طلعت جوالها من شنطتها وإهي تقول : أجل شتحسبين ؟ محد له قلب ويحس غيرك ..
فتحت منى المسج وانصبغ وجهها بأنواع الألوان واهي تقرا :

إذا عني غابت عيونك ..
وجاك الوقت يشكي لك ..
وشفتي الدمع في عيني
تذكري كثر شوقي لك
تذكري لهفة الخاطر .. تخيلي اذا مر اسمك العاطر
تتسابق لك شراييني
تضمك حيييييل في دمي
ياأول من مسح همي
وأجمل شخص بالدنيا
يمر اسمه على فمي !

جتها هالكلمات من أنس بوقتها .. كنها ترد على كلامها وشعورها الي قبل شوي .. قالت ووجهها مولع : بعد عمررررري ياناس الي توني ظالمته ..
لينا بضحكة : منهوو أنس !
منى : ايه بسرعه تكفين ارسليلي من عندك مسج حلوو ..
لينا : من وينلي ياحسرة لا لي حبيب أرسله ولا استقبل منه .. بس عندي نكت تبين ؟؟
منى : ههههههههههههههه اتخيلي ارد عليه بنكته بجد يكرهني ويكره عمره ..(( والتفتت على مرام الي تاكل بالشبس وتطالع الفلم وقالت : وانتي مراموووه عاد أكيد عندك ..
مرام وعيونها على التلفزيون : خذي جوالي دوري ..
منى : رسايل خالد لسه عندك ؟؟
مرام واهي تخزها بنظرة قويه : شقصدك يعني ؟؟؟
منى ببرائة : ماقصدت شي والله بس أسأل عندك ولا مسحتيها !
مرام بتكشيرة : احلفي بس .. (( وبقهر : مادري شتحسبوني انتوا امسح رساااايله ومابييييه وأسمحلكم تتريقون علييييه ..!! ياماما انتي ناسية منهو خالد بالنسبة لي يعني ؟؟
منى : لامانسيت بس قلت يمكن زعلكم خلاااك ...
مرام قاطعتها بحمق : لاتقولين ولاتحسبين الله يسعدك .. روحي بس للحافظات تلقين حافظه باسمه فيها كل رسايله ..
اتعجبت منى من انفعال اختها الغريب ! بس مافكرت واهي تبي مسج بأسرع وقت ترسله لأنس ..
أخذت جوال مرام وراحت لمكان ماقالتلها وفتحت الرسايل وبدت تقرا بسرعه وتدور شي مناسب .. وشوي الا قالت : ياويلي مرام شهالكلام الي يجنن ! لا والله ماقدر ارسله كذا .. كلام يهوس صراحه بس مره استحي ارسله ..
مرام : كيفك ترا كل رسايله من هالنوع ..

منى : زين لو أرسلك شتردين !
مرام : ما ارد أصلا ..
منى : جد ؟ ليه ؟؟
اتنهدت مرام من ذكرياتها الماضية الي توجع قلبها وقالت : تقدرين تقولين تغلي أو دلع ..ومع كذا مايوقف .. يقعد يرسل باليوم أقل شي 10 مسجات ..
لينا : ومايسألك ليه ماتردين ولا يزعل منك ..؟؟
مرام : زعل لاماكان يزعل بس كان يعاتبني لانه يدري اني أتغلى عليه ..
لينا : ياحلوُوُوُه ومع ذلك ييستمر يرسلك شكله مررررره يحبك ..

ابتسمت مرام وماعلقت وحست بغصة بقلبها وذكرياتها مع خالد ثارت بداخلها .. وشوي الا تجمعت الدموع بعيونها بلا شعور منها ..!

منى : اييييييييوا أخيرا لقيت شي مناسب .. (( ورفعت عينها للينا وشافتها تأشرلها بعيونها على مرام .. التفتت منى لمرام وشافتها واهي مدمعة واستغربت وعقدت حواجبها .. !
سكتوا اثنينهم ولاعلقوا لأنهم يدرون بشالي تذكرته مرام وأثر فيها هالوقت ..
أخذت منى جوالها وأرسلت لأنس الرسالة الي عجبتها :

في نظرتي شووووق لو تقرا حروفه
تعرف انك بالحشا همي الوحيد
وفي عيوني خوف ماودي تشوفه !!
خوفي من الوقت ياخذك مني بعيد..
لو سألت القلب وش يخفي بجوفه ؟؟
جاوبتك " الآاااااه " حبي لك يزيد

ولُكم ان تتصوروووا كيف قلبت الرسالة كيان أنس !

بعد نص ساعه وصلت حنان ودخلت ومعها آيسكريم من باسكن روبنز ..

لينا : هلا وغلا شجااااااااايبة انتي الله يهديك ..
سلمت عليها حنان وقالت : ماجبت شي بس لاتفشليني حقكم أكثر ..
أخذت لينا الآيسكريم ووزعت على البنات .. وحنان فصخت عبايتها وقعدت واهي تقول : شهالفلم ؟؟
منى واهي تضحك : والله من بدا للحين ماستوعبنا شي ..
مرام بحمق : لانكم ماهجدتوا ولادقيقة .. مشغلينه على الفاضي
حنان بحنية : والحلو شفيه معصب ؟
منى : مادري شفيها هذي اليوم ..
حنان الي حاسة فيها ابتسمتلها بحنية .. وماقدرت مرام الا تبادلها ابتسامتها الي شرحت صدرها ..
رن جوال حنان هاللحظة بمسج ومنى نطت على جهازها
لينا : هههههههه مب جهازك ياخبلة على بالك أخوي مخفة بيرسلك كل شوي ..
منى بخيبة أمل : يوووه ياحنان غيري رنتك انتي مسجاتك كاثرة هاليومين وكل شوي أحسبه جوالي..
حنان ماردت ويمكن حتى ماسمعت واهي مركزة كل حواسها مع المسج الي من صالح .. والي عادت تقراه مره ثانية :

أبسالك ؟
لو قلت لك ان الحنان اللي بقلبك .. يخلي النسمه عطر ....
وان العذاب الللي بعيونك .. يعلم الناس الشعر...
ولو قلت لك احبـــك .. كثر هموم البشر ....
وكثر السهر ...
ولو قلت لك انك اقرب من عيوني للنظر ...
وش يكون ردك ؟؟؟؟

ابتسمت حنان بكل حب .. واحتارت شوي بالرد وبعدها أرسلت :

عمري ما فكرت فيك ..
!!

وما خطر في البال حبك ..

!!




















لأن قلبي قال أبيــــك ..

وقالت عيوني " أحبك "

وابتسمت واهي تتخيل شعوره بهالرد ..

مرام فجأة : أقول انتوا مطولين ..؟؟
لينا : ايه خليهم شفيك ؟؟
مرام : أبد والله بس نعست وابي ارجع ..
منى : يالله بعد حنا اتأخرنا وأمي بتعصب ماتحب هالطلعات المفاجئة..
لينا : يالله عاد لاتقطعون ابي المره الجاية نتعشى سوى ..
منى : ان شاء الله ..

وقاموا لبسوا عباياتهم وطلعوا
وطول الطريق استمرت الرسايل بين صالح وحنان ..
ومنى جاها نصيبها يوم رجع أنس أرسلها .. وأسعفتها حنان هالمره بالرد ..
ومرام كانت طول الوقت ساندة راسها على الشباك بلا تعليق ..

وصلوا البيت ونزلوا وكل وحده اتوجهت لغرفتها ..
مرام بدلت ملابسها ولبست بيجامتها والنوم كابس على جفونها ..
طفت النور وفتحت الأبجورة الي جمب سريها واتمددت على فراشها واتغطت ..
مدت ايدها للجوال تبي توقت المنبه ..
الا فاجأها برنينه ..!!

قرصها قلبها ماتدري ليه حست ان هالرسالة من خالد ..!!
يمكن الصدف بتخلي لها نصيب من الرسايل بهاليوم !!
ولا يمكن كثر تفكيرها فيه خلاها تشك ان هالرسالة منه .. !

ماطالت حيرتها يوم فتحت الرسالة وظهر اسم خالد مثل ماتوقعت برسالة خفقلها قلبها بقوة :

وصلني خبر رضاك
ياأجمل حلم وملاك
أموووووت وأحيا بهوااااك
و
ذبحتي قلبي بفرقااااااااك
!!

عادتها ماترد على رساليه الا فيما ندر ..
بس هالمره مع مشاعرها الثايرة هاليوم .. عجزت تمنع نفسها من الرد .. وردت واهي مغمضة عينها بلا تفكير وبلا تردد :

من حكى لك إني لو ساعه نسيتك في غيابي ..
لاتصدق ياعذابي !
لو زعلنا من بعضنا وكنت قاسي بعتابي .. ومن عنادي قلت انك شخص عادي !!
قول كذاااااابه .. ماتقوين بعاادي
أرسلتها واهي تبتسم برضى وظلت ماسكة جوالها لأنها متأكدة انه بيرد
وفعلا مامرت ثواني الا ورد برد ماتوقعته بس فجر بداخلها أنوع الأحاسيس ..رد عليها خالد بـ :

" أحببببببببببببـك "

وانختم يوم كان منهك لقلوب الاثنين .. بهالكلمـة ..

*****

}{}امريكـــا {}{

* يالله صباح الخير *

صحت فتون واهي الي مانامت أصلا من القهر والحمق الحاشي بداخلها ..
نزلت من السرير ويوم جت توقف آلمتها رجلها وخلتها تقعد غصب عنها ..
رفعت رجلها على السرير وكشفت بنطلون بيجامتها وشافت الزراق واضح عند كاحلها .. اتأففت بضيق الحين شلون تعالجه واهي الي لو تموت ماتبي تطلب شي من فيصل ! اتذكرت قبل يوم هي ببيت أهلها لاتعورت من عداد التعويرات الي كانت دوووم تصيبها اهي وشقاوتها .. كانت أمها تحطلها مكان التعويرة .. ثلج .. !
وقفت بصعوبة ومشت واهي تعرج للباب .. خطر على بالها يكون مقفل بس لقته مفتوح !
طلعت ومشت للصالة لقتها مظلمة وبطرف عينها شافت فيصل نايم .. اتجاوزته للمطبخ وفتحت نوره .. ومشت للفريزر وفتحته ولقت علبة بالركن مليانة قوالب ثلج .. أخذتلها وحده وصكت الفريزر ومشت ورجعت للغرفة تاركة نور المطبخ مفتوح !
صحى فيصل واهو الي صحى من يوم مافتحت باب غرفتها .. ماستغرب منها اهمالها للنور حتى واهو نايم ماراعته .. لاحظ عرجتها وشافها واهي تاخذ ثلج من الفريزر وماحزّر كثير الا اتوقع انه لرجلها الي شكت منها البارح ..

قام وطالع الساعه لقاها 7 الصباح !

اليوم بيطلعون من الفندق ويستقرون بشقتهم الصغيرة الي بيكملون فيها الشهرين الجاية ..
وبكرا بيكون أول يوم له بالشغل .. وكل هذا ماتدري عنه فتون !
قام ماشي للحمام واهو يفكر بكيف يوصلها خبر طلعتهم وبأي أسلوب يكلمها بعد الطق الي طقها فيه البارح ..
ماينكر شلون ضاااااق صدره طول الليل على ضربه لها .. اتمنى ايده لو اتيبست مكانها ولا انه مدها عليها ! .. بس اهي الي نرفزته بطولة لسانها وعنادها وإصرارها على الشي الي تبيه أول مايخطر على بالها بدون تفكير لا بالوقت ولا المكان المناسب !
طلعته من طوره وخلته يتصرف بأسلوب حاول كثييييييير يأجله معها ولايستخدمه فعلا بأول أسبوع لزواجهم !

دخل الحمام وغسل واتوضا وطلع وصلى ..وقرر يتصرف بطبيعته متجاهل أي شي صار البارح لأنه ضروري يكلمها .. ولو بيقعد على كل شي يصير بينهم معناه طول وقتهم بيكونون متقاطعين !
دق الباب كم دقة .. وفتحه بشويس ودخل ..
لقى فتون قاعدة السرير ولامة ركبها تحت دقنها وماسكة ثلجة بإيدها وتفرك فيها كاحلها ..
فيصل : السلام ..
فتون بهمس يالله ينسمع : عليكم السلام ..
فيصل : فتون ترا بنطلع اليوم من الفندق قبل الظهر .. عبي عفشك كله وانتبهي تنسين شي ..
دار بخفة واهو يترقب ردها بس ماسمعها تهمس بشي .. مشى بخفة وصك الباب وراه ..
مشى لأغراضه بالصاله وقعد يرتب فيهم ويضبطهم ..
بعد شوي سمع صوت الباب وحس بحركة وراه لقى فتون طالعة وتمشي بنفس العرج .. دخلت الحمام وسكرت الباب ..
مايدري ليه ضاق صدره لصمتها !! أمس كان مولع من طولة لسانها والحين يتمنى يسمع منها همسة !
طوّل بالك يافيصل يمكن هذا الهدوء الي يسبق العاصفة!!
ضحك بسخرية ياطيب قلبي أنا ولا هذي تعرف تهدا وتسكت ؟؟

شوي وطلعت فتون من الحمام مبدلة ملابسها .. كانت لابسة بانطلون أبيض لنصف الساق .. وبلوزة زهري مخصرة على جسمها وبإيدها بكلتها تلعب فيها واهي تمشي ..
أخذ فيصل نفس عميق ونزل عينه لأغراضه ..

فتون ببرود : فيصل ممكن جوالي ؟؟
التفت شافها واقفة بميلان وتطالعه بكل برود ..
فيصل : عبي أغراضك الحين ويصير خير ..
فتون : بس أنا خاطري أكلم أمي .. الحين !!
ضيق فيصل عيونه فيها بنظرة قرصتلها قلبها بس مازحزحتها من مكانها ..
وقال : خذيه يافتون وكلمي أمك وكلمي الي تبين .. بس لو سمحتي لايجي الظهر الا وعفشك كله جاهز ..
فتون بهمس : أوكي ..
ومشت للطاولة واهي شافت جوالها عليها من قبل .. أخذته وراحت لغرفتها .. سكرت الباب وغطست بالي مايدري فيصل شالي غاطسة فيه !
صراع بداخله هل الي سواه صح ولا خطأ .. ؟؟
بس عاد خلاص أنا ضربتها أمس وأخذت الجوال منها وحرمتها من مكالمة سعود ..!!
كافي عليها بعد أحرمها من جوالها اليوم مايصير !
عندك انت يافيصل مايصير لأن قلبك مايطاوعك تقسى أكثر ..
بس هل بيفيد مع فتون تساهلك هذا ؟؟

بعد ثلاث ساعات من دخول فتون الغرفة وفيصل محتار بشالي تسويه طول هالوقت ..
دق الباب عليها ويوم دخل لقاها ماسكة الجوال ترسل وعفشها زي ماهو ماتحرك !
فيصل : فتون ماعبيتي عفشك ؟؟؟؟؟
فتون : يالله الحين ..
فيصل : باقي ساعه ونطلع متى بيمديك ؟؟
فتون ببرود : يمديني بربع ساعه
فيصل واهو رافع حاجب : يالله خليني أشوف .. اتركي الجوال عنك الحين واتحركي بالله ..
فتون ماردت واهو طلع تارك الباب مفتوح عشان يراقبها كل شوي ..
وفازت فتون بالتحدي يوم قفلت كل أغراضها بربع ساعه ويمكن أقل !
دخل فيصل بدون تعليق وشال شنطتها وأغراضها وطلعهم برا الجناح .. وطبعا مسؤوليته اهو كانت تفقد الجناح كله والحمامات وفرش الأسنان والمعجوون وأغراضهم الي مثل هذي
لأن فتون آخر شي ممكن يخطر على بالها اهي هالأمووور ..

طلعوا من الجناح ومشوا للاصنصير وفيصل مافته العرج الواضح بفتون .. وكان أول شي سووه يوم ركبوا السيارة ومشوا .. انه وقف على صيديلية ونزل وشرالها مرهم معروف للكدمات ..
رجع السيارة وعطاها المرهم واهو يقول : ادهني رجلك منه بترتاحين
أخذته فتون بصمت وماعلقت ..
كانت طول الوقت من صحت واهي تصااااارع نفسها لاتنطق وتتكلم .. خليه يموت بحرته والله مايسمعلي حس دام مب عاجبه كلامي لا ويضربني عليه !!

وصلوا الشقة
ونزلوا منها وشالوا أغراضهم وكانت شقتهم بالطابق الأرضي .. حلوة وصغيرة وعلى قدهم .. ومأثثة بأثاث بسيط وحلوو ..
وكانت نفس الجناح مافيها الا غرفة وحدة وصالة أكبر من صالة الجناح ومطبخ أوسع وحتى الحمام أكبر ..
حط فيصل الأغراض كلها وقال واهو واقف عند الباب : فتون بروح أشري بعض الأغراض انتبهي للتلفون اذا أحد طلبني قوليله بيجي بعد ساعه .. اتوقع يتصل أحد من الشركة لأني بابدا الدوام بكرا ..
ومشى بهدوء وطلع وماسمع منها أي رد وأي تعليق ..
صك الباب وراح وفتون فزت من مكانها للشباك تتأمل المنطقة .. بصراحة المنظر الي تطل منه الشقة أحلى بكثير من الجناااح .. اتونست عليه فتون واهي تراقب الشارع والناس الرايحة والجاية .. لفتتها المحلات الي على شارعهم .. سوبرماركت صغير .. وكوفي .. ومحل طوابع .. ومحلات ثانية صغيرة حركت الحماس والفضول بداخلها انها تروحلها ..

مرت ساعه قضتها مابين تتفرج على التلفزيون والشباك .. تبعتها ساعه ثانية وهنا بدت تمل فتون وهذا يعني بداية الخطر !!
رجعت تطالع بالشباك وتطالع المحلات
طالعت بساعتها لقت باقي على المغرب ساعتين .. وبطنها قارصها من الجوع واهي ما اكلت شي من الصبح ويوم عرض عليها فيصل الفطور رفضت ..
اتحمست لفكرة النزول وبسرعه بدلت ملابسها بملابس أطول وأحشم ..
ونزلت واهي تدعي من قلبها ماتواجه فيصل بطريقها .. واتحققت رغبتها يوم طلعت الشارع ومشت للمحلات بدون ماتواجهه ..
دخلت محل الكوفي وطلبتلها كوفي ودونت ..
شرتهم بالدولارات الي أعطاها اياها أبوها قبل ماتسافر ..
طلعت تمشي بالشارع تاكل وتشرب واهي مبتسمه ومبسوووطة ..
وبعد ما أنهت الي بايدها رمتهم بأقرب زبالة صادفتها .. وطلعت من جيبها لبانتها وإدمانها الي يرافقها بكل مكان وحطتها بمفها وصارت تعلك واهي مبسوطة وماكن وراها ولااااشي !!

دخلت المحل الي بعده واتفرجت على الطوابع وماعجبها شي وطلعت..
وراحت المحل الي بعده والي بعده ..
لين حست الشمس بدت تغيب !
وأخيرا فكرت ترجع .. وبهاللحظة بس فكرت كيف بتدخل واهي ماعندها مفتاح ؟؟؟

بدري يافتون تعبتي عمرك بهالتفكير !!

مشت راجعة للعمارة وانتبهت لنور الشقة من الشباك انه مولع
ضحكت بداخلها ها ها ها شكل فيصل رجع !
وقفت عند باب العمارة لحظات الا شافت شخص طالع منها وبسرعه مسكت الباب واهي تبتسم بثقة ..
طلع الشخص ودخلت وراه .. وبكل برود مشت للشقة .. وببرود مشابه ..دقت الجرس !!

ما أمداها تبعد ايدها الا انفتح الباب وظهر فيصل وآآآخ ياعيونه الي يتطاير منها الشرار!!
دخلت فتون واهي تعلك لبانها ماكنها سوت شي !
سكر فيصل الباب وقال بانفعال ماقدر يكبته : انتي شلون تطلعين من البيت بدون ماتقوليلي ؟؟..
فتون ماردت وفصخت حجابها وعلقته .. وقعدت على الكنب وانحنت تفصخ صندلها ..
فيصل بصراخ : أكلمك أنا يامال الصنج ان شاء الله ...
وقفت فتون وحطت ايدها على خصرها وقالت : شتبي ؟
فيصل بعصبية : أبي تفسير للي سويتيه تو !!! شلون تتجرأين وتطلعين لحالك وبدون شوري انتي شلون فكرتي ؟؟؟؟
فتون طالعت فيه ببرود وماردت وصارت تعلك لبانتها ورفعت ضغطه بصمتها !
فيصل ولع منها وقرب واهو يقول : بتتكلمين الحين ولا والله لأنتفك بإيدي يافتون !
فتون لا تعليق ..
فيصل : طلعي هاللبان من فمك انتي وهالاستهتار الي راكبك من راسك لرجولك .. مو أحاكيك وأكلمك وانتي ماعندك غير العلك (( وبصراخ : طلعييييييييييييه !!
فتون : حتى علكي تناشبني فيه لا مو مطلعته !
فيصل : بتطلعينه غصب عليك .. ولا ترا أنا بطلعه بطريقتي
فتون : يالله طلعه بطريقتك !
مشى فيصل منها ومسك خدها وقرصها بقوووووة ودخل اصباع ايده الثانية بفمها والعجيب انها فتحت فمها باستسلام ..
بس من يوم مادخل فيصل اصباعه وشال اللبانة عضـــت فتوون بأسنانها على اصبااعه !
فيصل تألم وصرخ : فكي اصباعي يامتوحشة ..
فتحت فتون فمها وطلع فيصل اصباعه وعطاها كف على وجهها !! ودفها من كتفها واهو يقول بعصبية : مادري متى بتعقلين انتي .. لا الطيب يفيد معاك ولا الخصام يفيد معاك ولاحتى الضرب !! انتي ايش أبي أفهم حجر مايحس ؟؟؟؟


فتون واهي تفرك خدها بألم وتقول : والله صارخت ورديت عليك ماعجبتك .. سكت وانطميت وماصرت أرد عليك هم بعد ماعجبتك !! شفت انك انت شخص تعجيزي وطلباتك مستحيلة !!
ومشت رايحة عنه للغرفة وخبطت وراها الباب بقوة ..
لحقها فيصل وفتح الباب بقوة ومشى ناحيتها وفتون حسبته بيضربها وقالت : شتبي ترا توك ظاربني !!
فيصل : هاتي جوالك وهاتي الفلوس الي معاك ..
انصدمت فتون وقالت : شهالاسلوب بعد !
فيصل : انطمي ولا كلمة .. خسارة تربية أهلك فيك !
وأخذ جوالها ومحفظتها .. وطلع وقفل عليها الباب !!
دارت فتون بالغرفة واهي مولعة منه !! ليه ما اقدر أمنعه يعني ؟؟ مين يحسب نفسه يضربني ويحرمني ويحبسني ويعاقبني مثل ما يبي !! لا والله مو بكيفه وأصلا انا ماسويت ذاك الغلط الي أستاهل فيه كل هذا ..
رمت نفسها على الأرض وصارت تقطم أضافرها بأسنانها .. وصراع بداخلها ياما غلطت عمرها وياما عذرتها ..
لمت ركبها وسندت وجهها عليهم ولاشعوريا سالت دموعها .. ولاحاولت انها تكبتها ويمكن حاولت وماقدرت .. سالت دموعها أكثر وماتدري شالي بكاها بالضبط .. ؟؟ الي تعرفه انها مو قادرة تمنع نفسها من هالدمووع الي تسيل بلا شعور .. !

ممكن تفسرون إهي ليه تبكي الحين .. ؟؟؟

وزي ما عدت الأيام الي قبل .. عدا هاليوم ..
شهــــــــر كامل قضوه مابين معارك وحروب ..
وفتون صارت دموعها تنزل أكثر من قبل ..
مرات تبكي إحساس بالندم
ومرات تبكي إحساس بالقهر ..
ومرات تبكي إحساس .. بالألم ..
لأن فيصل ماترك اسلوب ماتعامل فيه معها .. ضرب .. حبس .. خصام .. حرمان .. وكل الي تتوقعون !!
وأثناء هالظروف القاتلة .. كان بينهم كلام وحكي ببعض طلعاتهم أو جلساتهم بالشقة ..
بس لابد من الكلام يحمل شي من السخرية والدقدقة لبعض !

واستمرت الصراعات .. وحتما حاتكون لها نهاية .. ممكن قريبة .. وممكن بعيدة !!


********

خلال هالشهـــــر

رجع تركي وعبير من أجمل وأروع شهر عسل قضوه ببلاد الحب والرومانسية .. فرنسااا ..
وبعد أول ليلة قضوها منهكين من تعب السفر .. كان لازم يجتمعون على الغدا مع أهل البيت يسلمون عليهم ويسمعون أخبارهم .. اتغدوا سوى وبعدها قعدوا سوى مع الكل ..
وزعوا عليهم هداياهم الي طارت وانهبلت منها نهى ووائل .
وشكروهم بكل محبة
لكن صالة تجمع منال ونوال لمدة طويلة .. مستحيل !!
وقفت منال واهي تقول : تعالي ياعبير ..
وقفت عبير بابتسامة وعيونها التقت بعين تركي الي طمنها بابتسامته ..
مشت مع منال وطلعوا سوى لغرفتها ..

سكرت منال الباب واهي تقول : اجل عجبتك فرنسا ؟
عبير واهي تقعد على السرير : مررررررره يامنال تجنن كل شي فيها حلو حتى شوارعها ..
منال : حلوووو .. مبين مبيعاتعهم بعد حلوه يجنن الطقم الي جبتيلي اهو ..
عبير : بالعافية عليك ياعمري ..

سكتت منال شوي بعدين قالت : عبير شخبار أخوك تدرين عنه !
عبير ببرائه : قصدك سعود ؟؟
منال : طبعا ..
عبير : والله آخر مره كلمته من اسبوعين يافشلتي بس انشغلت مره هناك ومارجعت كلمته .. بس ان شاء الله انه طيب وبخير
منال : وماتدرين متى بيرجع ؟
عبير : آخر مره قال انه بيرجع مره وحده اذا خلص ..
منال : اهمممم ..
عبير : ليه شفيك منال !
منال : أبد والله .. بس بيني وبينك بديت أمل من هالخطوبة وودي لو تتفركش اليوم قبل بكرا !!
عبير بصراحة ما أثر فيها هالكلام حيل لأنها مو رغبانة بمنال زوجة لأخوها ذيك الرغبة وقالت : ليه طيب عشانها طولت !!
منال : عشانها طولت وعشاني بديت أحس اني انا وسعود مانناسب بعض !
عبير : يامنال ماصار بينكم شي عشان تحكمين اهو خطبك وسافر ولاعاد احتكيتوا ببعض أبد ..
منال : ههههههه انتي ماتدرين عن شي ..
عبير : شفيه شي مادري عنه !
منال بتنهيدة : ولا شي ماعليك .. بس اخوك هذا اذا كان طيب وحبيب معاكم لاتظنين انه كذا مع الكل !
عبير : الا الا .. اهو كذا مع الكل وبشهادة الكل بعد !
منال : أشك !
عبير بقهر : منال شهالنفسية الي عندك تجاهه ..!! ترا اذا فيك شي قوليه لاتخبينه واذا ماتبينه هم بعد قولي .. ! أكبر خطأ انه يتم زواجكم وانتوا مو مرتاحين لبعض !
منال : اووه يعني عندك خبر انه مو مرتاحلي !
عبير اتأففت وقالت : لا أنا أرد بناء على كلامك ..
منال : يصير خير .. خليه يجي ونحاول نشوف العكس !
عبير : على خير .. يالله عن اذنك بروح اشوف تركي يمكن يبيني ولا شي ..
منال بسخرية : خذوا راحتكم ..

طلعت عبير واهي ماصدقت طلعت من الخنقة الي حستها ..

ونزلت الدرج ولقت تركي قاعد يسولف مع أبوه ..

اختارت مكانها جمبه وفورا حست بالراحة والأمان ..


*******

بعــد شهر من الأحداث السـابقة

}{}ابريطـانيــا {}{

!!

والله وتحقق منايا
شوفوا حبيبي معايا
ياهل الحسد والوشايا
سعادة القلب ويااااه

!!

كانت نسمات الهواء منعشة ولطيفة مع هدوء الأجواء بذاك الوقت من المغيب !
غروب الشمس معطي انعكاس رائع وأخااااذ على شاطئ البحر ..
وين ماكانوا واقفين أجمل وأروع حبيبين .. و .. عروسين !

مسك سعود إيد وعد وضغط عليها بخفة ..
ابتسمت وعد بنعومة واهي تحس الي فات ماضي يشبه الخيال !
مر بسرعة البرق لين لقت نفسها بين إيدين أجمل حب سكن قلبها ..

مسك سعود إيدها الثانية وصارت مواجهة له وهمس : لو باذكر أجمل شي مر بحياتي كلها .. فهو اني حبيتك ياوعد .. ولو باذكر أسوأ شي مر بحياتي .. فهو اني اترددت مجرد تردد اني آخذك ..
ولع وجه وعد بالحيا وقالت : سعود .. اوعدني تكون معايا وماتتخلى عني ولا لحظة ..
سعود : اوعدك وعد .. وبتشوفين شلون بابذل كل جهودي لجلك .. ولجل الوعد ..

*********

[جرح الذات]

الجزء الواحد والعشرون


دخل خالد البيت واهو يطير المفتاح بالهواء ويرجع يمسكه ويغني :
أموت أنا أذوووب أنا أدووخ أنا والله وميت فييييييه
وقلبي وروحي عشانه يااااعلني ما ابكيه ..
هلي لاااا ........... (( وبتر الأغنية يوم دخل الصالة ولقى مفاجأة تنتظره !!

