خنتك مع طيفك بعد ماتيقنت انك علي بعد الثرا والسحــــــــــــــــــــ ـــابــــــه..

[نبض القلب]

خنتك مع طيفك بعد ماتيقنت انك علي بعد

الثرا والسحــــــــــــــــــــ ـــابــــــه..

للكاتبة: ألم الظفرة





...
فجأة نادتني وصحت بي ظنون ..
ذقت فيحلمن معه البعيد رحت..
أثرني سرحان في ذيك العيون..
يوم أنا بعيونها لحظةسرحت..
...

شخصيات قصتي..
سعيد 29سنةخاطب بنت عمة فاطمة ويحبها موت ..
سارة 27 سنة خاطبنها أحمد ولد عمها ..
سالم 25سنة يشتغل ويدور له على مزيونة وتطابق مواصفات اللي في بالة..
سهيل 23 سنةيدرس وما يفكر في العرس أبدا..يدرس في الكلية..
شما 21 سنة آخر العنقود..تدرس فيالجامعة..وهي دلوعة أبوها..((بطلة القصة((
..............................عيالعمها..............................................
عبيد 30 سنة معرس وماخذ بنتخالت شما ((مريم((
أحمد27 سنة خاطب سارة..
فاطمة 25 سنة خاطبنها سعيد..
عبدالله 23 سنة ..يدرس مع سهيل في الكلية..
عفرا 21 سنة مع شما فيالجامعة..
...................................عيال خالةشما.....................................
مريم 28 سنة حرمت عبيد..
ميثا 22سنة في الجامعة مع شلة شما..
محمد 26 سنة يشتغل.
مبارك 24 سنة يدرس مع سهيلوعبدالله في نفس الكلية..
موزة 20 سنة تدرس في الجامعة مع باقيالشلة..
...................................عيال عمشما.......................................
نورة 23 سنة في الكلية..
حمدان 21 سنة يدرس برى.. وهو أول واحد يسويها في العايلة ويدرس برى..
حمد وحمدة 19 سنة..توأم وما شاء الله عليهم اللي يشوفهم يموت عليهم من حلاتهم.. هو في كلية الشرطة.. أماهي في الجامعة واكتملت الشلة

..

[نبض القلب]

[نبض القلب]

الجزء الأول

..................

شما بنت ما شاء الله عليها جمالها غير ..طالعة على يدتها ..كانت هي أحلى وحدة فيهن.. وشما طلعت عليها.. العيون واسعات والخشم الطويل وشفايفها وبشرتها الناعمة..جسمها أوكي مخصرة ومتوسطة الطول..بنت عمها عفرا مثلها بس هي نعيمونة وايد نفس الطول ودلوعة وآخر العنقود مثل شما بس الفرق أنها ما كانت بجمال شما..
شما بنت متواضعة جدا ما تحب التكبر.. ورا هذا الجمال قلب طيب وحنون تحب الصغير والكبير ما تكره حد حتى لو أذوها ..تسامح كل اللي يغلط عليها ((قلبها كبير وايد..((
عيال عمها يحبونها وكل واحد راح يخطبها بس هي محجوزة لمنو؟؟ماحد يدري غير أبوها واللي حجزها وأبوة ((شو نحن البنات سلة للبيع عشان يحجزونا؟؟ولا لجمالنا ؟؟))..
شما وعفرا مثل التوأم كل وحدة تحب الثانية مايتفارقن عن بعض.. الكشخة والملابس والأغراض مثل الشي ..نفس التخصص في الجامعة ونفس المواد..
*في بيت بو سعيد..
شما:ألوووووو..
عبد الله:هلا..
شما:أهلين..شحالك عبد الله؟؟
عبدا لله:بخير..
شما:وين عفروة؟
عبدالله:أكيد أنت شموة؟
شما: متى نسيتني يا عبود؟؟
عبدالله :عبود فعينج..وبعدين حد ينساج؟؟..............((آه((
شما:المهم وين عفاري..؟
عبدالله:من عفروة إلى عفاري ما يصير أركدي على وحدة..
شما:لاحول ولا قوة إلا بالله..أهي وينها؟ أبغاها ضروري..
عبدالله:جبريت..عافانا الله..المهم..على ما أظن تسويلي ريوق..
شما:أوكي يوم بتخلص خلها تسويلي ضروري..بــــــــــــــــــــأي.
عبد الله :أوكي آنسة باي.
عبد الله يموت في شماني ما يقدر يتخيلها لواحد غيرة بس شو يسوي هذا القدر..
كان حاشر ابو شما ان ولد العم اولى بس ابوها ما رضى وما قاله منو اللي خاطبنها بيرقبون الفارس اللي مادري من وين طلع ويعلن الخطوبه وبعدها يشاورون شما واللي قاهرنه انه يحبها ف مايتخيل شما لغيرة..
بعد ساعة..
عفرا:هلا.
شما وهي معصبة: الحمد لله على السلامة آنسة عفرا..
عفرا:سوري ..
شما:عنبوه ساعة كاملة وأنا أرقبج؟
عفرا:لين ما خلصت الريوق لعبود..
شما:آها ..وشو بتسوين بعد ؟؟
عفرا:بــــــــــــــــــــــــ ـــــــــــــــس؟؟
شما:على شو؟؟
عفرا:قلت البنية أكيد تبغاني في شي ضروري..
شما:زهقانة واليوم الخميس لا زم نطلع مكان..
عفرا:وين يعني؟؟
شما:نروح بيت عمي بو نورة؟
عفرا:لا أحسن خلينا نروح بيت خالتج ترى مريم بتروح وبالتالي البنات كلهن بيجتمعن وبجذية نروح صوبهن..
شما:ذكية طالعة علي ما شاء الله..
عفرا:أوكي شو قلتي..
شما :ما يبغالها كلام أوكي..لا تنسين مري علي..سي يو..
عفرا:ولا يهمج..مي تو..
خط جحال أثمد في عيونها خلتها تطيح الطير من السما((وين ما شفت ولا طير))..مرن عليها وسارن صوبهم..

نبعد شوي عن أجواء البنات لأجواء الشباب الفضيعة إللي كلها كوميديا وأكشن

..سهيل وعبدالله ومبارك وحمدان في ميلس بو مريم ..والسوالف والضحك اللي ما تخلص..
سهيل:عبد الله وينهم عزوز وجسوم؟
عبد الله:اتصلت عليهم وهم في الطريق..
حمدان:تلاقي عزوز مبتلش مع جسوم..
مبارك:ما شاء الله على جسوم كل هذا الأكل وما يمتن..
حمدان:صدقك..
سهيل: أقول مبارك وين شريط عرس عبيد؟
مبارك:صبر بدوره..
بعد ما لقى مبارك الشريط شغلوه وكان فيه عرس الرياييل والكل أيول سهيل وعبد الله ثنائي مرح سوالف ويولهم أيجنن ..أما حمدان وجاسم يولهم خطير الكل بيموت عليهم وما شاء الله ثنائي الله لا يفرقهم وطبعا الكل بيحبهم بس الفرق بينهم أن حمدان يسوي رجيم ألا جاسم يأكل 24 ساعة..
يدخل عليهم جسوم وعزوز..
جاسم:الله طا لعوا يولتي عجيبة أنا وحمدان و اللــــــــــــــــــــــ ـــــــــه عجيبة..
مبارك: من مدح نفسه يباله رفسه
عبد الله:عزوز أرفسه
عزوز:دخيلك معصقل شو بيبقى منه؟؟
جاسم:حمدان يرضيك جذيه يسبوني وأنت ساكت واجعهم..
حمدان:أنتوا شبلاكم عليه ربيعي وعلى كيفه..أمدح وما عليك منهم أصلا هم ذا بحتنهم الغيرة غيرانين منا..
عبد الله:وايد شايفين عماركم..
جاسم:ألا أقول حمدان؟؟
حمدان:آمر..
جاسم:متى بترجع تسافر
حمدان:الأسبوع الياي لأن عندي أسبوع إجازة..
جاسم:عيل لا زم ما أفارجك أسبوع كامل..
سهيل:الله يعينك بتمل منه كثر ما بيجابلك..
جاسم:يا الله رجعوا يسبون الظاهر لا زم أروح عنكم..
مبارك :أسكتوا وخلونا نشوف الفلم بهدوء..
حمدان+جاسم+عبد الله:إن شاء الله..
جاسم وهو يهمس لحمدان:يا الله نطلع..
حمدان:وين؟
جاسم:نروح أي مكان..
حمدان:أوكي ..

