آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-01-11, 02:15 PM
| #21 | ||||
| نجم روايتي 
|  لبست العقد اللي مكتوب عليه اسمها(هديه من امها) تعطرت من عطرها(نينا ريتشي) عبير:كانت توها طالعه من غرفة الملابس..شرايك دارت حوالين نفسها عهود:وتنزل عطرها..رووعه لونه جنان عبير:هين اللون هو حلو علي.. عهود:يهبببل.. عبير:اصلا داريه..كانت لابسه تيور لحمي مطرز بالذهبي ومسيحه شعرها الاسود ولابسه حلق ذهبي وصندل ذهبي.. عهود:شرايك بمكياجي؟؟ عبير:حلوو..وراحت للمرايه تضبط شعرها.. عهود:مادري احس لبسي غلط..(لابسه بلوزه طويله حرير شيفون لونها ذهبي وفيها شك من عند الرقبه والاطراف وبالوسط وتحته لابسه بنطلون جنز ..مررره حلو) عبير:علشانه جنز؟؟بالعكس يجننننننن وبعدين مره شياكه..ننزل عهود: مشينا.. --------------- دخلت عليها بالغرفه.. ام فهد:حبيبتي لبسيني العقد.. ميساء:من عيوني..ولبستها.. ام فهد:انا استناك تحت..ولا تنسين تقرين الاذكار ميساء:لا توصين حريص..نزلت امها..وهي راحت تلبس عباتها وقبل ماتطلع من الغرفه..طالعت شكلها بالمرايه.. ميساء:اليوم بقول لليلى..اليوم لازم يتوضح كل شيء..اااه يافيصل ..ابتسمت وطلعت.. ------------------ في الصاله كانو يضحكون ويسولفون مع خالتهم.. سليمان:خالد خلاص .. خالد:والله بكيف خالتي اذا بغتني اسكت سكت.. ام مؤيد:لا قول اللي تبي.. دخلت عليهم سلمى.. كانت لابسه فستان اسود ماسك على جسمها(تبي تتهنى قبل مايبرز بطنها) من الدانتيل ورافعه شعرها شنيون خفيف وحاطه روج احمر صارخ..مع شدو ثقيل..كان شكلها يخبل.. خالد:لا انا ماستحمل...اثرك حلوه سلمى..فعلا المكياج يزين ام مؤيد:اسم الله عليك يابنتي..وبعدين سلمى بمكياج والا من دونه تهبل.. سليمان:تعالي اجلسي جنبي سلمى:جلست جنبه.. سليمان:حط ايده على راسها وصار يقرى عليها..وبعد ماخلص قرايه خالد:هي من زين مرتك يوم تقرى عليها.. سليمان:والله من الغيره..ويكلمها..لاتطلعين للحريم واجد.. سلمى:انشاء الله.. ام مؤيد:ام فيصل متى بتجي؟؟ سلمى:بالطريق..البنات وينهم.. ام مؤيد:ماادري .. سلمى:بروح لهم..وطلعت ولحقها سليمان.. خالد:مامداها تطلع لحقها..اقول خالتي مؤيد شخباره.. ام مؤيد:زين زين.. --------------- فستان لؤلؤي ماسك على جسمها بعدين يتوسع على خفييف مع ذيل(تصميم عقل فقيه)..بين طولها وحلاوة جسمها مع شعر مموج ونفخه خفيفه..مكياج وردي مع الوان ترابيه..كان شكلها ملاك.. لبست الحلق الماس وطالعت شكلها.. كذا مو ناقصني الا البس الصندل... الله يستر مايشوفني ناصر.. دخل فجأه.. ناصر:وليش ماتبيني اشووفك..؟؟ ليلى:حطت ايدها على قلبها بسم الله ..ناصر خوفتني..من متى وانت هنا؟؟كانت تطالعه من المرايه ناصر: اسم الله عليك توني جاي..الله الله الله شهالزييييييييييين...تبارك الله مشاء الله.. لحضه لحضه...وبعد ثواني يعطيها كاس مويه. ليلى:وتاخذ الكاس منه...بس انا مو عطشانه.. ناصر:اشربي علشان خاطري.. ليلى:طيب...وشربت الكاس كله..كل هذا علشانك ياقلبي.. ناصر:صحه وعافيه..تدرين شربت منه قبلك..خفت اكون نضلتك..مو يقولون مايحسد المال الا اصحابه.. ليلى:مولهالدرجه..بعدين انت عينك بارده..وقامت من الكرسي تبع التسريحه.. ناصر:لا انا بروح فيها..ليلى حبيبتي مستحيل تطلعييييين انا مابي احد يشوفك غيري.. ياسنا الفضه وياجيد المهات.. ياشذى نبت الخزامى في وطاها.. قلت كن بوجنتك زهر النبات.. قالت ان الرمش يجرح لي صفاها.. تجرح الظلما عيون ناعسات.. سلهمت وأغضت تغطرس في بهاها.. حققو بالشوف في لون الشفاة.. هو خذا منها الشفق والا عطاها.. ولو ظلام الليل يعطينا ثبات.. فيه من لون الشعر والا كساها.. كيف اباصف زين كاملة الصفات.. كيف اباصل في حروفي منتهاها.. (منقوووول) ليلى:نااااااااصر يكفي ترى بديت انحرج... ناصر:فديييييييت اللي ينحرج انا.. ليلى:طيب تغديت اليوم؟؟ولا احطلك اكل.. ناصر:ايه الحمدالله..تعالي اجلسي جنبي ليلى:جلست بجنبه.. ناصر:همس باذنها...احبببببببك..وقام لغرفة الملابس علشان يغير.. ليلى:وهي مبتسمه..وانا اموت فيك.... ---------------------------- قفلت باب غرفتها..وهي تحاول ترتب افكارها.. بأيش تبدا الكلام معه وبأيش تنهيه.. انا اعرفه قلبه طيب ومستحيل يزعل علي.. شافت امها واقفه وشكلها سرحانه.. غدير:يمه شفيك؟؟ ام جاسم:قاعده افكر...انتي خلصتي؟؟ غدير:يمه ماتشوفيني لابسه عبايتي؟؟يمه انتي خايفه؟؟ ام جاسم:شوووي .. وصلو بيت خالهم.. جلست غدير مع مرت خالها(هي ماعندها الا اولاد خال) وام جاسم جلست مع اخوها بلحالهم.. ام ركان:حبيبتي..تخرجتي.. غدير:ايه ياخالتي..بس للحين ماستلمت وثيقتي.. ام ركان:وش ناويه تسوين ؟؟ غدير:بحاول اكمل دراستي..او اذا لقيت وظيفه توظفت ويرن تلفون البيت وتروح ام ركان ترد.. جلست لحالها تفكر بالنقاش اللي يدور بين امها وخالها.. اول ماسكرت السماعه.....دخل وماكان يدري ان فيه احد..وتراجع.. غدير تغطت على طول.. ركان:يمه يمه.. ام ركان:ادخل ياولدي حياك..وتبتسم لغدير..مافي احد غريب ركان:السلام عليكم.. الكل وعليكم السلام ام ركان:هذي غدير بنت عمتك ركان:هلا غدير كيفك؟؟ غدير:بخير الله يسلمك.. ركان:اسف ماكنت ادري ان فيه احد ام ركان:الله يهديك ياركان وغدير مو اي احد غدير منا وفينا وراعية بيت غدير:تسلمين ياخالتي.. ركان:يمه ابوي وينه؟؟ ام ركان:مع عمتك بالمكتب..شبغيت؟؟ ركان:لا مافي شيء ضروري..انا بطلع كشته مع الربع.. ام ركان:انتبه لنفسك ركان:انشاءالله..وطلع.. ------------------ رن جوالها ومع صوت الديجيه مو قادره تتكلم..وغير كذا ناصر محذرها ترد على الجوال اشرت لسلمى..بس سلمى مشغوله بالسواليف.. اشرت لعبير.. عبير:سمي.. ليلى:سم الله عدوك..خوذي ردي على خالد.. عبير:مسكت الجوال وردت..الوووووو الووووو مااسمع وييييييين لحضضضضضه فيصل:كان ماخذ جوال خالد..اطلعي بالمطبخ عبير:ولا انتبهت لصوته من الازعاج.....ويشتقوووووول؟؟ فيصل:الممممممطططططططبخخخخ� �خخ تلقيني هناك.. عبير:طيييييييييييييييب..وس� �رت..راحت للمطبخ مالقته فيه..اكيد برى..طلعت ..شافته ومن العجله تبي ترجع على ورى زحلقت وطاحت..اييي فيصل:بسرعه راح لها.......تعورتي؟؟وين تحسين الالم فيه؟؟كان بيمسكها.. عبير:فيييييصل..شفيييييييك..� �كانت مغطيه وجهها بايدينها.. فيصل:انتبه لنفسه...طيب اسف بس لا تتحركين..انا بروح وقولي للشغاله تجيب لك غطى..وبرجع خايف تكونين مكسوره.. وراح.. عبير:هذا الناقص تكشف علي..وقامت بشويش وطلعت من المطبخ انتظر خمس دقايق..ورجع مالقاها..سأل الشغاله قالتله انها راحت.. كانت جالسه بجنب ميساء وتسولف معها..دق جوال ليلى شافت الاسم وردت عبير.. فيصل:الوو عبير:هلا خالد؟؟؟ فيصل:لا انا فيصل.. عبير:ايييييه صح نسيت اسألك انت شكنت تبي؟؟والله انشغلت بالمعازيم.. فيصل:انتي رجلك زينه.. عبير:ههه ايه زينه يادكتور..تطمن..قولي شبغيت..(وهنا انتبهت ميساء) فيصل:اذا كنتي زينه تعالي الحين للمطبخ..بعطيك جوالي تشحنينه بغرفة خالد.. عبير:طيييب الحين بجيك صاروخ..وسكرت السماعه وراحت تلبس طرحتها..لحقتها ميساء.. في المطبخ.. فيصل:اكيد ماتحسين بشيء؟؟لاتخبين شيء عبير:والله مافي الا عوار خفييييييييييييييف لا تخاف فيصل:وشلون ماخاف..وانا السبب عبير:اشوا فيه احد بالعايله ضميره حي..عطني الجوال ترى تأخرت على الحريم فيصل:اسف شكلي بلشتك معي..ويعطيها جواله ويطلع ميساء رجعت قبل عبير وحاسه بشعور غريب.. عهود:بعد ماخلصت رقص..العروس ليش ماترقص ليلى:لا اليوم خليني عاقله.. عهود:وين عبير هي اللي ترقص معي..وشافتها توها داخله عليهم اشرتلها عبير:شو بدك؟؟ عهود:الاغنيه اللي بعدها ترقصين معي.. وبدت الاغنيه ورقصت عبير وعهود.. لنا الله ياخالي من الشوق..وانا المولع على نارييين كيييييييييف بعد المحبه والموده صرتو تنسووووني.. ميساء جلست جنب ليلى.. ليلى:شفيك ضايق خلقك؟؟ ميساء:بعذره يوم يضيق.. ليلى:شفيك؟؟ ميساء:مااقدر اقولك هنا..ابيك تزوريني ابي اتكلم معك.. ليلى:انشاء الله..بس شكل الموضوع خطير.. ميساء:بكره تعالي لي واقولك عن كل شيء.. ليلى:خلاص.. ------ في احد الفنادق... كانت اجمل الحضور لابسه فستان احمر فاقع ماسك الى الخصر وبعدين يتوسع على شكل طبقات.. ومسويه شعرها شنيون خفييييف ومكياج ثقيل يمحي اي اثر للحزن وروج احمر ..كل اللي حضر الملكه يسأل عنها... شيخه:ماقلتلك انتي نجمة الحفل.. نوال:ابي ارقص.. شيخه:ارقصي من قاضبك... نوال:قامت من الطاوله واتجهت لمنصة الرقص هي خاربه خااربه خلييييينا نعميها.. ياربي وش هالجنووون اللي سكن دمييييي خلاص مافيه طاري غير طاريهاااا هي خاربه خاربه..خلينا نعميييها كان تتمايل مع صوت الطقاقه وعايشه جو.. والكل مو منتبه الا لها.. فاديهاخت حسين وبنت خالة نوال)الله يستر هذي تهدد علني.. الجازياختها)والله ماتوقعت تجي..حليانه اليوم بزياده..الله يكفينا شرها... وبعد ماخلصت من الرقص..راحت لبنات خالتها.. نوال:ورسمت على وجهها ابتسامه..انا استأذن..وعقبال مانحضر العرس.. فاديه:الله معك... طلعت من القاعه ومن غير لاتقول لامها او لاختها.. وهي بالسياره رن جوالها.. الووو شيخه:وين رحتي؟؟ نوال:رجعت البيت.. شيخه:بهالسرعه!!تونا بدري.. نوال:خلاص طفشت من حفلهم البايخ..مازفت الشيفه؟؟ شيخه:الحين وهوبعد نوال:طيب..سكرت السماعه.. صبرك علي ياحسين ..مو انا اللي انعااف ------ بعد ماخلصو العشاء وراحت اكثر الناس ومابقى الا الاهل.. كان سليمان وخالد وناصر وبجنبهم الخاله وسلمى عبير وليلى وعهود.. خالد:رن جواله..الو امداك تشتاقلي فيصل:فوووق ماتتصور..اقول يالحبيب متى جاي؟؟ خالد:شعندك؟؟ فيصل:ابد الكل نايم وابي احد اسولف معه حاولت اقوم محمد عجزت خالد:طيب الحين جاي..بس اسمع سو لنا قهوه فيصل:ليش؟؟ خالد:جايب معي حلى من اللي يحبه قلبك.. فيصل:اذا السالفه فيها حلا انا مستعد.. سكر الجوال.. خالد:يالله تصبحون على خير الكل وانت من اهل الخير خالد:تبون الفكه مني ادري..قومي عبيرطلعيلي حلا عبير:شوفه على طاولة المطبخ خالد:قومي قدامي عبير:طيييييب اف... سليمان:وانا بعد ابي اروح تصبحون على خير.. ناصر:خل العيال عندنا سليمان:بعد فكه منهم..ويطالع سلمى خلونا نتهنى لو ليله.. سلمى:يالله تصبحون على خير..وبعد ماطلعو.. عهود:الا ياليلى تذكرين صديقتي وداد.. ليلى:لا والله؟؟ذكريني عهود:اللي شعرها بني وتمشي معي..تذكرتيها؟؟ ليلى:لا.. عهودكيف تتذكرينها وهي بنت خياليه)المهم المسكينه تزوجت بس زوجها طلع شكاك تخيلي كل يوم يهينها الين وصلت معها وصابها انهيار عصبي ودخلت المستشفى اسبوعين..وبعدين حاول يرجعها بس رفضت وتطلقت ناصر:كان وده يقوم ويلزخها وينتفها..كان عارف انه تقصده بس وش تبي توصله ليلى:اصلا لو رجعتله مو مره كل شيء الا الشك.. ام مؤيد:درت ان ناصر عصب..تصبحون على خير تأخرنا مره.. ليلى:وانتي من اهل الخير..عهود انتي ليش ماتنامين عندنا عهود:لا مره ثانيه انشاء الله وتاخذ شنطتها وتطلع ناصر:حبيبتي يكفي سهر خلينا ننام ليلى:وهي تتثاوب يازيييييين النوم.. ---------------------- | ||||
|  |
|
17-01-11, 02:16 PM
| #22 | ||||
| نجم روايتي
| الشرقيه ريم: فتحت عيونها انا وين؟؟.....حست بالخوف وبروده تسري بكل جسمها.. مو قادره أتكلم فيه شيء يمنعني من الكلام.. حاولت تحرك يدينها..بصعوبه حركتها..مافي احد هنا؟؟ هاجمها النوم مره ثانيه..وماقدرت تقاومه.. قام من النوم .. تعوذ من ابليس افف شهالحلم المزعج.. شاف الساعه..لقاها 3 ونص..دخل يتوضى فرش سجادته وصلى وبعد مانهى صلاته.. رفع يدينه لله وصار يدعي من كل قلبه انه يفرج كربته لا اله الا الله الحليم الكريم لا اله الا الله العلي العظيم سبحان رب السموات ورب العرش العظيم الحمد لله رب العالمين ياااااااااااارب يااااااااااااااااااري اللهم قلت وقولك الحق (ادعوني استجب لكم) اللهم اني ادعووووك فأجبني اللهم اني اسألك فأعطني ياربي فرج كربتي اللهم فرج همي اللهم اشفي زوجتي ومتعها بالعافيه اللهم اجعلها قرة عين لي يارب العالمين اللهم صلي وسلم على نبينا محمد وعلى اله وصحبه اجمعين.. بعدها صار يستغفر ويقرى قران صلى الفجر وراح للمستشفى.. ------------------------------- الرياض رجعت من العزيمه وهي تعبانه نفسيا وجسديا... ياربي ظهري متكسر..يووه مين اللي متصل الحين رفعت السماعه الووو(باين عليها انها نايمه) فهد:ميساء ريم طابت طابت خلاص رجعتلي(ماكان يدري شيقول من الفرحه) ميساء:صحصحت..الله يبشررررررررك بالخير قرة عينك ياخوي الله يطمنك عليها فهد:اللهم لك الحمد والشكر..بشري امي وسكر السماعه ميساء:قامت من فراشها وراحت تبشر امها.. ام فهد:اليوم بنذبح ذبيحه ونوزعها.. ميساء:فهد طاير من الفرحه..يمه ماتبينا نسافر له ام فهد:روحي احجزي لنا بالطياره.. ميساء:الحين بحجز...دقت على المطار ولقت رحله بالليل ام فهد:اكدي الحجز. ميساء:اوكيه عطني رقم الحجز ياخوي.. رتبو اغراضهم وبالعصر اذبحو ذبيحه ووزعوها وبعدين راحو للمطار.. ------------- جلست جنب امها وحطت راسها على كتفها.. غدير:اقول يمه الجيران مالهم حس؟؟ ام جاسم:ذكرتيني بدق عليهم علشان نزورهم تروحين معي غدير:اكيد وش يجلسني لحالي.. ام جاسم دقت على الجيران وبعد ماسكرت..قومي البسي غدير:هم عندهم بنت بس هي تزوجت ولالا؟؟ ام جاسم:لا ماتزوجت هي اللي ردت علي..يالله قوومي غدير:خمس دقايق واكون جاهزه.. بعد ماسكرت التلفون من ام جاسم.. مسكت جوالها ودقت عليه.. سليمان:هلا.. نها:هلا فيك حبيبي..عندك احد؟؟ سليمان:الله يسلمك(كانت بجنبه سلمى) نها:طيب لا تجي اليوم لان عندنا ضيوف سليمان:على خير نها:مع السلامه..سكرت السماعه وهي تتأفف الا متى هالحال؟؟ نزل جواله على الطاوله ..اقول شرايك نتعشى بمطعم؟؟ سلمى:ماعندي مانع بس بنروح لمطعم صيني سليمان:اي اوامر ثانيه سلمى:بعد العشى نمر العيال اكيد غثوهم سليمان:احسن خليهم يعانون شوي..ومد يده لها..قوومي سلمى:بدري على العشاء وش يقومنا الحين؟؟ومسكت ايده وقامت.. سليمان:نتمشى ونفرفر لين ندوخ وبعدين نروح للمطعم نتعشى.. ------------------ لابسه فستان صيفي وردي مع فوشي.. وجامعه شعرها بشباصه بس من فوق ..وحاطه مكياج نااعم.. نزلت السماعة وهي تتأفف.. ياربي شفيها ماترد علي؟؟ دخل وكان مبسووط..شافها سرحانه وباين انها متضايقه جلس جنبها ناصر:شفيك مكشره؟؟ ليلى:لا مو مكشره..بس ميساء تبيني بموضوع ضروري ناصر:طيب؟؟ويمسك الخداده يتوسد عليها.. ليلى:ادق عليها ماترد.. ناصر:يعني ماقالتلك شيء عن الموضوع؟؟ ليلى:ولا حرف.. ناصر:يمكن مشغوله..المهم ماسألتيني ؟؟ ليلى:عن ايش؟؟ ناصر:وش بسمي بنتي؟؟ ليلى:هههه وشدراك انها بنت؟؟ ناصر:احساس..شرايك بجوري..حلو ليلى:حلو..طيب اذا ولد.. ناصر:مسمي روحه سليمان طبعا.. ليلى:وليش مو باسم ابوك؟؟ ناصر:ابوي حالف علينا مانسمي باسمه الا احفادنا.. ليلى:يووووه نسيت..غمض عيونك.. ناصر:ليش؟؟ ليلى:ناااااااصر...ياربي ليش دايما انا اطيعك وانت لا؟؟ ناصر:الحين انا مااطيع..طيب غمضت.. ليلى:امسك ايدي وامش معاي..مشى معاها ودخل غرفة الجلوس...افتح ناصر:فتح عيونه..لولي تسوين احتفالات من وراي؟؟كانت الغرفه كلها ورد وشموع وبالطاوله تورته وبالونات معبيه المكان..وريحة الغرفه تجنن.. ليلى:شراااااااااايك.. ناصر:شالمناسبه؟؟ ليلى:بمناسبة الحمل..تخصرت ولا مو فرحان؟؟ ناصر:مسك ايدها وسحبها لين جلسها على الكرسي..غمضي عيونك ليلى:غمضت.. ناصر :طلع من جيب بنطلونه البيج علبه صغيره..مسك ايدها ولبسها خاتم الماس..فتحي ليلى:الله روووووووووعه يجنننننن ..تسلم ايدك حبيبي.. ناصر:هذي بمناسبة الحمل..والحين امشي نقطع التورته لان شكلها يمي يمي.. --------------------------- جالس يلعب بليستيشن بغرفته..