آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-08-11, 12:30 AM
| #22 | ||||||||
 
|  (البارت4 ) .* بداية مشاعرنا * بعد أسبوع ...... كلهم استلمو شهاداتهم طبعا مروان ومازن ......... تبشر شهاداتهم دينة ودانية .... هه يعني .... فيهم خير اليوم اثنين .......... ديمة خايفة من الخميس دموعها ع خدها خايفة انها ما تتوفق وتطيح أحلامها اليوم اثنين الساعة 11:00 ص البيت في حالة نوووووووم ماعدا أم مازن والي ما تحب السهر والنوم الكثير وصحيت عشان تعلم الشغالة الجديدة الشغل ومروان الي اتحدى فراس مين يختم الشريط >>> مريضين بجنون البلاستيشن وديمة الي مو راضي يجيها نوم دي الأيام من القلق ترررررررررررررن ترررررررررررررررن تررررررررررررن تررررررررررررررررن ترررررررررن التلفون بنازع ومروان ولا على باله ام مازن _ مرواااااااااااااااااان رد ع التلفون والله لو مارديت ترى مافي بلاستيشن مروان خاف من أمه وراح رد _ ألو السلام عليكم .... _ وعليكم السلام هذا بيت ديمة محمد أحمد _ إيوة لحظة اناديها >>>ولا يسأل حتى ايش فيه _ طلع يصرخ _دييييييييييييييييييييييي� �يييييييييييييييمة ألحقي في رجال يبغاك ديمة خافت رجال ويبغاها !!!!! نزلت وقالت فين ؟؟ _ مروان في التلفون ردت _ نععععم أخوي _ديمة محمد _ إيوة _ مبروك عليك ماشا الله عليك طلعتي الأولى ع المملكة الله يوفقك يا بنتي وحفل التكريم يوم الأربعاء _ شششششششكرا اخوي جزاك الله خير وقفلت بسرعة وجريت على أمها وحضنتها بقووووووووووووووة وبكيت ام مازن _ خير يا بنتي ايش صاير وهي تبكي _ ما.........ما .......... ما توقعت كدا ابدا ................ أنا الأولى ع المملكة ونسبتي مية من مية أم مازن حضنتها وبكيت هي كمان ودخل عليهم مروان ودمعت عينه _ ماما خير مين مات ؟؟ >>>تفاءلوا بالخير تجدوه ديمة _ وجع فشكلك محد مات بس أنا طلعت الأولى ع الممملكة مروان _ احلللللللللللفففففففففففف في ديمة والله وقامت ام مازن واتصلت ع أبو مازن وابوها وأبو زوجها والكل فرحان الا بعض القلوب الحاسدة ومروان صحى البيت من كثر ما يصرخ (ديمة ديمة هوه هوه ) واتصل ع فراس وخبره وصحى المتخلف اماني الي عصبت ع ديمة _ ليييييييييييييييه ما تقولي يا خاينة _ والله دوبو جا الخبر ومروان كالعادة مذيع اخبار والسموحة خ_ طيب انا ابغى انام واذا صحيت حبا ركلك >>> اماني يسموها النوامة من عشقها لنوم ورجاء الي جلست تبكي ع التلفون من كثر الفرحة وهي طلعت الرابعة والدنيا فرح عندهم ودموع \\ // ونروح شوية بعد دا الخبر في بيت عمها أبو عماد ((فلاح )) ــ ماشا الله يا أمجاد شفتي ديمة طلعت الأولى ع المملكة ماشا الله أم عماد _ يعني ايش قصدك بنتي ما فيها شي ومو لازم تكون زي الدلوعة المتكبرة ديوم عماد الي انقهر ع بنت عمه الي رجعتله شي من ثقته حتى وان ما صارت له _ يأمي ما يسير البنت ما عملت شي عشان تقولي عنها كدة أم عماد _أسكت انت ولا تدخل سكت عماد هو يخاف من أمه وهي دايما تحاول تمحي شخصيته أبو عماد _ ما يسير كده يأمل الولد ماقال شي ولا تنسي دي بنت أخويا واحسن من الدلوعة دي ع الأقل ديمة دلع اهلها لها جاب نتيجة أمجاد وعاملة دموع التماسيح _ ايوة انت وعماني وجدي مدري تحبوها على ايه وانا ولا كني قدها أبو عماد _ نحبها لانها مؤدبة واثقة من نفسها وعاقلة وما فيها صفات بنات دي اليومين التهور و ياحظ الي بيتزوجها عماد ابتبسم وقال في نفسه _ يا حتكوني ليه او راح اسلمك للي يستاهلك والله ما اضيعك // نمشي شوية عند العجايز (جدها خالد اتصل ع جدها أحمد أبو حسن (جدها لأمها(خالد) وحسن ابو فراس واماني وهو وحيد بين بنتين حياة أمها ونجاة خالتهم الصغيرة دي متزوجة من 3 سنين وعندها بنت صغيرة عمرها 2 اسمها رواف >>>يا قلبوووو) _ السلام عليكم يابو جعفر _ أهلااااااااااا أبو حسن كيفك فينك يا أخوي من زمان عنك _ السموحة والله انت عارف الصحة ما سارت تسمح زي أول _ ايوة صدقت والله خلاص سرنا عجايز وخلااااااص حسن الخاتمة _ الله يطول في عمرك يابو جعفر وانشا الله تزوج ديمة واخواتها _ لا انت انشا الله أنت إلي تزوجهم _ هههههه كلنا انشا الله اتصلت عليك عشان ابارلك ع ديمة وانشا الله ترفع راسك دايما _ الله يبارك فيك ومبروك عليك انت كمان والله هي ترفع راس ابوها وامها انشا الله _ أنت ابوها وامها لا تنسى انك مربيها وهي معتبراك ابوها وتعمل كل شي عشانك _ تسلم يابو حسن ودا مو غريب دا طبعك وفي وما تحب تاذي احد _ جزاك الله خير ولا تنسى الي وعدناها فيه السنة الي فاتت _ وهي ديمة ما شا الله تخلي أحد ينسى كل ما شفتني ذكرتني _ ههههه الله يحفظها ويقدرنا على سعادتها _ آمين _ طيب يابو جعفر انا اقولك مع السلامة في أمان الله _ في امان الكريم مع السلامة وإلى يوم الربوع والكل يتصل ويهني والكل فرحان لها وراحوا الحفل حق التكريم وكان روعة واول مارجعوا كان سيدها محمد عامل عشا لعيلتين واول ما دخلت _ للللللللللللللللللللللووو وووووووووووويييييييييي ستها مريم (ام امها) تقول _ ألف الصلاة والسلام عليك يا حبيب الله محمد للللللللللللوووووووووي مبروك يابنتي ديمة _ الله يبارك فيك يا ستي بس ألف الصلاة دي لزواجات صح ستها خديجة (أم أبوها ) _ انشا الله نزوجك ونفرح فيك الله يفرحك زي ما فرحتي قلب سيدك من يوم الإثنين وهو فرحان وما خلى أحد الا وقاله والله يوم زواج أولاده ما سوها _ الله يخليكم لي ولا يحرمني منكم تقول امل بحقد _ ايوة طبعا هي بنته وحفيدته وامجاد صفر ع الشمال ترد جدتها مريم _ لا ي أم عماد ما يسير كده كلهم بناته وكلهم لهم نفس المكانه بس يعني ديمة جابت الأولى ع المملكة ومن حقه يفرح فيها وبنتك غالية اكيد أمل _ باين وتلوي فمها وامجاد تطالع ديمة بحقد أبو جعفر في مجلس الرجال _ دييييييييييييييمة يا ديييييييييييمة ديمة من بعيد _ نعم يا سيدو أبو جعفر _ تعالي ياروح سيدو والبسي عبايتك عشان العيال تسغرب ديمة لية يبغى الشباب يكونو فيه واستسلمت وتغطت ودخلت وهي مستحية مررررررة سيدها خالد _ هلا والله بنتي حبيبتي تعالي جنبي سلمت على سيدها خالد وأحمد وجلست وسطهم ا أبوها _ ما شالله جالسة بينهم يعني خلاص ماتسلمي ع أحد انحرجت اكثر وخاصة ان الأنظار عليها وقامت سلمت ع عمانها ولمن وصلت لعمها ريان قام وحضنها بقوة وماتت خجل وقرصته ( عادي الفرق بينهم 1سنة وهو واحد لسانه متبري منه وفللللللللة ) ضحك وقال _ ما تغيري طبعك دايما حاقدة علي قالت وهي ماسكة أعصابها _حقعد طول عمري كده حسن خالها _ سيبيكي من الماصخ دا وتعالي سلمي راحت سلمت ع خالها الي باسها في راسها ريان _ مدري مين الماصخ على الأقل انت عندك حرمة انا ماعندي أبوه _ طيب اتزوج ريان _ ليه ناوي ع نفسي بالقبر ديمة _ صح لسانك ورجعت جلست بين سيدها أحمد وخالد سيدها أحمد _ يمكن انتي مستغربة لي قالتلك تعالي والعيال فيه بس انا زي مارفعت راسنا قدام الدنيا حبيت اتفاخر فيك بين الشباب الي ماقدرو يسو الي انتي سويتيه سيدها خالد _ بس طبعا هم فيهم الخير وراح ينجحوا بطريقتهم والا ايه ياشباب مازن _ والله عن نفسي أكيد بس شوف يا سيدي السنة الجاية راح اقعد عند الحريم _ والله ياعمي عشان حسوي الي ما سوه>>> واحد واثق بالنجاح ضحكو كلهم سيدهم أحمد _ ودحين يا شباب منتو ناوين تباركو لدكتورتنا ولا الفار أكل لسانكم | ||||||||
|  |
|
10-08-11, 12:33 AM
| #23 | ||||||||
