آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-06-11, 12:06 PM
| #1 | ||||
| نجم روايتي 
|  حـــــب في قــلوب متــحجــرة " للكاتبة وردة يابسة...كاملة  السلام عليكم ورحمة الله وبركاته إلى الأعضاء الغالين حبيت انقل لكم رواية جديدة بعنون " حـــــب في قــلوب متــحجــرة " للكاتبة / وردة يابسة انا تابعتها واعجبتني فأتممنى تقرونها معي وتشجعوني على ان اكمل تنزيل البقية وهى على فكرة كاملة  التعديل الأخير تم بواسطة لامارا ; 22-10-13 الساعة 07:59 PM | ||||
|  |
|
01-06-11, 12:07 PM
| #2 | ||||
| نجم روايتي
|  أي شمس مشرقة ...وأي نور عابر ... فأنا لا ارى سوى الظلام ظلام قد غطى اشعة الشمس وحجبها نور النهار اختفى ليأتي نور الليل بظلامه المؤلم لا ارى في هذا العالم سوى الظلام الجرائم القتل الظلم الخيانة الكره البغض الفواحش فأينا النور.... أينا العدل ... أين النفوس الصالحة فأنا لا ارى سوى نفوس شريرة تطمح لقضاء مستقبل غيرها نفوس تمضخ قلبها بالكره والحقد قلوب متحجرة لا تتحرك من قسوتها قلوب متحجرة لا يكون فيها رحمة وانسانية قلوب متحجرة نست أن هذه الدنيا دنيا زائلة ونسوا التقرب لله فيها وأخذتهم شهواتها فهل تتحرك هذه القلوب المتحجرة لتكون حباً ؟؟؟ فهل هذه القلوب حقاً تحب ؟؟؟ وإذا حبت حباً صادقاً فهل يزول الحجر منها ؟؟ ............................ كلي لهفة لأعود بينكم برواية جديدة وكلي شوق لأرى ردودكم لن اضع البارتات الآن راح احطها بعد الأمتحانات هاذه لن اطيل الحديث عليكم بأنتظار الامتحانات تنتهي لأعود وردة يابسة قلوب 1 متحجرة (( مشاعر الطفولة )) طلعت من الغرفة بألم ويدها اليمنى على خصرها والثانية على بطنها مشت بصعوبة التفتت يمين ويسار تبحث عن طيف أو ظل لبناتها نادت بصوتها الضعيف : سارة ..سارة حبيبتي وينك سمعت صوت أمها تنادي اختها فتحت باب الصالة الخشبي المتهدم وهي مبتسمة : يمه سارة مش موجودة في البيت رفعت راسها وهي تسمع صوت بنتها نوره : لييه وين راحت ؟؟؟ عند محمد جاوبت نورة على سؤال أمها ودخلت غرفتها لتكمل دروسها ...... وسط الضحكات الطفولية والكلام قطع كلام سارة صوت أم محمد أم محمد : ساروو انتي ما عندك بيت كل يوم لازقة بولدي سارة انحرجت من كلام مرت عمها محمد وقف : يمه وش هالكلام أم محمد طالعت بسارة ببغض وبعدت عنهم وهي معصبة .. وجهت نظرها لمحمد صديقها واخوها وكل شي بحياتها وتكلمت : انا رايحة بيتنا محمد : سارة لا تزعلين من امي ابتسمت له تحجبت وطلعت برا البيت لين وصلت لنص حارتهم الفقيرة صدقت مرت عمي أم محمد انا دوم معهم وقفت عند باب بيتهم القديم والمخيف بنفس الوقت مدت يدها وفتحت الباب دخلت ولقت امها تنتظرها يمه !!! التفتت أم سارة لها : سارة رحتين لمحمد صح سارة : يمه انا مو بقصدي أم سارة : سارة انتي كبرتين وصار عمرك الحين 13 صح ولا غلط سارة نزلت راسها اكملت الأم كلامها: ومحمد صار عمره 16 الولد كبر وانتي كبرتي بعد ولازم تتغطين منه انصدمت من كلام امها وكأنها لتو تذكر انها لازم تتغطى عن محمد أم سارة ابتسمت لها وهي تشوف بنتها إلا توها داخلة مرحلة صعبة وجديده عليها هي المراهقة خافت انها تتعلق أكثر بمحمد ويصير شي بينهم : يمممممممممممممممممممممممم ه التفتت سارة وامها لمصدر الصوت لقوا مشاعل وهمسة يتهاوشون مثل كل يوم مشاعل : يمه شوفيها ما تخليني اذاكر همسة تبكي : يمة انتي قلتي هاسنة راح ادخل المدرسة وانا ما دخلت أم سارة حملت همسة إلا تبلغ الـ6 سنوات ابتسمت لها وبعدها وجهت نظرها بسارة بنتها الكبيرة دمعت عيونها خايفة على هالبنات يصير لهم شي ويقسي الزمن عليهم خايفة تتركهم والدنيا ما تتركهم بحالهم يمه متى راح تولدين التفتت لنورة بنتها الثانية ابتسمت لها : الله اعلم مشاعل ابتسمت : يمه نبي ولد ما نبي بنت طالعت بنتها وخنقتها العبرة آآآآآآآه من