آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-04-11, 11:23 PM
| #1 | |||||||||||
| نجم روايتي وعضو فعال في منتدى صحة ورشاقة  
|  لا تغيرت قل لي دنيتي وش تكون ! جثةٍ و إدفنوها داخل ترابها / للكاتبه كاريساا  السلام عليكم بنات جبتلكم النهاردة رواية فعلا جوناااان انا عن نفسى حاليا بقرئها طبعا لسة مخلصتهاش لانها طويلة بس هى كاملة وطبعا انا كل يوم هنزل كام جزء لحد ما اخلصها بسم الله نبدء مـتـعـتـي فـي حيــاتـي نظرتــك بـالعيـــون اتوجـد عليهـــا واحســــــــب احســـابهـا عشقتي نظــرتــك يــوم انهــا مـا تخـون يــوم نـظــرات غيـرك خانـــــت احبابهـا عشرة العمر في قلب الوفـــا ما تهـــون مـدري الوقـــت ولا حضنــــــا جــــابهـا المحبة غـــــلاهـا مثـل نفسـي تمـــــون مــن عـرفتــــــك هواجيسـي تهنـــابـهـا اضرب الــرقـم واسمـع رنـة التلفـــون كن دقــــات قلبـي تحـــرق اعصــــابهـا ودي الصوت يسرع قبل رمش الجفون لحظــةٍ تـوقـف انفاسـي مــن اسبابهـا لا تنفست في ليل السهــــر والسكـــون اشعــــر ان السعــــادة تفتـــح ابوابهـا بالولع شي يدعي للعجـــب والجنـــون مثل من قال صعــب العقـــل يرضابهـا يا حنـــون الضماير يا الغــرام الفتـون خطوة الشوق يمـي طـــول اغيــــابهـا لا تـغـيـــرت قـل لـي دنـيتـي وش تـكـــون جثــةٍ وادفـنـــوهـا داخــــل اتــرابـهـــا ودي ابكــي لين ما يبقى دمــــوع من جروحٍ صارت بقلبي تنـــــوع انطفت في دنيتي كل الشمـــــــوع غربتي طالت متى وقت الرجـــوع ان شكيت للحال محدٍ لي سمـــوع طال صبري والزمن عيّ يطــــوع ودي اشكي لين ما يبقى كـــــــلام ومن همومٍ احرمت عيني المنـــام والهنا ما يوم في دنيـــــــــاي دام كل عام امني احلامي بعـــــــــــام وان سكت الناس زادوني مـــــلام والرجا باللي عيونه ما تنــــــــــام-- - على اصـوات بكاء طفل طلع الرجل المتوسط العمر و المعيشه (عبدالعزيز) من غرفته حيث كان ينام مع اطفاله الى مصدر الصـوت الصادر من الصاله الصغيره عند الباب. عبدالعزيز: أستاذ خالد؟ خالد اللي وجهة له ((عبدالعزيز)) السـؤال كان واقف عند باب البيت، ومعه طفله، ما بين الأربع إلى خمس سنوات، كان شعرها منفوش، ملابسها قذزه ممزقه، عيونها حمراء من كثر البكاء اللي ما توقف حتى بعد وصوله. خـالد: ناد احد يقعد معها اول؟ سـوا عبدالعزيز اللي طلبه مسؤوله و نادى شغالة البيت اللي وصلت اول ما سمعت صـوته. ليـندا: Yes . خـالد وجه كلامه للشغاله: خلي بالك منها،\\ وبعدها التفتت للرجل اللي كان امامه و في وجهه الف سؤال و سؤال: ممكن تجي معي؟ عبدالعزيز:ايش صاير ؟ فهمني؟ خالد: راح تفهم كل شيء بس تعال معي. عبدالعزيز كان ذابحه الفضـول، بس ما كان يقدر يجبر خالد على شيء، لانه هو منو و خالد منو، فما كان في وسعه الا انه ينفذ اوامره و يدخل معه غرفه ثانيه بعيده عن المكان اللي كانت فيه البنت و الشغاله. عبدالعزيز: ممكن تفهمني شنو قاعد يصيـر؟ خـالد: بقولك كل شي، بس قبل ابيك تفكر زين قبل لا تتخذ أي قرار، و حط في بالك عائلتك و زوجتك وو ظيفتك و تأكد محد غيري و غيرك و المدام راح يعرف شيء عنه. عبدالعزيز و هو حده خايف و متوتر السالفه فيها عائلته و وظيفته: أستاذ خالد، و اللي يسلمك قول و ريحني من هالهم !! خالد: هذي البنت................................ بـعد سـاعه كامله مرت مثل السـنه على خالد و عبدالعزيز اللي تناقشـوا، ترجوا، صـرخوا، و في النهايه اتفقوا. طلع خالد من الغرفه و كان عبدالعزيز وراه كان مصدوم ، مستغرب و مغلوب على امـره، من بين كل الناس ليش خالد اختاره هو و الشيء اللي طلبه خالد كان صـعب و شـبه مستحيل لكن مادام السالفه فيها عائلته اللي يحبها اكثر من أي شيء ثاني، ووظيفته اللي يأكلهم منها كان ضروري يوافق، وصـلوا للصاله اللي تركوا فيها البنت، قرب خالد من الشغاله الي كانت البنت نايمه في حضنها كان الخوف واضح على وجهها و طريقه تمسكها في فيها تدل على نقص الحنان ، اما الدموع كانت جافه على وجهها الى اسفل عنقها. خالد: حبيبتي! قرب يده من وجهها لما فتحت عيونها و قربت من الشغاله، هدت شوي لما شافت ان اللي قرب منها كان خالد. خالد: لا تخافي من اليوم انتي مسؤوليتي. طوق يده حول جسمها الصـغير و ضـمها لحضنه بقوه. خالد: ما راح اتخلى عنك ابدا هـــذا البــارت الأولــ اتــمنى يـنال اعـجابكـم : بـعد 15 سـنه. الريـاض. ما عمرها كانت الفلوس سبب في سعادة الانسـان، هذا ما كانت تمثله عائله عبدالعزيز و ابناءه، ما كانوا اغنياء، و لا كانوا فقراء، كانوا ناس على قد حالهم، مستواهم بسيط لكن ولله الحمد عايشين بسعاده و سـرور و يتمنون من كل قلبوبهم الله يخليهم لبعض.. عائله عبدالعزيـز ( بـو سـعود) عبدالعزيز الاب : (56 سـنه) انسـان قمه في الطيبه و الحنان على الي يعرفه و الي ما يعرفه، ما يحب يظلم احد، و لا يقصـر في شغله، حتى لو ما كان حد يراقبه، لانه في نظره ربه يشوفه ويراقبه. يشتغل في شـركه خاصـه يملكها احد مليارديرات العالم من 33 سـنه، و هو خايف يطلعونه على التقاعد لانه يخاف على عائلته و يحاتيهم و يتمنى يتطمن عليهم و يشوفهم كل فرد فيهم مرتاح في بيت قبل لا يأخذ ربه امانته. نـوره ( الام): ( 48 سـنه) : انسـانه بسيطه مالها في تصـرفات حريم الوقت، اغلب وقتها في بيتها، تشتغل مع شغالتها، او تزور وحده من جاراتهم، تحب التنظيم و الاهتمام، هي بنت خال عبدالعزيز، ما عندها حد غير اخوها الي كان يدرس في الخارج و بعدها استقر بعد ما تزوج و عيل، تحب عيالها لكن ما كان بشكل متساوي مثل عبدالعزيز، لانها تفضل ناس على ناس، تفضل سـعود لانه ولدها الوحيد، و تحترم رايه و ما ترفض له طلب، تموت في أسماء لانها بنتها الكبيره و الي جابتها بعد فتره علاج، وقعدت بعدها تعالج فتره لحد ما حملت مره ثانيه، تحترم رايها و راي هنادي لانها هاديه و قنوعه ما تحب تاخذ شيء ما هو من حقها، اما التـوأم (مها) و (منال) فلا تحترم رايهم و لا تشاورهم في شيء، لانهم ما يفكرون ابدا قبل أي شيء يسونه، هي طيبه مع الكل الا مع الثنتين ذول. أسماء: (24 سـنه): اكبر بنات العائله، بنت طيبه و حبوبه و اجمل انسانه من الداخل لكن من الخارج.....، أثر العلاج الي تلقته ام سـعود اثناء حملها فيها عليها، أسماء كانت رجولها قصـيره و منتفخه، و شوي دبدوبه، شـعرها بني لاخر ظهرها، عيونها عسليه، وجهها دائري و خدودها اكبر من الكل مطلعه شـكل خمشها صغير و داخل للداخل، محد كان يتوقع عمرها لان شكلها اصـغر من كل خواتها، كانت تحاول دائما تظهر في شكل القويه الي ما تهزها ريح، الا انها كانت من الداخل حساسه تتاثر باصـغر كلمه و خصوصا عن شكلها، تشتغل مدرسه لغه عربيه في مدرسه ابتدائي. هنادي: (19 سـنه): بنوته طيوبه و مطيعها تشبه أسماء الي هي مثلها الاعلى في اغلب الصفات، الا ان ثقتها شـوي مهزوزه في نفسها، ما تعرف ترد على احد اذا غلط عليها، عكس اسماء هنادي كانت سليمه ضعيفه شـوي لكن جسمها كان مرتب و انثوي بس قصـيره، شعرها مصبوغ بني فاااتح و حاطه فيه خصل اصفر يوصل طوله لنص ظهرها، عيونها ناعسه واسعه شـوي عسـليه، وجهها ضعيف خشمها كان صغير بس طويل، الي يميزها شامه على خدها اليمين، تدرس اول سـنه في جامعه الملك سـعود تخصص انجليزي. سـعود: (17 سـنه): ولد العائله الوحيد، شاب وسيم، شعره بني غامق، عيونه عسليه و رموشه طويله انفه طويل و دائري من الامام، طويل و جسمه رياضي، يعطيه عمره اكبـر، هادي اغلب الوقت لكنه اذا شاف غلط ثار مثل البركان، يحترم امه و ابوه و ما يرفض لهن طلب، يفضل أسماء و هنادي على مها و منال، اخر سنه في الثانويه، يحلم انه يصير دكتور و يدرس في لندن. مها: (16 سـنه) منال: (16 سـنه) تـوأم، و اصغر العائله، مسببات المشاكل دائما، الاختين نسخه من بعض حتى في الشـعر، قصة شعرهم قصة الفراشه و صابغينه احمر بخصل بنيه، عيونهم بنيه غامقه، طويلات ( اطول من هنادي و اسـماء) جسمهم حلو و رياضي لانهم يلعبون كره سله، يفرق بينهم شامه صغيره تحت شفايف منال، و اللون المفضل لان منال تحب اللون الازرق، و مها تحب اللون الوردي. حملت امهم فيهم على طول بعد سـعود و الفرق بينه و بينهم اقل من سنه، 10 اشهر فقط. في ثانيه ثنوي، ما يفكرون شنو بيصيرون لان في نظرهم كل وحده راح تتزوج مليونير و تقعد في البيت فما لا داعي الشهاده. التعديل الأخير تم بواسطة لامارا ; 23-04-15 الساعة 05:39 PM | |||||||||||
|  |
|
08-04-11, 11:25 PM
| #2 | |||||||||||
| نجم روايتي وعضو فعال في منتدى صحة ورشاقة
|  دخلت نوره غرفة بناتها الصغار مها و منال و الي كان لحد الحين نايمين، شغلت الأنوار و قعدت تصحيهن باعلى صـوت. نـوره: مها! منال! أصحوا و لا تتأخرون على المدرسه. مـها: يمه و اللي يسلمك خلينا ننام شوي. نـوره: ما في نوم و راح تقومون الحين. منال: يمه بليزززززز. نـوره وهي مصدومه: انا ابليس؟ مها: لا يمه بليز يعني ارجوك نـوره: وتبيني اصدقك! منال: يمه والله صدقيني و علشان اثبت لك كاني راح اقوم. نـوره: يكون احسن. طلعت نـوره من غرفة بناتها الصغاز متنرفزه كالعاده. مها: يعني لازم تتفلسفين على امي كل ما كلمتك؟ منال: يعني انا الغلطانه؟ مها: اكيد. منال: على الاقل انا تفلسفت من غير قصد عكس بعض الناس. مها: اقول انا رايحه الحمام، مالت. منال: عليك. - - - كانت نوره تفضل دايما انها تصحي مها و منال اول و بعدها هنادي و اسماء، لانها بنظرها الاسوء ثم الافضل احسن من الافضل ثم الاسـوء. طقت باب الغرفه و سمعت أسماء: تفضلي يالغاليه. دخلت نـوره بابتسامه عكست دخلتها على بناتها الصغار، لقت اسـماء تسكر اخر زر في قميصها الاصفر الطويل و الي كانت لابسته على تنوره جينز طويله. اما هنادي كانت قدام المرايا تثقل ماسكرتها السوداء والي زادت من وسع عينها اكثر و اكثر، كانت لابسه تنوره بنفسج تحت الركبه و بلوزه فوشي و حاطه حمره فوشيه شدو بنفسجي و ماسكرا بنفسجية. هنادي و هي توجه كلامها لاسماء: خلصتي؟ اسمـاء: أكيد. نـوره: اسمـاء؟ وش ذا الي في وجهك؟ اسمـاء: ايش تقصدي يالغاليه. نـوره: قصدي الخرابيط الي في وجهك!! اسمـاء كانت طاحه ميك اب ثقيل شوي و حمره حمراااه فاقعه، و شدو اسود ثقيل و عدسات خضرا ، مخفي ملامحها الطفوليه كليا. اسمـاء: عندنا حفله اليوم في المدرسه، ولازم البس كذا. نـوره: محد قالك لا تلبسين كانك رايحه عرس؟ هنادي: يمه حياتي، ترى لبس اسماء عادي، اصلا لبسها ناعم مقارنه بزميلاتها في الدوام!! نـوره: استغفر الله يا ربي، بنات هالوقت ما صار ينعرف لكم. طـلعت امـهم من الغرفه و هي متضايقه، هي تعرف لبنات و تعرف ان اسمـاء ما تلبس و تحط ميك اب الا لما تكون متضايقه من شكلها او احد مسمعها شيء عن شكلها، كانت تتمنى ان بنتها الكبيره تفتح قلبها و تصارحها بالي تحس فيه، لكن أسماء الي تحب تطلع دايما بمظهر القويه كانت ترفض هذا الشيء، وهو الي كان يقهر ام سـعود اكثـر. هنـادي: اخر مـره اكذب على امي علشانك. أسمـاء: بس انتي ما كذبتي، كل البنات يحطون اكثر من كذا. هنادي: يعني لما البنات يطلعوا من غير حجاب راح.......... اسـماء: اففففففففف مليت من هذا المثال. قررت هنادي تسكت و ما تكمل النقاش العقيم مع اختها الكبيره، نزلت هي و اختها و لقوا امهم و ابوهم و سـعود الي دايما يصلي الفجر مع ابوه في المسجد و بعدها يسوي رياضه و يستعد بعدها للمدرسه. باسوا راس ابوهم و اخذوا مكانهم على الطاوله، و بعد عشر دقايق انظموا لهم منال و مها الي كانوا يتناوشون كالعاده. - - بـو سعود كان دايما يطلع من بيته قبل دوام المدارس بساعه يـوصل أسماء لمدرستها في سيارته الفورد موديل 2005 و الي لحد الحين يدفع إقساطها، وبعدها يوصل منال و مها لثانويتهم و الي ما كانت بعيده كثير عن مدرسه اسماء، و بعدها يوصـل هنادي الجامعه و الي كانت في وين و دوامه الي يروح له بعد توصيلها وين. نزلت أسماء من السياره و توجهت للمدرسه، المدرسات كانوا يكرهونها لانها دائما اول من تحضر و اخر من تمشي و الي كانوا يعتقدون انه تفوق و اجتهاد منها، و العكس صحيح، لان بو سـعود اتفق معهن ان الروحه تكون عكس الرجعه فيمر هنادي اول و بعدها مها و منال و بعدها أسماء. اما سـعود فهو يروح للمدرسه مشي و يرجع مشي، من دخل الثانويه، يقول انها رياضه مستمتع فيها و الحقيقه هي انه ما يبي يثقل على ابوه اكثر من الحمل الي عنده. ولآن الثانويه قريبه عند البيت فما يحتاج يكلف على ابوه اكثر !! دخلت اسماء بعد ما وقت الحضـور لغرفة المدرسات و قعدت تجهز وسائلها و ادواتها لحصتها، الطالبات يحبونها و هي كانت تموت فيهم لانها تحب الاطفال و هو السبب الي خلها تصير مدرسه ابتدائي، وما تقدر تتمالك نفسها لما تشوف أي معلمه تمد يدها على طالبه، هذا غير مديح مديره المدرسه و الي خلى كثير من المدرسات يكرهونها و يدورن أي سالفه يزعجونها فيها.. بعد ما رجعت من حصتها كان عندها فراغ حصتين قررت في هذا الوقت تشرب شاي و تجهز شغلها للحصه القادمه لما سمعت اكثر معلمتين تكرهم يتكلمون بصوت عالي مسموع للكل. نـاديه بنبره مرتفعه: اقـول دلال! ردت عليها دلال الي ما كانت بعيده بصوت اعلى: هلا ناديه. ناديـه: ابله فوز تقول ان ابله العلوم الجديدة سـهام، خطبتها الوكيله جوزه لاخوها المحامي المزيون الي صوره في الجرايد كل يوم. ضغطت اسماء على القلم الي كانت تكبت فيه لما سمعت كلامهم.. دلال وهي تخز أسماء: اكيـد يا حبيتي بتخطبها، سهام كامله و الكامل الله، جمال و طول و جسم ياخذ العقل، وفوق هذا بنت ناس اجاويد و من مستواها. نزلت أسماء القلم الي كانت تكتب فيه و طلعت من الغرفه و هي تسمع ضحكاتهم، كانت محتاجه تشم هواء، حاولت ما تنزل دموعها تتحجج انها ان بكت راح يخرب مكياجها الي اخذ منها وقت طويل قبل لا تجي. كانت اسـماء تعرف ان الوكيله جوزه تدور حرمه لاخوها، وهي بنت امالها انها تكون من نصيبه لان جوزه كانت تتكلم معها عن جمال الروح و الاخلاق، و ان الجمال الخارجي ما يدوم. لكن في النهايه القـول شيء والفعل شيء ثاني. - - في الجامعه، كانت هنادي تمشي مع صديقة عمرها ريم للكفتيريا ياكلون شويت خفايف قبل المحاضره الي بعدها. هنادي: بشـري شصار معك؟ ريم: والله شكلي برسب في هذي الماده. هنادي: والله حرام، الماده سهله، بس انتي ما تدرسين! ريم: انا قالوا لي الدراسه في الجامعه اسهل من المدرسه بس الي قاعده اشوفه يقول العكس! مو مشكله اصلا انا ماني مستعجله على التخرج. كلام ريم حز في قلب هنادي. ريم صديقة هنادي من10 سنين اطول و اعرض من هنادي، حلوه شعرها اسـود قصـير لكتفها، عيونها بنيه واسعه، الي يشوفها يقول حمل وديع و الحقيقه انها اسد كاسر، محد يسلم من لسانها اذا عصبت ابوها و امها يتوقعون انها راح ترمي زوجها بالرصاص ان ضايقها ليله دخلتها، مملكه على ولد عمها من سنه و عرسها لحد الحين ما تحدد، ريم ما تهمها الدراسه و ما كانت ناويه تكمل بس كملت علشان تقعد مع صديقتها، و لانها ماهي محتاجه الوظيفه عكس هنادي الي تتمنى تتخرج اليوم قبل باجر لاجل تساعد ابوها الي زادت عليه المصاريف، والي بتزيد اكثر ان سافر سـعود يكمل في الخارج. هنادي: بس لازم يكون في يدك شهاده! انتي مو ضامنة الدنيا! ريم: فالك ما قبلناه، تتفاولين علي! هنادي: لا والله مو قصدي بس ... ريم: اصلا انتي تدورين الحجة علشان تتركيني، لان السيده حصه ما تبي احد يشاركك فيها. هنادي: حصـه مالها دخل في الموضوع، بالعكس هي كل تسـأل عنك و عن اخبارك. ريم و هي ماده بوزها شبرين: ما ابيها تسـأل. هنادي: تغارين؟ ريم: اكيـد لا. هنادي: هههه يعني تغارين. ريم: أي ارتحتي! و صار لي يومين افكر اشلون اسافر في عطلة و اخليك معاها. هنادي: ههههههههه لا تشيلي هم راح تكوني دايما الاولى و الاخيره. أشتروا لهم خفايف و الفرحه على وجهوهم يحسدهم عليها الناس,, - - بمدرسة التوأم اللي كــآآنو بصف واحد بس مها كانت قااعده بجهه اليسساار ومنـال بجهه اليمين هذا بطلب من الابلات عششان يفرقون.. كان الطررب واصصل للاخر ومهــآآ تطبل ومنال بصصوتها الحلوو تغني : يا زعلان يا زعلان خليت قلبي حيران ما قتلك يا حبيبي بطل دلع من زمان ليه ما ترد السلام وين الدلع والغرام راضيني ولا بروح وسيبلك هالمكان والبنـــآآت انواع التشجييع والهببال والتصفيق وتكمل منــآآل بهبال ورجه يا خوفي زعلك يطول تسمع كلام العذول يكفي زعل يا حبيبي الناس عنا شتقول عاودلي واسمع نداي واشعر حبيبي بهواي والله ما اعيش دونك بحضانك القى الامان هذي نبببذه عن حيــااتهم الدراسسيــة ما كانت هنادي السعيده و لا أسماء الحزينه و لا التـوأم مها و منال الي همهم الموضه و الافلام يعرفون عن الشيء الي كان في انتظار ابوهم في ذاك اليوم. | |||||||||||
