آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-03-11, 03:54 PM
| #11 | ||||
 
|  رواية غصبن عني حبيتها رومانسية جريئه البارت الثامن.. سارة:ههههه خلاص تعال لي يوم ثاني لأني مقدر امي وخواتي في البيت..ابيك انت بلحالنا...احبك..احبك..ههههه من قال؟؟..حتى لو تزوجت واحد غيرك بظل احبك لأخر يوم في حياتي..يووه ياسلطان..وبعدين معاك.. مصدق فيصل يوم سمع سارة تقول هل الكلام فيصل(معقوله تكلم واحد ولا بعد تبيه يجي في بيتها..معقوله انتي ياسارة كذا...لا مصدق الي سمعته..اكيد انا مسمعت عدل) سارة:يلاا بسكر اخاف غادة تصح من النوم ومتلقاني...هههههه يلا سلام..والتفت وشفت شفت فيصل وطاح الجوال مني..يوم شفته.. ونظراته كلها استغراب...وظل يطالع فيني..وماوخر عينه عني.. سارة"يووه ليكون سمع كلامي..وي وش بيقول عني احين" وبتردد:ا..انـا..."تمنيت الارض تنشق وتبلعني بس ميطالع فيني بحتقار.. وكنه يقول ساقطه..." غادة:سارة..سارة.. وراح هو يمها وانا تخبيت في المطبخ.. فيصل بحنيه:سلامتك يالغالية؟؟ وش اخبارك احين؟؟ غادة:فيصل.."وهي تضمه"اهئ فيصل معرفت شيء عن فهد.. فيصل"ودي اقول لك بس هو محلفني اني مقول لك":لا ..دقيت عليه بس مقفول..وش الي صار امس؟؟ غادة اكتفت بالبكاء فيصل"يقولها بقرف واستحقار":وش تسوي هنا... غادة:مين سارة؟؟ مسكينه يوم سمعت صوتي في التلفون جات عندي ع طول.. فيصل"مسكينه إلا سكينه..تمثل عليكم دور البريئة واللطيفة ولكن هي غير عن هذه القناع الي كانت تلبسه" دقيت على حمد ع طول مشاني جيني استحيت اقعد لان فيه فيصل وشكله بيجلس وياها.. ولبست عباتي وجيت بطلع بس هو كان واقف يم الباب عطاني نظرة ووخر"مدري كيف اوصف لكم النظرة معرفت افسرها.." ويوم طلعت طلع معاي وقال لي:انتي..ماابي تكون اختي عندها علاقة بوحده مثلك"وهو ياشر علي".. حسيت في هالوقت اني ساقطة يووم تكلم معي كذا.. فيصل"يكمل":سمعتي ولا..لان بصراحة ميشرفي ولا يشرف اختي انها تتعرف على هل الاشكال.. انقهرت يوم قال كذا،وبلا شعور عطته كف على وجهه..سارة:انا مسمح لك.. فيصل قرب مني ومسكني من يدي بقووة وهو يضغط عليها:من انتي؟؟"ويقربني منه"(اول مرة اكون قربيه من رجال كذا)..من انتي؟؟ عشان تعطيني كف.. وسمعت هرن اخوي حمد..وقدرت اني احرر نفسي منه..وطلعت على طوول وركبت السيارة وانا خايفة..انه يسوي شيء..حسيت ان الطريق طوويل مرة.. ومحسيت بنفسي إلا وانا ابكي بصوت واطي مشان مايسمعني حمد ويعمل لي سالفة..ويووم وصلنا طلعت من السيارة بسرعة وطلعت فوق في غرفتي ورميت عباتي..وانا خايفه مره ومتورتره الهنوف"وهي تدق الباب":سارة..سارة وش فيك؟؟ يمه سارة.. حنان:وش فيك يمه..صوتك طويل الله يهديك.. الهنوف:اختك سارة مدري وش فيها ركضت على طول في الدرج اكلهما ولا ترد علي..حنان"صوتها كلا خوف":ليكون غادة فيها شيء..الهنوف"وهي تطق الباب:سارة يمه... سارة:اهئ...اهئ سمعت صوت امي محبيت تشوفني كذا..رحت الحمام"الله لايهينكم"وغسلت وجهي..وفتحت الباب:شو فيكم كسرتوا الباب..الهنوف:يمه وش فيك؟؟ شفتك تركضين ولا عطتيني وجه.. سارة"تصنعت الابتسامه":انا مافيني شيء..انتي فيك شيء.. الهنوف"وهي مو مقتنعة":لا انا مافيني شيء..بس.. قاطعتها حنان:يمه الله يهديك انتي لازم تضخمي الامور..شوفيها زي البخت.. سارة:أي يمه صح كلام حنان انا مافيني شئ.. الهنوف:متاكدة.. سارة:أي.. الهنوف:وش فيها غادة؟؟ سارة:لا بس تعبانه..وتدق على فهد بس هو مايرد.. الهنوف:اها..سلامتها.. سارة:الله يسلمك.. حنان:يلا..ترى مبقى شيء..على اذان الظهر واحنا لسه مطبخنا.. الهنوف:أي والله..ننتظرك في المطبخ يمه.. سارة:إن شاء الله.. وفي بريطانيا... الجو كان حلو لابارد ولا حار كان الجو يلعلع..وداد:بندر..يلا قووم..يلاا..يووه شلي بيقومه ذه نوومه ثقيل مررة.."وهي تفكر"أي لقيتها..بندر..بندر"وهي تهزه"ملكت ريم.. بندر"هو نط من السرير":كييف؟؟ وداد:ههههههه..اي هذا الي ينفع معاك.. بندر"وهو يطقها":والله ان اقتلك؟؟ وداد:كل ذه عشان حبيبه القلب ريموا.. بندر:احترمي نفسك عاد كل شيء ولا هي..وبعدين هي اصغر عيالك عشان تقولين لها ريموا..اسمها ريم..آآآآه صدق من سمها ريم.. وداد:ياعيني ع الحب..يلا اخلص قووم عشان اروح السوق.. بندر"وهو يتثائب":ليه؟؟ إن شاء الله.. وداد:يعني تبيني ارجع الرياض وانا معندي شيء اقدمه لهم..يلاا اخلص.. بندر:يووه يالبنات والله انكم تجبون المرض لحنيتوا.. وفي الشركة... نور(السكرتيرة):استاز فيصل فيك توئع على هالملف..إزا بتريد.. فيصل:خلااص خليه هناء وانا راح اقرأ.. نور:كما تريد استاز..بدك شيء؟؟ فيصل:لا شكرا..