| فراس الملقوف _ مبروك يادودي >>>حابب يقهرها ديمة بصوت وااااطي ما سمعه غيره : الله يبارك فيك يافوفو >>>راح فيها ضحكوا وكل واحد من الشباب يباركلها وهي ترد بصوت واطي من الخجل (( الله يهديك ياسيدو على مواقفك المحرجة )) وحتى مروان ومازن وجا صوت عماد قوي وفرحان لاول مرة الكل يسمع دي النبرة الواثقة في صوته_ مبروك ياديمة عقبال الدكتوراه انشا الله شعور غريب جا لديمة اتذكرت عماد الشخص الطيب ضعيف الشخصية وحبت ترفع معنوياته خصوصا بعد الي صار وقفته الرجولية معاها ردت _ الله يبارك فيك يا عماد عماد فرح لأنها نطقت اسمه وحس انها ميزته ودي اول مرة احد يعبره او يهتم فيه حتى لو بنطق اسمه وابتسم رغم الألم الي حاسس فيه لانها ماراح تكون له عبد المحسن _ مبروك >>> بدون نفس ديمة بغرور _ الله يبارك فيك سيدها خالد في اذنها _ ديمة الي بالي بالك راح يبدا بعد شهر فستعدي _ بالله شكرا وانشا الله راح استعد وقامت تبغى تخرج الا عمها جعفر وقفها _ استني ياديمة _ نعم _اجلسي وجلست بخوف ..... بما انك ماشا الله رفعت راسنا وعليت مقام العيلة فحطي فبالك ان الأربعاء الجاي راح نكون جمعتنا في الإستراحة حقي واعزمي الي تبغيه وكمان العزومة لعمي ابو حسن وترى الكل يجي وخلو تميز ديمة فاتحة خير ع القلوب وهادي هديتك ( اعطاها شيك بمبلغ 10,000 ديمة ما صدقت ابدا وعبد المحسن انقهههههر من تصرف ابوه ) ديمة _ لا يعمي انا ما احتاج فلوس كل الي احتاجه جمعتكم الحلوة ورضاكم عني جدها احمد _ اقبلي هدية عمك ياديمة وعيب ترديه قدام الرجال قبلت ديمة الشيك وسلمت ع راس عمها وقالت مشكور وماتقصر وربي يرفع راسك بعيالك عمها فلاح بمزح _ طيب ادعيلنا دعوة حلوة كده ولا خلاص الفلوس تغير النفوس ديمة _ محبتكم ما تنشرى بالفلوس وحدعيلك بس مو دحين في الليل ها رضيت ريان (عمها ) _ وانا ( ديمة انحرجت ) خلاص الي يبغاني ادعيله يكتب معروض ويعطيه لسكرتير واشوف احددله موعد هههههههههههههههههه ضحكوا وهي خرجت عند الحريم دخلت ديمة بفستانها التركواز وحذائها الابيض سلمت ع الجميع ونظرات امجاد الحاقدة تتابعها وسارة تنظر بفضول لتفاصيل جسم ديمة الرشيق او شعرها الطويل أم عماد _ شكلك نحفان مرة يا ديمة .... ليه في احد متقدملك الكل يعرف ان ام عماد وحدة تغار من الكل وخاصةديمة لانها افضل من بنتها ديمة _ انا الحمد الله ربي رزقني العقل وما انحف او اتخن عشان واحد أماني : ودحين دا الوجه البريء شكله شكل زواج ام عماد _ اجل انشا الله البنت مالها غير الزواج عبير _ دولا البنات الي ما عندهم هدف غير الزواج بس دودي غير بنت هدفها فوق عمتها نجاح _ بس انتي وهي بلا طموح بلا خرابيط والبنت مالها غير بيت زوجها ام مازن _ مو شرط في حريم كثير مو متزوجات والحمد الله عايشين ام عبد المحسن _ بس الزواج ستر العمة اروى ( ام سارة ) _ بس خلاص الي تبغى تتزوج تقول وبلا حياء ها دينة تبغي مين ودحين نكلم أمه دينة انحرجت _ لمن تتزوج ديمة اقولك يا عمتي ok أم سارة _ تصريفة ها وانتي عبورة في احد في بالك عبير انحرجت ( في نفسها ياربي ما لقيت غيري تساليه اكيد فيه بس هو يحس فيه ولا يدري ) أم فراس _ الوجه حمر اكيد في مروان من ورا الباب _ لا في شي ولا مشوي سيبو البنت في حالها ترى لسه 3 متوسط اتقوا ع ديمة سارة _ وانت جالس تتسمع يا سلام مروان _ لا طبعا بس جيت انادي ام فراس لخالي حسن وماشي دا الي بقي اتسمع لحريم جدته مريم _ يا قليل المروة الي ما تستحي كده تقول للي اكبر منك مروان _ معليش يا ست الكل بس هذا ما تفرضه طبيعتي الرجولية ويلا يام فراس كلمي ليك ابو فراس بعدي بيطق منك ويتجوز عليك أم مازن _ يا قليل الحيى انقلع قبل ما اجوزك دحين الكل ههههههههههههههههههههههههه هههههههههههههههههههههه ديمة _ امون ابغى احكيك ع شي صار في الأيام الي راحت اماني _ خير حكي وحكتها ع كل شي مع عبد المحسن وهي خايفة منه وخصوصا انه حقود ومغرور مرة اماني _ لاتخافي ابدا انت ما عملتي شي والحمد لله الكل معاك لو غلط وعماد والمغرور شاهدين ع كده ديمة _ لا تقولي عن زوني ( دلع مازن عشان تقهرها ) مغرور حرام هو مرة طيب اماني _ نعم زوني لا والله حلوة ههههههههههههههه ديمة تطلع لسانها لاماني وتقول يارب اشوف زوني وامونة في الكوشة اماني _ وععععععععععععع اخذ الزبال اهون من دا المتخلف ديمة بنظرة خبث _ نشوف \\ // \\ // الاسبوع الي بعده في الاستراحة ديمة عزمت رجاء صحبتها ودينة عزمت صحباتها منال واسماء ودانية صحباتها خلود وامنية وأماني صحبتها شروق وتوءمها غروب والباقين من بنات العمان والعمات عزمو صحباتهم والمجلس ملياااااااااااان بنات شروق .... بنات ليه كده متفرقين خلونا نسمع اصواتكم سارة ... ههههه والله صادقة اشكالنا زي كننا في المدارس دانية ... انكتمي يا صرصارة لا تجيبي سيرة الغم مروة ( صحبة وحدة من البنات ) : طيب عن ايش راح تتكلمو يا مجلس الامم المتحدة امجاد : نسأل ديمة ايش راح تسوي بعد الثنوي ديمة : مممم حفتح بسطة البنات : هههههههههههههههه رجاء : ايش حتبيعي ؟ ديمة : خيار وطماطم سارة : ههههه طيب ما تبغي مساعدة دينة : خلاص خلي مازن يقشر الخيار جنبك شروق : مين مازن خطيبك (مضيعة ) امجاد : حاجة زي كدة غروب : كيف ؟؟ دانية : لا دا اخونا بس مع ديمة زي كنه صاحبها من كثر ما شالله مايجلسوا مع بعض وكلاااااااااام مروة : كم عمره ؟ ديمة : 17 غروب : خلاص زوجوه امون أماني : اعوووووووووووووووذ بالله من غضب الله لسه امي ما دعت علي مرام ( اخت سارة بنت عمتهم ) : ليه حرام مرة كول ويجنن ديمة : بس لا تعشمو البنت أصلا انا ماراح ارمي اخوية بين يد سمكة القرش دي أماني مسكت المخدة ورمتها عليها : انا سمكة قرش يالحوت الابيض ديمة ما قصرت مسكت مخدتين ورمتها وبدأت حرب المخدات وكل وحدة تجري والبنات كلهم قامو كل وحدة ترمي ع التانية وجنان مازن دخل جهة الحريم عشان ينادي دانية عشان تجي تدخل العشاء لانه من اول يتصل ع الجولات ولا احد يرد لمن طفش مرة داااااااااااااااااااااااا اااااااااانية داااااااااااااااااااااااا اااااااانية ولاحد يرد و انفتح الباب وفي احد انصدم فيه ومخدة جات على وجه واختل توازنه وطاح على طاولة زجاج كانت وراه والبنت طاحت جنبه ديمة : شروق ايش سويتي ....... مازن كان مغمض عيونه من الالم لانه كان ينزف وشروق جلست تطالع في الملاك الي جنبها وبعدين انتبهت لنفسها وقامت متفشلة مرررة وتبكي من الفشيلة ولالم ديمة : مازن مازن مازن مازن فتح عيونه وطلع يده من تحت راسه وراها الدم ومو قادر يتكلم ديمة : دييييييييييييييييييييييين ة تعالي ساعديني مازن انفــقـــش ( يعني راسه انفتحت ) دينة ع طول دقت ع مروان ودانية خرجت تشيل مازن وتلف راسه مع ديمة عشان النزيف مروان دخل هو وعماد وهاني وعمر ( هاني وعمر اولاد عمتهم نجاح هاني عمره 25 سنة وكان يدرس برا وما يفتكر احد من بنات العايلة وماشاف غير احلى بنات ديمة ودينة ودانية وحدة منهم احتلت تفكيرة من هاذي اللحظة وعمر عمره 20 بكلية الادارة والاقتصاد ولد حبوب مرة وماخذ كل البنات اخواته ) هاني وعماد شالو مازن الي كان شبه غايب عن الوعي وعمر راح يفتح السيارة وديمة وراهم بالعباية مروان : ديمة مافي داعي تيجي ما فيه الا العافية ديمة وهي تبكي : جاية يعني جاية مقدر اقعد واحد منكم تعبان دانية وهي تسح دموعها : خليها تروح عشان ماما تطمن مروان : قولولها انه اتزحلق مو طاح على راسه بعدين لمن نطمن نقولها دينة: طيب في الخارج دانه شافتهم وهم يطلعو مازن وديمة بتبكي راحت جري عند ابوها وهي تبكي : باااااااااااااااااااابااا اااااااااااااا مازن ماااااااااااااااااااات وشالوه وراااااااااااااااحو ابوها انصدم : مازن ايش فيه ابو حسن : بسم الله دانة ايش بتقولي دانة : مدري انا شفت عماد والولد الطويل اخو عمو عمر (( هاني بس ما تعرف اسمه لانه وصل من سته شهور وما يشفوه كثير )) شايلينه وديمة تبكي أبو عماد اتصل ع عماد ـ الو عماد ايش فيه مازن _: أبدا طاح ع راسه وقاعد ينزف ودحين نحن دوبنا واصلين المستشفى واطمنوا ديمة معانا أبو مازن اخذ السماعة _ عماد هو بيتكلم معاكم عماد _ ايوة بس شكله دايخ ومو مستوعب خلاص عمي نحن في المستشفى لا تخاف خياطة وخلاص اطمن ابو مازن _ طمني اول ما يشوفو الدكتور _:ان شا الله ابو جعفر : خلاص يا محمد ولدك كبير وما ينخاف عليه وكلها ساعة وتشوفو قدامك عند الحريم أم مازن _ كيف اتزحلق اماني : كانت في مويه عند الباب وطاح ام مازن _ اتصلي ع مروان بسرعة دانية _ طيب اتصلت _ الو مروان طمني جاها صوت غير صوت مروان _ مازن بخير هو الان مع الدكتور خلاص دانية : عفوا مين انت _: انا هاني مروان مع مازن وقالي ارد دانية _ طيب شكرا واذا صار شي طمنونا هاني _ OK هاني ابتسم وقال في نفسه : يا حظك يا مازن عندك اخوات ملاك ويحبوك الله لا يحرمك منهم وطالع ع الصورة الي طلعت لمن اتصلت دانية ( صورة بنت شقرا وعيونها خضر ولابسة بلوزة حمراء وعاملة اثنين بشرايط حمراء كانت البنت مرة حلوة بس ياين انها صغيرة >>صورة دانية لمن كان عمرها 12 سنة صورتها ديمة وحفظتها في الكبيوتر للأجيال <<)) جاعماد وجلس _ دحين راح يخيطوله الجرح مسكين 7 غرز وغير ان فيه قزاز ( زجاج ) الله يعينه عمر جا مع مروان ودينة الي مرة قلقانين عمر _ خلاص يا انت وياها بلا قلق ترى الموضوع عادي مدري لو سار له حادث كنتو ايش سويتوا ديمة _ كنت انتحرت مروان : انت ما تعرف تسكت لو سارله شي راح اقتلك فهمت | ||||||||
