آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-03-11, 08:33 PM
| #21 | ||||
| نجم روايتي 
|  السلام عليكم ورحمة الله وبركاته ان شاء الله غدا نبدأ الجزء الخامس الذى تبدأ فية القصة فعليلا ... نبذه من الجزء القادم وبدأت الحكاية!!) شفناا في الفصول اللي فاتت شلون تصادف سعود مع مارية...وشفناا بعد كيف حاولت هيفاا تنتقم من بنت عمهاا وعرفناا قصتهاا كامله...وتوضح لناا بعد ان نورس...كانت تلاقي الدعم من اهلهاا مو من معجبين حقيقين...وان رئيس التحرير الجديد...قرر انه يشيل الزاوية اللي تكتب فيهاا.... على مستوى آخر من القصه....عرفناا مضاوي وشفناا كيف حياتهاا ويا اهلهاا في البر....وشفناا بعد ان ابو علي اللي يصير اخو مرت ابوهاا كان يبيهاا...يبي يتزوجهاا...وان ابوهااا طلب منه مهر خيالي... بنبدا الفصول الفعليه لحكايتناا.... بعد ما اخذنا نبذة عن شكل الأحداث وطبيعة الحياه والأبطاال... ومن هالبداية راح نعرف وش صار بالضبط في الأحداث اللي ما اكملتهاا بالفصل السابق... | ||||
|  |
|
07-03-11, 12:13 AM
| #22 | ||||
| نجم روايتي
| بعد شهرين... "سعود" طالعت بالبنت اللي جالسه جنبي...كانت الحسرة تآكلني...احس بنيران تصاعد بصدري واناا اشوفهاا على بعد مسافه قليلة مني... شلون تهورت وتزوجتهااا؟؟....شلون نسيت اهلي وسمعتهم ووزنهم بالبلد؟؟...وش راح الناس يقولون عنهم؟؟..صح اني ابيهم يندمون على اللي سووه...لكن مو لهالدرجه...ابيهم يحسوون فيني...يحسوون بمشاعري...لكن مو بهالطريقة..دووم انا كذا شخص متسرع ما احسب اي حساب لأي شخص في الدنيااا.... مسكت علبة الموية الشفافة وشربت منهاا شوي ليتهاا تطفي شوي من الأحاسيس للي تعصف فيني...الأحاسيس اللي محتاجه لمستهاا... لمستهاا هي مو احد غيرهاا...لمست الحبيبة....لمست الغالية...لمست عيوني ونور قلبي " مارية" بلعت ريقي واناا اشوف هالمخلوقة اللي مفترض تكون زوجتي متربعه بكل وقاحه على مقعد السيارة...كان جسمهاا متثني وهي حاطه يدهاا على ذقنهاا وتأمل الطريق...وعععع...هذا اللي حسيت فيه بهالحظة...خصوصا لمن شفت يدينهاا السمرر اللي فيهاا حنا... ركزت على الطريق عشان ما ارتكب فيهاا جريمه هي واخوهاا اللي منسدح وراي...اخوهاا المعاق جسديا وذهنيا...الصرااحه كان قلبي يعورني عليه...لكن ماتوقعت انه بيعطوني اثنين بسعر واحد... اناا طلبت بنتهم بس..ما طلبت هالولد...لكن يله....هي كلهاا فترة ونااوي اطلقهاا...بس بعد ما يندمون اهلي ويعرفون ان الله حق!!!! دورت cdلمحمد عبده...هو الوحيد اللي بيهدي اعصابي...هو الوحيد اللي يقدر يسيطر على هالمشاعر المؤلمه...صوته مثل السحر...يمتلكني كلي...لقيته اخيرا..ابو نورة...احبه حيل.. ياااه مالقيت غير هالأغنية...هالأغنية اللي تمثلني كلي من فوقي لتحتي..وتذكر قصتي وياهااا بكل اختصار... دخلت السي دي...وحاولت اني اتمااسك..خصوصا ان معي مره بالسيارة لوو مامعي احد كان صحت وصحت بدون ما اندم...بس لااا ما باقي غير اني اصيح وهالبدوية معي...عشان تخليني قصة بين العرب... وش يهمني فيهاا؟؟..خلهاا تقول قصتي للناس...اساسا مين اللي بيسمعهاا..ماحد سامعهاا غير ابوهاا وحريمه...بسس...لالالا..لازم ما اتهور اخاف تعلم خواتي...اناا ناوي اني ما اخليهااا تختلط مع اي احد... بس لنفرض انهاا اختلطت...ما ابيهاا تمسك علي اي كلمة او تصرف سخيف راح يصدر مني... ليت ربي ماكتب لحظة وداع...لا فراق ولا دموع ولا ضياع... وليت كل الناس خلن مع خليل...وكل ماقيل النهاية بين الاحباب الرحيل قلت احبه حييييييييييييييييل... اييييييييه والله ليت كل الناس خلن مع خليل...وينك عني هالحين؟؟؟... وكيف حياتك مع زوجك؟؟..معقولة مبسوطة وياه...تحسين بنفس الأحاسيس اللي كانت بيناا...يعجبك مثل ماكنت اعجبك...ولااا..لسه تحبيني والود والمشاعر كلهاا محفوظة بقلبك لي...ولا وهبتيهاا له؟؟؟... كل ما ادفن خيالك يا عنيد...تمطر الدمعه وينبت من جديد شفت وش سوه بي حبك يا بخيييييييييييل... آآآآآآآآآآآآآآآآآه...ضربت الطاره حقت السيارة بانفعال....هالمقطع بالذات كانت تعشقه" مارية" كان يعجبهاا الوصف الغريب فيه...غمضت عيوني بقوة...احاول اتمااسك...وما اتهور وافضح نفسي عند هالمره...هالغريبة...هالمخلوق ة... طالعت فيهاا من جديد وانااا حاس بحقد عليهاا...ليش وافقت علي؟؟...ليش ماردتني؟؟؟... سعود وش فيك متنااقض؟؟؟...انت اللي كنت تبيهاا توافق عليك... انت اللي رحت تدور لبوهاا على مزايين البل عشان تآخذ البنت...انت اللي حفيت عندهم عشان يوافقون عليك ويعطونك بنتهم...سعود وش فيك تنسى التفاااصيل وتذكر النهايات بس؟؟؟... اصحى يا سعود...انت هالحين زوج هالمره رضيت ولا انرضيت... لو نويت اعاتبك القى الكلام....يعتذرلي منك ويلوم الملام... والقى حتى كلمه احبك قلييييييييييييييييل زدت سرعه السيارة واناا احس بقلبي بيطير من مكانه ويروح لهااا... تعديت قطيع من الغنم ..سمعت حركه جنبي... فالتفت بحده وشفت المخلوق اللي مفروض يكون زوجتي...تلفت وتطااالع فيه...شكلهااا متحسره على مفاارق هالحيوانات.... رجعت ركزت من جديد بالطريق...واناا احس بشعور من الأشمئزاز يزيد بداخلي...شكلهاا مقرف هالانسانه...بثوبهاا الأحمر...وسروالهاا الطويل المطرز...وبرقعهاا اللي كله قروش...وجلستهاا واكيد ان صوتهاا بعد مقرف مثلهاا...صح... هي اللي بتخلي روس اهلي بالتراب...خصوصا لمن تحظر اجتماعات العايلة الأرستقراطية...هه...مووو قادر اتخيل شكل عماتي وبناتهم وخالاتي وهم يطالعون فيهاا من فوق لتحت....صح بيتشمتون بقوووة بأهلي... عشان يعرفون ان " مارية" كانت راح تكون الزوجة المثالية لي...الزوجة اللي بتشرفهم عند الناس...كانت باختصار...راح ترفع روسهم فوق...لكنهم اغبيااااء...آآآآآآآآآآآآه... رجعت امسك الطارة بقوة احاول افرغ فيهاا هالمشاعر المكبوتة داخلي.... " مضـــاوي" كنت احاول اغير من قعدتي كل شويه....ما كنت مرتااحه ابد...واناا اشوف هالرجال اللي جنبي...ينوح كل شووي ويتأوه..مابقى الا يحط اللطمة ويصيح...مثل الحريم.. الصدق مانيب متعووده على مثل هالاشكااال... صدق ان رجال المدن مثل الحريم...ما بينهم اي فرق الا هالشوارب واللحية... طالعت بيدياتي...كنت حاطه حنة حمرا...الله يهدي ميمتي... قلتلهاا ماله لزمه... اهل المدن ذولي مايعرفون زينتناا...بس عيت... ارتحت واناا اشوف وجهها منور... وواضح على وجهها الرااحه اللي كانت مفارقتهاا سنين طوال... مدري على وش مرتااحه؟؟...مرتااحه اني صرت مرت واحد من هالرجاجيل اللي مايعرفون حتى كيف يتكلمون كلمتين على بعض..... مثل رياجليناا.... تمقلت فيه بدون ما ينتبه...انااا ماصدقت افتكيت من ابو علي وعياله رجعت بـ،،،يوووك...ياااويلي ويلاااه اثاااريني نسيت اسأل ابوي عن اسمه..!!! وش اقوله هالحين؟؟...اقوله يالاجودي تراااني ما اعرف لك اسم!!.... طيب ذا رجلي يعني اقلهاا الله يهديك يا يبه كان قلت لي اسمه... صديت عنه بسرعه يوم لاحظت انه التفت لي.... قلبي يرقع بقوة بصدري...احسه بيطير من بين ضلووعي.. بلعت ريقي...حلقي جاااف..ما شربت شي من الصباااح...ولا نزلت اللقمة ببطني...انااا اللي عييت ان آكل واذوق العيشة... كااان خوفي على عبيد مهبل بي... بس زين ان هالرجال طلع فيه خيرة... ورضاا اني آخذ وخيي....بعد قليبي عبدالله... تلفت اشوفه...وارتحت واناا اشوفه يمسح عيووونه بيدياته ويمد بوزه... كان الجوو بريد...وتمنيت لو معيي بطانيه اغطيه فيهااا... رجعت اتربع على هالمقعده العجيبة...الصرااحه انهاا مريحه...شين غريب...موب مثل مقعدات الددسن حق ابوي... كبيرة وريحتهااا زينه....تقل فيهن طيب...تلمستهااا بلقااافة....واعجبني هالقمااش اللي فوقهن... رجعت اطالع حولي...واشوف لكم ذاك الشيء الغريب...شين معلق...مدري وشووو؟؟...معلق فوق مراية صغيرة شكلهاا غريب...لونه احمر...ومدري وش اوصفه لكم....اعجبني حيل...ومديت يدي ببطء...ابي اتلمسه... بس اول ما مديت يدي...زعقت واناا مفجوعة يوم حسيت بيده....يمممه.. يده كانت كبيرة وبيضا ماهيب مثل يديات ابوي... وبعدين كانت بااااردة...عكس يدياااتي... قال لي وهو يطالع فيني من فوق لتحت..كني مانيب عااجبته... : لا تلمسين شيء.." سحبت يدي منه بقوة...وحطيتهن بحجري... وبلعت ريقي... هاااووو وش بلاه يتكلم معي كذاا؟؟؟..كني سارقتن له حلال؟؟؟... حسيت برجفه واناا احاول اني ما افضح عمري...لاحظت انه عود يطالع الدرب.. كان بالحيل مزيووون...اشهد اني عمري ما شفت له مثيل... كنه امير...كنه صقر...او حصان عربي اصيل.... سبحان الله...هذاا اللي قدرت اقوله واناا ارجع اطالع بلقاافة بالمكان اللي قداامي... كاان فيه...صووت عجيب...صووت تسمعه ما تمله... مدري وين اللي يطلعونه؟؟؟...مااا فيه احد غيرنااا....تلفت حولي...يمكن يكونون ورى؟؟...بس ماشفت شي...عودت اسمع الصوت واحااول اني افهم الكلمات الزينه اللي يقولونهاا... يااااااااااااااااوه ابك ذي وش تقووول؟؟...ماني فااهمه حرف من اللي تقوله...وراه تمجغ( تدلع) تقل ماالهاا والي؟؟؟..الله لا يفضحناا....ذي مالهاا ابو يلمهاا ويربيهاا... يومهاا تكلم مع رجليي؟؟...هذلي حريم المدن...الله لا يبلاناا مافيهن حياا... يوووووك... اسمعوا....اسمعوووا وش تقول؟؟؟....تكلم عن العشق بدون حياا... الصحيح اني متجووزه واحد ماهوب صاحي... ولا وش هوله ما يوقفهاا عند حدهاا؟؟؟!!مير يمكن عاجبه اللي يصير؟؟؟ حطت يدي على ذقني واناا اطالع فيه...اناا لربيك يا ولد الحظر...واربي عشر مثلك...بس اصبر عليي... عودت اتلمس الركن اللي قبااالي...كان فيه زي الفتيحه الصغيرة... يطلع منهاا هوااء وش زينه بااردن حيييل.... ايـــه شلووون يصير؟؟..ما اخبر ان بددسنااا مثله..... ايـــه ابوووي قال لي ان لرجلك حلال وش كثره.... يمكن ذي من درااهم حلاله...!! | ||||
|
| |
|
07-03-11, 12:15 AM
| #23 | ||||
| نجم روايتي
