آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-04-15, 10:25 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  السلام عليكم ورحمة الله وبركاته شلونكم عزيزاتي وش اخباركم ؟ اتمنى تعذروني و دائما يا ريت تحطون للغايب الف عذر انتم ما تدرون وش اللي امر فيه اللحين حاولوا تتقبلون تاخيري بسعة رحب لان عندي ظروف كبيره تحدني على هذي التاخيرات عسى بس ما اضيق خلقكم المره الجايه وان شاء الله كل شي بوقته اليوم راح انزل البارت بس هو مقطع الاول والمقطع الثاني يوم الاثنين صباح لان هالبارت الطويل اللي يتكون من مقطعين احداثه مهمه جدا جدا جدا و اكشن مره تفضلوا المقطع الاول ::: طرت على باله فكره اخذ هديته و مشى لباب غرفتها دق الباب بس ما جاه جواب قرر يدخل الغرفه دخل وحول نظره بارجاء الغرفه ما لقاها سمع صوت انينها واضح انها تبكي قرب من عند السرير شافها قاعده على طرف السرير تحت ما بين السرير والجدار وتبكي قرب منها وبصوت هادي:سما سما ناظرته وانصدمت :انت وشدخلك غرفتي اطلع اطلع اشوف يوسف بعناد:لا مو طالع سما ما ردت عليه مالها خلق اصلا يوم شافته حزنت اكثر ودموعها زادت وكل ما تمسح تزيد يوسف نزل لمستواها وقعد جنبها وقلبه معوره من دموعها اللي تنزل:سموي سما ما ردت عليه زاد استغرابها انه يدلعها يوسف بابتسامه:سم سم سما (خيير وش يحس فيه) يوسف برومانسيه:سمااي سما تلقائيا التفتت له وصار وجهها بوجهه يوسف وهو يناظر بعيونها وبهيام:تصدقي احب اشوف دموعك سكت لوهله وبعدين تكلم يوسف:قولي مجنون بس دموعك حلوه لانك حلوه سما ما ردت عليه وما تدري ليش دموعها لسه تزيد و قلبها يدق بقوه يوسف حاوط وجهها بيدينه ومرر بكفه على انحاء وجهها يمسح دموعها :ودي لو اقولك ابكي وابكي وابكي بس اخاف تصيرين عجوز سما ضربته بظهره :كرررريه يوسف ضحك:ايواا كذا تكلمي شوي سمعيني صوتك الحلو سما استحت وما ردت عليه يوسف:اوك خليني افتح الهديه نشوف شو جبتيلي لا يكون من سوق الحراميه سما فتحت عيونها بقوه:خير ان شاء الله جيب الهديه اذا ما تبيها يوسف:نو نو نو خليني افتحها قام يفتح الغلاف شوي شوي وحصل بداخل الهديه صندوق مغلف بغلاف ملكي من امواج يوسف:عرفتي ادماني ها سما بخجل هزت راسها بموافقه شد لها خدودها على خفيف :لبى قلبك طلع العطور و فتحهم وهو يشمهم :وااو عنجد خيال احب هالريحه واحب هالماركه جد جد تسلمين مدري وش اقولك الله يخليك لي يا سماي وشاف ساعه ماركة ريفولي وعجبته كثير التفت لسما :شكرا سما سما :لا شكر عالواجب قام من الارض ومعه الهديه مد يده لها بيساعدها تقوم سما ابتسمت بخجل و مسكت يده الممدوده لها وقامت معه يوسف وهو يناظرها بعمق:سما يوم قلتلك اني ماحب مرتي تطلع بدون اذني فهالشيء من حقي يا ريت لو عالاقل تحترمي رغبتي هذي واسف اذا قسيت عليك بس هذي ردة فعل طبيعيه لواحد زوجته تطلع من البيت بدون اذنه فاهمه كلامي؟ سما بصوت خفيف:ايه فاهمه وان شاء الله ما راح اطلع من البيت الا بأذنك يوسف مسك ذقنها وحركه بخفيف :فديت المطيعه /تقبلي مني هديه سما بصدمه وباستغراب:شو يوسف سحبها لحضنه وظلوا كذا لدقايق وده لو يدخلها بضلوعه يتمنى قربها دايم و عالاقل يستغل فرصته هذي يوسف ابتعد عنها شوي بهدوء :سما سكري عيونك شوي سما سكرت عيونها يوسف قرب منها وباس عينها الاولى بخفيف وانتقل للثانيه كمان وباسها بخفيف وابتعد مره ثانيه :لا تستغربي احب عيونك الحلوه واذوب بسكرها سما قعدت ترمش من الصدمه حتى ما حست بطلعة يوسف وقامت تتلمس عيونها اللي باسها يوسف واحمر وجهها وحست بسخونه تسري بجسمها سكرت باب غرفتها وتسندت عالباب وهي متوتره والخجل طاغيها -------------------------------- في مقهى من المقاهي سالم قاعد يشيش و يتكلم بالفون ويا احد سالم بنبره غامضه ومخيفه:انت طبق اللي قلتلك عليه وبتجيك مني مكافأه سكر التلفون وهو يضحك بسخريه وينفث الدخان ------------------- مدخل المقطع الاول : في منتهى الرقــــــه في منتهى الذوق.®. حبيبتــ®ـــي في كل حاجه عجيبه .®. اذا حكـــــــــــت تعرف تخليني اروق.®. واذا بغت اتجيب راســــــــي تجيبه.®. ان جيت حطتني على الرأس من فوق.®. ماحــــــــــــد اسرني كثر خلي بطيبه.®. حتــــــى وهي جنبي تحسسني بشوق.®. وشلــــــــــون لامن شفتها بعد غيبه.®. واللــــــــي مزود حسنها حسن منطوق.®. متواضعــــــــــــه لكن لها الف هيبه.®. مخلـــــــــوق لكن غير عن كل مخلوق.®. مصيبتــــ®ـــآ يا حلوها من مصيبه.®. في فلة يوسف السلطان سما قامت مبكر و كانت لابسه بنطلون جنز سكيني و فوقه قميص يوصل للفخذ ابيض وعليه رسومات وحركات طلعت من الغرفه و هي تتلفت حواليها مافيه صوت ولا حس لاحد نزلت بهدوء لتحت وهي مستغربه هالهدوء اللي بالبيت سما بهدوء:ام سيد وينك يا ام سيد ؟؟ ما فيه احد رد عليها والغريب ان ام سيد ما جات لعندها يوسف دخل الفله من المدخل الرئيسي ومبين انه كان طالع من رياضه ابتسم اول ما شافها :صبحج الله بالنور سما اول ما شافته استحت و ردت بصوت خافت:صبحك الله بالخير يوسف:قايمه بدري اليوم !!! سما ضحكت:هههه اصلا دايما اقوم بدري والعكس اليوم قمت متاخره يوسف تسند عالجدار و هو يتاملها :طالعه تجنني اليوم منظرك البسيط يعجبني سما استحت وخدودها احمرت :احم الا بغيت اسالك يوسف :امري تفضلي تدللي انتي سما والخجل واضح بصوتها:امم تسلم بس وين العمال و ام سيد قمت الصبح واستغربت ما شفتها يوسف بابتسامه غامضه:كلهم راحوا اليوم عندهم اجازه وبكره بعد سما اول ما شافت ابتسامته حست قلبها ينقبض :امم اوك زين حقهم يرتاحون يوسف :تدرين جوعاااان بالمره ونفسي بفطور من ايدك ولا ما نستاهل احنا سما ابتسمت بخجل :طيب وشتبي حق فطور يوسف قرب منها وحرك شعرها اللي يعشق نعومته و انسيابه :كل شي منك حلو يالحلوه وطلع فوق عشان يتروش سما واقفه بمكانها حاسه قلبها تزيد دقاته احساس حلو مره ما تبيه يختفي بدت تحس ان يوسف صار يستلطفها وهي بدورها راح تخليه يحبها زي ما هي تحبه سما تمتمت بصوت خافت:انا احبه !!! ايه صح انا احبه راحت للمطبخ و بدت تخرج الاغراض اللي راح تستخدمهم عشان الفطور ----------------------------------- امجاد كانت قاعده بمكتبة الكليه واللابتوب معاها تشتغل عليه باسايمنت في مادة التكنوبايس وهي تشتغل و متعمقه بالاسايمنت سمعت صوت احد من زملائها بالكلاس عبدالمجيد: امجاد لو سمحتي ممكن مساعده امجاد التفتت عليه :تفضل اخوي عبدالمجيد:طيب ممكن اجلس امجاد:تفضل ما في اشكال عبدالمجيد سحب الكرسي واخرج الاوراق من الملف:شوفي صاحب القسم مستر جون طلب مني انا وانتي ننظم برزنتيشن عن اللغه والتعلم و يا ريت لو نبدا نشتغل فيه من الان لان التسليم بعد اسبوع امجاد وهي تبتسم:افا عليك خلنا نبدا بهالاثناء دخل المكتبه سالم مع صاحبه سعيد و هو يحرك بعينه يمين انصدم و تدفق الغضب بعروقه لما شاف امجاد جالسه مع شاب ويبتسمون لبعض سعيد وهو يهز كتف سالم:ياهوو سويلم وشفيك سالم بصوت هادئ و هو صاك على اسنانه :سامعك شوي بروح انت روح انتظرني بمكاننا المعتاد سعيد مستغرب:طيب انطرك وتحرك لطاولتهم اللي خلف قسم علم الاجتماع بينما سالم تحرك بخفه لطاوله امجاد سالم بابتسامه يخفي عصبيته وغضبه الشديد:السلام عليكم ورحمة الله وبركاته عبدالمجيد استغرب بس رد السلام:وعليكم السلام ورحمة الله وبركاته امجاد اول ما شافت سالم صدت بوجها سالم :ومالنا سلام يعني ترا السلام لله امجاد:وعليكم السلام سالم :بغيتك في موضوع يا امجاد واسف عالمقاطعه امجاد:دام عارف انك قاطعت شغلنا ليش جاي ؟؟؟ سالم:يا ريت لما تتكلمين معي تتكلمي بلباقه واحترام ترا هذا مو اسلوب عبد المجيد ما فهم الوضع وشاف الجو مشحون قرر يقوم شوي :امم انا استاذن برجعلك بعدين يا امجاد وقف وناظر سالم وكمل :تشرفنا يالاخ سالم :وانا تشرفت اكثر انا سالم خطيب امجاد امجاد فتحت فمها من الصدمه و عبدالمجيد ما كان اقل صدمه منها بس تدارك نفسه و طلع من المكتبه سالم سحب الكرسي وجلس فيه :صدمتك يعني امجاد ضحكت بسخريه وهي اصلا قلبها يرزف من الخوف:وليش انصدم هو انت ماخذ مقلب بنفسك ولا شو قال خطيبي قال العبها على غيري يا بابا سالم ببرود:ايوا خطيبك و بتوافقين علي باذن الله امجاد :لالاه وش ذي الثقه ها سالم :انا واثق من يومي وبعدين انتي لازم توافقين علي ولا افضحك انتي وعايلتك بمصايب اخوش امجاد رفعت حاجبها باستنكار:اخوي !!! سالم بخبث:اهاااااااااا الظاهر ما تعرفين لا لا تخافين العلوم يوصل عندك بعدين امجاد :انت وش تحس فيه ؟؟؟ سالم:مثل ما انتي تحسي فيه بالضبط قام من الكرسي ومال عليها بس بينهم خطوات بسيطه وبهمس:وافقي ولا والله بتشوفين انتي واهلك شيء ما شفتيه من قبل واخوش امجد بيتضرر وانصرف و هو تارك وراه امجاد مصدومه و ضايعه بالتفكير (وشيقصد هذا ويش امجد مسوي يا ويلك يامجد لو مسوي حاجه عويصه يا ويلك) جاء لعندها عبدالمجيد عبدالمجيد بهدوء وبخوف عليها :امجاد احسك متضايقه خطيبك سوالك شيء زعلك بشيء ؟؟ امجاد رفعت عينها له وضيقتها :انت مالك دخل انت زميل دراسه وبس عبدالمجيد عصب ولكن ما بين وحس انه من حقها تقول هالكلام:طيب انا باروح ويوم تروقين راح نبدا الشغل واتمنى ما نتاخر بهالبروجيكت يالله فمان الله جمع اغراضه وراح وما اهتمت امجاد لطلعته كل همها سالم وش يبي منها جمعت اغراضها بسرعه وهي حاسه بخوف من اللي جاي للحين تتذكر مواقفها اللي كنت بينها وبين سالم و تخاف اكثر طلعت لبرى و شافت السواق ينطرها ركبت السياره وهي شارده وتفكر بموضوعها ----------------------------------------- في المستشفى بقسم الاطفال بالتحديد جاسم يتابع حالة بنت اسمها عايشه مصابه بمرض السرطان ومعاه طلابه جاسم بابتسامه حنونه لعايشه:كيفك يا عواش عايشه :تمام انت كيفك ؟؟ جاسم ابتسم يحب الاطفال مووت :انا تمام بشوفتك هااا كيف النفسيه والصحه اليوم عايشه رفعت سبابتها على انها بافضل حال جاسم :كذا يا بطله ابغاش قويه انزين صبا تساسر نوره : ياااي يجنن مع الاطفال والله مررره يجنن نوره شافتها بنص عين :اقوووول روحي تغزلي فيه وخليني بحالي فأجاها صوت جاسم وهو يقولها :يا نوره نوره خافت بس ما بينت :نعم دكتور جاسم:ابغاش تكوني المسؤوله عن حالة عايشه من الان فصاعدا او بالخصوص قسم الاطفال المصابين بالسرطان ابي اشوف قوة تحملك كيف راح تكون نوره بثقه وبعزم:اوعدك اني راح اكون عند حسن ظنك جاسم ابتسم بسخريه :اتمنى وتحرك وتحركوا معه باقي الطلاب ونوره باقي واقفه بمكانها وهي تفكر بالمسؤوليه الكبيره اللي حملها اياها الدكتور جاسم هل راح تكون قدها (لالا ان شاء الله راح اكون قدها وقدود ) --------------------------------- وصلت امجاد الفله و دخلت للصاله الرئيسيه وشافت ابوها وامها ومناير قاعدين مع بعض بالصاله دخلت وحبت راس ابوها كامل بابتسامه:فديت بنتي حبيبتي اللي واحشتني وما عاد تنشاف امجاد ابتسمت له تحسه هو بلسم لها:فديتك بابا تعرف الكليه ومشاغلها كامل:الله يعينك سلمت على امها وعلى مناير كمان كامل:امجاد تعالي معاي شوي للمكتب ابغاش بموضوع امجاد خافت وقلبها قام يدق بسرعه وراحت ورا ابوها وهي عارفه الموضوع بس تبي تسمع منه عشان تتاكد انها مو عايشه بكذبه جلس ابوها بالكنبه وجلست مقابله بالكرسي كامل:انتي كل مالك تكبرين وتحلوين زياده و صاروا المعاريس يصفون عند باب بيتنا يبونك ما شاء الله عليكي يا بنت كامل طالعه على ابوش هههه امجاد اغتصبت الابتسامه عشان ما تشعر ابوها بتوترها كامل:جاش خطاب من عايلة مناير ،ما شاء الله عليهم اخلاق ودين وتربيه ورجال ابن رجال عن الف رجال ينشد له الظهر ومحترم بغيت اخذ رايش فيه بس موب اللحين استخيري رب العالمين وعقب عطيني رايش امجاد :بابا ودراستي؟؟ /محاوله منها انها تبين رفضها لابوها كامل:موافقين انش تكملي دراستك وما عندهم اشكاليه وانتي ما بقالش غير كم سنه وتخلصين صح ؟ امجاد نزلت راسها بيأس:صح كامل:يالله يا بنتي ابغاش تفكرين بعقلش وتستخيرين وتستشيرين ربش قبل كل شيء وترا الرجال ما يعيبه شي امجاد:ممكن اعرف من هو ؟ كامل بابتسامه:طبعا من حقش ،سالم ولد اخت مناير امجاد الصدمه تكبر وكل مالها تكبر هذا كثير عليها قلبها ما يتحمل تنضغط هالقد راحت فوق لغرفتها و قعدت على سريرها تحاول تستوعب الاحداث اللي مرت عليها اليوم سحبت تلفونها بتلقائيه واتصلت في يوسف تحس صوته يخليها تهدا يوسف باستغراب:الو امجاد تحاول تهدا:سلام عليكم يوسف:يا هلا والله بامجاد وعليكم السلام امجاد:كيفك يوسف وكيف سما؟ يوسف:تمااام والله وانتي كيفك يالشبح ما حد صاير يشوفك واستغرب صايره ذربه بالكلام امجاد هدت :تعرف الكليه والمشاغل يوسف:هااا سمعت خبر حلو انك انخطبتي ما شاء الله كبرتي يالشيطانه امجاد(لالا يا يوسف الا ذا الطاري ):ها ايه ،يوسف انا اتصلت اسلم وبسكر يوسف استغرب وحس اخته فيها شيء:امجاد فيش شي قولي لي انا يوسف مو اي احد ثاني امجاد (حنانه شي مو طبيعي يخليني ابي احكي بس لا استحملي يا امجاد ):لا فديتك يوسف عشان تعب الكليه وكذا لا تحاتي يوسف:الحمدالله ما فيه شي مضايقك وخير ان شاء الله حبيبتي راح ترتاحي كم سنه وتخلصي الكليه امجاد:ايوا يالله يوسف مع السلامه يوسف:يالله يالدلوعه باي سكرت التلفون وهي حاسه بربكه و خوف مو طبيعي يغلفها --------------------------------- يوسف قاعد بمكتبه بالشركه ومنهمك باوراق المعاملات يوقعهم سمع صوت طرق عالباب :تفضل السكرتير:استاذ يوسف فيه حد يبغى يقابلك يوسف باستغراب:من هذا السكرتير:رفض يقول اسمه يوسف سند ظهره عالكرسي بارتياح:طيب خليه يدخل ونشوف دخل الشخص المكتب ويوسف مصدوم من هالشخص الشخص:السلام عليكم ورحمة الله وبركاته يوسف بصدمه قام من مكانه وقرب منه وهو معصب ويحس الدم بيرتفع لراسه:انت كيف جيت ؟ مخرج المقطع : يا ليت يا ربع الشهامة تحطّون للمرجلة دربٍ ولا فيه ميلة حتى الرجل يمشي ولا يقرب الدون يمشي رفيع الراس مثل الصقيلة يا (معدّي المرقاب) تتنك له شجون خلاني أكتب بالحروف الجزيلة ليت الشعر يومك كتبته على هون جنّبت به درب الردى والرذيلة حتى يصير القاف وافي ومزيون يطرب هل الجزلات وأهل الفضيلة صدرك مثل (غزّه) وتتنك هو (شارون) لا ما هقيت الشين ينبت جميلة واللي حداني أكتب أبيات ولحون قصيدةٍ فيها معاني ثقيلة يا ليتها مرت على ذكر المزون والا بذكر أعمال فخر القبيلة بدال تتن محرقٍ صدر محزون إمهيّض الحسرات في كل ليله وآخر كلامي اقبل الشعر من دون الكره في قلبك علينا تشيله الشاعر ثامر البدراني منقووله تحياتي وودي واحترامي ونتلاقى يوم الاثنين بالمقطع الثاني الحارثيه | ||||
|
|
26-04-15, 10:26 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته شلونكم شو الاحوال؟ جيت لكم بالمقطع الثاني من البارت زي ما وعدتكم لكن انحبطت مافييه ردود غير رد واحد عالمقطع الاول عالعموم ان شاء الله يعجبكم المقطع .gif) مدخل البارت: العلم وانتي يالليالي سرمديه والوصول أغلى طموحات الفتى بأول شبابه والمهابه ماتهادت غير لنفوسٍ رديه ليت في قلب الليالي للفتى قدر ومهابه دنيةٍ تجمع صفاتين الخجل والعنجهيه كنها بنت يزود بحسنها ثقل وذرابه يوم جتني تمتحني في زمان الجاهليه جيتها رجلٍ تحلى في تقاليد الصحابه بالعطا تبخل علي وبالعذاب تموت فيه عشتها قلب شجاع يكره الضيم ويهابه بس ابدري وش نهاية وصلها وأخر هديه وهو صحيح ان القصايد للجريح أول عذابه ومن عرف لك يالليالي وانتي اكثر من هويه ومن تلحف في ترابك مقتنع باللي جرا به من قدر طموحه في زمان المعمعيه مَن مِن الناس يتجرا يتركك وانتي ترابه يوسف قاعد بمكتبه بالشركه ومنهمك باوراق المعاملات يوقعهم سمع صوت طرق عالباب :تفضل السكرتير:استاذ يوسف فيه حد يبغى يقابلك يوسف باستغراب:من هذا السكرتير:رفض يقول اسمه يوسف سند ظهره عالكرسي بارتياح:طيب خليه يدخل ونشوف دخل الشخص المكتب ويوسف مصدوم من هالشخص الشخص:السلام عليكم ورحمة الله وبركاته يوسف بصدمه قام من مكانه وقرب منه وهو معصب ويحس الدم بيرتفع لراسه:انت كيف جيت ؟ عزام يضحك بسخريه:ههههه وشفيك كنك شفت شبح ها يوسف وهو يقعد عالكرسي بصدمه:انت متى طلعت متى؟؟؟ عزام بجديه:يااخووي يا ولد امي وابوي كذا تستقبلني بصرراحه ماستغرب منك هالاستقبال المشبع العواطف يوسف بنبرة عتب:عزام انت كيف رجعت وكيف اقفلوا قضيتك وارجعوك من المنفى هااا؟؟ عزام جلس على الكرسي و بحزن:امحيتوا وجودي ابوك طردني من البيت وهو مو فاهم شي ولا حتى سال او تفهم قضيتي وانت صفيت بصف ابوك ضدي ما هقيتها منك يا يوسف ما هقيتها يوسف ناظره بحده :اللي انت سويته تعتبره شي بسيط يا عزام قلي تعتبره شي بسيط انك تهتك شرف عايلتك وتتورط بانشطه ارهابيه عزام صرخ :انت موو فاهم شيء ولا حتى عااارف وش سبب كل هذا انا انسجنت وانا عمري 17 يا يوسف 17 وانت لساتك صغير تجي مسويلي فيها انك فاهم وعاقل لاياخوي لا تحااول وابوك راح يدفع الثمن غالي يوسف قام من مكانه وقرب لعزام:ابوي هو ابوك ولعلمك انا وابوك(شدد على كلمة ابوك) متخاصمين من زمان عزام ضحك لدرجة الدموع خرجت من عيونه :هههههههه متخاصم انت مع ابوك يا ولد كامل السلطان تضحك علي يوسف صرخ فيه :عزام اطلع برا وبحجزلك فندق تقعد فيه لين ما نشوفلك صرفه انت وجودك بيننا اكبر غلط عزام وقف بسرعه و بحده:انا طالع ولا حتى ابي شي منكم يا عياال السلطان وعلى فكره طال الزمن ولا قصر انا منكم وفيكم واسمي غصبن عنكم مربوط فيكم فااهم طلع عزام من المكتب عزام:في 29 يمتاز بطوله و بياضه الشديد و عيونه الزمرديه شعره اسود سواد الليل وناعم يوصل لكتفه جميل وعلامة جماله الخدش اللي بخده اليسار اكتسبه من عراك خلال وجوده بسجن المنفى اخو يوسف من امه وابوه انطرد من البيت وابوه تبرا منه يوم كان عمره 17 لقضيه تخص امن الدوله رجع من المنفى ولا احد يعرف ماذا يخبى رجوعه. كامل قاعد بمكتب البيت و يقرى كتاب the 8th habbiets للكاتب ستيفن ماكورفي (على ماظن) شاف شاشة هاتفه تضيء وتهتز واستغرب الاسم اللي شافه رد وهو يبتسم:السلام عليكم ورحمة الله وبركاته يوسف:وعليكم السلام ورحمة الله وبركاته كامل:كيفك يا يوسف وشخبارك؟ يوسف بدون ما يرد على سلامه وبنبرة ضيق:عزام رجع كامل طاح الكتاب من ايده وحس بتوتر و حاس الدم يتدفق لراسه:يوسف انت متاكد؟ يوسف :ها ها ها من اللي كن عازم نفسه على كوب شاي معي كامل صرخ بصوت عالي:ليش ما حد بلغني منه قبل ليش الامن ما خبرونا ان عزام طلع من المنفى لييييييش هاا ؟ يوسف بعدم اهتمام مع انه يشتعل بداخله:ماعرف تصرف مع عزام مع السلامه وسكر التلفون بوجه ابوه كامل ناظر التلفون بصدمه ورماه بالجدار وصرخ بصوت عالي من العصبيه دخلت ناديا بسرعه وهي مستغربه وخايفه لما سمعت صراخه لاول مره يسويها من 12 سنه ناديا قربت منه و هي تحاول تهديه :كامل حبيبي كامل وشفيك ؟ كامل بعصبيه:ناديا ابعدي عني واتقي شر الحليم اذا غضب ناديا :لا ما بخليك وشفيك؟ كامل ناظرها :رجع ناديا يوم قال هالكلمه عرفت ان عزام رجع ونطقت باسمه وهي تهمس:عزام وقعدت عالكرسي وهي ساكته يوسف اتصل بهيثم وطلب منه يجيه المكتب هيثم دخل وشاف يوسف غارق بالتفكير هيثم:ياااهوووو احنا هنا يوسف ناظر هيثم:هلا هيثم:اهلين وشفيك؟ يوسف:عزام هيثم بصدمه:رجع ؟؟؟ يوسف هز راسه بموافقه هيثم هز راسه بيأس:واللحين شو ناوين تعملوا عشان هالسالفه؟ يوسف بتفكير:بصرراحه وبقولها لك خلينا التفكير لابو امجد هو اللي يتحمل اما عني انا بفكر بس بسكات واذا لقيت حل كان بها هيثم:زين ما تسوي ،اقول اطلب لنا شاي يروق الاعصاب يوسف:ههه انت ما تيجي الا عشان الشاي هيثم بعصبيه مصطنعه:مفكرر يعني ماقدر اطلب من مكتبي وعلى فكره ترا اكرام الضيف واجب يوسف:والله انك حاله ،خلني بس اتصل عالمدام اشوف كيف الاحوال هيثم :شووو هيدا شوو هيدا لا انا هيك ما بقدر ههههه يوسف:جب واللي يسلمك مابي اسمع منك صوت هيثم اشر على فمه وانه بيسكت يوسف يتصل بسما سما قاعده بالمطبخ تفكر شو راح تطبخ سمعت رنين تلفونها و شافت اسم يوسف (فديته) سما:احم الو يوسف:يا هلا والله سما بتوتر:اهلين يوسف بهدواء ورواق:كيفك؟ سما:امم تمام يوسف:شو تسوي اللحين؟ سما:هه مابي اقولك بعدين تضحك يوسف:هههههههههههههههههههه� �ههههههههههههههه سما بعصبيه:اففف من اللحين بديت تضحك خلاص بلاها هيثم شاف مكانه خطأ و قام واشر له مع السلامه يوسف:يسلملي الزعلان والله ،لا تزعلين مو من قصد كذا تلقائيا ضحكت سما ما ردت عليه وسكتت يوسف :ليه ساكته سما:افكر يوسف:افاا تسرحين وانتي تكلميني سما :يوووسف مو كذا بس افكر وش راح اطبخ اليوم يوسف بهيام:اسمي على لسانك له طعم ثاني من بد كل الخلايق سما استحت واحمر وجهها(يممه منه ):اممم وش انت تسوي يوسف:افكر فيج سما هنا ما عاد تقدر ترد يوسف :سموي سما:نعم يوسف:نعم حااف ما في معه صاحب ترا لوحده مو حلو سما تضحك بغنج:ههه امم اوكي نعم يوسف يوسف ذاب :لا خلاص لا تخليني ارجع من الدوام انا كذا مقدر ابي اشوفك بصرراحه اشتقت لج سما:هههههه لا لا خلك بالدوام انا عندي شغل اسويه هنا يوسف:اوكي سما بتردد:امم يوسف عندي طلب اذا ممكن؟ يوسف:امري وتدللي عيوني لك سما:ممكن نروح اليوم انا وانت السيتي ابغى اشتري اغراض للبيت ولي يوسف:افاا عليكي اليوم العصر لما ارجع برتاح شوي وعالمغرب بنطلع وبالمره جهزي نفسك لطلعة عشاء سما ابتسمت:طيب شكرا يوسف:ما بيننا شكر حبيبتي يالله بسكر عندي اجتماع بعد شوي سما قلبها كل ماله يدق زياده خصوصا لما قالها حبيبتي :طيب يالله باي الله يوفقك يوسف:اجمعين مع السلامه سكر الخط وهو مبسوط حاس ان الحواجز اللي بينهم كل مالها تنكسر وهذا اللي يبيه ما يبي يضغط عليها في مطعم في القرم (منطقه من المناطق الموجوده في مسقط واللي تعتبر من الاماكن الترفيهيه ) ريان ومريم ومايا قاعدات يتكلمون ويا بعض ريان :اففففف ابغى ارجع البيت انام تعبت والله الجامعه هالكتني هلك مريم بملل:خلينا ناكل جوعااااانه عالاخر و هالاكل الظاهر بيتاخر مايا ضحكت عليهم عارفه حالتهم لما يطلعون من كلاساتهم و المحاضرات شافت تلفونها يرن وردت عليه مايا:الو يا هلا والله بست الكل شيخه ضحكت:يا اهلين ،اقول مايا ارجعي للبيت اذا تقدري ضرووري مايا استغربت:ليش؟؟؟ شيخه:ابغاش توصلي حاجه لبيت عمك مايا:اوكي مام انا بتغدا ولما اخلص بطلع شيخه:اوكي ،نتلاقى ولا تتاخري مايا:طيب بااي مريم:وش عمتي تريد؟ مايا:ماعرف تريدني اوصل شي ريان:يااااااي وصل الاكل وصل الاكل و قاموا ياكلوا ويضحكون ويسولفون ومستمتعين بالجلسه بدون ما يلاحظوا العيون اللي قاعده تراقبهم من اول وصولهم مايا:يالله خلا رايحين مستعجله كله ولا تهزيئة ماما ريان ومريم:اوك طلعوا لبرى للمواقف و ريان ومريم راحوا ومايا راحت لسيارتها عزام في طريقه للمواقف ويتكلم بالتلفون عزام:اقول سالم هالحركات ما علي انا فااهم سالم بخبث:انت ما تبي تضر يوسف ولا وش وبعدين يااخي مين السبب انك انسجنت ها ؟؟ عزام بحده:ما يخصك شي فيني انت مجرد ابن عم ولا شي يربطنا غير الاسم يالله بحفظ الرحمن سكر التلفون بوجه سالم وهو يضحك بسخريه (والله ناس ) وصل للمواقف وانصدم وهو يشوف البنت اللي تناظره بحده و ناظر المسافه بين سيارته وسيارتها لاحظ ان هي صافه سيارتها غلط عزام كتف يدينه :الاخت انتي صافه غلط مايا (يتفلسف وهو الغلطان كمان):لا انت الغلطان وبعدين انا جيت بالاول وما كانت في سياره جنب سيارتي عزام بملل:اقول اللحين بطلعها السياره ماله داعي للمشاكل راح للمقضب يحاول يفتح باب السياره بس ماقدر بحكم المسافه اللي بين السيارتين ما تسمح تأفف(اففف هذي من وين طلعت لي كافيه البلاوي اللي فوق راسي تيجي هذي وتعكر مزاجي زياده صبرك يا ايوب ) عزام:السموحه المسافه ما تسمح وماقدر افتح السياره مايا:وانا وش دخلني انت اللي جبت هالمشكله وانت اللي بتحلها عزام:اقول يالاخت انتي تقدري تزيحي سيارتك بدون اي اشكال مايا بحده:لا والله واخاطر بسيارتي هااا لا سووري يالاخ طلع سيارتك وفكني عندي مشوار ضروري عزام بعصبيه :اقووول ما تفهمين انتي مافي عقل هاا انتي صافه خطا ولا اقولك اياها بالانجليزي و لا الهندي يمكن تفهمين مايا (اهئئ يغلط علي قليل الادب):انا افهم اكثر منك اوكي و ماني بمحركه سيارتي وانت بتحرك سيارتك سمعت عزام :اوك انتي اللي طلبتي هالشيء طيب طيب راح لسيارته وفتح مقبض الباب بالقوه ودعم بسيارتها وقدام عينها يصير هالشيء وهي مصدومه طلع من السياره مايا بصدمه:انت دعمت سيارتي يال-------- ،يا اللي ------- انتي ما تستحي على وجهك هاا سيارتي يالغبي خربتها سياررتي عزام برواق:انتي طلبتي وانا نفذت طلبك و اذا على السياره التصليح علي وهذي بطاقتي حط البطاقه عند مقدمة السياره و راح مايا ارتفع الدم لوجهها وحست انها بتنفجر تحركت للسياره و هي دموعها خلاص بعينها لان السياره توها جديده ما صارلها غير 3 اسابيع اخذت البطاقه و دخلتها بشنطتها بغير اهتمام عماد قاعد بمكتبه يفكر(انا وش اللي اسويه اخبي عليهم قدرتي عالكلام مدري هالشيء يستاهل و لا لا مدرري اذا بيسامحوني اخخخ بس اخخ ) رفع تلفونه و اختار اسم واتصل فيه الشخص:الو هلا عماد عماد بصوته الفخم:اهلين ،جهز لي المروحيه بسافر اليوم اشوف الاهل وبرد الشخص:طيب مثل ما تبي ،عماد لا تتاخر تخبر اهلك ترا انت كذبت بما فيه اكفايه عماد بملل:اعتقد انتي مالك علاقه نفذي اللي اقوله وبس سكر التلفون و لف بوجهه للباب وانصدم لما شاف موظفه من الموظفين اللي بقسمه واقفه بصدمه عند الباب عماد بدون ما يحس تكلم :انتي كيف تدخلين من غير اذن هاا ؟؟؟ الموظفه بتوتر وتلعثم:ااا قالولي ادخل ودخلت خلاص خلاص بروح عماد تحرك بتوتر لعند الباب وسحبها من ذراعها لداخل المكتب وسكر الباب سمر خافت حيل ودقات قلبها زادت بس حاولت تقوي نفسها وبحده:انت كيف تسمح لنفسك تسحبني كذا خلني اطلع لو سمحت عماد:انتي باي قسم بالضبط؟ سمر :ما يخصك عماد بعصبيه:اقووول لا تحديني على تصرف ما يعجبك ولا يعجبني واحترمي نفسك يوم تكلمي رئيسك بالعمل سمر ضحكت بسخريه مع ان قلبها يدق طبول:هههه رئيس ،على فكره انا فقدت احترامي لك ما عاد لك احترام عندي انت واحد كذاب الكل يفكرك شي ثاني وانت اصلا شي ثاني عماد خلاص ضغطه بيوصل للالف:انتي مالك علاقه فيني انتم اعتقد وظيفتكم انكم تشتغلون هنا مش تتدخلون بخصوصيات الناس فااهمه؟ سمر :طيب يا سعادة المدير يمكن اطلع ما بيننا كلام اصلا عماد رجع لمكتبه ببرود:الشي اللي صار تنسيه وامحيه من بالك ولا انا اللي بنسيك اياه سمر بلا اهتمام:اصلا انا مالي خص فيك وشكرا الان ممكن اطلع عماد:تفضلي ... سمر:في 23 متوسطة الطول مليانه شوي جميله عيونها وساع و جنها مكحلات حنطيه و شعرها بني غامق تشتغل بالماليه بشركة السلطان وبقسم عماد بالضبط حالتها الماديه متدهوره تحاول تساعد امها المريضه وتدفع تكاليف علاجها من السرطان عنيده و قويه و ما عندها تفاهم اللي يغلط عليها ترد له بالمثل اضافه جميله لروايتي وراح تسعدني بوجودها اكيد في بيت العم صالح صالح قاعد بالمجلس مع عاصم ولده صالح يضحك:هههههههه لكن والله ضحكتني هالعجوز الله يحفظها انا شطولي و هالشنبات البيضا تحسبني اغازل مسكينه والله ههههههه عاصم :ههههههههههههههههههه والله انك شي يابوي لالا انت شايب وسيم عشان كذا ما صعب يصنفوك من الشباب صالح :ههههه ،خلني اتصل في امي من زمان عنها وعن سواليفها والله اتصل في زوينه زوينه:الو السلام عليكم صالح:وعليكم السلام يا مرحبا مليون وما يسدن بذمتي زوينه ضحكت تعرف سواليف ولدها يوم يتصل بها:ههههه يا مرحبا بك صالح:كيف امسيتي يمه كيف حالش و الاجواء معش؟ زوينه:والله الاجواء زينه تبشر بخير وانت مو حالك و حال اولادك وحيانك؟ صالح:كلهم بخير وسهاله يمه يسلمون عليش و يحاتوك وينطرون جيتش لمسقط زوينه:هييه صح ترا انا يايه عندكم مسقط بروح عند يوسف اسويله مفاجاه هو و سما صالح:وابووي ما يصير يمه ترا توهم عرسان زوينه(ما تعرفولهم باااه ما تعرفولهم هذولا الاثنين ما متوالفين):هاااعه انت ياي تعلمني الاصول يا ولد السلطان اسكت اسكت صالح:اقووول يمه ما ناوي اتضارب معش المزاج زين ومابيه يخترب زوينه:عيل بس خلاص بصك التيلفون مابا اسمع صوتك حتى شوفتك ماباها صالح :لالالا يمه هذي بوسة راس من بعيد بس البوسه بتروح حق راس ام عاصم ههههههههههههه بدالك زوينه ضحكت:والله انك ما تستحي يالحمار مع السلامه صالح:حااال هييش مستعجله تونا مستانسين نتكلم زوينه:بسيرر اشوف الهوش مع السلامه سكر التلفون وهو طايح من الضحك سما خلصت من الطبخ وكانت طابخه ستيك لحم مع صوص الراسبيري و سلطه بطاطا وذره و بطاطس مقليه وعملت عصير ليمون ونعناع فريش وجهزت الطاوله وراحت تتروش طلعت لها فستان يوصل لتحت الركبه لونه فيروزي نص كم وفيه حزام ابيض بالنص وطالعه كيووت وانيقه نزلت تحت و شافت يوسف واصل وقاعد بالكرسي يستخدم تلفونه سما بخجل:احم احم يوسف لف عيونه وناظرها وابتسم :يعني طريقة لفت انتباه سما بتوتر:لا شفتك مشغول قلت انبهك يوسف :طيب كذا السلام سما قربت منه ومدت يدها بتسلم يوسف مد يده و سلم عليها ومسح على يدها :ماكذا السلام اللي كنت اتمناه بس شيء احسن من لا شيء سما بخجل :الغدا جاهز يوسف:اممممم جوعاااااااااااااان وودي في اكل يشبعني سما :لا افاا اكييد بتشبع الشيف سما طابخه يوسف:واحلى شيف بعد ،يالله نشوف اكلك راحوا مع بعض لصالة الاكل يوسف بانبهار:الله الله وش هذا لا انتي ست بيت على اصوول يا زين التربيه والله سما استحت:شكرا شكرا على المجامله يوسف قرب منها وسحب لها الكرسي عشان تقعد:تفضلي مدام يوسف سما :شكرا يا جنتل مان ههههههههه يوسف بهيام:دوووم الضحكه ،عااد بعد الغدا بتروش وبنام شوي وبعدين المغرب طالعين على عشاء مع بعض اوكي سما :اوك ،يالله كل احسن لا الاكل يبرد يوسف ابتسم:طيب يالله بسم الله في بيت العم خلفان فدوى بالصاله تتكلم بالتلفون فدوى بغنج:ههه لا حبي مقدررر شوي وتلف وجهها وهي تضحك تنصدم باللي عند مدخل المجلس ----:من حبيبك هذا هااا ؟؟ مخرج البارت: اذن المغرب وساد الفضى مثل الضباب ونتهى والليل لبس الاماكن لبس ثوب وردت همومي على قلبي الصلب الخراب وردة احيام القوامي على عدن الجذوب كلها هانت ولا هنت ياهم الغياب من محبة صاحبك صرت ياهم محبوب توقعاتكم يا جماعه خصوصا مع الاحداث الجديده تحياتي وودي واحترامي الحارثيه | ||||
|
|
|
26-04-15, 10:28 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت ........... صحيح اني انسى الحوداث.. والملامح .. والأسامي لما أكتب عن آلامي .. شعر ابعد ما يكون .. عن مجرد جرح دامي .. والأساور .. والمرايه .. والهوى القاسي الحنون .. عندي هموم القصيدة .. غامضة .. صعبة .. عنيده .. وانت عاشق للوضوح .. يتعبك بحري ظلامي .. ودك بسري أبوح .. وانا آخر همي بوح .. تكفى لا تزيد فـ خصامي .. وقلي ما تفهم كلامي .. انا انسى .. الحوادث .. والملامح .. والأسامي .. -------------------------------------------------------------------------------- في بيت العم خلفان فدوى بالصاله تتكلم بالتلفون فدوى بغنج:ههه لا حبي مقدررر شوي وتلف وجهها وهي تضحك تنصدم باللي عند مدخل المجلس خلفان :من حبيبك هذا هااا ؟؟ فدوى بارتباك:هذي صديقتي فديتها خلفان ما اهتم بالموضوع :تمام قولي لامك اني طالع وما راح ارجع الا متاخر فدوى بارتياح :ان شاء الله بابا -------------------------------- عطني المحبة .. كل المحبة .. عطني الحياه.. عطني وجودي .. ابغى وجودي .. أعرف مداه املا شعوري .. بالحب مره ابغى هواكم.. حلوه ومره وأغلى الأماني .. عاشت في غربه ياعمر ثاني .. عطني المحبه ---------------------------------------------- في منزل يوسف السلطان يوسف وسما جالسين بالصاله مع بعض يوسف بابتسامه :طلعتي ما شاء الله عليكي بالطبخ شيف سما:هههه لا عاد اطبخ بس خبرتي مو خبرة ام سيد الله يخليها لها وحشه والله يوسف:ايه صح البيت هادي واجد في غيابها بس معليه يومين وتجي سما:ايوا ،امم اقوم اتجهز اللحين عشان نطلع يوسف شاف ساعته :اممم اوك الوقت مناسب انا بروح اتجهز وطالعين سما هزت راسها :تمام كل واحد فيهم راح لغرفته يتجهز في غرفة سما تطالع نفسها بالمرايه حاسه نفسها تغيرت واجد في شي بهيئتها تغير سما باحباط:متنت افففففففففففف انا متنت عشان كذا طلعت لها بنطلون سكيني و توب ابيض كلاسيك عليه خطوط سوداء مثل الستريب وطلعت عبايتها سما :لازم ما بيحبني جمالي ما يوصل لفدوى ولا حتى شكلي عربي افففففففففففف اشفيني انا متضايقه كذا لبست و تكحلت وحطت جلوس وشافت نفسها بالمرايه بعدم رضاء على شكلها اخذت اغراضها وراحت للصاله تنتظر يوسف ومزاجها تغير خالص و متقلب يوسف كان بغرفته يفكر وش يلبس طلع له جينز و قميص اسود ولبس وتعطر بعطره المفضل امواج اخذ المفاتيح والبوك وطلع من الغرفه شاف سما بالصاله تنتظره يوسف بابتسامه :يالله مشينا سما قامت بدون ما تتكلم يوسف استغرب بس ما علق ركبوا السياره يوسف:سما وين تبغي تروحي بالضبط ؟ سما بدون نفس:ماعرف أي مكان يوسف (لا اله الا الله رجعنا ):فيش شي؟ سما:لا مافي يوسف :اوك براحتك حرك السياره على سيتي سنتر ---------------------- في بيت شيخه السلطان مايا منسدحه على سريرها و تفكر باللي صار لها اليوم وتذكرت البطاقه سحبت شنطتها بسرعه وشافت البطاقه وسحبتها ركزت عالاسم مايا:عزام كامل السلطان بصدمه حست انها بتصرخ بس كتمت نفسها :اهئئئ هذا من وين وك كيف عنده اسم خالي لا هذا شي مستحيل اتصل ما اتصل اتصل ما اتصل لالالا خلاص بتصل لازم اعرف هذا كيف يكون ولد خالي او كيف ماخذ الاسم اخذت تلفونها وايدها ترجف من الصدمه دقت عالرقم بعد دقيقه بالتقريب جاها صوته عزام بصوته الفخم واللي يتميز ببحته :الو مايا لا يا ربي ليش اتصلت انا عزام :الو الو خير من معي مايا تشجعت وردت عليه:السلام عليكم عزام استغرب من هذي:وعليكم السلام من معي؟ مايا :انت اللي مين ؟ عزام بسخريه:حلوه هذي انتي تتصلين واللحين تساليني انت مين ؟ مايا :انا اللي دعمت سيارتها اليوم بالقرم عزام بضحكه خوفتها :هههههههههههه انتي ايوا خير في شيء مايا زفت :ابوا اشياء عزام باستخفاف :اقول قولي اللي عندك واخلصي علي انا مشغول ما عندي مايا بعصبيه :انت اللي دعمت سيارتي اوكي و انت اللي عطيتني الرقم عشان اتصل فيك عشان التعويضات عزام بهدوء:يا حلوه المفروض تعطي اخوك الرقم وما تتصلي برجال غريب مايا وصل حدها:واذا قلت انك ما غريب عزام سند ظهره عالكرسي :وكيف ؟ مايا:كيف انت اسمك على اسم كامل السلطان عزام ضحك بقوه:هههههههههههههههههههه� �هههههههههههههههههههههههه هههههههههههه غبيه انتي ولا تستغبي ابوي واكيد اسمي بيكون على اسمه مايا :اففففففففف يا غبي خالي هو كامل السلطان وما عنده غير امجد ويوسف وما عنده ولد غيرهم وصدقني اليوم البطاقه توصل لخالي يشوف سواتك فاهم عزام بجديه :روحي له وقوليله ولدك عزام يسلم عليك تمام مايا بحده: انت كيف ممكن تكون ولده؟ عزام:هذا شي مالك علاقه فيه يا طفله وخلي هالامور عنك وانتبهي لدراستك سكر الخط بوجها مايا بصراخ:غبي حمااااااااار اففففففففففففف دخلت شيخه غرفت بنتها بخوف :خيرر اش فيش ليشت صرخي كذاك قصري حسش مايا بهدوء:سوري ماما ما فيني شي بس كنت مغمومه شوي وقلت اطيح غمي واصرخ شيخه بعصبيه :صرخي لكن ما كذاك استغفر الله روعتيني مايا:اسفه ماما ما بكررها طلعت شيخه من غرفة مايا -------------------------- سالم في سبلة صاحبه ناظم ناظم :وش ناوي تسوي انت محد يبى يوقف بجانبك سالم بخبث :فيه حد باقي لو قدرت اوصل له انا ضمنت خطتي وحقي بيرجعلي ناظم بتحذير:سالم لا تدخل نفسك بمشاكل مالها اول ولا تالي سالم :اسكت انت خواف ---------------------- فالمستشفى مكتب الدكتور جاسم السلطان بالتحديد منسجم مع اوراقه و معاينات المرضى دق الباب جاسم بدون ما يرفع راسه :تفضل دخلت نور المكتب نوره بصوت خفيف وهادئ:السلام عليكم رفع جاسم راسه و بابتسامه :وعليكم السلام ورحمة الله وبركاته تفضلي نوره نوره استغربت ودق قلبها حتى انها نست اللي تبي تقوله جلست وهي ساكته جاسم استغرب سكوتها :نوره ياا نوره نوره انتبهت له :هاا جاسم عقد حواجبه :وين سارحه ؟؟؟ نوره ارتبكت:لا لا مافي شي بس كان عندي شوية اسئله اذا ممكن جاسم (عجبه ارتباكها وهدوءها فحب يستغل هاللحظه): طيب اسالي هذاني قدامك تفضلي نوره (هذا اشفيه): هو فالملف في شوية اشياء مو فاهمتها جاسم باستغراب:ملف من ؟؟ نوره:عائشه جاسم: طيب وريني نوره عطته الملف:شوف فالصفحه الثانيه على يمين اخر الصفحه جاسم وقفها:لحظه لحظه كيف توريني كذا تعالي و دليني نوره ارتبكت ما تبي تكون جنبه ما تدري ليش بس ما تبي :لا عادي بوريك من هنا جاسم عقد حواجبه :يا انسه نوره احنا هنا ما جالسين نلعب تعالي ودليني نوره بهمس:افف جايه جايه قربت منه و سحبت الملف وفتحتله عالصفحه جاسم ما يدري وش صارله يوم قربت منه اختبص يحس بدقات قلبه تزيد مرتبك ما يدري ليش - نورها ذاك الذي يطفيء الظّلام... - نبع شفتيها شهد تشربه الكلمات... - هي ليست على قدر من الجمال...