آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-08-11, 03:29 AM
| #1 | ||||||
| نجم روايتي وشاعرة متألقة في المنتدى الأدبي  
|  كل شي فيني إنجرح إلا فخامة كبريائي / للكاتبه هواجس السلام عليكم ورحمة الله وبركاته .. شخباركم ؟؟ ....امممم انابصراحه ودي انقل هالروايه للكاتبه هواجس وهذي اول مره بحياتي انقل روايه لأحد المنتديات بس هالروايه حبيتها بالحيل واتمنى انتو كمان تحبوها ووتتفاعلو معايا فيها واذا كانت موجوده في المنتدى اتمنى تنبيهي ع هالنقطه علشان مااكمل نقلها ...اختكم ..زحمة كلام .. هنا لصمت صوت وحضن وانفاس وعيون وروح .......هنا لــ الحكي نبض وجل/ هنا لـ صدر تنهيــــده هنا ياحضرت القراء تموت قلوب وتحيا جروح .......هنـــــــــا...... سوف اضع طفلتي الاولى بين ايديكم واريد منكم الاعتناء بهاا ان ااخطاءت فانقدوهاا وان نجحت اثنوا عليهاا ..... وهنا اريـــــــدكم بمثابة الامهات لها فهي بحاجه لردودكم وان ايضاء اريدكم اخوات لي تقفو بجانبي وتساندوني << كلام الكاتبه في روايتي الاولى..".كل شي فيني انجرح الا فخامة كبريائي"ماهو ذنبهاا تنحرم من ابسط حقوقها بطلة قصتنا فتاه تبلغ من العمر سبع سنوات نعم صغيره ولاكن مايحمله قلبهاا اكبر من سنهاا جوري طفله مدلله بريئه ولاكن قسوة الزمن ارتسمت بين ثناياء وتقاسيم وجهها .... جوري لابسه فستان وردي قصير ناعم وشاعرها الناعم ينساب مثل الحرير خشمها حاد وشفتها الورديه صغيره وعيونها الواسعه ولونها اسود غامق وفيها من الكبرياء والشموخ رغم صغرها وتختلط ملامحها بنعومومه وبرائه طاغيه جوري:بابا سامي:وهو مشغول يكتب في الدفتر الي بيده ويحسب الفلوس هلابابا جوري"صدق تبي تتزوج سامي : مين قالك جوري :انا سمعتك تكلم بالجوال وتقول كلها كم يوم وتجي زوجتي سامي:رفع نظره لبنته دلوعته وشاف دمعه في عينها الصغيره تعالي هنا بابا جوري جات عنده شال قصتهاا عن وجهها وبانت ملامحها البريئه الصغيره سامي:انا بتزوج عشلن اجيب لك ام جوري:طيب انا مابغى ام سامي :ماتبغين ام تهتم فيك جوري :بعناد لا انا مامه وداد سامي:الله يرحمهاا مامه ماتت والحين بتجي مامه نرجس جوري:نرجس سامي:ايوه جوري:لااااا مامه وداد وبس سامي:جوري حبيبتي انتي مو تبغين وحده تسوي شعرك مثل البنات وتجلس تسولف معك وتلعب معك جوري:فجر صديقتي تلعب وتسولف معي سامي:جوري خلاص زواجي بعد بكره ابغاكي بنت موطيعه تسمعي كلام امك وماتزعليها جوري تحط يدها الصغيره على اذنهاا وبصراخ ماااااابي مااابي ام انت ماتقدر تتحملني انا اتحمل نفسي انا اعرف اسوي شعري والبس سامي:بس انا مين يهتم فيني جوري:بعدت يد ابوها وهو يمسح دموعها وراحت تركض لغرفتها الي تحمل فيها من ذكريات امهاا دفنت وجهها الصغير في مخدتها وتبكي بحرقه ماتبغى زوجه تجي مكان امها رفعت وجهها وجلست تمسح دموعها فتحت درج الكمدينه واخذت صورت امهاا وجلست تتامل ملامح امها كانت كل ماتتامل صورة امها تحس بالحنــــان الي فقدته في الفتره الاخيره صح ابوها كان مايقصر معاها لاكن كانت تحس بفراغ كبير في حياتهاا ضمت الصوره لصدرها الصغير لم يتبقى لها سوى هذه الصوره من صور امهاا غمضت عيونها وتذكرت يوم وفات امهاا ""بابا:ليه تبكي سامي :يضم بنته لصدره بقوه ويبكي جوري:بابا انكتمت خلاااااص فكني بموت سامي:كلمت جوري ترددت في اذنه بموتــــــ بموتـــــــ ضم بنته اكثر لصدره لا يابابا لاتموتي وتخليني وداد راحت انتي لاتروحي جوري:ابتعدت عن حضن ابوها بقوه وتبكي لما شافت دموع ابوهاا جوري:لا يبابا انا مراح اخليك انا معاك بس ماما وين راحت بابا انت زعلت ماما وراحت سامي رجع يبكي وداد زوجته وحبه الاول والخير انتبه ليد صغيره تمسح دموعه بابا خلاص لاتبكي انا بقول لماما تسامحك وترجع بس انت لاتبكي سامي:ابتسم من بين ادموعه لبنته بنت الغاليه بنت وداد لو كان يبي يعيش في ذي الدنيا من بعد وداد بس عشان سبب واحد وهو جوري مسح دموعه وقال في نفسه انا لازم اكون قوي عشان بنتي وانتبه لجوري عيونها الصغيره تحدق فيه بتعجب من تصرفات ابوها الغريبه سامي قام ونظرات جوري تلاحقه دخل غرفته وشاف في كل زواياها صور لحبيبته اه ه كان على وشك النهيار غمض عيونه ورجع فتحهاا ورفع الصوره المبروزه وكانت يوم زواجهم وكانت صورتهم وهم مبتسمين والحب والعشق واضح في عيونهم مزقهاااا ولاكن قبل ان يمزقهاا تمزق قلبه دخلت الجوري غرفة ابوها وانصدمت ابوها يجمع صور امها ويمزقها ويبكي والبعض يمزقها بدون مايطالع فيها رفع صوره وكانت شايله فيها جوري وهي توها جوري جمع كل الصور وحرقهاا " بس ذي الصوره الي طاحت منه بدون ماينتبه واخذتها جوري وخبتهاا في ملابسهاخايفه ينتبه لها ابوها ويكون مصير الصوره مثل الصور الباقيه سامي: جالس بكل هدوء ومغمض عيونه وجوري مستغربه تصرفات ابوها وحرقه لصور امهاا وتقول في نفسها اكيد مامه زعلته بس انا راح اعلمهاا وانقطع خيالها البريء بصوت ابوها جوري حبيبتي تعالي جوري بخطوات متردده اتجهت مكان مايجلس -------------------------------------------------------------------------------- سامي مسك وجهها الصغير المتسال وتاملها تشبه امها جوري قطعت تفكيره بوداد "بشفه ترتجف بابا انت وماما متزاعلين سامي :مسك الدمعه الي بغت تعانده وبدلها بابتسامه فيهاا كل معاني الحب والمان سامي :لاياحياتي انا ومامه مو متزاعلين جوري:طيب ليه حرقة صور مامه سامي :عشان ماما خلاص راحت جوري:وين راحت سامي:بتردد راحت المكان الي كلنا بنروحه جوري بتفكير كلام ابوها اكبر من انها تفهمه سامي:مامه ماتت ماتــــت جوري:مو مستوعبه تذكرت على طول كلام امها "جوري:مامه رحت البقاله بس مالقيت عم خلف وداد:عم خلف مات جوري :كيف مات وداد يعني هو الحين تحت التراب