: الحين هذا السلام عندك امش تعال اشتقتلك ياللوووح ..
خالد : أحلــــــى لوووووح من أحلى أخت .. هلااااوالله وغلاااااااااااااااااا
مشى ناحية عبير وسلم عليه بشوق ومحبة أخوية .. وبعدها سلم على تركي وهو يقول : هلا بالقطوع والله مادريت انك من النوع الي يخق اذا أعرس !
تركي : انا ولا انت الي ماعاد شفنا رقعة وجهك من أملكت واذا شفت رقمك دريت ان وراك مصلحة ..
أم سعود وعيونها طايرة فيهم : الحين هذا ترحيبكم ببعض مالت عليكم ؟؟
تركي يتمسكن : شفتي ياخالتي .. بدال مايحشمني يقب فيني ..
خالد واهو يقعد : قطع انت وجه حشيمة انت .؟. ادق عليك وانت بفرنسا تزلبني هيا بالله وش المصلحة الي ابيها منك وانت بفرنسا ؟؟
تركي : والله انت مايعيقك شي وافكارك خطر يمكن حاط عينك على شي بفرنسا وتبيني اجيبه لك مو بعيدة عليك ..
خالد : ولو اني صدق حاط عيني على شي انت شدخلك يبه بتجيبلي الي ابي ورجلك فوق رقبتك
عبير : شدعوة ياكافي تركي يشتغل عندك وانا مادري ؟؟؟
خالد : اي من زماااااااااااان .. انت ماعلمتها ؟؟
تركي : وش أعلمها .. انك سلتوح ومصلحجي .. ؟؟ اي معلمها واهي عارفتك بعد !
أم سعود : لا اله الا الله .. اقول عبير قومي دقي على خالتك شوفي وينها للحين ماجت !
خالد شخصت عيونه وقال : لحظة لحظة .. شوي شوي علي هالمفاجآت مره وحده ترا قلبي مايتحمل .. !
ام سعود : وانت شدخل قلبك بجية خالتك !
خالد : كان زييييييييين لو انها خالتي .. بس آآآآآآآه انا محد حاس بالنار الي بصدري
ام سعود ضحكت وهزت راسها ..
عبير : الحين انت شتبي .. ؟؟ بقوم ادق عليها اشوفها !
خالد : يمه كلهم بيجون ؟؟؟
ام سعود : اي والله جايين يسلمون على عبير ..
خالد : ياحليلي انا الي رابض بهالبيت لا روحة ولاجية ولاسفر ! من طلعت على هالدنيا ما اذكر يوم احتفلتوا فيني ..
تركي : خلك جدي لو مره وحده بحياتك وبعدين يصيرالي تبي ..
خالد : يالله عاد تشب مسوي فيها عاقل انت الحين ترا ماعلمني الخراب غيرك !
تركي : انا الي معلمك الخراب ؟؟ مو كنت انا وراك بكل طيحاتك واعاونك واقومك ورحمة من ربي الي ماصرت مثلك !
ام سعود : انا مقابلة بزران والله مو رجاجيل !! لمتى بسكت فيكم وانتو كل واحد يذب على الثاني كلمة اكبر من الي بعدها ..
خالد : هههههههههههه وانتي شفيك عصبتي قاعدين نتمازح احنا ..
ام سعود : هذا مزاحكم الحين اجل شلون هواشكم بالله !
تركي : تصدقين خالتي هالعلة ولدك ما اذكر اني اتهاوشت معاه !! اتهاوش مع كل اخوياي الا اهو مالت على وجهه ..
خالد : انا قايل ماتستغنى عني لو تروح المريخ بس خل عبور تنفعك

عبير واهي ماسكة السماعة :بانفعه غصب عليك شتحسب بعد ؟
خالد : وليييييه خلصنا من لسان فتون جتنا الثانية ..
ام سعود : يابعدي يافتون احترق قلبها اليوم يوم كلمتني ودرت اننا بنجتمع ..
خالد واهو يضحك : شخبارها بالله اهي وفيصل احسها عافستله الدنيا فوق تحت !
ام سعود : ليه شدعوة عاد فيصل بيتركها تسوي الي تبي .. موصيته انا يعلمها السنع زين!
خالد : غريبة انتي يمه احسك مع فيصل اكثر من بنتك ..
ام سعود : لاني اعرف اختك شلون واعرف طبعها .. وبعدين فيصل حليل وحبيب ومو مآذيها بشي ..
فتون : والله صراحة بنتك تطلع الواحد من طوره ..
ام سعود : ادري بس فيصل حليل وبيتحملها لين الله يعدل راسها وتمشي زي الناس ..
(( وين فيصل يسمع بس .. ))

خالد : ايوا ياتركي .. اجل خقيت بفرنسا وماعاد صرت تشوفنا هاه !؟
قامت ام سعود للمطبخ وتركتهم بنجارهم

بعد شوي سكرت عبير السماعة ومشت للمطبخ الا خالد يسأل : ها عبير شقالت خالتي !
عبير : هذاهم بالطريق ..
خالد : وكيف بتكون القعدة ؟؟؟
عبير : كيف بتكون يعني ؟ مافي الا احنا وابوي اتغديت معاه وطلع فأكيد بنقعد سوى
خالد ولسبب ما قال : أجل انا بطلع .. وانت تركي تطلع معاي ؟
تركي : والله ان كانك بتطلع شقعدني لحالي بس انت شعندك بتطلع ؟؟
خالد بهمس : ياخي ماتحمل اشوفها .. لاعاد اقدر اقعد معها ولا أكلمها وممنوع منها لين الزواج وتبيني اقعد معها بنفس المكان والله ماقدر حبيبي !
تركي : ومين الي حط هالموانع ؟؟
خالد : إهي .. بس معها حق وانا والله مالي وجه اعترض كافي علي سامحتني ورضت علي عقب الي صار !
تركي واهو يطلع جواله : زين أجل احمد ربك .. واصبر خلني أكلم صالح أشوف وينه لأنه يوم درا اني هنا قال بيمر يسلم علينا ..
خالد : أوكي أجل بقوم أبدل ملابسي وأنزل ..
تركي وعيونه على الجوال : تيت ..

طلعت عبير من المطبخ وشافت تركي يكلم .. أرسلتله بوسه بالهوا ومشت طالعة الدرج .. واهي تطلع سمعت تركي يقول : خلاص أجل ياصالح ننتظرك لا تتأخر .. يالله سلام !
عبير : تنتظرونه ؟؟؟ ليه شعندكم !
تركي : بنطلع أنا وخالد ..
عبير : شهالكلام .. أمي مجهزة عشا وانتوا بتطلعون .. ؟
تركي : والله عاد هذا كلام خالد وانا وش يقعدني ان كانه بيطلع
عبير واهي رافعة حاجب : ايه ايه صح شيقعدك ؟؟ مافي أي سبب ثاني يخليك تقعد !
تركي يبي يناكفها وقال : اي والله مافي.. انا جاي عشانه .. طلع طلعت .. قعد قعدت !
عبير تبي تبين انها مو مهتمة وقالت : اوكي عاااااااادي براحتك بس على الاقل اعطوا أمي خبر
تركي : قوليلها انتي..
عبير : وليه ماتقولها انت ؟؟
تركي : فشلة عبير أقولها باطلع واهي مستعدة للعشا !؟
عبير : ودامك تدري انها فشلة ليه مُصر تطلع ؟؟؟
تركي : قلتلك خالد بيطلع وانا مافي شي أقعد عشانه
عبير ولعت وطالعته من فوق لتحت ونزلت واهي معصبة وتنادي بنبرة واضح فيها القهر : يمــه .. يمــه .. شوفي ترا خالد وتركي طالعين مو متعشين معانا ..
أم سعود : هَـوْ ! شهالكلام ؟؟
وطلعت شافت تركي قاعد و مبتسم وقالت : شعندكم ياتركي ؟
تركي: خالد طالع ويبيني اطلع معاه ..
أم سعود : ماعليك منه هذا خلي ينزل وأوريه .. شالي يطلع واحنا مسوين الجمعا عشانكم !
تركي : قوليله ولا انا بالعكس ودي أقعد ..(( وطالع بعبير وقال : ولا أحد يقوى يطلع ويترك هالملاك ؟؟
ولعت عبير هالمره بس ولع من نوع ثاني خاصة بوجود أمها الي ضحكت وقالت : عساها دوم ملاك بعينك يارب ..
عبير انحرجت حيل ومشت عنهم طالعة الدرج الا بنزلة خالد ..
أم سعود واهي تطالع ملابسه : عفية على ولدي العاقل يترك ضيوفه ويطلع !
خالد واهو يشمر أكمامه : ماتركت أحد .. تركي باخذه معاي وصالح بعد الظاهر !
أم سعود : وأنا مابيك تاخذ أحد معاك ! أبيكم تتعشون هنا ..
خالد بضيق : يمه فكينا والي يرحم والديك ..
أم سعود : استح على وجهك العشا عشان تركي وعبير وانت بتطلع وتاخذ الولد معاك !
خالد ببرود : متى العشا ؟؟
أم سعود : متى ماخلص احنا ناوين نقعد بالحديقة برا ونشوي سوا ونتعشى على مهل !
اتأفف خالد واهو بداخله ميت شوق لمرام وبنفس الوقت شاااايل هم يشوفها .. قال : زين بنطلع الحين وبعد ساعه نرجع .. (( وبرجاء : مابي أستقبلهم أول مايدخلون افهميني يمه !
هزت ام سعود راسها ويوم مشى خالد أشرت لتركي بإيدها انه يحكي على خالد ويعدل فيه..
هز تركي راسه بابتسامة .. ورجعت ام سعود للمطبخ ..
وتركي يوم التفت يشوف عبير لقاها مختفية ؟؟

شاف خالد يمشي للباب بس عجز لايقوم ويتحرك بدون مايشوف عبير ..

مسك جواله يبي يتصل فيها الا وصله مسج ..
فتحه بسرعه وقرا :

" لاعاد تحرجني قدام أحد .. !
اذا عندك كلام حلو قولي اياه بدون ماترفع ضغطي قبل ! "

ابتسم تركي ورد عليها :

"ماعاش من يرفع ضغطك حياتي ..
الحين تعالي خليني أشوفك قبل ماأطلع .."

أرسلها ووقف يطالع بالدرج ينتظرها الا وصله مسج .. فتح وقرا :

" يعني برضو بتطلع ؟؟ "

اتنهد تركي وأرسل :

حبي بارجع بعد ساعه واتعشى معاك ..
الحين انزلي .. مو طالع قبل ماشوفك "

أرسلها وقعد يستنى ..

شوي ونزلت عبير تمشي بدلع ..
ابتسم لها تركي ابتسامة تذوب الحجر .. واهي نست كل شي بعد هالابتسامة ..
مشى لعندها وباس خدها وقال : انا مادري شلون صدقتي استهبالي !
عبير : انت كنت تحكي بجد والله !
تركي : وانتي شعليك شلون أحكي المفروض تدرين بالي بقلبي وماتصدقين ولو اقول وش ماقول قولي كذاااااااااااب تحبني وتموت فيني ..
عبير : هههههههههههههه حلوة كذاب ..
تركي : يالله عاد لاتحلالك الحين !
عبير : هههههههههههههههههههههههه انت الي قلتلها انا مالي شغل ..
تركي بوله : قوليها ياعمري الف مره بس لاتحرميني من هالضحكة ..

دق جوال تركي باسم خالد .. وضحك تركي وقال : نسيتيني الرجال انا مادري وش الي باذكر على آخر عمري ..
عبير بدلع : احسن مابيك تذكر أحد غيري ..
تركي : بدون ماتوصين قيد قلبي رايح فيها ..
عبير : ههههه سلامة قلبك حياتي ..
تركي : الله يسلمك ياعمري .. اوكِ ساعه بالكثير وراجعين ..
عبير : اوكِ انتبه لنفسك ..
تركي : ان شاء الله .. (( ودار يبي يطلع بعدين لف وقال : مافي بوسه على الماشي؟؟
عبير التفتت بسرعه على المطبخ خافت امها تشوف ولا تسمع وقالت : تركي مو الحين حبيبي اذا رجعت لك الي تبي يالله لاتطلع امي بليز !
تركي : آه ياويل قلبك ياتركي .. في بيتنا لا تشوفنا اختي وهنا لاتشوفنا أمك ياناس وين أروح فيها هذي بتذبحني !
عبير : هههههههههههههههههههههههه أحسن أبيك طول عمرك مشتاااق
تركي : زين ياعبير .. إهي ساعه وبارجع !
عبير بابتسامتها العذبة : الله معك حبيبي
باسها تركي بوسة على الطاير وتركها وطلع واهو يضحك على شكلها المرتبك لاتطلع أمها وتشوفهم ..
ضحكت عبير وبخاطرها ميته عليه وتتمنى لو قعد معها أكثر .. مشت لامها بالمطبخ وابتسامتها تحلي وجهها ..

شافتها امها واهي مبتسمة طول الوقت وقالت : شهالابتسامة ياعيني الرجال راح خلاص !
عبير : ههههههههههه ايه رااااح بس روحه معاي بعد عمري
ام سعود : ياعيني عليكم الله يسعدكم والله كثر ماأتمنالك السعادة أتمنى لفتون بعد مثلك ..
عبير : والله فيصل يحب فتون ويموت فيها بس اهي الله يهديها ماتعطيه وجه ..
ام سعود : تصدقين قلبي قابضني عليهم .. كل ماكلمتهم ماحسهم يتمازحون ولا يضحكون .. لا كل واحد يكلمني بروحه واحس كلامهم ويا بعض حيل رسمي !
عبير : جد .. ؟ عاد لهم أكثر من شهر مع بعض معقولة للحين على هالحال !
ام سعود : والله مادري بس شوفي انتي اذا كلمتيها اسأليها وحاولي تجرينها بالكلام .. خلينا نعرف وش مهبعة هالبنت بحياتها
عبير : والله ان شاء الله بكلمها من راحت ماكلمتها وسولفنا زين ..

دق جرس البيت وراحت الخدامة تفتح
ام سعود قالت واهي تغسل ايدينها : جت خالتك .. روحي قلبي افتحي أنوار الحديقة
عبير : ابشري .. (( وطلعت للحوش من باب المطبخ

طلعت ام سعود الصالة وفتحت الباب الداخلي وشافت اختها وبناتها داخلين
ام سعود بابتسامتها العذبة : هلا والله حياكم .. اتفضلوا ..
دخلوا كلهم وسلموا .. وفصخوا عباياتهم ..
منى : خالتي وين ست الحسن لاتقولين مابعد جت !!

" بيكابووووووووووو "

التفتوا كلهم على المطبخ ومنى صرخت : هـللللللللللااااااااااااا اااااااا ياحمارة وحششششششششششتيني
عبير : ههههههههههههههههههههههههه احترميني انا الحين متزوجة ..
ومشت لها وتحاضنوا بسلام حار يبين شكثر هالبنتين حبايب وصداقتهم قوية ..
وبعدها سلمت على خالتها وحنان ومرام وكلهم ضموها وعلقوا عليها بالتعليقات الي ماقدرت تسلم منها ..
قعدت عبير وقعدوا كلهم وعبير قالت بحنيـة : مرام حبيبتي مره نااااحفة شهذا انتي مو ناقصة تنحفين أكثر !
مرام بضحكة : عااااتبي اخووووووووك .. مو تعاتبيني أنا
عبير : والله لأوريه الحمار هذا شمسوي فيك ياقلبي ..
مرام : آآآآآآآه قولي شالي ماسواااه بس !
ام فيصل : والله كلكم ماقصرتوا بحق بعض ..
أم سعود : اي والله .. الله يعدي هالشهرين على خير لا ينهبل ولدي بس ..
مرام : شدعوة خالتي أحسك تلومويني أنا شذنبي !
أم سعود بابتسامة : لا ياعمري ماعاتبك .. شدعوة انتي تظنين فيه فرق بينك وبينه .. ترا اذا اهو ولدي انتي بنتي ..
مرام بغرور : ايه .. على بالي !
منى : ههههههههههه خبلة شهالثقة !
مرام : طبعا خالتي مثل امي اذا بشك بمحبتها بشك بمحبة أمي ..

مشعل : وانتي وش دراك ان أمي تحبك أصلا ؟؟؟؟
مرام : لا أجل تحبك انت ؟؟؟
مشعل : ايه ودايم تقول انت بكفـة وعيالي كلهم بكفة ..
مرام ومنى : ههههههههههههههههههههههههه ه ذي من راسك يالخراط ..
ساره : هههههههههههههههههه
عبير : ههههههههههههه شعندها الحلوة تضحك ..
ساره : ههههههههههه منى ومرام قالوا زي بعض ..
عبير : ههههههههههههههههه ياعمري عليك تعالي عندي سولفيلي اشتقتلك مرررررررره حبيبتي ..
مشت ساره لعبير وشالتها عبير حطتها على رجولها وسولفت معها وكل شوي تحضنها وتبوسها وماتدري ان كان اهي متعلقة ببنت خالتها بهالشكل أجل شلون أمها وخواتها ..؟؟ وأجل شلون حنان ؟؟؟
سبحان الي يزرع محبة بعض الأطفال بقلوب الكـل .. حكمة منه ماحد يدري شالي يخبيه بعلم الغيب !

بعد ساعه من السوالف .. انتقلوا كلهم للحديقة وقعدوا على الكراسي حولين طاوله كبيرة .. .. ومشعل الي جاب كورته معاه صار يلعب فيها بالحوش اهو وساره ..

وأثناء ماهم غاطسين بالسوالف والضحك .. ومرام ومنى مندمجين مع سوالف عبير عن فرنسا ..
انفتح الباب الجانبي ودخل خــــالد لحاله !
دارت عيونه بسرعه واستقرت على مرام واهي تضحك مع عبير .. وياكيف أوصفلكم شعوره؟؟

شفتوا الشخص لما يكون حيل تعبان وضـايع ومهدود .. ! ويشوف قدامه قطرات موية ممكن تروي ظمااه .. ممكن تداوي فيه جروح .. ممكن تنعش بقايا الروح ..
كان هذا شعور خالد واهو يطالع مرام ..!

مشى وانتبهوله كلهم يوم شافوا ساره تركض عليه وتضحك واهو ضحكلها وفتح إيدينه لين وصلتله وشالها وطيرها بالجوووو واهي ميته من الضحك ..
باسها واهو يمشي لهم ويقول : والله كبرتي سوسو كم صرتي الحين ؟؟
ساره : اربع ونث << ونص !
خالد : وشي هذي الساعه ؟؟
ساره : ههههههه لا عمري
خالد : ههههههههه العمر كله ياعسل ..
وصلهم ونزلها واهو يحاول يضبط مشاعره وانفعالاته تحت وجود مرام ..

مرام الي نست كل الي حولها وعيونها ضايعة فيه ..
ماتدري ليه رااااح عن بالها انها ممكن تشوفه ؟؟ ماتدري ليه اتوقعت الجمعا بتكون بس اهم .. وخالد والشباب بيكونون برا لسبب ما !
يمكن عشان فيصل مسافر ؟؟ زين وشدخل الباقين ؟؟
ماتدري عن شي .. بس الي تدري عنه ان دقات قلبها وصلت لمسامع الي حولها من قوتها ..
ايدينها عرقت فجأة وبردت وحست برعشتها !
شافت خالد واهو يسلم على أمها ويضحك واهي تضحك معاه وشكله كان جدا طبيعي .. كنه ابد مو مرتبك ولا متوتر وكن الوضع عادي بالنسبة له واهو يضحك ويعلق على كل الي يسلم عليهم ..
بس لحظة .. !! الحين بيجي دوري وبوقف ويسلم علي !!
ياويلي شلون بنسلم ؟؟؟ الكل سلم عليه عادي .. اي طبعا عادي وليه مايكون عادي اصلا شبينكم وبينه ؟؟
حتى منى اختي كانت تضحك عادي .. ماصافحته بس سألته عن أحواله واهو سأل عنها .. يوه هذا اهو ماشي لعندي يطالعني .. !!!
شفيني قاعدة ..؟؟ ليه مو قادرة أوقف ..؟؟ ياويلي شفيني تيبست ليه مو قادرة أتحرك .. ؟؟

كانت عيونها ضايعة بوجهه لين وصلها واهو مبتسم ابتسامة تذوب ..
مد ايده واهي ماتدري شلون رفعت ايدها .. !
سلم عليها وسحبها عشان توقف ..
وقفت وهو بكل تلقائية لمها من كتوفها بإيده الثانية وباس جبينها وهمس : شلونك حياتي ؟
مرام بهمس مشابه : بخير ..
حس خالد ببرودة إيدها وضغط عليها واهو يطالعها بنظرة صابت عمق قلبها .. !
وبعدها فلت إيدها ومشى عنها ..
اتمنت مرام لو اتوقف الزمن عند هاللحظة وظل خالد ماسك ايدها ويطالعها .. شكثر عصف فيها الشوق له ولقربه وللمساته وهمساته وحنانه !
رمت نفسها على الكرسي .. وخالد مشى واختار مكانه مقابلها بين خالته وأمه ..

عبير : خالد وين تركي وعمي ؟؟؟
خالد : نزلوني وراحوا الصيدلية صالح مادري شفيه مصدع .. الحين بيجون ..
ام سعود قامت تجيب طاولة وكراسي بالجمب عشان يقعدون عليها الشباب ياخذون راحتهم وقامت عبير وام فيصل معها ..

وبنفس الوقت قامت حنان وقعدت مكان ام سعود جمب خالد وقالت : خالد شفيه صالح ؟؟
خالد حب يناكفها وقال : تعباااااااااااااااااااااا اان .. بيمووووووووووووووت !!
حنان : وجع ان شاء الله لاتفاول عليه ..
خالد : هههههههههه تخافين عليه انت ووجهك !
حنان واهي تضرب ايده : انطم بس اجل أخاف عليك انت ..؟
خالد بصوت اتعمد يرفعه : انا داااري ان ماحد يخاف علي .. ولو اموت من التعب محد درا عني !
حنان فهمت دقته لمرام وقالت بهمس : بس ياخالد تراها بروحها مو ناقصتك ..

التفت خالد يطالع مرام وأول مالتقت نظراتهم لفت مرام وجهها على الجهة الثانية ..
اتنهد خالد بضيق .. ياكيف بيمر هاليوم واهو وياها قبال بعض يفصل بينهم مليون حاجز مايشوف هالحواجز غيرهم اهم بس !
حنان طلعت جوالها واتصلت على صالح تبي تشوف شفيه ..

وخالد استغل التفاتت مرام عنه وصار يتأملها ويتأمل قوامها .. كانت لابسة بانطلون ماسك لنصف الساق لون عودي .. وعليه بلوزة طويلة مخصرة درجات البني والعودي .. لاحظ شكثر ضاعف جسمها عن قبل .. أكثر من شهرين من افترقوا كفيلة انها اتغير أشياء كثير فيها وفيه اهو بعد !
مرام حست بنظراته وهي لافه وجهها .. قامت من مكانها ومشت عند أمها وخالتها ..
وخالد عيونه مانزلت من عليها ولا لحظة ! تم يراقب حركاتها ومشيها وضحكها مع عبير ومنى .. حسها اتغيرت عليه حيييييييييييل .. مايدري ليه حسها تصطنع المرح والضحك .. ! ضاق صدره وحز بخاطره معقولة لهالدرجة حطم قلبها .. ؟
دق جواله يوم طالع لقى تركي المتصل ..
بنفس اللحظة دق جوال حنان لقت صالح المتصل
حنان : هلا والله ..
رد عليها : هلااا بحنان الكون كله ..
حنان : هلابك صالح شلونك ؟؟
صالح : طيب من سمعت صوتك !
حنان : لا والله صوتك مو طيب .. عسى ماشر صالح !
صالح : ابد والله بس صداع خفيف ..
حنان : سلامتك ياعمري .. تومي دقيت عليك ماترد
صالح : ايه كنت بالصيدلية وتوني طالع منها شريتلي مسكن ..
حنان : اوكي لاتاخذه لين تتعشى مايصير تاخذه بدون ماتاكل
صالح : ويني وووين العشا لا والله مافيني اتحمل هالصداع ..
حنان : اوكي تعال وانا بسويلك شي سريع !
صالح استانس وحب يتدلع وقال : وش بتسويلي طيب ؟
حنان بضحكة : آمر واتدلل .. شتبي ؟
صالح باستهبال : أبي ساندتش استكوزا وعصير كيوي
حنان : ههههههههههههه شهالتعجيز انا قلت اسويلك مو أخترعلك .. ! من وينلي كيوي وابو مقص !
صالح : انتي قلتي آمر واتدلل وانا ماصدقت عاد ..
حنان : هههههههههههه زين بخليها ببالي اسويها لك مره ثانية .. الحين اطلب شي معقول ..
صالح : آآخ مادري حنان والله مصدع ومافيني افكر سوي الي يجي على بالك
حنان قلقت عليه وقالت : أوكي خلاص بس عسى انت الي تسوق ؟
صالح : لالا تركي ..
حنان : زين .. اوكِ انتظرك .
صالح : اوكي حياتي سلام
سكرت حنان وقامت فورا على المطبخ تجهز لصالح شغلة سريعة ياكلها ..

بالحديقة .. بعد مارتبوا الطاولة .. قرب خالد منهم وقال : ترا تركي كلمني وقالي انهم قريبين .. شوي ويوصلون ..
منى كانت بحجابها لأنها اساسا لابسة تنورة طويلة وبلوزة طويلة ..
وخالد التفت على مرام يطالع لبسها .. !
مرام انتبهت لنظراته والتفتت لعبير وقالت : عبير عطيني بانطلون طويل حسبت قعدتنا بتكون لحالنا ..
عبير : عادي ياعمري الحين أجيبلك وحطي طرحتك وخلاص ..
مشت عبير ومشت مرام معها .. وقبل مايدخلون من الباب إلا خالد ينادي : مـرام !

وقفت مرام والتفتت عليه وعبير طالعتهم وابتسمت .. وتركتهم ومشت لداخل البيت ..
مشى خالد ومرام قلبها يدق طبول واهو تشوفه مقبل عليها بهيأته الي تسحر كيانها .. واهو لابس بانطلون جينز وبدي نص كُم بني غامق فيه كم زرار عند الصدر فاتحهم ..
مشى لين وصل قبال مرام وكان الباب مغطي عليهم ..

وقف خالد قبالها ومد ذراعه وسندها بكفه على الجدار .. وصار مايفصل بينهم غير خطوة صغيرة حتى مرام انحرجت وجت تبي ترجع على ورا بس صدمها الجدار الي كان خلفها ..
خالد : شفيك ؟ كنها اول مره اوقف قدامك !
مرام : لا مو أول مره .. بس زمااان عنها ..
اتنهد خالد واهو يقاوم مشاعره بصعوبة .. والتفت شوي على الجهة الثانية ورجع طالع فيها وقال : بغيت أقولك البسي عباتك !
مرام : ليه .. !
خالد : مابي صالح وتركي يشوفونك بهاللبس !! على بالك اذا لبستي بانطلون طويل وطرحة اتحشمتي ؟؟؟
مرام : بس ياخالد أنا دايم كذا !
خالد : ذاك أول ! الحين ماعاد يعجبني هالاسلوب ..
ان كان مرام المفروض تزعل من أسلوبه ولا تتضايق من تدخله ولا تعترض على أوامره .. فهي على العكس ماتت بداخلها عليه وولعت غيرته مشاعرها ..
هذا خالد الي أعرفه .. يغار وينجن علي .. بس خساره كننا أغراب بهالوقفة .. شالي صار بيننا ياخالد !
نزلت عيونها وقالت : اوكِ ..


وجت تبي تمشي بس عاقتها ذراعه الممدودة ..
خالد : نزليها !
طالعته مرام باستفهام !
خالد : نزلي ايدي وامشي ..
مرام : وليه ماتنزلها انت ؟؟
خالد : يالله لهالدرجة ماتبين تلمسيني .. ؟
مرام بحرج : مو كذا .. بس ..
خالد : بس ايش ؟؟ ترا ايدي ماتكهرب والله !
ابتسمت مرام .. وجودك قدامي بحد ذاته مكهرب كياني كله !

مدت ايدها ومسكت ايده ونزلتها .. الا مسك خالد ايدها وضغط عليها ..
مرام دق قلبها بقوة وحاولت تبعد عينها عنه لاتذوب بنظراته .. وقالت : يالله خالد بروح ألبس عباتي !
رفع خالد ايدها لفمه وباسها .. وتركها ومشى اهو عنها قبل ماهي تمشي ..
ظلت مرام واقفة تتبعه أثاره .. آآآآآآه خالد .. الحين فهمت وش معنى أبوس الأرض الي تمشي عليها ..
أخذت نفس عميق .. ودخلت البيت ..
لقت حنان بالمطبخ تحوس ماكلمتها ويمكن ماحست فيها وكملت طريقها للصالة !
طالعتها حنان باستغراب وهزت كتوفها حيث ان مرام صايرة عجيبه هالايام !

راحت مرام للصالة واهي تحس بوفضوية بمشاعرها .. لقت عبير قاعدة ومعها البنطلون ..
عبير : وينك ساعه ؟؟
مرام : هاه .. ليه شتبين ؟؟
عبير : نعم ؟؟؟ مو قايلتلي تبين بنطلون !
مرام : ايه ايه البنطلون .. لا خلاص مابي ..
عبير : هـــي انتي شفيك ؟؟ (( وبضحكة : شسوابك اخوي يوم ناداك !
مرام واهي ترمي نفسها على الكنب : ولا شي بس عيا أقعد بالبانطلون وقالي ألبس عباتي ..
عبير : اييييييييه ياحليله .. اوكِ براحتكم ! بس انتي شفيك مرام ماحسك مبسوطة !
مرام : عبير اخوك رابشني والله مطير مخي .. من شفته وانا احس الدنيا كلها تدور فيني
عبير : هههههههه ترا حتى اهو مثلك كان شايل هم شلون يشوفك ويكلمك ..
مرام : آآآآآه ياقلبي .. الله يعدي هالشهرين لا أنذبح فيها أكثر من ما أنا مذبوحة ..
عبير : معليه مرام انا مابي أتدخل .. بس مو كنك مزودتها شوي ؟؟
مرام : لا عبير .. صدقيني هالوضع أحسن .. خالد لازم يتعذب بعيد عني عشان يعرف قيمتي أكثر ولا يكرر الي سواه ..
عبير : وشالي سواه ليه محد راضي يقول لا انتي ولا اهو ..؟؟
مرام : سالفة وعدت الحمدلله .. ليه نوجع قلوبنا بذكرها .. بعدين ماودي أضيق صدروكم واحنا الحمدلله اتصافينا بس عاد لازم يتعلم من الي صار باني أبعد عنه ..
عبير : شكله مو بس اتعلم من الي صار الا انحفر حفر بقلبه وعقله ..
مرام : هههههههههههههههههههه قلعته ..
عبير : هههههههههههههههههه اص لا يسمعك ..
مرام : اي والله عاد هو مراقبني طول الوقت ..
عبير : ههههههههههه اجل رحتي فيها ..
دق جوال عبير باسم تركي .. وعلى طول نست مرام واهي ترد : هلا حبيبي
حاست مرام فمها وكشت عليها .. وقامت لبست عبايتها وطلعت ..

أول ماطلعت لقت خالد واقف عند باب الشارع اهو وصالح وتركي ..
طالعها وكنه ينتظرها تطلع .. أبعدت عيونها عنه ومشت وقعدت جمب منى وحاولت تركز بسوالف أمها وخالتها بعيد عن نظرات خالد ..
سمعت صوت يقترب ويقول : السلااااااام عليكم ..
التفتت مرام بتلقائية زي مالكل التفت .. وردوا السلام .. وشافت صالح واقف جمبهم ويقول : هلا أم سعود شلونكم وش أخباركم؟
أم سعود : بخير يامال الخير انت شلونك طمنا عنك ..
صالح : الحمدلله تمام .. شلونك أم فيصل عساكم طيبين ..
أم فيصل : بخير الله يسلمك انت شلونك شلون الوالد والوالدة ؟؟
صالح : بخير يسلمون عليكم والله .. شلون فيصل تدورن عنه ؟؟
أم فيصل : طيب الحمدلله يسأل عنكم كلكم ..
صالح : سألت عنه العافية ..
والتفت لمنى ومرام وقال : شلونكم يابنات ..؟
البنات : الحمدلله ..
صالح يطالع منى وقال : انتِ منى موو ؟؟
منى بابتسامة : ايه ..
صالح يطالع مرام : وانتِِ مرة خالد ..!
مرام ضحكت على " مرة خالد " وقالت : ايه مرة خالد ..
صالح بابتسامة بريئة : ماشاء الله .. الله يسعدكم يارب

خالد بنبرة غيرة حست فيها مرام : أشوف حلتلك السوالف انت وهالراس المصدع .. ليه ماتروح تقابل زوجتك بالمطبخ وتحكي معها مهو أحسن ..
صالح : لاتوصيني يبه هذاني رايح بدون ماتقول ..
ومشى واهو يضحك .. واهو دااااايم يضحك .. حتى لازعل .. ولا تعب .. يضحك !