بس لواحد طلبني قولي له اني مشغول.. نور:كما بتريد استاز.. فيصل قعد يفكر بسارة مقدر يشيلها من راسه"وهو يتحسس خده"انا تعطيني طراق..منخلق الي يمد يده علي...امي الي ولا مرة عطتني طراق تعطيني انتي..هين ياسارة والله لخليك تندمين على اليوم ألي جيتي فيه..أنا اوريك..وخذت جواله ودق على ابو حمد:هلا ابوحمد.. ابوحمد:هلا بفيصل..أخبارك؟؟ فيصل:هلا بيك..انا زين طالما انت زين..بغيت امرك يوم الخميس ذه؟؟ ابوحمد"استغرب":حياك الله في أي وقت.. فيصل"أنا اوريك ياسارة...والله ان مخليتك تتعذبين مكون انا فيصل الـ...... ان مخليتك تبكين دم مكون ولد ابوي... بيت فيصل قام بثقل من النوم وراح يتوضا ويصلي..وجلس على الكنب ومسك جواله وشاف 30 اتصال من غادة و7 من فيصل..و5 رسايل من غادة وواحد من رقم غريب.. الاولى: يامن بحبك جريت بحور من عيني دموع قهر من مر العذاب عذابي اللي شفته إثر غلطتي وياك أقولها والحق ينقال أنا لاا لاا لاا والله ما أسوى من دونك !!! والثانية: أحبك لو تنقلب دنياي هم على هم أحبك لو تنزف عيوني بدال دمعها دم والثالثة: عيوني مشتاقة تشوفك و أنفي ولهان لعطرك و يدي نفسها تحضنك والرابعة: احبك موت يا لغالي احبك بكل ما فيني احبك دون كل الناس وغيرك ما تهيالي<<<للأمانه منقولين والخامسة:فهد,,أحبك موووت رد علي تكفى والله اني احاتيك..تكفى رد...إذ كان لي خاطر رد علي وطمني عنك..لاتحرمني من صوتك ياغناتي.. يتبع... | ||||
|  |
|
24-03-11, 03:55 PM
| #12 | ||||
| رواية غصبن عني حبيتها رومانسية جريئه والسادسة:السلام عليكم..ماابي اطول عليك ترى غادة مريضة مرة ودينها المستشفى وهي بطريقها ع البيت..انتظرها هناك ماهي مطوله.. فهد قرا الرسايل وعلى طول خذ شماغه وطلع.. بيت ابو حمد... جات غاده ببيتنا وجلست اهديها.. سارة:انتي هدي شووي وإن شاء الله يدق عليك.. غادة:وين اهدي ياسارة..وين..بس.. سارة:أنا اعرف وينه؟؟ غادة"بندفاع":صدق ياسارة..وليه ماقلتي لي؟؟ سارة:لبسي عباتك..وأنا اوديك له..لبست غادة عبايتها وانا بعد لبست عبايتي طلعت وانا ماسكه كيس.. غادة ركبت السيارة معي..ويوم وصلنا..سارة"وانا اكلم اخوي من الدريشه":لخلصنا راح ادق عليك.. عبدالله:خلااص بس مو تتأخرون.. غادة"مستغربة":وين حنا.. سارة:متشوفين..يلاا دخلي.. دخلت غادة معي.. سارة تتكلم مع موظفة الاستقبال:نبي قص شعر وصبغ.. موظفة الاستقبال:انتي حجزتي ولا.. سارة:لا والله.. موظفة الاستقبال:اجل منقدر لازم يكون عندك حجز من قبل.. دقيت على صديقتي اريج(هي مديرة المشغل)وخليتها تكلم موظفة الاستقبال وتشوف معها صرفه.. موظفة الاستقبال:تفضلوا هناك "وهي تاشر".. سارة:بسرعة لو سمحتي.. غادة"نظراتها كله استغراب":سارة انتي وش تسوي اقول لك وين فهد..توديني المشغل عشان تصبغين شعرك.. سارة:هههههه.. اولا القص والصبغ مو لي لك انتي؟؟ غادة:كييف؟؟ ومن قال لك اني ابي اصبغ ولا اقص.. سارة:يعني تبين تروحين عند فهد وشكلك تعبان مرة..وهلالات سوده تحت عينك..والله ان يخترع.. غادة بهدوء:يعني راح اشوف فهد.. سارة:اكيد ياعيون سارة انتي بس..سكتي وخلي الكوفيرا تسنعك.. اخترت صبغة لشعرها..بلون العسلي وقصت شعرها كوكتيل ع طوله وحطت لها مكياج ناعم مرة يناسب عيونها اللوزيه"وفتحت الكيس ألي جبته وطلعت منه فستاني الاحمر المخملي الي ضيق عند الصدر وعنده فتحه توصل لنص الفخذ وصندالها احمر..شكلها كان خيال مرة.. سارة:وااو شكل فهد راح ينجن فيك.. غادة"احمر وجه":سلمتي...سارة الله يعطيك العافية..مقدر اوفي لك جميلك.. سارة:لا تقدرين..إذ وقفتي عن البكي.. غادة:مو مصدق اني راح اشوف فهد.. سارة:لا صدقي..وخذت جوالي ودقيت على خوي عبيد..ورحنا لبيتها..سارة:وقف دقيقة..راح اجي بسرعة.. عبدالله"زهق":يلاا بسرعة والله ان تاخرتي راح اروح.. ودخلت بيتها..غادة:يعني هو موجود هنا.. سارة:أي لا وصيك هلا هلا بالكلام الزين..مو تعفسينا.. غادة:هههههه لا متخافين...بس كيف انتي عرفتي انه هو هينا.. سارة: بعدين اقول لك..وركبت السيارة..مدري ليه تذكرت فيصل يوم يناظرني بحتقار ويوم عطيته كف..احسن اني ندمت يوم عطيته كف مع انه يستاهل.. غادة فتحت الباب وتلفتت يمين يسار وملقت نفسها إلا وهي في حضن فهد.. فهد"لمها بقووة في صدره":غادة..وش فيك؟؟وش قال لك الطبيب.. غادة:فهد من متى انت هنا؟؟ واي طبيب الي تتكلم عنه.. فهد"بعد عنها"وطلع جواله من جيبه:بس في واحده قالت لي انك تعبانه وودتك عند الدكتور.. غادة وهي تشوف الرساله:انا مرحت عند الدكتور انا رحت عند..(قالت في نفسها والله انك خطيرة ياسارة) فتحت عباتها ونزلت الشيله عن وجها..وفهد خف على شكلها وصاير شكلها مغري مرة لان الفستان فيه فتحه توصل لين الفخذ وكاشف من الصدر.. غادة"وهي تطالع شكلها في المرايه وبدلع":عجبتك؟؟ فهد"وهو يحوطها من خصرها"وبنبره ذوبت قلبها:حيللل..صايره قمررر.. غادة"استحت من صوت فهد وقربه منها":صدق.. فهد"وهو يبوسها في خدها وفي وجها"وبنظره خلت غادة تحمر من الخجل":أي ياقلب فهد انتي.. غادة استسلم لفهد...................................... .................................................. ...................... بيت ام فيصل.. فيصل:يمه انا خلاص ابيها..بتزوجها ام فيصل"وهي مستغربه":تتزوج..."وهي فرحانه"اخيرا ياولدي اقتنعت بكلامي.. فيصل بخبث:انا من زمان مقتنع...بس مكان لي نيه بزواج مرة ثانية.. بس احين لي نيه.. ام فيصل:خلاص اجل بكلم ام حمد عشان اخطبها لك.. ام فيصل:من زمان كان ودي انك تتزوجها بس انت ماتنفل..ياهو عندها جمال متصدق سبحان الي خلقها.. فيصل(ادري انها ملكه جمال..وجها مثل البدر..وعيونها ذابااحه)يسوي نفسه مشافها:لهل الدرجه هي جميلة ام فيصل:أي ياولدي كلمه جميلة شوي عليها.. فيصل:اجل ع بركه الله..قام وباس راسها..يمه انا اخذت موعد مع ابوحمد.. ام فيصل:يعني تبي تتقدم لها بشكل رسمي.. فيصل:ايوا مو احسن.. ام فيصل:أي اكييد..احسن.. فيصل"والله ان اعلمك دروبك زين ياسارة يابنت سعد..والايام جايه" بيت ابو حمد... ريم:لا ماني موافقة.. الهنوف:وليه لا.. ريم(غير بندر ماابي):انا ماابي اتزوج..وبعدين استخرت ومارتحت.. الهنوف:ممداك تستخرين انا توني قلت لك.. ريم:رغد الي قالت لي.. الهنوف وهي تطالع برغد بغيظ:طب استخرتي مرة مرتين.. ريم:والله..استخرت مرة مرتين ثلاث بس مرتح ابد رغد:يمه خلاص لاتغصبينها..ويمكن ذي خيره.. ريم:أي يمه خيره صدقيني.. الهنوف"تتنهد":آآه وش اقول للحرمة احين.. ريم:تصرفي يمه.. الهنوف:انتوا راح تموتوني بدري.. سارة:هههههه الله يهديك يمه بس..ورن جوالي..وشفت الرقم غريب مرديت وكلا يتصل وانا مرد عليه وحطيته على سايلنت لاني زهقت..وترك رسالة كاتب فيها"ردي سارة انا سلطان" قريتها وتركت رساله "غيرت رقمك..فديتك..بدق عليك احين"وارسلته له..ودقيت عليه.. سارة:هلاا حبيب قلبي سلطان... :....................... سارة بدلع رباني:شوو مابدك تتكلم؟؟ :هلا بزين كله.. سارة"بخوف":من انت؟؟ :هههههه معرفتيني ياسارة.. سارة:لا من انت؟؟وكيف تعرف اسمي.. :والله هذا مو مشغلك... سارة سكرت السماعة في وجهه..ودق علي بس انا مرديت..ورسل لي رساله"ردي ياسارة والله ان مرديتي..راح تشوفين شيء ماشفتيه في حياتك"خفت من تهديده بس طنشته ورحت نمت... بيت فيصل.. فيصل"بعد تسكرين السماعة في وجهي أنا اوريك..ووتجاهلين اتصالاتي..أن مخليتك تندمين على انك شفتيني مكون فيصل الـ.... ولا بعد يوم رديت على طول عرفت اني مو سلطان حبيبها..دارسه صوته دراسه... بيت ابوحمد... صحيت الساعة 9:15 استحميت ونسيت ألي صار امس ولبست تنورة ميدي جنز ازرق مع بدي ابيض وصندل بلاك وحطيت غلوس وكحل..وسيحت شعري.. وفطرت لحالي..قريت جريدة مع كوفي...ولا تجيني رساله من نفس الرقم"استعدي للمفاجئ السارة...راح تجيك عند الظهر..يا..سارة يابنت سعد.. خفت كثير في البداية قلت يمكن غلطان لان في واجد بنات اسمهم سارة بس يوم قال سارة بنت سعد..خفت كثير بس انا معرف من ذه الرجال؟؟وش يبي فيني؟؟تسائولا كثيرة مالها رد... وجات الساعة1:12 ودخل حمد البيت وهو مرة تعبان..سارة:متبي تتغدا؟؟ "وطالعت وجهه مبين عليه الارهاق والتعب" حمد وش فيك تعبان.. حمد:وش اقول لك ياسارة.."تنهد"المدير طردني مع اني مسويت شيء.. سارة:كييف؟؟ حمد:يقول اني مهمل في عمله؟؟مع اني والله مثابر مرة حتى الموظفين تفاجئوا.. قلت لا ليكون هذه المفاجئه..ورحت عند جوالي وشفت رساله منه تقول"ههههههه عجبتك المفاجئه ياسارة..عشان تعرفين مرة ثانية ماتتجاهلين و عشان تعرفين اني قد كلمتي..وان تجاهلتيني مرة ثانية بيصير مصير ابوك زي اخوك.." ودقيت عليه وانا صوتي كلا بكى:الو.. :هلا والله بالزين.. سارة"وانا ابكي":انت وش تبي مني.. :ابيك انتي..انتي وبس.. سارة:مفهمت؟؟ :تؤتؤتؤ..توقعت اذكى من كذا.. سارة:ابي اعرف من انت؟؟ :هههههه..انا فيصل الـ......... حسيت ان بيغمى عليه...مو مستوعبه الي صار كنه انكب علي ماي في وجهي..حسيت اني في حلم وابي احد يصحيني منه.. فيصل:وش فيك سكتي؟؟؟ سارة بتردد:فـ ...فـ .. فيصل.. فيصل:أي فيصل.. ياسارة.. سارة"مو مستوعبه الي يصير":انت وش تبي مني؟؟ فيصل بحده:قلت لك ابيك انتي؟؟ سارة"وانا اشهق من البكي":اهئ..ليه...تسوي فيني كذا؟؟ فيصل:تؤتؤتؤ...لا ياسارة لاتبكين تعورين قليبي كذا..أنا مقدر على دموع الحلوين... سارة"وانا ازيد بكى":........ فيصل:لا لاتبكين ياحرمه فيصل الـ...... سارة"مو مستوعبه الي يقوله":كييف؟؟ فيصل:الي سمعتيه؟؟