وروحه في السماء جوري:يعني خلاص معاد يجي ويعطيني حلاوه وداد :بكل حب لايمامه الي يموت مايرجع" جوري :بابه مامه بترجع انت تكذب علي صح مامتت مثل عم خلف هي الحين مو تحت التراب صح سامي:لما سمع كلام بنته ماقدر يتحمل بكى على حياته الي مايدري كيف يعيشها هو وبنته بدون اوكسجين وداد كانت اكسجينه الي يتنفسه كانت بنسبه له كل شي لاكن مكتوب انها تموت وتترك وراها طفله لاتستطيع العيش بدون القلب الحاني وزوج واخ واب وحبيب وعاشق يتعذب لفراقهااا اه من الفراق ماقساها من كلمه رحلت ورحلت معكـ المعاني ابتعدت وأخذت الأماني آآآآآآه يا أنيس الروح لما الجفا و قد علمت أني بدونكـ ( لا شيء) أحتاجكـ تسامرني أحتاجكـ تسليني أحتاجكـ بقربي قد مللت البعاد .. مللت السكوت قاسية هي الحياة قاسٍ هو الزمن الذي أبعدنا قاسية هي الظروف التي فرقتنا حكم عنتي ليّ القدر .. أن أمضي ما تبقى من الزمن وأنا أبحث عن حب ضائع .. حب لا يدوم!! من ذا الذي يقف في وجه القدر ليقول لا!!!!! " وإلي انكتب على الجبين لازم نشوفه على مر العمر" مالي إلا الصبر .. الصبر .. ثم الصبر جوري :سمعت صوت ابوها وخبت الصوره تحت مخدتها سامي:جوري حبيبي انتي مانمتي جوري:انسدحت وغطت نفسها وغمضت عيونها بكل برائه الحين بنام بابه سامي:ابتسم لها وصك الباب وتذكر وفات وداد قبل سنه بس خلاص لازم يتزوج ماقدر يتحمل مسولية البيت لوحده طفش من حياته ومسولية بنته يشوفها تكبر وبتدخل المدرسه وراح تحس بنقص قرر انه يتزوج عشان بنته وكمان عشان المسوليه الي هدته دخل غرفته وغمض عيونه يبي ينام كلها كم يوم وراح تدخل حياته زوجه جديده يفكر بتقدر نرجس تنسيني حب وداد بتجي مكان وداد انقلب على جنبه مستحيل انا تزوجتها بس عشان تهتم في البيت وزوجه وبس لاكن حب مستحيل احب بعد وداد نامو ابطال قصتنا وهم يودعون يومهم الي قلبو فيه جراحهم بموت وداد وينتظرهم يوم جديد يحمل في طياته الكثير والكثير انتظر ردودكــــــــــم الي تهمني واتمنى عجبتكم البدايه الكاتبه : هوااجس ...... التعديل الأخير تم بواسطة جرح الذات ; 19-08-11 الساعة 03:51 AM | ||||||
|  |
|
19-08-11, 03:55 AM
| #2 | ||||||||||||||
| مراقبة ومشرفة سابقة ونجم روايتي  
|  الله يعطيك الف عافيه اختي على اختيار الروايه اللي باين انها راح تكون مميزه >>ان شاء الله ما يخيب ظني اعتقد ان الاحداث بتكون مولعه مع نرجس وجوري ولاكن في الاخير يمكن تكسب حبها حبيبتي حياااااااااااااك بينا ويارب ما تكون الروايه الاخيره اللي تنقليها لنا وان شاء الله الروايه تلاقي التفاعل اللي تستحقه حبيبتي راح انقل الروايه لقسمها المناسب الى ان تكتمل وننقلها لقسم المكتملات بالتوفيق | ||||||||||||||
|
| |
|
20-08-11, 02:17 AM
| #4 | ||||||
| نجم روايتي وشاعرة متألقة في المنتدى الأدبي
| كل شي فيني إنجرح إلا فخامة كبريائي / للكاتبه هواجس.. الفصل الاول ((2)) سامي يتقلب على السرير واشعة الشمس مزعجته فتح عيونه بكسل اه مين فتح الطاقه اكيد جوري سامي :يشم ريحت حريق استوعب الكلمه حريق وجاء في باله جوري قام بسررررعه جورررررري دخل المطبخ ويقول في نفسه ماراح اسامح نفسي لو صار لها شي وقف وهو مذهول من المنظر الي يشوفه بالقوه قدر ياخذ انفاسه من كثر ماهو معصب جوري :بكل برائه بابه روح غسل يدك انا سويت لك الفطور سامي:يناظر البيض المحترق هههههه هههههههههههههههه هههههههههههههههههههههههه جوري:عصبت بابا انا قمت من بدري عشان اسوي لك الفطور واكوي ثوبك بدل ماتوديه للكواي سامي :وقف ضحك ثوبــــي لااااااا رجع لغرفة الغسيل بسررعه وانصدم لما رفع الثوب كله فتح محروقه نزل الثوب وطالع في جوري الي كانت رافعه شعرها بربطه سامي:جوري حبيبتي تعالي اجلسي هنا جنبي جوري:والله يابابا ماكنت اقصد سامي:تعالي لاتخافي بس بكلمك جوري جلست جنب ابوها سامي :ليه سويتي كذا جوري :انت امس قلت سامي:انا قلت جوري:ايه انت قلت ابغى وحده تساعدني سامي :ابتسم وانتي بذا التصرف يعني تمنعني من اني اتزوج جوري:ايه سامي:وانتي مستعده كل يوم تقومين من بدري وتسوي الفطور وتسوي اشغال البيت جوري:بتفكير وتتذكر الحوسه الي سوتهاا ولاكن باصرار ايه مستعده سامي :اجل تحملي روحي المطبخ وغسلي كل الي خربتيه وانا جوري:والفطور سامي :في الزباله تحطمت الجوري هي تعبت فيه وتعتبر نفسهاا سوت انجاز وينكب في الزباله ولاكن بتصرف جوري هذا اصر سامي اكثر واكثر انه يتم هذا الزواج صح انه كان متردد لاكن جوري تحتاج انه تكون لهاا ام .... "نرجس واقفه قدام المرايه بكامل اناقتها وزينتهاا واخيرا ياسامي عرفت قدري وصرت لي انا وحدي" وتبتسم للمرايه وهي راضيه عن شكلها تمام الرضى مشيت بكل غرور وجلست على الكرسي وحطت رجل على رجل خساره :ياليتها فيه ودادوه عشان تشوف حبيب القلب وهو ينزف اليوم لي بس فكه منها ماتت وريحتني نرجس :كشرت بوجهها من ذكرى وداد كانت تكرهاااا وتكره اسمهاا عشان اخذت منها حبهاا سامي تذكرت ايام مراهقتهاا لما كانت تحب سامي ولد جيرانهم وكانت تتعمد تفتح الباب بدون غطاء عشان يشوفهاا بس هو كان يعتبرها بنت جيرانهم بس ماكان يكن لها باي مشاعر وبنت احلامهاا كلهاا على فارس احلام مو لها ويوم عرفت انه امه العجوز خطبت له وحده فقيره حتى مو من عائله معروفه انقهرت اكثر واكثر عشان كل يوم تتم يلح عند امه ولا عبرتها "صوت الغطا ريف قومها من الذكرى المشوئمه بنسبه لهاا" امهاا الف الف الف مبروك يابنتي ها لااوصيك نرجس:ابتسمت بغرور وهي تشوف بنات خالتها داخلين عندها الغرفه وهم مبهورين بانقتهاا لاتوصين حريص مامه منيره :عفيه على بنيتي وتقرب منها وتقول خلي بالك وداد ماماتت نرجس:اسم وداد ينرفزهاا مامه انتي اكيد انجنيتي كيف وداد ماماتت منيره :بابتسامه انا اقصد وداد الصغيره بنات خالتهاا رشاء واحلام الف مبروك نرجس والله قمر ماشالله عليك ونرجس مو معاهم تفكر في كلام امها كيف نسيت بنت وداد وراحت من بالها اكيد تكون نصره مثل امها بس انا كيف نسيت اكيد من الفرحه بس لا انا لازم مااخسر ذي المره واخطط زين عشان مافشل مثل المره الي فاتت رشاء:يالله ياعروسه احنى بنخرج العريس بيدخل عندك احلام:لا البنت مره مو معانا وسحبت رشاء وهم يضحكون عليهاا ههههه كان سامي يبغى الزواج بس عشاء وفي البيت يعني حفله بسيطه لاكن نرجس مارضيت الا تبغى حفله بعدين سوى سامي حفله في استراحه بسيطه عشان حرام من حقها تفرح وسامي عنده اخوان ثنين واحد زياد والثاني معاذ بس يسكنون في منطقه بعيده عنه وابوه وامه متوفين " جالسه جوري جنب صديقتهاا فجر وكمان تصير بنت جيرانهم فجر عندها توام ولد اسمه رعد فجر:جوري حلو فستانك جوري :بدلع ايه بابه اختاره لي جوري :فجر وينه رعد مايدخل فجر:مسوي انه رجال يقول ارجال مايدخل عند الحريم خخخ وبكره تلاقيه يلعب معانا فجر:بتفكير جوري انتي بتسيرين تلعبين معانا ولا لا جوري:ايه ليه مالعب معاكم ليه ماتبغوني ولا تكذبين علي رعد زعلان مني صح فجر :لاااااا انتي اشبك كذا بس انا قلت يمكن نرجس تقفل عليك الباب وماتخليك تلعبين معانا مثل خاله وضحى لما ماتخلي لمار تجي عندنا جوري:صكتت وماتكلمت تفكر في كلام فجر صح نرجس شريره تسويها دايم لما تخرج وتشوف نرجس تحس في نظراتها شر بس تطنشها دايم وماتكلمها جوري تمسك يدينها بخوف من المجهول الي ينتظرهاا انتظر تعليقاتكم على الروايه الكاتبه :هوااجس | ||||||
|
| |
|
20-08-11, 09:28 PM
| #5 | ||||||
| نجم روايتي وشاعرة متألقة في المنتدى الأدبي
| كل شي فيني إنجرح إلا فخامة كبريائي / للكاتبه هواجس.. الفصل الاول (3) ارتفعت اصوات الغطاريف والمباركات لام العروسه وهي طايره من الفرح لفرحة بنتهاا ابو نرجس:يالله يا سامي ادخل سامي : قفل الجوال من اخوه معاذ وهو يعتذر له انه حاول لاخر فرصه انه يحضر بس ماقدر بسبب عمله ......سامي يمشي بخطوات ثقيله ويتذكر فرحته بيوم زواجه من وداد واتمنى يدخل ويشوف الي قدامه وداد.. فجر:جوري تعالي هنا اجلسي وين بتروحين جوري ابعدي بروح عند باب الحين بيدخل عند ذيك السراقه الي تبي تسرق ابوي مني مشيت بسرعه بخطواتها الخائفه منيره:سامي ارفع راسك عشان تشوف زوجتك زوجتك زوجتك ترددت الكلمه في اذنه سامي :خلاص ذا مو وقته رفع عينه وجات في عين نرجس فتح عيونه بصدمه سبحان الي خلقها جمال عيونهاا كان مثل السحر عليه تامل تقاسيم وجهها خشمها واقف وفمها ممتلئ وبشرتهاا كانت سمراء جسمها متناسق وممتلئ نرجس :بكل جراءه وهي مبسوطه من نظرات سامي المتفاجئه مافي مبروووك سامي :انتبه لنفسه ها ورجع لواقعه وانتبه لطفله الي واقفه عند الباب ونظراتها على ابوها وفيها الحزن والغيره البريئه على ابوهاا وهي تشوفه واقف قدام حرمه وحتى مو معبرها نزلت دمعه على خدها الصغير سامي:جوري حبيبتي تعالي باركي لبابه جوري رجعت على ورى ودموعها تنزل بكل قسوه سامي :جوري جوري جريت وخرجت من الغرفه فجر واقفه تدور جوري وشافتها خارجه من الغرفه وتبكي فجر:جوووري جوووووووري جوري : اتجهت للباب ونزلت من الدرج بخطواتها الصغيره المرتجفه وشهقتهاا الحزينه رعد :واقف عند الاولاد ويستعرض قدامهم ويحكي لهم قصصه وبطولاته رعد انتبه لجوري وهي خارجه من الاستراحه ونازله من الدرج رعد:جووووري جوري :كانت تسمع صوت رعد بس طنشت وراحت تمشي بسرعه رعد:جووووري ويجري بسررررعه وقف قدامهاا اه اه ياخذ انفاسه بقوه ومحاط يده على راسه ماسك الغتره وبكل طفوله مخلوطه برجوله :انتي ماتسمعين اناديك وين رايحه وانتبه لعيون جوري المدمعه وخشمها الاحمر رعد:كان مايحب يشوف جوري تبكي كان دايم يدافع عنها ويضرب الي يضرب جوري او يزعلهاا رعد :جوري تبكين جوري :ااا ارتفع صوت صياحها وشهقاتهاا انصدم رعد من صياح جوري جوري اشبك مين ضربك وبكل شهامه انا اوريك فيه الي زعلك اذبحه قدامك بس قولي لي مين جوري :بصياح تدفن وجهها في صدر رعد الصغير وبصياح بابا رعد: والخجل باين عليه ويبعد جوري عنه بخجل واضح جوري بابا اشفيه جوري:تزوج اااه رعد :هههه هههههههههه جوري بعدت عنه ومتفجئه من ضحك رعد جوري بزعل ليه تضحك رعد:ههههههههه الحين ذا كله عشان ابوك تزوج جوري : تمسح دموعها بيدها ومقهوره من الكل ليه مو راضين يفهموها هي ماتبي احد يجي مكان امها ماتبي ابوها يبعد عنهاا مين لها اذا شافت ابوها مهملها جوري تمد فمها لقدام وتدف رعد عنها خلاص ابعد عني انا اكرهكم كلكم انتم ماتحبوني صوت الغطاريف والتصفير غطاء المكان رعد :جوري شوفي جوري تلف تشوف ابوها يفتح باب السياره لعروسته وتدخل وانتبهت لرعد الي يسحبها من يدها يالله امشي بتروحون البيت وسحبها معاه وقفت قدام ابوها وقصرها بان قدام ابوها الي مميزه طول قامته وصدره العريض وشعره الاسود الناعم جلس على رجوله وقرب وجهه من وجهها الصغير وتامل عيونها المدمعه وخشمها الاحمر حبيتي ليه الدموع نرجس :بغيض تطالع لامها واشر لها منيره :تسحب جوري بيدهاا خلاص ياسامي انا اخليها اليوم عندي سامي :لا تسلمي اخاف تتعبك منيره: لا ياسامي جوري بنتي وتعبها راحه واحنى الحين اهل جوري :تناظر في ابوها الي ابتسم لاوصيك على دلوعتي ودخل السيار وابتسمت له نرجس ابتسامه بحياء مزيف منيره :دخلت سيارتها وسحبت جوري بقوه امشي يالله جوري :ودموع تنزل مابي ابغى بابا منيره: تسحبها بقوه امشي بلا دلع زايد انا مو ناقصتك ومشيت بسرعه عشان تلحق على سيارة بنتهاا وجوري تنسحب معاها بالقوه رعد :هي انتي بشويش على جوري والله لاذبحك فجر : جات وقفت جنب رعد وهي معصبه من نرجس وامها وحزينه على صديقتها جوري رعد :ياخذ حجار ويحذف سيارة منيره الي مشيت وتركت الاطفال وراها مقهورين على صديقتهم واختهم بنفس الوقت منيره:خلاص انكتمي ازعجتيني هذا كله صياح جوري : تزيد صيااااااح منيره تمسك راسهاا بصداع لو ماسكتي راح افتح الباب وارميك جوري :خافت من منيره وصكتت مجنونه تسويهاا كتمت صيحها ومعاد ينسمع الاصوت شهقتها المكتومه وقفت السياره نزل سامي بسرعه وفتح الباب لنرجس ونزلت جوري وراحت بسرعه لابوها الي ماسك يد نرجس ويساعدها عشان تمشي من الدرج وكانت جوري تتبعهم والالم يعصر قلبها الصغير وقف قدام شقته ودخل المفتاح وفتحها نرجس بتدخل سامي :دقيقه نرجس :تناظر فيه باستغراب سامي: ادخلي برجلك اليمين وقولي بسم الله ابتسمت نرجس ودخلت برجلها اليمين وقالت بسم الله وغطرفت منيره الف الف مبروووووك ياعريس عقبال ماابارك لاولادك ناظرت جوري في منيره بقهر وجات تبي تدخل وانصدمت لما الباب تقفل في وجهها منيره :هي انتي بتطولين وانتي واقفه هناك لو ماخلتي الحين باقفل الباب واخليك تنامين في الدرج جوري بس فكرت انها تنام في الدرج ترعبها مشيت بسرعه ودخلت بيت منيره انتظر ردودكـــــــــــم الكاتبة : هواجس | ||||||
|
| |
|
20-08-11, 09:56 PM
| #6 | ||||||||||||||
| مراقبة ومشرفة سابقة ونجم روايتي
| الله يعطيك الف عافيه اختي زحمه كلام على البارت المؤلم لجوري بجد انقهرت من تصرف منيره مع جوري ومن تحذير بنتها بدل ماتنصحها وتوصيها خير مشكوره يالغلا بانتظارك دمتي بود | ||||||||||||||
|
| |
|
21-08-11, 09:56 PM
| #7 | ||||
| نجم روايتي 
| الله يعطيك الف عافيه اختي على البارت حزنت كثير على تلك الطفله الخائفه ومالقت احد يعطيها الامان ولاكني اتعجب اليس للجوري جده من جهة الام او اخوال يحاولون اعطائها القليل من الحنان والاحتواء شكرا غاليتي بانتظارك | ||||
|
| |
|
24-08-11, 12:28 AM
| #8 | ||||||
| نجم روايتي وشاعرة متألقة في المنتدى الأدبي
| كل شي فيني إنجرح إلا فخامة كبريائي / للكاتبه هواجس.. الفصل الأول (4) دخلت منيرة غرفتها وقفلت الباب ورآها جوري تناظر حولها في المكان انا الحين وين أنام حتى البجا معه حقتي نسي بابا يعطناها راحت جهة ألكنبه الطويلة الي تتوسط الصالة رمت جسمها الضعيف على ألكنبه بفستانها الأبيض القصير حست البرد بعضامها قامت باتجاه غرفت منيره وهي متردده تدق الباب ولا لا قررت تدق بسرعه دقت قبل لاتتراجع وبعدين تموت من البرد منيره :اف قامت بعصبيه وفتحت الباب بقوه جوري :ترتجف من الخوف منيره:خير واشرار يطير من عيونهاا جوري :ام انااا منيره :انتي شو جوري بخوف :انا بردانه ابي غطاء منيره :لاا ذا الي باقي بنت ودادوه الخايسه تتامر على بالك انتي يانتفه خدامة ابوك روحي عن وجهي ولا اشوفك مره ثانيه عند غرفتي جوري :عصبت وانقهرت انها سبت امها وبكل حقد انتي ياعجوزه عساك بالموت انتي وبنتك منيره:طيب طيب شوفي مين بيعطيك غطاء ولا بيساعدك لو جاك جوري:ارتعبت من كلام منيره مين يجيني منيره بكل شر وبعيده عن النسانيه قربت وجهها من جوري يجيك جوري:ترتجف شفتهاا الصغيره منيره :ولا اقولك خلااص مابي اقول لك مين وبعدت عن جوري وجات بتقفل الباب وناظرت في جوري الي كانت نظراتهاا كلها توسل انها ماتخليها بروحها ولاكن منيره خذلتها لما قالت انتبهي لا يجيك من المطبخ ولا الحمام//الله يكرمكم جوري شهقت بقوه ومشيت جهت امنيره عشان تتوسلهاا انها ماتخليها بروحها لاكن ليس كل مايرغبه المرء يجده "قفلت منيره بوجه جوري وهي تضحك بصوت مسموع ورمت نفسهاا على السرير ودخلت في نومه عميقه""""""" اما جوري جلست عند باب غرفة منيره تبكي وتتوسلها انها تفتح الباب ولاكن لامجيب نزلت راسها على ركبتهاا وضمت رجولها بيدين مرتعشه ودموع حارقه وبكت امهاا وبكت ابوهاا وحياتهــــــــاا وايامهـــــاا الجايه نامــــت جوري من التعب......... نرجس :دخلت الشقه وهي متشققه من الفرح وتنقل نظرهاا في الشقه وتقول في نفسهاا وه ايش ذا الذوق القروي اكيد ذوق وداده الخايس "بس خلاص الحين هو بيتي انا وانا باثثه من جديد سامي :نرجس نرجس:انتبهت لعمرهاا هلا حبيبي سامي :بتطولي وانتي واقفه هناا نرجس:ههه ضحكت بدلع متصنع لا الحين بروح أبدل وأنام حدي تعبانه سامي:جات ذكرى وداد في باله اول يوم زواجهاا كيف كانت مستحيه ونظرهاا ماترفعه ولو تكلمت يادوب كلمتين وتقولها بحياء نرجس:حبيبي اشبك تطالعني كذا سامي :ها لا ولا شي نرجس:ههههه ماتبي توريني طريق الغرفه ولا عاجبتك الوقفه هنا سامي:لا تفضلي حياااك هههه ×××××××××××××××××××× يمه تعبت اخفف من همومي وتنملي يمه دخيلك ابي لي حد يحضن جرحي ويحرسه منيره :فتحت الباب بكسل فاتحه عين ومغمضه الثانيه فتحت عيونها الثنتين بصدمه ورجعت غمضتهاا وفتحتهاا وهي تشوف شكل جوري بجسمها الصغير النحيل على السرميك منكمشه من البرد منيره:بعصبيه هي انتي قومي من هناا جوري ولا حركه خافت منيره :وه لايكون صار فيها شي وانبلي فيهاا رفعتها من الارض بخفه وبسرعه حطتها على الكنبه وتضرب على وجهها بخفيف هي انتي يابلوه قومي منيره:انا الحين ايش اسوي ياربي قامت بسرعه للمطبخ فتحت الثلاجه وصبت مويه في الكاسه وهي خايفه رجعت لجوري الي كانت متمدده على الكنبه مثل الميت حاطت على وجهها مويه يالله قومي منيره :ياربي ويش ذي المصيبه الي انا فيهاا ايه اكيد مو بنت ودادوه اكيد بتكون شؤم علي مثل امهاا ماقول الا الله يعينك يانرجس انتبهت لجوري تحرك شفتهاا وتمتم بكلمات مو مفهومه منيره:الحمدالله قامت جوري:ابــ..