آخر 10 مشاركات
أميرها الفاتن (20) للكاتبة: جوليا جيمس .. كاملة .. (الكاتـب : ميقات - آخر مشاركة : زنبق الشام - مشاركات : 7288 - المشاهدات : 285769 - الوقت: 12:42 PM - التاريخ: 25-10-14)           »          بين مخالب النمر (106) للكاتبة: Lynn Raye Harris *كاملة* (الكاتـب : Gege86 - آخر مشاركة : زنبق الشام - مشاركات : 4462 - المشاهدات : 168742 - الوقت: 12:40 PM - التاريخ: 25-10-14)           »          حواديت العبّادي .. (الكاتـب : العبادي - آخر مشاركة : um soso - مشاركات : 2 - المشاهدات : 6 - الوقت: 12:39 PM - التاريخ: 25-10-14)           »          قدرنا معا (40) للكاتبة: جاكلين بيرد .. كاملة .. (الكاتـب : * فوفو * - آخر مشاركة : زنبق الشام - مشاركات : 6035 - المشاهدات : 293193 - الوقت: 12:39 PM - التاريخ: 25-10-14)           »          للحب, الشرف والخيانة (101) للكاتبة: Jennie Lucas *كاملة* (الكاتـب : سما مصر - آخر مشاركة : زنبق الشام - مشاركات : 5789 - المشاهدات : 218646 - الوقت: 12:37 PM - التاريخ: 25-10-14)           »          تسألينني عن المذاق ! (4) *مميزة*.. سلسلة قلوب تحكي (الكاتـب : كاردينيا73 - آخر مشاركة : wom35 - مشاركات : 5998 - المشاهدات : 290573 - الوقت: 12:36 PM - التاريخ: 25-10-14)           »          الانتقام المرير - ماري كوريلي (الكاتـب : سيرينا - آخر مشاركة : عهد الحر - مشاركات : 772 - المشاهدات : 35082 - الوقت: 12:36 PM - التاريخ: 25-10-14)           »          أحلام مستحيلة (37) للكاتبة: جيني لوكاس .. كاملة .. (الكاتـب : سما مصر - آخر مشاركة : زنبق الشام - مشاركات : 6356 - المشاهدات : 282612 - الوقت: 12:35 PM - التاريخ: 25-10-14)           »          // سلسلة الأخوة وايــــــلد // للكاتبة: Sandra Marton ~ (الكاتـب : Andalus - آخر مشاركة : lilyaalami12 - مشاركات : 127 - المشاهدات : 12895 - الوقت: 12:34 PM - التاريخ: 25-10-14)           »          85 - رجلي الجميل - غلاندا ساندز - ع.ج (الكاتـب : angel08 - آخر مشاركة : Elmoog - مشاركات : 1096 - المشاهدات : 50208 - الوقت: 12:34 PM - التاريخ: 25-10-14)



العودة   شبكة روايتي الثقافية > قسم الروايات > منتدى الروايات والقصص المنقولة > القصص والروايات الطويلة المكتملة

Like Tree48Likes

إضافة رد
 
LinkBack أدوات الموضوع انواع عرض الموضوع


"
اكذب عليك لو قلت بعدك شي عادي...
اضحك وانا من جور الايام مجروح...
جرح توسط في حنايا فؤادي ...
وليت الجروح ضيوف يومين وتروح..
.بعثر جروحي هالزمن الرمادي...
واصعب شي على الانسان هي غربة الروح


طالعت في ابوهاماقدرت تتحمل:يايبه بروح للغزال ابي اجلس معاها شوي قبل لانروح

ابوريان:وانا بروح للعمال اشوف كملو شغلهم

راحت عند الغزال وجلست عندها وبكت بصوت عالي

والله احبك يامنصور بس قسوتك علي ماخلتني احن لك

:::::::::::::::::::::::
ولا حسيت بالفرقا ولا حسيت بالماضي
ولا دمعك نزل مره يطمن قلبي ويواسيه
وأنا إلي دابت أورق نسيتي الليل وشواقه
أبي أقول لك كلمه وسمعها
إهي كلمه وفهمها
إذا إنت نسيت الحب نسيت الحب
أنا في يوم راح أنسى
:::::::::::::::::::::::


راح ابوريان للعمال وكانو في نص شغلهم
شوي ودق جواله



بيت ابوريان

منار:الو ريان ليش متاخر اليوم

ريان وهو يطالع في الاوراق والملفات الي باقي منهم كثير

وقال بصوت تعبان وهو يضغط على عيونه:عندي شغل كثير اليوم

منار وهي تضغظ على بطنها اه وتتكلم بلغصب من شدة الالم:يعني متى بتجي

قام ريان من على لكرسي:منوري فيك شي

منار بكت بسرعه:ايه من صباح وانا استفرغ وبطني يوجعني

ريان:دقايق وانا عندك

منار:ماعليش كمل شغلك بقول لكومار يروحني

ريان:تجهزي بجيك الحين,,,وقفل الخط

ام ريان:ها يابنتي وش قال

منار:اه يابطني,,,قال بيجي الحين

ام ريان نادت الشغاله تجيب عباية منار






في المزرعه

ابو ريان:هلا فيك ياخوي

ابو منصور:اهلين ياخوي

ابي اسالك لاتكون قلت لجومانه عن المفاجئه

ابوريان:لالا هههه افا ياخوي مستحيل اتكلم

ابومنصور:كنت متاكد بس حبيت اسالك
بشرني كملتو شغلكم

ابوريان:لا عادهم مطولين وانا الحين بطلع من المزرعه

ابومنصور:يلا اجل سلم على جومانه كنت بجيكم بس صار معنا اجتماع مهم مع شركة ابورعد واضطريت اجلس

ابوريان:ماله داعي تجي خلاص كل شي جاهز

ابو منصور:مع السلامه

ابو ريان:مع السلامه



راح ابوريان لجومانه بعد ماقفل من اخوه ولما شافته مسحت

دموعها بسرعه ولبست عباتها وضبطتت شيلتها

ركبو السياره وكانت تكتم شهقاتها من البكى ماتبي ابوها ينتبه وتمسح دموعها بسرعه عشان مايشوفهم





جناح منصور
اول ماخرج من غرفته

طالع في الزجاج المكسر قدامه وبنفسه حياتي
مثل هازجاج المكسر

وبعد ماصلي المغرب ونزل تحت وهو مار بسيب طالع غرفة اخته

سمر حن لها واشتاق للعبه معها

راح لها حس انه بيرتاح لما يشرفها

وقف عند الباب يبي يطقه لكنه قرر يفتح عشان يسويلها مفاجئه

فتح الباب....صدمه ...صدمه ...صدمه...

وقفت سمر ودموعها بعيونها

منصور:سمر شنو هذا وشال اللابتوب حقها ورماه بلارض

سمر:انا انا اسفه
جات ام منصور على صوت منصور

ام منصور حطت يدها على صدرها لما شافت اللابتوب مكسر

بلارض:اشفيكم يامنصور

منصور يطالع في امه واشر للباب:يمه ارجوك خلينا لوحدنا

ام منصور:يااولدي

منصور:يومااااااه

اطلعت ام منصور وقفل منصور الباب

مسكها مع ذراعها من وين جبتي هالاشرطه

سمر وهي تبكي:اااسفه ماكنت اقصد سامحني

ضغط بسنانه على شفاته التحتيه لحد مابانت غمازاته

منصور:بتكلمين ولا شلون

فجائه سمع صوت اهتزاز جوال يدق

رمت سمر بنفسها على الارض وهي مغطيه على عيونها

طالع يمين ويسار يحاول يقرب من الصوت وفي الاخير رفع المخده
ولقاه تحتها ولقى معاها نتيجة سمر الي كان مستوااها نازل في كل المواد انصدم اكثر واكثر

شاله يطالع بلجوال مو مصدق

كان المتصل حبيبتي

رد بسرعه :الو

........ ماردت وقفلت الجوال بسرعه

رجع يدق عليها بس ماردت رمى بلجوال على سمر

من وين كل هالشياء من وين فديوهات مباحه وجوال

سمر تتذكرلما جاتها احلام بلمدرسه وعطتها الجوال عشان تتواصل معها

جلس عندها ورفع راسها وعطها كف لدرجة انه اغمي عليها

تاهت عيونه وهويشوف اخته مثل الميته بعد الكف

شالها بسرعه وغسل وجهها لما فاقت رجعها لسريرها

سمر تتذكر كلام احلام(لازم تخلينه يطلقها)