| " سعود" مدري وش صار لي يوم رفعت صوتي عليهاا...ما كان مفروض اعاملهاا بهالطريقة...بس اهي الله يهديهااا قامت تلقف... ولمست شيء غاالي على قلبي....هذا القلب هدية شوق القلب " مارية" هي اللي اهديتني اياااه حتى انهاا هي اللي خاطته بنفسهاا وحااطه جواته صووورتهاا... انتبهت للمخلوق اللي مفروض يكون زوجتي...هذا هي تلمس المكيف وكأنهاا شايفه لهاا عفريت... ولااا المصيبة تدخل اصابعهاا جواته...وترجع تفحصه.... حاولت اني ما اضحك ولا اعصب بنفس الوقت.. ومسكت ايدهاا للمرة الثانية وابعدتهاا...وكأني اعامل لي طفل صغير... لاحظت انهاا سحبت يدهااا بسرعه... اول مافهمت وش قصدهاا بهالاسلوب...بس يوم لاحظت كيف انكمشت... ولصقت في الباب.... حسيت باشمئزاز...لا يكون تحسبنني... ووووووووووععع هذا اللي ناقص بعد!! رجعت اركز بالطريقة واناا ادور لي على سيجاره...اناا ما ادخن...ابــدا لكن مراات اضطر اني ادخن...خصوصا اذا مثل هالاشكال تركب سيارتي...لقيت سيجارة مدعوسة داخل ثوبي...فطلعتها ورميتهاا بفمي...ووولعتهاا.. وصلت للطريق السريع....وحسيت براحه... يله كلهاا ساعه ونوصل للرياااض...وبشوف اهلي وش بيسوون؟؟.. قلت للمخلوق اللي جنبي : امم...اسمك؟؟.." لاحظت انهاا طالعتني من فوق لتحت...ولا اهتميت... مع اني احتريت شوي مابقى الا هالاشكال تناظرني كذا!!! ردت بعد لحظات وكأنها ما كانت فاهمه السؤال : مضــــاوي..." صح ان نبرة صوتهاا بدوية بحته...وصوتهاا مرتفع حيل.... لكنه كان رفيع بطريقة غريبة....يعني لو توطي صوتهااا بيطلع جدا ممتع...للاستمااع... سألتني شيء وما انتبهت وش اسألت؟؟..فرجعت قلت لهاا : وش سؤالك؟؟..عيديهPlz.." لاحظت انهاا رمشت بعيونهاا بسرعه...وكأنهاا مافهمت وش اقول... بغيت اضرب جبيني بقوة...بس تماسكت...وش فيك تنسى يا سعود...اترك الأتيكيت على جنب...وكلمهاا باختصار... قالت وهي تهز راسهاا وكأنهاا تكلم واحد خبل : ترااني مافهم وش تقوول؟؟..تكلم معي زييين...انت وشهو اسمك؟؟؟" حكيت رقبتي بقوة وابتسمت : سعود طال عمرك..." حسيت ان رقبتهاا ارتفعت..وكأن كلمة طال عمرك كان لهاا مفعول سحري عليهاا...هذي هي المرأة دايم المدح يغيرهاا مهما كانت.... بدوية!! غيرت جو الكآبة اللي مسيطر على الجيب...وخليت المخلوقه العجيبة تتفحص السيارة مثل ماتبي...حطيت اغاني اجنبية... وزدت سرعه السيارة...ابي اشوف الأنكسار بوجه امي وهيفاء اللي دمروني بكل بساطة وقالوا ليش؟؟..لمصلحتك يا سعود.. بكره بتعرف اننا سوينا الشيء الصح...اناا بعد بقولهم اني تزوجت لمصلحتي وبكره راح تفهمون ليش سويت اناا فيكم كذاا؟؟؟... شفت اللوحة الزرقاء اللي على الطريق... ومكتوب فوقهاا باختصار..الرياض 40 كيلو... ربطت حزام الأمان واناا اشوف نقطة التفتيش من بعيد...ورجعت اطالع بالشيء اللي مفترض يكون زوجتي..وحسيت بكره فضيع لهاا...جلستهاا بشعه...وهي جالسه بكبرهاا فوق مقعد السيارة... " مَضاوي...ياليت لو تنزلين رجولك..." طالعت فيني وبعيونهاا بريق غريب...وبكل بساطة سفهتني!! " مضاوي" اسمي عجيب بلسانه...كنه اسم عجم...موب اسمي اناا...شكله ما يعرف ينطقه...اصحح له...ولااا عيييب..؟؟...لااا موب عيب...هذا اسمي...اسمي مُضاوي...موب مَضاوي... قلت واناا اسنع من قعدتي : اسمي مُضاوي..." طالعني ببرود وابتسم وعود يطالع بالطريق...حسيت بخنقة وشيء يكتم على صدري...ودي اتكلم مرة ثانية...بسس سكت مضطرة...شفت رجال واقفين على جنب...ويوقفون السيارات اللي قدامناا...ومدري وش يآخذون منهم؟؟؟... قال لي سعود بعصبية وبصوت مرتفع : عدلي جلستك...عدليهااا بلاش فضااايح.." عدلت قعدتي رغم اني ما عرفت وش الفضااايح اللي يقصد...؟؟!!...وش فيهاا قعدتي؟؟..كنت باسأله...بس شفت انه وقف يم الرجال اللي كان لابس له ملابس ذكرتني بحقين الأمن اللي كانوا يمروناا عليناا كل فترة ويتقهوون عند ابوي ويتعشون عندناا... قال الرجال كلمتين لسعود ما سمعتهم....شفت سعود يمد يده...لعندي...جزعت وكنت راح اصرخ...وش يبي ذاا؟؟؟..اناا اشهد انه موب صااحي!!.. بس مسكت نفسي..وقلت يا بنت يا مضااوي موب كذاا تصرف المره العاقلة...والحمدالله ماسوى لي شيء...بس خذاله اوراق من مكان غريب عندي بالركن...ما كنت منتبه له... شفته يعطي الرجال هالأوراق...ورجعت اناا انبش بالدرج...ابي اشوف وش فيه؟؟؟...شفت فيه علبة قزاز غريبة...وشفت اوراقن كثيرة...ثمن...شفت.. شفت فيه فرد( مسدس)!!!حطيت ايدي على صدري...اناا ماخاف من الفرد...بس ياااخوفي هالخبل...يكووون قاتل له احد... لااا طالعت فيه مو مصدقة...لالالالا...ذاا موب وجه انه يقتل احد ...شكله حبيب وش زينه..وضعيف وولد حلال!! شفته الرجال الثاني..وهو يرجع الاوراق لـ سعود رجلي...رجعهم سعود...ويوم قرب مني...شميت ريحه غريبة منه...كانت ريحة اول مرة اشمهاا... غمضت عيوني غصبن علي...وش هالطيب؟؟؟...شكله عود... من الغاالي حق الملوك والامراء...ماهوب اللي ابوي يشريه لشعاع!! كملناا الدرب....ولاحظت ان هالسيارة ... تمشي بسرررعه موب مثل ددسناا الله يرحم ايامه....شفت السيارات بدت تكثر حولناا....والصدق اشكالن زينه...كبار وصغااار...وشفت بعد واحد مثل ددسنا بالزبط...مابينهمم فررق كنهم اخواان!! وصلناا لمكاان غرريب....وبديت اشوف اشياء عجيبه....طالعت بسعود بلقااافة ابيه يقولي وش هالشيء اللي قاعدتن اشوفه؟؟؟...بس والله الرجال موب يمي...مدري وش حاط بفمه...الرريحه مالييه الجوو... شفته يطلع شيء من مخباته...شيء غريب...هالكبر...كبر يد عبيد...ويحطه جنب سموعه( اذانيه) ثمن بدا الرجال يسولف...علي..!! لالالالا ذا مايسولف معي...يااااويلي شكل الرجال عقله موب برااسه... وش هولة يتكلم مع نفسه؟؟؟...طيب هذااني مقعية(جالسه) عنده تقل جني...ليش ما يسولف معي بدال ماهوو يسولف لحااله... قسم بالله ان اهل المدن يشيبون بالواحد وهو بعز شبابه!! سفهت هالمجنون...وقمت اطالع بها الخلق اللي اشوفهم حولي...كل شيء كان غريب في عيني...الناس تختلف عناا...والمبااني حقتهم على كثر ما حكالي ابوي واناا صغيرة...بس ابد موب مثل اللي شفت....بيوتهم شوي وتوصل السما!!....يا زين الوسع...ان شاالله بيت هالخبل اللي جنبي يكون كبر هالبيوت الزينه...اناا الصدق احب الوسع...!! "سعود" كنت اسوق على مهلي...واحاول اني ابطأ من السرعه اكثر من البطء اللي قاعده تمشي فيه السيارة... كنت على كثر ماني متشوق لشوفة اهلي ورد فعلهم...على كثر ماني خاايف من اللي سويته....ما اذكر ان الخوف دخل قلبي من قبل...بس هاالحين احس انه بدا يسكنه ويدور لها اماكن داخله... طالعت بمضاوي واللي كانت ملصقه وجهها بالشباك...وقاعده تطالع واناا متأكد انهاا فاتحة فمهاا من اللي تشوفه... كنت اشوف نظرات الناس المستغربة وهم يطالعون للجيب الأنيق اللي راكبته هالحرمه المغبره!!ويرجعون يطالعون فيني...وبعضهم يأشرون...خصوصا الأطفال اللي كانوا مستغربين شكلهاا واللي اناا متأكد انه مخرعهم...خصوصا مع هالبرقع اللي كله قروش من العصر الحجري!! تنفست بعمق...واناا آخذ آخر لفة توصلني للقصر...واحاول اتخيل كل ردات الفعل اللي ممكن تصير من اهلي....ممكن يطردوني من البيت...ممكن امي تجيهاا جلطة...او سكته قلبيه لا قدر الله....ممكن في احسن الأحوال...يطردون المره ويخلوني عندهم...ويمكن...ويمكن...ويمكن. ..!! ماابي افكر كثير عشان راسي ما يصدع...لأنه خلقه مصدع...سمعت حركه بالمقعد اللي ورى...فطالعت بالمرايه...شفت عبدالله المعااق...يحك عيونه وشعره المغبر...حسيت بقرف واناا اطالع بوجهه...وهزيت راسي بقوة عشان اشيل صورته عن عيوني... انت وش سويت بعمرك يا سعود؟؟؟....دخلت مع بوابات القصر الكبيرة....بعد ماشافني السكيروتي اللي بره...وفتح لي البوابة اللي بالنص... سمعت شهقة مضاوي المرتفعه وهي تطالعني وترجع تطالع في المكان من حولهاا...وتصفق خدودهاا من الانبهاار... دخلت بين المجسمات الكبيرة للطيور الجارحة والأسود...ووقفت الجيب بخفة واناا اتنهد واقفل المفتاح واحظر نفسي لأكبر المصايب اللي جبتهاا على راسي...قبل راس اهلي...!! "هيفاء" كنت جالسه بغرفتي...ازين مكيااجي...وامشط شعري اللي كنت ملفلفته على فوق بطريقة حلوة... عندي حفل بعد شوي...ولازم اكون على آخر اناقة...خصوصا ان هذا مو اي حفل...هذا حفل رجعة رند من شهر العسل...اهي راجعه من اسبوعين...بس اهم كانوا يحظرون لحفل كبيير عشان يشمل كل النااس اللي ماحظروا بالعرس... طبعاا لا تعتقدون اني استسلمت...صح ان خططي...فشلت...فشل ذريع عمره ماصار ولا استوى بحياتي... صحيح اني كنت ابيه يطلقهاا...لكن للاسف طلع هيثم شهم وبزيااادة...استغرب تصرفه الغير منطقي...رغم اني حبكت الحكااية...وقدرت احيك خيوط مضبوطة على قصة حبهاا المزيفة...شلون ماصدق خويي رغم انه وصف له رند من فوقهاا لتحتهاا وقال له كلام جدا قذر... ما اقدر اوصف لكم فرحتي...لجزء بسيط نجح من الخطة...وهو الشوشرة اللي صارت بالعرس لمن اختفى هيثم...ورااح!! الكل صار يتكلم وينغز بالحكي عمتي وبنااتهاا وبنات عمي بعد كانت وجيههم سوود...خصوصااا ان رند والله اعلم درت وقلبت لهم الدنياا منااحه... عندي احساس انهم يدرون اني اناا اللي ورى هالمعمه كلهاا...بس اناا مو مهتمة...لأني اعرف انهم مايقدرون يأذوني ابد...خصوصا ان ماعندي شيء اخسره بعد خالد...اهم خسروني خالد...لكن اناا راح اخسر كل وحده فيهم اغلى ماعندهاا لو كلفني هالشيء عمري كله...لو كلفني حيااتي ووقتي وجهدي وفلووسي... اناا عارفه انكم تظنون اني حقوودة...لاااا يا بشر... انتم ماتعرفون رند هذي شلون طعنتني....شلون قتلتني وقتلت اخوهاا بكل غباء...!!ليتكم تعرفون الحكااية عشان تعذروني...رغم اني مو محتاجه احد يعذرني لأني مقتنعه باللي اسويه!! غمضت عيوني بقوة....ماابي اصيح...اناا اليوم حطيت خطة ماحصل لهاا مثيل...اناا قررت ولأول مرة...اني راح آخذ هيثم ...واخليه لي اناا...واناا وبس...خلاص دامني ماقدرت ابعده عن رند بهالطريقة....فراح الجأ للخطة الثانية....راح اغري هيثم...واخليه يحبني...وفوق هذا كله يمكن اخليه يتقدم لي... بس راح يكون شيء صعب جدا اني اغري هيثم...لأن هيثم للاسف عاارف الاعبي زييييييين...خصوصا انه مررة اكتشف اني اناا السبب في بعد اخوه عن مرته...وهذاا بعد واحد من اللي لعبت فيهم...يمكن والله اعلم احكي لكم عنه...بس هالحين..ادعوولي ان كل شيء يضبط... رحت لغرفة الملابس الكبيرة حقتي...واللي كانت دوالايبهاا باللون الأحمر المفضل عندي..