وش فيك مستغربه كذا..ههههههه اكيد مو مصدقه ان فيصل الـ..... ياخذك وحده زيك.. سارة فهمت وش كان يقصد:احترم نفسك ياحقير.. فيصل بحده:والله وطلع لك صوت يا.... سارة انقهرت من اسلوبه:احترم نفسك..وطالما انا زي متقول..اجل ليه تبي تاخذني.. فيصل:دخلتي في مزاجي وابيك.. سارة:انت كيف تسمح لنفسك تأخذ وحده متبيك.. فيصل:بس انا ابيك..ومو لازم انتي تبيني.. سارة بقهر:تخسي إلا انت..حتى لوكنت اخر رجال بهدنيا مخذتك.. فيصل:لا يكثر بس...انا بجي بخطبك من ابوك يوم الخميس ذه..ويويلك ان ماوفقتي..وانتي تعرفين زين اني اقدر على كل شي...ياسارة.. سارة:اا...وسكر السماعة في وجهي وقعد ابكي..ريم"وهي تطق الباب":سارة...تقول لك امي يلا متبين تتغدين.. سارة"عدلت صوتي محبيت احسسها اني كنت ابكي":لا ماابي مو مشتهيه.. ريم:اوكي...ونزلت.. رحت الحمام وغسلت وجهي بالمويه ورحت صليت وقريت قران.."ودخلت في نوبه بكى مو مصدقة ألي صارلي..أنا اصير زوجة فيصل لا مستحيل...طب ليه يبيني انا مع انه يقول اني بنت......بنت لها سوابق..اهئ بكيت حيل من ذي الكلمة..لا انا موكذا بس ليه يحسسني اني وحده واطيه وحقيرة؟؟ وجاء اليوم الموعود...يوم الخميس... استحميت وسرحت شعري وحطيت مكياج اصفر كريمي مدموج بالازرق وخط أي لاينر عريض ولبست عدسات بندقيه..وكثفت الماسكار في عيني..ولون البني تحت عيوني..وعطرت من العطر الفرنسي..ولبست بلوزه صفراء كريمي..مع تنوره طويله جنز ازرق ولبست صندال عالي لونه اصفر كريمي.. الهنوف"تنادي من عند الدرج":سارة ياسارة... نزلت لها:نعم يمه..بغيتي شيء.. الهنوف:أي..بغيتك تسوين حلى اليوم... سارة:حلى وليه؟؟ اقصد غريبه انك تبين حلى.. الهنوف:لا بس صديق ابوك جاي اليوم وقلت نسوي له حلى.. سارة"بعد صار صديق ابوي من متى ان شاء الله":لا يمه خلي ريم ولا حنان تسوي انا ابي اريح شوي.. الهنوف مستغربة:وش فيك...مافيك إلا العيارة..ويلا روحي سوي الحلى من ايدك الطيبة وبعدين خواتك ينظفون المجلس يلا انزلي سوي.. سارة"حشى مصار ضيف كل خواتي في المجلس ينظفون...كنا اول مرة يجينا ضيف" رحت المطبخ وسويت الحلى.. وفي العشاء جاء فيصل عند ابوي... ودخل ابوي ونادني:سارة تعالي.. جيت وقربت منه:نعم يبه.. سعد:يابنتي جاك واحد..و مو أي واحد يابنتي هو ماينرد..وطلب انه يشوفك..انا سالت عنه استغربت من طلبه هو شافني من قبل مرات مو مرة وحده انقهرت من طلبه:بس يبه... يقاطعني:يابنتي بلا بس ولا مابس..يلا زوجك ينتظرك"ابتسم في وجهي" سارة"استغربت":هه زوجي.. سعد:ادري انه مصار زوجك إلى الان بس انا متأكد انك راح توافقين لانه بصراح هو ماينرد انا اعرفه زين وسالت عنه.....ساره"سأل عنه ممداه يسال عنه ليكون قال له من ايام" وخذني من يدي ودخلني المجلس وانا مرعوبه مرة صحيح اني شفته من قبل وانا عندي خبر انه بيجي بس احين غيرر والله احس ان رجولي ماتشيليني..:يبه خايفة.. سعد:ههههه لاتخافين ولا شيء انا معك..يلا.. ودخلت"وعيوني تحت":السلام عليكم.. فيصل(والله مزيونه مررة سبحان الي خلقها...بس الزين ماكمل) :وعليك السلام.. ورفعت عيوني وشفت عيونه الذباحة حسيت انه بيأكلني من نظراته.. فيصل(جميلة وانا اشهد..ليه ياسارة تتبعين هذا الطريق ليه):اخبارك ياسارة؟؟ سارة(الصراح توني ادري ان اسمي حلو كذا...اسمي في لسانه غيرر مرة):زينه.... وظل يطالع فيني بقووة وانا بمووت من الحيا من نظراته... ورحت داخل..ريم:هه وش صار عجبتيه ولا... رغد:غبيه انتي اكيد بتعجبه كل هل الجمال ولاتعجبه..تلقين مو مصدق.. سارة بتوتر:اسكتوا..وأنا وش يعرفني ان كنت عجبته ولا لا.. ريم:من نظراته.. سارة"عيونه..عيونه ذباحه بشكل":اصلنا من الخوف مشفته... ريم:أي قصي على هندي بس مو علي انا.. الهنوف"وهي تسحبني":اقول اسكتوا ياقليلات الادب..وخلوا اختكم ترتاح..."وهي تساسرني" هه يابنتي عجبك.. رغد وريم:هههههههه... ريم:كيف تبينها ترتاح وانتي هههههههه.. رغد:يمه والله انتي فله.. الهنوف:انعبوكم اسكتوا والله ان سمعكم بيقول حشى ذول طايرين ع الزواج..والله بيفضحوني.. سارة:عن اذنكم....ورحت بسرعة فوق ووجهي صار الوان من كلام امي وريم.. ريم"وهي تعلي صوتها":ياعيني ع الحيا..ياعيني... رغد:يعني نقول مبروك"ولووولشت"لووووووويش الهنوف:انتوا ماتستحون ع وجهكم.. وفي المجلس..سمع فيصل اللوش وضحك..فيصل:ابي اسمع الرد بكره..لاني ياعمي مستعجل.. سعد:وش عندك مستعجل هههههه..اخذ بعد مستعجل..هههههه فيصل:ههههههه...لاني بروح امريكا وقلت اوديها معاي.. سعد:وش عندك بأمريكا.. فيصل:عندي رحله شغل في نهاية هذا الشهر..وقلت نأخذ شهر عسلنا هناك مرة وحدة.. سعد:موفقين..إن شاء الله.. فيصل:إن شاء الله.. في غرفتي..