منصور:سمر قولي لي من وين هاالاشياء من جابها لك من عطاااك

سمر وهوي تبكي:عطتني جو...جومانه

فتح عيونه وبصوت عالي:شنوووو

سمر وهيي تتصنع البكى:هي قالت لي خذيها عشان تتعلمين وتعرفين شنو يصير بيني وبين اخوك

مسك منصور كتفها وهو يهزها:انتي تدرين شنو تقولين

سمر:ايه ادري شفت جومانه الي تحبها وتركت اختك عشانها شنو سوت لك

طلع منصور بعد مالم السديها والجوال وركب سيارته وتحرك بسرعه

وطلع جواله يدق على جومانه بس ماردت

طلع ارقم الي بجوال سمريدق عليه من جواله ولا رد

بيت ابوريان

ريان:يايمه يايبه البشاره

ومنار منزله راسها مستحيه

ام ريان كانت شاكه:شنو حامل

ريان:ايه يايمه حامل بصير ابو

ابوريان:مبروووك

ام ريان:مبروك

قرب ريان وباس راس امه وابوه :الله يبارك فيكم

منار بعد ماسلمو عليها:الله يبارك فيكم

وين جومانه ابي ابشرها لاتكون راحت لبيتها

ام ريان:والله نايمه بغرفتها

راحت منار لغرفة جومانه وفتحتها كانت بارده وجومانه متغطيه بلحاف تبكي

منار:جوجو اصحي

مسحت جومانه دموعها وبينت انها نايمه

منار بدلع:جوجو قومي ابي اقولك خبر يطير من الفرح

قامت جومانه:هلا منور

منار وهي تلمس بطنها:انا حامل

نطت جومانه من على السرير وضمتها:مبرووك

وشوي ودخل عليهم ريان:جومانوه ههههه شوي شوي بمرتي في بطنها بيبي

تركت جومانه منار وراحت لخوها وضمته:مبروك ياخوي

ريان:الله يبارك فيك وعقبالكم

نزلت جومانه راسه,,,بس الكل فهم انها مستحيه وطلعو يضحكون

قفلت بابها وطالعت جوالها الي كانها مضيء في الظلام

شالته وكان منصور يتصل قفلت ورمته على السرير وراحت تنام


شوق2012 likes this.


بيت ابومنصور

راحت سمر لتلفون البيت واتصلت على احلام وعلمتها بكل شي

احلام وهي تحس بلانتصار:مشكوره سمور يعني هو فاهم الحين

ان جومانه هي الي عطتك السديها والجوال

سمر وهي تتلمس الكف:ايه

سمر:بس عطاني كف ضربني ياحلام

احلام اوووف من دلع الاطفال تستاهلين:ماعليش حبيبتي لو مايحبك ماسواها


شافت امها وقفلت بسرعه


ام منصور:سمر تعالي اشفيه منصور

سمر:مافي شي ابي انام اساليه اذا تبين

وعطت امه ضهرها وراحت غرفتها وهي فرحانه

اتصلت منار على امها وبشرتها وبشرت ابوها انها حامل وكلهم فرحو لها




عند منصور
كان واقف بسياره وفكره مشتت وبنفسه مستحيل جومانه تسوي كذا مستحيل
تبين تنتقمين مني في اختي والله لاعيشك في عذاب

لو انك قدامي ياجومانه كان ذبحتك

وكانت حواجبه معقده ووجه احمر من العصبيه

شال جواله واتصل على بيت عمه

ردت بسرعه منار لانها كانت عند التلفون بعد مابشرت امها

وبعد السلام

منار:اخوي ماراح تبارك لي

منصور وهو يضغط على الجوال بيده:مبروك بس على شنو

منار:انا حامل

منصور:مبروك ,,,وسكت شوي,,,منور جومانه عندك

منار:فيك شي صوتك مو بعاجبني

منصور قفل عيونه ثم قتحهم بثقل:مافيني شي عطيني جومانه

منار:بس جومانه نايمه ماقالت لك انها بتنام

منصور عصب اكثر:يلا باي ,,وقفل الخط

منار تطالع التلفون مستغربه وبعدها قفلت الخط

منصور هو يضرب على صدره بقوووه وبصت عاالي يعني تخونيني

ياجومانه تلعبين علي انا اوريك انا مجنووون ولا ماكان وثقت

بحرمه على وجه الارض مجنوووون...............

كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين






توقعاتكم:
1/شنو المفاجئه الي مجهزينها ابوريان وابومنصور؟


2/منصور بيصبر ليوم الاربعاء الي باقي عليه ساعات ويادب
جومانه على تصرف مالها ذنب فيه؟


3/جومانه اذا عرفت بلي صار شنو موقفها؟


4/منصور هل بيكتشف تلاعب سمر واحلام ولو اكتشفه تتوقعون شنو بيسوي؟


5/اخيرا هل هذه هي نهاية حياة منصور وجومانه؟







تحياتي.....................!

شوق2012 likes this.

البـــ16ـــــــارت

يوم الاربعاء عصرآ بداية الاجازه الصيفيه

في المزرعه

منار:ماما تعالي شوفي غرفتناانا وريان تجنن مشكووور ياعمو يالغالي

ابوريان:العفو يابنتي تستاهلون اكثر

ام منصور:مشاء الله روعه يعطيك العافيه يابو ريان

ابو ريان: الله يعافيك

ريان يطالع من ورا عمه:مشكووور ياعمي

ابو منصور دخل عليهم:ان شاء الله اعجبت الاولاد غرفهم

منار:اعجبتنا حيل

ام ريان تطالع يمين ويسار:اجل وين جومانه

منار:اكيد في غرفتها ترتب اغرضها وملابسهم

ابو منصور:يلا ياخوي انت وريان خل نطلع عند صقر والشباب

وطلعو من عندهم وكل وحده توجهت لغرفتها ترتب ملابسها واغرضها

منار تحاول تفتح باب الغرفه:يايومه ليش غرفة عمتي ملاك مقفله

ام منصور:مادري بس اتوقع انهم مايبون احد يدخلها

منار:غريبه






في مكان ثاني


جالسه تمسح بيدها راس الغزال وبليد الثانيه تمسح دموعها

آه ياقلبي باقي ثلاث اسابيع ونفترق

رجعت فيها الذاكره لورا(دخل الساعه وحده اخر الليل

وكانت لابسه برموداوبلوزه ماسكه مع الرقبه بخيط رقيق

وكانت مسيحه شعرهاوعطرها مغطي المكان...كانت

جالسه تتابع التلفزيون حست بصوت الباب والتفت لورا تطالع

التقت عيونهم كلها شوق وحنين بعدو عيونهم عن بعض

قامت وحطت الريموت على الطاوله ومشت غرفتها

وقبل تقفل الباب وقفها صوته

منصوربصوت هادي:لبسك هذا مابيك تلبسيه مره ثانيه فاهمه

جومانه:طالعت فيه بمعنى ليش

قرب منها وقلبها يزيد في نبضه كل ماقرب وقف عند الباب

ورفع يده على الباب ويده الثانيه مدخلهم بجيب البنطلون

وعيونه تطالع جسمها:جسمك مغري اخاف اتهووور

طالعت جومانه وهي فاتحه عيونه

لمس خدها بيده بخفيف بحركه ذوبة جومانه ونزلها على

رقبتها وهو يبعد شعرها:وعيونك عذاب ياغزالتي الكحيله

نزلت راسها ماتبيه يحس فيها وماحست فيه الا وهو

ضامها بقووه وباس رقبتها وبصوت هادي:خجلك وحياك جبرني

ماقدرت تقاوم وضمته وعيونها مليانه دموع مشتاقه له حيل

بعدو عن بعض وعطاها ضهره وقفلت غرفتها وارتمت

بسرير تبكي وهو دخل غرفته اول ماقفل غرفته مسح

دمعته وبنفسه انا السبب ليتني ماعرفتك ياهيفاء ليتني

ماعرفتك يلخاينه بسببك ضيعت انسانه سيطر حبها على حياتي)