دائما وابدا... يقولون ان من صفات محبين اللون الأحمر الشراسة خصوصا لمن يتعلق الشيء بحقوقهم...واناا من اليوم بعتبر هيثم..حقي اناا وبس!! طلعت لي فستان من الحرير الأورنج والأحمر المتداخل بقوة وبطريقة غريبة...وفيه لمعه بسيطة باللون الذهبي...والثاني فستان ذهبي ساده...وهذا اللون...اللي احبه بعد الأحمر...يمكن لأنه بكل بساطة لون ملفت للنظر... لبست الفستان الذهبي...ودرت حول نفسي في المرايه اتمل جسمي اللي مافيه اي عيب...تصدقون مررة قريت في مجله ان مافيه حرمه راضيه بجسمهاا...وينهم عني هالدراسة؟؟؟..هذا جسمي ولاا افضل عارضة ازياء... حسيت ان الذهبي رغم حلاته...بس ماكان مثير علي...واناا ابي اغري عريس...ومووو اي عريس...عريس متيم بعروسه... مسكت الفستان الثاني...وحسيت بالقماش الباارد على جسمي وارتجفت..واناا البسه..كان بدون اكتااف...ضيق على الصدر...بفتحه كبيرة مرة...ومن تحت الصدر وااسع لحد الركب...طلع علي ولا احلى...لبست معه صندل ذهبي انيق عاالي بكريستالات حلووة... وطلعت من غرفتي ورجعت للتسريحه ورشيت عطر على شعري وجسمي وفستااني...وبعد مالبست ساعتي الذهبية....اخذت شنطتي الصغيرة الذهبية...وطلعت عشان بناادي وحده من الشغالات...عشان تكوي عبايتي قبل لا البسهاا... نااديت ونااديت بس استغربت انا محد يرد علي...رحت للدرج اللي بنص الدور الثاني...ونزلته ببطء...واناا مستغربة وين البشر...حسيت البيت فاااضي مافيه اي احد...وشفت باب القصر الرئيسي مفتوح على وسعه...ولاحظت ان فيه زحمه هناك والخدم مجتمعين وياا بعض... وصلت لعندهمم واول ماشافوني بعدوا عن طريقي بسرعه...طالعت واناا قلبي يعورني..توقعت ان فيه احد صار له شيء...هالمشهد ذكرني بموت خاالد...خصوصا لمن كانوا محتارين شلون يقولون لي؟؟؟.. غمضت عيوني واناا اشوف اخوي سعود ومعه....معــه...معــــــــــ? ?ـه......!! | ||||
|
| |
|
07-03-11, 12:16 AM
| #24 | ||||
| نجم روايتي
| " نورس" كنت جالسه في بلكونة غرفتي...واناا ماسكه كتاب شعر...لأمير الحلم سعود بن عبدالله...شاعري المفضل...واميري المفضل بعد... كنت اقراا بلهفة...واحاول اتمعن بالألفاظ الشعرية الراقية...والدرر اللي تصدر عنه...... تمنيت لو ربي يعطيني شووي من هالألهاام....اناا احب الشعر..واحب الخواطر...بس بعد تجربتي مع شجاع...حرمت اني اكتب اي خاطرة من جديد... خفت انه ينقال نفس الحكي عن خواطري من اشخاص ثانيين...." شجاع" ما علمتكم عنه؟؟؟..صح؟؟؟...هذاا شخص جدا همجي...بدون اي اسلوب حظاري... من الرجال اللي عندهم المرأة هي البيت والمنزل وعباية الراس...يعني المرأة اللي تلبس عباية على الكتف او ما تحط غطى مثل حالاتي اناا وهيفاء وتروح مع السواق لوحدهاا هي امرأة سيئة بجمييع المقاييس... لمن رحت اقابله في مبنى" اضواء" قبل شهرين...كانت السعاده تسكن كل خطوة مني...كنت امشي واناا حاسه بخوف بس برضه حاسه بثقة وسعاده اني راح اوريه رسايل المعجبين اللي يتهلفون على خواطري الراقية ... لكن..للاسف الشديد كانت كذبة...محبوكة من ثلاث اشخاص مهمين بحيااتي...ديمه بنت خالتي...وسعود اخوي...وهيفااء الحماارة... الصرااحه لمن انكر انوا توصلهم اي رساله على المجله...اناا كنت راح انجلط... صرخت بوجهه انوو كذااب...ايه انا عارفه اني غلطت بس غصب علي طلعت الكلمه.. يعني مو معقول دايم تجيني رسايل تمتدحني بحرارة وبالأخير اكتشف انهاا تشجيع من الأهل... وليت اهلي اكتفوا بكذا...الا زادوا الطين بله...لمن رشت هيفاء رئيس التحرير هي وامي عشان يخصص لي صفحه او زاوية مثل مايسمونهاا بالمجله.. الأخ شجاع كان سعيد وهو يعلمني بتمشت واضح انوا اهلي للاسف رشو الرئيس الساابق وماحيقدرون يرشونه اهوو... ولييييييييييته اكتفى بكذا...تنهدت واناا اتذكر اسلوبه لمن طلب لي السكيروتي وطردني بدون اي رحمة... انا من طاحت عيني بعينه...عرفت اي صنف هو...صنف رجل الكهف...اللي المرأة عندهم لهاا مقامهاا الوااطي... اوكيه...صحيح اني تعبت كثير...خصوصا اني جدا حساااسه...ولكني هاالحين بدت اساامحهم...بس موو مرة..كنت ابيهم يعرفون ان هالشيء غلط واني رغم حساسيتي قووية... وقفت عند هالحد من افكاري بشجاع اللي لي شهرين واناا افكر فيه...ولااا تعبت من التفكير بامثاله من هاضمين حقوق المرأة!! سمعت اصوات صراخ وصوت هيفاء وسعود...وماما وبابا...وهذا الأخير غريبة انوا يرفع صوته...عااده ما نحس بوجوده...كمان سمعت صوت بكاء طفل...انقبض قلبي بقوة..وطاح الكتاب من ايدي...قمت بسرعه وربطت الروب اللي لابسته...وسويت نظارات القراءه اللي فوق عيوني... وقربت من حافة البلكونة....ومن بين الزحاام الشديد للخدم وماشبههم تحت...واللي تجمهروا حوول...حول....حووول سعود ومعه...وش ذاا اللي معه؟؟؟... شلت النظارات من فوق عيوني واناا احس اني بطيح عليهم من فوق...وقررت اروح واعاين الحدث بنفسي*_* " مارية " لمست شعره الأسود المبلل ببطء..ناظرت ملامحه الجميلة الملونة....بحكم الأعراق الأجنبية اللي بجهة امه... مع هذا كان....وسيم وفوق ماهو وسيم حبيب...وفوق هذا كله يحبني...لكن مو قادرة احس بسعاده... من تزوجت وانا تايهة... ندمت اني تزوجته...وماا ندمت...حبيت قهر سعود ومرارته بيوم عرسي...لكن ماحبيت اني رميت بعمري عشان اقهره مع ان هذا مو اسلوبي..لكن... صدمتي بسعود كبيرة....صدمتي فيه زلزتني...ما ادري ليش سوه كذا...؟؟...ليش حب اني اعرف هالاشياء من الناس...من اخته اللي ذلتني ذل....ولعبت باعصابي...وكرهتني بعمري...خصوصا انها استخدمت الفاظ يا سااااتر...ما حد يستخدمها في الوقت الحالي على حسب علمي... وفوق هذا كله استخدمت وسائل لابتزازي بجميع الاشكال والالوان...ياربي ماتوقعت انه في حريم يغارون على اخوانهم بهالشكل!! تنهدت...دائما اقول ان حظي شين...لكن حبي لسعود والطريقة اللي تقابلناا فيه...نستني الحظ الشين واشكاله وفوق هذا اسعدتني وطيرتني بسابع سما وفوق هذا كله آآآآآآآآآآآآآآآه....تخيلت وتخيلت واناا وياه اشياء لمن اتذكرهاا هالحين احس بقلبي ينزف بقوة....واحس انه يفقد الاحساس اللي يحببه بالحياة.... شفت زوجي يتحرك على السرير...خفت يشوفني سرحاانه بافكاري ويبدا التحقيق اليومي معي...قمت من على السرير ورحت على طول الحمام... وانا بالحمام غسلت وجهي كذاا مرة قدام المرايه...تذكرت جملة كان يقولهاا لي سعود اذا شافني واناا صايحه من النوم، كان يقولي وكأنchinese grl....لأن عيوني تنتفخ فيصير شكلي فعلا مثل التشاينيز...حست بدموعي تحرقني عن هالحد...لالالا ماا ابي ابكي..كاافي لي فترة كل ماقمت من النوم واناا اصيح...حاولت اتماسك لكن بالأخير دخلت تحت الشاور بعد مافتحته اقوى شيء وقمت اشاهق بقوة واحااول اني انسى انسى...انساااك يا سعود... | ||||
|
| |
|
07-03-11, 12:16 AM
| #25 | ||||
| نجم روايتي
| الفصـــ6ـــل " المريخ....واهل المريخ" تعالوا نوصف لكم المكان قبل ما نعرف وش كل شخص من المجتمعين يفكر ؟؟؟... مضاوي و عبدالله واقفين يم سعود....والخدم مجتمعين حولهم بس بعيد شوي... يعني فيه مسافة فاصلة... هناء و عبدالعزيز اللي هم اهل سعود واقفين بعيد شوي... موو فاهمين وش الساالفه...ويحاولون يدخلون بين هالنااس عشان يعرفون ويفهمون وش سبب هالشوشرة؟؟؟... هيفاء ناازلة من الدرج الخاارجي... وعيونهاا شوي وتطلع بره...و نورس نازلة الدرج الدااخلي بتشوف وش القصه... خصوصا بعد ماشافت مضاوي وانفجعت... "مضاوي" كنت اناظر العرب المجتمعه من حولي...الصدق اشكالن ماقد شفت لهاا مثيل في البر...حريمن ورجال بسم الله عليي عيونهم صغار ومشققه...وقصاااااااار.... كبر عبيد اخووي...وبعدين سافراتن وفاتشات وجيهن شعورهن على الرجاجيل.... ما ظنتي يصيرن خوات سعود... ما فيه اي تشاابه...الصدق عرب ماشفت لهاا مثيــــل... شفت سعود ومدري وش بلااه؟؟..ماا عجبني شكله..كنه معصب... وكان يمسح جبينه كل شووية....ويناظرني انااا وعبيد ويعود يكمل كلاامه... عبيد اخوي مدري وش بلاه؟؟؟..قام يصيح عليناا... ومسك بثوبي وشيلتي..فضيييحه كانت شيلتي بتطيح من على رويسي...وتبان جداايلي ووجهي قدام الخلق.... سمعت صوت حرمه وكنهاا منخلعه( مفجوعه-متروعه) وهي تقول : سعوووود...وش ذااا يا سعوود؟؟...." قطييييييعه...وش ذا المجغ؟؟...هاااو...بلاهااا تكلم كذا؟؟...وليش ماتكلم زي الخلق؟؟؟...يؤيؤيؤ...وش مسوووية بشعرهااا الخبلة ذي؟؟... كانت قاصته الله لا يبلااانا كله....مووو مخليه فيه الا شووية...يا دافع البلا...ماا اقول غيييييير يااداافع البلا.... حطت الحرمه يدهاا على صدرهاا وقامت تخبطه وعيوونهاا شوية وتطلع من محاجرهااا... وتطالعني كني موب عاجبتهاا....وتعاايني مثل سعود يوم شافني اوول.... سعود كان واقفن قريبن مني...قااال وهو يشر( يأشر) علي... : ذي مرتي يمه...مضاوي..." الحرمه حطت يدهاا على راسهاا وكنهاا سمعت مصيبة... : ووووش؟؟؟.....لالالالا....سعوو? ?د...قووول انك تمزح معيي..." وجودت بيد الرجاال اللي كان حااط شيء على عيونه مدري وشوو بالزبط(بالضبط) وكان يطالعني مثل اللي مجودته... الظااهر انه ابو سعود...لأنه نفس القبلة...ونفس الدم... " سعود" الجو كان جدا متوتر...وحسيت بشرارت كثيرة بالجوو... والكلمه اللي قلتهاا سببت صمت فضيييع... صمت تحس انه شوي ويفجر اذانك من كثر مااهو مرتفع... صمت له وجود ثقيل وكئيب... حسيت حتى الهووا ثبت وماعااد يتحرك ...الصراحه شيء يكتم على النفس اكثر مااهو مكتوم... لاحظت ان ابوي يطالعني ببرود...من فوق لتحت... وكنه مستحقر اللي سويته... ويرجع يطالع مضاوي وهو يرفع حاجبه بسخرية... وما فهمت معنى نظرته بالمرة... قال لي وهو يرفع صوته الجهوري : وش قلت.... يا سعوووود؟؟؟" كرهت اسلوبه اللي يعاملني بهالطريقة... حسيت اني بزر موب بالثلاثينات من عمري... اعرف ابوي اذا بغى يحسسني اني موب قدهاا... يكلمني بهالطرريقة... ليته مررة بحيااته ينسى انه شيخ.... ويكلمناا على اننا عياااله موب موظفين او عبيد عنده..... رديت بتوتر وانا اشد الكائن الصحراوي جهتي عشان ماتروح بعيد : معي مرتي يبه...مرتي... بنت اجوودية من آصل العرب...لا هي خضيرية ولا غيره...." رد ابوي باستحقار : يعني كسر كلاام والسلاام...