آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-10-16, 06:57 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الفصل التاسع والعشرون كانت علياء تراقب نادر بعينيها وتري مع من هو يتحدث وعندما رأته مع تلك الفتاه التي لا تعرف من تكون ثار غضبها وخصوصا ان مايا كانت في غايه الجمال والرقه ثم قررت علياء ان تفسد اليوم علي كلا منهم وبدأت في الاقتراب منهما و .... علياء بمياعه وقد جلست بجوار نادر : صباح الخير يا ندورتي كده برضو متجيش تسلم عليا زي كل يوم ده انا لولا حبيبتك نادر بأستغراب : نعمممم !! وانا من امتي بسلم عليكي اصلا انا مش قولتلك امبارح تنسي انك تعرفيني بدل ما هزعلك واوعي كده ابعدي شويه ميصحش اللي بتعمليه ده علياء وقد امسكت بيد نادر : الله يا ندورتي عليك وانت بتهزر بقا طبعا اتخنقت من الجو اللي هنا وعاوز تمشي بصراحه عندك حق واحده لابسه ستاره طويله ومش باين منها غير وشها ياااي لبس بيئه اووي وقاعده مع نادر الدمنهوري ازاي يا ماما بمنظرك ده اوووف ايه القرف ده يلا بينا من هنا يا ندورتي انا هفرفشك ونروح نقعد مع شادي شويه زي زمان ونسهر للصبح هناك او نطلع الساحل وسيبك من الزباله اللي انت قاعد معاها دي ... نادر بعصبيه وبصوت جهوري : ما تحترمي نفسك يا بت انتي شكلك اتهبلتي ف دماغك ع المسا كده حطي لسانك جوا بوقك بقا وطريقك زراعي هوينا انتي بس والدنيا هتحلو بدل ما وعزة جلاله الله همد ايدي عليكي ... علياء بنرفزة : كل ده يا نادر عشان البيئه دي انت مش فاكر انت كنت عامل معايا ازاي والا احب اجبلك شادي يفكرك انت شكلك نسيت مين علياء صفوت وبعدين انت سايب النادي كله والبنات اللي بتموت فيك وقاعد مع دي هه سبحانك يارب صحييح الحظ لما يواتي يخلي الاعمي ساعاتي ( مثل شعبي ) نادر وقد كور قبضه يده وكان علي وشك صفع علياء : لاااا بقا ده انتي مش هتجبيها لبر .. استوقفته مايا وامسكت بيد نادر الذي كان علي وشك صفع علياء مايا : ثواني يا نادر استني بس كده انت ... ثم وجهت الحوار اللي علياء و .. مايا بكل برود : خلصتي علياء بسخريه : انا لو فضلت اتكلم من هنا للصبح مش هخلص الكلام فيكي ولا حد يقدر ينجدك مني لحد ما تجيبي اخرك عاوزة اي من نادي مايا : عاوزة ايه من نادر !!! ممممم طب اسمعي بقا يا امورة اولا انتي انسانه تافهه بتضيعي فلوسك علي حاجات استغفر الله وعمالا تتباهي بالقرف اللي اتي بتعمليه وكمان نازله م الصبح كلام اهبل بترميه ومش عارفه نتيجه الكلام ده ايه وبعدين انتي بمنظرك ده تتكلمي علي لبسي انا والله انا عارفه اصول ديني كويس وان مينفعش البنت تبقي لابسه حاجه هتفرقع عليها مهو لو انتي يا استاذه عارفه دينك كويس زي ما انتي شاطرة بس ف انك تيجي تبجحي ف الناس اللي متعرفيش هم يبقو مين وايه عواقب الكلام معاهم بالطريقه دي كان زمانك مبقتيش فاتحاها علي البحري كده واللي رايح واللي جاي يتفرج علي منظرك ده بذمتك مش مكسوفه ده انا مبقعدش كده ف البيت وعلي رأي المثل اللي بيتو من ازاز .. علياء بعصبيه : انتي .. انتي مايا : انتي لسه هتتأتأي بلا انتي بلا انت ربنا يهديكي انا ماشيه عن اذنك يا نادر نادر وقد نظر لعلياء نظرة اشمئزاز : روحي استري نفسك الاول وبعدين ابقي تعالي اتكلمي انسانه تافهه صحيح و بعدين هو انا كنت خطيبك عشان تيجي تتكلمي بالشكل ده انتي حيا الله واحده كنت ماشي معاها يومين والحمد لله ان ربنا فوقني من اللي كنت فيه ثم قام نادر باللحاق بمايا بسرعه و .. نادر من بعيد : يا مااايااا فارفوري استني مايا بعصبيه : لو سمحت يا استاذ نادر بلاش تقولي الكلمه دي تاني بدل ما اقسم بالله .. نادر مقاطعا اياها : آآآ انا اسف يا مايا اقصد يا دكتورة مايا مكنتش اعرف انك هتدايقي كده مايا : ولا يهمك عن اذنك انا مضطره امشي نادر : لا لا استني انتي راحه العجوزة برضو مايا : يهمك ف حاجه نادر : آآآآ اه يهمني مايا : ننعمم ! نادر : ايوا طبعا مش انتي الدكتورة بتاعت والدي وفاضل مرة وتيجي لازم اضمن ان مش هيحصلك حاجه عشان خاطر تيجي لوالدي والا اييه مايا : لا شكرا انا هاخد تاكس ومتخافش يا استاذ نادر انا ممكن ما اجيش تاني اصلا حاله والدك بقت مش محتاجه دكتور نادر : ااايه متجيش تاني ... وبعدين كماااان هتروحي ب تاكس يعني مش ادهم اللي هيجي يوصلك لا والله ما يحصل انا لازم اوصلك مطرح ما تروحي مايا : وانت مالك يا سيدي بيا روح اقعد مع اللي اسمها لمياء دي والا شيماء نادر غامزا : اااااه هو الموضوع فيه غيره بقا مايا : افندم !! غيره ايه يا استاذ انا اللي يهمني ف الموضوع الكلام اللي الانسانه دي قالتو عليا وخلاص انا عرفت اجيب حقي كويس اوي وارد عليها عن اذنك نادر مستوقفا اياها : خلاص يا مايا انا اسف علي اللي حصلك بسببها مايا : وانت مالك بتعتزر ليه نادر : عشان المشكله دي ليكي انتي وانتي تهميني مايا بعدم فهم : اهمك ! اهمك ازاي مش فاهمه نادر : ها .. زي ما قلتلك قبل كده يا مايا مش انتي الدكتورة بتاعت والدي ولازم اخاف عليكي لحد ما تخلصي مهمتك والا ايه مايا : امممممم متشكره يا سيدي عن اذنك بقا نادر وقد امسك بذراعها : مهو انا مش متحرك من هنا الا وانتي راكبه معايا وموصلك مطرح ما تروحي مش هسيبك تمشي كده وانتي حلاوتك تقرف جتك القرف ف جمالك يا شيخه ويييع علي عينك العسلي الفاتح اللي بتلمع زي الؤلؤ لا لا انا مش هخلي الناس تشوف كل ده هتعملي ازمه ف البلد مايا : افنددم ايه اللي انت بتقوله ده واوعي كده سيب ايدي انا همشي غصب عنك ومش راكبه مع حد وريني هتعمل ايه نادر بعصبيه : اللهم طولك يا روح يا بنتي خلصي واركبي انا خلاص صبري نفذ معاااكي مايا بعند : نعم لا محدش طلب منك تصبر معايا وبرضوو لا وسع بقا كده خليني اشوف سكتي نادر بعصبيه : بقا هي بقت كده يعني مايا بأصرار : ايوا كده مهي اصلها مش بالعافيه اقترب منها نادر وكان علي وشك ان يحملها ولكن .... مايا : انت بتعمل ايه يا جدع انت ! نادر : مهو انتي شكلك اتعودتي انك لما بتنشفي دماغك انا بشيلك واركبك بالعافيه مبتجيش الا بالعين الحمرا احم بس ياريت يعني تفضلي منشفه دماغك علي طول وانا مستعد استحمل تنشيف دماغك ده مايا بعصبيه : حضرتك مجنون مش عاوزة اركب معاك انا الله نادر بصوت منخفض : ايوا خلاص بقيت مجنون بيكي يا فارفورتي مايا : نعم بتقول حاجه !!! نادر : ها .. اه كننا فين يلا عشان تركبي والا تحبي اشيلك وامشي بيكي ف وسط النادي كده والله انا مجنون واعملها عادي جدا وشوفي بقا كام صحفي هيصور نادر الدمنهوري ف الحاله دي وتصحي تلاقي نفسك ف الجرايد والمجلات وتبقي فضيحه واضطر بقا اخطبك عشان نسكتهم مايا وهي تزفر : ايييه ده كله انت بتتفرج علي افلام هندي كتير اووووف بقا انا شكلي مش هخلص منك كده نادر وهو يبتسم : وراك وراك يا فارفوري مش هتخلصي مني ابداا ده انا خلاص كده لزقت اتجه كلا من مايا ونادر نحو سياره نادر ثم جلست مايا في الخلف بينما قاد نادر السياره وما ان اطلقو حتي حاول نادر ان يفتح كلام مع مايا و ... نادر مازحا : علي فين يا ست هانم مايا : نفس العنوان بتاع المرة اللي فاتت حي ((...)) نادر : اوووف يا ساااتر ده الطريق طويل اوي لحد هناك مايا بأبتسامه شيطانيه : احسن مش انت اللي مصمم البس بقا نادر : ال كنتي عاوزاني اركبك تاكس لوحدك كده بليل ده انا كنت ابقي ناديه مش نادر مايا : طب سوقي يا ناديه نادر : بتقولي حاجه يا بت مايا : بت !! نادر : ايوا بت وان كان عاجبك كمان مايا بصوت منخفض : شكلي مش هخلص من رخامتك دي اوووف ثم رن هاتف مايا برقم ادهم و .. مايا : ايواا يا حبيبي انت فين ادهم : ايوا يا اوزعه انا خلاص جهزت اهو وراجع البيت عاوز اجي الاقيكي هناك مايا : اكيد يا حبيبي ده النهارده كلنا هنفرح انا مش عاوزة اوصفلك قد ايه انا فرحانه ادهم : ههههههه ماشي يا اوزعه انا مستنيكي بقا سلام مايا : سلام كان الفضول يقتل نادر فهو يريد ان يعلم مع من كانت تتحدث مايا وتنعته ب حبيبي نادر : احم .. مايا كنتي بتكلمي مين مايا : وانت مالك نادر بعصبيه في نفسه : والله شكلي هكسرلك دماغك قريب كده وبعد مرور بضعه دقائق نادر : بس انتي اديتيها علي دماغها جامد بصراحه مايا : مهي اللي استفزتني بصراحه وانا مقدرش اشوف حد بيتكلم عليا نص كلمه باكله علي طول نادر : ايوا يا فارفوري انتي ب 100 راجل فعلا .. مايا : اااه مش زي ناس نادر بنرفزة : تقصدي مين يعني مايا : والله كل واحد عارف نفسو نادر : اللهم طولك يا رووووووح مايا : يارب يا سيدي نادر وهو يحاول ان يتمالك اعصابه ويمنع نفسه من الغضب : مممممم طيب تحبي تسمعي اغاني عشان يعني الطريق طويل مايا : اعمل اللي انت شايفه مناسب لعربيتك نادر في نفسه : مممم شكلها كده هتطق ع الاخر من اللي عملته الزفته اللي اسمها علياء دي منك لله يا شيخه ده انا كنت مصدقت بقت تتكلم معايا كويس ومبقيناش نتخانق منك لله يا زفته انتي ياللي اسمك علياء ده انا لما اشوفك بس هطلعو علي دماغك كان نادر يحضر لشئ ما في باله وقام بتشغيل بضعه اغاني و ... نادر : لا بقا مبدهاش انا هفتح شويه اغاني مهو انا مش عاوز التبويز ده يطول هاااا حرام عليك ياللي ف بالي مايا : انت بتكلمني انا نادر : امال بكلم امي مايا : اتكلم كويس لو سمحت بلاش الطريقه دي نادر : خلاص انا مش عاوز خناق تاني كفايه بقا الخناقات اللي عملناها قبل كده انا هشغل شويه اغاني عندي لعمرو ربنا يجعل ف صوته القبول مايا وهي تزفر : براحتك نادر في نفسه : اما اشوف الحركه دي هتنفع معاها والا لا ياارب تحس اني اقصدها يلا بسم الله يا معيييين يارب وكانت اول اغنيه قام نادر بتشغيلها هي ( خليك فاكرني ) للفنان عمرو دياب و الكوبليه الذي فتح كان .. ( اول ما شفتك لمست قلبي بنظره واحده نسيت جرااحو لقيتك انت اجمل حكايه حب نستني اللي راحو .... ما تغبش عني وخلي قلبك لو نديته يجيلي تاني ده احنا اللي بيننا الحب كله وعمر مر معاك ثواني .... ده انت ف عنيا كل اللي ليا فرحه شبااااابي والدنيا ديااا )) نادر في نفسه : امممممم شكلها مش واخده بالها طيب اما احط اغنيه تاني يمكن تاخد بالها ده انا محضر الحكايه دي بقالي كتير اوي يارب بقا ما تضيعش ع الفاضي قام نادر بوضع الاغنيه الثانيه وكانت (( جرالي ايه )) للفنان عمرو دياب كلمات الاغنيه (( .... حلم والا ده خيال والا اللي شايفو ده حقيقه عدي خلي حالي حال طيرلي عقلي ف دقيقه انا جرالي اييه جرالي ايه الدنيا مالها احلوت ليه جرالي ايه جرالي ايه شايف الحياه اجمل بعنيك .... مره واحده انا لقيت حوليا نور ملي حياتي اتوهمت بيه نسيت كل اللي عدي ف حياتي ...)) نادر في نفسه : لا بقاااا ده انا مشغل عمرو دياب ده البركه كلها البت هتطير مني طب اعمل ايه انا دلوقتي ... بببس انا اغني معاه بصوت عالي يمكن تاخد بالها بس يارب ما تطفشش من صوتي ستتتترك يالي بتسترها احم احم ثم قام نادر بالغناء بصوت عالي مع صوت الاغنيه مما لفت انتباه مايا نادر بصوت مرتفع : (( انا جرااالي ايييييه جرااالي اييييييه الدنيا مالها احلوت ليييه يا فارفوووري جرااالي ايييييييه الكيلو 270 يا ناااااااس ))) مايا : ايه بتصوت ليه انت ما توطي صوتك شويه صدعت نادر : ما انتي مش واخده بالك اعمل اييييه انا جراالي اييييه وبعدين ده انا صوتي مليان شجن حتي شوفي : جرااالي ايييييه مايا : اسكت بقا صوتك وحش اصلا شجن ايه بس حرام عليك عمرو دياب لو سمعك هيولع ف الالبوم كله نادر : احم احم ربنا يخليكي يا مشجعاني دايما ورافعه من معنوياتي مايا : اووووف باارد نادر : نعم يا اختي بتقولي ايه مايا : ها .. لا ده انا بقول الجو بااااااارد نادر : ممممم بحسب نادر في نفسه : يووووه شكلها كده مش هتاخد باالها شكل عمرو دياب معملش شغل المرة الجايه اجبلها حماقي يمكن تحس شعر نادر بأن مايا لم تلاحظ ما قام هو بتشغيله وقد كان علي حق فقد كانت مايا منشغله في التفكير وغارقه في تساؤلاتها مايا في نفسها : ودي تطلع مين بقا يا نادر وبتقولك ندورتي وانا لولا حبيبتك وبنسهر عند شادي اوووف انا مش فاهمه حاجه وانا اللي كنت فكراك اتغيرت ... وبعدين حبيبه القلب مش مكفيها المسخره اللي عملتها جايا كمان تستهبل وتخبط بالكلام معايا لا بقا لحد كده و stop.... انا اصلا ايه اللي مضايقني ما يحب والا يسه بس لا اما انا كل الفترة دي كنت بعمل كده عشان يرجع كويس تاني الاقي اللي اسمها لمياء دي والا علياء تطلعلي زي فرقعلوز وتبوظ اللي انا عملته يووه بقا مر وقت ليس بطويل ثم قام نادر بأخبار مايا بوصولهم الي المكان المطلوب و ..ز نادر: وصلنا يا فارفوري مايا : ..... نادر : فااارفووووري مايا مالك في ايه مايا : آآآآآ نادر بفزع : مايا مالك انتي كووييييسه يا مااايا متخضينيش عليكي والنبي ثم خرج نادر من سيارته وتوجه حيث تجلس مايا و ... نادر بعصبيه : طب ما انتي كويسه اهو امال مبترديش عليا ليه لما بنده عليكي والا هي رخامه ع الفاضي مايا : ها .. نادر بعصبيه : بقااا خضيتيني عليكي عشان ف الاخر تقوليلي ها يا شيخه حرام عليكي وقعتي قلبي وعلي فكره بقا انا عاوز افهمك حاجه اللي اسمها علياء دي انا مليش ااي علاقه بيها والا بطيقها اصلا انسانه تافهه مستفزة واصلا مش استايلي كانت مايا تريد ان تعلم حقيقه علاقه نادر بالمدعوه علياء ولكنها سيطرت علي ذلك ثم قالت مايا ببرود : طب وانا مالي بكل ده بتقولي ليه نادر : مهو انا اللي غلطان عشان بقولك اصلا انا اللي استاهل اللي بيحصلي منك مايا : زي ما تحب عن اذنك نادر : لا مش عن اذنك مايا : افندم ده ليه ده انشاء الله وسع كده من سكتي نادر : هاتي الهديه بتاعتي الاول مايا : ابقي روح خدها من علياء نادر : يا رببببي يا مايا والله العظيم ما في حاجه بيني وبينا دي عيله شايفه نفسها انتي مشفتيش كنت هعمل فيها ايه عشانك ده انا كنت ... مايا قاطعه حديثه : بص يا نادر انا مليش دعوة بحياتك الشخصيه مليش دعوة بعلياء دي تمام والهديه اللي انت متمسك بيها هبعتهالك انشاء الله مع دعوة الخطوبه عن اذنك بقا كده نادر بصدمه : خ .. خطوبه مين وحصصصصصل .... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ يتبع | ||||
|  |
|
11-10-16, 06:57 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثلاثون مايا : بص يا نادر انا مليش دعوة بحياتك الشخصيه مليش دعوة بعلياء دي تمام والهديه اللي انت متمسك بيها هبعتهالك انشاء الله مع دعوة الخطوبه عن اذنك بقا كده نادر بصدمه : خ .. خطوبه مين مايا : اظن دي حاجه متخصكش نادر بنبره يظهر فيها الخوف : م..مايا هي دي خطوبتك وانتي كنتي بتكلمي خطيبك من شويه صح شعرت مايا بقلق نادر ثم قررت ان تخبره عن اي خطبه تتحدث و .. مايا : لا مش خطوبتي دي تبقي خطوبه ادهم اخويا و ندي بنت خالتي نادر بفرحه : احللللفي اللهم صلي ع النبي ايوا كده يا شيخه قلبي كان هيقف مايا : افندم نادر : اصلي يعني كنت فاكر ان خطوبتك ومقولتيليش حتي مش احنا اصحاب برضو والا ايه يا فارفوري مايا : لا انا مليش اصحاب ولو سمحت تحافظ علي الحدود بيننا تمام انت ملكش انك تكلمني بالطريقه دي لا انت اخويا والا قريبي والا .. نادر : والا ايه مايا بأرتباك : و... والا ... والا خطيبي نادر بتحدي : يعني دي مشكلتك طيب هيحصل قريب انشاء الله وهنشوف مايا : لو سمحت يا نادر بطل طريقتك دي ما قلت انا مجرد دكتورة بتشرف علي والدك مفيش اكتر من كده بيننا انت ليه مصمم تعاملني علي اني واحده انت تعرفها من زمان وواخد عليها التزم الحدود بيننا انا مش واحده من الزباله اللي انت تعرفهم لم يتحمل نادر ان يستمع اللي تلك الكلمات القاسيه من مايا ثم قام بالوقوف امام مايا وامسك بيدها و ... نادر وهو ينظر اللي مايا في عينيها مباشره : بصي يا مايا انتي دلوقتي تعتبري الغواص اللي غاص مسافه طويله اووي لحد ماوصلي وجالي من بعييييد اوي وانا كنت بغرق ومشي بيا لحد الشاطئ وانا مش هسمحلك انك تسيبيني دلوقتي بعد ما دخلتي حياتي واتعودت عليكي وبقيتي سبب اني اتغير وسبب اني ارجع اعيش تاني انا كنت ميت وانتي رجعتيني وانا مش هنسالك ده ابدا وبمذاجك او غصب عنك انا مش هسيبك والا هتخلي عنك وافهمي ده كوويييس ... مايا بدموع : بس انا مش عاوزة اعودك عليا ومرة واحده تلاقيني اختفيت من حياتك مش عاوزاك تتخدع فيا وترجع تاني تبقي وحش مش هتحمل اشوف انسان بتبقي حياتو اسوء بسببي يا نادر بالله عليك انا مش عاوزة ده يحصل وخصوصا ليك انت ... نادر بنظره تحدي وصوت مرتفع نسبيا تظهر به العصبيه والغضب الشديدين : ده ان سمحتلك تختفي من حياتي اصلا انتي اللي خليتي حياتي احسن ومهما حصل انا مش هخليكي تتخلي عني والا عمري هفكر حتي اني ارجع وحش تاني عشان عمري ما ههدم اللي انتي عملتيه وطلاما اني ابقي وحش تاني ده ممكن يجرحك فأنا خدت عهد علي نفسي اني عمري ابدااا ما هرجع تاني وحش ولا هتخلي عنك واسمحلك تنسحبي من حياتي بالسهوله دي وبكل بساطه بعد ما خليتيني ..... مايا ودموعها تترقرق في عينيها : خليتك ايه يا نادر نادر بعد ان اعاد التفكير بقرار ان يخبر مايا بحقيقه مشاعره تجاهها و.. نادر : بعد ما خليتيني ارجع تاني ... سلام يا مايا ثم ترك نادر يد مايا ودلف اللي سيارته ثم قادها بسرعه جنونيه وترك مايا ثابته في مكانها وهي في حاله ذهول مما فعل نادر و.... مايا في نفسها : اهو حصل اللي كنت خايفه منو واديه اتعود عليا اعمل ايه انا بقي دلوقتي يااربي وكمان .. كمان لما يعرف انها كانت خطه سترك ياارب .. بس هو وعدني انو مش هيرجع وحش تاني الحمد لله كده انا ممكن ... ممكن اعمل اللي ف بالي وانا متطمنه !!! ثم صعدت مايا المبني الذي اوصلها نادر اليه وكانت تحاول ان تخفي اثار الحزن التي علي وجهها ثم قامت بمسح دموعها وقررت ان لا تقول لاحد عما حدث منذ قليل ثم دلفت الي منزلها و ... ادهم : ايييييه يا اوزعه التأخير ده كلو حرام عليكي معادنا مع الناس الساعه 6 اهو بقت 5:20 هنروح ف قد ايه بقا مايا متصنعه الابتسامه : انا اسفه يا ادهومي ... اموت واعرف بعد انت مستعجل علي ايه دي خااالتك يعني لو رحنا اتقدمنا الفجر علي قلبهم زي العسل يا سيدي عادل متدخلا معهما في الحوار : برضو يا مايا دي اصول ولازم نعملها ونكون هناك ف المعاد اللي حددناه ادهم : الله عليك يا حاج شايفه الكلام اسلااام راجل كوباره بصحيح عادل : طب اتلم بقا يا حبيبي بدل ما انا لا رايح والا جاي ادهم : ههههههه انت صدقت يا حاج خد هنا بس ده انت الخير والبركه عادل : ايوا كده اتعدل بدل ما اقلب عليك ادهم : لا لا تقلب ايه خليك كيوت كده مايا : امال فين ماما عادل : جوا يا بنتي بتخلص لبسها ادهم : ما تخلصي بقا يا سموووووره هنتأخر البت قربت تخلل ف البيت سميره بعد ان خرجت من غرفتها : ما تحترم نفسك يا ولد ايه تخلل دي ادهم : انا اقصد يعني يلا بقا اتأخرنااا سميره : طيب خلاص انا جاهزة عادل : وانا جاهز مايا : وانا جاهزة ادهم : امال فاضل مين كلهم : اننننت ادهم : ايه ده بجد .... تصدقو ان انا برج الكلب صحيح الكل : هههههههه قام ادهم بأرتداء ملابسه وكان في غايه الروعه ثم اتجه الجميع نحو منزل السيده نهي السباعي لطلب يد ندي لادهم وبالفعل كانت السيده نهي في قمه سعادتها وقامت بالموافقه علي زواج ادهم من ندي فهي متتأكده من حب ادهم لندي وبأنه الشخص المناسب لابنتها .. ثم اتفقو علي ان الخطوبه سوف تكون بعد اربعه اشهر وكان هذا هو طلب نهي ..!!! سميره : ايوااا يا عم هنيالك حماتك بتحبك اهي ووافقت علي طول نهي بأبتسامه عريضه ارتسمت علي شفتيها : ايوا طبعا هو انا الاقي لندي احسن من ادهم فين ادهم : ربنا يخليكي ليا يا حماتي وانا اوعدك اني هشيل ندي ف عيني من جوا نهي : وانا متأكده من ده يا ادهم ربنا يكرمكو يا حبيبي ويرزقو بالذريه الصالحه ادهم بأبتسامه : انشاء الله بس مش كتير شويه اربع شهور ده حتي خير البر عاجله عادل : ههههههه خلاص مش قادر تصبر اربع شهور ما انت ياما استنيت هاانت يا ابني ادهم بأبتسامه : صبرت هو انا صبرت بشكل عادي ده انا خلاص الصبر زهق مني كان ناقص يقولي انت موراكش حاجه غيري يا جدع انت الكل : هههههههههه سميره : امال فين عروستنا نهي : هي جوا بتجهز وحالا هتكون هنا سميرة : ايوا استعجليها عشان ادهم خلاص قاعد مش علي بعضه ادهم : مين انا اطلاقااا نهي : هههههههه حاضر هدخل اهو استعجلها عشان العريييس ادهم بأبتسامه : يا حبيبتي يا خالتي حاسه بيا وربنا نهي : هههههههه من عيوني يا حبيب خالتك سميره : خليكي انتي يا نهي ادخلي يا مايا استعجلي ندي مايا : ...... سميره : ماااياااا مايا وقد انتبهت : ها آآآ بتكلميني يا ماما سميره بأستغراب : ايوا يا بنتي بقولك ادخلي استعجلي ندي مايا : ح ..