|
| |
|
10-08-11, 12:33 AM
| #24 | ||||||||
| عماد _ خلاص شباب هدو نفسكم مراح يسير شي مروان جلس ودينة قعدت واقفة عند باب غرفة العمليات هاني _ مروان مين البنت الي حاطتها لاختك ......دانية على ما اظن لانها اتصلت قبل شوية مروان مستغرب من طريقة هاني في المواساة _ صورتها هاني : كم عمرها ؟؟ عماد: 14 سنة وخرج الدكتور وقالهم انه مازن بخير بس يقعد ربع ساعة عشان يطمنو وياخدوه نروح الاستراحة ونشوف الحال اماني والبنات في حالة سيئة صح هي تضارب دايما معاه بس مهما كان دا ولد عمتها وماتحب له الشر وتذكرت لمن انكسرت رجلها وكان عمرها 13 سنة وكانت بتغطي عليه لكنه ما اهتم وجلس هو وديمة عندها وغابوا عن المدرسة عشان يقعدوا معاها لان امها ما قدرت تاخذ اجازة من عملها لانه كان اخر يوم قبل اجازة الحج وقعد يمزح وينرفزها وامه تسكته وقدر يغير نفسيتها بعد ما كانت زعلانة عشان رجلها أما امجاد ولا همها قاعدة تتفرج على فلم شروق سرحانة وخايفة ليسير فيه شي الحريم يهدو في ام مازن ما عدا ام عماد الي مقهورة من ولدها الي راح معاهم عند الرجال ابو حسن وابو جعفر قاعدين يدعو ربي يسلم حفيدهم وابو عماد وابو عبد المحسن قاعدين يتكلمو مع ابو مازن في مواضيع تانية لانهم خايفين يتعب عليهم لانه مريض بالقلب عبد المحسن ولا همه شي ومقهور من عمه الي قاعد يهدي في ابو البنت الي رقضته وهزت كيانه وقتلت حبه لتميز بين اولاد عمه الي كان مفكر انه بزواجه من ديمة البنت المحبوبة من الكل راح تسير له مكانه بين العائلة ويتميز اكثر واكثر فراس وباقي الشباب من اصحاب مازن وحتى الي ما يعرفو مازن مرة جالسين بقلق لان شكله وهو خارج مرة كان يحزن دخلت دانة مجلس الرجال : لوووووووووووولا >> بتزغرط أو تيبب بس بطريقة طفولية مرة << مازن جا هييييييييييه مازن جا قامو كلهم يستقبلوا مازن الي شكله باين عليه التعب ابو مازن : سلامات يا ولدي ايش صار كيف طحت ديمة : شوي شوية يا بابا ترى طيحة مو حادث والحمد الله عدت على خير ابو جعفر : الله يهديك يا ولدي كده خوفتنا عليك حتى دانة بكيت وخافت دانة : انا حسبتك مت وخلاص معد حشوفك وحيسير مروان اخوية بس مروان : انت عندك افكار رهيبة وطبعا رحت صرختي يالهوي مازن مات وعشان كدة الاستراحة مقلوبة ومرعوبة منك ابو حسن : يبغالها ضرب دي البنت هي واخبارها الزفت لازم مروان يضربها ولمن يتعافى مازن كمان تنضرب دانة وهي تمشي عند ديمة : اصلا محد يقدر ضربني وديمة راسها يشم الهوى مازن بتعب : لا والله طيب انا بس ارتاح واضربك ضرب واشوف ديمة ايش تسوي في نفس الوقت اماني ودانية شافو الرجال مجتمعين عند البوابة نزلوا الاثنين واول ما شافوا ديمة ومازن صرخت دانية وطارت تحضن اخوها : ماااااااااااااااااااااااا ااااااااااازن الحمد الله على السلامة مازن بمزح :الله يسلمك يا دبة خنقتيني وترى مني متاكد اذا انت دانية ولا لا اكشفي ( لان دانية دوبها بادئة تغطي ) دانية : حموتك عشان تاني مرة ما تدخل عند البنات وتطيح ولمن تخرج عيونك راح اكشف أماني : الحمدالله ع سلامتك يا مازن مازن : مين اماني ؟؟ غريبة !!مممممممم ع العموم الله يسلمك ديمة : ايش الغريب منتو اولاد عمة وخال خلاص اماني : علميه مروان : خلاص منتو في بيتنا اماني راحت عند الحريم تبشرهم وديمة ودانية طلعوا مازن فوق عشان يرتاح وشوية وامه وجداته داخلين ام مازن _ كيفك يا ولدي ايش قال الدكت .... ايشبها راسك انا قالولي انك اتزحلقت وانكسرت لرجلك مو انفقشت راسك دانية _ معليش نحن قلنا كده عشان ما تخافي وهو قدامك ما فيه شي مازن _ الحمدالله يا الغالية ما فيني شي بس خياطة وخلاص كل شي تمام ولا تزعلي سته مريم _ تاني مرة انتبه لنفسك ولا تفجعنا سته خديجة _ الله يحفظك ويريح قلب امك وابوك عليك ديمة _ خلاص يلا نسيبه يرتاح شوية ولا شروق واماني داخلو شروق كانت مصرة انها تعتذر منه رغم ان اماني فهمتها ان مازن ماراح يسال عن الي عمل فيه كدة شروق بحيا _ السلام عليكم مازن وديمة _ وعليكم السلام شروق :انا شروق الي كنت السبب في الي صار واسفة مرة ما كنت اقصد مازن : عادي اختي ما صار شي لو كانت العقربة الي جنبك كان وديتها الشرطة أماني طالعته بنظرات حقد وشروق جلست تتأمل وجه مازن والشاش ال لافينه كان مرة عاجبها شكله حتى وهو مريض كان حلو ديمة : خلاص نطلع قبل اماني ما تفتح مخ مازن من القهر وطلعو ومازن نام ساعة وقام وجلس مع الشباب الين ما خرجو ورجعوا البيت هاني مرة كان سرحان ودانية ماخدة تفكيره عجبه جمالها وبرائتها وحجابها ديمة وأبو جعفر وابوحسن مستعدين تماما للمفاجاة وبس باقي موافقة ابو مازن وريان عمها يا ترى ايش المفاجأة ويا ترى راح يوافقوا وعبد المحسن ناوي على ايه | ||||||||
|
| |
|
10-08-11, 12:35 AM
| #25 | ||||||||
| (البارت5) بداية تحدي اليوم ثلاثاء ديمة تكلم أماني ع التلفون ديمة _ والله خايفة يقول لا وساعتها يأمونة راح انتحر أماني _ طيب قوليلي متى حتنتحري عشان انتحر معاك ونسوي انتحار جماعي ديمة _ أموووووووووون بالله دا بدل ما ترفعي معنوياتي أماني _ ايش اسويلك لك اسبوع تغني على نفس الموال يا بنتي روحي وكلميه وخلاص ماراح تموتي وكمان انت معاك سيدي خالد وعمو احمد يعني معاك قادة الجيش اوف ديمة _ بس بابا انت تعرفيه مايحب السوق نروح لوحدنا اجل كيف لقارة تانية أماني _ بنت ترى طفشتي اهلي اقول روح لمازن وهو يوقف معاك واعملوا كلكم اضراب وانا معاكم الين ما يوافق ابوك وخلاص يا موتي يا يوفق ديمة _ اصلا انت ما منك فايدة بس فالحة تضاربي مع مازن وفراس وشكلك شوية حتضمي مروان لهم أماني _ ما عندي مانع اضمه لهم ولو تبغي احد من اولاد عمك ترى عادي بس اعطني بياناته وانا راح اكمل الباقي ديمة _ أماني مع السلامة انت شكلك شاربه شي أماني _ مع السلامة عشان اكمل الكاسة ديمة _ راح اتصل على خالي يوديك لمستشفى الامل اماني _ طيب عشان اتعرف على اشكال جديدة ديمة _ أوووووووف باي وجع اماني _ هههههههه باي قفلوا ديمة راحت تدور على ابوها تبغى تقوله ع الموضوع واماني جالسة تتفرج على فلم كومدي وتضحك رن الجوال _ أماني _ الو سيف ولد خالتها عمره 22 يدرس بكلية الصيدلة واخوها بالرضاعة لانو هي عندها اخ اكبر منها بس مات صغير وهو رضع معاه( فهمتو ) _ السلام عليكم أماني _ وعليكم السلام _ كيفك ؟؟ أماني_ بخير _ ممكن ادردش معاك _ مممممممم طيب _ أنا ابغى اتزوج _ ههههههه طيب قول لامك انا مني خطابة _ قلتلها وقالت اني صغير بس أنا ابغى اخطبها الان و الملكة بعدين استغربت _ مين دي ما شالله ؟؟ _ أخت مازن ومروان أماني على بالها ديمة _ ايش عرفك فيها ؟؟؟ _ تذكري يوم لمن جينا عندكم في العيد انا كنت داخل عند ابوك اسلم وشفتها واقفة تتكلم مع اختها الصغيرة ومرة عجبتني وجلست اراقبها وبعدين شكلها حست في وسحبت اختها ودخلت بس من يومها وانا خلاص حلفت اني اخطبها بس الظروف منعتني واليوم كلمت امي بس ما قلتلها عن البنت اماني شكت لان ديمة ما تخرج الحوش ابدا لمن تكون عندهم الا بعد حروب طويلة _ طيب اوصفلي هي لان مروان عندو 3أخوات يغطو مو وحدة _ مممممممم دبدوبة وشعرها الى ظهرها _ ااااااااااااااا دينة _ أسمها دينة _ ايوة بس ترى لساعها طالعة تاني ثنوي واهلها مو من النوع الي يحجزوا البنت وعندها اخت كبيرة لسه ما تزوجت _ أووف طيب قوليلها اني ميت عليها ولا تقبل باحد غيري _ ايش دراك انها تبغاك _ يعني في وحدة تشوف سوسو ما يغمى عليها _ طبعا يغمى عليها لانها بتشوف ابشع مخلوق بالكون _ طيب لو مني محتاجلك كان رديت عليك _ أصلا ماراح اعملك شي اولا لان موقفي سخيف لو قلتلها في واحد يحبك ولازم تحبيه وثانيا انا ما بيني وبينك خدمات _ كده وانا الي كنت متعشم _ سيف ايش رايك تسيب المشاعر دي للأيام يمكن الصدف تلعب دورها _ ممكن .............. وقفل حتى بدون مع السلامة وهو يفكر في الصدف الي ممكن تجمعه مع دينة عند ديمة الجو مرتبك مرة دخلت على ابوها في غرفة الجلسة كان قاعد يتفرج ع الاخبار _ السلام عليكم _ وعليكم السلام _ بابا فاضي ؟؟ _ ايش تبغي _ ممممم ابغى اكلمك في موضوع مهم مرة ويخص مستقبلي لتفت عليها _ اتكلمي _ اااااااااااااااا ابغى اقدم اوراقي لبعثة للخارج رفع حواجبه _ وليه اشبها الجامعات هنا _ ما فيها شي بس دا حلمي من زمان _ بس هناك في اختلاط _ انا تربيت رجال ما انزل للوحل وانا اعيش فوق جبل _ ومين المحرم _ عمي ريان _ ما شاء الله ما بقي غير ريان انت وياه يبغالكم عقل معاكم كل واحد منكم تفكيره شكل ديمة حست برفض ابوها وقامت عيونها تدمع _ دحين ليه تبكي انا قلت لا _ ............. ( تبكي ) _ اصلا انا كنت راح اوافق لان سيدك خالد وسيدك احمد كلموني من زمان واقنعوني انهم عارفين انو عندك انهار جارية ماراح توقف وانت بتكلميني ديمة وقفت بكا وتطالع في ابوها مهي مصدقة ولمن استوعبت قامت ونطت عليه _ باااااااااااااااااااااابا اااااااااااااااا والله احبك انت روعة ابوها يضحك _ دحين روعة عشان وافقت ها ههههههه ديمة _ طيب كلمت ماما ابو مازن _ اصلا سيدك ما ساب طريق لك الا ومهدو وما استبعد انهم قدمو اوراقك كمان ديمة تبغى طير من الفرح وقامت وسجدت سجود شكر وطلعت تجري ع التلفون تبشر اماني ولكن التلفون مشغول لان فراس ومروان ع التلفون ديمة _ مروان تكلم مين ؟؟ _ فراس .......... ( يكمل كلامه ) ايوة وبعدين اضغط اكس ولا اوه ديمة _ بلا اكس بلا زفت هات بسرعة ابغى اكلم اماني مروان _ فراس يقول ان اماني تتكلم ع الجوال خلاص فكينا ..................... وبعدين ار ون تمام ديمة انقهر وراحت تتصل على رجاء الي كانت خلاص قيدها نقلت الدمام _ الوووووووووووووووووه رجاء بضحك _ والله ما تبطلي حركاتك دي كيفك ديمة وبصوت طفولي _ الحمدلله بس من الادب الناس تقول السلام عليكم رجاء _ وجع من فين تجيبي الاصوات دي _ من حلقي يعني من فين ؟؟ رجاء _ والله ههههههه ........... وعليكم السلام ...ديمة ديمة _ ما شالله دوبك افتكرتي تردي السلام _ اصلا انا مارديته لك رديته لعلي _ اجل جا البيه اذا خلاص راح تطرديني _ لا عادي اصلا من يوم ما لقتله ديمة قالي كملي كلامك عادي _ احم احم شكلي اخوف وانا مدري - لا تاخدي مقلب في نفسك هو حاسبك وحدة مننا - يا سلام .................. ع العموم كيف الدمام ؟ - _ حلوة بس هدوء مو زي جدة بس ترى والله جد الغربة مو حلوة - الي يسمعك يقول في بلد تانية ترى انت في السعودية ومالك غير اسبوع مو سنة - بدانا فلسفة وتحطيم اخلصي ليه متصلة ؟ - كده تتكلمي معايا اصلا انا ما كنت حقولك بس اطريت لانك الوحيدة الفاضية - اخلصي ترى بعدين اخلي علي يهزئك لانك ترفعيلي ضغطي - وخير يا طير اصلا هو كلمني قبل شوي وقال ارفعيلها ضغطها الين ما تموت وارتاح - ههههههههه على الكذب طيب ايش عندك - عندي خبر حلو مرة - وحتى انا عندي خبر يجنن - ايش ؟؟ - قولي اول - لا انت قولي - انت قلتي يجنن وهو يعني اكتر من حلو - ممممممم طيب انا حامل - ديمة شوية وتنط : احلفي يا سلااااااااااااااااام والله انه يجنن متى عرفتي ؟؟ - قبل ما تتصلي جيت من المستشفى - اها عشان كده عمنا علي رايق - بزبط - طيب بنت ولا ولد - لا يا شيخة لسه مو دحين - ههههه طيب طبعا لو بنت حتسميها ديمة صح - مرررررة عاد عشان علي يموتني مكفاية ديمة وحدة وجيباله الجنان واصلا ما فكرت اسميها ديمة عشان ما تطلع زيك اعند من العناد نفسه - طيب ايش راح تسميها - هيفاء ديمة بنبرة حزن - وليه يعني - مدري بس عشان هيفاء ما عندها اخوات ونحن زي اخواتها يعني ديبمة وصوتها في بكا – الله يرحمها عموما هيفاء احلى - ديمة لا تبكي خلاص والله مو قصدي - لا عادي بس وحشتني مرة - ديمة خلاص كلنا وحشتنا حتى امها امس كلمتها وقاعدة تبكي ديمة بنفعال _ اصلا امها هي السبب - كيف - لا ولا شي بس خلاص الله يرحمها ويوريني يوم في الي كان السبب - ديمة ايش خبرك المنيل تاي عندك - والله خبري احسن من خبرك يا زفت (ديمة زي الاطفال مزاجها يتغير بسرعة مع رجاء ومازن واماني بس زي الطفل مع امه وابوه ودايما ستها مريم تقول انها مهما كبرت راح تضل زي دلع الاطفال ) - طيب ايش يا متخلفة - بابا وافق على اني اسافر في بعثة يا مجنونة - اييييييييييييييييش ؟؟ - والله - لا يشيخة دا و خبر منيل دا خبر كئيب مرة ايش تسافري يعني متى اشوفك بعد مية قرن - وليه مية قرن كلها 5 سنين وراجعة - وجع نكدتي علي حدق على عمي محمد واقوله يغير رايه لانك راح تصيعي ويسير عندها مية صاحب - يا قليلة الادب والله دا انتي الي من الشبابيك تطالعي وتجمعي ارقام - بالله انا متزوجة وزوجي غانيني مو زيك عازبة - حلوة عازبة من متى اللغة قوية عندك و اقول لا تمدحي في المقرود - والله محد مقرود غيرك ... طيب - ديمة اقولك مع السلامة انا خارجة دحين - فين - احتفل بحملي - الله يهنيك بس لا تقطعي طيب وسلمي على ابو هيفاء - هيه ترى اغار - غاري على كيفك مو شغلي سلمي عليه وانتي ساكته - كيف وانا ساكته - همهم هم كده - هههه مع السلامة يا قاطعة اللحظات الرومنسية - الله يهنيكم - خلاص السيد قاعد يضرب بوري - عقبال ما يضربك - ههههه وجع باي - باي باي وفقلت وراحت تتصل على سيدها احمد وخالد وشكرتهم وخبرت مازن الي فرح وزعل في نفس الوقت وباركلها وهو زعلان وراضته انه يشد حيله ويجي معاها السنة الي بعدها وقامت هي واياه ع النت عشان تسجل في الموقع حق الوزارة حقت التعليم العالي وبعده اتصلت على اماني وقالتلها ومازن قعد يقول ان اماني هي الي قالت لصحبتها تدفه واماني تقول ايوة وديمة توصل الكلام زي ساعي البريد الساعة 1:30 دينة تكلم عبير عبير : خلاص بكرة كلنا حنروح عزيز مول دينة : طيب اشوف عبير : ايش تشوفي والله مالي صلاح لو ما جيتو حزعل دينة : طيب كله ولا زعل عبورة خلاص جاين عبير : ايوة كدة .... الا مين راح يجي معاكم دينة : مروان أكيد ومازن محتمل وديمة ماقلتلها ودانية جاية عبير ( اتوترت لمن عرفت ان مروان جي ) : طيب نشوفكم بكرة وقولي لديمة طيب دينة : طيب مع السلامة عبد المحسن دخل على عبير وهي تتكلم عبد المحسن _ مع مين رايحة عزيز عبير _ مع بنات عمي محمد - ديمة جاية - اعتقد ليه ؟؟ - ولا شي بس لا تروحي مع السواق انا حوصلك - ليش من متى ؟؟ - أبدا بس حابب انا والشباب نروح عبير ما رتاحت لكلامه وحست انه ناوي على الشر مع ديمة ولكن شالت الاحساس دا من راسها وقالت ليه يبدأ الشر وهو يحبها _ طيب بس اسمع من يوم ندخل مالك دخل في او في البنات ولا تخاف معانا مروان ومازن _ وهذا عز الطلب _ نعم ـ ولا شي سلامتك // يا ترى عبد المحسن ناوي على ايه وهل راح يغير شي في حياة ديمة وهاني ودانية ودينة وسيف وشروق هل اهتماها بمازن اعجاب أو شعور بذنب ............. تابعوني البارت الجاي بداية حرب وحب | ||||||||
|
| |
|
10-08-11, 12:36 AM
| #26 | ||||||||
| (البارت 6 ) حرب وحب عبد المحسن يكلم شلته الخايسة >> في نظري اما بالنسباله طبعا شلته الرهيبة وراح اعرفكم عليهم (( 1- خالد 2- محمد هذولي نسخة طبق الاصل من عبد المحسن شر ومكر ودهاء وكل همهم البنات وكيف يصيدوهم عشان يشبعوا رغباتهم وحياتهم والعياذ بالله لا صلاة ولا عبادة وهم اصحاب من المتوسط أما سليمان فذا من الطايف وجاء جدة عشان الجامعة وهو ولد طيب مرة لكن القدر خلاه معاهم ولكنه الى لان محافظ على صلاته رغم انه يعرفهم من 3 سنين لكنهم ما أثرو عليه مرة بس قبل كم شهر سار يكلم بنات وبس والباقبن فرحانين بذا الانجاز )) عبد المحسن _ اسمعو بكرة من العصر استعدو راح نروح عزيز مول خالد _ يشيخ كيف حيدخلونا عبد المحسن _ لا تخاف اختي مع بنات عمي محمد رايحين وانا قلتلها انا جاين معاهم محمد – يعني ناوي بكرة تنفذ خطتك - اكيد بكرة انسب فرصة لان مازن موجود سليمان – والله حرام الي راح تعمله في البنت عبد المحسن – وليه حرام خليها عشان ما تحط راسها براسي مرة ثانية سليمان – وهي ايش عملت بس لانها رفضتك عبد المحسن – لا مو بس كده عملت شخصية للي ما يتسمى وخلته يوقف بوجهي خالد – بس مازن طول عمرة شخصيته قوية عبد المحسن – مازن مين انا اقصد عماد محمد _ دحين انا فهمت ان مازن هو أكثر واحد متفاهم معاها ليه انت مصر انه يكون موجود عبد المحسن _ لكنه غيور