منسدح على الارض وحاط رجل على رجل وتحت راسه وساده وقريب من التلفزيون لابس بجامه رمادي مع تيشرت ابيض...وفيصل جالس على السرير وراه.. خالد:انت ماتجي الا بالاوقات الحرجه..قووول.. فيصل:ابي اخطب عبير.. خالد:وشووووووووو؟؟ وشتقول؟؟ويوقف اللعب وينتبه لاخوه..ويعدل جلسته.. فيصل:شفيك انخرعت(خفت)؟؟قايل شيء موزين؟؟ خالد:تقولي تبي تخطب عبير وماتبيني اتفاجأ؟؟ فيصل:وليش تتفاجأ؟؟ خالد:لا والله..انت تستهبل ؟؟ فيصل :هذي المواضيع مافيها استهبال .. خالد:اقولك على بلاطه...ميساء.. فيصل:سكر على الموضوع خالد:الا هالموضوع مايتسكر..انا ادري والكل يدري انها قبل ماتصير خطيبتك انت تحبها..ممكن اعرف شهالتغير المفاجئ؟؟ فيصل:احب احتفظ بالاسباب لنفسي خالد:وعبير هي كبش الفداء فيصل:انا ماسمحلك تتكلم عليها بهالطريقه خالد:علمني شلون اتكلم يادكتور فيصل.. فيصل:انت تتمصخر؟؟ خالد:فيصل لاتضيع الموضوع.. فيصل:انت وش تبي؟؟ خالد:ابي اعرف السالفه كلها.. فيصل:مالك حق ولا لك دخل خالد:اوكيه مالي دخل بس لا تنسى ان عبير اختي تهمني مصلحتها واقدر ااثر على رايها.. فيصل:المقصد؟؟يعني شالمطلوب؟؟ خالد:ليش ماتبي ميساء وليش اخترت عبير بالذات.. فيصل:شوف اذا على ميساء هي مرحله وانتهت من حياتي..وموملزوم اشرحلك الاسباب لانها شخصيه ولا تهمك.. اما ليش عبير لانها عاجبتني واحس هي اللي تصلحلي.. خالد:تصلح لانتقامك... فيصل:اي انتقام؟؟انت صاحي.. خالد:تقدر تكذب على اي شخص الا علي..انت صاير بينك وبين ميساء شيء.. فيصل:ايه صاير...انا وميساء مانناسب بعض ارتحت...وابي عبير هي اللي تناسبني ماقتنع من كلامه... خالد:وين شايفها علشان تعجبك؟؟ فيصل:شفتها صدفه ..وبصراحه عجبتني كثييير.. خالد:ماادري شقولك..بس انت متأكد من قرارك..انا مابيك تظلم عبير.. فيصل:صدقني مو ظالمها ..هي فعلا ادخلت قلبي..بس ابيك تساعدني علشان اكلم امي خالد:يصير خير..ويكمل لعب..بس باله مو مع اللعب.. ------------------------- في السياره بالطريق لبيت ابوه..علشان يجيبون العيال سلمى:حبيبي سليمان:عيوونه سلمى:بكره موعد المستشفى..تروح معي سليمان:انتي تدرين اني مافوت ولاموعد لك....قولي وش اللي بخاطرك؟؟ سلمى:بقولك شيء ..بس اتمنى تكون صريح معي.. سليمان:عمري كذبت عليك سلمى:حاشاك..انت فيك شيء؟؟ سليمان:مثل؟؟ سلمى:ماادري احس انك متغير..حاسه انك مخبي عني شيء.. سليمان:مخبي حبك بقلبي سلمى:انا اتكلم جد.. سليمان:وانا جد الجد.. ووصلو لبيت ابوه وخذو عيالهم وراحو لبيتهم.. ----------------------- دق تلفون الغرفه ورد.. الوووو الوووووووووو وسكر السماعه ميساء:اففف هذا وقتك ياناصرترد.. انا ابدا مالي حظ مقروووده.. ادق على غدير احسن من زمان عنها ومن اول رنه غدير:لو لو لو سمحتيييييييييي فيني نووووووووووووم ادق عليك بكره اوكيه ميساء:طيب يالدبه غدير:باي يالعصلا .. ميساء:وحتى وهي نايمه ترد ..اففف شفيهم اليوم..تناظر الساعه..ههه انا اللي شفيني ادق على الناس الساعه 12 صدق مو بصاحيه.. وتنسدح على السرير..اه كل اللي فيني منك يافيصل.. جالس مع امه بالصاله..لابس جنز وتيشرت اخضر عليه كتابات.. ام فراس:ابد ماودك ترجعها؟؟ زياد:لحووول..نزل فنجال القهوه..قسم بالله نشبتو العيشه بحلقي...يمه الله يطولي بعمرك لو مايبقى الا هي ماااااأخذها.... ام فراس:مرت عمك كل يوم تدق علي...ياولدي رجعها زياد:ومن زين سواياها معي يوم ارجعها...يمه هي ماتبينييييي...هي اللي طالبه الطلاق.. ام فراس:طلبته وتحسفت..وعفا الله عما سلف... زياد:تحسفت؟؟؟ولا بعد ماتركها ولد خالتها وافلست منه ..قالت خليني ارجعله... ام فراس:ياوليدي انت تدري ان ابوك يبيك ترجعها زياد:وابوي يدري اني ماابيها من البدايه وغصبت نفسي...رجاااء يمه خلاص سكرو على هالموضوع.... أي موضوووع؟؟؟؟؟ زياد:يبه...كان متفاجأ ابو فراس:جلس..اي موضوع؟؟؟ ام فراس:موضوع شغله... ابو فراس:انا اسأله هو... زياد:مثل ماقالت امي...تصبحون على خير.. ابو فراس:لحضه...بكره تروح بيت عمك ترجع نوال... زياد:وشووووو؟؟؟؟ ابو فراس:اللي سمعته زياد:يبه انا طلقتها..مابي ارجعها.. ابو فراس:مو بكييفك زياد:الزواج غصب وقلنا ماعليش بس رجعه لا معليش..هذي حياتي وانا حر... وبعدين انا مو طرطور متى ماقالت رجعني رجعتها...خلها تروح للي تركتني علشانه...وطلع لغرفته ابو فراس:هذا انهبل... ام فراس:وهو صادق..هي اللي طلبت الطلاق وانت تدري..وماقصر معها حاول معها بس هي رفضت تعيش معه.. وطلقها...يابو فراس مهيب زينه بحق ولدك انت كذا تلغي شخصيته...والغلط من البنت مو منه خلها تتحمل فعايلها.. ابو فراس:تضايق..تصبحين على خير... جالس بالحديقه لحاله اهل البيت كلهم نايمين.. مايدري ليش اشتاق يسمع صوتها.. دق عليها.. كانت جالسه بغرفتها تريح شوي ..ابوها شوي تعبان بس الحمدالله انه قدر ينام..وامها بعد نامت.. جاها مسج ..فتحته كان من غدير..انبسطت اخيرا تعرفت على احد غير زميلاتي بالشغل..دارت بالصندوق الوارد واختارت مسج وارسلته لغدير.. راحت تاخذ شور... سليمان:دق مره ومرتين بس ماردت...شكلها نايمه..مدد رجلينه على الطاوله وحط يدينه ورى راسه وصار يطالع بالسماء.. طلعت وهي لابسه روب الى الركب ولافه شعرها بالمنشفه.. جلست على كرسي التسريحه واخذت الكريم وحطت على وجهها وبعدين اللوشن ودهنت يدينها..مسكت الجوال تبي تشوف الساعه ولقت فيه مكالمات لم يرد عليها..فتحتها لقته سليمان وعلى طول رجعت تتصل عليه.. رن جواله طالع بالشاشه وابتسم.. سليمان:هلااا نها:اسسسسفه ماكنت عند الجوال.. سليمان:لا يكون نايمه وازعجتك.. نها:لااا وييين شايفني دجاجه...قولي شخبارك وعلومك؟؟ سليمان:الحمدالله زين..شتسوين؟؟ نها:جالسه لحالي وطفشانه وزهقانه وملااانه بعد.. سليمان:لهالدرجه..طيب تفرجي على التلفزيون.. نها:مافيييه شيء..هذا بدل ماتقول الحين اجيك ياحبيبتي.. سليمان:لا صعبه.. نها:لانها صعبه انا ابيك تجي..ابيك تغامر علشاني ..ابيك تثبتلي انك تحبني.. سليمان:وبأثبتلك.. نها:صددددق..خلاص بجهزلك احلى سهره انتظرك..وسكرت الجوال وراحت تتجهز.. كان بيطلع بس لما شاف شكله.. سليمان:يوووه كيف اطلع وانا بهالبجامه...الله يستر ماتقوم سلمى...طلع لغرفته بهدوووء دخل غرفة الملابس..وانبسط لما لقى بالمعلاق الخارجي جنز وتيشرت يعني مايحتاج افتح الدولاب واطلع صووت..طلع من الغرفه ودخل غرفه فاضيه ولبس وطلع... لبست برموده ازرق وبدي ابيض بنقوش زرقاء استشورت شعرها الاشقر ..حطت كحله سوداء ابرز جمال عيونها الرماديه وروج وردي وبلاشر وردي..الشدو اكتفت باللون الرمادي الفاااتح مع لمعه ذهبيه تحت الحاجب.. اخذت عطر ستيلا وبخت منه..طالعت شكلها بالمرايه برضا..طفت انوار غرفتها وطلعت تجهز اغراض السهره.. بعد ماجهزت عشاء خفيف..رن جوالها ..الوو سليمان:انا عند الباب نها:ثوااني وافتحلك..سكرت وبسرعه راحت تفتحله.. هلاااا حياااك حياااك تو مانور البيت.. سليمان:وهو يسكر الباب من وراه..منور بالغالين والله.. نها:شبكت ايدها بايده..اليوووم السهره صبااحي مفهوم..ودخلو للبيت.... | ||||
|
| |
|
18-01-11, 03:42 PM
| #24 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي 
| ناصر ولياي الله يديم الحب بينهم ويبعد العذال عنهم سليمااااااااان ليييييش الخيانة خاصة انه بحب سلمى وهي مش مقصرو عليه بشي يعني سعيد معها ولا دليما لرجال هيك عينهم فاضية وما بشبعوووو فيصل ليش العجلة اتاكد بعدين احكم لانه بتعجله بظلم 3 لشخاص نفسه وعبير وميساء وان فات الفوت ما ينفع الصووووووت يسلموووووووووووو حبيبتي الاجزاء جناااااااااااااااااااان ورووووووووووعة مثل الي نزلتهن سلمت اناملك ودمتي بعافية تقبلي مروري وردي المتواضع | ||||
|
| |
|
18-01-11, 06:02 PM
| #25 | ||||
| نجم روايتي
| الفصل السابع ضيـــــــــــاع الرياض قصر ابو فيصل.. واقفه على اخر درجه ومعصبه.. دام دوامك بدري ليش ماتقوم قبل بوقت علشان تفطر زي الناس تبي تروح على لحم بطنك... خالد:يمه..ويحب راسها..انا متعود ماافطر.. ام فيصل:هذاك اول يوم كنت بجده..بس الحين شعذرك؟؟فيصل ومحمد حتى ابوك كلهم يفطرون وجميع..انت ليش شاذ؟؟ خالد:لا انتي شكلك معصبه من شيء ثاني وحطيتي الحره فيني.. ام فيصل:كلكم ترفعوووووون الضغط وجبتولي السكر على مين طالعين؟؟ انا بفهم متى تسنعون وتطلعون رجال؟؟تحسبون اعماركم صغيره يالشيبان خالد:كح كح كح..لو سمحتي يمه تكلمي عن اللي اكبر مني..انا توني شباب..توجه للمرايه اللي عند المدخل ولبس طاقيته العسكريه..طالع بامه وشاف اللي مايبشر بخير.. ام فيصل:طالعه عيونها برى من كثر ماهي معصبه..تقدمت خطوه لقدام..اعلان لقدوم العاصفه خالد:حط رجله وانحاش..مع السلامه يمه.. ركب سيارته بورش كاين..لبس نظارته الشمسيه حرك السياره.. وصل لمكتبه ..مسك الجوال ودق على فيصل..مارد عليه.. خالد:اذا جاء للبيت اعرف السالفه منه .. ------------------ منزل سليمان.. الفطور.. لابسه بجامه حرير ولافه شعرها بشباصه.. حطت ابريق الحليب على الطاوله وجلست.. سليمان:كان ياكل بشراهه..طالع بكوب الحليب ولقاه فاضي..طالع بسلمى ولقاها سرحانه..سلمى.. سلمى:هلا..انتبهت وخذت البريق وصبت بكوبه.. سليمان:سرحانه بمين؟؟واخذ الكوب من ايدها وشرب سلمى:نزلت الابريق..من قال اني سرحااانه.. سليمان:انا انتبهتلك..اعترفي بمين سرحانه؟؟ سمعت صوت سديم..شكلها تصيح..وبعدين سمعت صوت الشغاله عندها..تطمنت.. سلمى:انت وينك البارح؟؟ سليمان:كان بيشرق بالحليب..ارتبك..ها..انا هنا وين يعني؟؟ سلمى:ماحبت تحرجه بس بتنبهه...هنا!!!اووو سوري شكلي احلم او ماكنت مركزه.. سليمان:ايه الله يهديك مره ثانيه ركزي((وبقلبه الحمدالله))..الحمدالله اللهم ادمها من نعمه.. سلمى:وين حبي تو ماكلت شيء.. سليمان:وين ماكلت وانا نظفتلك الصحون.. سلمى:صحه وعافيه... سليمان:مع السلامه..وطلع سلمى:صارت تضغط على راسها بيدينها..اااه لو هالافكار تروووح من راااسي... --------- العصر.. في قصر ابو عهود.. لابسه جينز وتيشرت طويل ابيض الى الركبه..رافع شعرها ذيل حصان.. كانت بالمسبح جالسه..دائما اذا ضاق خلقها راحت له..وصارت تتذكر احداث الامس.. ام مؤيد:انتي ماتستحين..ماتربيتي..قليلة ادب.. عهود:ليش شسويت..وتنزل عباتها على الكنب ام مؤيد:كل اللي سويتيه وماتدرين وش سويتي؟؟ عهود:وتحط رجل على رجل..ارجع اقول وش سويت؟؟ ام مؤيد:لما اكلمك تنزلين رجليك..ولا خلاص قلة الادب صارت شعارك.. عهود:اسفه يمه.. ام مؤيد:انتي شناويه عليه؟؟ عهود:ولا على شيء.. ام مؤيد:قلبي مو متطمن..بس هذا انا احذرك ابعدي عن ناصر وليلى عهود:اسفه يمه..موضوعهم بالذات مااقدر ابعد عنه.. ام مؤيد:ليش؟؟ عهود:اسباب شخصيه..ومحد يقدر يمنعني عنهم..انا دايخه وابي انام.. وعند الدرج.. ام مؤيد:تمسكه مع ايدها..انتي شتبين توصلين له؟؟هم شسوولك عهود:يمه هذي اسراااااااااااار عن اذنك..وتطلع... غطست رجلينها بالمسبح..وحست ببروده.. ااااه يايمه لو تدرين بالنار اللي بجوفي.. اعيش بغربه وانا بوسطكم..مؤيد كان مالي علي الدنيا بس تخلى عني وراح لابوه ...خوات ماعندي..ليش؟؟ حتى ابوي زوجته الاوليه ماجابت اولاد... ياليت كان عندي اخت او اخو اسولف معهم اتضارب اتهاوش احس اني بالدنيا..ويوم حبيت ناصر وتعلقت فيه..وحسيت بالحياة تخلى عني وخطب ليلى ...كنت احبه لدرجة الجنون.. حاولت امنعه من الزواج..بس ماقدرت..هو يحبها ويموت عليها كان دايما يسولف لامي عنها..كنت اموت من القهر مو لانه يحبها وبس لااا ..لانها هي ماتدري عنه وبحياتها مانتبهت له..وانا اللي استاهله انا اللي احبه..قلت مافي غير اني اكذب عليه ..كنت مستعده اسوي اي شيء بس يبقى لي..هو كان بالنسبه لي سفينة النجاة لا هو كان يمثل مصيرلي..وهو بعد ماقصر صدقني ..فرحت واستانست..بس بعدين تبخرت كل احلامي يوم اعترفت له امي..يومها حقدت عليه وهددته...والاكيد اني كرهته وخذت على نفسي وعد اني افرقهم عن بعض...مو لاني اكره ليلى..بالعكس ليلى طيبه وصديقه لي..ضريتها بالبدايه لاني ماكنت بوعيي..والحين انا ابي انفعها ليلى ماتستاهل تعيش مع واحد شكاك ممكن يصدق اي احد ويظلمها.. اصلا انا مستغربه كيف يجتمع الحب مع الشك؟؟؟؟؟((سؤال ارجو الاجابه عليه)) ------------------------- في الصاله العلويه من قصر ابو سليمان الفخم.. (الصاله كلها قزاز وتطل على المسبح والحديقه اللي بقسم الحريم.. مرره شرحه..كنب ابيض فخم مع خداديات بالوان كثييره مع طاوله خشب دائري في الوسط...شاشة بلازما .. تجرها مع ايدها علشان تطلع معها.. ليلى:بس مانطول..وتسحب ايدها من عبير وتوقف..صارت تتحسس ايدها((حشى مو بنت عورتني)) عبير:طيب بس دقايق اوكيه..وش فيك عورتك؟؟((تقولها وهي تتمصخر)) ليلى:لااا حاشاك..انتي تعورين!!!اصلا انتي ارق ادميه شفتها.. عبير:على بالي بعد..ياللا ياللا تأخرنا.. ليلى:بدق على ناصر.. عبير:اففففففففففف...وترمي عباتها بالارض..خلااااااااااص تنعاف الروحه وينعاف الزواج وينعاف البيت اللي انتم فيه.. رمت الخداده على الارض وجلست بالكنب ليلى:هههههه عبير:ضحكتي بلا سنوووووووون يالدبا.. ليلى:ووجع..انتي على بالك بهالاسلوب بتخليني اشفق عليك..مافي طلعه..وتجلس قريب من التلفزيون وتحط رجل على رجل.. عبير:احسسسسسسسسسن مو من زييين الروحه معك.. مسكت الريموت وصارت تفرفر بالقنوات شافت برنامج عن الحمل حطت عليه.. عبير:كششششششششفتك يالعوبا..ايييييه وانا اقول البنت شفيها متغيررره؟؟؟ ليلى:وش كشفتي؟؟ عبير:انتي حااااااامل صح؟؟ ليلى:برد وجهها...لا لا ..الله يسمع منك..الله كريم عبير:سبحان الله ماتعرفين تكذبين..اللللف مبروك ليلى:عبير لا تطلعين اشاعات عبير:تطمني مو بقايله لاحد..بس انتي ريحي عمرك..ماقلتيلي باي شهر؟؟ ليلى:لحوووول كذبتي الكذبه وصدقتيها عبير:خلاص بكيفك...وتركتها لحالها ليلى:بقلبها..صدق انك داهيه ياعبير ---------------- في احد العمارات..وبشقه للمعاصي.. اقوووووووووول وخرررررررررررر اتركنييي اتركني رجعني لبييييتنا رجعنيييييييي عماد:افففف تراك زهقتيني.. غاده:رجعني بيت اهلي عماد:ليه؟؟اقول بس انثبري ..وخلي عنك حركات البنات.. غاده:انت حقيييير.. عماد:الله يسامحك...ويمسك ايدها ويشد عليها...الحقيره الللي جابتها امك..ويدفها غاده:حيوووووان...لييييييش كذبت علي ليييييش..وصارت تبكي عماد:ويشرب كاس مويه...بايش كذبت عليك؟؟؟ غاده:مو قلت تبي تتزوجني؟؟ عماد:الحين تلوميني على كذبي...شيء غريب فعلا..نزل الكوب بالطاوله..وجلس على الكنب..وحط رجل على رجل...انتي تكرهين الكذب؟؟ غاده:والكذابين بعد.. عماد:بصوت عالي..هههههههههههههههه غاده:انا ماقلت نكته..وتكمل صياح عماد:قلتي تكرهين الكذب..وانتي الحين ماكذبتي على ابوك وامك؟؟ ليش ماتجاوبين؟؟على العموم انا مو كذاب..انا قلت اتزوجك على سبيل المزحه لان مستحييييييل ولا بالاحلام حتى اتزوج وحده خسيسه حقيره مثلك تكلم بدل الواحد مليون.. غاده:والله العظيم ماكلمت غيرك عماد:نصيحه وخليها حلقه باذنك..كلمتي واحد ولا الف كلمتي يوم ولا سنين المصير واحد..وانتي فاهمه والحين روحي البسي عباتك علشان ارجعك للسوق.. ركبت السياره معه..ووصلها وقبل لاتنزل عماد:لا تنسين تكذبين على ابوك علشان مايعرف وين كنتي..وصار يضحك غاده:جعلك الموت يالظالم حسبي الله عليك..ونزلت عماد:ترمي نفسها علي وتدعي صدق شين وقواية عين..وحرك السياره..ونسى ان فيه رب يراقبه.. -------------------- في قصر ابو شيخه.. لابسه بجامه بينك وفاكه شعرها وجالسه بالكرسي الهزاز تحس بسعاده ماتوصف.. نوال:ههههه...تذكرت هي وش سوت بعد مارجعت من الملكه..