02-03-11, 01:36 AM
| #21 | ||||||||||||||
| مراقبة ومشرفة سابقة ونجم روايتي  
|  فيلا أبو طلال في تلك الغرفه البرتقاليه الراقيه ذات التحف الجميله كانت شوق نائمه كالملكه في سريرها الكبير ذا الفراش البرتقالي المزهر بالأصفر .. رن جوالها فأخذته وناظرته .. رقم غريب ! ردت بصوتها النعسان : ألو ؟ صوت رجالي : صباح الورد والفل والياسمين شوق ماعرفت مين المتصل : عفواً مين معي ؟ الرجل : معك قلبك ! سكتت شوق وظلت تفكر شوي ثم قالت مبتسمه : فوااز ؟ فواز : إيوه فواز ... خطيبك شوق وأهي تقوم من السرير : سامحني ماعرفتك .. كنت نـآيمه ومسطله حدي فواز : قومي يله تجهزي أنا عازمك على الغداء في أفخم مطعم أنتي تختارينه شوق بخجل : طيب .. فواز : يله أخليك .. مع السلامه شوق : الله يسلمك وتنتهي المكالمه وتروح شوق تكشخ xXxXx بيت دانه دانه طالعه من المطبخ وشافت أمها واقفه قدامها تقول : طبختي الغداء ؟ دانه وباين على شكلها التعب : إيوه أمها : أيش طبختي ؟ دانه بعد تردد : سمك محشي بالفرن أمها معصبه : اوووه .. أنا كم مره قلت لك لاتطبخين سمك ! ماتفهمين ؟ دانه : يمه آسفه .. بس الثلاجه مافيها إلا سمك أمها : اها .. طيب روحي أنتي وأنا بشوف الأشياء إلي ناقصه في المطبخ وراح أكتبها عشان أبوكِ يجيبها لنا راحت دانه غرفتها وقفلت الباب وعلى طول طلعت الجوال من تحت مخدتها .. وكان مظبوط على الصامت .. لما شافت الجوال أنصدمت * 7 مكالمات لم يرد عليها من أحمد خافت عليه وعلى طول دقت أحمد : ألو دانه : هلا أحمد .. أنت داق علي ؟ أحمد : إي دقيت عليكِ كثير .. وين كنتي ؟ دانه بأسف : أطبخ الغداء .. إلا أيش كنت تبي ؟ أحمد : بغيت أشوفك دانه : اليوم ؟ أحمد : لا مب اليوم .. الحين . وعلى فكره هالمره ماراح نروح مطعم مثل كل مره دانه عاقده حاجباها : أجل وين راح نروح ؟ أحمد : شــقـه دانه منصدمه : أيـش ؟ شقه !! أحمد أنت على بالك أنا أيش ؟ بنت بلا سمعه ؟ أحمد : أنا قلت كذا ! دانه : أجل وش معنى كلامك ؟ أحمد : أبيكِ تاخذي راحتك وآخذ راحتي معك دانه : آسفه ياأحمد بس مقدر أروح أحمد : كيفك .. بس أنا مطاعم ماني برايح دانه : براحتك أحمد : حرام عليكِ ... واللهِ أشتقت لك دانه مصممه : شقق ماني برايحه .. غير كذا ماعندي أحمد : طيب يله باي دانه : كالعـاده أحمد : كالعاده ! وش يعني ؟ دانه : يعني زعلت أحمد : مازعـلت .. بس راح أعطيكِ فرصه تفكري .. وتتأكدي إني ماراح أغدر بك أبد دانه سكتت وماردت لأنها ظلت تفكر بكلامه أحمد : يله باي وتنتهي المكالمه xXxXx فيلا أبو رامي كان رامي وأمه وأبوه يتغدون في غرفة الطعام الفخمه كان رامي ماسك الملعقه بإيده وسرحان لبعيد .. وماأكل شي من أول ماجلس .. أمه لاحظت سرحانه لكنها ماسألته وظلت تناظر فيه ، أنتبه رامي لأمه فقام وقف واهي يبعد شعره الناعم عين عينه فقالت أمه على طول : وين يارامي ماأكلت شي ؟ رامي بدون نفس : الحمد لله شبعان .. عن أذنكم وصعد رامي غرفته ، ثم همس أبو رامي لمها : أيش فيه رامي ؟ لاحظت عليه ماأكل شي بالمره أم رامي تهز كتفها : مدري .. علمي علمك دخل رامـي غرفته وراح جلس على كرسي هزاز .. وظل يفكر ويفكر ناظر بجواله وأخذه .. وأتصــل حور كانت تجهز اغراضها هي وملاك .. فجأه رن جوالها .. مسكته حور وناظرت بالرقم .. حور عاقده حاجباها : رقم غريب ! ثم عطته بزي ورمت الجوال على السرير ملاك : مين ؟ حور : مدري رقم غريب ، مالي خلق أرد رامي تعجب وقال : ليه عطتني بزي ؟ رقمي هذا جديد هي ماتعرفه ! .. الظاهر تحسبه حد يزعجها ، خلني أدق مره ثانيه ورد وأتصل .. ورن جوال حور * أخذته وناظرت الرقم حور : افففففف ملاك : طيب ردي يمكن حد من أهلك يبيكِ ردت حور بصوتها إلي تعب : ألـو ؟ شك رامي بأنها تكون حور : لو سمحتي أختي هذا رقم حور ؟ حور : إي نعم مين معي ؟ رامي واهو يرفع شعره : معك رامـي تفجأت حور وناظرت في ملاك : رامـــي ؟! رامي بأسـى : عظم الله أجرك حور تبي تقهره مثل ماقهرها : ههههه .. تصدق عاد ؟ نسيت السالفه رامي أنصدم : نســيتي أمـــك ! حور : نسيت السالفه لأنها صارت قديمه وماعادت تهمنـي رامي كان مب متوقع حور تقول هالكلام بالمره * توها صغيره وفاقده أمها وتقول هالكلام ! : أنــتي قلبك من حجر حور : وأنت مالك قـلب .. كنت عارف إن أمي مريضه وراح تموت وماقلت لي ولا حتى قلت لها تتعالج رامي : لحظه حور أولاً أنا ماقلت لك بناءً على طلب خالتي الله يرحمها .. ثانياً هذا المرض ماله علاج حور : مافيه مرض بالدنيا ماله عـلاج رامي : براحتك حور : وأنت الحين داق علي عشان تقولي هالكلام السخيف ! رامي بملل : ردت تغلط ! حور تكتـم بكائها لأنها تحاول تبين للكل إنها تعدت الصدمه خلاص : أنا ماغلطت .. بس من حرة مافيني أقول هالكلام .. أنا مـالي بالهدنيا غير أمي ، والحين هي راحت .. مالي حد غير خويتي وأهلها .. من يوم ماتت أمي وأهي معي على طول جات ملاك وحضنت حور من الخلف كأنها تقول لها ماراح أتركك لو مهما يصير وأنا معك في كل لحظه رامي : افا ياحور .. تقولي مالك حد ؟ أجل أبوكِ وأخوانك وعمك وأمي وأنا وين .... أنا وين ياحور حور بإستهزاء : أنت ؟؟ أنت كنت لاهي حتى ماكلفت على عمرك تقولي عظم الله أجرك رامي : طيب أنا عارف إني غلطان وأنا أعتذر لك .. بس أنتي حسي فيني حور : ماينفع تعتذر لي الحين رامي : طيب أيش تبين أسوي لك ؟ واللهِ أسويه .. بس أنتي سامحيـني .. حور أنتي أول إنسان أترجاه ... تكفين << طلعت من قلبه هالكلمه حور : وأنا مب محتاجه لحد خاصه أنت .. لأنك إنسان ضعيف أستسلمت لقلبك .. وأنا مايعجبني إنسان ضعيف رامي وأهو ينسدح على السرير ويقول بتعب : حيرتيني معك حور حست بتعبته الواضح في صوته العذب ، خافت يحن قلبها عليه فقالت : لو سمحت أنا مشغوله الحين .. ممكن تقفل ؟ رامي : طيب ومتى أقدر أكلمك ؟ حور : ماأبيك تكلمني .. رامي لو سمحت لا عاد تدق علي وتقفل الخط بوجهه ملاك كاسر خاطرها رامي لأنها حاسه إنه يحب حور من كل قلبه : حرام عليك ياحور حور وأهي تناظر في عين ملاك بعين دامعه : وحلال عليه ؟! ماقدرت ملاك تتكلم أمام دموع حور .. كملا ترتيب أغراضهما بعد أن شغلت حور موسيقى هادئه عشان يشغل بالها وماتفكر برامي أما رامي أتصل على أحمد رامي بصوت تعبان : هلا أحمد .. وينك ؟ أجل مر علي أنا أنتظرك برى xXxXx | ||||||||||||||
|  |
|
02-03-11, 01:38 AM
| #22 | ||||||||||||||
| مراقبة ومشرفة سابقة ونجم روايتي
| بعد ماجاء أحمد لـ رامي .. صعد رامي السياره وهو مب قادر يخفي الألم إلي يحس به أحمد : أش فيك ماد فمك ؟ رامي وهو يتنهد : متضايق ياأحمد أحمد وهو يحرك السياره : وش منه ؟ رامي والكلام متعبه حيل : أول مره أحب ... وإلي أحبها ماتحبني أحمد : ومن هي ذي الهبله إلي ماعندها نظر ؟ رامي : تقدمت لها .. أمها وافقت بس هي مب موافقه أحمد تحمس للسالفه : طيب من هي ذي ؟ أيش أسمها ؟ كيف تعرفت عليها ؟ رامي واهو يناظر أحمد : بنت خالتي وأسمها حور أحمد أنصدم : حـــور أختي ؟! xXxXx فيلا أم حور نزلن حور و ملاك الحقائب بمساعدة الخدامه .. وحطوهم في صالة الإستقبال " يعني قريب الباب " جلسن حور وملاك هناك وهن لابسات عباياتهن إلا وجوال ملاك يرن ملاك : هلا يبه ... طيب .. طيب طيب .. يله باي وتنتهي المكالمه ملاك لـ حور : حور معليش أخلي السايق يوصلني .. ياسر طالع مع ربعه حور : الحين راح يجي أخوي طلال ويوصلك رن الجرس حور : هذا طلال جاء تحجبت ملاك وتلثمت ^_~ جات نادين وفتحت الباب دخل طلال : السـلام عليكم حور و ملاك : وعليكم السلام عرف طلال ملاك على طول .. وتخقق في مكانه لما شاف عينها ^_~ ملاك بأدب وبصوتها الناعم : كيف الحال أخ طلال ؟ تصبب طلال عرق : الحمد لله بخير .. كيف حالك أنتي ؟ ملاك تناظر حور : إذا حور بخير أنا بخير حور متبسمه : تسلمين .. طلال .. راح نوصل ملاك بيتها طلال شوي ويطير من الفرح : من عيـوني .. يله أصعدن السياره حور : أودي أغراضي السياره ؟ طلال : لا السايق حقنا بوصلهم .. أنتن طلعن عشان هو يدخل حور : يله ملاك جات ملاك تبيت اخذ حقيبتها طلال : خليها ياملاك السايق راح يحملها ملاك حست حالها خبله هو يقول السايق بياخذهم : لا هاذي لي مب لحور طلال : أجل خليها أنا بحملها عنك ملاك ماتبي تتعبه لأن حقيبتها ثقيله شوي : مشكور طلال .. بس أنا بحملها طلال : واللهِ محد غيري يحملها ، خلاص عاد حلفت حور : بس عاد ياملاك .. طلال حلف ملاك مبتسمه : طيب مشكور طلال وهو يناظرها لأنها أبتسمت وبان على وجنتينها وعينها : العفو راحن حور و ملاك وصعدن السياره .. دخل السايق الفيلا وأخذ اغراض حور ووداهم السياره الثانيه عشان يوصلهم الفيلا .. وطلال أخذ حقيبة ملاك وحطها في شنطة سيارته وصعد هو وحرك السياره xXxXx | ||||||||||||||
|
| |
|
02-03-11, 05:43 AM
| #23 | ||||||||||||||
| مراقبة ومشرفة سابقة ونجم روايتي