*.........................عند البنات.......................*
اجتمعن البنات في الصالة ورحبن بشما بس ..الكل يسألها الكل يسولف معاها ..شمعنى أنا لا؟؟ما حد يعطيني ويه؟ والله أكسر بالخاطر..
عفرا: أقول موزة..
موزة: ..................
عفرا:موزة
موزة:هاه سوري كنت مندمجة مع شماني..
عفرا((هذا اللي أقوله الكل ما يعطيني ويه)):في أي تخصص دخلتي؟
موزة:في السكرتارية..
عفرا:الله وايد حلو..
موزة:عن أذنج بروح المطبخ..
وراحت ..أما اللي قاهر عفرا أن الكل يسولف مع شما حتى مريم ..الله يا زمن كان الكل يسولف معاي ومعاها والحين هي محط أنظار الجميع؟؟
أنا براويهن كلهن..
عفرا:أقول بنات..
ميثا:أييه وين داخلة في الخط؟ خلي شموة تكمل سالفتها ما علموج هلج آداب الحديث مع الآخرين؟؟
شما:ميثوة بس..
هنية صدق أحمر ويه عفرا((قفطة)) أنا أنا يا شموة تسمعين حد يسبني وتسكتين؟ بس..هذا اللي فالحة فيه؟ الله يسامحج..
طلعت عفرا عنهن صوب الحديقة اللي برى مالقت مكان غيرة..كانت الدمعة بتنزل بس مشتها قبل لا تنزل وتفضحها..قعدت على الكراسي وهي تتأمل الحديقة وتفكر بحالها واللي صار لها قبل شوي..
يت شما وسكرت على عيون عفرا..
شما بصوت خشن:أنا منو؟
عفرا: ....................
شما:سوري عفاري والله ما أقدر على زعلج..
عفرا: .........................
شما:عفروة سكوتج يقهرني ويذبحني ..بليز تكلمي..
عفرا: .............................
شما:عفروة حــــــــــــــرام..
عفرا:هيه ما قلتي لهن حرام..
شما:أنا الصراحة أستحي من ميثا وما أقدر أرد عليها..
عفرا:ولو وبعدين أنا ما سويت شي غلط كنت أبغى حد يسولف معاي ..وبعدين أنا مش أختج وتوأم روحج؟؟
شما:طبعا وهذا شي مؤكد..
عفرا :ترضين حد يهزئني؟
شما:لا..
عفرا:خلاص عيل لازم أزعل..
شما:أوكي..وهذي بوسة..(وتحبها على سطارها(
عفرا:جذيه خلاص رضيت..
في مكان ثاني كانت عيون تراقب هذا الجمال الساحر الطفولي (الله ما حلاتها والله تجنن من ونحن صغار كنا دوم نلعب ويا بعض وكل ما يضربها حد أروح وأدافع عنها ..أحبا يا نـــــــــــــــاس ودي أفضح شعوري بس(
حمدان:السلام عليكم..(عفرا تغشت أما شما لا (ولد خالتي وكيفي))..
شما+عفرا:وعليكم السلام..
حمدان:شحالج شما؟
شما:بخير..الله يسلمك..وأنت؟
حمدان:ما أشتجي باس..
شما:عيل نخليك..بندخل داخل..
حمدان:الله يحفضج..
حمدان خلاص وصل حدة وده يروح ويمسك أيدينها ويقولها أنه يحبها بس في أشياء ما تخليك تسويها وبعد غيبة طويلة أخيرا شفتها (ربما صدفة خير من ألف ميعاد)..
عفرا :شموة..منو هذا؟
شما:حمدان ولد خالتي..
عفرا:ما زينة الصراحة مزيون..
شما :الله يهنيج فيه ..
عفرا:ليش تقولين جذيه؟
شما: ما أدري بس..
على الساعة 10 بالضبط رجعت شما وعفرا كل وحدة على بيتها أما عفرا كان التفكير شاغل بالها ((آه والله أنه حلو ليش شموة قالت جيه أصلا لازم تحب يديها مجلبه على جماله بس في شي محيرني ليش ما سلم علي؟ معقولة لهدرجة أنا قصيرة؟؟ المهم.. فديتـــــــــــــــــــــ ـــــــــــ ـــــــــــــــــــــه))
من هذا اليوم بدا ينولد حب يديد في قلب عفرا مع أنها أول مرة تشوفه بس (حب من أول نظرة) بس هل بيبادلها الشعور نفسه؟ وشو بيستوي بها؟؟

[نبض القلب]

*.............يوم الجمعة........................*
الكل قام يتسبح لصلاة الجمعة وقامت شما وحطت الدخون لأخوانها وهي قاعدة تغني (أبعد وخليني لمحمد المازم) (ترى صوتها فضيع) ودخل عليها سهيل وهي في المطبخ..
سهيل:الله على الآنسة قاعدة تغني..
شما:أهلين بسهيل..
سهيل :عنبوه اليوم الجمعة الناس تقرى قرآن وتسبح وتستغفر ربها وأنت العكس تغنين؟؟
شما:طرت على بالي وغنيت غصبن عني..
سهيل:أوكي خلصي وهاتي المدخن والعود ترى بتفوتنا الصلاة..
شما: من عيوني لو تطلب عيوني حبيبي وحبك بقلبي جنوني..
سهيل: أستغفر الله أستغفر الله..
بعد دقايق خلص الدخون وطلعت صوبهم في الصالة لقتهم قاعدين يسولفون في سالفة العرس واستغربت..
شما:شو السالفة؟؟
سهيل:عيوز مخالفة..
الكل:ههههههههههههههه..
شما: لا عاد صدق..
سعيد:أفكر أقدم عرسي وعرس سارة..
شما: الله بيكون عندنا عرس..
سالم:طالع جنها مستقطعة أول مرة تشوف عرس..
الكل:هههههههههههههههههههه..
شما:الله يسامحكم أعبر عن فرحتي..
سهيل:أكيد تبغين الفكه من سويرة عشان يفضى البيت لج بس حامض على بوزج بقعد لج عضم في البلعوم..
شما:بسم الله عليك سهيل شبلاك قلبت علي مرة وحدة؟
سهيل:أمزح وياج أنت مول ماتستحملين حد يمزح معاج؟
*يدخل عليهم أبو سعيد*
بو سعيد:أنتوا للحين ما خلصتوا؟
سهيل :الله يهدي شموة من الصبح وأهي تسولف جنها عيوز صارطة مسجل ..
شما:هاه..أنا عيوز؟والله يجذب..
سالم:شو يجذب أقولج هاتي العود وأنت قاعدة تسولفين ..
سعيد:حتى أنها نست أتيب المدخن بكبرة..من كثر سوالفها..
شما: 3ضد 1 أوكي الله يسامحكم من أخوان..
بوسعيد:عن الهذربة الزايدة صدقهم عيوز..
الكل:ههههههههههههههههههههههههه هههههههههههههههههههه هههههههه.
شما:حتى أنت أنتقلت لك العدوى؟الله يسامحكم..
(توها بتروح أونها زعلانة..(
بو سعيد:أفا يا بنت محمد..زعلج ما يهون علينا..آسفين ..الحين الكل بيراضيج..
وقام الكل من أخوانها وتأسفلها ..استانست شما وبعدها طلع بو سعيد للصلاة وهي قعدت..
سهيل:شماني..فديتج كويلي سفرتي..
سالم:وبتلاقين نعالي اليداد في الكبت هاتيهن..
سعيد:وبربوشتي في الحجرة بعد هاتيها..
شما:آسفــــــــــــــــــــــ ـــــــــــــــــــــ ــــــــــــــــــــة..
ركضت لين الدري وطلعت لهم لسانا وسوتلهم حرة ..عصبوا عليها وركضوا وراها أما هي أسرعت لغرفتها وقفلت الباب وراها..
سعيد:طالع الهبله تتحسبنا بنروغها؟؟يهال نحن؟؟
سالم:أصلا هي ياهل أنا رايح أيب نعالي..
سهيل:عن الأستهبال يالله بيصلون عنا..
بعد ما خلصوا حايتهم وصلوا للدري توهم بينزلون ألا يسمعون صريخ شما..وتطلع لهم وهي خايفة..لوت على سهيل لأنه كان أول واحد جدامها..
سهيل:بسم الله عليج شبلاج؟
سالم:طالع ويهها جنها شايفة جني ههههههه..
سعيد: شموة بلاج؟
طلعت لهم سارة والكل زعق..
الكل ما عدى شما: آآآآآآآآآآآآآآآآآآآآآآآآآ آآآآآآآآآآآآآآآآآآآآآ آآآآآآآآآآآآآآآآآ..
سارة:بسم الله عليكم شبلاكم؟
سعيد:أهبي هباج الله شو هذا على ويهج؟
سارة:حاطة ماسك..
سهيل:ماسك فعينج زيغتي أختج..
سالم :أنت الصادق زيغتنا كلنا..
سارة:شو فيها؟أحافظ على جمالي ..
شما:وما عرفتي غير حمامي؟طلعتي جنج يني؟؟
سهيل: ما رحتي حمام سالم؟؟
سالم:فاضي أنت والله أن رحتي حمامي يا ويلج أنا ما أحب الخياس..
سعيد:يالله ترانا والله تأخرنا عن الصلاة..
وطلعوا واحد ورى الثاني أما شما من عقب ماهدت من الخوف"تراها خوااافه وااايد"قعدت تسولف مع سارة لين الصلاة وراحن يصلن..

مرت الأيام والكل منشغل..اللي في شغلة واللي في دراسته وكل خميس يجتمعون في بيت بو مريم بس غريبة أن عفرا ما صارت تروح صوبهم بعذر الدراسة أو الامتحانات ..

في الجانب الآخر

..جاسم كان متوله على حمدان بالحيل وكل ما يتصل عليه ما يرد..فاتصل على سهيل..
سهيل:مرحبا الساع..
جاسم:مرحبتين هلا والله..
سهيل:هلا بجسوم..
جاسم :هلا بك..شحالك؟
سهيل:بخير وشحا لك وشحال هلك؟
جاسم:كلهم بخير وعافية ألا بغيت أسألك ..
سهيل :تفضل..
جاسم:ما كلمت حمدان؟؟ولا أتصل عليكم؟
سهيل:لا ما أدري..
جاسم:أها..
سهيل:بسألك عنه ..ترانا كلنا هنيه في ميلس بو مريم كالعادة تعال أنت ولا تنسى عزوز..
جاسم:أوكي الحين بني..باي..
سهيل:باي..