اتجهت لبيت خالتها الفاضي لانهم اكيد متواجدين بحفلة الملكه تسللت للبيت من باب المطبخ وبما انها تعرف وين مكان غرفته طلعت لها بسرعه..دخلتها وولعت النور..دار نظرها بكل الغرفه اللي ياما دخلتها قبل لا تتزوج..راحت لدرج تعرفه زييين كيف ماتعرفه وهو مكان البوم الحبيب..فتحته واخذت صوره دخلتها بشنطتها ورجعت الالبوم لمكانه..ومثل مادخلت طلعت.. ههههههههههههههههههههههههه والله اني خطيييييييييييره... سمعت احد يطق باب غرفتها نوال:ادددددددخل... ام نوال:اسمع ضحكتك...شالطاري؟؟ نوال:وحده مبسوطه ليه ماتضحك...طالعت بشياكة امها..على وين العزم؟؟؟وهي للحين تهز بالكرسي.. ام نوال:طالعه مشوار ...ترى كلمت زياد علش... نوال:وهي تقاطعها...وقفت هز..انا بفهم انتي بحياتك ماتدخلتي بأي شيء بحياتي شمعنى هالموضوووع؟؟؟ ام نوال:عاجبك حالك كذا.. نوال:مثل حالك... ام نوال:نوال احترمي نفسك... نوال:وانا صادقه انتي مثلي تمام الفرق اني مطلقه رسمي وانتي شبه مطلقه..وصارت تهز بالكرسي ام نوال:انت قليلة ادب... نوال:قامت من الكرسي الهزاز وتخصرت...وشو المشوار اللي رايحتله؟؟؟ ام نوال:مالك دخل..الشرهه مو عليك الشرهه علي اللي ادور مصلحتك...بس مالت مالوم زياد يوم طلقك ولا حسين يوم تزوج غيرك... نوال:انجرحت من كلامها...مشكوووره وكلامك مو مأثر فيني وزياد لو لوووووو رجعتله صدقيييني مارح انولك اللي ببالك... ام نوال:وشو اللي ببالي؟؟؟ نوال:تبين خالي المحترم ياخذ شموخ..بس هذا وجهي ان خذاها.. ام نوال:انتي انتي...وسكرت الباب باقوى ماعندها.. نوال:مع السلامه..وجلست على الكرسي تكمل خطط.. --------------- مرت الايام ثقيله على البعض وهاديه على بعض حلوه وسعيده على البعض.. ------------------- ياربي هذي ثالث مره ادق عليها ولا ترد.. شكلها ماترد على رقم غريب..ارسلها مسج احسن..وبعدها دقت.. وبعد ثالث رنه..الووووو غدير:هلاااااااااااا والله هلا بهالصووووووووت ليلى:اشتقتللللللللللللللل� �لك مررررره غدير:باااااااااين بااااااااااين يالخاينه تزوجتي ونسيتيني ليلى:والله دايما على البال..وبعدين انتي ليش ماتصلتي؟؟ غدير:بصراحه استحييت.. ليلى:وانتي منين تعرفين الحيا غدير:حراام علييك..المهم شخبارك ليلى:انا عال العال بخير ولله الحمد ..وانتي كيفك وكيف امك غدير:حنا يابعد حيي كلنا بخيير ليلى:انتي للحين على حركاتك.. غدير:شخبار جدتك؟؟مازرتوها ليلى:الحمد الله زينه...ابوي يزورها كل اسبوع وعمي كل اسبوعين..وحنا لا غدير:يالله بالعيد روحولها.. ليلى:يووه نسيت..مبروووووووك غدير:على بالي نسيتي.. ليلى:وهديتك محفوظه..بس وش قررتي تسوين؟؟ غدير:بقدم ماجستير..وخالي واعدني بوظيفه..اقول ليه ماتسيرين علي؟؟ ليلى:انشاء الله اذا فضيت امرك.. وخذتهم السواليف --------------- بعد العشاء كانت العايله كلها مجتمعه..عدا محمد اللي راح ينام ام فيصل:وهي موصله حدها..وش تبيني اقول لخالتك؟؟ الولد مايبي البنت فيصل:قولي مافي نصيب.. ام فيصل:وليييييش؟؟ فيصل:يمه انهي الموضوع ترى تعبت من كثر ماازيد واعيد..خلاص مافي نصيب وبعدين انا ابي اتزوج.. ام فيصل:انت تبي تجنني.. خالد:يمه هدي اعصابك..مافي زواج بالغصب..والبنت الله يرزقها بالنصيب الزين.. ام فيصل:وانت واقف مع اخوك ابو فيصل:طيب ياولدي ليش ماتكلمت من زمان.. فيصل:صار اللي صار....وانا ابيك تخطبلي بنت عمي عبير ام فيصل:انصدمت..وشوووووووووو..� �نت تبي المشاكل..تبي الناس تقول عاف بنت خالته واخذ بنت عمه؟؟؟؟ خالد:يمه مافيها شيء..بعدين انتي تبينهم ينفصلون وهم على البر ولا اذا اتزوجو يتطلقون؟؟ ام فيصل:انت انطم و لا تتدخل..كانت مرره معصبه فيصل:يمه هي كلمه وبقولها زواج من ميساء مستحيييييييل لو تنطبق السماء على الارض وغير عبير مرح اخذ ..وقام وهو معصب.. ام فيصل:يافضيحتي يافشيلتي شلون بطالع بوجه اختي شلوووون؟؟ ابو فيصل:هونيها وتهون.. ام فيصل:طالعت بخالد ودها تحط الحره فيه.. خالد:تصبحون على خير..وحط رجله وانحاش... | ||||
|
| |
|
18-01-11, 06:18 PM
| #26 | ||||
| نجم روايتي
| الصباح.. الشرقيه.. في المستشفى كان نايم على الكرسي.. فتحت عيونها ودارت فيها بانحاء الغرفه.. شافته نايم وشكله مو مرتاح..نادته.. حبيبي..حبيبي فهد:فتح عيونه..مسح وجهه وابتسم لها..صباح الخير ريم:صباح النور..ارجع للبيت ونام..انت شكلك تعبان فهد:انا اتعب اذا بعدت عنك..كيفك اليوم؟؟ ريم:الحمدالله..ماقالولك متى اطلع فهد:الاسبوع هذا انشاء الله.. ريم:والعيال؟؟ابي اشوفهم.. فهد:انتي تعبانه...وبعدين لا تنسين انهم في الحضانه..كلها كم اسبوع ويطلعون ريم:اكيد مافيهم شيء؟؟ فهد:الحمدالله كلهم طيبين.. ريم:ربي لك الحمد.. فهد:بروح اجيب لنا فطور..من زمان مافطرت مع روحي..والحين تبي تجي الممرضه علشان تسويلك فحوصات...مشتهيه شيء على الفطور.. ريم:اي شيء منك حلو.. فهد:ربع ساعه وراجع....طلع ريم:يارب لا تحرمنياه وتخليه لي ياااااارب....اميين ودخلت الممرضه علشان تعمل الفحوصات ----------------------- صباح الرياض.. بعد ماخلصو فطور ..اتجهو للكراج يطلعون سياراتهم.. خالد:وهو يلبس نظارته الشمسيه...انا اللي ابي افهمه ليش تفتح مواضيعك على الفطور؟؟ فيصل:فتح باب سيارته...اتوقع ان هذا انسب وقت..وبعدين انا ابنهي الموضوع.. خالد:وليش مستعجل؟؟ فيصل:ركب سيارته..والله بكيفي..وبعدين لا تنسى اني موصغير.. بس ابي اطلب منك طلب.. خالد:اطلب..وتركى على باب السياره.. فيصل:ابيك تفاتح عبير بالموضوع.. خالد:تسمع نصيحتي.. فيصل:قول.. خالد:اطلبها على طول..اذا سألتها بتحسبك مو جاد..بعدين مافي وحده من خواتك استشاروها قبل ماتنخطب.. فيصل:رايك كذا..طيب بكلم ابوي اخليه يخطبها لي.. خالد:بس حنا للحين ماخلصنا من موضوع ميساء.. فيصل:ليش وش فيه بعد؟؟ خالد:ماانهيناه..واقولك شيء.. فيصل:تراك اخرتني..قول خالد:انا ابي اخطبها.. فيصل:وقف الدم بعروقه...وبعد فتره..نصيحتي ماتصلحلك..وانت بكيفك..سكر باب السياره ومشى.. خالد:ركب سيارته وقبل لايحرك...هذا شكله صدق مايبي ميساء..زين تطمنت.. طول الطريق وصدى صوت اخوه يتردد عليه.. ابي اخطبها..ابي اخطبها..ابي اخطبها فيصل:وانا ليش زعلان..هو حر..وانا مااقدر اقوله شيء.. هي مهما سوت بتظل بنت خالتي..وواجب علي استر عليها.. --------------------- طول الليل وهي تبكي مانامت.. الاحساس بالذنب قاتل.. ايش راح يصير فيها؟؟..معقوله يفضحها؟؟ وانا شلووون رحت معه كله من المجرمه هي اللي شجعتني..طالعت بالساعه..اكيد ابوي راح للدوام.. مسحت دموعها وطلعت من غرفتهالا بسه بجامتها وراحت تدورها بالبيت.. كانت جالسه بالمجلس العائلي وتتفرج على التلفزيون هجمت عليها على طول..وصارت تضربها بكل قوه نوره:هي انتي انجنيتي اتركيييني فكي اقووول فكي ياحقيره غاده:انتي السافله الواطيه وتضرب..انتي السبب انتي نوره:حاولت تفلت منها..سبب ايييييش وخري .. غاده:ماتدرين يعني يالواااااااطيه نوره:اقووووووول لا تتبليييييين علي..والزمي حدودك لوريك شيء ماشفتيه.. غاده:هو فيه شيء ماشفته فيييييييه..جاوبيييييي جاااااوبي..وانهارت من الصياح.. انتي اللي شجعتيني كله منك..ضاعت حياتي ضااااااعت كل شيء انتهى.. نوره:والله انتي كبيره وفااااااهمه..منتي محتاجه احد يوجهك.. غاده:الحييين تقولين هالكلام لي...انتي السبب نوره:ايه انا السبب عندك مانع؟؟واسمعيني زين..ان سمعتك قايله شيء لعمي ماتلومين الا حالك.. هذا اذا تبين الستر.. غاده:تسوينها..مو انتي تبليتي على امي؟؟ نوره:هههههههه..وانتي كنتي معاي..ورجاء اطلعي برى ابغى اتابع التلفزيون غاده:الله يااااااااااخذك الله ياااخذك يالحقيره نوره:ترى احب الدعاوي هذي كثريها.. صفقت الباب بكل قوتها.. نوره:ههههههه. ------------------- الشركه.. سكر السماعه من ولده وهو متضايق..بس ماباليد حيله الولد مصمم.. توجه لمكتب اخوه..ودخل عليه ابو سليمان:هلا ابو فيصل جيت بوقتك ابو فيصل:جلس على الكرسي..خير ابو سليمان:الخير بوجهك..ابو حميد اتفقنا معه وبيكون شريك.. ابو فيصل:الله يبشرك بالخير..متى نويتو تسافرون؟؟ ابو سليمان:بعد اسبوع وثلاث ايام..عندك كلام جاي تقوله..وش هو ياخوك؟؟ ابو فيصل:ابد بس اليوم ابي اسير عليكم.. ابو سليمان:ياخوي قولي شفيك؟؟خوفتني ابو فيصل:تطمن..هو موضوع خاص شوي..ومايصلح اقوله في الشركه.. ابو سليمان:على راحتك ياخوي..متى بغيت تجي حياك الله.. ابو فيصل:اجل بعد صلاة المغرب موعدنا ابو سليمان:حياك الله.. ابو فيصل:اجل بروح للمكتب وانت كمل شغلك.. ابو سليمان:بحفظ الله.. لقى عمه عند الباب وسلم عليه بعدين دخل لابوه ناصر:تفضل يبه هذي كل العقود..يبه شفيك؟؟ ابو سليمان:ولاشيء..بس عمك بيزورنا اليوم وشكله ضايق..الله يستر ناصر:ماقالك شيبي؟؟ ابو سليمان:يقول موضوع خاص..المهم امسك هذا الملف ابيك تراجعه وتجيبه لي اليوم.. ناصر:تامر طال عمرك.. --------------------- رجعت للمجلس ومالقتها..راحت لغرفتها طقت الباب بكل هدوء ادخل فتحت الباب وهي موطيه راسها.. نوره:اففففف انتي شتبين خيرررررر؟؟وتكمل قراية المجله غاده:جلست على حافة السرير..ودموعها لا اراديا صارت تنزل.. نوره:لحووووووول بدى الفلم الهندي غاده:شسوووووي؟؟ نوره:في ايش؟؟ غاده:تسوين روحك ماتدرين؟؟ نوره:رجعنا لقلة الادب.. غادة:اسفه.. نوره:ايه كذا تعدلي..نزلت المجله..شوفي انا مااقدر اسويلك شيء..الا اذا طفشتيني ممكن اقول لعمي..وطبعا محد بيدري..فليش الدموع غاده:اخاف انكشف؟؟ نوره:مين بيكشفك؟؟ غاده:مصيرهم بيعرفون... نوره:فهمت عليك...لا تتزوجين..مايبيلها شيء.. غاده:هذا الحل عندك؟؟ نوره:شتبيني اعملك؟؟ غاده:انتي اللي قلتيلي قابليه.. نوره:قلت قابليه مو اغلطي معه..وفيه فرق بين الاثنين..ثانيا لا تسوين روحك ماتدرين...اصلا من يوم كلمتيه وانتي تدرين انه بيصيرلك كذا..مو لهالدرجه غباء.. غاده:لا ماكنت ادري وزادت دموعها نوره:اجل من البدايه ليش كلمتيه؟؟؟؟؟وشتبين توصليله؟؟؟؟؟ غاده:انتي قاسيه قاسيه وتطلع من الغرفه.. نوره:ههههههه صدق تضحكني..قال ايش ماكنت ادري!! وتاخذ المجله وتكمل قرايتها.. ------------------------- العصر.. في قصر الجد رمت عبايتها وشنطتها على الكنب بكل قوه.. جلست..اففففف كانت طالعه من قلب غدير:الله يعطيك العافيه يمه ام جاسم: الله يعافيك. غدير:شفيك متضايقه؟؟ ام جاسم:ماادري قلبي يعورني..عطيني التلفون خليني ادق على اخوك غدير:يمه توه مسكر مني..وهو بخير ام جاسم:معقوله تكون غاده؟؟الله يستر الله يستر غدير:يمه تعوذي من ابليس...شفيك؟؟ ام جاسم:قلبي مو متطمن حاسه انه فيه شيء..دقي عليها غدير:انشاءالله يمه ..دقت ....يمه ماردت ام جاسم:دقي على البيت غدير:دقت...الو نوره:اف خير داقه وش تبين؟؟ غدير:اكيد مو انتي ..وين غاده؟؟ نوره:غاده ماتبي تكلمك لا انتي ولا امك ورجاء لا تدقين ..وسكرت السماعه في وجهها غدير:وهي تطالع بالسماعه..مكسر يكسر هاليدين يالحقود ام جاسم:زين تطمنت..على الاقل لو فيها شيء كان قالت..انا بطلع غرفتي اريح شوي غدير:وانا شسوي لحالي؟؟ادخل على النت احسن.. ----------------------- بعد العشاء.. في المجلس كانو يسولفون.. ابو فيصل:والولد يقول مايبي الا هي.. ابو سليمان:بس انا على خبري ان فيصل لبنت ال..... بنت خالته ابو فيصل:ياخوي مافيه نصيب..وبعدين ماكان فيه كلام رسمي.. ابو سليمان:اسأل البنت وارد لك...وحنا اخوان مهما صار.. بعد ماتعشو وراح العم لبيته لقى بنته جالسه عند التلفزيون.. ابو سليمان:وين ليلى عنك؟؟ عبير:قصرت التلفزيون ..ليلى اي ليلى يايبه ..هذي غسل مخها ولدك..مو الاوليه تخيل يبه ماتطلع من غرفتها.. ابو سليمان:وليش؟؟ عبير:نويصر يخاف عليها تتعب من الدرج...الحمد الله والشكر ابو سليمان:نشوفك عاد اذا تزوجتي عبير:سمالله علي..يبه لا يكون تبي الفكه مني..تراني لصقة عنزروت.. ابو سليمان:يعني ماتبين تتزوجين؟؟ عبير:اكيد .. ابو سليمان:ليش؟؟ عبير:علشانك طبعا.. ابو سليمان:طيب ممكن تسمعيني اب اتكلم معك بموضوع.. عبير:كلي اذان صاغيه ياابي هاتي ما عندك ابو سليمان:الزواج قسمه ونصيب والواحد مايدري وين نصيبه فيه.. اليوم جاني عمك يخطبك لفيصل...وفيصل مايحتاج اقولك عنه رجال والنعم فيه.. وانا ياما تمنيتك تاخذينه..او يجيك واحد زيه..وبصراحه هو متمني انك توافقين..وشاريك وانا مااغصبك على شيء...اما سالفة مافي زواج فانسيها..واذا تبين رايي وافقي منها تكونين عندي ولا تفارقيني..انتي فكري زين ورديلي انا مستعجل..ابتسم لها تصبحين على خير.. عبير:ماردت عليه..لانها اتفاجأت من الموضوع..كان بالنسبه لها صدمه قويه خصوصا ان محد مهدلها من قبل.. -------------------------------- مد لها كوب المويه..وعطاها العلاج.. كلت الحبه وشربت المويه..نزلت الكوب على الطاوله.. ماقلتلي..متى ترجع؟؟ ناصر:ماادري..مافي وقت محدد.. ليلى:يعني في احتمال تطول.. ناصر:سكت مارد.. ليلى:تصبح على خير ..وقامت ناصر:مسك ايدها..لحظه..ممكن تجلسين ليلى:وش فايدة جلوسي وانت ماترد علي.. ناصر:ايه احتمال نطول.. ليلى:جلست..يعني اسبوع؟؟ ناصر:ابتسم..اسبوع مو شيء..يمكن اكثر ليلى:وانت مبسوط؟؟ ناصر:طبعا لا...بس شسوي هذا الشغل..واوعدك احاول ارجع قبل الوقت.. ليلى:ومافي غيرك.. ناصر:انتي كذا تزعليني..يعني تقارنيني بغيري؟؟ ليلى:حبيبي والله مااقصد...بس من القهر..طيب ليش سليمان مايروح؟؟ ناصر:سليمان مايقدر يخلي الشغل هنا لازم يجلس مع عمي..وبصراحه حنا معتمدين عليه.. ليلى:طيب بسافر معك.. ناصر:والحمل؟؟الدكتوره تقول في خطوره عليك.. ليلى:وانت شدراك؟؟ ناصر:انا سألتها.. ليلى:وليش تسألها من وراي...لا يكون عاجبتك بس.. ناصر:اموووت فيها.. ليلى:وشووووو؟؟؟وش قلت؟؟تموووت فيها.. ناصر:حط ايده على فمها... اششش ولا كلمه..انا كنت اتكلم عنك انتي.. وبعدين معقووله تشكين في حبي لك؟؟ ليلى:شالت ايده...انا مستحيييل اشك فيك...بس انا ماادري شصارلي.. صايره اغار عليك مررره وماتحمل اي شيء... ناصر:فديت اللي يغارون.. ليلى:طيب ارجع لبيت اهلي؟؟ ناصر:وعبير...لا مايحتاج تروحين..انا بخلي خالد يسكن معكم..وسليمان بجنبكم.. وبعدين السالفه كلها اسبوعين ثلاث بالكثير ونرجع.. ليلى:الله يعيني على فرقاك... ناصر:ويعيني...الوقت تأخر لازم تنامين لحين.. ليلى:وانت مونايم؟؟ ناصر:عندي اوراق براجعها بعدين انام.. ليلى:تصبح على ليلى.. ناصر:وتصبحين على ناصر..ابتسمت له وراحت تنام --------------------- في غرفتها بمنزل جدها.. فاكه شعرها الغجري ولابسه قميص قطني.. تدور بالكرسي وتدور وتدور.. طيب حلوه؟؟ ميساء:مين؟؟ غدير:الشرقيه.. ميساء:تستهبلين....انا وين وانتي وين..احر ماعندي ابرد ماعندك.. غدير:طيب اتحفيني باللي عندك..قالتها بملل ميساء:ماصار شيء جديد.. غدير:اجل اسمعي اخباري اللي تسر..ابوي طلق امي ميساء:ايييش؟؟متى؟؟وليش؟؟ غدير:منذ مده وليش..بسبة بنت عمي المصون.. ميساء:هالبنت هذي مجنوووونه..والحين غدير:ابد طلعت انا وامي لبيت جدي وتركنا غادة..هي ماتبي تجي معنا.. ميساء:الله يهدي القلوب وانشاء الله ترجع الامور لمجاريها.. غدير:لا من الناحيه هذي تطمني..امي حالفة ماترجع..وفي شيء بعد بس اذا جيتي بقولك.. ميساء:انا بكره او بعده راجعه..وبعد اسبوع او اثنين ريم وفهد بيلحقونا.. غدير:طيب ريم ليش تجي ليه ماتجلس ببيت اهلها ميساء:فهد مو راضي يقول ماعنده اجازه ومايقدر يخليها دقيقه وحده..تدرين عقب اللي صار.. فهد تعلق فيها بشكل واضح..الله يخليها له ويهنيهم يارب.. غدير:امييين...طيب كلمي ليلى الحين.. ميساء:لا مستحيه رجلها هذاك اليوم هو اللي رد...اذا جيت اكلمها.. انا طولت عليك..سلمي على امك غدير:الله يسلمك...سكرت منها يوووه الساعه ثلاث...فرشت سجادتها وصلت التهجد ----------------------- بعد ايام... انسدحت على السرير..