|
| |
|
08-04-11, 11:28 PM
| #3 | |||||||||||
| نجم روايتي وعضو فعال في منتدى صحة ورشاقة
| تـفضـلوا البـارت الثـــااااني ان شـاء الله يـعجبكم - - - - وصـل بو سـعود الشـركه الي كان يشتغل فيها باقصى سرعه عنده، لان الزحمة إلي صادفته في الطريق اخرته عن اجتماع أصحاب الشركات المنافسة لشركتهم. السكرتير و هو معصب: عبدالعزيز!!!!! انت وينك!!! طويل العمر يسال عنك من ساعه!!! بو سـعود و هو يتنفس بصعوبه: مو بيدي! صادفتني زحمه فضيعه في الطريق.. السكرتير: هذا الكلام قوله للعم بو تركي الي مستحلف فيك يقول فشلنا مع العالم. بـوسـعود في نفسه: الله يعني عليك يا قاسي. اخذ نفس عميق مره ثانيه و فتح باب غرفه الاجتماعات الالكتروني بالبصمة الخاصة، بـو سـعود هو مدير قسم التخطيط للمشاريع، و كل مشروع في الشركة لازم يمر عليه قبل ما يوصل للمدير، دخل بو سـعود الغرفة الكبيرة الفخم، كانت مصنوعة على طراز أوروبي فاخر من العصـور الوسطى و مزينه بتحف و مقتنيات نادرة تدل على ثراء صاحب الملك، حس بو سـعود بألم في صدره و خوف شديد لما شاف نظرات المدير العام بو تركي و الي كان الشرر طالع منها، فكر انه يطلع من الاجتماع بعد ما يسلم الأوراق له و يحفظ ماء وجهه اللي من الممكن يضيع بكلمه من بو تركي المعروف بسوء المعاملة و تحقير الموظفين. ...................: بو سـعود! حرك بوسعود نظراته من بو تركي الى الشخص الي تكلم و الي كان جالس على رأس الطاولة، وعلى اكبر مقعد (( خالد) ، و اللي كان الفرق بين نظرته و نظرة بو تركي لبو سعود فرق السماء عن الأرض. بو سـعود: أوامرك يا طويل العمر. خالد: ليش واقف؟؟؟ تعال. أشر خالد لبوسعود يجلس على الكرسي الي جنبه، مشى بو سعود جلس على الكرسي الي خصصه له خالد خالد : يا ساده ممكن الحين نبدا اجتماعنا. بو تـركي : أمرك يا طويل العمر. وقف بو تركي المدير العام للمجموعات شركات خالد الـ ... و بدأ النقاش.. أستمر الاجتماع ساعتين كاملتين تناقش فيها بو تركي، وابنه تركي ( المدير المالي) و ابنه الثاني أحمد( المدير التنفيذي) حول أكثر من مشروع و صفقه، منها افتتاح أفرع جديدة في أماكن مختلفة من العالم، توفير الدعم لأكثر من شركه جديدة في مقابل إنظمامها لشركتهم، تطوير سوق تجاره السيارات و استيراد أنواع جديدة بصفات خاصه......... الخ و في النهاية و بعد المناقشات الطويلة تم الانتهاء أخيرا بموافقة الهوامير مع خالد على الصفقات و ما بقى غير توقيع العقود. خالد: أتمنى فعلا اني أكون أهل لثقتكم الغالية. بو سلطان واحد من الهوامير في الاجتماع: عمرك ما خذلتنا يا خالد، و إحنا نوثق فيك أكثر من أي شخص ثاني. بو خليفه: صاج يا بوسلطان خالد رجال و النعم فيه. ابتسم خالد ببرود و هو يسمع مديح مجموعه العجاير الي يحاولون الاستفادة منه كثر الإمكان: بو سـعود العقود من فضلك. بوسـعود: ان شاء الله. اخذ بو سعود الشنطه اللي يحتفظ فيها بالأوراق المهمة و قعد يدور العقود المطلوب منه تجهيزها مسبقا، دور مره، مرتين، ثلاث، اربع، خمس........ بوتركي: بو سعود وين العقود؟ بوسعود بخوف: مالقيتهم. بوتركي: أأأأأأأأأأيش!!!!!! بوسـعود: سامحني يا طويل العمر، يظهر اني نسيتهم في البيت او في السياره بو تركي: احلفّ!!!! ضحكتني داخل متأخر!!! وناسي العقود بعد!!! لا يكون نســـيت انت منـــووو؟؟؟ خالد: عمي !!!! سكت بو تركي لما قرر خالد التدخل، هو يعرف مكانه بو سعود عنده، لكن الي صار هذي المرة أبدا ما راح يغفره خالد له و اكيد راح يتصرف معه. خالد: توقيع العقود راح يتم الأسبوع الجاي لما ارجع من تركيا. بو سلطان: نعم!!! فاضين احنا نجي مره ثانيه بعد أسبوع؟ بو سامي: مو بس انت الي عندك سفرات و اشغال!! احنا بعد ورانا جدول مزحوم!! بو فايز: خالد اما ان نوقع العقود اليوم، ولا اعتبر المشروع ملغي!!! أيد معظم الرؤساء قرار بو فايز و قعدوا ينظرون لخالد بقوه و تخويف، خالد بكل برود حركه وجهه في اتجاه بو سعود الي فتح ازاير ثوبه و بدأ يتنفس بصعوبه وبعدها ابتسم. خالد: المشروع ملغي. قرار خالد صدم كل الموجودين بما فيهم عمه و بوسـعود. بو سلطان: انت ايش قاعد تقول!!! خالد: انا الشخص الوحيد الي ما راح أتأثر بإلغاء المشروع، علشان كـذا اذا ما شفتكم الأسبوع الجاي هنا في القاعده لتوقيع العقود تقدرون تعتبرون المشروع ملغي، و تخسرون الملايين اللي كان من الممكن تحصلون عليها في مقابل اني احصل على بعض التوصيات على مشاريعي الجديده، والي طبعا اقدر احصلها من مصدر ثاني. بوسلطان: فكر عدل يا خالد، قرارك هذا اهانه لنا. خالد وهو يقوم من كرسيه الجلدي الفاخر: اذا تبي اعتبره اهانه، انتهى الاجتماع. طلع خالد من الغرفه من غير حتى ما يودع الرؤساء او يسمع أي رد منهم، والي غادروا بعد دقايق من طلعته. - - - بو تركي: ممكن افهم انت شسويت!!! بو تركي اللي ما كان مصدق قرار خالد الي اتخذه بسبب غلطه بوسعود، لحق خالد لمكتبه الضخم و بدأ بالصراخ. خالد: عرفتهم مستواهم طبعا!!. بو تركي: بس يا خالد هذول كبار و ممكن يضرونك!! خالد: لا تخاف علي يا عمي، لان يوم خسرت انت و ابوي ثروتكم، انا استرديتها ووصلت اسم عايلتنا لمستوى اعلى من الي كانت فيه، انا ما اخطي خطوه قبل ما اخطط لعشر بعدها. بو تركي: و بوسعود جزء من خطتك؟؟ خالد: ايش قصدك؟ بوتركي: اسمعني يا خالد، بو سعود رجال و النعم، وطول عمره يخدمنا بإخلاص، لكن لكل شيء وقت وينتهي. خالد: تقصد اصرفه! مستحيل! بو تركي: يا ولد اخوي، الي صار اليوم مو اول غلطه يرتكبها بوسعود، نسيت المشروع الي بغى يروح منا يوم غلط في تقدير التكاليف، و المعرض الي كان بيبعه لمنافسنا بدال الشخص الي اتفقنا معاه، هذا غير الفلوس الي ما تعد ولا تحصى الي تضيع بسبب اخطاءه. خالد: الحلال حلالي انا، وانا مو هامني أي خطأ يرتكبه. بوتركي: خالد!! خالد: انتهينا و موضوع بوسعود لا عاد تفتحه معي، لان بوسعود ما راح اصرفه لو يصير اللي يصير! لف خالد كرسيه باتجاه البلوكونه الكبيره الي وراه و تجاهل عمه الي كان واقف و كأنه يطلب منه يطلع، وطبعا عمه فهم قصده وطلع من الغرف. - - دخل بو تركي غرفته بعصـبيه و كان ابنـاءهم في انتظاره و انتظار قرار خالد. أحمد: بشـر بيصرفه؟ بو تركي: لا طبعا. أحمد:أيش؟؟؟ هذا ما يفهم؟ بوتركي: يقول ان بوسعود اشتغل عنده كل عمره، فمستحيل يكافأه بالطرد! تركي: وخالد صادق، الرجال و النعم فيه، والانسان مو معصوم من الخطأ! أحمد: انت مالك شـغل! لان دائما أي شيء يسويه خالد في نظرك هو الصواب تركي: حمييييد احترم نفسك، انا اخوك الكبير. أحمد: مافي احترام، مادامك انت و صاحبك بتطيرون فلسونا و تخلونا على بساط الفقر!! تركي: انت والله مصدق عمرك! ناسي ان الفلوس فلوس خالد و انه طيب منه شغلنا معاه!! بو تركي: تركي!!!! مافي داعي لهذا الكلام و لا تنسى انه لولا وقفتنا معاه كان ضيع كل الي بقى من ورث ابوه. تركي: ................... اكتفى تركي بالصمت لانه ما يحب يجادل ابوه الي في نظره النقاش معه في موضوع محوره خالد او الفلوس عقيم، فقرر يختصر الطريق و يطلع من الغرفه. أحمد: ايش ناوي تسوي يبه؟ بو تركي: عندي فكره، لكن ماني مسوينها الا بعد ما يسافر خوييلد لتركيا. أحمد: و متأكد انها بتخلصنا من العجوز المخرف! بوتركي: ان كان عنده كرامه!! فاكيـد. - - في المـدرسـه أسماء: كـانت أسمـاء توها راجـعه من حصـتها و ميته تـعب، بنات الصـف الاول مزعجين و مسـتحيل تطلعين من الصـف سـعيده مهما كانت حصـتك ممتازه، لكـن اسـماء اسـوء صف في المـدرسه كان ارحم عندها مليـون مره من القـعده مع نـاديه و دلال الي تكـرهم و هي الي ما تكـره احـد لانهم هم يـكرهونها و يتمنون لها الشـر.. نـاديـه: أسـوم انتي وينك؟ الحـصه خالصـه لها عشـر دقايق؟ أسمـاء بابتسـامه كاذبه: لـيه تبين شيء؟ نـاديـه: لا بس خفت عندك تبديل او عطوك احتـياط؟ أسمـاء: لا تطمني قـعدت مع البنـات اصحح الكـراسـات لحد ما جـت ابـلتهم. نـاديـه: اهاا، اذا على كذا خلاص مشـينا،، أسمـاء باستـغراب: على وين؟ نـاديـه: قسـم العلوم عازمينا على قـهوه و حلوه بمـناسبه خطبـة ســـــــــهام!!! (( طـولت على أسم البـنت)) أسماء بعصـبيه تحاول تخفيها: أذا تبين تروحين روحي، انا ما اعرفها البنت فمالا داعي اجي ارز فيسي عندهم نـاديه: حرام عليك؟ أصلا هم طالبينك بالاسم ، وكل المدرسه باركت لها وما بقى الا انتي! و لا تبينهم يقولون انك كنتي حاطه عينك على خطيبـهااااا (( و طولت مره ثانيه على كلمه خطيبها)) أسمـاء: ايش هذا الكلام يا ناديـه؟؟؟؟ نـاديـه: انا ما قلت شيء بس انتي تعرفين لسـان الحريم الفاضيه، وانه ما يرحم احد.. أسمـاء بقهر : مـشـكوره، احط اغراضي و اجي معك. مشـت اسـماء بعد ما حطت اغراضـها مع نـاديـه و راحوا لغرفة العـلوم و الي كانت بـعيده شـوي عن غرفتهم، و كانت ناديـه صـادقه، كانوا اغلب مدرسات المدرسة موجودين بمـا فيهم الوكيلة جـوزه الي كانت جالسه جنب سـهام. اسـماء في نفسـها وهي تناظر سـهام: صـدق لما يسـمونها بنـات صـفي ( ابـله لميـس) كانت سـهام طـويـله قـوامها ممشـوق، عيـونها مو معروف لونها لانها دايما حاطه عدسات لون و شكـل، عيـونها واسـعه و شفايفها مرسومه رسم، معروفه بالميك اب اللبناني، والفساتين القصـيره لتحت الركبه، كانت فعلا جميـله. سـهام: اسـماء ليش واقفه؟ انتبهت اسمـاء انها طـولت و هي تطالع البنت لدرجه ان البنت سألتها ليش واقفه.. أسمـاء جلست و صبوا لها قهوه: سـوري تعباانه، بس قلت لازم اجي ابارك لك .. سـهام: مشـكوره يا قلبي، وعقبالك.. دلال و نـاديـه في وقت واحد وهم يضحكون: آميييييين. أسمـاء ما قدرت تتحمل خـلصت فنجانها و طلعت على طـول، بس مو قبل ما تنتبه الوكيـله جوزه على حزنها.. جـوزه في نفسـها: والله العظيم اني ما بغيت غيـرك، بس الله يـسامح الي كان السبب. - - - في مـدرسـه التـوأم: كان وقـت الفـسحه و التـوأم و شـلتهم متجمعين في طاولتهم المعتاده عند المقصـف.. دانـه: يوووو جـوعانه متى بنروح نشـتري؟؟؟ مـها: أصبـري ننطـر اسـوره! منـال: بس أسـوره طـولت متـاكده انها مداومه اليـوم؟ بـدور: أي مداومه انا شـفتها هنا و انا جـايه يمكن الابـله مناديتها و لاشيء... مـها: مـو مشـكله ننطر خمس دقايق ثانيـه. دانـه: بس كـذا امـووووت!!! منـال: لا يا عيـوني ما راح تمـوتين، بس راح يخف الشـحم اللي مخزنته شـوي هههههههههههه وقـعدوا يـضحكون ،، دانـه : منااااالووو انا ارويك يا الطنطل هيـــن!!! دانـه و بـدور و اسـرار صـديقات من اربـع سـنين تقريبا، كانوا دايما يصـدفون في نفس الصـف، لكل للاسـف في هذي السـنه انفـصلت عنهم اسـرار في صـف ثـاني لكن دايمـا يـتجمعون في الفسـحه دانـه بـنت طيـوبه بس عـنيفه شـوي،، دبـدوبه شـوي بس طويله اقصـر من مها و منال، شـعرها اسـود طيـول لاخر ظهرها نـاااعم حرير بس دايما رابطته، تكـره احد يغلط على وحده من صـديقاتها،، و ما تقـاوم أي شيء اسـمه الاكـل... بـدور أطـول البنـات، ضـعيفه بس عنيفه هما، تحب تخلق المشـاكل للناس اللي يكرهونها، شـعرها احمـر بخًـصل ذهبيه، قصـير لكتفها، ماحد يسـلم من لسـانها ان استهدفته. أسرار: المغلوبه على امـرها بينهم، رقيقه و ناعمـه و طيبه القلب، تمـوت في التـوأم و بدور و دانه أشطر وحده فيهم كلهم و كل النـاس يقولون لها انها شـكلها غلط مع المتوحشـات، شـعرها أسود قصـير قاصته جايـنيز، عيونها عسـليه، معجبـه بسـعود اخو التـوأم لكن محد يـدري، انفصل ابوها عن امها و سافر بعد ما تركها عند خالها. أسرار كانت في الصـف تنقل الي كتبته الابـله على اللوحـه لانها ما كانت موجوده، كانت بتخلص و تروح لصـديقاتها لما سـمعت حـوار بنت الفـلوس (( مـايا)) و قروبـها.. كـنوز: متى رحتي لبنـان؟؟ مـايا: في الويك اند يا حلوه؟ سـعاد: أي ويك اند؟ مـايا و هي توريهم الصـور في موبايلها: الويك ان الي غبت بـعده يومين و قلت اني كنت مريضـه هههه كنوز: طلعتي منتي هينه هههههه. مـايا: ايش عبالك، انتظر العطله الطـويله علشان اسـافر، لا يا عمري انا في العطله الطـويله اسـافر أوروبا او شـرق اسـيا، والدول العربيه و دول الخليج اروح لها وقت الدوام عادي هههههه.. سـعاد: يا حظك، انا من سـنه ابي اروح لبنـان، و اخـوي اخيـرا تكرم و حجزلنا في الصـيف. مـايا و هي تناظر اسـرار: حبيتي انتي احسـن من غيـرك الي في حيـاتهم ما راحوا ديـره، حتى سـياحه داخليـه ماعتقد راحـوا ههههههه . التفتت اسـرار عليها وهي تقول في قلبها: هذي تقـصدني!!! مـايا: اذا مانتي فاهمه نفهمك يا حلوه، أي قاعده اقصدك هههههههههههههههههههههه اقـول كم ديـره سافرتي في - حيـاتك ههههههه. أسرار ما قدرت تتحمل اكـثر و طلعت، مـايا قعــدت تضحك اكـثر و اكـثر بمشاركه قروبها.. دانـه: أسوووووووره وينك موتينا جـوووع!! أسـوره و بـصوتها بحه حزن: أسفه حـيااتو بس كنت اكمل كراستي.. مـها: أسوووره شفيه صـوتك؟ أسوره: مافيني شـيء ،،، ماقدرت تتحمل و بدت دموعها بالنزول. منـال: أسوووووره شفيك!!!!1 أسوره: ما عاد فيني اتحمل!! بـدور: ليش ايش صـار؟ أسوره: مايا تكرهـني، كل يـوم تتفاخر بالاشـياء الي تملكها و اللي ما احلم املكها، لكن ولا مره وجهت لي الكلام وجها لوجه بس اليـوم اه اه اه اه دانه: انا اعلمها مـوزه (( انتبهوا على الاسـم)).. و طارت دانه لصف مايـا و لحقـوها البنات .. كنـوز: مـايا مو كأنك زدتي الجـرعه اليوم على بنت الفقر. مـايا: تستـاهل علشان ما تحط عينها بعين اسـيادها.. دانـه وهي تدخل بعنف: مـووووووزه مـايا بـعصبيه: أيـــش!!!! بـدور: الظاهر يا حلوه انك نسيتي اسـمك الحقيقي و لان الكل يكره المـوز بسبتك! مـايا: احترمي نفسك يا بنت الفقر. مهـا: والله بنات الفقر احلى منك يا اللي ما خليتي عمليه تجميل الا وسويتها في وجهك. منال: لا تنسين الطبيب النفسي الي تعالج عنده اكتئابها النفسي و العاطفي هههههههههههههه مـها: حلوووووه. مايا: انا اروايكم يا ###$##$ دانـه: انا الي راح اروايك... طاخ طاخ بعد عشر دقايق. الوكيـله: انا ابي اعرف انتوا بنات و لا اولاد!!! بدور بصوت واطي: اولاد طبعا.. البنات ما كانوا قادرين يمسكون ضـحكتهم.. الوكيـله: بـس!!!!!! مايا: ابـله انا ما سويت شيء هم تهجموا علي و ضربوني! الوكيـله: ليش ضربتوها؟؟؟ منـال وهي تحاول تدور سبب مقنع: احب احتفظ بالسبب علشان ما اضـرها مايا: قولي ان ما عندك سبب يا بنت الفقر!!! مها: ابـله سمعتيها!!! الوكيـله: بس مايا بنت خلوقه و في حياتها ما سوت الغلط.. مهـا: بس.... قاطعتها الوكيـله: بس ولا كلمه.. كانت الوكيـله بتكمل اهاناتها للبنات لما دخلت وحده من الابلات.. الابـله وهي تعطي الوكيـله موبايل اخر موديل: ابـله شـوفي ايش لقيت في شنطه مايا!!! الوكيـله: ايش هذاااااا؟؟؟ مايا و الي وجهها بدا يعطي الوان: ما اعرف، مو لي!! الوكيـله و هي تفتش : هذي مو صـورتك!!! مـايا: لا اكيـد هم صـوروني !!! الوكيـله بدت عليها الصـدمه بعد ثواني من التفتيش: ابـله جود اخذي البنات لصـفوفهم، وخليني مع موزه!!(( انتبهوا ليه نادتها في اسـمها الحقيقي)) مايـا: ايش!! الوكيـله: ولا كلمه يالله كل وحده على صـفها!!! طلعوا البنات و هم مو عارفين ليش الوكيله قررت الانفراد في مايا، الموبايل ممنوع في المدرسـه لكن المدرسات يتغاضون عن اخطأء بعض الطالبات الي عنده مصلحه معاهم.. الوكيـله وهي تأشر على احدى صور مايا: مييين هذا يا سيـده مايا.. مـايا مصـدومه: هذا اخوي!! الوكيـله: واخوك تـحضـنينه كذااااااا!!! مايا: عطيني موبايلي!!! الوكيـله: مو توك تقولي مو لك!! مـايا بدموع: أي موبايلي ورجاء هذي خصوصيات مال احد فيه دعوه!! الوكيـله: ولا كلمه!!! وهذي ايش .. و بـدا تقرا مسجات و مسجات ما يـرسلها الزوج لزوجته من جرأتها. ومايا تبكي و تبكي اكثـر و تترجاها انها ما تفضحها عند اهلها!! - - - في بيت خالد. هيـفاء كانت جالسـه مع خالتها تسولف كالعاده و هم يشربون الشاي، حياتهم كانت شبه ممله، لانها كل يوم مثل الي قبله يقعدون الصبح و يفطرون وبعدها يحضـرون وحده من جمعات الحريم ، وبعدها يرجعون مره ثانيه للغدا و يطلعوا بعدها لاي مكان ويرجعوا البيت حزت النوم. ام خالد: ها يا بنيتي مافي شيء في الطريق؟ هيفاء بتوتر: لا يا خاله لسا الله ما كتب. ام خالد: ما يصير كذا يا بنيتي، صارك متزوجه مده كل مره اسـالك تقولي ربي ما كتب، لازم تشـوفي دكتور، هنا او برا العمر يركض وانتي منتي صـغيره!! هيفاء بنفسها: ودي يا خاله ودي بس الله يسامحه على الي يسويه فيني. هيفاء: ان شاء الله لما يرجع خالد من تركيا بكلمه نروح لندن نسوي شـوية فحوصات!! عبيـر: الله يعلم مين اللي فيه العيب!! هيفاء حست ان عبير تقصدها في كلامها!! في نفس اللحظه رن موبايل هيفاء رقم مجهول. ام خالد: عبير ايش هذا الي تقولينه. عبيـر: عمري انا قلت شيء، والي على راسـه بطحه يتحسسها هههه. هيفاء: عن اذنكم .. هيفاء ما سمعت الي قالته عبير لكنها قامت علشان ترد على الرقم الغريب. هيفاء: الو!! مـايا: هيوووف الحمد لله انك رديتي علي!! هيفاء: مايا اشفيك؟؟ مايا: بعدين افهمك الله يخليك تعالي المدرسه ابيك ضـروري و لا تقولي لاحد الله يخليك!!! هيفاء: ان شاء الله ثواني و اكون عندك!! مشـت هيفاء لعند خالتها : خاله انا طالعه، اذا سأل خالد عني قولي له ما راح اتأخر! عبيـر بوقاحه: ههههه ضـحكتيني اصلا هو ينسى مرات انه متزوج ههههه. ما كان في يد هيفاء الا انها تطلع لغرفتها قبل لا تنزل دموعها، عبير معذورة في كرهها لها، لكن الموضوع صار له سنين والواحد لازم يسامح وينسى!!! - - - في مدرسـه التـوأم، استغربت اسرار لمـا ما سمعوا شيء عن مايا بعد ما طلعوا من غرفة الوكيـله و استغربت اكـثر لما اجت الفراشـه و اخذت شنطتها و قالت انها بتروح البيت.. اسرار في نفسها : معقوله فصـلوها علشان الموبايل؟؟ - | |||||||||||
