16-08-08, 10:32 PM
| #13 | ||||
 
|  السلام عليكم ورحمة الله وبركاته الجزء الخامس الساعة وحده ونص بعد منتصف الليل...كانت واقفه جدام التسريحه تسحي شعرها وعيونها على إنعكاس فاطمة في المنظره...وفاطمة أطالع نورة بفضول وفعيونها ألف سؤال وسؤال... نورة تحط المشط: هاااا فطوووم شو عندج...سألي وبجاوب فاطمة: هههههه شدراج إني أبى اسألج نورة: أشوف عيونج فاطمة بتفكير..بعدين تمت أطالع أظافرها: شخبارهم عيال عمي نورة بخبث: أي واحد فيهم فاطمة: شو قصدج!! نورة: قصدي واضح...عن منوه تسألي فاطمة: عن كلهم نورة: كلهم ولا عرب فاطمة نشت من مكانها بنرفزه: منوووه هالعرب...عنبوه توه ريلي مكمل شهر من توفى مامداني أفكر فغيره نورة بويه مايحمل أي تعابير: بس إللي أشوفه فعيونج غير فاطمة: أنتي أصلا كل شي تفسريه على مزاجج...تصبحي على خير نورة: ههههههههههه عنبوه جبريت صايره...تعالي فاطمة واقفه عدال الباب: بروح أرقد أبرك لي نورة: والله مب قصدي تعالي يلسي والله مافيني نوم فاطمة حايسه بوزها: بندي الليت ونسدحي على شبريتج وبترقدي...لاتنسي وراج دوام ظهرت وبندت الباب...تلومت نورة فأختها...ذكرتها فشي تحاول تنساه من سنين...بس الاسأله إللي فعيونها تفضحها..."معقوله بعدها تفكر فيه وتحمل له مشاعر!!بعد هالسنين" أما فاطمة بعد ماظهرت من غرفة أختها راحت وفجت باب غرفتها ووايجت تشوف منى...لقتها راقده ومسويه معركة باللحاف...أقتربت منها يودت ريلها الصغيره إللي حاطنها فوق البطانيه بطريقه غلط ودخلتها ولحفتها زين...وشوي شوي ظهرت من الغرفة...تمت تمشي في الممر بين الغرف من دون هدف وملامح الحزن مبينه على ويها إللي ضعف بشكل كبير...رجوع عمها وعياله رد لها ذكريات جاهدت تنساها...ذكريات ياما وياما عذبتها... وصلت الصالة كانت ظلام...دخلت ومن دون ماتفتح الليت كفاها الأنوار إللي تدخل من برع...يلست على القنفه...والذكريات تهاجمها بقوة... من ست سنوات أو أكثر صدمها حمدان...دمرها...هي لاحظت نظراته لها...نظرات الإعجاب...بس ماتصورت إنه يتقدم لها...لأنه أفكارها فإنسان ثاني...إنسان حبته من كل قلبها...يمكن الحين بعد ماكبرت وتزوجت أعتبرت هذاك الحب مجرد حب مراهقه...إعجاب لا أكثر...بس ليش يوم ردوا تحس بهالمراره... منصور يبتسم: ليش يعني فاطمة منزله رأسها من المستحى: لأنك مابتروح منصور: بس أنا عندي إمتحانات ماأروم أروح وياكم والله فاطمة تلتفت صوب البيت: عيل أنا مابروح منصور: لا فديتج روحي...هالرحله ماتتفوت...لاتخربي على نفسج بسبتي فاطمة: لا مابخرب على نفسي...أصلا لو أنت محد...الرحله مب شي منصور يبتسم: والله فاطمة رفعت عيونها أطالع ويهه بعد ماكانت أطالع قطوتها إللي تتحجج عدالها: والله منصور دخل أيده فمخباه وعيونه ماتحركت عن عيونها: عندي شي حقج فاطمة: شو منصور: هديه فاطمة شاتت قطوتها بريلها على الخفيف تبعدها عنها: حقي منصور وخر عيونه عنها وطالع وراها ...ألتفتت هي أطالع من وين يطالع...كانت بشكارتهم زاخه سطل ماي وتنظف الدري إللي جدام الباب الداخلي... منصور ظهر شي من مخباه ضامنه فكفه بقوه..ورد يطالع فاطمة: المهم...عطيني كفج فاطمة بمستحى مدت أيدها اليمنى وفتحت كفها: هااا منصور مد أيده وحط شي فكفها...بعد ماوخر أيده...كان قلب ذهبي داخله حرفين بارزين"f+m" ... فاطمة بنبهار: حلووووووو منصور: عجبج فاطمة: وااااايد منصور يود أيدها: أوكى الغلا بخليج الحين...أشوفج بعدين وبنتفاهم بخصوص الرحله...يمكن أغير رأيي وأروح وياكم فاطمة: لا منصور...لا تروح وعليك إمتحانات منصور: مابروح بس توعديني تروحي فاطمة تبتسم: على فكره حلووه عليك اللحيه "ونزلت عيونها بمستحى" منصور: ههههههه أعرف...يعني لو مابتطلع عليه أنا حلووه على منوه بتطلع حلوووه فاطمة: ههههههههه يالله يالغرور منصور: فديت الضحكة وصاحبتها أنا...المهم الغلا لا تغيري السالفة...وعديني تروحي فاطمة: بفكر منصور: لا ماتفكري...وعديني فاطمة حايسه بوزها: خلاص بروح منصور: فديتج والله...أهم شي تستانسين فاطمة: من دونك ماظني منصور: فطاااامي علشاني فاطمة: خلاص علشانك بحاول...وأنت علشاني شد حيلك وذاكر زين منصور بصبعه السبابه يأشر على عيونه الثنتين: من عيووووني ياعيوني فاطمة ويها غدى طماطم: تسلم لي عيونك منصور يودر أيدها: يالله فداعة الله فاطمة: الله يحفظك يارب بعد ماراح رفعت كفها إللي فيه القلب وضمته بقوه وهي أطالع قطوتها إللي منسدحه تحت الشيره: أموووت فيه والله بعد ماتقدم لها حمدان رسميا ماشافت منصور خير شر...ومن يومها...هي تعرف منصور زين...دامه خوه يباها صعب يفكر أو حتى يتجرأ ينافس أخوه عليها...أنسحب بهدو... وهي فنفس الوقت مستحيل توافق على حمدان...وقلبها عند منصور...كيف تتزوج حمدان وتعيش فنفس البيت إللي يعيش فيه منصور...هذا المستحيل بعينه...نزل على خدها الشاحب نهر من الدموع وهي تتذكر...تتذكر حبها المراهق لمنصور... فجأة انفتحت كل الأضواء في الصالة رفعت رأسها وبصعوبه قدرت تشوف نورة من الدموع... نورة بحزن: كنت عارفه والله...إنج مانسيتيه فاطمة تشهق شهقه كانت مكبوته...وغطت ويها بكفينها: نسيته نسيته أقتربت نورة منها ويلست عدالها ولوت عليها: بس هو ماظني نساج فاطمة وبعدها تصيح وبصعوبه ينسمع صوتها: والله! نورة تبعدها شوي وأطالع ويها بتعاطف: والله...نظراته لكل زاويه من زوايا البيت...سرحانه وكأنه يتذكر ذكريات مضت...صدقيني يافطوووم مانساج فاطمة بعد ماهدت شوي...اطالع كفيها المضمومات ويا بعض: تغير نورة: الكل تغير مب بس هو فاطمة: جي يعني؟ نورة تبتسم وهي تتذكر: أكثر نضج...هههههههه معضل مب شرات قبل هيكل...أممممم شو بعد...أكثر رزانه...قليل الكلام فاطمة غمضت عيونها بسبت صداع ياها في هالحظه..وبتردد: تزوج نورة: لا بعده...محمد خطب فاطمة حست براحه غريبه: الله يوفجه نورة: آآآآمين فاطمة تنش بتعب: نشي الوقت متأخر ووراج دوام نورة: هيه صح "أطالع ساعة الحايط" أووووف 2 ونص فاطمة يودت أيد أختها ومشت وياها صوب غرفهن: الله يعينج باجر على النشه من الفير نورة: ههههههه زين إن نشيت أصلا .......... طلعت من البيت بسرعة حتى أمها ماشافتها...ومسي كانت واقفه عدال السيارة تنظفها... نورة تلبس نقابها أي كلام: مسي كويكلي فتحي الباب متأخره ركبت سيارتها إللي كانت مشغله من حظها من عشر دقايق...اليوم من المرات النادره إللي تتأخر فيها عن الدوام...كان لسهر أمس دور كبير في هالتأخر...طالعت ساعتها بضيج "8:14" ويبالها تقريبا ربع ساعة لين ماتوصل دوامها... كانت تسرع وماأنتبهت للسياره إللي وراها من ظهرت من بيتها لين ماوصلت الدوام... وأول ماوصلت باركنات الطب الوقائي بأصابع مرتبكه عدلت نقابها وشلت شنطتها ونزلت...كل هذا ومانتبهت للشخص إللي بعده يراقبها وكانت يمشي بسيارته شوي شوي ومن دخلت المبنى راح فطريجه... كانت أول صدمه تلقتها يوم دخلت مكتبها وجود أحمد إللي كان مشغول ويا ريال يخلص معاملته...ورفع عيونه عن الورق إللي جدامه على طول من دخلت... وبإبتسامة راحه طالعها بس مانطق بحرف واحد ورد يكمل المعامله... نورة بعد ماخذت نفس: السلام عليكم أحمد+الريال+سميحه: وعليكم السلام سميحه: ماهو بدري ... ليه جيتي دلوأتي نورة تيلس وهي أطالع سميحه بنظرات عتاب...وبصوت واطي: جت عليه أنا مااتأخر خلص أحمد المعامله وظهر الريال...نورة: الحمد لله على السلامة أحمد: الله يسلمج ويعافيج سميحه بحتجاج: لا واللاااااااااااهي أما أنا أأولك الحمد للله على السلامة ترد عليه الله يسلمك...وأما الشيخة نورة تقولك الحمد لله على السلامة ترد عليها الله يسلمك ويعافيكي...أشمعنى هي يعني أحمد: هههههههههه قلتيها ... الشييييييييخه نورة مب سميحه سميحه: نعم نعم...الله يسامحك...أنا اليوم مليش مزاج أرد عليك أصلا أحمد: أوف أوف سميحه ملهاش مزاج ترد عليه ... سلامات عسى ماشر سميحه طنشته وردت تكمل شغلها: مافنيش حاجه نورة: هههههههههههه تعرف شو فيها أحمد يلتفت يطالع نورة: شو !!! نورة: لأنه اليوم بتعزمنا على الريوق عسب جيه متضايجه وحالتها حاله أحمد: هههههههههههههههاي الزطيه سميحه بتعزمكم...ماأصدق بصراحة وسميحه تشتغل ومسوتلهم طاف... نورة: المهم أحمد شخبار ريلك عقد حياته وهو يطالع ريله تحت الطاوله: والله شو أقولج...اليوم أحس إنها تعورني زود نورة: لازم لأنك تمشى عليها أحمد: والله يمكن...نورة أنا..... سميحه: أحم أحم أعتقد إن في الشوووغل...وكل واحد منكم أودامه كوووووم شوووغل أحمد: هههههه جي توج تقولي مابترمسيني سميحه: حواراتكم بتشغلني عن إللي أودامي...ممكن هدو لو سمحتوا نورة تبتسم: إن شاء الله عمتي بدت نورة فشغلها..أما أحمد مارام يوخر عيونه عنها...صدق أشتاق لها بشكل كبير...أسبوع كامل...وايد..."أخ...هالسميحه دوم تخرب...ماينقلوها من هنيه ويفكونا" عماد: السلااااااااااااااامووووو عليكمووووو الكل: وعليكم السلام والرحمه أحمد: هههههه ياخي فلختني...شوي شوي علينا عماد: لأنه الكل لاهي بشغلوااا ألت أنبهكم أحمد: لا ماقصرت"وهو يطالع سميحه" الحينه بتراويك سميحه شغلك عماد ييلس مجابلنه: سيبك من سميحه هلااا ... أنت كيف أداوم اليوم ورجلك هيك حالتها أحمد يوطي صوته وهو يرمس عماد: ياخي بتستوي شرات الوالده...عنبوه أسبوع غايب...هذا شغل مب لعب أغيب على كيفي عماد: أنت مو بكيفك تغيب...عندك عوزر أحمد: ياخي مانروم مانروم ماأنداوم كل هالفتره "وهو يأشر بعيونه صوب نورة المشغوله عنهم" عماد: وليتم يحسوووا أحمد: بيحسوا بيحسوا صدقني...كل شي يباله صبر وطولة بال عماد ينش: المهم أنت حر...أنا هسه بروح المستشفى أحمد يغمز: الجيمي عماد: هههه أيه...عندي شغل لا يروح فكرك بعيييييد أحمد ببتسامة خبث: متأكد عماد: يازلمه متأكد كل التأكيد...تشاووووو أحمد: ههههههه سلم على العرب إللي رايح لهم عماد وهو طالع ويضحك: هههههههههههههه والله شغل ...... بعد ماوصلها لشغلها توجه لشغله...أول يوم له في الاتصالات فرع العين...ومن أول يوم تأخير..."يالله كل شي يهون علشان خاطر عيون نورة" من أمس وهي شاغله كل تفكيره...اسأله أدور فرأسه...ليش مالاحظها من قبل؟!وليش لين الحين ماتزوجت رغم إنها مب صغيره؟! معقوله محد تقدم لها؟!كل هالاسأله أدور فرأس حمدان...إللي شدته نورة من أول ماشافها أمس...نورة الأوليه أختفت...يومها كانت ضعيفه بشكل مب طبيعي...وهالضعف مأثر بشكل كبير على مظهرها وتشكيلت جسمها...عكس الحين...ويه شبه دائري بملامح هاديه...وجسم ممتلئ...وعيون ملفته للأنظار...يمكن كل أهله أمس لاحظوا كيف كان يطالعها...حاول يغض بصره عنها...بس كان هالشي مستحيل...فيها جاذبيه غريبه عجيبه... خاطره يعرف عنها كل شي... فيصل: أستاذ حمدان! حمدان: هلا فيصل يبتسم بتسامح: يابويه أنا أشرحلك وماظني شي من إللي قلته سمعته حمدان: أسف ياخوي...شوي مصدع فيصل: أوكيه هب مشكلة...أنت بماإنك أداري فشغلك مايباله شي حمدان: الحمد لله...وأنت شو شغلتك فيصل: سكرتيرك "ويبتسم" حمدان: أوكى ياسكرتيري"وهو يغمز" بستخدم سلطتي من الحين فيصل: خذ راحتك أستاذ حمدان...أنت تأمرني أمر حمدان: بلييييز طلب لي كوب نسكافيا لأني أحس رأسي بينفجر فيصل: سلاااامات أستاذ...إن شاء الله دقايق بعد ماظهر فيصل...ألتفت صوب الدريشه...كان الجو برع رهيييب...يمكن تكون هالأيام أخر أيام الشتا...وبيي الصيف بحره..."يبالنا طلعه" أبتسم بخبث"ولازم بنات العم نشلهن ويانا" "صدق إني أعور يوم ماأنتبهت لنورة من قبل...ليش بغيت وحده كنت متأكد إنها كل تفكيرها فمنصور...يمكن تكون مسألة كبرياء...منصور فشو أحسن مني؟!""بس نورة مستحيل تضيع من أيدي...بنت عمي وأنا أحق الناس فيها" وضحك ضحكه مسموعه يوم دخل فيصل أستغرب منه...من شوي كان رأسه يعوره والحين يضحك...أما غريب هالإنسان... .... واقفه جدام عمتها بيأس...حاولت وياها بس ماشي فايده...ليش متغيره عليها جيه؟؟شو السالفة؟! المها: أنا سويت شي مو زين حصه: لا فديت روحج...ماسويتي شي...بس أنا مشغوله شوي بهالمناقصه "كانت لابسه نظارتها ومشغوله بأوراق جدامها" المها: انزين شكبارووا أهمد...أكيد داوم حصه: هيه داوم حتى ردودها مختصره؟! المها تيلس وهي معقده حياتها: أموووه أرجوكي خبريني شو صار...صدكيني مابزعل ولا شي...أهمد مايباني صح؟؟أنا أحس بهالشي حصه رفعت رأسها عن الأوراق ووخرت النظاره..وتنهدت: وعندج عادي لو عرفتي إنه مايباج؟ المها بآلم نزلت عيونها: بصراحة أموووه أنا أهبووه وايد...وأعرف هدا الهب من طرفي أنا بس...وكنت أندي أمل بأنه يهبني...بس شكلووه مافيه نسيب بينا حصه: أسفه غناتي...بس أنا ماأقدر أجبره...وأحمد من يوم يومه مستقل بقراراته...ومب الحين بعد ماكبر أجبره على شي مايباه"صخت شوي وملامح الحزن مبينه عليها" أحمد يعتبرج أخت المها صح أنجرحت من سمعت هالكلمة من عمتها "أخت"...لكن مع هذا وبكل كبرياء: وأنا مستهيل أتزوج إنسان يأتبرني أخت حصه: بس يا بنتي.... قطعت المها رمسة عمتها: وأنا صدقيني بأيش...وبتزوج إنسان يهبني متل ماأنا أهبه فعلا حست حصه بحزن فضيع...من سنواتها الأولى وحصه تتمناها حق أحمد...بس أحمد غير إللي فرأسه مايسوي... المها: انزين أموووه هجزت تذكره لبرتن حصه: شوووووو؟! ليش إن شاء الله المها: هههههههه صدقيني أنا موش بيبي من أزأل أروه لماما حصه: عيل؟! المها: ماما شوي مريضه...أتصلت في يوم الأربأ تباني أروه لها...وأنا بسراهه وايد تولت أليها حصه بتشكك: وبتردي؟ المها: هههههههههههههه تبي تفتكي مني حصه: لا والله غناتي...والله غلاتج من غلات عليا...حتى أنت الحينه أقرب من بنتي...يوم تسافري ويا منوه بسولف المها تمد أيدها على الطاوله وتحطها على أيد عمتها أطمنها: أصلا ماأقدر أقيب وايد أنج حصه: فديتج والله غناتي...ولا أنا والله تعودت على وجودج...كم بتمي هناك المها: على هسب مدت الألاج...تأرفي ماما تعبان من قلبها...وأنا وايد أهاتيها...هي تقول هذي عمليه بسيطه...بس لازم أكون وياها حصه: الله يشفيها يارب المها: آآآمين حصه: متى قلتي بتسافري المها: بوكره صباح حصه: تروحي وتردي بالسلامة إن شاء الله"وهي تنش" قومي نروح نتغدا المها: بشرط...أبى مطأم صيني حصه: هههههههه والمكسيكي المها: هرااام والله بطني عورني من السبايسي فووود...شو يأجبك منه حصه: أوكى هالمره علشان خاطرج...بوديج مطعم صيني...مع إني ماأستسيغ الأكل الصيني...بس تغييير ظهرن رباعه من الشركه لمطعم صيني...صار للمها الحين في البلاد سنة كامله...وخلال هالسنة صارت وايد قريبه من حصه...وحصه تعتبرها كأقرب صديقه...وترتاح لها وايد وتحس إنها قريبه من شخصيتها وأكثر وحده تفهمها بعد أحمد ....... خلص الدوام...أستغربت نورة إنه أحمد بعده يالس...مع إنه متعود يظهر أول واحد ومرات حتى الدوام بعده مب مخلص...طالعته بستغراب وهي تظهر موبايلها من درج مكتبها وحطته في الشنطه...كان يقرأ الأصدار اليديد من مجلة المختلف...ومندمج وايد فماأنتبه لها وهي أطالعه... نورة: مب ناوي تروح اليوم!! أحمد من دون مايرفع عيونه: بروح...توكلي أنتي نورة: وأنت! أحمد: بروح عقبج نورة: غريبه أحمد حايس بوزه وبصوت واطي: ياخي روحي نورة معقده حياتها: شو؟! أحمد: ماشي نورة: لهدرجة القصيده حلووه إللي يالس تقرأها بكل هالتمعن والتركيز أحمد: لأني راد عليه وهو الحين رد عليه مره ثانية نورة انصدمة: أنت تكتب شعر؟!! أحمد بعد مارفع رأسه: أحم طبعا نورة: والله...وين تكتب أحمد: فالمجلات والجرايد نورة: معقوله...عيل ماجد شفت إسمك؟ أحمد: إسم مستعار نورة: ممكن إذا مافيه أزعاج أعرف الإسم المستعار أحمد: يهمج؟ نورة: لأني متتبعه لابأس فيها للشعر أحمد: عيل قري العدد الياي من شعر وفن نورة: بإسم؟ أحمد: إذا كنتي صدق مهتمه وتفهمي للشعر بتعرفيني نورة: يعني مابتقولي إسمك أحمد وهو يبتسم بخبث: نووووووو بتعرفي بروحج...والحين ممكن تروحي نورة كانت واقفه عدال مكتبها وفأيدها شنطتها: حشى طرد أحمد: لا مب طرد...بس مب زين بنت يخلص الدوام وتتأخر نورة طالعته بنظره: أما أمرك غريب اليوم...على العموم فداعة الله أحمد بصوت واطي بعد ماظهرت: الله يحفظج ويصونج حقي طالع ريله بشمزاز...أول مره فحياته يتأخر جيه في الدوام والسبه ريله...من يا الصبح ماتحرك إلا مرتين يوم ظهرت نورة من المكتب وحق صلاة الظهر...ماكان يحب تشوفه وهو جيه... يود عكازه إللي كان تحت الطاوله...وتساند به بصعوبه قدر يقوم...حس بآلم فريله...بس تحامل وقام..."هالدب عماد يوم حد يباه مايكون موجود" هالمره أضطر مجبر يركب اللفت...ويالله يالله وصل السياره...ضحك فنفسه على حاله...وهذي مب أول مره ينكسر فيها...بس المره إللي طافت كانت ريله اليسار...مع ضربه قويه في الرأس ورضوض في باقي جسمه ترقد على آثرها شهر كامل في المستشفى...يومها كان يتسابق ويا مطر إللي تحداه...مطر عنده أودي...وأحمد مكسيما مزوده...وكان السباق من بوظبي لحد رماح في العين...ومع إنه واعد أمه مايسابق...بس يضطر مرات يخالف هالوعد يوم يستفزوه ربعه... أول ماوصل سيارته وشغلها رن تلفونه..."جنتي" أحمد: أهلييييييييين بالغلا كله...هلا والله بزينة المزايين حصه: ههههههههههه والله إنك...المهم شحالك أحمد: يسرج حالي...دامني أسمع هالصوت بخيييير ونعمه...وأنتي شحالج حصه: الحمد لله...وصلت البيت؟ أحمد: لا والله توني أشغل سيارتيه وبروح البيت حصه تتنهد: خاطريه أعرف ليش تعذب نفسك...ريلك بعدها والكسر يديد أحمد: مليت من البيت والله...أسبووع كامل بغيت أين حصه: فديت روحك أنا من الملل ولا بغيت تشوفها أحمد: هههههه الأثنين بصراحة حصه: شحالها أحمد: بدت تهتم حصه: لا والله...جي قبل ماكانت تهتم أحمد: كانت ماتعطي حد ويه أصلا حصه: ليش إن شاء الله...هي تلاقي واحد شراتك أحمد: أحم بصراحة ماتلاقي...بس لأنها بنت حشيم...وفحالها حصه: يالله الله يوفقك وتكون من نصيبك أحمد: آآآآآآآآآآآآآآآمييين...الل� � يسمع منج يالغلا...ماأتصورها لغيري حصه: فديت ولدي والله لهدرجة تحبها أحمد: كانت بالنسبة لي تحدي...بس الحين والله أحبها...أحب شخصيتها...صوتها...أسلوبها كل شي كل شي حصه: هههههههههههههه مسكين حالك غناتي...طحت ولا حد سمى عليك أحمد: حليلي والله حصه: سمعني زين...من تصح ريلك ويشلوا الجبس بنروح نخطبها وهذا أخر كلام أحمد: آآآآآآآآآآه ياقلبي...تقوليها عن أقتناع حصه: طبعا...دامك تباها صدق وعايبتنك ليش نتأخر أكثر عن جيه...في هالمواضيع مايتفع المثل كل تأخيره فيها خيره...عن يتقدم لها حد قبلك أحمد: بموووت حصه: بعيد الشر عنك...بعد عمرا طويل إن شاء الله أحمد طالع النقطات الخفيفه إللي بدت تنزل على يامات سيارته: تعرفي بدأ الحين ينزل نفيفات مطر...ماشي عندكم حصه: ماأعرف لأني فغرفتيه متسدحه...بقوم أشوف أحمد: جو طلعه بصراحة حصه: لا ماشي عندنا...أنسى شي أسمه طلعات أحمد: هههههههههه وين بروح الله يهداج وريلي حالتها حاله حصه: المهم غناتي ببند عنك الحين...ولاتسرع...مب من بعده البيت أحمد: أنزين أنا قرب البيت الحين... حصه: رقد من توصل وتتغدا أحمد: ولا يهمج لاتوصي حريص...عقب صلاة العصر برقد على طول لأني صدق منتهي حصه: فداعة الله...وربي يحفظك أحمد: فمان الله .......... كانت يالسه في الكراسي إللي من وين الزراعة هي وأختها وأمهن يطالعن منى إللي مستانسه حدها بالعصافير الملونه...يدتها اشترتهن الظهر من سوق الغنم...وعقب الغدا عاد هي مطيره واحد... نورة: هههههههههههههه حليلهن دوخن من كثر ماتكفخ بالقفص أم نورة: ههههه شريره هالبنت على منوه طالعه فاطمة تبتسم: مب علي والله منى فاتحه باب القفص ومدخله أيدها الصغيره وتحاول تزخ واحد من الأثنين إللي بقن...والعصافير مسويات حشره: تأل تأل "ويدها تضرب شرق وغرب في القفص" تأل بلأب وياك نورة: أونه تلعب وياه...أسمنج لعوزتيهن...طالعي القطوه السودا عيونها عليهن منى ألتفتت أطالع القطوه وترمسها: ثوفي أصافيري الهلوووات نورة: ههههههه إن تم شي منهن أم نورة توجه رمستها حق فاطمة: زين يابوج إنج ظهرتي من هذيج الحجره فاطمة حاطه أيدها على بطنها إللي بعده صغير: تعبت من اليلسه بروحي أم نورة: يمكن بعد تيي حرمة عمج فاطمة حايسه بوزها: بتيي...متى؟ أم نورة: والله ماحيدها...يمكن الحين ولا عقب المغرب نورة: حليلها حرمة عمي...صدج إنه الكبر شين...ماحيدها جيه أم نورة: هيه والله..بس بعد حرمة عمج مب من صغرها..حتى جى ماأكبر عن عمج نورة بستغراب: أكبر عن عمي؟! أم نورة: هيه عيل شو تتحري...حتى أميييه الله يرحمها تقولي يوم ماخذنها عمج أنا كنت بنت خمس سنين...وبعد سبع سنوات خذني أبوج الله يرحمه نورة تبتسم: حليلج أمايه بنت 12 سنة صغيرووونه شعرفج بالعرس أم نورة: فديتج العرس ستر للبنت...وبعد العرس شو يباله "أطالع نوره بنظرت لوم" مب شرات بنات هالأيام...لا يعيبكن العيب ولا الصيام فريب نورة: حليلن...فديت روحج الغلا بنات اليوم مب شرات بنات أول...كل شي يتغير أم نورة: لا في العرس ماشي يتغير...لو الحينه معرسه عندج درزن عيال نورة: هههههههه حشى درزن مره وحده أم نورة: هيه درزن جى ماأكثر...بس أنتي رأسج يابس...ماحيدج منوه بيباج بعدين فاطمة: لا أميييه بالعكس نوار كل ماتكبر تحلووو...وإللي كاتبه لها الله بيها...أنا مثلا أستعيلت وتزوجت...شوفي شو صار لي "قالتها بحزن" أم نورة تواسي بنتها: حبيبتي هذا الله كاتبنه لج... فاطمة: ونعم بالله فهالحظه سمعن منى تباغم بأعلى صوتها...ألتفتن يشوفن شو فيها... نورة نشت من مكانها وراحت صوبها...كان في القفص عصفور واحد: عيل وين الثاني منى وهي تصيح وترفع أيدها الصغيره: عدني وشرد يودت نورة أيدها ولاحظت أحمرار فأصبعها السبابه: من شرج لازم يحليله يعضج...الحين طيرتي أثنين...وبقت هذي يحليلها بروحها...زين جيه منى وبعدها تصيح بس أقل: ماأحبهن....أقيهن نورة: الحين أعقهن شلتها وراحت تيلس مكانها....منى ماده أيدها تروي أمها العضه: ثوووفي ماماه عدتني فاطمة تيود أيدها وتبوس أصبعها المحمره: فديت حبيبتي أنا...هذي شريره ولا ماعضت ملاكي نورة: ههههههههه أونه ملاك...قولي شرشبيله...عذبت هالكائنات الجميله تعذيب الشدايد "وهي أطلع لسانها حق منى إللي أطالع خالتها وهي معقده حياتها" شريره منى مبوزه: أنتي ثريره نورة: هههههه لا واضح منوه الشرير نشت فاطمة من سمعت أذان المغرب وشلت بنتها: أنا بروح فوق أصلي وبالمره أسبحها نورة: أحسن شي تسويه...إللي يشوفها الحين جنها ظاهره من درام الزباله أم نورة: هيه فديتج سبحيها وخلي البشكاره تنزلها تحت أم حمدان تبى تشوفها عقب صلاة المغرب بربع ساعة يت أم حمدان يايبنها محمد...ويلست وياهن ساعة تقريبا...فاطمة يلست وياهن شوي بعدين راحت غرفتها... ......... صار له نص ساعة فالمسبح رايح راد...حس براحه فضيعه من زمان ماحس بهالراحه...ومن زمان ماسبح فمسابح المبزره...وبصراحة الماي الدافي مغري للسباحه...أما محمد يالس فوق بملابس رياضه...رغم إنه الماي مغري للسباحه إللي أنه مايعرف يسبح شرات منصور...فيلس يطالعه ويفكر... منصور: ياخي جرب...مايباله شي أنتبه محمد لأخوه إللي وصل للطرف إللي يالس هو عليه: ماأعرف...تباني أغرق منصور: أنزين جرب أنا وياك محمد: ياخي مافيني...بصير صدق مصخره منصور: منوه هنيه غيرنا وهاليهال محمد: لا مابى...مره ثانيه إن شاء الله منصور: هههههههههههه جبان محمد: هب مشكله...أي شي منك مقبول منصور وهو يطلع من المسبح: رغم إنا توأم بس ياخي مانتشابه...أنت هيكل وأنا عكسك محمد: الحمد لله جسمي عايبني...المهم كنت أباك فسالفه منصور ينشف ويهه بالفوطه: شسالفته؟! محمد: ماتلاحظ شي على حمدان منصور: شو؟ محمد: ماأعرف...بس أحسه متغير اليوم...شفته جي يطالع نورة هذاك اليوم منصور بضيج: خوك صايع وعيونه وايد زايغه محمد: ياخوفي يحط عينه عليها ويحطها فباله منصور: الله يستر محمد: تعرف شو أقترح على الوالد منصور: شو؟ محمد: يبى في إجازة الصيف نروح نحن وعيال عمي صلالة منصور وصدج تضايج: والوالد شو قال محمد: بيفكر في الموضوع منصور: خاطريه لو أعرف فشو يفكر حمدان وعلى شو ناوي محمد: فطوووم رفضته من قبل...وشكله يا دور نورة منصور حس بآلم فصدره: وبترفضه نورة محمد: تعرف...أنا ماكاسر خاطري إلا فطوووم يحليلها...صغيره وترملة منصور: هذا نصيبها وقدرها هالإسم كل مايسمعه يسبب له آلم فضيع...آلم الظلم...آلم البعاد...آلم الفقد...فقد إنسانه ياما تمناها...ياما فكر فمستقبلهم ويا بعض...إنسانه حبها حب ماحس به إلا وياها...وكان خبر زواجها أكبر صدمة بالنسبه له...بأنها خلاص صارت ملك ريال ثاني...ريال هو متأكد مليون في المية إنه مايحبها شرات ماهو يموت فيها... محمد: حوووووووووو شو فيك منصور أنتبه لأخوه: ماشي محمد: أنزين كنت أقولك مر على الكافتريا منصور يفر شنطته الرياضه فدبت السياره: وعشى أم حمدان محمد: ياخي مابيضر ...لأني ميت يووع منصور: أوكى....هههههههههههههههه صح تذكرت شي محمد معقد حياته: ليش تضحك...وشو تذكرت منصور: جي يبى يروح هذا صلاله في الصيف وأنت أصلا عرسك في الصيف محمد: شدراني فيه منصور: شكله أخوك خرف محمد: شكله جيه ........... فالجيمي مول وبالتحديد الطابق الأول من وين المطاعم...كان يالس يدخن ومجابلنه حميد إللي كان يشرب كوكتيل وهو يتلفت يمين وشمال يتصيد البنات المارات بعيونه ونظرته الحاده... حمدان يبتسم بسخريه: شو ناوي على صيده يديده حميد: هههههههههه ماأعرف والله بليا وحده فحياتي...هذيج الحماره عرسها جريب حتى ماترد على إتصالاتي... حمدان: إللي بياخذها مب ريال...ولا منوووه يتزوج وحده شراتها حميد: إلا من نفس طينتها حمدان: عيل مناسبين لبعض...ألتم متعوس على خايب الرجى حميد: هااا شخبار الدوام فالعين حمدان: والله أحسن حميد: من ناحية؟ حمدان يغمز: وايد مزايين حميد: هههههههههههههه عيل بدل وياي...طفرت من مجابلة ويه عزمي...ياريال ماعنده سالفة طايحبي نصايح ومواعظ...لاعت جبدي حمدان: فيه الخير الريال يباك أتوب حميد: تصدق مايعرف عني أي شي...بس أنا مشخله خبرته عن سفرتنا الأخيره يوم ماطعت تروح ويانا حمدان: ههههههههههههههههههه والله أنك...أدور على نفسك الرمسه وعوار الرأس...وبعدين من حظك فنفس مكتبك ريال مديين حميد: مديين بس عاد مب جيه..قسم بالله طفرت..تصور يوم تيني مكالمات شخصية يطالعني بنص عين...حتى لو كنت أرمس الوالده...صارت كل أفعالي معاصي حتى لو كنت ماسوي شي حمدان: ربك يمكن تكون هدايتك على أيده مرن عدالهم بنتين كل وحده أحلى من الثانية...وطبعا فوول ميك آب...بس متحجبات زين...وقفن يطلبن أكل...وحميد ياكلهن بنظراته... حميد: ياويلي على المزايين حمدان من دون مايلتفت صوب البنات: تعرف شي حميد وعيونه فالبنات: شو حمدان: ماعندك سالفة حميد نش من مكانه: تعرف شي قم نروح من هنيه...شوف وعوار يوف حمدان: نروح بيتنا حميد: يالله جدامي"ألتفت يطالع البنت" نظره أخيره حمدان: هههههههههههههههههه تزوج أرحم نفسك حميد: ياريت والله...لو الشور شوري اتزوج اليوم قبل باجر...بس الأهل الله يسامحهم غير بنت عمي ماشي حمدان: ياخي أستحى على ويهك...أنت موجود وتباها تروح للغريب حميد: ماباهاااا عاد بنت عمي ولا بنت خالي...هب داخله مزاجي حمدان: عيل بتبطي لين ماتعرس حميد: سمع أنا حاط حد أقصى...إن مازوجوها لين ماأوصل الثلاثين...بتزوجها وأمري على الله...بس والله والله لا اخذ وحده فوقها حمدان: ههههههههههههههههههه حرمتين...والله إنك خبل وأدور عوار الرأس حميد: هههههههههههههههاي مايفل الحديد إلا الحديد...حرمتين ولا أتم جيه صافي اليدين كملوا سوالفهم في السياره...وهم في طريقهم للبيت مر عدال بيت عمه وقلل السرعة وألتفت يطالع...شاف سيارتها في الكراج...إللي بابه مفتوح...نورة تعودت يوم تلقى باب البيت مفتوح أدخل سيارتها داخل...أما إذا كان مبند فدخلها في الكراج...ودومه باب الكراج مفتوح...أنتبه له حميد وكيف كان مركز فنظرته... حميد: بيت منوه هذا؟! حمدان: المرحوم......عمي حميد: الله يرحمه"وعقد حياته" يعني عندك عيال عم ولا خبرتني من قبل!! حمدان: هيه عندي حميد بتفكير: بس ماقد يبت طاريهم حمدان: كان بينا خلاف وزعل...فنقطعنا عنهم فتره حميد: وردت العلاقات حمدان: هيه ردت العلاقات "ابتسم" ويمكن تكون أحسن عن أول ......... واقفه جدامه "من صاحبات الوزن الثقيل" وبعصبيه يلست على الكرسي إللي مجابلنه: متى بيي؟ أحمد متملل: شدراني الحرمه: عيل شو شغلتك هنيه...يوم ماتعرف متى بيي معزبك أحمد رافع حاجب واحد: يامدام أنا ماأشتغل عنده...ولا سكرتيره عسب أعرف متى يظهر ومتى يكون موجود الحرمه: لا والله...عيل شو شغلتك...وليش مادلني مكتبه أحمد: ممكن أعرف فشو تبيه الحرمه طالعته بنظره حارقه من تحت نقابها: شي مايخصك أحمد طنشها وير واحد من الملفات وفتحه وبدأ يشتغل عليه: ترييه عيل نشت الحرمه بنرفزه: تعرف إنك تقهر...وماتعرف تتعامل ويا الناس زين مارد عليها وتم يخلص المعامله إللي جدامه وسوالها أكبر طاف...وهي أطالعه بقهر...شلت الأوراق إللي يايبتنهن وطالعته بإحتقار: ماأعرف كيف يشغلوا هالأشكال توها بتظهر من الباب أصطدمت بنورة إللي كانت توها بتدخل...وكانت دزه قويه من الخاطر "الحرمة طول وعرض ونوره من الأحجام الصغيره"...كانت نورة شوي وبطيح على ورى لو مايودت الباب...وراحت الحرمه من دون حتى ماتعتذر لنورة.. نورة تنافخ وحاطه أيدها على صدرها: بسم الله الرحمن الرحيم أنتبه لها أحمد وهو معقد حياته: شو صار نورة: حشى كسرتلي ضلوعي...شو فيها هذي طالعه من عندك شرات الأعصار فهم من رمست نوره إنها دزتها...وبضيج: هذي وحده سخيفه...لأنها من جماعة الأستاذ فالح يايه تستخدم فيتامين "و" عسب تمشي معامله مستحيل تمشي كتمت نورة ضحكه: على بالي إني حوليت الباب وأصطدمت فيه أحمد بقلق: عورتج نزلت أيدها برتباك رغم إنه جتفها يعورها من الضربه بس أستحت تبين شي جدامه: لا عادي ماحصل إلا كل خير يلست على مكتبها وبدت تشتغل...رفعت رأسها أطالع مكتب سميحه: حليلها سميحه...الشغل هب حلووو من دونها أحمد"الحمد لله خذت لها بريك اليوم...يالله بعد تاخذ لها كم يوم زياده...يارب سامحني على هالرمسه"...: الله يشفيها ... لازم تغير الجو نورة: حليلها ماتستاهل أحمد: أكيد يوم أنا أنكسرت قلتي يستاهل وزود نورة رفعت عيونها أطالعه بعدين ردت أطالع الورق إللي جدامها: الله يسامحك...والله ماقلت جيه...أنا ماقد تمنيت حق حد الشر أحمد"أعرفج والله..يعلني أفدى روحج الغاليه"..:غريبه عماد مب مبين اليوم نورة: أكيد مشغول...تحيده ماييلس...كل يوم مطرشينه مكان أحمد يتأملها: لاتنسي شعر وفن هالأسبوع نورة تعرف إنه يطالعها...وحاسه بإحراج فضيع...ومب قادره ترفع رأسها عن الورق إللي جدامها...صح ماتنعرف جيمة الشخص إلا يوم يغيب..."ليتج ياسميحه موجوده...على الأقل مابحس بهالتقارب الغريب العجيب وياه"... سلوى: السلاموووو عليكم أحمد حايس بوزه: وعليكم السلام والرحمه نورة: وعليكم السلام أحمد: يااااانعم يامدام سلوى شو عندج...على ماأعتقد قسمكم المراجعين داخلين طالعين...يعني وجودج هنيه غلط سلوى بخبث: يت أشوف صديقتي إذا تحتاج شي أحمد بغيض: لا تخافي عليها صديييييييقتج مابتحتاج شي وأنا موجود سلوى: والنعم والله والسبعة أنعام...وأنا بعد ماأشك فهالشي...دام مخاوي شما هنيه أحمد يقطع رمستها: تعرفي مدام أنا كاشفنج...أكيد تستغلن الموظفه اليديده ومقلطين معظم الشغل صوبها...أعترفي سلوى: يالله إللي يسمعك...مب جنك مقلط كل شغلك صوووب نورة حليلها نورة: بصراحة أنا ماأسوي إلا شغلي...ساعدته يوم كان مريض بس سلوى بنظرات إتهام وخبث: علينا هالرمسه نورة: والله...وبعدين أنتي ماعندج شغل سلوى: شو متفقين عليه أنت وياها أحمد: هههههههههههههههه يالله أووووت من غير مطرود يعني وهي تسوي حركات حق نورة تتوعدها وتهددها: بعدين بنتفاهم ردت نورة لشغلها وأحمد بعد رد يكمل شغله المتراكم... ...... فمستشفى التوام وفغرفة مليانه باقات ورود من كل الألوان ترقد إنسانه شبه محطمه...مر عليها شهر وهي بهالحاله وكل يوم والثاني وحالتها في تدهور مستمر...لحد يا اليوم إللي أضطرت فيه خالتها تنقلها المستشفى...وكانت صدمة كبيره بالنسبه للخاله تعرف إنه بنت أختها كانت تحاول الإنتحار...وأنها شاربه كميه كبيره من الحبوب... طالعت حنان باقات الورود بحزن...معظمهن من أبوها رجل الأعمال الغايب دوم...حتى وهي الحين على فراش المرض ماكلف نفسه أيأجل أعماله ومشاريعه...واكتفى بباقة ورد يطرشها حقها كل يوم... وأمها إللي زارتها مره وحده ومن ورى زوجها اليديد...إللي أمرنها تنسى إنه عندها بنت على الوجود... دمعت عينها وهي أطالع خالتها الصايعه وهي يالسه ترمس ربيعها...وتذكرت رمسة مبارك...جذبت عليه فموضوع خالتها وأنها إنسانه شديده وملتزمه...وهي في الواقع منحرفه...وسمعتها على كل لسان...بس مع هذا تحبها رغم عيوبها...لأنها هي الوحيده واقفه وياها فهالمحنه...لأنها هي الوحيده إللي قبلت تستقبلها فبيتها وتربيها...صح تربيتها دمرتها...ومع هذا تحبها وتحاول تبرر أخطاء خالتها دوم... عزه: ليش ماتتعشي حنان أدز صينية العشى عنها: مالي نفس عزه ترمس إللي في الموبايل: أوكى غناتي برمسك بعدين"بندت عنه وحطت الموبايل في شنطتها" أسفه حبيبتي اليوم ماأقدر أرقد وياج...تخافي بروحج؟! حنان: لا عادي...خذي راحتج... عزه: متأكده؟ حنان: هيه...روحي ماعليج مني أنا الحين من تظهري برقد عزه تقترب من بنت أختها وتبوسها على يبهتها: أوكى غناتي رقدي وريحي عمرج...هيه صح أمج أتصلت فيه اليوم وتسلم عليج حنان من دون نفس: كلفت على عمرها عزه: حبيبتي هذي مهما تكون أمج...وأكيد تحاتيج... حنان صدت الصوب الثاني: ماباها تحاتيني...وياريت والله لو تنسى وجودي من الأساس عزه: المهم حنون أباج ترقدي وشلي من بالج كل شي..أهم شي راحة بالج حنان: أوكى عزه: تصبحي على خير حنان: وأنت من هل الخير خبر وفاة مبارك خلى كل شي بنته حنان ينهار...الحب إللي لقته أخيراً فهالإنسان...الرغبه في الأستقرار والعاطفه والدفئ...إللي أعتقدت إنها خلاص لقته...كل شي أنهار وأدمر...ماكانت أتحاتي الصور إللي فموبايل مبارك...لأنها سوت أشياء أشد وأوسخ من هالصور...فصار الموضوع عندها عادي... تذكرت كلامات ربيعتها وضحى...والنصايح إللي ماتكل ولا تمل من كثر ماتكررها عليها...وهي الوحيده من ربعاتها إللي ماتخلت عنها...رغم معرفتها بكل شي... وسبحان الله جنها حست بأنها تفكر فيها وأتصلت فهالوقت... وضحى: هلا والله بالمريضين حنان تبتسم: هلا والله فيج وضحى: ليش مب راقده لين الحين حنان: تعبت من النوم...طول وقتي راقده من الملل وضحى: أسفه غناتي مارمت أيي اليوم...باجر عندي برزنتيشن فشتغلت عليه طول اليوم حنان: الله يوفقج...شخبار الشله وضحى بتهرب: ماقال الدكتور متى بيرخصج حنان بحزن واضح: يقول بعدني وايد لين ماأظهر من هنيه وضحى: ماعليه الغاليه صبري...أهم شي صحتج حنان: بشوفج باجر وضحى: أكيد...ماروم يومين ورى بعضهن ماأشوفج حنان: فديت روحج أنا...أنتي فيهم كلهم وضحى: أوكى غناتي...تصبحي على خير ... مابى سهر يالله غمضي عيونج حنان: ههههه "تغمض عيونها" عيوني مغمضات...وأنتي من هل الخير بندت عنها وضحى وعلى طول رقدت حنان... ...... بعد أسبوعين .......... "خييييييييييييييبه شوووو هذا" قالتها خديجة وهي واقفه أطالع ريلها وهو شال سامان فسيارته مشترتنهن أم مبارك ومطرشتنهن يوديهن حق فاطمه وبنتها... سعيد بضيج: حق عيال المرحوم خديجة فحلجها علوج وأطالع سعيد بنص عين: كل هذا حقهم....مايبوه كله...خلنا نخف منه شوي سعيد: خدوووي أستحي على ويهج شو تخفي منه...أمايه شارتنه بفلوسها...مب شارنه بفلوسي عسب تخفيه خديجة: وبيزات أمك تراه إللي بتستوي فيوم بيزاتنا....لاتفهمني غلط بعد عمرا طويل طبعا سعيد طالعها بنظرات: بتخبرج ناقصنج شي خديجة: لا فديت روحك...ماعليك قصور...بس حتى لو هالسامان وايد سعيد بعصبيه: مب شغلج خديجة بستغراب من أسلوب سعيد وياها: شو فيك تزاعج سعيد يبند باب سيارته: سلامتج...المهم أنا رايح خديجة تحط أيدها على يامته المفتوحه: لا صبر شوي...دقيقه ألبس عبايتيه بروح وياك سعيد بعد تفكير: بسرعة راحت خديجة تربع داخل البيت...ومن أختفت عن الأنظار حرك سعيد السيارة وراح عنها وهو يضحك عليها..."حشى لازقه فيه لزقه" وبعد دقايق أتصلت فيه طنشها مره مرتين...بعدين يوم شافها مصره: ألووووو خديجة تزاعج: سعووود رد الحين البيت سعيد: وإن مارديت؟ خديجة: رد أقولك...ماتسمع مره وحده سعيد: هههههههه لا أصمخ تعاديت منج خديجة: يصير خير سعووود ... خلني بس أشوفك سعيد: ههههههههههههه باي بند على ويها وهي تزاعج وحالتها حاله...طفر من هالحرمه...أول ماوصل بيت قوم أم نورة...وهو واقف عدال الباب بيدق الجرس سمع حس منى وهي تزاعج ومسويه حشره...شكلها تلعب في الحوش... أم نورة: قرب ولدي سعيد: لا خالتيه ماأقدر...المهم سلمي على فاطمة منى شافت عمها واقف عدال الباب وربعت صوبه لأنه صار لها فتره ماشافته: عمييييييييييييييه تأأأأأأأأل سعيد يشلها ويحبها على خدها: هلا والله بشيختهم منى: ليث ماتيا أندنا سعيد: خلاص علشانج أنتي بس بيي منى تلوي عليه: أههههههبك وايد وايد سعيد: فديت روحج أنا أم نورة: قرب ولدي...تقهوى عندنا سعيد: مره ثانية إن شاء الله بعد ماظهر عنهم وركب سيارته ماشغلها دقايق وتم يتأمل البيت...كان خاطره يشوف فاطمة...بس يعرف هالشي مستحيل في هالفتره بالذات...فاطمة أكثر شي عند مبارك كان يحسده عليها...دايما يقارن بين حرمته إللي تزوجها بشور أمه...وبين فاطمة إللي تزوجها مبارك بعد ماعرف عنها كل شي عن طريق أخته...فاطمة مميزه فكل شي...من غير جمالها إللي كانت تلفت نظره...أسلوبها الحلوو في الكلام...طيبتها...وحرمة بيت من الطراز الأول...عكس خديجة إلا أربعه وعشرين ساعة منسدحه في الصالة تفرفر في القنوات...ولا سماعة التلفون فأذنها وبالساعات ترمس ويا ربيعاتها...ولا كل شوي تتصل به تسأله وين هو...وويا منوه يالس...فعلا طفر منها ومن تصرفاتها... ..... بعد الأمطار الغزيره إللي نزلت على البلاد من أسبوعين بدأ الجو يحر...يعني الصيف على الأبواب...يعني شهرين لا أكثر ويكون إنسان مسؤول عن شخص ثاني...بعد ماتم تحديد عرسه بدأيت شهر سته...مع إقتراب موعد العرس...تزداد رغبته بالتغيير...والحين بدأ يتأكد إنه هالزواج بيغير فحياته وايد...بتكون هالإنسانه قريبه منه...ويمكن تقدر تكسر الحواجز إللي بناها حواليه...منصور إللي المفروض يكون أقرب الناس له...ماقدر يجتاز هالحواجز... كان واقف فالحوش وعيونه على البنيان إللي بدأ بالظهور...أبتسم...إللي بيكون بيته...وماعنده أمل يسوي بيت غيره...لأنه مب ناوي يخالف رأي أبوه...وهو بعد ماعنده نيه يطلع برع ويسوي بيت بروحه...بعدين شو يبى بيت ثاني وهالفيلة الصغيره إللي تنبنى في حوش بيتهم الكبير بتكفيه... بوحمدان: هاااا أظهر أنتبه محمد لأبوه: هيه بنوصل بوظبي على أذان المغرب إن شاء الله بوحمدان: خوك مابيروح ويانا!! محمد"الله يسامحني على هالجذبه": لا مايروم يروح رأسه يعوره بوحمدان يطالعه بنص عين: ماحيده فيه شي على الغدا محمد: جنه إلا عقب الغدا عوره بوحمدان: خوانك مامنهم فايده...يالله مشى جدامي وصلوا بوظبي وأذان المغرب يأذن...ودخلوا على طول ميلس بوجابر...من ميزت مليس بوجابر إنه مايفضى من العرب...إللي داخل وإللي طالع...وإذا بوجابر هب موجود...عياله مكانه... جابر بعد ماوايه بوحمدان...ألتفت صوب محمد وهو يبتسم: هلا والله بالنسيب...شحالك ياريال؟؟؟ووينك محد يشوفك محمد: يسرك حالي...ههههههه شو تبى تشوفني كل يوم...ماعندي أنا شغله غيركم جابر: هههههههههههه لازم مايكون عندك شغله غيرنا...شخبار الدوام محمد: يالله ممشين الحال بوحمدان بعد مايلس: عيل وين أبوك جابر: دخل يتيدد بعد ماظهر بوجابر طلعوا رباعه صوب المسيد يصلوا المغرب...كانت علاقة هالعايلتين وايد قويه...وبوحمدان يعرف بوجابر من سنين...وحتى يوم قرر يودر العين ويستقر هو وعايلته في بوظبي طلب من بوجابر يدور له بيت...فأختارله بيت عدال بيته...فتوثقت العلاقة أكثر ممبينهم...وبالذات الشباب إللي صاروا من أعز الربع...ومحمد إللي تعود الإنعزال...عيال بوجابر هم ربعه الوحيدين... بعد صلاة المغرب وبالتحديد في الطابق الأول كانت واقفه وشيلة الصلاة بعدها على رأسها عدال الدرشيه والغرفة ظلام...لأنه لو فيه ضوء بتبين برع...كانت على أمل بأنها تشوفه... حدرت أختها الغرفة وطالعتها بخبث: شو زوج المستقبل مارد مصلي بعده أرتبكت زهره: بسم الله..."وبرعب شافتها وأيدها على فص الليت" لا هنوود دخيلج لا تفجيه هند: هههههههههههههه خايفه زهره: فضيحه لو شافوني واقفه عدال الدريشه أوايج...وبعدين وين بروح من لسان جابر هند بفضول: شفتيه؟ زهره: لا...لو شفته بتلقيني واقفه على الدريشه أتريا وصوله هند: هههههههه مسكين حالج ختيه...ظنج منصور وياه زهره: يمكن صالحه تحدر الغرفة بلهفه: جني سمعت حد ياااب طاري منصور...وليش الغرفة ظلام زهره بندت الستاره: فجي الليت صالحة بعد مافجت الليت: هااااا ليش ترمسن عن منصور...شو فيه هند: تره محمد وأبوه اليوم بيتعشوا عندنا...فكنت اسألها إذا منصور وياهم صالحة: ليته وياهم...خاطريه أشووفه زهره: والله خايفه عليج صالحة: ليش زهره: تحبي إنسان ماشافج إلا مره وحده...وحتى ماعطاج ويه من الأساس صالحة بضيج: مب ماعطاني ويه...كان مستحي زهره: لا وأنتي الصادقه كان منصدم من تصرفج الجرئ صالحة: لأنج مايربتي تحبي شراتي...وكل شي يا لعندج جاهز...دامني أحبه بسوي أي شي عسب يحس فيه هند ترفع جتوفها: بروح أجابل التلفزيون ولا أسمع هالرمسه...بعدني صغيرونه عليها زهره: ههههههههه أحسن شي تسويه صالحة يلست بحزن: أنا شو ناقصني مايباني زهره: أنا غناتي ماقلت إنه مايباج...بس تصرفج وياه وايد بايخ...والبنت الحشيم ماتسويه صالحة: عيل جى أنبهه لوجودي زهره: فيه طرق وايد غير هالتصرف البايخ... صالحة: هو ياي اليوم؟ زهره: والله ماأعرف صالحة نشت وبندت الليت...وراحت صوب الدريشه: تعالي شوفي"أقتربت منها زهره يوايجن من الدريشه" وصلوا...."بعد مالاحظت إنه مب بينهم بوزت" مايا زهره وعيونها على محمد إللي كانت ملامحه مب مبينه لين هناك: تصدقي ماقد شفتهم ويا بعض...خاطريه أشوفهم ويا بعض وشو الفروق إللي بينهم صالحة تتذكر ملامح منصور: منصور أحلى زهره حايسه بوزها: من ناحية؟ صالحة: كل شي...حتى من ناحية الشخصية ماسمعتي جابر هذاك اليوم يوم قال جيه زهره تبتسم: بس أنا يعيبني محمد وبس صالحة ترجع الستاره مكانها: الله يوفقكم ويجمعكم على خير زهره بصوت هامس: آآآآمين ....... نشت بسرعة من مكانها وهي تعدل شيلتها إللي كانت طايحه على جتوفها...وطالعته بستغراب قبل لا ترد عليه السلام "تفضل" هالكلمة الوحيده إللي قدرت تطلع منها... حمدان وهو يبتسم: دام فضلج...السموووحه على الأزعاج شكلي يت فوقت مب مناسب نورة: لا آفاااا عليك قرب البيت بيتك فأي وقت حمدان: وين نورة: بزقر أمايه ماقال أي شي ومن ظهرت يلس على القنفه ماخذ راحته وهو يبتسم... أما نورة من ظهرت من الصالة وهي تغلي..."جى يدخل جيه لا أحم ولا دستور...ومنوه دخله أصلا...ماعليها هالمسي براويها شغلها" وهي فطريقها للمطبخ شافت الباب العود مفتوح وسيارة حمدان واقفه جدامه... كانت مسي ووياهه بشكارة فاطمة يطبخن شي حق العشى... نورة بعصبيه: ليش الباب الكبير مفتوح مسي برتباك: ماما أنا يروه عق زباله بعدين هاد رجال ولد عم أنتي يجي ويدخل أنا يقول ويت شوي بس هو يقول مافيه مشكل لو هو يدخل نورة: أخر مره...تسمعيني أخر مره أدخلين حد جيه من دون ماتخبريني مسي: أوووكى نورة: عيل وين أمايه مسي: في قرفه مالها نورة: المهم حطي الفواله في الصالة وعلشان تتفادى تمر عدال الصالة ويشوفها لأنه باب الصاله مفتوح راحت من الباب إللي ورى...ويوم حدرت غرفة أمها لقتها يالسه أدخن ثيابها: أمايه حمدان فالصالة أم نورة: بيي...روحي فديتج يلس عنده لين ماأيي بضيج ردت الصالة مره ثانية...ماكانت تبى تيلس وياه...طول هالأسبوعين إللي مرن وحمدان تقريبا أييهم مرتين أو ثلاث مرات في الأسبوع...رغم إنه لين الحين ماشافت منه شي غلط...بس إحساسها ينذرها بشي...وأنه تصرف حمدان مب لوجه الله...وأكيد وراه شي جايد... حمدان: متى بتاخذي إجازتج السنويه نورة: يمكن شهر ثمانيه حمدان: أخر الناس نورة: أحسن حمدان: عرس محمد بدأيت شهر سته نورة تبتسم: الله يوفقه حمدان: كم عمرج نورة الحين نورة أستغربت من هالسؤال: أربعه وعشرين ليش؟ حمدان: لا بس مستغرب ليش لين الحين ماتيوزتي نورة أطالع مسي إللي دخلت الفواله: نصيب حمدان بتفكير: مع إنج فسن مناسب للزواج وتكوين أسره...بعدين ماشاء الله مايعيبج شي "وطالعها بنظره" نورة وقفت من حدرت أمها الصالة: استأذن ... أنقهر حمدان من هالتصرف...كان حاس فيها إنها يالسه وياه غصبا عنها...وأسلوبها المتحفظ في الكلام بردودها المختصره يدل على هالشي... تم يسولف ويا أم نورة إللي بدت ترتاح له وتعتبره أحسن من خوانه إللي ماشافتهم غير مرتين من يوا العين...وهذي نقطه تنحسب له... أما نورة من ظهرت من الصاله وهي حالتها حاله...فالبدأيه تحسبت إهتمام حمدان فيهم وزياراته المتكرره بهدف إصلاح العلاقات إللي بين العايلتين إللي بسبته أنقطعت...ومرات قالت يمكن يبى يستعيد فاطمة...بس اليوم بين لها العكس...وحمدان قاصدنها هي... مرت عدال غرفة فاطمة وسمعت حشرت منى وفاطمة وشكلها يالسه تلاعب بنتها...أكثر شي ريح الجميع حالة فاطمة إللي تحسنت وايد عن قبل...ويحاولن قدر المستطاع مايبن طاري المرحوم...لأنه طاريه يغير مزاجها ويخليها مهمومه ومتكدره... دخلت غرفتها وهي تشعر بصداع فضيع...معقوله يفكر فيها هي بعد ماكان يبى فاطمة!!هل كان يحبها؟؟!!ولا مجرد كان يبى يتزوج بنت عمه لا غير؟؟!! كل هالاسئلة أدور فرأس نورة...بس هي تحب أحمد..."هيه أحب أحمد...وماأتصور مصيري يكون نفس مصير فاطمة"...بحكم مجتمعنا المحافظ ماقدرت فاطمة أدافع عن هالحب...وأستسلمت من أول معركة... مشت صوب موبايلها إللي حاطنه على الكمدينو...أتصلت على أول شخص يخطر لها تتصلبها وهي جيه حالتها...: السلام عليكم سلوى: هلا والله...وعليكم السلام والرحمه نورة تيلس: شحالج سلوى: يسرج حالي..."تغير صوتها" وأنتي؟! نورة: عايشه سلوى: كلنا عايشين...نوار شو فيج...حسج مب طبيعي...أكيد فيج شي نورة: شكلج برع البيت سلوى: هيه فالمبزره...أنا وبونايع ونايع تعشينا والحين رايح يمشي هو وولده وأنا تحيديني ماروم وأستحي أمشي وياهم بكرشتي...فمتجابلين أنا والبشكاره في الخيمه نورة تبتسم: فديتج ماشي أحسن من المشي حق الحامل سلوى: هههههههه إللي يسمعج ترمسين عن خبره نورة: ههههههههههههه هذي معلومه مايبالها خبره الكل يعرفها سلوى: تعرفي شي...يوم أربي أباج تنتقلين قسمنا...حليلهن بيكون عليهن ضغط من الشغل نورة: لا والله...شو لعبه أنا عندكم كل يوم منقليني قسم سلوى: علشااااااان تفتكي من ويوه بعض الناس نورة: ومنوووه قالج إني أبى أفتك من ويوهم سلوى: الله الله أسمع تطور...أقين بليييز نورة: جب أنزين...ماتنعطين ويه سلوى: انزين نرجع لموضوعنا...شو فيج...شي مضايجنج نورة: حمدان سلوى: حمدان!!!منوووه هذا بعد نورة: ولد عمي سلوى: شو فيه؟ نورة: هب عارفه شو أقولج سلوى: قولي إللي فخاطرج غناتي...فضفضي نورة: أحسه حاط عينه علي سلوى: شوووووو نعم نعم من وين يا هذا بعد...لازم يخرب يعني نورة: شو يخرب!! سلوى: ماأعرف ليش قصص الحب لازم يطلع حد ويخرب نورة: ههههههه لا والله شو فيلم هندي وأنا ماأعرف سلوى: لا والله صدق...مب هذا إللي خطب فطووم من قبل نورة: هو سلوى: وجي يباج أنتي الحين نورة: مب متأكده...بس أحساس سلوى: ياختي هالثور لازم يتحرك...شو يتريا لين ماتتزوجي نورة وأونها ماتعرف: منوووه تقصدي سلوى: أونج عاد ماتعرفي...بوشهاب منووه غيره نورة بهباله: منووه بوشهاب سلوى: نوير تراه ماحب الأستهبال...تعرفي زين إن أقصد أحمد نورة: وايد واثقه أنتي سلوى: ياحبيبة ألبي الكل يلاحظ...حتى الأعمى بيلاحظ إنه أحمد يموت فيج...الريال شارنج يابنت الناس نورة: والله خايفه سلوى: من شووو خايفه...أنتي أتكلي على الله ووافقي عليه...والله هالريال ينشرى بالفلوس...ريال والنعم فيه...إلا شوي خريش نورة: هب المشكله أحمد...المشكلة حمدان إللي طلعلي الحين...تصدقي إنه كل يوم تقريبا فبيتنا...حتى يياته صارت مبالغ فيها ومالها لازمه سلوى: خلج واثقه من نفسج...رديتي قبله مب رايمه ترديه هو نورة سمعت مزاعج نايع: شو وصلوا سلوى: هههههههه وصلوا يابوج...أسمنهم حشره وطفره بونايع يزخها من خدها: منوووه الطفره سلوى: ههههههههههههه أي أي خلاص أنا الطفره أنا أنا بونايع: ههههههههههه هيه أباج جيه نورة: هههههههههههههههههههه حليلج أنتي بروحج فهالمجتمع الرجالي سلوى: ولا يهمج...هو إلا ثلاث شهور وبتكون عندي مساند ضد هالسفاحين بونايع يمسح على لحيته ويضحك: ماعليه...دواج بعدين سلوى: نوار غناتي بخليج الحين...نشلل قشارنا بنروح البيت نورة: أوكى حبيبتي أشوفج باجر...بوسيلي نايع سلوى: ههههههه سكتي الله يخليج...اليوم من وصلنا لقينا شبيبه مرتبشين وأيولوا وعاد العوق عند نايع...ولدي نزلن زيرانه إلا يروح ويول وياهم نورة: فديته أنا...خاطريه أشوفه أيول سلوى: ماعليه...بيول إن شاء الله فليلة عرسج نورة "إن شاء الله": يالله الغلا تصبحين على خير سلوى: وأنتي من هل الخير بندت نورة عن سلوى وحست براحه شوي...وتغير مزاجها المتكدر شوي...نشت تشوف من الدريشه إذا سيارته موجوده...وفعلا مالقتها عدال الباب...فعلى طول ظهرت من غرفتها ونزلت تحت عند أمها إللي مايلست وايها وايد اليوم... ........ في الدوام وفي فترة الريوق كانت يالسه نورة وسلوى وسميحه وساره يتريقنا...إلا الريم إللي ماخذه إجازه...مب لأنها تعبانه أو بسبت المشكله إللي صارت ويا طليقها...هالإجازه إجازة زواج...بعد المشاده إللي صارت بينها وبين طليقها والمحاكم...قربهم من بعض...وطليقها فالأساس يحبها وماكان راضي عن هالطلاق إللي حدث بطلب منها...فيوم الخميس من هالأسبوع بيكون زواجها وعزمت معظم ربيعاتها سواء إللي من الدوام وغيرهن...صح حفله صغيره...بس الريم عادتها تحب التباهي وتكون محط الأنظار... سلوى: بتروحي "توجه رمستها لنورة" نورة: والله ماأعرف...إذا بتروح وياي أمايه بروح سلوى أطالع بطنها بيأس: ماأعرف شو ألبس...مافيه شي مناسب ويا هالكرش ساره تبتسم: بالعكس أحس أي شي عليج بيطلع حلوو سلوى: بتروحي ساره بتردد: لا ماظن...هلي مايخلوني أروح عروس ناس مب من الأهل سلوى: بس هذا مب عرس بالمعنى الأصح...حفله صغيرونه ساره: لا والله ماأقدر...ياريت سميحه تأكل: يابت ياساره من فين أشتريتي دى الفول ساره: هههه عجبج سميحه: دى طعم بشكل ممممممم ... نورة ماتكليش ليه والله عجييييب نورة: لا سمحيلي مافيني أسطل الدوام توه فأوله سلوى تحرك رأسها وهي حايسه بوزها: عافاااانا الله...نحن عن شو نرمس وهي عن شو...أنتي مابتروحي سميحه: مابروحشي ليييييه...دى الريم عزماني أنا أول وحده...وأنا أول وحده هكون هناك...هو العورس فييين؟ سلوى: فبيتهم سميحه: أخس وأنا كنت بفكره فالفندو سلوى: حفلة صغيرونه شو يبوا يسووه ففندق... قامت نورة وهي تلبس نقابها: صدج إنه ماعندنا سالفه...بنات أعتقد إنا فالدوام بس من السوالف إللي لا تيب ولا تودي ساره: هيه والله سلوى: صح سارونه بسألج شو يقرب لج الأستاذ فالح نورة: أين فضووولي...وين منخش"وهي تأشر على سلوى" هذا هو فضولي...وأنتي شدخلج يالفضوليه سلوى: بس بغيت أعرف مافيها شي...لأنه الأستاذ فالح مكثر يياته هنيه ساره: هههههههه لا فديتج عادي...ماعندي شي أخبيه...الأستاااااااذ فالح عمي خو أبويه سلوى منصدمه: حلفي!! ساره: هههههه والله شو الغريبه فالموضوع سلوى تعض على شفايفها: بصراحة صدمتيني...خلاص عيل بنحاسب فكلامنا ساره تبتسم: جى أنتوا دوم تحشوا فعميه نورة تفتح الباب بتظهر: أنا مايخصني...هذي أم نايع محد سالم من لسانها سلوى: ماعليه نورووه أنا إللي محد سالم من لساني يصير خير راحت عنهن نورة وهي تضحك على سلوى...ودخلت قسمهم شافت عماد يالس ويا أحمد ومن شافوها سكتوا... نورة: السلام عليكم أحمد+عماد: وعليكم السلام وتموا ساكتين...أحمد يكتب شي...وعماد شال ملف ويالس يقرأه...أستغربت نورة منهم...شو سالفتهم صخوا على طول من حدرت المكتب... نورة: أظهر؟! أحمد رفع رأسه يطالعها: شو؟ نورة: أظهر علشان تاخذوا راحتكم فالكلام أحمد: لا أستريحي مكانج... نحن يالسين نشتغل مب داقين سوالف نورة طالعتهم بتشكك بعدين راحت ويلست على مكتبها... عماد: وينى آنسه سميحه نورة: وشو بدك فيها عماد يبتسم: أيييه وطلعتي تعرفي شامي نورة: مب من صعوبتها رمستكم أحمد: أحم عماد أعتقد عندك شغل ولا أنا غلطان عماد: أيه صح ذكرتني...لازم روح الجيمي أبتسم أحمد بخبث ورد يكتب إللي كان مشغول فيه... بعد ماظهر عماد: يعني مابتخبرني شو إسمك أحمد من دون مايرفع عيونه والإبتسامه على شفايفه: يوم ماعرفتيني بروحج...أسف هذا يبين إنج ماتعرفي أي شي فالشعر نورة تلعب بالقلم بضيج: مب جنك تهيني أحمد: آفاااا أنا أهينج شيختي...لا عشت ولا كنت...بس هذي الحقيقة ماتعرفي فالشعر طنشته نورة وبعصبيه خذت واحد من الملفات وتمت تشتغل فيه...وأحمد يضحك بصوت منخفض ورد يكمل شغله...الحين الأسبوع الثالث من أنكسر...والجبس غيروه أخف من القبلي...وبالنسبه لأحاسيسه تغيرت...صار وجود نورة فنفس المكان إللي يكون هو موجود فيه سبب للهدو والسكينه فنفسه وراحه مابعدها راحه...يكفي وجودها في المكان علشان يحس بهالشعور...خطرت على باله القصيده إللي نزلها الأسبوع إللي طاف...وتمنى إنها تعرفه وتفهم إنه يعنيها هي بهالقصيده...بس للأسف أكتشف إنها خقه على الفاضي ولا تعرف في الشعر شي...يمكن تقرأ بس قرأه من دون فهم... نورة: نعم...أنا نورة...منوه؟ أنتبه أحمد بأنها ترمس حد فالتلفون... نورة وشكلها معقده حياتها: شوووو؟؟"صخت شوي"صدج إنك ماعندك سالفة ولا تستحى على ويهك "وبندت التلفون وشكلها معصبه" أحمد: منوووه؟! نورة ماألتفتت صوبه وخذت القلم وردت تخلص معامله: ربيعك إللي ماعنده سالفة أحمد معقد حياته: ربيعي! نورة: مــــــــــطـــــــر أحمد صدج حس الدم يغلي فعروقه...: وشو يبى هذا بعد نورة: كالعاده كلامه الوسخ إللي شرات ويهه أحمد وقف بعصبيه: جى كم مره أتصل غير هالمره نورة: دوم يتصل أحمد بصوت منخفض يسب... نورة: شووو؟! أحمد: لا ولا شي...اهتمي بشغلج طالع ريله باحتقار...من أنكسر وهو مب رايم يسوي أي شي...من الدوم للبيت ومن البيت للدوام...والإجازات فبوظبي...ونسى سالفة مطر...هو يعرف مطر زين...النذاله تجري فدمه...ونورة فشلته وماسوتله سالفة فمستحيل يودرها..."بس ماعليه يامطور دواك عندي يالنذل هالمره زودتها وايد" ........ فالعين مول فوق من وين المطاعم يالس ومجابلتنه وعيونها على فنجان القهوه إللي جدامها...وهو يتأمل فملامحها الجميلة...كانت مستحيه بشكل...أول مره يطلعوا ويا بعض...ولأنهم أول مره يظهروا ويا بعض الكلام معدوم...وهو بعد رغم إنه كبير مب من صغره...مب قادر يعبر أو حتى يقول جملة على بعضها... عماد: تتعشى نادين تهز رأسها وشعرها الأشقر المموج يتحرك حوالين ويها: لا مابدي عماد: بس مايصير ماتتعشى نادين أطالع ساعتها: تأخرت عماد يبتسم: بس الماما بتعرف إنك بدك تتأخري شوي...لأني عازمنك على عشى نادين: مره تانيه عماد: شو مره تانيه...نادين أنا هسى خطيبك...مو شخص غريب نادين ترفع عيونها: أعرف عماد: أيه...شو بكي من جلسنا ساكته"مكشخ ضروسه" بتستحي مني نادين تبتسم: لاه مو هيك...بس أنا أول مره بطلع مع شاب عماد: بس أنا مو متل كل شاب...أنا خطيبك...وأريب بكون جوزك نادين: بعرف هالشي...بس هي مسألة تعود عماد: صدأيني أريب بدي خليكي تتعودي علي...أنا عمااااد مو حيالله نادين: ههههههههههه عماد: وليه على هالضحكه...أييه هك بدي ياك دايما...أضحكي...هسى أوليلي شو بدك ياني عشيكي... نادين: على زوأك عماد: خلاص على زوأي على زوأي نادين عكس عماد...أنولدت فالإمارات...وتعتبر نفسها إماراتية...وبلدها الأم سوريا ماتروح لها إلا في الإجازات...أما عماد يا الإمارات من 9 سنين...وطبعا من دون مايرافقه حد من هله...بما إنه كبير ويقدر يعتمد على نفسه...وتعرفوا على بعض من كثر ماكان يتردد على مستشفى الجيمي مكان شغل نادين...فتحدد عرسهم بعد شهر تقريبا...والشاميين مب شراتنا يبالهم فترة طويله حق الزاهاب وغيره...أهم شي من يتأثث البيت العرس مب مهم فأي وقت...وكان تحديد عرس عماد ونادين بتوقيت يكون مناسب لحضور أهل عماد من سوريا علشان يحضروا العرس...وبتكون فترة بدأيت الإجازه الصيفيه... كانوا يتعشوا يوم شاف شباب يعرفهم...فنفسه تضايج...وحاول قدر المستطاع مايلتفت صوبهم ومعظم وقته يطالع الأكل أو تحت...هالشباب مطر وربعه...هو من يوم عرفه أحمد عليهم وهو مب مرتاح لهم...وبالذات مطر وخليفة...هالأثنين من نفس الطينه...حياتهم صياعه فصياعه...ومطر لأنه هله ناس واصلين دومه يطلع مثل الشعره من العجين...رغم مشاكله ودوم الشرطة تزخه...بس فيتامين "و" ينجيه دوم من أفعاله...وعماد يعرف بسالفة مطر ويا نورة...وإنه أحمد واصل حده...ويخافه يروح يسوي شي يندم عليه بعدين...فدوم يحاول يعقله ويهديه... رجعت خصله من شعرها ورى أذنها: شو باااك ماتأكل عماد من دون مايرفع رأسه لأنه سمع أصواتهم قريبه منه: بأكل حست نادين إنه يحاول يخبي نفسه عن هالأشخاص إللي مروا عداله...وبصوت منخفض: بتعرفهم؟! عماد: أيه نادين: شكلون مايطمن عماد: لهالسبب مابدي يلاحظوني نادين تبتسم: عماااد بتخاف من هم عماد: ههههههه لا شو خاف منهم...بس أنا جالس مع خطيبتي مابدي إزعاجات...وهديلا مزعجين بشكل ماتتصوريه نادين: أيييه بلاحظ هالشي ........ يلس وفأيده سيجاره كالعاده...اليوم بكندوره زعفرانيه وغتره نفس اللون ونعال نفس اللون...وعلى شفايفه أبتسامه ساخره... مطر: إذا وحده أهنتك...شو بتسوى خليفة: إهانه من أي نوع؟! مطر: يعني خلتك ماتسوى شي جدام الناس خليفة: ههههههههههه منوه هذي بعد إللي خلتك ماتسوى شي مطر: تخسى...لا كانت ولا أستوت بعدها إللي تهيني خليفة: عيل ليش تسأل هالسؤال مطر: المهم شخبار خوك خليفة: شخباره بعد...تراه مسجون مطر: وربيعه؟ خليفة: تنازل...فتخفف الحكم عليه ست شهور مطر: خله يتأدب خليفة حاس بوزه ماعيبته رمسة مطر: هيه صح مطر: يأشر بعيونه وهو يبتسم بخبث: تعرف هذاك إللي عاطنا ظهره خليفة يدور بعيونه: وين مطر: إللي عنده الشقرا خليفة: الزلمه مطر: هيه…عرفته خليفة: تحيدني أعرف زلمات…أنا مبوني ماأدانيهم مطر: هذا طال عمرك أعز ربع بوشهاب خليفة رد يطالع صوب الريال وهو معقد حياته: عماد!! مطر: شكله طالع يتعشى هو وحبيبته خليفة: ههههههههههههه الله ياخذه حلوووه وايد عليه مطر: ياخي حظ خليفة: انزين شو سالفتك أنت وبوشهاب؟! مطر: مامن سالفه…شسالفتنا بعد خليفة: ممبينكم شي الكل ملاحظ مطر: تحيدني ماأزعل من حد...وبوشهاب ربيعي حتى أكثر عنك...ولو زعلان مثلاً مع إني ماأعرف ليش زعلان...إلا بيرد وبيرضى...ههههههههه وأنا قلبي طيب ماأشل على حد خليفة: أم أمركم غريب...أحمد من أنييب طاريك يطلعن شياطينه مطر بعدم إهتمام: هو حر .... "عين الظبي" قالتها من دون ماترفع رأسها عن إللي يالسه تقرأه أحمد أنصدم ورفع رأسه يطالعها: شووو؟! نورة: لا بس كنت مستغربه منه أحمد: ليش شو فيه؟ نورة: هالشاعر أتابع قصايده من سنة تقريبا...وايد أسلوبه راقي وحلوو...شموووخ وعزة نفس...بس الحين وايد تغيير أحمد: ليش...شو تغيير فيه نورة: أعرف بتقول ماأعرف شي في الشعر...بس هذا على حسب رأيي البسيط...عين الظبي كان شعره قوي...أكثره إجتماعي...بس الحين قام يكتب في الغزل...بصراحة مب لين هناك... أحمد حايس بوزه: يعني مايعرف يكتب فالغزل نورة وشكلها تضحك: ولا يخصه...ماعنده أسلوب فالغزل...عكس شعره فالإجتماعي والمحاوره أحمد: ههههههههههههه وأنا إللي تحريتج ماتعرفي شي فالشعر...طلعتي شي والله نورة: صح ماأكتب شعر...بس عندي خلفيه لا بأس فيها أحمد: هههههههههه انزين يابويه دسي الجريده عن يقولوا يالسين يتناقشوا فالشعر ومودرين الشغل نورة: ماشي شغل!! أحمد: هيه صح ماشي شغل..."وهو يأشر للمعاملات إللي على مكتبها" عيل شو هذا إللي جدامج مجلات!! صدق صدمته يوم نطقت بـ عين الظبي...لأنه إسمه المستعار...وحس إنها تقصده هو بالرمسه إللي قالتها..."هذا رأيها بالقصايد إللي كتبتها علشانها...أنا ماأعرف أكتب فالغزل!!!" " أحمد" قالتها بستغراب وفأيدها سماعة التلفون " الأستاذ فالح يباك أحمد أنتبه: الأستاذ فااالح! نورة تكرر: يباااااك أحمد قام: شو يباني هذا بعد بعد ماظهر أحمد ضحكت نورة بصوت واطي...كانت عارفه إنه هو...واليوم تأكدت من هالشي من ملامح ويهه إللي تغيرت من قالت عين الظبي...هي مب غبيه لهدرجة ماتعرفه...بس حاولة تقول رأيها فيه على أساس إنها ماتعرفه...وهو فعلا مايعرف يكتب شعر غزل...مب قوي شرات شعره الإجتماعي إللي تعودت عليه...وهي متأكده إنه كل إللي كان يتابع هالشاعر لاحظ الضعف فقصايده الأخيره... سميحه: نورة نورة تنتبه: هااا؟ سميحه: حبيبي تأدري تموري عليه بكره وأنتي رايحه حفلة الريم نورة معقده حياتها: أمر عليج!!! سميحه: أه تمري عليه...أصلي بستحي أجي بتاكسي نورة: وسيارتج؟! سميحه تحرك شفايفها شرق وغرب: هو مخبرتكيش إنها فالكراج نورة: آفااااا يحليلها شو فيها... سميحه: هو أنتي بتتمسخري...المهم هتمري عليه ولا أيييه نورة: سميحه حبيتي بصراحة ماأقدر...أولا أنا أسكن فالشرق وأنتي فالغرب...يعني بروحها مسافه...أصلا أمايه مابتخليني أروح أييبج سميحه وأونها زعلانه: الله يسامحك...وأنا كنت معتمده عليكي نورة: أسفه والله...يبالي أظهر من البيت من العصر عسب أروح منطقتكم وبعدين أرد وبعد الحفلة أكيد بتقولي أردج سميحه: خلاص خلاص مش عوزه منك حاجه وراحت تيلس فمكتبها...نورة: والله أسفه...بس صدج ماأقدر سميحه: خلاص ملهوش لزمه...هجي فتاكسي نورة: زعلتي؟! سميحه: وهزعل لييه نورة: سمحمح والله مازعلتي سميحه: هههههههه خلاص واللهِ مزعلتش نورة: فديتج أنا...أحيدج تزعلي من كل الناس إلا أنا... سميحه: هههههههه وسأه من نفسك أوي نورة: أعرف غلاتي عندج دخل أحمد المكتب وفأيده ورقه وشكله متضايج...: من الأسبوع الياي ببدأ كورس فالكلية نورة: كورس!! أحمد: هيه أنا والموظفه اليديده...شو قلتوا إسمها؟ نورة وهي تحس بغيره فنفسها: ساره أحمد: هي نورة: كم مدة الدورة؟ أحمد: أسبوعين سميحه: والله دى الدنيا حظوظ...إللي عاوز الحاجه مايحصلهاش... أحمد: هههههه تروحي بدالي...والله ماأريد هالكورس سميحه: مشكووور أوي أستاذ أحمد...أنا مش عوزه فضلة حد أحمد: ههههههههههههههاي أونج عاد ..... "أنت مينون ولا شو!!" قالها بو حمدان بعصبيه حمدان: أبويه هدي أعصابك...أنا ماقلت شي يستحق كل هالعصبيه بوحمدان: لا سلامتك ماقلت شي أم حمدان: شو قال غلط الله يهديك يابوحمدان...الولد يبى بنت عمه بوحمدان: بن عروه إللي بأيوزك نورة حمدان: آفاااا وأنا قلت بتوقف وياي وأنت أول واحد بتشور بهالشور بوحمدان: خسه الله من شور..."وهو ينش من مكانه" بقوم أظهر أبرك لي من مجابلة هالويوه حمدان يلحق أبوه: انزين شو العيب في إللي قلته بوحمدان: العيب إنك قمت تلعب علينا..أول تبى فاطمة والحين تبى نورة...شو السالفة لعبه عندك حمدان: بس الحين أنا أبى نورة صدق... بوحمدان يدزه: قم قم عني ظهر بوحمدان من البيت وهو واصل حده من حمدان... أما حمدان حدر البيت وبند الباب بعصبيه...: والله يأنه محد بياخذها غيري أم حمدان: فديتك صدقه أبوك...مره تبى فطييم...والحينه تقول تبى نورة...ماعرفنالك...بس ماعليك أنا بتفاهم وياه حمدان: تفاهمي وياه...ولا أنا بتصرف سواء رضى ولا لاء أم حمدان: لا فديت روحك...هذا مهما يكون أبوك...أنا بتفاهم وياه وبيوافج إن شاء الله حمدان: أتمنى هالشي ودر أمه وراح صوب غرفته...ماكان متوقع هالمعارضه من أبوه...كان متوقع هو إللي بيسانده...فاطمة كانت فنظره صورة جميله...كبريائه رفض إنها تفضل أخوه الأصغر عنه...وهو يباها...بس الحين كل تفكيره تغيير واستسخف رغبته بالزواج من فاطمة...لأنها مجرد صوره جميله...ضعيفة الشخصية وأرائها مهزوزه...عكس أختها إللي مالاحظ شخصيتها إلا الحين..."نورة الوحيده إللي تناسبني" ..... " أشوفك وين يامهاجر...قلي بأي بلد صاير..قلي بأي بلد صاير...أشوفك وين يامهاجر...فراقك مو سهل عندي...ولاهي أزمه وتعدي...تعال وطيب الخاطر...أشوفك وين يامهاجر...فراقك علة العله...عقل بالرأس ماخلى... فراقك علة العله...عقل بالرأس ماخلى...يوم لهاجرت والله..أنفطر قلبي وصرت شاعر" يالس فسيارته الموقفه جدام البيت...وفاتح الآف آم...وأفكار تيبه وتوديه...شاف حمدان وهو ظاهر من البيت من ربع ساعة بس ماأنتبه إنه حد فالسياره...سمع الحوار إللي دار بين أبوه وحمدان...صح تضايج...بس ماأنصدم أبداً...لأنه خلاص تعود على أخوه...ويعرفه زين...إنسان مايهمه فهالدنيا أي حد إلا نفسه..."شغل سيارته" هل بيكون حمدان هو السبب في قطيعه ثانية؟! كان يمشي بسيارته من دون هدف فشوارع الحاره...دخل الشارع إللي فيه بيت عمه...وبإحساس غريب شعر فيه ماحس بنفسه إلا موقف سيارته جدام بابهم..." حاط أيده على الباب وعلى ويهه إبتسامه...كان توه راد لاعب كورة وملابس الرياضه ماغيرهن...يطالعها وهي ميوده الباب بقوه: قلت مابتدخل...أنت ماتفهم منصور: ههههههه يادبه والله ماباكلج فاطمة: تعال بعدين منصور: أنزين بس فالحوش مابدخل داخل فاطمة: لا والله مابى قلت مابى...جى حتى حرام تحدر البيت وأنا بروحي منصور: أمممممممم انزين أبى ماي فاطمة تحاول تبند الباب: انزين بيب لك ماي منصور: آفااااا وتبندي على ويهي الباب فاطمة: ههههههه هيه ببند على ويهك...مامنك أمان أروح أنا منيه وتدخل أنت منيه منصور: آفااا يافطامي آفااا يابنت العم ماتأمنين لي فاطمة تفتر عنه: كيتي هاتي غرشة ماي منصور يتأمل ملامحها: تعرفي شي فاطمة ترد أطالعه: شو منصور من دون مايبتسم: تعرفي إنج أحلى من ملكة جمال لبنان فاطمة حمرن خدودها: والله منصور: والله العظيم...فنظري أنتي أحلى بنت فالكون...بس فاطمة: بس؟! منصور: خليني أدخل والله فضيحه واقف على الباب جني شحات فاطمة: هههههههههه لا تحاول"خذت غرشة الماي من كيتي" أندوك...فيه أوامر ثانية منصور: مشكووووره فطيييم أيي منج أكثر...بس مردوده" أنتبه لنفسه بعده واقف جدام بابهم...بند سيارته ونزل...فضيحه يوصل لين بيتهم وماينزل يسلم...دق الجرس وبعد دقيقه تقريبا سمع صوت بشكارتهم... مسي: مييييييين؟ منصور: منصور فتحت الباب شوي ومن شافته عرفته: تفزل مشت جدامه لين ماوصلته الميلس: ويت شوي بيروح نادي ماما كبير كل شي نفس ماهو...إلا الأثاث الشي الوحيد المتغير من هالبيت...هالبيت إللي له فكل ركن من أركانه ذكرى...ذكرى بذل المستحيل علشان ينساها...وهو يطالع صورة كبيرة للشيخ زايد...حس بأنه حد يراقبه فالتفت بسرعة صوب الباب...شاف ويها الصغير البرئ...وقصه من شعرها الأسود الفاحم تغطي حياتها...كانت أطالعه بندهاش... أبتسم على شكلها الملطخ بالشوكولاته...شفايفها البنيه الغامجه ونفس هاللون على خدها الوردي...وفأيدها قطعه شوكولاته... منى: تليد "تمد أيدها إللي فيها قطعة الشوكولاته" حواوه منصور وهو ميت على شكلها: هيه أريد...تعالي " يمد أيده" منى بتردد تحدر الميلس...كانت لابسه فانيله بيضى متوسخه بالشوكولاته: منووو أنت منصور ينش من مكانه ويتجه صوبها: منصور...وأنتي شو إسمج؟ منى أول ماأقترب منها نزلت رأسها وأونها مستحيه: منوووه منصور شلها وماأهتم ليديها الوسخه إللي وسخة كندورته البيضى: فديتها أنا...إسمج منوووه منى من دون ماتنطق بحرف تهز رأسها بخجل علامة الموافقه... عرف على طول بأنها بنت فاطمة...لأنها نسخه مصغره من أمها...كان شعوره فوق الوصف...يلس على القنفه وهي فثبانه وتم يتأملها...أما هي رفعت أيدها الصغيره صوب حلجه تعطيه من شوكولاتتها... أم نورة تحدر الميلس: يالفضيحه...منوووه شو تسوين هنيه أنتبه منصور لعمته...فقام وهو شال منى...بعد ماسلم عليها: شحالج عموووه أم نورة تبتسم: بخير طاب حالك ولديه..وأنت شحالك وشعلومك.."تمد أيديها بتشل منى عنه" هاااتها عنك منصور: الحمد لله بنعمه...لا دخيييلج خليها أم نورة: ههههههههه قبل شوف كندورتك جى غدت من الحلاوه منصور: هههههههههههه برايها .. أم نورة: يابوك هالبنيه مطفرتبنا كل شوي منخشه فمكان منصور يلعب بشعرها: فديتها والله...كم عمرها أم نورة: سنتين ..."وتوجه رمستها لمنى" منووه شو سويتي فكندورة عمييه منى تاكل أخر قطعه: عمييه!! أم نورة: هيه عمييه منصور منى بتفكير وتكرر الإسم اليديد: منشووور منصور: ههههههههه منشوور عاد...مب جنج وايد خربتي الإسم فهالحظه حدرت الميلس مسي ووراها سوزن يدخلن الفواله... أم نورة: يابوج شلي هالبنت سوزن: مووونا شو هذا وسك "شلت منى عن منصور" هذا بنت واجد مشكل أم نورة: روحي بدلي ثيابها وزقري نورة...خليها تجي هنيه ظهرن ووياهن منى وبعد عشر دقايق حدرت نورة الميلس...ماعرف ليش حس بغربه بعد ماظهرت منى...بوجودها حس نفسه وكأنه يعرفها من زمان...وكأنه عاش كل مراحل نموها...ألفه غريبه صارت بينه وبين بنت فاطمة...فاطمة إللي شاف ويها فويه هالصغيره...كان يحاول يتجاهل كل شي...حتى يتحاشى يسأل عنها وعن أحوالها...بس وبشكل ماتصوره سأل... منصور: شخبارها فاطمة نورة تبتسم: الحمد لله.....عايشه منصور: الحمد لله...سمعت إنها حامل!؟ أم نورة: هيه فديتك...واعليه عليها فنفس اليوم إللي طلعن نتايج الحمل توفى ريلها منصور نزل عيونه: الله يرحمه...والله يكون بعونها نورة+أم نورة: آمين أم نورة: وأنت ولديه شخبارك...ووين أداوم الحين منصور: أنا ومحمد نداوم فالسويحان نورة: وليش ماتحاولوا تحولوا هنيه منصور: تعودنا هناك...مافينا على التحويل نورة: مع إنه أقرب هنيه منصور: هيه...بس بعد صعب التغيير الساعة ثمان ونص ظهر من بيت عمه بعد محاولات منهن علشان يتعشى عندهن...ظهر وركب سيارته وتم ربع ساعة فيها من دون مايشغلها...ذكريات رجعت بعد محاولته الفاشله في دفنها...تأمل البيت كان ويه واحد يظهر ماثل جدامه...ويه فاطمة بنت الـ 16 سنة...أكيد تغيرات وايد...من بنت صغيره فسن المراهقة خالية البال...إلى حرمة أرملة أم لطفلة وطفل في الطريج...المسؤولية بحد ذاتها تغيير من الإنسان وايد... __________________ وسط أجواء موسيقى ورقص يلست نورة ويا ربيعاتها فالشغل على نفس الطاوله...وأمها يالسه فطاوله عدالها ويا حرمة تعرفها من زمان...كانت حفلة صغيره وفنفس الوقت فخمة...والريم نجمة الحفلة من دون منازع"لازم العروس" بس بفستان وردي طالع عليها جنان... أكثر شي صدم نورة خوات الريم...إللي عددهن سبع...وكلهن نسخه من الريم بأعمار سنيه مختلفه...ثنتين أكبر عن الريم وعندهن عيال...والأصغر وحده مالجه ووحده مخطوبه وثلاث بعدهن في المدارس...وعندها ست خوان...وأثنين من خوانها المتزوجين يعيشوا فنفس بيت العايله...وهذا بحد ذاته يخلي البيت مزدحم"الوالدين والأبناء والأحفاد" ورغم كبر هالعايله إلا أنها لاحظت عليهم الألفه والمحبه وعلى يد وحده..."شيء فقدته نورة من أنفصل بيت عمها عن بيتهم" سميحه: ياختيِ عليها...أيه دي الحلاوه كلها سلوى: الله يعينه هالريل ويثبت عقله...بتخبلبه نورة: هههههههههههه الله يوفقهم سميحه: عوبالي يااااااااارب سلوى: هههههههههههههههه متى بس...والله أتريا هاليوم بفارغ الصبر...إللي بشوفج أنتي وسي السيد يالسين على الكوشه...دى يوم المنى سميحه: من بوأك لباب السما ياااارب نورة: واايد مستعيله سميحه: وعوزاني أستنه أيه...أما أخرف أتجوز نورة: لا إن شاء الله بييج النصيب وبتتيوزي وبتيبي درزن عيال سميحه: لا ياحببتي أنا مش طماعه زيك...أنا واحد وأبوس أيدي وش وظهر أم نورة من الطاوله الثانية ترمس نورة: متى؟! " تستفسر متى بيروحن" نورة: فديتج جى بسج نشي بنروح أم نورة توقف: يالله أم حمد "توايه الحرمه" بنسير البيت أم حمد: وين الله يهداج مستعيله أم نورة: ههههه عشى وتعشينا وعروس وشفناها شو نتريا بعدنا أم حمد: مايلسنا وياج أم نورة: بيتي تحيدي مكانه...حياااج الله فأي وقت أم حمد: إن شاء الله بعد ماراحت نورة وأمها يت أم الريم صوب طاولتهن...الريم ماخذه من أمها ملامحها...إلا أن أمها تقريبا فالخمسين ونفس حجم الريم ثلاث مرات... أم الريم: أنتي سميحه؟ سميحه أنتبهت للهجة أم الريم: هو أنتي مصريه أم الريم تبتسم: أأأأه مصريه ومن شبره...بس الحين تقدري تقولي إماراتية...خبرتني الريم إنك من المنصوره أستانست سميحه بمعرفتها بأم الريم...رغم كبر سن أم الريم إلا أنها ويا البرقع طالعه حلووه وعليها هيبه... ..... الساعة تسع ونص وصلت سيارتها البيت ودخلتها الكراج...وهو فسيارته ميت غيض...بعد ماصلى المغرب يا بس البشكاره قالت له إنه محد فالبيت...وحاول وياها تخبره وين راحن بس ماشي فايده رفضت تخبره بشكل قطعي...والحين رادات!!بس وين كانن لحد هالوقت!!وليش هالخبله ماطاعت تخبرني وين راحن؟؟ كل هالتسؤولات أدور فرأس حمدان...كان فعلاً متضايج...أولاً من أبوه إللي معصب عليه ومايرمسه...وثانيا من نورة..."شكلي صرت مهووس فيها...لأنها صارت مسيطره على كل تفكيري...بس شو الطريقة إللي بقنع فيها الوالد ويوافق... فسيارة نورة ألتفتت أطالع أمها وهي معقده حياتها بعد مافجت النقاب: أميييه أم نورة كانت تفج حزام الأمان إللي متعوده تلبسه من تركب السيارة: شو نورة: شفتي الستيشن إللي أخر الشارع؟! أم نورة: شو فيها نورة: مب جنها سيارة حمدان أم نورة: وشو يسوي حمدان موقف سيارته هناك نورة بتشكك: شدراني فيه أم نورة وهي تفتح الباب: لا مب هو شو يوقفه هناك نزلت من السياره وشلت شنطتها...ومشت صوب باب الكراج توايج...ماقدرت تشوف رقم السياره بسبت الظلام... أم نورة: وابوي نوير شو تسوي نورة تضغط على الزر إللي يبند باب الكراج...وألتفتت لأمها وهي تبتسم: ولا شي فديتج بس فضول...تحريتها سيارة حمدان أم نورة: انزين يابوج فتحي هالباب بندخل... كان ويا سويج السياره مفتاحين...مفتاح باب البيت الرئيسي ومفتاح باب الكراج إللي يوصل بالبيت...وهن متعودات يقفلنه...لأنه باب الكراج يكون مفتوح يوم تظهر نورة مكان وهذا نادر طبعا...فالباب إللي يوصل بالبيت تبنده ويوم تدخل من الكراج تدخل منه... لقن فاطمة يالسه تتعشى عشى خفيف"سندويشة جبن وكوب عصير برتقال"... أم نورة: يالله عاد هذا عشاج فاطمة تبتسم: طول اليوم وأنا أكل...وين بوديه أم نورة: هيه لو ماأعرفج زين...أكل دياي نورة: ههههههههه انزين من يوم يومها فطيييم أكلها أكل دياي فاطمة: ههههه أحافظ على وزني أم نورة: وأبوي عليج...وإللي فبطنج مايبى ياكل فاطمة حطت أيدها على بطنها إللي بدأ يظهر: بيأكل لا تخافي عليه..المهم شخبار العرس... أم نورة: زوين نورة: ههههههههه أمايه مايعيبها العيب...زوين عاد...بصراحة الحفلة صح صغيرونه ومقتصره بشوية معازيم...بس حفلة راقيه...وعيبتني وايد أم نورة: يالله أنا ماعيبني غير خوات العروس ماشاء الله عليهن كل وحده تقول للقمر خوز بيلس مكانك فاطمة: ههههههههههه خساره أميييه ماعندج ولد ولا كنتي خطبتي وحده منهن أم نورة: هيه والله...بس يالله الحمد لله...الله رزقني ببنتين عن عشر ولاد لوت نورة على أمها وحطت رأسها على صدرها: فديتج والله يالغلا كله أم نورة تمسح على شعر نورة إللي طاحت عنه الشيله: انزين حبيبتي نشي روحي رقدي وراج دوام رفعت نورة رأسها وهي فاجه عيونها على الأخر: أرقد من الحينه"وهي أطالع ساعة الحايط" حشى ماروم أرقد من الحينه أم نورة: شو بتقومي تنعشي يوم ماتبي ترقدي فاطمة: لا بتسهر وياي...مافيني أتم بروحي...والليل توه فأوله أم نورة: الليل فأوله حقج أنتي...ولا هي عندها دوام من صباح الله خير بعد مجادله بسيطه راحت أمهن ترقد وتمن هن الثنتين في الصالة...أبتسمت نورة وهي أطالع فاطمة إللي كانت تجلب في القنوات: تعرفي خاطريه ترجع أيام أول...والله كانت أحلى...طلعات ووناسه...الحين حياتنا روتين يومي مايتغير...اليوم شرات أمس وبيكون شرات باجر فاطمة بمسحت حزن: إللي راح مايرد نوار نورة: خاطريه يتغير شي فحياتي فاطمة: تزوجي نورة: أروح أعرض نفسي فالجبره من باجر...إللي يبى عروس فاطمة: هههههههه دومج تاخذي هالموضوع بسخريه...نورة أنتي مب ناقصنج شي...والبنت ممكن فأي لحظه تنخطب...فلا تستبعدي هالشي نورة بتردد: بقولج شي فاطمة بهتمام: قولي أسمعج نورة حمر ويها وهي مركزه على كفوفها: فبالي شخص فاطمة بستغراب وصدمه فنفس الوقت: شووووو نورة برتباك: خلاص خلاص أنسي السالفة فاطمة نشت من مكانها ويلست عدال أختها وزختها من أيدها: والله تقولي نورة: هههههه معجبه بشخص خلاص أرتحتي فاطمة ببتسامة ووياها تعجب: أعرفه؟ نورة: لا طبعا فاطمة: فالدوام نورة تهز رأسها علامة الموافقه فاطمة أطالعها بنص عين: نوير لا يكون بس! نورة بعتاب: تحيديني مب مال هالسوالف فاطمة: انزين وهو نورة: ههههههههههه مطفربي فاطمة: ياحيه...سمعي...إذا ريال زين ويعرف طريج المسيد موافقين ونبصم بالعشره بعد...حتى ياخذج من دون مهر...عطيه ماورها جزيه نورة أدز أختها على جتفها: هههههه لا والله كيفج هو فاطمة تحط أيدها على جتف نورة وتبتسم: لا والله صدج نوار...دامه ريال مايعيبه شي ويعرف ربه وافقي نورة: هههههههههههههههههه إللي يسمعج الحين جنه واقف على باب بيتنا فاطمة: بيي إن شاء الله نورة تغيرت ملامحها: ولو حد خرب فاطمة معقده حياتها: حد بيخرب...منووه؟ نورة: حد من الأهل فاطمة: الأهل؟! قصدج حد من عيال عمي؟ نورة: هيه فاطمة باستغراب واضح: منوووه قصدج...محمد وبيتيوز...وحمدان ماظني...منصور! نورة: لا مب منصور فاطمة: حمدان؟! نورة: هيه فاطمة تهز رأسها بستنكار: لا مستحيل...ماظني نورة بضيج واضح: بس أنا أظن هالشي...حمدان يا فطيييم يطالعني بنظرات غريبه...وكل يوم تقريبا فبيتنا...فطيييم حمدان قاصدني أنا هالمره فاطمة ترجع قصتها إللي كانت على يبهتها بضيج: لا نورة شلي من بالج هالأفكار...يتهيألج نورة: ياريت...بس أنا صرت شبه متأكده من هالشي فاطمة نشت من مكانها بضيج: بروح أرقد نورة بستغراب: وين؟! بتخليني بروحي فاطمة: رأسي يعورني نورة: شكله عورج من إللي قلته فاطمة تبتسم بحزن: بصراحة هيه...بس إذا إللي قلتيه صدق...لا تستسلمي نوار شراتي...حمدان من يوم يومه أناني ويبى كل شي حقه هو من دون أي أهتمام بغيره وشو يبى نورة: لا فديتج...هذا الحمدان لو مابقى فالأرض ريال غيره ماأباه فاطمة: جيه أباج...يالله لا تسهري وايد لاتنسي وراج دوام .......... الساعة ست إلا ربع يالس هو ومحمد وأمهم يتريقوا...شاف حمدان يحدر عليهم وشكله توه طالع من الحمام متسبح...هو بصراحة مستغرب منه...لأنه يوم كان فبوظبي زين إن نش من الرقاد الساعة سبع ونص بصعوبه...ودومه يروح الدوام متأخر...بس من أنتقلوا العين...وأنتقل حمدان لفرع العين صار منتظم...وشكله يداوم أول الناس... حمدان بأيده اليسرى يمسح على شعره الرطب..: هااا الغلا شو من الريوق مسويه اليوم أم حمدان تفتح واحد من الحرارات: زين يابوك يوم بتتريق ويانا اليوم حمدان: الله بلاليط أم حمدان: تريق فديت روحك... عليك بالعافيه حمدان: عيل وين الشيبه أم حمدان: من صلى الفير ركب كروزره وعلى المزرعه حمدان: الله يعطيه العافيه..."بصوت واطي لأنه كان يالس عدالها" وموضوعنا رمستيه؟ أم حمدان: لا فديتك مارمسته شفته أمس جى معصب..بس إن شاء الله من يرد من المزرعه برمسه ومايكون خاطرك إلا طيب منصور منتبه ويسمعهم: أي موضوع؟ حمدان نش: فوقته بتعرف أم حمدان: وين غناتي...ماتريقت حمدان: ألبس وبيي "لأنه كان لابس فانيله ووزار" منصور وهو يقوم: محمد يالله خلصنا ورانا خط محمد بكسل: تراه أنا مابسوق...اليوم عليك أم حمدان: هيه غناتي أنت سوق عن أخوك...هذا يالله يالله يفج عيونه منصور: ههههههههه جى أنا مب خبل أخليه يسوق وهو شبه راقد...أباها حياتي ظهروا التوأم بزيهم العسكري وركبوا سيارة محمد إللي دوم يستخدموها للدوام لأنها صغيره عكس سيارة منصور الفورويل...محمد من ركب رقد...ونص ساعة ووصلوا السويحان... أما حمدان من ظهروا خوانه رد يتريق ويا أمه...وهو على أمل كبير بأنها تقنع أبوه...يعرف تآثيرها عليه...وهي الشخص الوحيد إللي يقدر يقنعه... حمدان إنسان ناجح عمليا بمعنى الكلمة...درس وتخرج من كلية التقنية دبلوم عالي...وتوظف فالأتصالات وشوي شوي ترقى لحد ماوصل للمنصب إللي فيه الحين فوقت قياسي...بس أسرياً فاشل...هيه نعم فاشل...تزوج من إنسانه جمال على أخلاق على ثقافة...بس كل هذا ماشفع لها...تسلطه..أنانيته..وشكه...ك ل هالأشياء أدت لفشل هالزواج...وأنتهائه بسرعة...هو يرجع أسباب هالفشل فزواجه لأهله إللي أختاروا له هالإنسانه...وهو ماكان متقبل هالزواج من الأساس... ..... لو كان هالكورس في فترة غير هالفترة...أول قبل ليكتشف إنه يحب...كان فعلا بيستانس...لأنه وجوده فكلية بنات وممكن أنه يشوف أصناف وأصناف من البنات أمنيه كبيره عند وايدين... رفع عيونه يطالع الأستاذه الأجنبية الشقرا بملل وهو يتأفف...صار لها نص ساعة ترمس...حاول يركز وياها بس ماشي فايده...فكان الحل الوحيد جدامه إنه قام يكتب أبيات شعر طرت على باله فهاللحظه... ألتفت صوب ساره إللي كانت مركزه وأدون الملاحظات"لا باين عليها شاطره" بصوت واطي يرمسها بعد ماصدت عنهم الأستاذه تكتب أشياء على الصبوره: متى بتخلص؟تراه طفرت والله ألتفتت صوبه وهي تبتسم: توه الناس ... جدامنا ساعة أحمد: خييييبه ساره: هههههه حرام عليك اليوم أول يوم عاد ملان أحمد وهو يأشر بعيونه صوب الأستاذه: تسد النفس وكلام أحمد مب من فراغ...لأنها فعلاً تسد النفس...كانت أقرب للرجوله منها للأنوثه...حالقه شعرها بالكامل رقم أثنين...وكانت أطول من أحمد رغم ظخامته...يعني ساره يوم توقف عدالها لاشي...وفوق هذا ماتبتسم خير شر...فعتبرها أحمد المحاضره من بدأيتها نكد وملل... كان في هالكورس وياهم بنتين من وحده من الشركات...وواحد من بنك...ماصدق تخلص المحاضره ظهر على طول...صادف طلوعه من الكلاس مرور ثلاث بنات ومن شافنه تغشن بسرعة...أبتسم فنفسه...يعرف شكله غلط فكلية البنات...بس عاد حظه يكون هالكورس فالكلية مالت البنات... اليوم أول مره يتكلم ويا ساره...كان يصادفها فالدوام بس مايكون ممبينهم أي حوار لأنه ماكان يعرفها...رغم إنها بنت تتحجب أوكى إلا أنه لاحظ إنها اليوم ماحاطه ميك آب...عكس يوم تكون فالدوام...والمرات القليله إللي صادفها فيه...مع إنه المفروض العكس...بما أنها في الدوام تقابل ناس وريال بالخصوص المفروض ماتحط...أم فالكلية ففي العاده بيكون أختلاطها ويا البنات أكثر... أكثر شي قاهرنه إنها لو ماكانت بنت أخو الاستاذ فالح مستحيل تاخذ كورس بهالسرعة...بس الواسطه تلعب دورها...هذي موظفه ماصار لها إلا فترة بسيطة من تعينت وعلى طول عطوها كورس...وموظفين صار لهم فترة طويله يشتغلوا ويبوا ويحتاجوا هالكورسات بس للأسف ماعندهم فيتامين "و" ... من خلصت محاضرات الكورس لأول يوم على طول طار بسيارته للطب الوقائي حتى لو ماعنده شغل...بس لازم يروح...كيف مايروح وروحه هناك...لو بس يطمن عليها..."يالله هانت" شاف ريله وهو يمشي صوب المبنى...صار عادي يقدر يمشي بريله...صح مربوطه...بس الربطه خفيفه...فكان يمشي بكل حرية...وكان فخاطره يسألها عن شي... أحمد: السلااااااااااااااااام عليكم نورة+سميحة: وعليكم السلام سميحة: ههههههههههه متأدرش توصبر عننا أحمد ببتسامه شاجه الحلج: لا بصراحة...شحالكم نورة تحط القلم إللي فأيدها: الحمد لله بنعمه سميحه: كويسييين...وأنت؟؟؟عملت أيه فالكورس أحمد: والله أشوفه ماله داعي سميحه: واللهِ...أومال أؤول أنا أيه...بس ماأدرشي أتكلم أنا موش موطنه...وموش من حأي أطلب حجات من حأ المواطن أحمد: هههههههههههه يالله الحسد يقطر منج سميحه: المهم عاوز أيه أحمد يطالع نورة: الريال بعده يتصل فيج نورة فالبداية مافهمت...بس بعدين فهمت: اليوم لا سميحه بفضول: أي رجال؟! أحمد حايس بوزه: وأنتي مالج...رزت الفييييييس من طبااايع...كملي المثل سميحه: أيه أيه أييييييه...مين إللي رزه دلوأتي...أنا ولا أنته إللي جاي ومعدنكشي شوغل أحمد: ههههههه يابوج رايح...مرينا نسلم سميحه: ماتموورش إلا لم تخلص كورسك أحمد: خيييبه تبى الفكاك هذي نورة: هههه سميحه هدي شوي...الريال مكتبه هنيه...شوي بتقومي تضربيه سميحه: هو صح أنا ليه عملاها حكايه...هو موووواطن...ومن حأه وأنا موش من حأي أيتها حاجه...أسكت لا أنكرش برى الشووغل ضحك أحمد على سميحه...يعرفها كله سوالف...لأنه صار هو وياها في هالمكتب من سنتين تقريباً...فيعرفها زين: أوكى أنا بروح شي فالخاطر سميحه تبتسم: لاءه بس موش عوزه أشوووف وشك إلا بعد أسبوعين أحمد يضحك وهو يطلع: سوووري طلبج مرفوض بعد ماظهر عنهن مر على مكتب عماد إللي خبره عن أخر تطورات عرسه إللي قرب...وبعد ربع ساعة ظهر من الطب الوقائي وركب سيارته كان فخاطره يسوي شي معين بما أنه بعده نص ساعة عن أذان الظهر... أتجه للعين مول وبالتحديد لمحل معروف مختص بكل شي يخص "الرجل" من كنادير وغتر ونعل كل شي كل شي...لقى العامل الإيراني إللي يعرفه زين... العامل ببتسامه: أستاز أحمد أحمد: السلام عليكم العامل: وعليكم السلام... أحمد: شخبارك مهران العامل: بخيييير والحمد لله...وين مافيه يشوف أنت زمااان أحمد: الأعياد وخلصن وعروووس للأسف ماشي...ليش بتشوفني يعني العامل: أستاز أحمد أنت فيه عيد ولا مافيه أنت يجي عندنا ويشتري أحمد: المهم مهران بسألك العامل: أمر أحمد: معزبك وين؟؟ومتى بيي؟؟ العامل بتفكير: أستاز مطر من شوي يطلع أحمد: وين؟ العامل: يمكن يروه فرع مال مهل في شارع خليفة أحمد: يعني الحين هو هناك العامل: والله يمكن...مافيه أكيد أحمد يمد أيده يسلم على العامل: أوكى مهران...أشوفك فوقت ثاني كان ناوي نيه على مطر بس وهو ينزل من وين الباركنات أذن الظهر...واستغفر ربه...مطر من يوم يومه ماوراه إلا المشاكل...وسبحان الله وهو في الباركنات وتوه يركب سيارته شاف مطر ينزل من سيارته الستيشن السودا...وضحك أحمد فخاطره رغم غليان الغضب إللي فداخله...مطر كان لابس كندوره سودا وغتره نفس اللون ونعال طبعا نفس اللون...كان شكله غلط...هو أسمر ولابس هالملابس الغامجه مطلعتنه أغمج..."ماعليييك يامطوور دواك عندي بعدين يالهرم...يوم أتفيج لك" ...... اليوم عرس عماد من نادين...وعرس السوريين فالعاده مشترك...حضر أحمد هالعرس...وطبعا مستحيل مايحضره...عرس أعز ربعه...ضحك وعلس على عماد من الخاااطر...طبعا فالعرس حضر أهل عماد إللي فسوريا وأخوه العود إللي يشتغل فدبي...وكان عرس شامي بمعنى الكلمة...زفه شاميه مال أول على كيف كيفك...بس بعدين يوم وصلوا مكان الأحتفال إللي فيه الحريم والعروس تغير لحفل يواكب العصر...أحمد أستغرب كيف الريال يرضى بأن زوجته يشوفها الريال الثانيين إللي مب من محارمها...وفعلا أنبهر لأنه أول مره يشوف عروس غير أخته عليا...صح حاول قدر المستطاع مايطالعها...بس كانت بسبت جمالها ورقتها تجبر الواحد إنه يطالعها...وضحك على عماد يوم قام يرقص ويا عروسته..."أما غريبين هالناس" خلص العرس فوقت متأخر...وعماد كان من الأساس مايبى يسافر أي مكان إلا يوم ياخذ إجازته الصيفيه هو وحرمته ويسافروا ساعتها...فخذ إجازة أسبوع ...... "ومنوه قالك إني أباك أنت" قالتها نورة بكل برود حمدان: وليش ماتبيني أنا شو ناقصني نورة: خاطب ختيه من قبل حمدان: وإن يكن...مجرد إني تقدمتلها...وهي رفضت وكلا راح فطريجه نورة تاخذ نفس وشكلها متضايجة: حمدان لا اتعب نفسك...أنا مستحيل أوافق على هالزواج...مستحيييل أستغرب حمدان قوات عين هالإنسانه وكيف ترد عليه...قالتها من دون تردد: شو فغيري ومب فيني أنا نورة أطالع الباب بقلق: أنت مب ناقصنك شي...وألف وحده تتمناك...بس أنا لا حمدان: وليش أنتي لا"بشك" حاطه حد فبالج نورة: شي مايخصك حمدان أحتد صوته: لا يخصني بنت عمي نورة توقف: ولد عمي...مب ولي أمري حمدان: وين رايحه وقفتي...ماخلصت كلامي نورة: أنا خلصته...حمدان لا تخرب علاقة القربى إللي بينا حمدان بعصبيه: جيه يعني نورة: ماعندي كلام ثاني غير إللي قلته...شلني من بالك...لأنه مستحييل ظهرت نورة وبعد دقيقة حدرت أم نورة الصالة وهي تبتسم...أضطر يجاملها ويحاول يبتسم إبتسامه مصطنعة...هذي المره الثانية إللي تنقال فويهه إنه مرفوووض..."بس والله ثم والله ماخليها تعدي...وبنات عمي وايد شايفات نفسهن...وماأكون حمدان إن ماكسرت هالتكبر إللي فيج يانورة...وخليتج إنتي إللي تترجيني أتزوجج...إن ماذليتج يابنت العم ماكون حمدان" ....... أحمد اليوم بالنسبة له غيييير عن أي يوم...كان واقف جدام المنظره يطالع نفسه وفكره سااارح بعييد...وفأيده غرشة العطر يرش منها على كندورته ومن دون مايحس رش رشه يت منها على عينه اليمنى...غمضها بآلم فضيع مفاجأ "هههههه أسمني خبل...مب وقت السرحااان" حط غرشة العطر وشيك على مظهره وعدل عقاله... حصه: هاااااا بو شهاب وايد بنتريا...بسك من هالمنظره كل ماأمر عليك واقف أطالع عمرك...ههههههه تراها مابتشوفك ألتفت أحمد يضحك: هههههههههه شدراج مابتشوفني...أكيد وصلها الخبر إنه حد ياي يتقدم لها...وأكيد بييها فضول تلقي نظره من ورى الستاير...أحيدهن البنات الفضوول ذابحهن حصه أقتربت منه بقلق: ليش عينك حمرا أحمد: هههههههههههه رشتها بعطر حصه بستغراب: خبل أنت ولا شو أحمد: ماأنتبهت...وصل عمي حصه: عمك من ربع ساعة تحت ومحتشر أحمد: نازل والله العظيييم نازل...أنتي بس ياااشيختي أمشي جدامي ظهروا من بيت أحمد بسيارتين...سيارة أحمد إللي ركبت وياه أمه وخوه عمر...والسيارة الثانية سيارة أخوه مايد وياه عمه وولاد عمه علي وعبيد...والكل طبعا متجه صوب بيت قوم نورة.... مرن أسبوعين الكورس إللي في الكلية...وبعده بأسبوعين أتصل بعم نورة إللي قدر يحصل عليه بمعرفته...و اتفق وياه على موعد زيارتهم بعد أسبوع...كل هذا ونورة ماتعرف شي إلا أنه عرب بيوا...بس منوه هالعرب ماتعرف عنهم أي شي...فاطمة طبعا خلصت فترة التراك من أيام... الساعة ثمان وربع كانن يالسات في ميلس الحريم "أم نورة وأم حمدان وحصه وفاطمة ونورة" أعجبت حصه بنورة من أول نظره...صح مب ملكة جمال...لكن تملك جاذبيه غريبه...وقوة شخصية تجبر أي شخص إنه يعجب فيها...لكن مع هذا قدرت حصه بذكائها تلاحظ مع هالقوة فشخصية نورة إلا أنها فنفس الوقت كانت رقيقة وبريئه... ضحكت حصه أكثر من مرة على تعليقات أم نورة التلقائية... أم نورة: عندج عيال؟! حصه: ههههههه أكيد عندي عيال "ألتفتت صوب نورة وفاطمة" أكبر من بناتج أم نورة مب مصدقه: ما شاء الله ... والله مب مبين عليج حصه: متزوجه صغيره أم نورة: أنزين حتى أنا بنت ثنعشر يوم معرسه حصه تبتسم: أنا ماأكبر بسرعة أم نورة: ههههههه هيه ماتكبري بسرعة ولا قولي تسوي هذيج الخلطه إللي يستخدمنها الحرييم وتغدي الوحده بنت 14 حصه: هههههه لا فديتج...