05-05-11, 08:52 PM
| #21 | ||||
| نجم روايتي 
|  الفصـل الحادي عشر  كان الجو مشمس وحار بس حلو ومحتمل...الشمس ماكانت ساطعه وايد والنظارة خففت من حدتها .. طالعت العنود لأحمد اللي كان ماسك يدها وسرحان وهو يتفرج على الشوارع المرصوفه .. استغربت سكوته .. وصلوا لمقهى عالبحر .. ــ شتشربين ؟. . ــ تونا متريقين .مب مشتهية شي.. تما جالسين وهي مستغبه صمته ..وبعدين تشجعت وسألته ــ أحمد .. ـ ياعيون أحمد .. ــ شفيك ساكت؟؟...من طلعنا ودرنا بهالمكان الحلو وانت ساكت .توقعتك تشرح لي شي عن تاريخ هالمكان .. ابتسم ـ لان شهر العسل مرة بالعمر..ألا اذا تزوجت مرة ثانية .. عصبت العنود ــ نعم ؟؟ ضحك ــ الله ينعم عليج ..أمزح معاج لاتزعلين .. هو مرة وحده بالعمر..فقررت ان شهرنا يكون بهالمكان الرومانسي ..بنسافر بعدين في جوله حول الدول الاوربية .. لكن .. اول اسبوعين مع بعض لهم معنى كبير.. فيبتج لهالمكان اللي ارتاح له كلما اتوتر...هالمكان اللي جيته وانا مراهق عمري 12 سنه .. هي جزيره سياحيه من جزر اليونان ليتل فينس....وتعتبر من اقدم الجزر الاوربية وتعتبر الهام الفنانيين وعاشقين الطبيعه .... تتميز بهالشاطيء الساحر..وجوها الدافيء.. في متحفين أثريين هنا . ...بنزورهم بعدين وفي طواحين هوائية كانت ميزة هالجزيرة في القرن السادس عشر .. ومثل منتي شايفه طرقها السااحرة والوان البيوت المميزة .. ــ صحيح حتى الفندق .. كلها ابيض ساطع و ازرق ..ماشاء الله الفندق وايد ..روعه ..يعطيك احساس بيتوتي..والمنظر..روعه .. طالعها احمد ـ ان شاء الله هذي اخر فندق اربع نجوم تنزلين فيه .. انا مااخترته الا لاني حسيت انه فيه عزله ويليق بهالجو الصيفي.. .. ولا انا زوجتي ماتنزل فنادق اربع نجوم ! ابتسمت له العنود ــ مايهم المكان .. المهم الرفقة والنظافه .. مسك يدها وقاموا يتمشون على البحر اللي كان لونه الازرق ساحر بشكل لايوصف.. تم يسولف لها عن ذكريات مراهقته ..عن زيارته لهالجزيرة مع اصدقاءه ..وساره كيف كانت كله زعلانه لانها تكره البحر وكله تامه في الغرفه تطالع الملك الأسد! وبوكاهانتس..!! العنود ــ اووه ايام لول .. بوكاهانتس.. احمد ــ كانت سويره تخاف من البحر..واقولج الصج ..انا كنت مخوفها كنت اقولها قصص عن السعلوة .. طالعت له العنود ــ هاااا..؟؟؟ سألها احمد ــ مب سامعه بالسعلوة ؟؟تريتره؟؟؟...الغوله ؟؟ ــ سمعت بالغول لكن الباقي .. نوو... ــ جدتي الله يرحمها كانت تقول لي قصص عن السعلوة ..كانت قصص انها تطلع من البحر وانها تاكل اليهال...وانها تمسخ عمرها وتتنكر وتصير احلى الحريم واحيانا تكون ام القمل والعفن ..سوالف لول ماسمعتي فيها من قبل؟؟ ــ لا ولا مره ..جدتي ماكانت تقول لي قصص رعب ..كانت تقول لي قصة الشاطر حسن ..وان ابدعت يعني ان بدعت ..تقول لي قصص حب حزينه بس اكتشفت بعدين انها مقتبسه من افلام عبدالحليم!!...تعال انت يالظالم بينك وبين سويروا ربع سنوات يعني قلتهم لسويرة وهي عمرها ثمان!!!... ضحك احمد ـ ايه بس شدراني ان البنت بتتعقد وبتخرب على عمرها عطلة الصيف بكبرها !!...هي بعدين قالت لي انها كانت خايفه من السعلوة وحنا في الطيارة لما ردينا ..اوف كسرت خاطري بقوة وبعدين قلت لها السعلوة مثل الديناصورات انقرضوا من ايام جدتي هههههههه... طالعت له العنود ــ يعني تبرر جذبك لها.؟. احمد ـ انا ماجذبت انا قلت لها قصص!! .. بس كان ضميري مأنبني..بس قلت لها ان في سعلاة وحده ظلت في القطب الجنوبي.. وليتني ماقلت لها قعدت طول الرحلة تٍسألني وين القطب الجنوبي!!.. ضحكت العنود من الخاطر عليه ــ واعليه سويره ..ليش تسوي فيها جي؟؟ احمد ــ كانت تلزق فيني وايد ..وكنت احب اروح البحر والعب بالسكي .. وهي تلزق وامي توصيني اختك واختك ..من قلت لها عن السعلاه كل مااروح البحر مع جيراننا صارت تروح وتنخش في غرفتها..وتقعد تصيح .. ــ ليش؟ ــ تخاف السعلوة تأكلني!!.. ــ ياحلووها سويره وانت قلبك حجر!!... ضحك احمد ــ لا والله كسرت خاطري فــ .... قلت لها السعلوة ماتاكل الاالبنات !!!!... ضحكت العنود من خاطرها على هالمجنون ومسلسل الكذب على سويرة .. ضحك أحمد معاها وهو يأرجح يدها وهم يمشوون .. ــ وانتي؟؟.. شذكرياتج عن طفولتج؟؟.. سكتت العنود شوي ..وبعدين قالت ــ احلى ذكرياتي مع بنات خوالي .. سالم كان دايما معتزلنا .. تمنيته اني ألعب معاه .. لكن عقله دايما أكبر منا .. بنات خوالي لما كنا نجتمع في بيت جدي كنا ندخل المطبخ ..وكالعاده هم يتفننون وانا اتذوق .. كانت مهمتي التذوق كانوا يخلوني الحكم لان في الأكل انا الوحيده اللي كان ذوقي سليم احب الاكل بيرفكت !!..المها تحبه حامض ..ديمه تحب الملح زياده ..خديجه تحب الزيوت والزبده يكونون زياده عن اللزوم ..ونوف تحب الاكل الحار والفلفل..كنا نسميها رااجو..اووه ايام ..وهيا ..كانت تحب الأكل مطبوخ زياده عن اللزوم علشان الجراثيم !!.. بس اذكر مرة سافرنا جماعه للعمره انا وعمي يوسف الله يرحمه وزوجته الله يرحمها ووالبنات ..كلنا ..ومحد جا من شباب العايلة .يعني بس شلة بنات .. ..وحطوني حكم اختار لهم على ذوقي طبعا كان عمري 10 سنوات والمطعم كان شعبي.. و البنات يبوني اطلب لهم اكل على ذوقي .. طلبت صحن مربين ..برياني ربيان ..لان الكل يحب الربيان ..والكل اكل وعمي استخف على الوجبه ..الله يرحمه .. ــ الله يرحمه .. ابتسمت العنود ــ وعالعصاري وحنا على الخط..ههههههههه.....فجأة الكل لاعت جبودهم وقفنا على الطريق وهات ياترجيع ههههههههه تسممنا ..وقف لنا واحد سعودي الله يجزاه بالخير وساق لنا السياره لين المستشفى هههههه طبعا كلنا فينا مغص وفاجين الدرايش على كبر والريال متلطم ههههههههههه ..لايعه جبده ..ترقدنا كلنا حتى عمي .. والكل يتحسب علي ..ههههه تسمم .. بس اكثر وحده تعبت هي هيا ..بغت تروح فيها لانها متعوده على الأكل البيرفكت !!فمابالك بربيان فاسد!! ومن مطعم شعبي ..هذي كانت آخر مرة يخلوني اختار لهم فيها حتى وظيفه الحكم شالوها عني وسلموها لخالي صالح هههه وخلوني المضيفه .. كان أحمد يضحك عليها لأنها استرسلت بالذكريات بدون ماتحس بعمرها ..حس انه كان معاهم في الرحله .. ــ مساكين ,,ضحايا اختيارج!!,, العنود ــ محد قال لهم يختاروني اختار لهم .,,, ابتسم احمد ــ عاد تحبين الاكلات البحرية؟. ــ اعشقها .. ــ عيل تعودي اكلنا هنا بيكون اغلبه اكلات بحرية .,.المطاعم هنا تقدم وايد اشياء لذيذه ..بس بما ان الجزيرة فيها ميناء فالاسماك والربيان كله طازج ..بتذوقين شي خيالي.. استانست العنود ــ كلما سافرنا اوربا ..ماكنت اكل غير الكرواسان ...امي تاكل سلطات وسالم واخواني الصغار دايما يروحون المطاعم العربية . ــ في اثينا مطاعم عربية وفيه سوبرماكت عربي .. وفي اسواق حلوة وماركات عالمية.... العنود ــ لا ..مابي شي من السوق العالمي..لانه موجود في كل مكان...احب الاسواق المحلية..والبضائع المحلية..احب اخذ ذكرى من كل مكان ... ــ شنو آخر شي شريتيه من سفره لج؟؟ قعدت العنود تفكر شوي ــ ممممم....مممم..اخر مرة الصيف اللي طاف كنا في باريس .. طبعا كنا في تور في اوربا رحنا وايد مناطق فينسا برلين جنيف لندن .سكوتلند...واخر محطة كانت باريس.كنا نتغذى في مطعم عالنهر..وبعدين تمشينا انا وسالم وعامر وعبير و امي ماجت معانا.. كانت تودع صديقاتها وتمت تتغدى معاهم ...كان في بسطه عالطريق وحده عيوز تبيع مشغولات فضية ..خذيت منها خلخاال فيه احجار زمرد ...كان آخر شي شريته...لان كنا بنروح الفندق ناخذ اغراضنا عسب نروح المطار..الخلخال كان خيالي.ان شاء الله .باراويك اياه لي ردينا الدوحه.. ــ ان شاء الله ..وأحلى شي شريتيه؟؟؟.. ابتسمت العنود ــ وايد اشياء..بس صج احلى شي..كانت لوحه..لفنان مغمور اسباني..شريتها من المعرض يوم عمري 15.. ..عندي اياها في غرفتي في البيت .. ان شاء الله لي ردينا براويك اياها .. ابتسم ــ تحبين اللوحات..؟ ــ وايد ..احب الفن ..احب المعارض الفنية . ــ متى حضرت معرض اول مرة.؟؟.. ـــ اول مرة حضرت معرض يوم كان عمري 13سنة.. كنت مع بنت صديقة امي اسمها جيهان وكان عندها تذكرتين لجاليري لفنان مغمور في باريس...وامي وامها يبون يروحون عرض ازياء في الفاشن ويك في باريس..ومايبون يجالسونا ..واخواني كانوا في الدوحه مع البيبي ستر ..وسالم ماجا باريس كان مسافرلندن مع صالح علشان يزورن راشد..فقالت لنا روحوا بس البسوا ملابس انيقة ..لبست يومها بدلة من فيرساتشي. ورحت مع جيهان ..وكان المعض تحربه يديده ..ماكانت اللوحات تجذبني مثل الالوان اللي اختارها ..عجبني الشعور اني اتفرج على كل لوحه ادقق في خطوطها وألوانها...فصارت عادة لي... ابتسم لها احمد وتموا يتمشون ويستعرضون هواياتهم و الاشياء اللي يحبونها والمواقف اللي صارت لهم ... ___________ عند راشد والمها...كان راشد يقرأ الجريده والمها مستهمه لان صالح مايرد عليها ... ــ شفيه صلوووح ... طالع لها راشد ــ شفيه؟؟ ــ مايرد... استغرب راشد ــ شتبين منه؟؟؟ المها ــ ابي اعرف ردوا عليه في سالفه خطبة فاطمة!.. ــ لا قال لي ماردوا البنت تفكر..وبعدين ماصار له يوم خاطبها.. عصبت المها ــ شتفكر فيه ..ولله لو اني مكانها مافكرت على طول اقبل ..حاصل لي ريل مثل صالح!!! طالع لها راشد بخيبه ــ و الله تفشلين .. انتي صاحية؟؟باجر لاخطبج واحد بتردين عليه في نفس اليوم؟؟ اثقلي بس... المها ــ بس صالح اخلاق وزين ودين...ليش مترددة... ــ هي مب مترددة ه تفكر وبعدين لكل انسان معاييره ..يمكن هي مب حاطة في بالها تتزوج واحد اصغر منها!! انحبطت المها ــ يعني تتوقع ترده ؟؟ ياويلي لو ردته بتروح فيها ديــ... طالع لها راشد بنص عين ــ ديمه؟؟شدخل الديمه؟؟ المها بارتباك ــ ولاشي.. وقامت تبي تروح عنه لكنه مسك يدها ــ تقولين السالفه و لا شلون ؟.. ــ مافي سالفه ياخوي... كان صوت راشد جامد ونبرته حاده ــ المهـــا ــ ياخوي والله ماصار شي...لي صار بتعرف الحين ماقدر اقول لانه امر مايعنيني.. طالع لها راشد ــ شوراج انتي وديمه؟؟ ــ الخير وببسسسسس...عن اذنك بروووذر تراك عورت يديني .. ترك يدها راشد مب عاجبه طالع لها بعصبية ــ مهوي..لايطلع منج الغلط..مابي عمامج يقولون مايعرف يضبط خواته!!.. انصدمت المها وبدون وعي دموعها جرت على خدها ــ انت ياخوي تقول جي؟؟.. وهذي ثاني مرة ياراشد..ان ماكنت توثق فيني فهذي مشكلتك ..انا انسانه تعرف الصح من الغلط ولايمكن ارضى في يوم حد يتهمني بأخلاقي.. تركته وطلعت فوق وهي مقهورة حدها .. شفيه راشد.. بعدين طرى في بالها جاسم ..وانصدمت .. تذكرت نظرات صالح .لايكون!!!...في نفس اللحظة رن جوالها مسج .. فتحت المسج وانفخت بقوة من نفس الرقم ((ياللي صار رمشك حلم مستحيل.. ارحم قلب يحبك وصرت له ذكرى جنونه.... يخاف صورة عيونك من جفونه تطير.. وأمسي مثل الأعمى اللي فقد ضيا عيونه..))).. عصبت المها .. في نفس اللحظة اتصلت نورة .. ــ هلا .. ــ شفيج؟؟ معصبة.؟ المها ــ اووه ..هاللي مايستحي على وجهه طرش لي مسج.. نورةــ ياويلي عالعاشق.. ــ نوووروه لاتمصخينها.. نورة ــ مهوي مافيها شي لو عطيتيه وجه حرام تلاقينه ذايب حده .. المها ـ انتي قد هالكلام ؟؟. .. نورة ــ المها شفيج؟؟ ــ انتي قد هالكلام اللي قلتيه؟؟ نورة ـ اي انا قد كلامي ششايفتني ياهل!.. المها ـ عيل انا انا اللي ماعرفت اختار..انسي ان لج في يوم رفيجه اسمها المها!.. نورة ــ المها انتي شتخربطين انا شسويت؟؟.. المها ــ الصاحب الي يحد صاحبه عالغلط ماهو بـصاحب!... وصكرت التلفون ورنت كلمات راشد في راسها .. طلعت ورقة وكتبت فيها ارقام تحتاجها من التلفون وبعدين طلعت الشريحه وكسرتها .. مسكت الجوال وحذفته من الطابق الثاني وراقبته وو يتفتت لأجزاء .. ابتسمت ..ورجعت الغرفه وقعدت تقرأ روايه وهي مندمجه .. __________ مر أسبوع .. يوم الجمعه .. كان منصور جالس في الفندق مهموم ..مايبي يطلع .. يقلب في الصور ودموعه تزوره بين فتره والثانية .. من وصل الدوحه وهو معتزل في هالغرفة ...لكنه قرر اخيرا يروح بيت جده ... وفي بيت الجد.. ..عبدالرحيم كان منصدم .. من درى بخطبة صالح لفاطمة ..وهو ساكت مايقول شي..اخر شي توقعه ان صالح يتقدم لخطبة فاطمه لكنه ماحقد على اخوه لان اخوه مايدري بنواياه.. فاطمه وافقت بعد تفكير واستخاره و قالت لام عبدالرحيم رايها ..والكل في البيت استانس لموافقتها .وبدون مقدمات اعلن بوعبدالرحيم ان المهر هديه منه لفاطمه وانه بيصلح الطابق الثاني ويعيد تأثيثه .. . صالح ماكان راضي بالتقديمات اللي قدمها ابوه ..كان طول عمره مفكر انه يعتزل ببيته بروحه ويتزوج من حر ماله .. ماحب ابدا فكره سكنه في بيت زوجة ابوه .. لكنه ماحب يخرب فرحه ابوه فوافق مبدئيا.. اللي كانوا صج فرحانين بهالخبر ..هم ديمه والمها اللي كانوا يتنططون مثل اليهال جدام الكل .. خديجه ــ اموت وأعرف هالثنتين على شنو محتشرين ؟؟.. نوف ــ خليهم يفرحون .. خديجه ــ بس صج هالثنتين شبلاهم شوفي شلون ينططون ؟؟.. ابتسمت نوف ــ خليهم ..انا ودي انطط وياهم ..ونااسه ...صالح وبيعرس ..يامحلاه من خبر .. ابتسمت خديجه بعدين اكتأبت ..بتجي وحده تاخذ وقت صالح وسوالفه وضحكه ..وبتخسر صديقها .. بعدين حست انها سخييفه انها تفكر جي ..طالعت ديمه والمها اللي قعدوا يلهثون .. نوف ــ خديجه قومي شوفي الغدا ؟؟ خديجه ــ لا ماابي ... قومي انتي .. كانت خديجه تتفادى شوفه مبارك ..هي متأكده انه مترصد لها فالمطبخ كالعاده .. نوف ــ بقوم انا وامري لله.. مرت جدتها في الصاله الصغيرة لقتها تصلي .ورجعت المطبخ وهي تبتسم وتفكر اكيد خديجه ماتبي تشوف مبارك الخبله ماتدري انه في صلاة اليمعه مع جدها وعمامها واخوانه وراشد؟؟.. دخلت لقت ماتلدا الفلبينيه تقص اليح .. ــ ماتي ..الغدا خلاص؟؟ ــ يس ماما ماما كبير وفاطمه يخلص عيش طفي .. طالعت الساعه كانت 12 واربعين ..في اي لحظة يدخلون الشله .. ــ ماتي جهزي غدا للديوانية واللبن والعصير اللي جبته .. ماتيلدا ــ ماما عصير مال انتي واجد حلوو .. اضحكت نوف ــ شكلج صكيتي عليه يا ماتوو.. ماتيلدا ــ لا ماما بس انا يسوف لون اخضر انا يعرف في طعم واجد حلوو..انا يذوق افاكادو انا ياخذ قلاص كااامل .. كانت نوف مسويه عصير افاكادوا بالعسل وبعصير جوز الهند .. وحاطه فيه مكسرات ومبدعه .. ـ انا مسويه واجد .. حضري طقم الكاسات اللي فيه ليتل فلاور..تعرفينه؟؟ ــ يس ماما...انا بعرف يضبط عصير ..لايخاف..انا الحين يحط لبن ويجهز سماط مجلس.. نوف ــ عطيني السماط وانا اوديه الميلس مع اللبن .. .. البست نوف شيلتها حطت ماتليدا السماط على يدها وعطتها الصينيه اللي فيها اللبن والقلاصات .. و دخلت الميلس و...ماكانت متوقعه تشوف احد في المجلس.. وفجأة تجمدت أوصالها ..ماكانت متوقعه ابدا تشوفه !...لااراديا اخدرت يدينها وطاحت الصينية من يدها .. شوفته بعد هالأسابيع كانت صدمة عنيف لها ..ماتوقعت تشوفه بهالسرعه!!!...طالعت اللبن اللي انسكب على السجاد ..وماقدرت تبقى مكانها على طول طلعت تركض بعيد عن هالمكان .. تم منصور واقف مستغرب..كانه يشوف نوف اول مرة..اول مادخلت وقف على حيله من الصدمه شلون تدخل ميلس الرجاجيل؟؟.. دخلت ماتيلدا وتمت تنظف اللبن ..جلس منصور في مكانه ناطرهم يردون .. اديري بيطردونه ولا بيستقبلونه ..تم جالس يفكر وطرت في باله روز ..وتنهد ... ـ برا المجلس في نفس الوقت كان راشد ميت ضحك وحمد وجه احمر وجدهم يقطع فيه ــ ماعرفت تصكر جوالك ؟؟ في نص الصلاه تطلع هالاغاني ماتستحي انت ماتستحي؟.؟؟ عبدالرحيم ـ مرة ثانية تخلي جوالك فالبيت انت ووجهك فضحتنا بين العرب!!,,, دخل الشياب المجلس وبقى الشباب واقفين بره مبارك وصالح يضحكون عليه لان الشياب مستلمينه ن طلعوا من المسجد لين وصلوا البيت قال مبارك يكلم صالح ــ والله اني عرفت انه جواله من سمعت بو نورة ..آيووووووه ..قلبي عليك التاع ... كل مره اقول الحين بيصكره الحين بيصكره...وماصكره ليش يالخبل ؟؟ حمد ــ ماكنت ابي اثبت التهمه علي كل اللي كنت ابيه انهم يركعون وانا امد يدي واصك الجوال !!...بس ماتوقعت ان الكل عارفين انه انا !!... راشد ـ بذمتك عاد فكرت جي؟؟..اصلا الصوت جاي من الصف الاول على الطرف وجبنك جدي الشيبه !!,,, الناس اكيد تعرف انه انت!!....تعرف ان جدي ماعنده جوال!...الا تعال من داق عليك حزة الصلاة !! ــ رفيجي فهد مسافر لندن يدرس وكل جمعه يتصل علي ...بس اليوم اتصل بدري..مارديت عليه انت شفت من طلعنا من المسجد وكل شايب في المسجد سمعني محاضرة ماتستحي على وجههك!!..... صالح ــ تستاهل صكر جوالك مرة ثانية! واول مادخلوا المجلس انصدموا...كان عبدالرحيم مستلم منصور بالسب اول مادخل مبارك وحمد فصلوا بينهم وصالح حاول يهدي اخوه قال عبدالرحيم معصب ــ يستاهل الجلب يسوي في بنت عمه هاللون !!... منصور معصب ــ قالت لكم اني طقيتها!!,,تستاهل!! تستاهل كل ضربه !! راشد اللي كان متصنم عند الباب انصدم من اعتراف منصور ..عبدالرحيم تم يطالع ولده مب مستوعب واخوان منصور يطالعونه باشمئزاز .. ــ انت مديت يدك على نوف.؟؟... كان صوت صالح قوي ونبره جهوره ..وبدون وعي قرب من منصور وصكه كف على وجهه وقبل لايستوعب منصور صكه صالح كف ثاني .. ــ مب عشانها يتيمه تستغلها يالجلب..!!!.... كان راشد مصدوم ..ليش ماقالت له نوف!!...شلون كانت متحمله هالهمجي!!.. عبدالرحيم ــ انقلع برااا روح جابل الهنديه اللي خذيتها وانسى ان لك اهل !!.. ــ لحظه ...!!.. وقف بو عبدالرحيم بعد ماكان جالس معصب وساكت .. ــ راشد ناد اختك.. طالع له راشد مستغرب ــ نعم ؟؟ ــ ناد اختك!!.. ــ ليش؟؟ ــ خل منصور يرجعها !! ماعندنا بنات تتطلق !!.. انصدم راشد ــ جدي..