|
| |
|
08-04-11, 11:30 PM
| #4 | |||||||||||
| نجم روايتي وعضو فعال في منتدى صحة ورشاقة
| في بيت بو تركي: هيفاء وهي تدفع مايا: ادخلى سود الله وجهك!! مايا: اووووه لا تدعين علي!! هيفاء: ولك عين تردي بعد!!، رفعت يدها تبي تعطيها كف بس مايا مسكت يدها و دفعتها على الارض. مايا: لا تفكري انك متفضلة علي لأنك استلمتني و ما علمتي ابوي، اصلا انا ما يهمني، علميه و وكوني السبب في انه يذبحني!! هيفاء: انتي ليش كذااااااااااا؟؟ ربيناك احسن تربيه!! ليه تخوني دينك و تبيعي شرفك برخيص!!!! مايا: الحمد لله انك اعترفتي اللي رباني هو اللي رباك، بمعنى اوضح اللي رباني على الغلط هو نفسه الي رباك على الغلط هههههه هيفاء: جبببب انا اطهر منك يا فاجره!!!!! مايا: أي صح نسيت انك لحد الحين بكـر ههههههه مايا فتحت جرح كـبير في قلب هيفاء تحاول تتناساه: اسكتي!!! مـايا: اسمعني زين يا حلوه انا حافظه سرك من زمان، وجا الوقت الي تردي لي فيه المعروف و تحفظي سري، ولا فضيحتك راح تكون على كل لسـان ههههههههههههه و انا متأكده انها اسـوء من فضيحتي، متزوجه من خمس سنين ولا قرب لها زوجها هههههههه مشـت مايا ولا كأنها طعنت اختها الكبيره بالف سكين وسكين في قلبها:ليـه يا اختي، ليه تفتحي جروح احاول انساها. انهارت هيفاء على الأرض و راحت تبكي، لحد ما رن موبايلها لكن هذي المره الاسم كان (( حبيب الروح )) حاولت هيفاء تهدي نفسها شوي قبل ما ترد عليه .. هيفاء: الو. خالد: هلا هيـوف اشـلونك. هيفاء: الحمد لله انت اشـلونك؟ خالد: هيـوف ايش فيه صـوتك؟ هيفاء: ولا شيء مزكمه.. خالد: سلامتك!! هيفاء: الله يسلمك. خالد: هيوف انا مسافر على تركيا بعد عشر دقايق، توصين على شيء. هيفاء: لا سلامتك يا حيـــــــــــــــــــــــ ـــــــــــــــاتي..(( حاولت تحط كل مشاعرها في الكلمه الاخيره) خالد تجاهل اخر كلمه ورد عليها ببرود: اوكي مع السلامه. هيفاء: مع السـ............ سكـر خالد التيلفون من غير حتى لا يـسمع ردها، وهي معامله تلقائيه لما تحاول هيفاء تكلمه كـزوجه. هيفاء في نفسـها: احبه والله احبـه..... - - - التـعريف بالشـخصيات الجديده: عائله خالد: بو خالد: متوفي ، انسـان كان معروف بقسـوته و صعوبه اقناعه في أي شيء كان، عارض دراسـه خالد للطب، لكن خالد الي في حياته ما رفض له طلب، قرر يرفض هذا الطلب و يكمل حلم حياته، لكن في النهايـه ما كان لهذا الحلم ان يرا النور، لان بو خالد مات و خالد ما تخرج، واضطر خالد انه يترك الدراسـه و يتصـرف مع شـركه ابوه اللي خسـرت الملايين بسبب نصـب احد الشـركات على ابوه واللي تسببت في موته. ام خالد (منيـره) : (55 سنه) انسـانه من المجتمع الراقي حياتها منحصـره في جمعات الحريم و الحفلات و المناسبات، انسـانه ذويقه لابعد حد امنيـتها الوحيده في الوقت الحالي انها تشـوف عيال خالد. عـبير( 36 سـنه): البنت الكبيـره شـعرها اسـود غامق و عيـونها سوداء هما و لكن التجاعيد محاوطتها من كثر التفكير السيء في راسـها و اللي اعطها عمر اكبر، انسـانه حقـوده و كـريهه، كانت تحب الطلعه مع امها لحفلاتها لكن من بدأ الناس يتحاشـونها لانها رافعه نفسها عن الكل قررت تنعزل و تقضي وقتها في السـفرات و الطلعات، كانت متزوجه ولد عمها تركي، الي اصـغر منها بسـنه لكن تركي ما قدر يتحملها اكثـر من سـنه و انفصل عنها ، و انجبر بـعدها من ابـوه و عمه انه ما يتزوج لحد ما تتزوج هي.. تكره هيفاء زوجة خالد ، لانها اخت تركي... خالد ( 33 سـنه) انسـان وسيم هادي بارد القلب، شـعره اسـود كثيف حرير ناعم، عيونه سـوداء ناعسـه أي شخص يشوفه ما يتوقع عمره، طيب القلب، كان يحلم انه يكون طيب، لكن حلمه تلاشى مثل ما تلاشـت احلام كثيـره له( راح تعرفونها مع الوقت) استلم شركات ابوه المفلسـه يوم كان عمره 21 سـنه و نجح نجاح ابـهر الكل و صـار من اغنى عشـر رجال في العالم.. في سـر في حياته ما يـعرف احد غيره هو و ابـوسعود و زوجته.. عائـله بـوتركي: بوتركي ( فارس) (56سـنه ) اخو بو خالد الاصـغر: انسـان عصـبي وقاسي القلب لكن مو مثل قسـوه بو خالد لان بو تركي ما يفكر ابدا انه يظلم احد ابناءه علشان مصلحته الشخصيه، دلل عياله لدرجه الانحراف الواضح في مايا و احمد، يموت في الفلوس و يتمنى اليـوم الي يـتولى فيه مكان خالد.. تـركي (35 سـنه): شاب وسيم شـعره بـني عيـونه عسـليه، شخصيته مقاربه لشخصيه خالد اقرب اصدقاءه، مع ان خالد ابـرد منه، تزوج بنت عمه مجبور، بس ما تحمل غرورها الزايد عن حده و طلقها بـعد سـنه مع انه كان في نيته يـطلقها بـعد اسـبوع، يحلم انه يتزوج و يكـون اسـره لكن طالما عبير ما تزوجت فهذا الحلم مستحيل يتحقق لانه يحب ابوه و لا يرفض له أي طلب على الرغم من عيوبه الكثيره. هيـفاء( 28 سـنه): انسـانه طيبه ورقيقه أي مشـكله تحطمها، شـعرها بني غامق( ما عمرها فكرت تصبغه) لتحت كتفوها ، عيونها بنيه، تزوجت من خالد فارس احلامها وولدعمها من خمس سنوات، وانصدمت لما قالها ان مجبور وانها وصيه ابوه قبل لا يموت، وانه يحب وحده ثانيه و راح يتزوجها لما يحين الوقت المناسب، وانه مستعد يعطيها حريتها في أي وقت تطلب، لكن هيفاء قررت انها تكون الصـديقه المقربه، الزوجه بالاسم فقط في سبيل انها تكون جنبه و تحاول مع الوقت انها تتحببه فيها... أحمد ( 26 سـنه) ابـن العائـله المدلل، مملوح و وسيم، ماخذ ستايل الاجانب في اللبس و التصـرفات، عنده زوجات مسيار و صـديقات من مختلف الجنسيات، يسافر دائما بحجه الشـغل علشان يلتقي فيهم، متحجج في عدم الزواج انه ما لقى الانسـانه اللي تسعده و تناسب طموحه ،، ( راح تعرفون عنه اكثـر مع الوقت) مايـا | موزه ( 19 سـنه) المدللله اكثـر من احمد، طويله رشيقه، كان خشمها طويل لكن قصـته بعمليه تجميل، ووجها كان ضـعيف ونفخته في عمليه تجميل، شـعرها كستنائي قصـه الكوكيتل ( مصبوغ)، انسـانه ماهمها غير الموضه والازياء و التفاخر، فاشله في الدراسـه، لها علاقات مع الشـباب و تسـافر لوحدها ، و مبدأها انها تاخذ كل متعه في الحياة، ولما تتزوج، عمليات الرقع في كل مكان، سموها موزه نسبه لجدتها ام ابوها، ولكنها بما انها تكره هذا الاسـم، غيرته الى مايا بين النـاس، لكن ابوها رغم دلاله لها رفض يغيره في الاوراق لحبه لامه اللي ماتت قبل لا ينولد احمد وحلف يسمي اول بنت عليها. انتهينا من تعريف العائلتين، اعتقد اتضحت الصـوره اكـثر الحين بوسـعود كان وهو التعب كان ذابحه ينتظر هنادي الي توه كلمها و قالت له انها طالعه عند باب الجامعه. هنادي: السـلام عليكم، شـلونك يا الغالي. بو سـعود بتعب: بخير يا حياتي. هنادي: يبه اشفيك؟؟؟ بو سـعود: تعبان!!! هنادي: تعبان، اجل لا تسـوق!! بوسـعود: لازم اسـوق، ولا شلون نرجع البيت، و خواتك مين اللي بيجيبهم. هنادي: احنا نرجع البيت بعد ما ترتاح شـوي، وخواتي يجون مع أي احد اذا تأخرنا عنهم. بوسـعود: لا يا هنادي انا ما حطيت لهم سواق لاني اخاف عليكم من الغريب، و ما احب لبناتي يركبوا مع أي احد. هنادي: بس يا يبه!! بوسـعود: لا تخافي ان شـاء الله ما يـصير الا الخيـر. سكتت هنادي لانها عارفه ان ابوها ما يرد عن أي قرار يتخذه و هو رافض لفكره ان بناته يركبون مع أي احد غيره، فتوكلت على الله و ان شاء الله ، الله يكتب الي فيه الخيـر البـــاااارت الثـالـــث: كل التعب و الإرهاق متملك كل جزء من جسم بو سـعود الي رمى نفسه في سريره او ما وصل بيته، تمدد على الفراش و هو مستغرب كيف قدر يسوق لمدراس بناته كلهم في الزحمه و يرجع البيت سليم من غير أي حوادث مع العلم انه كان بالكاد يفتح عيونه، فتح ازاير ثوبه و رماء على الارض جنب الجزمه. ام سـعود الي استغربت تصرف بـوسـعود طلعت بعده.. ام سـعود: بو سـعود!! عسى ما شـر؟ بوسعود: تعبااان. ام سـعود: تعبـااان؟؟؟ قوم خل نوديك الطبيب. بو سـعود: لا ماله داعي، اريح شـوي و كل شيء يصير على خـير. كانت ام سـعود ناويه تجمع ملابسه و حطتهم في سله الغسيل وترجع تقنعه يروحون الطبيب لكنها لقت زوجها في سابع نـومـه. ام سـعود في نفسها: يا ربي الشـغل ما عاد يناسبه، بس ان تركه من وين بنعيش.. حاولت ام سـعود تتناسى المـوضوع و تروح المطبخ تجهز الغداء مع شغالتها. - - - في طيـارة خالد الخاصـه: كانت الطائره الخاصه وصلت منطقه التوازن في الجو وبامكان الركاب الي كان عباره عن خالد وولد عمه تركي، و حراسه الشخصين و كم موظف يقدر خالد يستغني عنهم ، فتح خالد حزامه لاب توبه و بدأ في شـغله المعتاد بما انه يسمح له باستعماله في الوقت الحالي، على عكس ولد عمه تركي الي كان بجانبه لكن عقله كان في عالم ثاني. كان تركي يراقب واحد من المرافقين و هو يكلم ابنه الكبير و يوصيه على اخوانه الصفار و امهم بما انه صار رجال يعتمد عليه في غيابه ، و مرافق ثاني طلب من زوجته انه يسمع صوت بنته الصـغيره حتى لو ما قالت أي كلمه، امـا الحارس الي كانت هذي اول مهمه له من بعد اجازه شـهر العسـل فكان يتكلم مع زوجته و يتغزل فيها بحب و جرئه معقولة. تركي في نفسه: ظلمــتوووووني | |||||||||||
|
| |
|
08-04-11, 11:33 PM
| #5 | |||||||||||
| نجم روايتي وعضو فعال في منتدى صحة ورشاقة
| لمحات من ذاكـره تـركي: قبل 12 سـنه : تركي إنسان حسـاس و طيب القلب في حياته ما غلط على احد يحترم الكبيـر و ما يينفذ طلباته، ويعطف على الصـغير و يكره يـشوف دموعهم، وهو سبب دلاله لاخوه احمد و مايـا اللي كانوا صـغار فكان لهم الاب بدل من أبوهم الي ما كان معهم دايما وهم بالذات ما قابلوا حبه بالإحسان، أوامر أبوه منفذه حتى قبل ما يطلبها، من غير ما يفكر نفذ اوامر ابوه و دخل تخصص أداره الأعمال و اشـغل معه لما صار عمره 22 سـنه فكر انه يكمل نصف دينه و يتزوج لانه يموت في الاطفال يتمنى يملي بيته فيهم ، لكن ابوه حطم هذي الامال لما بلغه انه غير عبير بنت عمه ما راح يتزوج تركي ما كان متقبل عبير في البدايه من الي سمعه عن غرورها و نظرتها المتعالية للناس اضافه الى بـعض التصرفات الي ما تناسب مجتمعهم و تقاليدهم ، امه كانت دايما تقول الله يعين الرجال الي راح يكون زوجها، وللاسف كان ولدها تركي هذا الشخص، في فتره الخطوبه كانت عبير انسانه مختلفه تماما عن الي تحولت له بعد الزواج، ايام الخطوبه كانت هاديه ترفض الكلام معه ، والي فسره تركي على انه خجل منه لكن تفسيره كان خاطئه لانه و للاسف ظهرت عبير على حقيقتها بعد اسبوع من زواحهم وفي شهر العسل، مره لما كان تركي صحى في وقت على غير عادته، تفحص المكان الي جنبه ما لقاه تنهض و كان متوجه للحمام يتروش و لما كانت المسافة بينه وبين باب الحمام بضع خطوات... سمع شيء غريب في حياته ما سمعه.. ضحكاتها، ، كانت تتكلم في التلفون و تضحك بطريقه ما تليق في وحده من مستواها و مجتمعها. زادت ضحكاتها فضـوله لسماع المزيد.. عبيـر: لا يا شيخ..... هههههههه تركي ..... المفروض يطير من الفرح ان وحده مثلي رضت فيه .......... اكيــد ... مافي مثلك.......على الاقل انت رجاااااااااااااال ههههههههههه فتح تركي باب الغرفة بقوه و سحب السماعة منها بكل قـوه وكانت الصدمة صوت رجل غريب يضحك و يتكلم: اصلا مستحيل ثور مثل يكون رجاال تـركي: اناا اعلمك مييييييين الثور يا وووواطي يااااااااا كـلــــــ............. طــــوط طوووووط ،، سكر الرجل الخط في وجه تركي الي التفت بغضـب على عبير والي طبعا ما كان عليها أي نوع من انواع الخوف منه: ياااااا ...... عبيـر: ياااامامي خرعتني ههههههههههههههههههههه يااا رجاااااال الكلمه الي قالتها عبير هزت تركي و فجرت براكين الغضب الخامده سنين في داخله، وبدأ ينهال عليها بالضرب و التكسير لدرجه اغمى عليها هو يكره الضرب لكن ان كانت حنيته و حبه لها يقلل من رجولته هو مستعد يتخلى عنه.... طلع من الفيلا و ارسل لها مرافقتها تشوفها ، رجع البيت في الليل و ما لقها اكتشف انها رجعت الرياض من غير ما تقوله. تذكر كلمتها (( يا رجال)) ليه انا مو رجال، طيب يا عبير انا اراويك، رجع الرياض و حاول يرجعه بس عمه رفض و انهال عليه بالسب و الشتم على الضرب الي اخذته بنته الي في نظره مستحيل تسوي شيء يستحق هذا الضرب، رجع تركي لبيته و تجاهلها لشهر ما راح لها و لا راضها و لا حتى فكر يمر على بيت عمه، لكن بعد اسـبوع اجبره ابـوه انه يروح معه و يرجعها لان السنت الناس اكلتهم ليش بنت عمه في بيت ابوها،، حاول يردها لكنها رفضت لانها من تركته و هي تطلع و تتصرف على كيفها و ماله احد حق فيها، او في تصـرفاتها خصوصا انها ما عادت بنت يعني تسوي الي تبي و ما تنفذ اوامر احد، صـبر فتره و حاول يرجعها، لكن الرفض كان جوابها ،، تحمل مـره و اثنين و ثلاث و بـعدها طـلقها في اليـوم الي كمل فيه زواجهم السـنه، ليكـون عيـد زواجهم هو عيد طلاقهم ، ظن ساعتها انه تحرر منها و ممكن يتزوج، لكن ابـوه رفض ان ياخذ أي وحده لحد ما بنت عمه يجيها نصـيبه والي ما جا لهذا اليـوم. انتهت الذكريـات - - - خـالد: مأمون!!! الحـارس الي كان يتكلم على الموبايل سكره بسرعه و توجه لخـالد. مأمون: اوامرك يا طويل العمر!! خالد: تقدر تروح الكراسي الي ورا و تكلم المدام على راحتك!! مأمون: بس يا طويل العمر...... خالد: من غير بس،، انت توك معرس و مستحيل تأخذ تكلم زوجتك بحريه و انت قريب منا،، وثانيا ما راح يصير لي شيء و احنا في الطياره فمالا داعي تقعد جنبي!! يالله روح. مأمون: تسـلم يا طويل العمر.. مشى مأمون و هو يتصل على زوجته مره ثانيه و هالمره اخذ راحته على الاخر. تـركي: خالد ما يصير كذا!! خالد: ايش الي ما يصير؟ تركـي: كل الحراس صرفتهم و خليتهم بعيدين عنك! خالد: واذا؟ تركـي: بس احنا مو بروحنا!! خالد: اذا قصـدك على موظفي الطياره، والسكرتيرات فانا اثق فيهم و ثانيا انت معي!! تركـي: لهدرجه تثق فيني يا خالد؟ خـالد: كيف ما تبيني اثق فيك و انت يا تركي ولد عمي و صديق عمري ولا نسيت؟ تركي: لا ما نسيت بس... خالد: الحمد لله انك ما نسيت!! تركي: أيش قصدك؟ خالد: تركي تبيني اخطب لك؟ تركـي: ايش؟؟؟؟؟؟؟؟؟؟ - - - - في بيت بوسـعود رجعت ام سـعود لغرفتها لقت بوسـعود على نومته من ساعه حاولت تصحيه لقته يتنفس بصـعوبـه. ام سعود: بوسـعود،، بوسـعود.. بوسـعود بتعب: خـير!! ام سـعود: بوسـعود قوم خل نوديك الطبيب. بوسـعود: ماله داعي!! ام سـعود: شلون ماله داعي، شوف وجههك شـلون أصفر، وعيـونك حمر.. بـوسـعود: لا تخافين تعب بسيط وراح يزول. ام سـعود: بس.. قاطعها بوسـعود: من غير بس و ثانيا اشلون اروح تبيني اسوق و انا في هذي الحاله، ولا يودينا سـعود الي ما عنده رخصـه قياده؟ ام سـعود: ماهي مشكله ناخذ سواق جارتنا ام هادي!! بو سعود يضحك بسخريه :اذا بو هادي صديق عمري لما شافني في الدوانيه تجاهلني و لا سلم علي!! تتوقيعن زوجته بتعطيكي سواقها بعد الي صار.. ام سـعود: اللي صار صار والزواج قسـمه و نصيب!! بوسـعود: بس هم ما يعتبرونها كـذا و انا حاس اني ظلمت البنت!! ام سـعود: لا يا بوسـعود لا تقول كذا اسمـاء ما هي ناقصـه ، وهنادي الله يرزقها.. - بو هادي كان خاطب أسماء لولده هادي من مده، مجرد كلام، و ما صار شيء رسمي لكن لما صارت الشـوفه، هادي رفض لان أسماء ما كانت بالجمال الي يتمناه و الفرق في العمر بينهم سنه وحده بس... بوسـعود المصدوم من رده تفهم الموضوع و قال الزواج قسمه ونصيب، ظلت صداقته مع بو هادي على حاله و كان شيء ما حصل، لكن و بعد شـهر رجعت ام هادي تخطب من جديد و لكن و بكل وقاحه تخطب هنادي هذي المره، لان هنادي احلى من اسـماء و فرق العمر بينها وبين ولدها مناسب.. ام سـعود خافت في البدايـه لكنها ما حبت توقف نصيب بنتها و هادي يعرفونه من عمر و كل الصفات الي فيه ممتازه بس لما شاورت زوجها، رفض من غير أي تفكير لانه ابدا ما يفكر يزوج بنته لرجال كان خاطب اختها و رفضها بعد ما شافها!!! و بدل ما يقول بوهادي ان الزواج قسمه و نصيب مثل ما قال بو سـعود في المره الاولى، صار يسبه و يهينه، ويقول انه من زين و لا من مستوى بناته العالي الي يخليهم يرفضون ولده المهندس و من يومها و العلاقه مقطوعه بينهم و بين بو سـعود، ولا كانهم جيران بوسـعود: اشلون ما نافصها شيء و هادي كان احسن واحد خطبها،، ولا نسيتي ان الي خطبوها قبل كلهم ... اللهم يا كافي!!! ام سـعود بعد ما تغيرت ملامحها الحزينه الى ملامح قاسيه: الله اعلم ان كانوا فعلا فيهم عيوب ، ولا من صنع طويل العمر!!! بوسـعود: ايش تقصدين؟؟ ام سـعود: قصـدي واضح،، هادي يوم خطب اسـماء وافقت لانه جارنا و عارفه زين ، اما الناس الي خطوبها من برا رفضـتهم بعد ما شاروت السيد خالد الي طلع فيهم الف عيب وعيب.. تقدر تقولي ايش العيب الي طلعه في المحامي اخو وكيلتها!!!! بوسـعود بغضـب: ما اسمح لكن وجزا الله الف خير يوم علمنا انه يشـرب؟؟؟؟ ام سـعود: وليه ما يكون ناوي يطلع عيب في كل واحد علشان تعنس و يصير اللي في بالـه!!!! بوسـعود: نوووره !!!! ام سـعود: مـاله دخل في بناتي!! ولو كان يحبها فعلا كان خلها عنده مو يحطها عندنا اول عمرها و يتحكم فيها في اخره!!!! وطلعت من غير ما تعطي بو سـعود أي فرصـه يرد عليها، كانت خايفه يعصب عليها، كانت خايفه لانها تعرف بوسـعود و تعرف غلا خالد عنده، صحيح انها مو بنتها لكنها تحبها كثر بناتها مع انها عارفه انه ما هو حقها تتحكم فيها!!!!! دخلت المطبخ و لقت هنادي تحط المسات الاخيره على الغدا مع الشغالـه هنادي: ثواني ويكون الغدا جاهز يمـا.. انتبهت هنادي على وجه امها الي كان يحمل خليط من مشاعر غضب و حزن و الي كانت مشابه للمشاعر الي شافتها في وجه ابوها يوم رجعت من الجامعه. هنادي: يماه فيكي شي؟ ام سـعود: لا مافيني شيء، نادي خواتك و انا بجهز الباقي. هنادي: ان شاء الله يمـاه.. - - - اسـماء كانت في غرفتها الي ما طلعت منها من وصـلت البيت، و من اول ما دخلت الغرفه و هي تبكي، تمسح مكياجها و تبكي، تبدل ملابسها و تبكي، حسـت بقهر مو طبيعي ، لـيه انا ايش فيني غير عن البـنات!!! لاني فقيره؟ و لا لاني ماني جميله اه اها ه اه .. ولا لانهااااااااااااا احلى؟؟؟؟؟ طـق طق. أسماء ركـضت للحمام و هي تقول : ميييييين؟ هنادي: انا!! دخلت اسـماء الحمام و غسلت وجهها بماء بارد و بعدها طلعت: ادخلي. هنادي: اسـوووووم ليه ما جيتي تساعديني؟ اسـماء: مالي نفس! هنادي: ايش؟؟؟ اسـماء: اللي سمعتيه مالي نفس اساعدك و ماهو لازم انا اللي اسوي كل شيء في هذا البيت مثل الشغاله!!!! هنادي: انا ما قلت كذا،، كل الي قلتــــ... أسمـاء: الا قلت ورجاء اطلعي براااا!!!! هنادي: .................... وطلعت برااااا هنادي وهي متسنده على باب الغرفه تمسح دموعها: اسـوم،انا ما سويت شي غلط!! ليه تعامليني كذاا!! معاملة اسماء لهنادي تغيرت في الفتره الماضـيه، في حياتها ما صارخت او تأففت منها بس من سمعت أسماء بالغلط حوار امها وابوها حول رفضهم لخطبت هادي لهنادي، الي استغرب منه و هي وكانت تعتقد ان هادي رفضها لانها ما كانت جميله و الحقيقه انه رفضها لانه قارنها في هنادي الي رمت نفسها عليه!!! (( طبعا هذا غير صحيح) - في غرفه التوأم : كانت بدور معطيتهم فلم هندي عجيب كل تتكلم عنه Dilwale Dulhania Le Jayenge ( عوده العشاق المجنون) و طبعا البنات شغلوه اول ما وصـلوا البيت لانهم ما كانوا قادرين يتحملون لازم يشـوفونه ( ملاحـظه امــــــوت في هذا الفلم و انصحكم فيه) كانت احلى اغنيه للفلم و من افضل مشاهد الافلام لشاروخان و كاجول... الاغنيـه القـمه.... Tujhe Dekha To Yeh Jaana Sanam لما شفتك حبيبتي عرفت ان Pyar Hota Hai Deewana Sanam الحب هو جنون يا حبيبتي Tujhe Dekha To Yeh Jaana Sanam لما شفتك حبيبتي عرفت ان Pyar Hota Hai Deewana Sanam الحب يحدث الجنون يا حبيبتي Ab Yahan Se Kahan Jaaye Hum الان اين اذهب من هنا ؟؟ بمعنى ( كيف اخليك واروح) Teri Baahon Mein Mar Jaaye Hum دعني اموت في احضانك انت فقط Tujhe Dekha To Yeh Jaana Sanam لما شفتك حبيبتي عرفت ان Pyar Hota Hai Deewana Sanam الحب يحدث الجنون يا حبيبتي Ab Yahan Se Kahan Jaaye Hum اين اذهب الان من هنا Teri Baahon Mein Mar Jaaye Hum دعني اموت في احضانك انت فقط Tujhe Dekha To Yeh Jaana Sanam لما شفتك حبيبتي عرفت ان Aankhen Meri, Sapne Tere عيوني انا .. احلامك انت Dil Mera, Yaaden Teri قلبي انا .. ذكرياتك انت Mera Hai Kya, Sab Kuch Tera ايش اللي لي ؟ كل شئ لك Jaan Teri, Saanse Teri روحي لك .. انفاسي لك Meri Aankhon Mein Aansoo Tere Aa Gaye دموعك اتت في عيوني Muskurane Lage Sare Gam فتبسمت كل الهموم Tujhe Dekha To Yeh Jaana Sanam لما شفتك حبيبتي عرفت ان Pyar Hota Hai Deewana Sanam الحب يحدث الجنون يا حبيبي Ab Yahan Se Kahan Jaaye Hum اين اذهب الان من هنا Teri Baahon Mein Mar Jaaye Hum اموت في احضانك Tujhe Dekha To Yeh Jaana Sanam لما شفتك حبيبتي عرفت ان Ye Dil Kahin, Lagta Nahin قلبي ما له نفس في اي مكان Kya Kahun, Main Kya Karun ماذا اقول .. ماذا افعل Tu Samane, Baithi Rahe انت تكون جالس امامي Main Tujhe Dekha Karun انا اقعد انظر فيك Tu Ne Aawaz Di Dekh Main Aa Gayee انت ناديتني .. شوف انا جيت لك Pyar Se Hai Badi Kya Kasam ايش في القسم اكبر من الحب ؟؟ Tujhe Dekha To Yeh Jaana Sanam لما شفتك حبيبتي عرفت ان Pyar Hota Hai Deewana Sanam الحب هو جنون حبيبي Ab Yahan Se Kahan Jaaye Hum ايين اذهب الان من هنا Teri Baahon Mein Mar Jaaye Hum اموت في احضانك انت .. Tujhe Dekha To Yeh Jaana Sanam لما شفتك حبيبتي عرفت ان منـال: يااااربي ياااليتني مكااان كاجوووووووول!!!! مها: احلمي احلمي يا حياتي، اصلا ماراح تلقين رجال يحبك كذا لو تفرين العالم كله!!! منـال: وليـه الحب حلال على الهنود بس. مها: طبعا و لا نسيتي مقولة بدور حب هنود!!!! منال: اكرمينا بسكوتك و خل نشـوف الفلم.. زين انهم لقوا موبايل مايا، قبل لا يفتشون شنطت بدور و يلقون الفلم ولا كان رحنا فيها . مها: على طاري مايا تتوقعين فصلوها؟؟ منال: اكيد بيفصـلونها يومين وبعدها بترجع وتنتقم منا على الي سوينها. مها: مو بكيفها ام خشم، اقطع لسانها ان قالت كلمه لاسـوره!! منال: خوفك مو بس اسـوره الي تنتقم منها. مها: عادي ان سـوت لنا شيء طقينها مره ثانيه و تبلينا عليها!!!! منال: هههه اهم شيء ان ملفها صار اسـود عند الاداره!!! صـوت جا من وراهم صـدمهم كليا: مين اللي ملفها صار اسـود؟؟؟ فزت مها ومنال من مكانهم و كل وحده ضامه الثانيه: ســـــعووود!!!!!! سـعود: ايش هذاااااا اللي تشـوفونه؟؟؟؟؟؟ الفتت مها ومنال لشـاشه التلفزيون للفلم الي كان يشـوفونه، كان المشهد شـاروخان حاضـن كاجول بقـــووووه وهي قاعده في حضـنه: امبيــــــــــــــه!!!! طلعوا من الغرفه و هم يركضـون و سـعود وراهم معـصب: يمااا لحقينا!!!!! ام سـعود: اشصااااير؟؟؟ انخشت مها ورا امها و منال ورااا هنادي.. هنادي: سـعود اشفيك؟؟؟ سـعود: أساليهم من رجعوا من المدرسه و انا ماني قادر اذاكر من الازعاج و في الاخر طلعوا يشفووون فلم مااااصخ!!! ام سـعود: صدق الي يقوله اخوكم؟؟؟ مها: لا يمااا المقـطع كان عادي!!! سـعود: اذا كان هذا عادي فاكيد شبعانين من الي اكبر منه!!! هنادي: سـعود كل شيء ينحل بالتفاهم، مو بالصـراخ، انت روح ارتاح و انا اتفاهم معاهم. سـعود: والله ان ما تعدلوا لاوريهم شيء ما شافوه في حياتهم!!! و التلفيزيون يطلع من غرفتهم و ينحط في الصـاله. هنادي: الي تشوفه يا اخوي.. طلع سـعود و هو معصب ، التفتت ام سعود لبناتهم وكانت بتتكلم بس هنادي سبقتها: عقابا لكم راح تغسلون الصـحون لمده اسـبوع بدل ماري، وبعد الغدا تساعدوني نطلع التلفزيون من غرفتكم، مفهوم. مها: ههههه ضحكتيني!!! ام سـعود: مهيييييييييا تعدلي ولا انادي سعود!!! مها: يوويويويويووي هذي مو عيشه، والله المشهد ما كان فيه شيء يمااا منال: أي والله يما بس سـعود كان معصب و حط حرته كلها فينا.. هنادي: الكلام ماعاد ينفع.. اما تسوون الي اتفقنا عليه او انادي سـعود؟ مها و منال في نفس الوقت: افففففففف ان شاء الله .. و راحوا المطبخ يحطون الغدا مع هنادي ... - - - في طيـاره خالد: تركي: ههههههههههههههههههههههههه ههه ضحكتني!! خالد: بس انا ما اعتقد اني قلت شيء يضحك! تركي: الا قلت يا صاحبي!!! ولا نسيت انها وصيت ابـوكــ... قاطعه خالد: انا ادري انها وصيه ابوي ورغبت ابوك لكن ماهو حق تقضي عمرك كله وحيد إكرام لهم! تركي: بس هذاا........ قاطعه خالد مره ثانيه: اسـمعني للاخر،، ماله داعي تسـوي شيء ماتبيه بس لانه يعجب غيرك، انت صبرت بما فيه الكفايه، صحيح عبير اختي، لكنها غلطت في حقك كثير و طلاقك منها كان افضل قرار اتخذته في حقك وحقها مثل ما كان زواجك منها اسـوء قرار اتخذته، علشان كذا انا اطلب منك انك تحكم عقلك مره ثانيه و تتخذ القرار المناسب، اللي في راي انك تتزوج و تعيش حياتك.. حط تركي يده على جبهته و تنهد بعمق: ما اقدر يا خالد،، ما اقدر. خالد: وليه ما تقدر!!! انت ما تنعاب!!! و اذا خايف على ابـوك مافي داعي يعرف!! تركي: تبيني اتزوج في السـر؟؟ خالد: ليش لا؟ تركي: و مين الي ترضى تتزوجني في السـر !! ما راح ترضى الا وحده ......... اسغفر الله يا ربي. خالد: لا تقول كذا،، في بنات مطلبهم الوحيد في الدنيا هو انهم يتزوجون و يكونون اسـره، بس ظروف الفقر، و الحاجه حرمتهم هذا الاشياء.. و مع هذا محافظين نفسهم و مبعدين عن كل حرام تركي: تتكلم و كأن العروس موجوده! خالد: اصـلا انا ما قررت افاتحك الا بعد ما تأكدت انها الوحيده الي تناسبك. تركي: مين هي؟ خالد: بنت بوسـعود الكبيـره!! تركـي: بنت بوسـعود. خالد: اعتقد يا تركي ان بوسـعود رجال و النعم فيه و ربا بناته احسن تربيه، انا لمحتهم مره، متغطين بالكامل، لبسهم و حركتهم ماهي حركات بنات اليـوم!! تركي: كبيــره؟ خالد: لا تقريبا بين 24 و 26 يعني مناسبه .. تركـي: والي اصغر منها؟ خالد: تقريبا اذا ما كنت غلطان بين 18 الى 19 سـنه بس انا مختار اسـماء لانها هي الي تناسبك! تركـي: اسـمها أسماء؟ خالد بتوتر: أي. تركي بابتسامه: تتوقع يرضى؟ خالد بابتسامه اكبر: اكيـد بيرضى. تركـي: الله تشوفه. خالد و الابتسامه ما تفارق وجهه: الله يكتب الي فيه الخيـر تركي: تدري يا خالد مرات احـس انك اخوي اكثـر من احمد. خالد: الله يهديه و يخليه لك ان شاء الله.... تبي نخطبها بـعد ما نرجع و لا اكلمه بالتليفون اول؟ تركي: خلها لما نرجع احسـن. خالد: اوكي.. في بيت بـوسـعود: بـعد ما تغدوا راحت منال و مها يـغسلون الصـحون مثل ما اتفقوا مع هنادي وقعدوا الباقي في الصاله ينطرون الشـاي ، لان من عادت بو سـعود يشرب الشـاي بعد الغداء، صحيح الطبيب طلب منه ما يسوي كذا لكنها صارت عاده ما يقدر يتخلص منها.. بـوسـعود: أسماء، ليه حطيتوا التلفزيون الصـغير في الصاله؟ أسماء: والله ما ادري يبا انا طلعت من الغرفه لقيته فيها! هنادي: انا نقلته يبا، لان الامتحانات قربت و مايصير نخليه عند مها و منال ، اكيد بيلهيهم عن الدراسه، فقلت احطه في الصـاله علشان اول ما يشغولنه احس فيهم و واطردهم. بـوسـعود: اها زين سويتي يا بنيتي!! سـعود كان يعطي هنادي نظره خبيثه لانها تتستر على خواتها، و لاحظتها هنادي و حاولت تمنع نفسها من الضـحك. اسـماء في نفسها: طيبه ما شاء الله عليها!! بس انا ليه صايره ما اطيق أي تصـرف منها مهما كان زين... ام سـعود: شـلون الدراسـه يا وليدي؟ سـعود: الحمد لله، ان شاء الله النسبه العاليه في جيبي!! ام سـعود ترفع يـدها و تدعي: الله يوفقك يا وليدي و تنول الي تتمناه و اشـوفك دكتور يااارب.. الكـل: أمييييييييييييييييييين!! مرت عشـر دقايق بهدوء و فجأه طن طن طن طن طن طن : سمعوا صـوت جرس مجلس الرجال. ام سـعود: مين الي جاي في هذا الوقت؟ ابو سـعود: علمي علمك، سـعود يبا روح شـوف مين! سـعود: ان شاء الله. طلع سـعود و فتح الباب لقى رجالين باين عليهم العز من لبسهم و من السـياره الي كانت وراهم كان واحد كبير في العمر، والثاني شاب تقريبا في اخر العشرينات بو تركي: بيت بـو سـعود الـ............. سـعود: أي نعـم. بوتركي: بو سـعود موجود؟ سـعود: أي موجود، تفضـلوا حياكم. بو تركي: دام فضلكم .. دخالهم سـعود المجلس: دقيقه انادي الوالد. بوتركي: خذ راحتك. و اول ما طلع سعود بدأ احمد يطالع المكان بقرف!! احمد: وووع، هذاا مجلس؟ والله عبالي حجره السواق. بو تركي: رجال و على قد حاله كيف تبي مجلسه يكون. احمد: ما اصدق ان موظف عندنا ممكن يعيش في بكوخ (( احمد ماخذ ستايل الاجانب في الكلام )) مثل هذا. بوتركي باستهزاء: عقبال ما يصير موظف سـابق من اليـوم. وبـدا هو و احمد يضحكون.. - - سـعود: يبا في رجالين يبونك! بوسـعود: ما عرفتهم مين هم و ايش يبون؟ سـعود: لا نسيت بس شكلهم عيال عز، و اول مره يجون مكانا!! بس هم يعرفونك لانهم طلبوك بالاسم!! تنهض بو سـعود من مكانه و هو يبتسم : ام سـعود جيبوا لنا قـهوه وشاي، و لاتنسين الحلا ابي شيء يشرف!! ام سـعود بابتسامه اكبـر: من عيوني. بعد ما طلع بوسـعود التفتت هنادي لاسـماء الي كانت ساكته طول ما كان سعود يتكلم، ابتسمت لها و قالت: ارتاحي يما و خلي كل شيء علي ، انا بروح اجهزهم.. ام سـعود وهي تكلم اسـماء: شفيها اختك؟ أسمـاء في نفسـها: اكيد بتخطف هالخطاطيب مثل الي قبلهم. دخلت هنادي المطبخ و لقت التـوأم لحد الحين ما خلصـوا غسيل الصـحون.. هنادي: جايبنا خطاطيب!!! مـها: لــــــــــــي!!!! منال: جب انتي اكـــيد لي!!! هنادي: لهذي الدرجه طلعتوا مشـفوحات على الزوااااج؟ مها: اصلا ما في وحده في الدنيا ماهي مشوفحه على الزواج غيرك يا المعقده. هنادي: مهيااااا احترمي نفسك. منال: ما عليك منها هنادي،، لميييييييين الخطاطيب؟؟؟ هنادي: ما ادري، بس سـعود يـقول انه يباين عليهم العز، يارب يكونون جايين لاسمـاء!! منال: وليـه مو لي؟؟؟ مــها: قصـدك لــــــي. منال: احترمي نفسك انا الكبيره يعني انا اللي اول! مها: لا يا شيخه انتي الاكبر بس انا الاحلى.. هنادي: اففففففف اروح اجهز القـهوه احسـن لي.. - - - في المجلس: سعود كان يستغفر و يذكر ربه في كل لحظه كان يتمنى نفسه يرمي بوتركي و ولده باقرب شيء عنده. بو سـعود استغرب لما اكتشف ان مديره بوتركي وولده هم الي في المجلس، بس لما بدأ بو تركي يتكلم عن اخطاء بوسـعود في الشركـه و كيف احرجهم في الاجتماع، فهم بوسـعود الموضـوع و سبب جيته لبيته. بوتركي: لا تزعل يا بـوسـعود بس انت ما عدت تصلح للشغل عندنا و اتمنى تقدم استقالتك و انت بكرامه بدل ما اتصرف تصرف ما يعجبك!! سـعود: ايشــــ.... بـوسـعود: سـعووووود!!!!!! سـكت سـعود لما تدخل ابـوه و قرر يترك التصرف له. بوسـعود: بوتركي!!!! (( من غير يا طويل العمر ولا يا استاذ)) قبل لا اعطيك جوابي ممكن سؤال؟ بوتركي: أسال؟ بوسـعود: طويل العمر هو اللي طلب منكم تصرفوني؟ استغرب بوتركي سؤاله لكنه جاوبه على أي حال: اكــــــــيد انا ما اسوي شيء من غير اذنه. بوسـعود: ليه ماجا معاكم؟ احمد: خالد مسافر لتركي ولا نسيت؟؟ بوسـعود: لا ما نسيت لكن اعتقد ان الاستاذ خالد هو الي وظفني، و هو وحده يصرفني. احمد: يعني احنا نكـذب؟؟ بـوسـعود: انا ما قلت تكذبون، لكن انا ما راح اترك الشـغل لحد ما يـطلب مني الاستاذ خالد هذا بنفسـه. بوتركي: بوسـعود!!! لا تخليني اطرد!! و احرمك مستحقاتك!!! بوسـعود: سوا الي تبي، انا ما عندي مانع!! سـعود!! وصل الضـيوف للباب!! قام بوتركي من مكانه و طلع احمد وراه : انا تطردني يالشحاذ!!! هين ان ما بكيتكم دم ما اكون احمد. اطلق سـعود كل الكبت الي فيه و صرخ باعلى صـوت: اطلع برااااااااااااااا،، و اعلى ما فى خيلك اركبه. طلع احمد و هو يـسب و يلعن في سـعود و ابـوه و يتوعد هم بالكثـير.. طاح بـوسـعود على الكنبه و هو حاس انه مو قادر يتنفس: موييييييه.. طلع سـعود ركض يجيب لابـوه ماي و كانت امه و كل خواته في انتظاره. ام سـعود: بشـر يا وليدي؟؟ سـعود: ابشر بايش؟ هذااا بوتركي مدير ابوي،، جاي يطلب من ابوي يترك الشـغل!! ام سـعود: ايش؟؟ تجاهل سـعود امه المصـدومه و اسماء المنهاره بعد ما بنت امال و امال على ان نصيبها اخيرا جاء ، و خواته التوأم الي تبدلت فرحتهم و حزن على ابوه و هنادي اللي راحت تركض لابوها، وراح يجيب لابوه الماي. - احمد : اففففف نسيت المفاتيح في بيت الخايس.. بروح اجيبها... - - - هنادي: يبا ارجوك كلمني!! بوسعود كان منزل راسـه على ركبته و مغطيه بايدينه الثنين. هنادي: الشغل بداله الف شغل، و اهم شيء انت يا يبا تكون مرتاح!!! بوسـعود: هنادي، ان تركت الشغل من وين بتاكلون؟؟؟ هنادي: أسماء تشـتغل؟ و انا اقدر ادور لي وظيفه في أي مكان المهم راحتك يا الغالي!! بوسـعود: لا طبـعا، مستحيل اخليك تتركين الدراسه!! علشان تصرفين علي و على عيالي هنادي: بس يا يباا انااا ما اتحمل اشوفك في هذي الحالــه واسكت.. بوسـعود: مايقدرون يصروفوني مادام خالد موجود. هنادي: خالد ما يقدر يتمسك فيك اكثـر ، هذا عمه!! مستحيل يعصيه علشانك!! بوسـعود: انتي ما تعرفين أي شيء،، ما تدرين خالد قد ايش يحــ...... أحمد: نسيت مفاتيحي!!! دخل احمد المجلس من غير لا يقول أي شيء او حتى يطرق الباب الي خلوه مفتوح لما طلعوا و من اول ما دخل و عيونه على هنادي الي من صدمه ركضت من مكانها و تخبت ورا ابوها لكن مو قبل ما يشوف احمد شكلها كله، هنادي كانت لابسـه جينز بيج ضيق، وبدي اسـود عليه رسومات ذهبيه، ورافعه شعرها بطريق مهمله.... احمد ما قدر يرفع عينه عنها حتى بعد ما خبت عمرها ورا ابوها لحد ما شيء بارد لامس وجهه. سـعود بعد ما سكب الماي البارد على احمد: اطلع براا؟؟؟؟ اطلع قبل ما ارتكب فيك جريمه!!!!!!!! بوسـعود: سـعود!!!!!!! اخذ احمد مفاتيحهه و طلع من المجلس من غير ما يقول أي كلمه. اما بوسـعود رجع رمى نفسه على الكنبه، لكن هذي المره كان بالكاد يتنفس... هنادي و سـعود في اللحظه: يباااااااا!!!! - - - - احمد و هو في السياره، كان يسوق و هو باله في شيء ثاني،، احمد في نفسه: ما كنت اتوقع ان الخايس بوسـعود عنده بنت بهذا الجمال كله، عليها جسـم،، عليها رشـاااقه، عليها وجه،، والله وجت الفرصه انتقم منك من ولدك على طردنا يا بوسـعود.؟ - - - بعد يومين في تركيـا: كـان خالد في سيارته الرولزريس طالع من فرع شركته في تركيا و متوجه لفيلاته الخاصـه، لمـا.. طرررررن ،، رن هاتف راشـد مدير اعماله. راشـد: الو....... ايش......متى؟؟؟.... لا الـه الا الله ..... الله يرحمه .... أي عندي...اكيــد... اوكـي ... مع السـلامه.... خالد التوتر واضح على وجهه: راشـد؟ راشـد: لا حول ولا قوه الا بالله. خالد: مين الي مات؟؟؟ راشـد: موظف في الفرع الرئيسي.. خالد: مين؟ راشـد و هو منزل راسـه: مدير قسم التخطيط عبدالعزيز.. فتح خالد عيونه على الاخر: مييييييييييييييين؟؟؟ - - - | |||||||||||
|
| |
|
08-04-11, 11:36 PM
| #6 | |||||||||||
| نجم روايتي وعضو فعال في منتدى صحة ورشاقة
| البـارت الرابـع: فقدتك يا أعز الناس فقدت الحب والطيبه وانا من لي في هالدنيا سواك ان طالت الغيبه انا من لي في هالدنيا سواك ان طالت الغيبه رحلت ومن بقى وياي يحس بضحكتي وبكاي وحتى الجرح في بعدك يغزيني واهليبه انا من لي في هالدنيا سواك ان طالت الغيبه تصدق جد من حنيت اشوفك في زوايا البيت واسولف معك عن حزني واحس ان انت تدري به انا من لي في هالدنيا سواك ان طالت الغيبه تصدق جد من حنيت اشوفك في زوايا البيت واسولف معك عن حزني واحس ان انت تدري به انا من لي في هالدنيا سواك ان طالت الغيبه شاسوي بالالم والآه ولكن البقا لله يصبرني على بعادك وذا حظي وراضي به انا من لي في هالدنيا سواك ان طالت الغيبه شاسوي بالالم والآه ولكن البقا لله يصبرني على بعادك وذا حظي وراضي به انا من لي في هالدنيا- - مـرت أيام العـزاء الثلاث بسرعة، كان كل يوم أصعب من الي قبله على العائلة المسكينة، وفاة بو سـعود كانت صـدمه كبيـره و مـؤثره و خـصوصا على سـعود، الي كان في العـزاء بروحـه، لا عم و لا خال و لا اخو جنبـه، اصـدقاء ابوه و زملاءه كانوا يجون و يـروحون، ما كان قاعد جنبه الا ( بو ناصـر) ابـو ريم صـديقه هنادي العزيزه و اللي يعرف بو سـعود من سـنين و كان دايما معاه في المجالـس و الدوانيات، سـعود كان يـقول كل ما سـلم على رجال ما يـعرفه في نـفسـه، مع السـلامه يالدراسه ، مستحيل اكمل، كان ما يـعرف احد لانه اغلب وقته كان يـدرس و طبعا الحين ما في مجال يفتح كتاب اصـلا، ولا راح يفتح لانه اتخذ قرار لا تراجع عنه. اما عـزاء الحـريم، ام سـعود تعبت تعب شديد طيحها في الفراش الايام الثلاثه كلهم، كانت تتحرك و تتكلم بـصعوبـه ودمعها ابـدا ما فارقت خدها، كيف تفارقها و هي فارقت الغالي، اللي حبها و احترمها و تحمل اهلها ســــــــنين و تعذب علشان ياخذها، مات حبيبها و ماتت معه كل رغبه لها في الحـياه، و لكن في كل لحظه كانت تتمنى المـوت ، تتذكر وجوه بناتها الاربـع و وجه ولدها الوحيد سـعود اللي صار مسـؤول عنهم كلهم و هو لحد الحين ما دخل 18 سـنه. أسماء كانت صـدمها غيـر الكـل، اسـماء طلعت لغـرفتها قبل ابـوها لا يـطيح، قفلت عليها الباب و نامـت من الصدمه ان اللي كانوا جايينهم ما كانوا خطاطيب لها، يوم صحت نزلت و مالقت احد و صبـرت لحد ما رجعوا اهلها و دموعهم كانت تسيل على خدودهم مات ابـوها و ما حصـلت الفرصه تودعه، مات ابوها ولا شافها، المدرسات الي معاها في المدرسـه يوم سـمعوا الخـبر، جوا كلهم و عزوها الا طبعا ناديه و دلال اللي قالوا ان ازواجهم ما يرضـون يروحون لناس غـرب و هذا طبعا زاد قـهر أسمـاء، انهم حتى و هي في هذي الظروف ما حسنوا معاملتهم لها. هنـادي تحـس بالذنـب ابـوها كان تعبان، كان المفروض من البـدايـه تاخذ ابوها الطبيب من اول ما قالها في السـياره، لكنها قررت تتركه على راحته مثل كل مـره، وللاسـف تركه على راحته كان السبب في موتـه، كان تعبان، مـصدوم من العـمل، مـصدوم من مسـؤوله، جـته هـي وزادة كـل شـيء لما قـعدت تناقـشه، وتطلب منه يـترك الشـغل الي يحبه، وطبعا دخلت ولد مسـؤوله عليـهم و ما هي متغطيـه زادت كل الصـدمه علـيه و اخذت حيـاته، لكن طبعا بـعد ما وصـاها على اخواتها و خـصوصا اسـماء. ريـم صـديقتها ما فارقتها طـول أيـام العـزاء الثـلاثه، كانت تجي مع ابـوها و اخوها ناصـر و تقـعد عندهم في العزا لاخره و تروح و ترجع اليـوم الثـاني. التـوأم مها و منال، المـرح و السـعاده و الابتسـامه الي كانت نادرا ما تغادر وجههم اختفت كليا، كل وحده كانت جنب الثانيـه، كانت كل وحده تحضـن الثانيـه لما تنهار، وكان كل انهيـار يجي كل دقيقتين لما يتذكرون ابـوهم، صـوته، ضـحكته، حضـنه، كانت الدموع تسـيل في كل ثانيـه تمر عليهم فيها ذكرياتهم السـعيده معه، في حيـاته كلها ما مد يـده عليـهم، كانوا اذا سـوا شـيء غلـــــــــــــــــــــــ ــــــــــــــــــط يـصرخ بصـوت مرتفع شـوي و بـعدها يقعد مع كل وحده على انفراد و يكلمها عن المـوضـوع و يتأسف منها ان كان جرحها!!.. ابـــــــــوهم رحــــــل،،، و في نظرهم رحـله السـعاده مـعه.. - - - - انتهت اخر لحظات العزاء و راح كل واحد لبيته، و كل و فرد من افراد عائله بوسـعود صـعد لغرفته و قـعد فيها.. منـال و الي كانت اعقل من مها قررت تروح لامها تتطمن عليـــها.. منـال: يـمه ما يـصر كذا!! ام سـعود: ماني قادره يا منال، ماني قادره! منال: يـمه، انتي لازم تاكـين لك شيء، انتي عندك السـكر و اذا استمريتي على هذا الحـال ما راح يحصـل طيب!! ام سـعود: يـووووووووهـ منـال اطـعي براا . منـال: يـمه انا مو قـصدي!1 ام سـعود: قلت لك اطـلعي برااااااااااا.. طـلعت منـال و هي ما كانت متوقـعه هذي المعامله من امـهاا، صحيح انها منهاره، بس ما عمرها كلمتهم كذا، كانت تعصـب بس لما تكون خايفه من شيء او تحاتي شـيء. ام سـعود اخذت نفس عميق بدت تتنهده بـبطء و مع كل تنهده أهات و احزان وكلمات بوسـعود الاخيـره و هو على فراش الموت ماكانت تفارقها... - كان بـوسـعود في العنايه المركزه و الاجهزه كانت كلها من حوله و ام سـعود جنبه تقرا عليه و تدعي له و هو يتنفس بصـعوبـه : البنـات امانه في قربتك يا نـوره....... كنت اتمنى اشـوفهم مرتاحين متهنين في بيوت ازواجهم....و سـعود كنت اتمنى اشوفهم يكمل حلمه ... لكن ربي ما كـــتب... ام سـعود تقاطـعه..: لا تقـول كذااا راااح تـعيش و تشـوفهم سـعيدين، و تشـوف سـعود دكـتووووور!!!! و بدت دموعها تسـيل تحت غطاها. بوسـعود: نـوره، انا اسـف بس هـذا الي ربي كـتبه، سـعود لا تحرمونه حـلمه ،،،و لا تخافي خـالد ما راح يتخلى عنكم، انا اعرفه زين، اذا مو علشاني، علشانها، ارجوك يا نوره، ارجوك حاولي ان خيـره يشـمل خواتها بعد، تراها بنتك اللي ربيتيها لا تنتسين ارجوك.. ام سـعود لما بدت تحس ان بـوسـعود بدأ لونه يتـغير نزلت دموعها اكـثر ووافقته : ان شاء الله اشـرت للبنات يدخلون يسـلمون عليهم و يملون عينهم في اخر ابتسامه له، وبعدها فارق الحـياه و صياح البنات و بكاءهم ملا المـكان. - ام سـعود و دموعها رجعت من جديد: هذا الي راح يـصير، حتى لو انك ما طلبته مني يالغالي الف رحمه عليك. - - - - في غرفه سـعود، كانت مها و هنادي و سـعود متجمعين و كل واحد ضايق اكثر من الثاني، كان كل واحد منهم يتمنى من الثاني يواسـيه، اسـماء اللي دايما تطلع بمظهر القويه قررت انها تحـبس نفسها في غرفتها ، حتى هنادي ما سمحت لها تدخل، وانها تنام عند خواتها الصغار الليله، كانت تبي تبكي بروحها من غير ما احد يشوفها، ابتداء من بكرا راح يرجعوا للمدرسـه و كل فرد فيهم كان كاره نظره الشفقة من زملاءهم. سـعود: مالي نفس للدوام. هنادي: والله حالي من حالك يا اخوي، بس ايش نسوي هذا قضاء الله وقدره و لازم كل واحد فينا يشوف شغله و دراسـته. مـها بحزن: ودي بس ماني قادره!! ضمت هنادي اختها الصغيره لحضنها و بدت تمسح على راسـها : مها، الحزن على الميت ثلاث ايام و ما يجوز اكثـر من كذا. كانت هنادي تمسح على اختها و دموعها تنزل، كانت حزيـــنه هي هما، لكنها عرفه ان خواتها في حاجه لحكمتها في هذي الظروف. سـعود: هنادي ... ام...اه.. هنـادي: لا تخاف انا بكلم ريم تمرني بكرا اروح معاها للدوام.. و مها و منال بيروحون مع صديقتهم دانه و بتركب اسماء معهم لان المدرسه قريبه. سـعود: الحمد لله، وانا بروح بكرا ادور لكم على سـواق مؤقت. هنادي: مالـه داعي يا اخوي. سـعود: لا ياحيـاتي، انا ما ارضى تثقلون على احد. قـطع حـوارهم الشـغالـه اللي دخلت الغرفـه ... و كانت تدور على سـعود. مـاري: بابا في واحز بابا يبي انت في مجلس. سـعود: يالله انا جاي. طــلع سـعود يشـوف من اللي جاهم و راحت مها الحمام تغسل وجهها، قالت هنادي تتصل على ريم تأكد عليها انها تمـرا بكـرا و ما تنسى. هـــنادي: الـو؟ سكت الصـوت فتره و بـعدها رد: الـو هنادي استغربت لما سمعت صـوت رجال بس توقعت يكون ناصـر اخو ريـم الكـبير: ريـم .... موجوده...؟؟ ناصـر: هلا والله هنادي أي موجوده في الحمام وانتي بكرامه ثواني و تطلع عليك. هنادي: مو مشـكله اذا ما عليك امـر اذا خـلصت قولها تتصل علي. نـاصـر: ابشري............ هنادي!! هنادي باستغراب و هي اللي كانت ناويـه تقفل بسـرعه: هلا؟ نـاصـر: عظم الله اجرك، انا اول ما شفت رقمك قلت لازم اعزيك. هنادي خنقتها العبره وياالله تتكلم: اجـــرنـ........ا و اجــ.....رك نـاصر بدأ يسمع صـوت بكيها : اطلبي له الرحمه و ادعي له بالمغفره لان هذا هو اللي محاتجه ابوك في هذا الوقت.... و انا ان شاء الله ما راح اخليك بحاجه احد. هنادي استغربت كلام نـاصـر و ما عرفت ترد سكـرت التيلفون بسـرعه. هنادي في نفسـها: والله جـريء ... ما توقعته كذا ناصـر في نفسه: الظاهر اني زدت معيار الجرعه عليها.... دخلت ريـم الغرفه و لقت اخوها ماسك موبايلها و يطالعه بتأمل: اتصل احد؟ نـاصر: هنادي؟ ريـم بخث: اكيـد علشان امرها بكرا،، توصلنا و لا اقول لابوي. نـاصـر: ما دام فيها هنادي اكيد اوديك و اودي اهلك كلهم... ابـتسمت ريـم لاخوها، كانت تعرف ان اخوها معجب في هنادي و ناوي يتقدم لها بس ينتظر الوقت المناسب لانه سـمع من ريم ان هنادي رافضـه تتزوج وهي تدرس. - دخـل سـعود المجـلس و لقى ناس ما عرف منهم الا واحد. سـعود: استاذ خالد؟ قرب خالد من سـعود و سلم عليـه: عظم الله اجرك. سـعود: اجرنا و اجرك. صـرف خالد حراسه لبرا و قعد مع سـعود على انفراد: ما قدرت احضـر العزا لاني كنت مسـافر، توني واصـل من شـوي. سـعود ما عنده خبـره في الرد على النـاس الغرب: مو مشـكله المهم انك جيت. خـالد: تسـلم، المهم أي شـيء تحتاجونه لا يردكم الا لسانكم انا موجود و راح ازعل ان عرفت انكم طلبتم شيء من احد غيـري! سـعود: ماله داعي يا ... خـالد: لا تقول كذا يا سـعود، ابوك ما كان مجرد موظف عندي، كان بحسبه ابـوي، ووقف معاي لما كنت في امس الحاجه للمساعده و جاء الوقت اللي ارد فيه هذا الجميـل. سـعود: خيرك سابق ما تقـصر. خـالد: من بكرا السـواق راح يكون عندكم، و ييمشي بالليل و مالكم دخل في راتبه او أي شيء يبيه يطلبه مني. سـعود: بس... خـالد قاطعه: من غير بـس !! الكلمه ما اعيدها و هذا رقمي خله معك متى ما بغيت شيء اطلبه من غير ما تفكـر. و راتب ابوك ما راح ينقطع و كل شـهر راح ينزل في حسابه. سـعود: تـسلم.. خـالد: عموما في موضـوع كنت ناوي اكلم الوالد الله يرحمه فيه، لكن شكلنا بنأجله لفتره . سـعود: أي موضـوع؟ خالد: راح تعرفه لما يجي الوقت المناسب. سـعود: ؟ - - - - - في اليـوم الثاني كانت السـياره و السواق في انتظار البنات و سـعود اللي قرر انه يـركب مع مها و منال و اسماء يوصـل كل وحده مدرستها و بعدها يرجع لمدرسـته اما هنادي و اللي كان دوامها مختلف قررت انها تروح مع صديقتها ريم لانها ما عندها احد يركب معاها و مستحيل تروح مع السواق بروحها. ركـبت مها و منال السيـاره ( الكاديلاك) و الفرحه مو سايعتهم من السياره الكشخه، كانت اول مره يبتسمون من موت ابوهم، اسـماء ما كان هامها أي شيء، سـعود كانت مستغرب ان خالد يـطرش لهم سـياره فخمه لهذي الدرجه بس كان يقول في نفسه الظاهر انها ارخص سياره عنده، و مشى كل واحد لمدرسـته. بعد ساعه وقفت سياره نـاصر اخو ريم الـ( الاند كروزر) و اتصلت ريم على هنادي علشان تطلع.. هنادي طلعت بـعد ما لبست عباتها البشت الواسـعه و لثمتها و ركبت السياره ورا مع ريم، اللي نزلت و قعدت ورا معاها علشان ما تنحرج من ناصـر و طبعا ما كانت عارفه ناصـر ايش خربط مع هنادي اليوم اللي قبله. هنـادي بصوت واطي: السـلام عليكم. نـاصر و هو يطالع لقدام : وعليكم السلام. ريم: وعليكم السـلام هلا هنادي شلونك؟ هنادي: الحمد لله انتي شلونك؟ ريم: أكيد بخـير دامني بروح كل يوم الدوام معك. ناصر في نفسـه: و انا بـعد. سكتت هنادي مع انها كانت تتكلم بصوت واطي الا انها كانت مستحيه من ناصر يسمع صوتها. ناصر كان يسرق كل لحظه و الثانيه نظره لهنادي بمرايته كانت متغطيه من فوق لتحت، ما كان مبين منها شيء حتى عيونها مغطيتها و عباتها ساده ما فيها شريطه و لا كريستال عكس اخته ريم الي كانت عباتها فيها شرايط و كريستال خفيف. نـاصر في نفسـه: الله يرحمك يا بوسـعود، فعلا عرف كيف يربي بناته... - نـاصر (23 سـنه) مهندس كمبيوتر، يشتغل في شركه خاصـه بمرتب مرتفع، طويـل ممـلوح شـعره بـني غامق و عيـونه بنـيه، مسوي سكسوكه خفيفه، وحواجبه عريضه و كثيفه ، كان يسمع عن هنادي اول من كلام ريم عنها، للما تتكلم عنها لانها و لابوها، كان معجب بتصرفتها، لكن اعجابه زاد من سنتين لما دخل مره فجأه غرفه الاستقبال في بيتهم و كانت هنادي زايره ريم، كانت لابـسه طرحتها و تنوره طويله و قميص طـويل، شاف وجهها لدقيقه و اعجب فيها، و قال في نفسه لو ايش يصير هذي البنت راح تكون زوجته. - - في مدرسـه اسمـاء: دخلت اسـماء لغرفه الوكيـله توقع الحضـور، قامت الوكيـله جوزه و سلمت عليها و عزتها، صحيح ان جوزه جت العزا يومين الا انها حست انه كان لازم تعزيها مره ثانيه. جوزه: عظم الله اجرك يا أسماء. اسـماء: اجرنا و اجرك. جوزه: انا ابي............. اسـماء اكتفت باللي قالته و طلعت من غرفة الوكيله بعد ما وقعت لانها ما كانت مستعده لاي حوار ناويه جوزه تفتحه معاها، دخلت قسـمها و لقت ناديه و دلال اللي كانوا شبه مصدومات انها داومت مع انهم توقعوا انها بتكمل الاسبوع كله في البيت مع كم مدرسـه ما كانت علاقتها فيه قويـه. دلال: اسماء؟؟؟؟ اسـماء اكتفت بنظره حاده و بدت تطلع اغراضـها لكل حصصها اليوم. ناديـه: السـلام لله. اخذت اسـماء ادواتها و طلعت من الغرفه من غير ما تقول أي شيء، كانت متاكده انها راح تتهاوش معهم اذا استمرت في الغرف دقيقه زياده، حطت اغراضها في المكتبه اللي كانت تمون على امينتها و طلعت لحصتها و ما دخلت الغرفه طول اليوم. - - - في مدرسـه التـوأم: كانت اسرار و دانه و بدور و بنات كثثثثثرين في استقبال مها و منال اللي كان لهم وحشه سلموا عليهم و عزهم خصوصا البنات الي ما قدروا يجونهم في البيت. بدور: انا كتبت كل شيء فاتكم في نوته تقدرون تنقلونه على راحتكم في العطله. دانه: و انا بعد كتبت لكم في حاله انكم ما فهمتوا خط بدور الهيروغليفي. بدور: انا خطي هيروغليفي ياااا الهنديه؟؟؟؟ دانه: الهنود جمالهم طبيعي احسن من الفراعنه اللي كانوا يحطون مكياج و يقولون طبيعي مها و منال: ههههههههههههههههههههههههه اسرار: يعني نجحت الخطه و قدرنا نضحككم دانه و بدور: هههههههههههههههه. مها بنظره حزينه: أي والله مشتاقه للضحك منـال: بس صـعب. أسرار:مافي شيء صـعب، ابوك الله يرحمه و يدخل الجنه ان شاء الله عزيز و غالي، لكن الحزن اكثر من ثلاث ايام ما يجوز، وانتي طبعا ما ترضين لابوك يتعذب، بسبتك؟ دانه: اشتغلت المطوعه. منال بابتسامه مزيفه: أي والله انك صادقه هههه و استمروا البنات الثلاث اليـوم بطوله و صديقات التوأم يحاولون يخففون عنهم و يضحكونهم كثر ما يقدرون حتى خلال الحصص. مها: تعالي ايش صار على موووزو؟ دانه: فصـلوها يومين و رجعت بكل قـوه. منال: حسافه كنت متوقعه يفصلونها اسـبوع على الاقل. بدور: ايش نسوي، عاد طافطكم لما تمر يمنا ترفع خشمها كانا حشرات. مها: لان اللي سوينها فيها ماهو شوي بدور: امووت و اعرف ايش لقت الوكيله في موبايلها. دانه: واضح من تصرفاتها انها تكلم شباب؟ أسرار: ما يجوز تقولي كذا، حرام. بدور: اففف شكلنا مانا خالصين من المطوعه. الكـل: ههههههههههههههههههههه. - استمر الحال كما هو طوال ثلاث اشـهر، شارفت السـنه على الانتهاء، و عده ام سـعود ما بقى فيها شـيء الا اربـعين يـوم، لكن محد كان متوقع قرار سـعود السـري، كان ناوي سـعود بعد ما يخلص الثانويـه انه يدور على وظيفه في أي مكان المهم انه ما يقضي عمره كله على صدقات خالد، لان القانون في شركـة خالد، انه اللي يموت و يتسقيل ماله الا خمس الاف ريال مستحقات و غير كذا ماله أي شيء، لكن خالد استمر يصرف راتبه كصدقه. و في اخر يـوم من الامتحانات، اتصل خالد و حدد موعد مع سـعود و قال انه ناوي يزورهم. سـعود وهو يـصب القهوه لخالد و لرجال كان معه و ما كان يعرفه: حيا الله من جانا. خالد: الله يحيك، اسـمع يا سـعود انا من كم شـهر قلت لك ان في موضـوع كنت ناوي افاتح الوالد فيه بس الله ما كتب، وقلت لك بـعد اني راح اقولك عنه لما يحين الوقت المناسـب. سـعود: كلامك صحيح. خالد: انا جاي اليوم اخطب اختك أسماء لولد عمي تـركي. وأشر خالد على تركي اللي كان جالس جنبه و ما نطق بكلمه طول ماهو قاعد. سـعود و الصدمه واضحه على وجهه: بصـراحه فاجأتني. خالد: ادري ان الوضع غريب عليك و انه مالك خبره في هذي الامور، و احنا جايين اليـوم نخطب بس و ننتظر منكم جواب متى ما قررتوا. سـعود: والله اللي تشـوفه، انا اسـال اسمـاء، وامي و اسـال عنكم و بـعدها ابلغك بقرارنا. خالد: اتفقنا، يالله يا تركي مشينا. سـعود: تو الناس تعشـوا عندنا. خالد: المـره الجايه ان شاء الله. وطـلع خالد و تركي قبل ما يحلف سـعود عليهم. سـعود اللي ما كان عارف كيف يتصـرف راح لامـه و قالها و هي نادت اسـماء و قررت تـقـولها من غير لا يتدخل احد. ام سـعود: سـعود اطلع و سكر الباب و راك. طـلع سـعود و قـعدت اسـماء مع امها بروحهم. أم سـعود: اسـماء! أسماء: هلا يمـه. ام سـعود: اسـماء انتي بنتي الكبيـره و اكثـر وحده قريبه مني و ادري ان فراقك راح يكون صـعب علي لكن هذي سنه الحياه اللي كل بنت مصـيرها تمـر فيها. أسمـاء: ايش قصدك يمه؟. ام سـعود: متقدمين لك ناس! أسماء و هي ماهي عارف بايش تحس، بفرح و لا بصدمه و لا بخوف: متقدمين لي ناس؟ انا؟ ام سـعود: أي انتي، و ماهم أي ناس، اللي متقدم لك ولد عم خالد اللي كان يشـتغل عنده ابوك الله يرحمه. أسماء: ولد بوتركي اللي ذبح ابوي؟؟؟ ام سـعود: اسمعيني زين يا اسماء! انا كنت اسمع عن بوتركي و عياله من ابوك الله يرحمه، وهو كان دايما يمدح بتركي و يذم بوتركي و ولده الصـغير احمد، و كان دايما يقول ان تركي طيب و خلوق مثل خالد، ويمكن اكثر منه، وانتي طبعا شـفتي كرم خالد معانا طول الفتره اللي فاتت، فمابالك باللي اطيب منه. أسمـاء: ما ادري ايش اقول يمـه، اخاف اوافق، و يرفضي بعد الشـوفه. ام سـعود: انتي استخيري و ان شاء الله، بينكتب لك اللي فيه الخـير. أسماء: ان شاء الله يـمه، شيء ثاني. ام سـعود: لا. قامت اسماء و حبت راس امها و بعدها طلعت: تصبيحن على خيـر ام سـعود: الله يوفقك يا بنتي و يعطيك من خيره و يكفيك شره. - - - في مكان ثاني: و بالتحديد في فيلا أحمد الخاصـه. المال و الوسامه ابدا لا تغير حقيقه أن القلب القاسي لا تهزه دموع، او أأهااات ،، هذا البرود و القسوه اختار قلب " احمد" مدينه له .. ...............: احمد ارجوك لا تطلقني ، احمد كان جالس ببرود و هدوء مطلق، ينظر لزوجته او من على وشك ان تصبح طليقته بنظرات احتقار و هي تطلبه و تترجاه ما يتركها. احمد: الموضوع انتهى يا "صبا" انتي .. صبا: ارجوك.. لا تقولها ارجوك اذا مو علشاني علشان اللي في بطني.. احمد: ههههههههههههههههههههههههه ههههه ضحكتيني صبا: هذا شيء يضحك ؟؟؟ احمد: بالنسـبه لي، اكيــــد " صبا" انتي طالق دموع صبا سالت على وجهها اكثر و اكثر: أحممممممممممممممد .. انهارت على الأرض و ضلت تبكي و تبكي ، احمد وقف من مكانه و راح لها نظر لها بنظره بارد و كأن اللي أمامه تضحك ما تبكي. احمد: ظنيتي انك غير كل زوجاتي و صديقاتي السابقات و ان جمالك و اغراءاتك راح تغريني و تخليني احبك، لكن للاسف " يا صـبا " انا ماني عاشق و لا ولهان، انتي طالق للمره الثانيه.. انتي ... صبا: ارجوك لا،، مستعده اصير لك خدامه، بس لا تطلقني ارجوك. احمد: للاسف عندي من الخدم اللي يكفيني و زياده، ، مع السلامه يا " صبا" اخذي اللي تبين و اطلعي من غير مطرود انتي طالق للمره الثالثه.. طالع "احمد" حتى من غير ما ينظر لها نظره وحده، تركها على الارض في الغرفه اللي اللي تشاركوها لستة اشهر فقط تكي و تبكي. طلع ولا سأل فيها تفكيـره كانت مستحلته وحـده ثانيـه، وحده مراقبها من ثلاث اشهر بعد ما عرف اسمها و كل شيء عنها ، وحده ما حصل فرصه وحده انه يرقمها او يكلمها لانها كانت تروح الجامعه و ترجع البيت على طول، و ما تطلع منه نهائيا. أحمد: اهههههه يا هنادي متى يجي اليـوم اللي تبكي فيه عند رجولي. - - - - اتـصـل سـعود على خالد و بـلغه بـعد اسـبوع بموافقتهم و في اليـوم اللي انتهت فيه عدة ام سـعود بعد صلاة العشاء جاوا خالد و سـعود لبيتهم وجى وقت الجد\وقت الشوفه سعود حافظ له كم كلمه كان يـشوفها في المسلسلات قرر يقولها:حيا الله من جانا هذي الساعة المباركة واحنا نشتري الرجال خالد:هذا العشم بس يا ولد عبدالعزيز ولا عليك امر تركي يبي يشوف كريمتكم سعود:ما طلبت الا حقكم((يلف على تركي ))وحياك ياتركي معي... تركي بابتسامه:الله يحييك.... قام سعود من المجلس ومعه تركي للمجلس ثاني بجنب مجلس الرجال عشان تركي يشوف أسماء وتشوفه - - - اسماء كانت لابسة تنوره سـودا ناعمه فيها شـوي ورود فوشـيه من تحت و بلوزة فوشـيه رسـميه ، وحاطة كحل و شدو بنفسجي فاتح و ماسكرا خفيف و وغلوس وردي رافعه جزء من شعرها و منزله بـعضه بطريقه مموجه، كانت ناعمه، عكس يوم شافها هادي، كانت كل شيء اوفر و ثقيل. هنادي دخلت الغرفه و الفرحه ماهي سايعتها :يله أسوم سـعود يبيك أسماء:ان شاءالله هنادي:ما شاء الله شذا الزين الله يوفقك ان شاء الله ويكتب لك الي فيه الخير أسماء: مشكـوره. نزلت اسـماء و استقلبها سـعود اللي اخذها للمجلس، ما حس أي واحد فيهم بامهم اللي كانت متغطيه بالكامل و متوجهه للمجلس الكبير اللي كان فيه خالد. - - - في غرفه التـوأم: مها: تتوقعون حلو؟ منال: ما اعتقد سـعود يقول عمره 35 سـنه. هنادي: ماهو مهم العمر و لا الشكـل المهم يكون صالح. مها: صالح و لا تركي ههههههههههههههههههههههههه هه منال: ههههههههههههههههههههههههه هههههههههههه هنادي: احترمي نفسك انتي و هي،، ماني قادره اتخيل حياتي معكم لو تتزوج اسـماء. مها ومنال: مستحيـله طبعا هههههههه طلعت هنادي و هي معصـبه صحيح انها تتمنى لاسماء انها تتزوج و تعيش بسعاده مع رجال يحبها و يحترمها لكن في نفس الوقت حاسه بالم في قلبها على فراق اختها الكبيـره اللي تحبها اكثـر من غيرها. ظلت هنادي تفكر و هي تمشي بس لما لمحت طيف امرأه تدخل المجلس الكبير وقفت: امي؟؟؟ - | |||||||||||
|
| |
|
08-04-11, 11:39 PM
| #7 | |||||||||||
| نجم روايتي وعضو فعال في منتدى صحة ورشاقة
| في المجلس الصـغير: دخل سعود ومعه أسماء اللي تمشي بخوف وارتباك.... وقف تركي لما شاف سـعود يدخل و معه بنت منزله راسـها لتحت من الحيا سعود: هذي اختي اسماء يا تركي... وقعد تركي وسعود، اسماء قررت تلصق باخوها سـعود على نفس الكنبه وهي عيونها بالأرض ماهي قادرة تشيلهم... تركي:شخبارك يا أسماء؟؟؟... أسماء بارتباك: بخـير.... وقعد تركي يقز أسماء ويناظرها، ما كانت ابدا بجمال عبير لما شافها، و ما كانت متبرجه و متزينه مثل الموظفات اللي عندهم في الشركه و اللي يرمون نفسهم عليه في كل مكان، كانت ناعمه و هاديـه و ملامحها الطفوليه اكثر شيء جذبه لها. تركـي: تشتغلين مدرسـه صح؟ أسمـاء استغبرت سؤاله بس قررت تجاوبه: أي. تركي: ان شاء الله مرتاحه؟ اسـماء: الحمد لله. تركي: اذا منتي مرتاحه تقدرين تقدمين استقالتك و انا امشي لك راتب كامل. أسماء حست من كلامه انه راضي فيها و ابتسمت. أسماء: الله يكتب اللي فيه الخيـر..... سـعود يراقب الوضـع و فرحان على الاخـر، الحمد لله الظاهر ان اسماء عجبت تركي، اللي طبعا كان الف وحده تتمناه. سـعود في نفسـه: ياليتك يا يبا معانا و تشـوف اللي اشوفه. حس سـعود ان دموعه بتنزل ان ظل يتذكر ابـوه و الفرحه اللي كان ممكن يحس فيها لو انه عرف ان تركي بيتزوج اسـماء - - - - في المجلس الكبيـر: استغرب خالد لما دخلت مرا متغطيه بالكامل عليـه لكنه عرف انها ام سـعود من صـوتها لما تكلمت. ام سـعود: ماقصـرت يا خالد. خالد بابتسامه ابدا ما تفارق وجهه: انتوا اللي ما قصـرتوا و اسماء تستاهل كل خير. ام سـعود: بس اسـماء؟ ابتسم خالد لما فهم قصـدها: كلهم يستاهلون كل خيـر. ام سـعود: بايدك يا ولدي تجيب لهم الخـير! خالد ما فهم قصد ام سـعود فقرر يسـال: ايش قصـدك؟ ام سـعود: ابيك يا خالد ................(( ترددت لكنها قررت و مافي تراجع عن قرارها )) ابيــك تتزوج هنـادي!!!!!!! كلمتها صـدمت خالـــد، و هنـــادي اللي لحقت امها للمجلس و سمعت حوارهم كله من ورا الباب. هنادي في نفسها و دموعها تنزل: ايش اللي قاعده تسويه امــــــــــي؟؟؟؟؟ قاعده تعرضني عليه؟؟؟ في المجلس الكبيـر: استغرب خالد لما دخلت مرا متغطيه بالكامل عليـه لكنه عرف انها ام سـعود من صـوتها لما تكلمت. ام سـعود: ماقصـرت يا خالد. خالد بابتسامه ابدا ما تفارق وجهه: انتوا اللي ما قصـرتوا و اسماء تستاهل كل خير. ام سـعود: بس اسـماء؟ ابتسم خالد لما فهم قصـدها: كلهم يستاهلون كل خيـر. ام سـعود: بايدك يا ولدي تجيب لهم الخـير! خالد ما فهم قصد ام سـعود فقرر يسـال: ايش قصـدك؟ ام سـعود: ابيك يا خالد ................(( ترددت لكنها قررت و مافي تراجع عن قرارها )) ابيــك تتزوج هنـادي!!!!!!! كلمتها صـدمت خالـــد، و هنـــادي اللي لحقت امها للمجلس و سمعت حوارهم كله من ورا الباب. هنادي في نفسها و دموعها تنزل: ايش اللي قاعده تسويه امــــــــــي؟؟؟؟؟ قاعده تعرضني عليه؟؟؟ - - - - - انكسرت من الفراق وشوف عيني ...شوف عيني وأنت تدري بانكساري كلما مديت لوصالك يميني ....رحت تتجاهل يميني مع يساري حتى صرت أشوف جرحك في يديني .....في يدين الجور صداتك مواري حس فيها لابلاها حس فيني .....لا تعبرها لكن رد اعتباري وأنا مقفى جعل منت منتويني ......بالجفا والخوف وأنواع العزاري ياهلي يانصف ربعي ياخديني ......يامواني غربتي ياروح داري يا شموخي يا انكشافي يا دفيني ..... يا علوي يا بقائي يا انحداري يا بداياتي يا مائي يا كسجيني ....يا اندثاري يا اعتدالي يا ازدهاري يا بلادة حسي وقمة حنيني .....يا اختياري لا يا عشواء اختياري أعشقك من عادني فول سنيني ...لين صرت آخذ مع نفسي قراري من عرفتك وأنت ثالث والديني ....واللجوء إليك يعني لي فراري ضمني خل الضرر بينك وبيني .....الضرر من ضمتك شيء اضطراري خل يدينك من الجور اتحميني .....من جمود يعيش و الين انصهاري كل ما ضاقت بعيني يا موعيني ......ابتسمت وصار لي ليلي نهاري فلا سكت تروح بطيش اتحكيني .... رجعي أبطبعك وبأسلوبك حضاري ماذبحني فيك ألا انك تبيني ....وما سحرني ألا حكاك الأستعاري لا حكيت أحس بأشياء تعتريني ....وان خشع قلبي وتطري لي طوراي أعشق حكيك وحفظه يا ضنيني ....حفظ بن تيميه لحكي البخاري ولا سكت أحط يدي في جبيني ....وارجي الله ما يطول بانتظاري أدري أني عندك وأسألك ويني .... داريا لكن ما كني بدراي لين شيطاني تلفظ كلمتيني ....ورحت مني ما تبي سمع اعتذاري لا تبكيني وتفرح عاذليني .....ولا تخسرني بعد كبر انتصاري لا تخليني بعد فيضة كنيني _ .....وأنت خابرني على الوصل انتحاري لا تروح بروحتك كلن يجيني .... ما ني مكابر ولا حتى مداري انكسرت من الفراق وشوف عيني ..... شوف عيني وأنت تدري بانكساري البـــــــــــــــــارت الخامس: طـلع تـركي من عند أسماء و سـعود على السياره على طول بـعد ما اتفقوا على موعد الملكه بـعد ما تطلع نتائج التحاليل طبعا، تركي لما سأل سـعود ان كان عنده مانع انهم يملكون بـعد اسـبوع من النتائج، ما عرف ايش يقول و ايش يخربط و رد عليه بـ( اوكي اللي تشوفه) حزن تركي على سـعود اللي شال مسؤوليه اكبر من عمره، و حس بالمسؤولية اتجاههم، خصوصا ان ابوها قبل لا يموت كان يعزه و يحترمه و ما عمره قصر معه في شيء و بما ان البنت عجبته و مدح خالد لها زاد اعجابه فيها اكثـر و اكثر ما في مانع يتزوجون و يساعد سعود في المسؤوليه شوي. في سياره خـالد الرولزريز: الابتسامه ما غادرت وجه تركي طول ما هو في السياره، حلمه بيتحقق و بيحصل السعاده اخيرا مع انسانه ارتاح لها قلبه و كان له الراي ياخذها و لا لا، عكس عبير اللي ما قرر في زواجه منها أي شيء، و تزوجها مع انه ما كان يحبها و لا يبيها اصلا، خالد كان جنبه ساكت من اول ما ركبوا السياره ، حتى رايه بالبنت ما ساله عنه، فقررت تركي يبدأ حوار معه. تركي: الصراحه خالد ارتحت لها مبين انها حبوبه. خالد كان يطالع لقدام و باله ماهو معاه: .................... تركي: خالد ،،،،،،،،، خالد!!!!!!!!! خالد: نعم بغيت شي؟