حاضر يا ماما نهي وقد مالت علي اختها : ي ايه يا سميره مالها مايا انا حاسه انها سرحانه وتايها كده سميره : ها .. لا ميش كانت كويسه تلاقيها بس تعبانه من الشغل نهي : اهااا ربنا معاها والله مايا طيبه وتستاهل كل خير سميره : يارب كانت سميره تشعر بالقلق نحو ابنتها فهي تعلم ان هناك خطب ما حدث مع مايا فليس من طبيعتها ان تكون صامته هكذا وخصوصا انه يوم مهم في حياه كلا من شقيقها وابنه خالتها وصديقتها وكانت تخشي من ان يكون ما يشغلها بخصوص اسره الدمنهوري ...... دلفت مايا اللي غرفه ندي لتقوم بأستعجالها و ... مايا : يلا بقا يا عروسه الواد مش علي بعضه برا هيموت ويشوفك ..... الله يا ندددي ايه ده مشاء الله عليكي يا بنتي قمرايه ندي بأبتسامه : بجد يا مايا مايا : بجد يا مايا ايه بس يا بنتي انتي لسه بتسألي ده انتي والا الاميره الله يكون ف عونك يا ادهم ده ممكن يموت فيها لو شافك ندي بخجل : احم بس بقا يا ميمو مايا : طب يلا بينا بقا عشان الواد هيتجنن برا ندي : هههههه ماشي انا جايه اهو وبعد بضعه دقائق خرجت مايا بصحبه ندي من الغرفه وما ان رأاها ادهم حتي جن جنونه و... سميره : مشاء الله عليكي يا بنتي قمرايه ماشيه ع الارض عادل : بسم الله مشاء الله يا ندي بقيتي زي القمر بالظبط مايا : احم طيب انا شايفه اننا نسيب العرسان لوحدهم شويه ونقوم احنا سميره : اه انا برضو شايفه كده يلا بينا يا جدعان نهي : اوك ترك الجميع كلا من ادهم وندي وحدهما قليلا و... ادهم فارغ الشفاه : انتي ندددي ندي بخجل : احم امال اختها ادهم : انتي لو في منك اتنين يللللهوي يا جدعان ده انا مش عارف كان زمان حصلي ايه ندي بأبتسامه : وربنا انت مجنون يا ادهم ادهم : بيكككي انا مجنون بيكي وكلها بقا اربع شهور وهنطلق بقا خروجات ده انا مش مصدق خلاص يا ندي اني هخطبك ندي : احم لا صدق يا مجنوني ادهم : علي فكره انا جبتلك هديه ندي برحه : بجد يا ادهومي ادهم : وانا من امتي بهزر يا عيون ادهومك ندي وقد ارتسمت الابتسامه علي شفتيها : احم طب هاتها بقا ادهم : طب غمضي عينك ندي : مش مسريحالك ! ادهم : عيب عليكي يا نوده غمضي عيونك بس ندي وقد وضعت يدها علي عينيها : اهوو ادهم برومانسيه : عارفه يا ندي انتي بتفكريني بمين كده ندي بخجل : مين يا ادهومي ادهم : قرد الواتساب يا روحي ندي : بقاا كددده ادهم : هههههه خلاص خلاص انا اسف يا ستي ندي : طيب خلاص طلعت الهديه افتح عيني والا لا ادهم : احم استني بقا دقيقه بس يارب خالتو ما تخلينيش اكنس كل ده قبل ما امشي ندي بأستغراب : تكننس !!! انت بترش ملح والا ايه يا ادهم ادهم : لا لا مش ملح اصبري علي رزقك بس واوعي تفتحي ندي : ماااشي .. ادهم هي الشنطه اللي كانت معاك دي اللي فيها الهديه ادهم : ايه ده انتي شفتيها ازاي ده انا كنت مخبيها ندي : عشان تعرف بس انت هتخطب مين ادهم برومانسيه : عااارف يا رووحي والله اجمل واحلي وارق بنوته ف الدنيا كلها ندي بخجل : احم خليك كاسفني كده علي طول ادهم : والله احلي حاجه وانتي بتبقي شبه الفرولايا كده بتبقي عسل اوي خلاثو يا ناس ندي : احم خلاثو !! فين اللواء بتاعك والا المجرمين يسمعوك وانت بتقول خلاثو ادهم : دول كان زمانهم قالو عليا .. والا بلاش خليكي بريئه كده ندي : ههههههه طيب خلص بقا انا زهقت انت بتقلب الشقه والا ايه يا ادهم ادهم : خلاص خلاص قربت اخلص اهو سامحيني يا خالتي علي اللي عملتو ف السجاد ندي : مش بقولك بترش ملح او رمل ادهم : والله لو عرفتي بعمل ايه مش هتصدقي نفسك ندي : اما نشووووف وبعد بضعه دقائق ادهم : احم هاتي ايدك بقا ندي : اوك اهو افتح عيني طيب ادهم : اووعي تفتحي دلوقتي ندي : اوك بس هات ايدك عشان اعرف امشي ادهم برومانسيه : ايدي هتفضل معاكي علي طول عشان تعرفي تمشي فين ندي : احم .. الله الله انت قلبت ادهم شوقي كده ليه ادهم : ههههههه .. عشانك يا ستي شفتي بقا غيرتيني ازاي ايوون اقفي هنا بقا ندي : اوك اهو وقفت ادهم : استني بقا اما اشغل الموسيقي عشان الجو يبقي رومانسي ع الاخر ندي : ايه ده مش دي موسيقي فيلم up ادهم : اه ما انتي بتحبي الكارتون ده قلت اجيب الموسيقي عشان تبقي منشكحه ندي : منشكحه !! حد يقول لخطيبته منشكحه ادهم : مش انتي اللي حسدتيني بببس كده فتحي بقا يا ستي قامت ندي بفتح عينيها ببطئ لتجد نفسها واقفه في غرفه مليئه بالورد الاحمر فهو النوع المفضل لديها وتقف هي وادهم بداخل مجموعه من الورد التي وضعها ادهم علي شكل قلب ثم قام ادهم بالركوع علي قدم واحده امامها وهو ممسكا بخاتم رقيق بيده ثم قال لها ادهم : تقبلي تتجوزيني يا ندي ندي بدموع : ايواا طبعااا يا مجنوون ادهم وقد قام بالباسها الخاتم : واحلي جنان انتي بقيتي جناني يا ندي ندي : انا حاسه اني هموووت من الفرحه ادهم : اوعي تقولي كده تاني بعد الشر عليكي .. انا قلت اني لازم اتقدملك رسمي وبعدين نشغل الجنان بقا ومنها يبقي رومانسيه وعادات وتقاليد ندي : ربنا يخليك ليا يا ادهومي يارب وتفضل مجنون كده علي طول نهي : احم احمممم ادهم مازحا : خاااالتي صدقيني انا مظلوم نهي : هههههههه مظلوم برضوو بقا عمال تعاكس ف البونيه يا واد ادهم : احم انتي هنا من امتي يا خالتي نهي : من ساعه ما كنت هتنطلق ي الخروجات ادهم وهو يضع يده خلف رأسه : منورة يا خالتي منورة يا حبيبتي نهي : ههههههه ربنا يكرمكو يا ولاد يااارب سميره : لولولولولولولولولي اخيرا يا ولاد هنفرح بيكو نهي : عقبالك يا مايا مايا بابتسامه مصطنعه : انشاء الله يا خالتو مر اليوم سريعا واتهت الاسرتين من الاتفاق علي متطلبات الخطبه وعادت اسره عادل مصطفي نحو منزلهم والسعاده تملئ قلوبهم ولكن سميره كانت تشعر بأن هناك شئ مختلف ب مايا فقررت ان تذهب لتري ماذا بها ثم دلفت الي غرفتها و .. سميره : لسه صاحيه يا ميمو مايا : ايوا يا ماما انا كنت لسه هنام سميره وقد جلست بجوار ابنتها : مايا حبيبتي انا حاسه ان في حاجه حصلت معاكي ممكن تقوليلي في ايه مايا وقد دخلت في نوبه من البكاء الشديد : بصراحه يا ماما .. عندك حق انا في حاجه خنقاني اوي ومش عارفه اعمل ايه سميره وقد احتضنت ابنتها : ششششش بس يا مايا بس يا حبيبتي قطعتي قلبي بالراحه كده قوليلي في ايه قصت مايا لوالدتها ما حدث معها هي ونادر وما قام نادر بفعله ... سميرة : طب وانتي هتعملي ايه يا بنتي مايا وقد مسحت دموعها عن وجنتيها : مش هو قال انو مش هيبقي وحش تاني خلاص انا مستنيه ايه انا هتجنب نادر يا ماما وابعد عنو سميره بصدمه : ااايييييييه !!! وحصصصصصل ... ـــــــــــــــــــــــــ ـــــــــــــــــــــــــ ـــــــــــــــــــــــــ ــ يتبع | ||||
|
| |
|
11-10-16, 06:59 PM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الحادي الثلاثون قصت مايا لوالدتها ما حدث معها هي ونادر وما قام نادر بفعله ... سميرة : طب وانتي هتعملي ايه يا بنتي مايا وقد مسحت دموعها عن وجنتيها : مش هو قال انو مش هيبقي وحش تاني خلاص انا مستنيه ايه انا هتجنب نادر يا ماما وابعد عنو سميره بصدمه : ااايييييييه !!! مايا بأستغراب : مالك يا ماما اتخضيتي كده ليه سميره : مايا انتي بتحبي نادر مايا بأرتباك : ها ... م ..مش عارفه سميره : طيب والا مشدوداله مايا بأستغراب : في ايه يا ماما انتي بتتكلمي كده ليه وليه كل الاسئله دي سميره بأرتباك : ها اصل اصل بصراحه بقا كده يا مايا فوزي الدمنهوري كلم ابو.. لم تكمل سميره حديثها واذ بعادل يطلب منها المجيئ فوراا ...!! عادل بصوت مرتفع نسبيا : سميييره يا سميييييره سميره بفزع : ايه ده انا رايحه اشوف ابوكي استرها يارب خرجت سميره من غرفه مايا ثم اتجهت حيث يجلس عادل و ... سميره بلهفه : في ايه يا حاج خيير عادل : خير ... خير يا سميره بقولك ايه اوعي تكوني قلتي لمايا حاجه عن الموضوع اياه سميره : ها ... ليه يا حاج ده انا كنت لسه هقولها لولا انت ندهت عليا افتكرت في حاجه عادل : ايييه كنتي هتقولي طب الحمد لله اني انا لحقتك سميره : ليه يا حاج عادل هي ملهاش ان هي تعرف وتفرح والا هي مش من حقها تتبسط وتعرف ان في حد اتقدملها عادل : هتعرف يا سميره بس كل حاجه وليها وقتها و كمان في حاجه جدت ف الموضوع سميره : حاجه !! حاجه ايه دي يا حاج اللي جدت عادل : فوزي الدمنهوري كلمني من شويه وبلغني ان نادر اعترفله بحبه لمايا !! سميره بفرحه : ايييه يعني ب كده مش هنبقي محتاجين نقربهم من بعض عادل : يا سميره اسمعي بس للاخر وانتي تفهمي وتحكمي بعدها براحتك فوزي الدمنهوري كلمني من شويه وقالي انو حصل .................................................. .................................................. .. فلااااش بااااك ترك نادر يد مايا ثم دلف الي سيارته واتجه مسرعا نحو الفيلا و ... نادر : موني هو فين بابا امنيه : في المكتب يا نادر خير في حاجه نادر : بصراحه اه ممكن لو سمحتي تيجي معايا دلوقتي المكتب امنيه : طيب غير هدومك وكل لقمه وبعدين نبقي نروح نادر بأصرار : لا يا امي الموضوع ضروووري جدااا امنيه : حاضر يا ابني يلا بينا دلف كلا من نادر وامنيه الي مكتب فوزي و ... نادر : بابا لو سمحت حضرتك فاضي فوزي : بصراحه يا ابني لا انا غبت كتير عن الشغل وقلت اتطلع علي ورق الصفقه الاخيره بس قول يا ابني في حاجه مهمه والا ايه نادر : ايوا يا بابا في حاجه مهمه وانا عاوزكو انتو الاتنين فيها فوزي : خير يا ابني امنيه بقلق : في ايه يا نادر قلقتني نادر بجديه : بصراحه يا جماعه انا .. انا بحب وعاوز اخطب فوزي \ امنيه : اييييييه نادر : ايوا يا بابا زي ما بقولكو كده فوزي : انت فاكر اخر مرة قلتلي الكلام ده حصل ايه نادر : بس المره دي واحده انتو عارفينها وبتحبوها ومتأكدين كلنا من اخلاقها وعارفين عيلتها كمان امنيه : ودي تطلع مين دي نادر : تبقي مايا فوزي وقد ارتسمت علي شفتيه ابتسامه عريضه : عفاارم عليك يا نادر اخيرا اختارت صح ولعلمك بقا انا كنت حاسس بأن في حاجه بينكو واصلا طلبتلك ايد مايا من والدها واتفقنا اننا نخليكو تقربو لبعض لاننا كنا خايفين يكون احساسنا غلط بس دلوقتي انت اعترفتلي انك بتحبها انا مش هستني انا هطلب استاذ عادل حالا واتفق معاه علي معاد نروح نقرأ فيه الفاتحه بتاعتكو نادر : لا لااا يا بابا اوووعي تكلمه فوزي بأستغراب : ليه يا ابني مش بتقول بتحبها وعاوز تتقدملها امنيه : اوعي تكون يا نادر هتلعب بالبنت دي بنت ناس قلب بنات الناس مش لعبه مش عشان اللي حصل معاك يا ابني تطلعه علي البنت دي شكلها غلبانه وساعدتنا كتير كمان نادر : لا يا امي انا مستحيل افكر اني ائذي مايا ولو حتي ف احلامي واللي بس يفكر مجرد تفكير كده يخطر علي باله انو يعملها اي حاجه انا ممكن ادفنه حي مكان مهو واقف بس ... فوزي : بس ايه يا نادر نادر : بصراحه انا حاسس ان مايا مش بتحبني وانها بتتعامل معايا علي اساس الشفقه وبس صدم فوزي مما قال نادر وكان يخشي ان يكون نادر قد علم بأمر الخطه التي وضعها كلا من فوزي وامنيه ومايا من اجل ان يعيدو نادر كما كان ولكنه سيطر علي خوفه وقال بصوت طبيعي فوزي : ليه يا نادر بتقول كده نادر : احساس يا بابا مهو مش معقول واحده مكنناش بنطيق بعض ومرة واحده نتعامل كويس كده بعد ما سمعتني وانا بتكلم معاك لما كنت ف الغيبوبه ي المستشفي اكيد لما عرفت مني كمان اللي حصلي اتعاطفت معايا وده طبعا ميبقاش اسمه حب فوزي : امال اسمه ايه يا نادر نادر : اسمها شفقه يا بابا انا حاسس انها بتتعامل معايا بدافع الانسانيه وبس فوزي وقد حمد الله لان نادر لم يعلم بأمر الخطه : طيب قول يا ابني انت ناوي علي ايه واحنا معاك والا ايه يا امنيه امنيه : ايوا طبعا يا فوزي وانا كمان معاك يا ابني بس قولنا انت ناوي علي ايه نادر : ناوي علي ايه دي بقاا ف انا هخلي مايا تحبني بطريقتي وهحاول اتأكد من ده عن طريق كذا حاجه بس عاوزكو تكونو معايا وتساعدوني ف اللي اطلبه فوزي \ امنيه : معاك يا ابني فوزي : علي فكرة يا نادر انا اديت والدها فكره عن الموضوع ده وهو رحب اوي بالفكرة ووافق نادر : يبقي كده مافضلش الا موافقه ... فوزي مقاطعا حديثه : موافقه مايا يا نادر وريني شطارتك بقا يا بطل نادر وهو يفكر بشئ ما في باله : انشاء الله يا بابا هيحصل كللل خير فوزي : عفااارم عليك انا كده هتصل ب عادل واقله انو ميبلغش مايا دلوقتي لحد ما انت تعرف اذا كان في قبول منها والا لا نادر : ايوا يا بابا انا مش عاوز اجبرها علي حاجه وانا حاسس انها مش بتحبني مش هقدر اعمل فيها كده مش هقدر اظلمها معايا وتكون هي بتمثل الحب عشان متجرحنيش لا انا هستحمل اظلمها والا هستحمل كده علي نفسي فوزي : قرار مظبوط يا ابني و ربنا يكرمكو... انا من اول ما شفت البنت دي وانا حاسس انها هي اللي هتعدلك نادر : واهي عدلتني يا بابا وهتمشي فوزي : عدلتك وجعتلي روحي وابني الوحيد وانشاء الله يا ابني مش هتمشي نادر : الحمد لله يا بابا انا كنت عاوز اقولك اني هرجع تاني الشغل من بكرا وهخلص الصفقه الاخيره اللي انت كنت هتعملها فوزي : والله فرحتني يا ابني بس ... نادر بأستغراب : بس ايه يا بابا فوزي : مش شايف انو دي صفقه كبيره شويه وبعدين انت لسه راجع جديد اكيد نسيت كل صفاقاتنا وشغلنا نادر : لا يا بابا ولا كبيره عليا والا حاجه انا مصمم امسك الصفقه دي بالذااات عشان اثبتلك اني قدها وادود فوزي بعد تفكير : امممم عااش يا وحش و مكتبك موجود زي ما هو وبكرا هبعتلك ورق الصقه ده مع السكرتي.... نادر : سكتت ليه يا بابا ما تقول السكرتيره انا خلاص يا بابا نسيت فوزي : اخيرا يا ناادر ده انا مش مصدق نفسي انك نسيتها بالسهوله دي نادر : واديني نسيت يا بابا بسببها واللي كانت السبب ف كده بدل ما تكون موجوده جمبي وبتشجعني انا بغبائي بعدتها عني كان لازم اللي اسمها علياء دي تعكنن علينا احنا كننا خلاص نتعامل عادي يمكن زي الصحاب وكنت هستني اسبوع والا اتنين وافاتحها ف الموضوع بس ازاااي بقا النحس يقول فين نادر الدمنهوري ويديله علي دماغو مش لاقي غير امي انا وكمان الحاجه الوحيده اللي كنت بشوفها بسببها خلاص بببح ومش هتيجي الفيلا تاني بس انشاء الله ترجعلي يا بابا انا مش هسيبها والا اتخلي عنها فوزي : انشاء الله يا ابني وسيب الموضوع ده عليا انا وانشاء الله بعد بكرا هاجي انا كمان الشركه عشان نشوف الصفقه دي اللي شكلها مش هتتم نادر : لا انشاء الله يا بابا تتم طيب انا طالع اوضتي شويه ارتاح عاوزين مني حاجه فوزي \ امنيه : لا يا حبيبي نادر : طيب تصبحو علي خير فوزي : وانت من اهله امنيه : وانت من اهله يا حبيبي اتجه نادر نحو غرته بينما قام فوزي الدمنهوري بأجراء اتصال ب عادل ليخبره عن قرار نادر وعندما علم عادل بهذا القرار خشي من ان تكون ابنته لا تحب نادر ويقوم هو بجرحها وخصوصا ان مايا فتاه حساسه للغايه فقرر هو الاخر ان يتمهل ليري ما اذا كانت مايا بالفعل تحب نادر ام لا بااااااااااااااك عادل : بس كده يا سميره ده اللي فوزي قالهولي سميره بس انا خايفه يا حاج الولد ده يجرح بنتي والا يضايقها البنت مش حمل انها تتجرح انت عارف بنتك اكتر مني دي ممكن تموت فيها عادل : لا يا سميره ما اظنش واحد زي ده مش عاوز يجي يخطبها الا اما يتأكد من انها بتبادله نفس الشعور عمره ما هيفكر انو يجرحها انا حاسس ان ده الشخص المناسب لمايا واهي منها بنتنها تبقي سعيده ومنها اقرب انا من اللي عاوزة !!! سميره : والله يا حاج انا حاسه ان ده غلط ما بلاش احنا عايشين وكويسين اهو ليه هندبس نفسنا مع ناس بالشكل ده انسي بقا يا عادل الله يرضي عنك عادل بعصبيه : انسسسي ازاي انسي اللي الناس دول عملوه فيا وف ولادي وف ابويا انا قلبي فضل فيه نار لحد النهارده ويوم ما الاقي الميا اللي هتطفيه ما اخدهاش لا يا سميره مش هيحصل دي اكبر فرصه لينا سميره : ربنا يستر يا حاج وهنا جاء ادهم وسمع اطراف حديثهما ولكنه لم يفسر اي شئ مما قالاه ادهم : مسا مسا يا حاج عادل : اهلا يا عرييس ادهم : ما لسه بقا عاريس ايه كمان اربع زفت شهور عادل : هااااانت يا وحش استحمل ادهم : استحمل ايه بقا و زفت ايه لازم يعني خالتي تحط اربع شهور ليه هي هتحضر ايه ف كل ده والا هو فضي ورخامه ع الفاضي بقا سميره : ولللد اتكلم كويس عن خالتك والا اقول حماتك ادهم : بلا خالتي بلا حماتي بقا ... الا انتو صحيح كنتو بتتكلمو عن ايه سميره بأرتباك : ها .. لا والا حاجه يا ابني عادل : استني يا سميره ادهم لازم يعرف دلوقتي لان الموضوع بقي رسمي والراجل كلمني بنفسه ولازم يكون اخوها الكبير عارف ادهم : هو في ايه بالظبط مخبينه عليا !! عادل : اختك يا سيدي جايلها عريس ادهم : الاوزعه جايلها عريس .. طيب ده يبقي مين انشاء الله عادل : نادر الدمنهوري ادهم : ايييييه ابن فوزي الدمنهوري عادل : ايوا يا ابني كلمني من اليوم اللي كننا فيه ف النادي وطلب ايد مايا ادهم : طيب ومجوش ليه يتقدمو رسمي هنا لحد دلوقتي عادل : عشان كلنا مش عارفين اذا كانت مايا بتحبه والا لا وانت عارف اختك ممكن تضحي بسعادتها عشان تشوف اللي حواليها مبسوطين