مدري اضحك ولا ابكي..كني بين نارين..شرذت فيه افكر كيف بتكون عيشتي معاه...ولا اسمع صوت موسيقى رساله..انا حاطه موسيقى خاصة لرنات وموسيقى ثانية لرسائل..وخذت جوالي بسرعة حسيت انها من فيصل وفعلنا هي منه كاتب"مبرووك عليك انا...ادري منتي مصدقة اني انا فيصل الـ...... جاي يتقدم لك..اسمعي ابي رد الموافقة بكرة وراح تكون الملكة والزواج في يوم واحد سامعه ويويلي منك ان موافقتي سامعه والله ان اطين عيشتك..سامعه.." مغرور مررة على وش شايف نفسة ذه(من حقه يغتر جميل مرة)..وكتبت له"على وش تبارك لي مالت عليك..وليش هل الغرور على وش ياحظي مغتر مدري على جمالك ولا مركزك الاجتماعي..خلف الله علي وعلى حظي المقرود" فيصل:بعد وطلع لها صوت..انا اوريك ياسارة..مكون فيصل ان مربيتك عدل..وكتب لي"لايكثر..وزاجنا راح يكون في نهاية الشهر ذه...وبعدين تعالي من زينك انتي..أنتي شفتي وجهك في المرايه تلوعين الكبد وع...(والله مزيونه بنت الذين..وعليها جسم"وهو يعض شفايفة")ولا بعد دبه.. سارة:خبل ذه كيف يكون زواجنا في نهاية ذه الشهر اصلنا مبغى شيء على نهايته.. أنا دبه..حرام عليه..وزني 50 وطولي 164 يعني وزني عدل وش فيه ذه معنده نظر..كتبت له"كييف؟؟نهاية الشهر ذه مبغى شيء على نهايته..ومايكفيني عشان اجهز نفسي" وكتب لي" عاد كيفك مكفى كفى ذه مو شغلي.. ولاتناقشيني في هذا الموضوع لاني خلاص اتخذت قراري..سامعه" فيصل:والله ان اطلع لك قرون مو قرن واحد.. سارة:لا ذه ناوي يجنني.. ريم"وهي تطق الباب":سارة..ابوي يبيك..يلا نزلي.. | ||||
|
| |
|
24-03-11, 03:56 PM
| #13 | ||||
| رواية غصبن عني حبيتها رومانسية جريئه البارت التاسع... سارة:لا ذه ناوي يجنني.. ريم"وهي تطق الباب":سارة..ابوي يبيك..يلا نزلي.. سارة:جايه..ونزلت ولقيت ابوي مع امي وخواتي.. سعد:هلا..هلا باسارة.. الهنوف:نقدر نقول مبروك.. سعد:ترى الرجال مستعجل ويبي الرد بكرة..هه نقول مبروك ولا.. نزلت راسي من الحيا.. ريم:مقدر انا ع الحيا.. رغد وريم:لووووووووش.. الهنوف:اسكوت فضحتنوا.. سعد:خليهم يستانسون..يبون يفرحون لأختهم.. رغد وهي تبوس راس ابوها:صح لسانك يبه.. سارة وانا مستحيه:عقبالكم.. رغد:آآمين.. الهنوف:انعبوك استحي.. رغد:وليه استحي.. سعد:ههههههه..إن شاء تتزوجون كلكم يارب.. الهنوف:آآمين يارب.."وهي تمسك التلفون"بروح ادق على اختي منيرة وبشرها... وانتشر الخبر عند العايله كلها.. وفي المطار.... بندر:وداد ويهد يلاا بسرعة.. وداد وهي تشيل اغراضها:انزين..ولاتقول ابي اساعد اختي المسكينه... بندر:إلا سكينه..لا مراح اقول ولااني قايل..مصارت شناط.. وداد:ليه مقلت لابوي انا حنا وصلنا وجينا الرياض.. بندر:حبيت نفاجئة... بندروهو يكلم في الجوال:هلا يبه.. ابو بندر:هلا بولدي..اخبارك واخبار وداد؟؟ بندر:الحمدلله زيون.. ابو بندر:هاه ياولدي مقررتوا تردون من ايطاليا.. بندر:لا لسه يمكن بعد كم يوم..اجل انت وينك؟؟اكيد في الشركة.. ابو بندر:لا والله انا في بيت اخوي سعد.. بندر مستغرب:وش عندك؟؟ ابو بندر:ابارك لهم لان وحده من بناته ملكت.. بندر انصعق من الخبر:كييف؟؟أي وحده فيهم.. ابو بندر:وش فيك؟؟ مدري والله اكيد حنان ولا ريم.. بندر:لا مستحيل ريم..ريم لا لا.. ابو بندر:وليه مستحيل كامله والكامل وجه.. بندر محس بنفسه إلا وهو يسكر السماعة وراح يركض.. واخته تلحقه وتشيل في هل الاشناط الثقيلة.. بندر وهو متوتر:يلا ركبي بسررعة.. وداد مستغربه:وش فيك صار لابوي شيء.."وهي تهزه من كتفه"تكلم يابندر وش فيك مسبه.. بندر وهو يكلم السواق:يلا امش بسرعة.. بيت ابوحمد.. سارة:الله يبارك فيك ياعمي.. ابو بندر:والله وكبرتي يابنتي وصرتي مرة.. سعد:هههههه...عقبال بنتك وداد.. ابوبندر:ان شاء الله... رغد:والله اشتقنا لك ياعمي ... ابو بندر:تشتاق لك العافية... حنان:ليه مجينا..ع الاقل في شهر مرة.. ابوبندر:ابشروا..بجيكم وبزهقك..بخليكم تقولون ياليتنا مقالنا له يجي.. الكل:هههههه.. سارة:وش دعووة ياعمي... وفي الصاله..الهنوف:ريم انزلي يلا.. ريم:جايه يمه.. الهنوف:ترى جاء عمك.. ريم"وهي تنزل من الدرج":عمي بوبندر.. الهنوف:أي وش فيك مستغربه..كثر الله خيره اول مدرى جاء.. ريم:أي والله..بروح له... الهنوف:انا بروح اقطع الكيك.. راحت ريم إلا تسمع صوت الجرس..ريم:من ألي جانا في هل الوقت.. وراح فتحت الباب ولا يجي في وجها بندر.. ريم مستغربه:بندر!!!! بندر ونفسه انقطع:ريم..قولي لي انك ماملكتي.. ريم مو فاهمه شيء:بندر ماني فاهمه شيء... بندر وهو ماسكها من يدها:قولي لي..انك ما متزوجتي..