ا؟؟ تركي:وووووين وصلت؟ خالد: وين؟ تركي: هههه الي شاغل عقلك خالد بنظره مهمومه:اهاا،، لا بس تذكرت موقف سخيف اليوم في الشغل. تركي: اللي هو؟ خالد: موقف و انهيته على خير. تركي: طول عمرك تحب الخيـر و ان شاء الله ربي يزيدك من خيره يا رب. خالد: يا رب. - - - - - نزلوا البنات كلهم للمجلس الصغير اول ما عرفوا ان تركي وولد عمه طلعوا، مها و منال ركضوا لاسماء و ضموهاا بقوه لدرجه انها بغت تختنق من ضمهم لها، كان الكل يبارك لها و فرحان و اول ما طلع سـعود للحمام. مها باندفاع: حـلو؟؟؟؟؟؟؟؟؟؟؟ اسماء: حلوووو و بس، قولي.: يجنن يجنن يجنن.... منال: احلى من براد بيت؟؟؟ اسماء: و احلى هيرتيك روشان بعـد . مها: احلى من هيريتك ؟؟؟؟؟؟ اسماء: اصلا مافيه مجال للمقارنة أحلى بمليووون مرة... منال بضحك: يمه ليه ما قلتي له ياخذني انا بدالها؟؟؟؟؟ مع ان منال قالت الكلمه بعفويه الا انها هزت شيء داخل هنادي، شيء حاولت تكبته لحد ما تشارك اسماء فرحتها، ما كان في ودها انها تضايق اختها اللي تحبها اكثر من الكل يوم فرحتها. دخل سـعود و سمع اخر شيء من كلام منال: هي انتي وين قاعدين احنا؟ سوق غنم؟ منال: لا سوق نياق ههههههههههههههههههههههههه هههه ما قدر سـعود يتمالك نفسه مع انه كان وده يأدب اخته على تفكيرها و قعد يضحك: ههههههه الله يقطع ابليسك.. ما ادري متى تتزوجون و افتك منكم. مها: ليش مو انت اللي تتزوج و نفتك منك. سـعود: ياليت و افتك منكم هم على قلبي. منال و مها في نفس الوقت: عادي شـعور متبادل هههههههههههههه. وقعد الكل يضحم الا هنادي اللي طلعت و راحت لغرفتها من غير لا تقول شيء، حتى ضحك ما ضحكت معاهم. سـعود: ايشفيها هنادي؟ ام سـعود: ما ادري من دخلنا و هي ساكته. منال لمها بصوت واطي: تتوقعين زعلانه من اللي قلناه لها؟ مها: ما اعتقد الموضوع يستاهل الزعل هذا كله!. اسماء في نفسها: معقوله مستخسره الفرحه فيني. - - - - بـعد ساعه متواصله من الضحك و السوالف و التباريك صـعدت أسماء لغرفتها و الابتسامه من الاذن للاذن، معقوله بـعد اسبوعين، اذا طلعت التحاليل متناسبة، راح تصير حرم تـركي الـــ...، الفرحه ماهي واسـعتها. لكن دخلت غرفتها و كل فرحها و ابتهاجها زال. هنادي كانت راميه بدلتها على الارض بطريقه مبعثره و لابسه جلابيه واسـعه كانت شعرها منفوش و ضامه نفسها بقوه و منزله راسـها على ركبها. أسماء: هنادي؟؟؟ ركضت اسماء لهنادي وهزت كتفها، رفعت هنادي راسـها و تلاقت عيونها الحمر بعيون اختها اللي كان كلها فرح. اسماء: ايشفيك؟ هنادي تحرك راسها للجهه الثانيه: مافيني شيء!!! أسماء: كيف مافيك شيء؟ كنتي تبكين؟؟ انهارت هنادي وزاد بكاءها اكثر و اكثر. أسماء: هنادي؟؟؟؟ هنادي: اول........ اول مـره احس اني ....سـلعه رخيصه ..... بيد غيـري!!! مسكت اسماء كتوف اختها الصغيره بقوه و بدت تهزها بعنف ، أسماء: ايش ؟؟؟ ايشقصدك؟؟؟ رخيصه؟ و بيد منو... هنادي: امك!!! أسماء: امي؟؟؟ ايش سوت؟ هنادي: عرضتني على ولد عم خطيبك؟؟؟ أسماء:...................... هنادي: امي طلبت من خالد يتزوجني؟؟؟ أسماء بصدمه : ايش؟ هنادي: وطويل العمر رفض و حرمني من اخر ذره كرامه كانت باقيه لي، لو انه وافق كان اقنعت نفسي بانه كان يبيني و ينتظر الفرصه المناسبع علشان يخطبوني، لكن رفضه لي فهمني قد ايش انا رخيصه... أسماء وهي تحظن اختها : لا تقولي كذا دموع اسماء نزلت و خربت الميك اب كله، كان في ودها تعرف هنادي شلون عرفت كل هذا مع ان الحوار كله صار في المجلس. بعد ما هدرت هنادي شوي قررت اسماء تسالها اسماء: هنادي؟ رفعت هنادي راسها : طيب ماقلتي كيف عرفت بالموضوع؟ هنادي: شفت امي تددخل المجلس، لحقتها ، سمعتها و هي تطلب منه يتزوجني. اسماء: و رد عليها مباشره؟ هنادي بحزن : لا، سكت شوي وبعدها رد عليها و قال اسف و سمعته يقولها مع السلامه و بعدت عن باب المجلس وشفته و هو يطلع، شكله الموضوع ما عجبه حتى ماكلف على نفسه يرد ويقول ما ابيها قال اسف و طلع. اسماء : ياشيخة عسى ان تكرهوا شئ فهو خير لكم وماتدرين وش الخيره فيه هنادي :الحمدالله على كل حال ، اصلا حتى لو وافق انا ما كنت راح اوافق. اسماء : ولايهمك ولاتحطين ببالك ان شاء الله يجيك الي يسعدك ويهنيك هنادي و هي تشوف عيون اسماء الحزينه و مكياجها الي اخترب : اسفه اسوم خربت عليك فرحتك. اسـماء: تو الناس هههههههههه و اخيرا ابتسمت هنادي لاختها و ضمتها بقوه لحضنها ، كيف و هي صار لها مده طووويله ما حست بالقرب من اختها اللي تحبها.. - - في اليوم الثاني كان عند هنادي امتحان و مثل كل مره مـرتها ريم علشان تروح معها، بس المشكله ان ناصر هو اللي بيوديهم ريم هالمره مو السواق لانه ما يوديها الا اذا السواق مشغول، هنادي تضايقت لانها كان ودها تسولف مع ريم بموضوع خالد لكن لما شافت ناصر عرفت انها ما راح تاخذ راحتها. ركبـت السيـاره و سلمت: السلام عليكم. نـاصر في نفسه : يا هلا وغلا ببعد طوايف اهلي كلهم:: رد : وعليكم السلام. ريم: اهلين هنودي،، شخبارك؟ هنادي بصوت منخفض: الحمد لله و انتي. ريم: تعبانه امس ما نمت و انا ادرس ان شاء الله انجح. هنادي: توكلي على الله و كل شيء بيصري بخير سكتت هنادي بعدها وما اضافة أي كلمه و هذا اللي استغربت منه ريم اللي متعوده من هنادي الاستغفار و التسبيح لما ما تكون تسولف او تراجع لها شيء، اكيـد فيها شيء. ريم: هنادي؟ ايشفيك؟ هنادي بهمس مستحيل ناصر يسمعه: ضايق خلقي!! ريم: من ايش؟ هنادي: امي الله يهديها .......................... خفضت هنادي صوتها و همست في اذن ريم لدرجه ان ناصر توقع انها ما كانت تقول لها شيء . بس بعد ثواني قليله... ريم بصـوووووووووت عالي: ايششششششششششش؟؟؟؟؟؟ هنادي تحاول تهديها: اشششششششششششش.. انتبه ناصر لصوت اخته العالي و الفتت لها : اشفيك؟؟؟؟ ريم بارتباك :هاااا ؟؟ و لا شيء انت سوق و بس.. ناصـر حس من نبره اخته اللي تحاول تبعده عن حوراهم و ان هنادي فيها شيء، تظاهر بانه ماله دخل في حوارهم و ترك عقله مع السواقه، بس قلبه كان عند اللي قاعدين ورا . ريم بصوت خافت: كيف امك تعمل كذا؟ هنادي: ما ادري!! بس يمكن لانها حاسه مسؤوليتنا اكبر من استطاعتها، و محتاجه رجال تثق فيهم حولها. ريم: بس ما هو صحيح تصرفها؟؟ هنادي:اللي صار صار و انتهى الموضوع بس اتمنى محد يعرف بهذا الموضوع غيرنا. ريم: تطمني!! عم الهدوء بعدها و فهم ناصر ان سالفتهم الخطيره انتهت، قرر يسوي اللي في راسه و اللي يصير يصـير.. وقفت السياره عند بوابه الجامعه، نزلت ريم و هنادي و راحوا للامتحان ، دخلوا الامتحان و اللي حست ريم انها ما فهمت منه شـيء حلت اللي قدرت عليه و طلعت قبل نصف الوقت وراحت الكافتيريا تنتظر هنادي فيها لحد ما تخلص.بس استغبرت ريم لما شافت مسج من ناصر، و اللي استغربت منه الوقت ، ناصر ارسل المسج اول ما وصلهم للجامعه . ((( ريم اتصلي علي اول ما تخلصين........ضروري ))) ريم كانت متفقه مع ابوها يرجعها هي و هنادي لان ناصر عنده دوام، بس معقوله صار تغير في خطتهم؟ لا اكيد هو كان خايف عليها لانها طول الوقت كانت تشكي من الامتحان و خايفه منه، قررت تتصل و تشوفه. ريم: السلام عليكم؟ ناصـر: و اخيرا!! ريم بلقافه: رد السلام اول ، وثانيا انا ما طولت كلها نص ساعه، و ثالثا هنادي لسى ما خلصت. ناصركان مبين من نبرته انه معصب: لا تجاوبين على اسئله انا ما طرحتها عليك، لان هو سؤال واحد ابي جواب له. ريم بغباء: أي اجوبه و أي اسئله، ما فهمت؟؟ ناصـر: في شيء صاير لهنادي؟؟؟ ريم في نفسها: يا حليله روميو، وانا اللي عبالي داق يتطمن علي!!! ناصـر: ريم؟؟؟ ريم: هلا!! نـاصر بعصبيه: تكلمي و لا.............................................. .. .....؟؟؟؟ ريم: بقول و امري لله............. ريم ما كانت تقدر تخبي على اخوها أي شيء خصوصا لما يتعلق الموضوع بهنادي حبيبه القلب و اللي تتمنى تصري زوجه اخوها اليوم قبل بكرا و فوق كل هذا هي تخاف منه و تعرف انه راح يصيد أي كذبه تحاول تكذبها، وثانيا لانه ممكن يقرر اخيرا يتخذ خطوه للامام في علاقته مع هنادي ان عرف انها كانت ممكن تصير لغيره لولا الظروف. ناصر: هو بكيفها!!!!!! محد ياخذ هنادي غيري!!!!! ريم: ناصـر لا تخليني اندم اني قلت لك!!!............. الو؟؟ ..... ناصر طو طو طو طو ريم: الله يستر منك يا ناصـر.... - - - - نـاصر ما كان يقدر ينتظر نهايه الدوام علشان يرجع البيت و يعلم اهله بقراره، استأذن و رجع البيت على طول، سال عن ابوه و راح له من غير لا يسلم على امه اللي كانت في و اللي لحـقته لغرفه ابوه بـعد ما سمعت من الشغاله انه رجع قبل موعد طلعته، من غير يدخل و يسلم عليها. ام ناصر: ناصـر؟؟؟ كان بو ناصـر جالس على سريره و ناصر جنبه على الكرسي، منظرهم كان جاد و خوف ام ناصر صاحبه القلب الرقيق، بس ارتاحت لما شافت ابتسامه زوجها. بوناصر: توقيتك ممتاز. كانت نظرات ام ناصر الخايفه بين ناصر و ابوه توقيتها مناسب؟ اكيد يبون رايها في شيء : ليش؟ بوناصـر: ناصر قرر يتزوج. الفرحه سرت مثل الدم في كل عروق ام ناصر اللي غمرتها السعاده: كلووووووووووووووووووووووو وووووووش مبروك يا ولدي ما بغيت. ابتسم ناصـر لها: ما توقعت هذا الخبر بيفرحكم كذا بوناصر بابتسامه: لا يا حبيبي اصلا انا و امك ننتظر هذا اليوم من كنت في بطن امك و اخيرا جا. ام ناصر: الحمد لله و العروس موجوده اخبطها لك الحين اذا تبي. قاطع ناصـر قبل لا تضيف أي شيء زياده: بس انا ما ابي غير وحده !!! ام ناصر مع انها استغربت من ولدها المتزن ، الهادي هذا الرد: من هي؟ بوناصـر: بنت بو سـعود. ام ناصر بخوف: اسمـاء؟ ناصر: لا، اختها اللي اصغر منها ، صديقه ريم، هنادي! زال الهم اللي انتابها لما ظنت انها اسماء و حست ام ناصر ان فرحتها اخيرا اكتملت، هنادي عندها الادب و الاحترام و التربيه الحسنه و الالتزام و فوق كل هذا كله الجمـــال، غير انها تعرفهم من زمان: و نعم الاختيار. نـاصر: متى تخطبونها لي؟؟؟ ام ناصر من الفرحه: اليوم اذا تبي! طبعا اذا ابوك ما عنده مانع!! التفت ناصر لابوه يشوف رده: انا ما عندي مانع، انتي كلمي ام سـعود، و ان وافقت رحنا لهم رسمي. ام ناصـر: ان شاء الله. خاف ناصر من كلامهم، يعني ان ما وافقت عليه ما راح يتزوجها؟؟؟ هو كان دايما يقول ان هنادي له لو ايش يصير، بس اذا كانت هنادي ما تبيه ايش بيصير له!!! مستحيل امها ترفضه، اصلا هي تبي ترتاح من همها و لا ما كانت عرضتها على رجال غريب عنه. - - - - اتصلت ام ناصر على ام سعود و بلغتها انها ناويه تزورهم ، و طبعا ام سـعود رحبت فيها كالعاده، كانت تظن انها جايه تبارك خطبت اسماء. لبست هنادي و مها و منال و كشخوا و تجهزوا لاستقبال ام سـعود. هنادي كانت لابسه تنوره بنفسجيه قصيره بس تحت الركبه و على بدي فوشي و رافعه شعرها و حاطه ميك اب خفيف، مها و منال كانوا لابسين نفس الشيء فساتين رماديـه لتحت الركبه بكم قصير و منزلين شـعورهم و هما مكياج ناعم، اسماء اللي استحت من الوضع قررت انها ما تنزل، لانها عارفه ان ام ناصر بسألها عن موعد الملكه و عن تجهيزاتها و . و . و ...... ام ناصر كل شيء فيها حلو بس فضـوليه شـوي . و مثل ما توقعت اسماء سالت ام ناصر ام سـعود عن اسماء و عن تجهيزاتها و عن الولد وعايلته و من وين عرفهم و من و و و و و ... مها و منال كانوا ميتين من الضحك على امهم و هم يضيفون ام ناصر، كانت ام سـعود اول ما تجاوب على سؤال ترد عليها ام ناصر بسؤال ثاني. مها: هذا اللي توقعته اسوم بالضبط. منال: الام ذابحه امي و البنت ذابحه اختي. ريم كانت قاعده مع هنادي و نفس الطريقه ريم تسال و هنادي تجاوب. ام ناصر: اصلا انا يا ام سـعود جايتك اليوم لموضوع، واتمنى ما ترديني. ام سـعود: ولو يا ام ناصر انتي تامرين ما تطلبين. ام ناصر و هي نظراتها ما بين ام سعود و هنادي: ما يامر عليك عدو، انا جايه اليوم اخطب بنتك هنادي لولدي ناصر!! كلام ام ناصر فاجأ ام سـعود و صدم هنادي اللي بدأ وجهها يعطي الوان، قامت المجلس و راحت تركض لغرفتها، منال طلعت وراها و مها قعدت تكمل الضيافه مع انها ميته تشوف وجه هنادي بعد الموقف اللي صار. ام ناصر: يا حلو اللي يستحون!! ها يا وخيتي ايش رايك؟ ام سـعود: بصراحه و الله فاجأتيني، هي بنتك و ناصر ولدي مثل ما هو ولدك، بس انا بشوف رايها و راي اخوها قبل لا ارد عليك. ام ناصر: خذوا وقتكم و متى ما قررتوا بقول لابو ناصر يجي يكلم سـعود رسمي. - في غرفه هنادي و اسماء: كانت هنادي دافنه وجهها في حضن اسماء اللي ميته خوف عليها لحد ما دخلت منال. اسماء: منال ايشفيها هنادي، من دخلت وهي مصدومه. منال: ههههههههههههههههههههه ما قالت لك؟؟ اسماء بعصبيه من رده فعل اختها: لااااا منال بالفصحى: صار لدينا عروستنا في هذا المنزل !!! ام ناصر خطبتها لولدها ناصر اسماء بفرحه: والله صدق!!!!!! منال: Yes وهي مصدومه لان ام ناصر كلمت امي و هي موجوده لووووول باست اسماء راس اختها و مسحت عليها بدموع: الف الف الف مبروك يا حبيبتي .. ناصر رجال ما يتعوض و الحمد لله انه صار من نصيبك!!! هنادي كانت في عالم ثاني ، كان واحد من احلام حياتها انها تتزوج ناصـر، الطيب الحنون الوسيم اللي الف بنت و بنت تتمناه، لكن اللي صار من يومين حرمها هذي الفرحه، مجبوره توافق، خالد اللي ما عمره تكلم عنها طلبته امها يتزوجها كيف باللي طالبها من نفسه!!! - - - - بـعد ثلاث ايام: كان خالد في مكتبه مجتمع مع طاقم السكرتيرين يجهزون اوراق المشروع الجديد في فرنسا كان يتمنى ينتهي من الموضع بسرعه علشان يكون بمقدوره يحظر ملكه تـركي، رن تيلفونه الخاص معلنا ان شخص قريب منه يتصل فيه. خـالد: الو؟ سـعود: السلام عليكم. صرف خالد السكرتيرين بابتسامه: وعليكم السلام، هلا سـعود! سـعود: هلا فيك اكثـر. خالد: اخبارك؟ و اخبار الاهل؟ سـعود: الحمد لله كلنا بخيـر، انت شلونك؟ خالد: الحمد لله بس مشغول هاليـومين. سـعود فهم من كلامه انه احسن لو يختصر في كلامه: اسف ان كنت عطلتك عن شغلك!! خالد: لا تحاتي كنت ماخذ لي بريك. سـعود: اها ... بس هما ما ابي اطول عليك ، ممكن طلب؟ خالد: تفضل؟ سـعود: ابي رقم تركي ولد عمك!. لاني ناوي اعزمه على خطبه اختي بما انه صار واحد منا و فينا. خالد حس باهانه من كلام سـعود بس عذره لانه توه صـغير و اكيد ما فهم معنى كلامه: وانا وين رحت؟ سـعود: اصلا يا طويل العمر انت تجي من غير عزيمه!!! بس انا بغيت اعزمه بنفسي بدل ما اطلب منك تقول له. خالد حس بالابعاد لما ناداه سـعود بيا طويل العمر في الوقت الي ينادي فيه تركي باسمه: اوكي الحين ادز لك رقمه بطاقه اعمال! سـعود: مشكور و ما قصـرت. خالد: عفوا!! بس انا عاتب عليك؟ سـعود: افاا ليش؟ خالد: الحين اختك تنخطب و ما تقول لي. سـعود في نفسه : ومن تكون انت علشان استشريك؟؟؟؟:: بس قرر يتركها و يقولها بطريقه ثانيه: كل شيء صار بسرعه، الولد اخو صديقه هنادي، و طول عمره معنا و نعرفه زين و الحمد لله موظف و مرتاح ماديا و الكل يشهد له بالخيـر، امه كلمت امي و من كم يوم و لما وافقنا قالوا ان الرجال بيجونا اليـوم.. وانا قلت أقول لتركي لا يزعل. خالد تذكر الموقف اللي صار مع ام سـعود من كم يوم :المهم البنت موافقه؟ سـعود: اكيـد اصلا هذي هنادي الغاليه. خالد: ................... سـعود: استاذ خالد؟ خالد: الله يكتب اللي فيه الخير للكل، اعذرني انا ما راح اجي لاني مشغول. سـعود: عذرك معك. خالد حس بالاهانه اكثر و كان سعود ما صدق: سعود بريكي انتهى!! سـعود: خلاص ماني معطلك، مع السلامه! خالد: مع السلامه. وسـكر سـعود الخط، مسك خالد الموبايل و بدأ يتأمله كلام سـعود قهره، واللي قهره اكثر الخطبه، ام سـعود توه مكلمها امس!!!!! ولا جابت أي طاري لخطبت هنادي!! معقول ما تبي تعلمه؟؟؟؟؟ رمى الموبايل باقوى ما عند على الارض و تطايرت قطعه في الهواء. خالد اخذ نفس عميق و تنهد بصوت عالي: ااااااااااااااااااااااااا ااااااااااااااااااااااااه هه.. دخلت السكرتيره مريام عليه و شافت الموبايل المتكسر و خالد اللي حاط راسه على المكتب. مريام: حبيبي؟ في شي؟ رفع خالد راسـه و نظر للسكرتيره الخاصه، السكرتيره كانت قمه في الجمال، كان شـعرها اشقر لحد كتفها، دايما تربطه لفوق، و عيونها زرقاء على اخضـر كانت قمه في الجمال: تعبان. تحركت السكرتيره من مكانها و قربت عنده لفت ايدينها الثنيتين على رقبته و بدأت تحرك اصابعها حولها: بدك ترتاح؟ سحبها خالد لحضنه و باس جبينها بقوه: أكيـــــد!! باسته ميريام بخفه و تحركت من مكانها للباب: اخلص هالكم ورأتين اللي ع مكتبي و نطلع ع البيت ع طول. خالد بابتسامه خافته: انتظرك. ارسلت ميريام له بوسـه في الهواء و طلعت من مكتبه، تبدلت ملامح خالد اول ما طلعت ميريام و اختفت الابتسامه المعتاده من وجهه، فتح درج المكتب بالبصمه الخاصه و طلع منها برواز كانت فيه صـوره حرمه. رجعت الابتسامه لوجهه و هو ينظر للصـوره لكن الحزن واضح على عيونه!! خالد بتنهد: لو ماصار اللي صار هل كنتي راح تظلين تتمنين السعاده للي تحبينهم مثل ما تمنيتي لي السـعاده و دفعتي ثمنها غالي،، يا سـارا؟ - - - - - يــتبع: توقعاتكم للبارت ^_& 1- اولا خطبه ناصر لهنادي هل راح تتم؟؟؟ و هل راح يتزوجون؟ 2- تأخر احمد في انتقامه هل راح يطول؟ ام انه ينتظر اللحظة المناسبه؟ واذا عرف بخطبه هنادي ايش بيصير؟ 3- مصدومين بخالد صح؟ و منو سارا هذي؟ 4- ؟ 5- ؟ 6- ؟ 4 و 5 و 6 اكتبوا توقعاتكم انتوا من غيـر اسـئله ^_^ اشـوفكم على خيــر مع السلامـه | |||||||||||