ادهم : ممممم طب وهنعرف منين يا بابا هننجم احنا انشاء الله عادل : نادر هو اللي هيكتشف ده بنفسه ادهم بعصبيه : ليه انشاء الله هو كان بينو وبينها حاجه والا احنا مركبين قرون لامؤخذه مفيش حاجه اسمها كده هتحصل احنا مش ارايل يا حاج عادل بعصبيه : احترم نفسك يا ولد واتكلم بطريقه كويسه ايه الالفاظ دي ادهم : انا اسف يا بابا بس انا مش عيل توتو عشان اشوف اختي واحد عمال يحب فيها من غير ما تكون في بينهم حاجه رسمي عادل : مين قالك انو هيحب فيها الراجل بس هيشوف في قبول والا لا وبعدين ما انت كمان يا ادهم ادهم : انا ايه يا بابا عادل : مش انت كنت بتكلم ندي فتره قبل ما تتقدملها عشان تشوف اذا كانت بتحبك والا لا والا هو حلال ليك وحرام للناس ادهم : ايوا يا بابا بس انا كنت حاطط ف دماغي اني فعلا هتقدملها وكنت بس بشوف في قبول والا لا عادل : وانت ايه اللي خلاك متأكد انو مش بيفكر ف كده برضو مهو ده اللي نادر عاوز يعمله بالظبط و احنا واجبنا بقا اننا نديله فرصه ادهم : واضمن منين انشاء الله ان اللي اسمه نادر ده مش هيلعب بقلب اختي عادل : واحد زي ده مش عاوز يتقدملها الا اما يعرف ان كانت بتحبه والا لا يبقي ازاي هيلعب بقلبها وبعدين انا مش هفتحها ع البحري وهتكون بحدود وبعدين انت مش واثق ف اختك والا ايه انا مربي بنتي انها تكون ب 100 راجل ادهم : واثق فيها يا بابا بس مش واثق من اللي حواليها والا عمري هقدر اتحكم ف تصرفاتهم عادل : يبقي خلاص اظن انك نسيت انا برضو ابوها واعرف مصلحتها وانا لو شايف ان الموضوع ده في ضرر لمايا ولو 5% عمري ما كنت وافقت ادهم : خلاص يا بابا اعمل اللي انت شايفه مناسب بس وعزة جلال الله لو البنيئادم ده عملها اي حاجه تدايقه او تجرحها خليه يقول علي نفسه يا رحمن يا رحيم ومحدش هيقدر يمنعني اني اخنقه بأيدي واروح فيه داهيه عادل : لا يا ابني ربنا ما يجيب المصايب دي انشاء الله الحكايه مش هتوصل لكده و اوعدك يا ابني ان ده مش هيحصل ادهم وقد قبل رأس والده : انا اسف يا حج والله ما كنت اقصد انا بس الكلام وطلب اللي اسمه نادر ده هو اللي عصبني عادل : ولا يهمك يا حبيبي ربنا يخليك ليا يارب ادهم : ويخليك ليا يا ابويا سميره : وانا يا واد مليش كلمه حلوه والا خلاص هو ابوك وحماتك وندي بس ادهم مازحا وقد قبل يد والدته : الله الله يا سمورة احنا بدأنا نغير والا ايه ده انتي الخير والبركه يا ست الكل سميره : ربنا يوفقك يا حبيبي ويكرمك ف شغلك و في حياتك ومع خطيبتك قادر يا كريم ادهم : اه والنبي يا امي ادعيلي انا محتاج دعوتك اوي سميره : بدعيلك يا حبيبي والله ادهم : ربنا يخليكو ليا ... طيب انا داخل انام بقا قبل ما انزل ع الشغل بدري تصبحو علي خير عادل \ سميره : وانت من اهلو يا حبيبي في غرفه مايا كانت مايا تفكر في حالها مع نادر وما هو القرار الصحيح الذي عليها ان تتخذه بشأن هذا الموضوع ثم عادت تتذكر المنام الذي كان يراودها كثيرا فقررت ان تترك هذا الامر علي الله ولكنها ستحاول ان تتجنب نادر واذا كان الله يري في ذلك الامر خيرا فسيفعله كمان فعل من قبل سلمت مايا امرها لله عز وجل ثم خلدت اللي نومها مايا في نفسها : هو انا ايه اللي خلاني اقلب كده مرة واحده مهو معملش حاجه برضو هو ذنبه ايه باللي علياء دي عملته والا انا فعلا غيرت ... بس انا هغير ليه انا مالي بيه اصلا .... انا بعند مع نفسي ليه ايوا انا ما انكرش ان في حاجه بتشدني لنادر ولما بشوفه ببقي مبسوطه مع اننا علي طول نتخانق بس بحب الخناق معاه وببقي نفسي افضل جنبو بس ف نفس الوقت انا لازم ابعد عشان ما اجرحهوش لو عرف الحقيقه هيزعل وممكن يرجع تاني اوحش من الاول .. يارب سلمت امري ليك لو كان الحكايه فيها خير يبقي هنتقابل تاني ولو لا يبقي خلاص انا راضيه بقضائك يارب انا بقا احسن حاجه اعملها دلوقتي اني انام عشان بكرا هيكون اخر يوم اشوف فيهم الناس دي ويمكن يجمعنا القدر تاني ويمكن لا يااارب تساعدني بقا ثم خلدت مايا الي نومها بعد ان تشتت تفكيرها من كثره التساؤلات والحلول التي يمكن ان توضع في حل هذه المشكله التي شعرت مايا بأنه لا يوجد لها حل بينما عند نادر كان نادر يفكر فيما سوف يفعله ليتأكد من مشاعر مايا نحوه ثم قام بتسليم امره هو الاخر لله لان لا يحسن تدبير الامور الا الله عز وجل وهو من بدأ تلك القصه وسوف تنتهي كما يشاء الله عز وجل نادر في نفسه : ياااارب انا تعبت من التفكير هي ممكن تكون بتعاملني كده عشان ممكن تبقي بتشفق عليا من اللي حصلي وحاولت تساعدني لما شافت ابويا وامي ف الحاله دي وقالت ترجعني تاني بس ليه هي اتخنقت كده لما شافت اللي علياء عملته انا لازم اتأكد اذا كانت هي بتحبني فعلا والا لا ولو كانت مش بتحبني فأنا مش هقف قدام سعادتها هي خلتني افرح تاني وانا مش هقدر احكم عليها انها تفضل مع واحد زيي بس ازاي .. ازاي اسبها بعد ما اتعودت عليها ازاي يا فارفوري هيعدي عليا يوم من غير ما اتخانق معاكي وانتي تعملي فيا مقالب يااارب تساعدني يارب واللي انت عاوزة هيكون ... ثم خلد كلا منهما اللي النوم وهو لا يعرف ماذا يخبئ لهما القدر من مفاجأت يمكنها ان تقربهم من بعضهم لم تكن لتخطر علي بالهم فمن يشكي اللي الله ويسلم امره له يجد ابواب الحلول فتحت له علي مذرعيها ... وحصصصصصصصل .... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ يتبع تفاعل | ||||
|
| |
|
11-10-16, 07:08 PM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني والثلاثون استيقظ كلا من نادر ومايا كان نادر يستعد ليذهب اللي الشركه والعوده الي العمل بعد الكثير من الوقت الذي قضاه بعيدا عن مجال العمل وقام بأرتداء الزي الرسمي وكان علي استعداد تام للذهاب الي العمل ثم قاد سيارته نحو الشركه ودلف الي الداخل ما ان رأاه موظفو الشركه حتي بدأ التهامس بينهم والاستغراب وبعض من السخريه وكان نادر علي علم بما يحدث بينهم ولكنه لم يكترث لهم ثم دلف اللي مكتبه ووجده كما كان في اخر مره رأاه فيه نادر نادر في نفسه : يااااه المكتب لسه زي ما هو ... فين ايام لما كنت ببقي غرقان ف الشغل ومش بمشي من المكتب و ليل نهار كنت قاعد هنا .... فينك يا فارفورتي تيجي تشجعيني يارب يا مايا تكوني بتحبيني انا مش هعرف اكمل من غيرك ثم قام بالجلوس علي مكتبه وقام بطلب السكرتيره لتحضر له اوراق الصفقه ثم دلفت السكرتيره الي المكتب واعطته الاوراق ثم خرجت مره اخري من المكتب و ظل نادر منشغلا في العمل .... عند مايا قامت مايا بالاستعداد لتذهب الي فيلا الدمنهوري وتقوم برؤيه تلك الفيلا للمره الاخيره التي كانت بمثابه بيتها الثاني فهي كانت تعتبر فوزي كوالدها وامنيه كوالدتها ولكنها لم تكن تعرف ماذا تعتبر نادر بالنسبه لها فهي كانت لا تستطيع ان تفسر علاقتها به فهي تشعر بالسعاده الشديده عندما تراه ولكن في كل مره يبدأ الشجار بينهما فيتلاشي تلك السعاده رويدا رويدا ويحل محلها الغضب والعناد كانت مايا تتمني ان تري هذه الاسره مره اخري لم تكن تريد ان تبتعد عنهم فقد اصبحو جزء من يومها بل جزء اساسي بحياتها ولكن ما باليد حيله فقد كانت صحه فوزي في تحسن واضح فلم يعد وجود مايا معهم مهما بعد الان ثم قامت مايا بتذكر كل اللحظات التي مرت بها مع تلك الاسره من بدايه اول شجار بينها وبين نادر بالمشفي ومحاولاتها في استيقاظ فوزي من غيبوبته التي طالت ثم فصلها من المشفي ومساعده نادر لها في استعاده عملها ثم ذهابها الي تلك الفيلا التي كانت تخشاها ولكن عندما تعرفت الي هؤلاء الاشخاص ادركت كم هم ودودين ايضا تذكرت توسلات فوزي وامنيه لها من اجل ان تساعدهما في استعاده نادر مره اخري الي حياته الطبيعيه وتذكرت ما فعلته في نادر من مقالب ثم تذكرت كيف انقلب الحال عندما رأت تلك التي تدعي علياء فقد كانت مايا تشعر بالحنق والغضب الشديدين ما ان رأت تصرفات تلك الفتاه الطائشه مع نادر فكلما تذكرت ذلك الموقف شعرت وكأنها تكاد تحترق من الغيظ ولكنها لم تعرف ما هو السبب وراء ذلك ثم تذكرت محاولات نادر في الاعتذار لها فبالرغم من ان تلك الكلمه التي تتكون من ثلاثه احرف (اسف) شديده الصعوبه علي ان ينطقها نادر الا انه كررها لمايا اكثر من مره ... طوال طريق مايا الي الفيلا كانت تتذكر كل تلك الذكريات وكانت تضحك تارا ثم تبكي تارا اخري كانت مايا غير مستوعبه كيف يمكنها ان تتخلي عن تلك الاسره التي اعتادت علي وجودهم بحياتها ظلت مايا تتذكر كل تلك الذكريات التي اسعدتها بعضهم وتألمت من البعض الاخر الي ان قال لها ادهم انهم وصلو امام الفيلا و ... ادهم : احنا وصلنا يا مايا مايا وقد افاقت من شرودها : ها .. طيب يا ادهم انا نازله اهو ادهم وقد ادار وجه شقيقته نحوه برفق : ايه ده يا ميمو انتي بتعيطي طب ليه بس يا حبيبتي مايا بدموع : مش هقدر ما اجيش هنا تاني يا ادهم انا اتعودت عليهم حسيت ف الشهرين دول اني واحده من البيت ده بجد وكأني بنتهم مش مجرد دكتورة ده حتي دادا صباح كانت حنينه عليا اوي وبتعاملني كويس مريت معاهم ف الشهرين دول ب ايام ومواقف مش قادرة انساها ازاي مرة واحده كده مش هشوفهم تاني ويختفو من حياتي صعب يا ادهم صعب عليا انساهم وانسي كل المواقف الي مريت بيها معاهم سواء مواقف كويسه او وحشه انا عارفه اني مليش اني اقول كده واني مجرد دكتورة بتشرف علي حاله فوزي الدمنهوري بس اعمل ايه اتعودت عليهم غصب عني والله هو كده يبقي انا غلطانه ادهم برفق : ششششش بس يا مايا كفايا عياط وطبعا ده مش غلط مش غلط يا مايا انو يكون قلبك ابيض وبتحبي الناس وتتعودي عليهم بسرعه مش غلط يا مايا انك تساعدي الناس من غير مقابل مش غلط يا مايا انك تقولي انك حبيتي الناس دي بس برضو يا مايا دي سنه الحياه انتي ليكي حياتك وهما ليهم حياتهم لازم تتعودي علي كده لانك هتقابلي ناس كتير اوي وممكن الناس دي تتعودي عليها ف حياتك ومرة واحده الناس دي تسيبك ف اي وقت لازم لما تيجي اللحظه دي اللحظه اللي هتقولي فيها سلام لازم تكوني قويه يا مايا مايا ببكاء : ايوا بس انا بكره كده بكره اودع حد اتعودت عليه ويسبني بكل بساطه ادهم : لازم تتعودي يا مايا يلا بقا خلي الضحكه تنور وشك وخليكي قويه كده مايا وقد مسحت دموعها وقامت بأبتسامه مصطنعه : حاضر يا حبيبي ربنا يخليك ليا يا ادهم ادهم بأبتسامه : ويخليكي ليا يا اوزعه يلا روحي علي شغلك مايا : حاضر توجهت مايا داخل الفيلا بينما انطلق ادهم بسيارته نحو عمله كان ادهم يريد ان يهون علي شقيقته ويخبرها بأنها من الممكن ان تكمل حياتها مع تلك الاسره التي احبتها ولكنه قام بوعد والده بأنه لن يخبرها اي شئ الا عندما يتأكدو من حبها لنادر في فيلا الدمنهوري دلفت مايا داخل الفيلا ثم قامت بالتوجه نحو غرفه فوزي الدمنهوري وطرقت بضع طرقات حتي اذن لها فوزي بالدخول حاولت مايا ان تظهر البسمه علي وجهها بالرغم من شعورها بالالم الشديد مايا بأبتسامه مصطنعه : صباح الخير يا فندم فوزي : صباح الخير يا بنتي عامله ايه النهارده مايا : الحمد لله يا فندم طبعا حضرتك النهارده صحتك زي الفل فوزي : الحمد لله يا بنتي الفضل لربنا وليكي انتي مايا : ربنا يخليك يا فندم انا بس هكتب لحضرتك علي شويه ادويه تنتظم عليهم انشاء الله لمده اسبوعين وفي نوع واحد بس حضرتك هتاخده وقت الضرورة او لما يكون الالم شديد اوي وطبعا لو في اي حاجه خطيره تبلغوني فورا فوزي : انشاء الله يا بنتي بس انا عاوز اقولك علي حاجه كده مايا : اكيد يا عمي اتفضل فوزي : انا كنت وعدتك اني اول ما ربنا يكرمني واقوم من المرض ده هيكون مكانك محجوز ف احسن مستشفي ف البلد وده حصل فعلا يا مايا انتي دلوقتي ليكي عياده مخصوص عشانك ف مستشفي ( ..... ) وبكرا الصبح انشاء الله تروحي شئون العاملين وتقوليلهم علي اسمك وهم هيسجلو حضورك ويقولولك علي مكان عيادتك وتبدأي شغل عادي جدا مايا بفرحه مخطلته بالدموع : انا مش عارفه اقول ايه لحضرتك يا فندم انا متشكره جدا والله كده كتير اوي عليا فوزي : كتير ايه بس يا بنتي ده ميعتبرش اي حااجه من الي انتي عملتيه يا بنتي انتي رجعتي الحياه ف الفيلا دي تاني وانا مش عارف بصراحه بعد ما انتي تمشي هنعمل ايه هتوحشينا كلنا يا بنتي مايا بدموع : انا متشكره اوي يا عمي ومبسوطه اني قدرت اعملكو حاجه حلوه بس يارب متنسونيش فوزي : لا يا بنتي ننساكي ازاي بس فوزي في نفسه : بكرا يا بنتي تبقي هنا معانا علي طول انتي طيبه يا مايا وتستاهلي كل خير مايا : طيب انا كده خلصت يا فندم ومضطره امشي فوزي : سلام يا بنتي وانا هبقي اتطمن عليكي بنفسي ف المستشفي دي ولو في اي حد دايقك هناك او حاول انو يتعامل معاكي بطريقه مش لطيفه قوليلي علي طول مايا : حاضر يا عمي عن اذن حضرتك فوزي : سلام يا مايا خرجت مايا من غرفه فوزي الدمنهوري ثم بدأت تنزل الدرج وهي تتذكر المره الاولي التي اتت فيها الي تلك الفيلا وهي في شده خوفها من التعامل مع اولئك الناس ولكنها سرعان ما خرجت من شرودها علي صوت امنيه وهي تودعها و ... امنيه بنبره يظهر فيها الحزن الشديد : يعني .... يعني خلاص يا بنتي هتمشي ومش هنشوفك تاني مايا بدموع : انا وجودي خلاص بقا مش مرحب بيه خلاص عمي فوزي بقا احسن انا كده اديت مهمتي ويارب اكون قدرت اكون عند حسن ظنكو امنيه وقد فتحت لها زراعيها : لا طبعا يا مايا ليه بتقولي كده يا حبيبتي والله يا مايا ربنا اللي علم انا حبيتك زي بنتي بالظبط انتي رجعتيلي اهم شخصين ف حياتي انقذتي فوزي ورجعتي نادر انا مش عارفه اقولك ايه بجد يا بنتي ... ممكن يعني لو مش هتمانعي مايا بأبتسامه : طبعا يا امي التانيه قامت امنيه بأحتضان مايا وتوديعها وهي تبكي ثم قامت مايا بالخروج الي الجنينه وهناك وجدت صباح في انتظارها و ... صباح : خلاص يا دكتورة هتمشي مايا : علي عيني والله يا صباح انا لو عليا مش عاوزة اسيبكو بس اعمل ايه مينفعش صباح بدموع : بس ابقي افتكرينا يا دكتورة احنا يا بنتي خلاص اتعودنا علي انك تكوني موجوده هنا من طلعت الشمس لحد ما تغيب تقومي تمشي مرة واحده كده مايا بدموع : غصب عني يا صباح والله صباح وقد امسكت بيد مايا : متنسيناش يا بنتي انتي غيرتي الفيلا دي وكل اللي هنا عمرهم ما هينسوكي سلام يا بنتي مايا : س .. سلام يا صباح كانت مايا تريد ان تبكي بشده ولكنها كتمت ذلك البكاء الي ان مرت علي الارجوحه فتذكرت كيف كان نادر يقف فوق تلك الارجوحه بطريقه مضحكه وهو مرتعب من فأرها ثم مرت بجانب البسين فتذكرت ما حدث لها هناك برفقه نادر وكيف قامت بدفعه ليقع فيه وكيف قام نادر بالتمثيل بغرقه وسحبها الي داخل المسبح وهنا لم تستطع مايا ان تمنع نفسها من البكاء مايا وهي تبكي : يااارب انا ليه هبعد عنهم انا مش عاوزة اسيهم انا خلاص اتعودت عليهم طيب ازاي هنسي كل اللي عملوه معايا ازاي هنسي طيبه عمي فوزي معايا وازاي هنسي حنيه امنيه هانم عليا وحب صباح ليا و ... ازاي هنسي ناادر يااارب يااارب انا مش عاوزة اسيبهم كانت مايا تتحدث بصوت مسموع وكانت تبكي بشده وتشكي الي الله من الالم الذي كانت تشعر به ولم تكن تدري بأن نادر يقف خلفها فقد عاد من عمله منذ قليل ورأي مايا وهي تتحدث مع صباح ثم قرر ان يلحق بها ليتمكن من رؤيتها من قرب فهو لم يكن يعلم ان كان سيراها مره اخري ام لا وعندما استمع نادر الي ما قالته مايا قرر ان يحاول التهوين عليها و.. نادر : والا احنا عاوزين نسيبك يا مايا فزعت مايا من صوت نادر فهي لم يخطر ببالها ان يكون هناك شخص ما خلفها ثم تراجعت في خطواتها بسرعه وكانت علي وشك ان تقع في المسبح ولكن نادر تمكن من اللحاق بها وامساك يدها ومنعها من السقوط بالمسبح وظلو علي تلك الحاله بضع ثوان وكأن كلا منهما يخبر الاخر بأنه لا يريد الذهاب ولكن سرعان ما افاقو من ذلك الشرود .... نادر بصوت مرتفع : حاااااسبي يا مايا خدي بالك مايا وقد اغنضت عينيها : ااااه اناااا وقعت صح نادر : لا يا مايا انا مسكتك اهو مايا بقلق : والنبي ما تسيبني اقع يا يا نادر نادر : انا عمري ما هسيبك يا مايا ثم قام نادر بجذب مايا نحوه لتتمكن من الوقوف مرة اخري و ... مايا بصوت يظهر به البكاء : شكرا يا نادر نادر : هو انتي كنتي بتعيطي يا فارفورتي مايا وقد بدأت في البكاء مره اخري : انا .. انا ... انا مش عاوزة اسيبكو يا نادر .. نادر : والا انا عاوز اسيبك يا مايا استمرت مايا في بكائها امام نادر الي ان قام بأخراج منديلا ورقيا ثم قام برفع وجهها نحوه برق وقام بمسح دموعها و .. نادر وهو يمسح لها دموعها بالمنديل : بببس بطلي عياط مايا اللي انا اعرفها مبتعيطش مايا اللي انا اعرفها اقوي انسانه ف الدنيا كلها اوعدك يا مايا ان انا مش هسيبك ابدا والا هخليكي تبعدي عننا مايا وهي تنظر له نظره ترجي : بجد يا نادر نادر : وحياه فارفوري عندي .. بطلي عياط بقا مش انا وعدتك اني مش هسيبك حتي لو بمذاجك يا مايا وانا بلا فخر يعني مش برجع ف وعد اخدته ابدا اللهم لا تكبر يعني واضحكككي خليننني اضححك ضحكتتتك بترد رووووحي مايا : تاااني يا نادر طب بطل غني بقا عشان صوتك وحش و هتخليني اعيط زياده نادر : هههههههه خليكي كابته مواهبي كده علي طول انتو اعداء النجاح مايا : ههههههههه نجاح ايه بس ده انت صوتك حاجه كده استغفر الله توححففه نادر مازحا : طيب في حد جايلك ياخدك والا هضطر اشيلك لحد العربيه تاني وانا بصراحه دراعي واجعني طول النهار اتهد حيلي ف الشغل مايا بخجل : احم لا ادهم جاي ياخدني .. اه صح انت عملت ايه النهارده ف الشغل نادر : بصراحه كان يوم حلو بس كان ناقص حاجه مايا بأستغراب : كان ناقص ايه نادر : كان ناقص شويه تشجيع من اكتر حد انا بثق فيه مايا : اممم طيب وشجعك نادر : لا كان مشغول بأنه عمال يعيط هنا وسايبني مايا بأرتباك : ها ... تقصد مين !!! نادر : اقصدك انتي يا فارفورتي انتي اكتر واحده انا بثق فيها ف الدنيا دي كلها مش انتي اللي رجعتيني برضو وخليتيني احب.. آآآآ خليتينني ارررجع مايا بخجل : احم طيب انا لازم اروح برا عشان عشان ادهم مستنيني و .. وكده هتأخر سلام نادر : سلام يا فارفورتي نادر في نفسه : كده انا اتأكدت من اول حاجه انها مش زعلانه مني كده يبقي ندخل علي خطه اللي بعدها اما نشوف يارب اجعله خير وساعدني ثم دلف نادر الي داخل الفيلا واتجه نحو غرفته لحظي بقسط من الراحه بعد ان تأكد من ان مايا لا تكرهه بل تثق به واخذ عهد اخر علي نفسه بأنه لن يخذلها مهما حدث .. اما عند مايا بعد ان عادت الي منزلها كانت تشعر بسعاده شديده تملئ قلبها فقد كانت تشعر بالارتياح الشديد بسبب وعد نادر لها وكانت تثق من انه سوف يعيدها الي حياتهم كما فعل من قبل واعادها الي عملها ف مايا اصبحت تثق بها ثقه عمياء ثم قررت ان تخلد الي نومها هي الاخري منتظره اشراقه صباح جديد يحمل لها المفاجأت في تلك المشفي التي لا تعرف عنها سوي اسمها لم تكن مايا تعلم بأن هناك اشخاص لا يحبون النجاح لاحد لم تكن تعلم بأنها سوف تكون في اسوء حالتها بسبب ما سوف يحدث معها ولكن هكذا القدر فلا يمكن ان تكون احداث حياتك دائما سعيده لابد من وجود مشكله ما ولكن كمان توجد المشكله يوجد حلها وينعم علينا الله بمن يساعدنا بتلك المشاكل لنتمكن من ان نتخطي تلك المشاكل ... ( لا تقلقي عزيزتي ودعي القدر يلعب لعبته لقد انقذتي مغرورك والان حان دوره فهو لن يدعك تذهبي ببساطه لقد قررتي ان تمسكي بيده لذا فهو لن يترك يدك مهما حدث ولكن احذري من عدم الوثوق به فهو الان ملاذك الوحيد ... فقط انتظري لتري ماذا تخبئ لكي مرأه القدر التي لا يمكن كسرها ببساطه ) وحصصصصصل .... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ يتبع لاء انا زعلانه تفاعل على قصه وحش اوى ورونى تفاعل علشان نزل اكتر من حلقه | ||||