مستحيل اختي ترجع له !!.. عصب جسوم ــ راشد .. انت سمعتني ولا لا ؟؟؟. قلت لك ماعندي بنات تتطلق !!.. راشد ــ بس ياجدي هو اهانها وطقها وتزوج عليها !! منصور ــ انا ماتزوجت عليها انا كنت متزوج قبلها!!.. راشد ــ انت جااااااااب!!!.. سكت منصور ونزل راسه وهو متلوم شرجعه.؟؟.. ــ مارضى على اختي يا جدي.!!.. مارضى عليها بس تخلص عدتها ازوجها لواحد احسن منه ..!! فجأ انصدم منصور تذكر انه ماقرب من نوف .. وش بيقول عنه الناس؟؟.. ــ لا زوجتي وابيها !! طالع له صالح منقرف ــ انت طلقتها!ماعادت زوجتك! بو عبدالرحيم ــ صالح لاتزيدها!... راشد ناد اختك ترجع لزوجها .. مارضى راشد وتم واقف معصب قام بو عبدالرحيم بنفسه لكن صالح قال ــ اقعد يبه ..انا بناديها..مع انه انا ضد انها ترجع له!.. قام صالح وناد نوف اللي لقاها تبجي في زاوية البيت ... مسك يدها ووقفها ــ عمي مابيه! صالح ــ جدج ملزم ..يقول ماعندنا بنات تتطلق.. ــ وراشد ؟ ــ نفسج مايبيج ترجعين له يقول انه بيزوجج بس تخلص العده.. انهارت نوف بالبجي مرة ثانية ــ ياربي وانا شذنبي؟؟ هو ليش رجع؟ ــ يقول زوجتي وابيها!!.. ــ خل يروح للهنديه انا مابيه .. ــ تعالي .. دخلت نوف والدموع في عيونها .. راشد معصب ــ ليش ماقلتي ان هالواطي مد يده عليج!!.. انصدمت نوف وانصدم منصور يعني ماكانوا يدرون؟؟.. تجمدت نوف بمكانها ..بو عبدالرحيم ــ لازم ترجعين لزوجج.. قال راشد ــ بشرط يطلق الهندية. قال منصور ــ طلقتها... انصدمت نوف..تمت واقفه هناك بس تهز براسها كل ماسألوها شي ..بس عقلها ماكان معاها..شلون ترجع له؟؟بعد هالذل؟؟.. اما منصور ..ماكان يبي يخسر اهله ..شعوره كان التمسك باي شي..يبي يرجع وسطهم ..مايبيهم ينبذونه..صج اهل روز اعرضوا عليه عياده ومنصب في مدينتهم..لكن بعد روز مايقدر يبقى هناك..ماعنده شي في الهند ..وهني اهله وابوه وامه .. واخوانه ..وعيال عمه!.. رفع راسه لما قال ابوه ــ مابيك في بيتي.. انصدم الكل!!.. قال منصور ــ بستأجر لي بيت ... بو عبدالرحيم ــ بعطيك فيلا في المجمع السكني حقي.. انتقل انت وزوجتك بكره لهناك ..والحين ..نوف روحي انجبي الغدا.. طلعت نوف وهي تسحب عمرها غصب وشافت المها وديمه يتساسرون ويبتسمون ولما شافوها استغربوا ــ نوف شفيج؟؟ طلعت خديجه وام عبدالرحيم وفاطمه من الصاله للمطبخ ــ رجعوا؟؟ هزت نوف راسها ــ يبون الغدا.. طالعت لها خديجه ـ نوف ..انتي تصيحين ؟؟. شفيج؟.. ــ منصور رجع..وتوهم رجعوني له!!.. انصدموا ..وتموا يطالعونها منصدمين !!! ديمه ــ ورضيتي تردين له ؟؟.. من صجج؟؟.. نوف ودموعها همايل ــ شسوي جدي عصب ..يقول ماعندنا بنات تتطلق!!.. حضنتها خديجه بقوة وخذتها لداخل تريح شوي.. ديمه للمها ــ صج انه اخوي..بس ياني اكرهه كره عاللي سواه في نوف!.. المها ــ الله يعين وان شاء الله تتحسن الامور بينهم... __ في المجلس خيم الصمت عليهم ومحد قاعد يتكلم عبدالرحيم معصب وبيي يطرد ولده لكن ابوه قعد منصور جنبه وعطاه شاي وقهوة ..لين دخلت الخدامه وقاموا الشباب يجيبون الغدا .. دخل مبارك المطبخ ــ وين السمك؟؟ ليش لحم؟؟ ام عبدالرحيم ــ جدك اليوم جاب هالخروف وقال اطبخوه عالغدا.. حمد ــ جدتي.. من مسوي هالعصير؟؟.. وخذ له قلاص وتم يتلذذ فيه .. ماتيلدا ــ ماما نوف يسوي عصير واجد حلو .. ــ اي والله احلى من مندرين .. مبارك ــ شرايك باخوك؟؟ حمد ــ لو اني مكان راشد اتوطى في بطنه لين تطلع معدته من خشمه!!.. ضحك مبارك ــ اي والله يستاهل.. ام عبدالرحيم ــ عيب .هذا اخوكم .. دخلت ديمه المطبخ ــ شصار في المجلس؟ حمد ــ عادي ماصار شي.. مبارك ــ انا وحمد بلمنا ماقدرنا ننطق اخوج فشلنا من قلب!.. ديمه ــ شالجديد يعني .هذا وهو الدكتور الفاهم ..شخلى للبطاليه !!.. طالعت ديمه لحمد بنص عين .. عصب حمد ـ لو سمحتي انا طالب مب بطالي!!... ديمه ــ نفس الحروف طالب بطال..بس الباء سبقت الكل ههههههههه.. ــ سخييفه ..مبارك شيل معي الصينيه جدتي طابخه للفريج كله .. مبارك ــ بشيلها بروحي يالضعيف ..انت شيل لعصير ولا ثقيل بعد ؟؟ شال مبارك الاكل وراح وتمت ديمه تضحك على حمد الي قال ــ احب اقولج يا مدام ديمه انج للتو خسرتي مصادرج التموينيه من الفاست والجنك فود.. ديمه ــ اول شي انا مدموووزايل مهب مدام ..وثاني شي اعرف قلبك طيب يموت علي مابتخون فيني انا اختك ؟؟..وتتخلى عني في اعز ازماتي الباطنيه .. حمد ــ قومي بس قومي قولي لنوف تسلم يدها على هالعصير ..وقولي لها ترا بشبه كله مابخلي للزطي منصور شي .. ديمه ـ انزين .. ام عبدالرحيم ــ لاتطفشونه..دام جانا برجلينه مانبي نخسره ... ديمه ــ نسيت اتصل في امي اخبرها ..هي من اختفى وهي تحاتيه .. حمد ــ ليش وين امج ؟؟ ــ في بيت خالتيه عندهم جمعه هي وبنات عمهم .. ــ مارجعت هيا؟؟ ــ نوو..ولا عمتي طيبه ولا العنود...جده..تهقين العنود ترجع تزورنا مثل اول؟ ام عبدالرحيم ــ ايه قالت لي انه شرطت على احمد انه يجيبها كل جمعتين لبيت جدها ..كانت بتقول له كل جمعه بس ماهان عليها اهله..خصوصا ان احمد هو اللي ماسك شركه ابوه مايفضى لهم الا يوم الجمعه.. ديمه ــ فديتها عنودي... ____________ كان راشد في صدمه قام مبجر وقال لهم انه بيرجع ياخذ البنات العصر.. ــ وين رايح في هالقايله ؟؟.. راشد ـ مشوار.. طلع راشد ركب سيارته وهو متضايق حده حتى صالح قلق عليه كان بيروح معاه لكن راشد ماعطاه فرصه .. بوعبدالرحيم ــ صالح اتركه ..مب سهل عليه ... ــ يبه ليش سويت جي؟؟ كان منصور في الحمام وعبدالرحيم مقيل ونايم .. ــ صالح .اذا منصور طلع من هالباب مايرده شي..بيضيع منا..هذا ولدنا..وبعدين ليش الفضايح؟..مب كافي طيبه اللي تطلقت بعد هالعمر؟؟؟. ــ بس نوف بتدفع الثمن!!.. ــ لا .. لاتخاف .. انا ماحطيتهم بهالمجمع الا عشان عيني تكون عليهم..لاتخاف ..منصور ذكي مابيكرر خطاه.. دخل منصور في هاللحظة وقال جده ــ تعال اجلس قربي.. جلس منصور وهو منزل راسه ــ لبيه .. ــ شوف للحظه كنت بحذفك برا هالمجلس واقول الله يخلف عليك مانرجا من وراك شي..لكن ..من دريت ان نوف سترت عليك وما قالت لحد انك مديت يدك عليها..وهالشي اللي لو سمعت انك سويته مره ثاني اجتلك بيدي..ماعندنا رجال يمدون يدينهم على الحريم ..سمعت؟؟.. ــ ايه .. ــ من دريت ان نوف استرت ..قلت بعطيك فرصه وحده ..وحده بس علشان هالفقيره .. تعزها وترزها وتتذكر انها يتيمه وبنت عمك اللي عزك واللي توسط لك واسطات كثيره علشان تسافر وتدرس طب..البنت ماخطت وانا اعرف ان الخطا جا منك .. اسمع يامنصور مابيك تفشلني جدام راشد وعبدالرحمن ..انا رديت نوف لعصمتك على ضمانتي..وانا مب عايش طول العمر..بس ابيك تبيض وجههي لي الممات وتصلح اللي كسرته ..لك فرصه وحده عقبها اطلق نوف منك وفي ميه الف واحد احسن منك يستاهلها..لاتضيع فرصتك.. وتخسرها وتخسرنا كلنا ...نوف متربيه واخلاقها طيبه ..يلا قوم الحين روح الفيلا وخذ مفتاح من اسماعيل البواب .. انا بتصل فيه ..في فيلا أثثتها وكنت بعطيها صالح هديه زواجه ..بس قلت ان صالح يبقى قربي هنا..احسن ...ماقدر استغني عنه ..بعطيه الطابق اللي فوق... هز منصور راسه وقام بعد ماخذ العنوان من جده .. عنده فرصه وحده..لازم مايخسرها.. ________ اما راشد لقى نفسه بين المقابر في ابو هامور ... دخل وسلم .... راح عند قبر ابوه اللي كان مكانه مميز..جلس عنده وهو ضايق الصدر.. وماحس بعمره الا و العبره خنقته .. ـ يا يبه ماقدر...ماقدر اشوف هالظلم واسكت..يا يبه شكلي مب قد الحمل.. مسح دموعه تم ضام رجوله ودموعه مب راضيه تخليه .بعد دقايق . قام وراح عند قبر امه ..الي كان قريب من قبر ابوه .. ـــ يمه .. ودي احط راسي على رجولج مثل ايام قبل .. واشكي لج عن الوجع اللي في داخلي ..اشتقت لج يمه .. اشتقت لج انتي وابوي...اشتقت لبيتنا اللي كان رمز الدفا .. رمز الحنان .. بيتنا الحين هيكل فاضي . ..فيه قلوب مهمومه.. بعد مافرغ اللي في خاطره من دموع .. قام وركب سيارته وتم فيها..جالس متضايق..واقف عند المقابر..هو يشوف الاطفال اللي يستجدون الناس.. _____ دخل حمد ومبارك المطبخ وكانت ديمه تبي تاخذ الجاي الجديد ..عند الباب تبي تدخل وسمعتهم حمد ــ راشد متضايق حده والله اني خايف عليه شفت شلون طلع من هنا ..وجهه مخنوق.. ــ وش تسوي لو كنت مكانه ؟ جدي فرض رجعه نوف لمنصور عليه .وراشد مايرضى على خواته ادنى شي شلون برجعة اخته لواحد كان يطقها!!..الله يعين وين طلع بهالقايله..شاللي بيخليه يروق؟؟.. دخلت ديمه وشالت الجاي بدون ماتعلق وطلعت .. كانت المها في الصالة .. نادتها لغرف الضيوف .. المها ـ شفيج؟ صكرت ديمه الباب ــ راشد ..طلع من هنا مهموم ..ابيج تكلمينه وتتطمنين عليه .. المها ــ على سالفه نوف اكيد .. هزت ديمه راسها ــ كلميه امانه .. والله قلبي مب مرتاح.. المها ــ بس ماعندي جوال جوالي انسرق.. ديمه ـ متى ؟؟. المها ــ مادري..بس صار لي اسبوع اكلمج من تلفون البيت ..الظاهر الفاتوره بتطلع عووده.. خصوصا ان حضرتج ثرثاره و.. قاطعتها ديمه بعصبية ــ وقتج الحين..اقولج قلبي يحرقني على راشد وانتي تهذرين عن الفاتورة؟..قومي جيبي تلفون خديجه .. ضحكت المها ــ اه ياويلي على هالقلب بس..تلفونج عندج؟؟ هزت ديمه اسها وطلعت تلفونها من مخباها... اتصلت المها براشد.. كان راشد سرحان لما رن تلفونه ..ولما شاف الاسم استغرب.. DEE CALLING YOU استغرب ــ دي؟؟.. ديمه؟؟.. رد بعد مانفخ .. ــ الو .. ــ هلا راشد . انا المها.. ــ هلا مهوي.. ــ شلونك ياخوي؟؟ ابتسم ـ الحمدالله على كل حال.. ــ زين لان بعض الناس قلوبهم تحرقهم عليك آآآي ديموه ووجع!!.. ابتسم راشد يعني ديمه مستهمه عليه.. ــ قولي لهم فديت قلوبهم لايحاتون... ــ ليش انا اقول لهم هااك .. حذفت المها التلفون على ديمه وطلعت ..ارتبكت ديمه .. ــ الو .. ـ هلا .. ــ شلونك راشد؟؟ ــ الحمدالله .. طيب دامني سمعت هالصوت .. ــ ........................ ــ كنت اقول لديمه تقول لج فديت قلبج لاتحاتين .. ــ ................................. كان وجهه ديمه قلب أحمر وماقدرت ترد من الحيا ..وحمدت الله ان مبارك مايشوفها هالحين . ــ تحمل بعمرك ..ولاتتضايق ..ان شاء الله الله يهدي منصور ويتغير ان شاء الله .. ــ تهقينه يتغير؟؟ ــ بيتغير لا تخاف .. جدتي تقول دامه جا برجلينه لازم مانطفشه .. ــ ديمه ..قلبي يعورني على نوف ..تحملت وماشكت...ليش؟؟ لا ام ولا ابو ..بس عندها انا اخوها .. ــ سلامه قلبك يا راشد.. نوف عاقل ..ماتبي تسوي مشاكل..وان اكتمت امس اليوم بان كل شي..لاتخاف ..انا متفاءله من منصور..احسه بيتغير.. ـ ديمه ..تدرين انج خففتي علي شوي؟..ديمه.. ــ لبيه.. همس ..ـ احبج.. سكتت ديمه ..حسته يقولها من قلب..انزلت دموعها واكتفت بالصمت.. ــ مع السلامـة.. ــ مع السلامـة .. صكرت ديمه الجوال و وحذفت عمرها على السرير..وقعدت تغني.. ــ قالها ..قالها ..قال احبك قالها..مايهم انه همسها..المهم قالها.. بعد دقايق طلعت للصاله وجلست جنب المها وقرصتها بقوة وتمت المها تصاارخ.. همست ديمه ــ والعنا تستاهلين .. ام عبدالرحيم ــ شفيكم ؟؟ ديمه ــ ابد جده المها قرصتها نمله .. المها ــ نمله ماتستحي على وجهها والله ياجده مطيحه سوالف مع.. وقبل لاتكمل قرصتها ديمه بقوة فنطت من مكاانها ـ وعلللله .. وقامت قعدت عند جدتها .. ــ المها شالنمله اللي قرصتج ..وريني.. ــ لا عادي جده..الا جده خطيبه خالي وين ؟؟ ــ فاطمه؟؟.. داخل مع نوف وخديجه .. المها ــ ايه .. انزين جده شرايج نطلع.. طالعت لها جدتها ــ وين بتروحين في هالقايله؟؟ ــ بتمشى يا جده ..طلعينا.. ــ انزين ..ديمه اتصلي بمبارك.. ــ ليش مبارك؟؟ ــ لانه اعقل من حمد !!.. ضحكت ديمه ــ ليش يا جده والله ان حمد عسل.. ــ يا ديمه حمد يسوق كنه مجنون ..يخبط عظامي بسقف السياره .. نادي مبارك.. اتصلت ديمه بمبارك اللي دخل بعد ما البست المها شيلتها ــ ها ياجده. ـ يله بنلبس وطلعنا .. ـ على وين ياجده؟؟ ــ ماادري طلعنا وخلنا نغير جو..بنات وين تبون؟ قالت المها ـ سيلين !! طالعها مبارك معصب ــ سيلين؟؟؟ من صجج انتي؟ اليوم جمعه كل الشباب هناك! ديمه ــ انزين اي مكان.. ــ دحل الحمام.. ديمه ـ بروك الجو حار نبي مكان يفتح الخاطر ..نبي بحر ولا موول.. عصب مبارك ــ وانتم تبون تشحططون جدتكم في هالمولات ؟؟ ام عبدالرحيم ــ انا خاطري فالبحر..خل نسير البحر.. ــ انزين بنروح دخاان.. شهقت ديمه ــ ياويلي مشحططنا لدخان حرام عليك!.. ــ ماعندي غير دخان تبون تقبلون العرض ولا ؟؟.. ام عبدالرحيم ــ خووش راي ... بالمره نمر اهل الشحانية ... ديمه ــ جده تعرفين حد فالشحانية؟؟.. ام عبدالرحيم ــ ايه ام محمد هناك..ودي امرها والله .. مبارك ــ جده .بنروح دخان ونقعد ساعه ونرجع .ماقدر اخذج مشاوير ثانية..مافي وقت .. ديمه ــ حرام عليك قاطع كل هالطريق بس عشان ساعه!!... مبارك ــ ديمه لي شفتي الطريق يتفهمين ليش بنيلس ساعه ..ساعتين حدكم ..مابي نرجع تالي الليل ابي نرجع المغرب.. ديمه ــ اي سياره ناخذ ؟؟ سيارتك؟ ـ لا طبعا..سياره صلووح .. رن جوال ديمه نغمة افريل When you're gone The pieces of my heart are missing you When you're gone The face I came to know is missing too When you're gone The words I need to hear to always get me through the day and make it ok I miss you عصب مبارك ــ ازعجتينا ماتردين ؟؟ ديمه ـــ احب اسمع الأغنية طلعت ديمه جوالها من مخباها بعدين قامت تصيح ــ عنوودي.. وطلعت برا وردت عليها والحقتها المها ــ هلا عنودي.. ــ ديوووم اشتقت كم واااااااااااااااااااااااا ااااااااااااايد... ــ شخبار شهر العسل يا عسل!.. ــ واو .. صراحه .. شي خيالي الجزير البحر لون البحر صورته لج ازرق سماااوي...نفس اللون اللي تعشقينه .. ياويلي ديوم المكان فلللله .. ديمه ــ واحمد؟؟ ــ احمد ؟؟ خنت حيلي والله .. مافي مثله فديته ضحكت ديمه ــ بديتي تفدينه !!... ــ اي والله ديوم.. سكن قلبي .. ــ اوه اوه شعليها الي بدت تحب! العنود ــ يوزي عاد والله اني ارتحت له وايد ..للحين علاقتنا فيها بطء بس هالاسبوع كان رهيب عرف كل شي عني وعرفت كل شي عنه ..وبدينا نرتاح لبعض..كل يوم نتمشى وكل ليله جلسه شاعريه خصوصا على ضو الشموع وصوت البحر..واو ياديمه .. ــ الله يهنيكم آآميــن..هو الحين وين ؟ ــ راح يحجز لنا طيارة لأثينا .. بنروح نتمشى شوي..بيني وبينج ..انا عاجبتني هالجزير وايد.. ــ الله يحفظه لج .. خذي هذي المها.. بوا الاثنين يصارخون فالتلفون وهم ينادون أسامي بعض مثل المجانين ــ عنووووووودي ـــ مهوووووووووووووووووووي .. ــ فديتج والله اشتقت لج شلونج شخبارج اخبار ريلج ان شاء الله مرتاحه!! ــ شوي شوي علي مهوي والله اني بخير .. ــ انتي وين؟؟ ـ انا في اليونان ..قلت لج؟ ــ لا توقعتج رحتي افريقيا ولا الصومال مامليتي من اوربا كل اجازه مطيح فيها؟؟ العنود ـ بنت عز يحق لي.. المها ـ اي والله يحق لج .. تعالي شخبار زوجج؟عسى مرتاحه؟ العنود ــ الحمدالله توني اقول لديمه اني الحمدالله بديت ارتاح له .. المها ــ الله يوفقكم آميييين .. العنود ــ تعالي اسألي ديمه عرفت شي عن امي؟ المها ــ بعطيج اياها واورح اتفاوض مع مبارك واشوف كم شخص ياخذ للرحله العنود ـ اي رحله؟ ـ دخااان ..بنروح مع جده ..خذي هذي ديوم.. وعطتها المها الجوال ودخلت داخل.. ــ هلا عنودي.. ــ هلا ديوم ..سألتي امي وين الحين؟؟لان اتصل بها ماترد علي .. ــ شوفي سألت عمي صالح قال انه حاجز لها هالاسبوع في برلين .. انحبطت العنودــ مافيني اروح برلين الحين .. بنروح اثينا وبعدين نمر فرنسا اسبوع..امانه ديوم خبري عمي صالح اني بروح فرنسا بعد اسبوع.. ــ اوكيك .. ــ الحين عطيني جده ابي اكلمها.. ــ لحظة .. ودخلت داخل وعطت التفلون لجدتها وطالعت المها وهي تناقش مبارك ــ ياولد العم لين هالراس!!.. مبارك ــ نو . دخان وبس.. المها ــ انزين .. محاوله فاشله مانجحت .. ديمه ــ شمحاولته ؟ المهاا ــ كنت ابي سيلين . وهو معيي .. ديمه ــ شوف . تودينا سيلينا بنروح اربعه ..ماتودينا نروح ثلاثه ! طالع لها مبارك رافع حواجبه ــ تهددين؟؟ هزت ديمه راسها مبتسمه ــ دريمه اسمعيني زين .. بتروحون اربعه لدخان ..وقومي نادي الرابعه والبسوا عباياتكم.,.. استغربت المها لكن ديمه ضحكت ــ قومي خل نتجهز الساعه صارت ثنتين ونص متى نوصل؟؟ المها ــ انزين من الرابعه؟؟.. ديمه ــ من بعد كدوووج .. طالعت المها لمبارك ــ والله انك مب هين .. راحت لغرفة فاطمه كانوا البنات يتكلمون ... المها ــ بنات من تروح دخان؟؟ بنروح انا وديوم وجدتي .. خديجه ــ انا بروح احب اخاوي جدتي .... فاطمه ــ شنو دخان؟؟ نوف ــ مجينه عندنا بس هم بيروح البحر..انا مابي اروح مافيني عالطريج .... فاطمه ــ ولا انا.. المها ــ خلاص خديجه قومي البسي وبنجهز خلال خمس نلتقي عند سياره صالح .. نزلوا تحت لسياره صالح كان خديجه مستانسه اركبت السياره اول وحده واربتت على كتف مبارك ــ فديتك والله .. طلعه في وقتها . ــ احم .. انصدمت خديجه لما شافته مبارك كانت بتنزل لكنه سبقها ووقفل الباب اوتوماتيك.. ـ وين رايحه؟؟ ــ خلاص مابي اروح ؟؟ ــ يعني لو صالح كان رحتي انا لاء؟؟ خديجه ــ مبارك الله يخليك ..فج الباب ... مبارك ــ الشي الوحيد اللي فجيته هو قلبي..ومالج غيره.. ــ مبارك ارجوك .. ــ لا .. ارجوج انتي.. خلج مكانج .. قربت ديمه من السياره وفتح مبارك الابواب وكانت مبتسمه .. مبارك ــ ليش مكشفه ضروسج؟؟ مسويه دعايه معجون ؟؟ ديمه ــ مافيها شي اضحك تضحك لك الدنيا . .ودخلت وجلست في النص وجت المها شايله نظارتها الشمسية في يد وفي اليد الثانية نقابها .. مبارك ــ مهوي عاد قرري يا نقاب يا نظاره الاثنين مع بعض مايصير.. المها ــ لي صرنا على خط دخان بحذف النقاب انت تعرف انه مافي حد عليه وانه فاضي اغلب الوقت .. جت جدتهما و الخدامه تلحقها بشنطه قهوة وجاي ونزل مبارك يحطها ورى .. قالت خديجه بخنقه ــ ليش ماقلتو لي انه مبارك؟ المها ـ مادري ماطرى على بالي .. انا قلت لراشد وقال اوك مافي اشكال دام جدتي معانا.. ديمه ــ عشان جي كان مقفل الابواب عشان ماتنزلين؟ مبارك ــ انتي يالحيه مايطوفج شي ؟؟ ضحكت المها وانحرجت خديجه كان فاتح الباب اللي ورا ويسمع سوالفهم .. سكتت خديجه وحست قلبها يدق بقوة وانحرجت وردت ديمه عليه ــ افا عليك شلون يطوفني .. انا ام السعف والليف!!.. ردت جدتها ــ وحده منكم تستحي على وجهها وتساعدني اركب السياره .. مبارك ــ جده انا بساعدج .. خلي هالمتينات عنج يلا دخلناهم السيارة .. المها ــ الحمدالله رشاااقه .محد غير اختك هالمتينه مضيقه علينا .. ديمه ــ وعللله اضعف منج يالزطيه.. المها ــ ايه بس مع وجبات ماك وكنتاكي ماراح تظلي ضعيفه!! ديمه ــ اي زين ذكرتيني بروووك امانه اليوم عشينا من ماكدونالد ..اكيد في دخان ماكدونالد صح!!1 ضحكت المها وخديجه وابتسم مبارك عليها .. وقرب منها وساعدها وركب السياره وتوكل على الله وحرك .. ____________________ | ||||