*.........في بيت بو مريم وخاصة عند البنات.....................*
موزة:شماني..عيل وين عفروة؟؟
شما:قلت لها أتي بس هي شوي تعبانة..
ميثا :والله لا عت جبدي أبغى شي يسليني..أو نروح مكان..
موزة:اصبري لين عقب الامتحانات وبنطلع..
شما:صح راجعتن للامتحانات؟
ميثا:أنا مالي نفس لشيء ..
موزة:الله يخليج حاجة الكتب حج..
شما:أنا درست بس أحس أني ناسية كل اللي در ستة..
ميثا:ما شاء الله عليج بنت محمد بدون دراسة تأخذينa ..
شما:الله وأكبر عليج بتا كليني..
ميثا:ما شاء الله..
موزة :أتذكر أني موصية مبارك أييب فلم هندي..
شما:أوكي روحي هاتيه..
نزلت موزة ولقت مبارك وسألته وقالها أنة في السيارة وعطاها السويج وراحت أتيبه ونسى يقولها أن ريايل في الميلس..الكراجات مب بعيدة من البيت بوايد بالعكس متوسطة المسافة للبيت وهي تدور الشريط طبعا مشغلة الليت طلع ريال من الميلس رايح للكراجات وهو يسولف في التلفون ويضحك يعني شكله طاير من الفرحة ..ما عرفت شو بتسوي تمت قاعدة بمكانها قرب ماكان يشوفها أبتسم وآه من بسمته تسوالها ساويه ..لف فجأة شاف حد في السيارة يت عينة في عينها استحت..
((شفتها ونسيت نفسي من أكون..
ما أقدر أوصف شعوري لو شرحت..
شعرت ما بين عقلي والجنون..
وأقطعتها هتان من حبي أسترح..((
سكت تم واقف بمكانة حس بشي في قلبه.. ويهها البريء شكلها وايد وايد وايد طفو لي المكان كان مظلم شوي سمع حد يناديه ((جسوم وين رايح؟؟)) بندت الليت وهو رجع عشان ما يسبب أي إحراج لمبارك ولهاي البنت..موزة حمدت ربها أن مبارك ما شافها ولا راحت فيها هال مرة (بس والله مغامرة وفي نفس الوقت حلوة) وبعد ما دخلوا للميلس راحت للبيت وهي تركض..
حمدان في التلفون: جسوم الله يخسك وين رحت؟
جاسم: هنية بس كنت أ....أ.... أدور نعالي..
حمدان: أوكي أخليك سلم على اللي عندك..وبحاول أتصل عليك مرة ثانية مع أن امتحاناتي قربت وما في وقت أكلمكم باي..
جاسم:سلام يوصل باي..
قعد جاسم يفكر في البنت اللي شافها تأكد أنها من أهل البيت يعني أخت مبارك أكيد آخر وحدة لأن ما حد أصغر عن مبارك ألا وحدة..(معلومات سابقة(
مبارك:هييي وين سرحت؟
جاسم:عند حمدان..
مبارك:شو أخبارة؟
جاسم:يسلم عليكم أخليك..باي برجع البيت..
مبارك:تو الناس تعشى عندنا؟
جاسم :لا أحس راسي يعورني وأريد أرتاح شوي..
مبارك:على راحتك..
جاسم:عزوز يا الله قم الله يخسك من متى قاعد تاكل؟
عبد العزيز:الله أعلم اللي ياكل ولا يشبع..
جاسم:يالله برجع البيت ..
عبد العزيز:عدنا ما تعشينا..
جاسم:لا وبعد تفكر في العشاء بعد هذا الأكل كله؟ قم لا أحذفك بالهلنعل.
عبد العزيز:يالله ياي وراك..تصبحون على خير ..
الكل:وأنت من أهل الخير..

[نبض القلب]

[نبض القلب]

**الجزء الثاني**
أعرفكم على جاسم وعبد العزيز..
عبد العزيز هو أكبر واحد في عايلته بعد وفاة أبوة..عمرة 23 سنة مع عبدالله يشتغل في شركة أبوة.. وبعدة جاسم 21 سنة.. في الكلية وفي نفس الوقت يساعد أخوة في الشركة.. بعدة أمل 19 سنة..في الجامعة..وبعدها أسما 17 سنة..وبعدها سلمى 13 سنة..وآخر العنقود..سعود10 سنوات..
جاسم أول ما وصل على طول راح لغرفته كان يفكر في البنت اللي شافها..
((أول مرة أحس بشعور أتجاة وحدة ..مع أن بنات خالاتي وخاوالي جدامي.. ولا أحس بشي أتجاههن؟ ليش هي بالذات؟ لا يكون اللي في بالي؟ لا مستحيل؟؟ ما أريد أحب لو شو.. أمي ماراح تخليني آخذ غير (رغد) بنت خالي على قولتهم جاسم لرغد ورغد لجاسم..من ونحن صغار الكل يقول جذية))..
سمع صريخ في الصالة وطلع يشوف شو اللي مستوي..
جاسم:خير شو صاير؟
أسما:سلامي تقول أني أنا اللي كسرت لعبتها ولكن سعود هو اللي كسرها..
سعود:جذابة أصلا هي غيرانة من سلمى وكسرت لعبتها..
أسما:جذاب والله ما كسرتها وأصلا ليش أغار أنا بنت كبيرة وأعرف..
أم عبد العزيز:خير أصواتكم واصلة لي لغرفتي؟
سعود:أميه..أهي أهي (يصيح)أسما كسرت لعبة سلامي وهي تقول أنا تراها تجذب..
أم عبد العزيز:أسما..صدق أنج ياهل تجذبين؟أنا علمتكم على الصدق ..أمحق من مذهب لج..
أسما:أميه والله يجذب..
أم عبد العزيز:جب ولا كلمة أقول أنقلعي غرفتج ويا ويلج لو ضايقتي أخوانج..
وتطلع أسما والدموع على خدودها ..
جاسم:أميه ما كان لازم تسوين هذا كله الحين أنت تعرفين منو الصادق من الكاذب؟
أم عبد العزيز:أكيد سعود لأن ألعابه عندة ومستحيل يكسر لعوب أختة..
جاسم بصوت حازم وعالي:سعود قول الصدق ما حد بيضربك ولا بيقولك شي..
سعود خاف وقال :سلامي البارحة شلت فلوسي وأنا كسرت لعبتها هي ليش تشل فلوسي؟
جاسم:شفتي؟ سعود يا حبيبي مرة ثانية خبر أمي ولا أنا ولا تسوي مرة ثانية جذيه زين ..ترى الجذب يودي النار وأنت ريال..صح؟
سعود بكل ثقة:هيه ريال..
جاسم:خلاص روح العب أنت وسلامي وبعدين تأسف من أسامي ..
سعود:بس هي ضربتني..
جاسم:لأنك جذبت والجذب مو زين..
سعود:إ ن شاء الله ..
أما أم عبد العزيز ما عليها فهي تحب سعود أكثر شي وهي مدلعتنه مع أنة ولد يسمع الكلام بس كثر الدلع يخرب الياهل..
جاسم شخصية قوية في البيت الكل يسويلة ألف حساب عشان جذية أعترف سعود بسرعة لكن حن قلبه على أسما اللي طلعت تصيح.. أقرب وحدة له في البيت هي أسما يحبها موت مع أن أمل بعد يحبها بس أسما هي اللي أقرب له.. راح لغرفة أسما لقاها داسة راسها تحت مخدتها وهي تصيح على شبريتها..دخل عليها وقعد عدالها..
جاسم:أسومتي.. خلاص لا تاخذين في خاطرج تراة أعترف وأمي درت أنة هو اللي كسرها..
أسما:أصلا لو أبوية عايش جان ما تدلع كل هذا الدلع (هي وايد متعلقة بأبوها كانت أقرب له من بناته وبعد وفاتة أتعلقت بجاسم..وصار هو اللي تحبة وطبعا تحب عبد العزيز بس هو نادرا ما يكون في البيت بسبب شغلة) أمي كل يوم تواجعني بسببه كل يوم تصرخ علي أحس أنها بدت تكرهني وتحبة أكثر عني..
جاسم:لا تقولين جذية مستحيل أم تفرق بين عيالها.
أسما:لا فيه أمي كل يوم تلوي على سلامي وتسألها عن المدرسة أما سعود كل اللي يبغيه موجود وأوامرة مطاعة والله ما أحب أعيش معاهم..
جاسم:أسامي لا تبالغين وايد هذيلا مهمن كانوا أهلج ولازم تحبينهم وتطيعين أوامرهم أسوم بيي يوم وبتعرفين أو بتفهمين قصدي ولازم تضحين بنفسج للآخرين أهلج فوق كل شي..
أسما بدت تقتنع:يعني لازم أدوس فوق قلبي وأخلي الكل يتأمر والكل يعتبرني مثل الخدامة في ها لبيت مع أنك ما قصرت يايب لنا الخدامات؟؟
جاسم:أنا ما أقول دوسي على قلبج لا بس عاملي غيرج بطيب وبهداوة الكل بيعاملج مثل ما تعاملينة..
أسما:يعني مثلك؟
جاسم:ليش كل ها لصفات فيه؟
أسما: على راي حمد العامري (بك الأوصاف ربي مكمانك..جمال وخلق والطبع السنوعي(
جاسم:الله صح لسانج..
أسما:جاسم تدري بقولك شي بس..
جاسم:شو..
أسما:في مرة حد قالك أنك إذا حطوك على الجرح يبرى؟
جاسم:لا بس اللي قالتلي أياة وحدة مزيونة..
أسما:علينا ها لحركات لا يكون وحدة من بنات الشركة؟؟
جاسم:لا وحدة أسمها أسامي الحلوة..
أسما:جاسم والله أحبك..
جاسم وأنا بعد يالله عشان خاطري لا تزعلين ترى ما يهون علي زعلج..أوكي..
أسما:من عيوني ما بزعل..
وبعدها باسها على خدها ورجع لغرفته ولا زال يفكر فيها..ما له حل غير أمل راح لغرفتها ودق الباب (أمل غرفة بروحها أما أسما وسلمى مشتركة(
أمل:تفضل..
جاسم: شو قاعدة تسوين؟
أمل:توني بخلص دراسة ..تعبانة وباجر علي أمتحان..
جاسم:بالتوفيق..
أمل :آمين..
جاسم: بغيت أسأ لج..
أمل :خير؟
جاسم:عندي ربيعي أسمة مبارك سلطان مبارك..عندة أخت في سنج؟
أمل: موازي فديتها..
جاسم:شو؟
أمل:أوه سوري أعرفة مبارك أخو ربيعتي موزة..
جاسم:وأنت شودراج فيه؟
أمل :ذاك اليوم رحت صوبها..وعزوز وداني ولقى مبارك.
جاسم:أها..
أمل:ليش تسأل؟
جاسم:لا أهو ريال والنعم فيه قلت يمكن تعرفين حد منهم وبس أسأل فاضي وما عندي شغلة..
أمل:أها..
جاسم:عندها خوات غير ولا؟
أمل:وحدة معرسة والثانية أكبر منها 2 أو 3 سنين..
جاسم:أوكي حاس عمري تعبان وودي أرقد تصبحين على خير..
أمل:وأنت من أهل الخير..
من ذاك اليوم عرف شو أسمها مع أنة قال خلاص ما يبغى يفكر فيها خير شر بس شي بشدة لها وده يروح مرة ثانية ويلاقيها..وده يوقف جدام أمة ويقولها أنة ما يبغى رغد هي بنت والنعم فيها بس ما يحبها.. كذا مرة يروح بيت خالته عشان يسولف معاها ويعرف تصرفاتها وحياتها بس ما يقدر هو نفسه ما يتقبلها ومن دخلت موزة حياته قلبت علية حياته..
.................................................. .....
مرت الأيام بسرعة ويت الامتحانات.. الكل ألتهى فيها حتى أن البنات ما قامن يجتمعن مثل قبل وخاصة عفرا وشما (مع أنهن نفس المحاضرات يعني نفس الامتحانات) صارت ما تروح صوب شما ولا تسأل عليها وتبخل حتى باتصال ولا افتكرت فيها..أما شما العكس..كانت تسأل حرمت عمها اللي هي أم عفرا عنها وعن أحوالها قالت أكيد هي منشغلة بسبت الامتحانات..وقعدت تفكر في نفسها..الحين بعد الامتحانات بتعرس سارة يعني بتم بنت وحدة بين أخوان ولا حد يسولف معاي أخواني ما قصروا بس لازم أخت لي وعفرا آه لو هي تدري بحالي هل بتحن لي؟ ولا هي أصلا ما تفكر فيه ولا أطري على بالها؟؟؟؟؟؟؟؟؟؟؟؟؟؟؟؟؟؟؟.
كل ها لأسئلة في بالها متى بتلاقي أجوبتهن؟الله أعلم.
......................................
مرت أيام الامتحانات طويلة على الكل وأكثرها على شما ..آخر يوم امتحان
دخلت شما البيت وكعادتها تغني وأكيد هال مرة من الفرح آخر يوم.. تغني قصيدة سمعتها من fm وسجلتها وعاد قعدت تلحنا وتغنيها
لمت نفسي ولا مني وقتي
معاك
اشتكي من هم وابكي
من الم
يا خطاي اللي توافق
مع خطاك
لا سلم حبي ولا حبك
سلم
أنت أعز الناس ما تجهل
غلاك
معتقد هالحب ياتي
من عدم
كل ما مروا علي هذا
وذاك
كلهم لا شي وأنت بس
المهم..
كان سهيل قاعد في الصالة يتابع الأخبار..
سهيل:الله مازين هالصوت..حتى نانسي عجرم ما تي عدالة..
شما:أحم أحم..
سهيل:أشوفج اليوم فرحانة؟
شما:وعساه دوم..
أم سعيد:مبروك أكيد خلصتي امتحاناتج؟
شما:هيه..الله لازم اليوم نروح مكان..
سهيل:أوكي بوديج بشرط..
شما بلهفة :شو هو؟
سهيل:غنيلي أي أغنية ..
شما:بس؟من عيوني..
سهيل:تسلم عيونج..
شما:أمممممممممم..
سهيل:يالله عاد غني..
أم سعيد:آمروا بالمعروف وأنهوا عن المنكر وأنت عندك العكس خلها تقرالك قوران بدال هالغنى اللي ما وراه فايدة..
وراحت عنهم للمطبخ تامر وتنهى على الطبابيخ..
سهيل:ذليتيني عاد غني..
شما:أوكي ..خل الأغنية تطلع..
سهيل يستهبل:وينها في أي حجرة بطلعها..
شما:لا قصدي خلها تطلع من بالي..
سهيل:يالله عن الفلسفة الزايدة غني وأنا أخوج..
شما:أستعد..
سهيل:سباق أهو؟
شما:ههههههه..حرام عليك ..
سهيل: غني بلا دلع بنات..
شما:رحت يم الطبيب اللي يداوي الجروحي..
قال جرح المودة ما يسر الدوا به..
قلت قلبي تكلف يا الطبيب النصوحي..
قال طبه مع اللي ولعة وأشتقابه ..
سهيل يصفق:اللـــــــــــــــــه عجيبة والله رهيبة أختي ما حد مثلها..
شما:يا لله عاد الحين تكشتني..
سهيل:وين تبغين؟
وتدخل عليهم سارة..
سارة:طالع أخواني شو قاعدين يخططون ولا قالوا نشاور سارونة ولا نخبرها؟؟كأني بنت البطة السودة؟؟
سهيل:أوة أنت الكل في الكل يا العروس..وين تبغين تروحين؟
سارة:أي مكان..
شما:أبغي أروح البحر..
سارة:لا بسمر..
شما:والله كيفج تبغين تروحين يالله ولا أضربي راسج على الساس أصلا سهيل حاط شرط وأني أنا اللي أطلب المكان و بس..
سارة:شوي شوي عليج..
وتدخل عليهم أم سعيد:أسمعكم بتروحون مكان؟
سهيل:والله البنات يبغن يروحن البحر ويعزمنج..
أم سعيد:هيه والله من زمان مارحنا البحر خلنا نعزم حريم عمومك..
سهيل:إن شاء الله بس تزهبن..بعد ساعة تقريبا بنروح..بـــــــــأي..