دخل المطبخ لقى حنان معطيته ظهرها وواقفة تصب الشاهي بالكاس .. خاف لايخرعها ومعها الشاهي ويآذيها .. انتظرها لين حطت الابريق على الطاولة .. وبعدها مشى بخفة ووقف وراها وباسها من راسها ..
انتفضت حنان والتفتت بسرعه وشافته واقف وراها .. ضحكت وهي تقول : يمــــــه انت متى دخلت ؟؟
صالح : من زماااااااااان من يوم ما طيحتي الملعقة على الأرض !
حنان : ههههههههههههه ياخرطك انا طيحت السكينة مو الملعقة
صالح : هههههههههه ايه ايه قصدي السكينة !
حنان : تدري عاد .. شكلها الملعقة الي طاحت لأني ماحتجت السكين أبد !
صالح : هههههههههه هيا عاااد غلبتيني ..
ضحكت حنان وقالت : هاه شلونك الحين ؟؟
سحب صالح كرسي وقعد عليه واهو يقول : أحس راسي بينفجر !
حنان بحنيـة : ياعمري سلامتك والله .. ليه مانمت زين ؟؟
صالح واهو لام ايدينه حول راسه : الا والله امس عقب ماسكرت منك على طول نمت .. بس من صحيت وانا مصدع وأهملت نفسي لين زااااد الحين ..
حنان بنبرة طالعة من قلب : فيني ولا فيك ياعمري !
صالح بخرعة : اسم الله عليك حنان ! عاد شالفايدة اذا تعبتي باتعب انا ونروح كلنا فيها !
حنان : ههههههههههههههههههههههه ياحبيلك والله ..
صالح بهيام : اللاااااااااه هذا الدوا الي أبيه أنا مو البندول ..
حنان استحت واهي الي طلعت منها كلمتها عفوية .. وحطت الصحن قدامه وماعلقت ..
اتأمل صالح ملامحها الناعمة وحمرة وجهها وحياها .. واهي سحبت كرسي وقعدت جمبه وعيونها على الصحن ..
شوي الا قالت بضحكة : حبيبي إكِل عشان تاخذ دواك !
صالح انتبه : هاه شدواه ؟؟ ايه صح انا مصدع .. تصدقين نسيت !!
حنان هوستها خفة دمه وضحكت : ههههههههههههههههههههههههه ههههههههههههههههههه ياحلوك ههههههههههههههههههههههههه هه
صالح ابتسم واهو يطالعها تضحك .. شيبي من هالدنيا أكثـر من شوفته لضحكة حنان !

" احم احم .. اعذورني على المقاطعة .. بس انا بعد احبك واشتقتلك عمي .. ! "

التفتوا لقوا عبير واقفة عند الباب وتطالعهم بابتسامة ..
صالح : هلااااااااااااااااا والله وغلااا
دف الكرسي ووقف وعبير ضحكتله واهي تمشي لعنده ومدت ايدها الا اهو صافحها بضربة قووووية على كفها ..
عبير بنعومة : آآآآآآآآه عمي عورتنيييي ..
باسها صالح وقال : اييييييه ناسي انك نعومة حدك .. على بالي مثل فتون الي اهي تعورني مو انا الي اعورها
عبير : هههههههههههههههههه بعد عمري فتون عاد كل شي منها حلووو ..
صالح : شلونك عبورة شمسويه ؟؟
عبير : بخير الحمدلله .. انت شلونك ..؟؟
صالح واهو يقعد على الكرسي : تمام والله ..
عبير واهي تمشي لبرا : اطلعولنا عاد لاتبلطون هنا ..
حنان : هههههههه مسوية مشتااقة ؟؟
عبير : حددددي ..ههههههههههه

طلعت عبير واهي الي ماخذه راحتها بلا حجاب ولا شي لأن الكل محارمها ..
مشت وقعدت على طاولة الحريم .. وفورا اندمجت بسوالفهم ..
وصل مسج ومرام وعبير انتبهو لجوالاتهم ..
عبير : ههههه شسالفتنا نحط رنات مثل بعض ..
منى باستهبال : من زود المحبة ياكافي ..
مرام واهي تضحك : مو محبة هذي الا سحر .. ! ((و فتحته وفورا اختفت ابتسامتها يوم لقت المسج من خالد ! قرت :
حياتي اعطي ظهرك لطاولتنا عشان تاخذين راحتك بالحكي والضحك ..!

رفعت مرام عيونها شافت خالد يطالعها والغريب ان حتى تركي كان يطالعها .. بس كل واحد ونظرته ..
خالد نظرة غيرة .. !!
تركي نظرة استغراب !! لأنها الوحيدة الي بالعباية .. وعرف انها أوامر خالد الجديدة !!

نزلت مرام عيونها واهي متضايقة .. اي نعم زوجي بس مو يحكرني بهالشكل بعدين احنا مو تمام ويا بعض عشان يتأمر !! بعدين شهالاسلوب الجديد.. لبسني عباية أوكِي بس حتى جلستي ومكاني يتحكم فيه !!

لمح خالد وجهها متغير وأرسلها رسالة ..
وصلتها وفتحت واهي شايلة هم أوامر جديدة بعد ! قرت :

من عيون الناس والله .. أغـــــار يا عمري عليك ..
وما اتطمن وانسى خوفي ..
^ إلا ويديني بيديك ^

بس تحمل كل جنوووووني .. لانك أغلى من عيوني !
لو تدور ما تلاقي ..
منهو غيري يموت فيك !!

ولع وجه مرام واهي زماااااااان عن كلامه الحلووو وهالمره أرسلها واهو قبالها ويطالعها !
وقفت واهي تحاول تخفي ارتباكها وسحبت كرسيها للجهة الثانية واعطت طاولتهم ظهرها ..

مع ان خالد كان مستمتع واهو يطالعها بس ماتحمل يشوفها تنكت وتضحك وممكن يشوفها تركي ولا صالح ! وارتااااح خاطره يوم غيرت مكانها وقدر يسولف مع تركي واهو مرتاح البال !

مرام أول ماقعدت قالت : وين حنان ؟؟
عبير : داخل مع حبيب القلب ..
منى : يه يه وحبيب القلب ماخذها عننا حتى هنا بعد ؟
عبير بضحكة : لا هالمره اهي ماخذته ..
منى بسخرية : ايه على بالها تبي تسويله شي ياكله يعني حجة وحاجة ..
مرام : وانتوا شحارق رزكم خلوا خالتي تستااانس ..
عبير : اي والله اذا وناستها معاه بكيفها بعد حنا شنبي غير راحتها ..

أم سعود الي كانت ماخذتها السوالف مع اختها طالعت بساعتها وقالت : شرايكم نبدا شوي الحين ؟؟
عبير : ايه يالله يمدي ..
أم سعود : زين نادي حبيبتي على الخدامات يصلحون الشوايات زي العادة
عبير واهي توقف : ان شاء الله ..
مشت وشافت صالح وحنان طالعين من المطبخ .. غمزت لحنان .. وحنان ضحكت لبنت أختها وصديقة عمرها ..
اتوجه كل واحد لمكانه وعبير دخلت المطبخ تكلم الخدامات ..
شالوا الخدامات الشواية وأغراضها وطلعوها برا ..
ومشت عبير للصالة تزين لبسها عند المراية .. شافت بالمراية ثوب أبيض داخل الصالة ..
التفتت بسرعه وألاهو تركي .. !
وقف تركي بنص الصالة وعقد ذراعينه على صدره واهو يقول : أشوفك ماعبرتي الي رجع عشانك ؟؟؟
عبير بدلع : شدعوة رجعت عشاني ..؟ والا عشان خالد وصالح !
تركي : ياسلام يعني انا ماكنت معاهم وشبعت منهم ؟؟ كنت أقدر أروح بيتنا واذا خلصتي جيت أخذتك !
عبير : امممممم صدقتك !
تركي واهو يمشي ناحيتها ويتفرسها بنظراته : و وين الوعد الي اذا رجعت ؟؟؟
عبير بضحكة : تركي انت فيك شي مووو ؟؟؟
تركي : اذا فيني شي فهو أشياااااء مو شي ! بس من وين الواحد يقدر يعبر عنها واهو قاعد مع حبيبته وسط الناس !
عبير : لاتقول عاد الي يسمعك يقول عمرنا مانفردنا ببعض وانبسطنا ! ماكننا تونا جايين من فرنسا !
تركي : تونا ؟؟؟ لنا اسبوووووووووع وتقولين تونا ؟؟؟ انا بعرف شلون قلبك يقدر يصبر عني ؟؟ شلون تقدرين تضحكين وتسولفين وانا مو معاك ؟؟
عبير : ياعمري من قالك أقدر بس غصب عني شسوي وبعدين كم مره قلتلك يوم لنا ويوم علينا !
تركي : وانتِ عادي بالنسبة لك ؟؟ والله صرت أشك فيك صراحة .. ماعاد أثق بحبك مثل أول !
عبير بزعل : تركييييييييي شهالكلام .. ؟؟ ماصار شي يسوى عشان تقول كذا !
تركي : الا والله كلامك الي تو .. أحسك مستهونة بقربي وماعاد يهمك حيل اننا ننفرد ببعض!
عبير : ........... أنا كذا ؟؟
تركي : ............ ايه كذا !
عبير : أنا مايهمني قربك ولايهمني ننفرد ببعض !
تركي : هذا الي صاير أشوفه !

نزلت عبير عيونها على الأرض وقالت : شكرا .. (( ومشت عنه طالعه من الصالة
التفت تركي عليها وقال : لحظــه ..
ماردت عليه عبير وطلعت برا الصالة وبرا المطبخ للحديقة .. دامك تشوفني ماهتم بقربك يالله شوف الحقران على أصوله !

مشت لقت أمها وخالتها وخالد واقفين خلف الأشجار يشوون .. مو ظاهرين لكن ريحة الشوي معبية المكان ..
وصالح يلعب كورة اهو ومشعل فريق وحنان وساره الفريق الثاني ويشوتون على بعض الكور .. ^ _ ^

مشت وقعدت على الكرسي واهي معصبة حيل من تركي ..
انتبهت لها منى وعقدت حواجبها باستغراب واهي تقول : شفيك ؟؟
عبير بضيق : ولا شي ..
مرام الي لاحظتها و كانت ترقب ردها بعد قالت : شلون ولا شي وجهك متغير شفيك ..؟
التفتت عبير بسرعه ولما شافت تركي مافيه قالت : بنات انا جد مادري شسوي مع تركي !
منى : ليه عسى ماشر !؟
عبير : وضعنا وحياتنا يفرض علينا نحاسب شوي بحركاتنا وكلامنا .. لأننا ساكنين مع أهله وفشلة ناخذ راحتنا مايهمنا أحد .. أهو لا وش يفهم ؟؟ اني ماصرت أحبه مثل قبل وانه ماهمني حيل أكون معاه لحالنا وماني ولهانة عليه مثله !!
مرام : ليه اهو اذا اتميلح عليك قدام أهله تصدينه ؟؟
عبير : مو أصده بس أتجاهل ولا أأشر على خواته يعني مايصير ناخذ راحتنا بكل شي واهم عيونهم علينا ! خاصة اخته منال غيورة بدون شي مو عاد نتميلح قدامها !
مرام : ترا مع الوقت بيمل انتبهي !
منى : شالي يمل انتي الثانية والله كلامها صح لازم يحاسب ولا يطلعها بيت لحالها !
عبير : مادري ياشيخة شسوي فيه والله مو مقصرة معاه بس عاد لازم نراعي الي حولنا .. اهو مايبيني اهتم بأحد أبد ويقول احنا مو مسوين شي غلط !
مرام : آه والله ذا مثل الي عندي كان مايهمه أحد كلش !
عبير : وانتِي شكان موقفك ؟؟
مرام : بصراحة أنا عكسك كنت متونسة وأجاريه ..
منى الي شهدت على بعض حركاتهم : عاد خالد هذا خليه على جمب .. ماعقب روحتكم البحر يوم تركبون الجت كي وترجعين بيته لا وتنامين بغرفته بعد !
مرام : هههههههههههههههههههههههه بس والله ماصار شي ياناس كنا صايمين انتوا ليه ماتصدقون !؟
منى : اقووووول العبي على غيري
ضحكت مرام وهزت راسها .. بس انتوا تذكرون بعد .. ماصار شي مووو ؟؟؟ * _ ^

عبير : والله مالوم أخوي أجل يوم انخبـل مخه بعدك !
منى واهي تضحك : بلاه فقد وحده ماكانت تمنعه من شي قدام الناس أجل شلون من وراهم !!
مرام صرخت بس بضحكـة : وجـــــــــــــع انطمي انتي وياها .. آآخ يامنى والله متمنية اشوف فيك يوم تتشرشحين من الحرج والفشلة ..
منى : هههههههههه لا حبيبتي تحسبيني مثلك .. خلق وفرق !

ضحكوا عليها وفجأة طاحت الكورة وسطهم .. وجت ساره تركض وشالتها ..
منى : مبسوطة سوسو ؟؟
ساره : ايه كل سوي نفوووز << " شوي "
عبير : هههههههههه يابعد الفوز انتي ..
ساره واهي تمسك إيدها : تعالي العبي معانا ..
عبير : ماعرف اخاف تفوزون علي !
ساره : لاخليك معاي أنا وماما حنان ..

عبير ماحبت تكسر خاطرها ... وليه أصلا ترفض طلبها .. عشان تبكي وتعض أصابع الندم بيوم من الأيام على رفضها .. ؟؟

وقفت واهي تقول : أوكي يالله ..
ومشت معها وساره تناقز بفرح وتقول : عبير تلعب معااااااااناااااا
مشعل : لا مايصير فريقكم ثلاثة واحنا اثنين .. !

" انا ادخل معاكم ونصير ثلاثة ! "

التفتوا لقوا تركي يمشي عليهم وبإيده بيبسي يشرب ويبتسم لهم ..!
مشعل بحماس : ايووووووا كذا صار اللعب أحلى وأحلى ..
عبير اتضايقت ماتبي تخلي اللعب يعدي الي صار واهي تبي تبين له انها زعلانة من كلامه .. بس خاطر ساره عندها بالدنيا ولا تبي تزعلها .. ضغطت على نفسها وتمت واقفة ..
كانوا واقفين صفين قبال بعض ..
صالح وتركي ومشعل ..
وحنان وعبير وساره ..
يشوت الفريق الأول عليهم واهم يحاولون يمسكونها ولو أبعدت عنهم انهزموا ..
اول من شات صالح .. وركضت ساره ومسكتها ..
صفقولها واهي اتونست .. ورجعت مكانها وشاتتها .. وقفها على طول تركي برجله .. ورفع عينه وطالع بعبير وشاتها عليها ..
وقفتها عبير برجلها بدون ماتطالع فيه وشاتتها على صالح ..
شاتها صالح على حنان وحنان بكل تلقائيه دفتها على ساره الي مسكتها واهي تضحك وتعتبر انها فازت !!
شاتت ساره الكورة وجت عند تركي ..
وقفت الكورة قدامه والكل يطالع بالكورة ويطالع بتركي الي ماتحرك وعيونه على عبير ..
مشعل : يالله ياتركي شفيك متنح ؟؟؟؟؟
كتمت عبير ضحكتها وصالح قال : هيا عاد ترا بنبدل أماكنكم انتوا الاثنين اذا بتخربون اللعب ..
تركي : لا لا خلاص .. بحاول أركـز ! يالله خذي سوسو .. ! (( وشات الكورة عليها ..
مسكتها ساره وشاتتها على صالح ومشعل عصب وقال : ساره ترا باضربك .. ليه ماتشوتين علي ؟؟؟
ساره بغرور : انت ماتعرف تمسك
مشعل : لا والله مصدقة عمرك الحين انك فنانة !!
ساره : اي انا فنانة كلهم يقولون عني كذا ..
مشعل : ماعليك منهم ذولا يــ .....
حنان : مشعـــــــــل ! خلاص الحين نشوتها عليك لا تقعد تصارخ عليها !
شات صالح الكورة على عبير وهالمره عبير الي مانتبهت لها ولا ركزت فيها وطلعت على برا ..
صالح : ياحييييييل الله .. أقول .. عبير وتركي اطلعوا برا .. !
تركي : هههههههههههه ليش ؟
صالح : بدون ليش لاتخليني اطلع كلام مو شي قدام البزران ..
تركي : هههههههههههههههههههه بس ترا خير ماسويت ..
مشت عبير عنهم رايحة لأمها وخالتها .. الا جا تركي جمبها ومشى واهو يقول : زعلانة؟
طنشته عبير وماردت واهي تمشي ..
تركي : عاد انا المفروض الي أزعل .. أناديك تطنشيني وتطلعين !!
عبير : ولا بعد تبيني أسمع كلام يضيق الصدر !
تركي ببرائـة : .... أنا كلامي يضيق الصدر ؟؟؟؟
عبير وقفت فجأة والتفتت عليه وقالت بعتاب : أشوف زعلتك الكلمة .. ؟ شدعوة أنا أرضى بكلامك الي قلته .. والله جرحتني ياتركي !
تركي بحنية : أمانة حبي لاتزعلين .. شسوي بقلبي الي مو قادر أتحكم فيه .. ؟
عبير : خلاص تركي مو وقته الحين نتكلم ! خلني بشوف أمي ..
تركي : وأنا ... متى ؟
عبير : بعدين ياتركي .. عندنا اوقات كثيرة غير هالوقت .. ! وان كان بتزعل فاعرف ان الحل تاخذني وتعيشني بكوكب لحالي .. لاننا دامنا عايشين وسط الناس لازم نحترمهم ..
اتنهد تركي وقال : اوكي .. يالله نروحلها ..
عبير : بتجي معاي ؟؟
تركي بابتسامة تسحر : عندك شك ؟
عبير واهي تحاول ماتضعف : لا انا مو بهالسهولة أشك بحبك !!
ابتسم تركي واهو درا انها تدقه بكلامه !
مشوا وأول ما وصلوا لأمهم مسك إيدها وضغطها بخفة وتركها وعلى طول أخذ من أم سعود الأسياخ وصار يشوي ..
رن جوال ام فيصل وقامت تكلم وأم سعود قامت واهي تقول : بروح أجيب أسياخ ثانية ..
وراحت ..
انتبهت عبير ان الحافظة مليانة ويبيلهم حافظة ثانية .. مشت تبي تجيب الا تركي يقول : وين رايحة !
عبير بدون ماتطالعه : بجيب حافظة ..
تركي : ...... اوكي لا تطولين ..
مشت عبير بدون ماترد عليه .. ودخلت المطبخ تجيب الحافظة الا وصلها مسج .. طلعت الجوال من جيبها واهي تدري انه من تركي ماغيره وقرت :

^ ^
هالعيون شلـــــــــون أملها .. ؟؟
* سحر ذوبني بغزلها *
" بوســة " من عندك حبيبي
تسوى عندي الدنيا كلـــــــها

^ ^

ابتسمت عبير .. أو بالأصح ضحكت .. ماتنكر شكثر يسحرها بحبه ويجننها .. بس اهي من النوع الي تراااعي الي حولها بكل شي .. تشيل هم لا أحد يزعل ولا يتضايق ولا يغار ولا ينقهر .. تحترم الي حولها بعلاقتها مع زوجها وبعلاقتها فيهم بعد .. بهالشكل الناس كلها تحترمها وتحطلها قدر ! أماالي مايحترمها .. أكو مشكلة بذاته !!

طلعت وبإيدها الحافظة وتحاول تمحي ابتسامتها .. هالمره تبي تتغلى عليه ولا قلبها رضى عليه بغضون دقاااائق !
مشت وهالمره شافت خالد يلعب مع مشعل .. وصالح قاعد على الكرسي مرجع راسه على ورى ومغمض عينه ..
ياعمري ياعمي شكلك حيل تعبان .. !
التفتت شافت حنان قاعدة مع منى ومرام وعلى رجولها ساره .. وعيونها مركزة على صالح ..
مشت للشواية واهي تحاول تتجنب نظرات تركي .. وعطت أمها الحافظة ..
أم سعود : شكرا الله يسعدك .. يالله جهزوا السفرة قربنا نخلص ..
عبير فرحت يوم لقت شي يشغلها عن تركي .. بتولعه أكثر .. * _ ^

مشت ونادت البنات معها وراحوا المطبخ يطلعون السفرة والصحون والملاعق ..

وخلال عشر دقايق كانوا الشباب على الطاولة ياكلون ..
والطاولة الثانية .. الحريم والبنات ..
حنان : خالتي شخبار فتون والله اشتقتلها حيييييييييييل هالبنت
ام سعود : بخير الحمدلله .. (( وشهقت وقالت : ياويلي منها !!!
عبير : ههههههههههه ياويلك منها ؟؟ ليش ؟
ام سعود : قالتلي اول ماتتجمعون خلي البنات يكلموني بسكايب ورااااح عن بالي مره !
منى : ياوييييييييلك ياخالتي الحين وش يفكك من لسانها ..
ام سعود : أنا دارية انها بتاكلني بلسانها يالله خلصوا وطلعوا لابتوبي وكلموها بس هاااه ! ياويلكم تقولون ان توني أقولكم !!
مرام : هاه أجل .. ؟؟
ام سعود : قولولها قالتلنا بس حنا انشغلنا بالشوي والحوسة ..
مرام باستهبال : يوه خالتي مانعرف للف والدوران !!
ام سعود : طالعوا هذي الي تمثل البرائة بس ! اجل شالي ولـّع قلب وليدي وطير مخه هاااه؟؟
مرام بحرج : خــــااااااااااالتي .. !!
الكل ضحك: ههههههههههههههههههههههههه هههههههههههههه ,,
والشباب تلقائيا التفتوا يوم سمعوا ضحكهم الجماعي .. وخالد الي كان مركز بكل كلمة .. سمع أمه واهي تقول : ياروح خالتك انتي .. والله ماولعتي قلب الا الي يستاهلك ولو دار الدنيا كلها مالقى مثلك !

استحت مرام وحمر وجهها وقامت لخالتها وحضنتها واهي تقعد جمبها وتقول : وانا لو أدور الدنيا كلها بعد ما ألقى خالة وحماة مثلك !
ام فيصل وقلبها يغمر بالفرحة .. لمعت الدموع بعيونها وقالت : من هالحال وأحسن يارب .. والله يجيب سعود بالسلامة وياخذ بنت عمه ويصيرون ثنتينهم يتنافسون عليك ..
مرام لأنها كرهت منال من سوالف فتون عنها قالت : تخسى بعد ذي تنافسني ..
ام فيصل : تشب ولا كلمة .. هذي الي نمدح فيها تو كبر راسها الحين لا خلاص اسحبوا كلامكم !
ضحكوا وأم سعود قالت : يالله عاد لايروح الليل ماكلمتوا بنيتي ..
ام عبير واهي تاقف : وين لابتوبك يمه ؟؟
ام سعود : فوق الدولاب بالصالة ..
عبير : اوكي .. وراحت واهي تمشي بخطوات مسرعة .. ودخلت البيت وراحت الصالة ولقت اللاب توب ..
أخذته وقعدت على الكنب وفتحته . بعد شوي جاها :
ادخال كلمة المرور : ................... !!
ضحكت عبير هههههههههه ياحليل أمي حاطة رقم سري !!
شالت اللاب توب وطلعت .. وقالت واهي تمشي عليهم : يمه كم رقمك السري ؟؟؟
ام سعود : وشوله تفتحين لابتوبي .. هاتي انا بحط الرقم !
عبير : هههههههههههههههههههههههه شتبين انتي مسوية رقم سري بالله عن مين ؟؟؟
ام سعود واهي تقلب بعيونها : عن أبـوك !
ضحكوا كلهم وحنـان قالت : وليه اهو يفتح لابتوبك أصلا ؟؟
ام سعود : لا والله ولاعمره لمسه .. بس انا الملقوفة فتحت لابتوبه ألاهو حاط رقم سري !! زعلت وقمت حطيت انا بعد .. وأنتظر يوم يجرب يفتحه ويلقى الرقم السري عشان تنفتح السالفة وآآآخ للحين مافتحه !
البنات :هههههههههههههههههههههههه� �ه (( ومنى : ياحلوك ياخالتي .. يمه صيري مثلها جيبيلك لابتوب وحركات .. مب بازة بهالجوال واذا جيتي ترسلين رسالة خليتينا نكتبها لك
ام فيصل : انا ثقافتي على التراث القديم .. دوريني بين الكتب والأوراق ..
ام سعود بغرور : ياقدمك ياختي ! لا حبيبتي الناس تطورت وصارت المعلومات بضغطة زر تحصلينها .. مب تتكسر أصابيعك بتقليب الأوراق !
مرام : هههههههههههههههههههههه طالعوا خالتي واهي تحكي كذا مب كنها فتون !!
منى : هههههههههههههههه اي والله أجل فتون ماجابت الغرور من بعيد !
ام سعود : ههههههههههههه لا هو غرور ولا شي أستهبل عليكم ..
عبير : ياحبي لأمي يانااااس ..
ضحكت ام سعود وعيونها على الشاشة وحطت الرقم السري الي كان أول حرف من اسامي عيالها ..
ودخلت واشتغل سكايب .. وعلى طول لقت فتون متصله بسكايب ..
دقت عليها وثواني وجاها الرد

فتون : الوووووووووووو بدري !!
الكل بصوت واحد : هلااااااااااااااااااااااا ااااااااااااا
فتون : ههههههههههههههههههههههههه ه هلا فييييييييييكم وحشتووووووووني
أم سعود : هلا قلبي فتون .. الله يهديهم البنات انشغلوا شوي وماكلموك .. يالله خذيهم معاك ..
ضحكوا على أم سعود .. وعبير بدت تكلم : فتوني حبيبي عمري قلبي .. شلونك حياتي ؟
فتون : عبييييييييير ياقلبي انتي .. انا بخير الحمدلله .. انتي شلونك ؟؟؟
عبير : والله تمام .. شلون فيصل ان شاء الله طيب ..
فتون : بخير والله .. شلون جمعتكم (( وصرخت : أبـــــــــــي أجيــــــــــــــــــــكم !!!
مرام واهي تضحك : ياخبببببلة استغلي هالايام وانتي بامريكا لحالك مع فيصل ومصيرك بتردين هنا لزحمة الناس والحكـرة !
فتون : مراااااااام وحشتيني ياحمااااره .. اسكتي بس ماطيق هالكلام ..
مرام : خبلة انتي .. والله مادري وش مهببـة بعمرك انتي وفيصل هناك !!
فتون : يووووم علووووووووم شدراكم انتوا بس ..
منى : هههههههههه اقول لاتآذين اخوي ترا ينخاف منك انتي ..
فتون : منى وجيعة .. اشتقلتك انتي الثاااااانية ياحبيييييييييلكم

ساره وفمها عند المكروفون : فتوووون يالله تعاااااااالوا
فتون : سووووووووووسووووووو يابعد هالدنيا انتي .. يالله بطيرلك طيران الحين أجيك .. طالعي السماء بتلقيني طاااايرة جيتك ..
رفعت ساره راسها تلقائيا للسماء وقالت : بس ترا احنا ببيتكم ؟؟
فتون : ههههههههههههههههه تدليني على الطريق يعني ؟؟ ياحلوك وبس ..

وكملت سوالف معاهم وماطال الوقت يوم طالعت أم فيصل ساعتها وقالت : الله شوفوا الساعه كم !! مشى الوقت بسرعه ماحسينا .. دقي يامنى على السواق خلي يجي ..
طلعت منى جوالها الا ام سعود تقول : شوراكم مستعجلين ؟؟
ام فيصل : خلاص ياختي بتصير وحدة والله ان يفظحنا ابو فيصل ..
منى : تلقينه مادرا عنا كل يوم والثاني واهو رايح لابو وليد ولا ابو وليد عنده !
ام فيصل : عاد هذا الشغل الله يسهلهم مشروعهم على خير

وصل مسج لعبير يوم فتحت لقته من تركي يقول :
" حبي نمشي .. ؟ "
رفعت عيونها وشافته يطالع فيها .. ابتسمت بخفة ووقفت واهي تقول : يالله وانا بامشي الحين .. نشوفكم على خير ..
حنان : تعالينا عبورة عاد الحين لا وراك جامعة ولا بيت مالك الا ترووك فكي نفسك يوم منه وتعالينا..
عبير : ههههههه أكيد حبيبتي خلاص بشوف يوم مناسب وأكلمك ..
سلمت عليهم ومشت لداخل البيت ..
قاموا أم فيصل والبنات يجهزون ..
الا خالد يقول : خالتي مين بيوصلكم ؟؟؟
ام فيصل : السواق جاي بالطريق !
خالد بزعل حقيقي : أفااا ! تكلمون السواق وانا موجود .. والله ماهقيتها منك خالتي !
ام فيصل انحرجت وقالت : مانبي نكلف عليك ياعمري والسواق شعنده شغلة غير يودينا ويجيبنا ..
خالد : ولو خالتي الحين الوقت متأخر ! وبعدين لو فيصل كان مكاني مو كنتي بتخلينه يوصلكم ؟؟
ام فيصل : ايه عاد فيصل ولدي وغصب عليه ..
خالد بنظرة عتب : وانا مو حسبة ولدك ؟؟
ام فيصل : والله انت ولدي وعزي بعد .. يالله عاد لا تزعل وبكلم السواق اخليه يرجع وانت توصلنا ..
خالد : انتظركم برا ..
طلع وأهو حيل مقهور .. شالي قلب حياته فوق تحت .. لو هالموقف كان بزمن غير .. أو وضع غير .. كان مستحيل مرام ترضى أحد يوصلها غيره !!
تعب قلبه جفاهاااا واتنهد بقوة واهو يهمس : هانت يامرام .. هانت!

طلعت ساره تركض واهو ابتسملها وقعد يسولف معها لين يجون ..
ساره واهي تطالع بسيارته : ليه ثـيارتك صغيرة ؟؟ " سيارتك"
خالد : لأنها لي لحالي .. بس انتوا جيبكم لكل البيت لازم يكون كبير ..
ساره : بس ثـيارتنا أحلى .. تدوووور وتفححححـط !
خالد : ههههههههههههههههههه شعرفك انتي قد فحطتوا فيها ..؟؟
ساره :هههههههه لا مشعل يقول ..
خالد : اي بس مو زين التفحيط حبيبتي وخطر ممكن يقلب السيارة !
ساره : واش يصيـر ؟؟
خالد : تتكسر السيارة وتخرب ؟؟
ساره : ونموت صح .. ؟
خالد بحنية : لاااا ان شاء الله مانموت .. وان شاء الله محد يفحط فينا .. !
ساره : بس كلنا حنمووت ..
قعد خالد قبالها وقال : ايه كلنا بنموت اذا جا يومنا .. بس الواحد مايسوي شي خطر ممكن يموته ! ربي يزعل منه بعدين !
ساره واهي تهز راسها بالنفي : انا مح أسوي شي خطر .. وابي اموت اذا جا يومي ..
خالد كشر وماعجبه كلامها وقال : عسى يومي قبل يومك ياعمري !