لا خلطه ولا هم يحزنون...أنا بس أهتم بنفسي.."تغير السالفة" المهم نورة أنت وين دارسة نورة: كلية التقنية حصه: دبلوم؟ نورة: لا ...إنجاز حصه: وليش ماكملتي "تبتسم" شكلج شاطره نورة: تكاسلت فأخر لحظه تمن يسولف فمواضيع مختلفه...أم نورة طبعا تعرف السالفه وليش يايين هالعرب يزوروهم... أم فميلس الريال كان بوحمدان وعياله الثلاث...إللي أنصدموا بموضوع الخطبه...وبالذات حمدان...وتم يطالع أبوه بقهر...من يوم رمسه عن موضوع زواجه من نورة مر عليه شهر تقريباً وكان على أمل يغير رأيه...بس أنه يصدمه بهالعرب إللي يايين يخطبوها كبيره وايد... طبعا بو حمدان ماعطاهم كلمة...وقال لهم بيرد عليهم بعد مايسأل البنت ويعرف رأيها... طول الطريق للبيت وأحمد متحرقص يبى يعرف رأي أمه فنورة...فالسيارة مارام يسألها بسبت وجود أخوه "عمر" أحمد: الغلا ممكن على أنفراد عمر: هههههههههه بدينا أحمد: لا بدينا ولا أنتهينا رح شوف أي مباراة طالعه على التلفزيون وأنا ومايه بينا حديث جانبي مايخصك فيه بعد مادخلوا المطعم بند الباب وراه: هااا بشري حصه وأونها مب فاهمه: عن شو أحمد: الغلاااااا!! حصه: ههههه قصدك نورة أحمد: منووه غيرها حصه حايسه بوزها: يعني أحمد معقد حياته: شو يعني؟! حصه: البنت حشيم ومثقفه بس.. أحمد: شو بس؟ حصه: عيبتني واااااااااايد "وتبتسم" أحمد بعدم تصديق: والله حصه: والله أحمد: من أي ناحيه حصه: من كل النواحي...طيوووبه وايد وفنفس الوقت رزينه...يهمك الجمال؟ أحمد: تعرفي هالشي أخر أهتماماتي...لو كنت أهتمبه كنت تيوزت المها حصه: لا فديتك هي مايعيبها شي...وبتعيبك أنا متأكده من هالشي أحمد شاج الحلج: ماأصدق إنه مابقى إلا القليل وبتكون نورة من نصيبي حصه: الله يجمعكم على خير أحمد: آآآآآآآمين ......... فنفس الليله كلف بوحمدان منصور يسأل عن أحمد...مع إنه يعرف عايلتهم...وهي غنيه عن التعريف...بس مع هذا طلب من ولده يسأل لأنها مهما تكون بنت أخوه وهو ولي أمرها... أما حمدان ذيج الليله مابات...أولاً بسبت العرب إللي يوا اليوم يتقدموا لنورة...وثانياً بعد ماعرف إنه إللي ياي يتقدم لها يشتغل فنفس المكان إللي تشتغل فيه..."أكيد يعرفوا بعض" يوم الجمعة عرف كل شي عن أحمد...وهو أصلا عيبه وايد...فراح بيت أخوه المرحوم...وخبر أم نورة عن كل شي...وطلب منها تخبر نورة وتشوف رأيها وتحاول تقنعها...كان بوحمدان نفسه لو توافق نورة...لأنه صار يعرف ولده حمدان زين...يحاول قدر المستطاع يبعدها من طريجه... "سمعي غناتي أنا الحين عندج...بس محد يعلم الأعمار بيد الله...مابتم عندج دوم...وهذيلا العرب مايعيبهم شي...صح أنا ماأعرفهم بس عمج سأل عنهم وتخبر...والريال مايعيبه شي" كلام أم نورة لبنتها...لأنها صارت تعرفها زين الرفض دوم على لسانها لأي حد يتقدملها نورة بحيره: هذيج الحرمة أم الريال!؟ أم نورة: هيه هي أمه نورة حمرت خجل: وأنا أقول ليش يالسه تتفحصني جيه أم نورة: أباج تفكري بعقل...جدامج اليوم وباجر تفكري فالموضوع...وصلي أستخيري ربج...وإن شاء الله الله بيهديج إللي فصالحج نورة بتردد: أسمه مايد؟ أم نورة: ليش يعني على بالج إسمه مايد نورة: لأنه أمه أسمها أم مايد أم نورة تبتسم: لا ماأسمه مايد...مايد ولدها العود...المعرس أسمه أحمد وقف قلب نورة عن النبض...أو تخيل لها هالشي..."أحمد...معقوله هو" أم نورة تكمل رمستها: أحمد الـ نورة حست ساعتها بيغمى عليها...أحاسيس متضاربه...مشاعر فرح ماقدرت توصفها...وحاولت قدر المستطاع تسيطر عليها وماتبيه مشاعرها جدام أمها... أم نورة بخبث: ههههه ويشتغل وياج فالطب الوقائي..المهم غناتي فكري في الموضوع ظهرت عنها أمها...وتمت يالسه على طرف شبريتها أطالع الباب"وأنا أقدر أرفضه" أبتسمت وحمرن خدودها...يمكن أكثر شي تمنته فهالفتره...أنسدحت على شبريتها وهي ترسم الأحلام الورديه والفستان الأبيض حلم كل بنت فسنها... ....... كان يوم السبت حافل بالشغل...وهذا عادت كل سبت...معاملات داخله ومعاملات طالعه...اليوم بالذات حست بإحراج فضيع وجودها يالسه مجابله أحمد...إللي شكله يحاول يتجنبها علشان يقلل من الأرتباك والإحراج...وهالشي لاحظته سميحه... سميحه معقده حياتها: هو أيه السالفة أحمد: أي سالفة؟! سميحه: أنت ونورة فيكووو حاجه!! نورة من دون ماترفع رأسها: شو فينا يعني...تراه مشغولين سميحه بشك: موش لدي الدرجادي مشغولين أحمد رفع رأسه وعيونه تتحاشى نورة: شو تبي بالضبط سميحه حايسه بوزها: ولا حاجه خلص الدوام وعلى نفس الحال...ماتبادل أحمد ولا كلمة ويا نورة...وهي نفس الشي...مرت وهي طالعه من مكتبها بتروح البيت على سلوى...إللي كانت بروحها في المكتب بعد ماراحت الريم وساره... نورة: هااا أم نايع البيبي مب ناوي يشرف سلوى بويها التعبان: والله شو أقولج...ياخوفي بس أتحين ساعته وأنا فالدوام نورة: هههههه تصوري سلوى: فضيحه أتم أباغم هنيه...ويه الله لا قال نورة: أنت مب قايله واعدينج هالأسبوع سلوى: هيه...تعرفي جى مااخذ إجازة وضع من الحين نورة: الله يسهل عليج...مب ناويه تروحي سلوى: ماخبرتج إني ماأيي بسيارتيه...من أسبوع بونايع هو يمر عليه نورة: أحسن والله... سلوى: هيه والله مالي بارض للسواقه وأنا جيه حالي "تأشر لبطنها" نورة: أنزين قومي بوصلج فطريجي سلوى: لا فديتج توكلي...بونايع من شوي متصل طالع من الدوام وبيمر عليه بعد شوي فهاللحظه أتصل "بونايع" سلوى تبتسم: شفتي "تضغط على الرد" هلا بونايع: نزلي سلوى: إن شاء الله "بعد مابندت وفرت موبايلها فشنطتها" يالله ننزل رباعه نورة: يالله نزل وأول ماوصلن عدال الباب كان بونايع واقف مجابل البوابة... نورة: ياحيه...مايباج تتعبي سلوى: فديته والله... نورة بصوت واطي: يالله أشوفج على خير...وبوسيلي نايع سلوى: إن شاء الله...الله يحفظج ركبت سيارتها وشغلتها...كان الناس يروحوا بيوتهم في هالساعة وأحمد أول إللي طلعوا...أبتسمت نورة وهي تتذكره...وكيف كان يتجنبها اليوم...قبل كانت تشوفه سخيف...بس اليوم تسأل نفسها ليش كانت تعتبره جيه...هو بالعكس إنسان مرح...نادر ماتختفي البسمه عن شفايفه...وحتى لو كان متضايج أو مريض يحاول يخفي هالشي ويبين العكس... أول ماوصلت البيت شافت الباب العود مبند...فتوجهت صوب الكراج إللي بابه مفتوح...دخلت سيارتها بس مانزلت منها على طول لأنها كانت فاتحه الآف أم...وفهالفترة بالذات فترة أم كلثوم...أغنية "أنت عمري"...أول مره تحاول تركز على كلمات الأغنية...كانت الساعة 3 وأربعين دقيقة...فتحت بابها وهي مركزه على الأغنيه...فجت نقابها ووخت تحت بتاخذ شنطتها من وين متعوده تفرها...لاحظت شي أبيض عدال الباب وبسرعة رفعت رأسها...كان واقف عدالها بالضبط ويطالعها بنظرات غريبه...ماقدرت نورة تفسرها... نورة معقده حياتها: حمدان؟! حمدان يبتسم: شحالج نورة بأصابع مرتجفه تبند الراديو: الحمد لله بخير...شـ شو تسوى هنيه حمدان يبتسم بسخريه: أترياج نورة بندت السيارة وطلعت السويج: تترياني!! انزين ممكن توخر شوي علشان أنزل رد على ورى شوي: وخرنا نورة بعد مانزلت وحاولت تبتعد عنه شوي: ليش تترياني هنيه...ليش مادخلت البيت!؟ حمدان: محد يروح بيت حد فهالوقت نورة تبل ريقها: بس أنت تعرف إنه بيت عمك ومرحب فيك فأي وقت حمدان رافع حاجب واحد بسخريه: الحين؟ وفهالوقت؟! نورة: هيه...انزين شو تبى؟ حمدان: بغيت اسألج سؤال...وأتمنى تكوني صريحه فالإجابه نورة تختار مفتاح الباب إللي يوصل بالبيت: شرايك ندخل البيت وتقول إللي عندك...هنيه شكلنا غلط حمدان: أول جاااوبي نورة: سأل علشان أجاوب حمدان: تعرفي أحمد؟ نورة عضت على شفاتها: منوه أحمد حمدان: ههه منوه أحمد يعني...إللي متقدم لج نورة: هيه عندنا فالدوام حمدان: وبتوافقي عليه نورة بدت تعصب: أعتقد هالشي مايخصك حمدان: لا يخصني"وبصوت حاد" بتوافقي عليه نورة بتحدي: هيه بوافق عليه حمدان: وأنا! نورة: وأنا شدخلي فيك كان عدال الزر إللي يفتح ويبند باب الكراج...وضغط عليه...ونورة أطالع باب الكراج وهو ينزل شوي شوي برعب...: شووو تسوى!! حمدان يبتسم إبتسامه غريبه: ابند الباب...نحتاج شويت خصوصيه تبند الباب ونورة يابسه مكانها أطالع حمدان بعيون زايغه...ويوم شافته يمشي صوبها ضغطت على المفتاح بقوة وربعت صوب الباب إللي يوصل للبيت...وأول ماوصلت عدال الباب وبأصابع مرتجفه مرتبكه تحاول أدخل المفتاح يتها ضربه قويه على رأسها...ألتفتت أطالعه كان واقف عدالها بالضبط...حاولت تفتح عيونها وتقاوم الأغماء بس ماشي فايده ظلمت الدنيا فعيونها وطاحت... ....... كان منسدح على شبريته والموبايل على أذنه...يرمس ست الحبايب...اليوم طالع قبل لا يخلص الدوام بربع ساعة...وصل البيت وتغدا "بيتزا" طالبنها من المطعم...وهاليومين كل أكله من المطعم...لأنه علي مسافر بلاده من أسبوع...وبيتم هناك يمكن شهرين... أحمد: ههههههههه والله العظيم تغديت حصه: أشك فيك بصراحة...أنزين شو تغديت أحمد: بيتزا حصه: هههههه بيتزا عاد...وين علي عنك أحمد: انزين الغلا بسألج...أحتمال متى يردوا علينا حصه: وأنت أكيد الحين متحرقص تتريا الرد أحمد: أكيد...تحيديني ماأحب الإنتظار حصه: عاد شو نسوي غصبا عنك هالمره بتنتظر أحمد: فديتها اليوم لو شفتيها حصه: شو سوت أحمد: ولا شي...حتى مارفعت رأسها صوبي ولا دار ممبينا أي حوار حصه: حليلها مستحيه أحمد: أخ يا قلبي...متى الله بيرحمني حصه: فديت قلبك أنا...إن شاء الله قريب أحمد: تعرفي الغلا...يوم نتزوج بيلسها في البيت...ماشي شغل حصه: وليش إن شاء الله...من بدايتها تسلط أحمد: مب مشكلة تسلط...بس شغلنا وايد مختلط...ومعظم المراجعين ريال...أنا أباها حقي أنا بروحي...تيلس فالبيت وتشتغل فالبيت...عيالنا أولى حصه: هههههههههههههه انزين هي متنقبه...يعني لو كاشفه بنقول تخاف حد يشوفها أحمد: حتى لو... حصه: على خير إن شاء الله...والله يحقق لك كل إللي تتمناه أحمد: آآآمين ........ كان آلم رأسها فضيع...حتى عيونها مب رايمه تفجهن...بس شي أجبرها إنها تفج عيونها بصعوبه...حست فخشمها ريحت غبار...يتها رغبه بأنها تعطس أكثر من مره...بعد جهد فتحت عيونها شوي شوي...وبأصابعها تحسست الأرض إللي منسدحه عليها...رفعتها جدام عيونها...شافت حبات رمل فصبوعها..."ياربي أنا وين؟!" كان المكان إللي هي فيه مظلم شوي...إلا من نور بسيط يدخل من فتحت الباب إللي مفتوح شوي...شافت سواد مكوم جريب منها...وبصعوبه زحفة صوب هالسواد..أكتشفت إنها عبايتها وشيلتها...بعدين لاحظت إنها هب لابسه شيلة...وشعرها مفجوج...حست كل عظم من عظامها وكل مفصل فجسمها يعورها...يمكن بسبت الصداع الفضيع إللي تشعر فيه...وبعد جهد كبير بذلته قامت على ريولها ووصلت للباب...ساعتها أكتشفت إنها فالكراج...وإللي جدامها سيارتها الكامري...وهالغرفة إللي كانت فيها مستودع...إللي في الأساس غرفة الدريولي...بس هم ماعندهم دريولي فستخدموها مستودع للأغراض الغير مستخدمه...كانت كل أنوار الكراج مفتوحه...رفعت أيدها إللي فيها الساعة"5:30" عقدت حياتها...مب مستوعبه شي...وليش هي هنيه بالضبط؟!...ليش مب في البيت؟! ردت مره ثانية للغرفة وشلت عبايتها ولبستها ولفت شعرها وهي تشعر بدوار تساندت على اليدار...بعد دقيقة راح خف الدوار وشلت شيلتها وحطتها على رأسها...شافت شنطتها على بونيت السيارة وشلتها ويرت ريولها ير صوب الباب إللي يوصل للبيت...الحين هدفها الوحيد إنها توصل غرفتها وتنسدح على شبريتها...وكل هالتسؤولات بترج لهن بعدين...يوم تحس إنها بخير وهالآلم الفضيع إللي ينبض فرأسها يخف... كان المفتاح طايح تحت عدال الباب...خذته وفتحت الباب...طلعت من الكراج وبخطوات متثاقله مشت صوب البيت...كان البيت هادي كالعاده...سمعت حشرت البشكارتين فالمطبخ...كانت بتطلب منهن المساعده...بس طنشت وكملت طريجها ودخلت وبعد جهد جهيد وصلت لغرفتها... فسخت عبايتها وشيلتها وفرتهن تحت بإهمال...وعقت بنفسها على الشبريه...ونامت بعد ساعة وعت على صوت دقات على الباب....فاطمة: نوار....قومي صلي المغرب نورة وبعدها تحس بتعب فضيع: إن إن شاء الله فجت فاطمة الباب وهي توايج منه وهي معقده حياتها: قمتي نورة تحاول ترسم إبتسامه على شفايفها بس مارامت بسبت آلم رأسها: هيه قمت فاطمة تدخل: نشي غناتي الصلاة بتفوت نورة دمعت عينها: مااقدر فاطمة أقتربت من أختها وهي معقده حياتها وفتحت الليت: ليش؟؟؟ شو فيج؟؟!!! نورة: رأسي بينفجر من كثر مايعورني فاطمة أقتربت أكثر وبتركيز لاحظت خط دم يابس على يبهتها: شو هذا؟!!!! دم نورة بفزع وأيدها ترتجف وهي تتحسس المكان إللي على يبهتها من وين حاطه فاطمة أصبعها: وينه؟ فاطمة وخرت خصله من قصة نورة عن يبهتها وشافت جرح عميق شوي: ويلي شو هذا؟؟؟شو إللي جرحج جيه؟؟؟ نورة ورأسها بينفجر من الآلم: ماأعرف ماأعرف...يمكن طحت فالكراج وتعورت فاطمة بستغراب: الكراج!!طحتي!! نورة: وين أمايه؟ فاطمة: من ردت من العزبه وهي رأسها يعورها...عطيتها أدول ورقدت...إلا من شوي نشت بتصلي وردت ترقد نورة: حليلها أميييه "حاولت تنش" بروح أشوفها فاطمة: وين تشوفيها وجيه حالتج...لا أرقدي أبرك لج...بس صبري شوي بروح أيب لج أدول ظهرت فاطمة وبعد دقايق ردت وعندها حبتين أدول وكوب ماي...ومن شربتهن نورة لحفتها زين: ارقدي الحين...وصلاة المغرب جمعيها ويا العشا بندت فاطمة الليت والباب...غمضت نورة عيونها بقوة تحاول ترقد على أمل أن هالآلم يخف...بس بعد ربع ساعة سمعت صوت موبايلها يصيح...وخرت اللحاف عن ويها وقدرت تشوف مكان الشنطة إللي كانت على الكوميدينو...ومن حظها إنه جريب منها يعني مابتبذل مجهود كبير...وحتى لو حاولت أطنش الإتصال ماتقدر...لأنه صوته بحد ذاته يزيد من آلم رأسها...فجت الشنطه وخذت الموبايل...وفالظلام شافت شاشة الموبايل يعلن عن رقم غريب...بس مميز بشكل ماشافته من قبل...خمس أرقام ورى بعضهن نفس الرقم..."منووه هذا بعد؟؟أرد ولا ماأرد؟؟" وبعد تردد ضغطت على الرد... نورة بصوت ضعيف: آلوو المتصل: هلا والله بالحلوين نورة:!!!! المتصل: أزعجتج نورة: منووه؟ المتصل ضحك ضحكه ضربت فرأسها وآلمتها زود من قوتها: ههههههههههههههه معقوله ماعرفتيني حياتي نورة بعصبيه: حيا تاكلك قول آمين المتصل: أعصابج حبي...ماقلنا شي يستحق كل هالتعصيب نورة: منووه أنت وشو تبى المتصل: بصراحة مب مصدق إنج ماعرفتيني...عنبوه إلا من ساعتين كنا ويا بعض نورة: كنا ويا بعض؟!!! المتصل: حمدان حياتي...مسرعج ماتنسي نورة بصدمه لأنها تذكرت إللي صار لها العصر فالكراج...بصوت مبحوح: شوووو تبى حمدان: مابى شي غناتي...بس متصل أطمن على رأسج...سوري الغلا ماقصدت أضربج جيه...بس أنتي أجبرتيني نورة تذكرت المخزن وكل شي...آمتلت عيونها دموع...وبرعب: شو سويت حمدان: أجبرتيني نورة وبصعوبه تيلس: على شو حمدان: أحم والله أسف نوار...أنا أباج على سنة الله ورسوله...ومستحيل أخسرج وياخذج شخص ثاني...نورة أنت ملكي تعرفي هالشي نورة بصوت شبه الصرخه: شووووووووووووو حمدان: هدي هدي غناتي...صدقيني بتزوجج أنتي مهما تكوني بنت عمي...وشرفج من شرفي...مستحيل أتخلى عنج طاح التلفون من أيدها وهي أطالع في الظلام...ماكانت تشوف شي إلا الظلام!!!! __________________ كان يالس فمقهى شعبي هو وحميد إللي يالس يشيش...ويشرح حق حمدان مشروعه اليديد إللي يباه يدخل وياه شريك...إيجابيات وسلبيات المشروع وتكلفته...ومالاحظ شرود فكر حمدان...وأنه مب وياه أبداً...ويا الإنسانه إللي ظلمها...ويا بنت عمه البريئة...وشو الخطوه اليايه بعد إللي سواه...اللحظه إللي خبرها كان حاط أيده على قلبه...خاف ينفضح كل شي ويعرف الأهل وتوصل السالفة لأبوه...هو صح متأكد إنها مستحيل تخبر حد...بس بعد محد يضمن شو بيكون تصرفها الياي... حميد: ياريال شووووووووو هذا! حمدان: شو؟! حميد: فهمت شي من إللي قلته؟ حمدان: لا بصراحة حميد: فيه شي!! حمدان يبتسم: سلامتك...بس نفكر بمستقبلنا حميد بإصرار يأشر على الورقه إللي فيها مخطط المشروع: مستقبلنا هنييييه...أنت بس ركز وياي...إن ماخليتك مليونير خلال سنة ماأكون حميد الـ حمدان: هههههههههه مليونير مره وحده حميد: لا مرتين ههههههههههههاي حمدان: ومنووه قال لك إني أبى أشاركك حميد يغمز: ربيعي وأعرفك تحب هالسوالف حمدان: هيه أحب هالسوالف بس أنا حاليا مب متفيج حميد: يابوك مايبالها شي...من مكتبك فالدوام وعلى الكيبورد "يضرب بأصابعه على الطاوله إللي جدامه" تك تك تك وخلصت الصفقه حمدان: عطني هالأوراق وبدرس الموضوع من كل الجوانب وبرد عليك حميد رد يشيش: هيه جيه أباك حمدان: مستعيل وايد؟ حميد يفكر: صراحة هيه...على فكره أنا فنشت من شغلي حمدان بصدمه: شووووو!! ليش؟؟ حميد: عسب أتفرغ تفرغ كامل للمشروع...يباله تفرغ حمدان يبتسم بسخريه: صدج إنه العقل نعمه...لهدرجة متأكد من موافقتي حميد: يالحبيب سواء شاركتني ولا لاء...أنا ببدأ هالمشروع...خلاص ماشي فبالي غيره...ودرسته دراسة دقيقة...ومافيه أي أمكانية للتراجع حمدان: هههههههههههههههه شرات سالفة البورصة حميد: لا تحاول تحبطني...البورصة تجربة...والإنسان يتعلم من غلطه...وأنا تعلمت...التجربة علمتني حمدان: أممممممممممممم أغريتني...اليوم بحاول أدرس المخطط وبرد لك خبر حميد يطالع ساعته: أوووبس 10 ونص حمدان: شو بترد بوظبي حميد: نووووو...بس عندي شغل ثاني حمدان: ههههههههههههههه شو نوع هالشغل عاد حميد يغمز: صدقني مب إللي فبالك...الخالة العزيزه مسويه عشى على شرفي...وشكلي تأخرت وايد عليهم"يقوم وياخذ سويجه والموبايل من على الطاوله" سي يوووو سووون حمدان: نشوفك ......... دخلت رأسها من الباب توايج على نورة"معقوله راقده لين الحين؟!أوعيها تصلي ولا برايها راقده" كانت الغرفة فظلام دامس...قدرت تميز جسم نورة المتكور على نفسه... أم نورة من ورى بنتها: بعدها راقده؟ فاطمة: هيه...أوعيها؟ أم نورة توخر فاطمة من طريجها: خوزي عني بشوف بنتي شو فيها حدرت الغرفة وفجت الليت... اقتربت وكل ماتقرب منها تسمع صوت...وأول ماوصلت عدال شبريتها ويلست عدالها قدرت تميز هالصوت...كانت تصيح بصوت مخنوق... أم نورة وهي معقده حياتها يرت اللحاف عن ويه نورة...ورغم إن نورة زاخه اللحاف بقوة...بس أمها قدرت تيره عن ويها: بنيتي شو فيج!!!!! دخلت فاطمة بسرعة الغرفة مع أرتفاع صوت صياح نورة: شو فيها؟؟!! أم نورة: حبيبتي شو فيج؟؟؟"ألتفتت صوب فاطمة وعلامات الفزع مبينه على ويها" فديتج أتصلي بعمج بنشلها المستشفى نورة تحاول تير اللحاف...وبصوت كله صياح وبصعوبه قدرن يفهمنها: مابروح مكان....خلني برووحي مابا حد خلني بروحي أم نورة دمعت عينها وهي بحيره مب عارفه بنتها شو فيها: والله إني ماتحرك من مكاني إلا يوم أعرف شو فيج ولا تقومي بنوديج المستشفى فاطمة بحيره: يمكن بسبت الجرح إللي فرأسها أم نورة: شجرحه؟! فاطمة: تقول طاحت فالكراج وتعورت فرأسها تمت الأم أطالع بنتها وقلبها يعورها عليها ومب عارفه شو تسويلها...والأخت واقفه بحيره أطالع أختها...إللي مب داش فرأسها إنه كل هالصياح بسبت آلم في الرأس... فاطمة تحط أيدها على جتف أمها إللي يالسه على الشبريه عدال نورة: الغلا قومي...وخليني أنا بتم وياها...وإن شاء الله مافيها إلا كل خير أم نورة تمسح على شعر نورة بحيره وضيج: شو فيها أختج فاطمة: مافيها إلا كل خير...أنتي سيري أرتاحي...أنا بتم وياها أم نورة تحب بنتها على شعرها: سلامتج حبيبتي...ماتشوفي شر"نشت عنها...توجه رمستها لفاطمة بصوت واطي" بتصل بعمج أيي يشوفها يمكن أطيع تروح المستشفى ظهرت من الغرفة وهي متضايجه...تشوف بنتها جيه حالتها ولا بأيدها تسويلها شي وتخفف عنها...أم نورة الحين عمرها 37 سنة...يعني مب كبيره وايد...لكن مع هذا إللي يشوفها يتحراها أكبر من سنها الحقيقي...مأساة وفاة بونورة لين الحين تتذكرها...الموقف إللي شافته فيه يشيب شعر الشاب...إنك تشوف الإنسان إللي تحبه وعشت معه معظم أيام حياتك بهالمنظر من التشويه عقب الحادث مؤلم وايد...وبالذات على حرمه...حرمه فهذا الوقت ماكان عندها سند غير هالبنتين إللي كانن مثال للصبر...كل هذا زاد من آثار السنين على أم نورة...رغم روحها المرحه والطيبه إلا أنها تحمل من الآلام والأحزان الكثير... نزلت تحت وراحت الصاله...وهي تفكر بحيره بمنوه تتصل...تذكرت رقم حمدان إللي عطاها إياه وخبرها أي شي يحتاجنه يتصلن عليه...كان عدال التلفون نوته صغيره فيها مجموعة من الأرقام ومن بينهن رقم حمدان وتحته رقم بيتهم...دقت على أرقام بيتهم أحسن تخبر عم البنات هو ولي أمرهن...يمكن يقدر يقنع نورة إنها تروح المستشفى...رن لحد ماأنقطع ولا حد شله...وردت تتصل مره ثانيه ونفس النتيجة...هزت رأسها بضيج...بعد تردد دقت على أرقام حمدان...رن مرتين وشله... حمدان: آلووو أم نورة: حمدان!! حمدان صخ شوي بعدين رد: هلا والله عموووووه أم نورة: هلا فيك ولدي...شحالك يابويه حمدان: بخير طاب حالج...وأنتي عمووه شحالج؟؟؟ أم نورة: الحمد لله على أي حال من الأحوال...ولديه أنت وين الحينه حمدان بتفكير: فالبيت...ليش ؟؟!! أم نورة: أتصلت ببيتكم بس محد يشله حمدان: خير عمووه فيه شي أم نورة: نورة ماأعرف شو بلاها مريضه...وأبى أوديها المستشفى حمدان تغيرت نبرت صوته: سلااااامات عسى ماشر أم نورة: والله ياولدي ماأعرف شو فيها...فطييم تقول رأسها يعورها...بس حشى مب ويع رأس يخليها تصيح جيه حمدان: آفاااا سلامتها والله ماتشوف شر أم نورة: الشر ماييك حمدان: خمس دقايق وياينكم أما عن فاطمة فحاولت ويا نورة بس ماشي فايده تمت على حالتها...أكثر شي مستغربه منه إنه نورة شبه منهاره...يعني المسألة مب مسألة صداع...حتى لو كان الصداع قوي مايوصل لهدرجة... فاطمة: نوار غناتي انزين قومي تسبحي يمكن يخف عنج هالآلم ماصارت والله...قيس إلا تزيدي عمرج...وهالصياح ماوراه إلا عوار الرأس نفس الشي لاجواب ومستمره فالصياح...فاطمة: نوار تراه مابظهر من هنيه إلا يوم أعرف شو فيج... نشت نورة بصعوبه والجحال إللي فعيونها نازل على ويها بشكل فضيع وعيونها متنفخات حمر...وخشمها أحمر..كانت حالتها حاله...: مافيني شي بس خلوني بروحي"كان صوتها ثجيل" فاطمة بشك واضحه: معقوله كل هالصياح بسبت الصداع نورة أدخل صبوعها فشعرها بتعب ترجعه على ورى: دخييييييييييييييلج ارحميني وخليني بروحي دخييييلج فاطمة بيأس بعد ماترجتها نورة بأنها تظهر: انزين غناتي قبل لا أظهر نصيحه نشي وتسبحي وصلي إللي فاتج الله بيرحمج وبيخفف عليج نورة أنسدحت مره ثانية وهي تحاول تهدي نفسها بس إلا يرجع لمسامعها صوت حمدان وردت تصيح أكثر عن أول...دفنت ويها فالمخده وبصوت بالكاد مسموع: بصلي بصلي فاطمة تنش عنها مجبوره: تبى أدول نورة: مابى شي...أبى أرقد وصلت عدال الباب: لاتنسي تصلي أنزين أول مره تحس نورة بهالإحساس...أحساس الضياع...وأحساس الظلم...تصورت من حمدان أي شي إلا أنه يدمرها بهالأسلوب...ولسبب شخصي بحت مافكر فيها وفمشاعرها وأنها مهما تكون من لحمه ودمه...بدل مايكون السند صار هو العدو... ............. نزل من سيارته وهو سارح فأحداث هاليوم...وقف قلبه يوم أتصلت فيه أم نورة...قال خلاص أنكشفت وأنفضحت...وأرتاح راحه مابعدها راحه يوم قالت له إنها مريضه بسبت رأسها...هذا يدل أنها ماخبرتهن عن إللي صار..."يحليلج يانوار والله ماتستاهلين إللي ياج...بس ماينفع وياج إلا هذا...مب أنا إللي أنرفض للمره الثانية" منصور توه واصل البيت ونزل من سيارته: حمدان حمدان أنتبه: همممم؟ منصور: شفت الوالد؟ حمدان: جى بعده مارد من المزرعة منصور: أنا بصراحة ماشفته والوالده محتشره تسأل عنه حمدان معقد حياته: أتصلتبه؟ منصور: يعطيني مغلق حمدان: غريبه...هو ظاهر من البيت العصر والحينه 10 وين ظنك راح منصور: والله علمي علمك..أتصلت بعبد الواحد قال طالع عنهم من صلى العصر فهالحظه كان بوحمدان توه يظهر من المسيد...اليوم حس بحنين كبير لأخوه الوحيد...بعد ماظهر من المزرعة توجه صوب العوهة"الفوعه" ومر على المقبره...صح صعب يعرف قبر أخوه...بس على الأقل يعرف إنه فهالمكان أندفن...على كبره وهيبته وجديت ملامحه إلا أنه صاح بآلم...نزلن دموعه بحرقه على اللحظات الأخيره فحياة أخوه إللي ماعاشها وياه...كان بوحمدان يعتبر بونورة شرات ولده...لأنه هو إللي رباه...ومر بكل مراحل حياته جدام عيونه وتحت رعايته...بو نورة رغم القطيعه إلا أنه لآخر لحظه فحياته حاول يرجع علاقته بأخوه...إلا العناد والكرامه خلت بوحمدان يرفض الصلح ويستمر في القطيعه...تم واقف على المقبره ودموعه على خده ودعا بكل إللي قدر عليه...بعدين راح لأقرب مسيد وصلى العشا جماعة بعدين تم يقرأ قرآن ساعتين ماحس بالوقت وماأنتبه إنه مبند تلفونه...ويوم أنتبه كانت الساعة عشر ... 11 إلا ربع توه واصل البيت...لقى منصور وحمدان يالسين برع عدال مواترهم...وحمدان يدخن وهذا أكثر شي يقهر بوحمدان...يكره يشوف واحد من عياله يضر نفسه بأيديه...من نزل راحوا عياله يوايهوه... حمدان فر السيجاره: هاااا الشيبه وين؟؟؟العيووز محتشره بوحمدان طنشهم ودخل البيت...أستغربوا من ملامح ويهه المرهقه...مشوا وراه ولا نطقوا بحرف لين ماشافتهم أم حمدان... حليلها حالتها حاله من كثر ماتحاتي ريلها... بوحمدان: السلام عليكم أم حمدان: وعليكم السلام..."لاحظت على ويه ريلها التعب فقررت تأجل عتابها له" نحط العشا؟؟ بوحمدان: تعشوا أنا بسير أرقد أم حمدان معقده حياتها: ماتبى... بوحمدان قطع رمستها وهو يتوجه صوب غرفته: لا مابى...تعشوا عليكم بالعافيه .......... كل شوي يرفع رأسه يطالع مكتبها الخالي...الحين الساعة تسع ومالها آثر..."وينها؟؟وليش لين الحين مايت؟؟" ألتفت يطالع سميحه إللي أنتبهت له...وبعيونه كأنه يسألها وينها... سميحه: والله ماعرفشي...هي أمس مافهاش حاجه...بس الغايب حجته معاه أحمد: مب من عادتها تتأخر جيه عن الدوام سميحه: هو لو موش هتجي أكيد هتتصل تخبرنا أحمد: يعني بتتصل سميحه: أكيد "أبتسمت بخبث" أشتغل ياخويه وسيب التفكير بنورة...دى الشوغل أهم أحمد: هههههه وأنتي شدراج منوه الأهم سميحه: والله العضيم عرفه إنه الشوغل موش الأهم...وإنه نااااااس أهم عن كل حاجه...بس ماتخفشي مافهمشي إلا كل خير أحمد: الله يسمع منج ساره توها تحدر المكتب...وبإبتسامه مشرقه: صباااح الخييييير أحمد+سميحه: صباح النور سميحه توقف: أيييه دى النور أيه دى النوووور الآنسه ساره عندنا أحمد: ههههههه يالله يالواته سميحه: واللهِ المكتب منووور ... أتفضلي أتفضلي ساره: ههههههه لا مب يايه أتفضل بس مريت أسلم عليكم "تلتفت أطالع أحمد" أول مره أدخل قسمكم أحمد: هاااا شرايج فقسمنا مب أحسن من مكتبكم "يلتفت صوب سميحه ويبتسم بخبث" بصراحة أنا ماعندي مانع تنتقلي عندنا بدل هالعيوز الرامه سميحه: ناعم ناااااعم...أنا عجوز...أومال أنت أيه أما أنا عجوز يا....ولا بلاش أحمد: لا عادي رمسي لا تستحي سميحه: أيه بيؤول المثل...ياغريب كن أديب أحمد: هههههههههههه حليلج والله ساره أطالع مكتب نورة الخالي: عيل وين نورة؟ أحمد ألتزم الصمت...وردت سميحه على طول: واللهِ معرفش فيها أيه النهاردا تأخرت...موش زي عادتها تجي أول وحده ساره: ماأتصلتي فيها ؟ سميحه تيلس وهي حايسه بوزها: لاءه معنديش رصيد فتلفوني أحمد فباله "حشى يالزطيه" : أطرش بابو أيب لج بطاقه سميحه: بيكون فيك الخير والله أحمد: ههههههههه يالزطيه ساره وهي تبى تظهر: خلاص هب مشكلة أنا بتصلبها ......... فتحت عيونها بعد جهد...لاحظت البطانيات الملفوفه حوالينها...كانت أكثر من بطانيه...شعرت بحر فضيع...وأستغربت وجود هالبطانيات عليها...ضغطت على رأسها بقوة...تمنت يكون إللي مر على ذاكرتها مجرد حلم...أو بالمعنى الأصح كابوس وأخيراً قامت وبيختفي كل شي وبيتبخر...بس للأسف هاللي صار أمس واقع...مررت أصابعها على عيونها إلي كانن متنفخات بشكل غير طبيعي...وكأنهن مستعدات ويترين الضغط على زر أحداث أمس ويبدن بنزول على خديها...نورة طول عمرها تعتبر نفسها إنسانه قوية الشخصية...وتقدر تتصدى لأي مشكله تواجها...بس الحين وفهاللحظه أكتشفت أنها أضعف مايكون...حاولت توخر البطانيات المتراكمه عليها... فاطمة: وعيتي؟ ألتفتت نورة لمصدر الصوت...شافت أختها يالسه على الكرسي الوحيد إللي في الغرفة "كرسي التسريحة": جم الساعة؟ فاطمة: والله ماتقول صوت بنت من خشونته...الساعة تسع ونص نورة: ليش خليتيني أرقد لحد هالوقت فاطمة: لأنج لين الفير مب راقده... نورة بستغراب: ومنوه حط عليه هالبطانيات فاطمة: فالليل يتج حمى نورة: حمى؟!!! فاطمة وويها من دون أي تعبير: هيه حمى...قمتي تقولي أشياء وايد عدلت يلستها بفزع: مثل شو؟! فاطمة: وايد يبتي إسم حمدان "أطالعها بنظره" ماأعرف ليش هو بالذات دمعت عيونها تلقائياً: وشو قلت بعد فاطمة نشت من مكانها وأقتربت من أختها وبنظرت شك طالعتها: نورة شو فيج ؟؟ أنتي مب طبيعية...وليش تصيحين...لا تقولي رأسج لأني مابصدقج نورة تمسح دموعه: مافيني شي فاطمة بعصبيه: والله إنه فيج شي...وشي جايد بعد نورة تنجلب الصوب الثاني وهي تحاول تكتم شهقه وتصيح: فطيييم دخييييلج فاطمة: نورة تراه والله الشك بدأ يلعب فرأسي...شو صار لج فالكراج نورة هالمره بعصبيه قامت ونزلت من فوق شبريتها: ماصار شي ماااااااصار شي فاطمة بعد ماشافت إنها أستفزتها وايد...قررت ماتزيدها لأنها فعلا تعبانه...أمس فاطمة طول الليل ماعرف النوم طريجه لعيونها بسبت حالة أختها...حتى منى خلت سوزن تعشيها وترقدها...من الساعة 12 فما فوق بدت الحمى عند نورة...وكانت تقول كلام غريب...وأكثر كلامها فيه حمدان...كلام متلخبط ماقدرت تفهم منه شي...إلا بعض الكلمات المتقطعه...بس الحين هي متأكده أن نورة صار لها شي يوم كانت في الكراج... فاطمة: أنزين مافيه داعي تزاعجي...تراه أمايه ناشه وفي الصالة نورة بيأس مشت صوب الحمام...أول ماحدرت الحمام سمعت صوت باب غرفتها يتبند...يعني فاطمة ظهرت...أنصدمت من شكلها...عيون متنفخه وخشم أحمر وشعر حالته حاله...كانت فحالة صدمة وحيره...فاطمة تضغط عليها تباها تخبرها وهي شاكه فيها...ولا ماتسألها كل هالاسألة..."ياربي شو أسوي...شو هالمصيبه إللي طحت فيها...ليش أنا بالذات يستوي فيه جيه...ليش أنا" أما فاطمة نزلت تحت من وين أمها يالسه وعدالها منى منسدحه على القنفه وفحلجها مرضعة حليب...أم نورة كانت أمس رأسها يعورها لأنه وحده من بقرها ماتت...وعاد هي كله ولا بقرها...عندها من وهن صغار...فمن ردت البيت الظهر ورأسها يعورها ومتضايجه...بس اليوم حالها أحسن... أم نورة وهي تبتسم من شافت فاطمة تحدر الصالة: نوار وعت؟ فاطمة: هيه أم نورة: وليش فديتج ماقلتيلها تنزل تتريق ويانا فاطمة: بتتسبح أم نورة: هب مشكله بنترياها منى تعق المرضعه عدالها بعد ماخلصت: أنا أنا فاطمة تيلس عدالها وتلعب بشعرها: شو أنتي...تبي حليب بعد منى: أمممممممم ... أبى أتيت ويا تتوه فاطمة: بنتريق ويا بعض كلنا حبيبي منى: وحالوووه نوره فاطمة: وخالوووه نورة بعد أم نورة: شو شفتيها اليوم فاطمة: الحمد لله أحسن...بس أمايه ماعليج منها اصري عليها تروح المستشفى أم نورة: جى أنا بعد مابخليها...تبى ولا ماتبى بتروح فاطمة شافت مسي في الممر: مسي حطي الريوق بعد عشر دقايق مسي: أوكى ماما ........ "لا والله...قول إلا بروحك تبى ترز الفيس وتروح هناك" قالتها خديجة وهي حاطه أيديها على خصرها.... سعيد: أصبحنا وأصبح الملك لله...ياحرمه ذكري الله... خديجة: شو قلت شي غلط...تراه والله عارفتنك أنت إلا شرات أخوك...وهالحركات عارفتنها زين سعيد: الله يرحمه...وهو حي ماسلم من لسانج وحتى وهو ميت...خافي ربج خديجة: قلت ماشي روحه يعني ماشي روحه...ولا ريلي بريلك سعيد: حسبي الله ونعم الوكيل خديجة: مني أنا...ماعليه...بس حتى لو بروح وياك سعيد: أنزين يابوج لبسي عبايتج...تراه والله رأسي بينفجر من حشرتج خديجة: هيه لازم...لأني أنا إللي أرمسك...لو وحده غيري مابتقول رأسك يعورك...وترمسني من دون نفس سعيد بضيج واضح يالس على القنفه: خلاص هونت مب رايح بيتهم خديجة: أحسن سعيد: نفسي أعرف ليش تكرهي فاطمة جيه...شو سوتلج المسكينه خديجة: هي ماسوتلي شي...بس أنت سويت وايد أشياء سعيد: هههههههههههه أسمنكن يالحرييم ناقصات عقل ودين خديجة: براينا سعيد: انزين تروحين عند أمايه؟ خديجة حايسه بوزها: ليش شو أسوي عندها... سعيد: أنزين أنا ساير عندها خديجة: شل حمود وياك من أمس حاشرني يبى يروح بيت يدته سعيد معقد حياته: جى حمود في المدرسة خديجة: فهم ياخي...أقصد تريا وعقب الغدا روح عند أمك سعيد: لا والله...وأيلس مجابلنج خديجة: مب أحسن من مجابلت بنات الشوارع سعيد: أستغفر الله خديجة: أنا ماقلت لك تفنش من شغلك...كان نافعنك...بس البطره حق منوه نخليها سعيد: هذي مب بطره...بس أنا ماكنت مرتاح فشغلي...والحين الحمد لله مرتاح... خديجة بستهزاء: بالله عليك هذا تسماه شغل مجابل هالكمبيوتر ليلك بنهارك سعيد: بتشوفي إن هذا الشغل إللي الحين أنا مجابلنه ليلي بنهاري أفود من مجابلت مديري إللي ماعنده أي نيه فترقيتي قام بعد ماعرف إنه الكلام وياها من دون فايده...خديجة: وين؟ سعيد: بظهر خديجة تلحقه: وين تروح الحين سعيد بغيض: أي مكان... مليت من هالويوه النكده خديجة: أييييه أنت شو قصدك سعيد ظهر من البيت من دون مايرد عليها...كل يوم عن يوم يزيد شعوره إنه حياته جحيم لا يطاق...هالإنسانه نادر ماتبتسم من دون هدف أو مصلحه...معظم حياتها لاهيه فحفلات الأعراس ومراكز التجميل...وإن يلست في البيت ف من فيلم لفيلم...وكأنها هالناس إللي عايشين وياها فنفس البيت ماممبينها وبينهم أي علاقة إلا المنازع والمزاعج... بعد محاولات فاطمة ويا أختها أضطرت تحت هالضغط إنها تنزل تحت وتيلس ويا أمها والبقية ويتريقنا رباعه...صح ماصكت شي من الأكل...بس أهم شي أنها نزلت...كان ماعندها أي نيه تخبر أي حد باللي أستوى وياها...لحد على الأقل تتأكد من هالشي...وفنفس الوقت ماكانت تعرف كيف تتأكد...لأنه الخوف والرعب يملأ قلبها وبعد ماعندها الجرأه... أم نورة: حبيبتي نوار ليش ماتأكلي؟! نورة حست بقشعريره فكل جزء من جسمها: مابى أم نورة: تريقي بوديج المستشفى نورة: مافيني شي علشان أروح المستشفى فاطمة بحده: لا فيج نورة: قلت لج مافيني شي فاطمة: لو صدج مافيج شي بتتريقي...لأنه مستحيل مب يوعانه من أمس الريوق ماكلتي شي أم نورة: وماتغديتي بعد نورة: والله مالي نفس منى تمد أيدها إللي فيها قطعة جبنة كيري: كلي نورة تبتسم: مابى حبيبتي منى مبوزه: ليث!؟ نورة حطت أيدها على بطنها: شبعانه منى تحط الجبنة فالصحن: أنا أنا ثبعانه نورة: لا حبيبتي أنتي مب شبعانه... أم نورة: غناتي شو فيج نورة: أمس يوم نزلت من سيارتيه ماأعرف ياني دوار وطحت...بعدين رأسي عورني أكيد بسبت الطيحه...وبس...مافيني أي شي " طالعت أمها وهي تحاول تبتسم غصبا عنها ولوت عليها" صدج أم نورةبشك: متأكده نورة: هيه متأكده...وباجر إن شاء الله بداوم قامت عنهن لأنها لو يلست أكثر بتنفضح...ودخلت غرفتها وقفلت الباب بالمفتاح عن تيها فاطمة وتزعجها وتحقق وياها...عقت بنفسها فوق الشبريه وأستسلمت لحزنها ودموعها...أنتبهت لتلفونها مدت أيدها تاخذه وبصعوبه تشوف من الدموع...شافت 5 مسجات...بالإضافه للمكالمات إللي لم ترد عليها...معظم الإتصالات من رقم حمدان "حسبي الله ونعم الوكيل منك" ومكالمتين من أم نايع...أكيد يوم ماشافتها في الدوام اليوم وبغت تطمن عليها...ووحده من المكالمات كانت من ساره...ونفس الحال لقت مسجات من حمدان مسحتهن بغضب من دون ماتقرأهن...وفجت المسج الوحيد من أم نايع "أنا ولدت" دمعت عيونها أكثر...تذكرت أمس كانت أم نايع أخر شخص شافته قبل لا تصير وياها هالمصيبه...يعني الحين لازم تروح المستشفى تزورها...بس أكيد مب اليوم...لأنها ماعندها أي قدره تواجه أي شخص...ولا قدره تظهر برع البيت... ..... يا اليوم الثاني ونفس الشي نورة محد...وأحمد قلبه على نار...لا أهلها ردوا عليهم ولا هي موجوده...وسبب غيابها لين الحين مب معروف...وساره ماردت عليهم...وهو مستحيل يروح ويسألها إذا أتصلت فيها ولا لاء...لأنه يهمه سمعتها فالدرجة الأولى...معقوله مسألة زواجها منه تستحق كل هالفترة للتفكير...ولا فيه شي خرب عليه...مثلاً هي عندها ولاد عم ثلاث معقوله مافيه واحد منهم يباها؟! ماخطر على بال أحمد عيال عمها من كثر ماهو كان مستانس بأنهم ممكن يوقفوا حاجز بينه وبينها... عماد: شو ألت هلااا أحمد معقد حياته: فشو ؟؟!! عماد: بالغدا أحمد يبتسم: أوكى...بس هالله هالله بالطبااخ الشامي...تراه أموووت فيه عماد: ههههههههه أيييه ولا يهمك...بس ماألتلي إنك تموووت فالطباخ الشامي...كنت زوجتك شاميه أحمد: هههههههههههاي لا هنيه وقف مكانك...أنا ماقلت أبى شاميه... عماد: هههههه علينا...فالعرس ماعجبتك وحده من البنات أحمد يحج رأسه بإحراج: بصراحة بناتكم حلوات وماعليهن كلام..."تذكر خوات عماد..وكيف كانن متحجبات..وكان الحجاب مطلعنهن أجمل وأجمل...وأي حد يمكن يقارن بينهن وبين حرمة عماد "نادين" إللي ماكانت تتحجب...ومع هذا نادين إنسان محترمه وطيوبه" بس بعد أنا غير بنت البلاد ماتملىء عيني عماد يغمز وبصوت واطي: وينااا؟ أحمد بحيره: علمي علمك عماد أختفت الإبتسامه عن ويهه: داومت يوم السبت؟ أحمد: من يوم السبت ماشفتها عماد: ولا ردوا عليكم أحمد يهز رأسه بالنفي: ولا ردوا علينا سميحه أنتبهت لرمستهم: مين إللي مردوش عليك؟! أحمد يلتفت صوبها: وأنتي شدخلج يالرزه يالمرتزه...كلام ريال شدخلج فيه سميحه مرصرصه عيونها: لاءه بس أنا على بالي بتتكلموا عن نورة عماد: نورة!!! أحنا عم نتكلم عن نورة!! وليش إن شاء الله بدنا نتكلم عنها سميحه: أشعرفني أحمد: يوم أش عرفج صخي دخيلج...وريحينا بسكاتج سميحه تحرك شفايفها يمين وشمال: هو أنا مالي أحمد: زين قلتيها بنفسج أنتي مالج "بعد تفكير وتردد" ماأتصلتي بنورة؟ سميحه: ولو أتصلت أنت مالك تسأل عنها "وهي فنفسها تضحك عليه...ردت تكمل شغلها" سبوني أخلص شوغلي أحمد بغيض: أتصلتي ولا لاء سميحه طنشتوه ولا رد عليه...ألتفت يطالع عماد إللي كان كاتم ضحكته...ويقوله بحركه سواها بويهه إنه لا تحاول مابتخبرك... عماد وهو يقوم: المهم لاتنسى الغدا أحمد: أوكى .......... كانت تبتسم وهي أطالع ولدها مركز وهو يطالع أخته وكأنه شايف شي غريب أو كائن فضائي...كانت صغيرونه بشكل غريب... نايع معقد حياته: وايد صغيرونه!! سلوى: انزين بتكبر نايع: متى؟! وجى بلعب ويها هذي سلوى: هههههههههه فديتك مب الحين تلعب وياها... نايع بعصبيه: عيل متى سلوى: يوم بتكبر شوي ساعتها بتلعب نايع رد يطالع أخته بإشمزاز: خسفه سلوى: ههههههههههههههههههههه حرام عليك حبيبي...نوف خسف...عيل أنت يوم كنت صغيرون كنت شراتها نايع: لا ... شو شراتها...أنا شرات هالخسفه!! سلوى: هههههه فديتها أنا هالحلووه خسفه بونايع يحدر الغرفة وشال سلتين حلويات: منوووه الخسفه؟ سلوى: هذا ولدك أونه نوفي خسفه بونايع: بصراحة يا ولدي العزيز صدقت...هذي تراه إلا طالعه على أمها من وين بتييب الجمال يعني نايع بتفكير: يعني هذي تشبه أميييه؟؟ بونايع: هيه...خسفه شراتها سلوى وأونها زعلانه: الله يسامحك أنت وولدك...إللي يسمعكم من حلاتكم يعني أتنبهت لحركه فثبانها..أبتسمت وهي تشوف نوف تتحرك حركه بطئه وشكله تبى توعى... يوم السبت العصر حست بآلم فضيع مارامت تتحمل أكثر وعلى طول من خبرت ريلها شلها المستشفى...وهي من ولادتها بنايع ماتربي طبيعي...ونفس الشي ويا بنتها بعملية قيصريه...وبعد العملية طبعا كانت فقمة التعب فما قدرت تتصل بنورة وتخبرها...إلا في اليوم الثاني... أبتسمت سلوى من شافت نورة توايج من الباب: والله كنت أفكر فيج بونايع من شاف نورة وأمها يدخلن استأذن وظهر من الغرفة... نورة + أمها: السلام عليكم سلوى تحاول تعدل شيلتها وشكلها المبهدل: وعليكم السلام والرحمه أم نورة وهي توايها: مبروووك غناتي سلوى: الله يبارك فعمرج عقبال ماتشوفي عيال نورة نورة وهي توايه سلوى: مبروووووك ماياج سلوى: الله يبارك فعمرج غناتي...زين تذكرتيني نورة بإحراج: أسفه غناتي ... أمس كنت تعبانه شوي سلوى لاحظت على عيون نورة الظاهرات من النقاب إنهن متنفخات: سلامات..عسى ماشر أم نورة: يابوج هذي من يوم السبت مريضه...حتى دوام ماداومت من يومين سلوى معقده حياتها: سلاااامات نوار ماتشوفين شر نورة: الشر ماييج "تشل الصغيره" ماشاء الله ماشاء الله سلوى: نوف نورة: فديتها ... نوووفي "تزخها من خدودها وتلاعبها" نايع يطالع أخته بإشمزاز ويلتفت على نورة: خسفه صح نورة: لا حبيبي شو خسفه حليلها...إلا قمر 14...فديتها ياربي نايع مب مقتنع ونزل من فوق الشبريه: أونها حلووه...أميييه تعرفي شو تشبه الحينه تذكرت سلوى: شو؟ نايع يوصل عدال الباب: تشبه السحليه "وربع برع الغرفة" الكل ضحك على تعليق نايع...سلوى: ههههههههه عاد نوفي سحليه... نورة: شكله ناوي عليها من الحينه...هيه صح على منوه سميتيها نوف سلوى: شدراني ببونايع...ولا أنا لو الشور شوري جان سميتها موزه على أمايه أم نورة: عيل وين أمج سلوى: من شوي رايحه البيت وبترد عقب الغدا لاحظت سلوى على ويه نورة متغير...وعيونها المتنفخات دلاله على كثرت الصياح...كان نفسها تسأل شو فيها وليش ويها غادي أصفر وشاحب جيه...بس ماقدرت بسبت وجود أم نورة...معقوله أحمد أنرفض...لأنها كانت تعرف عن هالموضوع مخبرتنها نورة...بس ليش ينرفض؟؟دامه نورة تباه...وسلوى متأكده من هالشي... نورة وهي تقوم: يالله بنستأذن سلوى: وين يالسين أم نورة: لا فديتج...بنيي مره ثانية نورة: متى بيظهروج؟ سلوى: يمكن باجر نورة: عيل بييج فالبيت سلوى تضغط على أيد نورة: بتصلبج بعدييين نورة فهمت شو إللي تقصده سلوى: أوكى ......... وصلت البيت ورغم إنها شافت باب الكراج مفتوح...إلا أنها راحت ووقفت جدام باب البيت العود...اليوم بس علشان تبين لأمها إنها مافيها شي دخلت الكراج تظهر السياره ولا كأنه فيها شي...إلا أنها فداخلها آلم فضيع... أول ماحدرن البيت كانت ناويه تروح غرفتها "ملجأها"...لكن أمها ماخلتها: نوار تعالي أباج نورة بتهرب: بروح أصلي أم نورة: قلت لج تعالي...عقب صلي نورة بستسلام مشت ورى أمها صوب الصالة...وبعد مايلسن وخرت النقاب عن ويها...أم نورة: هاااا نوار ماردينا تراه على العرب نورة حست بغصه: أي عرب؟ أم نورة: وأبوي أي عرب بعد...إللي يايين يخطبوج نورة شردت دمعه غصبا عنها من عينها: ماأعرف أم نورة: وأبوي غناتي شو فيج...شو ماتعرفين وليش تصيحين نورة نشت: ماأعرف ماأعرف ظهرت من الصاله تربع...أستغربت أمها من هالتصرف...أصلا هي حاسه إنه بنتها مب طبيعيه من يوم السبت...وفنفس الوقت تبى ترد على بوحمدان إللي بعده أمس سألنها عن رأي نورة...ورديت عليه لاجواب...بس لين متى...هي لا قالت ماتبى ولا قالت العكس... أما نورة من وصلت غرفتها وهي تصيح"يارب شو الحل...ليش يستوي فيه جيه...ليش أنا من بد الناس...شو يبوني أوافق على هالزواج وأنا حالتيه جيه...يارب شو الحل" دخلت الحمام وتيددت وردت تصلي الظهر...وصدق صدق صاحت من الخاطر وهي تدعى...حتى لدرجة إنها مارامت تقوم من على السياده...بعدين خذت المصحف وتمت تقرأ فيه...بعد ساعة من القرايه سمعت مسي أدق عليها الباب علشان تنزل تتغدا...ردت المصحف مكانه...وبتعب قامت من مكانها وفسخت شيلة الصلاة..."فعلا الصلاة وقرأت القرآن تريح الإنسان" يلست على طرف شبريتها عدال الكمدينو طاحت عينها على موبايلها...شلته وهي تعرف بتلقى مكالمات منه...حتى الدعوه عليه مب قادره تظهر منها...مع أنه يستاهل كل الدعاوي لأنه دعوة المظلوم مستجابه...بس هي مب متعوده على هالأسلوب...وفحياتها كلها ماقد دعت على إنسان...وفعلا مثل ماهي متوقعه فوق العشر مكالمات لم يرد عليها منه...و5مسجات...فتحتهن "نوورووه ردي عليه ولا بتشوفين شي ماشفتيه" و " أنزين ياماما فيه ألف حل وحل لهالمشكلة..مافيه داعي تجتلي نفسج صياح..بعدين شو بتستفيدين" و " قسم بالله أنا آسفه...ماكان قصدي...بس أنتي إللي أجبرتيني على هالتصرف" و" نورة أحبج" و " تمي جيه لين ماينتفخ البطن أنزين...لاتردين عليه...بنشوف منووه بياخذج ساعتها" لاعت جبدها من إللي قرته وفرت الموبايل بكل قوتها على الأرض...وشكله أنكسر...بس ماهمها التلفون الحينه...أنهارت على شبريتها تصيح...همها هالمصيبه إللي طاحت على رأسها... .............. في الليل وعلى العشا يالس بوحمدان وعياله الثلاث وحرمته...محد تكلم من بدوا العشا...حتى منصور إللي متعود يخبرهم عن أخباره وشو سوا فيومه كان ساكت وشكله سارح ويا أفكاره...أم حمدان بعد شكلها شي مضايجبها...وهالشي كان يعرفه بوحمدان إللي تكلم فهالحظه... بوحمدان: العرب بيوا يوم الخميس حمدان معقد حياته: أي عرب؟! بوحمدان: إللي خاطبين بنت عمك حمدان بعده مب مستوعب: نورة! بوحمدان: هيه نورة منوه غيرها حمدان: ليش؟؟؟شو يبوا؟؟ بوحمدان: شو هالاسأله...شو يبوا يعني...بيوا عسب نتفق على كل شي حمدان شبه مصدوم: وليش تتفقوا ونورة أصلا ماردت عليكم بعدها بوحمدان: ومنووه قالك إنه نورة ماردت علينا...عقب صلاة العشا أتصلتبي أمها وخبرتني أن نورة موافقه حمدان الصدمه مبينه على ويهه: موافقه !! متى ؟؟ وكيف ؟؟ بوحمدان نش عنهم وطنش ولده...الكل لاحظ صدمت حمدان إللي وقف عن الأكل ونش ورى أبوه...بس مالحقه...ظهر برع البيت...كيف توافق عليه؟؟هذي أكيد مينونه؟؟أو أكيد حد أجبرها!!ولا يمكن ردوا من دون ما ياخذوا رأيها...كل هالاسأله أدور فرأس حمدان... هالمره لازم ترد عليه مب بكيفها...أتصل فيها وتضايج أكثر يوم سمع إنه مالها مغلق... أما أحمد فكان من الوناسه مب عارف شو يسوي...ظهر وتعشا هو وعماد في واحد من مطاعم المول...يوم أتصل فيه عمه وخبره إنه العرب ردوا عليهم وهم موافقين ماصدق... عماد: مبرووووووووك يارجال...أخيراً هتتجوز وهتبطل صياعه أحمد: شفت كيف عماد: بس ماعرفت ليش ماأداوم أحمد أختفت البسمه عن ويهه: والله ماأعرف...وهالنذله سميحه مب طايعه تخبرني عنها أي شي عماد: يمكن البنت مستحيه أحمد يبتسم: يمكن والله...كل شي جايز...بس تصدق ولهت عليها...مب عارف ساعات الدوام كله مجابل هالعيوز سميحه عماد: مسكينه هالسميحه...كتير بتاخد من وراك أجر أحمد: واصل حدي منها ياخي عماد: ماعليه عم تمزح معك أحمد: مب جيه عاد عماد يضرب أحمد على جتفه: المهم مبروووووك يا أبو شهاب...عأبال العرس أحمد: فأقرب فرصه إن شاء الله عماد: بأعرف أنه جوازاتكم بطول كتييير أحمد: لا أطول ولا شي...أنا جاهز حتى لو باجر عماد: ههههههههههههههههههههه كتيير مستعجل أحمد: أيييه لاكااااان عماد: ههههههههه شو بدك تتعشى أحمد: أي شي...اليوم شهيتي مفتوحه على الأخر عماد: اليوم ورطني مع نادين...بس مو مشكله علشانك بس وافأت أتعشى برى البيت أحمد: لا أرتاح نادين تبى حليلها الفكه من ويهك مجابلنها 24 ساعة عماد: ههههههههه أيه بنشوووف أستاز أحمد لما تتجوز ........ دخلت الغرفة وكانت ظلام...بس سمعت صوت...وهالصوت شي تعودت عليه فاطمة من ثلاثة أيام...صوت صياح نورة..."ياربي شو يصيحها هالبنت" شافت جسم نورة الضئيل تحت على الأرضيه ومسانده رأسها على شبريتها...فتحت الليت...وعلى طول ألتفتت نورة بعيونها الحمر...كان شكلها فضيع...وفوق هذا ماكانت تاكل شي من ثلاثة أيام...وأستغربت أكثر اليوم يوم خبرتها أمها أنه نورة وافقت...وكان على بالها تصيح بسبت هالشي أنها ماتباه...بس هي تعرف والكل يعرف أنه محد بيجبرها على حد ماتباه...يعني العرس مب هو السبب إللي يخليها تصيح هالكثر... فاطمة: نورة إذا تحبين ربج صدق خبريني شوفيج...نورة والله مااظهر اليوم من حجرتج إلا إذا خبرتيني شو فيج...نورة لا تنسي أنا أختج... نورة عاضه على شفايفها وتمسح دموعها بكم الجلابية...وبصوت خشن: مافيني شي فاطمة شبه معصبه: قسم بالله فيج شي...قلت لج إذا تحبين ربج بتخبريني نورة ردت تدفن ويها فبطانية الشبريه...ومن دون ماتجاوب...أقتربت منها فاطمة ويلست عدالها وضمتها بقوة: إذا تحبين ربج خبريني نورة: حمدان فاطمة وخرتها شوي عنها بصدمه: حمدان!!! شو فيه؟؟؟ أنهارت نورة وخبرت فاطمة بكل شي...جنه حد جب ماي بارد على ويها أو أكثر جنه حد طعنها بسجين حاده: شوووووه؟! أنهارت نورة بالصياح فحضن أختها...وفاطمة متيبسه بصدمه...مب قادره تستوعب إللي قالته أختها...لا ومن المذنب حمدان...ماصدقتها من قبل يوم قالت لها أن حمدان ناوي يتقدم لها...أستبعدت هالشي نهائياً...كيف يتقدم لأختها ومن كماً سنة كان يباها هي...وهو السبب الأساسي فدمار أجمل حلم كانت عايشه علشانه...معقوله الهدف الإنتقام منها...معقوله سوا بأختها جيه علشان ينتقم...بس بعد صعب أنها تستوعب بأنه قاسي لهدرجة...وماعنده أي ذرة أخلاق ولا أحترام لروابط الرحم لهدرجة...نورة مهما تكون بنت عمه...وشرفها من شرفه... فاطمة تحس رأسها بينفجر: نورة متأكده من إللي تقوليه نورة وصوتها بالكاد مسموع: هيه وبعصبيه زختها من جتوفها ووخرتها عنها وهزتها بقوة: عيل ليش وافقتي على أحمد نورة: عيل تبيني أوافق على هالــ هالــ "سكتت وهي تشعر بضيج وأختناق" فاطمة أمتلت عيونها دموع: أنتي مينونه ولا شو...إللي صار مب شويه...شكلج ناويه على الفضيحه نورة: والله ماأحقق له إللي يباه فاطمة بعدها تضغط على جتوف أختها: نورة المسألة مب مسألة تحدي...إللي سويتيه الفضيحه بعينها...هو لو مب متأكد إنج بترفضي أحمد ماكان تجرأ أوحتى فكر بهالشي نورة: بس أحمد يحبني فاطمة تضحك بسخريه والدموع فعينها : يحبج!!؟ نسيتي أن أحمد شاب خليجي...وبالأخص إماراتي...يعني كوني أكيده مستحيل يقبل بهالشي...وبتردي ثاني يوم مطلقه كانت تصيح بصمت هالمره وعيونها سارحه تفكر: مابغير رأيي فاطمة هالمره هي بعد تصيح على حال أختها: حسبي الله ونعم الوكيل على إللي كان السبب حسبي الله عليه تذكرت فرحت أمها وهي تخبرها أنه نورة خلاص وافقت...يعني أخيراً بتشوفها عروس...أخيراً بتتطمن على بنتها البجر وعلى مستقبلها... رقدت هذيج الليله ويا أختها...ورقدن تقريبا الساعة 3 ونص...وبعد أذان الفير بنص ساعة نشت فاطمة وقومت أختها علشان يصلن رباعه...وتمت نورة على سيادتها نص ساعة تقرأ قرآن... بندت المصحف وحطته مكانه والتفتت أطالع فاطمة اليالسه على طرف الشبريه: تعرفي شي...أنا ماوافقت جيه يعني بس علشان أتحدى هذا الـ أستغفر الله رب العظيم...أنا صليت أستخاره أكثر من مره...فأحلامي ماشي إلا أحمد وهو يمد لي أيده...كل شي فيني وشعور هنيه "تحط كفها على مكان قلبها" يقولي وافقي...أنا خايفه من الياي...بس ماأقدر أتراجع فطيييم...ماأقدر أتراجع فاطمة نزلت دمعه على خدها: والله خايفه عليج نورة تبتسم رغم كل إللي فيها: أنا بتوكل على الله...وإللي مكتوب لي تراه بيصير لي فاطمة: الله يستر عليج يارب ........ مر هالأسبوع ونورة محد شافها في الدوام...أتصلت فيهم وخذت إجازه مرضيه...أما أحمد رغم وناسته إلا أنه كان مستهم عليها وبالذات بعد ماسمع أنها ماخذه إجازه مرضيه...أول مره تاخذ إجازة طويل جيه غير إجازتها السنوية إللي تاخذها كل سنة...ومافيه أي حد يطمنه عليها...سميحه مع أنها تعرف أنه مستهم على نورة ووده يعرف أخبارها إلا أنها تتعمد ماتخبره أي شي مع أنها أتصلت فيها أكثر من مره من تلفون الدوام... يوم الخميس راح أحمد وأهله بيت قوم نورة وأتفقوا على كل شي...كان خاطر أحمد يتزوج فأقرب وقت ممكن...إلا أن عمها أعترض لأنه الفتره إللي يباها أحمد وايد قريبه فمابيمديها تتزهب...أم عن الملجة بعد مناقشات وافقوا تكون بعد شهر من هاليوم...يعني بتكون ملجتها مباشرةً بعد عرس محمد...هذا أكثر شي ريح بال أحمد...ونقهر يوم رفضوا أنه يشوفها...بما أنه يحق له شرعاً يشوف إللي يبى يتزوجها...بس يالله مب مهم الأهم أنها بتكون من نصيبه...وطبعاً حمدان ماحضر هالشي كله...لأنه لو حضر زين إن ماأرتكب جريمة أما نورة هذاك اليوم قضته في مناحه...مب جنها بتتزوج...جنه حكموا عليها بحكم الأعدام...وطبعا موضوع رفض أنه يشوفها كان رأيها...لأنها ماتتصور يشوفها وهي على هالحال... "خافي ربج فنفسج..والله حرام إللي تسويه" قالتها فاطمة وهي مجابله نورة في الصالة الفوقانية... نورة: ومب حرام إللي سواه فيه ولد عمي فاطمة: أنا قلت لج بخبر عمي إلا أنتي رفضتي...دامج ساكته تحملي إللي بييج نورة: وشو تتوقعي بيكون تصرف عمي...أكيد بيجبرني عليه ستر للفضيحه فاطمة: مب أحسن من إنج تتزوجي شخص ماتعرفين شو بتكون ردت فعله نورة تبتسم بحزن: أحمد...صدج أفتقدته فاطمة: الله يستر نورة: يوم السبت بداوم فاطمة: وجيه حالتج نورة: مافيها شي حالتي فاطمة: تعرفي أمايه شو تقول...تقول حد سوالج عمل...ولا عين وصابتج نورة نزلت دمعه على خدها الشاحب: حليلج يامايه...والله مقصره وياها وايد فاطمة غمضت عيونها وكأنها تتآلم بعدين أبتسمت: عطيني أيدج "خذت أيد أختها وحطتها على بطنها" يتحرك نورة بإهتمام أقتربت أكثر: فديته...شو تتوقعي ولد ولا بنت فاطمة بتفكير: ولد نورة تعدل يلستها: شمعنى فاطمة: خبره نورة: يالله إن شاء الله يكون ولد فاطمة: إللي أيي من عند الله حياه الله نورة: الله يسهل عليج إن شاء الله فاطمة: والله يستر عليج "عضت على شفايفها من الآلم" تفاجأ أحمد يوم السبت الصبح أول ماحدر المكتب وشاف نورة واقفه عدال الطابعه تظهر أوراق طابعتنهن...هي ماأنتبهت له في البداية...كان يطالعها بتركيز فيها شي متغير...حركت جتوفها المايله أكثر عن اللزوم...وهذا دلالة على الحزن أو اليأس...بس أحمد رجح المرض بما أنها كانت في إجازه مرضيه... أحمد: أحم السلام عليكم...وصباااح الخييير ألتفتت صوبه متفاجأه: وعـ ــليكم السلام..صباح النور أحمد بعده يطالعها بتركيز وهي من شافته أفترت عنه أطالع الطابعه: سلاااامات! نورة من دون ماأطالعه: الله يسلمك أحمد يالس على طرف مكتبه: شحالج الحين؟! نورة: الحمد لله ..... أحسن أحمد: إن شاء الله دوم هب يوم كان يبى يسألها شو فيها بالضبط...بس ماتجرأ هي لحد الحين مب زوجته علشان يسألها هالاسأله...كان نفسه يطمن عليها لأنها حالتها مااطمن...وبالذات من اللحظه إللي طالعته بعيونها... سميحه شاله شنطه برتقاليه كبيره على نفس لون البدله إللي لابستنها: أدى النوووور كله...أزغرط..."أقتربت من نورة تحببها على خدودها" سلاااامات ياحببتي... نورة: الله يسلمج ويعافيج سميحه: ماتشوفش شر نورة: الشر ماييج سميحه: لاءه دي المره طولتي كتييير...واللهِ لكي وحشه نورة: حتى أنتوا والله حس أحمد إنها تعنيه هو بعد بهالرمسه...دار على مكتبه ويلس على كرسيه: حشى شوووو هاللون إللي لابستنه اليوم يعور العيون سميحه ألتفتت أطالعه بنص عين: وأنت مااااالك...دنى لابسه على الموضه...والسنادي الموضه البرتقالي أحمد يحاول يكتم ضحكه: قلنا برتقالي بس مب جيه عاد سميحه: أنت ماااااالك وأش عرفك بالموضه...ياخويه أتلهي فشوغلك اليوم صدق ردت الروح عند أحمد من شاف نورة...رغم أنها قليلة الكلام...بس رد هالشي يمكن تكون مستحيه منه أو شي من هالقبيل...حتى بعد مرور الوقت مارام يوخر عيونه عنها...كأنه ماشافها من سنة مب بس أسبوع...أما هي مارفعت عيونها صوبه من بدت تشتغل...بس مب مهم عنده دامه يشوفها جدامه وأنها بخير مع أنه يحس بعكس هالشي...الحين أكثر شي يتمناه أحمد أنه هالشهر يعدي على خير بسرعة...ساعتها بيكون من حقه يسألها ويكون جريب منها أكثر من جيه... أنقهر يوم أتصل فيها سكرتير الأستاذ فالح...على أساس أنه الأستاذ فالح يباها تروح له فمكتبه...لو ماالمستحى ولا كان راح وياها...يمووت غيض من نظرات هالإنسان لنورة... عماد: أجيت؟ أحمد حايس بوزه: هيه عماد: لكان وينها؟! أحمد: عند فاااالح "نطق أسمه بغيض" عماد فهم: هههههههههه وشو بدووه منا أحمد: شدراني فيه عماد: والآنسه سميحه وينا؟ أحمد: راحت شكلها تتريق عماد: وهيدي مابتفوت الأكل أحمد: أبداً عماد: ههههههههههههه بعد ماظهر عماد بفترة ردت نورة المكتب وشرات ماراحت شرات ماردت الفكر سارح...تمنى أحمد يعرف شو فيها...وليش كل هالسرحان..."ياربي أموووت وأعرف شو فيها"...يلست على مكتبها حتى من دون ماتلتفت صوب أحمد...سارحه ويا أفكارها... تتذكر كلام اختها فاطمة بضرورة أنها تروح المستشفى تفحص وكيف كانت مصره على هالموضوع...وأضطرت شبه توعدها بأنها بتروح المستشفى...رغم الرعب والخوف إللي ينتابها كل ماتيي ذكرى الكراج وملابسها المبهدله والتراب إللي موسخ شعرها وملابسها...أصلاً هالذكرى ماتروح عن بالها...وياها من وين ماتروح...صوت حمدان وهو يتأسف منها على إللي سواه...وأنه مهما يكون بيستر عليها لأنها بنت عمه...قبل كانت يوم تقرأ عن جرايم الأغتصاب تمررهن لأنها ماتتصور ناس جيه بهالوحشيه والقذاره...ولأنها ماتتحمل تتصور بنت تعاني رعب وكابوس بأنها مغتصبه...والمشكلة والفضيحه لو عرف الكل...المجتمع!!!كيف بتكون نظرة المجتمع لهالبنت...بس مع هذا هي مصره ماتستسلم لحمدان...لأنها الحين بالذات تحتقره وتكرهه بشكل محد ممكن يتصوره..."لا كنت ولا أستويت ياحمدان" ومن القهر إللي فيها أمتلن عيونها دموع...وشردت وحده منهن ونزلت...فهالحظه أنتبهت لصوت أحمد...كان يرمسها بس هي ماأنتبهت ولا لحرف واحد منه...نزلت رأسها وحاولت تسوي نفسها مركزه على المعامله إللي جدامها: السموحه شوو كنت تقول؟؟ أحمد رافع واحد من حواجبه بستغراب: كنت أسئلج عن معاملة محمد جمعه... أحمد وهو يطالع نورة ادور بين الملفات وشكلها مرتبكه: نورة شو فيج؟! نورة وهي تتحشى أنها تصد صوبه: سلامتك مافيني شي. سميحه وهي داخله المكتب: البت مافيهاش حاجه... أنت سبها بس فحلها أحمد وهو عاقد حياته: أنتي الحينه ياأم دويس حد رمسج؟ نورة تحاول تكتم ضحكتها : هههههههه سميحة وعلى رأسها أكبر علامة أستفهام: أم دويس!؟؟ تطلع أيه دي كمان؟؟ أحمد يحاول يبين أنه جدي: اسئلي نورة...بتخبرج عنها سميحه وهي حاطه أيدينها على خصرها: وأنت ماتخبرنيش ليه؟؟ أحمد يصد صوب نورة: نورة خبريها عن المزيونه أم دويس سميحه: يالله بأه خبريني يانورة تطلع مين دي؟ نورة: أعفيني ياسميحه عن الإجابة...ههههه سميحه وهي اطالع مره أحمد ومره نورة: هو فيه أيه أنت وهي؟؟ ماتخبروني بأه أحمد أونه يالس يخلص وحده من المعاملات وجنه مايسمعها...وفسره يضحك عليها ضحك. سميحه خلاص فولت: أحمد! أحمد يوم شاف أن سميحه وصلت حدها: طول الله فعمرج هذي وحده مزيونه... كان كل مايضربون المثل بالجمال والدلال يضربونه بأم دويس.. سميحه وهي مكشخه ضروسها: كلك زوأ يا أستاز أحمد نورة وهي تضحك وتقول بصوت واطي: يحليلج ياسميحه أحمد : توج تقولين أحمد حاف... مسرعج ماتتغيرين الموجه ياسميحه سميحه حمرن خدودها: أنا عرفه أني مزيونه زي مابتأول... بس مش لدرجه توصفني بالبت أم دويس أحمد يلتفت يطالع نورة وهي موب قادرة تكتم الضحكه..." الحمد لله أني قدرت أغير من نفسيتها شوي..فديت هالضحك والله...الله لاخلاني منج" ..... حمدان حاط رأسه على مسند الكرسي...وسارح فعالمه الخاص...كل تفكيره فالإنسانه إللي أحتلت كل تفكيره...شعرها الناعم الأسود النازل على يبهتها وعلى خدها...بشرتها الناعمه الخاليه من أي عيوب...شكلها وهي مغمى عليها ماتروح عن باله...وهالشي يخليه أكثر تصميم بأنها تكون من نصيبه..."بس هالمينونه جى توافق...ولا المسألة مسألت تحدي لاغير...ههههههههههاي بس هالموضوع مافيه تحدي...فيه فضيحه...صدج إنها مينونه...بس الأيام بيني وبينج يانورة...يابنت عمي" أبتسم أبتسامه خبيثه فنفس اللحظه إللي حدر مكتبه حميد وطالعه وهو معقد حياته: سلااااااااااااااااام حمدان عدل يلسته: وعليكم السلاااام...بسم الله...من وين طلعت لي أنت حميد: ههههههههههههه كل يوم يالحبيب بتشوفني جدامك حمدان: حشى ماقول إلا الله يعيني جى بشوفك كل يوم...أنا الخبل ولا شو إللي خلاني أشاركك حميد يغمز بعينه: صدقني أنت الرابح في الأخر حمدان: ههههههه وانزين فيك كل يوم تضرب لك خط بوظبي حميد: ماعليك...أنا هاليومين فبيت الخالة العزيزه حمدان: الله يعينها عليك...أكيد ملعوزنها حميد: ياريال هذي خالتيه مهما تكون حمدان: انزين خلصني شو عندك...ورايه مية شغله وشغله حميد بسخريه: هههههههههه ماأشوفك تشتغل...إلا متفيزر على هالكرسي حمدان: انزين خلصني هب متفيجلك حميد: شفت الأسهم اليوم حمدان: نووووو حميد: صدج إنك هب مال تجاره...ياريال الأسهم فكل ثانية ترتفع وتنزل...وكل رأس مالنا فيها...وأنا هالمال مب مالي أنا بروحي حمدان: أنت متفيج...شغل وفنشت منه...شو وراك تابع الأسهم حميد: انزين المهم...تقدر تروح وياي مشوار حمدان: وين؟ حميد: إلا هنيه فالعين...بنروح عند ريال حمدان: ياخي مب الحينه وقت الدوام...بعدين حميد: لا الحين...ماشي وقت حمدان: أوكى..."وهو متضايج من حميد ومن ألحاحه" بس صبر ربع ساعة حميد يلس على الكرسي وخذ راحته على الأخر: أنزين بنصبر ربع ساعة...ومممكن تطلب لي عصير حمدان: هههههههه طرار ويتشرط حميد: عييييل ........... يالسه ويا أمها تحت يطالعن مسلسل بدوي... عاد أم نورة وايد تحب تتابع المسلسلات البدوية والمصرية... ففي هالوقت بالذات كل يوم تنزل فاطمة تشوفه مع أمها...وهن مندمجات مع المسلسل تدخل سوزن شاله منى إلي عاقده حياتها وشكلها متضايج...... تحدر سوزن الصاله: ماما فاطمه منووووه فيه يريد نوم فاطمة تقوم: عطيني اياها... مافيني ترقد الحين وبعدين تمشكلني تاخذ فاطمة بنتها عن سوزن...ومنى تتعلق بأمها شرات الكوالا يوم تتعلق وتحتضن أغصان الشجر... وتمسح فاطمة على رأس بنتها النعسانه... أم نورة: فطوووم نزليها موب زين تشليها...تذكري إنه روح فبطنج فاطمة وهي تنزل منى إلي بوزت وزعلت: حليلها أمايه مب من ثقلها منوووه أم نورة: حتى لو هب زين بتضرين إلي في بطنج فاطمة وهي تدغدغ منى علشان تراضيها ترد على أمها: إن شاء الله امايه أم نورة وهي تتضحك على شكل منى: فديت روحها أنا...زعلانه من تتوه منى ماده البوز: هيه أم نورة: فديت الحلووووين أنا...خلاص لاتزعلين من باجر بنروح سوق الغنم بشتريلج هذاك الأرنب الغاوي منى كاشخه: أتي حوووه تتوه أم نورة: فديتها والله فاطمة: دخييييلج أميييه مب أرانب عاد...شفتيها يوم العصافير إللي طيرتها والباجي جتلتهن أم نورة: ماتعرف فديتها...لا أنا مابخليه فخاطرها..."توجه رمستها لمنى"باجر إن شاء الله الصبح...هااا الصبح جى تبي تروحي وياي منى قامت تناقز: هيه هيه أبا أبا فاطمة بستسلام: ماقول غير الله يعين هالأرنب إللي بيطيح فأيد بنتي...المهم بروح أغديتها أم نورة: برايج حبيبتي بعد ماغدتها...راحت هي وياها غرفتهن عسب ترقدها... بس منى كل شوي تتعبث بشي منيه ومناك...وتظهر الأشياء من أدراج التسريحه... فاطمة وأونها معصبه: منوووه تعالي رقدي ولا تراه بروح عنج... بخليج ترقدين بروحج في الحجره منى عقدت حياتها ويت تربع ولوت على أمها: ماتلوحي عني ماماه...أحااااااف فاطمة تحبها على شعرها: عيل يوم تحااافي تعالي رقدي منى وهي تغمض عيونها اونها راقده... شوي وتفجهن وتيلس تتعبث بشعر أمها منى: ماماه شعلج.. فاطمة وهي تقرقط بنتها: هههههه الحين أنت بترقدين ولـ شوو؟؟؟ منى وهي تتضحك: هههه ههههههه ماماه ابا شعلج فاطمة: بعد شعريه شوو تبينه؟؟ شوووفي هالشعر " وهي تمسح شعر منى" الحلوو منى: ماباه...صعيلووون فاطمة: زين رقدي... ولـ تراني ماحبج منى: ماماه" وهي تلوي على أمها" هبيبتي أنا بعد نص ساعه رقدت بنتها... لحفتها زين وحبتها على يبهتها... وهي حاطه ايدها على بطنها تحس بحركة الياهل إلي في بطنها... تفكر في جنس هالياهل... هل ياترا بتكون بنت ولـ ولد؟؟؟ مع أنها عندها أحساس كبير أنه إلي في بطنها ولد...نزلت دمعه تلقائيا من عيونها...مجرد أنها تتصور اليوم إلي بيشوف هالطفل النور...وبينولد من دون أب...يعني بينولد ومايعرف شو معنى كلمة "أب" ولا بيشعر بهالسند القوي وياه...بس أنها تتذكر مبارك...يتعبها ويآلمها...مبارك إللي من كثر ماكانت مخلصه له مسحت من حياتها منصور...حتى مجرد التفكير فيه كانت تعتبره خيانه لزوجها إلي شوي شوي تعلمت تحبه بعتبار أنها كانت تعتبره مخلص لها بنفس الدرجة...بس للأسف خذلها...فاطمة رغم قلبها الطيب...بس صعب تنسى بأنها كل الفترة إللي كانت تعتبر نفسها حب زوجها الوحيد وحياته ومايشوف فالدنيا حرمه غيرها يطلع يعرف أكثر من وحده...حطت أيدها على صدرها بآلم وأستغفرت ربها...محاولة تذكر هالخيانه عذاب مابعده عذاب...فمن الأفضل تتناسى...لأنه النسيان بحد ذاته مستحييييل... ....... الساعة 12 ونص مرت على مكتب الأستاذ فالح تستأذن...وهو طبعا بعد اسأله تعتبرها نورة شخصيه ومب من حقه يسألها سمح لها تروح...كانت مب ناويه تروح...لأنها ماعندها الجرأه الكافيه...بس فاطمة هب مقصره وياها أتصلت خمس مرات...وفكل مره تتصل تذكرها بالمستشفى...كانت من الزيغه والرعب إللي تحس فيه وجنها محمومه... ردت مكتبها بتشل جنطتها...لاحظ عليها أول مادخلت من الباب كيف كانت ضامه قبضت أيدها اليمين..."نورة مب نورة إللي يعرفها...صح اليوم ضحكت وياهم...بس فيها شي غييير...كان دايما يرجع السبب لأنها الحين خطيبته...صح محد يعرف فالدوام...بس هي وهو يعرفوا هالشي...وبعد شهر بتكون زوجته على سنة الله ورسوله...وأكيد الكل بيعرف هالشي...وأحمد يتريا هاليوم بفارغ الصبر...لأنه فهاليوم يقدر يوقف الأستاذ فالح عند حده...ويقوله أنه نورة من حدودي"...يوم يشوفها جيه نفسه لو يعرف شو فيها وبيسوي كل إللي يقدر عليه علشان يساعدها...بس هو يعرف أنه نورة بتنحرج لو هو سئلها وبتتضايج... وبجيه ألتفت صوب سميحه...وسوالها حركه بعيونه معناتها" شوو فيها نورة" طبعاً من دون ماتنتبه له نورة.... سميحه فهمت على أحمد: يابت يانورة أنت فيك أيه؟؟؟ يلست نورة على كرسيها وطبعا ماأنتبهت لأي كلمة قالتها سميحه...لأنها فعالم ثاني...فمصيبه ومن ثجل هالمصيبه حاسه نفسها ضايع وتايهه...بس سميحه يوم شافت أنه نورة ماسمعتها ولا انتبهت لها... قامت من مكانها ووقفت جدام مكتب نورة... نورة هنيه أنتبهت لها ورفعة رأسها: هاا سميحه شوو تبين؟؟ سميحه وبنظره جديه: ايه يانورة... أنت مش معانا خالص... نورة: افاا عليج ليش تقولين جيه؟ سميحه: أنا من ساعه بنديكي... بس أنت مابترديش عليها.. نورة برتباك: السموحه منج مانتبهت لج أحمد يوم شاف أنه سميحه راحت صوب نورة قام وهو يمشي صوب الباب: إذا حد يباني... أنا عند بابوه...بغيته فحايه بس في الحقيقة أحمد طالع علشان تاخذ نورة وسميحه راحتهن في الكلام لعل وعسى تخبر نورة سميحه على إلي شاغل تفكيرها...ولأنه مستحيل ترمس نورة عن مشاكلها جدامه..... بعد ماظهر أحمد قالت سميحه لنورة: فضفضي يانورة...يمكن أأدر أسعدك نورة: صدقيني مافيني شي بس تعبانه وختيه تباني اروح المستشفى افحص سميحه: سلااامتك ياحببتي... أنت فعلاً زبلانه نوره: الله يسلمج من الشر سميحه: أاولك حاجه...أنا هستأزن من الأستاز فالح...وبطلع معاكي على المستشفى نورة بأرتباك: لا تستأذني ولا شي...أنتي وراج هالأكوام من المعاملات خلصي شغلج أبرك لج..."يوم شافت سميحه بترمس قاطعت رمستها" أعرفج راعيت واجب...بس صدقيني مافيني شي...فحوصات روتينيه لا غير سميحه: صدأيني أحسن أروح معاكي نورة: مشكوره سميحه بس بروح بروحي أقنعتها بأنها تقدر تروح بروحها...هذا إللي كان ناقصنها سميحه تروح وياها...إذا الحينه محد يعرف غير فاطمة...بالباجر كل أهالي العين بيعرفواالسالفة... شغلت سيارتها بس ماتحركة...لأنها كانت فحيره من أمرها...تروح المستشفى وتسوي الفحوصات وتريح نفسها وأختها إللي مستهمه عليها وايد...هو أصلاً بيكون راحه ولا عذاب؟؟!! حركت السياره متوجهه لمستشفى التوأم وهي مرعوبه وحتى من الزيغه إللي فيها كانت أيديها تتنافض ومب قادره تزخ السكان بثبات وكل شوي تنفض وحده من أيديها تحاول توخر الشد...بس أي شد بيتوخر وهو أصلا شد نفسي...ومن كثر ماهي الأفكار السوداويه أدور فرأسها ماأنتبهت لأشارات المرور فطوفتهن...لو مارحمت الله ولـ كانت دعمت...بس صاحب السياره الثانية كان أمهر فقدر يتفادى الأصطدام...بركنت بسيارتها على طول زود على الرعب إللي فيها كان رعب الأصطدام...شافت الموت جدام عيونها...حست بدوار فضييييع ساندت رأسها على السكان كانت حالتها حاله... ماحست إلا بضربه قويه على يامة سيارتها إللي عدالها...رفعت رأسها بتعب تشوف منووه إللي يضرب اليامه...كان صاحب السيارة إللي كانت بتدعمها...نزلت اليامه... الريال بعصبيه: هيه هي إلي سواقت حريم...أنتي بسألج منوووه عطاج الليسن نورة والدمعه فعينها: والله آسفه الريال وهو يبتعد شوي: وين أصرفها هذي لو جتلتيني أنا ولي وياي... ماأدري كيف عطوج ليسن" ونبرت صوته عاليه" نورة ماتعودت حد يرمسها بهالأسلوب...تعرف أنها غلطانه...بس بعد المفروض مايرمسها بهالأسلوب الفج... وبصعوبه وبصوت واطي قالت له: والله انا أسفه مانتبهت... طالع الريال ساعة ايده وقال: زين مره ثانيه أنتبهي" وهدا صوته... يوم شاف نورة تمش دموعها" مافينا على الحوادث . راح الريال...بس نورة بعد هالموقف ومزاعج هالريال عليها... تمت تصيح بصوت خافت في السيارة إلي ركنتها على طرف..."حسبي الله عليك ياحمداان إللي بسبتك تصير لي كل هالمشاكل...لو مت جان ارحم لي... أستغفر الله أنا شوو يالسه أقول..." بعد ربع ساعة هدت نفسها...وحركة سيارتها واتجهت للمستشفى... دخلت واحد من حمامات المستشفى وغسلت ويها وعدلة نقابها وظهرت...كانت تنتظر دورها والتوتر و القلق يتأكلها... يوم نادت الممرضه عليها علشان تدخل...ماحست بنفسها إلا وهي برع المستشفى... ....... واقف عدال الباب يتأمل آثاث غرفته اليديد...أبتسم...أول مره يختار آثاث على ذوقه...وعلى حسب ماسمع من آراء أفراد العائله الكريمه...الكل أبدأ أعجابه بالآثاث...وهالغرفة طبعا مؤقته لين مافلته الصغيره تزهب...أيام ويكون ريال متزوج...كان هب مستسيغ هالموضوع ومب متقبلنه لين هناك...بس الحين يتمنى هاليوم بفارغ الصبر...كان هالشهر صعب ومتعب وايد...فحوصات زواج...وبعد ماخلص الفحوصات يا دور الآثاث إللي بين اليومين يروح الشارجة هو ومنصور...معروف العرس شغلانه...والحين مشغولين بالخيم وكل مستلزمات العرس...يعني يومياً تقريباً فبوظبي... محمد كان ناوي يسافر هو وعروسه لأي بلد عربي...لأنه فحياته ماسافر...فمب ناوي يروح بلد أجنبي ويتوهق...فكان الأختيار على جوله ثلاثة أسابيع فبلاد الشام...وهو خاطره بعد من زمان يروح لبنان...فيضرب عصفورين بحجر واحد... منصور: ههههههههههه شو وايد معجب فالآثاث...نصيحه أكتب قصيده غزليه فيه محمد: هههههههه ياريال!! منصور: انزين بما أنه بريك اليوم وماشي شغل...نروح بيت عمي محمد مب عايبتنه الفكره: وشو نسوي هناك منصور: عنبوه نمر نسلم محمد: هههههههههههه لا يكون حاط عينك على نورة منصور: ياريال!! عاد نورة...أنا طول عمري أعتبرها أختي الصغيره محمد يغمز بخبث: الزمن يغير منصور: لا أرتاح...شعوري أتجاه نورة مثل ماهو ماتغير ولا بيتغير...وبعدين تعال هنيه...مب جنك متغير هاليومين محمد يبتسم وهو يظهر من الغرفة: معرس لازم تكون النفسيه غير منصور: يالله متى بنجرب نحن بعد هالشعور محمد: لا تحطه فخاطرك...الوالده على أتم الأستعداد أنت بس عطاها الأشاره منصور: هههههههههه لا يابوك...خلى الوالده فصوب محمد: هي الحين فصوب...بس تتريا تنتهي مني...لا تفرح وايد الدور ياينك ياينك منصور: هههههههههههههه الله يكون في العون...إذا بعدها صالحه فرأسها أهاجر أبرك لي محمد بعد ماركب سيارة أخوه: انزين ورحنا بيت عمي...نيلس مجابلين حرمة عمي منصور بعتاب: لا تنسى أنهم أهلنا وماعندنا غيرهم...مابينقص منك شي إن رحنا وسلمنا عليهم محمد: بس دخيييلك لا أنطول منصور: أوكى يصير خير من كم يوم وهو يحس بشوق كبير لمخلوقه صغيره...دخلت قلبه من أوسع أبوابه...بس بعد أنه كل يوم والثاني فبيتهم غلط...مر قبل ليروح البيت على محل أطفال...شاف أرنب وردي نفس حجم الأرنب الطبيعي واشتراه بعد مالفت نظره وعلى طول ذكره بمنى...فقرر ياخذ محمد وياه... فتحت لهم مسي الباب وعلى طول دخلتهم الميلس...كان محمد يتلفت يمين وشمال هذي المره الرابعه إللي يدخله من ردوا من بوظبي...أول مره كانت العزيمه...ومرتين يوم يوا العرب إللي خطبوا نورة...وهذي الرابعه...أبتسم وهو يتذكر ذكريات مرت عليهن سنوات...تذكر عمه...إللي كان قريب منه هو ومنصور وايد...ويعاملهم شرات خوانه... محمد بصوت واطي: الله يرحمك ياعمي ويغمد روحك الجنه منصور بحزن سمعه: آآآمين محمد: ماشي تغير فهالبيت...نفس ماهو...إلا الناس إللي فيه تغيروا أم نورة تحدر عليهم وهي تبتسم من تحت برقعها: وشو يغيرهم هالناس محمد و منصور وقفوا يسلموا عليها...وبعد السلام والسؤال عن الحال...محمد: الزمن يغير كل شي أم نورة: بس ياولدي مب كل الناس الزمن يغيرهم محمد: يمكن أم نورة: إلا أكيد...المهم شحالكم أنتوا محمد: الحمد لله منصور: بخير يعلج الخير أم نورة: هااا ولديه العرس قرب...شو الهبه محمد يبتسم: الحمد لله تمام التمام أم نورة: إن شاء الله دوم...والله يوفقك ويجمعكم على خير محمد: آآمين منصور وكل شوي يطالع الباب: عيل وين منى؟! محمد ألتفت يطالع أخوه بإستغراب: منى!! منصور يوضح: بنت فاطمة محمد فهم ويطالع أخوه بشك: آهااا بنت فاطمة "يوجه رمسته لأم نورة" هيه صح فاطمة شخبارها...عساها بخير أم نورة: الحمد لله ماتشكي باس فهالحظه سمع مزاعج منى برع...أبتسم منصور ولا شعورياً وقف: بروح أشوفها أم نورة: هههههههههه يابوك لعوزتنا...اليوم شليتها السوق وشريتلها أرنب لعبتبه ولعبتبه بعدين ظهرته من قفصه وانخش فالزراعه منصور تفاجأ بهالصدفه...تذكر اللعبه الأرنب: عيل بروح أدوره وياها محمد أستغرب من تصرفات أخوه ونش هو بعد: وأنا بروح أدوره وياكم كانت منى واقفه عدال شجرة ورد كبيرة وتضرب بريلها على الأرض بعصبيه وتزاعج: أبا أبا زوزن أبا أبا ألنبي يبييييه أبتسم منصور على شكلها وحجمها الصغير ويا فستان وردي صغير يوصل للركب...كان شكلها كيوووت...وبالذات بعد ماشاف ويها وهي معقده حياتها بعصبيه...بس من شافته حمرن خدودها ونزلت عيونها أطالع تحت "أونها مستحيه" منصور: فديتها أنا مناااايه منى ماده أيدها تسلم عليه: عمييييه منشور محمد ورى منصور ومتخبل على منى من شافها: هههههههههه منشور عاد منصور تجاوز أيدهاالممدوده وشلها: ليش الحلوووين زعلانيين منى ردت تبوز مره ثانية: زوزن ديعت أرنوبي منصور يزقر سوزن إللي بين الأشجار تلاحق الأرنب الشارد: سوزن ليش ضيعتي أرنوب منااايه سوزن: بابا أنا مافي يضيع أرنب...هزا مووونا يطلع من قفص ماله منصور: يالله زخيه بسرعة قبل لا يبدأ عملية التحفير محمد يقترب منهم ويوخي شوي فنفس مستوى منى إللي كانت شالنها منصور: شحالج؟ منى خدودها حمر: بحيييل محمد: ياويل حالي أنا على البحيييل...جم عمرها هالحلوووه منصور: ظني سنتين محمد: خلاص هذي الحلوووه محجوزه من الحينه حق ولدي منصور: هههههههههههههه شو تربيه محمد: عاااادي المهم محجوزه من الحينه...فديتها أنا منى كانت أطالع محمد شوي وتلتفت أطالع منصور وهي معقده حياتها..."يحليلها لازم تعقد حياتها لأنه الشبه ممبينهم كبييير وايد...لدرجة صعب التفرقة...إلا الجسم هو الأختلاف الوحيد ممبين الأخوان" ظهر وياها برع ونزل الأرنب الوردي إللي مشترنه حقها...أستانست من الخاطر يوم أحتضنته...ومن دخلوا البيت شافوا سوزن زاخه الأرنب وهو يرافس بين أيديها... منصور: يالله الحينه عندج أرنبين محمد: يااااحظج منوووه قدج أرنبين مره وحده منى كانت لهيه ويا أرنبها اليديد بعد مانزلها...الحين بس عرف محمد ليش أخوه يبى أيي بيت عمه دوم...هالبنوته الصغيره أي واحد يتمنى يكون وياها...لأنها بالإضافه لأنها طفله صغيره بأنها نسخة طبق الأصل من أمها...ونفس ملامح أمها الجميله...تخبل عليها الأخوان... ......... يالسه تسحي شعرها...وكل شوي اطالع من منظرت التسريحه نورة إلي يالسه تلاعب منى ..." يحليلج والله ما تستاهلين إلي ياج من هالعديم الأخلاق حمدان...ياربيه كيف هانت عليه بنت عمه لهدرجه!؟ كيف عاملها جنها وحده غريبه...حتى الغريبه ماتتعامل هالمعامله... موب جنها من دمه ولحمه... موب جنها عرضه هو بعد!؟؟ ياويلي عليج ياختيه" هنيه فاطمة ماقدرت تيود نفسها أكثر...تمت تصيح بهدوء من دون محد يلاحظ ... وغطت ويها بايدينها تحاول تهدي نفسها عن تلاحظها نورة أو منى...وكل أفكارها منحصره في نورة... أختها الوحيده ومكمن سرها... وياكثر المواقف الصعبه إلي وقفت معها نورة وحاولت تخفف عنها...نورة إلي دائماً كانت السند والعون لها في كل شي... والحين يوم أنها تحتاج لها... ماتقدر تساعدها... ماتعرف شوو تقول لنورة... ماتعرف كيف تواسيها وتخفف عنها... إلي ياها نورة من حمدان موب شوي... الله لا يوفقك ياحمدان...وأكثر شي مضايج فاطمة رفض نورة تسوي فحوصات...نورة طول عمرها قويه...إلا فهالموضوع حست أختها وايد ضعيفه...وبريئه لأبعد درجات البرائه... هنيه أنتبهت نورة لفاطمة: فطامي شوو فيج؟؟ فاطمة وهي تمسح دموعها: لا ماشي. نورة تعرف أختها زين ومستحيل كل هذا من دون سبب...تمت تمسح دموع فاطمة: ليش كل هذا يافطامي؟؟ فاطمة ومن الضيج والقهر إلي تحس به قالت: الله لا يوفقه" بصوت مخنوق". نورة بضيج تلوي على اختها: فطامي حبيبتي لا تشغلين فكرج فيه...الله يسامحه. فاطمة وهي تضغط على اختها: الله لا سامحه إن شاء الله. نورة وهي تحاول تمسك نفسها: فطامي ذكري الله. في هاللحظه انتبهت نورة لمنى إلي تصيح وتضربها: ليث دلبتي ماماه. هنيه فجت نورة اختها وعطتها كلينكس تمسح ويها وتشل منى وتقول لها: لا حبيبتي ماماه تضحك حتى الحين بتشوفين. منى تحاول تنزل من حظن خالتها: مابااااااااج .. أبا ماااماااه. فاطمة بصوت واطي: لا إله إلا الله... محمداً رسول الله. رفعت رأسها إلي كان شعرها مغطنه وترجعه لورى... وتحاول تصطنع ضحكه...علشان تهدي منى إلي يالسه تصيح وتقول: فديت إلي يصيحون. خذت منى من ختها وتحاول ادغدغها: شوو يادلع.. منى بدلع تلوي على أمها وتقول لخالتها: هبيبتي أنا... نورة وهي واقفه : يالله شوو تغار بنتج.. فاطمة: يوم الحين تغار منج...عيل شوو بتسوي يوم تشوف أخوها؟؟ نورة: بتلعوزه تلعويز منى بدلع حاطه رأسها فوق أمها...وتلعب بشعرها وتشوف خالتها بمكر... قبل ماتظهر نورة من غرفة اختها صدت صوبها: فطامي لا تمي شاله منى جيه تراه موب زين... فكري في الياهل إلي في بطنج. فاطمة تشوف بنتها الدلوعه: وأقدر على زعلها. نورة: ياسلام وعلى حساب الياهل المسكين يعني فاطمة: منووه حبيبتي انزلي بقول لج شي. منى ماعيبها هالشي بس نزلت بعد عناد وهي تمسك يد أمها: ماماه. نورة وهي تضحك: إلي يشوفها يقول بتسافرين عنها... هههه. ظهرت نورة من الغرفة... ويودت فاطمة ايد بنتها وحطتها على بطنها وتقول لها: داداه. منى من سمعت كلمة داداه ربعت تييت " عروستها" إلي مفروره عدال الكبت. وتقول لأمها: داداتي هلوه. فاطمة وهي تضحك على بنتها: هذي داداتج.. أنا داداتي " و هي حاطه يدها على بطنها" هنيه... تعالي " و تمد يدها لبنتها. منى وهي معقده حياتها وتهز رأسها يمين و يسار بعدم فهم: هدي داداتج. فاطمة: ويه علي كل ماأقول داداه يابتلي هذي أم كشه. يت منى ويلست عدال أمها وهي تلعب وتضحك على كشت عروستها وتقول لأمها: شعرها هلوو ماماه؟ فاطمة وهي تضحك على بنتها: حشى لله... لاهي حلوه ولا يا صوبها بعد. ويوم أنها انتبهت أنه بنتها مافهمت شي قالت: شعرج أنت إلي حلوو. هنيه كشخت منى ضروسها : شعلي هلو. فاطمة: هيه فديت هالويه. أما نورة نزلت بتروح ويا أمها السوق...وبالتحديد لمحل أزياء في العين مول...ماباجي شي عن ملجتها...كانت تسوي كل شي وكأنها تتجهز لملجة وحده ثانية غيرها...ولولا أمها ماكانت بتسوي شي...إلا أمها شافتها ماعندها أي نيه تخيط فستان أو تسوي أي شي...فكان الحل جاهز...بأنها تروح وتختار فستان من هالمحل ويجروله أي تعديلات تباهن للفستان...نورة في هالفترة حاسه بضياع كبير...مرات تندم على موافقتها على أحمد...هي صح تحبه...بس كان السبب الأول لهالموافقه أنتقامها من حمدان...بس هل إللي تسويه صح...ومعقوله يكون أحمد متفهم ويتقبل هالأمر؟؟!!لأنها ثقتها كبيره فحبه لها...لكن كشاب خليجي إماراتي ممكن أنه يتقبل هالموضوع؟! اسأله وحيره تعيشها نورة...مرات لسانها يبى يزل وتخبر أمها بكل شي...بس شو بتكون النتيجه؟! أكيد أصرار أمها بزواجها من حمدان...مايحل المشكله إلا صاحبها...وصاحب هالمشكله حمدان...بس مستحيييل نورة تتقبل هالحال...لأنه مرفوض عندها رفض نهائي... العامله الشاميه: يالله حبيبتي شو ألتي فهالأصه نورة بحيره وبالها مب عندها: سوي أي شي أم نورة: قلت لج بفصلج ثوب وكندوره أبرك لج من هالكنادير المفصخه نورة تبتسم بحزن: ثوب وكندوره عاد أمايه! أم نورة:هيه شو فيها...يازين البنيه والله يوم تلبس ذيج الثياب الساتره نورة: أنزين غناتي أنا هالفستان أصلاً بيسوله تعديلات وايد أم نورة: شو بيرقعونه نورة: هههههه لا فديتج...بتشوفيه عقب التعديلات...ساتر والله أم نورة حايسه بوزها: ماأعرف شستره ومتشقق من كل صوب نورة: عقب بتشوفيه جى بيصير كان خاطرها لو فصلت نورة من هالبوتيك فبوظبي لأنها صاحبته من أعز ربيعاتها...وماشاء الله عندها مصمم توووب... رايه: هااااا شرايج بالفستان حصه بتفكير: مب جنه ضيج رايه: ههههههه لازم حبيبتي أشوفج قمتي ماتهتمي لوزنج حصه: أووووف أنصدمت أمس يوم شفت وزني...ياختي وايد زايد رايه: لأنج قمتي ماتهتمي حصه: لا والله أهتم...بس عاد شو أسوي فهالعزايم...كل يوم وحده من حريم العايله مسويه عزيمه... رايه: أنزين صح ذكرتيني...بصراحة أنا عتبانه عليج حصه: آفااا ليش؟؟ رايه: عنبوه أنا ربيعتج...والمفروض أنا تجدميني على الغير...بس ألحظ العكس حصه: ههههههههه عرفتج...أكيد تقصدي خطيبة ولدي رايه: هيه...عيل منوه غيرها...تروحي واتخيطيلها فمحل ثاني... حصه: والله حاولت وياها غناتي...بس هيه قالت بتخيط فالعين...عاد أنا مافيني من أولها أجبرها على شي هي هب مقتنعه فيه رايه: خلاص فستان الملجه سامحناج عليه...بس العرس كل معارفج من حريم أين هنيه حصه تبتسم: خلاص تم بعد ماظهرت من محل ربيعتها وهي فسيارتها أتصلت بأحمد: هلا والله بالمعرس أحمد: هههههههههه هلا والله مليوووووووووون لا مليااااااااااار ولا يسدن حصه: هاااا أشوفك ضحكت من قلت لك المعرس ولا هب مصدق بعدك أحمد: حراااام أستانس حصه: عسى دوم هب يوم إن شاء الله أحمد: أسمعج فالسياره حصه: هيه..الحينه رايحه البيت أحمد: تعرفي أمايه...أحس نورة هب طبيعية حصه: جي؟ أحمد: ماأعرف...بس أحسها غييير...يمكن أجبروها عليه حصه تبتسم بتعاطف: لا فديت روحك...نورة من نظرتي لها مب من نوعية البنات إلي يفرض عليهن الشي...نورة قوية...ومحد يقدر يجبرها على شي هي مب مقتنعه فيه أحمد: عيل ليش متغيره حصه: يعني تباها نفس أول تاخذ وتعطي وياك...البنت أكيد مستحيه منك أحمد: الغلا ماتقدروا تجدموا موعد العرس حصه: هههههههههههه حشى شو فيك جيه...من تملج عليها تراها حرمتك...لا تخاف مابتشرد عنك ومحد بياخذها غيرك أحمد: بس غير...أنا أبى أتزوج...أباها وياي...أبى أحسسها بأنها عندها سند وظهر تستند له فالأزمات...أبى أحميها حصه: الأيام تمر بسرعة...بيي هاليوم إللي تقدر تسوى كل إلي تباه أحمد: انزين أنا مابيي بوظبي هالأسبوع تراه حصه: وليش إن شاء الله أحمد: واحد من الربع بيعرس حصه: يوم الخميس أحمد: هيه حصه: تعال يوم اليمعه أحمد: يعني لازم أتعبيني حصه: يوم أنت ماتتوله لحد كل إللي هنيه يسألوا عنك أحمد: والله يدلوا بيتي...ليش مايون حصه: يدتك مافيها على الطريج تتعب أحمد: أم مايد دخييييلج...هب عليه هالرمسه...عيل بيت أحفادها فدبي تروح...شمعنى انا...ولا أنا ولد البطه السودا حصه: سودا فعينك أحمد: هههههههههههه والله ماأقصدج الغلا...بس صدج عند يدتيه ناس وناس حصه: هذيلا يوم تروحلهم إذا أستوت عندهم مناسبات وأنت ماأستوى عندك شي أحمد بمغايض: بيستوي إن شاء الله وجريب...بروح لها أنا وبشلها والله غصب طيب حصه: ههههههه حليلها ياأمايه...أنزين أنا بخليك الحينه...وهالله هالله بعمرك أحمد: سلمي على العيوز حصه: يبلغ ......... الأيام تمر ...باجي لهم هالأسبوع...والأسبوع الياي بيكون مزحوم بشكل فضييييع...أما هي صار لها شهر كل يومين فالصالون...لأنها بشرتها وايد تعبانه...فبستمرار هي فالصالون...زهره صح جمالها عادي...لكن مع هذا فيها وايد أشياء تميزها... ضحكت من الخاطر يوم شافت شعر أختها صالحة وكيف كانت قاصتنه: هههههههههههههههه أنتي مينونه...زين إن ماذبحتج أمايه على هالقصه صالحة مبوزه: والله ندمانه زهره: وشو ينفع الندم الحينه... صالحة بحزن أطالع قصتها المقصوصه وايد وبشكل عشوائي...على حسب نصح ربيعتها اللبنانيه...: ماااالت عليه...ولا منوووه يسمع كلام كارولين زهرة: كارولين مثلاً هالقصه تطلع عليها وايد حلوووه على شعرها الأشقر وبشرتها البيضى...بس أنت الشعر أسود والبشره سمرا وين تبي صالحة تحط أيديها على خصرها: منووه عاد قالج أن بشرتي سمرا أنا بيضى زهرة: هههههههههههههههههه شرات كارولين يعني صالحة: لا طبعا...أووووووووووف لا تزيديني قهر زهرة تحط كفيها على خدها: شرايج فبشرتي صالحة: شو بشرتج أول وشو الحينه....فرق كبيييير زهرة: ياختي هالحبوب مشكله...بس هالجلسات فادتهن صالحة: تعالي هنيه...عريس الغفله ماشفته من يومين...شالسالفه أحمرت زهرة من يابت أختها طاري محمد: شو أيبه ماشي شغل...وكل إللي عليه خلصه صالحة: يعني مافيه تركيب خيم وهالشغلات زهرة: تراهم راحوا عند مال الخيم وتفاهموا على كل شي...الأسبوع الياي بيركبوهن صالحة بدلع: يعني مابشوف منصوري زهرة بضيج: صالحووووه أستحي على ويهج...شو منصوري...ماحيده ريلج ولا من بقية أهلج صالحة حايسه بوزها: بيكون إن شاء الله زهرة: نصيحة لوجه الله...هالتصرفات إللي تسويهن صدقيني ماتقنع أي ريال بأنه يحترمج...فخلج سيده وحشيم وودري هالحركات صالحة: يالله إللي يسمعج جني مسويه مصيبه...منصور مابينتبه صوبي إلا إذا سويت جيه زهرة: ولا بيلتفت...بس أستمري على هالمنوال صالحة: فاااال الله ولا فالج...بينتبه وبتشوفي زهرة: أتمنى هالشي...بس مب بطريقتج هند توها تحدر الغرفة: أي طريقه صالحة: وأنتي شدخلج هند: كنت فالحوش ويا تورينا وجان أشوف جابر معصب يطالعني ويهازب عسب أدخل داخل...تصوري منووه وياه صالحة بفضول: منوووه؟! هند: منصور ... ماأعرف وجنه شال أجياس صالحة فاجه عيونها على الأخر: والله منصور هنيه ومن قالت هالكلمتين ظهرت من الغرفة تربع على أمل أنها تشوف منصور...ومن ظهرت نقعت هند ضحك على أختها... زهرة تضحك: قصيتي عليها! هند: هههههههههههههههه هيه زهرة: ينفع والله أنلقبج مسيلمه الجذاب هند: هههههههههههه جذبه بيضى زهرة: ههههه فعينج أنزين...كل الجذب نفس الشي هند: خليها تتأدب...حشى ماشفت وحده مستلغثه شراتها...والله لاعت جبدي من تصرفاتها زهرة: عيل وين تورينا؟ هند: راحت تساعد روز فالمطبخ زهرة: وشو علمتج اليوم؟؟أخاف بس بعد سنة تنسي الرمسه العربية وتقومين ترطنين أندونيسي هند: ههههههههههههههه هيه علشان يوم أبى أشرد من البيت على طول على أندونيسيا...وعندي قاعده أستند عليها زهرة: ههههههههه قسم بالله خبله هند: معلومه جديمه...ماقلتي شي يديد"وهي تبى تظهر من الغرفة" بروح أنخش فمكان...لو شافتني صلوووح زين إن ماجتلتني زهرة: هههههههههههههههههههههه عيل تلاحقي على عمرج ......... خلصت كتابت البيانات المطلوبه منها علشان أتظهر خط يديد بعد ماكنسلت الأولي... الموظفه تبتسم: هاااا شرايج بالرقم اليديد مب أكشخ من الأولي نورة تاخذ الظرف إللي فيه الخط: مب مهم كشخه ولا مب كشخه... الموظفه: أونج عاد مب مهم...عيل شمعنى أتصلتيبي أدورلج رقم"تغمز" نورة تبتسم: ربيعتي وأبى أدلع عليها الموظفه: وربيعتج ماتذكريها إلا يوم تبين منها شي نورة: فديتج والله مشغوله الموظفه: كلنا مشغولين...بس على الأقل نسأل نورة تحط أيدها على أيد ربيعتها: المهم الروض أنتي معزومه على ملجتي نهاية هالشهر الموظفه مصدومه: ملجتج؟! نورة من تحت انقابها تبتسم بحزن: هيه ملجتي...وبزعل منج والله لو ماحضرتي الموظفه: وأخيراً قررتي تكملي نص دينج نورة: يالله شو نسوي هذي الدنيا...مصيرنا إلا بنتزوج الموظفه: تعرفي أنا ماأبى أحبطج...بس الزواج ماوراه إلا عوار الرأس...أسئلي مجربه نورة: ههههههههههه أصلا أنتي متى مدحتي الزواج الموظفه: هيه صدج...شي وراه غير ويع الرأس وحشرت العيال...وأبو العيال كل يوم والثاني زعلان...طفرت والله نورة تنش: أنزين روضه نهاية هالشهر أترياج الموظفه: آفاااا عليج كم نورة عندنا بعد ماودعت ربيعتها ظهرت من القسم إللي مخصص للنساء...والأتصالات زحمه كالعاده...وهي هالمكان بالذات ماتحب أتييه من كثر الزحمه... فهالحظه كان حمدان ظاهر من مكتبه بعد مامل وقال بيتمشى شوي في المبنى...لمحها رغم بعد المسافة ممبينهم...ورغم النقاب قدر ايميزها من بين الكل...كانت فهالحظه تنزل من الدرج..."معقوله نورة هنيه؟!" ويوم أدارك الموقف مشى بسرعة صوبها...من يوم موقف الكراج ماشافها...صح روحاته لبيت عمه قلة مب شرات أول...لكن يروح ماقطعهم...وهو متأكد أنه مستحيييل نورة تظهر له ويشوفها... أول ماظهرت وشويه أبتعدت عن المبنى وبتجاه سيارتها سمعت حد يزقرها...في البدايه ماقدرت أتميز الصوت...لكن يوم زقرها للمره الثانية تذكرت الصوت وصاحبه...صوت ماتتمنى تسمعه أبداً...ألتفتت برعب أطالع وراها كان حمدان يمشي بسرعة وتوه ينزل من الدري إللي برع...حست بقشعريره فجسمها وزادت من سرعة مشيها وحاولت ماتربع لأنه بيكون شكلها غلط وهي تربع فهالمكان العام...وصلت سيارتها وبأصابع مرتجفه فتحت باب سيارتها وبسرعة شغلتها...كان وايد قريب منها وشكله كان يناديها بس هي لفت من الصوب الثاني وراحت... أما حمدان وقف مقهور مكانه...كان خاطره يرمسها...بس شكله مافيه طريقه...وبتفكير قال أكيد يايه الأتصالات تكنسل خطها الأولي وتاخذ واحد يديد..."بس وين بتروحي يا نورة أنا وراج وراج" حميد: ههههههههههههه ياريال أستحى على ويهك فمكان عام تلاحق بنيه حمدان: بسم الله الرحمن الرحيم...من وين طلعت أنت حميد: هههههههههههههههاي أونه مستقيم ومب مال هالحركات...والله وطلعت حية من تحت تبن حمدان: جــــــب أنزين حميد: هههههههههه ويوووووو كشفنااااه حمدان بضيج: هذي وحده من الأهل ويا هالويه حميد يمشي عداله...وبخبث: متأكد إنها وحده من الأهل...عيل ليش يحليلها شردت حمدان: المهم هذي وحده من الأهل...وبعدين وين كنت تراقبني حميد: فسيارتيه حمدان: ممكن أعرف متى بتغادرنا بحفظ الله إلى بوظبي تجابل هالأسهم حميد: ياخي مانزلوهن السوق...يوم ينزلن خير...خلني أستانس بإجازتي حمدان: استانس بس عاد من كل يوم ناط لي فالدوام حميد: فهالوقت ماعندي شي...وأمر عليك أونسك شوي...أعرفك تبى رفقه فهالوقت حمدان: ههههههههههه وياك أنت! مابى بصراحة حميد: ودك أنت بس...