مدة طويلة هي مع ابو سارة يتمنوا أن يكون عندهم ولد لكن الله مارزقهم إلا ببنات ابتسمت لهم : يا الله عشان تتعشون ابتسموا وتوجهوا للمطبخ الضيق يساعدون امهم بالأكل ..... في نفس الحارة الفقيرة وتشابه البيوت الصغيرة انفتح باب بيت أبو محمد دخل وهو معصب من الشغل والديون لكثير صرخ بأعلى صوته : فاطـــــمة ووجع طلعت فاطمة من المطبخ وهي ماسكة الصحون : ليييه تصارخ وقف أبو محمد وهو وده يذبح اخوه أبو سارة إلا احرجه بالشركة اليوم أبو محمد : الزفت اخوي الله لا يبارك فيه فاطمة( أم محمد) لوت فمها : وش سوا بعد ؟؟ الله ياخذه أبو محمد : احرجني وانطرد هو من الشغل ومو خوفتي إلا انطرد انا معه لم يكمل كلامه حتى يسمع ذالك الصوت الطفولي يبــــــــه ابــي فلوس التفت للوراء لقى ولده فهد عصب اكثر من جا طاري لفلوس : ووجع فيك فلوس ماعندي فاطمة : فهد ادخل غرفتك بس ذاكر يمكن تفلح بدراستك يا الفاشل رفع فهد راسه وناظر ملامح ابوه القاسية إلا عمره مالقى منه حنان : يبه ابي 10 ريال اشتري لي طلب من المدرسة التفتت أم محمد لولدها محمد وهي مبتسمة : خذ يا ولدي من ثوب ابوك إلا بالغرفة أبو محمد : وجع بالمدارس كل يوم طلب دخل غرفته ولحقته زوجته فاطمة صار كل هذا وسط عيون فهد حس بالغيرة والحقد من اخوه كل شي له لييه عشانه هو الأول وانا راسب نزلت دموعه ومسحهم بسرعة رفع كم ثوب وهو يشوف الجرح إلا سببه له ابوه القاسي فرق كبير بين محمد وفهد محمد يبلغ ال16 وباقي سنتين ويخلص الثانوية ويشتغل مع ابوه وهو يبلغ من العمر 9 وباقي سنييين حتى يخلص المدرسة ......... فتح مقبض الباب بيده المرتجفة وهو يحس بتعب كبير تصبصب العرق من جبينه من حرارة الشمس مسحهم بيده دخل البيت لقى زوجته وبناته ينتظرونه شقووول لهم الحين شنووو اقول انطردت من العمل ؟؟؟ من وين راح اصرف على البنات من ويين لمح طيف ابتسامة من بناته إلا وقفوا وتعبوا من الأنتظار نورة : بابا العشى راح يصير بارد توجه لهم وجلس معهم بالأرض - سمووو بسم الله مدوا البنات أياديهم الصغيرة والناعمة وهم ياكلوا _ سارة ليييه ماتاكلي طالعت ابوها : يبه ليييه عمي ومرته ما يحبوني ناظر بزوجته وبعدها وجه نظره لبنته أم سارة : سارة حبيبتي اكلين وانتي ساكته وانا قلت لك لأنك كبرتي ويبونك تتغطين عن محمد تنهد أبو سارة ووقف أم سارة : شبعت أبو سارة : الحمد الله دخل المطبخ يغسل يده وبعدها توجه لغرفته تنهدت أم سارة وقامت سارة : يا الله خلاص قومون ننظف / / / / فتحت باب الغرفة ولقت زوجها على السرير حست ان فيه شي - شفيك يا نظر عيوني ناظرها ابو سارة : طردوني يا غالية طردوني شهقت وبعدها تجمعت الدموع بعيونها من اربع سنين وزوجها يدور له شغل وآخر شي بالسهولة هذي ينطرد أم سارة : حسبي الله ونعم الوكيل .. حسبي الله ونعم الوكيل ....... في ذالك البيت العالي وحوله البيوت الراقية دخل وهو مبتسم وبيده ملف أوراق يحركها بيده طلعت من الغرفة ونظراتها ماتختلف عن نظرات زوجها القاسية والمؤلمة - وينه مشاري رفعت راسها لزوجها - شنوو تبي منه - قلت لك وينه تنهدت ونادت على ولدها بصوت عالي جا مشاري وهو يرتجف من نظرات ابوه ناظره ابو مشاري وهو مبتسم ومد له اوراق : خذ هذول لبيت أبو سارة اضن انك شفته من قبل تغيرت ملامح وجه مشاري مايحب هالحارة ولا اهلها اهل الفقر اخذ الاوراق من يد ابوه وتوجه للباب وطلع دخل السيارة وسكر الباب بقوة اف اف ياربي اكره هالحارة الغبية عارف انهم راح يتجمعون على سيارته ابتسم بغرور وشغل المسجل على صوت الأغاني والمعازف المحرمة وهو يتلذذ بسماعها وكأنها صوت ملاك يغني له وصل لعند الباب نزل من سيارته بحث عن جرس ضحك بضحكة استهزاء حتى جرس ماعندهم دق الباب بقوة مرة ومرتين وثلاث بدا يعصب كان راح يمشي بس سمع صوت ناعم - منوووو - انااااا يا الله افتحي بسرعة - منوووو انت - اووووه