قطع تفكيرها صوت تعرفه وواحشها كثيرمسحت دموعها

وبنفسها راح اضمك وانسى الماضي راح اعيشك باقي

ايامي معاك في عسل هانسى قسوتك وجفاك بس

ماخليك يانور قلبي حتى لو ماتبيني انا ابيك

التفت وهي راسمه ابتسامه على شفاتها الحاده

لكن ماحست الا بيد ثقيله تشدها مع ذراعها بقوه وبقسوه








في بيت الشعر في المزرعه


بدر:ريان وين منصور اتصلت وجواله مقفل

ريان وهو يصب القهوه:نايم في البيت قال بيجي في الليل

صقر:محمد تعال عندي انت واخوانك اخاف تروحون
وتتركوني مثل امكم

الكل سمعه وسكت ماقدرو يتكلمون

محمد شال فراس وحطه بحضن ابوه:ماراح نتركك يابابا

ميمو:بابا امي كانت تحبك كثير

صقر وهو يحاول يتذكر ومايبي يحسس اولاده انه مريض:وانا احبها

محمد:بابا انا جبت صورها معي اذا جينا ننام بوريك الصور

صقر وهو متشوق يشوفها:طيب اول ماندخل ننام ذكرني

ميمو:بابا انا بذكرك

محمد:ههههه لا انا

صقر يطالعهم مبتسم:كلكم ذكروني



في فلة المزرعه

ام رنى وهي تبتسم:مشكورين على هالغرفه بس كبيره حيل كلفتو على انفسكم

ام ريان:مافيه كلافه ولا شي

ام منصور:تستاهلون اكثر منها

منار:ماما خلونا نطلع برا في المزروع نجلس(المزروع يعني الي كلها عشب صناعي صغار)

ام منصور:يلا بنطلع ونادي الشغالات يفرشون لنا برا

ويطلعون القهوه والشاي والمكسرات والحلى بيلاقوه في الثلاجه الخارجيه

منار:ان شاء الله .....ونادت الشغالات,,,وراحت تدق غرفة جومانه تبيها تطلع معهم

منار:جوجو ماخلصتي يلا تعالي معنا

ورجعت تدق الباب:جوجو يلا,,,,,,,,جومااااانه ردي

وفتحت الباب لكن ماكان فيه احد

منار:وين راحت هذي يمكن طلعت برا خل اطلع واشوف

طلعت عندالحريم بس ماكانت عندهم

منار:خالتي جومانه مو بغرفتها

ام منصور مستغربه دور تي في باقي الغرف

منار:ارسلت نور تشوفها

شو وخرجت عليهم نور:ماما مافي احد داخل

ام منصور:غريبه وينها

ام ريان وهي حاطه يدها على قلبها:ياولي وين بنتي

ام رنى:صلو على النبي جومانه كبيره وعاقله يمكن

متضايقه وطفشانه وطلعت تفر في هالمزرعه

شالت ام ريان جوالها واتصلت

ريان:هلا يايمه

ام ريان:ريان ياولدي ماندري وين اختك مو في الفله روح دور لها

ريان مستغرب:كيف ماتدرون وينها

ام ريان:من لما جينا ماشفتها

ريان:لحظه خل اسال ابوي وعمي,,,وبعد الجوال

ابوي عمي شفتو جومانه بعد ماجينا

ابومنصور:لا والله اساسا انا مستغرب ليش ماجات تسلم علي

ابوريان:يمكن عند غزال منصور

ريان:الو يومه بروح اشوفها يمكن عند غزال منصور وانتو دورو بطرف الثاني من المزرعه,,,,وقفل الخط

مشى ريان بسرعه ولحقوه الشباب وابوريان وابومنصور طلعوبرا البيت ينتظرونهم

وقف ريان منصدم ومسك على راسه

مشاري:هاه لقيتهم

ريان يطالع بلارض وصرخ بصوت عالي:شيلتها مرميه وكمان جوالها ياويل قلبي وين اختي

وصار يدور بكل مكان

بدر يطالع في الارض:ريان طالع اثارها بلارض كان احدساحبها

ريان يصرخ بصوت عالي:جووومانااااااه

سمعه ابو ريان وابومنصور وراحوركض لهم

ابو ريان:وين ينتي

ابو منصور شال تلفونه واتصل على حارس المزرعه

جاتهم ام ريان تركض ودموعها مغطيه وجهها وباقي الحريم وراها

ام ريان:ياويلي وين بنتي

ابومنصور:الو متولي قفل البوابات ولا تخرج أي سياره ولا شخص منها

متولي:ليش ياحج ابو منصور فيه حاقه

ابومنصور:وحده من البنات مفقوده ومالقيناها

متولي:يمكن طلعت مع ابنك منصور شفت معاه وحده

ابومنصور:لاحول ولاقوه الا بـ الله طيب ليش ماتكلم يلامع السلامه خل اكلمه,,وقفل الخط

الجميع:وينها

ابومنصور:شكل منصور جاهنا وشالها معاه

بدر:يشيلها بدون شيلتها وجوالها

ام ريان:اتصلو على منصور طمنوني على بنتي

مشاري:اهدي ياخالتي

صقر يطالعهم وماقدر يقول شي

ومحمد وميمو يبكون:جومانه لاتتركينا مثل امي

طالعهم صقر وعقد حواجبه وش ربط بين امهم وجومانه

وبنفسه اكيد انها طيبه بعيالي او يمكن تقرب لزوجتي

طلع ابو ريان جواله واتصل كذا مره بس مارد

حس ابوريان بدوخه وانتبه له بدر ومسكه بيده:ارتاح ياعمي

مسك ريان جواله واتصل على جوال منصور ونفس الشي مافيه رد

ريان:شباب تفرقو خلونا ندور لها في كل مكان,,وطالع في صقر,,صقر خلك عند ابوي

تفرقو الشباب والحريم وابو منصور راح للحارس ومحمد

وميمو راحو مع مناروفراس كان مع ام رنى







وقف عند باب الفله ونزل بسرعه وضرب باب السياره بقوه

وتوجه للباب الخلفي وفتحه ومسكها ونزلها بكل قسوه

جومانه:اتركني

مشاها بدون مايقول ولا كلمه ولما وصلو باب الجناح

جلست بلارض من خوفها:مستحيل ادخل معك وانت بهالحاله

نزل لها وشالها بين يده ودخلها وقفل باب الجناح برجله

وتوجه غرفة النوم ورمها بقسوه على السرير

جومانه وهي خايفه:اكرهك لاتقرب مني






في المزرعه
الكل رجع ورد بصوت ماحد:مالها اثر مافيه احد

ابوريان انخفض عنده السكر وانتبهت له منار

منار:عمي

راح له ريان وجلس عنده:السكر منخفض روحي جيبي

برتقال بسرعه,,,وطالع في محمد,,,محمد روح جيب علاج جدو من سيارتي بسرعه

محمد:طيب,,وراح جري

جابة منار البرتقال وعطوه ابوريان واخذ ريان العلاج من محمد وعطاه لأبوه

طلع بدر جواله وبعد منهم وحاول يتصل بس مافيه رد

وارسل له رساله(منصور طمنا جومانه معاك الكل خايف وعمك تعب علينارد علينا بسرعه)

جلست ام ريان بلارض تبكي وجلست جمبها ام منصور تهديها

ومنار تحس بشد وبالم في بطنها

مشاري:ياجماعه اتصلو على الثابت يمكن موجودين في الفله

طلعت منارجوالها واتصلت بس ماحد رد:مافيه رد

سمر جالسه تطالعهم من عند الباب وهي خايفه وتبكي

وبنفسها ياويلي لايكون منصور عرف الحقيقه والله

لايذبحني









عند جومانه

ارتفعت تبي تقوم من على السرير بس ماحست الا

بشي قوي ضرب على صدرها وتناثرمسكت على صدرها وهوي تتأوه

طالعت في الي حوالها بعيون تايهه ومو فاهمه شي

منصوربصوت عالي:شنو هذا ياتافه ياواطيه من وين

جبتيهم ومالقيتي تنتقمين مني الا في سمر الطفله

جومانه تطالع فيهم ومو فاهمه:شنو هذا

ضحك بستهزاء:موفاهمه شنو انا بقولك وبسايرك في انكارك

هذا جوال واشرطة للافلام قذره مثلك عطيتيهم سمر

صرخت بصوت عالي وحطت يدها على فمها:شنوو حرام عليك يظالم والله ماسويتها
قرب منها ومسكها بشعرها وعطاها كف:تدرين اقدر اذبحك