الجمال على قدر منها... - أجمل ما فيها...ما فيها. نوره بهمس :دكتور جاسم دكتور جاسم فاق :ها نوره ضحكت من غير سبب جاسم اول ما شاف ضحكتها ابتسم و قام يتاملها نوره التفتت له وشافته يطالعها اختفت الابتسامه من وجهها وركزت عالملف :احم اسفه ما كان قصدي جاسم كح بخفه :لا عادي ما صار شي المهم وش المشكله نوره بارتباك:امم لاحظت ان بمكان ولي الامر مافيه شي مكتوب عائشه يتيمه ؟ جاسم باستغراب:لا والله نوره :ايوا تعرف عشان نبدا نجرب العلاج الجديد محتاجين اذن الاهل جاسم :بسال عن الموضوع وبرد عليكي نوره ابتعدت عن الطاوله نوره :شكرا دكتور جاسم بابتسامه كانت كفيله انها تظهر بوجهها معالم الخجل :العفو ولا شكرا على الواجب بالتوفيق نوره طلعت من المكتب بسرعه و جاسم سند راسه عالكرسي و فك ربطة العنق وهو يحس بمشاعر غريبه تجتاحه (انتي من ) ------------------------------------------------ في مطعم ناندوز يوسف وهو يطالع اللائحه: وش بتختاري ؟؟ سما سرحانه يوسف نزل القائمه :ياهوو سمااا سما:هاا قلت شي يوسف بجديه:سما انتي وش فيكي بصراحه؟؟ سما بضيق:اففف يوسف قلت لك ما فيني شي مااا فيني شي يوسف بعصبيه:شووفي حركاتك هذي ما تمشي معاي والظاهر ما تستاهلي اعاملك باحترام ولا انا وش انتظر منك سديتي نفسي عالاكل سما بعصبيه اكثر :لا والله شوف يوسف رجعني البيت اللحين اشتريت اللي اريدهم خلاص يوسف من دون نفس:وانا يعني ماريد اشتري شي انتظريني اشتري بعد عنها شوي ما قدرت تجلس تخاف تجلس بروحها ركضت له وشدت كتفه بخفه وبهمس فيه نبرة خوف:يوسف بجي معك يوسف بداخله ابتسم يعرفها طفله ما تكلم ومشى لقدام وهي مشت معاه بانصياع دخل محل امواج للعطور مثل عادته قعد عالكرسي وجلست هي بالطرف الثاني قعدت بصمت العامله اللي بالمحل جات له الموظفه:هلا بالشيخ يوسف نورتنا والله يوسف ابتسم:منور بوجودك الموظفه:من زمان ما مريت قلت يمكن خلاص هون عن امواج واختار نوع ثاني بس عاارفه هالشي مستحيل يوسف :فاهمتني ،انشغلت بالفتره الاخيره بس اليوم لقيت نفسي فاضي الموظفه :يا بختنا يوم شفناك سما تسمع وهي محترقه من الداخل(عمى بعينها ال--- تغازله عيني عينك) يوسف:طييب بدل المقدمات والرسميات خليني اشوف اجدد التشكيلات عندكم بعد اذنك الموظفه انقهرت :احم طيب ولا يهمك راحت تجيب له العطور ويوسف منشغل بمتابعة الكتالوجات ومتجاهل وجود سما الموظفه جات ومعها تشكيلات الجديده من العطور الموظفه:استاذ يوسف ايهم تحب تبدي به يوسف:على ذوقك يا انسه الموظفه خجلت: طيب سما اغتاصت وانقهرت الموظفه لاحظت وجود سما :اممم سيد يوسف اللي معاك اختك او من اقاربك ممكن تبي تجرب شي يوسف :هذي زوجتي المدام سما اذا كانت عندكم تشكيلات نسائيه جديده جيبي لها تجرب الموظفه انصدمت لما اعرفت ان سما زوجة يوسف جمال ما شاء الله مستحييل تكون عربيه هذي راحت تجيب لسما العطور يوسف قرر يكسر الصمت اللي بينهم :سما تعالي شمي العطور اختاري لي اللي تحسيه يناسبني سما رفعت حاجبها وبابتسامه قصدها تقهره و تطفي غيضها:ليش ما تخلي الاخت اللي هني تختارلك على ذوقها ومشكور مابي عطور بروح البيت يوسف ناظرها وانقهر وزعل منها بجد ما يدري وش فيها نفسيتها مقلوبه طلع من المحل قبلها بسرعه اخذت العطر اللي تحس يناسب يوسف وعطته للموظفه شافت رنه من يوسف متاكده انها عصبته بس مو بيدها متضايقه ومنحبطه كثير تحس جمالها ذابل تحس ان يوسف ماهو متقبلها راحت ليوسف اللي كان ينتظرها عند محل من المحلات ومشى وهو متجاهلها من العصبيه دخلوا السياره رن تلفون سما ردت عليه :الو امجاد:وووينك انتي وين هاا سما :هلا حياتي موجي هلا امجاد:احر ما عندي ابرد ما عندك انا عندي موضوع مهم اريد اكلمش فيه سما :حبيبتي انتي ماعرف اذا اخوكي راح يسمحلي او لا امجاد :انززين معليه انا بجيش البيت احم عااد استقبليني استقبال محترم هاا اول مره اجي سما بفرحه:واااي من عيوني فرحانه والله فديتك انتظرك انا امجاد :هههههه طيب بنام عندك حتى سما:لالا كذا اانا خلاص مقدر اخاف اطيح من الفرحه امجاد:يالله حبوبه اشوفك الليله سما سكرت منها وهي تبتسم يوسف لاحظ فرحتها :ما تسوى علينا هالفرحه كلها لامجاد سما لفت بوجها:طبعا هذي امجاد يوسف ضحك باستهزاء :يالله انزلي خلاص وصلنا نزل من السياره وهي نزلت بعد دخلوا وكل واحد فيهم راح لطريقه هي راحت للمطبخ وكانت ام سيد موجوده ام سيد بابتسامه:ازيك يا بنتي يا سما سما بابتسامه باهته:تمام وانتي ام سيد:الحمدالله نحمده ونشكره ،عاوزه تعملي ايه داخله المطبخ دلواقتي سما :امجاد اليوم بتجي ابغى اعمل سويت وشوية خفايف ام سيد :طيب انتي ارتاحي شويه وهساعدك سما:لالا انتي اللي ارتاحي انا اللي راح اسوي كل شي وحدي ام سيد:على راحتك يا هانم يوسف بالصاله اللي فوق جالس يشوف تلفزيون رن تلفونه يوسف رد:هلا والله زوينه:اهلين السلام عليكم يوسف:وعليكم السلام ورحمة الله وبركاته،كيف الحال يمه؟ زوينه:يسرك الحال وانت؟ يوسف:بخير وسهاله زوينه:اباك تجيني الحين انا عند قوم امك الله يرحمها يوسف باستغراب:وش تسوي هناك ؟ زوينه بعصبيه:تعاال شوفهم وسلم عليهم قاطع عنهم ولا حتى تمرهم وش ذا المنكر يوسف ببرود:خليني افضى عشان امرهم زوينه:لا تعال ومعك حرمتك يوسف:يمه ما تروم سما عندها ضيوف اظن بجي اخذش بس ازورهم بيوم ثاني ولا يهمش زوينه بعدم رضا:انزين تعال اللحين ببات عندك البيت يوسف بفرحه:والله ينور البيت بوجودش يالله اتجهز وبجيش طيران زوينه :حياك نتلاقى يوسف سكر منها وراح للغرفه يتجهز لبس دشداشه بيضا وخطوط زرقاء و كمه بيضا وزرقاء وتعطر من عطره المفضل امواج اخذ مفاتيحه وبوكه ونزل تحت يوسف بصوت عالي:سماا سما طلعت من المطبخ:نعم يوسف ببرود:جهزي غرفه فوق حال يمه العوده جايه تبات هنا بالبيت معنا سما فرحت :والله يااا فرحتي طييب خلاص بجهز يوسف بداخله فرحانه يفرح كل ما هي تفرح تبعث البهجه لنفسه :طيب يالله رايح اجيبها دخلت المطبخ وهي متحمسه و ناويه تطبخ سما:ام سيد جهزي غرفه فوق جنب غرفتي ام سيد :ليه يا ستي سما:يمه العوده زوينه جايه ام سيد بفرحه : بقالها زمان ما جتش مسقط حجهز لها الغرفه سما بابتسامه:ايه والله بتنور البيت ام سيد :لكن يا ست سما سما باستغراب:لكن ايش؟؟ ام سيد:اصلوو انتي وسي يوسف مش بغرفه واحده واذا عرفت ماما زوينه بالكلام ده حتقلب البيت فوق راسكم سما بخوف وتوتر:ايه والله ذكرتيني الله يذكرك بالشهاده دورت تلفونها واتصلت ليوسف على طول يوسف:الو سما:اهلين يوسف يوسف:هلا خير في شي؟ سما بتوتر وخجل وخوف:يوسف احنا نسينا نقطه مهمه يمه العوده يوم تجي بتعصب لما تعرف ان احنا بغرف منفصله عن بعض يوسف (تووك حسيتي بس ) بخبث:طيب والمطلوب سما عصبت حست من نبرته الاستهزاء: انا بنتقل غرفتك هالفتره لين ما تروح ماما العوده يوسف بابتسامه وضحكه كتمها لانه عارف وحاس الاوضاع راح تكون مكركبه :حياج الله تنورين غرفتي المتواضعه سما :يالله مع السلامه سكرت منه وهي متوتره ومرتبكه :افففففففف الله يستر ---------------------------------------------- عزام وهو واقف عند باب بيت شيخه السلطان دق الجرس وهو بداخله ابتسامه يبي يشوف ردة فعل عمته بشوفته هي الوحيده اللي كانت تتصل فيه وتتواصل معه بس انقطع هو عنها فتحت الباب الخدامه :hi sir عزام:hi where is madam? الخادمه :مدام موجود مجلس عزام :في حد معاها الخادمه :لا وحدي موجود تحت عزام:انا بدخل لا تخبريها شيخه كانت بالمجلس تقرا مجله دخل عزام وحابس دمعته بعينه وهو يشوفها يحبها مثل حبه لامه الله يرحمها الوحيده اللي وقفت معه عزام: السلام عليكم ورحمة الله وبركاته شيخه بصدمه صرخت :من اااانت كيف دخلت طلعووه مااااااايا مهننننننند عزام ضحك غصبا عنه :عمتي حرام عليكي ما عرفتيني شيخه بعصبيه :عمى عينك من متى انا عمتك انا اعرف كل عيال اخواني عزام :واللي يقولك اني عزام ولد كامل السلطان شيخه من الصدمه جلست تحت :ااا عزام :عمتي معقووله نسيتيني شيخه :بجد انت عزام عزام:وغلات راسك انا عزام شيخه ببكاء قامت وبسرعه راحت له عزام ما تحمل حضنها وبكى معاها :عمتي والله اشتقتلك شيخه :لا تسالني عن شوقي لك انت قطعه مني مثل ولدي واعز من اولادي بعد عزام ابتعد عنها شوي وحب راسها ويدها :حبيبتي يا عمتي شيخه سحبته من يده وجلسته جنبها بالكرسي :كبرت واحلويت ما شاء الله عليك عزام :كبرت والحمدالله تحررت شيخه :ابوك واخوك يعرفوا انك رجعت عزام :اكيد عزمت نفسي على شاي عند يوسف شيخه بحسره:اه بس متى نرجع مثل اول تعرف من يوم صار اللي صار اخوك مقاطع ابوك وعلاقتهم رسميه عزام:مالي علاقه فيهم شيخه :لا تقول كذا ابوك واخوك واحنا اهلك واولى فيك عزام تنهد:خير ان شاء الله شيخه:بروح اجيبلك عصير انتظرني عزام:عمتي لا تكلفين على نفسك شيخه :وش تكليف لا بروح اجيبلك واجيبلي محتاجه ابرد خاطري وخاطرك راحت المطبخ عزام طلع تلفونه وقعد يسترجع مكالمته مع مايا بهالاثناء مايا داخله البيت وقاعده تتكلم مع ريان مايا :ههههههههههه لا قلبو انا اللحين دخلت البيت انتي متى تروحي عند سموي ريان :ماعرف بشوف لما اتفيق مايا :سخيفه لازم نشوف يوم ونزورها ريان:اووكي اقول يالله باي ماما تناديني سكرت عنها فسخت شيلتها وراحت للمرايه وفتحت الشباصه وقامت تحرك شعرها كل هذا قدام عزام ما لاحظت وجوده ولا حتى شافته عزام بخبث:احم احم مايا اول ما شافته من الصدمه انشل لسانها :اانت اا عزام بابتسامه :هلا بنت عمتي مايا تداركت نفسها ولبست الشيله بسرعه :اطلع برى اطلع يالله ولا اتصل فالشرطه وش تسوي هني عزام صد عنها:جاي اشوف عمتي شيخه طلعت من المطبخ وشافت مايا وهي تصارخ على عزام شيخه بعصبيه:ماايا احترمي نفسك هذا ولد خالك كلميه باحترام مايا :ما يستاهل الاحترام شيخه رفعت حاجبها باستنكار:انتوا تعرفوا بعض من قبل؟؟؟ عزام :صار بينا موقف من قبل بس الظاهر شايله علي الى الان مايا :ماما انا رايحه فوق يوم يروح هذا خبريني شيخه :تعالي جلسي هنا واحترمي وجودي معاكم مايا :ماريد عزام:ماعتقد من الاحترام يوم الوالده تقولك شي ما تنفذيه مايا:انت ما يخصك شي فااهم شيخه بحده:مايا العني الشيطان وجلسي ساكته ،يمه عزام عزام:امري يمه مايا رفعت حاجبها باستنكار يوم ناداها يمه (امك في عينك هذي امي انا ) شيخه :تسكن هنا عندي بالبيت مايا انصدمت طالعت امها بصدمه عزام برفض:لا عمتي اسف ما راح اسكن عندك عندي شقتي وساكن فيها شيخه :ترفض طلبي يا عزام انا قلتها لك لان ناويه اصلح بينك وبين ابوك واخوك عزام بغرور:اللي يبي يتصالح معي الباب مفتوح ولا انا ما راح اعتذر لاني ما سويت شي لهم مايا بحده:ماما انتي وش تنتظري من واحد مغرور وحثاله مثل هذا ما ينفع حد يتكلم معاه شيخه صفعتها كف مايا على طول دموعها نزلت ومسكت خدها وسط صدمة عزام معقوله عمته ترفع يدها على بنتها شيخه :تعلمي الاحترام يا مايا هانم بعدين تكلمي يالله روحي على غرفتك مابي اشوف شكلش مايا سحبت شنطتها وبسرعه راحت لفوق عزام :الله يهديكي يا عمتي ما كان لازم تسويلها كذا شيخه بزعل :انا سويت كذا لانها قللت احترامي قبل لا تقلل احترامك عزام :عالعموم عمتي سعدت بشوفتك ومضطر اروح عندي اشغال شيخه :اوعدني تزورني كل يوم عزام :يؤ كل يوم بتكون قويه خليها من يوم ليوم شيخه :اهون عليك يا ولدي عزام:تهون الدنيا ولا تهوني انتي خلاص اللي تامر عليه الشيخه نسويه يالله حياش الله حب راسها وطلع اول ما طلع من البوابه حول عينه للبرنده اللي عاليمين شافها جالسه بالمركى وقاعده تبكي كسرت خاطره ما يدري ليش بس حز بخاطره انتبهت له يطالعها ناظرته بحده ودخلت بسرعه وسكرت النافذه بقوه دخل السياره وحرك لشقته ----------------------------------------------- جاسم بالمستشفى يدور بالاقسام دخل قسم سرطان الاطفال جاسم : سستر نوف نوف :هلا دكتور جاسم:كيف الاوضاع بالقسم؟ نوف :والله كل شي الى الان تمام لكن جاسم باستغراب :لكن ايش نوف بخبث:عائشه تعبت شوي اليوم واللي مسؤوله عنها نوره بس ما موجوده اليوم جاسم تنرفز وعصب :وين عائشه بال اي سي يو ولا بالغرفه ؟ نوف:موجوده بالغرفه اللحين حالتها مستقره جاسم راح على طول لعائشه جاسم بابتسامه يخفي غضبه :مساء الخير للحلوه عائشه بابتسامه فرح:عمو جاسم قرب منها وحب راسها :هلا بعيون عمها عائشه ابتسمت جاسم:كيفك ماما اللحين احسن؟ عائشه:ايوا احسن اللحين جاسم :قالولي تعبتي شويه الصباح عائشه :شويه بس تعبت جاسم:عاافيه حبيبتي على طول اذا تعبتي اتصلي فيني بجي اشوفك تمام عائشه :طييب بس انا كنت انتظر عمتي نوره جاسم :نوره مشغوله اليوم انزين عائشه بزعل:انزين جاسم:يالله ماما انا اللحين بروح وبنهاية الدوام برجعلش طيب عائشه:طييب عاصم طلع من غرفة عائشه وهو متنرفز على طول راح لمكتبه واتصل بنوره على هاتفها النقال ام نوره :الو جاسم استغرب هذي ما نوره :السلام عليكم ام نوره :وعليكم السلام ،من معي؟ جاسم :انا الدكتور جاسم مسؤول نوره بالعمل ام نوره :اهلين دكتور انا ام نوره جاسم:هلا خالتي ام نوره :بغيت نوره يا ولدي؟ جاسم:ايوا اذا ما عليش امر ام نوره :اسمحلي دكتور بس نوره تعبانه واجد اغمى عليها في مخزن البيت وما شفتها الا الصبح حرارتها مرتفعه وتعبانه جاسم بخوف عليها :طيب ليش ما جبتوها المستشفى ام نوره :للاسف ما عندنا حد يسوق فالبيت محد غيري انا وهي جاسم:خالتي انا بجيكم اذا تسمحيلي ما يجوز البنت تبقى تعبانه كذاك ام نوره :لا ولدي ما نبغى نكلف عليك جاسم :ما فيها كلافه ولا شي بس اذا ممكن تقوليلي وين بيتكم وتجهزوا لبين ما اجي ام نوره عطته عنوان البيت وسكر منها فسخ البالطو واخذ مفاتيحه وراح لسيارته وهو متوتر وخايف على نوره ----------------------------------------- في فلة يوسف السلطان خلصت سما التجهيزات ولبست ثوب ظفاري وردي وعليه نقوش ذهبيه وطالعه فيه بقمة الانوثه وحطت مكياج خفيف عشان تستقبل جدتها وعارفه راح يكون في ضيوف عندها دام جدتها في بيتها يوسف وهو يدخل مع زوينه يوسف:يا هلا والله تو ما نور البيت باليمين يا يمه باليمين زوينه :ما شاء الله ،عسى البيت يعمر باهله ان شاء الله ويحفظكم لبعض سما اول ما شافت جدتها ركضت لها وحضنتها زوينه :هلا ببنتي الحلوه اللي نستني سما :انسى روحي ولا انساك ماما زوينه :حبيبتي انتي ريحة الغالي يالله دخلوني ليش واقفين يوسف كل هالوقت يطالع سما (انوثه طاغيه ارحميني يا سما ) سما :تفضلي ماما البيت بيتك احنا الطالعين وانتي الداخله يوسف بابتسامه :ايه والله وسما الصادقه احنا الخارجين وانتي الداخله زوينه بابتسامه:الله يخليكم لي جلس يوسف بينما سما للحين واقفه سما:ماما تريدي تشربي شي ماي عصير شاي؟ زوينه :ههههههه اجلسي بالاول خليني اشبع من شوفتش يا بنتي الماي والشاي والعصير لاحقين عليه سما جلست جنب جدتها بخجل زوينه:اخباركم كيفكم مع بعض؟ يوسف:لله الحمد سما مو مقصره معي بشيء زوينه :اكييد لانك ماخذ شيخة الحريم كلهم ماخذ السما يوسف ناظر سما وبابتسامه:وانتي الصادقه زوينه :انزين اللحين انا بسير اصلي وارقد شويه سما :تعالي ماما بفرشلك المصلى واباشرك زوينه ناظرتها :اقدر اباشر نفسي بنفسي انتي باشري ريلش سما بغصه :طيب زوينه :انزين بس وين غرفتي سما:فوق جنبنا زوينه :يالله نسير رباعه سما رافقت زوينه للغرفه ويوسف طلع لغرفته زوينه خلصت تتوضى :حال هيش واقفه هنا سيري عند زوجش سما:ان شاء الله طلعت من غرفة جدتها وهي ما ودها تطلع تتوتر لما تكون بمكان واحد هي ويوسف دقت باب الغرفه ما حصلت رد دخلت سمعت صوت الشاور بالحمام فتحت الدولاب وطلعت له دشداشه بيت اللي يحب يلبسهم اثناء وجوده فالبيت لونها اسود وعليها خطوط ذهبيه طلع من الحمام وهو لاف المنشفه على خصره وشافها تطلع له لبس ابتسم يوسف:جدتي تصلي تخرعت سما :ها ايوا يوسف قرب منها شوي:اشفيكي خفتي سما تحاول تخفي توترها:لا ما فيني شي يوسف ضحك واخذ لبسه وراح لغرفة الملابس انقهرت ليش يضحك خلص يلبس وراح لطاولة التسريحه اخذله عود ودهن نفسه سما :ليش ضحكت علي يوسف بدون ما يلتفت لها:ليش الضحك حرام يعني؟ سما بوزت :لا ما قلت شي يوسف ضحك مره ثانيه :تعرفي اليوم كم مره بوزتي سما :انت تضايقني وتسمتع بهالشيء يوسف:وانتي تنرفزيني وعاجبك هالشيء سما:عيل احنا الاثنين غلطانين على بعض يوسف:والله براافوو انك اقريتي على شي اهنيكي صرراحه سما تجاهلت كلامه :مشط شعرك يوسف رفع حاجبه وبابتسامه :ليش ؟؟ سما :اممم ما حلو كذاك كيرلي وفيه مااي يوسف :لما يجف بمشطه سما :لا يوسف مشطه اللحين اتنرفز انا يوم اشوف كذاك يوسف :لا والله على كيفك انتي سما :لا تخليني اسحب المشط وامشطك يوسف:تسويها سما:ايوا اقدر يوسف بخبث قرب منها :يالله عيل مشطيلي اياه اشوف سما :اا ولا اقولك بروح اشوف جدتي يوسف ضحك بقوه:هههههههههههههههههههه� �ه جبانه طلعت من الغرفه شافت جدتها نايمه --------------------------------------------------------------------- عجب عجاب .. طيبة قلبها أبيض سحاب أخلاقها مامثلها .. أخلاقها أخلاقها تنتظر عشاقها ومايجون ياهي جريحه طيبه .. لكن جريحه الشاعر الانسان (الامير عبدالرحمن مساعد) عسى البارت اعجبكم .gif) | ||||
|
|
|
26-04-15, 10:30 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مقدمة البارت  الفصل الاول)لو نسيت العمر ما انسى دمعتك صرخة ذابت من عيونك دموع ترتعش مرتاعة في وجنتك وانتفض قلبي لها بين الضلوع أزعجت صمت الليالي عبرتك بالخفا ثوره وبالظاهر خشوع تسكب الدمعه وتظمى نظرتك مشهد النظرة وهي تظمى يروع يا ضياع العمر ضيعة بسمتك ضاع معها خافق مثلك جزوع ليت من يمتص جارح لحظتك والفرح يشعل دياجيرك شموع طلعت من الغرفه شافت جدتها نايمه احتارت مستحيه تروح للغرفه بالاصح خايفه انها تكون موجوده مع يوسف لوحدهم بغرفه وحده بعد فتره وعت على نفسها وقررت تدخل الغرفه (ما بيصير شي ليش خايفه انا) دخلت الغرفه و شافت يوسف نايم بالسرير ابتسمت على وضعيته شكله تعبان من الدوام راحت له وعدلت الغطا عليه اخذت لها لبس نوم ساتر لونه وردي باهت و روب بنفس اللون وعالجوانب خطوط ذهبيه وراحت تتروش بعد فتره طلعت من الحمام وجففت شعرها وجلست عالتسريحه قامت تتامل ملامح وجهها تحس فيها شي اول كانت واثقه انها جميله والكل يقول اللحين تحس ثقتها بنفسها انهزت (ليش ولا يوم يوسف عالاقل جاملني ومدحني بشكلي وش فيني انا غير عن البنات اللي حواللي يمكن جمالي مو عربي مو من متطلباته انا اللحين ليش قمت اتحسس كذا ليش ) دموعها نزلت وهي تتأمل نفسها بالمرايه يوسف بهالاثناء ما كان نايم يراقب كل تحركاتها انصدم لما شاف دموعها (معقووله مو واثقه بشكلها وبجمالها هي البدر في اول طلوعه وهي الشمس بشروقه شلوون تحط من قدرها بهالشكل لا مستحيل ) يوسف سكر عينه بهدوء وهو يتألم من الداخل عشان دموعها حس فيها تقرب للسرير وتسحب الوسائد تكلم هو مغمض عينه يوسف:ماله داعي تنامين بالكنبه في سرير كبير وصكي الضوء عندي بكره دوام يالله سما بتوتر وهمس :لا عادي يوسف بحده :سما ماله داعي هالحركات سما بهدوء ركبت السرير وريحت راسها عالمخده بهاللحظه بالذات دموعها نزلت اكثر (الاكتئاب والاحباط اللي فيها مو طبيعي ) يوسف حس فيها حس بقلبه بينقلع من مكانه شلون يقوى يسمع نحيبها وينام رغم ان دموعها تنزل بهدوء ومافيه صوت يصدر منها الا انه يحس فيها قرب منها بهدوء وحست فيه سما وتجمدت حتى الدموع بعينها وقفت من صدمتها تحسبه نايم توترت و تحس مشاعرها مبعثره فقط بقربه منها حضن خصرها بأيده وسحبها له بخفه همس باذنها بالم واضح بصوته:ليش الدموع؟ سما للحين مصدومه من حركته تحسبه نايم كيف حس فيها بس هي محتاجه له حيل التفتت بوجهها له بدون ما تتكلم يوسف ابتسم بهدوء وهو يشد خدودها بخفه:ليش الدموع يا سماي؟ سما بتوتر وهمس:ولا شي يوسف ناظرها :متأكده؟؟ سما حست نفسها بتنفجر من البكا تحتاجه تحتاج لحضن يخفف عليها ويحميها من الدنيا كلها:لا يوسف سحبها لصدره وتمسكت فيه وقامت تبكي وهو يمسح على شعرها بعد فتره هدت تكلم يوسف:وش اللي مضايقك سما توترت ما تبيه يعرف :خلاص كذا بس كنت متضايقه من غير سبب يوسف ابتسم بخفه:اها طيب ابتعدت سما عن يوسف بخجل ابتسمت:انت نام اسفه عندك بكره دوام وانا ضيعت نومك وازعجتك يوسف :تعالي كل يوم وازعجيني كذا سما استحت و رجعت لمكانها يوسف بصوت هادئ : اجاذبك الهوى و أطرب و أغنّّي و أبادلك الغـرام بكـلّ فنّـي و اشاهد صنعة الله في جمالـك و حكم الـذي فيـك امتحنّـي و أشوف الودّ فعيونك و لاكـن يرد الودّ خـوفٍ فيـك منّـي سما انصدمت لما سمعته يقول الابيات كأنه عارف وش فيها التفت بسرعه ونادت يوسف ما رد عليها ------------------------------------------------------------- في المستشفى جاسم اليوم اخذ نوره من البيت للمستشفى وكانت فاقده الوعي والى الان منومه ومركب لها مغذي اصر انه هو اللي يشرف على حالتها قاعد بمكتبه يشتغل باوراقه والتعب طاغي عليه بس لا ما راح يستسلم للتعب بيقعد لين ما يطمن على نوره ويشوفها صاحيه خايف عليها ويعترف انه خايف عليها بس ليش ما يدري //يستهبل الاخ :p طلع من المكتب وتوجه لغرفة اللي موجوده فيها نوره وشاف انها لسه نايمه على حالتها وامها نايمه عالكرسي ومسنده راسها عليه قرر يقومها ويرسلها للبيت مسكينه ذاقت التعب بما فيه الكفايه اليوم جاسم بصوت هادي قرب من ام نوره:خالتي يا خالتي ام نوره فزت من نومها بخوف:خيير صار شي حال نوره جاسم بابتسامه تطمنها:لا يا خالتي لا تخافي ما صارلها شي ام نوره :طيب وشفيه يا دكتور جاسم جلس بالكرسي اللي جنبها وابتسم :افاا اناديكي خالتي وتقولي دكتور اعتبريني ولدك يا خاله ام نوره بابتسامة فيها حنية الام:انت ولدي الله يحفظك ويا حظي فيك يا جاسم جاسم:خالتي ارجعي البيت وارتاحي نامي ماله داعي الجلسه فالمستشفى ترا نوره بخير ومافيها اي اشكال ام نوره :لا والله ماقدر ارجع البيت بدونها رجلي على رجلها وبعدين اذا رجعت بكون وحدي ماقدر انام الليل وهي هنا جاسم :الله يخليكم لبعض ام نوره :امين انت اللي روح وارتاح والصباح رباح ما يحتاج تجلس عشان نوره جاسم بتوتر:ها لا عادي مافيها مشكله ام نوره ابتسمت له :يالله مالك كلام روح البيت يا جاسم وارتاح وبكره الصبح نشوفك جاسم ابتسم باحراج وقام :ان شاء الله يالله مع السلامه واذاا محتاجين اي شي اتصلي فيني ام نوره:ولايهمك يا ولدي ودرب السلامه عزام في مطعم بمنطقة بريق الشاطئ قاعد يتعشى مع شخص عشاء عمل عزام :طيب وانت وش ناوي تسوي هنا بالضبط -----:جاي عشان هدفين الاول بزنس والثاني هدف بالحياه عزام باستغراب:طيب الله يوفقك لكن انت كيف وصلت لي ؟؟ ----:انت لا تسال بس اللي اقولك عليه فكر فيه وبتربح كثير عزام بشك:انت وش نيتك ؟ -----:نيتي كل خير عزام:للحين ما عرفنا اسمك يالطيب ؟ ---------:كنان سعودي الجنسيه عايش بتركيا بس جاي لعمان عشان البزنس حقي ----------------------------------------------------------------------------------------------- في فلة كامل السلطان كامل قاعد بمكتبه يوقع اوراق للعمل جاه اتصال من شخص موكله يتبع عزام كامل:الو ----:اهلين عزام مع واحد اسمه كنان سعودي وصديق ل يوسف كامل :ابغى معلومات كامله عنه ---:ان شاء الله سيدي كامل قفل عنه وهو متضايق ما يدري وش السواة اللحين في غربتي ، عارضت أنا ركب الأغراب أشد .. وأنزل .. والليالي ركايب أضداد .. وأقران وعدوان .. وأصحاب متناقضات الخلق .. ماغاب غايب أسهر معا تهويم نجمات الأحباب حتي يصير النجم بالصبح ذايب اخليكم من الفصل الاول حبيت احمسكم شويه للفصل الثاني ابي اعرف وش تتوقعون بيصير بانتظاركم يوم الاثنين الفصل الثاني من البارت طويل وشيق بأذن الله تعمدت البارت يكون كذا عشان اكسب ارائكم وتوقعاتكم لان الروايه ماعليها اقبال كثير اتمنى الاقي ردود تحياتي وحبي الحارثيه... | ||||
|
|
|