|
| |
|
12-10-16, 09:16 AM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث والثلاثون اشرقت الشمس معلنه اشراقه صباح جديده لمايا .... ولكنها كانت تشعر بالقلق الشديد لانها كانت علي وشك ان تبدأ خطوه جديده بحياتها فهي لم تكن تعلم احد بذلك المشفي فقد كانت فقط معتمده علي تشجيع فوزي لها ... ثم توجهت مايا الي مكان المشفي ودلفت الي داخل ذلك المبني الضخم ثم اخذت تبحث عن مكتب شئون العاملين الي ان وجدته ثم قامت بأخبارهم عن اسمها وقامو بتسجيل حضورها واخبرها احد العاملين عن مكان العياده الخاصه بها شكرته مايا ثم بدأت تمارس عملها اما عند نادر ... فقد كانت حياه نادر اكثر انضباطا من ذي قبل فقد كان منتظم في صلاته وعمله ثم يقوم بالذهاب الي تمرينات الملاكمه ليتدرب جيدا وقد كان ايضا يذهب الي المشفي التي تعمل بها مايا في كل يوم ليطمئن ان كانت في حاله جيده ام لا ولكن مايا لم تكن تعلم بوجود نادر وكانت مايا قد فقدت الامل في ان تري اسره الدمنهوري مره اخري وشعرت بأن نادر قد خذلها ولم ينفذ وعده الذي قد وعدها به مما تسبب لمايا بالحزن والالم الشديدين .... فتح فروع اخري لشركات الدمنهوري للسياحه ومع ذلك النجاح الباهر لهم فلم ينسو ولو للحظه واحده تلك الفتاه والطبيبه الماهره بل الجنيه التي اتت لتحقق لهم ما يتمنوه وكانو يخططون لاعادتها مره اخري الي حياتهم !!! كانت سميره وعادل يشفقان علي حاله ابنتهما فقد كانا يشعران بأن عليهما اخبارها بما تخطط له اسره الدمنهوري ولكنهم في كل مره يتذكرا توسلات فوزي بأن لا يخبر اي احد منهما مايا عن ىمشاعر نادر نحوها فكانا مجبران علي الصمت في كل مره اما ادهم وندي فقد كانت تلك الفتره تمر عليهما ببطئ شديد ولكنهما كانا في غايه السعاده لان ما هي الا بضعه اشهر ثم تتم خطبتهما وبالرغم من سعاده ادهم الا انه كان يشعر بالغضب الشديد بسبب ما يحدث لشقيقته من الم ولم يكن يتحمل ان يراها بتلك الحاله فهي قد وثقت بتلك الاسره واعتبرتهم اسرتها الثانيه فبالرغم من انهم يريدون الخير لمايا ولكنهم لم يراعو ان مشاعرها قد تنجرح بسبب ما فعلوه بها فهي تظن بأنهم قد خذلوها وتخلو عنها بعد ان قامت بمساعدتهم سارت الامور علي ذلك النحو لمده ثلاثه اشهر ونصف الي ان حدث شئ ما قام بقلب الموازين في حياه مايا ...!! انجزت مايا عملها المعتاد ثم توجهت خارج العياده الخاصه بها متجهها خارج المشفي فأستوقفتها احدي زميلاتها و .... لبني بأبتسامه مصطنعه : هاي مايا مايا : هاي لبني اخبارك ايه لبني : انا الحمد لله ... عرفتي اخر الاخبار مايا بأستغراب : لا معرفتش حصل حاجه مهمه يعني لبني : اها شوور بصي يا ست مايا المستشفي هنا بتحب تساعد اهالي القري الفقيره والي مش بيوصلهم اي دعم طبي حاجه كده خير يعني بس ف كل سنه بتطلع فرقه مكونه من مجموعه دكاتره ف جميع التخصصات وبيطلعو علي قريه معينه يشوفو الناس الي هناك لو محتاجين دعم طبي او علاج وتساعدهم وده بيتم خلال اسبوع مايا : اهااا طيب والله حاجه كويسه اوي وفكره جميله كويس ان لسه في ناس لسه بتعمل خير لبني : اها بس ابقي شوفي اسمك ف الفرقه اللي طالعه والا لا مايا بأستغراب : انا طب وانا مالي ده حتي يعني انا لسه جديده هنا لبني : ايوا مهو كل المستجدين هنا لازم يطلعو مع اول فرقه طالعه ويكون معاهم دكتور والا اتنين متمرسين عشان يعني يدربوكو علي الحالات الي زي كده ويجيلكو يوم وتطلعو مع المستجدين علي انكو متمرسين وهكذا .. مايا : اهااا انا كده فهمت بس هي فين القريه دي لبني : قرب اطفيح كده مايا : اييه ده بعيد اوي بس خلاص ميرسي اوي يا لبني علي انك قولتيلي لبني : ولا يهمك يا ميمو يلا عاوزة حاجه مايا بأبتسامه : ربنا يخليكي لبني : اوك عن اذنك مايا : اتفضلي لبني في سرها : والله لاوريكي يا مايا انا هشوف مين فينا اللي هتكون اشطروالا هو عشان انتي متوصي عليكي بس والله لوريكي واخليهم يرفدوكي من هنا ف اسرع وقت وان معملتش كده مبقاش انا لبني !!!! ثم قررت مايا ان تذهب لتري اذا كان اسمها بالفعل ضمن المتواجديد بتلك الفرقه ام لا ... وكانت المفاجأه لمايا انه بالفعل تم اخيارها من ضمن المتجهين الي تلك القريه البسيطه شعرت مايا بالسعاده الشديده بسبب اختيارها لتذهب مع تلك الفرقه مايا في نفسها : الحممد لله اني هطلع معاهم وهقدر اني اساعد الناس البسيطه دي واهو منها اكون نسيت شويه اللي حصلي ايه ده كمان البت لبني جايه طب والله حاجه كويسه مش هكون لوحدي اهو كده يبقي في اي حد انا اعرفه ... في منزل عادل مصطفي ادهم بعصبيه : اناا مش هسكت علي اللي بيحصل لمايا ده ويأما انتو تقولولها يانا اللي هقول النهارده دي بقت حالتها وحشه ونفسيتها ف النازل فاكره انهم نسيوها وهي ساعدتهم كتير حرام عليكو ليه مصممين كلكو تجرحوها عملتلكو ايه هي عادل بصوت جهوري : انت اتهبلت يا ادهم بتعلي صوتك وانا قاعد وبعدين خلاص بقيت انت الحنين اللي عارف فين مصلحه مايا واحنا الوحشين دلوقتي ادهم : يا بابا انا مقصدش بس .. عادل مقاطعا حديثه : بلا بس بلا زفت خلاص انتهي النقاش ف الموضوع ده سميره : بس انا يا حاج عادل قلبي بيتقطع علي البت حرام كده هي مش حمل الزعل ده كلو البنت برضو ممش ذنبها انهم عاوزين يعرفو اذا كانت بتحبه انا ممكن اسئلها بس بنتي تخلص من وجع القلب ده ادهم : هو ده اللي كنت اقصده يا ماما عادل : انا قلت نقاش ف الموضوع ده تاني مش هيحصل وياريت منتكلمش فيه احسن للكل مفهوووم ... سميره : بس بس وطي صوتك يا حاج شكل مايا جت كده عادل : اهاا مايا : سلامو عليكو الكل : وعليكم السلام مايا : احم انا كنت عاوزة اقلكو علي حاجه كده يا جدعان عادل : خير يا بنتي مايا : هو خير انشاء الله بصو انا النهارده كنت مروحه عادي وقابلت صحبتي لبني وقالتلي انو ............. ثم اخذت مايا تقص لاسرتها عن ما اخبرتها به لبني وعن انها من المختارين للذهاب لتلك القريه الصغيره ... عادل : طيب يا بنتي مش شايفه ان المكان ده بعيد شويه وانتي مش متعوده تروحي ف حته لوحدك ده حتي اخوكي كان بيوصلك لحد شغلك مايا : يا بابا انا هروح مع دكاترة تاني اصحابي وكمان لبني هتيجي معايا يعني مش هكون لوحدي عادل بعد تفكير : خلاص يا مايا مفيش مانع مايا بفرحه : بجد يا بابا ربنا يخليك ليا يا احسن اب ف الدنيا عادل : ويخليكي ليا يا احسن بنت ف الدنيا ... الا قوليلي يا مايا هي الفرقه دي هتروح امتي مايا : ب .. بكرا عادل وقد صدم : ايوا يا بنتي بس انتي كده مش هتلحقي تجهزي مايا : يا بابا ده هو اسبوع واحد بس اللي هروحه ادهم متدخلا في الحوار : لا طبعا تقعدي برا البيت ف مكان متعرفيهوش ازاي عادل : اسبووووع كمان ده انا كنت فاكره يوم اخوكي عنده حق يا مايا مينفعش الكلام اللي بتقوليه ده مايا: يا بابا مهو ده شغلي وانا لسه جديده هقولهم لا ممكن يعملولي مشكله وكمان مش هكون لوحدي في دكاترة بنات تاني معايا وكمان في هناك اماكن لينا عشان ننام فيها والبنات لوحدها والولاد لوحدها ها يا بابا قلت ايه ادهم : لا طبعااااا مايا : انا بسأل بابا يا رخم ملكش دعوه ادهم : هو ايه اللي ملكش دعوه هو انتي طالعه رحله دريم ده سفر يا مايا وملكيش حد هناك افردي حصلك حاجه هكون مبسوط انا بقا مايا : فال الله ولا فالك يا اخي لا انشاء الله مش هيحصلي اي حاجه عادل : بببس انتو الاتنين انتو هتتخانقو قدامي والا ايه ما تضربها قلمين احسن يا ادهم اخذ عادل يفكر جيدا في هذا الموضوع فمن جهه لا يمكنه ترك ابنته تسافر وحدها ومن جهه اخري هو لا يريد ان يجعلها تستاء وبالاخص ان حالتها النفسيه شديده السوء لانها تظن بأن اسره الدمنهوري لم تعد تتذكرها او تخطر ببالهم لذا فقد قرر ان يجعلها تذهب لعلها تمرح هناك قليلا وتغير نفسيتها عادل : خلاص انا موافق يا بنتي بس علي شرط مايا بفرح : اطللب اللي انت عاوزة يا بابا عادل : تخلي بالك كويس اوي من نفسك وتتصلي بينا كل شويه مايا بفرحه : بس كده اكيييد يا بابا متخافش بنتك رااجل و ميرسي اوووووي يا بابا ... طيب عن اذنكو يا جماعه انا داخله اوضتي اوضب الحاجه بتاعتي الكل : اتفضلي ادهم : ازاي يا بابا تسمحلها تروح مكان زي ده لوحدها فوزي : يا ابني اختك غلبانه وانا عاوزها تتبسط شويه ادهم : عندك حق والله يا بابا بس المكان بعيد ومايا ازاي هتقعد اسبوع برا البيت عادل : هنبقي نتطمن عليها كل يوم وكمان هي هتكون مع زمايلها دلفت مايا الي غرفتها وقامت بتبديل ملابسها ثم اخذت تفكر بوعد نادر لها بأنه سوف يعيدها لحياتهم مره اخري ولكن سرعان ما تملكها الغضب الشديد لان نادر لم ييقوم بتنفيذ وعده لها .. مايا في نفسها : كان لازم اعرف يا نادر انك مش هتلتزم بالوعد اللي وعدتهولي وانك بعد ما رجعت لحياتك نسيتني الحمد لله علي كل حال انا برضو مش هنسي الايام والذكريات اللي قضيتها معاكو ربنا يزيدكو يارب وتفضلو ف تقدم دايما ويكرمك يا نادر ومترجعش وحش تاني ابدا ... بس ليه بالرغم انو بعيد عني ومش بشوفو ساعات ف الشغل بحس انو موجود معايا .. لا لا دي اكيد تهيؤات هو ايه اللي هيجيبو المستشفي مهو لو عشاني يبقي كان الاحسن يتصل بيا مره انما خلاص علي رأي ادهم اول ما يقومو ولا كأن في واحده اسمها مايا ف الكون انا الحق انام بقا ... ثم خلدت مايا الي النوم منتظره اليوم التالي التي ستوجد لها به مفاجئات لم تكن ف الحسبان !!! كان نادر بالسياره عائدا الي الفيلا بعد يوم عمل شاق ثم اخذ يفكر ب مايا ... نادر في نفسه : ياتري يا فارفوري انتي بتحسي اني باجي اتطمن عليكي ف المستشفي كل يوم والا لا بس هي اكيد دلوقتي فكراني نسيتها متعرفش اني مستني خطوبه ادهم عشان اقدر اقرب منها تاني وانفذ الوعد بتاعي ليها ... هاانت يا مايا كلها فات كتير فاضل اسبوعين ع الاققل بس يارب متكونش ظنت فيا غلط وتفكر اني اتخليت عنها ونسيتها ..اوعي يا فارفورتي ثم توجه نادر الي الفيلا ثم قرر ان يطمئن علي والده فوجده في المكتب ثم دلف الي الداخل وهناك وجد والده يبحث عن شئ ما و .... نادر : مسا مسا يا حاج فوزي : ...... نادر : يا بابااا فوزي : ها .. عامل ايه يا نادر نادر : انا زي الفل انت شكلك متضايق في ايه فوزي : الورق يا سيدي بتاع الشركه الاخيره لازم يكون معايا ف اجتماع يوم الاسبوع الجاي ومش لاقيه نادر بصدمه : ايييه مش لاقيه ازاي يا بابا ده مهم جدا فوزي : مش فااكر حطيته فين خالص نادر : حاول تفتكر بالراحه بس كده حطيته فين انت عجزت وجالك زهايمر والا ايه يا ابو الفوز فوزي : انا مش فايق لهزارك ده نادر : انا غلطان اني بفرفشك يا حاج فوزي : ...... وبعد بضعه دقائق فوزي : ايواا افتكرت نادر : اللهم صلي فين بقا يا حاج ف الشركه مش كده فوزي : لا نادر : امال فين يا بابا فوزي : ياادي النيله ده مع المحامي آآآ بقولك ايه يا نادر ما تروح تجيب الورق منه نادر : طب كويس مش هو ساكن ف التجمع ومالو لو اخطف رجلي سريع سريع كده وارحله فوزي : احم مهو مش ف التجمع دلوقتي نادر : امال ايه عزل يعني فوزي : لا معزلش هو المشوار مش بعيد اوي يعني قريب نادر : ايوا فين يعني فوزي بصوت منخفض : في بلده ف اسيوط نادر : ها بتقول ايه يا بابا مش سامعك فوزي بصوت مسموع : اسيووط نادر بصدمه : ميييين اس اييييييه اسيووووط هار اسووود ده مين ابن الكلب اللي هيدب المشوار ده دلوقتي لا ياعم انا مش رايح ف حتت بلا اسيوط بلا قنا فوزي بترجي : يووه بقا يا نادر متبقاش زي الاطفال ده ورق مهم جدا وانت عارف ده كويس اوي ولازم يكون عندي قبل الاجتماع والا موضوع الشركه الجديده هيبوظ نادر وهو يزفر : طب ما تبعت اي حد من الموظفين يجيبه او السواق حتي لازم زفت الطين ناادر اللي يروح فوزي بعصبيه : ما انت عارف ان الاوراق دي مهمه ومش هينفع تقع ف ايد اي حد لازم يكون حد ثقه نادر : يوووه طب وانا لازم اروح دلوقتي ما لسه فاضل زفت اسبوع فوزي : اه لازم تروح دلوقتي وانا هكلمه ابلغه انك هتروحله عشان يبقي عامل حسابه نادر : طب وتعب السفر ده بقااا ده انا جاي مش شايف قدامي فوزي : انت مش هتاخد الطريق مشي ما انت رايح بعربيتك مش هتتعب يعني وكمان ده الساعه لسه 6 هتلحق تيجي بسرعه نادر وهو يزفر : يادي النيله علي حظ امي انا بقا اووف لازم ادب المشوار ده كله عشان خاطر الزفت الورق ده فوزي : خلص النقاش يا نادر يلا روح كلك لقمه عشان تعرف تركز ف السواقه نادر : ولييه اروح اكل ما انا اخدلي اي حاجه ع السريع ف العربيه وخلاص فوزي : اه والله فكره خلاص يبقي هاتلك اي حاجه وانت ماشي ف السكه نادر : احلللف يا حاج طب وسي عز ده ساكن فين ف اسيوط فوزي : استني انا هكتبلك العنوان ف ورقه عشان متتوهش نادر علي مضض : طيب نادر في نفسه : اسيوط يا دين النبي يا جدعاان ده الطريق ياخدله تلت اربع وانا مش نايم كويس اصلا وهروح صد رد يوووه بقا بس الورق فعلا مهم واييه اللي خلاك بس يا حاج فوزي تدي الورق للقرد اللي اسمه عز ده راجل سئيل اصلا فوزي : خد اهو العنوان مكتوب هنا عاوزك ترجع بسرعه بقا عشان تلحق ترجع قبل معاد الاجتماع نادر علي مضض : ماشي سلام اتجه نادر نحو سيارته وعلي وجهه اثار الغضب الشديد ثم اخذ يتجه بها نحو اسيوط حيث المكان المشار اليه في العنوان الذي اعطاه له والده .... نادر في نفسه : اوووف ده الطريق من هنا لاسيوط بتاع 400 كيلو ياارب اخلص بقا من اليوم اللي شكله مش هيعدي علي خير كده اخذ نادر يقود سيارته الي العنوان المشار اليه الي ان وصل وكان عز المحامي في انتظاره ثم قام بالترحيب به ترحيبا حارا وصمم ان يظل نادر اليله وان لا يعود الي القاهره حتي الصباح و ... نادر : اهو انا وصلت تقريبا هو ده البيت اما اتصل ب بابا اخليه يشوف اللي اسمه عز ده فين ثم قام نادر بالاتصال بوالده و .... فوزي : ايوا يا نادر نادر بضيق : انا وصلت اهو يا بابا قول للزفت ده ينزل يديني الورق عشان اغور فوزي : معلش يا ابني عارف انك تعبان استني انا هكلمه اهو نادر : ماشي انا مستني اهو اغلق فوزي الخط مع ابنه ثم قام بالتصال ب عز ( المحامي ) ليقوم بأحضار الاوراق الي نادر وما هي الا بضعه دقائق حتي حتي ظهر عز و ... عز : يا مررحب يا مرحب نادر بيه نادر وهو يصافحه : عز باشا اخبارك عز : تمام ويا باشا والله يا باشا اسيوط كلها نورت نادر : منوره بأهلها نادر في نفسه : الله يحرقك يا بعيد منورة ايه ده انا حاسس اني مش قادر اقف علي رجليا من التعب ياكش تولع مطرح ما انت واقف عز وهو يحرك يده في الهواء امام نادر : يا ناادر باشا يا ناادر انت سامعني نادر : ها ... اه اه معاك يا كبير طيب فين الورق بقا عشان بس الحق ارجع عشان دي سكه سفر زي ما انت عارف عز : ايوا طبعا يا باشا الورق معايا ف الحفظ والصون بس انت لازم تقعد معايا نتغدي وتشربلك كبايه شاي وتبات النهارده كمان ده الطريق بليل بيبقي مليان بلاوي نادر : لا لا ملوش لزوم انا بحب السفر باليل هات انت بس الورق عز : والله ما يحصل يا باشا لازم تفضل النهارده نادر بضيق : يا عم عز هات الورق خليني اتكل علي الله بس عز : يا باشا مش ممكن يحصل ده انت ضيفي واول مره تشرفني نادر في نفسه : امممم مهو بيعزم بقلب جامد اهو يعني دي مش عزومه مراكبيه طب ما ده حاجه زي الفل وجيالي ع الطبطاب اهي اما اعمل نفسي بقا محرج وكده عشان يمسك فيها نادر : عاارف لو مكنتش بس تحلف يا عز خلاص انا هقعد بس همشي من الصبح بدري عز : وهو كذلك يا نادر بيه اتفضل اتفضل والله منورني نادر : ده نورك يا باشا ثم دلف نادر مع عز الي داخل المنزل وقرر ان يقيم اليله عنده حتي الصباح لانه كان يشعر بالارهاق الشديد والتعب ثم قرر ان يخبر والده بأنه لن يعود اليله و ... نادر : ايوا يا بابا فوزي : ايوا يا ابني ها خلصت وجاي نادر : بصراحه كده يا حج مش هينفع اجي النهارده انا تعبان وممكن اغفل ف الطريق البس ف شجره والا اعمل حادثه مش هعرف اجي النهارده وعز مسك فيا ف البيات وانا مرضتش اكسفه بقا انت عارف ابنك ملاك فوزي : انت هتقوولي خلاص ماشي بس بكرا الصبح تكون هنا الورق اللي معاك مهم يا نادر نادر : علي بكرا العصر كده اكون صحيت براحتي فوزي : لا مهو مش بيت ابوك هو متتقلش علي حد يا نادر وتعالي الصبح نادر : عيوني يا حج هكون عندك بكرا من العصر بدري فوزي : انا عارف لو اتكلمت معاك مش هاخد لا حق ولا باطل معاك اعمل اللي انت عاوزة بس الورق ده يكون عندي قبل يوم الثلاثاء الجاي نادر : ياعم متخاش ده لسه فاضل اسبوووع فوزي : يا عم !! نادر : لا مقصدش يا حج ده انت الخير والبركه يلا انا رايح انام بقا بدل الجدع السخيف اللي برا ده يجي ويفضل يلك انا مصدقت استريحت منو قلت اطلع اناملي شويه وهو مرزوع تحت مع ولاد عمه بس والله فكره بيت العيله الكبير ده حلو عزوه كده فوزي : ماشي يا عم الحنين روح نام بقا عشان تبقي فايق بكرا نادر : ومالو يا حج سامو عليكو فوزي : وعليكو خلد نادر اللي النوم وظل مستغرقا في نومه حتي الصباح ..... عند مايا استعدت مايا لتذهب الي المشفي لينطلقو في رحلتهم الي تلك القريه وقام ادهم بتوصيلها الي المشفي و .... ادهم : خلي بالك من نفسك يا اوزعه بقا وانا هبقي اتطمن عليكي كل يوم تمام مايا : اها اوك يا ادهومي باي باي ادهم : سلام يا حبيبتي دلفت مايا داخل المشفي لتبحث عن لبني ثم وجدتها وهناك .... مايا : صباح الخير يا لبني لبني : صباح النور يا دكتوره هاا جهزتي عشان نروح مايا : اها الحمد لله امال احنا هنروح ازاي لبني : كلها شويه والباصات توصل ونروح مايا : اها اوك والله هيبقي اسبوع جميل اوي احلي حاجه اننا هنقدر نساعد الناس اللي هناك لبني : شوور لبني في نفسها : يا قلبك الحنين يا اختي والله لهتشوفي مني يا مايا انا هوريكي انا هعمل فيكي ايه عشان حرام ابقي متعينه قبلك بسنه وطالعان عيني ف الشغل و مرتبي قليل وانتي تيجي ف شهرين تلاته تقشي كل حاجه عشان متوصي عليكي من فوق و تلاقي مرتبك ف السما .... اتقلي بقا وشوفي انا هعمل فيكي ايه وهتترفدي علي ايدي انشاء الله ... وحصصصصل ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ يتبع | ||||