ــي مامه وتفتح عيونهاا بتعب مامه انتي هنا وينك رحتي وخليتيني ونزلت دموعها من بين اهدابهاا منيره:لا اكيد ذي انجنت خليني ادق على نرجس تجي تشيلها من عندي مو ناقصه مجانين عندي في البيت وقامت بسرعه تدق على نرجس جوري:ترفع يدها بتعب مامه لااااا لاتروحين تعالي خليك جنبي منيره:تدق مره ومرتين ونرجس ماترد يوه ذا وقتهاا "نرجس انزعجت من صوت الجوال وردت بكسل "الو منيره: انتي نايمه نرجس :انقلبت على ظهرهاا بكسل يالله صباح خير منيره:اقول قومي بسرعه نرجس:ليه ايش فيه منيره :مصيبه نرجس:جلست بفجعه ليه ايش فيه منيره:جوري انجنت نرجس :ارتاحت ورجعت انسدحت اشوى على بالي فيه شي منيره:هي انتي تعالي بسرعه شيليها من عندي نرجس :بكره خليها عندك بس كم يوم على الاقل يعني تبين تنكدين علي حتى باول ايام زواجي منيره:اقول لك انجنت اشفيك انتي تتكلم وهي ماتدري عن نفسهاا نرجس تقوم من مكانها وتقول لا تخافي اكيد صخونه بس منيره:والله مدري عنهاا اخاف تموت عندي نرجس :في نفسهاا ياليت تلحق امها وتفكني لا يامامه لاتخافين قطو بسبع ارواح خرجت من الغرفه وتشوف سامي يقرى الجريده ويشرب فنجال قهوه نرجس :يالله مع السلامه مامه بعدين اكلمك وقفلت الخط نرجس صباح الخير حبيبي سامي رفع نظره لهاا :قولي مساء الخير نرجس:ههههه والله نمت من التعب تدري الايام الي طافت ماكنت انام زين وجلست بدلع جنبه كنت احسب الايام الي تجمعني معك في بيت واحد حبيبي وتناظر في عيونه سامي :ابتسم لهاا ودق جواله ولف عنهاا ونرجس بقهر من الي يدق منيره:الو سامي توقع بتبارك لهم لاول يوم في زواجهم هلا عمتي سامي:وقف بخوف هاا ايش تقولين من متى ؟؟؟ وليه ماقلتي لي الحين جاي دقايق بس نرجس:تطالع فيه اشفيه ذا انهبل كذا دخل بسرعه غرفته بدل ملابسه واخذ مفتاح السياره وخرج منيره: راحت عند جوري بسرعه وهي خايفه ياويلي لو تقول لابوهاا بس والله ليذبحني سامي يدق البااب بقووووووووووه راحت منيره بسرعه تفتح البااب هلا سامي بزوج بنتي دفهاا عنه وينهاا جوري وانتبه لهاا على متمدده على الكنب والتعب باين عليهاا سامي :جلس عندهاا :جوري حبيبتي ايش فيك جوري:بــــ..ــا با سامي:روحه جوري:بمــ..ـوت تفاجاء سامي من كلمت الموت جوري:بروح عند مامه هي الوحيده الي تبغاني سامي: شال بنته الي كانت حرارتهاا مرتفعه مرررره ويسال منيره ايش فيها ليه حرارتها كذا منيره:هاا سامي:بشك بروح الحين المستشفى بعدين يصير خير وبسرعه خرج للمستشفى عشان يلحق بنته لايفقدهاا مثل مافقد امهاا ويسوق السياره بسرعه جنونيه وهي جنبه تردد ابي مامه بروح عند مامه انتظـــــ‘‘‘‘ـــر ردودكـــــــم على الروايه اذااعجبتكم ولا لا اذا ماشفت تفاعل بوقف ....اعرف انها مااعجبتكم | ||||||
|
| |
|
24-08-11, 12:30 AM
| #9 | ||||||
| نجم روايتي وشاعرة متألقة في المنتدى الأدبي
| الفصل الأول الجزء( (5)) ((فيني تعب مع برد والصوت مبحوح ماهي صخونه "الم"وقهـــــــر الله وكيلك)) في المستشفى سامي :ها يادكتور طمني كيف جوري الدكتور:يعدل نظراته الطبية جوري حرارتها مرتفعه مره بس الحمد الله قدرنا نزلها لها وهي تعرضت لبرد تعرف ذي الأيام الجو بارد وذي الفترة تغذيتها ناقصة سامي منتبه مع الدكتور وخاف على بنته وفيه ندم كيف قدر يترك بنته الدكتور قطع تفكير سامي:خذ ذي الورقة فيهاا الدواء والفتمينات الي تحتاجهاا سامي:شكرا لك الدكتور بابتسامه:لا والو واجبنا بس انت لازم تهتم فيها اكثر وتنتبه لها وقف سامي ان شالله يادكتور اتجه لغرفة بنته ودخل الغرفه وشافها مثل الملاك متمدده على السرير الابيض بفستان الفرح الابيض والمغذي في يدهاا الصغيره قرب منها يتأمل وجهها الطفولي البريء والتعب باين فيه انثنى وقبل عيونها الصغيرة ومسك يدها الباردة بيده الكبيرة بنسبه ليدها وقبلهاا بقبلة ندم انه بعد عنها حتى لو كان يوم واحد المفروض ماتركهاا وهي مو متعودة انها تبعد عنه "منيره:بعد ماخرج سامي من عندهاا خافت من كلامه ياويلك يامنيره لو درى بتخربين بيت بنتك ايه انا ليه مااروح لنرجس تلاقي لي حل بسرعه راحت اخذت عبايتهاا وخرجت تن تن ,,,تن تن,,,................ نرجس :لابسه فستان قصير احمر وصندل احمروفاتحه شعرهاا البني الي واصل لنصف ظهرها وقاصته قصه تناسب له جالسه تحط مناكير:اف مين يدق الجرس كذا سامي :عنده مفتاح الجرس رجع يدق قامت نرجس بعصبيه :ميـــــــن منيره:انا افتحي نرجس فتحت الباب هلاا مامه دخلت منيره :ايه كثري منها هلا مامه وتاركتني ساعه عند الباب نرجس:والله يا.. قاطعتها منيره وهي تسحب يد بنتهاا امشي تعالي حكيني كيف كان سامي معاك نرجس:بفرح والله يامامه انا مرره مبسوطه بس لو كانت مو فيه ذي الي اسمها جوري كان انا مرتاحه منيره:تذكرت جوري ايه صح زوجك الاهبل هددني لو صار للمقروده شي راح يخليني اندم نرجس بغرور:معليك منه ماعنده سالفه بس انتي قولي لي ايش سويتي لهاا منيره ابتسمت :وسندت ظهرها على الكنبه روحي سويلي فنجال قهوه وانا اقولك ايش سويت نرجس بفرحه :دقيقه وتكون عندك ×××× على فكره ابو نرجس تزوج حرمه ثانيه على امهاا لما كان عمرها15تعب من مشاكل حرمته وتزوج وكان يجيهم بعد كل اسبوع ولما كثرت مشاكله مع منيره صار يجي كل شهر مره وبعدين صار نهائي مايجيهم×××× ××××××××××××××××××××××××× × فتح سامي الباب :تفضلي يا اميرتي الصغيره دخلت جوري ونظراتها على نرجس وامهاا الشريره خافت منيره من نظرات جوري الصغيره الي كانت متجه لهاا وكلهاا حقد ممزوجه بغيض من نرجس ومن لبسهاا قامت منيره مرتبكه لاتفضحهاا الحين قدام ابوها وتقول له على الي سوته منيره:يالله انا استاذن سامي:لا ياعمه وين رايحه خليك انا جبت معي غداء تغدي معانا منيره :بابتسامه مزيفه :ههه تسلم والله بس انا بروح بيتي عندي شغل وان شالله الجيات اكثر نرجس:بتمثيل |:لايامامه خليك معانا والله مره مشتاقه لك مو متعوده ابعد عنك وتناظر في سامي جوري بقامتها القصيره :تابعهم بنظراتهاا الحارقه منيره:تسلمي حبيبتي بس انا