| ][ الجزء الرآبع ][ رامي و احمد في أحد المنتزهات رامي شكى لأحمد عن كل إلي بقلبه : وهاذي قصتي كلها ... وين الغلط فيها ؟ أحمد : الغلط يوم إنك زعلت مثل البزارين رامي : زعلت وماراضتني .. وفوق كذا أنا إلي دقيت عليها وأهي ماعطتني وجه أحمد : تبيني أكلمها لك ؟ رامي : لا ياأحمد ... تكفى .. أنا أبي أكسب مودة حور بنفسي ، ماأبي حد يدخل أحمد : بكيفك .. بس بصراحه أنا ودي أصفعها كف على وجهها عشان الكلام إلي قالته لك رامي مبسوط : بس كل شي تقوله أو تفعله هي .. مثل العسل على القلب أحمد : صحيح .. والدليل إنك زعلت وطلعت كنك بزر xXxXx أمام بيت أبو ياسر " في السياره " حور : بس ياطلال هذا هو البيت وقف طلال حضنت ملاك حور وباستها ونزلت ، ونزل طلال فتح شنطة السياره ونزل منها الحقيبه وأوصلها إلى باب البيت ملاك بإبتسامه : مشكور ياطـلال .. أتعبتك معي طلال وهو يناظر الأرض : أيش هالكـلام ياملاك .. ولو تعبك راحه ملاك : تسلم والله .. مع السلامه طلال : الله يسلمك ودخلت ملاك البيت وهو راح وصعد السياره xXxXx في هذا الوقت فواز و شوق يدخلون الفيلا " فيلا أبو طلال " فواز : أيش فيها فيلتكم فاضيه ؟ شوق : اليوم الجمعه والكل طالع فواز : أجل ليه قلتي لي رجعني البيت ؟ شوق وأهي تنزل عباتها : لأن حور راح تجي .. مب حلوه تجي وماحد يستقبلها فواز بإبتسامه : طيب أنا ماشي .. توصين شي ؟ شوق : سلامتك فواز : الله يسلمك وصعدت شوق غرفتها .. وفواز راح يطلع ، لما وصل عند الباب وفتحه دخل طلال مع حور وفواز مايعرف حور ولا عمره شافها طلال بإبتسامه : فواز عندنا ! هلا وغلا فواز بإبتسامه : هلا فيك سلمو على بعض ، ولا سلم فواز على حور إلي كانت واقفه ومب مهتمه واهي أصلاً عرفته لأنه كذا ماره شافته في النت " صور الزواج والحفلات والمهرجانات " وتناظر بعيد عنهم * وتنتظره هو إلي يسلم طلال : وين رايح ؟ فواز : طالع مع أخوياي طلال : أجلس معنا ياشيخ مسك فواز إيد طلال وبعده شوي عن حور وهمس له : مين هاذي إلي جايبها هنا ؟ طلال : هههههههههه هاذي حور أختي ماعرفتها ! فواز أنصدم .. هاذي حور بنت عمه إلي ماشافها ولامره في حياته لأنها دايم عند أمها : هاذي حور ؟ طلال : حور .. هذا فواز ولد عمي خطيب شوق حور بدون نفس : أعرفه .. كيف الحال فواز ؟ فواز كان طيب وقلبه أبيض : الحمد لله بخير ، أنتي كيفك ؟ حور : بخير الحمد لله xXxXx بيت أبو نايف نايف يطرق باب غرفة أخته سوسن إلي كانت تحب المذاكره بشكل مو طبيعي سوسن كالعاده تذاكر : تفضل دخل نايف وجلس قرب أخته وهو وده يسألها شي لكنه متردد ، لاحظت سوسن إن نايف وده يقول شي فسألته : نايف أيش بلاك ؟ نايف بتردد : حبيت أسألك سؤال سوسن : أسأل ياأخـوي نايف : شخبار ملاك ؟ عساها بخير ؟ سوسن تعرف الحب إلي بين ملاك و نايف وأهي أصلاً إلي كانت حبل وصل بينهم : أنت ماتكلمها ؟ نايف : هي زعلانه علي سوسن : وش منه ؟ نايف : هاذي سالفه طويله إذا فضيتي أقولها لك .. بس أنتي طمنيني عليها سوسن : بخير الحمد لله .. هي صار لها أسبوع عند خويتها في البيت نايف : أيش ؟ قصدك تبات ؟ سوسن : إيوه أنفجر نايف غضباً : لا والله ! أشوف طالت وتشمخت .. وليه قاعده هناك لايكون بيت خويتها جزر هاواي وأنا مدري ! سوسن تهدي أخوها إلي يعصب بسبب و بدون سبب : شفيك عصبت !! أعصابك أعصابك .. ملاك قاعده عند خويتها لأن أمها متوفيه وحالتها النفسيه مب حلوه .. تعبانه حيل نايف عذر ملاك شوي .. وكبرت بعينه لما عرف إنها ماتركت خويتها في هالأزمه : آآآآه .. يعني السالفه كذا ! سوسن : إإي .. عندك سؤال ثاني ! أخلص أخلص أبي أراجع نايف يبتسم : سلامتك .. شكراً سوسن بدلع : العفو قام نايف ولما وصل للباب ألتفت وقال : سوسن .. بس تشوفيها .. قولي لها نايف يسلم عليك ومشتاق لك حيل وطلع xXxXx فيلا أبو طلال الكل جالس بالصاله ومبسوط بوجود حور بينهم " شوق ، طلال ، فواز ، حور " فواز وهو يقف : يله أنا رايح تامروني على شي ؟ شوق : سلامتك طلال : ياشيخ وين رايح .. خلك معنا فواز : والله ودي بس مقدر .. الشباب ينتظروني بنروح البر طلال : أجل على راحتك فواز : مع السلامه لما طلع فواز حور نعسانه : إلا أنا وين بنام ؟ طلال وأهو يقف : قومي أوريك فين تنامي حور وأهي تقف : يله .. شوق تعالي معنا وصعدوا كلهم فوق طلال واه يفتح غرفة حور : وهاذي هي غرفتك .. كـانت غرفتـها مره حلوه .. كل شي مأثث بذوق شوق الغرفه ورديه وطقم الغرفه بني فتح مائل إلى البيج ، وبها نافذتين كبار تغطيهما ستائر ورديه راقيه ونعومه ، ونوافذها تطل على حديقة بيتهم الكبيره والمزينه بـأنواع كثيره من الورود الرآئعه ذات الألوان الجميله والنخيل والأشجار .. والغرفه كانت مزينه ببعض الألعاب والتحف .. يعني كانت شي مب معقول تمشت حور يمين وشمـال في الغرفه .. هي حلوه وعجبتها .. بس هي تعودت على غرفتها إلي هناك .. طلال : أيش رايك بالغرفه ... تراها على ذوقي شوق : ماعليك منه ذوقي انا هه حور : حلوه .. بس طلال : بس أيش ؟ إذا ماعجبتك نغيرها حور مالقت شي في الغرفه مب حلو لكنها قالت وأهي تتشمى فيها : لالا ماله داعي تغيرها .. بس أنا قلت كنها صغيره ! شوق : صغيره ! انا حاسه إنها كبيره .. تراها أكبر من غرفتي حور بدون نفس : إإي .. لا أهي حلوه .. مشكورين .. بس ياطـلال أغراضي وين ؟ طلال : قلت لسايق ينزلهم حور : إي صح إلا على طاري السايق .. السايقين إلي عندي والخدم أيش أسوي فيهم طلال : لا هذولا أبوي يقول يمكن يسفرهم أو يجيبهم هـنا .. لاتحملي هم حور : طيب .. شوق أبي وحده من الخدم ترتب أغراضي شوق : طيب الحين أقولهم xXxXx | ||||||||||||||
|
| |
|
02-03-11, 05:47 AM
| #24 | ||||||||||||||
| مراقبة ومشرفة سابقة ونجم روايتي
| بيت أبو ياسر ملاك في بالها وأهي ترتب أغراضها : غريبه .. نايف صار له مده مايدق علي ولاحتى يرسل رسايل .. من يوم صكيت الخط بوجهه .. أحسن .. أنا الحين في أيام مراجعه والإختبارات جايه .. لازم أخلي تفكيري كله في المذاكره .. هاذي ثنويه مب لعبه .. ونايف مثل ماتقول حور هو الخسران مب أنا وتكمل ترتيب غرفتها xXxXx يوم ثاني الصباح حور نايمه في غرفتها ، فرن موبايلها حور معصبه : اوووووووووه .. أيش هذا ! وعطته بزي بدون ماتشوف مين متصل ، ورجعت تكمل نومها .. لكن المتصل رد وأتصل مره ثانيه .. عصبت حور وأخذت الجوال وردت بدون ماتشوف مين المتصل : هاااه " على فكره حور وأهي نايمه ماتعرف أمها من أبوها ^_^ " ملاك : ماصحيتي للحين ! ناظرت حور الجوال ثم رجعت تكلم : هاذي أنتي من صباح الله خير تزعجيني ملاك : يله قومي الحين خمس ونص حور وأهي تتقلب على السرير : أبـي أنــام ملاك : والمدرسه ؟ حور تتثائب : خليها تولي ملاك : حور أنا من صدق أتكلم حور : وأنا بعد .. تصدقين البارح مانمت إلا لساعه ثلاث ونص الفجر .. يعني توني من شوي نايمه ملاك خافت : ليه عسى ماشر ؟ حور : قاعده على النت .. والحين ياملاك ضفي بخشتك أبي أنام ملاك : طيب.. باين على صوتك إنك حيل تعبانه حور : باي وتنتهي المكالمه .. وترجع حور تغرق في نومها ملاك : ياربي على هالبنت .. تحب النوم والأكل بشكل مب طبيعي xXxXx في المدرسه دخلت ملاك الفصل ، حطت أغراضها في مكانا وجلست .. إلا وسوسن دخلت وراها الفصل " سوسن مب معها بالفصل " سوسن وأهي تجلس على طاولة ملاك : كيف حالك ملاك ؟ ملاك بإبتسامتها العذبه : هلا سوسن .. شخبارك ؟ سوسن : بخير .. أقول ملاك ملاك : خير ؟ سوسن : أخوي نايف يسلم عليك ملاك منصدمه : نايف ؟! سوسن : إي نايف أخوي .. " وتهمس في أذن ملاك " .. حبيبك xXxXx فيلا أبو طلال حور نـايمه في غرفتهـا .. إلا شوق دخلت وتفاجأت لأن حور ماراحت المدرسه شوق بهدوء : حور .. حور .. حور حور وأهي تحت البطانيه بغضب : خيييييير ! .. ياربي أيش الصبـاح النحس هذا ! شوق : حور تأخرتي على مدرستك حور بعدت البطانيه عن وجهها وقالت وأهي تناظر في شوق : أنتي على بالك أنا بزره لازم حد يصحيني من المدرسه ؟ شوق : بس أنتي تأخرتي حيل حور بملل : مانبي برايحه شوق : ليه ؟ فكرت حور شوي ثم غيرت ملامح وجهها إلى البراءه وقالت ^_^ : تصدقين ياشوق إني مانمت البارحه .. يمكن لأن المكان غريب علي " وتحط إيدها على راسها " وراسي حيل مصدع مدري أيش بلاه شوق جلست قرب حور وقالت : بعد عمري .. أوديكِ الطبيب ؟ حور : لالا .. بس راسي مصدع لأني مب نايمه .. خليـني أنام وإن شاء الله أكون بخير شوق وأهي تقف : طيب .. ماتبين حبة بندول ؟ حور : لالا مشكوره ... بس أبي أنــام شوق : طيب حبيبتي أرتاحي أنا رايحه تبين شي ؟ حور : لاتخلين حد يزعجني شوق : إن شاء الله غلاي وطلعت شوق ، وغطت حور نفسها بالبطانيه بسرعه وأهي تقول : بعد عمري النوم دقيقه وحده بس إلا وأهي في سابع نومه ^_^ xXxXx بيت أبو رامي أبو رامي و أم رامي يفطرون في الصاله .. نزل رامي واهو لابس بنطلون أخضر جيشي وبلوزه بيج مايله للون الزيتي وماسك بإيده نظارته الكبيره الشمسيه وشعره على ورى ^_^ .. راح لأبوه وأمه وقال : صباح الخير أمه و أبوه : صباح النور أمه : أيش فيك واقف ماتبي فطور ؟ رامي : لا ماأبي .. أنا رايح الدوام تبون شي ؟ أبو رامي : نبي سلامتك رامي : الله يسلمكم ومن ثم طلع xXxXx في المدرسه ملاك جالسه على الكرسي ومنزله رأسها وعينها مليانه دمع .. وسوسن جالسه على الطاوله وتناظر في ملاك سوسن : ليه ساكته ؟ ملاك لازالت منزله راسها : أيش تبيني أقول سوسن : ليه تسوين بنايف كذا ؟ مب حرام عليكِ ؟ ناظرت ملاك في عين سوسن وقالت بهدوئها المعتاد : مـاأبـي أتزوج سوسن : أجل ليه قلتي له إنك تحبيه ؟ هل لأن مثل ماقال نايف تبين تتسلين ؟ ملاك أنصدمت : أتسلــى !! " وقفت وقالت " .. أنـا عمري ماتسليت بمشاعر حد .. وأنا أحب نايف عن جد .. بس زواج لا ومشت .. لكن قبل ماتمشي مسكتها سوسن من إيدها وقالت : لحظه .. ممكن أعرف ليه ؟ ملاك : لأن أي وحده بعمري تفكر بالدراسه وبس مب بالزواج .. الزواج شي أنا مقدر عليه حالياً ثم تناظر بإيد سوسن إلي لازالت ممسكه بها .. تركت سوسن إيد ملاك وطلعت ملاك من الفصل .. وظلت سوسن تفكر .. هل إلي سوته غلط أو صح ؟ هي تحب أخوها حيل وتعزه .. بس في نفس الوقت تحب ملاك .. والمشكله الأثنين معهم حق .. تعذر مين ؟ xXxXx في المستشفى كـان رامـي يمارس شغله على أتـم وجه .. لكن لما طلع من عنده مريض ، حس إنه يبي يكلم حور أو يرسل لها شي .. المهم يوصل لها شي إنه لازال يحبها ومتمسك فيها وبالفعل رسل لها رساله وبعدين طلب من الممرضه تدخل المريض إلي بعده xXxXx حور كــانت نايمه .. رن جوالها رنة رسايل وأهي كانت ظابطه نغمة الرسايل على نغمه طويله ومزعجه .. حست حور بصوت الجوال قامت تصارخ وأهي تحط البطانيه : اووووووووووووه بعدت البطانيه عنها وقالت وأهي شوي وتبكي : أيش القرف هذا ؟ خلااااااااااص .. ماأبي أنام خلااااص وقامت معصبه من السرير وأخذت جوالها وأهي تقول : خلني أشوف مين إلي ماعندها ذوق هاذي .. الغبيه فتحت حور الرساله وقرتها .. كان نص الرساله : تدري إنك في حياتي كل شي ؟ وإن قلبـي رغم بعدك مـانسـاك ؟ وإنك أنت شمس ليلي وظل عمري والحنين ؟ وفرحة أيـآمي وذكريات السنين ؟ تدري أنك في حياتي من تكون ؟ أنت قلبــي وقـــلب قلــبي والجـــــــنون حور كانت مب مخزنه رقم رامي فماعرفته لما رسل الرساله ماعرفته حور : مين إلي راسله ذا المسج ! خلني أدق أشوف وبالفعل .. دقت حور على رامـي لكن رامي مارد لأنه كان يكشف على مريض عنده حور وأهي تصك الخط : صدق سخافه .. يرسلون رسايل وبعدين مايردون وتدخل الحمام عشان تغسل وجهها xXxXx في المستشفى رامي : تفضل هذا الدواء ولازم تنتظم عليه المريض : مشكور ويعطيك العافيه دكتور رامي : الله يعافيك راح المريض .. ومسك رامي الجوال عشان يشوف مين إلي دق عليه قبل شوي الممرضه : دكتور أدخل المريض إلي بعده ؟ رامي : لا .. لو سمحتي أطلعي برى شوي .. إذا أحتجت لك بناديك .. عندي مكالمه ضرويه طلعت الممرضه واتصل رامي على حور وأهو مبسوط .. على باله حور رضت عنه حور توها طالعه من الحمام وتنشف وجهها بالمنشفه .. رن جوالها وردت : ألو رامي مبسوووووط : صباح الخير حور حور ميزت صوت رامي وقالت في قلبها : قصدك صباح الزفت رامي : أيش فيكِ عسى ماشر ؟ ليه مارحتي المدرسه ؟ حور : مالك خص .. وبعدين مب أنا قلت لك لاتدق علي ؟ رامي : أنا رسلت رساله وأنتي دقيتي حور : يعني أنت إلي راسل الرساله ! سوري ماكنت مخزنه رقمك .. والحين ممكن تقفل رامي من زمان ماعصبها : لا مب ممكن حور : افففف .. رامي مالي خلقك من الصبح رامي وأهي يلعب بشعره : وأنا لي خلقك قطعت حور الخط في وجهه ثم قالت : يالله .. هالإنسان سخيف لدرجه مب طبيعيه أما رامي فكــان مبسووط لأنه نرفزها رامي فرحان : يااا فوزيه " الممرضه " دخلت الممرضه : نعم دكتور ؟ رامي مبتسم : دخلي المريض إلي جاء دوره الممرضه : إن شاء الله | ||||||||||||||
|
| |
|
02-03-11, 05:48 AM
| #25 | ||||||||||||||
| مراقبة ومشرفة سابقة ونجم روايتي
| بدلت حور ملابسـها ونزلت تحت .. راحت لصاله وشغلت التلفزيون جات الخدامه بتصعد الدرج نادتها حور بدفاشه : أنتي .. هي هي الخدامه : أنا ماما ؟ حور : لا أجل جدي .. أيوه أنتي جات الخدامه ووقفت قدام حور وقالت : نأم ماما ؟ حور : أنتي أيش أسمك ؟ الخدامه : جوانا حور : ياشين أسمك .. أقول ياجوانا أبيك الحين تجهزين لي الفطور .. تراني جوعانه مره .. وسوي لي نيسكافيه راسي مصدع .. فاهمه ؟ الخدامه : زين ماما حور : يله تقلعي عن وجهي وراحت الخدامه حور وأهي تغير بالقنوات : الله يرحم أيـامك ياناديـن xXxXx في نفس الوقت كانت دانه مع أحمد في مطعم وماراحت المدرسه أحمد : بالله هاذي حاله ؟ من الساعه 6 وحنا جالسين كذا وجوهنا مقابل بعض ! وراح نظل كذا للساعه وحده ونص ؟ دانه : مدري عنك قلت لك خلنـا نروح نتمشى ماوافقت أحمد : لا والله ! عشان تشوفنا الهئيه وندخل بسين وجيم ! دانه صدقيني إني ماراح أسوي لك حاجه .. أنتي طيعيني بس دانه ماردت أحمد : أفهم من سكوتك إنك موافقه ؟ دانه : أحـمد تكفى .. أنا في البيت حالتي حاله هم و حزن كأني عايشه في غربه .. وإذا أطلع معك تزيد فوق همي هم ! أحمد : أنا هم ! مشكور هيجي منك أكـثر دانه : خلاص أحمد .. وصلني البيت أحمد عاقد حاجباه : وش راح تقولي لأهلك إذا سألوكِ ؟ دانه بأسف : هذا إذا سألـوني وصل أحمد دانه البيت ، وقدام البيت في السياره أحمد : دانه .. إذا أمك قالت لك شي قولي لها خويتي تعبت قدام المدرسه وأخذتها ووديتها البيت دانه : لاتخاف أمي ماراح تسألنـي .. اصلاً هي ذا الوقت تكون نايمه .. مع السلامه نزلت دانه من السياره ودخلت البيت .. بالفعل الكل كان نائم .. راحت غرفتها وجلست هناك xXxXx أما فيلا أبو طلال حور جالسه في الصاله طفشانه وتغير في القنوات ، دخل أحمد وراح للصاله الموجوده فيها حور أحمد : صباح الخير ياوجه الخير حور : صباح النور أحمد : أيش فيكِ مارحتي المدرسه حور بصوت هامس وبطفش : اففف .. يعني ماراح نخلص ! أحمد ماسمعها : أيش ؟ حور : أبد ولا شي .. بس الصباح راسي كان مصدع والحين خف شويه أحمد : الحمد لله .. إلا وش رايك نطلع نتمشى شويه ؟ حور : وين ؟ أحمد : المكان إلي يعجبك حور : اممم أبي أروح مطعم أحمد في باله : بعد مطعم ! هاذي مطعم وهذيك مطعم .. عز الله إني راح أتخبل اليوم حور : هي أحمد وين رحت ؟ أحمد : لا أنا معك .. بس أيش تبين في المطاعم من الصبح .. خلك هنا وقولي للخدامه تسوي لك فطور .. والله والله أحسن من أكل المطاعم حور : مــاأبي .. أنا طلبت من الخدامه تسوي لي فطور سوت لي خفايف أحمد : الخفايف أحسن حق معدتك خاصه في الصباح حور : ومعدتي أيش عرفها إن الحين صبح ! أحمد في باله : يالله الحين أيش أقولها هالبزر ! حور : أها .. الحين عرفت أحمد : عرفتـي أيش ؟ حور : عرفت إنك بخــيل أحمد : لا أنا مب بخيل .. ويله قومي ألبسي عباتك حور فرحانه : ألبس عباتي ليه ؟ أحمد : عشان أثبت لك إني مب بخيل حور في بالها : الله .. يافرحتي .. الخطه نجحت .. بروح المطعم وراح آكل كل شي أحمد : يله بسرعه ولا ترى أبطل حور وأهو تقف : يله يله ثواني وأكـون جاهزه وراحت تركض صعدت غرفتها .. اما أحمد : الله يلعن المطاعم كانها بترفع عندي الضغط والسـكر xXxXx دخلت حور المطعم مع أحمد .. وأتجهو غرفة العوائل ، وجلسا في إحدى الكبائن أخذت حور القائمه .. ولاحظت إن أحمد مالمس القائمه إلي قدامه حور : أحمد أيش بلاك ؟ أحمد : أنتظرك تطلبين حور : وليه أنت ماتطلب أحمد : أنا توني من شوي بس كنت عازم خويي على الفطور .. إلا ماخلصتي ؟ حور : إلا خلصت .. أبي واحد بيبسي كبـير و واحد همبرجر دجاج وأبيها مليانه شطه وورق عنب و مممم إي صحـن مشويـ .. أحمد منصدم : بس بس بس بس .. أيش هذا ؟ أنتي راح تطلبي فطور أو عزيمة عشاء ! حور : أحمد أيش هذا كل ذا ماتبي تسلم الفاتوره ! أحمد : بس سالفة فاتوره .. السالفه إنك راح تطلبي فطور يعني شي خفيف مب بيبسي وهمبرجر وبطيخ ! .. حور : تدري إني أحياناً أطلب لي فطور بيتزا أو بروستد أحمد : أيش ؟؟؟ كل يوم ؟ حور : لا مب كل يوم .. أحياناً أنوع أطلب همبرجر أو سجق أو مشاوي " وتبتسم له ^_^ " أحمد : ويسووها ؟ حور : إي أقول لهم بعطيكم السعر دبل ويوافقو xXxXx فيلا أبو طلال شوق جالسه في الصاله تقراء مجله نسائيه إلا يدخل أحمد و معه حور أحمد : السلام عليكم حور بإبتسامتها الجريئه : هــأي شوق : حور ؟ رحتي المستشفى ؟ حور عاقده حاجباها : أي مستشفى ؟ أحمد : أي مستشفى الله يهديك .. الظاهر إنك مب نايمه .. روحي نامي الله يحفظك شوق : لا والله حظرتك تتمسخر علي ! .. حور مب أنتي اليوم الصباح كنتي تعبانه حور وأهي تنزل شيلتها : إإإي .. كنت تعبانه صحيح .. وخفيت الحمد لله بس تصدقون راسي صدع مره ثانيه ! عن أذنكم بروح أنــام وصعدت حور وأهي تركض .. أما شوق مافهمت وش صاير حولها ! شوق : ماني فاهمه شي ! أحمد طفشان وأهو يجلس ويريح جسمه على الكنبه : وش إلي مب فاهمته شوق : كــل شــي دخلت حور الغرفه وأهي مبسوطه لأنها عوضت النوم إلي مانامته بطلعه حلوه فيها أكل حلو .. أخذت لـها شاور بـارد وطلعت من الحمام وقالت وأهي تصك جوالها : بعد هالأكل الحلو والشاور الأحـلى لازم أنـام لي نومه محترمه .. ومـوبايــلي هذا قفلنـاه .. عشان ماتزعجني أي حاجه ورمت بجسمها على سريرها الكبير المريح وأهي مبسوطه وكأنها تلعب مب كأنها راح تنام xXxXx في المدرسه .. جاء وقت خروج الطالبات من المدرسه .. كانت ملاك في الفصل تحط كتبها في حقيبتها .. حملت حقيبتها عباتها وجات تطلع من الفصل .. لكن عند الباب لقت سوسن سوسن بهدوء : الحـمد لله إنك مارحـتي للحين ملاك بأدب : خير إن شاء الله ؟ بغيتي شي ؟ سوسن : ليلحين زعلانه ؟ ماردت ملاك سوسن : خلاص ملاك صدق إني قليت أدبي معك شويه .. بس أنتي تعرفيني إلي في قلبي على لساني .... ملاك أنا آسفه ملاك بإبتسـامه : ماله داعي تعتذرين .. إلي راح راح سوسن فرحت : أفهم من كلامك ذا إنك سامحتيني ؟ ملاك : أصلاً أنا مازعلت عليكِ عشان أسامحك .. مهما صار حنا بنات عم ياسوسن حضنت سوسن بنت عمها إلي مستحيل تلقى مثل قلبها الطيب .. ثم قالت : إي صدق .. أيش أخبـار حور ؟ ملاك : ليه أنتي ماشفتيها ؟ سوسن : آخر مره شفتها يوم العزاء بعد كذا ماشفتها و كلمتها ملاك : لا الحمد لله بخير .. بس ضروري تكلميها حور حساسه وإذا ماكلمتيها راح تزعل سوسن : لالالالا كل شي ولا زعل حـور .. أنا مب قد زعلها ياشيخه ملاك وسوسن : هههههههههههههههه وطلعن مع بعض ^_^ xXxXx فيلا أبو طلال أبو طلال وطلال وأحمد جالسين في الصاله يسولفون و يضحكون فتدخل شوق قائله : الغداء جاهز أبو طلال واهو يقوم : يله ياأولادي توكلنا طلال : وينها حور ؟ شوق : الحـين أناديها أحمد : لااا . لاتناديها .. ماشفتينا وحنا راجعين من المطعم ! شوق : أجل أنت بعد المفروض ماتتغدى أحمد : أنا ياحظي طلبت لي عصير برتقال طازج .. مب همبرجر ! شوق : حور فطرت همبرجر ! أحمد : همبرجر وبيبسي و ورق عنب ولحم مشوي طلال : أقول ياشيخ كنك هالمره زودتها شوي ! أبو طلال : بلا هرج بزوره ياأحمد .. وروحي أنتي ياشوق نادي أختك شوق : إن شاء الله يبه مسك أحمد شوق من إيدهـا وقـال : قسم بالله العظيم إني ماأكذب عليكم أبوطلال : أحمد ... من صدقك أنت ! أحمد : والله يايبه إني ماأكذب عليك بدأت نظرات الدهشه والتعجب بين أبو طلال و عياله .. طلال شوي ويضحك : أحمد أيش السالفه ؟ أحمد : هههه بقول لكم السالفه بعد الغداء .. أخا من زود الضحك تشبعو وماتتغدو xXxXx بينما كـانت حور نايمه وفي سابع نومـه ومتهنيه بنومتها .. كانت ملاك تتصل على حور وتلقى الجوال مغلق .. وحور مب من عادتها تقفل جوالها وهذا الشي شغل بال ملاك عليه .. راحت أخذت تلفون البيت تبي تدق على بيتهم وتسأل عنها لكنها ترددت ورجعت صكته ثم قالت تفكر : فشله .. الحين وقت غداء .. اوووه أنا راح أدق وإلي فيها فيها .. خويتي ووحشتني وبالفعـل أتصلت أما بيت أبو طلال الكل يتغدى واهو يضحكو ضحك على حور أحمد : أقول لكم فشلتني .. الصـباح الساعه تسعه تبي همبرجر .. حتى إلي بالمطعم هناك قالو لي هاذي الوجبات مانطبخها الحين .. وأهي إلا تبي تـاكل جوعانه .. تصدقون قعدنا ساعه ونص إلى أن خلص الطلب حقها .. وكل شي طلبته ضاعفو سعره مرتين طلال ميت ضحك : عسى بعد كل هالفلم أكلت الطلب ! أحمد : أكلته بخمس دقايق الكل : ههههههههههههههه دخلت الخدامه غرفة الطعـام المفتوحه إلى صالة البيت الخلفيه الخدامه : مـاما شوق شوق : هلا الخدامه : تلفون حق ماما حور شوق : مين يبيها ؟ الخدامه : ملاك شوق : حور نايمه الحين خليها تدق بعد العصر الخدامه : زين وتروح أحمد يناظر طلال بنص عين : إلا أقــول متى بتخطبون لطلال شوق : بعد شهر إن شاء الله أحمد : شهر ! لييييه ؟ أبو طلال : وأنت أيش دخلك ؟ أنت إلي راح تخطب ولا أخوك طلال مبتسم : صح .. أنت أيش دخلك ! أحمد : أنـا بعد أبـي أتزوج بس أنتظرك شوق : حـتى أنت بعد ! أحمد : إيوه .. تراني مب صغير أبو طلال : انت حرمتك ياأحمد موجوده .. وش رايكم نزوجكم في يوم ؟ أحمد : لا يبه أنا أبـي أوقف مع أخوي بزواجه ... وبعد مايتزوج هو أنا أتزوج xXxXx | ||||||||||||||
|
| |
|
02-03-11, 05:50 AM
| #26 | ||||||||||||||
| مراقبة ومشرفة سابقة ونجم روايتي
| بيت دانه دانه جالسه بالصاله وفاتحه كتاب الفيزياء وتذاكر فيه .. إلا وجات أختها لولوه وجلست بالكنبه المقابل لها لولوه : ها دانه أيش أخبارك مع المدرسه ؟ دانه : والله الحمد لله لولوه : شدي حيلك .. ترى زواجي قريب دانه : وليه ماقلتي لي ؟ لولوه : هذا أنا قلت لك دانه : الحين ! لولوه : أيش قصدك ؟ دانه : قصدي الوقت ماراح يكفـي إني أجهز حـالي لولوه : ههههههههههههه ناظرت دانه في لولوه إلي ظلت تضحك بوقاحه ومن دون سبب ، أخذت دانه كتابها وراحت لغرفتها وصكت الباب وراها وظلت تبكي من معاملة أختها الشينه لها لولوه وأهي لسا تضحك : مسكينه .. تجهز حالها ! .. ماتعرف إن أبوي راح يعطيها 500 ريال بس .. ههههههههه " لولوه أخت دانه الكبيره ( مخطوبه ).. هي بعد عاشت في بيت مابه حب ولا حنان من الوالدين لكنها مادورت عن الحب والحنان برى البيت .. هي بعد صارت متبلدة الإحساس وقلبها قاسي مثل أمها " xXxXx فيلا أبو طلال الكل جالسين يشربون شاهي في الصاله إلا حور نزلت مبسوطه وقالت بإبتسامه : هـــاي أبو طلال : هلا حور جات حور وجلست قرب أبوها كأنها طفله وقالت وأهي تناظر أخوانها واحد واحد : كيف الحال .. طلال .. أحمد .. شوق ؟ طلال بإبتسامته الحنونه : بخير يوم إنا شفناك حور : تسلم أخوي رن جوال أحمد .. طلعه من جيبه وقال مبسوط : سلـــطـان ! رد أحمد : ألو .. هلا سلطان .. شخبارك ؟ متى رديت ؟ الحين ! الحمد لله على السلامه .. تصدق بعد إن رامـي رجع .. إي والله .... وأزيدك من الشعر بيت صار دكتور حور أنتبهت لأسم رامـي فركزت تفكيرها في المكالمه أحمد : خلاص اليوم حنا جاييك أنا و رامي ... أوكي .. يله باي طلال مبسوط لأنه يحب سلطان وسلطان محبوب من الكل لخفة دمه ومزحه الخفيف : سلطان رجع ؟ أحمد مبسوط : إإيوه طلال : الحمد لله على سلامته أحمد : الله يسلمك يالغالي أبو طلال : هو كـان مسافر ؟ أحمد : إيوه مسافر مع أمه تغير جو ... يبه .. معليش بكره أعزم عيال عمي والربع على عشاء بمناسبة رجوع رامي و أحمد بالسلامه أبو طلال : أكيد .. سو إلي يعجبك ياأحمد أحمد : مشكور يبه شوق : إي صح حور .. ملاك دقت عليكِ حور وأهي تقف : طيب بروح أدق عليها .. عن أذنكم راحت حور الصاله الثانيه وأتصلت على بيت أبو ياسر في بيت أبو ياسر ياسر توه داخل البيت هلكان من العمل .. لقى التلفون يرن .. رد عليه ياسر : ألو نعم حور مبتسمه : هلا يـاسر ياسر أنبسط : هلا حور الخبله ... عاش من سمع صوتك حور : عاشت أيـامك ياسر : وش أخبـارك ؟ حور : بخير الحمد لله ياسر : تصدقين لك وحشه .. عادةً كل يوم والثاني طابه علينا ومره وحده لاحس ولا خبر ! حور : والله إنت عارف الظروف ياخوي ... ممم ملاك هنا ؟ ياسر : لامب هنا حور عاقده حاجباها : وين راحت ؟ ياسر : هنـــاك حور : تصدق بموت من الضحك .. نادها بس أبي أكلمها ياسر : لا أخاف صوتي يتعب حور : اوووه ياسر !! ياسر يضحك : هههههههه .. خلاص أناديها .. لحظه بس ياسر ينادي ملاك بهمجيه : ياملااااااااك .. ملاااااااااااااك ... ملوكه ملاك تفتح باب غرفتها : نعم ؟ ياسر : حور ع الخط تبيك جات ملاك تركض وأهي تقول : حور وقفت قدام ياسر ومدت إيدها وبعد السماعه عنها وقال ببرود : لحظه ياسر يكلم حور : هاذي هي معك << يبي يعاندهم وبس ^_^ ملاك وأهي تاخذ السماعه : هاات ملاك تكلم حور : هلا حور .. وينك أنتي .. وليه قافله موبايلك ....... اهااا .. لا ههههه " ثم تناظر في ياسر إلي لسا واقف مكانه " لحظه حور ملاك تكلم ياسر : خير .. تبي شي ؟ ياسر : لا ماأبي .. أنتي تبين ؟ ملاك معصبه لكنها قالت بهدوء : إيوه .. أبيك تروح غرفتك ياسر يفرح فرح مو طبيعي إذا عصب ملاك و حور .. ظل يضحك ثم باس ملاك على خدها و راح غرفته ^_^ وظلت ملاك تسولف مع حور xXxXx فيلا أبو رامي رامي توه داخل الفيلا وشعره سايح عليه من الحر .. رن جواله رامي : هلا أحمد .. أيش سلطان ! صدق والله ! متى ؟ طيب .. طيب طيب الساعه ثمانيه ؟ طيب .. لا مب مرتبط ... طيب يله باي وتنتهي المكالمه أم رامي كانت تنزل الدرج متزينه وماسكه عباتها عشان بتطلع أم رامي : هلا رامي رامي : هلا يمه أم رامي : أقول للخدامه تجهز لك الغداء ؟ رامي : لالا يمه تغديت بالمستشفى .. إلا أنتي فين رايحه أم رامي وأهي تلبس العبايه : بروح أزور حور بنت خالتك رامي أنبسط : طيب يمه أخذيني معك أم رامي : وليه أنت بزر عشان آخذك معي ! رامي : بزور بنت خالتي يمه أم رامي وأهي تلف الشيله عليها : لا أجلس هنا .. أنا يوم بعزمها هنا رامي أنبسط : إي يمه عزميها أم رامي عاقده حاجباها : أقول رامي .. أيش بلاك ؟ منت على بعضك ! رامي : لامابلاني شي .. عن أذنك يمه بروح داري وصعد رامي غرفته بسرعه .. وأم رامي مسكت حقيبتها البنيه المطرزه بالذهبي وطلعت دخل رامي غرفته مبسوط وعلى طول أتصل على حور لقى جوالها مقفل رامي وهو يرفع شعره بكلتا يديه : شت .. قافله جوالها .. لو فاتحته رفعت لها أعصابها شويه في نفس الوقت حور دخلت غرفتها وفتحت جوالها وأنسدحت على ظهرها وغمضت عينها " تسترخي " جرب رامي يدق مره ثانيه قال يمكن ماكان فيه إرسال رن جوال حور وفرح رامي .. فتحت حور عينها ومسكت الجوال وشافت الرقم " حفظته ^_^ " وقالت بهدوء : افففف .. ايش يبي ذا ؟ ردت حور بصوتها المسترخي : ألـوو رامي : أحلفك برأس أغلى ماعندك لاتقفلي الخط حور تعبت منه : أف .. أيش تبي ؟ رامي بصوته الرجولي العذب : أنتي عارفه أيش أبي حور : إي طيب عرفت .. الحين يله ممكن تقفل ؟ رامي بهدوء يبي يعصبها : اممممممممم .. لا مب ممكن حور : اوووووه رامـــــــــي ! رامي : ياعيـون رامي حور : أيش تبي ؟ رامي ضحك بس عشان يغيضها : ههههههههههه نزلت حور الجوال وقالت : المشكله حالف برأس أغلى ماعندي .. براس ملاك .. ياربي أيش المصيبه هاذي وترجع تحط الجوال في أذنها : أنت وبعدين معك ؟ رامي : حرقت أعصابك ها ؟ سكتت حور .. وش ترد عليه راعي حركات البزارين ! رامي : سوري قلبي .. بس بغيت أقولك أمي جايه لك تزورك حور : إي طيب .. يله ممكن تقفل ؟ رامي وأهو ينسدح على السرير : تدرين وش ودي فيه ؟ حور معصبه : وأنا أيش يخصني ! رامي مبسوط ومكيف على الآخر : ودي أوديك مدينة الملاهي مثل هذيك المره حور : خـلاص ؟ رامي : ودي بعد أتخانق معك حور : اللهم طول ياروح ! رامي : هههههه عصبتي ؟ حور : لاحوووول رامي : خلاص بقفل بس بشرط حور : وأنت مين عشان تحط شروط ! كمل رامي : راح أدق عليكِ الساعه عشر ونص .. وتردي حور تبي تقفل بسرعه : إي طيب راح أكون انتظرك رامي : ماتقفلي جوالك ؟ حور : لا ماراح أقفله .. يله باي رامي : بــأي عمري صكت حور الجوال وأهي معصبه حدها من رامـي وودها تضربه حور : آآآه .. بس هين أنا أرويك الليله أما رامـي كان مبسوط باس جواله وأهو يقول : بعد عمري والله ودخل الحمـام ياخذ له شاور xXxXx أحمد كان جالس في غرفتـه ويناظر في حديقة فلتهم من نافذة غرفته .. وكـان يفكر بطريقه يخلي فيها دانه تطيع كلامه وتروح معه الشقه .. أخذ جواله و دق عليها .. كانت دانه في غرفتها فاتحه الكتاب قدامها لكنها سرحـانه وبالها بعيد .. وقطع حبل أفكارها جوالها إلي قام يهتز دانه : ألو أحمد : هلا دانه .. أيش أخبارك ؟ دانه : الحمد لله بخـير .. أنت أيش أخبارك ؟ أحمد : ويهمك ؟ دانه بسرعه : طبعاً يهمني أحمد : أبـي أشوفك دانه : وين ؟ أحمد : بشقتي دانه : ردينـــا ؟ أحمد : دانه أنا الليله وبكره راح أكون مشغـول حيل ولا راح أقدر أشوفك .. فودي أشوفك الحـين هناك دانه ظلت تفكر في بالها : ليه ماأروح معه ؟ هو قـال ماراح يسوي فيني شي وأحمد عمره ماكذب علي .. ومره وحده بقوله يوديني السوق لأن أبوي مب فاضي لي أحمد : دانه ؟ دانه صحت من سرحانها : هلا أحمد : وين رحتـي ؟ دانه : لا أنا معك أحمد : طيب .. والحــين أيش قلــتي دانه بخوف وتردد : طيب فرح أحمد : ياعمري أنتي .. يله جهزي أغراضك دانه : أي أغراض أحمد : حنا رايحين شقه مب مطعم .. يعني أي شي ودك تودينه وتخلينه هناك معليش .. وأنا بسوي لك مفتاح للشقه .. عشان إذا حبيتي تروحي وتجين بأي وقت دانه : ياعمري أحمد .... إلى هالدرجه تحبني ؟ أحمد : مصيبه .. إذا أنك ماتعرفين xXxXx أما حور كـانت قدام المرايه تسرح شعرها ، طرق باب غرفتها حور وأهي تحط كحله بعينها : تفضل دخلت شوق بثوبها الأسود والأحمر : ماخلصتي ؟ يله خالتك صار لها مده تنتظرك حور وأهي تحط لها روجهـا الأحمـر ^_^ : امم هذا انا خلصت ورشت عليها عطر وأخذت جوالها ووقفت قدام الباب وقالت لشوق : يله شوق متردده : اقول غلاي حور .. لو إنك تخففين مكياجك شويه يكون أحسن حور : والله محد طلب رايك شوق : بس ياحـور أمك ماصار لــ .. تقاطعها حور : اوهو عليكِ ياشوق .. كل شوي تبون تذكروني بأمي .. خلاص أمي مـــاتت .. ماراح يرجعها الحزن ... أصحو ... أف ونزلت .. كانت في الصاله ام رامي تنتظرها وكانت هي بعد متزينه حور وأهي تدخل الصاله : هااي خالتها : هااياات سلمت حور على خالتها إلي كانت مبسوطه لأن حور تعدت مرحلة الحزن ورجعت مثل أول في وقت قصير حيل حور : وش لونك خالتي أم رامي : بخير ياعمري .. أنتي وش اخبارك حور وأهي تحط رجل على رجل : مثل ماتشوفين .. أنا وين ماأروح بخير xXxXx | ||||||||||||||