طلعت أم فيصل والبنات .. ووقف خالد واهو يقول : يالله !
ام فيصل : ايه الحين يجي مشعل ..
مر من قدامهم وكانت مرام بوجهه .. طالعها واهو يمشي واهي نزلت عينها ودارت على الجهة الثانية .. على قد ما فرحتها شوفته .. وفرحها خبر انه بيوصلهم .. على كثر ماشالت هم وحست ان خالد مو معدي التوصيلة بسلام !
ركبت أم فيصل قدام والبنات ورى ومرام خلف خالد ..
شوي وجا مشعل وركب وشغل خالد السيارة ومشى الا اشتغلت على طول اغنية :

يالله نعيش بدنيا غير
مليانة حب مليانة خير
فيها الحبيب انتَ وبس
الأول انتَ والأخيــــــــــر

يارووووح الروووووووح
كفاية جروووح كفااااية جروح

قصر خالد على الصوت لأنه يدري ان خالته ماتسمع أغاني .. الا ساره تقول : لييييييييه صكيته؟؟
خالد : عشان ماما ماتحب تسمع أغاني ..
ساره : يووه أبي أسمعها هذه الأغنية داااايم مرام تشغلها وماتخليني أدخل أسمع ..

انبهت خالد ! هالأغنيه الي دايم على باله وعلى لسانه .. طلعت مرام مثله تسمعها ! طالعها من المراية ولمح عيونها تلمع بالدموع ! ضاق صدره واهو مايدري شالي تفكر فيه !
انتبه على هواش ساره ومشعل ..

مشعل : قااااااايلك خذيها بس انتي مادري وين مخك !
ساره : بس هي كورتك انت ليه ما أخذتها ..؟؟

حنان : والله انها صادقة يامشعل كورتك انت تاخذها مو هي !
مشعل : يووووه هذا انتم داااايم ..ساره الصح وانا الغلط الله يفكنا منها .. !!

الكل صرخ : مشعـــــــل !!
منى : عسى يومك قبل يومها ياحماار !
حنان : احترم نفسك ياسخيف انت ودعاويك ..
ام فيصل : يخسَ عليك يامشعل اختك وتدعي الله يفكك منها ؟؟ بكرا بتصيح وتبكي اذا صار فيها شي وتندم على كلامك ..

سكت مشعل وراجع كلامه .. صحيح هو يغار منها ومن حب الكل لها بس هو بعد يحبها ومايستغنى عنها وشريكته بلعبه وضحكه وهباله وكل شي ..
مسك يدها بدون ماحد ينتبه له .. والتفتت ساره عليه .. لقته يبتسملها
شقت الضحكة وجهها من اذنها اليمين واليسار .. مشعل وضحكلها شتبي من الدنيا أكثر ؟؟

وصلوا البيت وام فيصل تقول : كثر الله خيرا ياخالد
خالد : شدعوة خالتي ..
ام فيصل : ماتقصر والله ..
ونزلت ونزل الكل من السيارة وفتحت ام فيصل باب الشارع ودخلت .. وتركته مفتوح ليدخل الباقين ..
كان آخر من دخل مرام وساره ..
نزل خالد ومشى وراهم واهو الي مايدري متى بيشوف مرام مره ثانية وضاق صدره حيل خصوصا بعد مالمح دموعها بالسيارة !

حست مرام فيه ووقفت مكانها والتفتت بخفة ..

خالد واهو يأشر على داخل : ادخلي ..
مشت مرام ودخلت ودخل وراها وطرف الباب ..
خالد واهو ينقل بصره بين عيونها : متى اشوفك ثاني .. ؟
مرام : يوم الزواج ان شاء لله ..
خالد وكنه متوقع شي من هالرد قال بتنهيدة : كثير .. مرام انا والله تعبان !
مرام : وعلى بالك انا مستانسة .. ؟ ترا بُعدك يذبحني باليوم ألف مره ياخالد بس ...
خالد يكمل عليها : بس غلطتي وانا اتحملها ..
مرام : خالد انسى .. انا والله نسيت انت ليش ماتنسى !
خالد : شلون أنسى وأنا عايش عقوبة هالغلطة .. ؟؟
مرام وصوتها اتهدج بالدموع : خالد انا ماوافقت على تقديم الزواج الا عشان اختصر فترة عذابنا .. مو عشان نرجع زي قبل .. فكر بعقلك حبيبي مو بقلبك !
خالد سحرته كلمة " حبيبي " .. صارلهم زمااااااااان ماتبادلوا الكلام الحلوو ..
طالعها بنظرة شوق وقال : حبيبك ؟؟
انحرجت مرام وطالعت بساره الي كانت واقفة جمبهم وتلعب بمفاتيح خالد .. وقالت بصوت أقرب للهمس : لايكون عندك ذرة شك ان ممكن بيوم من الأيام تكون غير كذا ياخالد ..
ومسكت ايد ساره وقالت : يالله .. تصبح على خير ..

خالد : لحظـة ..
طالعته مرام باستفهام .. وخالد قال : ليه كنتِ تبكين بالسيارة ؟؟
ابتسمت مرام ابتسامتها الذباحة .. شكثر يسحر قلبها حرصه واهتمامه فيها وغيرته وجنونه عليها .. هذا اهو خالد حتى قبل مايخطبها .. يحس فيها ويسأل عنها ..
بس ليه الزمن وقف ضدهم .. ؟؟ ماطالت تفكيرها وقالت : ان كان حز بخاطرك انها آخر مره تشوفني .. تراني مثلك وأكثر خالد ..
خالد : ماخاب ظني فيك حياتي .. الله لايحرمني من هالقلب الطيب ..
وقبل ماترد بأي حرف .. مسكها وضمها لصدره .. مرام نفسها مشتاقة لحضنه وحنانه وحبه وكل مشاعره الي كان يغمرها فيهم ..
انتبهوا على ساره الي تضحك ..
أبعدت مرام عنه والتفتت لساره وضحكتلها واهي تقول : ليه تضحكين سوسو ؟
ساره طالعت بخالد وضحكت وقالت : تقدر تشيل مرام ؟؟؟
خالد بضحكة : ايه اقدر بس ليش ؟؟؟؟
ساره : لأنك خميتهـا زيي .. شيلها زيي ..
التفت خالد وطالع مرام بخبث الي هي رجعت على ورا بسرعه وقالت : حبيبي اتوكل على الله .. ذي تحسب حالي حالها ماعليك منها ..
خالد : وانتي حالك مو حالها صح .. انتي أقرب لي منها !
مرام : أدرييي بس كل شي بوقته حلو ..
خالد بانفعال : آآآآآآآآآه متي يجي هالوقت متى ؟؟؟
مرام بنفس الانفعال واهي تضحك : لاتسألني لأني أتحرااه مثلك وأكثـر !
خالد بخبث : زين يامرام .. ان ماطلعت من عيونك كل هالشهور الي حرمتيني فيهم منك ماكون خالد وتشوفين !
مرام ولع وجهها وقالت : ياويلي شبتسوي ؟
خالد : شبسوي ؟؟ قولي وش الي ماراح أسوي !
مرام بغمزة : عاد تدري خالد .. شوقتني لهاليوم !
خالد انهوس وماعاد اتحمل يسمع هالكلام ولايقدر يقرب منها وقال : مرام انقلعي داخل !
مرام +ساره : ههههههههههههههههههههههههه هه
التفت خالد لساره وضحك وقال : تعالي ياحلوة انتي باعطيك حلاوة ..
ساره فرحت ومسكت ايده وقالت : يالله ..
مشى خالد لباب الشارع والتفت لمرام وقال : انتبهي على نفسك حياتي ..
مرام : ان شاء الله وانت بعد ..
هز خالد راسه واهو يطالعها بنظرات هوستها .. وماكان بينزل عينه الا يوم شدت ساره ايده وقالت : يااااالله ...
خالد : هاه !! يالله يالله ..
ورمى على مرام بوسة طايرة .. وطلع اهو وسارة الشارع وفتح باب سيارته وكان جمب كرسيه مجموعة شوكلات .. مسكها وعطاها اياها كلها ..
ساره بفرحة : كل هذا ؟؟؟؟
خالد : ايه ياقلبي كل هذا ..
ساره : هههههه شكرا ..
خالد : عفوا ياعسل ..

" خلصت من الكبيرة .. استلمت الصغيرة ؟؟ "
كان صوت رجولي ساااااخر..

التفت خالد بسرعه لقى طـلال الجار الكريه لبيت ابو فيصل .. واقف نص الشارع وعيونه حمر ومعاه عصا ..!!
طالعه خالد من فوق لتحت وقال : ظف وجهك لا تشوف شي ماشفته بحياتك يالمنحط ..
قرب طلال منهم واهو يلوح بعصايته ويقول : شقلت ؟؟؟
لصقت ساره بخالد واهي ماسكة ايده بقوة وتطالع طلال بخوف .. وخالد قال : نزل عصايتك لو سمحت معاي طفلة لاتخرعها انت وشكلك !
طلال باستهزاء : دامك داري انها طفلة .. ليه جاي تلعب عليها !!
خالد : انطم انت وافكارك المنحطة مثلك ! واحسلّك فارق عن وجهي لأني ما أنزّل مستواي لهالاشكال وأجادلهم!
طلال : لا والله .. ؟؟ ماتنزل مستواك أجل هاه .. زين كمل لعبك على هالصغيرة ويجي يوم تشوف مين الي ينزل مستواه للثاني ..
كان يتكلم بانفعال واهو يلوح بعصايته .. وساره مااتت من الخوف وصارت تقول بخرعة : خالد بيضربنا !
حس خالد ان هالولد مو طبيعي وممكن يسوي شي يخرع ساره .. مسك ساره وقال : تعالي حبيبتي ندخل .. (( وسكر باب السيارة ومشى لداخل البيت ويوم جا يسكر الباب سمع طلال يقول : قلعـة تقلع هالبيت وأهله .. !
ولع خالد منه بس بنفس الوقت استغرب شهالعداوة الي شايلها بقلبه تجاههم .. يذكر انه كان دايم يشوف مشعل يبكي منه وكم مره طلع فيصل واتهاوش معاه
بس كلامه الحين يخرع ويحسس ان هالولد مو طبيعي وبقلبه كم هائل من الحقد عليهم والغيرة منهم !
اتنهد وابتسم لساره وقال : لاتخافين حبيبتي ترا مايقدر يسوي شي .. !
بلعت ساره ريقها بصعوبة .. ومسك خالد ايدها ومشى للباب الداخلي وفتحه .. ودخلت ساره وخالد قال يبي ينسيها : يالله خبي الشوكلات لا ياخذها مشعل يالله بسرعه يالله يالله .. ضحكت ساره وركضت للدرج واهي تقول : بايباااااي ..
ابتسم خالد وطلع ,, ومشى وفتح باب الشارع وحمد ربه يوم مالقى طلال .. مافيه حيل يتناقر مع هالاشكال ..
ركب السيارة ومشى فيها واهو يتذكر شكل طلال بعيونه الحمرا وعصايته الي بايده كيف كان فعلا يخرع !!
ان كان أهو رجع يتذكره .. شلون أجل ساره الصغيرة ؟؟؟

::


::

كان تركي طول الطريق يسولف عادي ولا كن شي صار .. !! ويعلّق على صالح وخالد ويتريق عليهم .. وعبير ترد باقتضاب وبداخلها مستغربة شلون مشّى السالفة عادي ولا كن شي صار .. ؟؟
ترددت مابين انها تطول بالتغلي والزعل ولا انها تجاريه سوالفه وضحكه وتنهي الموضوع ..!!
اتأملته واهو يسولف وعيونه شوي على الطريق وشوي عليها .. كان يحكي بطهارة قلب ومبين ان مابخاطره شي وانه جد نسى السالفة ..
ولاشعوريا ابتسمت واهي تحس ان هالانسان قلبه أبيض من البياض نفسه .. مو أهو الي يتحاسب على كلامه وحركاته وينزعل منها !!
مبين انه من النوع الي مايحب يطـوّل ويعيد ويزيد بالسالفة لذلك ضيعها بالضحك والسوالف ..!
ارتاح خاطرها مره .. وظلت مبتسمة واهي تسمعه وتشاركه ضحكه وتعليقاته ..
وشوي لقت نفسها تمسك ايده واهي تبتسم ..
وعلى طول التفتلها وابتسم وكن هذا الي كان ينتظره من ركب السيارة ..

^ _ ^ حبي لهم ^ _ ^

::

دخل خالد البيت بعد ماوصل خالته .. وسمع صوت أمه واهو يمشي بالصالة لين وصلها لقاها فاتحة اللاب توب والسماعات باذنها ..
ابتسم واهو يقعد جمبها ويقول : فتون ؟؟؟
هزت امه راسها واهي تقول : هذا خالد جا تبين تكلمينه ؟؟ .. يالله خذيه ..
ومدت لخالد السماعة واهي تقول : من أول تسأل عنك !
خالد واهو يحط السماعة على اذنه : والله وطلع فيها خير اختي تسأل عني ..
فتون : حرام علييييييك انا كل الخير فيني بس انتم مضطهديني ..
خالد : ههههههههه زين شلونك يادووبا ..
فتون : بخير يالفيل .. شخبارك انت ؟؟
خالد : انتي ردودك جاهزة قدامك مايقولك أحد شي الا ورادة عليه على طول !
فتون : غلطت علي ولا ماغلطت علي ؟؟
خالد : وان كان غلطت عاد انتي مشيها !
فتون : لالالالا مستحيل .. المهم بس قولي شخبارك ؟؟
خالد : بخير الحمدلله .. انتي شخبارك واخبار فيصل ..
فتون : انا تمام فيصل مدري ..
خالد : شالي ماتدرين ؟
فتون : والله صارله ثلاث ساعات طالع مادري وينه !
خالد : مب صاحية زين دقي اسألي عنه ترا الرجال يجب المره الي تهتم وتحرص !
فتون : وانا الي اعرفه العكس.. الرجال مايحب المره النشبه والي تقلقه باتصالاتها وتدخل بأموره وتزعجه !
خالد : وانتي تشوفين فيصل من أي نوع !
فتون : مادري ..
خالد : انتي شالي تدرينه عن زوجك بالضبط ؟؟
فتون : خالد انت شتبي الحين .. ؟
خالد : ابي اعرف شلون مدبرة حياتك .. شكلك عافسة الدنيا ..
فتون : ايييييييييوا عافستها فوق تحت شعندك ؟؟
خالد : والله ماقول غير الله يكون بعونك يافيصل ..
فتون : آآآآآآآمين .. ويالله عطني امي انت ماعندك غير توقف مع فيصل سواء كان على صح أو خطأ ..
خالد : لزوم الصداقة والمحبة عاد !
فتون : ووين لزوم الأخوة مالت عليك ..
أم سعود الي تسمع ردود خالد كلها مناقر وقالت : حشا ماصارت ذي مكالمة !! من بديتوا للحين وانتوا مناقر ؟؟ حتى وانتوا بعيدين عن بعض ماتسلمون من بعض !!
فتون تصرخ تبي امها تسمع : يمه انتي شوفيه هو الي بدا ..
خالد : ههههههههههههه بس تصدقين فتون مشتااااااق للهوشة معاك بس ولا لغيرها ماشتقت ..
ام سعود : الظاهر استخفيت انت ياخالد روح نم أحسنلك !
خالد واهو يوقف : اي والله أحسنلي من أشياااء كثير جننتني اليوم !
ضحكت ام سعود على خبال ولدها ورجعت تكلم فتون شوي الا قالت : حبيبتي فتون صارت 2:30 بروح انام ..
فتون : اوكي بس ماكلمت ابوي !
ام سعود : ابوك جا من يوم خالتك عندنا وحط راسه ونام .. تعرفينه مب راعي سهر بس بكرا اخليه يكلمك ان شاء الله
فتون : اوكي ان شاء الله ..
ام سعود : يالله ياعمري مع السلامة ..
فتون : مع السلامة ..

سكرت فتون وفردت ظهرها من التعب .. صارلها قريب الخمس ساعات واهي قاعدة على النت .. كلمت أمها وبعدها قعدت تتصفح بمنتداها وبعض المواقع .. وبعدها شافت فيصل يروح الحمام وبعدين طلع منه ولبس وخرج من البيت .. كان هالكلام قبل ثلاث ساعات ..
قامت من مكانها ومشت للمطبخ وفتحت الثلاجة وطلعتلها عصير ..
ومشت للشباك واهي تفتح العصير ..
يضحك عليها الي يشوفها تتمنظر من هالشباك .. يولد عندها متعة عجيبة !
كانت تشرب بالعصير وتطالع بالرايح والجاي ..
لما انتبهت لسيارة فيصل توقف بالمواقف وينزل منها .. فرصتها تطالع فيه واهي الي ماتطالع ولا تحط عينها بعينه واهو بالبيت .. لأن آخر الأيام صار كل واحد بحاله !!

اهو بالصالة واهي بالغرفة بدون أي مشاكل ولا محادثات ولا حتى كلام وسلام !
شافت شكله متغير ! فيه شي غريب لفتها !! بعدها قالت لا يمكن لأنه خلف الشباك فمو واضح شكله تمام .. والا وش الي بيغير شكله فجأة !!

شافته يدخل العمارة وبعد نص دقيقة كان يفتح باب الشقة ..
ظلت فتون واقفة مكانها .. تطالع بالشباك وتشرب العصير بدون ماتلتفت ..
سمعته يهمس بالسلام وردت عليه بنفس الهمس ..

وبعد ثواني حانت منها التفاتة سريعة وانتبهت لوجهه وشي خلاها تسمّر مكانها وتطالعه ..!
كان وجهه أحمر وخدوده متوهجـة من الحمار الي فيها ! عيونه ذبلاااانة وفرجة مابين شفاته مفتوحه تبين انه مو قادر يتنسم من خشمه .. !!
كان يمشي بتعب وضعف واهو يفصخ السوتر الي عليه .. وقعد على الكنب واهو يفرك وجهه .. كان يكابد بصعوبة دوخة تداهمه من طلع من البيت .. ! بس كان بينفجر من الضيقة ولو ما طلع يمكن انفجر فعلا على فتون !!
له ثلاث أيام تعبان وانفلونزا حاده صايبته .. !! واهي ماتدري عنه وصراحة ولا اهو يدري عنها ..
عايشين تحت سقف واحد بس كلن بعالم ثاني .. !

حس انها واقفة تطالعه .. التفت يمنع عيونه لاتوقع بعيونها .. ومشى للمطبخ بضعف .. عبى الغلاية موية وشبكها بالفيش عشان تسخن .. وأثناء ماتسخن نزل راسه على الطاولة وسنده بذراعينه ..
كان شكله جد تعبان ومو قادر يوقف ..
مشت فتون بخطوات خفيفة للمطبخ ووقفت عند المدخل وقالت بهدوء : فيصل .. أسويلك شي ؟؟
رفع فيصل راسه بوهن وطالعها .. ياااااااااه .. شعور عجيب ينولد بقلبه أول ماتوقع عينه عليها حتى وبعز ماهو تعبان !!
تم يطالعها لحظات .. وبعدها قال بصعوبة : ........ لا شكرا ..
كلمتين حست فيهم فتون انه حتى الكلام مو قادر يتكلم من التعب ..
جت تبي ترجع للصالة بس شي منعها وخلاها توقف وتشوفه واهو يصب الموية بالكاس .. بعدها فتح الدولاب يدور على الشاهي الاخضر ..
حست فتون انه يبي الشاهي بس هي تعرف ان مكانه مو بالدولاب واستغربت انه نسى المكان الي اهو نفسه حطه فيه ..
قالت : بالدرج الي على اليسار ..
سكر فيصل الدولاب وفتح الدرج يدوره .. وكان الدرج اليمين !!
استغربت فتون .. معقولة التعب مخليه حتى موقادر يسمع زين !! تقوله اليسار يروح يفتح اليمين ..!
مشت للدرج المقصود فتحته وطلعت كيسة شاهي وبدل ماتعطيها اياه مشت بنفسها لكاسه وحطت الكيسة فيه .. وغطستها لين انتهت وشالتها ورمتها .. فيصل قعد على الكرسي بالمطبخ ماكان فيه حيل يعترض ولا يقول ولا كلمة .. شافها واهي تطلع صينية وتحط الكاس فيه .. قال بصعوبة : وكاس مويه الله يخليك ..
صوته التعبااااان حرك مشاعر الحنية عند فتون .. متى تعب ؟؟ وليه تعب ؟؟ وكيف تعب ؟؟

طلع منها السؤال لاشعوريا : شالي تعبك ؟؟
فيصل : طلعت والدنيا مطر وطولت تحته وكان لبسي خفيف ..
فتون : وكنت تدري ان الدنيا مطر ..
فيصل : ايه ..
فتون : وليه اجل طلعت !
فيصل : كان أهون علي من القعدة بالبيت !

بالصميـــم !
رماها بالصميم !!
وضعها معاه حده انه يطلع بدون تفكير والدنيا مطر ويمشي تحت المطر ويتعب بهالشكل !!
ماتنكر شكثر عورها قلبها .. قسيت عليك يافيصل بس انت بعَد ماقصرت معاي.. ضربتني وحبستني وعاقبتني بكل الوسائل .. وآخرتها ماقدرت تجيبني ولا تعدلني ! والنهاية هجرتك وهجرتني !
اتنهدت بخفة وصبت له كاس موية وحطت الكاس بالصينية .. بعدها وقف ومشى للصينية وشالها واهو يقول : مشكورة تعبتك معاي ..
فتون ماردت .. وتبعته بنظراتها لين وصل الصالة وقعد على الكنب .. وصار يشرب الشاهي على شوي شوي .. ويكح مابين فترة وفترة ..
مشت ناحيته وقالت : فيصل عندك دوا ؟؟
طالعها وعيونه تقول .. انتي دواي صدقيني .. ذوبي هالجليد الي بيننا وشوفي كيف بطيب وقتها .. نزل عيونه وقال : ايه .. أخذت قبل ما اطلع ..
فتون : إخذ الحين بعد .. شكلك حيل تعبان !
فيصل : ويعني اذا كنت تعبان ؟؟ فلونزا تاخذ وقتها وتروح ..
فتون بجدية : وين دواك ؟؟
فيصل : ليش ؟؟
فتون : وينه يافيصل .. ؟
فيصل واهو يأشر بعيونه على الرف : هنا ..
التفتت فتون وشافت الدوا .. مشت وأخذته وعطته اياه واهي تقول : خذلك حبتين فيصل عشان لاتتعب زيادة !
فيصل : فتون لاتتعبين عمرك وتسوين نفسك مهتمة !
فتون طالعته وقالت : مني مضطرة أمثل الاهتمام يافيصل ..!!
فيصل بسخرية : مو قلتي انك بارعة بتمثيــل كل شي .. الا الضعف !
فتون انقهرت من كلامها .. وانقهرت انه ذاكر هالكلام .. وقالت : ممكن أمثـل شي .. وممكن بعد يطلع من قلبي هالشي !
فيصل : وكيف أقدر أميّز ؟؟ وانا ماشفت منك غير الي يكدر الخلق .. عشان كذا خلينا بعاد أحسن .. ولا انك تمثلين علي بهالاهتمام ..
فتون : قلتلك ما أمثل ولافيه شي يجبرني بهاللحظة اني أمثل عليك !!
فيصل : بس يافتون ! أدري انك تتمنين بقلبك أكون على هالحال وأردى بعد !
فتون بصدمة : شهالتفكير يافيصل أنا مو لهالدرجة عاد ..!
فيصل بسخرية : مو قلتي بلسانك " ليتك تموت وارتاح منك " .. يالله انبسطي هذاني قاعد أموت بالبطئ .. وأحقق الي تمنيتيه !

سهم ثاني رماها فيه طعن عمق قلبها .. !!
مشكلة لو بيحاسبها على كل كلمة قالتها فياكثــر ماقالت .. وياكثـر ماتلفظـت !!

حطت الدوا على الصينية ومشت عنه ودخلت غرفتها وسكرت الباب ..

سندت ظهرها عليه وفورا سالت دموعها .. أنا السبب .. أنا الي ولدت هالجفوة بيننا .. !!
بكلامي وفعايلي وكرهي وجفاي .. بس ليه انا كذا ؟؟ مو بسبته ؟؟ مو هو الي كرهني فيه ؟؟ مو اهو الي راح وتركني .. ؟
لا يافتون انتي توهمين نفسك بهالاسباب .. ولا المشكلة بنت قلبك .. !! بنت عقلك ..!!
المشكلة منك وفيك ..!!


" لاتســــوين نفســـك مهتمـــة "
" قلتي انك بارعـــــة بالتمثيل "
" خلينا بعـــــاد أحسن "
" هذاني قاعد أموت بالبطئ .. وأحقق الي تمنيتيه ..!! "
وأحقق الي تمنيتيه ..!!
وأحقق الي تمنيتيه ..!!
وأحقق الي تمنيتيه ..!!

طاحت على الأرض ودفنت وجهها بالجدار وصارت تبكي وتشاهق بصوت مكتوم .. كل شي طاح وبيطيح فوق راسي بسبب كلامي وتصرفاتي ..
وفيصل عافني من خاطره !
وماعاد يذكر مني الا أسوأ كلام وأسوأ فعايل .. ليه اهو فيه غيرها أصلا !!
بس حتى لو حاولت أثبتله عكس ظنه .. هذا هو يصدني .. ويشوف الزين مني تمثيل !!
وقلبي مايطاوعني أعيد الكـرّة ويسمعني هالكلام مره ثانية ..
صدقت يافيصل .. خلنا بعاد أحسن .. !!

ظلت مكانها يمكن ساعه مافيها حيل تقوم وتتحرك .. بعدها قامت لبست بيجامتها ورمت نفسها على السرير .. كان صدرها حيل متضايق من كلامه .. لا اهي عرفت تكسبه ولا اهو عرف يكسبها .. !
حاولت تبعده عن بالها وتستلم للنوم .. مر وقت واهي تتقلب بفراشها ماتدري نامت ولا مانامت لأنها كل شوي توتعي على نفسها ..

فجأة سمعت صوته يكح بقوة .. ويكح بتواصل .. وطال الوقت واهو يكحكح !
نغزها قلبها ونست كل كلامه وقامت بشويش وفتحت الباب ..
شافته متمدد على الكنب وغطاه مرمي على الأرض ومغمض عينه ويكح .. ووجهه زي ماتركته قبل متوهّج بالحمار !
مشت بخفة لين وصلت عند راسه .. ورفعت ايدينها بهدوء لين لامست أصابعها جبينه .. وطاح قلبها يوم حس شكثر جبينه مولع زي النار !!
التفتت شافت علبة الدوا زي ماحطتها .. أنحنت وفتحتها وأخذت منها حبتين .. ومسكت كاس الموية وقعدت نص قعدة جمب فيصل وقالت بهدوء : فيصل قوم اشرب الدوا انت مره تعبان !
مارد عليها .. حطت ايدها خلف راسه ورفعته واهي تقول برجاء : فيصل خذ الدوا ..
فتح فيصل عيونه بوهن وشافها قدامه .. فتون : افتح فمك يافيصل الله يخليك..
وقربت ايدها لفمه واهو فتحه لا شعوريا وحطت فتون الدوا بفمه وبسرعه أخذت كاس الموية من الأرض وشربته كم رشفه ..
رجعت راسه بخفة وأبعدت إيدها .. حست انه مادرا عنها ولاهو حاس فيها ويمكن حتى ماشافها .. !
شالت الصينية وكاس الموية والشاهي وودتهم للمطبخ .. بس قلبها مو مريحها انه يكتفي بالدوا مع هالحرارة الشديدة !
اتذكرت الكمادات الباردة .. وبسرعة طلعت قدر عميق وصبت فيه موية باردة ورمت قوالب الثلج داخله .. وأخذت منشفة صغيرة ومشت لعنده وقعدت نفس قعدتها الي قبل ..
غطست المنشفة بالموية وعصرتها ولفتها وحطتها بهدوء على جبينيه .. شافته يعقد حواجبه بضيق .. وشوي شوي ارتخت ملامحه .. تركت المنشفة عليه .. وقررت تبدلها كل شوي ..
وقفت وجرت الكنبة الثانية لين صارت قريبة منه .. وقعدت عليها .. وكل ما مر وقت شوي ترجع تغطس المنشفة بالموية الباردة وترجعها عليه ..
وبالآخر سندت ظهرها على الكنب .. وضاعت عيونها بهالشخص النايم قبالها !
مشاعر بداخلها متصارعة .. شالي أجبرها تسوي معه الي سوته ؟؟ لا واهو بعد رفض يقبل منها شي وطلب منها تبتعد عنه .. ! تكرهه ؟؟ لا ماتكرهه .. اعترفت بهالوقت انها ماتكرهه .. لكن ......... تحبه ؟؟
تأملته بنظراتها .. أنا كنت أحبك .. اي نعم جتني فترة حبيتك فيها وكنت أتمنى قربك مني .. وكرهت بُعدك .. وكرهت وقتها حتى حروف اسمك ! اتنهدت من خاطر يوم استرجعت ذيك الأيام .. وراحت فيها الذكريات لأبعد من ذيك الأيام ..
للأيام الي كان فيصل يتقرب منها واهي تصده .. يمازحها مرات .. يتوددلها مرات .. يدافع عنها مرات ومرات .. وكانت ترفض الاعتراف ان الي يسويه حب .. !
ماتدري ليه هاللحظة اتمنت لو يرجع فيصل الأولي .. لأنها ماكانت بترجع فتون الأولية .. كانت بتتقبله .. ويمكن كانت .. بتحبه !
بس الحين حست انه اهو رافضها .. عافها خاطره .. ومع كذا ماتحملت تشوفه تعبان وتتركه .. رجعت تسأل نفسها شالي أجبرني أعتني فيه .. حناني عليه ؟؟ .. اي صح الحنان منفصل عن الحب .. وانا حنيت عليه ورحمته ..
مثل العواصف اهي مشاعرها هاللحظة .. حست انها بتدوخ من التفكير .. وماتدري متى وكيف .. طاح راسها على الكنب .. ونامت !
بعد ساعتين .. فتح عيونه ورجع غمضهم .. وشوي الاحس بثقل على راسه .. مد ايده وحس بالمنشفة فوق راسه .. !! هو كان يحس ان أشياء غريبة تصير فيه وحوليه .. بس ماقدر يستوعب من التعب .. شال المنشفة والتفت واتفاجأ فيها نايمة واهي قاعدة على الكنب .. والكنب قريب منه !!
شاف قدر الموية جمبه .. ورفع عينه يطالعها مره ثانيه !
فتون لاتجنيني .. شلون أفهمها اني ما اتحمل قربها مني واحنا وضعنا بهالشكل !! اهي راكبة راسها ومو راضية تتغير وانا تعبت معها ولاني قادر أتحمل مو البُعد أحسن ؟؟
زين ولمتى ؟؟؟ لمتى بنظل على هالحال !! حس روحه داخل متاهااااات للصول لقلبها ..
اتأمل هيأتها الناعمة واهي نايمة وراسها مايل وشعرها الأسود مبعثر على وجهها ..
مشى ناحيتها بهدوء وانحنى بلا شعور منه .. وباس جبينها .. !
رفع نفسه وشافها تحرك راسها بخفة .. فكر بأي نوع من التعامل واجب عليه يعاملها فيه .. ؟ لو قلنا نظل بعاد ممكن يغيرها هالشي ؟؟ هذي هي حست فيني ورحمتني يوم شافتني تعبان وكانت مو دارية عني !