بروح خذي بوسه وتقرب منها وتبوسها عشان ماتزعلي مني نرجس:ازعل لا ماازعل انا على الغاليه خرجت منيره نرجس يالله حبيبي روح تسبح وانا بحضر الغداء مسك سامي يد جوري لا اول بروح اوصل جوري غرفتهاا وبعدين اتسبح نرجس بسرررعه سحبت يد جوري خلاص حبيبي انا اوصلهاا واشوف ايش تبغى واسوي كل الي تبيه انا اعتبرهاا مثل بنتي الصغيره وتضغط على يد جوري بقوه حتى الامتها يدهاا جوري:في نفسهاا اكرهك ومابي منك ولا شي ابتسم سامي لنرجس:شكرا حبيبتي اجل انا بروح اتسبح وانا مرتاح ابتسمت نرجس ومشيت وهي تسحب جوري معاها دخل سامي غرفته وهو مطمن على جوري ومقتنع بزواج هذا الي رافضته بنته كلها كم يوم وتحب نرجس وتتعود عليهاا بس هي تسوي كذا مو مقتنعه يجي احد مكان امها جلس على السرير وحط يدينه على راسه بتعب ويتذكر احداث يومه وهو مفجوع على جوري......... فتحت نرجس المبه ودفت بقرف جوري داخل الغرفه يالله بدلي ملابسك وتناظر في الغرفه بقرف وماسكه خشمها اف ايش ذي الريحه الخايسه جوري بقهر:انتي الخايسه نرجس بسررررعه مشيت جهت جوري ورفعتهاا من الارض وقربت وجهها منها هي انتي اسمعيني زين انا هنا عمتك وعلى راسك لو سمعت مره ثانيه طولت السان ذي بقصه لك فاهمه جوري وهي خايفه:ابعدي عني ياحيوانه نرجس شدتهاا بقوه :اقول شكلك ماتفهمي بتحذير انا يبغالي اعطيك قرصة اذن عشان تفهمي وماتخالفي اوامري ورمتها على السرير بقوه وخرجت جوري تتذكر الي سوته فيهاا منيره ويومهاا ذاك المشوم قامت بسرعه وقفلت الباب بيدين مرتجفه واتجهة جهت الدرج وفتحته وطلعت صورة امهاا وجلست على السرير وتناظر في صورة امهاا بكل شوق وحب ااأأأأأأأأه وبدت تصيح وهي تشوف ابتسامة امها في الصورة وكانه تقول جوري حبيبتي اصبري انا معاك دفنت وجهها الصغير في المخده وهي ضامه صورة امهاا وناااامت ××××××××××××××××××××××××× ×××× رعد:اف منك فجر خلاااص ازعجتيني فجر :طيب قوم نادي جوري تلعب معانا رعد:تذكر اخر مره شاف فيهاا جوري يوم زواج ابوهاا لما كانت تبكي ....... فجر:رعـــــ......ـــــد رعد:ببرائه اذني خرمتيهاا فجر :طيب انا اكلمك روح جيب جوري دخلت ام فجر لا مافيه فجر بعناد:ليه ام فجر: لو كانت تقدر تجي جات بس اكيد مو فاضيه فجر:لا اكيد الوحشه هي الي حابستهاا رعد:ايه صح ماشفتي كيف سحبتهاا الحرمه وجوري تبكي ام فجر بحزن على جوري وتذكرت ام جوري وداد قد ايش كانت طيبه وتحب الخير ومدلعه بنتهاا وكانت طلباتها اوامر بس سبحان الله الدنياء كذا ولا شي يجلس ع حاله قام رعد بسررعه وخرج عشان يجيب جوري دخل عمارتهم الي كانت فيهاا اربع شقق وكانت ملك لسامي طلع مع الدرج ودق الجرس تن تن ,,, تن تن,,........ رعد: بملل اف اشبهم ذولا مايفتحون رفع رجوله الصغيره على اطراف اصابعه وحط اصباعه على الجرس تن تن ,,,تن تن,,,,, تن تن,,,,,,,,,,,,,,,,,,, نرجس خرجت من المطبخ بغيض هذا الي عند الباب مايفهم ماحد رد عليه يروح يتوكل,,,,,, نرجس:مين ميــــــن رعد :انتبه لصوت نرجس انا نرجس :لا والله عرفتك عاد مين انت رعد :بغيض اشبها ذي :افتحي الباب فتحت نرجس الباب نعم :ايش تبغى رعد بكره:ابي جوري يعني ابي مين مثلا ابيك انتي نرجس بعصبيه:من طوالت لسانه اقول انقلع من هناا ولو شفتك مره ثانيه ياويلك وفجر سافرت مي فيه خلاااص ارتحت استغرب رعد :سافرت نرجس ايه سافرت ليه عندك مانع ولي امرها وانا مدري رعد باقي تحت تاثير الصدمه:طيب متى بترجع نرجس :مراح ترجه بتعيش هناك وقفلت الباب في وجهه رعد :في نفسه اكيد راحت عند عمها معاذ ونزل من الدرج وهو مقهور طيب ليه ماجات ودعتنا "سامي خارج من الغرفه مين كان يدق الجرس نرجس ذا ولد الجيران سامي :مين رعد نرجس:وهو اسمه رعد :ايه حبيبي سامي:ايش يبغى نرجس تجلس على طاولت الطعام :يبغى جوري تلعب معه بس انا قلت له انها تعبانه ونايمه وانا قلت مايصير نخليهاا تروح تعرف بنت سامي :قاطع كلامهاا:عادي جوري صغيره وهو مو بس الي يلعب معاها اخته صديقت جوري وهو ماشالله عليه ولد شهم على صغره ابتسمت نرجس بغيض:ايه ماشالله عليه باين سامي:طيب روحي قومي جوري عشان تتغداء نرجس بكذب:لا انا غديتهاا ياقلبي عليهاا حسيتهاا مره جيعانه ودها تنام من التعب وكسرت خاطري قلت اغديها وتنام احسن من انها تجلس تنتظرك سامي ابتسم ابتسامة شكرلنرجس:مشكوره حبيبتي انا تعبتك معي وانتي المفروض تفرحي مثل أي عروس قاطعته نرجس لا ايش ذا الكلام انا فرحتي اني معاك واذا انت راضي عني ومبسوط انا مبسوطه تغداء حبيبي لايبرد الاكل........................... دخل رعد البيت فجر سمعت صوت الباب اكيد ذا رعد وجوري رمت العروسه من يدهااوبسرررررعه تجري وانصدمت لما شافت رعد لوحده رعد:وين جوري رعد :طنشها ومشي لغرفته فجر:مستغربه من اخوهاا وخافت لايكون صار في صديقتهاا شي ولحقته ولقيته يلعب في القمبوي فجر:رعد رعد:ها فجر:انت رحت تجيب جوري ليه ماجبتها معاك رعد:بلا نباله :خلاص انسيهاا فجر:فتحت عيونها الصغيره بصمه ومو مستوعب عقلهاا الصغير كلام توامها هي انت شكلك مصخن رعد بعصبيه:لا مو مصخن ايه انسيهاا جوري سافرت فجر:سافرت رعد:ايه راحت عند عمهاا وما جات ودعتنا نسيتنا خلااص حتى احنى بننسهاا فجر بغيض من كلام توامها :انت ايش فيك جوري صديقتي وانا احبها مراح انساها واكيد هي بترجع ولا مامداها تجي تودعنا وراحت غرفتهاا وهي مقهوره من جوري وهي قالت ذاك الكلام تقنع نفسهاا وعشان تكذب كلام اخوها جلست على السير ورمت العروسه الي كانت دايم تلعب فيها جوري لما تجي عندهاا وجلست تبكي لفراق صديقتهاا جوري انتهى الفصل الاول انتظروني سااعود لكم قريب ان شاءالله بالفصل الثاني الكاتبه :هوااجس | ||||||
|
| |
|
25-08-11, 12:06 AM
| #10 | ||||||
| نجم روايتي وشاعرة متألقة في المنتدى الأدبي