26-04-15, 10:33 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته مهما ومهما اعتذرت ما راح يوفي اعتذاري اسفه على الاهمال بديت دراسه وظروفي الصحيه والدراسيه عائق كبير بالنسبه لي لكن لن ولن اتخلى عن الروايه الا لما اكلمها وتأكدوا من هالكلام ادعولي بالتوفيق والله يوفقكم دنيا واخره هذا الفصل الثاني من البارت جهز واتمنى يعجبكم وراح ابدا اكتب من اليوم واجهز لكم بارت طويل يمكن ببداية الاسبوع القادم انزله ---------------------------------------- عزام في مطعم بمنطقة بريق الشاطئ قاعد يتعشى مع شخص عشاء عمل عزام :طيب وانت وش ناوي تسوي هنا بالضبط -----:جاي عشان هدفين الاول بزنس والثاني هدف بالحياه عزام باستغراب:طيب الله يوفقك لكن انت كيف وصلت لي ؟؟ ----:انت لا تسال بس اللي اقولك عليه فكر فيه وبتربح كثير عزام بشك:انت وش نيتك ؟ -----:نيتي كل خير عزام:للحين ما عرفنا اسمك يالطيب ؟ ---------:كنان سعودي الجنسيه عايش بتركيا بس جاي لعمان عشان البزنس حقي عزام بابتسامه :ما شاء الله تشرفنا كنان:الشرف لي ----------------------------------------------------------------- صبـــاح الخير ولا الخير يهدي لك صباحاته * صبـــــاح الـــورد يا ورد العــمر يا نغمة اشراقي * صباحك فـل واحلى فل يا طهره ونبضاته * صــباحك هو بياض الروح صباح الروح يا اوراقي * فتحت عيونها ومسحت عليهم بهدوء و هي تحاول تستوعب المكان اللي هي مو غرفتها احمر وجهها و تبعثرت مشاعرها انا في غرفة يوسف قامت بسرعه التفتت لجانب يوسف بسرعه سما بهمس:نايم سحبت تلفونها وشافت الساعه 10 ونص سما : (بيتاخر عن الدوام احسن اقومه ) قامت من الفراش وراحت لجهته واقفه مسافه تفصلها بينها وبين السرير سما:يووسف يووسف يا يوسف سما (اوووف اللحين كيف اقومه) قربت منه وهزت كتفه بخفه :يووسف قوم وراك دوام يوسف فتح عيونه بتعب :سما خليني انام تعبان انا سما خافت :وش فيك يوسف ببحه وصوته رايح :ماعرف تعبان والله جلست على طرف السرير جنبه ومدت يدها لجبينه تشوف حرارته سما شهقت :اهئئ يوووسف حرارتك مرتفعه لحظه وقفت بسرعه وهي محتاره طلعت من الغرفه ونزلت للمطبخ تجيب وعاء ماي ومنشفه تسويله كمادات ----------------------------------------------------- في المستشفى جاسم وصل للمستشفى وراح لمكتبه ولبس الكوت الطبي طلع من المكتب وراح لغرفة نوره دق الباب بهدوء بس مافيه رد دخل وشاف ما فيه احد ونوره نايمه استغل الفرصه وجلس عالكرسي اللي بجانب السرير وقام يتأمل تفاصيل وجهها حوريةٍ من فوقها الليل شلال .. .. كنها صبحٍ فوقها الليل مكتوت فتحت عينها بهدوء تحس نفسها ماهي قادره تصحصح او حتى تستوعب اللي يدور حولها تحس بدوار قوي براسها ومفاصلها تألمها حركت راسها شوي وتأوهت جاسم لاحظ حركتها بس انتظر بيشوف حركاتها و شو بتسوي التفتت على يمينها وشافت جاسم قاعد انصدمت نوره:ااا جاسم ابتسم :طلعتي كسلانه ودلوعه نوره مصدومه وش جابه هنا راسها بينفجر من الالم جاسم قام من مكانه للطاوله وصب لها ماي قرب منها وعطاها الماي :اشربي حلقك جاف عشان كذا تحسين بالالام براسك وجسمك اشربي هالكوب كله شربت الماء بتوتر وهي مستغربه ومنصدمه ليش هو موجود جلس جاسم عالكرسي وهو ساكت نوره بتردد :انا من جابني هنا جاسم ابتسم:انا والوالده نوره بصدمه:هااا جاسم ضحك من ردة فعلها :كنتي مريضه وغبتي وكنت قلقان واتصلت وقالت امك انك تعبانه وما عارفه وش تسوي جيت واخذتك للمستشفى نوره وجهها احمر كيف ومتى كل هذا صار وهي موح اسه جاسم لاحظ عليها بس ماحب يخجلها:اللحين كيف حالتك؟ نوره :احم بخير زين ابغى اطلع من المستشفى جاسم ريح ظهره عالكرسي:لا نوره بحده :ويش جاسم:قلت لا نوره :لييش جاسم:بنشوف كيف الفحوصات تمشي وبعدين درب السلامه نوره بحده وانفعال:انا ما فيني شي وبطلع من المستشفى طيب جاسم عقد حواجبه من اسلوبها:عدلي اسلوبك معي وطلعه من المستشفى ما بتطلعي الا المغرب في فحوصات لازم تمري عليها وضروريه نوره لفت بوجها جاسم طلع من الغرفه بسرعه وهو معصب دائما تستفزه وتعصبه بحركاتها واسلوبها معاه هو بالذات --------------------------------------------------------------- مايا فالجامعه جالسه بالكافيتريا ومعاها ريان ومريم ريان :مايا وش فيش انتي هالايام متغيرره واجد ومو طبيعيه مريم:صح والله ابدا ما طبيعيه مايا :ما فيني شي مريم:فيش شي ريان:اذا ما خبرتينا احنا بتخبري من ها مايا :وش تريدوني اخبركم يعني قريب بتعرفوا فاا احسن اكون ساكته والله يستر مريم وريان منصدمات مريم:خيررررر وش صاير ريان بعصبيه :ماحب حد يقولي الغاز انزين قولي يالله مايا قامت وسحبت شنطتها وكتبها :خييير مستوين لي شنغل ومنغل باااي بروح البيت احسن مريم وريان راقبوها وهي تطلع وهم مصدومات من تغييرها المفاجئ مريم:لازم نعرف وش مغيرها ريان :اكييد ما طبيعيه هالبنت ---------------------------------------------------------------- ركبت السياره وهي متضايقه وحاسه بغم بقلبها وودها تبكي ظلت تسووق السياره وهي مو عارفه لوين بتروح اخر شي استقرت للمكان اللي بترمي همها فيه راحت للبحر وقفت سيارتها نزلت من السياره وقعدت قبال البحر وتتأمله والضيق مالي قلبها ما تدري ليش معقوله انسان مثل هذا قدر يجرحني بهالشكل انا مايا معقووله اوافق على اللي صار ليش سكت ليش ما تكلمت كل هالاسئله تدور ببالها مو بعيد عنها شخص سكنه الحزن و الظلم ورغم كل هذا يحاول جاهد انه يقوى و يكسر كل اللي كان السبب في تدميره لكن في داخله انسان حزين فقد كل احاسيس الجميله و الذكريات بعز مراهقته لسبب ماله دخل فيه التفتت يمين و انصدم من اللي يشوفه هذي مايا بنت عمته وش تسوي بهالوقت هنا ليش قاعده لوحدها شلون اهلها يسمحون بهالشيء سحب تلفونه من جيبه و اتصل فيها مايا سمعت تلفونها يرن سحبت التلفون من الشنطه وشافت رقم غريب استغربت بس ردت عليه مايا بتردد :الو عزام:السلام عليكم مايا:وعليكم السلام لو سمحت من معي؟ عزام بسخريه:معقوله ما عرفتيني يا بنت عمتي وعلى اساس ما خزنتي رقمي مثلا مايا بحده وعصبيه:انت وش دخلك وش ترريد اتصل عزام وهو يراقب انفعالاتها البنت بتنهار قدام عيونه مصدوم وش فيها :وتعالي من متى بنت محترمه ومن عائله محترمه جالسه بالشاطئ بهالوقت مايا وعيونها تسكب دموع وخلاص ماهي مستحمله اي ضغط حولها رمت التلفون بعيد عزام مصدوم بقوه ردة فعلها مو طبيعيه منهاره ليش حررام وحده مثلها تنهار كذا بدون ما يحس قام بسرعه وراح لعندها عزام وقف جنبها وهي حاطه راسها على ركبها وتبكي وبهدوء وصدمه:مايا مايا رفعت راسها اول ما سمعت اسمها وشافته تخرعت وقامت بسرعه من مكانها :رووح انت وش جابك هنا هاا روووح عزام قرب منها :ماايا اهدي واجلسي ما صار شي والله ما راح اسويلك شي اجلسي مايا ببحة صوتها من البكى:انا ما انتظر اذنك وبروح مشكور الجلسه معاااك مكروهة عزام تضايق :اللحين بترجعين البيت ووجهك خريطه ما شاء الله ومتبهدله وحالتك حاله عمتي بتتضايق اذا شافتك وبتزيدك مايا شافت ان كلامه صح جلست بدون ما تناظره وهو جلس جنبها هي استوعبت حركته بالجلوس جنبها بس ماحبت ترد او تتكلم الاثنين ساكتين يراقبون حركة الامواج بعد فترة صمت طويله عزام:شوفي امتداد البحر اللي ما ندري وش نهايته مايا منتبهة له بس ما تبغى تلتفتت له عزام كمل كلامه:رغم الامواج والعواصف العاتيه اللي تلاحقه لا زال صامد مثل الجبل بقوته الانسان كم يعاني في حياته لكن لاجل يقوي نفسه يمكن يسوي اي شي لا تضايقي نفسك على اشياء مالها قيمه وانا اسف على اللي صار مع امك قام من دون ما يعطيها مجال تتكلم انصدمت من كلامه وفجاه تشوف انه مو موجود حولها فتحت شنطتها وهي تدور عن تلفونها تذكرت انها رمته دورت عليه ولقته موجود قريب من الماي واخذته شافت المس كولات والمسجات فتحت عالمسجات شافت رساله من عنده (ارجعي البيت ما عندنا بنات يجلسون لوقت متأخر عند البحر) ابتسمت اليوم ومن هالموقف بالذات قامت تشوفه انسان مختلف تماما عن اللي تصورته تبي تجتمع فيه تبي تعرف كل شي عنه بس وين ممكن تلاقي هالفرصه هزت راسها وكأنها تبعثر الافكار هذي وتمحيها واتجهت لسيارتها عزام ما راح للحين يراقبها وهي تركب السياره وتروح ما يدري وش هالاهتمام المفاجئ ناحيته ممكن لانها من اهله وعرضه ويمكن شي ثاني هل تتوقعون شرارة الحب بدأت بين الاثنين ------------------------------------------------- يا سيدتي لا تضطربي مثل الطائر في زمن الأعياد. لن يتغير شيءٌ مني. لن يتوقف نهر الحب عن الجريان. لن يتوقف نبض القلب عن الخفقان. لن يتوقف حجل الشعر عن الطيران. حين يكون الحب كبيراً.. والمحبوبة قمراً.. لن يتحول هذا الحب لحزمة قشٍ تأكلها النيران... في منزل يوسف السلطان سما وهي جالسه عالكرسي تتأمل يوسف وهو لسه نايم ووجهه عليه علامات التعب والارهاق تحس عيونها بتتسكر من التعب حتى هي مرهقه فجاءه تحرك وحست بحركته سما:يووسف يوسف طالعها وابتسم :عيونه سما قامت بسرعه من الكرسي للسرير :لالا تقوم خليك مرتاح انت تعبان يوسف:لا والله ما تعبان خلاص بقوم سما بعصبيه خفيفه:يووسف ماشي دوام واليوم جلسه فالبيت لو سمحت يوسف طالعها بصدمه وبعدين قام يضحك عليها سما بزعل:ليش تضحك هاا اووف انا الغلطانه مهتمه اوين قامت بتروح بس سحب ايدها بخفه وحضنها سما وجهها احمر واستحت باس راسها وهمس لها:شكرا حياتي على هالاهتمام سما ابتعدت عنه شوي:العفو امم بنزل اشوف بيبيتي يوسف ابتسم :تصريفه هاا سما طلعت من الغرفه وهي حاسه بحراره وخجل تفأجات بوجود جدتها بالمجلس الفوقاني زوينه وهي تشوف عليها بنظرات حاده:سما سما:هلا بيبي زوينه:تعالي الغرفه معي سما بتوتر:طيب قامت زوينه من الكرسي وراحت للغرفه وراحت وراها سما زوينه جلست عالسرير وسما عالكرسي المقابل للسرير زوينه:سما بسألش سؤال وابغاش تصارحيني انزين سما:تمام زوينه :انتي صار بينك وبين يوسف شي ؟؟ سما مصدومه واحمر وجها زوينه :تووقعت هذي ردة فعلش سما انتي زوجه هاا زوجه سما ما تكلمت وهي مصدومه للحين زوينه:قالتلي ام سيد غرفتش وحدها وغرفته وحده من متى زوج وزوجته بغرفتين منفصلين وش هالكلام سما :اا زوينه:ما انتظر تفسير منش عيب اللي تسويه عيب سما نزلت راسها بحزن زوينه :طالعيني وانا امش وقوليلي هيش السبب سما :بيبي وش تتوقعين اقولك وانا بنفسي ما عندي تفسير لهالشيء من اول ما تزوجت يوسف وحاطين حاجز وجدار بيننا وبعدين لا تنسي اني انجبرت فالبدايه كان صعب علي زوينه:هذي اعذار بس اسمعها واللحين وش اللي ما يخليكم تشاركون نفس الغرفه سما بخجل:ماعرف زوينه:سما اذا انتي ما بادرتي تفصحي عن مشاعرش يوسف بيفكرش ما تحبيه ولا تتقبليه كيف كذاك ما ينفع واانا عارفه ومتاكده انكم الاثنين تحبو بعض بس تكابرو يالله ولد كامل وبنت خالد تزيدوا فوق عمري 100 سنه فوق ما انا عجوز اتعجز اكثر سما ضحكت على تعليقها:بيبي لا تخافي خلاص باديين احنا الاثنين نفصح مشاعرنا لبعض شويه شويه وخير ان شاء الله زوينه بنص عين :نشووف كيف عسى خير ---------------------------------------------------------------------- في منزل كامل السلطان يا سيدة العالم لا يشغلني إلا حبك في آتي الأيام أنت امرأتي الأولى. أمي الأولى رحمي الأول شغفي الأول شبقي الأول طوق نجاتي في زمن الطوفان... امجاد نايمه بحضن امها وساكته ناديا:موجي حبيبتي امجاد:هلا ماما ناديا:اشفيكي مو طبيعيه حالتك بهالايام ما عاجبتني امجاد:ماما انا بقولك شي ناديا:تفضلي عيوني امجاد بخوف:انا ماريد سالم ناديا استغربت :ليش؟ امجاد بتوتر:بس كذا ماريده ناديا بجديه:امجاد انتي في احد بحياتك؟ امجاد بصدق:لا ما عندي احد بس سالم لا يمكن اتقبله في حياتي ناديا:هالكلام تقوليه حال ابوش لا تتوقعي اني بروح اخبره انك مو موافقه لانه بالمقام الاول كلمك انتي امجاد:اليوم بقوله -------------------------------------------------- في كوفي second cup باخر الكافيه كامل السلطان بانتظار ولده اللي صارله سنوات بعيد عنه متوتر يحس الضغط يرتفع عنده يحس برهبه ليش كل هذا يدري وعارف ومتاكد انه ظلم ولده ما عرف هالشي الا امس وما عرف عن حقيقة سجن ابنه الا من امس نادم و قلبه محترق فتح باب الكافيه معلن وصول عزام السلطان بهيبته و شموخه وفخامة حضوره يشبه ابوه واخوه في كل التفاصيل والتصرفات ابتسم اول ما شاف ابوه و ردة فعل ابوه بشوفته عزام:السلام عليكم ورحمة الله وبركاته كامل قام بتوتر ومد ايده وسلم عليه:وعليكم السلام ورحمة الله وبركاته عزام جلس عالكرسي وكامل جلس كامل استجمع قوته :كيف حالك عزام؟ عزام:لله الحمد بخير وبعافيه وصحه وسلامه وانت كيف حالك يابو امجد؟ كامل:بخير الحمدالله ظلوا ساكتين لمده كامل:تشرب شي ؟ عزام :انا جيت عشان اشوف وش تريد ما جاي اشرب واعطي واخذ فالكلام كامل بغصه:ليش ظليت ساكت كل هالسنين عزام ناظره باستهزاء ولف بوجهه وهو اصلا يحاول يحبس الدموع كامل بحرقه:لييش عزام :انتم عطيتوني فرصه اتكلم اصلا قام وخلا كامل جالس ويداري دموعه وحزنه حاس بتأنيب الضمير والحزن يغلفه من كل جهة ----------------------- عزام طلع من الكافيه ودخل للسياره على طول اطلق العنان لدموعه ما كان متصور شوفة ابوه بتقلب المواجع بهالشكل وبيتخلى عن قوته سحب تلفونه ورسل مسج (ليش الناس تقتل القتيل وتمشي بجنازته) مسج وصلها من الغامض ايه سمته غامض وودها لو تفك غموضه وصلها اول خيط وبتحاول تفكه مصدومه لهالدرجه هذا الانسان مجروح وحزين ارسلت له (لانهم قتله ....) يبني لي قصـراً من وهـمٍ لا أسكن فيه سوى لحظات وأعود.. أعود لطـاولـتي لا شيء معي.. إلا كلمات توقعاتكم اعزائي تحياتي وحبي الحارثيه | ||||