|  |
|
05-05-11, 08:54 PM
| #23 | ||||
| نجم روايتي
| الفصـل الثالث عشر نظرات جاسم الممتنه خلت قلب صالح يحن شوي.. اتفقوا اتفاق مبدأي...وانصرفوا الوجاهه ..واول ماتصكر الباب ..بدون وعي ..هجم راشد على مبارك .. والكل وقف بينهم .. صالح ــ راشد تعوذ من الشيطااان !! !!.. ــ شور اختي مب في يده علشان يحجر عليها جدام العرب!! عبدالرحيم ـ ياراشد ـ بنت عمه وهو اولى فيها من الغريب ! وأنا ماودي المها تاخذ غريب ! صالح ـ بس جاسم مب غريب .. عبدالرحيم ــ الا ..غريب مب يعني رفيجك انه من العايله .لاتنسى ان المشاكل بين القبيلتين متأزمه! صالح ــ وهذا سبب ثاني يخلينا نقتنع بجاسم !..انت لو ملاحظ باستثناء جاسم اي حد من قبيلتهم يواجه حد من قبيلتنا شوي وينشبون في بعض..يمكن النسب يصالح بيننا بو عبدالرحيم ــ بكلم بو صالح شيخنا.... وهو ادرى ..بس انا اشوف جاسم رجال طيب والنعم ..واجداده وعمامه ينشد فيهم الظهر.. ونسبهم مكسب.. راشد ـ انا مايهمني بس وخروا مبارك عن اختي!... عبدالرحيم ــ بس مبارك حجر عليها ..خلاص مب لعب السالفه ... جدام العرب هي له !... هجم راشد على مبارك وامنعوه للمره الثانية .. بعدين نفض يده منهم ــ انتم اصلا ماتنحسبون علي عيال عم .. والمها بعطيها الغريب ..يمكن هو ارحم فيها منكم .. صالح ــ بس ياراشد شور المها بيدها ... راشد ـ المها ما تعرف الرجال علشان تحكم عليه ... انا اعرفه .واشوفه اخير من غيره .. جدي كلم بوصالح واخذ الاذن منه .. والمها بتكون لجاسم ان شاء الله ..ويامبارك ..اللي سويته اليوم ..خلق بيني وبينك عداوه لآخر العمر صج انك حجزت اختي جدام العب ..لكن بخليك تذوق المر قبل لاتتزوج اختي !... طلع راشد بعد هالقنبلة اللي فجرها .....وتم الكل واقف متصنم ..شفيه راشد .؟؟.. صالح ــ بلحقه واعقله .. بوعبدالرحيم ـ لا ياصالح ..تم مكانك .. خله .. ــ لكن يايبه لازم حد يعقله .. بو عبدالرحيم ــ هو ماانجن .. رده فعله طبيعيه .. خله لين يهدى من نفسه .. مبارك ــ يعني انا اللي جنيت جدي؟؟بنت عمي وابيها شفيها؟؟ليش بيذوقني المر ؟؟؟... حمد ــ هدوا الحين .. اهدى يا مبارك .. اللي سويته غلط .. مايصير تحجر عليها و هي رافضتك من قبل .. مبارك ــ انت الحين في صفي ولا في صفه؟؟؟... حمد ــ لا في الروضه..هههههه.... طالع له مبارك مندهش وهز يده حمد وشكر وطلع من عندهم .. جلس بوعبدالرحيم معصب من هالمهازل .. وحمد لحق مبارك برا.. مبارك ــ ابعد عن وجهي.. حمد ــ ياخي وقف تعبت اركض وراك .. فجأة وقف مبارك فصدم حمد فيه .. ــ شتبي؟؟ ـــ انت شفيك؟ ــ انت تستهبل؟؟ماكنت حاضر الجلسه الي من قبل شوي ولا شنو ؟؟؟ ابتسم حمد ــ كنت حاضر وخلاص خديجه بتصير زوجتك .. ليش معصب الاخ ؟؟ابسط ياعم !.. طالع له مبارك وده يخنقه ــ انت ماسمعت تصريح الاخ راشد؟؟ حمد ـ امبلى .. بس راشد معصب ..ولا شنو في يده يسويه ..البنت لك وخلاص!..يلا اعزمني بسبب هالمناسبه الحلوة.. ــ اقول ..كل تبن ولااشوف وجهك .... وراح مبارك معصب ركب سيارته وانطلق... في الناحية الثانية .. راشد تضايق حييييييييييييييييييييل وكان مقهور حده من مبارك ... راح للمسجد صلى له ركعتين وتم جالس هناك بدون تفكير..مايبي يفكر..يمكن خيره ان المها تاخذ جاسم...لكن مبارك وخديجه ..مب مرتاح لهالزواج بالمره .قرر انه يستخير ..ولي ارتاح قلبه .. يرتاح من هالهم .. وقف وكبر... ___________ عند خديجه والمها للي كانوا مقابلين عيال عبدالرحمن .. كانت المها تكتب مسج لديمه من جوال خديجه تقول لها يلتقون باجر... ــ خدوج.. تدرين مشتهيه معكرونه بشميل من يدينج؟ ــ اقول ..مافي اذا جا صالح الحين بسويها اذا ماجا مشي بوزج مافي .. المها ــ افا.. الحين اتصل فيه .. ودقت عليه وسكرت الجهاز ــ غريبه ....صكر في وجههي!!. خديجه ــ هههههآآآآآآآآآآي.. اكيد يعرف انها انتي مب انا !!.. المها ــ ايه ... الظاهر متعود يصكر في وجهج !.. خديجه ــ ولاعمره سوااها ..فديته .. قامت خديجه وخذت الصغير للمطبخ تسويله شي ياكله .. طالعت المها لجوال خديجه ..وكتبت مسج سريع لصالح .. (( شمضاايقك؟؟...)) .. على الطرف الثاني كان صالح قاعد في المجلس مبتسم من قرى المسج ويفكر.. .. (( حياتي .. حاسه فيني ؟؟....صج اختن ماجابتها امي.بقول لها الحقيقه ..ماتحمل الخيبه في عيونها ...)) كتب مسج سريع وطرشه .. فجت المها عيونها على كبر(( جاسم خطب المها وفي موافقه بدائية من راشد ....ومبارك حجر عليج جدام العرب.....)) اشهقت المها بقوة ..وركضت لعند خديجه .. ــ الحقــي... ــ عسى ماشر؟؟.. ورتها المسج ...انقلب وجه خديجه احمر من الغضب ــ شلون يحجر علي؟؟ ..على اي اساس يحجر علي؟؟... المها ــ انا شسوي في بلوتي...مابي جاسم !... طالعت لها خديجه ــ ليش؟.؟.. جاسم وسيم يمدحون اخلاقه الشباب .. المها ــ مابيه .. ..ماااابيه .. وطلعت فوق معصبة ..طالعت خديجه في اثرها ..شفيها هالبنت ؟؟.. مسكت التلفون وطرشت مسج(( وراشد وينه ؟مااعترض.)) .. رد صالح (( طلع .. مبارك حجر عليج جدام العرب..وخلاص . مافي حل ثاني)) .. استعاذت خديجه من الشيطان وركزت على الشغل اللي بين يدينها .. ماتبي تفكـر .. في جزء من قلبها .. متوهج ..وفي جزء في روحها خايف.....وفي عقلها ..توقفت كل العمليات الحسابيه عن العمــل واعـلن Error >_________________ في برلين ... كانت طيبه على استعداد انها تسافر لسويسرا .. جهزت كل اشياءها .. وأول ماكانت بتطلع لقته جدام الباب واقف معصب .. ــ يمه وين العزم \؟ ــ انت شتبي؟؟ كان سالم واقف لابس بدله رسمية توكسيدو ومشط شعره لورى وشكـله كشخه .. ــ مجهزة الشنط؟ ــ ايه .. ــ وين عامر وعبير؟ ــ في المخيم كالعاده .. انت شتبي الحين ؟ ــ في ام فالدنيا تستقبل ولدها جي؟؟. حتى ماسلمتي علي !. ــ سالم فارج مالي بارض محاضرات الاخلاق حقتك ...امس اختك واليوم انت .. قعد سالم على الكرسي ــ اتصلت فيج العنود؟ ــ ايه .. قالت بتروح فرنسا وتبيني اروح فرنسا .. عاد انا توني جايه منها وخلصت جدولي هناك مب متفرغه لها ..خل تتفرغ لزوجها احسن . سالم ـ ـوانت كله جي؟؟ .. لي متى عاد ! .. حنا مب عيالج ؟ طالعت له طيبه بشموخ ــ شوف عاد .. ماتعلي صوتك علي ..صرتوا ثيران وبعدكم تطلبون اهتمام !!!.. انا ضحيت ب عمري عشانكم اعتقد كافي .. وقف سالم وهو يصبر نفسه غسب لكن ماقدرــ اي عمر؟.. عطيني لحظة وحده طالعتي لنا فيها كعيالج .. احنا تربينا عند جدتي والمربيات ..ولا انتي يدج في ماي بارد من عرفناج ..السفر والطلعات والعزووومات .. اقول ..لاتكذبين الكذبه وتصدقينها .. كل اجازاتنا نصها في هالمخيم اللي حذفتي فيه عامر وعبير.. وياكرهي له .. بروح بكره اخذهم اخلهم عندي لين تخلصين اجازتج المرفهه.. وطلع قبل لا يعطيها مجال تتكلم .. قعدت على السرير مقهورة .. شلون عرف مكانها ؟ أكيد من صالح .. تحسرت على الزمان الماضي..شذنبها ؟؟ .. ليش انها تبي تعيش حياتها ؟؟.. كانت طموحه وحلمها بالسفر والفاشن والتجاره ,.كان عمرها بس 15 .. يوم اعلن لها ابوها عن مشروع زواجها بسعيد ..مافادت الدموع ..مافادت التوسلات .. حرمها من حلم الدراسه واكمال تعليمها .. وسعيد .. رغم انها كانت جميله لكنها ماملكت قلبه .كان يعرف غيرها واايد حريم .كل يوم يتزوج ويطلق..ماتنسى طموحها اللي قتله بعد ولاده العنود وسالم .. كانت بتكمل الثانويه يوم قطع اوراقها ومنع السايق ياخذها .. امرها تقابل عيالها .. لكن السبب الحقيقي انها كان يحاول يرد كرامته بعد مافضحة حقيقه زواجاته جدام ابوه وامه.وطلعت لهم الاوراق..حقد عليها في هذيك الفتره ..وهي كرهته وكرهت العنود وسالم كانت تعتزل بغرفه بروحها وكله تصيح ..لين ماتخذت قرار .. انها تعيش حياتها خصوصا انه عرض عليها السفر..ومن هذيك اللحظة ..كل همها السفر..ماهمها احد .. وبدون مايدري خلصت شهادتها الثانويه في البحرين .. ودرست اداره اعمال انتساب بجامعه الأردن ..وبدت شركه صغيره في لبنان لتصميم الازياء... وبدون ماتحس مرت السنوات .. لين حملت مره ثانية ..لكن هالمره التوأم .. خلتهم عند المربيات لين كبروا .. وآخرها قصة طلاقها .. محد يعرف بمعاناتها .. خصوصا لما ااكتشفت انه متزوج كم وحده من شرق آسيا .. حست باشمئزاز وواجهته .. وكان الطلاق الاخير .. الحين هي وهيا مهتمين بالشركه .. هيا الوحيده اللي ساندتها بقرار الطلاق .. طالعت عمرها بالمنظره .. عمرها 37 سنه .. للحين محتفظه بملامحها اللي تشبه ملامح العنود الى حد كبير ورشاقتها .. العنود اللي كرهت تحضر زواجها بعد ماذكرتها بنفسها .. طالعت الساعه .. بتتأخر على الطياره . شال شنطتها وطلعت وقررت تتابع طريقها .بدون ماتلتفت لورى .. .. اليوم الثاني .. انزلت المها الصبح .. كان صالح وراشد جالسين في الصاله ..ـ ــ راشد انا مابي جاسم هذا .. انصدم اشد وعقد حواجبه لكن ببرود طالع لها صالح ــ ليش؟؟.. المها ـ مابيه .. وخلاص.. طالعها نظره مب بريئه .. ــ عطينا سبب مقنع اخت مها .. لايكون شايفه على الرجال حاجه ولا شي.. حست المها ان اطرافها ترتجف ..نظره صالح مع حاجبه المرفوع تعني شيء واحد ..انه يعرف ويتحداها تقول !!... ـــ أنا مااابيه .. راشد ــ وين تعرفينه علشان ترفضينه ؟ المهـا ــ كافي انه كسر ضلع فيني ! ابتسم راشد ــ مب عذر ..الرجال مصلي ومخاوي عمج من كان صغير ولو في اخلاقه شي كان اعترض صالح عليه .. ... صالح ــ ولا حد من عيال عمج اعترض .. حتى عمج .. اذ في خاطرج شي قولي ولاتستحين.. ورجع طالع لها بنظرة التحدي اياها .. طلعت المها فوق وهي مختبصه ... تقول لهم ولا لاء؟؟..حطت راسها بين يدينها وبدت تبجي من القهر,, ماتبيه انسان واطي ماتبيه ...ياليت واحد من عيال عمها اعترض....عيال عمها ..مافي الا حمد ...حمد .. بس حمد لمنى حرام تخرب عالبنت..بروحها شاقية في حياتها.. وشايفه المر.. تنهدت وتم تصيح بقهر.. اما صالح كان متعمد يسوي هالحركه فيه ..كان مقرر مايقول السالفه لاي احد .. الا اذا اعلنت عنها المها .. واعترفت .. بهاللحظة بيكون متأكد ان المها ماتبيه .. لكن المها سكتت ...,وماقالت شي..والمها جريئه مب عادتها تسكت ... طالع راشد ــ انت مرتاح لجاسم؟. راشد ــ اي .. وايد..استخرت امس..وارتحت ....وهي ماعندها سبب مقنع ترفض... استغرب صالح... ليش راشد بيفرض جاسم على المها؟.... سكت وتم يقرأ في الجريده .. مب عارف شيسوي.. (______________________ في بيت منصور ونوف . كانت اليوم الثالث اللي ماطلعت فيه نوف من حجرتها .. ــ نوف افتحي الباب.. ماردت نوف عليه ..صار ليه ثلاث ايام يمرها ويطق الباب..يحط الأكل جدم الباب ..ويرجع يلاقيه ماتحرك من مكانه .. ــ نوف..مب زين على صحتج..ماكليتي من ثلاث ايام .. نوف الله يخليج افتحي الباب وكلي شي ..اذا مافتحتي بجيب لج راشد والبنات !!!... قامت نوف متكاسله ..خامله وفتحت الباب ..وتمت واقفه جدامه .. ــ تعالي اكلي... ــ مااشتهي. ـ نوف الله يخليج .. تعالي اكلي ...من ثلاث ايام ماطلعتي من هالغرفه ..حرام عليج .. كانت جامعه شعرها لورى ... وعيونها حمرا شوي..وعلى وجهها لمحه حزن لابسه جلابيه ورديه بسيطه .. ــ بروح المطبخ واكل شي.. طالع لها ــ لاء..انا جايب لنا اكل..تعالي... تمت تطالعه وهو يسحب يدها..حست بقلبها يدق بقوة اول مره يمسك يدها من عرسهم بهالطريقه ..قالت لنفسها وهي مغمضه عيونه ((موت ياقلبي ..موت ..لاعزه ولاكرامه ..)) .. جلست على الطاوله..وبصعوبه ..اكلت وهي لافه وجهها عنه.. اما هو يطالع لها بندم ..شسوى فيها..؟؟؟... ــ شلونج الحين ... طالعت له مستغربه وعيونها ذابله .. ــ مافيني الا العافية .. وتركت الكفشه وقامت ..وتم جالس على الطاوله بروحه يطالع الاكل....ماكلت الا ملعقتين من المندي ولاقربت شي ثاني.... تعوذ من الشيطان وقام شل الاكل وحطه في الثلاجه .. وراح لشغله اللي بواسطه رجع بالضبط مكانه الاولي...وهو في قلبه حسرات من ذكريات روز .. _______________ في غرفه فاطمة .. اللي تعودت فاطمة عليها .. كانت الاضاءة خافتخه وهي جالسه على السرير بملل...وموسيقى اوبراليه في اذونها .. كانت تحس بضيقه ..وخوف .. محبوسه باختيارهاصحيح لكن البديل كلام الناس وسمعتها .. ودها تتصل بنوف اللي ماسمعت منها من ايام .. اتصل تلفون الغرفه .. وتك تطالع مستغربه مب من عادته يدق.. ــ الو .. ــ السلام عليكم ورحمة الله .. ــ وعليكم السلام ..من معي؟.. ــ انا صالح .. حست فاطمة باطرافها ترتجف والخوف يحتل قلبها .. صدق انه اصغر منها بس .. حست بربشه .. ــ حبيت أتطمن عن احوالج .. ــ الحمدالله طيبه .. وانت ؟.. ــ الحمدالله طيب.. ــ الحمدالله .. ألا فاطمة .. ــ نعم .. ــ ماتنزلين شوي.. انصدمت فاطمة ــ ليش؟؟... ــ بحط لج شي في الصالة .. كنت بطرش الخدامه بس هي محد ..بتلاقينه فوق رف التلفزيون.. .. ــ ان شاء الله بنزل واخذه .. ــ عيل انا أستأذن . مضطر اصكـر .. ــ مع السلامة . صكرت التلفون وهي متوتره .. شنو جاب لها ؟.. بعد عشر دقايق انزلت .. وراحت عند التلفزيون ..كان في كيسه وباقة ورد .. ابتسمت ..افتحت الكيسه ..لقت علبة شوكلاته فاخره وكتاب شعر لامرؤ القيس.. خذتهم واحت غرفتها حطت الورد في المزهرية .واستمتعت بجمال الباقة الرعه اللي اختلطت الاوان الزرقا فيها بالابيض... امسكت الكتاب وتم تقرأ شوي.. وافتحت من الشوكلاته واكلت .. زين فكـر فيها .. على الاقل مب مجبور !.. صالح من صوبه مستغرب من جرأته .. لكنه حس انه مقصر...ركب سيارته واتصل بمبارك .. لكن الاخير مايرد عليه .. راح القهوة بسوق واقف وقعد هنام يشرب شاي بنعناع و جنبه شباب وشياب .. تموا يسولفون ويضحكون ...وقاموا كلهم لصلاة العشا .. ____ رجع صالح البيت وانصدم بولد جيرانهم سيف يرسم بالبخاخ الرش على الحيطة حروف .. وقف يراقبه ... وبالاخير بالوان غير متناسقه بوس قلب كبير .. S+ R=LOvE 4EvEr قرب صالح منه ــ السلام عليكم .. اختبص الولد اللي عمره تقريبا ماعدى ال15 .. ــ وعليكم السلام استاذ صالح .. ــ سيف .. أبٍسألك .. خلصت كراسات الرسم من الدكاكين ؟؟. اختبص سيف ــ ها !!!.. طالع له صالح بهدوء ــ خل مسألة الشكل العام على صوب والنظافة والتعدي على بيوت الناس... انت تعرف هالبيت بيت منو؟.. سيفـ ــ ايه بيت بوسعد .. ــ انزين .. انت تعرف مثل ما انا اعرف ان عنده بنات !!... هز سيف راسه مفتشل ــ ايه .. ــ انت الحين من تقصد بحرف الراء هذا ؟؟.. استحى سيف ونزل راسه .. فكمل صالح ــ مهما كانت اللي تقصدها انا متأكد انها مو من هل البيت صح ؟ هز سيف راسه ــ ايه اصلا بناتهم كلهم كبار.. ابتسم صالح وهو يطالع سيف اللي على باله انه نفذ من هالموقف فقال في سخريه ــ وانت تبي تشيل ذنب هالبنت في رقبتك ليوم الدين ؟؟.. انصدم سيف ــ اي بنت ؟؟ ــ انت ماتدري ان بو سعد عنده بنت كبيره اسمها رنا؟؟.. سيف ـ بس انا ماقصدها !!.. ــ اي انا ادري..بس الناس..وبو سعد ..واخوان رنا ..مايدرون .. بيظنون ظن السوء في البنت .. وبيصير لها شي انت مسؤول عنه !!!!!!!... اختفى كل لون من وجه سيف ..وبدون وعي فتح السبراي و رش على الحروف وطمسها ختى القلب .فصارت بقعه سودا كبيره بشعه .. ــ اسف استاذ والله ماقكرت !!!..والله .. ابتسم صالح ــ خلاص ..انا بعتمد عليك ماتعيد هالسلوك مره ثانية ..لكن الحين ..برجع لموضوع الشكل العام ..والنظافه ..برايك هالبقعه .. شنو محلها في الاعراب؟؟.. سيف ــ اسف استاذ.. باج ان شاء الله بشتري صبغ وانظفها ..وعد مني.. صالح ــ انزين وان اعرف انك قد هالوعد .. تعال انت تحضر المحاضرات اللي في المسجد؟؟.. سيف ــ لاء.. صالح ــ احضرها بين فتره وفتره ..احسن لك من هاللعب.. ابي اشوفك هناك ..وعد؟.. سيف ــ ان شاء الله بس استأذن ابوي.. صالح ــ مااعتقد ان ابوك بيمانع .. يله السلام عليكم .. وراح عنه صالح ودخل غرفته اللي برا بعد ماشيك على ابوه ودخل ينام .. _______ اليوم الثاني المســا ... الهدوء يسبق العاصفه .. كان احساس المها ... الكل هادي ومافي اي اكشن ..حتى الحين راشد مب راضي يقتنع برفضها وهي في حيره هل تقوله ولا تستر على الريال !!... كانت في بيت جدها مواعده ديمه ..لما دخل حمد ..حست قلبها يدق بقوة .. المها ــ حمد .... ابيك في موضوع .. استغرب حمد ..ــ نعم يالمها شبغيتي؟؟.. قالت وهي ترتجف ــ بغيت ..... وسكتت محرجه .. .. حمد ــ المها ..لاتستحين وانا اخوج ... حست المها غصة في قلبها كانت تبيه يحجر عليها جدام العرب مثل ماسوى مبارك ..لكن ..هو ... اخو..صج هي احساسها نحوه كاخو .طول عمرها تعامله كاخو ..ماحبته في يوم الا مثل حبها لراشد وعبدالرحمن ..وبتكون الضحية منى ..حرام .. كافي انها متعذبه وسط زوجات اخوانها بعد تاخذ منها هالانسان الطيب؟؟.. اللي بيعوضها شقى هالسنين ..تذكرت منى وطيبتها ..