|
| |
|
12-10-16, 09:18 AM
| #36 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الرابع والثلاثون دلفت مايا داخل المشفي لتبحث عن لبني ثم وجدتها وهناك .... مايا : صباح الخير يا لبني لبني : صباح النور يا دكتوره هاا جهزتي عشان نروح مايا : اها الحمد لله امال احنا هنروح ازاي لبني : كلها شويه والباصات توصل ونروح مايا : اها اوك والله هيبقي اسبوع جميل اوي احلي حاجه اننا هنقدر نساعد الناس اللي هناك لبني : شوور لبني في نفسها : يا قلبك الحنين يا اختي والله لهتشوفي مني يا مايا انا هوريكي انا هعمل فيكي ايه عشان حرام ابقي متعينه قبلك بسنه وطالعان عيني ف الشغل و مرتبي قليل وانتي تيجي ف شهررين تلاته تقشي كل حاجه تلاقي مرتبك ف السما .... اتقلي بقا وشوفي انا هعمل فيكي ايه وهتترفدي علي ايدي انشاء الله .... وبعد وقت ليس بطويل اصبح الباص الذي سيوصلهم الي القريه جاهزا ثم جلس الجميع في المقاعد المخصصه له وما ان انطلق الباص حتي بدأت المحادثات بين الجالسين ولكن لم تكن مايا مندمجه معهم لان هناك شئ اخر كان يشغل تفكيرها وهي اسره الدمنهوري الذين تمكنوا من ان ينسوها بتلك البساطه ايعقل ان يكونوا قد استمروا بحياتهم ولا يتذكروها لقد اصبحت تؤمن تماما بتلك الفكره الان ولكن جزء صغير منها يخبرها بأنها مخطئه وانهم لا يزالو يتذكروها وبأن نادر سوف يقوم بأعادتها كما وعدها من قبل ثم افاقت من شرودها علي صوت رنين هاتفها برقم ( والدتها ) مايا : الو سميره : ايوا يا مايا ركبتي يا حبيبتي مايا : اها يا ماما ركبنا اهو وفاضل بس ساعتين ونوصل سميره : ربنا معاكي يا بنتي يارب وتوصلي بالسلامه بس ابقي كلميني كل شويه طمنيني عليكي مايا : اوباااا طب ده البطاريه ضعيفه وممكن يفصل ف اي وقت سميره : يعني ايه الكلام ده مش هعرف اكلمك مايا : مش عارفه يا امي .... امممم طب استني كده ثواني خليكي معايا سميره : ماشي يا بنتي توجهت مايا نحو لبني لتستئذنها اذا كان يمكن ان تتصل والدتها علي الرقم الخاص ب لبني ثم وافقت لبني علي طلب مايا مما اسعد مايا واشعرها بالارتياح فالان لن تقلق والدتها عليها وبعد بضعه ثوان مايا : ايوا يا ماما سميره : ها يا بنتي عملتي ايه مايا : بصي انتي ممكن تكلميني علي موب واحده من زمايلي دكتورة برضو بس لحد ما نوصل وهشحن موبايلي سميره : يا بنتي ليه نتقل ع الناس مايا : يا ماما نتقل ع الناس ايه بس دي بنوته كيوت والله وبعدين دي مكالمه يعني سميره : خلاص يا مايا طيب قوليلي رقمها مايا : هقولهولك اهو جهزي حاجه تسجليه فيها سميره : اهو يلا قولي الرقم مايا : .......01 سميره : اها كده تمام ماشي يا بنتي هبقي اكلمك من عندها بس ابقي اشحني موبايلك وافتحيه مايا : اوك يا سمورة يلا عاوزة مني حاجه سميره : لا يا حبيبتي ربنا يوفقك لا الله الا الله مايا : محمدا رسول الله باي باي يا ماما ما ان اغلقت مايا مع والدتها الخط واذ بالباص يتوقف فجأه مما اثار التساؤلات بين الموجودين ثم قطع تلك التساؤلات صوت .... الضابط : خلي الباص ده يركنلي يا ابني علي جنب كده اما نشوف حكايته ايه مايا للبني : هو في ايه يا لبني لبني : باينو كامين مايا : اهااا الضابط : نزلي يا ابني الناس دي كلو لازم يتفتش مايا : اييييه هيفتشونا ده ليه هو احنا حراميه والا ايه ده احنا دكاتره لبني : لا لا متقلقيش خير اووي انشاء الله لبني في نفسها : كنت مقرره اخلص منك ف القريه بس شفي بقا خير البر عاجله انا هوريكي دلوقتي هعمل فيكي ايه واهي جات الفرصه بس يارب تنجح ومحدش ياخد باله ثم قام الجميع بالنزول من الباص ليتم تفتيشهم وعندما لاحظت لبني ان الجميع منشغل قررت ان تنفذ خطتها .... تظاهرت لبني بأن دوار ما قد اصابها وامسكت برأسها بشده وكانت حريصه علي ان تكون مايا علي مقربه منها لتراها مايا بفزع : ايييه يا لبني مالك لبني بنبره تظهر بها التعب : اااه دماغي حاسه اني مش شايفه قدامي مايا : طيب تعالي ارتاحي هنا شويه وانا هجبلك ميا تشربيها لبني : لا لا استني انا عاوزة اي حاجه مسكره عصير احسن هموت مايا : ايوا عندك حق انا هروح اجبلك اي حاجه من محل صغير ورا شويه كننا لسه معديين عليه لبني : اوك براحتك يعني انا قاعده اهو مايا : لا لا براحتي ايه ده انا هروح بسرعه بس انتي اوعي تتحركي لبني : هو انا شايفه قدامي عشان اتحرك مايا : اوك انا رايحه اهو كادت مايا ان تبتعد عن الكامين لتحضر شئ ما للبني ولكن استوقفها صوت امين الشرطه الذي ارعبها صابر ( امين الشرطه ) : رايحه فيين يا انسه مايا بفزع : ها ... انا صابر : امال انا رايحه فين انتي كده هي سايبه مايا : انا ..انا رايحه اجيب حاجه من المحل اللي هناك ده صابر بعصبيه : فين المحل ده مش شايفه مايا : مهو ورا شويه صابر وقد امسك ذراع مايا بقوه : تعالي يا بت هنا انتي شكلك مش مريحني اصلا وشكل ليلتك سودا معانا قدامي يابت ع الباشا اما نشوف حكايتك ايه قدااامي مايا متألمه : ااه اوعي سيب ايدي انت ازاي تتكلم معايا بالطريقه دي صابر بصوت جهوري :انتي اتجننتي يا بت انتي قدامي ع الباشا فوراا ده انتي يومك اسود النهارده كانت لبني تراقب المشهد من بعيد وهي مدعيه التعب لبني في نفسها : هو مش ده بالظبط اللي انا كنت اقصده بس يلا اهي مصيبه اكبر احسن تستاهلي .. مايا : مش راحه ف حته انا معملتش حاجه غلط عشان تعاملني بالشكل ده واوعي سيب دراعي انت اتجننت صابر بصوت جهوري : لا ده انتي زودتيها اووي انا هعرفك ازاي تتكلمي كده ضابط ما من بعيد : ايه يا صابر في ايه صابر وقد التفت له وقدم له التحيه العسكريه : تمام يا آسر باشا مافيش حاجه يا فندم آسر وهو ظابط شرطه وهو في الثامن والعشرون من عمره وهو شاب خمري البشره قوي البنيان طويل القامه يتميز بعينيه البنيتين ولحيه خفيفه مما تزيد من وسامته ... آسر : مافيش حاجه ازاي امال انت عمال تزعق ليه صابر : يا باشا البت دي مايا بنرفزة : بتتت انت بتتكلم كده ليه ما تتكلم كويس صابر : شايف يا باشا طريقتها آسر : كمل يا صابر صابر : يا باشا لقيتها ماشيه من الكامين وال ايه عاوزة تشتري حاجه من محل باين طب بالعقل كده فين المحل ده يا باشا ف الهو اللي احنا فيه ده والا هي وكاله من غير بواب آسر : طيب روح شوف انت العربيه اللي جايه دي وانا هتصرف صابر : تمام يا فندم ثم انصرف صابر وترك آسر ليتصرف مع مايا وهو مطمئن انها ستنال العقاب الذي تستحقه لان آسر لا يتهاون مع من يخطئ ابدا فهو من اكثر الضباط حزما في القسم مايا بنرفزة : علي فكره بقا المحل ورا شويه وانا بيتهيقلي اني ولا حراميه والا مجرمه عشان يتعامل معايا بالشكل ده آسر : انتي بتتكلمي كده ليه انتي مش خايفه مايا بثقه : هخاف من ايه وانا معملتش اي حاجه غلط اعجب آسر بطريقه مايا الجريئه ف بالرغم من قسوه صابر عليها الا انها لم تخف بل دافعت عن حقها آسر : امممم طيب ممكن تقوليلي انتي كنتي رايحه هناك ليه مايا : عادي رايحه اجيب حاجه آسر : طيب انا بعتذرلك عن اللي حصلك صابر بس بيحب يرحب زياده مايا : بصراحه هو رحب بما فيه الكفايه ده انا دراعي وقف طيب انا ممكن امشي آسر : لا لا انتي بس قوليلي انتي عاوزة تجيبي ايه وانا ابعت اي عسكري يجبلك اللي انتي عاوزاه مايا : لا متشكره مش عاوزة حاجه انا هروح بنفسي آسر : دي دواعي امنيه عشان المنطقه هنا كلها نشالين وحراميه و ممكن يحصلك حاجه لا انا مش هسمح لبنوته زي القمر زيك كده تروح لوحدها ف مكان زي ده مايا وقد شعرت بالتوتر الشديد : احم ... لا مهو انا مش عاوزة اتعب حضرتك معايا اسر : لا لا تعب ايه بس .... خد يا عسكري هنا لبني من بعيد في نفسها : ااه يا بنت ال مش مكفيكي اللي عملتيه كمان بتلفي ع الواد طب والله لوريكي يا مايا هشوف انا والا انتي ثم تظاهرت لبني بأنها تقع مغشيا عليها مايا بفزع : لبننننني آسر : ايييه ده حد يجيب ميا يا جدعان مايا : آنا انا هروح اجبلها حاجه تشربها آسر : وانا هوديها علي عربيتها انتي تعرفي هي ف انهي عربيه مايا : ايوا ايوا ف الباص اللي هناك ده آسر : ماشي ... آآآآ خلي بالك من نفسك يا ... يا اللي معرفش اسمها مايا : طيب قام آسر بحمل لبني وتوجه بها الي الباص ووضعها علي مقعد ما وحاول ان يفيقها ولكنها كانت تمثل التعب ببراعه ... آسر وهو يرش بضع قطرات الماء علي وجهها : فوقي يا بنتي لبني : ........ آسر بضيق : الظاهر كده ان مافيش فايده مش عاوزة تفوق احسن حاجه اننا نمشي الباص ده بسرعه قبل ما تحصل مصيبه هنا وكمان عشان يفوقوها فتاه ما : حضرتك انا هخلي بالي منها ومتشكرين علي تعبك معانا آسر : لا ولا تعب ولا حاجه خلي بالك منها بس الفتاه : اها اوك ثم قام آسر بالنزول من الباص وامر السائق والركاب بأن يعودو مره اخري الي الباص وينطلقو في طريقهم آسر : اطلع يا ابني احنا اسفين يا جماعه علي التفتيش ده بس دي حاجه ضروريه شخص ما : ولا يهم حضرتك شخص اخر : لا ده شغلكو لازم تقومو بيه السواق : توشكر يا باشا يا ابو الكرم كله ثم قام الاطباء بالصعود الي الباص و ... السواق : كله موجود يا جدعان والا نراجع تاني امين شرطه ما وهو يخبط علي الباص من الخارج بيده : اتكل علي الله ياباااا مش وقته تعد هنا السواق بأرتباك : ها ... حاضر حاضر يا باشا انا ماشي اهو ثم انطقو الي القريه تاركين مايا خلفهم .... كانت مايا تلوم نفسها علي انها ظلت تتحدث مع الضابط وتأخرت علي لبني التي كانت علي وشك السقوط ارضا .. وما ان عادت مايا حتي صدمت من المفاجأه التي كانت بأنتظارها فهي لم تكن تعرف بأن الباص قد ذهب مايا وهي تنهج : ااه مش قادره اخد نفسي اخدت الشارع جري انا .. انا جبتلك العصير اهو .... اييه ده هم راحو فين ايييييييه ده هم مشيو لا لااا طيب ازاي سابوني يا نهااار طيب ياربي بس انا ازاي دلوقتي هروح القريه ده .... ده انا كده هفضل ف الطريق و ممكن تحصلي اي حاجه يااارب اتصرف ازاي انا دلوقتي لاحظ آسر وقوف مايا بعيدا ثم قرر ان يذهب ليري لماذا لم تذهب حتي الان آسر وقد اقترب منها : احم يا انسه مايا وقد التفتت له : حضرتك بتكلمني آسر : ايوا ... هو لو مفيهاش مضايقه يعني ممكن اعرف انتي لسه ما مشيتيش ليه هي عربيتك عطلت مايا ببكاء : لا انا مش جايه بعربيه انا كنت راكبه ف باص ولما رحت اجيب العصير لزميلتي رجعت لقيتهم مشيو وانا مش عارفه هعمل ايه دلوقتي والا هروح ازاي آسر في نفسه : اوبااا يخربيت غبائي مهي كانت عارفه البنت اللي وقعت يبقي اكيد كانت معاهم طب انا هعمل ايه دلوقتي ازاي البنت هتروح لوحدها كده بسبب غلطه انا عملتها وخليت الباص يمشي من غير ما يعدو الموجودين وده طريق سفر مينفعش تمشي لوحدها انا احسن حاجه اعملها اني اعرض عليها تيجي معايا واوصلها مكان ما هتروح آسر : طيب اهدي بس وبطلي عياط عشان نعرف نتصرف بصي انا ممكن اوصلك مكان ما انتي عاوزه بعربيتي مايا : لا شكرا مش عاوزة اتعبك آسر بأبتسامه : لا مش تعب ولا حاجه وبعدين ان كان ع التعب ف تعبك راحه يا ستي مايا : انا متشكره بس ... آسر مقاطعا : مفيش بس وبعدين مش الشرطه ف خدمه الشعب وهو بصراحه لو الشعب بالرقه دي ف انا مستعد اموت عشان خاطر الشعب مايا : نعم !! آسر : ها .. لا والا حاجه طيب انتي رايحه فين مايا : رايحه قريه قريبه من اطفيح اسمها ( ...) آسر : عظيم اوي طيب يلا بينا علي العر... لم يكمل آسر حديثه واذ بأحد امناء الشرطه ينادي عليه و ... امين الشرطه : آسر باشا اللواء رجب عاوزك حالا ف موضوع مهم آسر : طيب الموضوع مينفعش يتأجل شويه بس ساعتين امين الشرطه : لا يا فندم الاوامر دلوقتي آسر بغضب : طيب انا جاي مايا بأحراج : انا .. انا خلاص همشي آسر : لا لا مينفعش طبعا تمشي لوحدك بليل كده انا هخلص بس واجي بسرعه واوصلك مكان ما انتي عاوزة اتفقنا مايا : اها اتفقنا آسر : طيب انتي معاكي موبايل عشان تطمني اهلك مايا : بصراحه موبايلي سبته ف الشنطه ف الباص آسر : طيب خدي كلميهم من عندي مايا : مهو للاسف انا مش حافظه رقم اي حد فيهم آسر : طيب يعني ولا معاكي شنتطك ولا موبايلك وكنتي عاوزة تمشي لوحدك طيب ازاي علي فكره المكان هنا كله لبش ومنطقه مليانه حراميه ف ياريت تفضلي هنا لحد اما ارجع ده هيكون اأمن ليكي مايا وهي تحرك رأسها بالموافقه : اوك آسر : ماشي انا مش هتأخر ولو عوزتي اي حاجه قولي بس جزر مايا بأبتسامه : جزر !! آسر : ايوون يا جزرتي مايا بأستغراب : جزرتك .. لو سمحت انا مش بحب كده آسر : انا .. انا اسف مكنتش اقصد اضايقك مايا علي مضض : طيب انا مش هعطل حضرتك آسر : اوك وانا بالظبط ربع ساعه واجي مايا : طيب ما ان ذهب آسر حتي قررت مايا ان تبتعد عن هذا المكان فهي لم تستريح من معامله آسر لها ثم ظنت بأنها يمكنها الذهاب الي القريه سيرا علي الاقدام لان المسافه لم تعد ببعيده ولكن الشمس كانت علي وشك ان تغيب ويحل اليل قريبا وهناك تبدأ المشاكل .... وبعد وقت ليس بطويل انهي آسر محادثه اللواء ثم اتجه للخارج ليبحث عن مايا ولكنه لم يجدها آسر في نفسه : يوووه هي راحت فين دي ممكن يحصلها حاجه والدنيا قربت تليل هي ليه بس مشيت ... انا عمري ما شفت بنات بالرقه دي والا بالقوة دي ف وقت واحد دي تركيبه عجيبه كده بس انا حتي معرفش اسمها .... انشاء الله انا واثق اني هقابلها تاني مع اني حاسس اني شفتها قبل كده بس اول مره اشوفها بس حاسس ان في حد اعرفه فيه منها نفس العناد والقوة دول ... يارب بس ميحصلهاش حاجه الطرق هنا زباله بليل ليه عملتي كده بس ومشيتي يا جزر !! ..... عند نادر استيقظ نادر بعد ان غرق في النوم حتي وقت العصر ثم قام بتبديل ملابسه وشكر عز واسرته علي تلك الضيافه الرائعه ثم استلم الاوراق من عز وانطلق بسيارته عائدا اللي القاهره ولكن .... نادر في نفسه : والله النومه عند عز ده كانت مريحه سبحان الله مع اني مش برتاحله بس يمكن عشان انا كنت تعبان ف نمت ومدريتش .... وفجأه توقفت السياره استغرب نادر ثم حاول ان يدير المحرك ولكن لم يفده ذلك بشئ ف ماذالت السياره لا تتحرك ثم قام نادر بالنزول من السياره والنظر الي الماتور نادر : امممم ده شكل الكابلات فيها حاجه كده طب انا هعمل ايه دلوقتي لازم ادور علي حد يصلحهالي امال هبات هنا اما امشي كده قدام شويه يمكن الاقي حد يصلحهالي بس ايه المكان ده مفيش صريخ ابن يومين اما اتمشي شويه يمكن يكون في ميكانيكي اي قرد انا حاسس اني ف صحرا ده مفيش مخلوق بدأ نادر في السير قليلا املا في ان يجد شخص ما يساعده ولكن كانت المفاجأه بأنه سمع صراخ !!! نادر في نفسه : اييييه الصوت ده صلاه النبي احسسن ده شكله كده عفرريت تكونش دي النداهه .. لالا ايه الهبل اللي بقوله ده نداهه ايه اجممد يا نادر ما عفريت الا بنيئادم ... لم يهتم نادر للصراخ في بدايه الامر ولكن تكرر بشكل مستمر مما اصاب نادر بالقلق و ... نادر : لا ده كده في حد ممكن يكون حصلت معاه مشكله وبعدين ده صوت بنت لا انا لازم اتصرف استرها يارب بدأ نادر في الاقتراب من مصدر الصوت الي ان وجد .... نادر بصوت جهوري : م ..مش معقوووول مااايااااا !!! انتبهت مايا لمصدر الصوت ولكنها لم تستطع ان تعرف من هو ذلك الشخص الا بعد بضع ثواني و ... مايا بصريخ وبكاء : ايييه اآآآ انت نااادر .... الحقني يا ناااااااااااادر وحصصصصصصصل ..... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ يتبع تفاعل بقى | ||||
|
| |
|
12-10-16, 09:20 AM
| #37 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس والثلاثون بدأ نادر في السير قليلا املا في ان يجد شخص ما يساعده ولكن كانت المفاجأه بأنه سمع صراخ !!! نادر في نفسه : اييييه الصوت ده صلاه النبي احسسن ده شكله كده عفرريت تكونش دي النداهه .. لالا ايه الهبل اللي بقوله ده نداهه ايه اجممد يا نادر ما عفريت الا بنيئادم ... لم يهتم نادر للصراخ في بدايه الامر ولكن تكرر بشكل مستمر مما اصاب نادر بالقلق و ... نادر : لا ده كده في حد ممكن يكون حصلت معاه مشكله وبعدين ده صوت بنت لا انا لازم اتصرف استرها يارب بدأ نادر في الاقتراب من مصدر الصوت الي ان وجد .... نادر بصوت جهوري : م ..مش معقوووول مااايااااا !!! انتبهت مايا لمصدر الصوت ولكنها لم تستطع ان تعرف من هو ذلك الشخص الا بعد بضع ثواني و ... مايا بصريخ وبكاء :آآآ انت ... انت نااادر .... الحقني يا ناااااااااااادر كانت مايا تركض وهتصرخ لتستنجد بأي شخص ليقوم بمساعدتها ولكن عندما سمعت صوت ما ينادي عليها بأسمها وقفت مكانها ولم تتحرك ثم اخذت تلتقط انفاسها من الركض وما ان رأت ملامح ذلك الشخص وعلمت بأنه نادر حتي جرت نحوه واختبئت خلفه وهي في حاله من الرعب الشديد و ..... مايا وقد اختبئت خلف نادر : آآ الحقني يا نادر نادر بفزع : في اييييييه يا حبيبتي ايه اللي جابك هنا وليه بتجري وخايفه بالشكل ده بس يا مايا اهدي مايا وهي تنهج : الحمد لله اني لقيتك يا نادر والنبي الحقني منهم نادر : يا بنتي مالك مكلبشه فيا كده ليه وعماله تترعشي هم مين دول اللي انتي خايفه منهم مايا بصوت متقطع وهي تشاور بأصبعها : من ..