بطق هنا ومستحيل احد يرفع عينه فيني بعد سواتك لكن

انا راحم الناس,,,وهو يشر بيده,,,الي هناك بلمزرعه طالعين يستانسون مابي اخرب عليهم

وخرت ايده:منصور والله ماسويتها هذا انا احلف لك

عطاها ضهره وبصوت عالي:تخونيني هذي الاشياء

مستحيل تجيك,,,وشد على اسنانه وهو ينطقها,,,الا من رجال

تبكي وهي حاطه راسها بين يدينها:طلقني يالي ماتخاف ربك

ضحك بطريقه هستيريه خوفت جومانه:اطلقك بعدك حتى المده الابينا انسيها

قامت وهي تمسح دموعها:مستحيل ابقا في هالبيت

دقيقه وحده بعد اليوم وصدقني انك راح تندم اول

ماتكتشف الحقيقه

التفت لها وهو يناظرها بستحقار:حقيقة شنو,,,وسكت

وهو يحرك راسه يمين ويسار,,,حقيقة انك تخونيني مع

رجال ثاني يوصلك هالاشياء مالها مبرر الاهذا,,,حقيقة

انك ممثله بارعه حارمتني من اعضم حقوقي,,,نطقها وهو

يشد بسنانه على شفاته حتى نزفت دم

توجه لباب وهو يضرب بيده على صدره

جومانه كانت بتنجن حركته هذي يعني انه مصدق وبقوه

ومتضايق حيل تبي تتكلم بس التفت لها واشر بيده يعني

اسكتي واشرعلى اذونه بمعنى اسمعيني

رفع يده لشفاته ومسح الدم وطالع فيها:لاتفكرين ان

انتقامك مني في اختي راح اعديه لا مستحيل انا منصور

والي يقرب من اهلي انهيه

جومانه:منصور

منصور بصوت عالي وعيونه محمره وحواجبه

معقده:اسكتي ولا كلمه وقرب منها وهي واقفه ,,,تدرين

احس اني حتى لو لمستك بيدي الحين بتوسخ لانك

انسانه قذره وماتخاف ربها تبي تفهم الطفله اشياء بيني

وبينها,,,وطالع فيها من فوق لتحت وبعد عيونه وهو

يقولها,,انا اساسا ماقربت لك الا مره ومادري شنو الهدف من تصرفك الحقير

طالعته بعين قويه:لاتفكر اني بسكت على هالموضوع

طلع ورقتين من جيبه وطالع فيهم ثم رماها بوجها

وهو يضحك:هذا بداية انتقام بسيط

انزلت تلم الورق وتقرهم وكانت تقراهم وعيونها تتمتلي

دموع وشوي تقراهم وشوي تطالع فيه مو مصدقه




في المزرعه


ام ريان:ياولدي ياريان يلا بروح معاك للفلة عمك ننتاكد اذا هم هناك

بدر:خلونا ننتظر شوي ارسلت له رساله يمكن يرد علينا

محمد جالس على صخره كبيره ويبكي وميمو يطالع فيه

ودموعه بعيونه وتركي يحرك الرمل برجوله مايبي يطالعهم

لانه يحس انه بينفجر خاصه انه حاقد على منصور الي حرمه من اخته

منار:اتصلوعلى جوالها,,وكانها تذكرت وحطت يدها على

جبينها,,اف نسيت ان جوالها هنا

ابومنصور وهو معصب:انا ابي افهم كيف غفلتو عنها

ام منصور:فكرناها بغرفتها

ابو ريان:لاحول ولا قوة الا بـ الله

ريان وهويعيد الاتصال:المشكله انه مايرد,,,جواله كان

مقفل لما جينا هنا وكانت معنا جومانه والحين مفتوح ومايرد

مشاري:أيه وانا اتصلت ومارد علي

تركي يطالعهم وجالس عند محمد ومنزل راسه




في جناح منصور


مصدومه تطالع فيه وتقلب الورق:تبي تنتقم من ابوي

واخوي,,,وتمسح دموعها,,,في ذنب انا ماسويته

سحب الورق من يدها وضحك

وهي رمت بنفسها بلارض ومسكت راسها بيدينها

وصارت تبكي بصوت عالي:حرام عليك الله لايسامحك

انتبه منصور لجواله الي يدق وهي رفعت راسها واشر لها بمعنى اسكتي

منصورشال جواله ورد:نعم

بدر:أي نعم ياخوي حرام عليك ليش ماترد عمك تعبان

والكل متضايق ليش مارديت جومانه معك

منصوربهدوء وهو يطالعها وهي بلارض:ايه معي

طالع بدر في الي حواليه:ابشركم جومانه مع منصور

الجميع:الحمد لله

شال ابومنصور الجوال من بدر:نص ساعه لوماتكونون

عندي لاتشوفون شي مايرضيكم
وقفل الخط

طالع فيها ودفها برجوله وهو منقرف: فهمتي قصدي من الورق

يعني لو تتصرفين باي تصرف او تحاولين ترجعين لاهلك او

تضرين سمر اوتطلبين الطلاق بحرك هالورق في خلال

دقايق وانهي عايلتكم تماما لاني ماتشرف فيكم

قامت وهي تحس انها متدهوره وقالت بكل قوه وهي

تاشر عليه:صدقني بتندم واذا ندمت لاتحاول تدورلك عذر

وابوي واخوي الي اتهمتهم بلخيانه والسرقه الاختلاس لهم رب كريم مايظلم

طالع فيها وهو مبتسم على طرف:خمس دقايق وانتي

تحت بسياره وطلع بسرعه من الجناح وخذالدرج بخطوات سريعه حتى انه كان بيطيح لوماتمسك

ركب السياره وحط راسه على الدركسون ونزلت من عينه

دمعه حاااره وبنفسه ليش ياجومانه ليش تسوين هاشي

بعد ماحبيتك,,لوغيرك كان قطيتها بشارع مثل الزباله بس

انتي ماقدرت اقولك روحي,,,وهو يضرب بيده على

الدركسون ومنزل راسه,,,بعد ماعشقتك تخونيني

احس اني عاجزومافي يدي شي

بعد دقايق نزلت جومانه وركبت السياره في الطرف

الخلفي بس هو رفع راسه واشر لها تتقدم قدام عنده

نزلت وركبت قدام وحركة راسها بلجهه الثانيه ماتبي

تشوفه كرهته,,,مشى بسياره بسرعه جنونيه

وطلع جواله واتصل على ريان

ريان:نعم

منصور وهو يطالعها بنص عين:هلا يالغالي

ريان:الله يهداك يامنصور كان طمنتنا ابوي كان بيروح فيها

فكرنا ان جومانه صار فيها شي

منصور:طيب اسمعني

ريان:تفضل

منصور:لقيتها عند الغزال جالسه,,وسكت شوي,,وحسيت

انها تعبانه ولما جلست معاها شوي اغمي عليها,,التفت
له بسرعه وهي عاقده حواجبها,,اشر لها بمعنى ولا

كلمه,,وكمل كلامه,,فضطريت من الخوف عليها اشيلها

بدون ماخبر احد

ريان:افا السالفه كذا الحمد لله على سلامتها كيف هي الحين طمنا

منصور وهو يحط عينه بعينها:لا الحمدلله بخير

طمن الي عندك علينا وكلها دقايق ونوصل,,حب منصور

بطريقته هذي انه يهدي الاجواء عند الاهل

قفل الخط وطالعته جومانه بستحقار ورد راسه لجهه الثانيه



في المزرعه

ريان:يقول ان جومانه تعبت شوي وروحها للمستشفى الحين بخير

ام ريان:ماقالك اش فيها

ريان:مافي شي دوخه بسيطه

طالع في منار وحس انها تعبانه:منور شي يوجعك

استحت منار:الحمل متعبني شوي عشان تحركت كثير

قرب منها ومسك يدها:سلامتك ياقلبي

وطالع في الشباب وهم يطالعون في منار:شباب يهوه

وش رايكم تجون تجلسون عندها انتبهو لاتفقع عيونك في مرتي

الشباب:ههههههههه

ريان وهو يقومها:يلاحبيبي تعالي ارتاحي بغرفتنا

قامت منار ودخلو غرفتهم

اول مافتح الباب ودخلو نزل وشالها بين يديه

مناربحيا:ريان نزلني

نزلها بهدوووء على سريرها:شنو متعبك

منار بحيا:احس شد في بطني وحطت يدها على بطنها

جلس جمبها وحط يده على يدها

ونزل راسه على بطنها بيبي يسمع النبض وبعدين رفع

راسه وهو يقول:نونو حبيبي لاتعب ماما هذي حبيبتي

منار:هههههه,,,ريوني

ريان:لبيه ياروحه

منار:اذاكانت بنت شنو بنسميها

قرب منها وحط راسها على صدره وهو يلعب

بشعرهاومسك اصابع يدينها:الولد اسمه علي والبنت عليك

مناروهوي تحرك راسها:اوك انا بسمي البنت ميار

ريان:وانا بسمي الولد رامي يصير رامي بن ريان

منار وهي تبتسم:حلو كثير






في خارج فلة المزرعه كان الكل متجمع

وانتبهو لسيارة منصور المتوجهه من بعيد وقف بسيارته قريب منهم

طالعت فيه جومانه بكل قوه:انساني من اليوم وصدقني

راح تندم ,,,ونزلت بهدوء عكس نار الظلم الي بداخلها

نزل بسرعه وراح ناحيته ومسك يدها حاولت تفكها بس

ماقدرت لان الكل يطالعهم

منصور وجومانه:السلام عليكم

الكل:وعليكم السلام

راح منصور وباس راس ابوه وعمه وتاسف منهم

ابوريان:عادي ياولدي ماصار شي بس ليش مانوموك

يابنتي عندهم شكلك باقي تعبانه

طالع فيها ورد:لاتطمنو هي الحين بخير,,وطالع فيها بنظره فهمتها لوحدها وقال,,احس منا كلنا بعد