يا سعود" قلت ادافع عن نفسي : يبه هذا خيااري وارجوكم مرة بس..احترموا هالخياار..تراااني مووو بزر...اناا رجال وش كبري....عمري33سنـــ" قااطعني ابوي ببرود بغة يجلطني فيه : والله انك بتظل بزر... مبسوط تذكر عمرك كل شووي... لكن للأسف ناااسي ان تصرفااتك تصرفااات مرااهق.... روح شوووف عياال عمك... رووح شوف عيااال خالتك.... لا تفااخر بعمرك وانت ما تعرف الصح من الغلط..." تركت مضاوي واناا اشوف وجه امي معرق..وحسيت انهاا شوي وتتهاوى بس كانت ماسكه يد ابوي بأقوى ماعندهااا بس نظراتهاا الزايغه لمضاوي خوفتني...كنهاا تشوف بمضاوي وحش...او شيء مخيف...او شييء ماا عرفت افسره... طردت الخدم من قدام وجهي واناا اصرخ فيهم لأنهم بدوا يتكملون بين بعضهم.. :Goooo.......يله.." ابوي وهو يرفع خشمه : وليش تطردهم...خلهم يعرفون سواياك اللي تخجل وتشيب بالوااحد... مدري متى تكبر يا سعود؟؟.." بلعت ريقي واناا اترك مضاوي واخوهاا المزعج اللي يصيح بأعلى صوت : يبه...رجااء احترمني...رجاااء..." وكملت واناا ارفع حواجبي : خلااص...الزوااج وتم...نبي زواارة... عشان كل الناس تعرف ان مضاوي هي مرتي على سنة الله ورسوله... او اذا تبون سووا عرس..." امي وهي ترتعش وبصوت ضعيف : فشلتنييي يا سعود..فشلتنييييي..." وكملت: وش اقوول للناااس؟؟؟...يا فشلتي والله..." ما رديت عليهاا ورجعت اطالع بعيون تعباانه احس هالنقاااش البسيط استنزفني... رجعت اطاالع بالمخلوق البدوي المتأصل اللي اسمه" مضاوي" لقيتهاا تتفرج على شكل الأشجاار ومشغوولة... وشفت هيفاء اختي واقفة فوق على السلالم.. كان واضح عليهاا الأنفعااال...وعرفت ان هيفاء راااحت وطي... وواضح ان ردة فعلهاا بتكون اقوى من رد فعل ابوي وامي... نزلت هيفاء بهدوء درجة ورى درجة... صحيح انهاا اختي...لكني اعررف زين وش ممكن تسوي... خصوصا اذا كان الموضوع يتعلق بمقامهاا عند النااس...والبرستيج حقهاا... هيفاء وهي تحاول تماسك وتكتف يدينهاا قباالي : وش الساالفه يا سعوود ؟؟؟؟؟؟.." هيفاء هي الساعد الأيمن لبوي...ونفس طبااعه وطريقة كلامه وقسوته... قطبت حواجبي : وش متوقعه بعد؟؟.. اللي بتحرجك يا هيفاء...اللي بتخليك تعرفين تلزمين حدودك... وما تتدخلين بكل كبيرة وصغيرة" هيفاء وهي تطالع بمضاوي باحتقار يقطر من عيونهاا هه...ذي..." واشرت بيدينهاا... سمعتهاا مضاوي والتفتت وطالعت بهيفاء وكان واضح عليهاا الفجعه...حتى اني مسكت نفسي بقوة عشان ما اضحك رغم ان الموقف ما يتناسب.. كان واضح ان مضاوي مفجوعه من ملابس هيفاء.. حتى انهاا صفقت خدهاا كذا مررة... قالت مضاوي بأعلى صوت : تستري ياا وخيتي...تستررري.." سفهتهاا اختي العزيزة...وكملت : لا تخليهاا تدخل فيني... وبعدين...وش بعد ذا اللي معاهاا؟؟؟... لا يكون آخذ وحده جاهزة بعد؟؟؟..معهاا ولدهاا وكل شيء...." وكملت بسخرية تقطر من لسانهاا اللي زي السم : وليته ولد كاامل...!!" عصبت على هيفاء...وحااولت اني امسك ايدي...لأن عمري مارفعت يدي عليهاا...ولااا ابي ارفعهاا... بينماا ردت عليهاا مضاوي بطيبة واضحه : لالالا...ذاا وخيي...موب وليدي...عبيد..عبدالله..." وقالت مضاوي لـعبدالله : رووح سلم يا عبيد..." تقدم عبدالله وكرهت اناا الموقف...وكان يبتسم ابتسامه بشعه... ويمد يده بخجل.... طاالعت هيفاء فيه...وصررخت لمن قرب منهاا...كان واضح انهاا جزعاانه... الولد لمن صرخت رااح جري لأخته وضمهاا وكان يبتسم... ويخبي وجهه بملابس مضاوي... مضاوي حسيت ان الموقف ماا عجبهاا خصوصا ان نظراتها احتدت لهيفاء... قال ابوي وهو يوقف النقااش اللي صاير : سعود....تجمع ملابسك وتطلع هالبيت بدون رجعه..." امي وهي ترتجف وتجي يمي : لالالالا يا عبدالعزيز....الله يخليك لا تقووول.." ابوي وهو يرتجف من العصبية : هنااء رجااء لا تدخلييين....تدليعك وتربيتك له خرربته..." امي وهي تضمني بقوة واناا جامد مكااني : لا تطلعه يا عبدالعزيز..." والتفتت علي بتوسل : طلقهااا يا سعود...طلقهاا هالحين... ولااا من شاف ولااا من درى...بكل بساااطه..دااري عناا الفضيحه الله يعاافيك..." قلت لأمي ببرود : مضااوي زوجتي لآخر العمر... ماراح اطلقهاا لو تنطبق السماا على الأرض... واذاا على البيت يبه...انت نااسي...ان الملحق بكاامله لي؟؟... وانت نااسي ان هالقصر كله...مكتووب بسمي اناا.." ابوي بعصبية : وش قصدك؟؟..يعني بتكسر كلمتي... ولااا نااوي تطردناا" رديت على ابوي بأدب : لاا يا يبه...ماعاش من يطردك...لكن وين ارووح؟؟.. والنااس وش تقوول عناا؟؟؟" رجعت امي تضمني بقوة : سعود...يا سعوووود...دخيلك...يا ولدي...لا تفشلنااا.." قلت لأمي بعصبية وبترريقة وانا اطالع بالمخلوق البدوي المتأصل اللي يطالعناا... : يمه وش فيهاا مضااوي... شوفيهاا...بنت اصيلة صاحبة اصل عرريق..من قبيله معروووفة... ابوهاا عنده حلاااال..." طاالع فيني الكائن البري العجيب وشكلهاا ما انتبهت للسخرية اللي بصوتي... وواضح انهاا انبسطت.... حتى واضح يوم رفعت راسهاا بطريقة خلتني ودي لو اجي واخنقهاا قبل اهلي... بس لاااا تحمل يا سعووود..تحمل اهلك..ترى هاانت... بعدت عني امي...وقالت وهي تهز راسهاا بعصبية وترتجف: لااا انت ولدي...ولااا اناا امك.. لو ما طلقتهاا هاالحين يا سعوود..هاالحين..." رديت واناا اطالع ساعتي : اناا بروح غرفتي....هاالحين..عن اذنكم تعباان... يله مضااوي.." لحقتني مضااوي وهي تمسك اخوهاا وتجي وراي... وتركت كل اهلي...وحتى نورس اللي كانت واقفه عند الباب... سفهتهاا ودخلت بدون اي كلمه... | ||||
|
| |
|
07-03-11, 12:17 AM
| #26 | ||||
| نجم روايتي
| " نورس" طالعت واناا مفجوعه بسعود اللي كان مااشي ومعه وحده... ماا اعرف من وين جاابهاا؟؟؟..بنت مرررة مرررررررة شكلهااا ووععع... لابسه ياامامي... بررقع قدييييييييم وفيه قرووش كباار وجنيهاات.... مررة يخوووف... وكاان معهاا طفل صغير... شكله يا حراام...شكله معااق..وهالشيء وااضح من وجهه ويده القصييرة... بس لبسه قدييييييييم...ثوبه اصفر...ولابس تحته... مدري وشوو..يعني الصرااحه وععععع......وشعره وسسسخ مررررة... وريحته مررة شينه...كأنهاا ريحة حطب ونيرااان.... يعني الصرااحه...اووووووه مااابي الوع كبدوكم بالوصف.. .اعتقد الصوورة وصلت كامله لكم... سفهني سعود وما قال شيء لي...وكان واضح انه شوي وينفجر... اناا ما اهتميت فيه هو والأشياء اللي تمشي معه.. رحت ركض لماما اللي كان واضح انهاا تعبانه مرة وهي جالسه على الدرج...وماسكه هيفاء يدهاا وشكل هيفاء دماار خصوصا عيونهاا اللي ملياانه دمووع... من زمااااااان مابكت هيفاء على حسب علمي... استغربت هالشيء... قلت بتوتر : وش القصه؟؟؟...وش فيه سعود؟؟..وميين..هاللي معه؟؟؟.." رد ابوي بعصبية وهو ينتفض وحاط مشلحه الشفاف على يدينه : مين اللي معه يعني؟؟..القررف اللي معه مرته...مرررته.." مرتـه مرتــــــــــه مرتــــــــــــــــــــــ ــــه كانت قوية...حسيت اني بدوخ...طحت جاالسه على الدرج... اكيد يمزحون عليي...الا صح وش تسوي مع سعود؟؟؟.. وليش دخلت معه جوه؟؟؟... والولد وش يكون لا يكون ولده؟؟؟... صرخت بهستيريا : والولد؟؟؟...لا يكون ولده..." ردت امي بسرعه : لااااء...هذا اخوو...اخوهااا..." ونطقت آخر هاء بقرف واشمئزاز.... قلت بخوف : وش بنسوي؟؟..وش بنقوول لجماعتناا؟؟؟...وشووو؟؟" ردت هيفاء بقلق : وش نقوول؟؟؟...لازم نسوي شيء...مااينفع نوقف ساكتين كذاا..." ابوي وهو يوقف : وش نسوووي؟؟...هذا سعود رافض يطلقهاا... ولوو اخذنااه بالعنااد ماراح نجيب نتيجه...." قلت بتهور : خلااص نزوجه مارية..." صرخ ابوي فيني بعصبية : البنت متزووجه...وش نسوووي؟؟؟..نطلقهاا من رجلهاا؟؟؟.." قلت باسف : ماكنت داارية..." وكملت بخوف : لووو...يصير...ان..." وبلعت ريقي بتوتر وكملت : لوو لا قدر الله...النااس عرفت ماراح يكون لي وجه اقابلهم...وش اقول للبنات اللي يجون يزوروني هناا؟؟؟...وماما وش راح تسوين مع ضيوفك؟؟؟...اوووه...والله فششلة...ياااربييييييي..." هيفاء بتهور : لازم ندااري الفضيحه....بأي طريقة..اناا لاازم اطلع حل..." والتفتت على ابوي بشراسه يبه...نقدر نآخذهاا ونردهاا لبيت اهلهاا بدون سعود ما يدري... اكيد نقدر على شيء...اوو اناا نرشي اهلهاا او.." قلت بعصبية : موو كل النااس تجي بالفلووس!" ماما بخوف : لالالالا...حراام عليكم...وش ذنب البنت نرميهاا بهالطريقة؟؟...مسكيينه...لالا لا...لازم نلاااقي حل ثااني...عشاان ربي ما يعااقبناا..." وسكتناا بعد جمله ماما... ذنب البنت انهاا وافقت على سعود.. ذنب البنت انهاا تهورن وجاات ويا سعود... ذنب البنت بكل بسااطة مو برقبتناا برقبة سعووود... بس ما افصحت عن افكااري...خصوصا واناا اشوف النقااش يوقف عند هالنقطة...واشوف ابوي يرد على جواله ويروح بعيد عناا... اماا ماما قامت من مكاانهاا...بمساعده هيفاء وقاالت : اناا بروح اغير ملابسي عشان اجيي ويااك يا هيفاء...يمكن تكوون آخر مررة اشوف فيهاا جماعتناا العزيزة..." رديت اناا بخووف : لا تتركووني لوحدي معاهااا...ترااني اخااف..." هيفاء ببرود: اقفلي على نفسك باب الغرفة...ترى اخوهاا يفجع.." ردت ماما بعصبية : هيفاااء..قولي يا رب لا تبلاناا...موب اخوهاا يفجع.." سكتت هيفاء عشان ماتعصب عليهاا ماما ودخلت هي وياهاا البيت... اماا اناا وقفت بمكااني اراقب انوار القصر وهي تفتح وحده ورى الثانية بحركة متنااسقه... وبدت الأنوار تنتشر بالمكان داخل الحدايق الكبيرة.... نزلت من الدرج..ومشيت شوي واناا اشد روبي الحرير على جسمي.. وطاالعت فووق على بلكونة اخوي سعود....... زوجته...زوجته....انتقاامك قووي يا سعود...والله انه قووي... تذكرت قبل فترة... لمن جاناا سعود....واحناا كلناا متجمعين بغرفة المعيشة.... وبابا كان معناا ونادرا مايكون وياناا... كانت الفرحه واضحه على وجهه.... عيونه تشع بنور غريب...ووجهه منور... وطالع اكثر وساامه من هالحين مية مرة... سعود وهو يجلس معناا : يمه..ابي اعررس..." لاحظت ان ماما رفعت راسهاا بنعومة : هذي السااعه المبااركة...مين تبي؟؟؟..عندك ديمه بنت خالتك..و..بنـ" قاطعهاا سعود بأدب : يممه قلت ابي اعرس...