[نبض القلب]

شما وهي طايرة من الفرحه:الله...بــــــــــــــــــــــــ ـــــــــــ ــأي....
الكل راح يرتب الأغراض وتذكرت شما عفرا وقالت على الأقل بتصل عليها وبعزمها عشان تروح معانا..
عفرا:ألو..
شما:أهلين
عفرا:..هلا
شما:داين ومن حقي أدينك يامسهر عيني خيالك كل ما اتصلت وقلت وينك اترد روحي بتصالك..
عفا:فديتج والله ولهت عليج
شما:وين يا القاطعة؟مـــــــــول ما تتصلين..
عفرا:سوري انشغلت
شما:المهم أعزمج على البحر
عفرا:الله منو بيوديكم
شما:طبعا أخوي عمري وحياتي سهيل..
عفرا:ومنو بعد بيروح معاكم؟
شما:الكل ..
عفرا :أوكي ..
شما:يالله جدامج ساعة..
عفرا:إن شاء الله..
الكل راح والحين بقولكم ترتيبهم كالتالي..
عبيد وحرمته وفاطمة في سيارة..
سهيل وشما وسارة وعفرا..في سيارة..
سالم وأم سعيد والأغراض في سيارة..
الجو كان رهيب فضيع ما أقدر كيف أوصفة ..السما مغيمة والبراد ماله مثيل..أما في سيارة سهيل هي اللي فيها السوالف والأغاني والمتعة الحقيقية
سهيل:عفاري..
عفرا:نعم..
سهيل:بلاج صاخة؟ ما تسولفين؟
عفرا:قاعدة أسمعكم..
سهيل:شو رايج تسوقين؟
عفرا:لا دخيلك ما أحب..
سهيل:والله حلو..
شما:أنا ما عزمت علي..
سارة: دزت فيس من طبايع التيس..
شما:.........
سهيل:أفا..خلينا نوصل وبخليج تقحصين عليهن ويل..
شما:عدك ما تطنزت أنت بعد..
سهيل:يوه قلنا آسفين..
لحظت صمت..
عفرا:سهيل ممكن تشغل fm؟
سهيل:آمري واطلبي أنت ..
شغلة وطلعت أغنيت قمرهم كلهم لأصالة..طبعا سهيل يحب أغاني أصالة قعد يغني معاها أونه إهداء لشما الزعلانة..وكانت عفرا قاعدة وراه حط المنظرة عليها وقعد يغني(( نظراته توحي بشي بس بس ما أعرف شو قصدة ))لفت عفرا ويهها للدريشه وقعدت تفكر..
لا يغير قلبك منهم ولا ينشغل بالك بهم............
لوشفت في كوني نجوم أنت قمرهم كلهم...........
بعد السوالف والضحك وصلوا ونزلن الأغراض أما سهيل راح ينزل دراجة البحر عشان يلعبون عليها..فرشوا الزولية وحطوا دلال القهوة والشاي..
سهيل:شموة..
شما:هلا
سهيل:هاتي دبة البترول ورى في الدبة..
شما:أوكي..
عفرا:غريبة ما فيها بترول..
سهيل:لأنا من زمان ما يينا البحر عشان جذيه هي خالية..
شما:دوك..
ساعدت شما سهيل في صب البترول عفرا تمت تطالع سهيل وتدقق في كل حركة له يوم يسولف ويضحك ويزعل ويفكر آه عاد خوزوا عن الدرب إذا قعد يفكر شكلة يجنن ما أقدر كيف أوصفة وهو يفكر عيونه خشمه لحيته وكل تعابير ويهه تجنن..حست بشي في قلبها بس قالت ها مش حب هذا إعجاب أما اللي أحبه هو حمدان..فديته..
سهيل:منو بتركب أول وحدة؟
سارة:أنا.
شما:لا أنا طبعا..
سهيل:مستقطعات؟لا الضيفة أول..
عفرا: أنا؟؟ لا أخاف أركب بروحي..
شما:بركبج وراي..
سهيل:لا أنت متهورة أخاف تغرقينها..
شما: أها وأنت مش خايف علي؟
سهيل: أ ..أ..خلاص ركبيها بس لا تسرعين أوكي..
شما: أوكي..
بعد ما تجهزن البنات راحن صوب الدراجة في أول البحر طبعا لازم يتشلحن شموة لابسة صروال دقة أما عفرا وسارة لابسات أسترج..
ويحاولن أنهن مايخرسهن الماي عشان ما يمرضن وراهن عرس سعيد وسارة..

*****عند الحريم****
فاطمة وسالم وأم سعيد كلهم يسولفون فشافت أم سعيد صروال الدقة على شموة..
أم سعيد: الله ..ها طالعوا الصروال ما زينة هب صراويلكن الحين كل واحد أشين عن الثاني..
سالم: أكيد بتمدحينة لأنه موضة أول ..
فاطمة: ألحين كلنا حضرين ما بنتم بدوين ..
أم سعيد: يعلكم تفدونهم البدوين..