حمد ربك أعطيك من وقتي الثمين...أستغل هالفرصه الذهبية قبل لا ابدأ الشغل...تراه مابتشوفني حمدان: ياخي أنت مصخره حميد: انزين...أنيي للمهم...نتغدا رباعه؟ حمدان: لا مشكور غداي في البيت حميد: أنسى غدا البيت...عندي لك مشرووع أما أيييه حمدان: ههههههه مشروع يديد...ياخي ابدأ بالمشروع إلي الحين...بعدين فكر فغيره حميد: هالمشروع مضمووووون مليوووون فالمية حمدان: أسف...كل إللي حيلتي عندك حميد يغمز: علينا هالرمسه...أنا حميد حميد أكثر واحد يعرفك حمدان: بصراحة عندي شوي...بس مب مستعد أغامر بكل إلي حيلتي حميد: تاجر مب غامر..."يضرب صدره بكفه" أتكل على الله وخلى ثقتك فيه...وبتشوف حمدان بتفكير: ندرس هالمشروع ........ "يالفضيحة" قالتها أم نورة بعصبيه نورة منسدحه على شبريتها: دخييييلج أمايه أنا ماأقدر أروح...والشي هب غصب أم نورة: لا غصب بتروحي...عنبوه هذا ولد عمج مب حد غريب نورة: أنتي تكفي وتوفي أم نورة: نوير بتخبرج أنتي شو فيج نورة تعدل يلستها: مافيني شي...بس عرس مابروح أم نورة: بتروحي نورة تترجى أمها: والله أمايه ماأقدر أروح...مالي نفس أروح عروس أم نورة تهدى شوي: حبيبتي هذا ولد عمج...وبوحمدان بيحط فخاطره إن مارحتي عرس ولده نورة: إلي يسمعج جنهم مهتمين وايد رحنا عرسهم ولا مارحنا أم نورة: وابوي نوار شو هالرمسه...وليش مايهتموا نورة بعصبيه: لأنهم فوووق الست سنين ماأهتموا إذا نحن عايشين ولا لاء بيوا الحينه يهتموا أم نورة بستغراب من أسلوب نورة: لا أكيد فيج شي...أنتي مب بنتي إلي أعرفها نورة تستغفر ربها فسرها: سامحيني أمايه والله مب قصدي...بس صدج مابى أروح عرسهم أم نورة: إذا مب علشان خاطر عمج...علشان خاطريه أنا نورة اتغمض عيونها بضيج: أمايه تجبريني على شي ماأباه أم نورة: لأنه واجب غناتي...وفضيحه فحق عمج ماتحضري عرس ولده نورة: أنزين ماعندي فستان حق العرس أم نورة: نوير شو هالحجة بعد؟!أحيد كبتج الفساتين مصفوفه صف نورة تبتسم بإستسلام: هزمتيني أم نورة: الله يرضى عليج صح محمد ماغلط فحقها...بس حتى لو ماكانت تبى تحضر عرسهم...ماكانت تبى ولو فرصه صغيره بأنها تقابل حمدان...لأنها متأكده بأنه بيستويلها شي...طالعت تلفونها بضيج...مامر يومين من سوت رقم يديد إلا وياينها أتصال منه...نست أنه يشتغل فالأتصالات...وفيه أمكانية كبيره بأنه ياخذ رقمها...بس لو شو مابترد عليه...مستغربه هي الحين من جرأته بعد كل إللي سواه عنده ويه يلاحقها... يال ويا اليويله لين ماقال بس...يااااااه من زمان مافرح جيه...هذا أخوه التوأم وأقرب الناس له...صح مب قريب لهدرجة...لكن مع هذا الأقرب...لأنه منصور رغم روحه الطيبه والمرحه ماعنده ربيع قريب منه وايد...عنده ربع...بس قريب منه ماعنده...كل مايلتفت يدور المعرس بعيونه يشوفه كالعاده واقف ويا الشواب وشكله مجبر يوقف وياهم وشكله محرج..."حليلك يامحمد...متى بتكون لك شخصيتك الحره إلي تخليك تقدر تتصرف على كيفك" منصور اليوم أحساسه غير عكس يوم كان عرس حمدان...ماحسه أصلا عرس...لأنه ماشي ربشه شرات هالعرس...بسبت قلة المعازيم...ولأنه كان العرس ففندق...لا هم عندهم أهل ويوقفوا وياهم...ولا أهل العروس عندهم أهل...فكان عرس هادي...يوصل لدرجة الملل... ألتفتت يطالع حمدان...وشرات ماتوقعه...واقف هو وربيعه السوسه حميد...وداق سوالف وياه...وإلي يشوفه مب كأنه هالعرس عرس أخوه... منصور من يوم يومه مايرتاح لحميد...وهالشعور مب من فراغ...لأنه يعرف حميد زين...إنسان لعاب...إنسان مغامر درجة أولى...وأكثر شي يستغربه منصور كيف حمدان يرابع واحد شرات هذا...حمدان الإنسان الجدي الناجح...!!! شاف مجموعة من الشباب يشتغلوا وياهم فالسويحان فراح يستقبلهم... أما فخيمة الحريمة...كان الجو مشابه للي عند الريال...ربشه وزحمه...وخوات العروس من وصلن الخيمة مايلسن...وبالذات صالحة إللي ترقص من أغنيه لأغنيه... وفأقرب طاولة للكوشه كانت يالسه نورة...رغم الجو الإحتفالي الحلووو إلا أنها تحس بضيج...وتعبت من كثر ماترسم إبتسامه على شفايفها مب نابعه من أعماقها...إبتسامه علشان محد يفهمها غلط...وبالذات لأنها حرمة عمها يالسه عدالها وكل شو تتسألها "ليش فديتج صاخه؟؟سلامات غناتي فيج شي؟؟تعبانه؟؟" وتحاول تبين لها العكس وأنها مافيها أي شي... يوم حطوا العشى ونورة حطت فصحنها وصحن أمها وعمتها لكن من دون ماتصك شي منه...شافت البنت إلي كانت ترقص...أنبهرت نوره بجمالها...والفستان الأحمر طالع عليها يخبل مع التسريحه إللي تتخللها خصل حمر..."أستغربت نورة منها وكيف كانت أطالعها" صالحة تحب أم حمدان على خدها: شحااااالج عمووووه أم حمدان: يسرج حالي غناتي....ههههههه ماتتعبين صالحة ونظراتها على نورة: عمووووووه "قالتها بدلع" يوم ماأرقص فعرس ختيه عيل فعرس منووه برقص...ماعرفتيني"وهي تأشر برأسها صوب نورة" أم حمدان أنتبهت لصالحة ووين تأشر...فحطت أيدها على ظهر نورة وهي تبتسم: هذي نورة بنت أخو ريلي صالحة بصدمه: بنت أخو عميييه بوحمدان؟! أم حمدان: هيه نعم بنت عم عيالي...شرايج فيها مب حلوووه فديتها نشت نورة تسلم على صالحة إلي كانت مصدومه من هالمعلومه اليديده...كان فكر صالحة يروح بأنه فيه منافسه يديده وقويه ظهرت على الساحه...حست ساعتها بقهر مابعده قهر...بالذات بعد مايلست على نفس الطاوله علشان تعرف منافستها اليديده...ولاحظت كيف كانت أم حمدان مهتمه فيها...حتى لدرجة أنها حست أنها تهملها وحاطه كل إهتمامها ببنت عم عيالها "الحلوووه"!! على الساعة 10 ونص أطفأت الأنوار في الخيمه ماعدا نور ينور الممر إللي مشت منه العروس على موسيقى كلاسيكيه رومانسيه...زهرة عاديه...بس اليوم غيييير...عروس لازم تكون غير...كانت مميزه فعلاً...سواء من ناحية الفستان الأبيض الرائع أو الميك آب الرهيييب...أو أبتسامتها الهاديه الجميله...كل شي فزهرة هالليله غييير... رغم هدوئها الظاهر وثقتها وهي تمشي جدامه هالعيون الكثيره المركزه عليها...إلا أنها فداخلها أرتباك وخوف كبير ورهبه من الموقف بحد ذاته...مرت عدال هند إللي كانت تصور بكاميرتها الخاصه...غمزتلها بشطانه...أتسعت أبتسامة زهرة أول ماوصلت للكوشه"أخيراً بتيلس" لأنها تحس أنه ريولها مب شالتنها من الأرتباك... طبعا أول مايلست أنهلت عليها جيوش من الحرمات المهنيات...إللي تعرفهن وإللي ماتعرفهن وماقد شافتهن...بعد ماخفت الزحمه شافت حماتها "أم حمدان" وبصعوبه تحاول ترقى وتيي صوبها...كانت طبعا صالحة إللي ميوده أيدها وتساعدها...ففترة مضت أعتقدت أن حب صالحة لمنصور مجرد حب مراهقه وبينتهي...لكن صالحة الحين فسن العشرين...ولاتزال متمسكه بهالحب والأمل...ويمكن ترجع محاولات صالحة في التقرب من منصور بسبت ربيعاتها المتحررات شوي..."ماقول غير الله يوفقها وينولها مرادها" ماحست إلا بقرصه على ظهر كفها...صالحة تضحك بصوت واطي: ريلج بسبت هالفستان ماأوصلها...بس أيدج تأدي الغرض زهرة تبتسم رغم أن القرصه عورتها: لا تفرحي وايد...إذا تبي تلحقيني لازم قرصه فالريل صالحة: هههههههههه عورتج زهرة بصوت واطي وهي أطالع كفها المحمر: هيه ويا هالويه صالحة: شفتج سارحه قلت أنبهج زهرة: عيل وين عمتيه أم حمدان صالحة تغمز: شو تبيها تيلس عدالج...تراه سلمت ورديتها مكانها...الحينه وقبل لا يحدر المعرس برقص رقصه مخصوصه لأحلى أخت فالدنيا وأحلى عروس"تعطيها بوسه على الطاير" فديتج والله راحت صالحة وطرشت وحده من بنات يرانهم الصغار تخبر الفرقة إللي ورى الحاجز يغنوا أغنيه معينه...ويرت وياها هند وتمن يرقصن على أنغام هالأغنيه...وكل ماتمر عدال نورة أطالعها بنظره حارقه...لحد الحينه نورة ماقدرت تفسر هالنظره!! بعد محاولات مستميته من منصور وافق محمد يحدر خيمة الحريم...حسد منصور وجابر إللي كانوا يمشوا جدامه وايولوا ومرتبشين ويا الأغنيه عكسه هو إللي كان يحس بأرتباك كبير...وكل مايقترب من الكوشه وعينه على الفستان الأبيض والطرحه إللي مغطين ويها وملبسينها عبايه وكانت دقات قلبه تتسارع... تخبلن البنات على المعرس وأكثر على أخوه التوأم إللي كان يلفت الأنظار صدج...منصور ماأقترب من الكوشه بس تم أيول هو وأثنين من اخوان العروس بعيد شوي...صالحة لبست عبايتها وحطت الشيلة على شعرها بس ماتغشت على أمل بأن منصور يلتفت صوبها...لكن منصور كان حشيم حاول قدر المستطاع مايلتفت صوب الحريم... أبتسمت نورة من خاطرها لمحمد...من يوم هي ياهل كانت دوم تقارن ممبين هالتوأم وحمدان إللي كان مختلف عنهم كل الأختلاف...يتها فترة وهي صغيره أنها تعجب بحمدان...لأنه كانت شخصيته قويه ودوم مسيطره...لكن بعدين أكتشفت أن هالشخصيه أنانيه درجة أولى...عكس محمد ومنصور إللي كانوا مثال للطيبه والإيثار...فكانوا مقربين منها هي وأختها...تمنت لمحمد الخير والله يوفقه ويا عروسه إللي من ويها يبين إنها إنسانه طيبه... خلص العرس...محمد وعروسه على طول توجهوا صوب دبي علشان بالباجر بيسافروا...منصور وجابر جدام...ومحمد وعروسه ورى... أما نورة وأمها فراحن ويا بوحمدان إللي يايات وياه أصلاً...لأنه بوحمدان رفض أن نورة تسوق سيارتها لين بوظبي وترد فوقت متأخر هي وأمها بس...ففضل يشلهن هو...أم نورة رقدت طول الدرب للعين ونفس الحال أم حمدان...أما نورة فزخم الأفكار ماخلت عينها تغفي...بس يوم شعل عمها قرآن بصوت السديس حست براحه كبيره...وحاولت تصفي فكرها وتلغي أي أفكار سوداويه كانت تجول فبالها... أنتبه بوحمدان أنه نورة مب راقده وابتسم لأنه فيه حد عنده صاحي...: مارقدتي؟ نورة أنتبهت لعمها: لا ماأعرف أرقد في السياره بوحمدان: هههه ماأعرف جي هذيلا راقدات وعلى سواقتي أنا عاد نورة تبتسم: حليلهن تعبانات بوحمدان: عياييز ماينلامن نورة: هههههههه لا عاد عميييه أمايه بعدها شباب بوحمدان: هههههه دافعي أنتي عن أمج نورة: هيه والله أمايه فديتها صغيرونه بعدها بوحمدان: أنزين بنيتي تراه ماباجي شي عن ملكتج شخبار التجهيزات نورة تبتسم بحزن: والله تمام كل ماتتذكر هالسالفة تحس بحزن كبير وخوف أكبر...معقوله أحمد بيتقبلها وهي جيه حالتها...يوم وافقت عليه مافكرت فيه هو...فأحمد...فالإنسان إللي بترتبط فيه حياتها...هي تحبه ومتأكده بعد من مشاعره اتجاها...لكن هل من حقها تفرض نفسها عليه وهي جيه حالتها؟! وهل يعتبر إللي سوته تصرف أناني منها؟! والهدف الأساسي أنها تنتقم من حمدان وتبين له أنها ترفضه وتفضل غيره عليه...نورة فعلاً فحيره من أمرها... ...... الساعة وحده ونص وصل بيتهم فبوظبي بعد ماتمشى على الكورنيش نص ساعة...وكالعاده لقاها يالسه تترياه هي وصلت قبله البيت... أحمد يبتسم بتعب: السلاااام عليكم حصه: وعليكم السلام..توه الناس أحمد: متى وصلتي؟ حصه: من الساعة 12 وأنا في البيت أحمد: وليش مارقدتي حصه: أتريا ولدي أحمد ييلس عدالها وبستهبال: أي واحد فيهم حصه حايسه بوزها: الأهبل إللي جدامي الحينه أحمد: آفاااا أنا أهبل حصه: أهبل ونص بعد...عنبوه ياي من العين على طول رحت العرس وباجر بترد العين...أبى أيلس وياك أخذ علومك أحمد: لا جديد حصه: لا والله أحمد: فديتج والله...علشان خاطرج أنتي بس باجر مابروح العين...إن شاء الله يوم السبت الفير بروح حصه تبتسم: هيه إذا جيه ماعليه...بس وين كنت كل هالفترة؟؟ومتى ظهرت من العرس؟؟ أحمد: من دخلوا محمد خيمة الحرييم على طول ركبت سيارتيه ورحت حصه: وين؟! أحمد: أتحوط حصه: انزين وين أحمد: هههههههههه تحقيق حصه: يالله خلني أتمتع بهالحق الحينه...بعد ماتملج عاد بيكون من حق حرمتك أحمد: يالله متى بيي هاليوم حصه: قريب غناتي...وبــ أحمد قطع رمسة أمه بلهفه: شفتيها حصه تبتسم: أكيد شفتها ويلست وياها على نفس الطاوله أحمد يود أيدين أمه الثنتين وبرجى: دخييييييييييلج الغلا وصفيها حقي دخييييلج حصه: لا فديتك مايوز أوصفها وبعدها ماصارت حرمتك أحمد مبوز: انزين تراها إلا بتصير حرمتيه على سنة الله ورسوله...يعني مابيصير شي لو وصفتيها...خاطريه أعرف ملامح ويها حصه: ناعمه أحمد شاج الحلج: هيه وبعد حصه: لا والله ماقولك أحمد: عيل بالله عليج هذا وصف أونه ناعمه.. حصه: هههههههههههه تعرف شي...يالله قم رقد أحمد: لا مابى أرقد...ساهر صباحي اليوم وياج حصه: هههههههههههههه قسم بالله تضحك...شفت عيونك جى غاديات...جنك من سنة مارقدت أحمد: لأني أمس مواصل مارقدت حصه: وليش إن شاء الله مارقدت أحمد: ماأعرف أمس حسيت بنشاط غير طبيعي وماياني رقاد...فاتصلت بواحد من الشباب ورحنا المبزره حواطه بالسياره لين وحده بعدين نزلن وسبحت فالمسابح إللي برع...الجو أمس فالعين فنان حصه: ومارقدت !! أحمد: عاد بعد ماصليت الفير رقدت ساعتين واتصل فيه عماد يباني أروح وياه الصناعيه حصه: عيل يالله نش رقد... أحمد وبصعوبه فاج عيونه: جى ماأرقد هنيه حصه: يالله يالله جدامي "وقفت وزخته من أيده علشان يوقف" الله يعين هالنورة عليك أحمد يبتسم والنعاس طاغي على ويهه: فديت هالطاري أنا والله حصه: ههههههه الله يكون فعونك أنت بعد ياكثر ماتستانس حصه يوم يكون فبيتها واحد من عيالها وبالذات أحمد إللي بعده الوحيد أيها ويتم وياها يومين فالأسبوع...مب شرات عيالها الكبار إللي من عرسوا نادر مايوها...رغم إنهم فبوظبي وبيوتهم قريبه منها...أكثر شي يحزنها ويشعرها بالوحده أنتقال أحمد للعين...بعد ماأنتقل حست بوحده فضيعه...يمكن الشي الوحيد إللي يسليها وتضيع فيه وقتها ووحدتها شغلها فشركتها...أصعب شي يوم الإنسان يكبر وأطفاله إللي تعب عليهم يكبروا وياه...ويتزوجوا ويستقلوا بحياتهم ويبتعدون...شرات العصافير من تكبر أطير من العش إللي ضمها...ويبنون أعشاش مستقله بروحها... ........ كان يبتسم ويحج رأسه مب عارف الطريقه إللي يوعيها فيه...أو بمعنى أخر يشعر بأحراج...مب متعود أنه ينش من نومه ويحصل شعر طويل على أيده...كانت قريبه منه وايد...أتسعت أبتسامته يوم تذكر نصايح توأمه أمس فنفس الوقت إللي كان جابر واقف ويا أخته فزاويه من غرفتهم فالفندق وينصحها وهي كانت الدمعه على خدها..."ههههههه إللي يسمع منصور ينصح جنه خبره" تحركت شوي..."شكلها حست فيه!!" لكن للأسف هدت حركتها وشكلها ردت ترقد..."يالله ماشي وقت عن الطايره لازم أوعيها" نزل من الشبريه وراح الصوب الثاني إللي كانت صاده صوبه...أقترب من ويها إللي ظاهر من البطانيه...أول مره يشوفها بهالوضوح وهالقرب من دون مكياج أو أي شي ثاني...ويها وهي راقده رقيق بشكل ماقدر يوصفه محمد...أبتسم بخبث وهو مركز على ويها القريب منه وقرب أيده من خشمها وزخها على الخفيف...تضايجت شكلها فخشت ويها داخل البطانيه..."لا عاد زودتها هذي" ير البطانيه بدفاشه عن ويها لين نص جسمها...وبسبت هالتصرف فجت عيونها بصدمه وفزع...: شو صار؟؟؟؟؟!!!!!! محمد ندم على هالتصرف: ماشي بس ماباجي شي عن الطايره زهرة أحمرن خدودها بأحراج وهي تير البطانيه وتضمها: جم الساعة الحينه؟! محمد "ههههههه قسم بالله إني خبل": عشر وربع "أخ نسيت" صح صباحيه مباركه زهرة صدج ويها أحترق: الله يبارك فعمرك...وأنت بعد محمد: الله يبارك فعمرج يلس على الشبريه عدالها وهو يطالعها ويبتسم"أستغرب هالجرائه إللي يته فجأه"لكن شكلها وهي ناشه من رقادها وايد حلووو...وبالذات وهي ميته مستحى منه...محمد فحياته ماقد حب...بس الحين هو متأكد أنه بيحب حرمته...قبل العرس يوم شافها أول مره ففترة الخطوبه ماكان متقبلنها لين هذاك الزود...بس الحين شعوره أختلف...زهرة فنظره حلوووه...وفوق هذا كله هو متأكد أنه قلبها أحلى... زهرة أطالعه بأحراج: ليش أطالعني جيه محمد: حرام أطالعج؟! زهرة: لا بس يــ محمد قطع رمستها: عيل خلاص دامه مب حرام خليني أتمعن فملامح حرمتيه زهرة: والطايره محمد: بعدنا ساعتين ونص لين مايي وقتها زهرة: انزين قوم تسبح...ماشي وقت محمد: أحم زهرة أنتي وايد حلووه زهرة أطالع البطانيه بخجل: أنزين محمد: وأنا معجب فيج وايد....لالالا مب معجب بس... أنا أحبج زهرة: هههه "من الأحراج مب عارفه شو تقول" أنزين حتى أنا محمد بوناسه يود أيدها اليمنى إللي كانت زاخه فيها البطانيه ويرها وضمها لصدره: والله زهرة: والله محمد: فديتج أنا والله "نش من على الشبريه وغمز لها" بروح أتسبح ........ وهم يغسلون أيديهم بعد الغدا في المغاسل أنتبه عمر لشعر أخوه إللي كان مب لابس شي عليه...: بوشهاب عيل وين شعرك أحمد يطالع نفسه على المنظره ويمسح على شعره إللي حالقنه واحد...وجنه أصلع: أكشخ الحينه عمر: ياريال ليش حلقته كنا نتفاءل به أحمد: هههههههههه كبرنا على هالحركات عمر: أونه من متى هالرمسه أحمد: من الحينه...يابوك أسبوع بالكثير وبنملج...فضيحه مربي هالشعيرات عمر: أنزين بتخبرك هالعروس ماقد شفتها أحمد: هيه أشوفها كل يوم في الدوام عمر: لا مب قصدي في الدوام...يعني ماتعرف شكلها ملامحها؟ أحمد: مب مهم...بعد أسبوع بعرف كل إللي أبى أعرفه عمر كفخه على ظهره: ياواااااثق أحمد بعد ماظهروا من المغاسل وراحوا الصالة: بس تعرف حاس بضيج رغم إني مستعيل على هالزواج...وأعد الأيام عد...بس ماأعرف ليش حاس بضيج عمر: يالله أنت أتكل على الله وإن شاء الله بتتيسر الأمور أحمد: هيه صح ذكرتني...شو سالفتك ويا روضه عمر: ياخي لا تييب لي طاريها أحمد: آفااااا روضه ماتبى تسمع طاريها...شو صار عمر: صلاحيتها أنتهت أحمد: أستغفر الله رب العظيم...شو هالرمسه عمر!! عمر: ياخي أذتني بشكها...وأنا بصراحة مب ناوي أغير أسلوب ونمط حياتي إللي تعودت عليه علشانها أحمد: بس ياخويه تذكر أنك ريال متزوج وعندك عيال...يوم ماتفكر فهالمسكينه فكر فعيالك على الأقل عمر: عيالي وأمهم عايشين مب ناقصنهم شي أحمد: وتعتقد هذا يكفي! عمر: يكفي ولا مايكفي لأني بصراحة ناوي على الثانية أحمد بصدمه: تتزوج على روضه عمر: هيه نعم...منوه روضه يعني بييب عمتها أحمد: عز الله خرفت عمر: برايني خرفت ينيت...بعرس بعرس أحمد بتشكك وبصدمه: أنت الحينه تمزح ولا ترمس جد عمر يفج التلفزيون: أعرف المها مب فخاطرك...وبصراحة تعيبني من يوم يومها...بس عاد يوم شفتها متعلقه فيك وماتشوف حد غيرك قلت ماشي أمل...بس بما أنك الحينه بتاخذ غيرها...ناوي أرمس عمي فالموضوع أحمد: هههههههههههههههههه عمر معقد حياته: ليش تضحك...؟؟!! أحمد: أنت صدج أنك مينون...وتعتقد أن عمي بيوافق أيوزك بنته... ماشي عقل الحمد لله والشكر عمر يتآفف: بحاول أحمد: محاولاتك فاااااااشله مليوون فالمية عمر: ياخي والله يائس...شور عليه أحمد: حط الرحمن فقلبك...ورد حرمتك البيت...تراه والله مابتلقى وحده تحبك شرات روضه...عنبوه هذي روضه إللي تموت فالأرض إللي تمشي عليها عمر: ياخي تغيرت...مب روضه إللي أول...أربعه وعشرين ساعة ويا عيالها...وأنا أخر أهتماماتها أحمد: أنزين قول حق أمايه ترمسها بما أنها عمتها...هي بتعرف تتفاهم وياها عمر: ضربتها "قالها بإحراج" أحمد: ضربتها؟! عمر: والله ماكان قصدي...بس هي أستفزتني أحمد: آفااا آفااا ياخويه ماتوقعتها منك والله...تضرب أم عيالك...كيف هانت عليك تمد أيدك عليها عمر: ياخي غلطه وحاولت وياها بس رأسها يابس...فقلت أقهرها بحرمة ثانية أحمد: وتصحح الخطأ بخطأ أكبر عنه عمر: الحينه من أسبوع ونص فبيت أهلها...أتصل فيها ماترد عليه...أطرش لها خوانها نفس الشي...شو الحل أحمد: الحل طرش أمايه تتفاهم وياها...وإن مانفع روح لها أنت بنفسك...وخلى فبالك روضه أم عيالك وأنا متأكد أنك تحبها وماظن تبى أدمر كل إللي ممبينكم بسبت شي مايسوى عمر أبتسم: تصدق البيت من دونها مايسوى والله أحمد: ههههههه هذا إللي من شوي يبى يتزوج ثانية عمر: من القهر والله أحمد: لا قهر ولا هم يحزنون...روح وراضاها بكماً كلمه"يغمز له" الحرييم قليلات عقل أي شي حلووو يرضن بسرعة عمر: ههههههههههه إن شاء الله يابوك ........ طالع منى بقهر...وهي أطالعه بعدائيه...وفأيدها نص قطعة كيت كات طبعتها على كندورته البيضى...فهالحظه تمنى يعطيها كف محترم لولا وجود أم نورة... أم نورة بضيج زخت منى وهي تزقر البشكاره: سوزان سوزان سوزن وهي توايج من باب الميلس: شو ماما أم نورة: تعالي شلي هالبزيه منى ماده البوز شبر وهي بعدها أطالع حمدان بنظرات عدوانيه: ماهبك حمدان "أنا عيل إللي أموووت فيج ويا هالويه": ليش عاد منى: سرير حمدان: آفاااا أنا الشرير...منوووه الحينه سوى هالطبعه الحلووه "يأشر على الشوكلاته المطبوعه على كندورته" هاااا منووه منى تظهر لسانها: أنا حمدان: زين إنج أعترفتي بغلطج أم نورة ترمس سوزن: شليها يابوج عند أمها ظهرت سوزن وهي شاله منى المتضايجه... رغم إنه ماباجي شي على ملجة نورة...إلا أنه بعده على أمل كبير تغير رأيها...يعرف أنه تصرف نورة كله عناد فعناد...وأكيد بيرجعلها صوابها وبترفض هالزواج...تمنى يشوفها لأنه فعلاً مشتاق لها من الخاطر...من يوم إللي صار إللي بينهم ماشافها إلا من بعيد... أم نورة: عيل مااتصل محمد فيكم حمدان: أتصل أم نورة: شحاله فديته وشحال حرمته؟؟ حمدان: والله الحمد لله...مستانسين أم نورة: إن شاء الله دوم ويردهم البلاد بالسلامه ماكانت تعرف بوجوده...كانت توها ظاهره من المطبخ يوم ألتقت عيونها فعيونه...يبست مكانها من الخوف...هو أبتسم "يااااااااه ياكثر ماتمنى يشوفها" بس كره نظرت الرعب فعيونها...مشى بإتجاها وهو يتأمل ملامحها...حست من الرعب بشوفه أن ريولها مب قادرات يحملنها فتساندت على باب المطبخ... حمدان يتأمل ملامحها بشوق: شحالج بنت العم؟! نورة ولا حرف ظهر من بين شفايفها...إلا نظرت الخوف إللي يخالطها الإشمزاز منه... كان متأكد أنه محد يشوف ويهه غيرها لأنه أمها كانت توها تظهر من الميلس يوم قاللها بصوت واطي هي ماسمعت منه شي إلا فهمت من حركت شفايفه وهو يقول "أحبج" كانت أحاسيسها فاللحظه متلخبطه كراهيه على إشمزاز على حقد على حزن...أبتسم بسخريه: سي يووو سووون سووويت هاارت ظهر من البيت وهي بعدها واقفه مكانها ودمعه محجوزه تستعد للنزول إلا أنها تجاهد تتماسك وتكون أقوى من جيه لأنها أمها واقفه عدال الباب الزجاجي أطالعها بإستغراب.. أم نورة: نورة؟! نورة بصوت بالكاد مسموع: شو أم نورة: شو فيج ؟؟!! نورة قاومة كل هالمشاعر والرغبه فالبكاء: ماشي فديت روحج...تبي عصير أم نورة: لا فديتج مابى الحينه بروح أصلي العشا حمدان من ظهر من بيت عمه ركب سيارته...شغلها ومن دون هدف تم يتحوط فشوارع الحاره...ماكان يتصور إن نورة حالتها جيه...ضاعفه بشكل ملحوظ ويبين عليها أنها مريضه..."شو من البشر أنا أسوي ببنت عمي جيه" شغل الأف أم سمع أغنيه ماتعيبه فبند الراديو بسرعة..."بس تستاهل إللي ياها" __________________ "بأي حق ينقلج" قالها أحمد بعصبيه نورة من دون ماترفع رأسها وأطالعه كانت ترتب أغراضها: بحق أنه المدير أحمد: أنزين ليش نورة: والله ماأعرف... سميحه هي بعد متضايجه لأنه نورة بترجع لقسمها الأولي...فتمت ساكته تراقب الوضع...ومزاج أحمد المتكدر... نورة تشل مجموعة ملفات وتحطهن على مكتب أحمد وهو يطالعها بقهر: هالملفات عاد عليك تخلصهن أحمد: هب مشكلة...أنا بتفاهم وياه هذا سميحه بصوت واطي: وهو أنت ناوي تحاربه أحمد ألتفت صوبها: شو؟ سميحه: ماأولتش حاجه "طنشته" أسعدك نورة: إذا تقدرين...دورت بابو بس ماحصلته أحمد: ويت شوي بتصلبه...جنه إلا تحت أتصل ببابو أيي مكتبهم...أستغرب الكل من القرار برجوع نورة لقسمها الأولي بحجت عندهم نقص بالذات بعد ماولدت سلوى وبتغيب عن الشغل لفترة..."ماعليه ماباجي إلا القليل وبخليها تودر هالشغل من الأساس لا فلاحوووه ولا غيره يروم يتحكم فيها" قرر يحاول يقنعها تفنش من الشغل بعد مايملج عليها...صار مايقدر يستحمل أي نظره من أي ريال موجهه لنورة...وكأنه يقول هذي ملكي ومايحق لأي شخص ثاني يشوفها...حتى المراجعين قام يتعامل وياهم كلهم ماعدا الحريم... مطر طبعا أختفى هالفترة وعرف أحمد من الشباب أنه مسافر ماليزيا عسب جيه ماينشاف...وبجيه أفتك من شره وأزعاجه لنورة...لأنه لو تمادى أكثر من جيه كان أحمد ناوي يتصرف تصرف ثاني وياه...يخليه يحرم يقترب من بنت... قبل ماينتهي الدوام بربع ساعة مر على القسم إللي فيه نورة...وقف بعيد عن الباب...قدر يشوفها بحكم مكتبها المجابل الباب...كانت مشغوله فماانتبهت له...لكن أنتبهت له ساره وابتسمت وهي تنش من مكانه وكانت شاله شنطتها وشكلها بتروح... ساره: أحمد؟! شحالك؟ انتبهت نورة والريم لوجود أحمد فرفعن عيونهن صوبه...أقتربت منه ساره: ليش ماتدخل أحمد: لا شو أدخل أنا رايح البيت الحينه ساره: حتى أنا...عيل ننزل رباعه أحمد يرمس نورة: مسرعج ماستقريتي فشغلج نورة: لا تنسى أنه كان شغلي هنيه قبل لا أنتقل عندكم أحمد ألتفت يطالع الريم إللي كانت حايسه بوزها وأبتسم بخبث: بس الشغل عندنا غيييير الريم: شمعنى...شو الفرق يعني أحمد: سألي نورة بتجاوبج....فداعة الله الريم طالعت نورة بنظره خبيثه وردت تعدل الملفات على مكتبها...وقالت بصوت واطي: حليلك يابوشهاب نورة: ليش الريم: طاح ولا حد سمى عليه نورة: جى الريم تبتسم: شكله حب عرب مايستاهلون قامت نورة من مكانها بضيج وشلت شنطتها...هي تعرف زين أنه الريم حقوده وبتم حقوده...رغم أنها الحينه متزوجه...إلا أنها تحسد غيرها على أي شي لو كان عندها هالشي...ظهرت من المكتب من دون ماترد عليها...اليوم لازم تروح تيب فستانها...فأكيد بتروح العصر علشان تروح وياها أمها لأنها مستحيل تروح المول بروحها... أيام وتكون زوجة أحمد...فحياتها كلها ماكانت زايغه شرات الحين...هي تعرف إللي تسويه الحينه غلط...بس مافيه أي طريقة تعرف فيها ردت فعل أحمد...هل بيكون متفهم...أو بيتصرف تصرف يدمر لها حياتها وسمعتها ومستقبلها الغامض... وصلت البيت وهي ميته تعب...شافت أمها فالصالة تترياها علشان يتغدن... نورة تبتسم بإجهاد بعد ماوخرت النقاب عن ويها: السلام عليكم أم نورة: وعليكم السلام..هلا والله بنور البيت نورة تلوي على أمها: يعني يوم أنا مب موجوده البيت ظلام أم نورة: هيه نعم...البيت وأنتي مافيه ظلام وماله طعم نورة: الله كل هذا أنا...عيل يوم بعرس شو بتسووون...ركبوا ليتات زياده لأنه بيزيد الظلام أم نورة تحب بنتها على خدها: فديتج أنا..."توخرها عنها" نشي حبيبتي روحي فسخي عبايتج وزقري فطوووم بنتغدا نورة: إن شاء الله ......  | ||||
|  |
|
16-08-08, 10:32 PM
| #14 | ||||
| السلام عليكم ورحمة الله وبركاته الجزء الخامس الساعة وحده ونص بعد منتصف الليل...كانت واقفه جدام التسريحه تسحي شعرها وعيونها على إنعكاس فاطمة في المنظره...وفاطمة أطالع نورة بفضول وفعيونها ألف سؤال وسؤال... نورة تحط المشط: هاااا فطوووم شو عندج...سألي وبجاوب فاطمة: هههههه شدراج إني أبى اسألج نورة: أشوف عيونج فاطمة بتفكير..بعدين تمت أطالع أظافرها: شخبارهم عيال عمي نورة بخبث: أي واحد فيهم فاطمة: شو قصدج!! نورة: قصدي واضح...عن منوه تسألي فاطمة: عن كلهم نورة: كلهم ولا عرب فاطمة نشت من مكانها بنرفزه: منوووه هالعرب...عنبوه توه ريلي مكمل شهر من توفى مامداني أفكر فغيره نورة بويه مايحمل أي تعابير: بس إللي أشوفه فعيونج غير فاطمة: أنتي أصلا كل شي تفسريه على مزاجج...تصبحي على خير نورة: ههههههههههه عنبوه جبريت صايره...تعالي فاطمة واقفه عدال الباب: بروح أرقد أبرك لي نورة: والله مب قصدي تعالي يلسي والله مافيني نوم فاطمة حايسه بوزها: بندي الليت ونسدحي على شبريتج وبترقدي...لاتنسي وراج دوام ظهرت وبندت الباب...تلومت نورة فأختها...ذكرتها فشي تحاول تنساه من سنين...بس الاسأله إللي فعيونها تفضحها..."معقوله بعدها تفكر فيه وتحمل له مشاعر!!بعد هالسنين" أما فاطمة بعد ماظهرت من غرفة أختها راحت وفجت باب غرفتها ووايجت تشوف منى...لقتها راقده ومسويه معركة باللحاف...أقتربت منها يودت ريلها الصغيره إللي حاطنها فوق البطانيه بطريقه غلط ودخلتها ولحفتها زين...وشوي شوي ظهرت من الغرفة...تمت تمشي في الممر بين الغرف من دون هدف وملامح الحزن مبينه على ويها إللي ضعف بشكل كبير...رجوع عمها وعياله رد لها ذكريات جاهدت تنساها...ذكريات ياما وياما عذبتها... وصلت الصالة كانت ظلام...دخلت ومن دون ماتفتح الليت كفاها الأنوار إللي تدخل من برع...يلست على القنفه...والذكريات تهاجمها بقوة... من ست سنوات أو أكثر صدمها حمدان...دمرها...هي لاحظت نظراته لها...نظرات الإعجاب...بس ماتصورت إنه يتقدم لها...لأنه أفكارها فإنسان ثاني...إنسان حبته من كل قلبها...يمكن الحين بعد ماكبرت وتزوجت أعتبرت هذاك الحب مجرد حب مراهقه...إعجاب لا أكثر...بس ليش يوم ردوا تحس بهالمراره... منصور يبتسم: ليش يعني فاطمة منزله رأسها من المستحى: لأنك مابتروح منصور: بس أنا عندي إمتحانات ماأروم أروح وياكم والله فاطمة تلتفت صوب البيت: عيل أنا مابروح منصور: لا فديتج روحي...هالرحله ماتتفوت...لاتخربي على نفسج بسبتي فاطمة: لا مابخرب على نفسي...أصلا لو أنت محد...الرحله مب شي منصور يبتسم: والله فاطمة رفعت عيونها أطالع ويهه بعد ماكانت أطالع قطوتها إللي تتحجج عدالها: والله منصور دخل أيده فمخباه وعيونه ماتحركت عن عيونها: عندي شي حقج فاطمة: شو منصور: هديه فاطمة شاتت قطوتها بريلها على الخفيف تبعدها عنها: حقي منصور وخر عيونه عنها وطالع وراها ...ألتفتت هي أطالع من وين يطالع...كانت بشكارتهم زاخه سطل ماي وتنظف الدري إللي جدام الباب الداخلي... منصور ظهر شي من مخباه ضامنه فكفه بقوه..ورد يطالع فاطمة: المهم...عطيني كفج فاطمة بمستحى مدت أيدها اليمنى وفتحت كفها: هااا منصور مد أيده وحط شي فكفها...بعد ماوخر أيده...كان قلب ذهبي داخله حرفين بارزين"f+m" ... فاطمة بنبهار: حلووووووو منصور: عجبج فاطمة: وااااايد منصور يود أيدها: أوكى الغلا بخليج الحين...أشوفج بعدين وبنتفاهم بخصوص الرحله...يمكن أغير رأيي وأروح وياكم فاطمة: لا منصور...لا تروح وعليك إمتحانات منصور: مابروح بس توعديني تروحي فاطمة تبتسم: على فكره حلووه عليك اللحيه "ونزلت عيونها بمستحى" منصور: ههههههه أعرف...يعني لو مابتطلع عليه أنا حلووه على منوه بتطلع حلوووه فاطمة: ههههههههه يالله يالغرور منصور: فديت الضحكة وصاحبتها أنا...المهم الغلا لا تغيري السالفة...وعديني تروحي فاطمة: بفكر منصور: لا ماتفكري...وعديني فاطمة حايسه بوزها: خلاص بروح منصور: فديتج والله...أهم شي تستانسين فاطمة: من دونك ماظني منصور: فطاااامي علشاني فاطمة: خلاص علشانك بحاول...وأنت علشاني شد حيلك وذاكر زين منصور بصبعه السبابه يأشر على عيونه الثنتين: من عيووووني ياعيوني فاطمة ويها غدى طماطم: تسلم لي عيونك منصور يودر أيدها: يالله فداعة الله فاطمة: الله يحفظك يارب بعد ماراح رفعت كفها إللي فيه القلب وضمته بقوه وهي أطالع قطوتها إللي منسدحه تحت الشيره: أموووت فيه والله بعد ماتقدم لها حمدان رسميا ماشافت منصور خير شر...ومن يومها...هي تعرف منصور زين...دامه خوه يباها صعب يفكر أو حتى يتجرأ ينافس أخوه عليها...أنسحب بهدو... وهي فنفس الوقت مستحيل توافق على حمدان...وقلبها عند منصور...كيف تتزوج حمدان وتعيش فنفس البيت إللي يعيش فيه منصور...هذا المستحيل بعينه...نزل على خدها الشاحب نهر من الدموع وهي تتذكر...تتذكر حبها المراهق لمنصور... فجأة انفتحت كل الأضواء في الصالة رفعت رأسها وبصعوبه قدرت تشوف نورة من الدموع... نورة بحزن: كنت عارفه والله...إنج مانسيتيه فاطمة تشهق شهقه كانت مكبوته...وغطت ويها بكفينها: نسيته نسيته أقتربت نورة منها ويلست عدالها ولوت عليها: بس هو ماظني نساج فاطمة وبعدها تصيح وبصعوبه ينسمع صوتها: والله! نورة تبعدها شوي وأطالع ويها بتعاطف: والله...نظراته لكل زاويه من زوايا البيت...سرحانه وكأنه يتذكر ذكريات مضت...صدقيني يافطوووم مانساج فاطمة بعد ماهدت شوي...اطالع كفيها المضمومات ويا بعض: تغير نورة: الكل تغير مب بس هو فاطمة: جي يعني؟ نورة تبتسم وهي تتذكر: أكثر نضج...هههههههه معضل مب شرات قبل هيكل...أممممم شو بعد...أكثر رزانه...قليل الكلام فاطمة غمضت عيونها بسبت صداع ياها في هالحظه..وبتردد: تزوج نورة: لا بعده...محمد خطب فاطمة حست براحه غريبه: الله يوفجه نورة: آآآآمين فاطمة تنش بتعب: نشي الوقت متأخر ووراج دوام نورة: هيه صح "أطالع ساعة الحايط" أووووف 2 ونص فاطمة يودت أيد أختها ومشت وياها صوب غرفهن: الله يعينج باجر على النشه من الفير نورة: ههههههه زين إن نشيت أصلا .......... طلعت من البيت بسرعة حتى أمها ماشافتها...ومسي كانت واقفه عدال السيارة تنظفها... نورة تلبس نقابها أي كلام: مسي كويكلي فتحي الباب متأخره ركبت سيارتها إللي كانت مشغله من حظها من عشر دقايق...اليوم من المرات النادره إللي تتأخر فيها عن الدوام...كان لسهر أمس دور كبير في هالتأخر...طالعت ساعتها بضيج "8:14" ويبالها تقريبا ربع ساعة لين ماتوصل دوامها... كانت تسرع وماأنتبهت للسياره إللي وراها من ظهرت من بيتها لين ماوصلت الدوام... وأول ماوصلت باركنات الطب الوقائي بأصابع مرتبكه عدلت نقابها وشلت شنطتها ونزلت...كل هذا ومانتبهت للشخص إللي بعده يراقبها وكانت يمشي بسيارته شوي شوي ومن دخلت المبنى راح فطريجه... كانت أول صدمه تلقتها يوم دخلت مكتبها وجود أحمد إللي كان مشغول ويا ريال يخلص معاملته...ورفع عيونه عن الورق إللي جدامه على طول من دخلت... وبإبتسامة راحه طالعها بس مانطق بحرف واحد ورد يكمل المعامله... نورة بعد ماخذت نفس: السلام عليكم أحمد+الريال+سميحه: وعليكم السلام سميحه: ماهو بدري ... ليه جيتي دلوأتي نورة تيلس وهي أطالع سميحه بنظرات عتاب...وبصوت واطي: جت عليه أنا مااتأخر خلص أحمد المعامله وظهر الريال...نورة: الحمد لله على السلامة أحمد: الله يسلمج ويعافيج سميحه بحتجاج: لا واللاااااااااااهي أما أنا أأولك الحمد للله على السلامة ترد عليه الله يسلمك...وأما الشيخة نورة تقولك الحمد لله على السلامة ترد عليها الله يسلمك ويعافيكي...أشمعنى هي يعني أحمد: هههههههههه قلتيها ... الشييييييييخه نورة مب سميحه سميحه: نعم نعم...الله يسامحك...أنا اليوم مليش مزاج أرد عليك أصلا أحمد: أوف أوف سميحه ملهاش مزاج ترد عليه ... سلامات عسى ماشر سميحه طنشته وردت تكمل شغلها: مافنيش حاجه نورة: هههههههههههه تعرف شو فيها أحمد يلتفت يطالع نورة: شو !!! نورة: لأنه اليوم بتعزمنا على الريوق عسب جيه متضايجه وحالتها حاله أحمد: هههههههههههههههاي الزطيه سميحه بتعزمكم...ماأصدق بصراحة وسميحه تشتغل ومسوتلهم طاف... نورة: المهم أحمد شخبار ريلك عقد حياته وهو يطالع ريله تحت الطاوله: والله شو أقولج...اليوم أحس إنها تعورني زود نورة: لازم لأنك تمشى عليها أحمد: والله يمكن...نورة أنا..... سميحه: أحم أحم أعتقد إن في الشوووغل...وكل واحد منكم أودامه كوووووم شوووغل أحمد: هههههه جي توج تقولي مابترمسيني سميحه: حواراتكم بتشغلني عن إللي أودامي...ممكن هدو لو سمحتوا نورة تبتسم: إن شاء الله عمتي بدت نورة فشغلها..أما أحمد مارام يوخر عيونه عنها...صدق أشتاق لها بشكل كبير...أسبوع كامل...وايد..."أخ...هالسميحه دوم تخرب...ماينقلوها من هنيه ويفكونا" عماد: السلااااااااااااااامووووو عليكمووووو الكل: وعليكم السلام والرحمه أحمد: هههههه ياخي فلختني...شوي شوي علينا عماد: لأنه الكل لاهي بشغلوااا ألت أنبهكم أحمد: لا ماقصرت"وهو يطالع سميحه" الحينه بتراويك سميحه شغلك عماد ييلس مجابلنه: سيبك من سميحه هلااا ... أنت كيف أداوم اليوم ورجلك هيك حالتها أحمد يوطي صوته وهو يرمس عماد: ياخي بتستوي شرات الوالده...عنبوه أسبوع غايب...هذا شغل مب لعب أغيب على كيفي عماد: أنت مو بكيفك تغيب...عندك عوزر أحمد: ياخي مانروم مانروم ماأنداوم كل هالفتره "وهو يأشر بعيونه صوب نورة المشغوله عنهم" عماد: وليتم يحسوووا أحمد: بيحسوا بيحسوا صدقني...كل شي يباله صبر وطولة بال عماد ينش: المهم أنت حر...أنا هسه بروح المستشفى أحمد يغمز: الجيمي عماد: هههه أيه...عندي شغل لا يروح فكرك بعيييييد أحمد ببتسامة خبث: متأكد عماد: يازلمه متأكد كل التأكيد...تشاووووو أحمد: ههههههه سلم على العرب إللي رايح لهم عماد وهو طالع ويضحك: هههههههههههههه والله شغل ...... بعد ماوصلها لشغلها توجه لشغله...أول يوم له في الاتصالات فرع العين...ومن أول يوم تأخير..."يالله كل شي يهون علشان خاطر عيون نورة" من أمس وهي شاغله كل تفكيره...اسأله أدور فرأسه...ليش مالاحظها من قبل؟!وليش لين الحين ماتزوجت رغم إنها مب صغيره؟! معقوله محد تقدم لها؟!كل هالاسأله أدور فرأس حمدان...إللي شدته نورة من أول ماشافها أمس...نورة الأوليه أختفت...يومها كانت ضعيفه بشكل مب طبيعي...وهالضعف مأثر بشكل كبير على مظهرها وتشكيلت جسمها...عكس الحين...ويه شبه دائري بملامح هاديه...وجسم ممتلئ...وعيون ملفته للأنظار...يمكن كل أهله أمس لاحظوا كيف كان يطالعها...حاول يغض بصره عنها...بس كان هالشي مستحيل...فيها جاذبيه غريبه عجيبه... خاطره يعرف عنها كل شي... فيصل: أستاذ حمدان! حمدان: هلا فيصل يبتسم بتسامح: يابويه أنا أشرحلك وماظني شي من إللي قلته سمعته حمدان: أسف ياخوي...شوي مصدع فيصل: أوكيه هب مشكلة...أنت بماإنك أداري فشغلك مايباله شي حمدان: الحمد لله...وأنت شو شغلتك فيصل: سكرتيرك "ويبتسم" حمدان: أوكى ياسكرتيري"وهو يغمز" بستخدم سلطتي من الحين فيصل: خذ راحتك أستاذ حمدان...أنت تأمرني أمر حمدان: بلييييز طلب لي كوب نسكافيا لأني أحس رأسي بينفجر فيصل: سلاااامات أستاذ...إن شاء الله دقايق بعد ماظهر فيصل...ألتفت صوب الدريشه...كان الجو برع رهيييب...يمكن تكون هالأيام أخر أيام الشتا...وبيي الصيف بحره..."يبالنا طلعه" أبتسم بخبث"ولازم بنات العم نشلهن ويانا" "صدق إني أعور يوم ماأنتبهت لنورة من قبل...ليش بغيت وحده كنت متأكد إنها كل تفكيرها فمنصور...يمكن تكون مسألة كبرياء...منصور فشو أحسن مني؟!""بس نورة مستحيل تضيع من أيدي...بنت عمي وأنا أحق الناس فيها" وضحك ضحكه مسموعه يوم دخل فيصل أستغرب منه...من شوي كان رأسه يعوره والحين يضحك...أما غريب هالإنسان... .... واقفه جدام عمتها بيأس...حاولت وياها بس ماشي فايده...ليش متغيره عليها جيه؟؟شو السالفة؟! المها: أنا سويت شي مو زين حصه: لا فديت روحج...ماسويتي شي...بس أنا مشغوله شوي بهالمناقصه "كانت لابسه نظارتها ومشغوله بأوراق جدامها" المها: انزين شكبارووا أهمد...أكيد داوم حصه: هيه داوم حتى ردودها مختصره؟! المها تيلس وهي معقده حياتها: أموووه أرجوكي خبريني شو صار...صدكيني مابزعل ولا شي...أهمد مايباني صح؟؟أنا أحس بهالشي حصه رفعت رأسها عن الأوراق ووخرت النظاره..وتنهدت: وعندج عادي لو عرفتي إنه مايباج؟ المها بآلم نزلت عيونها: بصراحة أموووه أنا أهبووه وايد...وأعرف هدا الهب من طرفي أنا بس...وكنت أندي أمل بأنه يهبني...بس شكلووه مافيه نسيب بينا حصه: أسفه غناتي...بس أنا ماأقدر أجبره...وأحمد من يوم يومه مستقل بقراراته...ومب الحين بعد ماكبر أجبره على شي مايباه"صخت شوي وملامح الحزن مبينه عليها" أحمد يعتبرج أخت المها صح أنجرحت من سمعت هالكلمة من عمتها "أخت"...لكن مع هذا وبكل كبرياء: وأنا مستهيل أتزوج إنسان يأتبرني أخت حصه: بس يا بنتي.... قطعت المها رمسة عمتها: وأنا صدقيني بأيش...وبتزوج إنسان يهبني متل ماأنا أهبه فعلا حست حصه بحزن فضيع...من سنواتها الأولى وحصه تتمناها حق أحمد...بس أحمد غير إللي فرأسه مايسوي... المها: انزين أموووه هجزت تذكره لبرتن حصه: شوووووو؟! ليش إن شاء الله المها: هههههههه صدقيني أنا موش بيبي من أزأل أروه لماما حصه: عيل؟! المها: ماما شوي مريضه...أتصلت في يوم الأربأ تباني أروه لها...وأنا بسراهه وايد تولت أليها حصه بتشكك: وبتردي؟ المها: هههههههههههههه تبي تفتكي مني حصه: لا والله غناتي...والله غلاتج من غلات عليا...حتى أنت الحينه أقرب من بنتي...يوم تسافري ويا منوه بسولف المها تمد أيدها على الطاوله وتحطها على أيد عمتها أطمنها: أصلا ماأقدر أقيب وايد أنج حصه: فديتج والله غناتي...ولا أنا والله تعودت على وجودج...كم بتمي هناك المها: على هسب مدت الألاج...تأرفي ماما تعبان من قلبها...وأنا وايد أهاتيها...هي تقول هذي عمليه بسيطه...بس لازم أكون وياها حصه: الله يشفيها يارب المها: آآآمين حصه: متى قلتي بتسافري المها: بوكره صباح حصه: تروحي وتردي بالسلامة إن شاء الله"وهي تنش" قومي نروح نتغدا المها: بشرط...أبى مطأم صيني حصه: هههههههه والمكسيكي المها: هرااام والله بطني عورني من السبايسي فووود...شو يأجبك منه حصه: أوكى هالمره علشان خاطرج...بوديج مطعم صيني...مع إني ماأستسيغ الأكل الصيني...بس تغييير ظهرن رباعه من الشركه لمطعم صيني...صار للمها الحين في البلاد سنة كامله...وخلال هالسنة صارت وايد قريبه من حصه...وحصه تعتبرها كأقرب صديقه...وترتاح لها وايد وتحس إنها قريبه من شخصيتها وأكثر وحده تفهمها بعد أحمد ....... خلص الدوام...أستغربت نورة إنه أحمد بعده يالس...مع إنه متعود يظهر أول واحد ومرات حتى الدوام بعده مب مخلص...طالعته بستغراب وهي تظهر موبايلها من درج مكتبها وحطته في الشنطه...كان يقرأ الأصدار اليديد من مجلة المختلف...ومندمج وايد فماأنتبه لها وهي أطالعه... نورة: مب ناوي تروح اليوم!! أحمد من دون مايرفع عيونه: بروح...توكلي أنتي نورة: وأنت! أحمد: بروح عقبج نورة: غريبه أحمد حايس بوزه وبصوت واطي: ياخي روحي نورة معقده حياتها: شو؟! أحمد: ماشي نورة: لهدرجة القصيده حلووه إللي يالس تقرأها بكل هالتمعن والتركيز أحمد: لأني راد عليه وهو الحين رد عليه مره ثانية نورة انصدمة: أنت تكتب شعر؟!! أحمد بعد مارفع رأسه: أحم طبعا نورة: والله...وين تكتب أحمد: فالمجلات والجرايد نورة: معقوله...عيل ماجد شفت إسمك؟ أحمد: إسم مستعار نورة: ممكن إذا مافيه أزعاج أعرف الإسم المستعار أحمد: يهمج؟ نورة: لأني متتبعه لابأس فيها للشعر أحمد: عيل قري العدد الياي من شعر وفن نورة: بإسم؟ أحمد: إذا كنتي صدق مهتمه وتفهمي للشعر بتعرفيني نورة: يعني مابتقولي إسمك أحمد وهو يبتسم بخبث: نووووووو بتعرفي بروحج...والحين ممكن تروحي نورة كانت واقفه عدال مكتبها وفأيدها شنطتها: حشى طرد أحمد: لا مب طرد...بس مب زين بنت يخلص الدوام وتتأخر نورة طالعته بنظره: أما أمرك غريب اليوم...على العموم فداعة الله أحمد بصوت واطي بعد ماظهرت: الله يحفظج ويصونج حقي طالع ريله بشمزاز...أول مره فحياته يتأخر جيه في الدوام والسبه ريله...من يا الصبح ماتحرك إلا مرتين يوم ظهرت نورة من المكتب وحق صلاة الظهر...ماكان يحب تشوفه وهو جيه... يود عكازه إللي كان تحت الطاوله...وتساند به بصعوبه قدر يقوم...حس بآلم فريله...بس تحامل وقام..."هالدب عماد يوم حد يباه مايكون موجود" هالمره أضطر مجبر يركب اللفت...ويالله يالله وصل السياره...ضحك فنفسه على حاله...وهذي مب أول مره ينكسر فيها...بس المره إللي طافت كانت ريله اليسار...مع ضربه قويه في الرأس ورضوض في باقي جسمه ترقد على آثرها شهر كامل في المستشفى...يومها كان يتسابق ويا مطر إللي تحداه...مطر عنده أودي...وأحمد مكسيما مزوده...وكان السباق من بوظبي لحد رماح في العين...ومع إنه واعد أمه مايسابق...بس يضطر مرات يخالف هالوعد يوم يستفزوه ربعه... أول ماوصل سيارته وشغلها رن تلفونه..."جنتي" أحمد: أهلييييييييين بالغلا كله...هلا والله بزينة المزايين حصه: ههههههههههه والله إنك...المهم شحالك أحمد: يسرج حالي...دامني أسمع هالصوت بخيييير ونعمه...وأنتي شحالج حصه: الحمد لله...وصلت البيت؟ أحمد: لا والله توني أشغل سيارتيه وبروح البيت حصه تتنهد: خاطريه أعرف ليش تعذب نفسك...ريلك بعدها والكسر يديد أحمد: مليت من البيت والله...أسبووع كامل بغيت أين حصه: فديت روحك أنا من الملل ولا بغيت تشوفها أحمد: هههههه الأثنين بصراحة حصه: شحالها أحمد: بدت تهتم حصه: لا والله...جي قبل ماكانت تهتم أحمد: كانت ماتعطي حد ويه أصلا حصه: ليش إن شاء الله...هي تلاقي واحد شراتك أحمد: أحم بصراحة ماتلاقي...بس لأنها بنت حشيم...وفحالها حصه: يالله الله يوفقك وتكون من نصيبك أحمد: آآآآآآآآآآآآآآآمييين...الل� � يسمع منج يالغلا...ماأتصورها لغيري حصه: فديت ولدي والله لهدرجة تحبها أحمد: كانت بالنسبة لي تحدي...بس الحين والله أحبها...أحب شخصيتها...صوتها...أسلوبها كل شي كل شي حصه: هههههههههههههه مسكين حالك غناتي...طحت ولا حد سمى عليك أحمد: حليلي والله حصه: سمعني زين...من تصح ريلك ويشلوا الجبس بنروح نخطبها وهذا أخر كلام أحمد: آآآآآآآآآآه ياقلبي...تقوليها عن أقتناع حصه: طبعا...دامك تباها صدق وعايبتنك ليش نتأخر أكثر عن جيه...في هالمواضيع مايتفع المثل كل تأخيره فيها خيره...عن يتقدم لها حد قبلك أحمد: بموووت حصه: بعيد الشر عنك...بعد عمرا طويل إن شاء الله أحمد طالع النقطات الخفيفه إللي بدت تنزل على يامات سيارته: تعرفي بدأ الحين ينزل نفيفات مطر...ماشي عندكم حصه: ماأعرف لأني فغرفتيه متسدحه...بقوم أشوف أحمد: جو طلعه بصراحة حصه: لا ماشي عندنا...أنسى شي أسمه طلعات أحمد: هههههههههه وين بروح الله يهداج وريلي حالتها حاله حصه: المهم غناتي ببند عنك الحين...ولاتسرع...مب من بعده البيت أحمد: أنزين أنا قرب البيت الحين... حصه: رقد من توصل وتتغدا أحمد: ولا يهمج لاتوصي حريص...عقب صلاة العصر برقد على طول لأني صدق منتهي حصه: فداعة الله...وربي يحفظك أحمد: فمان الله .......... كانت يالسه في الكراسي إللي من وين الزراعة هي وأختها وأمهن يطالعن منى إللي مستانسه حدها بالعصافير الملونه...يدتها اشترتهن الظهر من سوق الغنم...وعقب الغدا عاد هي مطيره واحد... نورة: هههههههههههههه حليلهن دوخن من كثر ماتكفخ بالقفص أم نورة: ههههه شريره هالبنت على منوه طالعه فاطمة تبتسم: مب علي والله منى فاتحه باب القفص ومدخله أيدها الصغيره وتحاول تزخ واحد من الأثنين إللي بقن...والعصافير مسويات حشره: تأل تأل "ويدها تضرب شرق وغرب في القفص" تأل بلأب وياك نورة: أونه تلعب وياه...أسمنج لعوزتيهن...طالعي القطوه السودا عيونها عليهن منى ألتفتت أطالع القطوه وترمسها: ثوفي أصافيري الهلوووات نورة: ههههههه إن تم شي منهن أم نورة توجه رمستها حق فاطمة: زين يابوج إنج ظهرتي من هذيج الحجره فاطمة حاطه أيدها على بطنها إللي بعده صغير: تعبت من اليلسه بروحي أم نورة: يمكن بعد تيي حرمة عمج فاطمة حايسه بوزها: بتيي...متى؟ أم نورة: والله ماحيدها...يمكن الحين ولا عقب المغرب نورة: حليلها حرمة عمي...صدج إنه الكبر شين...ماحيدها جيه أم نورة: هيه والله..بس بعد حرمة عمج مب من صغرها..حتى جى ماأكبر عن عمج نورة بستغراب: أكبر عن عمي؟! أم نورة: هيه عيل شو تتحري...حتى أميييه الله يرحمها تقولي يوم ماخذنها عمج أنا كنت بنت خمس سنين...وبعد سبع سنوات خذني أبوج الله يرحمه نورة تبتسم: حليلج أمايه بنت 12 سنة صغيرووونه شعرفج بالعرس أم نورة: فديتج العرس ستر للبنت...وبعد العرس شو يباله "أطالع نوره بنظرت لوم" مب شرات بنات هالأيام...لا يعيبكن العيب ولا الصيام فريب نورة: حليلن...فديت روحج الغلا بنات اليوم مب شرات بنات أول...كل شي يتغير أم نورة: لا في العرس ماشي يتغير...لو الحينه معرسه عندج درزن عيال نورة: هههههههه حشى درزن مره وحده أم نورة: هيه درزن جى ماأكثر...بس أنتي رأسج يابس...ماحيدج منوه بيباج بعدين فاطمة: لا أميييه بالعكس نوار كل ماتكبر تحلووو...وإللي كاتبه لها الله بيها...أنا مثلا أستعيلت وتزوجت...شوفي شو صار لي "قالتها بحزن" أم نورة تواسي بنتها: حبيبتي هذا الله كاتبنه لج... فاطمة: ونعم بالله فهالحظه سمعن منى تباغم بأعلى صوتها...ألتفتن يشوفن شو فيها... نورة نشت من مكانها وراحت صوبها...كان في القفص عصفور واحد: عيل وين الثاني منى وهي تصيح وترفع أيدها الصغيره: عدني وشرد يودت نورة أيدها ولاحظت أحمرار فأصبعها السبابه: من شرج لازم يحليله يعضج...الحين طيرتي أثنين...وبقت هذي يحليلها بروحها...زين جيه منى وبعدها تصيح بس أقل: ماأحبهن....أقيهن نورة: الحين أعقهن شلتها وراحت تيلس مكانها....منى ماده أيدها تروي أمها العضه: ثوووفي ماماه عدتني فاطمة تيود أيدها وتبوس أصبعها المحمره: فديت حبيبتي أنا...هذي شريره ولا ماعضت ملاكي نورة: ههههههههه أونه ملاك...قولي شرشبيله...عذبت هالكائنات الجميله تعذيب الشدايد "وهي أطلع لسانها حق منى إللي أطالع خالتها وهي معقده حياتها" شريره منى مبوزه: أنتي ثريره نورة: هههههه لا واضح منوه الشرير نشت فاطمة من سمعت أذان المغرب وشلت بنتها: أنا بروح فوق أصلي وبالمره أسبحها نورة: أحسن شي تسويه...إللي يشوفها الحين جنها ظاهره من درام الزباله أم نورة: هيه فديتج سبحيها وخلي البشكاره تنزلها تحت أم حمدان تبى تشوفها عقب صلاة المغرب بربع ساعة يت أم حمدان يايبنها محمد...ويلست وياهن ساعة تقريبا...فاطمة يلست وياهن شوي بعدين راحت غرفتها... ......... صار له نص ساعة فالمسبح رايح راد...حس براحه فضيعه من زمان ماحس بهالراحه...ومن زمان ماسبح فمسابح المبزره...وبصراحة الماي الدافي مغري للسباحه...أما محمد يالس فوق بملابس رياضه...رغم إنه الماي مغري للسباحه إللي أنه مايعرف يسبح شرات منصور...فيلس يطالعه ويفكر... منصور: ياخي جرب...مايباله شي أنتبه محمد لأخوه إللي وصل للطرف إللي يالس هو عليه: ماأعرف...تباني أغرق منصور: أنزين جرب أنا وياك محمد: ياخي مافيني...بصير صدق مصخره منصور: منوه هنيه غيرنا وهاليهال محمد: لا مابى...مره ثانيه إن شاء الله منصور: هههههههههههه جبان محمد: هب مشكله...أي شي منك مقبول منصور وهو يطلع من المسبح: رغم إنا توأم بس ياخي مانتشابه...أنت هيكل وأنا عكسك محمد: الحمد لله جسمي عايبني...المهم كنت أباك فسالفه منصور ينشف ويهه بالفوطه: شسالفته؟! محمد: ماتلاحظ شي على حمدان منصور: شو؟ محمد: ماأعرف...بس أحسه متغير اليوم...شفته جي يطالع نورة هذاك اليوم منصور بضيج: خوك صايع وعيونه وايد زايغه محمد: ياخوفي يحط عينه عليها ويحطها فباله منصور: الله يستر محمد: تعرف شو أقترح على الوالد منصور: شو؟ محمد: يبى في إجازة الصيف نروح نحن وعيال عمي صلالة منصور وصدج تضايج: والوالد شو قال محمد: بيفكر في الموضوع منصور: خاطريه لو أعرف فشو يفكر حمدان وعلى شو ناوي محمد: فطوووم رفضته من قبل...وشكله يا دور نورة منصور حس بآلم فصدره: وبترفضه نورة محمد: تعرف...أنا ماكاسر خاطري إلا فطوووم يحليلها...صغيره وترملة منصور: هذا نصيبها وقدرها هالإسم كل مايسمعه يسبب له آلم فضيع...آلم الظلم...آلم البعاد...آلم الفقد...فقد إنسانه ياما تمناها...ياما فكر فمستقبلهم ويا بعض...إنسانه حبها حب ماحس به إلا وياها...وكان خبر زواجها أكبر صدمة بالنسبه له...بأنها خلاص صارت ملك ريال ثاني...ريال هو متأكد مليون في المية إنه مايحبها شرات ماهو يموت فيها... محمد: حوووووووووو شو فيك منصور أنتبه لأخوه: ماشي محمد: أنزين كنت أقولك مر على الكافتريا منصور يفر شنطته الرياضه فدبت السياره: وعشى أم حمدان محمد: ياخي مابيضر ...لأني ميت يووع منصور: أوكى....هههههههههههههههه صح تذكرت شي محمد معقد حياته: ليش تضحك...وشو تذكرت منصور: جي يبى يروح هذا صلاله في الصيف وأنت أصلا عرسك في الصيف محمد: شدراني فيه منصور: شكله أخوك خرف محمد: شكله جيه ........... فالجيمي مول وبالتحديد الطابق الأول من وين المطاعم...كان يالس يدخن ومجابلنه حميد إللي كان يشرب كوكتيل وهو يتلفت يمين وشمال يتصيد البنات المارات بعيونه ونظرته الحاده... حمدان يبتسم بسخريه: شو ناوي على صيده يديده حميد: هههههههههه ماأعرف والله بليا وحده فحياتي...هذيج الحماره عرسها جريب حتى ماترد على إتصالاتي... حمدان: إللي بياخذها مب ريال...ولا منوووه يتزوج وحده شراتها حميد: إلا من نفس طينتها حمدان: عيل مناسبين لبعض...ألتم متعوس على خايب الرجى حميد: هااا شخبار الدوام فالعين حمدان: والله أحسن حميد: من ناحية؟ حمدان يغمز: وايد مزايين حميد: هههههههههههههه عيل بدل وياي...طفرت من مجابلة ويه عزمي...ياريال ماعنده سالفة طايحبي نصايح ومواعظ...لاعت جبدي حمدان: فيه الخير الريال يباك أتوب حميد: تصدق مايعرف عني أي شي...بس أنا مشخله خبرته عن سفرتنا الأخيره يوم ماطعت تروح ويانا حمدان: ههههههههههههههههههه والله أنك...أدور على نفسك الرمسه وعوار الرأس...وبعدين من حظك فنفس مكتبك ريال مديين حميد: مديين بس عاد مب جيه..قسم بالله طفرت..تصور يوم تيني مكالمات شخصية يطالعني بنص عين...حتى لو كنت أرمس الوالده...صارت كل أفعالي معاصي حتى لو كنت ماسوي شي حمدان: ربك يمكن تكون هدايتك على أيده مرن عدالهم بنتين كل وحده أحلى من الثانية...وطبعا فوول ميك آب...بس متحجبات زين...وقفن يطلبن أكل...وحميد ياكلهن بنظراته... حميد: ياويلي على المزايين حمدان من دون مايلتفت صوب البنات: تعرف شي حميد وعيونه فالبنات: شو حمدان: ماعندك سالفة حميد نش من مكانه: تعرف شي قم نروح من هنيه...شوف وعوار يوف حمدان: نروح بيتنا حميد: يالله جدامي"ألتفت يطالع البنت" نظره أخيره حمدان: هههههههههههههههههه تزوج أرحم نفسك حميد: ياريت والله...لو الشور شوري اتزوج اليوم قبل باجر...بس الأهل الله يسامحهم غير بنت عمي ماشي حمدان: ياخي أستحى على ويهك...أنت موجود وتباها تروح للغريب حميد: ماباهاااا عاد بنت عمي ولا بنت خالي...هب داخله مزاجي حمدان: عيل بتبطي لين ماتعرس حميد: سمع أنا حاط حد أقصى...إن مازوجوها لين ماأوصل الثلاثين...بتزوجها وأمري على الله...بس والله والله لا اخذ وحده فوقها حمدان: ههههههههههههههههههه حرمتين...والله إنك خبل وأدور عوار الرأس حميد: هههههههههههههههاي مايفل الحديد إلا الحديد...حرمتين ولا أتم جيه صافي اليدين كملوا سوالفهم في السياره...وهم في طريقهم للبيت مر عدال بيت عمه وقلل السرعة وألتفت يطالع...شاف سيارتها في الكراج...إللي بابه مفتوح...نورة تعودت يوم تلقى باب البيت مفتوح أدخل سيارتها داخل...أما إذا كان مبند فدخلها في الكراج...ودومه باب الكراج مفتوح...أنتبه له حميد وكيف كان مركز فنظرته... حميد: بيت منوه هذا؟! حمدان: المرحوم......عمي حميد: الله يرحمه"وعقد حياته" يعني عندك عيال عم ولا خبرتني من قبل!! حمدان: هيه عندي حميد بتفكير: بس ماقد يبت طاريهم حمدان: كان بينا خلاف وزعل...فنقطعنا عنهم فتره حميد: وردت العلاقات حمدان: هيه ردت العلاقات "ابتسم" ويمكن تكون أحسن عن أول ......... واقفه جدامه "من صاحبات الوزن الثقيل" وبعصبيه يلست على الكرسي إللي مجابلنه: متى بيي؟ أحمد متملل: شدراني الحرمه: عيل شو شغلتك هنيه...يوم ماتعرف متى بيي معزبك أحمد رافع حاجب واحد: يامدام أنا ماأشتغل عنده...ولا سكرتيره عسب أعرف متى يظهر ومتى يكون موجود الحرمه: لا والله...عيل شو شغلتك...وليش مادلني مكتبه أحمد: ممكن أعرف فشو تبيه الحرمه طالعته بنظره حارقه من تحت نقابها: شي مايخصك أحمد طنشها وير واحد من الملفات وفتحه وبدأ يشتغل عليه: ترييه عيل نشت الحرمه بنرفزه: تعرف إنك تقهر...وماتعرف تتعامل ويا الناس زين مارد عليها وتم يخلص المعامله إللي جدامه وسوالها أكبر طاف...وهي أطالعه بقهر...شلت الأوراق إللي يايبتنهن وطالعته بإحتقار: ماأعرف كيف يشغلوا هالأشكال توها بتظهر من الباب أصطدمت بنورة إللي كانت توها بتدخل...وكانت دزه قويه من الخاطر "الحرمة طول وعرض ونوره من الأحجام الصغيره"...كانت نورة شوي وبطيح على ورى لو مايودت الباب...وراحت الحرمه من دون حتى ماتعتذر لنورة.. نورة تنافخ وحاطه أيدها على صدرها: بسم الله الرحمن الرحيم أنتبه لها أحمد وهو معقد حياته: شو صار نورة: حشى كسرتلي ضلوعي...شو فيها هذي طالعه من عندك شرات الأعصار فهم من رمست نوره إنها دزتها...وبضيج: هذي وحده سخيفه...لأنها من جماعة الأستاذ فالح يايه تستخدم فيتامين "و" عسب تمشي معامله مستحيل تمشي كتمت نورة ضحكه: على بالي إني حوليت الباب وأصطدمت فيه أحمد بقلق: عورتج نزلت أيدها برتباك رغم إنه جتفها يعورها من الضربه بس أستحت تبين شي جدامه: لا عادي ماحصل إلا كل خير يلست على مكتبها وبدت تشتغل...رفعت رأسها أطالع مكتب سميحه: حليلها سميحه...الشغل هب حلووو من دونها أحمد"الحمد لله خذت لها بريك اليوم...يالله بعد تاخذ لها كم يوم زياده...يارب سامحني على هالرمسه"...: الله يشفيها ... لازم تغير الجو نورة: حليلها ماتستاهل أحمد: أكيد يوم أنا أنكسرت قلتي يستاهل وزود نورة رفعت عيونها أطالعه بعدين ردت أطالع الورق إللي جدامها: الله يسامحك...والله ماقلت جيه...أنا ماقد تمنيت حق حد الشر أحمد"أعرفج والله..يعلني أفدى روحج الغاليه"..:غريبه عماد مب مبين اليوم نورة: أكيد مشغول...تحيده ماييلس...كل يوم مطرشينه مكان أحمد يتأملها: لاتنسي شعر وفن هالأسبوع نورة تعرف إنه يطالعها...وحاسه بإحراج فضيع...ومب قادره ترفع رأسها عن الورق إللي جدامها...صح ماتنعرف جيمة الشخص إلا يوم يغيب..."ليتج ياسميحه موجوده...على الأقل مابحس بهالتقارب الغريب العجيب وياه"... سلوى: السلاموووو عليكم أحمد حايس بوزه: وعليكم السلام والرحمه نورة: وعليكم السلام أحمد: يااااانعم يامدام سلوى شو عندج...على ماأعتقد قسمكم المراجعين داخلين طالعين...يعني وجودج هنيه غلط سلوى بخبث: يت أشوف صديقتي إذا تحتاج شي أحمد بغيض: لا تخافي عليها صديييييييقتج مابتحتاج شي وأنا موجود سلوى: والنعم والله والسبعة أنعام...وأنا بعد ماأشك فهالشي...دام مخاوي شما هنيه أحمد يقطع رمستها: تعرفي مدام أنا كاشفنج...أكيد تستغلن الموظفه اليديده ومقلطين معظم الشغل صوبها...أعترفي سلوى: يالله إللي يسمعك...مب جنك مقلط كل شغلك صوووب نورة حليلها نورة: بصراحة أنا ماأسوي إلا شغلي...ساعدته يوم كان مريض بس سلوى بنظرات إتهام وخبث: علينا هالرمسه نورة: والله...وبعدين أنتي ماعندج شغل سلوى: شو متفقين عليه أنت وياها أحمد: هههههههههههههههه يالله أووووت من غير مطرود يعني وهي تسوي حركات حق نورة تتوعدها وتهددها: بعدين بنتفاهم ردت نورة لشغلها وأحمد بعد رد يكمل شغله المتراكم... ...... فمستشفى التوام وفغرفة مليانه باقات ورود من كل الألوان ترقد إنسانه شبه محطمه...مر عليها شهر وهي بهالحاله وكل يوم والثاني وحالتها في تدهور مستمر...لحد يا اليوم إللي أضطرت فيه خالتها تنقلها المستشفى...وكانت صدمة كبيره بالنسبه للخاله تعرف إنه بنت أختها كانت تحاول الإنتحار...وأنها شاربه كميه كبيره من الحبوب... طالعت حنان باقات الورود بحزن...معظمهن من أبوها رجل الأعمال الغايب دوم...حتى وهي الحين على فراش المرض ماكلف نفسه أيأجل أعماله ومشاريعه...واكتفى بباقة ورد يطرشها حقها كل يوم... وأمها إللي زارتها مره وحده ومن ورى زوجها اليديد...إللي أمرنها تنسى إنه عندها بنت على الوجود... دمعت عينها وهي أطالع خالتها الصايعه وهي يالسه ترمس ربيعها...وتذكرت رمسة مبارك...جذبت عليه فموضوع خالتها وأنها إنسانه شديده وملتزمه...وهي في الواقع منحرفه...وسمعتها على كل لسان...بس مع هذا تحبها رغم عيوبها...لأنها هي الوحيده واقفه وياها فهالمحنه...لأنها هي الوحيده إللي قبلت تستقبلها فبيتها وتربيها...صح تربيتها دمرتها...ومع هذا تحبها وتحاول تبرر أخطاء خالتها دوم... عزه: ليش ماتتعشي حنان أدز صينية العشى عنها: مالي نفس عزه ترمس إللي في الموبايل: أوكى غناتي برمسك بعدين"بندت عنه وحطت الموبايل في شنطتها" أسفه حبيبتي اليوم ماأقدر أرقد وياج...تخافي بروحج؟! حنان: لا عادي...خذي راحتج... عزه: متأكده؟ حنان: هيه...روحي ماعليج مني أنا الحين من تظهري برقد عزه تقترب من بنت أختها وتبوسها على يبهتها: أوكى غناتي رقدي وريحي عمرج...هيه صح أمج أتصلت فيه اليوم وتسلم عليج حنان من دون نفس: كلفت على عمرها عزه: حبيبتي هذي مهما تكون أمج...وأكيد تحاتيج... حنان صدت الصوب الثاني: ماباها تحاتيني...وياريت والله لو تنسى وجودي من الأساس عزه: المهم حنون أباج ترقدي وشلي من بالج كل شي..أهم شي راحة بالج حنان: أوكى عزه: تصبحي على خير حنان: وأنت من هل الخير خبر وفاة مبارك خلى كل شي بنته حنان ينهار...الحب إللي لقته أخيراً فهالإنسان...الرغبه في الأستقرار والعاطفه والدفئ...إللي أعتقدت إنها خلاص لقته...كل شي أنهار وأدمر...ماكانت أتحاتي الصور إللي فموبايل مبارك...لأنها سوت أشياء أشد وأوسخ من هالصور...فصار الموضوع عندها عادي... تذكرت كلامات ربيعتها وضحى...والنصايح إللي ماتكل ولا تمل من كثر ماتكررها عليها...وهي الوحيده من ربعاتها إللي ماتخلت عنها...رغم معرفتها بكل شي... وسبحان الله جنها حست بأنها تفكر فيها وأتصلت فهالوقت... وضحى: هلا والله بالمريضين حنان تبتسم: هلا والله فيج وضحى: ليش مب راقده لين الحين حنان: تعبت من النوم...طول وقتي راقده من الملل وضحى: أسفه غناتي مارمت أيي اليوم...باجر عندي برزنتيشن فشتغلت عليه طول اليوم حنان: الله يوفقج...شخبار الشله وضحى بتهرب: ماقال الدكتور متى بيرخصج حنان بحزن واضح: يقول بعدني وايد لين ماأظهر من هنيه وضحى: ماعليه الغاليه صبري...أهم شي صحتج حنان: بشوفج باجر وضحى: أكيد...ماروم يومين ورى بعضهن ماأشوفج حنان: فديت روحج أنا...أنتي فيهم كلهم وضحى: أوكى غناتي...تصبحي على خير ... مابى سهر يالله غمضي عيونج حنان: ههههه "تغمض عيونها" عيوني مغمضات...وأنتي من هل الخير بندت عنها وضحى وعلى طول رقدت حنان... ...... بعد أسبوعين .......... "خييييييييييييييبه شوووو هذا" قالتها خديجة وهي واقفه أطالع ريلها وهو شال سامان فسيارته مشترتنهن أم مبارك ومطرشتنهن يوديهن حق فاطمه وبنتها... سعيد بضيج: حق عيال المرحوم خديجة فحلجها علوج وأطالع سعيد بنص عين: كل هذا حقهم....مايبوه كله...خلنا نخف منه شوي سعيد: خدوووي أستحي على ويهج شو تخفي منه...أمايه شارتنه بفلوسها...مب شارنه بفلوسي عسب تخفيه خديجة: وبيزات أمك تراه إللي بتستوي فيوم بيزاتنا....لاتفهمني غلط بعد عمرا طويل طبعا سعيد طالعها بنظرات: بتخبرج ناقصنج شي خديجة: لا فديت روحك...ماعليك قصور...بس حتى لو هالسامان وايد سعيد بعصبيه: مب شغلج خديجة بستغراب من أسلوب سعيد وياها: شو فيك تزاعج سعيد يبند باب سيارته: سلامتج...المهم أنا رايح خديجة تحط أيدها على يامته المفتوحه: لا صبر شوي...دقيقه ألبس عبايتيه بروح وياك سعيد بعد تفكير: بسرعة راحت خديجة تربع داخل البيت...ومن أختفت عن الأنظار حرك سعيد السيارة وراح عنها وهو يضحك عليها..."حشى لازقه فيه لزقه" وبعد دقايق أتصلت فيه طنشها مره مرتين...بعدين يوم شافها مصره: ألووووو خديجة تزاعج: سعووود رد الحين البيت سعيد: وإن مارديت؟ خديجة: رد أقولك...ماتسمع مره وحده سعيد: هههههههه لا أصمخ تعاديت منج خديجة: يصير خير سعووود ... خلني بس أشوفك سعيد: ههههههههههههه باي بند على ويها وهي تزاعج وحالتها حاله...طفر من هالحرمه...أول ماوصل بيت قوم أم نورة...وهو واقف عدال الباب بيدق الجرس سمع حس منى وهي تزاعج ومسويه حشره...شكلها تلعب في الحوش... أم نورة: قرب ولدي سعيد: لا خالتيه ماأقدر...المهم سلمي على فاطمة منى شافت عمها واقف عدال الباب وربعت صوبه لأنه صار لها فتره ماشافته: عمييييييييييييييه تأأأأأأأأل سعيد يشلها ويحبها على خدها: هلا والله بشيختهم منى: ليث ماتيا أندنا سعيد: خلاص علشانج أنتي بس بيي منى تلوي عليه: أههههههبك وايد وايد سعيد: فديت روحج أنا أم نورة: قرب ولدي...تقهوى عندنا سعيد: مره ثانية إن شاء الله بعد ماظهر عنهم وركب سيارته ماشغلها دقايق وتم يتأمل البيت...كان خاطره يشوف فاطمة...بس يعرف هالشي مستحيل في هالفتره بالذات...فاطمة أكثر شي عند مبارك كان يحسده عليها...دايما يقارن بين حرمته إللي تزوجها بشور أمه...وبين فاطمة إللي تزوجها مبارك بعد ماعرف عنها كل شي عن طريق أخته...فاطمة مميزه فكل شي...من غير جمالها إللي كانت تلفت نظره...أسلوبها الحلوو في الكلام...طيبتها...وحرمة بيت من الطراز الأول...عكس خديجة إلا أربعه وعشرين ساعة منسدحه في الصالة تفرفر في القنوات...ولا سماعة التلفون فأذنها وبالساعات ترمس ويا ربيعاتها...ولا كل شوي تتصل به تسأله وين هو...وويا منوه يالس...فعلا طفر منها ومن تصرفاتها... ..... بعد الأمطار الغزيره إللي نزلت على البلاد من أسبوعين بدأ الجو يحر...يعني الصيف على الأبواب...يعني شهرين لا أكثر ويكون إنسان مسؤول عن شخص ثاني...بعد ماتم تحديد عرسه بدأيت شهر سته...مع إقتراب موعد العرس...تزداد رغبته بالتغيير...والحين بدأ يتأكد إنه هالزواج بيغير فحياته وايد...بتكون هالإنسانه قريبه منه...ويمكن تقدر تكسر الحواجز إللي بناها حواليه...منصور إللي المفروض يكون أقرب الناس له...ماقدر يجتاز هالحواجز... كان واقف فالحوش وعيونه على البنيان إللي بدأ بالظهور...أبتسم...إللي بيكون بيته...وماعنده أمل يسوي بيت غيره...لأنه مب ناوي يخالف رأي أبوه...وهو بعد ماعنده نيه يطلع برع ويسوي بيت بروحه...بعدين شو يبى بيت ثاني وهالفيلة الصغيره إللي تنبنى في حوش بيتهم الكبير بتكفيه... بوحمدان: هاااا أظهر أنتبه محمد لأبوه: هيه بنوصل بوظبي على أذان المغرب إن شاء الله بوحمدان: خوك مابيروح ويانا!! محمد"الله يسامحني على هالجذبه": لا مايروم يروح رأسه يعوره بوحمدان يطالعه بنص عين: ماحيده فيه شي على الغدا محمد: جنه إلا عقب الغدا عوره بوحمدان: خوانك مامنهم فايده...يالله مشى جدامي وصلوا بوظبي وأذان المغرب يأذن...ودخلوا على طول ميلس بوجابر...من ميزت مليس بوجابر إنه مايفضى من العرب...إللي داخل وإللي طالع...وإذا بوجابر هب موجود...عياله مكانه... جابر بعد ماوايه بوحمدان...ألتفت صوب محمد وهو يبتسم: هلا والله بالنسيب...شحالك ياريال؟؟؟ووينك محد يشوفك محمد: يسرك حالي...ههههههه شو تبى تشوفني كل يوم...ماعندي أنا شغله غيركم جابر: هههههههههههه لازم مايكون عندك شغله غيرنا...شخبار الدوام محمد: يالله ممشين الحال بوحمدان بعد مايلس: عيل وين أبوك جابر: دخل يتيدد بعد ماظهر بوجابر طلعوا رباعه صوب المسيد يصلوا المغرب...كانت علاقة هالعايلتين وايد قويه...وبوحمدان يعرف بوجابر من سنين...وحتى يوم قرر يودر العين ويستقر هو وعايلته في بوظبي طلب من بوجابر يدور له بيت...فأختارله بيت عدال بيته...فتوثقت العلاقة أكثر ممبينهم...وبالذات الشباب إللي صاروا من أعز الربع...ومحمد إللي تعود الإنعزال...عيال بوجابر هم ربعه الوحيدين... بعد صلاة المغرب وبالتحديد في الطابق الأول كانت واقفه وشيلة الصلاة بعدها على رأسها عدال الدرشيه والغرفة ظلام...لأنه لو فيه ضوء بتبين برع...كانت على أمل بأنها تشوفه... حدرت أختها الغرفة وطالعتها بخبث: شو زوج المستقبل مارد مصلي بعده أرتبكت زهره: بسم الله..."وبرعب شافتها وأيدها على فص الليت" لا هنوود دخيلج لا تفجيه هند: هههههههههههههه خايفه زهره: فضيحه لو شافوني واقفه عدال الدريشه أوايج...وبعدين وين بروح من لسان جابر هند بفضول: شفتيه؟ زهره: لا...لو شفته بتلقيني واقفه على الدريشه أتريا وصوله هند: هههههههه مسكين حالج ختيه...ظنج منصور وياه زهره: يمكن صالحه تحدر الغرفة بلهفه: جني سمعت حد ياااب طاري منصور...وليش الغرفة ظلام زهره بندت الستاره: فجي الليت صالحة بعد مافجت الليت: هااااا ليش ترمسن عن منصور...شو فيه هند: تره محمد وأبوه اليوم بيتعشوا عندنا...فكنت اسألها إذا منصور وياهم صالحة: ليته وياهم...خاطريه أشووفه زهره: والله خايفه عليج صالحة: ليش زهره: تحبي إنسان ماشافج إلا مره وحده...وحتى ماعطاج ويه من الأساس صالحة بضيج: مب ماعطاني ويه...كان مستحي زهره: لا وأنتي الصادقه كان منصدم من تصرفج الجرئ صالحة: لأنج مايربتي تحبي شراتي...وكل شي يا لعندج جاهز...دامني أحبه بسوي أي شي عسب يحس فيه هند ترفع جتوفها: بروح أجابل التلفزيون ولا أسمع هالرمسه...بعدني صغيرونه عليها زهره: ههههههههه أحسن شي تسويه صالحة يلست بحزن: أنا شو ناقصني مايباني زهره: أنا غناتي ماقلت إنه مايباج...بس تصرفج وياه وايد بايخ...والبنت الحشيم ماتسويه صالحة: عيل جى أنبهه لوجودي زهره: فيه طرق وايد غير هالتصرف البايخ... صالحة: هو ياي اليوم؟ زهره: والله ماأعرف صالحة نشت وبندت الليت...وراحت صوب الدريشه: تعالي شوفي"أقتربت منها زهره يوايجن من الدريشه" وصلوا...."بعد مالاحظت إنه مب بينهم بوزت" مايا زهره وعيونها على محمد إللي كانت ملامحه مب مبينه لين هناك: تصدقي ماقد شفتهم ويا بعض...خاطريه أشوفهم ويا بعض وشو الفروق إللي بينهم صالحة تتذكر ملامح منصور: منصور أحلى زهره حايسه بوزها: من ناحية؟ صالحة: كل شي...حتى من ناحية الشخصية ماسمعتي جابر هذاك اليوم يوم قال جيه زهره تبتسم: بس أنا يعيبني محمد وبس صالحة ترجع الستاره مكانها: الله يوفقكم ويجمعكم على خير زهره بصوت هامس: آآآآمين ....... نشت بسرعة من مكانها وهي تعدل شيلتها إللي كانت طايحه على جتوفها...وطالعته بستغراب قبل لا ترد عليه السلام "تفضل" هالكلمة الوحيده إللي قدرت تطلع منها... حمدان وهو يبتسم: دام فضلج...السموووحه على الأزعاج شكلي يت فوقت مب مناسب نورة: لا آفاااا عليك قرب البيت بيتك فأي وقت حمدان: وين نورة: بزقر أمايه ماقال أي شي ومن ظهرت يلس على القنفه ماخذ راحته وهو يبتسم... أما نورة من ظهرت من الصالة وهي تغلي..."جى يدخل جيه لا أحم ولا دستور...ومنوه دخله أصلا...ماعليها هالمسي براويها شغلها" وهي فطريقها للمطبخ شافت الباب العود مفتوح وسيارة حمدان واقفه جدامه... كانت مسي ووياهه بشكارة فاطمة يطبخن شي حق العشى... نورة بعصبيه: ليش الباب الكبير مفتوح مسي برتباك: ماما أنا يروه عق زباله بعدين هاد رجال ولد عم أنتي يجي ويدخل أنا يقول ويت شوي بس هو يقول مافيه مشكل لو هو يدخل نورة: أخر مره...تسمعيني أخر مره أدخلين حد جيه من دون ماتخبريني مسي: أوووكى نورة: عيل وين أمايه مسي: في قرفه مالها نورة: المهم حطي الفواله في الصالة وعلشان تتفادى تمر عدال الصالة ويشوفها لأنه باب الصاله مفتوح راحت من الباب إللي ورى...ويوم حدرت غرفة أمها لقتها يالسه أدخن ثيابها: أمايه حمدان فالصالة أم نورة: بيي...روحي فديتج يلس عنده لين ماأيي بضيج ردت الصالة مره ثانية...ماكانت تبى تيلس وياه...طول هالأسبوعين إللي مرن وحمدان تقريبا أييهم مرتين أو ثلاث مرات في الأسبوع...رغم إنه لين الحين ماشافت منه شي غلط...بس إحساسها ينذرها بشي...وأنه تصرف حمدان مب لوجه الله...وأكيد وراه شي جايد... حمدان: متى بتاخذي إجازتج السنويه نورة: يمكن شهر ثمانيه حمدان: أخر الناس نورة: أحسن حمدان: عرس محمد بدأيت شهر سته نورة تبتسم: الله يوفقه حمدان: كم عمرج نورة الحين نورة أستغربت من هالسؤال: أربعه وعشرين ليش؟ حمدان: لا بس مستغرب ليش لين الحين ماتيوزتي نورة أطالع مسي إللي دخلت الفواله: نصيب حمدان بتفكير: مع إنج فسن مناسب للزواج وتكوين أسره...بعدين ماشاء الله مايعيبج شي "وطالعها بنظره" نورة وقفت من حدرت أمها الصالة: استأذن ... أنقهر حمدان من هالتصرف...كان حاس فيها إنها يالسه وياه غصبا عنها...وأسلوبها المتحفظ في الكلام بردودها المختصره يدل على هالشي... تم يسولف ويا أم نورة إللي بدت ترتاح له وتعتبره أحسن من خوانه إللي ماشافتهم غير مرتين من يوا العين...وهذي نقطه تنحسب له... أما نورة من ظهرت من الصاله وهي حالتها حاله...فالبدأيه تحسبت إهتمام حمدان فيهم وزياراته المتكرره بهدف إصلاح العلاقات إللي بين العايلتين إللي بسبته أنقطعت...ومرات قالت يمكن يبى يستعيد فاطمة...بس اليوم بين لها العكس...وحمدان قاصدنها هي... مرت عدال غرفة فاطمة وسمعت حشرت منى وفاطمة وشكلها يالسه تلاعب بنتها...أكثر شي ريح الجميع حالة فاطمة إللي تحسنت وايد عن قبل...ويحاولن قدر المستطاع مايبن طاري المرحوم...لأنه طاريه يغير مزاجها ويخليها مهمومه ومتكدره... دخلت غرفتها وهي تشعر بصداع فضيع...معقوله يفكر فيها هي بعد ماكان يبى فاطمة!!هل كان يحبها؟؟!!ولا مجرد كان يبى يتزوج بنت عمه لا غير؟؟!! كل هالاسئلة أدور فرأس نورة...بس هي تحب أحمد..."هيه أحب أحمد...وماأتصور مصيري يكون نفس مصير فاطمة"...بحكم مجتمعنا المحافظ ماقدرت فاطمة أدافع عن هالحب...وأستسلمت من أول معركة... مشت صوب موبايلها إللي حاطنه على الكمدينو...أتصلت على أول شخص يخطر لها تتصلبها وهي جيه حالتها...: السلام عليكم سلوى: هلا والله...وعليكم السلام والرحمه نورة تيلس: شحالج سلوى: يسرج حالي..."تغير صوتها" وأنتي؟! نورة: عايشه سلوى: كلنا عايشين...نوار شو فيج...حسج مب طبيعي...أكيد فيج شي نورة: شكلج برع البيت سلوى: هيه فالمبزره...أنا وبونايع ونايع تعشينا والحين رايح يمشي هو وولده وأنا تحيديني ماروم وأستحي أمشي وياهم بكرشتي...فمتجابلين أنا والبشكاره في الخيمه نورة تبتسم: فديتج ماشي أحسن من المشي حق الحامل سلوى: هههههههه إللي يسمعج ترمسين عن خبره نورة: ههههههههههههه هذي معلومه مايبالها خبره الكل يعرفها سلوى: تعرفي شي...يوم أربي أباج تنتقلين قسمنا...حليلهن بيكون عليهن ضغط من الشغل نورة: لا والله...شو لعبه أنا عندكم كل يوم منقليني قسم سلوى: علشااااااان تفتكي من ويوه بعض الناس نورة: ومنوووه قالج إني أبى أفتك من ويوهم سلوى: الله الله أسمع تطور...أقين بليييز نورة: جب أنزين...ماتنعطين ويه سلوى: انزين نرجع لموضوعنا...شو فيج...شي مضايجنج نورة: حمدان سلوى: حمدان!!!منوووه هذا بعد نورة: ولد عمي سلوى: شو فيه؟ نورة: هب عارفه شو أقولج سلوى: قولي إللي فخاطرج غناتي...فضفضي نورة: أحسه حاط عينه علي سلوى: شوووووو نعم نعم من وين يا هذا بعد...لازم يخرب يعني نورة: شو يخرب!! سلوى: ماأعرف ليش قصص الحب لازم يطلع حد ويخرب نورة: ههههههه لا والله شو فيلم هندي وأنا ماأعرف سلوى: لا والله صدق...مب هذا إللي خطب فطووم من قبل نورة: هو سلوى: وجي يباج أنتي الحين نورة: مب متأكده...بس أحساس سلوى: ياختي هالثور لازم يتحرك...شو يتريا لين ماتتزوجي نورة وأونها ماتعرف: منوووه تقصدي سلوى: أونج عاد ماتعرفي...بوشهاب منووه غيره نورة بهباله: منووه بوشهاب سلوى: نوير تراه ماحب الأستهبال...تعرفي زين إن أقصد أحمد نورة: وايد واثقه أنتي سلوى: ياحبيبة ألبي الكل يلاحظ...حتى الأعمى بيلاحظ إنه أحمد يموت فيج...الريال شارنج يابنت الناس نورة: والله خايفه سلوى: من شووو خايفه...أنتي أتكلي على الله ووافقي عليه...والله هالريال ينشرى بالفلوس...ريال والنعم فيه...إلا شوي خريش نورة: هب المشكله أحمد...المشكلة حمدان إللي طلعلي الحين...تصدقي إنه كل يوم تقريبا فبيتنا...حتى يياته صارت مبالغ فيها ومالها لازمه سلوى: خلج واثقه من نفسج...رديتي قبله مب رايمه ترديه هو نورة سمعت مزاعج نايع: شو وصلوا سلوى: هههههههه وصلوا يابوج...أسمنهم حشره وطفره بونايع يزخها من خدها: منوووه الطفره سلوى: ههههههههههههه أي أي خلاص أنا الطفره أنا أنا بونايع: ههههههههههه هيه أباج جيه نورة: هههههههههههههههههههه حليلج أنتي بروحج فهالمجتمع الرجالي سلوى: ولا يهمج...هو إلا ثلاث شهور وبتكون عندي مساند ضد هالسفاحين بونايع يمسح على لحيته ويضحك: ماعليه...دواج بعدين سلوى: نوار غناتي بخليج الحين...نشلل قشارنا بنروح البيت نورة: أوكى حبيبتي أشوفج باجر...بوسيلي نايع سلوى: ههههههه سكتي الله يخليج...اليوم من وصلنا لقينا شبيبه مرتبشين وأيولوا وعاد العوق عند نايع...ولدي نزلن زيرانه إلا يروح ويول وياهم نورة: فديته أنا...خاطريه أشوفه أيول سلوى: ماعليه...بيول إن شاء الله فليلة عرسج نورة "إن شاء الله": يالله الغلا تصبحين على خير سلوى: وأنتي من هل الخير بندت نورة عن سلوى وحست براحه شوي...وتغير مزاجها المتكدر شوي...نشت تشوف من الدريشه إذا سيارته موجوده...وفعلا مالقتها عدال الباب...فعلى طول ظهرت من غرفتها ونزلت تحت عند أمها إللي مايلست وايها وايد اليوم... ........ في الدوام وفي فترة الريوق كانت يالسه نورة وسلوى وسميحه وساره يتريقنا...إلا الريم إللي ماخذه إجازه...مب لأنها تعبانه أو بسبت المشكله إللي صارت ويا طليقها...هالإجازه إجازة زواج...بعد المشاده إللي صارت بينها وبين طليقها والمحاكم...قربهم من بعض...وطليقها فالأساس يحبها وماكان راضي عن هالطلاق إللي حدث بطلب منها...فيوم الخميس من هالأسبوع بيكون زواجها وعزمت معظم ربيعاتها سواء إللي من الدوام وغيرهن...صح حفله صغيره...بس الريم عادتها تحب التباهي وتكون محط الأنظار... سلوى: بتروحي "توجه رمستها لنورة" نورة: والله ماأعرف...إذا بتروح وياي أمايه بروح سلوى أطالع بطنها بيأس: ماأعرف شو ألبس...مافيه شي مناسب ويا هالكرش ساره تبتسم: بالعكس أحس أي شي عليج بيطلع حلوو سلوى: بتروحي ساره بتردد: لا ماظن...هلي مايخلوني أروح عروس ناس مب من الأهل سلوى: بس هذا مب عرس بالمعنى الأصح...حفله صغيرونه ساره: لا والله ماأقدر...ياريت سميحه تأكل: يابت ياساره من فين أشتريتي دى الفول ساره: هههه عجبج سميحه: دى طعم بشكل ممممممم ... نورة ماتكليش ليه والله عجييييب نورة: لا سمحيلي مافيني أسطل الدوام توه فأوله سلوى تحرك رأسها وهي حايسه بوزها: عافاااانا الله...نحن عن شو نرمس وهي عن شو...أنتي مابتروحي سميحه: مابروحشي ليييييه...دى الريم عزماني أنا أول وحده...وأنا أول وحده هكون هناك...هو العورس فييين؟ سلوى: فبيتهم سميحه: أخس وأنا كنت بفكره فالفندو سلوى: حفلة صغيرونه شو يبوا يسووه ففندق... قامت نورة وهي تلبس نقابها: صدج إنه ماعندنا سالفه...بنات أعتقد إنا فالدوام بس من السوالف إللي لا تيب ولا تودي ساره: هيه والله سلوى: صح سارونه بسألج شو يقرب لج الأستاذ فالح نورة: أين فضووولي...وين منخش"وهي تأشر على سلوى" هذا هو فضولي...وأنتي شدخلج يالفضوليه سلوى: بس بغيت أعرف مافيها شي...لأنه الأستاذ فالح مكثر يياته هنيه ساره: هههههههه لا فديتج عادي...ماعندي شي أخبيه...الأستاااااااذ فالح عمي خو أبويه سلوى منصدمه: حلفي!! ساره: هههههه والله شو الغريبه فالموضوع سلوى تعض على شفايفها: بصراحة صدمتيني...خلاص عيل بنحاسب فكلامنا ساره تبتسم: جى أنتوا دوم تحشوا فعميه نورة تفتح الباب بتظهر: أنا مايخصني...هذي أم نايع محد سالم من لسانها سلوى: ماعليه نورووه أنا إللي محد سالم من لساني يصير خير راحت عنهن نورة وهي تضحك على سلوى...ودخلت قسمهم شافت عماد يالس ويا أحمد ومن شافوها سكتوا... نورة: السلام عليكم أحمد+عماد: وعليكم السلام وتموا ساكتين...أحمد يكتب شي...وعماد شال ملف ويالس يقرأه...أستغربت نورة منهم...شو سالفتهم صخوا على طول من حدرت المكتب... نورة: أظهر؟! أحمد رفع رأسه يطالعها: شو؟ نورة: أظهر علشان تاخذوا راحتكم فالكلام أحمد: لا أستريحي مكانج... نحن يالسين نشتغل مب داقين سوالف نورة طالعتهم بتشكك بعدين راحت ويلست على مكتبها... عماد: وينى آنسه سميحه نورة: وشو بدك فيها عماد يبتسم: أيييه وطلعتي تعرفي شامي نورة: مب من صعوبتها رمستكم أحمد: أحم عماد أعتقد عندك شغل ولا أنا غلطان عماد: أيه صح ذكرتني...لازم روح الجيمي أبتسم أحمد بخبث ورد يكتب إللي كان مشغول فيه... بعد ماظهر عماد: يعني مابتخبرني شو إسمك أحمد من دون مايرفع عيونه والإبتسامه على شفايفه: يوم ماعرفتيني بروحج...أسف هذا يبين إنج ماتعرفي أي شي فالشعر نورة تلعب بالقلم بضيج: مب جنك تهيني أحمد: آفاااا أنا أهينج شيختي...لا عشت ولا كنت...بس هذي الحقيقة ماتعرفي فالشعر طنشته نورة وبعصبيه خذت واحد من الملفات وتمت تشتغل فيه...وأحمد يضحك بصوت منخفض ورد يكمل شغله...الحين الأسبوع الثالث من أنكسر...والجبس غيروه أخف من القبلي...وبالنسبه لأحاسيسه تغيرت...صار وجود نورة فنفس المكان إللي يكون هو موجود فيه سبب للهدو والسكينه فنفسه وراحه مابعدها راحه...يكفي وجودها في المكان علشان يحس بهالشعور...خطرت على باله القصيده إللي نزلها الأسبوع إللي طاف...وتمنى إنها تعرفه وتفهم إنه يعنيها هي بهالقصيده...بس للأسف أكتشف إنها خقه على الفاضي ولا تعرف في الشعر شي...يمكن تقرأ بس قرأه من دون فهم... نورة: نعم...أنا نورة...منوه؟ أنتبه أحمد بأنها ترمس حد فالتلفون... نورة وشكلها معقده حياتها: شوووو؟؟"صخت شوي"صدج إنك ماعندك سالفة ولا تستحى على ويهك "وبندت التلفون وشكلها معصبه" أحمد: منوووه؟! نورة ماألتفتت صوبه وخذت القلم وردت تخلص معامله: ربيعك إللي ماعنده سالفة أحمد معقد حياته: ربيعي! نورة: مــــــــــطـــــــر أحمد صدج حس الدم يغلي فعروقه...: وشو يبى هذا بعد نورة: كالعاده كلامه الوسخ إللي شرات ويهه أحمد وقف بعصبيه: جى كم مره أتصل غير هالمره نورة: دوم يتصل أحمد بصوت منخفض يسب... نورة: شووو؟! أحمد: لا ولا شي...اهتمي بشغلج طالع ريله باحتقار...من أنكسر وهو مب رايم يسوي أي شي...من الدوم للبيت ومن البيت للدوام...والإجازات فبوظبي...ونسى سالفة مطر...هو يعرف مطر زين...النذاله تجري فدمه...ونورة فشلته وماسوتله سالفة فمستحيل يودرها..."بس ماعليه يامطور دواك عندي يالنذل هالمره زودتها وايد" ........ فالعين مول فوق من وين المطاعم يالس ومجابلتنه وعيونها على فنجان القهوه إللي جدامها...وهو يتأمل فملامحها الجميلة...كانت مستحيه بشكل...أول مره يطلعوا ويا بعض...ولأنهم أول مره يظهروا ويا بعض الكلام معدوم...وهو بعد رغم إنه كبير مب من صغره...مب قادر يعبر أو حتى يقول جملة على بعضها... عماد: تتعشى نادين تهز رأسها وشعرها الأشقر المموج يتحرك حوالين ويها: لا مابدي عماد: بس مايصير ماتتعشى نادين أطالع ساعتها: تأخرت عماد يبتسم: بس الماما بتعرف إنك بدك تتأخري شوي...لأني عازمنك على عشى نادين: مره تانيه عماد: شو مره تانيه...نادين أنا هسى خطيبك...مو شخص غريب نادين ترفع عيونها: أعرف عماد: أيه...شو بكي من جلسنا ساكته"مكشخ ضروسه" بتستحي مني نادين تبتسم: لاه مو هيك...بس أنا أول مره بطلع مع شاب عماد: بس أنا مو متل كل شاب...أنا خطيبك...وأريب بكون جوزك نادين: بعرف هالشي...بس هي مسألة تعود عماد: صدأيني أريب بدي خليكي تتعودي علي...أنا عمااااد مو حيالله نادين: ههههههههههه عماد: وليه على هالضحكه...أييه هك بدي ياك دايما...أضحكي...هسى أوليلي شو بدك ياني عشيكي... نادين: على زوأك عماد: خلاص على زوأي على زوأي نادين عكس عماد...أنولدت فالإمارات...وتعتبر نفسها إماراتية...وبلدها الأم سوريا ماتروح لها إلا في الإجازات...أما عماد يا الإمارات من 9 سنين...وطبعا من دون مايرافقه حد من هله...بما إنه كبير ويقدر يعتمد على نفسه...وتعرفوا على بعض من كثر ماكان يتردد على مستشفى الجيمي مكان شغل نادين...فتحدد عرسهم بعد شهر تقريبا...والشاميين مب شراتنا يبالهم فترة طويله حق الزاهاب وغيره...أهم شي من يتأثث البيت العرس مب مهم فأي وقت...وكان تحديد عرس عماد ونادين بتوقيت يكون مناسب لحضور أهل عماد من سوريا علشان يحضروا العرس...وبتكون فترة بدأيت الإجازه الصيفيه... كانوا يتعشوا يوم شاف شباب يعرفهم...فنفسه تضايج...وحاول قدر المستطاع مايلتفت صوبهم ومعظم وقته يطالع الأكل أو تحت...هالشباب مطر وربعه...هو من يوم عرفه أحمد عليهم وهو مب مرتاح لهم...وبالذات مطر وخليفة...هالأثنين من نفس الطينه...حياتهم صياعه فصياعه...ومطر لأنه هله ناس واصلين دومه يطلع مثل الشعره من العجين...رغم مشاكله ودوم الشرطة تزخه...بس فيتامين "و" ينجيه دوم من أفعاله...وعماد يعرف بسالفة مطر ويا نورة...وإنه أحمد واصل حده...ويخافه يروح يسوي شي يندم عليه بعدين...فدوم يحاول يعقله ويهديه... رجعت خصله من شعرها ورى أذنها: شو باااك ماتأكل عماد من دون مايرفع رأسه لأنه سمع أصواتهم قريبه منه: بأكل حست نادين إنه يحاول يخبي نفسه عن هالأشخاص إللي مروا عداله...وبصوت منخفض: بتعرفهم؟! عماد: أيه نادين: شكلون مايطمن عماد: لهالسبب مابدي يلاحظوني نادين تبتسم: عماااد بتخاف من هم عماد: ههههههه لا شو خاف منهم...بس أنا جالس مع خطيبتي مابدي إزعاجات...وهديلا مزعجين بشكل ماتتصوريه نادين: أيييه بلاحظ هالشي ........ يلس وفأيده سيجاره كالعاده...اليوم بكندوره زعفرانيه وغتره نفس اللون ونعال نفس اللون...وعلى شفايفه أبتسامه ساخره... مطر: إذا وحده أهنتك...شو بتسوى خليفة: إهانه من أي نوع؟! مطر: يعني خلتك ماتسوى شي جدام الناس خليفة: ههههههههههه منوه هذي بعد إللي خلتك ماتسوى شي مطر: تخسى...لا كانت ولا أستوت بعدها إللي تهيني خليفة: عيل ليش تسأل هالسؤال مطر: المهم شخبار خوك خليفة: شخباره بعد...تراه مسجون مطر: وربيعه؟ خليفة: تنازل...فتخفف الحكم عليه ست شهور مطر: خله يتأدب خليفة حاس بوزه ماعيبته رمسة مطر: هيه صح مطر: يأشر بعيونه وهو يبتسم بخبث: تعرف هذاك إللي عاطنا ظهره خليفة يدور بعيونه: وين مطر: إللي عنده الشقرا خليفة: الزلمه مطر: هيه…عرفته خليفة: تحيدني أعرف زلمات…أنا مبوني ماأدانيهم مطر: هذا طال عمرك أعز ربع بوشهاب خليفة رد يطالع صوب الريال وهو معقد حياته: عماد!! مطر: شكله طالع يتعشى هو وحبيبته خليفة: ههههههههههههه الله ياخذه حلوووه وايد عليه مطر: ياخي حظ خليفة: انزين شو سالفتك أنت وبوشهاب؟! مطر: مامن سالفه…شسالفتنا بعد خليفة: ممبينكم شي الكل ملاحظ مطر: تحيدني ماأزعل من حد...وبوشهاب ربيعي حتى أكثر عنك...ولو زعلان مثلاً مع إني ماأعرف ليش زعلان...إلا بيرد وبيرضى...ههههههههه وأنا قلبي طيب ماأشل على حد خليفة: أم أمركم غريب...أحمد من أنييب طاريك يطلعن شياطينه مطر بعدم إهتمام: هو حر .... "عين الظبي" قالتها من دون ماترفع رأسها عن إللي يالسه تقرأه أحمد أنصدم ورفع رأسه يطالعها: شووو؟! نورة: لا بس كنت مستغربه منه أحمد: ليش شو فيه؟ نورة: هالشاعر أتابع قصايده من سنة تقريبا...وايد أسلوبه راقي وحلوو...شموووخ وعزة نفس...بس الحين وايد تغيير أحمد: ليش...شو تغيير فيه نورة: أعرف بتقول ماأعرف شي في الشعر...بس هذا على حسب رأيي البسيط...عين الظبي كان شعره قوي...أكثره إجتماعي...بس الحين قام يكتب في الغزل...بصراحة مب لين هناك... أحمد حايس بوزه: يعني مايعرف يكتب فالغزل نورة وشكلها تضحك: ولا يخصه...ماعنده أسلوب فالغزل...عكس شعره فالإجتماعي والمحاوره أحمد: ههههههههههههه وأنا إللي تحريتج ماتعرفي شي فالشعر...طلعتي شي والله نورة: صح ماأكتب شعر...بس عندي خلفيه لا بأس فيها أحمد: هههههههههه انزين يابويه دسي الجريده عن يقولوا يالسين يتناقشوا فالشعر ومودرين الشغل نورة: ماشي شغل!! أحمد: هيه صح ماشي شغل..."وهو يأشر للمعاملات إللي على مكتبها" عيل شو هذا إللي جدامج مجلات!! صدق صدمته يوم نطقت بـ عين الظبي...لأنه إسمه المستعار...وحس إنها تقصده هو بالرمسه إللي قالتها..."هذا رأيها بالقصايد إللي كتبتها علشانها...أنا ماأعرف أكتب فالغزل!!!" " أحمد" قالتها بستغراب وفأيدها سماعة التلفون " الأستاذ فالح يباك أحمد أنتبه: الأستاذ فااالح! نورة تكرر: يباااااك أحمد قام: شو يباني هذا بعد بعد ماظهر أحمد ضحكت نورة بصوت واطي...كانت عارفه إنه هو...واليوم تأكدت من هالشي من ملامح ويهه إللي تغيرت من قالت عين الظبي...هي مب غبيه لهدرجة ماتعرفه...بس حاولة تقول رأيها فيه على أساس إنها ماتعرفه...وهو فعلا مايعرف يكتب شعر غزل...مب قوي شرات شعره الإجتماعي إللي تعودت عليه...وهي متأكده إنه كل إللي كان يتابع هالشاعر لاحظ الضعف فقصايده الأخيره... سميحه: نورة نورة تنتبه: هااا؟ سميحه: حبيبي تأدري تموري عليه بكره وأنتي رايحه حفلة الريم نورة معقده حياتها: أمر عليج!!! سميحه: أه تمري عليه...أصلي بستحي أجي بتاكسي نورة: وسيارتج؟! سميحه تحرك شفايفها شرق وغرب: هو مخبرتكيش إنها فالكراج نورة: آفااااا يحليلها شو فيها... سميحه: هو أنتي بتتمسخري...المهم هتمري عليه ولا أيييه نورة: سميحه حبيتي بصراحة ماأقدر...أولا أنا أسكن فالشرق وأنتي فالغرب...يعني بروحها مسافه...أصلا أمايه مابتخليني أروح أييبج سميحه وأونها زعلانه: الله يسامحك...وأنا كنت معتمده عليكي نورة: أسفه والله...يبالي أظهر من البيت من العصر عسب أروح منطقتكم وبعدين أرد وبعد الحفلة أكيد بتقولي أردج سميحه: خلاص خلاص مش عوزه منك حاجه وراحت تيلس فمكتبها...نورة: والله أسفه...بس صدج ماأقدر سميحه: خلاص ملهوش لزمه...هجي فتاكسي نورة: زعلتي؟! سميحه: وهزعل لييه نورة: سمحمح والله مازعلتي سميحه: هههههههه خلاص واللهِ مزعلتش نورة: فديتج أنا...أحيدج تزعلي من كل الناس إلا أنا... سميحه: هههههههه وسأه من نفسك أوي نورة: أعرف غلاتي عندج دخل أحمد المكتب وفأيده ورقه وشكله متضايج...: من الأسبوع الياي ببدأ كورس فالكلية نورة: كورس!! أحمد: هيه أنا والموظفه اليديده...شو قلتوا إسمها؟ نورة وهي تحس بغيره فنفسها: ساره أحمد: هي نورة: كم مدة الدورة؟ أحمد: أسبوعين سميحه: والله دى الدنيا حظوظ...إللي عاوز الحاجه مايحصلهاش... أحمد: هههههه تروحي بدالي...والله ماأريد هالكورس سميحه: مشكووور أوي أستاذ أحمد...أنا مش عوزه فضلة حد أحمد: ههههههههههههههاي أونج عاد ..... "أنت مينون ولا شو!!" قالها بو حمدان بعصبيه حمدان: أبويه هدي أعصابك...أنا ماقلت شي يستحق كل هالعصبيه بوحمدان: لا سلامتك ماقلت شي أم حمدان: شو قال غلط الله يهديك يابوحمدان...الولد يبى بنت عمه بوحمدان: بن عروه إللي بأيوزك نورة حمدان: آفاااا وأنا قلت بتوقف وياي وأنت أول واحد بتشور بهالشور بوحمدان: خسه الله من شور..."وهو ينش من مكانه" بقوم أظهر أبرك لي من مجابلة هالويوه حمدان يلحق أبوه: انزين شو العيب في إللي قلته بوحمدان: العيب إنك قمت تلعب علينا..أول تبى فاطمة والحين تبى نورة...شو السالفة لعبه عندك حمدان: بس الحين أنا أبى نورة صدق... بوحمدان يدزه: قم قم عني ظهر بوحمدان من البيت وهو واصل حده من حمدان... أما حمدان حدر البيت وبند الباب بعصبيه...: والله يأنه محد بياخذها غيري أم حمدان: فديتك صدقه أبوك...مره تبى فطييم...والحينه تقول تبى نورة...ماعرفنالك...بس ماعليك أنا بتفاهم وياه حمدان: تفاهمي وياه...ولا أنا بتصرف سواء رضى ولا لاء أم حمدان: لا فديت روحك...هذا مهما يكون أبوك...أنا بتفاهم وياه وبيوافج إن شاء الله حمدان: أتمنى هالشي ودر أمه وراح صوب غرفته...ماكان متوقع هالمعارضه من أبوه...كان متوقع هو إللي بيسانده...فاطمة كانت فنظره صورة جميله...كبريائه رفض إنها تفضل أخوه الأصغر عنه...وهو يباها...بس الحين كل تفكيره تغيير واستسخف رغبته بالزواج من فاطمة...لأنها مجرد صوره جميله...ضعيفة الشخصية وأرائها مهزوزه...عكس أختها إللي مالاحظ شخصيتها إلا الحين..."نورة الوحيده إللي تناسبني" ..... " أشوفك وين يامهاجر...قلي بأي بلد صاير..قلي بأي بلد صاير...أشوفك وين يامهاجر...فراقك مو سهل عندي...ولاهي أزمه وتعدي...تعال وطيب الخاطر...أشوفك وين يامهاجر...فراقك علة العله...عقل بالرأس ماخلى... فراقك علة العله...عقل بالرأس ماخلى...يوم لهاجرت والله..أنفطر قلبي وصرت شاعر" يالس فسيارته الموقفه جدام البيت...وفاتح الآف آم...