|
| |
|
02-03-11, 05:53 AM
| #27 | ||||||||||||||
| مراقبة ومشرفة سابقة ونجم روايتي
| أما في بيت دانه دانه شايله حقيبه متوسطة الحجم وبإيدها كتابها حق المدرسه .. راحت غرفة أمها وطرقت الباب الأم وأهي داخل الغرفه ومافتحت الباب : أيش تبين ؟ دانه : يمه بروح بيت خويتي هدى بذاكر عندها أمها : طيب روحي ولا تتأخرين الساعه سبعه أنتي هنا دانه : طيب أمها : مين راح يوصلك ؟ دانه : أ .. مم .. إي راح تخلي السايق حقهم يمرني .. تدرين يمه أبوي مب هنا قلت لها تقول لسياقها يمرني أمها : وهو إلي راح يرجعك بعد ؟ دانه : إيوه أمها : طيب روحي فرحت دانه وطلعت بسرعه للشارع .. لقت أحمد ينتظرها بالشارع إلي وراء بيتهم .. صعدت معه وحرك السياره xXxXx فيلا أبو طلال شوق و حور و مها بالصاله يسولفون وقدامهم الشاهي والحلويات الفخمه والمكسرات الفاخره رن جوال حور وأستأذنت وراحت الصاله الثانيه وردت عليه حور : هلا .. هلا بالقاطعه .. أنتي وينك ؟ بشكي عليك عند بنت عمك .. أيش ؟ هي إلي قالت لك تتصلي علي ؟ فديتها والله .. ههههههههه .. وأنتي بعد فديتك .. ههههههه .. لالا ماني بزعلانه .. واللهِ .. هه طيب ... سيوتو وصكت الخط ، ورجعت الصاله إلا خالتها تقول : باكر أنتو معزومين عندي ع الغداء شوق بأسف : أعذريني ياخالتي .. بس بكره عمي عازمني على الغداء عندهم حور : يعني بروح بروحي ! أم رامي : وأنتي فين رايحه يعني مب بيت خالتك ! حور في بالها : افففف يعني وجه القرف رامي بكره بشوفه مها : بكره أنتظرك طيب حور : إن شاء الله xXxXx أحمد وأهو يفتح انوار الشقه : تفضلي ياأحلى دانه بالكون كله دخلت دانه الشقه وبدأت تنظر يمين وشمـال خايفه .. صك أحمد الباب فنقزت دانه خايفه وبدأت تناظر بأحمد بخوف أحمد : دانه أيش فيكِ ؟ دانه بخوف وأهي تبعد نفسها عن أحمد وتلصق جسدها بالجدار : أحمد رجعني البيت أحمد معصب : لعب بزوره هو ؟! سكتت دانه ولا ردت من الخوف أحمد : إذا كنتي تعتبريني حمار عندك فأنتي غلطانه دانه بخوف : أحمد .. أحمد : بلا أحمد بلا بطيخ .. إذا كنتي مب واثقه فيني ليه قلتي لي إنك موافقه .. ولا أنتي بس حابه تلعبي بأعصابـي دانه : آسفه أحمد بس أنا .. خايفه أحمد أقترب من دانه ومسك إيدها الثنتين عشان يمتص خوفها وقال بهمس بأذنها : تخافيـن مني أنا ؟ أزعـل منك كذا xXxXx فيلا أبو طلال أم رامي وأهي تقف وتعدل شيلتها : يله أنا أستأذن مع السـلامه حور و شوق وقفو وقالت شوق : وين رايحه ياخالتي خلك معنا أم رامي وأهي تلف شيلتها عليها : مشكوره ياقلـبي .. خويتي مسويه جمعه الليله .. قلت أرجع البيت أسوي طبق ولو إني معرف ههه حور و شوق : هههه رن جوال أم رامي ، طلعت جوالها وقالت : شفتو إني تأخرت .. حتى رامي دق علي حور في بالها : أف رامي بعد ! أم رامي ترد : هلا يمه .. أيوا لسام اطلعت .. تبي تسلم عليها ؟ طيب هاذي هي معي " تكلم حور " حور رامي يبي يسلم عليكِ حور في بالها : هذا يبي يحرجني غصب أخذت حور الجوال بتردد وقالت : ألو رامي بعذوبه : وحشني صوتك قلت أدق عليكِ حور مبتسمه : بخير الله يسلمك .. انت شخبارك ؟ رامي : وبعد قلت أذكرك بموعدنا الليله حور : دوم إن شاء الله رامي : الساعه عشره ونص حور : هاذي هي خالتك معك مع السلامه رامي : حور لحظه .. حور حور .. لحظه بس حور : خالتي رامي يبيكِ أم رامي : هلا رامي .. هذا أنا راجعه طيب باي وتنتهي المكالمه ، وتحط أم رامي جوالها في حقيبتها وتقول : يله مع السلامه باست شوق وسلمت عليها ومن ثم باست حور وسلمت عليها وأهي تقول : أنتظرك باكر الساعه وحده حور : قبل الوحده أنا عندك وطلعت أم رامي .. راحـت حور بتصعد غرفتها وأهي صاعده كان طلال نازل طلال : هلا حور حور : أهلين نزل طلال وحور وقفت مكانها تفكر فجأه بدأت تنادي لطلال إلي وصل للباب بيطلع : طــلال طلال ؟ وقف طلال مكانه : هلا نزلت حور ووقفت قدامه وقالت وأهي مسويه حاله مسكينه : طلال في رقم دايم تجيني منه رسايل حب وغرام ومدري أيش .. دقيت على الرقم بشوف مين يمكن وحده من خوياتي تلعب معي .. إلا ويطلع رجال .. ومن هذاك اليوم يا أخوي وهو موعجني بإتصالاته وكلامه السخيف .. لا وإذا أرد عليه مايسميني إلا عمري ... تصور !! طلال تفجر غضباً لأنه مايحب حركات المغازل والسخافه هاذي : صدق قلة حياء .. أعطيني رقمه وأنا أوريكِ فيه حور : لا .. انا أقول دق عليه من جوالي أنا وأسمعه وهو يقول هلا عمري وبعدين سو فيه إلي تبي طلال وعينه مليانه شرار : هاتي وأنا أعلمه الأدب قليل الأحياء أسود الوجه حور وأهي تعطيه الجوال : هذا هو رقمه .. أتصل عليه أخذ طلال الجوال وأتصل على رامي إلي كان يفتح رسايل إيميله ، رامي لما شاف الرقم قال : بعد عمري هي .. أكيد أشتاقت لك ورد : هـــلا عمــري طلال شوي ويطلع لـرامي من الجوال : عسى عمرك الزوال قل آمين ! حور فرحت حيل ، شوي وترقص وتنطط أما رامي تخرع ناظر بالجوال لقى أسم حور هي المتصله .. مين هذا ! طلال : أنت ماتستحي أنت ياقليل الحياء ياحقير يامنحط رامي : عفواً أخوي عن الغلط طلال : أصلاً أنت الغلط راكبك من فوق إلى تحت .. تغازل بنات الناس ولا تبي حد يسبك ! إلا منحط وستين منحط وسافل رامي ماقدر يتحمل الإهانات : أخوي مب كذا نتفاهم طلال : أختار المكان إلي ودك فيه وأورك كيف نتفاهم رامي : أخوي مب كذا طلال : أنكتم بلاء في شكلك .. لاعاد تدق على هذا الرقم وإن دقيت عليه .. ياويلك ياسواد ليلك ويصك الخط بوجهه طلال : إذا دق عليكِ مره ثانيه خبريني حور تعلقت برقبة طلال وباسته في رقبته ثم نزلت وقالت : مشكووور أبتسم لها طلال ونسـى غضبه من حركة حور الطفوليه وطلع وراحت حور غرفتها وأهي تركض كنها بزره ^_^ أما رامي كان مب مستوعب للي صار له .. فجأء رفس الكرسي وجلس على سريره وقال بهدوء : أنا أوريكِ ياحور .. راح أجننك أنا رامـي أحب الشي إلي مايجي بسهوله وأنتي صعبه عشان كذا أنا أبـيكِ xXxXx في شقة أحمد أحمد جالس ينتظر دانه في الصاله ودانه في غرفة النوم تتزين أحمد : يله يادانه ماخلصتي ! دانه وأهي تناظر نفسها بالمرايه : إلا .. هذا أنا جايه طلعت الصاله وشافها أحمد وتخقق مكانه .. أول مره يشوفها بلا عبايه وشيله : أيش هالزين هذا ! دانه وأهي تجلس معه بنفس الأريكه : هذا أنا جيت xXxXx فيلا أبو طلال نزلت حور من الطابق الثاني وأهي لابسه عباتها وشيلتها وحامله شنطتها السوداء المشجره بالأصفر والبرتقالي .. وقفت قدام الدرج قامت تناظر في أنحاء فيلا أبو الفخم .. أكثر من صاله فيه ... والثريات الصفراء ذات الإناره الخفيفه والديكور بين البني والبيج الفخم .. عكس فيلا أمها كانت كل صاله مسويتها لون زاهي والأثاث زاهي وراقي .. عكس فيلا أبوها كل شي فخم وأغلب الأثاث خشبي و التحف لونها ذهبيه حور : بيتنا مثل البيت المسكون .. يخرع " وبدأت تنادي " جوانا .. جوانا طلعت جوانا من المطبخ وجات وقفت قدام حور : نأم ماما حور : مين هنا في البيت ؟ جوانا : مافيه أهد .. كلو أتلع برى حور : حتى شوق مب هنا ؟ جوانا : شوق في إيجي بابا فواز في ياخد شوق في أتلع حور : ياشينك ! جوانا : نأم ماما ؟ حور : لا ولا شي .. أقول أنقلعي عن وجهي جوانا مافهمت إلي قالته حور لكنها قالت : زين ماما وظلت واقفه قدام حور وكأنها تنتظر منها شي حور عاقده حاجباها : أقولك أنقلعي جوانا : زين ماما ولسا واقفه ^_^ حور : عز الله إنك مجنونه ** أقولك أنقلعي عن وجهي .. يعني ... مممم .. إي يعني روحي ، روحـي خافت جوانا وراحت وأهي تقول : زين ماما حور وأهي تطلع : هبله xXxXx | ||||||||||||||
|
| |
|
02-03-11, 05:54 AM
| #28 | ||||||||||||||
| مراقبة ومشرفة سابقة ونجم روايتي