|
|
|
26-04-15, 10:34 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الاول من البارت : يا وردتي ونجمتي وتاج رأسي ربما أكون مشاغبا . . أو فوضوي الفكر أو مجنون إن كنت مجنونا . . وهذا ممكن فأنت يا سيدتي مسؤولة عن ذلك الجنون عزام طلع من الكافيه ودخل للسياره على طول اطلق العنان لدموعه ما كان متصور شوفة ابوه بتقلب المواجع بهالشكل وبيتخلى عن قوته سحب تلفونه ورسل مسج (ليش الناس تقتل القتيل وتمشي بجنازته) مسج وصلها من الغامض ايه سمته غامض وودها لو تفك غموضه وصلها اول خيط وبتحاول تفكه مصدومه لهالدرجه هذا الانسان مجروح وحزين ارسلت له (لانهم قتله ....) يبني لي قصـراً من وهـمٍ لا أسكن فيه سوى لحظات وأعود.. أعود لطـاولـتي لا شيء معي.. إلا كلمات استقبل ردها انصدم بس رد عليها (واذا كانوا القتله من العروق اللي تسري بجسمك) يبي يشوف ردها يبي يقيس مدى دهاء عقلها وتفكيرها وبنفس الوقت هو وحيد وحزين ومظلوم يبي احد يتكلم معاه ويحس فيها استقبلت رسالته مايا:واذا كانوا القتله من العروق اللي تسري بجسمك امممم ردت عليه (مالك غير تقطع العروق وتموت) وصل له ردها ابتسم بسخريه (ما راح اقطعهم الا لما اصفي حسابي معهم ).... انتظرت بس مافيه رد فاهمه وعارفه كل اللي يدور من هالرسالتين تنتظر تبي تكتشف اكثر --------------------------------------------------- يا حبي الأول والأخيرا قولي لهم: ((... كفاني ((... بأنه يحبني كثيرا حبيبتي يا ألف يا حبيبتي حبي لعينيك أنا كبير ... وسوف يبقى دائما كبيرا دخلت الغرفه وهي متوتره و هي تستذكر هالحديث اللي جرى بينها وبين جدتها معقوله حس تشلون عرفت يوسف طلع من غرفة تغيير الملابس وهو ينشف شعره من الماي شافها قاعده عالتسريحه تطالع نفسها وكأنها سارحه وبالها مو موجود معاها يوسف بأستغراب:سما سما انتبهت ليوسف ردت بشرود:هلا يوسف :وش فيكي؟ سما ابتسمت بتوتر:لاولاشي كيف نروح نفطر يوسف ابتسم باستغراب:مشينا طلع من الغرفه وهي اخذت تلفونها وطلعت وراه من الغرفه --------------------------------------------------------------------------------- نزلوا لتحت وكانت الجده جالسه وتحتريهم على مائدة الفطور يوسف بابتسامه:يا صباح الورد والفل زوينه :يا صباح النور يا احلى عيال حب راسها وجلس بمكانه المعتاد بالطاوله براس الطاوله وسما جلست بالكرسي اللي على يمينه زوينه :كيف اصبحت وكيف صحتك اللحين؟ يوسف ناظر سما وابتسم:الحمدالله احسن بكثير زوينه:الحمدالله لا تجهد نفسك بالشغل يابوي خذ اجازه اجلس بالبيت يوسف وهو يرتشف من القهوه التركيه:مخطط ان شاء الله قريب ابتسمت سما بفرح رن تلفون سما سما :اسمحولي ردت على الاتصال وكانت امجاد هي اللي متصله سما:صباح الخير امجاد:صباح النور سما:كيفك ؟ امجاد:تمام اقول سموي سما:هلا حبي امجاد :تعالي البيت نامي عندنا اليوم بلييز ارجوش محتاجتك بقوه سما باستغراب :سلامات حبيبتي وش فيكي ؟ امجاد:اذا جيتي بتعرفي سما:اممم ماعرف اخوكي بيوافق ولا لا امجاد :عطيني اكلمه سما :اوك سما:يوسف امجاد تبغى تكلمك يوسف ناظرها بنص عين عارف وفاهم اللي يصير يوسف اخذ التلفون :هلا صباح الخير امجاد :صباح النور اخوي حبيبي يوسف بسخريه :الحمدالله وانتي يا اختي العزيزه؟ امجاد :الحمدالله نشكر الله اقووووول يوسف يوسف :ايوا امجاد:بلييييييييييييييييي� �يييييييييييييييز ارجووووووووووك اريد سما تيجي عندنا اليوم ضروووري يوسف:وليش ان شاء الله امجاد :محتاجتها لاسباب نفسيه وضروريه ما قدر اقولك اياها يوسف :بفكر امجاد:ما يبغالها تفكير يوسف :لا والله استغنى عن زوجتي مثلا امجاد:ياااخي يوسف يوم واحد بس يوسف:قلتلك بفكر يالله باي خلي الناس يفطروا زين سكر في وجهها ما انتظرها ترد سما:يوسف حرام عليك يوسف :ما مكتوب حرام فالقران سما تأففت زوينه :وش تبغى امجاد؟ سما:تريدني اروح عندهم البيت زوينه :زين والله اذا بتروحي بروح معاش بجلس هناك عندهم يكفي يوم واحد معكم سما:افاا مليتي منا يمه زوينه :لا والله يا بنتي بس تعرفي ابغى اشوفهم هناك واشوف باقي اعمامش يوسف :جهزوا نفسكم سما بابتسامه وفرح:صدق يوسف ابتسم بخفه :ايوا تجهزوا ------------------------------------------------------------------------------ جاسم بالطوارئ يوقع على اوراق معاينه لمح ام نوره ومعاها رجال تردد يروح لها او لا بس قرر يروح يسلم عليها اتجه لها :السلام عليكم ام نوره بود:وعليكم السلام هلا والله جاسم جاسم :اهليين كييفك خالتي؟ ام نوره :الحمدالله بخير جاسم التفتت للرجال اللي مع ام نوره:السلام عليكم هلا فيك الرجال:وعليكم السلام اهلين ام نوره :كيف نوره اللحين يا جاسم؟ جاسم :نوره اليوم الصبح قامت وبخير الحمدالله ولازم نسويلها فحوصات عالمغرب بتطلع ام نوره :الحمدالله الرجال: اي نوع فحوصات محتاجه ؟ جاسم :فحص دم وفحوصات روتينيه ام نوره :نسيت اعرفك هذا وقاص ولد اختي جاسم بغيره ما يعرف ايش سببها:هلا تشرفنا صافحه وقاص :الشرف لي ام نوره:يالله يمه وقاص بروح اشوف نوره وقاص :جاي معاكي مشت ام نوره وراح معها وقاص جاسم حاس بغصه بيروح هذا اللي اسمه وقاص يشوف نوره بس ليش اتضايق انا هو القريب وانا بعيد وغريب عنها هز راسه محاوله يائسه منه ليبعثر هالافكار اللي تملكته بالمستشفى بالغرفه اللي موجوده فيها نوره دخلت ام نوره ووقاص ام نوره بابتسامه :السلام عليكم نوره فرحت لما شافت امها:وعليكم السلام هلا ماما تعالي وقاص دخل وراها :هلا نونو نوره :وقوووص هلا تعاال تفضل وقاص:لالا اليوم مثل الحصان يمه تقصي علي تقولي تعبانه وطايحه وشوفي ها احسن مني ومنك ام نوره:ههههه الحمدالله على كل حال كيفك حبيبتي اللحين؟ نوره :تمام احسن ماه بليز اريد اطلع تعبت ام نوره :لا المغرب بتطلعي وقاص :ليش مستعجله تطلعي الدكتور شسمه نسيت ام نوره :جاسم وقاص:ايوا جاسم قال فحوصات روتينيه وتطلعي وخلاص ليش مكبره السالفه ها نوره (لازم يتدخل بكل شي جاسم وجاسم):اووف ---------------------------------------------------------------------- في فلة كامل السلطان زوينه وكامل وناديا وسما ويوسف بالصاله زوينه تناظر كامل بنص عين :وينك ما تسال عن امك هالايام ها ؟ كامل بتوتر:اسمحيلي ماه كان عندي مشاغل واعرف قصرت معاش زوينه :مسموح يا ولدي بس عاد لا تقطع من لي غيركم اولادي كامل :الله يخليش ويحفظك لي ،امم يوسف ابغاك شوي يوسف رفع حاجبه وابتسم بسخريه :خلا رايحين هالاشياء والحركات توتر كامل و استهزاء يوسف بأبوه يثير الشكوك عند زوينه ناديا تمحي ملامح التوتر والارتباك:خالتي محتاجه شي اجيبلش ؟ زوينه ناظرتها بنص عين :سما سيري عند امجاد وخليني مع حرمة عمش سما بأستغراب :ان شاء الله قامت وراحت لامجاد تشوفها ----------------------------------------------------------------- في مكتب كامل السلطان الصمت هو محور التحاور بين هذول الاثنين كل واحد ينتظر الثاني يحكي كامل عارف لو انتظر يوسف يتكلم راح ينتظر سنه لقدام قرر يكسر حاجز الصمت :يوسف يوسف بتركيز لكامل:هلا كامل:اخوك يوسف ابتسم باستهزاء:ويش فيه اخوي ؟ كامل بنرفزه:يوسف لا تحرق لي اعصابي انت عارف عن ايش انا اتكلم يوسف ببرود:طيب تكلم اسمعك كامل بعصبيه:يا برودك يا يوسف يا برودك يوسف بحده:وش تريدني اقول يابو امجد ها وش تريدني اقول كامل:تكلم معاه يوسف :بأيش اتكلم كل هالسنين ما شفته وش بقوله اللحين ها كامل:انتوا اخوان اخووان يوسف باستهزاء وبحده :وما شاء الله يقال انك ابوه انت اللي تخليت عن عزام يا كامل انت اللي تخليت عنه وخليتنا احنا نبتعد عنه صح ولا لا كامل بحده وعصبيه قام من كرسيه :انت وش مفكر نفسك تعلي صوتك علي اسمعني زين اللي صار من صراع بيني وبين عزام هذا الشأن يبقى بيننا انت مالك علاقه فاهم يوسف قام بابتسامه تستفز كامل :ليش طرحته دام انت بنفسك عارف ردت فعلي يا كامل ابتعد عن الكرسي واتجه للباب يوسف:انتهى الحديث طلع من المكتب ولحقه كامل وهو ينادي بأسمه بصوت عالي وعصبيه :انت يا يوسف ارجع اللحين يوسف بعصبيه راح ولا كأنه سامعه وهو يناديه زوينه و ناديا انصدموا وامجاد وسما طلعوا بسرعه من الغرفه لما سمعوا صوت كامل وهو يصرخ ينادي يوسف اتجه كامل لناديا و زوينه وصرخ :ولدكم هذا انا اعلمه الادب وانا بربيه من اول وجديد اناااا كامل انااا يرفع صوته علي هالثور هذا ها زوينه ببرود :اسكت واجلس في مكانك كامل بحرقه وعصبيه :انتي اوقفي معاه اوقفي سما بصدمه ناظرت امجاد وامجاد ناظرتها بنفس النظره ناديا راحت لسما بسرعه وبارتباك:سما حبيبتي اتصلي في يوسف وتطمني عليه بعد شوي راح وهو معصب سما:وش صار خالتي ؟ ناديا :بلاش تسالي كامل :والله العظيم اذا شفته قدامي هذا وانا اتوعد قدامكم بضربه كف يربيه ويعلمه الاحترام زوينه بعصبيه :انت ما تعرف تسكت ها ما تعرف تسكت كامل ناظرها :ماه انا ما ناقص اي كلام منك وانا عارف انك واقفه مع يوسف وهذا الشيء بكيفك لكن ولدك هذا بربيه وبتشوفوا كلكم قام بسرعه وراح للمكتب واغلق الباب بقوه من العصبيه -------------------------------------------------------------------- يوسف وهو بالسياره اخذ التلفون واتصل على رقم عزام عزام :الو السلام عليكم يوسف :وعليكم السلام عزام:من معي ؟ يوسف :معك يوسف السلطان عزام ضحك باستهزاء :اووه اخوي هلا وغلا كيف الحال؟ يوسف :ابغى نلتقي في مكان ما عزام تنهد بضيق يكره يقابلهم يكرههم :وين؟ يوسف:اختار المكان انت عزام بابتسامه ريح ظهره بالكرسي :بيت عمتك شيخه يوسف بصدمه:وش يودينا هناك وش دخلك انت هناك عزام:يا هناك يا بلا يوسف بصدمه:طيب خلاص نلتقي عزام على طول قام واخذ اغراضه وراح للسياره --------------------------------------------------------------------- منزل شيخه السلطان قاعده بالصاله وتطالع التلفزيون تفأجات الجرس يرن قامت من مكانها وفتحت الباب انصدمت اش جاب يوسف يوسف ابتسم ببرود:السلام عليكم شيختنا شيخه ابتسمت باستغراب :وعليكم السلام هلا والله تو ما نور المكان هلا حبيبي يوسف ادخل يوسف :اهلين عمتي كيف حالك ؟ شيخه :على ما يرام ما يمديهم يجلسوا الا الجرس يرن مره شيخه باستغراب اكثر :استريح يوسف بشوف من جاء يوسف ابتسم باستهزاء راحت تفتح الباب وشافت عزام ايقنت بهالوقت ان اليوم ما راح يمر على خير الاثنين يوسف عزام عزام بمرح :افاااا عمتي ما راح تقولي لي تفضل شيخه بارتباك وتوتر وهي ما عارفه ان هم مخططين للقاء بمنزلها :تفضل يا عيوني تفضل دخل عزام وقلبه يدق طبول وبالمقابل يوسف حالته مو احسن من عزام عزام بصوته الجهوري :السلام عليكم يوسف قام من مكانه:وعليكم السلام ورحمة الله وبركاته شيخه والتوتر يغلب عليها:تفضل عزام اجلس عزام:زاد فضلك عمتي الله يخليكي كيف حالك؟ شيخه:يسرك الحال وانت؟ عزام:بافضل مما يكون وانت يوسف كيف حالك؟ يوسف :بخير ولله الحمد مرت فترة صمت بينهم عزام :ماعتقد ان الصمت هو موضوعنا ممكن تدخل في صلب الموضوع شيخه :انا بقوم عن اذنكم عزام :عمتي خليكي جالسه ما راح تقومي لو ايش ما صار جلست شيخه وسط استغراب يوسف يوسف :وش ناوي عليه يا ولد كامل عزام بابتسامه ويريح ظهره للكرسي:كل خير كل خير يوسف بحده:عزام انت طالع من المنفى و عرفنا واللحين نبغى نعرف وش مخططاتك المستقبليه عزام:انت واللي معاك ممسوحين من خططي المستقبليه تطمن مالكم اي وجود ولا حتى للعائله وجود بخططي المستقبليه يوسف :عزام لا تخليني افقد اعصابي عزام ببرود:انا فقدت اعصابي وخلاص يوسف :اعقد الصلح مع ابوك عزام باستهزاء :اول شي تلحلح واعقد الصلح معاه انت عشان انا اعقد الصلح معاه يوسف:انا موضوعي ثاني عزام بحده:موضوعك تافه وسخيف مثلك يوسف بعصبيه :واللي انت سويته وش تعتبره ها مو شي كبير في حق العائله لطخت سمعتنا ونزلتها للارض عزام قام بعصبيه :انت ما تعرف عن ايش يا يوسف كنت توك صغير ما فقست من البيضه مو فاهم شي فالافضل انك تسكت يوسف :ماعرف عن ايش ها عن ايش كل اللي صار حق امي من وراك كله من وراك عزام :الله سبحانه وتعالى هو اللي بيبين من الظالم وابوك بياخذ حقه فالاخره انا مالي دخل فيكم ولا حتى ابي اعترف فيكم ما عندي غير هالاسم اللي لاصق فيني وكارهنه شيخه بعصبيه وصراخ قوي :اسكت انت وياه يوسف وعزام ناظروا عمتهم يوسف:انا رايح مع السلامه عمتي تحرك وطلع من البيت عزام جلس عالكرسي وهو يحرك رجوله بعصبيه شيخه :تصالح مع ابوك عزام :ماريد ولا راح افكر بهالشيء ابدا شيخه بحده:وش ناوي عليه ها عزام :قلتلكم ناوي احسن حياتي وما محتاج حد يا عمتي شيخه :نشوف يا عزام نشوف عزام :انا بروح اشرب ماي اذا ممكن شيخه بدون نفس :روح راح للمطبخ وكانت هي واقفه بصدمه بلبس النوم بنطلون وقميص وردي وعليه حركات ورسومات بناتيه عزام ما انتبه لها راح للكبت واخذله قلاص والتفت شافها واقفه ومو بوعيها ابتسم رغم العصبيه و الالم والضيق وكأنه كل هذا تبخر أكثر ما يعذبني في اللغة.. أنها لا تكفيك. وأكثر ما يضايقني في الكتابة أنها لا تكتبك.. أنت امرأةٌ صعبه.. كلماتي تلهث كالخيول على مرتفعاتك.. ومفرداتي لا تكفي لاجتياز مسافاتك الضوئيه.. معك لا توجد مشكلة.. إن مشكلتي هي مع الأبجديه.. مع ثمانٍ وعشرين حرفاً، لا تكفيني لتغطية بوصة واحدةٍ من مساحات أنوثتك.. افاقت مايا من صدمتها وانتبهت لوجوده ما قدرت تتحرك تسترجع كل الكلام اللي سمعته بالصاله حديث يوسف و عزام وصراعهم مع بعض تحركت بتطلع من المطبخ على طول عزام تحرك اتجاه الباب وسكره مايا بصدمه تطالعه :افتتح الباب اافتح عزام ابتسم ذاب فيها اجراس الحب تقرع قلبه وتستعد للدخول اليه مايا بحده والدموع تنزل من عينها :هيييه انت افتح الباب عزام قرب منها وما يفصل بينهم الا خطوه ناظرها بهيام و بابتسامه :قولي اسمي وببتعد مايا بصراخ :رووووح زحف عزام :ما راح ابتعد الا لما اسمع اسمي مايا :بصرخ وبنادي كل حد عزام :هههههههههههههه من كل حد مايا بدموع وترجي وكأنها طفله صغيره :عزام ارجوك بعد عزام ابتعد عنها بهدوء :تفضلي وبسرعه اختفت عن انظاره بلمح البصر جلس عالكرسي وهو يستذكر تفاصيلها انثى فريده من نوعها على طول اخذ تلفونه من جيبه وارسل لها رساله نصيه : (كم انتي جميله ..... ) انتهى الفصل الاول اعزائي الاعتذار لا يكفي اعلم ولكن الظروف دائما تحكم الانسان فترة العيد المشاغل تكثر والزيارات مافيه وقت وبحكم اني اكون موجوده بمكان ما يوصله النت تحياتي وحبي وسلامي لكم .gif) الحارثيه | ||||
|
|
|
26-04-15, 10:36 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 25 اكتمال الفصل الاول من البارت السابق زيديني عِشقاً.. زيديني يا أحلى نوباتِ جُنوني يا سِفرَ الخَنجَرِ في أنسجتي يا غَلغَلةَ السِّكِّينِ.. زيديني غرقاً يا سيِّدتي إن البحرَ يناديني زيديني موتاً.. علَّ الموت، إذا يقتلني، يحييني.. مايا بداخل الغرفه حاسه بحراره بجسمها (غبي حقير مخلوق من ايش هذا ) لا لكن ذنبي انا كيف اطلع كذا صراع بين عقلها وقلبها اخذت تلفونها وشافت فيه رساله نصيه فتحته فتحت الرساله اللي مرسله من الغامض بتوتر وخجل من نفسها شافت المضمون(كم انتي جميله ....) خجلت والاحمرار طغى على وجهها ارسلت له (حقير ) ما رد عليها انتظرت لدقائق استلقت عالسرير وهي تسترجع الكلام اللي صار بين يوسف وعزام الفضول راح يقتلها على طول اتصلت في عزام عزام رد على طول :يا حي هالصوت مايا بهدوء :وش اللي بينك وبين يوسف وخالي كامل عزام بأستغراب:و انتي وش دخلك فالموضوع؟ مايا :لا تسألني انت بس قول لي وش سالفتكم عزام :اقول يا ام الفضول اسكتي مايا:لا ما بسكت عزام تنهد تنهيدته توصل لمسامعها بس هي ما راح تخليه تبي تعرف وش موضوعهم بالضبط مايا:انت دخلت السجن صح؟ عزام بصدمه يعني سمعت كل حديثنا سكر التلفون بوجهها مايا انصدمت هذا شلون يسكر الخط بوجهي عزام طلع من المطبخ وهو يائس وتعبان من اللي صار عزام طالع عمته وبضيق:عمتي انا رايح شيخه:خليك هنا اليوم عزام:بروح شقتي افضل وجودي اصبح يزعج الكل شيخه بزعل:افاا يا ولدي كذا تظن اثناء حديثهم مع بعض وصل مهند طالع عزام وامه وهو مصدوم من يكون هالانسان مهند:السلام عليكم شيخه قربت منه:وعليكم السلام حبيبي الحمدالله عالسلامه عزام:وعليكم السلام مهند هز راسه وهو مستغرب:يمه من هذا؟ شيخه كانت بتتكلم بس عزام قطع عنها:انا عزام ولد خالك كامل مهند بصدمه:لا مستحيل من متى هالكلام عزام مدرك تماما لصدمة مهند ينتظر ردة فعل كل العائله بمجيئه :انا كنت بعيد لفتره طويله طبيعي ما راح تعرفني مهند قرب منه بهدوء ومد ايده بيسلم على عزام :هلا ولد خالي نورت العائله عزام ابتسم وصافحه :اهلين فيك منور بوجودك مهند باستهبال :اخاف اطيح اللحين احس اني بفلم اكشن انا بجلس شوي عزام ضحك مبين على ولد عمته شخصيته فكاهيه وحبوب عزام:كيف الدراسه معاك مهند؟ مهند :الله كريم عزام:ههههههه لا الاخ مستسلم مهند :طيب عزام كلمنا عنك ياخي عزام ابتسم :عن ويش بالضبط ؟ مهند:حياتك وين امضيتها اشياء كثيره ياخي عزام ضحك وبغموض :حياتي تفاصيلها كثيييره الافضل ما تعرفها بس اعطيك لمحه عن نفسي عمري 29 دارس ادارة اعمال وعندي ماجستير بنفس التخصص مهند :ما شاء الله وين درست ؟ عزام بابتسامه :في روسيا --------------------------------------------------------------------------------------------- منزل كامل السلطان الخوف ظلما .. والقلوب أطفال والشك سيفٍ .. يقطع الآمال والهوى ملح الليالي .. وأجمل الأقدار عنه لا تسأل حبيبي .. وفيه لا تحتار العمر واحد .. والليالي قصار .. بالتحديد في غرفة امجاد سما وامجاد قاعدات مقابل بعض وساكتين سما بارتباك :اا امجاد امجاد بشرود:هلا سما:اتصل فيه ؟ امجاد:اتصلي ليش لا سما ابتسمت بتوتر :طيب اخذت تلفونها وراحت بعيد عن امجاد اتصلت فيه رد يوسف عليها :الو سما بابتسامه عريضه :هلا يوسف رغم انه متضايق بس ابتسم لما سمع صوتها:اهلين سما :كيفك يوسف يوسف بعتب :تهمك اخباري سما بزعل :حبيبي لا تقول كذا يوسف بهيام :يا حلوها منك تعرفي غيرت رايي بجي اخذك سما انتبهت على نفسها واسترجعت كلامه :لالالا بجلس مع امجاد يوسف جد وش صار ؟ يوسف :حبيبتي انتي لاتهتمي باللي صار هذي طريقة محادثاتنا انا وعمك سما بخوف :يوسف ترا عمي عصبيته كانت مو طبيعيه وتخوف والله محد فينا نزل تحت حتى يوسف ضحك يعرف ابوه وتوتره ويوم يرتبك ويكون متنرفز منه سما باستغراب وعصبيه خفيفه:يعني هالشيء يضحكك يوسف يوسف بروقان :فديت المعصبه انا يا حبي ترى الوالد كذا هذا اللي صار شوي الله يستر من اللي جاي سما بصدمه :يوسف ترا تخوفني زود يوسف :المهم خلي عنك الموضوع تعرفي في شي اريد اخبرك اياه سما:ويش ؟ يوسف :مشتاق لك وولهان عليكي وما ودي ادخل البيت وحسك مو فيه سما استحت واحمر وجهاا :فديتك ،امم يوسف اقول ينادوني يوسف بزعل :لالا دائما تصرفيني بس ماعليه قريب بصيدك ومافيه لا تصريفه ولا هرب مني سما بحيا:يالله مع السلامه سكرت منه امجاد:تحبيه ؟ التفتت لامجاد باستغراب :انتي عارفه اني احبه ما يحتاج اقولك امجاد :كيف الحياه مع يوسف ؟ سما تنهدت بضيق:اكذب لو اقولك مافي مشاكل بيننا تفاصيل صغيره المشكله اني احس فيه حاجز كبير بيني وبين يوسف و كأنه مافي شي يربطنا ببعض امجاد:الحب هو اللي يربطكم ببعض ومشاعركم لبعض تخفونها عن بعض انتي تكابري ويوسف يجاريك ويكابر بس واضح على يوسف انه يعشقك سما بحزن:مدري وش ممكن اسوي عشان احسن مجرى حياتنا امجاد :فكري زين وبتحصلي الحل سما :وانتي امجاد بصراحه وش مشاعرك اتجاه سالم؟ امجاد بحده:ماريد افكر فيه حتى سما :بس هو ما يعيبه شي ابدا امجاد :ما تعرفيه يا سما عشان تقولي هالكلام سما:براحتك فالنهايه هذي حياتك وانتي اللي تقرري امجاد ناظرتها:انتي يوم تقوليلي مثل هالكلام تحسسيني اني اتخذت قرار غلط سما :انا مالي علاقه في هالشيء لان الامر لا يخص ابوك ولا امك امجاد اخذت الوساده ورمتها على سما :محد ياخذ منك حق ولا باطل سما ضحكت فجأه تلفونها رن شافت رقم غريب سما باستغراب:رقم غريب امجاد:ردي انزين سما ردت عالتلفون سما:الو كنان:هلا والله سما استغربت:من معاي؟ كنان:افاا يا سما تنسيني سما استغربت:لو سمحت انت من وكيف عارف اسمي؟ كنان: Ben Kinan düşünüyorum(انا كنان ) سما ابتعدت عن امجاد بارتباك وتكلمت بالتركي : Sen nasıl geldin nasıl dijital(انت كيف توصلت لرقمي ؟) كنان :شكلك من زمان ما تكلمتي تركي يا سما السلطان سما : ailem اevresi(اهلي حولي) كنان:اهاا طيب انا ابغى اشوفك وجه لوجه سما بحده وارتباك : şehvet(ليش) كنان:هدي يا بعد قلبي سما بتقزز : Joseph bağlanın, bana temas (بوصل ليوسف انك اتصلت فيني ) كنان ضحك بصوت عالي حتى ان ضحكته وصلت لامجاد:لالا خفت انا بصراحه سما على طول سكرت التلفون بوجهه وتوترت و من التوتر والخوف دموعها نزلت امجاد قربت منه بخوف وشك :سموي وش صاير سما مسحت دموعها بسرعه :لا مافي شي امجاد :متاكده؟؟ سما:ايوا امجاد:وليش تتكلمي تركي الاتصال جاي من تركيا سما:ايوا امجاد قررت تخليها لحالها و راحت تكمل اشغالها لان عارفه سما ما راح تتكلم اللحين على طول اخذت تلفونها واتصلت في ديان صديقتها ديان :merhaba سما: USA Diane Angvena(الو ديان انقذيني) ديان بخوف: )Peki ne olduخير وش صار؟) سما: Kinan beni ve Umman temas(كنان اتصل فيني ومن رقم عماني) ديان: yemin etmek(احلفي ) سما:والله ديان:كيف وصلك كنان؟ سما بصياح:ماعرف ديان كيف وصلي ديان:طيب ليش تخافي منه اذا انتي ما عامله شي سما:اخاف يأذي يوسف يا ديان ديان:لا تخافي حبيبتي يوسف اقوى من كنان وكنان انسان جبان سما :خير ان شاء الله اسفه ازعجتك ديان :ما ازعجتيني ولا شوي وترا ميهمات زعلان منك سما:يااا ربي مسكين مو متواصله معاه مثل الاول تعالوا زوروني بعمان ديان :يا ريت بس الحال ما يسمح سما سما: يمكن انا بجي ازوركم بحاول في يوسف ديان بفرحه :ان شاء الله بيوافق وبنشوف عروستنا سما: ان شاء الله ---------------------------------------------------------------------------------- في مستشفى خاص دكتور الاطفال عاصم يتابع الاقسام ويكمل المعاينات دخل قسم الطورائ و اول ما شاف نجمه انصدم بسرعه اتجه لها عاصم :نجمه نجمه اول ما شافته قامت من مكانها وبخجل:هلا السلام عليكم عاصم بارتباك:وعليكم السلام اسف خرعتك نجمه بحيا:لا عادي عاصم:خير ان شاء الله وش تسوين بالمستشفى ؟ نجمه:سهى مريضه ارتفعت حرارتها للاربعين ومن الصبح فيها لوعان قالوا بينوموها اليوم عاصم :الف سلامه عليها وكمل بعتب :ليش ما خبرتيني اول ما وصلتوا عالاقل اتابع حالتها واخلص اموركم نجمه :ما بغيت اكلف عليك وانت وراك شغل عاصم :لا كلافه ولا شي وبزعل منك لو سمعت مثل هالكلام مره ثانيه انتي جايه مع من؟ نجمه :جيت مع امي عاصم:وين خالتي بسلم عليها نجمه:داخل مع سهى عاصم بابتسامه :خلاص بجيكم يوم اخلص معاينه انتبهي لنفسك واجلسي معاهم لا تجلسي بالانتظار نجمه :ان شاء الله ابتعد عاصم عنها وهو فرحان واخيرا قدر يشوفها نجمه قلبها يدق عارفه انه يحبها ومهتم فيها وهالاهتمام يسعدها تلومني الدنيا إذا أحببته كأني .. أنا خلقت الحب واخترعته كأنني أنا على خدود الورد قد رسمته كأنني أنا التي للطير في السماء قد علمته وفي حقول القمح قد زرعته وفي مياه البحر قد ذوبته كأنني .. أنا التي كالقمر الجميل في السماء قد علقته -------------------------------------------------------------------------------- | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