شكل البُعد والجفا أسلوب يفيد معها .. بس والله قلبي مايتحمل .. بكل مره أقاوم ضعفي بصعوبة قدامها .. وتكسر خاطري وحدتها .. ودموعها الي أشوفها على غفلة منها ..
سامحيني ياروح فيصل .. بس انتي السبب !

مشى للحمام واتوضأ وبدل ملابسه وطلع .. شافها نايمة على نفس وضعيتها
ناداها بهدوء : فتون .. فتون قومي صلي الفجر وروحي نامي داخل ..
اتحركت فتون شوي وفتحت عيونها شافته واقف قبالها .. استجرعت فورا حرارته وتعبه وقالت باهتمام : شلونك الحين ؟؟
فيصل : الحمدلله أحسن ..
طالعته فتون شوي .. الا فيصل أبعد عينه عنها ومشى شوي ووقف يصلي ..
قامت فتون بكسل وراحت للحمام واتوضأت .. وطلعت تبي تصلي وقبل ماتدخل الغرفة .. شافته يلبس جزمته ويطلع ..
قالت : فيصل لاتداوم اليوم وانت تعبان
فيصل بدون مايطالعها : مو رايح الدوام ..
فتون : هاه أجل وين رايح ؟؟
فيصل بنظرة عتاب : ماسألتيني بالأول تسأليني الحين .. !
ومشى تاركها وفتح باب الشقة وطلع .. من ورى قلبه يكلمها بهالشكل ويطلع ويخليها .. بس اهو اتوصل ان البُعد بهالطريقة يحرك مشاعرها غصب عنها .. !

اما فتون على عكس توقعه .. ولّعت منه وعصبت !
وقفت واهي تقول هذا جزاتي الي أهتم فيك ؟؟ والله الشرها مو عليك .. الشرها علي أنا الي حنيت عليك وشغلت بالي فيك !! يالله تشوف اذا مارجعت الحين أطنشك ولا ألقيلك بال وانت موت بحرتك !!
اتنهدت بقهر .. ومشت واهي تحاول تهدي نفسها .. وكبّرت وصلت الفجر .. بعدها طرا على بالها تكلم أحد أي أحد يكسر عليها هالضيق الي حاشيها
ومن بيطرا على بالها غير اختها عبير ..
مشت لغرفتها وأخذت جوالها واتصلت ..

شوي وردت عبير : هلا والله وغلا ..
فتون والضيق بصوتها : هلا عبير شلونك .. ؟
عبير : تمام حبيبتي انتي شلونك ؟؟
فتون بتنهيدة : ماشي الحال ..
عبير بهمس : فتون فيك شي ؟؟
فتون : لالا عادي بس طفشانة وقلت أكلمك ..
عبير : ياعمري وين فيصل عنك !
فتون : ............... فيصل !!
عبير : ايه .. شفيك ؟؟
فتون : ولا شي فيصل راح لدوامه ..الدنيا صبح عندنا الحين ..
فتون: ايه ياعمري اجل ارجعي نامي شتسوين لحالك ..
فتون : شكلي بارجع انام .. انتي وينك كنك بسيارة ؟؟؟
عبير : اي والله رايحين لعمتي سعاد ..
فتون : امممممممم ياحلوكم .. بس انتي وتركي ؟؟
عبير : لا عمي وأهله بسيارة ثانية قدامنا ..
فتون : زين سلميلي عليهم وعلى وجدان وبشاير ..
عبير : يوصل ياعمري .. وانا بكلمك بعدين واسولف معك..
فتون : ان شاء الله ..
عبير : يالله وصلنا الحين أبنزل .. باي ياعمري

ونزلت عبير ونزل تركي ودخلوا كلهم بيت عمتهم .. معهم أبوه ونوال ونهى ومنال وكل العيلة الكريمة ..
استقبلبتهم العمه سعاد وبناتها ورحبوا فيهم ..
وقعدوا الرجال ويا بعض .. والحريم ويا بعض .. كان فيه بعض المعازيم غيرهم ..

دارت بين البنات سوالف وعبير مبتسمه للكل وتسولف مع الكل ..
نهى : وجدان قومي وريني مسبحكم ..
وجدان : ايه صح انتي ماشفتييييييييه !!
نهى : ايه ماشفته .. مسوينه صارلكم شهر ولا عمرك اتصلتي وقلتي تعالي نسبح ونستانس ..
وجدان : ههههههههه ياعمري بس والله من سويناه ماسبحنا فيه الا ثلاث مرات بس ..
نهى شهقت وقالت : والله لو هو عندنا ما اطلع منه .. قومي وريني اياه يالله
قامت وجدان ونهى وبشاير وطلعوا ..

قامت نوال من مكانها وقعدت جمب عبير وقالت : بالله ياعبير اذا رجعنا الحين خلي منال تركب معاكم .. !
عبير : اوكي عادي بس .. ليه يعني ؟؟؟
نوال : ياعبير انتي عارفة وضعنا شلون وطول الطريق واهي ماغير تدق بالحكي رفعت ضغطي وخلتنا نتهاوش قدام أبوك .. وانا مابي أبوك يحس اني انا راعية المشاكل واني السبب بكل شي .. فخذيها معاكم تكفين ..
عبير : زين شقولها ؟؟
نوال : قوليلها تعالي معانا احنا خفاف ونسولف سوى بالطريق يعني اي شي عبير ..
عبير بحيرة : والله مادري شقولك نوال بصراحة ماودي أتدخل بينكم بعدين أخاف تسألني ليه وماليه وانا مو قد هالسوالف !
نوال : ياعبير والله مو سالفة كايدة عشان تشيلين همها .. اطلبيها تجي معاكم عادي وصدقيني ماراح تعترض لأنها اصلا تبي الفكة مني ..
عبير باستلام : خلاص اوكي ..
ابتسمت نوال ورفعت حاجب والتفتت تسمع سوالف الي حولها ..

بعد العشا ..
دق تركي على عبير وقاله تطلع ..
مشت عبير لمنال وقالتلها تجي معاها بس رفضها كان لسبب ماقدرت عبير تجادلها فيه
!! لأنها قالت تبي تقعد مع البنات وماتبي ترجع البيت هالوقت !!

قامت عبير عنها ولبست عبايتها وشافت نوال عند المراية تعدل نفسها
مشت وقالت : نوال ترا قلتلها وقالت مالي خلق أرد البيت الحين وأبي أقعد !
نوال بقهر : قالت كذا ولا انتي شكلك ماتبينها تجي معاكم ؟؟؟
عبير بصدمة : وليه ما أبيها .. ؟؟ انا قلتلك أوكي ورحت وكلمتها بس هذا كان ردها ..
نوال : وانتي قلت جت من الله .. ولا كنتي تقدرين تقوليلها نقعد سوى نسهر سوى .. بس مابغيتي تقولين هالشي لأنك فعلا ماتبينها تجي معاكم
عبير عصبت وقالت تبي تسكتها : اي مابيها وبكيفي عاد !

ودارت تبي ترجع الا صدمت بمنال الي كانت طالعة تبي تروح الحمام !!
طالعتها منال من فوق لتحت وقالت : وشالي جابرك أجل تقوليلي تعالي معانا ؟؟؟

نقلت عبير بصرها بينهم الثنتين .. لا مو اهي قد هالمشاكل .. ولا هي قد هالمواقف .. !! اتجمعت الدموع بعيونها ومشت تاركتها ..

فتحت الباب وطلعت لقت تركي بالسيارة .. ركبت وخبطت الباب ..
تركي حس فيها شي .. حرك السيارة واهو يقول : شصاير ؟؟
عبير بهمس : ولا شي ..
تركي : شلون ولا شي ! شفيك ياعبير قولي
اتنهدت عبير وحكته كل الي صار مع نوال ومع منال .. لين ختمته بكلمة منال الأخيرة !

تركي انفعل وقال : وانتي ليه تدخلين نفسك بينهم ياعبير ؟؟؟؟؟
عبير : اعتبرت الموضوع عادي ماتوقعت ان كل وحده بتسوء الظن فيني بالآخر وتفهمني بمزاجها !
تركي بنفس الانفعال : الا كذا أهم !! وانتي عارفة أسلوبهم وطبعم !! آخر شي كنت اتمناه انك تدخلين بينهم ياعبير !
عبير سالت دموعها وقالت : بس ياتركي انا مو ناقصتك انت تزيد علي بعد ..
اتنهد تركي بقهر .. طول عمره حب يبعدها عن المشاكل .. الحين هالسالفة بتصير سواااااالف مو سالفة .. ويالله وش يفكها منها !!

هذي عينـــــــــة للمواقف .. الي صارت تواجــه عبير بهالبيت .. بين منـــال وبين نــوال ..
مرات تعدي ... ومرات تترك أثرها فترة ..
ومرات تكون السبب بخناقها إهي و تركي !!!


*******

^ ^ ابريطانيا ^ ^

كان يمشي من قسم لقسم ومعه أوراق وملفات ومبين انه حيل مشغول .. انتبه لرئيس أحد الأقسام واقف ينتظره عند مدخل قسمه .. ومعاه أحد الموظفين يتكلم معاه .. دق جواله بهاللحظة وهدّا مشيته واهو يطلع جواله من جيبه .. كان ممكن يتجاهل الاتصال لأن رئيس القسم ينتظره بس لما يكون من حبيبة الروح مستحيل يتجاهله ..

رد بهمس : حياتي انا مره مشغول .. !
وعد : لاااااااا لاتقول !
سعود : ليه كلها ساعه بالكثير أفضى وأكلمك ..
وعد : انا مابغاك تكلمني أبغاك تجي البيت !
سعود واهو يراقب الموظف ويكمل بهمس : أجي البيت ؟؟ ليه شصاير !
وعد : مو صاير شي بس .... ( وبتنهيدة : خلاص إفضى وكلمني ..
سعود حس ان في شي مخبيته وقال : بكلمك بأقرب فرصة .. يالله الموظف يطالعني وشكله بيذبحني
وعد : هههههه اوكي حبيبي ماعطلك باي ..
سكر سعود ومشى لوين مارئيس القسم ينتظره .. وبعدها دخلوا القسم وقعدوا على المكتب يتفاهمون بخصوص شغلهم ..
طول الوقت وسعود يحاول يتملص من الموظف ويأجل طلباتهم لبكرا .. ومهي أول مره يسويها من اتزوج الأخ !! كل يوم والثاني واهو معتذر عن شغله ومأجل شغله .. * _ ^

بعد نص ساعه قام أخيرا بعد ماتفقوا على اتمام أهم المشاغل ..
طلع سعود من القسم ومشى متجه لصالة الكوفي .. ودق على وعد وعلى طول ردت واهي تقول : هلا حبيبي خلصت ؟؟
سعود بضحكة : انتي شعندك متحمسة قوليلي شفيه !
وعد : ابغاك وقت البريك تجي البيت .. وبعد ماتنتهي مدة البريك ترجع !
سعود : ليه طيب ماتقدرين تأجلين الي ببالك لين أخلص !
وعد : اممممم لاا .. بهالوقت أحلى ..
سعود : وشو الي أحلى ؟؟
وعد : خلاص سعود انت تعال وتشوف ..
سعود : اوكي حياتي على 12 بكون عندك !
وعد بفرحة: أووووكي أستناااااك ..
ضحك سعود وسكر منها .. حاول يفكر بشالي تبيه منه بهالوقت ! لايكون تبي تفاجئه بحركة من حركاتها الرومانسية الي من أخذها واهي تفاجئه فيهم !!
مافكر كثير وترك الموضوع يعرفه اذا راح البيت .. واش ماكان .. أكيد بيسعده دام بيشوف وعد!

الساعه 12
وصل سعود البيت .. ونزل ومشى للباب وفتحه .. وأول مادخل وقف .. !
استغرب من الظلام الداااامس الي بالبيت !
ابتسم وعرف انها حركة وقال يجاريها ..
سكر الباب ومشى بخفة واهو ينادي : وعـــــد .. يالله جيت وينك !!
ماردت عليه .. وعلى طول انتبه لشمعة مضوية آخر الصالة ..
مشى ناحيتها لقى ورقة مطوية جمبها يوم فتح لقى مكتوب :

"ابحث عني "

ابتسم ورجع الورقة مكانها ومشى للباب وفتحه ودخل الغرفة ..
كانت الغرفة تشابه ظلام الصالة.. بس الريحة هنا تختلف .. ريحة عطور شرحت صدره .. لقى شمعة وحده مضوية على اليمين مشى ناحيتها لقى جمبها ورقة مطوية .. فتح لقى مكتوب :

" ضوي الشمعة الي على اليسار "

ضحك والتفت على اليسار لقى شمعة وجمبها ولاعة ..
مشى ومسك الولاعة وضوى الشمعة .. الا لقى جمبها ورقة يوم فتح لقى مكتوب

"ضوي الشموع الي على التسريحة "

قال بصوت عالي : وعدي ترا أخاف أتلخبط وأحسبك انتي الشمعة وأضويك !

ومشى للتسريحة وصار يضوي الشموع الأربع واهو يدندن بضحكة ..

بعد مانتهى لقى خلف الشموع ورقة كبيرة مكتوب فيها :

" حبيبي .. ضويت الشموع زي ماضويتلي حياتي بوجودك .. انت شمعة حياتي ..
نزل عيونك للأرض وتابع البحث .. "

نزل سعود عيونه للأرض لقى وروود حمرا منثرة بكل مكان .. ومشكّلة بشكل خطوات وأسهم ! ..
مشى يتبع الخطوات لين وصل لآخرها وكان منزل عيونه على الأرض ومانتبه لما صدم بوعد واهي ضمته على طول واهي تضحك وتقول : برافوووووو .. وصلت أخيرا ..
سعود : هههههههههههههههههه والله مانتبهتلك ..
وعد : يمكن سحرتك !
سعود : اذا على السحر فانتي ساحرتني من زماااااااااان .. !
ونقل بصره بين عيونها لحظات وقال : شهالحركات الجنان ياوعد .. خفي علي ترا قلبي مايتحمل !
وعد : ولا حتى قلبي عشان كذا أنفس عنه بهالحركات ..
باسها سعود وقال : أروع حركات من أروع وعد بالدنيا ..
ضحكت وعد وقالت : ترا ماخلصنا .. بس دحين انا بقولك التعليمات ..
سعود : ههههههههه هاتي..
ابعدت وعد شوي وقالت : افتح الباب هذا ..
كان في باب داخلي للغرفة
مشى سعود واهو يقول : لايكون ظلام بس !
سعود : ههههههههه لا لا ..
فتح سعود الباب وانبهت !!
لقى عربية صغيرة مجملة بالورود ومليانة شموع مضوية ..
وبالنص كيكة صغيرة بالكريمة .. مكتوب عليها :

* I love U *

ابتسم سعود من خاطر قلب متولع وذايب .. ومسك العربية وسحبها وطلعها .. وقعد اهو وياها على كنب صغير على قدهم متواجد بركن الغرفة
واتنورت الغرفة كلها بالشموع ..
كان جو رومانسي آخاذ .. وروائح الشموع تسحر القلب والروح ..
ضم سعود وعد وقال : ويلوموني فيك !! ياليتهم ياخذون عيوني ويشوفون الي انا أشوفه..
ابتسمت وعد ابتسامتها الناعمة وقالت : مايهمني الناس حبيبي .. يهمني انت اش تشوف عيونك واش تحسه بقلبك ..
سعود : الي أحسه ان حبك بقلبي يزيد كل لحظة .. ماودك تحطينله حدود ؟؟
وعد : هههههههه لا خليه لأن حبك بقلبي ماله لاحدود ولا قيود..
سعود واهو يغمزلها : بس أخاف أنفجر وأنفضح بعدين !
وعد بضحكة : قلتلك سعود لايهمووك الناس .. أنا وانتَ وحبنا و ..
سعود : وبس !
وعد : ههههههههههه ايوا وبس ..
سعود : آآآآآه منك .. ماقتلك خليها بعد الدوام يكون أحلى!! الحين قوليلي بأي مخ بارجع أدوام .. ؟؟؟
وعد : هههههههههههههههه مو هذا الحلو بالموضوع .. أجننك وأشوقك لي أكثر !
سعود : ههههههههه والله لعبتيها صح ..

ضحكت وعد وقامت طلعت من الدرج كامرا فيديو .. وحطتها على التسريحة مقابلتهم .. وقالت : يالله الكامرا بتشهد علينا الحين .. خلينا ننضبط أدوارنا ..
ابتسم سعود واهو يراقب حركاتها وحماسها وضحكاتها وفرحتها .. صحيح غمر حياتها بالحب والفرح بوجوده .. بس زي ما إهي بعد غمـرت حياته بكل هالمشاعر وأكثر !

مشت وقعدت جمبه بنعومة ومسكت إيده واهو باسها ومسك إيدها وقطعوا سوا الكيكة ..
بعدها أخذت وعد شوكة وأقطعت قطعة صغيرة من الكيكة وأكّلتها اياه واهي تضحك ..
أكلها ورفع حواجبه باعجااااب من الطعم .. دقته وعد بكوعها.. !!
ضحك سعود واهو فهم انها تبي يأكلها بس ماتبي تقول قدام الكامرا ليصير الوضع طبيعي
مسك الشوكة وقطع قطعة منها وأكلها .. وأكلتها ..
بعدها قطعت وعد قطعة أكبر من الي قبل وقربتها منهم الاثنين لياكلونها سوى ..
قرب سعود فمه .. وقربت اهي فمها .. ويوم جات تبي تقطع بفمها لقت سعود التهمها كلها بفمه .. !!!
وعد : ههههههههههههههههههههههههه هههههههه ليه خربتها .. ؟
سعود : ههههههههههههههههههه بناكفك ..
ولمها على صدره وباسها واهم مايشوفون غير حبهم .. وغرامهم .. وشوقهم ..

الي بيصير بيوم من الأيام .. مجرد ذكريات تهد حيلهم .. وتحرق قلوبهم !

*********


في أجمل الصالات الي تتوسط أروع منازل هالشارع ..
طلع الدرج بسرعه واهو ينادي : مشـــــاعل .. مشــــــاعل ..
أم وليد كانت طالعة من غرفتها وشافته وقالت : شعندك ياثامر ؟؟؟
ثامر واهو يلهث من بعد الدرج : وين بنتك هذي لا أذبحها أنا وخواني الحين ..
ام وليد بخرعة : بسم الله علينا .. شصاير ؟؟؟
ثامر: صارلنا ساعه منطقين بالسيارة نحتريها وندق على جوالها ولا ترد .. تبي تذلنا يعني لاننا محتاجينها ؟؟
طلعت مشاعل من غرفتها وعبايتها باديها .. وتقول: يالله هذاني جيت ..
ثامر : لا والله ؟؟ وينك ساعه والله وليد قال دقيقتين ان مانزلتي بيمشي ويخليك !
مشاعل : هههههه الحمدلله والشكر .. ومن الخسران بهالحركة غيركم ؟؟
ثامر : مشاعلوووووه .. مب عشاننا محتاجينك تذلينا ؟؟
مشاعل : انتوا الي فاهمينها كذا ولا انا كنت اكلم ملاك أشوف ان كان تقدر تروح معاي بدل ما ارتز لحالي
ثامر : اوكي يالله بس اخلصي
ونزل بسرعه الدرج ومشاعل تلبس عبايتها وتقول : كثر خيري اني وافقت على طلعتكم هذي !
ام وليد واهي تمشي للصالة : مب أول مره يامشاعل يطلبونك وتوافقين .. كان من بدايتها قفلتي هالباب !
مشاعل بقهر : لان عيالك ثعالب ! عندهم أساليب تطيح الواحد ويوعودني بأشياء مغرية ماقدر أرفض!
ام وليد : هههههههههههههههه وش واعدينك هالمره !
مشاعل : بعد مانخلص نمر على سن رايس بالبحر ونقعد شوي فيه ..
ام وليد : ايييييه ياعيني عليك انتي وهالبحر .. زين طيري بسرعه لايكونون راحوا وتروح عليك الطلعة
مشاعل واهي تناقز بالدرج : ياويييييييييييييلهم .. !
وكملت ركض واهي تلبس عبايتها وتلف طرحتها بسرعه وفتحت باب الشارع وشافت السيارة مجودة وكل اخوانها الثلاثة معصبين !
ضحكت وسكرت الباب ومشت وركبت ..

دخل أبو وليد الصالة وشاف زوجته قاعدة لحالها عرف ان عياله طالعين .. ابتسم واهو يقول : مساء الخير
أم وليد : مساء النور .. (( ودقت بالسنترال على الخدامات يطلعون القهوة ..
أبو وليد : طلعوا العيال ..!
أم وليد : ايه وجارين مشاعل معهم عشان تدخلهم كالعادة !
هز ابو وليد راسه باستياء وقال : مادري شالي يمنعهم يدخلون قسم الشباب ؟؟ شيبون بقسم العوائل !
ام وليد : يقولون أهدا وأروق .. قسم الشباب كله ازعاج وهبال وأشكال تفجع ..
ابو وليد : اي بس البنت شذبنها رازينها معهم !
ام وليد : لا هي عادي ولا كان ماوافقت بعدين عمرهم ما أخذوها الا بالآخر يمشونها مكان ماتبي ..
ضحك ابو وليد على بنته وقال : وذي عاد بزر تسكتها الوعود والهدايا ..
ام وليد : هههههههه خلها بزر والله عاد أزينلها وأريح لخاطرها ..

جابت الخدامة القهوة وحطتها ومشت
مسكت ام وليد الدلة وصبت لزوجها ومدتله الفنجال
أخذ ابو وليد الفنجال واهو يقول : اقول ام وليد ودي أعزم أبو فيصل وأهله عندنا على العشا..
أم وليد : زين والله هالرجال يستاهل عزيمة .. بس متى تبيها ؟
ابو وليد : الخميس شرايك ؟؟
ام وليد : ماظن عندنا شي .. خلاص خلها الخميس
ابو وليد : تكلمين زوجته ولا انا اقوله حياك انت وأهلك ؟؟
ام وليد : على راحتك تبين أكلمها كلمتها ..
ابو وليد : كلميها أحسن عشان تحرصينها على الجيه ..
ام وليد : ابشر ان شاء الله .. وكيف أمور مشروعكم ان شاء الله ماشين ؟؟
أبو وليد : لا الحمدلله ماشين خطوة خطوة بس ننتظر فاكسات من بعض الشركات الأجنبية وان شاء لله يتم كل شي ..
ام وليد : الحمدلله .. والله يازين الشراكة ..
ابو وليد : اي والله لاصار الشريك رجال مثل أبو فيصل والله يكون نعم الشريك ..
ام وليد : عاد أبو فيصل شريكك الحين وصديقك من عمر الدنيا ..
ابو وليد يسترجع ماضيه : اي والله .. ذكرياتي معاه ما أنساها .. كنا مثل الأخوان لين سافرت أدرس بابريطانيا .. و .. (( ضاعت الكلمات عند شفاته .. وكمل يبي ينهي هالذكريات الحارقة : عقب مارجعت انشغلت و تباعدنا فترة طوييييييلة بس هو ماخلاني ماشاء الله عليه دايم يكلم ويزور .. والحين الحمدلله رجعنا مثل قبل ..
ام وليد : زين الحمدلله ربي عوضك عن الاخوان ..
ابو وليد : اي والله انا ربي مارزقني بأخ بس رزقني بأصدقاء يمكن أحسن من الأخوان .. هذا الي يفرحني اذا شفت عيالي مترابطين ودومهم سوى .. لقيت عندهم شي مالقيته عندي ..
ام وليد : اي الحمدلله بس ياعمري على مشاعل الي ماجتها اخت ..
غصــــة !!
كجمـرة !!
توه يقول يبي ينهي الذكرى .. يبي ينسى .. بس الأيام كل مالها تذكره .. وتشعل حرقة الماضي بقلبه ..
مسك فنجاله وصار يشرب فيه وماحس بحرارة القهوة لأن حرارة صدره كانت أقوى ..!!

::

مسرع ما جاء يوم الخميس الي راح فيه أبو فيصل وأهله لمنزل أبو وليد ..
كان تعارف رائع بين الحريم ..
ومشاعل اتونست حيـــــل مع مرام ومنى ..

والسوالف تنوعت مابينهم .. شملت كل شي
وأهم ماشملته اهو تفاصيل العيلة والأخوان .. وأساميهم ..

وتفرعت السوالف لشغل العيال .. ودراستهم ..

وانكشفت كل الأوراق الي ماحد لقاها بال الحين .. !

بس أكو يوم بينتبهونلها .. ويسترجعـونها .. من أول جديد !!!

****


ومرت الأيـــــــــام تتلوها أيـــــــــام ..

سعود ووعد عايشين بأحلى جنـة ..
معمين عيونهم عن متهات المستقبل القريب
عايشين أجواء حاضرهم الملئ بالحب والغرام .. وكفى !


فيصل وفتون مابين شد ورخا .. لا فيصل رحم ضعفها .. ولا إهي مشت زي مايبي .. !!
وعلى هالحال مرت الأيــــــــــــــــام ليييييين ................................

* قبل زواج مرام وخالد باسبوع *

كانوا بطريقهم للمطار بعد ماشالوا كل أغراضهم .. وسلموا الشقة وودعوا البلد ..
وزي ماوصلوا أمريكا بصمت .. غادروها بصمت .. !

فتون كانت تفكر بس بأهلها ولقائهم .. حاولت تنسى صراعاتها ومعاركها الي عاشتها بهالبلد .. خاصة الاسبوع الأخير .. اتذكرت كيف عاندت نفسها وعاندته .. وحبست نفسها بالغرفة .. بلا أكل ولا شرب .. !

ومره دخل فيصل عليها وقال : تدرين انك قاعدة تموتين نفسك بهالطريقة ؟؟؟
فتون واهي لافة وجهها عنه : يهمك هالشي ؟؟
فيصل : انتي أمانة عندي .. وهذا الي بيخليني أهتم ! قومي كليلك شي بلا تصرفات مجانين !
فتون : مشكور يافيصل بس مو ماكلة .. !
فيصل : انتي مو قاعدة تعانديني .. قاعدة تعاندين نفسك وصحتك وبالطقاق !
وطلع وتركها وكان هذا آخر كلام صار بينهم ..

لين فاجأها بخبر سفرهم .. وكنها ملكت كنوز الدنيا وقتها .. !
ابتسمت يوم توصلت لهالذكرى ..
وشوي ووصلو المطار ومشوا يتابعون اجراءات السفر .. وماطال الوقت يوم استقروا بالطيارة ..
فتون : مين بيستقبلنا !
فيصل باقتضاب : بنروح بتاكسي !
فتون : ليه ؟؟ ماكلمت أحد ؟؟
فيصل : لاء ... (( وبسخرية : مفاجأة !!
فتون : أهااا .. بصراحة المفاجأة اهي لي أنا .. ماصدقت أفتك من هالدير ومن ....
فيصل : ....... ومن ايش ؟؟؟
فتون : وشو من ايش يعني حضرتك كنت مستانس هناك وماتعتبر انك افتكيت من هالبلد ونكدها !!
فيصل : ليه هو النكد انولد من حاله ؟؟؟ مو كنك انتي السبب بكل النكد الي عشناه !
فتون : لا مو انا السبب .. انت الي ماتعرف شلون تتعامل ؟؟؟؟
فيصل : انا ماعرف شلون أتعامل ؟؟؟ مافي اسلوب ماجربته معاك لكن دامك بهالقلب مستحيل تتغيرين !!
فتون : تكفى عاد انت الي قلبك حنون وطيب واتغيرت !
فيصل بقهر : انا شالي خليني اتناقر معاك .. كلها كم ساعه وأرميك عند اهلك رمية وحده !!

انصدمت فتون !!! هذا شيقصد ؟؟؟ بيرميني عند أهلي يعني .. بيـ طـ لـ قـ ني ؟؟؟؟
شخص بصرها وطالعته وقالت : ......... شتقصد ؟؟؟
حس فيصل انها شطحت بتفكيرها وفهمت شي ثاني وحب يخوفها وقال بخبث : اتوقع شفتي حياتنا شلون جحيم ماتنطاق !! وقصدي واضح !!

سكتت فتون .. بلـّمت !! انصدمت .. حست النار تسعر بصدرها .. !!
بيطلقني النذل ؟؟؟ كذا بكل بساطة ؟؟؟ زين وليه ماقالي من قبل ان هذا الي ناوي عليه ؟؟ ويعني ولو قالك ؟؟ بتتغيرين يافتون ؟؟ لو بتتغيرين كان اتغيرتي من زمان .. بدون اي تهديد ووعيد !!
حست الدنيا حولها مولعة !! كنها قاعدة وسط نار ..
اتمنت تلتهمه هالنار وتحرقه وسطها .. !!

لفت وجهها على الجهة الثانية وانطلقت الطيارة مسرعه .. وأقلعت !!
حست فتون هاللحظة بدوااااااااار يدور براسها .. ارتعشت ايدينها وخبتها تحت شنطتها ماتبيه يلاحظ ضعفها .. وكيف ماتتعب وتدوخ واهي حارمة نفسها الأكل والنوم أيام وليالي !!
غمضت عيونها وأخذت نفس عميق وحاولت تستلم للنوم !

::

في بلاد الشعب السعودي الي مو دارين عن شي ..

كانت عبير عند أهلها .. وياكثر ماصارت تزور أهلها !!

كلموها وجدان وبشاير يبون يشوفونها وقالتلهم يجونها بيت أهلها ..

علاقتها صايرة حلوة مع وجدان .. اما بشاير فعلاقتها معها حلوة من زمان ..

تركتهم أمهم ينبسطون وطلعت للسوبر ماركت

وكان بنفس الوقت الي وصلت فيه طيارة فتون وفيصل ...

::


وصلت سيارة التاكسي لبيت أبو سعود .. وعلى طول فتحت فتون الباب ونزلت .. تبعها فيصل بنظراته .. طول الطريق من أقلعوا لهاللحظة واهو يحسها تغلي من القهر .. بعد ماسمعها كلامه !!
يناديها الحين ولا يتركها .. هذا هو الحين قبال بيت أهلها .. بيتجرأ يأذيها بشي قدامهم ؟؟
آآذيها ؟؟؟ شالي آآذيها هل أنا كنت قاصد أقسى عليها الشهور الي راحت ؟؟ مو كانت اهي ترفع ضغطي باستهتارها وعنادها وطولة لسانها ؟؟
لا بس أكيد ماراح تقول لأهلها الحقيقة .. ولو حكتهم وش بيكون موقفهم مني !! أدافع عن نفسي باني أعلمهم كل شي عنها ؟؟ ولا أسكت وأخلي الحق معها !! وليه يدروووون عن شي أصلا .. ! مالها داعي تخبرهم ولا شي عن حياتنا وبس ..

فتح الباب ونزل وفتح شنطة التاكسي ونزل شناطهم للشارع ..
سمع فتون تقول : سولا افتحي الباب ..
فتحت الخدامة الباب كون ان وحده قالت اسمها أكيد تعرف أهل البيت ..
دخلت فتون وفيصل ناداها : فتـون !
فتون ماردت ودخلت مطنشته .. !
فيصل : فتون لحظة بدخل الشنط ممكن تصبرين ؟؟
فتون : وانا شدخلني ..
فيصل عصب وقال : فتوووون قلتلك اصبري .. هي كلمة بقولك اياها وبعدها انقلعي داخل ..
فتون مطنشة ولا كنها تسمع ..
مشى فيصل خلفها تارك التاكسي عيونه طايرة بالي ترك الشنط بالشارع ودخل ..