لولا انها شافت معامله مرت اخوها لها جدام عينها كان ماعرفت عن الشقى اللي هي فيه ... استغفرت في خاطرها وتابت عن خطتها ..وطالعت له ــ المها ..قولي اللي في خاطرج .. ـــ شرايج في جاسم .. استغرب حمد .. طالع بنت عمه .. ــ ماتسألين عمي صالح هو ادرى فيه ..هو اللي مخاويه عمر.. المها ـ وعشان هالسبب قاعده اسألك .. اش رايك انت فيه .. حمد ــ يالمها الرجال ولد اصل ومصلي ويعرف الله ... اخلاقه ..الصاحب ساحب .وانتي ادرى باخلاق عمج صالح ..فشلون برفيج عمره !... المها ـ حمد انا مب مرتاحه له .. ــ استخرتي؟؟.. طالعت له بصدق ــ لاء..ولا ابي استخير..هالانسان مابيه .. عايفته نفسي.. حمد ــ المها ..عطيني سبب مقنع وانا من باجر اوقف بوجه الكل واقول المها ماتاخذه .. بس عطيني سبب مقنع ..مايصير ترفضينه وانتي حتى مااستخرتي!!..بعدين .. في هالنسب الكل يشوف اه فرصه العايلتين تتراضى ..وخوفج اذا رديتيه بدون سبب وهو جايب هله كلهم وجاهه ..تزيد المشاكل والكره .. استغربت المها ــ جايب اهله شلون ؟؟ حمد ــ جا جده بكبره يطلبج لجاسم ..وعمامه ماشاء الله مب شوي ..انترس المجلس فيهم .. وجدي عطاهم موافقه مبدأية لانه يعرف جاسم .. والكل مستانس بهالنسب خصوصا كبير عايلتنا .. لانه خطوة منهم للصلح !!... انكتمت المها ,,وصدقت اخيرا انه الزواج واقع لامحاله .. اكتمت عبرتها ..وقالت لحمد ــ الله يقدم اللي فيه الخير... ابتسم حمد وقال لها ــ يعني نقول مبروك ؟؟.. المها ــ مبدئيا ...عقبالك ... حمد ــ انا .. خل اخلص جامعه..وعلى طول ... ماني بناطر احد ..اصلا افكر اتزوج الحين واشتغل واحول جامعتي موازي... المها ـ لا حرام .. بتخرب على عمرك ..مابقى لك وايد .. شد حيلك .. استأذن حمد وطلع وراحت المها عند جدتها وحطت راسها في حضنها ــ جده ..أنا خايفه !... ام عبدالرحيم ــ يالمها .. توكلي على الله .. المها ــ توكلنا على الله ياجده .. الا ديموه العصلا وين .. دخلت ديمه ــ الحين صرت عصلا ؟؟؟.. اذكر اني كنت دبا !... المها ــ هههههه .. صاادوه .. مابغيتج تسمعين هالاعتراف انتي وهالبرجر اللي في يدج !.. ديمه ــ حنيت على بروك يجيبه لي ..واوف بعد مفاوضات يله اقتنع .. مب راضي يصدق اني ماكلت شي من الريوق .. ام عبدالرحيم ــ مدري شتحبين في لحم البقر هذا ً!!.. ديمه ــ جده ..اسمه برجر !!.. انفضت الجده يدها منها .. قالت المها ــ انزين .. ديوم .. ماعرفتي تحسبين حسابي؟؟ .. مب جايه علشان تشوفين خشتي؟؟.. ديمه ــ اي يا حياتي اموت على هالخشه والكشه .. المها ــ كشه انتي .. ديمه ــ خخخ .. انزين .. ماجبت لج اللي فهمته ان وراج عرس..مابيج تمتنين .. قفزت المها وخذت الكيس من يد ديمه ــ انجلعي انزين .. وطلعت البرجر وتمت تاكل فيه وديمه تحاول تخطفه منها لكنها مب مخليته دخل صالح ــ اوف داحس والغبراء ..اشرد احسن !!!! ديمه ـ عمي ساعدني هالدبه باقت عشاااي!!... ضحك صالح ـ والله كنج عيوز تبجي على عشاها ..المها ارحميها!!. المها وهي تاكل بسرعه ــ تستااهوووول .. محد قان نها ماتجيب لي.. صالح ــ ها ؟؟ مهوي لاتغصين وانت تاكلين بسرعه 180 كيلو بالثانيةّ.!!!.. ديمه ــ واسهال ..ومغص ..خلي عشاي .. والله ببجي.. دخل راشد في نفس اللحظة وانقلب وجه ديمه احمر واسكتت فجأة .. طالعت لها المها بخبث ــ بتبجين على بطنج ؟؟.. ماتستحين ؟؟.. واضربت المها كوع .. ــ جب بس.. ابتسم راشد ــ ديمه.. هالزطيه اسرقت عشاج ؟؟.. حست ديمه باحراج وحست صج انها عيوز .. نزل راسها مستحى وضحك عليها صالح بقوة !!...ومن القهر طالعت راشد ــ ايه .. زطت البرجر كله ..يامال الاسهال ان شاء الله !!.. راشد ــ افا عليج .. الحين احلى وجبه من ماكدونالد بتصير عندج ..ومهوي احسب انج تعشيتي خلاص!!.. المها ــ اي الحمدالله كان برجر مليان ببهارات الشتايم والدموع ههههههه.... ديمه ــ وجع زين!!.. طالع راشد صالح ــ تخاويني؟؟.. نجيب للامه عشا .. صالح ــ اي امه ماغير ديمه هالزطيه ..خدوج تعشت معاي .. و.. ديمه ــ جيب لفطومه عمي.. تراها تحب الهلابينو جكن من هارديز ..دايما الاقيها هي ونوف طالبين من وراي.. ابتسم صالح ـ صار.. يلا امشي ..يمه تبين شي؟ ام عبدالرحيم ــ سلامتك يمه .. بس جيب لي عصير مثل اللي جبته هذيك اليوم .. ابتسم صالح ــ يمه هذا عسكريم من مندرين .. بجيب لج افا عليج ..بس اليكر منتظم عندج اول؟؟ ام عبدالرحيم ـ ايه الحمدالله .. شربت حبوبي..وعشاي كان خفيف.. بارك الله فيكم .. طلع راشد وصالح واركبوا السياره ..وانطلقوا... في نفس الوقت عند جاسم .. كان يدخل يطلع ينقهر من نظرات امه العاتبه .ومن ابوه ..للحين ماوجهه له كلمه ..من عرف وجهتهم ونيتهم هو وجده وهو مايكلمه . دخل عند اخته امنه .. ــ شفيهم هلج .. ردت عليه ببرود ــ مب هلي بروحي. طالع لها معصب ــ حتى انتي.. امنه ــ ايه حتى انا .؟ من هالغريبه اللي تبي تجيبها بيننا ؟؟ ــ امنه هذي بتكون مرتي!!.. امنه ــ لاتحرق دمي..وشفيها بنه بنت عمي.؟ ولا ريان ؟؟... عندك ساره وغالبه بنات عمتي..مكثر البنات من حولك وكل وحده تطلب اشاره من يدك. ــ شوفي امنه انا مليت من عرض البعارين هذا..انا اخترت شريكه حياتي..نقطة وانتهى!,. عصبت امنه وقامت عنه مع انه قاعد في غرفتها !,, دخلت بثينه اخته الصغيره عمرها 6 سنوات ــ جاسم ليش سويت في ريان جي. بنفاذ صبرــ شسويت لها بعد؟؟ ــ مادري بس كله تصيح وتبجي....وتقول ليش ياجاسم !,, سكت جاسم تلوم شوي بس هو مايحب ريان ..شافها وماعجبته .. حسها مثل امنه ...اخته شلون يتزوج وحده مشاعره تحاهها مثل مشاعره تجاه اخته؟ قلبه دق لوحده بس ..المها .. طلع وراح لغرفته وصلى ونام .. | ||||
|
| |
|
05-05-11, 08:54 PM
| #24 | ||||
| نجم روايتي
| الفصـل الرابع عشــر مر اسبوع طويل على نوف وهي تصد منصور بقوة .. منصور حس انه صج سبب لهالانسانه الم كبير علشان تصده بهالطريقة .. كانت طالعه من المطبخ شايله قلاص حليب ــ ممكن اعزمج عالعشا ؟ طالعت له نوف باستغراب .. بعدين طالعت الساعه كانت 8وشي.. ــ عندي دوام باجر .. بنام بدري . مسك يدها بهدوء وبنبره ترجي ــ مابنتأخر ممكن ؟ . طالعت له نوف واستغربت الترجي في صوته ..هزت راسها ببساطه .. ابتسم بفرح ــ يله بنطرج في السيارة . . طلع برا وتم تطالع نوف في اثره مب مستوعبه ..ترجيه ..فرحته ....لمسته .. جزيئات جسمها اللي في حالة اهتزاز غريب.. قلبها اللي نبض بقوة ..عقلها اللي يرفض هالصورة ؟ . ادخلت والبست ملابسها ..وحطت ميكب خفيف.. في السياره ..جلست جدام ....شغل منصور الراديو على الاخبار.. بعدين فجأة دخل سي دي .. اسمعت اغنية فيروز بصوتها الساحر .. ..قديش كان في ناس.. ((قديش كان في ناس عالمفرق تنطر ناس..وتشتي الدني ..ويحملوا شمسية وأنا بأيام الصحو ماحدا نطرني..)) .. .. كانت الاغنية جميلة حزينه .. اندمجت فيها نوف مع انها ماتحب تسمع اغاني وايد .. في البداية كان الصمت هو اللغه المتوحده بينهم ..طالع لها منصور..وكان حاسه بضيقه ..ذكرى روز مسيطره عليه ..لكن مستقبله .. نوف.. ــ شخبارج . كان السؤال مفاجيء لها .. اخبار؟. .. ــ ماعندي .. شالغباء صار لها اسبوع مرتزعه معاه ..ماشافه طلعت ولا شافها اتصلت في احد .. حتى جمعه يوم الجمعه رفضت تروح فتم منصور معاها ..ولما اتصلوا فيهم قال لهم انها مصدعه .. ــ نوف .. ممكن نبدأ صفحة جديده ؟ . طالعت له نوف ببرود ــ مابيننا اوراق... , نزل منصور راسه ***** .. وقف عند المطعم وخذ له طاوله في ركن العائلات .. طلبت لها سلطة يونانية .. ــ خذي وجبه .. نوف ــ انا متعشية .. ــ شكليتي.؟.. ــ اي شي.. طالع المنيو ..وطلب اكثر من طبق .. استغربت نوف ــ شحقه ؟؟ . منصور ــ انا جوعان !!.. كان يكذب وكانت تكذب ..هي ماكلت شي ..وهو متعشي في فينيسا الساعة 6 مع رفيجه .. ومفولين . ــ نوف .. اسمعيني..بقولج قصتي.. اسمعيها من الأول ,,واحكمي علي.. ــ منصور.. انا اعرف كل شي ..ماله داعي تقلب المواجع .. نزل منصور راسه ــ لا يا نوف .. ماتعرفين شي..ماتعرفين ان هالانسان الي جدامج خذلته الحياه ..وخسرته جزء من روحه .. طالعت له نوف بذهول.. ــ انت متحسف على طلاقك لـ روز. طالع لعيونها ..واول مره يحس انه يشوفها ..كانت هدبها كثيف ونجلا .. قال بصوت يرجف بعد ماضاع لثواني في عيون نوف .. ــ لا .. ــ عيل شتقصد. ؟ . ــ اسمعيني.. ..اسمعيني قبل لاتحكمين علي.. طالعت له بعدم ثقة ــ ماعندي خيار الا اني اسمعك .. وافهم هالجزء من روحك اللي.. خسرته .. ابتسم بسخريه يبي يعلق ..لكنه سكت .. قاعده تسخر من جرحه ..لكنه مايلومها ...,, ــ اليوم اللي جرني فيه ابوي لخطبتج كان اسوأ يوم في حياتي.. بدون وعي صاحت بسخريه ــ هـــه ... شالجديد .. ـ نوف اسمعيني .. اسمعيني بعدين علقي.. قولي رايج ..ارجوج لاتقاطعيني.. ــ اوك.. بس ارجوك ..لاتحسسني اني فرضت نفسي عليك.. ترا عمي فرضني عليك ..وعبدالرحمن فرضك علي.. كان اسوأ يوم لنا حنا الاثنين ..فلاتحسسني انك احسن مني. ا واني ماصدقت على الله اتزوجك و.. قاطعها ــ نوف .. بس.. اسمعيني.. سكت نوف بعد ماسحبت نفس قوي ــ سامعتك .. ــ انا كنت متزوج روز قبل لا اتزوجج !. انصدمت نوف .. وتمت تطالع في الصحن الفاضي اللي جدامها ..ماتوقعته يتكلم عن روز .. ــ جمعتني بروز قصة حب .. ماادري شلون ا وصفها لج ..جمع بيننا الكره قبل لا يتحول لحب.. تزوجتها ..وحولت ديانتها للاسلام رغم معارضة اهلها .. جمع بيننا حب افلاطوني لايمكن ان اقوله بالكلمات .. انا ماخنتج .. انا ماغدرت فيج .. انا خنتها هي..وكنت متيم فيها مثل طفل عشق لعبه .. حبي لها يزيد كل يوم .. وفجأة .. جرني ابوي مثل الحمار واجبرني اخطبج واحطم حياتج وحياتي.. كنت بقوله قصة زواجي.. لكن روز ترجتني..ماكانت تبي ابوي يغضب علي..كانت راضية باقل الساعات معاها ..المهم اني مااخسر اهلي...ويوم الزواج .. سكت شوي .. بعدين كمل والحشرجه في صوته كانت واضحه ــ صابت روز حالة نفسية ..كانت متأكده انج بتاخذيني منها ...ووعلشان اضمن تحسن حالتها النفسية ..وعدتها اني لها ..مابلمس غيرها .. وهذا سبب جفاي في البداية ..لما تأكدت روز اني وفيت بوعدي..وشافتني ملتزم بكلمتي ارتاحت نفسيتها ..لكن .. شال قلاص الماي شرب شوي بعدين كمل ــ كانت تحلم بطفل.. وكنت كاره هالفكره .. لين يوم شكت انها كانت حامل ..وهنا كانت الطامة الكبرى.. كانت نوف ترتجف من الكلام اللي قاعد يقوله ـ جابت لك ولد ؟؟.. ابتسم وهز راسه بلا ... ــ عيل شنو يامنصور؟. . ــ اكتشفنا انها مريضة بالخبيث..بمراحله االأخيره !.. اشهقت نوف لا اراديا !... ــ اسم الله سرطان ؟؟.. نزلت دمعه من عيونه بدون وعي ــ ايه .. كان اصعب اسابيع حياتي.. هي كانت مؤمنه وايمانها قوي ... لكن انا تزعزت صلتي في الدنيا !!.. شلون جزء من روحي يحتضر وانا تام حي؟.. وفي عز آلامها اتصل فيني حمد يهزأئني.. يذكرني فيج .. وهي بين يديني تتألم أشد ألم .. الشيطان عمى عيوني .. وصار اللي صار.. نزلت نوف راسها بحيره ..تذكرت ضربه لها ..تفريغه لشي في داخله في هالضربات .. ـــ سافرت معاها .. رحنا لبلدتهم ..عرفت اهلها وعرفوني ..ومسأله وقت ..وماتت روز مخلفه في روحي فراغ كبير.. ــ عظم الله اجرك .. ما رد عليها مصدوم من رد فعلها .. تعبث بالشوكه اللي جدامه شوي .. ــ روز ..الكل يقول لي بقره هنديه ..شتشوف فيها ؟؟.. انا حبيتها ..هي هنديه بس هي بشر قبل لاتصير هنديه وغير مناسبه لوضعي الاجتماعي..فيها انسانه طيبه صادقه ..عشقتها روحي للجنون .. كانت حبي الاول ..انطفت الدنيا في عيوني بوفاتها .. لكن .. الحي ابقى من الميت .. انا مضطر اكمل حياتي .. نوف..انا وصلت للحظة خسرت فيها كل شي... روز ..شغلي..الأمل في حياتي.. اللي يكلمج انسان عانى .. يمكن بتحتقرين معاناتي.. لكني عانيت ..عانيت الم الفراق..ووصلت لمرحلة من اليأس..لولا ايماني بالرحمن ..كان .. طالعت له نوف بشفقة .. ــ نوف .. ريحيني وقولي انج فهمتي اسبابي...انا ماظلمتج ...انتي انفرضتي علي مثل ما انا انفرضت عليج .. والحين ..الشي الباقي لي من هالدنيا هم اهلي..وانتي... عطيني سبب ارجع لحياتي الامل.. ادري غلطت ..ادري مديت يدي عليج ..ادري ظلمتج ... لكن هذاك منصور ثاني..منصور ماكان قادر يستوعب الألم ..ماكان راضي بالفراق.. . جا الجرسون وحط الأكل جدامهم .. تمت نوف تطالع في الاكل سرحانه .. ــ اتمنى اني ماسديت نفسك عن الأكل.. ابتسمت مجامله ــ لا ماسديت نفسي... وكانت بتبدا تاكل صحن السلطة لكنه سحبه من جدامها وحط لها صحن ثاني .. ــ امانه .. اكلي.. ماردته ..أكلت من الصحن .. وتم هو يقلب في السلطة .. وخياله مع ابتسامة روز ... تعوذ من الشيطان وطالع لنوف .. كانت تتسم بهدوء غريب...كسرت خاطره .... ,, تمنى يعرف بشنو تفكـر... _____________ في الدوام .. كان مبارك يناقش مع طارق طرق تطوير عمل بعض المكاين .. طارق ــ شرايك ببريك ؟ .. مبارك ــ لا .. لازم نخلص شغلنا .. طارق ــ ياخي تعبت .. من الصبح بهالخرايط .. مبارك ــ انزين . صكر الخرايط .. ومسك طارق التلفون وطلب شاي .. ــ مابتنزل البوفيه ؟؟. طارق ــ لا .. الحين تلاقي البنات هناك .. مسك طارق جواله وقعد يكتب مسج .. وقف مبارك عالدريشه وتم يطالع ..يمكن يشوف زولهـا .. وماخاب ظنه .. كانت تمشي مع البنات للبوفيه ... استغرب مبارك من قلبه اللي فز لشوفتها.. يحبها ؟؟.. اكيد . ... لكــنها بنت ظبية .. .. صحح لنفسه بصوت عالي ((بنت يوسفـ...)) طارق ــ منوو .. انتبه مبارك ــ ماشي .. وسحب نفسه غصب وجلس على الكرسي .. تم يطالع الاوراق ...مايتحمل هالالم ..يبيها قريبه ..يشم عطرها ..يسمع همسها ..لازم يعجل بالملجه ..لكنه اول لازم يكسب قلب راشد وبعدين جدامه المنافسه الاصعب ..لازم يكسب قلب خديجـه .. طرش مسج لراشد ـ (( عـازمـكـ عالعشـا الليـلة .. فالمكان اللي تبيه ..)) .. طرش له رااشد (( فندق شرق )) ... ابتسم مبارك (( تم .. )).. كان يبي العزومه بس بينه وبين راشد ... ,, يبي يشرح له سبب تصرفه ..يبي يقوله انه يحب خديجه وانه غلط لانه حطه جدام الامر الواقـع .. قام بدون وعي وتم يطالع تحت ..ماكان في احد .. ______________ عند خديجه كانت مستاءه من وحده اسمها عهود .. كانت حركاتها مااصخه ومب محترمه .. ولما مرت جدامها طالعت لها بدون ادراك باحتقار..والتفت لنايفه ــ المواد اللي طلبناها ماجت صح ؟ نايفه ـ لاء ماجت .. خديجـه ــ لازم ارسل استفسار عن موعد وصولها.. .. عهود بغيظ..ـ خديجه .هالمزيون الي اسمه صالح .. دايما اشوفه يتكلم وياج ويبتسم لج .. طالعت لها خديجه بغضب ــ نعم ؟... ــ صالح .. ,رئيس قسمنا .. صححت لها نايفـه ــ اسمه الاستاذ صالح ..ولمعلوماتج ..يكون عم خديجه ..اخو ابوها اذا ماتفهمين كلمة عم .. يعني ابتسامته لها وتقربه لها حلال وبعيد عن نفسج الحسوود .. ابتسمت خديجه بسخريه وهي تترك صحنها عالطاولة .. والتفت تبي تروح.. عهود ــ وشتفسرين المهندس هذاك اللي كان واقف يسولف معاج في المواقف ؟عمج بعد ؟؟؟.. على بالج محد شافكم ؟.. التفت لها خديجه مصدومه ... اسكتت نايفه ..لانها بعد شافته واقف مع خديجه وهي طالعه بس ماحطت في بالها شي.. ... ــ انت تتهميني بشي آنسة عهود ؟.. عهود ـ انا مااتهم ..هذا وااقع ..فلا تسوين عمرج احسن منا وانج منقبه وملتزمه وإلخ..ترا عارفين هالأشكال الي تختفي تحت النقاب .. خديجه بعصبية ـ مااسمح لج .. سمعتي.؟... وهذا اللي سألتي عنه يكون ولد عمي وخطيبي... وتم واقف معاي لان يومها عمي تأخر علي والمحطه كلها هنود .. خوفا علي مب قلة ادب مثل مافكرتي.. .. لكن ..مااقول الا كلن يرى الناس بعين طبعـه ..ترى ريحـه سوالفج طالـعه .. والكل بهالقسم سمع شيء وشويات عنج .. وكافي شيلتج اللي حاطتها على جتفج نص الوقت .. اسكتت عهود وصار وجهها احمر .. وكملت خديجه طريقها ..مقهوره من هالانسانه .. لكن .. اول مره تعترف لنفسها ان مبارك خلاص صار خطيبها .. نايفه ــ تستاهلين ماجاج .. عهود ــ ماشاء الله الواسطه وماتسوي ..رازه الفاميليا كلها هنا ..مافيا .. نايفه بغرور ــ معروف من اللي دخلوا هالشركه بواسطات ماعندهم اي امكانيات ..وبين الاوائل على دفعاتهم وتكرموا جدام العالم ونزلت أساميهم بالجرايد .. عهود ــ انتي شتقولين ؟ .. نايفه ــ اقول ,..صفي نيتج وسنعي حجابج .,,, تراا الواسطه اللي شغلتج اليوم مابتفيدج باجر .. عهود ـ انتي ليش كله تدافعين عنها ؟ دافعه لج ولا .. نايفه ــ في بعض الناس يكسبون احترامي من اول يوم ..ومن واجبي كمسلمة اني ادافع عن الحق ...فشلون اسكت واانا اشوفج تذمين بانسانه محترمة اكتسبت احترامي واحترام الكل في هالشركه ؟؟من واجبي اني ادافع عنها .. قامت نايفه عنها وتركتها لغيظها وحسدها وغرورها , .. __________________ طالعت الساعه ..كان الدوام خلص وكل الموظفات راحوا .. والموظفين بعد .. صالح راح يسلم تقارير ويرسل بالفاكس تقارير ثانية .قال بيتأخر ساعه ..تمت في مكتبها .. طرت في بالها اغنية ماعاد بدري لمحمد عبده ..فافتحت دفتر..وكتبت بخط يدها .. قلت لي وش تحــرا ذاابت نجووم الليل من جمر الآهاات .. ماعاد بدري تدري العمره مره سرقت سنينه مننا كيف لحظـات .. يامن تسخر كل أمري بأمره ...همي وحزني والفرح والمسرات .. ماترحم اللي وسمت فيه عبره ..اشتاق حتى صاار به منك لمحات .. الحب كله لو جمع عشر ذره واللي في قلبي لك ملايين ذرات .. احساسي لك كوكب تعدى المجـره فيه الفضا شيد لنفسه مجرات ... اي نعـم .. اعتـرفت .. اعترفت بامتلاكـك لــي .. بتسميتي بك .. اعترفت اليوم لأول مـره .. اعتراف كنت اتوق له في الماضي العتيـق .. ورفضته حين فهمت المستـقبل المظلم الذي ينتظرني حيث فهمت انك كنت مجبرا ..رفضتك وكل مابي ينتفض ألما على قرار اعدام مشاعري....,, واليوم فرضته علــي.. اجل مرغمه ..لكـن .. كل ماابي ... يتوق لكـ..لحروفكـ..لآلآمك .. انك تسكنني منذ زمن بعيد ..تسكن قلبي..