| بيت أبو ياسر كانت ملاك تنتظر حور في الصاله إلا وشافت أمها طالعه من غرفتها ولابسه عباتها ملاك : راح تطلعي يمه ؟ أم ياسر : إي بروح مع جارتنا ام علي نسير على خوياتنا ملاك : اها .. طيب يمه أنتي خلك وخلي ياسر هو إلي يطلع أم ياسر : هههههه حرام عليكِ أخوكِ نايم بغرفته ملاك : الحين يصحى أم ياسر تناظر الساعه : يؤ أنا تأخرت ملاك : طيب وين أبوي أم ياسر : في البقاله يعني وين ! " أبو ياسر يحب يقضي أغلب وقته في الباقله صدق إن عنده هندي يبع هناك .. بس هو يجلس هناك لأن رجاجيل الحاره يجون يجمعون عنده ويسولفو ويشربو شاهي " طلعت أم ياسر وبعد أقل من الدقيقه وحده طلع ياسر من غرفته واهو لابس بيجاما زرقاء فاتحه ويحك عينه ويقول وهو يتثائب : وين أمي ؟ ملاك : أمي طلعت .. إذا تبي أنت كمان تطلع وراها .. عادي خذ راحتك ياخوي ياسر عرف إنها تبي تصرفه ، جلس على الكنبه معها وقال : ماني بطالع .. قاعد على قلبك ياخبله ملاك : الله يعين قلبي عليك دخلت حور وأهي مبتسمه وقالت : هـــأي ياسر يناظر في ملاك : اممم عشان كذا تبيني أطلع ! حور لازالت واقفه عند الباب : أقولكم هاي ملاك مبتسمه : هاي حور ياسر : وعليكم السلام ورحمة الله وبركاته ياخبله .. تفضلي .. البيتُ بيتُك حور وقفت قدام ملاك : ملاك تكفين خلينا ندخل غرفتك .. مالي خلق ياسر كفايه إلي عندي ياسر : وش إلي عندك ؟ ملاك وأهي تقف : وأنت أيش دخلك .. حور خلينا نروح الغرفه مسك ياسرإيد ملاك وقال : أقعدو هنا .. أنا ماراح آكلكم .. طعمكم يقرف .. وأنتي " يأشر على حور " لازم تقولين لي وش إلي عندك حور عرفت إنها فتحت لها باب : ماعندي شي ياسر وأهو يوقف : أفااا .. أفا ياحور افا .. تصدقين ماهقيتها منك ! .. أنا أخوكِ ياسر إلي دايم يرفع عندك أنتي وملاك الظغط .. تخبين علي ؟! حور : أوعدك أوعدك أوعدك بقولك بس إذا خليتنا نذاكر بسلام وأمان ياسر : الحين أخلي لك البيت كله وأطلع .. بس إذا رحتي وماقلتي لي لزعل عليكِ حور : ولا يهمك .. كم ياسر عندي أنا ! وراح غرفته ياسر عشان يبدل ملاك : أف مابغيتي تريحينا منه حور : هههه يله حبيبتي خلينا نذاكر عشان يمدينا الوقت ملاك : يله وراحن غرفة ملاك حور وأهي تنزل عباتها : عارفه أيش سويت برامي ؟ ملاك : أيش سويتي بعد ؟! حور وأهي تعدل شعرها قدام المرايه : خليته يعرف حجمه الطبيعي ملاك : أيش قصدك ؟ مب فاهمه حور وأهي تلف على ملاك : أفهمك ياقلبي xXxXx دانه وأحمد كانو في الشقه يسولفن ومبسوطين .. أحمد مع دانه ينسى العالم لأنه جد جد يحبها ودانه تحبه لأنه الوحيد إلي عطاها الحب والحنان وحسسها بأنوثتها ، لكنها تذكرت إنها لازم ترجع البيت الساعه سبعه فأوصلها أحمد وراح عشان يمر على رامي xXxXx في فيلا أبو رامي رامي ينزل الدرج بسرعه وشعره ينزل ويرتفع على وجهه ^_^ .. كان أبوه جالس لوحده يأكل صحن فواكه في الصاله فناداه أبوه : رامي .. رامـي جاء له رامي وقال : هلا يبه أبو رامي : ليه واقف .. أجلس رامي : مشكور يبه بس خويي راح يمرني الحين أبو رامي : ليه أنت ماعندك سياره ؟ رامي : من فين أشتري لي سياره ! أبو رامي : رامـي سعد يقول من وين يشتري سياره ! أجل أنا وين رحت ؟ رامي : أنا فكرت إني أشتري لي سياره من معاشي أبو رامي : ومعاشك راح يكفي قيمة سياره رامي : أقسـاط أبو رامي : أقولك .. ماله داعي هرج البزوره ذا .. بكره الصباح تروح معرض السيارات وتختار السياره إلي تعجبك وتليق بمقامك .. وماعليك من سعرها رامي : مشكور يبه وماتقصر والله .. الله يخليك لي إن شاء الله وباس رأس أبوه وأستأذن منه وطلع لأن أحمد ينتظره برى في سيارة أحمد رامي مبتسم : هاذي آخر مره توصلني أحمد : ليه رامي : أبوي راح يشتري لي سياره بكره أحمد فرحان : صدق والله ! مبروك رامي : أنت شايف مفتاح السياره بإيدي عشان تقولي مبروك أحمد : اليوم أقولك مبروك وبكره أقولك ألف مبروك رامي : ههههههههه xXxXx في بيت أبو ياسر حور منسدحه على بطنها في سرير ملاك وقدامها الكتاب ، وملاك جالسه على كرسي مريح وحاطه الكتاب في حجرها ، والمكان هدوء ويساعد على المذاكره إلى أن صرخت حور : أوووووووووووه ملاك تخرعت وطاح الكتاب من حضنها : بسم الله الرحمن الرحيم " وقالت بعصبيه " أيش فيكِ خرعتيني ؟ حور أنقلبت وأنسدحت على ظهرها وأهي تقول : حفظ حفظ حفظ كل شي حفظ .. حرام صح ! ملاك : الحرام إنك ماتذاكري وتضيعي مستقبلك جلست حور ومسكت الكتاب وقالت : أنتي شوفي .. كل كتاب أكبر من الثاني وأصعب من الثاني وحنا ماعلينا إلا نحفظه ... الكمبيوتر إلي هو الكمبيوتر مستحيل نحط فيه كل هذا .. عشان ينفجر ملاك وأهي تاخذ كتابها إلي طاح على الأرض : طيب وأنتي ليه تقولين لي أنا هذا الكلام ! أنا حالي من حالك جالسه أحفظ حور : أف .. متى أتخرج يارب ! ملاك وأهي تدور على الصفحه إلي كانت تذاكرها قبل مايطيح الكتاب : أقولك بلا كلام فاضي وأجلسي ذاكري حور رجعت وأنسدحت على السرير وقالت : بذاكر .. عشان أتخرج وأرتـاح xXxXx قدام بيت سلطان نزلو أحمد و رامي من السياره وأتجهو إلى الباب الرئيسي .. دق أحمد الجرس فردت عليه أخت سلطان : ميييين أحمد : سلطان موجود ؟ أخته : إي لحظه وظلو ينتظرون للحظات إلى أن فتح سلطان الباب أحمد يعز سلطان بشكل مب طبيعي لأنهم هم الثلاثه أصدقاء من أيام رابع إبتدائي .. ورامي سافر برى وقلت إتصالاته لهم ومع الكل فظل أحمد وسلطان هنا في كل مناسبه تخص الثاني لازم يوقفون مع بعض وكانو أكثر من أخوه حضن أحمد سلطان بقوه سلطان مبسوط : أحمد وش أخبـارك أحمد : بخير بخير .. دامك أنت ورامي بخير سلطان أنتبه لرامي : مين رامي ؟ لاتقول هذا رامي ! رامي : لهدرجه كبرت وصرت عجوز ! تراها كلها تسع سنين حضن سلطان رامي ودموع الفرح في عينه سلطان وأهو يناظر في رامي وأحمد : آخر مره كنا مجتمعين فيها يوم نتايج الثانويه .. تذكرون أحمد : أكيد نذكر .. ونذكر بعد إن رامي ظل يبكي مثل البزارين لأن نسبته 99،99% مب 100% أحمد و سلطان ورامي : هههههههههههههههه سلطان : تفضلو حياكم البيت بيتكم ودخلو دآخل | ||||||||||||||
|
| |
|
04-03-11, 07:14 PM
| #29 | ||||||||||||||
| مراقبة ومشرفة سابقة ونجم روايتي
| ][الجزء الخــآمس ][ دانه تشاهد التلفزيون وبينما أهي تغير في القنوات دخلت أمها تقول : بدل ماأنتي مقابله التلفزيون هذا روحي أمسكي كتابك وذاكري فيه دانه : يمه بطالع التلفزيون شويه أخذت أمها الريموت من إيدها وقفلت التلفزيون وقالت : التلفزيون شوفيه في العطله .. الحين شوفي كتابك أحسن لك راحت دانه غرفتها وأهي معصبه وودها تبكي دانه وأهي تجلس على سريرها : عناد لها ماراح أذاكر وراح أنام وأنسدحت دانه عشان تبي تنام xXxXx في بيت سلطان ، أحمد عزم سلطان و رامي على العشاء يوم ثاني وأكد عليهم وراح يجون .. جلسو مع سلطان شويه بعدين طلعو عشان يخلوه يرتاح xXxXx بيت أبو ياسر حور وملاك في الصـاله .. حور جاعت أخذت لها صحن فواكه وظلت تاكل فيه وأهي بالصاله حور : تأخرت خالتي ملاك : أنتي عارفه أمي .. إذا جلست مع خوايتها تنسى عمرها ناظرت حور في الباب لقت ياسر داخل حور لملاك : الحين ياسر راح يستلمني ياسر : أكيد جالسه تنتظريني .. فديتك والله حور : متفائل كثير ! ياسر وأهو يجلس : وليه ماأتفائل وأنتي الخبله والخبله إلي يمك خواتي ! في هذا الوقت رامي في بلكونة " شرفه " غرفته .. ناظر الساعه إلي بإيده لقاها عشره ونص بالظبط .. طلع جواله من جيبه وأتصل على حور ياسر : أقولك لاتلفي ولا تدوري .. بسرعه أيش السالفه حور عارفه إن ياسر مستحيل يتركها بدون مايعرف أيش السالفه : السالفه ياأبن الحـلال ... ويرن جوالها .. ناظرت حور جوالها لقت رامي المتصل حور تناظر ياسر : هاذي هي السالفه دقت ياسر عاقد حاجباه : أيش قصدك ! حور : قصدي إنك ترد على المكالمه وتقول إنك تو من شوي شاري الرقم من أقل من ساعتين ياسر : ليه ؟ حور : أنت رد بالأول أخذ ياسر الجوال ورد : ألو نعم ؟ ملاك تهمس لـ حور : رامي ؟ حور تهمس لـ ملاك : من غيره ! رامي ماعرف الصوت .. هذا مب صوت إلي هزأه العصر : ألو السلام عليكم ياسر يناظر حور : وعليكم السلام رامي : عفواً .. مين معي ؟ ياسر : والله ! أنت إلي متصل وتسـأل مين ! رامي : آسف أخوي بس أنا داق على جوال وحده من الأهل ناظر ياسر في حور وقال : خلاص هذا الرقم أمسحه من عندك .. أنا تو من قبل ساعتين شاريه رامي بخيبة أمل : طيب أخوي .. آسف على إزعاجك ويقفل الخط رامي دخل غرفته بحزن وقال : بـاعت الرقم ... حور فرحانه : مشكور يا ياسر تصدق عجبتني ! ياسر : وأنتي راح تعجبيني إذا قلتي لي هذا مين حور : هذا واحد سخيف وماعنده سالفه ياسر : طيب مين ؟ حور : وأنا أيش عرفني ! واحد دايم يدق علي أقلقني بإتصالاته ياسر مب مصدق : بس هو يقول جوال وحده من الأهل حور : وأنت صدقته ! أيش تبيه يقولك يعني ! وحده أزعجها بإتصالاتي .. هات جوالي بس وأخذت الجوال من إيده ، وجلست على الكنبه منزعجه ، طبعاً كل ذا تمثيل عشان يصدق ياسر ملاك دايماً مع حور .. في الصح والغلط : ياسر لو سمحت خلنا بروحنا جلس ياسر قرب حور وقال وهو يناظرها : ماأسمح ملاك : ياسر حور : لا خليه على راحته وبدأت تتصل على جوالها ملاك : تتصلي على مين ؟ حور : على السايق يمرني لأن ياسر مضايق من وجودي أخذت ملاك الجوال من حور وقطعت الإتصال وقالت : ياسر مب مضايق .. ياسر مضايقنا .. شف أيش سويت بحور زعلتها ياسر يعز حور : حور أنا زعلتك ! حور تمثل الموقف صح : لاحشى أنت مازعلتني .. أنت جرحتني ياسر : وأنا أيش سويت ملاك : أنت عارف أيش سويت ياسر : طيب قولو لي أيش سويت حور وأهي توقف : ماسويت شي عادي .. حصل خير .. ممكن توصلـني البيت ؟ عرف ياسر إنها راح تكلمه على إنفراد .. واجد تسويها إذا حبت تكلمه بدون حد مايحس وبالأخص قدام أبو ياسر و أم ياسر .. فملاك و ياسر بالنسبه لحور هم صندوق أسرارها وقف ياسر وهو يقول : يله راحت حور ولبست عباتها وشيلتها وأخذت حقيبتها ، وباست ملاك وحضنتها وطلعت لياسر السياره في الشارع كانت حور ساكته إلى أن سألها ياسر : أيش بلاكِ ساكته ؟ حور بطفش : زعلانه ياسر : وش منه ؟ تناظر حور إلى عين ياسر وتقول : منك ! ياسر : طيب أنا أيش سويت ؟ حور : تكفى ياسر لاتستعبط علي ياسر : أنا ماأستعبط .. أنا اسألك أنا أيش سويت ؟ حور : تشك فيني وتسأل أيش سويت وليه زعلانه ؟ عقلك وين راح ياسر : أنا سألتك مين هذا بس حور : وأنا جاوبتك وماصدقتك .. على بالك أكذب ؟ ياسر : طيب .. أنا آسف .. ماراح أعيدها .. تكفين سامحيني .. تبين أقولك كذا ؟ ماردت حور ياسر : على العموم حصـل خير .. أنا ماقلت كذا إلا لأني خايف عليكِ ، أنتي و ملاك أخواتي وأنا أخاف عليكِ مثل ماأخاف على ملاك ويمكن أكثر حور : لاتخاف علي .. أنا ينخاف مني ماينخاف علي ياسر بإبتسامه : طيب رضيتي الحين ؟ حور : لا ياسر : شوفي ترضين علي الحين ولا ترى راح أخطفك حور : ارضى بشرط ياسر : آمري تدللي حور : أعزمك على عصير من المكان إلي تبيه ياسر مبتسم : يازينك ويازين شروطك وراح لمـحل فخم للعصيرات وطلبت منه حور يشتري واحد بيبسي حقها و واحد عصير ليمون حق ملاك وأثنين عصير مشكل لـ أبو ياسر و أم ياسر وواحد له على ذوقه ياسر : أنتي قلتي راح تعزميني أنا مب الجماعه الطيبه حور : مالي دخل ، ملاك تموت على عصير الليمون ياسر : طيب نزل ياسر أخذ العصيرات وبعدين وصل حور .. قدام الفيلا في السياره حور : يله باي .. إياك تشرب العصير إلي حق ملاك ياسر : لالا ماراح أشربه لكني بعزم الربع عليه حور صدقت : لاااا يااااسر ياسر : ههههههههه أمزح معك حور وأهي تنزل : على بالي من صدق .. يله باي نزلت حور ومشت خطوات قليله فأنتبه إن حور ماأخذت البيبسي فتح باب السياره ونادى : حـــور التفتت حور له ياسر : لحظه شوي أخذ ياسر البيبسي ونزل وراح لها وقال : نسيتي البيبسي حور مبتسمه وأهي تاخذه : مشكور ياسر : العفو حور : يله بيباي ودخلت حور الفيلا .. وراح ياسر وصعد السياره ، وأثناء خروجه من الفيلا كان أحمد داخل .. أحمد تعجب منه وماعرفه ... لكن ياسر عرفه لأنه شافه بالعزاء فرفع إيده كسلام له .. دخل أحمد الفيلا وهو يفكر مين هذا إلي طلع من شوي .. لقى حور في الصاله المفتوحه تشرب بيبسي وعباتها قربها أحمد : من فين جايه ؟ حور بلا مبالاه : الناس إذا دخلو يسلمون أحمد : السلام عليكم حور : وعليكم السلام احمد : ممكن تردي الحين ؟ حور بملل : من بيت خويتي أحمد : مين وصلك لهناك ؟ حور : السايق أحمد : ومين وصلك هنا ؟ حور طفشت : تحقيق هو ؟ أحمد : لو سمحـتي جاوبي حور : يـاسر أحمد طلعت عينه على برى : وتقوليها كذا بدون حياء ! ياقليلة الأدب وجاء وصفـع حور صفعه جـامده على وجهها .. حور حطت إيدها على خدها وأهي منزله رأسها ، وبدى الحقد يزداد فيها .. فجأه نزلت إيدها بهدوء وناظرت في أحمد إلي كان لازال واقف قدامها وعينه تشتعل غضب ومن ثم وقفت قدامه وقالت وأهي تناظر في عينه وبأدب : أنـا مب قليلة أدب .. وماأسمح لأي حد يشك فيني وفي اخلاقي وفتحت الغطاء إلي على البيبسي وكبته على وجه أحمد بقوه .. أحمد صرخ من برودة البيبسي لكنه أخذ حور ومسكها من شعرها وبداء يضرب فيها وهو يصـارخ ويسب فيها .. وحور بعد تصارخ وكان صوتهم عالي مره لدرجة إن أبو طلال وطلال كانو فوق سمعو الصوت طلع طلال من غرفته بسرعه لقى أبوه تو راح ينزل الدرج طلال وأهو ينزل : يبه أيش هالصياح الأب : مدري بس كن صوت أحمد مع شوق أو حور نزلو بسرعه وراحو للصاله إلي فيها الصوت شافو أحمد يضرب في حور ضرب قوي لدرجة إن الصاله أمتلت من دم حور لأن أنفها نزف بقوه ، بداء أبو طلال و طلال يفاككوهم مسك أبو طلال حور وطلال مسك أحمد إلي كان كأنه قط مايقدرون يمسكونه من غضبه أحمد يصارخ : أنا راح أأدبك ياقليلة الحياء يإلي مب متربيه طلال : أحمد خلاص صل على النبي أحمد : اللهم صل عليه وعلى آله .. بس هاذي أنا لازم أربيها أبوطلال يصرخ : بــــــس .. تربيها ؟! أجل أنا وين رحت ؟ أحمد وأهو يشير إلى ملابسه المليانه بيبسي : شف أش سوت فيني حور واضعه إيدها على أنفها وتشير بيدها الثانيه إلى دمها الملقى على الأرض : وأنت شف وش سويت فيـني .. يبه ماأبي أعيش هنا أبي أروح وأعيش بفلتي وهذا ماأبي أشوف وجهه أحمد : تعيشي بفلتك ها .. عشان تروحي وتجي على كيفك أبو طلال : أحمد أيش السالفه أحمد يناظر حور : أقول السالفه ؟ حور : أنا يبه بقولك السالفه .. أحمد مد إيده علي وصفعني على وجهي لأني قلت له أخو خويتي وصلني أحمد فاتح عينه للآخر : فوق شينك قوات عينك ! أبو طلال : أحمد بــس طلال : بعد أذنك يبه ممكن نجلس ونفهم الموضوع من حور ابو طلال : أجلسي ياحور جلست حور على الكنبه ورجعت راسها لوراء عشان يخف النزيف xXxXx بيت أبو ياسر دخل ياسر البيت وبيده العصيرات ، فتح باب الصاله لقى أمه وأبوه وأخته في الصاله يسولفون ياسر : توي طالع من شوي والبيت فاضي أمداه يمتلي ! ملاك : ياسر أيش هذا إلي بإيدك .. تكـفى قول هديه لي ياسر وأهو يجلس قرب أمه وأبوه : مب لك لحـالك ملاك : الله .. يعني هديه لنـا كلنا منك ! ياسر : لا مب مني .. من حور وبداء ياسر يطلع العصيرات ويوزعها وهو يقول : هذا مشكل لأبوي .. تفضل يبه الأب : مشكور ياسر : لا تشكرني أنا لأن حور إلي عازمتكم م بانا ملاك : ووين إلي حقي ؟ ياسر : الصبر مفتاح الفرج .. وهذا مشكل بعد لأمي ، تفضلي يمه أم ياسر : الله يحفظك ياحور وينجحك يارب ملاك وأهي تمد إيدها : الحين جاء دوري ياسر : وهذا البرتقال حقك ياياسر ويطلع عصيره ويحطه قدامه ملاك بطفش : اووه ياياسر .. خلصني بروح أنـام ياسر : وهذا المنجا حق ملاك العين ملاك : أيييييييش ؟ منجا !! .. حور تعرف إني أحب الليمون ياسر واهو يطلع عصير ملاك : ههههه وهذا الليمون إلي حقك أخذت ملاك العصير وأهي مبتسمه وتقول : بعد عمري حور ياسر : على الأقل قولي لي شكراً ملاك : شكــراً يابعد حيي xXxXx | ||||||||||||||
|
| |
|
04-03-11, 07:18 PM
| #30 | ||||||||||||||
| مراقبة ومشرفة سابقة ونجم روايتي
| فيلا أبو طلال الجو موتر .. حور جالسه قرب أبوها وحاطه على أنفها كيس صغير فيه ثلج أحمد : يايبه بنتك راح تسود وجيهنا حور عصبت : أحترم نفسك وألزم حدودك أحمد : يبه سكتها ولا أسكتها أنا بكف ثاني على وجهها حور : تعال جرب .. والله ثم والله .. إذا مديت إيدك علي لأنحــرك أبو طلال : بس ياحـور بس .. صدق إنك قليلة حياء .. والظـاهر إن أمك ماعرفت تربيكِ حور حست حالها مظلومه ، الحين هو يضربها لدرجة نزف أنفها وماقال له شي وفوق ذا يشككها بتربية أمها لها ! حور : لا والله ؟ الحـين صار الغلط على أمي ؟ نسيت ؟ نسيت يايبه إنك كنت ماتجي لأمي إلا مره بين كل أسبوعين وأحياناً ماتجينا بالشهر ! .. لا ولما طلقتها ماشفناك أبــد ولا حتى سمعت صوتك .. إذا كنت ناسي أنا الحين أذكرك .. يعني الغلط مب على أمي .. أمي ربتني أحسن تربيه الغلط عليك أنت إلا ماكـنت تذكرني إلا أول الشهر تروح تحط لي بالبنك مبلغ وقــدره " ثم وقفت وقالت وأهي تناظر في أحمد بإستحقار " هذا إلي يبي يربيني هو بالأسـاس محتاج حد يربيه .. ويعلمه إن بنـات النـاس مب لعبه لما سمع أحمد كلام حور طـــآح قلبه في الأرض .. وش عرفها ؟! صعدت حور من بعد ماأخذت عباتها وحقيبتها .. تاركه أحمد خايف ، وطلال محتار وش معنى كلامها ؟ ، وأبوها حاس بالذنب طلال يسأل أحمد : أيش معنى كلام حور ياأحمد ؟ أحمد مرتبك : و .. أنا أيش عرفني .. أكيد هي من حرتهـا قالت هالكلام راحت حور غرفتها وطلعت حقيبه كبيره عشان بتحط فيها ملابسها وترجع فيلتها .. كانت وأهي تلم أغراضها تبكي وتقول بحقد : هين ياأحمد .. أنا تصفعني ياحقير ! ماعرفتني زين .. أن مافضحتك بين العايله ونزلت من قدرك ماأطلع أنا حور أما في تحت كــان الجو موتر ، الكـل كان ساكت .. وفجأه دخلت شوق من باب الصاله وكانت مبسوطه .. أتجهت لجهة الصاله شافت الكل ساكت ووجيهم كأن حد ميت تخرعت وقالت : بسم الله .. أيش بلاكم ؟ طلال : مابلانا شي .. روحي نامي شوق وأهي تجلس قرب أبوها : إلا فيكم بلاء .. يبه أيش بلاك ؟ إلا يسمعون صوت حقيبة حور وأهي تسحبها من الدرج .. نزلت من الدرج وناظرت فيهم وطنشتهم ومشت وأهي ساحبه حقيبتها وراها طلال : حور .. حور وقفت حور مكانها وماألتفتت لهم ، جاو ووقفو حولها ، شوق شافت وجه حور حست إن أنف حور منتفخ ولونه مايل للبنفسجي شوق : حور ! مين إلي عمل لك كذا ؟ أبو طلال : شوق أرقي غرفتك شوق : يبه أيش فيها حور ؟ أبو طلال معصب : قلت لك أرقي غرفتك قالت شوق من بعد ماناظرت في عين أخوانها : طيب وصعدت شوق فوق أبو طلال واهو يناظر في حـور ويأشر على حقيبتها : أيش هذا ؟ حور تناظر في عين أبوها : ماتشوف ؟ شنطه .. وأنتو عارفين ليه شايلتها وتناظر في عين أحمد ، أحمد نزل راسه .. خايف تفضحه قدامهم أبو طلال : تعوذي من أبليس وروحي أرقي غرفتك حور : هاذي مب غرفتـي .. غرفتي هناك بفلتي ، وأنا أبي أروح لها الحين أبو طلال : أرقي غرفتك الحين وفي الصباح نتفاهم حور : وأنا مــاراح أنام وأحمد هنـا أحمد : كيف يعني ! تطرديني من بيت أبوي ؟ حور لفت عنه وقالت : لو سمحت لاتكلمني .. أخاف تغلط علي ويزل لساني و .... " ثم ترجع تلتفت عليه وتناظر في عينه وتقول " ماله داعي اكمل .. أنت عارف إذا زل لساني أش بصير أحمد خاف وأرتبك وعرق قال بقلق : أنا راح أنام برى أبو طلال أندهش من موقف أحمد : أيش صاير ؟ قولو لي .. حور أنتي ماسكه على أخوكِ شي ؟ تكلم أحمد بسرعه قبل ماتتكلم حور : يبه الله يحفظك ويبقيك .. أنا طالع عشان أقصر الشر بس ، وبكره راجع إن شاء الله حور بإستهزاء : خله يبه على راحته " وتناظر في عين أحمد " تراه بس يبي يقصر الشر سلم أحمد على أبوه وطلال وطلع ولا سلم على حور لما صك أحمد الباب وراه ، أرتسمت إبتسامة رضاء في وجه حور نادت الخدامه عشان تصعد حقيبتها فوق وأهي صعدت أبوطلال : طلال .. أنا حاس حور تهدد أحمد في حاجه .. بس وش هي ... مدري ! طلال : لاتخاف يبه إن شاء الله أنا راح أكلم حور وراح أحاول أعرف منها أيش السالفه .. أنت يايبه روح نـام أبو طلال بحزن : أنــام !! .. وأنا من فين راح يجي لي نوم بعد الكلام إلي سمعته من حور سكت طلال شويه ثم قال بأدب وإحترام : السموحه يبه .. بس كلام حور .... صحيح أبوطلال بأسـى : هاذي هي المصيبه ... إن حور معها حق xXxXx حور أخذت لها شـاور بعد إلي صار ودقت على ملاك ملاك وملامح الخوف والحزن على وجهها : بعد عمري .. تألمتي حور : بس تألمت ! شوه وجهي .. صرت كني عجوز مع هالخشم .. بكره رامي راح يشوفني ويتخرع ملاك تبكي : عطيني رقم أخوكِ هذا الغبي .. والله لهزأه وأهدده مايضربك مره ثانيه حور : ملاك لاتبكي .. ترى والله أسوي بنفسي شي ملاك مسحت دموعها بسرعه : لالا .. لاتسوي بنفسك شي ترى والله أموت .. خلاص أسمعي هههههههههه " وتضحك " ^_^ حور مبتسمه : إيوه أضحكي .. وبقولك الحين أيش قلت له وخليته يخاف وينقلع من البيت ... راح تنفجري ضحك xXxXx أما أحمد في شقته جالس ويفكر : حور أيش عرفها ؟ لايكون دانه قالت لها ! لالا دانه تحبني .. مستحيل تقول لها .. بس هي شكلها عارفه كل شي مب بس سالفة دانه .... أيش المصيبه هاذي !! xXxXx أبو طلال دخل غرفته .. جلس على الأريكه ، كـانت إضائة غرفته البيجيه ذات الأثاث البني المحمر صفراء خافته ، نـاظر في النافذه ... وســرح سرح بإنسانه حبها من كـل قلبه .. تذكـر ذلك الموقف إلي جمعها به في المـاضي ، كــان متزوج وزاير بيت أحد خوياه .. وخويه مب موجود في البيت فطلب إنه ينتظره في المجلس .. وبالفعل راح ينتظره " وهذا خويه يصير ولد عمة صفيه " وصفيه في ذاك اليوم كانت زايرتهم لأنها راح تروح زواج مع بنات عمتها .. وكانت صغيره وعمرها 20 سنه .. كانت حور تشبهها إلى حد ما " نفس الشعر الأسود وكثافته ، نفس بياض البشره ، نفس الخشم المسلول " وبينما هو جالس ينتظره حس إن باب المجلس أنفتح " وبين المجلس والباب موزع صغير فيه مرايه كبيره " هو على باله إن خويه جاء ويبي يسوي فيه مقلب ، قــام وراح ووقف بهدوء قرب الموزع لقى شـي خــيال .. لقى صفيه تعدل حالها بالمرايه " أبو طلال كان مب باين بالمرايه بسبب المكان إلي هو واقف به " صفيه كانت لابسه أحمر دمي واصل إلى ركبتها وبدون أكمام ومخصر ... هو شافها تخقق في محله .. هذا قمر ولا إنسان ! أنتبهت صفيه إن حد واقف ، قالت بدون ماتلتفت وأهي تحط لها روج أحمر ^_~ : مريموه يالغبيه ماخلصتي ! يله خلصينا ترانا تأخرنا .. تخقق أبو طلال .. ولما سمع صوتها ذاااااب .. وقف ظل يناظرها وأهي تحط الروج الأحمر بشفايفها وشعرها إلي مغطي ظهرها ، وجسمها المليان " مب دوبه مليان ^_^ " صفيه وأهي تحط روجتها بشنطتها : ماسمعتـيني ؟ أبو طلال بجرأه : إلا سمعتك ! خافت صفيه وأسقطت حقيبتها من يدها ، ناظرت بسرعه للصوت إلي سمعته لقته رجال في الثلاثين واقف ويناظرها ويتأمل فيها .. ماعرفت صفيه أيش تسويه ! ولا أيش تقول بسرعه ركضت قدامه وطلعت .. وريحة عطرها العذب تعلقت في ذهن أبو طلال .. ولما رجع ولد عمتها قال له أبو طلال بالموقف إلي صار بحكم إنه أقرب خوي له قاله واهو يضحك .. أمــا صفيه كانت منحرجه حيل من الموقف إلي صار .. كـان أبو طلال كل يوم يفكر فيها .. ظل يفكر لاشعورياً فيها حتى وهو مع زوجته وعياله يسرح باله بها وبنظرتها له بعينها الواسعه ذات الجفون الناعسه .. شي غريــب شده لهــا بقوه مب طبيعيه .. طلبها .. ورفضته !! وقـالت لهم أيش إلي يجبرني آخذ رجال متزوج ! لكنه رجع وطلبها .. وطلع رقمها من جوال ولد عمتها بدون علمه وصار يدق عليها ويقول لها وافقي أنتي سحرتيني ومدري أيش " كلام حب يعني ^_^ " يعني بإختصـــار .. تجــنن عليهــا جنـــون ! وماوافقت إلا لمـا كلمها ولد عمتهـا وشكى لها عن حال أبو طلال .. إلي دايم مايسرح .. ووافقت لأنهـا تأكدت من حبه لهــا .. أيش تبي أكثر من رجـال يحبها ! وتزوجت ووافقت على شروطه إلي ماتوقعت يشرطها أبد غمض عينه أبو طلال وســـرح بموقف ثانـي مستحيل ينـساه أيام زواجهم وقبل ماينجبو حور .. دخلت صفيه الفيلا بسرعه ووجهها معصب أو مضايق .. و وراها أبو طلال .. راحت تصعد الدرج بسرعه ووقفت على نداء أبو طلال لها : صــفيه قالت بدون ماتلتفت : خير ؟ أيش تبي فيني بعد ؟ أبو طلال : تعالي بكلمك صفيه التفتت وناظرت فيه بجرأه وقالت : والله عـاد إلي يبيني يجــيني وصعدت غرفتها وطنشته " لو تلاحظو حور طلعت نفس حركات أمها " صعد أبو طلال وراها .. راح غرفة النوم لقاها جالسه على أريكه وحاطه رجل على رجل وعباتها قربها قرب أبو طلال منها وقال : أنتي الحين زعلانه عشان ماشريت لك الفيلا ! صفيه : بدر خلاص .. أنا الحين عرفت قدري عندك ... ام عيالك شاري لها قصر ومسميه بأسمها .. وأنا .. حتى العيال حارمني منهم .. هه .. ومتزوجـني سر بعد ! أنت أيش تبي فيني ؟ متزوجني وأنت ماتحبني ! ياأخي طلقــني خلاااص بدر " أبو طلال " : خلاص راح أكتب لك الفيلا هاذي بأسمك .. وراح أشتري لك الفيلا إلي تبينها وقفت صفيه ومشت عنه في الغرفه وأهي تقول : مـاأبي شي .. أنت عارف إن عندي خير والحمد لله .. وأقدر أشتري بدل الفيلا فلتين .. بس أنا .. أبي عيــال أفهمني بدر : بس العـيال راح يجبروني أعلن زواجي .. وأنا مقدر صفيه تناظر في عينه : خلاص .. مثل مادخلنا بالمعروف .. نطلع بالمعروف بدر : طلاق ماراح أطلق .. عارفه أنتي أيش بالنسبه لي ! صفيه : إيواا .. أكذب علي أكذب .. تحسبني مهبوله ؟ .. ترى أنا مب مثل باقي الحريم .. ترى عقلي يوزن بلد أقترب بدر من صفيه وهو يقول : عارف إنك مب مثل باقي الحريم .. عشان كذا أنا متمسك بك .. حرام عليك تسوين فيني كذا ياصفيه أبتعدت صفيه عنه وعطته ظهرها وقالت بهدوء : واحد من أثنين .. إما العيــال .. أو الطلاق .. " ثم تناظر في عينه " .. غير كذا ماعندي فتح أبو طلال عينه المليانه دموع وقال بألم : ليـــتنـي أخترت الطــلاق ... آآآه xXxXx في غرفة حور حور لسا تكلم ملاك : يحسبني ماأعرف عن سوالفه إلي تسود الوجه .. قليل الحياء طق طق طق .. باب غرفة حور يطرق حور : لحظه ملاك أشوف مين ع الباب راحت حور فتحت الباب لقت طلال حور : خير طلال فيك شي ؟ طلال : حبيت أتكلم معك شويه .. ممكن ؟ حور : ماتقدر تنتظر للصبح ؟ طلال : مقدر حور : تفضل دخل طلال وصك الباب وراه ورجعت حور لملاك حور : هلا ملاك .. راح تنامي او أدق عليكِ بعدين ؟ طلال يبيني .. طيب تصبحين على خير وتقفل الخط وتجلس وأهي تقول : خير ياطلال طلال : حور .. أبي أتكلم معك وأبي كلامنا يكون مبني على الصراحه ... ممكن ؟ حور وأهي تلعب بخصلات شعرها : لا طلال عاقد حاجباه : كيف يعني ! حور : لأني عارفه أيش راح تسألني .. راح تسألني أيش ماسكه على أحمد " وتناظر في عينه " صح ؟ طلال : يعني في شي ؟ حور : أكييد .. ولا وش السبب إلي خلاه يترك الفيلا ويروح ينام برى غير إن في حاجه ماسكتها عليه ! طلال : طيب أقدر أعرف أيش هو ؟ حور : لا طلال : ليه ؟ حور تبي تثير فضول طلال : لأن السالفه تسود الوجه ... ولو عرف أبوي مدري أيش راح يسوي أو يصير فيه .. وإذا قلت لك أكيد راح تقول له طلال بداء يفكر ويفكر وفجأه ناظر في حور وقال لها وعينه خايفه : أحمد يتعاطى مخدرات ؟ حور : أنت وين رحت ! أقولك سالفه تسود الوجه تقولي يتعاطى مخدرات ! والله لو إنه يتعاطى مخدرات أهون من إنه .... طلال أبي أنام " تعمدت تقول كذا عشان تثير فضوله أكثر " طلال بفضول شديد : ماراح تنامي إلا لما تقولي لي السالفه حور : أنت ماسمعتني لما قلت بنات الناس مب لعبه ! ياخي فين عقلك ! طلال بصدمه : يعني أحمد ..... " وسكت " حور : خلاص طلال أعرف الباقي منه طلال : وأنا أيش عرفني إنه راح يقول الصدق ! حور : تعال وأسألني .. والحين تكفى خلني أنــام طلال واهو يقوم : لا إله إلا الله .. طيب .. تصبحين على خير حور مبتسمه : وأنت من أهله طلع طلال من الغرفه وقفلت حور الباب وأهي مبسوطه xXxXx يوم ثـآني الصباح أحمد جالس بالمطبخ على كرسي طويل طراز غربي .. وكوب الكافي قدامه وسرحــان لبعيد .. فجأه سمع باب الشقه ينفتح مين هذا ! راح أحمد الصاله لقى دانه تصك الباب دانه بصدمه : أحمد ؟ أنت أيش تسوي هنا ؟ أحمد : ماتشوفيني بالبيجاما ! أنا توني صاحي من النوم .. أنتي أيش جيبك ؟ دانه تخفي حزنها : حبيت أذاكر وجو البيت مايساعد بالمره .. بس أنتي ماقلت لك ليه نايم هنا أرتبك أحمد : ولا شي .. بس قلت أغير جو دانه : اها .. طيب راح تطلع ؟ أحمد : إي بروح أداوم بالشركه " شركة أبوه " .. تبيني أجلس معك ؟ دانه : ودي والله حبيبي .. بس أبي أذاكر أبتسم أحمد : عادي حبيبتي دانه .. الحين أبدل ملابسي وأطله xXxXx فيلا أبو طلال دخلت شوق غرفة حور عشان تصحيها ، جلست شوق قرب حور إلي مغطيه جسمها كله بالبطانيه حتى وجهها بهدوء وقالت : حور .. حور ..؟ حور من تحت البطانيه : ممممممم شوق : يله حبيبتي أصحي حور نايمه : مممممممم شوق : أقول لهم يجهزون لك الفطور ؟ حور : مممممممممم شوق عاقده حاجباها : طيب .. أ .. أقول لهم يجهزون لك الفطور ؟ حور : مممممممم شوق : حور أيش بلاكِ ؟ من ساعه وأنتي تقولي مممم ماني بفاهمتك حور بعدت البطانيه عن وجهه وقالت بطفش وأهي مغمضه عينها : قصدي إني تعبانه حيل وإذا ظليتي تهذرين فوق راسي يمكن أعصب عليك شوق وأهي تقف : اوكي .. خلاص نامي وطلعت من الغرفه xXxXx بيت أبو ياسر ملاك وياسر دخلو البيت والأثنين تعبانين من الدوام ، راحت ملاك وجلست على الكنبه وجلس ياسر قرباها ياسر : حور الخبله متى راح تداوم ؟ أنهد حيلي كل يوم أوصلك وأجيبك المدرسه ملاك : لازم توصلني .. مب أنا أختك ! أم ياسر سمعت صوت عيالها طلعت من المطبخ وقالت : هلا والله ملاك : يمه شلونك ؟ أم ياسر : بخير دامكم بخير .. ها وش لون يومك اليوم ؟؟ ملاك : نفس كل يوم .. ملل ياسر : يمه جوعـــان ملاك : وأنت ماهمك إلا بطنك ! .. طيب سلم على امي ترى السلام لله أم ياسر : ههههه .. ماتعرفين أخوكِ ياملاك يموت على الأكل .. وبعدين هو من الصباح طالع ملاك : أنا بعد من الصباح ياسر : بس أنتي رايحه تدرسين ياخبله وأنا رايح أشتغل .. أم ياسر : بس بس .. يله روحو بدلو ملابسكم على ماأجهز الغداء وقفت ملاك ووقف ياسر ملاك : إلا وينه أبوي ؟ أم ياسر : بداره طلع أبو ياسر من غرفته وأهو يقول : وش أخباركم ياعيالي ؟ ملاك وأهي حاظنه أبوها : هلا يبه ياسر باس رأس أبوه وقال : يبه وش لونك ؟ أبو ياسر : بخير جعل ربي يسلمكم .. يله بدلو ملابسكم تراني على لحم بطني من الصبح وراحو ملاك وياسر يبدلو ملابسهم عشان يتغدون xXxXx | ||||||||||||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