مرة على اخواته وغيرته قوية ونفس الشي عمي يعني ممكن احول غيرتهم لشك والحب لحرب سليمان _ شوف انا حذرتك من الي راح تعمله وانت حر وجية معاكم ماني جا ي ابدا لاني ماراح اشارك بالظلم عبد الحسن – ومين قالك تعال يا جبان سليمان وهو خارج _ قول الي تقوله بس الي تسويه ماله دخل بالشجاعة والرجولة وقمة في الضعف يا قوي ......... مع السلامة محمد – ما عليك منو نحن نكفي ونوفي عبد المحسن – أكيد ..... ولا تنسو الموعد (( في نفسه والله وقعتي يديمة وراح تكوني لي يعني لي وخلي عماد ينفعك ))وابتسم ورجع البيت الاربعاء : 2 الظهر ديمة ودينة ودانية يقنعوا امهم : ديمة _ مااااااااامي بلييييييييز ام مازن _ لا وخلاص دانية - ليه يعني _ لانو اليوم جمعة عمانكم وانتو تباتو (( تنام = تبات )) في السوق دينة _ طيب وعد اننا نرجع بدري _ ايوة زي اخر يوم ما رجعتو الا 8 الصباح مروان وهو نازل من الدرج – ماما الله يخليك والله ماراح نتأخر دينة _ ما شالله عليك دايما داخل عرض ديمة _ اسكتي خليه واقف معانا دانية _ يلا ماما والله 9 ونحن فبيت سيدو مروان _ ماما ... مامي ... بكل اللغات وافقي دخل مازن وابوه البيت مازن _ أوف وجع الناس مرتاحة وتخطط لطلعات وانا اشتغل أبو مازن _ والله دي رغبتك مازن _ عارف ودي قمة المصيبة دخلو المجلس _ السلام عليكم الكل _ وعليكم السلام دانية _ بابا نبغى نروح مع عبير السوق ابو مازن _ مع مين رايحين ؟؟ ديمة _ مروان ومازن ابو مازن _ بس بشرط المغرب تكونو في بيت سيدكم دينة : من عيوني مازن : يا الله على المصلحة دينة : مالك صلاح ...... بابي وحرة مازن بستهزاء : بابي ... الدلع مو حلو عليك أم مازن _ بس خلاص ولا كنكم كبار وراحت تحط الغدا ومازن قعد يحكي عن الشغل في الشركة /// \\\ بيت ابو هاني على الغدا أم هاني – هاني هاني _ نعم ام هاني _ أسمع انا راح أخطبلك ريم هاني وكانه أحد اعطاه كف _ مين ريم ؟؟ ابو هاني _ بنت التاجر محمد السعيد هاني _ ومين قال اني ابغى اتزوج أم هاني _ شوف دراسة وخلصت وشغل واشتغلت وخلاص الي يشوفك يحسب اننا ما عندنا خير وخلاص كل ما شافوني صديقاتي قالوا متى تزوجي ولدك عمر _ ايوة دحين عشان فلانة وعلانة تبغى تزوجيه أم هاني _ أنت مالك دخل واخوك كبر ولازم يتزوج هاني _ طيب وانا ما ابغى اتزوج دحين أ|بو هاني _ اسمع انت بزواجك راح تخلي ابوك اشهر التجار وحترفعنا فوق هاني _ انا ماتهمني فلوسكم ابو هاني _ لو ما تهمك الفلوس ايش يهمك اجل ؟؟ هاني _ يهمني اني اعيش مرتاح زي الخلق مو كل همي صفقات ورحلات ولا اسال عن عيالي أم هاني _ ايش تقصد ابو هاني _ وايش فيها عيشتك عمري ما قصرت عليكم بشي عمر _ في أشياء كثيرة يا بوية ما تنعمل بالفلوس هاني _ الخلاصة الصفقة دي انا مالي صلاح فيها ولاني متزوج البنت دي وخلاص وقام هو وعمر وهاني خلاص واصل حده وأم هاني ولا على بالها /// \\\ في بيت سيف أماني بتغدى عندهم اماني _ تسلم أيدك خالتي والله أكل جنان سيف _ لا تتغزلي في أمي بعدين ابوي يغار أبو سيف _ الله يقطع ابليسك ( يطالع في أم سيف ) بس خلي امون تتغزل يمكن امك طفشت مني ام سيف _ لا والله محد يطفش منك اماني _ سيوف قوم بدأت لحظات الغرام سيف _ والله من جد يلا فوق في غرفة سيف سيف _ اماني كيف دينة ؟؟ أماني _ تعبانة سيف _ ليه أماني _ حبيبها سابها سيف بعصبية _ نعم أماني _ ههههههههههه والله انك غبي تصدق بسرعة سيف _ وجع أماني _ يوجعك ويريح الدنيا منك سيف _ ابغى اشوفها اماني _ مين هي سيف بنفاذ صبر _ خيالي اكيد دينة أماني _ اها طيب يدك على مية ريال وانا افكرلك في صدفة حلوة سيف _ يا ربي على الاستغلال هاذي المية يلا اماني _ مممممممممممم اسمع ............. //// \\\ في السوق دينة _ دحين دا ابو عش عصافير ايش جايبه عبير _ هههه حرام والله شعره مو مرة منكوش دانية _ عم قريب حنشوفه مظلة ديمة _لا ونتي الصادقة سقف متحرك عبير _ بس انتي واياها ترى تتكلمو عن اخوي لاتنسوا دانية _ اشك انه اخوك مروان _ صح فرق السما الارض عبير استحت مرة ولكنها جريئة لازم تتكلم _ انت ايش جابك ؟؟ مروان بابتسامة _ جاي اتغزل فيك .... عبير خلاص مرة استحت صح انه يمزح لكنه كان مرة قريب منها دانية وهي توقف بينهم _قليل ادب ابعد عن البنت مروان _ ما راح أكلها ديمة _ يلا انا رايحة اتام مين يجي معاي دينة ولا كنها تسمع _ انا طالعة بدور على اكسسوار باي ديمة _ محد جاي احسن بايات مروان _ ايش رايكم نلعب دانية _ لا والله انك فاضي يلا عبورة نروح نشوف ملابس عبير _ يلا مروان_ اوف حشتغل حمال للاميرتين محد عبره وانطلقوا كلا في جهه ومازن مستغرب من عبد المحسن الي نازل الحب عليه فجاءة وقاعدين يتكلموا عن الشركة والشغل مازن _ طيب ليه ما تشتغل عندك شركة عمي وشركة سيدي عبد المحسن _ أنا خليني أخلص جامعة وبعدين يحلها ألف حلال محسن _ وأنت ليه تبغاني اشتغل وانا عندي فلوس وخير مازن _ الشغل مو بس عشان الفلوس لانها مو كل شي في أشياء أهم وأكبر محسن _ دا مو كأنه سليمان يهمس لنفسه _ ايش جابو دا لازم يخرب علينا سلمان _ السلام عليكم _ وعليكم السلام سلمان _ محسن انت وين جوالك ؟؟ عبد المحسن وهو يطلع الجوال _ في جيبي (ينصدم يلاقي 6 مكالمات لم يرد عليها ) سلمان _ ايش انت منت حاسس بالدنيا مازن _ خير في شي سلمان _ العم جعفر بالمستشفى عبد المحسن _ أبوية ايش فيه ؟؟ مازن_ عمي ؟؟ سلمان _ ما أعرف بس أمك اتصلت على وقالت أنك ما ترد وهي مهي عارفة وينك عبد المحسن يكلم أمه _ الو خير امي ايش فيه ابوي أم عبد المحسن _ أرتفع عليه الضعط ونقلو المستشفى _ وليه ؟؟ - مدري شكله في مشاكل بالشغل يلا تعال ضروري - وليه مادقيتي على عبير ؟ مازن_ وربي انك فاضي ( يا خذ الجوال) _ ألو السلام عليكم ... خلاص دقايق وجاين مسافة الطريق .......... مازن يتصل على مروان _ مروان بدون كلام يلا تعال انت والبنات انا استناكم برى | ||||||||
|
| |
|
10-08-11, 12:37 AM
| #27 | ||||||||
| _ ليه أي .............. _ بس يلا ضروري اتجمعوا عند البوابة وخرجوا وعبد المحسن سبقهم بالسيارة مع سلمان في السيارة _ عبير _ مازن ايش فيه ؟؟ _ مازن ولا شي ابوك تعبان شوية وامك اتصلت ديمة ودينة _ عمي ايش فيه ؟؟ مازن _ ولا شي تعب بسيط دحين تروحو بيت سيدي وأنا رايح المستشفى عبير _ مستشفى لالا أبوية فيه شي مروان _ لا تفاولي بشر مافيه الا الخير أكيد ارهاق من العمل عبير _ بجي معاكم المستشفى ديمة _ و أنا بجي كمان مازن - ما يحتاج أحد يجي بس عبير راح تروح عشان أمها وبس دينة _ بس مازن فتح القران عشان يهدأ الجو وعبير دموعها على خدوده خايفة لا شي يصير لابوها في المستشفى ... عبد المحسن : الحمد لله على السلامة يا بوية أبو عبد المحسن : الله يسلمك (( يطالع على عبير )) عبير ليه تبكي ؟؟ تعالي عندي عبير ارتمت بحبنضن أبوها : خايفة عليك أم عبد المحسن : والله كلنا خايفين عليك لا تسوي بنفسك كذا مرة ثانية أبو عبد المحسن : ايش أسوي .... خسرنا أهم صفقة وكانت حتضاعف أرباحنا لو كسبناها عبير بأمر : ولو صحتك أهم أبوها : حاضر أبلة عبير أوامر ثانية عبير بضحكة : أكيد لا زم تاكل الاكل كله _ : نهلة اذا جيتي مرة ثانية جيبي طبخك معاك ... مقدر على أكل العصافير ذا عبد المحسن : أبوية أولاد عمي محمد وسلمان برة يبغو يدخلوا يسلموا عليك أبو عبد المحسن : طيب خليهم يتفضلو ... اتغطو يلا مازن : السلام عليكم الكل : وعليكم السلام مروان : كيفك عمي انشاء الله بخير أبو عبد المحسن وهو يطالع مروان باعجاب : الحمدالله أحسن سلمان : الحمدالله على سلامتك عمي _الله يسلمك ((و يكلم مروان الي واقف )) مروان تعال اجلس جنبي مازن _ يا حظك جلست في أحسن مكان جنب عمك مروان _ حتى على المكان حاسدني جلسوا شوية وبعدين رجع مازن ومروان وسلمان يكلم محسن برا الغرفة : محسن شوف يمكن الي صار لابوك اليوم انذار من الله بسبب الي كنت حتسويه في بنت عمك محسن : لا يشيخ والله جد طيب أنا حر ومالك دخل خلي نصايحك لنفسك سلمان : حرام دي بنت و بنت عمك لا تلعب بشرفها محسن وهو يفتح المصعد : ما لك شغل بنت عمي وحر .... ولا تدخل عشان لا تشوف الموت سلمان : انت حر والله ماراح يسيبك محسن بغرور : طيب في نفس الوقت كانت عبير تبغى تنادي محسن عشان يسأل الدكتور وسمعت كل الكلام وحست بخوف من الي راح يسويه أخوها ورجعت وقالت لامها انها ما لقته وقعدت سرحانة تفكر تنبه ديمة ولا لاء ........................................ اليوم الاثنين الساعة 1 الليل ديمة ودينة في الصالة مع مازن يتفرجوا على فلم مرعب ديمة : ااااااااااااا مازن : خير ديمة : والله يخوف كيف تتفرجه ؟؟ دينه : لا يخوف ولا شي انت جبانة ديمة : أقوم أحسن والله مني بايعة عمري طلعت ديمة ونسيت جوالها وفجاءة رن الجوال مازن شاف رقم غريب .... رد على طول المتصل : هلا وغلا بحبيبة قلبي ليه ما اتصلتي اليوم وحشتين..... مازن : عفوا ............... النمرة(( الرقم )) غلط لو سمحت المتصل : غلط اية هذا مو جوال ديمة مازن عصب : ديمة ؟؟؟ أنت مين المتصل : أنت الي مين ؟؟ ليكون واحد جديد مازن وهو خلاص واصلة معاه : احترم نفسك يا قليل الادب المتصل : هههههههههه طيب يالحبيب قولها فادي يسلم عليك ويقولك افتحي الايميل أرسلك قصايد من الديوان الي تبغيه وقفل ومازن اشتعل من الغضب دينة: مازن ايش فيه مازن : اختك دي ........ وطلع لغرفته وفتح ايميل ديمة لانه عارف الباسورد حقتها وكله أمل ان الشخص يكون كذاب لقى رسالة واردة واتفاجأ بوجود مجموعة قصايد من الديوان الي قال عليه فادي ويعض أشعار الغزل في ديمة وكأنه شخص يعرفها وشافها واصفها وصف دقيق لا شعوريا اتوجه لغرفة ديمة و فتح الباب بقوة : ديمة ...... من فادي ؟؟؟ ديمة انصدمت: فادي مين ؟؟ وهو يمسك يدها : أنا الي أسألك فادي مين ؟؟؟ ديمة تبكي : مازن .... بلا سخافة انت تعرفني انا مو حقت الحركات دي مازن رماها على السرير : مو المشكلة اني أعرفك ؟؟؟ بس طلعتي خدعاني و خادعة الكل استغليتي الثقة وخنتني الكل ديمة : مازن ... انا ما عملت شي صدقني .. أنا ........ قاطعها : أنت خاينة ........ والجوال دا احلمي تشوفيه وخرج ديمة سارت تبكي على السرير مو مصدقة ان مازن يشك فيها هل هذه نهاية علاقة الأخوة الي جمعت ديمة ومازن من طفولتهم ؟؟؟ وعبير حتقدر تتكلم (( الى الآن عبير ما تدري بالي صار )) ؟؟؟ سلمان ايش دوره في القصة ؟؟ عبد المحسن ايش راح يسوي عشان يوصل للي في باله ؟؟ هاني راح يتزوج ريم ,,, وايش خطط أماني في الصدف ؟؟ أسئلة كثير تنتظر تفاعلكم وتوقعاتكم تابعوني .......... بلييييييييييييييييييييييي ز لا تحطموووووووووووووووووني | ||||||||
|
| |
|
10-08-11, 12:40 AM
| #28 | ||||||||
| بارت جديد وارجو منكم رأيا سديد : ((البارت 7 )) شبح الظلم في مكان بعيد عن أنين ديمة صوت ضحكات خبيثة محسن : ههههههههههههههههه والله يا خالد طلعت سبع خالد : عشان تعرف أخوك كيف يقدرينفذ الي تبغاه سليمان وهو داخل : ما شاالله ا يش سبب السعادة محمد : أوف جاء وجاب الغثا معاه سلمان : لا يكون عملت الي في راسك يا محسن عبد المحسن : أكيد .... أجل تبغاني أسمع كلامك سلمان : الله يهديك .... ثلاثة أيام مرت على ديمة ومازن وكانت أصعب الأيام مازن طول الوقت سرحان يفكر مو قادر يصدق أبدا وديمة حالة بؤس لا تنتهي نفسها تعرف مين الوقح الي يعمل الحركة دي فيها .... دينة عرفت بالي صار وحاولت تتكلم مع مازن لكنه خلاص معاه أدلة واضحة وانتهى الموضوع .... الكل مستغرب من ديمة ومازن أول مرة تكون علاقتهم بهذا الشكل أماني فهمت من دينة أن في مشكلة محد عارفها وقررت تدخل أماني _ ديمة اشبك زعلانة وشايلة هموم العالم ديمة _ اه يأماني لو تعرفي كنت عذرتيني أماني _ وأنا جاية أعرف وأساعدك ديمة تبكي _ مازن ................... أماني جلست تمسح على شعرها _ ايش عمل لك ديمة ما قدرت تكتم أكثر من كذا وحكت أماني كل الي صار ومن الي فهمته من كلام دينة على حكاية الايميل أماني _ مين الي يكرهك ويعمل فيك كدا ؟؟ ديمة _ لو أدري ما كانت حالتي كدة أماني _ تتوقعي عبد المحسن ديمة _ ما توصل النذالة فيه لكدة وليه يسوي كدة أنا ماعملت شي أماني _ مدري مجرد تخمين ؟؟ ديمة _ أمونة غيري الكلام والله تعبت أماني ـ على العموم مين ما كان حطي في بالك أن الكل معاك ولا تشيلي هم ربي يفرجها ديمة _ أمين ... الا قوليلي كيف شروق وغروب ؟؟ >> تصريفة // \\ هاني : والله مدري ايش اقولك يا أحمد حاسس نفسي حنفجر أحمد : طيب حاول تفاهم مع أمك بالهداوة هاني : ما أقدر من يوم ما ينفتح الموضوع وأنا أحس بأني متكهرب أحمد :ليه....(بنظرة مكر ) تحب وحدة تانية هاني هز راسه _ بس المشكلة انها أصغر مني 1 سنة أحمد _ أوف ... لا انت من جد اجنيت ايش ضمنك انها حتقبل فيك لو خطبتها بعد كم سنة هاني _ مدري ... بس أهم شي بنت التاجر دا مني ما خذها أحمد _ طيب ليه هاني _ انا ما أبغى عيالي عيشو حياتي وطفولتي طفولة ما فيها حنان من أم أو أب كل شي على الخدم تخيل حتى الصلاة ما علموني هي لولا الصحبة الصالحة كنت ضعت أنا وعمر أحمد _ ممكن البنت تكون زيك تبغى أسرة قبل الفلوس هاني _ مايهمني أهم شي أني قلبي لغيرها أحمد _ الله يعينك /// \\\ يوم الخميس الساعة 5 العصر مازن يستنى عبد المحسن الي عنده موضوع مهم عبد المحسن _ هلا مازن أنا عند الباب افتح مازن بعد مافتح الباب _ أهلا وسهلا اتفضل محسن _ الله يزيد فضلك .......... تسلم بصراحة يا مازن أنا مني عارف كيف أبدأ الموضوع أنا لي أسبوعين وأنا xxxxx بس من واجبي اني أنبهك مازن _ خير يا محسن عبدالمحسن _ ديمة ... مازن – ايش بها ؟؟؟ _ والله مدري ايش أقول .... مازن _ اتكلم .. _ عارف انها صدمة بس ..... بصراحة .... أأأأأأأأاكتشفت انها تكلم ....... واحد من أصحابي _ وأنت كيف عرفت _ بالصدفة ... سمعته يتكلم معاها ولمن سألته عنها قالي اسمها الكامل ومن يومها وأنا مني عارف طريقي وأنا يعني .... قلت انك أخوها وأقرب الناس لها وتقدر يعني .... والله مني عارف ايش اقولك ... بس ... مازن خلاص وجه انقلب احمر من الغضب ومهو قادر يتحكم في أعصابه وحس ولاول مرة في حياته بشعور الخيانة كان بالنسبة له كان عبد المحسن جاب سكاكين وقاعد يدخلها في جسمه لا شعوريا طلع بكل ما أعطاه ربي من سرعة ولغرفة ديمة فتح الباب ديمة من الخوف وقفت هي ودينة دينة _ مازن .... خير ايش صاير ؟؟ مازن بصوت عالي وهو رايح لجهة ديمة _ من فين يجي الخير وأختك تلعب بشرفنا ديمة _ مازن ... ايش الي قاعد تقوله وبدون ولا كلمة اعطاها كف .... كانت صفعة قوية دوى صوتها في ارجاء الغرفة ديمة الفتاة الشامخة يضربها من ... مازن صديق طفولتها ورفيق دربها كانت لحظة مؤلمة لديمة لحظة صامتة دينة وضعت يدها على فمها وتابعت نظرات مازن الحادة وديمة الي اختفت نظرتها تحت شعر ها الي غطى وجهها دينة _ مازن ايش عملت ؟؟ خرج مازن وهو خارج قابل مروان مروان _ ايش فيك يا مازن ؟؟ مازن ما عبره ونزل عند عبد المحسن الي لقاه خرج جلس مازن لوحده يفكر بألم لدرجة ان دموعه نزلت بهدوء وقاعد يردد ليه يا ديمة ليه تفضحينا ليه يا ديمة تضيعي مستقبل أخواتك ليه يديمة تطعني أيوية ليه انفتح النور ... التفت لقا أمه _ مازن ليه ضربت أختك ... ليه تعمل فيها كدة ... وليه حالتك كدة ...؟؟ مازن في نفسه ((وليه أقولك وأحطم حياتك )) أم مازن _ اتكلم يا ولدي مازن _ وليه ما سألتيها ؟؟ _ هي راضية تكلم أحد قفلت على نفسها الباب مازن _ يأمي الموضوع أكبر من اني اقوله أم مازن _ والله لو ما قلتلي اني لأزعل منك مازن _ اووووه أمي لا تجبرني على شي ما أبغاه دخل أبو مازن وهو معصب _ والله لو ما تقول ايش الي يخليك انت واختك بدي الحالة ترى ماراح يسير طيب مازن كان في حالة ضعف وممكن انه يرضخ لاي شي وبعد تردد كبير حكا كل شي لابوه وامه أمه _ مستحيل ... ديمة تسوي كدة مستحيل مازن رخى راسه أبوه بدءيحس بألام في الصدر كانت قوية مازن _ أبوية .... اشبك ؟؟(( ايش فيك )) أم مازن _ محمد ... محمد ... مازن قام وشال أبوه على المستشفى مع أمه وهو حاس انه أكثر واحد يكره ديمة مروان يتصل على مازن _ ألو مازن فينكم _ راحين المستشفى لان أبوي تعبان مروان بفزع _ تعبان ليه .... عسى قلتله مازن _ ايوة مروان _ انت غبي مازن _ مو وقت الكلام دحين ... ادعيله ...