وأفكار تيبه وتوديه...شاف حمدان وهو ظاهر من البيت من ربع ساعة بس ماأنتبه إنه حد فالسياره...سمع الحوار إللي دار بين أبوه وحمدان...صح تضايج...بس ماأنصدم أبداً...لأنه خلاص تعود على أخوه...ويعرفه زين...إنسان مايهمه فهالدنيا أي حد إلا نفسه..."شغل سيارته" هل بيكون حمدان هو السبب في قطيعه ثانية؟! كان يمشي بسيارته من دون هدف فشوارع الحاره...دخل الشارع إللي فيه بيت عمه...وبإحساس غريب شعر فيه ماحس بنفسه إلا موقف سيارته جدام بابهم..." حاط أيده على الباب وعلى ويهه إبتسامه...كان توه راد لاعب كورة وملابس الرياضه ماغيرهن...يطالعها وهي ميوده الباب بقوه: قلت مابتدخل...أنت ماتفهم منصور: ههههههه يادبه والله ماباكلج فاطمة: تعال بعدين منصور: أنزين بس فالحوش مابدخل داخل فاطمة: لا والله مابى قلت مابى...جى حتى حرام تحدر البيت وأنا بروحي منصور: أمممممممم انزين أبى ماي فاطمة تحاول تبند الباب: انزين بيب لك ماي منصور: آفااااا وتبندي على ويهي الباب فاطمة: ههههههه هيه ببند على ويهك...مامنك أمان أروح أنا منيه وتدخل أنت منيه منصور: آفااا يافطامي آفااا يابنت العم ماتأمنين لي فاطمة تفتر عنه: كيتي هاتي غرشة ماي منصور يتأمل ملامحها: تعرفي شي فاطمة ترد أطالعه: شو منصور من دون مايبتسم: تعرفي إنج أحلى من ملكة جمال لبنان فاطمة حمرن خدودها: والله منصور: والله العظيم...فنظري أنتي أحلى بنت فالكون...بس فاطمة: بس؟! منصور: خليني أدخل والله فضيحه واقف على الباب جني شحات فاطمة: هههههههههه لا تحاول"خذت غرشة الماي من كيتي" أندوك...فيه أوامر ثانية منصور: مشكووووره فطيييم أيي منج أكثر...بس مردوده" أنتبه لنفسه بعده واقف جدام بابهم...بند سيارته ونزل...فضيحه يوصل لين بيتهم وماينزل يسلم...دق الجرس وبعد دقيقه تقريبا سمع صوت بشكارتهم... مسي: مييييييين؟ منصور: منصور فتحت الباب شوي ومن شافته عرفته: تفزل مشت جدامه لين ماوصلته الميلس: ويت شوي بيروح نادي ماما كبير كل شي نفس ماهو...إلا الأثاث الشي الوحيد المتغير من هالبيت...هالبيت إللي له فكل ركن من أركانه ذكرى...ذكرى بذل المستحيل علشان ينساها...وهو يطالع صورة كبيرة للشيخ زايد...حس بأنه حد يراقبه فالتفت بسرعة صوب الباب...شاف ويها الصغير البرئ...وقصه من شعرها الأسود الفاحم تغطي حياتها...كانت أطالعه بندهاش... أبتسم على شكلها الملطخ بالشوكولاته...شفايفها البنيه الغامجه ونفس هاللون على خدها الوردي...وفأيدها قطعه شوكولاته... منى: تليد "تمد أيدها إللي فيها قطعة الشوكولاته" حواوه منصور وهو ميت على شكلها: هيه أريد...تعالي " يمد أيده" منى بتردد تحدر الميلس...كانت لابسه فانيله بيضى متوسخه بالشوكولاته: منووو أنت منصور ينش من مكانه ويتجه صوبها: منصور...وأنتي شو إسمج؟ منى أول ماأقترب منها نزلت رأسها وأونها مستحيه: منوووه منصور شلها وماأهتم ليديها الوسخه إللي وسخة كندورته البيضى: فديتها أنا...إسمج منوووه منى من دون ماتنطق بحرف تهز رأسها بخجل علامة الموافقه... عرف على طول بأنها بنت فاطمة...لأنها نسخه مصغره من أمها...كان شعوره فوق الوصف...يلس على القنفه وهي فثبانه وتم يتأملها...أما هي رفعت أيدها الصغيره صوب حلجه تعطيه من شوكولاتتها... أم نورة تحدر الميلس: يالفضيحه...منوووه شو تسوين هنيه أنتبه منصور لعمته...فقام وهو شال منى...بعد ماسلم عليها: شحالج عموووه أم نورة تبتسم: بخير طاب حالك ولديه..وأنت شحالك وشعلومك.."تمد أيديها بتشل منى عنه" هاااتها عنك منصور: الحمد لله بنعمه...لا دخيييلج خليها أم نورة: ههههههههه قبل شوف كندورتك جى غدت من الحلاوه منصور: هههههههههههه برايها .. أم نورة: يابوك هالبنيه مطفرتبنا كل شوي منخشه فمكان منصور يلعب بشعرها: فديتها والله...كم عمرها أم نورة: سنتين ..."وتوجه رمستها لمنى" منووه شو سويتي فكندورة عمييه منى تاكل أخر قطعه: عمييه!! أم نورة: هيه عمييه منصور منى بتفكير وتكرر الإسم اليديد: منشووور منصور: ههههههههه منشوور عاد...مب جنج وايد خربتي الإسم فهالحظه حدرت الميلس مسي ووراها سوزن يدخلن الفواله... أم نورة: يابوج شلي هالبنت سوزن: مووونا شو هذا وسك "شلت منى عن منصور" هذا بنت واجد مشكل أم نورة: روحي بدلي ثيابها وزقري نورة...خليها تجي هنيه ظهرن ووياهن منى وبعد عشر دقايق حدرت نورة الميلس...ماعرف ليش حس بغربه بعد ماظهرت منى...بوجودها حس نفسه وكأنه يعرفها من زمان...وكأنه عاش كل مراحل نموها...ألفه غريبه صارت بينه وبين بنت فاطمة...فاطمة إللي شاف ويها فويه هالصغيره...كان يحاول يتجاهل كل شي...حتى يتحاشى يسأل عنها وعن أحوالها...بس وبشكل ماتصوره سأل... منصور: شخبارها فاطمة نورة تبتسم: الحمد لله.....عايشه منصور: الحمد لله...سمعت إنها حامل!؟ أم نورة: هيه فديتك...واعليه عليها فنفس اليوم إللي طلعن نتايج الحمل توفى ريلها منصور نزل عيونه: الله يرحمه...والله يكون بعونها نورة+أم نورة: آمين أم نورة: وأنت ولديه شخبارك...ووين أداوم الحين منصور: أنا ومحمد نداوم فالسويحان نورة: وليش ماتحاولوا تحولوا هنيه منصور: تعودنا هناك...مافينا على التحويل نورة: مع إنه أقرب هنيه منصور: هيه...بس بعد صعب التغيير الساعة ثمان ونص ظهر من بيت عمه بعد محاولات منهن علشان يتعشى عندهن...ظهر وركب سيارته وتم ربع ساعة فيها من دون مايشغلها...ذكريات رجعت بعد محاولته الفاشله في دفنها...تأمل البيت كان ويه واحد يظهر ماثل جدامه...ويه فاطمة بنت الـ 16 سنة...أكيد تغيرات وايد...من بنت صغيره فسن المراهقة خالية البال...إلى حرمة أرملة أم لطفلة وطفل في الطريج...المسؤولية بحد ذاتها تغيير من الإنسان وايد... __________________ وسط أجواء موسيقى ورقص يلست نورة ويا ربيعاتها فالشغل على نفس الطاوله...وأمها يالسه فطاوله عدالها ويا حرمة تعرفها من زمان...كانت حفلة صغيره وفنفس الوقت فخمة...والريم نجمة الحفلة من دون منازع"لازم العروس" بس بفستان وردي طالع عليها جنان... أكثر شي صدم نورة خوات الريم...إللي عددهن سبع...وكلهن نسخه من الريم بأعمار سنيه مختلفه...ثنتين أكبر عن الريم وعندهن عيال...والأصغر وحده مالجه ووحده مخطوبه وثلاث بعدهن في المدارس...وعندها ست خوان...وأثنين من خوانها المتزوجين يعيشوا فنفس بيت العايله...وهذا بحد ذاته يخلي البيت مزدحم"الوالدين والأبناء والأحفاد" ورغم كبر هالعايله إلا أنها لاحظت عليهم الألفه والمحبه وعلى يد وحده..."شيء فقدته نورة من أنفصل بيت عمها عن بيتهم" سميحه: ياختيِ عليها...أيه دي الحلاوه كلها سلوى: الله يعينه هالريل ويثبت عقله...بتخبلبه نورة: هههههههههههه الله يوفقهم سميحه: عوبالي يااااااااارب سلوى: هههههههههههههههه متى بس...والله أتريا هاليوم بفارغ الصبر...إللي بشوفج أنتي وسي السيد يالسين على الكوشه...دى يوم المنى سميحه: من بوأك لباب السما ياااارب نورة: واايد مستعيله سميحه: وعوزاني أستنه أيه...أما أخرف أتجوز نورة: لا إن شاء الله بييج النصيب وبتتيوزي وبتيبي درزن عيال سميحه: لا ياحببتي أنا مش طماعه زيك...أنا واحد وأبوس أيدي وش وظهر أم نورة من الطاوله الثانية ترمس نورة: متى؟! " تستفسر متى بيروحن" نورة: فديتج جى بسج نشي بنروح أم نورة توقف: يالله أم حمد "توايه الحرمه" بنسير البيت أم حمد: وين الله يهداج مستعيله أم نورة: ههههه عشى وتعشينا وعروس وشفناها شو نتريا بعدنا أم حمد: مايلسنا وياج أم نورة: بيتي تحيدي مكانه...حياااج الله فأي وقت أم حمد: إن شاء الله بعد ماراحت نورة وأمها يت أم الريم صوب طاولتهن...الريم ماخذه من أمها ملامحها...إلا أن أمها تقريبا فالخمسين ونفس حجم الريم ثلاث مرات... أم الريم: أنتي سميحه؟ سميحه أنتبهت للهجة أم الريم: هو أنتي مصريه أم الريم تبتسم: أأأأه مصريه ومن شبره...بس الحين تقدري تقولي إماراتية...خبرتني الريم إنك من المنصوره أستانست سميحه بمعرفتها بأم الريم...رغم كبر سن أم الريم إلا أنها ويا البرقع طالعه حلووه وعليها هيبه... ..... الساعة تسع ونص وصلت سيارتها البيت ودخلتها الكراج...وهو فسيارته ميت غيض...بعد ماصلى المغرب يا بس البشكاره قالت له إنه محد فالبيت...وحاول وياها تخبره وين راحن بس ماشي فايده رفضت تخبره بشكل قطعي...والحين رادات!!بس وين كانن لحد هالوقت!!وليش هالخبله ماطاعت تخبرني وين راحن؟؟ كل هالتسؤولات أدور فرأس حمدان...كان فعلاً متضايج...أولاً من أبوه إللي معصب عليه ومايرمسه...وثانيا من نورة..."شكلي صرت مهووس فيها...لأنها صارت مسيطره على كل تفكيري...بس شو الطريقة إللي بقنع فيها الوالد ويوافق... فسيارة نورة ألتفتت أطالع أمها وهي معقده حياتها بعد مافجت النقاب: أميييه أم نورة كانت تفج حزام الأمان إللي متعوده تلبسه من تركب السيارة: شو نورة: شفتي الستيشن إللي أخر الشارع؟! أم نورة: شو فيها نورة: مب جنها سيارة حمدان أم نورة: وشو يسوي حمدان موقف سيارته هناك نورة بتشكك: شدراني فيه أم نورة وهي تفتح الباب: لا مب هو شو يوقفه هناك نزلت من السياره وشلت شنطتها...ومشت صوب باب الكراج توايج...ماقدرت تشوف رقم السياره بسبت الظلام... أم نورة: وابوي نوير شو تسوي نورة تضغط على الزر إللي يبند باب الكراج...وألتفتت لأمها وهي تبتسم: ولا شي فديتج بس فضول...تحريتها سيارة حمدان أم نورة: انزين يابوج فتحي هالباب بندخل... كان ويا سويج السياره مفتاحين...مفتاح باب البيت الرئيسي ومفتاح باب الكراج إللي يوصل بالبيت...وهن متعودات يقفلنه...لأنه باب الكراج يكون مفتوح يوم تظهر نورة مكان وهذا نادر طبعا...فالباب إللي يوصل بالبيت تبنده ويوم تدخل من الكراج تدخل منه... لقن فاطمة يالسه تتعشى عشى خفيف"سندويشة جبن وكوب عصير برتقال"... أم نورة: يالله عاد هذا عشاج فاطمة تبتسم: طول اليوم وأنا أكل...وين بوديه أم نورة: هيه لو ماأعرفج زين...أكل دياي نورة: ههههههههه انزين من يوم يومها فطيييم أكلها أكل دياي فاطمة: ههههه أحافظ على وزني أم نورة: وأبوي عليج...وإللي فبطنج مايبى ياكل فاطمة حطت أيدها على بطنها إللي بدأ يظهر: بيأكل لا تخافي عليه..المهم شخبار العرس... أم نورة: زوين نورة: ههههههههه أمايه مايعيبها العيب...زوين عاد...بصراحة الحفلة صح صغيرونه ومقتصره بشوية معازيم...بس حفلة راقيه...وعيبتني وايد أم نورة: يالله أنا ماعيبني غير خوات العروس ماشاء الله عليهن كل وحده تقول للقمر خوز بيلس مكانك فاطمة: ههههههههههه خساره أميييه ماعندج ولد ولا كنتي خطبتي وحده منهن أم نورة: هيه والله...بس يالله الحمد لله...الله رزقني ببنتين عن عشر ولاد لوت نورة على أمها وحطت رأسها على صدرها: فديتج والله يالغلا كله أم نورة تمسح على شعر نورة إللي طاحت عنه الشيله: انزين حبيبتي نشي روحي رقدي وراج دوام رفعت نورة رأسها وهي فاجه عيونها على الأخر: أرقد من الحينه"وهي أطالع ساعة الحايط" حشى ماروم أرقد من الحينه أم نورة: شو بتقومي تنعشي يوم ماتبي ترقدي فاطمة: لا بتسهر وياي...مافيني أتم بروحي...والليل توه فأوله أم نورة: الليل فأوله حقج أنتي...ولا هي عندها دوام من صباح الله خير بعد مجادله بسيطه راحت أمهن ترقد وتمن هن الثنتين في الصالة...أبتسمت نورة وهي أطالع فاطمة إللي كانت تجلب في القنوات: تعرفي خاطريه ترجع أيام أول...والله كانت أحلى...طلعات ووناسه...الحين حياتنا روتين يومي مايتغير...اليوم شرات أمس وبيكون شرات باجر فاطمة بمسحت حزن: إللي راح مايرد نوار نورة: خاطريه يتغير شي فحياتي فاطمة: تزوجي نورة: أروح أعرض نفسي فالجبره من باجر...إللي يبى عروس فاطمة: هههههههه دومج تاخذي هالموضوع بسخريه...نورة أنتي مب ناقصنج شي...والبنت ممكن فأي لحظه تنخطب...فلا تستبعدي هالشي نورة بتردد: بقولج شي فاطمة بهتمام: قولي أسمعج نورة حمر ويها وهي مركزه على كفوفها: فبالي شخص فاطمة بستغراب وصدمه فنفس الوقت: شووووو نورة برتباك: خلاص خلاص أنسي السالفة فاطمة نشت من مكانها ويلست عدال أختها وزختها من أيدها: والله تقولي نورة: هههههه معجبه بشخص خلاص أرتحتي فاطمة ببتسامة ووياها تعجب: أعرفه؟ نورة: لا طبعا فاطمة: فالدوام نورة تهز رأسها علامة الموافقه فاطمة أطالعها بنص عين: نوير لا يكون بس! نورة بعتاب: تحيديني مب مال هالسوالف فاطمة: انزين وهو نورة: ههههههههههه مطفربي فاطمة: ياحيه...سمعي...إذا ريال زين ويعرف طريج المسيد موافقين ونبصم بالعشره بعد...حتى ياخذج من دون مهر...عطيه ماورها جزيه نورة أدز أختها على جتفها: هههههه لا والله كيفج هو فاطمة تحط أيدها على جتف نورة وتبتسم: لا والله صدج نوار...دامه ريال مايعيبه شي ويعرف ربه وافقي نورة: هههههههههههههههههه إللي يسمعج الحين جنه واقف على باب بيتنا فاطمة: بيي إن شاء الله نورة تغيرت ملامحها: ولو حد خرب فاطمة معقده حياتها: حد بيخرب...منووه؟ نورة: حد من الأهل فاطمة: الأهل؟! قصدج حد من عيال عمي؟ نورة: هيه فاطمة باستغراب واضح: منوووه قصدج...محمد وبيتيوز...وحمدان ماظني...منصور! نورة: لا مب منصور فاطمة: حمدان؟! نورة: هيه فاطمة تهز رأسها بستنكار: لا مستحيل...ماظني نورة بضيج واضح: بس أنا أظن هالشي...حمدان يا فطيييم يطالعني بنظرات غريبه...وكل يوم تقريبا فبيتنا...فطيييم حمدان قاصدني أنا هالمره فاطمة ترجع قصتها إللي كانت على يبهتها بضيج: لا نورة شلي من بالج هالأفكار...يتهيألج نورة: ياريت...بس أنا صرت شبه متأكده من هالشي فاطمة نشت من مكانها بضيج: بروح أرقد نورة بستغراب: وين؟! بتخليني بروحي فاطمة: رأسي يعورني نورة: شكله عورج من إللي قلته فاطمة تبتسم بحزن: بصراحة هيه...بس إذا إللي قلتيه صدق...لا تستسلمي نوار شراتي...حمدان من يوم يومه أناني ويبى كل شي حقه هو من دون أي أهتمام بغيره وشو يبى نورة: لا فديتج...هذا الحمدان لو مابقى فالأرض ريال غيره ماأباه فاطمة: جيه أباج...يالله لا تسهري وايد لاتنسي وراج دوام .......... الساعة ست إلا ربع يالس هو ومحمد وأمهم يتريقوا...شاف حمدان يحدر عليهم وشكله توه طالع من الحمام متسبح...هو بصراحة مستغرب منه...لأنه يوم كان فبوظبي زين إن نش من الرقاد الساعة سبع ونص بصعوبه...ودومه يروح الدوام متأخر...بس من أنتقلوا العين...وأنتقل حمدان لفرع العين صار منتظم...وشكله يداوم أول الناس... حمدان بأيده اليسرى يمسح على شعره الرطب..: هااا الغلا شو من الريوق مسويه اليوم أم حمدان تفتح واحد من الحرارات: زين يابوك يوم بتتريق ويانا اليوم حمدان: الله بلاليط أم حمدان: تريق فديت روحك... عليك بالعافيه حمدان: عيل وين الشيبه أم حمدان: من صلى الفير ركب كروزره وعلى المزرعه حمدان: الله يعطيه العافيه..."بصوت واطي لأنه كان يالس عدالها" وموضوعنا رمستيه؟ أم حمدان: لا فديتك مارمسته شفته أمس جى معصب..بس إن شاء الله من يرد من المزرعه برمسه ومايكون خاطرك إلا طيب منصور منتبه ويسمعهم: أي موضوع؟ حمدان نش: فوقته بتعرف أم حمدان: وين غناتي...ماتريقت حمدان: ألبس وبيي "لأنه كان لابس فانيله ووزار" منصور وهو يقوم: محمد يالله خلصنا ورانا خط محمد بكسل: تراه أنا مابسوق...اليوم عليك أم حمدان: هيه غناتي أنت سوق عن أخوك...هذا يالله يالله يفج عيونه منصور: ههههههههه جى أنا مب خبل أخليه يسوق وهو شبه راقد...أباها حياتي ظهروا التوأم بزيهم العسكري وركبوا سيارة محمد إللي دوم يستخدموها للدوام لأنها صغيره عكس سيارة منصور الفورويل...محمد من ركب رقد...ونص ساعة ووصلوا السويحان... أما حمدان من ظهروا خوانه رد يتريق ويا أمه...وهو على أمل كبير بأنها تقنع أبوه...يعرف تآثيرها عليه...وهي الشخص الوحيد إللي يقدر يقنعه... حمدان إنسان ناجح عمليا بمعنى الكلمة...درس وتخرج من كلية التقنية دبلوم عالي...وتوظف فالأتصالات وشوي شوي ترقى لحد ماوصل للمنصب إللي فيه الحين فوقت قياسي...بس أسرياً فاشل...هيه نعم فاشل...تزوج من إنسانه جمال على أخلاق على ثقافة...بس كل هذا ماشفع لها...تسلطه..أنانيته..وشكه...ك ل هالأشياء أدت لفشل هالزواج...وأنتهائه بسرعة...هو يرجع أسباب هالفشل فزواجه لأهله إللي أختاروا له هالإنسانه...وهو ماكان متقبل هالزواج من الأساس... ..... لو كان هالكورس في فترة غير هالفترة...أول قبل ليكتشف إنه يحب...كان فعلا بيستانس...لأنه وجوده فكلية بنات وممكن أنه يشوف أصناف وأصناف من البنات أمنيه كبيره عند وايدين... رفع عيونه يطالع الأستاذه الأجنبية الشقرا بملل وهو يتأفف...صار لها نص ساعة ترمس...حاول يركز وياها بس ماشي فايده...فكان الحل الوحيد جدامه إنه قام يكتب أبيات شعر طرت على باله فهاللحظه... ألتفت صوب ساره إللي كانت مركزه وأدون الملاحظات"لا باين عليها شاطره" بصوت واطي يرمسها بعد ماصدت عنهم الأستاذه تكتب أشياء على الصبوره: متى بتخلص؟تراه طفرت والله ألتفتت صوبه وهي تبتسم: توه الناس ... جدامنا ساعة أحمد: خييييبه ساره: هههههه حرام عليك اليوم أول يوم عاد ملان أحمد وهو يأشر بعيونه صوب الأستاذه: تسد النفس وكلام أحمد مب من فراغ...لأنها فعلاً تسد النفس...كانت أقرب للرجوله منها للأنوثه...حالقه شعرها بالكامل رقم أثنين...وكانت أطول من أحمد رغم ظخامته...يعني ساره يوم توقف عدالها لاشي...وفوق هذا ماتبتسم خير شر...فعتبرها أحمد المحاضره من بدأيتها نكد وملل... كان في هالكورس وياهم بنتين من وحده من الشركات...وواحد من بنك...ماصدق تخلص المحاضره ظهر على طول...صادف طلوعه من الكلاس مرور ثلاث بنات ومن شافنه تغشن بسرعة...أبتسم فنفسه...يعرف شكله غلط فكلية البنات...بس عاد حظه يكون هالكورس فالكلية مالت البنات... اليوم أول مره يتكلم ويا ساره...كان يصادفها فالدوام بس مايكون ممبينهم أي حوار لأنه ماكان يعرفها...رغم إنها بنت تتحجب أوكى إلا أنه لاحظ إنها اليوم ماحاطه ميك آب...عكس يوم تكون فالدوام...والمرات القليله إللي صادفها فيه...مع إنه المفروض العكس...بما أنها في الدوام تقابل ناس وريال بالخصوص المفروض ماتحط...أم فالكلية ففي العاده بيكون أختلاطها ويا البنات أكثر... أكثر شي قاهرنه إنها لو ماكانت بنت أخو الاستاذ فالح مستحيل تاخذ كورس بهالسرعة...بس الواسطه تلعب دورها...هذي موظفه ماصار لها إلا فترة بسيطة من تعينت وعلى طول عطوها كورس...وموظفين صار لهم فترة طويله يشتغلوا ويبوا ويحتاجوا هالكورسات بس للأسف ماعندهم فيتامين "و" ... من خلصت محاضرات الكورس لأول يوم على طول طار بسيارته للطب الوقائي حتى لو ماعنده شغل...بس لازم يروح...كيف مايروح وروحه هناك...لو بس يطمن عليها..."يالله هانت" شاف ريله وهو يمشي صوب المبنى...صار عادي يقدر يمشي بريله...صح مربوطه...بس الربطه خفيفه...فكان يمشي بكل حرية...وكان فخاطره يسألها عن شي... أحمد: السلااااااااااااااااام عليكم نورة+سميحة: وعليكم السلام سميحة: ههههههههههه متأدرش توصبر عننا أحمد ببتسامه شاجه الحلج: لا بصراحة...شحالكم نورة تحط القلم إللي فأيدها: الحمد لله بنعمه سميحه: كويسييين...وأنت؟؟؟عملت أيه فالكورس أحمد: والله أشوفه ماله داعي سميحه: واللهِ...أومال أؤول أنا أيه...بس ماأدرشي أتكلم أنا موش موطنه...وموش من حأي أطلب حجات من حأ المواطن أحمد: هههههههههههه يالله الحسد يقطر منج سميحه: المهم عاوز أيه أحمد يطالع نورة: الريال بعده يتصل فيج نورة فالبداية مافهمت...بس بعدين فهمت: اليوم لا سميحه بفضول: أي رجال؟! أحمد حايس بوزه: وأنتي مالج...رزت الفييييييس من طبااايع...كملي المثل سميحه: أيه أيه أييييييه...مين إللي رزه دلوأتي...أنا ولا أنته إللي جاي ومعدنكشي شوغل أحمد: ههههههه يابوج رايح...مرينا نسلم سميحه: ماتموورش إلا لم تخلص كورسك أحمد: خيييبه تبى الفكاك هذي نورة: هههه سميحه هدي شوي...الريال مكتبه هنيه...شوي بتقومي تضربيه سميحه: هو صح أنا ليه عملاها حكايه...هو موووواطن...ومن حأه وأنا موش من حأي أيتها حاجه...أسكت لا أنكرش برى الشووغل ضحك أحمد على سميحه...يعرفها كله سوالف...لأنه صار هو وياها في هالمكتب من سنتين تقريباً...فيعرفها زين: أوكى أنا بروح شي فالخاطر سميحه تبتسم: لاءه بس موش عوزه أشوووف وشك إلا بعد أسبوعين أحمد يضحك وهو يطلع: سوووري طلبج مرفوض بعد ماظهر عنهن مر على مكتب عماد إللي خبره عن أخر تطورات عرسه إللي قرب...وبعد ربع ساعة ظهر من الطب الوقائي وركب سيارته كان فخاطره يسوي شي معين بما أنه بعده نص ساعة عن أذان الظهر... أتجه للعين مول وبالتحديد لمحل معروف مختص بكل شي يخص "الرجل" من كنادير وغتر ونعل كل شي كل شي...لقى العامل الإيراني إللي يعرفه زين... العامل ببتسامه: أستاز أحمد أحمد: السلام عليكم العامل: وعليكم السلام... أحمد: شخبارك مهران العامل: بخيييير والحمد لله...وين مافيه يشوف أنت زمااان أحمد: الأعياد وخلصن وعروووس للأسف ماشي...ليش بتشوفني يعني العامل: أستاز أحمد أنت فيه عيد ولا مافيه أنت يجي عندنا ويشتري أحمد: المهم مهران بسألك العامل: أمر أحمد: معزبك وين؟؟ومتى بيي؟؟ العامل بتفكير: أستاز مطر من شوي يطلع أحمد: وين؟ العامل: يمكن يروه فرع مال مهل في شارع خليفة أحمد: يعني الحين هو هناك العامل: والله يمكن...مافيه أكيد أحمد يمد أيده يسلم على العامل: أوكى مهران...أشوفك فوقت ثاني كان ناوي نيه على مطر بس وهو ينزل من وين الباركنات أذن الظهر...واستغفر ربه...مطر من يوم يومه ماوراه إلا المشاكل...وسبحان الله وهو في الباركنات وتوه يركب سيارته شاف مطر ينزل من سيارته الستيشن السودا...وضحك أحمد فخاطره رغم غليان الغضب إللي فداخله...مطر كان لابس كندوره سودا وغتره نفس اللون ونعال طبعا نفس اللون...كان شكله غلط...هو أسمر ولابس هالملابس الغامجه مطلعتنه أغمج..."ماعليييك يامطوور دواك عندي بعدين يالهرم...يوم أتفيج لك" ...... اليوم عرس عماد من نادين...وعرس السوريين فالعاده مشترك...حضر أحمد هالعرس...وطبعا مستحيل مايحضره...عرس أعز ربعه...ضحك وعلس على عماد من الخاااطر...طبعا فالعرس حضر أهل عماد إللي فسوريا وأخوه العود إللي يشتغل فدبي...وكان عرس شامي بمعنى الكلمة...زفه شاميه مال أول على كيف كيفك...بس بعدين يوم وصلوا مكان الأحتفال إللي فيه الحريم والعروس تغير لحفل يواكب العصر...أحمد أستغرب كيف الريال يرضى بأن زوجته يشوفها الريال الثانيين إللي مب من محارمها...وفعلا أنبهر لأنه أول مره يشوف عروس غير أخته عليا...صح حاول قدر المستطاع مايطالعها...بس كانت بسبت جمالها ورقتها تجبر الواحد إنه يطالعها...وضحك على عماد يوم قام يرقص ويا عروسته..."أما غريبين هالناس" خلص العرس فوقت متأخر...وعماد كان من الأساس مايبى يسافر أي مكان إلا يوم ياخذ إجازته الصيفيه هو وحرمته ويسافروا ساعتها...فخذ إجازة أسبوع ...... "ومنوه قالك إني أباك أنت" قالتها نورة بكل برود حمدان: وليش ماتبيني أنا شو ناقصني نورة: خاطب ختيه من قبل حمدان: وإن يكن...مجرد إني تقدمتلها...وهي رفضت وكلا راح فطريجه نورة تاخذ نفس وشكلها متضايجة: حمدان لا اتعب نفسك...أنا مستحيل أوافق على هالزواج...مستحيييل أستغرب حمدان قوات عين هالإنسانه وكيف ترد عليه...قالتها من دون تردد: شو فغيري ومب فيني أنا نورة أطالع الباب بقلق: أنت مب ناقصنك شي...وألف وحده تتمناك...بس أنا لا حمدان: وليش أنتي لا"بشك" حاطه حد فبالج نورة: شي مايخصك حمدان أحتد صوته: لا يخصني بنت عمي نورة توقف: ولد عمي...مب ولي أمري حمدان: وين رايحه وقفتي...ماخلصت كلامي نورة: أنا خلصته...حمدان لا تخرب علاقة القربى إللي بينا حمدان بعصبيه: جيه يعني نورة: ماعندي كلام ثاني غير إللي قلته...شلني من بالك...لأنه مستحييل ظهرت نورة وبعد دقيقة حدرت أم نورة الصالة وهي تبتسم...أضطر يجاملها ويحاول يبتسم إبتسامه مصطنعة...هذي المره الثانية إللي تنقال فويهه إنه مرفوووض..."بس والله ثم والله ماخليها تعدي...وبنات عمي وايد شايفات نفسهن...وماأكون حمدان إن ماكسرت هالتكبر إللي فيج يانورة...وخليتج إنتي إللي تترجيني أتزوجج...إن ماذليتج يابنت العم ماكون حمدان" ....... أحمد اليوم بالنسبة له غيييير عن أي يوم...كان واقف جدام المنظره يطالع نفسه وفكره سااارح بعييد...وفأيده غرشة العطر يرش منها على كندورته ومن دون مايحس رش رشه يت منها على عينه اليمنى...غمضها بآلم فضيع مفاجأ "هههههه أسمني خبل...مب وقت السرحااان" حط غرشة العطر وشيك على مظهره وعدل عقاله... حصه: هاااااا بو شهاب وايد بنتريا...بسك من هالمنظره كل ماأمر عليك واقف أطالع عمرك...ههههههه تراها مابتشوفك ألتفت أحمد يضحك: هههههههههه شدراج مابتشوفني...أكيد وصلها الخبر إنه حد ياي يتقدم لها...وأكيد بييها فضول تلقي نظره من ورى الستاير...أحيدهن البنات الفضوول ذابحهن حصه أقتربت منه بقلق: ليش عينك حمرا أحمد: هههههههههههه رشتها بعطر حصه بستغراب: خبل أنت ولا شو أحمد: ماأنتبهت...وصل عمي حصه: عمك من ربع ساعة تحت ومحتشر أحمد: نازل والله العظيييم نازل...أنتي بس ياااشيختي أمشي جدامي ظهروا من بيت أحمد بسيارتين...سيارة أحمد إللي ركبت وياه أمه وخوه عمر...والسيارة الثانية سيارة أخوه مايد وياه عمه وولاد عمه علي وعبيد...والكل طبعا متجه صوب بيت قوم نورة.... مرن أسبوعين الكورس إللي في الكلية...وبعده بأسبوعين أتصل بعم نورة إللي قدر يحصل عليه بمعرفته...و اتفق وياه على موعد زيارتهم بعد أسبوع...كل هذا ونورة ماتعرف شي إلا أنه عرب بيوا...بس منوه هالعرب ماتعرف عنهم أي شي...فاطمة طبعا خلصت فترة التراك من أيام... الساعة ثمان وربع كانن يالسات في ميلس الحريم "أم نورة وأم حمدان وحصه وفاطمة ونورة" أعجبت حصه بنورة من أول نظره...صح مب ملكة جمال...لكن تملك جاذبيه غريبه...وقوة شخصية تجبر أي شخص إنه يعجب فيها...لكن مع هذا قدرت حصه بذكائها تلاحظ مع هالقوة فشخصية نورة إلا أنها فنفس الوقت كانت رقيقة وبريئه... ضحكت حصه أكثر من مرة على تعليقات أم نورة التلقائية... أم نورة: عندج عيال؟! حصه: ههههههه أكيد عندي عيال "ألتفتت صوب نورة وفاطمة" أكبر من بناتج أم نورة مب مصدقه: ما شاء الله ... والله مب مبين عليج حصه: متزوجه صغيره أم نورة: أنزين حتى أنا بنت ثنعشر يوم معرسه حصه تبتسم: أنا ماأكبر بسرعة أم نورة: ههههههه هيه ماتكبري بسرعة ولا قولي تسوي هذيج الخلطه إللي يستخدمنها الحرييم وتغدي الوحده بنت 14 حصه: هههههه لا فديتج...لا خلطه ولا هم يحزنون...أنا بس أهتم بنفسي.."تغير السالفة" المهم نورة أنت وين دارسة نورة: كلية التقنية حصه: دبلوم؟ نورة: لا ...إنجاز حصه: وليش ماكملتي "تبتسم" شكلج شاطره نورة: تكاسلت فأخر لحظه تمن يسولف فمواضيع مختلفه...أم نورة طبعا تعرف السالفه وليش يايين هالعرب يزوروهم... أم فميلس الريال كان بوحمدان وعياله الثلاث...إللي أنصدموا بموضوع الخطبه...وبالذات حمدان...وتم يطالع أبوه بقهر...من يوم رمسه عن موضوع زواجه من نورة مر عليه شهر تقريباً وكان على أمل يغير رأيه...بس أنه يصدمه بهالعرب إللي يايين يخطبوها كبيره وايد... طبعا بو حمدان ماعطاهم كلمة...وقال لهم بيرد عليهم بعد مايسأل البنت ويعرف رأيها... طول الطريق للبيت وأحمد متحرقص يبى يعرف رأي أمه فنورة...فالسيارة مارام يسألها بسبت وجود أخوه "عمر" أحمد: الغلا ممكن على أنفراد عمر: هههههههههه بدينا أحمد: لا بدينا ولا أنتهينا رح شوف أي مباراة طالعه على التلفزيون وأنا ومايه بينا حديث جانبي مايخصك فيه بعد مادخلوا المطعم بند الباب وراه: هااا بشري حصه وأونها مب فاهمه: عن شو أحمد: الغلاااااا!! حصه: ههههه قصدك نورة أحمد: منووه غيرها حصه حايسه بوزها: يعني أحمد معقد حياته: شو يعني؟! حصه: البنت حشيم ومثقفه بس.. أحمد: شو بس؟ حصه: عيبتني واااااااااايد "وتبتسم" أحمد بعدم تصديق: والله حصه: والله أحمد: من أي ناحيه حصه: من كل النواحي...طيوووبه وايد وفنفس الوقت رزينه...يهمك الجمال؟ أحمد: تعرفي هالشي أخر أهتماماتي...لو كنت أهتمبه كنت تيوزت المها حصه: لا فديتك هي مايعيبها شي...وبتعيبك أنا متأكده من هالشي أحمد شاج الحلج: ماأصدق إنه مابقى إلا القليل وبتكون نورة من نصيبي حصه: الله يجمعكم على خير أحمد: آآآآآآآمين ......... فنفس الليله كلف بوحمدان منصور يسأل عن أحمد...مع إنه يعرف عايلتهم...وهي غنيه عن التعريف...بس مع هذا طلب من ولده يسأل لأنها مهما تكون بنت أخوه وهو ولي أمرها... أما حمدان ذيج الليله مابات...أولاً بسبت العرب إللي يوا اليوم يتقدموا لنورة...وثانياً بعد ماعرف إنه إللي ياي يتقدم لها يشتغل فنفس المكان إللي تشتغل فيه..."أكيد يعرفوا بعض" يوم الجمعة عرف كل شي عن أحمد...وهو أصلا عيبه وايد...فراح بيت أخوه المرحوم...وخبر أم نورة عن كل شي...وطلب منها تخبر نورة وتشوف رأيها وتحاول تقنعها...كان بوحمدان نفسه لو توافق نورة...لأنه صار يعرف ولده حمدان زين...يحاول قدر المستطاع يبعدها من طريجه... "سمعي غناتي أنا الحين عندج...بس محد يعلم الأعمار بيد الله...مابتم عندج دوم...وهذيلا العرب مايعيبهم شي...صح أنا ماأعرفهم بس عمج سأل عنهم وتخبر...والريال مايعيبه شي" كلام أم نورة لبنتها...لأنها صارت تعرفها زين الرفض دوم على لسانها لأي حد يتقدملها نورة بحيره: هذيج الحرمة أم الريال!؟ أم نورة: هيه هي أمه نورة حمرت خجل: وأنا أقول ليش يالسه تتفحصني جيه أم نورة: أباج تفكري بعقل...جدامج اليوم وباجر تفكري فالموضوع...وصلي أستخيري ربج...وإن شاء الله الله بيهديج إللي فصالحج نورة بتردد: أسمه مايد؟ أم نورة: ليش يعني على بالج إسمه مايد نورة: لأنه أمه أسمها أم مايد أم نورة تبتسم: لا ماأسمه مايد...مايد ولدها العود...المعرس أسمه أحمد وقف قلب نورة عن النبض...أو تخيل لها هالشي..."أحمد...معقوله هو" أم نورة تكمل رمستها: أحمد الـ نورة حست ساعتها بيغمى عليها...أحاسيس متضاربه...مشاعر فرح ماقدرت توصفها...وحاولت قدر المستطاع تسيطر عليها وماتبيه مشاعرها جدام أمها... أم نورة بخبث: ههههه ويشتغل وياج فالطب الوقائي..المهم غناتي فكري في الموضوع ظهرت عنها أمها...وتمت يالسه على طرف شبريتها أطالع الباب"وأنا أقدر أرفضه" أبتسمت وحمرن خدودها...يمكن أكثر شي تمنته فهالفتره...أنسدحت على شبريتها وهي ترسم الأحلام الورديه والفستان الأبيض حلم كل بنت فسنها... ....... كان يوم السبت حافل بالشغل...وهذا عادت كل سبت...معاملات داخله ومعاملات طالعه...اليوم بالذات حست بإحراج فضيع وجودها يالسه مجابله أحمد...إللي شكله يحاول يتجنبها علشان يقلل من الأرتباك والإحراج...وهالشي لاحظته سميحه... سميحه معقده حياتها: هو أيه السالفة أحمد: أي سالفة؟! سميحه: أنت ونورة فيكووو حاجه!! نورة من دون ماترفع رأسها: شو فينا يعني...تراه مشغولين سميحه بشك: موش لدي الدرجادي مشغولين أحمد رفع رأسه وعيونه تتحاشى نورة: شو تبي بالضبط سميحه حايسه بوزها: ولا حاجه خلص الدوام وعلى نفس الحال...ماتبادل أحمد ولا كلمة ويا نورة...وهي نفس الشي...مرت وهي طالعه من مكتبها بتروح البيت على سلوى...إللي كانت بروحها في المكتب بعد ماراحت الريم وساره... نورة: هااا أم نايع البيبي مب ناوي يشرف سلوى بويها التعبان: والله شو أقولج...ياخوفي بس أتحين ساعته وأنا فالدوام نورة: هههههه تصوري سلوى: فضيحه أتم أباغم هنيه...ويه الله لا قال نورة: أنت مب قايله واعدينج هالأسبوع سلوى: هيه...تعرفي جى مااخذ إجازة وضع من الحين نورة: الله يسهل عليج...مب ناويه تروحي سلوى: ماخبرتج إني ماأيي بسيارتيه...من أسبوع بونايع هو يمر عليه نورة: أحسن والله... سلوى: هيه والله مالي بارض للسواقه وأنا جيه حالي "تأشر لبطنها" نورة: أنزين قومي بوصلج فطريجي سلوى: لا فديتج توكلي...بونايع من شوي متصل طالع من الدوام وبيمر عليه بعد شوي فهاللحظه أتصل "بونايع" سلوى تبتسم: شفتي "تضغط على الرد" هلا بونايع: نزلي سلوى: إن شاء الله "بعد مابندت وفرت موبايلها فشنطتها" يالله ننزل رباعه نورة: يالله نزل وأول ماوصلن عدال الباب كان بونايع واقف مجابل البوابة... نورة: ياحيه...مايباج تتعبي سلوى: فديته والله... نورة بصوت واطي: يالله أشوفج على خير...وبوسيلي نايع سلوى: إن شاء الله...الله يحفظج ركبت سيارتها وشغلتها...كان الناس يروحوا بيوتهم في هالساعة وأحمد أول إللي طلعوا...أبتسمت نورة وهي تتذكره...وكيف كان يتجنبها اليوم...قبل كانت تشوفه سخيف...بس اليوم تسأل نفسها ليش كانت تعتبره جيه...هو بالعكس إنسان مرح...نادر ماتختفي البسمه عن شفايفه...وحتى لو كان متضايج أو مريض يحاول يخفي هالشي ويبين العكس... أول ماوصلت البيت شافت الباب العود مبند...فتوجهت صوب الكراج إللي بابه مفتوح...دخلت سيارتها بس مانزلت منها على طول لأنها كانت فاتحه الآف أم...وفهالفترة بالذات فترة أم كلثوم...أغنية "أنت عمري"...أول مره تحاول تركز على كلمات الأغنية...كانت الساعة 3 وأربعين دقيقة...فتحت بابها وهي مركزه على الأغنيه...فجت نقابها ووخت تحت بتاخذ شنطتها من وين متعوده تفرها...لاحظت شي أبيض عدال الباب وبسرعة رفعت رأسها...كان واقف عدالها بالضبط ويطالعها بنظرات غريبه...ماقدرت نورة تفسرها... نورة معقده حياتها: حمدان؟! حمدان يبتسم: شحالج نورة بأصابع مرتجفه تبند الراديو: الحمد لله بخير...شـ شو تسوى هنيه حمدان يبتسم بسخريه: أترياج نورة بندت السيارة وطلعت السويج: تترياني!! انزين ممكن توخر شوي علشان أنزل رد على ورى شوي: وخرنا نورة بعد مانزلت وحاولت تبتعد عنه شوي: ليش تترياني هنيه...ليش مادخلت البيت!؟ حمدان: محد يروح بيت حد فهالوقت نورة تبل ريقها: بس أنت تعرف إنه بيت عمك ومرحب فيك فأي وقت حمدان رافع حاجب واحد بسخريه: الحين؟ وفهالوقت؟! نورة: هيه...انزين شو تبى؟ حمدان: بغيت اسألج سؤال...وأتمنى تكوني صريحه فالإجابه نورة تختار مفتاح الباب إللي يوصل بالبيت: شرايك ندخل البيت وتقول إللي عندك...هنيه شكلنا غلط حمدان: أول جاااوبي نورة: سأل علشان أجاوب حمدان: تعرفي أحمد؟ نورة عضت على شفاتها: منوه أحمد حمدان: ههه منوه أحمد يعني...إللي متقدم لج نورة: هيه عندنا فالدوام حمدان: وبتوافقي عليه نورة بدت تعصب: أعتقد هالشي مايخصك حمدان: لا يخصني"وبصوت حاد" بتوافقي عليه نورة بتحدي: هيه بوافق عليه حمدان: وأنا! نورة: وأنا شدخلي فيك كان عدال الزر إللي يفتح ويبند باب الكراج...وضغط عليه...ونورة أطالع باب الكراج وهو ينزل شوي شوي برعب...: شووو تسوى!! حمدان يبتسم إبتسامه غريبه: ابند الباب...نحتاج شويت خصوصيه تبند الباب ونورة يابسه مكانها أطالع حمدان بعيون زايغه...ويوم شافته يمشي صوبها ضغطت على المفتاح بقوة وربعت صوب الباب إللي يوصل للبيت...وأول ماوصلت عدال الباب وبأصابع مرتجفه مرتبكه تحاول أدخل المفتاح يتها ضربه قويه على رأسها...ألتفتت أطالعه كان واقف عدالها بالضبط...حاولت تفتح عيونها وتقاوم الأغماء بس ماشي فايده ظلمت الدنيا فعيونها وطاحت... ....... كان منسدح على شبريته والموبايل على أذنه...يرمس ست الحبايب...اليوم طالع قبل لا يخلص الدوام بربع ساعة...وصل البيت وتغدا "بيتزا" طالبنها من المطعم...وهاليومين كل أكله من المطعم...لأنه علي مسافر بلاده من أسبوع...وبيتم هناك يمكن شهرين... أحمد: ههههههههه والله العظيم تغديت حصه: أشك فيك بصراحة...أنزين شو تغديت أحمد: بيتزا حصه: هههههه بيتزا عاد...وين علي عنك أحمد: انزين الغلا بسألج...أحتمال متى يردوا علينا حصه: وأنت أكيد الحين متحرقص تتريا الرد أحمد: أكيد...تحيديني ماأحب الإنتظار حصه: عاد شو نسوي غصبا عنك هالمره بتنتظر أحمد: فديتها اليوم لو شفتيها حصه: شو سوت أحمد: ولا شي...حتى مارفعت رأسها صوبي ولا دار ممبينا أي حوار حصه: حليلها مستحيه أحمد: أخ يا قلبي...متى الله بيرحمني حصه: فديت قلبك أنا...إن شاء الله قريب أحمد: تعرفي الغلا...يوم نتزوج بيلسها في البيت...ماشي شغل حصه: وليش إن شاء الله...من بدايتها تسلط أحمد: مب مشكلة تسلط...بس شغلنا وايد مختلط...ومعظم المراجعين ريال...أنا أباها حقي أنا بروحي...تيلس فالبيت وتشتغل فالبيت...عيالنا أولى حصه: هههههههههههههه انزين هي متنقبه...يعني لو كاشفه بنقول تخاف حد يشوفها أحمد: حتى لو... حصه: على خير إن شاء الله...والله يحقق لك كل إللي تتمناه أحمد: آآآمين ........ كان آلم رأسها فضيع...حتى عيونها مب رايمه تفجهن...بس شي أجبرها إنها تفج عيونها بصعوبه...حست فخشمها ريحت غبار...يتها رغبه بأنها تعطس أكثر من مره...بعد جهد فتحت عيونها شوي شوي...وبأصابعها تحسست الأرض إللي منسدحه عليها...رفعتها جدام عيونها...شافت حبات رمل فصبوعها..."ياربي أنا وين؟!" كان المكان إللي هي فيه مظلم شوي...إلا من نور بسيط يدخل من فتحت الباب إللي مفتوح شوي...شافت سواد مكوم جريب منها...وبصعوبه زحفة صوب هالسواد..أكتشفت إنها عبايتها وشيلتها...بعدين لاحظت إنها هب لابسه شيلة...وشعرها مفجوج...حست كل عظم من عظامها وكل مفصل فجسمها يعورها...يمكن بسبت الصداع الفضيع إللي تشعر فيه...وبعد جهد كبير بذلته قامت على ريولها ووصلت للباب...ساعتها أكتشفت إنها فالكراج...وإللي جدامها سيارتها الكامري...وهالغرفة إللي كانت فيها مستودع...إللي في الأساس غرفة الدريولي...بس هم ماعندهم دريولي فستخدموها مستودع للأغراض الغير مستخدمه...كانت كل أنوار الكراج مفتوحه...رفعت أيدها إللي فيها الساعة"5:30" عقدت حياتها...مب مستوعبه شي...وليش هي هنيه بالضبط؟!...ليش مب في البيت؟! ردت مره ثانية للغرفة وشلت عبايتها ولبستها ولفت شعرها وهي تشعر بدوار تساندت على اليدار...بعد دقيقة راح خف الدوار وشلت شيلتها وحطتها على رأسها...شافت شنطتها على بونيت السيارة وشلتها ويرت ريولها ير صوب الباب إللي يوصل للبيت...الحين هدفها الوحيد إنها توصل غرفتها وتنسدح على شبريتها...وكل هالتسؤولات بترج لهن بعدين...يوم تحس إنها بخير وهالآلم الفضيع إللي ينبض فرأسها يخف... كان المفتاح طايح تحت عدال الباب...خذته وفتحت الباب...طلعت من الكراج وبخطوات متثاقله مشت صوب البيت...كان البيت هادي كالعاده...سمعت حشرت البشكارتين فالمطبخ...كانت بتطلب منهن المساعده...بس طنشت وكملت طريجها ودخلت وبعد جهد جهيد وصلت لغرفتها... فسخت عبايتها وشيلتها وفرتهن تحت بإهمال...وعقت بنفسها على الشبريه...ونامت بعد ساعة وعت على صوت دقات على الباب....فاطمة: نوار....قومي صلي المغرب نورة وبعدها تحس بتعب فضيع: إن إن شاء الله فجت فاطمة الباب وهي توايج منه وهي معقده حياتها: قمتي نورة تحاول ترسم إبتسامه على شفايفها بس مارامت بسبت آلم رأسها: هيه قمت فاطمة تدخل: نشي غناتي الصلاة بتفوت نورة دمعت عينها: مااقدر فاطمة أقتربت من أختها وهي معقده حياتها وفتحت الليت: ليش؟؟؟ شو فيج؟؟!!! نورة: رأسي بينفجر من كثر مايعورني فاطمة أقتربت أكثر وبتركيز لاحظت خط دم يابس على يبهتها: شو هذا؟!!!! دم نورة بفزع وأيدها ترتجف وهي تتحسس المكان إللي على يبهتها من وين حاطه فاطمة أصبعها: وينه؟ فاطمة وخرت خصله من قصة نورة عن يبهتها وشافت جرح عميق شوي: ويلي شو هذا؟؟؟شو إللي جرحج جيه؟؟؟ نورة ورأسها بينفجر من الآلم: ماأعرف ماأعرف...يمكن طحت فالكراج وتعورت فاطمة بستغراب: الكراج!!طحتي!! نورة: وين أمايه؟ فاطمة: من ردت من العزبه وهي رأسها يعورها...عطيتها أدول ورقدت...إلا من شوي نشت بتصلي وردت ترقد نورة: حليلها أميييه "حاولت تنش" بروح أشوفها فاطمة: وين تشوفيها وجيه حالتج...لا أرقدي أبرك لج...بس صبري شوي بروح أيب لج أدول ظهرت فاطمة وبعد دقايق ردت وعندها حبتين أدول وكوب ماي...ومن شربتهن نورة لحفتها زين: ارقدي الحين...وصلاة المغرب جمعيها ويا العشا بندت فاطمة الليت والباب...غمضت نورة عيونها بقوة تحاول ترقد على أمل أن هالآلم يخف...بس بعد ربع ساعة سمعت صوت موبايلها يصيح...وخرت اللحاف عن ويها وقدرت تشوف مكان الشنطة إللي كانت على الكوميدينو...ومن حظها إنه جريب منها يعني مابتبذل مجهود كبير...وحتى لو حاولت أطنش الإتصال ماتقدر...لأنه صوته بحد ذاته يزيد من آلم رأسها...فجت الشنطه وخذت الموبايل...وفالظلام شافت شاشة الموبايل يعلن عن رقم غريب...بس مميز بشكل ماشافته من قبل...خمس أرقام ورى بعضهن نفس الرقم..."منووه هذا بعد؟؟أرد ولا ماأرد؟؟" وبعد تردد ضغطت على الرد... نورة بصوت ضعيف: آلوو المتصل: هلا والله بالحلوين نورة:!!!! المتصل: أزعجتج نورة: منووه؟ المتصل ضحك ضحكه ضربت فرأسها وآلمتها زود من قوتها: ههههههههههههههه معقوله ماعرفتيني حياتي نورة بعصبيه: حيا تاكلك قول آمين المتصل: أعصابج حبي...ماقلنا شي يستحق كل هالتعصيب نورة: منووه أنت وشو تبى المتصل: بصراحة مب مصدق إنج ماعرفتيني...عنبوه إلا من ساعتين كنا ويا بعض نورة: كنا ويا بعض؟!!! المتصل: حمدان حياتي...مسرعج ماتنسي نورة بصدمه لأنها تذكرت إللي صار لها العصر فالكراج...بصوت مبحوح: شوووو تبى حمدان: مابى شي غناتي...بس متصل أطمن على رأسج...سوري الغلا ماقصدت أضربج جيه...بس أنتي أجبرتيني نورة تذكرت المخزن وكل شي...آمتلت عيونها دموع...وبرعب: شو سويت حمدان: أجبرتيني نورة وبصعوبه تيلس: على شو حمدان: أحم والله أسف نوار...أنا أباج على سنة الله ورسوله...ومستحيل أخسرج وياخذج شخص ثاني...نورة أنت ملكي تعرفي هالشي نورة بصوت شبه الصرخه: شووووووووووووو حمدان: هدي هدي غناتي...صدقيني بتزوجج أنتي مهما تكوني بنت عمي...وشرفج من شرفي...مستحيل أتخلى عنج طاح التلفون من أيدها وهي أطالع في الظلام...ماكانت تشوف شي إلا الظلام!!!! __________________ كان يالس فمقهى شعبي هو وحميد إللي يالس يشيش...ويشرح حق حمدان مشروعه اليديد إللي يباه يدخل وياه شريك...إيجابيات وسلبيات المشروع وتكلفته...ومالاحظ شرود فكر حمدان...وأنه مب وياه أبداً...ويا الإنسانه إللي ظلمها...ويا بنت عمه البريئة...وشو الخطوه اليايه بعد إللي سواه...اللحظه إللي خبرها كان حاط أيده على قلبه...خاف ينفضح كل شي ويعرف الأهل وتوصل السالفة لأبوه...هو صح متأكد إنها مستحيل تخبر حد...بس بعد محد يضمن شو بيكون تصرفها الياي... حميد: ياريال شووووووووو هذا! حمدان: شو؟! حميد: فهمت شي من إللي قلته؟ حمدان: لا بصراحة حميد: فيه شي!! حمدان يبتسم: سلامتك...بس نفكر بمستقبلنا حميد بإصرار يأشر على الورقه إللي فيها مخطط المشروع: مستقبلنا هنييييه...أنت بس ركز وياي...إن ماخليتك مليونير خلال سنة ماأكون حميد الـ حمدان: هههههههههه مليونير مره وحده حميد: لا مرتين ههههههههههههاي حمدان: ومنووه قال لك إني أبى أشاركك حميد يغمز: ربيعي وأعرفك تحب هالسوالف حمدان: هيه أحب هالسوالف بس أنا حاليا مب متفيج حميد: يابوك مايبالها شي...من مكتبك فالدوام وعلى الكيبورد "يضرب بأصابعه على الطاوله إللي جدامه" تك تك تك وخلصت الصفقه حمدان: عطني هالأوراق وبدرس الموضوع من كل الجوانب وبرد عليك حميد رد يشيش: هيه جيه أباك حمدان: مستعيل وايد؟ حميد يفكر: صراحة هيه...على فكره أنا فنشت من شغلي حمدان بصدمه: شووووو!! ليش؟؟ حميد: عسب أتفرغ تفرغ كامل للمشروع...يباله تفرغ حمدان يبتسم بسخريه: صدج إنه العقل نعمه...لهدرجة متأكد من موافقتي حميد: يالحبيب سواء شاركتني ولا لاء...أنا ببدأ هالمشروع...خلاص ماشي فبالي غيره...ودرسته دراسة دقيقة...ومافيه أي أمكانية للتراجع حمدان: هههههههههههههههه شرات سالفة البورصة حميد: لا تحاول تحبطني...البورصة تجربة...والإنسان يتعلم من غلطه...وأنا تعلمت...التجربة علمتني حمدان: أممممممممممممم أغريتني...اليوم بحاول أدرس المخطط وبرد لك خبر حميد يطالع ساعته: أوووبس 10 ونص حمدان: شو بترد بوظبي حميد: نووووو...بس عندي شغل ثاني حمدان: ههههههههههههههه شو نوع هالشغل عاد حميد يغمز: صدقني مب إللي فبالك...الخالة العزيزه مسويه عشى على شرفي...وشكلي تأخرت وايد عليهم"يقوم وياخذ سويجه والموبايل من على الطاوله" سي يوووو سووون حمدان: نشوفك ......... دخلت رأسها من الباب توايج على نورة"معقوله راقده لين الحين؟!أوعيها تصلي ولا برايها راقده" كانت الغرفة فظلام دامس...قدرت تميز جسم نورة المتكور على نفسه... أم نورة من ورى بنتها: بعدها راقده؟ فاطمة: هيه...أوعيها؟ أم نورة توخر فاطمة من طريجها: خوزي عني بشوف بنتي شو فيها حدرت الغرفة وفجت الليت... اقتربت وكل ماتقرب منها تسمع صوت...وأول ماوصلت عدال شبريتها ويلست عدالها قدرت تميز هالصوت...كانت تصيح بصوت مخنوق... أم نورة وهي معقده حياتها يرت اللحاف عن ويه نورة...ورغم إن نورة زاخه اللحاف بقوة...بس أمها قدرت تيره عن ويها: بنيتي شو فيج!!!!! دخلت فاطمة بسرعة الغرفة مع أرتفاع صوت صياح نورة: شو فيها؟؟!! أم نورة: حبيبتي شو فيج؟؟؟"ألتفتت صوب فاطمة وعلامات الفزع مبينه على ويها" فديتج أتصلي بعمج بنشلها المستشفى نورة تحاول تير اللحاف...وبصوت كله صياح وبصعوبه قدرن يفهمنها: مابروح مكان....خلني برووحي مابا حد خلني بروحي أم نورة دمعت عينها وهي بحيره مب عارفه بنتها شو فيها: والله إني ماتحرك من مكاني إلا يوم أعرف شو فيج ولا تقومي بنوديج المستشفى فاطمة بحيره: يمكن بسبت الجرح إللي فرأسها أم نورة: شجرحه؟! فاطمة: تقول طاحت فالكراج وتعورت فرأسها تمت الأم أطالع بنتها وقلبها يعورها عليها ومب عارفه شو تسويلها...والأخت واقفه بحيره أطالع أختها...إللي مب داش فرأسها إنه كل هالصياح بسبت آلم في الرأس... فاطمة تحط أيدها على جتف أمها إللي يالسه على الشبريه عدال نورة: الغلا قومي...وخليني أنا بتم وياها...وإن شاء الله مافيها إلا كل خير أم نورة تمسح على شعر نورة بحيره وضيج: شو فيها أختج فاطمة: مافيها إلا كل خير...أنتي سيري أرتاحي...أنا بتم وياها أم نورة تحب بنتها على شعرها: سلامتج حبيبتي...ماتشوفي شر"نشت عنها...توجه رمستها لفاطمة بصوت واطي" بتصل بعمج أيي يشوفها يمكن أطيع تروح المستشفى ظهرت من الغرفة وهي متضايجه...تشوف بنتها جيه حالتها ولا بأيدها تسويلها شي وتخفف عنها...أم نورة الحين عمرها 37 سنة...يعني مب كبيره وايد...لكن مع هذا إللي يشوفها يتحراها أكبر من سنها الحقيقي...مأساة وفاة بونورة لين الحين تتذكرها...الموقف إللي شافته فيه يشيب شعر الشاب...إنك تشوف الإنسان إللي تحبه وعشت معه معظم أيام حياتك بهالمنظر من التشويه عقب الحادث مؤلم وايد...وبالذات على حرمه...حرمه فهذا الوقت ماكان عندها سند غير هالبنتين إللي كانن مثال للصبر...كل هذا زاد من آثار السنين على أم نورة...رغم روحها المرحه والطيبه إلا أنها تحمل من الآلام والأحزان الكثير... نزلت تحت وراحت الصاله...وهي تفكر بحيره بمنوه تتصل...تذكرت رقم حمدان إللي عطاها إياه وخبرها أي شي يحتاجنه يتصلن عليه...كان عدال التلفون نوته صغيره فيها مجموعة من الأرقام ومن بينهن رقم حمدان وتحته رقم بيتهم...دقت على أرقام بيتهم أحسن تخبر عم البنات هو ولي أمرهن...يمكن يقدر يقنع نورة إنها تروح المستشفى...رن لحد ماأنقطع ولا حد شله...وردت تتصل مره ثانيه ونفس النتيجة...هزت رأسها بضيج...بعد تردد دقت على أرقام حمدان...رن مرتين وشله... حمدان: آلووو أم نورة: حمدان!! حمدان صخ شوي بعدين رد: هلا والله عموووووه أم نورة: هلا فيك ولدي...شحالك يابويه حمدان: بخير طاب حالج...وأنتي عمووه شحالج؟؟؟ أم نورة: الحمد لله على أي حال من الأحوال...ولديه أنت وين الحينه حمدان بتفكير: فالبيت...ليش ؟؟!! أم نورة: أتصلت ببيتكم بس محد يشله حمدان: خير عمووه فيه شي أم نورة: نورة ماأعرف شو بلاها مريضه...وأبى أوديها المستشفى حمدان تغيرت نبرت صوته: سلااااامات عسى ماشر أم نورة: والله ياولدي ماأعرف شو فيها...فطييم تقول رأسها يعورها...بس حشى مب ويع رأس يخليها تصيح جيه حمدان: آفاااا سلامتها والله ماتشوف شر أم نورة: الشر ماييك حمدان: خمس دقايق وياينكم أما عن فاطمة فحاولت ويا نورة بس ماشي فايده تمت على حالتها...أكثر شي مستغربه منه إنه نورة شبه منهاره...يعني المسألة مب مسألة صداع...حتى لو كان الصداع قوي مايوصل لهدرجة... فاطمة: نوار غناتي انزين قومي تسبحي يمكن يخف عنج هالآلم ماصارت والله...قيس إلا تزيدي عمرج...وهالصياح ماوراه إلا عوار الرأس نفس الشي لاجواب ومستمره فالصياح...فاطمة: نوار تراه مابظهر من هنيه إلا يوم أعرف شو فيج... نشت نورة بصعوبه والجحال إللي فعيونها نازل على ويها بشكل فضيع وعيونها متنفخات حمر...وخشمها أحمر..كانت حالتها حاله...: مافيني شي بس خلوني بروحي"كان صوتها ثجيل" فاطمة بشك واضحه: معقوله كل هالصياح بسبت الصداع نورة أدخل صبوعها فشعرها بتعب ترجعه على ورى: دخييييييييييييييلج ارحميني وخليني بروحي دخييييلج فاطمة بيأس بعد ماترجتها نورة بأنها تظهر: انزين غناتي قبل لا أظهر نصيحه نشي وتسبحي وصلي إللي فاتج الله بيرحمج وبيخفف عليج نورة أنسدحت مره ثانية وهي تحاول تهدي نفسها بس إلا يرجع لمسامعها صوت حمدان وردت تصيح أكثر عن أول...دفنت ويها فالمخده وبصوت بالكاد مسموع: بصلي بصلي فاطمة تنش عنها مجبوره: تبى أدول نورة: مابى شي...أبى أرقد وصلت عدال الباب: لاتنسي تصلي أنزين أول مره تحس نورة بهالإحساس...أحساس الضياع...وأحساس الظلم...تصورت من حمدان أي شي إلا أنه يدمرها بهالأسلوب...ولسبب شخصي بحت مافكر فيها وفمشاعرها وأنها مهما تكون من لحمه ودمه...بدل مايكون السند صار هو العدو... ............. نزل من سيارته وهو سارح فأحداث هاليوم...وقف قلبه يوم أتصلت فيه أم نورة...قال خلاص أنكشفت وأنفضحت...وأرتاح راحه مابعدها راحه يوم قالت له إنها مريضه بسبت رأسها...هذا يدل أنها ماخبرتهن عن إللي صار..."يحليلج يانوار والله ماتستاهلين إللي ياج...بس ماينفع وياج إلا هذا...مب أنا إللي أنرفض للمره الثانية" منصور توه واصل البيت ونزل من سيارته: حمدان حمدان أنتبه: همممم؟ منصور: شفت الوالد؟ حمدان: جى بعده مارد من المزرعة منصور: أنا بصراحة ماشفته والوالده محتشره تسأل عنه حمدان معقد حياته: أتصلتبه؟ منصور: يعطيني مغلق حمدان: غريبه...هو ظاهر من البيت العصر والحينه 10 وين ظنك راح منصور: والله علمي علمك..أتصلت بعبد الواحد قال طالع عنهم من صلى العصر فهالحظه كان بوحمدان توه يظهر من المسيد...اليوم حس بحنين كبير لأخوه الوحيد...بعد ماظهر من المزرعة توجه صوب العوهة"الفوعه" ومر على المقبره...صح صعب يعرف قبر أخوه...بس على الأقل يعرف إنه فهالمكان أندفن...على كبره وهيبته وجديت ملامحه إلا أنه صاح بآلم...نزلن دموعه بحرقه على اللحظات الأخيره فحياة أخوه إللي ماعاشها وياه...كان بوحمدان يعتبر بونورة شرات ولده...لأنه هو إللي رباه...ومر بكل مراحل حياته جدام عيونه وتحت رعايته...بو نورة رغم القطيعه إلا أنه لآخر لحظه فحياته حاول يرجع علاقته بأخوه...إلا العناد والكرامه خلت بوحمدان يرفض الصلح ويستمر في القطيعه...تم واقف على المقبره ودموعه على خده ودعا بكل إللي قدر عليه...بعدين راح لأقرب مسيد وصلى العشا جماعة بعدين تم يقرأ قرآن ساعتين ماحس بالوقت وماأنتبه إنه مبند تلفونه...ويوم أنتبه كانت الساعة عشر ... 11 إلا ربع توه واصل البيت...لقى منصور وحمدان يالسين برع عدال مواترهم...وحمدان يدخن وهذا أكثر شي يقهر بوحمدان...يكره يشوف واحد من عياله يضر نفسه بأيديه...من نزل راحوا عياله يوايهوه... حمدان فر السيجاره: هاااا الشيبه وين؟؟؟العيووز محتشره بوحمدان طنشهم ودخل البيت...أستغربوا من ملامح ويهه المرهقه...مشوا وراه ولا نطقوا بحرف لين ماشافتهم أم حمدان... حليلها حالتها حاله من كثر ماتحاتي ريلها... بوحمدان: السلام عليكم أم حمدان: وعليكم السلام..."لاحظت على ويه ريلها التعب فقررت تأجل عتابها له" نحط العشا؟؟ بوحمدان: تعشوا أنا بسير أرقد أم حمدان معقده حياتها: ماتبى... بوحمدان قطع رمستها وهو يتوجه صوب غرفته: لا مابى...تعشوا عليكم بالعافيه .......... كل شوي يرفع رأسه يطالع مكتبها الخالي...الحين الساعة تسع ومالها آثر..."وينها؟؟وليش لين الحين مايت؟؟" ألتفت يطالع سميحه إللي أنتبهت له...وبعيونه كأنه يسألها وينها... سميحه: والله ماعرفشي...هي أمس مافهاش حاجه...بس الغايب حجته معاه أحمد: مب من عادتها تتأخر جيه عن الدوام سميحه: هو لو موش هتجي أكيد هتتصل تخبرنا أحمد: يعني بتتصل سميحه: أكيد "أبتسمت بخبث" أشتغل ياخويه وسيب التفكير بنورة...دى الشوغل أهم أحمد: هههههه وأنتي شدراج منوه الأهم سميحه: والله العضيم عرفه إنه الشوغل موش الأهم...وإنه نااااااس أهم عن كل حاجه...بس ماتخفشي مافهمشي إلا كل خير أحمد: الله يسمع منج ساره توها تحدر المكتب...وبإبتسامه مشرقه: صباااح الخييييير أحمد+سميحه: صباح النور سميحه توقف: أيييه دى النور أيه دى النوووور الآنسه ساره عندنا أحمد: ههههههه يالله يالواته سميحه: واللهِ المكتب منووور ... أتفضلي أتفضلي ساره: ههههههه لا مب يايه أتفضل بس مريت أسلم عليكم "تلتفت أطالع أحمد" أول مره أدخل قسمكم أحمد: هاااا شرايج فقسمنا مب أحسن من مكتبكم "يلتفت صوب سميحه ويبتسم بخبث" بصراحة أنا ماعندي مانع تنتقلي عندنا بدل هالعيوز الرامه سميحه: ناعم ناااااعم...أنا عجوز...أومال أنت أيه أما أنا عجوز يا....ولا بلاش أحمد: لا عادي رمسي لا تستحي سميحه: أيه بيؤول المثل...ياغريب كن أديب أحمد: هههههههههههه حليلج والله ساره أطالع مكتب نورة الخالي: عيل وين نورة؟ أحمد ألتزم الصمت...وردت سميحه على طول: واللهِ معرفش فيها أيه النهاردا تأخرت...موش زي عادتها تجي أول وحده ساره: ماأتصلتي فيها ؟ سميحه تيلس وهي حايسه بوزها: لاءه معنديش رصيد فتلفوني أحمد فباله "حشى يالزطيه" : أطرش بابو أيب لج بطاقه سميحه: بيكون فيك الخير والله أحمد: ههههههههه يالزطيه ساره وهي تبى تظهر: خلاص هب مشكلة أنا بتصلبها ......... فتحت عيونها بعد جهد...لاحظت البطانيات الملفوفه حوالينها...كانت أكثر من بطانيه...شعرت بحر فضيع...وأستغربت وجود هالبطانيات عليها...ضغطت على رأسها بقوة...تمنت يكون إللي مر على ذاكرتها مجرد حلم...أو بالمعنى الأصح كابوس وأخيراً قامت وبيختفي كل شي وبيتبخر...بس للأسف هاللي صار أمس واقع...مررت أصابعها على عيونها إلي كانن متنفخات بشكل غير طبيعي...وكأنهن مستعدات ويترين الضغط على زر أحداث أمس ويبدن بنزول على خديها...نورة طول عمرها تعتبر نفسها إنسانه قوية الشخصية...وتقدر تتصدى لأي مشكله تواجها...بس الحين وفهاللحظه أكتشفت أنها أضعف مايكون...حاولت توخر البطانيات المتراكمه عليها... فاطمة: وعيتي؟ ألتفتت نورة لمصدر الصوت...شافت أختها يالسه على الكرسي الوحيد إللي في الغرفة "كرسي التسريحة": جم الساعة؟ فاطمة: والله ماتقول صوت بنت من خشونته...الساعة تسع ونص نورة: ليش خليتيني أرقد لحد هالوقت فاطمة: لأنج لين الفير مب راقده... نورة بستغراب: ومنوه حط عليه هالبطانيات فاطمة: فالليل يتج حمى نورة: حمى؟!!! فاطمة وويها من دون أي تعبير: هيه حمى...قمتي تقولي أشياء وايد عدلت يلستها بفزع: مثل شو؟! فاطمة: وايد يبتي إسم حمدان "أطالعها بنظره" ماأعرف ليش هو بالذات دمعت عيونها تلقائياً: وشو قلت بعد فاطمة نشت من مكانها وأقتربت من أختها وبنظرت شك طالعتها: نورة شو فيج ؟؟ أنتي مب طبيعية...وليش تصيحين...لا تقولي رأسج لأني مابصدقج نورة تمسح دموعه: مافيني شي فاطمة بعصبيه: والله إنه فيج شي...وشي جايد بعد نورة تنجلب الصوب الثاني وهي تحاول تكتم شهقه وتصيح: فطيييم دخييييلج فاطمة: نورة تراه والله الشك بدأ يلعب فرأسي...شو صار لج فالكراج نورة هالمره بعصبيه قامت ونزلت من فوق شبريتها: ماصار شي ماااااااصار شي فاطمة بعد ماشافت إنها أستفزتها وايد...قررت ماتزيدها لأنها فعلا تعبانه...أمس فاطمة طول الليل ماعرف النوم طريجه لعيونها بسبت حالة أختها...حتى منى خلت سوزن تعشيها وترقدها...من الساعة 12 فما فوق بدت الحمى عند نورة...وكانت تقول كلام غريب...وأكثر كلامها فيه حمدان...كلام متلخبط ماقدرت تفهم منه شي...إلا بعض الكلمات المتقطعه...بس الحين هي متأكده أن نورة صار لها شي يوم كانت في الكراج... فاطمة: أنزين مافيه داعي تزاعجي...تراه أمايه ناشه وفي الصالة نورة بيأس مشت صوب الحمام...أول ماحدرت الحمام سمعت صوت باب غرفتها يتبند...يعني فاطمة ظهرت...أنصدمت من شكلها...عيون متنفخه وخشم أحمر وشعر حالته حاله...كانت فحالة صدمة وحيره...فاطمة تضغط عليها تباها تخبرها وهي شاكه فيها...ولا ماتسألها كل هالاسألة..."ياربي شو أسوي...شو هالمصيبه إللي طحت فيها...ليش أنا بالذات يستوي فيه جيه...ليش أنا" أما فاطمة نزلت تحت من وين أمها يالسه وعدالها منى منسدحه على القنفه وفحلجها مرضعة حليب...أم نورة كانت أمس رأسها يعورها لأنه وحده من بقرها ماتت...وعاد هي كله ولا بقرها...عندها من وهن صغار...فمن ردت البيت الظهر ورأسها يعورها ومتضايجه...بس اليوم حالها أحسن... أم نورة وهي تبتسم من شافت فاطمة تحدر الصالة: نوار وعت؟ فاطمة: هيه أم نورة: وليش فديتج ماقلتيلها تنزل تتريق ويانا فاطمة: بتتسبح أم نورة: هب مشكله بنترياها منى تعق المرضعه عدالها بعد ماخلصت: أنا أنا فاطمة تيلس عدالها وتلعب بشعرها: شو أنتي...تبي حليب بعد منى: أمممممممم ... أبى أتيت ويا تتوه فاطمة: بنتريق ويا بعض كلنا حبيبي منى: وحالوووه نوره فاطمة: وخالوووه نورة بعد أم نورة: شو شفتيها اليوم فاطمة: الحمد لله أحسن...بس أمايه ماعليج منها اصري عليها تروح المستشفى أم نورة: جى أنا بعد مابخليها...تبى ولا ماتبى بتروح فاطمة شافت مسي في الممر: مسي حطي الريوق بعد عشر دقايق مسي: أوكى ماما ........ "لا والله...قول إلا بروحك تبى ترز الفيس وتروح هناك" قالتها خديجة وهي حاطه أيديها على خصرها.... سعيد: أصبحنا وأصبح الملك لله...ياحرمه ذكري الله... خديجة: شو قلت شي غلط...تراه والله عارفتنك أنت إلا شرات أخوك...وهالحركات عارفتنها زين سعيد: الله يرحمه...وهو حي ماسلم من لسانج وحتى وهو ميت...خافي ربج خديجة: قلت ماشي روحه يعني ماشي روحه...ولا ريلي بريلك سعيد: حسبي الله ونعم الوكيل خديجة: مني أنا...ماعليه...بس حتى لو بروح وياك سعيد: أنزين يابوج لبسي عبايتج...تراه والله رأسي بينفجر من حشرتج خديجة: هيه لازم...لأني أنا إللي أرمسك...لو وحده غيري مابتقول رأسك يعورك...وترمسني من دون نفس سعيد بضيج واضح يالس على القنفه: خلاص هونت مب رايح بيتهم خديجة: أحسن سعيد: نفسي أعرف ليش تكرهي فاطمة جيه...شو سوتلج المسكينه خديجة: هي ماسوتلي شي...بس أنت سويت وايد أشياء سعيد: هههههههههههه أسمنكن يالحرييم ناقصات عقل ودين خديجة: براينا سعيد: انزين تروحين عند أمايه؟ خديجة حايسه بوزها: ليش شو أسوي عندها... سعيد: أنزين أنا ساير عندها خديجة: شل حمود وياك من أمس حاشرني يبى يروح بيت يدته سعيد معقد حياته: جى حمود في المدرسة خديجة: فهم ياخي...أقصد تريا وعقب الغدا روح عند أمك سعيد: لا والله...وأيلس مجابلنج خديجة: مب أحسن من مجابلت بنات الشوارع سعيد: أستغفر الله خديجة: أنا ماقلت لك تفنش من شغلك...كان نافعنك...بس البطره حق منوه نخليها سعيد: هذي مب بطره...بس أنا ماكنت مرتاح فشغلي...والحين الحمد لله مرتاح... خديجة بستهزاء: بالله عليك هذا تسماه شغل مجابل هالكمبيوتر ليلك بنهارك سعيد: بتشوفي إن هذا الشغل إللي الحين أنا مجابلنه ليلي بنهاري أفود من مجابلت مديري إللي ماعنده أي نيه فترقيتي قام بعد ماعرف إنه الكلام وياها من دون فايده...خديجة: وين؟ سعيد: بظهر خديجة تلحقه: وين تروح الحين سعيد بغيض: أي مكان... مليت من هالويوه النكده خديجة: أييييه أنت شو قصدك سعيد ظهر من البيت من دون مايرد عليها...كل يوم عن يوم يزيد شعوره إنه حياته جحيم لا يطاق...هالإنسانه نادر ماتبتسم من دون هدف أو مصلحه...معظم حياتها لاهيه فحفلات الأعراس ومراكز التجميل...وإن يلست في البيت ف من فيلم لفيلم...وكأنها هالناس إللي عايشين وياها فنفس البيت ماممبينها وبينهم أي علاقة إلا المنازع والمزاعج... بعد محاولات فاطمة ويا أختها أضطرت تحت هالضغط إنها تنزل تحت وتيلس ويا أمها والبقية ويتريقنا رباعه...صح ماصكت شي من الأكل...بس أهم شي أنها نزلت...كان ماعندها أي نيه تخبر أي حد باللي أستوى وياها...لحد على الأقل تتأكد من هالشي...وفنفس الوقت ماكانت تعرف كيف تتأكد...لأنه الخوف والرعب يملأ قلبها وبعد ماعندها الجرأه... أم نورة: حبيبتي نوار ليش ماتأكلي؟! نورة حست بقشعريره فكل جزء من جسمها: مابى أم نورة: تريقي بوديج المستشفى نورة: مافيني شي علشان أروح المستشفى فاطمة بحده: لا فيج نورة: قلت لج مافيني شي فاطمة: لو صدج مافيج شي بتتريقي...لأنه مستحيل مب يوعانه من أمس الريوق ماكلتي شي أم نورة: وماتغديتي بعد نورة: والله مالي نفس منى تمد أيدها إللي فيها قطعة جبنة كيري: كلي نورة تبتسم: مابى حبيبتي منى مبوزه: ليث!؟ نورة حطت أيدها على بطنها: شبعانه منى تحط الجبنة فالصحن: أنا أنا ثبعانه نورة: لا حبيبتي أنتي مب شبعانه... أم نورة: غناتي شو فيج نورة: أمس يوم نزلت من سيارتيه ماأعرف ياني دوار وطحت...بعدين رأسي عورني أكيد بسبت الطيحه...وبس...مافيني أي شي " طالعت أمها وهي تحاول تبتسم غصبا عنها ولوت عليها" صدج أم نورةبشك: متأكده نورة: هيه متأكده...وباجر إن شاء الله بداوم قامت عنهن لأنها لو يلست أكثر بتنفضح...ودخلت غرفتها وقفلت الباب بالمفتاح عن تيها فاطمة وتزعجها وتحقق وياها...عقت بنفسها فوق الشبريه وأستسلمت لحزنها ودموعها...أنتبهت لتلفونها مدت أيدها تاخذه وبصعوبه تشوف من الدموع...شافت 5 مسجات...بالإضافه للمكالمات إللي لم ترد عليها...معظم الإتصالات من رقم حمدان "حسبي الله ونعم الوكيل منك" ومكالمتين من أم نايع...أكيد يوم ماشافتها في الدوام اليوم وبغت تطمن عليها...ووحده من المكالمات كانت من ساره...ونفس الحال لقت مسجات من حمدان مسحتهن بغضب من دون ماتقرأهن...وفجت المسج الوحيد من أم نايع "أنا ولدت" دمعت عيونها أكثر...تذكرت أمس كانت أم نايع أخر شخص شافته قبل لا تصير وياها هالمصيبه...يعني الحين لازم تروح المستشفى تزورها...بس أكيد مب اليوم...لأنها ماعندها أي قدره تواجه أي شخص...ولا قدره تظهر برع البيت... ..... يا اليوم الثاني ونفس الشي نورة محد...وأحمد قلبه على نار...لا أهلها ردوا عليهم ولا هي موجوده...وسبب غيابها لين الحين مب معروف...وساره ماردت عليهم...وهو مستحيل يروح ويسألها إذا أتصلت فيها ولا لاء...لأنه يهمه سمعتها فالدرجة الأولى...معقوله مسألة زواجها منه تستحق كل هالفترة للتفكير...ولا فيه شي خرب عليه...مثلاً هي عندها ولاد عم ثلاث معقوله مافيه واحد منهم يباها؟! ماخطر على بال أحمد عيال عمها من كثر ماهو كان مستانس بأنهم ممكن يوقفوا حاجز بينه وبينها... عماد: شو ألت هلااا أحمد معقد حياته: فشو ؟؟!! عماد: بالغدا أحمد يبتسم: أوكى...بس هالله هالله بالطبااخ الشامي...تراه أموووت فيه عماد: ههههههههه أيييه ولا يهمك...بس ماألتلي إنك تموووت فالطباخ الشامي...كنت زوجتك شاميه أحمد: هههههههههههاي لا هنيه وقف مكانك...أنا ماقلت أبى شاميه... عماد: هههههه علينا...فالعرس ماعجبتك وحده من البنات أحمد يحج رأسه بإحراج: بصراحة بناتكم حلوات وماعليهن كلام..."تذكر خوات عماد..وكيف كانن متحجبات..وكان الحجاب مطلعنهن أجمل وأجمل...وأي حد يمكن يقارن بينهن وبين حرمة عماد "نادين" إللي ماكانت تتحجب...ومع هذا نادين إنسان محترمه وطيوبه" بس بعد أنا غير بنت البلاد ماتملىء عيني عماد يغمز وبصوت واطي: وينااا؟ أحمد بحيره: علمي علمك عماد أختفت الإبتسامه عن ويهه: داومت يوم السبت؟ أحمد: من يوم السبت ماشفتها عماد: ولا ردوا عليكم أحمد يهز رأسه بالنفي: ولا ردوا علينا سميحه أنتبهت لرمستهم: مين إللي مردوش عليك؟! أحمد يلتفت صوبها: وأنتي شدخلج يالرزه يالمرتزه...كلام ريال شدخلج فيه سميحه مرصرصه عيونها: لاءه بس أنا على بالي بتتكلموا عن نورة عماد: نورة!!! أحنا عم نتكلم عن نورة!! وليش إن شاء الله بدنا نتكلم عنها سميحه: أشعرفني أحمد: يوم أش عرفج صخي دخيلج...وريحينا بسكاتج سميحه تحرك شفايفها يمين وشمال: هو أنا مالي أحمد: زين قلتيها بنفسج أنتي مالج "بعد تفكير وتردد" ماأتصلتي بنورة؟ سميحه: ولو أتصلت أنت مالك تسأل عنها "وهي فنفسها تضحك عليه...ردت تكمل شغلها" سبوني أخلص شوغلي أحمد بغيض: أتصلتي ولا لاء سميحه طنشتوه ولا رد عليه...ألتفت يطالع عماد إللي كان كاتم ضحكته...ويقوله بحركه سواها بويهه إنه لا تحاول مابتخبرك... عماد وهو يقوم: المهم لاتنسى الغدا أحمد: أوكى .......... كانت تبتسم وهي أطالع ولدها مركز وهو يطالع أخته وكأنه شايف شي غريب أو كائن فضائي...كانت صغيرونه بشكل غريب... نايع معقد حياته: وايد صغيرونه!! سلوى: انزين بتكبر نايع: متى؟! وجى بلعب ويها هذي سلوى: هههههههههه فديتك مب الحين تلعب وياها... نايع بعصبيه: عيل متى سلوى: يوم بتكبر شوي ساعتها بتلعب نايع رد يطالع أخته بإشمزاز: خسفه سلوى: ههههههههههههههههههههه حرام عليك حبيبي...نوف خسف...عيل أنت يوم كنت صغيرون كنت شراتها نايع: لا ... شو شراتها...أنا شرات هالخسفه!! سلوى: هههههه فديتها أنا هالحلووه خسفه بونايع يحدر الغرفة وشال سلتين حلويات: منوووه الخسفه؟ سلوى: هذا ولدك أونه نوفي خسفه بونايع: بصراحة يا ولدي العزيز صدقت...هذي تراه إلا طالعه على أمها من وين بتييب الجمال يعني نايع بتفكير: يعني هذي تشبه أميييه؟؟ بونايع: هيه...خسفه شراتها سلوى وأونها زعلانه: الله يسامحك أنت وولدك...إللي يسمعكم من حلاتكم يعني أتنبهت لحركه فثبانها..أبتسمت وهي تشوف نوف تتحرك حركه بطئه وشكله تبى توعى... يوم السبت العصر حست بآلم فضيع مارامت تتحمل أكثر وعلى طول من خبرت ريلها شلها المستشفى...وهي من ولادتها بنايع ماتربي طبيعي...ونفس الشي ويا بنتها بعملية قيصريه...وبعد العملية طبعا كانت فقمة التعب فما قدرت تتصل بنورة وتخبرها...إلا في اليوم الثاني... أبتسمت سلوى من شافت نورة توايج من الباب: والله كنت أفكر فيج بونايع من شاف نورة وأمها يدخلن استأذن وظهر من الغرفة... نورة + أمها: السلام عليكم سلوى تحاول تعدل شيلتها وشكلها المبهدل: وعليكم السلام والرحمه أم نورة وهي توايها: مبروووك غناتي سلوى: الله يبارك فعمرج عقبال ماتشوفي عيال نورة نورة وهي توايه سلوى: مبروووووك ماياج سلوى: الله يبارك فعمرج غناتي...زين تذكرتيني نورة بإحراج: أسفه غناتي ... أمس كنت تعبانه شوي سلوى لاحظت على عيون نورة الظاهرات من النقاب إنهن متنفخات: سلامات..عسى ماشر أم نورة: يابوج هذي من يوم السبت مريضه...حتى دوام ماداومت من يومين سلوى معقده حياتها: سلاااامات نوار ماتشوفين شر نورة: الشر ماييج "تشل الصغيره" ماشاء الله ماشاء الله سلوى: نوف نورة: فديتها ... نوووفي "تزخها من خدودها وتلاعبها" نايع يطالع أخته بإشمزاز ويلتفت على نورة: خسفه صح نورة: لا حبيبي شو خسفه حليلها...إلا قمر 14...فديتها ياربي نايع مب مقتنع ونزل من فوق الشبريه: أونها حلووه...أميييه تعرفي شو تشبه الحينه تذكرت سلوى: شو؟ نايع يوصل عدال الباب: تشبه السحليه "وربع برع الغرفة" الكل ضحك على تعليق نايع...سلوى: ههههههههه عاد نوفي سحليه... نورة: شكله ناوي عليها من الحينه...هيه صح على منوه سميتيها نوف سلوى: شدراني ببونايع...ولا أنا لو الشور شوري جان سميتها موزه على أمايه أم نورة: عيل وين أمج سلوى: من شوي رايحه البيت وبترد عقب الغدا لاحظت سلوى على ويه نورة متغير...وعيونها المتنفخات دلاله على كثرت الصياح...كان نفسها تسأل شو فيها وليش ويها غادي أصفر وشاحب جيه...بس ماقدرت بسبت وجود أم نورة...معقوله أحمد أنرفض...لأنها كانت تعرف عن هالموضوع مخبرتنها نورة...بس ليش ينرفض؟؟دامه نورة تباه...وسلوى متأكده من هالشي... نورة وهي تقوم: يالله بنستأذن سلوى: وين يالسين أم نورة: لا فديتج...بنيي مره ثانية نورة: متى بيظهروج؟ سلوى: يمكن باجر نورة: عيل بييج فالبيت سلوى تضغط على أيد نورة: بتصلبج بعدييين نورة فهمت شو إللي تقصده سلوى: أوكى ......... وصلت البيت ورغم إنها شافت باب الكراج مفتوح...إلا أنها راحت ووقفت جدام باب البيت العود...اليوم بس علشان تبين لأمها إنها مافيها شي دخلت الكراج تظهر السياره ولا كأنه فيها شي...إلا أنها فداخلها آلم فضيع... أول ماحدرن البيت كانت ناويه تروح غرفتها "ملجأها"...لكن أمها ماخلتها: نوار تعالي أباج نورة بتهرب: بروح أصلي أم نورة: قلت لج تعالي...عقب صلي نورة بستسلام مشت ورى أمها صوب الصالة...وبعد مايلسن وخرت النقاب عن ويها...أم نورة: هاااا نوار ماردينا تراه على العرب نورة حست بغصه: أي عرب؟ أم نورة: وأبوي أي عرب بعد...إللي يايين يخطبوج نورة شردت دمعه غصبا عنها من عينها: ماأعرف أم نورة: وأبوي غناتي شو فيج...شو ماتعرفين وليش تصيحين نورة نشت: ماأعرف ماأعرف ظهرت من الصاله تربع...أستغربت أمها من هالتصرف...أصلا هي حاسه إنه بنتها مب طبيعيه من يوم السبت...وفنفس الوقت تبى ترد على بوحمدان إللي بعده أمس سألنها عن رأي نورة...ورديت عليه لاجواب...بس لين متى...هي لا قالت ماتبى ولا قالت العكس... أما نورة من وصلت غرفتها وهي تصيح"يارب شو الحل...ليش يستوي فيه جيه...ليش أنا من بد الناس...شو يبوني أوافق على هالزواج وأنا حالتيه جيه...يارب شو الحل" دخلت الحمام وتيددت وردت تصلي الظهر...وصدق صدق صاحت من الخاطر وهي تدعى...حتى لدرجة إنها مارامت تقوم من على السياده...بعدين خذت المصحف وتمت تقرأ فيه...بعد ساعة من القرايه سمعت مسي أدق عليها الباب علشان تنزل تتغدا...ردت المصحف مكانه...وبتعب قامت من مكانها وفسخت شيلة الصلاة..."فعلا الصلاة وقرأت القرآن تريح الإنسان" يلست على طرف شبريتها عدال الكمدينو طاحت عينها على موبايلها...شلته وهي تعرف بتلقى مكالمات منه...حتى الدعوه عليه مب قادره تظهر منها...مع أنه يستاهل كل الدعاوي لأنه دعوة المظلوم مستجابه...بس هي مب متعوده على هالأسلوب...وفحياتها كلها ماقد دعت على إنسان...وفعلا مثل ماهي متوقعه فوق العشر مكالمات لم يرد عليها منه...و5مسجات...فتحتهن "نوورووه ردي عليه ولا بتشوفين شي ماشفتيه" و " أنزين ياماما فيه ألف حل وحل لهالمشكلة..مافيه داعي تجتلي نفسج صياح..بعدين شو بتستفيدين" و " قسم بالله أنا آسفه...ماكان قصدي...بس أنتي إللي أجبرتيني على هالتصرف" و" نورة أحبج" و " تمي جيه لين ماينتفخ البطن أنزين...لاتردين عليه...بنشوف منووه بياخذج ساعتها" لاعت جبدها من إللي قرته وفرت الموبايل بكل قوتها على الأرض...وشكله أنكسر...بس ماهمها التلفون الحينه...أنهارت على شبريتها تصيح...همها هالمصيبه إللي طاحت على رأسها... .............. في الليل وعلى العشا يالس بوحمدان وعياله الثلاث وحرمته...محد تكلم من بدوا العشا...حتى منصور إللي متعود يخبرهم عن أخباره وشو سوا فيومه كان ساكت وشكله سارح ويا أفكاره...أم حمدان بعد شكلها شي مضايجبها...وهالشي كان يعرفه بوحمدان إللي تكلم فهالحظه... بوحمدان: العرب بيوا يوم الخميس حمدان معقد حياته: أي عرب؟! بوحمدان: إللي خاطبين بنت عمك حمدان بعده مب مستوعب: نورة! بوحمدان: هيه نورة منوه غيرها حمدان: ليش؟؟؟شو يبوا؟؟ بوحمدان: شو هالاسأله...شو يبوا يعني...بيوا عسب نتفق على كل شي حمدان شبه مصدوم: وليش تتفقوا ونورة أصلا ماردت عليكم بعدها بوحمدان: ومنووه قالك إنه نورة ماردت علينا...عقب صلاة العشا أتصلتبي أمها وخبرتني أن نورة موافقه حمدان الصدمه مبينه على ويهه: موافقه !! متى ؟؟ وكيف ؟؟ بوحمدان نش عنهم وطنش ولده...الكل لاحظ صدمت حمدان إللي وقف عن الأكل ونش ورى أبوه...بس مالحقه...ظهر برع البيت...كيف توافق عليه؟؟هذي أكيد مينونه؟؟أو أكيد حد أجبرها!!ولا يمكن ردوا من دون ما ياخذوا رأيها...كل هالاسأله أدور فرأس حمدان... هالمره لازم ترد عليه مب بكيفها...أتصل فيها وتضايج أكثر يوم سمع إنه مالها مغلق... أما أحمد فكان من الوناسه مب عارف شو يسوي...ظهر وتعشا هو وعماد في واحد من مطاعم المول...يوم أتصل فيه عمه وخبره إنه العرب ردوا عليهم وهم موافقين ماصدق... عماد: مبرووووووووك يارجال...أخيراً هتتجوز وهتبطل صياعه أحمد: شفت كيف عماد: بس ماعرفت ليش ماأداوم أحمد أختفت البسمه عن ويهه: والله ماأعرف...وهالنذله سميحه مب طايعه تخبرني عنها أي شي عماد: يمكن البنت مستحيه أحمد يبتسم: يمكن والله...كل شي جايز...بس تصدق ولهت عليها...مب عارف ساعات الدوام كله مجابل هالعيوز سميحه عماد: مسكينه هالسميحه...كتير بتاخد من وراك أجر أحمد: واصل حدي منها ياخي عماد: ماعليه عم تمزح معك أحمد: مب جيه عاد عماد يضرب أحمد على جتفه: المهم مبروووووك يا أبو شهاب...عأبال العرس أحمد: فأقرب فرصه إن شاء الله عماد: بأعرف أنه جوازاتكم بطول كتييير أحمد: لا أطول ولا شي...أنا جاهز حتى لو باجر عماد: ههههههههههههههههههههه كتيير مستعجل أحمد: أيييه لاكااااان عماد: ههههههههه شو بدك تتعشى أحمد: أي شي...اليوم شهيتي مفتوحه على الأخر عماد: اليوم ورطني مع نادين...بس مو مشكله علشانك بس وافأت أتعشى برى البيت أحمد: لا أرتاح نادين تبى حليلها الفكه من ويهك مجابلنها 24 ساعة عماد: ههههههههه أيه بنشوووف أستاز أحمد لما تتجوز ........ دخلت الغرفة وكانت ظلام...بس سمعت صوت...وهالصوت شي تعودت عليه فاطمة من ثلاثة أيام...صوت صياح نورة..."ياربي شو يصيحها هالبنت" شافت جسم نورة الضئيل تحت على الأرضيه ومسانده رأسها على شبريتها...فتحت الليت...وعلى طول ألتفتت نورة بعيونها الحمر...كان شكلها فضيع...وفوق هذا ماكانت تاكل شي من ثلاثة أيام...وأستغربت أكثر اليوم يوم خبرتها أمها أنه نورة وافقت...وكان على بالها تصيح بسبت هالشي أنها ماتباه...بس هي تعرف والكل يعرف أنه محد بيجبرها على حد ماتباه...يعني العرس مب هو السبب إللي يخليها تصيح هالكثر... فاطمة: نورة إذا تحبين ربج صدق خبريني شوفيج...نورة والله مااظهر اليوم من حجرتج إلا إذا خبرتيني شو فيج...نورة لا تنسي أنا أختج... نورة عاضه على شفايفها وتمسح دموعها بكم الجلابية...وبصوت خشن: مافيني شي فاطمة شبه معصبه: قسم بالله فيج شي...قلت لج إذا تحبين ربج بتخبريني نورة ردت تدفن ويها فبطانية الشبريه...ومن دون ماتجاوب...أقتربت منها فاطمة ويلست عدالها وضمتها بقوة: إذا تحبين ربج خبريني نورة: حمدان فاطمة وخرتها شوي عنها بصدمه: حمدان!!! شو فيه؟؟؟ أنهارت نورة وخبرت فاطمة بكل شي...جنه حد جب ماي بارد على ويها أو أكثر جنه حد طعنها بسجين حاده: شوووووه؟! أنهارت نورة بالصياح فحضن أختها...وفاطمة متيبسه بصدمه...مب قادره تستوعب إللي قالته أختها...لا ومن المذنب حمدان...ماصدقتها من قبل يوم قالت لها أن حمدان ناوي يتقدم لها...أستبعدت هالشي نهائياً...كيف يتقدم لأختها ومن كماً سنة كان يباها هي...وهو السبب الأساسي فدمار أجمل حلم كانت عايشه علشانه...معقوله الهدف الإنتقام منها...معقوله سوا بأختها جيه علشان ينتقم...بس بعد صعب أنها تستوعب بأنه قاسي لهدرجة...وماعنده أي ذرة أخلاق ولا أحترام لروابط الرحم لهدرجة...نورة مهما تكون بنت عمه...وشرفها من شرفه... فاطمة تحس رأسها بينفجر: نورة متأكده من إللي تقوليه نورة وصوتها بالكاد مسموع: هيه وبعصبيه زختها من جتوفها ووخرتها عنها وهزتها بقوة: عيل ليش وافقتي على أحمد نورة: عيل تبيني أوافق على هالــ هالــ "سكتت وهي تشعر بضيج وأختناق" فاطمة أمتلت عيونها دموع: أنتي مينونه ولا شو...إللي صار مب شويه...شكلج ناويه على الفضيحه نورة: والله ماأحقق له إللي يباه فاطمة بعدها تضغط على جتوف أختها: نورة المسألة مب مسألة تحدي...إللي سويتيه الفضيحه بعينها...هو لو مب متأكد إنج بترفضي أحمد ماكان تجرأ أوحتى فكر بهالشي نورة: بس أحمد يحبني فاطمة تضحك بسخريه والدموع فعينها : يحبج!!؟ نسيتي أن أحمد شاب خليجي...وبالأخص إماراتي...يعني كوني أكيده مستحيل يقبل بهالشي...وبتردي ثاني يوم مطلقه كانت تصيح بصمت هالمره وعيونها سارحه تفكر: مابغير رأيي فاطمة هالمره هي بعد تصيح على حال أختها: حسبي الله ونعم الوكيل على إللي كان السبب حسبي الله عليه تذكرت فرحت أمها وهي تخبرها أنه نورة خلاص وافقت...يعني أخيراً بتشوفها عروس...أخيراً بتتطمن على بنتها البجر وعلى مستقبلها... رقدت هذيج الليله ويا أختها...ورقدن تقريبا الساعة 3 ونص...وبعد أذان الفير بنص ساعة نشت فاطمة وقومت أختها علشان يصلن رباعه...وتمت نورة على سيادتها نص ساعة تقرأ قرآن... بندت المصحف وحطته مكانه والتفتت أطالع فاطمة اليالسه على طرف الشبريه: تعرفي شي...أنا ماوافقت جيه يعني بس علشان أتحدى هذا الـ أستغفر الله رب العظيم...أنا صليت أستخاره أكثر من مره...فأحلامي ماشي إلا أحمد وهو يمد لي أيده...كل شي فيني وشعور هنيه "تحط كفها على مكان قلبها" يقولي وافقي...أنا خايفه من الياي...بس ماأقدر أتراجع فطيييم...ماأقدر أتراجع فاطمة نزلت دمعه على خدها: والله خايفه عليج نورة تبتسم رغم كل إللي فيها: أنا بتوكل على الله...وإللي مكتوب لي تراه بيصير لي فاطمة: الله يستر عليج يارب ........ مر هالأسبوع ونورة محد شافها في الدوام...أتصلت فيهم وخذت إجازه مرضيه...أما أحمد رغم وناسته إلا أنه كان مستهم عليها وبالذات بعد ماسمع أنها ماخذه إجازه مرضيه...أول مره تاخذ إجازة طويل جيه غير إجازتها السنوية إللي تاخذها كل سنة...ومافيه أي حد يطمنه عليها...سميحه مع أنها تعرف أنه مستهم على نورة ووده يعرف أخبارها إلا أنها تتعمد ماتخبره أي شي مع أنها أتصلت فيها أكثر من مره من تلفون الدوام... يوم الخميس راح أحمد وأهله بيت قوم نورة وأتفقوا على كل شي...كان خاطر أحمد يتزوج فأقرب وقت ممكن...إلا أن عمها أعترض لأنه الفتره إللي يباها أحمد وايد قريبه فمابيمديها تتزهب...أم عن الملجة بعد مناقشات وافقوا تكون بعد شهر من هاليوم...يعني بتكون ملجتها مباشرةً بعد عرس محمد...هذا أكثر شي ريح بال أحمد...ونقهر يوم رفضوا أنه يشوفها...بما أنه يحق له شرعاً يشوف إللي يبى يتزوجها...بس يالله مب مهم الأهم أنها بتكون من نصيبه...وطبعاً حمدان ماحضر هالشي كله...لأنه لو حضر زين إن ماأرتكب جريمة أما نورة هذاك اليوم قضته في مناحه...مب جنها بتتزوج...جنه حكموا عليها بحكم الأعدام...وطبعا موضوع رفض أنه يشوفها كان رأيها...لأنها ماتتصور يشوفها وهي على هالحال... "خافي ربج فنفسج..والله حرام إللي تسويه" قالتها فاطمة وهي مجابله نورة في الصالة الفوقانية... نورة: ومب حرام إللي سواه فيه ولد عمي فاطمة: أنا قلت لج بخبر عمي إلا أنتي رفضتي...دامج ساكته تحملي إللي بييج نورة: وشو تتوقعي بيكون تصرف عمي...أكيد بيجبرني عليه ستر للفضيحه فاطمة: مب أحسن من إنج تتزوجي شخص ماتعرفين شو بتكون ردت فعله نورة تبتسم بحزن: أحمد...صدج أفتقدته فاطمة: الله يستر نورة: يوم السبت بداوم فاطمة: وجيه حالتج نورة: مافيها شي حالتي فاطمة: تعرفي أمايه شو تقول...تقول حد سوالج عمل...ولا عين وصابتج نورة نزلت دمعه على خدها الشاحب: حليلج يامايه...والله مقصره وياها وايد فاطمة غمضت عيونها وكأنها تتآلم بعدين أبتسمت: عطيني أيدج "خذت أيد أختها وحطتها على بطنها" يتحرك نورة بإهتمام أقتربت أكثر: فديته...شو تتوقعي ولد ولا بنت فاطمة بتفكير: ولد نورة تعدل يلستها: شمعنى فاطمة: خبره نورة: يالله إن شاء الله يكون ولد فاطمة: إللي أيي من عند الله حياه الله نورة: الله يسهل عليج إن شاء الله فاطمة: والله يستر عليج "عضت على شفايفها من الآلم" تفاجأ أحمد يوم السبت الصبح أول ماحدر المكتب وشاف نورة واقفه عدال الطابعه تظهر أوراق طابعتنهن...هي ماأنتبهت له في البداية...كان يطالعها بتركيز فيها شي متغير...حركت جتوفها المايله أكثر عن اللزوم...وهذا دلالة على الحزن أو اليأس...بس أحمد رجح المرض بما أنها كانت في إجازه مرضيه... أحمد: أحم السلام عليكم...وصباااح الخييير ألتفتت صوبه متفاجأه: وعـ ــليكم السلام..صباح النور أحمد بعده يطالعها بتركيز وهي من شافته أفترت عنه أطالع الطابعه: سلاااامات! نورة من دون ماأطالعه: الله يسلمك أحمد يالس على طرف مكتبه: شحالج الحين؟! نورة: الحمد لله ..... أحسن أحمد: إن شاء الله دوم هب يوم كان يبى يسألها شو فيها بالضبط...بس ماتجرأ هي لحد الحين مب زوجته علشان يسألها هالاسأله...كان نفسه يطمن عليها لأنها حالتها مااطمن...وبالذات من اللحظه إللي طالعته بعيونها... سميحه شاله شنطه برتقاليه كبيره على نفس لون البدله إللي لابستنها: أدى النوووور كله...أزغرط..."أقتربت من نورة تحببها على خدودها" سلاااامات ياحببتي... نورة: الله يسلمج ويعافيج سميحه: ماتشوفش شر نورة: الشر ماييج سميحه: لاءه دي المره طولتي كتييير...واللهِ لكي وحشه نورة: حتى أنتوا والله حس أحمد إنها تعنيه هو بعد بهالرمسه...دار على مكتبه ويلس على كرسيه: حشى شوووو هاللون إللي لابستنه اليوم يعور العيون سميحه ألتفتت أطالعه بنص عين: وأنت مااااالك...دنى لابسه على الموضه...والسنادي الموضه البرتقالي أحمد يحاول يكتم ضحكه: قلنا برتقالي بس مب جيه عاد سميحه: أنت ماااااالك وأش عرفك بالموضه...ياخويه أتلهي فشوغلك اليوم صدق ردت الروح عند أحمد من شاف نورة...رغم أنها قليلة الكلام...بس رد هالشي يمكن تكون مستحيه منه أو شي من هالقبيل...حتى بعد مرور الوقت مارام يوخر عيونه عنها...كأنه ماشافها من سنة مب بس أسبوع...أما هي مارفعت عيونها صوبه من بدت تشتغل...بس مب مهم عنده دامه يشوفها جدامه وأنها بخير مع أنه يحس بعكس هالشي...الحين أكثر شي يتمناه أحمد أنه هالشهر يعدي على خير بسرعة...ساعتها بيكون من حقه يسألها ويكون جريب منها أكثر من جيه... أنقهر يوم أتصل فيها سكرتير الأستاذ فالح...على أساس أنه الأستاذ فالح يباها تروح له فمكتبه...لو ماالمستحى ولا كان راح وياها...يمووت غيض من نظرات هالإنسان لنورة... عماد: أجيت؟ أحمد حايس بوزه: هيه عماد: لكان وينها؟! أحمد: عند فاااالح "نطق أسمه بغيض" عماد فهم: هههههههههه وشو بدووه منا أحمد: شدراني فيه عماد: والآنسه سميحه وينا؟ أحمد: راحت شكلها تتريق عماد: وهيدي مابتفوت الأكل أحمد: أبداً عماد: ههههههههههههه بعد ماظهر عماد بفترة ردت نورة المكتب وشرات ماراحت شرات ماردت الفكر سارح...تمنى أحمد يعرف شو فيها...وليش كل هالسرحان..."ياربي أموووت وأعرف شو فيها"...يلست على مكتبها حتى من دون ماتلتفت صوب أحمد...سارحه ويا أفكارها... تتذكر كلام اختها فاطمة بضرورة أنها تروح المستشفى تفحص وكيف كانت مصره على هالموضوع...وأضطرت شبه توعدها بأنها بتروح المستشفى...رغم الرعب والخوف إللي ينتابها كل ماتيي ذكرى الكراج وملابسها المبهدله والتراب إللي موسخ شعرها وملابسها...أصلاً هالذكرى ماتروح عن بالها...وياها من وين ماتروح...صوت حمدان وهو يتأسف منها على إللي سواه...وأنه مهما يكون بيستر عليها لأنها بنت عمه...قبل كانت يوم تقرأ عن جرايم الأغتصاب تمررهن لأنها ماتتصور ناس جيه بهالوحشيه والقذاره...ولأنها ماتتحمل تتصور بنت تعاني رعب وكابوس بأنها مغتصبه...والمشكلة والفضيحه لو عرف الكل...المجتمع!!!كيف بتكون نظرة المجتمع لهالبنت...بس مع هذا هي مصره ماتستسلم لحمدان...لأنها الحين بالذات تحتقره وتكرهه بشكل محد ممكن يتصوره..."لا كنت ولا أستويت ياحمدان" ومن القهر إللي فيها أمتلن عيونها دموع...وشردت وحده منهن ونزلت...فهالحظه أنتبهت لصوت أحمد...كان يرمسها بس هي ماأنتبهت ولا لحرف واحد منه...نزلت رأسها وحاولت تسوي نفسها مركزه على المعامله إللي جدامها: السموحه شوو كنت تقول؟؟ أحمد رافع واحد من حواجبه بستغراب: كنت أسئلج عن معاملة محمد جمعه... أحمد وهو يطالع نورة ادور بين الملفات وشكلها مرتبكه: نورة شو فيج؟! نورة وهي تتحشى أنها تصد صوبه: سلامتك مافيني شي. سميحه وهي داخله المكتب: البت مافيهاش حاجه... أنت سبها بس فحلها أحمد وهو عاقد حياته: أنتي الحينه ياأم دويس حد رمسج؟ نورة تحاول تكتم ضحكتها : هههههههه سميحة وعلى رأسها أكبر علامة أستفهام: أم دويس!؟؟ تطلع أيه دي كمان؟؟ أحمد يحاول يبين أنه جدي: اسئلي نورة...بتخبرج عنها سميحه وهي حاطه أيدينها على خصرها: وأنت ماتخبرنيش ليه؟؟ أحمد يصد صوب نورة: نورة خبريها عن المزيونه أم دويس سميحه: يالله بأه خبريني يانورة تطلع مين دي؟ نورة: أعفيني ياسميحه عن الإجابة...ههههه سميحه وهي اطالع مره أحمد ومره نورة: هو فيه أيه أنت وهي؟؟ ماتخبروني بأه أحمد أونه يالس يخلص وحده من المعاملات وجنه مايسمعها...وفسره يضحك عليها ضحك. سميحه خلاص فولت: أحمد! أحمد يوم شاف أن سميحه وصلت حدها: طول الله فعمرج هذي وحده مزيونه... كان كل مايضربون المثل بالجمال والدلال يضربونه بأم دويس.. سميحه وهي مكشخه ضروسها: كلك زوأ يا أستاز أحمد نورة وهي تضحك وتقول بصوت واطي: يحليلج ياسميحه أحمد : توج تقولين أحمد حاف... مسرعج ماتتغيرين الموجه ياسميحه سميحه حمرن خدودها: أنا عرفه أني مزيونه زي مابتأول... بس مش لدرجه توصفني بالبت أم دويس أحمد يلتفت يطالع نورة وهي موب قادرة تكتم الضحكه..." الحمد لله أني قدرت أغير من نفسيتها شوي..فديت هالضحك والله...الله لاخلاني منج" ..... حمدان حاط رأسه على مسند الكرسي...وسارح فعالمه الخاص...كل تفكيره فالإنسانه إللي أحتلت كل تفكيره...شعرها الناعم الأسود النازل على يبهتها وعلى خدها...بشرتها الناعمه الخاليه من أي عيوب...شكلها وهي مغمى عليها ماتروح عن باله...وهالشي يخليه أكثر تصميم بأنها تكون من نصيبه..."بس هالمينونه جى توافق...ولا المسألة مسألت تحدي لاغير...ههههههههههاي بس هالموضوع مافيه تحدي...فيه فضيحه...صدج إنها مينونه...بس الأيام بيني وبينج يانورة...يابنت عمي" أبتسم أبتسامه خبيثه فنفس اللحظه إللي حدر مكتبه حميد وطالعه وهو معقد حياته: سلااااااااااااااااام حمدان عدل يلسته: وعليكم السلاااام...بسم الله...من وين طلعت لي أنت حميد: ههههههههههههه كل يوم يالحبيب بتشوفني جدامك حمدان: حشى ماقول إلا الله يعيني جى بشوفك كل يوم...أنا الخبل ولا شو إللي خلاني أشاركك حميد يغمز بعينه: صدقني أنت الرابح في الأخر حمدان: ههههههه وانزين فيك كل يوم تضرب لك خط بوظبي حميد: ماعليك...أنا هاليومين فبيت الخالة العزيزه حمدان: الله يعينها عليك...أكيد ملعوزنها حميد: ياريال هذي خالتيه مهما تكون حمدان: انزين خلصني شو عندك...ورايه مية شغله وشغله حميد بسخريه: هههههههههه ماأشوفك تشتغل...إلا متفيزر على هالكرسي حمدان: انزين خلصني هب متفيجلك حميد: شفت الأسهم اليوم حمدان: نووووو حميد: صدج إنك هب مال تجاره...ياريال الأسهم فكل ثانية ترتفع وتنزل...وكل رأس مالنا فيها...وأنا هالمال مب مالي أنا بروحي حمدان: أنت متفيج...شغل وفنشت منه...شو وراك تابع الأسهم حميد: انزين المهم...تقدر تروح وياي مشوار حمدان: وين؟ حميد: إلا هنيه فالعين...بنروح عند ريال حمدان: ياخي مب الحينه وقت الدوام...بعدين حميد: لا الحين...ماشي وقت حمدان: أوكى..."وهو متضايج من حميد ومن ألحاحه" بس صبر ربع ساعة حميد يلس على الكرسي وخذ راحته على الأخر: أنزين بنصبر ربع ساعة...ومممكن تطلب لي عصير حمدان: هههههههه طرار ويتشرط حميد: عييييل ........... يالسه ويا أمها تحت يطالعن مسلسل بدوي... عاد أم نورة وايد تحب تتابع المسلسلات البدوية والمصرية... ففي هالوقت بالذات كل يوم تنزل فاطمة تشوفه مع أمها...وهن مندمجات مع المسلسل تدخل سوزن شاله منى إلي عاقده حياتها وشكلها متضايج...... تحدر سوزن الصاله: ماما فاطمه منووووه فيه يريد نوم فاطمة تقوم: عطيني اياها... مافيني ترقد الحين وبعدين تمشكلني تاخذ فاطمة بنتها عن سوزن...ومنى تتعلق بأمها شرات الكوالا يوم تتعلق وتحتضن أغصان الشجر... وتمسح فاطمة على رأس بنتها النعسانه... أم نورة: فطوووم نزليها موب زين تشليها...تذكري إنه روح فبطنج فاطمة وهي تنزل منى إلي بوزت وزعلت: حليلها أمايه مب من ثقلها منوووه أم نورة: حتى لو هب زين بتضرين إلي في بطنج فاطمة وهي تدغدغ منى علشان تراضيها ترد على أمها: إن شاء الله امايه أم نورة وهي تتضحك على شكل منى: فديت روحها أنا...زعلانه من تتوه منى ماده البوز: هيه أم نورة: فديت الحلووووين أنا...خلاص لاتزعلين من باجر بنروح سوق الغنم بشتريلج هذاك الأرنب الغاوي منى كاشخه: أتي حوووه تتوه أم نورة: فديتها والله فاطمة: دخييييلج أميييه مب أرانب عاد...شفتيها يوم العصافير إللي طيرتها والباجي جتلتهن أم نورة: ماتعرف فديتها...لا أنا مابخليه فخاطرها..."توجه رمستها لمنى"باجر إن شاء الله الصبح...هااا الصبح جى تبي تروحي وياي منى قامت تناقز: هيه هيه أبا أبا فاطمة بستسلام: ماقول غير الله يعين هالأرنب إللي بيطيح فأيد بنتي...المهم بروح أغديتها أم نورة: برايج حبيبتي بعد ماغدتها...راحت هي وياها غرفتهن عسب ترقدها... بس منى كل شوي تتعبث بشي منيه ومناك...وتظهر الأشياء من أدراج التسريحه... فاطمة وأونها معصبه: منوووه تعالي رقدي ولا تراه بروح عنج... بخليج ترقدين بروحج في الحجره منى عقدت حياتها ويت تربع ولوت على أمها: ماتلوحي عني ماماه...أحااااااف فاطمة تحبها على شعرها: عيل يوم تحااافي تعالي رقدي منى وهي تغمض عيونها اونها راقده... شوي وتفجهن وتيلس تتعبث بشعر أمها منى: ماماه شعلج.. فاطمة وهي تقرقط بنتها: هههههه الحين أنت بترقدين ولـ شوو؟؟؟ منى وهي تتضحك: هههه ههههههه ماماه ابا شعلج فاطمة: بعد شعريه شوو تبينه؟؟ شوووفي هالشعر " وهي تمسح شعر منى" الحلوو منى: ماباه...صعيلووون فاطمة: زين رقدي... ولـ تراني ماحبج منى: ماماه" وهي تلوي على أمها" هبيبتي أنا بعد نص ساعه رقدت بنتها... لحفتها زين وحبتها على يبهتها... وهي حاطه ايدها على بطنها تحس بحركة الياهل إلي في بطنها... تفكر في جنس هالياهل... هل ياترا بتكون بنت ولـ ولد؟؟؟ مع أنها عندها أحساس كبير أنه إلي في بطنها ولد...نزلت دمعه تلقائيا من عيونها...مجرد أنها تتصور اليوم إلي بيشوف هالطفل النور...وبينولد من دون أب...يعني بينولد ومايعرف شو معنى كلمة "أب" ولا بيشعر بهالسند القوي وياه...بس أنها تتذكر مبارك...يتعبها ويآلمها...مبارك إللي من كثر ماكانت مخلصه له مسحت من حياتها منصور...حتى مجرد التفكير فيه كانت تعتبره خيانه لزوجها إلي شوي شوي تعلمت تحبه بعتبار أنها كانت تعتبره مخلص لها بنفس الدرجة...بس للأسف خذلها...فاطمة رغم قلبها الطيب...بس صعب تنسى بأنها كل الفترة إللي كانت تعتبر نفسها حب زوجها الوحيد وحياته ومايشوف فالدنيا حرمه غيرها يطلع يعرف أكثر من وحده...حطت أيدها على صدرها بآلم وأستغفرت ربها...محاولة تذكر هالخيانه عذاب مابعده عذاب...فمن الأفضل تتناسى...لأنه النسيان بحد ذاته مستحييييل... ....... الساعة 12 ونص مرت على مكتب الأستاذ فالح تستأذن...وهو طبعا بعد اسأله تعتبرها نورة شخصيه ومب من حقه يسألها سمح لها تروح...كانت مب ناويه تروح...لأنها ماعندها الجرأه الكافيه...بس فاطمة هب مقصره وياها أتصلت خمس مرات...وفكل مره تتصل تذكرها بالمستشفى...