بس مااقلت ابي ديمه.." هيفاء باستغراب :وش فيهاا ديمه؟؟؟...فيهاا حلا موب غيرهاا.." قلت اناا بحمااس : وااااو انت و ديمه بتكونون احلى طقم.." ضحك سعود على كلمتي :هههههه... شايفتنااا ابريق شاهي وفنااجيل...لاااا يا عمري..." وكمل وهو يجلس جنب امي ويبوس راسهاا : يمه اناا اخترتهاا وخلصت.." رفع راسه بابا اللي كان يقرأ جريدته : وشوو؟؟؟...اجل ليش جااي وتعباان ومعلمناا؟؟؟..." سعود بأدب : الله يهديك يبه....مين اللي بيخطبهااا لي غيرك انت والوالده!!" بابا بعصبية : طيب..وش تصير؟؟؟..شلون عرفتهاا؟؟؟..بنت مين يا... ولدي؟؟" وضااف اخر كلمه بسخرية...وهذا حال بابا مع سعود.. سعود وهو يحك شعره بتوتر : اهي بنت آل....، نااس طيبين على قد حاالهم....لكــ" بابا لاحظت ان ايده تجمدت على الجريدة.... وحسيت انه توتر مرررة...واستغربت ان هذا الشيء... اناا اعرف ان هالعايلة خضيرية... بس موو نهااية العاالم... هيفاء عيونهاا برزت قدام : وشووو؟؟؟...على قد حااالهم؟؟؟..سعود انت نسيت احنااا مين؟؟" سعود وهو متضاايق : عاادي..هذاا خالد بن.... تزوج بنت عااايلة عااديه وفقيرررة وماا صاار شيء... هذي مرته ماافيه احلى منهاا بعين الكل.." ردت هيفاء باعتراض : بسس شوف الكل شاره عليه... حتى امه وهي تعززمنا تقول.... والله اني مفتشلة ارسل لكم كرت عشان تقرون هالناس.... اللي مدروا من وين طلعوا؟؟؟..." ماما بتأييد لكلام هيفاء : بعدين انت يا سعود..الكل ينتظر عرسك من سنين... وبالأخير...تروح تزوج وحده من آل..." سعود وهو يوقف : ليتني مااقلت لكم.... سبحاان الله انتم عاايلة غرريبة ظننت انك بتنبسطوون لأني بعرس... ومع هذاا..." وقف بابا بعد وقال بنبرة ما تحتمل النقااش : سعود...مااله دااعي للفضاايح...بعدين شلون تعررفت على هالبنت اساسا؟؟؟.. لووو هي محترمه ما كان جيت وانت تقولناا عنهاا؟؟؟.." سعود بعصبية : والله انهاا محترررمة وبريئة...ووووو..." تدخلت انااا بخجل : سعود..احناا ماقلناا شيء...نبي لك الأفضل وبسس.." سعود وهو يغمض عيونه ويضغط عليهاا... عشان ما يرفع صوته على ماما وبابا.. وهي حركه متعودة منه اذا عصب ...عشان يتحكم بعصبيته... : اناا طاالع....مع السلااامه.." ورحل سعود لكن الزوبعه بقى اثرهاا... وبدت تخطيطات هيفاء وماما... وتدخل بابا بالموضوع... ولااحظت انه صاار اشد منهم... واناا حاولت اني ابقى على الحيااد... خصوصا اني شفت لهاا صور بمرسم سعود... والبنت حليوة وما ناقصهاا شيء...وشكلهاا تعرف الذووق... اناا ما تابعت معهم الخطط... لكن اللي اناا استغربته ان هيفاء بعد كم يوم جاات لسعود تبشره انهم واافقوا ...وان ماعندهم اي اعترااض... كاان هذا آخر شيء اذكره من الساالفه كلهاا لأني اكرر... ماكنت مهتمة مرة بالموضوع... بس شكل هذي كانت مجرد كذبة... عشان تضرب هيفاء ضربتهاا وتخلي البنت اللي اسمهاا مارية تروح بدون رجعه... على العموم ماحد يدري وش قاالت هيفاء بالضبط للبنت وخلتهاا تنسى سعود...وزي ماا اكتشفت قبل شوي... البنت ماكتفت بكذا تزوجت... عشان تطعن سعود وتقهره...و سعود مسكين ماله شغل بالموضوع كله... الله يعنيااا على انتقااامك يا سعود يا اخوي... مضاوي بالصاله وياا سعود... بيطلعوون المصعد... لأن غرفة نوم سعود بالدور الثالث... ومضاوي تتأمل الأثاث اللي حولهاا بانبهاار وخصوصا الكنب والتحف... وانتم تصوروا كيف العالم بيكون غريب من حولهاا؟؟.. ماافيه شيء تعرف اسمه... ولااا تعرف الغرض من اي شيء... القصر هذا بالنسبة لهاا مثل المريخ بالنسبة لناا... كل شيء مبهر... سواء لبس او اثاث او نااس... العالم كله والبشر من حولهااا غرباء اشكالهم "عجيبه" وواقفه تطالع وعيوونهاا شوي تبرز من محااجرهاا... و سعود موب يمهاا ينتظر المصعد يفتح له... " مضاوي " لحقت سعود واناا الصدق متعجبه من الكلام اللي صار قداامي قبل شوية... يعني هالحين... سعوود ما قالهم انه يبي يعرس... ولا قالهم انه يبي يتجوزني!! هااو...اجل وشلووون جمع المهر؟؟؟... انقهررت بالحيل منه... اهوو ما دخل برااسي.. مااش مووو مثل الرجااجيل اللي عرفتهم قبل... فيه ضعف حتى انه البنت اللي ميب لابسه شيء تستر فيه جسمهاا رفعت صوتهاا عليه... ولووو لو هو من الرجاجيل اللي اخبر.. كاان رمى عليهاا شماغه وقالهاا تستر وما تكلمه الا وهي ساترة ومحتشمه... لأن حشمتهاا من حشيمته... بس ماا اقول الا مااالت عليكم يا رجاجيل المدن... بسس بيني وبينكم...ضااق صدرري عليه وعلى حااالي... يعني هاالحين انااا لزووم اكون المره السنعه... اللي تسنع جوزهاا وتخليه فاارس مااله مثيل... وهالشيء يبي له صبر...ويبي له بالن طووويل... اطووول من ليل الصحااري اللي كانت عاايشة فيهاا... الله يعنيك يا مضيوي...خذيتي لك مره...موب رجال ينشد به الظهر!! شفت الحريم الللي اول...وهن يدخلن الداار... طالعووني...ومشن وخلني ورقن اللي مدري وش اسمه؟؟؟ ...الموووهيم... التفت على شين غررررريب... مشاااااء الله...وشش ذاا الزيييييييييين؟؟؟ ...شهقت واناا اشوف اشيائن عجيبه قبااالي ووراي... وكل مكاان حولي...اغراضن زووينه...مدري وش غرضهاا؟؟... اعجبتني بالحييل...وقمت اتااملهن...يا سبحاان الله... مدري لمعاات مثل النجووم بالليل (( تطالع بمجموعة تحف كريستااالية لمااعه على شكل نااس وحيوانات مختلفة...)) قمت اتلمسهن...بس بعد ما تاكدت ان سعود موب يمي...ومسكتهاا يااا مشاااء الله...وضغطت عليهااا...قوووية حييل...ايه ذاا الزين...طيب...وش يسووي هالغرض؟؟....قلبتهن بين يدياااتي...ويوم طفشت منهاا رميتهااا على الأرض ومشيت ورى سعود و عبيد... سمعت صوت كسر...والتفتناا كلناا...ولاحظت ان الشيء اللي كان معي قبل شوي انكسر....وحسااافتن علييه...كان زين!! بحلقت بسعود....اللي كان يبي يكفخني بس ماسكن يده...حط يده على كتفي وسحبني بقوووة....بعدت يده بقوة...يااكرهي له...بيسوووي فيهاا مرجله علي... : اقوووول...اترركني..." سعود وهو ينهرني : اشش...يله ادخلي هناا....ماابي صوتك يرتفع فااهمه؟؟؟" قلت واناا انفض يدي مكان لمسته اللي احرقتني : وشووو؟؟؟..ماااتبيه يرتفع...هااا؟؟؟...اقول قووول.. هالكلاام للي اول منثبراات...ترى افلح" شفت عرق ينبض بجبينه...مسكني ودفني بقوة جوات شيء... ومدري وش قاام يضغط.... الشيء ذاا انقفل واناا حسيت بقلبي بينقز من مكاانه... مسكت يد عبدالله بخووف... وشوو ذاا؟؟...كنت اشوف الأرض واناا نبعد عنهاا... فقمت اصاارخ وانااا منخلعه بجد...يبي يذذبحني هالخبل... : ياااااااااااااااااااااااا ااااااااااااااووووو.... يااااويلي....بيذذبحني..ياا اهل الداااااار...." سعود التفت علي...وحط ايده وضغط على فمي... واناا احاول اعض يده....واخيرا قدرت عضيت يده بقوة... شااال يده بسررعه مني...وشكله تعووور... : احسسسن..." قمت اخبط الجدراان ذي اللي من حوولي... عبدالله كاان يطاالعني ويضحك... وقهررني...اخته بتموت وبتنذبح...ويضحك..حساابك بعديين يا عبيد... كلهاا لحظاات بس...شوي يوم فتح لناا الشيء ذاا من جديد... ركضت بره بسررعه.. كأني لقيت الفررج....للضيق اللي كان كاتمني...جاا وراي سعود وعبيد... مسكني سعود مع رقبتي بقوووة....ياااااكررهيي له ذاا الرخمه... يستررجل عليي...والله لوريك يا سعيداااان....آآآآآآآآآآآآآآ ه... كنت ابي اصررخ بس ماا قدر لأنه حط يده على فمي ودخلني من باب كبير وش زينه....يااحلووو اغراضهم.... كل شيء عندهم وسيييع وكبير... في غرفة النوم حقت سعود....غرفة جدا فخمة...كبيرة مكونة من ثلاث اجنحة...وفيهاا غرفة ملابس وجاكوزي وساوناا....وحمام ملكي من الدرجه الأولى.... لون الأثاث مشمشي وذهبي غامق.....والسرير كبير بأربع اعمدة....تغطيه ستاير فخمة من الدانتيل... والغرفة عموما مشمسة لأن كلهاا شبابيك طويلة من اول الجدار لآخره...وعليهاا ستاير شيفون خفيفة... اول جناح هو اللي ينام فيه يعني الجناح الرئيسي...وثاني جناح عبارة عن مرسم مصغر جدا بدل المرسم الخارجي....وفيه مكتب خشبي فخخم....وثالث جناح غرفة جلوس صغيرة بشاشات عرض بلازما كبيرة مرة.... | ||||
|
| |
|
07-03-11, 12:18 AM
| #27 | ||||
| نجم روايتي
| " سعود " طفح الكيل من اول كم سااعه...شلون بتحمل هالبنت...ما راح اقدر اتحكم بنفسي...اناا عمري ما طقيت احد ولا عمري عاملت بنت بخشونة...ومع هذا حطيت حرتي بهالصحراوية.... قااهرتني فيهاا طفااقة لقااافة وفوق ذا كله توقعت اني تزوجت وحده ضعيفة... الا طلعت جني مصوور... مدري شلون بفتك من شرهاا الفترة اللي جايه.... طالعتهااا واناا احس بالدم يتصاااعد بجسمي ويفور ويغلي.... كانت هي واخوهاا يتفحصون كل شيء...يتفحصون الستااير...الشبابيك...السرير ..كل شيء.. "صدق نااس ما شافت خير!!!"قررت اني اكلم احد من الخدم عشان يجيبون عامل يركب حديد على الشبابيك...اخاف تطيح هالهبلة منهاا.... قررت ادخل آخذ شاور وانسى مضاوي وعشر مثل مضاوي ولو مؤقتاا... مع اني اشك ان هالشاور بيريحني... قلت بعد ما اخذت نفس عميق : مااابي ارجع والقااكم قالبين الدنياا...." ناظرتني مضااوي ببرود وصدت اقسم بالله اشك انهاا فهمت وش اناا قلت...حسيت اني اغلي...بس تركتهاا... ...فتحت الموية عشان اعبي حوض البانيو الكبير.... سمعت صوت ضحك عبدالله... طلعت اطل عليهم اشوف وش هم مسووين.. لقيت عبدالله يتقلب على السرير حقييي مبسوط... حسيت بغثياان...شلون رااح اقدر انوم على ذا السرير... لازم اخلي الخدم يغيرون المفااارش... افففف...لوو بس اقدر ادخل سرير ثااني لمضاوي...يعني حراام تنووم على الأرض... ولااا اقوووول...وش هولة التعب يا سعود؟؟..تراهاا متعودة على الشقى من صغر سنهاا.... يعني نوم الأرض ما يضرهاا...وبعدين يقولون نوم الأرض زين!! رجعت للحوض اللي عبيته...وبعد ما فصخت ملابسي...تمددت فيه برااحة...وغمضت عيوني ابي انسسى...انسااك يا مضاوي...وانساكم يا هلي...والأهم...انساك انــــــتي...حبيبتي..."مارية" تذكرتهاا...برزت لي وسط الضباب....ناعمه...رقيقة...تميز هاا طفولتهاا... كانت تعجبني مشيتهاا اللي فيهاا من الطفولة شيء كثيييير... كانت دائما تحرك رجولهاا بطريقة راقصة وتنط لمن توقف جنبي...تقول عشان توصل طولي!! كانت تكره المطر...