تسكن وجدانـي..تسكن انفاسي.. في كل ذرة من كياني ..يكمن اسمك،.... عندما اعلنتتني ملكـا لك باخيتارك لست مجبراا.. ..غضبت وكرهت كل ماحولي..لكني اليوم ..في قمـة السعاده ... ان مشاعري لن تموت داخلي... بل سأبثها إليك يوما ما ... ليس قريبا ..ليس بعيدا ..بل في الوقت المناسب .. مزعت الورقة من الدفتـر ..وحطتها في شنطتها ..وطلعت وراحت لسيارة صالح . تتظره هناك ماتحب تبقى بالمكتب بروحها .. ابتسمت من شافت سياره مبارك واقفه جنبها .. قاومت الفكـره .. لكن .. طلعت الورقـة .ودخلتها من الزجاج اللي كان مفتوح فتحه بسيطـة .. فجاة ندمـت . تمت واقفه مستغربه .. ـ انا شسويت ؟... شلون ترجع الورقة ؟.. طالعت يمين يسار ..محد حاولت تدخل يدها بس الفتحه ضيقة .... وفجأة .. ـــ في الدول الغربية يسمونه اقتحـام .. حست ان شعر جسمها وقف من الرعب.. طالعت لمبارك ..وحاولت تسحب يدها بسرعه فعلقت .. حست وجهها انقلب احمـر.. مسك يدها وطلعها من الدريشه .. ــ شكنت تفكرين فيه ؟ ــ ولاشي..بس ... حست باحراج بشع . وانتبهت انه ماسك يدها فاسحبتها بسرعه .. ـ شكنتي تسوين ؟؟.. انحرجت وهي تطالع للورقـة ــ ولاشي.. بس .. حست انها غبيه ..غبيه .. ــ الورقه طاحت داخل وابي ارجعها . ابتسم ــ طاحت ولا ..حطيتيها وندمتي وغيرتي رايج ؟؟ حست بقلبها وقف .. طالعت له برعب ــ طاحت !!.. ارجوك ممكن ابيها .!.. فتح سيارته واخذ الورقة مدت يدها تاخذها لكنها رفعها ..ولانه اطول منها مستحيل توصل له ... ــ مب بهالسهوله !!.. ــ مبارك الله يخليك .. عطني اياها بدون ماتقرأها .. ــ بس ابي مقابل .؟.. ـ مبارك شتقصد؟؟ ــ ا بيج تعترفين لي .. انج تحبيني...,, حست الدنيا وقفت ..وقلبها ووقف يقرأ مشاعرها ولا يسمعها منها ..نزلت راسها بخجل قالت بهدوءــ خلاص مابي الورقه .. بس اوعدني.. طالع لها مستغرب ــ بشنو ؟ ... ــ اقراها بعد مااروح .. احترم هالخجل فيها ..شنو يعني يكون بالورقه ؟؟.. الفضول ذبحه وكان للحظة بيرجعها لها بعد ماكسرت خاطره ..لكن صالح وصل فحذف الورقه داخل سيارته .. ــ السلام عليكم .. مبارك مسوي عمره معصب ــ وين لاطعها هالحزه بروحها ؟؟.. صالح ـ اقول مب يعني اسمها خطيبتك يعني جاي حضرتك تستحمق علي..انا ماقلت لها تنطر هنا .. خديجه اركبت السياره ومبارك تم ساكت ...يطالع لعيونها ... صالح ـ عيونك كلت البنت .. انحرج مبارك ونزل راسه كاتم ضحكة حرج ..ابتسم صالح ــ سلام .. وحرك من عنده وراح .. ركب مبارك السياره ..على طول فتح الورقه وتم يقرا الورقه .. أول مره مااستوعب لانه يقرأ بسرعه ...لكن ثاني مره ..تخيل صوتها في راسه ..وقرأ الكلمات .. وهو مب مصدق ... قراها مره مرتين ثلاث أربع ..تم يقرأها كل جمله كل كلمة كل حرف كل شخطه كل نقطه ... حس بقلبه يبي يقفز من ضلوعه وان الدنيا مب ساايعته ... رجع يقرأها .. وحس بفرحه مب ساايعته ... حطها على قلبه وصرخ (( أحبـــــــــــــــج ... )) .. رجع يقرا حروفها ..ماقدر يستوعب هالمعجزه .. اليوم محد قده .. اليوم .. هو أسعد انسان على وجه الأرض ... شغل سيارته ..وعند كل اشاره كان يقرأ الورقة .. وصل البيت على طول غرفته ... تمت الورقه على قلبه طول اليوم .. _______________ دخلت المها للصالة كان راشد جالس يقلب فالقنوات .. ــ اف اف شالكشخه .. راشد ــ مبارك عازمني .. ــ الله يخليك اروح وياكم .. طالع لها ــ نو . بعدين فكر شوي ــ انزين .. بس اتصلي على ديمه بنمرها .. ابتسمت بخبث ــ ايه .ياخي اخطبها و ريح رااسك ,.. تنهد بدون وعي ــ اتصلي بها .. قولي لها خل تجهز بنمرهم .. المها ــ وين عاد .. ــ فندق شرق.. صيحت المهاااا ــ ونااااااااااااااااااااااا اااسه . وخديجه ؟؟ . طالع لها ببرود ـ لاء .. بس انتي .. ــ اوكيك .. راحت لخديجه وقالت لها انها بتروح مع راشد معزوم مع مبارك .. خديجه ــ انا مااروح بقعد مع اليهال .. كانت بتقول المها ان راشد مب راضي اصلا بس اسكتت ... خلاص جات منها ..البست عباتها اللي مزينه اطرافها بالكريستال .. والبست النقاب اللي فيه شيفون .. راشد ــ مهوي .. اتصلت بديمه ؟ ــ لااء.. ـ احسن لان صالح بيعزمكم انتم الثلاثي .. ــ لا وفندق شرق؟. ــ انسيه ؟؟.. عصبت المها ..وجلست مبرطمه بعدين اتصلت بديمه وطلعت فوق لخديجه وقالت لها .. لكن خديجه اعتذرت .. خديجه طول اليوم تحس بتأنيب ضمير بفشيله .. بسبب اللي سوته مره تبتسم وتقول مافيها شي..ومره لا ..فيها وفيها .. ______________ في مطعم الليوان كان مبارك كاتم ضحكته وهو يششوف الاطباق اللي تنحط على الطاولة .. راشد ببرود ــ بكلف عليك؟.. ابتسم مبارك ــ لاء..لكن استغرب بتاكل كل هذا مع البوفيه ؟؟؟.. راشد ـ ايه ..انا مب متغدي وجوعان ..وباكل كل شي.. ابتسم مبارك ..في قلبه هو فرحااان مايهمه شي .. لو دفع عشرة الاف مايهمه .. وطلب حق نفسه ماكولات بحريه .. وتمت الصحو نتجي وتروح على طاولتهم .. هو وراشد ياكل من كل صوب شوي... مبارك ــ لك حق ولد عمي تعصب علي وتكرهني.. وقف فجأة راشد عن الأكل وطالع مبارك متفاجأ.. ـــ شنو ؟ مبارك ــ ادري اني حطيتك جدام الامر الواقع ..ومااستشرتك ..وماكان مفروض احجر خديجه وهي رفضتني من قبل..بس والله لو تعرف شصار فيني اول ماسمعت انهم خطاب..احس عقلي وقف عن التفكير.. سكت راشد وماعلق... ــ راشد انا احبها .. طالع له راشد ..عاجز عن الكلام ..طالع الاكل ورجع ياكل بدون مايعلق.. ــ وهي تحبني ... فجأة طاحت الشوكه من يد راشد .. طالع له مستنكر.. مبارك ــ ايه ..انا مااتبلى عليها ولا صار بيننا اي كلام ولااي مواقف تذكر .. لكن انا اعرف انها تحبني .. ورفضتني المره الاولى لانه كانت عارفه ان ابوي اجبرني .. وجرني مثل طفل صغير ..ابوي كان يحس انه مديون لعمي يوسف الله يرحمه ..فقرر يزوج منصور بنوف يزوجني خديجه .. وماكان لنا راي فالموضوع فكرهنا هالزواج ..مب لعيب في خواتك لاسمح الله ..بالعكس.. لانه ابوي الله يسامحه عاملنا بطريقه ..سدت نفسنا عن الزواج ..لكن الحين انا ابي خديجه من كل قلبي..ومنصور شاري نوف صج .. ـ منصور؟؟ ــ ايه .. كل يوم يتصل في ديمه .. يسألها عن الاشياء اللي تحبها نوف .. كل يوم ..كل ساعه ..تقريبا .. يسألها اسئله خلت ديمه تسفط الجوال ماتر عليه .. هههه راشد بدون وعي مبتسم ــ فديييتها ...د....نوف... مبارك بخبث ـ دنوف؟؟.. خابر شي اسمه داانو ...بس دنوف ؟؟. راشد وجهه اصطبخ احمرــ اكل وانت ساكت .. ضحك مبارك بهبل ــ دناااو,.,, طالع له راشد نص عين .. فاستعدل ــ زين يالنسيب .. مثل ماتامر .. __________________ في السياره ــ وين تبون ؟ ديمه ــ الحياه بلازا .. المها ــ لا طبعا . مستحيل صالح ــ شكلج تبتي هههههههه. ديمه ــ ايه قصدك تخاف ينكسر فيها ضلع ثاني .. المها ــ اقول جبي بس.. صالح ــ وين .. المها ــ فيلاااجيو طبعا .. بروح لامكرووني اكل هناك .. صالح ــ شوفي فيلاجيو كله سياح ..ويضحكون قاعدين يتصورون فيه تطلعون بالصور..والغراند حياة ..كله شباب ومغازل ... شرايكم آخذكم المول؟؟ المها ــ المول مافيه شي.. ديمه ــ فيه مطعم هندي حلو اسمه رويال ..خذني له حمد العام .. ــ مستشفى مب مطعم خخخخ .. طالعت لها ديمه مستغربه .. قالت المها توضح ــ حمد العام !!.. ديمه ــ سخييفه .. المها ــ انتي اسخــف.. ياربي متى بس تبدأ الجامعه كرهت قعده البيت .. ديمه ــ وين نسافر جده صرعتيني بهالسفره واخر شي محد .. المها ـ جب بس.. انتي ادرى .. صالح ــ اذا تبون اسافر اخذكم اي مكان تبونه ..ولايهمكم .. ديمه ــ لا ياعمي وراك زواج .. لاتنسى .. استغرب صالح ــ انسى شنو ..؟؟ ديمه ـ سمعت ابوي يقول لامي ان ملجتك وملجة بروك بنفس اليوم بعد اسبوعين .. ..ويمكن يسوون العرس بنفس اليوم بس امي مااوافقت قالت نبي نفرح فيك بروح وببروك بروح .. المها ــ وانتي كله تتصنتين على هلج ؟؟ .. ديمه ــ ماتصنت .. بس صوتهم كان عالي... ودخل اذني دون استئذان .. سكتت ديمه وتمت تطالع من الدريشه وهي حاسه بلوعه .. مادروا انها كانت من اسوأ المحادثات خصوصا لما امها اتهمت ابوها انه يبي حجه عشان يشوف فاطمه يوم العرس وابوها عصب وجا يطلق امها .لكنها تدخلت في الوقت المناسب.. وهاوشت امها ..شالكلام ؟؟ .. خلاص بتصير زوجة اخوه وابوها ماشافها ولا مره عشان تزيغ عينه عليها البنت من جت والنقاب على وجهها.. مسحت دمعتها ــ .عمي خل نروح المول .. ــ تآآمرين .. وخذ طريق المول ونزلوا هناك وتعشوا بالمطعم الهندي مع ان المها كان ودها بتشيليز لكن صالح ماحب لانه مكشوف .. _____________ دخل البيت مستعجل .. ــ هاي يمه ؟ طالعتت له امه ــ مافي شي بس ابي اروح للبنت اشوفها .. استغرب جاسم ــ ليش؟؟؟.. طالعت له امه ــ ابي اشوف زوحه ابني ..شو الي ليش؟؟ جاسم ــ يمه ماردوا علينا للحين ...انطري لين يردون علينا .. سكتت ام جاسم ــ انا قلبي حارقني شمعنى هي..وبنات عمك ماترسوا عينك ؟ ولا بنات عمتك ولا بنات خوالك وخالاتك ..البنت مثل الهم على القلب.. جاسم ــ يمه انا ابي هالبنت من بد البنات ...حرام يعني؟.. اسكتت امه ــ الله يعين شوراك بس... جلس جاسم في الصالة ودخل ابوه كالعاده تجاهله وراح ...هل تستاهل المها هل الجفا من اهله ؟..بكره بيعرفونها وبتتغير نظرتهم لها . ادخلت ريان من الباب وطاحت نظرتها بنظرة جاسم .. لف جاسم وجها عنها واشهقت وانطلقت تركض برا ,,مالحقها ,,هو ماوعدها ولا طالعها في يوم نظره تعطيها اي انطباع ..قلبه للمها وبس... ____________________ عند العنود واحمد ..في باريس كانوا يتمشون في نص الشانزليزيه ...يدها في يده وفي قمة سعادتها .. ــ عنودي.. ــ لبيه .. ــ لبيتي في منى..يمكن نرجع بدري الدوحه .. استغربت العنود ــ حلو .. ــ حلو .؟؟؟؟.. العنود ــ اموت فالدوحه وتراب الدوحه .. ابتسم ــ وطنية المدام؟.. العنود ــ طبعا وطنية ..بلادي ماقصرت معاي في شي..شلون مااكون وطنية ؟..حتى لو ظلموني الناس..بلادي ماتظلمني.. احمد ــ صحيح .. تم ماسك يدها وهم يتمشون . ــ احمد .. ــ عيون احمد .. استحت ونزلت راسها .. ــ شفيج ؟.. العنود ــ اول مره تقول لي عيون احمد .. ابتسم ــ مب بس عيونه ..روحه قلبه ..حياته .. دنيا احمد ,, استحت العنود وتمت تطالع له .. ــ فديتج شنو في خاطرج.. ــ لو سمحت يعني ممكن نروح السوق قبل لا نسافر..اباخذ هدايا للكل...بنات خوالي..وجارتنا وسااره .. احمد ــ تآمرين أمر..ممكن نرجع الفندق؟؟.. العنود ــ ممكنيــن .. وخذ بيدها ورجعوا الفندق..وأول مادخلت اللوبي لمتحت زول وبدون وعي قربت منه ..ولما شافت جنبه ولد وبنت ..اركضت بدون وعي .. ــ سااااالم !!!... التفت سالم لها وضحك اول ماانقضت عليه ...وتمت تصيح في حضنه بقوة .. ــ سلوووم فديتك والله .. وتركته واحضنت عامر وهي تصيح بقوة ...واحضنت عبير ..احمد واقف مستغرب..قرب منه سالم ــ شلونك يالنسيب.؟.. ابتسم احمد ــ الحمدالله شلونك انتي؟؟متى وصلتوا ؟؟. سالم ــ تو ..نبي نسأل عنكم ..بس مرتك قصفتنا .. ضحك عليها احمد ..وضحك سالم ..وهو يشوفها تحضن عبير مره ومره عامر وهي تصيح بقوة . همس سالم لاحمد ــ شسويت في اختي؟؟..ماكانت حساسه هالقد ؟؟.. ابتسم احمد ــ والله ماسويت لها اي شي ..الهارد وير والسوفت وير على حطته ..بس الظاهر سوت فورمات بعد الزواج خخخ.. سالم ــ ماهقيت عنوودي حساسه جي..ياكثر ماكانت تكاابر...ههههههه... انقضت عليه العنود واحضنته وهي تصيح بقوة ــ جب زين !!.. احمد ــ فضحتينا يله نروح لجناحنا وهناك .. قاطعه سالم ــ لا طيارتنا الساعه وحده فالليل و.... طالعت له العنود برعب ــ بتاخذهم مني؟؟.. واحضنت عامر وعبير..وسحبهم احمد بالغصب وجلسوا على الكراسي.. سالم ــ مرينا نسلم وبس..باخذهم ديزني لاند بعدين بنروح نغير ملابسنا وعلى طول طيارتنا لدبي .. العنود ـ دبي؟؟.. ــ ايه .. العنود ــ ابي اتم معاكم .. احمد ــ روحي معاهم ديزني لاند .. طالعت العنود لاحمد بحزن والدموع سكابا .. استغرب احمد ــ شفيج يا حياتي؟.. استحت العنود جدام سالم .. سالم ــ ايه شعليه .. الحين حياتي بعد شوي حبي وخرابيط تبون تخربون عقول اليهال.؟ عبير ــ احنا مو يهال..وهو زوجها .. لازم يدلعها !!.. ضحك احمد ــ هذا عقولهم مختربه من زمان .. ضحك سالم ــ عبير ..ناخذ العنود معانا لديزني؟؟.. عبير ــ لا اخاف تكون حامل ويصير للبيبي شي.. قلب وجه العنود احمر وضحك سالم بقوة هو احمد ..وعامر يطالعهم ساكت .. احمد يبي يغير الموضوع ـ بنروح كلنا ديزني لاند ..حتى انا اروح معاكم. سالم ــ انزين ..انا جوعان والحين حزة غدا..وين تتغدون ؟؟ احمد ماقال لهم انه متغدي مع العنود وماحب يكسر بخاطرهم ــ في مطعم مغربي قريب..قوموا نتغدى كلنا هناك .. وغمز للعنود ــ لازم البيبي ياكل!!... انحرجت العنود بقوة وضحك سالم .. عامرــ شبتسمين البيبي؟؟. انفجر سالم واحمد بالضحك والعنود ماتحملت قامت تضحك معاهم .. احمد ـ عمور ..ماقررنا للحين ..بس يجي البيبي نقرر..بس اذا كانت بنت ..بسميها هيـا على اسم امي.. عبير ــ الله وندلعها هيونه ؟؟.. عصبت العنود ــ اقول كذبتوا الكذبه وصدقتوها ؟؟؟..قوموا نتغدى لاتجلطوني!!.. _______________ باقي من الوقت لي عندك ربع ساعه .. واروح وأغيب عنك طول الأيام .. أشوفك اليوم بعد الضحك مرتاعه ..\ واليوم باروح لو تبكين قداامـــي... كانت دموعها تنزل وهي تسمع الاغنيـة..مستغربه..ليش حياتها صارت مرتبطـة بالأغاني!!.. في المطبخ تشرف على الخدامه وتسمع الراديو مكتئبة.. ــ حطيتي الغدا؟؟ التفت لمرة اخوها حياة .. ــ ايه .. ــ انتي تحطينه ..ماابي الخدامه تحطه سمعتي؟؟.ليش مب حاطه شيله على راسج؟؟ولا عاجبج شعرج اللي يطيح فالاكل.. ردت منى خصلة شعرها الكستنائية لورى بدون وعي.. راحت حياة وتمت منى تحط الاكل... وبعدين راحت الغرفه كارهه عمرها تغير ملابسها ..والالعن لما نزلت تحت وسمعت حياة تقول لاخوها فهد ــ طبخته لك بيدي الثنتين.. ــ تسلم يدينج ..عاد ساعدتج منوه؟؟ حياة ــ حبيبي حرام ..خليها نايمه ... ـ نامت عليها طووفه .ماتقوم تساعدج؟؟ اكل ومرعى وقلة صنعة ؟؟..انا بسنعها لج .. حياة ــ حبيبي حرام يتيمه ..حن عليها .. ــ كلنا يتامى ..بس فديتج انتي اللي قلبج ابيض وحساس؟؟... انقهرت منى وهي في مكانها ..قلبها ابيض..ركضت فوق من القهر وتمت تبجي في غرفتها..كادتها من الصبح في المطبخ وتنوع كل الاكلات اللي يبي لها تركيز.. تنهدت واسندت ظهرها لسريرها ..((كالعاده ياخوي..صدقتها...)) .. قفلت الغرفه لانها عارفه ان حياة مابتجيها الا حزة المغرب علشان تسوي العشا .. _____________ في الجامعه ... كان حمد وسليم ومحمد يدورن ملانين.. ـمحمد ـ تعالوا نطلع .. سليم ــ وين ؟.. حمد ــ ايه خل نطلع نتغدى . .. وقبل لايطلع جا لحمد مسج.. من نفس الرقم .. من :المجهول... ليتك تشوف اللي جرى وصار فيه,,,,,,وتشوف ماشفته وراء سود الايام اخفي جروحي في ضميري خفيه,,,,,,كني سجين ينتظر حكم الاعـــدام حكم القدر لاصار غصب عليــه,,,,,,مايمنع المكتوب تحطيم الارقـــام حس حمد بكآبه .. هالرقم مايجي منه الا مسجات حزينه .. ــ حمد شفيك؟؟ طالع لمحمد ــ لا يالطيب مافيني شي... لحق محمد وسليم وراحو لمطعم لسمرلاند اللي فالدحيل...تغدوا ورجعوا كملوا محاضراتهم . ----------------- عند عبدالرحيم الجو متكهرب بينه وبين مرته ...كان جالس في الحديقه لما دخل صالح البيت..\ ــ تخاويتي.. ــ وين يا بومنصور.؟ ــ ضايق الصدر ..وابي اطلع .. ــ سرينــا... طلع صالح وعبدالرحيم وراحوا للقهوة ..تم صالح يحاتي عبدالرحيم مستغرب.. ــ شفيك يا خوي؟؟.. ــ مافيني شي... استغرب صالح ..وتم جالس جنب عبدالرحيم ..مستغرب من حالة اخوه .. _____________ في ديزني لاند ... كانت العنود مستانسة واايد .. متخوفه من لحظة الفراق..تمشي مع عبير وهم يتفرجون على احمد وعامر وسالم من بعيد .. عبير ــ العنود ,,بسألج سؤال .. ــ أسألي يا حياتي ّ ـــ متى نرجع لبيتنا ؟؟.. اسكتت العنود ..سؤال ماعندها له اجابه ــ مادري .. تمنت العنود ترجع لايام قبل .. هي وعبير وعامر وسالم في بيت واحد ..بدل هالتشت اللي هم فيه .. مسكت يد اختها بحنان ــ تعالي نصور عند ميكي مااوس.. عبير ــ يلا ,, حست العنود بانها فاقده حنان بفراغ في داخلها .. ...طالعت لااراديا لأحمد .. اللي في نفس اللحظة طالع لها وابتسم ابتسامه احيتها من الدخل فشدت على يد عبير بحنان .. صوروا عند ميكي مااوس وببغز بني وسنووايت .. _______________ يعد مرور اسبوع رد الجد بالموافقة على جد جاسم ..اللي بشر جاسم ..اللي من الفرح تم يصرخ بالعالي ..وجده يضحك عليه .. ــ الله يا جاسم .. بتتزوج وتجيب حفيد ابني .. ضحك جاسم ــ جدي .. عندك حفيد حفيدك وشايل هم حفيد ابنك .. استغرب بو خليفه ــ من تقصد .؟. جاسم ــ جسوم ولد مزنة بنت شيخه بنت عمتي . طالع له بو خليفه ــ وانت تحاسبني على ذرية البنات .؟؟.. انا اابي ولد ولد ولدي .. يشيل اسم العايله .مبروووك ياولدي... جاسم ــ الله يباارك لك يا جدي .. عقبالكــ!!!. ضحك بو خليفة ــ تبي جدتك تذبحني..لا انا جدتك تارسه عيني .. ابتسم جاسم ــ اوه رومانسي الشايب.. بو خليفة ــ من يوم يومي يا يبه ..بس محد يقدر ..جدتك مب معطتني وجه بكلمه حلوة تقول عيب كبرنا هههههههه... ضحك جاسم من قلبه على جده .. بو خليفه ــ لاتضحك على جدك تبتلي بعدين .. وانا حاس ان مرتك نفس جدتك ..مووول مب راعيه رومانسية .. ابتسم جاسم ــ لاتخاف ياجدي ..الرومانسية اللي عندي تخب علينا حنا الاثنين . ضحك بو خليفه من قلبه ــ طالع على جدك يا جسوووم .. قام جاسم مستانس وركب سيارته وطلع مب عارف وين يروح ...بس الفرحه اللي غمرته بكبرها تعم البلاد كلهــا .. | ||||
|
| |
|
05-05-11, 08:56 PM
| #25 | ||||
| نجم روايتي