ام ريان:سلامتك يابنتي

ام رنى وام منصور:سلامتك ماتشوفين شر

جومانه بصوت مبحوح من كثره البكى:الله يسلمكم

طالع فيها:لاتخافون تراها بخير

قامت بدون ماترد عليه وعطته ضهرها ومشت رفع راسه لها:وين
لكنها ماكلمته ومشت بخطوات واثقه وجذابه

ابوريان: ماعليش تلقاها تعبانه شوي ومالها خلق للكلام

مشت بدون مانتطق بكلمه ودخلت الفله وتوجهة غرفتها وقفلت عليهاالباب

دخلت الحمام بعد ماشالت لها قميص ابيض قصير وشفاف

وفكت الماي البارد عليها وطلعت خذت لها كريمات معطره

تبي ترتاح وعطورات غرقت نفسها بيهم ولبست القميص

وراحت رمت بفسها على السرير تلحفت بلحافها ودموعها مغطيه عيونها



بعد العشاء توجهو الشباب للاصطبل وجلسو عند الخيل

شوي وبعدها رجعوعشان يشوون ويجهزون العشاء

كان الكل جالس بلمزروع جات غاده ومي وبعدهم بنص

ساعه احلام وجدتهاوكانت احلام لابسه عابايه شاده

وبعد ربع ساعه اتصل بدرعلى ابوه وقاله يجي ويجيب

سوسن معه وفعلا جاو

مناروغاده ومي وسوسن كانو جالسن على حنب لوحدهم

والحريم جالسين مع بعض

واحلام طبعآ مسكت سمر ودخلت معها الغرفة عشان

تعرف اخر الاخبار وانتبهت لهم منار وتضايقت خاصه ان

احلام اكبر من سمر بكثير وكان جوال احلام في اتصالات

متواصله بس كانت متوتره وخايفه

الشباب كانو يشون ويجهزون اللعشاء وينكتون الا منصور

كان سرحان ويفكر

المزروع كانت انواره طافيه كلها ومافيه نور الا نور نار

الشوي بس

انتبه ابومنصور ان جومانه موموجدوه وطالع في منصور الي كان سرحان

ابو منصور:منصور,,,,,,,,,,منصور,,,,,,,,,منصور

انتبه والتفت لبوه بسرعه:نعم يبه امرني

ابومنصور:جومانه باقي تعبانه

منصور تذكر:مادري ماعتقد

استغرب ابومنصور ورفع حاجب:كيف ماتدري عن زوجتك

تعبانه اولا,,,اشر له بيده,,,يلا ياولدي الله يهداك روح

شوف مرتك وتطمن عليها ولاتجي الا وهي معاك

قام منصور وهو مايبي يشوفها وصل عند غرفتهم ورفع يده يبي يدق






عند البنات
منار:سوسن مافي شي بطريق موحامل

سوسن:لاتوني مكمله من هذيك مافيه شي

غاده بقلق:بنات بدخل اشوف جوجو واتطمن عليها

منار:توني شفت منصور دخل لفله يمكن راح لها

غاده:بنتظر لين يخرج


نزل يده مايبي يدق ورجع يبي يخرج لكن لما تذكر كلام ابوه رجع للباب ودق
جومانه وهي تمسح دموعها:نعم

ماتكلم وضغط على عيونه باصابعه وعض شفاته

قامت جومانه من على السرير:نعم,,,وفتحت الباب شافته وحقدت عليه ودخلت

فتح منصور عيونه على شكلها بلقميص القصيروصار

يطالعها بطريقه لاشعوريه ودوخته ريحة عطرها الي غطت المكان

اما هي مانتبهت له وجلست على السرير:نعم شنو تبي

في تهمه جديد,,,والتفتت له,,اوتهديد جديد

انتبهت لنظراته الحاده وطالعت بلبسها وبجسمها الي

شبه مكشوف وبسرعه غطت جسمها بلحاف

انتبه النفسه وطالع في التسريحه خاف لايتهور وهو حاقد

عليها:غيري لبسك,,,طالع فيها,,,كذا مره منعتك

ماتلبسين ملابس ضيقه اومكشوفه,,وبنفسه اخاف اتهور

ودخل وقفل الباب:روحي يلا غيري ملابسك وتعالي معي ابوي جبرني اخرجك

جومانه ابنفسها ابوه جبره يعني مو هو الي يبني اطلع

انسان مايحس:طيب اطلع برا ابي ابدل ملابسي

لف كرسي التسريحه لجهة الباب بحيث يعطيها ضهره

ومايشوفها وجلس عليه:روحي بسرعه للحمام غيري ملابسك

راحت بسرعه وشالت لها بنطلون ابيض وتيشيرت بني

ودخلت وبدلت ملابسها ورشت نفسها بلعطر ولمت

شعرها وطلعت شافته منزل راسه ويلعب بجواله

وتكلمت بصوت مبحوح:كملت يلا خل نطلع

طالع فيهاوناظر بلبساها وحرك راسه بمعنى يلا

اطلعو من الفله واول ماخرجو شافوهم البنات وبدو

يصفرون يبون يحرجونهم والشباب يضحكون

طالعت جومانه وابتسمت بخفيف ومنصور مسكها بكتفها

استغربة ليش مطفين الانوار

تكلم ابوريان بصوت مرتفع:لو سمحتو الكل يتجمع هنا

قامو البنات والحريم والشباب تجمعو كلهم عند ابوريان وابومنصور وابوبدر

ابومنصور:عندنا لكم مفاجئه

وبهاللحظه انفتحت كل انوار المزروع والكل حط يده على عيونه من شدة الانوار

وبعدها بدقايق ام منصور ام ريان ريان منصور جومانه منار

سمر تركي يطالعون مو مصدقين ويضحكون فرحانين

ابومنصور/ابوريان:حياكم الله ارحبو

محمد/ملاك:الله يحيك ويبقيك(ملاك ثاني مره اذكرها في

الروايه اذكركم بها هذي اخت ابومنصور وابوريان)

سلمو عليهم ولما وصلت ملاك لجومانه ضمتها جومانه وبكت على طول

ملاك:ياقلبي انتي ليش البكى كل هذا شوق,,,ومسكتها ومسحت دموعها

منار:عمتي وانا مالي احضان

ملاك:هههههه عادك تغارين تعالي بحضني ياقلبي

راحت منار وضمت خالتها وهي تضحك

راحت جومانه الي كان منصور يتقطع قلبه على شكلها

الحزين وكان يتابع حركاتها توجهت لبوها وعمها

وباستهم:مشكورين على احلى مفاجئه

احلام:اووووف وش جاب هذي اللحين هذي الي بتخرب علي متكبره ومغروره

وطالعت بجوالها وعطته مشغول,,,الله ياخذك يااحمد

الكل تجمع حوالين محمد وملاك يسولفون معها

انتبهت ملاك لشكل جومانه التعبان ومنصور الي كان سرحان بس ماحبت تعلق

الكل واصل السهره الى الساعه ثلاث الفجر وبعدها انسحبو الكبار

وبعدهم ملاك ومحمد لانهم تعبانين بعدالسفر
وبقى الشباب والبنات

بدريطالع في غاده وهي طول اليوم منحرجه

ام مي كانت تنكت ومو منتبهه لشخص الي يبتسم كل شوي

احلام راحت مع سمر ونامو في نفس الغرفه

وجومانه شالت الاولاد ونومتهم في غرفتهم ورجعت

غرفتهاوقبل تنام اسمعت صوت رساله بجواله

فتحتها(لاتقفلين الباب شوي وبدخل انام)