وتتخبى منه...تحت جاكيتي...ونروح لمقهى... ونشرب القهوة الحاارة وعيوناا ذايبة ببعض...ما ننطق...نحب سكوت بعضناا.. احب اتأمل ابتسامتهاا الشقية...عيونهاا الصغار اللمااعه... خشمهاا العادي اللي عليه حباات نمش كثيرة... فتحت عيوني عن هالنقطة.. موو قادر اتذكرهاا اكثر... غسلت وجهي بالموية الحارة اللي بالبانيو كذا مرة... قلبي قااعد يدق بسرعه...دقاته تطاااير من مكاانهاا...احس اني بمووت... احس بكتمة... صرخت بصوت مكتوم وانا اضرب الموية بقبضتي: لييييييييييش؟؟؟...ليش يا يبه؟؟؟...ليييييييييييييييي? ?يييش يمه...هيفاء...نورس ؟؟؟...ليييييييييش؟؟؟" ضربت جبيني بقوة...ماا قدرت احميك مارية من هالذياب اللي حولي...ماا قدرت... ..اجروحك...وقطعوك...وتسلوا باهنتك..وانتي كنت واقفة هنااك....بلا حول ولا قوة...ليش كنتي طيبة؟؟...ليش انتي طيبة؟؟؟.... اللي هويته طيب تايه الراي تروح به كلمة وكلمة تجيبه يبكي الى من جابو الناس طرياي ومن الغلا دمعات عيني قريبة وما يلتفت للعين لي صار وياي كني غريب عنه ماني حبيبه في حيرتي خايف على عمري الجاي وش ينتظر عمري وش اللي يصيبه ليته يعرف انه غدى نور دنياي يمكن يشتت حيرتي واهتني به واعرف على درب الهوى موقع اخطاي وارتاح من هم الليالي العجيبه اللي معاها في الهوى طال مسراي ومنها جروحي في ضميري عطيبه "عبدالله الرشود" رجعت بذاكرتي لوراء...لذاك اليوم...اليـــوم الأول لعلااقتي بمارية... كلكم عاارفين كيف ربي قدر لقانا... كانت الصدف ورا الصدف تجمعناا بطريقة غريبة... وكأن فيه شيء يشدناا لبعض....رغم اختلاف مستوانا الأجتمااعي... واختلاف اشياء كثيرة بيناا...بس المضحك اننا تقاابلناا مو مرة ولا مرتين..تقابلناا... ثلاث مرات تقريبا قبل لا تصير بينا اي علاقة.. قبل لا تجمعنا اطهر علاقة بالوجود... "الحـــب" اذكر كنت رايح اشتري قهوة... وكاان فيه محل ازياء على الشارع قبال المقهى.... ما شفتهاا ولا انتهبت انهاا واقفة تشتغل على واجهة العرض... بس اناا متعود اشتري لخوااتي اللي يعجبني...وهم تعودوا اني ما اجي الا وبأيدي شيء لهـــم... خصوصا هيفاء...تعودت اشتري لهاا ملابس..او شنط...او اكسسوارات... لدرجة اني صرت اعرف وش اختار لهاا بالضبط... وقفت قدام الواجهة...وفي البداية ما انتبهت غير لسيقان قدامي...وارتفعت عيوني تدريجي... بفضول.... التنورة القصيرة الفوشي..القميص الحريري الأبيض ...وبعدين.... وجهها... ما اعرف كم من الوقت قعدت اطاالعهاا مو مصدق... اهي...وجهها حمر وتلبكت...وباان ان نظراتي لهاا احرجتهاا....واحس انهااا ذابت قداامي مثل شمعه صغيرة.... حتى انهاا نزلت من المرتفع اللي واقفة عليه واختفت من قدامي... انهبلت اناا واستوعبت شلون موقفي كان بايخ؟؟؟... ركضت داخل المحل...وتهااوشت مع العاملات اللي منعوني ادخل علشان كوب القهوة اللي معي... صرخت بأعلى صوتي: وينـــــك؟؟؟...لااا تروحين (الله يخليك).." استغربت من نفسي...اناا سعود بن عبدالعزيز آل.....اللي البنات يجون عند رجولي اركض ورى بنت واقولهاا الله يخليك.... استحقرت نفسي...خصوصا انهاا ماطلعت لي...فطلعت من المحل... واناا حالف اني حتى لوو قابلتهاا مرة ثانية ماراح اكلمهاا... كان موقف مهين لكرامتي من جميع المقاييس...اناا سعود مو اي شاب... اناا سعود موو من الشباب اللي يركض ورى البنات مثل المهبول.. انا سعود اللي....البنات هم يجوني برضااهم لكن هذي غير....فيهاا شيء مميز....شيء لا يمكن اوصفه... يخليك تركض وراهاا ولا تمل فيهاا جاذبية الأطفال الصغاار اللي يعجبوناا مهم كان شكلهم... وبعدين حتى افكاارهاا كانت بريئة وطااهرة... كنت اعتبرهاا مثل الوردة...صعب...صعب جدا...اني آذيهاا..لأنهاا رقـــيقة.. تصااعدت انفااسي...وحسيت اني توترت بمجرد ما بديت اذكرهاا... وبمجرد ما بديت اتغلغل بالذاكرة وادور وجهها والقاه هو الوحيد المسيطر علي وعلى تفكيري... حسيت اني موو قدر اكمل حكي حتى مع روحي...تتعبني يا ناس...ذكراهاا تتعبني...ليتني انســـاها.... " هيفاء " كنت جالسه في السيارة المضللة وكاشفه وجهي.... اناا اساسا ماا اغطي الا اذا كنت حااطه مكياج كثير... وقتهاا يصير الغطاا فرض من ماما عليي... لكن في الأوقات العاادية يكون وجهي وحتى شعري باينين... طالعت بأظافري الطويلة اللي حاطه عليهم مانكير عنابي غامق بلمعه ذهبية غريبة.... كنت افكر بــهيثم....هذا شلون اخليه يترك مرته؟؟...لازم احط استراتجيات قووية...وطويلة المدى...مش خطط سريعه... وكنت افكر بعد بمضاوي...شلون ارسلهاا للبر اللي جايه منه بدون رجعه؟؟...لازم ذي بعد...افنشهاا واخليهاا تحرم ترجع للمدن كلهاا...يعني يبيلهاا خطط قوية...خطط ربااعية...اناا وماما و نورس و ديمه...بنقدر عليهاا كلناا... وافكر برند شلون اخليهاا تندم على خططها القديمه؟؟؟...وتكره نفسهااا...... وافكر بسعود...وشلون اخلي هالخبل يآخذ ديمه بنت خالتي؟؟... واستغربت لمن طرى على بالي فجأة نواف... وش يبي ذا؟؟؟....نفضت راسي وكأن فيه حشرة مزعجه تدور حوله... ماما بهدوء: وش فيك؟؟؟.." رديت عليهاا بتوتر واناا اهز رجلي : غريبة...طرى على باالي نواف ولد عمي عبدالرحمن... مدري وش جاابه على بالي..." سكتت ماما ولاحظت انهاا زمت شفايفهاا ببساطة... وبعد لحظات سألت بنبرة هادية : لووو تقدم لك..." اشرت لهااا بتوسل : ماما واللي يخليك..هالموضوع انتهى من زماان...زوااج بعد خالد مااالي..." قالت ماما بعصبية : خليني اكمل حكيي..." قلت عشان ماتزعل مني : وشوو؟؟؟...كملي حكيك مين اللي حاطه عينك عليه؟؟.." ضربتني ماما على كتفي : انت و سعود مثل بعض....كان يقول مالي عرس بعد مارية...أخاف تسوين مثله وتجيبين واحد من الشارع وتزوجينه...." وقفت كلامهاا شوي وهي تشوفني ابتسم وكملت اناا بسألك..مجرد سؤال...لو تقدم لك نواف...توافقين ولا لااء؟؟؟" سكت...وزميت شفايفي المليانه افكر...لوو تقدم لي نواف بوافق؟؟..اكيد لاااء....رغم انه يشبه خالد...ورغم انه... غمضت عيوني وقلت بعد ثواني وانا افتحهم وبتهور ماله مثيل : لاااء....يمكن اوفق على هيثم لو خطبني....بس نواف لااء..وش ابي باهل عمي عبدالرحمن؟؟؟...انت نااسية انهم ياما آذوا المرحوم..." لاحظت ان امي طلعت عيونهاا وطالعتني... : وشووو؟؟؟" قلت بتمااسك : ماما واللي يعافيك...لا تدخلين بمخططاتي.." ردت ماما بذهول : هيفااء...هيثم بالذات ماراح يتزوجك...يا بنتي...الرجال يحب مرته..." رديت بقلة صبر : رااح اخليه ينسااهاا... اناا الجمال والشباب...وهي ولا شيء... بيني وبينهاا فوق العشر سنين..يعني اكيد اناا اللي بجذبه...موب رنـــد..." وقلت اسمهاا بكره شديد....واناا اتذكر صديقتهااا الحقيرة...صديقتهاا اللي.....اللي....اللي....ماا اقدر...ماا اقدر اكمل الكلمة... سكتت ماما...وحسيت انهاا تنتفض...شكلهاا خايفه اني انكشف...مراات احزن على ماما...لأنهاا تعرف كل شيء اسويه...بس ماا تقدر لا تعلم بابا..ولا تقدر توقفني عند حدي...رغم اني احبهاا...بس انا لازم اكمل مخططي... هيثم لازم اتزوجه...مدري متى هالشيء توثق في راسي...لكني فعلا ابي اتزوجه...اكيد راح اعجبه..اكيد مافيهاا كلام... وصلناا عند قصر عمي عبدالرحمن بحي الورود....ودخلت السيارة حقتناا من بين البوابات...لاحظت اعداد السيارات الكبيرة اللي تجمعت بالمواقف الداخليه في الحدايق...لقى السواق له موقف بصعوبة...واناا ماعجبني الموقف اللي اختاره...وكنت رااح اتكلم عليه....بس شفت نواف...فجأة..فكرت شوي..ثم...ابتسمت بخبث...وفتحت الشباك...!! " نواف " كنت ابي اروح لسيارتي عشان آخذ غرض.... مشاء الله اليوم العالم كلهاا مجتمعه عندناا.... عشان احتفالناا بمناسبة عودة احب اثنين لقلب الكل.... رنــد حبيبتي واختي الغالية...و هيثم ولد عمتي اللي له غلا غير عندي... اول ما قربت من سيارتي البورش.... لمحت سيارة اعرفهاا زين....طالعت فيهاا لثواني... وتفشلت لمن حسيت اني زودتهاا رجعت اركز عيوني على باب سيارتي... احس اني فجاة موو عارف افتح هالباب...طالعت اتـأكد ان المفاتيح هي مفاتيحي موب مفاتيح احد ثاني... احس وقف شعر جسمي...واناا اسمع صوت مميز...لقلبي!! بلعت ريقي والتفت بعد ما حطيت على وجهي قناع الا مبالاة والبرود... كانت هيفاء تنادني باسمي...اول مرة احس انا اسمي حلووو.... ومميز...وغيـــــر!! قربت من سيارتهم : هلاااء..." قلتهاا واناا منزل راسي شوي... وعيوني تأمل ملامحهاا الفاتنة من تحت غطاهاا.... هيفاء وهي تبتسم لي : نواف...كيفك؟؟؟.." رديت عليهاا ببرود>>>>هذي طريقتي عشان ما افضح نفسي ومشااعري..: بخير...وش اخباارك؟؟.." وانتبهت ان امهاا موجودة فاضفت بسرعه : اخبارك عمتي؟؟.." ردت هناء بنعومتهاا اللي تعودناا عليهاا : اناا بخير نوااف...شعلومك؟؟؟..." رديت عليهاا واناا اهز راسي... : بخير الحمدالله..." وطالعت بساعتي كأني مشغول... حسيت ان هيفاء تطالعني من فوق لتحت...احس انهاا فاهمة وش افكر فيه...احس كأن عيونهاا اشعة اكس اللي تكشف كل شيء... او جهاز الكذب...اللي عاارف اني احاول اتهرب منهاا.. هيفاء بنعومة زايدة: الصرااحه نواف...اناا مستحيه منك..لكن مضطرة اطلبك... ودي لو تخلي احد من خدمكم يبعد سيارة من هالسيارات المرتزة قبااالنااا.... يعني ماا ودي امشي قداام الرجال بالحديقة عشان اوصل المدخل..." وكملت ببساطة وهي تأشر على جسمهاا : لبسي ماا يسااعد.." حسيت بموية تنكب على وجهي....فكرت شوي وانا اطالع بالسيارات... كلهاا لشباب العايله...وش اقول لهم؟؟؟....استحيت ارد لهاا طلب... ترى بس شهامه مني موب شيء ثااني...لا يرووح بالكم بعيد... قلت واناا ابعد : خلااص..اناا ببعد سيارتي...وانتم ادخلوا مكااني..." وقبل لا ابعد سمعت هيفاء تناديني : نوااف..." التفت بسرعه عليهااا وبتهور : سمي...." ردت بنعومة قتلتني بالصميم : مشكووور يا ولد عمي..." ورجعت قفلت الشباابك...حسيت بقلبي يرف فوق...رجعت لسيارتي وركبتهاا واناا حااس اني بفضح عمري قدام هالبنت..لازم اخطبهاا...لاااازم... في ايطاليا... في نفس قرية احبابنا... كانت جالسه في بيتهاا...