مسك فتون من ذراعها ولفها بقوة عليه واهو يهمس بعصبية : أقولك اصبري ياعنيدة !
فتون كشرت واهي مغمصة عينها وتقول : خلصني شتبي ؟؟
فيصل واهو ضاغط على ذراعها بقوة آلمتها : لو قلتي لأهلك شي عن حياتنا أقسم بالله ماتلومين الا نفسك !!
فتحت فتون عيونها وقال باستهزاء : شدعوة خايف ؟؟؟
فيصل : ايه خايف .. بس خايف عليك ياذكية !! لأن كل الخطأ بركبه اياك من راسك لين رجولك لأن أهلك يعرفونك .. وتدرين شلون حاطيني فوق روسهم ! (( فلت ذراعها بقوة ورجع طالع للشارع يدخل الشنط ..
وفتون مشت واهي مولعة من القهر .. ايه ادري انهم حاطينك فوق راسهم عساك تطيح تحت رجولهم ياحقير .. وكيف أنسى هالشي واهم زوجوني اياك غصب .. لأنك فيصـل الشهم بنظرهم .. العـاقل الحنون الطيب .. مالت عليك بالخمس !

وقفت عند الباب الخشب وأخذت نفس عميق تهدي نفسها ..
الا انفتح الباب وفتون ابتعدت بسرعه
وطلع خالد !
انتبه خالد للظل الي قدامه وعلى طول التفت وشاف فتون وشخصت عيونه !
ابتسمت فتون وشوفة أخوها شرحت صدرها ونستها كل شي وقالت بشوق : خااااااالد حبيبي وحششششششتني !
خالد استوعب أخيرا وقال : يابنت اللّذينا !!! .. وضمها واهو يضحك ويقول : والله لك فقدة انتي ووجهك !!
فتون : ههههههههههه ايه ماتعرفون قيمتي الا اذا فقدوتي هاه ؟؟
خالد : هههههههههههه شهالمفاجأة الخايسـ ... أأ قصدي الروعـة !
فتون واهي تبعد عنه : انطمممممممم هذا وانا جاية عشان زواجك ..
خالد : ياعمري انتي .. (( والتفت شاف فيصل عند الباب الي كان شاهد على كل الي صار .. كان يطالع بفتون مو خالد .. استغرب كيف تحمل بقلبها كل هالمشاعر الحلوة وهالحب والحنان .. الي مالقى ربعهم ! اتمنى لو كان اهو مكان خالد .. ظل يطالعها لين انتبه لخالد ينزل الدرج ويصرخ ويقول : ياحلو حظي انا الي دوم أفتح الباب للغوالي .. << يقصد سعود قبل
ضحك فيصل وضم صديق عمره وحياته .. وسلم عليه واتبادلوا السوالف ..

فتون فتحت الباب ودخلت وماهتمت تسكره ..
وما امداها تلتفت الا سمعت الصراخ من كل النواحي يصرخ باسمها !
على يمينها : فتوووووووووون
على يسارها : فتوووووووون
قدامها : فتووووووووووون

ضحكت واهي تركض لأحلى اخت وهبها ربها لها .. وضمتها من كل قلبها ..
عبير واهي مو مصدقة : لاااااا كذاااابة كذاااابة ماجيتي ماجيتي .. !
فتون : ههههههههههههههههه ايه هذا قريني
وجدان : يالله وخري خلينا نسلم عليها اشتقنالها احنا بعد ..
ابعدت عبير ووجدان ضمت فتون واهي تقول : ياهلا بام المغامرات لا والحين صارت ام المفاجآت !
فتون : ههههههههههههههه لا ولازلت ام المغامرات بعد ما استغنى ..
وبعدها بشاير حضنتها واهي تقول : ياعمممممري انتي فقدتك حيييييييييل
فتون : هههههه أكيد عاد انتي تتوهين من غيري
وبعدها رجعت عبير ضمتها واهي مو قادرة تستوعب وضحكوا البنات عليها ..
التفتت فتون وقالت : وين أمي ؟؟؟
عبير : طالعة شوي وتجي ..
فتون : يوووه حسافتها ! كان ودي أنا أدخل عليها مو إهي
عبير : اوكي شرايك تنتظرينها بغرفتها اذا دخلت تبدل تتفاجئ فيك !!
فتون بحماس : يالله .. (( وأول مامشت وقفت فجأة واهي تمسك راسها بقوة !
عبير بخوف : فتون حبيبتي شفيك !
فتون واهي متمسكة بذراع عبير : دار راسي فجأة بسم الله .. !
عبير بقلق : اسم الله عليك شكله هدّك السفر .. خلاص اقعدي هنا ماله داعي تطلعين ..
فتون : لا لا .. مافي شي كايد باطلع ..
عبير : اوكي بشويش ..
ومشت فتون وجمبها عبير .. وبشاير ووجدان وراهم ..
ومامداها تطلع درجتين الا فقدت وعيها وطاحت على عبير وطاحت عبير معها واهي تصرخ : فتووووون شفيييييييك !
فتون ماردت .. والبنات اخترعوا واهم يهزونها ..
عبير : بسم الله على اختي الرحمن الرحيم .. (( وصرخت : سووووووووووولاااااااااا هاتي كاس مووووية بسسسسسسرررررررررررعه
بشاير : انا باطلع اجيبه ..
وطلعت الدرج تركض .. وعبير ووجدان شالوا فتون واهم قلقانين وعبير تبكي وتقول : ياعمري عليك يافتون شصار فيييييييك ..
سدحوها على الكنب وعبير صرخت واهي تنادي : بشاااااااااااااير يالله ..
وجدان صرخت واهي تمشي الدرج : بسرعـــــــــة يابشاااااااااااير ..

وصلت تصاريخهم لبرا وين مافيصل وخالد واقفين ..
استغربوا من هالاصوات الي مستحيل تكون خبـّة وفرحة بفتون !!
مشى خالد ودخل وشاف بشاير تناقز بالدرج ومعها كاس موية .. وعلى طول التفت لوين مهي رايحة لقى فتون دايخة على الكنب وبشاير كبت الموية على وجهها ..
انصدم واهو يمشي ويقول : شصار فيها ؟؟؟؟
شهقت فتون من الموية وفتحت عيونها .. وشخص بصرها فيهم .. واهي مو مستوعبة شصاير !
عبير واهي تبكي : حبيبتي فتون شفيك شتحسين ..؟؟
مسكت فتون قلبها واهي تقول بضعف : خفقـ ـ ـان !
خالد : اسم الله عليك .. عبير جيبيلها شي دافي تشربه .. وانحنى ومسكها من خلف ظهرها واهو يقول : امشي معاي بالغرفة الي بالجمب ..
اخذت فتون نفس .. ونزلت رجولها وخالد يعاونها تاقف .. وفجأة تأوهت بألم وقالت : آآآآي سااااقي مقدر أوقف !
بشاير : ياعمري شكلها تعورت لما طاحت !!
خالد : شالي صار فيها ؟؟
بشاير : ماندري فجأة واحنا طالعين الدرج داخت وطاحت ..
خالد : لا حول ولا قوة الا بالله .. شكلك ما أكلتي ولا نمتي زين !
فتون بوهن تكابد دوختها : اممم مادري .. آآآه دايخة ..
خالد شالها من تحت ظهرها وتحت رجولها ومشى واهو يقول : افتحولي هذا الباب ..
أسرعت وجدان وفتحت الباب .. وكانت غرفة نوم اضافية ..
مشى خالد وحطها على السرير ووجدان فتحت النور والمكيف ..
خالد : فتون .. نوديك المستشفى .. ؟
فتون : لالا .. بس ابي انام شوي ..
خالد : اكيد يافتون ؟؟
فتون واهي مغمضة عينها : امممم ..
خالد : زين اصبري قلبي لين تجيبلك عبير شي تشربينه ..
فتون :...............
خالد بقلق : فتوووون !
فتون : ايه ايه طيب ..
وقف خالد واهو يتنهد .. وفجأة اتذكر فيصل الي انفجع معاه برا يوم سمعوا التصاريخ ..
وطلع عنده ..
بنفس اللحظة نزلت عبير معها حليب دافي وساندوتش صغير ..
شافت الباب مفتوح عرفت انهم بالغرفة وعلى طول راحتلهم ..
دخلت واهي تقول : شلونها ؟؟؟
بشاير واهي تطالع فتون : أحسن شوي بس تبي تنام ..
عبير واهي تقعد جمبها : فتون حياتي قومي كلي واشربي شوي بعدين نامي ..
فتون : مابي عبير والله مااااقدر
عبير : فتوووون عشان خاطري ياعمري لاتخرعيني عليك .. قومي كليلك لقمتين واشربي الحليب تكفيييييين ..

دخل خالد وقال : بنات اطلعوا شوي .. فيصل بـيدخِل !!


::

تعبت تعبت تعبت تعبت بهالجزء !!
فلا تبخلون علي بالرود والتعليقات الي تشفي تعبي ..

حبي لكم

***********

[جرح الذات]

الجزء الثاني والعشرون




دخل فيصل بعد ماطلعوا البنات وسكر الباب وراه !
مشى بهدوء واهو يتأملها متمددة على جمبها وضامة البطانية لصدرها ومسكرة عيونها بتعب..
انتبه لصحن الحليب والساندوش الي على الطاولة .. عرف انه لها وانها رافضة تاكله ..
قعد جمبها على السرير ومسح على راسها بخفة واهو يقول بحنية : فتون ممكن تقعدين شوي ؟؟
فتون كنها سمعت خالد يقول ان فيصل بيدخل .. !!
وكنها حست فيه يوم دخل ومشى وقعد جمبها .. وخفق قلبها بقوة واهي الخفقان ذابحها مع التعب .. بس مع دوختها مو قادرة تستوعب وش يدور حولها بالضبط ..
طالعها فيصل ينتظر منها أي حركة ورد .. لقاها تغمض عيونها بقوة وتضم البطانية لصدرها أكثر ..
لمس بأصابعه جبينها لقاه مسخن شوي .. كنها بداية فلونزا ..
قرب منها أكثر واهو يقول : فتون .. افتحي عيونك شوي ..
فتحت فتون عيونها بوهن .. وشافته واهو مقرب منها ويطالعها .. كشرت بخوف واهي تلم نفسها بشكل يبين انها خايفة منه وقالت بخوف : شتبي فيصل .. ترا والله ماقلت لأحد شي والله .. لاتضربني الله يخليك ..!

انصدم فيصل !! بالوقت الي المفروض يحسسها بالأمان .. حسسها بالخوف والرعب !! لهالدرجة صارت ترتعب مني وتحسبني بآذيها !
اتأمل نظراتها الخايفة والدموع مجمعة بعيونها .. كنها طفلة تترقب الخطر يهجم عليها !! شالي سويته يافيصل فيك وفيها ؟؟

ضاااااق صدره من نظراتها وابتسم بحنية وهو يقول : حياتي انا مو جاي أضربك .. أنا جاي أتطمن عليك .. قالي خالد انك دختي وطحتي وخفت عليك !
لانت ملامح فتون شوي .. وقالت : لاتخاف مافيني شي .. بنام وبرتاح !
فيصل : لاتنامين قبل ماتاكلين .. (( وقف بدون ماينتظر ردها ومشى ياخذ الصحن والحليب ..

تبعته فتون بنظراتها وقالت : ليه سافرت وتركتني يافيصل ؟؟؟؟
التفت فيصل بسرعه عليها واهو عاقد حواجبه باستغراب .. !!

شافها تطالعه ودموعها تسيل بلا شعور منها وتقول بصوت متقطع مع التعب : كنت محتاجتك جمبي ذيك الفترة .. لانها الفترة الي حبيتك فيها واتعلقت فيك بعد .. يمكن أنانية اني حبيتك بتملك .. بس كنت خايفة أضيع من بعدك .. ومع كذا سافرت وتركتني وضيعتني ! (( بكت بقوة واهي تقول : ليه ضيعتني يافيصل ..؟؟ كنت تقدر تترك السفر وتستغل قربي ذاك الوقت وتخطبني .. كنا وقتها بنعيش مبسوطين ونحب بعض .. بس انت اغتريت بعمرك وبغيت تعاقبني على ولا شي ! على اني ماحبيتك من يوم اني صغيرة مثلك ؟؟ على اني ماهتميت فيك وبوجودك زي ماكانت مرام على خالد ؟؟؟ على اني ماغصبت قلبي يحبك ويعشقك من طلعت على هالدنيا ؟؟ ويوم جت اللحظة الي حبيتك فيها استهزأت فيني وتركتني .. !

انلجم فيصل و وقف مصدوم ويطالعها بنظرات تنم على صدمته ! ماكان يتوقع انها كاتمة بقلبها كل هالكلام وشايلة بخاطرها عليه لهالدرجة !!

قعدت فتون على السرير بصعوبة ومسحت دموعها وكملت وهي تشاهق : وش كنت تنتظر مني يوم رجعت ؟؟؟ آخذك بأحضاني وأقول عفية عليك حبيبي عذبتني ؟؟ جرحتني عاقبتني بكيتني دمرتني ؟؟؟؟

فيصل أخيرا نطق وقال : جرحتك وبكيتك ودمرتك ؟؟؟؟ والله الي اعرفه ان مو هذا الي صار فيك .. الي اعرفه انك استغليتي سفري ودورتي على حب ثاني !

فتون انفعلت واهي تمسك راسها بتعب وتقول واهي تشاهق : لاااا يافيصل غلطان .. يافيصل اتذكر قبل ماتسافر طلبتك عند باب بيتنا انك تقعد عشاني ! تتذكر ولا لاء .. ؟؟ قعدت اترجاك وأقولك يافيصل بظيع من بعدك .. ان كانك ماتبيني أتهوّر لا تسافر وخلك معاي ! تذكر وش رديت علي وقتها ؟؟؟ تذكر ؟؟؟

فيصل مارد وضاعت عيونه بالفراغ واهو عاقد حواجبه يسترجع ذيك الأحداث !

كملت فتون تبي تذكره وقالت : أنا أذكرك !! قلتلي انتي ماتبيني اقعد الا عشان أمنعك من التهوّر لأنك تحسبني ماشوفك غير محامي عني وبس .. ماكنت حاس بالي بقلبي وقتها وأنا أتمناك تقعد ..

فيصل : بس انتي ماصارحتيني !

فتون بانفعال : لا تقول ماصارحتك !! حتى يوم كنت ببيتكم أبكي بالحوش وجيت انت وشفتني .. قلتلك فيصل بمووووت اذا سافرت .. بتذبحني بسفرتك .. صرت تتريق انت وتقول مشاعر وقتيه كل واحد يحسها تجاه اي شخص كان مسوي ضجة بحياته !!!

شهقت بقوة وبعدها سكتت وكملت بألم : كنت مابي أخسرك وكنت أرددها عليك ألف مره .. مابي أخسرك يافيصل مابي .. بس انت استهيفت فيني وبمشاعري ورحت وتركتني.. بنفس الوقت الي راح سعود وتركني .. وبذيك الفترة اتزوجت عبير وتركتني .. محد كان حولي وقتها وش كنت تتوقع مني اذا لقيت أحد يحبني وبكل ثقة اتقدم وخطبني ؟؟؟؟
أرفضه عشان واحد خذلني وراح ؟؟؟؟
سحبت مناديل من جمبها ومسحت دموعها ولمت راسها بإيدينها واهي تغمض عيونها بتعب ! كانت هالذكريات تحرق كيانها خاصة واهي تعبانة الحين ولاهي ناقصة تتذكر شي يتعبها ..
مشى فيصل عندها واهو يقول برجاء : بس يافتون .. انتي شالي خلاك تكتمين بقلبك هالكلام طول هالوقت .. كنا عايشين لحالنا ثلاث شهور مانطقتي فيهم .. ؟؟
قعد جمبها وحط الصحن والحليب جمبه ومسك ايدها وضغط عليها واهو يقول : ليه الحين اتكلمتي وانتي منهارة وتعبانة؟؟
فتون : انا ماكنت باتكلم أبد .. بس دامك قررت تطلقني بسبب تعاملي لازم تعرف وش أسباب تعاملي هذا !
ضيق فيصل عيونه وقال بابتسامة حنونة : أطلقك ؟؟؟؟
فتون هزت راسها ببرائة وقالت : مو هذا كلامك بالطيارة ؟؟؟
فيصل بنفس الابتسامة : انا قلت بطلقك ؟؟؟؟
فتون : قلت بارميك عند أهلك رمية وحده هذا شمعناه ؟؟؟؟
فيصل : له ألف معنى غير اني أطلقك .. (( مسح على خدها بنعومة واهو يقول : مشكلتي مع كل الي تسوينه فيني أحبك يافتون ولاقدر استغنى عنك .. وانا كان قصدي أخليك عند أهلك هالفترة .. بريحك مني شوي وأخليك تنبسطين مع اختك الي من زمان ماشفتيها ومع امك وصاحباتك .. وانا خليني بعيد كل واحد فينا يراجع حساباته و .. يختبر مشاعره !

فتون لسبب ما سالت دموعها من جديد .. ماتدري شهالصراع العجيب الي يدور بقلبها مابين حاجتها ورفضها لقربه ..
مسح فيصل دموعها واهو يقول بضيق : الحين ليش تبكين ؟؟ مو تقولين انا نادرا ماأبكي ؟
فتون : لااستانس حبيبي .. على يدك اتعلمت كل انواع الدموع .. هذا الي كنت تبيه وتتمناه ومستغرب ليه ماتشوفني أبكي !! .. علمتني شلون هي دموع القهر .. وش هي دموع الحزن وش هي دموع الخوف وش هي دموع الألم والضرب .. و ....
فيصل قاطعها بضيييق : خلاص فتووووووون .. يعني بالله عليك انتي ماسويتي شي ؟؟ مو كنتي دايم تنرفزيني بكلامك وحركاتك ؟؟؟
فتون واهي تشاهق : اي انا الغلطانة وانا الظالمة وانا هذا طبعي شتبيني أسوي ؟؟ وانت ماخليت عقاب ماعاقبتني فيه وتبيني أتعدل من بعده لا مستحيل !! بالضرب والصراخ انا ماأمشي يافيصل وانت يوم رحمتني أخيرا شسويت ؟؟ كيف كانت رحمتك ..؟؟ جافيتني وصار كل واحد بحاله لا كلام ولا سلام ؟؟ وتبيني أتغير ..؟؟ انا مو بهالاسلوب أتغير يافيصل مو القسوة الي اتغيرني !
ماتحمل فيصل كلامها وضعفها وسحبها لصدره بهدوء وضمها .. شلون نسى انها طفلة بكل ماتعنيه الكلمة ! طفلة ماتمشي الا بالكلام الحلو والطبطبة واللين ! وبلحظة نسى كل الي سوته فيه من عناد وطولة لسان .. وماصار يذكر الا حبه الكبيـــــر لها .. وباس راسها واهو يحس بالندم على كل الي سواه فيها ..
لمت فتون نفسها على صدره واهي تمسح دموعها ..
مسح فيصل على راسها بحنان وبإيده الثانية رفع كاس الحليب وقربه من فمها وقال : اشربي يافتون شوي
فتون : بطني لايعة فيصل ماقدر ..
فيصل : شوي بس يافتون مو لازم تخلصينه كله ..
قربه من فمها واهي لازالت على صدره .. فتحت فمها وشربت شوي .. وحاول معها تشرب زيادة لين حست انها مو قادرة تبلع شي أبد ..
رجع فيصل الكاس وخلاها ترتاح على صدره .. كانت ساندة راسها وجسمها على الجمب .. ظل يمسح على شعرها ويتأمل ملامحها الذبلانة .. وعيونها مسكرة بتعب ..
اجتاحت مشاعر حبها بقلبه .. اتمنى هالوقت لو يقدر يرجع الأيام لورى ويغير كثير من مواقفه .. لو اني بس ماسافرت عنها .. لو اني بس ماقسيت عليها .. لو اني اتحملت دلعها وزعلها وعنادها .. لو .......... آخ شتنفع اللو الحين !! هذانا وصلنا بالآخر لهالحال !

اتنهد وطالع فيها لقاها مو حاسة فيه .. شكلها نامت من التعب .. قطع قلبه شكلها واهي نايمة وآثار الدموع والتعب على وجهها .. بلحظة انفعلت وطلعت كل الي بقلبها .. وبلحظة هدها التعب ونامت ! وش يبي أكثر من كذا ليجزم انها طفلة !!
مسكها من خلف ظهرها بخفة .. ونزلها مكانها بهدوء .. وغطاها بالغطا .. وانحنى وباس جبينها وهمس عند اذنها : باشتاقلك حياتي ..
اتأملها بآخر نظرة .. حسها غاطسة بالنوم وتعبانة ولاهي حاسة فيه .. نزل عينه بعدها ومشى عنها وفتح الباب وطلع واهو يقاوم التفاتة أخيرة لو التفتها يمكن يتراجع عن قراره .. ضغط على قلبه وطلع بهدوء .. وسكر الباب بنفس الهدوء ..

مشى وانتبه لخالد وعبير قاعدين بالصالة ووجدان وبشاير استأذنوا وراحوا ..
ضيق عيونه فيهم واهو يشوف بعيونهم الاستفسار .. قال من قبل مايسألونه : شربت شوي من حليبها ونامت ..
خالد : شفيها يافيصل ؟؟؟
فيصل واهو يقعد : ابد ياخالد بس ماكلت ولانامت زين هاليومين ..
خالد : أكيد مو شي ثاني ؟؟ مايحتاج نوديها المستشفى ؟؟
ابتسم فيصل بخفة واهو يدري وش يقصد .. وطبيعي جدا انه يفكر بهالتفكير لان محد يدري عن الوضع والانفصال الي كانوا عايشينه بذيك البلاد ..

قال : لاتقلق ياخالد مافي شي .. خلوها تنام ولحد يصحيها لين تصحى بنفسها وترتاح وبعدين خلوها تاكل زين وان شاء الله بتتحسن .. الي فيها ضعف صدقني !
خالد بضيق : واهي ليه وصلت لهالضعف طيب ؟؟؟
طالعه فيصل بنظرة فهمها خالد على طول .. انه مايبي يقول شي قدام عبير .. والتفت على عبير وقال: شلونك عبير .. ؟؟
عبير : بخير الحمدلله .. انت شلونك والحمدلله على سلامتكم ..
فيصل : الله يسلمك اعذريني والله مانتبهتلك وانا داخل الغرفة قبل شوي !
عبير : لا عادي كلنا انربشنا ..
فيصل : شكل خالتي مو موجودة !
خالد : اي والله طالعة بس شوي وتجي ..
فيصل واهو يوقف : زين بروح أشوف أهلي الحين وان شاء الله بمر وقت ثاني أسلم عليها وعلى عمي ..
خالد واهو يوقف : مامريت على أهلك ؟؟؟
فيصل : لا والله من المطار على هنا ..
خالد : يالله أجل أنا أوصلك
فيصل : مو بكيفك اصلا مالي غيرك ..
خالد : ههههههههههه بدينا ..!
ضحك فيصل ومارد .. ومشى وطلع واهو مافيه حيل يرد .. كلام فتون وشكلها وحالتها ضيقت صدره وقتلت اي احساس فرح ممكن يحسه ..

ركبوا السيارة وفيصل رجع المرتبة على ورى وسند راسه .. شغل خالد السيارة واهو يطالع بفيصل وقال واهو يحرك السيارة : شفيكم يافيصل ؟؟
فيصل : فينا الي كافينا ..
خالد : والله اني حاس .. فتون هذي محد يقدر عليها الا الي خلقها ..
فيصل بضيق : لاتظلمها ياخالد .. انا الي ماعرفت أكسبها وأتعامل معها ..
خالد بسخرية : شالي ماعرفت ؟؟ ترا ذي طفلة أي أسلوب يمشي معها ..
فيصل : وهذي المشكلة ياخالد .. الطفل وخاصة اذا كان عنيد .. ماتمشي معاه القسوة !
خالد بصدمة : وانت كنت قاسي معها ؟؟؟؟
فيصل بغصة : أكثر من ماتتصور !
خالد : ليه يافيصل ؟؟ هذا وهي غالية على قلبك .. !
فيصل : لاتلومني ياخالد والي يرحم والديك قلتلك الي فيني كافيني ..
سكت خالد شوي وبعدها قال : حتى ولو يافيصل أكيد اهي حدتك وطلعتك من طورك !
فيصل بقهر : انت ليه شايل عليها ؟؟؟؟
خالد : مو شايل عليها ولا شي بس اختي واعرف طبعها ..
فيصل : اختك مافي أزين منها حبيبي بس يبيلها من يعرف يكسبها .. (( اتنهد بضيق وسكر عيونه ..
طالعه خالد حس انه ماله خلق يحكي ويتكلم ..
وفيصل راح بأفكاره مابين كلام خالد ومابين أحاسيسه .. يحس بالندم واللوم .. يحس بتأنيب الضمير بنفس الوقت يحس بالظلم !! نادم على قسوته وضربه وعصبيته وانفعاله .. بس شسبب هذا كله ؟؟؟
اتذكر كلام فتون :
"عاقبتني على ولا شي !!!"
" على اني ماحبيتك من يوم اني صغيرة مثلك ؟؟ على اني ماهتميت فيك وبوجودك زي ماكانت مرام على خالد ؟؟؟ على اني ماغصبت قلبي يحبك ويعشقك من طلعت على هالدنيا ؟؟ "
انعصر قلبه بقوة .. كان يحبها بكل حواسه وبكل ذرة بكيانه .. كان ولازال على هالحال .. وبنفس الوقت كان احساس انها ماتكن بقلبها تجاهه ولا شعور .. يحرق قلبه .. لا والي يحرقه أكثر انه يحسها ماتطيقه ولاتبيه !!
ليتها بس ماحبتني .. كان أهون علي من انها كانت ماتطيقني وترفضني .. يمكن هذا الي خلاني أروح وأتركها يوم حسيتها بدت تميل لي .. ماكنت أبي أظيع بالمتاهات الي شفتها بعيونها .. مشاعر توها انولدت بقلبها !! كنت أبي أنميها وأكبرها.. بس للأسف قتلتها بمهادها !! كنت أبي أحسسها مرارة الحرمان الي حسيتها .. أبي أذوقها ألم الهجر والبعاد .. ظنيت اني بولعها أكثر .. هههههه ياحظي أبعدتها أكثر !!
اتنهـــــــد تنهيدة وصلت لمسامع خالد الي رجع يلتفت عليه ويطالعه وماقدر يمنع نفسه يسأل : طيب الحين خليتها عندنا وبعدين ؟؟ شناوين عليه ؟؟
فيصل بنفس وضعيته : مادري ياخالد .. الحين خلنا نبعد شوي عن بعض كل واحد يراجع حساباته واذا كان لنا نصيب نرجع لبعض رجعنا .. وان كان مالنا نصيب .. (( وبتنهيدة : أكبر غلط أجبرها ترجعلي زي ماجبرناها تتزوجني !


خالد : لا ان شاء الله بترجعون لبعض يافيصل وبدون ماينجبر احد على الثاني ..
فيصل بهمس : ربك كريم ..

وصلوا البيت ونزل فيصل وشكر خالد .. وقاله : اتفضل اقعد معانا شوي ..
خالد : لا مشكور يافيصل خذوا راحتكم انتوا
فيصل: يالله أجل بيننا اتصال ..
خالد : ان شاء الله .. سلام ..
وركب السيارة وشخط فيها ..

فتح فيصل الباب بالمفتاح الخاص فيه ودخل وسكر الباب وراه .. أخذ نفس عمييييييييق واهو يتأمل الحوش .. وابتسامة انرسمت على فمه واهو يتخيل أمه وخواته ..
مشى واهو يخمن من ممكن يواجه أول مايدخل وكيف وضعهم ؟؟؟
فتح الباب الداخلي وأول مادخل سمع صراخ يقول " جـــــــاء جــــــــاء ... "
وبعدها سمع صوت ركض لناحيته التفت بسرعه لقى مشعل يركض وبعدها وقف مصدوم وقال واهو موسع عيونه بصدمة : لا لا ماجــــاء !!
ضحك فيصل : منهو الي جاء وماجاء .. !
مشعل واهو لازال مصدوم : أبوي .. أحسبك ابوي .. انت ليه جيت ؟؟؟
فيصل : ههههههههههههههههههههههههه ههه حلوة ليه جيت مب عارف تعبر عن صدمتك .. تعال يالدوب اشتقتلك
أخيرا استوعب مشعل وصرخ واهو يركض : فيصـــــــــــــل أخوووووووووي جااااااااااااء
ضحك فيصل وفتح ايدينه وضم مشعل واهو يقول :هلا والله بنائب ولي العهد .. شلووونك حبيبي ؟؟؟
مشعل : بخير الحمدلله ( وقف وقال : وش السالفة ؟؟؟
فيصل : ههههههههههههه أبد الله يسلمك يقولون زواح اختي اسبوع الجاي وجيت أحضره
استانس مشعل انه يكلمه كنه رجال ورفع راسه وقال : وخلصت ولا بترجع ؟؟
فيصل : اختياري وانا اخوك .. لو بغيت ارجع رجعت ولو بغيت اقعد قعدت
مشعل صدق عمره ورفع حاجب وقال : انا اقول انك ترجع !!
فيصل هههههههههههههههه اقول انقلع

" فيـــــــــــــثــــــل "
ومن غيرها الي تناديه بهالطريقة ؟؟ التفت وعلى فمه أحلى ضحكة وشافها واهي ورى الدرج مستحية .. انحنى بسرعه وفتح ايدينه ونادها واهي استحت وغطت وجهها .. ضحك واهو يقول : شفيك مستحية حبيبتي تعااالي ..
ركضت واهي مغطية وجهها وطاااااحت بحضنه وشالها وضمها وداااار فيها واهو يقول : وحشتيييييييني يابعد هالدنيا انتي ..
ضحكت ساره واهي تقول : وانت وحسـتيني بعد ..
فيصل : وحستك ! هههههههه يازينك
مشى واهي متعلقة برقبته واهو ضامها من ظهرها ويقول : مشعل وين أهلي ؟؟؟
مشعل واهو يمشي وراهم : أبوي طلع مشوار وقال اذا قعدتوا عاقلين بجيبلكم حلويات وأنا جاي !
فهم فيصل ان ابوه ماوصاهم كذا الا لأن محد حولهم .. وقال : ليه وين امي والبنات ؟؟
مشعل : منى ومرام بالسوق .. وامي وخالتي فوق بغرفة مرام يرتبون أغراضها ويبكون ..
فيصل : يوووووووه لازم هالموال ؟؟
طلع الدرج بسرعه وساره تضحك لانها تناقز معاه واهي متعلقة برقبته ..
مشى لغرفة مرام وشاف بابها مفتوح ابتسم ومشى ووقف عند الباب وقال بصوت عالي : جاااااااااكم من يمسح دموووووعكم .. !
مشعل ضحك وراه وقال : ههههههههههههههههههه كرتون مناديل
أم فيصل شهقت وخبطت صدرها وقالت : ياقليبي على ولييييدي !! (( وسالت دموعها وهي توقف ..
فيصل واهو يمشي ناحيتها : ياقليبي انتي يمه ..
حاول ينزل ساره بس هالبنت متعلقة بقوة راح أبعدها على الجمب وضم امه من الجهة الثانية ..
مشعل عصب وجا ورى ساره وصار يهمس بعصبية : انزلي ياغبية خلي فيصل يسلم على أمي
ساره بقهر : قاعد يثــلم عليها الحين وس دخلك ؟؟؟
مشعل بنفس العصبية : مو قادر يسلم عليها زين بسببك ..انزلي وبس ..
مانتبه الا على الي شدته من اذنه واهي تقول : انت مالك شغل فيها .. سامع ولا لاء !!
مشعل صرخ : آآآآي آآآآآي طيب نسيت ان محاميتها موجودة !
حنان واهي تترك اذنه : لا حبيبي موجودة او مني موجودة لاتحارشها ..
وقعدت جمب ام فيصل طبعا بعد ماسلمت على فيصل ..
قعد فيصل جمبهم وساره بحضنه وقال واهو يقعد : ايه يمه وش أخباركم أجل حايسين ؟؟؟
ام فيصل : مره يافيصل كل شوي تطلعلنا شغلة ونسويها واختك بعد تتشرط وتبي كل شي على سن ورمح ..
فيصل : ههههههههههه أكيد زواج الغالي ..
حنان : اي والله لو تشوفها شلون مستخفة ..
فيصل : ههههههههههه ياحبيلها .. وانتي ياحنان أخبارك ؟؟
حنان: بخير ياعمري والله اشتقناااااااالك انت وفتووون مرررررره ..
أم فيصل :إي والله .. وينهي وديتها لأهلها .. ؟؟
فيصل : اي وبتجي ان شاء الله تسلم عليكم ..
ساره : ليه ماجـت معااااك أبي أسوووفها ..
فيصل : والله ياعمري حتى هي تبي تشوفك وان شاء الله تجي وتجيبلك هدية معها
ساره بفرحة : ياسلااااااااااااام .. (( وطالعت بمشعل وهي تضحك
مشعل : حتى انا بتجيبلي وتشوفين ..