انا مرتاحه.. كلام خالد مطمن ومقنع ...وابوي شكله متحمس مرره وانا ماعندي اعتراض عليه...كنت احسب انه يحب ميساء خالد كان يقولي كذا..بس الحين يوم عرفت انه هو اللي مايبيها ولا هي تبيه..ارتحت..انا استخرت والله يكتب اللي فيه الخير..على الاقل هو الوحيد اللي اضمن انه مايفرقني عن ابوي وهذا اهم شيء... قامت على صلاة الفجر...كانت مره مرتاحه وخصوصا لما حلمت .. كانت راكبه فرس ابيض وكانت تسابق فيه بسباق والكل مبهور فيها وهي كانت مبسوطه....ان شاء الله خير ..توضت وصلت الفجر..قرت الاذكار ..سمعت صوت خطوات على الدرج.. عبير:اكيد هذا ابوي..ماتدري ليش جتها رغبه قويه انها تقوله انها موافقه فتحت باب غرفتها وطلعت له.. عبير:تقبل الله وتحب راسه ابو سليمان:منا ومنك صالح الاعمال..حس ان بنته عندها كلام..تعالي يابنيتي..دخلو جناحه جلس على الكنب وهي جنبه..قولي اللي بخاطرك.. عبير:كنت بقولك عن عن عن.. ابو سليمان:فيصل عبير:ايه ابو سليمان:قولي عبير:انا انا انا... ابو سليمان:انتي ايش؟؟ عبير:موافقه وطلعت بسرعه من الغرفه ابو سليمان:وطاير من الفرحه..الله يوفقك يابنيتي.. رفع يدينه ..يااارب يااارب ياااارب اللهم اني اسالك ياذا الجلال والاكرام ياحي ياقيوم ان تسعدها وتوفقها في كل امور حياتها وترزقها بالذريه الصالحه ياااااااارب ياااااارب تحفظها وتحرسها من كل مكروووه ياارب .. ----------------------------- الشركه الف الف الف مبروك يالله انك توفقهم ابو سليمان:امين يارب.. ابو فيصل:شرايك نملك قبل السفر ابو سليمان:لا مافي وقت..وانا افضل الملكه والزواج بيوم واحد.. ابو فيصل:شورك وهداية الله..بروح ابشر فيصل ابو سليمان:بحفظ الله.. دق على ولده وبشره المستشفى.. كان يدوره ومالقاه الا عند الرسبشن.. فيصل:انت وينك وانا ادورك زياد:وهو يقرى ملف..انا هناك..يعني وين اكيد هنا..شفي عيونك طالعه برى لا تكون مخالفه بس فيصل:ههه بااايخه مثل وجهك...المهم نسيتني انا جاي علشان ايش؟؟ زياد:بشر.. فيصل:واااااااااافقت وافقت.. زياد:سلم عليه...مبروك مبروك مبروك...وعقبال العرس عن قريب فيصل:الله يبارك فيك..انا سعيد زياد:لحووول شكلك من الفرحه فقدت الذاكره..يااخي انت فيصل مو سعييد.. فيصل:اليووم بالذات راح استحمل ثقالة دمك..قول اللي تبي تقوله اخذتهم السواليف ونسو ان في اذان تتسمع لهم.. نسرين:ماعليه يافيصل تزوج... | ||||
|
| |
|
18-01-11, 06:19 PM
| #27 | ||||
| نجم روايتي
| الجزء الثامن (بعثر ورقنا هالزمان الرمادي) قصر ابو فهد.. الضحى الساعة 11 .. تنزل مع الدرج ورافعه طرف قميصها القطني السماوي المورد بالوردي بايدها.. وهي تحاول تركز بطريقها..الدرج حلزوني..عيونها موراضيه تفتح فيها نوووم.. سمعت صوت امهها عالي وهي تتكلم بالتلفون وكأنها معصبه باين من نبرة صوتها..ماهتمت لان عصافير بطنها تنادي..كملت طريقها للمطبخ ورجلينها تسحبهم سحب..جلست على الكرسي باهمال.. ميساء:حطيلي فطووور كوماري:اوو ميساء الحين يبي فتوور..وتطالع بساعتها مستنكره ميساء:لحووول وصايره تنكتين بعد..يلا اخلصي علي..وتنزل راسها على الطاوله..والله لو مالجوع ماقمت.. كوماري:اوكي اوكي.. دخلت ام فهد المطبخ وماكانت تدري ان ميساء فيه.. ام فهد:انتبهت لميساء وتحسفت انها دخلت لانها انقهرت زياده..فوقفت ساكته ميساء:رفعت راسها..يمه شفي وجهك احمر ومعصبه..مين كنتي تكلمين؟؟وهنا الشغاله صارت تحط الفطور على الطاوله.. ام فهد:ماردت عليها من كثر ماهي معصبه..كانت بتطلع من المطبخ ..بس صوت ميساء وقفها... ميساء:يمه... اقلقتيني شفيك؟؟؟؟وحاولت تفتح عيونها وتطرد النوم.. ام فهد:ماقدرت تستحمل وانفجرت...حسبي الله ونعم الوكيل..هم مين حاسبين انفسهم.. يحمدون ربهم اننا وافقنا عليهم..انا انا اختي تسوي فيني كذا..ماكان العشم يام فيصل.. ميساء:يمه شسالفه؟؟شصاير؟؟وصار قلبها يدق.. ام فهد:وش صاير؟؟؟اختي المصون اختي بنت امي وابوي تعتذر مني وتقول ان مافي نصيب بينك وبين فيصل..سمعتي سمعتي ..ماااااااااافي نصيب ..يعني كأننا حنا اللي ملزقين بنتنا وبايعينها عليهم..مسحت وجهها بيدينها ..انا بنتي تنرررد انا بنتي يقولون لها عفناااك..ان ميساء:كانت مصدومه..ماستحملت..يمممممه يكفييييييييي يكفييييييي مااااااااااابي اسمع كفاايه حرااااااااام والله حراااام.. وطلعت غرفتها بسرعه وهي منهاره تماما.. ام فهد:حسبي الله على الظالم...الله يرزقك يابنيتي باللي احسن منه مليووون مره .. دخلت غرفتها وطاحت على السرير كان صياحها يقطع القلب كانت تصيح اللي المفروض يكون زوجها كانت تصيح فيصل عشق الطفوله ليش لييييش تسرعت بالحكم علي ليييييش... لييييييش ظلمتني ليش ماتأكدت من الحقيقه ليييييش...كذا تتخلى عني كذا.. ----------------------- قصر ابو فيصل.. بعد مارجع من الدوام نام على طول ولا تغدى بعدها قام لصلاة العصر دخل غرفته وفصخ ثوبه لبس بيجامته البيج مع تيشرت سماوي نزل بالاصانصير وراح للمطبخ علشان يتغدى.. بعد ماخلص الغدى..راح للصاله ولقى امه جالسه لحالها جلس بجنبها ..وعلى طول صارت تناقشه بموضوع فيصل... خالد:يعني الحين وشلون؟؟؟هي اولا واخيرا بتدري..واخذ الجريده اللي على الطاوله يقرا.. ام فيصل:سحبت الجريده...اقول زعلاااااانه والله اللي سويناه ماينعمل كبيره كبيره خالد:يايمه هي بتزعل اكيد بس بعدين بترضى وبعدين الزواج مو غصب.. ام فيصل:كله من اخوك ماادري وش غير رايه؟؟انت ماتعرف شيء؟؟ خالد:لو اعرف كان قلت..ويبي يغير الموضوع...يمه حميدان وينه؟؟ ام فيصل:راح مع مدرسته للشرقيه في هناك بطوله.. خالد:حتى بالعطل مدارس.. ام فيصل:بس اسبوع وراجعين.. خالد:وانتم مو مسافرين؟؟ ام فيصل:ابوك يقول الشهر الجاي..وانا وحمودي بنروح مكه اول مايرجع.. خالد:وتتركينا؟؟وابوي يجلس لحاله.. ام فيصل:اسبوع مو ضار...الا شرايك ازوجك..ومامداها تكمل.. خالد:يمه زواج مو متزوج الا اذا صار عمري 35 وافكر بعد..الحين ابي استمتع.. ام فيصل:انت تبون تجلطووووني خالد:سمالله عليك جعله بعدويينك..وياخذ الجريده منهاويكمل قرايه.. --------------------------- منزل سليمان.. تطمنت على بنتها وغطتها زين..صارلها يومين تعبانه.. رمت نفسها على السرير من التعب..وتغطت بالحاف .. سليمان:كان يلبس شماغه يبي يطلع..وشلونها سلمى:احسن بكثير..الحمدالله.. سليمان:تعطر..انا طالع تبين شيء.. سلمى:وتنام على جنبها اليمين..سلامتك.. سليمان:الله يسلمك...وقبل لا يطلع تطمن على بنته وطلع.. ركب سيارته البنز..وقبل لا يحرك دق عليها.. شافت الرقم واستانست من قلب.. نها:هلا وغلا.. سليمان:هلا فيك..كيفك؟؟ نها:احترقت من الشوووق سليمان:وانا بعد.. نها:باين كم صارلك يالظالم مو مبين؟؟ سليمان:تدرين الشغل واجد..ولا تزعلين بسير عليكم نها:متى؟؟ سليمان:الحين بالطريق.. نها:الله يحييييييك..انتظرك.. رمت الجوال وقامت.. ام نها:مين يابنيتي؟؟اخووك نها:لا يمه.. هذا سليمان ام نها:لا يكون بيجي؟؟ نها:ايه..ليش؟؟ ام نها:في حريم بسيرون علينا.. نها:يوووه وهذولي ماسيرو علينا الا اليوم..ليش ماقلتيلي يمه..الحين شقوله..والله فشله ام نها:دقي الحين قبل لا يجي نها:طيب طيب..جلست واخذت الجوال وضغطت على رقمه..ومن ثاني رنه...الوو سليمان:امداك تشتاقين؟؟ نها:حبيبي انت وينك؟؟ سليمان:حواليكم.. نها:ماادري شقولك.. سليمان:في احد بيجيكم؟؟؟ نها:ايه..والله فشله سليمان:لا فشله ولا شيء..حصل خير... نها:....... سليمان:زعلانه؟؟ نها:وانت شرايك؟؟ سليمان:رايي..احسن علشان تشتاقيلي اكثر.. نها:الله يعيني ويصبرني..تامر على شيء سليمان:سلامتك.. نها:الله يسلمك....ورمت الجوال بقهر.. ام نها:عسى مازعل؟؟ نها:لا ماقال شيء..بس انا اللي زعلانه ومحترره بعد .. ------------------------ قصر ابو سليمان جناح ناصر وليلى.. لابسه بجامه حرير فوشي وفاله شعرها كان شكلها يجنن ومو حاطه اي شيء على وجهها اللون كان جنان عليها..منسدحه على السرير وتفكر بالاحداث اللي صارت.. قامت من سريرها على طول وراحت للتلفون ..رفعت السماعه وهي تحاول تتذكر الرقم..ضغطت على الارقام بخفه ..وهي مازالت واقفه.. جاها صوته..الوو.. ليلى:فيصل؟؟كانت بتتأكد.. فيصل:هلا .. ليلى:عرفتني؟؟وجلست على الكنب فيصل:اكيد..بس انا مشغول وعندي حاله.. ليلى:دق علي ضرووووري فاهم.. فيصل:اوكيه.. ليلى:بعد ماسكرت..والله فشله ادق على ميساء..خليني بالاول اعرف السالفه منه.. اكيد هذا هو الموضوع اللي كانت تبيني فيه ..ياربي معقووله اللي يصير؟؟ عبير تاخذ فيصل؟؟ قطع تفكيرها صوت ناصر.. حبيبتي بايش سرحانه؟؟ونزل شماغه وطاقيته على الكرسي.. ليلى:ناصر..متى جيت؟؟ ناصر:توني..وميت من التعب..رمى نفسه على الكنب بقوه.. ليلى:الله يعطيك العافيه..ماتبي تاكل شيء؟؟ ناصر:لا بس ابي انااااااااااام... ليلى:لا وييين تنام الحين بياذن المغرب.. ناصر:طيب سولفي علشان ماانام.. ليلى:ماعندي سواليف..انت سولف ناصر:وفجأه صحصح...نسييييت ليلى:وش نسيت؟؟ ناصر:قوووومي البسي عباتك بسرررعه ليلى:وين بنروووح؟؟ ناصر:سمع اذان المغرب...قام..بروح للمسجد ارجع والقاك جاهزه..وطلع بعد مااخذ شماغه.. ليلى:اروح اصلي والبس قبل مايجي...قامت بس تذكرت فيصل..يوووه شلون نسيت فيصل.. مسكت التلفون ودقت عليه..الوو فيصل:هلا ليلى.. ليلى:اسفه فيصل انا بطلع بس شوف بكره ضروري تجيني فيصل:لهالدرجه الموضوع مهم.. ليلى:مررره مهم..لا تنسى..مع السلامه.. فيصل:الله يسلمك..فصخ معطفه الابيض وراح لمسجد المستشفى.. السلام عليكم ورحمة الله..السلام عليكم ورحمة الله.. فيصل:بعد ماسلم..استغفر الله استغفر الله استغفر الله ..اللهم انت السلام ومنك السلام تباركت ياذا الجلال والاكرام..وصار يتلفت يمين ويسار يدور زياد..استغرب..معقوله طلع بدري؟؟ ...طلع من المسجد ركب سيارته ورجع للبيت..وبالطريق..رن جواله فيصل:الووو زياد:هلا فيصل وينك فيه فيصل:راجع للبيت.. زياد:لا تقووول.. فيصل:ليييش..زياد حاس ان فيك شيء اليوم شكلك مو طبيعي.. زياد:ايه فيني..خلاص بكره نتقابل فيصل:اسمع نتقابل ببلانت هوليود وبالمره نتعشى زياد:صار لا تتأخر انا قريب من المملكه فيصل:عشر دقايق بس.. -------------------------- قصر ابو جاسم كان وجهها اصفرررر وباين عليها التعب.. ابو جاسم:فيكي شيء يابنيتي؟؟ غاده:أأأ....أأأ..لالااا مافيني شيء.. ابو جاسم:بس وجهك اصفر..انتي تعبانه.. غاده:لا بسسسس شششششوووويييت ارار..ارهاق.. نوره:عمي هذا كله من السهر تصور من امس مانامت.. ابو جاسم:وليش يابنتي هالسهر؟؟ غاده:خخخخلاص مارح اسهر مره ثانيه..عن اذنكم.. وطلعت غرفتها.. دخلت الغرفه وتوجهت لدولاب الملابس طلعت بجامتها ..فصخت جلابيتها الناعمه ولبست البجامه وتركت الجلابيه مرميه بالارض..راحت تطفي النور ..وقفت شوي لين تتعود على الظلام...ارتمت على السرير وتغطت.. وبعدماخلص من فنجاله.. ابو جاسم:بس بس..ويهز الفنجال.. نوره:وتاخذ الفنجال منه..تبي نعناع ولا شاي ابو جاسم:صبيلي نعناع..اخذ الكاسه(البياله) ابو جاسم:ماتبين شيء؟؟ناقصك شيء؟؟ نوره:لا ابي سلامتك..انت طالع؟؟ ابو جاسم:ايه معزوم على عشاء..وبعد ماخلص من بيالته..انتبهو لانفسكم وطلع.. طلعتلها.. فتحت غرفتها لقت الانوار مطفيه والمكيف بااارد وباين عليها فعلا نامت.. نوره:الغبيه كانت تبي تورطنا ..وسكرت الباب.. سمعت صوت الباب وهو يتسكر ..رفعت نفسها من السرير..اشارة الجوال دلتها على مكانه اخذته ودقت ..بعد مده جاها صوته.. عماد:خيييير... غادة:ابي نتفاهم.... عماد:اوووو..على ايش(كان اسلوبه استفزازي) غاده:وبدى صوتها يخونها...باللي سويته فيني.. عماد:بعدييييين نتفاهم مو وقته انا مشغوول.. غاده:بس هالموضوع مهم..مايتأجل عماد:والله تبين نتفاهم اصبري ماتبين ..فارقي.. وتراك ازعجتيني.. غاده:مشكور..ورمت الجوال بالارض وضمت مخدتها وصارت تبكي دموع من غير صوت...تذكرت ابوها لودرى وش بيصير؟؟اااااه يايمه وييييييينك؟؟؟ انا الغبيه انا..وراحت بنوية بكاء... تدور بالبيت ..تدخل غرفه وتطلع من غرفه.. ليلى:يجننننن ..مو مصدقه عيوني ناصر:لا صدقي..الحين باقي الاثاث..ونسكن لوحدنا ليلى:ومتى نروح نختار الاثاث ناصر:بعد ماارجع من السفر..اكون فضيت وماخذ اجازه.. ليلى:ناااصر لا تجيب طاري السفر والله ضيقت خلقي.. ناصر:خلاص مو جايبه..وشرايك بغرفة الجوري؟؟ ليلى:ياسلام واثق انها بنت..وبعدين انا مابي جوري ناصر:ليييش والله حلو..بعدين الورد مايجيب الا الورد ليلى:اوووه من الحين تتغزل فيها وبرطمت.. ناصر:لووووولي..لووووولي..لح� �ول تغارين من وحده للحين ماطلعت.. ليلى:..... ناصر:لووولي..حبيبتي ليلى:انا بروح للسياره... طلعت من البيت وركبت السياره وساكته.. طفى انوار البيت..وقفل الباب ..قطف ورده من الحديقه ..وركب السياره.. ناصر:حبي للحين زعلان.. ليلى:ابتسمت..ناصر تحملني والله غصب عني..اغار عليك حتى من الهوى.. ناصر:غاااري وغاااري وغااري ياااابعد هالدنيا كلها ..قدم لها الورده..الورد للورد ليلى:شمتها وابتسمت..مو زعلان مني..قالتها بدلع ناصر:ليلى طالعيني.. ليلى:طالعت فيه ناصر:واللي رفع السماء من غير عمد ماحد يسكن قلبي غيرك.. ليلى:تنفست بعمق..((الله يخليييك لي ياااارب)) حرك السياره وتوجهو للبيت.. وبمكان ثاني وبنفس الوقت.. قصر الجد.. حمر وجهها من الحيا .. كانت تبي تقوم بس ماخلتها.. ام ركان:يابنتي حنا شارينك وخالك يتمنى تاخذين ركان اليوم قبل بكره..وانا ماني لاقيه احسن منك.. وركان موغريب وبعدين هو بعد يموت فيك..ها وش قلتي غدير:خللليني افكر ام ركان:افا السالفه فيها تفكير...يابنتي والله ركان مافي منه غدير:ادري ام ركان:اجل ليش التفكير؟؟يابنتي وافقي وفرحينا غدير:خلاص انا موافقه ام ركان:كلللللللووووش كللللللوووووش اللللللف مبروك يابنتي..وتضمها وتحبها غدير:الله يبارك فيك.. ام جاسم:دخلت ومعها الشاي..خير شصاير؟؟ ام ركان:غدير وافقت ام جاسم:اللف مبروك وركان مافي احسن منه.. غدير:استحت وطلعت لغرفتها ام ركان:بكره انشاء الله نخطبها رسمي..بس خايفه من ابوها ام جاسم:ابوها موقايل شيء..وين بيلقى احسن من ركان..بس في شيء ودي اقوله ام ركان:تفضلي.. ام جاسم:ياانكم تأجلون العرس لين يجي جاسم ولا انهم يسكنون عندي..انتي تدرين اني لحالي.. ام ركان:وغاده؟؟ ام جاسم:غاده باعتني ونست ان عندها ام..وخنقتها العبره..حتى مافكرت تتصل فيني.. ام ركان:صلي على النبي ووكلي امرك لله..هي مصيرها بتعقل وتتحسف.. وبكلم ابو ركان واشوف وش يقول ومايصير خاطرك الا طيب.. --------------------- مركز المملكه بلانت هوليود فيصل:لهالدرجه مسببلك رعب.. زياد:فيصل ترى قمت تخربط بالكلام.. فيصل:اسف..بس شسوي فيك رجال وش كبرك تقول خايف يغصبونك على الزواج.. زياد:تدري الشرهه علي اسولف معاك فيصل:زياد ترى هذي مو حاله كل ماقلت كلمه وعلقت تزعل زياد:لان تعليقاتك بايخه مثل وجهك بالتمام.. فيصل:مشكور.. زياد:لا شكر على واجب..حنا حاضرين وبالخدمه.. فيصل:.... زياد:.... وبعد فترة صمت زياد:موعد الزواج قرب فيصل:من زواجه؟؟؟ زياد:زواج حسين..الله يستر فيصل:انا بفهم هو ليش ماخذاها دام تقول انه يبيها وهي تبيه زياد:هو خطبها بس عمي رفض..وزوجونياها فيصل:ليه رفض؟؟ زياد:والله من القرد اللي مقصع براسي.. فيصل:ادري بس مافي سبب ثاني غير قرادتك؟؟ زياد:مايبيها تاخذ واحد اقل من مستواها..وبعدين هو معجب فيني ومن زمان يبيني لها وصار اللي يبيه.. فيصل:طيب وبعد الطلاق زياد:مايبي ياخذ مطلقه وهو بعده ماتزوج..وش اللي يحده.. فيصل:هي ماتبيك ليش خايف انها ترجعلك زياد:يووووه يافيصل انا مو مرجعها لو تنطبق السماء على الارض..انا خايف ابوي يزعل ..خايف من المشاكل..