|
| |
|
09-04-11, 07:57 PM
| #9 | ||||||||||||
| نجم روايتي وعضو فعال في منتدى صحة ورشاقة
|  اقتباس:
 :syriasupers tarra8: | ||||||||||||
|
| |
|
09-04-11, 07:59 PM
| #10 | |||||||||||
| نجم روايتي وعضو فعال في منتدى صحة ورشاقة
| البارت السـادس -- - - - في بيت خالـــــد: كان موعد رجـعت خالد من شغله، و في كل مره كانت هيفاء تستناه عند مدخل جناحهم الخاص، واللي كان مكون من غرفتين نوم ، غرفه المكتب الخاصه بخالد، غرفتين جلوس ، صاله كبيره، حمامين، مطبخ مجهز بكل الادوات للوجبات السريعه، كانت هيفاء من اول ما يدخل خالد تستقبله و هي منزله راسها، تساله عن شغله و اذا يبي عشاء، مرات يقول انه تعشى و مرات لا، يروح بـعدها لغرفته النوم يبدل و يدخل يتروش ثم يقعد معها ان ما كان مشغول يسولفون و يشوفون لهم فلم، اما ان كان مشغول فيدخل المكتب على طول و يكمل شـغله. بس هذي المره الوضع كان غيـر ، دخل خالد جناحه و ما لقى هيفاء في استقباله على غير العاده، هي حتى لما تطلع او تروح مشوار ترجع قبل رجعته بس علشان تستقبله و تحظى بهذي الثواني القليلة معه. خالد في نفسـه: يمكن نايـمه. مشـى لجهة غرفته و هو متوقع ان هيفاء نايمه في غرفتها الخاصـه ، بس توقعاته كلها تلاشت لما سمعه صـوت السـتيريو العالي طالع من غرفته،، دخل الغرفه بهدوء و لقها متمدده على سريره، لابسـه تنوره سـوده منفوشـه لفوق الركبه ، و بدي احمر فاقع علاقي ومسويه شعرها كيرلي، كانت متمددة على بطنها و تحرك رجولها في الهواء على ايقاع اغـنيه راشـد الماجد مرتاح وياه فاهمني وفاهم له ... أنا عجبته وهو حيل عاجبني ... الحب قالوا عذاب وقلت لا بالله ... شوفوني وشلون أحبه وما يعذبني ... لو يطلب الشمس قلت المسألة سهله ... يآمر حبيبي أنا ما أبيه يطلبني ... إن كان ما أتعب لعينه منهو أتعب له ... تعبه راحه أبيه أكثر يتعبني ... ما شفت زيه ولا أبلقى أبد مثله ... ياقف بصفي لو العالم تحاربني ... يكفيني إنه يجيني بالغلا كله ... يكفيني إنه نسى ربعه وصاحبني ... يطيح قلبي إذا ناظر على غفله ... إن فتح أضيع وإن غمض يذوبني ... ياللي تعاتب خليل(ن) ذاب في خله ... أراهنك لو تشوفه ما تعاتبني ... كلمات الاغنيـه أثرت في خالـد، اكيـــــد متعمده تسـمعه هذي الاغـنيه بالذات!! بس صـوتها نبهه. هيـفاء بنظره استغراب: خالد؟؟؟ خالد بابتسامته المعتاده: مساء الخيـر. هيـفاء و هي تعدل جلستها : مساء النور. تراكى خالد على باب الغرفه و ابتسم لها: اشوفك محتله غرفتي؟ هيـفاء: لا بس ..... الاستيريو في غرفتي عطلان، فقلت اسمع الاغنيه في غرفتك لحد ما ترجع، و الظاهر الوقت اخذي و ..... خالد بابتسامه ساحره : ماله داعي تبررين أي شيء هيوووف. هيـفاء ذوبتها ابتسامته فعلا كلمات الاغنيه كانت اهداء منها له : بس انا ..... قاطعها خالد مره ثانيه لما حط اصابعه على شفايفها : الاستيريو و صاحب الاستيريو تحت امـرك. هيـفاء حست ان الفرحه ماهي واسعتها و اخيـرا و اخيـرا خالد حس فيها و بمشاعرها اللي تكنها له من سنين. كمل خالد و قال: دقايق ابدل و انقل لك الاستيريو لغرفتك. هيفاء حست ان كل امالها و توقعهاتها اللي ما كملت الدقيقه فرحانه فيهم تحطموا من كلماته يعني كل هذا التمثيل و هذا الاغراء و هما يتجاهلها، كل هذا و هما ماهو حاس بالحب اللي لو يتكلم جسمها كان قال ان كل جزء منه يحبه و يموت عليه!!!!!!!! هيفاء بقهر: مشـكور، اصلا سمعتها لحد ما مليت منها . و طلعت من غير ما تسمح له يرد عليها لانها عارفه انه بيجبرها بطريقته الخاصه انها تاخذ الاستيريو لغرفتها و هي طبعا ماهي محتاجه استيريوين في غرفتها لان مالها الاستيريو الخاص فيها ما كان عطلان فعلا!! دخلت لغرفتها و لقت الكتاب اللي عطتها اياه مايا في وجهها اخذته و رمته بعيد باقوى ما عندها. هيفاء: كيف تكسبين قلب اي الرجل خلال سبع ثوان..،،انا ابي واحد بس ،،، واحد صار لي خمس سنين و انا احاول اتقرب منه و هو و لا حاس فيني!!! ولا بحبي لـه!!!!! -- - - - في بيت بو سـعود: كانت خطبه هنادي مختلفه 180 درجه عن خطبه اسـماء و السبب كان وجود تركي فيها كجزء من عائله العروس، تركي اللي لاحظ جهل سعود و قله خبرته في خطبته و خصوصا في هذي الامور، قرر يحل مكان ابوه و يتصـرف ككبير لعائله بوسـعود و مسؤول عنهم، اما ناصر فما طلب يشوف هنادي مع انه في الحقيقه كان ميت يشوفها عن قرب ولو لمـره بس اقنع ابوه و اهلها انه اختارها لاصلها و تربيتها و اخلاقها الحسنه و ان شكلها الخارجي مهما كان ما راح يغير شيء في رايـه.. بوناصر: ايشرايكم نملك بعد التحاليل؟ سـعود ما عرف ايش يقرر لان تركي حدد قبلهم ان ملكته بعد تحاليلهم الي لسى ما سوها: اللي تشوفه بس انا ملكه اختي اسماء الاسبوع الجاي! بوناصر كان بيرد بس تركي سبقه: مافي مشكله في نظري املك انا و اخوي ناصر في نفس اليوم! نـاصر كره تدخل تركي في موضوعه و ليش يناديه اخوي ناصر، و هو ما شافه في حياته الا اليوم : ايش؟ تركي: اذا عندك مانع نقدر نأجل ملكتك بعد ملكتي باسبوع او اسبوعين بس غير كذا لا. بوناصر: ليش؟ تركي: لان يا عمي ما يجوز البنت تظل متكلمين عليها بس من غير أي شيء رسمي فتره طوليه و لا رايك غير؟ ناصر ما عجبه ابدا تدخل تركي في كل صغيره و كبيره بس لانه خطيب اسماء و لسى ما صار زوجهم، اما بونـاصر اعجبته كل ردود تركي اللي دلت على شخصيته المتفهمة و عقله المثقف و الثقيل، في نفسـه: ياليت ولدي وولد اخوي ( زوج ريم) بنص عقله و شخصيته، ماهي كلمه توديهم و كلمه تجيبهم. بوناصر: خلاص اجل، ايشرايك تكون ملكتنا و ملكتك في يوم واحد؟ تركي بابتسامه هادئه: انا ما عندي أي مانع، سـعود؟ سـعود كان يراقب تركي باعجاب: اللي تشوفونه انا هما ما عندي مانع. بوناصـر: خلاص اجل اتفقنا! تركي و سـعود تنهضوا يسلمون على بوناصر و اخوه وولده اللي قاموا بيطلعون: اتفقنا و ان شاء الله يكتب الله اللي فيه الخيـر للكل. قرر تركي يشمي هو بـعد بس سـعود وقفه و حلف عليه انه ما يطلع الا و هو متعشي عندهم: ما اقدر يا سـعود!! سـعود: افاااا الحين اسـوم صار لها ساعتين في المطبخ و............... حس سـعود بان شكله غلط و كلامه سـخيف، فقرر يسكت و نزل راسـه : اذا ما تبي براحتك. تركي بابتسامه ساحره لو ان سـعود بنت كان ذاب منها: والله، بـعد ما علمتني ان اسـوم هي اللي مسويته تبيني اطلع؟ سـعود حمد الله ان تركي ما فهم اسماء ما صدقت على الله تنخطب و تحاول تبرز نفسها له باي طريقه: اجل استريح على ما اقولهم يجهزونه. تركي: اوكــــــــي - - - - - - - في بيت خالد : لو كان احد سأل هيفاء عن مشاعرها اتجاه خالد قبل ما تتزوجه ، كان قالت ان خالد فارس احلام أي بنت تحلم بالرومانسيه و الحب اللامنتهي، كان طيب،حنون، هادي ، وقمـه في الوسـامه، توقعت منه الرومانسيه لكن للاسـف هو كان رومانسي صحيح بس مع جميع بنات حواء الا هي. كان قلبه لوحـده ثانيه، عرفت هذي الحقيقه من خمس سنوات في ليله زواجها، الليله اللي المفروض تكون اسعد ليله في حياة أي بنت، ورغم الصدمه الي تلقتها يومها الا ان حبها لخالد ما قل و ظلت تحاول بكل الطرق انها تخليه يحبها و ينسى حبه الاول، ولكن كل محاولاتها كان دائما مصيرها الفشل و مع هذا ما يأست و ظلت تحاول و تحاول اكثـر، تحولت و تعلمت أي شيء ممكن يملك قلب الرجل، تعلمت كيف تكون الزوجه الصالحه، تعلمت كيف تكون الزوجه المغريه، تعلمت كيف تكون الزوجه الصديقه، تعلمت كيف تكون الزوجه العاشقه، تعلمت كيف تكون زوجه تدير كل صغيرة و كبيره في البيت، تعلمت كيف تكون زوجه\ مطلبها الاول و الوحيد في الدنيا هو رضاه عنها.. و مع انه ما كان يبدي أي اهتمام بكل اللي تسويه الا انها اقنعت نفسها بانه تأثر ولو بالقليل القليل بس هي ما لاحظته عليه ، لكن اللي شافته اليوم غير كل شـيء... بـقعه، اثبتت انها ليست الانثى الوحيده القريبه منه . رمت هيفاء ثوبه الي كان عليه بقعه حمراه واضحه لاي شخص مهما كان نظره ضعيف فكيف هي، بعيد عنها و رمت نفسها على سـريرها تبكي بقهر، هيفاء دخلت غرفته بعد ما بدلت ولبست بيجامه طويله موف و ربطت شـعرها بمشبك دخلت الغرفه و لقت ملابسه على الارض كل العاده و خالد متمدد على السرير معطيها ظهره و مغطي جسمه كله بالغطاء، جمعت ملابسه و توجهت لغرفه الغسيل، لانها ما تحب و لا تسمح لاي احد يغسل ملابس زوجها، مع انها تسمح للخدم يغسلون ملابسها هي، و طبعا لاحظت البقعه و حست ان كل جزء في جسمها بدا بالغليان .. انسحبت لغرفتها بهدوء و قفلت الباب عليها، كانت خايفه يسمع بكاءها. هيفاء: معقوله، معقوله متعمد يخليني اشـوف البقعه؟؟؟؟ هيفاء لاحظت على خالد في الاشهر الماضيه انه دايما مشغول و اغلب الاوقات لما تتصل فيه تسمع صوت حريم او ضحات حريم، و احيانا يرجع البيت و فيه ريحه عطور نسائيه مركزه ، لكن هيفاء اقنعت نفسها بتفسيرات بائسة تبعدها عن الحقيقة الواضحة، أحيانا تقنع نفسها انه كان في السوق، و احيانا لان شغله مختلط و احيانا انه ممكن يكون في مكان عام و انه،، و انه ،، و انه................ لكن اليوم مستحيل تلقى لها مبرر غير انه خالد متزوج او مصاحب له وحده ! بمعنى ثاني كل شيء بينها و بينه انتهى!!!!!!!!!!!! بكت هيفاء و بكـت لحد ما تورمت عيونها و تحول لونها الى الاحمر الغامق و لكن بعد ساعه حست انها تسرعت في حكمها عليه و قدرت تلقى له مبرر اقتنعت فيه نفسها. هيفاء: مستحيل اتخلى عن حبي لخالد طول ما انا على ذمته!!! و الحمد لله اني عرفت عن علاقاته قبل ما يبعدونه عني اكثـر،،، ماراح اتركك يا خالد و راح اكثف هجومي عليك لحد ما تقتنع اني الوحيده اللي مستعده تموت علشانك . مسحت دموعها ، غسلت وجهها بماء بارد و تعطرت و اخذت الملابس وبدت تغسلهم و الابتسامه ما تفارق وجهها. خالد اللي تظاهر انه نام كان يراقبها من شافت البقعه على ثوبه الى ان طلعت و الابتسامه العريضه على وجهها.. خالد: معقوله لسى تحبيني بعد كل اللي شفتيه يا هيفاء؟؟؟؟ خالد كان متعمد ان هيفاء تشوف البقعه اللي طلب من ميريام تطبعها على ثوبه، كان يتمنى هذي الضربه تكون قاضيه تخليها تكرهه و تطلب الطلاق منه، لكن للاسف مثل ما كانت محاولات هيفاء بالتقرب من خالد تفشل كانت محاولات خالد في ابعاد هيفاء عنه تفشل. خالد كان يتمنى انه ينفصل عن هيفاء لانه حاس انه ظلمها معه، لكنها رافضه هذا الشيء و هو مستحيل يطلقها و هي رافضه لان هذا الشيء ممكن يحطمها، فقرر يخليها تكره و تطلبه منه بنفسها. خالد تنهد بعمق: اهههههههههههه يا هيفاء ياليتني تزوجتك قبل لا اعرفها، كنت راح اقـدر ابادلك المشاعر اللي تكنينها لـي باكـــبر منها. - - في اليوم التالي كان موعد التحاليل و طبعا سـعود اللي ما كان يعرف شـيء طلب من تركي و من ناصر يسبقونهم و ياخذون لهم دور. اسـماء و هنادي و اللي كانوا متغطين بالكامل حتى عيونهم ما تبين كانوا ماخذي راحتهم على الاخر، وقعدوا يقزون في ازواج المستقبل على راحتهم. عكس يوم الشوف لما كانوا ازواج المستقبل يقزون فيهم و هم لا. كانت الفرحه ماهي واسعتهم و ما كانوا عارفين بالعيـون اللي تراقبهم من بـعيد. بـعد كم سـاعه.. احمد كان فرحان على الاخر، و اخيرا حانت اول خطوه له في تحطيم عائله بوسـعود اللي تجرأوا عليه و طردوه هو ابوه من بيتهم مع انه سيدهم و سيد سيدهم بـعد.. دخل مساعده المكتب و هو منزل راسـه و معه مجموعه من الاوراق. احمد سأل احمد مباشره: عرفت لي الدكتوره اللي سوا عندها التحاليل؟ مساعده: اسمها الدكتوره زينب و عرفنا لك عنها كل شيء . احمد : ممتاز. كان احمد واثق من نجاح خطته و عارف انها ان نجحت فراح تكون ضربه قاضيه لهم. - - - - - دخل و كله ثقه على المكتب الصـغير و طلب من الدكتوره صرف الممرضات، وهو بدوره صرف حراسـه. الدكتوره و كانت من جنسيه عربيه: ممكن اعرف سبب الزياره؟ كانت الدكتوره مستغربه ان شخص بكل هذه الفخامه و هذي الزره يجي لمستشفى حكومي بسيط. أحمد بابتسامه خبيثه : انا جايك في خدمه و اتمنى ما ترديني خايب! الدكتوره خوفها اسلوب احمد و طريقته في الطلب: إتفضل! طلب احمد من الدكتوره الطلب اللي ما يطلبه شخص عنده ذره ايمان او رحمه من شخص. الدكتوره: أيييييييي؟؟؟ احمد: اعتقد اني كنت واضح في كل كلمه قلتها و لا لا؟ الدكتوره بغضب : امش اطلع برااا. احمد بضحكه ساخره: ما هو انا اللي تطردني وحده زيك! الدكتوره: اخرس، انا اشرف منك و من اللي خلفوك. احمد: اوكي انا بطلع بس ابيك بالاول تودعي انتي و زوجك الحياه هنا!! الدكتوره: أيـه!!! احمد: الظاهر انك اغبى من انك تفهمي من اول مره، انا يا دكتوره اقدر ارجعك ديرتك خايبه من غير وظيفه و لا شيء او ارجعك مليونيره تلعبي بالفلوس لعب!! الدكتوره: ................ احمد : القرار بيدك!! الدكتوره بخوف : مااادرش؟؟ ، فرضا مسكوني؟؟ احمد : محد راح يعرف يصيدك، بعد ما تسلمين التقرير بساعه طيارتي الخاصه راح تطير فيك انتي و زوجك لديرتك و معك الخمس ملايين ريال. الدكتوره كانت لحد الحين متردده: .............. احمد: و علشان اثبت لك حسن نواياي، تفضلي( بدأ يكتب شيك) هذا مقدم 250 الف ريال. الدكتوره اغراها المبلغ لكن كل ما تذكرت قسمها كطبيبيه و عقاب ربها على فعلته ترددت: بس كدا اكون خنت المريضه و مهنتي كطبيبه!! احمد: المفروض يا دكتوره تفكرين بمصلحتك و مصلحة عيالك قبل مصلحه الناس، و هذي المريضه مهما كان اللي بتسوينه فيها راح تظل غريبه!! و عيالك اولى بالسعاده منها!!. مـد الشيك و حاول انه يغريها اكثــر لما تشـوف المبلغ بام عيـنها، الدكتوره المغلوبه على امـرها ما قدرت الا انها تاخذه و توافق احمد على مخططه الشنيع. الدكتوره: اتفأنا يا استاذ. احمد و على وجهه ابتسامه كلها خبث: مشكوره و ما قصرتي ( طلع من كيس كان معه علبه مغلقه ) و هذي عينه الدم. الدكتوره: اوكي و اول ما اسلم التأرير حديلك تيلفون. احمد: مشـكوره. و طلع احمد و نشوه النصـر تغمره، في حين كانت الدكتوره مصدومه و تندب حظها اللي طيح هذي البنت المسكينه في يدها و يد احمد، لكنها بررت خيانتها لشرف مهتنها بالحاجه و قله الحيل في مواجه شخص مثل احمد اللي ممكن يدمرها و يدمر اهلها كلهم نظرت لعينه الدم الملوثه و تنهدت بقـوه، ما هي عارفه كيف تكتب تقرير تتهم فيه انسـانه البراءه تشع من تحت غطائها الكامل، انسانه كلها شـرف، بانها مصابه بالايدز.... | |||||||||||
|
| |
|
| أدوات الموضوع | |
| انواع عرض الموضوع | |
|
|
4Likes
.png)
العرض العادي