مو بلازم تعرفين يا الله افتحي خافت سارة التفتت للبيت إلا مافيه حد غيرها وغير خواتها امها وصتها تنتبه لهم وللبيت ابوها طلع وامها راحت تزور جارتهم وقالت لهم ماراح تتأخر - انتظر لين ابوي يرجع عصب وارتفع صوته : وجع يوجعك افتحي الباب يعني شنووو ابي منك بس راح اعطيكِ اوراق \ \ \ طلع من باب بيتهم وسمع صوت عالي توجه لباب بيت عمه لقى واقفة جنبه سيارة فاخرة ظل سرحان فيها بعدها لقى شاب اول مرة يشوفه توجه له - خير اخوي شنوو تبي التفت مشاري له : ابي هالخبلة تفتح الباب بعطيها شي لأبوها محمد : سارة افتحي الباب انا معك سمعت صوته وارتاحت فتحت الباب بشويش وهي تطل براسها لقت محمد مع شاب لابس ثوب وشماغ كان اطول من محمد وملامحه جامدة وقاسية ناظرها بنظرات وردت له النظرات مثلها : نعم هات إلا عندك مد لها الأوراق بستهزاء مسويه فيها شريفة ما تفتح الباب للأغراب هههههههههههه حست بقهر منه ابتسمت وهي تناظر بمحمد - محمد ادخل محمد دخل لأن حس انهم بحالهم بالبيت وخاف عليهم ابتسمت وسكرت الباب دخلته الصالة جلس محمد على الأرض وهي جت وابتسمت بجنبه - محمد امي تبيني اتغطى منك رفع راسه لها وناظرها نظره مافهمت معناها حست انه راضي حست بحزن - سارة فيكِ شي - لا بس قريت رواية كانوا اسماء الأبطال محمد وسارة محمد ولد خالة سارة تصدق انهم حبوا بعض وآخر شي تزوجوا ضحك وبعدها ناظرها : وانتي من متى تقرين روايات ابتسمت له : صاحبتي إلا بالمدرسة عطتني اقراها محمد : طيب سارة ممكن ماي ابتسمت له وقامت وبعدها بثواني جات ومعها كاس ماي رفعت ثوبها الطويل والساتر حتى لا تطيح وطلعت شوي من رجلينها الناعمة محمد توتر جلست بجنبه ومدت له الماي طالعها وهو مبتسم ابتسامة غريبة وكأنه الشيطان بدا يوسوس له تقرب منها وبعدها استغفر الله ونفض الأفكار هاذي من راسه مستحيييل استغل سارة إلا ماتفهم شي بهالأمور واستغل جلوسها معي وبرأتها مستحيل اخون ثقتها فيني التفت لها : سارة ابيكِ تتغطين مني انتي تتغطين من الكل إلا انا ليه ياسارة سارة : مدري لأني ما تعودت اتغطى منك محمد ابتسم لها : لا ابيكِ تتغطين مني تدرين ليييه سارة : ليييه ؟؟!! محمد : حتى إذا كبرتين راح اتزوجك ناظرته بسرعة وحمر وجها حس بأحراجها : راح تتأخر امك دق الباب دقات متتابعة سارة وقفت : يمكن هاذي امي محمد وقف : طيب انا الحين رح اطلع توجه للباب وفتحه لقى أم سارة محمد : كيفك خالتي أم سارة : هلا محمد دخلت البيت وسكرته انحرج من حركة مرت عمه وتوجه للبيت في اليوم الثاني ... في عكس ذالك البيت القديم وبعكس ذالك البيت الغني كان هذا البيت المتواضع مع اسرته الحنونة دخل يوسف مع طلال البيت القوا بأجسامهم على الكنب بتعب رمى طلال كتبه المدرسية على الأرض يوسف : هههه اليوم انطردت من الفصل طلال : اسكت لا تسمعك امي - طلوووووول من إلا طردك التفتوو لمصدر الصوت لقوا عبير تناظرهم طلال : اصصصص لا تسمعك امي يوسف : عبير اسكتي يا الملسونة واستري على اخوكِ عبير : يوسف ابوي كم مرة قال لك لازم اتجد باقي سنة وتدخل ثانوي يوسف : وانتي شدخلك فيني ياربي على لقافتك طلال بخبث : كيف صاحبتك سارة عبير : مادخلك فيهاا وبعدين هي اكبر منك طلال : خسااارة تمنيت يوم اني اكبر منهاا _ رجعتون من المدرسة التفتوا لأمهم قام يوسف وباس راس امه طلال : هااا يمه الغذا جهز ترا أنا جوعاااااااااااااااااااان أم يوسف : أي بس انتظر أبوكم ...... في ممر ضيق بالحارة البسيطة والفقيرة كان مجموعة من المراهقين يجتمعوا كل ليلة فيها لمخططاتهم المحرمة مر بجانبهم وهو يطالعهم بخوف يكرهم وكاره انهم معاه بالمدرسة يكره قوتهم عليه لأنه اصغر منهم سمع صوت واحد منهم يناديه - فهــــد التفت وهو يرتجف بس حاول اخفاء ضعفه : شنوو تبي وقف وتوجه نحوه تراجع فهد مسفر : لييه خايف يا طفل اصحابه : هههههههههه فهد : انا مو بخايف مسفر : تعجبني ومن يومي ابيك تكون معنا راح اعرض عليك عرض ايش رايك فهد : ما ابي اسمع شي مسفر : انت بس اسمعني يمكن يعجبك فهد هدأ شوي وسكت مسفر : حلووو اسمع ابيك تسوي لي شي مقابل 40 ريال فهد اندهش من المبلغ الكبير إلا عرضه عليه وااااو راح اشتري لي سيارة إلا حلمت فيها وراح اشتري لي المسدس المائي ظل ثواني يحلم بكم حاجة راح يشتري فيها بمبلغ بسيط بس عنده كبييييير فهد : انا موافق ابتسم بخبث ومسك يد فهد واخذه معه ولتعلن يا فهد بداية حياة الضياع | ||||
