20-02-11, 06:31 AM
| #11 | ||||||||||||||
| مراقبة ومشرفة سابقة ونجم روايتي  
|  فيلا صفيه " أم حور " الساعه 11 نزلت حور من الطابق الثاني وهي لابسه عباتها وشيلتها وشنطتها البنفسجيه الكبيره .. لقت أمها في الصاله جالسه تفطر جات حور وباستها على راسها وهي تقول : صباااح الخير يمه أم حور بإبتسامه تخفي وراءها ألمها : صباح الخير بنتي الحلوه حور .. كيفك بعد طلعة البارح ؟ حور وهي تأكل لها معجنة جبن ومب مهتمه : عادي .. عزمني على العشاء عشان يبي يكلمني بموضوع .. وبعدها رحنا الملاهي أم حور : أش موضوعه ؟ حور : إنه يبي يجلس هنا إلى ان ترجع خالتي وزوجها أم حور : إيي ووش قلتي له ؟ حور : أكيد قلت له يجلس يمه أم حور : طيب متى رجعتو ؟ حور أرتبكت : هاه ؟؟ أيش .. أش قلتي ؟ سمه ماسمعتك ؟ أم حور بصوت حاد لأنها عارفت بنتها تستعبط : أقوول متى رجعتوو ؟ حور بخوف لأنها مب متعوده تكذب على امها : أ ... الساعه اثنين ونص الليل أم حور منصدمه : أيــــش ؟ وش كنتو تسوو ؟ حور : يمه الله يهديك أش بلاكِ ؟ أنتي عارفه أنا إذا رحت الملاهي أنسى عمري أمها : ولو .. مفروض ماتتأخري إلى الوقت هذا .. أش راح يقولو الجيران لما يشوفوكِ داخله البيت معه قريب الفجر ؟ حور : ينقطع لسانه إلي يتكلم علي بالعاطل امها بود : حور .. أوعديني حبيبتي إنك ماتعيديها مره ثانيه حور بإبتسامه : أوعدك ياست الحبايب أمها : طيب والحين ماقلتي لي .. ليه لابسه عباتك ومتزينه ؟ على وين العزم إن شاء الله ؟ حور بملل : نسيتي اليوم الخميس وبروح بيت أبوي ؟ أمها : آه صح .. نسيت حور وهي تاخذ حقيبتها : عاد توها شوق داقه علي تقولي أجي الحين أمها : بحفظ الله ياعمري حور : يله سلام أمها : الله معك xXxXx في فيلا بدر سـالم " أبو حور " شوق كانت في الصاله تنتظر حور .. فإذا بطلال ينزل ويجي الصاله يجلس معها طلال : صباح الخير شوق بإبتسامه : ياصباح الورد جلس طلال معها بنفس الكنبه وقال : أش فيكِ جالسه من الصباح ؟ شوق : الحين صباح ؟ .. أنت ماتشوف الساعه ؟ طلال : اليوم الخميس .. والساعه 11 يوم الخميس يعني صباح ومن بدري بعد .. أما باقي الأيام عـادي شوق : ياشينك إذا تفلسفت .. الله يعين زوجتك عليك طلال : إلا على طاري زوجتي .. كلمتي حور ؟ شوق : حور هي الحين جايه بالطريق طلال متفاجئ : اوووه .. صح اليوم الخميس شوق : هههه يافهيم .. صار لك ساعه تعطيني محاظره عن يوم الخميس وأنت توك تستوعب إن اليوم الخميس ! طلال متلهف : أسمعي اليوم تسألي حور عنها وبكره تروحي تخطبيها شوق : أنت أيش فيك مستعجل كذا ؟ طلال : أيش فيني ؟؟ عمري 32 سنه ولسا عزابي .. أنتي عارفه أيش أسم بلوتوثي ؟ شوق : أيش أسمه ؟ طلال : عـــزابــي المملكه انفجرت شوق ضحك : ههههههههههههههههههه طلال مسوي معصب : ليه تضحكين ؟ شوق : ولا شي .. أنت أسكت وسد حلقك وإن شاء الله مايصير إلا إلي في بالك طلال : آمــين يارب العالمين .... " سكت شوي ثم قال " .. تصدقين إني حبيتها ؟ شوق عاقده حاجبها : مين ؟ حور ؟؟ طلال : لااا .. حور أختي وأحبها من زمان .. أقصد ملاك .. زوجتي المستقبليه شوق : ياعم أستح على وجهك عيب تقول كذا عن البنت ، ترضاها علي انا و حور . صير رجـال طلال رجع لعقله : إي أكيد .. احم .. أنا طـالع وعلى الغداء راجع .. توصين شي شوق : سلامتك طلال وهو يقف : يله أجل .. في أمـان الله شوق : بحفظ الله وبعد ربع ساعه دخلت حور الفيلا .. مشت شويه وأتجهت إلى الصاله ذات النوافذ الكبيره إلي تطل على مسبح الفيلا .. شافت شوق أختها جالسه وتفرفر بالقنوات حور : السـلاااام التفتت شوق شافت حور .. فرحت وقالت : وعليكم السـلام شوق واهي تقف وتتجه جهة حور : تو مانور البيت حور وهي تسلم عليها : منور بوجودك شوق : تفضلي غلاي .. البيت بيتك xXxXx بيت ملاك دخل ياسر المنزل وهو ينادي : يمه ؟؟ يمه ؟ طلعت ملاك من المطبخ وهي لابسه ثوب بيت أزرق فاتح واصل إلى نص ساقها ورافعه شعرها بطريقه عشوائيه كيوت ولابسه مريلة الطبخ : أمــي نايمه ياسر : أيش ؟ نايمه للحين ؟ أخاف فيها شي ؟ ملاك وهي تدخل المطبخ ويدخل ياسر وراها : مافيها شي .. بس أنا قلت لها تروح ترتاح ياسر : ومين يطبخ الغداء بالله ؟ ملاك واهي تلتفت إلى أخوها وتشير إلى شكلها : ليش وأنا ليه لابسه كذا وجالسه هنا ؟ ياسر : راح تطبخين الغداء ؟ ملاك : إيوه .. مسويه لك محشي دجاج راح تاكل أصابعيك وراه ياسر : طيب كثري من الأكل ولاتفشلينا عاد ملاك : عازم خويينك على الغداء ؟ ياسر : لا نايف ولد عمي أرتبكت ملاك وتفاجأت : أيش ؟ نايف راح بتغدى معنا اليوم ؟ لييه ؟ ياسر : وشو إلي ليه ؟ أيش سالفتكم اليوم أنتي مستغربه وهوا مستغرب .. أول مره نايف يتغداء معنا ؟ ملاك تبي تغير الموضوع وتشيل نايف من تفكيرها : أقول .. ماتبيني أسوي لكم طبق ثاني على الغداء ؟ ياسر : بروح أبدل ملابسي وأجي أطبخ معك ملاك تكتم ضحكتها : ياسر .. راح تطبخ معي ياسر وهو يفتح أزرار قميصه : إيوه .. لايكون حرام بس ! أنفجرت ملاك : ههههههههههههههههههه ياسر : خبله .. أنتبهي بس لا يوقعون ضروسك .. راح أسوي حلى أحسن من إلي تسويه بستين مره ملاك لازالت تضحك : ههههههههههه ياسر : ولسا تضحك !! ملاك تكتم ضحكتها : لاخلاص راح أسكت .. يله أنت بدل وأنا أنتظرك راح ياسر بدل ولبس بيجاما لونها أخضر زيتي وراح المطبخ يطبخ مع ملاك xXxXx فيلا بدر سالم حور و شوق يسولفن بالصاله .. فجأه سمعت صوت رجال من خلفها يقول : وأنا أقول ليه الفيلا منوره .. أثر حور بنتي عندنا ! التفتت حور لقت أبوها واقف راحت وسلمت عليه وماكان سلامها له حار حور تجامل : أشتقت لك يبه أبوطلال : وأنا بعد أشتقت لك حيل حور بنص عين : أكيد .. سنه ونصف ماشفتني وماسألت علي .. طبيعي تشتاق شوق تنقذ الموقف : إلي راح رااح .. والحين حنا عيال اليوم وجلسو كلهم في الصاله وبدأو يسولفو ويضحكو كان أحمد ينزل من الدرج فسمع أصوات الضحك أحمد في باله : أش هالضحك هذا ؟ نزل بسرعه وأتجه إلى الصاله لقى حور جالسه بوسط أبوها وشوق أحمد مندهش : حـور ! حور بإبتسامه : هلااا .. هلا وغلا .. كيف الحال أحمد ؟ أحمد : بعد عمري .. تمام انا أنتي كيف شوق تضحك : هههه وأنت راح تظل تكلمها وانت هناك بعيد ! .. تعال سلم عليها أحمد مفتشل : ههه إي صح سلم أحمد على حور وباسها وجلس هو بعد إلى هالجلسه إلي من زمااان ماجلسوها لكن ناقصها طلال الساعه وحده دخل طلال الفيلا وهو ناسي إن حور موجوده .. على طول راح صعد الدرج يبي يروح غرفته فسمع من خلفه صوت بناتي ناعم : كذا ياطلال ؟ ماوحشتك ؟! التفت طلال وناظر .. لقى حور بفستانها البنفسجي النـاعم : حور ! حور بإبتسامه : إيوه حور .. أختك الصغيره جاء طلال وحضن حور لأنه صار له فتره طويله ماشافها .. بعد خمس دقائق راحو لغرفة الطعام وتغدو وكـان الأكل كثير وفاخر xXxXx لكن في بيت ملاك جاء نايف ورن الجرس .. ولما سمعت ملاك الجرس تمغص بطنها وأرتبكت وماعرف أيش تسوي ( عايلة ملاك إذا سوو عزيمه الكل يجلس مع بعض على سفره وحده لأن عايلتهم صغيره حيل مافيها شباب غير ياسر ونايف ومافيها بنات غير سوسن وملاك اما رضا فصغير .. تجلس أم ياسر وأم نايف قرب بعض وبحيث يكونن مايبان وجيهن وتكون الجلسه عائليه هادئه وبسيطه يعمها الوئام والمحبه ) .. لما دخل نايف الصاله سمعت صوته ملاك وكانت في غرفتها من الربكه راحت وانسدحت على سريرها وغطت نفسها بالبطانيه دخل نايف سلم على عمه و زوجة عمه ولاحظ غياب ملاك .. هو أصلاً ماجاء إلا عشانها نايف : إلا وينها بنت عمي ؟ أم ياسر : تو كانت هنا .. يمكن شويه وراجعه ياسر : عاد اليوم يانايف أنا و ملاك الخبله بنفسنا إلي طابخين الغداء نايف يضحك : هههههههه انت طابخ الغداء ! ياسر بملل : حتى أنت بعد تضحك ! أنا ماصدقت أفتك من ملاك الخبله وضحكها علي طول ماأنا أطبخ .. تجيني أنت بعد نايف : السموحه ولد عمي .. بس أنا ماذقت طبخت من قبل ياسر : الحين تذوقه .. وشرط تلحس الصحن وراه أبتسمت أم ياسر وقامت تنشب الغداء .. وبالفعل راحت أم ياسر عشان تحط الغداء ، دخلت المطبخ توقعت تكون ملاك موجوده ، طلعت من المطبخ وأتجهت إلى غرفة ملاك .. فتحت الباب شافت ملاك منسدحه على سريرها أم ياسر بلطف : ملاك ؟ ليه قاعده هنا .. أنا أحسبك رحتي المطبخ تنشبين الغداء ملاك مرتبكه : مدري يمه حسيت إن راسي فجأه يدور ويألمني شويه قلت أنسدح يمكن يخف الألم والدوار أم ياسر : طيب حبيبتي .. قومي كلي غداء شويه عشان أعطيكِ حبة بندول .. ولد عمك هنا وتراه سال عنكِ ملاك في بالها : سأل عني ؟! ياويلي ويلاه ثم قالت : مايخالف يمه .. صدقيني راسي يألمني حيل .. ماأبي غداء ، بس أبي أنام أم ياسر : طيب على راحتك وطلعت من عندها ، قامت ملاك بسرعه وقفلت الباب وقالت بإرتياح : آآه .. خلني أذاكر الفيزياء أحسن لي ولما حطت ام ياسر الغداء سأل ياسر : يمه وين ملاك ؟ أم ياسر : تعبانه ونايمه بغرفتها نايف خاف وقال لا شعورياً : سلامات أش فيها ؟ ياسر : فيها دلع بنات ، تو من ساع قاعده تطبخ معي وتضحك علي مابلاها شي << ترى ياسر هو كذا طبعه مزوحي أبو ياسر لأم ياسر : طيب عطيتيها حبة بندول ؟ أم ياسر : لاتقول تبي تنام نايف في قلبه : تبي تنام .. تحسبيني ياملاك ماأعرف حركاتك .. الله يسامحك xXxXx فيلا أبو طلال كان الكل في الصاله قد أنتهو من أكل طعام الغداء وجالسين يحلون ويشربون شاهي أبو طلال : إلا وش أخبار أمك ياحور ؟ حور بنص عين : أكيد بخير أبو طلال : بلغيها سلامي حور : وأبلغها سلامك ليه ؟ شوق : السلام لله حور حور بدون ماتناظر في حور : أنا أكلم أبوي أبو طلال : هي صادقه السلام لله تدخل أحمد : اقول ليه مانطلع الحديقه .. الجو اليوم مره حلو يرد الروح حور تمللت : أنا بعد شوي برجع البيت طلال : شنو تردين البيت ؟ حنا من زمان ماشفناكِ .. " ثم يغمز لشوق " ونبي نسولف معك بعد تذكرت شوق الموضوع : إيوه صح تذكرت .. حور الاب توب حقي مدري أش بلاه .. معليش تشوفينه لي حور : وطلال وأحمد مايعرفون ؟ طلال : إلا نعرف .. بس نزهق نسويه لها شوق وقفت : يله أجل قومي مهي حور وهي توقف وتاخذ جوالها : طيب .. عن أذنكم وراحت حور وصعدت مع شوق غرفتها .. وطلعت شوق الاب توب حق حور xXxXx | ||||||||||||||
|  |
|
20-02-11, 06:32 AM
| #12 | ||||||||||||||
| مراقبة ومشرفة سابقة ونجم روايتي
| بيت أبو ياسر أبو ياسر و ياسر في الشارع أمام البيت مع نايف لأن نايف بروح فطلعو معاه للشارع نايف : مشكورين والله ماقصرتوا على الغداء الحلو ذا أبو ياسر : أجل وأنا عمك عجبك طباخ ياسر ؟ نايف : ياليت عجبني وبس إلا جنني ياسر : لو عارف إنك راح تتجنن ماطبخت .. مايهون علي جنونك ياولد العم الكل " نايف ، أبو ياسر ، ياسر " : هههههههههههههه نايف : يله الحين في أمـان الله وسلمو لي على بنت عمي وقولو لها ماتشوف شر أبو ياسر : الشر مايجيك يالغالي نايف وهو يصعد سيارته : سلام أبو ياسر و ياسر : الله وياك وحرك نايف سيارته وأبو ياسر وياسر دخلو البيت xXxXx فيلا أبو طلال في غرفة شوق .. حور و شوق جالسات على الاب توب حور : وش بلاه اللاب توب حقك ؟ وش زينه مابلاه شي .. ليه تقولي لي إن فيه بلاء شوق : لا .. امم .. الحقيقه أبي أفتح لي إيميل حور : ماعندك ؟ شوق : إلا عندي .. وحبيت أفتح لي ثاني حق إذا بغيت أشترك بالمنتديات حور : اهاا .. طيب الحين أفتح لك شوق : إلا أقول حور حور وهي تفتح موقع الوندوز : هلا شوق : صاحبتك إلي شفتها معك بالفيلا إلي أسمـها .... " تسوي فيها ناسيه " .. ياربي وش كان أسمها حور : ملاك شوق : إي صح ملاك حور : أش فيها ؟ شوق : عندها إيميل ؟ حور : إيوه شوق : أجل خلينا نضيفها في الإيميل إلي راح تفتحيه الحين ونلعب معها شوي حور : بس هي مب شابكه الحين شوق : امم .. قولي لها تشبك على إنك تبين ترسلين لها شي حور : مـاعندها كمبيوتر شوق تعجبت : ماعندها كمبيوتر وعندها إيميل ؟ كيف ؟ حور : أنا وهي دايم ندخل النت مع بعض من الاب توب حقي ، ففتحت لها إيميل من عندي وأهي دايم تدخل عليه من عندي شوق : طيب ليه ماعندها كمبيوتر ؟ .. جهاز الكمبيوتر الحين من الضروريات حور : شوق لاتسألين كثير شوق : يله حووور .. ترى فيني فضول حور وأهي تناظر في عين شوق : حالتهم الماديه ماتسمح شوق مب مصدقه : ماتسمح !! ليه أبوها مب تاجر ؟ حور عاقده حاجباها : مين قلك أصلاً إنه تاجر ؟! شوق : لأني على حسب ظني إنتي ماتخاوين إلا بنات التجار حور : صح كلامك بس ملاك مب خويتي شوق مستفهمه : أجل أيش ؟ حور : ملاك هي أختي وروحي الساكنه فيني .. ومتى مافارقتني أنا أموت شوق تعجبت من الصداقه القويه بين حور و ملاك : يالله ياحور .. إلى هالدرجه تحبون بعض حور واهي ترجع للاب توب : وأكـــثر .. محد يقدر يتصور معزتنا لبعض قد أيش شوق في بالها : يابختك ياطلال والله ثم قالت إلى حور : إلا شسمها ؟ حور : ملاك شوق : عارفه .. بس أقصد ملاك أيش ؟ حور : ملاك يوسف حمد شوق وأهي سرحانه وتكرر الأسم عشان تحفظه : ملاك يوسف حمد حور : يله الحين قولي لي أش تبين أسم الإيميل xXxXx في بيت أبو ياسر ملاك نايمه وأهي جالسه على الكرسي وبإيدها الكتاب ^_^ .. فجأه رن جوالها وجلست متخرعه .. مسكت جوالها " رساله وارده " .. فتحت الرساله لقتها من نايف وكان نص الرساله : كنت أظنك الصدر الحنون إلي يضمني إذا جار علي الزمان وكنت أظنك الكف إلي يمسح دمع عـيني إذا فاضت روحي بالأحزان وكنت أظنك القلب إلي يودني والفؤاد إلي يحبني وماهقيتك بيوم تنكرني وتقسى علي وتضلمني " من كتـآبـآتي ^_^ " ملاك بأسف : ياربـــي .. وينك ياحور اليوم أنا بالذات محتاجه لك ودقت ملاك على حور تبي تسمع صوتها .. لأن ملاك إذا كانت متضايقه بمجرد إنها تسمع صوت حور أو تكون حور قربها أو بس تحس بوجودها تطمن اتصلت ملاك على حور .. حور كانت جالسه مع شوق على الاب توب ورن جوال حور حور : الوو ملاك تحاول ماتبين لحور إنها مضايقه : أش أخبـآرك كيف الجو عندك ؟ حور بإبتسامه لشوق : عن أذنك شوق شوق بإبتسامه : أذنك معك طلعت حور من الغرفه : هلا وغلا .. هلا هالصوت والله .. وينك ماسمعت صوتك من أمس بالليل ملاك : أكيد أنتي مشغوله حور : دقايق وأفضالك ملاك : لااا .. أنا بس حبيت أسمع صوتك والحـين ماأطول عليكِ .. إذا رجعتي البيت أكلمك عشان تقولي لي أيش صار معك اليوم طيب ؟ حور : اوكي ملاك : يله سلام حور : سلام وتنتهي المكالمه رجعت حور دخلت غرفة شوق ورجعت جلست في الكنبه إلي قدام الطاوله الصغيره الموجود عليها الاب توب شوق : هاذي ملاك صح ؟ حور : صح ورجعن للاب توب والنت ^_^ xXxXx فيلا صفيه " أم حور " كانت أمها جالسه في غرفتها على الأرض ومتحجبه وتقراء القرآن الكريم فطرق الباب .. طق طق طق أم حور وأهي تصك القران القران وتبوسه : صدق الله العلي العظيم .. مين ؟ رامي : أنا رامي ياخالتي ممكن أدخل ؟ أم حور : تفضل يارامي دخل رامي وكان كاشخ لابس ثوب وشماغ وجلس قرب خالته وقال بإبتسامته المزينه وجهه ذا الملامح الرجوليه الجميله : حور لها وحشه .. تصدقين ياخالتي إنها وحشتني أم حور : يــاكثر مابتوحشك .. الحـين وبعد مــاأموت رامي تضايق : بعد عمر طويل ياخالتي أم حور : أنت ماتشوف وجهي كيف صار ! ثم سكتت وناظرت في النافذه وقالت : الله يجازيني على إلي سويته بدنيتي .. وراح يجي يوم يجازي حور على إلي قاعده تسويه رامي : بس ياخالتي .. تقاطعه أم حور : حور مصيرها راح يكون مثل مصيري إذا ماتابت لله .. " ثم تقول بأسى " الدنيا دواره .. دارت و دارت و دارت وجات لي .. وأنت شايف أيش سوت فيني ، كنت أملك كـل شي .. المـال ، الجمـال ، القوه ، وكنت أظن إن فلوسي راح تخليني أتكبر على الناس وتخليني ماأحتـآج لحد .. قلت أنا عندي المـال والجمـال وبعيش على كيفي وماراح أحتاج لحد أبد .. وشف حالي الحين ، " تقول و الدمعه في عينها " .. مريضه وفلوسـي مـاتقدر تسـاعدني .. وجمـالي !! رآآح ..... آآآآآه منك يادنيا .. آه ! رامي لما سمع كلمات خالته الحزينه أثرت في نفسه ، لم يستطع وقف دموعه التي أنهالت مثل السيف على خديه .. أنسحب من الغرفه بهدوء بعد ماباس راس خالته .. وراح للحديقه وجلس على كرسي في الحديقه وهو يتأمل هدوء هالدنيا المخيف .. | ||||||||||||||
|
| |
|
01-03-11, 04:51 AM
| #14 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي 
| الرواية جوووووووووووونناااااااااا اااااااااااااان تسلمي يا عسوووووولة على ذوقك الراقي حور شكلها حبوبة كتير مع الي بتعزهم ومغرورة ومتكبرة على الباقييين ملاك ما بعرف مين راح يكون نصيبها طلال ولا نايف بس اذا كانت هي ما بتحب نايف المفروض انها ما اعطته امل كل هاي السنين خاصة انه بمووووت فيها رامي راح تحتاج لجهد كبير لحتى تخلي حور تبادلك الحب وتتخلص من غرورها بصراحة صدمني تصرف حور لما ضربت المعلمة والاسوء ردة فعل المديرة وطلوعها من المشكلة زي الشعرة من العجين شوق شكلها كتير طيوبة وحبابة هي واحمد وطلال واخيرا علاقة ملاك وحور كتير حلووووة ومميزة اجمل شي في الكون تكون الك صديقة تكوني انتي وياها واحدة الجسد ووحدة الروح مشكووووووووووووووورة غاليتي على الاجزاء الجووووووووووووووووووونان وبانتظار البقية على احر من الجمر تقبلي مروري لا عدمناك | ||||
|
| |
|
02-03-11, 01:22 AM
| #16 | ||||||||||||||
| مراقبة ومشرفة سابقة ونجم روايتي
| ][ الجزء الثآلث ][ في فيلا أبو طلال شوق وأحمد و حور في الصاله حور وهي حاطه رجل على رجل وتاكل جلكسي فلوتات : تصدقون .. أول مره أحس إن لي أخوان أحمد : أفا ياحور أش هالكلام الله يهديك حور : أنا وحده أحب الصراحه وأبي أخواني بعد يحبون الصراحه شوق : خلاص ياأحمد لازم تحب الصراحه .. بس هاا .. حب شريف الكل : ههههههههههه ناظرت حور بساعة يدها البنفسيجه الكبيره " ماركة سواتش " تذكرت إنها دقت على البيت وقالت لنادين تخلي السايق يجي حور واهي تقف وتلبس عباتها : يله الحين وقت الجد .. أشوفكم على خير أحمد وشوق وقفو أحمد : وين رايحه تعشي معنا شوق : صدق والله لازم تتعشي حور وهي تصك عباتها : واللهِ مقدر بروح بيت خويتي أحمد : خويتك روحي لها بكره الحين أنتي معنا حور : والله مقدر ياأحمد شوق : أبوي و طلال راح يزعلون منك كثير حور وهي تلف الشيله عليها : معليش قلبي أعتذري لي منهم شوق : طيب .. اممم ماتبي تروحين معي السوق نشتري فساتين وشغلات للملكه ؟ حور : أفكر وأرد عليكِ شوق : اوكي حور واهي تبوس أختها : يله باي وراحت وباست أحمد على خده بسرعه وطلعت وأهي ماسكه حقيبتها الكبيره .. طلعت برى ولقت سيارتها تنتظرها لكن بداخلها مب السايق .. إنما رامي حور ركبت السياره بطفش وقالت : وأنا كل ماأقول خلو السايق يمرني تجيني أنت ! أش على بالك السايق الخاص حقي ؟ رامي بدون نفس : وعليكم السلام ورحمة الله وبركاته حور : وصلني بيت ملاك رامي بدون مايلتفت لها : أنتي تامرين أمر ياعمري حور : أقول رامي أنت ليه تبي تنرفزني وبس ؟ ألتفت رامي لها : أنا طول اليوم جالس أنتظرك بالفيلا ولما دقيتي وقلتي للشغاله تقول لسايق يجيكِ .. أنا بنفسي جيتك وبعدين تقومين تستهزأين فيني ! .. أحترمي حالك يابنت الناس عشان الناس تحترمك حور : أسمعني يارامي .. راح تسكت الحين ولا الحين أنزل وأخلي سايق أبوي يوصلني ؟ رامي وهو يحرك السياره : ماراح أسكت لأنك مب أنتي إلي تقولين لي أسكت .. فاهمه يابزره حور منصدمه : أنا بزره !! رامي بإبتسامه يبي يغيظها : أنتي بزره حور بغرور : هالبزره إلي مب عاجبتك أنت تسوق سيارتها الخاصه الحين وتاكل من حلالها وجالس بفلتها .. وأنت يارجال يادكتور ماعندك نصف إلي عندي رامي كان ممكن يتحمل منها أي شي إلا إنها تعايره : دام السالفه صارت كذا يابنت خالتي .. أنا أرويك مين رامي حور : هههههههههههههههه رامي من جده عصب ، راح ووقف السياره على رصيف الشارع العام ثم ألتفت لحور ورمى عليها المفتاح وقال بإبتسامه : أتمنى بس إنك ماتسوين لنا حادث وتفضحينا ثم نزل من السياره وأشر لتاكس ووقف له التاكس وصعد به وحرك .. وسط ذهول ودهشة حور حور مب مصدقه : كأن هذا من صدقه !! ياويلي ويلاه .. الله يلعنك يارامي .. عز الله إنك مجنون .. المصيبه سيارتي مشهوره بالرياض والكل يعرف إنها سيارتي أنا حور بدر .. !! .. هين .. أصبر علي يارامي إذا ماطردتك طردة الكب ماأكون حور بدر سـالم وطلعت موبايلها من حقيبتها واتصلت على سايقها الخاص : ألو نور الدين .. أسمعني تعال الحين أنت وأي حد من السواويق عند الشارع العـام القريب من فيلا أبوي .. فاهمني .. أنا أنتظرك في الشارع راح تلقى سيارتي واقفه هناك .. بسرعه فاهم .. وإذا تأخرت ياويلك وتنتهي المكالمه حور بتوعد : هين يارامي .. أنا أوريك مين حور xXxXx فيلا أبو طلال كانت شوق تنتظر طلال في الصاله مع أحمد .. أحمد كان يشاهد التلفزيون ومندمج بالبرنامج جاء أبو طلال و طلال وألقيا السلام أحمد و شوق : وعليكم السلام أبو طلال وهو يجلس : أجل فين حور ؟ أحمد : راحت تزور صاحبتها طلال كنه مراهق : مين ؟ أي وحده ؟ أحمد : ياعم أثقل شويه .. صير رزين طلال واهو يجلس قرب أخوه : وأنت مع وجهك مسوي فيها ثقيل ورزين ... ماأقول إلا مالت خلهم لك أنا ماأبيهم شوق بتردد : طلال .. انا جبت لك معلومات عن البنت ... بس ... " وتسكت " أبو طلال عاقد حاجباه : بس أيشي ابنتي ؟ شوق : أبـوها .. مب تاجر أبو طلال ماتهمه الفلوس أبد : وحنا راح نتزوج البنت أو أبوها ؟ طلال : أيش يشتغل أبوها ؟ شوق : ... عنده بقاله يبيع فيها أحمد مستنكر : بقاله ! .. أيش هالنسب إلي يشرف ! أبو طلال مايحب عياله يكونون ماديين أبد وهالشي ورثه طلال منه بالكامل : عيب ياأحمد .. حنا نبي بنت تصون أخوك وتصون بيته في غيابه .. مانبي بنت عشان فلوس أبوها ... حنا والحمد لله عندنـا خير من الله طلال وهو يناظر أخوه لأن كلامه ماعجبه بالمره : صحيح يايبه أبو طلال لـ شوق : عطيني أسم أبوها كامل وأنا إن شاء الله أسأل عنه وأشوفه رجالن زين ولا شين .. والله يكتب إلي فيه الخير xXxXx أما في الشارع .. كانت حور في السياره تغلي غضب وتنتظر السايق .. بعد دقايق قليله وصل السياق مع سايق ثاني .. جاء عند النافذه يكلم حور : نأم ماما شنو تبغين ؟ حور : أيش أبي يعني أنت وهالوجه .. أبيك تصعد بسرعه وتوصلني بيت عمي ابو ياسر السايق : طيب ماما فين مفتاح حور : هذا هو أمسك وأخذ السايق المفتاح وشغل السياره عشان يوصلها بيت أبو ياسر xXxXx فيلا صفيه " أم حور " أم حور كانت تتعشى على سريرها لأنها تعبانه حيل مب قادره تقوم فإذا بالباب يطرق أم حور : تفضل دخل رامي بثوبه الحجازي المخصر والشماغ لافه عليه بطريقه مبهذله جنان ، جلس قرب خالته ووجهه غير سألته خالته : أش بلاك رامي ؟ رامي يصطنع إبتسامه : خالتي أنا جـأي أسلم عليكِ قبل ماأطلع أم حور بدهشه : تطلع !! ليه ؟ وين تروح ؟ رامي : ليه .. مقدر أجاوبك عليها سامحيني .. وين أروح بشوف لي شقه مفروشه أو غرفه في فندق أو أوتيل أم حور : طيب لييه ؟؟ ليه راح تطلع ؟ رامي : خالتي أترجاكِ .. مقدر أجاوب على سؤالك .. " ثم أبتسم " بس أنا كل يوم راح أزورك ماراح أخليكِ نزلت أم حور رأسها وقالت بأسف : عارفه .. حور طردتك رامي : لا ياخالتي هي ماطردتني .. أنا إلي طلعت من نفسي .. لكن إذا شت وشافتني ذيك الساعه جد راح تطردني أم حور سكتت لأنهـا تعبت جد جد .. وفي نفس الوقت فشلانه من حركـات حور مع رامي .. باسها رامي على رأسها وطلع .. وهي ظلت تبكي وتقول : لا حول ولا قوة إلا بالله العلي العظيم xXxXx | ||||||||||||||
|
| |
|
02-03-11, 01:31 AM
| #17 | ||||||||||||||
| مراقبة ومشرفة سابقة ونجم روايتي
| بيت أبو ياسر الكل جالس في الصاله أبو ياسر و أم ياسر وياسر عدا ملاك .. فإذا بالجرس يرن .. طلع له ياسر يشوف مين .. فتح الباب فدخلت حور وقالت وأهي تنزع لثامها : هلا والله ياسر << طبعاً راح تستغربون ليه حور سوت كذا بس مع الأيـام راح تعرفون حور و ياسر أيش ياسر وهو يصك الباب : هلا والله عمري .. كيف حالك ياخبله ؟ حور وأهي تدخل وياسر وراها : بخير دامك بخير يالغالي دخلت حور الصاله وقالت بإبتسامه : السلام عليكم أم ياسر و أبو ياسر أستبشر وجههم فرح لما شافو حور : وعليكم السـلام جات حور وباست راس أبو ياسر وراس أم ياسر وجلست معهم أبو ياسر : هلا والله ببنتي حور بإبتسامه : هلا والله فيك عمي أم ياسر : صار لك أربع أيـام مازرتينا حور : حقك علي خالتي .. والله إني أشتقت لكم حيل حيل أم ياسر : مب أكثر مني .. إلا شخبار أمك ؟ حور : الحمد لله بخير أم ياسر : صار لي أسبوع ماشفتها .. آخر مره شفتها من لما جيتي معها الأسبوع إلي راح على العشاء حور : إإي ذاكره .. هي قـالت لي تبي تسوي جمعه صغيره بس بعد ماترجع خالتي أم ياسر : اها .. الله يرجعها بالسلامه يارب حور عاقده حاجباها : إلا ملاك وينها ؟ ياسر : ملاك الخبله على حسب ماتقول إنها مريضه حور خافت : أيش فيها ؟؟ أم ياسر : أسم الله عليكِ .. ياسر يمزح معك .. هي بس تعبانه شويه أبو ياسر : كذا خوفت بنتنا ياسر : وأنتي على طول تصدقي ! على فكره إلي في ملاك دلع بنات وهرج بزارين حور وأهي تقف : وليه ماتدلع يعني ! مب هي بنتكم الوحيد !! عن أذنكم وراحت لغرفة ملاك أبو ياسر : الله يخليك ياحور يابنتي لأهلك ويخليك أنتي ياملاك ويستر عليكِ غرفة ملاك .. فتحت حور الباب ودخلت رأسها وقالت : يقولون تعبانه أيش فيكِ ؟ كانت ملاك مشغله موسيقى هادئه ومنسدحه على السرير ولما شافت حور جلست بسرعه وقالت : حور ! حور وهي تدخل وتصك الباب وراها : إيوه حور .. لايكون على بالك إني مالاحظت في التلفون إنك ودك تقولي لي حاجه .. ها ياقلبي أش فيكِ ؟ نزلت ملاك رأسها وعرفت حور السبب حور بأسف : نايف صح ؟ ملاك تنظر إلى عيني حور برجاء وحزن شديد : قولي لي أيش أسوي ؟ حور : أقولك وتنفذيه ؟ ملاك : قولي ياحور قولي حور : أوعديني تنفذين ملاك : أسمع بالأول حور : أطرديه من قلبك خليه يولي .. هذا وجه حب هذا ! حضنت ملاك حور وبكت وهي تقول : مقدر ياحور مقدر حور حاضنه ملاك بقوه : مسحي دموعك وقسي قلبك .. ترى الطيبه في هالزمن ماتنفع .. ماتنفع ياملاك اصحي ظلت ملاك تبكي وحور تحاول تهديها في هذه الإثناء كان نايف تو داخل غرفته جلس على السرير وبسرعه أتصل لملاك رن موبايل ملاك ملاك تبكي وتناظر في حور : هذا هو حور : عطيني بكلمه ملاك تبعد الجوال عن حور : لا أعرفك بتهزأيه حور : أجل أنتي ردي وحطي مكرفون ملاك : طيب أستجمعت ملاك قوتها وردت من بعد ماحطته مكرفون : ألو نايف : وبعدك زعلانه ؟ ملاك : وليه أزعل ؟ أنت بس أتهمتني بالكذب نايف نزل رأسه : آسف .. وحقك علي .. أنا ساعتها كنت معصب ومدري عن إلي أقوله حور تهمس لـملاك : قطعي الخط بوجه ملاك بشويش : لحظه شوي نايف : ألو ! ملاك : هلاا نايف : سامحتيني ؟ حور تهمس لملاك : قولي لا ...لااا ملاك ماردت نايف : راح تسامحيني صح ؟ ملاك : لكن بشرط نايف أنبسط شوي : تدللي ملاك : تنسى سالفة الزواج حالياً .. حور تهمس : ايوا كذا تعجبيني شويه ملاك : أيش قلت ؟ نايف بهدوء : ماقلت شي ملاك فرحت شوي : يعني راح تنسى ! نايف : يعني ماراح أنسى ناظرت ملاك في عين حور بحزن ، حور عصبت حيل منه وحور ماترضى حد يزعل ملاك وهي موجوده حور تهمس لملاك بعصبيه : عطيني أكلمه ملاك لاشعورياً : أجل لو سمحت أمسح رقمي من جوالك وتنهي المكالمه وتحظن حور وتبكي نايف معصب : ألو ؟ ألو ورجع ودق عليها رن الجوال أخذته حور ملاك أخذت الجوال من حور بسرعه وهي تقول : أش راح تسوي ؟ حور من جدها معصبه وودها تضرب نايف : بعلمه الأدب .. وإن دموعك غاليه طفت ملاك الجوال ثم حضنت حور وكأنها تقول لها طنشيه معليك منه نايف : كذا ياملاك ؟ تقفلين الخط بوجهي ؟ اللهم طولك ياروح ملاك حاضنه حور على السرير .. حور مسحت دموع ملاك بيديها وجلست تمسح على رأسها وأهي حاظنتنها عشان تهدي .. هدأت ملاك .. تركت حور وأنسدحت على السرير تعبانه حور : تبين تنامين ؟ ملاك وأهي ماسكه إيد حور : ماأبي أنام بروحي .. نامي الليله معي حور تبي ترجع البيت عشان تهزاء رامي : لا أنا أبيكِ ترتاحين ومعي أكيد ماترتاحي ملاك مبتسمه من بين دموعها : أصـلاً أنا ماأعرف الراحه إلا معك حضنت حور ملاك وأنسدحت معها واهي تقول : بعد عمري بعد دقايق قليله نامن وكل وحده حاضنه الثـانيه بحنان وقوه بعد ســاعتين .. جلست حور من النوم لقت نفسها نايمه بحضن ملاك ومتغطين باللحاف والأنوار مغلقه وأنوار النوم مشغله .. أبتسمت حور عرفت إن أم ياسر هي إلي غطتهم وشغلت لهم أنوار النوم .. قامت من السرير بهدوء عشان ماتزعج ملاك .. طلعت جوالها من حقيبتها لقتها الساعه 11 الليل .. قامت حور لبست عباتها وحطت شيلتها على كتفها وطلعت من الغرفه بهدوء .. راحت الصاله لقت ياسر جالس لوحده يشاهد تلفزيون قالت وأهي واقفه : وينها خالتي ؟ ياسر : أمي وأبوي نامو .. أنتي مب كنتي نايمه ؟ حور وأهي تجلس على الكنبه إلي قرب الكنبه إلي جالس عليها ياسر : إلا بس توني صحيت .. قلت خلني أروح البيت ياسر : ورى ماتنامي هنا ؟ حور : بروح البيت عندي كم شغله ياسر وهو يقف : أجل قومي بوصلك حور : لالا ماله داعي الحين أدق على السايق يجيني ياسر : أقول تراني ماراح أسرقك مدري أيش أبي فيكِ .. لحظه بس أبدل وأجي حور بإبتسامه : طيب عمري راح ياسر بدل بجامته ولبس له بنطلون جينز غامق وتيشرت برتقالي وأخذ مفتاح سيارته وطلع للصاله ياسر : يله مشينا ؟ حور وأهي تلبس شيلتها : يله صعدو السياره .. ووصل ياسر حور للفيلا وقدام الفيلا في السياره ياسر : يله حور أنزلي حور : ادري إني بنزل ياسر : ههه أمزح معك ياشيخه حور : المشكله من وحنا صغار إنك أنت الوحيد إلي تحب تعصبني مدري ليه ياسر : أموت من الفرح إذا خليتك أنتي و ملاك تعصبو حور بنص عين : أصلاً حنا نمثل قدامك حنا معصبين بس في الحقيقه حنا آخر وناسه ياسر : إي هين هههههههههه حور : بسك ضحك ودي أشوفك يوم واحد ماتضحك ياسر : أضحك تضحك لك الدنيا حور : ياشينك انت وهالمثل ياسر : أقـول حــو .... تقطاعه حور : لاتقول ولا تفعل .. أنا بنزل وراي نوم يله بااي فتحت حور الباب ونزلت وياسر ميت ضحك عليها سلمت على ياسر وراحت دخلت الفيلا وهي تركض .. أبتسم ياسر من حركات حور الطفوليه ثم حرك السياره راجع لبيته دخلت حور الفيلا .. وحمدت ربها إنها مب لابسه جزمه كعب عشان ماتطلع صوت وأهي صاعده ويسمعها رامي .. أتجهت بهدوء إلى غرفة الضيوف إلي ينام فيها رامي وفتحت الباب بقوه .. لقت الأنوار مطفيه .. فتحت الأنوار مالقت حد بالغرفه .. بالعكس الغرفه نظيفه ومرتبه .. جاء لها فضول تفتح الخزائن و بالفعل فتحت الخزائن " خزائن الثياب " لقته فاضين ومالقت حقائب رامي في أي مكان بالغرفه .. راحت وجلست على السرير وهي تقول : طلع من الفيلا .. الحقير .. بس مرده لي أكيد راح يجي ع شان يزور أمي .. وذيك الساعه راح أعلمه مين أنا ومين هو .. ههههه xXxXx | ||||||||||||||
|
| |
|
02-03-11, 01:32 AM
| #18 | ||||||||||||||
| مراقبة ومشرفة سابقة ونجم روايتي
| يوم ثاني في بيت أبو ياسر فتحت ملاك عينها حركت يدها على سرير تدور عن حور ، مالقتها .. ألتفتت للجهه الثانيه لقت مكانها خالي .. ناظرت في الغرفه مالقت حتى حقيبتها .. قامت طلعت من الغرفه تدور حد تكلمه .. مالقت حد بالصاله " بيت أبو ياسر دور واحد " راحت المطبخ لقت أمها ملاك وشعرها على وجهها من النوم : يمه وين حور ؟ أنتبهت أم ياسر لملاك : صباح الخير قلبي .. عسى اليوم أحسن ؟ ملاك : إي الحمد لله .. بس يمه وين حور ؟ أم ياسر : حور راحت بيتهم ملاك : هي أمس نايمه معي أم ياسر : صحيح كلامك .. بس البارح صحت من النوم وراحت البيت ملاك : مي نقلك أم ياسر : ياسر ملاك : وياسر أيش عرفه ؟! أم ياسر : تحقيق هو ؟ ياسر هو إلي وصلها امس ملاك : اهاا .. طيب .. بروح أذاكر تبين شي ؟ أم ياسر : أبيك تجلسين هنا وتفطرين .. أنتي من أمس مب ماكله شي ملاك : يمه يمه بروح لـحور ام ياسر : بشرط ملاك : انا من متى أروح لـ حور بشروط ؟! أم ياسر : من لما صرتي ماتـاكلي ملاك : ههه يعني تبيني آكل أم ياسر : إيوه ملاك : طيب راح آكل .. بس مب هنا هناك مع حور أم ياسر : مافيه طلعه من البيت قبل ماتاكلي ملاك : لا خلاص خلاص باكل وأمري لله أم ياسر بإبتسامه : أجل روحي بدلي وأنا أجهز لك الفطور راحت ملاك بسرعه عشان تبدل .. فتحت ملاك خزانتها وقامت تناظر في ملابسها " نسيت أقولكم .. حور و ملاك من النوع إلي لبسهم قوي " .. طلعت لها ملاك شورت جينز رمادي واصل إلى فوق ركبتها مباشره وبدي وردي ضاغط على جسمها بدون تعليقه والبدي قصير يعني طوله من الصدر إلى البطن ولبست جزمتها الورديه " من النوع إلي يكون نازل وفتحتهم كبيره " هي وحور يحبون يلبسون كذا في طلعاتهم العاديه .. راحت ملاك وفطرت ولبست عباتها ووصلها ياسر بيت ملاك دخلت ملاك الفيلا .. حست بهدوء مخيف .. راحت بتصعد الدرج لقت الخادمه تنظف إحدى أركان الفيلا .. وهو ركن حق الجلسه العربيه ، مره فخم وراقي ملاك بأدب : لو سمحـتي الخادمه تحب ملاك لأنها طيبه حيل عكس حور إلي دايم تهزأهم : نأم ماما ملاك .. صباح الخير ملاك بإبتسامتها العفويه : صباح النور .. إلا أقول وينها خالتي و حور ؟ الخدامه : لكهم نايمين .. بابا رامي في يتلع أمس من فيلا << صدق خدامه ملقوفه ملاك تعجبت ثم قالت بإبتسامه : طيب .. كملي شغلك صعدت ملاك الطابق الثاني واهي حامله حقيبتها الورديه بكتفها وبعض الملازم بإيدها .. راحت ودخلت غرفة ملاك فتحت الباب لقت الغرفه هدوء .. الستائر مغلقه وحور نايمه كالطفله .. دخلت ملاك وصكت الباب وراها .. خلعت عباتها وشيلتها وعلقتها وراء على الشماعه " علاقه " .. وراحت فتحت ستائر غرفة حور البنفسجيه .. حور أنزعجت من النور فغطت وجهها بالبطانيه وقالت بصوت عالي : اووووه يمه .. ليه تسوي كذا ؟ تكفين صكيهم وغلاتي ملاك تقلد صوت حور : اووووه يمه بعدت حور البطانيه عن وجهها وقالت بصوت نعسان : ملاك ! ملاك وأهي تجلس قرب حور : إي ملاك إلي خليتيها أمس نايمه لوحدها حور : هههه ملاك : قومي غسلي يله خلينا نذاكر حور مبتسمه : إن شاء الله عمتي قامت حور وغسلت وجهها وطلعت من الحمام ملاك : أقول حور حور وهي قدام المرايه تنشف وجهه بالمنشفه : هلا ملاك : الخدامه تقول إن رامي طالع من هنا .. ليه ؟ حور وأهي تسرح شعرها : خايف ملاك : من أيش ؟ حور : مني ملاك عاقده حاجباها : منك ! حور : إي مني ملاك : لحظه لحظه .. ممكن تفهميني السالفه ؟ ترى راسي بداء يلف ويدور حور وأهي تجلس قرب ملاك في السرير : طيب .. أفهمك xXxXx أما رامي .. أخذ له غرفه في فندق ونام بها .. وبس طلع الصبح راح الإتصالات ودور على رقم أحمد .. رامي يقرب له واحد من بعيد في الإتصالات بس عطاه أسم أحمد طلع له رقمه أخذ رامي الرقم ورسل لاحمد رساله " الغربه مش سفر لبعيد ولا هم ليوم الغربه لما تحب إنسان ويكون عن عينك بعيد أقول تعال بسرعه في كوفي شوب " .... " أنا أنتظرك لا تتأخر ولا ترى أروح عنك " أحمد كان تو صاحي من النوم ولما شاف المسج تخرع قام بسرعه لبس وتزين وكشخ لأن على باله بنت " أحمد مغيزلشي كبير " وطلع بسرعه .. وراح للكوفي شوب .. دخل قام يتلفت يمين شمال .. أنتبه لواحد من شافه وقف .. أحمد في باله : ياسبحان الله يشبه رامي ... بس وينها ذي إلي مواعدتني ماأشوف بنات هنا أبد قام أحمد يتلفت يمين وشمال ويدور بعينه في الكوفي شوب الكبير وعلى مستوى .. ولاحظ إن الرجال إلي وقف لما شافه يمشي جهته .. طنشه أحمد وسوى حاله مايشوي جاء رامي ووقف قربه وقال : ألعن أبو الثقل ياشيخ .. طيب سو نفسك مشتاق ناظره أحمد وقال مندهش : رامــي ! رامي بإبتسامته : لا ظله أحمد ماعرف وش يسوي من الفرحه .. صديقته وخوي عمره وأخيراً جاء من السفر " لأن رامي ماكان يحب ينزل البلد أيـام الإجازات فعلى شان كذا الكل ماشافه 9 سنين متواصله " .. حضنه أحمد بقوه لدرجة إنه بكـى دمع غزير من فرحته برجوع رامي xXxXx فيلا أم حور في غرفة حور حور بملل : وهاذي السالفه كلها ملاك معصبه : والله حرام عليك إلي تسويه حور : افف .. الحين راح تحطين الغلط كله علي صح ! ملاك معصبه : إي صح حور : ملاك تكفين خلنا نسد الموضوع لأني من أذكر راميوه يلوع كبدي ملاك ماودها تصك الموضوع لأن رامي مسكين وكاسر خاطرها لكن عشان خاطر حور غيرته : شخبارها أمك؟ حور : أسكتي .. هاربه منها ولا أبي أشوفها ملاك عاقده حاجباها : ليه ؟! حور : خايفه تعصب علي على موضوع رامي ملاك : مردك تشوفيها حور : هذا إلي مخوفني .. أقول أيش رايك نتغدى بعدين نذاكر ؟ ملاك : لا نذاكر أول حور : طيب xXxXx في الكوفي شوب أحمد : أجل صرت دكتور يارامي وأنا بعدني على شغلتي رامي : ههههههه قصدك إلي خبرك أحمد : ههههههههههه إيوه .. تصدق إني متعرف على وحده مع حور أختي بالفصل رامي : والله ؟ أحمد : إي والله رامي : وهي تعرف إنك أخو حور أحمد : لا طبعاً رامي : أجل كيف عرفت إنها معها ؟ أحمد : قلت لها بنت عمي معك في المدرسه أسمها حور ماتعرفيها وبالصدفه طلعت معها بنفس الفصل رامي : اوه ياأحمد .. ذكرتني بأيام أول .. كل يوم مع بنت أحمد : تبيني أعرفك على وحده ؟ رامي : أنت تعرفني ! .. نسيت أيام أول أنا إلي كنت أعرفك هههه والله دنيا ! أحمد : المهم أنا انا مواعدها الحين .. عطني رقمك رامي عاقد حاجباه : مين ؟ أحمد : دانه رامي : مين دانه ذي بعد ؟ أحمد : صار لي ساعه اقولك عنها رامي : هههه إي إي فهمت .. هات موبايلك بكتب لك رقمي عطاه أحمد الجوال وسجل رامي رقمه عند أحمد ومن ثم دق رنه على جواله عشان يسجل رقم أحمد رامي : إلا أقول .. كيف سلطان أحمد : بخير الحمد لله رامي : أبي أشوفه .. بس بمفاجاه بعد أحمد : ياحبك للحركات هاذي .. ولا يهمك هو الحين مسافر أول مايرجع أظبطك رامي : ههههه طيب وسلم عليه وطلع أحمد وراح لمطعم ثاني مواعد فيه دانه أول ماوصل لقاها نازله من التاكسي .. دخل معها جهة العائلات وجلسو في إحدى الكبائن نزعت البرقع عن وجهها " دانه بنت طيبه وحبوبه وعلى نياتها ملامحها جميله وناعمه .. أهلها هاملينها أو بالأصح مب مهتمين فيها .. مثل أغلب الأهالي عندهم بنتهم كبرت يعني خلاص يعاملونها كنها مرأه مو كنها بنت مراهقه محتاجه حنان وتوجيه أكثر من الطفل .. وهذا الشيء إلي دفع دانه ( وبنات كثير غيرها ) إنهم يبحثون عن الحب والحنان والأمان إلي فقدوه داخل بيتهم " أحمد : أيش تطلبين ؟ دانه بدلع : أنا جايه هنا أشوفك أحمد : وهذا أنتي شفتيني دانه وهي تقف : خلاص أجل نمشي أحمد : وين رايحه أجلسي بس من زمان ماشفتك جلست دانه وأهي مبتسمه لأحمد .. طلب أحمد الغداء ثم طلع لها مبلغ من جيبه وأعطاها إياه دانه : أيش هذا ياأحمد .. أنا مب محتاجه الحمد لله أحمد : دانه لاتكابرين انا عارف عن ظروفك زين سكتت دانه وماقدرت ترد عليه .. هي مب فقيره لكن أبوها و أمها مقصرين عليها ويعتقدون إن الفلوس الكثيره هي إلي تضيع أحمد : أمسكي يادانه إيدي تعبت دانه : مــاأبي أحمد : ليه ؟ ماردت دانه أحمد بلهجه جديه : راح تاخذين ولا أقوم الحين ولا تشوفين رقعة وجهي مره ثانيه ؟ دانه بتردد : لا خلاص .. باخذ مدت يدها دانه لتأخذ الفلوس من أحمد وأهي متردد .. أخذتهم وحطتهم بحقيبتها أحمد مبتسم : والحـين راح أوديك السوق وتشترين إلي يطري على بالك وعلى حسابي دانه خجلانه : لا ياأحمد هذا كثير علي أحمد : لا ياعمري .. مب كثير .. أنتي لو تطلبين عيني ماأغليتها عليكِ دانه بإبتسامه : هالكثر تحبني ياأحمد أحمد : هذا سؤال ياقلبي ؟ نزلت دانه وجهها خجلانه xXxXx | ||||||||||||||
|
| |
|
02-03-11, 01:34 AM
| #19 | ||||||||||||||
| مراقبة ومشرفة سابقة ونجم روايتي
| فيلا أم حور حور وأهي ترمي دفترها بعيد عنها : خلااااااااااص .. تعبت .. خلينا نروح نتغدى ملاك وأهي تفتح ملزمة الإنجليزي : مابقى إلا الإنجليزي حور وقفت وسحبت ملاك من إيدها وأهي تقول : أول نتغدى .. واللهِ هلكت ملاك : ههههه طيب نزلن حور و ملاك تحت وملاك مب لابسه عباتها لأنها عارفه محد في البيت غير أم حور ملاك : حور وينها أمك ؟ حور : مدري خلني أسـأل نادين " وتنادي " ناديييييييين ؟ جت نادين تركض من الخوف : نأم ماما حور : وينها أمي ؟ طلعت ؟ الخدامه : ماما صفيه مافي يتلع من أمس بالليل من الغرفه حور بخوف : أيــش صعدن بسرعه ملاك و حور للغرفه .. فتحت حور الباب بسرعه لقت أمها منسدحه على جنبها الأيسر " يعني عاطتهن ظهرها " وقفت حور مكانها وأهي تناظر أمها .. اما ملاك فحطت إيدها على قلبها وحمدت ربها إن أم حور مابلاها شي ملاك : وش بلاكِ حور ؟ حور وعينها على أمها : قلبي يقول إن أمي مب بخير ملاك : كيف مب بخير وهاذي هي نايمه قدامك ! حور مسكت إيد ملاك : مدري . تكفين ملاك روحي صحيها ملاك : لا ماأبي أستـحي حور برجاء : عااااااد ملاك : طيب راحت ملاك ووقفت قرب السرير وقالت بلطف : خالتي .. خالتي .. قومي أنا ملاك مالاحظت أي أستجابه من بدأت تهزها بلطف وأهي تقول : خاااالتي .. أنا ملاااك .. يله قومي بسك نوم حور خايفه : أيش فيها أمي ياملاك ماترد ؟ طاح قلب ملاك بالأرض .. أستجمعت قواها وراحت للجهه الثانيه عشان تشوف وجهها وتتأكد هي نايمه أو لا لكنها لما شافت وجه أم حور لصقت بالجدار من الخوف وعينها على برى من فاتحه فمها ومب قادره تتحرك وفجأه صرخت : حوووووور جات حور بسرعه من الخوف وليتها ماجت .. شافت منظر مخيف ومفجع شافت وجه أمها لونه أخضر وعينها مفتوحه وتناظر فوق وتحت عينها سواد وفاتحه فمها يعني كــان وجهها قبيـــح صرخت حور : لااااااااااا ... يمه xXxXx فيلا أبو طلال أبو طلال و طلال و شوق في الصاله يشربون شاهي ويسولفون رن جوال شوق .. شافت الرقم وأبتسمت وردت : هلآ حور وسرعان ماتغير وجهها إلى خوف : حور أيش فيكِ ؟ لاحظ أبو طلال وطلال وجه شوق شوق : ماني فاهمتك " كانت حور تتكلم بسرعه وتصارخ وتبكي وتقطع بالكلام من الخوف " .. أيــــــش !! لاحول ولا قوة إلا بالله .. طيب طيب حنا الحين جايين وتنتهي المكالمه أبو طلال بخوف : أيش فيها حور ياشوق ؟ شوق غطت وجهها بإيدينها وقامت تبكي خاف طلال وبسرعه قام لأخته : وش فيكِ ياشوق ؟ وش فيها حور ؟ شوق حضنت طلال وهي تقول : خالتي أم حور ماتت وقع هذا الخـبر على أبو طلال كالصاقعه : إنا لله .. كيف ؟؟ شوق تبكي : مدري .. خلنا نروح لهم .. حور في البيت ومب عارفه أيش تسوي تقول هي خايفه حيل أبو طلال وهو يقوم : سرينا سرينا راحو كلهم فيلا أم حور .. وهناك طلبو الأسعاف .. وراحو المستشفى وقدام الطوارئ الكل كان واقف .. حور كانت تبكي بهدوء وملاك حاظنتها وتبـكي معها ، وكانت شوق واقفه قربهم وتخفف عليهم .. وطلال وأبو طلال واقفين بعدين " طلال من الصدمه مافكر يسأل مين هاذي " دقايق وطلع الدكتور جات له بسرعه وقـلبها يتقطع من داخل : كيف ماتت أمي يادكتور ؟ الدكتور : أنتي بنتها وعايشه معها في نفس البيت ؟ حور تبكي : إي دكتور الدكتور : وإزاي معرفتيش إن مامتك عندها سرطان في الدماغ ؟! تجمدت حور مكانها ولم تعرف ماتقول ! الدكتور : على فكره بألها ميته 18 ساعه تأريباً ومن ثم مشى الدكتور طاحت حور على الأرض تبـكي بشده ونزلت ملاك حضنتها وقومتها وودتها غرفه خلتها تستريح فيها .. ومرت أيــام العزاء كالسنين على حور .. أم رامي " مهـا ، اخت صفيه " رجعت من السفر في نفس اليوم لأن وصل لها الخبر وكان الكل ينام مع حور في البيت .. خالتها أم رامي و أختها شوق وأم ياسر وملاك إلي ماتركتها ولا لحظه أبد .. حتى إذا حور بتروح الحمام " الله يعزكم ويكرمكم " تروح تنتظرها برى الحمـام وتوصي عليها ماتصك باب الحمام .. وطول أيـام العزاء كان أبو ياسر و ياسر ودهم يشوفون حور ويعظمون لها الأجـر لكنهم ماقدرو يشوفونها .. لأن الوقت إلي يبون يشوفونها فيه يكون البيت كله مليان حريم وآخر يوم في العزاء طلعو الحريم ومابقى إلا حور و ملاك و شوق ومها " أم رامي " و أم ياسر جات أم رامي وسلمت على حور وحضنتها وباستها لأنها خلاص راح ترجع بيتها وبعدين طلعت رن جوال ملاك ردت ملاك بصوتها الحنون : هلا ياسر .. إيوه .. طيب لحظه " وتكلم حور " حور غلاي أبوي وياسر يبون يشوفونك حور بأسى : طيب ملاك : هلا ياسر .. طيب أدخل مافيه حد .. حنا راح نجي لكم عند الإستقبال وصكت .. وقامت هي و حور وراحن عند صالة الإستقـبال دخل أبو ياسر و ياسر .. حضنت حور أبو ياسر واهو حضنها بقوه وقال : عظم الله أجرك يابنيتي حور وأهي تبـكي : أجرنـا وأجرك عمي وظلت تبكي وتبـكي إلى أن أبو ياسر هو بعد بكى وغطى وجهه بشماغه أم ياسر كانت موجوده : بس ياحـور خلاص أرحمي نفسك أبعتد حور نفسها عن أبو ياسر .. لقت ياسر قدامها .. أخوها الحنون ، حست إنها محتاجه تضمه بأقوى ماعندها .. لكن ياسر كان أسرع منها أخذها وضمها إلى صدره بقوه .. حست حور بحنان ياسر إلي يغمرها مسكته ودفنت راسها في صدره الدافئ وظلت تبكي وتقول : يـــاسر .. أمي راحــت .. ياسر تماسك وماحب يبكي .. أول مره في حياته يشوف حور تبكي ! ياسر : خلاص ياحور إلي راح راح .. حزنك هذا ماراح يرجعها أبد أبو ياسر : هذا أمـر الله ياحور حور : والنـعم بالله ظلت حور تبـكي في حظن ياسر .. لدرجة إن أم ياسر وملاك بكن معها وأبو ياسر ماقدر يتحمل قام طلع ياسر كان وده أي شي يجي له إلا إنه يشوف أخته حور في هالحاله منهاره ياسر وهو يبعد حور عنه ويبتسم بلطف : خلاص غلاتي .. تكفين .. خليكِ قويه مثل ماتعودنا عليكِ حور تناظر في عين ياسر المليانه حب وحنان وخوف عليها : طيب يالغـالي ياسر مبتسم : يله تبين شي ؟ حور : سلامتك ياسر : بس أنا أبي شي حور : آمرني ياسر : أبيك تبتسمين حور نزلت رأسها ياسر : خبله رفعت حور رأسها مبتسمه وقالت : الله لايحرمني منك ياأخوي يالغـالي ياسر بإبتسامته : ولا يرحمني منك ومن هالخبله إلي هناك حتى ملاك وأم ملاك أبتسمن ^_^ طلع بعدها ياسر وأم ياسر أستأذنت من حور لأنها صارت غايبه عن بيتها أيام أكيد البيت يبي له تنظيف وشغلات بعدها رجعت حور وملاك لشوق في الصاله جلست حور شوي ثم وقفت ملاك : فين رايحه غلاي ؟ حور : بروح أرتـاح في غرفتـي .. مثل ماقال ياسر إلي راح راح .. الحزن مستحيل يرجع أي شي .. وأنا لازم أصير أقوى من كذا .. أنتي خلك هنا لاتخافي علي وصعدت غرفتها شوق : ملاك .. بغيت أكلمك لحظه جات ملاك وجلست قرب شوق وقالت : آمريني ياشوق شوق : بغيت أسألك سؤال وبليز جاوبي بصراحه ملاك عاقده حاجبها : تفضلي شوق : حور أختي أيش بلاها ؟ ملاك متعجبه : مابلاها شي شوق : قصدي .. أيش معنى كلامها ؟ ملاك منزله راسها : عـادي .. هذا لأنك ماتعرفين حور زين .. لو إنك تعرفيها زين مااستغربتي من أي شي تقوله .. حور طول عمرهـا كذا ياشوق .. قويـه xXxXx أحمد في السياره .. يتصل على دانه إلى كانت في غرفتها " هي دايم جالسه بغرفتها " وحاطه جوالها هزاز لأن الجوال من عند أحمد أهلها ماعطوها جوال لأن على بالهم هذا بخربها ( أشياء واجد غلط الأهل يسووها على بالهم أهي إلي راح تربي أولادهم مايعرفون إن هذا يؤدي إلى نتيجه عكسيه ) دانه بلهفه : أحمد وين كنت كل هالمده أحمد مبتسم : بسم الله .. أيش فيكِ أكلتيني حتى ألو ماقلتي دانه : وين كنت كل هالمده ؟ أحمد مسوي فيها ثقيل : يادانه أنا ماتعجبني هالطريقه في الكلام دانه : أجل يعجبك تخليني على جمر .. وأدق عليك ماترد ولاحتى ترسل لي رساله تقولي أيش فيك ! سكت أحمد في هاذي معها حق دانه بصوت حزين : شفيك ساكت ؟ حسيت بغلطك الحين ؟ أحمد بعد مارد .. لأنه كان مشغول بالعزاء ولا قدر يكلمها ومطنشها كل هالأيام دانه : أحمد ؟ أحمد مسوي زعلان : أيش تبين ؟ دانه : ولا شي .. أنت إلي داق مب أنا ! أحمد : كذا يعني .. أنا متأكد إذا سمعتي السالفه بتتأسفين مني .. بس ماراح أقولها لك وآسف على الإزعاج ويصك الخط فكرت دانه شويه ثم رجعت ودقت هي على أحمد أحمد مسوي زعلان : أي خدمه ؟ دانه : ماأبيك تقولي السالفه .. أبيك تعرف إني أحبك حيل أحمد : وأنا بعد أحبك .. بس أنتي ماعطيتيني فرصه أتكلم دانه : مهما كانت ضروفك تبيني أصدق إن ماجتك فرصه تمسك فيها الجوال ! أحمد : صدقيني كنت مشغول حيل دانه : أش مشغول فيه ! أحمد : في العزاء دانه : عزاء ! إنا لله وإنا إليه راجعون .. عزاء مين ؟ أحمد : عزاء أم حور بنت عمي .. يعني زوجة عمي .. أو بالأصح طليقة عمي دانه طاح قلبها في الأرض هي تحب حور وحور محبوبه عند كل البنات صدق إنها دلوعه وشايفه حالها لكن قلبها طيب وكبير : أيش ؟! xXxXx | ||||||||||||||
|
| |
|
02-03-11, 01:35 AM
| #20 | ||||||||||||||
| مراقبة ومشرفة سابقة ونجم روايتي
| في فيلا أم حور ملاك و شوق في الصاله ، وقفت ملاك وقالت : عن أذنك شوق حبيبتي .. بس بروح أشوف حور شوق : طيب وأنا بعد بصعد معك ثم سمعو صوت رجال يتنح نح ويقول : احا احا يالله شوق : هذا أبوي كانت ملاك لابسه عباتها .. فلبست حجابها وغطت وجهها بالشيله دخل أبو طلال ومعه طلال وألقوا لسلاك شوق و ملاك : وعليكم السلام ملاك بأدب وبصوتها الحنون : أحسن الله عزاك عمي أبو طلال : طول الله عمرك يابنيتي .. بس مين أنتي ملاك : أنا ملاك يوسف خوية حور تلك الحظه لما سمع طلال أسم ملاك ماعرف أيشي سوي " الأخ أستحى ^_^ " قام يعدل بحاله وهو مرتبك حيل شوق وأبو طلال لاحظو إرتباك طلال وعارفين السبب ^_^ أبو طلال : هلا وغلا فيكِ يابنيتي .. أقول يابنتي خلك هاليومين مع حور أنتي عارفه إنها متعلقه بأمها حيل ملاك : أكيد ياعمري حور بعيوني .. لاتوصيني عليها قامت شوق تغمز لطلال عشان يسلم طلال والعرق ملى وجهه من الخجل : كيف الحال أخت ملاك ؟ ملاك منزله عينها وتناظر في الأرض : هلا أخوي شوق : ملاك .. هذا أخوي طلال ملاك : مسامحه بس ماعرفتك .. عن أذنكم وصعدت الدرج وعيون طلال تلحقها لدرجة إنه راح ووقف قرب الدرج وهو يناظر فوق ^_~ شوق واهي ميته ضحك : أيش فيه هذا عمره ماشاف بنت ! أبو طلال هو الثاني يضحك على موقف ولده : هذا هو بس سمع صوتها وشوفي أيش صار فيه .. أجل ماراح نزوجه لأن إذا زوجناه راح يموت شوق وأبوها : هههههههههههه طلال لسا واقف قرب الدرج وعينه فوق وسرحان بإلي أخذت عقله من قبل مايشوفها راح أبو طلال ووقف قرب ولده وقال : ياولد صحى طلال من سرحانه وقال : هلا يبه أبو طلال : أيش فيك ؟ طلال : فيني سؤال أبو طلال : وش هو ؟ طلال : متى بتقدم لها ؟ أبو طلال : عز الله إنك فاضي .. حنا عندنا عزاء وأنت تبي تتزوج طلال : يعني أنتظر .. وأمري لله xXxXx في غرفة حور كانت حور واقفه قرب النافذه وتنظر إلى خارج النافذه وسرحانه ورايحه لعالم بعيد دخلت ملاك الغرفه بهدوء ولأن حور كانت سرحانه ماأنتبهت لها وقفت ملاك قدام حور وقالت بطفها المعتاد : وين وصلتي ؟ أنتبهت حور لملاك .. ناظرت فيها ثم رجعت ناظرت في النافذه وقالت بحزن : وصلت لرامي ملاك متعجبه : رامــي ! حور ببرود وعينها لخارج النافذه : كـان يعرف إن أمي مريضه وراح تموت ولا قالي ملاك : أصلاً أنتي ماعطيتيه فرصه حور ببرود ولا زالت عينها لخارج النافذه : وحتى ماجاء يعزيني .. ملاك ماسكه إيد حور : أنتي زعلانه لأنه ماجاء يعزيك ؟ حور تناظر في عين ملاك وتقول بحزن : ... مــدري ملاك : خلاص ياحور .. إلي صار صار حور : عز الله إنك صادقه .. أنا حور وأمي علمـتني أبقى قويه .. كلنا راح نموت الحي أبقى من المـيت .. وأنـا راح أظل مثل ماأمي ربتنـي وماراح أخيب ظنها فيني أبد أما تحت أبوطلال : المفروض حور الحين تجي تعيش معنا .. شوق : بس يايبه حور مب بالسهوله راح تترك هالمكان وتجي تعيش معنا أبو طلال : روحي ناديها .. هي مالازم تبات بروحها شوق : خويتها ملاك راح تبات عندها أبو طلال : ولو .. هن بنات بروحهن مايصير كذا شوق : يبه .. أنا أقـول تخليها الليله تبات هنا .. لأنك عارف إن صاحبتها معها مب حلوه صاحبتها بتبات عندها وحنا نجي نقول لها تعالي باتي عندنا وأتفقو إن حور تجي بيتهم يوم الجمعه .. لأن الخميس ملكة شوق وفواز مب راضي يأجل الملكه صعدت شوق فوق لحور .. طرقت الباب وطلعت لها حور لأن ملاك كانت جالسه من الصباح وتعبانه حيل بدلت ملابسها ونامت حور : خير شوق بغيتي شي ؟ شوق : بغيت أكلمك بموضع راحن الصاله الفوقيه .. وجلسن شوق بتردد : حور .. يوم الخميس ملكتي حور بدون نفس : قديمه شوق : أنا من صدق أتكلم حور : عارفه ... وعارفه إنك ماراح تأجلين الملكه شوق : آسفه عمري بس والله مب مني .. فواز يقولي عزم ربعه وجهز كل شي ومدري أيش حور وأهي توقف : على العموم مبروك .. تصبحين على خير وراحت غرفتها تنام xXxXx بيت دانه دانه في غرفتها منسدحه عشان بتنام إلا باب الغرفه أنفتح وكانت أمها أم دانه : ماشاء الله ماشاء الله .. جايه تنامي والبيت قايم فوق تحت دانه : توني العصر نظفته أم دانه : العصر مب الحين .. روحـي شوفيه الحين مثل الزباله دانه : يمه بنام باكر علي مدرسه قولي لـ لولوه تنظفه أم دانه : لولوه طالعه مع خطيبها دانه : خلاص بكره الصبح قبل ماأروح المدرسه أنظفه أم دانه : أقولك الحين تقولي بكره ؟ هبله انتي ماتفهمي .. قومي قدامي بسرعه يله دانه بحزن : إن شاء الله يمه .. إن شاء الله وقامت دانه تنظف البيت xXxXx بيت أبو طلال على الفطور الكل يفطر أبو طلال وعياله أبو طلال : طلال طلال : سم يبه أبو طلال : سم الله عدوينك .. أبيك اليوم تروح لحور وتجيبها هنا طلال : أخاف ماتوافق أبوطلال : مب على كيفها .. خلها تجي هنا غصباً عنها طلال مايحب ذا الأسلوب لكنه قال : طيب xXxXx فيلا أم حور حور و ملاك يفطرن في غرفة الطعام الفخمه على الطاوله الكبيرع ملاك : حور متى راح تداومي في المدرسه ؟ الإمتحانات بعد أسبوع حور وأهي تصب لها حليب : مالي خلقها ملاك : أول مره تقولين هالكلام ياحور حور : متى الإختبارات ؟ ملاك : السبت الجاي حور : خلاص أجل السبت الجاي بداوم ملاك : طيب والمراجعه بالمدرسه ! حور : أنا حافظه وفاهمه كل شي ماله داعي أروح ملاك : ياحور لازم تعرفين مصلحتك وين ماردت حور وظلت تشرب بكوب الحليب ملاك : حور حور : نعم ملاك : بروح البيت اليوم حور : أيش ؟ راح تخليني بروحي ؟ ملاك : ياسر مب موافق يقول إن أخوانك وأبوكِ وعمك " عم حور أبو فواز " كل يوم عندك .. وأصلاً أنتي بعد راح تروحي تعيشي مع أهلك حور : من قال بعيش معهم .. أنا ماأبيهم .. أنا أبيكم أنتو .. أنتو أهلي ودنيتي كلها .. وبعدين هذا ياسر حسابه معي أنا دخلت الخدامه تقول : ماما .. هذا بابا طلال في الصاله يبي يكلم أنتي حور : طيب أنا جايه راحت الخدامه حور : ملاك كملي فطورك أنا رايحه أشوف أيش عنده وأجيكِ ملاك : أنا عارفه أيش عنده حور : أيش عنده ؟؟ ملاك : يبيكِ تعيشي معهم ظلت حور تفكر ثم راحت لطلال في الصاله حور : كيف الحال طلال طلال : بخير جعل ربي يسلمك .. كيفك أنتي ؟ حور وأهي تجلس : الحمد لله .. " ثم قالت بدون نفس " أيش تبي جاي من الصبح ! طلال مايحب ذا الأسلوب بس دام هي إلي بدت بذا الأسلوب راح يمشي معها : جاي أقولك جهزي أغراضك حور بإستعباط : أجهز أغراضي ليه ؟ طلال : عشان تصوري معهم حور : ماأبي أصور معهم .. وبليز بلا هالأسلوب لأني ماأحبه طلال يبتسم : طيب نغيره " ثم وقف وقال " راح أمر عليكِ العصر جهزي كل أغراضك لأنك راح تعيشي معنا بالفيلا مشى خطوتان فنادته حور : لحظه طلال طلال : أيش تبين ؟ حور : ماأبي أعيش عندكم .. أبي أعيش هنا بفلتي طلال : حبيبتي حور إلي عندي قلته .. جهزي أغراضك بمر عليك العصر .. فاهمه أو محتاجه أفهمك شويه حور تناظر في عينه : أنت ليه تعاملني كذا ؟ هذا وأنا الصغيره وأنت الكبير طلال : دام عارفه إني الكبير وأنتي الصغيره ... ليه ماتحترمي الأكبر منك ! حور سكتت لأنها مالقت رد طلال بهدوء : جهزي أغراضك طيب .. مع السلامه يالغاليه وطلع ، رجعت حور لملاك إلي كانت تكمل فطورها .. حور واهي وافقه في بداية غرفة الطعام : أنتي أيش عرفك إن طلال جاي بخصوص ذا الموضوع ؟ كل ذا ذكاء ! طيب عطينا شويه ملاك : تعالي كلي حور وأهي تجلس : أقولك أبي ذكاء ماأبي أكل ملاك : الذكاء يجي من الأكل حور : هذا أنا طول عمري آكل و آكل .. بس ذكائي مب مثل ذكائك ملاك : وأنتي تحسبين هذا ذكاء ! لاياحبيبتي .. هذا شي بديهي إن أخو يجي يقول لأخته إلي ساكنه بروحها تعالي عيشي معنا حور : بس أنا مب ساكنه بروحي .. هذا أنتي معي ملاك : وأنتي على بالك إن أهلي راح يخلوني طول العمر معك ؟! .. هم مخليني هنا من باب الأخوه والصداقه وإني ماأبي أتركك لوحدك في هالظروف .. فهمتي كيف ياحور حور ببراءه مثل الأطفال : إي بس أنا ماأبــي ملاك : وشو إلي ماتبينه ؟ حور : ماأبي أعيش معهم .. أوقات أحس إنهم يكرهوني .. " سكتت شوي ثم قالت " وأوقات أحس إنهم حيل يحبوني ملاك وأهي تمسك إيد حور : مافي أهل مايحبون بنتهم .. أهلك ياحور يحبونك وأنا متأكده من هذا الشي .. حور وأهي تفكر : تهقين كذا ! ملاك وأهي توقف : أكيد والحـين يله قومي نجهز أغراضنا وصعدن فوق يجهزن أغراضهن xXxXx | ||||||||||||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