كانت من الزيغه والرعب إللي تحس فيه وجنها محمومه... ردت مكتبها بتشل جنطتها...لاحظ عليها أول مادخلت من الباب كيف كانت ضامه قبضت أيدها اليمين..."نورة مب نورة إللي يعرفها...صح اليوم ضحكت وياهم...بس فيها شي غييير...كان دايما يرجع السبب لأنها الحين خطيبته...صح محد يعرف فالدوام...بس هي وهو يعرفوا هالشي...وبعد شهر بتكون زوجته على سنة الله ورسوله...وأكيد الكل بيعرف هالشي...وأحمد يتريا هاليوم بفارغ الصبر...لأنه فهاليوم يقدر يوقف الأستاذ فالح عند حده...ويقوله أنه نورة من حدودي"...يوم يشوفها جيه نفسه لو يعرف شو فيها وبيسوي كل إللي يقدر عليه علشان يساعدها...بس هو يعرف أنه نورة بتنحرج لو هو سئلها وبتتضايج... وبجيه ألتفت صوب سميحه...وسوالها حركه بعيونه معناتها" شوو فيها نورة" طبعاً من دون ماتنتبه له نورة.... سميحه فهمت على أحمد: يابت يانورة أنت فيك أيه؟؟؟ يلست نورة على كرسيها وطبعا ماأنتبهت لأي كلمة قالتها سميحه...لأنها فعالم ثاني...فمصيبه ومن ثجل هالمصيبه حاسه نفسها ضايع وتايهه...بس سميحه يوم شافت أنه نورة ماسمعتها ولا انتبهت لها... قامت من مكانها ووقفت جدام مكتب نورة... نورة هنيه أنتبهت لها ورفعة رأسها: هاا سميحه شوو تبين؟؟ سميحه وبنظره جديه: ايه يانورة... أنت مش معانا خالص... نورة: افاا عليج ليش تقولين جيه؟ سميحه: أنا من ساعه بنديكي... بس أنت مابترديش عليها.. نورة برتباك: السموحه منج مانتبهت لج أحمد يوم شاف أنه سميحه راحت صوب نورة قام وهو يمشي صوب الباب: إذا حد يباني... أنا عند بابوه...بغيته فحايه بس في الحقيقة أحمد طالع علشان تاخذ نورة وسميحه راحتهن في الكلام لعل وعسى تخبر نورة سميحه على إلي شاغل تفكيرها...ولأنه مستحيل ترمس نورة عن مشاكلها جدامه..... بعد ماظهر أحمد قالت سميحه لنورة: فضفضي يانورة...يمكن أأدر أسعدك نورة: صدقيني مافيني شي بس تعبانه وختيه تباني اروح المستشفى افحص سميحه: سلااامتك ياحببتي... أنت فعلاً زبلانه نوره: الله يسلمج من الشر سميحه: أاولك حاجه...أنا هستأزن من الأستاز فالح...وبطلع معاكي على المستشفى نورة بأرتباك: لا تستأذني ولا شي...أنتي وراج هالأكوام من المعاملات خلصي شغلج أبرك لج..."يوم شافت سميحه بترمس قاطعت رمستها" أعرفج راعيت واجب...بس صدقيني مافيني شي...فحوصات روتينيه لا غير سميحه: صدأيني أحسن أروح معاكي نورة: مشكوره سميحه بس بروح بروحي أقنعتها بأنها تقدر تروح بروحها...هذا إللي كان ناقصنها سميحه تروح وياها...إذا الحينه محد يعرف غير فاطمة...بالباجر كل أهالي العين بيعرفواالسالفة... شغلت سيارتها بس ماتحركة...لأنها كانت فحيره من أمرها...تروح المستشفى وتسوي الفحوصات وتريح نفسها وأختها إللي مستهمه عليها وايد...هو أصلاً بيكون راحه ولا عذاب؟؟!! حركت السياره متوجهه لمستشفى التوأم وهي مرعوبه وحتى من الزيغه إللي فيها كانت أيديها تتنافض ومب قادره تزخ السكان بثبات وكل شوي تنفض وحده من أيديها تحاول توخر الشد...بس أي شد بيتوخر وهو أصلا شد نفسي...ومن كثر ماهي الأفكار السوداويه أدور فرأسها ماأنتبهت لأشارات المرور فطوفتهن...لو مارحمت الله ولـ كانت دعمت...بس صاحب السياره الثانية كان أمهر فقدر يتفادى الأصطدام...بركنت بسيارتها على طول زود على الرعب إللي فيها كان رعب الأصطدام...شافت الموت جدام عيونها...حست بدوار فضييييع ساندت رأسها على السكان كانت حالتها حاله... ماحست إلا بضربه قويه على يامة سيارتها إللي عدالها...رفعت رأسها بتعب تشوف منووه إللي يضرب اليامه...كان صاحب السيارة إللي كانت بتدعمها...نزلت اليامه... الريال بعصبيه: هيه هي إلي سواقت حريم...أنتي بسألج منوووه عطاج الليسن نورة والدمعه فعينها: والله آسفه الريال وهو يبتعد شوي: وين أصرفها هذي لو جتلتيني أنا ولي وياي... ماأدري كيف عطوج ليسن" ونبرت صوته عاليه" نورة ماتعودت حد يرمسها بهالأسلوب...تعرف أنها غلطانه...بس بعد المفروض مايرمسها بهالأسلوب الفج... وبصعوبه وبصوت واطي قالت له: والله انا أسفه مانتبهت... طالع الريال ساعة ايده وقال: زين مره ثانيه أنتبهي" وهدا صوته... يوم شاف نورة تمش دموعها" مافينا على الحوادث . راح الريال...بس نورة بعد هالموقف ومزاعج هالريال عليها... تمت تصيح بصوت خافت في السيارة إلي ركنتها على طرف..."حسبي الله عليك ياحمداان إللي بسبتك تصير لي كل هالمشاكل...لو مت جان ارحم لي... أستغفر الله أنا شوو يالسه أقول..." بعد ربع ساعة هدت نفسها...وحركة سيارتها واتجهت للمستشفى... دخلت واحد من حمامات المستشفى وغسلت ويها وعدلة نقابها وظهرت...كانت تنتظر دورها والتوتر و القلق يتأكلها... يوم نادت الممرضه عليها علشان تدخل...ماحست بنفسها إلا وهي برع المستشفى... ....... واقف عدال الباب يتأمل آثاث غرفته اليديد...أبتسم...أول مره يختار آثاث على ذوقه...وعلى حسب ماسمع من آراء أفراد العائله الكريمه...الكل أبدأ أعجابه بالآثاث...وهالغرفة طبعا مؤقته لين مافلته الصغيره تزهب...أيام ويكون ريال متزوج...كان هب مستسيغ هالموضوع ومب متقبلنه لين هناك...بس الحين يتمنى هاليوم بفارغ الصبر...كان هالشهر صعب ومتعب وايد...فحوصات زواج...وبعد ماخلص الفحوصات يا دور الآثاث إللي بين اليومين يروح الشارجة هو ومنصور...معروف العرس شغلانه...والحين مشغولين بالخيم وكل مستلزمات العرس...يعني يومياً تقريباً فبوظبي... محمد كان ناوي يسافر هو وعروسه لأي بلد عربي...لأنه فحياته ماسافر...فمب ناوي يروح بلد أجنبي ويتوهق...فكان الأختيار على جوله ثلاثة أسابيع فبلاد الشام...وهو خاطره بعد من زمان يروح لبنان...فيضرب عصفورين بحجر واحد... منصور: ههههههههههه شو وايد معجب فالآثاث...نصيحه أكتب قصيده غزليه فيه محمد: هههههههه ياريال!! منصور: انزين بما أنه بريك اليوم وماشي شغل...نروح بيت عمي محمد مب عايبتنه الفكره: وشو نسوي هناك منصور: عنبوه نمر نسلم محمد: هههههههههههه لا يكون حاط عينك على نورة منصور: ياريال!! عاد نورة...أنا طول عمري أعتبرها أختي الصغيره محمد يغمز بخبث: الزمن يغير منصور: لا أرتاح...شعوري أتجاه نورة مثل ماهو ماتغير ولا بيتغير...وبعدين تعال هنيه...مب جنك متغير هاليومين محمد يبتسم وهو يظهر من الغرفة: معرس لازم تكون النفسيه غير منصور: يالله متى بنجرب نحن بعد هالشعور محمد: لا تحطه فخاطرك...الوالده على أتم الأستعداد أنت بس عطاها الأشاره منصور: هههههههههه لا يابوك...خلى الوالده فصوب محمد: هي الحين فصوب...بس تتريا تنتهي مني...لا تفرح وايد الدور ياينك ياينك منصور: هههههههههههههه الله يكون في العون...إذا بعدها صالحه فرأسها أهاجر أبرك لي محمد بعد ماركب سيارة أخوه: انزين ورحنا بيت عمي...نيلس مجابلين حرمة عمي منصور بعتاب: لا تنسى أنهم أهلنا وماعندنا غيرهم...مابينقص منك شي إن رحنا وسلمنا عليهم محمد: بس دخيييلك لا أنطول منصور: أوكى يصير خير من كم يوم وهو يحس بشوق كبير لمخلوقه صغيره...دخلت قلبه من أوسع أبوابه...بس بعد أنه كل يوم والثاني فبيتهم غلط...مر قبل ليروح البيت على محل أطفال...شاف أرنب وردي نفس حجم الأرنب الطبيعي واشتراه بعد مالفت نظره وعلى طول ذكره بمنى...فقرر ياخذ محمد وياه... فتحت لهم مسي الباب وعلى طول دخلتهم الميلس...كان محمد يتلفت يمين وشمال هذي المره الرابعه إللي يدخله من ردوا من بوظبي...أول مره كانت العزيمه...ومرتين يوم يوا العرب إللي خطبوا نورة...وهذي الرابعه...أبتسم وهو يتذكر ذكريات مرت عليهن سنوات...تذكر عمه...إللي كان قريب منه هو ومنصور وايد...ويعاملهم شرات خوانه... محمد بصوت واطي: الله يرحمك ياعمي ويغمد روحك الجنه منصور بحزن سمعه: آآآمين محمد: ماشي تغير فهالبيت...نفس ماهو...إلا الناس إللي فيه تغيروا أم نورة تحدر عليهم وهي تبتسم من تحت برقعها: وشو يغيرهم هالناس محمد و منصور وقفوا يسلموا عليها...وبعد السلام والسؤال عن الحال...محمد: الزمن يغير كل شي أم نورة: بس ياولدي مب كل الناس الزمن يغيرهم محمد: يمكن أم نورة: إلا أكيد...المهم شحالكم أنتوا محمد: الحمد لله منصور: بخير يعلج الخير أم نورة: هااا ولديه العرس قرب...شو الهبه محمد يبتسم: الحمد لله تمام التمام أم نورة: إن شاء الله دوم...والله يوفقك ويجمعكم على خير محمد: آآمين منصور وكل شوي يطالع الباب: عيل وين منى؟! محمد ألتفت يطالع أخوه بإستغراب: منى!! منصور يوضح: بنت فاطمة محمد فهم ويطالع أخوه بشك: آهااا بنت فاطمة "يوجه رمسته لأم نورة" هيه صح فاطمة شخبارها...عساها بخير أم نورة: الحمد لله ماتشكي باس فهالحظه سمع مزاعج منى برع...أبتسم منصور ولا شعورياً وقف: بروح أشوفها أم نورة: هههههههههه يابوك لعوزتنا...اليوم شليتها السوق وشريتلها أرنب لعبتبه ولعبتبه بعدين ظهرته من قفصه وانخش فالزراعه منصور تفاجأ بهالصدفه...تذكر اللعبه الأرنب: عيل بروح أدوره وياها محمد أستغرب من تصرفات أخوه ونش هو بعد: وأنا بروح أدوره وياكم كانت منى واقفه عدال شجرة ورد كبيرة وتضرب بريلها على الأرض بعصبيه وتزاعج: أبا أبا زوزن أبا أبا ألنبي يبييييه أبتسم منصور على شكلها وحجمها الصغير ويا فستان وردي صغير يوصل للركب...كان شكلها كيوووت...وبالذات بعد ماشاف ويها وهي معقده حياتها بعصبيه...بس من شافته حمرن خدودها ونزلت عيونها أطالع تحت "أونها مستحيه" منصور: فديتها أنا مناااايه منى ماده أيدها تسلم عليه: عمييييه منشور محمد ورى منصور ومتخبل على منى من شافها: هههههههههه منشور عاد منصور تجاوز أيدهاالممدوده وشلها: ليش الحلوووين زعلانيين منى ردت تبوز مره ثانية: زوزن ديعت أرنوبي منصور يزقر سوزن إللي بين الأشجار تلاحق الأرنب الشارد: سوزن ليش ضيعتي أرنوب منااايه سوزن: بابا أنا مافي يضيع أرنب...هزا مووونا يطلع من قفص ماله منصور: يالله زخيه بسرعة قبل لا يبدأ عملية التحفير محمد يقترب منهم ويوخي شوي فنفس مستوى منى إللي كانت شالنها منصور: شحالج؟ منى خدودها حمر: بحيييل محمد: ياويل حالي أنا على البحيييل...جم عمرها هالحلوووه منصور: ظني سنتين محمد: خلاص هذي الحلوووه محجوزه من الحينه حق ولدي منصور: هههههههههههههه شو تربيه محمد: عاااادي المهم محجوزه من الحينه...فديتها أنا منى كانت أطالع محمد شوي وتلتفت أطالع منصور وهي معقده حياتها..."يحليلها لازم تعقد حياتها لأنه الشبه ممبينهم كبييير وايد...لدرجة صعب التفرقة...إلا الجسم هو الأختلاف الوحيد ممبين الأخوان" ظهر وياها برع ونزل الأرنب الوردي إللي مشترنه حقها...أستانست من الخاطر يوم أحتضنته...ومن دخلوا البيت شافوا سوزن زاخه الأرنب وهو يرافس بين أيديها... منصور: يالله الحينه عندج أرنبين محمد: يااااحظج منوووه قدج أرنبين مره وحده منى كانت لهيه ويا أرنبها اليديد بعد مانزلها...الحين بس عرف محمد ليش أخوه يبى أيي بيت عمه دوم...هالبنوته الصغيره أي واحد يتمنى يكون وياها...لأنها بالإضافه لأنها طفله صغيره بأنها نسخة طبق الأصل من أمها...ونفس ملامح أمها الجميله...تخبل عليها الأخوان... ......... يالسه تسحي شعرها...وكل شوي اطالع من منظرت التسريحه نورة إلي يالسه تلاعب منى ..." يحليلج والله ما تستاهلين إلي ياج من هالعديم الأخلاق حمدان...ياربيه كيف هانت عليه بنت عمه لهدرجه!؟ كيف عاملها جنها وحده غريبه...حتى الغريبه ماتتعامل هالمعامله... موب جنها من دمه ولحمه... موب جنها عرضه هو بعد!؟؟ ياويلي عليج ياختيه" هنيه فاطمة ماقدرت تيود نفسها أكثر...تمت تصيح بهدوء من دون محد يلاحظ ... وغطت ويها بايدينها تحاول تهدي نفسها عن تلاحظها نورة أو منى...وكل أفكارها منحصره في نورة... أختها الوحيده ومكمن سرها... وياكثر المواقف الصعبه إلي وقفت معها نورة وحاولت تخفف عنها...نورة إلي دائماً كانت السند والعون لها في كل شي... والحين يوم أنها تحتاج لها... ماتقدر تساعدها... ماتعرف شوو تقول لنورة... ماتعرف كيف تواسيها وتخفف عنها... إلي ياها نورة من حمدان موب شوي... الله لا يوفقك ياحمدان...وأكثر شي مضايج فاطمة رفض نورة تسوي فحوصات...نورة طول عمرها قويه...إلا فهالموضوع حست أختها وايد ضعيفه...وبريئه لأبعد درجات البرائه... هنيه أنتبهت نورة لفاطمة: فطامي شوو فيج؟؟ فاطمة وهي تمسح دموعها: لا ماشي. نورة تعرف أختها زين ومستحيل كل هذا من دون سبب...تمت تمسح دموع فاطمة: ليش كل هذا يافطامي؟؟ فاطمة ومن الضيج والقهر إلي تحس به قالت: الله لا يوفقه" بصوت مخنوق". نورة بضيج تلوي على اختها: فطامي حبيبتي لا تشغلين فكرج فيه...الله يسامحه. فاطمة وهي تضغط على اختها: الله لا سامحه إن شاء الله. نورة وهي تحاول تمسك نفسها: فطامي ذكري الله. في هاللحظه انتبهت نورة لمنى إلي تصيح وتضربها: ليث دلبتي ماماه. هنيه فجت نورة اختها وعطتها كلينكس تمسح ويها وتشل منى وتقول لها: لا حبيبتي ماماه تضحك حتى الحين بتشوفين. منى تحاول تنزل من حظن خالتها: مابااااااااج .. أبا ماااماااه. فاطمة بصوت واطي: لا إله إلا الله... محمداً رسول الله. رفعت رأسها إلي كان شعرها مغطنه وترجعه لورى... وتحاول تصطنع ضحكه...علشان تهدي منى إلي يالسه تصيح وتقول: فديت إلي يصيحون. خذت منى من ختها وتحاول ادغدغها: شوو يادلع.. منى بدلع تلوي على أمها وتقول لخالتها: هبيبتي أنا... نورة وهي واقفه : يالله شوو تغار بنتج.. فاطمة: يوم الحين تغار منج...عيل شوو بتسوي يوم تشوف أخوها؟؟ نورة: بتلعوزه تلعويز منى بدلع حاطه رأسها فوق أمها...وتلعب بشعرها وتشوف خالتها بمكر... قبل ماتظهر نورة من غرفة اختها صدت صوبها: فطامي لا تمي شاله منى جيه تراه موب زين... فكري في الياهل إلي في بطنج. فاطمة تشوف بنتها الدلوعه: وأقدر على زعلها. نورة: ياسلام وعلى حساب الياهل المسكين يعني فاطمة: منووه حبيبتي انزلي بقول لج شي. منى ماعيبها هالشي بس نزلت بعد عناد وهي تمسك يد أمها: ماماه. نورة وهي تضحك: إلي يشوفها يقول بتسافرين عنها... هههه. ظهرت نورة من الغرفة... ويودت فاطمة ايد بنتها وحطتها على بطنها وتقول لها: داداه. منى من سمعت كلمة داداه ربعت تييت " عروستها" إلي مفروره عدال الكبت. وتقول لأمها: داداتي هلوه. فاطمة وهي تضحك على بنتها: هذي داداتج.. أنا داداتي " و هي حاطه يدها على بطنها" هنيه... تعالي " و تمد يدها لبنتها. منى وهي معقده حياتها وتهز رأسها يمين و يسار بعدم فهم: هدي داداتج. فاطمة: ويه علي كل ماأقول داداه يابتلي هذي أم كشه. يت منى ويلست عدال أمها وهي تلعب وتضحك على كشت عروستها وتقول لأمها: شعرها هلوو ماماه؟ فاطمة وهي تضحك على بنتها: حشى لله... لاهي حلوه ولا يا صوبها بعد. ويوم أنها انتبهت أنه بنتها مافهمت شي قالت: شعرج أنت إلي حلوو. هنيه كشخت منى ضروسها : شعلي هلو. فاطمة: هيه فديت هالويه. أما نورة نزلت بتروح ويا أمها السوق...وبالتحديد لمحل أزياء في العين مول...ماباجي شي عن ملجتها...كانت تسوي كل شي وكأنها تتجهز لملجة وحده ثانية غيرها...ولولا أمها ماكانت بتسوي شي...إلا أمها شافتها ماعندها أي نيه تخيط فستان أو تسوي أي شي...فكان الحل جاهز...بأنها تروح وتختار فستان من هالمحل ويجروله أي تعديلات تباهن للفستان...نورة في هالفترة حاسه بضياع كبير...مرات تندم على موافقتها على أحمد...هي صح تحبه...بس كان السبب الأول لهالموافقه أنتقامها من حمدان...بس هل إللي تسويه صح...ومعقوله يكون أحمد متفهم ويتقبل هالأمر؟؟!!لأنها ثقتها كبيره فحبه لها...لكن كشاب خليجي إماراتي ممكن أنه يتقبل هالموضوع؟! اسأله وحيره تعيشها نورة...مرات لسانها يبى يزل وتخبر أمها بكل شي...بس شو بتكون النتيجه؟! أكيد أصرار أمها بزواجها من حمدان...مايحل المشكله إلا صاحبها...وصاحب هالمشكله حمدان...بس مستحيييل نورة تتقبل هالحال...لأنه مرفوض عندها رفض نهائي... العامله الشاميه: يالله حبيبتي شو ألتي فهالأصه نورة بحيره وبالها مب عندها: سوي أي شي أم نورة: قلت لج بفصلج ثوب وكندوره أبرك لج من هالكنادير المفصخه نورة تبتسم بحزن: ثوب وكندوره عاد أمايه! أم نورة:هيه شو فيها...يازين البنيه والله يوم تلبس ذيج الثياب الساتره نورة: أنزين غناتي أنا هالفستان أصلاً بيسوله تعديلات وايد أم نورة: شو بيرقعونه نورة: هههههه لا فديتج...بتشوفيه عقب التعديلات...ساتر والله أم نورة حايسه بوزها: ماأعرف شستره ومتشقق من كل صوب نورة: عقب بتشوفيه جى بيصير كان خاطرها لو فصلت نورة من هالبوتيك فبوظبي لأنها صاحبته من أعز ربيعاتها...وماشاء الله عندها مصمم توووب... رايه: هااااا شرايج بالفستان حصه بتفكير: مب جنه ضيج رايه: ههههههه لازم حبيبتي أشوفج قمتي ماتهتمي لوزنج حصه: أووووف أنصدمت أمس يوم شفت وزني...ياختي وايد زايد رايه: لأنج قمتي ماتهتمي حصه: لا والله أهتم...بس عاد شو أسوي فهالعزايم...كل يوم وحده من حريم العايله مسويه عزيمه... رايه: أنزين صح ذكرتيني...بصراحة أنا عتبانه عليج حصه: آفااا ليش؟؟ رايه: عنبوه أنا ربيعتج...والمفروض أنا تجدميني على الغير...بس ألحظ العكس حصه: ههههههههه عرفتج...أكيد تقصدي خطيبة ولدي رايه: هيه...عيل منوه غيرها...تروحي واتخيطيلها فمحل ثاني... حصه: والله حاولت وياها غناتي...بس هيه قالت بتخيط فالعين...عاد أنا مافيني من أولها أجبرها على شي هي هب مقتنعه فيه رايه: خلاص فستان الملجه سامحناج عليه...بس العرس كل معارفج من حريم أين هنيه حصه تبتسم: خلاص تم بعد ماظهرت من محل ربيعتها وهي فسيارتها أتصلت بأحمد: هلا والله بالمعرس أحمد: هههههههههه هلا والله مليوووووووووون لا مليااااااااااار ولا يسدن حصه: هاااا أشوفك ضحكت من قلت لك المعرس ولا هب مصدق بعدك أحمد: حراااام أستانس حصه: عسى دوم هب يوم إن شاء الله أحمد: أسمعج فالسياره حصه: هيه..الحينه رايحه البيت أحمد: تعرفي أمايه...أحس نورة هب طبيعية حصه: جي؟ أحمد: ماأعرف...بس أحسها غييير...يمكن أجبروها عليه حصه تبتسم بتعاطف: لا فديت روحك...نورة من نظرتي لها مب من نوعية البنات إلي يفرض عليهن الشي...نورة قوية...ومحد يقدر يجبرها على شي هي مب مقتنعه فيه أحمد: عيل ليش متغيره حصه: يعني تباها نفس أول تاخذ وتعطي وياك...البنت أكيد مستحيه منك أحمد: الغلا ماتقدروا تجدموا موعد العرس حصه: هههههههههههه حشى شو فيك جيه...من تملج عليها تراها حرمتك...لا تخاف مابتشرد عنك ومحد بياخذها غيرك أحمد: بس غير...أنا أبى أتزوج...أباها وياي...أبى أحسسها بأنها عندها سند وظهر تستند له فالأزمات...أبى أحميها حصه: الأيام تمر بسرعة...بيي هاليوم إللي تقدر تسوى كل إلي تباه أحمد: انزين أنا مابيي بوظبي هالأسبوع تراه حصه: وليش إن شاء الله أحمد: واحد من الربع بيعرس حصه: يوم الخميس أحمد: هيه حصه: تعال يوم اليمعه أحمد: يعني لازم أتعبيني حصه: يوم أنت ماتتوله لحد كل إللي هنيه يسألوا عنك أحمد: والله يدلوا بيتي...ليش مايون حصه: يدتك مافيها على الطريج تتعب أحمد: أم مايد دخييييلج...هب عليه هالرمسه...عيل بيت أحفادها فدبي تروح...شمعنى انا...ولا أنا ولد البطه السودا حصه: سودا فعينك أحمد: هههههههههههه والله ماأقصدج الغلا...بس صدج عند يدتيه ناس وناس حصه: هذيلا يوم تروحلهم إذا أستوت عندهم مناسبات وأنت ماأستوى عندك شي أحمد بمغايض: بيستوي إن شاء الله وجريب...بروح لها أنا وبشلها والله غصب طيب حصه: ههههههه حليلها ياأمايه...أنزين أنا بخليك الحينه...وهالله هالله بعمرك أحمد: سلمي على العيوز حصه: يبلغ ......... الأيام تمر ...باجي لهم هالأسبوع...والأسبوع الياي بيكون مزحوم بشكل فضييييع...أما هي صار لها شهر كل يومين فالصالون...لأنها بشرتها وايد تعبانه...فبستمرار هي فالصالون...زهره صح جمالها عادي...لكن مع هذا فيها وايد أشياء تميزها... ضحكت من الخاطر يوم شافت شعر أختها صالحة وكيف كانت قاصتنه: هههههههههههههههه أنتي مينونه...زين إن ماذبحتج أمايه على هالقصه صالحة مبوزه: والله ندمانه زهره: وشو ينفع الندم الحينه... صالحة بحزن أطالع قصتها المقصوصه وايد وبشكل عشوائي...على حسب نصح ربيعتها اللبنانيه...: ماااالت عليه...ولا منوووه يسمع كلام كارولين زهرة: كارولين مثلاً هالقصه تطلع عليها وايد حلوووه على شعرها الأشقر وبشرتها البيضى...بس أنت الشعر أسود والبشره سمرا وين تبي صالحة تحط أيديها على خصرها: منووه عاد قالج أن بشرتي سمرا أنا بيضى زهرة: هههههههههههههههههه شرات كارولين يعني صالحة: لا طبعا...أووووووووووف لا تزيديني قهر زهرة تحط كفيها على خدها: شرايج فبشرتي صالحة: شو بشرتج أول وشو الحينه....فرق كبيييير زهرة: ياختي هالحبوب مشكله...بس هالجلسات فادتهن صالحة: تعالي هنيه...عريس الغفله ماشفته من يومين...شالسالفه أحمرت زهرة من يابت أختها طاري محمد: شو أيبه ماشي شغل...وكل إللي عليه خلصه صالحة: يعني مافيه تركيب خيم وهالشغلات زهرة: تراهم راحوا عند مال الخيم وتفاهموا على كل شي...الأسبوع الياي بيركبوهن صالحة بدلع: يعني مابشوف منصوري زهرة بضيج: صالحووووه أستحي على ويهج...شو منصوري...ماحيده ريلج ولا من بقية أهلج صالحة حايسه بوزها: بيكون إن شاء الله زهرة: نصيحة لوجه الله...هالتصرفات إللي تسويهن صدقيني ماتقنع أي ريال بأنه يحترمج...فخلج سيده وحشيم وودري هالحركات صالحة: يالله إللي يسمعج جني مسويه مصيبه...منصور مابينتبه صوبي إلا إذا سويت جيه زهرة: ولا بيلتفت...بس أستمري على هالمنوال صالحة: فاااال الله ولا فالج...بينتبه وبتشوفي زهرة: أتمنى هالشي...بس مب بطريقتج هند توها تحدر الغرفة: أي طريقه صالحة: وأنتي شدخلج هند: كنت فالحوش ويا تورينا وجان أشوف جابر معصب يطالعني ويهازب عسب أدخل داخل...تصوري منووه وياه صالحة بفضول: منوووه؟! هند: منصور ... ماأعرف وجنه شال أجياس صالحة فاجه عيونها على الأخر: والله منصور هنيه ومن قالت هالكلمتين ظهرت من الغرفة تربع على أمل أنها تشوف منصور...ومن ظهرت نقعت هند ضحك على أختها... زهرة تضحك: قصيتي عليها! هند: هههههههههههههههه هيه زهرة: ينفع والله أنلقبج مسيلمه الجذاب هند: هههههههههههه جذبه بيضى زهرة: ههههه فعينج أنزين...كل الجذب نفس الشي هند: خليها تتأدب...حشى ماشفت وحده مستلغثه شراتها...والله لاعت جبدي من تصرفاتها زهرة: عيل وين تورينا؟ هند: راحت تساعد روز فالمطبخ زهرة: وشو علمتج اليوم؟؟أخاف بس بعد سنة تنسي الرمسه العربية وتقومين ترطنين أندونيسي هند: ههههههههههههههه هيه علشان يوم أبى أشرد من البيت على طول على أندونيسيا...وعندي قاعده أستند عليها زهرة: ههههههههه قسم بالله خبله هند: معلومه جديمه...ماقلتي شي يديد"وهي تبى تظهر من الغرفة" بروح أنخش فمكان...لو شافتني صلوووح زين إن ماجتلتني زهرة: هههههههههههههههههههههه عيل تلاحقي على عمرج ......... خلصت كتابت البيانات المطلوبه منها علشان أتظهر خط يديد بعد ماكنسلت الأولي... الموظفه تبتسم: هاااا شرايج بالرقم اليديد مب أكشخ من الأولي نورة تاخذ الظرف إللي فيه الخط: مب مهم كشخه ولا مب كشخه... الموظفه: أونج عاد مب مهم...عيل شمعنى أتصلتيبي أدورلج رقم"تغمز" نورة تبتسم: ربيعتي وأبى أدلع عليها الموظفه: وربيعتج ماتذكريها إلا يوم تبين منها شي نورة: فديتج والله مشغوله الموظفه: كلنا مشغولين...بس على الأقل نسأل نورة تحط أيدها على أيد ربيعتها: المهم الروض أنتي معزومه على ملجتي نهاية هالشهر الموظفه مصدومه: ملجتج؟! نورة من تحت انقابها تبتسم بحزن: هيه ملجتي...وبزعل منج والله لو ماحضرتي الموظفه: وأخيراً قررتي تكملي نص دينج نورة: يالله شو نسوي هذي الدنيا...مصيرنا إلا بنتزوج الموظفه: تعرفي أنا ماأبى أحبطج...بس الزواج ماوراه إلا عوار الرأس...أسئلي مجربه نورة: ههههههههههه أصلا أنتي متى مدحتي الزواج الموظفه: هيه صدج...شي وراه غير ويع الرأس وحشرت العيال...وأبو العيال كل يوم والثاني زعلان...طفرت والله نورة تنش: أنزين روضه نهاية هالشهر أترياج الموظفه: آفاااا عليج كم نورة عندنا بعد ماودعت ربيعتها ظهرت من القسم إللي مخصص للنساء...والأتصالات زحمه كالعاده...وهي هالمكان بالذات ماتحب أتييه من كثر الزحمه... فهالحظه كان حمدان ظاهر من مكتبه بعد مامل وقال بيتمشى شوي في المبنى...لمحها رغم بعد المسافة ممبينهم...ورغم النقاب قدر ايميزها من بين الكل...كانت فهالحظه تنزل من الدرج..."معقوله نورة هنيه؟!" ويوم أدارك الموقف مشى بسرعة صوبها...من يوم موقف الكراج ماشافها...صح روحاته لبيت عمه قلة مب شرات أول...لكن يروح ماقطعهم...وهو متأكد أنه مستحيييل نورة تظهر له ويشوفها... أول ماظهرت وشويه أبتعدت عن المبنى وبتجاه سيارتها سمعت حد يزقرها...في البدايه ماقدرت أتميز الصوت...لكن يوم زقرها للمره الثانية تذكرت الصوت وصاحبه...صوت ماتتمنى تسمعه أبداً...ألتفتت برعب أطالع وراها كان حمدان يمشي بسرعة وتوه ينزل من الدري إللي برع...حست بقشعريره فجسمها وزادت من سرعة مشيها وحاولت ماتربع لأنه بيكون شكلها غلط وهي تربع فهالمكان العام...وصلت سيارتها وبأصابع مرتجفه فتحت باب سيارتها وبسرعة شغلتها...كان وايد قريب منها وشكله كان يناديها بس هي لفت من الصوب الثاني وراحت... أما حمدان وقف مقهور مكانه...كان خاطره يرمسها...بس شكله مافيه طريقه...وبتفكير قال أكيد يايه الأتصالات تكنسل خطها الأولي وتاخذ واحد يديد..."بس وين بتروحي يا نورة أنا وراج وراج" حميد: ههههههههههههه ياريال أستحى على ويهك فمكان عام تلاحق بنيه حمدان: بسم الله الرحمن الرحيم...من وين طلعت أنت حميد: هههههههههههههههاي أونه مستقيم ومب مال هالحركات...والله وطلعت حية من تحت تبن حمدان: جــــــب أنزين حميد: هههههههههه ويوووووو كشفنااااه حمدان بضيج: هذي وحده من الأهل ويا هالويه حميد يمشي عداله...وبخبث: متأكد إنها وحده من الأهل...عيل ليش يحليلها شردت حمدان: المهم هذي وحده من الأهل...وبعدين وين كنت تراقبني حميد: فسيارتيه حمدان: ممكن أعرف متى بتغادرنا بحفظ الله إلى بوظبي تجابل هالأسهم حميد: ياخي مانزلوهن السوق...يوم ينزلن خير...خلني أستانس بإجازتي حمدان: استانس بس عاد من كل يوم ناط لي فالدوام حميد: فهالوقت ماعندي شي...وأمر عليك أونسك شوي...أعرفك تبى رفقه فهالوقت حمدان: ههههههههههه وياك أنت! مابى بصراحة حميد: ودك أنت بس...حمد ربك أعطيك من وقتي الثمين...أستغل هالفرصه الذهبية قبل لا ابدأ الشغل...تراه مابتشوفني حمدان: ياخي أنت مصخره حميد: انزين...أنيي للمهم...نتغدا رباعه؟ حمدان: لا مشكور غداي في البيت حميد: أنسى غدا البيت...عندي لك مشرووع أما أيييه حمدان: ههههههه مشروع يديد...ياخي ابدأ بالمشروع إلي الحين...بعدين فكر فغيره حميد: هالمشروع مضمووووون مليوووون فالمية حمدان: أسف...كل إللي حيلتي عندك حميد يغمز: علينا هالرمسه...أنا حميد حميد أكثر واحد يعرفك حمدان: بصراحة عندي شوي...بس مب مستعد أغامر بكل إلي حيلتي حميد: تاجر مب غامر..."يضرب صدره بكفه" أتكل على الله وخلى ثقتك فيه...وبتشوف حمدان بتفكير: ندرس هالمشروع ........ "يالفضيحة" قالتها أم نورة بعصبيه نورة منسدحه على شبريتها: دخييييلج أمايه أنا ماأقدر أروح...والشي هب غصب أم نورة: لا غصب بتروحي...عنبوه هذا ولد عمج مب حد غريب نورة: أنتي تكفي وتوفي أم نورة: نوير بتخبرج أنتي شو فيج نورة تعدل يلستها: مافيني شي...بس عرس مابروح أم نورة: بتروحي نورة تترجى أمها: والله أمايه ماأقدر أروح...مالي نفس أروح عروس أم نورة تهدى شوي: حبيبتي هذا ولد عمج...وبوحمدان بيحط فخاطره إن مارحتي عرس ولده نورة: إلي يسمعج جنهم مهتمين وايد رحنا عرسهم ولا مارحنا أم نورة: وابوي نوار شو هالرمسه...وليش مايهتموا نورة بعصبيه: لأنهم فوووق الست سنين ماأهتموا إذا نحن عايشين ولا لاء بيوا الحينه يهتموا أم نورة بستغراب من أسلوب نورة: لا أكيد فيج شي...أنتي مب بنتي إلي أعرفها نورة تستغفر ربها فسرها: سامحيني أمايه والله مب قصدي...بس صدج مابى أروح عرسهم أم نورة: إذا مب علشان خاطر عمج...علشان خاطريه أنا نورة اتغمض عيونها بضيج: أمايه تجبريني على شي ماأباه أم نورة: لأنه واجب غناتي...وفضيحه فحق عمج ماتحضري عرس ولده نورة: أنزين ماعندي فستان حق العرس أم نورة: نوير شو هالحجة بعد؟!أحيد كبتج الفساتين مصفوفه صف نورة تبتسم بإستسلام: هزمتيني أم نورة: الله يرضى عليج صح محمد ماغلط فحقها...بس حتى لو ماكانت تبى تحضر عرسهم...ماكانت تبى ولو فرصه صغيره بأنها تقابل حمدان...لأنها متأكده بأنه بيستويلها شي...طالعت تلفونها بضيج...مامر يومين من سوت رقم يديد إلا وياينها أتصال منه...نست أنه يشتغل فالأتصالات...وفيه أمكانية كبيره بأنه ياخذ رقمها...بس لو شو مابترد عليه...مستغربه هي الحين من جرأته بعد كل إللي سواه عنده ويه يلاحقها... يال ويا اليويله لين ماقال بس...يااااااه من زمان مافرح جيه...هذا أخوه التوأم وأقرب الناس له...صح مب قريب لهدرجة...لكن مع هذا الأقرب...لأنه منصور رغم روحه الطيبه والمرحه ماعنده ربيع قريب منه وايد...عنده ربع...بس قريب منه ماعنده...كل مايلتفت يدور المعرس بعيونه يشوفه كالعاده واقف ويا الشواب وشكله مجبر يوقف وياهم وشكله محرج..."حليلك يامحمد...متى بتكون لك شخصيتك الحره إلي تخليك تقدر تتصرف على كيفك" منصور اليوم أحساسه غير عكس يوم كان عرس حمدان...ماحسه أصلا عرس...لأنه ماشي ربشه شرات هالعرس...بسبت قلة المعازيم...ولأنه كان العرس ففندق...لا هم عندهم أهل ويوقفوا وياهم...ولا أهل العروس عندهم أهل...فكان عرس هادي...يوصل لدرجة الملل... ألتفتت يطالع حمدان...وشرات ماتوقعه...واقف هو وربيعه السوسه حميد...وداق سوالف وياه...وإلي يشوفه مب كأنه هالعرس عرس أخوه... منصور من يوم يومه مايرتاح لحميد...وهالشعور مب من فراغ...لأنه يعرف حميد زين...إنسان لعاب...إنسان مغامر درجة أولى...وأكثر شي يستغربه منصور كيف حمدان يرابع واحد شرات هذا...حمدان الإنسان الجدي الناجح...!!! شاف مجموعة من الشباب يشتغلوا وياهم فالسويحان فراح يستقبلهم... أما فخيمة الحريمة...كان الجو مشابه للي عند الريال...ربشه وزحمه...وخوات العروس من وصلن الخيمة مايلسن...وبالذات صالحة إللي ترقص من أغنيه لأغنيه... وفأقرب طاولة للكوشه كانت يالسه نورة...رغم الجو الإحتفالي الحلووو إلا أنها تحس بضيج...وتعبت من كثر ماترسم إبتسامه على شفايفها مب نابعه من أعماقها...إبتسامه علشان محد يفهمها غلط...وبالذات لأنها حرمة عمها يالسه عدالها وكل شو تتسألها "ليش فديتج صاخه؟؟سلامات غناتي فيج شي؟؟تعبانه؟؟" وتحاول تبين لها العكس وأنها مافيها أي شي... يوم حطوا العشى ونورة حطت فصحنها وصحن أمها وعمتها لكن من دون ماتصك شي منه...شافت البنت إلي كانت ترقص...أنبهرت نوره بجمالها...والفستان الأحمر طالع عليها يخبل مع التسريحه إللي تتخللها خصل حمر..."أستغربت نورة منها وكيف كانت أطالعها" صالحة تحب أم حمدان على خدها: شحااااالج عمووووه أم حمدان: يسرج حالي غناتي....ههههههه ماتتعبين صالحة ونظراتها على نورة: عمووووووه "قالتها بدلع" يوم ماأرقص فعرس ختيه عيل فعرس منووه برقص...ماعرفتيني"وهي تأشر برأسها صوب نورة" أم حمدان أنتبهت لصالحة ووين تأشر...فحطت أيدها على ظهر نورة وهي تبتسم: هذي نورة بنت أخو ريلي صالحة بصدمه: بنت أخو عميييه بوحمدان؟! أم حمدان: هيه نعم بنت عم عيالي...شرايج فيها مب حلوووه فديتها نشت نورة تسلم على صالحة إلي كانت مصدومه من هالمعلومه اليديده...كان فكر صالحة يروح بأنه فيه منافسه يديده وقويه ظهرت على الساحه...حست ساعتها بقهر مابعده قهر...بالذات بعد مايلست على نفس الطاوله علشان تعرف منافستها اليديده...ولاحظت كيف كانت أم حمدان مهتمه فيها...حتى لدرجة أنها حست أنها تهملها وحاطه كل إهتمامها ببنت عم عيالها "الحلوووه"!! على الساعة 10 ونص أطفأت الأنوار في الخيمه ماعدا نور ينور الممر إللي مشت منه العروس على موسيقى كلاسيكيه رومانسيه...زهرة عاديه...بس اليوم غيييير...عروس لازم تكون غير...كانت مميزه فعلاً...سواء من ناحية الفستان الأبيض الرائع أو الميك آب الرهيييب...أو أبتسامتها الهاديه الجميله...كل شي فزهرة هالليله غييير... رغم هدوئها الظاهر وثقتها وهي تمشي جدامه هالعيون الكثيره المركزه عليها...إلا أنها فداخلها أرتباك وخوف كبير ورهبه من الموقف بحد ذاته...مرت عدال هند إللي كانت تصور بكاميرتها الخاصه...غمزتلها بشطانه...أتسعت أبتسامة زهرة أول ماوصلت للكوشه"أخيراً بتيلس" لأنها تحس أنه ريولها مب شالتنها من الأرتباك... طبعا أول مايلست أنهلت عليها جيوش من الحرمات المهنيات...إللي تعرفهن وإللي ماتعرفهن وماقد شافتهن...بعد ماخفت الزحمه شافت حماتها "أم حمدان" وبصعوبه تحاول ترقى وتيي صوبها...كانت طبعا صالحة إللي ميوده أيدها وتساعدها...ففترة مضت أعتقدت أن حب صالحة لمنصور مجرد حب مراهقه وبينتهي...لكن صالحة الحين فسن العشرين...ولاتزال متمسكه بهالحب والأمل...ويمكن ترجع محاولات صالحة في التقرب من منصور بسبت ربيعاتها المتحررات شوي..."ماقول غير الله يوفقها وينولها مرادها" ماحست إلا بقرصه على ظهر كفها...صالحة تضحك بصوت واطي: ريلج بسبت هالفستان ماأوصلها...بس أيدج تأدي الغرض زهرة تبتسم رغم أن القرصه عورتها: لا تفرحي وايد...إذا تبي تلحقيني لازم قرصه فالريل صالحة: هههههههههه عورتج زهرة بصوت واطي وهي أطالع كفها المحمر: هيه ويا هالويه صالحة: شفتج سارحه قلت أنبهج زهرة: عيل وين عمتيه أم حمدان صالحة تغمز: شو تبيها تيلس عدالج...تراه سلمت ورديتها مكانها...الحينه وقبل لا يحدر المعرس برقص رقصه مخصوصه لأحلى أخت فالدنيا وأحلى عروس"تعطيها بوسه على الطاير" فديتج والله راحت صالحة وطرشت وحده من بنات يرانهم الصغار تخبر الفرقة إللي ورى الحاجز يغنوا أغنيه معينه...ويرت وياها هند وتمن يرقصن على أنغام هالأغنيه...وكل ماتمر عدال نورة أطالعها بنظره حارقه...لحد الحينه نورة ماقدرت تفسر هالنظره!! بعد محاولات مستميته من منصور وافق محمد يحدر خيمة الحريم...حسد منصور وجابر إللي كانوا يمشوا جدامه وايولوا ومرتبشين ويا الأغنيه عكسه هو إللي كان يحس بأرتباك كبير...وكل مايقترب من الكوشه وعينه على الفستان الأبيض والطرحه إللي مغطين ويها وملبسينها عبايه وكانت دقات قلبه تتسارع... تخبلن البنات على المعرس وأكثر على أخوه التوأم إللي كان يلفت الأنظار صدج...منصور ماأقترب من الكوشه بس تم أيول هو وأثنين من اخوان العروس بعيد شوي...صالحة لبست عبايتها وحطت الشيلة على شعرها بس ماتغشت على أمل بأن منصور يلتفت صوبها...لكن منصور كان حشيم حاول قدر المستطاع مايلتفت صوب الحريم... أبتسمت نورة من خاطرها لمحمد...من يوم هي ياهل كانت دوم تقارن ممبين هالتوأم وحمدان إللي كان مختلف عنهم كل الأختلاف...يتها فترة وهي صغيره أنها تعجب بحمدان...لأنه كانت شخصيته قويه ودوم مسيطره...لكن بعدين أكتشفت أن هالشخصيه أنانيه درجة أولى...عكس محمد ومنصور إللي كانوا مثال للطيبه والإيثار...فكانوا مقربين منها هي وأختها...تمنت لمحمد الخير والله يوفقه ويا عروسه إللي من ويها يبين إنها إنسانه طيبه... خلص العرس...محمد وعروسه على طول توجهوا صوب دبي علشان بالباجر بيسافروا...منصور وجابر جدام...ومحمد وعروسه ورى... أما نورة وأمها فراحن ويا بوحمدان إللي يايات وياه أصلاً...لأنه بوحمدان رفض أن نورة تسوق سيارتها لين بوظبي وترد فوقت متأخر هي وأمها بس...ففضل يشلهن هو...أم نورة رقدت طول الدرب للعين ونفس الحال أم حمدان...أما نورة فزخم الأفكار ماخلت عينها تغفي...بس يوم شعل عمها قرآن بصوت السديس حست براحه كبيره...وحاولت تصفي فكرها وتلغي أي أفكار سوداويه كانت تجول فبالها... أنتبه بوحمدان أنه نورة مب راقده وابتسم لأنه فيه حد عنده صاحي...: مارقدتي؟ نورة أنتبهت لعمها: لا ماأعرف أرقد في السياره بوحمدان: هههه ماأعرف جي هذيلا راقدات وعلى سواقتي أنا عاد نورة تبتسم: حليلهن تعبانات بوحمدان: عياييز ماينلامن نورة: هههههههه لا عاد عميييه أمايه بعدها شباب بوحمدان: هههههه دافعي أنتي عن أمج نورة: هيه والله أمايه فديتها صغيرونه بعدها بوحمدان: أنزين بنيتي تراه ماباجي شي عن ملكتج شخبار التجهيزات نورة تبتسم بحزن: والله تمام كل ماتتذكر هالسالفة تحس بحزن كبير وخوف أكبر...معقوله أحمد بيتقبلها وهي جيه حالتها...يوم وافقت عليه مافكرت فيه هو...فأحمد...فالإنسان إللي بترتبط فيه حياتها...هي تحبه ومتأكده بعد من مشاعره اتجاها...لكن هل من حقها تفرض نفسها عليه وهي جيه حالتها؟! وهل يعتبر إللي سوته تصرف أناني منها؟! والهدف الأساسي أنها تنتقم من حمدان وتبين له أنها ترفضه وتفضل غيره عليه...نورة فعلاً فحيره من أمرها... ...... الساعة وحده ونص وصل بيتهم فبوظبي بعد ماتمشى على الكورنيش نص ساعة...وكالعاده لقاها يالسه تترياه هي وصلت قبله البيت... أحمد يبتسم بتعب: السلاااام عليكم حصه: وعليكم السلام..توه الناس أحمد: متى وصلتي؟ حصه: من الساعة 12 وأنا في البيت أحمد: وليش مارقدتي حصه: أتريا ولدي أحمد ييلس عدالها وبستهبال: أي واحد فيهم حصه حايسه بوزها: الأهبل إللي جدامي الحينه أحمد: آفاااا أنا أهبل حصه: أهبل ونص بعد...عنبوه ياي من العين على طول رحت العرس وباجر بترد العين...أبى أيلس وياك أخذ علومك أحمد: لا جديد حصه: لا والله أحمد: فديتج والله...علشان خاطرج أنتي بس باجر مابروح العين...إن شاء الله يوم السبت الفير بروح حصه تبتسم: هيه إذا جيه ماعليه...بس وين كنت كل هالفترة؟؟ومتى ظهرت من العرس؟؟ أحمد: من دخلوا محمد خيمة الحرييم على طول ركبت سيارتيه ورحت حصه: وين؟! أحمد: أتحوط حصه: انزين وين أحمد: هههههههههه تحقيق حصه: يالله خلني أتمتع بهالحق الحينه...بعد ماتملج عاد بيكون من حق حرمتك أحمد: يالله متى بيي هاليوم حصه: قريب غناتي...وبــ أحمد قطع رمسة أمه بلهفه: شفتيها حصه تبتسم: أكيد شفتها ويلست وياها على نفس الطاوله أحمد يود أيدين أمه الثنتين وبرجى: دخييييييييييلج الغلا وصفيها حقي دخييييلج حصه: لا فديتك مايوز أوصفها وبعدها ماصارت حرمتك أحمد مبوز: انزين تراها إلا بتصير حرمتيه على سنة الله ورسوله...يعني مابيصير شي لو وصفتيها...خاطريه أعرف ملامح ويها حصه: ناعمه أحمد شاج الحلج: هيه وبعد حصه: لا والله ماقولك أحمد: عيل بالله عليج هذا وصف أونه ناعمه.. حصه: هههههههههههه تعرف شي...يالله قم رقد أحمد: لا مابى أرقد...ساهر صباحي اليوم وياج حصه: هههههههههههههه قسم بالله تضحك...شفت عيونك جى غاديات...جنك من سنة مارقدت أحمد: لأني أمس مواصل مارقدت حصه: وليش إن شاء الله مارقدت أحمد: ماأعرف أمس حسيت بنشاط غير طبيعي وماياني رقاد...فاتصلت بواحد من الشباب ورحنا المبزره حواطه بالسياره لين وحده بعدين نزلن وسبحت فالمسابح إللي برع...الجو أمس فالعين فنان حصه: ومارقدت !! أحمد: عاد بعد ماصليت الفير رقدت ساعتين واتصل فيه عماد يباني أروح وياه الصناعيه حصه: عيل يالله نش رقد... أحمد وبصعوبه فاج عيونه: جى ماأرقد هنيه حصه: يالله يالله جدامي "وقفت وزخته من أيده علشان يوقف" الله يعين هالنورة عليك أحمد يبتسم والنعاس طاغي على ويهه: فديت هالطاري أنا والله حصه: ههههههه الله يكون فعونك أنت بعد ياكثر ماتستانس حصه يوم يكون فبيتها واحد من عيالها وبالذات أحمد إللي بعده الوحيد أيها ويتم وياها يومين فالأسبوع...مب شرات عيالها الكبار إللي من عرسوا نادر مايوها...رغم إنهم فبوظبي وبيوتهم قريبه منها...أكثر شي يحزنها ويشعرها بالوحده أنتقال أحمد للعين...بعد ماأنتقل حست بوحده فضيعه...يمكن الشي الوحيد إللي يسليها وتضيع فيه وقتها ووحدتها شغلها فشركتها...أصعب شي يوم الإنسان يكبر وأطفاله إللي تعب عليهم يكبروا وياه...ويتزوجوا ويستقلوا بحياتهم ويبتعدون...شرات العصافير من تكبر أطير من العش إللي ضمها...ويبنون أعشاش مستقله بروحها... ........ كان يبتسم ويحج رأسه مب عارف الطريقه إللي يوعيها فيه...أو بمعنى أخر يشعر بأحراج...مب متعود أنه ينش من نومه ويحصل شعر طويل على أيده...كانت قريبه منه وايد...أتسعت أبتسامته يوم تذكر نصايح توأمه أمس فنفس الوقت إللي كان جابر واقف ويا أخته فزاويه من غرفتهم فالفندق وينصحها وهي كانت الدمعه على خدها..."ههههههه إللي يسمع منصور ينصح جنه خبره" تحركت شوي..."شكلها حست فيه!!" لكن للأسف هدت حركتها وشكلها ردت ترقد..."يالله ماشي وقت عن الطايره لازم أوعيها" نزل من الشبريه وراح الصوب الثاني إللي كانت صاده صوبه...أقترب من ويها إللي ظاهر من البطانيه...أول مره يشوفها بهالوضوح وهالقرب من دون مكياج أو أي شي ثاني...ويها وهي راقده رقيق بشكل ماقدر يوصفه محمد...أبتسم بخبث وهو مركز على ويها القريب منه وقرب أيده من خشمها وزخها على الخفيف...تضايجت شكلها فخشت ويها داخل البطانيه..."لا عاد زودتها هذي" ير البطانيه بدفاشه عن ويها لين نص جسمها...وبسبت هالتصرف فجت عيونها بصدمه وفزع...: شو صار؟؟؟؟؟!!!!!! محمد ندم على هالتصرف: ماشي بس ماباجي شي عن الطايره زهرة أحمرن خدودها بأحراج وهي تير البطانيه وتضمها: جم الساعة الحينه؟! محمد "ههههههه قسم بالله إني خبل": عشر وربع "أخ نسيت" صح صباحيه مباركه زهرة صدج ويها أحترق: الله يبارك فعمرك...وأنت بعد محمد: الله يبارك فعمرج يلس على الشبريه عدالها وهو يطالعها ويبتسم"أستغرب هالجرائه إللي يته فجأه"لكن شكلها وهي ناشه من رقادها وايد حلووو...وبالذات وهي ميته مستحى منه...محمد فحياته ماقد حب...بس الحين هو متأكد أنه بيحب حرمته...قبل العرس يوم شافها أول مره ففترة الخطوبه ماكان متقبلنها لين هذاك الزود...بس الحين شعوره أختلف...زهرة فنظره حلوووه...وفوق هذا كله هو متأكد أنه قلبها أحلى... زهرة أطالعه بأحراج: ليش أطالعني جيه محمد: حرام أطالعج؟! زهرة: لا بس يــ محمد قطع رمستها: عيل خلاص دامه مب حرام خليني أتمعن فملامح حرمتيه زهرة: والطايره محمد: بعدنا ساعتين ونص لين مايي وقتها زهرة: انزين قوم تسبح...ماشي وقت محمد: أحم زهرة أنتي وايد حلووه زهرة أطالع البطانيه بخجل: أنزين محمد: وأنا معجب فيج وايد....لالالا مب معجب بس... أنا أحبج زهرة: هههه "من الأحراج مب عارفه شو تقول" أنزين حتى أنا محمد بوناسه يود أيدها اليمنى إللي كانت زاخه فيها البطانيه ويرها وضمها لصدره: والله زهرة: والله محمد: فديتج أنا والله "نش من على الشبريه وغمز لها" بروح أتسبح ........ وهم يغسلون أيديهم بعد الغدا في المغاسل أنتبه عمر لشعر أخوه إللي كان مب لابس شي عليه...: بوشهاب عيل وين شعرك أحمد يطالع نفسه على المنظره ويمسح على شعره إللي حالقنه واحد...وجنه أصلع: أكشخ الحينه عمر: ياريال ليش حلقته كنا نتفاءل به أحمد: هههههههههه كبرنا على هالحركات عمر: أونه من متى هالرمسه أحمد: من الحينه...يابوك أسبوع بالكثير وبنملج...فضيحه مربي هالشعيرات عمر: أنزين بتخبرك هالعروس ماقد شفتها أحمد: هيه أشوفها كل يوم في الدوام عمر: لا مب قصدي في الدوام...يعني ماتعرف شكلها ملامحها؟ أحمد: مب مهم...بعد أسبوع بعرف كل إللي أبى أعرفه عمر كفخه على ظهره: ياواااااثق أحمد بعد ماظهروا من المغاسل وراحوا الصالة: بس تعرف حاس بضيج رغم إني مستعيل على هالزواج...وأعد الأيام عد...بس ماأعرف ليش حاس بضيج عمر: يالله أنت أتكل على الله وإن شاء الله بتتيسر الأمور أحمد: هيه صح ذكرتني...شو سالفتك ويا روضه عمر: ياخي لا تييب لي طاريها أحمد: آفااااا روضه ماتبى تسمع طاريها...شو صار عمر: صلاحيتها أنتهت أحمد: أستغفر الله رب العظيم...شو هالرمسه عمر!! عمر: ياخي أذتني بشكها...وأنا بصراحة مب ناوي أغير أسلوب ونمط حياتي إللي تعودت عليه علشانها أحمد: بس ياخويه تذكر أنك ريال متزوج وعندك عيال...يوم ماتفكر فهالمسكينه فكر فعيالك على الأقل عمر: عيالي وأمهم عايشين مب ناقصنهم شي أحمد: وتعتقد هذا يكفي! عمر: يكفي ولا مايكفي لأني بصراحة ناوي على الثانية أحمد بصدمه: تتزوج على روضه عمر: هيه نعم...منوه روضه يعني بييب عمتها أحمد: عز الله خرفت عمر: برايني خرفت ينيت...بعرس بعرس أحمد بتشكك وبصدمه: أنت الحينه تمزح ولا ترمس جد عمر يفج التلفزيون: أعرف المها مب فخاطرك...وبصراحة تعيبني من يوم يومها...بس عاد يوم شفتها متعلقه فيك وماتشوف حد غيرك قلت ماشي أمل...بس بما أنك الحينه بتاخذ غيرها...ناوي أرمس عمي فالموضوع أحمد: هههههههههههههههههه عمر معقد حياته: ليش تضحك...؟؟!! أحمد: أنت صدج أنك مينون...وتعتقد أن عمي بيوافق أيوزك بنته... ماشي عقل الحمد لله والشكر عمر يتآفف: بحاول أحمد: محاولاتك فاااااااشله مليوون فالمية عمر: ياخي والله يائس...شور عليه أحمد: حط الرحمن فقلبك...ورد حرمتك البيت...تراه والله مابتلقى وحده تحبك شرات روضه...عنبوه هذي روضه إللي تموت فالأرض إللي تمشي عليها عمر: ياخي تغيرت...مب روضه إللي أول...أربعه وعشرين ساعة ويا عيالها...وأنا أخر أهتماماتها أحمد: أنزين قول حق أمايه ترمسها بما أنها عمتها...هي بتعرف تتفاهم وياها عمر: ضربتها "قالها بإحراج" أحمد: ضربتها؟! عمر: والله ماكان قصدي...بس هي أستفزتني أحمد: آفااا آفااا ياخويه ماتوقعتها منك والله...تضرب أم عيالك...كيف هانت عليك تمد أيدك عليها عمر: ياخي غلطه وحاولت وياها بس رأسها يابس...فقلت أقهرها بحرمة ثانية أحمد: وتصحح الخطأ بخطأ أكبر عنه عمر: الحينه من أسبوع ونص فبيت أهلها...أتصل فيها ماترد عليه...أطرش لها خوانها نفس الشي...شو الحل أحمد: الحل طرش أمايه تتفاهم وياها...وإن مانفع روح لها أنت بنفسك...وخلى فبالك روضه أم عيالك وأنا متأكد أنك تحبها وماظن تبى أدمر كل إللي ممبينكم بسبت شي مايسوى عمر أبتسم: تصدق البيت من دونها مايسوى والله أحمد: ههههههه هذا إللي من شوي يبى يتزوج ثانية عمر: من القهر والله أحمد: لا قهر ولا هم يحزنون...روح وراضاها بكماً كلمه"يغمز له" الحرييم قليلات عقل أي شي حلووو يرضن بسرعة عمر: ههههههههههه إن شاء الله يابوك ........ طالع منى بقهر...وهي أطالعه بعدائيه...وفأيدها نص قطعة كيت كات طبعتها على كندورته البيضى...فهالحظه تمنى يعطيها كف محترم لولا وجود أم نورة... أم نورة بضيج زخت منى وهي تزقر البشكاره: سوزان سوزان سوزن وهي توايج من باب الميلس: شو ماما أم نورة: تعالي شلي هالبزيه منى ماده البوز شبر وهي بعدها أطالع حمدان بنظرات عدوانيه: ماهبك حمدان "أنا عيل إللي أموووت فيج ويا هالويه": ليش عاد منى: سرير حمدان: آفاااا أنا الشرير...منوووه الحينه سوى هالطبعه الحلووه "يأشر على الشوكلاته المطبوعه على كندورته" هاااا منووه منى تظهر لسانها: أنا حمدان: زين إنج أعترفتي بغلطج أم نورة ترمس سوزن: شليها يابوج عند أمها ظهرت سوزن وهي شاله منى المتضايجه... رغم إنه ماباجي شي على ملجة نورة...إلا أنه بعده على أمل كبير تغير رأيها...يعرف أنه تصرف نورة كله عناد فعناد...وأكيد بيرجعلها صوابها وبترفض هالزواج...تمنى يشوفها لأنه فعلاً مشتاق لها من الخاطر...من يوم إللي صار إللي بينهم ماشافها إلا من بعيد... أم نورة: عيل مااتصل محمد فيكم حمدان: أتصل أم نورة: شحاله فديته وشحال حرمته؟؟ حمدان: والله الحمد لله...مستانسين أم نورة: إن شاء الله دوم ويردهم البلاد بالسلامه ماكانت تعرف بوجوده...كانت توها ظاهره من المطبخ يوم ألتقت عيونها فعيونه...يبست مكانها من الخوف...هو أبتسم "يااااااااه ياكثر ماتمنى يشوفها" بس كره نظرت الرعب فعيونها...مشى بإتجاها وهو يتأمل ملامحها...حست من الرعب بشوفه أن ريولها مب قادرات يحملنها فتساندت على باب المطبخ... حمدان يتأمل ملامحها بشوق: شحالج بنت العم؟! نورة ولا حرف ظهر من بين شفايفها...إلا نظرت الخوف إللي يخالطها الإشمزاز منه... كان متأكد أنه محد يشوف ويهه غيرها لأنه أمها كانت توها تظهر من الميلس يوم قاللها بصوت واطي هي ماسمعت منه شي إلا فهمت من حركت شفايفه وهو يقول "أحبج" كانت أحاسيسها فاللحظه متلخبطه كراهيه على إشمزاز على حقد على حزن...أبتسم بسخريه: سي يووو سووون سووويت هاارت ظهر من البيت وهي بعدها واقفه مكانها ودمعه محجوزه تستعد للنزول إلا أنها تجاهد تتماسك وتكون أقوى من جيه لأنها أمها واقفه عدال الباب الزجاجي أطالعها بإستغراب.. أم نورة: نورة؟! نورة بصوت بالكاد مسموع: شو أم نورة: شو فيج ؟؟!! نورة قاومة كل هالمشاعر والرغبه فالبكاء: ماشي فديت روحج...تبي عصير أم نورة: لا فديتج مابى الحينه بروح أصلي العشا حمدان من ظهر من بيت عمه ركب سيارته...شغلها ومن دون هدف تم يتحوط فشوارع الحاره...ماكان يتصور إن نورة حالتها جيه...ضاعفه بشكل ملحوظ ويبين عليها أنها مريضه..."شو من البشر أنا أسوي ببنت عمي جيه" شغل الأف أم سمع أغنيه ماتعيبه فبند الراديو بسرعة..."بس تستاهل إللي ياها" __________________ "بأي حق ينقلج" قالها أحمد بعصبيه نورة من دون ماترفع رأسها وأطالعه كانت ترتب أغراضها: بحق أنه المدير أحمد: أنزين ليش نورة: والله ماأعرف... سميحه هي بعد متضايجه لأنه نورة بترجع لقسمها الأولي...فتمت ساكته تراقب الوضع...ومزاج أحمد المتكدر... نورة تشل مجموعة ملفات وتحطهن على مكتب أحمد وهو يطالعها بقهر: هالملفات عاد عليك تخلصهن أحمد: هب مشكلة...أنا بتفاهم وياه هذا سميحه بصوت واطي: وهو أنت ناوي تحاربه أحمد ألتفت صوبها: شو؟ سميحه: ماأولتش حاجه "طنشته" أسعدك نورة: إذا تقدرين...دورت بابو بس ماحصلته أحمد: ويت شوي بتصلبه...جنه إلا تحت أتصل ببابو أيي مكتبهم...أستغرب الكل من القرار برجوع نورة لقسمها الأولي بحجت عندهم نقص بالذات بعد ماولدت سلوى وبتغيب عن الشغل لفترة..."ماعليه ماباجي إلا القليل وبخليها تودر هالشغل من الأساس لا فلاحوووه ولا غيره يروم يتحكم فيها" قرر يحاول يقنعها تفنش من الشغل بعد مايملج عليها...صار مايقدر يستحمل أي نظره من أي ريال موجهه لنورة...وكأنه يقول هذي ملكي ومايحق لأي شخص ثاني يشوفها...حتى المراجعين قام يتعامل وياهم كلهم ماعدا الحريم... مطر طبعا أختفى هالفترة وعرف أحمد من الشباب أنه مسافر ماليزيا عسب جيه ماينشاف...وبجيه أفتك من شره وأزعاجه لنورة...لأنه لو تمادى أكثر من جيه كان أحمد ناوي يتصرف تصرف ثاني وياه...يخليه يحرم يقترب من بنت... قبل ماينتهي الدوام بربع ساعة مر على القسم إللي فيه نورة...وقف بعيد عن الباب...قدر يشوفها بحكم مكتبها المجابل الباب...كانت مشغوله فماانتبهت له...لكن أنتبهت له ساره وابتسمت وهي تنش من مكانه وكانت شاله شنطتها وشكلها بتروح... ساره: أحمد؟! شحالك؟ انتبهت نورة والريم لوجود أحمد فرفعن عيونهن صوبه...أقتربت منه ساره: ليش ماتدخل أحمد: لا شو أدخل أنا رايح البيت الحينه ساره: حتى أنا...عيل ننزل رباعه أحمد يرمس نورة: مسرعج ماستقريتي فشغلج نورة: لا تنسى أنه كان شغلي هنيه قبل لا أنتقل عندكم أحمد ألتفت يطالع الريم إللي كانت حايسه بوزها وأبتسم بخبث: بس الشغل عندنا غيييير الريم: شمعنى...شو الفرق يعني أحمد: سألي نورة بتجاوبج....فداعة الله الريم طالعت نورة بنظره خبيثه وردت تعدل الملفات على مكتبها...وقالت بصوت واطي: حليلك يابوشهاب نورة: ليش الريم: طاح ولا حد سمى عليه نورة: جى الريم تبتسم: شكله حب عرب مايستاهلون قامت نورة من مكانها بضيج وشلت شنطتها...هي تعرف زين أنه الريم حقوده وبتم حقوده...رغم أنها الحينه متزوجه...إلا أنها تحسد غيرها على أي شي لو كان عندها هالشي...ظهرت من المكتب من دون ماترد عليها...اليوم لازم تروح تيب فستانها...فأكيد بتروح العصر علشان تروح وياها أمها لأنها مستحيل تروح المول بروحها... أيام وتكون زوجة أحمد...فحياتها كلها ماكانت زايغه شرات الحين...هي تعرف إللي تسويه الحينه غلط...بس مافيه أي طريقة تعرف فيها ردت فعل أحمد...هل بيكون متفهم...أو بيتصرف تصرف يدمر لها حياتها وسمعتها ومستقبلها الغامض... وصلت البيت وهي ميته تعب...شافت أمها فالصالة تترياها علشان يتغدن... نورة تبتسم بإجهاد بعد ماوخرت النقاب عن ويها: السلام عليكم أم نورة: وعليكم السلام..هلا والله بنور البيت نورة تلوي على أمها: يعني يوم أنا مب موجوده البيت ظلام أم نورة: هيه نعم...البيت وأنتي مافيه ظلام وماله طعم نورة: الله كل هذا أنا...عيل يوم بعرس شو بتسووون...ركبوا ليتات زياده لأنه بيزيد الظلام أم نورة تحب بنتها على خدها: فديتج أنا..."توخرها عنها" نشي حبيبتي روحي فسخي عبايتج وزقري فطوووم بنتغدا نورة: إن شاء الله ...... | ||||
|
| |
|
30-08-08, 01:15 AM
| #16 | ||||
| السلام عليكم ورحمة الله وبركاته اسمحولي على التأخير .gif "Eh S(7)") وأن شاء الله أشوف ردودكم على القصة لو كلمة بسيطة ...... يا اليوم الموعود...يوم ترياه أحمد بفااااارغ الصبر...نورة كانت بتكون بنفس شوق أحمد لهاليوم لولا إللي صار لها... كانت لابسه فستان بلون الموف...طالع عليها روووعه...أستغربت مالت الصالون وهي تسويلها مكياج جى غاديه بشرتها صفرا.... مالت الصالون: شكلك كتيير خايفه نورة من كثر زيغها تسمع دقات قلبها فأذنها: لا ليش أخاف.. مالت الصالون: بشرتك كتير صفرا...بتسوي دايت شي؟! نورة: لا كانت ردودها مختصره قدر الأمكان...لأنها فعلا مالها نفس لأي شي...اليوم بيشوفها أحمد...يعني مالها أي حجه ترفض بأنه يشوفها... فاطمة بحنان: حبيبتي هونيها وتهون نورة: ندمانه والله فاطمة: والله مب عارفه شو أقولج ولا بشو أنصحج...المليج بعده ماوصل...أعرف الكل بيزعل وبيحتشر...بس عندج فرصه تغيري رأيج...العرس عشرة عمر مب يوم أو يومين...وأحمد أنتي ماتعرفيه زين ولا ضامنتنه نورة تضحك بقهر: ماأقدر أرفض الحينه...علشان يتشمت فيه حمدان ويستغلني...لا مابرفض أحمد...ويصير إللي يصير فاطمة: الله يستر ويكون بالعون بس نورة تبتسم بحزن: إن شاء الله مابيصير إلا كل خير"توجه رمستها للحرمة" أبى ميك آب غامج وايد مالت الصالون: بس مابيناسبك وبالزات مع هالفستان...المهم أنا بدي أعملك ميك آب راح يطير عقل العريس نورة بشك: بنشوف كانت حفلة صغيره شرات ماكانت تبى نورة...عزمة إللي وياها فالدوام...وثنتين من أعز ربيعاتها...وحصه وحرمة عم أحمد وأخته عليا...وطبعا حرمة عمها أم حمدان...كل شي مر على أحسن مايكون...إلا أعصاب نورة المتوتره من اللحظه إللي بيدخل أحمد فيها ويشوفها وجهاً لوجه...بعد إللي صارلها فقدت كل شي حتى الثقه بنفسها إللي كانت أكثر شي يميزها... يا عمها وطلب منها تلبس عبايتها وتتغشى لأنه المليج وصل ويبى يسألها وتوقع...كانت فلحظت تهور بترفض كل هذا ويصير إللي يصير...لكن تراجعت فأخر لحظه...وبصوت مرتجف ردت على المليج بالموافقه...وتم كل شي...وأخيراً صارت رسمياً زوجة أحمد... سلوى بخبث وبصوت واطي: آخ منكم...بعد العداوه محبه نورة تعدل يلستها على الكرسي وتحس بآلم فظهرها"يمكن بسبت الأرتباك": أي عداوه وأي محبه سلوى: ههههههه سلامتج...أسمني مستانسه من الخاطر...وأخيراً قصة حب تنتهي نهاية سعيده من دون عراقيل ومشاكل...الله يوفقكم ياااارب نورة "لا تفرحي وايد..مابنكون شاذين عن القاعده..طريقنا كله شوك..والله يستر من الياي": وايد متفأله سلوى: وليش يابويه ماأتفآل...وبعدين تعالي هنيه جنج متضايجه؟! ممكن أعرف شو السبب؟ نورة تصطنع إبتسامه: لا أنا هب متضايجه...أنا بس مرتبكه شوي سلوى: لا والله إنج متضايجه...نورووه أنا أعرفج أكثر من نفسج نورة: ظنج بعجبه سلوى: ووووووده هو أنزين نورة: لا والله سلوى أنا أرمس جد...أحمد ماقد شافني من دون النقاب سلوى ببتسامة تشجيع: وبيشوفج اليوم من دون نقاب وبيطيرن أخر برجين فعقله نورة: هههههههه حصه وهي تحب نورة على خدها: ألف ألف ألف مبروووووك غناتي.. نورة: الله يبارك فعمرج عــ عموووه بعد ماتعشى المعازيم يعني تقريباً بعد ساعة يت أم نورة صوب بنتها وكانن ربيعاتها ملتمات حواليها...والحشره إللي سونها خففت عليها ونستها بعض همومها... أم نورة: تراه المعرس بيحدر إللي تبى تتغشى تتغشى.. سميحه إللي كانت يالسه عدال نورة: الله أحمد هيدخل...ههههههه خوووساره ماعنديش كاميره ولا كنت صورته سلوى: ولا يهمج اندوج موبايلي صوري بوشهاب"تغمز وهي أطالع نورة" جى تبي حرمته تكسره على رأسج سميحه: ههههههههههه لاءه موش من دلوأتي الغيره سلوى: أومااال أمتى كل هذا ونورة مب وياهن من خبرتها أمها أنه أحمد بيحدر الحين...أبتعدن عنها وأقتربت منها فاطمة ويودت أيدها تساندها وقبل لا يدخل أحمد أبتعدت عنها وظهرت... وصله بوحمدان لحد باب الصالة الداخليه...وبأيد مرتجفه فتح الباب...واجهه صخب الموسيقى...وعيون أم نورة الظاهرات من برقعها وشكلها كانت تبتسم...كانت ترمسه بس ماقدر يركز على كلامها لأنه عيونه على طول من حدر الصالة كانت على الإنسانه اليالسه فمكان بارز من الصاله...عرف على طول أنها نورة...لفت أنتباهه شعرها الأسود الفاحم الناعم المرفوع بتسريحه ناعمه مع خصل نازله...ويها كان مبين منه شوي بسبت القصه النازله على يبهتها وهي كانت موخيه رأسها... مشى ومشت وياه أم نورة...كانت أمه واقفه عدال نورة...قامت أول ماوقف عدالها...وكانت كالعاده أقصر عنه بوايد...وظلت موخيه رأسها...لأول مره فحياته أحمد يحس بهالأرتباك...حبها على يبهتها...تخيل ملامح ويها وايد...وكانت فعلا قريبه من هالتخيلات...ملامح ناعمه...متوسطة الجمال...لكن هي فنظره ملكة جمال...ببساطه هو يمووت فيها...وعلشان يخفف من حدت أرتباكه أبتسم فويها...وبصوت محد سمعه غيرها: مبروووك نورة مجرد حركت شفايفها من دون صوت: الله يبارك فيك بعد ربع ساعة من التصوير وهالسوالف طلب أحمد من عمته بأنه يروحوا مكان ثاني هو وحرمته...لأنه فالمكان كل العيون عليهم...فحس بأحراج كبير... فغرفة تابعه للصالة يلس أحمد ويا نورة بعيد عن حشرة الحريم إللي بدن يروحن...قدر يلاحظ أحمد بما أن الفستان ماكسي فمبين تفاصيل جسمها...لاحظ كيف صايره هزيله...ماكان يتصورها جيه ضعيفه...ورغم المكياج إلا أنه يبين على ويها الشحوب... أحمد يكسر الصمت إللي ساد بينهم: هههه بنتم صاخين جيه...تراه عمج بعد شوي بيي ويشوتني برع البيت نورة وشكلها ارتبكت زيادة وعيونها على الدبله إلي لبسها أحمد من نص ساعة... أحمد يود أيدها وضمها فكفينه: تعرفي إني ترييت هاليوم بفارغ الصبر...وحضرت وايد وايد كلام...بس من شفتج نسيت كل شي نورة ترفع رأسها ولأول مره تحط عينها بعين أحمد بخجل: نساك المووت أحمد بهت من شاف عيونها الحلووه أطالعه...وأبتسم: أحم اليوم أنا ماأسمع زين ممكن تعلي صوتج شوي نزلت عيونها وهي تبتسم: نساااك المووت أحمد يتشقق: ياووويل حالي أنا...تعرفي أن إبتسامتج تخبل كانت نورة ساكته معظم الوقت بسبت الأرتباك وفنفس الوقت كانت مستحيه...لأول مره يكون قريب منها لهدرجة...هو شكله بعد مرتبك...لكن أسلوبه ماخلى من المرح أبداً... أحمد: غناتي جني إلا أرمس نفسي"عضت على شفايفها وهي مب عارفه شو ترد عليه" لا اطالعيني جيه...رمسي قولي شي نورة: شوو أقول.... أحمد: أنزين أنا بسألج سؤال...ممكن؟ نورة: زين أحمد يضغط على أيدها أكثر: أجبروج عليه نورة رفعت عيونها أطالعه بإستغراب وبنظره حزينه: لا طبعا أحمد: عيل وايد متغيره عليه من خطبتج..."ابتسم" ولا مستحى نورة: شرايك أنت أحمد: رأيي أني أمووووت فيج..."رفع أيديها الثنتين وحبهن" وعندي وايد أشيا لازم نتناقش أنا وياج فيها بوحمدان واقف عدال الباب يبتسم: هاااا النسيييب مب ناوي تروح بيتكم اليوم أحمد: هههههههههه بصراحة لو الشور شوري مابى أروح ببات هنيه بوحمدان يحدر عليهم: يالله يالله قم...أوانه ببات هنيه...جى إلا تبى تيلس وياها عندك باجر وإللي عقبه وكل يوم أقترب بوحمدان من نورة إللي كانت ميته مستحى من عمها ومن أحمد...وحبها على يبهتها: مبروووك بنيتي...والله يوفقكم ويتمم على خير إن شاء الله نورة: الله يبارك فعمرك أحمد: مافيه أمكانيه أتم وياها شوي بوحمدان يهز رأسه بالنفي: مابطير عنك لين باجر...يالله جدامي أبتسم أحمد وهو يطالع نورة..حس أنه بعده ماشبع منها واليلوس وياها..ويعتقد أنه مستحيل يشبع أو يكتفي أو يمل من اليلوس وياها...أقترب منها وبصوت واطي بحيث مايسمعه عمها: ممكن رقمج بوحمدان: هااا بتمشى ولا شو أحمد: إن شااااااء الله عمي...بس دقيقه بوحمدان حس أن أحمد يبى يقول حق حرمته شي ففضل ينسحب: أنزين دقيقه وإن طولت ياويلك ظهر بوحمدان من الصاله...ألتفت أحمد لنورة وهو يبتسم: هاااا رقمج نورة: شو تبابه أحمد: وابوي حرمتيه وأبى أرمسج نورة أبتسمت: أوكى ظهر موبايله من مخباه: يالله عطيني الرقم ملته رقمها وهو خزنه فموبايله بإسم "نور حياتي "...دخل موبايله فمخباه وأقترب منها وهي تلقائياً ردت خطوه ورى...أحمد محرج: صدقيني ماباكلج بس "أقترب منها وحبها على يبهتها" جيه وتصبحي على خير غناتي نورة بخجل: وأنت من هل الخير أحمد يبتعد عنها: هههههه بس لاتفرحي وايد...مب دوم جيه ظهر أحمد من الصاله الصغيره وجنه طلع عنها جسد بليا روح...كان يحبها بس اليوم حبه لها أضعاف...طبعا مسألة شكلها يعتبر شي ثانوي...لكن مع هذا يساعد...ملامحها الهاديه الرقيقه دخلت قلبه من أوسع أبوابه...بالأضافه لملامح ويها وخجلها الواضح منه غيرت الصوره إللي رسمها حقها فالدوام...نورة فالدوام غير...إنسانه جديه واقعيه...مستحيل يخطر على البال بأنها مجرد نظره منه تحمر خجل..."الله لا خلاني منها" ركبت وياه فطريقه للبيت أمه...وطول الطريج وهي تعلق عليه وتضحك...وشكلها مستانسه من الخاطر...وخبرته عن مخططاتها بالنسبه لأثاث بيته إللي قررت تغيره وتأثثه من أول ويديد على ذوقها... أحمد: مب أحسن نخلي تأثيث البيت على نورة حصه: وجى يافااالح بتأثثه...هلها بيخلوها تظهر وياك تختاروا الأثاث...وبعدين مستحييل تاخذ أثاث من هنيه...لأني فاليومين إللي طافن مريت على محلات أثاث هنيه مب شي أحمد: هههههههههه ماشاء الله عليج يالغلا...حامي حامي حصه: عيل...نبى نخلص كل شي فوقته أحمد: إللي يسمعج ماباجي إلا شهرين عن العرس مب جنه ست شهور "قالها وهو مبوز" حصه: بعدها فتره ضيجه... أحمد بغيض: قهر...نفسي أعرف ليش ست شهور حصه: وأبويه وماتبى تتزهب لبنيه... أحمد: والله فشهرين تروم تتزهب وزود بعد حصه تحط أيدها على جتفه: وشو الفرق يعني فديتك...نورة وصارت حرمتك وتروم تيلس وتسولف وياها فأي وقت أحمد: فيه فرق كبير حصه: ماعليه الوقت يمر بسرعة ...... حس أنه أكثر إنسان على وجه الأرض كآبه...والكل ضده ويكرهه...مجرد أن أبوه عرف أنه مايبى يحضر ملجة بنت عمه أحتشر وجلب البيت فوق تحت عليهم...شو من قلب عليه يحضر ملجة الإنسانه إللي يباها لنفسه تكون لشخص ثاني...هو لحد الحين مايقدر يحدد مشاعره بالضبط اتجاه نورة...بس الشي الوحيد إللي يعرفه زين مازين أنه يباها تكون زوجته...رغم كل إللي سواه فيها ومحاولاته إلا أنها تجرئت ووافقت على شخص غيره...إللي يشوفها تتصرف هالتصرف وكأنها واثقه كل الثقه... أتصل فهالحظه حميد...ماكان له بارض يرد عليه...لكن يوم شافه يلح فالأتصال أضطر يرد عليه... حمدان: نعم حميد: وعليكم السلام حمدان: شو عندك حميد: بخير يعلك الخير حمدان: لا أطفربي ..قول شو عندك وفكني حميد: عوذ بالله...أعصابك ياريال...شو بلاك حمدان: ماشي حميد: لا والله صدج ..حمدان شو فيك؟؟ حمدان: كاره نفسي حميد: آفاااا ليش؟! حمدان: بس جيه حميد: مايستوي بس جيه...لو أنا مب فبوظبي الحينه ولا كنت يتك...وين الحين أنت حمدان بتفكير: ياينك حميد بستغراب: بوظبي!! حمدان: هيه حميد: الساعة 12 ونص!! حمدان:وشوو يعني.... حميد: لاااااااه السالفة جايده عيل حمدان: ياخي من وين ماأدقها عويى حميد: أوكى هب مشكله أنا بترياك...وأياني وأياك تسرع...تعوذ من الشيطان حمدان يضحك من دون نفس: ههههههه شو تحيدني متهور لهدرجة...بعدني أباها حياتي حميد: هههههههههاي أوكى أترياك فالميلس حمدان: أوكى بند عنه وغير وجهته وعلى طول لطريج بوظبي...مافيه حد يفهمه شرات حميد...وهو مب طايق يروح بيتهم فهالوقت...فهالحظه ماهمه رأي أبوه فروحته لبوظبي فهالوقت...لأنه فالأساس متضايج من أبوه...لأنه لو رفض من البدايه أحمد ماكان اليوم زوج نورة...لكن أبوه أول واحد وقف ضده وضد رغبته فزواجه من نورة...فماله مزاج يشوف أبوه لأنه متأكد بيصير تاتش ممبينهم..."بس ماعليه يانورة...مصيرج إلا تطلقي منه هالأحمد...والأيام بينا" ....... كانت يالسه عداله وتتأمل ملامحه بهيام...عكسه هو إللي كان يتأمل المناظر الخلابه من دريشة الباص السياحي إللي راكبينه...كان محمد منبهر بهالمناظر الروووعه إللي يشوفها ومشغول أكثر شي بالتصوير بالفيديو...أما هي بالكاميرا...كانوا قبل لأيوا لبنان فسوريا أسبوع...صح فسوريا مناطق سياحيه رهييبه شرات اللاذقيه والزبداني وغيرها ...إلا أنها مب شرات لبنان...حتى الناس إللي فيها غييير... اليوم بصعوبه قامت من نومها وكان خاطرها ترقد أكثر لو ماأزعاج محمد ومحاولاته من ير البطانيه وتمطيط الخدود والخشم...أضطرت تحت هالأزعاج أنها تقوم... صار لهم فالبنان ثلاثة أيام...كل يوم فناطق معينه...أول يوم لهم فالبنان كانت رحلتهم ويا نفس هالسياح صوب طرابلس وزاروا قلعتها بعدين راحوا الجبيل المشهوره بكنائسها التاريخيه...وإللي تعتبر من أقدم الكنائس فالتاريخ...ثاني يوم راحوا البقاع وبالتحديد زحله المعروفه بعروس البقاع...طبعاً مشهوره بكروم العنب...وأكثر شي قهر محمد يوم دخلوهم مكان يعتبر مصنع يعصروا فيه العنب إللي ينتجوا منه الخمور...وأكثر شي قهره يوم عطوهم يتذوقوا هالخمور المنتجه...طبعاً هو خزهم بعين"هاللي قاصر بعد يشرب خمر...وطبعاً فهالفوج السياحي عرب وأكثر شي يغيض إنه بعضهم مسلمين وعادي تذوقوا هالخمر ولا همهم شي...زحله منطقه رهيييبه لولا هالمعاصر مالت الخمور...واليوم طبعاً من صباح الله خير طالعين من الفندق عسب يروحوا ويا هالسواح صوب جبل لبنان إللي فيه غابات الأرز وكانت على أرتفاع 3000 متر...وفطريقهم مروا على متحف جبران خليل جبران... محمد ميت ضحك على زهره إللي كانت ميته مستحى وقهر: هههههههههه انزين مافيها شي...هذا فن زهرة تقرصه فأيده بغيض: فعينك فن...عنبوه مافوقهم شي...فضيحه...مشى جدامي نترياهم برع محمد: هههههه لا مابى أنا عايبني...صرااااحه أبداااع...هذا جبران قمه في الأبداع زهرة واصله حدها: والله ماتم هنيه...تراه بظهر بروحي محمد يمشي وراها وهو يضحك عليها: هههههههههههه خلااااص طااااالع طبعاً هالمتحف عباره فالأساس عن بيت جبران خليل جبران إللي حولوه لمتحف يتعلق بكل نتاجه...فكان معظم الصور المعروضه مفصخه سواء ريال أو حريم...ظهر محمد وزهرة برع وتريوا البقيه لين ماخلصوا جولتهم فالمتحف...بعدين ركبوا الباص وكملوا طريقهم لغابات الأرز...وفاليوم الثاني بتكون رحلتهم للجنوب اللبناني "صور + صيدا" ........ "مبروك" قالتها الريم من دون نفس نورة تيلس على كرسيها لأنها توها واصله الدوام...اليوم تأخرت شوي مب على عادتها...بسبت تأخرها في النوم...: الله يبارك فيج الريم: ومتى العرس ؟ ساره تحدر المكتب وبإستغراب: عرس منوه؟! الريم: نورة ساره ألتفتت أطالع نورة والمفاجأة مبينه على ويها: بتعرسي! نورة: إن شاء الله ساره تبتسم: الله...متى؟ وكيف؟ومنووه سعيد الحظ؟ الريم رزت بويها ترد على تسألات ساره: سعييييد الحظ أحمد ساره عقدت حياتها: أحمد!؟ الريم: شووو ماعرفتيه...أحمد الـ.... إللي خذيتي أنتي وياه دورة فالكلية ساره والصدمه مبينه على ملامحها: مبروووك نورة حاسه بضيج: الله يبارك فعمرج...عقبالج ساره تحاول تبتسم بالغصب وآثار الصدمه بعدها مبينه عليها: لا أنا بعدني وااااايد الريم بدفاشه: شو تتري تعنسي ساره طالعتها بنظرات إشمزاز: متى مايي النصيب حياه الله فهاليوم أنتشر خبر ملجة أحمد ونورة فكل الطب الوقائي...من أكبر موظف لأصغر موظف...حتى بابو يوم ياب الكوفي حق نورة باركلها...حمدت ربها أنها ماشافت الأستاذ فالح...لأنها فعلاً فالفترة الأخيره صارت تتحاشاه وتكره أسلوبه فالكلام وياها... أما أحمد فياي الدوام وهو كاشخ على الأخر...مر على مكتب قوم نورة بس ماشافها مداومه بعدها... سميحه أول ماشافت أحمد: والله لو موش في الدوام ولا كنت زغرط أحمد: هههههههه لا زغرطي عادي..عني أنا أتقبل هالشي بصدر رحب سميحه: علشان أتفنش في تاني يوم أحمد: هههههههههههههاي صح وين الهديه سميحه: نااااااعم نااااااعم...أي هديه ياخويه...هو إلا كتب كتاب...موش جواز أحمد: حشى يالمزطه...أنزين بنشوف هدية العرس... سميحه: أحمد ربك وبوس أيدك وش وضهر لما أنا أعطيك هديه أحمد: هههههه ليش إن شاء الله كل هذا سميحه: لأني معطيش هدايا إلا للناس المميزين أحمد: صرااااحة أنتي ياسميحه تحفه عماد وزوجته نادين من أيام سافروا سوريا بسبت وفاة واحد من عمام نادين...ولا كان عماد تم وحضر عرس أعز ربعه...لكن علشان خاطر نادين سافروا سوريا وبيتموا هناك كل إجازتهم الصيفيه... ...... بعد ماصلت المغرب كانت منسدحة على شبريتها...شربة حبتين أدول بعد ماشعرت بصداع فضيع...تعبت من التفكير وتأنيب الضمير...تعبت من رسايل حمدان إللي فاليوم الواحد يطرشلها فوق الخمس رسايل...وكل وحده تلوع بالجبد أكثر من الثانية...تعبت من هالضغوطات الفضيعه إللي عليها...تعبت من كل شي حواليها...حتى غدا ماقدرت تتغدا...أحمد من يوم الخميس وبعد ماظهر عنها وهو يطرش لها مسجات حب ووله...بس هي ماترد عليه...مب لأنها ماتبى ترد عليه...لكن مب عارفه بشوه ترد عليه...وبعد لأنها مب مستعده بأنها ترد عليه... فاطمة: نوار نورة تفتح عيونها بعد ماكانت على وشك أنها تنام: همممم فاطمة: أحمد هنيه...وتقولج أمايه نزلي يلسي وياه نورة بأرتباك مفاجأ يلست: أحمد هنيه فاطمة: بعده الصداع ماخف؟ نورة: أحسن الحينه شوي فاطمة تقترب منها وتيلس عدالها على الشبريه: عيل غناتي قومي ويلسي وياه شوي نورة حاطه أيديها على صدرها: شو أسوي فاطمة تبتسم تحاول تخفف على أختها: ولا شي غير إنج تقومي وغيري هالجلابية الكآيبه ولبسيلج شي حلووو وعدلي نفسج شوي بس نورة تنش وتظهر جلابيه بيج من كبتها...وبعد ماظهرت عنها فاطمة غيرت ملابسها وسحت شعرها ونزلت قصه...وقبل لا تظهر من الغرفة حطت شيلة على رأسها...وهي فطريجها للصاله نبضات قلبها تتزايد... وقف أحمد من شافها تحدر الصاله وهو مبتسم: هلا والله بمطنشينا نورة تبتسم بخجل: آسفه أحمد: آفاااا عليج شيختي...مب ممبينا هالكلمة"يغمز لها" وأنا لوح أطنشيني ازيد نورة تمد أيدها: شحالك أحمد ايود أيدها ويقربها منه: إذا أنتي بخير...عيل أنا بخير نورة: عسى دوم هب يوم أحمد يطالع ويها بتركيز: وأنتي؟ نورة: الحمد لله بخير أحمد بتشكك: متأكده نورة: هيه أحمد: والله مب مبين عليج إنج بخير نورة: شوي عندي صداع أحمد: فديت روحج أنا...فيه ولا فيج "يلس ويلست وياه على نفس القنفه" إلا تعالي هنيه...ليش تأخرتي اليوم...مريت على مكتبكم بس ماشفتج نورة: نشيت متأخره أحمد: عاااادي فديتج...أنا يوم فيه رقاااد أرقد لين ماقول بس...ويوم أشبع أداوم نورة: ههههه عسب أتفنش أحمد: أحسن فكه منهم نورة: لا شو أحسن...أنا كله ولا دوامي أحمد حاس بوزه"كان ناوي يرمسها عن شغلها..لكن من قالت جيه قرر يرمسها فوقت ثاني" : يالله شو وراه هالدوام غير عوار الرأس نورة: بس يعيبني أحمد أبتسم: أنا أنتي إللي تعيبيني نورة نزلت عيونها بمستحى: عيل وين أمايه عنك أحمد: وحده من ياراتها تباها على التلفون ماعرفت شو تعلق...فكان ردها السكوت...لكن أحمد مستحيل يخليها تسكت ويضيع الوقت من دون مايحاول يعرفها أكثر وأكثر... أحمد: أمممممم شو كنت بسألج ..... هيه صح أنتي شرايج ففترة الست الشهور...مب جنهن وايد نورة وكأنها تفاجأة بهالسؤال: لا مب وايد...بالعكس شوي أحمد ضايجه هالرد: أنا لو الشور شوري نعرس باجر نورة: ليش مستعيل جيه أحمد يود أيدها إللي فيها الدبله وتم يحركه فأصبعها: لأني أباج وياي فبيتي وقريبه مني فهاللحظه حست بالأضافه للصداع إللي رد شوي بدوار...حاولت تاخذ نفس أعمق... أحمد لاحظ شحوب بشرتها وبقلق: فيج شي حياتي نورة: لا لا سلامتك أحمد: أنزين غناتي...خلينا نتعرف على بعضنا أكثر نورة: أوكى أحمد: أووكى...ليش قبل كنتي ماأدانيني نورة بعد ماخذت نفس عميق: لأني كنت أتحراك شرات شباب هاليومين أحمد: كيف يعني؟ نورة: صايع وجيه "قالتها من دون ماترفع رأسها" أحمد: هههههههه ليش يعني نورة: شكلك يوحي جيه أحمد معقد حياته: شكلي صااايع! نورة برتباك: لا مب جيه السالفة...بس لأني ماكنت أعرفك أوكى أحمد: هههههه أنزين وشو بعد نورة: بس...بسبت هالأعتقد كنت ماأدانيك أحمد: ههههههههههه وماتسويلي سالفة نورة: هيه أحمد بعد تفكير: سمعي غناتي..يمكن أكون صايع شوووي..أنا مابجذب عليج أرقم بنات في المولات شرات كل الشباب"رفعت عيونها أطالعه بضيج ورد عليها ببتسامه" بس صدقيني أي بنت محترمه وحاشمه نفسها ماأيي صوبها نورة: أنزين نفس الشي يعني...ترقم أحمد: ههههههه لا فديتج...أنا يوم أرقمهن أقص عليهن...ألحقهن وألحقهن وأطفربهن...ولا أنا ولا هاماتني من الأساس...لأني فالنهايه حتى لو أتصلت وحده منهن أقفطهنا وأبند على ويها...بس الحينه ودرت هالسوالف "يوم شافها شكلها مب مصدقتنه" والله العظيم نورة أطالعه بشك واضح...أحمد: هههههههه والله العظيم ماأجذب عليج...تعرفي شو عيبي أنا نورة: شو أحمد: السرعه...وبسبتها سويت أكثر من مره حادث نورة: شووو! أحمد: أنا يوم أسوق ماأحس بالبترول وأنا أضغط عليه...شي تعودت عليه...ورغم إني واعد أمايه ماأسرع إلا أني لا شعورياً أسرع نورة: بس أنت وعدتها أحمد: والله الغلا غصباً عني...أممممم أنزين يالله أبى أعرف عنج شي ماأعرفه نورة برتباك: مثل شو؟ أحمد: شو عيبج نورة: عيبي! أحمد: هيه نورة بعد تفكير مطول ردت عليه: عيبي إني اتآثر بأي شي أحمد بعدم فهم: جى؟ نورة: يعني مثلاً من كماً سنة توفى أبويه...وأنا أعتبره أقرب إنسان عندي...ترقدت فالمستشفى أسبوع ونص...مب أعتراض لمشيئة الله...بس كنت فحالة صدمة وبعدين كنت فهذيج الفترة وايد ضعيفه...وأمتنعت عن الأكل...فآثر عليه وايد...أعرف أن هالشي يعتبر مصيبه بأني أفقد أبويه...لكن هذا مثال على تآثري أحمد بحنان: فديت روحج أنا...أنا فحالة صدمه بصراحة...ماكنت أعتقد إنج جيه... نورة تبتسم بحزن: شو طحت من عينك بعد هالأكتشاف أحمد يضغط على أيدها: مستحيل أطيحي من عيني الغلا...بتمي طول عمرج فنظري عاليه... بعد هالحوار إللي دار بينهم حست نورة بأنها إنسانه مخادعه...أستغلت حب أحمد لها ووافقت بأنها تكون زوجته...كان الآلم النفسي يفوق كل شيء...بعد ماراح زاد شعورها بالدوار...وبصعوبه وصلت غرفتها وعقت نفسها على الشبريه وغرقة فبحر من الدموع...أحمد على عكسها إنسان صريح...وإللي فقلبه على لسانه...أما هي تخبي هالشي إللي ممكن يدمر هالزواج إللي بعده مابدأ...!!! ...... يوم الثلاثاء استأذن أحمد من الدوام بأنه بيروح بوظبي عنده شويت شغلات يسويها حق أمه...وأتصل بنورة إللي من داومت الصبح وهي تشعر بأنها مب أوكى...والصداع والدوار إللي رافقها من يوم الأحد زاد عليها اليوم...وخبرها بأنه بيروح بوظبي...وسألها إذا تبى شي..."طبعا هو مايعرف إنها مريضه" فراح بوظبي على هالأساس الساعة 12 بالضبط كانت نورة واقفه عدال الطابعه حست بكل إللي حواليها يدور ويدور...فداركت الأمر وشوي شوي يلست عدال الطابعه لأنه الوقوف فهاللحظه من رابع المستحيلات... أول حد أنتبه لها ساره...وهي تنش بسرعة من مكانها وتتجه صوب نورة: نورة شو فيج؟! نورة بصوت بكاد ينسمع: تعبانه نشت الريم من مكانها واقتربت منهن وهي أطالع نورة بشك: شو فيها ساره طنشت الريم: نورة نشي بوديج المستشفى نورة: لا مابى ساره: عيل بتمين جيه...نشي نشي بوديج "وهي تساعدها علشان توقف" نورة: لا مابى مستشفى..وديني البيت كانت نورة تعبانه بشكل كبير...لدرجة صارت تشوف الأشياء بشكل ضبابي...تساعدت ساره والريم ووصلنها بيتها... أنصدمت أم نورة يوم شافت بنتها تدخل من باب البيت ووياها ساره والريم يساندنها...وعلى طول ودنها غرفتها...كانت أم نورة على أعصابها ومن عرفت فاطمة بأنه نورة وصلت البيت مريضه راحت بسرعة غرفة أختها...كان حال نورة لا يسر عدو ولا صديق... فاطمة تمسح على يبهت أختها بقلق: نوار حبيبتي أنتي محمومه نورة: ماأعرف شو فيني...تعبانه وايد فطوووم فاطمة: أحمد يعرف نورة: لا .. أحمد فبوظبي فاطمة: أنزين نشي بتوديج أمايه المستشفى...تراها تحت محتشره...أتصلت بعميه بس مايرد عليها ونفس الشي أحمد...يمكن بتشوفلج تاكسي نورة: لا لا دخيييييلج مابى أروح مستشفيات"تمد أيدها للشنطه إللي على الكمدينو" يمكن هو أتصلبي خذت فاطمة الشنطه وظهرت الموبايل: مكالمتين لم يرد عليها وشكله فيه مسج..أندوج وفعلاً المتصل كان أحمد...بس المسج ماكان منه...وندمت أشد الندم يوم قرتها...كانت من حمدان "هلا والله بنورة...ببنت العم...بسألج ويا ويهج تبي تسوي فضيحه أنتي...أنزين لو صار حمل...شو بتقولي حق بو الشباب؟!" نورة هنيه حست بلوعه...ودست ويها فالمخده تصيح...معقوله إللي يقوله...أنها تحمل منه...تفضل الموت ولا يستوي هالشي... فاطمة تحاول تهديها: غناتي شو فيج...شو صار...ليكون مسج من هالحيوان...شو يبى بعد أكثر من إللي سواه...حسبي الله ونعم الوكيل...حسبي الله ونعم الوكيل نورة: أنا بمووووت...خلاص تعبت والله تعبت فاطمة: أستهدي بالله...وخلي الرحمن فقلبج...وإن شاء الله مابيستوي إلا كل خير نورة: وين يستوي كل خير وهذا وراي وراي..."وبصوت مخنوق" يقول شو بسوي لو حملت منه والله بموووت فاطمة زايغه على أختها: بعيد الشر عنج...إن شاء الله عدوينج..."حطت أيدها على يبهت نورة الحاره وتمت تقرأ عليها بعض من الآيات..ونورة تصيح بصوت مخنوق" أما أم نورة فكانت محتشره ظهرت برع تشوف تاكسي بس ماشي فايده مامر عليها لا واحد...دقت على بوحمدان مايرد عليها وأحمد نفس الشي...وبعد ربع ساعة رد عليها وخبرها بأنه كان فالمسيد يصلي الظهر... أم نورة: نورة مريضه ماأعرف شو فيها أحمد بقلق: مريضه!!! بس أنا اليوم مرمسنها مافيها شي...فالبيت هي الحينه؟ أم نورة: هيه ربيعاتها يابنها البيت...وأونها ماتبى تروح المستشفى أحمد: لا والله...شو ماتروح المستشفى...أنا ياي الحينه...بتروح غصباً عنها "كان القلق على نورة واصل حده عند أحمد" وصل بيت قوم نورة بعد ماكان فطريج بوظبي العين راد...خلال نص ساعة هو فبيتهم...خبرته عمته بأن نورة فيها حمى وشبه فاقده الوعي... أم نورة وهي تصيح: لا هذي عين وصابت بنتي فالمستشفى وبعد مادخلت عليها الدكتورة وفحصتها...ظهرت من الغرفة ومن شافها أحمد ظهرت راح صوبها...وأم نورة ويا بنتها داخل.. أحمد: هاااا دكتوره طمنينا الدكتوره: هو أنت بتأرب للمريضه أيه أحمد: زوجها الدكتورة تبتسم أطمنه: لا متخفشي...جوزتك مافهاش حاجه...بتدلع !!!! ....... الدكتورة تبتسم أطمنه: لا متخفشي...جوزتك مافهاش حاجه...بتدلع أحمد بحيره: عيل شو فيها؟! الدكتورة: أرهاق أحمد: معقوله الأرهاق يسويبها جيه الدكتورة: ليه لاءه...وبعدين هي بتعاني من ضعف عام من ألت الأكل أحمد بضيج: لاحظت عليها أنها ضعفت الدكتورة: أنتوا من زمان متجوزين؟ أحمد: لا ...نحن أصلاً بس مالجين الدكتورة فهمت السالفة: آه أول كدا...أعتقد بسبب الضغوطات إللي تعاني منها البنت أبل لاتتجوز"تبتسم" ماتخفشي عليها أحمد: أنزين والحين شو؟ الدكتورة: طبعاً اليوم هتنام عندنا لأنها فعلاً تعبانه ومرهقه بشكل كبير...وهنعمل لها فحوصات عاديه"وتزيد في التأكد" وسدأني مافيهاش إلا كل خير ...... كانت كل شوي توايج من البلكونه...والقلق يأكلها أكل...من شوي مأذن أذان العصر...ولا حس ولا خبر...والمشكله إنهم يوم شلوا نورة كانت شبه مغمى عليها...يعني شنطتها موجوده فغرفتها ماشلتها...وأمها فالأساس ماعندها تلفون... منى وكشتها طايره وعيونها ميفنات: ماماه أبى ألنوووبي فاطمة: وأنتي ماعندج شغله غير هالأرنوب إللي حاشرتنا عليه"نشت من مكانها" تعالي بغسلج ويهج منى مبوزه: مابى فاطمة بعصبيه: منووووووه يالله مشي جدامي منى وشكلها بتصيح: مابى فاطمة ماسوتلها سالفه وزختها من أيدها ويرتها ير الحمام...تغسل لها ويها بسبت إنها توها ناشه من الرقاد... أرتفع صوت منى المزعج بالمزاعج والصياح...: مااااااااااااااااااااااحب ج...حووووووزي عني مابى مابى فاطمة بصعوبه تشل منى فوق وترويها صورتها في المنظره إللي في الحمام: شفتي شكلج جى غادي من النوم...لو يا عميييه منشور وشافج جيه بيقول عنج خسفه منى هدت شوي وهي مبوزه: أنا حلوووه مب خسفه فاطمة نزلتها بعد ماحست بآلم فظهرها: لا مب حلوووه إن ماغسلتي ويهج منى تحط أيديها على خصرها وأطالع أمها بنظره: إنتي مب حلوووه...عمييه منشور قال أنا حلوووه واااايد فاطمة تمسح على شعر منى وترده على ورى: عيل غسلي ويهج بعد ماغسلت ويه بنتها ونشفته بالفوطه زختها من أيدها ونزلن الطابق الأرضي...فهالفترة صار من الصعب إنها تشل منى...لأنه ماباجي لها إلا شهرين وتولد...والتعب زايد عليها بسبت الحمل... أول ماوصلن عند أخر درج سمعن صوت تلفون الصاله يرن...وبسرعة ربعت منى صوبه.... منى: منوووه أنتي....لا لا مابى...منووه أنتي...هيه ماماتي هنيه...مابعطيها...ددوه! وين أنتي؟ فاطمة وصلت عدالها ومدت أيدها: عطيني منى: سبلي....ددوه وين ألنوبي؟؟ يرت فاطمة السماعة من أيد بنتها....أم نورة: شدراني فيه فاطمة تيلس بأرهاق والقلق مبين على ويها: هاااا مايه...شو صار... شخبار نورة أم نورة: الحمد لله .. أختج مركبين لها مغذي وراقده. فاطمة: شوو حصلوو فيها؟؟ أم نورة: قالت الدكتورة أنه نورة ناقص دمها... ونسيت شوو بعد قالت لي. فاطمة حست فجأة راحه غريبه: عيل متى بتردون البيت أمايه؟؟ أم نورة: برقد مع نوره.... تقطع فاطمة رمست أمها: بيرقدونها؟! أم نورة: هيه بيرقدونها يوم يومين. فاطمة هنيه صخت...ودمعتها على عينها.. هي وايد حساسه من ناحية أختها... وفوق هذا وذاك كان الحمل متعبنها في هالأيام ...... أم نورة بصوت متهدج: فطاااااااامي الله يهدج.. ذكري ربج أختج مافيها إلا كل خير... يومين وبترد لج شرات الغزال.. فاطمة بحس باكي: الله يقومها بالسلامه...ويعافيها من كل شر. ومن صوب منى ترمس أمها..وتحاول تير سماعة التلفون منها فاطمة أنتبهت للبشكاره إللي مرت: سوزن تعالي شليها . تيي الشغاله ...... وتحاول تاخذ منى بس منى ترفسها وتقول لها: ماباج ....لوحي توقف وتطالع فاطمة: مافيه يريد أنا. فاطمة بضيج: أقول لج شليها ماتشوفينها تير التلفون. أم نورة: شوو فيها منوووووه ؟؟ فاطمة تاخذ نفس تهدي نفسها : تير التلفون تبي ترمسج. أم نورة: يحليلها منوووه...فطامي أنتبهي لنفسج ولبنتج. فاطمة بصوت واطي: سلمي على نورة يوم توعى. أم نورة: يوصل... يالله مع السلامه. فاطمة: الله يحفظج يالغلا. ........ أحمد دخل على نورة إلي كانت راقده بكل هدوء في شبرية المستشفى...يطالعها بحيره يحاول يفسر ليش نورة تعبت جيه؟؟؟؟ يوقف عدال الشبريه... ويمسك كفها ويمرر أصابعه بين أصابع أيدها الصغيره... يالله شوو مصغر كفها بالمقارنه مع كفه... أحمد وهو ماسك ايدها وينتقل بتأمله من أصابعها لويها التعبان المرهق... و مية سؤال وسؤال في رأسه...... هل يعقل أنه كل هالتعب والأرهاق إلي فيها شي طبيعي يحصل مع أي بنت قبل الزواج؟؟؟ نورة شوو إلي ياج؟؟ شوو إلي غيرج؟؟؟ شوو إلي غيرج من نورة الإنسانه المرحه إلي دوم نشيطه وحركيه... ليهلي فيج من السرحان والتعب والأرهاق... لإنسانه شاله هم الدنيا على رأسج....شوو إلي قلب حالج وغير حياتج.... مد ايده ووخر الشعرات إلي نازله على ويه نورة وردهن وراء... ليت بس تعتبريني أقرب الناس لج وتفضفضي لي وتخبريني بالي شاغلنج وخلاج جيه مهمومه غناتي... تدخل أم نورة ويبتعد أحمد عن نورة وهو يوقف: عمتيه بسير أييب لج شي تاكلينه أم نورة: الله يطولي بعمرك... ماأشتهي شي ونورة جيه. أحمد: أنا سئلت الدكتورة وقالت لي نورة ماعليها شر إن شاء الله... بس تعب. أم نورة: إن شاء الله ياولديه. أحمد: تبين شي أييب لج من الجمعيه؟؟ أم نورة: سلامت رأسك... عبلناك ويانا. أحمد: أفاا عليج عمتيه...نورة حرمتيه...وأنتي شرات الوالده..طول الله في عمرج. أم نورة تبتسم لأحمد وتيلس في الكرسي إلي عدال شبرية نورة وتعدل اللحاف.. ظهر أحمد من الغرفة ومن المستشفى سارح الفكر...تذكر أمه إللي مااتصل فيها ولا خبرها... حصه: هلا والله بالمعرس..هلا والله بمزيون العايله وشيخهم كلهم...هلا والله بآخر العنقود...بولدي الدلوع أحمد غصباً عنه أبتسم وضحك: ههههه كل هذا أنا حصه: هيه نعم كل هذا أنت "سمع عدالها حرمه تعلق..وحصه ضحكت من تعليقها" هههههههههه لا والله شيخهم وشيخ طوايفهم أحمد يبتسم: أكيد عدالج الرزه علايه...وميته غيض وغيره...بس خليها تموووت غيره"على صوته شوي" علايووووه أنا عمج وعم طوايفج حصه: هههههههههههه فديتك أنا...هاااا شحالك الغالي أحمد: والله حالي مايسر حصه تغير صوتها: آفاااااا!! ليش غناتي؟! شو فيك؟! أحمد يركب سيارته: نورة فالمستشفى حصه بصدمه: نورة؟!!!! شو فيها فديتها أحمد: ضعف عام حصه: سلااامتها والله...ماتستاهل...بس أنا شفتها البنيه مب طبيعية يوم الملجه أحمد: طاحت عليهم فالدوام حصه: واعليه...وشخبارها الحينه؟ أحمد: عطوها منوم ورقدت حصه: بتم في المستشفى؟ أحمد: هيه لين باجر بيسولها فحوصات حصه: سلامات سلامات...عقب المغرب بكون عندكم أحمد: بتيي؟ حصه: أكيد..هذا سؤال تسأله بند عن أمه أول ماوصل الجمعية ونزل يشتري سامان حق قوم نورة... فنفس المكان كان حمدان راكن سيارته في الباركنات...لمح أحمد وهو توه ظاهر من المستشفى ويرمس فالموبايل...حس بغيره فضيعه من هالإنسان...صارت له الأحقيه بأنه يكون وياها ويشوفها وقت مايبى...الشي إللي يعتبره حمدان من حقه مب من حق أي إنسان ثاني...لكن مع هذا كان شعور حمدان متناقض...بين تأنيب الظمير وبين الشماته...تأنيب الظمير لأنه هو السبب الأول والرئيسي فكل إللي يصير لنورة...والشماته لأنها مرضت بعد أيام معدوده من ملجتها...كانت مشاعر حمدان متناقضه... طبعا أم نورة أتصلت به هو بعد مايأست من تلفون البيت إللي محد يرد عليه من الأساس...وخبرته بأن نورة في المستشفى وهو بدوره أتصل بأبوه إللي كان متواجد فالمزارع وخبره...وأكيد الحين فطريقه للمستشفى... ........ "يالله الله يطولي بعمرج خلصينا" قالها منصور بتملل...تعب من كثر مايتريا أمه...إللي من عرفت بأن نورة مرقده فالمستشفى وهي محتشره...وراحت تلبس عبايتها...وهو من الأساس كان مواعد ربعه...لكن بسبت هالشي تأجل موضوع ربعه لين مايروح المستشفى ويطمأن على بنت عمه... أم حمدان تظهر من غرفتها وتقفلها بالمفتاح: انزين ولديه كليت لي فوادي من حشرتك منصور رافع حاجب واحد: وليش بعد تبنيد البيبان أم حمدان: هيه لازم تقول جيه...هالبشاكير ماتعرفهن شراتي منصور يمشي عدالها: الشك أمايه هب زين أم حمدان: لا شك ولا شي...بس بويه عندي كماً مريريه وكف ومرتعشه أباهن...والحذر وايب منصور يبتسم: ومالوووه بتسرقهن أم حمدان يالله يالله تمشي: هيه نعم ذيج السودا هي وضروسها الصفر...ماعليك منها...حراميه عوده منصور مارد عليها وفخاطره يضحك على أمه...أمه رغم طيبتها إلا أنها شكاكه...تشك بالكل...وفنفس الوقت بخيله بشكل محد يتصوره...لكن مع هذا يمووووت فيها رغم كل مساوئها...لأنها في الأول والأخر أمه...جنته وناره... ركبوا السياره وتوجهوا للمستشفى ومن وصلوا وهو يبركن سيارته شاف أبوه توه واصل...وترياهم لين مانزلوا وراحوا رباعه... دخل بوحمدان وحرمته الغرفة...وتم منصور برع دقايق وظهر له أحمد...سلموا على بعض... منصور: هاااا شخبارها بنت العم؟؟ أحمد: والله يقولوا مافيها شي إلا ضعف عام منصور: سلامتها ماتشوف شر أحمد: الشر ماييك منصور: هاااا بوشهاب أحذرك...هالله هالله فبنتنا...أشوفها قامت تمرض من خذتها أحمد: لا تعال وقول أنا السبب بعد منصور: هههههه عيل منوووه السبب يوم مب أنت...بنتنا كان مافيها شي...المستشفيات ماتعرف طريجهن أحمد: ياريال خلها على الله منصور يحط أيده على جتف أحمد بمواساه: الله يشفيها إن شاء الله حس منصور بتعاطف أتجاه أحمد...من أول يوم شافه فيه"يوم الخطبه" ارتاح له وايد...وأطمن لمستقبل بنت عمه...إللي من خطبها أحمد رسمي ماظهرت لهم ولا شافها...على كثر مايروح بيتهم...وبصراحة نورة تستحق كل خير..."والله يوفقها ويا أحمد"... ......... لأول مره تحس بهالأهتمام...إهتمام ناس متأكده أنهم يحبوها...وإنسان يالس فأخر مكان من الغرفة وعيونه بعيونها متأكده مليووون بالمية أنه يحبها وهي بعد تمووت فيه...لكن للأسف هي مب قادره تثبت الحب...على الأقل تخبره..تعترف له..حست بآلم فرأسها...فغمضت عيونها بآلم...وأول مافجتهن شافته يطالعها بقلق... أحمد: نامي نورة تنزل عيونها وأطالع المخده البيضى..حست بخجل فجأة..ماقدرت تحط عيونها فعيونه: مافيني نوم حصه كانت يالسه عدالها على الشبريه وتمسح على شعرها: وين تروم ترقد ونحن مسوين هالحشره أحمد يبتسم: عادي أتم هنيه؟ حصه: لا والله...يالله جدامي...خلى البنيه ترتاح وترقد شوي نش أحمد من مكانه وأقترب من نورة إللي حست بقربه عسب جيه مارفعت رأسها: أروح؟ رفعت عيونها أطالعه: وين؟ أحمد رافع حاجب واحد وزخها من خدها: كشفتج نورة مب فاهمه السالفة: شو! أحمد: وين سارحه هااااا؟؟؟أعترفي نورة بخجل لأنها فعلاً كانت سرحانه: وياكم أحمد يبتسم بحنان: لا واضح...."حبها على يبهتها" المهم غناتي أشوفج باجر....ويااااااااويلج وسواد ليلج إن ماصحيتي أم نورة: هههههه ماعليك منها تدلع نورة طبعا مجرد وجود أحمد قريب منها جيه حست ويها يحترق من المستحى...أحمد بعده عدالها ويطالعها بخبث بعد مالاحظ أحمرار خدودها: هااااا الغلا ماقلتي...أتم وياج؟ نورة قالتها بارتباك ومن دون تفكير: لا أحمد أونه زعل وأبتعد عنها: ماعليه نوار .... الله يسامحج حبتها حصه على خدودها: يالله غناتي أشوفج باجر...والله يقومج بالسلامة أحمد: المهم عموووه أي شي تحتايووه أتصلي فيه...رقمي عندج أم نورة: إن شاء الله أحمد ألتفت يطالع نورة وغمز لها: بمر عليكم قبل لا اروح الدوام...تصبحوا على خير نورة+أمها: وأنت من هل الخير ظهر أحمد وأمه من المستشفى وهو حاس أنه منتهي خلاص من الارهاق...من وصل من بوظبي وهو فالمستشفى... حصه لاحظت هالشي: تروم تسوق؟ أحمد: بصراحة ماروم...بس شو أسوي أمري على الله حصه: أنزين بتصل عبد الحق أينا...برايها سيارتك هنيه لين باجر أحمد: لا شو تتصلي بالريال الحينه حصه: وأبوي شغله أحمد: ماعليه الغلا البيت مب من بعده"وصلوا عدال سيارته" هههه صدقيني بوصلج البيت ساغ سليم حصه: الله يستر ...... كانت واقفه على البلكونه...ورغم برودت الجو إلا أنها ماكانت تحس فيه...بالعكس بقربه كانت تحس الجو مافيه أحلى منه...كان لاوي عليها من جتفها...وشكله كان سرحان يطالع أضواء وأنوار بيروت...فهالوقت فالبلاد الجو حار من الخاطر...الصيف مايرحم...لكن فبيروت وفبلاد الشام بشكل عام جوهم ألطف... زهرة ترفع رأسها علشان تقدر تشوف ويهه زين: وين وصلت أنتبه محمد وابتسم لها: عندج زهرة: متأكد محمد: مليوون فالميه زهرة: اتصلت بالأهل؟ محمد: لا طبعاً زهرة مبوزه: ليييييش محمد: أنسي زهرة: حمووودي حرام عليك أنا مب طالبه أكثر من أسبوع محمد: بس انا حياتي مب حاسب حسابي أنتم هنيه أكثر زهرة: والله مب هاينه عليه لبنان أودرها محمد يحبها على رأسها: مره ثانية إن شاء الله زهرة وأونها زعلانه: متى!؟ محمد: هههههههههههههه من الحينه...خليها على الظروف...شدراج يمكن أوديج مكان أحلى المره اليايه زهرة: لا لا لا لا مافيه مكان أحلى من لبنان محمد: حليلج...عيل ماشفتي شي زهرة: إللي يسمعك جنك أنت إللي شايف محمد: أحم...على الأقل أنا سرت العمرة أكثر من مرة وسرت صلالة بعد أكثر عن مره"يغمز لها" مب شراتج...ماتعرفي مكان فالدنيا غير بوظبي...حتى العين ماظني قد شفتيها من قبل زهرة ماده البوز شبرين: حضرتك تطنز عليه...أنزين شو أسوي يوم هلي مايطلعونا من البيت خير شر محمد أيرها من أيدها يدخلوا الغرفة: ماعليه غناتي...وعد مني...وإذا سمحت الظروف كل سنة بنسافر بلد زهرة متشققه: والله محمد: والله...الحينه نحن مسؤولين ونقدر نتحمل مسؤولية نفسنا...أنا عن نفسي أبى ألف العالم زهرة: وطبعاً مابتروح من دوني محمد يحج شعره: بفكر زهرة تضربه على جتفه: لا والله...مب كيفك...أصلاً من نوصل البلاد بيود يوازك عندي محمد: ههههههههههههههههه قبل مب رايم حتى أتنفس بسبت الوالد الله يطول بعمره...الحينه يا دورج زهرة: هيه عيل شو تتحرى عمرك...من عرسة حر تروم تلعب بذيلك...دى بعدك حبها على خدها بشكل مفاجأ حمر ويها على طول: فديت المصارى أنا .......... العصر من اليوم الثاني شل حمدان أمه يوديها المستشفى تزور نورة...أول ماوصل عدال باب غرفتها كان يبى يدخل يسلم عليها وحاولت وياه أمه...وبأنها مهما تكون هذي بنت عمه...لكن هو ماكان عنده الجرأة الكافيه بأنه يواجها...وكان واقف عدال الباب فالحظه إللي أنفتح فيها الباب"كانت أم أحمد" طالعه...أول شي طاحت عينه عليه"نورة" إللي كانت يالسه على كرسي...لابسه شيلة صلاة بيضى عليها ورود زرق وجلابية زرقى...صدمه شحوب ويها وضعفه...رد على ورى بصدمه...دخول أمه وتبنيدها للباب منع عنه رؤيت نورة إللي كانت يالسه ترمس أمها...فهالحظه قررت تنزل من على الشبريه لأنها تعبت منها...ومشت فالغرفة شوي بعدين يلست على الكرسي... أما حمدان يلس على أول كرسي وصل له في الممر...وهو مبهت...سؤال واحد فقط لا غير سأل نفسه"معقوله فيه إنسان يحب ممكن يدمر إللي يحبه جيه؟؟وبهالأسلوب؟؟" كل إللي سواه كان هدفه بأنها تكون من نصيبه وبعدين بيحاول يصلح كل إللي سواه فحقها...يوم عن يوم يتأكد بأن نورة بمنتهى البرائه والغباء..."هيه نعم غبيه...معقوله لين الحين ماأكتشفت بأني أصلاً ماصكيتها...يمكن أكون أناني وكريه فبعض الأمور...بس مافيها شي...أطالب وأدافع عن حقوقي...لكن مستحيل أكون بهالحقاره بأني أعتدي على شرف بنت عمي من لحمي ودمي...يوم أباها أباها بالحلال...وهذا مبدأي...مستحيل أغيره" رد البيت وويه نورة مايروح عن باله...بعده يباها...لكن شو الفايده إذا أستمر بتوهيمها بأنها مغتصبه...وتدريجياً تنهار أعصابها ويزيد عليها المرض؟!... ...... بعد المغرب فغرفة نورة فالمستشفى كان يالس وياهن أحمد بعد ماصلى المغرب المسيد التابع للمستشفى...كان فداخله معصب بسبت تجاهل نورة له...حس بأنها تحاول تتحاشاه.... كانت يالسه على شبريتها وحاطه على ريولها مجلة زهرة الخليج وتتصفحها...ماكانت تشوف أي شي فصفحات المجلة...لأنه وجود أحمد في الغرفة مشتت لها أفكارها...ويحسسها بأنها مجرمة... مخادعه...كل مايحاول يبدأ موضوع معين تنهيه بإجاباتها المختصره...فاجأتها أمها يوم وقفت وعدلة برقعها ولبست عبايتها... نورة وشكلها زايغ: وين رايحه أم نورة: ههههههه شو فيج غناتي زغتي جيه...بروح أزور يارتنا أم سلامة مرقده هنيه من ثلاثة أيام...ماببطي...وعندج أحمد نورة"ياربي هذا إللي ماأريده":انزين مب لازم الحينه...روحي فوقت ثاني أحمد معقد حياته بقهر: ماعليج عموووه توكلي...نوار أنا يالس وياها نورة بأعتراض: بس.... ماكملت رمستها لأنه أمها قاطعتها: وأبوي عليج...نورة! نورة بيأس نزلت عيونها أطالع المجلة إللي فثبانها: خلاص روحي...وسلمي عليها أول ماظهرت أم نورة وقف أحمد وأقترب منها وير المجلة من ثبانها وفرها بعصبيه على الطاولة الصغيره إللي عدال الشبريه..التصرف إللي خلى نورة تنكمش بزيغ... أحمد ييلس عدالها وهو يحاول يسيطر على أعصابه: نورة شو فيج؟؟؟؟ نورة بالكاد صوتها ينسمع: مافيني شي أحمد: لا فيج...مستحيل تكوني طبيعية...أستوى شي وأنا ماأدري؟ نورة حست بنفضه فكل جسمها: شو أستوى يعني أحمد بضيج: نورة حد غصبج عليه؟ نورة: لا طبعاً أحمد: عيل ليش أحسج مب متقبلتني...وجني مفروض عليج فرض نورة: محد يقدر يجبرني على شي أنا ماباه أحمد ركز على ويها فترة...بعدين هز رأسه وكأنه مب مقتنع بكلامها: ماأعرف ليش...بس أحساسي يقولي فيه شي...فيه شي جايد ماتبيني أعرفه نورة: تتوهم أحمد أبتسم رغم أنه فداخله بعده شك: ماعليه غناتي الأيام بينا وبعرفج...يمكن أشعر جيه لأنا مانعرف بعض أوكى نورة: يمكن أحمد رفع أديها الثنتين وحبهن: تعرفي شي...لو ماتبيني وماأدانييني...ماودرج...وأعتب ريني لصق سبر غلو...مالج خلاص مني"حب كفينها مره ثانية وأبتسم وهو يطالع ويها المحمر" الله لا خلاني منج نورة عضت على شفاتها ومن دون رد طبعاً...طولت على هالوضع...وهو تم صاخ ولا نطق بحرف...كان قريب منها وايد...قررت أخيراً ترفع عيونها واطالع ويهه القريب...كان يبتسم بخبث...فهمت قصده من الأبتسامه...وفهمت شو ناوي يسوي وبحركة سريعه نشت من على الشبريه...ونقع أحمد ضحك... أحمد وبعده ميود أيدها وهي واقفه: ههههههههههههههههههههه ماباكلج والله هههههه "أيرها علشان تيلس" تعالي نورة تبتسم بخجل: مابى أحمد: حياتي مانسوي شي غلط "يغمز لها" أستغلي الفرصه محد موجود الحينه نورة: هههههه مابى أستغلها...ماحب أسوي شي من ورى أمايه أحمد: أونها...حطي عينج فعيني...معقوله ماقد سويتي شي من وراها نورة بعناد: هيه ماقد سويت شي من ورى ظهرها أحمد: طيعي الشور هزت رأسها بالرفض: متى بيظهروني "تغير السالفة" أحمد حايس بوزه: باجر نورة وأخيراً حررت أيدها منه ويلست على الكرسي: زين أحمد يطالعها بنظره: هيه زين...بس صدقيني إن رديتي ماتأكلي شرات قبل بردج المستشفى...وبنشوف منوه بيطلعج نورة تحاول تكتم ضحكتها بسبت شكل أحمد المقهور: بطلع نفسي أحمد يوقف جدامها: تتحديني...بنشوف كلمة منوه بتمشي"تم يطالع ملامح ويها الباسمه...بعدين قال بيأس" غلبتيني هالمره نورة بعد ماأكتشفت بأنها مب حامل...والأوهام والرعب إللي كانت عايشتنه الأسابيع إللي طافت بأنها إحتمال كبير تكون حامل من حمدان زالت أخيراً...وخففت عنها المعاناه إللي كانت عايشتنها...وقررت عقب ماتظهر من المستشفى تشوف لها يوم مناسب علشان تصارح أحمد...مب لأنها ضامنه حبه لها وبأنه بيوقف وياها للنهاية...لكن أحساسها بالخداع مسيطر عليها...وأحمد مايستاهل هالشي...فلازم تعترف له وتخبره بكل شي...ويصير إللي يصير ......... فاطمة منسدحه بتعب فوق شبريتها... تجلب صفحات المجلة وفكرها مع أختها... يحليلج ياختيه.... وين نورة إلي دائماً أشوفها متماسكه مهما كان... وين نورة؟؟؟ وين نورة إلي دائماً تقول لي الدنيا ما تستاهل أنه الواحد يعور رأسه عليها وين نورة إلي دومها مبتسمه ؟؟؟؟؟ فرت فاطمة المجلة وصدت تشوف منى إلي يالسه تتعبث وتقطع في ألعابها.... حطت رأسها على المخده ليش ياربي حمدان يحاول يدمر حياتها؟؟ موب كافنه إلي سووواه فيني؟؟؟ فاطمة شبه متأكده بأن حمدان ماسوى أي شي لنورة...وكل هالشي جذب فجذب...وكلها محاولات منه علشان يعيشها وهم الأغتصاب...لكن للأسف نورة مقتنعه بهالشي...ورافضه كل محاولات فاطمة وياها بأنها تقنعها تروح أي عياده وتتأكد...وكل ماتقتنع تتراجع بسرعة بسبت مسجاته إللي يبثها شرات السم...فكرة الأغتصاب مسيطرة على فكر نورة...وفاطمة مب عارفة جى تغيرها...وإللي زاد الطين بله جهل نورة فهالأشياء... منى وهي مبوزه: ماما وين ددووووه؟؟ فاطمة تيلس بنتها عدالها: حبيبتي يدوه في المستشفى ويا خالوووه نورة. منى تنزل من شبرية أمها: بلووح فاطمة تيود ايد منى: وين بتروحين؟؟ منى : بلوح خالوه فاطمة : منووووه حبيبتي خالوه في المستشفى مريضه.... منى: مستسفى فاطمة تبوس يبهت بنتها بكل محبه وترد عليها : هيه حبيبتي منى: ماما بلوح المستسفى أنا؟ فاطمة: لا حبيبتي بنتم هنيه مع أرنوبج. منى مبوزه: مابا... بلوح........ بلوح" وهي تحاول تنزل" فاطمة: زين روحي بس يوم يمسكج الدكتور ويعطيج أبره لا تييني تصيحين. منى وشكلها زاغت وهي اطالع ويه أمها بخوف: لا مابلوح ...... ماهبه فاطمة: لا روحي ليش ماتروحين. منى وهي بسرعه تدخل تحت البطانيه وطلع بس رأسها الصغير: لا مابلوح فاطمة تحط رأسها على المخده.. لحظات إلا ومنووه تلوي عليها بقوووو فاطمة: منووووه شوو ياج حبيبتي منى وهي رافضه أنها تفج أمها: أحاف فاطمة: خايفه من منوه؟؟ منى تحاول تتلفظ بالأسم بس موب عارفه كيف: د...دت "الدكتور" فاطمة: حبيبتي هو في المستشفى موب هنيه... منووه تراج تعورين الداداه. من طرت فاطمة الياهل.. قامت منى وحطت رأسها على بطن أمها: داداه " وهي تتبسم". فاطمة وهي تضحك على حركة منى: ههههههههههههه منى: نايمه ماماه؟؟ تمت جيه ترمس منى وتلاعبها لحد مارقدت............ ............................ أول واحد شافه فالمعسكر من ربعه جابر...إللي نزل من سيارته ويا صوبه...وتوايهوا...جابر بالأضافه أنه ربيعه أعلى منه في الرتبه...لأنه أكبر عنه في السن...لكن معرفتهم ببعض قديمه شرات معرفة أبائهم... جابر: ياخي المعاريس ماأتصلوا منصور يبتسم: شكلهم عيبتهم لبنان جابر: انزين يوم أخوك مايبى يتصل عنبوه حرمته بعد مب سائله عن حد إلا شراته منصور: هههههههههه ياريال جابر: ماعليه خلني بس أشوفهم منصور: يومين بالكثير وواصلين تفاهم عاد وياهم جابر: ياخي هذا أخوك جيه"يرص على ضروسه ويسوي حركه بصبوعه علامه على البخل" حشى عاد مب جيه البخل منصور: لا ماعليك...بوجسيم يعيبك...المهم نترخص منكم سيدي "وسوى التحية العسكريه" جابر: تراه غداك عندنا اليوم منصور: مره ثانية جابر: آفااا...لا ماشي مره ثانية أم جابر هي قايلتلي أخبرك منصور بتفكير: خلاص تم جابر: عيل يوم تخلص مر عليه بنروح رباعه منصور: إن شاء الله فعلاً محمد من سافر مااتصل إلا مرتين...مره يوم كانوا فسوريا والمره الثانية يوم وصلوا لبنان...وبعدها كله منصور يتصل فيهم...فكل مره يتصل منصور بأخوه يحس من صوته بأنه فقمة السعاده...وهذا أكثر شي تمناه حقه منصور...وهو متأكد بأن زهرة إنسانه طيبه...يكفي مدح أمه لها بستمرار...مايعرف ليش يت على باله صالحه...مستغرب ليش هالبنت طلعت غير عن خوانها...هو ماينكر بأنها آيه من الجمال...لكن شو فايدت الجمال دامه ماشي أخلاق...لحد اليوم يتذكر الحركة البايخه إللي سوتها وياه...وأمه مب مقصره فمحولاتها المستمره بأقناعه بصالحه...لكن منصور عمره مافكر بأنه يتزوج إنسانه بجرأت صالحة...لو تزوج وحده مافيها أي مقومات الجمال لكن بنت حشيم...ولا يتزوج بنت بجرأة صالحه...لحد الحين شافها مرتين...وفالمرتين هو متأكد بأنها مقصوده...ومايخصها بالصدفه...وحتى لو بالصدفه ماتتجرأ وترمسه...لو صدق بنت محترمه...! طبعاً أتصل ببيتهم وخبر أمه بأنه بيتغدا فبيت بوجابر...وبعد الدوام طلعوا هو وجابر رباعه من الدوام...وكالعاده هالبيت الكبير مايخلى من الناس والمعازيم...كان عندهم أهلهم من دبي...منصور يعرفهم...لأنه شافهم أكثر من مره فبيت بوجابر...بوجابر نسخه ثانية من أبوه فالصرامة والهيبه...لكن السن وايد ظاهر عليه أكثر من بوحمدان... أما هي إذا عرفت بأنه عندهم معازيم فتم لازقه بالدريشه...عيونها على الداخل والطالع...مب لأنها تحب أطالع الريايل...لكن على أمل بأنها تشوفه..."ليته بس يحس فيه" هند: حشى ماتتعبين صالحه: اليوم الأربعاء...احساسي يقولي أنه بيي هند: هههههههههههاي وأنت كل أربعاء أحساسج يقولج بأنه بيي...بس يطلع هالأحساس يقص عليج صالحه: آآآه ليتج تعرفي بالي هنيه"حطت أيدها على صدرها" هند: أييييه لا تعلميني هالسوالف البطاليه...أنا بعدني صغيرونه عليها صالحه: هههههه على منوه تقصين...أنتي ماشي ماتعرفينه يالشيطانه هند تخزها بعين: على الأقل مب شرات بعض الناس متآثرين بروايات أحلام وعبير وهالخرابيط صالحه: أنتي شدراج بالرومانسيه...يالدفشه هند: أحسن أكون دفشه ولا خبله أعق عمري فمواقف محرجه صالحه: أدافع عن حقي هند: ههههههههههههههههههاي الحينه منصور صار من حقوقج...من متى صالحه بعناد: هيه من حقوقي...وبدافع عن للنهايه...وبتشوفي فالنهايه مرجعه لي هند: تعجبيني يا واااااااثقه أنتي ردت أطالع من الدريشه فاللحظه إللي دخل فيها منصور وجابر الباب العودي للبيت...تيبست صالحه مكانها...وعيونها متعلقه فيه لحد ماوصلته ميلس الريال...:يا هند معقده حياتها: منصور!؟ صالحه ألتفتت أطالع أختها شاجه الحلج: هيه...أعرف بأنه بيي...أحساسي مايخيب...شفته شفته...بموووووت هند: هههههههههههههههه شوي شوي على روحج... مشت صالحه وهي فالعالم ثاني لين مايلست على شبريتها...وهند أطالعها ببلاه...: بصراحة...حرام مايكون من نصيبج...والله...من يلقى فهالزمن شخص يحبه بهالقوة!؟ ......... بعد مارقد له ساعة نش وتسبح وعلى طول ركب سيارته وتوجه للمستشفى...نورة خلاص رخصوها...ولحد الحين فالمستشفى...فرايح يشلها...وكانت وياها أمه...لأنه أم نورة ردت البيت من الصبح... أول مادخل غرفتها قابلته باقة ورد جوري كبيره...أول مره يشوفها فغرفتها...عقد حياته... حصه: أحيد العرب يسلموا يوم يدخلوا على حد أحمد أنتبه لنفسه: أووووبس نسيت...السلام عليكم حصه+نورة: وعليكم السلام حصه: تأخرت أحمد بعدها عيونه على الباقة: رقدت ساعة نورة تبتسم: حد دق علينا الباب من ساعتين...ويوم فتحت عمووووه لقتها عدال الباب ومحد موجود أحمد يلتفت يطالعها: من منوه ؟! نورة بحيره: ماأعرف أقترب من الباقة الكبيرة...كانت عليها بطاقه مكتوب عليها "لو فيه أكبر من هالباقه كنت طرشتها حقج...لأنج تستاهلي...وسلامات غناتي ماتشوفين شر...من "م" " أحمد: إللي مطرشنها يبدأ إسمه بحرف ميم...منوه من ربيعاتج إسمها بحرف الميم نورة: عندي ثنتين إسمهن مريم...ووحده موزه أحمد بشك: ويطرشن باقة ورد شرات هذي...انزين ليش مادخلن؟! نورة تهز جتوفها بحيره: شدراني"وترد وتبتسم" بس الباقة عايبتني أحمد صد عنها وشل شنطتها وبعض الأغراض: ماتبيها نورة بصدمه: ليش ظهر أحمد من الغرفة من دون مايرد عليها...كان الحمال يترياه برع...ورد مره ثانية الغرفة وظهر بقية السامان...: يالله مشينا حصه تحتج: انزين يوم ماتبوها...أنا أباها أحمد: خلاص خذيها"ويقترب من نورة ويلوي عليها من جتفها محاولة أرضاءها" إذا على الباقة بشتريلج أكبر عنها وأحلى نورة: أنزين ليش مب هذي أحمد: لأنا مانعرف مصدرها...خلاص غناتي قلت بشتريلج غيرها حصه: شو نورة مب ناويه تعطيني أياها نورة تبتسم غصباً عنها: لا فديت روحج عموووه خذيها أنقهرت نورة من تصرف أحمد...لأنه شك واضح وصريح...هو طبعاً من حقه يشك...لأنه مصدر هالباقة غير معروف...ومستحيل وحده من ربيعاتها تهديها هالباقة من دون ماتدخل وتسلم!!! لكن مع هذا ماهم نورة مصدرها كثر فرحتها بهالباقه...أحمد طبعاً مب مقصر...محول غرفتها حديقة ورود...لكن ورد جوري نقطة ضعفها...تموت عليه... . . . الشي إللي مايعرفه أحمد ولا نورة مصدر هالباقة...الشخص اليالس فهالوقت في الكافيه فالمول...مستحيل أي شخص يمر مايلفت أنتباهه...لون كندورته الصفرا الفاقعه تشد الأنتباه...عيونه على أي سواد يمر "عبايه" عداله...وعلى ويهه إبتسامه خبيثه... خليفة: هاااا وين إللي وصيتك تيب لي من ماليزيا مطر: موجود طال عمرك خليفة: وايد طولت ياريال مطر: ياخي إللي يروح ذيج البلاد مايمل منها...ولو ماحشرت الوالد ولا مارديت والله خليفة: هههههههههههههههههه شعليك...لو أتم سنة كامله هناك مابتنقص الميزانيه مطر: عوذ بالله من الحساد...ذكر ربك ويا هالويه خليفة: ههههههههههه ماشاء الله ماشاء الله... مطر: وبعدين أنا عرضت عليك ترابعني...إلا اروحك مابغيت خليفة حط أيده على رقبته: وين أروح والوالد هب مقصر وياي... مطر: هاااااا خبرنا بالمستجدات خليفة: خبرتك عن بوشهاب ملج...وخويه ظهروه...وشوووو بعد....بس مطر يبتسم بخبث: ولا بوشهاب ملج خليفة: شفت عاد....شكلنا إلا بنسوي شراته مطر: لااااااه أنا توه الناس على الزواج وعوار الرأس خليفة: شعليك.... مطر يقطع رمسته: ردينا خليفة: هههههههههه ماشاء الله ماشاء الله مطر يأشر بعيونه صوب بنت مرت عدال الكافيه وتمشي بروحها: طالع طالع... خليفة نش: وراها مطر: ههههههههههههه وراها "نش هو بعد" ........... وصلت نورة البيت وعلى طول راحت أدور فاطمة إللي كانت يالسه عدال الدرج تترياها...ومن شافتها لوت عليها بقوة...وتمت أتصيح فحضنها... أما أحمد وأمه دخلوا الصالة ولقوا أم نورة ووياها منى...وحطولهم الفواله... أحمد يطالع منى المنخشه ورى يدتها بنظره باسمه: تعالي منى تظهر له لسانها بشطانه: مااااااابى أحمد: هههههههه هذي منى صح أم نورة: هيه بنت بنتي فاطمة حصه: فديتها...تعالي حبيبي منى بدلع تحط رأسها على جتف يدتها: مااااااابى أحمد: تعرفيني أنا منوووه؟ منى: منووه؟ أحمد: أنا ياي أخذ خالووووه نورة منى أطالعه مبهته...بعدين بوزت: ليث؟ أحمد: بس جيه...خلاص بشلها عنكم أنتوا ماتبوها منى أمتلن عيونها دموووع: لا مابتسل حالوووووه أحمد: لا بشلها حصه: أحمد! أحمد: ههههههههههههاي...خالوووه نورة خلاص ماتباكم...يايه تشل ثيابها وبتيي وياي منى خلاص على وشك الصياح: لا مابتسلها...حالووووه نوله مالتنا...ماااااابى أحمد بمغايض: لا مالتي أنا حصه دزته: وأبوي أحمد صيحت البنيه أم نورة: هههههههه عاد هذي على الوحده...مستعده أحمد يبتسم بخبث وهو يطالع منى إللي كانت لاويه على ظهر يدتها بقوه وشكلها بدت تصيح: خلاص منى...مابشلها اليوم منى رفعت رأسها أطالعه وعيونها دموع...وردت تغطي ويها مره ثانية وتصيح: ماااابى أحمد: ماعرفنالج الحينه...تبيها ولا لاء؟ دخلت سوزن وشلت منى إللي كانت تصيح وبدأ صوتها يرتفع...وهي أطالع أحمد إللي كان يضحك عليها...بنظرات كراهيه: ماااااهبك أحمد: ههههههههههههه عيل أنا أمووووت فيج وفحالوووه نورة تمت منى نزاعج بكلام محد قدر يفهمه من كثر ماكانت معصبه بسبت أحمد...وظهرت من الصالة وهي على هالحال... حصه: حليلها...كم عمرها أم نورة: ماباجي لها إلا كماً شهر وتدخل الثلاثاء حصه: ماشاء الله عليها...الله يخليها لأمها أم نورة: آميييين بعد ماهدت نورة شوي ركبن فوق لغرفة نورة...وتمت أطالع أختها وهي تبتسم وتمسح دموعها: الحمد لله...عدت على خير... فاطمة بهدو وتعاطف: نورة أنا قلت لج أكثر من مره سوي فحوصات وريحي نفسج من هالهواييس والرعب إللي عايشتنه نورة: والله العظيم يافطييم ماأقدر...ماعندي الجرأة الكافيه فاطمة: انزين معقوله ماتعرفي إذا سوابج شي ولا لاء نورة بيأس: كل شي يدل... قطعت رمستها فاطمة: مافيه شي إسمه كل شي يدل...فيه شي ملموس ولا لاء؟؟...نورة والله العظيم عيزت وأنا أقنعج أنه ماسوى فيج شي نورة: فطيييم أنتي ماشفتي جى يرمس...بكل ثقه...بعدين ماشفتي حالتي هذاك اليوم "دموعها نزلن مره ثانية" فاطمة: أنا لو مب فالعده ولا كنت عرفت شغلي وياه نورة بحزن أطالع أصابعها: تصدقي كل ماأكون ويا أحمد أجز من نفسي...لأني أتخيل نفسي ويا حمدان فالكراج...ماتتصوري الأفكار إللي مسيطره على تفكيري...حتى فنومي تيني كوابيس...حمدان معيشني رعب محد يقدر يتصوره فاطمة: العين فيها مية عياده وعياده خاصه...فحصي نفسج وتأكدي وتخلصي من هالأفكار إللي يبثها هالحيوان نورة: زايغه فاطمة: انزين هو هدفه جيه...هدفه يدمر نفسيتج شوي شوي...كوني أقوى منه...نوار حبيبتي أحيدج أقوى من جيه...شو صار لج؟! نورة: حمدان دمرني فاطمة: أنتي أدمري نفسج بأيدج ........... بعد ماصلى المغرب فبوظبي فالمسيد إللي عدال بيت بوجابر ركب سيارته وتوجه للعين...وشغل الآف أم...حاولوا وياه علشان يتعشى وياهم...بس هو ماطع...لأنه قايل حق أبوه بعد ماأتصل فيه العصر بأنه بعد مايصلي المغرب بيطلع...وبعدين مافيه يتأخر وايد فبوظبي...خطرت على باله فهالوقت منى إللي صدج توله عليها...لأنه طول هالأسبوع ماراح بيتهم بسبت وجود فاطمة بروحها فالبيت...مافيه على رمسة الناس إللي ماترحم...هالبنيه دخلت قلبه من أوسع أبوابه...لو من ست سنوات هو إللي متزوج فاطمة أكيد بتكون منى بنته هو...ورغم هذا كل مايشوفها يحس بعطف كبير عليها تيتمت وهي فهالعمر الصغير...الغير مدرك...فعمر صعب تتذكر أبوها بعد ماتكبر...يمكن من الأسباب إللي خلت منصور يتعلق فيها أكثر بأنها بنت فاطمة...لكن هو ينكر هالسبب بشدة...لأنه فاطمة من ست سنوات أختارت طريقها بعيد عن طريقه...يعرف بأنها كانت مجبره...وأنه ساعتها كان فحيره...هل يوقف جدام أخوه ويدافع عن حبه...أو يؤثره على نفسه...لأنه إللي بينه ساعتها حمدان بأنه يريدها بصدق...لكن للأسف مع السنين تبين العكس...وأن فاطمة كانت مجرد أختيار ممبين عدة خيارات عند حمدان... قطع عليه أفكاره يوم شاف سياره أودي حمرا منجلبه...وشكلها من لحظات منجلبه لأنه محد عندها...وكان تقريباً فمنطقة الخزنة...وقف سيارته بسرعة ونزل يربع صوب السيارة المنجلبه...كانت توايرها فوق...يلس عدال باب السايق...كانت مفاجأة بالنسبه له...لأنها كانت بنت...لفت أنتباهه شعرها الأشقر تقريباً على طول تبادر على ذهنه بأنها أجنبيه...شعرها تقريباً مغطي معظم ويها...بس قدر يلاحظ خط الدم على خدها...وهو يحاول يفتح الباب ظهر موبايله من مخباه بسرعة وأتصل بالشرطة...فلحظات وصلوا ووقفت سيارة ثانية...كل محاولات منصور باءت بالفشل...من وصلوا الشرطة تموا يحاولوا يفجوا الباب لكن من دون فايده...بعد فتره قدروا يشلوا الباب ويظهروا البنت ومنصور وياهم يساعد...بهت من شاف ملامح ويها الملائكي...ولاحظ عليها بأنها لابسه عبايه...وعلى مسند الكرسي شيله...بس ملامحها أبد مايخصها بالعرب... وحد من الريال إللي ساعدوا: روسيه يمكن منصور: ماظني روسيه حطوها فالأسعاف وشلتها بسرعة للمستشفى...وبعد مافتشوا الشرطة فسيارتها لقوا شنطتها...وظهروا البوك...فيه كل بطايقها...أنصدم منصور يوم قال الشرطي أسم البنت...كان عربي إماراتي...ومن عايله يعرفها زين مازين...!!! ركب سيارته ولحق الأسعاف بتجاه المستشفى...وطول الطريج وهو يحاول يتصل فيه...لكن مافيه فايده مايرد...وصل المستشفى ودخل من باب الطوارئ...سأل عن المصابه إللي يايبينها من شوي خبروه بأنها فالعمليات...كان فحيره من أمره شو يسوي...فهالحظه أتصل...شكله أنتبه لأتصالات منصور... منصور: السلام عليكم أحمد: وعليكم السلام...هاااا شووو صار؟؟!!لقيت فوق العشر مس كول منصور: من شوي راد من بوظبي..... أحمد: أنزين منصور: لقيت حادث أحمد: لا حول ولا قوة إلا بالله...عسى محد تعور منصور: إللي مسويه حادث بنيه أحمد: ياخي ماأعرف ليش يعطوهن ليسن هذيلا لا يعرفن يسوقن ولا شياته...عسى ماتعورت وايد منصور: هالبنيه تخصكم أحمد منصدوم ومستغرب فنفس الوقت: تخصنا!!! منصور يبل ريجه: هيه تخصكم...أظني بنت عمك أحمد مستغرب..كان منسدح وقام عدل يلسته: ياريل قول رمسه غير هذي...ماعندي غير بنت عم وحده...وهي الحينه برع الدوله منصور: تقصد المها محمد الـ أحمدصدج مصدوم: المها!!شو صار بالضبط؟!ووينها هي الحين؟! منصور: لحد الحين ماأعرف لأنها فمستشفى التوام ودخلوها العمليات أحمد نش من فوق شبريته بسرعة: خلاص أنا ياي الحينه ماكان عنده وقت للتفكير أو أي شي ثاني...وبسرعة بسرعة لبس كندورته وشل غترته وعقاله فأيده وظهر يربع...وطول الطريج وهو يفكر فالمها...هي من الأساس شو تسوي فالعين...وكيف لقاها منصور ووين بالضبط مسويه حادث؟؟ومتى ردت البلاد؟؟ لقى منصور واقف يترياه من وين غرفة العمليات...وأنتبه لآثار دم على كم كندورته...حس برعب حقيقي...هذي مهما تكون بنت عمه من لحمه ودمه وأنه يستويلها شي صعب بالنسباله...خبره منصور بكل تفاصيل الحادث... أحمد: الله يستر...حد أتصل بعمي؟! منصور: الشرطي إللي كان ويانا أتصل بأبوها منصور أنتبه لملامح القلق إللي ظهرت على ويه أحمد...معذور مهما تكون هذي بنت عمه...فأكيد بيخاف عليها...بعد ربع ساعة وهم واقفين عدال غرفة العمليات أتصل علي أخو المها بأحمد... أحمد: وين أنت الحين؟ علي: قريب منكم بين اليحر والسليمات أحمد لاحظ على ولد عمه تغير نبرة صوته: عمي وياك علي: هيه أحمد بقلق: شخباره؟؟ علي يلتفت صوب أبوه ويعض على شفاته: ماعليه شر إللي مايعرفه الكل بأن أبو المها مريض بالقلب وأي صدمه ممكن تآثر عليه وتنهيله حياته...لكن هو من سمع بأنه بنته سوت حادث فالعين حاول قدر المستطاع بأنه يتماسك...المها واصله البلاد من أمس...ومن عرفت إنه أحمد ملج وهي حالتها حاله...لأنه محد خبرها... أمها وأبوها صار لهم منفصلين عن بعض من سنوات...وهي فضلت تعيش ويا أمها فبريطانيا...إلا هالسنة هي أطول مده قضتها فبلادها ويا أبوها...علي أخوها من زوجة أبوها...إللي هي زوجته الأوليه وعلى ذمته لحد الحين... وصل علي وأبوه...وأحمد ومنصور بعدهم مكانهم من وين غرفة العمليات...بوعلي رغم تماسكه إلا أنه مبين عليه التعب والخوف على بنته... بو علي: شو ؟؟؟ محد منهم ظهر؟؟؟شو صار؟؟؟طمنوني الله يخليكم أحمد يحاول يساند عمه التعبان: إن شاء الله خير عمي إن شاء الله خير بعد ساعة من الأنتظار ظهر واحد من الدكاتره...إللي يالس نش وإللي واقف أتجه صوبه...إلا منصور حاول يكون بعيد شوي...وهو أصلاً تام وياهم لين الحين علشان يطمن على حال البنت...وبعدين هم الحين تقريباً أهل...فضيحه يروح عنهم ولجنه يعرفهم... الدكتور: متخفوش...البنت ولله الحمد دلوأتي بخير...أصيبت بنزيف داخلي أدرنا نسيطر عليه...وفيها شويت رضوض وكسر بأيدها الشمال...وإن شاء الله مع الوأت هتصح...ومفهاش إلا كل خير هنيه صدج بانت الراحه على ويه بوعلي إللي أنهار على أول كرسي وصله...ولاحظ أحمد دمعه نزلت من عين عمه وهو يقول "الحمد لله الحمد لله"...وأحمد فنفسه يقول نفس الكلمتين إللي يرددهن عمه... أقترب منصور من أحمد وحط أيده على جتفه: سلامتها بنت عمك أحمد: الله يسلمك.."أبتسم" مشكووور منصور تعبناك ويانا منصور: آفااااا يالنسيييب ماممبينا هالرمسه...نحن أهل الحين ظهر عنهم منصور ورد البيت وهو ميت تعب...وفنفس الوقت يشعر براحه بأنه البنت نجت... ........ ظهر من المستشفى وهو مرهق من الخاطر...لكن مع هذا عاند نفسه وأتجه صوب المقهى الشعبي من وين يعرف ربعه ساهرين...أكثر شي ريحه سلامة بنت عمه...وحز بخاطره الدمعه إللي نزلت على خد عمه...هو يعرف أنه علاقة عمه ببنته"المها" مب لين هناك أوكى...رغم أن بوعلي يحاول المستحيل علشان يتقرب من بنته...وهالجفوه بين البنت وأبوها سببها البعد...المها طول عمرها عايشه ويا أمها المتحرره فأوروبا والبنت نشأة هالنشأه بعيد عن مجتمع أبوها...صح كانت تيي البلاد بين فترة وأخرى...لكن هالفترات المتقطعه ماساعدت أبداً فتأقلم المها ويا مجتمع أبوها...ويمكن محاولتها تعيش سنة فالإمارات كانت كمحاوله منها بأنها تكسب أحمد...وتحاول تكسب قلبه...لكن من دون فايده...بوعلي يحاول المستحيل علشان تبقى المها فالبلاد جدام عيونه...لأنه الجو إللي عايشتنه فالندن مب مناسب لبنت تجري فدمها دماء عربية إماراتية لها عاداتها وتقاليدها... وصل أحمد المقهى...شاف راشد وسلطان يالسين على طاوله فزاويه...راشد يشيش وسلطان يرمس فالتلفون...ومن شافوه نشوا يسلموا عليه... سلطان يرمس إللي فالتلفون: ويت...."يرمس أحمد" هلا والله بالمعرس"ويوايهه" راشد: شحالك ياريال؟؟؟وينك مختفي؟؟؟ أحمد بعد ماسلم عليهم ويلس: مشاغل الدنيا راشد يغمز: قول مرتز أربعه وعشرين ساعة عند الحرمه أحمد: ههههههه ياريال راشد: لا تحاول سلطان بعد مابند عن إللي يرمسه: هاااا وشخبارك بعد يالمعرس أحمد: ياخي بعدنا ماعرسنا سلطان: المهم نبى الزبده...متى العرس أحمد حاس بوزه: خلها على الله أنت بس راشد: آفاااا ليش أحمد: بعدنا مطولين سلطان: ياريال!!!ليش عاد...لو مثلاً شرات رشود منتوف وماحيلته إلا المعاش بنقول تيمع حق العرس...لكن أنت الحمد لله الله فاتحنها عليك ومقتدر راشد: أيييييه لو ماالبيزات ولا أنا من زمااااان معرس ويمكن الحينه عندي درزن عيال أحمد: هههههههه خاف ربك...إلا السنة إللي طافت مالج راشد: أنزين...ومن أربع سنوات خاطب...أنا يابوك لو ماالماديه تعبانه ولا كنت معرس من زمااااااااااان أحمد: انزين شو رأيك تشاركني راشد: أبيع سيارتي...والله مابتيب لي ثلاثين ألف...ولا أقولك أحسن أبيع نفسي سلطان: هههههههههههههه مابتسوى فلس راشد: شفت عاد...بشو بشاركك أحمد: أنا عليه البيزات وأنت الخبره راشد بإهتمام: أنزين الخبره فشوه بالضبط أحمد: ماأعرف...شرايك فالأسهم راشد: لا دخييييلك...أنا مالي حايه فالأسهم... أحمد: أنزين فكر فمشروع نسويه فالعين ممكن ينجح سلطان: هههههه طاعووووو منوه ياي راشد يطالع سلطان: منوووه؟ سلطان: رابح صقر وصل ألتفت الكل يطالع مطر إللي توه ينزل من سيارته...لابس كندوة زعفرانيه...وغترة حمرا...وهو صدق فيه شبه كبير من رابح صقر...نفس الضعف والطول...إلا أنه ملامح مطر شيطانيه...كانت السيجاره فحلجه وهو يتجه صوبهم...وقف شوي من شاف أحمد يالس وياهم يفكر...لكن بعدين أبتسم بخبث وكمل طريجه... مطر: سلاااااااااااااااااام الكل: وعليكم السلام نش أحمد وهو يرمس سلطان وراشد ومطنش مطر: يالله شباب أشوفكم مطر: آفااااااا...وين بوشهاب...؟؟؟!!! راشد مستغرب: وين بوشهاب...ساهرين أحمد: مره ثانية طنش مطر إللي يالس يطالعه بنظرات...مجرد وجوده هو ومطر فنفس المكان متأكد بأنه بيستوي تتش بين الأثنين...وصل البيت وهو خلاص منتهي من الأرهاق...خطرت على باله نورة"فديت هالطاري أنا"...وهو يركب الدري بتجاه غرفته ظهر موبايله من مخباه وأتصل فيها...دق لحد مابند ومحد شله...لكن أحمد مااستسلم رد يتصل مره ثانية...وبعد رنتين ردت عليه وصوتها بالكاد مسموع...وشكلها كانت راقده... نورة: هممممممم منوه؟! أحمد يبتسم بتعب: فديت الراقدين أنا...أزعجتج حبي نورة أنتبهت: هلا أحمد أحمد: هلا حياتي...قلت مستحيل أرقد وماأسمع صوتج نورة: جيه جم الساعة الحينه أحمد: وحده نورة: ول...ولين الحينه مب راقد أحمد: شو أسوي غصباً عني نورة تحاول تيلس وتفتح الأبجوره إللي عدالها وأطالع الساعه: هيه والله وحده وربع...شو مسهرنك ووراك دوام باجر أحمد: هههههههههههه جيه أنا مب شراتج ديايه أرقد من تسع...مبوني أسهر نورة: أنا ديايه!! والله لو مب تعبانه عادي أسهر أنا بعد مرات لحد ثلاث أحمد: خييييبه أيام الدوام نورة: هييييه أيام الدوام...أنت واعدني بتتصل بس يوم ماأتصلت رقدت أحمد يتنهد بتعب: تعباااان من الخاطر غناتي نورة حست من صوته إنه فيه شي: خييير؟؟ أحمد: عقب ماظهرت عنج...مامداني أنسدح على شبريتيه إلا ومنصور ولد عمج متصل نورة معقده حياتها: منصور! أحمد: هيه منصور...وخبرني إنه حد من الأهل مسوي حادث وهو بالصدفه كان موجود فمكان الحادث...طلعت بنت عمي المها... نورة: سلاااااامات...عسى ماتعورت أحمد: لا الحمد لله يت سليمه...أنتي تحيدي أهلنا كلهم فبوظبي...يعني محد غيري...وتريت لحد مايا عمي وولده.. نورة بستغراب: أنزين هي شو تسوي فالعين أحمد: والله لحد الحين علمي علمج...المها أصلا كانت مسافر...يوم تخبرت عمي متى ردت...يقول أمس ردت...بس شو يايه العين تسوي الله أعلم نورة: طلعوها أحمد: لا وين يطلعوها مكسره نورة: حليييييلها أحمد: فيها كسر فأيدها ورضوض...أنا ماشفتها...بس أهم شي أطمنت على عمي وظهرت من المستشفى...تعرفي عمي عنده القلب ومن خبروه عن الحادث وأنا خايف عليه...تعرفي ريال عود مايتحمل نورة: الله يكون بعونه...ويشفي بنته أحمد: آآآآآمين...ويت غناتي شوي"حط الموبايل على الكميدينو وفسخ غترته وعقاله وكندورته...ورد وأنسدح على الشبريه وشل الموبايل مره ثانية" باااااك نورة: هههههه أحلى باااك أحمد: ياويلي على الضحكه...شرايج حياتي انجدم العرس...والله ماله داعي هالمده الطويله من الأنتظار هنيه صخت نورة...لأنه ردها الرفض أكيد...هو يبى يجدم وهي تشوف أنه الوقت ضيج وماباجي شي...عضت على شفايفها بحزن..."يارب متى بيي اليوم إللي برتاح من هالحمل الثجيل...وياترى برتاح ولا بتعذب أكثر" أحمد: وأبوي نوووووره شو رقدتي؟! نورة: هااااا...شو؟ أحمد حايس بوزه: غيري السالفة أنزين نورة وأونها مب فاهمه: أي سالفة؟ أحمد: أونج عاد...تعرفي قررت شي نورة: شو أحمد: أخطفج نورة: شوووووووووو! أحمد: ههههههههههههههاي خييييبه شوي شوي ويا هالحس نورة حمرن خدودها: مب قصدي أحمد: لأنه ماشي حل غير هذا...عاد جى يبوا يأجلوا العرس يأجلوه لأني بكون خاطفنج نورة: ههههههه ماتروم أحمد: تتحدي نورة: أعرف ماتروم أحمد: والله أروم...وصدقيني أنا مايهمني أي حد...وعادي تنشي باجر من نومج تلقي نفسج فصلاله...بنتم هناك شهر....ههههههههه أحلى شهر عسل...وبعد الأوضاع والأنفس ماتهدى بنرد البلاد نورة: لا والله أحمد: هيه والله...ليش لا...حياتي أنا ماعندي صبر... نورة: ماأبى انزين أتزهب؟ أحمد: عنبووووه شهر...ثلاثين يوم مايكفي نورة: لا طبعاً...شو شهر حرام عليك أحمد: أصلاً النقاش وياج مامنه فايده...ماشي غير أخطفج نورة: هههههههههههههههه انزين قبل لا أنسى لا تنسى سيارتيه باجر أحمد معقد حياته: شو تبيها نورة: أبى أداوم أحمد: لا والله...أي دوام هذا واليوم مظهرينج من المستشفى نورة: مافيني شي والله أحمد: أرتاحي...دوام ماشي نورة: أحمــــــــد دخييييلك والله تولهت على شغلي أحمد: أنسي نورة: حراااام أحمد: حلال نورة: بروح بتاكسي أحمد: روحي زين فتاكسي جى تبي أكسر فيج عصى نورة مبوزه: بتضربني! أحمد: هيه نعم بضربج وبكسر رأسج بعد..."سكت شوي" زعلتي؟ نورة: هيه أحمد: والله نورة: والله أحمد: كم يدار فحجرتج نورة بغيض: والله أنت.... قطع رمستها بضحكه عاليه: ههههههههههههههههههههههههه هاي أختاري أنعم يدار وضربي رأسج فيه نورة: باي أحمد: حوووووووووو لا تبندي نورة: شو تبى بعد أحمد: أمووووووت فيج والله...تصبحي على خير غناتي...ولا تزعلي مني أمـــــــزح تراه نورة تبتسم بخجل: وأنت من هل الخير ......... "يارب وين أنا الهين!!وليش رأسي يأورني" بصعوبه قدرت تحرك رأسها وأطالع للصوب الثاني...أستغربت وجود أبوها على الكرسي وشكله شبه راقد...كانت الغرفة شوي مظلمه مب وايد...لكن قدرت تميز بأن هالغرفة مب غرفتها...والشراشف البيض إللي عليها مال مستشفيات...وبصعوبه رفعت أيدها على رأسها تتحسسه...كان على يبهتها مال جروح الكبير... حس بوعلي بحركة بنته فقام من غفوته...وأقترب منها بلهفه وبفرحه: قمتي غناتي حاست بوزها بضيج: شو أسوي أنا هنا؟! بوعلي يبتسم بحنان: الحادث غناتي...ماتذكريه المها حطت أيدها على رأسها بآلم: أوووف هادث...الهين تزكرت بوعلي بقلق: يعورج رأسج...أزقر الدكتور المها طنشت سؤال أبوها: وين أنا الهين؟؟أي مستشفى؟؟ بوعلي: العين...أنتي الحينه فمستشفى التوام المها عضت على شفاتها السفليه: كم الساعة الهين؟ بوعلي يطالع ساعة أيده: أربع ونص الفير المها: أهمد يأرف إني سويت هادث؟ بوعلي: هيه يعرف...وهو وصل المستشفى قبلنا المها تبتسم بصعوبه: كيف هالووه بوعلي: بخير....مهاوي غناتي أنسى أحمد الحين ريال مالج وشهور ويعرس...أنسي المها دمعت عينها وهي تشعر بآلم فضيع فرأسها: خلااااااااااص أفهم أنه خلاص مالج...بس أنا أسأل عن هاله...هرااام؟ بوعلي: أبداً مب حرام غناتي...بس أنا ماباج تعيشي أوهام المها بعصبيه: أنا مووو عايشه أوهام...أهمد ولد عمي هرام اسأل عن هاله...بأدين أي دونت دووو أني ثينج رووونج وين أي قيييم هييير تووو سي مبرووووك توووو مااااي كازن بوعلي: انزين غناتي ماسويتي أي شي غلط...بس هدي شوي هدي المها بصعوبه تنجلب الصوب الثاني وتصد عن أبوها: أنزين أنا تعبانه الهين أريد أنام ممكن بوعلي بحزن:بس ماأروم أخليج بروحج...عمتج حصه من تيي بروح أرتاح فيبت أحمد ماردت عليه وغمضت عيونها بآلم وحزن...ملجة أحمد دمرت أخر أمل كانت عايشه عليه...صح كانت شبه مستسلمه...لكن عندها أمل ولو بسيط...تذكرت لحظت الحادث...ساعتها كانت ترمس أمها بالموبايل...وبالإضافه للضيج إللي كانت تحس فيه ماأنتبهت للطريج...ضحكت فنفسها بحزن..هي أصلاً يايه العين علشان تشوف أحمد...وين تندل بيته هي من الأساس... بوعلي نش من مكانه وحبها على يبهتها: أوكى غناتي ... أنا بظهر بأتمشى شوي ... وأنتي كملي رقادج ......... كانوا يالسين فصالة الإنتظار فمطار بيروت...هو يقرأ جريده...وهي تشرب عصير وأطالع الناس...كانت زهرة فحالة أنبهار...وطبعاً هذي حالة أي إنسان يسافر لأول مرة فحياته...وأكثر شي حاز فخاطرها إنها خلاص بترد البلاد...صح تولهت للبلاد والأهل...بس بعد ماشبعت من هالبلاد الجميلة...من الأشياء إللي سوتنهن فالبنان بأنها زارت خبيرة تجميل...سوتلها أكثر من جلسه ساعدتها تتخلص من الحبوب إللي تعاني منهن...أما محمد فإنسان كسول بشكل غير طبيعي...فاليوم الواحد مايقدر يروح مكانين...يعني طلعه وحده فاليوم لاغير...عكس زهرة إللي خاطرها ماترد الشقة خير شر...بس تبى تحوط وتتمشى... ألتفتت أطالعه وعقدت حياتها...كانت عيونه على بنت شكلها أجنبي...لابسه بنطلون جنز مرصرص وبلوزه بيضى قصيره مظهره جزء من بطنها...كانت قمة فالجمال...وأكثر شي غاض زهرة أنه مركز عليها وايد...وشكله سارح...وبقهر قرصته على أيده بقوة أنتفض محمد بسبتها:بسم الله الرحمن الرحيم...شوفيج يابنت الناس"يطالعها وهو معقد حياته" زهرة بقهر: كليت البنت بعيونك محمد فهم السالفة: هههههههههههههه حلوووه شو أسوي غصباً عني زهرة كانت مب متغشيه..وصدج صدج كانت فهالحظه ميته غيض وقهر...فشلت طرف من شيلتها وتغشت...ولا رد عليه محمد أبتسم..طالع أيديها إللي كانت ضامتنهن ويا بعض..وعرف إنها متضايجه..أقترب منها وبالضبط من أذنها: تعرفي لو كنا بروحنا فمكان غير هالمكان كنت راضيتج بطريقتي الخاصه...بس فضيحه هنيه أسويها يوم ماردت عليه لصق فيها أكثر: والله العظيم كنت أطالعها بس فنفسي أشمزاز من مظهرها...زهرة حياتي محد غيرج يملى عيني والله... زهرة وخرت الغشوه بقوة: لا واضح محمد: أمممممممممممم تعرفي ليش كنت أطالعها؟ زهرة حايسه بوزها: ليش محمد: أقارن زهرة: والله...قص عليه قص عليه انزين محمد: والله أقارن بين هالحشيم حبيبت ألبي إللي يالسه عدالي..وهالمتفسخه آمف عليها...عيل أنا تعيبني هالأشكال زهرة: شدراني فيك بتأكلها بعيونك محمد يطالع ساعته وهو يسمع أعلان عن طايرتهم: يالله غناتي...طايرتنا..."يغمز لها" البلاد تنادينا زهرة نشت وهي تير نفسها ير ماتبى تروح: حموووودي روح وخلني هنيه...مابى أروح محمد زخها من أيده: هالقاصر بعده...يالله جدامي يااااااااااالله زهرة من ركبت الطايره على طول رقدت لأنه الليله إللي طافت مارامت ترقد...وتمت يالسه فالبالكونه تتأمل بيروت فأخر يوم لها قبل لا ترد البلاد...فمجرد أنها أستقرت فكرسيها وطارت الطايره رقدت...أما محمد فكان من كثر شوقه للبلاد ولأهله مارام حتى يغفي...خلال هالفترة البسيطه إللي عاشها ويا زهرة حس شي فحياته تغير...دخول زهرة لعالمه غير الروتين الممل إللي كان عايشنه...صارت هي كل أهتمامه...ونفس الشي هو بالنسبالها... لفترة من الفترات تمنى يتزوج وحده هو يتعرف عليها...وبالذات من عالمه المفضل "الإنترنت" من كثر ماكان هالعالم مسيطر عليه...وعرف خلال هالفترة إللي كان مدمن عليه على وايد بنات...من مختلف الجنسيات...يمكن كان تعامله وياهن تعامل أخوي أكثر من أنه يكون حب وهالخرابيط...إللي أثبتله تجارب الأخرين بأنها فاشله...ومستحيل حب ينبني على هالأسس...الشبكة العنكبوتيه ماترحم...والكذب أكثر سلعه رايجه فيه... وصلوا مطار دبي الساعة 10 ونص صباحاً...صح ماطولوا فهالسفره...لكن محمد جنه سافر سنة عن بلاده...أخيراً ردت الروح بالرجوع لدار بوخليفة...دور بعيونه جابر إللي المفروض هو يترياهم... من شافهم يا صوبهم وهو يبتسم: هلا والله هلا والله بالمعااااريس...مرحبااااااا مليوووووون فذمتيه ولا يسدن...ياخي مابغيتوا تردوا محمد يبتسم: إللي يسمعك شهر...مب أسبوعين جابر يوايهم: المهم شحااااااااالكم وشخبااار البلاد إللي يتوا منها زهرة: حلووووووو ولو الشور شوري مارديت جابر: آفاااا ... عيل يابوك زين ماشردت عنك محمد: ههههههههههه وين تشرد عني..والله ياأنه هالعقال يطيحها زهرة محمره بخجل "وهي مبونها تستحي من أخوها العود": الله يسامحك جابر: ههههههههه ماعليه...تفاهموا بعدين...طبعاً بوظبي؟ محمد: لا هنييييه سمحلي بصراحة...على طول العين...باجر ولا إللي عقبه بنييكم بوزت زهرة بس مارمست...كان خاطرها تشوف أهلها...قبل لا تروح بيتها اليديد...وطول الطريج وهم سوالف...إلا زهرة رقدت طبعاً...رغم إنها كانت أصلاً راقده فالطايره... وصلوا ولقوا أم حمدان فالأستقبال...وخذت ولدها فالأحضان...وطبعا تعرفوا أنتوا العيايز...سوت مناحه وهي تلوي على ولدها وتتفداه...بعدين يا دور زهرة...إللي تأثرت حليلها بصياح عمتها ودمعت عينها...وبعد ربع ساعة وصل بوحمدان... .......... عيونها على شاشة موبايلها وملامح الضيج واضحه على ويها...وهي تتآفف..."متى ياربي بيفهم هذا إني متزوجه الحينه ويخليني...قسم بالله لاعة جبدي منه"...كان المسج مختصر"نورة دخيييييلج أبى أشوفج ضروري" مسحت المسج بغضب...ورفعت رأسها أطالع ساعة الحايط...كانت الساعة 11 ونص..."معقوله رقدت كل هالفترة" وخرت البطانية عنها...وهي تحس بخمووول فضيع فجسمها...لازم بتشعر جيه...إذا نايمه كل هالفترة الطويله..."أستغفر الله حتى صلاة فير ماصليت..حشى مب نوم هذا" كان من ضمن المسجات 4 مسجات من أحمد...و10 مس كول منه...دقت على رقمه...رنه وحده وهو راد عليها... أحمد: هلا والله نورة تبتسم بكسل: أهلين...شحالك؟ أحمد: حالي مايسر عدو ولا صديق نورة: آفااا ليش؟ أحمد: أونج عاد ماتعرفي...ليش ماتردي على اتصالاتي؟ نورة: كنت راقده أحمد باستغراب: كل هالفترة؟؟بيات شتوي شو!! نورة: دب انزين...قول ماشاء الله أحمد: هههههههههه شو خايفه أصكج بعين...لا ماشاء الله حتى لو صكيتج بعين بتنقص نص المده هذي...بعدها زوييينه والله أنها نورة: ههههههه لا مب زينه أحمد: المهم غناتي...شو أصبحتي اليوم؟ نورة: والله الحمد لله...وأنت؟ أحمد: دام حياتي وروحي نوار بخير أنا بعد بخير نورة "حست ويها حار من المستحى": عسى دوم يااارب أحمد: ويااااج الغلا...أمممممممم شو كنت بقول؟؟ نورة: شو؟ أحمد: ههههههه نسيت...من أسمع هالصوت أنسى نفسي نورة تغير السالفة: بوشهاب لاتنسى سيارتيه أحمد: هههههههههههههه غيري السالفة أنزين...مابنساها...بشلها بيتي نورة: شووووووو...لا دخيلك أحمد أباها...باجر لازم أداوم أحمد: ممكن تودري هالرسميات نورة: أي رسميات؟ أحمد: زقريني شرات ماأنا أزقرج نورة: جى؟ أحمد: ماتعرفي جى أزقرج"أبتسم لأنه متأكد إنها الحين ميته مستحى" حبيبي مثلاً...غناتي..حياتي...نوار أنا الحينه ريلج مب عيب تزقريني جيه...المفروض مايكون ممبينا هالرسميات نورة: أنزين أنا ماأرمسك برسميه أحمد: ههههه واضح نورة: أحمـــــــــــد لازم تحرجني يعني أحمد: ماعليه ههههههههههه بنتفاهم بعدين...سمح مح مطلعه عيونها برع من الفضول"سمعت حس سميحه محتشره" هههههههههه أنزين ممكن تنجبي نورة معقده حياتها: أنا! أحمد: لا ويا رأسج أنتي الثانية...هذي سميحه محتشره نورة: هههههههه حليلها...سلم عليها أحمد يرمس سميحه: تسلم عليج..."رد يرمس نورة" وهي بعد تسلم عليج...وتقولج بسج دلع نورة: الله يسلمك ويسلمها من كل شر...خلاص أحمد سيارتيه أباها تراه أحمد: لا خليها عندي كماً يوم...عيبتني نورة: ليش يعني أحمد: ريحت عطرج فيها نورة: أنزين وشو يعني أحمد: هههههههههههه خلاص هالحرمة الفضول بيجتلها...برمسج بعدين يوم محد رزات عدالي نورة: ههههههههههه أوكى أحمد: بمر عليج العصر...يالله غناتي سي يووو نورة: الله يحفظك بعد مابندت عنه نشت من على شبريتها وهي تبتسم...تتخيل شكل سميحه الفضولي...صدق أشتاقت للدوام...لكن الفرحه لازم حد يحبطها عند نورة...يوم سمعت وصول مسج وطبعاً كان من حمدان "نورة الشي إللي أبى أقوله لج يهمج..وصدقيني مابتخسري شي" مسحت المسج وفرت تلفونها على الشبريه...وأتجهت للحمام تتسبح...كان أول حمدان يخوفها بتهديداته...لكن الحين لا...لازم تكون أقوى...وأحمد لازم تخبره...حتى لو كان هالشي السبب فأبتعادهم عن بعض... ظهرت بعد نص ساعة من الحمام وهي تحس بنشاط غير طبيعي ولبست جلابية بألوان زاهيه...أدل على حالتها النفسيه... نزلت تحت وهي رايحه صوب الصاله شافت منى من خلال الباب الزجاجي يالسه فالحديقه فوق حصير وألعابها حواليها وأرنوبها إللي يابه لها منصور عدال ريولها ويالسه تركب مكعبات...وسوزن ومسي يالسات قريب منها وداقات سوالف... ابتسمت وهي تمشي صوب الصالة...أم نورة يالسه أتابع مسلسل جواهر فأنفنتي يطلعونه فهالوقت...ومركزه على الأخر ويا المسلسل وتصب قهوه...ونفس الحالة فاطمة إللي كانت منسدحه على القنفه... نورة: السلام عليكم ألتفتن يطالعنها: وعليكم السلام أم نورة: هلا والله بالعروس...لا ماشاء الله...ذكر الله عليج فاطمة تعدل يلستها: مابغيتي تقومي نورة: ليش محد قومني"مبوزه" حتى صلاة الفير طافتني أم نورة: كل ماأيي بقومج أرحمج فاطمة: هااااا شو أصبحتي؟؟ نورة تيلس عدال أمها وتلوي عليها وتبوسها على خدها: الحمد لله...أحسن عن قبل فاطمة: الحمد لله"تبتسم" واضح الويه منور أم نورة: ههههههه انزين فديت روحج خوزي عني...ماروم لج وخرت عن أمها...وطالعتها وهي مكشخه ضروسها...بعدين ردت وحطت رأسها فثبان أمها: خليني اخذ حنان أم نورة وصدق مستانسه بأنها شافت بسمت نورة إللي أفتقدتها من شهرين...وهي تمسح على جتفها: قومي تريقي فديتج نورة: ريوق شو الحينه...ماباجي شي عن الغدا فاطمة: خلي عنج أنتي...ريوق بتتريقي...ومن نحط الغدا بتتغدي...ماشفتي نفسج فالمنظره جى غاديه نورة : هههههههه بتغدا والله فاطمة: والريوق؟ نورة: بتريق أم نورة: اليوم محمد وحرمته بيردوا البلاد نورة: متى؟ أم نورة: ماحيدهم...بس حرمة عمج أمس رمستها فالتلفون وخبرتني بأنهم بيوصلوا اليوم نورة: الله يردهم بالسلامه أم نورة+فاطمة: آمييين ....... طرش لحد الحين مسجين...ولأنه متأكد أنها مابترد عليه قرر يتصل فيها...يعرف بأنه النتيجة بتكون نفس نتيجة المسجات...لكن شو الطريقة إللي يقدر فيها يوصل لنورة...هو ظلمها...ويعترف بهالشي...ولازم يعترف بالأمر الواقع...نورة خلاص مستحيل تكون له...لأنها على ذمة ريال غيره...صح فترة لين أقتنع مرغم بهالحقيقة...وعلشان يقتنع أكثر بالموضوع قرر يرمس أمه بموضوع زواجه...تشوف له وحده بنت ناس..."شكلنا غرنا من حمود" بس مايصير أتم جيه من دون زواج...الشيطان شاطر...وأنا مب مال هالسوالف شرات حميد...بس قبل كل هذا لازم أخبر نورة وأريح ضميري... فيصل يوايج من الباب: أستاذ حمدان!؟ حمدان أنتبه وهو معقد حياته: شوو؟ فيصل يبتسم: دقيت الباب أكثر من مره.... حمدان يقطع رمسته: انزين شو عندك فيصل: لا بس كنت أبى اسأل عن المعاملات إللي ماوقعتهن ... إذ وقعتهن حمدان يفتش بعيونه عن شي على طاولته...بعدين شل فايل أزرق: هاااا أندوك وقعتهن فيصل وهو يشل الفايل: أستاذ لاتنسى الميتنج حمدان: أووهوووو وهذا وراي وراي فيصل يعدل نظارته: الساعة وحده ونص حمدان: أوكى...هب مشكلة ظهر عنه فيصل...أكثر شي مستغرب منه حمدان هاليومين..أنه حميد ماله أثر من يثلاثة أيام...حتى يوم يتصل به مايرد...ياترى شو سالفة هالإنسان...مرات فاليوم يتصل به أكثر من مره...ومرات تييه حالات مايسمع صوته خير شر...حمدان لو مب مشغول ولا كان راح له بوظبي يشوف شو مشكلته... بعد ماحضر الميتنج هو وبقيت مدراء الأقسام...وهو فطريقة للبيت مر على بيت عمه وتم يمشي شوي شوي..."ياترى داومت؟؟؟ولا بعدها تعبانه" وصل البيت...والشي إللي ماكان متوقعنه أنه محمد واصل من فترة وهو محد خبره...صدق أنقهر يوم يسوله طاااف ولا كأنه واحد من أفراد هالبيت...أكثر شي لفت أنتباهه فمحمد إنه متغير...مب شكلاً لكن أسلوبه تغير... حمدان: لو نعرف إنه العرس بيغيرك كنا يوزناك من زمااااان محمد محرج: شو تغير فيني يعني...أنا مثل ماأنا حمدان: هههههههههه علينا هالرمسه منصور: لا بصراحة أنا أحتج...أبى أتزوج شو هذا حمدان: لا هنيه وقف مكانك...أتزوج أول أنا بعدين أيي دورك منصور: لا والله...عيل تريا ياحمار لين ماييك الدور...ومتى إن شاء الله بتقرر سموووك تعرس حمدان بتفكير: قريب إن شاء الله الكل تم يطالعه بإستغراب...بوحمدان ماعلق وتم يتغدا وهو ساكت...لكن مع هذا فرح بقرار حمدان...أخيراً قرر يستقر... أما فالجهة الثانية من البيت فكان زهرة يالسه فحجرتها بعد ماتغدت ويا عمتها...وتمت تسولف وياها شوي...بعدين قررت العمه تروح غرفتها...فنسحبت زهرة لغرفتها الصغيره المؤقته...أكثر شي تمنته أول ماحدرت هالغرفه وشافتها إنه بيتهم الصغير يخلص بسرعة...لأنها متأكده بوجود اخوان محمد مستحيل تاخذ راحتها...وبتكون شبه حبيسه هالغرفة...بس على حسب قول محمد بأنه شهرين بالكثير وبيتهم يزهب... فهالبيت بتفتقد حشرت خواتها...بتفتقد شطانة هند...ودلع صالحه...وخوانها الشباب "جابر + علي+ فهد + هزاع" وكل واحد وأسلوبه فالتعامل وياها..."أبتسمت يوم تذكرته"لكن هي متأكده بوجود محمد وياها بأنها بتتأقلم...وبعدين لحد الحينه ماشافت شي منهم مب زين...وأم حمدان طيبه رغم وجود بعض الصفات الشينه فيها...لأنها تعرفها من سنوات...مب يديده عليها...بس الشي إللي بيكون صعب شوي "التعامل ويا منصور + حمدان" محمد يحدر غرفته...شاف زهرة يالسه على الشبريه وأطالع منظرة الكبت وشكلها سارحه...أقترب منها ولوى عليها بشكل مفاجأ... زهرة: ههههههههههههه من وين طلعت...ماأنتبهت لك محمد: لازم مابتنتبهي...الحبيبة سرحانه زهرة: أفكر فبيتنا محمد يلس عدالها: أكيد متشوقه تشوفينه زهرة: هييييه خاطريه والله محمد: فااااااااااالج طيب يالطيبه...بس مب الحينه...يوم يروحوا العمال بنسوي جوله تفقديه على مملكتنا الخاصه زهرة: يااااااااي أخيراً بيكون لي بيت بروحي....وناسه محمد: ماباجي شي...أيام ويخلصوا العمال...بعدين بيبدأ شغلج زهرة: شغلي؟ محمد: هيه...الأثاث وهالسوالف زهرة متشققه: والله محمد يزخها من خدها: فديتج أنا ............ الساعة خمس ونص العصر...وهو واقف فباركنات مستشفى التوام...أول ماوقف سيارته أستغرب...شو يابه هنيه؟؟؟معقوله ياي لنفس السبب إللي ماخلاه طول الليل يرقد...جمالها الحاد...وشعرها الأشقر...صار مطبوع فرأسه...حاول يشلها من فكره بس ماشي فايده...أنجذب لها من أول ماشافها مغمى عليها فسيارتها..."المها" يعني الغزال...سبحان الله إسم على مسمى..."هههههههه بس أنا شوووووو ياي أسوي هنيه...صدج إني غبي وماعندي سالفه" فاللحظه إللي شغل فيها سيارته مره ثانية بيروح حد دق عليه يامة سيارته...أنتبه منصور وألتفت يشوف منووه؟؟؟ منصور تفاجأ بأحمد يطالعه ويبتسم...نزل يامته: هلا بالنسييييب أحمد: هلا هلا...شوووو تسوى هنيه؟؟؟ منصور بأحرج واضطر يجذب: واحد من الربع مسوي حادث وياي أشوفه أحمد: سلااااامات...عسى ماتعور وايد منصور: الله يسلمك...لا شويت كسور وشموخ أحمد: اها...الحمد لله يت على جيه منصور بعد تردد: شخبارها بنت عمك أحمد: أمس الدكتور قال إنها ماتشكي باس...إلا كسر..."أبتسم وهو يحط أيده على رأسه" بصراحة مايتهم من أمس منصور: الحمد لله ماصابها شي...سلم على عمك أحمد: موجود جى تبى تسلم عليه منصور: لا...مره ثانية إن شاء الله أحمد: ياخي نزل...ماحب أروح بروحي...ماصدقت ألقى حد منصور: ههههههه ليش يعني أحمد: مابى أيلس وايد بند سيارته ونزل وهو مستغرب من أحمد...معقوله عنده بنت عم شرات المها ومايفكر فيها...بس سبحان الله الناس أذواق...يمكن ماتعيبه... أحمد: حووووووووووووه وين سرحت منصور: هااااا شو قلت أحمد: ياخي أنت مب وياي..."يغمز له" وين وصلت آه أعترف منصور: أفكر أحمد: بشو؟؟؟هاااا؟؟؟ منصور: ههههههههههههههههههه حشى يالقافه أحمد: إلا تعال...شخبار بوجسيم...مب جنه طول منصور: بوجسيم طال عمرك اليوم راد البلاد أحمد: آفاااا ولا تخبرونا بنيي نسلم عليه منصور: جيه قرب الظهر واصلين...حتى أنا كنت فالدوام أحمد: عيل حمد لله على وصوله بالسلامه وصلوا القسم إللي فيه مرقده المها...طبعاً منصور مادخل ويا أحمد...إللي دق الباب قبل لايدخل... كانت يالسه وحصه عدالها تحاول فيها علشان تشرب العصير...تيبست من شافت أحمد واقف عدال الباب...ويحاول قدر المستطاع يتفادى النظر بتجاها... أحمد: سلااااامات المها...ماتشوفين شر المها بحزن: الشر مايك...مبروووك أهمد على الملجه أحمد: الله يبارك فعمرج المها: الله يوفقك أحمد: ويوفقج..."ألتفت يطالع عمه"عمي منصور برع يبى يسلم عليك بوعلي ينش من مكانه وشكله تعبان...أحمد متأكد أنه سبب تعبه المها وعنادها...هالبنت أكبر مشكله تعاني منها أنانيتها...المفروض تحاول تغير معاملتها لأبوها...حتى لو خطأ فحقها...لكن مهما يكون هذا أبوها...صح تخلى عنها فصغرها...لكن كان مجبر على هالشي...صعب عليه يفصل بنت عن أمها بالذات فالسن الصغير إللي كانت المها فيه...ومع هذا ماكان متخلي عنها...كان يزورها بستمرار...لكن هي تعتبره أهملها فالفترة إللي هي فأمس الحاجة لحنان وإهتمام الأب... أحمد: يالله بخليكم حصه بحده: بوشهاااب تعال بعدين أحمد يبتسم بخبث"يعرف إنه أمه متضايجه من اليلسه فالمستشفى..وبالذات ويا هالعنيده المها" : بفكر حصه: شو تفكر بعد...تسمعني أعتقد زين...بعدييين تعال أحمد وهو يظهر من الغرفة: إن شاء الله شيختي وتأج رأسي بوعلي: والله شأقولك...أبى أحولها بوظبي منصور: ليش بوعلي: والله ياولدي الشغل وحلالي ماروم أودره...وبعد ماروم أودر بنتي هنيه أحمد: أحسن لك عمي تحولها بوظبي...وبعدين علشانك أنت بعد بوعلي: وأنا أقول جيه ......... فالفترة لأخيره الحمل ملعوزنها...والتعب هاليومين زايد...مع أنها توها فنهاية السابع...مشت بخطوات متثاقله صوب حجرتها...أول ماوصلت عدال الباب سمعت حشرت منى!!!معقوله ناشه؟؟مع إنها رقدتها من ساعه تقريباً...فجت الباب بسرعة...وأنصدمت يوم شافت منى فاتحه باب البالكونه وحاطه صندوق المكعبات وطالعه فوقه...وتغني بصوت عالي وهي تناقز فوق الصندوق...هنيه فاطمة وقف قلبها...منى كانت فهالوضعيه فمنتهى الخطوره...فأي لحظه ممكن أنها أطيح من فتاحات الحديد إللي جسم منى بكل بساطه يدخل منه...وعلشان تدارك الوضع ربعت بسرعة صوب بنتها...وماأنتبهت للألعاب المفروره فكل صوب...إلا يوم اتخرطفت بكوب بلاستيكي من ألعاب بنتها وطاحت بقوة على بطنها...هنيه حست روحها طلعت من الآلم والضربه القويه على بطنها...صرخت صرخه قويه...خلت منى تلتفت بفزع أتجاه أمها... فاطمة مكانها وتتلوى من الآلم والدموع ماليه عيونها...وعينها على بنتها بخوف...ماأرتاحت إلا يوم شافتها تنزل شوي شوي من فوق الصندوق وتربع بإتجاه أمها...هنيه ردت تنشغل بآلمها الفضيع إللي تحسه فأحشائها... منى تعض على شفايفها بخوف والدمعه فعينها: ماماتي سوووووه فيس...ماماتي ليس تسيحي فاطمة العالم يدور وكل شي يدور...والآلم أفضع من أنها توصفه...وبصعوبه: منوووه "وبصعوبه تاخذ نفس" روحي نادي خالووووه نورة . . . الكل فالمستشفى بما فيهم نورة وأمها وعمها وحرمة عمها ومنصور وأحمد...وصارلهم ساعتين على هالحالة...وفاطمة فغرفة العمليات...وحالتها تعبانه...طاحت طيحه عوفه... نورة كانت ميته خوف على أختها...ونفس الحال كانت أم نورة إللي كانت واقفه عدال باب غرفة العمليات وتقرأ قرآن... أحمد وبوحمدان يالسين على الكرسي...وأحمد عينه على نورة وهو متأكد رغم أنه مايقدر يشوف ويها بأنها تصيح...خاطره فهاللحظه يضمها ويواسيها...ولولا أنه منقود وعيب ولا كان ماهمه أي شخص...لأنه همه الأول والأخير نورة...ماصدق تصح وتستعيد عافيتها... أما منصور...فكان حالته حاله...يحاول يبين جدام الكل بأنه متماسك...لكن هو العكس...طوال هالفترة إللي مضت حاول يمسح وجود فاطمة من أعماقه...لكن مافيه فايده...فاطمة موجوده...وبتظل موجوده...إللي زاد من خوف منصور بأنه فاطمة طاحت طيحه عوفه وبعد فالسابع...فهاللحظه مشاعر مختلطه تتمالكه...مايقدر يفسرها...لكن أمله فرب العباد كبير...وإن شاء الله مافيها إلا كل خير بعد ساعة ثانية من الأنظار ظهر الدكتور وهو مبتسم: مبرووووك ولد كان أول واحد تكلم منصور وهو مب حاس فنفسه: وفاطمه؟؟ الدكتور: تعبانه شوي...بس مافيها إلا كل خير "الحمد لله" كلمة نطق فيها كل الموجودين مع تنفس الصعداء الحين بس حس براحه مابعدها راحه"فاطمه بخير" رد على ورى وتساند على اليدار براحه...يمكن فضح مشاعره اليوم جدام الكل..بس مب هامنه شي الحين كثر أنه فاطمة بخير... أما أحمد وقف وهو يحط أيده على جتف نورة: مبرووووك نورة بصوت يكشفها بأنها كانت تصيح: الله يبارك فعمرك أحمد يبتسم بحنان: عقباااالنا نورة تضغط على أيده وهي محرجه...فماردت عليه بتعب ظاهر على معالم ويها تحاول تستوعب وين هي...وليش تحس بهذا الخدر في جسمها وبتعب فضيع... وموب قادره تفتح عيونها...رغم أنها تحس نفسها لا هي صاحيه ولا هي راقده...تسمع صوت لا مب بس صوت واحد... أصوات...تحس بأيد على رأسها خفيفه تمسح على شعرها بكل هدووووووء... بس صوت الشخص إلي يمسح على رأسها يتردد فأذنها: " الحمد لله أنه الله سلمها " بنبره باكيه... و صوت ثاني: " الحمدلله .... الحمد لله ....لا تصيحين يا مايه... فطوووم بتقوم بخير مافيها شر إن شاء الله".....آماااااااايه..!! فاطمة بصوت بالكاد مسموع ومتعب: أمايه. أم نورة بلهفة تمسك ايد بنتها: سلامات فطوووم سلامات غناتي نورة تقترب من شبرية أختها: أمايه فطامي نايمه. أم نورة ماوخرت عيونها عن ويه فاطمة: واعيه ....نادتني .. يمكن أنتي ماسمعتيها بس أنا سمعتها. نورة " شكله التعب أثر على أمي " : أمايه روحي أنتي البيت وأنا بتم ويا فاطمة وإن شاء الله يوم توعى... بدقلج تلفون. أم نورة وهي مب منتبهه لنورة... تعدل الحاف على فاطمة ... هنيه تنبهت نورة أنه فاطمة فعلا واعيه موب راقده... من حركة شفايفها وتقترب زود من فاطمة إلي كانت تقول شي بس محد سمعه... نورة وهي عدال فاطمة: فطامي...؟؟!! فاطمة وهي تبطل عيونها وتتلاقى عيونها بعيون نورة: وين أنا !؟ وهي تستكشف بعيونها الغرفة: أمايه ( بصوت فرح ) نورة + أم نورة: حمد الله علىالسلامه.. فاطمه: الله يسلمكن بس وين أنا؟؟ أم نورة: في المستشفى. تكمل عليها نورة بأسلوب مزاحي: ولدج مصر أنه يشوف الدنيا اليوم ( وتوخر قصة فاطمة من على ويها ). فاطمة وبفرح مصحوب بتعب: وينه؟؟؟ حد كان يدق الباب راحت نورة تشوف منوه... وردت هي وعمتها حصه وحرمة عمها أم حمداان..... أم حمدان: حمد الله على سلامت فاطمة ياأم نورة..... ( تقترب من فاطمة ) سلااامتج يابنتي ومبروووك مااااياج. فاطمة وهي تبتسم: الله يسلمج عمتيه... والله يبارك فيج. حصه : حمد الله على السلامه فاطمة ومبروك الزايد ترد عليها فاطمة بتعب وهي تحاول تيلس... بس حصه تمنعها: خلج مرتاحه يابنتي... التعب موب زين لج... ام حمدان : يحليلج يابنتي شكلج تعبانه أحسن نظهر ونييج باجر... والله يقومج بالسلامه. أم نورة: والله فيكن الخير ياأم حمدان و أم مايد . وهنيه حد دق الباب وفتحته أم حمدان... وأنها الممرضة داخله وتسلم عليهن... وظهرن هن وهي راحت صوب فاطمة..... الممرضة: حمد الله على سلامتها...ومبروك على البيبي. أم نورة + نورة : الله يسلمج ويبارك فيج. الممرضة وهي عدال فاطمة: هاا أزيك دلوأتي يافاطنه فاطمة: الحمد لله بخير...شحال ولدي؟؟. نورة: هيه متى بنشوف الياهل؟ الممرضة: صعب ياحببتي...لأنه دلوأتي حطيناه فالحاضنه...يعني بكره لما تأدر فاطنه تأوم هناخدها تشوفه نورة: أنزين انا أروم أشوفه الممرضه: طبعاً تأدري...أومال فين الوالد؟ هنيه تغير لون فاطمة..."مبارك"..."الوالد"...رغ� � التعب الفضيع والأجهاد إللي تحس فيه إلا أنها مارامت تيود دموعها...هالولد كانت أمنيت مبارك...أكثر شي تمناه...من يوم خذها وهو مايحب حد يزقره إلا بوسلطان...بوسلطان مااااااااات...ويا سلطان وأبوه محد...أنتبهت أم نورة لفاطمة إللي كانت منهاره وربعت صوبها ونفس الشي نورة... أم نورة بخوف تمسح على شعر فاطمة: فطوووم حبيبتي شو فيج نورة واقفه بحزن أطالع أختها: تذكرت مبارك الله يرحمه أم نورة: الله يرحمه "تحاول تعدل شعر فاطمة إللي كان شوي مب مرتب" هذا قدره غناتي...والكل ياخذ نصيبه...ومبارك الله يرحمه هذا نصيبه...طلبيله الرحمه هنيه فهمت الممرضه السالفه وتلومت ففاطمة...وهي أطالعها بحنان: ماعليش يابنتي ربنا يعوضك فأبنك إن شاء الله الكل يواسيها ويحاول يخفف عنها...لكن فاطمة كانت فعالم ثاني...خلال هالفترة إللي قضتها من دونه حاولت بكل ماتقدر تنساه...وتمسحه من ذاكرتها...بس منوه تحاول تمسح؟؟مبارك؟!هالإنسان بالذات رغم إكتشافها بأنه يخونها صعب تنساه...والحين بالذات تمنت أمنيه هي متأكده من رابع المستحيلات تتحقق...تمنت يرد مبارك وهي بتسامحه...بتسامحه عن أي شيء وعن كل شيء...فالفترة إللي عاشتها وياه ماقد زعلها بكلمه...وهمه الوحيد رضاها...بس الشي الوحيد إللي مب قادره تفسره لحد الحين...ليش يخون؟! وهي متأكده أنها ماقصرت فشي...بالعكس كان هو شغلها الشاغل...ولا هي طبيعة فالرجل مايملي عينه شيء...وعينه دوم للي مب فأيده...لا لا مب كل الريال جيه...مب كل الريال يخونوا شرات مبارك...مبارك خان من دون سبب...بس حتى لو..لو يرد والله بسامحه..مبارك والله سامحتك..والله سامحتك حبيبي..والله أفتقدك فوق ماتتصور..سلطوني الصغير وصل..منوه بيربيه وياي..منوه بيلعب وياه ويملى غرفته ألعاب..والله تولهت عليك مووووت يابوسلطان... وينك بتشوف ولدك إللي كنت دوم تتمناه.. وتتخيل شكله وعلى منو بيطلع وكيف بتبنى مستقبله ...؟؟ نورة كانت واقفه عدال الدريشه...صح أرتاحت يوم عرفت إنه أختها والياهل بخير...لكن فنفس الوقت يحز فخاطرها وتتآلم لآلم أختها الصغيره...هي متأكده أنه مشاعرها للمرحوم صعب تتغير رغم كل شي...حب فاطمة لمبارك كان فوق الوصف...مب حب مراهقه إللي كانت تعيشه ويا منصور..."ماقول غير ربي يعينها ويصبرها" أنتبهت لموبايلها إللي فجيب تنورتها يهز...كانت مخلتنه صامت...ظهرته ومن شافت أسمه على الشاشه أبتسمت...أكثر عاده تكرها فأحمد كثرت أتصالاته...وهي من النوع إللي مايحب يرمس وايد فالتلفون...لكن مع هذا تستانس وايد بهالأتصالات...وبعدها فزاويتها من الغرفة وبصوت واطي ردت عليه... نورة: هلا أحمد: هلا ملياااااااار لا شو مليار ترليوووووووون فذمتيه ولا يسدن نورة: ههههه شحالك أحمد: إنتي إللي شحالج؟؟وشو يالسه تسوين؟؟ نورة: أنا بخير..ماأسوي شي فالمستشفى أحمد: أحم...تراه بعدها خدماتي متاحه نورة: ههههه قلت لا أحمد يحتج: أنزين ليش...زوجتي مافيها شي نورة: لا فيها شي...عييييب أحمد: وأبوي شو العيب فيه...اللهم بوديج البيت بس نورة: لا مابى أحمد: طيعي الشور نورة: قلت مابى أحمد: نوير طيعيني خدماتي مب دوم أعرضها...أنا هنيه تحت موجود نورة: بتريا عمي أحمد: عندج عشر دقايق قبل لا أغادر نورة: هههههههه مافيه داعي تتريا عشر دقايق...غادر الحين أحمد: نوووووووورة علشان خاطري نورة: بوشهاب خاطرك كبير عندي...بس عيب أروح وياك...شو هذا! أحمد: ههههههههههه انزين خلاص لاتصيحي نورة: أنا ماأصيح أحمد: كليتيني نورة: أنزين تصبح على خير أحمد أحمد: آفا تبى الفكه نورة: يااااااربيه شو تبى بعد أحمد: أعصابج حياتي...مابى شي...أبى شي بسيط قبل لا أروح"وكأنه يرمس حد ثاني" كم؟؟ويت نورة: شوووو؟؟ أحمد رد يرمسها مره ثانيه: مب صعب والله نورة: انزين شو؟؟ أحمد: أنا الحين قريب من غرفتكم...ممكن أشوفج برع شوووووي بس نورة أبتسمت بأرتباك وحط أيدها على صدرها وهي تحس بدقات قلبها تتزايد...وبخطوات متردده أتجهت صوب الباب: أوكى..باي وبندت قبل لا يرد عليها...أنتبهت أم نورة لبنتها: وين رايحه؟؟ نورة بأرتباك واضح وخجل: أحمد برع يبى يقولي شي أم نورة تخزها بنظره: وهالشي ماينفع يقوله بالتلفون نورة: بس شوي عدلت شيلتها زين وظهرت من الغرفة...فهالوقت ماشي زيارات فالمستشفى...يعني ماشي زوار...إلا أحمد إللي كان واقف قريب من الغرفة وعيونه متجهه على بابها...زادت أتساع إبتسامته من شافها...بعد ماتأكدت أنه محد فالممر غيره فماتغشت... نورة وهي تحاول تسيطر على آرتباكها وعلى دقات قلبها إللي شرات الطبل فقفصها الصدري: هاااا شو تبى أحمد يوم لاحظ إنها ماأقتربت وترمسه من بعيد أقترب هو منها: أبى أخطفج رفعت عيونها أطالعه بستفهام: شو! أحمد: ههههههه ماشي سلامتج...أهم شي تعشيتي؟؟ نورة: يوم أوصل البيت بتعشى أحمد يهز رأسه بالرفض: نووووو وي...أعرفج من توصلي بتعقي بعمرج فالشبريه وبترقدين "رفع أيده إللي كانت شال فيها جيس أبيض شكله مال كافتريا" أندوج نورة: شو هذا؟؟ أحمد: عشى نورة عقدت حياتها: صدقني بتعشى فالبيت أحمد يبتسم وأيود أيدها ويرفعها ويحط فيها الجيس: ماعليه هذا مني أنا...وعلشان خاطريه كليهن الحين نورة عضت على شفايفها وهي تحاول تكتم ضحكه: ههههه مب جنك تعاملني شرات الياهل أحمد يحج رأسه وكأنه يفكر وأختربت غترته: أنتي فنظري ياهل...لأنج عنيده وماتسمعين الكلام نورة: هههههه لا والله...أنا جيه فنـ "قطعت رمستها يوم حست بتلفونها يهتز..ردت ورى عدال باب الغرفة وظهرت الموبايل..عمها" هلا....أوكى الحينه بنزل أحمد عقد حياته: وين تنزلين؟! نورة ترد موبايلها لمكانه وتفتح باب الغرفة: صبر شوي الحين بظهر بعد دقيقتين ظهرت مره ثانية وكانت متغشيه: يالله نروح أحمد متشقق: بتروحي وياي نورة:لا أحمد: آفا...عيل وين رايحه نورة وصلوا اللفت: عميه يترياني تحت أحمد فتح باب اللفت وتم يطالعها وهي أطالعه من تحت الغشوه: يالله ليش ماتركبين نورة: صبر بتريا حد يركب ويانا أحمد زخ أيدها بقهر ويرها وراه: شو باكلج أنا ويا هالرأس نورة ميته ضحك عليه: ههههههههه كح كح أحمد: صحه نورة: هههههه على قلبك أحمد: حركات نورة بعد ماهدت من الضحك والسعله وقرب اللفت يوصل للطابق الأرضي: شو بيقول الحينه عميه لو شافنا ويا بعض أحمد: مابيقول شي نورة: متأكد أحمد: هيه وصلوا للطابق الأرضي طبعاً محد زوار إلا نادر إللي ظاهرين...وهم يمشوا شافوا بوحمدان يالس فالكراسي إللي عدال الباب يتريا نورة...ومن شافهم نش من مكانه وشكله مستغرب وجود أحمد... أحمد بعد ماوايهه: لا تستغرب...كنت عند أمايه وتذكرت حرمتيه وأنها مب متعشيه طلبتلها عشى وعلى طول أنت أتصلت فيها بوحمدان أنتبه للجيس إللي فأيد نورة: هيه انزين حصل خير...يالله عيل نحن بنروح مشى أحمد وياهم لين ماوصل سيارة بوحمدان...بعدين ودرهم وراح صوب سيارته...سبحان الله هالأسبوع قضاه وهو رايح راد من المستشفى...أول شي نورة وبعدين المها والحين أخت نورة...بس أكثر شي مفرحنه أنه نورة تغير مزاجها من ظهرت من المستشفى...مايعرف شو السبب فهالتغير...بس المهم أنه أرتاح من صوبها شوي... ...... نش من رقاده وهو مصدع من الخاطر...طالع المنبه إللي على الكمدينو..."آوووف 11...معقوله رقدت كل هالوقت...لا والقهر إنه محد سأل" اليوم الخميس وهو مقرر يطلع من الصبح صوب بوظبي...أكيد صار له شي...ولا ليش مايرد عليه...ومعظم وقته تلفونه مغلق...نزل من على شبريته ووقف وهو يحس بدوار بسبت الصداع القوي إللي يضرب فرأسه ضرب..."بس حتى لو بروح يعني بروح"...ظهر من الكبت وزار وفانيله وير ريوله ير صوب الحمام...يمكن لو تسبح بيخف هالصداع المزعج... على الساعة 12 إلا ربع ظهر من حجرته...مشى فممرات البيت من دون مايلتفت صوب الناس اليالسين فالصاله...شرات هم مايهتموا فيه وهو بعد قرر يطنش ولا يسوي سالفه لحد... ركب سيارته وأنتبه أنه سيارة منصور محد...لكن سيارة محمد مكانها فالكراج...وهذا حاله من يوم رد من السفر...طلعه برع البيت ماشي...كله مجابل حرمته"هههههههاي قسم بالله الزواج مصخره"...وهو فالطريج حاول يتصل بحميد أكثر من مره لكن النتيجه دايماً مغلق!!!! أذن عليه الظهر فالطريج ونزل يصلي...بعدين كمل طريجه... وقف جدام بيت حميد الساعة وحده ونص...لاحظ إنه سيارة حميد محد...غربية فالعادة يوم الخميس مايظهر من البيت...وبالذات فهالوقت يكون راقد... حمدان: عيل وينه؟! أخو حميد: هو من أسبوع محد...يقول أنه فدبي عنده شغل حمدان: أتصل به وتلفونه يعطيني مغلق أخو حميد: ماعندك رقمه الثاني؟ حمدان: أي واحد؟؟ أخو حميد: ******* حمدان ظهر موبايله بسرعة من مخباه: عطني الرقم مره ثانية بخزنه ركب سيارته...وهو حاس أنه حميد هب فدبي... أكيد فشقته إللي أهله مايعرفوا عنها شي...ويوم يبى يروحها يقص على أهله ويقوللهم أنه رايح دبي... قرر مايتصل به ويفاجأه أحسن...وبتردد كان واقف جدام باب شقة حميد...الشقة السريه...كل إللي يخطر على البال وإللي مايخطر يسوي فيها...دق الجرس أكثر من مره لكن الرد يا متأخر...سمع صوت حميد من داخل وهو يرد.. حميد بصوت مب واضح: منوووووووه حمدان قرر مايرد عليه...وبعد دقيقه من الأنتظار أنفتح الباب...لكن مب كله شوي بس...شاف من خلال هالفتحه عيون حميد وهو يطالعه وشكله منصدم وفنفس الوقت كانت عيونه حمر بشكل... دز حمدان الباب بقوة يوم شاف ردة فعل حميد بمحاولته تبنيد الباب: كيفك هو تبند على ويهي الباب حميد يحج شعره المشعث: شو تبى أنت بعد؟ لاحظ حمدان على ربيعه أنه مب فوعيه "معقوله شارب؟؟!!" من طريقة رمسته إللي تطلع من بين شفايفه بالغصب...لحيته إللي كانت كبيره وهو متعود تكون خفيفه وايد...ملابسه المبهدله...كل شي يثبت بأن حميد كان فحالة سكر... حمدان معقد حياته: حميد سكران!!!! حميد طنش حمدان عدال الباب ومشي داخل الشقة: وأنت شوووو لك وبعصبيه بند حمدان الباب ولحق حميد...ويره من فانيلته ودزه على اليدار بقوة: يوم أرمسك لاتعطاني ظهرك وتروح حميد بستهزاء: هههههاي خلاص خلاص لاتضرب...مابعطيك ظهري ولا بعطيك شي...لأنه ماعندي شي أصلاً وبعصبيه يره من فانيلته ودخل هو وياه الصاله ودزه على القنفه: ممكن أعرف شو فيك...وليش مغلق تلفونك؟؟؟ حميد: مـــــــــــافيني شي حمدان شاف غرشة ماي مسافي صغيره على الطاوله فيها ماي نصها...خذها وفتحها وجب كل الماي إللي باجي فيها فويه حميد إللي أنتفض بكبره: أيييييييييييييه شووووووو فيك تخبلت تسبحني حمدان: أنت إللي تخبل...ومافيك ذرة عقل...أحيدك هالسم مودرنه حميد: ماشي يعدل الرأس غيره...تبى "وهو يبى يقوم من مكانه" أنت وحظك أحيييد شي غرشة وحده بــ "قطع رمسته يوم دزه حمدان مره ثانية على القنفه" شوووووو فيك ياريال...ماتبى أحسسسسسسسسن وفرت حمدان: أسبووووع كامل برع البيت؟! حميد: بيت منووه؟ حمدان بقهر: والله لو مب أنك فحالة سكر...ولا نزلت لك العصى من السيارة وكسرتها فيك...عنبوه أستح على ويهك...ريال طول وعرض مودر البيت أسبوع كامل ويالس هنيه تشرب من هالسموم...لو عرف أبوك...ماتخاف عليه؟؟ماتخاف أييه شي والسبه عمايلك؟؟؟ حميد بوز: قصت عليه حمدان معقد حياته: حريم مره ثانية حميد: حيوانه ماتستحي على ويها...أنا الحمار حبيتها حمدان: منوه هذي بعد؟؟؟ حميد: وحده "شاف زنوبه تحت عدال القنفه إللي يالس عليها ووخى وشلها" تشوف هالزنوبه؟؟ماتسواها بنت......... حمدان: ممكن تحسن ألفاظك...على الأقل حشم وجودي حميد: قصت عليه...وأنا الحمار مصدقنها حمدان: من وين هذي بعد؟؟؟ حميد: وحده منزلنها بويزه حمدان: يعني مب مواطنه؟؟ حميد: تخسى المواطنه تروم تقص عليه حمدان: حميد ممكن تقوم جدامي تغسل ويهك وتشرح لي شو صار بالضبط...تراه واصل حدي منك "وبشمزاز" ويا هالريحه الخامه إللي تطلع من حلجك حميد يتمصخر ويمد أيده: عطني علوج أخوز الريحه من حلجي . . . بعد نص ساعة كان يالس على القنفه وحاط أيديه الثنتين على رأسه وشعر رأس المبلل إللي بعض خصلاته نازله على يبهته...وحمدان يطالعه وهو معقد حياته يالس على القنفه المقابله... حمدان بنفاذ صبر: أنزين ممكن تقولي شو صار بالضبط؟؟؟ حميد صحصح بعد ماتسبح..وشكله مهموم: ماصار شي حمدان: حميد أنا أعرفك زين..أكيد مستوي شي جايد ولا مب جيه حالتك حميد: خلها على الله حمدان عصب: لو تعرف الله ماشربت هالسم"يأشر للغرشة الفاضية على الطاوله" حميد: غصباً عني حمدان: حمييييييييد مب عليه هالرمسه...أنا أكثر شي مستغرب منه أبوك ماينشد عنك..أسبوع غايب عن البيت؟؟!! حميد: أنا خبرته إني فدبي حمدان: انزين ممكن أفهم السالفة...يمكن أقدر أساعدك حميد بيأس: ماظني تقدر..لأنها تخصك أنت بعد حمدان بأستغراب: أنا!!!! شدخلي أنا بالحرييم حميد نش من مكانه بضيج وأبتعد شوي عن حمدان: لأنها سرقتني حمدان معقد حياته: سرقتك؟! كيف؟! وشو إللي سرقته بالضبط؟! . . . . صح المبلغ إللي خسره كبير وأكيد بيتآلم لخسارته...لكن أكثر شي يتآلم عليه فقده لأعز ربعه...حمدان حاول المستحيل علشان يغير حميد...لأنه معرفته فيه مب من يوم أو يومين...هذي معرفة سنين...حميد ماكان جيه...كان الكل يحسد بوحميد عليه...ريال ينشد به الظهر...إلا بعد مارابع شله الفساد وسوء الأخلاق مغرقنهم من ساسهم لرأسهم...والمثل يقول"من عاشر قوماً أربعين ليلة أصبح منهم" وحميد صار منهم وينتهج نفس أسلوبهم فالحياه...سافر وياهم كماً سفره غيرته 180 درجة...حاول حمدان وياه المستحيل...صح غيره شوي...لكن أكتشف الحين أنه فشل...وأنه كان يتظاهر جدامه...وحميد ماتغير...لأنه كان فحالة سكر يوم قصت عليه الحرمه وخلته يوقع على أوراق...أوراق خسرته الألوف... حمدان مستغرب من هالحياة...وحظه السيئ فكل شي...يمكن أخلاقه وأسلوبه فالحياة غلط...وهالشي إللي يبعد الناس عنه...أو بمعنى آخر هو إللي يبعد نفسه عن الناس...فقد الإنسانه إللي أكتشف أنه يحبها بس ماعرف إلا فهالفترة...يا هالأكتشاف متأخر وايد...وفقد أعز ربعه...ويمكن يكون حميد هو ربيعه الوحيد...يمكن أسلوبه ومعاملته لهم هي الخطأ...وهو السبب بفقدانهم وصل البيت وعلى طول لغرفته...كانت حالته ماتسمح بأنه ييلس ويا حد أو يرمس حد...وهو أصلا مب متعود يشكي لحد همومه...! .......... كانت الساعة أربع ونص العصر يوم حدرت غرفتها توعيه...طافته الصلاة جماعة...عاد بيصليها فالبيت...يلست عداله...كانت البطانيه لحد خصره...تستغرب دوم من طريقته فالنوم...حاط أيديه الثنتين تحت رأسه جنه منسدح على الشاطئ...وبشطانه زخته من خشمه...وعلى طول عقد حياته وفتح عيونه بضيج... محمد: شووووووووووو!! زهره تبتسم وتحبه على خشمه إللي حمر: صلاة محمد بعده ماأستوعب: صلاة شو؟؟!! زهرة: هههههه يعني بتكون صلاة شو حبيبي...العصر طبعاً محمد ييلس: جيه الساعة جم الحين؟ زهرة: أربع ونص محمد: حراااام عليج...لو خليتيني أرقد لين خمس زهرة: وشو الفرق عاد نص ساعة محمد رد ينسدح مره ثانية: هيه...نص ساعة تكفي زهرة: أنزين ماله داعي تأخر صلاتك"زخته من أيده..ويرته ييلس" يالله قوم محمد: أمري على الله...بقوم زهرة: ماتروم أصلا ماتقوم محمد: هههههه لا والله...ليش إن شاء الله زهرة: لأني بطفربك لين ماتقول توبه أطوفني صلاة محمد وهو يحاول ينزل من على شبريته حبها على خدها: فديت إللي يقومني حق الصلاة... زهرة حمرت خجل...بعد خمس دقايق ظهر من الحمام متيدد بيصلي ويوم شافها سارحه رشها ببقايا الماي إللي فأيده... محمد: ههههههههه وين وصلتي زهرة تمسح قطرات الماي إللي على ويها: ماوصلت مكان...بس عمووه تراه تترياك بتودانا المستشفى محمد: جيه ماظهروها بعدهم زهرة: حراااااااام عليك وين يظهروها والحرمه إلا أمس مربيه محمد يحج رأسه: جيه كم يتمن الحريم إللي يربن فالمستشفى؟؟ زهرة: هههههههههه معقوله ماتعرف!! محمد: والله ماأعرف...شو من كثر اليهال إللي فبيتنا أبتسمت وهي تنش من مكانها: المهم أخبر عمووه تتزهب؟؟ محمد يفرش السياده: هيه خبريها زهرة: هيه صح...أخوك حمدان من شوي شفته ياي من برع وشكله معصب محمد بدون أهتمام: ماعليج منه هذا...دومه معصب .......... ألتفتت صوبها بسرعة بعدين ردت أطالع الطريج...صج إنها خبله ولا ياهل وين تروم تشلها بروحها...طول الطريج وهي محتشره وكل شوي تتعبث بشي... منى مبوزه بعد ماهزبتها خالتها...وبصوت واطي: ماهبج نورة: حتى أنا ماحبج لأنج شريره منى: أنا تيبه نورة: لا واضح...عيل منوووه خرب المكيف إللي عدالج منى: مب أنا نورة: ههههههههههه اليني عيل هو إللي خربه منى والبوز شبرين: بحبل ماماتي نورة: وأنا بخبرها إنج خربتي مكيف سيارتيه منى تلتفت أطالع خالتها وهي معقد حياتها: ششششريره نورة من دون ماتلتفت صوبها لأنها كانت تبركن سيارتها: أنزين مشكوره ياآنسه منى...أيي منج أكثر أول ماوقفت السيارة ألتفتت صوبها: يالله منوووه وصلنا عند ماماتج نزلت وراحت من الجهة إللي فيها منى وفتحت الباب...ومنى بطبعها العنيد ماطاعت تنزل...أونها زعلانه... حاولت نورة تظهرها من السيارة بس شكلها معنده... وكل ماتصكها نورة من ايدها تلف هي من الصوب الثاني.... نورة: منووووه بتنزلين ولـ شوو؟؟ منى تتعبث بتنورتها ولا جنها تسمع شوو تقول نورة.... نورة تعودت على حركات منى وعنادها... وفي خاطرها تضحك على حركاتها إلي نفس حركات فاطمة يوم ياهل بس هذي زياده حبتين... تبين تعاندين يامنووه ...زين ...زين ....هنيه نورة وقفت جدام الباب وهي ساكته واطالع منى وتحاول ترسم على ويها ملامح الجديه رغم أنه الموقف مضحك وخاصه شكل ملامح منى وهي اونها زعلانه... وتتريا منها تصالحها ... نورة وعيونها في ويه منى: منوووه إذا مابتنزلين أنا بسير عنج... منى ماردت عليها بس رفعت رأسها تشوف ويه خالتها خلسه... نورة وهي تمد ايدها للباب بتبنده: يوم أنج ماتبين تشوفين الداده ...عيل خلاص بنعطيه عموه حصه تاخذه لها...( وهي شبه بتبند الباب) تصرخ منى وتدز الباب ... منى: مابا .........مابا داداتي ( وهي شوي بتصيح وبعصبيه تنزل) نورة: عيل يالله جدامي( وهي تعدل شعر منى زين) وعن الصايح ولـ الداداه مابيحبج. منى: يهبني ..........يهبني ( و هي تمشي مع خالتها في ممرات المستشفى. نورة: عيل يوم أنج تبينه يحبج لا تصيحين... وخليج طيبه. منى وهي تكرر كلام خالتها: طيبه!؟ نورة: هي طيبه وشاطره... منى: هيه أنا طيبه وشااا في هاللحظه ظهرت نورة موبايلها من الشنطة...تشوف منو يدق عليها... اسم أم منى نورة: هلا والله بحبيبتي أم سلطان منى ترد على خالتها من صوب وفاطمة من صوب ثاني... منى وهي مبوزه: هبيبتي أنا... فاطمة: هههههههه وينج نورة... وموب جني سمعت حس منوووه. نورة تمسح على شعر منى: هههه هيه يابوج هي عندي. فاطمة وهي متشققه: فديت منوووه... شووفيج تضحكين جيه... نورة: بخبرج يوم أوصلج.. فاطمة وين أنت الحين؟؟ نورة: هنيه في اللفت دقيقتين وواصلتنج يالله باي. فاطمة: أوكي منى وهي تحاول مع خالتها تعطيها التلفون: اتيني .. نورة وهي تدخل التلفون: منوووه الحين بنوصل لأمج. منى زعلت وتحاول تفجج ايدها من خالتها: ما هبج... أهب ماماتي.. نورة: هههههه ( وهي تقلد منى) أهب ماماتي...وأنا بعد أهب ماماتي ماأهبج يادبه هههه. . . . حدرت هي ومنى الغرفة ومثل ماتوقعت أم مبارك وخديجة حرمة ولدها وعمتها أم حمدان وزهرة وحرمة غريبه ماعرفتها منوه... نورة تفسخ النقاب: السلام عليكم الكل: وعليكم السلام بعد ماوايهت كل الحريم...يلست عدال أمها...ومنى ربعت صوب أمها وحاولت تركب فوق الشبريه...وبعد محاولات فاشله شلتها أمها وحطتها وياها فوق الشبريه... أم مبارك: عيل وين الياهل فاطمة مبتسمه وهي تلاعب منى إللي تولهت عليها من الخاطر: قالت الممرضه بتيبه بعد شوي أنتبهت نورة لنظرات خديجة الحاقده لفاطمة...إللي يشوفها أطالعها بهالنظرات جنها ماخذه حق من حقوقها...أو جنها ضرتها...!!! خديجة حايسه بوزها: سميتوه؟ فاطمة: قبل ليي إسمه معروف خديجة: بعدج ماغيرتي رأيج...أحيدج ماأداني هالأسم فاطمة بتفكير: بسميه شرات ماأبوه الله يرحمه كان بيسميه فهالحظه سرحت فاطمة بأفكارها لطفلها الصغير...اليوم الصبح كان موعدها وياه...أحتضنته بأديها وضمته لصدرها...الشعور إللي حسته ساعتها كان متباين...ممبين الفرح والحزن...بين البسمه والدمعه...رغم صغره إلا أنه نفس ملامح أبوه..."سلطان مبارك" ياحلاة هالأسم...وياحلاة صاحبه...شعور الأمومه غييييير...هي أكيد شعرت فيه ويا منى إللي قربت من الثلاث سنوات...وبتحاول ويا هالصغير وتحسسه بالأمومه والأبوه...إللي من حظه أنه يا للدنيا وأبوه محد... نورة واقفه عدالها وبصوت واطي: فطوووم...؟؟!! فاطمة ترفع رأسها: هاااا؟؟وصل سلطوني؟؟ نورة: لا...بس عموووه أم مبارك ترمسج أم مبارك: أقولج الحينه ماعندج عذر ماتيي تسكنين وعيالج عندي...عيال ولدي أباهم يتربوا جدام عيوني فاطمة تضايجة بس حاولت ماتبين هالشعور جدام الكل: يصير خير إن شاء الله أم نورة: بيتنا ولـ بيتكم واحد ياأم مبارك... و العيال عيالكم مثل ماهم عيالنا.. أم مبارك: هيه واحد... بس ابا أشوفهم في بيت أبوهم ... نورة اطالع أم مبارك... إلي يسمعها يقول ماعندها غيرهم... موب جنها عندها عيال ولدها الثاني... وتحول نظراتها لأختها فاطمة إلي يالسه تضحك بنتها .... يحليلج يافطامي .....وفجأة تلاقت عيونها بعيون خديجة إلي تشوفها بنظرات غريبه.... ياربي شوو فيها هذي الثانيه...ليش اطالعني جيه.....أنا شوو يابني الحين هنيه لو تأخرت شوي ..... خديجة: اشحالج نورة؟؟؟ نورة : الحمد لله بخير ( قبل ماأشوفج )... شخبارج وشخبار عيالج؟؟ خديجة وهي تصطنع ابتسامه: بخير الله يسلمج.. نورة: دوم هب يوم. خديجه طنشت نورة ...وجنها ماسمعتها...وتمت تسولف مع زهرة إلي كانت يالسه عدالها... طلعت الموبايل من الشنطه ولقت مسجين من أحمد...فجت المسج الأول : "حطيني ما بين رمشك والعيون.... ضميني في وسط قلبك ياملاك حطيني ما بين نبضك والجفون ... ماأريد اسمع سوى رجفة غلاك...." تبسمت نورة وهي تقرأ المسج ... ليتك بس لو تعرف كثر شو أحبك يابوشهاب... فجت المسج الثاني إلي يقول: قالوا : ( تحبه) قلت: "ياكثر حبه" لو طوقوني بالذهب مانسيته... قالوا: ( تبيعه) قلت: " قلبي ربيعه" ما ابيع شخص بالمحبه شريته.. قالوا: ( مدلع) قلت: " وأنا المولع" لجل الدلع عمري وروحي عطيته...." هنيه انتبهت نورة أنه حد يدق الباب وصوت الممرضة سوسن... بسرعه أغلقت تلفونها ودخلته فشنطتها...وعدلت شيلتها... استانست يوم شافت الممرضة شاله ولد أختها الصغير...... الممرضة سوسن: مساااء الخير ...أزيكم الكل يرد عليها إلا خديجه إلي عيونها مركزه على الياهل: مساج الله بالخير والعافيه ... أم نورة وهي مستانسه: ياييبه الولد ماشاء الله الممرضة سوسن: اه الباش مهندس عاوز يشوف العائله الكريمه...هههههههه نورة وهي تروح صوب الممرضة: يحليلك ياسلطون... أم مبارك وهي مب عايبنها رمست الممرضة: صلي على الرسول لا تصكينه بعين.. ومنى تحاول تنزل من فوق الشبريه بسرعه ... حصه وهي تضحك: هذيلا مايعرفن للعين..... خديجه: هيه شدراهن في العين ... الممرضة سوسن: اللهم صلي وسلم على محمد... واللهي مابعنشي...هههههه و منى عدال الممرضة تقول: اتيني داداتي ....اتيني أم نورة وهي تضحك: يوزي يامنوووه عن الحرمه ... الممرضة: ههههههه من ده القمر..أهوه الباشه سلطان يافاطمة ... فاطمة وهي تشوف سلطان إلي لافينه في القماط... وكيف شكله في هاللفه صغير بشكل...وهو هادي ... تاخذه وتمسح على رأسه الصغير... وتمشي أصابعها على ملامح ويهه..... فاطمة: مشكوره سوسن .. الكل يطالع ولد مبارك... ويعم الغرفة السكوت...فترة وجيزه.. إلا من صوت منى إلي محتشره تبا تاخذ أخوها وتشوفه زين وتقربه صوبها.... أم مبارك وهي مستانسه وفنفس الوقت الدمعه فعينها "الله يرحمك يالغالي..ليتك هنيه بتشوف ولدك": ما شاء الله ..ما شاء الله تعطيها فاطمة الياهل...ومن يد لثانيه كل وحده تاخذه شوي وفي النهاية رجع لحضن أمه... وإللي منى حاشرتنها إلا تشله بعد هي..... نورة: منوووه عيب منى: اشله ( وهي تتلمس قماطه) فاطمة تضحك على منى: زين يابوج بتشلينه.... تعالي عدالي هنيه.. منى تلصق في أمها: هنيه فاطمة : هيه... بس شوي شوي عليه يامنوووو.. أم نورة: عن تعور الياهل يافاطمة.. حصه: ماعليج مابتعوره عدالها فاطمة وهي ماسكتنه زين.. أم مبارك وهي تراقب حركات منى: شفتيه سلطان يامنى منى وهي مكشخه ضروسها: شلطان الكل نقع ضحك عليها وبعد ربع ساعه راحن الحريم ومابقى إلا أم نورة ونورة ومنى.. "هلا والله مليوووووون ولا يسدن" قالها وهو ينش من كرسيه حنان تعدل غشوتها على رأسها بعد مارفعتها عن ويها..وبدلع: أنت صاحب هالمحل؟؟ مطر يفسخ النظاره الشمسيه إللي لابسنها وإللي ماكان لها داعي أصلاً..وبنظرات أعجاب: هيه نعم أنا صاحب المحل...وتحت أمر الحلووووين حنان: يت أمس وكان خاطريه بشي...قالي العامل اليوم بيكون متوفر.."طالعته بغنج" على فكره محلك حلووووو وايد مطر يعدل غترته ويقترب منها أكثر: عيونج الحلوووه ياحلوووه...أمري وأدللي...شو فخاطرج... حنان: مجموعة عطور رجاليه تيي ويا بعض مطر: هيييه عرفتها..."يرز ويهه كالعاده" شو هديه حنان تبتسم: هييه شدراك مطر: شكلها هديه لأنهن عطور رجاليه فأكيد مابتستخدميهن حنان: صح...هديه حق الوالد مطر: الله يطول بعمره"يلتفت للعامل" مهران طلع مجموعة العطور الخاصه بالمحل حنان تفتح شنطتها وتظهر البوك وهي ترمس مهران: بكم؟؟ مطر: آفااا آفااا عليج...والله ماتدفعين فلس واحد وأنا موجود حنان: لا شو ماأدفع...لو سمحت بكم المجموعة؟؟ مطر: والله ماترديني...يغلفوها حقج؟ حنان تبتسم: ياريت مطر ببسمه لها معنى...ويلتفت يرمس مهران: لف المجموعه بأحلى ورق هدايا مهران: إن شااااااء الله أستاز"وهو حايس بوزه" بالأضافه لهدية المحل مطر: أكيييييييد...علشان المزايين يزورونا دوم"وهو يأشر على مجموعة الكراسي إللي فالمحل" تفضلي شيختي لين مايخلصوا تغليف الهديه حنان طبعاً من دون أي أعتراض مشت وياه ويلست: عندكم فروع ثانية؟؟ مطر: أكييييييد...عندنا طال عمرج فشارع خليفة فرع...وبوظبي فرع...وقريباً فمركز يديد بيفتحوه بيكون لنا فرع هناك حنان بأنبهااار: وااااااو ...أنزين ليش رجالي بس...يعني مافيه مساحة نسائية مطر: تعرفي كان خاطريه أسوي محل يكون خاص بكل شي يتعلق بالمرأة...بس الشباب قالوا لي ماسويت شي يديد...بس شي يتعلق بالرجل الخليجي والإماراتي بشكل خاص من جميع النواحي هنيه وبالذات فالعين ماشي وايد حنان حطت أيديها على خصرها: شووووووو هالتحيييز مطر يأشر على عيونه الثنتين: ولا يهمج شيختي...أنا أصلا أفكر أفتح محل قريب يخص المرأة الإماراتية"يغمز" وأتمنى تكوني أول زبونه تشرفنا يا آنسه......."بستفسار" حنان: حنان الـ مطر: والنعم والله...إسم على مسمى...من العين صح؟؟ حنان: لا...بس أسكن هنيه ويا خالوووه كان مطر منبهر بجمال حنان...نفس ماأنبهر مبارك بهالجمال...الله عطاها جمال لكن للأسف...بدل ماتشكر وتحمد ربها على هالنعمه...ظلت...وأستمرت ففسادها...وأستمرت فطريق الضياع...ماأتعضت باللي مر عليها... وبخبرته عرف إنها مابترده..فظهر بطاقه من مخباه..بطاقه تحتوي على كل أرقامه"مال المكتب والموبايل": حاضريين للحلوين فأي وقت...ومايردج إلا لسانج حنان وأونها تفكر وهي أطالع البطاقه...لكن بعد تردد بسيط مدت أيدها وخذت البطاقه وهي تبتسم: أنت من العين مطر: هيه...عيناووووي حتى النخاع حنان: هههههههه شو هالتحيز...تحريتك وحداوي من لون كندورتك العنابيه مطر: ههههههههههههههه لا دخيلج...أنا مايخصني بالكوره...لا عيناوي ولا عنابي...أنا عيناوي من العين...بس ماأحب شي إسمه كورة حنان: ولا أنا...ماأحب الكورة...وأستغرب من البنات إللي متخبلات على الكورة وعلى اللاعبين مطر: ماعندهن سالفه والله...المهم أنتي مايخصج بالكورة حنان: أبد مطر: أحسن شي مهران: مدام هديه مالج خلاص حنان وهي تنش من مكانها وأطالع مطر وتبتسم: يالله أنا بستأذن مطر ينش وياها: آفااا يالسين حنان: مره ثانية مطر "آوف يخرب بيتج شو حلوووه": خلاص مره ثانية مره ثانية...مع أنه اليلسه وياج ماينشبع منها حنان: حتى أنت كل هذا ومهران يطالع معزبه بقهر...طبعاً محلهم نادر ماينهم حريم...وإذا ينهم حريم فمستحيل مايتحرش فيهن مطر...حتى لو ماعطنه ويه إلا يحاول وياهن...مهران عكس مطر فكل شي...إنسان ملتزم...ومدين وايد...فكل تصرفات مطر ماتعيبه...لكن مع هذا يضطر يسكت ولا ينطق بحرف...لأنه مجرد عامل عنده...ومب من حقه ينتقد تصرفات معزبه...وبعدين بكل بساطه مطر يقدر يكنسل إقامته ويسفره...وهالشي مايتمناه مهران لأنه إنسان يشتغل على أهله... ........... "شكلها سوريا عيبتك وايد" أحمد يالس فمكتبه وهو يرمس عماد عماد: أكيد عجبتني...مووو بلادي أحمد: انزين بلادك...بس ياخي طولت عماد: وين طولت إلا هسى بدنا نكمل شهر أحمد: أنزين بسك شهر يالله رد...ماتشبعون حواطه عماد: ليييك حواطه مع الأهل غيييييييييييير سميحه: ماألكشي متى هيرجع؟؟ أحمد: رمسوا رزات الفيس عماد: ههههههههههه سميحه؟؟ أحمد: هيه منووه غيرها...تسأل متى بترد عماد: أوللها أريييب أحمد يلتفت لسميحه: يقولج قريب سميحه كشخت ضروسها: الهدايا...ماينساش الهدايا أحمد: هههههههههههاي تقولك المزطه لا تنسى الهدايا سميحه: مزطه...أيه دي كمان مزطه؟؟!! أحمد: بصراحة ماتتفسر هذي"طنشها" المهم عماد سلم على الأهل...وبالأخص أخوك عوني عماد: هو كمان بيسلم عليك أحمد: الله يسلمك ويسلمه من كل شر بند عن عماد وفر الموبايل فدرج المكتب: والله الدوام مب شي وعماد محد سميحه: آآآه والله ملهوش طعم خااااالص أحمد: حلاوه هو ماله طعم سميحه تغير السالفة: المهم المهم أستاز أحمد أحمد فتح عيونه على الأخر بصدمه: أستاذ مره وحده؟؟؟!!! السالفة فيها إن سميحه: لاه...بس كنت عوزه أكلمك فموضوع مهم أحمد عقد حياته: مهم؟؟؟! خير إن شاء الله شموضوعه...الله يستر سميحه: هههههههههه أنا ؤلت هكلمك فموضوع...مش مصيبه أحمد: أصلاً أنتي ينخاف منج ومن مواضيعج...قولي شو موضوعج رمسي سميحه: أحم....طال الله فعمرك الجمعيه أحمد: جمعية؟! سميحه تشرح: أصدي نعمل جمعية بين الشباب والبنات إللي بيشتغلوا فالطب الوقائي...وبصراحة لحد دلوأتي أشتركوا فيها مجموعة لا بأس فيها أحمد تم يطالعها بنظره بعدين حط أيده على يبهته: بالله عليج أنا ويه جمعيات سميحه: ماهو أنا عرفه...بس أعتبرها مسعده منك...أنت مش محتاج فيه غيرك بيحتاج أحمد: عنبوه يالحسد...أنا ماقلت إني مب محتاج...بس معاشي مايتم منه شي سميحه تحرك بوزها يمين وشمال: عليناااا دى الكلام...أنت أصلا مش محتاج لمعاشك أحمد: هههههههههههههه يعني مب محتاجله أعطيج أياه سميحه: يابني أفهم...أنت هتشترك معانا فالجمعية...تدفع كل شهر مبلغ معين...