|
| |
|
01-06-11, 12:08 PM
| #3 | ||||
| نجم روايتي
| قلوب 2 متحجرة (( الوداع )) بمرور الأيام تطوي الأيام أوراقها السوداء والبيضاء بمرور الأيام تتغير قلوب تقسي .. وبعضها يطيب وقفت عند نخلة بائسة من الحياة لا يوجد بها ورق طالعتها وتأملت فيها بصمت وماحست إلا الدمعة نزلت من عيونها جلست عند النخلة وثنت ركبتيها وبكت بصمت ويليها صمت حارق آآآآآه يا يبه ما ابي اترك المكان هذه ما ابي لمحت طيف انسان مار بجنبها ارتجفت وعدلت عباتها بسرعة - ليه جالسة بروحك رفعت نورة راسها لقت طلال أخو يوسف نزلت راسها بسرعة وبعدها قامت مسك يدها وهو مستغرب من بنت عمرها 10 سنوات وملتزمة بحجابها وغطاها نورة بصوت مبحوح من البكي : اتركني طلال : لييه تبكين نورة : بعد عني ماابيك ترك يدها وبعدت عنه بسرعة مشى بخطوات بطيئة إلا يسمع بنتين يتكملوا - سمعيتين ايش صار ببيت سارة - لا شنووو صار - ابوهم راح يبيع بيتهم من الفقر وراح يسافرون جدة - لا تقولين راح نفتقد سارة انصدم من كلامهم عرف سر بكاها وأنينها لييه قلبه يدق كذا لييه يحس انه فقد شي ماعرف هالسبب توجه لسيارته وبعد عن حارتهم البائسة / / / / دخلت البيت وهي تبكي وتصارخ لقت وضعهم ما تغير الشنط مجهزة امها لابسة عباتها ابوها واقف ويحمل الأغراض سارة ماسكة خواتها .. ((مشاعل وهمسة)) وضامتهم وهم يبكون معها جلست معهم ومع ختها الكبيرة ختها إلا هي كل شي بحياتها لقوا امهم وقفت رفعوا روسهم وكأنهم فهموا نظرتها انهم الحين مسافرين .. انهم الحين طالعين من البيت .. زاد بكيهم راح يتركون حارتهم راح يتركون جيرانهم ..اهلهم .. صعب فراق البيت إلا من فتحت عيونك وانتي فييه ...فراق المدرسة مشى أبوهم في المقدمة بعدها مشت أمهم وهي تسحب نفسها سحب وقفت سارة وخواتها مشت همسة ومشاعل وبعدها نورة وقفت شوي ومشت معهم اغلق ابوهم الباب ومشوا جهز ابوهم لهم تاكسي حملوا الأغراض نزلت دموعها سمعت صوت من وراها التفتت لقته يبكي - راح تتركيني ياسارة وتبعدين عني ليييه ياسارة لييه نزلت دموعها اكثر - سارة حنا قلنا ان ماراح نفارق بعض لييه تكذبين ياسارة انا علمتك ان الكذب حرااام قالها بصوت حزين ممزوج مع البكا مسح دموعه ومن غير ارادته ضمها وكأنه راح يفقدها بكا وبكت معه ناظرتهم من بعيد وعقدت حواجبها توجهت لهم سحبت سارة وصارخت على محمد : انت كيف تسمح لنفسك تحضنها ماكأنك رجال فرقتهم عن بعض دخلت السيارة وهو هرب بسرعة بعد ودعها وداع ودعها سارة ماراح ترجع مشى بسرعة وابتعد تحركت السيارة إلا المطار وفي السيارة وسط سكوت الكل الكل صامت وهادئ عكس البركان المشتعل بقلوبهم وصلوا المطار نزلوا من السيارة بألم حمل أبوهم شنطتين ماكانوا كثار لأن أشيائهم بسيطة وقليلة ...... دخل البيت وهو منزل راسه لقى صوت بكى تأفف هذا اليوم كلا بكى وصياح رفع راسه لقى عبير ضامه رشا وتبكي معها طلال : عبير .. رشا شفيكم لييه تبكون عبير : سارة سافرت وماراح ترجع ضحك وبعدها دخل الغرفة هذول كلهم يحبون سارة ماصارت بنت هاذي طفلة ويحبونها اصدم بأخوه الأصغر منه باسل وتأفف :انت ماتشوف باسل طنشه ودخل الغرفة يذاكر ...... وإلى عالم آخر عالم الذئاب والأثرياء عالم الرفاهية والحياة الفاخرة دخل البيت وصوته يملاه الضحك والفخر رفع راسه وهو يشوف ابوه داخل ابتسم على قسوة ابوه