17-03-11, 03:00 PM
| #11 | ||||||||||||||
| مراقبة ومشرفة سابقة ونجم روايتي  
|  ((لو علمنا الغيب لما اخترنا غير القدر)) يلا ياالغوالي البارت الحادي عشر ******* ***** *** ** * :وأنتي ليش ماتدخلين كلية التربيه الأساسيه00؟؟ بنات ومافيها اختلاط وسهله وكل التخصصات اللي تناسبج فيها :مابي التربيه أبي الجامعه هو بكيفكم تدخلوني اللي تبون00؟ :ياسلام هذي السوري بنت عمج بتسجل بالتربيه حاسوب أدخلي معها :ماأبي حاسوب أبي أدب انجليزي قاطع نقاشهما بغضب:خويلد جامعه مافيه اختلاط ,وخرابيط ماعندي خلود وقد امتلت عيناها بالدموع:ياسلام كفايه علي علويه تجي أنت تزودها علي خلك بصفي تكفى هادي عاد لهدوئه بعد أن رأى نذير الدموع في عينيها:وش صفه00 ؟ صاحيه انتي 000غير التربيه قلت مافيه,,مقتنعه ماأنتي بمقتنعه هذا شي راجع لج وبعدين حتى لو دخلتي الجامعه وتخصصتي أدب انجليزي على قولتج مصيرج بتردين مدرسه,,فأخذيها من قاصرها وتخصصي تربيه انجليزي خلود مقتربه من أخيها تحاول أن تحاصره من جميع الجهات,, وكأنها بحرب مستعره فهي ستقاوم وتحارب بأفكارها,, فهذا مستقبلها لكن هل من مجيب00؟ :أسمعني أنا نسبتي عاليه تدخلني حتى طب لوبغيت بس أنا أبي أشتغل مترجمه في خاطري هالشي,,, والتربيه ماأنفع الا مدرسه وأنا مااا أواطن التدريس فديتك محد بحاس فيني الا أنت هادي ينهي الجدال لأنه بدا بالأستسلام لهذه المقاتله الشرسه فهي تربيته تشبهه كثيرا" وتعرف كيف تصل لمبتغاها معه,, :أنتي اللي أقصري الحكي وسجلي مع بنت عمج بالتربيه والا أقعدي بالبيت عليا:حبيبتي التربيه أسهل وبكره اذا أعرستي وأنتي بالكليه يراعون ظروفج الدكاتره موب نفس الجامعه خلودبغضب وهي تلوح بيديها قبل لسانها أمام أختها:أسكتي عني يالفاشله هذا آخر اهتماماتج عرس وبزران وأدفني روحج بينهم أنا أبي أعيش حياتي أكون مستقبلي ماأبي أصير تبع لسي السيد ,,أبي يكون لي كياني علياباستهزاء:أتعب على الكيان أنا,, أمسي علي أنتي أقصاج سنه الا أنتي ذالفه من ذاالبيت وموتي بقهرج جامعه مافيه لتدب حرب مستعره بينهن فهاتان الصغيرتان لاتتفقان الا على موعد الصلاه وغيرذلك يدخل في جدال حاد مختلفتان تماما" ليوقف هذا النقاش الغبي منيره :عليا هاج حبيبتي البياله وأنتي خلوده الفنجال نبي دم عشان نحس بحماس خلود اللتي تشرب الماء بعد نوبة الصراخ :منور سكتيها هي مالها دخل الا برائدغير حلقه لاتنشب بأحد عليا:والله اللي يقول كلمة الحق صار ينشب بالحلق ويضايق منيره مقاطعه :خلاص عليا كيفها هي وهادي بصرهم أنتي لاتتدخلين بينهم عليا:ماقلت شي أعطي وجهة نظر منيره موجهه كلامها لأخيها الغارق بأفكاره :هادي؟ هادي ينظر اليها مستجيب لندائها منيره:هدوي بغيت تسجلني بديوان الخدمه هادي:وين تبين تتوظفين؟ منيره:ماأدري أنا ماعندي الاالثانويه العامه مع أني كنت شاطره بس الشكوى لله ماخليت أكمل هادي:خلاص كملي مع خلود منيره :لافديتك أكمل00 ؟,, ماعاد لي بال أبي وظيفه تغنيني وبس هادي:أفا عليج حاظرين للحلوين أبشري بأكلم لي واحد أعرفه وأسجلج باللي تبين عليا:أدخلي شؤون رفيقتي فيها وتمدحها ووسوم بنت عمتي تقول مريحه ورئيسة قسمهم حليوه منيره:خلاص شؤون شؤون تجلس قريبا منهم تستمع لأحاديثهم كلا" منهم يبحث عن مصيره ,,مستقبله,,حياته,, ليقطع حبل فكرها القصير هادي بصوت ضاحك:يمه مابقى الا أنتي ودج تتوظفين00؟ ******* ***** *** ** * بعد الحدود الفاصله بين الكويت والسعوديه بقليل يقود السياره بسرعه جنونيه مع صوت المسجل العالي ,,, وكأن السياره ستنفجر من صوت المسجل المرتفع يرقصان على هذه الأنغام الشارع مكتظ بالسيارات ,,, اما عائده من البلد الشقيق أو متوجهه اليه,,, وهما في غمرت اندماجهما بصوت الموسيقى والرقص يقترب منهما بسرعه تسابق سرعة الصوت ,,, عجله لاحدى السيارات واللتي بكل تأكيد لن تفلتهما بسلام ,,, يحاول تحريك المقود بقوه الى اليمين ليفاجأ بسياره قريبه جدا" جدا " منهما,,, ارتطام قوي,, صوت المزامير للسيارات ,, أناس تركض مسعفه,,وأخرى متفرجه,, ودخان يعج بالمكان,, ومازالت صوت الأغاني مرتفعه رغم سكون الجسدين الراقصين قبل بضع ثواني!!!!! ******* ***** *** ** * :ما ما يمك رش وجهها بما صحت على قطرات ممتاليه من الماء على وجهها نظرت الى عينيه ثم فقدت الوعي من جديد ليصرخ بأعلى صوته :غلاااااااااااااااا غلااااااااااااااااااااااا اااااااااااااااااا أتته تسابق الريح بقدماها الطويلتان وطولها الفارع نظرت الى من تسكن بسلام بين يديه لتعود كما أتت وهاهي تنزل مسرعه ترتدي غطاءها بالكامل محظره غطاء زوجة أخيها فهي وان صح التعبير --عن مية راجل-- تتحلى بالقوه عند الصعاب وتكون متماسكه جدا جدا الااااااااااا عند 0000000000رائد فهما رغم قوتهما الظاهره الى انهما هشان جدا عند بعضهما00000 وصلا الى المستشفى يحملها بخوف وضعها على السرير وأجريت لها التحاليل المطلوبه وهاهما يجلسان ينتظران نتائج التحليل :ماعليها شر ياخوي حسون معها فقر دم عشان كذا طاحت مشاري بهدوء:خابر غلا:الا رائد متى هو بيجي وحشني الدوووووب مشاري:اليوم على وصول عادا للهدوء والصمت ليصعقا بصوت فارس هنا000 بالمستشفى000 وغارق بالدماء000 نظرت اليه ,,وقفت ,,عيناها لم تفارق وجهه ,,ثم وقعت على الارض0000 طريحه!!! ******* ***** *** ** * طرقات ناعمه على الباب !! عرف صاحبة هذه الطرقات ,,فهي بئر أسراره الدفين000 :تعالي عبير عبير القادمه وفي عينها تساؤل لم يخفى عليه :كنت بالامارات مع خويي وجيت عبير:بروك بس أول مره تخش علي ؟ ترا أنا مالي ذنب بالموضوع والله سارا ب000 مبارك بغضب:لاتجيبين أسمها مره ثانيه والا واللي رفع ووطى سبع أن لساني لم يتم كلمته لأنها خرجت وضربت بالباب بقوه لماذا يحملني فوق طاقتي؟ كيف يمنعني من محادثته وهو لساني الذي أنطق به؟ هل يريد اخراسي؟ كيف لاأبرر موقفها وهي من ظلم بكل هذا الموضوع؟ مبارك بضيق شديد بعدما أغلقت الباب بهذه الصوره :أكيد تضايقت ,, بصرها بترضى من كيفها خلها تعرف أني ماأبي أسمع حتى اسمها عشان ماأكره أخوي ولد أمي وأبوي الله يجازيك بمثل فعلتك الوصخه ياجويبر كانك حرمتني النوم والراحه من يوم خطبتها0000000 ******* ***** *** ** * أفكار تأخذه الى بحر هادئ ,, وأفكار تاتيه كموج قوي يضرب بعقله الباطن ليعاود الماضي الحظور بقوه مع ذكراها العذبه :أبي 12 بزر درزن نص منهم بنات ونصهم عيال :الله وأكبر وأنا أكد عليهم وعليج ؟ :حبيبي الدنيا تعاون أنا أحمل وأتعب وأنت كد وأصرف علينا ,,عاد أنا دوام أنسى متى بلحق أداوم واجيب ذاالبزران فبقعد بالبيت أبرك وأنت أصرف علينا :والأسامي من وين بأعين لهم أسامي00؟؟ :مالي شغل أنت سم على كيف كيفك مالي خلق أحد يقول لي هذا حلو أسمه وهذا شين بريح راسي لو بتسمي على كومار سايق أهلي راضيه ختمت جملتها بضحكه رقيقه تشبهها لاتجد عند غيرها مثيل,, يراودها حلم الانجاب لكن لم يقدر الله لنا ان نرتبط لو بطفل صغير,, يحمل جيناتنا معا",, قدر لي ولها أن تنمحى ذكرانا من الوجود الا بذااكرتي العصيه اللتي أبت ان تمحو صورتها عن مخيلتي حتى سماتها صوتها تقاطيع وجهها أحس بروحها تحوم حولي,,ّ!هل جننت؟؟ بكل تأكيد هذا جنون الحب 00000آه ياقلبي الشقي متى بفرح؟؟؟ ياونتي منه الى ماله نهايه00000من جروح في ضميري مستكنه بس ياعيني من الدمعه كفايه00000المفارق واقعا لابد منه ماحسبت حساب روحي في البدايه00000عادني طربا وروحي مرجهنه مبطيا والحزن واليني ولايه00000صادرا حكمه علي من غير سنه كيف يعدم واحدا ماله جنايه؟00000ياهل المعروف شيلوا الظلم عنه ******* ***** *** ** * :دلييييييييييييل ووجع00؟ دلال:يالبيييييه لبى قلبج يايمه ليش دايم معصبه أم تركي وكأنها من تعرض لمس كهربائي مفاجئ أخذت وقتا" وهي تنظر لدلال نظرات تعجب لم تخفى الأخرى ودلال مبتسمه بخبث وتكاد تنفجر كبالون مليئ بالماء من الضحك فمنظر عمتها المستغرب والمتفاجئ مضحك دلال ببراءه مصطنعه:يمه فيج شي فديتج00؟؟ أم تركي وكأنها صحت من غيبوبة الصاعق الكهربائي :دليل أنتي صاحيه والا استخفيتي يوم أنتس تناديني يمه؟؟ دلال تجلس جوار عمتها مقبلتا رأسها :فديت عمتي الغاليه أنتي حسبة أمي وش قوم ماأدعيج يايمه؟؟ أم تركي وقد دب الشك في عروقها:دليل الله يستر منتس أنتي ماتزين أخلاقتس الا اسمع لي عقبها خبر يغثني دلال بخبث:أفاااااا ياأمي الغاليه أنا أجل وجهي بومه عليكم أو قبسه على ماقالوا أجل باسحب كلمتي ياعمه أرتحتي00؟ أم تركي تهز رأسها وتعود لسكب فنجان قهوه لنفسها متناسيه سبب دعوتها لدلال فمارأته من ابنت أخيها قد ينسيها اسمها دلال :يمه أنا بودي عويلي لبيت أهلي وبروح للسوق تامرين بشي ام تركي لم تجبها بل لم تنظر اليها أيضا" اكتفت بهز رأسها خرجت دلال شبه راكضه الى سيارة تركي ومعها أبناءها وخادمتها فمابدل روحها اليوم وجعل مزاجها رائق جدا" هو سفرها برفقة زوجها الى لبنان وهذا ماحرصا على اخفائه عن أهلهما حتى يسافرا بسلام,,لكن الانسان لايعلم ماقد يكتبه الله له وعسى ان تحبوا شيئا وهو ضرا لكم00000!!! ******* ***** *** ** * فتحت عيناها على صوت غالي جدا" على قلبها بل ورائحته اللتي تميزه عن غيره :فدييييييت أنا الطيب وراعيه أنت طيب أنا فداك بخير00؟؟ لتغرق بنوبة بكاء قويه احتظنها بسلام وهو صامت فمارآه اليوم أمامه أبدل قوته الظاهره الى ضعف شدييييييييد جدا أعز صديقين له أحدهما توفي والآخر في العنايه المركزه بين عالمي الحياه والموت :رد علي تكفى وش لونك طيب؟؟ وليش فارس غرقان بالدم فيه شي؟؟ رد تكفى لاتسكت :غلاوي فديتج أنا طيب وفارس بعدبخير الحمدلله بس أخويانا اليوم اللي راجعين معنا من السعوديه صار لهم حادث شين أسعفناهم عشان كذا ثيابنا فيها دمان غلا تجلس وهي مازالت بين يديه تمسح دموعهابيديها الاثنتان:انزين وش صار عليهم اربهم سالمين00؟؟ رائد بضيق خنقه وكأن العبره تخنقه تريد أن تتحرر وهو السجان يرفض اظهارها أمام أخته:لا طيبين بالعنايه لم يرد أن يذكر موت صديقه يتمنى ان ينسى مارآه غلا وقد اشتمت رائحة الحزن من أعماق روحه أرادة تغيير مجرى الحوار:أخبار حسون وينها جبتها اسعفها مع أخوي وطحت عليكم بسبة ولد عمك الطويل الأهبل ههههههههههه بادلها الضحكه بضحكه أعمق واصدق فاليوم أتاه خبران متضادان تماما" احدهما محزن جدا والآخر مفرح دخل عليهما مشاري فجأه بصوت عالي وبمرحه المعتاد:زغروطه ياحلوه البت حسون طلعت حامل غلا نزلت من السرير مسرعه وبفرحه عارمه فهذا الخبر تنتظره عائلتهما بشده فبالرغم من خبر حمل زوجة محمد الا ان مشاري له مكانه خاصه لديهم جميعا :مبروووووووووووووووووك الف الف مبروووووووووووك مقبلتا خداه بقوه مشاري يمسح خداه :وع وع حسنا من العازه تحبيني كذا بعدين أنا قلت زغروووووووطه ماتفهمين لولشي يعني يببي فرحيني غلا تنظر اليه بنصف عين تمثل الزعل:مابي أنت ماتستاهل اللي يبوسك بعدين أستح على وجهك ألولش بالمستشفى00؟؟ رائد ممازحا": أنتي لو شايفته يوم درى خطير لا يلولش هو مشاري يسحب غلا من يديها بقوه:أمشي ياالخريش روعتينا عليج أمشي بنروح حسون تستنانا بالسياره غلا تقف وهي تحرر يديها من قبضة مشاري لتلتفت الى مكان رائد بتساؤل:رائد ماأنت بمخاوينا؟ هز رأسه نفيا" فمابه حيله حتى على الكلام يحس بأن الكلام يجهده نظرت اليه بتامل تدرس ملامح وجهه ((أقص ايدي اذا ماكان فيه بينهم أحد ميت)) ******* ***** *** ** * :والله أحلفي ان كانج صادقه :قسم بالله ماأكذب وأني صادقه :يالبى دلبها يانااااااه حويمل الله يعديها شره يارب,,بعدين ادري أنها حامل : انزين ليه تحلفيني 00؟ بعدين يااختي أحس ان أنتي عجووووووز قاضيه بعد بتموتين لو قلتي حامل لازم التصغير حويييييمل منيره تنظر الى الباب مكان دخول أخيها هادي اليها من الخارج منهيتا" حوارها مع هيفا:هيوف هدوي جا أكلمج بعدين جلس بقربها بصمت منيره باهتمام:هدوي علامك شكلك تعبان؟ هادي بحزن:مات خوي رائد عبدالمحسن بحادث ورائد متضايق يقول المشكله أنه قبل يموت روحه تنازع وهو يردد أغنيه كان يسمعها حاولوا فيه يتشهد ماطاعهم منيره تضع يدها على صدرها بصدمه وأسى على حال هذا الشاب:يالله الله يجيرنا من سوء الخاتمه ياااااارب يالله بحسن الخاتمه هادي يقف ومازال الحزن يعتريه:آميييييين يالله أنا رايح أشوف رائد يقول مشاري أنه تعبان ومتضايق حده اي على طاري مشاري على البركه حمال حسون منيره تقف مقتربه منه:الله يبارك فيك عقبال مانفرح لك ,,أقول هدوي بخاويك لحسون أمي عندها وانا مليت من البيت هادي يلتفت لمكان سرير معالي الخالي:وين علوي ماأشوفها؟ منيره :راحت مع رجلها يجهزون غرفة البزر وبيجون بعد شوي هادي:بيجون أجل أقعدي لين تجي أمي تقعد عندها منيره بامتعاض:وليه هي بزر بعدين خلوده عندها وأنا أنطقت كبدي من البيت هادي:أقعدي لاجبت أمي خذيتج لها ماأبي علوي تجي ماتعين أحد منكم أنتي والا أمي وخلود بزر مامنها نفعه لاتتعب والا تجيها ولده فجأه من بينفعها وانتوا كلكم عند حسنا منيره تنصاع لأوامره فهي اعتادت أن تلبي رغبات الغير دون اعتراض:أبشر بأنثبر وأمري لله ******* ***** *** ** * :السوري ياأمتس ناوليني تلفون البيت بدق على أم هادي سارا وهي تحظر الهاتف معها:ليش يمه عسى ماشر توج مكلمتها00؟؟ ام ناصر:حبتس للنشده ناوليني التلفون وروحي رتبي غرفة أبوتس سارا تتسحب لتجلس خلف والدتها وهي تبتسم فبالرغم من هدوئها الا أنها فضوليه ولا يخفاها شي مشعل القادم من الأعلى وهو يستمع للجدال السابق بين أمه وأخته تقدم ناحيتها ليفاجئها بحملها من تحت ابطيهابخفه لتشهق مرتاعه من حركته المباغته:روعتني الله يهديك فعادت لها الرجفه من جديد فما ان ترى أخاها حتى ترجف يداها دون قصد نظر اليها بحزن ملأت روحه وذهب ليجلس أمام والدته يصب له فنجان قهوه وهو يفكر بحال أخته هل آخذها لطبيب نفسي أم أتركها على الرقيه الشرعيه,,لكنني أعلم ان علاجها نفسي وبيدي انا!! !! قطع حبل أفكاره صوت والدته تبارك بسعاده للمتحدث من الطرف الآخر على الهاتف:ياجعله مباكا" حمالها الله يتمه عليها ويهون ذاالحمال يارب المهم تداري على روحها واشوى ذاالحين عطله ترتاح في بيتها ولا قد جات المدارسالا ورعها متعلق في رحمها ولاعاد به خوف أخذت الأفكار تروح وتجيئ لايعلم لم يدق قلبه بسرعه00؟ ولا يدري لما يشعر أنها هي المقصوده00؟ اليوم بالذات عاد لي صوتها المتحمس للاطفال00؟ عادت لي تقاسيم وجهها البريئه وهي تخبرني بحلمها أن تنجب لي00؟ أن ترتبط معي بطفل تحمله في أحشائها ويحمل هو أسمي000000!!! هل هي المقصوده أم من؟ لينتبه الى صوت والدته:الا حسنا عندتس أبارك لها حمالها سؤال بالكاد راوده وهاهو يستمع الى اجابته !! كم تمنى لو ركن قليلا حاسة السمع ! أوأعارها لسارا وفضولها ولا أن يسمع هذا الخبر اللذي بتر حلمه الوحيد باحتمال عودتها له,, الآن ارتبطت معه بطفل من سابع المستحيلات أن تعود الي وكان الحياه الزوجيه ترتبط بالابناء ولا يربطها الحب والعشره؟! فالطلاق وارد ولو كان هنالك العديد من الابناء باختلاف جنسهم لو لم يربطهم حب او تفاهم00000000000000 ******* ***** *** ** * يوصلهما الى مطار الكويت الدولي مودعا" بابتسامه معهوده منه:شوفوا ان عينتوا لي هناك شقرا مزيووووونه ماتعرف من اللبس اللي يبه سامحني جيبوها أبيها تبادله الدعابه بضحكه:نويصر أسكت لاتسمعك هدى والله أن تطين عيشتك الا وش يبه سامحني 00؟؟ ناصر يمثل الخائف :يمه لاتشوفني ذاالنسره والله أن تقطعني وترمي لحمي للكلاب ياحوبي يبه سامحني --->هذي اللي تظهر بطنها أول تستاذن من أبوها بأدب واذا وافق تظهره شفتي العالمالذوق المتربيه دلال بسعاده بدت جليه على عينيها الواضحه خلف النقاب:يييييه دخيلك أنا تؤبشني ابشر اذا لقيت لك وحده كشتها صفرا ومظهره كرشها والبنطلون ضيق من جنوبها وشوي ويطيح جبتها لك عروس ناصر :أفيييييييييه لاخليج لانبي مره ولاهم يحزنون ان بغيت ياحلوه رحت أنا بنفسي أتنقى يلا استودعتكم ربي دقوا علي لاوصلتوا أسوي اعلانات أنكم سافرتوا وأوصي مبيريك يجيب الاسعاف لأمه يلحقون عليها لاتموت دلال:خخخخخخخخخخخ أسكت لايسمعك تركي والله أنك صادق على الله تخلص علينا ذاالطياره أبطوا أعوذ بالله أتاها تركي فأمسكها من يدها لتقف أمامه:وش فيك تركي تركي:مافيني شي كل أغراضج زاهبه ياقلبي دلال بسعاده عارمه:وش أغراضه ودينا شناطنا وشنطتي اللي بايدي هذا هي وهي تشير براسها على حقيبتها تركي:أجل توكلنا على الله وعلى فكره بلغت مبارك وبيقول لأمي الحين ولاتخافين مسكر جهازي يعني مالها طريق علينا ختمها وهو يغمز عيناه بطريقه مضحكه وذهبا لتلبية نداء الطائره المتوجهه لمطار بيروت | ||||||||||||||
|  |
|
17-03-11, 03:05 PM
| #12 | ||||||||||||||
| مراقبة ومشرفة سابقة ونجم روايتي
| ركزوا معاي لان هالبارت فيه صفعاااااات قويه تمعنوا بالقرايه-احبكم- البارت الثاني عشر ******* ***** *** ** * يغني بطرب عائدا" من الجامعه الى شقته والى محبوبته الساكنه داخلها مهوووووووي مهااااااااااااوييييييييي مهوووووووووووووووويهههههه هه مها :يالبيييييه بذاالصوت وراعيه محمد :تلبين في مكه يارب جويييييييييييع سمعتي هالمصطلح والا اشرحه مها ممازحه:اي زين قصدك كليت برا اشوا ماطبخت محمد اللذي كان يخلع حذاؤه ويقف ليغسل يديه: افاااااااااا ياذاالعلم وانا اقول مرتي الجيده مسويه لي حمام بالفريك والا محشي كوسا مها تحظر له المنشفه :والله انا مااعرف الا عيش ابيض ومعكرونه بيضا غيرها مااعرف اطبخ واليوم قلت اريحك من طبخي وناكل برا محمد اللي يجفف وجهه بالمنشفه:تبينا نطلع ابشري البسي وانا بصلي العصر ونطلع مها تتعلق برقبته بعد خروجه من الحمام :حبيبي وانا اقدر اطلعك بعد رجعتك تعبان؟ سويت لك احلى محاشي كوسا وباذنجان ومعهم برياني دجاج وش تبي بعد؟ محمد يضع المنشفه على اول رف على يمينه ليحملها بخفه ويجلسها على حجره كعادته مقبلا انفها بهدوء:حبيبتي وش انا لولا كم انتي ووليدي لا ومشيعل يقول لاتاخذها معك مصر اخاف على اختي مها تنهض من حضنه لتعاود هي تقبيله :خل مشعل ماعليك منه وانا بجيب لك انا وولدك السفره وانت الله لايهينك اجدل المواعين عجزانه لااشلها تحركت خطوتان ثم عادت له مسرعه رفع نظره لها بتساؤل:مابشرتك ؟ محمد :بوش ياروحي؟ مها تعود للجلوس على حجره :لاااااا هذي يبيلها بشاره اول بوسني واعلمك محمد يقبلها بسرعه:ها قولي لاتحرقين اعصابي مها تبتسم وتشير الى بطنها محمد ينظر الى مكان يدها:وش السالفه ولد ودرينا انه ذكر مهوب انثى وش بعد لتشير اليه باصبعيها الاثنين محمد اثنين:لاتقوليييييييييين تووووووووووووم ******* ***** *** ** * :مبرووووووك يااحلى واغلى ام بتصير بهالوجود :الله يبارك فيك ويخليك لي ولهالبيبي ان شالله :وش ودج كم تجيبين :ابييييييييييي اممممممممممممممممم امممممممممممممممممم ودي باربعه بنتين وولدين :نعمه الحمدلله المهم انهم سالمين وبخير الله يعقل الاول على خير :ان شالله وش ودك نسميهم حبيبي مشاري ينظر لها بحب:انا مانيب بمسمي احد الاسامي عليج كفايه ان انتي اللي بتتعبين بالحمال والولاده حسنا بصدمه فلم تتوقع ان تكون ردة فعل زوجها هكذا فماتسمعه من اخواتها وزميلاتها في العمل عكس ماترى ((يارب والله مااجزيه هالرجال على قد مايعطيني يالبى عينه اللي عمره ماردني بشي لوتافه)) :حبيبي وش فيج ردي موب عاجبج ان انتي اللي تسمين باختار معاج لم تكن ردة فعلها سوى ان قامت واحتظنته بعشق لامتناهى وهو استقبلها بين احظانها يبادلها العشق بعشق اسكره ******* ***** *** ** * :عمره مقبوله ياحلو :منا ومنش صالح الاعمال,, يوووووه ياريمة قلبي ليتش خاويتينا فضا ووسع صحيح شوي حر بس والله ماتتطوف :همتك ياشاطر لاولدت ودني 00 بتال وهو يرتدي لباسه بعد الحمام السريع الذي اخذه:هاهاهاو محد قالش تتوحمين فيني خليتيني اطق من الديره بكبرها وامي المستفيده ريمه بمغايضه:اهاااااااا اجل انت ماكنت ناوي العمره00؟؟ ,, يوووووه الله يعن تعنيت وتعبت واخرتها يمكن ماتقبل عمرتك ياحرام بتال يجلس بجانبها على السرير:ريم فاولي بخير بعدين وش مانويتها ذي 00؟؟انا مارحت الا وانا ناوي العمره ومن قلبي ريمه وهي تفتح حقيبته لتعيد ملابسه النظيفه للخزنه:انا قلت اللي عندي وانت بكيفك ,الا تعال مادريت ان يوسف سكن فوق ابوك راشد؟؟ :والله صحيح00؟؟ ,, زين انه قرب مني اربني المح وحده من ذاالحظريات مسيرات على مرته واخذها :حلالك سو اللي تبي المهم لاتنسى لاجيت تاخذها انا توديني بيت اهلي ماعاد فيه ريمة قلبك يقترب ليرمي الملابس من يديها على الارض ويمسك كلتا يداها بتملك:افااا واهون عليش ياغاليه ريمه تعود لرفع الثياب ووضعها بالخزانه:والله من عافني مانيب بشرايه بصرك يعود للجلوس وبجديه:ريمه تهقين اني ممكن اسوي كذا00؟؟ ريمه تقف مقابله:والله اذا مترك اللي ينضرب فيه المثل باع مرته واعرس وعليها كل شي جايز بذاالزمن :بس مترك اللي فيه عيون يعني رجال يحب مرته وفجاه عافها واعرس عليها اكيد عين ريمه بضيق:لاتتعذر عليه تراه ولد عمي وانا اخبر الناس فيه بس هو من صغره اناني يحب التملك ويموت لين ياخذ الشي ولاصار ملكه عافه وباعه برخيص :لوتشوفين حالته ياريم من خذاها تدرين ان جاتهم عين وقويه بعد,,مترك تغير حتى ماعاده بطايق من احد كلمه اجل هادي اقرب الناس له يتحاشون بعض ذاالحين لابو ذاالعرس اللي يفرق الاخوان كذا :علم عمرك لاتتعذر على واحد حتى خويه باعه وباع عويله عشان مره الله العالم وش هي قايله :لا لا ياريم لاتظلمين بنت الناس ترا ابوه وامه يقولون شكلها حليوه وهاديه اسمع امي تقول كذا انا مااحط اللوم على احد كلا له عقل ويعرف يدبر اموره,انا موب كاسر خاطري الا ذاالبزران وعشرة العمر اللي راحت بكلمه ريمه تضع الحقيبه اسفل السرير بعدما افرغتها وتعود للجلوس بجانبه:بتال صدقني انا اعرف مترك اناااني وماعليه الا من نفسه شوف لو بمنور عذروب انا بقولك بعذره بس هي بالذات اشرح انسانه خاطر شفتها بحياتي وحياويه عيبها جريئه مع الكل الا مع رجلها وهذا بايده هو اللي يجريها والا يابتال وش رايك ؟؟ يني اول ماخذيتني تتوقع مني اسولف معك بجراءه؟؟ :ريم انا مااعرف اللي بينهم بس صدقيني مترك له عذره لاتحطين كل اللوم عليه على العموم الله لايجيب بينا الزعل ياريم مااتصور حياتي من غيرش ولا من غير حس بنياتي ******* ***** *** ** * :ابي افهم انتي ليش ماتروحين لدكتور نفسي احسن لج00؟؟ :وش شايفني مجنونه والا هبله اروح لدكتور00؟؟ ,, اللي يروح هو انت اللي اربع وعشرين ساعه على هالجهازطايح الله العالم بالشات او بالمواقع الاباحيه او ماادري بوش اوقعها على الارض بصفعة على خدها الايمن قويه تشفي غليله,,, غليل كل تلك السنين الماضيه من القهر والضيق ,,, وكبت الوجع حتى اتى يوم ينفجر به لتظهر الاوجاع المكبوته بآه منها جراء صفعته القويه,, رفعت راسها ونظرت الى عينيه الواسعتين تراه اليوم شخص آخر غير ذلك الحليم الوديع اللذي يتحمل لسانها السليط دون ادنى مقاومه منه بل وكأنه يدفعها للمزيد,,!! نهضت ولم تستطع الكلام أو حتى البكاء وجلست على السرير واضعتا" يدها اليسار على خدها الأيمن يراها هادئه لم تقاوم أو تعترض رآها امرأه منكسره لم يعهدها من قبل ,,, لماذا سمحت لها بالتطاول على رجولتي00؟؟ كيف ارضى بالذل والهوان من قبلها وكأنني مسير لا مخير00؟؟ أنا الرجل أنا من يجب أن تكون بيدي زمام الامور00؟؟ لما تركتها على هواها حتى اشتد عودها لتنقلب علي 00؟؟ لن أسمح لها بان تتهمني بتهم باطله فهي تعلم بدراستي وتعلم انني لااقابل هذا الاختراع طربا00؟!؟ يجب ان تدفع ثمن اغلاطها اليوم فقد طفح الكيل: :هدى لمي اغراضج بوديج لبيت اهلج المره اللي تقل ادبهاعلى رجلها وتطول لسانها عليه مالها مقعاد عندي,, وانتي بتدخلين موسوعة غينيس بطوالة اللسان كيف 00؟ كيف نعالج الخطأ بالخطأ00؟؟ كيف نسكت عن جرحنا وحزننا ونراكمه طوال هذا السنين وفجأه ننتقم لهذا الجرح القديم بجرح مكانه بل واعمق00؟ :ناصر انا اذا طلعت من بيتك مالي رده له ناصر يرتدي ثوبه وينظر لها من مراه التسريحه:في اللعنه الدرب اللي تودي ولا تجيب تجهزي نص ساعه انتي وعايد اما البنات بينطقون اهنا بسرررررررعه خرج وتركها لاحيه ولاميته كيف اترك بناتي 00؟؟ ,نعم تعودت على السفر من دونهن لكن برغبتي وانا على يقين انني ساعود واضمهن الى صدري حتى يغفون عليه لكن الان ؟؟؟ ******* ***** *** ** * بعدما اخبرتهم والدتهم بضروره التدخل ووضع حد لمشكلة ابنتها الصغرى ذهبوا الثلاثه لغرفتها فتح الباب مشعل بقوه ليجدها ترتجف وتبكي نظرت اليه بوهن وزادت رجفتها كثيرا حتى امسكها ناصر وبدى بتدليك يديها ثم نظر الى مشعل وبغضب:انت ماتعرف تفتح الباب بشويش؟؟ ,, بعدين قلت لك انا بدخل بلحالي لازم تتبعوني انت وفهد مشعل لم يعر اخيه الاكبر اي اهتمام وتقدم ليجلس بجانبها من الناحيه الاخرى على سريرها:السوري نروح الطبيب؟؟ سارا بهدوء اكثر :لامشعل خلاص روح ماعليك مني انا بيقعد عندي ناصر :ليش سارا00؟؟وانا مااملا العين والا وجودي صار يضايق؟؟ :لا فديتك بس ابي ناصر شوي خرجا مشعل وفهد والاخر لم يتكلم ابدا ظل يراقب بصمت,, كان من يراهم اناس غريبه عليه’’’ لاول مره يتعرف عليهم,, رغم وجوده معهم الا انه بعيد كل البعد عنهم’’’ حتى رجفة اخته لم يكتشفها الا اليوم,, حاظر وموجود لكنك غائب عن من حولك باختيارك’’’ ليركنوك بزوايا البيت المظلمه لاتبصر معهم همومهم ومشاكلهم,, التفتت سارا على اخيها وبصوت باكي:انت طلقت هدى؟؟ ناصر بهدوء:ماطلقت بس غلطت علي وخليتها تفارق لبيت اهلها ياتتسنع يابالطقاق سارا بصوت متقطع من البكي:والنوري وش ذنبها جاتني منهاره تقول ابوي طرد امي من صجك ناصر؟؟ لو مشعل عذرته وقلت هو عصبي ولسانه مرات يخونه ,, وفهد اصلا ماعليه مشروه اول وتالي بس انت؟؟ لتضع وجهها بين يديها وتعود للانتحاب بصوت عالي وبشهقات مرتفعه ناصر يضع راسها على صدره:بس ياسارا اللي يشوفج يقول قلبج انتي وهدى على بعض وتحبون بعض؟؟ سارا:لو المدى هدى ماتهمني انا اللي قاطع قلبي النوري بتموت منصدمه من اللي صار ناصر يرفع راسه للاعلى ويصمت تركها تبكي ليواسي حزنها عل حزنه ينساه قليلا ويلتهي بها هدى000 امرأه لاتقدر دوري ابدا" أقليل بأن تستحقر المراه زوجها؟؟ بل هو الطامة الكبرى استحمل كل شيئ منها,, حتى تقصيرها باهم حقوقي عليها,, وتقصيرها ببيتها وبامومتها,, لــــكــنـ00 00 تقصر باحترامي00؟؟؟ تنسفني باسلوبها الغبي الى ارذل مكان000 ولاتريدون مني التحرك وصفع عنجهيتها بكل قوتي00؟؟ هذااا00 00 مالاارضاه ولن ارضاه لووو على حساب اقرب واغلى الناس,, فلتذهب الى مالانهايه لايهم وضع حل لحياتنا,, فالمشكله لابدايه لها من الاساس,, ******* ***** *** ** * تقف بذهول,, هل ماتسمعه من زوجها صحيح00؟؟ ام انه يطعم حديثه باكاذيبه المعتاده اللتي تتقبلها منه بصدر رحب,,, لكن لما استشعر الصدق ينضح من عيناه00؟؟ ولما استشعر بان خلايا عقلي تشابكت00؟؟ فماعلي برمجته بعقلي اصبح مشوش,, وغير مفهوم,و هل يقصد مترك00؟؟ اختي00؟؟ ام يتكلم عن اغراب لااعرفهم00؟؟ اعلي بان اتكلم ام اصمت000؟؟؟ الي حق بالصراخ ام السكوت000؟؟؟ :هو اللي قالك00؟؟ مشاري الجالس على كرسي مكتبه الخاص بشقته يتقدم بنصفه العلوي ويمسك احد اقلامه الفخمه ليكتب بالورقه وبالحرف مترك ياكل حبوب نفسيه00 ليش لاتساليني00 واختج تدري00 تعرفين شلون تدري00 يعني يالها ايد اوهي السبب بالموضوع00 وقفت بغضب لتمسك الورقه وتشقها نصفين بل لم تترك بها مكان لم تفسده :بـــــــــــــــــــــــ� �ــــس وربي واللي خلقني يامشاري اللي يجيب طاري منيره بسو وقسم بالله وقف بغضب اكبر وتقدم ناحيتها وامسك يديها بقسوه :قسم وش ياحسنااااااااااا؟ قــــــســــــــم وششششش؟؟ وهو يعصر يداها بمااوتي من قوه,,هل تهددني00؟؟ اوصلت بها ان تهددني انا00؟؟ هل حبي لها وغياب عقلي بحظورها اوصلها لدرجة الامان من ناحيتي 00؟؟ امان بان تجرح وتقسو علي وتعرض كرامتي ورجولتي للهباء 00 00 وانا00؟ من اكون بالنسبه لها00؟؟ مجرد عاشق 00؟؟ يرضى بالقليل منها ولو شحت بهذا القليل00؟؟ لكنها ليست بخيله فقط من ناحيتي00؟؟ بل تقف وبكل وقاحه وجراه غير ابهه لمن يفترض عليها احترامه,, وتلوح بيديها وتقسم وتهدد,, اكلمة الحق تجرح هكذا00؟؟ اوليس مترك ابن عمي ويستحق بان اغضب من اجله00؟؟ اتتني بتلك الليله المشؤومه تشكوه,, ولم تترك لي مجال للدفاع عنه من اجل اختها’’’ والان الا يحق لي بان اشكو انا اختها00؟؟ ونستبدل الادوار ’’’ لم اهددها آن ذاك بل ضممتها الى صدري وتركتها تشتمه بقسوه,, والان عندما اردت فقط اخبارها الحقيقه وبأدله صرخت وعادت تشتم بل وتهدد’’’ حسنا بالم وعيونها تنهل بامطار غزيره لاتتوقف :آه-اوجعتني مشاري يرخي يده ويترك يديها بقسوه التفت وهو على باب المكتب مستعد للخروج :لاعاد اسمع نبرة تهديد وربي اللي خلقني ان تشوفين مشاري ثاني غير ذاك الخبل اللي يدور رضاج ولاهوب محصل ثم سمعت صوت باب الشقه يحدث دويا" مع خروجه’’’ اما هي فجلست على اقرب كرسي ممسكه يدة الكرسي بيديها تعتصرها,, بغضب00الم00ضيق00قهر :مهوب على كيفه الا منور والله مايحط اللوم عليها ويركبها الغلط الكلبببببببب معليه دواه عند هادي ******* ***** *** ** * :تعبااااااااااااان ومهمووووووووم يامنى لاتزيدينها علي :يابعد جبدي انتى آنا بروح لسعادو شوي بيون رفيجاتها ولازم اكون يمبها :واذا قلت اقعدي علشاني00؟؟ :ماعوزك,,آنا وعدت البنيه وطلبت الحلو والمعجنات والحين بتيي تمرني بسيارتها مو انتى الله يهداك مانعني من السواقه :منى ليش مافيه حاظر ابشر على امرك دايم فيه معارضه00؟؟ اقتربت منه مكان جلوسه على السرير ومسكت وجهه بيديها وقبلت عيناه برقه :حبيبي أنتى آنا لو موعارفه معزتي بقلبك جان ماوثقت من رضاك بطلعتي ذكيه هذه المرأه تستطيع وبسهوله التملص من المواقف المحرجه وبسهوله ام انني جبان امامها اولست ذلك القوي ذو القرارات الحاسمه00؟؟ ام هذه القاعده لم ولن تتطبقها سوى على تلك الشفافه00؟؟ شفافه ونقيه وطاهره,,ولاجدال في ذلك كم غممت على شفافيتك بمساوئي وشوهت نقاؤك بقسوتي ووليت طهركي ظهري بشهوتي انا رجل لو اجتمعت بي مساوئ الرجال امامي لما غطت فيضان مساوئي لكن هل ينفع الندم00؟؟ هل ينفع00؟؟ لما لا00؟؟ فهي مازالت حبيسة قفصي,, لم احررها بعد,, بل ولن احررها,, هل يفرط السارق بجوهره ثمينه لو اجهره سطوعها ولمعانها ساتركها بذلك القفص الذي تركته خالي من روحها لكنه مشع بذكرياتها وآه ياذكرياتها آه000000000000 :مترك أنا 00أنا000000 بتأفف وبضجر وهو يلقي ثوبه على الأرض عادته :أنتي ويش أخلصي علي 000؟؟---تعبااان وراسي مصدع وأبي أنخمد منيره تنكس نظراتها وراياتها للأسفل فهي خجله وقد تكون هذه الكلمه قليله على مشاعر الخجل اللتي تعتريها أيوجد بالقاموس للخجل والحياء كلمه أعمق00؟؟ :أنا حـــ00اامل مترك بفرحه عارمه يتخيل لو هيأ له سماع هذه الكلمه((حامل)) لكن ماأن وجه نظره الى القابعه أمامه واللتي مازالت على وضعها مع اشتعال وجنتيها باحمرار كساها وزادها رونق ,,تأكد من سلامة حاسة السمع لديه,,بل وتاكد من ظنونه كيف لا وهي لم تشتكي من آلام الدوره الشهريه المصاحبه لها منذ عدة شهور؟؟؟ عدة شهور000؟؟ اكانت تدس هذا الخبر المفرح عني00؟؟ فقال بحذر ودون أن يظهر ربع بل جزء من الربع من مايختلج مشاعره من فرح :من متى دريتي00؟؟ منيره رفعت عينيها لترى ملامح وجهه اتشبه نبرته00؟؟ أمشككه بي كما يشكك بي هذا الاحمق00؟؟ :من يومين دريت ثم اردفت وبحذر شدييييييييد:ليش00؟؟ ليجيبها بتساؤل آخر زادها حيره وغضب :من متى ماجاتج الدوره00؟؟ احتقن وجهها باحمرار غاضب معلن ثوره عنيفه بداخلها لاااااايمكن ان تظهرها له هو بالذات :مترك أنا توني أعرف الخبر وسويت فحص بالبيت للحين مارحت المستشفى والدوره تطمن مافقدتها الا من شهر لاتنسى انك قبل فتره وديتني لأهلي يوم كنت متضايق من شوفتي انتهت جملتها بخروجها من المكان خااااااالي منها ومليئ بها أيعقل00؟؟ ******* ***** *** ** * :وش هووووووووووووو؟ :يمه تو مبارك مبلغني يقول وصلوا لبنان ام تركي تنهض لتحظر هاتفها الجوال فهي لاتحفظ رقم نقال مبارك لكثرة تغييره له:الو من اللي قالك انهم سافروا00؟؟ مبارك اللذي يجلس بجوار رائد المهموم يهم بالوقوف للخروج من المجلس:يمه تركي بنفسه ام تركي:والخروف ماقال لك متى هو بيعود هو ويا مسلولة الحال00؟؟ مبارك يتمالك اعصابه فهو يتنرفز من اسلوب والدته:رايح عنده دوره مفاجاه للبنان شهر وخذا مرته معه و0000 لم تتركه يكمل فهي علمت بوقت عودتهم فاقفلت الهاتف نظر الى هاتفه بضيق واستغفر الله بداخله ثم عاد الى المجلس فحال رائد يرثى لها فهو ورائد لم يكونا مقربين ابدا من بعضها لا بافكارهما ولا باسلوبهما لكنه يعلم جيدا بان رائد لايستحق سوى العون لمواقفه المشرفه مع اخيه اللذي تناسى ماضيه الجميل مع رائد ولم يكلف نفسه عناء الحظور للاطمئنان لو بصمت على حاله اما ام تركي فهي كما يقال((تحر وتبرك))لاتستطيع ان تحرك ساكنا فهو في لبنان معه تلك السوسه اللتي تنخر بعلاقتي بابني ولكن اين ستفرين مني ستدفعين ثمن هذه السفره غاليا :جويبر تعال الحيييييين لاتقول لي مشغول ولا شي جابر اللذي يجلس برفقة فتاه في الكوفي شوب ابشري يمه ربع ساعه واجي :حبيبتي انا مضطر اروح اشوفج بكره على خير :اوكي حبيبي مومشكله انا بعد لازم ارح باي ودعها بحب مزيف وذهب الى منزله بسرعه جنونيه فصوت والدته لايطمئن بخير عشان مايسير لبس حسنا يوم قالت ((مهوب على كيفه الا منور والله مايحط اللوم عليها ويركبها الغلط الكلبببببببب)) كانت تقصد مترك ماقصدت زوجها مشاري | ||||||||||||||
|
| |
|
17-03-11, 04:35 PM
| #13 | ||||
| نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي 
| واو جد جووووووووونان مشاري وحسنا ومشعل مشاري كتير طيوب وجنتل وحنون واعتقد حسنا ما راح تلاقي احسن منه اعجبني مقاومتها لذكرياتها ومشاعرها السابقة واجبار نفسها على حب مشاري او على الاقل التظاهر بذلك بس انشالله زلتها باخر سطر ما تأثر على علاقتهم الجنان مشعل هو الي خسرها وما بفيد ندمه ولا حجزه وحبسه لنفسه داخل ذكريات حسنا مترك ... ومنيرة منيرة التنازل بشكل مستمر عن كل حقوقك وعن احترامك لذاتك يعتبر ضعف وغلط خير الامور الوسط تنازلي فقط ضمن الحدود مترك كان سبب طلاقك تافه جدا والي بحب ما بهين وانت اذيتها كثير لمنيرة رغغم انه هي محترميتك عاليا خلصتي من جابر اللئيم وانشالله ربنا يسخر رائد الك ويعوضك ويسعدك رائد حسيته هو وهادي احلى شخصيتين بالرواية بسبب مرجلتهم ونخوتهم وحنانهم هيك حبيتهم من قلب انشالله رائد بنسى سارة وبسير يحب عاليا ويموت فيها خاصة انه شكلها احلى وادلع وحدة بالرواية رغم رجاحة عقلها ^ ^ ^ وكل الشخصيات والاحداث بصراحة حلوة وتشدك لمتابعتها بانتظارك غاليتي على احر من الجمر واحلى تقييم ونجوم لاحلى واغلى جرح حبي | ||||
|
| |
|
18-03-11, 02:44 AM
| #14 | |||||||||||||||
| مراقبة ومشرفة سابقة ونجم روايتي
| اقتباس:
لا حرمنا طلتك | |||||||||||||||
|
| |
|
18-03-11, 03:06 AM
| #15 | ||||||||||||||
| مراقبة ومشرفة سابقة ونجم روايتي
| قد نبدأ من نهاية الآخرين00 لكن لانعلم متى نضع بدورنا النقطه نهاية السطر!!!! همسه الى من احب: اقتنصوا الفرص فلو لاح لكم بريق امل من اقتراب الفرصه اليكم سارعوا واغتنموها قبل وصول ايادي خاطفه لتسرقها منكم فمهما خذلكم الآخرون لن تشعروا بمرارة كما تستشعرونها من خذلانكم لانفسكم الفرص بحياتنا عديده وهي ماعلينا السعي وراءها لننعم بآخره مديده وهي مانعيش من أجلها قبل ان نكتب نقطه انتهى السطر0000000000000 البارت الثالث عشر عدة قفلات الله يفتحها علينا ******* ***** *** ** * :هههههههههههه وشهو توأمه الله يرضالي عليك :أنتي تشرين على بطنج وباصابعج انهم اثنين؟! :تصدق أني ماأعرف أبشر أبي أقولك أن مشاري بيجيله بزر مرته حامل محمد اللذي نهض من الكرسي بفرحه عارمه ثم عاد اليها ليمسكها من أذنها :حسنا حامل هاااااا00؟؟ ,, أجل وش دخل بطنج تشرين عليه ياخبللل00؟؟ مها تفرك أذنها بعدما تركها ضاحكه:أبي أقولك أن بيجيكم بزرين ماعرفت أعبر آسفين بعدين يافهيم أمس أنت داخل معاي غرفة السونار وشايف أنه بزر واحد محمد متذكرا" مارآه وقد لمعت عيناه:يازين صوت نبضات قلبه والله أن قلبي يخفق كل ماتذكرت صوتها الله لايحرمني سماع نفسه قريب ياااااااارب ,أرب آل مشاري يجيبون بنوته ونحجرها ضحكت بخفوت لرؤتها صورة رائد اللتي تفارق اي مكان يخص محمد من حبه الشديد لأخيه لتسأل بحزن :محمد وش اخبار رائد00؟؟ ,, والله أنه مشغلني من يوم ماقالت لي غلاوي أنه تعبااان ونفسيته زفت محمد يتذكر صوت أخيه قبل يومين يجلس بمكتبة الجامعه يقرأ كتاب يخص أبحاثه ودراسته رن الهاتف ليحدث اهتزازات على الطاوله اللتي يجلس أمامها أمسكه ليرد باحترام مغلف بحزن فهو منذ سماعه خبر وفاة عبدالمحسن لم يحادث أخيه الا مره واحد لتعزيته :أرحب ياأبو خالد ليصدم 00 يصعق 00 بل يقشعر شعر بدنه كاملا",, وكأن هذا الشعر يمزق جلده كشوك’’’ بل وعروق قلبه تضخ الدماء بقوه,, لم يستوعبها قلبه الضعيف’’’ لتزداد ضربات قلبه ,, أتسمعون ضربات قلبي00؟؟ أحس بأنها وصلت الى خارج هذا الصرح من قوتها ,, رائد يبكي ويأن00؟؟ لم أسمع هذه النبره بصوته,, لااعرفها بل ولأول مره أعرف بأنه مثلنا يعبر عن حزنه بدموع وبضعف’’’ ألهذه الدرجه افتقدت صديقك00؟؟ أم أنها تراكمات فاضت بها روحك الحزينه00؟؟ لتظهر على مسامعي اليوم,, أبشع نبره منك يارائد’’’ أرجوك00أصمت00لاأريد سماع ضعفك فأنت قوت قلوبنا الواهنه,, انت مصدر أماننا وقوتنا’’’ تركه على الهاتف يبكي وتصاحب دموعه أنات أنهكت رووح محمد بل ومزقت جوفه عبراات أبى أن يظهرها فعليه اليوم تلبس ثوب القسوه لينهر رائد بقسوه مخالفه لطبعه :أفااااا بس يارائد أنت تبكي مثل النسوان00؟؟ ليجيبه الآخر بضيق:أسكت عني يامحمد00أسكت عني خلني أبكي وون أنت ماشفت اللي أنا شفته أمس تحلمت بعبدالمحسن ليعود ويبكي بقوه,, بكاء مصاحب لخوف بل وفزع’’’ صوته يرجف00 ليرجف معه صوتي وأنا أرد عليه :وش تحلمت فيه لاتخوفني00؟؟ أجابه الآخر بفزع :ماأقدر أقول يامحمد ماأقدر بس أبيك تدعيله تكفى ياخوووي قاالها يصوت اعلى:تكفى تكفى طالبك يامحمد خل عنك الزقار وانتبه لصلاتك تراني عجزت وأنا أنصح عبد المحسن الله يرحمه ولايطيع وأدع له كثر الدعاء له ان الله يغفر له والله يامحمد أنه أغلى عندي من موق عيني راااح راااااح الغالي تكفى لاتلهيك دنياك عن ربك أغلق الهاتف بهدوء وهو ينظر الى الصوره اللتي تزين شاشة الهاتف ياليت من يقدر يجيك ألحين ويوديك العمره ياليييييت ******* ***** *** ** * تجلس على درجات السلم المؤديه للحوش تمد قداماها الطويلتان ترتدي بيجامه قطنيه واسعه وعلى فخذها السلحفاه تتحدث بالهاتف مع خلود :خوييييييلد انطمي اصلا" أنتي ماتعرفين أبله منتهى تهبل :وين ماأعرفها الا خابرتها بايخه ولاتعرف تشرح أشوى اللي فتكينا منها ومن غثاها :لااااااا تسبينها تعرفين أني أموت فيها, هي صحيح شرحها مشي حالك ولبسها الحمدلله والشكر أي كلام ولسانها أحسانا" يلوط آذانها بس فيها خير :ماظنتي عقب كل هالموشحه ماظنتي بقى فيها خير,الا اقول غلاوي00؟؟,,من وين تشبكين ياأختي 00؟؟ غلا تقف بخفه لتقع السلحفاه منها على السلم وتنزل لتتمشى بالحوش وبصوت منخفض :في زاويه بحوشنا تلقط الدي أس أل اللي عند قصرانا ميه ميه وأشبك ولا ينقطع أبد موب محيسن ذلتني على وصلتها تقول مايندرى عنج يمكن تحملين أغاني خلود بهمس وهي تنظر لهادي المندمج مع مباراه على التلفاز :يووووه لاتشكين لي ابكي لج,هذا هديان معيي من الدي أس أل ولايعطيني وصلته أجل شاريلي لاب أصور معه00؟؟؟ :تعااااالي عندي جعلج بعد نسوان أخواني وأنا أدشرج نت ووناسه ليت والله رائد ماخذج انتي :ماأعوف بس أخوج أحول يبي يخطبني خطب علويه تلتفت لترى مشاري يخرج من باب الشارع بسرعه ويحمل بيده شي لم تستطع رؤيته بوضوح لعتمة المكان :خويلد أكلمج بعدين باي أغلقت الهاتف على عجل وتبعته لكنه خرج ركضت الى السلم بحثا" عن السلحفاه فلم تجدها لتدخل على والدتها كاعصار :يماااااااااااااااااااااا� �اااه ام مشاري اللتي تتناول حبة الضغط كادت تشرق من الماء : كح كح ,,وصمه وجدري 00؟؟ غلا وهي تضرب قداماها على الأرض بقوه :شوووفي ولدج مشيري ,, خذا سلحفااااتي وقطها بالشارع :عسى عليتس جعلتس من ذا وأردى :يمه حراام عليكم نظفتها وتعلقت فيها وش دخله ينطلها مشاري القادم من الخلف :أسكتي يالصديع أستخفيتي00؟؟ صوتج واصل للشارع مافيه ناس حولنا,,ونطلت السلحفاه صار شي يعني00؟؟ :مالك دخل- مالك دخل -مالك دخل انزين لتذهب الى غرفتها بضيق ام مشاري بحنيه :ليه يايمه نطلتها والله انها ماتوذي والبنت نظفتها وتعتني فيها كان خليتها مشاري يتقدم للجلوس بقرب والدته :من قال اني جيت عجوزها00؟؟--انا طالع سيارتي مرتفعه حرارتها جبت ماي من البيت أصبه فيها بس :يالله الله يصلحها ذاالبنت روعتني أتتهم حسنا من الاعلى وجلست بجانب ام مشاري :يمه شلونج الحين رقيت منج المغرب وانتي راسج يوجعج00؟؟؟ :زان لونتس ابد بخير مافيني الا عافية ربي انتي وش لون الدوخه معتس :لااحسن الحمدلله تتحدثان وعينيها لم تبرح مكانه,, يجلس بصمت’’’ ليست عادته,, ويتلاعب بهاتفه,, بكل تأكيد أغضبته’’’ لكن ليس لدرجة حرماني من الغوص في بحر عينيه,, وتمتيع ناظري بهما’’’ ******* ***** *** ** * بعد الموقف المؤلم الذي حدث بين والديها,, لم تعد تخرج من غرفتها كثيرا"’’’ بل حتى لاتذهب الى والدها كعادتها وتسرد له حكاياها البريئه بيومها البسيط,, وهو يستمع لها بصدر رحب ’’’ بل ولاحتى تضع عينيها اللتي تشبه عينا والدها بعينيه,, تشعر بأنها لاتحتاجه’’’ لم يعد يعني لها شيئا",, فمهما قست والدتها عليها تبقى الحظن الدافئ اللذي ترتوي منه الحنان’’’ وهي الآن عطشه جدا",, كيف تلجأ لمن تسبب بعطشها’’’ روحها كما السراب الهارب,, تتبع روح والدتها’’’ لاهي وصلت لروحها,, ولاروحها استقرت بامان عند روح والدتها’’’ شعور مؤلم موجع,, فاذا كانت الحيوانات اللتي لاتحمل مشاعر لاتستطيع الاستغناء عن امهاتها’’’ فكيف بي أنا الطفله اللتي تجردت من دفء حنان امها وسط موجة الثليج الصاقعه اللتي تحيط بي من غيابها,, دخل عليها بصوته الحنون ووجهه البشوش :نواره00؟؟ وهي مازالت ترسم بكراسة ولم ترفع عيناها عليه :هلا يبه00؟؟ تقدم وجلس بقربها على الأرض يرى ماتخطه اناملها :نواره ليش ماجيتيني اليوم كله حابسه روحج بغرفتج00؟؟ نوره بضيق :ماابي حبيت ارسم وماودي اوسخ دارك--داره -->غرفته ناصر يمسح على رأسها بحنان :النوري حبيبتي أنا مانمت وتعباان ماتبين تدلكين راس أبوج مثل دايم نوره ببكاء قوي أفجع ناصر :مابي مابي مابي أصلا" ماعاد أحبك ثم وقفت وهي تبكي وتضرب بقدميها الأرض :أنت ماتحبنيييي ماتبينييي ليش طردت أمي لييييييييييييش شسوت لك عشانها تخلينا وتروح السوق عادي أنا ابيها تشتريلي اغراض كيفنا انا واخواني نبيها تروح السوق ينظر لها بشفقه وبحسره على حال ابنته,, تتوقع السبب تافه الى هذا الحد00؟؟؟ من اجل سوق أطردها من بيتي00؟؟؟ لاتعلمين ياأبنتي بأن النفس لم تعد تشتهي قربها’’’ ارتويت من جفائها وبخسها لحقي,, قد أكون حليم واتساهل بالكثير00؟؟ لكن الحليم ألا يتمرد00؟؟ وقف بقربها وأمسك زنديها بقوه ثم عاد وجثى بركبتيه امامها :النوري بــــــــــــــــــس يبه بس فديتج أنا قلت لها روحي بس بترجع,,ألحين أحنا متزاعلين شوي بس برجعها لاتخافين نوره وقد هدات ضربات قلبها وعادت أنفاسها لمكانها وهي تمسح دموعها بظاهر يديها بشكل طفولي :صج يبه بترد أمي00؟؟؟ ناصر وهو يقبل ظاهر يديها مكان دموعها :أبوج عمره كذب00؟؟ ثم فتح يديه ليتلقفها صدره الحنون بشوق ,, شــــــــــــــــــــــــ ــــــوق عااارم’’’ ******* ***** *** ** * :اسمعني عدللللل تجيب رقم اخوك الخمام وتقوله أمي تعيبينه وتبيك تعود ذاألحين :يمه الله يهداج جايبتني مسرع بغيت أدخل لي في كم شبه عشان والله أقول لتركي يجي من لبنان ومن البراد والوجيه اللي ترد الروح اهنا000؟؟؟ ,,, الله يصلحه ان كانه طاعني وجا ام تركي تفرك ركبتيها بقهر:أنا مهوب حارني وشاب النار في جوفي الى أنها قالبتا" مخه كنه خروف يتبعها والا تسلبا" تقسقس له وهو ساكت وموديته معها لبنان بالخشاشه ,,, هو أنا باكلهم لاتحاكوا000؟؟؟ ,,, والا عياله موديهم لبيت أهلها لييييييييه مالهم أهل00؟؟؟ جابر بضجر:ألحين وش المطلوب 00؟؟؟ أدق00؟؟ ,, مانيب داق ,أصلا الخمام ماعطاني رقمه معطيه مبيريك الضفعه وموصيه مايعطيه أحد لاأنا ولا أنتي ويمكن أختها المصروعه عندها الرقم ,اي بتطبخها عدل هي ومبيريك قال جملته الأخيره بهمس أم تركي بحقد:طز فيه وفي مبيريك أسمع أنا في خاطري لبنان ذاالسنه وش رايك00؟؟؟ اتتهم عبير على عجل لتخرب مخططاتهم الغبيه بخبر صاعق:مادريتي يمه 00؟؟؟ أم تركي تلتفت لابنتها بغضب:وصممممممممممه وش يجيني منكم الاحرقة الدم عبير :قدموا عرسي بيصير قبل رمضان بأسبوعين أم تركي تهم واقفه وقد بدأت عروق رقبتها بالظهور من قوة الشد:وليييييه مالنا راي ولا كلمه جابر يقف أمام والدته الغاضبه:يمه وش بتسوين تهادين العرب ليش قدمتوا عرسكم بصرهم لاأحد يتسبب على بنته ويطلقها ليأتيهم صوت باكي من الباب الخارجي لتقع الطامه الكبرى على قلب أم تركي :يمه خليج على وحده كفايه عليكم أنا ترملت اليوم!!! ******* ***** *** ** * بحبك يالبنااااان ياوطني بحبك00 بشمالك بجنوبك بسهلك بحبك00 تقف في شرفة شقتهم المطله على شارع الحمرا ,, تنظر الى الماره في الأسفل رغم هدوء المكان’’’ وقلة الماره لانها سااعات الصباح الأولى,, ترتدي لباسا" قطنيا" وفوقه شال من الصوف لنسمات الهواء البارده’’’ واللتي لم تعتد عليها بالكويت,, خصوصا" في هذا الشهر وبالصيف’’’ ويقف هو امامها ليحجب عن أعين الماره محبوبته,, آسرة فؤاده’’’ نظر اليها بابتسامه بشغف بهيام ثم قااال ::: والله اني مفارق شعر الغزل بس من شفتك وأنا ببحره غريق كامل الأوصاف والحسن اكتمل كملك ربي وخصك بالخليق من كحل عينك عيوني تكتحل وان تناظر بي يجي بعيني بريق القمر وان شاهدك غاب وأفل يستحي في محجر عيونك يويق صورك ربي سبحانه وجل تاج زين الكون بك وحدك يليق القصايد كلها لك والجمل تستحق الشعر دامك تستذيق ياصلك شعري وأنا مابعد أصل كل ما أقدم دروبك لي تضيق ارتويت الشعر فيني للثمل وصرت أهوجس في قصيدي وأستريق ليتني يازين في عمر الجهل وليت ربي ماجعلني لك عشيق قبل أعرفك كنت مو هاوي غزل ومن عرفتك شب في قلبي حريق لتهديه ابتسامه فتحت الستار عن ذلك اللؤلؤ المكنون,, بوجنتين خجلى تكتسى بحمااار الجوري الأخاذ’’’ وبنعومة ذاك الشامخ والمسلول كما السيف,, لينتهي بعينيه المطاااف الى الكم الهائل من جنود الحرب’’’ الواقفه باستعداد لترمي سهاام نظراتها على قلبه,, ثم تسلب هذا القلب بقبله على الهواء’’’ وتدخل بعيدا" عن مرأى عينه ثم تلتفت اسهمها معلنة" حربا" قادما,, ليتبعها كأسير رفع رايات الاستسلام بعشق’’’ ويلومون قلبي المتيم 00؟! هو متيم وأسير,, كيف يلام الأسير على أسره00؟! --خبرتوا حدا" مسجون مايبغي افراجه000؟؟-- ******* ***** *** ** * طرقات سريعه على بابها,, همت واقفه لترى من المتطفل’’’ فهي تشعر بغضب,, لاتريد محادثتهم’’’ لو اعتبروا تصرفاتها طفوليه,, ولاتصدر من فتاه بسنها’’’ :غلا بسرعه ايدي اوجعتني :مانيب فاتحه تستاهل :اخلصي علي :اصلا" الباب مفتوح تعاااال دخل وهو يحمل بيديه وعاء كبير وضعه على الارض ورفع عينيه الى اخته القابعه على سريرها وهي ماان رأت مارأته حتى قفزت لتكون بجانبه على الأرض :ياااااااافديت عجيزي في ذمتي أني صااادقه مشاري يضربها بخفه على رأسها :لذالدرجه ياحماره تغلين ذاالعجوز المتهالكه00؟؟ ترفعها لمدى ناظريها :أحبها00؟؟ الا أموووووووت فيها يازين ريحتها وزين عجازتها,من وراها حبيت كل عجايز وشيبان الأرض أوادم والا عزك الله حيوانات مشاري بسخريه :انتي أم الرأفه والحنيه ماأقدر أنا على هالحنيه اللي عندج :تصدق من حبي لها سميتها حسنا :تخسيييييين يامرة باباي لاتحديني أنطلها صحيح :لاالله يخليك الا هالغاليه ماأصبر على فرقاها والله العظيم يامشاري أني حبيتها لاتضحك علي بس بجد أموت فيها :الله لايحرمكم من بعض أصلا تشبهينها يمكنها جدتج وحن العرق غلا بمداعبه :وجدتك بعد انت تعال حب راسها :فارقيني بس أنا بروح أنام وراي دوام لاجا رائد خليه يقومني لصلاة الفجر غادر ذاهبا" لغرفته,, دخل المكان يتخلل الأوكسجين الذي اتنفسه عبيرها’’’ روحها,,كلها ان صح التعبير,, لكنني لاأريد رؤيتها’’’ فما بي يكفيني,, دخل غرفة التبديل وبعدما نزع ثيابه جلس على كرسي التسريحه يخلع ساعته’’’ وهو سرحان فكره ليس معه,, حتى لم يشعر بمن شاركته الغرفه’’’ ألهذه الدرجه انا ضئيله00؟؟ لايراني بعينه المجرده00؟؟ لايراني الا بقلبه وقلبه مجروح,, فكيف تتضح الرؤيه وهي تحتاج لمعالجه00؟؟ تقدمت منه لتمسك يديه,, رفع عيناه ليراها لتبادر بالحديث :مشاري لهالدرجه متضايق00؟؟ ترك يديها وعيناه مازالت عليها :اي لدرجة أني ماأشوف حسنا قدامي!! :أفففف ماتوصل لذاالدرجه 00؟؟ أنا ماحبيت اتهامك لاختي بس :أنا ماأتهمت أنا عطيت أدله قلت لج المشكله عشان أبدى أنا وياج نحلها خصوصا" أن السالفه تعنينا لكن هجومج علي بصراحه نرفزني وأنتي تدرين لايمكن أتهم أحد زيف :حاشاك لله بس هي أختي تجيني تقول رجلها جاته نفسيه منها مو لذالدرجه منيره بشعه :ماقلت بشعه ولاأدري هل هو منها أو لأ انتي الله يصلحج ماخليتينا نتناقش نفس الخلايق فارس جاني منصدم يقول حصل بشقة مترك حبوب غريبه وداها للصيدلاني وعلمه انها حبوب نفسيه وكلم أخوه وقاله انه كلاها عقب عرسه بثلاث شهور وش تسمينه هذا ياحسنا00؟؟ حتى ماجاني ولااشتكى ولاقال لاخوه أنها السبه بس انا عقلي وقلبي يقولون ان لها يد موب شرط سبب مباشر يعني هبلت فيه لا بنت عبدالله مايجي منها الا كل علما" غانم أنا اقصد بشكل غير مباشر :مشاري حتى ولو تعطيني اسباب تقنعني فيها اما انك تقول وبشكل قاطع تدري وهي السبه اجل لاتلومني على ردة فعلي :الا بلوم وبلوم حتى لو اني غلطان مانيب طوفه هبيطه تحالفين وتهددين انا رجلج يامره قبلت يداه :وتاج راسي وعيني وروحي ماعلينا منهم اهم ماعلي انت :وانا شفيني00؟؟ مافيني شي تضايقت من كلامج معاي وانتهينا ولاعاد ابيه يتكرر كلمي اختج وانا بكلم مترك نلاقي حل لمشكلتهم على الاقل عشان هالبزران نظرت اليه لوهله ثم قالت ببريق عينيها المشؤوم بالنسبه له :انسفهم ورا ظهرك ابيك انت تقول لي ماعاد راح ترجع مشاري الأولي00؟؟ بتتغير علي 00؟؟ الا انت الله يخليك الا انت قالتها باكيه ليهم لضمها الى صدره بقرب نبضات قلبه ليشعرها بان هذاالقلب لاينتعش الا بحسها يمسح برفق على ظهرها وبرقه :اتغير على هالعالم والكون كله الا عليج يانظر عيني ******* ***** *** ** * :طلال وينك تاخرت قعدت أحاتيك00؟؟ طلال يتقدم ليصل مكان جلوسها ليتوسد فخذها الأيمن كوساده تحت رأسه ليمدد قدمه على باقي الصوفى اللتي تجلس عليها هيفاء :تعبااااااااان دوام يهد الحيل هيفاء بدأت بتدليك رأسه,, فماأن ترى طلال بهذه الصوره حتى تنهار كل أسلحتها أمامه وعنادها وقوتها وجبروتها تضعف شيئا فشيئا حتى تتلاشى ,,ثم تقبل رأسه بحنيه :حبيبي تدري على أني مرات أكره قوتك اللي تفرضها علي الا أنها أهون عندي من أني اشوفك تعبان كذا,,,,, ليته فيني ولا فيك مد يده مكان شفتيها ليلمسها بحنان ثم ينقلها الى شفتيه مقبلا اياها :آه ياهيفا وانتي لو بس تخلين عنادج وطولت اللسان مرات حتى قدام عويلنا صدقيني كان صرنا أكثر زوجين مثاليين بالكويت كلها هيفا ممازحه:وأنت الله يرضالي عليك تدري أني أحب أعاندك أسوي أكشن بحياتنا سكتني بطلعه ببوسه لو على الهواء كلمة غزل صدقني أنا مثل الشوكولاته بسيح وبذوب طلال اعتدل بجلسته وبجديه بدت ظاهره على عينيه قبل صوته :هيفا كل شي عندي يهون الا انج تغلطيني قدام عيالي لووووو أنا غلطان وتتفلسفين علي قدامهم تراه موتي وأنا ماأداني هالأسلوب التفت عليها بنظره مرعبه وأردف :لاتنسين أني لو مشيت بكيفي الأمور اللي أنتي تشوفينها تافهه وأكشن ماراح أمشي غيرها هيفا تباغته بسؤال قبل أن يكمل ملحمة الهجوم المفاجئه عليها :وأنت ياطلال وش تعتبرني بحياتك 0000؟؟ جاوب ألحين خلنا نحط النقط على الحروف مادامك فتحت صفحات قديمه طلال يبتسم ويقف ببرود لم تعهده :انتي عندي مره وبس أرتحتي00؟ هيفا تقف بتحدي أمامه :لاتعتبر كلمة مره أعدها أنا تقليل بحقي لااا وربي المره أم-وزوجه -وحبيبه-وبنت-وكل شي بحياة الرجال بس أنت وش تشوفني من هالأشياء لأن ماظنتي قلبك---وهي تضع أصبعها السبابه على صدره من جهة اليسار--- يشوفني كل هالأشياء00؟؟؟ طلال يكتف يديه وبابتسامه ساخره :تتوقعين أني أقصد بمره كل هالأشياء00؟؟ تدرين ياهيفا وش اللي أكرهه فيج شوفة هالنفس تتوقعين أنج فلتة زمانج ولا فيه مثلج بهالكون أنا المزيونه الذكيه اللي رجلي مايشوف غيري هيفا بصدمه فهي قبل كم يوم تتلاسن مع أخت طلال عن هذا الموضوع00!! هل أشتكت له00؟؟؟ أوصلت بها الوقاحه بأن تنقل حديثنا النسائي البحت لمسامع أخيها00؟؟ هيفا وقد اتضحت علامات التعجب على وجهها تبعتها علامات الضيق والقهر :طلال وش تتوقع مني وحده تجيني وبكل وقاحه تقول رجلج مو بعيده يعرس عليج مثل ماسوى رجل أختج وش أقول لها00؟؟--وش أقــــــول--؟؟ أنهت جملتها بدموع حرقت قلبه قبل أن تحرق خديها صحيح بأن أختي نقلت لي مانطقه لسان زوجتي 00!! لكنني ولغبائي لم أفهم بأنه كيد نسااء,, فهي من بدأت بالاهانه’’’ لأكمل عليها أنا بقسوتي,, تقدم ورفع وجهها وبصوت نادم :هيفا أنتي تهقين أني عقب كل هالسنين باتبع كلام غيري وأسوي شي مايرضيني قبل أنه مايرضيج00؟؟ هيفا وبذكائها أدارت الكفه لصفها فوضعت رأسها على صدره وبصوت باكي لايخلو من الدلع :طلال لو صار بينا أي خلاف صدقني الموضوع بينا ومثل ماأهتم بخصوصياتنا فأنا وربي أشوفك أكبر من أنك تدخل بمهاترات نسوان وحكي فاضي وأختك الله يهداها ماأدري ليش حاطه دوبها دوبي ولاجيتك أشتكي بالعكس خليت اللي بينا مجلس حريم وأنتهى لكن أنها تنقل لك السالفه على كيفها ثم رفعت رأسها لتنظر اليه بمباشره :هذا لايرضيني ولايرضيك صح00؟؟ ليهز رأسه بتفهم : صحين00 لتردف :عشان كذا أي شي تسمعه تبي تتأكد منه أسألني بقولك الصدق أنا ماأخاف ياطلال من الحقيقه عشان أكذب كان بقولك قلت عشان كذا موب أنكر طلال بحب :وأنا مانيب مشكك بس اياني واياج ياهيفا تقللين من قدري عند أحد خصووووصا" عند أهلي وعيالي أعادت رأسها لصدره :أبشر من عيوني ياحبيبي ******* ***** *** ** * :ياأم راشد عجزت فيها أقولها اكلي عيت تتوحم بالزاد كله الله يهون عليها يارب ام راشد:ماعليش منها اكليها لو بالغصب الورع بياخذ من عيشتها والا هي على ذاالحال بتغدي جلد على عظم ام بتال:ياام راشد مانتيب بخابره وحامي ببتال وش هو قايل والله انا مايطب جوفي الا الما وقطيعة خبيزه يابسه ام راشد مؤيده:انا اشهد والله اني ايبس العجين كود تاكل منه لانها ماتعتاش الا اليابس الله يعيييين :السلام عليكم ام مشاري بغضب:زين اللي شرفتي وينتس مهملتني اجدل المواعين مع الخدامه من المطبخ انفتت تسبدي بالعون مالي بنت اعتمد عليها غلا المندهشه:يممممممممممه انا بالمطبخ اجهز المواعين والحلو والخدامه اللي شلت المواعين ام مشاري بابتسامه:ياعووووبها ملسنه ماتخلي احد يغلبها كانها ورايد توم ماكن كل منهم من بطن لحاله غلا تتقدم لتسلم على كلا من ام راشد وام بتال:وش لونكم يااماتي جميع نختصر الحفوه تعبنا واحنا نتحفى الوحده براسها لا ونجيب اقصى عروقها وننشدها منهم ام راشد ضاحكه:ياوالله اللي معاد به نسوان حتى حفوه وسلام عابر متعيجزه منها ام مشاري وكانها اقتنصت فرصه تريدها:صادقه ياوخيتي ذاالعجازه ودي اني مسميتها عجازه عجز اللي هو بس غلا مهوب راكب عليها ام بتال:الا راكب ونص تتغلى وتتدلل بنت خالد جعلنا ماانخلى من مزحها تمزح ماتعرفن الضحك والا حياتكن جد بجد قطع الحديث دخول رائد بمزاجه المنقلب بعد حظوره من العمل :السلام عليكم قالها منحنيا على راس والدته ثم جلس بجوار غلا ام راشد:وش لونك ياامك اربك بخير؟ رائد بحزن:الحمدلله على كل حال ام بتال :خويك اللي في العنايه ماطلع منها رائد:لايمه عاده بالعنايه ام مشاري وهي تمسح على ظهر ابنها بحنيه: الله يشفيه ولا يفجع اهله فيه يمك روح استريح انت تعبان رائد مستجيبا لراي والدته:وهذا اللي بيصير بروح اريح التفت على اخته اللتي تراقب الحديث بصمت :غلاوي تعالي ابيج نهضت بصحبة اخيه الى غرفته تنظر اليه بتساؤل رائد يجلس على سريره بتعب:غلاوي اسمعيني عدل روحي بكره انتي وامي لبيت عبدالمحسن الله يحله ويبيحه وواسوا امه تراها عادها مفجوعه الود ودي اروح انا بس مستحي منهم غلا تهز راسها بالموافقه وقبل خروجها اوقفها بصوته:ولاتنسين قوميني قبل صلاة المغرب في ندوه بالمسجد اللي حذابيتنا بروح لها وقفت بدهشه بسعاده لم يخفها تغير اسلوب حياة رائد بالفتره الاخيره بعد وفاة صديقه ولم يخفها وضوح شعر عارضه اللذي بدت كثافته تزداد يوما بعد يوم ((يارب يصدق اللي ببالي يارائد)) ******* ***** *** ** * :منى وش لي عندج منى تاتيه من المطبخ بسعاده:لك عيوني المركبه ولو اني لابسه عدسات مترك يقترب وهو يخفي شيئ ماخلف ظهره:وان قلت ابي بوسه وابشرج باحلى خبر لتباغته وتسرق الظرف اللذي يخبؤه خلف ظهر :اكييييد جنسيتي مترك:اكيد يلا عطيني ثمن بشارتي مشيرا الى فمه منى بدلع وهي تسبل عيناها:استحيييي مترك:لاااا تكفين الا السحى ماادانيه عندي فوبيا منه منى:تصدق وانا عندي لك بشاره وهي تجلس على كرسي طاولة الطعام وتزيح له كرسيا بالقرب منها مترك يجلس وهو يرمقها بنظرات متسائله:بشريني ولو انا بعطيج بشاره معتبره مهوب انتي اللي شاحه علي ببوسه صغنونه منى بغنج :بشوووووف وش هي ذاالبشاره المهم مستعد للخبر الصاعقه مترك يقف :انا بصراحه مشغول وانتي تتمغطين بالسالفه قولي اللي عندج وخلصيني منى تلحقه بقول بقول تعال:انا--انا-- مترك يكتف يديه بملل:انتي--انتي--وش؟ منى بهمس:حامل :وبسسسسسسسسسس صرعتيني انا وانا قولي بسرعه ليه ذاالسحى البايخ بعدين بشاره مانيب معطي لان هالخبر سمعته بدال المره ثلاث مرات منى بزعل:اي بس من حقي تبين لي لو تمثيل انك مستانس مو تصير اناني لان عندك عيال قبلي مترك :شوفي انا اذا ماكنت مستانس مااعرف امثل العكس انا واضح وصريح بمشاعري والحمل خبر مفرح ماقلنا شي بس انتي الي مسويه فيها مستحيه ولج ساعه عشان تتكلمين وانا اصلا مشغول مانيب فاضي فلا تصيرين حساسه وكل شوي تقولين اناني هالاناني تم يراكض باوراقج ليل ونهار عشان يفرحج بالجنسيه منى بنرفزه:شنو قصدك تتمنن علي بهالجنسيه؟ مترك وقد بدأ يثور :اللهم طولك يارووووووووح وش دخل المنه ؟ تدرين,انا بطلع احسن خرج واغلق الباب بقوه00000 ******* ***** *** ** * بصوت جهوري عالي جدا" :منوووووووووووووووور البشاره ياالرضيعه البشاره منيره تركض خارجه من المطبخ :هلا هدوي وش عندك فرحني تكفى00؟؟ هادي يقترب منها وينزل لمستواها ووجهه مقابل لوجهها :خشمتس ياريحة امي وابوي قبلة انفه وعادت للسؤال بالحاح :هدوي فديتك عجل وش ورقة طلاقي00؟؟ هادي بضحكه :لا سي السيد شكله مايبي يطلق الا بعد رمضان ماادري وش عنده الا بشاره احلى منيره بتافف :هادي يلا قول زهقتني :الشؤون يقولون بنتكم المصون وراها ماتداوم00؟؟ منيره تفتح عينيهابفرحه :صحيح00؟؟ لتتعلق برقبته ثم تقبل راسه بامتنان :يالبى قلبك وعينك يابعد عمري فديتك وفديتك اخبارك الزينه بروح ابشر اميمتي والبنات | ||||||||||||||
|
| |
|
18-03-11, 03:08 AM
| #16 | ||||||||||||||
| مراقبة ومشرفة سابقة ونجم روايتي
| تدرون ليه آمالنا كنها سراب .. .. تدرون ليه النصر سيف الأوليين الأوليين أعمالهم وفق الكتاب .. .. قاموا عليه وباعوا الدنيا بدين وحنا غفلنا بين مالذ وطاب .. .. والنصر سيف ما يسله غافلين نصبح على شوف انتهاكات وخراب .. .. ونمسي على دمع وتنهات وونين بصدورنا شي تذوب اله الهضاب .. .. وأفعالنا والواقع رياح .. وطحين البارت الرابع عشر خليط من الحزن والفرح من التغلي والوله قراءه رايقه 00000 ******* ***** *** ** * الضيقه تخنقها فماكان ينقصها هذا الهم,, ترا ابنتها بين احظانها تئن’’’ وحفيدها يلعب ومابالبال ولابالقلب هم او حزن,, طفل لايفقه بالحياه سوا اللعب’’’ لم يفتقد والده بعد,, آه ياابنتي كم صغيرة أنتي على الهم والحزن ومسؤولية طفل لم يتعدى السنتان وقد تيتم بغمضة عين’’’ :يمه بس فديتس خلاص قطعتي قليبي :آه يايمه راح سعود مابقالي الا ريحته :استغفري ربتس يمتس مايجوز ادعيله بالرحمه وان الله يثبته بذاالساعه ساعة المحاسبه والسؤال ثم التفتت على ابنها جابر بعينين دامعتين :دق على اخوك تركي قله يعود يحظر العزا رفعت رأسها لوالدتها وبصوت باكي :لافديتج يمه لاتقولون له ,وش بيسوي بيرجعه يعني لاجا00؟؟ ,, خلوه يستانس هو ودلول ماصدقنا على الله يفك عنها ويغيرون جو :خلاص اجل باللي مايحفظه لاتقوله ولاحاجه بالطقاق المهم انتم لاتعدون ابو سعود الله يواجره وحيده وراح بغمضه عين دخل مبارك بعدما حظر الدفنه :السلام عليكم ليقترب من وسميه ويقبل رأسها :عظم الله اجرج يالغاليه الله يخلف عليكم برشود يارب انتي قوي عزومج على الاقل قدام ولدج تراه بزر يستحس لاشافج تبكين كذا وسميه تنتقل من حظن والدتها الى حظن اخيها بألم :وش اسوي يامبارك تعبانه قلي وش اسوي بهالهم اللي كابت على صدري00؟؟ مبارك يمسح على رأسها بحنان كبيروبصوت خاشع أخذ يقرا بعض الآيات من القرآن الكريم شفاء المعتلين اقتربت منهم عبير الغارقه ببحر دموعها وحزنها على حال اختها لتجلس بالقرب من جابر وتهمس بضعف :جابر وش صار على تقرير الصحه موب لازم الوفاه المفاجأه يطلبون تشريح الجثه00؟؟ جابر وعينيه لم تفارق وسميه قال بصوت منخفض :وليش مفاجأه وفاته ياعبير اصلا" سعود كان معه سرطان وبالمعده من زمااااان التفتت بقوه على اختها ثم ضربت يدها على صدرها وقالت بصوت عالي :سرطااااااااااااان00؟؟ ******* ***** *** ** * دخلا غرفتها سويا",, جلسا على السرير وهي تنظر اليه بحيره’’’ أيعقل بأن يلقي علي خبران متضادان بيوم واحد00؟؟ أحدهما مفرح ورائع والآخر00؟؟ أطال السكوت لكن قلبي ضج بصوره مسموعه,, كأن دقاته أحتلت بصوتها المكان’’’ وأنهت بضجتها حالة الصمت الغريبه,, ليلقي على مسامعي عبارات لم تكن على البال أو الحسبان’’’ سر حاولت جاهده كتمانه,, دفنته بيدي’’’ أي أيادي خبيثه أخرجت هذا السر وأعادت احياؤه00؟؟ لأدعي المفاجأه :وش هو00؟؟ ثم اردفت :من اللي قالك هو00؟؟ أي غبية أنا00؟؟ أنكر وبنفس الوقت أقر وأأكد الخبر00؟؟ مازالت عيناه تتفحص ملامحي المرتجفه,, عيناي - شفتاي - خداي كل مابي يدل على خوف’’’ بهدوءه المميز :اذا قلت أني وحسنا ومشاري وفارس ندري عن هالموضوع وندري أن عندج خبر00؟!؟! طنين بأذنها غريب بل ومزعج,, شعور موحش بأن تتستر بغطاء تنسجه بيدك طوال سنين’’’ وبيوم وليله تنسل خيوطه ويتمزق ليكشف ماتحاول ستره,, وعند أناس حاولت جاهدا" أن لاتكشف لهم عما يشوه جسدك’’’ نعم00 وبكل تأكيد00يشوه فالقلب والروح هما من الجسد جزء لايتجزأ00 اذا أتاها مايشوبها من هموم,, ومايعتم نقاؤها وصفاؤها من أحزان’’’ فهي بكل تأكيد مشوهه,,!,, والجسد تباعا" معها مشوه’’’ لايكشف هذا التشويه الا من عانق هذا القلب,, ولامس تلك الروح’’’ منيره تستر ماكشف بلوعه :هذا الشيء تسأل به صاحب الشان ما تسألني أنا هادي يقف ويفكر لثواني كانت عندها كأعوام مدادا ثم التفت وقال بنبرة حزم :اذا أنتي سبته يابنت عبدالله هنا باسأل وأبي جواب لتقف أمامه بصدمه تلبست حنايا جسدها الغظ,, وهي تشير على نفسها بتبرير ودفاع مستميت :أنا00؟؟ أنا لوأقدر أجي بينه وبين الموت جيت جمله أربكت هادي,, ألهذه الدرجه تتألم00؟؟ تتمنى الموت لتحميه منه00؟؟ أي جرم أرتكبه ذلك المريض00؟؟ هادي بسؤال بالتو تلقى اجابته :منيره تحبينه00؟؟ منيره تنزل رأسها للأسفل ثم ترفعه مره أخرى وتقول بنبره ميته :ماعليك باللي بيني وبينه شي وانتهى,,خلنا بالحدث الجديد حدث الموسم انهت عبارتها بابتسامه ساخره هادي يسحبها ليجلسا على السرير :أنسي اللي قلته أبي أعرف من متى ياكل حبوب نفسيه وليش00؟؟ ,, عشان نقدر نعالجه أنا يوم قالي الموضوع مشاري تضايقت وماهان علي مترك لاتنسين أني وياه خوة عمر منيره بتفهم :أدري ياغناتي أنك مهتم بس هالموضوع أخذه منه هو لاتجيني تسألني عن شي مالي الحق أني أتكلم فيه هادي بغضب :شلون يعني ماانتي بمتحاكيه00؟؟ منيره تحاول تهدئة بعض من غضب هادي :أسمعني يااخوي أنا كنت مرته ومعه بالبيت بس ألحين عقب ماطلق موب معقوله أتكلم بشي مايخصني يعني لو أنت معرس عادي عندك مرتك تطلع أسرارك الخاصه00؟؟ هادي بتفهم :فاهمج بس أحنا نبي نعرف لمصلحته ومصلحتج يمكن طلاقكم كان كله بسبت هالحبوب!!! ******* ***** *** ** * يجلسان على سيف البحر ينتظران لحظة شروق الشمس منظر رائع ممتع لمن يتأمل خلق ودبرة الله كانت تجلس ممده قدماها وتستند على يديها من الخلف وهو بنفس الوضعيه لكنه اقترب منها ليصبح خلفها خصوصا" وأنها سارحه بأفكارها رفع يديها بسرعه وبذكاء تقدم لتكون بحظنه :يممممممه روعتني بغيت أطيح بهمس يناجي صوت البحر الأخاذ :وأنا فاقد عقلي أطيحج00؟؟ أنتوا ثنين مانتيب بروحج نظرت جانبيها لاأحد فقط هما والمكان خالي من الناس وزاخر بمشاعرهما فنزعت غطاءها ثم استندت على صدره :حبيبي مشاري الذي أخذ يقبل عنقها من اليمين :عيونه :ماقلت لي وش سالفة صورتي 00؟؟ مشاري رفع نظره للامام وبتساؤل :وش صورته00؟؟ حسنا تلتفت عليه نصف التفاته :صورتي اللي على الكيكه يوم عمري خمس شهور من وين جبتها خابره امي حريصه على الصور وأنا فاقدتها الا موب فاقدتها أصلا ماشفتها الا مره ومن زماااااااااان ولاعاد لقيناها مشاري يضحك لهذه الذكرى :يووووووه ياحسنا رجعتيني لأحلى أيام عمري تدرين أني كنت أحبج من وأنتي باللفه00؟؟ حسنا بضحكه :وش حب البزارين ذا 00؟؟ علمني وش سالفتك أثر لي شعبيه من وأنا صغيره00؟. مشاري وهو يشدد من ضمها اليه بتملك :كنت دايم اجي هويدي مهوب لله اصلا" أخوج يحب متيريك ومشيعل ولد عمج علي بس أنا لزقه الا اجي احرس بيتكم مهوب عشان سواد عيونهم لاااااا عشانج أنتي أحب ألاعبج وأنتي يالعوبه كل ماناديتج أنا ومشعل رحتيله وهملتيني كنت أتضايق وأعصب ومره جايه أختج الصديع هيفا تركض بالحوش ومعها ألبوم صور قد عمرج وقتها ياسبع او ثمان سنين وتطيح منها هالصوره ومعها كم صوره لخواتج المهم أنا نهبت ذاالصوره والباقي جات خالتي ولمتها ولااحد يدري عن هالصوره الا أنتي ذاالحين حسنا تضحك بهستيريه :هيفا وش00؟؟ تكفى مشاري تتذكر شكلها يوم أنها صغيره00؟؟ مشاري ضحك هو الآخر لمجرد الذكرى :كانت شيـــــــفه سبحان من عدل خلقتها يوم كبرت حسنا تلتفت عليه لتصبح أمامه :تدري أنها ألحين غير عنا كلنا مو أجمل وبس الا أكشخ حتى وأذكى هالبنت عمري ماطحت بمشكله الا وتلقى لها حل وهي ماتعرف بمربط فرسها مع رجلها هالطلال مهوب هين اللي جايب راسها مشاري يمسك يديها وبحب :تدرين حسنا امي دايم تقول بزوجك هيفا أو منيره وأنا أعيي أقول لها باخذ حسنا تقول تراها بزر عليك أقولها بزر بزر المهم أن خاطري فيها ,,بس يوم أعرستي من الضيقه قلت لها أخطبي لي من برااا ماأبي من بنات الجماعه حسنا تنقل اصبعها بين حاجبه الايسر الى خده ثم الى شفتيه لترفع عيناها الى مدى عينيه :أنا عمري بحياتي ماتوقعت أني برتبط فيك أصلا" يوم جيت خطاب عقب طلاقي وافقت على طول ومن غير تفكير ماعمرك حسستني أنك ميال لي بس كانت شخصيتك تعجبني فيها شي غريب بالنسبه لي ويمكن يوم وافقت بهالسرعه كنت حابه اكتشفه مشاري يقبل اصبعها وينقله الى قلبه :هذا ماكان ميال هذا كان رايح فيها اصلا" ويمكن الشي الغريب فيني حابه تكتشفينه هو هالحب اللي يفيض من عويناتي حسنا بصدق :ماكنت أبي حب أكتفيت منه يامشاري حب الحكي ,, كنت أبي وفاء -اهتمام -شخص لاوعدني بأنه يكون على طول بقربي ألقاه مهوب بغفله يروح ويهملني مشاري بصدق أعمق :وأنا حلفت اذا تذكرين بليلة عرسنا أن عمري كله باسخره لنا أنتي وأنا ولايمكن أتخلى عنج أو عن روحي لأنج روحي حسنا محد فرح كثري يوم تطلقتي ,,وهيا الله يذكرها بالخير اذا تذكرين كانت تبي الطلاق بس ماعطيتها اياه الا عقب طلاقج باسبوع كنت متمسك فيها لاني رجال ماابي كل يوم لي مره خصوصا" ان الهوى والسوح راحت علي,بس يوم هواي تحرر على طول طلقتها من غير تفكير والحركه واضحه للكل بس مابينت حسنا باستغراب :بس مها اللي ذاكرتني لك او رشحتني بمعنى اصح لك :لا أنا قلت لها ابي اعرس وانتي ببالي اصلا" هي قالت وش رايك ببنت عمي حسنا بس انا بداخلي ابيج ولو مارشحتج كنت جيت وخطبت حسنا تضع يديها خلف رقبته وبهمس :ومرتاح معي00؟؟ مشاري يرد عليها بقبله على جبينها :الله لايحرمني ولايحسفنا على شي يلا حيتي خلينا نعود الشمس حاره وقفت وتبعته وهي تدعي بان لايفترقا ابدا" ابـــــــــــــــدا" ابــــــــــــــــــــــد ا" ******* ***** *** ** * يتبعهم بسيارته,, لفت يمين باتجاه المستوصف’’’ نزلت برفقة ابنها فارس,, صغيرها وصغيره’’’ كم اشتقت اليكما,, أنتي وهو’’’ اشتقت لمداعبة خديه وهو بين أحظانك,, وأشتقت لسرقة قبله من شفتيك النديه وأنتي مشغوله بارضاعه أو بتنويمه’’’ كم لنا من ذكريات زاخره بالحب والوله,, وكم لنا من الحب الفائض من حنايا قلبينا’’’ لكن مابال هذا المتمرد بي يخنقني بقربك,, ومابال قلبي وعقلي يختنقان ببعدك’’’ تمشي ويتبعها ابنها فارس تمشي خطوه وهو يخطي معها بسرعه خطوتان لصغره وسرعت والدته,, تبعهما حتى أمسك يد صغيره ولامست يده يدها ’’’ ارتاعت وألتفت بقوه 00أنت00؟؟؟ حمل طفله بين يديه وبابتسامه تلاعب :لا مهوب أنا ,,أتبعيني للمستوصف لاتعودين سبقها لتتبعه بضيق للداخل,, فهي حظرت لتعالج صغيرها’’’ ولم يغب عن بالها ذلك الوسيم,, لكن أن يحظر بشحمه ولحمه أمامها اليوم’’’ أي قوه علي تلبسها أمامه00؟؟ فأنا خريرة القوى ,, لاأملك أمامه سوى الضعف’’’ قص لابنه رقم وذهبا لانتظار دوره,, جلس بجانبها ملاصقا" كتفه لكتفها الضعيف’’’ ورجله من اليمين لرجلها من اليسار,, حاولت مرارا" الابتعاد لكنه يحكم امساكها لتبقى بقربه’’’ :تراني مابعد طلقت ياأم عويلي منيره بهمس غاضب :عندي طلقت ولاعلي من كلام بورقه المهم وصلني الطلاق شفهي من لسانك مترك :جعله القطع ذااللسان اللي ماعنده ماعند جدتي السوريه منيره بالكاد كادت تنطق بكلام قلبها--باسم الله عليك-- لكنها صمتت حتى لاتفضح نفسها,, فكرامتها مازالت بين يديه وتريد استردادها’’’ لاتنكر فرحه دغدغت مشاعرها بقربه,, وهو تمسكه بها حتى اليوم’’’ ربما يناقض هذا حديثها لأهلها,, فهي أمامهم تطالب بالطلاق ولارجعت فيه’’’ وتتمنى لو فكرت بعقلها الطلاق والفراق,, فماالذي سيغير معاملته القاسيه معي00؟؟ ومتى سيتحسن حاله خصوصا" مع بداية ظهور هذا الخبر’’’ لكن قلبها سعيد جدا",, وراضي عما يسمعه من قلب مترك’’’ لتدندن بنفسها أغنيه قد سمعتها منذ مده ((جيت مع قلبي يبي قلبك بشي00بينهم ميعاد ماهانوا علي)) ((الزعل بيني وبينك00والاهم وش ذنبهم)) لتبتسم على هذه الكلمات ,, ليت قلبي وقلبه مالهم خص فينا’’’ أمسك يدها ووقف لتقف معه :أدخلي عالجي فارس وتعاليلي بالسياره برجع سايق أهلج وياويلج يامنور اذا ماجيتيني أرادت الاعتراض لكنه لم يمهلها فرصه فدخلت لتعالج ابنها ******* ***** *** ** * يمشي مع أخته بأحد المجمعات وهو غاضب,, معليه ياحيوانه ان ماسنعتج بالبيت مانيب ولد أبوي’’’ جملتان لم تفارقا شفتيه منذ وطأت قدماه المجمع,, لم يرى ماترتديه خلود صحيح بأنها تلبس عباءه على الرأس’’’ لكن ماضايقه ذلك البرج العالي فوق رأسها,, وظهور حسن عينيها بوضوح من نقابها الفاضح’’’ بعكس عليا اللتي بالكاد تظهر عينيها للماره,, ركبوا السياره ليغلق الباب بقوه’’’ التفت على خلود وبغضب :معليه ياأم لطيمه ان ماتبيتي بالبيت مانيب هادي خلود وقد ظهرت عيناها بصدمه :هادي وش فيك وش سويت00؟؟ هادي بغضب يلتفت عليها ليضرب رأسها :أسكتيييييي ياكلبه ولاكلمه مره ثانيه أشوف ذااللبس قسم بالله أن تبيتين خلود تنظر لعباءتها وقد غصتها العبره :بس عباتي راس وش فيني هادي يقف بجانب الطريق :وذاالنقاب اللي أسم نقاب نص صدوغج طالعه وحاطتلي مشبك كنج نخله عشان تلفتين الانتباه والله العظيم ياخويلد ان عاد شفت ذاالمشبك ببيتنا ان يكسر على راسج لين يقطر دم والنقاب أرفعيه زين ونزلي الشيله أنا غلطان اللي معطيكم الثقه تدوجن مع السايق لو مامنيره رايحه مع ولدها واضطريت اوديكم أنا والا كان ماشفت ذاالبس الأمحق لتبدأ خلود ببكاء طويل خافت,, اما عليا التزمت الصمت فغضب هادي لايوازيه أي غضب’’’ ******* ***** *** ** * نزل من الجيتسكي على صوت صديقه الذي يدعيه لتناول الطعام,, أسبوع جميل بعيد عن ذكريات حصرت القلب بها’’’ وهو اليوم حر طليق من سجن ذكرياته,, بحاظره الخالي من الهموم’’’ اقترب من طاولة الطعام تناول لقمتان ثم سمع صوت هاتفه ذهب للرد على المتصل :هلا بك أبو عايد ناصر بصوت ناعس :هلامشعل أخبارك ماوحشناك00؟؟ مشعل يعود لتناول قطعه من الفاكهه ويخرج للخارج ليردباحترام :الا مشتاق ياناصر بس تعبت من الكآبه اللي ببيتكم وببيت عمتك كل مادخلت على أهلي الا امي وبنتك نويران يبكون على هدى وهاليومين يبكون على رجل وسميه بنت عمتك بصراحه قلت بمدد شوي اريح ناصر بضحكه :اما امي وسويره يعطون البشاير على البكي جيب اي خبر يحزن يبكون على طول مشعل بمصارحه :وانت مافي شي يحزن بوضعك00؟؟ ناصر يعتدل بجلسته وبصوت صريح :متحسف قد شعر راسي على عرسي بهدى أو بمعنى أصح متحسف على معاملتي لها من البدايه مشعل يجلس على الارض ويمدد قدماه :قلت لك المره مايبي لها حنيه يبيلها شده وحزم ناصر يمرر يده على شعره للخلف وبهجوم على أخيه :وش سوت بك شدتك وحزمك00؟؟ ,, هذا أنت طلقت بنت عمك وقعدت لاعرس ولاهم يحزنون مشعل :تردها لي ياناصر عشان لمتك عودت علي تقلب المواجع00؟؟ ناصر بشده :مشعل خل منا الخرابيط وش السبب اللي خلاك تطلق 00؟؟ أنا وهو مهوب طلاق زعل قلت لكم وش اللي صار بينا وطولة لسانها ماتخفاكم بس أنت وش اللي جد عليكم جديد 00؟؟ مره تحبك وتموت بمواطي رجيلك وأنت أعبر منها طلقتها فجأه وحرمتها عليك طيب أنت حر طلقها بصرك بس ليش ماتعرس هذا هي أعرست وقدها حامل ان كانك ماتدري فهاك العلم وغن ياولد أبوي على ليلاك مشعل وقف لاحساسه بالاختناق,, فهو فعلا" طلقها وحرمها عليه’’’ وهو فعلا" مازال يغني على ليلاه,, ان كان لقيس معشوقه أذهبت عقله’’’ فأنا لي معشوقه أذهبت عقلي وقلبي معا",, أأحرم من أعشق من متع الدنيا وأنا رجل مريض00؟؟ امرأه تتمنى أطفال نربيهم سويا",, كيف بعليل يربي أطفال لايعلم هل سيبقى معهم أم يتركهم يواجهون مشاق الحياه ’’’ مع فتاه صغيره أحكم عليها بأن تترمل وتربي يتمان على يدي,, استغفر الله -لكن لااستطيع بان أحكم على أحد بالنهايه من نهايتي’’’!! أغلق الهاتف من أخيه لضيقه ,, فناصر اليوم أصاب الجرح’’’ ولم يداويه,, بل فتحه وتركه يتلوث بالهواء’’’ وفضحني انا أخيه من أرتجي منه الستر,, ليروا الناس جرحي بوضوح’’’ وأعاود الانهزام بمعركتي مع قلبي,, فيكسب قلبي معركة الندامه’’’ وابقى مع طيفها بانكسار رجل أبى الزمن بأن يدفعه للنهوض رجل-مريض-عليل-مهموم00000000000000 ******* ***** *** ** * ركبت معه وصفقت بالباب بقوه,, اما هو فابتسم وحرك السياره مبتعدا" عن المستوصف’’’ ثم قام بتشغيل قصيده -ليه المسا-بصوت محمد بن فطيس ,, ليه المسا عـوق الشقـاوي وطبّـه؟ وليه الهبوب تصحي القلب لا بـات؟ وليه القمر يدعـي جريـح المحبّـه؟ ويقول له يا هيه..ما فات ..ما مـات جرحك ظهر لو قلـت للوجـه خبّـه وللحزن في ضحكك رسوم وعلامات وليه المطر بالذات ريحـه.. وصبّـه كنّه رسول بيـن الاحبـاب بالـذات؟ اشتـاق فـيـه لشوفـتـك واتنـبّـه للي نسيتـه مـن مواقـف ونظـرات لا استانس الخافق ذكـر مـن يحبّـه ورجع يراجع فالوناسـات مـا فـات يا مرتـع القلـب الحزيـن ومربّـه يزيين بك مثل الذهب صدر الابيـات هيهات ينسى القلب شخـص ٍ لعبّـه وهيات يدله خاطـري منـك هيهـات سبك مديـح .. ومـدح غيـرك مسبّـه تقول واذني صوتها تقول لـك هـات ونبع الغـلا عنـدك وعنـدي مصبّـه ومن الولا .. في خافقي لك ..ولاياات وطيفك حطب عيني..وعينـي مشبّـه والشوق برد ٍ ما انقطع لو للحظـات ومكانك الصدر ولـك القلـب شبّـه بين الضلوع اللـي فردهـا التنهـات ولـك بيـرق ٍ فالقلـب حبـك يهبّـه شامخ ولا هزه مـن العـذل غـارات محبتـك فالوقـت ذا مــا تشـبّـه الا بخيمـة بـدو بيـن العـمـارات ان شفتني ضايق واهوجـس واسبّـه اخاف غدر الوقت.. والوقـت دورات لا تحسب ان دمعي نـزل دون سبّـه ابكي من الفرقا وهـي مابعـد جـات الـيـوم كــل امورنا..مستـتـبّـه وبكره ماندري وش معه من مسـرّات اربّ قلبـك مـثـل قلـبـي اربّــه ما يخلفه كثـر العـذل.. والمسافـات وصلا مع نهاية الابيات الى بيت اهلها,, وكانه يرسل لها رساله معينه’’’ وقبل نزولها فهو احكم اغلاق الابواب,, امسك يدها وقال وهو ينظر لعينيها’’’ :ارجعي اسمعي هالابيات يامنيره والله انها ماتفارق مسمعي من طلعتي من حياتي انا سبت الفراق وانا سبت جرح قلبي انعشيه يامنور والله انا لولاكم ولاشي منيره بصوت باكي :افتح الباب يامترك انت اللي بديت وان كانك جرحت قلبك فانت زدت طعون قلبي وهذا هو صريع بين ايديك وش سويت الا انك دست عليه ورحت بحياتك عيش حياتك مع منى شفا الروح من اللي كانت علته مترك يمسكها بتملك :انتي تدرين انهم دروا عن حبوب النفسيه00؟؟ منيره انا تعباان من نفسي انتي اول ماتعبت وراجعت عند الدكتور جيت وطحت بحظنج وقلت يامنيره انا فيني كذا وكذا ولاخبيت ,,لانج انتي من الروح واقرب بس هي وربي اللي خلقني للحين ماتدري لاني مااثق فيها مثل ثقتي فيج انا كنت متضايق من كل شي ومن ظمنها انتي لاتجين انتي والزمن علي منير بغضب :انا00؟؟ انا اللي اجي وياالزمن عليك وانا اللي كنت لك مصدر تفريغ الغضب والضيقه والحزن لاتنسى يامترك اني كنت حاطه حبوب النفسيه شماعه لكل شي حتى بهذاك الموضوع برودك من ناحيتي وهجرك لسريرنا ولاتحاكيت صحيح انا ماعطيتك كل ماتتمنى وكنت استحي حتى من نفسي بهالموضوع بس مارديتك ابد ابد مترك يفتح الباب وهو يمسك يدها :منيره فكري انا ماطلقت ولاراح اطلق ولاراح اعلقج ابيج بكل شي فيج ابيه منيره بغضب :تتحلم يامترك تتحلم ابي طلاقي وبس وفتحت الباب لتغلقه بعد خروجها من السياره بقوه شديده وكأنها اغلقته على عروق قلبه,, بل وكأنها سدت الطريق بوجهه من كل النواحي’’’ وهو بقى وقت من الزمن ينظر لطيفها المختفي بالمنزل,, ثم رفع يده الى انفه ليشتم رائحتها’’’ ماتبقى له الأن منها,, ******* ***** *** ** * :السلام عليكم ورحمة الله-السلام عليكم ورحمة الله هموا المصلون للخروج,, عداااااااه’’’ جلس يقرأ ماتسنى له من القرآن,, وهو يذرف الدموع’’’ انبه على حاله الامام,, لكنه تركه يومان ليرتاح’’’ أو كي يأتي ويفضفض بنفسه,, لكن لم يستطع الانتظار’’’ تقدم ناحيته وجلس بقربه,, ترك الآخر المصحف والتفت على الامام ثم ابتسم الامام وهو يربت على كتفه :ماتضيق الا تفرج يارائد رائد وعيناه لم تكف من الانهمار بدموع غزيره وبصوت متحشرج :ياشيخ تعبت من حلومي وهذا أنا اتصدق لخويي وأقرا عنه القرآن عل وعسى تنفعه بآخرته الشيخ يهز رأسه بأسى :أدع له يابوك وأنا ماراح أقصر معك ,,الا أرب أخوه طلع من العنايه رائد بابتسامه مكسوره :اي الحمدلله رقوه الجناح بس أنا متعبتني الحلوم الشيخ سكت لثواني ثم قال :شوف يارائد أنت رجال الحمدلله جات هدايتك على ايده تعتقد هالشي موب لصالحه ان الله غفور رحيم وان شالله الله يتقبل منه صالح اعماله كثر الدعاء وحث اهله على الصدقه له والله يعطيك على قد نيتك انت فيك خير الله يشرح لك صدرك لان حالتك مهيب عاجبتني رائد يتنهد بضيق :الله يفرجها ياشيخ انا باذن الله ماراح أتعدى المسجد بوقت فراغي وهذا انا أحث فويرس يخاويني وقف الامام ليخرج أما رائد فعاد ليقرأ ماتيسر له من القرآن,, عل وعسى يشرح صدره’’’ ******* ***** *** ** * عادا من البحر ليجدا محمد بمنتصف الصاله ,, بوضعية الجلوس لكنه نائم’’’ التفت مشاري على حسنا بابتسامه رائعه,, وعيناه تلمعان بحب صافي وقال بصوت منخفض :محمد-محمد ياحسون جا ذهب حيث مكان أخيه وجلس بجانبه,, تتضح ملامح الارهاق والتعب’’’ ومازال بلباسه بكل تاكيد بالتو حظر,, لم يستطع الانتظار أكثر,, هز محمد بخفه’’’ لكن الآخر في عالم ميتة الحياه,, ثم وقف وهو يتذكر مداعبات محمد له عندما كانوا صغار’’’ احظر منديل وبرمه من احدى زواياه,, وأدخله بخفه باحدى فتحتي انف محمد’’’ استزعج الآخر وأخذ يحك أنفه بيده وهو مازال بسباته العميق,, ليعيد الكره مشاري من جديد’’’ ليصحو أخيه بانزعاج وهو يقول :مهاوي فديتج خليني أنام ليكروا ضاحكين كلا" من حسنا وغلا ورائد اللذان انضما لهم بالصاله قبل حركو مشاري مع اخيه أما محمد فدب النشاط به ’’’ بعدما سمع أصوات غاليه على قلبه,, وبقربه’’’ ليضم مشاري الجالس بقربه,, ثم سحب منه المنديل ليدخله بأنف اخيه وهو يقال :فضحتني حسبي الله على عدوينك ألحين بيقولون مرته الخبل ماتقومه الا كذا اقتبوا جميعا للسلام عليه لكن ماان وصل رائد حتى هم محمد بضمه الى صدره بقوه :والله ثم والله اني قطعت درسي علشانك والا انا مسجل صيفي ومحد فرح بها الا مهيوه جهز نفسك يارويد للعمره حسنا بحرج :الحمدلله على سلامت الاسفار اخبارك محمد؟؟ محمد باحترام :الله يسلمج بخير زانت اخبارج على البركه اللي سمعناه مابغيت اكلمج قلت بخلي المباركه فيس تو فيس غلا ذهبت لتحظر الفطور الذي امرت به والدتها وعادت لهم :أقول محيميد وين مهاوي تقول امي جات معك محمد وهو يرتشف من الحليب :اي جات سلمت على أمي ووديتها لوسميه بنت عمتها اي حسنا احسن الله عزاكم حسنا بحزن لحال ابنت عمتها وصديقتها :الله يجزاك خير والله ان وسميه تكسر الخاطر الله يخلف عليها يارب رائد بهدوء :الخيره فيما أختاره الله اللهم لااعتراض مشاري بتساؤل :الا صحيح هو كان معه المكفي00؟؟ حسنا بضيق :اي الله يكافي الشر ومن زمان بس مادرت وسوم الا قبل شهور تقول دايم يشتكي من بطنه يقول مثل السكاكين ومن جنبه اليمين اثر الرجال قده مستسقي بطنه والمرض منتشر بجسمه كله بس ماقال لها ويوم درت ونشدته قال هذا من الله احد يرد عطا الله هو اللي ابتلا وهو الي يعفي من البلا مشاري وهو يهز راسه :موب كلام ذا الواحد يبذل الاسباب هذا وهو برقبته مره وبزر رائد بخشوع :كلامه عين العقل وهو رجال مؤمن اللي ربه رايده له ماراح يغيره لامستشفيات ولااطباء يااخوي محمد ممازحا" :بــــــــــــــــــــس تكفون وش ذاالكآبه رجال ومات وخلصنا عطوني اخباركم كلكم حتى أنتي ياحسنا وورعج أبي اخباره وانتي وغلاوي وعجوزج مشاري يرمي أخته بكرتون المناديل :أسكت صدعتنا بعجوزها ذاالهبلا غلا تهم لأحظار السلحفاه وتضعها على فخذ محمد وتنزل بين رجليه لارتدائه البنطال :شوف حمود هذي عين السيح جدتنا الغاليه حب رويسها محمد يلتقط منديل ويحمل السلحفاه بقرف :شوفي جدتج كلنا ندري بهالحقيقه ومانخالفها احمدي ربج ان احنا تبنينا وحده لها عروق بالزواحف بس أنج تحطين هالخضرا على بنطلوني الكشخه هذا اللي ماأرضاه امسكيها رماها بخفه بحظنها لتحملها بسلام وتعيدها الى مخبئها اللذي لايعرفه سواها الا الخادمه أما حسنا فتجلس مستمعه لحكايا الشباب المسليه,, أخوه لطالما تمنت رؤيتها عن قرب ببيتهم’’’ فهي ترحم هادي من وحدته وسطهن معشر النسوه,, ******* ***** *** ** * :امس علي أنت مافيك الا العافيه قوم تحرك حرك دمك ذاالميت :والله ماأقدر يافويرس عظامي بتتكسر زود عن ماهي مكسره وقف ليسحبه بخفه وسط اعتراضاته لكن لاحياة لمن تنادي,, :عويمر قوم لابارك الله في صحبتا" وراها غثى قـــوم والله أنك أمرضتني ورائد مابعد جاينزرك عشان تعرف ان الله حق عامر يقف بوهن متسندا" على جسد صديقه,, :أففف صحبتك اللي تمرض وربي مافيني حيل أتحرك وتعباااان والنفس ضايقه وكابتني الهم خلني الله يخليك فارس ممازحا" فهو يعلم مدى الحزن المتمركز بجوف صديقه,, ويعلم بان القسوه أو الأسلوب الجاد لن يفيد بحالته’’’ يحتاج لجرعات من المرح والفكاهه لتنسيه همه,, عله يمسح من ذاكرته ولو لبضع ساعات ذكرى الحادث’’’ :آآآه ياعويمر هذا وأنت ضاعف ومتكسر كذا ثقيل أجل لو أنك بصحتك كان فتيت كبدي عامر بابتسامه فماينقصه سخافة صديقه,, فهو بالفعل يتألم ’’’ ورغم حاجت جسمه للمشي,, الا أنه لايستطيع مقاومة الالم’’’ :فويرس أمش وأنت ساكت خطوتين بعدين بارجع أنسدح :الله يعين مريتك أجل العرس الله يخليك وسو ريجيم يمدحون عبدالله المطوع عامر يضربه بقوه على كتفه,, :مالك دخل بمرتي وسوالف النسوان ريجيم وبقاط لك ولامثالك فارس يقبل رأس صديقه,, :آسفين أستاذ عويمر بس حراام عليك أنا رجال رشيق ابيلك أنت والمعزبه الزين هذا جزاي أنهى جملته وهما بقرب سرير عامر,, ليترك عامر واقفا ويبتعد بسرعه عن صديقه وهو يضحك’’’ أما عامر فجلس وهو يرمقه بنظرات خليط من تهديد وغضب,, لكن ماأن اقترب فارس وهو يرقص الدبكه السوريه’’’ حتى خر ضاحكا" عامر على حركات الآخر,, :خبــــــل في ذمتي أنك خبل فارس وهو يدبك,, :أفااا ياذاالعلم خبل لأني أتعلم رقصة خوالي تدري ولد خالي بيعرس بعد رمضان ولزوم نجيبهم وندبك في عرسهم ونخربهم مره وحده انا ومتيريك بنصف ونلعب فرينسي عامر بجديه,, :من جدكم بتحظرون عرس ولد خالك00؟؟ فارس يجلس على كرسي قريب من السرير,, :اي والله بنودي أمي وبنحظر وش فيها00؟؟ ,,ترا خوالي من بدو سوريا يعني حفلة الرجاجيل بمحل والنسوان بمحل وفادي علومه زينه يجينا دايم ويتصل على مترك وعلاقتهم ممتازه عامر ممازحا",, :ووش بتعينونهم قعود00؟؟ فارس بجديه,, :عامر أقولك بدو طبعهم قريب من طبعنا والعانيه فلوس مافيها كلام هم عاينين مترك عانيه جزله بعرسه :ومحمد أخوك بيحظر00؟؟ :وش دخله ماله علاقه فيهم يحظر على ماقالوا ياخال أبوي حك ظهري,,خوااااال أخوانه من أبوه :أهاااا ياحليلكم أجل دورلك سوريه مزيونه من خوالك تجي بزين مترك والا أحلى بعد :تبي أبوي يشرحني00؟؟ :الله وأبرك هذا هو خذا اجنبيه مهيب من ثوبكم :اي بس أبوي خابرني ان خذيت سوريه قفيت معها ويمكن اقعد هناك اكثر من مقعادي هنااا :أبوه مايبيك تتهنى بالزين شاحا" به عليك :تشوف ياعامر00؟؟ هذا وهو أبوي يقول كذا أيييييييييه خلها على الله عامر وهو يتمدد على السرير,, :طيب أقلب وجهك ياولد عمة فادي شكلي بخاويكم انا العرس واصورك أنت ومترك بلوتوث واكتب عيال سالم بن مترك في مراقص يدبكون فارس وهو خارج,, :لاأبدا" كلا" فيه خيره هنا وهناااك اللي يبي المحل الزين يدله واللي يبي الشين بيعينه عامر يحذف كرتون المناديل على فارس,, :شوف أنا أي أحد يفتي فوق راسي الا أنت تراااني أمزح ماقصدنا شي :خابر ياالمحرول قوم أنت وأنا اللي بادبك بك هنااا يلا سلااااااااام ******* ***** *** ** * :خليها على الله يامها :عبير انتي فاهمه أنه مريض وهي ساكته طيب ليش ماحنت عليه يتعالج00؟؟ :تقول بغيت أموت يوم دريت وأبكي عند رجوله أبيه يروح للمستشفى أو يسافر براا بس أنه يمسك المصحف بداال ماهي تقرى عليه ويقرى هو عليها ويمسح على راسها مها تعود للبكاء بخفوت,, فوسميه أكثر بنات العائله طيبه’’’ بل قد تصل طيبتها لشفافيه تشف قلب مع حولها,, تحمل قلب يتسع لكل الناس’’’ ولاتبخل بالعطاء ابدا",, بل تتمنى لوتهب من دون سداد’’’ ثم رفعت نظرها الى حسنا القابعه بجانب صديقتها,, فقامت وجلست بقربهما’’’ :وسوم مالت عليج جيت أنا حمود الا أنتي مخلصه على رجلج وسميه ترفع رأسها بعينين مليئه بالدموع وضاحكه بنفس الوقت,, :تبيني أعطيج الطريقه السحريه نكدي عليه النكد هو خلاص الرجال ليضحكوا وتخالط ضحكتهم دموع ابدت ان تتوقف,, | ||||||||||||||
|
| |
|
18-03-11, 03:15 AM
| #17 | ||||||||||||||
| مراقبة ومشرفة سابقة ونجم روايتي
| عندما تغرد العصافير00 ونصحو على صوتها آذنينا ليومنا بالبدء00 معه نأذن لمشاكلنا بالنهوض معنا لوووو لم ننهها00 معه نأذن لعقدنا بالنهوض معنا لوووو لم نحلها00 لما لانصحو على تغريد العصافير بروح جديده00؟؟ بنفس خاليه من المشاكل-والعقد00؟؟ لكننا بشر !! عذرنا باننا بشر!! آسفه على التأخير البارت الخامس عشر-بين يديكم-قراءه ممتعه::: ******* ***** *** ** * دخلت هي وابنها بصمت,, لم تنزع غطاءها بل تركته حتى لاتفضح نفسها’’’ مجنون هذا الرجل,, كيف يقتل القتيل ويمشي نجنازته00؟؟ كيف يقتلني ويأتي ليواسي روحي الملوعه من بعده00؟؟ علي وضع حد له فهو لن يترك قلبي بسلام بل سيتمادى به,, سأركن الحياء جانيا"’’’ علينا بأن نضع النقط على الحروف,, علينا بحل هذه المشكله الجديده’’’ نعم,, علي تحريك المياه الراكده’’’ وفتح دفاتر طويت بأرشيف حياتنا,, لنتحاسب000 اما نتصافى أو نفترق ولارجعة فيه’’’ همت بالوقوف وسحبت حقيبتها لتخرج محمولها منها واتصلت 00000 ******* ***** *** ** * ينام ابنها بحظنها,, تهزه تاره,,وتاره تضمه وتبكي,, أتاها وحمل ابنها منها’’’ وضعه على سريرها وعاد اليها’’’ :وسوم حرام اللي تسوينه مايجوز ترى وسميه تمسح دموعها بقوه وترفع رأسها بضعف لأخيها,, :بروك قلبي يتقطع على رشود كاسر خاطري وجده كل ماجا سووا مناحه هالاثنين ذبحوني وأنا حيه يامبارك مبارك بصوت ملؤه الحنيه,, :حبيبتي لاتتعبيني أنا فيني اللي يكفيني أبيج أقوانا كلنا يالله أغسلي وجهج وتعالي نسولف مشتاق لسوالفج نهضت لتغسل وجهها وتتوضأ عل وعسى تهدأ روحها وتستكين بقرب أخيها,, جلسا على الأرض وأخرج من جيب ثوبه شوكولاته تحبها كثيرا" وسميه’’’ رأته بنصف ضحكه,, وأخذتها من يديه بسرعه’’’ أكلت قطعه وأعطته النص المتبقي,, ليأكلها’’’ عادتهم منذ نعومة أظفارهم ,, تحتفظ بقطع الحلوى وتقسمها بينها وبين مبارك ’’’ أخيها الغالي على قلبها,, أبتسم ثم ضحك على هذه الحركه’’’ لم تنسى حتى الآن00؟؟ شعور جميل بأن تشارك من تحب ذكريات كلها حب وعطاء,, أكلها وأخذا يتسامران طيلة الليل’’’ أيعقل بأن تجد الذكرى مكانا" عميقا" وشفافا" في نفوسنا00؟؟ ولانشركها بحاظرنا00؟؟؟؟ ******* ***** *** ** * :منى بسج عاااد كل ذا زعل00؟؟ منى من خلف الباب :والله ماتفرح برضاي يابو سالم خلك مع عيالك والا ولدي ماله من الطيب نصيب ايييييي ولد الشارع مو ولدك والا أهي عيالها عيالك تفرح بحمالها وتحوف عيالها حتى وأهي مو عندك مترك بغضب يدق الباب بقوه :أفتحيييييي أفتحي يامنى هالكلام والله ماأعديه لج على خير من الشارع هاااااا00؟؟ منى بصوت أعلى :اي من الشارع مو أنت حتى أحساس بالفرحه حارمني منه شنو يهمك فيه هالبيبي المهم عيال الغاليه اذا تحبها ليش تزوجتني00؟؟ اذا تحبها ليش طلقتها00؟؟ اذا تحبها ليش قاعد عندي00؟؟ أسأله لم ولن يجد لها حل,, لم ولن 00؟؟ لما لن أجد لها حل00؟؟ عاد للجلوس ليهدأ من من هذا الصراخ الذي لانفعة منه مع منى,, ليعلن هاتفه برنينه قدوم مكالمه’’’ مكالمه دفعت الدم بقوه لكافة جسده,, التفت ناحية باب غرفته هو ومنى,, حركه عفويه’’’ لايعلم هل يخاف أن تعلم باتصال منيره00؟؟ ومايهمه بالامر00؟؟ فهي من أعلنت حرب اليوم بغضبها الغبي,, ومنيره تظل زوجتي الغاليه’’’ واللتي لن تعوضني عنها نساء العالم كله,, خرج من الشقه’’’ شغل سيارته وذهب لأقرب شاطئ بحر منه,, أراد سماع صوتها بمكان تهواه’’’ مكان له صفاء كعيناها,, ووسع كبيير كقلبها’’’ فتح المكالمات اللتي لم يرد عليها,,اذ باسمها يزين الشاشه,, أم سالم00 فاتصل00000 ******* ***** *** ** * :تكفى لأ لأ لأ جلس بقربها وحاوط كتفها ووضع أصبعه على شفتيها,, :أصصصصص :الله يخليك لاأحد يشوفنا كذا لا أحنا بشقتنا مشاري يقبل خدها بهدوء وببطأ محكم ثم يقبل كتفها ويهمس بقرب أذنها,, :بالشقه يامحيسن على قولة غلاوي--تنحاشين مني يابلفيت تتوحمين هنا لاتقدرين تصيحين ولاتنحاشين وريني جيدج يلا,, فالحه علي بجناحنا بس حسنا تحاول التفلت منه لكن لاتستطيع لاحكامه قبضته لها,, :تكفى لاتفضحني بأخوانك تكفى يامشاري وبأعطيك اللي تبي مشاري بتحذير,, :لــــــو طلعتي تاخذيني على قد عقلي تسكيته هااااا؟ بأسوي أعبر من كذا جلس مقابلا" لها,, أما هي فبدأت بترتيب غطاءها ليسترها من حمويها’’’ دخلت غلا وجلست بقربها,, وبعد قليل أجتمع أفراد العائله’’’ محمد ومها00 ثم رائد وريمه00 بالأخير دخلت أم مشاري تحمل ابنة ريمه الصغرى أجتمعوا حول القهوه,, أصوات تتعالى وأخرى تتهامس’’’ رائد ومحمد بين شد وجذب,, :ماعلي منك لاخلصنا العمره بوديك أرفه عنك وأوريك الرقاصات بمصر ورأصني ياجدع--وهو يهز كتفيه رائد بغضب,, :أنت ماتستحي00؟؟ ,, أعنبوا غيرك بتصير أبو وأنت تتصرف كنك بزر00؟؟ محمد بمرح,, :لاااااا وتجيك رقاصه دبه ترقص شحومها معها ياويلااااااه رائد ينظر الى مها بتساؤل,, :عاجبج حكيه00؟؟ مها تضحك وهي تضع يدها على فمها,, :أخذ وخل يارائد ماعليك لساااان بس غلا ,, :حمووود تكفى أبروح أدرس بمصر00؟؟ مشاري بسخريه,, :بصراحه نسبتج تشرف لو تبين أوديج لندن وتكملين ماجستير ودكتوراه بعد غلا تتخصر,, :عداااااااال حدك الداخليه ماشفناك أفلحت أصلا" أحسنكم حمود بعدين ماأبي أكمل دراستي أبي أدرس رقص شرقي رائد يمسكها من شعرها,, :تدرسين ويــــــــــــش00؟؟ غلا تضحك وهي تتألم,, :أح00 ماأقصد رقص رقص رائد يشد بقوه,, :أجـــــل00؟؟ :فكني وأقولك تركها لتركض وتختبئ خلف محمد وبصوت عالي,, :رقـــــص شـــــرقي مثل دينااا وشرواهااا محمد يحتظنها,, :فديت اللي رافعه روس أخوانها شوفوا رقبتي ماأطولها كنها رقبة زرافه من علوووم أخيتي الزينه أم مشاري تنظر لغلااا بضيق فهي تنتقد حركاتها الجريئه مع أخوتها رغم عفويتها لكن جيلها لايرى جيل غلا شئ :يالله صلاح العطا غلا تهمس بأذن محمد,, :شوف نظرات أمك الحرااقه بصراحه تكرهني بعمري تحسسني كني ذابحه أبوها والا رجلها محمد بهمس مشابه,, :جعل أمي بالجنه شوفي رائد المفول تحسينه ضارب الطبلون عنده وعروق رقبته بتنط من محلها يتحدثون بأمور عاديه,, وأخرى هامه’’’ يتشاركون المعيشه,, بحلوها ومرها’’’ أم مشاري مع أبنائها,, مها وحسنا’’’ الا مشاري يجلس يراقب الوضع,, يرى محبوبته وهي بالكاد تتضح عيناها اللتي يعشق’’’ لايحب مفارقة مكانها,, يتمنى لو يظل طوال الوقت أمامها’’’ بقربها,, رفعت نظرها اليه,, فهي تشعر بأسهم نظراته اللتي أحرقتها’’’ لتجدها تصوب وبدقه وبحرفيه ناحيتها,, فأخذ بحيويه وبعشق يرسل قبل بالهواء اليها’’’ وغمزات من عينيه لعينيها,, أما هي فغاصت بخجل عميق’’’ لاتجاري جنونه,, ولاتضاهي جرأته’’’ ولايتساوى عشقها بعشقه,, تبعد النظر عنه قليلا’’’ وتعود لتنظر الى من يشاركوهماالمكان,, كل لاهي بأحاديثه الجانبيه’’’ لتعيد النظر اليه,, لتجده مازال على وضعه’’’ لم تستطع الجلوس أكثر,, خجله ومشتاقه’’’ مشتاقه وخجله,, لاتريد نظراته00وتتوق اليها!!! لاتريد قبلاته00ومشتاقه اليها!!! لاتريد غمزاته00وولهانه عليها!!! استأذنت من المكان وذهبت الى الأعلى حيث مخبأهم السري عن عيون من حولهم,, ليتبعها بلهفه وشوق’’’ نامت عيون الناس الا عيوني,, الناس حبوا والا انا بس حبيت,, مرات أقول شلون عايش بدوني,, ومرات أقول أني بشوقي تماديت,, ******* ***** *** ** * :اسكت ولا كلمه اقسم بالله لو تفكر تعلم تريكي والا امي لاحرق قلبك ياكلب :انت اللي اسكت احترم سنك احترم اسم ابوك الله يغفر له ومكانته بين ربوعنا ياخي اعمل حساب خواتك انت وسواتك اللي زي وجهك :مالك دخل هي اللي جتني بنفسها وهي اللي فاتحه شاليها لي اقول لها لا انا رجال مااحب الزين ومصلي ومسمي ليه؟ العب على عمري انا؟ باستانس وبدج وبصيع وانت مالك الا انك تاكل لك تبن وتنطق لاتنسى اني اكبر منك :طل والله على كبرك الا ان عقلك اصغر حتى من عقل سعد ولد تركي :يعني وش تبيني اسوي ان كان عقل سعيدان يوزن بلد والا انا مامن عقل قالها متهكما ليرفع ضغط اخيه :أبي أعرف وش لون وهقتك وش لون سلمتها راسك ياكلب00؟؟ :الكلب أنت00 ياخي أحترمني شوي :أنت خليت فيها احترام00؟؟ ,, جويبر وش لون تهددك بالفيديو قلي السالفه تراني بنجلط بسبتك جابر وقد بدأ بالضيق:شوف مبيريك هي وحده واصله بالكويت وهي اللي كلمت خويي تبيني واذا ماجاريتها أنا أروح فيها عشان كذا رحت لها شاليهاوصار اللي صار مادريت أن فيه كاميرة فيديو وعقب قامت تهددني أن خليتها بالفيديو يابلفيت تعشقني مبارك يقف ممسكا ياقة ثوب أخيه:أنت يازفتتتتتت رحت لها برجيلك00؟؟ ,, في ذمتي ان ذا الشنب الخاط بوجهك مهوب على رجال وأنك رخمه ,, اللي نسمعه أن عيال الحرام هم اللي يهددون البنات بصورهم ,, بشرطان فيديو أما أنت تروح لسواد الوجه برجيلك وتهددك المره ياالرخمه00؟؟؟ جابر يقف وينزع يده بقوه من ثوبه:مااالك كلمه علي ,,أنا اطلق منك وأخير وأنت مالك خص أنا بقدر أطلع من السالفه بمعرفتي مبارك يكاد يغرق من العرق المتصبب بوجهه لشدة وطأ الخبر عليه فهذه فضيحه كبيره لو أنتشر الشريط فستصبح فضيحه جماعيه تمس سمعتهم جميعا جيلا" بعد جيل :طيب فهمني وش لون بتحل المشكله من وين بتجيب الشريط00؟؟ جابر يجلس واضعا" رجل فوق الأخرى:بصورها بمعرفتي وبهددها بدوري بالشريط لااااااااااا ,,وأنا بديت أجرجر رجلين أختهم دلوعتهم عمرها 16سنه وتخاف عليها من الهواء الطاير بمسكها بشقة خوي وبصورها بعد صدمه-هائله-كيف تربيت مع شخص كهذا 00؟؟ انسان واطي لايعرف للأخلاق سوى أسمها,, أين نحن منه00؟؟ هل في داخلي شيطان مثله00؟؟ هل جيناتنا تحمل نفس الصفات 00؟؟ أم أنه لايشبهني سوى باسم أبي 00؟؟ مبارك وهو يقف وملامحه بدأت تتشنج:أنت واطي 00أنت حقير والله والله أن هالصفات حرام تتلوث بك 00تدري أنا ماعلي منك بلعنتك المهم ألحين تروح تطلق عليا بنت خالك والا وأقسم بالله لاأعلم هادي جابر يتحول لبركان ثائر بوجه مبارك فعليا لم تكن سوى ستر وغطاء اجتماعي أمام الناس خصوصا لعلمه بأنها متعلقه به وهذا ما سيجبرها على تحمل تلاعبه بصمت :شوووف ترا أنا سكت لك واجد مهوب من حقك تتدخل بشئوني الخاصه واذا بتستمر بلعانتك صدقني بحرق دمك وببكيك دم وقل جابر ماقال مبارك خرج كاعصار قوي وقوي جدا",, لم يعد يحتمل الجلوس معه ولا ثانيه’’’ ذهب على عجل ولم يجد أمامه الا رائد,, حظر لزيارة صديقه جابر ,, أمسكه من غير تفكير وسرد عليه الأحداث فهو يعلم ان رائدله تاثير قوي على جابر ,, توقع أن تكون ردة فعله بأن يتكلم مع جابر ويحل الأمر ولكن ماصدمه هو أن رائد أجبره على اخبار هادي بل ورافقه اليه هل لأنك تحفظ صديقك عن ظهر قلب وتعلم بأنه لن يتغير00؟؟ ذكرى يتمنى أن يستطيع دفنها في طيات النسيان,, لكن لايستطيع ,, لايقدر’’’ وضع صورة جابر اللتي أحظرتها وسميه في الألبوم’’’ فهي أحظرتها لتحيي بعض الذكريات,, لهم لها ولأخوتها’’’ ولم تعلم بأنها نبشت بروح وفؤاد مبارك,, لتلامس الجرح وبصوره موجعه’’’ دون أدنى قصد منها,, مبارك يقف للخروج من غرفتها,, وسميه ببحة من اثر البكاء :على وين بروك00؟؟ مبارك بضيق,, :تعبااان بنام ياوسوم وسميه بحب,, :نوم العوافي , وأحلام هنيه بحبيبة القلب ختمتها بضحكه آسره,, لكنه بادل الضحكه بتكشيره وضيق وخرج’’’ كيف أرتبط بانسانه فكر بها اخي بيوم من الأيام00؟؟ بل لمجرد النظر اليها سيزداد كرهي لاخي,, ستبقى ذكرى انتقامه مني باقيه لاتمحى’’’ ******* ***** *** ** * ردت بارتباك وبصوت يرجف وعيناها على الباب,, :ألــــــــو وقف لبرهه -يسمع -ينصت -ثم تنهد بشوق احرق روحه,, :أحلى ألو في ذمتي أني صادق منيره بأسى على حالهما,, :مترك يوم كنت عندك كنت أنا والجدار واحد,,وش اللي جد عليك00؟؟ مترك بمصارحه عذبه,, :والله العظيم يامنيره أني ماأدري , فقدتج وبس يمكن الواحد مايحس بطعم الشي الا اذا فقده00؟؟ منيره وقد فاضت روحها من الحزن لتسكبها بقلبه,, وبصوت غائص بدموعها’’’ :بس أنا نفسي طابت ولاعاد أبيك مترك بهدوء,, :اسمعيني عدل أنا رحت اليوم للدكتور وقال لي بأخفف جرعات الحبوب يعني الحمدلله بتتحسن الحاله وبسافر ببعد لي اسبوع والا مثله أراجع حساباتي وأنتي أبدي حطي شروطج ومن ضمنها البيت لاتتوقعين أنه بيغلى عليج منيره ببكاء مسموع,, :لـــــيش00؟؟ لــــــــــــيش00؟؟ مترك بغرابه,, :وش اللي ليش 00؟؟ منيره ببكاء أقوى وبصوت متقطع,, :ليش عقب ماهديت ثقتي بنفسي وحطمت أحلامي اللي بنيتها بقربك جاي تقول أبشري ويالبيه ليش عقب ماانا الطوفه الهبيطه عندك تقومني بتهديد وتنومني على عقاب جاي اليوم تطلب رضاي ليش عقب هالسنين اعرست وخنت الود والحين جاي تقول ابيج مترك يتنهد بصوت عالي قد يسمع مايغوص ويسبح في اعماق البحر,, :أحبج يامنيره بس ماجيتيلي على الكيف ماحققتي آمالي وطموحاتي بالمره اللي أبي ولاتنسين أن زواجي من منى كان بموافقتج ولو قلتي لأ وقسم لج بربي مافكرت اعرس بس قهرتيني يوم وافقتي تنازلتي قلت لذاالردجه أنا رخيص بعينها00؟؟ أقولها بعرس تقول تبيني أخطب لك00؟؟ منيره تهدأ قليلا",, :صح بهذي أنا غلطانه وأعترف,,ماتوقعت يجي يوم وأتحسف للأسف عليك لأني معك ماكنت أطيق وجودك وأنت قرفان مني مترك وهو يمشي وتداعب أمواج البحر قدماه,, :منيره أنتي اللي خليتي وضعنا يوصل لهالدرجه رجال كل مابغى مرته الا هي تسبه وتقوله أكرهك معليه صحيح أنا بديتها بالقوه وماكنت مسايس بهالموضوع بس لاتنسين انج قعدتي أسبوعين بحالهم تتمنعين لدرجة أني ماعدت واثق اني أقدر أكسر هالحاجز او لا منيره بهجوم,, :بديتها بالقوه00؟؟ أنت شبه اغتصبت كرهتني فيك وخليتني اكره الحياه الزوجيه خذيتني بزر ماتعديت السبع تعش سنه وتبيني أكون مستعده00؟؟ مترك بسالك بالله وتجاوبني بصراحه00؟؟ مترك يجيب باهتمام,, :كلي سمع :أنا سبت حبوب النفسيه00؟؟ ******* ***** *** ** * :لأ لاتقوووول :والله العظيم وش تبيني أسوي هذا قرارها بالطقاق جلست بقربه ونظرت الى الباب خلفها ثم نطقت بهمس,, :والنوري وش بتقول لها00؟؟ أجابها وهو ينظر للامام,, :هي قالت لي بتعلمها وقفت وتركته,, فهي ملت من محاولة اصلاح ماكسره غيرها’’’ حياتهما فمابالي مشغوله بهما,, نورا من تهمني ولن تجد صدرا" أحن مني’’’ وهذا ماأستطيع منحها اياه,, أما هو بجلس يفكر بطريقه لاخبار ابنته بقرار والدتها’’’ أين وعدي لتلك الطفله00؟؟ كيف سأصدق معها بالأيام الآتيه00؟؟وأنا خذلتها هذه المره00؟؟ دخلت عليه وهو بغمرة أفكاره,, تلوح بيدها لكنه في ملكوته يعوم’’’ جلست على الصوفى واقتربت من جهازه الحاسوب,, أحد أهم المحظورات على الغير’’’ لكن لم ينتبه,, :نااااااااااصر00؟؟ رفع رأسه ليرى مها تجلس وهي تمدد قدماها على الطاوله أمامها وجهازه بحظنها هم وأخذ منها الجهاز,, :صاحيه انتي00؟؟ حامل حاطه اللاب بحظنج00؟؟ :وش اسوي فيك أبيك تنتبه تتحرك ادري أنه من المقدسات عندك قلت كود يفطن لاحس ان اللاب توب حقه بخطر ضربها على رأسها بخفه وجلس بقربها ومدد قدماه بجانبها,, :تطنزين ياخايسه00؟؟ مها بتردد,, :الا وش أخبار مشيعل00؟؟ ناصر يراها بنصف عين,, :شين التغلي قده مشيعل00؟؟ وين مشعل القلب والروح--عين السيح00؟؟ مها تقلب الحديث رأسا" على عقب,, :الا ماعلمت دلول برجل وسوم00؟؟ ناصر بنصف ابتسامه,, :لاماأبي أنكد عليهم خلهم مادام طلعوا من جو الكآبه خلهم يستانسون الموت حق محد براد سعود لحظن أهله لاعلمناهم :وهدى وشاخباركم سوااا00؟؟ :طالبه الطلاق000000000000000000000000000000 ******* ***** *** ** * تنام بحظنه بسكينه,, رأسها مدسوس بوسط صدره’’’ يحاوطها بيديه,, وروحه تحاوط روحها’’’ لكنها وفجأه بدأت تئن,, تحس بخطر قريب حولها’’’ تريد بأن تصحى,, لاتستطيع الحراك’’’ ماهذا اللذي يقيدني,, لماذا أريد الخلاص ولاأستطيع00؟؟ تحس بضيق بتنفسها’’’ تضرب صدره بقوه,, لم تكن بوعيها’’’ لكنه توعى على ضربها,, أخذ يهزها بقوه,, :حســــــــــــــــنا صحت وهي تبكي,, :مشاري00؟؟ :روحه00؟؟ :ضفني خااايفه اقترب وضمها الى صدره,, وأخذ يمسح على رأسها بحنيه’’’ :وش فيج ياقلبي00؟؟كنتي نايمه00؟؟ حسنا وقد هدأت قليلا",, :تحلمت بأختي خلود حلم يروع مشاري وهو يضع يده على شفتيها,, :أسكتي لاااااتقولينه أبد ولاتفسرينه ترا مرات الحلم يصدق مع اول تفسير حسنا تعود للاستلقاء,, وتشده لتعاود النوم بحظنه’’’ رفعت نظرها اليه,, :عمري ماتحلمت بشي ولاصدق :لاتخافين ماراح يجيها الا كل خير أخذت تمسح على صدره العاري,, ثم سحبت شعره من صدره بقوه’’’ :أحححححححححح نظر اليها وابتسم,, :تحطين الحره فيني وش ذنبي انج تتحلمين احلام شينه تصدقين أنتي ورائد ماشالله عليكم دايم كئيبين باحلامكم من عاده صغير واحلامه شينه شوفيني انا وغلاوي والله اني اقوم من الحلم اضحك وغلاوي تغني :ماعمري شفتك تتحلم وانت نايم دايم ساكت لدرجه اني اجي واشوف نفسك عادك عايش او لأ ضحك بخفوت وأخذ ينظر لعينيها,, ثم قال بضيق,, :حسناااا00؟؟ حسنا ترفع رأسها له وبحب صادق,, :يالبيييييييه00؟؟ سكت لبرهه وهو ينظر لعينيها ثم قال,, :أنتي ماتحلمتي بخلود,,أنتي تقولين مشعل جلست بسرعه,, مذهوله من نفسهااا’’’ لمالم يغضب00؟؟ بل ضمني لصدره بقوه وأنا أنطق باسم ذلك المتعجرف,, غبيه أنا وأحلامي غبيه’’’ جاوبته وعيناها على يديه الساكنه على فخذها,, :أنا قلت أسمه بس حلمي بخلود مشاري يربت على فخذها,, :لاتتوقعين أني بحاسبج على حلم ,لاوالله ماقصدت بس مشعل غالي علي وماقدرت ماأقولج الحقيقه اني سامعج تنادين أسمه كذا مره,توقعتج بتقولين تحلمت فيه وكنت خايفه منه بس الواضح انج تحلمتي فيه وخايفه عليه ماراح احاسبج على ماضي ولاعلى احلام بحاسبج على حاظر ومستقبل تحلمي قد ماتبين بس انا رجال واغار فهمتي | ||||||||||||||
|
| |
|
18-03-11, 03:18 AM
| #18 | ||||||||||||||
| مراقبة ومشرفة سابقة ونجم روايتي
| بالصدق والمصارحه قد نكسر حواجز كبيره بنيناها بيننا وبين من نحب وقد يكون الكتمان والمراوغه عن قول ماندفنه بجعبتنا من حقائق ينهش بارواحنا قبل ان ينهش بارواح من نحب فياتي وقت نبحث عنهم هم-من نحب-لنجد باننا خسرناهم فقدناهم وكم يكون هذا الشعور مؤلم ومخزي نحتاج لشجاعه لنفض الغبار عن ماندفنه بجعبتنا لكننا قد نختار وقت بدل الضائع وقت لم نكن بحاجته لكن اضطررنا لكسب هذا الوقت هناااا تكون الحقائق اصعب والامور معقده ومتراكبه ولاننا معشر البشر معقدين فدائما مانحتاج لوقت للاسف بدل الوقت اللذي اهدرناه بسكوننا وعزلتنا وتكميمنا ماعلينا بوحه لهم--من نحب-- بارت اليوم مخصص لثنائي اثاركم واتعبكم بهالبارت باكشف بعض الحقائق واذا امعنتوا بالمقدمه فهي بكل تاكيد تعنيهم البارت يحتاج تركيز فهم يحتاجون فك وربط والبارت اللي بعده بانتقل لمرحله انتقاليه جديده حبايب قلبي البارت السادس عشر في التاني السلامه--->لاتستعجلون بالقراءه عشان ماتنصدمون باستعجالكم ******* ***** *** ** * يتمسك بجهازه بكلتا يديه,, ينظرالى صورة ابنه ويرى يدها اللتي تتضح بشكل بسيط بجانب الصوره’’’ ويتذكر الحوار العنيف اللذي دار بينهما,, لما أنا غبي00؟؟ لما أختار بنفسي الفراق وأبحث عنه00؟؟ ثم أطالب بالعوده وأبحث عنها,,!! غريب هو حالي وغريب وضعي قبل بضع دقائق::: :أنا سبت حبوب النفسيه00؟؟ مترك بارتباك,, :بصراحه اي ولأ00 منيره بغضب,, :شلون اي ولأ00؟؟ مترك يقف ودقات قلبه تزداد مع نبرات صوتها,, :روحتي ماكانت بسبتج بس اكتشفت أن لج دور بتعبي منيره تجلس على السرير بحزن عميق,, هل أنا صعبه بالعشره لهذه الدرجه00؟؟ لدرجة بان أسبب عقده لاقرب وأحب الناس الي00؟؟ ردت عليه بهمس,, :أنا ماقد سألتك عن سبب زيارتك للدكتور النفسي لأني واعيه وعاقله وادري انك مارحت له الا منحد لكن لولي يد من حقي تبلغني يمكن كنت تحتاج جلسات وانا معك مهوب تتخبط وتغصب نفسك بالعيشه معي وانت تعباااان كذا مترك يجلس على الرمل وعيناه على البحر,, يشد شعره للخلف ويتنهد بصوت من اعماقه’’’ وصل بسهوله لاعماقها,, :منيره أنتي مالج ذنب صدقيني مالج ذنب منيره بصوت باكي بألم,, :شلووووووون مالي ذنب00؟؟ عقدتك بعمرك وتقول مالي ذنب مترك باسى,, :ماعقدتيني يابنت الحلال انا مثل ماانتي عارفه عصبي عصبي عصــــبي ,,, وكنت امر ببداية عرسنا بخساير بشغلي خساير بغت تنهيني وتهد حيلي,, خساير بغيت اضيع فيها تعب ابوي واخواني ,, خساير بغيت اوصلكم بسبتها للحظيظ ,, خساير بسبتها وصلت فيني اني دخلت شغيل عندي للعنايه المركزه من كثر ماضربته ورحت للدكتور كنت تعبااااااااااااااااااااان ومستحي لااقول لكم اني باخسر, واني رجال ماعليه متكل, وخايف اقول لكم اني ذبحت عامل كبير بالسن الا شوي, ولولا رحمت الله وطيبه والا كان دخلت السجن, رحت ادور علاج طلع فيني هالدكتور مية عله وعله,, اسكتي عني يامنيره انا رجال مهدود وتعباااااااان تعباااااااان ولااحد يعرف بهالشي الا انتي الحين منيره مذهوله مما تسمع,, أيعقل أن يمر بأزمه كهذه ويفضل الصمت00؟؟ أيعق بأن يمر بمحنه صعبه وأنا ألوم تغيره00؟؟ ألوم بعده,, ألوم هجره,, لم أسأله عن سبب تعبه’’’ سبب وهن روحه’’’ سبب تخبطه بحياتنا’’’ وتخبطه بمعاملته لي’’’ منيره بألم,, :ليش ماتكلمت00؟؟ ليش مااشركتني بهمك00؟؟ والا وين الثقه00؟؟ كنت باعينك وبكون سند لك,,كنت باستر عليك لين تعدي هالازمه,, كنت بامشي معك خسرت فلوسك وقعدت على بساط الفقر والا تميت على خيرك مترك بضيق,, فهو كشف ضعفه’’’ لم يكن يتمنى تذكر هذه المرحله اللتي بالكاد تعداها,, فمنظر الرجل الصريع اثره ضربه القاسي والظالم’’’ مازالت بكوابيسه,, مازالت بباله تنهش روحه’’’ :منيره لاتخافين أنا عديت الازمه صحيح خذيت من عمرنا واااجد بس عديتها وبنعدي مشاكلنا ان شالله منيره,, :بس أنت تقول لي بعد انا يد بتعبك00؟؟ مترك بصوت جاد,, :ماكنتي اساس كنتي من ضمن ضغوط الحياه اللي امر بها منيره بتساؤل صريح,, :موضوع المرقد00؟؟ مترك بصراحه اكبر,, :هو فيه غيره00؟؟ منيره بحزم,, :ماراح اسال عن التفاصيل لانك اخترت الفراق وانا عقب اللي سمعته منك وان لي يد بتعبك لايمكن ارجع خصوصا انك باني حياه جديده مترك بسرعه قبل ان تغلق الخط,, :علي بطلاق الثلاث الحارم من منى ان سكرتي لاطلقها منيره بصدمه,, :ليييييييش تخرب حياة غيري بسبتي موب كفايه خربت علي حياتي00؟؟ مترك بحزن,, :كشفت يامنور كل اوراقي وانتي لج الحكم الاخير تبين البيت ابشري به بس الطلاق والله صعبه وربي صعبه عندي حل,,, بخليج عند اهلج خصوصا اني دريت انج توظفتي اقعدي بدال الشهر شهور بعدين لي معاج قعده طويله وباخذج للدكتور اسمعي منه كل اللي قاله لي كـــــــــــل شي بس لاتقطعين الامل ياغلاي لاتقطعينه ******* ***** *** ** * تحت الماء,, تذرف أدمعا" خالطت هذا الهدير من الماء’’’ تذرف أدمعا" خالطت هذا الصخب بداخلها’’’ تذرف أدمعا" خالطت هذا الألم بروحها’’’ لما الحياه معقده00؟؟ أمن الصعب عليه كشف المستور00؟؟ والبوح بالمكنون00؟؟ لماالحياه معقده00؟؟ أهانت عليه نفسه ونفسي ليبحث عن الراحه بحظن غيري00؟؟ أهانت عليه روحه وروحي ليروي عطشه بنقطة ماء من دوني00؟؟ لما الحياه معقده00؟؟ لما ولما ولما000؟؟؟؟ متى حدث كل ماباح به00؟؟ متى واين أنا00؟؟ ألهذه الدرجه انا غبيه00؟؟ عمياء00؟؟ او لااشعر00؟؟ خرجت تجفف جسدها من الماء وعينيها من البكاء000 لتتلقى رساله منه::: ((وربي اللي خلقني لو أدري أن الكلام يريح كان تحاكيت من زمااااااان بس أنا ياام سالم مكتوب علي الشقا لاتخليني تكفين فكري بكلامي وبوديج للدكتور تسمعين منه كل شي احبج وربي اني فاقدج)) رمت الهاتف بعيدا" عنها,, لاتعلم من تلوم!! لاتعلم هل تغافلتنا الحياه ’’’ ام نحن من نتغافلها’’’ لما سرق احلى ايام حياتي لمجرد الكتمان’’’ لمجرد اظهار صورة الرجل القوي الشامخ’’’ الرجل الذي لاتهزه الريح’’’ ولاتكسره المصاعب’’’ ولاتعرقله العثرات عن اكمال شموخه الزائف’’’ اكتفى باظهار العلاج ولم يعني على معرفة السبب’’’ ايعتقد بان مسالة تناوله العلاج لاتكسر شموخه بنظري00؟؟ هاهو يعيد الكره مع منى,, يخفي ويكتم,, الى متى00؟؟ الى متى سيكرر اغلاطه ويكتب الفرقى مع من احبوه بيده00؟؟ احبوه00؟؟ اتحبه00؟؟ ايحبها00؟؟ ايتبادلان العشق ويسكران به سويا"00؟؟ كم هو شعور مؤلم ومقزز,, آه ياقلبي كم امتلأت شرايينك بآهاتي,, وأخاف بأن تسد هذه الشرايين,, وتتسبب بموتي ويموت آهاتي00000 ******* ***** *** ** * نزل للاسفل للذهاب لعمله,, ليجد محمد ورائد يجلسان ويتسامران سويا",, محمد بتهكم,, :أقووووول راائد يقولون اليوم الفلاشات شغاااله على آخرها رائد يبتسم بهدوء وهوينظر الى مشاري الذي يراهم بحيره ليكمل محمد,, :يوووه ياراائد اما فلاشات خيااال هي يمين هي يسير المهم الغزلان يصيدون الفلاش مشاري تقدم وجلس على الصوفى المقابله لهما لارتداء جواربه وحذائه,, :أخ محمد ممكن بلااستعبااط وتتكلم دغري محمد يلقي نظره على رائد الذي يكاد ينفجر ضاحكا" وعلى شكل مشاري المتعجب,, :بصراحه يامشاري راائد ذبحني يقوول ابي اعرس كل واحد فيكم يضرب فلااش للمعزبه وانا عيوني بترمد مابعد ضربت بها فلاشات مشاري رفع رأسه بقوه لهما ليخرا ضاحكين بقوه,, حذف على رائد احد جواربه وعلى محمد الآخر,, :فلاشااات هااا0؟؟ محمد يعيد الجورب لاخيه,, :قومنا الشين اجل ماعندك غرفه تكبس لمرتك فيها00؟؟ يااخي رااع شعور ذاالمسيكين---قالها وهو يشير لرائد مشاري يرتدي حذاؤه على عجل وهو يسمع صوت باب شقته يغلق,, :امسوا شوي وياذن الفجر ادعوا واقروا المره نازله لااحد يحرجها رائد بتساؤل,, :عسى مااشر وش فيها نازله فيكم شي00؟؟ مشاري وهو يقف ويرتب بدلته العسكريه,, :لااا بداوم وعندنا حجز ماراح اطلع الا بكره الفجر فباوديها معي لبيت اهلها رائد بتساؤل,, :اجل بيحجزونا احنا الحرس بعد00؟؟ مشاري وهو يخرج ,, :علمي علمك بلغوا حسون اني بالسياره ولحد يستخف دمه معها حسنا تنزل بخجل فلم تتوقع وجود حمويها بالصاله عاده تفتقدها اذا سافر محمد لمصر,, :السلام عليكم صباح الخير رائد,, :وعليكم السلام ورحمة الله وبركاته محمد:وعليكم السلام صباحج فل وياسمين حسنا مشاري ينطرج برااا حسنا بحرج فلم تكن ترغب الذهاب لبيت اهلها لولا اصرار مشاري عليها المكوث عندهم فترة احتجازه لعلمه بخجلها من حمويها لو احتاجت لشي :يلا مع السلامه الشباب,, مع السلامه بحفظ الله نهض محمد ليمسكه رائد,, :على وين الفجر قده بيذن محمد بمرح,, ماهذا الحلوووو بهالحزه بروح اقوم انا غلاوي واروعهاا منها استانس ومنها تقوم تصلي الزرافه رائد يقف معه,, :وحرمكم المصو00؟؟ محمد وهو يصعد على درجات السلم,, :لها من الطيب نصيب لاتخااف عليها لابد يجيها من حبي جانب ******* ***** *** ** * عاد لشقته,, شقته القديمه,, في منزل أهله,, شقه جهزها وجهز كل زاويه بها بحب’’’ شقه تخيل بها محبوبته بكل ركن فيها’’’ شقه شهدت ذكريااااتهم معا"’’’ بحلوها ومرها,, مكان احتبس فيه الحب والالفه,, ولايستطيع أخذها معه لمكان آخر,, غارق بأفكاره وبهمومه وبذكرياته::: ثم نهض لينكش الماضي بيده,, فتح خزنته اللتي تحمل أوراق عمله الخاصه,, ليظهر صورتها00 و صوره لهما سويا"00 وصوره له معها ومع أبنائهما00 صور حفرت لها بروحه مكان’’’ وبقلبه أماكن’’’ لتحتله بقوه’’’ كيف تريد تلك المنى مني أن أفرح وهي لايتسع لها ولالابنها مكان في قلبي00؟؟ وكيف أظلمها بحب وعشق قد أختاره القلب منذ زمن ليحتله غيرها ويتلوع به00؟؟ دخل عليه فارس فجأه لانه سمع صوت بجناح أخيه,, فسارع الخطى للداخل ليجد أخيه الأكبر يجلس بقرب الخزنه,, وبيديه صور يضعها بقرب قلبه ويبكي بصمت,, جلس بقربه وعيناه تلتهم هذا المنظر,, مترك00؟؟ انتبه الآخر وقام بعنف,, :وش تبي انت00؟؟ فارس بملامح حزينه,, :ماأبي شي دخلت لاني سمعت صوت من جناحك خابرك ماانت بهنا فدخلت الا اشوفك ,,عسى ماشر00؟؟ مترك يلقي لفارس ظهره ويمسح دموعه,, :ماشر أطلع أنا تعبااان شوي وجيت بآخذ لأمي ثياب موصيتني أوديها لها بالبر فارس بتفهم,, :مترك أنا بودي الثياب ماعليك بس أنت لاتضايق عمرك بترجع لك أم سالم وانا اللي بحاكيها لك انا ماحبيت أتدخل عشان مااضايقك ادري ان هالموضوع صعب حتى النقاش فيه بس الوقت بيجبر الكسور خلها تهدى كم يوم وبما انك مابعد عطيتها ورقتها انا بكلمها مترك يلتفت وبلهفه,, :متى بتحاكيها00؟؟ فارس ينظر بريق فرح وسط عين اخيه رغم منظر الحزن السائد بوجهه,, :بعد رمضان خلها ترمض وتبعد عن هالجو المشحون وتكون مداومه وعايشه حياتها طبيعي واكيد حياتها ماراح تخلى من التفكير بحياتكم سوااا مهما كان هذي عشرة عمر وبيحلها الف حلااال لاتحاتي وانا اخوك مترك يمسك كتف فارس وبصوت مهزوز,, :ماراح ترجع يامترك اعرفها منيره مجروحه مني اول وتالي ولاراح ترجع ثم تنهد وهو يرفع راسه للاعلى عله ياخذ كميه من الهواء ترد له النفس ثم يردف,, :انا ماراح اطلق على الاقل هالفتره وانت عجل وكلمها اربها تقتنع بكلامك لاني لااعرف اصف حكي ولااعرف ابرر خطا سابقني قبل اعتذاري والبلا اني اغلط واغلط واغلط ولامني رجااا اصلح كل ماجيت اعدلها عوجتها فارس يقبل راس اخيه بحب,, :لاتحاتيها بترجع والواحد لالقى الصواب لايمكن يدور على الخطى بعدين ليش ماخليت امي وابوي يتدخلون بينكم مترك يجلس على الصوفى بتعب,, :امي تعرفها بتهل العبيري ولاهيب ناطقه بولا حرف يعني بدال لاتحاكي المره بتلاقي أم سالم تهديها وابوي رجال عنده عياله مايغلطون وانهم الصح وغيرهم اللي غلط فبيخربها زود عن ماهي خاربه فارس بمحاوله لكسر جوالحزن الذي هم به وهو يغني,, :هي خاربه خاربه خلينا نعميها مترك يبتسم ليردف فارس بمرح,, :الا ماقلت لي تدربت على دبكة خوالك00؟؟ مترك بضحكه,, :أنت من صجك بادبك بعرسهم احنا بنحظر نعين ونطلع ثاني يوم بنعود للكويت فارس يجلس بجانب اخيه بحماس,, :تكفى ياابو سلوم خلنا نحظر وندبك ونخربها هناك نلعب فرينسي ونفلها مترك يهز رأسه ثم ينظر لاخيه بنصف ابتسامه,, :اللي عطى رائد ولد عمك ماعطاك من العقل شوي00؟؟ فارس يمسك راسه ثم يميل براسه لاخيه,, :المس راسي تحسه فاضي مافيه شي الظاهر العقل عند ناس وناس مترك يضربه بخفه على راسه,, :اول شي لاعاد تاخذ من شامبو شعري ولاالشور جيل حقي كل مابغيته الا ناقص منه حبه والا ثنتين بعدين ليش ماتخطب غلا بنت عمي الحين مره وش طولها مخليها لييين متى00؟؟ فارس يرفع نظره لاخيه ويكتم ضحكه ابت الا ان تخرج,, :اولا الشور جيل اللي انت شاري منه كراتين الله يمنعنا من الشين وتخلص بشهر خذيت منها حبه ماتضر ثانيا انت من صجك بتجمعنا انا والخبل ببيت واااحد00؟؟ مترك يكتف يديه وبتعجب,, :خبــــل00؟؟ غلاوي00؟؟ فارس يهز راسه بقوه دليل تاكيده,, :اي خبله وبصراحه ماتعجبني لاشكل ولامضمون مترك بغضب,, :وشلون مضمون 00؟؟ لان شكل حافظين بنت عمك ومزيونه فارس بضيق,, :يااخي انا ماتعجبني الناس اذواق بعدين شكل ماابي لي زرافه ببيتي مااطول منها الا رقبتها مترك بضحكه,, :اي قل كذا عشان البنت طويله وانت يادوبك مربووع مستحي لاتاخذها المهم ابوي مصبر عليك واااجد يقول كفايه ان احنا ضيعنا من ايدينا ريمه وخذت اجنبي فارس يقف لانهاء الحوار الذي لاينتهي,, :غلاوي والله لوتنطبق السما على الارض ماخذيتها طويله قصيره مزيونه شينه مانيب ماخذها وعرس الحين مهوب بخاطري خلني اعيش حياتي خرج واغلق خلفه الباب,, ليعود لذاك القابع على الصوفى حنين الذكريااات ::: قبل وقت ليس بقصير0000 :مبروك ياابني الصبي ياخد العأل :الله يبارك فيج ياالغاليه ومنيره بشريني عنها :منيحه ماتشكي شي بس بيؤولوا بدى وأت لتصحى من تاسير المخدر :شفتي سلوم يمه00؟؟ :اي شبهك بس عيونوا لاموا وآه ياتلك العينين,, أجمل صفه بها سحر عينيها,, سحر نظراتها الخجله,, سحر رموشها العذبه,, :أجل يشبهني يمه بويش00؟؟ :بحس متلك بأنفك وبتمك وببياضك مابعرف شبه ياابني بس خالتك ام هادي تؤول فيه من بيوا كتير لاأريده شبهي,, أريده شبهها هي,, مازرعناه وجنيناه معا",, أريده يحمل صفاتها,, لاصفاتي أنا المركبه,, ولاعقدي أنا المتعبه,, أتته ام هادي تحمل طفله-بكره-ثمرة حبه---- :هايمك أذن بأذنه كود ربي يطرح فيه البركه وبل من ريقك فاثمه لازم نتبع سنة النبي -صلى الله عليه وسلم- مترك يقوم بما طلبته منه ام زوجته بفرحه عارمه,, فشعور الأب لايوصف,, شكرا" يالله بأن منيت علي بهذه النعمه,, طفل جميل ومعافى,, وأسره رائعه تشاركني هذا الفرح,, جلس وطلب من ام هادي بان تضعه بحظنه,, :يمه فديتج لاتروحين بعيد بصراحه مااعرف اشله واخاف اطرحه ام هادي وقفت بقربه,, :لاتخاف يمك سم عليه وهو ممهد يعني لاتحاتي وانت تشله صحيح بانه أخذ مني الكثير,, لكنني أراها من خلاله,, أرى صورتها بوجهه البرئ,, أرى ابتسامتها من تحركات وجهه العفويه والسريعه,, فتاره يبتسم بسرعه-وتاره يعقد وجهه -وتاره يلف وجهه يمين ويسار قربت اصابعي لوجهه,, فاذ به يتبعها بلهفه,, ان ادرتها لوجهه من اليمن التف لليمين بسرعه,, وان فعلت العكس تبعني لليسار ايضا" بسرعه,, لارفعه بشوق وحب واضمه الى صدري,, قريب من قلبي,, آه ياسالم يابوك اشتقت لك,, واشتقت لامك ,, جعلني الفنى اللي بعدتكم عن حظني,, ******* ***** *** ** * خرجت من غرفتها بوجه آخر,, تبتسم وتضحك رغم مابها من أحزان,, رأت معالي تري أخواتها سوقها,, فدخلت كاعصااار عليهم,, :خيااااااانه 00مجتمعين ولاقلتوا لي000؟؟ هيفا وحسنا تضحكان وتقفان للسلام على منيره,, منيره تمر من قربهم ولاتسلم تجلس لترى ماتخبؤه الاكياس,, لتمسكها هيفا بقوه من خصرها وتدغدغها,, :العن ابو الطاااف اللي عطيتينا اياه استحي على وجهج خواتج الحلوات ازين من في بيتكم مطنشه ابونا اللي جابنا منيره تضحك وهي تقع,, :بـــــــــس خلاص هيوفه مايسوى علينا طنشناج لتقترب منهم حسنا وتقرب رأسها,, :بوسي راسي وقولي أنا منور أخيس واشين وحده بخواتي وتفكج هيفا هيفا تزيد من عيارها على اختها,, :اييييي احب المذله اموووووووت اشوف احد مذلول قدامي يالله نفذي كلام عمتج حسنا منيره تشد شعر حسنا وتقول بضحكه,, :انا احلى وازين واطعم وارق مخلوقه موب على خواتي وبس ارتحتن معالي بغضب,, :يابزران انتن وياها خلوا منكم هالخفااااف والرجه وتعالوا قولولي رايكم بقميص النفس حسنا بجديه,, :شوفي قمصانج كلهم حلوين بس هذا اللي من ام 00000 رووووعه لايعلى عليه طقمي منه للبيبي عندها شغلات حلوه معالي بضيق,, ":يااختي غاليه الله يهداها والا ادري ان اغراضها تجنن بعدين انا ماصدقت على الله احمل اخربط عند خلق الله يصكوني عين لايااختي منيره ترفع احد القمصان,, :هذا خوقااااااقي روعه ياعلوي البسيه بالاستقبال بالمستشفى هيفا بمداخله,, :لا خير تلبسه بالمستشفى محد بشايفه عليها لحافها تخليه لاطلعت الناس بيشوفونها صح خلود وهي تلعب بالبي اس بي,, :الحمدلله والشكر بس قولوا يالله السلامه ترا هالخرابيط مالها داعي لتلتفت عليها اعين اخواتها بصدمه,, لتبادر عليا,, :الحين اللي تكلمت خلود والا امي00؟؟ هيفا بسخريه,, :وش هالعقل ياربي مااصدق اقرصوني تكفون والا عطوني سطاار عشان استوعب منيره تقرص هيفا بقوه,, :هااا حسيتي صدقتي00؟؟ هيفا بالم,, اححححح صج مغله ياالخايسه تقدم منهن هادي بتعب ليجلس على اقرب كرسي,, وقفن جميهن بخوف فحالته غريبه,, معالي اولهن,, :هادي وش فييييييك00؟؟ هادي بامر لخلود,, :خلوده جيبي لي ماي حسنا تبكي بقوه لتحتضنها هيفا,, :اسكتي ياخبل مافيه الاالعافيه هادي يشرب الماء بتعب,, :لاتخافون يابنااات انا تعبت لاني ماكليت اليوم شي وعلى لحم بطني وانا اشتغل اليوم عشان كذا تعبت لاتحاتون بس جيبوالي شي مالح شكل الضغط هابط معي توالن اخواته بتقبيله واحده تلو الاخرى ثم همت عليا باحضار قطع من الطماطم مليئه بالملح ووجوههن تحكم ملامحهما القلق والخوف,, فهو مصدر قوتهن,, ومصدر ضعفهن,, بقوته تقوى ارواحهن ,, وبضعفه تضعف كل حواسهن ,, فماهي الحياه من دونك ياابي واخي وكل مااملك بهذه الحياه,, جمله رددتها كل واحده منهن على حده000000 اسمحوا لي مااستطلت بالبارت لان الجاي راح يكون مرحله انتقاليه مرحله زمنيه مرة على الابطال وبتعتبر هالمرحله ماضي والجاي حاظر شلون بتكون نظرتهم لماضيهم اللي شفناه مع بعض حاظر؟؟؟ وشنو هي الذكريات اللي بنبقى من ماضيهم وبتلازم حاظرهم وشنو الذكريات اللي بتندفن | ||||||||||||||
|
| |
|
18-03-11, 03:21 AM
| #19 | ||||||||||||||
| مراقبة ومشرفة سابقة ونجم روايتي
| *من هو أصدق 00؟؟ حلم ....... أو ............ واقع نعيشهـ لاتقول الحلم أصدق ولوهو أصدق ... حلمي معاك البارحه ..؟؟؟ .ليه ماصدق .. اقتبستها من صديقه غاليه علي000 بارت اليوم هو مرحله انتقاليه قويه للاحداث السابقه وانقلاب في حياة ابطالنا به نمر بكبسولة الزمن لحاظر لنتقدم نحو المستقبل000000 *نبدأ بمعالي رزقت بطفل ولد بعد مرحلة عناء طويله بعمليه قيصريه يوم 27 من شهر رمضان المبارك اسماه زوجها هادي لم تعترض بل باركت الاسم وهاهي اليوم تستعد للعوده لمنزلها بعد ان عدت فترة النفاس المتمثله باربعين يوما :ياربيييي متى بتجي الصالونه00؟؟ خلود وهي تربت على ظهر هادي الصغير بعد ارضاعه,, :علوي تكفين ريحي شدعوه بكره بتطلعين باقي عليج ثلاث ايام معالي وهي تمسك بهاتفهاوتتحرك بتوتر امام خلود,, :خويلد هذي حقت الحمام المغربي وانا وراي حف وتشقير وبصبغ وبقص شعري يعني لو ماالاخ حالف مااروح الصالون كان ماقعدت انطر هالزفته ليرن هاتفهها وترد على عجل,, :الو00اي اي 00 لا ثاني بيت00لا لا 00 اللي حجر اردني رقمه 13 00 ايواااا عليج نور بطلع لج الخدامه التفت على خلود,, :قلبي انتي بروووح لحمام شقت هدوي اصد واحسن وانتي انتبهي لهدوي الصغير لين تجي منور من دوامها خلود بملل,, :انزييييين مايسوى علينا حبينا ولدج صار اربع وعشرين ساعه بحظني معالي وهي تخرج,, :محد قالج تسحبين على دوامج اليوم بعدين لاتنسين لاطلعت ماله الا انتي بينام عندج خلود ترفع صوتها لاختها اللتي تخرج من الغرفه,, :اييييي انتي وعزيز تدوجون بفنادق الكويت كلها حتى فنادق الجهرا ماسلمت منكم وانا امسك هالخايس نظرت الى عينيه لتجده يبتسم فضمته لصدرها,, :واااا ياديييييين الاسم وراعيه دينااااااه بعد بضع دقايق اتتها منيره على عجل وهي تخلع نقابها للاسفل,, :خلود خلود خلود اللتي تمهد هادي,, :نعم نعم منيره تجلس لتقبل هادي وباستفسار,, :من هالسودا اللي دخلت معها ثنتين يشلون جناط كبار00؟؟ خلود بضحكه,, :تخيلي هذي مغربيه تسوي حمام مغربي لعلوي المفروض انها تلق من البياض والنظافه منيره وهي ترفع هادي لتقبله,, :اييييي عرفتها هذي اللي جبت رقمها من رفيقاتي خلنا نجربها بعلوي الخبل عادي عندها تجرب سكتت لجزء من الثانيه ثم اردفت,, :يووووووه خلوده جبت لج اليوم كم بدله من رفيقاتي شوفي اذا عجبتج وحده منهم تشترينها لعرس علويه خلود اللتي همت لترتيب المكان,, :والله منور 00؟؟ صج دوامج مفيد بس عساها لبسه وحده ونظاااف00؟؟ منيره تضع هادي بسريره,, :تهبلللللل لاتطوفج انا لومافصلت كان خذيت منها بروح اجيبها لحظه خلود تبتسم على منظر منيره,, فهي سعيده بحياتها الجديده’’’ بعيدا" عن مترك وهم مترك,, بعيدا" عن لهفتها وشوقها له,, وقريبا" الى حد الجنون من اثر بعدها عنه’’’ لكنها تغيرت,, اي نعم هي بشوشه’’’ لكنها نظره,, فروحها اللتي تشع من الداخل’’’ بان بريق اشعاعها على ملامحها من الخارج,, وكانني استعيد منيره ماقبل مرحلة الزواج,, بهجه وبريق,, بريق وبهجه,, لكن ينقصها شيئ!! شيئ ينقصها وتنقصه!! ******* ***** *** ** * *عبير تزوجت قبل رمضان باسبوعين وسافرت هي وزوجها الى مكه المكرمه وبعدها انتقلوا الى الطائف لقضاء شهر العسل هناك لكن زواجها لم تصاحبه بهرجة الزواجات من رقص واستقبال بل اكتفوا بتزيين العروس لزوجها لترمل وسميه المفاجئ وهاهما يعودان من شهر العسل الى الكويت بروح جديده وحياه اجدد :آآآآآآآآآآه أوجعتني :تستاهلين ألعبي عدل مهوب كل شوي تغشين تراني حريف بالشطرنج عبير بصدمه وهي تمسح على يدها اثر قرصته,, :انت حريييف00؟؟نايف انت مستوعب هاللعبه شكلك تحسب انهم فريق كرة قدم مغير تشوت بحراسي على كيفك نايف وهو يرمي اللعبه على الطاوله,, :خلااااص كش ملك ,,انا الرجال وانا اللي احكم والمره تطيع رجالها عبير بضحكه,, :انا اشهد هو انا عمري غلبتك بشي00؟؟ نايف ينظر الى عبير بتمعن,, :انا ماقد قلت لج لاتلبسين عدسااات00؟؟ عبير تقف وهي متخصره,, :شوف انت تتحكم على عيني وراسي بس ماتبيني حتى اتزين لك00؟!! نايف وهو يتقدم منها,, :ياخبل ماسمعتي ببلاويها اللي طارت بعينها ولاطلعت الا بايد دكتور عيون واللي انشقت بعينها ومشخت البؤبؤ حق العين عبير بخوف,, :صج نايف00؟؟ لاتخوفني نايف يغير مجرى الحديث راسا على عقب,, :الا ليش ماقلتيلي ان مبارك ناوي يخطب00؟؟ لتقف عبير بدهشه,, دهشه من تقلب من يقف امامها’’’ ودهشه من سماع مثل هذا الخبر,, كيف بدون علمي00؟؟ بل كيف يفكر بالخطبه ووسميه للتو خرجت من العده00؟؟ ******* ***** *** ** * *تركي وزوجته بعد استمتاعهما بسفرتهما عادا ليواجها اعصار والدته ؟!؟ :اسمعينييييي يادليل مهوب على كيفتس تطلعين وتدخلين البيت من غير شوري دلال بتافف,, :عمه بودي عيالي طيور الجنه تركي ينطر براا مهيب حاله واقفه على الباب ام تركي تحكم اغلاق الباب بيدها اليمين وتتصل على ابنها من جوالها الذي تحمله بيدها اليسار,, :انت وينك ياقليل الاصل00؟؟ اي بتوديها وين00؟؟ اهااااا اجل بصركم اغلقت الهاتف بوجه ابنها وتحركت من الباب لتخرج دلال,, تقدمت من السياره لتركب وتغلق الباب بقوه وبصوت باكي,, :تركي دوري لي بيت تعبتتتتت من امك والله تعبتتتت تركي يحرك السياره ويد على الدركسون والاخرى يمسك بها يد دلال القابعه بحظنها,, :بس ياحياتي لايسمعونج الجهال لاخلصنا من طيور الجنه رحنا نتعشى برااا ونتفاهم دلال تسكت فهي بالفعل لاتحب ان تزرع الكره بقلب ابنيها تجاه جدتهم فمهما كان هي جدتهم وفعلا بعدما انهوا تسوقهم للاطفال تركت ابنها وابنتها عند اختها سارا وذهبت هي وتركي لتشكي همومها ويشكي همومه بالمطعم بعد وجبة العشاء الخفيفه,, هم لاحتظان حبيبته’’’ اللتي لم تذق العشاء,, بل تذوقت مرارة القهر واكتفت’’’ تركي بصوت منخفض,, :بس حبيبتي لايسمعونج اللي برااا ترا الكباين الحارك عند البارك دلال وهي تضع راسها على صدره وبصوت امتلأ بالونات وبالالم,, :حياه تقصر العمر ياتركي ماعاد هي بحاله عمتي على عيني وراسي بس مهوب كذا ترا لي طاقه وبتنتهي تركي يمسح على شعرها,, :وش تبيني اسوي00؟؟ انا ولدها الكبير صعبه اطلع من عندها امي على كثر ماتحبني على كثر ماتغار منج دلال ترفع وجهها لتقبل شفتيه بحب,, :ابيك تنسى كلامي اليوم ماعليك مني بس لاتقول ليش مانزلتي لامي والا ليش تطبخين عندج بالشقه ولاتاكلين تحت تركي بتفهم,, :انا ماحطيت لج شقه كامله الا عشان تاخذين راحتج انا اعرف امي ولاراح الومج على شي انتي عليج انج تنسينها اذا شفتيني وهذي وسوم فديتها بصفج ان كانها موجوده امي ماتتكلم لانها عارفه نقطه ضعف امي دموع وسوم دلال تضحك وتمسح دموعها وهي تتذكر قبل يومين0000 تجلس كلا من وسميه ودلال تنظران لشاشة التلفاز,, اتى راشد ابن الاولى والذي صحى من النوم فذهبت وسميه لتعيده لفراشه’’’ اما دلال فظلت تنظر الى البرنامج بالتلفاز,, اتتها عمتها من الداخل,, :وسوووووووم أ وسوووووووووووم00؟؟ دلال ببرود ومازالت عيناها على الشاشه,, :راحت تنوم رشود ياعمه ام تركي بتهكم,, :وانتي علامتس اليوم نازله من جحرتس وتبطحين اهنا00؟؟ والا لاغابت الملايكه احظروا ياشياطين00؟؟ دلال ومازالت عينيها على الشاشه وهي تهز رجلها بتوتر وضيق,, :على قولتج لاغابوا احظروا ام تركي بغضب,, :تتمهزين يابنت نويرااان00؟؟ دلال تقف بغضب اشد وهي تشير باصبعها كتهديد,, :اميييييي اسمها نورا ويقالها للعلم ام ناصر وان كانج بتقولين لها نويران فمالج من الاسامي عندي الا منير ام تركي تتقدم وهي تلوح بيدها بوجه دلال بضيق,, كلام لم تستجمعه دلال’’’ حروف تتطاير بوجهها كغبار,, لم تستطع حتى رفع عينيها’’’ نزلت عينيها للاسفل وبكت بوهن,, بضعف-بقهر’’’ اي قسوه تحمل هذه المتسلطه00؟؟ وماهذا اللسان00؟؟ اقسم بانه اشد من اقوى سلاح00؟؟ اتتهم وسميه على عجل عندما سمعت صوت والدتها,, :يمه يمه اذكري الله ام تركي تتنهد بعد موجة الغضب العارمه,, :الف من ذكره وسميه تمسك والدتها,, :فديتج وش هالحكي اللي سمعته يمه00؟؟ يمه هذي بنت اخوج تقولين عنها ذاالكلام00؟؟ لتبكي وسميه وهي تضم دلال,, :يمه دلال لاهيب سحاره وامي النوري كلا" يثني عليها لااحد يسمعج فديتج لااحد يسمع ذاالحكي دلال تبكي بحظن وسميه بقهر,, وقد جفت دموعها ’’’ فهل يعيرني احد من دموعه قليلا"00؟؟ كي اسكب وجعي خارج روحي مع هذه الدموع00؟؟ دلال بصوت ضعيف من اثر البكاء,, :ياوسميه انا بارقى فوق تعبااانه مالي حيله اسمع حكي يسم اكثر من كذااا صعدت لجناحها وارتمت على سريرها بلباسها,, لاتستطيع حتى خلعه’’’ تحس بان جسدها مرهق,, ومتعبه ولاتريد الحراك’’’ ومازالت الرجفه تعتري جسدها اثر البكاء,, اثر صدمتها بكلام عمتها’’’ ايعقل00؟؟ اهنالك قلب يحمل كل هذا البغض00؟؟ والكره00؟؟ لم تحس بمن شاركها الفراش,, فتركي دخل المنزل’’’ لتستقبله والدته ببكاء قوي,, وترمي على زوجته من اسرة فؤاده تهم باطله’’’ جعلته يستشيط غضبا" من من تبكي امامه,, فهو يعرف والدته جيدا"’’’ ويحفظ دلال عن ظهر قلب,, لذلك فضل السكوت على البوح’’’ فضل الصمت واخرس بنفسه صوت والدته,, ليحل صوت افكاره مكانها’’’ افكاره اللتي احتلتها تلك المتجلده بصبر حبه,, ضد اي انهيار امام هذا البركان الثائر من والدته’’’ لتتقدم وسميه منه قبل صعوده للاعلى,, وتسرد عليه ماسمعت ورات’’’ فابتسم بمراره,, فوسميه اطيب قلب على الوجود’’’ كيف تنجب والدتي انسانه كوسميه ولاتتاثر بطيبتها00؟؟ نزع ثوبه,, واقترب منها ليحتظنها من الخلف’’’ ويهمس عند اذنها بغناء,, :تعيش بالوجدان ماعاااش هالراس000 0000لولاك قلي ويش انا عايشا" له00؟ ان زانت الايام ياشوق لااااباااس000 0000والا صبرنا ليين ربك يحله خرجا من المطعم,, يكفيها كل ذكرى تزيدها تعلقا" به’’’ لايهمها من حولها المهم هو,, ******* ***** *** ** * *عليا بدات تجهز لزفافها منذ فتره واقتربت من الصفر :ها وش باقي من تجهيزاتج 00؟؟ :فستان العرس وحجزته اليوم من الدزه بس اخترت ناعم :وش لونه اربه اف وايت00؟؟ :وع وع وع ابيض صاااااااااافي صفا قلبي :انتي اللي وع اولا اذا بتاخذين على قلبج فاسود بيجي رايت ,, ثانيا" الاف وايت اشيك وعلى الموضه :ماااااااااحب بعدين كيفي انا اللي بلبسه الا تعالي حماج بيدخل والا بيسويلي فيها مطوع ومايبي00؟؟ حسنا تتمدد على السرير لتريح ظهرها,, :قلبي رائد فديييييييت زوله بيدخل عشانج والا هو من قبل لا يلتزم ماطرى له بس انا حايلته وقال هي تبيني ادخل قلت اكيد البنت تحب المعرس هو اللي يدخل ياخذها من الكوشه ولا عارض فديته عليا تجلس بحالميه,, :وه قلبي انا جعلني ماافقد زوله لبى قلبه آه ياحسونه احس اني وصلت لاقصى درجات العشق حسنا تفتح عيناها النجلاوان بصدمه,, :لااااااااااا من متى ان شالله هالعشق 00؟؟ بعدين اعنبووووه ذا القلب اللي يشتغل على كيفج مااسرع ماحبيتيه عليا تقوم لتكمل تجميع باقي الاغراض بصندوق كبير,, :شوفي انا بصراحه من قبل وانتي تدرين تعجبني شخصيته بس الحين احس الحمدلله مرتاحه الله لايغير علينا ادعيلي حسون اتوفق معه حسنا ترفع يداها امامها,, :يارب جعلج ماتشوفين غيره ولا يشوف غيرج,, وجعلكم الهوى لبعض بس لااوصيج تراه مايداني اللي تكثر نشده ورجلج مثل ماانتي عارفه التزم يعني ان طلع بيروح لمكان فيه خير وناس صالحين عليا بمصارحه شفافه,, :حسون بقولج شي بس لاتعصبين علي ,, انا للحين لجابر مكانه بقلبي ماقدرت اطلعها على انه كسر قلبي حسنا بمصارحه اكثر شفافيه,, :علويه بيجي اليوم اللي تنسين انا يامحاكيتج عشرة عمر مع مشعل لا وماشفت منه الا كل خير صحيح بالاخير خارها طلقني بدون رحمه لكن بقت له مكانه كبيره ومع الايام الحلوه والعشره الطيبه مع مشاري اكذب عليج اذا قلت مانسيت خصوصا عقب الحمال خلاص احس صفحه وانطوت خلاص خصوصا انه تعباان الله يشفيه مالنا الا مشاعرنا الاخويه معاه عليا تعاود الجلوس بجانب حسنا,, :بس انا للحين متاكده انج تحبينه00 حسنا بدات تشعر بمغص غريب وبضيق بصدرها,, :عليا انا تعبانه تكفين خليني انام وخرابيطج احتفظي فيها لنفسج ماابي اسمع هالتفاهات لاهني ولا اذا جيتينا هناك لااحد يخرب علي بشكوك خايبه خرجت عليا لتترك حسنا مع حيرتها,, بوسط مشاعرها المركبه ’’’ امازلت احبك00؟؟ نعم ,, لكن ليس كما كنت سابقا"’’’ بل تبدل وتحول الى ماضي جميل,, لمشاعر صادقه’’’ اما الآن فقلبي ملك لغيره,, اتمنى ان اكون كذلك’’’ الله يطمنا عليك يامشعل,, ولايفجعنا فيك’’’ ******* ***** *** ** * *رائد تغير مائه وثمانون درجه بل اكثر من ذلك التزم بهداية من الله وتغيرت طباعه الى السماحه وازداد هدؤه اكثر بكثير اقترب زواجه من عليا ولم يتبقى سوا بضعة اسابيع :يااخوااان الواحد آخرته مرده التراب لااحد يشدد على الثاني الدنيا ماتسوى ليهدآآ زميليه بالعمل بعد اشتداد الحكي واللغط بينهما :يالله انا سلمت عهدتي وباطلع تامرون على شي يالربع00؟؟ خرج من عمله بروح صافيه,, يتفانى بعمله’’’ ويجتهد بمحبه واخلاص,, روح تأصل الايمان فيها’’’ ليغرس جذورا" عميقه بقلب رائد,, ذهب لمنزله مكان اعتاد جمع اصحابه,, من تصاحبوا على ذكر الله’’’ والامر بالمعروف والنهي عن المنكر,, حياه جديده’’’ كلها عطاااء,, حب-خير’’’ مليئه بنور الهدايه,, حولهم ملائكة الرحمن’’’ تطوق مجالسهم باجنحة الخير والصلاح,, دخل ليجد غلااا تتحدث عبر الهاتف,, :غلااوي جهزتي المجلس الداخلي اليوم الحلقه عندي غلا بحب وهي تمسك الهاتف,, :اي فديتك وبخرته وعدلته وجهزت قهوتك وحطيت كرتون الماي اللي جبته رائد على عجل,, :بارك الله فيج انا برقى اتسبح والبس وانزل بسرعه تعالي جهزي ثيابي يلااا عجليي غلا وهي تغلق الهاتف من خلود,, :خويلد باااي اكلمج بعدين وبصوت اعلى كي يسمعه رائد,, :جعله يسقى على عيني لاجات ست علياااا تريحني من طلباااات مطوعنا رائد بصوت اعلى,, :حي ذاالطااااري يابنت ابوي سلمي عليها ان كانها هي والا وصلوا السلام غلااا بضحكه,, :ابشر بقوووولهم يبلغونها انك تقول شين ذاالطاري همت للحاق باخيها,, لتحضير ماطلبه منها’’’ تحبه وتحترمه,, شعورها ناحيته غريب’’’ معه تصبح شخصيه اخرى,, غلاااا اخرى’’’ اهي عدوى00؟؟ ام ماذا00؟؟ بل واحب غلااا الواعيه الهادئه معه,, واتمنى بان تتلبسني هذه الشخصيه مدى الدهر’’’ ******* ***** *** ** * *حسنا ارتفع الوحم معها وبدأ بطنها بالانتفاخ سعيده جدا بحملها ومشاري بدأ بتجهيز احدى الغرف بشقته لطفلهما القادم وزاد وتيره الغيره وهذا مايضايق حسنا جـــــــــــــــــــــدا" :وين طالعه على هالكشخه00؟؟ حسنا ترتدي احد اقراطها وهي ممسكه الآخر لتلتفت اليه,, :بيت عمي عايد مسوين عزيمه لوسوم على مظهارها من العده بالمزرعه قلت لك يامشاري والا00؟؟ مشاري يجلس ليفكر قليلا ثم يردف,, :من اللي بيجي00؟؟ حسنا وهي تضع رشات من العطر على رقبتها,, :بيت عمي كلهم وبيت عمتي منيره وعمي خالد واهله مشاري بتساءل آخر,, :جمعة حريم والا خليطي00؟؟ حسنا تقترب منه بتفهم لغيرته الممرضه,, :حبيبي احنا عمرنا مااجتمعنا خليطي يجينا عمي ويقعد ويانا والشباب بالدوانيه مشاري ينظر لها من فوق الى تحت,, :واذا مر احد عليكم اجله والا وشلون00؟؟ حسنا بضحكه وهي تقترب منه لتجلس بحجره,, :ترى عادي تبيني اقعد ومشتاااق لي ماعندي مانع ابيع الكل لعيونك مشاري يقبل يديها,, :لا روحي بس جاوبي سؤالي لو بتطلعون تتمشون شلون00؟؟ حسنا وهي مازالت بحجره وتمرر يدها على شعره,, :لا مانطلع الا بعبي تبي هادي ينحرنا تدري انه عصبي خصوصا مع هالضغط اللي تعبه الله يشفيه مشاري بتردد,, :و000ومشعل موجود00؟؟ حسنا تغيرت ملامحها للضيق,, فلا تصل لهذه الدرجه’’’ كيف يغار من ماضي00؟؟ خصوصا" مع علمهم بخبر مرضه الذي اتعبهم,, ترحم مشعل اكثر من كونها متعلقه بذكرياته’’’ فماعادت للذكرياااات مجال بحاظرها,, حلت مكانها الرأفه والشفقه’’’ يستحق الدعاااء,, مشاري يقبل يديها بحب,, :ماعليج من سؤالي البايخ خلاص هونا حسنا وهي تتنهد,, :لاعلي يامشاري ماكنت كذاا ابدا" يعني عشان كفرنا مره وجبنا طاريه بحلم لولا هالحلم كان مادريت بمرضه اللي اوجع قلوبنا كلنا لاتنسى انه ولد عمي وخويك قبل كل شي مشاري بندم وهو ينزلها من حجره ويقف,, :ماالبلا عمري ماشفتج منهااااره كثر هذاك اليوم ذبحتني الغيره -- مت يوم شفتج تبكين عليه وعشانه وهو اول واحد الم0000 استغفر الله ياربي مااقدر ياحسون مااقدر حسنا تمسك زنديه بقوه,, :انا حلاااااالك انت اشيل ولدك ببطني ولو خيروني بين الكل مااخترت الا انت ومشعل لاعاد احل عليه وخلااااااص هو ماضي وراح بدربه مشاري يرفع رأسه للاعلى,, :لاتتوقعين انه عادي عندي مشعل يكون بخطر وانه ممكن يروح منا بغفلة عين انا اعزه وله مكان بقلبي بس انا رجااال افهمي حسنا تراه بحسره,, هل ستزداد شكوكه00؟؟ هل سيالمني اكثر بغيرته المفرطه00؟؟ استحق00 نعم 00 استحق00 علي كبت مشاعري البريئه لاول رجل بحياتي’’’ لاسعد من هو امامي,, الرجل الذي احب’’’ بل اعشق,, مسحت على شعره وبابتسامه جميله,, :ماعليك ان شالله بيسافر ولاعليه شر وانا كلي لك-لعبه بين ايديك العبي ياولد خالد مثل ماتحب عقلي وقلبي وروحي كلها ملكك مشاري يقبلها بقوه وبتملك,, لتبتعد حسنا وهي تضحك’’’ :يوووووووه الحين برجع اضبط مكياجي الله يهداك مشاري وهو يمسح الآثر من شفتيه,, مهوب قلتي العب بي وكلي حلالك اجل خليني على هواي ويلا تجهزي باحطج ببيت اهلج لاني بروح مع بتال لعشا عند اخويانا بالبر اخذت ترتب مكياجها,, وهو يراقبها من خلفها ويرى صورتها المنعكسه من المرآه’’’ يرتب شماغه وعين عليها وعين على صورته,, كم اتمنى ان ادخل قلبك وانتزع منه ذلك الرجل’’’ وادخل بعقلك الباطن وامسح اي ذكرى بينكما,, آآآه كم هو متعب هذا الشعور’’’ رجل يحس بأن آخر بشاركه نصف الآخر,, لو بذكرياتها’’’’’’ ******* ***** *** ** * *خلود وسارا الآن طالبتان نجيبتان بكلية التربيه الاساسيه واصبحتا مقربتان والاولى سعيده جدا بانضمامها للكليه بعد سلسه من المعارضات الفاشله لدخولها :لا تكفيييييييين شنو دكتورج هذا لايحوشج :ليش حبيبتي والله انه جنتل وحباب :خير جنتل الا سخيف وبصباااص :اسكتي لحد يسمعج هني ترا البنات يموتون فيه :صج نقاصة عقل خير من زيييينه يعني00؟؟ :مو يهبل او حلو بس اسلوبه روعه يدخل القلب :خويييلد شنو يدخل القلب مراهقه انتي00؟؟ خلود وهي ترتب غطاءها جيدا",, :قومي قومي ورانا محاظرات سارا تبتسم بخبث,, :وراااج حبيبتي انا بيجيني فهودي عين السيح خلود بربكه,, :اخوج فهد00؟؟ سارا بابتسامه ,, اي اخوي فهد عين السيح احلى اخواني خلود وهي تلوي شفتيها,, :وعععع مليق ماحبيته ومهوب من زينه سارا ترفع احدى حاجبيها,, :ومنو سالج عن رايج عنه00؟؟ والا كلام القلب يقول عكس كلامج خلود بتوتر,, :شنو عكس كلامي لاوعععع خير احبه اصلا ماعندنا حب وخرابيط ليش انتي حبيتي سارا بضحكه,, :خلاص انطرج لاخلصتي المحاظره تعالي وياي لان احنا بنروح معاه على المزرعه على طول ابوي موصيه يجيبنا خلود بقلق,, :لا لا وين اخاويه من هني للمزرعه لاااااااا تكفين بعيد بعدين بكلم هدوي اخاف مايرضى سارا بضحكه,, :تكفين والله لو ان احنا بنسافر للنعيريه كلها ساعه ونوصل ختمتها بضحكه قويه خلود تهز رجليها وهي تتصل على هادي,, :الو هلا هداوي اي فديتك منو 00؟؟ ارد وياهم00؟؟ استحي انزين انزين لاتعصب خلاص باي سارا وهي تدفع بخلود للامام,, :روحي لمحاظرتج لان فهود نص ساعه ويجي وبينطرنا بنطلع له سوا خلود ترفع عباءتها على راسها,, انزين ماراح اطول اخااف يعصب وبعد نصف ساعه بالضبط000 خلود تستاذن من الدكتور وتخرج هي وسارا للخارج,, حيث سيارة فهد’’’ يجلس وهو يتحدث عبر الهاتف,, :ابشر ابو عبدالله لاتحاتيهن بعيوني على خير مع السلامه طمني ارب الضغط ماعاد ارتفع اهاااا اي الحمدلله وياك باي لتفتح البيبان الامامي والخلفي,, وتركبان سارا وخلود0000 ******* ***** *** *** *مترك ومنى بين شد وجذب :اقول قوووووووووومي جهزي ملابسي اخلصي علي منى بتافف,, :يعني تعبااااااانه واتوحم وحالتي حاله واقوم اطلع لك جم غيااار ييبهم انت بنفسك مترك بغضب عارم,, :منى قومي خمس دقايق الا ثيابي جاهزه والحمام جاهز لاقلت كلمه ماتثنينها تراج ماعرفتيني عدل منى تقف بغضب,, :انت ماخذيتني جاريه طول عمري معززه مكرمه ببيت اهلي بطلع لك هدومك وامري لله مترك بتهكم,, :اي خير معززه خير منى تلتفت عليه بقهر,, :اسلوب التطنز هذا مايعجبني مترك احنا زوجين مو ماخذين بعض عشان نقلل من احترمنا لانفسنا خصوصا ان فيه ياهل بينا بيي مومعقوله بنتم جذي على طول مترك بغضب,, :انا واحد عطيتج نبذه عن شخصيتي قلت اني عصبي مااحب احد يراددني مااداني المره ترفع صوتها وعارفه اني احب مرتي تقوم بواجبها على اكمل وجه ماتنقص منه شي ابد ومن هالاشياء طولت اللسان والمرادد ماادنيها تبين حياتنا تكون حلوه بايدج منى تراه بقوه,, :تعتقد اني طويلة لسان مني والطريج00؟؟ تعتقد اني اراددك من خاطري والا لاني مشتهيه النكد00؟؟ من اسلوبك00 تنرفزني يامترك بكل حركه وبكل تصرف تحسسني باني ولا شي موذنبي اذا تحب منيره وتبي تردها وهي موراضيه موذنبي ترى انا وافقت عليك واناعارفه انها بتشاركني فيك بكل شي وكنت راضيه لاوسالتها وخذيت بخاطرها عشان مااظلم احد لاتقسى علي بذنب انا ماارتكبته انا ماقلت لك طلقها ولاقلت لك لاتحبها ولاتردها بس عطني شوي من هالحب اللي اشوفه بعيونك لايبت طاريها تقارن بينا باتفه شي منيره تطبخ هالصنف وتكثر الجبنه منيره تحط هالعطر لسلوم وهدوي وفروس تحط لهم دهن عود منيره ومنيره ومنيره وانا00؟؟ انهت جملتها ببكاء قوي,, ليقف مترك بضيق’’’ اراد ضمها الى صدره,, تمنى لو اغدق عليها بحب لو وهمي’’’ لانها فعلا لاتستحق هذه القسوه,, فكل ماتتمناه هذه المراه القليل’’’ كيف تتمنى بقايا رجل00؟؟ التهمته الحياه ولم تترك الى قلب نايض بحب من تستحق الحب,, هل تريدين هذا القلب يامنى00؟؟ ماتبقى مني,, نعم00 هذا ماتبقى مني’’’ ******* ***** *** ** * *ناصر لم يستطع الاستغناء عن لسان هدى السليط وعادت المياه لمجاريها وعادت هدى بلسانها لبيتها :ياااهدى قومي مني خليني اكمل شغلي هدي اللتي تجلس على حظن ناصر وهي مقابله لوجهه,, :مافيييييييه شغل بالكمبيوتر وانا هني مافيه ناصر بضحكه وهو يمسك خصرها,, :شلون يعني ولاتبيني اروح الزرعه00؟؟ هدى بابتسامه خبث وهي تعض على شفتيها,, :اممممم ياريت تقعد عندي ونصرف عيالنا وياهم شرايك00؟؟ ناصر ينظر لعينيها بابتسامه,, :هدى 00؟؟ هدى بحب,, :عيونها ناصر يرفعها معه ويقف ليضعها على السرير,, :تجاوبيني بصراحه لو سالتج00؟؟ هدى تنظر لاظافرها ثم رفعت عينها له,, :لاتخرب عليناهاليوم الله يخليك ناصر بجديه,, :لازم نبدى صح اذا انتي متغيره على قولتج عشاني وعشان عيالج لازم نبدى صح هدى بارتباك,, :اسال حبيبي اسمعك00؟؟ ناصر يمسك يديها,, :انتي شاللي غيرج سالفة مرة اخوج اني بتزوج عليج ومابطلقج00؟؟ هدى بمصارحه شفافه,, :بصراحه اي ذبحتني الغيره بغيت اكل بهدومي من الحره تخيلتك مع استغفر الله ياربي تخيلتك مره مع وسميه بنت عمتك ومره مع منيره هدى وهي تبتلع ريقها بصعوبه,, :ومع كل وحده لها علاقه فيه ماادري كرهت اني اشوفك مع غيري وانت ماتبي تطلقني ناصر بضحكه وهو يهز راسه,, :يعني لاانا ولاعيالج هموج00؟؟ هدى بدفاااع,, :شلون ماهموني انا يوم مر عيد الفطر وبناتي مو عندي اجهزهم للعيد بغيت اموت بحسرتي ماتتصور شلون عدا رمضان علي لاعندك ولاعند بنياتي والعيد بعد ختمتها وهي تضع يديها على وجهها وتبكي,, ناصر تركها تبكي حتى هدات قليلا ثو اقترب ورفع يديها من وجهها,, :عشان تعرفين ياهدى اني لايمكن افرط فيج ولااااايمكن افرط بنفسيتي بعد اليوم خليتج طول هالسنين انتي المبداه على عمري واهلي بس عقب اللي صار لايمكن اسمح لج تهينيني او تقللين من قدري ومع كل هذا وذاك ياهدى احبج ولاابي غيرج ولااااااا فكرت اتزوج وحده ثانيه مثل مارضيت فيج بعيوبج اللي وش كثرها ارضي فيني بعيوبي اللي مغطيتني لان احنا انخلقنا لبعض مانكمل الا بعض ماحبيت اطلقج واضيع نصي الثاني وانتي مثل الامثال بس فكري قبل كل شي فيني انا واني مانيب ناصر الاولي في شي انكسر ولايصلحه الا انتي ياهدى هدى تبكي وبصوت ملؤه الندم,, :وانا آسفه طمعت برضاك مني وطمعت بطيبتك ادري ان لساني يطول اذاني اودري اني غيوره واحب اصير احسن وحده ورجلي يكون لي انا وبس حتى من الكمبيوتر اللي ماخذك كلك مني بس احبك ولااحب غيرك ولااتصور نفسي مع غيرك ناصر اقترب هذه المره واحتظنها بقوه,, وحقق رغبتها البسيطه بان يكون اليوم لها’’’ لامع غيرها,, هم فقط’’’ هي وهو,, ******* ***** *** ** * *مشعل ومراجعاته الطويله والبغيضه بالمستشفى :دكتور احس اني مرات مااقدر اتحكم باطرافي ومرات مااعرف اشوف زين :الدكتور بتفهم,, :مايخالف مشعل بنحاول نتفادى هالازمه بس حاول تدبر لك واسطه تسافر براااا العمليه هناك مخاطرها اقل وهم متمكنين اكثر شوفني دكتور ومتخصص لكن اقولك اياها بصراحه خصوصا ان هالمرض يتحكم بالاعصاب وخطير مشعل يمسك راسه بوهن,, :مااقدر اسويها اهنا دكتور00؟؟ الدكتور بمصارحه,, :الافضل برااا لسلامتك وانا بقوم بالاجراءات اللي تحتاجها بجهز لك التقرير اللي يشخص حالتك والادويه اللي صرفناها عليك من قبل ولا تحاتي هالعمليه نجحت وبقوه لاتحاتي مشعل وهو يقف ,, :على خير دكتور باكلم الوالد يشوف معارفه والا هادي تعرفه ولد عمي عبدالله الدكتور,, اي والنعم والله المهم باقولك نصايح اتبعها زين هالفتره على بال مانجهز لسفرتك للخارج مشعل يعود للجلوس,, :انا معاك دكتور تفضل الدكتور,, : تحتاج تبقى نشيط جسدياً تلعب رياضه تتحرك تمشي على اساس تحافظ على درجة مناعية عالية. ويفضل تتناول الاكل اللي نسبة الدهون فيه قليله تستبدل الدهون المشبعة بزيت الزيتون. بنعطيك فيتامينات هي مكمل غذائي تنفعك وياريت ماااتتعرض لاشعة الشمس والحرارة العالية لفترة طويلة وتبتعد عن حمامات البخار والسونا وياريت تلتزم بمكان نظيف وتاكل اكل يقوي مناعتك وان شالله خير لاتحاتي يامشعل مشعل خرج من الدكتور بضيق,, فماكان يخشاه هاهو امامه’’’ ولاحل غيره,, السفر للخارج’’’ كم يتمنى لو توفاااه الله ان يتوفى بقرب اهله,, وبارضه اللتي خلق وترعرع عليها’’’ لكن ان يحصل العكس,, شعوري بقرب النهايه كبير’’’ وموجع,, كم تمنيت كتمان وجعي بقلبي’’’ ولايصل لقلب من احب,, لكن شاءت الاقدار’’’ والله بمايحكم به ارحم,, لن اجزع او اضيق’’’ فهذه مشيئة الباري,, لكن لااريد ايلامهم’’’ لااريد نظرة الشفقه بعينيهم,, ******* ***** *** ** * *مها مازالت بالكويت تحمل بطنها الكبير بثقل اذ تنوي الولاده بالقرب من والدتها اما محمد فعاد الى حيث كان مع حظوره للاطمئنان على نصفه الآخر بين الحين والآخر كما يستعد للمكوث شهر بعد زواج رائد ووقت ولادة زوجته :يماااااااااااااااااااااا� �اااااااااه :خالصه يابنتي خالصه كليتيني بقشوري :تكفين اقلقل راحتي مشعل توه جاي من الطبيب يقول اخلصوا علي بيقطنا ويروح :اي فديته دق علي وخلا الدكتور يكلمني يطمني بنفسه يلا باتوضى قبل اطلع ونروح :يمه توضي بالمزرعه فيه حمامات مليت من حنة مشعل وهرناااته :يمتس مانيب طالعه من بيتي الا متوضيه مها تقف لانتظار والدتها,, اما مشعل فدخل كاعصار,, ليحاكي الخادمه دون التوجه لمها بالحديث,, :ميري وين ماما00؟؟ مها بضيق,, :ماما في جوااا حمام مشعل يكتم ابتسامته من منظر اخته مها وهي تخلط المرح بضيقها,, :مهوب انا قايل ادق دقه الا انتوا برااا ليش توها تروح الحمام00؟؟ مها يتضع يدها اليمنى فوق اليسرى وباستغراب,, :الحين مره تبي الحمام وانت بكرامه اقول لها ليش تروحين الحمام00؟؟ الله يرضالي عليك وش هالسؤال مشعل يحمل صندوق الحلويات ليصحبها معه للسياره,, :لااخلصت الحقوني برااا مها تنظر لمنظره بجسمه القوي وهو خارج,, يؤلمها شعور الاشي’’’ ان تكون انت لاشي بنظر من يشكل كل شي بحياتك,, لايعيرها اهتمام’’’ يعاملها كما يعامل اي عابر بالطريق,, اسئله تافهه لاتتعدى السلام والاطمئنان’’’ اين نحن من اسرارنا الخاصه00؟؟ وذكرياتنا الدافئه00؟؟ خرجت مع امها تتبعها لسيارته,, خرجت وخرجت معها افكارها وتساؤلاتها’’’ ******* ***** *** ** * *هيفا وطلال نشب بينهما خلاف قوي ابتدأ بخبر استقالته من وظيفته العسكريه المنهكه بالنسبه له وانتهى باستقالتها هي الأخرى من وظيفتها الوزاريه وتستمر حرب العناد الشنعاء بينهما لكن من سيهزم ؟ لا نعلم؟؟ :يمه ليش ماعاد تداومين هيفا وهي تسرح شعر ابنتها استعدادا" للذهاب للمزرعه,, :يعني انا بروحي اللي مااداوم00؟؟ انهت جملتها وهي ترفع نظرها لزوجها الذي يسرح شعره امامه التسريحه ليتفت عليها بغضب,, ثم ينظر الى ابنته شيخه بحب,, :شيوخ تعالي بعدما انهت والدتها تسريح شعرها,, تقدمت نحو والدها ووقفت امامه’’’ وهو جالس على كرسي التسريحه,, "شيوخ امج ماخذه اجااازه وبتداوم قريب وانا بعد انهى جملته وهو يرفع نظره بتهديد ناحية هيفا اما هيفا فوقفت بغنج,, وهي ترتب تنورتها الجينز’’’ ثم تتقدم لتنزل لمستواه,, :افاااا عليك احد يعارض قراراتك ومشت منه بغرور للتسريحه لتخرج الروج وتكمل زينتها,, اما هو فنظر الى ابنته وبامر,, :شيوخ روحي شوفي اخوانج تجهزوا والا لأ ركضت ابنته للخارج,, اما هو فوقف خلف تلك المنحنيه امام المرآه لتعديل زينتها’’’ ليمسك يدها الساكنه على التسريحه ويرفعها بقوه ويلفها اليه,, حتى انها كادت ان تقع’’’ :آآي اوجعتني يامجنوووون طلال بغضب,, :عيالي مالهم دخل بالهم اللي بينا هيفا بغضب مشابه,, :هي اسالت آآآآآه طلال وهو يشدها اكثر ليقربها اليه,, :ماجاج شي ياهيفا وانا قلت ولاابي اعيد عياااالي مالهم دخل بالزفت اللي بينا هيفا تحاول بان تفلت يدها منه,, :آه خلاص طلال ماعاد راح أقول آآآآه طلال يفلتها بقوه ويكمل تسريح شعره,, ثم يتناول غترته ببرود ويرتديها وكان شيئا" لم يكن’’’ وهي تمسك معصمها بالم لتجلس على الكرسي,, وبهدوء,, :طلال بنام الليله من بعد اذنك عند اهلي قبل تطلع معالي طلال المؤيد للفكره وبقوه فحالهما موجع,, تجرحه ويزيد من عيار جرحه لها’’’ عليهما بالهدنه,, ليس لاجلهما بل لاجل اطفالهما’’’ اما اطفالهما000 :اقولك ابوي شكلهم طردوه من الدوام وليد ذو الثمان سنوات والذي يصغر شيخه بعام,, :انا اشوفه كل يوم يطلع من البيت شيخه تقترب اكثر وهي تخفض من صوتها,, :اول مو يداوم بلبس الشرطه00؟؟ وليد بموافقه,, :اي صح والحين لأ شيخه وهي تلتفت ناحية الباب,, :ايييي يعني طردوه من الدوام وليد بطفوله,, :يعني ابوي بيصير مثل جده يقعد بالبيت00؟؟ شيخه بغباء,, :لأ ياغبي ابوي بيصير سواق يودينا ويجيبنا من المدرسه وليد ببراءه,, :اي صح لان اول تودينا امي مع السواق توقعااات طفوليه بحته,, يشاركون والديهما همومهما’’’ فهم جزء لايتجزأ من هذه الاسره,, بل هم الاساس’’’ ولاتخفاهم الامووووور,, لكن مالم يعلمانه بان هنالك من سمع الحديث الدائر بينهما بضيق0000 ******* ***** *** ** * *اما بقية الابطال فستتوارى اخبارهم بين طيات احرفي القادمه000000000000000 | ||||||||||||||
|
| |
|
18-03-11, 03:27 AM
| #20 | ||||||||||||||
| مراقبة ومشرفة سابقة ونجم روايتي
| عندما تلتقي الأحبه00 ترى الأفئده تتخاطب بلغة الوفاء00 لغه لايفهمها الا أصحابها00 يحتاج الآخرون لمترجم عبقري لهذه اللغه00 لكن ماأن يترجم لهم اول كلمه00 حتى ترى الوجوه *****ه00 بشفرات اكثر تعقدا"00 فهذه اللغه محصوره بين الاحبه00 لان الارواح هي من تتخاطب00 هل تقرأ لغة روحي يامن أحب00؟؟ ام تحتاج مثل الآخرين لمترجم لتزداد حيره00؟؟ البارت الثامن عشر رؤيه خضراء بمزرعة ابا ناصر000 ******* ***** *** ** * في مكان بعيد عن ضجة المدينه,, والسموم اللتي تملأ اجزاء هوائها’’’ يجلس براحه وسكينه,, ينظر للخضار من حوله’’’ مع نسمات العليل وصفاء الروح من الهموم,, يجلس على بساط حوله رائحة الهيل والزعفران’’’ على يمينه نصفه الآخر واللتي قدمت للتو,, وعلى يساره أخته الغاليه ونصف اخيه المرحوم الآخر’’’ وحولهم خمسة شباب يزينون المكان بروحهم الحيه,, تتعالى الاصوات بامور خصبه’’’ وتتهامس الاصوات بمشاورات عذبه,, وتبقى الارحام على صله’’’ بقرب هذا الكهل الذي ان جمع او لن يفرق,, اما بالداخل000 تسع فتيات---او لنقل نساااء,, تنقصهن صغيرتي العائله’’’ وهما على وصول,, تضج بهم الحياه بحلاوتها’’’ وسميه متالقه ببساطتها,, فاليوم اللقاء على شرفها’’’ رغم وجع الذكرى والم المناسبه,, الا انها تبقى جميله بوجود من يحطنها باهتمام وحب’’’ منيره اللتي تتقدم للسلام على وسميه بحب فهي آخر من حظر برفقة هادي,, :أقول طبنا وغدا الشر ختمتها بضحكه لتضربها على رأسها وسميه,, :أعنبوا ابليسج ماتعرفين تركبين مثل على المناسبه 00؟؟ 00وش دخل طبنا وغدا الشر00؟؟ منيره وهي تجلس بعد السلام,, :طبتي من المرض اللي هو حبسة البيت اللي تجيب الوهم غدا الشر اي بالله غدا شرج يابنت عمتي وهذا انتي تلقين وطيبه وكنج البخت وسميه بخفوت,, :ياابنت الحلال خليها على الله شوفتكم حولي والله انها ترد الروح اللي راحت مع راعيها هيفا بصوت عالي وهي تدخل من الخارج,, :قسم بالله لولا الحيا وخوفي من هويدي لااطلع واقعد مع الشباب قعدتهم توسع الصدر خصوصا جويبر ياهو ذبح العجايز بتعاليقه عبير بتهكم,, :جويبر وش هو فالحا" فيه غير المعاير من اللي برااا00؟؟ هيفا وهي تجلس,, :كلهم ماعدا فهد راح يجيب البنات وناصر ماشفته--الا وينه ناصر يامهااا0؟؟ مها وهي ترتشف الشاهي,, :ههاااو عند ست الحسن والدلال صكة عليه صكه ياحراام قدها مهيب من شعورها كل ذاالبعد ومفارقته مابقى قميص فاصخ والا نكهاات ولا اطياب ماحطتها دلال وهي غارقه بالضحك,, :بس تكفييييييين احس ناصر من شماليها ماشفتيه يوم جات وهي كاشخه ولابسه عينه طايره فيها ياحرااااام حسنا بابتسامه,, :بنات عاد هدى على خبالها ولبسها الغريب00؟؟ دلال وهي تضحك,, :لاعقب كف اخوي تحسنت شوي مها بضيق,, :دلال وش ذاالحكي00؟؟ مهما كان هي ام عايد ولها الحشمه واللي بينهم بينهم حسنا ماعليج منها الخبل هدى لبسها على الموضه الوان وخبه بس يناسبها سبحان الله يعني المره جسم ماشالله ولاكنها جايبه ذاالبزران هيفا بسخريه,, :مهاوي الله يرضالي عليج وش موضته اللي مثلها وذاجسمي والله لاالبس ساااااده وناعم بعد بس هي تخرب على عمرها بالموديلات يعني بالبدله الوحده ثلاثين موديل منيره تنهي الحديث,, :كيييفهاااا لبسها وهي راضيه اعنبوا غيركم ماشبعتوا حش خلاص غيروا الموضوع الا تبوني اغير الموجه واسولف عن بنات الدوام عليا تضع اصبعها على اذنها,, :لاااااااا تكفييييييين بس الله يخليج لانبي نسمع لبنات دوامج ولانبي توجعين روسنا فيهم كفايه ماجرى منك كفايه لتقوم بالتطبيل منيره بطرب,, وتغني عليا بخفوت’’’ حتى لاتصل اصواتهن للخارج,, وتبقى الارحام على صله000 وكم هو شعور رااااائع000 ******* ***** *** ** * بالسياره حيث فهد وسارا والقابعه بالخلف خلووووووود000 يجلس بهدوء,, يتحدث مع اخته تاره وتاره يتحدث بهاتفه’’’ ادارت سارا المسجل بالسياره,, ليتعالى صوت نوال تصدح باغنيه00 ضاقت عليك ومابقى الا انااا 00 00 تقول وش رايك بمحبوبي الجديد00؟؟ تبغى تعنيني وانا ناقص عنااا00 00 اموت واعرف بس انا وش تستفيد00؟؟ لاتعلم لما شعرت خلود بتوتر وهي تستمع لتلك الكلمات,, بذلك الصوت الشجي’’’ معقوله ضاقوا عليه بنات العالم كلهم00؟؟ مابغى حليله الا اختي عليا00؟؟ يعني مايدري اني احبه00؟؟ قبل عدة شهور0000 حسنا اللتي تجلس مع عليا بالحوش,, :انتي متاكده ان فهد يبيج00؟؟ عليا بحلفان,, :اقسم بالله اني دريت صدفه وتضايقت معقوله 00؟؟ توقعت يبي خلود من كلام مهاا لج وانتي خابره حسنا بضيق,, :ماهذا البلااا انا انصدمت اصلا00 تدرين قبل ماشفت من ناحيته لاي بنت اي اهتمام لاانتي ولاخلود انسان همه طلعاته ربعه لكن عقب الموقف اللي صار بينكم والله ياعليا انه طاح من عيني عليا بخوف وهي تلتفت على المكان المعتم,, :اسكتي لايطب علينا هادي ويسمعج والله ان يغسل شراعي ويغسل شراعه فوقي قليل اللي سواااه00؟؟ حسنا وهي تتكا بيديها من الخلف وتمدد قدميها امامها,, :مااااعمري شفت عليه حركات علويه ابدا" اصلا" ماكان له وجود بالبيت ماادري وش عنده على هالحركه وانتي غلطانه وشهو له تمشين بالبيت سفري00؟؟ عليا بندم,, :بالعون اني لارحت لهم اتستر ولاافصخ حتى عباتي بس ياختي دليل الله يهداها قالت لي انه مهوب موجود ولافيه احد حسنا بتهدئه,, :ماعليج لاتشيلين بخاطرج واذا تقدم ارفضي وطزز فيه عليا بقوه,, :والا فيها00؟؟ اي بالله بعيي والله مايطول مني حاجه انا مهوب كاسر خويطري الا المسيكينه اللي كتبها كلها حرف الاف يفتح نفسها ياحسون على الدراسه مجرد حرفه حسنا بصرامه,, :ماعليج لاتحاتين خلود اصلا هي تربية هادي 00هادي وهو يموت بهواا دلال ماتعذب يوم اعرست كمل حياته وعادي وخلود ذيبه ماراح ياثر عليها لو خطبج عليا وهي تتنهد,, :وتتوقعين ان هادي عادي عنده عرس دلال وانها تروح من ايده00؟؟ لاوالله ياحسون الا يفرك من الحره بس ويش يسوي وخلود من شماليه ذكرى مرت لاقل من ثانيه ببالها,, كلام 00 مجرد كلام 00 لكنه كما السم الذي دخل بجسدها لينهش قلبها’’’ وصلت مشاعري لاحاديثهن الجانبيه00؟؟ يقررون ماسيحول بي لوتركني ذلك المغفل00؟؟ اذ كانت اخته سارا وصلت لها مكنونات مشاعري بعفويه,, فكيف باخواتي اللاتي اشاطرهن احاسيسي اليوميه00؟؟ ومن ضمنها احساسي البريئ تجاهه00؟؟ هو الذي يجلس بقربي اليوم’’’ بعقدة حاجبيه المعروفه,, وباسلوبه الجديد الذي لم اعهده’’’ اذكره غاضب مشتعل سريع التحرك00 لكن به روح حيه00 تشع حيويه وشباااب00 اما اليوم اراه رجل بمعنى الكلمه00 هادئ مسالم00 ولن ابالغ لو قلت ارى به براءه لم اعهدها بغيره00 لم تشعر بالوقت الا حينما وصلا لاحدى الجمعيات التعاونيه,, ليلتفت عليها فهد وهو ينزل نظارته على طرف انفه’’’ لترى عينيه ماتحب متوجهه الى عينيها قبل لسانه بالسؤال,, لتجيب قبل حديثه,, :لامشكور فهد ماابي شي ابتسم ثم اردف,, :انزلي بقوول انزلي نتقضى للبنات موصين العيال باغراض وعيواا لايجيبون لهن انتي تقضين لخواتج وانا باشتري لباقي البنات والبزران التفت لحقيبتها لتصحبها معها للداخل,, لتسمع صوته قبل نزوله وهو يرتب شكله بالمرآه’’’ :لاتاخذين حاجه عندي فلوس شايفتني مانيب قد المقام00؟؟ خلود بخجل,, :محشوم يابو عايد خلاص عليك الحساب والله يعينك نزلت تسبقها سارا لتمسك بسله وهي تمشي وتشعر بمن يتبعها,, الليله احساسي غريب00 عاشق وانا مالي حبيب00 الليله غير00شعوري غير00اشواقي غير00 حتى الاغاني غير00صدري سماااا واحساسي طير ******* ***** *** ** * ببيتهم00 بيت السعادة والهنا كما تسميه سارا00 يجلس بحديقة المنزل,, لتاتيه بغنج’’’ وتضع الفطائر اللتي اعدتها بمهاره,, مع الشاي الساخن’’’ ناصر بابتسامه مشرقه,, :تسلم الايادي اللي تعبت هدى وهي تناوله كوب الشاي,, :الله يسلمك ياعمري شاهي منعنش على كيف كييييفك ناصر بضحكه,, :منعنش شلووون00؟؟ هدى وهي تقرب منه صحن الفطائر,, :شاهي بنعناع اشرب وعطني رايك ناصر بصدق,, :انتي ياهدى كل شي فيج حلووو الا اللي خبري خبرج هدى بابتسامه باهته,, :بتذلني ياناصر على طبيعه غصب عني00؟؟ ناصر يقترب ليلمس شفتيها بحب ثم ينقل يديه لشفتيه ليقبلها,, :مانخلى من التنكيد كلنا بالهوا سوااا يسلملي اللسان وراعيته بصراحه اليوم عوضتيني عن هالسنين اللي فاتت كلهااااااا هدى بابتسامه ونظره ذابله,, :صح ناصر مستانس ومنت متحسف انك مارحت مع العيال وعمي00؟؟ ناصر بصدق,, :والله العظيم اني مستاااانس ومرتاح والمزرعه عادنا فيها بنحظر العشا والا وش رايج هدى بتاييد,, :على رايك انا مشتاقه لسوالف البنات خصوصا وسوم ياانا احب هالمره ناصر بحب,, :وياانا احب المره اللي قدام عيني هدى تبتسم بحيااء وهي تنزل راسها للاسفل,, تشعر براحه’’’ فبعد نوبة العتب والمصارحه الشفافه بينهما,, ازيحت غيمة السنين السوداء’’’ ومابها من اوجاع,, لتحل بدلا" منها امطار من الحب والسخاء,, السخاء بمشاعر افتقداها الاثنين منذ سنين’’’ وهاهي ترجع اليهم بنضجهما,, وعلى كثر السنين اللي عاشوها سوا من جفااا,,, على كثر الحب اللي بينهم ,,, وعلى كثر الوله اللي ذبح قلوبهم,,, رجعوا بقوى لبعض وبشوق اكبررررر0000 ******* ***** *** ** * جلسة شباب بحته,, فيها عبق الرجوله’’’ وعنفوان الشباب,, استلم الجلسه هادي وبقوه,, :مشعل اي خلك كذا صريح وواضح واذا تعباااان انت قدها وقدود واحنا اهلك وعزوتك وان ماوقفنا جنبك وش له حياتنا موتنا وحياتنا واحد مبارك بترفيع,, :اوه اوه اوه حركااات ياابو عيدالله داخل بقوه انت هادي بابتسامه وهو ينظر لمشعل,, :اعنبوا غيركم هذا مشعل خوة عمر ,السفره يامشعل ازهلها وانا اللي برافقك مشعل باحترام,, :كفوو يابوعبدالله كفوو هادي باحترام متبادل,, :الله لايكف شوفك مشعل يردف,, :السفره عجلوا بها انا تعبت ومحد بمخاويني الا فهد انا وياه جميعا ان قبرني والا قبرته ليأتيهم صوت فهد الضاحك مع ضحكهم العالي,, :اقبرني اعنبوا من لامني في حبك اقبرني المهم نسافر مبارك بفرحه فهو لايفارق فهد منذ تغير حال الاخير للافضل,, :سنااايدي والله يافهد تعجبني فهد يرمي ورقة اللعب التي احظرها بالنصف,, :شباب بيلوووت00؟؟ اقتربوا جميعا للعب,, ليدخل جابر وبصوت عالي’’’ :اول دووووور لي معكم دخلوني هادي يرفع نظره له ثم يبتسم باستهزاء وهو يفرش الورق,, :لاحجت البقر على قرونها بتلعب وانا باللعبه جابر بضيق,, :ابو عبدالله مااحنا ببزران احنا جايين نستانس وننسى اللي فات هادي وهو يوزع الورق عليه وعلى مبارك وفهد ومشعل من شاركوه اللعب,, :اي مع ابوي لارجع ابوي نسيت العبوا عيال مشعل بهمس,, :هادي مبارك فهد بزرااان انتم00؟؟ رجال جاك ياهادي واعتذر وش صار يعني لاغلط المهم انه تاسف مبارك بقهر,, :وش تاسف يامشعل00؟؟ هذا هو على حاله تراا هادي يوم انه متضايق منه مهوب عشان سالفة عليا وطلاقه المفاجئ هادي متضايق من سوالفه المحقه علومه الرديه هياته من بلد لبلد ومن مرقص لمرقص مشعل الذي ينظر لجابر الواقف قرب سيارة تركي ويتحدثان سويا",, :الله يهديه ياعيال العبوا وخلوا اليوم يعدي على خييير احنا جايين ننسى همومنا ونرتاح لابو ذاالحياه لابوا كلب اللي بتخلي النفوس خايسه كذا هادي بابتسامه,, :الحياه دنيا والدنيا من اسمها دنيه وش تنطر من شي دني00؟؟ مبارك وهو يرتب لعبه,, :لا اله الا الله الحياه مالها دخل ياهادي البلا والله فينا اللي لاعاد فينا غاريه ولاالرجاجيل مثل اول فهد بمرح,, :اعنبوا مجناكم احنا جايين نلعب والا جايين نعطي مواعض اكملوا لعب,, احيانا" بتشنج’’’ واحيانا بضحك,, ولاااا يخلا اللعب من التلاعب00 فهو لعب00!! اماجابر اللي ضاق به المكان رغم وسعه,, :تركي مهيب حاله لاجيتهم صدوني تركي وهو يخرج ادوات الشواء من سيارته,, :جابر امسك هادي وكلمه على جنب انا ماادري وش اللي بينكم بس هادي مايزعل الا من شي كايد جابر بتوتر وباحتداد ليخفي توتره,, :ماااصاااارت يعني الواحد لاجا يستانس لازم تضيقون عليه00؟؟ تركي وهو يرفع راسه لاخيه بنظرات انتقاد حاده,, :تعال اضربني ياالمره تعااال وش اللي رادك00؟؟ يااخي متضايق من احد لاتجي تحط الحره فيني لاتنسى العيال ابتتعدوا عنك من حركاتك اللي فضحتنا بها عن خلق الله جابر وهو يتنهد واضعا يديه في جيوبه,, :تركي كلم العيال انا جاي اوسع صدري احس اني ضايق من غيرهم خصوصا ان فهد تغير علي انا ربعي كثر التراب بس ابي اهلي حولي تركي الذي اخرج العده واللحم من السياره,, :جابر ذاالشي بيدك ياتبعد عيال عمك واخوانك منك وتنفرهم مثل ماانت مسوي00؟؟ والا ترجعهم لصفكم مثل ماراح تسوي ان شالله00؟؟ ذهب تركي لدلال اللتي تنتظر العده لتبدا الفتيات بالشواء والاستمتاع,, اما جابر فعاد للشباب يحاول هد الحاجز اللذي بناه بينهم بيده,, ******* ***** *** ** * نظرات منها لم تفت احد,, تجاهلتها الاخرى لتمشي المياه بهدوء’’’ بمجاريها ولاتندفع الموجات جانبا عن مسارها الصحيح,, فاليوم لقاء طال انتظاره’’’ وكم هذااللقاء جميل وهادئ,, لولا سهام الكلمات اللتي تطلقها بعنف وبصوره مبطنه لها’’’ ام هادي بتعقل بعدما غادر المكان عايد بصحبة جابر للمشي قليلا,, :ام تركي البنات بيشون انا فداتس وبيكونو قريب والعيال مامن بعد بينا وبينهم حذفة عصا والشايب بيعود خلي اليوم بتساهيله ام تركي بغضب,, :اقول ام هادي ورا ماتعلميني السنع ومتى اتحاكى ومتى اسكت00؟؟ ام هادي بتغيير لمجرى الحديث,, :انتي ام العقل ياام تركي وغيرتس المخطي,,الا وسوم صحيح بتعطونها الملحق الخارجي00؟؟ ام تركي باستنكار,, :يويلي من قاله00؟؟ ام هادي,, :سمعت تركي يقوله لهادي يومه عندنا ام تركي بصدمه,, :يعطيها الملحق الماجر بذيك الحكيا عشان يعزلها مني00؟؟ مهوب كفايه علي مرته المندسه بجحرها ماتجيني ولااشوفها الا ان كانها بتطلع محل00؟؟ ام ناصر بطولة بال,, :اللهم طولك يارووح ام هادي بندم فهي من فتح الحديث لتغير الجو ولم تعلم بان هذا ماسيغضب ام تركي ويضايق ام ناصر,, :يانسواااان ماهيب جايه مرت خالد00؟؟ ام تركي بتهكم,, :اللي تلوي اثمها لاجات تحتسى 00؟؟ ابرك الساعات فرقاها ام هادي بصدق,, :والله ان معرفتها تشرى بذهب ,, ماشالله عليها عرفت لطبايعنا وقدها منا وفينا ام ناصر بتاييد,, :انا اشهد انتس صادزه اجوديه وراعية واجب وعندها معرفه ماشالله عليها ليقطع الحديث الدائر حظور هدى,, السلام عليكم لتتقدم من نسائها وتقبل رؤوسهن بتعالي وتجلس بقرب ام ناصر ام ناصر اللتي تربت على فخذها وهي تبتسم,, :زين اللي جيتوا قلت الوكاد بيصك عليها نويصر صكه ولاهوب جايبها لتضحك هدى بغرور,, :يوه ياعمه بموت اجي مبكر بس عيااا يقول هو عشا وش مغبشنا من صباح الله خير ليحظر ناصر ويقبل راس عمته ام تركي ويلقي السلام على ام هادي باحترام وبصدق,, :والله اني مجهز اغراضنا من فجر بس جاتني ام عايد وامسكتني من شوشتي الا تقعد هدى باحراج,, :ماعليج منه عمه هو اللي قالي نقعد ونجي قريب المغرب ناصر بخبث فهو قرا الاحراج الواضح بصوتها ومن كلماتها ليزيد العيار حبتين,, :لاوطاريلها مانجي ابدا" اليوم بس انا اللي اصريت نحظر العشا خصوصا" ان ذاالجمعه الحلوه ماتتفوت هدى بحرج انا بادخل وين البنات,, :ام هادي وهي تشير للخلف ,, :ورا تعينينهم ورا البيت يجهزن بيشون مع العشا00 همت هدى للحاق بالفتيات اما ناصر فاخذ يتحدث مع امهاته بحب ,, ******* ***** *** ** * عند الفتيات اصوات تتعالى بضجه,, واصوات تتهامس بهدوووووء’’’ وسميه لمعالي اللتي ترضع ابنها من صدرها,, "متى الطلعه ياام هدوي00؟؟ معالي بضحكه,, :المفروض اليوم بس سحبت على عزيز وقلت له ماتطلع المره الا باليوم الاثنين واربعين ماابي افوت هالجمعه وسميه بنصيحه,, خلاص احظري العشا ودقي عليه فاجئيه تراا انتي زودتيها ورجلج وراه دوره اسبوع برااا لاانتي باللي بتسافر عشان هدوي ولاانتي اللي ونست رجلها عقب كل هالوقت من الهجر معالي بصدق,, :اكذب عليج اذا قلت لج مانيب مشتاقه الا بموووت من الشوق خصوصا ان حمالي حرمني قربه بس يااختي الليله تتعوض بس هاللمه والله ماتتعوض وسميه بصوت منخفض,, :بتنامين اليوم بالمزرعه ويانا00؟؟ معالي وهي تمد شفتيها بضيق,, :عشان هالفصعون ماراح انام مافيه الا كم غرفه وبيزعجكم بارجع لبيتنا وسميه,, :ياخبل خليه عندي ودقي بالليل على رجلج وروحي وياه اي فندق او شاليه معالي برفض,, :لا يااختي فضيحه لاسالوا وين امه وش بتقولون هملت ولدها وراحت مع رجلها كانها سرووق00؟؟ حسنا تجلس بقربهما,, :شفتي وسوم عجزت فيها اقول لها رووحي الرجال اكتئب كان حاسب على اليوم فاجاته الله يصلحها منيره من بعيد,, :بناااااااااااااااااااااا� � تعالوا برااا نشوي سوااا وناسه وناسه قمن بمرح يركضن بشكل طفولي للوصول لمكان الشوي,, اما معالي فجلست تحمل ابنها وهي تراهن بابتسامه’’’ والله ثم والله لو يقولي عزيز طلاقج اليوم ان تميتي هني لاتم,, اما سارا وخلود وعليا من يمشين بعيدا" عن مكان الفتيات,, حين روا ركض هيفا ووسميه وعبير ومشي حسنا ومها باستعجال وحذر’’’ اتجهوا بسرعه للمكان,, :وش فيكم00؟؟ دلال وهي تنفخ على السيخ المليئ بقطع اللحم والطماطم والبصل,, :وش فينا00؟؟ فينا ناقصات العقل اللي بغن يحرقني انا ومنور مها وهي تجلس على كرسي احظرته لها سارا,, :دلول انا اول وحده ترااا ورعي يطبل ببطني ميت من الجوع ويبي عيشه حسنا وهي تقف بالقرب منهن,, :وانا بعد محد احسن من احد مها وهي تضع اصبعي السبابه تحت عينيها,, :يمممممممممه من الحموااات شفتوا شغل الحموات تقلدني بكل شي عليا بمرح,, :لامهاوي ثنتين بعد خوات عليج يعني شكلج بترجعين مصر وتستقرين هناك مها تضربها بخفه,, :لاتذكريني بمصر واهلها--البي بيوجعني-- البنات بمرح,, :الواد البوا بيوجعوا00وعايز حد يدلعوا الواد بيؤول الآه__آآآآه ولكن مااسكت اصواتهن المرحه,, ذلك الهجوم الحاااد والغير متوقع’’’ وبصوت رجولي حاد,, :طررررررررررررررم تراكضن الفتيات لستر انفسهن باغطيه ودخلن للداخل,, الا منيره اللتي تنفخ ببرود وهي تتغطى بطرف شيله فاضحه اكثر منها ساتره’’’ هادي بغضب وبرفقته مشعل وفهد,, :منير00؟؟ منيره بتبرير,, :في ذمتك وش تبيني الحق ذاالخبل واللحم يحترق00؟؟ خلني اخلصه اول هادي يبعدها بيده,, :قومي دااااخل مشعل باحترام,, :مسيتي بالخير ياام سالم منيره باحراج فهي توقعت تواجد فهد فقط لاكنها لم ترى مشعل اللذي حظر بعد الشباب,, :هلا والله مسيت بالرضا والعافيه شلونك بشرني عن صحتك مشعل يقترب من هادي,, :لاباس الحمدلله مانشكي باس دخلت بسرعه للبنات الغاضبات,, بل المشتعلات من الغضب’’’ دلال بحده,, :خير ان شالله اخوكم يتبلع يوم خلصنا وتعبنا الشوي جايبه تركي لنا وللعجايز مهوب لهم وله ابو كرش هيفا بغضب مشابه,, :سخااافه يعني ماتعرفين هويدي00؟؟ بعدين وخير ياطير لاغنينا ترا حركتهم مفهومه يبون الشوي وبيروحون وماان اتمت جملتها هيفا حتى غادر الشباب بضحكه ومعهم اللحم المشوي,, لتخرج دلال بغضب شديد’’’ "خمستعش سيخ الله لايخسر خذوها ومابقى الا اللحم الني البنات بتافف وهن يرجعن للشوي,, كان ذلك على مراى من هدى اللتي حظرت للتو’’’ :السلام عليكم دلال تنظر لها بحده وباقي البنات,, :وعليكم السلام والرحمه هدى تقترب من وسميه اللتي نادتها مكان القهوه,, وسميه بتبرير,, :هدوي اخبارج,ترا البنات مفولين من الشباب اللي سرقوا اسياخ اللحم بعد عنااء من الشوي هدى بضحكه وبحب,, :الله يجبر بخاطرج بصراحه شككت بنفسي اني مسويه شي من نظراتهم معالي وهي تحظر للسلام بعد وضع ابنها بسريره,, :حياالله ام عايد اسفرت وانورت ولو ان احنا شوي مظلمين هدى تقف باحترام,, :نورج حبيبتي وعلى البركه المظهار خارجه من كل شي حسنا بمرح,, :وش مظهاره عفنت ذي قولي عزتي لعبدالعزيز اللي ماتهنى بهالمظهار هدى بمبالغه,, :يووووووه علوي انا مااتم الاربعين الا حارقني ناصر بالاتصالات حسنا تنظر لمعالي بابتسامه,, :ايييي هو فيه احد مثل ناصر الله يتمم عليكم ببقعه اخرى بعيدا" قليلا عن الشوي,, سارا بضحكه,, :علويه من صجج تبين تدخلين على هالاغنيه00؟؟ عليا بمرح,, :ليش لا اني صادقه تهبل خلود وهي تضرب عليا على راسها,, :عشان طول ماانتي تمشين الناس يكحون من كثر ماانتي مغبره سارا,, :من الحين باشتري كمام لايجيني ربو من الغبار اللي طالع منها عليا بضيق,, :ليش بناات مو حلوه00؟؟ خلود,, :علويه اولا هب السعد قديييمه ثانيا ماحبيتها شوفي غيرها او خلي الفنانه تدخلج احلى سارا بتاييد,, :اي صح احلى تدخلج الفنانه بصوتها وطبول حيه احلى بواجد عليا,, :وش رايكم تلبسون نفس الشي وياي00؟؟ لتنفجر كلا" من سارا وخلود من الضحك,, خلود بمرح,, :اي ويكتبون على عرسج العرس التراثي سنة الف وتسعميه واحطبه سارا وهي تقف وتشير برفض بيدها,, :لا لا مستحيل انتي من جيلنا00؟؟ لتقفا معها ويهما بالعوده للفتيات,, وهن يتمايلن من الضحك من اقتراحات عليا الغريبه’’’ ******* ***** *** ** * يمشي بصحه,, بالرغم من كبر سنه الا انه لائق جسديا"’’’ ويحب المشي والحركه,, ومعه ابن اخته القريب لقلبه’’’ رغم كل عيوب جابر,, الا انه اكثرهم وصلا" بخاله العزيز’’’ يعتبره ابيه الغالي,, ليس مجرد خال محب’’’ بل اب شارك بتربيته ويستحق الكثير من الحب والعطاء,, ابو ناصر وهو يقف ويمسك قنينة الماء من جابر,, :بس يبوك تعبت خلنا نعود جابر اللذي احظر صخره ليجلس عليها خاله,, :اقعد ريح اهنا شوي عقب نعود ابو ناصر مستجيبا" لراي جابر,, :وهذي قعده00قلي وش علومك ياابو حمود متاك بتعرس وانا ابوك جابر وهي يجلس على التراب,, :متى ماالله كتب يبه ابا ناصر,, انت تدري ان مبارك محاكيني على العرس يبيني اخطب له وانت الكبير مااعرست جابر وهو ينظر لبعيد,, :خابر يبه بس مالي بارض على العرس الحين ابو ناصر,, :متاك يبوك بتسنع امورك لازم تركي اللي يركض لك في كل حاجه00؟؟ جابر بغضب,, :هو اشتكالك يبه00؟؟ ابا ناصر وهو يربت على كتف جابر,, :مااشتكى لي عيون واشوف,,ياابوك الرجال يجتهد ويمشي اموره بايده انا عارف انك ماانت بمرتاح بوظيفتك وودك بالشركه بس ابيك انت تتحرك مهوب غاترني اني اعاونك واكلم معارفي بس ابيك تتحرك ياابوك على ماقالوا--اللي ماله نجدتا" من ذارعه شربه من ايدين الرجال هماج-- جابر وهو يقف,, : نعود يبه00؟؟ ابو ناصر بابتسامه,, :عودنا يانفيسه ((المثل مقصود به::اللي مايقوم بحاجه بايدينه فماله من الرجاجيل الا حثالهم--بقايا مااشربوا)) ******* ***** *** ** * هادي ومبارك بمشاورات جانبيه,, :والله يااخوك ماادري بشوف وارد لك خبر مبارك وهو ينظر لجابر القادم مع خاله,, :صك على الموضوع ماابي جابر يدري هادي بتغيير للحديث بناءا" على رغبة مبارك,, :ماقلت لك ان ابو غانم خوي مشعل مرشح نفسه للمجلس00؟؟ مبارك بفرحه,, :صحيح00؟؟ زيين زيييين اجل قربت الواسطه عندنا هادي بضحكه,, :افااااا عليك بناكله ابو غانم وبنذله باصواتنا ذالفتره عشان يتوسط لنا بكل محل انا ودي اسافر سياحه بخليه يتوسط لي بالصحه موب هم يسفرون على الفاضي والمليان من عنده واسطه00؟؟ نايف اللذي حظر لاصطحاب عبير لكن ابو ناصر حلف عليه بالعشا,, :وانا شباب بروح احف ليزر واسوي عمليه لخشمي وين تنصحوني اروح فرنسا والا لندن00؟؟ هادي يقف للسلام وهو يكاد يقع من الضحك,, :خنز الليزر اصلا" بيخرب الجهازمن كثر شعرك يالمشعر مبارك بمرح,, :عاد نايف وش العمليه اللي بتزين خشمك00؟؟ نايف يتقدم بانفه لتحية كلا" من هادي ومبارك,, :والله يابوعبدالله مايرد على حكيك بنشوف من اللي حفه ازين انا والا انت هادي يضرب كتف نايف بقوه,, :تخسييي الا انت صدقت نفسك تمزح معيي اصغر عيالك انا00؟؟ نايف بمرح,, :لاجاني ولد بسميه هادي عشان اذله على ذاالاسم هويدي ووجع هادي جعلك ماتشيب هادي جعلك السكسوين اللي تنحرك نحر وتطير عظامك في الشارع العام كله هادي بصدمه,, :اعنبوا المغل 00انت والله انك عجوز على ذاالدعاوي نايف يجلس بقربهم وهو يرفع كتفيه,, :ولدي وبصري به,, الا مبيريك متى بتخطب تراني بخاويك00؟؟ مبارك وهو يسكت نايف,, :انطممم ماابي احد يسمع انا امي ماعلمتها ولاحتى عبير نايف بغباء,, :لاااااااا تراني قلت لعبير وانشبت لي تبي تعرف المره قلت لها ماادري مبارك الذي يرمي نايف بعلبة السجائر,, :يافضييييحه وش عليك تتفلسف على مرتك انت مالك سد00؟؟ نايف الذي يتناول سيجاره من العلبه ويخرج الولاعه للتدخين,, :عادي عادي ياابن الحلال مسيرهم بيدرون,الا هادي متى بيسافر مشعل00؟؟ هادي بضحكه,, :مانيب قايلك تروح تنشر الخبر الرسول وصى بقضاء حوائجنا بالكتمان وان دريت انت ماعاد به كتمان حظر مشعل وجلس بقرب نايف,, :حياالله نايف ولد ابو نايف اخبار عبدالعزيز 00؟؟ نايف بابتسامه,, :ذليته بعرسي كل يوم ادق عليك اقوله جعلك تزوج عيال عيالك اللي زوجتني ذاالصايبه مشعل بابتسامه,, :عبوره ياحبني لها ذاالبنت ليلكزه نايف بقوه,, :انا يقال اني رجلها واغار تراني حمششش واخوف مشعل,, :روح زيييييين انت باصبعي اطرحك على جنبك بعدين عبير ياماااا قعدت على ذالحظن وهو يشير لحظنه نايف يقف بمرح,, :بموووووت بشق جيبي يبي يقهرني ذاالرجال الا شباب ليش شايبكم قاعد عند العجايز وانتم اهنااا00؟؟ هادي بابتسامه,, :وانت وراك واقف اقعد تعشى بعدين اخذ عبير وحاسبها على كلام مشعل ختمها وهو يغمز عينه لمشعل نايف باستعجال,, :لاوالله انا قعدت شوي من حلف الشايب بس انا مستعجل والله مبارك يقف معه,, خلاص انا بروح انادي عبوره ولايهمك مشعل يقف معهم ,, :اقعد يامبيريك انا بنادي عبير او بخلي سويره تنادي عبير لاني بروح اريح داخل تعبااان ذهب مشعل للداخل لينادي عبير,, ******* ***** *** ** * عبير وهي تحكي للبنات عن نايف,, هيفا بمرح,, عبوووووور يازينه زينااااااااه تكفين تبادلين وازيدج منيره بمرح مشابه,, :ليه الاسكان انتم تبادلون بيوت وتزيدينها الحمدلله والشكر عبور ماعليج منها انا شبه حره مابعد تحررت عطيني ذاالسنافي اوسع صديره ويوسع صديري عبير تقف متخصره,, :مووووووتن حره والله يبيع الدنيا كلها ولايبيعني وسميه وهي تلكز اختها وعينها على البنات وبمرح,, :خبل انتي شفتي ذاالعوينات النقب والله انها ولابازوكه تجيكم رايت عليج انتي ونويف ويطلقج عبير وهي تضع يدها على صدرها,, :صحييييح00؟؟ اجل منكد علي ويقومني بضربه ويرقدني على كفوف عليا بحالميه,, :الله الله الله على هيك رومانسيه بجد عبوره شوقتيني للعرس معالي تلتفت على اختها وبهمس,, :بعتي الحيا انتي00؟؟ لاتنسين ان مرة ناصر اهنا وهي تتصيد الزله عليا بصوت عالي,, :فديييييييت زول رائد وفدييييت من يسر فيه ويعرق لتعود وتهمس باذن معالي,, :بكذا لو بتحش تحش كلام صار مهوب تأليف هدى تحظر خادمتها حقيبه كبيره,, :بنات تبون جناط تقليد درجه اولى وشيال من الامارات00؟؟ حسنا تتقدم منها,, :اي هدى ابي للدوام خل اشوف اذا عجبني شي شريت حبيبتي دلال وهي تهمس باذن سارا,, :عشتوا حتى وهي زعلانه ماخلت عادتها سارا بهمس مشابه,, :دلال تكفيييين لاتاخذين ذنب كيفها تبيع تشتري ماعلينا منها لتفاجئ الفتيات ببضاعه رائعه,, من الحقائب الغريبه والشيال الجديده’’’ سارا بهمس,, بروح اشتري بصراحه ماتتفوت دلال وبهمس مشابه,, :مانيب بالتاليه تنتقل الحقائب من يد الى يد,, احيانا" تشد احداهن على واحده’’’ وتخطف احداهن واحده,, وللتسوق المنزلي متعه رائعه’’’ قامت حسنا وبصوت مرتفع,, :بناااااات بروح اجيب بوكي احد بيحاسب اليوم اجيب بوكه00؟؟ البنات بصوت واحد,, :اي حسنا لتخرج من الصاله الداخليه للمزرعه وتذهب للسيب الذي يضم الغرف اللاحقه بالمزرعه,, لتفاجئ بجسده الضخم يضرب بجسدها الغظ’’’ رفعت نظرها اليه لتراه يضع يده على راسه وهو لايراها,, لكنه شعر بها ولم يحب احراجها’’’ تغطت بطرف جلالها وهمست ببكاء,, :ماتشوف يامشعل00؟؟ | ||||||||||||||
|
| |
 |
| أدوات الموضوع | |
| انواع عرض الموضوع | |
|
|
124Likes
.png)
العرض العادي