مع السلامة مروان_ الله يجيب العواقب سليمة .... مع السلامة .... لو صار شي طمنا //// \\\ شروق كالعادة من شهرين جالسة مسرحة تفكر في الي خطف عقلها وروحها .... غروب _ يا ربيييييييييييييي ... والله طفش ... والله حالة ... أنا طفشانة ولاخت هيمانة شروق ما ترد .... خطرت على بال غروب خطة جهنمية تخرج شروق من حالة الطفش وبكل هدووووووووووووووووء طشششششششششششششششششش شروق : هيهيهيهي .... يالدبة ايش الي عملتيه غروب تطلع لسانها _ عشان ترحمي عقلك من التفكير غروب _ وجع .... ومسكت كاسة الموية ورشتها عليها لكن ما جات عليها جات على ..... أبوها >>>تخيلو أنفسكم في هذا الموقف ... والله أتبخر أبوها _ ايش الشقاوة دي أنتو ماراح تكبروا غروب وهي تنشف وجه أبوها _ معليش بس في ناس ترفع الضغط ... وانت يابابي ماترضى أحد يموت بنتك حبيبتك (أبوهم شخص طيب لابعد الحدود وهو يعتبر صديق لبناته وخاصة أنه أمهم متوفية من وهم صغار ) الاب _ ياليت توقفوا شغل الأطفال دا ... مدري متى حتكبروا \\\ /// في المستشفى ... الدكتور :الوالد عنده جلطة خفيفة في القلب هو الان تحت المراقبة لمدة 24ساعة وإنشاء الله راح يكون بخير مازن : إن شاء الله أم مازن :أقدرأشوفه ؟؟؟ الدكتور : الأفضل انه يرتاح اليوم وبكرة وخير ....مازن تعال شوي ابغى أتكلم معاك مازن : خير دكتور أبوية في شي الدكتور : مازن .. أنا ما حبيت أتكلم قدام الوالدة عشان ما تتعب نفسيا مازن:دكتور ... خير الدكتور:مازن أنت تعرف ان هذه مو أول مرة يتعرض الوالد لجلطة القلبية وهذه المرة جات متوسطة الخطورة يعني المرة الجاية لا سمح الله ممكن تكون خطيرة وتؤدي الي نتائج نحن ما نتمناها .... كل الي أبغاه انكم تحالوا تبعدوه عن الأشياء الي من الممكن تثير عصبيته على الاقل لمدة ثلاثة الشهور الجاية تفاديا للخطورة ... مازن بألم : ان شاء الله دكتور كل شي راح يسير تمام ربت الدكتور على كتف مازن وابتسم /// \\\ في بيت أبو عماد أبو عماد : عماد قوم اتصل على عمك محمد اسأله عن الصفقة الجديدة ايش صار عليها عماد : طيب ............................................ عماد : ألو السلام عليكم مازن !!! كيفك ؟؟ فين عمي في المستشفى !!! ليه .......... سلامات ان شاء الله ما يشوف شر متى الزيارة .... طيب أنا مأطول عليك ... وان شاء الله يقوم بالسلامة أبو عماد : خير يا ولدي ايش فيه عمك عماد : تعبان في المستشفى ... /// \\\ عبير : بابا دوبي كلمت دينة وتقول ان عمي محمد أمس تعب عليهم ودخل المستشفى عبد المحسن : خير ايش فيه عبير : جلطة في القلب بس الحمد الله خفيفة أم عبد المحسن : الحمد الله ... طيب متى نرحله؟؟ أبوعبد المحسن : اليوم العصر بعد ما أرجع من الشركة اتجهزوا ونروح ... وأنت خليك في البيت لازم تجي معانا محسن : أكيد ... ( طبعا مهو كله من تحت راسك لازم تروح وتشوف النتايج ) //// \\\\ | ||||||||
|
| |
|
10-08-11, 12:41 AM
| #29 | ||||||||
| أماني : خلاص دينة اذا جيتو رايحين مروا علي طيب لانو بابا عنده رحلة اليوم لايطاليا >>لانه طيار دينة : طيب ... أشوف بس ترى حنكون مع مازن يعني لا تتشرطي أماني : ليه فين سكارنو ؟؟ دينة : مع ماما راحت من الصبح وخلته عندها عشان لو احتاجت شي ومازن دوبه راجع من دوامه ونام والعصر رايحين أماني : ديمة رايحة ؟؟؟ دينة : والله مدري ... من يوم ما عرفت ان بابا عرف وهي مهي راضية تخرج من الغرفة أماني : الله يعين ... أنت ما تكلمتي مع مازن حاولي تفهمي منه دينة : لا أصلا أنا مشغولة على بابا ومني فاضية لنقاش معه أماني : دينة ... الله يخليك لا تسيبي ديمة لوحدها دينة : ليه أماني : يعني أنتي تعرفي ديمة ماتحب تبين لاحد مشاعرها وأخاف من الخنقة الي هي فيها تسوي بنفسها حاجة دينة : ادعيلها والله انها صدمة ... تخيلي مين الي يشك فيها مازن ... أماني : عندي احساس انه كله بتخطيط من ولد عمكم الغبي دينة : مين محسن اماني : ايوة ... وجع دينة : والله ممكن لانه في نفس اليوم الي جانا فيه قعد مع مازن شوي وبعدين مازن طلع زي الوحش وضربها وبعدها بابا وماما دريو((عرفو)) وصار الي صار أماني : والله لو طلع دا كله من تحت راسه لأوريه كيف يعمل في دودي كدة والله اربيلكم هو دينة : الله يستر ... طيب أماني يلا أنا دحين أتجهز عشان المستشفى ... أنتواي دي ماتفهم شي أماني : مع السلامة .. وسلمي على ديمة /// \\\ شروق: غروب كلمي أماني تجي عندنا غروب : هه كلمتها من زمان وقالت زوج عمتها تعبان ورايحين له شروق : عمتها مين غروب : أم الحبيب شروق : قليلة الأدب ...والله ما تستحي غروب : ليه ما أستحي أنتي الي قلتي انك تحبيه شروق : متى ؟؟؟ غروب : دايما حركاتك وسرحانك يتكلمو شروق : سخيفة //// \\\\ في المستشفى ... مروان : والله أنا خايف على أبوية اذا شاف ديمة دانية : ممكن تسكت ... أنت عارف أن ديمة ما عملت شي ومستحيل تعمل مروان : عارف وفاهم .... بس أبوية و مازن ...موفاهمين الكلام دا وأنت شفتي كيف مازن يعاملها وأنت عارفة كمان ان ديمة لمن تعصب ما تفكر في مخلوق وهي تقدر توري مازن شغله بس ساكتة علشان نفسية ماما دانية :بس أحسن دايما تعطيعه نظرات احتقار مروان : قصدك يتبادلوا نظرات الإحتقار دانية : مين الي واقف هناك مع عمر مروان : مممم هاني أخوه دانية : الي كان يدرس برا مروان : ايوة ............................. عمر : السلام عليكم مازن : وعليكم السلام ورحمت الله وبركاته ... كيفكم ؟؟؟ هاني : الحمد الله بخير ... والحمد الله على سلامة خالي وان شاء الله يقوم بالسلامة مازن : عمتي جوا ؟؟ عمر : ااااا ... لا هي حتجي بعدين مازن : الله يحيها .... طيب أنا أسلم على الوالد ... لا تروحوا (( ديمة وأماني ودينة دخلو من أول )) مروان : السلام عليكم (( دانية وقفت بعيد شوي )) عمر وهاني : وعليكم السلام مروان : كيف الحال عمر : بخير ... أنت كيف الاجاة معاك ؟؟ مروان : ماشي الحال ... هاني أنت تشغتل هنا هاني : ايوة مروان : الله يوفقك عمر وهو يغمز لمروان: دانية كيفك؟؟؟ دانية: ماترد عمر : مروان ليه قطعت لدندونة لسانها دانية : أوف من قلة الادب هاني : كيفك دانية دانية (( استحت أول مرة تتكلم مع هاني )): ااا الحمد الله //// \\\\ في الداخل ( كانت عائلة أبو عبد المحسن موجودة ) ديمة ودينة : السلام عليكم الكل : وعليكم السلام دينة راحت تسلم على أبوها : الحمد الله على السلامة ... ما تشوف شر أبو مازن : الله يسلمك يا حبيبتي أماني : الحمد الله على سلامتك أبو مازن : الله يسلمك ديمة جات تسلم حست ان أبوها متضايق منها سلمت بسرعة وجلست بعيد مازن دخل وشاف الضيقة على وجه أبوه ونظرات أبوه لديمة وحس بالقهر عبدالمحسن الابتسامة ما فارقت وجهه وحاسس انه أخيرا وقدر ينتصر على ديمة أماني طالعت في محسن نظرة تهديد ... انتبه لها بس ما عرف مين هي دخل مروان ودانية سلموا والبنات دخلو ورا الستار مع الأمهات ......................... عبير بهمس :دانية ايش فيها ديمة شكلها تعبان ؟؟ دانية : بعدين أقولك عبير : ليه دانية : اسمعي اذا جات 6و10 ننزل الكوفي تحت وأقولك عبير : طيب //// \\\\ في الخارج هاني: ما شاء الله عليه مروان يدخل في الواحد على طول عمر : كل أولاد عمي محمد كدة .... وأظن البنات كمان هاني : ايش تقصد ؟!! عمر بضحكة : ها .... ولا شي مازن ومروان ومحسن خرجوا : السلام عليكم مازن يصب القهوة : اتفضل عمر : الله يزيد فضلك هاني : الحمد الله انكم خرجتوا والله رفعلي الضعط مروان : حرام والله عمر فاكهة الجلسة عمر : احم احم تسلم هاني : طيب أنا أستأذن أكمل شغلي محسن : اذنك معاك //// \\\\ هاني ماشي لمكتبه وصادف الدكتورة امتنان امتنان : أهلا دكتور هاني هاني : أهلا دكتورة امتنان : دكتور أحمد يبغى أوراق حالة المريض سعود الأسبوع الجاي هاني : ممم طيب أنا أوراقي جاهزة وأنت ِ؟؟ امتنان : أنا جاهزة .... بس بقي اننا ناقش الحالة عشان نحط القرار الي حنقدمه لهم هاني k خلاص طيب أنت فاضية وقت البريك ؟؟ أمتنان بتفكير : طيب خلاص وقت البريك في الكوفي هاني : طيب اتفقنا ابتسمت امتنان بخجل (( راح أوصفلكم امتنان بنت مثل بنات جدة الي دايما تشوفوهم بمكياجهم وحجابهم الي الشعر نصه طالع والكعب ووووووالخ معجبة جدا بهاني يعجبها سماره وطوله وملامحه الجذابة ودايما تحاول انها تتقرب منه وقدامه تتكلم بمنتهى النعومة لكن هاني ما يهتم ابدا بدي الحركات ويعاملها زي الباقيات ما بينه وبينها الا العمل وبس )) أمل : خير ايش دي الضحكة الحلوة امتنان : وأخيرا.. أمل : عسى ..... امتنان : ايوة ... حجلس معاه في الكوفي ... وااااااااااااااااو وأخيرا أمل بضحكة : خلاص حجي اتفرج عليكم هههههههه هو بثقته و|أنت زي الكتكوت قدامه امتنان : هيييييييي غبية ـــــــــــــــــــــــــ ـــــــــــــــــــــ شبح الظلم لازال مخيم على ديمة .... هل سيطول ؟؟؟ وكيف راح ينفذ محسن خطته ويوصل للي يبغاه امتنان هل لها دور في القصة وهل راح تغير شي ؟؟؟ الباقين شروق .... مازن .... دينة .... سيف .... عبير ... مروان ......... ايش مصيرهم ؟؟ أسئلة كثيرة تنتظر تفاعلكم وتوقعاتكم سي يو دعواتكم .... وتواصلكم ,,, هدفي .... | ||||||||