ريحي قلبي ياريم.. ريم:لا مو انا الي تزوجت ذي سارة.. بندرابتسم:الحمدلله.. ريم خقت من بسمته:بندر ممكن تترك يدي.. بندر وهو يهد يدها:آسف يالغاليه محسيت بنفسي.. ريم راحت داخل بسرعة وقلبها مسوي قرع طبوول.. بندر"يابعد قلبي ياريم...تصورت للحظه انك مو لي...ومدري وش صار فيني..لا انا مجنون بحبك ياريم...مجنون" وداد الي خلاص انقطع نفسها من المشي وتتكلم بحروف متقطعه:بندر اش.....فيك...؟؟؟ بندر:اختي انا احبك "ولمها في صدره".. وداد الي ماتدري وش السالفه:وي الحمدلله والشكر...انت شو بلاك اليوم..متقول.. بندر:مدري..بس انتي دخلي سلمي ع البنات وباركي لهم.. وداد:على وش ابارك لهم.. بندر:على بنت عمك سارة..اصلها ملكت.. وداد مستغربه:ملكت من ومتى وليه مقالت لي؟؟ بندر:حشى..كل ذه ترد عليه سارة؟؟ وداد:مصدق ميساء تزوجت.. بندر:من ميساء ذي بعد.. وداد:وانت وش دخلك.. بندر:ادخلي بس ادخلي..وقولي لهم يسون درب لي يلا انتظرك مو تنسيني.. وداد:افا عليك انسى الدنيا ولا انسى حبيب قلبي بندر.. بندر:بشوف انا...يلا دخلي.. دخلت وداد المجلس بعد ماتأكدت من الهنوف ان مافيه حد غير البنات وابوها وعمها"الي هو ابوي" وبعد السلام.. وداد:والله وحشتوني بقوة.. سارة:انتي اكثر.. ابو بندر: وليه ماقالتوا لي انكم جاين..اكيد ذي من راس بندر صح.. وداد:هههههه كنك عارف..قبل كل شيء..مبروك سارة.. سارة"استحيت":الله يبارك فيك.. يتبع... | ||||
|
| |
|
24-03-11, 03:57 PM
| #14 | ||||
| رواية غصبن عني حبيتها رومانسية جريئه ابو حمد:وانتي وش دراك ياسوسه.. وداد:بكل بساطة بندر الي قال لي.. ابو بندر:انا مقلت لبندر ان سارة هي الي ملكت..اما غريبه.. ريم (عشان كذا سألني ان كنت انا الي ملكت ولا وحده ثانيه) وداد:مدري عنا..هو قالي باركي لها.."وهي تصفق خدها ع خفيف"وي نسيت بندر بره..يقول عملوا له طريق يبي يسلم عليك بيه ويسلم ع عمي ومرة وحده يبارك.. ابوبندر بحماس:وذه الامر ينسي قولي له يدخل.. سعد:يلا بنات دخلوا داخل.. ودخلنا داخل...وداد:مو مصدقه انك خلاص راح تتزوجين؟؟ياميساء.. سارة:ههههههه.. ريم:لا صدقي.. وداد:بتصرين حرمه خلاص.. رغد:ههههههه.. بيجيك اليوم ذه.. وداد:لا توني صغيرة..وبعدين ماني مستعده لزواج..يعني معرف اطبخ ولا الغسيل ولا ولا شيء.. سارة"شهقت":من صدقك.. ريم:الطبخ والغسيل مايبي له شيء.. رغد:وي كم عمرك احين وانتي متعرفين شيء.. وداد:عمري 20 والله توني صغيرة... سارة:وش توك صغيرة..انتي لازم تتعلمين ولا تبين تطلقين.. وداد:لا ان شاء الله.. رغد:وش الي لا إن شاء الله..إذ انتي متعرفين اكيد راح تتطلقين حتى لو انتي ماتبين.. وداد:لا تخوفوني...أنا ابي اتزوج واحد مليونير، واخلي الخدم هم الي يطبخون ويغسلون ويسون كل شيءوانا مدلعه.. رغد:ههههه يعني زي زوج سارة.. وداد:ليه زوجك مليونير.. رغد:اجل حبيبتي..يملك عمارات ضخمه..واراضي وشركات مو شركة وحده.. وداد:الله يعني بتتزوجين واحد ثري..يابختك بالدلع ألي تشوفينه منه ولا العز..الله وناسه..إن شاء نصيبي زي نصيبك.. سارة"أي دلال ألي تتكلمين عنه انا خذته مجبورة مو رضى مني..والله مدري أي معامله راح اتلاقها منك يافيصل..":ان شاء الله.. وداد"وهي تشوه في يدها":هي انتي وش فيك شرذتي سارة:هه..وش كنتي تبين.. وداد:لا ماهي معنا..مع حبيب القلب.."وهي تميع صوتها"فصوولي.. سارة:ههههه أي فصولي الله يصلحك.. وداد:علينا بس..إلا وين حنان مشفتها من جيت.. ريم وهي تتلفت يمين ويسار:مدري كانت موجوده من شوي..يمكن نامت.. وفي الغرفة...حنان:اهئ..اهئ..اختي سارة وجاها واحد..وريم بعد كم يوم ويجيها واحد ثاني...وانا شكلي بقطن وانا في هل البيت..اهئ..ليه؟؟ليه؟؟ اهئ...ومسحت دموعها..انا لازم اضعف عشان اتزوج..وإلا ان ظليت كذا مافي احد راح يتزوجني... وفي المجلس...بندر"وهو يبوس راسه":هلا يبه اخبارك؟؟ ابو بندر:الحمدالله زين.انت اخبارك ياولدي؟؟ بندر:الحمدلله..مو قصدي اني اسكر السماعة في وجهك بس انقطع الخط.. ابو بندر:لا عادي ياوليدي.. ام حمد:اخبارك يابندر؟؟ بندر:زين ياعمي انت اخبارك؟؟ ام حمد:الحمدلله زين..إلا يوليدي خلصت كملت الدكتوراه ولا؟؟ بندر:إلا خلصت ولله الحمد.. ام حمد:اجل كيف راح تكمل وداد دراستها من دون محرم... ابو بندر:تكملها هنا وش فيها جامعة الرياض.. ام حمد:أي والله ماكذبت... ابو بندر:جاء منصور وتقدم لها.. بندر:صحيح يبه متى.. ابو بندر:والله من اسبوعين فقلت له بسألها لما ترجع من ايطاليا.. ام حمد:الله يسعدها..والله ان منصور شاب زين ماينعاب.. بندر:أي والله... ابو بندر:بس بنتي مايعجبها العجب..ويمكن ترفض.. ام حمد:وليه وش فيه منصور مو زين.. ابو بندر:لا والله ان هو رجل مصلي ومسلم ويتقي الله في كل شيء..بس انا اعرف بنتي زين.. بندر:مو ع كيفها.. ام حمد:مهما كان ردها لاتجبروها على الزواج.. ابو بندر:من هالناحيه متخاف..