مهما كان هذا ابوي فيصل:والله ماعرفتلك..على العموم تبي تفتك تزوج .. زياد:اتزوووج!!وبهالوقت مستحييييل ----------------- علمتني وشلون احب.. علمني كيف انسى..؟؟؟ يابحر ضايع فيه الشط والمرسى.. علمتني وشلون احن.. علمني كيف اقسى.. قامت من السرير وراحت لدورة المياه تغسل وجهها شافت شكلها وزاد صياحها..هدت شوي غسلت بمويه بارده..توضت وصلت ركعتين..ودعت ربها ياارب ياارب ياعالم مافي الصدور ياذا الجلال والاكرام ياحي ياقيوم اللهم انك تعلم اني مظلومه..وزاد صيحها اللهم اللهم عوضني ياارب اللهم عوضني بمن هو اخير منه..اللهم اني اسألك الخير كله اللهم اصرف قلبي عن فيصل واقدر لي الخير حيث كان وارضني به..اللهم عوضني واخلف علي.. يااارب ياااااارب اللهم صلي وسلم على نبينا محمد وعلى اله وصحبه اجمعين سفطت سجادتها وطلعت بالبلكونه تشم هواء ..اليوم كله راح بالصياح.. حست بالجوع وماقدرت تصبر وراحت للمطبخ.. ميري:ميساء اش هادا؟؟ كانت عيونها متنفخه..وشكلها يخرع. ميساء:مافي شيء..ماما وين؟؟ ميري:ماما في نوم بدري.. ميساء:حطيلي اكل تراني ميته جوع..حطيلياه بالحديقه.. ميري:اووو ميساء هدا بابا فهد في اتصل كتير.. ميساء:اوكيه...وطلعت للحديقه..جلست على الكرسي.. ااااااه...انا يتسوى فيني كذا؟؟انا تنهان كرامتي ومن مين من بيت خالتي.. لا حترموني ولا قدرو امي..هم لو ملمحين انهم مايبوني كان فهمت ورفضت على طول.. بس انا فاهمه قصدك يافيصل..سويت هالحركه انتقام مني..الحين الناس بيقولون هو اللي مايبيها.. ميري:حطت الاكل على الطاوله..ولان ميساء سرحانه تفكر..فزعت من الصوت ميساء:بسم الله..شفيك دفشه ماتعرفين تنحنحين؟؟ ميري:سوري سوري.. ميساء:شيلي الاكل خلاص مابيه.. ميري:بس انتي مافي اكل كل يوم..بأدين يتعب.. ميساء:اي والله صادقه..اتعب نفسي على واحد مايستاهل..يخسى الا هو..تهجد صوتها وبدى يخونها..فيصل مايستاهل مايستاهل..بدت دموعها تنزل..غطت وجهها بيدينها ورجعت تبكي.. ---------------------- منزل سليمان.. الساعه 1ونص بالليل.. قامت من النوم مفزوعه.. خير وشصاير؟؟ ناصر:سديم ماما تبكي..ويبكي.. ركضت لبنتها ولقتها تبكي ضمتها لها.. سلمى:حبيبتي شفيك؟؟وش يعورك؟؟ سديم:ماما بتني وتكمل صياح.. سلمى:الحين بيطيب حبيبتي..حبيبي ناصر روح قوم ابوك.. ناصر:تيب.... طلعت ملابس لبنتها ولبستها ناصر:ماما بابا مو فيه.. سلمى:هذا وقتك ياسليمان...طيب روح جيب جوالي.. راح ناصر يجيب الجوال وعطاه لامه.. سلمى:دقت عليه مرتين ولا رد..تنرفزت وخصوصا ان بنتها يزيد عليها الالم.. احسن شيء اوديك للمستشفى.. وتنادي الخدامه الخدامه:وباين عليها النوم..يس مدام سلمى:سديم تعبانه وبنوديها للمستشفى لبسي ناصر والبسي علشان تروحين معي.. الخدامه:اوكي.. دخلت غرفتها وغيرت لبسها وغسلت وجهها اخذت كرت المستشفى حق سديم واي شيء تحتاجه ودخلتهم بالشنطه..لبست عبايتها نزلت ولقتهم ينتظرون السواق.. ناصر:ماما جوالك لقيته بالثرير..ويعطيها.. سلمى:اخذت الجوال ودقت على سليمان اخر محاوله..وللاسف مارد.. سمعو صوت تشغيل السياره وطلعو وصلت للمستشفى وانشغلت ببنتها.. بعد ماكشفو عليها.. دكتور بشر؟؟ الدكتور:لا تخافين..مافيها الا العافيه .. سلمى:بس ماقلتلي شفيها؟؟ الدكتور:فيروس منتشر هالايام وهو اللي سبب لها النزله..حنا عطيناها حقنه والحين هي بخير..وبكره تقدر تطلع.. سلمى:مشكور تعبناك معنا.. الدكتور:هذا واجبنا..وطلع سلمى:شالت نقابها..وزفرت...جوني قولي للسواق يرجع ..سديم بتتنوم..وانتبهت لناصر اللي نايم بحضن الشغاله..حطيه هنا ..وتأشر على السرير جوني:وانتي مدام.. سلمى:انا انام معه..وانتي روحي وتعالي الصبح.. جوني:اوكيه مدام.. دخل البيت ولا انتبه ان سيارة السواق مو موجوده.. تسلل بهدوء.. دخل الغرفه ..استغرب لانوار والعه وسلمى مو فيه؟؟ سليمان:اكيد عند سديم نايمه..لبس بجامته وناااام.. قام الصبح..واستغرب ان سلمى ماقومته..اخذ شور ولبس ثوبه وشماغه وتعطر اخذ البوك ومفتاح السياره ونزل..تذكر انه ماشاف سديم.. سليمان:يووه اذا رجعت بشوفها انشاء الله ماعليها شر..طالع بساعة الحائط..يوووه تأخرت الساعه تسع ونص..راح للمطبخ ومالقى احد..استغرب ..حتى الفطور مو مجهزينه..سمع صوت فتح الباب..وطلع للصاله.. سلمى:اول مادخلت باست بنتها اللي بحضن الشغاله ونايمه...طلعيها لغرفتها وغطيها زيين وخليك عندها... جوني:اوكيه مدام..وطلعت سلمى:حطت ايدها ورى ظهرها تحس بألم خفيف..كانت بتطلع لغرفتها بس وقفها صوته.. سليمان:كان توه طالع من المطبخ...سلمى!!!! سلمى:طالعت فيه بنظرات وكملت طريقها..ماعطته مجال حتى يسأل سليمان:سلمى..سلمى..سلمى..هذي شفيها؟؟طلع من البيت ولقى ناصر يلعب بالكوره في الحديقه..نااااصر نااااصر ناصر:ترك الكوره وراح ركض لابوه وضمه... سليمان:حبيبي وين رحتو؟؟ ناصر:وهو لا زال بحضن ابوه..بس بعد وجهه شوي وحط يدينه على كتوف ابوه..بابا رحنا للتكتور ..مسكينه سديم تبكي بتنها عورها..بس هي نامت بعتين(بعدين) قامت والحين خلاص بتنها تاب. سليمان:عصب لان سلمى ماقومته وخلت السواق يوديها...متى رحتو؟؟؟ ناصر:رحنا بالليل..وانت مو فيه ماندري وين رحت..(كان يقولها ببراءه) سليمان:حز بخاطره كلمة ناصر..يعني نمتو بالمستشفى.. ناصر:هز راسه بايه..نزل من حضن ابوه وراح يكمل لعب.. سليمان:حتى ولو المفروض تدق علي..هين ياسلمى شغلي معك بعدين..رن جواله..الوو ابو سليمان:سليمان وينك ؟؟ننتظرك سليمان:هلا طال عمرك..الحين انا بالطريق خمس دقايق واكون عندكم.. ابو سليمان:مع السلامه سليمان:دخل الجوال بجيبه وركب سيارته وتوجه للشركه وطول الطريق يفكر بسلمى.. دخلت غرفتها بعد ماتطمنت على سديم..رمت عبايتها ودخلت تاخذ شور بارد.. طلعت من الحمام وهي لابسه الروب ..استرخت على الاريكه بعد مااخذت التلفون الهوائي ودقت على ليلى.. سلمى:الوو ليلى:هلللاااا سلمى.. سلمى:اهلين.. ليلى:كيفك وشخبارك.. سلمى:بخير الحمدالله.. ليلى:شفي صوتك؟؟ سلمى:ابد توي رجعت من المستشفى.. ليلى:سلامات شفيك؟؟ سلمى:لا بس سديم تعبت علي ..والحمدالله هي زينه الحين ليلى:ماتشوف شر ياحياتي ..لا يكون عطوها ابره؟؟ سلمى:مافي شيء من دون ابره.. ليلى:يااااابعد قلبي..بسير عليك بالعصر..يوووه نسيت ان فيصل بيجيني سلمى:فيصل..مو امس قايلتلي انه بيجيك؟؟ ليلى:تذكرت الامس..ااااه ياسلمى سلمى:شفييك ليلى:ذكرتيني بأمس..رحت مع ناصر لبيتنا يجنننن ياسلمى يهببل.. سلمى:اكيد بيطلع يهبل مو ناصر وراه.. ليلى:ياربي ماتصدقين ياسلمى وشكثر اشتاقله صرت مااصبر عنه دقيقه..فديييته سلمى:لا انتي رايحه فيها..قوليلي شتبين بفيصل؟؟ ليلى:ابسأله ليش خطب عبير وترك ميساء.. سلمى:ههه ياحليلك..خلاص انسي وارضي بالواقع...الله يوفقهم ليلى:اكيد فيه شيء..هو يموت فيها وش غيره؟؟ سلمى:يابنت الحلال هذي هي الدنيا..اليوم يحبك وبكره يكرهك..مالها امان.. ليلى:عقدت حواجبها..وش هالتشاؤم؟؟انتي صايرلك شيء..قوليلي.. سلمى:سليمان.. ليلى:وش فيه؟؟ سلمى:متغير مررره مو سليمان الاولي..انا حاسه ان السالفه فيها مره ليلى:هههههه..وييييييين راح تفكيرك... سلمى:غمضت عيونها...انا متأكده.. ليلى:قبل شوي تقولين حاسه والحين متأكده..شيلي هالاوهام..بعدين سليمان محترم مو راعي خرابيط.. سلمى:بقلبها((وهذا اللي مألمني ومجنني هو مايعرف الخرابيط ولا الحرام..معقوله متزوج..مافيه غير كذا))قطع تفكيرها صوت ليلى.. ليلى:يوووه سلمى وش فييك؟؟..مايبيلها تفكير..اكيد منشغل بالشركه.. سلمى:محد يعرف سليمان كثري..وبتشوفين.. ليلى:لا تصيرين شكاكه..ورن جوالها...سلمى فيصل يدق علي سلمى:سلمي عليه مع السلامه ليلى:الله يسلمك..سكرت ..وردت على الجوال هلا فيصل فيصل:كيفك؟؟تلفونك شفيه مشغول ليلى:كنت اكلم سلمى وتسلم عليك فيصل:الله يسلمك والله من زمان عن سدومه ليلى:يابعد قلبي تعبانه وودوها المستشفى فيصل:متى ؟؟وهي شلونها الحين ليلى:لا الحين بخير..لاتنسى موعدنا اليوم فيصل:يعني ضروووري اجي ليلى:ضرووووووري فيصل:خلاص غالي والطلب رخيص..قبل المغرب بجيكم ليلى:انتظرك... | ||||
|
| |
|
18-01-11, 06:26 PM
| #28 | ||||
| نجم روايتي
| في احد القصور الفخمه..وتحديدا بالدور العلوي..كانت تمشي بشويش.. وتحاول ترقى الدرج علشان توصل لغرفتها..توها طالعه من غرفة التعذيب.. يووووه نسيت اقولكم من انا...اسمي((عاليه))..عايشه مع ابوي ومرته..عندي من ابوي ثلاث خوات وولدين..وعندي من امي اختين صغاار واخوين ..يمكن للان ماتعرفتو علي..انا بنت شيماء((ام حسام))زوجة ابو مؤيد..وبنت عيسى((ابو صالح)).. وصلت لغرفتي بعد مابذلت مجهود كبير لين وصلتها..فتحت الباب...ولقيت التكييف بارد..انا دايما قبل لاادخل غرفة التعذيب اتعمد اشغله على البارد علشان اذا رجعت يمكن يبرد من حرارة الالم..سكرت الباب وانا اتمتع ببرودة الرخام اللي احسها تنعشني احس البروده وصلت لراسي وتدغدغ رجليني..رميت نفسي على السرير..وفجأة سمعت صوتها.. عاليه:استأذنتي قبل لا تدخلين؟؟كنت اقولها بملل غيوض:استأذنت بس مارديتي ودخلت..انتي تعبانه؟؟ عاليه:لا تخافين..بس انا سهرانه ولا نمت..غمضت عيوني..اطلعي وسكري الباب.. غيوض:هزت راسها..اوكيه..وطلعت.. ------------- قبل المغرب بشوي.. قصر ابو سليمان.. طلعت من غرفتها بعد ماكلمها فيصل وقال انه بيجي بعد نص ساعه..وراحت لغرفة عبير..طقت الباب.. عبير:اددخل..كانت تلبس حلق.. ليلى:اوووه عبوره قايمه..بالعاده بهالوقت نايمه.. عبير:طنشتها.. ليلى:اشوفك لابسه وين بتروحين؟؟ عبير:بروح مكان..فتحت الدرج وطلعت الارواج.. ليلى:للحين زعلانه؟؟انا اسفه عبير:مايهم..اخذت القلوس وحطت منه.. ليلى:جلست على السرير...طيب لا تلوميني انا تفاجأت.. عبير:قلت مايهم..وكملت مكياج ليلى:عبوور بلا سخافه..ردت فعلي طبيعيه.. عبير:اوووو طبيعيه وتلتفت لهاوبإيدها فرشاة البلاشر..تبيني اذكرك وش قلتي؟؟ قلتي..ايييييش خطبك انتي؟؟ وميساااء ليش سوى كذا ليش؟؟ ليلى:عبير انتي والكل يدري ان فيصل لميساء..وبعدين خطبك من غير مايقولي يعني طبيعي بستغرب..وبعدين انا مرح الاقي اغلى واعز منك لخوي.. وبلا ثقالة دم وسامحيني.. عبير:واذا ماسامحتك؟؟ ليلى:اصقعي راسك بالجدار عبير:اسلوبك مثل وجهك.. ليلى:يعني حلو... عبير:ياشين الغرور.. ليلى:خلاص سامحتيني..وتروح تضمها..اللللللللللللف مبروووووووووك عبير:من قلبك.. ليلى:لا من خشمي..شفيك صايره بايخه عبير:انتي ماتلاحظين انك ماخليتي صفه شينه الا وقلتيها؟؟ ليلى:والله بكيفي مرت اخوي وبكيفي..وتخصرت عبير:لا تسوين كذا مو زين للحامل.. ليلى:عدلت وقفتها.. عبير:هههههه كشفتك يعني اكييييد حامل .. ليلى:الله ياخذ بليسك..صدق انك داهيه عبير:بأي شهر؟؟ ليلى:توني الاول..بس لاتقولين لاحد ترى حتى امي مادرت.. عبير:طيب بس كله بحقه..وين ناصر ابي اذله شوي ليلى:الحين بيجي..انتظريه بالصاله(تكذب)..انتي ماقلتيلي وين رايحه؟؟ عبير:بروح لخالتي من زمان عنها..تبين تروحين؟؟ ليلى:مره ثانيه.. عبير:ضبطت تنورتها الجنز..لبست عبايتها واخذت شنطتها وحطت طرحتها على اكتافها ونزلت.. ليلى:مو منتظره ناااصر عبير:وهي نازله من الدرج..الا بنتظره تحت.. ليلى:هين ياعبير بتذلين ناصر تشوفين وش بسوي فيك؟؟ راحت لغرفتها واتصلت بناصر..الوووووو ناصر:هلا وغلا بروحي.. ليلى:اشتقتلي؟؟ ناصر:مررررره..وانتي ليلى:فوق ماتتصور..حبيبي متى بتجي؟؟ ناصر:والله اسف اليوم بطول تدرين الشغل كثير.. ليلى:خلاص مارح انام الا اذا جيت..مع السلامه ناصر:الله يسلمك.. سكرت من عنده وراحت تلبس جلابيه.. عدلت شعرها وتعطرت ونزلت..لقتها بالصاله.. عبير:رجلك متى يجي طول؟؟ ليلى:والله بكيفه متى مابغى يجي حياه الله.. عبير:طيب انا بروح بس تشوفين انتي وياه ان ماخليتكم على الحديده..هين هين.. ليلى:نشووووف..انتظريه طيب(ماتبي تلح عليها علشان ماتحس عبير) عبير:لا تأخرت وهو ممديه عليه..لبست طرحتها وتغطت وطلعت.. ليلى:افففففف يالقهر راحت وهو ماجاء .. -------------------- خلص شغله بالشركه ...ورجع للبيت..طول الطريق وهو يفكر بسلمى وبحركتها.. سليمان:اااه ياسلمى مو معدي اللي سويتيه على خيير.. وصل للبيت.. استغرب من الهدوء.. بالعاده ناصر يلعب بالحديقه وسلمى تستقبله..جاء بباله انه ممكن تكون سديم تعبت وودوها المستشفى..والله لاوريك ياسلمى..طلع الدرج بسرعه وفتح غرفة العيال...لقاهم نايمين..تطمن سكر الباب وراح لغرفته..شافها نايمه..استغرب هي بهالوقت ماتنام.. دخل لغرفة الملابس..لبس بجامته وطلع من الغرفه وراح للصاله.. حست فيه يوم دخل..قامت من النوم وراحت للصاله..شافته ماسك الجوال ويبتسم شكله يقرى شيء..نغزها قلبها.. حس ان فيه احد معاه بالصاله..التفت.. سليمان:سلمى!!ارتبك.. شفيك قمتي من النوم لايكون ازعجتك.. سلمى:لا مافي شيء..صدت عنه ورجعت لغرفتها والعبره خانقتها.. حس ان فيها شيء..نظراتها غريبه..وشكلها حاسه بشيء..انا اعرفها زين.. دخل للغرفه لقاها رجعت تنام..ولع الانوار صحيح ان الشمس للحين ماغابت بس الغرفه مظلمه وبنفس الوقت يبيها تقوم...بس ماتحركت..نادى ولا ردت.. راح وشال الغطى. سليمان:ليش ماتردين؟؟امداك تنامين سلمى:ابي انااام..وصدت للجهه الثانيه سليمان:لا يامدام مافي نوم قومي كلميني.. سلمى:......... سليمان:رفع صوته..سلللمى سلمى:رفعت نفسها وحطت الوساده ورى ظهرها..بعدت شعرها عن وجهها ورجعته لورى...هذا انا قمت.. سليمان:انتي وشلون تروحيين للمستشفى وتترقدون وانا ماعندي خبررر..لاتقولين اني ماكنت موجود..اتوقع فيه اختراع اسمه جوال وانتي تعرفين رقممي.. سلمى:ببرود..سحبت منديل وصارت تفرك عينها..طالعت بالمنديل وضمته بيدها .. اعرف هذا الاختراع واعرف رقمك بس الظاهر انت اللي ماتعرف رقمي.. انا دقيت علييك اكثر من مره بس انت مارديت..والبنت تعبانه ولا كان انتظرتك.. بس الحمدالله مانتظرتك لانك مانمت بالبيت مادري وين سهران.. سليمان:ومن قال اني مانمت بالبيت ..وبعدين لو انك صادقه كان طلع مكالمات لم يرد عليها.. سلمى:انصدمت..وبعقلها((معقول� � نام بالبيت ولا حس اني موموجوده..لهالدرجه ياسليمان))قطع تفكيرها صوته.. سليمان:مارديتي علي ولا ماعندك رد...بس والله والله والله ياسلمى ان عدتي هالحركه لا تشوفين شيء ماشفتيه..هالمرره..قطعت كلامه سلمى:لحظه..مسكت جوالها اللي كان بجنبها..وفتحت على المكالمات الصادره..ومدته لسليمان..تفضل.. سليمان:شاف المكالمات وتأكد من الوقت...اكيد مسجله رقمي غلط.. سلمى:يمكن..لاني اول مرره ادق عليك.. سليمان:تتمصخرين وانتي غلطانه.. سلمى:طيب ليش ماتدق وتشوف.. سليمان:ضغط على اسمه ودق..جاري الاتصال..رن جواله..رفع عينه على طول لسلمى.. وسكر الجوال...غريبه طيب ليش مادق علي ؟؟ سلمى:افتح جوالك وشوف المكالمات وبتلقى رقمي..نزلت الوساده وصدت للجهه الثانيه.. سليمان:فتح جواله وفعلا لقى مكالماتها...حس انه ظلمها.. سلمى..سلمى سلمى:......... سليمان:سلمى لما اناديك ردي علي.. سلمى:طف النور.. سليمان:حقك علي ..طيب طالعيني سلمى:طف النور..انا تعبانه.. سليمان:جلس على طرف السرير..الحين بيذن المغرب...وش اللي متعبك.. سلمى:لفت له..وصارت تطالع بعيونه بنظرات سليمان:ارتبك..سلمى شفيك؟؟ سلمى:انت شفيك؟؟ سليمان:مافيني شيء.. سلمى:وانا مافيني شيء.. سليمان:انا متأكد انك مخبيه شيء عني..سديم صاير لها شيء؟؟ سلمى:وانا متأكده انك مخبي شيء عني..وسديم زينه..وصدت للجهه الثانيه سليمان:انتي ليش تتعاملين معي بهالطريقه؟؟ سلمى:سليمان انا تعبانه وابي انام..اجل اسألتك لبعدين.. سليمان طفى النور وسكر الباب ورجع للصاله.. سليمان:شفيها علي؟؟نظراتها مو مريحتني فيها شيء؟؟شكلها حاسه اني مسوي شيء من وراها..وبعدين ليش ماطلع بجوالي مكالماتها؟؟