| الفصـل الخامس عشر فتح عيونه بتثاقل...مب مستوعب شقالت امه ... ــ شنوو؟؟... ــ بروح بيتهم قوم وصلني .. رفع جاسم نفسه غصب ــ بيت منو هالحزه ؟؟ كان مب قادر يفتح عيونه ويركز بالساعه اللي كانت تقريبا 9 الصبح ... ام جاسم ــ شفيك ماسمعتني ؟؟قوم ودني بيت خطيبتك بشوفها.. فتح جاسم عيونه على كبر ــ نعم ؟ طالعت له امه معصبة ــ ونعامه ... شنومااتسمع ؟؟ جاسم ـ وين رايحه للناس من الصبح ؟؟؟.. ام جاسم ـ بشوف جنتي ... مرت وليدي .. استغرب جاسم ـ اتصلتي وحددتي موعد ؟؟ ــ لا طبعا ..ابشوفها عالطبيعه هالايام المكياج يسوي معجزات .. ابشوفها قاعده من النووم متعاجزه .. ضحك جاسم ــ يعني وان مااعجبتج يعني شبتسوين ؟؟ ام جاسم ــ خليني اشوف بالاول بعدين احكم ..بلوه .. والله بلوه .. جاسم ـت اووه ..اليوم جمعه .. هم يجتمعون كل جمعه في بيت جدهم .. طالعت له امه معصبه ــ شدراك ؟؟لايكون من البنات اللي... قبل لاتكمل امه ــ تعرفيني مب راعي هالسوالف...بس صالح عمها ياكثر ماكان يعتذر عن عزايمي له يوم الجمعه لانه لمة الاهل عندهم .. ام جاسم ـ خير وبركه .. على الاقل اتناقش مع جدتها عن الترتيبات ..والموعد .. جاسم ــ يمه فديتج ..لاتطفشين الناس...وتعاملينهم إنا احسن منهم ..ترى مستواهم مثل مستوانا وازود ... ام جاسم ــ يصير خير ..قوم تسبح وغير ملابسك وانا ناطرتك تحت ..محد غيرك يدل دربهم .. هز جاسم راسه موافق..ماصار لهم ايام اعلنوا عن الموافقه وامه مرتزة من لصبح تبي تشوف البنت .. دخل الحمام واخذ وقته يبي يطول على امه عن لاتروح للناس من وهل وطول في الحلاقه والتسبح واللبس وشوي يمر غرفه اخته يحطط مكياج .. .يبي بس عذر علشان يطول .. تبخر وتدهن بالعود وطلع وانصدم .. امه وامنه وبثينه ..وريان تحت متزهبين يروحون معاه .. ــ نعم نعم نعم ... على وين العزم ؟؟ امنه ـ بروح اشوف خطيبتك.. بثينه ــ وانا بعد .. طالع ريان منصدم ريان تطالع حوله اي شي الا هو .ـ مافيها شي نبي نشوفها.. جاسم بهدوء غريب ــ ماباخذ الا امي.. ام جاسم ـ مافي شي ياوليدي خلهم يروحون معاي.. جاسم ــ يمه شفيج محمله العرب كلهم !. ــ هذي خطبه وزيارتنا لازم تكون جماعه ..جدتك وعتك كانوا بيجون بس ماصح لهم .. ..يلا جدامي.. طالع بثينه ومالقى يطلع حرته الا فيها ــ هالمفعوصه ماتروح ... بثينه ــ لييش؟؟؟ ولا عشان ابوي مايقدر الا على امي؟؟؟ طالعها مبقق عيونه ــ ايه ..عشان جي ..غرفتج يله ! عصبت بثينه واركضت فوق تصيح.... كان وده ريان ماتروح ... لكن ..ماله امر عليها .. هي تبي تعاني .. بكيفها!!... طلع قبلهم .. طالعت آمنه لريان ــ متأكده تبين تجين ؟؟ ريان ــ ايه .. والعبره اخنقتها .. ام جاسم ــ ياريان .. والله اني كنت ناويه اخطبج انتي ويكون يومج انتي..بس هو سبقني وراح لجده ...ماعبر احد ماعبرني ولا عبر ابوه ..وجده مااستشار احد .. وبوه ....مسكين للحين مجروح ..عز عليه ياخذ غريبه ...وبنات عمامه وخواله حوله .. ريان ــ يا خالتي نصيب .ونصيبي مو معاه ..يمكن مع غيره .. وانا مقتنعه بهالشي .. بس أبي أشوفها .. أبي أقعد معاها .. أبي أقتنع باختياره .. علشان يرتاح قلبي .وأعرف انه اختار صح .. آمنه ــ بتعذبين عمرج بس ... ريان ــ أبي أتطمن ..وهو خلاص .. ماشرا قلبي ..وصار أخو ..وبس .. ام جاسم ـ أبطينا عليه .. خل نقوم ..توكلنا على الله .. __________________ في بيت عبدالرحيم .. كانت ديمه متملله حدها .. المها في المطبخ وخديجه معاها ..ونوف كالعاده ماجت ..وفاطمه ..في محرابها مثل ماتسميه المها.. جدتها جنبها ــ قومي مسدي ريولي يا بنت .. ديمه ـ جده .. ملاااانه .. ماافيني.. ــ وين أمج ؟ ديمه ــ تعرفين تجتمع عند اهلها كل جمعه . ام عبدالرحيم ـ وليش مارحتي معها ؟ ديمه ـ ايه هذا الناقص ..اقابل هذيك الوجيه ..لا ياجده ..هذا بيت اهلي..مالي غنى عنه وما أبدلكم ابد .. ام عبدالرحيم ــايه اصيله اصيله ..اقول..قومي مسدي رجولي وخلي هالسوالف عنج ...مابتنفعج .. دخلت المها شايله دله القهوة ــ اي ماتبدلينا ؟؟اشك ..عند اول مواجهه بتبيعيننا بتبن .. ديمه ـ كلي تبن بس.. الجده ــ ديموه استحي على وجهج تكلمين الاكبر منج بهالطريقة .. ديمه ـ جده لاتطفشوني الجمعه الجايه اروح بيوت خوالي!.. الجده ــ اقول ..اذا بتمين على هالاخلاق روحي ومع ألف سلامه ..أنا مااربي قليلات أدب!.. ديمه ـ أفاااا ..وتقدرين ؟؟ ام عبدالرحيم ـ لا والله مااقدر قلبي مايطاوعني..ومابلاقي حد يمسد ريولي مثلج ..بس كلمة وطلعت .. احضنت ديمة جدتها بحنان ... في الوقت اللي تطالعهم المها باستغراب ــ انا ماافتكيت من صالح وخدوج تنشبون لي انتم بعد !!... ضحكت ديمه وهي تطالع الباب كان راشد عند الباب .. ــ جده ..ضيوف .. ــ المها ..استقبليهم .. كانت المها لابسه شيلتها السودا وجلابيه لونها فستقي حريريه ومطرزه بالشك جابتها لها جدتها لما ردت من الامارات المره اللي طافت .. ــ انزين جده .. مرت سلة العطور اللي عند الباب وحطت منها .. وشيكت على شكلها وطلعت تستقبل الضيوف .. وديمه شالت دله القهوة رجعتها دخل ورجعت زادت البخور على الجمر اللي كان في طرف الصالة .. ــ تفضلوا .. دخلت المها وقلطت ضيوفهم .. وبعدين راحت المطبخ مستغربة من البنات اللي جاين مع الحرمة ...لو حرمه بروحها اكيد تعرف جدتها ..لكن بنات ؟؟.. خديجه ــ شفيج ؟؟ ــ جونا ضيوف .. شلون بالاكل ؟ خديجه ــ يكفي وزياده جدي اليوم الصبح جايب له خروف وطبخته جدتي كله عالغدا .. لاتنسين بيجون سالم وعبير وعامر بعد شوي .. المها ــ غريبه .. كلمت العنود قالت بيروحون دبي .. خديجه ـ بيروحونها بس مروا الدوحه كم ساعه ..طيارتهم فالليل .. راح صالح يجيبهم .. المها ــ بودي الماي والعصير .. وانتي جيبي الشاي والقهوة .. واول مادخلت المها ــ حيالله ام جااسم ..تو مانور البيت .. ــ منور بأهله .. وقفت المها متصنمه عند الباب .. ام عبدالرحيم ــ تعالي يالمها سلمي على ام جاسم .. جاسم ولدنا وقريب باذن الله يصير نسيبنا .. تعالي ليش مستحية .. اسمحي لنا يا ام جاسم مهوي بجلابية البيت وريحه الطباخ .. ام جاسم ـ لا والله بالعكس غلطتنا جينا بدون موعد .. حست المها باحساس بشع قدمت لهم الماي والعصير .. وطلعت وراحت المطبخ على طول وهي منزله راسها .. دخلت المطبخ وشوي وتصيح.. خديجه ــ شفيج ؟؟ ــ ضيوفنا هم اهل جااسم ..ففففففففففففففف... خديحه شهقت ـ لااااا... وشافوج جي ؟؟ هزت المها راسها بصدمة ادخلت ديمه وهي مبتسمه ــ الحمدالله اخيرا شي يغير الروتين !.. طالعت لها المها بعصبية ـ مب وقتج ..ودي الجاي والقهوة والحلو..انا بطلع عند فاطمة الاقي لي بدله البسها واسنع شكلي...صكي باب الصالة العود ولا ماانتبهتي ان البنات للحين بنقاباتهم ؟. وراحت لغرفة فاطمة بدون ماتسمع الرد .. ــ فاطمة .,, ــ هلا حياج الغرفه مفتوحه .. المها ــ انقذيني .. اهل جاسم تحت وشافوني بهالبهدله .. فاطمة ـ خذي دش سريع ..وأنا بطلع لج بدله من عندي.. دخلت المها واخذت دش سريع بعد خمس دقايق اطلعت لفاطمة اللي عطتها بدلة قميص ساتان ابيض مع تنورة حمرا .. فيها حركات تجنن أطرافها دانتيل .. نشفت شعرها عالسريع بالسشوار وحطت لها كحل وقلوس ناتشرال خفيف .. وبلاشر .. ــ انزلي.. ــ بس هالمكياج ؟؟ .. فاطمة ـ انتي تجننين ماشاء الله عليج من دون شي ..والحين ..احلى ..خليج طبييعه .. واعطتها عطر تحط منه .. ولبستها عقد بسيط و حلق لؤلؤي وخاتم لؤلؤي.. ــ انزلي تراج ابطيتي عليهم .. طلعت لهم المها مبتسمة كارهه الموقف لكن مجبورة .. ــ السموحه تأخرت .. وجلست عند جدتها اللي طالعت لها برضا .. انبهرت ام جاسم بالمها .. ونفس الشي ريان وآمنه .. تموا يسمون عليها.. ريان ـ تدرسين ؟؟ كانت ديمه جالسه ــ ايه فالجامعه .. ادارة .. آمنة ـ كم عمرج ؟؟.. ديمه ــ عمرها 21 سنة .. بس ماشاء الله عليها بتتخرج بعد سنة .. ومعدلها ماشاء الله ثـ... قاطعتها ام عبدالرحيم ــ ديمه قومي داخل نادي خديجه تجي تسلم .. ديمه ــ جده خدووج مقابله الغدا .. ام عبدالرحيم ــ اجل قومي اتصلي بنوف .. حست ديمه أن جدتها قاعده تصرفها فقامت واتصلت بنوف وخبرتها السالفه .. سكرت نوف التلفون وهي مبتسمة والتفت حصلت منصور واقف .. ــ هذي ديوم ..تقول لي ان اهل جاسم اليوم طبوا عليهم ..وان وجه المها صار تلفزيون .. ابتسم منصور وحس انه بعيد عن اهله وايد ــ مسكينه .. نوف ــ ممكن لو سمحت يعني تاخذني لهم ؟؟جدتي طلبتني بالاسم ..يا انها تبيني ولا تبيب تصرف ديوم هههه.. صحك منصور وقال ــ اكيد الثانية مع انه اكيد مايستغنون عنج في هاليوم ..بدلي ملابسك وانا ناطر .. دخلت نوف الغرفه وبدلت ملابسها ..طول هالاسبوع كانت تطلع مع منصور لكل مكان تعمقت علاقتهم ببعض ..لكن قلبها للحين ماتطمن ..طلعت من غرفتها وطلع من غرفته .. ــ جاهزه ؟ هزت راسها بابتسامة .. ___________________ عند المها ..كانت المها تفكر اميه فكره في راسها ..كانت في لحظة تقرر انها تقول لهم ولدكم مابيه ..وفي اللحظة الثانية تقول لا فضيحه .. تقول في خاطرها ..هو مب شاريني هو يبي يكسر شموخي .وفي اللحظة الثانية تقول لو يبي يذلني ماطرش اهله !!.. وتمت على هالحال سرحانه مب وياهم بالمره .. كانت ريان تطالعها بنظرات حزينة .. وتتأملها ..البنت جميلة ..ومثقفة .لكنها مب اقل منها .. ليش جاسم مااختارها ؟؟.. هو ين شاف البنت هذي علشان يتحدى الكل لأجلها !!... طالت ام جاسم اللي كانت تسولف ويا ام عبدالرحيم ونظرات الاعجاب واضحه في عيونها ..وآمنه كانت مبتسمة عادي ..محد حاس بالنار اللي في قلبها .. طلعت فاطمة وسلمت عالجماعه وجلست معاهم ..وهي ملاحظة شرود المها .. اشرت للمها انها تقوم وتروح معاها للمطبخ .. دخلت المها المطبخ وهي حاسه بضيق .. ــ شفيج ؟.. المها ــ مخنوقه .. ــ انزين من اللي كانت قاعده حذاج ؟ ــ هذي ريان ..بنت خالتهم .. ــ انزين ليش تطالعج جي؟؟ ــشلون تطالعني؟ ــ كأنج ماخذه شي لها َ!. المها ـ ماتهمني..انا في راسي مية موال وآخر همي هي .. قربت منها خديجه ــ شالحلا شالحلا .. لا شكلج طيحيتيهم من اولها .. المها ـوالله انج رايقه .. طلعت عنهم وراحت فوق لغرفة فاطمة .. فاطمة ـ شفيها لايكون مغصوبه ؟ خديجه ــ عاد ما ادري شنو في راسها ..شالكشخه أول مره أشوفج ببدلة .. فاطمة ــ عيونج الحلوة ..عاد ام عبدالرحيم نادتني افتشلت انزل بجلابية ..لبست هالبدله . كانتت فاطمة حاطة شيله على جتوفها وفاجه شعرها ونازل على جتوفها ..ولمسة مكياج خفيفة قميص حريري احمر وتنورة كاروهات احمر اسود .. ــ خل اساعدج .. وتمت تساعد خديجه فالمطبخ في ترتيب السلطات والعصاير والاكل.. ___________ في المجلس..رجعوا من صلاة الجمعة والكل يسولفون عن رمضان ونيتهم في رمضان .. بو عبدالرحيم ــ انا ناوي اعتكف لي اسبوع فالمسجد .. صالح ــ وانا وياك يايبه .. بس خله آخر اسبوع .. بو عبدالرحيم ــ لا يبه .. انت بنملجك على خطيبتك وتفرغ لعرسك بيكون بعد العيد باسبوع .. انصدم صالح ــ بس بدري يايبه .. بو عبدالرحيم ـ ياولد ي خل افرح فيك واتطمن عليك .. انا قلت لام عبدالرحيم تعطي البنت خبر يمكن حد من خوالها يجي .. ــ مثل ماتامر يبه .. ابتسم جاسم ــ يعني بنفرح فيك يا بو جسوم ؟؟ صالح ــ ان شاء الله .. حس جاسم ان صالح للحين ماخذ منه موقف فذبلت ابتسامته .. ــ وانتيا مبارك ..متى ناوي ؟؟.. مبارك ــ أنا بأمر راشد !.. ابتسم راشد بخبث ــ وانا اقول بدري. خلنا نفضى اول لصالح ونقوم فيه بعدين نتفضى لك.. طالعه مبارك بحزن ــ قلنا بأمرك ..مب تحت رحمتك عاد !.. صالح بخبث ــ جبتها لنفسك !.. بو عبدالرحيم ــ صالح .. قوم شوف الغدا زهب ولا لا ء.. قام صالح وراح للمطبخ من الباب الخارجي .. وانصدم من شاف البنت اللي تضحك مع خديجه .ماقدر يشيل عينه عنها .. انتبهت فاطمة اركضت داخل .. خديجه ــ صلووح .. وهي كاتمه ضحكه شكبرها .. ــ هلا .. ــ مب عادتك ماتنحنح .. ــ من هذي؟؟.. حست انه مذهول.. خديجه بعبط ــ من اهل جاسم .. طالع لها منصدم بعدين كان بيطلع قالت خديجه ـ امزح معاك ... هذي مدامتك المستقبلية ! ارتاحت ملامحه ــ حسيت .. وسرح وغمض عيونه شوي ــ يا حلاتها .. خديجه ــ واو ..نقول حبينا ؟.. ابتسم ــ مبدئيا .. الغدا جاهز ؟. خديجه وهي مستانسه ــ يب .. وقف صالح عند الصحن اللي كانت تجهزه واكل منه شوي .. ــ اهم شي تعرف تطبخ ..شنو هذي؟ خديجه ـ سلطة يونانية.. ــ طعمها غريب .. شحاطه عسل؟؟ خديجه ــ سوت له درسر من عسل وليمون وملح ومدري شحطت بعد .. جلس صالح ــ حطي الغدا .. انا باكل السلطة هذي .. سحبت خديجه الصحن من جدامه ــ قوم ود السفره وناد الشباب يشيلون الغدا .. صالح ــ انتي قد هالحركه ؟؟ خديحه بابتسامه ــونص... هز راسه وراح المجلس واشر لمبارك .. مبارك ــنعم .. ــ روح المطبخ يبونك .. ــ انزين .. وابتسم بخبث ووقف شوي برا .. كانت خديجه لابسه ملفعها بس مع الحر والطباخ كانت متبهدله وخصله شعرها لاصقة على وجهها .. ــ ها شتبوون .. بطلت عيونها على كبر .. ابتسم مبارك وتشقق وكانت اول مره يشوفها من حطت له الورقه فالسيارة .. ــ قال لي صالح انج تبيني .. ضاع صوت خديجه من الاحراج وقلب وجهها احمر ــ لا سلامتك .. ــ تدرين الرسالة ...احلى شي اهداني اياه احد في حياتي.. حست خديجه قلبها بيوقف .. ــ انا قلت لصالح يناديكم تشلون الغدا .. مبارك بخبث ــ اها .. خديجه تبي تضيع الموضوع ـ جا سالم ؟. مبارك ـ لا .. ولا بيجي .. تكنسلت طيارتهم .خديجه .. ــ نعم .. ــ انعم الله عليج .. احبج .. وطلع مبارك من المطبخ وهو مبتسم .. كان صالح واقف بره ويعيب ــ خديجه ...احبج ....امحق رومانسية ..خديجه ..احبج .. ــ وانت تتسمع ؟؟ صالح ــ هي جابتها لنفسها ومااعطتني السلطة ادخل داخل مره ثانية وجيب السلطة اليونانية . مبارك ــ ومن قص عليك وقال لك اني بوقف معاك ضدها ؟؟.. ــ والله انكم الاثنين ..حمير.. ــ طالعين عليك هههه.. صالح ــ انزين ..ان ماقنعت رشود ان عرسكم يكون بعد سنتين ولا ثلاث .. ــ لا الله يخليك .. على الراس صالح ..بروحه رشود حاطني براسه ! صالح ــ ايه اعتدلوا ..يله روح ناد الشباب يشيلون الاكل ..ترا ابوي يوعان .. في هالوقت خديجه اطلعت بعد ما طلبت من الخدامات تودي الاكل وتجهزه .. وراحت غرفة فاطمة واستعارت منها شي تلبسه بعد ماخذت دوش سريع .. _____ | ||||
|
| |
|
05-05-11, 09:11 PM
| #26 | ||||
| نجم روايتي
| كانت نوف جالسه مبتسمه ..عجبتها ام جاسم ..واعجبتها امنه لكن قلبها مب مرتاح للريان ..احتقان عيونها ..تعبير المتذمر على ملامحها .. اتفقوا ان الزواج بعد ماتتخرج المها السنة الجاية ..والملجة باذن الله في عيد الاضحـى ..وبعد ماحطوا الغدا وتغدوا ..نادت نوف المها تجي تسلم على ام جاسم قبل لاتطلع ..واول ماطلعت اطلعت المها لغرفة فاطمة .. نوف ــ ها ياجدتي..شرايج ؟؟ ام عبدالرحيم ــ الحمدالله يانوف مرتاحه ومتفائلة خير.. نوف ــ ان شاء الله خير.. جت خديجه وكانت كاشخه ــ وين رااحو ؟ ــ راحو بيتهم ..وينج ليش تأخرتي؟؟.. خديجه ــ وهم على طول راحوا بعد الغدا ؟؟.. نوف ــ تغدوا وشربوا الشاي والقهوة وراحوا .انتي وين اختفيتي؟؟.. خديجه ــ اخذت دووش سريع .. نوف ـ اشك سريع .. كل هاي تسبح ؟ خديجه ـ لين شسورت شعري وحطيت ميكياج ...ياربي ..كان ودي اشوفهم .. نوف ــ لاحقة ..وين المها ؟.. ــ فوق ..مدري شفيها مب على بعضها .. نوف ـ مالومها .. انحطت في موقف بايخ المفروض يحددون موعد .. ام عبدالرحيم ــ هذي عوايد الحريم لابغوا يشوفون بنت لولدهم يروحون لها بدون موعد يدخلون على غفلة .. بس الحمدالله المها حلوة ومرتبه ونظيفه وماعليها كلام .. نوف ـ صج حريم .. خديجه ــ وانا كشخت الحين لمن ؟؟ ام عبدالرحيم ــ لنا بعد لمن ..ولا مالنا رب نشوف متعدله ومتكحله هالكحل الغاوي؟؟.. ــ فديتج جده ..آمري بس وانا اكشخ لج كل يوم .. نزلت فاطمة بعد مالبست جلابية والبست شيلتها والنقاب .. ــ قالت لي المها انهم راحو .ام عبدالرحيم شرايج ؟؟ ام عبدالرحيم ــ توني اقول لنوف اني متفائلة خير كافي انهم شاريين البنت ..والولد صديق صالح واهله ناس طيبه.. فاطمه ــالله يوفقهم آمين .. _____________________ كان احمد والعنود يتمشون بالاسواق .. والعنود كل مره تشتري هديه لبنات خوالها ولساره وام احمد..مسك احمد الفاتورة ... ــ مب كأنج فلستيني؟؟شنطة بخمسة الاف يورو؟؟.. ابتسمت ــ شسوي .. لازم الصوغه ..ومن ذكر ماحقر .و. قاطعها احمد ــ فديتج يستاهلون ..بس انا مب شايل معاي الا مبلغ محدد ..ومادفعت للفندق للحين ..خليه نشتري من السوق الحره نفس البضاعه لان الكريدت كارد اللي عندي لمتها محدود.. العنود ــ لا انا خلصت شريت للكل .. احمد ــ بس انا ماشريت ...بقى اجيب لابوج وابوي وامي وسارونه ..وخالي والشله كلها .. العنود ــ اوك اشتر لهم الحين...ترى الكريدت كارد ماخذيت منه ولاشي كله من الكريدت مالي.. طالع لها معصب ــ شنو؟؟..انتي جايبه كريدت معاج؟ العنود ــ ايه ..من زمان عندي ..ابوي فتح لي حساب الصيف اللي طاف.. احمد ــ بس خلاص..انا زوجج ومسؤول عنج ..وماتاخذين الا من الكريدت حقي ..ورجعي البطاقة لابوج.. العنود ـ بس هي لي باسمي.. احمد ــ خلاص لاتستخدمينها ..منتي بحاجتها .. سكتت العنود مستغربه ليش معصب ..ابوها ومافيها شي لو سوا لها حساب .. العنود ــ براحتك .. وتم طول الوقت ..معصب.. ______________ دخل جاسم المطبخ بعد ماراحت ريان وهو من داخل متشوق يسمع راي امه .. جاسم ـ ها يمه..شرايج؟؟ ام جاسم ــ شينه ....ياوليدي ماعرفت تختار... انصدم جاسم ــ صج يمه؟..شينه ؟؟. ام جاسم ــ ايه ..لو جايب يح اكثر..كله مب حلو.. طالع لها جاسم بخيبه ــ انتي تتكلمين عن اليح ؟؟...اسألج عن خطيييييييييييييبتي .. ابتسمت ام جاسم وهي تقطع اليح ــ ياوليدي البنت قمر مقعد .. واهل ناس طيبين .. ـ عجبتج ؟ ــ وواايد واعجبت آمنه بعد .. ــ على شنو اتفقتوا ؟.. ــ العرس بعد التخرج والملجة في عيد الاضحى .. عصب جاسم ــ شنو يمه بعيد .. طالعت له امه باستغراب ــ انت على شنو مستعجل الملجه بعد ثلاث شهور والعرس بعد سنه تقريبا..وقت معقول.. جاسم ــ واايد ..انا .. سكت شوي.بعدين رجع سأل امه ـــ تكلمت ؟؟.. ام جاسم ــ شلون ؟؟ جاسم ــ تكلمت معاكم؟ ــ لاء يا وليدي...شاني خذي الفاكهه وديها بابا.. ولا انطقت حرف ساكته وسرحانه .ماغير الترحيب ..يوم دخلنا رحبت فينا وهلت .. جاسم ــ وريان ؟ ــ شفيها ؟ ــ ماسوت شي يفشل؟ ــ لا والله البنت ماسوت ولا قالت كلمة .. ليش هالكلام؟ ــ مافي شي.. وطلع من المطبخ مستغرب..توقعت تسوي لها حركه ولا تقول كلمة ..بس ...شوراج ياريان ؟؟.. ____________- اول ايام رمضان .. كان الكل مجتمع في بيت ابو عبدالرحيم يباركون ويهنون بعض بهالشهر ..البنات ديمه والمها ونوف وفاطمة وخديجه في المطبخ .. وام عبدالرحيم وام منصور في الصالة .. ام عبدالرحيم ــ شخبار هلج ؟ ــ يسلمون عليج خالتي.. ــالله يسلمهم ..يله يابنات الاذان بيأذن .. هيا وين ؟؟ ام منصور ــ هيا في غرفة طيبه .. ــ شيسووون ؟. ام منصور ـ عندهم مشروع وقاعدات يتناقشون فيه . دخلت عبير وجهها اصفر ــ يا جده متى يأذن .. ام منصورــ وانتي ليش صايمه عادج صغيره !.. عبير ــ يا خالتي اناا اصوم من عمري 7سنينن بس السنه الجو حار واليوم طويل.. ام عبدالرحيم ـــ اجر ان شاء الله هانت ربع ساعه ويأذن ..وين اخوج ؟ ــ مع حمد ولد خالي يلعبون سووني... ــ روحي قولي للبنات جدتي تستعجلكم ..ماباقي عالفطور شي..خل يحطون اللبن والماي والتمر ..عالسفره .. عبير ـ ان شاء الله جده .. قامت عبير وراحت المطبخ البنات كانوا محتشرين ومعاهم فاطمه ويجهزون كل شي .. ــ زحممه .. نوف ـ حبيبتي عبير روحي الصالة .. عبيرــ رايحه بس جدتي تقول جهزوا الماي والتمر واللبن .. ماباقي شي عالاذان .. المها ــ ودينا للمجلس وبنودي للصالة .. اف الله يعين السنه الدوام بيبدا في رمضان والجامعه مشاوير من مبنى لمبنى ..لا كدينا خير.. ديمه ــ المها لاتنشغلين عني ترا ماعرف شي ..ابيج تعلميني كل شي.. المها ــ لا حبيبتي بالجامعه تعتمدين على نفسج انا مب مسؤوله عنج ..تسجلين المواد وتسألين وين الكتب والي يسأل مايتوهش. وتسألين القاعات وين ..تعبي شوي.. ــ لكن بكون صايمه ــ وانا صايمه بساعدج وادلج لكن كل شي تسوينه بروحج . خديجه ـ لاحقين على حشره الجامعه الاذان بيأذن .تحركوا .. نوف ــ دام خلصنا وطرشنا اكل المجلس الصالة مايبي له شي.. المها ــ كل من هالخدامه من متى قلت لها تجهزالصحون.. خديجه ـ خفي عليها هي بعد صايمه واول يوم اكيد دايخه وتعبانه ..... على الفطور اجتمعوا طيبه وهيا والبنات كانت هيا تتكلم مع طيبه ولا سائلة في احد من اللي حولها .. ام عبدالرحيم تتكلم مع فاطمه ومستانسه على طباخها وام منصور تطالعها بكره .. ديمه والمها يتذوقون من كل الاصناف وينتقدون الاكل .. ـالمها ـ فديت حكمناالعنود .. ديمه ـ اي والله ..هي صار لها اسبوع من جت من السفر مازارتنا ولا مره .. نوف ــ كلمتها امس .. كانت مشغوله كل يوم عزايم من اهل احمد وخواله .كل يوم تروح الصالون تخيللووا.. المها ـ شالسالفه ليش؟؟؟.. نوف ـ تعرفين نصهم سيدات اعمال ..ولازم انها تكشخ كل يوم .. المها ــ الله يهنييها.. وطالعت طيبه نظرة استغراب .. ــ عمتي..شخبار العنود.. طالعت لها طيبه مستغربه ــ مادري.. وارجعت تتكلم مع هيا عنالميزانبة والحسابات .. وصل لنوف مسج من : ماعلموك ؟ إنه في غيابك يلف دنياي السكون وفي وجودك تضحك احزاني وتهون.. اشتقــت لج .. ابتسمت .. وطرشت مسج . ((في غيـــــــــــبتك تثقل علي الدقايق والوقت مع غيرك ماعاد ينطاق. ربطتني مابين عهد ووثايق وخليتني بس للقصايد والأوراق واليوم أقولك دون الخلايق: ماعيني لغيرك من النـاس تشتـــــــــــــــاق )) المها ــ اقول نوفه ..تفطري مب وقت مسجات ... انحرجت نوف ..وصار وجهها احمر .. ــ جب زين.. ديمه ــ نوفو ..خل اخوي يتفطر حرام طول اليوم دوام والحين بالشته بالمسجات .. طالعت لها نوف ــ اقول .افطروا بالعافية على قلوبكم ..هذي سوالف كبار.. ________________ كانت المها مع ديمه أول مادخلت العلوم . ... ــ شوفي ديوم وخري عن ستاربكس ..لاتقعدين فيه .. ــ ليش ؟؟ .. ــ مكان استعراض بويات مايسوى عليج .. مستحـــــــــــــــــــيل ! تصنمت المها ووقفت مكانها مب مستوعبة ... ــ مهووي شفيج ؟ وطالعت ديمه لمكان ماتطالع المها ..كانت نوره رفيجة مها جالسة هناك بهيئة بشعة .. ــ معقوله !! .. كانت نورة لابسة عباية لكنها سادة مفتوحه ومطلعه الجينز والشيرت اللي على شكل شماغ قاصة شعرها لين آخره ومسوية سبايكي ..ونظارة رجالية وماده يدها على جتف بنت نعومة فاتحة شعرها وحاطة فل ميكيب.. العبرة اخنقت المها فجرتها ديمة بعيد لكن المها ما انصاعت وراحت تجاه نورة .. ــ اتقي الله ... طالعت لها نورة منصدمة وسحبت يدها من على جتف البنت ..االلي طالعت المها بعصبية وقامت سحبت يد نورة وحطتها على جتفها عنادن في المها.. ــ اتقواالله ..حنا في نص رمضان ...انتم قاعدين تجاهرون بالمعصية... البنت بعصبية ــ اوهو مب فايقين لج ...روحي المصلى ألقي محاضراتج .. طالعت المها نورة اللي نزلت راسها وكانت تتجنب تطالع المها.. ــ ما اصدق..نوره بعدما كنا من جماعة المصلى ..بعد ماكنتي رفيقتي وصديقتي ..تنقلبين لعاصية ؟متشبهه بالرجال ؟ملعونه ؟؟ ليش!.... طالعت لها نورة بحقد ــ انا كنت شاريتج بس انتي اللي بعتيني... ــ شنووو؟؟؟ ؟؟..... نورة ــ ايه ..انا كنت احبج وانفذ كل طلباتج .. واعطيج على هواج ...لكن انتي تركتيني.. حست المها بقرف وطالعت لها منصدمة ــ ماهقيت اني اختار الناس الغلط..لكن يوم اخترتج صديقة ..كانت اكبر غلطة...بويا!!!....مسترجله؟؟ليش ؟؟؟؟؟؟؟خلصوا الرياييل !!... ولفت وتركتها وراحت وهي تمسح دموعها مصدومه .. ديمه ــ لاتبجين وتعورين راسج ماتستاهل!. المها ــ انا متحسفة على كل دقيقةوثقت بها بسر ولا بخاطر..روحي كلاسج .... ديمه ــ مادله ..وين .. المها ــ روحي مبنى التأسيسي.. ــ وين هذا بعد !!... اضحكت المها ن ورى خاطرها ،،... ــ تعالي..والله بيطلع هالكعب من خاطرج اليوم... استغربت ديمه مو فاهمه .. المها ــ تعالي بتفهمين ... في الطريق كل مرة تسأل ديمه وهي تأشر على المباني ـ ـهذا ؟؟ هذا ؟ لين اوصلت ورجولها متورمة من المشي .. ــ الله يقطع الكعب ومن اخترع الكعب .. ضحكت المها اللي كانت لابسة فلات ومريحه راسها .. المها ــ دخلي ودوري قاعتج ..انا بروح مبنى الادارة عندي اولى ..بتلاقيني الساعه 11 في كافتيريا التأسيسي بجي انطرج.. ديمـة ـ بينا كول .. المها ـ ماعندي تلفون .. ديمه ـ للحين ماطلعتي واحد ؟؟ المها ـ لا .. ولا بطلع ..لين اقتنع ان له فايده .. ديمه ـ واذا انا في ورطه !!.. المها ــ بنات الاجاويد مابيقصرون معاج .. البشر عاشوا الاف السنين بدون تلفون ..واعتقد انا نقدر نعيش بدونه ايام .. ديمه ـ والله انج مب صاحيه !!.. المها ــ مع السلامة . تركتها وتمت تصيح وهي في الطريق وتناشق على مصير نورة .. كانت خديجه في الدوام ..أحلى مافي رمضان ان الشغل بس خمس ساعات ...كانت مركزة بالمحاليل والبنات رايحين جايين يسألونها .. دخل صالح متضايق ـ خديجه تعالي. اتبعته خديجه ــ خير ؟.. ــ الخير بوجهج ..تعالي انا ملاحظ اان البنات يستغلونج وتسوين لهم شغلهم.. ــ لا ماسويت انا ساعدتهم بس.. صالح ــ انتي كله تقولين شغل شغل..وانا اعرف ان شغلج مب وايد لانج ماتأجلينه ..لكن البنات كله سوالف ويحذفون عليج الشغل.. خديجه ــ حرام اخاف يغلطون و.,.. قاطعها صالح ــ خلهم يغلطون ..لازم يتحملون نتايج شغلهم ..انتي مب مسؤوله الا عن شغلج..وانا ملاحظ انه هذا كله مب شغلج ... خديجه اسكتت ...حس صالح انها تضايقت .. ــ كدوج .. في كتاب قرأته هو السبب في نجاحي في شغلي.... ــ كتاب ؟ ــ ايه اسمه القرد.. استغربت خديجه ــ القرد ؟؟.. ــ ايه .. الفكره منه بسيطه ..تخيل ان العمل المكتبي قرد ..وانت مدير..كل مايدخل عليك موظف بقرده ..اول شي يقول لك ماعرف فتقول له انا احل الازمه ..فهالقرد يركب ظهرك ..ومع دخول كل موظف للمكتب..تتزابد عدد القرود على ظهري...يعني الشغل يزداد ...فهمتي؟؟؟... هزت خديحه راسها ــ لكن شالحل؟؟؟... صالح ــ الحل الله يسلمج .انه لما يدخل الموظف بعمله او قرده ..تطالع المعامله ...تراويه الشغل المطلوب وتتركه يطلع بقرده ...فهمتي؟؟.. ابتسمت خديجه ـــ ايه فهمت جي ماتتراكم القرود فالمكتب وكل موظف يهتم بشغله بدل قعده الشاي والقهوة ... ــ عليج نووور...يلا روحي ردي القرود اللي عندج كل لراعيه ومااابيج تسلمين الا قردج انتي ..... ــ تامر... طلعت من عنده واجمعت الملفات اللي عندها بالمكتب .ومرت على كل مكتب وعلمتهم الطريقة واللي تتهرب انها ماتعرف تقول لها انها تتبع الخطوات وبتعرف....ورجعت الكتب تحس بخفه ... ______________________ قبل وقت الفطور كانت نوف ناطره منصور تطالع الساعه اليوم تعبانه في الطبخ ..وهو تأخر ....وماتقدر تاكل من دونه .. رن تلفونها ..لما قرت اسم منصور ردت بسرعه . ـ الو .. ــ هلا حياتي.. ــ هلا فيك .. وينك .. ــ اسمحي لي مابقدر اجي ..عندي شغل والله .. ـ خلاص .. براحتك .. ــ تفطري.. وخشي لي من الاكل الطيب اللي مسويته .. ـ تامر .. ـ مايامر عليج عدو .. سكر التلفون وهو حاس بشوق لها ..غريبه ..ارتاح لها وايد ..حبها ..حب رقتها و هدوءها .. حست نوف بشوق لراشد ...حسته من زمان ماكلمها ... اتصلت عليه تستعبط ... ــ ألووووو... ــ هلا نوفه .. ــ السلام عليكم . ــ وعليكم السلام ... شفيج مشتطه .. نوف ــ ههههه ..اي والله ..شرايك تجي تتفطر عند اختك المفضله ؟ استغرب راشد ــ بعلج موجود ؟.؟ اضحكت نوف ــ لا بيتأخر وانا مسويه فطور سنع ..لم قشك قصدي خواتك وتعالوا ..وجيبوا من فطوركم ابي اذوق طبخ كدووج .. راشد ــ تامرين يالغالية ... يله .. انتم اي فيلا في المجمع ؟؟... ــ الاخيره ...بتلاقي جدامها سيارة منصور الجكس ..لانه اليوم راح بسياره حمد .. راشد ـ وش له ماخذ سيارة حمد ؟ ــ حمد مسافر عمره مع ربعه في الجامعه وخلى السياره عندنا ..يلا تعالوا ولاتبطون . ــ يله دقايق . سكر راشد وراح خبر البنات اللي استانسوا وايد ورتبوا من طبخهم في صحون وحطوها في السياره .. رتبت نوف السفرة وشالت لمنصور نصيبه من كل صحن . ..... شغلت التلفزيون وتمت ناطره ...لين رن جرس الفيلا ..وطلت لقته راشد وخواتها ..دخلتهم بسرعه .. ــ يلا بيأذن بأي لحظة .. راشد ــ انتي بروحج .؟ نوف ـ منصورعنده شغل ..هو كان ناوي يجي ..بس .. كانت المها تنزع شيلتها لكن سمعت صوت الباب فرجعتها ..طالع راشد ..دخل منصور شايل بيده صندوق كبير منصدم ... ابتسمت نوف تخفف التوتر ــ جيييت .. منصور ـ ايه .. قدرت اطلع .. شلونك راشد ؟ راشد ــ الحمدالله .. شلونك انت ؟ ــ طيب عساك طيب ..شخبارج المها ؟؟خديجه هنا ؟ المها ـ اخباري طيبه ..خديجه فالمطبخ .. نوف ـ عيل اجلسوا ودقيقه ويكون الفطور جاهز .. جلس راشد مقابل منصور ..وبعدين قعدت المها..راحت نوف المطبخ شاييله الكيكه اللي جابها منصور .. خديجه ــ واو .. احب كيكه المنجو ... من جابها ؟ ــ منصور .. ــ هو هنا ؟ ــ اي ..قال مابيجي بس شكله قدر يطلع بدري.. طلت خديجه من الباب ــ ماتضارب هو وراشد ؟؟ ضحكت نوف ــ لا للحــين ... الكيكه نحلي فيها بعد الاكل شرايج ؟ خديجه ــ ايه انا جايبه دله قهوة وقعده تلفزيون ..حلووو..تعالي نشيل الاكل داخل .. بقى بس صحنين .. اول مادخلوا تفاجئوا بالمها ومنصور مطيحيين سوالف وراشد معاهم .. كانت حركه من المها تبي تكسر الجليد تقعد تتكلم مع منصور عن الجامعه وخرابيطها وتم منصور يتكلم عن تجربته ونفس الشي راشد .. راشد ــ حضر الطعام.. واخيرا ..وين اللبن والتمر ؟؟.. نوف ــ جدامك ... بتصلون هنا ؟؟ راشد ــ حسب منصور .. منصور ــ لا بنصلي بمسجد برا المجمع .. بس نفطر بنروح ..متوضي راشد ؟ هز راشد راسه بإي ..اول ما انطلق المدفع وشافوه بالتلفزيون .. اكلوا راشد ومنصور التمر وشربوا قلاص لبن وقاموا .. منصور ..ــ بنروح بسياره عشان نلحق على الصلاه .. راشد ماعلق لانه ولا مره جا هالمنطقه ولا صلى في مسجدها .. في المسجد سلم منصور على كم شخص بعدين استوا للصلاة وأدوا فرضهم .. ________________________ خديجه ــ تأخروا .. كانت المها تاكل كل مرة من كل صحن ..ضحكت نوف عليها .. المها ــ اليوم خواره فالجامعه احس بموت من الجوع ..مافيني انطرهم.. نوف ــ كلي يا قلبي .. لاتنطرينهم .. خديجه بعصبية ـ مو حلوة يجون يلاقونج مخلصه الاكل .. ضحكت نوف عصبت المها ــ ماخلصت شي يا مال العافية على قلبي..وش خلصت ؟ شايفتني اخذ لقمة من هنا ولقمة من هناك .. نوف ــ الخير وايد .. خديجه ــ ماقلت شي بس لاجو بتكون شبعانه ترست هالكرش ولا بتاكل ومنصور بيظن انها مستحيه منه و.... دخل منصور ــ لا تخافين هههههه .. كلي يالمها ماعليج مني.. انحرجت خديجه والمها وضحكت نوف ..وراشد مبتسم ..علق منصور .. ـ على بالي بس ديموه فريده من نوعها اتاريج نسختها !... ــ يالنسيب .حدك عاد .... لاتشبهني باختك الديناصورة ههههههه نوف تطالع راشد مبتسمه بخبث ــ حدج عن ديموه والا ردتج للبيت بتكون مأساه .. فهمت خديجه والمها ووجه راشد صار وردي تموا يضحكون ومنصور يطالعهم مستغرب ـ والله هالضحك وراه سبب !!.. ضحكت نوف ــ سلامتك تفضل كل كل .. منصور ــ اي ضيعي السالفه ... تم راشد يبتسم وهو يشوف الضحكه على محيا نوف ..حسها حقيقيه مب تصنع ...اول مره مايشوف الهم في عيونها ..وومنصور ؟؟؟ سبحان مغير الاحوال ..هذا منصور ؟؟ يضحك يسولف ؟...ينكت !!!!!!!! معقوله ؟؟ ونوف ماخذه عليه ؟دعا في خاطره "الله يهنيهم ." . ______________________________ في بيتهم .. ام منصور ــ ديموه بس ترستي بطنج بهالفيمتوووو.... ديمه ــ ماقدر يمه عطشاااااااااااااااااااااا ااااااااااااااااااااااااا اااااانه... عبدالرحيم ــ ههه خليها ..فالليل بتندم بيغثها وماتقدر تاكل وباجر بتموت من الجوع .. ام منصور ــ بس بارد مب زين .. مبارك ــ ديموه .. خلاص خلصتي العصير خلي لنا انتي وجهج. ديمه بعبره ـ لو شايف المسافه اللي رحتها مابتقول جي ...تخيل من العللوم للتأسييسي ..في هالقايله ..وبكعب ...لا والله مالي شغل تاخذني اروح اشتري فلات .. طالع لها ابوها ــ شنوووو ..شنو هذا ؟؟ ــ يبه تكرم جوتي بس بدون كعب .. مبارك ــ جهزي روحج عقب التراويح مع اني اشك اني بلاقيج صاحيه .. ديمه ــ مايهم ..اذا لقيتني نايمه مقاسي 39 ..قول له فلات وجيب اي شي.. مبارك ـ احلفي بس انتي ووجهج ؟..تقومين انا ماروح بروحي... ام منصور ـ انا بروح معاك اتقضى كم شغله .. ديمه عاد توج ماخليت جوتي فالسوق ماشريتيه .. ديمه ـ يمه كلها كعب لو ادري مااشتريت ..كلها كعب ...اه رجلي ... وسحبت عمرها غصب لغرفتها ... ___________ | ||||
|
| |
|
05-05-11, 09:11 PM
| #27 | ||||
| نجم روايتي
| يوم الملجه ... كان صالح متوتر ..قلبه يدق بقوة .. مب قادر يستوعب ان اليوم ملجته خلاص..طالع الجوال ..ولقى مسج .. من : جاسم (( لي متى هذا الجفا ..صرنا اغراب يا صاحبي .. قلب تعلق بها وفا .. والهوى بالحلال عز مطلبي ارحم خويك واعرفه ..لاجار الهوى رجع صبي . مايعرف من الدنيا صفه ....غير حبيبه مذهبي ...)) ,, ابتسم صالح ... جاسم من خطب المها وهو كل يوم يراسله ..وصالح مايرد عليه ..حس انه صج مشتاق له ..بس خل يتأدب .. صج انه بغاه اليوم شاهد على عقد زواجه ..مسك تلفونه (( إلى : جاسم . جيب هويتك وتعال جدام المحكمه ابيك شاهد على زواجي .. ولاتكلمني ..ماصفا قلبي بعد .) ) . كان جاسم منسدح متكدر ملان ..من شاف المسج نط على حيله .. (( الخاين يتزوج وأنا آخر من يعلم ؟. .. )) قام لكبته ولبس احسن ثيابه وتأكد ان بطاقته الشخصية في بوكه وبععدين طلع مسرع ... آمنه ـ جاسم وين رايح .. ــ شتبين .؟ امنه ـ بروح السوق قلت لك امس فالليل نسيت ؟؟ قلت بنروح الصبح ..مابقى شي عالعيد ..اسبوع.. .. جاسم ــ مب مشكله .. ارجع اخذج .. ــ انزين وين رايح ؟ ــ مشوار ..عن اللقافه باي . برطمت امنه وراحت لابوها ــ يبه شفت ولدك خون فيني .. بثينه ــ قلت لج لاتعتمدين عليه .. ابو جاسم ـ وين راح ؟ ــ ماقال .. قال بيرد وياخذني بس مع كشخته ..ماصدق . اقعدت حردانه ..كانت بتروح تشوف عبايتها خلصت ولا لا .. ابو جاسم ــ خلاص لا رد لي كلام معاه .. ــ يبه فديت راسك لاتعصب عليه ..عادي .. ــ وين خليفه ليش مايوديج ؟؟؟ ابتسمت ــ خليفه ؟ليش محسوب علي اخ الاخ ؟؟ تلاقينه طول الليل سهران ومب فاضي يقوم من الصبح .. ابو جاسم ــ انزين لاتزعلين انا باخذج .. امنه ــ يسلم راسك يبه ..لارد جاسم بقوله .... بثينه ـ لو اني منج اروح ازعج خليفه هههههه,, ضحك بوجاسم على بنته الصغيره ــ والله منتي هينه ...روحي قومي اخوج قولي له الصلاه .. بثينه ـ يبه الساعه 10 الصبح اي صلاه ... طالع لهم بو جاسم ــ ليش محد مداوم اليوم ؟ بثينه ــ يبه انا وامنه اتفقنا نغيب ..وجاسم ماراح دوامه ماله خلق.. وخليفوه مادري عنه ... امون طيعيني وقومي وعيه بس ازعاج لا اكثر خخخخ.. وقبل لاتكمل ضحكتها في حد مسك اذونها بقوة ــ آآآآآآآآآآآيييييييييييييي ييييي خليفه ـ ازعاج يالبومه !!!!... بثينه ــ فديتك خوي والله احبك ..يبه افزع لي.. بو جاسم ـ انتي بديتي والبادي اظلم ..شوي شوي على اذونها مالي خلق مستشفيات بهالقايله ... بثينه ــ اييييي افا يبه .. مصع اذوني ...ايييييي .. خليفوه فديتك اطلب روحي عطيتك بس هد اذونييييييييييي ايييييييييي الشغابات تعورني ا اييييي امنه ـ خلاص خليفه حن عليها .. هدها خليفه وقعد جنبهم ومسك الجريده ..ارفعت بثينه يدها ــ اللهم أني صاااائمه !!.... ضحك بو جاسم على دعوتها وتم خليفه يطالعها منصدم ــ اقول .. تدعين انتي وجهج .؟ ياااربي انت الشاهد هي اللي بدت !... ازعاج ها ؟.. انا قلت لامي يوم احملت فيج مانبيها شكلها راعيه مشاكل ... ادخل تام جاسم وهي شايله المحشي وادواته .. ــ عليك هياط ..انت تذكر فطورنا امس عشان تذكر حمالي بها !.. خليفه ــ الله محاااشي .. الله .. يمه اموووت في طبخج ..حطي كل حنانج وحبج في هالطبخه خل نتلذذ فيها ..صج لا قالوا ..احن إلى خبز امي ..ومحاشي امي .. ياااه .. ام جاسم ــ يلا امون يلا بثون كل وحده تغسل يدها وتقرب ...الا جسوم وين راح ؟ خليفه ـ توني مكلمه راح يشهد على ملجه صالح رفيجه ... امنه ـ وانا اقول اخوي مشتط وحالته حاله .. خليفه ــ مالومه ..صالح مايكلمه من شهر وشي ... ولا معطيه وجه هههه لا وطرش له مسج لاتكلمني بعدني زعلان عليك .. استغرب بو جاسم ــ صالح ولدنا .. شاللي مسويه جاسم مسود الويه علشان رفيجه يزعل عليه ؟؟ خليفه ـ ماقال يبه .. حاولت وياه بكل الطرق مارضى يقول .. يقول بينه وبين صالح .. ابو جاسم ــ الله يهدي سرهم ويصلحهم .. قوم خليفوه خل نروح الجبره ونشتري لنا خروف زين .. نعزم عليه صالح الليله .. ام جاسم ــ ونعم الراي .. خليفه ــ ابدل واجيك .. بنطبخه هنا ؟ طالع امه لكن ابوه قال ــ لا مانبي نتعب امك ..نتبها بس تتفن لنا بالحلو والمحاشي الزينه .. يلا .. ام جاسم ــ يسلم راسك بو جاسم ..امون سمعتي ؟؟ يلا دق على ريان خل تجي وطلعوا مواهبكم .. امنه ـ ابوي يطلب منج وانتي تحولين علي .. ام جاسم ـ لاتخافين .. انا بسوي .. يلا نشوف من يفوز .. امنه ـ احنا طبعا ... ام جاسم ــ اي نشوف .. بثينه ـ وناسه ..اهم شي اترس الكرشه حلوياااات هههههههههههه ... طالع لها خليفه ــ ايه .. امون ماوصيج فيها كديها كد الحمير ...تبون شي ؟ امنه ـ لا سلامتك امس رحت مع امي ميرت البيت .. عامله حسابي وانا اختك .. تركهم خليفه وطلع واركضت امنه واتصلت بريان .. ــ 999.. ــ شنو عزيمه ؟ ــ مادري ابوي بيعزم رفيج جاسم اليوم وامي متحديتنا في السويت .. ريان ـ شبلاها خالتي ماتوب كل مره تتحده نفوز احنا هههههه ــ يلا عيل تعالي ورزي طولج وجيبي دفتر الوصفات السريه .. وابشرج اليوم عالفطور محااشي من كل الاصناف .. ريان ــ ودي .. بس .. ــ شفيج ؟ ــ اليوم بعد العشا بيجونا ناس... امنه ــ ناس منو ؟؟؟.. ريان تكلمي .. ريان بعبره ــ بيت عمتي .. بيخطبوني لسالم ... امنه ــ شنوووووووو,,,,, متى هالكلام ؟ ريان ــ امس اتفقوا امي وامه .. واليوم .. امنه ـ وانتي موافقه ؟؟ شلوون ؟؟ ريان ـ امس اتصلت عمتي بامي تدور عروس ..واسألتها ان كنت ارضى بسالم ..امي قالت لها حياج ونتفاهم .. ...وما سألتني ... ولما جيت اعاتبها قالت لي اني ضيعت فرص وايد وكل واحد احسن من الثاني وانا انطر جاسم ..بس الحين جاسم بح ... ومافيها تضيع فرصه ثانية وسالم زين وطيب .والخ من هالكلام .. امنه ــ بس انتي قلت لي ان سالم راعي سوالف وبنات وخرابيط ..شزينه ؟؟ ريان بعبره ــ نصيبي ..... امنه ــ عيل انطري .. شرايج بخليفه ؟ انصدمت ريان ـ شتقولين ؟؟ امنه ـ انطري لحظة ,, يمه تعالي .. ابعدت التلفون ــ يمه ..ريان بيخطبونها اليوم لسالم ولد عمتها .. انصدمت ام جاسم ـ مالقت الا هالسفيه ؟؟ امنه ــ يمه ..ريان بنتج ترضينها لهاللي اسمه سالم ؟ ام جاسم ــ لا ماارضاها .. امنه ــ شرايج نخطبها لخليفه ؟؟... طالعت لها ام جاسم مصدومه .. ــ بس... لكن اكسرت خاطرها امنه بنظرات الترجي .. ــ بتصل بخليفه وارجع لج .. ردت امنه للتلفون ــ ها شقلتي ؟.. ريان ــ لكن خليفه .. ما..,,,,ادري... امنه ـاحسن من سالم ولا لا ؟؟ .. ريان ــ احسن بوايد .. على الاقل مصلي..سالم معروف عنه مايصلي..بس .مع .. امنه ـ انتي قلتي جاسم صار مثل اخوج صح ؟؟.. ــ ايه .. ــ عيل شالمشكله ؟؟ ريان ــ ماادري... ــ فكري...انزين ..بخليج الحين .. ريان ــ اوك ..باي .. رجعت امنه لامها لقتها مبتسمه ,,,ــ ها يمه بشري؟؟ ــ اخوج كان حاطها بباله من زمان وماعنده مانع .. تنهدت امنه بارتياح ــ اشوووووه .. كلمي خالتي كلميها .. ام جاسم ـ بكلمها وهزأها .. بايعه بنتها تزوجها لواحد سمعته زفت ؟؟... ____________ جدام المحكمه ..كان جاسم مثل الياهل ..وهو يبارك لصالح ..كاتم ضحكته كاتم خباله ..يبي ينط بس مستحي من الشله .. جاسم ــ صالح متى العرس ان شاء الله ؟ صالح ــ عقب العيد بشوي .. كانت فاطمه مع بنت عمتها ام عبدالرحيم راكبين السياره مع مبارك .. ورادين البيت .. راشد ــ ايه ودخلت القفص الذهبي ..عقبالنا .. صالح ــ ان شاء الله .. طالع لمبارك ــ متى تحن عليه وتخليه يملج ؟ راشد ــ مادري والله .. مافكرت ههههههه ... صالح ــ خير البر عاجله ..ولا شلون ؟ راشد ــ صحيح .. بس خلي نخلص منك بعدين يصير خير .. جاسم ـ وانا ...محد بيحن علي ويزوجني ... صالح بجفا ــ.. لا . راشد ــ ليش اخبر اتفقتوا بعد عيد الاضحى .. جاسم ـ هذي الملجه ..ابي الزواج .. بينقعوني لين اتخرج .. راشد ــ تبي الزواج والملجه بعيد الاضحى ماعندي مانع .. صالح ـ لاااا .. راشد ــ ليش...توك تقول خير البر .. صالح ــ لاضيت لمبارك ارضى لجاسم... طالع له راشد مستغرب ــ شفيك ؟ جاسم شمسوي ؟ قلب وجه جاسم اصفر ــ ابد ...ولاشي.. طالع له صالح .. جاسم ــ بس نبي رضا صالح متى مايبي .. راشد ــ اجل ابشر ان شاء الله انت و مبارك في عيد الاضحى .. ولاتزعلون.. نط جاسم من الفرحه وطالع له راشد منصدم ــ هذا شبلاه !!.. صالح ــ مافيه شي .. تعال تعال ..خل اتصل بمبارك ابشره ..حرام .. اكل هوا من تهديداتك .. ورفع التلفون واتصل بمبارك وقال له قرار راشد .ومبارك شوي ويطير من الفرحه .. ــ اهم شي لاتدعم بمرتي .. مبارك ـ هههههههههههههههههههههه .. الله يبشرك بالخير .. تدري مو شايف طريقي... صالح ــ مرتي .. الله يخليك لا تدعم فيها .. اكتم فرحتك لي وصلت بيتكم يصير خير .. ــانزين .. سلام .. ام عبدالرحيم ـ شفيك ياولد خضيتنا بسواقتك .. مبارك ــ سلامتج جده مافيني الا العافية ان شاء الله ..... ______________________________ طالعت له مستغربه ــ صليت .. ــ ايه .. بغيتي شي ؟ كانت هيا قاعده على الكرسي وحاطه رجل على رجل كاشخه احدث كشخه ــ عبدالرحمن .. مابتغير رايك ؟ طالع لها عبدالرحمن معصب ـ قلت لج لا ! هيا ــ حبيبي كلها شهر ..بس شهر .. عبدالرحمن ــ لا .. ولاتنسين انج حامل السفر وايد مب زين لج . هيا ــ حبيبي .. انت وعدتني تفكر في الموضوع .. عبدالرحمن ــانا شقول لج من الصبح ؟ انتي ماتفهمين ؟ ياما اعطيتج على قد عقلج اقول صغيره . راعيها ..بس هيا تراج مصختيها .. هيا ــ انت اللي مصختها ..شفيها لو سافرت ؟؟ بروح مع عمتي طيبه .. عبدالرحمن ــ وانا ؟؟ ,,وعيالج ؟؟ هيا ــ الخدامه موجوده .. عبدالرحمن ــ انا متزوجج ولا متزوج الخدامه ؟؟... هيا ..انا تعبت .. تعبت من اهمالج من دلعج وتعبت اكثر من لامبالاتج .. هيا ــ عبدالرحمن .. انا ماسويت شي ... في الصيف ونص الاماكن اللي ابيها قلت لي لا .. عبدالرحمن ـ هيا لاتصدعين راسي ..مب فاااضي لج .. ـ عبدالرحمن انت متخلف .. ــاللهم طولك ياروح .. انتبهي على حملج ..وخلي عنج عمتي طيبه .. تبين تشتغلين حدج الدوحه سفرات يمين يسار مافي... عصبت هيا ووقفت ــ انت كله جي مخك مقفل .. ــ احترمي نفسك واحترمي بيتج ..وربي عيالج ..منتي بعازه هالعشر اللي تعطيهم لج عمتج في كل سفره .. بعطيج عشرين بس ارتزعي ببيتج وجابلي عيالج .. نزلت هيا تجت وصوت كعبها يرج البيت ..استغفر عبدالرحمن وحط راسه يقيل شوي .. _________________ حزة الفطور . ,,, ام عبدالرحيم ــ تعالي يافاطمه ..اجلسي.. اقعدت فاطمه وكانت لابسه جلابيه عاديه ..وحاطه شيله على راسها عادي.. ــ صالح تعال ,, ارتبكت فاطمه كانت بتقوم بس امسكتها ام عبدالرحيم وقعدتها .. ــ ليش تتفطر بروحك كل يوم ..اقعد معانا ..صالح دخل مب مستوعب لين شاف فاطمه ..عرف حركة مرت ابوه وانتبه انها ماسكه فاطمه عن لاتقوم .. قعد بعيد عن السفره ..يطالع بطرف عينه لفاطمه ...اللي اسرته بجمالها .. ــ شخباركم ؟ ام عبدالرحيم ـ ردي مهب غريب هذا ريلج .واكيد مايسألني قاعد يسألج .. فاطمه بصوت مايبين ــ الحمدالله .. اكل صالح بسرعه وقام علشان يخليها تاخذ راحتها لانها مامدت يدها .. ام عبدالرحيم ــ وين قايم ؟ صالح ـ الحمدالله ..الله يديم النعمه .. راح وتم تطالع ام عبدالرحيم فاطمه ــ شفتي مستحاج خلاه يعاف فطوره .. فاطمه ــ شسوي ...صج انه صار زوجي ..بس ..رجال غريب .مااقدر اكل جدامه لين اتعود عليه .. ام عبدالرحيم ــ عرسكم قريب يابنتي .. خذوا على بعض ..انتي غريبه وهو غريب.. ص جانا هله وجماعته .. لكن ..دايما معزول بهالغرفه ... خلصت فاطمة الاكل وقامت ساعدت الخدامات وودته المطبخ .. وقبل لاتطلع غرفتها .. ــ فاطمه .. استحت من سمعت صوته ..قربت منه ــ لبيه .. ــ لبيتي في منى .. خذي .. هذا تلفونج وخط ... جديد .. ممكن اكلمج اليوم فالليل بعد صلاة القيام ؟ حست باحراج هزت راسها بنعم . ..وقالت ـ عن اذنك .. ودخلت داخل وصالح يطالع في اثرها ..صج اكبر منه ..لكنها عسل ... | ||||
|
| |
|
06-05-11, 05:57 PM
| #30 | ||||
| نجم روايتي
| الفصـل السادس عشر في مجلس ام ناصر وهي من سيدات المجتمع ومجلسها عامر باهم سيدات المجتمع الراقي كانت العنود جالسه في زاويه بعيد عن السوالف . بأبهى طله لها وحطت رجل على رجل وتهز رجلها بتعب وهي حاطه يدها على خدها ..قربت منها سارة اللي كانت طلتها حلوة مسويه كرلي لشعرها ومكياج خفيف وردي مع فستان قصير ابيض ..عكس العنود اللي حاطه مكياج سهره وكارهته من قلب لان لونه فضي مع التنوره السموكي والقميص الاسود اللي لابستها ..وحاطه اشارب وردي...وقرط فضي ثقيل في اذونها .. ــ تعبتي ؟؟ طالعت العنود لساره ...هزت راسها بلا ... ــ شخبار احمد ؟؟ تنهدت العنود ــ والله مادريي..انا ارجع الفجر وانام وهو يطلع الصبح ..ومارد الا حزة الفطور ..نشوف بعض حزة الفطور بعدين يروح المسجد ..وعالساعه 7 تجي راعيه الصالون بعدين اطلع معاج ومع عمتي ..وهذا انا ,,صار لي من بدا رمضان نفس النظام .. ساره ــ خلاص بكلم امي .. العنود ــ لا .. لاتكلمينها فشله ...هي واعده كل رفيجاتها بجيتنا ..لاتخلف بوعدها ..وهي مستأذنه من احمد .. ساره ــ شكله واحشج مووت .. استحت العنود .,واحشها ؟؟الا بتموت بس تقابله ساعه على بعض .. من بدايه رمضان وهي وعمتها من بيت لبيت ..مناسبات اجتماعيه مع صديقات عمتها ..حلقات ذكر ..سوالف وخيم .. دخلت روان ..وهي بنت تكرهها العنود من قلب.. ساره ـ يات حبيبة قلبج . العنود ــ اللهم طولك ياروح ...هذي الانسانه ماحبها .. بعد ماسلمت على الكل وتبتسم لهذ وهذيك قربت من العنود وقعدت .. ساره ــ السلام لله .. طالعت لها روان نظره استخفاف والتفت للعنود ــ كاشخه .. كانت روان بضا في عيونها سحبه غريبه كأنها قطه ..ولابسه فستان عاجي مع حزام جلد بني .. طالع على جسمها حنان ..ومكياجها اوفر... علقت ساره ــ العنود دومها راعية كشخه .. طالعت لها روان ــ كلمتج ؟؟... حست ساره انها بتقتلها .. علقت العنود ــ ساره هي انا وانا ساره . فاي كلام توجهينه لي ..ساره لها الحق ترد عليج على لساني .. روان ـ ماطول لسانج يابنت طيبه .. العنود ـ لو سمحتي ..بنت سعيد سالم والنعم ....شقالوا لج مالي ابو لجل تناديني بنت امي ؟؟؟ طالعت لها روان باستخفاف ــ شفت احمد اليوم ..وكلمته عن صفقه .. ساره ــ انزين يعني واذا ....... روان ــ لا بس حبيتا قول ان الكلام بيننا طول .. ونسيت اقوله اني فزت بالصفقه وان سعري كان الارخص .. ساره ـ طول عمرج رخيصه شالجديد ,,, عصبت روان وشوي وتقوم تضرب ساره لكن العنود قالت مبتسمه ــ شالمطلوب مني.. روان ــ بس خبريه ان السعر اللي قدمته كان اقل ..واني فزت ..بس .. العنود ــ زين عدلتي الجمله ... انتقوا الفاظكم ..لاشفتيه خبريه انتي انا مااشتغل مرسال بينكم ...قومي ساره نشرب لنا سحلب ولا شي حار من البوفيه ...حاسه ببروده بعظامي مع ان الجو حار و.. سكتت العنود وهي تطالع روان نظرها اشمئزاز... قامت ساره وفالطريق همست للعنود بغيظ ــ اكرهها الحمدالله ان ابوي مارضا ان احمد يخطبها ! حست العنود بمغص فجأه ...الكلمتين اللي قالتهم ساره وجعوها من قلب شحب وجهها ــ شنو؟؟.... انتبهت ساره لغلطتها ــ ها !!,,,,,, العنود ــ احمد كان يبيها ..... ساره ــ لا ..بس..ها ..تعالي اشربي السحلب .. وعطتها الكاس السحلب بالمكسرات ..فجأه حست العنود بغثيان واركضت للحمام ... دارت الدنيا فيها بعد مااستفرغت ...واول ماطلعت من الحمام اسندت الطوفه ..,وماقدرت تمسك عمرها اغمى عليها ... _____________ فتحت عيونها بتثاقل ..لقت نفسها فالمستشفى ... حولها احمد وساره ...مسك احمج يدها بحنان ــ حبي..حمدالله عالسلامه .. ضاقت عيونها وطالعت مستغربه تبي تتكلم لكنها حاسه بصداع .. ــ سلامات العنود العنود ـ شصار ؟؟. احمد ــ الدكتور يقول هبوط ضغط الدم .... حست العنود بارتباك ــ ها... زين ليش مايعطيني دوا حاسه بصداع .. ابتسم احمد وساره ــ لانه مب زين .. استغربت العنود وحست عمرها مب فاضيه لهم ــ ؟؟ احمد ـ مب زين للنونو.. طالعت له العنود مبطله عيونها عالاخير ..نونو ؟؟؟ حامل ؟؟ كرهت نفسها فجأه .. طالعت له بخيبه امل ..وبدون وعي لفت راسها عنه ..ونامت .. ________ انصمت المها وخديجه من تصريح راشد .. خديجه ــ بسرعه جي ؟؟ المها ـ راشد .. من صجك ؟؟ راشد ـ على قولة صالح خير البر عاجله .. وقفت المها وحذفت الفنجال اللي كان في يدها واركضت فوق معصبه ..تمت خديجه مصدومه ــ شهرين ؟؟....انا معليه بس المها زوجها غريب ..وو.. راشد ــ خديجه .. خلاص الاثنن متوظفين ومخلصين ومستعدين لشروطكم .. خديجه ــ بس المها ماخلصت جامعتها .. راشد ــ يهالجامعه ..مو عذر تقدر توفق بين بيتها وبين دراستها .. هالجامعه بس مسويه مشاكل بالبلد .. ــ رااشد شتقول .. راشد ــ اقول الصج الوحده ماتبي تتزوج الا لي خلصت جامعتها يعني هي ضامنه بتجيها الفرصه الزينه مره ثانية ؟؟ ولا ضامنها بختها بينطرها تخلص دراستها ؟؟ ماردت عليه مدت بوزها شبرين وقعدت مبوزة .. ــ اووف .. ــ شالكآبه ؟ .. اقولكم عرسكم بعد شهرين ..كل وحده ماده البوز... وقفت خديجه كاتمه عبرتها ــ عن اذنك .. وراحت لغرفتها وفيها الضيقه .. تم راشد فالصاله ..حس انه عبدالرحمن رقم 2 .. بيزوج خواته بدون موافقتهم ...المها ابدا مب بالعه السالفه وخديجه حجرها مبارك جدام العرب ... بس خلاص هم التزموا واعطوا كلمه ... باجر بيشكرونه حاسم مافي مثله ..ومبارك شاري خديجه ويحبها ... تم يقلب في قنوات التلفزيون ..بعدين مل وحذف الرموت وقام لغرفته .. ـــــــــــــ دخلت روان الغرفه وكانت العنود واحمد فالغرفه وهي مكتئبه وساكته واحمد يطالع لها مستغرب اكتئابها .. تمتمت العنود ــ مب ناقصه ..افف... وتمت تراقب احمد الي وقف واخذا البوكيه من يد روان وحطه على جنب .. علقت العنود ببرود ــ ماخليتي الحمالين يشيلونه .. روان ــ لا وشلون حبيت اجيبه لج بنفسي ..شخبارك احمد ؟؟ ـ الحمدالله شلونج ؟؟ماتوقعت تجين اليوم قلتي بتروحين لمأدبه الفطور اللي بتسويها الشركه .. روان ـ لا وااجب جيت اسلم على العنود . احمد ـ راعيه واجب والله .. العنود من داخل كانت مقهورة.. قالت ببرود ــ انتم التقيتم اليوم ؟ روان ـ كل يوم نلتقي حتى لو ماعندنا شغل .. التفت لها احمد مستغرب سكت واستغرب من كلمتها .. حاولت العنود انها تبين عمرها طبيعيه . العنود ــ ماباركتي لي .. ماقال لج احمد في احد هاللقاءات اني حامل ؟.. وجه روان صار شاحب وارتبكت ــ لا ..ماقال ..مانناقش الا الامور .. وقبل لاتكمل قاطعها احمد ببرود بعد مافهم محاولتها ـ العمل ..الامور الشخصيه والعائليه مانناقشها ولا اعتقد بناقشها . عن اذنكم .. طلع من الغرفه مقهور من حركه روان وقف عالباب يفكر شوي .. .. شنو كان هدفها ؟؟ تبي تخلي العنود تغار ؟؟ .. وصل صوت العنود لاذنه ــ حب ؟.. ممم تقدرين تقولين تعود اكثر..ماحبيت احمد بس تعودت عليه .. انصدم .. هالتصريح قتله في الصميم ...حاول انه يسمع مجرا الحديث ..لكن ..ماقدر .. حس بانتفاضه داخله .. راح الكافتيريا جلس هناك يفكر .. (معقوله تعودت عليه ؟؟..ماحبته ؟؟... توقعها تحبه ..بس ..)) اول ماشاف روان طالعه ورايحه للبوابه دخل الغرفه وقبل لايعلق قالت العنود ــ ابي انام ... ولفت راسها عنه ...وتم واقف مكانه متصنم .. في المسا ارجعوا لبيتهم .. وسط تراحيب الكل .. وانسلت العنود لغرفه جانبيه جزء من قسمهم ..كان بيلحقها لكن .. راعى حالتها المرضيه ..وكل ليله والعنود تدخل لنفس الغرفه ..والكلام قل بينهم بدرجه كبيره وهو ماحاول يقرب منها ..ابتعد .. صارت تنام بغرفه وهو بغرفه ..حتى سلام ..ماكانوا يسلمون على بعض .. بس يقعدون يتغدون ويقومون ..ماكان عاجبه الحال لكن ..ماحب يضغط عليها ... اما العنود ..فجأه حست انها منتميه لعالم غلط ..روان اللي ازعجتها بنغزاتها ..قبل ماكانت تصدق كلامها .لكن من سمعت احمد يقول لها ليش مارحتي المأدبه ..وهي تحس دنياها كلها اعتفست ..يعني يلتقون ويسولفون ويتناقشون وهي بهالمجالس من بيت لبيت مبتلشه بالرسميات بعيد عنه .. .. حست بجرح كبير ..الالعن لما استفزتها روان وقالت ان احمد يبين لها انه مايناقش امور شخصيه لكنه قال لها انه ايام الخطبه العنود كانت متيمه فيه وتتصل فيه لكن العنود انصدمت . وقالت لها ماكان حب اكثر منه تعود .. لكن الحين هي تحبه وهو زوجها على سنه الله ورسوله ليش ماتحبه ؟؟...وندمت على هالتصريح لان روان مب مقربه منها هالكثر ..لكن ..احمد اللي ابتعد ..يمكن تعود ..طول هالشهر وهو يختفي وماتشوفه ..وحاسه انها ماتقدر تشوفه والا بتم تصيح .. خصوصا بعدما ماعرفت ان قلبه كان فيه روان قبلها ... | ||||
|
| |
 |
| أدوات الموضوع | |
| انواع عرض الموضوع | |
|
|
63Likes
العرض العادي