|
| |
|
10-08-11, 12:43 AM
| #30 | ||||||||
| ((البارت 8)) أرجوك لا تقتلني أماني : ديمة قومي نمشي برا ديمة : ما أبغى دينة : والله خلينا نغير جو ديمة : لا والله ويجيني كلام شكرا أماني : ديمة أنت عمرك ما كنت مستسلمة ودايما تثقي بنفسك ديمة : كان أول واتحول دينة : دودي لا تخلي شك مازن يحطمك أنت أقوى من كدا ديمة وهي تأشر بعيونها على أمها : خلاص مو قت الكلام دا /// \\\ عبير : دانية الساعة 6 ونص دانية كانت بتساعد أبوها على الصلاة : طيب وخير يا طير عبير : 6 و10 دانية : أوووووووف منك ما تنسي .... طيب يلا بابا أنا حنزل الكوفي مع عبير ممكن أبو مازن : طيب بس أنتبهو لا تنزلو راس اهاليكم التفتت ديمة وطالعت أبوها بنظرة ألم أما دانية فطالعت فيه بنظرة استغراب وقالت : لا حول ولا قوة الا بالله .... الله يهديكم وخرجت هي وعبير في الكوفي ... عبير : دانية فهميني أيش الحكاية دانية : طيب نطلب لنا شي أول عبير : أوووف منك لازم تضيعي الوقت دانية : يا الله على جرنتش عبير: بلا فلسفة زايدة جبيلي ايس شوكلت على حسابك دانية : وعلى حسابي كمان طيب ... الله يعيني عليك عبير: روحي لأخليهم اثنين //// \\\\ في نفس الوقت الباب يدق هاني : أتفضل امتنان : هاي دكتور ... وقت البريك هاني بدون اهتمام: طيب دقايق وجاي (( رفع راسه )) اتفضلي دكتورة جلست امتنان وتأملت هاني الي كان يرتب أوراقه وأخذ قلم جات عينه في عينها ارتبكت لكن هاني ابتسم : خلصت ... اتفضلي وصلوا للكوفي اختاروا طاولة رتب هاي أوراقه : دكتورة ايش تشربي ؟؟ امتنان ابتسمت بخجل : كبتشينو هاني : Ok راح هاني عشان يطلب _: لو سمحت اثنين ايس شكلت التفت هاني على الصوت الهادئ الوقور رغم صغر سن صاحبته صوت واثق محترم سمعه قبل ساعات ولكن كان مرتبك أما الان فهو صوت هاني : دانية التفت الفتاة فظل يتأمل في عيونها الخضرا : ايش تعملي هنا دانية حست بأن الدماء تطلعت لوجهها وحرارة في جسمها وسكتت شوية وقالت برتباك واضح :اااا انا وعبير طفشنا من فوق ونزلنا هنا نتمشى شوية هاني في نفسه ( يالله على برائتك ياليت كل البنات زيك بريئة لسع ما لوثتك الدنيا )) ابتسم هاني : أنا عندي الان بريك وجيت عشان أكمل شغل مع زميلتي دانية: مممممم الله يسهل لك الويتر حط الايس ودانية فتحت محفظتها على شان تطلع فلوس وسمعت هاني يقول : خلاص احسبه معاي دانية بشيء من التحفظ : مايحتاج تكلف نفسك هاني ببتسامة : عادي أنت بنت خالي ومافي اشكال دانية ارتبكت : شكرا..... (حست انها لازم توقفه عن نظراته ) بس ان شاء الله ماتنعاد ــــ ازدات ابتسامة هاني واتأمل لثواني في عينها وهذا زاد ارتباكها ومشيت كانت امتنان تتابع الموقف بشيء من الفضول كمل هاني طلب ودفع ورجع لمتنان لاحظ هاني الفضول الي كان مبين على ملاحهامررررررررة : هاذي بنت خالي أمتنان: تشتغل هنا ؟؟ هاني بحدة : لا امتنان : طيب ايش جابها؟؟ هاني حس بالقهر من تصرف امتنان : اعتقد احنا جينا عشان التقرير امتنان انحرجت مرررررة وما عرفت ايش ترد >>أحسن \\\\ //// عبير : هذا مو هاني ... ايش يبغى ؟؟ دانية : قال انه عنده بريك وجاي يشتغل مع زميلته عبير : بس ؟؟!!!!!! دانية : ليش ايش تبغيه يقول ؟؟؟ عبير بنظرة مكر : لا ولا شي دانية : شيلي من بالك الأفكار الغبية دي شوفي الفرق بيني وبينه عبير : اها طيب هاتي الايس وحكيني دانية وهي تجلس : علي ايه ؟؟ عبير وصلت حدها من دانية الي تبغى تضيع الموضوع : على ديمة ليه تعبانة ؟؟؟ دانية ضحكت لأنها تحب تنرفز عبير : اهاااااااااا طيب يا ستي اسمعي وجلست تحكيها وعبير أتأكدت انه محسن وجلست مصدومة وتقول بنفسها ((( معقول عبد المحسن الي يموت في ديمة ممكن يعمل فيها كدة مستحيل مستحيل ))) دانية تحرك يدها قدام عبير : ياهوووووووه فين رحتي ؟؟ عبير الي دوبها انتبهت : معاك كملي دانية : أنا خلصت من زمان واناديك لي ساعة ولا كني موجودة عبير : دانية ....... أنا .... راح أروح البيت دانية : ليه ؟؟؟ في شي عبير :لا بس حاسة نفسي تعبانة تعرفي نحن من العصر هنا وأنا مانمت الا الظهر دانية : طيب ...بس بكرة تعالي عندنا البيت ... طيب عبير : ان شاء الله .... بس دحين أطلع عشان أنادي ماما ومحسن دانية : يلا \\\\\ /// عبير في السيارة ((( ليه كذبت ؟؟.... ليه ما اتكلمت وقلتلها ؟؟.... ليه ؟؟ عشانه أخوية ... طيب ودي ديمة أكثر من أخت ؟؟؟ يارب يسر ولا تعسر ))) //// \\\ اليوم الإثنين .... أبو مازن له 3 أيام بالمستشفى وعبد المحسن كل يوم عنده >>> رضي والدين ما شالله عليه <<< عبير حاولت تصارح دانية بس مهي قادرة ديمة ومازن علاقتهم سارت سيئة حتى السلام ما يردوه على بعض ,,, الباقين واقفين مع ديمة لكن ما باليد حيلة أبومازن : ها يامازن ايش رايك بالموضوع مازن : والله يا بوية اذا يريحك سويه أبومازن : يعني ما تحس فيها اهانة او شي لنا مازن من ورا قلبه : والله أنا أشوف ما فيها شي وأحسن من الحالة دي //// \\\ سيف : طيب نروح أماني : فين ؟؟؟ سيف : أوووف نزور أبو مازن أماني : أها أبو مازن ولاااا سيف اشرلها تسكت لان أمه وأبوه موجدين أم سيف : طيب متى نروح أبو سيف : خلاص بعد المغرب سيف : وليه مو دحين ؟؟ أماني : عشان خالتي راح تنزل وتشتري هدية (( وتطالع بنظرة سخرية )) وخليك تقيل سيف : كم كيلو يبغالي أماني : هيييي سخييييييييف سيف بنفس الأسلوب: زييييييييييييييييييييك //// \\\ ديمة : يلا دنية راح نتأخر دينة بهدوء : ديمة من جد ديمة قاطتها : ايش ؟؟؟ دينة : انت ما تلاحظي ان بابا ما يبغاك ليه مصرة تروحي ديمة انصدمت أو دوبها استوعبت ((بابا ما يبغاك .... بابا ما يبغاك )) : حتى وإن كان ما يبغاني بس أنا واثقة من نفسي اني ما عملت شي دينة : بس ديمة : بس لازم محد يحس بشي أبدا ... ويلا سكارنو تحت //// \\\ هاني خارج لدوام شافته أمه : هاني ....((التفت )) هاني : نعم أم هاني بلغة أمر: شوف أنا أمس كنت عند أم ريم هاني بستغراب : أي ريم أم هاني : خطيبتك هاني بسخرية : من متى ؟؟؟ أم هاني عصبت : شوف أنا أمس كنت عندهم وكلمت أمها وبعد أسبوع حيردوا علينا هاني : وأنت بأي حق تخطبيلي هيا أم هاني وهي تشيل عبايتها : والله انا وأبوك أعطيناك خبر وانتهينا ....وخرجت هاني ((( أوف منك يا أمي ليه تسوي كدا... ليه تقتلي حبي في مهده ... ليه تقتليني ...ليه ..ليه )) عمر : هاااااااااااااااااااااااا ااااااانووووووووووووووووو ه هاني فزع : وجع انت ما تعرف الذوق عمر :لاأعرف شيماء.... انت الي مسرح .... وهذا طبعي هاني : بايخ ...اخلص ايش تبغى عمر : ولا شي .... الا انت ليه مارحت الدوام ؟؟؟ هاني وهو يطلع : وهي أمك تخلي الواحد يفكر في شي عمر : ليش ايش صار ؟؟ هاني : بعد ما أرجع ... باي عمر : الله يعينك يا هاني قامت الحرب .....إلا صح مين البنت الي راح يحارب أمي عشانها كيف مافكرت ادور عليها >>>فاااااااااضي //// \\\ في المستشفى... امتنان: أهلين دكتور هاني ؟؟ هاني بملل: أهلا دكتورة في شي امتنان: لا بس ليش اتـخرت مو من عادتك هاني (( ياربي على اللقافة )): لا عادي مافي شي .... مع السلامة امتنان بنفسها ...(( ياربي عليك كل هذا ثقل )) هاني طلع يشوف مرضاه وبنفس الوقت قال أمر على خالي //// \\\\ عبدالمحسن جالس عند عمه أبو مازن : والله يا محسن انا أبغى أكلمك في موضوع بس ... محسن : عمي لا تنحرج كمل أبومازن : في الحقيقة ............. أنتهى قلمي عن كتابة البارت 8 وكأنه يستوقفني لاحداث اكثر اثارة مع البارت 9 ** واقتربت السكين ** | ||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