ولي يوم عن يوم صار يشبها بتصرفاته الصارمة والقاسية - مشاري .. مشاري التفت مشاري لأخوه بشار : ازعجتني شنوو تبي بشار : اختي عهود مريضة مشاري : بالطقاق لو تموت وانا شدخلني فيها نزل راسه وسكت بعدها وقف وصعد لأخته التعبانة فتح باب الغرفة ولقى البنت الناعمة الجميلة البالغة من العمر سبع سنوات الكل هاملنها ومطنشنها جلس بجنبها ومسح على شعرها الناعم فتحت عيونها بتعب : يبه حس بغصة تضنه ابوها إلا مستحييييل يجي ويتطمن على بنته نادى بصوت عالي : نجـــــلاء دخلت نجلاء : خير شنووو تبي بشار : اختك مريضة قعدين معها نجلاء ذات العشر سنوات وبقسوة قلبها الصغير : اقول اتركها عنك هاذي ماوراها إلا النكد والمرض وقف وطلع من الغرفة انصاغ وسمع لكلام اخته ؟؟؟ وكان قلبه قاسي مثلها ومحجر من الصغر ؟؟ ................. في مدينة ساحرة وبين تلك الحارة الصغيرة لم تقل ابداً عن الحارة القديمة بل كانت أسوأ من ذالك البيت دخلوا ذالك البيت القديم \ \ \ التفتت بكل زوايا البيت ناظرت بالجدران إلا عليها خطوط تشقق في السقف القديم وشوي وراح يطيح ابتسمت وشكرت ربها على النعمة هزتها اختها من كتفها - سارة راح نعيش هنا للأبد ابتسمت لأختها سارة : لييه المكان ما عجبك نزلت راسها شقول لك ياسارة الكل ابتسم مايبوا يزعجوا ابوهم يبون يحسسونه انهم راضين ومرتاحين ابتسمت سارة ورفعت اكمام ثوبها - ياالله يمه نبي ننظف البيت ابتسمت غالية بحنيه وتجمعت دموعها بعيونها ناظرت بأبو سارة توجهت لسارة وضمتها ابتسمت سارة وضمت امها اكثر جات همسة بغضب : يمه انا بعد احضنيني ضحكت أم سارة وسط دموعها وضمت همسة وجات مشاعل ونورة ابتسم أبو سارة وطلع لشغله الجديد والبسيط مرت الساعات والدقايق والثواني دخلت غالية (( أم سارة )) المطبخ تطبخ لهم الغذا سمعت صوت صراخ بناتها المعتاد مشاعل وهي رافعة ثوبها وبعصبية : همسة يا غبية بعدين عن المويه همسة : انا مو غبية سارة قولين لها نورة : اووو خلاص سكتون احسن لكم مشاعل عصبت واخذت الموية إلا بيدها ورمتها على همسة همسة : يااااااااااااااااي يمممممممممممممممممممممممم ممممممه مشاعل ونورة : ههههههههههههههههه سارة : مشاعل شسويتين بأختك اخذت همسة ومسحت دموعها : تعالي ابدل لك ملابسك | ||||
|
| |
|
01-06-11, 12:09 PM
| #4 | ||||
| نجم روايتي
| قلوب 3 متحجرة (( لا تتركونا أيتام )) وهاهي الأيام تطوي الصفحات السعيدة وتطوي صفحات الطفولة لتمر عشر سنين من ذكرياتها الحلوة والمرة 8 8 8 8 8 دخلت البقالة تشتري لهم خبز استوقفها البايع : هي انتي ولك وجه تشترين اقول ادفعوا إلا عليكم بالأول رفعت راسها وسط نظرات مجهولة لها سارة : بس هالمرة وراح نرجع لك لفلوس إذا تسهلت الأمور صاحب البقالة : والأمور هاذي متى ان شاء الله راح تتسهل اقول برا طلعين برا وإذا تبي تدخلين هنا رجعين لفلوس إلا عليكم عدل وقفته سحب من زقارته وطلع الدخان من فمه : كم عليهم التفتوا له حست سارة بالضيق تكره هالأنسان كل يوم يلحقها تقرب منها وابتسم بخبث : هلا ساااارة رفعت رسها بسرعة من الصدمة : انت كيف تعرف اسمي ضحك ضحكة شيطانية : افا افا نسيتي ولد حارتك انتي ماتعرفيني بس انا اعرفك سارة بخوف : أي حارة تقرب منها : شيقرب لك فهد هنا اسرة ما قدرت حست ان حد عطاها كف حست انها رجعت عشر سنوات لورى تذكرت فهد أخو محمد ولد عمها عرفت ان واحد من شباب الحارة أو عصابة الحارة بعدت عنه بسرعة وتوجهت للبيت دخلت وهي تتنفس بصعوبة تسندت على الباب غمضت عيونها بألم نزلت دمعة من عيونها غصبا عنها تذكرت حارتهم تذكرت اغلا انسان للحين مانسته مانست كلامه لها مانست حنانه نزلت دموعها اكثر وهي تذكر اليوم إلا قطعة دراستها عشان ابوها مسحت دموعها بسرعة فسخت عباتها ودخلت المطبخ تسوي الغذا دخلتها كانت بوسط عيون نوره تألمت لحال أختها تغيرت كثييير صار عمر اختها 23 عشر سنين مانسته هي الوحيدة العارفة بين خواتها انها تحب محمد تحبه لدرجة انها ما نسته عشر سنين تنهدت ودخلت مع أختها المطبخ ........ في ذالك البيت الشاهق وفيه أناس متواضعون حيث لا فرق لديهم بين الغني والفقير إلا بالتقوى دخلت البيت وهي تضحك ضحكات عالية تركت الأكياس من يدها رفعت جوالها وهي مازالت تضحك جوري : هاااا ايش رايك بالمفاجأة ههههههه ... طيب طيب يا الغلا ها حبيبتي ابي رايك الحين - جورررررري سمعت صوت اخوها فيصل سكرت الجوال جوري : نعم فيصل فيصل ابتسم : احم ..احم اليوم راح تروحين انتي وخواتي بيت عمي ابتسمت لأخوها عارفة لييه يسأل : أي راح نروح فيصل بعيون كلها حب : طيب انا راح اوصلكم - واااو فصول بيتبرع لنا وراح ياخذنا لبيت عمي التفت فيصل لأخته نرجس : أي ناظرت بأختها تذكرت كلام امها وابوها إلا قلب حال فيصل أبو فيصل : يا ولدي امك صادقة نبي نزوجك ونفرح فيك فيصل : يبه انا ما افكر بالزواج الحين أبو فيصل وقف بيأس : حنا ماراح نخلف بوعدنا من يوم انت صغير وانا واخوي متعاهدين انك انت لبنته نجلاء وهي لك جوري : شبلاكم سرحانين نرجس : اسألي اخوكِ ..طيب جوري انا طالعة الشوبنق بااااي جوري بدلعها المعتاد : باااي ........... في بيت لا يختلف عن ذالك البيت الشاهق والراقي بل يختلف عنه بكبريائه وجبروته وتفكك اسرته وقسوة قلوبهم رفع راسه وررفع ازجارة اخذ منها اكثر وطلع الدخان من فمه وهو يضحك بستهزاء وبين يده أوراق طرد أبو سالم - مشاري التفت لها : شتبين عهود بطيبة قلبها : انت طارد حد من الشركة سحب من الزجارة اكثر وكأنه يسحب ويقرب موته بنفسه : هههههه أي اختفت ابتسامتها اخوها صار نسخة مطابقة من ابوها بقسوته صار مايرحم حد قلبه تحجر بسبب قسوة ابوه نزلت دمعة على خذها وبسرعة مسحتها - ها جالسين مع بعض التفتت لأخوها الثاني بشار عهود : هلا بشار كيفك اليوم بشار ابتسم : اليوم حلووو ههههه حرقت الفراش الحمدالله والشكر يبيله طرد شايب شوي وبيموووت هههههههههه التفت له مشاري وبادله الضحك بضحك اقوى : وانا طردت ابو سالم الشايب الثاني زورت اوراقه واتهمته بتجارة بالمخدرات ابتسم بشار : حلووو عليك افكار شهقت من افكار اخوانها صعدت بسرعة واتجهت لغرفت اختها نجلاء يمكن تشوف فيها الحب والطيبة دقت باب الغرفة ودخلت لقت اختها كالعادة جالسة على الكمبيوتر - هاي نجولة التفتت نجلاء لها : هممم شنووو تبين عهود : شقاعدة تسوين نجلاء مسكت كوب الكبتشينو اخذت رشفة وهي تتلذذ فيها : قاعدة عالشات عهود ببراءتها : وشنووو تسوين بالشات نجلاء بخبثها المعتاد من مدة وهي تبي تنتقم من ختها الغيرة حارقتها : الشات حلووو مرررة ايش رايك تجربينه عهود : لا لا ما ابي نجلاء : وليييه تصادقين لك كم بنت عهود : لكن انتي تكلمين شباب مو بنات نجلاء : عادي صداقات عادية وحلوووة عهود بتردد : لا لا ما ابي طيب نجلاء انا طالعة غرفتي طلعت عهود ناظرتها نجلاء طيب يا عهود راح اخليكِ تكملين شباب وبتشووفين كيف ابوي واثق فيكِ ضحكت ضحكة شيطانية واكملت الحديث في الشات اضافت ايميله وأضافته على الماسنجر وبدت بالكلام معه ..... في مدينة اخرى تنتمي لسعودية وبالتحديد جدة وفي ذالك الحي الفقير دخل البيت بعد ما ادخل بحساب بنته سارة مبلغ وقدره 800 ريال حاس ان نهايته قربت يبي يرتاح ويتطمن على بناته ابتسمت وهي تشوف زوجها داخل البيت رتبت شنطتهم الصغيرة ولبست عباتها سارة : يمه يعني لازم الحين تروحون لبيت أم طارق مشاعل : أي يبه ليييه ماتخذونا معكم أم سارة : والمدارس يابناتي وبعدين حنا ماراح نطول 3 ساعات وراجعين همسة تنهدت : طيبة تروحون وترجعون بالسلامة ناظر أبو سارة ببنته : ها يا بنتي ذاكرين لهمسة عارفة انها بثانوي وايام امتحانات مشاعل : يبه ولييه بس همسة انا بعد بثانوي ولا انا هاذي آخر سنه يعني المفروض تخاف علي اكثر منها همسة : ههه اشتعلت الغيرة عارفة ان ابوي يحبني اكثر نورة : اووووه خلاص سارة ابتسمت بألم آآه هي الوحيدة إلا ما كملت الثانوية ابتسمت لأبوها وامها : ان شاء اله انتوا لا تقلقون علينا أبو سارة : الله يرزقك يا بنتي بالرجال الصالح نزلت سارة راسها بخجل همسة ومشاعل ناظروا ببعض بأبتسمات خبيثة نورة : ليييه تنناظرون ببعض يا قليلات الأدب مشاعل : ياربي انتي ليييه ملقوفة كذا أم سارة : الله يعينك ياسارة على هالثنتين سارة ابتسمت فتح أبو سارة الباب وطلع مع زوجته غالية طلعوا وكأنهم طلعوا من حياة بناتهم للأبد سارة : همسة حبيبتي انتي عن جد مقصرة بدراستك همسة : اووو سارة ولي يعافيكِ ما ابي اتكلم بالدارسة سارة : براحتك بس ترا محد راح يضيع غيرك همسة بلا مبالاة : آآآآه يا مشاعل لو اتزوج واحد غني يغرقني بفلوسه والبس الحرير غمضت عيونها وهي تحلم بأحلامها الوردية : آآآه ولو يكووون وسييييييييم مشاعل حطت يدها على خدها : لا ويجيكِ باحصان الأبيض وياخذك للقصر همسة تنهدت : يااااي مشاعل عطتها كف : اقووول اصحي انتي حدك زبال وابوكِ إلا هو ابوكِ يشتغل فــــراش همسة صحاها كف اختها بأن هي مجرد بنت فقيرة وابوها يشتغل فراش رفعت راسها بفخر : اصلا ابوي احسن ابو بالدنيا وشغله احسن شغل بالدنيا التفتت نورة لأختها وابتسمت مشاعل هزها كلام اختها : سارة انا جوعانة متى راح يجهز الغذا سارة ابتسمت : 10 دقايق ويكون جاهز ................ تجمعت دموعها وهي تشوف ولدها بيسافر وبيتركها مسح دموع امه وباس راسها : يمه ثلاثة ايام وانا راجع لييه البكي بعد أبو محمد : ولدك صدق كم يوم وهو ر اجع ليه البكي أم محمد : انتبه لنفسك وانتبه لطريق عيونه كانت تناظر اخوه ما اهتم فيه رفع محمد راسه لأخوه وابتسم وتقدم له وضمه : راح اشتاق لك فهد ببرود وقلب محجر : طيب طيب بعد عني بعد عن اخوه وهو يناظر بوجها "فـهد " تغير كثير صار رجال وانسان بارد وغامض مايدري وش يسوي من وراه تنهد وطلع من البيت ودع اهله ثلاثة ايام وهو راجع صعد السيارة وحركها جات بباله صورة انسانه مانساها ولا يمكن ينساها ابتسم بألم ونيران الحب تشتعل بقلبه سارة وش مسويه الحين كيف صرتي بعدك تذكريني ولا نسيتيني اكيد نسيتيني وماعاد تذكريني .......... سااااااااااااااارة ابوي وامي طولوا كثير سارة جلست معهم بتعب : مدري يمكن مسافة الطريق نورة بقلق : سارة قولين لجارتنا أم سالم تكلمهم سارة : أم سالم المسكينة الله يعينها بس مشاعل : لييه شفيها سارة : رجع زوجها طردوا من شغله همسة : ومنووو الغبي إلا طرده سارة : ولد صاحب الشركة مدري اضن اسمه مشاري مشاعل بحقد : اف اكره الأغنية همسة : سارة مو كأنا الباب يدق سارة وقفت : أي انا بعد احس كذا طلعت من غرفتهم المشتركة لقت الباب يدق بقوة سارة : ميييييين أم سالم بصوت غريب : انا يا يمه سارة انا سارة فتحته وانصدمت من منظر جارتهم الطيبة أم سالم : خالتي شصاير ضمت أم سالم سارة : الصبر ثم الصبر يا سارة طلعوا همسة و نورة ومشاعل بعد سماع صوت أم سالم ناظروا ببعض سارة : خالتي تكلمي صاير لك شي ... زوجك فييه شي ؟؟؟ أم سالم بكت اكثر : لا لا نورة تقربت : خالتي شنووو صاير لك أم سالم رفعت راسها : ابوكِ وامك ياسارة سارة دق قلبها وبصوت مرتجف : شف فـ يهم أم سالم : قدر الله وماشاء فعل مشاعل : خالتي شصاير تكلمي امي وابوي شفيهم أم سالم : صار لهم حادث بالطريق و سكتت خنقتها العبرة وانفجرت ببكاء عميق مشاعل حطت يدها على كتف ام سالم : أي كملي هم وين الحين أم سالم : البسوا عبيكم راح آخذكم معي المستشفى ناظروا ببعض وسط صدمة قوية عليهم اخذوا عبيهم ولبسوها طلعوا مع ام سالم بسرعة لسيارة حرك ابو سالم السيارة وتوجهوا للمستشفى هزت نورة رجلها بقلق ودموعها بدت تنزل سارة طلت تذكر الآيات وتدعي لأبوها وامها مشاعل وهمسة يحسوا بالانهيار وصلوا المستشفى ودخلوا