أما السيد عبيد ومريم كانوا يتمشون بعد ما ملوا من القعدة ..كان ماسك يدها بحنيه كل شوي يلف صوبها يتأملها كأنه أول مرة يشوفها..
ويهها الدائري خدودها الورديات شفايفها الصغار خشمها المتين ماكان مناسب ويهها بس غصب عنة حبها لجمالها الساحر اللي للحين ما تخلى عنها..فتح الموضوع..
عبيد:عيوني..
مريم (سرحانة..(
عبيد:مريومتي.
مريم:لبيه..
عبيد:في شو كنت سرحانه؟
مريم:ولا شي(جذابه(
عبيد:للحين مصرة؟
مريم:على شو؟
عبيد:أنج ما تحملين؟
مريم:شو ياب الموضوع في بالك؟
عبيد:بنسافر وبتتعالجين وبتييبين عيال وبتترسين لنا البيت والله في خاطري بنت تشابهج (ولف للبحر) وبسميها..شوق عبيد.. الله أسم حلو صح؟
لف عبيد صوب مريم اللي تفاجأ بأنه جرحها من دون قصد كانن الدموع حايرات في عيونها خلاص ما قدرت تستحمل كل هذا الضغط الكل يكلمها في هذا الموضوع الكل يعاتبها الكل يقولها إذا ما حملتي بيعرس عبيد أكيد لأن كل ريال جذيه إذا حرمته ما تييب عيال يعرس عليها أو يطلقها..وياخذ غيرها..
انفجرت تصيح أول ما شافها ما أستحمل ضمها لصدره ربت على كتفها باسها على يبهتها ..
عبيد:مريومتي آسف..والله آسف..
مريم: ...
عبيد:خلاص أنت تكفيني عن العيال كلهم.. بس عندي ياهله وحدة اللي هي أنت.. أرجوج لا تاخذين في خاطرج..
مريم تهدي شوي:أصلا أنا مستحيل آخذ في خاطري عليك بس عبيد أبغاك تعرف أني أتعذب كل ما أشوفك تفكر في العيال وتقول إذا يبتي ولد بسميه فلان وإذا بتي بنت بسميها فلانه أحس بالذنب أني أنا اللي حرمتك منهم ..بسألك سؤال أرجوك جاوب علي بصراحة أوكي..
عبيد:أكيد..
مريم:أنت ما فكرت.................ما فكرت..........
عبيد:أفكر في شو؟
مريم:أنك تعرس؟
عبيد:شــــــــــــــــــــــــ ــــــــــــــــــــو؟مست حل أصلا يطري على بالي أنت عمري وحياتي وما أبا حد سواج أصلا لو ألف العالم كله ما ألاقي وحدة بمثل أوصافج.. أنت عمري وحياتي وقلبي ولو شو يصير ما آخذ وحدة غيرج..
مريم: بجوابك هذا طمنتني..والله كنت شاله هم في قلبي أنت تعرف قدر حبك في قلبي أنت دنيتي شو بيصير بي إذا رحت عني أو تخليت عني أكيد أختار الموت ولا أشوفك تبتعد عني..
عبيد:فال الله ولا فالج أصلا لا يمكن أتخلا عنج..
ضمها لصدره مرة ثانيه عشان تطمن أكثر ..كانوا بعيد شوي عنهم عشان ياخذون راحتهم ..

نرجع للبنات..بعد ماخذلهن كمن لفة رجعن للشاطي نزلت عفرا أولا لكن شما كانت حاطه ريلها على كندورة عفرا وتخرطفت وطاحت في البحر..
شما:ههههههههه
عفرا:آه برد..الله يسامحج ليش شو سويت تعقيني؟
شما:والله ما كان قصدي..ههههههههههههههههههههههههه ههههههه
عفرا:أضحكي أصلا لوما خوفي عليج من المرض جان الحين عقيتج..
شما:آسفة والله سوري..
عفرا:آتشــــــــــو..
شما:ههههههههههههههه..
بعد ما نزلن راحن صوب سهيل وسارة اللي كانت ترقبهن عشان إيي دورها وكانت فاطمة ياية من بعيد وراحت مع سارة..سهيل كان ملتهي يشغل fmفي الراديو ..
سارة:الحمد لله على السلامة يوم خلصتن ..
واحت عشان تلعب وما لاحظت على عفرا..
سهيل:عفروة شو اللي مخرسنج؟
عفرا :شموة اللي خرطفتني..
سهيل:غربل الله عدوج يا شموة بتمرض البنيه
شما:والله ما كان قصدي..
سهيل:يبتي معاج ثياب؟
عفرا:لا..
شما:بروح أدور إذا حد ياب ثياب خليج هنية..
وراحت شما عنهم هي كانت قاصدة تبغيهم يكونون بروحهم تحس أن سهيل بدى يكن شعور لعفرا يعني أكيد يحبها..(لأنها لاحظت حركتة في السيارة (
لاحظ سهيل بوجود بقعت دم على يدها وبغى يموت ..
سهيل:عفرا شو هذا؟
عفرا:ها.. هيه يوم طحت كانت حصاة عدالي فطحت عليها وضربت يدي..
سهيل:هاتي أشوف..
عفرا( مستحية): لا عادي ما تعورني..
سهيل:لا لازم أشوفها يمكن يكون الجرح عميق..أشوف الدم يصب بغزارة..
عفرا:لا بغسلة بالماي وبمشه بالكلينكس..
سهيل:لا والله أنج تخليني أشوفة..
بعد ما حسرت يد الكندورة شاف الجرح ما كان عميق بس لازم يبالغ راح وياب لها الماي وعنده شال وردي حاطنه على منظرة السياره وهذا الشال غالي عليه وايد لأنه من عند ناس غاليين على قلبه..
مش الجرح بالكلينكس والماي وبعدها طواها بالشال..
عفرا :مشكور..
سهيل:هذا الواجب يا الغالية..
عفرا:ليش تعبت عمرك؟ما كانت تعورني..
سهيل:علي؟شفتج كنتي بتصيحين كل ما أدق الجرح يعورج..
عفرا:لا تبالغ..ما كنت بصيح..
سهيل:..أكيد كان يعورج..
عفرا:هيه..
لحظت صمت..
الآنسة شما كانت تشوف هذا كله وهي فرحانة ودها أن عفرا تحس بسهيل..
شما: لقيت فطوم يايبة كندورة..أونها بتتسبح بس غيرت رايها (جذابة فطوم مع سارة تلعب على الدراجة(
سهيل:هي عروس وين يايه تتسبح ؟ولا بعد في البحر..
شما:عقبالك لين ما نلقى لك عروس..(ولفت صوب عفرا)ولا يمكن العروس موجودة بس ما شفناها..
عفرا استحت من هالموقف وراحت تبدل ثيابها..
سهيل:وأنت يا الدبة شو قصدج بالعروس؟؟
شما:القصة مفهومة..الحب باين من عيونك..
سهيل:أي حب ؟وبعدين حرام نهتم بالضيوف؟؟
شما:هاي مش ضيفة هاي بنت عمك وبعدين ما قد شفتك مهتم ببنت كل هذا الاهتمام حتى أنا ما بتهتم فيني جذية.. ..

سهيل: أسميج بنت محمد عرفتيها عال الطاير.
شما:يعني كل ظنوني صح في صح؟؟
سهيل:صح ويا ويهج..
هنية الفرحة ما وسعت قلب شما ضحكت ظحكة الكل سمعها ولوت على سهيل اللي استغرب من تصرف شما وبعدها راحت صوبهم..ولقت عفرا عندهم ..

**في بيت بو نورة..*
حمدة وحمد كانوا يسولفون في الصالة ودخلت عليهم أمهم ..
حمدة :أماية أتصل على بيت عمي بو سعيد وما حد رد علي..
أم نورة: كلمتني أم سعيد وقالت أنهم راحوا البحر..
حمد:ما عزمونا نروح معاهم؟
أم نورة:أنتوا تأخر توا في ييتكم وقلت لهم يروحون..
حمدة:والحين يينا خلي حمد يودينا..
حمد:يا الله أنا جاهز..
حمدة:فديت أخوي اللي دومة جاهز..
أم نورة:أخاف يتصل حمدان وماحد في البيت تراة من زمان ما اتصل..
حمد:أمايه ..حمدان متصل على جاسم وقالة يقولنا أنه مشغول ومتى ما فضى بيرجع للبلاد إن شاء الله بس ما بيتصل لأنه مش فاضي..
حمدة:فديتج أماية لا تقولين لا..
أم نورة:أمري لله يالله..
حمدة:آه فديتج والله أنج أحلى وأغلى أم في العالم..

**في البحر..**
بعد ماخلصوا عبيد ومريم من سوالفهم رجعوا عندهم وقعدوا يسولفون كانت الساعة حوالي 12 وشوي يشوفون سيارة حمد..
أم سعيد:يا مرحبا..بحمد..
حمد:يا مرحبابج..شحالكم؟
الكل:بخير..
حمد:الله سهيل يايب دراجة البحر؟
سالم:هيه..
حمد:بروح ألعب عليها..
سالم:خلني أروح معاك..
حمد:يالله..
حمدة:وأنا بعد..
حمد:أنت دومج لا صقه فيه(لزقت عنزروت(
حمدة:أخوي وتمون..
بعد ما لعبوا وأشبعوا حطوا الغدى وراحوا يتغدون..
بعد الغدى ..كان سهيل وحمد وشما وسارة وعفرا وفاطمة وحمدة قاعدين على الزولية أما الباقي رجع لأنه الظهر وما ودهم يتأخرون لين العصر وبعدين البيت خالي ومحد فيه ولازم يرجعون بس البنات وأولهن شما أصرن أنهن يقعدن للعصر..كانت الساعة 2 ونص..الظهر..
حمد قام يتكلم في تلفونة..سهيل كان يقرى الجريدة..
سهيل :الله أسمعن هاي القصيدة وايد عيبتني وإهداء لناس غالين..
أنت كلي وما أبي قلب سواك..
من عرفتك والمحبة لك تزيد..
قربي يمي تعالي يا ملاك..
أنت حبي وأنت نبضي والوريد..
لو دروبي في وصالك هي هلاك..
بأمشي دروب الأماني لو بعيدة..
هذا حرفي أجمل فنونة عطاك..
وأنت أحلى وأجمل أبيات القصيد..
عانقي قلب تولع في هواك..
يوم أشوفك يا حياتي يوم عيد..
في بعادك صرت أنا الشاكي جفاك..
وفي وصالك صرت أنا أسعد سعيد..
أنت كلي وما أبي قلب سواك..
هاك إيدي صافحيني أيد بـ إيد..
وسلامتكم..
شما:الله صح لسانك والله فنان..
وإيي حمد..
حمد:يالله أنا برجع عندي شغل مهم..
حمدة:خلاص أنا برجع مع سهيل..
سهيل:هيه نسيت قبل شوي الوالد أتصل وقال لا تتأخرون..
البنات أستسلمن للأمر الواقع:أوكي نرجع..
الكل ركب السيارة بعد ما شلن الزولية عفرا شافت الجريدة وقالت بتشلها معاها عشان تقرى القصيدة اللي قراها سهيل لأنها عيبتها وايد وودها تقراها عشان تفهمها عدل..تفاجأت أن ماشي قصيدة في الجريدة والجريدة كلها أخبار وإعلانات مالقت حتى قصيدة وحدة..
(ما أشوف ولا قصيدة..معقولة ؟؟معقولة يكون سهيل هو اللي قالها من بالة؟ يعني هو شاعر؟ بس ولا مرة سمعتة يقصد وشماني ما قالت لي أو طرت سالفة أنه يقصد) الكل كان منشغل.. سهيل شاف عفرا شالة الجريدة وكل علامات التعجب والاستفهام باين من تعابير ويهها وعرف شو قصدها.. راح صوبها..
.................................................
شوظنكم بيقول لها؟؟
وهي شو ردة فعلها؟؟

[نبض القلب]

.....