سمعوا الباب السفلي ينفتح .. وفز مشعل واهو يقول : جا ابوووووي ..
وقف فيصل واهو يبتسم وساره لازالت متعلقة برقبته .. قال واهو يحاول ينزلها : حبيبتي بروح أسلم على بابا بعدين أشيلك
ساره بضحكتها الي ماتفارقها : تيب ..
باسها وطلع وطلع الكل معاه ونزلوا الدرج وسمع ابوه واهو يقول : لالا تكذب يامشعل ؟؟؟ بذمتك ؟؟
رفع عينه وشاف فيصل ينزل الدرج !!
شخص بصره وشقت الضحكة وجهه وهو يقول : هـلااااااا والله بفيصـــــــــــل هلا بالغالي ..
فيصل : هلابك ياتاج راسي .. (( وباس راسه وإيده وضمه بكل شووووق ..
أبو فيصل وصوته متهدج بالدموع : هلا هلا والله .. الحمدلله على سلامتك يبه
فيصل رجع يبوس راسه وقال : الله يسلمك ويبقيك ..
ومشوا كلهم للصالة وقعدوا سوى ..

وماطال الوقت يوم وصلت منى ومرام ..
فتحوا الباب ودخلو ومعهم أكياسهم ومرام تقول : آآآآآآآآه ياظهري ان شاء الله هذي آخر مره أنزل السوق
منى : كل يووووم تقولين آخر مره ومن بكرا تنزلين وتجريني معاك من الدوام والله بيحاسبوني ..
مرام : قايلتلك خذي اجازة مارضيتي و .......... ((قطعت كلامها فجأة يوم التفتت وشافت فيصل يطالهم ويضحك ..!!
صرخت واهي ترمي الاكياس : فيييييييييييييييصل !
منى انفجعت وقالت واهي تلتفت : بسم الله وين ؟؟؟؟
وشهقت يوم شافته ورمت الاكياس اهي الثانية وصرخت وركـــــضت اهي ومرام عليه ..
وقف فيصل واهو يضحك وما مداه يوقف الا نطوا الثنتين عليه وقامت ساره تحسب الدعوة لعب ونطت عليه معاهم !!
طاحوا كلهم على الكنب وقال ابو فيصل وهو يضحك : شوي شوي ذبحتوا الولد !
مرام واهي تضمه بقوة وتقول : حبييييييييبي والله اشتقتلك مووووت موووووت !
منى : واهي تضمه من الجهة الثانية : فصوووولي ياقلبي وحشتنييييييييييييييييي
ساره الملقوفة : فـثوووولي وحسسسسسسستني
مرام : انا قايلة حبيبي اخوي مو مطنشني وأكيد بيجي يحضر زواجي
منى : مسكينة انتي جاي عشاننا كلنا مب عشان زواجك بس
ساره : اييييه عساننا كلنا ..
مرام : لاااااا عشان زواجي غصب عليكم .. مو صح فصووول؟؟

فيصل بصوت يالله يطلع : الحين ممكن تبعود عني يالثلاث عشان أقدر آخذ نفس وأرد عليكم!!

ضحكوا وأبعدوا عنه شوي بس ذراعاتهم على رقبته .. أخذ نفس بطريقة تضحك وقال : هلا والله !
ضحكوا ورجعوا يرحبون فيه ويتهاوشون عليه ..

" آآآآآآخ متى أرجع لأهلي مثلك فصووووووووول وخلهم يكتمون على أنفاسي أهم شي أرجعلهم فديتهم "


******

فتحت عيونها بتعب .. والتفتت على يمينها واتفاجأت بصورة جبمها تعني لها الكثيـــر .. صورة خلتها تبتسم وتلتفت على يسارها عشان تتأكد من المكان الي هي فيه .. ! شافت سرير فاضي بس عرفت صاحبته .. أخذت نفس عمييييق واهي تملا صدرها بريحة الغرفة .. آه ياقلبي هذي غرفتي انا وعبير .. !
قعدت بخفة واسترجعت على طول الأحداث الماضية ..
دخلت سلمت على عبير وبنات عمتي بعدين حسيت الدنيا تدور فيني .. بعدها انتبهت على موية تنكب على وجهي بعدين جا خالد وشالني للغرفة ومعاه البنات ..
بعدها ... بعدها ..
طلعوا البنات ودخل فيصل !!
اتذكر ان فيصل دخل وانفجرت أنا فيه واتكلمت كلام كثييييير .. أتذكر ان كل الي بقلبي طلعته ذاك الوقت .. بس كان مصدوم من كلامي ! ايه أكيد ماتوقع اني شايلة بقلبي عليه !! بس غريبة ماعصب علي وضربني !! اي والله غريبة !!
جاني وقعد جمبي و حضني !! وهـ شلون خليته يحضني ؟؟ لا وبعد شربني الحليب و .. بعدين شصار !!
شهقت واهي تحط ايدها على فمها وتقول .. شكلي نمت على صدره !!! .. يوووووووه انا شسويت ؟؟؟ شكلي كنت تعبااااانة وماحسيت على نفسي .. شلون أرضى انام على صدره واهو هددني بالطلاق !!!
طلاق ؟؟ وش قاعدة أخربط أنا .. صح هو قال انه مستحيل يطلقني لأنه .. يحبني ..! ولأنه مايستغنى عني .. !! طيب الحين انا فرحانة ولا وشو بالضبط ؟؟؟
يووووووووه شهالافكار انا بعد خليني أقوم أشوف أهلي بس .. شكل أحد منهم شالني وحطني بغرفتي .. فديتهم بعد عمري ..
وقفت وتأوهت بألم ورجعت قعدت على السرير ! آآآآآي ساقي ! شسالفة هالساق كل مالي أنخبط فيه وبنفس المكان !!..
طالعت الساعه لقتها 6:30 الصباااح .. وقفت مره ثانية وسكرت عيونها بألم بس قاومت آلامها ومشت للحمام .. لقت ملابس لها مجهزة على الدولاب وابتسمت بفرح .. يااااااااسلااااام رجعت أيام الدلع والدلااااال ..
سكرت الباب وأخذت لها شاور سريع وبدلت ملابسها وطلعت واهي تقاوم ألم ساقها .. لقت سجادتها الي دايم تصلي فيها بمكانها ..
فرشتها وصلت الفجر .. وبعدها مشت وفتحت باب غرفتها بهدوء وطلعت ..
مشت واهي تعرج لين الدرج وطلت منه وشافت خالد وأبوها يفطرووون ..
ابتسمت بكل فرح واهي تشوف أبوها ووقفت أول الدرج وقالت بدلع : باااااااابي !
التفتوا كلهم للصوت وشافها أبوها وكنه شايف جنته قدامه !! نط من مكانه واهو يقول : ياعيون بابك انتي ..
خالد : بابك ههههههههههههههههههه لا دولابك أزين ..
ضحكت فتون واهي تنزل الدرج بشويش وتقول : اسكت يالغيووووور ..
طلع أبوها نص الدرج واهي نزلت للنص ونطت عليه واهو ضمها من خاطر أبو ولهان ومشتاق لبنته ودلوعته ويقول : شلونك حبيبتي ان شاء الله بخير ياماما؟؟
فتون : الحمدلله انت شلوووونك يبه اشتقتلــك ؟؟
ابو سعود : بخير والله الحمدلله على السلامة
فتون : الله يسلمك يارب
ابعدت عنه ونزلت جمبه واهو نزل قبلها واهو يقول : شلون فيصل ان شاء الله طيب ؟؟
فتون : ........... بخير .. الحمدلله ..
نزلت وقعد ابوها وقعدت جمبه وريحة الأكل شهتها واهي الي صارلها كم ما أكلت ..
خالد : اكيد اشتيهتي الحين وبتخلصين الاكل علينا
فتون : اسكت والله بمووت من الجوع ..
خالد : قومي خلي سولا تسويلك شي واتركي فطوري انا وابوي
ابو سعود : خالد وجع ! خل اختك تاكل الي يسمع يقول بتاكل كل هالصحن الحين ..
خالد واهو يضحك : وسع صدرك يبه أحب اناكفها
ابو سعود : سمي بالرحمن حبيبتي وكلي ..
فتون : ماعليك يبه لاتوصيني .. ((وشمرت أكمامها بطريقة ضحكتهم وبدت تاكل ..

ابو سعود : اتغدي عندنا يافتون مابي ارجع القاك رحتي !
فتون بصدمة : وليه وش يروحني اصلا ؟؟؟
ابو فيصل : يجي فيصل ويضحك عليك بكم كلمه وياخذك قولي لا اقعد انت اتغدا مع ابوي
فتون : ايييييييه .. لايبه لاتشيل هم .. انا باقعد على قلوبكم طول هالايام !
ابو سعود : ليه يمه عسى ماشر ؟؟
فتون بضحكة : مافي شي يبه شفيك خفت بس مشتاقة لكم وابي اشبع منكم كم يوووم ماتكفيني ساعات ..
ابو سعود : ايه أشوا اجل الحمدلله ..والله حتى انا مشتاقلك وابي اقعد معاك زين اذا رجعت ..
فتون : ان شاء الله ..
وقف واهو يقول : يالله اجل فمان الله .. خالد لاتاخذك السوالف وتتأخر ..
خالد : قايم قايم ..
طلع أبو فيصل الا خالد قال : كم يوم ناوية تقعدين ..؟؟
فتون واهي تاكل : مدري ليش ؟؟؟
خالد : لا بس باتطمن عليكم ..
فتون : انت خل بالك من نفسك وبزواجك الي بعد اسبوع وماعليك منا ..
خالد : والله تشوفين اذا محد نفعكم غيري !
سكتت فتون شوي بعدين قالت : تنفعنا بايش ؟؟ انت تدري عن شي ؟؟
خالد واهو يوقف : لالا وش بيدريني أصلا .. يالله اشوفك اذا رجعت .. مع السلامة

وطلع واهي عقدت حواجبها تفكر شوي .. بعدين نفضت من بالها اي أفكار وكملت أكل ..

طلعت سولا وقالت : مدام تبغى جيب فطور تاني !
فتون : ههههههههههههههههههههههههه ههههه وش قلتي ؟؟؟؟
سولا باستغراب : تبغى فطور تاني ؟؟؟
فتون : لالا ههههههههههههههههههههههههه هه الكلمة الي قبلها وشهي ؟؟؟ وش ناديتني ؟؟
سولا وهي تضحك : مدام !!
فتون : ههههههههههههههههههههههههه هههههههههه والله وصرتي مدام يافتون ههههههههههههههههههههههههه هه تجنن منك ياسولا .. ههههههههههههههههههههه انا فتون الي كنتي تهاوشيني وانا بزر وتطلعيني من المطبخ صرتي تقوليلي مدام ههههههههههههههههههههههههه هه
سولا : ههههههههههههههههه هيّ كدا دنيا
فتون : ههههههههههههههههههههههههه ه بطني آآآآه ههههههههههههههههههههههههه ه اي والله هيّ كدا دنيا ولا بالله ياسولا كنتي تتوقعين اني باخذ فيصل ؟؟ فيصل الي كنت اكرهه واتهاوش معاه كل ماشوفه اتزوحه ؟؟ خطر على بالك هالشي ؟؟
سولا مافهمت وش تقصد بس فهمت ان الكلام عن فيصل وقالت : سفتي كيف ؟؟
فتون : ههههههههههههههههههههههههه ههههههههههههههه بس ياسولا ضحكتيني رووحي خلاص مابي شي
سولا واهي تهز راسها : ههههههههههههههه مزنونة انتي ..
فتون : ههههههههههههههه وجع انتي المجنونة ههههههههههههههههههههههه

" اي هذي بنتي ماتغيرت .. عادتها تصحينا من النوم بضحكها ورجتها "

التفتت فتون وشافت امها تنزل من الدرج
نطت ناسية ساقها وألمها واهي تقول : مااااااااااامييييييي حبيبتييييي عمرررررررري ..
ضحكت ام سعود ونزلت بسرعة ورشاقة وحضنت بنتها بقوووووووة واهي تقول : والله فز قلبي يوم طلعت من الحمام وسمعت ضحكك ورجتك .. قلت هذي هي فتون ماتغيرت ..
فتون : ههههههههههههههههههههههههه ههه ولا أكبر قوة بالكون تغيرني ..
ام سعود واهي ماسكة ايد بنتها وتقعد : ياعمري انتي شلونك الحين ان شاء الله أحسن
فتون واهي تقعد جمبها : الحمدلله مدري وش جاني امس بسم الله دخت ونمت ولادريت عن نفسي الا تو ..
ام سعود : قلقتينا انا وابوك والله كل ساعه ندخل عليك ونشوفك
ضمت فتون أمها بقوة واهي تقول : ياعممممممممري انتي وابوي وبس .. والله وحشتوووني بغيت أنهبل بالايام الأخيرة ..
ام سعود : ياحياااااتي انتي قوليلي وش اخبارك وأخبار فيصل ؟؟
فتون : بخير الحمدلله قدر يخلص شغله قبل زواج خالد وجينا ولا كان بموت من القهر لو ماجيت ..
ام سعود باستهبال : لا اشوا اجل جابك قبل لاتموتين ..
فتون : ههههههههههههههههههههههههه هههههه هذا الي همك
ام سعود : ههههههههه اكيد .. وقاعدة عندنا اليوم ؟؟؟
فتون : ايييييييييييه شفيكم علي انتي وابوي وخالد .. ترا من الحين اعرفوا ماراح أطلع من البيت قريب يمكن اقعد شهرين ثلاث أربع !
ام سعود بصدمة : وشو ؟؟؟؟؟ مب صاحية انتي .. !!
فتون مسوية حزينة وتقول : لهالدرجة ماتبيني ؟؟
ام سعود : اقول اهجدي ايه مابيك شهرين ثلاثة تتركين رجلك ! اقعدي عندنا كم يوم وخلاص روحيله ..
فتون بتنهيدة : يصير خير .. المهم وين عبير ؟؟
ام سعود تجاهلت سؤالها واهي تتفرس بنتها بنظراتها وقالت : والله مادري وش هببتي بحياتك انتي وفيصل !!
فتون باستهبال : يووووووه كل الي تتوقعين خبطنا ورقعنا وعجنا وخبزنا وحرقنا وكل الي يخطر على البال سوينا ..
ضحكت ام سعود وقالت : والنتيجة أهم شي ؟؟؟
فتون : يمممممممه خلاص فكينا منه الحين وقوليلي وين عبير ؟؟
ام سعود : وين عبير يعني بتترك زوجها وتنام هنا عشانك ؟؟؟
فتون : وجع ماصدقت شافتني نمت رجعتله !!
ام سعود : ايه رجعتله وقالت اذا صحت فتون وروقت جيت ..
فتون واهي توقف : بروح أكلمها هالهايمة هذي ..
ام سعود : نايمة الحين تلقينها ..
فتون : والله بصحيها تجي مو لازم تنام
ام سعود : أجل دقي على جوالها ..
فتون : اكيد ..
وراحت للتلفون واتصلت على عبير لين انقطع الخط ماردت .. رجعت تتصل مره ثانية وبعدشوي ردت عليها وصوتها نوم وتقول : هلا يابعد قلبي ..
فتون : هههههههه شدراك انها أنا ..
عبير : ههههههه وشدراك ان انتي بعد قلبي !!
فتون : الا ادري اني بعد قلبك وعمرك وكلك بعد ..
عبير : واثقة انتي وهالوجه .. المهم شلونك الحين ؟؟؟
فتون : تماااام بس يالله تعالي
عبير : الحين هذا وقت أجي بالله عليك وبعدين مين بيجيبني تركي بالدوام !
فتون : يووووووه عبير خلي سواقهم طيب يجيبك ..
عبير : انت شصحاك بسم الله !
فتون : صحاني الشوووق والوله المهم خلصينا وتعاااالي
عبير : اوكي بكلم تركي واشوف ..
فتون : يالله ورديلي
عبير : اوكي سلااام ..

سكرت من فتون وقعدت واهي تفرك عيونها .. فيها النوم بس اتحمست للروحة يوم كلمتها فتون ..
دقت على جوال تركي واهي شايلة هــم رده ..
وبعد كم رنة رد عليها : نعم ..
عبير : هلا تركي ..
تركي : هلا عبير ..
عبير : شلونك ؟؟
تركي : الحمدلله ..
سكتت عبير شوي بعدين قالت : أقول تركي ..
تركي : نعم ..
عبير : شعندك انت وهالنعم ؟؟؟
تركي : ها آمري شتبين ؟؟
عبير : مايامر عليك عدو بس حبيت أقولك بروح لأهلي ..
تركي : الحين ؟؟؟
عبير : ايه .. دقت علي فتون وتبيني أجيها ومافيني نوم وودي أروح ..
سكت تركي شوي بعدين قال : ومين بيوديك ؟؟؟
عبير : بشوف السواق اذا موجود وداني !
وتركي : واذا مو موجود ؟؟
عبير : مادري عاد ..
تركي : دقي عليك ..
عبير : .......... أوكي ..
تركي: يالله مع السلامة ..
عبير بهمس : .... مع السلامة ..
سكرت منه واهي تحس دموعها شوي وتطفر منها ..
طلعت من جناحها وسألت الخدامة عن السواق وقالتلها انه رايح يجيب بعض المقاضي ..
رجعت الغرفة وجت تبي تدق على تركي اترددت شوي وبالآخر رمت الجوال .. مافيها حيل تدق وتسمع صوته الجاف وكلامه البارد ..
راحت للحمام وغسلت وبدلت ملابسها وطلعت .. انتبهت لجوالها ينور واتذكرت انه على الصامت .. مشت وأخذته واهي متوقعة انها فتون بس اتفاجأت يوم لقته تركي المتصل ..
ردت بنعومة : هلا حبيبي ..
تركي : شصار عليك ؟؟؟
عبير : مافي السواق أرسلوه يجيب مقاضي ..
تركي : امممم .. ومصرة تروحين ؟؟؟
عبير : ماوراي شي بس مادري شلون بروح بشوف أكلم اهلي ان كان يقدرون يرسلولي سواقهم !
تركي : لاتكلمينهم ولا شي .. ربع ساعه وانا عندك ..
اتفاجأت عبير من رده !!! بيترك دوامه عشان يوديها ؟؟؟؟ غريب واهو صاير جاف معها وبارد بدون أي ذنب أذنبته !! والحين يناقض تصرفاته ويقول بيجيها يوديها ..
تركي : .. وينك ؟؟؟
انتبهت عبير من أفكارها وقالت : معاك معاك .. أوكي تركي استناك ..
تركي : يالله سلام ..
وسكر منها واهي بسرعه قامت واتجهزت ومامرت الربع ساعه الا واهي بعبايتها ..
طلعت من جناحها واهي تتمنى ماتشوف نوال .. كل الي بالبيت طالعين لدواماتهم ومدارسهم ومافي الا هي يارب تكون نايمة ..
حمدت ربها يوم دق تركي وردت : هلا ..
تركي : أنا برا .. (( وسكر ..
سكرت الجوال واهي تتنهد .. ماتقدر تلومه الحين واهو متكرم وتارك شغله عشان يوديها !!

لفت طرحتها واهي تقاوم دموعها .. ومشت وفتحت الباب وطلعت .. كان لابس نظارته الشمسية واتمنت لو مـاكان لابسها عشان تشوف عيونه وتحاول تعرف وش فيه وشالي يفكر فيه !!
فتحت باب السيارة وركبت وهمست بالسلام ورد عليها بنفس الهمس ..
طول الطريق واهو ساكت ماتكلم معها ولا كلمة .. ضاق صدرها حيييل .. مو كافي البارح دخل نام وتركني .. قعدت ساعه بالصالة لحالي أحسبه بيرجع ويوم دخلت لقيته نايم ؟؟ مو كافي له كم يوم يقوم الصباح ويطلع للدوام بدون مايلتفتلي ولايعبرني ولا بكلمة !! اتنهدت واهي تقول الله يرحم أيام ماكان يطلع للدوام الا واهو مصحيني يودعني ويبوسني ..!
سمع تركي تنهيدتها والتفت عليها وقال : شفيك ؟؟
عبير بتنهيدة ثانية : ولا شي ..
تركي : الله الله شهالتنهيدات ..؟؟ هذا وانتي فرحانة باختك ورايحة تشوفينها ..
عبير : صدقني ياتركي مني قادرة أفرح باختي ذيك الفرحة .. !!

طالع تركي بالطريق وسكت ولا رد عليها .. ودار بينهم هالصمت لين رن جوال تركي ورد عليه : نعم !
انتبهت عبير لرده .. هذا شكله مو طايق يكلم ولا أحد مو بس أنا ..!!

سمعته يضحك ضحكة خفيفة ويقول : هههههه لا حبيبي شدعوة والله مشتاقينلك .. زين اشوفك اليوم .. لالا انا بجيك .. اي ان شاء الله .. يالله سلام ..
سكر ورمى الجوال جمبه ..
طالعت عبير بالجوال الي رماه وحمدت ربها انها مو جوال ! خخخخخ ..
قالت بهدوء : فيصل ؟؟؟؟
هز تركي راسه بدون رد ..
عبير : بتروحله اليوم ؟؟؟؟
تركي : ان شاء الله ..
عبير : خلاص اجل خلني عند أهلي ومتى ماخلصت منه تعال خذني ..
تركي : ان شاء الله ..
يااااااااااه شهالجمووود فيك تركي .. قول شي اتكلم انطق سولف !! حتى لو تهاوش تعصب بس لاتكون باااارد بهالشكل الي يقتل !

شصار فيك بعد ذيك الليلة .. ؟؟ استرجعت أحداث مشتتة .. كانت نايمة وتركي طلع من الجناح ويوم اتأخر طلعت تبي تشوفه وسمعت صوت بمكتب عمها عرفت انه موجود معاه ..
رجعت الجناح واتمددت على السرير تنتظره بعد فتره جاها وكان وجهه متغير !!
ولبس ملابسه وطلع من البيت ... ولا رد عليها يوم اتصلت ولا كلمها .. ومن رجع ذيك الليلة وحاله مقلوب !! .. شالي صار .. ؟؟ معقولة عمي له علاقة .. بس شدخل عمي بان تركي ينقلب علي أنا ؟؟ عمي يحبني مثل بنته ومستحيل يقلب تركي علي .. وتركي يحبني ومستحيل يأثر فيه كلام أحد .. !!

خبطتها الحيرة وصل البيت ووقف تركي السيارة عند الباب .. التفتت عليه عبير وقالت :ماودك تنزل شوي ؟؟
تركي : لا انا معتذر عن أول الاجتماع عشان اوديك والحين لازم ارجع أحضر الباقي ..
عبير : اهااااا .. ( وبابتسامة ناعمة : معليه حبيبي عطلتك معاي ..
طالع فيها تركي وفتح فمه كنه بيقول شي بعدين سكت وقال : يالله عبير لا أتأخر !
عبير : أوكي .. مع السلامة ..
فتحت الباب ونزلت ومشت للباب ودقت الجرس وتركي استناها لين دخلت وبعدها حرك السيارة ومشى وقلبه ينعصر بكل ألم !

برايكم شالي قالب حاله ؟؟؟

********

^ يوم زواج خالد ومرام ^

ركبت مرام السيارة وتبعتها منى وسكروا الباب ومشى السواق ..

منى : ايه ماقلتيلي أي فندق بتروحون بعد الزواج ؟؟
مرام : مااادري وأمي سألت خالتي وين بنروح عشان توديلي ملابس وأغراض الا قالتلها يقول خالد خليها تعبيلها شنطة صغيرة وتاخذها معها القاعة وبس ولا قال وين بنروح !!
منى : مب صاحي زوجك ! تتوقعين يسفرك يعني !!
مرام : لا مستحيل لاتنسين عزيمة خالتي الي بكرا ..
منى : أجل و ش سالفته ؟؟
مرام : والله مادري ولا أبي أدري .. اهو يبي يفاجئني وأنا أحب المفاجآت .. وامي قالت بنحط الشنطة بسيارته من بدري عشان ماننساها وخلاص ..
منى : والله انكم مغامرات من أولها ..
ضحكت مرام .. وبعدها بدت تسترجع اهي ومنى كل الترتيبات ويتأكدون ان كل شي كامل ومانسوا شي .. الا فجأة صرخت مرام واهي تضرب فخذها بقبضتها وتقول : يووووووووووووووووه !
منى بقلق : وشوووووووو ؟؟؟؟
مرام وهي شوي وتبكي : نسيت أتفق معاهم يوصلون الورد للفندق !
منى : ايييييه .. خلاص ياشيخة نقول لفيصل يروح يجيبه ..
مرام : بالله بيطلع من بين الناس عشان يروح يجيبه ؟؟
منى : ايه وليش لاء ! اذا ما أخونا وقف معانا مين ياقف معنا ان شاء الله ؟؟؟
مرام : آآآآخ ليتني بس أخذته مره وحده وافتكيت ..
منى : مهبولة انتي تاخذينه عشان مايجي وقت الزفة الا واهو ذبلان ! خلاص انا بدبر موضوعه ومو جاي وقت زفتك الا وهو بين ايديك لاتشيلين همه أبد ..
مرام : و ورد الطرحة ؟؟؟
منى : حتى ورد الطرحة اتفقت مع عبير تجيبه واهي طالعة من الكوفيرا .. انتي لاتفكرين بشي يامرام خلااااااص قلتلك اتركي كل شي علي وبس ..
مرام بنظرة حب : الله لايحرمني منك ياعمري والله لو اني من غيرك كان مابقى براسي الا شعرتين !
منى : ههههههههههههه وش دخل شعرك؟
مرام : من كثر ما أشدشد فيه !
منى : ههههههههههههههههه ياقلبي .. لا والله جد مرام ريلااااااااكس الله يسعدك .. ولا عمرك شفتي عروسة مابقى على زواجها الا كم ساعه واهي دايرة بالسوق ؟؟
مرام : شسوي اذا الشغل عيى يخلص ؟؟
منى : والله مو الشغل الي انتي الي تبين كل شي على أكمل وجه وباشرافك بعد !
مرام : خليني يامنى وربي مو مصدقة ان هالليلة جت .. الليلة الي بتجمعني مع حبيب قلبي وحياااتي الي أخذ قلبي من سنييييييييييين آآآآآآآآآآآآآآآآآآآآآآآآآ آآآآآآآآه (( صرخت واهي تحضن شنطتها ..
منى : عز الله استخفت اختي ههههههههههههههههههههههههه
رمت مرام الشنطة على مني واهي تضحك ..
واتجهوا فورا للكوفيـــرا

::

داخل الكوفيرا كانت الرجة على أعلى درجة بوجود كل العيـلة بذاك المكان ..
كان أول من خلص وانتهى .. " حنان " .. مشت تشوف وش صار على البنات وشافت منى تطالع نفسها بالمراية وتوها مخلصة ..
صفرت حنان واهي تمشي ناحيتها وقالت : شهالروووووووعة شهالزييييييين لالا بروح أغسل مكياجي الحين ..
منى : هههههههههههه لا تجامليني والله أحسه ثقييييل
حنان : بالعكس والله يجنن ومناااااسب مع لون شعرك ..
منى واهي تتأمل شكلها بالمراية : ليته والله ..
حنان : شلون تشكين بعمرك أصلا .. (( وبغمزة : ولا تبين المدح يجي من بعض الناس عشان تقتنعين !
منى بضيق : انتي خليه يكلمني وبعديييييين يمدحني !
حنان : شقصدك ؟؟
منى : حنان انا ماحب أشكي واتكلم بس بصراحة انا مره متضااايقة من بروده معاي !! وغير كذا مايدق ويكلم الا اذا ارسلتله رسالة .. واذا كلم برضو أحس أسلوبه بارد ماتحسينه متلهف !
حنان : يمكن عشانكم بعاد يامنى حسيتي بهالشي .. لكن لو انكم تشوفون بعض ووضعكم يسمح انكم تكلمون بعض يوميا كان لاحظتي العكس ..
منى : برضو هذا مايخليه يقطع ومايكلم ابد ! والحين بطلت والله ارسل قلت بشوف اذا بيدق من نفسه ولا لاء وها شوفي .. له حوالي اسبوع ماتصل ولا ارسل !
اتضايقت حنان بخاطرها بس ماحاولت تبين لها وقالت : يمكن مشغول يامنى ولا مضغوط ..
منى بقهر : بس ياحنان والله لو وش ماكان مشغول خمس دقايق بتظيع من وقته شي ؟؟

" شفيييييييييييه الحلو معصب ؟؟ "

التفتوا شافوا قمـــــــــر بهيأة بشـــر يمشي ناحيتهم ..

حنان بانبهار : وااااااااو ماشاااااااء الله .. ياحظي ببنات خواتي الي كل وحده طالعة أجمل من الثانية ..
منى : وقاعدة تمدحيني تو ! طالعي هذي الي غطت علي مالت عليها اهي وهالراس

فتون : هههههههه اتركي راسي بحاله بالقوة وافقت على هالرفعة ..
حنان : والله حلوة ومطلعة شكلك غييييييير عن العادة ..