ولما يجي دورك هتاخد جمعيتك زي كل واحد مشترك فالجمعيه أحمد: أقولج أنا معاشي مايتم منه شي أصرفه كله سميحه: وفلوسك إللي فالبنوووك أكوام أكوام أحمد: ومن شر حاسداً إذا حسد...فلوسي إللي فالبنوك على قولتج مشغلنهن يعني مب فأي وقت أبى أخذ منهن أخذ سميحه: يعني مش عاوز تشترك أحمد: أممممممممممم خليني بفكر سميحه: فكر...وياريت توأفى أحمد: ماقد أشتركت فجمعيات سميحه: جرب أنت مش خسران حاجه أحمد معقد حياته بتفكير: بس فكرت الجمعيات مب داشه دماغي سميحه: طيب أنت دلوأتي مش محتاج...بس ربك محدشي يعرف يمكن فيوم هتحتجها أحمد: أوكى هب مشكله بشترك وياكم وأمري على الله...بس تعرفي أكتبيها بإسم نورة...وأنا عليه أدفع سميحه: هههههههههههههههه دي أحسن حاجه...كل مانعمل جمعية هي الوحيده إللي ماتشركشي معانا أحمد: أوكى هب مشكله خليه بإسمها...المهم متى بتبدأ سميحه: على الشهر الجاي...وأوعى تصرف فلس واحد أبلي ماتدفع أحمد: إن شااااااااء الله عمتي سميحه شي أوامر ثانية سميحه ببتسامة رضى: لاءه أبداً ........ مر أسبوع من ولدت فاطمة...واليوم بالتحديد يوم الخميس...والكل معزوم على غدا فبيت قوم نورة...وإللي مسوي العزيمه عمها بوحمدان...ميلس الريال ماشاء الله متروس وكلهم من العايله ونسابهم...بوحمدان وعياله محمد ومنصور حتى حمدان إللي بعده متضايج وحالته زفت...لكن وين مايحضر وأبوه على رأسه...سعيد أخو مبارك كان موجود بعد ووياه أربعه من عيال عمه...وأحمد وأخوه عمر وولد عمه علي... أما ميلس الحريم "أم مبارك وحرمة ولدها خديجة"..أم حمدان وحرمة ولدها زهرة...حصة وبنتها عليا وحرمة ولدها روضه..وأم نورة وبناتها الثنتين...كانت الأجواء نقدر نقول عنها أجواء أحتفاليه... منى لابسه كندورة بنفسجيه غامجه مخورة...من شافتها يدتها أم نورة ملبسه جيه عصبت على فاطمة...خافت عليها لحد يصكها بعين...لأنه بحجمها الصغير وحلاوتها وهي لابسه هالكندوره المخوره طالعه تخبل... فهالحظه منى كانت برع عدال باب ميلس الريال توايج منه...وكانت قاصده شخص واحد بعينه...منصور إللي كان مشغول بالسوالف ويا أحمد إللي صار هو وياه فالفترة الأخيره ربع...ووايد ويا بعض...تسوي حركات ومحاولات كلهن باءت بالفشل...ومحد لاحظ وجودها... بوزت بضيج..بعدين ماشي حل غير إنها....وبأعلى صوتها صرخت: منشوووووووووووووور كل إللي فالميلس ألتفت يطالعها...عاد صوت منى وهي تصرخ حاد من الخاطر...هنيه صدق أحترق ويها الصغير من المستحى...خيييبه كل هالعيون أطالعها...ومنصور من شافها وأستوعب الموقف نش من مكانه وهو يبتسم لها...وبالذات بعد ماشاف إنها مستحيه... وقف جدامها ونزل على نفس مستوى طولها..وهو صدق منبهر بحلاتها وفنفسها يقول" ماشاء الله..ماشاء الله": فدييييت المستحيين أنا..أمري عيون منشور وروحه منى: ليششش يطالعوني هزيلا منصور ألتفت يطالع الريال إللي فالميلس: ليش أطالعوها؟؟ معظمهم ضحكوا وردوا يكملوا سوالفهم.. منصور: هااا الحين أحسن؟؟محد يطالعج غيري منى رفعت عيونها أطالعه وهي مستحيه: شششوف كندورتييه حلوووه! منصور أبتسم يوم لاحظ إنها تركز على بعض الحروف: والله تخبل...حلووووه وتينن منى أنتبهت لأحمد إللي وقف عدال منصور وهو يطالعها بشطانه ويسويلها حركات بويهه..حاست بوزها بضيج: أنت شششو تيد؟؟ أحمد: هههههههههههاي أنتي إللي شووو تريدين يايه ميلس الريال...وأبوي عليج من يكسر فيج عصى منى ألتصقت فمنصور: عميييه منشووور شووووف هذا...ماهبه منصور يصلب طوله ويكفخ أحمد على ظهره: مايروم..لا كان ولا أستوى إللي يضرب الشيخة منى أحمد: هذي شيخة هههههههههه هالمفعوصه شيخة...لا تصدقين وايد...يقص عليج منصور: وأنت ليش راز بويهك...أنا طالع لأنها زقرتني..أنت شووو يابك؟؟؟ أحمد: أونه أونه لابسه مخور اليوم..ويايه هنيه عسب نمدحها.."وأونه يفكر" منوووه مب حلووووووه كندورتج لاتحاولي منى شوي وبتصيح: عمييييه منصور: عيوووونه...ماعليج...أنتي أحلى وحده...وكل الخسوف شرات أحمد يغاروا منج طنش أحمد إللي ودرهم ورد للميلس عند الريال...ومشى منصور وفحضنه منى...ياكثر مايحب هالبنيه...كل يوم علاقته فيها تقوى وتكبر عن قبل...لو الأمنيات تتحقق...كان تمنى بأنها تكون بنته هو...من لحمه ودمه...بس يعرف أنها مستحيله...لكن شعوره الحين فعلاً يعتبرها شرات بنته...صح ماجرب شعور الأبوه...لكن إللي يعيشه الحين ويا منى شو يسميه......؟! . . . بعد ماراح كل العرب...وبالتحديد عقب صلاة العصر رد أحمد مره ثانية...بهدف يشوف حرمته...خاطره ييلس وياها...يسولفوا بروحهم...وكانت تترياه فالصالة لأنه خبرها أنه بيرد...كانت يالسه وفأيدها ملحق شعر وفن ورفعت عيونها أطالعه بنظره مافهمها... أحمد رافع حاجب واحد: شو فيج؟! نورة: قصيدتك الأخيره حلوووه أحسن عن إللي قبلها أحمد نقع من الضحك: هههههههههههه ياخبيثه...وأنا أقول هذي ماتفهم فالشعر نورة: أصلاً من قلت لي أنك تكتب شعر رديت البيت وقريت كل ملاحق شعر وفن...وتأكدت إنك عين الظبي يلس عدالها فالقنفه..ولاحظ إنها أرتبكت شوي..ورفع أيديه فوق كأنه يدعا: الحمد لله رب العالمين...شو أبى أكثر من جيه...إنسانه تفهمني وأموووت فيها أنتبهت نورة بأنه وايد قريب منها وزاد أرتباكها وبتعدت عنه شوي: أحمد أحمد: رووووووحه...شو غناتي؟؟ نورة قوة نفسها لازم تنتهي من الموضوع: بخبرك شي..وأتمنى تساعدني فحله أحمد: حله!! مشكله؟؟ نورة: هيه...المفروض ماأخبرك لأنه المشكله تخص وحده من ربيعاتي...بس أنا حرت ومالقيت حل لها...وهي ماتهون عليه أخليها بروحها فهالمشكله أحمد: أوكى...بحاول إللي أقدر عليه...وإن شاء الله نقدر نحله ونساعدها نورة: بس مشكلتها كبيره أحمد يبتسم: ربج...يمكن يكون حلها بسيط وسهل نورة: أمممممممم هي طال عمرك..كان يباها ولد خالها..وخطبها بس هي رفضته.. أحمد: يعني الولد مب زين؟ نورة: يعني أخلاقه مب لين هناك أحمد: أنزين؟ نورة: المهم...أستوى إللي ماكانت تتوقعه منه أحمد عقد حياته: إللي هو؟؟؟ نورة: أعتدى عليها أحمد بصدمه: شووووووووووووو؟! نورة برتباك: هذا إللي صار...والبنت حالتها النفسيه وايد تعبانه أحمد: معقوله ولد خالتها يسوي جيه؟! نورة: هذا إللي صار أحمد: شو جنسيتها؟ نورة: إماراتية أحمد بعدم تصديق: هههههههه نورة أنتي تقصي عليه...فيه واحد يعتدى على عرضه...لا ومن هنيه...مستحييييل نورة: والله هذا إللي صار...وهي تعبانه..."يارب سامحني على هالجذب" وأنا أقرب وحده من ربيعاتها فلجأتلي أحمد تم صاخ دقايق وهو فحالة ذهول وعدم تصديق: طبعاً صعب تشتكي عليه نورة بلهفه: شووو الحل فرأيك؟؟ أحمد ألتفت يطالع نورة وهو فحيره: ماشي حل جدامها إلا أنها تحاول وياه علشان يتزوجها ويستر عليها نورة عضت على شفايفها بآلم: بس هي ماادانيه...ووافقت على واحد ثاني تقدم لها قريب أحمد: مينونه هذي...أي ريال بيقبلبها وهي جيه حالتها؟؟؟!!!غناتي قنعيها تحاول ويا ولد خالها يستر عليها...لأنه مستحيل ريال عنده ذرة دم يوافق على وحده فحالتها نورة حست الدم تجمد فعروقها...معقوله هذا رد أحمد.........؟! نورة.....!!!؟ غناتي شو فيج؟؟!!"كان يطالعها ومعقد حياته" نورة أنتبهت له..وبإرتباك واضح: لا ماشي...مافيني شي أحمد: غناتي خبري ربيعتج شرات ماقلت لج..ماشي حل غير هذا..بس والله مب داش دماغي أنه واحد يعتدي على وحده من لحمه ودمه...عنبوه عرضه "بعصبيه قالها" نورة تنش وتحس بآلم فضيع فكل أطارفها...أحمد: وين ؟؟ نورة: المطبخ أحمد وهو يبتسم: إذا رايحه تيبي شي حقي أنا مابى "يودها من أيدها" وجودج وياي يكفيني نورة تحاول ترسم بسمه على شفاتها بالغصب: انزين عصير بس أيرها تيلس: مابى شي يلسي يلست والأفكار السوداويه تضغط على رأسها..معقوله بتخسر أحمد؟! بعد ماكانت شبه ضامنه بأنه بيتقبلها مثل ماهي..بس أي عقل يقبل هالشي؟؟...أحمد ريال مثله مثل غيره..رجل إماراتي شرقي صعب يتقبل وحده مغتصبه...بس السؤال إللي بطرحه هنيه..إذا كانت نورة فعلاً مغتصبه..شو ذنبها تتعامل بهالأسلوب..؟؟ أحمد: تعرفي قررت شي نورة وفكرها مب عنده وبدون أهتمام: شو؟ أحمد: أكمل دراستي بعدين نورة أنتبهت أكثر: تكمل دراستك؟! أحمد: ماخبرتج من قبل إني درست سنتين فالجامعة ولعبت بعدين فصلوني نورة بصدمه: فصلوووك!!!ليش؟شو سويت؟ أحمد : هههههههههه سمعي فضايح ريلج..."صخ شوي" لا أطالعيني جيه...ماأرتكبت جريمه عاد...المهم يوم خلصت الثانويه كنت بعدني ولد ماما...يعني ماأروم أروح مكان بدونها...ههههههه أعرف بتقولين عني دلوع... نورة: لا أنا لاحظت أنه علاقتك بأمك وايد وايد قويه أحمد: لازم مب أنا أصغر عيالها نورة تبتسم: تصدق قبل ماأعرفك زين كنت أقول فنفسي أنك دلوع ماماتك...يعني من أسلوبك وجيه"هزت جتوفها بحيره" أحمد رفع حاجب من حواجبه بتفكير: يمكن أنا جيه مالحظت نفسي...المهم بعد ماخلصت الثانويه ويبت هذيج النسبه والله أنها تمشي الحال نورة بلهفه: كم يبت أحمد: هههههههههههههه يعني لازم الفضايح نورة: قول قول كم؟ أحمد: أحم 83% نورة: والله؟! غريبه أحمد: ليش يعني؟ نورة: بالنسبه لولد يعني غريبه...أحيدهم الشباب أغبياء يالله يالله الشاطر منهم أييب فالستين أحمد ضم أيديه على صدره وتم يطالعها بنظره: لا والله...عيل البنات شو حضرتج نورة: هههههههههههههه يعني ماأقصدك أنت بالتحديد...يعني بشكل عام أحمد: روحي زين...أونها أغبياء...أصلا دفعتنا كانت كلها شطار نورة بتشكك: متأكد؟! أحمد: هيه متأكد...حتى واحد من الربع دش كلية الطب وتخرج والحينه يكمل دراسته برع نورة: المهم المهم بعد مايبت النسبه شو...كمل؟؟ أحمد: المهم أصر أبويه إني أدرس فجامعة الإمارات...وساعتها كنت دلوع الماما وين يبوني أيي وأسكن فالعين بعيد عنهم...صعبه شوي نورة حايسه بوزها: أثرنك طلعت دلووووع أحمد: شو أسوي كله من ماما حصه نورة: هههههههههههههههههه وابوي على ماما حصه أحمد: هههههههههههه أرمس بأسلوب الماضي...المهم تخصصت أدارة...درسة سنتين...وبسبت الغيابات والحرمانات والأنذارات أنفصلت نورة: أنزين الحينه لو بغيت ترد تدرس مره ثانية مايبوك أحمد: طز فيهم...ولا أنا أباهم بعد...فالدولة بالميات الجامعات الخاصه...سمعت من الربع عن جامعة بوظبي يمدحونها...يمكن أسجل فيها نورة أطالعه بنص عين: مب جنها جامعة مختلطه أحمد: يااااااااااااااااريت نورة تحط أيديها على خصرها: لا والله...بعدك تقول ياريت ويا هالرأس أحمد: هههههههههههههههههههه فديتج أنا...مختلطه ولا مب مختلطه ماتهمني...دامه عندي هالمزيون"زخها من خدها" وبعدين هالجامعة مب مختلطه...الريال بروحهم والحريم بروحهن نورة بأرتياح: الحمد لله...أحسن أحمد: هههههههه أبتسمت نورة بحزن وفبالها " معقوله هالحلم الجميل مابيكمل... .......... كانت أطالعه مقهوره وهي يالسه على كرسي التسريحه...ومن أنعكاسه فالمنظره وهو منسدح على شبريته... زهرة: محمد ماتمل؟ محمد بكسل: ليش أمل؟؟ومن شو؟؟ زهرة: من يلست الغرفة...أنت ماتطلع أبد...من ردينا من شهر العسل وأنت كله رقاد فرقاد...على كثر ماسمعت عن العين والعين...بس لحد الحينه ماشفت شي منها إلا مستشفى التوام وبيت عمك... محمد: هههههه إلا تبين تتمشي فالعين..يابوج بمشيج وبتملين منها زهرة وهي مبوزه: متى بس؟؟ محمد: اليوم لا...لأنا كنا فبيت عيال عمي...إن شاء الله باجر زهرة: نشت من على الكرسي ومشت بأتجاه الشبريه..وبإستسلام: يالله بنشوف باجر وين بتوداني محمد يغمز لها: مكان مايخطر على البال زهرة بفضول: وين؟؟ محمد: خليه مفاجأة زهرة تيلس عداله: خلاص...وأنا أحب المفاجأت محمد يتأملها وهو يبتسم: بتعيبج...معقوله غناتي ماقد زرتي العين من قبل زهرة: فحياتي كلها ماقد شفت العين إلا الحين محمد: بتشوفينها وبتملين منها بعد زهرة: ماظني...محمد بتخبرك محمد: عيون محمد...تخبريني زهرة: لاحظت إنك أنت وخوانك مب ويا بعض لين ذاك الزود محمد معقد حياته: بالعكس...علاقتي ويا خواني عاديه زهرة: صح أنا إلا من أيام فهالبيت...بس حبيبي حتى الأعمى يلاحظ أنكم بعاااد عن بعض...يعني مب شرات خواني ويا بعض دوم محمد يحج رأسه بتفكير: يمكن...انزين شو إللي خلاج تقولي هالشي؟؟ زهرة: تذكر من كماً يوم خبرتك إني شفت حمدان ياي من برع متضايج ومعصب...قلت لي عادي هذا حاله دوم محمد: أنزين صح...هو دومه معصب زهرة: بس إللي لاحظت أنه مهموم محمد يعدل يلسته: لا والله...وحضرتج لاحظتي هالشي زهرة: حبيبي لاتعصب...بس أنا بعد ماحب أجامل...أنتوا وايد بعاد عن بعض...أحيد الأخوان يوقفوا ويا بعض ساعات الضيج...أنتوا هذاك اليوم تغديتوا ولا واحد منكم سأل عن حمدان...ونفس الشي العشى...إلا عموه...صح هذا واجبها بما أنه ولدها...بس بعد هذا أخوكم...ومهما كان طبعه المفروض ماتتخلوا عنه فساعة الضيج محمد: ههههههههههه الله يهديج بس...عاد منوه قالج أنه متضايج...عنبوه هذا خويه وأعرفه زين مازين...هالعقده إللي بين حياته من يا على الدنيا هههههههه وبعدين هو بنفسه مايحب حد منا يدخل فأموره...ونحن هب ناقصنا مزاج حمدان المتقلب زهرة: وهذي سلبيه منكم محمد يقطع رمستها: بتخبرج أنتي أخصائيه إجتماعيه هههههههههههههه زهرة بوزت: محمد أنا أتكلم جد...ليش ماخذ المسأله بمصخره محمد غير ملامح ويهه الباسم لجديه: خلاص فديت روحج...وأنا بعد جد...شو المطلوب مني الحينه زهرة: طلبي طال عمرك تغير علاقتك ويا خوانك...لأنه فساعة الضيج محد بينفعك إلا خوانك...أباك تكون قريب منهم...أباك حبيبي تكون عضو فعال فهالعائله محمد: آفااااا وأنا الحينه عضو ماله جيمه زهرة: مب قصدي جيه...بس أباك تتغير...تكون أقرب من جيه لخوانك محمد: إن شاااااااااااااااء الله عمتي زهرة...شي أوامر ثانيه زهرة حايسه بوزها: هذي مب أوامر....طلب ............ "بروه" قالتها المها بعناد بو علي: يابنتي عقلي...جرحج بعده مابرى شو يوديج العين المها: هذيلا مووو نساابنا...يأني متل الأهل...أيب ماأزورهم بوعلي: لا مب عيب... أنتي صحي قبل وعقب روحي وين ماتبين المها تحرك أيدها الشمال شوي شوي والآلم مبين على ملامحها: تأورني بوعلي: لازم بتعورج...وأنتي الله يهداج ماتريحين نفسج...إلا بتخبرج وين عمتج؟؟ المها: فالأين بوعلي: أنتي تعرفين زين منوه أقصد المها بعصبيه: وأنا قلت لك ألف مره ماأندي إلا أمه وحده وبس بوعلي: حصه مب عمتج...حرمة عمج...بس فواغي عمتج حرمة أبوج المها: ماأندي عمه غير عمووه هصه بوعلي بيأس نش عنها: ماقول غير الله يهديج المها بأيدها اليمنى تاخذ الريموت وتغير القناة: الله يهدي الجميئ بوعلي: آآآمين بعد ماظهر أبوها تمت تجلب في القنوات من دون هدف...ماتعرف ليش تحس بهالملل الكبير يوم تكون هنيه فبلادها وبين أهلها...يمكن يكون شعورها بالغربه بين أهلها...أو محاولة أهلها أبعادها عن حياتهم...في فترة من الفترات حست بيأس وقررت ترد للمكان إللي تربت فيه...بس وين ترد لمجتمع الحرام شرات الماي عندهم...حتى أمها إللي في فترة زواجها بأبو علي أسلمت ومن أطلقت منه أرتدت لدينها الأولي...ورغم محاولات أمها وخوالها بأقناعها بدينهم...إلا أنها من رابع المستحيل تترك دينها ودين أبوها...لأنه الصح...لأنه الشي الوحيد إللي يحسسها براحه نفسيه مابعدها راحه...صح هي مب ملتزمه لين هناك...لكن مع هذا تحاول تتعود على الشيله...تحاول تتعود على اللباس المحتشم...فكرت بحزن"ومع هذا ماقدرت تلفت أنتباه أحمد..ووحده غيرها قدرت تلفت أنظاره" ........ بعيونه إللي يالله يالله تفتح كان على شبريت أمه...وعيون ثانية أطالعه بكل تركيز...هالعيون طبعاً عيون منى...كان هالياهل الصغيرون بالنسبه لمنى إنجاز كبير...كانت نظراتها له كأنه مخلوق فضائي عجيب...مره تتحسس له ويهه، خشمه الصغير، حياته إللي مب واضحات، أصابعه الصغيره...وأكثر شي يشد أنتباه منى لأخوها سلطون فالفترة إللي بتسبحه أمها...فهاللحظه كان مفسخ...وماعليه إلا البامبرز...كان هادي يفتح عيونه ويبندهن... ألتفتت منى لأمها إللي يالسه تظهر له ملابس: ماماتي فاطمة: همممم منى: ليشششش أحمل وايد فاطمة: حتى أنتي حمرى منى: لا لا...شلطوون وايد أحمل فاطمة: لأنه صغيرون منى: ماماتي فاطمة: هااااااا شو عندج؟ منى: متى بيكبر شلطون؟؟ فاطمة: يوم تكبري أنتي بيكبر هو منى: لا لا مابى...منووووه بيلأب وياي فاطمة: يوم يكبر بيلعب وياج"وقفت عدال الشبريه وحطت الملابس الصغيره وتمت أطالع ولدها "ابتسمت" ياناااااس شعور الأمومه غيييييير...أكثر لحظه تكون فيها فاطمة مستانسه ومرتاحه...يوم تشوف هالويوه الصغيره جدامها... فاطمة: خوزي عن أخوج بسبحه منى تمرر أيدها على طول أيده...طالعت أمها وهي مكشخه ضروسها: هلوووووو ماماتي...أنا أهبووووووووه واااااايد وايد فاطمة باسة منى على خدها: وأنا أمووووووووت فيج...يالله خوزي عني...روحي عند خالوووه نورة منى: لا مااااابى...بشووووف فاطمة: عيب شو تشوفين أخوج وهو يتسبح منى: بسبحوه؟ فاطمة: لا والله...يوم تكبري شوي بخليج تسبحيه منى نشت من عدال أخوها وهي مبوزه: أنذين...بلوح أشووف ألنوبي فاطمة: أحسن شي تسويه ظهرت منى من عند أمها وهي متضايجه...تحس بأنبهار يوم تشوف أمها تسبح أخوها ويوم يصارخ...شي يديد عليها وماقد شافته من قبل... بعد ماوصلت الطابق الأرضي وقفت عدال باب الصالة...شافت خالتها بروحها حاطه أيدها على خدها وشكلها سرحان...ابتسمت بشطانه وربعت برع...بين الأشجار وبالتحديد من وين حاطين قفص الأرنب يلست عداله...كان الأرنب يحفر فزاويه فقفصه...لأنه فالقفص فيه شوي تراب...منى فتحت باب القفص ودخلت أيدها تحاول تمسك الأرنب... منى: تأأأأل هبيبي...بطلعك الأرنب حاول يمين وشمال يشرد عن منى...لكن فالأخر زخته ويرته تظهره من القفص...وهي لاويه عليه: شششششفت شلطون السعيلون؟؟حلووووووووووو سوزن من بين الأشجار: منى أنتي هنيييه؟؟ منى بصوت حاد: هييييه شوووو تليدي؟! لوووووحي لوووووحي سوزن: مايريد كورنفليكس؟؟ منى تنش بصعوبه لأنها حاضنه الأرنب: انذين أليد...وألنوبي بعد يليد سوزن تقترب منها وتحاول تاخذ الأرنب منها: لا مافيه يعطي أرنب...هذا فيه وسق منى تزاعج بصوت عالي: ماااااااااااااااااااابى مااااااااااااااااابى سوزن متضايجه: أوكى فيه يعطي...بس قلي في قفص مال هو منى بعناد تمشي وأطنش سوزن: ماااااااابى مشت سوزن وراها وهي تتحرطم...رغم أن الوقت بعد المغرب إلا أن الجو خااااانق بشكل كبير...كانت السما مغيمه من الظهر...يعني فيه أحتمال نزول أمطار... فهاللحظه فالصالة كانت يالسه نورة حاطه أيدها على خدها...أقتنعت ولو لفترة بسيطه بأن أحمد غير عن كل الشباب...أحمد طيب...والأهم من هذا كله أنه يحبها...و بيتفهم ظرفها...لكن بعد إللي قاله أكد لها العكس...وأحمد ردت فعله بتكون شرات ردت فعل أي شاب شرقي... نشت من مكانها يوم سمعت مزاعج منى برع...وبخطوات متثاقله وصلت للباب الخارجي...كانت منى واقفه فنص الحوش وتزاعج بأعلى صوتها على سوزن إللي تحاول تشل الأرنب عنها... نورة بتملل: سوزن شو فيها؟ سوزن حايسه بوزها: هدى يريد يدخل أرنب مطبخ ألشان يأكل كورنفلاكس نورة عقدت حياتها: منووووه صح هالكلام منى مبوزه وبملامح معصبه: هييييييييييييييييه...ألنوب� � يبى يأكل ويايه نورة: لا والله..."أقتربت منها وحاولت تبين أنها معصبه" بعده هاللي قاصر أدخلين أرنب المطبخ"مدت أيدها لمنى" هااااتيه منى وشكلها زايغه من خالتها: مابى! نورة تير الأرنب عن منى بعصبيه: شكلج ماينفع وياج الطيب منى دمعه نزلت على خدها وبصوت بالكاد مسموع: بخبر عليج ماماتي...ماهبج نورة تبتعد عن منى وهي شاله الأرنب: أحسن حطته فقفصه وردت المطبخ...شافت منى يالسه على الكرسي وجدامها الكورن فلاكس...وهي مبوزه وماصكت منه شي... نورة: منووووووه حبيبتي مب زين أدخلي الأرنب المطبخ...وأرنوبج مايحب الكورن فلاكس منى: يهبه نورة: لا مايحبه...وبعدين الحينه ليل حليله يبى يرقد منى: ليششش يرقد...أنا مابرقد نورة تبتسم بحزن: ليش إن شاء الله...ناويه حضرتج على سهره صباحي أطالع ويه خالتها وترد أطالع إللي جدامها...وبعد ماملت من عنادها يودت الخاشوقه وبدت تأكل بتلذذ...وهذي وجبة منى المفضله... . . . . فجهة ثانية من العين...وبالتحديد فالمبزره عدال البحيرة كان واقف أحمد يطالع النافوره بألوانها إللي كل شوي تتغير وفكره سارح..."ليش كل هالتفكير فهالسالفه مع أنها ماتخصني؟!" "بس معقوله فيه واحد بهالنذاله يعتدي على عرضه؟!" "الموضوع مآثر على نورة!! لازم مب ربيعتها" "بوووووووووو شهاب!" واحد من الشباب ألتفت أحمد للشارع بتجاه مصدر الصوت...كان ربيعه راشد فسيارته النيسان ووياه سلطان "وهذيلا من الناس المتواجدين فهالمكان بالذات معظم وقتهم"...بخطوات بطئه أبتعد عن البحيره وأتجه لربعه...: سلااااااااام سلطان + راشد: وعليكمووو السلام سلطان مكشخ بضروسه إللي فيهن تقويم: شو يسوي بو الشباب هنيه؟؟ راشد: هههههههه شو يسوي يعني...أكيد فباله قصيده يديده أحمد: لا والله لا قصيده ولا هم يحزنون...بس أفكر سلطان يغمز: لازم جابل على عرس راشد: ياحظك والله أحمد: بدينا بالحسد راشد: ههههههههههههههه يابوي أنا لا أحسدك ولا هم يحزنون...أنا بعد إن شاء الله قريب بتزوج أحمد: والله...مبرووووووووووووووو� �وك يابوسنيده تستاهل والله راشد: الله يبارك فعمرك... سلطان: عيل وين سيارتك؟؟ أحمد: موقفنها جدام...عدال الحديقه سلطان: ركب بنوصلك أحمد: لا لا بتمشى راشد: هههههههه بشووووو تفكر...هاااا شكلك مب طبيعي أحمد: لا عااادي سلطان: انزين المهم المهم..جابلين على عرس هالصيف..يعني مافيه أي إمكانيه إنا نسافر راشد: سمع إذا عني أنا...العرس بعده بعيييد...مب فالصيف...وجى بتسافر خذ لي وياك تذكره سلطان: ترتوووب...وبوشهاب؟ أحمد: حتى أنا مطول...بس هالسنة مالي خاطر أسافر سلطان: آفااا...ليش؟؟ أحمد: بس جيه هالسنة مالي بارض حق السفر راشد: ياريااااال وين تباه يسافر..والقلب هنيه أحمد: هههههه ماعندك سالفة طنشهم ومشى وتموا يمشوا عداله بالسياره...الحين من سنتين ورى بعض تعودوا يسافروا كل صيف...وعلى قولت أحمد يستكشفوا العالم...أول سنة سافروا أوروبا وتنقلوا بين دولها بالقطار...والسنة إللي بعدها سافروا فالشتا صوب جنوب أفريقيا والدول المجاوره...والسفر ويا الربع غير...وناسه ومقالب...يعني غييييير سلطان: خلاص عيل ماشي سفر هالسنة راشد: آفااا...بعد هالكراف طول السنة فالشغل تقول مابنسافر سلطان: ولا أقولك بنسافر تركيا..أحمد زارها أكثر عن مره الشباب يتناقشون وأحمد مب وياهم...جدامه ويه واحد لا غير...ويه نورة وتعابير ويها إللي تكشف أكثر من إللي تخبيه...نورة تعاني من مشكله وهو متأكد من هالشي...لكن شو هي المشكله...هاللي مب قادر يعرفه لحد الحين..."وليش أحبطت جيه يوم خبرتها برأيي بخصوص ربيعتها؟! الموضوع فيه إن...بس إلا بعرف شو السالفه" ........... كان يالس فميلس الريال بروحه يتابع برنامج سياسي فقناة العربية...أنتبه لتلفونه إللي وصله مسج يديد...وكأنه حس من منوه هالمسج...فبعصبيه شله وحذف المسج من دون مايقرأه...الحين من يومين حميد يطرش له مسجات بما أنه مايرد عليه يوم يتصل به... أنتبه لأخوه محمد إللي حدر الميلس فهالوقت وشكله ياي من برع...محمد: السلام عليكم حمدان: وعليكم السلام محمد يلس عداله: شحالك؟ حمدان: الحمد لله محمد: عسى دوم حمدان طنشه ورد يتابع البرنامج...فالفترة الأخيره الكل لاحظ تغييرات فحمدان...هدوءه وأبتعاده عن الكل...حتى الوجبات مايأكل وياهم خير شر شرات أول...لكن مع هذا محد تكلم...أو تجرأ يرمسه بالموضوع وشو فيه بالضبط... محمد مب تنفيذاً لطلب زوجته...لكن حس بأنه فعلاً علاقته ويا خوانه مب لين هناك...حتى أخوه التوأم مايلجأ له إلا في حالة أحتاج له...يعني عند الضروره... محمد: حمدان حمدان مركز على البرنامج: هممممم؟ محمد بعد تردد: شو فيك؟ حمدان ألتفت يطالع أخوه وعلامة التعجب على ويهه: أنا؟! محمد: هيه أنت حمدان رد عليه بتمهل وهو يبتسم: سلامتك مافيني إلا كل خير محمد: بس أنا أشوف العكس حمدان "أنكسر ظهري ياخوي..صدمتين فوقت واحد صعبه": ههههه عيل ماتشوف زين...روح فصل لك نظاره محمد بحيره: أنزين مهم هالبرنامج إللي أتابعه الحينه؟ حمدان: أكيد مهم "صخ شوي يفكر" بس يعيدوه باجر محمد يبتسم: أحم عيل تابع الأعاده...ومشى وياي نظهر من البيت حمدان: على وين ماشاء الله محمد: أي مكان حمدان بعد دقيقة تفكير: خلاص تم بند التلفزيون ونش من مكانه وشل غترته وعقاله من وين حاطنهن على القنفه وظهر هو وأخوه برع البيت... بما أن الدعوة يت من محمد فراحوا فسيارته... فمنطقه قريبه من منطقتهم فيها طعوس وعراقيب راحوا وطلعوا فوق واحد من هالعراقيب بما أن سيارة محمد فورويل...وقفها ونزلوا...فهالوقت من الليل وفهالمكان الجميل الجو غير... محمد بعد ماأقترب من أخوه "كان التناقض ممبينهم واضح..محمد طويل وايد عكس حمدان إللي كان الأقصر" قدر رغم قلة الأنوار فهالمكان أنه يلمح ملامح ويه أخوه..ملامح اجتهد دوم أنه يخفيها عن الكل...حتى أقرب الناس منه...وهذا طبع حمدان من وهو صغير..."كان مهموم" وهالشي تأكد منه محمد الحين... محمد: حمدان صح أنا أخوك الأصغر..ويمكن تستغرب مني هالخطوه..لكن مهما يكون نحن خوان..وإذا ماوقفنا ويا بعض..منوه بيوقف ويانا...!؟ حمدان: انزين بعد هالكلام العود...شو السالفه محمد: السالفه طال عمرك حالتك مب عايبتني حمدان يبتسم بسخريه: أووووووب شي يديد..ومن متى تهتم لحالتيه؟؟ محمد: من يوم يومي أهتم لحالتك..بس أنت تبعدنا عنك حمدان: انزين الزبده...أنا مافيني شي...عايش حياتي ومستانس ولله الحمد محمد يحط أيده على كتف أخوه: متأكد؟! هالأيد إللي أنحطت على كتفه وبهالطريقه ياما تمناها...ياما تمنى حد ينشد عن حاله وأحواله...يطبطب عليه يواسيه...ماعرف شو يرد...لأنه فعلاً محتاج لأنسان يفهمه..يوقف وياه..يسانده..لكن معقوله هالإنسان بيكون محمد..؟؟!! محمد وبعده حاط أيده على كتف أخوه: حمدان أنا خوك..وصدقني محد بيكون واقف وياك بصدق..وماعنده أي مصلحه فهالشي شرات أهلك حمدان بصوت بالكاد مسموع: ووينهم هالأهل؟؟!! محمد: موجودين..وأنا الحينه جدامك..ومتأكد مليووون فالمية إنك تمر بمرحله صعبه..وأتمنى لو أشاركك فيها وإذا أقدر أساعدك حمدان لأول مره فحياته يستسلم بعد ماحس بيأس..وبعد ماأنسدت كل الطرق فويهه: متأكد إنك مستعد تشاركني فمصيبتي محمد: شفت...أنا قلت أنه فيه شي جايد...حمدان ثق فيه...أنا وياك للأخر...ممكن أعرف الحينه شو هالمصيبه إللي حولت حال خويه من حال لحال؟؟ حمدان يلس على الرمل ويلس محمد عداله: المصيبه طال عمرك....... خبره بكل إللي صار بينه وبين حميد...وكيف فقد رأس ماله إللي تعب فتجميعه...كله بسبت أستهتار حميد ضاع...وطبعاً ماأطرق لموضوعه ويا نورة...لأنه هالموضوع الوحيد إللي مستحيل يناقشه ويا أي مخلوق على وجه الأرض...لأنه يعتبره موضوع خاص فيه وفيها...والمفروض هو بنفسه يحل المشكله إللي ممبينهم... محمد بعصبيه: صدج أنه حيوان..أنزين ماينفع تشتكى عليه حمدان: وأشتكي على ربيعي محمد رافع حاجب واحد: بصراحة تصدمني...تعرف أنت كم المبلغ إللي خسرته؟؟؟!!! أنت صاحي؟؟؟أونه ربيعي...ويوم ربيعك مب ريال...تسكت عنه؟؟!! حمدان: المشكله هنيه حتى لو أشتكيت مافيه ممبينا أي وصولات أو أي شي يثبت حقي...بعدين أنا لحد الحينه فصدمه...معقول حميد يسوي فيه جيه محمد وفعلاً منصدم من خوه: حميد الحينه وين؟؟ حمدان: أكيد فشقته محمد: ماعليه يصير خير حمدان ببرود: لا تدخل فالموضوع محمد: أنا قلت بدخل؟! قلت يصير خير حمدان يطالع اخوه بنظرات شك فهالمكان المظلم شوي..يمكن الحين ارتاح شوي بعد ماخبر خوه..لكن فنفس الوقت مايبى أي مخلوق يدخل بينه وبين حميد..حمدان الوحيد إللي يعرف معدن ربيعه ورفيق دربه "حميد" ولحد الحين هو فحالة صدمه..وعلى أمل بأنه يطلع كل إللي صار مقلب ثجيل من حميد شرات ماتعود على مقالبه..!!! .......... حدرت الغرفة شوي شوي وهي اطالع وراها....دخلت وبندت الباب وراحت عند شبرية أمها... وعلى ويها أكبر أبتسامة نصر وشيطنه.....تحاول توصل لسلطان إلي كان مرقدتنه أمها من عشر دقائق... وصلت له وهي تشوف ويهه الهادي الصغير ....وتمد ايدها لويهه وتلمس خشمه وتقاطيع ويهه.... وهي تتفحص بأصابعه الصغيره خشم أخوها سلطان تتمتم تقول: حشمك سلتون وايد ( هنيه سكتت) وهي تمسح على شعره الخفيف وتضغط عليه: حلووووووووووووو وتنزل لمستوى ويهه وتبوسه على خده بقووووووو..... هنيه سلطان وعى وشوي شوي يحرك رأسه... منى تمت ترمسه على بالها أنه يفهم .... منى وهي تحاول تشله: هبيبي شلتووووووووووووني.. يوم عيزت قامت تحاول تفج قماطه وهو يصيح... منى من سمعته يصيح أحتشرت شوو تسوي به علشان يسكت توها تشله فجت نورة الباب ويوم شافت الوضعيه إلي كان فيها سلطان وأنها منى شالتنه بطريقة غلط ويمكن تطرحه في أي لحظه ركضة بسرعه صوب الشبريه ومسكت منى بهدوء عن يطيح الولد.... منى لأنها كانت مركزة فسلطان مانتبهت لدخول خالتها: خالووووه نورة: منوووه ييبي سلطان ( وهي تحاول تاخذه عنها). منى وهي تتمسك فيه بقووو وتضغط عليه: لا أنا بشله شلطوني نورة: بعدين بتشليه ....احينه يصيح منى وهي تكرر رمست خالتها: يصيح نورة بعد ماشلته عنها ... تمت تتمشى في الغرفة وتحاول تسكته لحد ماتيي فاطمة... نورة وهي اطالع منى: منوووه ليش دخلتي الحجره ؟؟؟ منى بخوف من خالتها اطالع تحت ولا ترد... نورة : احينه نحن جم مره قايلين لج لا تصكي سلطان... منى وهي تمشي بهدوء وراء خالتها إلي شاله سلطان: هو يصيح نورة وهي تغمز لمنى: منووووووووه أمج إلا من شوي مرقدتنه.. ماردت على خالتها ويلست تلعب بالمكعبات ..... بعد خمس دقائق دخلت فاطمة.. أستغربة يوم شافت سلطان واعي وعند نورة ..... فاطمة وهي ترمس نورة: نورة جيه إلا من شوي مرقدتنه مامداه يرقد ....( وتاخذه من نورة). نورة وهي تضحك: يوم أنه عندج هالشيطوووونه(تأشر على منى إلي مانتبهت فاطمة لوجود منى بعد ) هنيه لا تسئلي .... فاطمة بضيج: منووووه ليش وعيتي أخوج... منى وهي زايغه: أنا أهبه ......... هذا شلتووني( تقولها بصوت واطي) فاطمة: أنا ما صدقت من الله يرقد ...طوال الليل مسهرني نورة: يوم طلعت عنج على ساعه 12 بعده مارقد؟؟؟ فاطمة: لا رقد ولا شي.. هههههههههه عايبنه السهر.. منى وهي تيلس عدال أمها بدلع: ماماااااااااه فاطمة: هاااااااااا نورة: المفروض أنتي إلي تنظمين له نومه .... فاطمة وهي تعدل لقماط على سلطان: بتنتظم ساعات نومه بس لحد مايتعود على هالنظام.. منى وهي تتعبث بصباع ريول سلطان إلي ظاهرات من لقماط: ماماااااااااااااااتي ( وبصوت أعلى)... فاطمة: شووو يامنوووه تراج حشره ... نورة وهي تتبسم: يالله على الدلع.. منى ترمس أمها بصوت واطي: أتيني شلتون فاطمة: منوووه قومي روحي مع يدوتج تحت... منى تضايقت وبوزت: مابا نورة : جيه شوو قالت لج؟؟ فاطمة: اونه شوو تبا تشل سلطان...مب كفايه إنج وعيتيه.. نورة: وبعده لج عين...ترمسين يا شيطونه.. منى: أنتي شيتونه .. نورة: دخلت عليها وهي شالتنه...زين تلاحقت عن يطيح من يدينها.. فاطمة بعصبيه: زين يابوج أنج تلاحقتي... (تصد لمنى)قووومي يالله نشي روحي مع يدتج... وأن شفتج يامنوووه مره ثانيه شالتنه بضربج... منى وهي تمشي بإتجاه الباب تمت تصيح: ماهبج فاطمة رقت ملامح ويها: زين تعالي بعطيج تشلينه بس لا تصيحين... يكفي صياح سلطان... منى تركض تيلس عدال أمها إلي يلستها بوضعيه معينه وحطت سلطان فثبان منى وهي ماسكتنه تقول لها أمها: زين جيه.. منى وهي مستانسه: ببوسه هبيبي شلتون.. فاطمة : أسميه يأنه صج بيحبب ويهه من هالمباوس إلي كل شوي. نورة: عاد ويه اليهال وايد حساس. يلست نورة تسولف مع فاطمة وتلاعب منى وتبني وياها بالمكعبات لنص ساعه عقب ظهرت يوم رقد سلطان... ......... فهالوقت من السنة يكون الطب الوقائي مزحوم..سواء من المراجعين أو الموظفين...أو معنى أخر طلاب التدريب الصيفي...وهالسنة بالذات كان عندهم فوق من وين الأدارة ثلاث مدربات صيفي...وحده من طالبات الجامعة عند قوم أحمد...وثنتين من طالبات كلية التقنية وحده عند قوم نورة...والثانية تساعد سكرتير المدير إللي ماباقله إلا أيام ويأجز وهي تيلس مكانه... ميثه بنت جامعية...21 سنة...جميلة بمعنى الكلمة...لوحه فنية قمة فالأبداع...أبدعها الخالق عز وجل...وأكثر شي يميزها رقتها وصوتها الناعم إللي يضرب الأوتار الحساسه...وجنه معزوفه موسيقيه رائعه... هالبنيه كانت تشتغل فمكتب أحمد...إللي من بدأت تدريبها الصيفي عندهم وهو معظم وقته يحس بإحراج...ومايقدر ياخذ راحته فمكتبه... ميثه تنش من مكانها وتقترب من مكتب أحمد وفأيدها معامله محتاره فيها: أحم أستاذ أحمد أحمد وعطرها شال البقعه.."لا شكلي بزجم": هلا؟؟ ميثه تحط الملف جدامه وتأشر على شي فأول صفحه من الملف..وبصوتها الأبح الناعم: هنيه لازم نكتب الجنسيه ورقم تلفونه؟؟ أحمد ماقدر يركز أو حتى ينتبه للسؤال إللي وجهته له...لأنه حس نفسه في محل شبهه...وخطر بأن نورة أطب عليه فأي لحظه وتشوف ميثه كيف متلصقه فيه..."أما هالبنت جريئه!!" ميثه معقده حياتها: أستاذ أحمد؟! سميحه ميوده ضحكتها وهي تشوف حال أحمد من يت هالبنيه: تعالي ياحببتي..دى من أختصاصي..أستاز أحمد مايعرفشي فيه حاجه أحمد يطالع سميحه بنظرة شكر..ومن دون مايرفع نظره لميثه إللي كانت حايسه بوزها: هذا شغل الأخت سميحه..أنشديها هي سميحه وبصعوبه ترمس لأنه فيها ضحكه: أحم تعالي ياحببتي أنشديني على أولت أستاز أحمد مشت ميثه وهي قافطه صوب سميحه..وحطت الفايل جدامها تراويها إللي كانت تبى تسأله أحمد... وهو على طول من أبتعدت عنه نش من مكانه وظهر من المكتب بسرعة...من يوم يت هالبنيه وهو يحس بضغط فضيع...أسلوبها فالكلام...عطرها إللي شال البقعه...صوتها إللي يخبل...يمكن هي ماتتعمد هالحركات...لكن مهما يكون أحمد إنسان...وله درجة أحتمال...بعدين بينفجر...مشى فالممر وشاف بابو ظاهر من مكتب فالح شال صينيه فيها كوب... بابو أنتبه لأحمد إللي كان يمشي فالممر من دون هدف: بابا أهمد أنته شوووو يفكر..أنت واجد يفكر يفكر أحمد: وأنت شلك بابو يبتسم بخبث: أنا يأرف شوووو يفكر...أنت وماما نورة شادي "ويهز رأسه" أحمد يبتسم: الله يخسك من هنيدي..فالح موجود؟؟ بابو: أيوه...بابا فالح فيه موجود "وبصوت واطي" هو واجد زعلان ويسوي جنجال أحمد معقد حياته: ليش عاد؟! بابو: أنا مافيه معلوم...بس هو واااااجد جنجال أحمد: عيل بنأجل الروحه عنده لين بعدين...بابو بلييييز ون نسكافيا بابو يهز رأسه: من عيون مال أنا أحمد نقع من الضحك على بابو: هههههههههههههههاي حلووووه منك..قال شو من عيوني...من وين تعلمتها هذي بعد بابو مكشخ ضروسه: أنا الهين يأرف أربي ميه ميه أحمد: لا واضح...متى إجازتك بابو: هدا أسبوع أنا فيه موجود...أسبوع يجي أنا فيه سافر بلاد أحمد: هيه يابوك منوه قدك بتروح تسوى شادي بابو يهز رأسه وهو كاشخ: بابا أهمد يسوي شادي أنا فيه يسوي شادي أحمد وهو يبتعد عنه: مبرووووووووك مقدماً..لا تنسى النسكافيا وقف عدال باب مكتبهن وعيونه عليها وهي منهمكه فالشغل يالسه تطبع شي... أبتسم...معقوله يقدر يلتفت لوحده ثانية غير حياته وروحه نورة...معقوله وحده شرات ميثه أو غيرها تحتل تفكيره مكان غناة روحه نورة...فهالحظه رفعت رأسها جنها حست بوجوده...فالحظه إللي كان فيها يبتسم ويطالعها ألتقت عيونها بعيونه...التجعيد الخفيف إللي ظهر تحت عيونها يبين أنها كانت تبادله الأبتسامه...وأنتبه للمدربة الثانية إللي واقفه عدال نورة تعلمها الشغل...كانت عكس ميثه 180 درجة...صح مب متنقبه...لكن شرات مايقولوا الشي يبين من عنوانه...كانت بنت حشيم ومركزه على الشغل وايد...وتحاول تكسب خبره...عكس ميثه إللي تحاول تلفت نظر الجميع لها..."أوووهوووو وأنا شو فيني كله تفكيري فيها" غمز بعينه حق نورة..إللي عدلت نفسها فكرسيها وشكلها تبتسم" ياوووووويل حالي..عيل من عنده هالقمر يفكر فغيرها" طرش لها بوسه على الطاير..ورد مكتبه يكمل شغله...كل هذا ومحد أنتبه لأحمد وللحركات إللي كان يسويها حق حرمته... رد المكتب وهو أكثر عزيمه للشغل..يلس على مكتبه من دون مايلتفت للي فيه... أما سميحه إللي من أسبوع مغيره اللوك مال شعرها...سواء من ناحية القصة أو من ناحية اللون...بعد ماكان أصفر الحين ناري...الكل أنصدم يوم شاف شعرها الفضيع...لكن مع هذا الكل يعرف سميحه وصرعاتها الغريبه... سميحه تحيس بوزها يمين وشمال: هو أنته إجازه اليومين دوووول أحمد رفع عيونه يطالعها: ترمسيني سميحه: هو فيه حد غيرك راجل هناا...!! أحمد: يمكن بعد سميحه: لا واللهِ أحمد: المهم المهم شووووووووووو تبي مدمزيل شعشبونه سميحه عقدت حياتها: ممكن ماتأوليييش شعشبونه أحمد: هههههههههه شو أسوي والله يناسبج ويا هالشعر الأحمر سميحه أونها عصبت ونشت من مكانها: لووووووووووو سمحت يعني أحمد: ههههه أعصابج أعصابج ههههههه ماقلت شي يستحق هالعصبيه سميحه ردت تيلس مره ثانية: ألتهي ياخويه ألتهي...دنته واحد فاضي ماعندكشي شغلانه تنيه غير الرغي وتلعب بموبايلك أحمد: هههههههههههههاي قولي بعدج حاطه عينج عليه..يابوووج واصل مره سميحه أبتسمت وبسرعه أنتبهت لنفسها وبوزت: لا أسفه...أنا مخدشي حاجه كدا بلاش...الناس هتأول أيييه أحمد: ههههه يعني شو بتقول الناس سميحه: لا لا أسفه...ماأدرشي أخد حاجه كدا أحمد: خلاص دفعي أي شي والتلفون مرررررره من صوبج سميحه متشققه: واللهِ أحمد: واللهِ كل هذا يصير وميثه صاخه وفداخلها تغلي...بالذات بعد ماقفطها أحمد...تمت صاخه ماتشارك فالحوار إللي ممبين هالأثنين...رغم أنها الحينه باديه فالشغل من أسبوع إلا أنها بعدها تحس نفسها غريبه...والسبب طبعا معاملة أحمد الجافه وياها...وهزاب سميحه لها اليومي...يخليها مب طايقه هالشغل...مع أنها هي إللي طالبه فالطب الوقائي...عكس ربيعاتها إللي أختارن مستشفى التوام... ...... وصلت البيت وفرأسها ألف فكره وفكره...وقفت سيارتها فالكراج...تتذكر كيف كان يطالعها أحمد اليوم...كانت فحيره من أمرها...يوم بندت باب السياره وشافت حمدان واقف ويطالعها بتركيز معقد حياته...ساعتها حست جنه قلبها توقف عن النبض... حمدان بصوت بالكاد مسموع: شحالج نورة؟! نورة تتنافض خوف: شششو عيبتك السالفه حمدان: معقوله بعدج ماعرفتي نورة ضامه كفها بقوة: ووالله إن مارحت الحينه بصرخ بأعلى صوتي...بفضحك حمدان: ماله داعي تصرخي...لأنه إللي ياي علشانه مب إللي فبالج نورة خانقتنها العبره: خاف ربك...مب كافي إللي سويته فيه...خاف ربك حمدان: والله ماسويت شي والله نورة: شو ماسويت شي وأنت دمرت حياتي حمدان: نورة فهمي أنا ماصكيتج والله نورة مب قادره تستوعب رمسته: شووووو تقول أنت الحينه؟! حمدان: أقول إني ماصكيتج يانورة...أنتي بنت عمي من لحمي ودمي ومستحيل أسوي فيج شي كانت نورة أطالعه وهي مبهته ودموعها على خدها: يعني أنــته..... حمدان قطع رمستها: كنت أحاول أوهمج بهالشي...لأني أبيج وحبج يانورة نورة: تحبني؟!! حمدان: هيه أحبج..صح ماأعرف أعبر عن هالشي بالطريق الصح..لكن أحبج وهذي الحقيقه نورة رغم الراحه الكبيييره إللي تشعر فيها...إلا أنها تحس بآلم كبير فأعماقها: أي حب هذا إللي ترمس عنه...أنت تعرف شو سويت فيه حمدان: أعرف...ووالله ندمان عليه...ساعتها ماكان جدامي حل إلا هذا نورة: أنت كنت بدمر لي حياتي تعرف هالشي...تعرف إنك عيشتني أفضع لحظات فحياتي.... حمدان: والله العظيم أسف يانورة...الإنسان يوم يكون يأس ممكن يسوي أي شي فسبيل تحقيق هدفه نورة: بهالطريقه عاد!! "أي طريقة" قالها أحمد وهو واقف عدال باب الكراج وعيونه تلمع شرار نورة بصدمه ترجع لورى: أحمد؟؟!! أحمد وعيونه على ويها وعيونها المدمعه: هيه أحمد...مفاجأة صح هنيه أرتبك حمدان وماعرف شو يسوي أو شو يقول...لأنه الموقف محرج...شو من المبررات إللي بيشرح تواجده فهالمكان وفهالوقت وياي نورة؟؟؟!!! نورة بكلامات متقطعه: شو تسوى هنيه أحمد بعصبيه يطالعها ويطالع حمدان: إنتي إللي شو تسوين هنيه وياه؟؟"وبعيونه يأشر على حمدان" حمدان: الوالده قايلتلي أخبر عيال عمي شي...ونسيت...إلا وأنا راد من الدوام يوم مريت من هنيه تذكرت وبالصدفه شفت نورة ونزلت أخبرها أحمد وبنظره حاده يطالع حمدان: وماشي تلفون تخبرهم هالشي "ورد يلتفت مره ثانية لنورة" وهالشي يصيح ؟؟ بأصابع مرتبكه تمسح الدموع النازله على خدها: غبار دخل فعيوني أحمد بسخريه: هيه نسيت أنه الجو مغبر شوي حمدان: أحم استأذن أحمد: وين؟؟خبرتها إللي كنت تبى تقوله حقها حمدان: هيه...يالله فمان الله وبخطوات سريعه ظهر من الكراج...أحمد من دون مايهتم لحمدان وبأنه راح...مشى بتجاه نورة...مشكلتها بأنها نظراتها تفضحها...وأحمد كاشف هالشي...زخها من أيدها بقوة: على منوووه أنتي تقصين نورة: شوووووو أحمد: شو كان يسوي هنيه حمدان نورة تحاول تير أيدها من قبضته: أحمـــــــد تعورني أحمد صرخ بصوت عالي: شوووووووووووووو يسوي هنيه نورة نزلت دمعه محبوسه فعينها على خدها غصباً عنها: شرات ماقالك أحمد: نورة هالرمسه يصدقها الياهل...ولد الـ 5 سنوات...مووووب أنا نورة تحاول تسوي نفسها معصبه: شو قصدك من هذا كله...تشك فيه ؟! أحمد: الوقت والمكان وويا منوه كنت كله يخلي أي إنسان يشك نورة بعصبيه: ممكن تفج أيدي أحمد يضغط على أيدها أكثر..وملامح الغضب تزداد على ويهه: شكلج نسيتي إنج متزوجه نورة: متزوجه خير شووووو يعني أحمد: شووووو يعني!! نورة: هيه شو يعني...أحمد مب ملاحظ أنك أطول السالفه وهي قصيره أحمد: لا السالفه مب قصيره...وجودج هنييييه ويا ولد عمج وبرووووووحكم...مب قصيره نورة: أحمد دخيييييلك لا تكبر شي مايسوى...والله رأسي يعورني أحمد: أنا رأسي يعورني أكثر عنج...أصلا تصرفاتج كلها ماتعيبني...من يوم ملجة عليج وأنا متأكد أنه وراج شي جايد...رغم صراحتي وياج...إلا إنج العكس نورة فهالحظه مارامت تيود دموعها إللي هلن على خدها...بعد هالشهور إللي عاشتهن بجحيم...بجحيم أنها فقدت أعز ماتملك أي بنت...بجحيم أنها تكون وصمت عار بالنسبه لعايلتها...يكفي الحرب النفسيه إللي كان يلعبها حمدان بكل مهاره وكانت أدمر نفسية نورة تدريجياً...بعد هذا كله تكتشف أنها كانت عايشه فخدعه وهي بكل غباء وبرائه صدقتها...وعاشت على أساسها... هم وأنزاح...أنهارت على أرضية الكراج وهي تصيح بصوت مسموع...الشي إللي خلى أحمد يلين شوي ويقترب منها...لكن حاول يقاوم قلبه ويعاند...اليوم لازم يعرف كل شي...لازم ماتكون ممبينهم أسرار...لازم تكون صريحه وياه كانت ردت فعل نورة أقل شي ممكن أنها تنفس عن شعورها...ماهمها وجود أحمد وشكه فيها...لأنها تعبت من كثر ماتخبي عنه...كانت مسانده ظهرها على تاير سيارتها وضامه ريولها وتصيح من الخاطر... أحمد بعد دقايق صمت مايتخلله إلا صوت صياح نورة..وبكل هدو: ممكن أعرف شووو فيج؟! رفعت عيونها المحمره والمليانه دموع..لاحظت ملامح أحمد البارده..وردت تصيح أكثر... أحمد أقترب منها أكثر...ونزل على نفس مستواها: أتمنى تكوني صريحه هالمره...من دون خداع...لأني يانورة أنا مب غبي لهدرجة...وسالفة أغتصاب ربيعتج مادشت رأسي رفعت رأسها بسرعة أطالعه...حست برجفه فكل أنحاء جسمها...مب عارفه كيف تبدأ الموضوع...وشو هي الطريقة المثلى إللي تقدر تخبره عن السالفة... أحمد عقد حياته: شوووووووو فيج أطالعيني جيه...رمسي نورة...لأني مابتحرك من هنيه إلا وعارف كل السالفة نورة وبصوت مبحوح من الصياح: متأكد تبى تعرف كل شي أحمد: هييييه أبى أعرف كل شي كل شي...ولا تحاولي تلعبي وياي نورة لأني بكشفج نورة تحاول تمسح دموعها بأيد مرتجفه: أحمد...أنا ماااا كان "وصخت وهي تعض على شفاتها" أحمد: ماكان شوووو...كملي نورة: أنا صريحه وياك فكل شي...بس أحمد يحثها على الكلام: بس شو؟ نورة: بس هالشي ماقدرت أكون وياك صريحه..."نزلت دمعه غصبا عنها" لأنه صعب أحمد بضيج واضح: وتجذبين عليه!! نورة: غصباً عني أحمد: الجذب مافيه غصباً عنج...ياتكوني صريحه يا لا نورة: بس الموضوع كان جايد أحمد: وأن يكن...هذي عشرة عمر...معقوله تكون بدأيتها جذبه نورة: بس لو قلت لك الحقيقه بتبعدك عني أحمد زادت تعقيدة حياته: جيه شو مسويه أنتي يستحق هذا كله نورة حست بغصه: أنا ماسويت شي أحمد: لغز هذا ولا شو بالضبط...كيف ببتعد عنج يوم ماسويتي شي نورة: تعرف يوم خطبتني أحمد: هيه نورة حست بأنه الجو خانق فهالمكان..وحست بضيج فضيع: أحمد ممكن ندخل البيت أحمد زخها من جتوفها ووقف ووقفها وياه..فتح باب سيارتها وشغل السيارة مره ثانية: ركبي نورة بستغراب: ليش؟؟ووين بنروح؟؟ أحمد: مابنروح مكان..وليش..لأنه مابنقدر نرمس على راحتنا فبيتكم..وأنا مالي روحه اليوم إلا بعد ماتخبريني بكل شي وبكل صراحة لو سمحتي نورة يلست بأستسلام على كرسي السائق: أمايه بتستغرب تأخري أحمد يبند بابها...ويلتف من الصوب الثاني...ويركب ويبند الباب: حتى لو سألت..أنتي مب ويا واحد غريب...أنا ريلـــــــج "قالها بحده" ممكن تكملي رمستج بمكيف السيارة لطف الجو إللي كان برع خانق...نورة ماعرفت من وين تبدأ...لأنها تجهل ردت فعل أحمد...لكن ماكان جدامها حل ثاني...لازم تخبره بكل شي وتنهي الموضوع إللي ياما تعذبت بسبته وتآلمت...تعب كاهلها من هالحمل الثجيل...وبأرتباك خبرته بكل شي وهي كل شوي تلتفت صوبه...لاحظت مشاعر أحمد على ويهه إللي كانت مبينه بكل وضوح...الشي الوحيد إللي قدرت تفهمه من ويهه "الغضب" لكن ظل ميود نفسه وكاتم غيضه لحد ماخلصت كلامها... أحمد: حيوووووووووان نورة كانت تحس بغليان الغضب ينبثق من الإنسان اليالس عدالها..ماكانت تعرف شو بتكون ردت فعله..والخوف سكتها..وتمت على هالحاله منزله رأسها وأطالع كفوفها لحد ماسمعت صوت الباب يتبند بقوة..وبخوف ألتفتت للمكان إللي يالس فيه أحمد "فاضي" وبسرعة فجت بابها وعيونها أدور أحمد...شافته يركب سيارته إللي مانتبهت من قبل لوجودها...ربعت وراه بتلحق به بس ماشي فايده...لأنه أحمد راح...ماشافت إلا الغبار إللي أثاره تواير سيارته....!! بعدها واقفه مكانها عدال باب الكراج...كانت فحالة لا تحسد عليها...وفأيدها موبايلها تحاول تتصل فيها...لكن النتيجة نفس الشي تلفونه مغلق...أول مره تشوفه معصب بهالطريقه...من يوم ملك عليها وهي تعرف زين أنه إنسان غيور...وبعد إللي سمعه اليوم منها مب قادره تتصور كيف بيكون تصرفه ويا حمدان... ردت لداخل الكراج ودخلت البيت وهي تصيح...ماتعرف شو تسوي...خوفها عليه شال كل تفكيرها...لوكانت فوضع غير هالوضع كانت قدرت تتصرف بسرعة..."شووو أسوي ياربي" "شو فيج...!!" قالتها فاطمة وهي ظاهره من المطبخ وفأيدها غرشة حليب "سلطون" وبصوت باكي، يأس: أحمد عرف فاطمة تقترب من أختها: شوووو عرف؟؟؟شو صار؟؟ نورة: وراح معصب..أخاف يسوي شي بحمدان فاطمة: ويلي..."وحطت أيدها على صدرها بخوف" متى صار هذا...وكيف عرف؟؟؟ نورة: من شوي....."مارامت تكمل" فاطمة يودت أختها من أيدها وساعدتها تدخل..وهي معقده حياتها: تعالي ندخل داخل عن تشوفج أمايه بعد مادخلن غرفة صغيره للضيوف فالطابق الأرضي...وأنهارت نورة على الكرسي تصيح وأطالع موبايلها: أتصل فيه بس يعطيني مغلق...أخاف عليه طالع معصب...بموت لو صار له شي فاطمة بسرعة خذت موبايل أختها: بتصل فبيت قوم عمي..ماشي حل غير هذا نورة بصعوبه ترمس: وشو بنقوللهم فاطمة تأشر لأختها علشان تهدء شوي: آلووووو....السلام عليكم...."شكلها أرتبكت" هيه فاطمة.....حمدان وين.....وين راح.....لا أنا ماباه فشي....بس "ألتفتت أطالع أختها الزايغه" انزين عمي موجود"عضت على شفاتها" منصووور دخيييلك نحن فمشكله.....هيه مشكله......أحمد طالع من هنيه معصب والسبه أخوك حمدان......بعدين بخبرك شو صار.....بس أخاف يستوي ممبينهم شي.....دخييلك دوره.....أوكى......إذا لقيته خبرنا.......مشكووور والله.....يالله مع السلامة الله يحفظك نورة زخت أختها من أيدها: شووووو قال فاطمة تمسح دموع نورة: بس هدي نفسج حبيبتي مابيصير إن شاء الله إلا كل خير...أنتي بس خبريني شو صار بالضبط؟؟؟ تحاول تمسح سيل الدموع النازل على خدها: يوم وصلت البيت فالكراج...دخل حمدان فاطمة معقده حياتها وبعصبيه: شو يبى هذا..مب كافنه إللي سواه نورة ردت تصيح بصوت مسموع: تصوري ماسوى فيه شي...كان يجذب عليه...وأنا بكل غباء صدقته فاطمة ببتسامت فرح وهي تلوي على أختها: أنا كنت حاسه أنه ماسوابج شي...الحمد لله الحمد لله...هو إللي خبرج؟؟ نورة: هيه...بعدين يا أحمد"وسكتت لأنه غلب البكاء على صوتها" فاطمة وهي متأثره بحالة أختها وتضمها بقوة: بس حبيبتي بس...إن شاء الله مابيصير شي...منصور بيتصرف ......... بعد ماظهر عنهم ماكان له نفس فشي...فغير أتجاهه...جرح فأعماق أعماقه يحس فيه فهالوقت...دموعها آلمته، جرحته...هو يحبها ومتأكد من هالشعور...بس شو الفايده الحين...لأنه خسرها...أصلا من اليوم إللي أوهمها بأنه أعتدى عليها فقدها... أنتبه للمكان إللي وصله...أستغرب شو يابه هنيه طريق الشاحنات صوب المزارع...كانت جدامه شاحنتين كبار والشارع ضيج...فضطر يمشي وراهن...وتضايج أكثر يوم أكتشف أنه الفتحه إللي تأدي للشارع الثاني أغلقوها بسبت التصليحات فالشوارع...معناتها بيمشي مسافة أطول... الحين نورة أكيد بتقوله...لأنها فوضع محرج...لو ماقالت له بيشك فيها أكثر وأكثر...وهو مب خايف من المواجهه ويا أحمد...لكن فنفس الوقت مايبى يواجهه فهالفترة...لأنه أعصابه تعبانه من كل شي...أنتبه لتلفون يصيح...فالبدايه طنشه...لكن مع ألحاح المتصل أضطر يشله... حمدان: ياااااانعم...شو عندك؟؟؟ منصور: وين أنت؟؟ حمدان: وأنت شلك منصور: حمدان سؤالي واضح...أنت وين...وشو بينك وبين نسيبنا أحمد حمدان عقد حياته: ليش؟؟جيه شو صار؟؟ منصور: لحد الحين ماصار شي...بس فاطمة أتصلت تتخبر عنك... حمدان بمصخره: ههههههههههههه ولا فطييييم تنشد عني...شعندها؟؟ منصور: حمدان من فضلك خلك جدي شوي...الموضوع شكله جايد...وأحمد شكله يدورك.. حمدان: شو مشكلته هذا بعد؟؟ منصور: أونك ماتعرف حمدان بعصبيه: سمعني زين مازين... أنا هب متفيج لسخافاتكم "وبند فويه أخوه" يعني خبرته بكل شي...وردت فعل أحمد كانت فوريه..."الله يستر ليكون سوى فيها شي" .......... الساعة أربع ونص العصر كانوا فالجيمي مول فالطابق الثاني وبالتحديد عدال محل نعومي...كانت أطالعه بغيض...وهو يرد لها بأبتسامه شاجه الحلج... محمد: شوووو؟! زهرة بصوت واطي: محمد تراه ماأحب هالحركات محمد ببرائه: أي حراكات...حرام أختار ويا حياتي وروحي ملابسها.."يغمز" على فكره أنا ذويق زهرة تقرصه فكفه: عيييب...شو تختار ويايه...ماتشوف فالمحل حرييم محمد يحج كفه مكان القرصه إللي عورته: عااادي انزين شو فيها زهرة: لا والله...عيل خلاص هونت مابى شي...يالله نروح يوم شافها مشت بتروح زخها من أيدها وهو يضحك: خلاص فديت روحج دخلي المحل وأنا بترياج هناااك"يأشر للكراسي لقراب من المحل زهرة طالعته بنظره بعدين دخلت المحل "نعومي"...اليوم من صلوا العصر ظهروا على طول من البيت...لأنه واعدنها بأنهم بيروحوا الجيمي مول بعدين بيحوطها صوب المبزره وبيتعشوا برع...هي لاحظت على زوجها أمس بأنه متضايج وشي شاغل فكره...وحاولت فيه علشان يخبرها...بس مافيه فايده ماخبرها شي...بس اليوم شوي مزاجه أعتدل...وبما أنه واعدنها بأنه بيظهرها رغم أنها راعت أنه مضايج وقالت له مب لازم اليوم يروحوا مكان...لكن هو أصر على الطلعه... خذت إللي تباه من المحل وبعد ربع ساعة ظهرت...شافته يالس على الكرسي ويرمس فالتلفون وشكله متضايج..."ياربي شو فيه متضايج جيه" رغم محاولته بأنه يكون مرح وياها إلا أنه يبين بأنه فيه شي مضايجنه...أقتربت منه وسمعته يقول للي يرمسه "أوكي أنا بتصرف وياه...باي" وبند بس ماأنتبه لوجودها لأنه فكره كان سارح... زهرة: آحم...محمد خلصت محمد رفع عيونه صوبها بعد مانبهه صوتها: هاااا...خلصتي...عيل يالله نروح زهرة: وين؟؟؟ محمد: البيت زهرة: أحيدك قايل بنتعشى اليوم برع البيت! محمد يوقف وياخذ الأجياس عن حرمته: مره ثانية الغلا.."صخ شوي" ولا أقولج بنظهر مره ثانية فالليل زهرة تمشي عداله وهو يمشي بخطوات واسعه..وتحاول تسايره فالمشي: انزين ليش؟؟؟شو صار؟؟؟ محمد: بخبرج بعدين أول ماركبوا السيارة فسخت أنقابها بما أنه السياره مخفي غامج...أنتبهت لريلها إللي كان عاقد حياته...ولا شعورياً حطت أيدها على أيده إللي ميودبها الهاند بريك: حبيبي!!؟ ألتفت محمد يطالعها ورسم على شفاته إبتسامه: لا تخافي حياتي...أنتي تبيني أصير مفيد وعضو نافع فالعايله...وأنا الحين أحاول أكون جيه...مب بس تنفيذ لطلبج"سكت شوي" لكن لأني حسيت إني إنسان سلبي فالعايله...وجودي والعدم واحد...أيصير إللي يصير وأنا كأني مب موجود ولكأنه إللي يصير يخصني"رفع أيدها وحبها على ظاهر كفها" وزواجي منج دزني دزه نبهتني للي حواليه زهرة أطالع زوجها بفخر...وأقتربت منه وحطت رأسها على جتفه: الله لاخلاني منك .......... فاللحظه إللي أتصلت فيها فاطمة كان شال شنطه صغيره فيها فوطه وملابسه ورايح المبزره كالعاده يسبح...لكن أتصالها قلب كل الموازين...مجرد سماعه لصوتها إللي حافظنه عن ظهر قلب لخبطت كل أحاسيسها...جددت شي حاول المستحيل علشان يخفيه...وظهر للوجود بكل قوه...حس بصوتها إرتباك لأنه متأكد أنها عرفته على طول شرات ماهو عرفها على طول..."ياترى بعدها تملك له فقلبها مكان...ولا الزواج ومبارك والعيال نسوها وجود منصور؟؟؟" رد غرفته وفر الشنطه الرياضيه على شبريته وبدل البنطلون والقميص...وهو واقف مجابل المنظره يعدل غترته سمع جرس الباب العود...يعني القادم يا يكون حمدان...أو أحمد إللي كان يدور عن حمدان...إللي منصور يجهل مشكلتهم من الأساس... " وين حمدان؟؟" قالها أحمد وكل علامات الغضب والسخط مبينه على ملامحه أنصدم منصور يوم شاف أحمد وعفاريت الدنيا تتنطط على رأسه "شو إللي صار ممبينهم؟؟": ليش؟؟فشوه تريده؟؟؟ أحمد: مايخصك فشو أريده...وينه؟؟؟ منصور عقد حياته"شكلها السالفه جايد وايد": حمدان بعده مارد البيت أحمد كان شكله شوي بيفقد أعصابه: تعرف وينه؟؟ منصور: انزين ممكن تدخل تترياه داخل أحمد أحتد صوته شوي: لا هب ممكن..بترياه فسيارتيه منصور: آفااا ياريال...واصل جدام باب بيتنا وماتدخل...حلفت عليك إلا تدخل أحمد كان يغلي من دخله..لكن مع هذا هو يحترم منصور...ومن دون مايرد حدروا فالميلس...ودلال القهوه والشاي والفواله محطوطه مبونها فهالوقت...بس أحمد ماطاع يصك شي...تموا يالسين تقريباً ربع ساعة مجابلين بعض...وأحمد مايرمس إلا بردود مختصره... منصور: أنزين خبرني فشوه تباه حمدان...يمكن أقدر أنا أساعدك أحمد رد ببرود: محد يقدر يساعدني غيره... "السلااام عليكم" كان دخول حمدان المفاجأ إللي خلى أحمد ينش بنرفزه من مكانه...كل شي صار فجأة ماقدر منصور يستوعب الوضع إلا بعد ماشاف أحمد زاخ أخوه من حلجه...وطبعا الفارق فالبنيه الجسديه بين الأثنين مبين...وأكثر شي أستغرب منه منصور أنه حمدان ماكان يدافع عن نفسه...!! الإنسان فساعة الغضب ممكن يسوي ويتلفظ بأي شي...وهذا حال أحمد كان عامنه الغضب...وهمه الوحيد أنه ينتقم من حمدان...إللي تجرأ وحاول يبتز نورة...حس بيدين منصور إللي يحاول يبعده عن خصمه..."حشم ياريل..حشم..كل شي بالتفاهم" كلمات رددها منصور... "أنا ولدك يامبارك!!شو صاير هنيه" كان دخول بوحمدان الميلس فاللحظه إللي كان فيها منصور ميود أحمد وأبعده عن أخوها بصعوبه...وحمدان بكل هيبته وغروره بنفسه كان طايح تحت والدم يسيل من بين شفايفه وعيونه سارحه فمكان ثاني... بوحمدان يقترب منهم وهو معقد حياته: شوووووو فيكم...؟؟؟"طالع أحمد...بعدين ألتفت يطالع حمدان اليالس تحت" شو مستوي هنيه؟؟؟ أحمد الثوره إللي فنفسه هدت شوي من شاف بوحمدان"إحتراماً" وهو ينفض أيديه الثنتين من مسكت منصور بعصبيه..ويأشر لحمدان: اسأله "ويأشر بعصبيه لحمدان" ظهر مثل الأعصار من ميلسهم ومن بيتهم...فحياته كلها ماعصب شرات ماعصب اليوم...فقد قدرته على ضبط نفسه...لأنه المعني فالموضوع مب أي شخص...المعني فالموضوع عرضه...زوجته...وأي واحد فيه دم وحميه بيتصرف شراته وأكثر...أحمد كان من العصبيه وثورة الغضب إللي تثور فنفسه ماكان ينتبه للأشارات الحمر...ولا لعداد السرعة...ولا للسياره الـ جي أم سي إللي ظهرت جدامه......! ........ يمكن يكون هالإنسان أسخف إنسان قابلته فحياتها...لكن على الأقل يتقبلها...ومن عيونه تقدر تلاحظ نظرات الإعجاب والأنبهار...الشي إللي أفتقدته طوال الأشهر إللي طافن...صح سمعتها صارت معروفه بين كل الشباب تقريباً شرات ماسمعت خالتها فالطين...حنان...إسمها يدل على الحنان أكثر شي أفتقدته فحياتها...ولقته عند خالتها إللي فتحت ذراعيها وضمتها فالحظه إللي كانت تحس نبذ الجميع لها...ألتفتت أطالع مطر إللي كان يرمس بالموبايل بصوت واطي..ومن ملامحه قدرت تلاحظ أنه فيه شي مضيجبه...عضت على شفايفها تكتم إبتسامه...وهي تتذكر سيل الهدايا إللي قدمها لها...صدج أنه دفيع من الخاطر...وكل شي عنده بحسابه... كانوا فوق جبل حفيت...والجو ولا أروع...تمت تلعب بشعرها إللي كان مفجوج وسايح على جتوفها...هي فالسياره وهو يمشي برع ويرمس فالتلفون... بعد ماخلص رد يركب السيارة مره ثانية: أسفه شيختي...بس مضطر أقطع هالسهره الحلوووه حنان أطالعه بإستفسار: خير؟شو صار؟؟ مطر شغل السياره وبعد دقيقتين رد عليها وهم ينزلوا من الجبل: واحد من الربع مسوي حادث وفالمستشفى حنان حطت أيدها على صدرها وأونها تأثرت: ويلي...تعور وايد مطر: ماأعرف يوم شافت أنه فعلا متضايج ومزاجه مب أوكى فضلت تسكت ولا تنطق بحرف واحد...لحد مانزلها جدام بيت خالتها إللي كان فطريجه...وبكلمات بسيطه ودعها: باااي حاست بوزها وهي توخر الغشوه عن ويها وتدخلا لبيت المظلم: مااااالت... أما مطر فمن نزل حنان جدام بيتها وهو زايغ على ربيعه...صح الفترة إللي طافت كانت ممبينهم حساسيه وتتش...لكن مهما يكون هذا من أعز ربعه...وشي واحد يتكرر فرأسه الحين"بوشهاب إن عاش الليله أقص أيدي" جمله قالها خليفة...جملة رجت كيانه...قد فقد من قبل واحد من أعز ربعه...والحين بيفقد أحمد...لا صعب هذا فوق أحتماله...ماعرف ليش دمعه نزلت من عينه ماقدر أيودها..."هذي حاله من حالات ضعف مطر" تذكر حركات النذاله إللي سواها فأعز ربعه...الحين بالذات أدرك شكثر هو منحط خلقياً بتصرفاته اللامسؤوله....؟! وصل...كان المكان زحمه...كلام على صياح...معظم الربع موجودين "خليفة، راشد، سلطان، محمد ، هزاع" أنتبه للعبي السود "حريم" وخوانه "عمر ومايد" عمه...وريال ثانيين مايعرفهم... أقترب من ربعه اليالسين كلهم ويا بعض: شخباره؟؟ راشد كان يالس على الكرسي وحاط أيديه على ويهه وشكله وايد متأثر...خليفة أقترب من مطر: وايد تعبان...ومن شوي ماخذين منا دم...الله يستر بس مطر بصوت واطي: كيف صار الحادث؟؟ووين؟؟ . . . . فالجهة الثانية وبالتحديد عدال باب غرفة العمليات كانت واقفه وأيد عمها لاويه عليها من ظهرها يساندها...نورة ماكانت حاسه باللي حواليها...كانت هاديه ولا نفس ولا دمعه نزلت...عيونها متجمده على باب غرفة العمليات...تتنفس بصعوبه تتريا اللحظه إللي بيظهر فيها الدكتور...يقول أي شي المهم يطمنها... بوحمدان يهمس فأذنها: قري قرآن فديتج...أدعيله...إن شاء الله...الله بيشفيه حاولت تحرك شفايفها بس ماقدرت...وكأنه شي كاتم على أنفاسها...يخنقها... قريب من نورة كانت يالسه أم أحمد "حصه" كانت ذابحه نفسها صياح وبنتها عليا لاويه عليها وتحاول تهديها...بس وين تقدر حصه تهدى وأصغر عيالها بين الحياة والموت...والفترة من دخلوه غرفة العمليات ولحد الحين مب شويه...طولوا وايد...وين تقدر تهدى وأحمد أقرب واحد فهالكون لها ماتعرف تشوفه بعد اليوم ولا لاء...هي عاشت مثل جيه مواقف بسبت الحوادث إللي أتعرض لها...لكن هالحادث كان الأقوى...وويوه إللي شافوه بعد الحادث ماتبشر بالخير أبداً . . . . . ظهر الدكتور فيصل من غرفة العمليات...وهذا من ربع أحمد...صح نادر مايشوفوا بعض...لكن معرفتهم قويه من أيام الدراسة... مايد زخه من أيده وعيونه تترجاه يبشرهم....وفعلاً الدكتور فيصل ماخذلهم...لأنه البسمه والنفس الطويل إللي خذه دلاله على نجاة أحمد...: الحمد لله أحمد بخير كانت ردات الفعل مختلفه...إللي أنهار على أول كرسي وصله وتم يحمد ربه...وإللي أنهار يصيح فرح...وكانت هذي ردت فعل نورة إللي أخيراً قدرت عيونها أدر الدموع بعد التحجر إللي كانت فيه...ألتفتت أطالع حصه إللي كانت يالسه على الكرسي وتصيح من الخاطر...اليوم متغشيه مع أنها متعوده ماتتغشى...حست نورة بذراع عمها حواليها يضغط عليها يحسسها بوجوده...وسمعته يرمس بصوت واطي يحمد ربه...ومن كثر الدموع إللي ترسن عيونها مارامت تشوف زين...كيف بتكون حياتها لو فقدت أحمد...ومات...الموت أرحم لها بمليون مره ولا تعيش بليا الغالي... بعد ربع ساعة ظهروا أحمد من غرفة العمليات...قدرت نورة تلمحه من بعيد لأنه ربعه وخوانه متيمعين عليه...وعلى طول دخلوه غرفة العناية المركزه لأنه بعده تعبان وبحاجه للملاحظه...طبعاً منعوا دخول أي حد غرفة الإنعاش...وبعد محاولات وافقوا تدخل أمه شوي... " نورة...فديت روحج أحمد الحين بخير وأطمنتي عليه...يالله بوديج البيت...زقري أمج" قالها بوحمدان وهو يرمس بنت أخوه...نورة طالعته بعدم فهم: شو عمي؟! بوحمدان: بنروح البيت نورة: مابروح...أنا مابروح بوحمدان: ليش مابتروحي نورة حست نفسها مخنوقه بسبت دموعها: أبى أشوفه..."شهقه كانت كاتمتنها ظهرت منها غصباً عنها" عمييي دخيييييلك أبى أشوفه...دخيييييلك بوحمدان: يابنيتي جيه بتشوفينه وهم مانعين الكل من الدخول غرفة الأنعاش نورة بترجي مع الصياح المصاحب لصوتها: أبى أشوووفه.. أنتبه عمر لنظرات أبوحمدان اليأسه...وأنتبه لنورة إللي من شكلها يبين بأنها تصيح...ماهانت عليه حرمة أخوه جيه حالها...وأكيد تبى تشوف ريلها...فتقدم من فيصل إللي كان يالس يرمس مايد... عمر: فيصل بطلب منك شي قول تم فيصل: تم مرررره قول إللي فخاطرك عمر أشر بعيونه للجهة إللي واقفه فيها نورة: ماظني حرمة خويه تروح ومب شايفه ريلها فيصل: آفا عليك بس...عليه أدخلها تشوف ريلها...ويييت شوي برمس الدكتور المسؤول فاللحظه إللي راح الدكتور فيصل يرمس الدكتور الثاني علشان يدخلوا نورة...ظهرت حصه وهي شبه منهاره...لكن مع هذا حاولت تتمالك نفسها...أصعب شي بأنك تشوف فلذة كبدك ونظر عينك وهو بهالحاله...بين الحياة والموت...رغم أنه نجى...لكن كانت حالته تعبانه وصعبه...حصه تعب قلبها من كثر المرات إللي كانت بتفقد فيها أحمد...يمكن الشي إللي يميز أحمد عن غيره من عيالها بأنه تعبت عليه واااايد وهو صغير بسبت مرضه وضعفه العام...والحين بعد ماكبر مارحمها... بعد دقايق رد الدكتور فيصل وخبر عمر بأنه تقدر تدخل نورة تشوف ريلها بس شوي ماطول عنده... تمالكت نفسها وبخطوات ثقيله دخلت غرفة الأنعاش...صدمها منظره..كان رأسها ملفوف بشاش أبيض...مب ظاهر منه إلا جزء صغير من ويهه "خشمه..شفايفه..عيونه المغمضات" ولاحظت حاجبه الأيمن عليه لصق الجروح...كانت الأجهزه محاوطنه من كل الجهات...فهاللحظه حست روحها بتطلع...وقلبها جنه نبضه وقف...شلت الغشوه عن ويها وأنترست عيونها بالدموع إللي غطت عليها الرؤيه...وبأناملها مررتهن على كفه إللي مب ظاهر منه إلا أصابعه...لأنه أيده شكلها مكسوره...مجرد أنها تلمس أصابعه ياها شعور غريب..."معقوله كنت بفقده! معقوله كنت بفقد سوالفه! ضحكه! روحه المرحه! حبه للحياه!!!" مسحت دموعها بعصبيه...هالدموع إللي تحاول تحجب عنها شوفته...كيف بتكون حياتها بليا وجوده فيها؟؟!! "لوسمحتي أختي ممكن تتفضلي" كان صوت الممرض إللي قطع عليها هاللحظه...أقتربت منه أكثر وحبته على رأسه الملفوف بالشاش...وهمست بكلمة وحده لاغير "أحبك" تعرف أنه مستحيل يسمعها وهو جيه حالته... . . . . . كانت راكبه ورى هي وأمها...وعمها ومنصور جدام...كانت هاديه طول الطريج...جدامها صورة وحده...صورة أحمد وهو ملفوف بالشاش والأجهزه محاوطنه...وفبالها شي واحد وهو من تنش باجر تروح له...هذا إذا قدرت تنام أصلا...كان الوقت متأخر وايد...لأنه يكفي الساعات الطوال إللي تم فيها أحمد فغرفة العمليات... أم نورة: فطيييم ماأتصلتبج؟؟ هالسؤال طلع نورة من تفكيرها: هاااا؟! أم نورة: فطييم ماأتصلت؟؟ نورة برتباك أدور فشنطتها الموبايل...فعلاً شافت المكالمات إللي لم يرد عليها فوق الـ 25 مكالمة...إللي من البيت وإللي من رقم فاطمة...وبصوت مبحوح بسبت كثر الصياح: وايد متصله..بس أنا ماأنتبهت للتلفون ........ وفعلاً فاطمة كانت يالسه فالحوش بروحها وحاطه أيديها على خدها تتريا...تمت وياها منى تلعب وتلعب لحد ماتعبت بعدين شلتها سوزن فوق عسب ترقدها...وسلطان كالعاده شوي راقد وشوي واعي "شرات كلا ليهال فسنه" فكانت حاطنه فالغرفة إللي تحت وعندها الجهاز إللي تقدر تسمع صوته إذا صاح...هالموقف كله ذكرها بشي واحد فقط لاغير...لأنه مشابه وايد له...تذكرت اليوم إللي فقدت فيه أبو عيالها "مبارك"...وهالذكرى بحد ذاتها تآلمها وتجبر عيونها بأنها تهل دموعها...وعلشان تصبر نفسها وتقلل من خوفها يلست فهالمكان وفأيدها مصحف صغير وتمت تقرأ فيه...وكل شوي تدعا فنفسها بأنه الله ينجى أحمد...لأنها ماتبى أختها تعيش نفس مآساتها...وبعدين لأنه أحمد إنسان طيب ويستحق كل خير... أول ماشافت الأضواء برع البيت بسرعة نشت من مكانها وحطت المصحف فمخباها وربعت صوب الباب...وفتحته...أنتبهت لعمها وهو يأشر لها علشات تفتح الباب كامل عسب يدخلوا السياره... وهي تفتح الباب أنتبهت لمنصور إللي نزل من السياره يساعدها ففتح الباب...حاولت قدر المستطاع تتحاشى نظراته المتفرسه فيها... بعد هالسنوات قدر يشوفها...نظراته لها تفضحه...لكن فنفس الوقت ماقدر يضغط على نفسه أكثر من جيه...معقوله فاطمة جدامه وقريبه منه وايد ومايقدر يطالعها ويتأملها؟! صح متغيره شوي مب شرات ماكانت ياهل...لكن فاطمة هي فاطمة...يمكن بعد تكون حلوت أكثر عن قبل...وبصعوبه قدر أيجمع شتات نفسه: شحالج فاطمة؟؟ رفعت عيونها أطالعه: الحمد لله...وأنت؟ رغم أنه المكان مظلم شوي لكن قدر يشوف ملامحها الجميله..وأبتسامتها الحزينه: بخير يعلج الخير فاطمة وهي تمشي بتجاه سيارة عمها إللي دخلت فالحوش: عسى دوم هب يوم...شو صار؟!أحمد شخباره؟؟ منصور: الحمد لله..صح تعبان..بس الحمد لله نجى فاطمة برتياح: الحمد لله فتحت الباب إللي ورى إللي نزلت منه نورة بصعوبه...والأرهاق مبين بكل وضوح على ويها الشاحب...ساندتها أختها لحد مادخلت هي وياها داخل...وركبت وياها للطابق الثاني... يلست نورة بكل تعب على شبريتها وفسخت عبايتها بمساعدة فاطمة...تمت فاطمة صاخه معظم الوقت وهي تلاحظ أثار الدموع على ويه نورة...وبعد ماظهرت من الحمام مغيره ملابسها وغاسله ويها...أنسدحت فالشبريه... فاطمة: شخباره؟ نورة أنجلبت الصوب الثاني وبدمعه نازله على خدها: كله بسببي فاطمة: قضاء وقدر...لا تقولي جيه...والحمد لله على سلامته نورة تمسح دمعتها: الله يسلمج...بس يافطيييم تعبان وايد فاطمة: إن شاء الله بيقوم بالسلامة ...أنتي بس أدعيله نورة يرت لحافها: باجر بروح له قبل لأسير الدوام فاطمة: المهم الحينه رقدي فديت روحج...وأرتاحي شوي نورة: آآآآآه وين بتيني الراحه وأحمد حالته جيه فاطمة تمسح على شعر أختها: حاولي .......... يمر الوقت ببطئ فضيييع...وثقيل على قلب حمدان...الأحساس بالذنب...ونظرات الكل له نظرات قاتله...كل هذا خلت حمدان مايبات الليل...وصل البيت ماباجي شي على أذان الفير...لحد الحين أبوه مايعرف بسالفته ويا نورة...وبيحاول المستحيل علشان مايعرف...أول ماسمع عن الحادث من أخوه محمد كان بيروح المستشفى لأنه فعلاً حاس بالذنب...لكن بأي ويه يروح هناك "يقتل القتيل ويمشي فجنازته" وهو متأكد من شي واحد بأنه لو صار شي لأحمد نورة مستحيل تسامحه... "غريبه..!! شو هالنشاط ناش من صباح الله خير" قالها محمد وهو ظاهر فالحوش يوم شاف حمدان واقف على البالكونه...وكان بكامل ملابسه العسكريه... حمدان بسخريه: تعبت من النوم...فقمت أشم هوء صباحي محمد: هههههههههه تتمصخر حضرتك...صدج ماحيدك تنش من الحينه حمدان: أنا مارقدت أصلاً خير شر محمد عقد حياته: آآآفا....ليش؟؟؟ حمدان: بس ماياني رقاد...وأنت وين غابش من الحين محمد: نحن عندنا معسكر صيفي لاتنسي...وبعدين فسويحان مب قريب منصور توه يظهر من داخل وشاف حمدان الواقف على البالكونه...لكن طنشه ولا كأنه موجود: يالله مشينا؟ محمد أستغرب تصرف منصور لكن طنش: يالله مشوا التوأم بزيهم العسكري رايحين شغلهم...وطنشوا حمدان إللي واقف فمكانه...لأول مره فحياته يحس بهالشعور الفضيع من الذنب والنبذ فنفس الوقت...فهاللحظه تذكر أبوه...لازم يظهر من البيت قبل لاينش...مايعتبره هروب...لكن هو فمزاج مايسمح له بأنه يتناقش فأي موضوع...وبالذت ويا أبوه.. بدل ملابسه وظهر من البيت...وهدفه يتحوط لحد مايي وقت الدوام الرسمي...مايعرف شو إللي دفعه بأنه يروح هناك بعد ماتعب من الحواطه وكانت الساعة ثمان وربع تقريباً وقف سيارته فالباركنات...وبعد لاحظات تفكير نزل من سيارته...فهالوقت المستشفى محد فيه إلا الموظفين...وقف مصدوم يوم شافها واقفه عدال الباب غرفة العنايه المركزه...عرفها على طول...وقبل لتنتبه له أنسحب...وطلع من المستشفى وركب سيارته وتجه لدوامه..."يمكن نورة تشعر بنفس هالشعور إللي أنا أشعربه...إللي هو الشعور بالذنب...وبأنها هي من الأسباب إللي تسببت لأحمد بالحادث...وفالحقيقة أنا السبب فكل شي" ......... حاولت وياهم علشان تدخل وتشوفه لكن من دون فايده...وقال لها الدكتور يمكن يدخلها فوقت ثاني...ركبت سيارتها وتوجهة للدوام إللي تأخرت عليه وايد...أول ماحدرت مكتبها كل البنات لاحظن عيونها المتنفخات المحمرات... نورة بصوت بالكاد مسموع: السلام عليكم الكل: وعليكم السلام سلوى: صبااااح الخير...توه الناس على الدوام...لو تأخرتي بعدج شوي لكن نورة ماردت عليها..ويلست على مكتبها بتعب...كان فكرها فمكان ثاني...نشت سلوى من مكانها وهي معقده حياتها لأنها حست بأنه ربيعتها مب طبيعيه أبداً... وحطت أيدها على جتفها...وبصوت واطي: نورة شو فيج؟! وبأيد مرتجفه خذت قلمها تحاول تشتغل: ماشي سلوى: مستحيل مايكون فيج شي...شفتي أنتي عيونج فالمنظره قبل لتيي؟ نشت مره ثانية من مكانها: بروح الحمام شوي ظهرت وسلوى متأكده أنه نورة فيها شي...فمستحيل تخليها جيه ولحقتها...وفعلاً مثل ماتوقعت لقتها تحاول تهدي نفسها وتمسح دموعها... دخلت سلوى وبقلق حطت أيديها على جتف نورة: شوفيج غناتي؟؟ليش تصيحي؟؟شو صار نورة: أحمد فالمستشفى سلوى معقده حياتها: سلاااامته شووو فيه؟؟ نورة تعض على شفايفها: سوى حادث سلوى: سلااااااامات...عسى ماتعور وايد؟ نورة أستندت على اليدار تحاول تهدي نفسها..لأنه تعرف دموع تير دموع: تعبان يا سلوى..."ألتفتت أطالعها" بمووووت ياسلوى لو صار له شي سلوى فعلاً ضايجها هالخبر: تفألي خير غناتي...إن شاء الله مابيستويله شي لأنه أحمد طيب ومايستحق إلا كل خير نورة: يااااارب...لأني ماأتصور حياتي بليا وجوده فيها سلوى: ذكري ربج نوار...إن شاء الله مابيصير له إلا كل خير نورة أطالع ويها فالمنظره وعيونها المتورمات..خذت نفس طويل تحاول تريح نفسها: الساعة عشر بخذ أذن بروح أشوفه سلوى: المهم نوار حبيبتي روحي شوفي الأستاذ فالح تراه مر على مكتبنا ويوم ماشافج سأل عنج نورة: ماعليه...بمر عليه الحين وبالمره بخبره إني بظهر الساعة عشر سلوى: ترتوب تريتها لين ماعدلت نقابها وظهرت وياها من الحمام وشافتها وهي تدخل مكتب الأستاذ فالح...بعدين ردت سلوى لمكتبها... ........ سميحه من بدت تشتغل وياهم هالبنيه وهي مب مرتاحه لوجودها...لا وإللي قاهرنها أكثر بأنها حطوها تدرب عندها...وسميحه من عادتها ماتحب حد يدخل فشغلها...وهالبنت من يت وهي ملخبطه كل شي...وبدل ماتساعدها تزيد الأمور سوء...وأصلاً معظم وقتها يا على الموبايل أو تجلب فالمجلات إللي أيبهن أحمد...وطبعاً تأخذهن من دون استأذان... ميثه وعيونها على مكتب أحمد: ليش مب مداوم اليوم سميحه رفعت عيونها أطالعها بنص عين: مين دى إلا مش مداوم؟؟ ميثه: أحمد منووه غيره سميحه: يمكن خد أجازته السنويه ميثه: وليش ياخذها الحينه "قالتها بضيج" سميحه: اسأليه ميثه حايسها: لا والله صدج سميحه وينه؟؟ سميحه" هو الراجل جوزك ولا أيه...أوووف": على فكرة ياآنسه ميثه...بأولك معلومه أنتي ماتعرفيهاش ميثه: إللي هي؟ سميحه: أحمد مالك...ومبأش حاجه ويتجوز ميثه بصدمه: شوووووو؟؟"ولا شعورياً" لييييش سميحه بشماته: أيه إللي ليش دى ميثه أرتبكت: قصدي ماكنت أعرف سميحه: المهم دلوأتي تعرفي...وأحمد بيحب جوزته ميثه "حظها": انزين مبروك..شو تبيني أسوي يعني يوم أنه هو يحبها..يحبها شدخلي أنا سميحه نشت وهي متملله..: المهم أنا هطلع...متطلعيش من هناو تخلي المكتب فاضي... ظهرت وراحت مكتب إللي عدالهم...أنتبهت عدم وجود نورة فمكتبها..ألتفتت أطالع سلوى: أومال فين نورة...حتى أحمد اليوم موش مداوم...ليكون عملوها وتجوزوا ومعزموناش سلوى بضيج: نورة داومت...بس من شوي راحت المستشفى... سميحه: ليه؟ سلوى: أحمد أمس سوى حادث الكل أنتبه لهالجمله...بما فيهن الريم إللي ودرت شغلها وألتفتت أطالع سلوى: حادث!! سميحه بصدمه: متى؟؟وأزيه دلوأتي؟؟ سلوى: والله شو أقولج...نورة تقول تعبان وايد...الله يكون فعونه إن شاء الله سميحه فعلاً صدمها هالخبر...وأحمد الكل يعزه...وهي اليوم من بدأالدوام وهي مب طايقه نفسها ووجودها بروحها ويا هالمدربه إللي شايفه نفسها وايد...أحمد صح كان أمس متضايج..."ربنا يستر بس" : أوكى أنا هتصل بنورة دلوأتي ظهرت من المكتب وراحت مكتبها مرت من عدالها وهي مطنشتنها: آلووووو..صباح الخير...أزيك؟؟الله يسمحك بس يانورة...دى أحنا زي الأخوات متخبرنيش...لا والله أنا ماخده فخطري منك...المهم المهم أزيه أحمد دلوأتي؟؟واللهِ...!!! لا إن شاء الله خير...قولي "لن يصيبنا إلا ماكتب الله لنا" أنا بحاول أمر بعد الدوام...ماتصحيش يابت...أذكري ربك...أوكى بندت عن نورة ويلست على كرسيها بتكمل شغلها وهي صدج متضايجه... ميثه بفضول: مب جنج يبتي طاري أحمد سميحه بعصبيه: وجبت سرته وأنتي مالك ميثه طنشت عصبية سميحه: شو فيه أحمد سميحه: فالمستشفى أرتحتي دلوأتي ميثه فتحت عيونها على الأخر: ليش فالمستشفى؟؟شو صار له سميحه: مريض...أووووف ممكن تخليني أكمل شوغلي ميثه وبعدها ماأستسلمت: والله ماقلت شي...حرام أتخبر عنه سميحه: أه حرام...هو من بأيت أهلك ولا من بأيت أهلك ميثه: انزين خلاص..."شلت المجلة إللي جدامها وتمت تقرأ فيها وهي متضايجه" ............ أول ماوصلت المستشفى فسخت نقابها إللي كان مضايجنها بسبت عيونها المتنفخات... تغشت ونزلت من سيارتها...وهي تمشي أتصلت بعمتها "حصه" نورة: هلا عمووووه حصه: هلا فديتج نورة: أنتي وين الحينه؟؟ حصه: ويا أحمد نورة مجرد ذكر أسمه يخلي قلبها تزيد نبضاته: أنا ييت الصبح بس ماخلوني أدخل حصه كان صوتها خشن من الخاطر: ماعليه بيدخلوج..الدكتور فيصل موجود ويعرف إنج حرمته بيخليج تدخلي نورة: أوكى ...أشوفج بعد شوي وصلت من وين غرفة الأنعاش ولقت حصه واقفه هناك...أقتربت منها بتوايها...لكن لا شعورياً أحتضنتها وتمت تصيح فحضنها...حصه رغم أنها كانت تصيح قبل لتيي نورة..لكن مع هذا يودت نفسها...ماتحب تكون ضعيفه جدام أي حد: بس حبيبتي...أحمد إن شاء الله مافيه إلا كل خير نورةتحاول تهدي نفسها وأبتعدت شوي عن عمتها: شفتيه؟ حصه: أكيد شفته...هذا بوشهاب ماروم ماأشوفه وهو جيه حالته نورة: أدخل فهالحظه يا الدكتور فيصل: بدخل وياج"يبتسم" الحمد لله حالته أستقرت...وأحتمال ننقله لغرفة خاصه اليوم نورة+حصه: الحمد لله رب العالمين دخلت نورة ويا الدكتور فيصل...ونفس ماشافته أمس...حست بطعنه فأعماقها...مابترتاح إلا يوم تشوفه واعي من غيبوبته...ساعتها صدج بترتاح...مب مهم إللي بيصير بعدين...المهم أنه يكون أحمد بخير... نورة أقتربت منه أكثر وعيونها على عيونه المغمضات: أنزين دكتور لحد متى بيتم أحمد جيه...مايحس باللي حواليه الدكتور فيصل بتفكير: العلم عند رب العالمين...بس على حسب تشخيصنا لحالته إن شاء الله مابيطول...لأنه حالته أستقرت تقريباً تمت نورة سارحه أطالعه ونست وجود الدكتور...إللي فضل ينسحب ويخليها ويا ريلها...أصعب شي إنك تشوف إنسان تحبه وهو جيه لا حول ولا قوة...ولا داري بالي حواليه..."ياااارب ياعالم بالحال ياقادر على كل شي تشفيه وتعافيه" ألتفتت أطالع وراها يوم شافت أنه الدكتور محد وخرت غشوتها وطبعة بوسه على يبهته المغطايه بالشاش...وأقتربت من أذنه إللي نفس الشي مغطايه وهمست "والله العظيم أحبك...وحياتي ماتسوى من دونك" تأملت ملامح ويهه الظاهره...وبسرعة تغشت من حست بوجود حد عدالها... حصه: أنا هب لازم تتغشي ووخرت الغشوه مره ثانيه...وألتفتت أطالع عمتها..أبتسمت بحزن والدموع ماليه عيونها: الدكتور قال أنه أحمد بخير...بس أنا مابرتاح إلا يوم أشوفه يفتح عيونه حصه حطت أيدها على جتف نورة: بيفتحهن إن شاء الله..."وهي تتأمل ملامح ولدها" ولدي قوي وعنيد...وإن شاء الله مابيطول هنيه كانت حصه تشد من عزيمة نورة وفنفس الوقت من عزيمتها...إللي شافه أمس...من كان بيقول أنه بيعيش!!لكن الله كريم...يوقف ويا عبده فساعة الضيج...وأحمد إنسان طيب...والكل يحبه...حتى إللي كان في خلاف وياه زال هالخلاف من عرف أنه حياته فخطر...ودعا بكل صدق أنه الله ينجيه ويشفيه...لأنه أحمد مايستحق إلا كل خير ...... وقفت جدامه وهي حاطه أيديها على خصرها وأطالعه بنظرات ناريه...وهو بكل برئه ولكأنه مسوي شي يطالعها ويبتسم لها...:شوووو فيج؟؟ حنان: ليش تبند فويهي؟؟ مطر: كنت مشغول حنان: ماأشوفك تسوى شي...فاضي لاشغل ولا مشغله مطر: المهم شو عندج؟ حنان: آفااا شو هالسؤال الغريب مطر يطالع زباين دخلوا المحل...وبصوت واطي: انزين ممكن نتفاهم بعدين...ومب هنيه جدام الناس حنان بدلع...بعد ملاحظت أنه مطر بدأ يعصب..بصوت واطي: أوكى حبييييييبي...بروح الحينه بس لازم أشوفك اليوم مطر نش عنها: يصير خير "وهو يرمس الزباين" هلا والله أنقهرت حنان من هالتصرف...كله ولا حد يطنشها...ظهرت من المحل وهي ميته غيض...الليله إللي طافت دقت له أكثر من مره...لكن هو يرفض المكالمة...معقوله مل منها بهالسرعة!! ومامداهم أسبوع من تعرفوا على بعض... "ياحلوووه رقمي والله سهل..وحتى إذا عجبج مررره واصل مايغلى على الحلوووين" شاب كان يمشي وراها... حنان بعصبيه: جلب ويهك زيييين الشاب : آفااااا عيل حق شوووه هالعدله حنان ألتفتت أطالعه وهي رافعه واحد من حياتها وحايسه بوزها بإشمزاز: هالشي مايخصك...أوكى الشاب: ههههههههه شوي شوي على أعصابج...تراج شينه عليج العصبيه طنشته وهي تمشي...ولحد ماظهرت من المول وهو وراها يرمس وهي مامسوتله سالفه...يعني بنت شراتها وبملابسها الملفته للنظر شو تتوقع نظرت الشباب لها..؟! . . . أما مطر من أمس وهو حالته النفسيه زفته...حتى يوم دقت له حنان حس بلوعه منها...رد عليها ومجرد أنه سمع حسها حس بإشمزاز فبند على ويها...صح مطر بطبعه نذل...لكن مع هذا فيه طيبه...صح يظهر ويا بنات لكن مع هذا يحس بالقرف منهن...ويكره البنت إللي تكون سهله...فهالحظه تذكر نورة...إللي فعلاً الحين يحترمها...ويحسد أحمد إللي الله وفقه ويا هالإنسانه إللي حاشمه نفسها وأهلها... ........ فالمسا بعد أربعة أيام من نقلوا أحمد لغرفة خاصة...كان الممر الخارجي لغرفته متروس ناس...الكل ياي يشوفه ويطمن عليه...بمن فيهم ربعه... عمر: شباب هدو شوي...ماتلاحظوا أنكم مسوين حشره راشد: انزين أنا بدخل أول شي سلطان: أنا وياك عمر ألتفت يطالع أخوه إللي واقف فنهاية الممر يرمس مدير شركته بما أنه من خمسة أيام وهو موجود فالعين...وطبعاً مستحيل يرد بوظبي وأخوه الصغير حالته جيه...أصلاً كل أفراد العايله موجودين فالعين...بما فيهم عمه وعياله"المها وعلي" الكل يدخل ويلقي عليه نظره يطمن على حاله ويروح...وأحمد عايش فعالمه الخاص...ومب عارف متى بينتهي...ويوه كثيييرره تمر عليه...منها إللي يعرفها ومنها إلي مايعرفها...ويه واحد يمر جدامه دوم...ويه يستانس من كل قلبه يوم يشوفه...وياما حب أنه يتأمل فهالويه...فهالحظه كانت تبتسم له...والغمزه إللي فزوايا شفايفها ظاهره بكل وضوح..."أحبك" قالتها بكل رقه وبكل مشاعرها... أحمد يبتسم: أنا أمووووت فيج نورة: متى بتيا...تولهت عليك وووووايد أحمد: حتى أنا"يمد لها أيده" نورة من دون تردد حطت أيدها فأيده:والله؟! أحمد أختفت البسمه عن شفايفه: والله العظيم..."وصخ يوم شافها تسحب أيدها عن أيده" نورة لاتخليني دخيييلج نورة بوزت: أنت إللي لاتخلاني...أنا أحتاجك..أمك تحتاجك..خوانك،ربعك، ناسك....كلهم يحتاجوك أحمد تأمل ملامحها وهو يفكر: أنزين تمي وياي نورة: لا أحمد بضيج: ليش؟! نورة: لأنه مب هالمكان إللي المفروض نعيشه وياي بعض أحمد: عيل وين؟ نورة: الواقع "دمعت عينها" أنا أحتاجك فعالم الواقع كل هذا كان حلم من الأحلام إللي كان أحمد عايشنها...وفهاللحظه كانت نورة فعلاً عداله وقدرت تلمح شفايفه وهي تبتسم على الخفيف...ساعتها حست بقلبها يرقص من الفرح...من يوم الحادث وويهه جامد مافيه حياه...لكن اليوم أخيراً شافت تغير...شافت بسمته... نورة بلهفه تلتفت لعمتها: عمووووه عموووه لحقي حصه نشت من على الكرسي بسرعة ويت صوب نورة: شوووووووو؟؟ نورة: أحمد حرك شفايفه...شوووووفي أبتسم حصه والبسمه شاجه الحلج: والله نورة: والله حصه تحمد ربها وهي تمسح على رأسه: الحمد لله رب العالمين...يارب متى بشوفه فاتح عيونه نورة تعض على شفايفها محاولة منها تيود نفسها عن تصيح: بيقوم إن شاء الله...وبيفتح عيونه حصه: الله يسمع منج صارت نورة معظم وقتها تقضيه فالمستشفى...فالمسا طبعا يرقد وياه يوم عمر واليوم إللي بعده مايد بالتناوب...ويوم خبروا الدكتور بأنه أحمد حرك شفايفه وأبتسم بشرهم خير...وأنها هذي علامة على قرب صحوه من الغيبوبه..! __________________ جزء قبل الأخير الجزء السادس عشر كانت تمشي في ممرات المستشفى وكل شوي تعدل شيلتها وأدخل القصة إللي كل شوي أطيح على يبهتها...كان جمالها الطبيعي الخالي من أي نوع من أنواع مساحيق التجميل يلفت كل الأنظار بتجاها...ويمكن الشيله تزيدها جمال أضعاف جمالها... وقفت عدال باب غرفته بتردد وتفكير...لكن إللي ظهر فهالحظه نبها لوجوده بـ "أحم" كان يطالعها بنظره غريبه...ماقدرت المها تفسرها...وبعد دقيقه كامله وهم يطالعوا بعض...نزلت عيونها بخجل...وحس هو بأنه أحرجها...فهمس بكلمه ماقدرت أنها تسمعها أو تفهما وتحرك من جدامها وراح...وهي بعدها واقفه عدال الباب...مستغربه وحاسه بشعور غريب ماقدرت تفسره...دقت الباب ودخلت... المها: السلام عليكم حصه+نورة: وعليكم السلام عضت على طرف شفاتها يوم شافت نورة يالسه على كرسي جريب وايد من أحمد: شهاله؟؟ حصه: الحمد لله على كل حال...مثل ماهو تعودت المها تزوره كل يوم...وتعودت بعد تشوف نورة كل يوم...وفنفس الموقع...وهي قريبه من أحمد...الموقع إللي تمنته المها بكل جوارحها....لكن مع هذا ماتقدر المها تنكر بأنها ماعجبتها...بالعكس نورة تخلي أي إنسان يحبها... أبتسمت نورة وهي أطالع المها: شحالج أنتي؟ المها تيلس عدال عمتها: بخيير الهمد لله نورة: عسى دوم إن شاء الله هب يوم المها تبادلها الأبتسامه بصعوبه: وياكي حصه: عيل أبوج رد بوظبي المها: هيه...بيروح يشوف شغلوووه...بعدين بيرجع ويا هرمته حصه: اهااا زين نورة: المها شو دراستج؟؟ المها أستغربت من هالسؤال: أدارة نورة: حلووو تخصصج...عيل ليش ماتشتغلي المها بنظره تكبر طالعت نورة: أنا مب مهتاجه حق شوغل متلك...أشتغلت ولا ماأشتغلت كوووولوووه واهد حست حصه بأحراج من رد المها..فقطعت رمستها: المها تفكر تشتغل وياي فالشركه نورة أستغربت من رد المها...وليش هي تكرها...مع أنها ماقد شافتها من قبل إلا الحين؟!: زين والله المها رافعه حاجب واحد: وأنتي؟؟ليش تشتغلين فجيه وظيفه؟؟أكيد راتب مالهم ظأيف وايد نورة: مايهمني الراتب كثر مايهمني الوظيفه بحد ذاتها...أنا أحب شغلي ومستانسه فيه المها: هتى بعد الزواج بتشتغلي نورة"شو هالتنغيزات فالرمسه": يصير خير لين ذاك الوقت المها تلتفت أطالع احمد: ماضني أهمد يخليج تشتغلين نورة بضيج...لكن حاولت تكتمه: هذا شي بيني وبينه...وإن شاء الله مابيصير إلا إللي يرضى الطرفين . . . . ومن جهة ثانية...وبالتحديد فباركنات المستشفى كان يالس فسيارته ومن دون مايشغلها رغم حرارة الجو والضغط الفضيع...هذي المره الثانية إللي يشوفها فيه...بس اليوم غير...جمالها كان طاغي...وفوق هذا كله عيونها خبلبه...رغم أنه منصور طويل إلا أنها كانت قريبه من طوله...صح هو يحب فاطمة...لكن المها صارت لها حيز كبير ففكره...يمكن أعجاب لاغير...لكن ليش مسيطره على تفكيره جيه... منصور مب شرات هالشباب إللي يرابعوا ورى البنات أو حتى يهتم بهالسوالف...فاطمة هي الوحيده إللي قدرت تتوطن فداخله...وماألتفت لأي وحده غيرها...لكن ظهور المها غير كل شي..ورغم مقاومته لهالأحساس إلا أنه لا شعوريا يفكر فيها...واليوم بالذات بهرته...هو من طبعه مايحب البنات المتحررات والفري...لكن المها غير...حاله خاصه... ظهر موبايله من مخباه بعد ماسمعه يرن: هلا محمد: وينك؟ منصور: جدام المستشفى...ليش شو تبى؟؟ محمد: أنا فالمبزره جى بتيى منصور: غريبه!! بروحك محمد: لا وياي زهره...بس بنزلها فمسبح الحرييم منصور: وأنت؟ محمد: إذا بتيى بترياك فالمسابح إللي برع منصور: ترتوب...الحينه ياي...ملابس السباحه تراه فدبة السيارة محمد: أوكى...أترياك كانت الساعة خمس العصر...وأيام الويك أند يعني المبزره فوووول...وبالذات فهالوقت من السنة "صيف" يعني ناس يايين زيارة للإمارات وبالذات إذا يوا العين مستحيل مايمروا على أجمل المعالم السياحيه فدار الزين...لكن مع هذا ورغم زحمة الناس راح منصور يبى يشل هالأفكار من رأسه...ويشغل نفسه بالسباحه إللي يعشقها... ............ فر السيجاره قبل لايدخل البيت...من يوم الحادث وهو يحس نفسه منبوذ...وأكثر شي مستغرب منه ليش لين الحين أبوه ماسأله عن سالفته ويا أحمد...هو متأكد بأنه الموضوع مأجل...لكن مستحيل يمررها عليه جيه من دون مايحقق وياه...أصلا هو نادر مايشوف أبوه... لكن شكله اليوم مابيعدي على خير...كان أبوه يالس من وين الزراعة ويطالعه بنظرات وهو معقد حياته... حمدان وهو متجه لداخل البيت: السلام عليكم بوحمدان: وعليكم السلام...تعال هنيه أباك حمدان"الله يستر" غير طريجه ويلس مجابل أبوه...حمدان كبير لكن مع هذا حس برعب من نظرات أبوه... بوحمدان: من دون جذب..أبى أعرف شو صار بينك وبين أحمد حمدان: وتحيدني يابويه أنا أجذب بوحمدان: يمكن بعد حمدان: آفااا أنا جيه فنظرك بوحمدان: المهم...شوووووو سويت عسب يصير إللي صار...كان بيروح الريال فيها وأنت السبب...وهذا يدل بأنه إللي ممبينكم شي جايد حمدان يبل ريجه: أبويه أنا بقول كل إللي صار...بس أتمنى تسمعني للأخر...وأنا أقولها من الحينه أنا غلطان...والغلط راكبني من ساسي لرأسي...وعمري مابسامح نفسي على إللي سويته... بوحمدان عقد حياته: جيه شو مسوي أنت حمدان: أنا قلت لك أبى نورة...وهالمره أنا جاد فالطلب...لكن أنت فضلت الغريب عليه...بصراحة هالشي قهرني...لأني اولى فيها من الغريب... بوحمدان: انزين..؟ حمدان: ورمستها بالي فخاطريه...لكن هي ماقصرت بعد رفضتني...ساعتها ماشفت شي جدامي إلا ........ كمل السالفة وابوه يطالعه بصدمه شلت كل أطرافه...معقوله كل هذا يصير من ورى ظهره...وهو راد من بوظبي علشان يصلح غلطه...ويكون الظهر والسند لبنات أخوه...وفالنهايه يطلع ماسوى شي...بالعكس ياب الهم والشقى لنورة... حمدان موخي رأسه مستحي: أنا ماكانت قــ" الكف القوي إللي ياه من أبوه قطع رمسته...لكن هالشي كان متوقعنه حمدان...لأنه إللي سواه مب شوي...أصلاً رغم قوة الكف بس حمدان ماحس به...لأنه شعوره الداخلي كان أقوة وأمر من أي شي ثاني" بوحمدان: والله إنك مب ريال...خسارة التربية إللي ربيتك...خسارة التربية...عنلاتك هذي بنت عمك...بنت عمك من لحمك ودمك...شرفك...جي تسوى جيه حمدان: كنت بس أبى أخوفها...أجبرها توافق عليه بوحمدان: بالغصب! حمدان: ماكان جدامي غير جيه بوحمدان نش بنرفزه: حسبي الله ونعم الوكيل"دخل البيت وهو يردد هالكلمه...يلس على أول كرسي وصل له وهو يشعر بدوار...وبأيد مرتجفه ظهر حبوب...شافته حرمته وهي تظهر من حجرتها وبخطوات سريعه رغم الروماتزم إللي تعاني منه... أم حمدان: بوحمدان شو بلاك..."أقتربت منه وحطت أيدها على جتفه" شو فيك؟؟شي يعورك؟؟ بلع حبه وهو مغمض عيووونه بآلم: حسبي الله ونعم الوكيل أم حمدان: شووووو فيك؟؟شو صار يابوحمدان دز أيدها بعصبيه: خوووزي عني...مافيني شي"ونش من مكانه بصعوبه" طالعته أم حمدان وهي معقده حياتها مستغربه من تصرفات ريلها...أكيد شي مضايجنه...وتأكدت يوم شافت حمدان يدخل وهو الثاني معصب..."أكيد متواجع ويا أبوه" ففضلت ماترمسه وهو جيه حالته...وهو بعد ماانتبه لوجودها وركب فوق بتجاه غرفته...حدر الغرفة وبند الباب بالمفتاح...هذي المره الأولى إللي يمد أبوه أيده عليه...صح بوحمدان عصبي بعض الشي وبسبت هالعصبيه ياه الضغط...لكن مع هذا يحاول يسيطر على أعصابه قدر المستطاع... دخل وهو يحس بصداع فضيع يضرب رأسه...دخل الحمام على طول وفتح الماي البارد وحط رأسه تحته مدة دقيقه...رفع رأسه عن المغسله وماهمه الماي إللي خيس كندورته... ......... ......... كان فحضنها ومب مبين منه إلا ويهه الأحمر الصغير...نش سعيد وهو يبتسم من شاف ولد أخوه "سلطان"...وفنفس الوقت فرحه ماقدر ينكرها لنفسه وهي يوم شاف فاطمة ببتسامتها الهاديه...من عرفها وهو معجب فيها...صح فحياة أخوه "مبارك" كان يحسده على هالإنسانه الرائعه إللي كان مايقدر جيمتها...بخياناته المتكرره إللي كان سعيد يعرف عنها...وهو عنده حرمته الجلبه "خديجة" وماتجرء يشوف غيرها...أول كان يخاف منها...وماعنده الجرائه يسوي أي شي من وراها...لكن هذا كان أول...شو يقول المثل "كثر الضرب فالحديد يفج اللحام"...وسعيد طفح عنده الكيل...إللي كان يتحمله أول علشان عياله...ماصار يتحمل أكثر...صار يكره حتى شوفتها... فاطمة مجابلتنه: بتشله؟؟ سعيد كان سرحان فملامح هالإنسانه الرائعه: هااا؟! فاطمة: ماتبى تشله؟؟ سعيد مد أيديه حقها: أكيد أبى أشله حطته فحضن عمه شوي شوي...كان صغير بشكل...لدرجة من خفت وزنه ماحس بأي وزن...وهو يبتسم: وايد صغيرووون فاطمة تبتعد عنه...وتلتفت أطالع أمها إللي يالسه تتقهوى: هيه أم نورة: لازم فديتك...مولود قاصر يوم شاف فاطمة يلست...يلس هو بعد...وعيونه على سلطان..."ليش لا؟" أنا عمهم ومحد غيري بيربي عيال أخويه وبيداريهم...وبصراحة ماأبى عيال خويه يربيهم واحد غيري...ولا أبى فاطمة ياخذها غيري...أنا مب ناقصني شي...؟! أم نورة مستغربه منه ورافعه واحد من حواجبها إللي ظاهر من تحت البرقع: بسم الله عليك ولديه....شو فيك؟؟؟ سعيد أنتبه: هااا؟؟؟ أم نورة: وين سرحت...كنت أتخبرك عن الوالده...