الجزء الثالث......
بعد ما شافها سهيل راح صوبها..
سهيل:مش فاهمة؟ الحين بفهمج..
..قالوا حبيبك يقرا شعـــــــــــــــــــر..
..قلت إيه..
..يقراه بعيوني قبـــــــــــــــــــــــ ـــــل..
..تسمعونه..
..لولاه حتى طاري الشعـــــــــــــــــــــ ــــر..
..مابيه..
..لكن كتبته لجل خاطــــــــــــــــــــــ ــــــــــر..
..عيونه..

من بعد ما سمعت عفرا كل هذا ما استحملت عقت الجريدة من أيدينها وراحت بسرعة وحتى أنها ركبت مع حمد..سهيل حس بالذنب وحس أن الدنيا ضاقت به (أكيد أزعلت..بس أنا ما قلت شي يزعل..بس أني اعترفت بحبي لها؟؟(
على الساعة 3 بالضبط وصل الكل لبيته.. بعد ما وصلوا الكل راح يتسبح ويعين من الله خير ..بعد ما طلع سهيل من الحمام انسدح على شبريته وهو يفكر في اللي استوى اليوم (أكيد زعلت يوه مني ليش أزعلها بس ما كان قصدي..بس.. أنا اللي كنت رافض العرس واللي مستحيل أحب صرت أحب ولا بعد غرقان على قولت محمد عبدة (وأدري أني غارقن مهما سبحت) بس أه كم أقول بس يا ليت ما شي في هذا الكون كلمة أسمها (بس) هي الحين تعرف أني أحبها يمكن تتحسب أني ألعب عليها (أكيد أن شموة وهي تسولف قالت لها أني ما أفكر في العرس) وهي بتفسر حبي غلط..شو الحل؟أصلا الكل يعرف إني رافض فكرت العرس..بس ليش ما كنت أحب سالفة العرس؟؟أنا بروحي ما أعرف ليش وين عيل العالم وأنا لي سألوني ليش؟ شو أجاوب؟؟ (من كثر ما فكر تعب حط راسة ورقد)..
.................................................. ........
مرت أيام إجازة 15 يوم طويلة عليهم لأنهم ما راحوا مكان الكل علية شغل وما حد فضى يروح..

البنات شما وسارة يقضن أوقاتهن من سوق لمركز

...
بقى من الإجازة 5 أيام فقط..
.................................................. ..........
**ناظرت للساعة ..كانت 5 العصر وما صلت لأنه توها واعية..حست بشعور غريب شي بيستوي اليوم..شو؟؟قامت وتوضت وراحت تصلي..
استغفرت ربها وبدلت ثيابها وتعطرت لبست شغابات نعيمونات تجحلت وحطت قلوس وكان شكلها يجنن أحرقت بكلتها من كثر ما تستشورها..
وتعايزت تلبس شيلة..لبست نعال البيت اللي فيهن أرنوب (ياهل) بس اللي يشوفها يقول يا بختها محلاتها..
نزلت تحت..البيت كان هادئ وايد ما حد فيه (وين راحوا؟(
كملت طريقها للصالة دخلت وما لقت حد..(وينهم؟) أتصل على أمي وما حد يرد دورت في البيت والغرف ما لقيت حد..(غريبة هاجروا وما خبروني؟) نادت الخدامة لتسألها وقالت أنها ما تعرف..زاد قهرها على منو تتصل عشان تعرف أهل البيت وين؟ خلاص من القهر بصيح..ما حست ألا بباب البيت ينفتح وقالت الحمد لله أن حد يا..سوت نفسها معصبة عشان تعرف وين راحوا..لكن رجع ويهها من دون تعبير ..شافتة ودها حد يضربها كف مش مصدقة..معقولة؟؟ ابتسمت..لكن أنا من دون شيلة ..فشلة..
حمدان:شما..
شما: ........
حمدان نزل راسة لأنه حس أنها مستحية..
شما: أقرب الصالة..
وراحت لغرفت الخدامة عشان تشل لها شيلة(غريبة متى رجع من السفر؟) وبعدها راحت للمطبخ عشان تخلي الخدامة تييب الفوالة..
تقدمت ودخلت الصالة (شافت ملاك..آه شو أسوي بعمري؟ من زمان وهو جدامي والله حلو عن قبل ما يسافر كان غير الله يعني السفر يحلي الواحد؟) كان يتابع دقات الساعة الكبيرة (تك توك تيك توك) ابتسمت ودخلت عليه..
حمدان:ألا حرمت عمي وين؟
شما:ما أدري؟
حمدان:سهيل؟ولا سعيد؟ولا سالم؟
شما:ما أدري؟
حمدان:عمي؟
شما:ما أدري؟
حمدان:وشموة؟
شما:ما أدري؟
حمدان:شموة شي بلاج؟
شما:ها ؟!
حمدان:والله أن فيج شي..
شما:لا بس أحيدك مسافر ..متى رجعت؟
حمدان:حبيت أسويها مفاجأة..
شما:رحت بيتكم؟
حمدان:لا رحت بيت واحد من الشباب وبعد ما خلصت ييت صوبكم..
شما:يا مرحبابك..
حمدان(خذها فرصة):شما أنا ييت عندكم عشان أفتح معاج في موضوع من زمان كنت أبغيج تعرفينة بس الله كتب أنج اليوم تعرفينة..
شما:تفضل.
حمدان:شما أنا قبل لا أسافر خطبتج عند عمي وقلت أول ما أتخرج وأرجع للبلاد أيكم وأخطبج رسمي ..وعلى بال ما ألقى شغل أريد أسمع الجواب بالموافقة أو الرفض..أبغاج تفكرين عدل ..أوكي..
شما:أ..
قاطعها:لا تقولين شي عمي يدري بس ما حد يعرف أني قلت لج بس أكيد الكل بيعرف أني أنا اللي خاطبنج..
يالله أخليج سلمي على عمي وأمج والكل عموما وإن شاء الله بعد ما أسلم على أهلي باييكم عشان أسلم عليهم..
وقام عشان يروح..بس.
شما:حمدان ما تقهويت..
حمدان:لا بروح أسلم على أهلي لا تنسين أنهى مفاجأة..
شما:الله يحفظك..

"في مكان ثاني..
دخل شوي ..شوي..شاف حمد وحمدة يتواقعون..
حمدة:هات الجهاز عاد..
حمد:والله المسلسل بيبدى..
حمدة:رح الميلس..
حمد:والله كيفي عايبتني القعدة هنية..
حمدة :حرام ..يالله عاد(وتروح صوبة وتمط الجهاز(
حمد:احترمي نفسج تراني أكبر عنج..
حمدة:اللي يسمعك يقول أكبر مني بـ2 أو 3 سنين..ألا بدقايق..
ضحك عليهم حمدان وله عليهم وعلى وجعتهم الله يهديهم..
حمدان:مرحبا أيها التوأمان..
التوأم:حمدان؟؟؟؟!!!!!!!!!!!!!!!!!!
وتركض حمدة صوبه ويا خذها بأحضانة..
حمدة:يا مرحبا متى رجعت؟
حمد:أنورت البلاد بوجودك..
حمدان:الظاهر تولهتم علي؟
تدخل عليهم نورة..
نورة:شو سالفتكم وجعتكم واصلة لفوق؟؟
حمدان:هاي..
نورة:حمدان.؟؟يا مرحبا سوري ما شفتك..
وتروح تسلم عليه..
حمدان:عيل وين أميه؟
نورة:شفتها فوق في حجرتها..
حمدان:عيل خلونا نروح صوبها نفاجأ ها..
الكل:يالله..
حمدان:يا طلاب هيا إلى الصفوف قفوا طابورا منتضما ورائي..
نورة:شو نحن في مدرسة؟
حمدان:قولي الصراحة..ما ولهتي على أيام المدرسة؟
نورة:الصراحة..هيه..
حمدة:الوقت كالسيف إن لم تقطعه قطعك..
حمد:آه تتذكرون هاي الجملة والمقلب اللي سويناة في نواري؟
حمدان:ذاك اليوم للحين في بالي ..
حمدة:قل شكلها للحين في بالي ..آخ لو كانت عندنا كيمرة جان صورتها..
نورة:تطنزون؟ ..بس لا تنسون الصور اللي بفضحكم بها..
حمدان:لا دخيلج شكلي وأنا ياهل مب حلو..
حمدة:ها نسيت والله سوري..
نورة:وعاد شو كان شكلج كشه ويا ويهج..ألا حمد..ما فيني أكمل..
حمدان:بكمل عنج..يوم كانت الخدامة لاويه علية..
الكل:هههههههههههههههه
حمد:والله ذليتوني بهاي الصورة كنت ياهل..
نورة:أسمع أمي ياية..
حمدان:بندس ورا الباب..
بعد ما دخلت أم نورة..استغربت على عياها أنهم هاديين وما يتواجعون كالعادة..
أم نورة:شبلاكم صاخين؟
نورة:لأن عندنا مفاجأة لج..
أم نورة:دخيلكم ما أبغي مقالب كل مرة تطلعولي بمقلب..
حمد:لا ها لمرة مفاجأة حلوة وايد..
حمدان:أنا رجعت..
أول ما لفت أم نورة غمى عليها من المفاجأة..
حمدة:أماية بسم الله عليج..
نورة:حمد رح هات لها قلاص ماي..
وهنيه تقوم أم نورة: صــــــــــــــــــــــــ ـــــــــــــــادوة. .
حمدان:الله يغربل بليسج خوفتينا..
نورة:هالمرة أنت سويتيلنا المقلب..
أم نورة:عشان تعرفون أني مش هينة..