منهم نظر نادر اللي حيث تشاور مايا فوجد هناك شخص ما ولكنه كان ضعيف البنيه ويمكن حتي لفتاه مثل مايا ان تقوم بضربه بكل سهوله نادر وهو ينظر لمايا : يا شيييييخه وقفتي قلبي بقا هو البرص اللي هناك ده اللي مخوفك اوعي يكون الكلب ده عملك حاجه يا مايا وبعدين ليه حاطه ايدك علي وشك كده مايا وهي تنهج : لا ... لا مش ده اللي وراه بقا نظر نادر مره اخري ليري شابان اخران في غايه القوه مما اثار خوف نادر علي مايا نادر : هم دول اللي مخوفينك مايا وهي تحرك رأسها بالموافقه : اها نادر : ودول عملولك ايه بس يا حبيبتي مايا : ....... نادر بعصبيه : ما تنطقي يا مايا عملولك ايه ومالك مخبيه وشك ليه اوعي ايدك كده قام نادر بأبعاد يد مايا عن وجهها ليتفاجئ بأثار ضرب شديده عليه مما تسبب لها بنزيف من انفها وما ان شاهد نادر ما حدث معها حتي غلت الدماء في عروقه واصابه الغضب الشديد نادر بعصبيه : الكلاب دول هما اللي عملو فيكي كده مايا ببكاء : آآآ .. ايوا نادر برفق : شششش بس يا مايا بطلي عياط انا معاكي دلوقتي محدش هيقدر يعملك حاجه خليكي انتي بس ورايا اتفقنا يا فارفوري مايا : ح.. حاضر الشخص الاول ( اسماعيل ) : ههههههه بقا هو ده اللي هينجدك مننا شخص اخر وهو يتحسس وجهه ( بسيوني ) : والله لو عملتي ايه مافيش حد هيخلصك مننا عشان تبقي تمدي ايدك كويس استني بقا شوفينا واحنا بنمرمطهولك وبعدين ندخل عليكي انتي ده انا هردلك القلم الف زي ما عملت من شويه بقا من قلم واحد يحصل فيكي كده طلعتي هفئ اتجه نادر نحوه بسرعه ثم اخذ يضربه بكل غل .. نادر بعصبيه : يعني انت يا و *** اللي عملت فيها كده والله ما انا سايبك الا اما اموتك ف ايدي طااااخ ... بقا رايح تتشطر علي بنت لا ومش اي بنت رايح تضرب حبيبتي هي دي رجولتك يا ابن ال ***** ده انا هروح فيك ف داهيه طااااااخ بسيوني : ااااه يا ابن ال *** ابعده من عليا يا اسماعيل بسرعه هيموتني اسماعيل : قووم يااض ده انت ليلتك سودا النهادره بوووووم عاملي فيها راجل قصادها طب انا هموتك قدامها ثم بدأ يوجه لنادر بضع اللكمات ولكن نادر لم يتأثر بما يفعله لانه كان يريد ان يفتك بالشخص الذي قام بضرب مايا في نفس الوقت كانت مايا تبكي مما يحدث لنادر وتفكر في طريقه ما لتخلصه مما يفعلوه به ثم قامت بالبحث عن شئ ما لتتمكن من ضرب الشخص الذي يهاجم نادر ثم وجدت جذع شجره ملقي علي الارض وقررت ان تحمله وتذهب لضرب ذلك الشخص لتخلص نادر منه ولكنه كان في غايه الثقل و ... مايا : اااه ده تقيل اوي ... معلش يا مايا اتشجعي شويه انتي لازم تساعدي نادر ثم اتجهت ببطئ نحوه وتأكدت من انه لايراها بسبب انشغاله بضرب نادر ثم قامت بتوجيه ضربه قويه له علي الرأس مما افقده توازنه وتسبب له في الاغماء وعندها .... مايا : خددد يا زباله اسماعيل : اااه دماغي مايا وقد اغمضت عيناها : يارب يكون وقع يارب يكون وقع .... اخيرااا نادر وما ذال يضرب في بسيوني : والله ... والله لاوريك يا كلب استني عليا طاااخ مايا : خلاص يا نادر سيبه هيموت ف ايدك ده اغمي عليه اصلا بتضرب ف ايه نادر بعصبيه : الحيوان ده مد ايددده علييييكي فاهمه يعني ايييييه يعني مد ايده عليا انا كمااان اسيبه واقوم ازاي انا لازم اخلص عليه مايا ببكاء : عشان خاطري يا نادر قوم خلينا نمشي من هنا قبل ما يصحو تاني وممكن منخلصش منهم نادر وقد اعتدل وامسك بوجه مايا : اااه يا كلللب ازاي يمد ايده عليكي كده تعالي يا فارفورتي انا هعالجك مايا : يا شيخ ده وقته انت كمان تقولي فارفورتي واحنا بنموت نادر : بنموت ايه بس شفتيني وانا بضربه ده انا كسحته خالص مايا : اممممم مسحت بوشه الرمل بس انت هتعالجني ازاي هو انت اصلا معاك منديل ع الاققل نادر : لا مانا معايا العربيه وبحط ف الشنطه دايما علبه اسعافات اوليه مايا : طيب ولما انت معاك العربيه ايه اللي جابك هنا نادر : ها ... لا كنت بتمشي مايا : تتمشي ف الطريق كده بليل طب ما كنت تتمشي بعربيتك نادر محاولا تغيير الموضوع : خلاص بقا يا فارفورتي هو تحقيق يخربيت لكك تعالي بس نروح عند العربيه واعالجك وبعدها نبقي نتصرف مايا علي مضض : طيب نادر في نفسه : طب وبعدييين مهي لو عرفت ان العربيه عطلانه هتضايق ومش هترضي تقعد معايا وكمان انا مقدرش اسيبها لوحدها واروح ادور علي حد يصلحهالي بس صدفه حلوة شكل كده القدر عاوزني اشوفها دايما وانا مبسوط والله يا سلاام علي ده قدر ودي فرصه كويسه جدا عشان اقرب منها واعرف اذا كانت بتحبني والا لا يا معييين يارب ..... ثم اتجه كلا من نادر ومايا الي السياره الخاصه بنادر وقام نادر بأحضار القطن والمطهر ليقوم بمساعده مايا ولكنها رفضت و ... نادر : اهو يا فارفوري جاهزة بقا عشان دكتور نادر بجلاله قدره يعالجك مايا : شكرا مش عاوزة منك حاجه انا هساعد نفسي انا ما اتشليتش نادر بأستغراب : مالك يا مايا مايا : مليش نادر : لا في حاجه مضايقاكي مايا : والله كويس طلعت بتفهم اهو امال ليه عامل نفسك عبيط نادر : عبيط !! في ايه بتتكلمي كده ليه وبعدين ايه اصلا اللي جابك مكان زي ده لوحدك ومن غير ما تقوليلي كمان مايا بأستغراب : اقولك !! ليه انشاء الله بصفتك ايه اصلا انت كلفت نفسك تتصل بيا ولو مره من بعد ما مشيت من عندكو اخر مره ولا كأنكو تعرفوني ولا عبرتوني حتي بمكالمه واحد كده ما بينفذش وعده بوء وخلاص فالح بس تدي ف وعود للناس نادر : وانتي مين اللي قالك اني مكنتش باعبرك انا كنت بشوفك كل يوم مايا : نعمم !! وكنت بتبقي لابس طقيه الاخفاء بقا والا ايه نادر : لا كنت بجيلك المستشفي اتطمن كل يوم وامشي مايا : وهبله انا عشان اصدق الكلام ده عبط احنا يا عصام نادر : مين عصام ده كمان مايا بنرفزه : بااارد نادر : اتلمي يا مايا وقوليلي كنتي بتهببي ايه هنا لوحدك مايا : وانت يخصك في ايه اموت واعرف ايه اللي همك بقا اجي هنا اجي هناك اولع بجاز انت مالك نادر : مالي انك تخصيني تمام ومينفعش .... مايا : اخصك !!! نادر في نفسه : اااخ غبي ايه اللي قلته ده نادر مغيرا الموضوع : طب بس قوليلي ايه اللي جابك هنا وازاي وقعتي ف مشكله مع الجحوش اللي هناك دول ده واحد منهم شبه سيرجي والتاني لازار يا ساتر يارب انا عارف ضربته ازاي مايا : انا كنت جايه هنا قريه ف حمله تبع المستشفي اللي بشتغل فيها وبعدين نزلنا ف كامين وواحده زميلتي تعبت رحت اجبلها عصير وبعدين رجعت ملقتهاش ولا هي ولا الباص وبعدين كان في ظابط كان عاوز يوصلني وكان مصمم مع انو كيوت والله وكان عسول وبدقن وطويل بس .. نادر بنرفزة : ظاابط !!! ظابط مين ده بقا انشاء الله وكيوت وبدقن كمان ما تروحي تتقدميلو احسن مااشي يا فارفوري حسابك معايا بعدين كملي كملي مايا : بس انا مرتاحتش لطريقته وخوفت وبعدين مشي شويه بس تهت ومكانش في اي حاجه تدل ع الطريق ولا يافطه ولا علامه ولا اي حاجه وبعدها لقيت دول ماشيين ف الشارع وشكلهم شاربين حاجه فأنا خفت بصراحه وقلت همشي من علي جمب بسرعه عشان اختفي من قدامهم بدل ما يعملو فيا حاجه بس للاسف بقا اخينا ده شافني ومسك دراعي جامد وانا كنت بحاول اهرب منهم بس هم اتنين واقوي مني قوم ايه بقا انا مسكتتش نادر : انتي هتقوليلي ده انتي قدوه بروس لي كملي كملي مايا : بس ف رحت لطشاه بالقلم نادر : اه انتي هتقوليلي جربته قبل كده وبعدين مايا : ف هو مسكتش وراح ضاربني قلم برضو ولسه كان هيضربني رحت انا اتصرفت بسرعه وديته شلوط وجريت نادر : شلووط !!! اااه يخربيت عقلك ده زمانه مات مايا : انت معايا ولا معاه وبعدين اعمل ايه يعني ده اللي جه ف بالي ورحت طلعت اجري وازعق يمكن حد يسمعني لحد ما لقيتك بس كده نادر : طيب وضربك جامد مايا : ده اداني قلم مخبرين نادر بعصبيه : ااه يا كلب يا جبان بتطلع رجولتك علي بنت والله كان بودي اخنقه المهم انتي بقيتي كويسه دلوقتي والا لسه بتنزفي مايا : لا انا الحمد لله دبوقتي يلا اتحرك بقا نادر : اتحرك اروح فين مايا : اطلع بالعربيه يلا عاوزين نمشي والا عاجباك الوقفه هنا نادر : احم مهوو ... اصللل مايا : اممم شكل في مصيبه كده هو انا ينفع اشوفك من غير مصايب وانا اقول اللي حصلي ده من ايه مهو من انك موجود ف نفس المكان منحووس نادر : لا يا شييخه انا منحوس تصدقي انا غلطان كان المفروض اسيبك ليهم يضربوكي انا اللي استاهل مايا : علي فكره كنت هاتصرف من غير مساعدتك يعني ومحدش قالك اتدخل نادر : لا يا شييخه مايا : ايوا طبعا وانا واثقه من اللي بقولهولك كويس نادر : طب انزلي من العربيه مايا : ده اللي هو بجد نادر : اه هروح اوديكي ليهم واديلهم فلوس يعالجو نفسهم وامشي مايا : يا رخاامتك يا اخي علي طول كده تتخانق معايا نادر : اممم طيب خلاص يا فارفوري انا مش بحب اتخانق معاكي بس انتي اللي بتبدأي قوليلي بقا انتي عملتي ايه ف غيابي مايا : كنت بفكر في... نادر غامزا : ف مين بقاا مايا بأبتسامه : ف واحد طوييل وابيضاني وعينو عسلي وبيلعب ملاكمه نادر : اللهم صلي كنتي بتفكري فيا اخيرا نطقتي كنتي بتفكري ف ايه بقا مايا بنرفزة : ف ازاي اانك طلعت بوء نادر بعصبيه : استغفر الله العظيم يا بنتي مش كنتي تصبري وتشوفي هعمل ايه يا سااتر عليكي مايا : طيب خلاص معادش له لازمه الكلام في الموضوع ده يلا بقا دور العربيه عاوزة الحق اروح القريه نادر : بصراحه بقا العربيه عطلانه مايا : اييييه عطلانه نادر : ايوون حقيقه ومؤلمه عارف والله بس اعمل ايه ادي الله وادي حكمته نادر : طب وهنعمل ايه نادر : مش عارف يا فارفوري والله كده فوزي هيقلق عليا مايا : وماما وبابا برضو ايوووا انا اديت رقم لبني لماما وهي اكيد اللي هتقول لماما اني مش موجوده بس الغريبه ان الناس دي مشيو من غير ما يفكرو اذا كنت موجوده والا لا حاجه تفرس نادر : لا لا متغلطيش فيهم لو سمحتي دول هم اللي خلوني اشوفك يا فارفووورتي مايا : اوووف بقا علي دي كلمه طيب معاك موبايل تكلم اي حد فيهم يجي يساعدنا نادر : ايه ده تصدقي معاكي حق استني انا هكلم بابا يبعتلنا عربيه تاخدنا مايا بعصبيه : يعني معاك موبايل وساكت يا رخاامتك نادر : حطي لسانك جوا بوئك واسكتي شويه خليني اعرف اتصرف مايا : طيب مايا في نفسها : هو معقول يكون فعلا كان بيجي المستشفي كل يوم انا كنت حاسه انو موجود معايا بس كنت دايما بكدب نفسي واقول ازاي يكون هو وبعدين اول لما شافني فضل يقولي حبيبتي !!! هو يقصد ايه باللي قاله ده وكمان لما شاف وشي وعليه اثر القلم كان هاين عليه يموت الواد ف ايده وحتي مكانش مركز مع اللي عمال يضربه طب كل ده معناه ايه هو نادر طلع .... لا لا ازاي افكر ف كده مستحيل يحصل انا لو فكرت ف كده ابقي بضحك علي نفسي بس انا ببقي مبسوطه وانا معاه وبحس انو مبسوط برضو طيب يمكن يكون بيعاملني كويس عشان خاطر يعني انا ساعدته ... والله ممكن برضو ايوا هو مفيش تفسير غير كده ثم قطع تفكيرها صوت نادر وهو يتحدث اللي شخص ما عبر هاتفه و .... نادر : الو ايواا يا بابا فوزي : ايوا يا زفت انت فين كل ده نادر : احم حبيبي يا ابو الفوز والله للدرجادي انا وحشتك فوزي : يا ابني اخلص انت فين كل ده انت لو كنت ف كندا كان زمانك جيت يخربيتك الصفققه هتبوظ نادر : يا حج اصبر بس افهمك وانت تعذرني دلوقتي انا علي طريق مصر اسيوط و العربيه عطلانه وعاوزك تبعتلي عربيه تيجي تاخدني فوزي : اييه صوتك بيقطع يا ابني مش سامع الا اسيوط نادر : يا بابا بق و لك انا ع طريق م ..صر اس..يوط فوزي : صوتك بيقطع يا نادر ما انيش سامع منك حاجه بص يا نادر انت شكلك لسه ف اسيوط كده اخلص بقا وتعالي بسرعه ومتتصلش الا اما تكون ف القاهره ولو اتصلت وانت هناك مش هرد عليك انت فاهم .. سلام نادر : يا حج اسمعني بس .... يوووه قفل مايا : ها يا نادر سمعك نادر : لا يا فارفوري مايا : طب وايه العمل دلوقتي نادر وهو ينظر لها : هو مافيش الا حل واحد مايا بقلق : ح... حل ايه نادر : انتي بتثقي فيا صح مايا بقلق : جري ايه يا نادر انت ناوي علي ايه نادر : هقولك اهو بصي ...... في منزل عادل مصطفي سميره : ياادي النيله البت لسه ما اتصلتش لحد دلوقت ولا فتحت موبايلها انا خايفه عليها اوي يا عادل عادل : انشاء الله خير يا سميره متفوليش علي البنت بس ادهم بعصبيه : قلتلكو ما تودوهاش فرحانين كده انا لو حصلها حاجه عمري ما هسامحكو ... عادل : بس ياض انت اسكت احنا مش ناقصين ... كلمي صاحبتها دي يا سميره سميره : ايواا صح انا كانت تايهه عن بالي ازاي الفكره دي اما اطلب صاحبتها دي ثم قامت سميره بمهاتفه صديقه مايا و ... لبني : الو سميره بلهفه : ايوا يا بنتي لبني : مين معايه سميره : انا ابقي والده الدكتورة مايا يا بنتي لبني وقد ابتسمت ابتسامه انصر : يا اهلا يا طننط سميره : اهلا بيكي يا حبيبتي هي مايا معاكي يا بنتي لبني : مايا .. ايوا يا طنط موجوده دي طول النهار بتعالج ف الناس هنا ربنا يباركلك فيها بجد سميره : طيب ممكن تديهالي يا بنتي لبني بأرتباك : ها ... ما اعتقدش يا انطي انها هتكون فاضيه دلوقتي اصلها بتشرف علي حالات هنا سميره : معلش يا بنتي قوليلها بس والدتك وهي هترد انا عارفه مايا لبني : طيب اوك ثواني كده اشفهالك سميره : خدي راحتك يا حبيبتي لبني وقد ادعت بأنها تحدث مايا : يا ميمممو مامتك ع الموبايل وعاوزة تكلمك .... لا لازم تطمنيها برضو عليكي مش مشكله الشغل شويه يتأجل .... يعني مش هينفع طيب طيب خلاص هقولها سميره : ها يا بنتي لبني : زي ما حضرتك سمعتي يا طنط مش عاوزة تيجي وراها شغل بس هي كويسه متقلقيش سميره : خلاص يا بنتي الشغل مهم برضو خليها عندها وانا بكرا الصبح هتصل بيها بس خليها تشحن موبايلها لبني : اوك يا انطي سميره : ماشي يا بنتي مع السلامه لبني : باي يا انطي وبعد ان اغلقت سميره الخط لبني في نفسها : يادي النيله الوليه دي شكلها مش هتسكت كده انا المره دي اتصرفت وسكتتها انما المره الجايه ممكن اتكشف يااربي بقاا هعمل اي .... بس انا مش هغلب فيها ده انا لبني برضو ولسه يا مايا اما نشوف هتعملي ايه زمانك تايهه ف الصحرا دلوقتي ... في منزل عادل مصطفي ادهم : هاا يا ماما اتطمنتي عليها سميره : ايوا يا ابني هي هناك دلوقتي بس مكلمتهاش كانت بتشتغل صاحبتها قالتلي كده ادهم : انا مش مقتنع بالكلام ده انا هنزل اشوف مايا فين حالا ومش راجع غير بيها عادل : اهدي بس يا ادهم اما نفكر انت دلوقتي هتنزل وهتلاقيها برضو ف القريه اللي هناك دي وهتكون دبيت المشوار علي الفاضي اقعد بس واستهدي بالله وبكرا هنكلمها ونتطمن عليها ادهم : يا بابا مش هقدر اقعد هنا حاطط ايدي علي خدي زي الولايا وسايب اختي وانا حاسس ومتأكد ان في حاجه غلط بتحصل معاها سميره : فال الله ولا فالك يا ادهم لا انشاء الله خير ادهم : هعمل نفسي مصدق وهسكت بس يارب يكون احساسي انا اللي غلط سميره \ عادل : انشاء الله عند مايا ونادر مايا : انت اتجننت يا نادر لا طبعا مستحيل حاجه زي دي تحصل نادر : طيب عندك حل تاني يا ام العريف مايا : معرفش بس الكلام ده مش هيحصل .... نادر : يعني انتي مش واثقه فيا مايا : يووه بقا مش حكايه ثقه الموضوع انو ميصحش اصلا .... وحصصصصل ..... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ يتبع اى رائكو | ||||
|
| |
|
12-10-16, 09:37 AM
| #38 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السادس والثلاثون مايا : انت اتجننت يا نادر لا طبعا مستحيل حاجه زي دي تحصل نادر : طيب عندك حل تاني يا ام العريف مايا :معرفش بس الكلام ده مش هيحصل ... نادر : يعني انتي مش واثقه فيا مايا : الموضوع مش حكابه ثقه المشكله انو ميصحش اصلا نادر : يا بنتي فيها ايه مددي انتي ف الكنبه اللي ورا وانا هنام ع الكرسي ده مايا بعصبيه : هو ايه اللي مددي ده ما تحترم نفسك نادر : طب هنعمل ايه عندك حل تاني وهي شويه وهتتعبي وتبقي عاوزة تنامي لو عندك حل تاني اشجيني بيه مايا بتقائيه : اه احنا ممكن نمشي شويه قدام واكيد هنلاقي اي بيت نقعد عندهم النهارده نادر : يا شيييخه والناس هناك كيوت بقا واول ما تخبطي علبهم بليل هيضايفوكي ويعشوكي ويدوكي هدوم واوضه تباتي فيها ويشربوكي لبن وتغسلي سنانك وينيموكي صح مايا : اها نادر بنرفزه : ده ف سبيس تون كوكب مغامرات الكلام ده مايا : اوووغ بقا مهو انا مش هقعد في العربيه دي معاك للصبح انسي ان ده يحصل نادر : طب اقعدي هنا وانا هطلع اقعد برا مع ان الحو تلج بس عشان خاطرك ها افتكريها بس منك لله ياللي ف بالي مايا : ط .. طب اضمن منيت انك مش هتيجي تاني نادر : ضمانك اني عمري ما هفكر ائذيكي وكمان عشان تطمني خدي المفاتيح واقفلي العربيه بالسنتر لوك عليكي متطمنه يا فارفورتي مايا : اها كان نادر علي وشك النزول من السياره ولكن استوقفه صوت مايا و ... مايا : ن .. نادر .. انا اسفه بس مكانش ينفع انو ... نادر برفق : شششش انا فاهم يا مايا وعلي فكره انتي كبرتي ف نظري اكتر مايا : احم ماشي اتجه نادر نحو الطريق قم جلس علي الرصيف واسند ظهره علي شجره كانت موضوعه هناك ثم قرر ان يبقي مستيقظا ليضمن سلامه وامن مايا اما عند مايا فقد كانت تحاول ان تحظي بقسط من الراحه او تنام قليلا ولكتها فشلت ولم تستطع لانها كلما اغمضت عيناها تذكرت ما حدث لها من قبل الشابان وضربهم لها وفرارها من امامهم فقد كان يتملكها الخوف الشديد في تلك اللحظات حتي رأت نادر فشرعت بأن روحها قد عادت لها وانها وجدت من سينقذها وبالفعل قام نادر بذلك كانت كل تلك الافكار تدور ببال مايا ولم تستطع ان تخلد الي النوم ثم قررت ان تطلب من نادر ان يأتي ليجلس معها بالسياره حتي تنام و ... مايا وهي تتجه نحوه : احم احممم نادر : ايه ده خرجتي من العربيه ليه يا فارفورتي مايا : بصراحه انا خايفه ومش عارفه انام نادر : طب وايه اللي مخوفك مايا : كل ما افتكر اللي حصل معايا النهاردة اخاف ... هو .. هو ممكن تيجي تقعد معايا بس قدام لحد ما انام نادر : تؤ مش ترضتيني م العربيه روحي اشبعي بالدريكسيون بقا مايا : يا نادر مهو مينفعش نادر : ودلوقتي بقا ينفع سبحاانك يااارب مايا : يوووه بقا يا نادر فين الشهامه والجدعنه نادر : مانا لسه ناقذك من اتنين تيران من شويه اما اتشلفتطت ع الاخر مايا : اتشلف مين نادر : اتشلفتط حضرتك ... خلاص انا مضطر اقوم انورك ف العربيه شويه لحد ما تنامي وامري لله مايا : ربنا يخليك ليا يا نادور ... احم ميرسي يا نادر نادر : لا لا ارجعععي تااااني بتقلبي ليه مايا : احم طيب يلا ندخل العربيه بقا نادر : علي فكره لما كانت تلقائيه كانت احلي خليها تطلع كده علي طول مايا : ..... قام كلا من نادر ومايا بالجلوس في السياره كانت مايا تجلس بالخلف بينما نادر كان يجلس بالامام ... نادر : يلا نامي بقا انا قاعد اهو متخافيش مايا : احم بس اوعي تخلي حد يجي يخطفني وياخدو اعضائي ويعملوها سندوتشات حواوشي نادر : سندوتشات حواوشي !! لا متخافيش مفيش جزار هيقرب من المنطقه وانا معاكي يلا تصبحي ع خير مايا : وانت من اهله اغمضت مايا عينيها ولكنها لم تستطع الخلود الي النوم حاولت جاهده ان تغط في النوم ولكن لم تفلح ظلت علي تلك الحاله حتي الساعه الثانيه صباحا و . مايا : نادر انت لسه صاحي نادر : ..... مايا : يا ناادر انت نمت نادر : انام ازاي وانا بحرسك يا ست هانم مايا : طب انا مش عارفه انام نادر : احكيلك حدوته طيب مايا : ليه بتفسح بنتك ... نادر : ياريت بنتي تبقي شبهك كده وفيها منك مايا : افنددم !!! نادر : لا مقصدش طيب عاوزة اعملك ايه عشان تنامي مايا : شغل شوبه اغاني كده بس وطي الصوت يمكن انام نادر : وليه الاغاني وانا موجود والا صوتي مش عاجبك مايا : لا لا لا انت ايه بس ده انا كده هيجيلي ارق مش هعرف انام قرنين قدام نادر : طاايب خليكي فاكره بس انك بتكبتي موهبتي الفنيه الفذه والمختلفه مايا : فذه ايه بس يا شيخ شغل بس الراديو علي اي اغنيه وانا هنام نادر : هو انا اعرف ارفضلك طلب يا فارفورتي طلباتك اوامر استي اهوو وما ان قام نادر بتشغيل الراديو حتي كانت اول اغنيه هي ( نفسي ابقي جمبو ) حماقي .. ونص الاغنيه ( فاات قرب عليا وخد تلت اربع حاجات خد قلبي مني خد عقلي بالساعات وانا ما افتكرتش ف كده مهما كان دي حكايه تتعمل مسلسلات احساس كده قالو بيعمل معجزات خلاني اجمع واسمع معلومات ده قمر يجنن وعاملي قلبان وده اللي من زمان نفسي ابقي جمبو واللي هتقلب مجنون عشان نفسي ابقي جمبو واللي راضي راضي اموت كمان بس ابقي جمبو يعني اديلو عمري طيب من باب الاحطيات وده اللي من زمان نفسي ابقي جمبو )) نادر بأبتسامه : يا سلااام حماقي ده عليه اوقااات وليه مواعيد مظبوطه كده مايا وقد شعرت بالخجل : احم لا لا حول الاغنيه دي هات قناه تاني نادر : ليييه ما دي حلوه وجايه ف وقت مظبوووط مايا : احم لا حولها حولها نادر : امري لله اهوو قام نادر بتحويل القناه واذ بالقدر اختار لهما اغنيه لعمرو دياب (( وهتبتدي الحكيات )) نص الاغنيه (( وهتبتدي الحكياات ما عنيك قالتلي حاجات واهو بان عليك علامات ما خلاص كفايا سكاات ... احساس غريب صعب اوصفه واللي انت لازم تعرفو انا قلبي كنت محلفه لا يحب ولا يهوي لاويحب ولايهووي شفتك نسيت انا كل ده ومشيت عنيا مغمضه علي فين واخدني معاك كده مع روحك الحلووه مع روحك الحلوة ... وهتبتدي الحكيااات ما عنيك قالتلي حاجاات واهو بان عليك علامااات ما خلاص كفايه سكاات ...)) نادر : حبيبي يا عموووور اهو شفتتتي مجبتش حاجه من عندي انا الراجل بيحس بينا اهو شكلو كده حد مسلطه علينا مايا : احم .. متسلط علينا ليه واحنا مالنها حول حول نادر : استعبطي بقا والله الراجل بيفهم يا حبيبي يا عموور يا مظبطني هييييح اما احول تاني يمكن الاقي حد تاني بيحس بينا مايا بعصبيه : بطل بقا يا نادر نادر : يا خرااابي يا ناس ع الكسوف ...