معقوله نها يكون لها علاقه؟؟مافي غيرها.. الله أكبر الله أكبر<<اذان المغرب سليمان:مسح وجهه بيدينه ..وصار يردد مع المؤذن ---------------------- قصر ابو سليمان جالسين بالصاله الارضيه.. الحين تعال وتعال وابيك ضروري واخرتها تسألين هالسؤال؟؟ وقام علشان يطلع..مسكته.. ليلى:بس انا اختك ومن حقي اعرف؟؟ فيصل:اختي على عيني وعلى راسي بس مالك حق تدخلين بقراراتي.. ليلى:انت تغيرت كثير.. فيصل:كل الناس تتغير...واولهم انتي ليلى:اناااا؟؟بس انا ماتغيرت.. فيصل:لا انتي تغيرتي ..وبعدين كل واحد حر بنفسه.. ليلى:طيب ممكن تجلس ولا عاجبتك الوقفه؟؟ فيصل:انا تعبان وبرجع للبيت ..مشى الى ان وصل للبيت ووقفته ليلى بسؤالها.. ليلى:فيييصل..حنا من متى بينا اسرار فيصل:وهو معطيها ظهره..من يوم ماخليتي بينا اسرار.. ليلى:انا ماخليت بينا اسرار؟؟ فيصل:التفت عليها..شكلك نسيتي..معليش اذكرك..ليش دخلتي المستشفى اول زواجك؟؟ ليلى:مو هذا موضوعنا.. فيصل:مصره ماتقولين وانتي حره ماضغطت عليك..وانا بعد حر .. وبعدين انتي ليش ماتبيني اخذ عبير؟؟ ليلى:لا تحور كلامي..انا عبير احبها ومافي زيها ..بس على مااعتقد انك كنت تبي ميساء.. ومن حق عبير تعرف السبب.. فيصل:بيني وبين عبير مافي اسرار.. ليلى:يعني هي تدري؟؟ليش ماقالتلي؟؟ فيصل:رفع حاجب..توك تقولين ان عبير هي اللي تبي تعرف..طلعتي انتي اللي تبين تعرفين .. ليلى رجاء لا تفتحين الموضوع انتي ليش تبين تنبشين بالماضي؟؟ ليلى:ميساء صارت ماضي!!!!! فيصل:رجع للمكان اللي كان جالس فيه..حط رجل على رجل..ماضي وناسيه بعد..واذا فتحتي الموضوع مره ثانيه ترى مارح اكلمك مره ثانيه.. ليلى:لهالدرجه؟؟ فيصل:واكثر..انا مابي عبير تزعل .. ليلى:وصار يهمك زعلها؟؟وجلست جنبه فيصل:اكثر مما تتصورين..عبير..ويقطع كلامهم دخولها.. عبير:سلااااا...وانصدمت..فيصل هنا كانت تبي تحط رجلها بس ليلى ماخلتها ليلى:وعليكم السلااام...شفيك رجعتي بدري؟؟ابتسمت..قلبك حاس.. فيصل:عصب..ليلى شهالكلام؟؟ماكان يبي عبير تنحرج... عبيرعلى مين ياليلوه اوريك)مالقيتهم بالبيت..مع اني قايلتلهم اني بزورهم..وجلست معاهم عناد بليلى..شلونك فيصل.. فيصل:الحمدالله بخير ليلى:طيب كان دقيتي عليهم بالجوال؟؟مايبيلها ذكاء.. عبيرهين ياليلى..تبي تفهم فيصل اني متعمده)دقيت بس محد رد..مادريتي؟؟ ليلى:ايش؟؟ عبير:طلعت حامل ..(ويوم شافت ليلى طيرت عيونها)غدير بماده.. ليلى:هاه...(فهمت تهديدها..انا شلون اتحدى عبيروه) مسكينه..صح ترى تلفون غرفتك دق كثير..تبي تصرفها عبير:لاحقه عليه ابي انتظر ناصر ابيه بشيء ضروري..ويدق جوالهااللي بيدها..ردت على طول الووو انتي وينك؟؟جحدتوني شفيكك خوفتيني ..اهدي كلميني زيييين...متى وين ؟؟اي مستشفى ؟؟ الحين اجيكم لا تخافين لا تخااااااافين..وسكرت السماعه.. ليلى وفيصل:خير شفيه؟؟ عبير:خالتي بالمستشفى وعهود تقول انها تعبانه كثير..بروح لها.. فيصل:انا اوديك..وطلعو ليلى:الله يستر.. وبالطريق للمستشفى دقت عبيرعلى ناصر وبلغته..دقت على سليمان بس مارد.. كانت عهود منهاره تماما جالسه بالارض وتصيح.. وصلت للمستشفى وسألت عن خالتها وراحت بسرعه لهم لقتها بالممر وتصيح..ضمتها عبير:عهود شفيك اهدي..انشاء الله موصاير الا كل خير.. عهود:الله يستر ياعبير انتي ماشفتيها..اقولك اغمى عليها .. عبير قوليلهم ابي اميييييي عبير:تعوذي من ابليس وخالتي بتكون زينه باذن الله..تعوذي من ابليس.. فيصل:السلام عليكم..ماعليها شر انشاء الله..وانا الحين بسأل عنها.. عهود:الله يخلييييييك روح اسأل طولو علي... فيصل:انشاء الله بس انتي اهدي وينادي الممرضه علشان تاخذهم بغرفه يرتاحون.. راح سأل وقالوله جلطه .. فيصل:لا حول ولاقوة الا بالله..طيب استقرت حالتها الدكتور:يادكتور فيصل لا تخاف هي جلطه خفيفه..كلها يومين وتطلع بس انت عارف انها تحتاج لعنايه مركزه بهالوقت..علشان صحتها بس..تطمن تطمن.. فيصل:الله يطمنك يادكتور ..طيب بطلب منك طلب..ابي بنتها تشوفها.. الدكتور:بس علشانك..وانت عارف انه موزين لصحة المريض.. فيصل:بس تشوفها من بعيد.. الدكتور:اوكيه.. طق الباب عبير:ادخل.. فيصل:وهو من عند الباب...ابشركم هي الحمد الله زينه.. عهود:قول والله وطلعت للباب..وينهي ابي اشوفها.. فيصل:نادى الممرضه علشان تاخذها..كانت عبير بتطلع..لا بس عهود.. عبير:لييييييش؟؟انا بعد ابي اشوفها.. فيصل:ممنووع.. عبير:وليش عهود؟؟ فيصل:عهود بنتها.. عبير:وانا بنتها..مالي دخل بروح اشوفها..ابي اتطمن عليها..كان باين على صوتها انها تبكي.. فيصل:تطمني هي زينه وبكره يسمحون بالزياره.. عبير:اقوووولك ابي اشوووووووفها انت ليش ماتبي تفهم انا مو جاييني نوم الا اذا شفتها فيصل:طيب طيب..امشي معي..شافوها وبكو على حالها وبنفس الوقت احمدو ربهم واشكروه.. فيصل:عهود الوالد وينه؟؟ عهود:مادري.. فيصل:طيب انا بوقع شوية اوراق وجاي...دخل مكتبه ومسك التلفون ودق على مؤيد.. مؤيد:الووو كان صوته فيه نوم فيصل:هلا مؤيد اسف على الازعاج.. مؤيد:مين فيصل..شتبي؟؟وصحصح شوي فيصل:ابيك الحين تجي للمستشفى.. مؤيد:شصاير؟؟فيك شيء؟؟ فيصل:ايه فيني..تعال بسرعه انتظرك ..وسكر السماعه مؤيد:الله يستر..غير ملابسه وراح للمستشفى....... ناصر كان توه واصل للمستشفى.. ناصر:وشلون خالتي؟؟طمنوني عبير:وتمسح دموعها..الحمدالله على كل حال.. ناصر:وينهي فيه؟؟ عبير:بالعنايه ومانعين الزياره.. ناصر:عنااااااايه..هي وش فيها.. عبير:مابغت تقول شيء قدام عهود..مادري ..هذا فيصل جاء ناصر:فيصل شفيها خالتي؟؟ فيصل:تعال معي علشان تفهم كل شيء..وراحو للدكتور.. عبير:عهود دقي على ابوك لازم يعرف.. عهود:مو داقه على احد..هو سبب كل شيء.. عبير:هو السبب كيف؟؟ عهود:تهاوش مع امي وطلع..وبعدها امي اغمى عليها.. وبعد عشر دقايق دخل عليه بالمكتب..انصدم لما شاف ناصر.. مؤيد:خاف..شفيكم؟؟ ناصر:هلا مؤيد من زمان عنك .. مؤيد:هلا ناصر..فيصل ليش داق علي؟؟ ناصر:نبي نسلم عليك.. مؤيد:الاسبوع اللي فات وانا مجتمع فيكم..انتم فيكم بلا وشو؟؟ فيصل:بصراحه..خالتي تعبت شوي.. مؤيد:امممميييي...شفيييييييي يها قول يافيييييصل فيصل:تعبت شوي وتقدر..ماكمل كلامه لان مؤيد قاطعه مؤيد:وينهيييييي؟؟ فيصل:تعال معي..وراحو جميع علشان يشوفونها.... بكى من قلب قدر ناصر وفيصل انهم يهدونه.. مؤيد:ليش صار لها كذا؟؟كان يسأل ناصر ناصر:ماادري انا قالتلي عبير انها بالمستشفى وجيت.. مؤيد:يعني مو انت اللي جايبها؟؟ابو عهود وينه؟؟ فيصل:مو فيه..بس عهود موجوده.. طق الباب ودخل..عدلت جلستها بعد ماكانت منسدحه على عبير..يوم شافته.. عهود:مسحت دموعها..بررررىىى اطلع برررى عبير:حاولت تهديها..عهود شفيييييييييك هذا مؤيد.. عهود:هذا ساااااااس البلا ليييييييييش قلتوله ليييييييش؟؟ مؤيد:عهووودشصاير؟؟وشو ساس البلا؟؟انا اخوك عهود:اخوووي..هههه..تدري شلون انا متنازله عن هالاخووه.. مؤيد:زعل من كلامها وطلع بعد ماسكر الباب بقوه .. ناصر وفيصل كانو ينتظرونه برى.. ناصر:استغرب من تعابير وجهه..قالت شيء؟؟ مؤيد:ماقالت شيء..عن اذنكم بروح للدكتور..وتركهم جلس ناصر وفيصل..وطلعت لهم عبير.. عبير:مؤيد وينه؟؟ ناصر:ليش؟؟ عبير:تهاوش مع عهود وشكله زعل.. ناصر:تهاوشو!!ليه عبير:ماادري اول ماشافته قامت تهزئه..ناصر ترى بجلس معها مااقدر اخليها.. ناصر:خلاص ..ماتبيني اجيبلك شيء من البيت؟؟ عبير:لا مايحتاج..ودخلت للغرفه.. ناصر:انا برجع للبيت..انت مو راجع؟؟ فيصل:لا بجلس مع مؤيد.. ناصر:ابتسم..علييينا..تبي قرب الحبايب؟؟ فيصل:رد له الابتسامه..والله زوجتي وانا حررر ناصر:والله اذا ملكت عليها تكلم..ودام هذي نواياك ابي ارجع عبير للبيت..انت ماتنضمن.. فيصل:افاا يانويصر انا تقولي هالكلام؟؟ومن وقف معك غيري يوم خذت ليلى.. من اللي كان يصرف خالد علشان تقدر تشوفها.. ناصر:خلاص خلاص تراك ذليتنا..مع السلامه وانتبه لهم فيصل:لا توصي.. منزل سليمان اصبحنا واصبح الملك لله.. حطت الفطور على الطاوله وجلَست ناصر على الكرسي..ومن غير اي كلمه.. صبيلي حليب..كان بيكسر الصمت..صبتله وهي ساكته..قامت مسك ايدها سليمان:على وين؟؟ سلمى:ومن غير ماتطالعه..بروح لسديم اتطمن عليها.. سليمان:بس ماافطرتي؟؟ سلمى:مو مشتهيه..فكت ايدها منه وراحت لسديم.. قام من الفطور وراح لها..كانت تمسح على راس بنتها سليمان:ممكن اعرف شفيك؟؟ سلمى:البنت نايمه.. سليمان:ردي علي؟؟شفييييك؟؟ سلمى:طالعته بنظرات...((اللي فيني انك مو عارف وش اللي فيني)).. سليمان:سلمى ردي علي .. سلمى:اول كنت تعرف اللي فيني من غير ماتكلم..والحين لا..لييش؟؟ سليمان:سكت..ماتوقع سؤالها.. سلمى:انت تغيرت.. سليمان:اكيد كل واحد بيتغير.. سلمى:لا انا مثل ماانا...والدليل اني عارفه وش فيك؟؟ سليمان:انصدم من ردها..خاف وطلع من البيت رمت نفسها بجنب بنتها وصارت تصيح بصمت..ليش ياسليمان لييييش؟؟؟ بالسياره.. معقووله كشفتني معقوله درت..لهالدرجه انا مكشوف عندها.. لا انا لازم انهي كل شيء قبل لايصير احساسها اكيد.. انا مستعد اخسر العالم كله بس سلمى مستحيييييييل... ------------------------ المستشفى.. نام هو وفيصل بمكتب فيصل.. بس هو ماجاه نوم..يفكر بامه وبكلام عهود.. طالع بساعته الجلديه..الساعه 7ونص.. قام من السرير وراح يقوم فيصل.. مؤيد:فيصل ..فيصل فيصل:همممم.. مؤيد:فيصل الساعه ثمان قوووم فيصل:نقز من نوومه..وتلقائيا طالع بساعته..تونا سبع ونص ويتمغط.. مؤيد:غمض عين وفتح عين تلقاها ثمان..انا بروح اشوف امي...وطلع فيصل:تثاوب ..وراح لدورة المياه يغسل وجهه.. بعد ماشاف امه..راح لاخته طق الباب..ودخل.. مؤيد:صباح الخير عبير:صباح النور.. مؤيد:ماقامت؟؟ عبير:لا..مؤيد لا تزعل من كلامها.. مؤيد:انا عمري ماازعل منها..هي مهما سوت بتظل غاليه.. عبير:طيب انا اخليك معها.. مؤيد:وين بتروحين؟؟ عبير:بروح اجيب شيء اشربه..وطلعت.. كان فيصل جاي..لابس البالطو الابيض وشعره شوي محيوس بس شكله جنان فيصل:صباح الخير..وصار يخلل اصابعه بشعره يحاول يرتبه.. عبير:صباح النور..ضيقت عيونها..انت شكلك مانمت بالبيت..؟؟ فيصل:لا نمت هنا..شدراك؟؟ عبير:طالعته من فوق لتحت..نفس القميص والبنطلون حق امس.. فيصل:دخل يدينه بجيب بنطلونه بعد مارجع البالطو تلقائيا من حركته..ورفع حاجب..مشاء الله يعني ماعرفتي الا من لبسي..صار يهز براسه يمين وشمال وطلع ايده وصار يحك وجهه..انشاء الله تبيني كل يوم اكشخ عمتي؟؟ عهود:ههه..خلاص لا تكشخ ولاشيء بكيفك..انا بس ابيلك الزين..حطت شنطتها على كتفها.. فيصل:وين رايحه؟؟ عبير:بروح اجيب شيء نشربه..مؤيد داخل وشكله مانام ولا اكل.. فيصل:وانا؟؟؟؟..انحرج..حب يغير الموضوع..ماشاءالله وانتي جالسه معه عادي؟؟ عبير:مثل ماني واقفه معك عادي.. فيصل:بس انا ولد عمك.. عبير:وهو ولد خالتي..ومو غريب فيصل:انا زوووجك..وهو ولد خاله بس.. عبير:عورها قلبها..هو مثل اخووووي...وبعدين انت للحين ماصرت زوجي علشان تتشرط علي.. فيصل:افتشل... عبير:اسفه..ماكنت اقصد.. فيصل:لا معك حق انا شكلي ملقوف.. عبير:شافت نسرين جايه باتجاههم..تعرف ممرضه اسمها نسرين؟؟ فيصل:انصدم..تعرفينها؟؟ عبير:تعرفنا على بعض بالمسجد.. نسرين:السلام عليكم الكل وعليكم السلام.. نسرين:بغيت اسلم عليك قبل مااطلع لان دوامي خلص عبير:الله يسلمك..ولا تقاطعين ترى عطيتك رقمي يعني ماعندك عذر نسرين:اكييييد..مع السلامه... وبعد ماراحت فيصل:ليش عطيتيها رقمك؟؟؟ عبير:حنا صرنا صديقااات...هي طيبه مره وحبوبه...... فيصلالله يستر)انتي شقلتي تبين من الكوفي؟؟ عبير:ليش؟؟تبي تجيب.. فيصل:لا اخليك انتي تنزلين وتجيبين... عبير:هو صدق انك ملقوف...بس عندك ذوق..وجب اللي تشتهيه ..دخلت الغرفه فيصل:طالعها لين دخلت وشعور غريب ضيق صدره..تنهد ونزل للكوفي -------------------- قصر ابوفيصل بالمجلس العائلي.. لابسه جلابيه من الحرير وفيها تشجير باللون البنفسجي.. طالعت بالساعه.. ام فيصل:اكيد قايمه..مسكت التلفون وضغطت على الارقام بصعوبه وكأنها مغصوبه على الاتصال..الله يستر..جاها صوت الشغاله ام فيصل:وين ام فهد؟؟ الشغاله:موجوده لحده(لحظه) وبعد مده ام فهد:الو..قالتها بدون نفس ام فيصل:هلا حبيبتي شلونك ام فهد:بخير.. ام فيصل:وفهد وزوجته شلونهم؟؟ ام فهد:بخير.. ام فيصل:وميساء شلونها..كانت تبي اي تفاعل مع اختها بس شكل اختها عنيده ام فهد:بخير.. ام فيصل:انشاء الله دوم تكونون بخير..ام فهد ترى عازمتك على العشاء الليله.. ام فهد:مانقدر نجي.. ام فيصل:طيب بكره.. ام فهد:ولا بعد مية سنه... ام فيصل:ام فهد انا داريه انك زعلانه ومعك حق بس والله موبيدي.. ام فيصل:بيدك ولا مو بيدك انا مايهمني والحمدالله اللي فك بنتي منكم.. ام فيصل:الله يرزقها انشاء الله.. ام فهد:بنتي شيخة البنات وكل من يتمناها وانتي تدرين..ولحد هنا وخلاص.. ام فيصل:حنا خوات يام فهد.. ام فهد:والاخوه هذي انا بايعتها ام فيصل:شهالكلام؟؟ ام فهد:هذا كلامي..ورجاااااااااء انسي ان عندك اخت ولا عاد تتصلين او تزوريني ام فيصل:انا ادري ان قلبك كبير..قاطعتها ام فهد:قلبي كبير صغير مايهم اللي يهمني اني مابي اشوف رقعة وجيهكم مره ثاااااااانيه وسكرت السماعه بوجه اختها.. ام فيصل:لا حول ولا قوة الا بالله.... -------------------- في قصر عيسى(ابو صالح) لابسه برموده جنز وبدي وردي وشعرها مثل العاده سايح على اكتافها..تمشي ويدينها طايره بالهواء وكأنها تتصارع معه..دقت الباب وجاها صوتها انها تدخل.. غيوض:صباحووو..وتجلس على الكرسي بعربجيه عاليه:تمغطت ..اهلييين...وترمي لحافها الابيض على الارض ..مشينا غيوض:لا حبيبتي ماحزرتي..ام صالح موجوده..ماطلعت عاليه:جلست على السرير بقوه وارتفع فيها..افففف غيوض:ماقلتيلي شصار عليك امس؟؟ عاليه:رفعت البجامه عن رجلينها..كوتني من هنا ومن هنا وتأشر على مناطق برجلها..بس للا سف باقي للحين اماكن مانكوت.. غيوض:اصلا ماطالعت فيها..وش قلتيلها هالمره؟؟ عاليه:ههههه..قلتلها خرفتي.. غيوض:قوومي خلينا نفطر.. عاليه:العقرب راح لشغله؟؟ولا جالس مع المدام؟؟ غيوض:ضحكتيني والله..هذا يبيعنا علشان شغله..قومي قومي عاليه:لحظه وتروح للشباك تطالع..تتوقعين طلع؟؟ غيوض:سحبتها مع ايدها..امشي ياعاشقة زمانك ((غيوض))نسيت اعرفكم على نفسي..انا البنت الكبيره لامي اخت عاليه من الابو وزي ماتسميني توأم روحها مع انها اكبر مني بثلاث سنين..واخواني الباقين صغار ولا لهم علاقه بعاليه..اخر سنه لي بالجامعه..كلمتي مسموعه لان جدي يحبني موووت امي وابوي دايما قد مايقدرون مايزعلوني مايتدخلون بشيء لدرجة انهم نسو ان عندهم بنت اسمها غيوووض.. ---------- قصر ابو سليمان.. لابسه بجامه قطنيه لونها وردي وعليها ورد فوشي وشابكه شعرها بشباصه ونازله خصل عشوائيه على وجهها.. تحوس بالنت..تدخل منتدى وتطلع من منتدى..اخر شيء قررت تبحث بقوقل.. وكتبت الاسماء ومعانيها وضغطت Enter ...وبهاللحظه سمعت نغمة مسج ..تركت اللابتوب وراحت لجوالها..فتحته.. (ليلى ..رجاااء لا تحاولين تتصلين فيني.. انا ادري ان مالك دخل..بس لا تلوميني غصب علي اكره اي شيء يرتبط فيه او يذكرني فيه..اللي جاني منه كثير.. وانسوو ان عندكم خاله وبنت خاله ماقدرتوها ولا حشمتوها.. وفيصل بيشوف عقوبة الظلم..) نزلت الجوال وتحررت دمعه من عيونها.. ليلى:ليه يافيصل لييه؟؟ | ||||
|
| |
|
18-01-11, 06:28 PM
| #29 | ||||
| نجم روايتي