على البياانو اللي هو رفيقهاا من تزوجت منــه... حالهااا يحكي ويقول ويتمنى اصارع الوجدان في بحر الأشواق في غبـــــــة تايه تمزق شراعــــي تلعب بي الأمـــــواج والدمع دفاق مابين موجــــة نزلة وارتفاعـــــي باسباب من حبه نبت وسط الأعماق غرس الشجر مابين روض ومراعي يا ماكتبت اسمه على بيض الأوراق وفي خافقي مكتوب اسمه رباعي اللي يسلي خاطري كلـــما ضاق خل على حــــالي شفوق يراعي لا حل ذكره دمعة الشوق تنساق تكتب قصيدة في حسين الطباعي ويا كثر ماحولي من الناس عشاق لكن لغيره مــــــات كل اندفاعي يا زين قلبي من عنى البعد مشتاق الحق علــي ولا تسبب ضياعي " عبدالله الرشود " " مارية " مشت اصابعي بتوتر على لوحة البيانو...كنت اسمع للأصوات الصدرة منه...واحس بشيء يكتم على نفسي اكثر واكثر... عشت معه كل ذكرى حلوة...وفوق الذكرى...كل لحظة مميزة...فوق هذا كله...في كل شيء اشتركناا....غنينا سوا...رقصناا سوا...لعبنا سوا...اكلناا سوا... رحنا لأشغالناا سوا... مافيه شيء قادر يزيحه من راسي...احس ان خياله متجذر فيني...يلعب فيني...وفوقهاا...يعذبني...يتع? ?ني...ويتلذذ بهالشيء... كل شيء يذكرني فيه....كل شيء..كل الأماكن... ياربي هوون علي مشااعري....ياربي سااعدني اتجاوز هالمحن بسلاام...ياربي اقنعني بزوجي...وحببني فيه.... زوجي اللي ماقصر علي بشيء....زوجي اللي اعرف انه يحبني اكثر من سعود...اللي اعرف انه يشوفني شمسه اللي تضوي حياته...وقمره اللي ينور دربه... اناا اعرف زين مقاامي عند سعود وعند زوجي" تركي" فيه فرق بينهم فضيع... بس الحب ما يفرق بين ذا وذا... مايفرق بين زين وشين....ما يفرق بين اللي يعاملني بصدق.. واللي كان يكذب علي...واللي مع هذا اتمنى رجعته...ابيه يرجع... واناا مستعده اترك الكل وارجع له....اناا شلون قسيت عليه...يمكنه اكتشف انه يحبني...يمكن هيفاء تكذب...حسيت بقلبي يعورني... هيفاء..احقر حقيرة على وجه الأرض...سافله... هي وابوهاا وامهاا..عائلة وحوش...مافيهم اي رحمة... صدق هذي دنيا القوي...فيهاا البقاء للأقوى... تذكرت تصرفات سعود...اهو جزء من هالعايلة...رغم روعته...الا انه شبيههم...نسخه منهم...فيه حركااتهم وافكاارهم وكل شيء...فيه حتى طريقة حكيهم...والنظرات اللي يوزعونهاا على الناس اللي يعتقدون انهم اقل منهم مرتبة... تنهدت وحاولت انسى سعود....وخصوصا اني اشوف تركي..توه راجع من بره...كان ماسك باقة ورد كبيرة...لونهاا ابيض...وعلبة مدورة لونهاا ابيض بعد...يعرف انه اللون المفضل عندي بدون منازع...لأنه مرة سألني...فقلت له مثل هاللون مافيه احب على قلبي....المصيبة انو...فوق هذا كله موب مااالي عيني... ابتسمت له بنعومة واناا اوقف وازين فستاني الموف : اهلين.." وخذيت منه باقة الورد اول ماوقف قباالي : الله...وش هوله التعب؟؟؟.." رد علي وهو يبتسم : تعب؟؟؟!!....اذا ماا ااتعب عشان عروسي...اتعب عشاان مين..." وحط ايدينه على كتوفي..بعدت عيوني عن عيونه...ما احب انه يكشفني...الصرااحه تركي خبير عيون.... يعرف كل شيء الأنسان يفكر فيه من عيونه... تركي بعتب : ليش تصدين عني؟؟...مارية ليمتى هذا الصدود؟؟؟.." طالعته بتعجب : وشووو؟؟؟.." وخفت انه يكون مكتشف او شااك بشيء...فكملت بكذب وانا ابتسم : ما يحق لي اخجل!!..." وكملت بنبرة طفولية : ترااني لسه عرووس!!...أذا تذكر!!" تركي قال وهو يشيل يدينه من على كتوفي ويتراجع كذا خطوة ويتأملني : فيك شيء موب عااجبني....!!.." وقام يحك شعره شوي ثم كمل : مارية...مية مرة سألتك مغصوبة علي؟؟؟...وبرجع اعيد عليك نفس السؤال..." حاولت اقاطعه...بس سفهني وكمل.. : خليني اكمل كلاامي...ممكن؟؟" خفت من نبرته اللي اول مرة اسمعهاا...وهزيت راسي له : ايــــــــه كمل..." وقف تركي قبال شباك وقال بتوتر : مدري...اذا حطيت عيوني بعيونك...تتهربين مني...احسك تخفين عني شيء... يمكن مغصوبة علي...يمكن لسه ما استوعبتي وش الزواج؟؟..يمكن..." وغمض عيونه وخذا نفس عميق وكمل : يمكن تحبين غيري!!" فتحت فمي وطاحت باقة الورد مني...!! " نورس " نورس تعااالي هنااا.... يماااااااااااااامي ميتة خوووف...ما راح اروح له...ماراح اروح لسعود..ياااويلي يبي يخليني عند الـmonster...حقه..ماا اقدر...جريت لباااب غرفتي وقفلته بالمفتااح...الأمان...ثم الأمان...ما حد ناافعني اذا مت بعز شبابي بسكتة قلبية...ممكن تسببهاا لي ذيك البدووية... مسكت جواالي...واتصلت بسرعه على هيفاء....ياربي قااعد يدق ولا ترد...و سعود صوته يعلى اكثر...ياربي فششلة...اناا ما احب اسفه سعود...الا سعود عااد...يؤيؤيؤ....موو قادرة...قلبي يفرفر من مكاانه....الله يهديك يا هيفاء انت وماما يعني كان لازم تروحون هنااك...والله اني ضعيفه عشان كذا الكل معطيني اشكل... ما ردت هيفاء...رجعت ادق مرة ثانية...ثم قررت ادق على ماميييي... اول دقة... ثاني دقة... ثالث دقة... : الووو..." قلتهاا بسرعه واناا فيني صيحه.... ماما وهي ترفع صوتهاا عشان الطق : نوورس!!..وش فيك؟؟؟..." رديت بسرعه واناا اقصر صوتي عشان لو وقف سعود عند الباب : ماما الحقيني....ترااني ميتة خوووف..." ماما بقلق : نوورس...عيوووني...وش صااير اقلقتني...قلبي يوجعني.." قلت بقلة حيلة : خاايفه من مرت سعووود...ماما مرررة موو قادرة اشوفهاا....سعود يبيني اجلس يمهاا....اناا مااابي...الله يخليك الحقيني...." سكووووت على الخط الثاني... : مامااا...مااامااااا....اوووه. ..ماماااااااا..." ماما بصوت حازم : لوو ما قفلتي الخط هالحين...راح اجي واكسر الباب انا عليك...روحي ردي على اخووك...و بعدين تعاالي يا ركيكة( تتريق علي!!!*_* )...تراهااا ما تآكل ولا تعض..آدمية مثلهاا مثلك...روحي بسرعه عيب تسفهين أخوك..." قفلت ماما الخط بوجهي...واصبحت امام الأمر الواقع... عليك يا نورس ان تثقي بقدرتك على معالجة المشااكل...سأذهب...وليكن الله في عوني!!.... اقنعت نفسي بهالحكي...وطلعت من الغرفة واناا مغمضة عيوني...!! انتـــــــــــــــــــهــ ــــــــــى الجزء.... | ||||
|
| |
|
08-03-11, 07:13 PM
| #29 | ||||
| نجم روايتي
| الفصــ7ـــل " ترانيم حزينه " "هيفاء" طالعت في نفسي بالمراية اللي بالمدخل...كنت اتأكد من ان زينتي تمام التمام... كان شعري مثل ماهووو وعلى طبيعته ما حاولت اروضه مرة!! بس مثل ما قلت فوق رافعته بطريقة انيقة... زدت كحل عيوني...وحطيت شوية جلوس احمر بلمعه ذهبية.... وابتسمت وغمزت لنفسي بالمراية... خلصت اللمسه الأخير...اللي هي عطري المفضل جادور... وبعد ما تأكدت ان ريحتي راح تبقى بالمكان فترة طويلة وهو لغرض بنفسي... قررت اني ادور على فريستي بكل سهولة...بس اول لازم ادخل واسلم على العروس المصون... دخلت للصالة الواسعه... وهناك لقيت كل بنات العايلة جالسين حول رند...ويضحكون ويسولفون وهي خدودهاا حمر...تسوي فيهاا خجل!!... هه اناا اعرف هالأشكااال ما عندهاا من الخجل ذرة بس تحب تمثل عليناا وتقنعناا... سلمت على حريم اعمامي...وعمااتي وبااقي المقربين....وشفت ماما تطالعني من فوق لتحت وفي عيونهاا لمعه قوية...حسيت بقلبي يعورني...بس لااااء ماراح اضعف... رحت يم البنات...وسلمت عليهم...ولاحظت انهم تباادلوا نظرات اعرف مغزاهاا زين...يظنون اني خسرت الحرب...ما دروا اني خسرت معركة بس!!..لكن الحرب لسه مستمرة وما تحددت نتايجهاا! والطعنة اللي ما تذبحني تقويني!!....واناا قررت العب على مستوى اكبر بكثير...من المستويات القديمه...لأني اكتشفت ان الطرق التقليدية ما تجيب اي نتائج... سلمت على رند بقوة...وبستهاا على خدهاا وكأني جد مبسوطة لهاا...ابتسمت لهااا بخبث واناا اقول : ما بغيتوا ترجعون لنااا؟؟؟..كل هذا شهر عسسل!!" رند وهي تطالعني بتوتر : اه...ايه...عقباالك هيفااء..." رمشت بعيوني...ما توقعتهاا بتقولي كذا...يتهيأ لي...ولا البنت بجد منكسرة؟؟.. قلت بلا مبالاة : اناا؟؟؟...هههههه...اكيد طبعاا...زواجي بأذن الله بيكون جدا قريب..." وكملت واناا امسك كاسة عصير قدمتهاا لي وحده من البناات : وانتي اول المعاازيم يا رند...لأن العريس جاا بفضلك.." وسعت عيون رند الحلوة :بفضلي؟؟..." قلت وانا اكذب بجرأة : ايــه..يعني عن طريق زواجك...الصرااحه تشجعت اني اتزوج واعيش حيااتي..." قلت وحده من بنات عماتي اللي انا متأكده انهم يكرهوني مرة : صدق هيفاء؟؟؟...يا ربي ودي اشوفك وانتي عروس...بتطلعين كأنك حورية...مشاء الله عااد انتي عليك جمال باهر..." سألتني وحده بلهفة : وطيب مكياااجك؟؟؟...مين اللي بيسويه لك؟؟..وفستــاانك؟؟..." قلت واناا اطالع بأظافري الطويلة وابتسم لرند : مكيااجي؟؟...ههه...اللي مثل ما يحتاج تحط مكيااج...وحتى فستاني بيكون سمبل..لأن جسمي ما يحتاج شيء يخفيه..." سكتوا الكل بعد كلمتي...وكأنهم تندموا انهم سألوني...اماا اناا فوزعت ابتسامات واسعه...ورجعت اسأل رند بفضول : عاااد...قولي لناا كيف هيثم؟؟؟.." وغمزت لهاا بوقااحه رند بخجل وتلعثم : هيثم؟؟..ماا عليه.." وكملت بخجل وخدودهاا حمرر : حبيب...مرة...الله يخليه لي..." حسيت اني بولع..الله يخليه لك؟؟...بنشوف يا رند...بنشوووف... انتفضت من القهر...وبس بكل براعه قدرت اخفي مشاعري... واتظاهر بالفرح والسعاده...رغم اني احس بنيران تلتهم ضلوعي.. .شكلك مبسوطة يا رند؟؟؟..هااا؟؟...واناا...اناا ا... جاوبووني...ليش سااكتين؟؟؟..تكلمواا...تراان? ? احق منهاا... حسيت بضيقة خلتني اوقف لا شعوريا...واستأذنت بصوت متماسك : بناات عن اذنكم...بطلع شوي...اشم هوا" واخذت شنطتي الصغيرة الذهبية...وطلعت من القصر للحدايق اللي حوله... تسندت على الجدار بس بعد مابعدت بكثير عن مدخل صالات الحريم... كتمت عبرااتي بقوة... ما راح اصيح...ما راح اصيح....بسس...غصب علي مقهووووورة... لا يمكن اهي تعيش سعيده...واناا اعيش تعيسه؟؟...لا يمكن....اللي مثلي مفروض يعيش سعيد...واللي مثل رند..انسان وضيع هو اللي يعيش تعيس... حاولت ابعد هالأفكار عن راسي... فمشيت بخطوات مترنحه...احاول اشم هواء...واحاول اتمالك اعصابي عشان انفذ الخطة صح...الخطه لازم تتنفذ...لاااازم... لالالالا...لا تخاذل...ماراح اترااجع...لسه عندي كثييييير...لسه عندي اصفي رند واصفي مرت سعود...وووو....ناس كثيير...لا يمكن اتخااذل...