| كل شي فيني إنجرح إلا فخامة كبريائي / للكاتبه هواجس.. الفصل الثاني الجزء((1)) "سمعوا... ونتي وعلى بالهـــــ..ــــم "اغني" الساعة:8 بعد صلاة العشاء فتحت عيونهاا بتعب ورجعت غمضتهاا رجعت فتحتهاا بسرعه بسبب بطنهاا الي عورهاا مسكته بيدينهاا الصغيره تحاول تخفف الالم الي في بطنهاا وشاده عليه بقوه أأأأأه,,,,أأأأه ارتخت يدينهاا الصغيره بتعب لم حست وقف الالم وكان جسمها ساكن مثل سكون اليل "بس عيونها كانت تتحرك ونظراتها تتجول في ارجاء الغرفه نزلت دمعه ساخنه من عيونهاا الواسعه ماتدري كم مر من الوقت وهي نايمه مرت ذكرى يومهاا واليوم الي قبله بسررعه على ذهنها الصغير تنهدت تنهيده عبرت فيها عن كل الي تحس فيه ولعلها تبرد قلبها الصغير الي تحمل اكثر من طاقته رفعت نفسهاا وجلست ورجع الالم لهاا وحطت يدها بقوه وتوجه نظرها لصورة امهاا الي كانت على السريرجنبهاا ابتسمت من بين الامهاا ابتسمه تعبر فيهاا عن قد ماهي محتاجتها وبليد الثانيه رفعت الصوره بعنايه وخوف انها تاذي الي في الصوره نزلت من السرير واتجهت جهت الدرج عشان تخبي الصوره خوف عليهاا من ابوهاا او بالاصح صارت تخاف عليهاا من عمتهاا الشريره فتحت باب الغرفة وخرجت بخطوات ثقيله ولابسه بجامتها القطنيه بالاكمام الطويله ولونها الوردي وكان شعرها الحرير مفتوح بااهمال واضح وناظرت في ابوهاا الي جالس في الصالة ورافع يده على الكنبه ورى ظهر نرجس جوري تناظر فيهم بقهر وغيره طفوليه نزل يده سامي:هلا والله بحبيبة بابه تعالي هنا اجلسي جنبي جوري:ابتسمت بدلع وراحت لابوها وجلست جنبه حطت راسها على حظن ابوهاا ودخلت يدها في شعرها ونثرته بحركه طفوليه على رجل ابوهاا جوري بتملك : بابه انا جوعانه ونظرها كان على نرجس تبي تقهرها ونرجس تناظر فيها بحقد سامي:يقلد صوت جوري جوعانه جوري:تحط يدها بعفويه على بطنهاا ايه جوعانه وبطني يعورني نرجس:في نفسهاا احسن نرجس بكل تمثيل :كم جوري عندي انا اقوم اسوي لك اكل سامي بابتسامة رضى يطالع في نرجس وبكل حنان يحط يده على بطن جوري وين المكان يعورك هنا جوري نسيت الالم وتناظر في عمتها منقهره منها وعلى تمثيلهاا سامي انتبه لجوري ونظراتها سامي:ممم في نفسه يعني كذا ياجوري مايعورك بطنك بس عشان تلفت الانتباه وتبغى الاهتمام شال يده وناظر في نرجس الي راحت للمطبخ تسوي اكل لجوري وهي في نفسهاا طاقه قهر... دخلت المطبخ:أأأأأف ايش ذا بالله انا عروسه في اول ايام زواجي ادخل المطبخ ولا كمان عشان بنت ودادوه بس هين ياجوري ان ماخليتك تندمي سامي دخل المطبخ وشاف نرجس جالسه على الكرسي قدام الطاوله الدائريه وهي في عالم ثاني سامي وقف ورى نرجس وميل جسمه جهتهاا وقرب وجهه منها الحلو ليه زعلان نرجس بفجعه :اه سامي:ههههه اشبك حياتي خفتي مني نرجس ترجع لطبيعتهاا وباصطناع لا حبيبي من ايه اخاف وقامت بسرعه تفتح الثلاجه ممم جوري ايش تحب تاكل سامي بابتسامه عادي أي شي سامي:اقول حبيبتي ايش رايك تتجهزي انا عازمك على العشاء نرجس : صدق سامي:ايه صدق جوري جالسه وهي مقهوره من ابوها الي قام ورى نرجس ولا عبرها وقالت له بطنها يعورهاا ولا اهتم مثل اول كان حتى لو مافيها شي يوديهاا للمستشفى يطمن عليهاا شافته طول وقامت تروح عندهم حتى لو تكره نرجس مراح تخليهاا تاخذ ابوهاا وقفت عند باب المطبخ وسمعت ابوهاا وهو يعزم نرجس للمطعم لفت ورجعت غرفتهاا بدون ماينتبهون لهاا دخلتهاا:" اه ياغرفتي شكلك بتصيري صديقتي في وحدتي" نرجس سوت كورن فلكس على سريع وحطته على الطاوله وراحت لجوري غرفتهاا وقفت عند الباب تناظر في جوري الي جالسه على الارض وتلعب في عروستهاا الي كانت اخر هديه من امها نرجس:يالله قومي الاكل في المطبخ ويكون في علمك ذي اول مره واخر مره اسوي لك شي انا مو خدامه عندك انا هنا صاحبت البيت وانتي الخدامه عندي جوري:ناظرت في نرجس ببرود ورجعت تلعب في عروستهاا وهي تحس الشعور عندها تبلد معاد تحس بشي جوري بعصبيه تجي جهتها :انا لما اكلمك مره ثانيه توقفي احترام لي وعيونك في الارض فاهمه جوري:تحرك عروستهاا كانها تمشي ولا معبره نرجس نرجس وصلة معاها ضربت جوري بقووووووه برجلها طيحتها في الارض وجوري بجسمهاا الضعيف طاحت على طول في الارض وماسكه دموعهاا بقهر وشاده شفايفهاا الصغيره بقوه تحاول تمسك نفسهاا ماتبي تبكي انثنت بحركه سريعه وشالت عروسة جوري من الارض وذي انا اوريك فيهاا ناظرت يمين ويسار وشافت مقص الورق على مكتب جوري راحت بسرعه جهته وقصت العروسه وخرجت القطن منهاا بوحشيه ورمته بجهة مكان جوري الي طايحه فيه وجوري :مو مستوعبه الي يصير قدامهاا ومر موقف مثل لمح البصر في ذاكرتها جوري وامها في السوق وراحت جوري جهت العروسه ورفعتها وتناظر فيها باعجاب وداد :كانت مستعجله وحاسبة على الاغراض الي معاها وتكلم سامي في الجوال لا خلاص حبيبي انا الحين خارجه وداد :جوري جووووووري تعالي هنا انا كم مره قلت لك لما اروح مكان ماتبعدي عني جوري بزعل:بس يامامه انا جيت اشوف العروسه قاطعتها وداد طيب اخر مره واليوم الثاني جوري شوفي ايش جبت لك جوري مو مهتمه |""""مسويه زعلانه""" وداد :تقوم وتجلس جنبهاا وتوريها العروسه فرحت جوري ورمت نفسها في حظن امهاا الي لمتهاا بكل حنان "رجعت جوري لواقعهاا وهي تسمع اكره صوت بنسبه لهاا نرجس رافعه العروسه وتوري جوري:لو ماسمعتي كلامي راح يصير فيك مثل ماسويت بالعروسه ذي وتهزهاا سامعه واول شي ابغاك تسوينه الحين تلبسين ولو ابوك قال لك تعالي معانا قولي لا بروح عند خاله منيره سامعه ورمت العروسه لها وخرجت جوري انهااااارت قوتهاا نفذت بخروج نرجس حظنت الارض بيديها الصغيرتان تبحث عن الامان الامــــــــــــــانـــــ ــ....... سامي انتي باقي ماتجهزتي نرجس :لا