بسرعة وكلهم خايفين وصول للعناية المركزة ولقوا الدكتور طالع عيونهم التفتت عليه أبو سالم بخوف : هاااا طمنا الدكتور طالعهم بنظرة : في الحقيقة أبوكم حالته الصحية سيئة وأمله بالحياة ضعيف وأمكم (( سكت شوي وبعدها قوا نفسه )) عطتكم عمرها شهقوا انهارت همسة وطاحت على مشاعل نورة حست بدوار وجلست تبكي بصراخ على الكرسي سارة تقربت من الدكتور ودموعها تنزل : ابي ادخل لأبوي الله يخليك توتر الدكتور وحس أن ابوهم امله ضعيف بالحياة : تفضلي دخلت بسرعة لأبوها وتوجهت لسريره يبــــــــــــه امي تركتنا انت عارف يا يبا عارف صح يبه لا تصير مثلها وتموت حنا ماعندنا حد يا يبه انت قوي يايبه قوي بكت بصوت مؤلم حست بيد حنونة على يدها - سارة بنتي (( تكلم بصوت مُتعب )) رفعت راسها وسط دموعها : يبه - حبيبتي وصيتي لك انتبهين لخوانك ورجعين لأخوي أبو محمد ينتبه لكم يا بنتي - يبه لا تقول كذا لا تقول كذا ماسمعها ولا راح يسمعها لأنه فقد الحياة صرخت بقوة وبعدها طلعت بألم وقفت نورة ومشاعل بخوف سارة طاحت على الأرض : ابوي مــــــــات ... آآآآآآآآآه مات ابوي تركنا ايتام تركونا ايتام ..تركونا ايتام ... صرنا اغراب ....................... بعد ثلاثة ايام بيت ابو يوسف اجتمعت افراد الأسرة على الغذاء عبير : تسلم يدك يا يمه الغذا مرررة حلووو رشا ابتسمت : اكيييد الله يخليكِ لنا طلال وهو يشرب من كاس العصير نزله : ها رشا كيف الثانوية معك رشا : هههه حلوووووة مررررررررة أم يوسف ابتسمت : ياررب بس تكوني من الأوائل طلال : هههه هذا شي من سابع المستحيلات رشا بغيض : لا والله أبو راشد : سمعتوا عن ابو سارة الله يرحمه مات هو وزجته أم يوسف : من هذول أبو راشد : إلا كانوا بحارة الـ ........ عبير غصت بأكلها أم يوسف : بسم الله عليكِ يا يمه طلال اعطيها ماي طلال مد لاخته ماي شربته بهدوء وهي تسترجع ذكرياتها مع سارة رشا ناظرتها وهي مو فاهمة شي أم يوسف : أي وهم كلهم بنات راح يصيرون هناك بحالهم أبو يوسف : سمعت انهم راح يرجعون لعمهم أبو محمد طلال : يبه انت تقصد إلا عندهم بنت اسمها نورة الكل التفت له طلال طالعهم : شفيكم انا اسأل بس ............... وفي عكس هذا البيت بيت أبو محمد أنهز بهذا الخبر اخوي مـــــــــات رفع فهد راسه وهو يطالع بالصور : ابو البنات مات فاطمة : الله يرحمه .. طيب وبناته أبو محمد : راح يجون عندي فاطمة رفعت راسها بغضب : شنوووو شنوووو شنووو ما سمعت أبو محمد : وين يعني راح يروحون اكيد عندي فاطمة : لا والله خلهم يرحون أي مكان بس مو عندي فهد وقف : امي معها حق حنا مو ناقصين بنات تفووو عليهم طلع من البيت متجه لأصحابه أو شلته الفاسدة إلا زرعوا فييه افكار فاسدة من الصغر وها هي الأيام رجعت كما كانت سارة واخواتها راجعات لمكانهم الأصلي راجعات لحارتهم السابقة لحياتهم السابقة وسط عائلة جديدة كيف ستكون حياتهم ؟؟؟؟ | ||||
|
| |
|
01-06-11, 02:15 PM
| #5 | ||||||||||||||||||
| مشرفة مطبخ روايتي ومنتدى المكياج والعطور وأميرة التسالي و سليلـ/ـة قصر الكتابة الخياليّة و زهرة البحوث وفراشة متالقة بعالم الازياء والاناقةوفراشة ازياء الحب الفضي  
|
| ||||||||||||||||||
|
| |
|
01-06-11, 10:03 PM
| #6 | ||||||||||||||
| نجم روايتي
| اقتباس:
| ||||||||||||||
|
| |
|
01-06-11, 11:32 PM
| #7 | ||||||||||||||
| مراقبة ومشرفة سابقة ونجم روايتي 
| الله يعطيك الف الف عافيه توتو على الروايه الجميله والله يعين البنات على اللي بيلاقوه عند عمهم اعتقد ساره بيزوجها عمها بمشاري منتظرين التكمله يالغلا موفقه | ||||||||||||||
|
| |
|
02-06-11, 11:06 AM
| #10 | |||||
| نجم روايتي
| اقتباس:
| |||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
.png)
.gif "Eh S(7)")
اعجبتني الروايه حيل يعطيكي ال عافيه
العرض العادي