فتون واهي تعلك : اي وانا هذا الي مابيه .. ماحب شكلي يتغير ابد ..
منى : ومن قال شكلك متغير الرفعة بسيطة وشعرك سايح زي كل مره بس غيرتي عن الفرقا الي ذابحتنا فيها
فتون : ههههههههههههههههه لزوم التميز .. المهم قوليلي شفيك معصبة تو ؟؟
منى : مو معصبة والله بس انفعلت بالكلام ..
فتون : ليه طيب شفيك ؟؟

حنان : فتون حبيبتي لاتنسين ترمين اللبانة من فمك اوكي ؟؟
فتون : يوووووووه خلصنا من فيصل جتنا هذي
حنان : حتى فيصل علق عليها ؟؟؟
فتون : ياليت علق عليها وبس الا حاط نقره من نقرها ومره دخل ايده بفمي وطلعها بالقوة !
منى: ههههههههههههههههههههههههه هه يازين اخوي .. وش سويتي طيب ؟؟؟
فتون : عضيته ههههههههههههههههه
حنان : ههههههههههههههههههههههههه ههههههه قسم بالله انكم مراجيج يالاثنين ..

فتون : هو المرجوج ولا شحرق رزه عشان لبانتي ؟؟
منى : مو انتي بهاللبان تبانين مستهترة واهو يمكن مايحب يشوفك كذا اذا كان جدي!
فتون : اقوووووول فكينا والي يسلمك وقووووليلي شفييييييييييك تو لاتهربين ..
منى : صدق انتي ماتظيع عندك سالفة !
فتون : هههههههههههه ايه توك تعرفين .. شفيك يالله ؟؟
منى : ولاشي والله بس كنت منقهرة من أنس الي مايدق ولايكلم ..
فتون : مااااااالت عليك وانا احسبه شي مهم ..
حنان واهي تتفرسها بنظراتها : هذا مو مهم ؟؟ أجل شالمهم ياحلوة؟؟
فتون : رااااحة بالي وبس .. ولا هالرجال ماوراهم الا وجع الراس ..
ورمت عليهم نظرة غرور وراحت عنهم .. واهم ضحكوا عليها وراحوا لغرفة مرام ..

مشت تشوف عبير بس لاشعوريا استرجعت كلام منى ..
كان شكلها واهي تشوفها من بعيد مررررره متضايق وتتكلم بقهر وزعل !
كل هذا عشان ... أنس ماكلمها !!
شدعوة فيصل كلمني ولا سأل عني !! ومع كذا ماصرت مثلها ولا حتى فكرت مجرد تفكير فيه ؟؟
انا الصح ولا اهي ؟؟
بصراحة الاسبوع الي فات كان أسعد اسبوع بحياااااتي .. بعيد عن الطق والخناق وكله طلعات واستعدادات مع اهلي والبنات ..
ماشفته ولا لمحته حتى يوم رحت أسلم على خالتي ..!!
والظاهر انه اهو بعد مثلي .. مافكر فيني وعاش حياته ونساني .. !!
يوووه انا ماجيت افكر فيه الا هاللحظة .. ؟؟
خليه بسلامته يفكر ولا مايفكر أنا شدخلني !
حلوة شدخلني ولد الجيران اهو ولا زوجي ؟؟ : ههههههههههه
طلعت الضحكة منها غصب والتفتت تشوف ان كان أحد انتبهلها وحسها مهبولة تضحك لحالها !! شافت عبير ومشت رايحتلها واهي تضحك على نفسها وعلى تفكيرها !

مشت ووقف قدام عبير والكوفيرا تسوي تسريحتها ..
شافتها عبير وقالت بابتسامة : طالعة روووعة ..
فتون بغمزة : أحاول أقلدك ..
ضحكتلها عبير وصارت تطالع بالمراية الكوفيرا واهي تشتغل .. الا فجأة شافت وحده تعرفعا تمشي وراها .. !!
عبير : فتون شووووفي ..
فتون واهي تقلب بالجوال : وشو ..
عبير : وجدان بنت عمة سعاد ..
فتون التفتت واهي تقول : وين ؟؟
عبير تطالع وجدان بالمراية : ورااااي ياخبلة بالله كل بشوفها واهي يسارك ..
التفتت فتون وشافتها وقالت بضحكة : اي والله .. (( ونادتها : وجدااااااااااان ..
سمعت وجدان النداء والتفتت وشافت فتون واقفة تأشرلها وعبير تبتسملها بالمراية ..
شهقت بضحكة ومشت عندهم واهي تقول : هلاااااااااا بخوات العريس ..
فتون : هلا فيك والله ..
وجدان : شلونك فتون .. شلونك عبير ؟؟
البنات : الحمدلله انتي شلونك ؟؟
وجدان بخير الحمدلله .. ماشاء الله كلكم هنا ؟؟؟
فتون : ايه ماعدا الحريم جايتهم كوفيرا بالقاعة ..
وجدان : ايه زين .. (( وقالت بدون ماحد يسألها : انا جيت هالكوفيرا لأني بصراحة ماشوف أحسن منها .. وأمي واختي راحوا مع نهى ومنال لكوفيرة (( ...... ))
فتون : أهااا ياحليلهم .. بس حتى ذيك مب شينة ..
وجدان : امممممم صح بس انا هذي تعجبني أكثر ..
فتون : وخلصتي ؟؟
وجدان : مادري عنك انتي وش شايفة ؟؟
فتون : هههههههههههههه مادري عنكم انتوا راعين بدع وخرابيط ترزونها بروسكم قلت يمكن باقيلك مثل كذا ..
وجدان : لا مو ناوية احط هالخرابيط وبالله كيف طالع شكلي ؟؟
فتون وعبير مع بعض : ناااااعم ..
وجدان : ههههههههههه أجل صدقتوا ..

رجعت فتون تقلب بجوالها وعبير قالت : انتي شعندك ؟؟
فتون : ياشيخة من أول ادق على سعود ومايشبك أبد !
عبير : يمكن الارسال ضعيف هنا ..
فتون : شبك شبك .. (( وحطت الجوال على اذنها وانتظرت لييييين فصل الرنين ومارد ..
فتون : يوووووووه ويوم شبك مارد ..
عبير : انتي شتبين فيه الحين ؟؟
فتون : بكلمه حبيبي لحاله هناك مو حاضر معانا لا وبعد مانكلمه نحسسه بفرحتنا
وجدان : ههههههههههه شاعرية بنت خالي
فتون : ايه شداركم عني بس ..
ضحكت وجدان وقالت : طيب دامنا اتقابلنا هنا توصلوني معاكم ؟؟
فتون : امممممم عادي والله بس انا جاية مع بنات خالتي ..
وجدان : اممم .. وانتي عبير ؟؟؟
عبير : لا انا جاية مع تركي ..
وجدان : طيب توصلوني ؟؟ ترا اذا صعبة قوليلي عادي بدق على امي بس انا قلت نختصر المشاوير لان أهلي خلصوا وراحوا البيت ..
عبير انحرجت وقالت : عادي ياقلبي اذا جيت اروح بقولك
وجدان : مشكووووورة عبووورة ((وطلعت جوالها تبلغ أمها ..
وعبير حست بالضيق لسبب ما .. !

في غرفة عروستنا الي جمدت أطرافها من التوتر ..!!
كانت حنان على يمينها ومنى على يسارها والكوفيرا تزين آخر خصل بشعرها
مسكت مرام ايد منى وضغطت عليها واهي تقول :آآه نشف دمي ..
فركت منى ايدها بنعومة واهي تقول : انتي الي جبتيه لنفسك .. ولا ماله داعي ابد هالتوتر!
حنان : وشالي موترك اصلا خلاص ياقلبي كل شي كامل ومن أحسن مايكون ..
مرام : وأخذتوا شريط الزفة ؟؟
منى : ايه اخذناه وانا بعطيه بنفسي للمغنية ..
مرام : وقلتي لفيصل على الورد ؟؟
منى : ايه يامرام ايه .. والحين بدق عليه مره ثانية أذكره ..(( وطلعت جوالها ودقت عليه وشوي ورد عليها
منى : هلا فيصل ....... جبت الورد ؟؟ .... لييييييه ؟؟ ...... اهاااا ........ لا بس مرام أقلقتنا واهي تسأل ..!
مرام بضيق : شساااااااالفة يامنى لاتقولين ماجابه ..!!
منى : يقول مشغول الحين وأول مايخلص يجيبه ..
مرام : يوووووووه هذا الي كنت شايلة همه ..

منى تكلم فيصل : ايه تكفى يافيصل جننتنا ........ يالله خذها معاك ..
عطتها الجوال واهي تقول : امسكي يبيك ..
أخذت مرام الجوال وقالت بزعل : ها يافيصل ..
فيصل : وبعدين معاك يامرام ؟؟ وين كلامنا الي امس ووين الهدوء والروقان الي اتكلمنا عنه!!
مرام : مو بايدي يافيصل شايلة هم اللخبطة وها شوف انت للحين ماجبت الورد ..
فيصل : والله مانسيته وطول الوقت على بالي .. بس مو انتي قلتي زفتك الساعه وحده ؟؟
مرام : ايه ..
فيصل : خلاص طيب الحين الساعه 11 .. ان شاء الله من قبل وحده بيكون عندك ..
مرام : خلاص طيب ..
فيصل برجاء : روقي ياقلبي روقي
مرام بضحكة : ههههه ان شاء الله ..
فيصل : يالله حبيبتي مع السلامة ..
سكرت مرام منه وخاطرها ارتاح شوي .. اتمنت لو تسمع صوت خالد وتكلمه أكيد بترتاح أكثر .. عجيب حبها الي يخليها تتوتر عشانه وماترتاح الا معاه ..

فتحت فتون الباب ودخلت واهي تقول باستهبال : ياربي على أهل العروسة ثقال الطينة .. راح الليل ماخلصوا .. يووه شهالبلوة الي ابتلينا فيها !
ضحكوا البنات وحتى مرام ضحكت على فتون الي مسوية نفسها من أهل العريس ومالها علاقة فيهم ..
مرام واهي تضحك : والله انتو ثقال الطينة الي مو تاركين عروستكم بحالها ومناشبينها حتى واهي تتزين بغرفتها ..
فتون : ايييييييه عشان نتأكد انها مو صناعية بباركوة ورموش وهالشغلات الفاضية ..
مرام : صناعية هههههههههههههههههه
حنان : خلصت اختك ؟؟؟
فتون : ايه وطلعت اهي وبنت عمتي بتوصلها لبيتها وتروح الفندق
مرام : وماتدرين جابت ورود الطرحة !!

منى بصراخ : مراااااااام وبعديييين !!!!!

::

عبير سبقت وجدان للسيارة وفتحت الباب وركبت واهي تقول : السلام عليكم
رد تركي السلام وقبل لايحرك السيارة قالت عبير : دقيقة تركي .. وجدان بتجي معانا !!
تركي : وين ؟؟
عبير : بنوصلها بيتها .. دقيقة الحين تطلع ..
سكت تركي وماتكلم ..
عبير : جبت ورد مرام ؟؟
تركي : ايه ..
عبير : الله يعطيك العافية مممم .. جو المعازيم ؟؟
تركي : ايه .. وكان شكلي بااااايخ وانا اطلع عنهم ...
عبير : قلتلك أرجع مع البنات وانت عييت ..
تركي : ايه ماتطلعين مع السواق هالوقت ومن الكوفيرا بعد ..
عبير : اجل شكنت تبيني أسوي ..؟؟
تركي : كان خلصتي بدري أو خليتي الكوفيرا الي بالفندق تسويلك مثل أمك ..
عبير : تركي انت بالبداية ماكنت معارض ولا قلت ولا شي والحين يوم صار كذا تجي تعاتبني !!
تركي : لا أعاتبك ولا شي خلاص اهي كلمة قلتها وسحبتها

جت عبير بترد عليه الا شافت وجدان متجهة ناحية السيارة وسكتت
ركبت وجدان خلف عبير وهمست بالسلام ..
ردوا عليها السلام .. وتركي قال : شلونك جوجو ؟؟
وجدان بحيا : الحمدلله .. انت شلونك ؟؟
تركي واهو يحرك السيارة : تمام الحمدلله .. شلون عمتي وبشاير ؟
وجدان بهمس : بخير ..
تركي :راحوا نفس‏ ‏كوفيرة‏ ‏خواتي؟
وجدان :‏ ‏إيه‏ ‏بس‏ ‏خلصوا‏ ‏وراوحوا‏ ‏البيت
تركي‏ : ‏اهت‏ ‏ماشاء‏ ‏الله .. ((‏ ‏وهمس‏ ‏لعبير‏ :‏شوفي‏ ‏الناس‏ ‏!
التفتت‏ ‏عبير‏ ‏وطالعته‏ ‏بقهر‏ ‏وماردت‏ .. ! ‏مو‏ ‏على‏ ‏كل‏ ‏شي‏ ‏إهي‏ ‏ترد‏ ..!!
‏لو‏ ‏صارت‏ ‏الحياه‏ ‏رد‏ ‏برد‏ ‏وحق‏ ‏بحق‏ ‏كان‏ ‏انقلبت‏ ‏حياتهم‏ ‏صراعات‏ ‏ومعارك ! مسالمة‏ ‏اهي‏ ‏بكثير‏ ‏من‏ ‏المواقف‏ ‏ويمكن‏ ‏‏ذا‏ ‏اكثر‏ ‏شي‏ ‏فتن‏ ‏تركي‏ ‏فيها !!
اتنهدت‏ ‏بخفة‏ ‏وصارت‏ ‏تططق‏ ‏بأصابعها‏ ‏على ‏شنطتها‏‏ ‏والغيرة‏ ‏تشتعل‏ ‏بقلبها‏ .. ‏الحين‏ ‏أنا‏ ‏يكشّر‏ ‏بوجهي‏ ‏وجاف‏ ‏بكلامه‏ ‏معاي‏ ‏ووجدان‏ ‏يهلي‏ ‏فيها‏ ‏ويسألها‏ ‏ان‏ ‏كان‏ ‏عجبتها‏ ‏الكوفيرا بعد ..
وآخرتها‏ ‏يتشمت‏ ‏فيني‏ ‏ويقارني‏ ‏بخواته‏ ‏ويحسسني‏ ‏انهم‏ ‏الأحسن !
شهالاسلوب‏ ‏الي‏ ‏صرت‏ ‏تفكر‏ ‏فيه‏ ‏ياتركي‏ ؟؟ آآآآه‏ ‏ياويل‏ ‏قلبي‏ ‏منك‏ ‏ويلاه !
كنها‏ ‏قاعدة‏ ‏على‏ ‏جمر‏ ‏طول‏ ‏الطريق‏ ‏لين‏ ‏وصلوا‏ ‏وجدان‏ ‏...
وزااااااادت‏ ‏‏ ‏نار‏ ‏الجمر‏ ‏أكثر‏ ‏يوم‏ ‏دقت‏ ‏منال‏ ‏على‏ ‏تركي‏ ‏وقالتله‏ ‏ينتظرهم‏ ‏يطلعون‏ ‏عشان‏ ‏يوصلهم‏ ‏البيت !
جنب‏ ‏السيارة‏ ‏‏ ‏قدام‏ ‏بيت‏ ‏عمته‏ ‏وسند‏ ‏ذراعه‏ ‏على‏ ‏الشباك‏ ‏واهو‏ ‏يمرر‏ ‏صوابعه‏ ‏على‏ ‏دقنه‏ ‏بملامح‏ ‏كساها‏ ‏الجمود ..
اتأففت‏ ‏عبير‏ ‏بضيييق‏ ‏ودارت‏ ‏وجهها‏ ‏على‏ ‏الشباك‏ ‏مو‏ ‏ناقصة‏ ‏تتأخر‏ ‏أكثر‏ ‏‏ ‏وياليت‏ ‏عشان‏ ‏أحد‏ ‏يستاهل ..!
سمعت‏ ‏تركي‏ ‏يقول‏ ‏بهدوء‏ : ‏أعصابك‏ ‏ياحلوو..
التفتت‏ عبير ‏بخفة‏ ‏وطالعته‏ و‏شافته‏ ‏يطالعها‏ ‏بنص‏ ‏نظرة
قالت‏ ‏بنبرة‏ ‏واضح‏ ‏فيها‏ ‏القهر‏ ‏‏ : ‏ليه‏ ‏تهمك ؟؟
تركي :‏ ‏أجل‏ ‏.. !!
عبير‏ ‏‏ :‏ ‏مو‏ ‏واضح ..
تركي‏ ‏‏ ‏امممم‏ ‏‏ بكيفك ‏..
عبير‏ ‏قهرها‏ ‏رده‏ ‏البارد‏ ‏والي‏ ‏يرميها‏ ‏بمتاهات‏ ‏الحيرة‏ ‏والألم‏ ‏على‏ ‏وضعهم
سكتت‏ ‏أو‏ ‏غصب‏ ‏عنها‏ ‏سكتت‏ ‏‏ ‏يوم‏ ‏انفتح‏ ‏الباب‏ ‏ودخلوا‏ ‏البنات ..
اتمنت‏ ‏عبير‏ ‏من‏ ‏كل‏ ‏قلبها‏ ‏ان‏ ‏تعدي‏ ‏هالدقايق‏ ‏على‏ ‏خير‏ ‏ولا‏ ‏تتلابش‏ ‏مع‏ ‏منال‏ ‏‏ ‏لأي‏ ‏سبب‏ ‏
واتحققت‏ ‏أمنيتها‏ ‏يوم‏ ‏وصلوا‏ ‏البيت‏ ‏بسلام‏ ‏ماغير‏ ‏تعليقات‏ ‏نهى‏ ‏البسيطة ..
فتحت‏ ‏منال‏ ‏الباب‏ ‏واهي تقول :‏ ‏خلاص‏ ‏روحوا‏ ‏ياتركي‏ ‏إحنا‏ ‏نلبس‏ ‏ونجي‏ ‏مع‏ ‏السواق..
تركي‏ :‏شدعوة‏ منال .. ‏الي‏ ‏جابنا‏ ‏يخلينا‏ ‏ننتظر‏ ‏ونروح‏ ‏سوى ..
منال‏ : ‏لا‏ ‏بس‏ ‏مانبي‏ ‏نأخركم‏ ..
تركي‏ ‏: متأخرين‏ ‏متأخرين‏ ‏ماعليك‏ ‏انتي ..
منال‏ : ‏براحتكم‏ ‏..
نزلت‏ ‏وسكرت‏ ‏الباب‏ ‏.. وتركي‏ ‏فتح‏ ‏بابه‏ ‏واهو‏ ‏يقول لعبير :‏ ‏إنزلي
ولّعت‏ ‏عبير‏ ‏من‏ ‏القهر‏ ‏!! ذولا‏ ‏الي‏ ‏بيذبحون‏ ‏قلبي‏ ‏والله .. !
الحين‏ ‏هذا‏ ‏بدل‏ ‏مايقدّر‏ ‏انه‏ ‏زواج‏ ‏أخوي‏ ‏ويوديني‏ ‏يروح‏ ‏يتجيمل‏ ‏مع‏ ‏خواته‏ ؟؟؟ ‏وقت‏ ‏ذوقك‏ ‏الحين‏ ‏ياتركي‏ ‏الي‏ ‏منصب‏ ‏على‏ ‏خواتك‏ ‏وبنت‏ ‏عمتك‏ ‏وبس‏ ‏؟؟؟
ليت‏ ‏فوق‏ ‏هذا‏ ‏يعاملني‏ ‏بسنع‏ عاد ‏..‏ ‏نزلت‏ ‏وصكت‏ ‏الباب‏ ‏وراها‏ .. ‏اتمنت‏ ‏تخبط‏ ‏فيه‏ ‏بس‏ ‏مو‏ ‏اهي‏ ‏راعية‏ ‏هالحركات !
مشت‏ ‏وراه‏ ‏ودخلت‏ ‏وسكرت‏ ‏الباب‏ ‏..
وبرضو‏ ‏مشت‏ ‏وراه‏ ‏لأن‏ ‏طريقها‏ ‏نفس‏ ‏طريقه‏ ‏اثنينهم‏ ‏رايحين‏ ‏الجناح ..

فتح‏ تركي ‏الباب‏ ‏بوسعه‏ ‏ومسكه‏ ‏لين‏ ‏دخلت‏ ‏وبعدها‏ ‏سكر‏ ‏الباب
مشت‏ ‏عبير‏ ‏واهي‏ ‏تفسخ‏ ‏عبايتها‏ ‏وطرحتها‏ ‏ورمتهم‏ ‏بإهمال‏ ‏على‏ ‏الكنب‏ ‏ورمت‏ ‏نفسها‏ ‏عليهم‏‏ ‏
طالعها‏ ‏تركي‏ ‏واهي‏ ‏بكامل‏ ‏زينتها‏ ‏ومكياجها‏ ‏المبرز‏ ‏جمالها‏ ‏بشكل‏ ‏فاتن‏ ‏..‏ ‏كانت‏ ‏لامة‏ ‏رجولها‏ ‏فوق‏ ‏الكنب‏ ‏وتحرك‏ ‏صوابعها‏ ‏بعصبية‏ ‏..‏ ‏
بس‏ ‏انتبه‏ ‏انها‏ ‏مو‏ ‏لابسه‏ ‏لبس‏ ‏الزواج‏ !! ‏كانت‏ ‏لابسة‏ ‏بانطلون‏ ‏بيج‏ ‏وبلوزا‏ ‏حبال‏ ‏باللون‏ ‏العشبي‏ ‏..‏ ‏مشى‏ ‏بخطوات‏ ‏ثابته‏ ‏ناحيتها‏ ‏واهي‏ ‏طالعته‏ ‏بصمت‏ ‏..‏ ‏حاولت‏ ‏تضبط‏ ‏انفعالاتها‏ ‏مع‏ ‏هيأته‏ ‏الجذابة‏ ‏وتشخصيته‏ ‏الآآآسرة !!
قعد‏ ‏جمبها‏ ‏وقال‏: ‏حسبتك‏ ‏لابسة‏ ‏..
عبير‏ ‏بدون‏ ‏ماتطالعه :‏ ‏من‏ ‏وين‏ ‏ياحظي‏ .. ‏لبسي‏ ‏بالفندق
سكت‏ ‏تري‏ ‏ولام‏ ‏نفسه‏ ‏..‏ ‏خواته‏ ‏يروحون‏ ‏متجهزات‏ ‏واخت‏ ‏العريس‏ ‏تتأخر‏ ‏وتروح‏ ‏واهي‏ ‏مو‏ ‏جاهزه !!
حسها‏ ‏تغلي‏ ‏من‏ ‏القهر‏ ‏وابتسم‏ ‏وقال :‏ ‏طلع ‏الدخان‏ ‏من‏ ‏آذانك‏ ‏..‏ ‏طفي‏ ‏النار‏ ‏الي‏ ‏تشتعل‏ ‏بصدرك‏ !
تجمعت‏ ‏الدموع‏ ‏بعيون‏ ‏عبير‏ ‏والتفتت‏ ‏وقالت‏ : ‏تركي‏ ‏أنا‏ ‏طول‏ ‏الوقت‏ ‏ساكتة‏ ‏ومتحملة‏ ‏كل‏ ‏الي ‏قلته‏ ‏وسويته‏ ‏فيني‏.. لا‏ ‏رديت‏ ‏عليك‏ ‏ولا‏ ‏ناقشتك‏ ‏ولا‏ ‏حتى‏ ‏عارضتك‏ ‏‏والحين‏ ‏جاي‏ ‏عندي‏ ‏تتريق‏ ‏وتتشمت‏ ‏خلاص‏ ‏والي‏ ‏يخليك‏ ‏اتركني‏ ‏بحالي !!
نقل‏ ‏تركي‏ ‏بصره‏ ‏بين‏ ‏عيونها‏ ‏وقال‏ بنبرة غريبة : ‏وأنا‏ ‏شالي‏ ‏معذبني‏ ‏غير‏ ‏طبعك‏ ‏هذا‏ ‏ياعبير !!
عبير‏ ‏همست‏ ‏بصدمة‏ : ‏معذبك .. ؟؟؟؟
تركي‏ : ‏تحسبيني‏ ‏قاصد‏ ‏أزعلك‏ ‏وأضايقك ؟؟
عبير‏ : أجل‏ ‏ليه‏ ‏تسوي‏ ‏كذا‏ ‏معاي .. ؟؟؟
أبعد‏ ‏تركي‏ ‏عينه‏ ‏عنها‏ ‏واتنهد‏ ‏ورجع‏ ‏طالعها ‏وطالع‏ ‏الدموع‏ ‏‏ ‏الي‏ ‏تلمع‏ ‏بعيونها‏ ‏..‏ ‏مسك‏ ‏إيدها‏ ‏ورفعها‏ ‏لفمه‏ ‏وباس‏ ‏اصابعها‏ ‏واحد‏ ‏واحد‏ ‏..‏ ‏وبعدها‏ ‏قال‏ ‏متجاهل‏ ‏سؤالها‏ : ‏مابي‏ ‏هالدموع‏ ‏تخرب‏ ‏هالجمال‏ ‏..‏ ‏اذا‏ ‏قمت‏ ‏وديتك‏ ‏الحين‏ .. ‏بترضين‏ ‏علي ؟؟
عبير‏ وقلبها يدق بقوة من حركاته : ‏بارضى‏ ‏بس‏ ‏مو‏ ‏على‏ ‏كل‏ ‏شي‏ ‏..‏ ‏
تركي‏ ‏شال‏ ‏هم‏ ‏تسأله‏ ‏عن‏ ‏الي‏ ‏مغيره‏ ‏وقال‏ : ‏انا‏ ‏اتكلم‏ ‏عن‏ ‏الي‏ ‏صار‏ ‏اليوم‏ ‏!
عبير‏ ‏فهمته ‏وقالت‏ : ‏وانا بعد‏ ‏اقصد‏ ‏اليوم‏ !
تركي‏ : ‏وش‏ ‏مزعلك‏ ‏بعد ؟؟
عبير بنبرة زعل : والله من هالجوجو الي تقعد‏ ‏ترحب‏ ‏وتهلّي‏ ‏فيها‏ ‏وتسأل‏ ‏عنها‏ ‏وأنا‏ ‏مالي‏ ‏غير‏ ‏الزف‏ ‏واللوم‏ ‏!! بالله‏ ‏عليك‏ ‏مو‏ ‏شي‏ ‏يقهر ؟؟
سكت‏ ‏تركي‏‏ ‏شوي‏ ‏وبعدها : ‏هههههههههههههه‏ ‏ياعمري ‏على‏ ‏الي‏ ‏يغارون‏ ‏! (( وقرّب‏ ‏وجهه‏ ‏منها‏ ‏وقال‏‏ ‏واهو‏ ‏يمرر‏ ‏صوابعه‏ ‏على‏ ‏خدها : ‏حبيبي‏ ‏..‏ ‏‏لا‏ ‏وجدان‏ ‏ولا‏ ‏عشر‏ ‏من‏‏ ‏أمثالها‏ ‏ يحركون‏ ‏فيني‏ ‏شعره !‏ ‏أنا‏ ‏عيوني‏ ‏ماتشوف‏ ‏ولاتبي‏ ‏ولاتعشق‏ ‏غيرك‏‏ ..‏ ‏فلا‏ ‏تأثربك‏ ‏هالمواقف !
انسحرت‏ ‏عبير‏ ‏بكلامه‏ ‏الي‏ ‏صار‏ ‏لها‏ ‏مدة‏ ‏ماسمعها‏ ‏مثله‏ ‏وقالت‏‏ ‏واهي‏ ‏رافعه حاجب :‏ ‏شتبي‏ ‏من‏ ‏ورى‏ ‏هالكلام ؟؟
تركي‏ : ‏ابي‏ ‏اقولك‏ ‏الي‏ ‏بخاطري‏ ‏وبس‏ ‏..‏ (( ‏ومسك‏ ‏دقنها‏ ‏ورفع‏ ‏وجهها‏ ‏وباسها‏ ‏..وهمس :‏ ‏تسمحيلي‏ ‏أخرب‏ ‏هالمكياج ؟؟
استحت‏ ‏عبير‏ ‏وقالت‏ : ‏طبعا‏ ‏لا‏ ‏..‏ ‏((وبضحكه‏ : ‏أنا‏ ‏دارية‏ ‏ماورى‏ ‏الكلام‏ ‏الحلو‏ ‏الا‏ ‏حركاتك‏ ‏هذي..
تركي‏‏ ‏بروقان‏ : ‏وماشتقتيلها .. ؟؟
عبير‏ : ‏اذا‏ ‏علي‏ ‏فانا‏ ‏كل‏ ‏يوم‏ ‏اموت‏ ‏بشووووقي‏ ‏لها‏ ... ‏بس‏ ‏انت الـ ..........
سكتها‏ ‏تركي‏ ‏ببوسة‏ ‏ثانية‏ ‏خلتها‏ ‏تولع‏ ‏وتقول بضحكة‏ : ‏تركي‏ ‏بلييز‏ ‏ترا‏ ‏ماعندي‏ ‏نفس‏ ‏الروووج !
تركي :‏ ‏اوكي‏ حياتي .. أنا ‏مخربه‏‏ ‏مخربه‏ ‏اذا مو ‏الحين‏ ‏ان‏ ‏شاءالله‏ ‏اذا‏ ‏رجعنا !
شب وجهها ضو ‏ ‏وأبعدت‏ ‏عنه‏ ‏واهي‏ ‏تقول‏: ‏حبيبي ..‏ ‏شكل‏ ‏البنات‏ ‏خلصوا‏ ‏وقاعدين يستنونا‏ ‏‏واحنا‏ ‏هنا ..
تركي‏ : ‏لا‏ ‏ماظنيت‏ ‏..‏ ‏خواتي‏ ‏سحابل‏ ‏اعرفهم ..
عبير‏ ‏واهي‏ ‏تلبس‏ ‏عبايتها‏ : ‏زين‏ ‏يالله
طالعها‏ ‏تركي‏‏ ‏واهو يتأمل نظراتها الخجول وملامحها الفاتنة .. وعبير ولعتها نظراته وشالت‏ ‏عبايتها‏ ‏ودارت عنه وصارت‏ ‏تلبسها‏ ‏واهي‏ ‏تمشي ..
ابتسم‏ ‏تركي‏ ‏واهو‏ ‏يطالعها‏ ‏‏وبقلبة‏ ‏تتفجر‏ ‏ينابيع‏ ‏عشقه‏ ‏لها ...
‏ ‏وحزنه‏ ‏عليها !
اتنهد‏ ‏ووقف‏ ‏ودق‏ ‏على‏ ‏منال‏ ‏ويوم‏ ‏شافهم‏ ‏مطولين‏ ‏بلّغها‏ ‏انه‏ ‏بياخذ‏ ‏عبير‏ ‏ويروح ..
ومشى‏ ‏وطلع‏ ‏من‏ ‏الجناح‏ ‏وشافها‏ ‏عند‏ ‏باب‏ ‏البيت‏ ‏تستناه‏ ‏وتطالعه‏ ‏بابتسامه‏ ‏ذوبت‏ ‏روحه ..
حالها‏ ‏واهي‏ ‏طالعة‏ ‏من البيت عكس‏ ‏حالها‏ ‏يوم ‏دخلت البيت !

ويلومونه‏ ‏بقلبها‏ الي‏ ‏انسحر‏ ‏بمجرد‏ ‏نظرتين‏ ‏وكلمتين ‏ ‏!!

‏^ ^
::