رمت الجوال على الكوميدينا وقامت تفتح الباب وطالعت

في السريركيف بينام معي على نفس السرير,,,وماكان

في الغرفة الا كرسي التسريحه طالعت في الارض

وفرشت لها فراش بلارض واول مانسدحت دخل منصور ففزت وجلست

طالعها مستغرب وهو رافع حاجبه اشر لها على السرير

وقفل الباب:بدخل الحمام لاارجع الا وانتي في مكانك

على السرير ماله داعي حركات الاطفال والتمثيل الماسخ

وراح للحمام وتسبح ولبس بنطلون البيجامه وترك صدره

مكشوف وطلع شافها نايمه على السرير وباين عليها

تبكي:لاتخافين مراح ألمسك

شدت بيدها على اللحاف

وهودخل تحت لحاف السرير وتغطى وهويحاول ينام لان صوتها وهي تبكي عذبه

ابوبدر وسوسن دخلو غرفتهم ونامو

غاده ومي راحو لغرفه فيها اسره منفرده ونامو

عند الشباب نامو والكل يفكر في ليلة امس



الساعه 8 الصباح

صحت نشيطه وقررت تنسى امس وهمومه وتعيش

هالاسبوع بطريقه حلوه وتتجاهل منصوروسمر

طالعت فيه عرفت انها خسرته بسبب اتهام تافه

تسبحت وصلت ولبست بدله سبورد اسود بابيض وجعدة

شعرهاورشت نفسها بعطر وشالت جوالها وطلعت

دخلت المطبخ وطلعت لها عصير برتقال وتوست وشالتها معها وطلعت عند الغزال

جلست تفطر وتطالع الغزال وهي تذكر الي صاروحاولت

تنساه لماكملت فطورها جلست عند الغزال وبدت تغني لها
لا ياوقت وين اللي على بالي يجي ويــــروح .. هذاك اللي ملك قلبي وتفكيري ووجدانــــي

أموت بطيفه اللي لا لمحته تنتشي بـي روح .. أحس اني إذا شفته كأني بعالم ثانــــــــــي

أحبه والامل باني في قلبي من غلاه صـروح .. حبيبي لو يمر طيفه يبدد ماضي احزانـــــــي

أحبه حب لو يدري عن اللي بخافقي من بوح .. نسى كل الزعل وارخص حياته دون حرماني

تحملت الخطى منه وإذا أخطى بعد مسموح .. حبيبي معليه ازعل إذا أخطى وخطانـــــــي

تذكرته ونا ناسي ونسيته والوفا مجـــــــــروح .. غريبه حالتي والله واهو ذكراه نسيانــــــنـي





تذكرت وحده عزيزه على قلبها حيل واتصلت عليها

جومانه:صباح الورد

حنان:صباح الاحساس والطيبه

جومانه:باقي نايمه

حنان:لالا وش نايمه نسيتي اني توضفت في بنك يعني لازم اصحى من بدري

جومانه:حنو اطلب منك طلب

استغربت:امري بس ولك عيوني

جومانه:ابيك تقدمين على اجازه الاسبوع الجاي وتجين عندنا بلمزرعه

حنان:امممممم ابشري من عيوني اليوم بكلم المدير

وبطلبه يقدم لي اجازه وبعد العشا وانا عندكم

فرحت جومانه:اوك مشكووووره

حنان:العفو هذا واجبي

وقفلو الخط,,,وفي هالحظه جات جومانه فكره جهنميه وقامت وهي تضحك

راحت المطبخ وطلعت قدر صغير وطلعت من الثلاجه

مكعبات الثلج وفرغتهم فيه وسكبت عليهم ماء بارد

وطلعت لدور الثاني وهي تضحك

فتحت الباب بشوي ومشت على طرف ارجولها

وسكبت الماي بسرعه

شهقت غاده وفزت من مكانها

جرت جومانه لجهت مي قبل تصحى وفضت باقي الماي عليها

نطت مي وهي تمسك على قلبها وتمسح وجها:بسم الله

غاده واقفه مكانها متجمده وترجف

ركضت جومانه عند الباب وفطست ضحك

غاده:لا يلحيوانه اوريك تعالي

مي وهي تعض شفاتها:اما ذبحتك ماكون مي,,, ورمت

مخده على جومانه وركضت وراها ولحقتها غاده

نزلت جومانه ركض لدور الثاني وهي تصرخ والبنات يتوعدون فيها

مي:اوريك ولا ماكون بنت ابوي هههههههههه

غاده:هههههههه وانا بنت امي

كانت تجري وهي اتطالع فيهم شوي وشوي تطالع قدام

وفجئه وقفو البنات وهي تجري وتطالع فيهم وتضحك

وماحست ابنفسها الا وارتطمت في شي

مسكت صدرها:أي ياصدري,,ورفعت عينها تبي تشوف من ارتطمت فيه

التقت عيونهم وكل واحد يطالع بثاني ولنظرته تفسير ثاني

غاده:اسفه ازعجناك صحيناك من النوم

مي وهي تاشر على جومانه الي تطالعهم وتطالعه

وجهها احمر:لاتلومنا نثرت الماي البارد علينا افجعتنا

فطس من الضحك على اشكالهم والبنات يطالعون في

بعض ثم يطالعون فيه:تستاهلون

مي:طيب ان ماطقيتها قدام عينك الحين ماكون مي

مسك جومانه وضمها من ورا بحيث تكون يده ملمومه

على رقبتها وهي مسكت يدينه تحاول اتبعد عنه لكن

ماتركها:اتحداك يامي تقربينها وهي عندي

حمرت وجيه البنات وغاده تسحب يد مي:مايا طلعنا قبل لايزيدون فيها

مي بصوت واطي:أي والله طلعنا

وعطوهم ضهورها وفي لمحة بصر اختفو

ضحك ثم ترك يده من جومانه ودفهاوطالع فيها وهو ياشر

بيدينه فوق وتحت:خلي منك حركات البزران

طالعت فيه واشرت على راسها بصبعها:والله حركات البزران هذي عاجبتني

قرب منهاوشد على عضدها,,,وفي هالحظه طلعت احلام
وانتبهت لهم

ومنصور بسرعه ترك يد جومانه

احلام:هلا والله بولد خالتي

منصور بدون نفس:هلا فيك

مدت يدها وصافحته بمياعه:اشفيك طفشان لايكون احد زعلك,,,وطالعت في جومانه

طالع في جومانه وبعثر شعرها:لا مافيه احد زعلني

,,وحاول يبتسم لها وهي ردت نفس الابتسامه

احلام تضايقت وبنفسها وجع ان شاء الله:منصور تعال

صحي سمورماصحت لي انت عارف اني انجن عليها

هالبنت,,,وهي تطالع جومانه بطرف عين

وجومانه دقها قلبها اكيداحلام لها يد في السالفه

منصوربغير ملابسي وبجي اصحيها\

فرحت احلام:اوك طيب

جومانه اتحس ان قلبها يحترق وهي تشوف احلام تتميع

قدام منصور وبنفسها يعني انا اغار عليه لا مستحيل بس

تصرفها ماله داعي ,,,وقفت الين دخل منصور غرفته

وطالعت احلام بستحقار وطلعت برا الفله

اما منصور تسبح وصلى ولبس بنطلون جنزاسود وتيشيرت

اسود ورش له عطر كان شكاه جذاب

وطلع وتذكر سمر وراح غرفتها

احلام كانت منسدحه على ضهرها عند سمر ولابسه

تنوره قصيره لحد الركبه كاروهات وبلوزه بيضاء

دخل منصور وسوت نفسها مانتبهت

منصور:احم احم

احلام تسوي نفسها متفشله:هلا ادخل,,وقامت

منصور مبتسم وهو يطالع سمور:ماصحت

احلام: لا

قرب من سمر:سمور حبيبي اصحي

قربت منه احلام وهو انتبه بس ماحب يبين ونزل راسه

وحط يدينه على ضهر سمر:سمر قومي يلا

حطت احلام يدها على يديه بكل وقاحه ومسكت ايده

ورفعتهم وحطتها على صدرها

منصور يطالعهامصدوم ليش هالحركه وهو عاقد حواجبه ويطالعها بعصبيه

في اللحظه هذي كانت ماره من عند باب سمر المفتوح.......