الأنسان الذكي هو اللي يقدر يتعايش مع المه... ويخلي هالجرح اللي فيه يقويه ويحفزه...بدل ما يضعفه ويهزه... طالعت بالقزاز العاكس اللي اناا قاعده امشي جنبه...وش ناقصني عشان اعيش مثل هالخلق؟؟؟... حسيت بصوت في راسي يصرخ عاالي: نااقصك تكونين انسان!! غطيت وجهي بقوة...انا انسان...انساااان...انساااااا ااااااااان... رجع الصوت يصرخ فيني بجنون من بعد خالد وانتي فقد كل اتصاال بانسانيتك...نسيتي او تنااسيتي ان الموت مووو بيد احد...نسيتي انه بيد رب العاالمين...صحيح ان رند تدخلت...لكن حتى لو ماراح ذاك اليوم...كاان راح يموت على اية حاال... جلست بتضااعف على البلاط...احس جسمي يألمني...وعيوني تعورني...ودموعي قااعده تسيل على وجهي بحرارة.... كله بسببك يا رند...كله بسببك...انت سبب كل اللي اناا فيه... حسيت بالآلام فضيعه...تقبض على جسمي...حسيت بصدري شوي وينفجر...وقفت بتعب...لازم اطلع من هالمكاان...ماابي اي خطه...ابي اهرررب...احس بضييق.... من متى ماا دخلت هالمكاان؟؟؟...من سنين... سمعت صوت ضحكة خاالد..ايه هذا خالد...رفعت رااسي بسرعه ادوور الصوت...مشيت بخطوات سريعه وصوت كعبي يطلع صدى مرتفع... دخلت بين الأشجاار الكثيرة...والنباتات اللي من كل شكل ولون....شفت ظهر واحد... خاالد؟؟؟...طالعت موو مصدقة... ياما دعيت ربي...اني بس اشوفه للمرة الأخيرة...اني بس المسه...انيي.... ...وقفت بمكااني احس بمشااعر غريبة... بلعت ريقي موو مصدقة...يمكن هذي روحه؟؟؟..اناا وش قااعده اهذري به..اكيد قااعده اوسوس... مسحت دموعي المقرفة اللي على وجهي...وظليت مكااني اراقبه بلهفة...ما ابي اقرب منه...مابي اكتشف انه مجرد حلم!!...اخااف اصحى من النوم...بس اناا مو ناايمه.... حسيت بصدااع...وتمنيت اجري واضمه...موو قادرة اسيطر على نفسي...كااافي....تنهدت غصب علي...وحطيت ايدي فوق فمي بقوة...ماا ابيه يسمعني...مااا ابيه يسمعني... التفتت...التفت يا نااااس...دقات قلبي...يااويلي...احسهاا ماليه المكاان...رااح انفضح...بيسمعهاا... كانت بسس...نص التفااته...لكني اكتشفت...اني لسه عاايشة بوهم كبير!! ترااجعت بخيبة....هذا مو خالد...موو خالد...موووو خالد....هذاا نوااف ...نواااااف.... رحت اركض بسرعه...ابي اهرب منهم...ابي اهرب من بيتهم...ابي اهرب من هالصدى اللي يلاحقني... ابي اهرب من كل شيء...من كل شيء... حسيت بشيء قااسي....وكنت رااح اطيح على الأرض.... بس مسكني بأيده... | ||||
|
| |
|
08-03-11, 07:20 PM
| #30 | ||||
| نجم روايتي
| "نورس" تحركت بقلق....الصرااحه خاايفه....قلبي يعورني...يا ماااامي...ياربي لسه السهرة بأولهاا...يعني مارااح يرجعون الا بعد كم سااعه...لازم اتماالك نفسي... مشيت بتردد لغرفة سعود...واناا اسمع صوته يزداد بقوة....اخيرا وصلت لباب الغرفة..فتحت الباب بشويش... طالعت بالغرفة حقت النوم...ماالقيت فيه احد...اجل معنااتهم بغرفة الجلوس...مشيت واناا حاسه اني بموت من الفجعه... وصلت اخيرا لغرفة الجلوس... ودقيت الباب دقتين...اول ما دقيته...شفت سعود... وكاان لابس روب حمام كحلي...اول ماشافني...عرفت قد ايش سعود تعبان..فدق قلبي بقوة...وحسيت اني كنت قاسية لمن تخبيت بغرفتي لوحدي... كاان مفروض اخذ سعود معي!! قال سعود وهو يبتسم : ماابغيتي تجين؟؟" رديت بتوتر : معليش...كنت مشغولة شوي...وش فيك؟؟" قال وهو يبتسم :ابيك تجلسين مع مضاوي...اناا بنوم...الصرااحه تعبااان..وخاايف اتركهاا لوحدهاا...اخاف تسبب لناا مصيبه...." قلت واناا ابلع ريقي : ليش مضااوي ماتبي تناام؟؟" سعود وهو يفتح لي باب الغرفة بأكمله : مااظن.." طالعت جوه...وشفت مضااوي بمنظر مضحك...كانت قااعده تفحص كل شبر بالغرفة...وكلهاا فضول غريب...وشكل الليل بيكون بالنسبة لهاا طويل...وعبدالله اخوهاا واقف عند الشباك يتفرج..وينط...ويسوي حركاات شقااوة وقلق... التفتت مضاوي على الباب..وشافتني اناا و سعود... اناا حسيت بخوف واناا اطالعهاا...عيونهاا تفجعني... بالكحل اللي حولهاا...شكلهاا ماتعرف كحل ديور؟؟؟.. الصرااحه نوعية ممتازة ولا تسيح!! قال لي سعود بصوت واطي : تراهاا ماتعض!!" قلت بخجل : عاارفة!!...بسس!!...اممم...خلاص... انت روح نوم...وانااا بجلس معهاا هناا..." وكملت بتردد : اووو اقدر....آ...آخذ..هاا غرفتــ...ي!!" قال سعود وهو يحك شعره بكسل : لالالا...ماله دااعي...اجلسوا هناا...يله روحي..." وقبل لا يمر من جنبي قاال : ايه نورس...ياليت تطلعون بطانيات وفرش لمـ..." سكت شوي وقال بارتباك :مضاوي...ما تحب نومة السرير...ابي فرااش لهاا ولعبدالله..." رديت باستغراب : انش...ان شاء الله..." وخليته يمر من جنبي..ودخلت الغرفة وسكرت الباب وراي... حاولت اجر اطراف الروب حق النوم القطني اللي لابسته ويوصل لنص السااق بخجل... لأن مضااوي ما كان باين منهاا شيء غير يدينهاا وعيونهاا وجدايلهاا الطويلة... حسيت برعب...يعني والله موو دلع...لكن مدري..كان صدق شكلهاا عجيب...ومخيف...يعني احس كأنهاا...مدرري...مدري اذا بتفهمون مشاعري او لااا...ماااراح اكثر حكي واسولف عن مشااعري...انتم اعتقد انكم فهمتوا شخصيتي زززين... قالت مضاوي لي اول ماجلست : وش هاللبس الزززين؟؟..." طالعتهاا مستغربة : زين؟؟؟...اه...قصدك...عاجبك؟؟.." وحسيت بضشوية رااحه...اقلهاا ما تعض على قول سعود...بعدين زين اني عجبتهاا...اوووه...قصدي لبسي عجبهاا... المهم...انهاا سفهتني وما ردت على سؤالي...صدق غريبة... طالعت بأخوهاا المريض بعطف...حسيت بقلبي يتلوى علشاانه...مسكين... حسيته فعلا محتاج رعاااية...حتى لوو تزوجت ديمه من سعود... بنخليهاا تخلي مضاوي على ذمته... عشان نرعى هالمسكين ونكسب اجر فيه... لازم احااول اعرضه على جمعيات المعااقين... اقلهاا بيلاقي انداد له ونظراء...والله يا نااس مقطع قلبي... صح ان اخته مخيفه...لكن هوو ابد موو مخيف... قلت لمضااوي واناا اوقف بحماااس : وش رايك اخلي الشغالات يحممون عبدالله...؟" وكملت وانا ابتسم له يوم التفت علي : عبدالله اسمك صح؟؟؟..." هز لي راسه بقوة..فابتسمت له... قالت مضاوي بأعلى صوت :وشهووو؟؟؟... ما فهمت كلامك..." قلت لهاا بسرعه : قصرري صوتك..." ردت مضاوي بحده : وش فيه صوووتي؟؟؟..." احترت شلون افهمهاا...اووه...موو كلناا عرب؟؟؟..ياربي منهاا...خلووني بس ارجع لساالفة عبدالله اخااف انجلط من هالحرمه... قلت واناا افكر بطريقة اشرح لهاا... : يعني نغسله...نغسل جسمه...وشعره..الشغالاات..." قالت مضاوي ببرود : ابك...الدنيااا برررد!!..." قلت واناا ارمش بقوة...شلون تفهم ذييي؟؟؟...اففف... : لاااء...فيه سخانات.." وشرحت لهاا : الموووية عندناا هناا حاارة مرة...تعاالي شوفيهااا بنفسك.." هزت راسهاا مضاوي ميب مقتنعه... : لالالالا...ماله لزووم...خلي عبيد...كلهاا شوية وبناام..." مديت بوزي بقهر...والله لآخذه اذا نمتي واروشه غصب عليك... كتمت افكااري وقمت اطالعهاا وانااا سرحاانه.. ومدري ليش جااني فضول الا اشوف وجه مضااوي..مع اني متأكده انهاا بتكون بشعه جدا...ومن المحتمل تكون معااقة مثل اخوهاا...بس كذاا..حسيت اني ماراح اقدر اتواصل واجلس معهاا الا وانااا شايفه وجهها... خصوصا اني بديت ارتاح لهااا شوي...يعني شوي...موو كثير...رغم انهاا طويلة لساااانه...وما زلت اعتبرهاا كائن متصحر غريب!! : مضااوي..." رفعت مضااوي عيونهاا لي وهي ماسكه الريموت حق التلفزيون..تقلبه بيدينهاا بدون فهم...ورمته بقوة...وبملل... : وشهووو؟؟.." قلت بتردد : ابيي...ابيي...اممم...آآآه..." طالعتني بطريقة : اخلصي بسرعه...وش تبين؟؟؟.." قلت بتوتر وبخجل فضيع : ابي اشوف وجهك...!!" وقفت مضااوي وكأن جاهاا مس...قالت وهي تلفت : وش هوووله؟؟؟..." وقفت معهاا واناا ميتة خوف...حتى اني رحت ورى الكنبة تلقائيا : بسس...يعني...انتي مرت اخووي..." قالت بتفكير وهي تحط يدهاا على ذقنهاا : يعني هالحين انت اخت سعوود!!" قلت بفرح : ايـــه..." ما ردت علي وجلست ومسكت التيلفون اللي على الطاولة وقامت تقلبه بين يدينهاا باهماال...قلت واناا ارجع اجلس بهدوء : ماراح اشوف وجهك..." ردت ببرود :هالحين يجي سعووود...ويشوفني واناا فاتشه..." فتحت فمي...وقلت باستغراب : واذا؟؟؟.." قالت بعصبية وصوت مرتفع : وش اللي واذا؟؟؟...انا اشهد انك منتب صااحيه... تبينه يقول ان الحيا منفصخ مني؟؟؟..." حكيت شعري...ليش احسهاا تتكلم الغااز؟؟؟...طيب... يعني...شلووووون؟؟؟....لالالا? ?ا...اكيد اني فااهمتهاا غلط.... بلعت ريقي وقلت بشك : يعني هاالحين...سعوود..ما راح يشوف وجهك ابد..." قالت مضاوي وهي ترمي التيلفون بملل وتآخذ الفازه اللي جنبه :ايه...المره السنعه هي اللي ما تخلي رجلهاا يشوف وجهها...لكن الماارد...تفتش عن وجهها طول الوقت...وتخلي الرجال يشوفهااا... وكملت وهي مبسوطة وترفع راسهاا : اناا ميمتي...ماا شالت البرقع عن وجهها قباال ابوووي...ابد.... ومررة...يوم اني صغيير....ما كنت افهم...كنت ورعه... رحت اسألهاا...ليش ما تصير مثل شعااع؟؟؟.... وتقوم ميمتي وتكفخني بذااك الكف اللي خلاني اشوف نجوم القايلة... وقاالت لي المره العااقل تستحي من رجلهاا...موو مثل شعااع...واصحك يا مضااوي..بيوم تفشتين قباال رجلك..." رفعت حواجبي بذهول...حقائق جديدة..واستغربت من اللي تقوله... معقول هالنااس عايشه بالسعودية... معقوله عيب ان المره تكشف وجهها قدام زوجهااا؟؟؟ ...اجل عند مين تكشفه؟؟؟..ومعقوله ام مضاوي تكون بهالقسوة وتصفق بنتهاا كف بس لسؤال بسيط؟؟؟؟... يا الله احسهاا والله مسكينه...مدري ليش حسيت قلبي يعورني عليهاا...لازم تعيش مبسوطة بيناا...بسس... برستيجي يحكم علي اني انكد عليهاا عشان ترجع لأهلهاا... ياربي مدرري..مدرري...بفكر بعدين بكل هالأشياء...بس هالحين ابي اشوف وجهها...والفضول فيني لا يحتمل :مضااوي..طيب اخووي سعود وناام... اكشفي برقعك شوي بسس..وتغطي بسرعه والله ماا اعلم سعود..." طاالعت مضااوي فيني بشك....ويوم تأكدت اني بريئة وقااصده كل كلمة قلتهاا..تلفتت حولهاا بحذر...وفتشت برقعهاا بهدوء...وبحذر.. فتحت فمي مذهولة....وهزيت راسي موو مصدقة...!! | ||||
|
| |
|
| أدوات الموضوع | |
| انواع عرض الموضوع | |
|
|
174Likes
العرض العادي