علي فكره باين عليكي الكسوف اوووي ومش عارفه تدايه عشان انتي انسانه بسيطه وتلقائيه اوي يا مايا بس هعمل نفسي عبيط واعديها واحول اهوو ... وما ان قام نادر بتحويل المحطه وسماع الاغنيه حتي ارتسمت علي وجهه ابتسامه عريضه ... مايا : دي ... دي نادر بفرحه : كوكككب الشرررق غننني يا ستتتت كانت الاغنيه هي ( الف ليله وليله ) نص الاغنيه .................................................. .................................................. .................... (( يا حبيبي .. الليل وسماه .. ونجومه وقمره .. قمره وسهره .. وأنت وأنا ... يا حبيبي انا ... يا حياتي انا ... كلنا .. كلنا .. في الحب سوي والهوي .. آه من الهوي .. سهران الهوي ... يسقينا الهنا ويقول .. بالهنا ... يا حبيبي يلا نعيش ف عيون الليل .. ونقول للشمس .. تعالي . تعالي بعد سنه .. مش قبل سنه دي ليله حب حلوه بألف ليله وليله الف ليله وليله .. بكل العمر وهو العمر ايه غير ليله زي اليله .... زي اليله .. اليله ازاي .. ازاي .. ازاي .. اوصفلك يا حبيبي ازاي قبل ما احبك كنت ازاي يا حبيبي ... كنت ولا إمبارح فكراه .. ولا عندي بكرا استناه ... ولا حتي يومي عيشاه .. خدتني بالحب ف غمضه عين... ..... وريتني حلاوه الايام فين ..... ...... الليل بعد ما كان غربه مليته امان ..... ....والعمر اللي كان صحرا اصبح بستان .... .... يلا نعيش ف عيون الليل ..... .... ونقول للشمس تعالي تعالي .... .... يا شمس تعالي بعد سنه مش قبل سنه ... .. دي ليله حب حلوه بألف ليله وليله .. .................................................. .................................................. .................... نادر : الله الله يا ست عظمه علي عظمه والله الشمس دي لو جت انا هروح اطفيها خلي ليله الحب تطول شويه هاااح اما احوول ده في بلاوي تلاقيها قدااام مايا : احم .. لا اقفل خالص بقا انا مش عاوزة اسمع حاجه هنام وخلاص .. نادر : لييييه ده الاذاعه كلها بتخدمني اهو واحلي حاجه انها مش مترتبه اليوم اللي رتبتها فيه مكنتيش واخده بالك مايا بأبتسامه : لما كنت بتغني انا جرالي ايه نادر : اللهم صلي طب ما انتي كنتي واخده بالك اهو امال عامله عبيطه ليه مايا : امال انا عرفت ان صوتك وحش منين .. احم انا بس كنت زعلانه شويه نادر بنبره جاده : طب ودلوقتي مايا : دلوقتي ايه نادر : دلوقتي لسه زعلانه مني والا قلبك طلعني برائه مايا محاوله تغيير الموضوع : دلوقتي انا عاوزة انام نادر : امممم توهي الموضوع توهي بقولك ايه انتي مش هتانمي غير علي صوتي انا مايا : هاااار اسووود ده انا كده مش هنام خالص نادر : لا والله هحاول احليه عشانك وكمان الاغنيه دي بابا كان متعود يغنيهالي وانا صغير مايا : كوتي بوتي بطه كنتي بتنامي علي اغنيه يا اختي نادر : لا انا بقول زمان وبعدين احنا رجاله اوووي والا انتي عندك شك مايا : لا لا استغفر الله طيب يلا غني نادر : احم احم احمممممم مايا : انت هتغني والا هتتف نادر : سيبيني استعيد احبالي الصوتيه وتجهزها مايا : استر ياللي بتستر نادر : (( الساحر الصغير كان لسه عندو كلام لكن قرب ينام ... ويشاور بالعصايه تصبحو علي خير .. يشاور بالعصايه .. تصبحو علي خير )) مايا : الله يا نادر حلوة اوي كلماتها احم موافقه يلا غنيها وانا هنام نادر : دلوقتي صوتي احلو مايا : بصراحه يعني شويه يلا بقا قبل ما النوم يطير من عيني نادر بأبتسامه : حااضر يا جلاله الملكه ظل نادر يغني تلك الاغنيه بكلماتها البسيطه برفق لمايا حتي تنام وبالفعل خلدت مايا الي النوم فور سماعها تلك الاغنيه ... و نادر بصوت منخفض : احم فارفورتي .. انتي نمتي !! ... ايه الغباء ده اكيد نامت يعني سؤال ذكي نامي يا فرفورتي وانا اوعدك اني هفضل هنا عشان احميكي كل ما تبقي ف موقف صعب هتلاقيني حمبك يا مايا وهرجعك حياتنا من تاني بس اتأكد اذا كنتي بتحبيني زي ما بحبك والا لا تصبحي علي خير يا اميره قلبي انتي اللي قعدتي ع العرش خلاص ومش هعمل انتاخبات تاني شطبنا خلاص تصبحي علي خير يا حبيبتي ..... وحصصصصصصل ......... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ يتبع | ||||
|
| |
|
12-10-16, 09:38 AM
| #39 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السابع والثلاثون اشرقت الشمس معلنه بدايه يوم جديد علي كلا من مايا ونادر ف من الان وصاعدا ستكتب اولي سطور قصه حبهما ... نادر : صبااح الخير يا فارفورتي مايا بصوت منخفض : صباح النور يا نادر نادر بأبتسامه : يا سلام لو الواحد كل يوم يصحي ع الوش ده يا ناااس ده انا ابقي شفت الجنه ونعيمها مايا : ليه بتقفلني من اليوم بدري بدري نادر : اقفلك ايه بس انتي لو تشوفي منظرك مش هتقولي كده قاعد يا ناس مع طبق زبادي بالفراوله مايا : احم وانت كمان نادر : شبه ابه ها ها القمر توم كروز رز بلبن قولي قولي متنكسغيش مايا : شبه الغوريلا وشعرك منكوش نادر بأبتسامه : الله يسامحك يا ستي غوريلا مش لاقيه غيرها تشبهيني بيها بس شوفي بقا مهما عملتي برضو مبزعلش منك ... بس انتي نمتي امبارح علي طول مش قلتلك صوتي كلو شجن وكان جاي بقا لحظه روقان يا سلااام ولا عبحليم ف زمانه مايا : بصراحه الاغنيه كانت حلوة اوي عجبتني كلماتها جدا ... طيب احنا هنوصل القريه ازاي نادر : امممم فكره بصي احنا ننزل نتمشي شويه ويمكن نلاقي اي مواصله مايا : طيب بس انا عاوزة اغسل وشي واخد شاور نادر وهو يرفع حاجبه : شاور !! ده ف بيتكو هناك انما هنا الشاور بالرمله قومي قومي يا ستي تغسلي وشك ايه اما انتي كده ومش غسلاه لو اتغسل هتطلعي اشعاعات هتمشي تنوري ف الشارع مايا : هههههههه .. بس كده هبقي معفنه طيب نادر : طب انا اعمل ايه دلوقتي يااربي خلاص وعد مني هجبلك ازازه ميا واحنا ماشيين مايا : ما بلاااش نادر : بلاش الميا !! مايا : لا بلاش الوعد احسن انت يعنننييي ... نادر : يا بنتي حرام عليكي والله يا مايا كنت هنفذ وعدي ثقي فيا بقا مايا : آآآآ.. انا اسفه يا نادر نادر : لا يا فارفورتي متتأسفيش انا اللي لازم اتأسف عشان سبتك كتير منغير ما اكلمك والا اعرفك اني موجود سامحيني يا فارفورتي مايا بأبتستمه : مسامحاك يا نادر نادر : حيث كده بقا امسكي يا ستي مايا : ايييه ده مياا نادر : اها انا بس كنت باتشاكل معاكي شويه مايا : طب هات اما اغسل وشي يا رخم نادر : هههههه طيب امسكي اهو خرج كلا من مايا ونادر من السياره وقامت مايا بغسل وجهها واتجه كلا منهما في الطريق ولا يعلمان كيف سيصلان الي القريه .... نادر : قولتيلي بقا القريه كان اسمها ايه مايا : اسمها (( ....)) نادر : اهااا .. طيب تحبي نلعب عشان يعني الطريق لسه طويل وهنتعب مايا : ده وقتو يا نادر انت كمان تقولي نلعب نادر : دي لعبه يعني مش هتعطلنا يعني مايا : طيب ايه هي نادر : بصي يا ستي اسمها سؤال عند البقال مايا : اها ودي ايه قواعدها نادر : دي عباره عن ٣ اسئله انا هسئلهملك عن نفسي وانتي تردي ولو جاوبتي صح يبقي ليكي طلب تطلبيه مني اتفقنا مايا : اوك موافقه نادر : اول سؤال يا فارفورتي ايه اكتر حاجه انا بخاف منها مايا : امممم اه اه عرفت الفران نادر : تؤ غلط مش دي اكتر حاجه انا حبيت الفران والا انتي نسيتي ان فارفورتي اكتر حاجه انا بخاف منها انك يحصلك حاجه وحشه ... احم اللي بعدو مستعده مايا : اها اوك نادر : اكتر حاجه انا بحبها مايا : الملاكمه صح نادر : تؤ تؤ .. ضحكتك ... مايا : ها .. نادر : لا لا متاخديش ف بالك هتاخدي من ده كتير بعظ كده اللي بعده اللي بعده مايا : احم اوك نادر : بتحبين.... مايا مقاطعه اياه : الححق يا نادر اتوبيييس اجرري يا نادر نادر : وده وقتووو اتوبيس ايه بس اللي انا هركبه مايا : اجري بس ياااارب نلحق اقف ياسطاا نادر في نفسه : ياسااااتر ده انا عامل اللعبه دي كلها عشان السؤال ده كنت خلاص هعرررف انا منحوووس ثم قام كلا من نادر ومايا بالصعود علي متن الباص وكانت هذه اولي تجارب نادر في ركوب مثل هذا النوع من الباصات و ... نادر في نفسه : اخيراا فرصه اقعد جنبها واعرف بقا انفذ اللي انا عاوزة واعرف اذا كانت بتحبني والا لا شكل الاتوبيس ده وش السعد عليا كده في فيلا الدمنهوري امنيه : فوزي يا فوزي فوزي : ايوا يا امنيه انا هنا امنيه بأبتسامه : عارف مين اتصل بينا من شويه فوزي : مين امنيه : سميره مرات عادل مصطفي والده مايا فوزي وقد انتبه : اهاا كانت عاوزة حاجه مهمه اوعي يكون حصل حاجه ل مايا امنيه : لا لا بعد الشر عليها دول بيعزمونا علي فرح ابنهم الكبير ادهم كمان اسبوعين فوزي وهو يفكر بشئ : اممممم فرح ادهم قلتيلي الفرح هيكون فين امنيه: هيكون ف نادي (( .... )) فوزي : امممم طب اسمعي انا عندي فكره امنيه بأستغراب : فكره !!! فكره ايه دي فوزي : هقولك اهو اسمعي يا ستي ........................ عند مايا ونادر نادر : تعالي اقعدي هنا يا مايا وانا هقعد جمبك مايا : اها اوك جلست مايا بالخلف بجانب النافذه وكان نادر علي وشك الجلوس بجانبها ولكن تأتي الرياح بما لا تشتهي السفن ... سيده ما ( عواطف ) : استني يا ابني اما اقعد والنبي عشان رجلي خلاص رجلي فئفئت نادر : ثواني بس يا حجه اقعد وتعالي جمبي عواطف : لا لا انا خلاص قعدت يا ابني نادر علي مضض : ماشي يا حجه عواطف : خد بقا يا ابني شيلي دكر البط ده وفي معايا ميه طرشي والنبي يا ابني تشيلهالي نادر فارغ الشفاه : ميه طرررررشي !!!! اناااا عواطف : اه يا ابني دي بقا بعد ما تدبلك قرصين طعميه وتلفهم ف زؤم كده وتضربلك فحل بصل تروح تشربها بقا تبلع بيها تبقي صحتك تمام نادر : لا لا يا حجه طرشي ايه هاتي عنك نادر في نفسه : اوووووف بقا انا هموت واتكلم معاها كلمتين علي بعض تطلعلي الست العجيبه دي وعاوزاني اشيلها البطه طول الطريق انا حد ناظرني عين وربنا بائع ما : العسلللليه السمسميييييه خد يا استاذ نادر : شيل يا عم البتاعه دي مش عاوز انا عسليه كانت مايا تراقب ما يحدث لنادر من بعيد وتحاول ان تكتم ضحكاتها ولكن لاحظ نادر ذلك و ... نادر : بتضحكي اه مهو ليكي حق تضحكي فعلا شكلي مسخره صح مايا : هههههههه انت منظرك هيفطسني من الضحك نادر : ومالو استحمل كل ده لو هشوفك بتضحكي عواطف : احممم استغفر الله العظيم بص قدامك يا ابني مايا : اها ركز ف البطه نادر : بطه ايه بس هي تخصك ف حاجه البطه دي يا حجه بصراحه شكلها متظغطه جااامد وخدت عليا اوي مايا : الحق يا نادر البطه عملت عليك بيبي ههههههههههههههههه يخربيت كده نادر : يييييييع ايه القرف ده خدي يا وليه انتي البطه المقرفه بتاعتك دي انا مش ناقص عواطف : هتتكسي هتتكسي يا ابني وبعدين ربنا يسامحك انا نازله اصلا علي اي جمب يا اسطا اقامت عواطف بالنزول من الباص بمساعده شخص ما نادر : يا ساااتر عليكي وليه مايا : حرام عليك دي غلبانه نادر : وانا ذنب امي ايه البطه تعمل عليا بيبي ايه القرف ده مايا : معلش معلش مش انت مسحتها نادر : ايوا بس ده اسمه قرررف ده ريحتي بقت زفت ع الاخر بس انتي ضحتك كانت احلي حاجه ف اليوم ده مايا : احم ... انت ف ايه والا ف ايه قولي هو احنا قربنا نوصل نادر : تقريبا كده باقي نص ساعه مايا : اهااا اوك مايا في نفسها : يا تري يا نادر اللي انا سمعته منك امبارح ده كان بجد بس انا حسيت ان الكلام خارج من قلبك .. انا بس مش عارفه اذا كنت بحبك فعلا والا ده اعجاب بس انا حاسه اني كمان بحبك وخايفه اظلمك معايا بس هكتشف ده مع الوقت ساعدني يارب اعرف الطريق الصح نادر : احم احمممم الجميل سرحان ف ايه بتفكري فيا صح مايا : ها .. لا ده انا مبسوطه من شكل الشمس بص حلوة ازاي بحس اني مبسوطه اوي وانا باصالها تحس انك مبسوط كده وفرحان نادر : لا انا عندي الشمي بتاعتي ببصلها بفرح مايا : ايه ده هو في شمس تاني غير دي وانا ماعرفش نادر : اكيييد دي الشمس بتاعتي بتنورلي حياتي دايما .. ابقي بصي ف المرايا وانتي تشوفيها مايا : احم ... طيب نادر في نفسه : كده مبقتش تتخانق معايا كده يبقي فاضل حاجه واحده بس واتأكد تمااامااا يا مسهل يارب نادر وقد لاحظ شرود مايا بشئ ما : بتدوري علي حاجه ف شنتطك يا فارفورتي مايا : اها علبه الكريم بتاعتي مش لاقياها نادر : كرييم هو ده اللي مضايقك يخربيت دماغ البنات مايا : نعم يعني حضرتك علي فكره الكريم ده مهم جدا نادر : سبحانك يارب الكريم بقا من اولويات البنات مايا : هيجيلك يوم وتعرف انو حاجه مهمه نادر : لا انا هحط كريم ليه عشان تنعيم البشره والا ترطيب كامل شيفاني سوسن مايا : هههههههه لا لا مش سوسن نادر : طيب يلا اجهزي عشان قربنا ننزل مايا : اوك انا خلاص لقيته وهقفل الشنطه اهو نادر : طيب يلا قومي عشان نقف عند الباب مايا : اوك كان كلا من مايا ونادر في الاتجاه قرب باب الباص واذ بالسائق يضغط علي المكابح فجأه مما تسبب بأندفاع مايا الي الامام مما كان سوف يتسبب بوقوعها ولكن سرعان ما لحق بها نادر سريعا و ... مايا : ااااه نادر : حااااسبي يا مايا مايا وهي تضع يدها علي وجهها : انا وقعت صح نادر : لا انا مسكتك اهو انتي ف حضني يا فارفوري مايا بأحراج : احم ايه ده اوعي كده نادر : ما تخلينا كده شويه من نفسي مايا بعصبيه : اتلم يا نادر واوعي نادر : خلاص خلاص متقلبيش اهو نزل كلا من مايا ونادر من الباص و... مايا : يعني يصح اللي انت هببته ف الاتوبيس ده نادر : الله يعني اسيبك تقعي وسنانك تتكسر انا غلطان وبعدين ما انتي اللي وقعتي مايا : وانت ما صدقت بقا نادر : انا ف الحاجات دي تلاقيني قلبت عصام الحضري بالظبط بس كانت لحظه رومانسيه كده يا حبيبي يا عززز انت السبب ف كل ده مايا : عز مين ده نادر : ده واحد خدمني خدمه العمر راجل ميه ميه وصاحب صاحبه كده يا سلااام مايا : طب يلا عشان القريه تقريبا هي اللي هناك دي نادر : هاااار اسووود ده الطريق طويييل اوي عشان ندخل للبيوت مايا : لا لا والا بعيد والا حاجعه ده خطوتين نادر : طب بما انك مش هتقدري تمشي كل ده وانتي بوء وخلاص ف ايه رأيك اشيلك مايا : ده لما اتكسح انشاء الله نادر : بعد الشر عليكي يا جلاله الملكه مايا : طب يلا هم عشان لسه ورايا شغل نادر : حصليني انتي بس ده انا هاخدها هوا مايا : اما نشووووف سار كلا من مايا ونادر لداخل القريه ثم قامو بالاستفسار عن مكان الدعم الطبي الذي وصل بالامس ودلهم بعض الاشخاص عن مكان تجمع الاطباء ثم سارو اليه وهناك كانت المفاجأه .... لاحظت لبني وصول مايا مما تسبب لها بنوبه من الغضب الشديد لبني في نفسها : اااه يا بنت ال بقا نفدتي من ختطي وكماان مين اللي معاكي ده ... مش ده نادر الدمنهوري باين ابن رجل الاعمال فوزي الدمنهوري المشهور لا بقا البت دي نازله لف ع الرجاله ده انتي طلعتي خبره بس برضو هنكد عليكي يا بنت ال *** انتي بس ممكن نادر ده يساعدني ف مهمتي اخلص منك بس يا مايا واخلي نادر ده يساعدني ف اللي بعمله وده هيكون اكتر واحد ممكن يساعدني امممممم حظك بقا اللي وقعك ف طريقي يا ... يا نادر !!!!!! ثم اقتربت لبني من عمده القريه و .... لبني : بص كده يا حج عبد العاطي المسخره اللي هناك دي عبد العاطي : مسخره ايه بس يا بنتي احنا ماحدناش الحچات العفشه دي لبني : اللي هناك دي دمتورة كانت معانا ومره واحده اختفت كلنا افتكرناها تاهت ف الصحرا ومكانش معانا الواد اللي هناك ده اكيد واحد ماشيه معاه وشوف بقا انت يا حج اما واحده تغيب طول اليل وترجع تاني يوم مع واحد غريب ده يبقي اسمه ايه عبد العاطي : وه وه وه استغفر الله العظيم علي بنته الايام دي انا هروح اطردهم حالا من البلد كلاتها لبني : بس الواد ممكن يكون ملهوش دعوه وهي اللي لفت عليه يا حج هو شكله ابن ناس هي السبب اطردها هي عبد العاطي : عندك حق يا بتي ربنا يكتر من امثالك يارب لبني : يارب يا حج لبني بأبتسامه شيطانيه في نفسها : وريني بقا هتعملي ايه يا حلوة اسرع عبد العاطي نحو مايا ثم امر الخفير الخاص به بأن يقوم بطردها من القريه بأكملها بصوت جهوري انتبه علي اثره جميع الحضور و... . عبد العاطي بصوت جهوري : انت يا خفير منك له هانلي البت اللي هناك دي وطلعها برات البلد كلاتها الخفير ١ : امررك يا جناب العممده مايا بصدمه : آآآ.. أنااااااا نادر بعصبيه : اييييه انت بتقول ايه يا جدع انت عبد العاطي بصوت جهوري : أنا ميعجبنيش الحال المايل ابدا وانتي لو بتي كان زماني جتلتك بيدي امشي غوري روحي مطرح ما جيتي بنات ماشافتش ربايه امسكها يا خفير وغورها برا الخفير ١ وقد اقترب من مايا : قدامي يا بت علي برا مايا بقلق : آآآ.. انا بس عملت ايه مش فاهمه الخفير ١ : اما تبقي تتوهي ف الصحرا لوحدك هيكون عنديكي وقت تفكري ف اللي هببتيه وكان في طريقه ليمسك بذراع مايا ويسير بها لخارج القريه ولللللكن .... حصصصصصصل ....... ـــــــــــــــــــــــــ ـــــــــــــــــــــــــ ـــ يتبع فين تفاعل بقى | ||||
|
| |
|
12-10-16, 09:40 AM