توقعاتكم:

1/احلام ليش متوتره من الاتصال الي تجيها من احمد؟

2/من الي شاف منصور واحلام,وشنو موقفه؟

3/جومانه بتحاول تثبت برائتها والا بطنش الموضوع؟

4/منصور تتوقعون بيكتشف كذبه سمرقريب او ان الموضوع بيندفن وينسي؟

5/ملاك بتلاحظ علاقة منصور وجومانه وخاصه انها قريبه منهم او لا؟


توقعاتكم هي اهتمامي
شوق2012 likes this.

البـــــــ17ـــــــــــــارت

قربت منه احلام وهو انتبه بس ماحب يبين ونزل راسه

وحط يدينه على ضهر سمر:سمر قومي يلا

حطت احلام يدها على يديه بكل وقاحه ومسكت ايده

ورفعتهم وحطتها على صدرها

منصور يطالعهامصدوم ليش هالحركه وهو عاقد حواجبه ويطالعها بعصبيه

في اللحظه هذي كانت ماره من عند باب سمر المفتوح

وقفت وهي مفتحه عيونه وعاضه على شفاتها وبنفسها

شنو هذا مستحيل منصور يسوي هاسواه

انتبه منصور للي عند الباب وفز من كانه وسحب يدينه

وطالع فيها وهو يمسح على جبينه

دخلت عليهم وهي عاقده حواجبها وتطالع في احلام

ومنصور من فوق لتحت

........:شنو هذا ماتوقعتها منك يامحترم

منصور وهو يحاول يفهمها:طيب اسمعيني

........:شنو اسمع النظر اثبت لي الكثير

احلام بتذمر:اوووووف

طالع فيها وهو معصب:اطلعي برا ولا كلمه ولا سمعك

تتاففين على الي احسن منك فاهمه

احلام منصدمه:طيب وش سوينا جريمه

......تستهزء:لالا شنو جريمه كان خذتيه بلاحضان ولا الافظل جلستو لوحدكم عشان ترتاحون اكثر

طالع منصور في احلام ومسكها بيدها وسحبهالين وصلو خارج الغرفه ودفها بكل قوته:اطلعي برا