كنت عند جوري اقنعها تقوم تاكل وهي معنده ماتبغى تقول اصلن مو جيعانه وقلت لهاا قومي البسي عشان بنروح المطعام اذا مو مشتهيه تاكلي من البيت بس قالت لا انا بروح عند خالتي منيره سامي:منقهر من تصرفات بنته الطفوليه الي صارت ماتنطاق ولو وحده ثانيه ماتحملتهاا بس نرجس نعمه من الله لــــــــه.... دخلت نرجس غرفتهاا وهي تقول في نفسهاا هين ياسامي ماشفت شي باقي انت وبنتك لاخذ حقي منك انت وداد انا مانسيت لما كنت اموووت في اليوم مليووووون مره وانت ولا داري عن هواء داري ولما اشوفك مع وداد وانت مو شايف احد حولك وانا كنت في فتره احتاج السند لي انا وامي الي كنا بدون رجال عايشين بعد ماتخلى عنا ابوي وبنيت احلامي معك بس انت الي هدمتهااا دخلت تتروش وذكرى الايام الي عاشتهاا تدور في راسهاا وشبت الحقد والكره في قلبهاا اكثرر من اول خرجت واستشورت شعرهاا ولبست بنطلون اسود سكيني وبدي كموني ولبست الصندل وقفت قدام المرايه رسمت عيونهاا بكحل اسود وبكل براعه حطت المسكرا الي كثفت رموشهاا وحطت الق لوس دخل سامي نرجس وينك ذا كله تتجهزي ابتسمت نرجس خلاص حبيبي الحين خارجه راحت تاخذ عبايتهاا واشنطه وسامي يتابعها بنظراته باعجاب وتذكر وداد شخصيتهاا عكس شخصية نرجس كان يشوف الخجل والحب في عيونهاا عكس نرجس نفض ذكرى وداد من راسه ويقول في نفسه خلاص لازم انساها ايش ذنبهاا نرجس وانا كل شي تسويه على طول تجي وداد في بالي واجلس اقارن والي دايم تفوز وداد انتبه لليد الي تتحرك قدامه وريحت العطر الانوثي قريب منه انتبه لنرجس نرجس :الي مااخذ عقلك يتهنى به وخرجت سامي جاء بيتكلم بيقول اكيد افكر فيك او يشوف له أي تصرفيه بس فضل الصمت وانقهرت وداد ال تاكد شكها انه يفكر في وداد وانه مانسيهاا خرجت من الغرفه وهي تنادي جوري وسامي يمشي وراها ويفكر لايكون زعلت ماتستاهل ازعلها لو مو عشاني عشان جوري الي مهتمه فيهاا نرجس:جوووووري وينك وصل صوت نرجس عند جوري في الغرفه وبقهر خرجت من الغرفه بدون ماتتكلم وكانت لابسه بنطلون وبلوزه ثقيله ""مااخذه احتياطهاا لاتموت برد مثل المره الي فاتت"""" وقفت قدام ابوهاا وهو مبتسم يالله نمشي وخرج ومشيت نرجس ودخلت يدها في يده وشبكت اصابعها في اصابيعه وجوري تمشي وراهم وتناظر فيهم لو كانت انظرات تحرق كان انحرقت نرجس من نظرت تلك الطفله جوري:حتى ماكلف على نفسه يسالني اكلتي بتروحي معانا ولا لا وقف سامي قدام باب منيره ويدق الجرس تن تن منيره :جالسه قدام التلفزيون ومنسجمه مع المسلسل وتاكل فصفص ازعجهاا الجرس قفلت الصوت وحطت الريموت على الطاوله منيره:مين نرجس:انا يامامه فتحت الباب بفرحه مشتاقه لبنتهاا مو متعوده تجلس لوحدهاا بدون المناقره مع بنتها وانصدمت لما شافت سامي وبنته شكلهم خارجين نرجس:تسلم على امها بسرعه وسحبت جوري بقوه يامامه سامي عازمني على العشاء وجوري تقول مابي اروح معاكم ابي خالتي منيره وتطالع في سامي وتبتسم له وبادلهاا الابتسامه ومنيره عرفت خبث بنتهاا اكيد عجينت يدهاا وجوري ساكته بصدمه من كذب نرجس وبسرعه سحبت سامي معاها وتاشر لامها بيدهاا مع السلامه حتى مااعطت امهاا فرصه عشان ترفض او توافق ناظرت منيره في جوري الي ماتت خوف منيره:ادخلي ادخلي جوري برعب دخلت بدون ماتفتح فمها باي كلمه ودخلت وتذكرت اليوم المشؤم الي مر عليهاا في ذا البيت صوت بطنهاا قومهاا من تفكيرهاا رفعت الصوت منيره ورجعت تابع المسلسل وتفصفص ناظرت في جوري وانتي بعدين معك متى بتجلسين ولا تبي تجلسي واقفه طوال الواقت جوري:برعب لاا وجلست على الكنبه الي قريب منهاا وتفكراقول لها اني جيعانه ولا لا وتطالع في التلفزيون وترجع تطالع لمنيره وبتفكير عميق وهي تسمع صوت بطنهاا والالم الي رجع لهاا وقررت تقول لهاا والي يصير يصير وناظرت في منيره بتتكلم وانفجعت وهي تشوف منيره تطالع فيهاا منيره:انتي اشفيك تطالعي فيه وتطالعي في التلفزيون بس لايكون مو عاجبتك وحطت رجل على رجل وجوري:بخوف لا وبطلت تتكلم فضلت تجلس جيعانه ولا تكلم المرعبه رجعت تابع التلفزيون وبدت تنعس وتغمض عينهاا وتفتحهاا وجوري بتطيررر من الفرح كان كل همهاا متى تنام عشان تهجم على المطبخ حطت منيره راسهاا على الكنبه ونااااامت جوري بفرحه قامت على اطراف اصابيعهاا وتمشي بشويش جهت منيره تتاكد نايمه ولا لا وبعد ماتاكدت طياره على المطبخ بس واقفت عند الباب وتذكرت مين الي بيجيني وقرب وجه منيره منهاا "انتبهي من المطبخ وال,,,,,,, نفظت جوري كلام منيره من راسهاا وتجهت لثلاجه ودخلت فيهاا من الجوع تفكر ايش تاكل حطت الاكل على الماسه وبفرحه بدت تااكل ومنتبهت لمنيره الي كانت واقفه عند الباب ومتكيه عليه ومكتفه يدينهاا تاكل جوري بشراهة ومنيره تراقبهاا جوري:واقف التنفس عندهااااااا ومو قادره تبلع الي في فمهااااااااا وهي تشوف منيره الي واقفه عند الباب نزلت جوري الي بيدهاا بخوف وتحاول تشيل عيونهاا الي مركزه على منيره كح كح’’’’’’’كح .... منيره متجه جهتهاا مسكتهاا مع يدهاا وراحت للمستودع وفتجته وبدون رحمه رمت جوري داكله وقفلت الباب وجوري تكح ودموعهاا تنزل ورجولهاا ترتجف او بالاصح اعضاءها وكيانهاا كله يرتجف تحسست الجدر جوري ولقيت زر المبه وفتحته وتجولت بنظرهاا في المكان الي كله صناديق واثاث قديم ومظله وكتب وغبااااااار وركزت بنظرهاا على الصوره الي في البرواز القديم لمنيره ونرجس سندت ظهرهاا الصغير على الجدر بخوف وشوي شوي تجلس وتظم رجلهاا تحاول تلملم نفسهاا وتحميهاا ....... ((جات الحزينه بتفرح,,,مالقيت لهااا مطرح)) انتهى الفصل الثاني الجزء الاول انتظر ردودكم وتعليقاتكم على الروايه الكاتبه هوااجس | ||||||
|
| |
|
| أدوات الموضوع | |
| انواع عرض الموضوع | |
|
|
.png)
.png)
العرض العادي