[نبض القلب]

مسترخية على كرسيها المفضل شكلها سرحانة لبعيد وين؟شبلاها ؟شو فيها؟؟دخلت سارة على شما ونادتها بس ما جاوبت ..
شما:أف شو؟
سارة:أنت اللي شبلاج؟
شما:حرام الواحد يرتاح ويقعد يفكر؟
سارة:لا بس..
شما:وبعدين قمت العصر وما لقيت حد وين رحتوا؟
سارة:كنت زهقانة..وأنت راقدة..وأمي بتروح بيت عمي بو عبيد..ورحت معاها وبعدين اتصلت حرمت عمي أم نورة وقالت أن حمدان رجع من السفر ويعزمون الكل على العشا وأنا ياية ببدل ثيابي وبروح صوبهم..
شما:ما شاء الله لو يحطونج مذية الأخبار أحسن..
سارة:أنا الغلطانة اللي قاعدة أجاوب على أسألتج..باي..
شما:سارونة وين رايحة؟ كنت أمزح تعاي.. آه....
سارة:شبلاج؟
شما:أحس أني مسخنة شوي..
بعد ما لمست سارة يبهت شما لقتها وايد حارة فقالت لازم تروح المستشفى وراحت هي معاها ووداهم سهيل..
طلعت حرارتها مرتفعة من دون سبب أستغرب الدكتور بس عطاها بندول ورجعت البيت..أول ما وصلت رقدت من التعب بعد ما كلت لها حبت بندول..
..................................................
البنات كلهن مجتمعات وسوالف في بيت بو نورة..فيه وحدة ساكتة ومن كم يوم وهي على هذا الحال صارت ما تحب حد بدى الكرة يستغل ضعفها ويستولي على قلبها صار القريب من قلبها بعيد والبعيد أبعد..
صارت أهموم الدنيا كلها على راسها وصارت أضعف عن قبل فقدت حيويتها والهالات اللي تحت عيونها بدت تزيد سواد عن اللي قبل..
نورة:عفروة شبلاج؟
عفرا:ها..لا ماشي ..
حمدة:ساروة صدق اللي سمعتة؟
سارة:شو؟
حمدة:شماني مريضة ولا تتميرض؟
ميثا:حرام عليج فديتها شماني الله يشفيها مستحيل تمثل..
سارة:قبل لا نييكن كنا في المستشفى..
نورة:الله يشفيها..
فاطمة:آمين فديتها تولهت عليها..
موزة:ما تستاهل بنت محمد..باجر بروح صوبها..
ميثا:ليش باجر؟اليوم..
سارة:لا مش اليوم الحين تلقينها راقدة..
لفت ميثا صوب عفرا وعطتها نظرة..
ميثا:شبلاج جنج مسكينة تبغي حد يتصدق عليها؟؟
عفرا:لا حبيبتي..تعبانة شوي..
ميثا:عاد ونها سمعتنا نتفدى شماني عشان نتفداها أهي بعد..
هنية عصبت عفرا وماحبت تقعد اكثر وتسمع هالكلام اللي يجرحها وراحت البيت حست أن الدنيا ضايقه عليها
((ليش هن جذية؟ ليش ما حد يحبني؟ ولا حد يطيق يقعد معاي؟ شموة ولا عاد تسأل علي البنات وما يعطني ويه ..صارت شموة الكل في الكل..يعني كنت أروح معاها بس وجودي مثل عدمي عندهن..!!
آه..والله صرت أكرههن ..حتى أن أي شي بيصير لي وهذا اللي بيصير بسبة شموة..أكيد بكرهها وخلاص بتنتهي من حياتي ..بس ليش يا زمن لعبتبي وخليتني مثل اللعبة بيدينك ؟؟ليش تقسى علي؟شو ذنبي باللي يصير؟؟شو سويت؟؟!!ليش يا زمن؟!!!!!!!!!!))
رقدت عفرا من التعب ومن الحزن والقهر اللي في قلبها من كثر الغل اللي في قلبها..نست تسكر الباب مر عبد الله واستغرب يتحسب أن الكل في بيت عمه دخل ولقى عفرا راقدة على الشبرية بس مش مرتاحة أول ما وصل لقى الدموع مخرسه المخدة عق شيلتها وحاول بس بصعوبة يعق دفتها.. لحفها وحبها على يبهتها ((آه فديتج يا شموة ..عفاري تشبهج وايد((
تأملها قبل لا يطلع وراح قفل الباب ودخل المفتاح من تحت(خاف عليها لأن ما حد في البيت).. وراح للعزيمة
.................................................. ........
بعد السوالف وأخذ أخبار الكل حطوا العشا وتعشى الكل كانت الجمعة حلوة الكل يضحك والكل متوله على الثاني صار لهم أيام ما اجتمعوا ..
بعد ما خلى البيت..كانت الساعة 12 ونص..
كانت أم نورة وأبو نورة يسولفون عن العزيمة وشو اللي صار وأشياء وايده دخل عليهم حمدان حس بوله كبير يوم فارق أمه وأبوة حس بالشوق ودة يصرخ ويقول أحبكم والله يطول بعاماركم ..وقفت الدمعة عند عينة كان شكلهم يجنن أبوة منسدح على ريول أمة وهم يسولفون طالت وقفته ..ما حس بعمرة ألا أبوة يناديه..
أبوة:حمدان..شبلاك واقف أدخل..
أمة:شكلة متوله..
حمدان:طبعا متوله عليكم حد عندة أبو طيب وأم حنونة وما يتوله؟
أمة:يعني أفداك من ولد يالله يا رحمن أني أشوفك معرس وألحق على عيالك
أبوة:آمين..
حمدان:صدق أن دعوة الأم مستجابة ..
أمة:شو يعني ما فهمت..
حمدان:أبوية تراني اليوم قلت لبنت عمي تفكر في الموضوع على بال ما أدور لي شغل وبترد علي..
أمة:صبر شو بنت عمي وأي موضوع..؟؟
أبوة:يا بنت الحلال الريال خطب شما بنت محمد..
أمة:أحلف؟
أبوة:ليش أجذب ما تصدقيني؟هاذوه الريال جدامج تخبرية..
أمة:صدق اللي أسمعة؟
حمدان:هيه..
أمة:مبـــــــــــــــــــــــ ـــــــــــروك..الحمد لله اللي أستجاب لدعائي أنها تكون من نصيب ولدي والله أن فيها الخير والبركة..
حمدان:شبلاج أماية وعيتي علينا الييران..
نورة وحمدة يايات يركضن..
البنات:شو السالفة شو اللي صاير؟
حمدان:ما شي..
أمة:شو بعد ما شي؟أخوكن خطب شما ..
البنات:صدق؟
حمدان مستحي:هيه..
حمدة:الله شماني بتكون حرمت أخوي؟
نورة:فديتها والله أنك تستاهلها..
حمدان:شوي شوي عدها ما ردت علينا البنت..
نورة:وهذا ضمان من عندي أنها بتوافق..
أمة:أصلا تحب يديها مجلبه اللي بتاخذ ولدية..
حمدة:هاي كيمرة هي أنج بتضمنينها؟
حمدان:هه والله أصلا تتحسب عمرها في السوق..
الكل:هههههههههه
يدخل عليهم حمد:عسى هال ضحكة دوم يا ربي..
الكل:آمين..
أمة:هلا بولدي عيوني حمد..
حمد:هي أدهني سيري ..
أمة:وايه شعنة؟
حمد:أسمعج خطبتي لحمدان وأنا لا..
أمة:أنت أشر بس والباقي علي..
حمدة:القوم هذا كله بس لحمد؟
نورة:بدت الغيرة بين التوأم..
حمدان:أحيد التوأم يكونون يد وحدة أما أنتم لا..
الكل:هههههههههههه..
أبو نورة كان يشوف عياله ويفكر((آه والله وكبرتوا يا عيالي أحيدكم صغار وكنتوا تلعبون آه الله يا وقت مضى أيام مرت وين؟؟ صدقك يا ميحد حمد.. عسى أن شاء الله قعدكم هاي دوم والله لا يفرقكم ((
حمدان:صح أبوية؟
أبوة:ها؟
حمد:الله الله أمية الحقي الظاهر أبوية يفكر فيييييييييي..
أمة:في شو؟
أبوة:لا والله مش اللي في بالك
الكل:ههههههه..
أمة:صبر شو قاعدين تقولون؟
حمد:يعني الحقي على أبوية الظاهر من خطب حمدان وهو يفكر في العرس باجر بييب العديلة..
أمة:فال الله ولا فالك يا لحمار تفاول علي؟
حمدة:الله طاح كرتك خوز عن الدرب..
نورة:حليلة طاح كرته ولد أمة..
الكل:هههههههههه
أبوة:يالله يا عيالي بسكم من السوالف والسهر باجر ورانا صلاة الصبح ووعية من الفير...
الكل قام وحب أبوة وأمة على روسهم..وراحوا يرقدون بعد هال تعب كلة..

.........................اليوم اللي بعدة................................
كانت قاعدة على كرسيها المفضل..وهي تعبانة من التفكير البارحة ما باتت الليل من كثر ما تفكر..لازم تقول لحد ويشاركها ما غيرها..
تلبست شماني وراحت لعفرا كانت الساعة 11 والبيت هدوء دخلت كالعاده لقت عبدالله يتريق..
شما:السلام عليكم..
عبدالله:وعليكم السلام هلا والله ببنت العم ..
شما:هلا بك..
عبد الله:شحالج؟
شما:بخير أشوفك تتريق ؟
عبدالله:هيه البارحة رقدت متأخر..
شما:أكيد سهرانين ؟
عبدالله:هيه كنا في بيت عمي سهرانين مع الشباب ..
شما:أصلا أنتوا ما ياكم يوم وما سهرتوا..
عبدالله :قولي ما شاء الله بتحسدينا
شما:ما شاء الله عيل وين عفروة؟
عبدالله:هيه صح البارحة لقيتها تصيح..
طاح قلب شما:ليش؟؟؟
عبدالله:لقيتها راقدة ومخدتها خرسانة دموع..
شما:بسم الله عليها..شبلاها..
عبدالله:روحي صوبها وسأليها وبعدين طمنيني..
شما:أوكي..
عبدالله (آه يا ناس شو أسوي بجتل عمري ما أقدر أصبر منو هذا اللي بياخذج مني؟ والله العظيم أني أبغاج ليتج من نصيبي ..بس الصبر مفتاح الفرج وبصبر لين ما الله يفرجها لازم يكون عندي أمل(
صون الهوى وبا صونة عهد الهوى ندراة..
عنكم يلوا يعذلونة كل العذل خلاة..
والله ما يسونة لي عالي مستواة..
قلبي فضى مضمونة وأرجوك لا تنساة..
راحت صوب عفرا اللي فرحت يوم شافتها على الأقل بتخفف من الحزن اللي في قلب عفرا (عن سالفة البارحة) ونست شما سالفة عفرا وصياحها لأنها بدت في سالفتها وبعد صمت طويل..
تكلمت شما وقالت كل اللي في بالها يعني عن حمدان وشو اللي قالها المصيبة هي أن عفرا ما صدقت هذا في البداية بس يوم شافت شما غرقانه في بحر حيرتها صدقت كانت عفرا تطعن سكاكين في قلبها والسبب صمت الحب لو قالت له؟ بس كيف بتقولة؟
هنية دق باب غرفت عفرا أن أم سعيد متصلة عشان شماني تروح مع سارة عند المصمم بروفة لفستان العرس..وباقي على العرس أسبوع..
وهنيه كانت فرصة لعفرا عشان تفرغ اللي في قلبها وما حد يعرف عن الحب الصامت
....................
شو ظنكم بيصير؟؟