| الجزء التاسع (احساس أنثى..) لاترتبك لا تحاول تفضح أسرارك أقراك كلك على بعضك من عيونك بعد اربع ايام... الرياض مستشفى العسكري.. الصباح اليوم موعد خروجها من المستشفى.. تحسنت حالتها.. دخل عليهم..كشرت يوم شافته.. عهود:يمه انتظرك برى..ناظرته من فوق لتحت..تغطت وطلعت..وصوت صندلها يخترق اذنه.. مؤيد:حاول يكون طبيعي..يمه شلونك اليوم؟؟تحسين بشيء؟؟ ..لابس طقم كامل ازرق والسماعه حوالين رقبته.. ام مؤيد:لا ياوليدي..الحمدالله ..اقرب عندي.. قرب عند امه وحب راسها..ضمته.. ام مؤيد:تدري ..وصارت تمسح على راسه وهو دافن راسه بصدرها وكأنه طفل..الله يبارك بالمرض اللي جمعني فيك.. مؤيد:رفع راسه..يمه شهالكلام الله يطول بعمرك ويمتعك بالصحه والعافيه..نزل عيونه وصار يفكر بالكلام اللي ممكن يقوله لامه بدون مايسبب مشكله..يمه سامحيني ادري اني مقصر بحقك بس تدرين انتي عن دراستي و... قطعت كلامه.. ام مؤيد:يانور عيني لا تعتذر..انا دريت ان عمك ابو عهود تهاوش معك ومنعك من زيارتي..وعلشان كذا تهاوشنا.. مؤيد:وبدت ملامح الحزن تكسو وجهه..يعني تهاوشتي بسببي.. ام مؤيد:اجل تبيني اسكتله وهو يمنعني عنك.. مؤيد:كل شيء بالتفاهم ينحل..ومن اليوم ورايح.. اقدر اشوفك ببيت خالتي ام فيصل..هو المكان الوحيد تدرين علاقته بابو فيصل مو مثل علاقته بابوسليمان.. ام مؤيد:وحطت ايدها اليمين فوق ايدها اليسار اللي كانت بحضنها..ونقعد على هالحال طول العمر.. مؤيد:يمه نبعد عن الشر احسن..اتفقنا..بس انتبهي لايزل لسانك عنده.. ام مؤيد:عقدت حواجبها وهي تتذكر شكله اذا درى..الله لايقول..مدت ايدها لولدها ساعدني يمه مؤيد:مسك ايدها وحبها وساعدها تنزل من السرير.. ام مؤيد:نزلت غطاها وطلعت من الغرفه وهي لازالت متمسكه بولدها.. عهود:مسكت ايد امها..تقدرين تمشين يمه.. ام مؤيد:ايه ..مع السلامه ياولدي مؤيد:الله يسلمك وانتبهي لنفسك..عهود.. عهود:ردت من غير نفس..نعم؟؟ مؤيد:اقدر اكلمك اليوم في موضوع ضروري عهود:حنا مابينا مواضيع.. مؤيد:موضوع مهم.. ام مؤيد:ضغطت على يد بنتها وكأنها تعاتبها عهود:طنشت...يلا يمه مشينا... راقبهم لين طلعو من المستشفى.. ----------------------- قصر ابو سليمان الصباح الساعه 8ونص جناح ناصر.. لابس بنطلون بيج وقميص ابيض من ارماني وازارير اكمامه مفتوحه.. مسح دموعها..حبيبتي يكفي.. لحووول..هي كلها اسبوعين وراجع.. لووووولي يكفيييي..ورجع مسح دموعها.. مسكت ايده.. ليلى:لا تسافر.. ناصر:مااقدر..لولي بسك صياح ليلى:الله يخليييك لاتسافر.. ناصر:خاف ...رفع راسها..ليلى فيك شيء؟؟ ليلى:هزت راسها بايه.. ناصر:مسك وجهها بيدينه..وبصوت خايف..تعبانه وش اللي يعورك؟؟ ليلى:مومتطمنه لهالسفره ..وتصيح.. لا تتركني.. ناصر:ابتسم وبنفس الوقت يحاول يهدي قلبه اللي يدق خوف على حب عمره..الله يهديك خوفتيني..على بالي فيك شيء..اخذ نفس..حبي ممكن ترفعين عيونك ابي اشوفك.. ليلى:ولازال وجهها في يدينه..ارفعت عيونها بس ثواني ورجعت تبكي.. ناصر:لولي..موصاير شيء انشاء الله..وبعدين اول مره نسافر حنا؟؟؟هذا بدل ماتدعينلي ارجع بالسلامه.. ليلى:بسرعه قالت..الله يرجعك ساالم..بس ناصر والله قلبي مومتطمن..حاسه انه بيصير شيء.. ناصر:فالك ماقبلناه..تعوذي من ابليس هذا كله من الشيطان..مسك ايدها.. الحين تأخرت على ابوي..وريني ابتسامتك.. ليلى:ماقدرت تبتسم..مسحت دموعها.. ناصر:وقلبه متقطع على فراقها..انزلي معي علشان تسلمين على ابوي.. نزلو وسلمت على عمها.. وعند الباب.. ناصر:عبير..ليلى امانه برقبتك عبير:تخصرت..الحين من المفروض تصير امانة انا ولا هي.. ليلى:انفجرت من البكى..حتى انت حاس صح..لا تسافر ناصر:لاحول ولاقوة الا بالله..ليلى شفيك؟؟انت مو مؤمنه ليلى:طيب اوعدني.. ناصر:اوعدك.. ليلى:ماتفارقني...ولا تخليني..مره ثانيه ناصر:وعد مره ثانيه اخليك تسافرين معي.. ليلى:طيب انتبه لنفسك.. عبير:الحمدالله والشكر..وبسخريه..يمكن ناصر برابع ابتدائي..اقول هي انت وياها بلا فلم هندي.. روح لابوي مخليه ينتظرك بالسياره وانت قاعد تسولف مع مرتك.. ناصر:مو مع عبير اصلا مادرى انها تكلمت كان منشغل قلبه وعقله بليلى..مسح على راسها...مع السلامه.. ليلى:الله يسلمك... سافر وهو ضايق صدره على ليلى .. -------------------- قصر ابو فهد.. الساعه عشر صباحا دقت باب الغرفه.ماسمعت رد..اضطرت تدخل.. ام فهد:ميوس يكفي نوم قوووومي..وترفع اللحاف ميساء:طيب بعد شوي بقوم يمه..بس دقيقه..وتقلب للجهه الثانيه ام فهد:دقيقه..وتهز راسها الله يهديك..اخوك ومرته الحين جايين قوووومي ميساء نقزت من سريرها..صددق..وبسرعه راحت تغسل وجهها ام فهد:طلعت من الغرفة وبصوت عالي تتكلم انا بروح ارتب غرفتهم اذا خلصتي الحقيني.. دخلت على امها وهي ترتب جناح فهد ميساء:يمه تبين ريم فوق؟؟تعب عليها ام فهد:لا رتبت غرفة الضيوف لها..بس هذي لاخوك..ابتسمت ااه متى يجون ابي اشوف عيالهم.. ومن الحين اقولك ولد لك وولد لي.. ميساء:لو تبينهم كلهم علي ماعندي مانع.. تبين اساعدك بشيء.. ام فهد:هذولي الشغالات معي..روحي جهزي الغدا لهم.. ميساء:تأشر على عيونهامن عيوووني.. راحت للمطبخ وجهزت الغدى سمعت صوت التلفون وراحت ترد الووو ابو فهد:الوو الووو ميساء:بااااباااا كيفك شخبارك اشتقتلللك ابو فهد:ميوسة حبيبتي انا بخير ويالعياره اشتقتيلي باين.. ميساء:هههههه ادري ادري شبتقول ..عقدت حواجبها وهي تتذكر فيصل التهيت بفيصل ولا دقيت على ابوي..خمس ايام مادقيت عليه ..قطع تفكيرها صوت ابوها ابوفهد:الوووو ميوسه ميساء:معك يبه..اقول يبه منت جاي كم صارلك ماجيت ابو فهد:لا صعبه وخصوصا الصيف انا قلت لفهد يحجز لكم وتجون كلكم مع الكتاكيت.. ميساء:يبه لو تشوفهم تنهبل عليهم جامعين زين فهد وريم.. ابو فهد:ارسلي صورهم فهد قبل يومين..امك وينهي؟؟ ميساء:امي مرتبشه علشان فهد بيجي بعد شوي ابوفهد:قووولي كذا وانا مستغرب انك رديتي علي كل ماادق امك تقولي نايمه.. ميساء:حست بتأنيب الضمير لانها اهملت امها وابوها علشان فيصل وبنفس الوقت شعور بالامتنان لامها لانها ماجابت طاري لابوها..ايه يبه لازم استقبلهم.. ابو فهد:طيب حبيبتي سلميني عليهم كلهم وتحمديلهم بالسلامه نيابة عني.. ميساء:لا لا انا ماسلم على احد تبي تسلم تعال سلم عليهم بنفسك.. ابو فهد:افا ياميوسه وانا جايبلك خبر يفرحك.. ميساء:اسحب كل كلمه قلتها ولو تبيني احب روسهم ماعندي مانع ..ها وش الخبر؟؟ ابو فهد:لا خلاص زعلت ميساء:باااااابا..قووووول ابو فهد:انتي من يقدر على دلعك.. ميساء:محد..وتذكرت كلام فيصل لها يوم كانو بلندن كان عمرها 17 سنه..جالسه هي وخالد وفيصل وليلى يلعبون بحديقة بيتهم اونو وخالد نزل لها تسحيب ام اربع ..بلييييز خالد والله مابقالي شيء وافوز تراجع بليييز..خالد:نو نو ماتفوزين على حسابي..يالله اسحبي بلا دلع..ميساء:فيصل قوله انت ماتبيني افوز..فيصل:خالد خلاص اسحبها خل البنت تفوز..ليلى:لا والله كل هذا فزعه مع ميساء مافيه مايسحبها..فيصل:ليلى لا تصيرين حسوده ليلى:وانت بعد لا تصير مخفه كل ماقالت ميساء شيء قلت صار..فيصل:ليلى عييب ميساء:والله مالك دخل بيني وبين فيصل لا تتدخلين..خالد:طيب ماحنا متدخلين بس ممكن انسه ميساء تسحبين لا اسحبك غصب..ميساء:فيييصل شوف وش يقول؟؟خالد:اقول بلا دلع واسحبي ميساء:مو ساحبه ورمت الورقه الاخيره اللي بيدها على وجه خالد..وقامت وقبل ماتتركهم خالد:صدق انك دلوووعه واخر مره نلعب معك..ميساء:لفت وهي معصبه..ليلى انا دلووعه؟؟..ليلى:ايه دلووعه ..ميساء:التفتت لفيصل..فيصل انا دلووعه؟؟..فيصل:ومحد يقدر على دلعك...ميساء:عصبت زياده انا دلوعه ولا خويلد نذل بس اكيد ماتقولون عنه شيء مو اخوكم وتركتهم..نفضت ذكرياتها يوم سمعت صوت طوووووووووووط ..طالعت بالسماعه ابوي سكر!!!! نزلت السماعه وهي مستغربه ليش ابوها سكر.... في الشرقيه.. الظهر.. قصر تحاوطه الاشجار بارقى احياء الخبر.. قصر ابو محمد على الغدى..جالسين حوالين السفره وياكلون بهدوء .. قطع صمتهم صوت فضه.. فضه:دريت ياخوي ان عبير بنت اخوك عطوها لفيصل.. ابو محمد:وقف اكله..ايش؟؟من قالك؟؟من وين دريتي؟؟ ام محمد(الله ياخذك يافضه وارتاح من شرك..حتى الغدى ماتبيني اتهنا فيه)) فضة:دقيت على وحده من جماعتنا وهي اللي قالتلي..غريبه ماقالتلك ام محمد؟؟ ابو محمد:وانتي داريه ولا قلتيلي؟؟ ام محمد:بعد مااعطت نظره لفضه..حبت تهدي الوضع ايه داريه وفرحت بعد اصلا مع احترامي الشديد بس انا مابي بنت اخوك لولدي ابيله مرتن على كيفي .. ابو محمد:يرفض ولدي ويزوجها لولد الخايس..هين هين فضه:وش تقدر تسوي..خلاص الطيور طارت بارزاقها ابو محمد:انا اورييهم..طلع جواله يتصل على ولده الو.. انت وينك..اترك اللي بايدك وتعال الحين الحين.. بنروح للرياض..انت تعال وتعرف السالفه..بسرعه وسكر السماعه..هين يابو فيصل.. ام محمدبقلبها)حسبي الله عليك يافضه.. -------------------------- منزل سليمان.. العصر..الساعه 4 لبست طقم ناعم..بدي واسع لونه تفاحي وماسك مع الخصر وبلوزه بس اكمام من التل البني وتنوره بني وتشجير تفاحي ..حطت مكياج خفيف كحل وقلوس بس..لبست العيال ونزلت سليمان:بتزورين الحين؟؟ سلمى:ايه بنزل العيال عند امي كانت تتكلم وهي واقفه عند مراية المدخل وتلبس نقابها.. سليمان:انا بوصلك.. سلمى:خلك مرتاح..السواق موجود.. سليمان:عصب من اسلوبها..صار لها ايام وهي اسلوبها ينرفزه..انتظرك بالسياره.. وطلع.. ركب سيارته وشغلها وهو يفكر بالكلام اللي ممكن يقوله لها.. طلعت وركبت بسيارة السواق اللكزس السوداء.. انهبل...هذي وش ناويه عليييه.... نزل وهو معصب اتجه لها وصار وراها بالتمام وهي ماتدري بتركب السياره.. سليمان:صرخ فيها..انتي تعاندييين؟؟ سلمى:انتفضت..بسم الله الرحمن الرحيم ..والتفتت عليه وهي تحني جسمها علشان تجلس...وبابرد من البرود ..انا اعاند !!!!من قال؟؟ سليمان:مسك اعصابه..سلمى انزلي اركبي معي دام النفس طيبه.. سلمى:مسكت باب السياره تبي تسكره..سليمان رجاء تراني موناقصه سليمان:مسك الباب يمنعها تسكره..يعني انا اللي ناقص..انزلي .. سلمى:روحه معك مورايحه..هي السالفه موغصب..تتكلم بهدوء وباصرار ..وهالشيء استفز سليمان.. سليمان:طيب ..وصار يتكلم بنفس هدوئها وبتحدي اكبر..ياتروحين معي يامافي روحه من اصله.. سلمى:سليمان..انا قايلتلهم اني بزورهم موحلوه بحقي.. سليمان:وانا ماقلت شيء..انزلي اركبي معي.. سلمى:لحوول..قلتلك موووو رااااااكبه ترى مو غصب.. سليمان:لا مو غصب تركبين معي بس غصبا عليك مافي روحه الا معي.. سلمى:نزلت من السياره واتجهت للبيت وتركت عيالها بالسياره.. سليمان:لحقها..ومسك ايدها بقووه..ولفها له.. قوليلي شساااااالفتك؟؟؟ سلمى:فك ايدي انت تعووورني.. سليمان:فكها..قوليلي وش قصتك؟؟كان يحاول يكون هادي سلمى:انفلتت اعصابها..يوووه انا زهقت من اسألتك..تبيني اقولك شفيني.. انت اللي فيني..ونزلت دموعها غصب..انت ليش تخوني لييش انا شقصرت فيييه قول انطق.. سليمان:حس برجفه تسري بكل جسمه...انتي شتخربطين؟ سلمى:صرت على سنونها..انااااا مااااخربط مااااخربط .. سليمان:سلمى شهالكلام؟؟اناا اخووون ..انا!!!! سلمى:لا انت ماتخووون حشا...وبتردد..انت متزوووج.. سليمان:لااااا انتي انهبلتييي..كان قلبه يدق بسرعه سلمى:لا انا مانهبلت..فتحت نقابها ومسحت دموعها..طالعت فيه..طلقني. سليمان:ايييييش؟؟؟؟ --------------------------- وبنفس الوقت قصر ابو سليمان.. لابسه عبايتها وتظرب برجلها بالارض ..واقفه عند الدرج ورافعه راسه فوق وتنادي ليييييييلى ليييييييييلى عبير:ياربي يابرد هالبنت..ليلووووووووه دخل وسمع صوتها العالي خالد:بل بل بل حشى مو صوت.. عبير:لييييييييييييييييلىى� �ىىىىىىىىىى(تسوي نفسها ماسمعته) خالد:عبيروه يالدبا ترى بوريك اعقلي عبير:لييييييييييييييييييي� �ييييييلىىىىىىىىىىىىىىى كانت تنادي وهي تطالع فيه.. خالد:نزل نظارته ولحقها..مسكها وضربها على خفيف عبير:توبه توبه خالد:ناس ماتجي الا بالعين الحمرا..وفكها..وهو ينفض يدينه كأنه متقرف..وين رايحين؟؟ عبير:حطت ايدها على خصرها ومالت...الكازينو.. خالد:انتي لو شافك الكازينو طردك..مايتقبل هالاشكال.. عبير:صادق مايتقبل الاشكال الراقيه..وصارت تدور حوالين نفسها ..تغديت؟؟ خالد:لا احتريك..وين بتروحون؟؟ عبير:لخالتي..تروح معنا خالد:لا بريح شوي...وبالليل عندي شغل..لا تتأخرون.. عبير:عشتووتحوس بفمها ..خويلد يتحكم فينا خالد:والله انتم امانه..مع اني اكره المسؤليه.. عبير:احيانا اشك انك رجال.. خالد:وانا اشك انك انثى.. عبير:ايه صح خالتي متى بتسافر خالد:ابتسم بمكر..قصدك ام رجلك؟؟ عبير:ثقيييييييل دم.. خالد:مافيها شيء يمكن قصدك خالتك الحقيقيه..انا شيدريني؟؟وحط رجله على اول درجه.. عبير:ماعلينا متى؟؟ خالد:بكره الصبح..تبين تروحين معهم ؟؟ عبير:وددي.. خالد:بس اخاف فيصل يرفض عبير:لييييييييييييييييييي� �يييلىىىىىىىىىىىىىىىىىىىى ىىىىى خالد:لسسسسسسسسسسسسسسنه يالحماره.. ليلى:جييت جييت..فجرتي طبلة اذني كانت تنزل مع الدرج وعباتها بيدها عبير:ودامك تسمعين ليش ماتردين؟؟ ليلى:علشان ينبح صوتك..هلا خالد خالد:ياااازين الذووق ياناس عبير:شكرا شكرا..امشي تأخرنا.. ليلى:خالد اذا تبي غدى قول للخدامه واذ..تقاطعها عبير عبير:هي انتي تراه راعي بيت قبلك..والبيت موغريب عليه..وبعدين هذا وجه بن فهره مايستحي.. امشي امشي اخرتيني ليلى:افف طيب.. وطلعو... ------------------- العصر الساعة خمس الا ربع قصر ابو صالح(عيسى) دخلت على اختها وهي واقفه على البلكونه وشعرها يطيره الهواء الحار اجواء الرياض بهالفتره لا تطاق... غيوض:حطت يدينها على كتوف اختها..ازايك ياجميل عاليه:التفتت هلا بسويهرةالليل.. غيوض:شعندك واقفه بالجو الجميل..ولفحها الهواء الحار..اوو عاليه انتي ماتحسين؟؟ عاليه:ههههه..احس ..هالكلمه مو موجوده بقاموسي.. غيوض:اقصد ماتشعرين بالحراره ؟؟ عاليه:عمرك سمعتي ان النار تحس بالنار؟؟هالهواء اللي مو متحملتيه ترى بالنسبه لي هواء بارد.. غيوض:مسكت ايد اختها ودخلتها داخل وسكرت البلكونه..لقت عاليه جلست على الكنب..تخطتها وجلست على سريرها وتربعت...يعني بالنهايه تحسين؟؟ عاليه:نزلت عيونها بالارض..رطبت شفايفها وهي تطالع برجولها المحرقه..ماادري ..عمري ماوقفت عند هالكلمه..يمكن النار اللي بداخلي ..القهر ..الحقدوالكره تسمونها احساس..وهزت راسها بس لي هي ردة فعل طبيعيه..يعني مو احساس..اااه ..قالت بملل.. ماعلينا..ماقلتيلي شصار على سفرتنا؟؟ غيوض:ابتسمت ..لا مافيه سفره جدي تعبان.. عاليه:كشرت..افف غيوض:عاليه تراني احب جدي لاتقولين افف عاليه:وانا اكررررهه وماادانيه..شافت اختها كشرت..اللي مايدانيني ماادانيه.. غيوض:مالومك..طيب قومي البسي بنطلع لصحارى شرايك؟؟ عاليه:اوكيه .. وبعد نص ساعة نزلو مع بعض ولابسين عباياتهم.. وقبل مايفتحون الباب انفتح.. ابو صالح:ماشاء الله انسه عاليه طالعه وين رايحه؟؟؟ عاليه:بروح للسوق.. ابو صالح:توسعين صدرك؟؟ عاليه:وهي تعرف زين لهجة ابوها هو بيرفع ضغطها بالاسئله وبعدين يمنعها بس ليش ماارفع ضغطه انا ..هي خاربه خاربه...طالعت فيه بتحدي..فيه مانع وانا ماادري ابو صالح:مسك ايدها..وعطاها كف...ايه وانا اللي مانعك عاليه:انت تمنعني!!خلك تصير رجال قبل وبعدين تكلم ابو صالح:وطال لسانك بعد..ومسكها مع شعرها.. عاليه:لحووول انت بفهم شتبي ؟؟اصلا شمرجعك للبيت.. ابوصالح:صقع براسها الجدار..انا مو رجال ها؟؟ عاليه:للاسف ولا بعمرك تفكر تصير رجال.. ابوصالح:طيب يابنت شيماء وصقع براسها الجدار..ها مو رجال غيوض:خلاص ترى تأخرت بروح للسوق وانت عطلتنا..طالعت بنظرات ابوها ..وكشرت..لو سمحت يعني ابو صالح:رماها على الارض..تفي ..فارقي الله لايردك وبتشوفين شبسوي فيك..وتركهم غيوض نزلت لاختها..وساعدتها توقف.. غيوض:كان لازم هالكلمتين يعني عاليه:احسسسسسسن خليه يرتفع ضغطه..مثل مايرتفع ضغطي..تكلمت او ماتكلمت ضاربني ضاربني..على الاقل اتكلم تبرد حرتي شوي.. غيوض:فيك حيل نروح ولا نأجلها عاليه:وهي تعدل غطاها..خبله انتي خلاص انا ماصار يأثر فيني شيء..امشي امشي.. مسكت ايد اختها والارض تدور فيها.. طلعو ولقو السياره عند الباب ركبو .. عاليه:افف راسي يفتر..اقول خلينابس نفرفر بالسياره مااقدر امشي غيوض:طيب خلينا نجلس عاليه:واخلي العقرب يستانس لا والله ماطرت.. طلعو من البوابه وبنفس الوقت فيه سيارة طلعت من بوابة جيرانهم غيوض:اكيد شموخ او نوال..سعيد(السواق) اظرب بوري لهم.. وقفت السيارتين بجنب بعض بنص الشارع وانفتح الشباك.. نوال:هاااااااي غيوض:هايين كيفك؟؟ نوال:بخير ..وين رايحه؟؟ غيوض:بنتمشى مافي مكان محدد..وانتي نوال:لا انا بروح لمركز التجميل عندي موعد..عاليه وين؟؟ عاليه:روحي لمستشفى عيون بدل التجميل يالعمياء نوال:هههههه والله ماشفتك كيفك مع عقربكم؟؟ عاليه:اووه نوال بالله غيري سيرته نوال:طيب ليش ماتروحون معاي دام ماعندكم مكان محدد؟؟ غيوض:التفتت لعاليه..شرايك؟ عاليه:لا مالي خلق انزل .. غيوض:نوال مالنا خلق..سلمي على شموخ نوال:اوكيه سي يو..وسكرت شباكها وكلن راح لوجهته.. غيوض:ياحبيلها نوال مررره كوول عاليه:الا غبيه ماتعرف مصلحتها..فيه احد عاقل يكره زياد غيوض:هو بشكل عام اللي تحب الرجال مجنونه..بس لحالتها هي تقول انها تحب حسين عاليه:ههه عجبتني مجنونه اللي تحب رجال.. غيوض:وانا صادقه..اصلا سبب كل كوارث الدنيا الرجال..واذا مو مصدقتني دوري اي مشكله وبتلقين ان ساس المشكله رجال.. عاليه:وتمسك راسها..لا حاقده بقووووه...لا يكون كرهتيهم بسبة هالعقرب..وييييه ماعندك سالفه.. غيوض:والله كل واحد حر برايه..سعيد معك سيجاره سعيد:مدلها باكيت..تفضلي عمتي غيوض:اخذت حبه وحطتها بفمها وفتحت شنطتها تطلع ولاعه..وفجأه..طالعت بأختها..ليه سحبتيها عاليه:انتي مو صاحيه ..انتي ماتعرفين اضراره غيوض:عاااارفه.. عاليه:اذا صرتي لوحدك دخني براحتك بس وانا موجوده لأ..اااه غيوض:عاليه راسك يعورك تروحين للمستشفى عاليه:اروح تنكتين انتي..لا انا اعرف نفسي شوي ويروح الالم..مري باسكن روبنز غيوض:انا مادري لمتى تكابرين..افف..سعيد روح باسكن.. | ||||