| #40 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه الثامنه والثلاثون اسرع عبد العاطي نحو مايا ثم امر الخفير الخاص به بأن يقوم بطردها من القريه بأكملها بصوت جهوري انتبه علي اثره جميع الحضور و... . عبد العاطي بصوت جهوري : انت يا خفير منك له هاتلي البت اللي هناك دي وطلعها برات البلد كلاتها الخفير ١ : امررك يا جناب العممده مايا بصدمه : آآآ.. أنااااااا نادر بعصبيه : اييييه انت بتقول ايه يا جدع انت عبد العاطي بصوت جهوري : أنا ميعجبنيش الحال المايل ابدا وانتي لو بتي كان زماني جتلتك بيدي امشي غوري روحي مطرح ما جيتي بنات ماشافتش ربايه امسكها يا خفير وغورها برا الخفير ١ وقد اقترب من مايا : قدامي يا بت علي برا مايا بقلق : آآآ.. انا بس عملت ايه مش فاهمه الخفير ١ : اما تبقي تتوهي ف الصحرا لوحدك هيكون عنديكي وقت تفكري ف اللي هببتيه وكان في طريقه ليمسك بذراع مايا ويسير بها لخارج القريه ولللللكن .... نادر بعصبيه وقد امسك بذراع الخفير : انت لو فكرررت انك تلمسها انا هدفنك وانت واققف انت فاااااهم عبد العاطي : انت بتاخد اوامرك مني انا يا خفير وانا بقولك امسك البت قليله الربايه دي واطردها برا نادر بصوت جهوري : انت ازاااي تتكلم عليها بالشكل ده يا جدع انت هي عملت ايه عشان كل ده هي اعراض الناس بقت لعبه انت تعرفها منين عشان تتهمها اتهام زي ده عبد العاطي : ولاد الحلال جالولي انها بتمشي مشي بطال وانا شفت بعيني نادر وقد غلت الدماء في عروقه : انت بتهبل بتقوووول ايييييه اوعي تنطق حرف وااااحد زياده عليها قسما بالله ما هعمل اعتبار لانك راجل كبير والا عمده والا نيله ممكن اعرف ايه الاتهام اللي يخليك. تقول كده علي بنت محترمه وكمان شفت ب عينك يا بجااحتك عبد العاطي : ولما هي محترمه يا سي الاستاذ سابت الاتوبيس بتاع الدكاتره ليه وجات معاك انت وجيتو وش الصبح كنتو بتهببو ايه ل وش الصبح لوحديكو ما ان القي عبد العاطي بتلك الكلمات حتي بدأ التهامس بين الحضور عن مايا ونادر فقد كان الجميع يظن بأنه بالفعل هناك شيئ بينهما وقفت مايا تنظر الي كل هذا وهي في حاله ذهول تام لم تكن تعرف ما عليها فعله فقط وقفت منتظره رد نادر فقد كانت مقتنعه كليا بأنه سوف يعيد لها حقها وبالفعل اصابت مايا هذه المره فقد كان نادر يشعر وكأن بركانا ما يغلي بداخله بسبب ما يقال عن مايا من اكاذيب ثم خطرت له فكره ما ستسكت جميع الحضور ...... نادر بعصبيه : بقا هو ده اللي حامقك اوي يا اااااهل البلد اسمعو مني الحكايه وانتو تحكمو متحكموش من كلام وانتو متعرفوش ايه السبب ورا الكلام ده اولا الدكتورة اللي قدامكو دي مثال للاحترام ومينفعش اننا نشك ف شرفها ونتهمها اتهام قذر زي ده الا ولينا ادله الدكتورة فعلا كانت راكبه الاتوبيس مع زمايلها بس البيه السواق لو صاحي وفايق لنفسه كان افتكر انه سايب ورا انسانه لما نزلتو الكمين يا بهوااات نسيتوها وراكو في بقا شنب من اللي قدامي دول فكر بنت زي دي لوحدها كان حصلها ايه في صحرا لوحدها والليل دخل عليها لولا ستر ربنا كان معاها موبايلها وكلمتني وجيت وصلتها لحد هنا فيها حاجه لما اوصل مرااتي يا جناب العمده مايا بصدمه : ايييييه عبد العاطي : م .. مراتك يا ولدي نادر : ايوا مراتي يا جناب العمده دي تبقي خطيبتي وكتب كتابنا مكتوب وفرحنا اتأجل عشان السفريه دي يعني عروووسه تأجل فرحها عشان تيجي تساعدكو وانتو تعملو فيها كده صحيح مبقاش في خير ف الزمن ده عبد العاطي : صوح الحديت ده يا دكاتره شخص ما : ايوا ايوا عندو حق احنا فعلا نزلنا كامين شخص اخر : ايوا ولما جينا نمشي كننا هنعد الحضور بس مشينا علي طول نادر : انت كمان بتشكك ف كلامي استغفر الله العظيم ... شفت بقا اهوو الناس اللي بتقول مجبتش حاجه من عندي عبد العاطي : انا ... انا مخابرش ده يا ولدي اللي بلغني مقاليش انها مرتك حقك عليا يا بتي انا اسف مايا : و .. ولا يهم حضرتك شخص ما : الف مبروك شخص اخر : ياارب عقبال ما نفرح بيكو شخص ثالث : متاخدش علي خاطرك مننا يا ولدي احنا مخبرناش انها مرتك وربنا يتمملكو بخير نادر : الله يبارك فيكو كلكو يا جماعه عن اذنكو بقا الكل : اتفضل يا عرييس مايا بصوت منخفض : ايه اللي هببتو ده نادر : عاوزاني اعمل ايه يعني اقف حاطط ايدي علي خدي وساكت وانا شايفهم بيهاجموكي بالشكل ده انا كان هاين عليا اهد البلد باللي فيها علي دماغهم مايا : يعني ده حل برضو انا كده اتدبست فيك نادر بغمزه : اتدبستي !! ليه انشاء الله مكسح انا ما انا شاب زي الفل اهو طويل وابيض وعيني عسلي وبشتغل مع ابويا وسني مناسب ايه بقا مايا بخجل : ها .. طب انا لازم اروح اكشف ع العيانين احم ايوا انا جايا اهو نادر : يا خراابي ع الكسووف يا بنتي حرام عليكي كده قلبي قالب طبله بلدي ده شغال فرح جوا وفرقه حسب الله و فرقه بلدي بالزماره والنئرزان والحصان مايا : هههههههه الحصان كمان نادر : ده بيعمل عروض جوا متشقلب مش عاوز اقولك بقا مايا وهي تسير مبتعده عنه : احم طيب يلا روح مشي الحصان نادر وهو يمسك بيدها : لا مهو الحصان مش هيمشي الا اما انتي تمشيه مايا : احم ... اوعي يا نادر سيب نادر :تؤ مش هسيب الا اما اخد اللي انا عاوزة مايا : يوووه سيب بقا ميصحش كده نادر : مش انتي خطيبتي وكانبين الكتاب خلاص يبقي يصح تعمليلي اللي انا عاوزة عشان اسيبك تمشي مايا : وانت عاوز ايه انشاء الله نادر بأبتسامه : تفضلي معايا طول اليوووم مايا : اااه تصدق فكره برضو ده لما اكون شغاله ف وكاله من غير بواب هو انا جايه اقعد انا ورايا شغل نادر : الشغل اهم من خطيبك حبيبك مايا : انت صدقت والا ايه دي تمثيليه نادر : يا سلااام لو تبقي حقيييقه مايا : احم ... خلاص اوعي بقا خليني امشي نادر : هيييح هو انا اقدر ارفضلك طلب يا فارفوره قللبي يا حياااتي مايا : نعم !! لا ده انت زودتها اوي نادر بغمزة : تمثيليه تمثيليه عشان احبك الدور مايا : لا تاخد اوسكار بصراحه نادر : شفتي بقا علي فكره يعني ممكن يكون الممثلين الموهوبين اللي زيي بلا فخر يعني مش بيمثلو انا عن نفسي كللل كلمه خارجه من قلبي زي ما تكون حقيقه بالظبط مش انا اقنعتك مايا : جداا الصراحه طيب انا ماشيه بقا سلام نادر وقد امسك بيدها : فارفوري ... عنندك مايا : ايه تااني نادر : استني دقييقه هتجنن منك شفلي طريقه تاتاتاتا مايا بأبتسامه : مجنون هقول ايه نادر : بيكككي .. يا عادل بيييه هااا يا مرااتي يا قلللبي يا سلاام مايا في نفسها : الله يخربيتك هتفضحنا اوعي سيبني خليني امشي بقا نادر : تؤ مش هسيبك الا اما تديني حاجه مايا : خليك انت مادي دايما كده عاوز ايه يا سيدي نادر : عاوز بو عبد العاطي مقاطعا اياه : وللللدي نادر بفزع : بسم الله الرحمن الرحيم .. حرام عليك يا عم الحج انا قطعت الخلف كده الطلب طار عبد العاطي : انا عاوز اعتذرلك يا ابني علي اللي حصل مني وعاوز اعتذر للداكتوره بردك وياريت لو تقبلو تاجو نتغدي سوا لقمه كده نادر : ملوش لزوم يا حج عبد العاطي : يمين بالله ابدا ميصحش انتو ضيوفنا وعلي راسنا من فوج لازم تاجو نجعد شويه وتاكلو لقمه معانا و نتلافه صاجه نادر : خلاص يا حج انشاء الله هنيجي بس هو ممكن اسئلك سؤال عبد العاطي : قول يا ولدي نادر : هو ايه نتلافه صاجه دي شتيمه عندكو والا ايه عبد العاطي : نتلافه صاجه يا ولدي ازاي انت باين عليك من بهوات مصر ومتعرفش الصاجه نادر : هو انا فاهم نتلافه يعني ناخد او نشرب ايه صاجه دي بقا اما اجيلك يا حج نبقي نتلافالنا صاجتين كده عبد العاطي : وهو كذلك انا مستنيك يا ابني واوعي تزعلي مني يا بتي انا محقوقلك مايا : ولا يهمك يا حج عبد العاطي : طيب عن اذنكو اما اروح ابلغ الجماعه يحضرو الوكل نادر \ مايا : اتفضل يا حج بعد رحيل عبد العاطي ....... مايا : مش كنت عاوز تطلب طلب نادر : لا خلاص ما راح الطلب بعد صوت الراجل اللي هناك ده مايا : هههههههههه احسن تستاهل عشان نيتك سودا نادر : اطلااقاا يا بنتي ده انا ناقص تطلعلي جناحات من كتر النقاء اللي ف قلبي مايا : يا سيييدي طيب روح بقا جهز نفسك قبل ما نروح عند الراجل ده نادر : اجهز نفسي ايه بس ده انا معيش شراب واحد يوحد الله مايا : طيب وهتتصرف ازاي نادر : انا اعرف بقا مايا : تاخد تلبس حاجه من بتوعي نادر : يا بنتي انتي ليه مصممه اني سوسن وبعدين هتديني ايه من عندك البنطلون البارموده البينك وتوكه فيونكه عليه بقا هبقي موزة في ايييه يا حبيبتي البس ايه من عندك انا خليني معفن كده بس عاوز اخد شاور مايا : مش كنت بتتريق عليا عشان عاوزة اخد شاور وتقولي في حمام رمل البس بقاا نادر : بجد عاوز اخد شاور بدل مانا ماشي ب بيبي البطه كده مايا : ههههههههه متفكرنييش نادر : طب انا ممكن استحمي فين بقا هناا مايا : عليك وع الترعه نادر : ايييييه ترررعه !!! انتي عاوزة نادر الدمنهوري ينزل يبلبط ف الترعه هه مستحيل طبعا وبلهاريسيا بقا وقرف لا لا مش انا اللي اعمل كده انتي بتحلمي بعد قليل ... نادر : صباح الخير يا ابو الشباب الشخص. : صباح الخير يا اخينا اؤمرني نادر : الامر لله انا كنت عاوز اعرف هو ينفع.. الشخص : ينفع ايه !! نادر : يعني كنت بسئل لو ممكن انزل اخد شاور ف الترعه دي الشخص : ايه تاخد شارور استغفر الله العظيم اچري يا جدع انت شفلك بلوه تاخدك غير اهنه نادر : يا كابتن اسمع بس شاور يعني دش استحمي يعني الشخص : ااااه عاوز تتسبح نادر : تقريبا هو ده اه الشخص : خلاص انزل مش شايف كل العيال نازلين ازاي نادر في نفسه : مهو لو تعرفو البلاوي اللي جوا مكنتوش عملتو كده الشخص : هتنزل يا بيه والا هتفضل واجف اهنه نادر : ها ... اه اه هنزل بس هي الميا نضيفه الشخص : ده مفيش انضف من الميا اللي حدانا نادر : انت هتقولي خلاص ثواني بس وراجعلك الشخص : ماشي يا باشا ابتعد نادر عن مكان الترعه متوجها نحو مايا و ... نادر : احم احمم مايا : ها اخدت الشاور بتاعك وحطيت البيرفيوم والا لسه نادر : هنهزر بقا ... بصي انا طالب منك طلب مايا : اشجيني نادر : هو ممكن .... مايا : ممكن ايه يا نادر نادر : يعني لو ينفع مايا : ما تنطق يا ابني في ايه نادر : بصي انا عاوز استحمي ومفيش هنا غير ميه الترعه و الطرمبه ف انا قلت الطرمبه انضف بس في موشكل مايا : ايه الموشكل نادر : هي ف مكان عام شويه يعني ف الغيط وانا بصراحه مش متعود استحمي ف العراء كده مايا : والمطلوب نادر : تداريني مايا : اييييييه !!!! انت اتهبلت ف مخك اداريك ازاي انا نادر : يا بنتي اعمليلي دروه كده بس بأي حاجه في هناك ملايا لقيتها اقفي امسكيها مايا : لا ده انت اتجننت رسمي انا مستحيل اعمل حاجه زي كده نادر : كده يا فارفوري ان مكانتش مراتي تساعدني مين هيعمل كده وربنا ما قادر حاسس ان ريحتي بقت زووفت مايا : بصراحه الناس اشتكت من ريحتك فضحتنا ف وسط الناس طب بص انا موافقه بس ف السريع هاا نادر : اه اه والنبي هي دي فارفورتي اللي انا اعرفها يخليكي ليا يا مراااتي مايا : بطل الكلمه دي بدل ما مش هاجي معاك ف حتت وخليك معفن نادر : لا لا لا خلاص تعالي يا فارفوري بلاش مراتي نأجلها لقدام لما تبقي بجد مايا : احم .. طييييب وبعد وقت ليس بطويل وصل كلا من مايا ونادر الي مكان الطرمبه و ... نادر : اهي هي دي يا فارفورتي امسكي انتي بقا البتاعه دي لحد ما انا استحمي مايا : والنبي يا شيخ تخلص بسرعه انا مش ناقصه بلاوي نادر : لا سريع سريع كده يلا امسكيها بس مايا : امري لله اهوو اخلص بقا نادر وقد حرك ذراع الطرمبه : اهو اهوو بعمل بسرعه نادر في نفسه : يخربيت كده انتي فعلا مصدقه اني ممكن استحمي قدامك هههههههههه يخرابي ع المسخره استني بقا يا فارفورتي اما ازهقك شويه احسن بقالنل كتير ما اتخانقناش نادر : يا مرااااتي انتي لسه هنا مايا : ااه مرزوعه هنا خلص نادر : انتي مغمضه عينك اوي كده ليه مايا : وانت عرفت منين اني مغمضه نادر : ها ... حسيت يا روحي مش انتي مراتي دلوقتي مايا : اللهم طولك يا روح خلص بقا الله يخربيتك نادر : اهو اهو قربت اخلص مايا : طب يلا نادر : ااااااه مايا بفزع : في ايه يا نادر تعبان عضك نادر : يا سااتر لا مايا : عقربه قرصتك طب نادر : يلهووي لا برضو اااااه مايا بقلق : في ايه يا نادر مالك نادر : الصابون دخل ف عيني مايا : يا اخي الله يحرقك وقفت قلبي وتقولي صابون ياكش تولع نادر : انتي واقفه تدعي عليا وانا بوللع اخلصي تعالي اغسليلي وشي مايا : مييييين !!! انت بتتكلم بجد نادر : امال بهزر يلا خلصي مايا : لا طبعاا وبعدين انت مش مشلول اغسل وشك بنفسك نادر : مهو اللي متعرفيهوش بقا اني لازم انزل الميا من الطرمبه ومش هلحق انزل واغسل ف نفس الوقت ساعديني بقا مايا : لا طبعااا مش ممكن ده يحصل نادر : يا بنتي عيني بتولللللع مايا : يووووووه الله يخربيتك يا نادر نادر : ادعي ادعي مهو لو خرب بيتي انتي اول واحده هيتخرب معايا ما احنا هيتخرب بيتنا سوا مايا : ده وقتوو طب اوعي كده فين الطرمبه نادر : هاني ايدك اما اوديكي عندها مايا : يووووه طيب نادر : اهي يلا بقا اغلسليلي وشي مايا : طيب نزل ميا نادر : اهو يلا اغسليلي وشي مايا : اهو يا سيدي خلاص نادر : ايووون تمام كده استني بقا لازم اردلك الجميل مايا بقلق : ها ... جميل لا لا مش عاوزة حاجه نادر ليه بس يا فارفووري مش انتي غسلتيلي وشي يبقي لازم اخليكي تاخدي دش يفوقك مايا بعصبيه : انت لو جيت جمبي انا هصوت والم عليك الدنيا نادر : احم اولا مفيش حد هنا غير ابو قردان ثانيا هتلمي الناس علي جوزك اهون عليكي وبعدين ده انا هرشك بالميا مش اكتر مايا : ميا ايه يا نادر وانت كده لا لا استهدي بالله يا نادر نادر : امممم طيب طيب موافق علي شرط مايا : شرط ايه ده كمان نادر وقد قام برش الميا علي مايا : دددده مايا : اااه يا ابن عمممي فووزي وربنا لاوريك وكمان طلعت لابس هدومك وبتستعبط عليا ماشي يا نادر ما انت عارف اني بخاف من الميا كده تبهدلني بالميا ورجلي بقت مليانا طينه الشوز باظت ييييع منك لله يا نادر نادر : هههههههه بهزر معاكي يا فارفورتي الله مايا : فارفورتك ايه بقا وزفت ايه في حد يعمل كده نادر خلاص انا اسف تعالي بقا نروح عند العمده عشان استعجلنا من شويه زمان البط جهز بقا يا سلاام بقالي كتير مكلتش الاكل ده مايا : وانا هروح ازاي بمنظري ده نادر : عادي يا مايا طيب بصي روخي غيري هدومك وانا هحصلك عشان نروح سوا مايا : خلاص ماشي .. مهو انا مش ماشيه مع واحد كبير ماشيه مع ابني اللي عنده ست سنين نادر : خلاص بقا متبقيش نكديه يلا روحي بقا والا اجي اشيلك مايا : لا لا انا هرووح اهو هوااا نادر : ههههههه خلاص يلا روحي مايا بأبتسامه : ماشي يا مجنون كانت لبني تشاهد ما يفعلاه من بعيد وكانت تحترق من الغيظ و ... لبني في نفسها : ااااه يا بنت ال اموووت واعرف كلو هيموت عليها ليه فيها ايه ازيد مني مااشي يا مايا انا هوريكي اللي فات ده كنت بلعب معاكي ان ما كسرت قلبك مابقاش انا لبني مر اليوم بهدوء تام بدون اي مشاكل كانت مايا تقوم بمساعده من بالقريه وتقوم بالفحوصات اللازمه لهم وكان نادر يكتفي بمراقبتها من بعيد لرؤيه ابتساماتها بين الحين والاخر كلما يأتي اليها مريض اخر وكان يشعر بالسعاده الشديده لرؤيته لمايا طوال الوقت فهو لم يلتفت الي شئ اخر او يشغله شئ سواها وكأنه يعوض الفتره التي قضاها بالبعد عنها فهو لم يكن يستطع ان يراها لوقت طويل فقط عند وقت انصرافها من المشفي وبين الحين والاخر كانت تتلاقي نظراتهما في صمت تام كانت الاجواء مليئه بالسعاده والراحه النفسيه لكل منهما ولكن اهل يدوم ذلك طويلا لنري !!! قامت سميره بالاتصال بمايا للاطمئنان عليها و ... سميره : ايوا يا ميموو مايا : سمورتتي وحشتيني يا ست الكل سميره : انتي اكتر والله يا بنتي ها طمنيني عليكي عامله ايه والمكان عندك مريح والا لا في حد ضايقك مبسوطه والا لا طمنيني مايا وهي تنظر لنادر : انا مبسوووطه اوي يا ماما وحاسه ان محدش يقدر يضايقني دلوقتي انا بقيت ف حمايته سميره بأستغراب : حمايته !! هو مين ده يا مايا مايا وقد افاقت من شرودها : ها ... حمايه ( ديتول) يا ماما مش هو بيقضي ع الجراثيم سميره : ههههههههه ديتول والله انا مخلفه واحده هبله طيب يلا روحي شوفي شغلك بقا مايا : اها اوك باي باي ياسمورتي سميره : باي يا بنتي وما ان اغلقت مايا مع والدتها الخط واذ ب لبني قادمه من بعيد و ... لبني بمياعه : هاي يا ميمو مايا بأستغراب : ها ... هاي يا لبني مايا في نفسها : هي اتهبلت دي والا ايه ايه اللي هي عملاه ده كانت لبني ترتدي شورت جينز ضيق للغايه وترتدي فوقه بادي حمالات من اللون الوردي وكانت ترفع شعرها ذيل حصان لينساب خلف ظهرها بكل رقه مما ذاد من جمالها لبني : ايه يا مايا مالك متنحه كده ليه ما تتكلمي وبعدين مش تعرفيني ع خطيبك مايا بأرتباك : ها ... نادر لا اصلوو لبني : اصلو ايه مايا : اصل نادر خجول شويه وانتي يعني فتحاها ع البحري نادر من بعيد : انا سمعتك بتقولي نادر جيت علي طول اوامر سيادتك ايه يا ست الكل مايا في نفسها : ايييه اللي جابك دلوقتي يا نادر اوووف مكنتش عاوزاه يشوفها بالمنظر ده .... طب وفيها ايه لو شافها وانا مالي لبني : واااو خطيبك باينو بيحبك اووي نادر : اه والله اووي لبني : ومش مستعد تحب حد تاني اوي برضو مايا بعصبيه : لا مش مستعد يا ستي يلا اتكلي علي الله روحي البسيلك حاجه بدل شورت اختك الصغيره ده لبني : ههههههه شورت اختي الصغيره لا شكلك منفسنه ع الاخر مش كده ياا نادر : احم انا نادر لبني وهي تبتسم : اه يا نادر مش دي نفسنه نادر : بصراحه ااه نفسنه بنات مايا بنرفزه : انا يا نادر نادر : اهاا منفسنه منها يا مايا وباين عليكي لبني : خلاص خلاص وحدو الله نادر : بس مش غريبه يعني انك تلبسي كده ف عز التلج ده لبني : لا اصل مزاجي اصيف بقا وانا بصراحه اي حاجه بفكر فيها بعملها وباخدها غصب عن اي حد وبصراحه مذاجي جابني البس صيفي يرضيك اكسفه يا ندورتي مايا بعصبيه : لاااا ده انتي زودتيها اوووي نادر : اسكتي انتي يا مايا بس كده ... احم لا طبعا ميرضينيش يا ست البنات لبني : ههههههه يعجبني مذاجك نادر : اموووت انا مايا بعصبيه : انا مش هقدر اقف هنا بعد المسخره اللي حصلت دي انا ماشيه نادر : طريقك زراعي مايا : بقولك همشي يا نادر نادر : اه مانا قلت مع السلامه مش كده يا لبني لبني : اها قال وانا سمعته مايا بعصبيه : عن اذنكو مايا في نفسها اوووف بقا ليه يا نادر بتعمل كده وهي واقفه تتمايص عليه كمان لا ده كده كتير اوووي بقااا انا اتخنقت منهم طب اخش الطشها قلمين يفوقوها انا احسن حاجه اعملها اطلع اقف ع الطريق شويه اشم هوا واجي بدل ما اتخنق هنا وانا بشوفها عماله نازله دلع ع الواد ... قامت مايا بالتوجه نحو الطريق لتشتم بعض الهواء النقي وتكون لبني قد حضرت لها مفجأه ما لبني : ثواني يا نادر بس هعمل مكالمه مهمه واجيلك تاني نادر : اوك براحتك لبني وقد ابتعدت عن نادر : اهي طلعت يا زفت الطين ياريت تخلص ف السريع مش عاوزة اشفلها اثر اخلص منها عشان العمليه الكبيره وفي صيده جديده هتساعنا الشخص : ............................... لبني : هتعرف مين ف الوقت المناسب دلوقتي بسرعه مش عاوزة اي غللط تمام الشخص : ................... لبني : طيب يلا سلام سلام نادر : انتي بتعملي ايه عندك يا لبني لبني : ها لا ابدا كنت باكلم ملجأ الايتام باتطمن علي الاولاد هناك نادر : الله بجد يا لبني انتي مفيش منك لبني : ثانكس يا ندورتي عند مايا وبينما هي غارقه في افكارها ااااذ ب .... وحصصصصصل .... ـــــــــــــــــــــــــ ـــــــــــــــــــــــــ ـــــــــــــــــــــــــ ــــ يتبع يلا تفاعل علشان انزل تانى | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