كانت تأكل فراس عند الممر وانتبهت لمنصور وهويطلع

احلام ويرميها برا الغرفه طيحت الملعقه من يدهاوقامت

تطالعهم ونادت ماريا تشيل فراس

التقت عيونهم وعيونها تساله شنو الي صاير لكنه مارد عليها ورجع للغرفه

منصور:عمتي ملاك افهميني

ملاك:مابي اسمع ولا شي الي شفته يكفي

مسك يد عمته لكن هي تركت يده وطلعت من الغرفه

جومانه كانت واقفه عند الغرفه

جومانه:عمتي شنو صار شفت منصور ماسك بايد احلام

ومطلعها برا الغرفه وهي الحين برا تبكي

ملاك وهي تحاول تبتسم:مافي شي,,,وراحت لغرفتها

وقفت جومانه عند الباب وطالعت فيه وهو نفس الكلام

كانت العصبيه الي تعودت عليها باينه في عيونه

حركت راسها يمين ويسار يعني موفاهمه شي











في المطبخ

كان منار وغاد ومي يجهزون الغدا

مي:انا علي اللسلتات راح اخليكم تاكلون اصابعكم بعدها

غاده:هههههه اخاف استفرغ بعدها كل الي اكلته

منار:هههههه أي وانا كمان

مي:ماعلي منكم

دخلت عليهم وعلامات الاستفهام باينه على وجها

مي:هلا هلا

غاده:حي الله النذله

انتبهت هم جومانه وابتسم:الله يخليكم اسفه ماراح اعيدها

مي:هالمره لك تدرين ليش لان منصور حذرنا مانجيك ووعدناه مانسويلك شي

فتحت عيونها مومصدقه لها الدرجه مهتم فيني محذر البنات مايسون لي شي

مي:يلا قدامي جهزي لناالعصائر

جومانه وهي تسوي نفسها دلوعه:من عنوني

جهزو غدا الرجال في بيت الشعر وهم في الصاله

احلام ماكلت شي وطول الوقت مقفله عليها الغرفه

وبعد الغدا نادى محمد ملاك وطلعو يتمشون في المزرعه

وباقي البنات راحو عند الخيل

غاده:بنات وش رايكم نركب الخيل

جومانه وهي تحرك راسها:ماعندي مانع

سوسن:انا ماعرف

مي:انا اكثر وحده تخيل

غاده:هههههههه ياكذابه

البنات:ههههههههه

جومانه:عندي لكم مفاجئه

سوسن: قولي شنو

جومانه:حنون بتجي الليله

البنات:وناسه يعني الليله سهرتنا صباحي

جومانه:اكيد

غاده تطالع منار وسوسن وجومانه:نسهر للفجر ماحد يقولي زوجي وكلام فاضي ممنوع

البنات:ههههه ولا يهمكم

سمعت جوالها دق وشالته واستغربت ليش داق

مي:اقوووول من الحين جوالاتكم تتقفل

بعدت منهم وردت ببرود:نعم

منصور:عمتي عندك

جومانه:لا مو عندي مع زوجها اشتاق لها ونادها يبي يمشي معاها شوي بلمزرعه

منصور وهو خايف لاتكون عمته قالت شي لجومانه:قالت لك شي

جومانه ببرود عكس الي بداخلها:لا عن شنو بتحديد

ارتاح انها ماتكلمت وقفل الخط وهي ماستغربت لانها متعوده حولته صامت ورجعت للبنات

منار:لا غاده انتبهي هذاك الحصان يقول ابوي انه شديد شوفي غيره

جومانه:غدو وش رايك بلفرس الابيض هذاك هادي جدآ

غاده:واو شكلها روعه

سوسن:بنات موكان هذولا ملاك ومحمد

مي:ياقلبي على الرومنسيه شوفو كيف يمشون ويسولفون مع بعض كانهم عصافير

منار:بس سكتي يام الرومنسيه كاهم جاين

محمد/ملاك:هاي

البنات:هاي

محمد:اخباركم مع الخيل

جومانه:حلوه نبي انخيل

محمد وهويمسك ايد ملاك ويطالعها بحب:اهم شي زوجتي ماتخيل اما انتو قلعتكم

البنات:ههههههههه

منار:محمد انا زعلانه منك وحنا ماتخاف علينا

محمد وهو يشر لها:روحي لزوجك يخاف عليك,,, وضم

ملاك وهوماسك بكتفها,,,اهم شي حبيبتي مايصير لها شي

ملاك:حبيبي والله مشتاقه للخيل بليز خلني بس نص ساعه

محمد:خايف عليك بس بشرط

ملاك:شنوقول انا كلي تحت امرك

البنات كلهم مفتحين عيونهم على انسجامهم ودلعهم

مي بصوت واطي:رووميو وجووليت

غاده وهي منسجمه:يخسون عند هذولا جننوني من لما جينا يارب ارزقنا

محمد:شرطي ان انا الي اركبك على الخيل وانا الي
امشيبك موتمشين لوحدك

ملاك باست خده:اوك حوبي مشكوور

مي وهي تمسك على رقبتها:نحن هنا

جومانه:ملوكه خربتو البنات

محمد:ملوكه حاف بعدين لاتدلعين زوجتي انا ادلعها وبس

جومانه:ايه ملوكه وبس وبعد هي تحب نناديها بأسمها

تقول ماتبي انكبرها,,,وطالعت في ملاك,,ولا شنو ملاك

ملاك استحت وانتبه لها محمد:اكيد ماتبي تكبرونها هذي امي وابوي وطفلتي بعد

غاده بصوت واطي تهمس لمي:اذووب انا

مي:واناااا

ملاك:يلا ابي اركب الخيل

محمد:تامرين ياروح حمود يلا

جومانه:وانا بروح معاكم

غاده:وانا

راحو البنات وركبو الخيل

اما محمد ركب ملاك بنفسه ومسك الحصان وصار يمشي معاها ويسولفون

جومانه تركت الفرس تمشي فيها بشويش وابعدت عن

البنات واسرحت تفكر في منصوركيف صدق فيها وكيف انه

دمرها ,,,وينفسها مستحيل اثبت له أي شي مثل

ماظلمني بنفسه يحاول يبريني ومستحيل اسامحه

سمعت بصوت غريب وخافت وتلفتت يمين ويسار

حست ان فيه حد يمشي ومتوجه ناحيتها

تجمدت مكانها تطالعه ماتوقعت تلقاه بهالمكان

منصور بصوت هادي ويطالعها بستحقار:شنو جابك هنا
وليش تركبين الخيل

ماقدرت ترد وتحركت بسرعه بلفرس

منصور بصوت عالي:وقفي

مسكت نفسها وردت:نعم

منصور:ماتبين تتكلمين للحين من الي جابلك التفاهات الي لقيتهم

عصبت:انت ماتحس من وين لي هالاشياء انا متربيه

وماعرف هالحركات اسال اختك المصون من وين جايبتهم

وضربت الخيل الي تحركت مثل الريح وشعرها تناثر

ودموعها ماقدرت تنزل من شدة المها

رجعت للبنات بعد ما أرتاحت كانو جالسين عند المسبح

منار:جوجو منصور اتصل قال نطمنه عنك اول ماتجين صاير لك شي

نزلت من على الفرس ولمت شعرها:مافيني شي طمنيه

منار:جوجو احنا صورنا تبين انصورك معنا صوره جماعيه

جومانه:طيب يلا

جلست جومانه بلوسط والبنات حواليها وخذو لهم كذا صوره

مي:بنات يلا ندخل نصلي المغرب والعشاء وبعدها نطلع

نضحك على الشباب العشى اليوم فيهم

منار:ايه يلا يمكن نزوجك بواحد منهم

مي:ههههه عاد انا عاجبني الي اسمه مشاري

غاده:لاموحلو بدر احلى منه

منار تسحبهم:اقول امشووو رياني احلى منهم كلهم

البنات:ههههههههه


قامو البنات وصلو المغرب والعشاء



في غرفة ملاك ومحمد

محمد:ملاكي

ملاك:لبيه

محمد:كلمتني امي اليوم وتسلم عليك

ملاك:الله يسلمها راح اكلمها الليله

كانت تسرح شعرها عالتسريحه وتطالعه وهو حاس فيها

محمد:ملاكي اشفيك

ملاك:كلمك الدكتور اليوم لانه قال بيرد علينا وللحين ماكلمنا

تنهد محمد وقام وقرب منها ومسك شعرها وربطه

بلفيونكه:ليش مستعجله للحين مافقدنا الامل واذا ربك

بيرزقنا بأولاد فما راح يمنعه منا احد,,وباس خدها,,اهم شي ارتاحي

نزلت راسها وتنهدت وبنفسها يارب ارزقنا







في غرفة سمر

احلام منزله راسها وتبكي:ليش يسوي فيني كذا

انا احبه واموت فيه مستحيل احد ياخذه مني

مستحيل اوريكم اما كسرت روسكم واخذته منكم

سمعت صوت رساله بجوالها شالته وفتحتها(شكلك

نسيتي الوعد لاتفكرين تلعبين معاي لاتنسين منو انا ,انا

احمد اخذ حقي بيديني)

رمت بلجوال على السرير:الله ياخذك ويفكني منك

دق جوالها مسحت دموعها وردت:هلا حبيبي

احمد:هههههههه حبيبي وينك عن حبيبك شكلك نسيتي وعدك

احلام:لامانسيت بس انا الحين بمزرعة زوج خالتي وماقدر اطلع راح يشكون فيني

احمد وهو يتافف منها:ومتى راجعه ان شاء الله

احلام وهي تمسك راسها يوجعها:كلها اسبوع وراجعه

احمد:والوعد الثاني تاخرتي علينا

رفعت حاجبها:شنو نسيت

احمد:اوووف شكلك نسايه ماقلت لك ضبطي لنا وحده من صديقاتك لصديقي ابراهيم

حست انها تورطت:طيب قريب بحاول

احمد:يلا يلا باي لاتنسين ياااحلوتي هههههههه

قفلت الجوال حست الباب ينفتح وسوت نفسها نايمه

كانت خالتها ام منصور:احلام حبيبتي يلاقومي

احلام وهي مقفله عيونها:امممم نعم خالتي

ام منصور:يلا تعالي معنا برا كلنا هناك الا انتي

احلام:طيب خالتي شوي واقوم

ابتسمت ومشت من عندها ورجعت بسرعه:اه تذكرت

جدتك رجعت بيتها تقول تخاف تتعب من اجواء المزرعه

احلام ياحبي لك ياجدتي ماحد يتحملني قدك:طيب طيب

خرجت وقفلت عليهاالباب واحلام قامت وبدلت ملابسها

لبست بنطلون جينز وبلوزه ابيض وطلعت برا الفله











في غرفة منصور وجومانه
كانت جالسه عندالتسريحه تضبط شعرها ورشت لها عطر

وقامت ناظرت لبسها بلمرايه كان تايور احمر كروهات

باسود بلوزته كت والتنورد لحد الركبه شالت روده من

عالتسريحه وحطتها على شعرها فوق اذونهاطالعت وجها

ماكان فيه مكياج كلعاده وابتسمت لنفسهابرضا وطلعت برا غرفتها

راحت المطبخ وخذت لها كاس عصير

ماريا:ماما جومانه انتي هلوووه كثير

جومانه:شكرا,,,وين البنات

ماريا:كلو برا في مزروع

جومانه:اها طيب,,,وطلعت من عندهم

خرجت وشافت الكل متجمعين

البنات يصارخون:واااو جومانه

غاده: شنو هالحلا هالبس مزود حلاتك

مي:بس لو مكملته بلميك اب

سوسن:والله انك حلوه مره بدونه بس اتمنى اشوفك بلمكياج

منار:اتصدقون اني مستغربه ليش ماتحط مكياج وهي متزوجه

احلام وهي تطالعها:يمكن منصور مانعها

طالعت فيها جومانه:لامامنعني انا ماحب احطه فهمتي

........:مساء الورد

البنات الا احلام ظلت ساكته وتطالع:هلا والله غلا

جومانه:هلا والله بلقب الطيب

حنان:هلا فيكم

سلمت على كل البنات وطالعت في جومانه:اخباركم بنات

البنات:تمام اخبارك

حنان:الحمد لله انا تمام,,,وضحكت,, جوجوالاحمر طالع عليك جنان خيال

استحت جومانه:مشكوره عيونك الحلوه

شوي وجاتهم ام رنى وسلمت على حنان الي حبتها

واجد وكان معاها فراس وشالته حنان منها لانها تنجن على الاطفال

ام رنى:جومانه عمتك ملاك تقول تعالو كلكم هناك عندهم

غاده:بس الشباب متجمعين كلهم عندهم احراج

قامت منار:اقول قومو اشتقت لحبيبي

احلام خايفه لايفشلها منصور اوملاك

سوسن تطالع في جومانه وهم متوجهين للجهه الثانيه

من المزروع:جومانه زوجك راح يخق عليك شكلك حلو حيل

ابتسمت جومانه وبنفسها بلاك ماتدرين

احلام كانت تطالع جومانه بكل كره وغيره ماتبي منصور

يشوفها بهاالشكل لانها كانت روعه خاصه في اللون الاحمر

شافتهم ملاك جاين:لازم عزيمه ولا ماتجون

منار:احمدي ربك في ناس ماكانو يبون يجون

ملاك:ههههههههه صدق ليش

منار وهي تطالع غاده:يقولون احراج عشان الشباب

محمد:هههههههههه أي احراج كاهم جالسين وماعندهم بعد

غاده ومي قلبت وجيهم احمر من الفشيله

سلمت حنان عليهم وكانت مستحيه حيل اول ماقربت من

صقر مدت يدها بسرعه وصافحته ومشت

ملاك:وين جوجو ماشوفها معكم

انتبه منصور لعمته الي مطنشته طول اليوم

منار:راحت لحمود وميمو تبي تتطمن عليهم وبتجي الحين

ملاك:ماعرفتوني على الحلوه الي معاكم

غاده:نسينا بسبة زوجك المحترم فشلناهذي حنان بنت مدير صقر

انتبه صقر لأسمه وطالعها وبعد عينه والتفت للجه الثانيه

وبنفسه مديري يعني بنت هذا الرجال الي جانا في بيت ابومنصور

ملاك ضحك على كلامها:هلا وغلا حنون

حنان:هلا فيك

طالعها صقر مستغرب يبي يتذكر لكن ماقدر ونزل عيونه عنها
احلام تطالع منصور وانتبهت لهاملاك ونظارتها بستهزاء


شوق2012 likes this.
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:43 PM



Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.0

Ramdan √ BY: ! Omani ! © 2012