[نبض القلب]

"

الجزء الرابع"
)ليش شموة؟ليش مش أنا؟ليش لأنها أحلى عني ولا؟
ليش الكل يحبها؟ليش الكل يسويلها ألف حساب؟شو ذنبي؟(
بعد نوبت بكاء شديدة قررت التالي..كانت الساعة 1 ونص ومن عوايد أبو عبيد أنه يكون في المكتب اللي في البيت في هذا الوقت راحت صوبة..
دقت الباب..
أبو عبيد:تفضل..(يوم شافها).. يا مرحبا والله بآخر العنقود يا هلا بعفاري..
عفرا:هلا
أبو عبيد:شبلاج؟حد مضايقنج؟
هنية ما رامت تكتم حزنا أو خلوني أقول دموعها صاحت ولقت قلب حنون وطيب لوى عليها وخفف من حزنها وحاول أنة يعرف شو اللي صاير..قالت له أنها تبغى تنتقل دبي عند خالتها مؤقتا لأن في حد مضايقنها وما قالت منو هو أو هي..تفهم أبوها الموضوع والبرهان حزنها وشكلها المصفر وجسمها اللي صار أضعف عن قبل حس أن بنته بتضيع من يديه وقال خلها تغير جو.. ارتاحت عفرا يوم عرفت أن أبوها راضي عنها ..
وفي نفس الوقت لمت أغراضها وجهزت عمرها وعلى طول اتصل ابو عبيد بولده عبيد عشان يوديها.. وصلها لدبي عند خالتها..
أمها:لكن يا بو نورة ..
أبوها:يا بنت الحلال خليها شورها عندي..
أمها:شو بقول للناس؟
أبوها:راحت تغير جو وتسلم على خالتها..
أمها:لكن ما أقدر على فراقها..
أبوها:أستهدي بالله يا حرمة البنية ألا عند أختج وكل يوم والثاني أتصلي وكلميها ودبي ألا عدالنا خلي حد من عيالج يودونج وهي قالت لي كل أربعاء بتي وما تقطعنا من الاتصالات..
أمها:شورك وهداية الله..
بعد هذا الحوار الكل راح يرقد..
.................................................. ................
في بيت أبو سعيد يوم الجمعة الساعة 12..
شما:والله ما ياني رقاد..
سارة :شو اسويبج؟
شما: صح اتصلت على بيت عمي وقالولي عفروة راحت دبي؟
سارة:هيه كلمت نورة وقالت تغير جو ..
شما:وليش ما قالت لي ولا ودعتني؟
سارة:ملت منج ومن مقابل ويهج..
شما:لا صدق؟
سارة :و أنا شو دراني؟... هيه لين الحين ما رديتي؟
شما:أرد وين؟
سارة:علي ياللي تستهبلين؟
شما:شو؟
سارة:حمدان؟
شما:ها شو دراج؟
سارة:أصلا الكل درى حتى الفريج الثاني يدرون واللي وراة واللي وراة..
شما:شو أخبار الساعة؟
سارة:المهم؟
شما:ما أعرف شو أقول بس خليني لي بعد العرس وذيج الساعة برد..
سارة:حرام تخلين الريال قاعد على نار..
شما:خليني أول أستانس في العرس وبعدين خير..
سارة:كيفج..
بعد التفكير الطويل رقدن البنات
.....................................
..الصبح..
سهيل:يالله شماني أخرتيني على الكلية..
شما:يالله الحين بايي..
أم سعيد:صبر ما تريقتي..
شما:ما عليه هناك بتريق..باي..
أم سعيد:الله يحفضج..
بعد ما ركبت شما عقت غشاتها لأن السيارة مخفي كان الحزن باين من عيونها..شافها سهيل..
سهيل:يعني أفدا شماني شبلاج؟
شما:فديتك ما بلاني شي..
سهيل:بس عيونج يقولن شي ثاني؟
شما:الصراحة..مزعلتني عفاري..
سهيل:أفا ما عاش لي يزعل الشمي خليني أرجع من الكلية بروح صوبها وبتي تراضيج..
شما:يا ليت..
سهيل:صدق..
شما:بس هي في دبي..
سهيل:دبي؟؟؟وشو رايحة تسوي؟
شما:على قولتهم تغير جو..
سهيل:بس؟
شما:هي..
سهيل:لكن ما ......
شما:برايك وصلنا بعدين بنكمل سوالفنا مع السلامة..
سهيل:الله يحفضج..
بعد ما نزلت شما حس سهيل بالضيق في قلبه ليش يا عفرا كل ما أقترب منج تبتعدين عني؟
..................................
في الكلية..
فر عليه رسالة صغيرة مقرفصة ..ينادية بصوت واطي بس ما رد عليه ..
عبدالله :سهيل أف أسمعني عاد..
سهيل:ها..
Mr. Jake:Abdullah sohill go out
عبدالله: Sorry I
Mr. Jake:I said go out
عبدالله:أف توني متكلم ما قلت شي ..سهيل يالله قم الحمد لله حد معاي على الأقل بسولف مع حد..
طلع عبدالله مع سهيل لأنهم مسوين إزعاج على قولت Mr. Jake
وحطهم غياب مع تنغيص درجات مع أن سهيل ماله ذنب..
عبدالله:شعندك يا أخي من الصبح وأناديك ما رديت علي؟
سهيل:ها شتبغى؟
عبدالله :تعرف أني ما أحب محاضرة E
سهيل:تبغاني أحببك فيها يعني؟
عبدالله:بسم الله شبلاك اليوم صاير جبريت؟
سهيل:الله يخليك والله متضايق..
عبدالله:وين كنت سرحان؟
سهيل:تعبان..
عبدالله:أنا شاك في شي لا تقول صدق اللي في بالي؟
سهيل:وشو اللي في بالي؟
عبدالله:لا والله؟يعني...يعني...
سهيل:قل ولا ألفك بكف على ويهك..
عبدالله:لا وصاير عصبي بعد هذا مش من عوايدك..
صكت سهيل قعد يتأمل عبدالله (تشبهك وايد آه فديتها ليش راحت دبي ابتعدت وايد عني فديتك يا عبدالله يمكن يشغلني شوي عنها لكن وين يشغلني وهو يشابهها وايد حتى أني ما أقدر أنساها(
عبدالله:هااااااي وين رحت؟
سهيل:أف والله أنك فاضي..
عبدالله:الظاهر أنك بديت تحب..ولا تقولي وحدة من الكلاس؟
سهيل:لا تطمن مش من الكلاس..
عبدالله:يعني أنك تحب؟
سهيل:شو؟لا من قالك ؟أنا ما أحب..
عبدالله:علي؟
سهيل:فسر على كيفك المهم نروح الكفتيريا..
..يا طيب القلب حكم قلبك الطيب..
..أخرت غيرك وبعدته وقربتك..
..ليه أنت باعد مع أنك دايم قريب؟..
..من وين ما أصد في عيوني تخيلك..
..ليه أنت ناسي وذكري عندكم غيب؟..
..تنسى وأنا أتذكرك وأنسى أني تذكرتك..
..صارحتك بما يكن القلب يا حبيب..
..الظاهر أخطيت في ظني وصارحتك..
..لو بعزي الصبر دونك قال ما ثيب ..
..المشكلة يا طويل العمر مشكلتك..
..الصبر شيب وشوق القلب ما شيب..
..لا زال يلعب بقلبي كل ما شفتك..
..كم أحسن الظن فيك وترجع تخيب..
..كدرت بالي وأنا ما يوم كدرتك..
..اليوم حتى شعوري منك متريب..
..هذا خفوقي يحذرني وحذرتك..
.................................................. ............
مر الأسبوع طويل عليهم اللي قضوه في الدراسة والشغل واللي يروح السوق عشان يخلص حاياته للعرس ..شما تولهت على عفرا خذت الرقم بس كل ما تتصل يقوللها في الجامعة ولا راقدة ولا تتسبح يعني كل يوم وبعذره.. أما سهيل واصل حدة قرر بعد العرس يكلم أبوة أنة يبغى يخطب عفرا والباجي عليهم..

الأربعاء..
الكل قايم من وقت و الترتيبات في البيت والمطبخ كل شي جاهز بس باقي المعازيم..اليوم عرس مخصص في القاعة للرياييل ويوم الخميس عرس للحريم..الكل مرتبش وفرحان والفرحة هال المرة فرحتين سعيد لفاطمة وأحمد لسارة..ولا تنسون أنهم عيال عم..
على الظهر كانن الحريم في بيت أبو سعيد والغدا جدامهن بس تعرفون الحريم ما يسكتهن شي حتى وهن على الغدا سوالف..
)ما شاء الله)والبيت يعم بالعيال والخدامات والحشرة..
..................
سارة:أف هال الإزعاج مسولي توتر..
فاطمة:تحملي..
الحناية:ماما مافي هرك إيد مال أنت
شما:سارونة شبلاج خلي الحناية تضبط الحنى ..
فاطمة:جنة أخوية بياكلج
شما:هي والله Tact easy..
سارة:ما عليه بنشوف يوم عرسج..
تذكرت حمدان وكلامة..للحين ما ردت علية أو أنها نست السالفة بالمرة..بسبب العرس وأنشغالها به قالت خلية لبعد العرس..
فاطمة:ها سكتي؟
شما:لا تذكرت شي..
سارة:شماني شغلي التلفزيون عشان أتسلى على بال الحناية ما تخلص..
شما:من عيوني..
.................................................. ............