|
| |
|
18-01-11, 06:30 PM
| #30 | ||||
| نجم روايتي
| بعد مارجعو من صلاة المغرب.. في بيت ابوفيصل.. كان جالس يلعب بلاي ستيشن وامه وابوه يتقهوون.. ابوفيصل:جهزت كل اغراضك؟؟ محمد:يبه الله يطولي بعمرك هذي عاشر مره تسألني.. ابوفيصل:هذا جزاي.. محمد:قول انك تبيني اترك اللعب.. ابو فيصل:انت مو خايف على عيونك..وبعدين سمعت ان هاللعبه تأثر على المخ.. محمد:يبه اشااعات..لو تأثر كان أثرت على اللي قبلنا.. هذولي اخواني وعيال عمي كلهم لعبو فيه ولاصار فيهم شيء.. ابو فيصل:طيب اترك اللعب ابي اسولف معك.. محمد:يبه انا باااخر اللعبه حرام اتركها.. ام فيصل:لاتحاول فيه ولدك مدمن عليه.. ابوفيصل:انتي مو تقولين سلمى بتنزل العيال عندنا..شفيها تأخرت؟؟ ام فيصل:يمكن غيرت رايها وخذتهم معها ابو فيصل:وليه تاخذ العيال معها؟؟صارلي اسبوع ماشفتهم.. محمد:اسبوووووع..يبه قبل امس وهم عندنا وناصر ابوه كل يوم يجيبه معه للشركه.. ابو فيصل:على طاري الشركه..جهز نفسك بتداوم معي.. محمد:يبه انا وش يوديني..تو الناس علي.. ابو فيصل:لا انت صرت رجال وابيك تفهم الشغل زين..مابيك زي اخوانك..انت بتصير ذراعي اليمين.. ام فيصل:انشاءالله يااارب.. محمد:يعني ماتبوني اكمل جامعه؟؟ ابوفيصل:اترك اللي بيدك وكلمني زي خلق الله.. محمد:حط ستارت..ولف على ابوه..تفضل طال عمرك ابوفيصل:انت خلص الثانويه اول وبعدين يصير خير.. ام فيصل:لا انا ولدي مو اقل من اخوانه..يدخل جامعه ويدخل ادارة اعمال.. ابوفيصل:يصير خير..فيصل وينه؟؟ فيصل:السلاااام عليكم..ويحب راس امه وابوه..ويصقع راس محمد.. محمد:اي يالدب..بدل ماتحب راسي.. فيصل:انت على طول للبلاي ستيشن..قوم سولفلنا عن الشرقيه.. ابو فيصل:عجزت عنه .. ام فيصل:وتمدله فنجال القهوه..وشفيك تأخرت.. فيصل:لابس طلعت مع خويي ..وبعدين تونا..خالد ماجاكم.. ام فيصل:لا ماجاء..هوخلقه يوم ساكن عندنا بالبيت مانشوفه..وشلون الحين.. محمد:تصدقون عاد هذا احسن خبر سمعته..خلوه ينحشر شوي..كل يوم يطلع وكل اربعاءتخييم..وكمل لعبه وبنفس الوقت يسولف معهم وهو معطيهم ظهره ابوفيصل:الله يهديه.. فيصل:يبه مافيها شيء..الواحد يحب ينفس شوي عن روحه..وبعدين اخوياه كلهم زينين وماشي مستقيم.. ام فيصل:الحمد الله..بس هو لو يتزوج..يمكن يهجد شوي محمد:انتم زوجو الشايب اللي جالس عندكم اول بعدين فكرو بخويلد.. فيصل:اي والله صادق محمد.. ابوفيصل:انشاء الله اول مايرجع عمك نملك..وبنهاية الصيف تتزوج ام فيصل:ودراسةالبنت؟؟انتم ماسالتوها؟؟خوذو رايها بالاول.. فيصل:دراستها تكملها وهي متزوجه..مافيها شيء.. ام فيصل:بس ماكان هذا كلامك يوم كنت خاطب ميساء؟؟ ابو فيصل:وش هالكلام؟؟ محمد:يمه خلاص كل واحد راح لنصيبه..الله يهديك.. فيصل:وقف..يمه انا يوم كنت خاطب ميساء هي اللي رفضت تتزوجني الا بعد ماتنتهي دراسه..ورجاء يمه مابيك تعيدين لي هالطاري..تصبحون على خير.. ام فيصل:وصلاة العشاء؟؟ فيصل:محمد يقومني..وطلع لغرفته ابو فيصل:انتي متى تمسكين لسانك؟؟ ام فيصل:لا حد يلومني..اختي مقاطعتني..وماتبيني انقهر..وراحت للمطبخ.. محمد:يبه شرايك تشاركني باللعب.. ابو فيصل:اقول طفه وتعال دق على جدتك لا اقوم اكسره على راسك.. محمد:تامر طال عمرك.. سكر باب غرفته بقوه وكأنه يفضي شحنة الغضب.. جلس على الاريكه وصار يضغط على راسه بيدينه.. فيصل:ااااه كل مااحاول انسى امي ترجع تفتح الموضوع..هي ماتدري اني اتعذب.. ماتدري اني مجروح ..ميساء ميساء ميساء..ياليت ماكان فيه ميساء..تذكر صوت الرجال ميوس..ضغط على راسه وكأنه بينفجر..سمع صوت طق الباب.. فيصل:ميييييين؟؟ محمد:انا..ادخل فيصل:ادخل محمد:دخل وانتبه لوجه اخوه اللي باين عليه الضيقه..جلس جنبه وحط ايده على كتفه وكأنه يهديه..دامك مو قد الشيء ليه تسويه.. فيصل:التفت لاخوه..وشو اللي مو قده؟؟ محمد:فراق ميساء فيصل:حس نفسه مخنوق..ومو قادر يتكلم..اشر لاخوه يسكت محمد:فيصل ترى اللي تسويه بنفسك مو زين..ياخي فضفض وسرك ببير.. فيصل:انت مو قلتلي اخطب عبير وميساء ماتصلحلك؟؟شغير رايك محمد:غير رايي حالتك..انت تحب ميساء ولازلت تحبها..ومو قادر تتأقلم مع غيرها فيصل:لا اقدر اتأقلم محمد:تقدر اذا طلعت من دايرة ميساء وتركت التفكير فيها وتركت الحساسيه الزايده اذا جبنا طاريها..حاول تتقرب من عبير صدقني تحبها فيصل:حاولت بس حاس اني اكذب على نفسي محمد:معليش اكذب لين تصدق..انا مابي اسألك وش بينك وبين ميساء لانه اكيد شيء كبير ماينغفر..بس حاول ماتظلم عبير..سمع صوت المؤذن..قوم توضاء خلينا نروح للمسجد.. فيصل:ابتسم لاخوه..الله يكملك بعقلك.. محمد:نعم نعم يقالك مجنون علشان يكملني بعقلي قوم قوم.. فيصل:انتظروني تحت اتوضاء وانزل محمد:قصدك انتظرك ابوي مشاء الله عليه مايمدي المؤذن يقول الله الا وهو بوسط المسجد.. قصر ابو جاسم بعد صلاة العشاء في الصاله الارضيه جالسين يتفرجون على التلفزيون.. حطت ايدها على فمها..تحس نفسها بترجع..بس مو قادره.. نوره:شفيك؟؟ غادة:ماادري شكلي دخلني البرد.. نوره:روحي لغرفتك وتغطي زين..انتي هالايام صايره تشغلين التكيف على ابرد شيء.. غاده:صايره احس بحراره..حست نفسها بترجع وراحت للمغسله.. نورهوهي مبتسمه..اكيد حامل..والله وقرب يومك ياغويد) غاده:رجعت وهي تمسح وجهها بكلينكس ..جلست جنبها..اقول امي مادقت علينا؟؟ نوره:امك؟؟ياماما انسي ولا بالاحلام امك وحده شريره ماتحب الا نفسها.. ويدخل ابو جاسم.. ابوجاسم:شلونكم؟؟ البنات:بخير.. ابو جاسم:بروح اغير والقى العشى والم.. وبعد ماجهزو العشى على السفره.. ابو جاسم:باركو لاختكم غدير انخطبت كلهم شرقو بالاكل ابو جاسم:شفييكم؟؟ نوره:لا بس من المفاجأة..مين خطبها؟؟ ابو جاسم:ولد خالكم راكان..وبكره انشاءالله الملكه..عقبالكم نوره:الملكه بالبيت.. ابو جاسم:اكييد..بس الحريم الله يهديهم يبون يحتفلون ببيت جدكم.. نوره:قلوبهم قاسيه..بس معليش بسوي احتفال صغيرون علشان غدير غاليه علي ابو جاسم:الله يكملك بعقلك.. غاده:طالعت بنوره بنظرات ..الحمدالله ابو جاسم:ماكلتي شيء.. غاده:شبعت..وطلعت لغرفتها تبكي.. ابو جاسم:انا حال هالبنت مو عاجبني.. نوره:وبكل لئم..ولا انا مادري شاللي مغيرها..اكيد فيه شيء.. ابو جاسم:ماحاولتي تتقربين منها تعرفين شفيها نوره:بحاول..واكيد بقولك.. -------------------- وصلو للرياض وسكنو بفندق الفورسيزون المملكه.. طلع من دورة المياه وهو لابس روب الحمام.. دقيت عليه؟؟وراح لشنطته يطلع لبس.. محمد:يقولون مسافر ومافيه الا اخوه ابومحمد:التفت على ولده..وين سافر؟؟ محمد:ماادري سفر شغل..الحين شالسواة.. ابومحمد:نروح للبيت..يمكنه فيه ويبي يصرفنا محمد:لا ماتوقع.. ابو محمد:حنا نروح وش بنخسر.. ------- الساعه 12 بالليل قصر ابوسليمان.. رجعو للبيت ولقو خالد ينتظرهم خالد:مساءالخير..كان نمتو عندهم ليلى:خالد مالي خلقك وطلعت لغرفتها خالد:شفيها معصبه؟؟ عبير:وش يدريني عن اختك..من يوم ماطلعنا منهم وهي معصبه.. خالد:كذا من الباب للطاقه تعصب بدون اسباب..غريبه؟؟ويحك جبهته.. عبير:جتنا التلميحات..حبيبي لو انا اللي معصبتها باعترف..مو خايفه من احد.. خالد:اخس يالقويه..تعجبيني وياخذ الريموت ويقلب بالقنوات.. عبير:انا ولله الحمد كل احد يعجب فيني..بس في شيء غريب خالد:اني جالس بالبيت .. عبير:عليك نور.. خالد:مو انتي ياوجه العنز والمعصبه اللي فوق ربطتوني.. عبير:احسسن تستاهل..كانت تبي تروح خالد:لحظه على وين..تبين تنامين.. عبير:لا ..لا تخاف بغير لبسي واسهر معك. خالد:تلقيني بالقبو..وجيبي معك مكسرات عبير:وهي بالدرج..طييييييييييب خالد:حشى مو صوت..وينزل للقبو... نزلت عبايتها بقوه ورمت نفسها على السرير.. ليلى:معقوله معقوله ..طيب هي وش دراها بالمشاكل اللي كانت بينا..مستحيل..ناصر كان يشك فيني لا لا ماصدق.. بس عهود معترفه وتقول انها هي اللي قالت..يعني مستحيل تكذب.. لا انا ماصدقها اكيد هي تبيني اتهاوش مع ناصر واخرب حياتي بايدي..وبعدين انا واااثقه بناصر ومستحيل احد يزعزع هالثقه..ااااه ياناصر اشتقتلك مررره الله يعيني على غيابك.. قامت من السرير..خذت حمام منعش لبست بجامتها ونامت.. وقبل لاتنام رن التلفون.. ليلى:الو ناصر:هلا حبييييييييبتي ليلى:نااااااااصر ناصر:عيون وقلب وحياة ناصر.. ليلى:وصلت.. ناصر:صارلي يمكن اربع ساعات بس شسوي تعرفين ابوي اول ماوصلنا كرفنا بالشغل..المهم انتي شلونك ليلى:مالي لون عقبك.. ناصر:ليلى..صوتك موعاجبني.. ليلى:بكت... ناصر:ليلى..حبيبتي..لووووولي ردي.. ليلى:معك..وتمسح دموعها ناصر:ليش هالدموع ليلى:اشتقتلك مره..ناصر ارجع ناصر:وانا مشتااقلك مررره..حب يغير الموضوع..وشلون البيبي ليلى:يسأل عنك.. ناصر:وخالتي زرتوها؟؟ ليلى:ايه تونا رجعنا منها..تذكرت كلام عهود وتنهدت..اه ناصر:عسى محد غثك..انا مادري شلون تركتك مع عبير وخالد.. ليلى:لا حرام ماسوولي شيء.. ناصر:وش كنتي تسوين قبل ماكلم؟؟ ليلى:ولا شيءاول مارجعت حطيت راسي وانت دقيت..وانت شكنت تسوي ناصر:انا....وراح الليل كله يسولفون على بعض... ------------------ انفتحت البوابه وبنفس الوقت انفتحت بوابة جيرانهم.. غيوض:حنا وشفينا اليوم ..نطلع يطلعون ندخل يدخلون.. عاليه:سعيد وقف شوي..كانت تشوفه ماسك الجوال وينتظر البوابه تتكرم تنفتح.. اااااه يازينه ياناس غيوض:عاد هاللي عاجبك عافته نوال..يوه عاليه شكلنا مو حلو وحنا واقفين عاليه:بالله اسكتي وش يدريه ان بالسياره فيه احد غيوض:حتى لوكانت السياره مظلله عيب..ابتسمت لما شافت الرنج تدخل لبيت جيرانهم..ندخل ولا بعد للحين ماشبعتي عاليه:لا خلاص ادخلي ...تحركت السياره لين وصلت للباب الرئيسي بقسم الحريم قصر ابو فيصل غطت عيالها زين ونزلت وهي لابسه قميص قطني خفيف وخصل طايحه على وجهها وباين عليها شوية تعب..سمعت صوت التلفزيون بالمجلس العائلي سلمى:يمه للحين سهرانه ام فيصل:قصرت صوت التلفزيون..تعالي تعالي واشرت لها تجلس جنبها سلمى:جلست جنب امها..سمي يمه ام فيصل:فيه شيء بينتس وبين رجلتس؟؟ سلمى:ابتسمت ابتسامه صفراء..يمه مافي شيء..انا اول مره انام عندكم؟؟ ام فيصل:لا مو اول مره بس شكلتس مايطمن..حاسه ان بتس شيء وبعدين ليه مارحتي تزورين ام مؤيد؟ سلمى:قلت يمه انا تعبانه من الحمل والدكتوره تقول لازملي راحه.. ام فيصل:انشاء الله يابنتي مافيه شيء..الله يسهل عليتس وييسر امورتس..دريتي ان جدتتس بتجي سلمى:غريبه اول مره تسويها..شعندها؟؟ ام فيصل:مادري بس ابوتس بيسافر ويجيبها..الله يهديها هي لو تسكن عندنا احسن لها سلمى:انتي اكثر وحده تدري بطبع جدتي..ودي اروح معكم لمكه ام فيصل:وش يوديتس وانتي تقولين انتس تعبانه؟؟ سلمى:يمه انا قلت وددي.. ام فيصل:وهي شاكه بكلام بنتها..تصبحين على خير سلمى: وانتي من اهله..مسكت الريموت وصارت تفرفر بالقنوات وكأنها تمنع نفسها من التفكير بسليمان.. -------------------- كان بسيارته البنز قريب من بيتها وشاف اخر سياره طلعت من بيتهم.. منزل شماغه عن راسه وراميه ورى..مسك جواله ودق عليها.. انتظر..بس ماحد رد..زادت عصبيته..دق عليها مره ثانيه..وماحد رد.. رمى الجوال بعصبيه..وصار يمسح وجهه..سمع جواله يرن..رد على طول انتي وينك؟؟ نها:بسم الله شفيك حبيبي معصب.. سليمان:راحو الناس اللي عندكم؟؟ نها:ايه كلهم راحو سليمان:انا جاي الحين..وسكربوجهها قامت بسرعه.. ام نها:شفيك مستعجله من كنتي تكلمين؟؟ نها:يمه مادري شفيه سليمان..الحين بيجي..بروح افتحله.. قصر عيسى دخلو البيت اللي مافيه صوت .. غيوض:نزلت طرحتها على اكتافها ونفضت شعرها..غريبه امي وينهي.. عاليه:وهي تتجه للمصعد..تكفين بس.. عاد همها اذا جيتي ولا رحتي..انفتح المصعد وركبو.. غيوض:ولو ستظل امي مهما حصل.. عاليه:هههه حلوووه..ااه ياراسي..افف انفتح المصعد غيوض:بروح اغير لبسي واجيك عاليه:لا تجين بنام..ودخلت غرفتها غيوض:دخلت وراها..عاليه تحسين بشي ترى شكلك ابد مو عاجبني عاليه:التفتت على غيوض بعصبيه..غيوووض بررررى غيوض:اوكي اوكي لا تعصبين..وطلعت رمت نفسها على السرير وانفجرت تبكي وكأنها تنتظر هاللحظه من زمان.. عاليه:اااه ياربي متى اموت وافتك من هالعذااااب متى.. منزل نها ماسكها مع ايدها وعيونه حمراء من كثر ماهو معصب.. انطقققي قوووولي نها:سليمان هذي مو طريقه للتفاهم..اترك ايدي سليمان:نها تكللللللمي تراني ماسك اعصااابي..صرخ.. تكللللمي نها:طيب ..ايه انا اللي ..انا اللي تعبثت بجوالك .. سليمان:رماها وكأنها شيء وصخ..وانتي اللي قلتيلها اني متزوج؟؟ نها:لا والله..طالعت بعيونه اللي مشككه بكلامها..سليمان ورب الكعبه اني ماسويت غير اللي قلته..والله والله والله اني ماقلت لجنس مخلوق اني متزوجه..قامت ومسكت ايده..سليمان سامحني والله مو قصدي سليمان:نفض ايده منها..قصدك ولا مو قصدك انتي خربتي حيااتي .. ...جلس على درج المدخل ومسك راسه بيدينه وصار يضغط..شالسواة الحين.... نها:قربت منه وبصوت حنون..مو صاير الا كل خير سليمان:اي خيررر اي خير..اقولك سلمى رااااحت تقولين خييير نها:غارت ..هي مهما كان انثى..وتروح فيه غيرها سليمان:طالع فيها..سلمى مافيييه غيييرها...قام واتجه للباب وقبل مايطلع.. انتي طاالق وورقتك توصلك مع ابو فواز..وطلع نها:سليمااااان لحظه سليييييمان..وانهارت على الارض تبكي ركب سيارته والدنيا سوداء بعيونه.. حط راسه على الدركسون ..تفكيره كله محصور بسلمى.. رفع راسه وطلع جواله..تردد..ادق ولا ماادق.. ضغط اتصال...جاري الاتصال.. | ||||
|
| |
|
| أدوات الموضوع | |
| انواع عرض الموضوع | |
|
|
16Likes
العرض العادي