انا ماابي اجبرها..وبعدين تقول لي يبه ليه اجبرتني وتعمل لي بلاوي خلها ع ربك... سعد:الله يكون فالعون يااخوي... بيت ابو جمعان... سارة:تلقينه مستانس.. عبدالله: السلام عليك.. منهوا ألي مستانس الكل:وعليكم السلام.. نورة:فيصل... عبدالله:من ذه فيصل؟؟ منيرة:تعرف..الي يوم رحنا في المزرعة.. قاطعها عبدالله:أي اعرفه المزيون..وش فيه؟؟؟ منيرة:ذه خطب سارة بنت خالتك.. عبدالله شهق:من صدقك..يووه راحت علي.. نورة:وش الي راحت عليك.. عبدالله:كنت ابي اتزوجها... الكل:هههههه منيرة:مالت عليك...ع بالي عندك سالفه... نورة:أي والله.وبعدين انت توك صغير ع الزواج.. سارة:انعبوك لسه عمرك 14 سنه وتفكر تتزوج...وبعدين هي اكبر منك بسنين.. عبدالله:أي وش فيها..يمه تكفين ابي اتزوج وحده تشبها تكفين يمه.. منيرة:انت الاول اكبر وشتغل وبعدين ادور لك احلى منها..بعد وش تبي.. عبدالله:لا انا ابي زيها..هي عاجبتني.. نورة:استح ياقليل الادب..شفتي يمه مقلت لك لاتخلينه يشوفها..قلتي لا عادي خليه يدخل ويشوفها توا صغير..هاه شوفي احين..يبي يتزوجها..ولا وحده مثلها بعد.. منيرة:ذي غلطتي..ان خليتك تشوفها... عبدالله:خلااص اصلن حفظت ملامحها وكل شيء فيها.. منيرة:بعد..انا ارويك... بيت ابوحمد.. استيقضت عند الساعة8:00 على رنه الجوال..رديت من دون مشوف الرقم وبهمس:الوو.. فيصل:صح النوم..انعبوك الساعة ثمان وانتي لسه مصحيتي.. سارة"وانا اعدل جلستي":فيصل.. فيصل:أي فيصل.. سارة:وش تبي من صبح الله.. فيصل:في بنت تكلم زوجها كذا.. سارة:والله كيفي اكلمك بأي طريقة احب.. فيصل:السانك يبي له قص..اسمعي انا محب زوجتي تكون كثيره نوم..يلا بلا نوم... سارة:نعم!!! فيصل:الي سمعتيه.. وحطي في بالك اني كل يوم راح ادق عليك..واياني وياك اشوفك نايمه.. سارة:والله لصرت ع ذمتك..ذيك الساعة تتكلم.. فيصل:لا يكثر..اسمعي اليوم راح نحلل...ولاتنامين بعد ماسكر سامعه... سارة:ان شاء الله منكون جايزين ع بعض واحين ضف وجهك بعد مخلصت محاظرتك..وسكرت في وجهه... وانسدحت ويرن مرة ثانيه...سارة رديت:يوووه..وش تبي.. فيصل بحده:انتي بأي حق تسكري التلفون في وجهي..انا مقلت لك لاتنامين... سارة بدلع عفوي:فيصل تكفى خلني انام...بس ساعة.. فيصل"والله بتذبحني هل البنت بدلعها":اا..اقول لك قومي بلا دلع.. سارة بدلع عفوي:بس ساعة..ساعة وحده بس..يلا فيصل.. فيصل خق:هه..اقوول اصحي بلا دلع..انا كلمتي وحده.. سارة:يوووه..انزين بصحى احين... فيصل:شاطره..ابي اشوفك احين.. سارة:نعم!!وليه ان شاء الله... كم مرة انت شفتني فيها...شبعه.. فيصل:اقصري الهرج..ابي اشوفك وخلاص.. سارة:مقدر.. فيصل:تصرفي.. سارة:بس... وسكر الخط بوجها..يعني وحده بوحده...يووه كيف اشوفه...آآآه يبجنني.. يتبع... | ||||
|
| |
|
24-03-11, 03:57 PM
| #15 | ||||
| رواية غصبن عني حبيتها رومانسية جريئه واخذت لي شور..وفتحت الدولاب *****ة وش البس..سارة:ابي لبس حلوو مرة.. ابي شكلي يصير شيك..وي وش قاعده انا اسوي انهبلت كل ذه عشان فيصل بيشوفني..لا موعلى شانه عشان انه يوم الجمعة ومن عادتي اني ابالغ في زينتي..اي مو على شان فيصل.."ابي اقنع نفسي اني ماتزين عشانه بس الواقع هو عشان فيصل عشانه هو بس" لا اصحي يابنت بعدين يقول اكيد تزين عشان انا قلت لها اني انا بجي..لا بلبس ملابس مرة سنبل ونفس الشيء حلو.. حطيت أي لاينر خط رفيع فوق الجفن، وتحت عيني بلون التركواز ألي يطلع لون عيوني الزرقاء"عدسات" وكثفت الماسكار الزرقاء..وحطيت بلاشر باللون الزهر وغلوس باللون الاحمر الهادئ..وهذا ألي خلاني جذابة اكثر.. لبست بنطلون جنز ازرق ضيق مع بلوزة بيضاء باكمام طويلة ولها فتحه لصدر.. البلوزه خلت جسم يهبللل وطلعت مفاتنه.. وسيحت شعري..ونزلت تحت وسويت لي كوب كوفي وقريت الجريدة..ورن جوالي..سارة بصوت ناعم:الو.. فيصل"راح فيها":اسمعي انا احين عند الباب طلعي لي.. سارة متفاجئة:كييف؟؟ فيصل:الي سمعتيه..يلا فتحي الباب..انا واقف.. سارة:انت تتكلم جد.. فيصل:أي يلا فتحي الباب لرن الجرس احين.. سارة"توهقت":تكفى فيصل روح لاتعمل لي فضايح.. فيصل:شكلك ماسمعتيني وش اقول...شكلك تبيني ارن الجرس؟؟ سارة بندفاع:لااا خلاص بفتح الباب..استن دقيقة.. تلفتت يمين يسار ودخلت المطبخ حبيت اتأكد ان امي ولاحنان مو موجودين.. شفت نفسي في المرايه وبعدها فتحت الباب... فيصل"صايره خيال بنت اللذين":ساعه ع متفتحين الباب.. سارة:انت تتسبب والله..احين لو امي ولااحد شافني وش بقول لهم.. فيصل"وهو يطالع في صدري" صار وجهي طماطه وعلى طول حطيت يدي على صدري:و..وش تطالع فيه؟؟ فيصل بكل جراء:على صدرك"وهو يعض على شفته" وجهي قلب الوان"ياررربي جريئ مررة...مايدري اني استحي":انت ماتستحي... فيصل يطالعني بتفحص:على وش استحي.. وانا بمووت من الحيا:هه.. فيصل يقرب مني اكثر:على وش استحي هه..ذه"وهو يأشر على صدري"راح اشوفه بعدين..مو من حقي كالزوج.. سارة"يارربي بمووت من جرائته"ورديت بأندفاع وانا ابعده عني:لا مو من حقك ياأستاذ فيصل..وابعد عني لو سمحت.. وانا ابعده عني..بس يقرب اكثر واكثر وانا ابتعد لين موصلت عند الجدار وحاصرني بيده ..فيصل:هذا من حقوقي..ولا انتي شايفة شيء ثاني.. سارة"وانا احس اني بمووت من قربه لي"وبتوتر:لا مو من حق..لان مافي شيء يربطنا ببعض..إلى الان انت مو زوجي ولا لك حق علي ولا انا لي الحق عليك..واحنا لسى ماعملنا التحاليل يمكن منجوز لبعض.. ويقرب اكثر وشوي واصير في حضنه...جيت بروح بس هو اسرع مني وملقيت نفسي إلا وانا بحضنه وشفتي في شفته....باسني لا لا مصدق...انا في حلم ولا بعلم.... حاولت اوخره بس هو يشدني زيادة..ويقربني اكثر واكثر... حسيت اني بموووت من حركته..كيف يسوي كذا..كيف؟؟ احاول ابعده بس هو اقوى مني...ماقدرت اوخره... واخيرر بعد عني..فيصل:شفتك عذااب.. سارة"استحيت من رده...استحيت من حركته..استحيت من نظراته لي جريئ مررررررة يالناس":................"مقدرت ارد لاتلوموني" فيصل"وهو يمسح الروج من شفته":عذاااااب... مقدرت رد مرة ثانية..بس ألي سويته اني بكيت بصمت.. فيصل:وليه الحلو يبكي..انا مسويت كذا إلا اني ابيك تتعودين.. سارة"وصوتي كلا بكى":اتعود!! بس مو ذي الطريقة..الي...اهئ فيصل"والله انها بزره هل البنت..تغريني حتى وهي تبكي":وليه انتي تبكين.. سارة"وانا اشهق":اهئ..اهئ..انت..ليــ لـ....ليه تسـ...تسوي فيني...كـ... كـ..كذا...اهئ؟؟ فيصل"قسم انها بزره...صايرة حلووة وهي تبكي"خذاني في حضنه... حسيت بأمان وانا في حضنه...حسيت بالامان وانا في صدره...حسيت بأشياء وانا معه... فيصل:خلاص هديتي ولا بعد... ومـســح دمـعــتي بـشـمـاغـه... فيصل"وهو محوطني في خصري":انتي تخليني اتهور.. سارة"وانا ابتعد عنه":نعم!!! "وجهي صار احمرررر" فيصل:هههههههه...يلا انا بطلع احين...تامرين بشيء.. سارة(مصدقت انه بيطلع..خفت احد يشوفنا):لا.. وانا اوصله للباب..سارة:فيصل.. فيصل التفت:نعم.. سارة بصوت ناعم:وش صار لاخوي حمد..يعني..اقصد.. فيصل:متخافين من بكرة يداوم زي قبل... سارة:فيصل.. فيصل:نعم فيه شيء ثاني.. سارة"ابتسمت":شكرا.. ابتسم لي وطلع... ورقيت فوق وإلا حنان في وجهي.. حنان وصوتها كلا نوم:هلا سارة.. وش عندك قايمه احين.. سارة وانا خايفة:هه...اي شبعت نوم.. حنان وهي تطالع وجهي:وش فيه روجك ممسوح وطالع بره.. كنتي تحطينه وانتي ترتجفين... سارة"توهقت":ههههه دمك خفيف..لا كل ماهو نالك"شوف الصواريخ"اني نسيت اني حاطه روج فمستح فمي..وقلت بروح فوق واعدل روجي.. حنان:انتي خبله اصلن...ريحتك عطر رجالي.. سارة:..................... حنان:حلو ريحته..انتي شاريه عطر رجالي.. سارة:هه...لا ذه عطر خويتي الوي..خذته منها عشان ابي اشتري زيه..ورحت حنان باستغراب:تشتري زيه!!! ورحت لغرفتي وقلبي مسوي قرع طبول..عدلت روجي...شميت بلوزتي(آآه يازين ريحتك ريحت المسك والعود) ورن جوالي"حماتي" سارة:هلاا غادة غادة:هلابيك..اخبارك يامرت اخوي؟ سارة:هههههه زينه ياحماتي.. غادة:يعني وافقتي.. سارة:.............. غادة:ههههههه السكوت علامة الرضا..مبروووك عليك اخوي.. سارة بحيا:الله يبارك فيك..اخبار امي؟ غادة:طيبه طاب حالك.. سارة:وش رايك بالهديه.. غادة فهمت قصدي:ههههه تجنن..مراح انسى جميلك مدى الحياه.. سارة:انا مسويت شيء.. غادة:قالوا لي انك متواضعه بس انا متوقعت إلى هذا الحد... سارة:اسلمتي ياحياتي.. غادة:لو يسمعك فيصل انك تقولين لي حياتي.. سارة:ليه وش بيسوي.. غادة:يغارعليك حيل لدرجه انه قال لي لاتكلمينها ولا تكون علاقة علاقها فيها... سارة"فهمت وش يقصد...أنا يافيصل مو زي ألي تعتقده" ادعيت الضحكه:هههههه لامو لهدرجة عاد... غادة:إلا واكثرر..تصدقين انه في البدايه مكان موافق انه يتزوجك..بس فجئه قال انه يبيك.. سارة:اها...(معرفت يافيصل ليه انت تبي تتزوجني مع انك تظن اني..... ابيك تجاوب على هالاسئله ألي عجزت عن اجابتها)... وين الردود؟؟؟ | ||||
|
| |
|
28-03-11, 02:34 PM
| #18 | ||||
| رواية غصبن عني حبيتها رومانسية جريئه [QUOTE=Gemini Rose;4632953][size="5"]حلوة حبيبتى الرواية مشكورة بس ياريت ما تتأخرى علينا بالجديد فى انتظارك تسلمى على المجهود[/ عن جد اسعدني ردك وتفاعلك معي.. وماني مطوله ان شاء الله.. | ||||
|
| |
|
| أدوات الموضوع | |
| انواع عرض الموضوع | |
|
|
2Likes
العرض العادي
