اولا الروايه حلوه لكن لي تعليقات على الشخصيات واتمنى ما تضايقج ...
١ _ اسامه وايه ودي اخليهم بكيسين زباله الله يكرمكم .... شخصية ايه غثيثه بالمره يعني وايد مصدقه عمرها يا اختي تحمدي ربج لقيتي حيطه تدارين وراها ودامج ما تبينه ليش قبلتي تتزوجيه واهو متزوج بس عشان ما ياخذو بنتج لا هالشي مستحيل يسووه ثم اهل اسامه ليش يضحو بمرام ليش موب من حقها تقرر و دامهم خبو يعني عارفين انها مابتقبل فطبيعي تطلب الطلاق واسامه لو متمسك فيها ويحبها بجد ما قبل بزواجه عليها و دامه يبيه صوري لو خبر مرام كانت بتتفهم لو انه فعلا صوري لكنه اساسا يدعي حبه لمرام لان مستحيل بيحب ايه واهو يحب مرام وبسهوله تخلا عن مرام وايه خانم شلون بتغار وبتتضايق لان اسامه مع مرام واهي باقيه على ذكريات سعود في تناقض وايد بهالشخصيتين و عشان جذيه قلت يبيلهم كيس زباله اكرمكم الله وياخذو معاهم شذى بالمره .....
٢_اما غاده فوجعة قلبي على حالتها واهنيها على تحملها لخبر حمل عبير وتفهمها وسلمان هم موقفه معها حلو وايد عدى لمى قال لها انه تسرع بتطليقه لعبير وزواجه منها وكلامها له انه يطلقها اذا يبي خلاه يحس بكلامه غلط وهذول الاثنين حلوين .....
٣_ عبد الرحمن و نوره بالبدايه اي بالماضي كان ودي يكون قبالي عشان اكفخه من قلب لكن بالحاضر وجع قلبي حاله وتعاطفة معاه ونوره صارت دلوعه وايد لكن ابو محمد متحمل واهنيه وهذول هم شخصيتهم حلوه .... وام محمد هم شخصيتها تمام ....
٤_ زياد ومرام : زياد غلط وايد بحق اخته وصاحبه لكن نفعهم اولا محمد تخلص من سم قالت اي روابي وثانيا كسب زوجه صالحه برغم هبلها ...اما مرام فاهي كسبت حياة هنيه وقرارها صحيح مع انها فقعت مرارتي بموقفها مع اخوانها الصغار لكن بيضتها بعدين .....
٥ : محمد وهنوف قررة اترك تعليقي عليهم للنهايه لاني حبيت الشخصيتين محمد غروره حلو واظهراه انه شخصيه سيئه بالبدايه ما مرة علي لاني توقعته يبي يخفي مشاعره عن اخوانه من ابوه لكن حلو فيه بره لوالديه وزوجة ابوه واخوانه ام موضوع روابي فكان ودي اجلده عليه شلون يتجرء ويسافر لها بحجة مايبي يزعلها يا اخي بالطققاق ولمى باسته ليش لمى صفعها رجع يتسامح منها وحده مثل هذي تبين معدنها ومافي مبرر لها لسواتها حتى لو غيره تبقى الي سوته فاحشه لانه مايحل له لكن اهو حيوان ولمى استقبلها ببيته ولا اوهم هنوف بانها زوجة صاحبه هذي فعلا حقاره منه وهم لمى تصارح مع هنوف ليش ما عبر فعلا عن حبه لهنوف ليش لاخر لحظه واهو يقول عن روابي حبيبته وهنوف ليش ما ورته المسج الي ارسلته روابي عشان يعرف اهو شنو حب مع ان كل الي سوته روابي معاه يوضح له شنو اصلها من فصلها ويكفي ان خالها قابل تقابل ريال غريب ببيته ولا هم ياخذها لبيت واحد متزوج شلون يتصرف جذيه يعني عدمت الغيره عنده وعرضه ينهش عادي ولا يعتب هم .... اما هنوف شخصيتها المرحه حبيتها من قلب واهنيها على تماسكها لمى ارسلت لها روابي الصوت لكن كان المفروض ترميه بويه محمد لمى طلقها عشان يعرف قدر نفسه وكان ودي تبيني المشاعر واعترافهم لبعض و خصوصا لمى طلقها وضحتي انه مو مهتم لها بتاتا وكانه ينتظر روابي تطلق ويرجع يتزوجها .....
عموما الروايه حلوه واعذريني لاني اعلق الحين لاني توني قريتها وبالتوفيق |