صار لنا فترة ماشفناها سعيد: طول لي بعمرج الوالده فبوظبي...ختيه صار لها أسبوع فالبلاد هي وريلها...وراحت هناك بتم عندهم كماً يوم أم نورة: حليلها ولا أختك فالبلاد ... مابتيي العين؟؟ سعيد: والله مادلها...لأنها مابتم وايد فالبلاد...إجازة ريلها قصيره أم نورة: حليلها...من زمان ماشفناها سعيد: يمكن بعد تيي العين...مادلها "ألتفت يطالع سلطان إللي كان يالله يالله يفتح عيونه" فديته "وحبه بين عيونه" يشبه المرحوم أم نورة: ويشبهك رفع عيونه يطالع فاطمة إللي كانت يالسه هاديه وموخيه رأسها...ماكان يبى يصدمها فريلها المرحوم...وندم على تصرفه النذل يوم طرش لها موبايل مبارك علشان تكشف ريلها على حقيقته...لأنه فاطمة ماتستاهل تتعذب بسبت الخيانه والخداع... رد يطالع سلطان إللي كان نسخه ثانيه من المرحوم...وإللي فدوره كان نسخه ثانية من سعيد..."ليش لا؟؟أنا عمهم...ومحد بيحن عليهم أوبيهتم فيهم شراتي..." "عميييييييييييه!!" قالتها منى وهي توايج من الباب أنتبه سعيد لها وهو يبتسم: هلا والله هلا بالمزايين منى ربعت صوب عمها وأول ماأقتربت منه لوت عليه من رقبته وباسته على خده: عميييه حبيبي سعيد يضحك علي رمستها: فديييييت منووووووووه أنا...شحالج فديت روحج منى لاصقه فعمها: بحيييييييير...ششششوف شلطون أحمل سعيد: ههههههههههههه حليله صغيرون لازم أحمر "وحبها على يبهتها" حتى أنتي حمرى...عيل وين أرنوووبج منى: بلى "برع" سعيد: يوم أظهر أبى أشوفه منى يلست عداله: أنذييين أبتسم سعيد وفخاطره يقول"منى تحبني وهالشي يسهل الأمور والطريج جدامي...وأكيد فاطمة بدور صالح عيالها...وصالحهم عندي...لأني عمهم ........... " نوووووره ههههههه أحمد نش أحمد خلاص وعى" هالجمله إللي قالتها عمتها "حصه" تتردد فدماغها وهي تسوق سيارتها بسرعة بتجاه المستشفى بعد ماظهرت من الدوام من دون ماتستأذن..."أخيراً رجع...رجع لــ ــ ـــي" وبصعوبه تقدر تشوف بسبت الدموع إللي غطت على عيونها...يرت نقابها لأنه خنقها...كانت تصيح وفنفس الوقت تضحك وتبتسم من الفرح... قبل لاتنزل تغشت وبخطوات سريعه مشت بتجاه المستشفى...كانت نبضات قلبها أدق بقوه...وصلت جدام غرفته...قدرت تسمع الأصوات وتميز من بينهن صوت خوانه...وبأيد مرتجفه دقت الباب...وسمعت الرد من عمر "قررررررررب"...فتحت الباب...شافته...كان يطالعها...بنظره فسرتها أول شي نظرت شوووق...لكن يوم عقد حياته أكتشفت إنها تتوهم...يمكن كان تفسيرها لنظرته تعكس شعورها هي...شعور الشوق واللهفه إللي بداخلها... حست بطعنه بأعماقها يوم صد الصوب الثاني"هذا إستقبالك حقي؟!"...ومن دون ماتشل الغشوه عن ويها حدرت الغرفة: السلام عليكم الكل ماعدا أحمد: وعليكم السلام أقتربت حصه إللي كانت من الفرحه ماأنتبهت لردت فعل ولدها...وزخت أيد نورة: كان يزقرج قبل لا ينش نورة حست برجفه فكل جسمها: يزقرني"وعيونها عليه" طالعت حصه عيالها بنظره معناتها "ظهروا"...ومن دون أي كلمه ظهر مايد ووياه عمر ووراهم أمهم وبندوا الباب...وقفت دقيقه كامله مكانها أطالعه وهو صاد الصوب الثاني...مب عارفه شو تسوي أو كيف تتصرف وياه... ونفس الشي أحمد...إللي كان فيه فضول يعرف شو تسوي...وليش ماقامت بأي حركه...ورغم كرامته إللي كانت تجبره بأنه يطنشها إلا أنه ألتفت يطالعها...كانت مثل ماهي واقفه مكانها والغشوه ماشلتها عن ويها... نورة بصوت مخنوق: الحمد لله على السلامة أحمد حس من صوتها إنها تبى تصيح: الله يسلمج "سكت شوي" شحالج؟! نورة: أنا بخير "وبصوت بالكاد مسموع" دامنك بخير عض على شفاته..حاول يقاوم لكن عاطفته غلبته..أبتسم: عسى دوم هالبسمه إللي أبتسمها كانت حبل النجاة من الدوامه إللي كانت عايشتنها...ماحست بنفسها إلا وهي يالسه عداله...وبأيد مرتجفه تمسح دمووعها...: وياااك يارب ويااك ياارب أحمد ماكان يقدر يحرك أي شي من جسمها إلا أيدها اليسرى..حطها على أيدها: ممكن أشوف ويهج؟؟ نورة كانت تبتسم وفنفس الوقت تمسح دموعها..وبأيدها الثانية وخرت الغشوه: زين جيه أحمد أبتسامته زادت: نورة تعرفي إني أحبج...ولأني أحبج ثقتي فيج مالها حدود نورة بخجل موخيه رأسها: حتى أنا أحمد: هههههههه"وبآلم" آخ رأسي نورة: سلامتك...عساه فيه ولا فيك أحمد: بعيد الشر عنج غناتي...لو أنكسر أكثر عن جيه ولا يصيبج شي نورة أطالعه بحزن: لا حشى بعييييد الشر عنك...أكثر عن جيه بعد..."سكتت شوي" مابغيت توعى"وبصوت واطي" أشتقنالك أحمد يضغط على كفها أكثر: أنا أكثر والله "آحم أحم" قالتها حصه وهي توايج من الباب: مب جنه طولتوا أحمد: ههههههههههه لا ماطولنا...حرمتيه ومتوله عليها...حرااااام حصه: لا حشى مب حرام...بس متصل فينا عمك ووياه عياله تحت بيوصلون بعد شوي كانت نورة محرجه وهي يالسه عداله...ومن سمعت بأنه عمه وعياله يايين وقفت...أنتبه لها أحمد...سوى حركة بعينه أدل على أنه على وين رايحه؟؟ نورة: برد الدوام أحمد حاس بوزه: شكلج مشتاقه لشغلج أكثر عني نورة: لا والله...بس الغرفة بتنترس...وأنا أستحي أتم...شكلي بيكون غلط أحمد رفع أيدها وحبها على ظاهر كفها: إنتي الصح الوحيد إللي بيكون هنيه حصه: أحم أحمد: ههههههههههههههه خلاص"غمض عيونه بآلم" أنتي والمدام حصه الصح أقتربت منه حصه بعد مالاحظت شعور الآلم إللي تبين على ملامحه: أزقر الطبيب؟؟ أحمد: لا شووو طبيب مافيني شي من أشوف هالحلوووين أحمرت نورة خجل...وارتبكت يوم سمعت حس عمه...ودقت الباب إللي أذنت بدخول العم وحرمته وعياله...نورة على طول تغشت مجرد ماسمعت حسهم...قدرت تلمح ممبين الداخلين المها...صح هي إنسانه واثقه من نفسها...لكن مع هذا كل ماتشوف المها تحس بالغيره أتجاها...وفنفس الوقت الإعجاب... كانت المها اليوم بالزي الإماراتي المحتشم...ولفت الشيله على ويها الطويل زادها جمال ورقه...والبسمه المرسومه على شفاتها زادتها جمال على جمال...حتى أحمد بادلها هالأبتسامه...وهالشي خلى نورة تغار...ليش يبتسم لها جيه؟؟!! ......... "أول مرة فحياتك تسوى الشي الصح" قالتها أم مبارك وفنيال القهوه فأيدها سعيد متشقق: يعني موافقه!! أم مبارك: أكيد موفقه...لو أنت ماطلبت هالشي...كنت أنا ناويه أطلبه منك سعيد نش من مكانه وحب أمه على رأسها: فديت الغاليه...محد يفهمني شراتج أم مبارك: عيل تخلى عيال خوك يربيهم الغريب؟؟ سعيد عقد حياته: وخديجة أم مبارك ببرود: طبهاااا هذي مامنها فايده سعيد: هههههههههه يوم مامنها فايده شعنه زوجتيني أياها بالغصب أم مبارك: كنت مغشاي على عيوني...بديتها عن غيرها لأنها من الأهل ومنا وفينا...وبعدين إن خذيت فاطمة...تراه خديجة عايشه معززه مكرمه...وهي قبل كل شي أم عيالك مابتفرها سعيد: وأنا ماقلت بفرها تراها أم عيالي...وبعدين معقوله بعد هالعشرة السنين إللي ممبينا أفرها أم مبارك: عيل ماعليك شي...أتكل على الله...ومتى ماعزمت خبرني بنروح نخطب نش من مكانه مره ثانية وحب أمه على رأسها من الفرحه: الله يطول لنا بعمرج يالغاليه بعد ماظهر عنها وهو يفكر فالموضوع...أمه وضمنها فصفه...وخديجة ماعليه منها...لكن فاطمة...هل بتوافق عليه؟؟"وليش ماتوافق عليه؟؟أنا شو ناقصني؟؟ أول ماحدر البيت سمع مزاعج خديجة على ولدها "حمووود" كان مسوي شي...لكن سعيد طنش ولا سوالهم سالفه واتجه للطابق الثاني وتفكيره كله للشي إللي ناوي يقدم عليه... "عنبووووه هابط على بيت يهوووود ماتسلم" قالتها خديجة بعصبيه سعيد بملل: وأنتي أصلا متفيجه تردي السلام...سيري كملي صراخج الواصل لبيت اليران كانت تعض شفايفها من الغيض: انزين قبل لتروح فوق تعال شوف مسود الويه حمووود شو مسوي بالتلفزيون سعيد بسخريه: شو مسوبه؟ خديجة: لاعب فالصالة بالكورة...وضرب بالكورة التلفزيون وكسره سعيد يبتسم بسخريه: مااااشاء الله وكسره...لعيب عيل حمووود خديجة: شووووووووه! سعيد: شكلي بدخله منتخب الناشئين خديجة وبكل قهر: تتمصخر حضرتك..أقولك كاسر التلفزيون مال الصالة وأنت تتمصخر سعيد: عيل شو تبيني أسوي...أروح أزيده ضرب...لا طالعيني جيه...تراج ضاربتنه لين ماقايله بس...وأنا ضرب مستحيل أضربه خديجة تزاعج: محد مخرب عيالي غيرك سعيد يرد عليها بالمثل: حشى مب عيالج...لو عيالج صدق مابيهونون عليج تضربيهم جيه...عنبوه التلفزيون إن أنكسر ينشرى غيره...بس هذا ولدج...حشاشت يوفج تكسريه ضرب بسبت شي مايسوى خديجة: هذا إللي أخذه منك...كلام فكلام"وبعصبيه ودرته واتجهت للصالة الصغيره...لأنها تعرف نفسها على خطأ...لكن ماتبى تعترف بهالشي...وسعيد متأكد بأنها راحت تكمل أتابع المسلسل إللي خرب عليها متعت متابعته حمووود... وبتأنيب ضمير تراجع وغير رايه بأنه يروح فوق...وأتجه للصالة الكبيرة من وين يالس حمووود يصيح بآلم...وضام ريوله على صدره ومغطي ويهه...يلس عداله بكل عطف...ومسح على ظهره... سعيد: ماعليه ياحمووود...عسب تتعلم...مره ثانية ماتلعب داخل البيت رفع رأسه يطالع أبوه وعيونه كلها دموع...ولاحظ خده الأحمر...شكلها عاطنه كف...ورد يكمل صياحه... سعيد: حصل خير حصل خير...نش روح حجرتك نش حمووود من مكانه وهو ميت صياح...وربع برع الصالة...هز سعيد رأسه بضيج...لأنه مايعيبه أسلوب الضرب إللي تتبعه خديجة ويا عياله...لكن ماباليد حيله...هذي خديجة ومن الصعب أنها تتغير...فهالحظه طرت على باله فاطمة...إللي متأكد بأنه معاملتها ويا منى تختلف 180 درجة عن معاملة خديجة لعيالها...فاطمة إنسانه حنونه وطيبه...مستحيل تمد أيدها على عيالها... ......... كانت فهالحظه تمشي فالحوش...وهالعاده أتبعتها من ولدت...منها رياضه ومنها تسريه عن النفس...كانت تلف البيت فوق الخمس دورات...وكل ماتمر على منى إللي يالسه تبني مكعباتها عدال اليلسه إللي فالحوش تلوح لها بأيدها وهي مبتسمه... نشت منى من شافت أمها تمر عليها وكانت تمشي مشي سريع...وربعت وراها: ماماتي ماماتي تعالي شوفي بيتي"زختها من جلابيتها..وقفت فاطمة" فاطمة: بعدين حبيبتي...خليني أكمل المشي بعدين بشوفه منى بحتجاج أدق بريولها على الأرض: مابى مابى...الحينه الحينه فاطمة بإستسلام تمشي ورى بنتها: أووووكى..الحينه الحينه يلست وياها على الحصير إللي فارشينه...والمكعبات مفروره فكل مكان...كانت بانيه شي كبير...لكن مايقدر أي يحد يميز شو هالشي...شكل غير معروووف؟! فاطمة تبتسم وهي أطالع إنجاز بنتها: شو هذا منوووه منى متشققه: بيت عووووووود"وبفخر" بيتي فاطمة: فدتهم أنا إللي بانيين بيت عووود"باستها على خدها" لاتخربيه لحد ماتيي خالوووه نووره أنزين منى: أنذين...متى بتلد حالوووه؟ فاطمة: الحين بتيي"وهي تنش" حبيبتي أنا بروح أكمل المشي..وبرد أيلس وياج...أنزين منى مشغوله بتركيب مجموعه ثانية من المكعبات: انذين راحت تكمل مشي وهي تبتسم...أكثر شي اليوم فرحها يوم أتصلت فيها نورة وخبرتها أنه أحمد قام من الغيبوبه...ومن صوت أختها نقلت لها الفرح...وخبرتها بأنها بعد ماشافته الظهر ردت الدوام مره ثانية...وبعد ماتظهر من الدوام بتمر عليه..."الله يسعدها ويوفقها وياه..ويجمع ممبينهم على خير" أم نورة توايج من الدريشه إللي أطل على ورى البيت من وين كانت فاطمة واصله فالمشي: ماخلصتي؟ فاطمة: بعدني لفه وحده أم نورة: أختج ماييت؟ فاطمة: بعد شوي بتوصل أم نورة: يابوج أبى أسير الدختر أشوف أحمد...فضيحه فأم مايد فاطمة: هيييه صح نسيت أخبرج...قالت لي نورة بأنها بتشلنا المستشفى عقب المغرب أم نورة: خيييبه عقب المغرب...وأنا أبى أتزهب من الحينه فاطمة وفضلت ماتخبر أمها بأنه نورة بعد ماظهرت من الدوام مرت المستشفى..لأنها مايعيبها روحات نورة إللي كثرة هناك...صح زوجها...لكن مع هذا يعتبره الناس عيب...: تحيديها أمايه بترد من الدوام تعبانه أم نورة: ماعليج منها...من أقول لها بنروح الدختر بتوافق...ماتحيديها أختج إذا السالفه فيها بوشهاب لو ميته تعب بتسير فاطمة: هههههههههههههه حليلها أم نورة: الله يقومه بالسلامه...ماباجي شي عن العرس فاطمة: ظنج بيأجلوه؟؟ أم نورة: والله ماحيدهم فديتج... "شووو...منوه ترمسين؟؟" نورة توايج من الباب أم نورة ألتفتت أطالع بنتها إللي حدرت عليها حجرتها وحبتها على رأسها بعدين لوت عليها...ونفس الشي أم نورة لوت على بنتها تهنيها بسلامة أحمد: تستحقين سلامة بوشهاب نورة والدمعه فعينها: الله يسلمج ويعااافيج يااارب أم نورة: وابوي نوار أشوفج إلا غديتي شراتيه...تصيحين على الدقه نورة تمسح دمعتها: من الفرحه والله يامايه.. أم نورة تحب بنتها بين عيونها: الحمد لله الحمد لله..بوشهاب طيب ويستحق كل خير..والله يقومه بالسلامة إن شاء الله نورة: آآآآآآآآمين ......... كانت يالسه فالصاله بروحها أطالع التلفزيون إللي صار ونيسها الوحيد يوم يكون ريلها برع البيت...عمتها معظم وقتها يا عند اليران أو فحجرتها...وزهره تعودت على التلفزيون...من برنامج لمسلسل...وجيه حالتها معظم النهار...الشي إللي ماتعودت عليه فبيت أهلها...إللي كانت نادر ماتشوف التلفزيون...وبتفكير ألتفتت أطالع التلفون...بعدين نشت صوبه ودقت على رقم.. زهرة وهي مستانس: هلا والله صالحه: هلا بالقاطعه زهرة: شحالج دبوووووه صالحه: حالي مثل ماهو...ماتغير شي ولا زاد عليه شي زهرة: أووووونها...فديت الزعلانيين أنا...شحالكم...وشحال أميييه...وبعدين ليش مايتوا ويا جابر يوم الخميس إللي طاف صالحة: تعرفيه أخوج عنيد ماطاع...قيس إلا أذل عمري...والله ماسوالي سالفه زهرة: حليله جابر طيوووب...بس يباله كماً كلمة حلوووه وبيوافق صالحه: لا تحاولي...هلج معقدين...مستحيل يخلونا أنيي عندكم زهرة: لا والله...شو مابيخلوكم...حاولن وأنا بعد برمسهم...عيل يوم أنتقل فبيتي بعد مابيخلوكن تيين تزورني صالحه: أميييه تقول خييير لين ماتنتقلين فبيتج..."سكتت شوي" المهم المهم شخبار ريلج وشو مسوي؟؟وكيفه وياج؟؟ زهرة تبتسم: والله الحمد لله...مرتاحه وياه...تصدقي شي صالحه: شووو؟ زهرة: العين رووووعه...بديت أحبها صالحه: ياااحظج والله...بس والله ماشي أحلى من دار الظبي زهرة: أكيد ماشي أحلى منها...بس أقولج بديت أحب العين...فيها أماكن تخبل صالحة: أهم شي رحتي المبزرة ويبل حفيت زهرة: أكييييد رحت...من يومين رحنا هناك...وتعشين بعد صالحة: بس أنتي وريلج؟ زهرة: ههههههههههه سؤال خبيث...بس أعرف قصدج صالحة محرجه: دبه انزين زهرة: أول بادي رحنا أنا ومحمد...نزلني مسبح الحريم...وهو راح مسابح الريال واتصل بمنصور إللي يا بسيارته بروحه...وعقب المغرب راح منصور وياب لنا عشى وتعشينا رباعه صالحة بصوت هامس: شحاله؟؟ زهرة: والله يسرج حاله صالحة: مابتيي جريب بوظبي؟؟ زهرة: والله ماأعرف...على حسب ظروف محمد... صالحه: دخيييييلج تعالي...بينا رمسه... زهرة: ههههههههه بعدج على طير يلي صالحه: لا والله مب إللي فبالج...بس فيه موضوع أبى اخذ رايج فيه زهرة: إلا هو؟؟ صالحه: أسفه تلفون ماينفع...لازم تيين هنيه...السالفه تبالها يلسه زهرة: آوووف ماأحب جيه...تخليني أتحرقص أبى أعرف السالفه لين ماأيكم...يالله قووولي صالحه: ماينفع أقولج بالتلفون...يوم تينا خير زهرة: انزين وشخبارالكل...ماماتي والغلا كله باباتي...تصدقين تولهت عليهم...بعدني ماتعودت على الوضع اليديد صالحه: يالله هذا مصير كل بنيه تعرس بتبتعد عن هلها...وبتكون لها حياة مستقله بروحها زهرة: أوووب أوووب أسمع نغمه يديده صلووووح...شو السالفه؟؟! صالحه: هههههههه مامن سالفه...شو قلت شي غلط زهرة: محشووووومه يابنت أمي وأبويه محشووومه عن الغلط صالحه: هههههههههههههه انزين أنا ببند الحينه..وبينا أتصال زهرة: ربي يحفظج...سلامي على كل أفراد البيت فرداً فرداً صالحة: إن شاااااء الله يبلغ...وأتني بعد سلمي زهرة: يبلغ بعد مابندت شافت حمدان يمر جدام باب الصالة...ألتفت يطالعها من دون أهتمام ورفع أيده يسلم: السلام عليكم زهرة معقده حياتها مستغربه من حاله: وعليكم السلام وطبعاً هو كمل طريجه لغرفته إللي صارت ملجأه الوحيد...حتى خوانه عرفوا بالسالفه...ومحد فالبيت يرمسه إلا أمه طبعاً...مر اليوم المستشفى من عرف أنه أحمد طلع من الغيبوبه...لكن ريوله ماشلته...وماقدر ينزل من سيارته...بأي وجه بيقابل أحمد...هو يبى يعتذر منه...بس شو هالشي إللي بيشفع له عند أحمد... وهو فطريجه لغرفته صادف أمه فالممر إللي بين الغرف...طالعته بنظرت عتب: لين متى بتم جيه؟؟ حمدان: خليها على الله الغاليه أم حمدان: والله مب هاين عليه أخليك جيه.. حمدان طالعها بنظرت ندم: صدقيني يالغاليه أنا أحاول أحل مشكلتي...لكن كيف؟؟مب عارف كيف! أم حمدان: أبدأ فأبوك يعلني فداك...أبوك زعلان منك وايد...وهالزعل متعبنه حمدان: وأنا شو متعبني كثر زعل بوحمدان...أبويه زعلان وايد مني...أعرف نفسي غلط غلط كبير...سويت شي مستحيل كان يتوقعه أبويه يظهر مني...بس والله ندمان ومستعد أعتذر وأستسمح من نورة وريلها أم حمدان: والله شو أقولك ياوليدي السواه إللي سويتها مايسويها ريال عاقل... حمدان قاطع رمسة أمه: والله أعرف...."وبضيج حدر غرفته" لكن أمه ماخلته بحاله لحقته...لأنه الوضع فالبيت مب عايبنها أبداً...وبسبت هالوضع بوحمدان حالته صعبه...سواء من ناحية المزاج...أو من ناحية الحالة الصحية...إللي كان مرتفع ضغطه أكثر عن العاده... حمدان يقطع على أمه أي محاوله: دخييييييلج أمايه أبى أرقد الحينه...وأجلي أي شي عندج لوقت ثاني أم حمدان: فديت روووحك منوه يرقد هالحزه؟! حمدان: تعبان"يحرك أصابعه من خلال شعره بتعب واضح أم حمدان بحنان: أنزين فديت روحك...رقد...أوعيك على صلاة العشا؟؟ حمدان: أنا بضبط المنبه...بس بعد وعيني مافيني تفوتني الصلاة أم حمدان تبتسم: الله يهديك ياولدي حمدان يفر غترته على الكرسي: آآآآمين وبعد مابندت عليه الباب يلس على طرف شبريته بتعب وبأيده اليسر يفج عقم كندوته...وبشكل مفاجأ حس بنغزه قويه مآلمه فصدره...غمض عيونه بآلم"يارب متى بتخلص هالمشاكل وبرتاح" بعد ماختفى الآلم أعتدل وفصخ كندورته وأنسدح بيرقد...وهو منسدح مد أيده وخذ الموبايل وكتب مسج وطرشه...بعدين كتب مسج غيره وطرشه...وتم يطالع الموبايل بسرحان لحد مابندت عيونه...ورقد! ............ من صلن المغرب راحن المستشفى...وهن حالياً فغرفة أحمد...إللي ماشاء الله مافضت اليوم...رغم تعبه...لكن وين تفضى أو تهدى من الزوار...العصر أنترست غرفته من ربعه...وخوانه نادر مايخلوه بروحه...عقب المغرب مباشرةً يت دفعه ثانية من ربعه...ومن راحوا وصلت نورة وأمها وأختها فاطمة...مجرد أنه يشوفها يروح عنه كل التعب والضيج... كان الجرح العميق إللي فحاجبه يآلمه بشكل فضيع...يوم يا الدكتور يشوفه سأله إذا كان هالجرح عميق وفيه إحتماليه يبقى أثر منه بعد مايشفى...رد عليه الدكتور بأنه الجرح عميق وايد...وأثناء العملية تمت خياطه...وحتى بعد مايشفى بيتم آثر منه..ونفس الحاله بالنسبه لريوله...إلي أحتمال يطول الجبس فيهن... حصه: على جيه يعني العرس بنأجله لين مايصحن ريولك أحمد: شووووووووووووووه؟! لا أسف أسف ثم أسف...كل شي ممكن يتأجل إلا عرسي حصه: وابوي...وبتعرس وأنت جيه مجبس أحمد: هيه نعم...حتى لو على كرسي متحرك بعرس...وبيتم عرسي فالوقت إللي حددناه حصه ألتفتت أطالع نورة إللي محمره من المستحى: هههههههههه صدق إنك مب صاحي...عنبوه كلك مربط وين تبى تعرس الحينه أحمد يرفع أيده اليسرى: مافيها شي هذي حصه: شي غيرها صاحي كلك مكسر أحمد: هب مشكله عرسنا باجله شهرين ونص...لين هذاك الوقت بيكونوا شالينه هالجبس من ريولي ومن أيدي حصه: جيه شو لعب يهال هو...أنت مكسر وين يكفيه شهرين ونص أحمد: والله إن ماشلوووه أنا بشله بروحي...ماعليه منهم حصه: عيل صوم ثلاثة أيام على هالحلفه...بنشوف إللي بيخليك تشله بروحك يوم يأس من النقاش ويا أمه...ألتفت يطالع نورة إللي كانت يالسه هاديه...وأنتبه لعمته"أم نورة" إللي مبينه شفاتها من البرقع وشكلها تبتسم: هاااا عموووه أنتي وياها بعد أم نورة: صدقها أمك...وين تبى تعرس وكلك متكسر...يوم تصح هذيج الساعة يصير خير وبنص عين يطالع نورة: أنتي طبعاً عايبنج...مبونج تبي تأجليه نورة تبتسم: أنت شرايك أحمد: رايي نتزوج اليوم قبل باجر ضحك الكل على أحمد...إللي متكسر وحالته حاله وفنفس الوقت مستعيل على العرس...بعد ربع ساعة وشوي ظهروا عنه...وبعد طلوعهم بدقايق...يا واحد تفاجأ بوجوده... "السلااااااااااااامووو عليكو" قالها عماد وهو يحدر غرفة أحمد وبأبتسامه شاجه الحلج: وعليكم السلااااام...هلا والله بأبو العمد...هلا والله بأهل الشام عماد يوخي ويوايه أحمد: شوووووووووو هذا يازلمه...خوفتنا عليييك أحمد: منووووه خبرك؟؟ عماد: من يومين أتصلت بمكتبك ورد علي سميحه...ألتلي إنك عملت حادث وهسه فغيبوبه..أنا على طول خلصت وضبطط كل أموووري هوناك وحجزت على أول طياره لدبي...وهسه واصل العين...كيف حالك...وشو بتحس أحمد يبتسم بتعب: الأدويه تساعد فتخفيف الآلم"رفع أيده اليسرى وهو يتحسس حاجبه" إلا هذا...ياخي آلمه فضيع عماد بعتاب: أنت مابتوب أبداً...ناوي حضرتك تأتل نفسك أحمد بتفكير: ماأنتبهت عماد شك فرمسة أحمد: لا صدء صدء شووو صار؟؟؟ أحمد ابتسم: بخبرك فوقته...المهم شخبارك أنت؟؟وشخبار حرمتك وأهلها؟؟؟ عماد: والله الحمد لله بنشكر الله...ونادين بتسلم عليك...سبتها عند أهلها فالشام...وبدها تجي بعد أسبوع أحمد بمزاح: هههههههه وتصبر عنها عماد: ههههههه يازلمه! أحمد: ياخي أفتقدناك فالدوام عماد: وأنا بعد أفتقدتكم وأشتأت للشغل"وهو ينش" على العموم أنا أجيت أطمن عليك...هسه أرتاح لأنه شكلك تعبان أحمد يبتسم والكلام يجره جر..لأنه فعلاً كان يحاول يقاوم النعاس إلي كان يسيطر عليه: أوكى أبو العمد...ومشكوووووووووور يازلمه عماد: يازلمه نحن متل الأخوات...بدي مر عليك الصبح...أوكى أحمد: اوكى...نشوفك باجر ظهر عنه عماد وعلى طول بندن عيونه وناااام بعمق ......... من وصلت البيت راحت غرفتها وصلت صلاة العشا بعدين زقرتها البشكاره علشان العشى...رغم التعب إلي لاحظته عليه..إلا أنها أرتاحت يوم شافت بأنه رغم الآلم إلا أن روحه المرحه مثل ماهي...وأكثر شي يريحها بأنه مازعل عليها شرات ماهي متوقعه...يمكن لو واحد ثاني غير أحمد كان بيزعل عليها لأنها ماخبرته بالحقيقه...لكن أحمد كل غضبه طلعه لحمدان لأنه هو السبب الأول...وبأن نورة مالها ذنب...وبأنها كانت عايشه تحت ضغط فضيع...كانت فحيره...فدوامه طلعت منها فالساعة إللي أعترف فيها حمدان بأنه ماصكها ولا مس منها شعره... نزلت تحت من وين أمها وأختها بيتعشن...كانوا اليهال راقدين...يعني محد غيرهن... فاطمة: حشى ياأحمد شكثر مستعيل على العرس أم نورة: حليله...الله يشفيه نورة: آآآآمين فاطمة أطالع أختها بخبث: وأنتي مب مستعيله نوار؟! نورة مشغوله بالأكل إلي جدامها: أصلاً بعدني ماخلصت كل تجهيزاتي فاطمة: شهرين ونص كافي عسب تخلصين كل شي نورة: يصير خير لين ذيج الساعة فاطمة: ههههههههه أونها مب مستعيله...علينا أم نورة: وابوي عليج...شو هالرمسه فطووووم...خلي أختج تتعشى نورة بعد ماخلصت أكل اللقمه إلي فحلجها: الحمد لله أم نورة: نورة!! وابوي ماتعشيتي؟؟! نورة تبتسم: شبعانه والله امايه أم نورة مستغربه: ماأشوفج كليتي شي نورة: والله كليت...تأمروني بشي فاطمة رافعه حاجب واحد: ليش؟؟لاتقولين بتسيري ترقدين من الحينه نورة: تعبانه...وفيه رقاد أم نورة: سلامتج حبيبتي...ماعليج منها هذي تباج تسهري وياها...روحي رقدي وراج دوام حبت أمها على يبهتها: عيل تصبحوا على خير فاطمة مبوزه+أمها: وأنتي من هل الخير أول ماحدرت غرفتها شافت شنطتها إللي فارتنها علىالشبريه وتذكرت موبايلها إللي كان مفضي...ظهرته من الشنطه وحطته فالجرج ماله وفتحته...ودخلت الحمام...بعد ماظهرت سمعت صوت مسج واصل... أنصدمت من الرقم إللي مطرش هالمسج...لأنها صارت حافظتنه عن ظهر قلب...كان رقم حمدان...والفضول أجبرها تفج المسج...إلي كان فيه: "يمسيك قلب من فرقاك ملتاع.. يالله عسى ممساك مع "غيري" هنا... بس صدقني كلمة وقالها فزاع.."من يحبك كثر ما أحبك (أنا)..؟ " كررت قرأت المسج أكثر من مره...حست بشعور غريب...ماقدرت تفسره...لكن مع هذا مامسحت المسج...لسبب ماقدرت تفسره بعد...وبسرحان حطت الموبايل على الكميدينو...وأنسدحت على شبريتها ورقدت...! .......... الساعة عشر كانت أم حمدان يالسه فالصاله أتابع مسلسل مصري هي وزهرة...ومحد من الريال موجود فالبيت إلا منصور إللي من شوي راد من النادي ودخل يتسبح لحد ماتيي حزت العشى... وبعد ربع ساعة وصل بوحمدان وبعده على طول وصل محمد من برع...ويلسوا كلهم فالصاله... بوحمدان: شو ماشي عشى اليوم؟؟ أم حمدان إللي كانت مركزه على المسلسل: الحينه بنحطه"ألتفتت أطالع زهرة" شوفيهن بنتي هالشغالات عسب يحطن العشى نشت زهرة من مكانها وراحت صوب المطبخ...دخل منصور وشكله توه متسبح من شعره المبلل...: عيل وين حمدان؟؟ أم حمدان وهي معقده حياتها: خيييييي نسيت أوعيه بوحمدان طبعاً طنش...وخذ الريموت وفر القناه وحط قناة الجزيرة...طالعته أم حمدان بنظره...لأنه خرب عليها متابعتها للمسلسل...ونشت بصعوبه من مكانها: بروح أوعيه..."طالعت الساعة..كانت 10 ونص تقريباً" خييييبه قلت بأخره لين تسع..حشى يالوقت مايربع؟! وصلت عدال باب غرفته...دقت الباب وهي متلومه فيه لأنها تأخرت وماوعته عسب يصلي العشا...لكن لاجواب"لازم حليله تعبان ومابيحس بعمره وهو راقد"...وشوي شوي فتحت الباب...كانت الغرفة ظلام وشرات الثلاجة بسبت المكيف...وبعد تدقيق قدرت تلمح جسمه...وبعد تردد فتحت ليت الغرفه...أقتربت منه...كان راقد على بطنه كعادته فالنوم دايماً...وبأبتسامة حنان يلست عداله...وهي تمسح على شعره...حمدان رغم أخطاءه إلا أنه من أقرب عيالها لها...وأحبهم...وعاطفة الأمومه دايما تخليها توقف وياه سواء فالغلط أو فالصح... أم حمدان وبعدها تمسح على شعره: حمدان...حمدان...قوم فديتك الساعة عشر ونص...قوم صلى ربك بيرحمك لا جواب...ولا حركه...!! أم حمدان ضربته ضرب خفيف على جتفه: حمدان...قوم فديت روووحك...قوم صلى ونفس الشي "لاجواب" حطت أيدها على يبهته...وعلى طول أتجمدت من الصدمه...كانت يبهته باااااااااارده بشكل فضيع....!!! __________________ الجزء الأخير الساعة عشر كانت أم حمدان يالسه فالصاله أتابع مسلسل مصري هي وزهرة...ومحد من الريال موجود فالبيت إلا منصور إللي من شوي راد من النادي ودخل يتسبح لحد ماتيي حزت العشى... وبعد ربع ساعة وصل بوحمدان وبعده على طول وصل محمد من برع...ويلسوا كلهم فالصاله... بوحمدان: شو ماشي عشى اليوم؟؟ أم حمدان إللي كانت مركزه على المسلسل: الحينه بنحطه"ألتفتت أطالع زهرة" شوفيهن بنتي هالشغالات عسب يحطن العشى نشت زهرة من مكانها وراحت صوب المطبخ...دخل منصور وشكله توه متسبح من شعره المبلل...: عيل وين حمدان؟؟ أم حمدان وهي معقده حياتها: خيييييي نسيت أوعيه بوحمدان طبعاً طنش...وخذ الريموت وفر القناه وحط قناة الجزيرة...طالعته أم حمدان بنظره...لأنه خرب عليها متابعتها للمسلسل...ونشت بصعوبه من مكانها: بروح أوعيه..."طالعت الساعة..كانت 10 ونص تقريباً" خييييبه قلت بأخره لين تسع..حشى يالوقت مايربع؟! وصلت عدال باب غرفته...دقت الباب وهي متلومه فيه لأنها تأخرت وما وعته عسب يصلي العشا...لكن لاجواب"لازم حليله تعبان ومابيحس بعمره وهو راقد"...وشوي شوي فتحت الباب...كانت الغرفة ظلام وشرات الثلاجة بسبت المكيف...وبعد تدقيق قدرت تلمح جسمه...وبعد تردد فتحت ليت الغرفه...أقتربت منه...كان راقد على بطنه كعادته فالنوم دايماً...وبأبتسامة حنان يلست عداله...وهي تمسح على شعره...حمدان رغم أخطاءه إلا أنه من أقرب عيالها لها...وأحبهم...وعاطفة الأمومه دايما تخليها توقف وياه سواء فالغلط أو فالصح... أم حمدان وبعدها تمسح على شعره: حمدان...حمدان...قوم فديتك الساعة عشر ونص...قوم صلى ربك بيرحمك لا جواب...ولا حركه...!! أم حمدان ضربته ضرب خفيف على جتفه: حمدان...قوم فديت روووحك...قوم صلى ونفس الشي "لاجواب" حطت أيدها على يبهته...وعلى طول أتجمدت من الصدمه...كانت يبهته باااااااااارده بشكل فضيع....!!! ............. كأنه فبير عميق ماله قرار..مد أيده وسط هالظلام..لكن منو يهتم فيه أو يساعده..لكن مع هذا شاف أيد تمسك أيده بقوة وتضغط عليها..شعر بحراره ودفئ أنتقل من هالأيد لأيده وأنتقل لبقية جسمه البارد... "حمدان!!" هالصوت يعرفه..هالصوت الحنون..صوت إنسانة لو سوى إللي يسويه مستحيل تزعل أو تشل على خاطرها منه..جنته وناره "أمه" أم حمدان.. "ولدي دخيييييييلك نش" قالتها بقلق تحرى نفسه يحلم...لكن يوم فتح عيونه بتعب شافها أطالعه وهي معقده حياتها والقلق ظاهر على ملامحها بكل وضوح..وبصوت مبحوح: شووووووه؟! أم حمدان بحنان وهي تمسح على شعره: الساعة قربت من الـ 11 وأنت فديتك ماصليت لين الحينه حمدان يحس كل عظم وكل مفصل فجسمه يعوره: صلاة شو؟ أم حمدان: العشا فديت روحك حمدان يحج رأسه: ليش ماوعيتيني يوم أذن أم حمدان: شفتك تعبان..قلت أخليك ترقد وترتاح شوي"سكتت شوي" حشى الحجره غاديه ثلاجة من البرد وأنت راقد وماعليك لحاف تبى تمرض حمدان تذكر كيف عق بنفسه على الشبريه قبل لا يرقد..وكيف من الأرهاق والتعب نسى يتلحف ورقد على طول... أغتصب إبتسامه علشان خاطر أمه...ونش من فراشه: إذا كنتي يايه تزقريني علشان العشا..أنا مابى أم حمدان: ليش فديتك؟؟ حمدان: وجودي غير مرغوب فيه..ولا تخافين بتعشا بعدين أم حمدان: وليدي جي أنت إلا تزيد المشكلة..مب قاعد تحلها..إن تميت تشرد من المكان إللي فيه أبوك هذا مايحل المشكله حمدان: المشكلة يالغلا أنه محد قادر يفهمني أم حمدان تقاطعه: أنا أفهمك وعاذرتنك حمدان: أنتي أمي..لو أسوي إللي أسويه بتسامحين وبتوقفين فصفي أم حمدان: وعايبنك حالك جيه..عازل نفسك حمدان يحط أيده على جتف أمه يطمنها: المشكلة بتنحل بإذن الله أم حمدان: إن شاء الله ياوليدي إن شاء الله .......... نشت من نومها بعد حلم غريب بسبته قامت...ألتفتت أطالع المنبه إللي الأرقام فيه بالون الأحمر فواضح فالظلام...كانت الساعة خمس إلا ربع...يعني أذان الفير مأذن...يالله نشت قبل الوقت إللي مضبطنه بربع ساعة...تقوم تصلي أبرك لها...وبعدين هي شبعانه رقاد من الساعة 11 راقده... بعد نص ساعة طوت السياده ونشت وهي تفكر شو بتسوي من الحينه...طبعاً مستحيل تنزل تحت هالحزه...أكيد محد ناش الحين...ردت تنسدح مره ثانية...والنوم خلاص طار من عيونها...ولا شعورياً مدت أيدها وشلت الموبايل وعلى طول للرسائل الوارده...رساله وحده بس خلتها تفتح تلفونها فهالوقت...رسالة حمدان..."معقوله يقصد إللي قاله فهالمسج...ولا يلعب عليه كالعاده..عضت على طرف شفاتها..وإذا كان قاصد صار مب مهم...لأني مستحيل أفكر فيه أكثر من كونه ولد عمي" لكن مع هذا مامسحتها بالعكس نقلتها للرسائل المحفوظه من دون إسم أو رقم...ماتعرف ليش سوت جيه...تمت منسدحه لحد ماالنور عم الدنيا...ونورت غرفتها بنور الشمس الدافئ...ابتسمت الحين تقدر تنزل تحت أكيد أمها واعيه ومسي حاطه الريوق...وبسرعة دخلت الحمام تغسل ويها وتنظف أسنانها...اليوم تشعر بنشاط غريب ماتعرف ليش وشو سببه... وفعلاً مثل ماهي متوقعه أم نورة يالسه فاليلسه إللي برع...وفهالوقت الجو واااايد روووعه...نورة تلوي على أمها...وتبوسها على خدها: صباااااااح الخيييير يالغلا أم نورة تبتسم وهي تمسح على شعر نورة إللي كانت شيلة الصلاة على جتوفها: صبحج الله بالنور حبيبتي...ماشاء الله اليوم ناشه بوقت نورة تيلس عدال أمها: من صليت الفير مارمت أرد أرقد أم نورة: لازم فديتج...أمس من ثمان ونص عاد أنتي فحجرتج نورة: كنت تعبانه..بس مارقدت إلا 11 أم نورة مستغربه: ليش مارقدتي نورة: صح كنت تعبانه بس ماياني نوم أم نورة: ههههههههههه لو شفتي فطيم من سرتي حجرتج أحتشرت منوه بيسهر وياها...بس ماطولت إلا وسمعت صياح سلطون نورة: حليلها..لعوزها عيل أم نورة: ماحيدها متى رقدت هي وياه...لأني ودرتهم وسرت أرقد... نورة: حليلها فطييييم أم نورة طالعتها بنظره: هيه صح...اليوم إن دريت إنج رحتي المستشفى بحش ريولج حش نورة حمرن خدودها: ليييييييش أم نورة: أنتي تعرفين ليش...العصر بنروح المستشفى رباعه...ويأني وياج تشردين من الدوام وتروحين نورة مستحيه وفنفس الوقت مستغربه: كيف عرفتي؟! أم نورة: المهم عرفت..."مسحت على رأسها..ووخرت خصله نازله على عيونها" بنيتي العرب بيرمسون..فضيحه كل شوي عنده نورة وبعدها موخيه رأسها: بس هذا ريلي...مب إنسان غريب أم نورة: حتى لو فديتج..عيب ومنقود عند العرب نورة: خلاص أميييه مابروح إلا وياج العصر أم نورة بعد مالاحظت بنتها مبوزه: أحمد الحمد لله بخير ومايشكي باس..قبل سكت يوم تروحيله بروحج...بس الحين ماله داعي روحاتج الزايده هناك نورة ترفع رأسها وأطالع أمها وتبتسم لها: خلاص والله مابروح له من وراج أو من دونج أم نورة تبادل بنتها الإبتسامه: هيييه جيه أباج عاقل ورزين نورة: هههههه مبوني أميييه أنا عاقل ورزين شافها وابتسم لها هي وبنتها إللي يالسات برع في الزراعة..وبالتحديد عدال قفص الأرنب..ابتسم إبتسامه ماتعدت شفايفه..إبتسامه ماعرفت طريق قلبه..هو نفسه استغرب من نفسه..استغرب من هالشعور الغريب..البرود إللي غلف قلبه..إللي كان فيوم من الأيام مليان حب وهيام بهالإنسانه إللي جدامه... فاطمة وهي تنش من مكانها: شحالك منصور؟ منصور: انتبه لنفسه: بخير طاب حالج انتبهت منى لمنصور ونشت من مكانها بسرعة تربع صوبه: عمييييييه منشووور أول ماوصلت عداله أحتضنها ورفعها من على الأرض وباسها على خدها الزهري: فديت منوووه أنا...شحالج حبيبتي؟؟ منى بدلع: بحييييييل منصور: فديتهم أنا إللي بحيييل "يقلدها" فاطمة: قرب منصور: قريييب...عيل وين الوالده؟؟ فاطمة: عند يارتها منصور وهو ينزل منى: عيل أنا أستاذن فاطمة بستغراب: آفاا...وين؟؟؟قرب تفاول لين ماتيي أمايه...مابتبطي منصور: مره ثانية إن شاء الله..ورايه كمن شغله فاطمة"مب هذا منصور إللي تعرفه": خلاص..مابأخرك الله يحفظك ظهر عنهم وركب سيارته...وأفكاره تيب وتودي...معقوله بعد هالفترة الطويله من غيابها عنه يقابلها بهالبرود...معقوله كل هذيك المشاعر تنتهي؟؟!!فاطمة مثل ماهي ماتغير فيها شي إلا إنها زادت جمال وأنوثه...لكن إللي تغير مشاعره...بعد ماكان يعتبرها خامده خمود البراكين...وبتنفجر فيوم هالمشاعر للإنسانه إللي حبها وماشاف غيرها فكل هالسنوات إللي طافت... لكن الحين لا...فيه شخص يديد...شخص أقتحم حياته من أوسع أبوابها...مجرد أنه يتذكر ملامحها الرقيقه تسيطر على كل كيانه... المها هي الشخص اليديد...الشخص إللي يسيطر على تفكير منصور...المها بكل جمالها وهيبتها وغرورها الظاهر على ملامحها الخياليه سيطرت على كل ذرة مشاعر فمنصور... وقف عدال المستشفى مع أنه ماكان فباله أيي المستشفى واستغرب وجوده فهالمكان...لكن مع هذا نزل من سيارته...لأنه أحمد الحين ربيعه واليوم مايا يزوره...نزل وبخطوات واسعه مشى بتجاه المستشفى...لكن وقفه مكانه إللي شافه...شافه ينزل من سيارته بتردد...عمره ماشافه متردد شرات الحين...حتى غترته كانت على جتفه بشكل غير مرتب...معقوله هذا أخوه إللي طول عمره يسوي له ألف حساب...وله هيبه فنفسه؟! لا مستحيل يخليه يروح يشوف أحمد...وهو بالذات فهالحاله...غير أتجاهه...أنتبه حمدان لأخوه إللي ياي صوبه وسوى نفسه مايشوفه وبند باب سيارته ومشى بتجاه المستشفى...لكن خطوات منصور كانت أسرع وزخ حمدان من أيده...نفض حمدان أيده بعصبيه: شوووووووووو فيك؟! منصور: شوووووو تسوى هنيه حمدان: وأنت شلك منصور: إذا كنت ياي علشان أحمد رد البيت أحسن لك حمدان: ياي حق أحمد ولا مب ياي حقه أنت شلك منصور: حمدان أستهدى بالله وعين من الله خير...أحمد فوضع مايسمح له بأنه يشوفك الحينه حمدان: ليش"عقد حياته" وضعه خطير لهدرجة؟ منصور: لا...عدى مرحلة الخطر...بس بعد مب من الحينه حمدان: انزين أنا مب ياي أجتله منصور: أعرف...بس قطع رمسته حمدان: خلاص حشرتني صد عنه الصوب الثاني وأبتعد...أستغرب منصور من أخوه...نفسه يتقرب منه ويفهمه...لأنه أكيد مب عايبنه وضعه الحالي... ....... مرت الأيام والوضع مثل ماهو ماتغير فيه شي...هو يتهرب وأبوه مايبى يشوفه...هالوضع يحسس أي إنسان بغصه وأنه شي ناقصنه...رضى الوالدين مب شي سهل...شي صعب الوصول له...أم حمدان ماقصرت حاولت أكثر من مره تقرب ممبين ولدها وأبوه..لكن كل واحد رأسه أيبس من الثاني... لكن حمدان تعب من الموضوع...ولازم ينهييه...بعد ماتأكد من أمه بأنه أبوه فالميلس وأنه محد فالبيت غيرهم...أتجه للميلس مباشرةً...أول مافتح الباب ألتفت بوحمدان يطالع منوه حدر الميلس...وكردة فعل منه من شاف حمدان طنشه ورد يطالع التلفزيون... حمدان: السلام عليكم بوحمدان:............ حمدان يبل ريجه: السلام لله بوحمدان أيضا لا جواب؟! حمدان أقترب من أبوه...ووقف مجابلنه بالضبط...وهوا على رأس أبوه يحبه...كان رد بوحمدان سريع نش من مكانه بشكل عصبي يدزه عنه... حمدان زخ أيد أبوه ولأول مره عينه تدمع: والله مب قصدي يابويه والله مب قصدي بوحمدان: تخسى إلا أنت...لا ولدي ولا أعرفك حمدان: لا أنا ولدك...وأنت أبويه...أنا غلط...وكل بني آدم خطأون...وأنا تبت...وإذا على بنت عمي أنا رحت من قبل أستسمح منها بوحمدان: لا تيييييبها على لسانك يالخام...أونه بنت عمه...لو بنت عمك يالهرم ماسويت فيها إللي سويته...أنت بني آدم مافيك ذرة دم...عنلاتك هذي بنت عمك عرضك جي تسوابها...حسبي الله ونعم الوكيل حمدان: ولأنها عرضي وشرفي ماصكيتها...وحتى لو مب من الأهل مابيي صوبها بوحمدان زخ جتفه بآلم...تعب من هالسالفه: مابى أسمع شي منك...ظهر ظهر "رد ييلس وشكله تعب" حمدان بقلق وتأنيب الضمير مسيطر عليه: وين تباني أظهر وأخليك جى...بويه والله ماأقدر أظهر وأنت بعدك مب راضي عليه...بنات عمي عرضهن مصون دام رأسك يشم الهوى...لا أنا ولا غيري بيتجرى يصك شعره منهن...أبويه أنا كان هدفي أخوفها...لأني أباها على سنة الله ورسوله...أعرف أنه الغلط راكبني من رأسي لساسي...لأنه محد فهالبيت ينصح...يوقفني عند حدي...كنتوا تشوفوني أتمادى لكن محد فيكم وقف لي...بالعكس وقفتوا وياي فالخطأ...يوم تزاعلت ويا أخوك الوحيد...سمعت كلامي"بعد مالاحظ التعب مبين على ملامح أبوه" أبويه أنا ماألومك...بس أقول إنا كلنا نغلط ... وأنا عرفت غلطي وندمت بوحمدان وكان فعلا تعبان: خلاااااااااااااااص صخ حمدان: أبويه شووووو فيك"تذكر" وين الحبوب؟ بوحمدان يحاول يظهرهن من مخباه...وكان تصرف حمدان أسرع ظهرهن وطلع له حبه بلعها على طول...الحين أكتشف بوحمدان أنه كلام حمدان صح...الغلط كان من البدايه مب من الحين...الغلط من يوم وقف ويا ولده وقاطع أخوه الوحيد...رغم معرفته بأنه ولده غلط...لكن كبريائه خلاه يتمادى فالخطأ... حاول ينش بإجهاد...وخلى ولده يساعده...فهم حمدان بأنه أبوه شبه رضى عليه...لكن بعده يباله جوله ثانية...بس مب الحين...مب وهو فهالحاله... ...... "صبري صبري...لفي صوب الجمعيه" قالتها أم نورة وهي تعدل برقعها نورة لفت صوب الجمعيه: ليش شو تبي من الجمعيه؟؟ أم نورة: بأخذ شي حق أحمد نورة: مايبى أم نورة: فضيحه أول ماوقفت نورة سيارتها في باركنات الجمعيه نزلت أم نورة...وتمت نورة فالسيارة تتريا أمها...اليوم تأخرت شوي...وهالحركه مقصوده...لأنها تعرف الفترة إللي يكون عمه وعياله عند أحمد وهي تحاول قدر الأمكان ماتصادف المها...تكره النظرات إللي أطالعها فيها...نظرات تحسسها بأنها أقل منها...وأنها ماتستاهل أحمد... سمعت صوت باب السيارة إللي ورى...شافت الهندي وعداله واقفه أمها دخل سلة كبيره "حلويات" بعدين ركبت عدالها: مابطيت؟؟ نورة تبتسم من تحت نقابها: لا مابطيتي فديتج أم نورة: يالله فديتج ماباجي شي ويخلص وقت الزياره بركنت سيارتها فباركنات المستشفى وبسرعة نزلن وبعد ماحصلت حمالي يشل سلة الحلويات...مشن جدامه وهو وراهن... أول ماقتربت من الرسبشن لمحت إنسانه تعرفها زين مازين...ونفس القصه النازله على يبهتها...ومكياجها الغامج مع بشرتها البيضى...كانت ملفته للأنظار...وهي شافت نورة وأكيد عرفتها...لكن الحركة إللي سوتها خلت نورة تستغرب منها... ميثه أنتبهت لنورة إللي يايه صوبها...وبسرعة ألتفتت الصوب الثاني وغيرت طريجها صوب الممر إللي يمر عدال محل الهدايا فالمستشفى..."هاللي ناقصني الحينه أنتي تظهرين فويهي" خافت تزقرها علشان جيه سارعت من خطواتها...وجنه حد يربع وراها...بعد ماتأكدت أنها أبتعدت عن مكان وجود نورة وأنه محد وراها بطأت من خطواتها... أما نورة فكانت مستغربه من هالتصرف...لكن مع هذا طنشت السالفه...ورسمت على ويها أحلى أبتسامه قبل لا تشل نقابها وأحمد يالس يبادلها نفس الأبتسامه...صح هو يكون وايد متحفظ فرمسته وياها بحضور أمها...لكن مع هذا نظراته تعبر أكثر من الكلام... أم نورة: شحالك اليوم؟؟ أحمد كاره الشبريه وكاره هالشاش إللي ملفوف فمعظم جسمه...مب متعود ينحرم من الحركه جيه: الحمد لله عايشين أم نورة: الحمد لله...ويالله شد حيلك صح بسرعة وراك عرس ألتفت يطالع نورة إللي حمرن خدودها على طول: فاااااااااااالج طيب..أنا لو الشور بأيدي كنت ظهرت من هالمستشفى من اليوم نورة: وايد مستعيل أحمد: أكيد وايد مستعيل..."يغمز لها" وأنتي أكيد شراتي أم نورة: هههههههههه لا هي مب شراتك...هي أزيد عنك بشوي نورة وويها محترق: أمييييه أحمد: ههههههههههه زين نورة بصوت واطي: شوووه إللي زين أحمد: سلامتج هههههههههههه ......... مر شهر ......... كان يالس فسيارته مجابل مبنى الطب الوقائي...تقريباً من نص ساعة والحين بدأ الموظفين بالظهور...مايعرف ليش يا و ليش واقف هنيه أصلا...ماكان عنده أي نيه بأنه يرمسها...لانه خلاص وعد أبوه يبتعد عنها ولا يوقف فطريجها...يعرف هالشي صعب...وبحد ذاته عذاب نفسي...لكن ما باليد حيله "مجبر"...وكان الحل إللي أقترحته عليه أمه من يومين صدمه...بس بعد هو الطريقه الوحيده إللي فيها ينسى نورة...ويبدأ يهتم بإنسانه ثانية...لكن معقوله بيقدر ينساها؟؟؟!!! لمحها الحين وهي تحاول تعبر الشارع للجهة الثانية بتجاه سيارتها...هو ضيعها من البدأيه...من يوم قرر يخطب فاطمة إللي ماكان يعجبه فيها إلا جمالها...أستغرب كيف ماأنتبه لنورة...وأكتشف هالشعور متأخر وايد... رن تلفونه فهاللحظه وعيونه معلقه بهالإنسانه الضئيلة وهي تركب سيارتها وتبند الباب...ضغط على السبيكر... منصور: وييينك؟؟؟ حمدان خذ نفس عميق: الحين ياي منصور: ياريال مب متفقين أنا وياك نروح البنك اليوم حمدان يضرب يبهته على الخفيف: آووووووف..والله نسيت وماي على بالي منصور: خلاص ... إذا مب اليوم باجر حمدان: وعادي يعطوك إجازه باجر بعد منصور: وييين أنت ؟؟ شكلك مب عايش فالبيت أنا الحينه مأجز حمدان: ههههههههههههه ياخي أنسى منصور: لازم بتنسى...الكبر شين حمدان: جب جب جب يدك أنا...أونه الكبر شين منصور: أنزين وين أنت الحينه حمدان صخ شوي بعد ماشاف نورة تمر عدال سيارته بس شكلها ماأنتبهت له..وبعد ماأبتعدت حرك هو سيارته بتجاه البيت.. منصور: حوووووووووووووووه حمدان: شووه منصور: شوووه رقدت...دخيييلك مب وأنت تسووق حمدان: هههههههه لا مارقدت... منصور: أمايه تقولك وين أنت الحينه حمدان: بعد 10 دقايق بوصل البيت منصور: تصور لحد الحينه ماغدونا ميوعينا والسبه الوالده تتريا حضرت جنابك تشرف حمدان: هههههههههه فديتها أنا أم حمدان منصور: فديتها...بس ياخي تفرقه عنصريه فالبيت حمدان: مشكلة الغيريه بعد منصور: خلني ساكت ... باي باي خسرتني "بند" حمدان: هههههههههههههههههه زطي أول كان بيتهم كل واحد بروحه...مايعرف أي شي عن خوانه...بس إللي مر فيه ذكرهم أنهم خوان...ومالهم غير بعض...أبتعدوا عنه من عرفوا إللي سواه ويا بنت عمهم...لكن رجعوا ووقفوا وياه...لأنه مهما يكون أخوهم... والتصرف إللي أتصرفه منصور خلاه يكبر فنظر حمدان...قدر بكل ذكاء وحيله بأنه يسترجع جزء كبير من بيزات حمدان إللي لعب فيهن حميد...أو قد يكون حميد فهم السالفه لكنه سوى نفسه مب فاهم وكان ضميره يأنبه...لأنه صداقته بحمدان مب صداقة يوم أو يومين...هذي صداقت سنين... والحين قرر يدخل ويا أخوه منصور إللي بدأ فأكثر شي رائج بين شباب الخليج وشباب الإمارات على وجه الخصوص "سوق الأسهم" . . . ......... طول طريجها للبيت كانت ترمسه فالموبايل...بعد أيام على حسب ماقال الدكتور أحتمال كبير يظهروا أحمد من المستشفى...إللي حاشرنهم يومياً "يبى يظهر" نورة بعصبيه: أنت أصلا عايبنك حركات بنت عمك أحمد بكل برائه: وأنا شذنبي...كل إنسان مسؤول عن أفعاله...وأنا فديت روحج ماقلت لها تسوي جيه نورة قالتها بأنفعال: كانت خطيبتك أحمد: منوه قال إنها خطيبتي...معلوماتج غلط فغلط...وأنتي تفهمين إللي يعيبج وإللي مايعيبج فريتيه نورة هدت شوي: يعني ماكانت خطيبتك أحمد: حبيبي أنا خبرتج كل شي أول ماملجنا...ماخبيت عنج شي...فماله داعي هالعصبيه وتسألين هالسؤال مليوون مره نورة: بس حركاتها أدل عكس هاللي تقوله أحمد بدأ ينفعل: حبوووووبه مب جنج قاصده تنرفزيني نورة عضت على شفاتها: لا مب قاصده أحمد: عيل شو تسميه هذا نورة بصوت منخفض: آسفه أحمد ياخذ نفس: أنا إللي أسف...وضعي هنيه فالمستشفى يخليني أتنرفز بسرعة...وغيرتج زايده هاليومين نورة: حرام أغار عليك أحمد: ههههههه لا فديت روحج أنا مب حرام...بس مب جيه عاد نورة: عيل كيف أحمد: أحم غاري عليه...وطبعا من حقج تغاري عليه لأني معرس لؤطه...وأكيد كل ربعاتج حاسداتنج علي نورة: هههههه حلف أنت بس...وايد واثق من نفسج أحمد: لازم...مب أحمد الـ لازم غناتي أكون واثق من نفسي نورة: أونه أحمد: هههههههههههه انزين أنتي وين الحين نورة: فسيارتيه ورايحه البيت أحمد: أحم...ترومين تمرين عليه...متوله عليج مووووت وطفران بروحي نورة: حلف أنت بس أحمد: والله نورة: أسفه أحمد بضيج: آفا ترديني نورة: مب قصدي...بس والله واعده أمايه ماأروح المستشفى من دونها أحمد: أونها واعده نورة: والله أحمد: خلاص خلاص هب لازم تحلفين...المهم بتيي اليوم نورة: إن شاء الله أحمد: ياويلج إن ماييتي نورة: هههههههههههههه تهدد بعد أحمد: هيه بهدد...أمس ماييتي ويا رأسج نورة: أمس يونا ظيوف أحمد: وبعد ماراحوا ليش ماييتي نورة: وقت الزياره خلص أحمد: المهم اليوم ماعندج أي عذر ماتيين نورة: من عيوووووووني "قالتها بدلع" أحمد: قلبي نورة: سلامته أحمد: الله يسلمج ويخليج حقي نورة: ويخليك حقي أول ماوقفت سيارتها في الكراج بندت عنه وهي تبتسم...وتعد الأيام إللي باجيات على العرس إللي أكيد تأجل شوي لين مايصح ويوقف أحمد على ريوله...صح هالشي ضايج أحمد وأعترض...لكن مافيه مجال للأعتراض...حالته ماتساعد. ........... "بنت مبارك ناصر" قالتها أم حمدان وهي مستانسه...لأنه أخيراً عطاها ولدها البجر الضوء الأخضر علشان أدور له شريكة حياته...الإنسانه إللي بيكمل وياها الدرب... حمدان يحج رأسه: ماحيد عندهم بنات هذيلا أم حمدان: عندهم فديتك بنتين...وحده منال هذي صغيرونه بعدها فالمدرسة...ومزنه ماشاء الله عليها "تبتسم" صدج هيه بعدها تدرس فالجامعة حمدان: يعني باجلها وايد عن تتخرج؟؟ أم حمدان: هيه فديتك...إلا توها سنة أولى حمدان يطالع أمه بصدمه: الله يهديج بس يامايه...عيل ياهل أم حمدان بنرفزه: لا مب ياهل...جى أنت ناوي تاخذ وحده عيوز حمدان: لا فديتج...بس بما أنها أول سنة يعني عمرها مايتعدى عن 18 أو 19 سنة أم حمدان: هيه فديتك عمرها 19...والبنات من عمرهن 14 أيوزوهن حمدان: بس أنا أبى زوجه حرمه...بتكون مسؤولة عن بيت...مب ياهل ماتعرف شوووه هو الزواج أصلا أم حمدان بضيج: الحينه أنت تبى تتزوج ولا تقص عليه حمدان يبتسم: أبى أم حمدان: عيل صخ وخلني أنا أشوفلك العروس حمدان بإستسلام: إن شاااااااااااااااااااء الله ياأم حمدان...سوي إللي يريحج...أنا أثق بإختياراتج أم حمدان ردت لها الإبتسامه: زين...عيل بخبر أبوك الليله عسب نروح نخطب البنت حمدان سرح بتفكيره: أوكى بهالخطبة تنقطع أخر صله له بنورة...وهي أصلا منقطعه من يوم ملج عليها أحمد...لكن هل بيكون النسيان مصيرها؟! أو بتظل راسخه فأعماقه...بس هل إللي يحب يقدر ينسى إللي حبه؟! يمكن الزمن يكون كفيل بهالشي...ويمكن هالإنسانه اليديده فحياته تكون لها الكلمة الأولى والأخيرة...!! ............ بعد أسبوع تمت خطبة حمدان لمزنه...وفعلاً كانت مثال للجمال والرقه والدلع...زهرة أنبهرت فيها وفجمالها...لكن هالشي مابين على حمدان وعلى ملامحه الجامده يوم دخل يشوف خطيبته "الرؤيه الشرعيه" أم حمدان كانت متوقعه إذا شافها مايروم يشل عينه عنها...لكن ماتوقعت هالبرود والجمود منه...مجرد نظرة واستأذن بيطلع... مزنه مارفعت رأسها تشوفه...لأنها شايفتنه أصلا من صورة عطتها أمها تشوفها...وبعدين البنت كانت ميته مستحى مارامت ترفع عيونها صوبه...وأكثر شي أستغربت منه أنه ماكمل دقيقه وظهر على طول...ماعطاها أي فرصه أنها تتشجع وتشوفه.........."الريال حشيم..أكيد شافني مُحرجه وميته مستحى ففضل الأنسحاب" هذا إللي قالته مزنه فبالها... أهل مزنه وأهل حمدان أتفقوا على كل شي...وحددوا يوم العرس إللي بيكون فاليوم إللي قبله بيملجوا... منصور حس فأخوه إنه يسوي هالشي غصباً عنه...بس مافيه مجال أنه يساعده أو يخليه يغير رأيه فهالزواج...لأنها الطريقة الوحيده إللي بتساعد على أبعاده عن طريج بنت عمه...وتخليه يفكر فنفسه شوي وبتكوين أسرة... ضربه على جتفه وهم ظاهرين من بيت نسايبهم اليداد: مبرووووووك حمدان أنتبه بعد سرحان: عقبالك منصور يغمز: قريب إن شاء الله حمدان: بس أكيد بعدي منصور: ياخي بعدك...المهم تعرس أنت...نحن لاحقين على العرس حمدان يبتسم: الله يوفقك منصور: جميعا ............. يالسه على شبريتها أطالعه وبحيره مب عارفه كيف تخبره وبأي طريقه...وهو مشغول بالبرنامج السياسي من ساعة... زهرة: محمد محمد: همممم زهرة: ممكن تنتبه لي شوي محمد ألتفت صوبها وهو يبتسم: تعالي حبيبي هنيه "وهو يأشر على مكان عداله تحت مجابل التلفزيون" نشت من مكانها وتحركت صوبه...ويلست وهي تبتسم: أنتبه لي شوي .. أبى أقول شي محمد بند التلفزيون إللي من حظه فهاللحظه إعلان: يالله قولي أرمسي...كلني أذان صاغيه زهرة: محمد أنا أممممممم أظني إني محمد يشجعها تكمل كلامها: أنتي شوووه غناتي؟؟؟ زهرة: أظني إني حـــ ــامل محمد تم مبهت يطالعها...وبعد فترة سكوت: يعني أنا بستوي.... زهرة قاطعته ببتسامه مرتبكه: هيه بتستوي أبووو محمد وبعده مصدوم: قولي والله زهرة مارامت تيود نفسها: ههههههههههه والله العظيم.."رفعت أيديها تمسح على خده" شوووه فيك حبيبي محمد مسك أيديها الثنتين: ماأعرف شووه أقولج...مصدوم...مستانس...مب مصدق نفسي...أبى أضحك...أبى أصيح...أنفعالات مب عارف كيف أعبر عنها زهرة تبتسم بحنان: بس لازم باجر أروح المستشفى أسوي فحوصات محمد والفرحه تتطاير من عيونه...يحب أصابع أيدها: فديتج والله...خلاص باجر ماشي دوام بنروح أنا وياج المستشفى زهرة: لا حبيبي هب لازم...عموووه بتروح وياي محمد يحط صبوعه على شفاتها يسكتها: أسف...أنا الأب يعني أنا بروح....ههههههه الله وناسه أخيرا بصير أبو علي زهرة: وإذا بنت محمد: فديتها أنا...أبو أممممممممممم أبو مي زهرة حايسه بوزها: مي...حلف أنت بس...أسفه مستحيل أسمي بنتي بهالأسم محمد فاجأها ببوسه على خدها...إللي خلتها تحمر: خلاص حبي إذا يا ولد أنا أسميه وإذا بنت عليج زهرة حطت رأسها على كتفه: خلاص أتفقنا... محمد: وإللي أيي من الله حياااه الله .......... أطالعتها بصدمه وعدم تصديق: متى؟؟ فاطمة: أمس...شوووفيج نورة: ماشي...بس..... فاطمة: بس شوووه...الريال مصيره بيتزوج نورة برتباك: انزين أنا ماقلت شي فاطمة: أنتي تقولين جيه بس لو تشوفين ويهج الحين شقايل...يقول أكثر عن لو رمستي نورة برتباك وعصبيه: شقصدج فاطمة: ولا شي...بس حبيت أذكرج إنج الحينه حرمة أحمد...وماباجي شي وتعرسوا نورة نشت من مكانها بضيج واضح: أعتقد ماله داعي هالكلام...لأني أعرف أني حرمة أحمد...ولا أبى غيره...لأنه هو إللي أحب ومشت بعصبيه تظهر من غرفة أختها...وفاطمة أطالعها بحزن...وهي تعرف مشاعر نورة المتلخبطة فهالساعة...نورة جذبت عليها يوم قالت لها إنها ماتحمل أي مشاعر لحمدان...وأنها ماتحب إلا أحمد...وأكثر شي حاز فخاطر فاطمة أنه نورة أكيد بتندم على هالأختيار...إذا مب الحين فالمستقبل... أما نورة من ظهرت من غرفة أختها وهي حاسه بضيج...وبالذات بعد ماسمعت من أختها أنه حمدان خطب وحددوا موعد العرس...ماتعرف شو معناتها هالمشاعر وسبب هالضيج...وشووه قصد فاطمة من إللي قالته؟! أول ماحدرت غرفتها طاحت عينها على موبايلها...أقتربت منه وشلته...لقت 4 مكالمات لم يرد عليها...وعرفت على طول من منوه هالمكالمات...أحمد ماغيره...عضت على شفاتها وهي حاسه أنها تخون أحمد بهالمشاعر إللي تحس فيهن الحين...وبسرعة دقت على رقمه...وهو ماطول فالرد أحمد: هلا......وغلا نورة: هلا بك أحمد: وينج اتصل من ساعة ماتردين نورة: التلفون فحجرتيه...وأنا كنت برع أحمد: المهم متى بتروحين تسوي بروفى نورة: يوم الخميس أحمد: الصبح نورة: كنت ناويه العصر أحمد: حلفي أنتي بس...دبي وتروحين العصر...أسف...تروحين الصبح نورة: إن شااااء الله عمي...شي أوامر ثانية أحمد: هههههه سلامتج...منوه بيروح وياج نورة: أمايه أحمد: زين نورة: أحمد أحمد: عيووونه وروحه نورة: تحبني! أحمد عقد حياته بإستغراب: أكيد...أنتي عندج شك فهالشي نورة: لا بس..... أحمد: بس شووه...نورة شووو فيج؟؟! نورة: مافيني شي أحمد: لا حبي أحس فيج شي نورة: شويه متضايجه...ومب عارفه شوه السبب أحمد بجديه: أنا أعرف السبب نورة تبلع ريجها بخوف: تعرف سبب ضيجي؟ أحمد: هيه أعرف...وأنتي تعرفين بس ماتبى تقولين نورة وصدج بدت تخاف: لا ماأعرف أحمد: جذابه...تعرفين نورة: شوووه...أحمد! أحمد: سبب ضيجج الله يطول بعمرج متولهه علي نورة تبتسم وهي تاخذ نفس وحست براحه: هانت أحمد بضيج: شوووه هانت...عنبوه أسبوع ماأشوفج نورة: أنت تعرف أنه عيب ومنقود أروح أشوفك فبيتك أحمد: قسم بالله هالعادات تقهرني مرات نورة: هههههه عاد تقهرك ولا لا...هذي عادات وتقاليد بلادنا لازم نحافظ عليها أحمد: وأنتي عايبنج هالوضع نورة: لا طبعا...بس فديتك ماباجي شي أحمد: شوووه ماباجي شي...أسبوعين! نورة: أنت شحالك؟ أحمد عرفها تبى تغير السالفه: بخير من أسمع هالصوت نورة: عسى دوم بخير أحمد: بخبرج شي نورة: شووه أحمد: مب الحين نورة بفضول: عيل متى أحمد: هههههههههه يافضوليه...فوقت ثاني نورة: لا لا مابى...أنت قلت بخبرج بشي يالله قووول قول أحمد: هههههههههههاي سووووري مابقول...باي باي نورة: أحمـــــــــد أحمد: أحبج "وبند" نورة: أحمد! لامجيب...صدج أنقهرت...لكن مع هذا هالمكالمة ريحتها شوي...وتمت تأكد لنفسها بأنها ماتحب غير أحمد...ومافقلبها غيره...وحمدان مجرد ولد عم........! ....... رغم بدايت الصيف إلا أن الأمطار فهالأيام كانت غزيرة...والشباب مب مقصرين على العراقيب الكل مشتل...إلا أحمد إللي طافه كل هالشي...ومع هذا ماكانت له رغبه بأنه يروح...صح الملل لاعب دور كبير فنفسيته بالذات بعد المدة الطويلة إللي قضاها فالمستشفى...والحين فالبيت...ويحاول قدر المستطاع يكون مطيع لأوامر الدكتور...كل شي يهون علشان خاطر العرس إللي قرب وماباجله شي...رغم أحتجاجاته على التأجيل..بس يعرف أنه مافيه فايده ومحد بيسويله سالفه...لأنه حالته ماتسمح أصلا فهذيج الفترة...أما الحين فحالته تحسنت وايد... كان فهالحظه يالس فاليلسه إللي فالحوش لابس سبورت ومغطي رأسه بكاب أسود ونظاره شمسيه مع أنه الشمس تظهر وتختفي ورى الغيوم...وعيونه على الموبايل يقرأ المسجات إللي مطرشتنهن نورة...وفكره سارح....... "سلامات" قالتها بصوتها المبحوح "أكثر شي فيها لفت أنتباه أحمد" حاول يعدل يلسته على الشبريه بصعوبه وارتباك وفنفس الوقت بإستغراب من وجود هالأنسانه فهالمكان: الله يسلمج! ميثه: أستغربت صح إني هنيه أحمد: بصراحة هيه ميثه تنزل عيونها أطالع الأرضيه...وتعض على شفاتها وهي مب عارفه شووه تقول: بصراحة أحم أنا ممبين فترة وفترة وأنا أبى أيي أشوفك أحمد بوقاحه: ليش تيي تشوفيني؟! ميثه برتباك: اشتغلنا ويا بعض أحمد: وانزين...وأشتغلنا ويا بعض ميثه بعصبيه: يعني أظهر! أحمد يحاول يتمالك نفسه: لا ماقلت ظهري...بس مستغرب وجود بنت المفروض تكون بنت ناس وعرب ويا ريال غريب عنها تزوره...على أي أساس ميثه طالعته بنظره حارقه: أنت أصلا ماويه حد يزورك أو يهتم فيك وبعصبيه ظهرت من غرفته وبندت الباب بقوه...أبتسم أحمد...هو ماقصده يهينها...لكن أستغرب من جرائتها...كيف تيي تزوره؟؟وعلى أي أساس؟؟وفنفس الوقت كان خايف نورة توصل وتلقى ميثه عنده...أكيد بتفهم الموضوع غلط..."معقوله ماانتبهت لريحة الغرفة إللي كان عطر ميثه شال البقعه؟!" "بابا أهمد يريد جاي؟" يقطع عليه أفكاره علي وهو واقف على رأسه أحمد يهز رأسه من دون كلام...يوم أنتبه لعلي وهو يرد صوب المطبخ: علي! ألتفت علي صوب معزبه: هااا بابا أهمد يريد شي؟ أحمد: ماشفت أمايه؟ علي: لا ماما هصه اليوم مافيه يجي مطبخ...وأنا مافيه يشوف يروه برا أحمد: أوكى أوكى روح وفهالحظه شاف أمه تظهر من الباب الداخلي يايه صوبه وابتسم...وقال بصوت عالي علشان تسمعه: الطيب على طاريه حصه تبتسم: شووووه كنت تحش فيه أحمد: هههههه ماشي فديتج بس اسئل علي وينج محد شافج اليوم حصه: رأسي من أصبحت يعورني مارمت أنش"بوزت" وأنت حشى مب جنه عندك أم تنشد عنها وعن أحوالها أحمد: آفا...والله ماأعرف غناتي حصه: وجى بتعرف يوم ماتنشد أحمد: يعني منوه أنشد فديتج...علي مايدش البيت...وأنا تشوفين حالتيه فوق بصراحة ماروم أركب...و دقيت على موبايلج أكثر عن مره يعطيني مغلق حصه: ماعليه فديتك...أغلقت تلفوني عن هالحشرة هند...كل شوي تتصل فيه...عنبوه صار لها سنين فهالشركة ماتعرف تسوي أي شي وأنا محد أحمد: لازم فديت روحج...مب أنتي قايلتها ماتسوي أي شي من دون ماترد لج حصه: بصراحة أفكر أكنسلها هالشركة أحمد: هههههههههههههههاي شوووه أشوفج تأثرتي بكلام مايد حصه: لا حشى...أنا ماعليه من رمست مايد...لو تكلم من اليوم لين باجر...أحيدني أنا أمه مب هو...وماأسوي شي غلط الحمد لله أحمد: عيل خلج قويه وأصمدي حصه زخته من أذنه تيرها: أونه خليج قويه... أحمد وهو شاج الحلج: ههههه أي أي حصه: تباني أكون قويه وعندي ولد عمره مابيكبر وبيكون مسؤول عن تصرفاته أحمد: هههههههههه خلاص أنزين أي عورتيني...تووووووووووبه حصه ودرته..أطالعه بتشكك: ماظنيه بتوب...أنت بتوب؟! إذا ".........."* بتبرد عينه...أنت بتوب __________________ "انزين شوووه إللي يمنع؟!" قالها سعيد وهو حاس بضيج فاطمة أطالع صبوعها وكأنها تفكر: لأنك إنسان متزوج وعندك عيال سعيد: فاطمة هذا مب عذر...أنزين ومتزوج حرام أتزوج مره ثانية فاطمة: لا سعيد: عيل...شوووه إللي يمنع؟! فاطمة: بصراحة بصراحة حرمتك هي إللي تمنع...أنا أعرف وأنت بعد تعرف زين شوووه بتكون ردت فعل خديجة...وأنا إللي ياني منها وايد...هذا وأنا كنت على ذمة المرحوم...فمابالك إذا صرت ضرتها؟! سعيد لازم يقنعها: أنتي شعليج منها...خديجة صارت ماتهمني...قبل كنت أسويلها ألف حساب بس الحين كل إللي تسويه مايهمني فاطمة بجديه: بس أنا يهمني...أنت عم عيالي على العين والرأس...بس أنا يهمني مستقبل عيالي...ومب مستعده أعيشهم فجو كله مشاكل سعيد نش من مكانه بهدو: أم سلطان أباج تفكرين فالموضوع عدل...وأرجوج لا تتسرعين فالرد طلع سعيد من الميلس وهي بعدها يالسه مكانها...كانت متوقعه هالطلب من سعيد...لأنه نظراته تفضحه...هي مب رافضه الفكره أبداً...لأنها تفكر قبل كل شي بعيالها...يربيهم عمها من دمهم ولحمهم ولا يربيهم إنسان غريب...لكن خديجة أتم العقبه الوحيده...... أم نورة واقفه عدال باب الميلس: شوووه؟! فاطمة: مابى ... صعب أمايه ... مافيني شده على خديجة أم نورة: مافيج شده على خديجة ولا المرحوم هو إللي يخليج ترفضين فاطمة عضت على شفاتها تمنع شهقه كتمتها"هالموضوع بالذات يفتح الجرح الجديم إللي ظنت لفترة بأنها برت منه...لكن مستحيل...كل شي ممكن الحرمة تصح وتشفى منه إلا الخيانه...هي تعرف أنه سعيد مب شرات مبارك...لكن هذا أخوه...إذا كان مبارك أقرب الناس لها وهي أعتقدت بأنها الأقرب له...أكتشفت بأنها ماتعرف عنه أي شيء...يمكن يكون هالشيء من الأسباب إللي خلتها ترفض موضوع الزواج منه...وخديجة شيء ثانوي...لأنه حتى يوم كانن يعيشن فبيت واحد قبل ماكل واحد وحرمته يستقل فبيت...كانت أطنشها وماتسويلها سالفة...لأنه إنسانة شرات خديجة الحل الوحيد وياها التطنيش....! أم نورة: فطووووم أنا أشوف سعيد ريال والنعم فيه...وشارنج وبعدين عم عيالج...خذيها أنتي بالعقل فديتج محد بيهتم فيهم شرات عمهم فاطمة حطت أيدها لا شعورياً على صدرها..وقالت بصوت واطي: والقلب ماله وجود أم نورة: شوووه؟ فاطمة نشت من مكانها: ولا شي ولاشي أم نورة: سلطون برع ويا مسي فاطمة مرت من عدال أمها وهي سارحه: زين ظهرت من الميلس ومشت صوب الحوش من وين يالسه منى تأكل كيك بالشوكولاته والجزء إللي تحت خشمها حلجها وكل مايحيط فيه كله أسود من الشوكولاته...وسوزن عدالها تحاول تأكلها بس هي عنيده مب طايعه...وألتفتت لمحت مسي شاله سلطان تمشي وهو فحضنها تعود على هالحالة وبالذات إذا كان يصيح فيعرفوا الحل وياه أنه يشلوه ويتموا يمشون فيه... تفهم الحين من كلام أمها بأنها تخلي الأولوية لعيالها...وهي خلاص لازم تضحي باللي هي تريده...وتجدم إللي يريده عيالها...غمضت عيونها وملامح الحزن طغت على ويها.. . . . . . . أنتبهت لأختها الواقفه فنص الحوش مبنده عيونها وملامح ويها متغيره....؟! نورة: فطوووم؟! بهدو فجت عيونها واطالعت أختها إللي توها نازله من غرفتها: شوه؟ نورة أقتربت: شوووه فيج؟؟وشووه كان يسوي هنيه سعيد؟! فاطمة قالتها بكل بساطة: ياي يخطبني نورة بصدمه: شووووووه! فاطمة: يبى يتزوجني نورة أبتسمت بسخريه: مينون هذا! فاطمة خذت نفس عميق: ليش مينون...يباني على سنة الله ورسوله نورة بستغراب: أم سلطان شبلاج؟! لاتقولين بتوافقين! فاطمة وهي تتجه صوب داخل البيت ووراها نورة: ليش لا نورة زخت أختها من جتفها بعصبيه: ومنصور؟! فاطمة ألتفت أطالع أختها ودمعه تهدد بنزول: منصور مايباني أنا يانورة نورة: ليش يعني تقولين جيه...والله إللي أشوفه إنه منصور مثل ماهو ماتغير فاطمة ابتسمت بسخريه: نورة أنت ماتعرفين منصور شراتي...وأنا قررت أفكر بجديه فطلب سعيد...الريال مايعيبه شي...وبعدين لاتنسين أنه عم عيالي ويحبهم و.... نورة قاطعتها بعصبيه: فطوووم لاترتكبين نفس الغلط إللي أرتكبتيه قبل..لأنه بعدين مابينفع الندم فاطمة أطالعت أختها بنظرت تحدي: أتمنى هالرمسه تقوليها حق نفسج ودرتها واتجهت لغرفتها...وتمت نورة أطالع أختها بصدمة لأنها فهمتها شوو تقصد..."أنا أحب أحمد وماعليه من إللي تقولينه"......!؟ .......... زخته من أيده بعصبيه لكنه نفض أيدها عنه: سمعت واحد من المطاوعه بأنه هب زين الواحد يتيوز على حرمته ومايخبرها...ولا أنا مب هامني عرفتي ولا لا...كله واحد خديجة دزته بقوة على صدره...ومن كثر ماكانت معصبه ويها متغير وايد وشكلها يزيغ: شووووه تقول أنت الحينه..شوووه تخرف سعيد ببرود: بتزوج خديجة: ماتروم "رد عليه بنفس بروده" سعيد طالعها بسخريه: شووه بتسوين...تمنعيني؟! جربي وشووفي شووه بييج خديجة وبعدها على برودها رغم الشرار إللي يطاير من عيونها: منوووه؟ سعيد: بتعرفين فوقته خديجة: فاطمة!! سعيد طالعها بنظره وطنشها وصد عنها بيظهر من الغرفة... خديجة مارامت تيود نفسها أكثر عن جيه وبمزاعج: هيه فطيييم محد غيرها...محد غيرها الـ....... بنت الـ........ ماكملت السب بسبت الكف إللي ياها من سعيد: جب جب ولا كلمة...صدج إنج ماتستحين "ظهر من الغرفة بعصبيه من قوة ضربة تبنيده للباب جنه بينجلع من مكانه" وخديجة واقفه مكانها حاطه أيدها على خدها بصدمه...أول مره يمد أيده عليها...وبسبت منوه"فاطمة" نزلن دموع غضب وقهر...عمرها ماتصورت بأنه هاليوم بيي...أنه سعيد الجبان يفكر يتزوج عليها...طول هالفترة وهي على بالها بأنه شخصيتها القوية مسيطره عليه...ماخطر على بالها بأنها كثرت هالضغط بيي اليوم إللي بينفجر فيه... . . . . . أول مره فحياته يحس بهالغضب...ولأول مرة يتصرف تصرف بتأثير الغضب...ندم على الكف إللي عطاه خديجة...لكن هي بعد زودتها أكثر عن اللزوم...شوه ذنبها فاطمة تسبها هالسب المنحط... ركب سيارته وشغلها ماكان فباله مكان يروح له بس تم يمشي بسيارته من دون هدف...كان يعرف ردت فعل خديجة مسبقاً ومع هذا ماهمه...لأنه هالإنسانه وبسبت أفعالها فقدت معظم المشاعر ومرات الإحترام إللي كان شاله لها...وفنفس الوقت هالمواجهة جرحته...يوم سبت فاطمة...لأنه أم سلطان صار لها مكانة فقلب سعيد...وهالشعور أتجاها يدفعه بأنه يسوي المستحيل علشان توافق. ........... جابر: يوم بيكون حق أختج بيت بروحها ذيج الساعة بتروحين عندها صالحة بضيج: عنبوه هذي أختي من تيوزت مازرتها جابر: صلوووح شرات ماهي أختج أهي أختي أنا بعد...بس تعرفين رأي الوالد فهالموضوع صالحة: أنت تقدر تقنعه بس أنت أروحك ماتبى جابر يبتسم: إللي يسمعج ماتشوفينها مول...وهي بين الأسبوعين يايه صالحة تعطي أخوها كوب الجاي الحمر: بس غير يوم نحن نزورها جابر: ماعليه هانت جريب بيخلص بيتها...وبنروح كلنا عندها..."سكت شوي وهو يطالع أخته بتفكير وهو يبتسم بخبث"...صح صليتي أستخاره؟ صالحة أحمر ويها: حق شووه؟! جابر: أونج ماتعرفين حق شووه صالحة موخيه رأسها: مااتلاحظ أنك وايد تضغط عليه جابر يحج رأسه: أنا أضغط عليج!! صالحة: هيه...كل شوي تتخبرني عن هالموضوع"رفعت رأسها بجرأه" هالموضوع عشرة عمر ماينفع هالضغط إللي تمارسه أنت وأبويه وأمايه وخواتي عليه جابر ببرائه: الله يسامحج أنا أضغط عليج...بس اسئلج إذا صليتي أستخارة ولا لاء صالحة تنش بضيج: يوم أقرر برد عليكم ظهرت من الصالة وهي متضايجه...وتلوم فيها جابر...ماكان قصده يضايجها بهالموضوع...بس بعد هي طولت عليهم وايد...العرب مرمسينهم من أسبوع وهذا الحين دخل الأسبوع الثاني وماردت عليهم بالموافقه أو الرفض...صح الخاطب ربيعه...لكن فنفس الوقت والحق يقال ريال والنعم فيه... . . . . . أما صالحة لحد الحين ماصلت أستخارة...هالشخص الثاني إللي يتقدم لها خلال هالفترة...الأول لقت حجة ترفضه بسبت أمه إللي الكل يعرفها إنها إنسانة شرية...لكن هذا شوووه من الحجج بتبرر رفضها له...هذا من أعز ربع أخوها...وكل إللي فالبيت يعرفه ويعرف أخلاقه وسمعته الطيبه...شوووه عذرها؟! خطر على بالها كلام زهرة يوم رفضت إللي قبله... زهرة: صدج ماعندج سالفة صالحة وعيونها مليانه دموع: أنتي ماتحسين فيه ولا حد منكم يحس فيه..."سكتت" ولا هو بعد يحس فيه زهرة: هو ولا سأل عنج...أصحي بسج من هالأحلام صالحة: أنا شووه إللي ينقصني...شووه يعيبني ...... قطعت رمستها زهرة: تعرفي شوه يعيبج...يعيبج إنج تتوهمين حب مب موجود صالحة ودموعها تنهمر على خدودها: لا ماأتوهم..أنا أحبه ومابحب حد غيره زهرة بعصبيه: هو مايحبج ولا ناشد عنج...ودري عنج تصرفات المراهقات صالحة طالعت أختها والحزن كاسي ملامح ويها الجميل: ليش أنتي قاسيه جيه..ليش تحبطيني! أنا عندي أمل ولو بسيط بس عندي أمل زهرة تمسح على شعر أختها: غناتي ماشي أحلى وأحسن من الحب بعد الزواج..أنا قبل لا أتزوج أعجبت بوايد...طبعا من ربع جابر إللي نشوفهم من ورى الدريشه...شباب يلفتون الأنظار..رجولة وهيبه ومنظر..بس غناتي والله الحين بعد ماتيوزت أتندم على كل نظره صدرت مني صوب هالشباب..لأنها حرام صالحة تمسح دموعها بصبوعها: قصدج الحب حرام زهرة: قصدي ماشي أحلى من الحب الحلال...الحب بين الزوجين...هذا أحلى وأطهر حب صالحة تبتسم بحزن: بس أنا يازهرة من دخلت سن المراهقة وأنا أشوف منصور وماأشوف غيره...حلم كبر داخلي...وأحساس نمى وكبر داخلي هنييه "تحط أيدها على صدرها مكان قلبها" مب أحساس ومشاعر مراهقات..أنا الحين تعديت سن المراهقات...وأنتي تقولين جيه لأنه نظرتج دايما واقعيه للحياة...وأنا يازهرة مب شراتج...وعمري مابكون شراتج...أعرف إللي أسويه غلط...بس غصباً عني زهرة حطت أيدها على أيد أختها وأبتسمت: صلوووح حبيبتي مرات ظروف الحياة تجبرنا نرضى ونغير من أنفسنا...وأنتي بأيدج تغيرين من نفسج...وهالإنسان إللي تقدم لج مايعيبه شي...وحجة أمه محد مقتنع فيها...بس مشوها ومحد أعترض لأنه محد يقدر يجبرج على شي أنتي ماتبينه صالحة: زهرة دخيييلج لاتيبين طاري هالموضوع والله طفرت منه...هب كافني أمايه وحنتها كل يوم على رأسي...والله لاعة جبدي من الموضوع زهرة: خلاص مابيب طاري هالموضوع...بس المرة اليايه أباج تفكرين بعقلانية...وصلاة الأستخارة صليها...ربي بيوفقج صالحة بملل: إن شاء الله...يصير خير إذا فيه مرة ثانية أصلا أبتسمت زهرة لأنها متأكده بأنه بيكون فيه مرة ثانية...بالذات إذا الموضوع يخص صالحة إللي الخطاب ماشاء الله ماينقطعون...الطاغيه على خواتها بجمالها.. وفعلاً صار فيه مرة ثانية وبسرعة ماطول هالمرة...أبتسمت صالحة بغرور...تعرف أنها جميلة ومافيه أم ماتتمناها لولدها...لكن محد فهالدنيا مرتاح...الإنسان إللي طول عمرها تتمناه وماتبى غيره مب سائل عنها ولا مهتم لأمرها..."يمكن لو أنخطبت بيتخبل وبيبين على حقيقته وأنه يباني بس يبى يأدبني على الحركة إللي سويتها...ولا هو أصلاً يحبني...أكيد يحبني" الطريقة الوحيد إللي فيها تقدر تحمي كبرياءها...بالأدعاء بأنه يحبها بس حركات...هذا حال صالحة ........... أنصدمت فاطمة من شكل أختها يوم فجت لها باب غرفتها: نورة! نورة تعض على شفاتها وهي حاسه بالذنب: شوووه فاطمة: لا تقولين مارقدت أمس نورة: مارمت أرقد فاطمة: ياااربيييه طالعي ويهج"وهي أدزها صوب التسريحه أطالع نفسها فالمنظره" عاد هالبكسات شقايل بيروحن نورة تبتسم أبتسامه مصطنعه: الميك آب يروح كل شي فاطمة بضيج وتأنيب: لو شافج أحمد اليوم بيشرد نورة: هههههههه زين أحسن فاطمة بجديه: نوار حبيبتي اليوم العرس ولا نسيتي...لازم تريحين شوي...شي وقت قبل متيي الحرمة...رقدي فديتج لو ساعتين نورة: الحينه أرقد! فاطمة أطالع ساعتها: فيه وقت "أدزها على الشبريه" ياويلج إن مارقدتي نورة: أنزين...محد تحت فاطمة: أكيد حد...حرمة عمي وزهرة "حاست بوزها" وعموووه أم مبارك نورة أنسدحت على الشبريه بأرهاق: تصدقين أني ميته تعب... فاطمة تبتسم وهي تلحف أختها بالبطانيه: ريحي ويوم توصل الحرمة بوعيج "وهي تغمز" وعلى فكره الحنا إللي فأيدينج جنان نورة: ههههههه إن أستوى شي حق أيديني بذبحج فاطمة وهي تظهر من الغرفة: ههههههههههه لا فديتج عيوني باردات هب شراتج أنجلبت نورة الصوب الثاني دقيقه لا أكثر ونامت...طول الليله إللي طافت والأفكار رايحه راده...الكل على باله أنها راحت ترقد بعد ماشلت الحنا من أيديها...وبالذات المحنيه تأخرت عليها وايد وشلت الحنا الساعة وحده... معقولة اليوم هو اليوم الموعود...صح أجلوا لكن الأيام تمر بسرعة...وأحمد صح يعرج شوي لكن أحسن بوايد عن حاله الأولي...يمكن العرس عطاه حافز . . . . . . طالعت فاطمة عمتها أم مبارك بعدين وخت رأسها...كانت بتسأل عن خديجة إللي ماشافتها وياهن...لكن تراجعت عن السؤال...أكيد مابتيي عرس نورة بعد إللي صار...فاطمة خلاص وافقت أنها تتزوج سعيد عم ولادها...هالحل الأنسب لها ولعيالها...وفنفس الوقت تأكدت بأن سعيد مستحيل يظلم أم عياله...صح خديجة ماقصرت بالتهديد والوعيد والأتصالات والزيارات الغير مرغوبه لفاطمة...لكن هالشي مازادها إلا أصرار على الموافقه...وبعدين هي مابتسوي شي حرام...هي تقدم على شي حلله رب العباد... أم نورة معقده حياتها ودلة القهوة فأيدها: نشت أختج؟! فاطمة تنتبه من سرحانها: هممممم!!؟ أم نورة: نورة نشت ولا بعدها؟؟ فاطمة: رقدت الحينه لأنها مارقدت طول الليل أم نورة تهز رأسها: الله يهديها هالبنت بس أبتسمت فاطمة لأمها وهي تشل عنها الدلة: خليها ترقد ساعتين ثلاث شي وقت أم نورة: برايها.."أطالع الدلة" خبري مسي تسوي قهوة غيرها فاطمة تبوس أمها على يبهتها: من عيوني يا أحلى أم بعد ماراحت عنها فاطمة صوب المطبخ تمت أطالعها وهي سارحه...والبرقع إللي على ويها زادها جمال...وغطئ معالم الكبر إللي بدت تظهر على ويها...حست بغصه ورغبه فالبكاء...اليوم بتروح نورة...وبعدها فاطمة...وبتم هي بروحها...على كثر ماهي فرحانه لبناتها لكن فنفس الوقت بتفقد الصحبة...بتفقد ضحكت نورة إللي نادر ماتنقطع فهالبيت...الحينه منوه بيصبح عليها...صدج بتفتقدها...ومع هذا الفرحه ماخذه الجانب الأكبر من مشاعر أم نورة...أخيرا هالعنيده بتتزوج...كل البنات إللي يعرفوهن وفسنها أتزوجن وعندهن من العيال أثنين وثلاث.... أم مبارك: أم نورة؟! أم نورة: هلا الغاليه أم مبارك رافعه حاجب واحد: شبلاج صخيتي...أرمسج ولا تردين عليه أم نورة تبتسم: السمووحه منج الغاليه ماانتبهت لج أم مبارك: ماشي بس كنت أنشدج عن نورة ماشفتها أم نورة: راقده أم مبارك: حليلها...شكلها تأخرت فالنوم أمس أم نورة: هيه أم مبارك: الله يكون فعونها ويوفقها ......... كان واقف يطالعها يبتسم...هالإبتسامه أطير عقلها تخبلبها...ردت عليه بأبتسامه رقيقه خجوله...وفجأة عقد حياته وأنجلبت هالأبتسامه لتكشيره...صار ويهه جامد...ضمت نفسها بأيديها حست ببرد فضيع...برد حست فيه يتسلل للعظام "أحمد" نطقت بهالأسم ممبين شفايف مرتجفه بسبت البرد الفضيع...لكن أحمد كان يطالعها بهالويه البارد الجامد...بعد لحظات صد عنها وعطاها ظهره وبدأ يبتعد "أحمد" ردت تزقره...لكن لاجواب...مدت له أيدها ونفس الشي أبتعد وأبتعد وأبتعد....أختفى,,,,,,نشت نورة بخوف وفزع كان كل جسمها معرق ونبضات قلبها أدق بسرعة وبصعوبة تتنفس "كان حلم!" ألتفتت أطالع المنبه "الساعة ثنتين ونص!! خييييبه ليش خلوني أرقد كل هالوقت؟!" وبسرعة نزلت من على شبريتها وكانت شوي وتتعثر وأطيح...وقفت فنص الغرفة بحيره...شووه المفروض تسوي الحين؟؟!! ماتعرف! ومتى بتيي الحرمة إللي بتعدلها؟؟بعد ماتعرف!! لكن فهاللحظه سمعت دق على الباب خفيف...وصلت المنقذه...وايجت من الباب وهي تبتسم: مابغيتي تقومين نورة تمط أيديها بكسل: أنتوا ماوعيتوني فاطمة: مب مستعيلين على شي..."ببتسامة رضى" الحينه فرق عن الصبح نورة أطالع ويها فالمنظره: راحت البكسات فاطمة: ههههههه هيه نورة: راقده من ثمان والحينه ثنتين ست ساعات تقريبا فاطمة: أحسن شي سويتيه ولا بتتلعوزي وبتتعبين اليوم نورة: ماييت الحرمة؟؟ فاطمة: مدام منى تحت فالصالة من شوي واصله على طول حطيت لها غدا يلست تحالف ماتبى...قلت لها ماشي أنتي واصله حزت الغدا لازم تتغدين...وقلت فهالوقت أوعيج نورة: بصلي قبل كل شي فاطمة: أوكى ولين تخلصين تكون تغدت.... . . . . . . . أمس كان عرس الريال وأحمد اليوم فيه نشاط غريب رغم أنه مارقد من أمس...لكن مع هذا مايحس بأي تعب أو أرهاق...بالعكس فيه شووق كبير يشوف حرمته إللي ماشافها من أسبوع ونص...كان التلفون هو وسيلة الأتصال الوحيده ممبينهم...لكن اليوم خلاص بينتهي هالحرمان من شوفها...خلاص بتعيش وياه فنفس البيت...أخيراً بتصير له وحده... راشد: هههههههههههاي بوشهاب مب ويانا أحمد أنتبه لربعه: هااااا؟؟؟شوووه! سلطان: لا المعرس مب وياااانا أبد منصور أبتسم بحزن لأنه تذكر أخوه حمدان...كانت حالته حاله من أمس...يحاول يبين جدام الكل بأنه مب مهتم...فمن أصبح خبر أمه بأنه بيسرح صوب دبي عنده كماً شغله...الكل يعرف وحاس بمشاعره المضطربه...أنتبه منصور لبعض الشباب إللي دشوا عليهم الميلس كل واحد فأيده سلاح...ومن شافوهم الشباب اليالسين نشوا وأرتبشوا...اليوم عرس أعز ربعهم "بوشهاب" فكل ا لشباب فيهم حفوز... ظهروا برع فالحوش وشغلوا الأغاني والكل أرتبش أيول...حتى أحمد إللي الفرحة مب سايعتنه كان أبرعهم فاليوله... ......... في جمالك سحر وعيونك هلاك . . الوضيحي منك سارق مدمعـــه . . طبعك أنك ما اتصنع مستحـــاك . . خذت لفتات الغـزال ومرمعـــــــه كانت هالكلمات الجميلة لأحدى قصايد المبدع سمو الشيخ محمد بن راشد مع موسيقى كلاسيكيه بدأية دخول نورة للقاعة...بنظرات تردد طالعت نورة الحريم وكل العيون عليها...حست بدوار...لكنها تمالكت نفسها وخذت نفس عميق...وجاهدت تظهر أبتسامه على شفاتها...كانت المصورة جدامها بكاميرت الفيديو...بالأضافه لمصورة ثانية بالكاميرا العادية...كان جمالها خيالي...الكل أنبهر فيها...نورة العادية إللي محد متعود عليها تحط ميك آب وإذا حطت خفيف مايبين...اليوم غيييير...كانت تمشي ببطئ وكل شوي تلتفت صوب الحرييم...وببتسامه حاولت قدر المستطاع ماتفارق ويها...وأخيراً قربت من الكوشه ولمحت ربيعاتها فالدوام وبرع الدوام كلهن يالسات على طاولة وحده "سميحة، سلوى، الريم ، اليازية، زهرة حرمة محمد" ...أول ماأقتربت من طاولتهن أبتسمت لهن وكانت فأيدها ورده جوري حمراء فرتها بتجاه سميحه إللي على طول زختها وهي مستانسه...وكملت مشيها وهي تركب الدرجات البسيطه شافت عليا أخت أحمد وحريم خوانه روضه ومريم أقتربن منها يساعدنها...حست بأرتباك من طاحت عيونها بعيون عليا...كان فيها شبه من أحمد...وبعدين هي ماأحتكت فيها وايد...شافتها مرتين وهالمرة الثالثه بس... عليا شاجه الحلج: ياويل حاله أخويه...ماشاء الله ماشاء الله تبارك الرحمن...شهالزين كله... نورة حست ويها أحترق من المستحى لكنها ردت على عليا بأبتسامه خجوله ووقفت شويه قبل لتيلس... ماصدقت تيلس...وأستغربت من ريولها كيف شلتها...لأنها حست فيهن يتنافضن بشكل فضيع...خذت نفس وبدن الحريم يتوافدن عليها يسلمن ويباركن...كانت تسمع عن رهبت هالموقف بس ماتصورت بأنها بتكون فيه وبتحس بهالشعور...أنها هي العروس ونقطة تركيز جميع إللي فالقاعة...فجأة ومن دون أي مقدمات حست بقرصه قويه على ذراعها العاري...وبفزع ألتفتت أطالع إللي قرصها...شافت أبتسامة سميحة الخبيثه"متخفييييش والله علشان أتجوز...رجولك مغطايه كويس مأدرتش أأرصها" نورة برتباك تبتسم وفعلاً كانت فحالة لا تحسد عليها من رهبت المكان والموقف: الله يسامحج عورتيني سلوى أدز سميحه بضيج: مينونه أنتي تقرصينها شوووفي الحينه بيعلم فيها سميحه بخبث: معلشي معليش علشان تتزكرني فشهر العسل نورة ويها محترق من المستحى: سميييحه! سميحة تلوي على نورة وتبوسها على خدها: خلااااااااااااص ياحببتي...حأك عليه...هتوحشيني يابت نورة تبتسم: صدقيني مابطول...شهر بالكثير وبــ...."قطعت رمستها من شافت عاليا تقترب منها" عاليا تيلس عدال نورة وهي تحاول تعدل لها طرحتها: لا بصراحة أخويه ذوقه لا يعلى عليه...ربي يوفقكم ويتمم عليكم ...أوووبس تذكرت"نشت من مكانها ويت فمواجهت نورة وباستها على خدودها" نسيت أقووولج مبرووووووووووك نورة أبتسمت: الله يبارك فعمرج سميحه ترز بويها: لاه خلاص بأأأه أحنا ملناااش لزمه...هاااروح أكمل أم علي لا العيل أبن سلوى يأكلها كلها نقعن كل إللي واقفات حوالين نورة من الضحك على سميحه... راحت وهي تغمز حق نورة: هأكل وأرجع تأني...أنا الليلادي ناويه أرأص سلوى: ههههههههههههههه حرام عليج بتسوي من نفسج فرجه سميحه: مووش مهم علشان نورة وأحمد هرأووص ونص كمان نورة: فديتج والله...تسلمين سميحة سميحة: أنتي إللي فديتك يأمر..."طرشتلها بوسات فالهوا" يختييي عليها أسمتر العرس على خير مايرام...ساعة من وصلت نورة رقصن فيها ربيعاتها ومن بينهن طبعاً سميحة إللي وعدتها ترقص بعرسها...بس بصراحة صدمت الكل...وبالذات يوم غنت الفرقة أغنية مصرية...رأوتهم الرقص الشرقي على أصول...وحاولت ترقص خليجة خلت الكل يضحك عليها...بهالجو خلال هالساعة غير من نفسية نورة...بعد ماكانت مرتبكه وحالتها حاله...صارت أكثر مرتاحه ومستانسه من خبال سميحة...وسوالف اليازية وسلوى...وعاليا أخت ريلها إللي حبتها صدج رغم معرفتها البسيطة... انتبهت نورة لعاليا إللي كانت ترمس تلفون بعدين ألتفتت أطالع نورة وهي تبتسم وتقترب منها: بوشهاب بيحدر الحينه رغم شوقها حست برهبه مفاجأة...ماعرفت شوووه ترد على عاليا...بس شافت أيد عاليا تمتد لها وتحاول بجزء من الطرحه أنها تغطي ويه نورة...نص الحريم إللي فالقاعة تغشن...وعلى ألحان دخلت المعرس حدر أحمد الصالة ووياه عمها...ومن الجهه الثانية ولد مايد غيث عمره 11 سنة وشال وياه سلاح ومن حدر الصالة وهو مرتبش...الكل توقع أحمد يرتبش ويسوي حركات...بس محد توقع هالحال إللي كان فيه أحمد...الهدو الغريب...والأبتسامة الهادية إللي كانت على ويهه...محد كان يشعر بالبركان الثائر فجسمه إلا هو نفسه...وقلبه إللي دقاته تزداد كل ماأقترب من الكوشه ومن قوة هالدقات كانت تضرب فأذنه وماكان حاس باللي حواليه...ولا فهم أي كلمة من الكلام إللي كانت حصه تقوله...رد عليها بإبتسامه وكمل طريجه...أول شي أنتبه له ولفت نظره أيديها...كانت تلف المسكه بقوة...الطريقة إللي ميوده فيها المسكه تبين أنها مرتبكه...لكن أحمد مب هذا إللي لفت نظره فأيديها...لفت نظهره الحنا...والنقش الناعم على هالأيدين الصغار ...هالشي بحد ذاته خلى نبضات قلبه تزداد...كان يحس كل إللي حواليه يتحرك بالحركة البطئة...ماكان هامنه شي فهالدنيا فهالحظه بالذات غيرها هي...كان يبى يتمعن كل شي فيها...رفع نظره وأرتفع لويها إللي كان مغطاي بالطرحه... ماأنتبه لعاليا إللي كانت تصوره وهو يرفع الطرحه عن نورة..."ياويل حالي" طلعت هالجملة من بين شفاته لاشعورياً...كان متأكد بأنها بتكون غير...بس ماتصور أنها بتكون بهالجمال...نورة اليوم غير عن كل يوم غير حتى عن يوم الملجة...لاحظ أنها ترتجف لأنه بعد ماوخر عن ويها الطرحه تمت أيديه على جتوفها..."نورة مرتبكه!؟" أقترب منها أكثر وباسها على يبهتها...فهالحظه بالذات طلعته عاليا من هالجو الخيالي إللي كان عايشنه ويا حبيبته زوجته بزغروووطه قوية ومزعجه فنفس الوقت فلخته...وبعدها سمع أكثر من زغروووطه...وبعده قريب منها وايد ووسط هالحشره همس لها "مبرووووووك حياتي" قدر يقرأ شفايفها وهي تقول "وأنت بعد مبروووك" كان أصوات الزغاريط والموسيقى العاليه يغطي على أصواتهم...تذكر أحمد عم نورة ووخر عنها شوي علشان يفسح المجال حق عمها يسلم عليها ويبارك لها... أما نورة فكانت حالتها حاله...مجرد لمسة أيديه خلت جسمها كله يتنافض...مب خايفه منه...لا مستحيل هذا خوووف...لأنه إللي يحب إنسان مايخاف منه...وهي تحب أحمد...لكن شعور غريب أجتاحها...يمكن أرتباك من الموقف كله...ويمكن المستحى له دور كبير فاللي هي فيه الحينه...حتى يوم قال لها مبرووك حياتي حست شفايفها ترد عليه...مجرد حركة شفايف بس ماشي أي صوت ظهر... صور عمها بوحمدان كماً صورة وياها وويا أحمد بعدين ويود غيث ولد مايد وظهروا من القاعة...وتم أحمد واقف عدال نورة...ألتفت يطالعها: شوووه موقفنا الحين؟ نورة: ماأعرف يودها من أيدها ويلسها وساعدها على ترتيب فستانها الضخم على الكرسي...وابتسم: جيه أحسن يلس هو عدالها ويت أمه وصورة وياهم وبعدين يت أم نورة وعاليا وصورن وياهم...بعد شوي شافت منى يايه تربع من بين المعازيم بفستانها الزهري المنفوش...ماقدرت نورة تيود نفسها وضحكة على شكل منى إللي كانت نافشه شعرها ومستوي شرات السمره... منى أول ماأقتربت من الكوشه حطت صبعها الأبهام فحلجها وأقتربت بدلع: حالوووووه نوله! أحمد وهو يمد أيده لمنى: تعالي منووووه أقتربت منى منهم بدلع وشلها أحمد وحطها بينه وبين نورة علشان يصورونها وياهم... كل شي مر على أفضل مايكون...كانت ميته من الأرتباك والزيغه...لكن مع تعودها على الوضع...ومحاولات أحمد بأنه ينسيها المكان والمناسبه إللي هم فيها...كانن معظم الحريم إللي فالقاعة متغشيات إلا بعضهن من حريم العايلتين الكبار منهن...كانت نورة فهالحظه أطالع فالموجودات...طاحت عينها على طاولت ربيعاتها كلهن متغشيات حتى سلوى إللي مامتعوده تتغشى بس بما أنها الحين حاطه ميك أب فمتغشيه...إلا سميحة إللي كانت مشغوله بالأكل...بعدين أنتبهت لطاوله بعد طاولت ربيعاتها بكم طاوله...صح مب مبينه ملامحها بس كانت مب متغشيه وفول ميك آب...يوم شافت نورة أطالع صوبها لفت بويها بسرعة...لكن نورة عرفتها..."هذي منوه عزمها!؟" . . . . عدلت شيلتها...صح محد عزمها بس لازم تحضر...ولا وحده من خواتها طاعت تروح وياها...لكن مع هذا كانت مصره تحضر... العيوز إللي عدالها: أميييه ماتبين عشى فديتج ميثه: لا خالوووه ماأتعشى العيوز تأخذ من صحن جدامها فيه مشاوي وتحط فصحن صغير..وتمد أيدها لميثه: أنزينه أميييه لا ترديني أندوج ميثه تحيس بوزها بضيج "شووووه الله بلاني فهالعيوز"..وتمد أيدها وتأخذ الصحن إللي فيه المشاوي..وتبتسم: آفا عليج خالوووه..علشان خاطرج بأخذه كانت العيوز أطالع ميثه بنظرات أعجاب "يقولوا أكثر شيء ينخطبن البنات من الأعراس"..: إلا ماقلتيلي فديتج شسمج؟؟ ميثه وهي يالسه تقطع حبت تكه بالشوكه والسكين"آوووف هالفضول مامنه بد"..وبدلع: ميييييثه العيوز: عاشت الأسامي ميثه..."تمعنت فيها العيوز بنظرات" من قوم منوه فديتج ميثه بضيج ظهرت تلفونها وجنها تتصل بحد"تتهرب طبعاً من هالسؤال المحرج": أنت برع؟؟هيه خلصت" نشت من دون لا تلتفت صوب الكوشه..وهي أطالع الحرمة العيوز...وبأبتسامه مفتعله": يالله خاله العيوز تقاطعها: وين فديتج..ماتعشيتي ميثه: ماعليه مبوني ماأبى عشى...وبعدين خويه حرق لي تلفوني وهو من زمان يترياني العيوز بيأس: هيه لازم فديتج مابتسمعينه من هالحشره.. ودعت العيوز إللي فقدت الأمل أنها تعرف بنت منوه...وبخطوات سريعة مشت تظهر من القاعة ألتفتت مرة أخيرة صوب المعاريس...هي متأكده أنه نورة شافتها...بس مب مهم عندها...لأنه مافيه أحتماليه أنهن يلتقن مرة ثانية... فوسط تفكيرها وبدون أنتباه منها نست تتغشى...لأنها أنصدمت بمجموعة شباب متيمعين برع القاعة"طبعا شباب العائلة...ماانتبهت إلا للعيون إللي تتفحصها واطالعها بنظرات أعجاب...وبسرعة غطت ويها...وسمعت واحد من الشباب نقع ضحك يوم تغشت"بعد شوه الكل شافها" بعد مب مهم عند ميثه...أصلا لو مب أخوها برع يترياها فالسيارة ولا ماتغشت...لأنها دوم تقول هي واثقه من نفسها وماسوت شي غلط..!! .............. على أضواء دانة الدنيا ومبانيها وشوارعها وقف حمدان ساهم سارح...وملامح الحزن مبينه على تقاسيم ويهه...اليوم الخميس ودبي زحمه بشكل فوق التصور...بالأضافه أنه شهر ثمانية وهالأسبوع بالذات مفاجأت المدارس يعني إللي عنده عيال يدرسوا كلهم فدبي...كل هالزحمه والأضواء ماأثرت فيه ولا أهتم فيها...فهالحظه يحس بحزن وفراغ فداخله...خلاص اليوم فقد نورة بشكل نهائي...حاول يثبت للكل أنه مب مهتم وأنه خلاص مايفكر فيها ومب هامنه إلا خطيبته...بس وين يقدر... " حمدان تعورت" قالتها نورة بزيغ..وهو أنصدم من هالأهتمام من بنت عمه دزها بأيده بنرفزه: لا ماتعورت...وخري عني"مايعرف ليش هالبنت تقهره..هدوءها..يغيضه..وأشياء ثانية مايقدر يحددها" وقف منصور عدال نورة إللي كانت موخيه أطالع ريل حمدان: تعورت!؟ حمدان بآلم: شد منصور يطالع نورة إللي القلق مبين على ملامحها الهاديه..أبتسم لها: نوار وخري شوي نشت من مكانها ووخرت عنهم شوي وهي أطالع منصور يمسك ريل أخوه ويتم يسحبها وينفضها...وحمدان يتآلم...تجمعوا عليه عمه بو نورة ومحمد و ربيع حمدان إسمه سيف وأخوه عبيد...أبتعدت نورة يوم شافتهم تجمعوا عليه... نورة كان عمرها 13 سنة...تعودت هي وأختها يتابعن المباريات إللي يلعبوها فالملعب إللي مسوينه ورى البيت...محد كان يعترض إنهن ييلسن ويتابعن المباريات إلا حمدان إللي يموت غيض يوم يشوفهن يالسات يتابعن...ويقول لو كانوا بروحهم يلعبوا ماعليه بس هو أييب ربعه... على الرغم من صغر سنها إلا أنه لاحظ الأهتمام والأعجاب من بنت عمه نورة...لكن هو تعامل ويا هالشعور منها بالمصخره...يوم كانت أصغر من جيه ضربها أكثر من مره لأنه كان يعتبرها مخلوقة غبيه...أو أقل منه وماتستحق أنه يسويلها سالفه... حتى ففترة مراهقتها بعد مالاحظها ولا أهتم فيها...أصلا كان يعتبرها مالها وجود...عكس فاطمة إللي كانت محط أنظار الكل...وهو أكيد مابيكون مختلف عن الكل...شاف بنات وايد بس ماقد شاف وحده بجمال بنت عمه فاطمة فصارت هي حلمه...إللي متأكد أنه بيتحقق...لأنه مايظن أنه ممكن فاطمة تشوف أو يعجبها واحد غيره...لأنه مميز...خوانه الأصغر عنه يعتبروه مثالهم إللي يتمنون يصيرون شراته فيوم من الأيام...وكان ردها صدمه بالنسبة له...كيف ترفضه؟؟لكن بعدين عرف أنها تحب واحد أقل منه فكل شيء!!! وللأسف الشديد أكتشف الحين أنه ولا شي...وأنه هو أقل من خوانه فكل شيء...وأنه مستحيل أنه خوانه كانوا يعتبروه مثال لهم...خياله وأوهامه هي إللي خلته يتخيل هالشيء...أو بمعنى أخر غروره... فهالحظة ندمه مب بس على فقده لنورة...لا...فاطمة إللي تأكد بأنها تحب أخوه وأخوه نفس الشيء...لو ماكان هو أدخل وخرب العلاقة ممبين العايلتين...الحين أكيد فاطمة حرمة منصور...وعندهم عيال وعايشين أحلى حياة... نورة حبها لكن بعد شوه؟؟؟ الآوان فات...ومستحيل إللي تخرب يتصلح...هو فنظرها إنسان قاسي غير مسؤول وأناني...وحتى لو سامحته مستحيل حادثة الكراج تنمسح من ذاكرتها... بعد شهر بالضبط بيتزوج مرة ثانية...إنسانه مايعرفها ولا يعرف عنها شيء...مجرد أنه شافها يوم الخطبة...شافها وكأنه ماشافها...يتمنى هالإنسانه تنسيه نورة وتنسيه كل إللي طاف...ويعيش الحاضر والمستقبل مثل ماهو...."ياريت" .................. طالعت الدري برعب...كيف بتركب هالدري وفستانها ثجيل من الخاطر...وكأن أحمد حس بالأزمه إللي هي تعاني منها...لأنها حست بأيده تلتف حوالين خصرها...وألتصاقه فيها كان معزز ومساند قوي بأنها تطلع الدري بحذر... "شرايج ببيتنا المتواضع" همس فأذنها حمرن خدودها: حلو أحمد يساعدها تطلع أول درجه: عيونج الحلوه "سكت شوي وكمل" كلج على بعضج حلوه نورة ماتوقعت أنه بيته إللي صار بيتهم هم الأثنين فيلا فخمه...تصورته بيت صغير بما أنه كان يعيش بروحه...رغم أرتباكها إلا أنها قدرت تلاحظ تناسق الألوان فالأثاث وحسن الأختيار والذوق الرفيع...وعلشان تكسر الصمت: عمووه أثثت الفيلا؟؟ أحمد: هيه كان رده مختصر...حتى نبرت صوته متغيره...يمكن يحس بالي هي تحس فيه...أنهم صاروا بروحهم...يجمعهم بيت واحد وسقف واحد...أمنيه تمنوها طوال هالشهور...وأخيراً تحققت...لا نورة ولا أحمد قدروا أنهم يكسروا هالصمت إللي حل عليهم أول ماحدروا غرفتهم... نورة لا شعورياً حطت أيدها اليسرى على قلبها بعد ماحست بنبضاته تتسارع...الترقب إللي كانت عايشتنه لحياة يديدة بتعيشها الحين ومن اليوم ويا أحمد... أحمد بعد مافسخ الغترة والعقال...أبتسم وهو أيود أيديها وأيلسها على الشبريه...ويلس هو بعد..وخذ نفس عميق: وأخيراً نورة تبادله هالإبتسامه: وأخيراً أحمد: مستانسه حياتي؟؟ نورة بخجل توخي رأسها وأطالع أديها إللي فأديه: هيه...وأنت؟ أحمد: أنا..!! أنا غناتي ميت وناسه...أنا اليوم أسعد إنسان...شووه تتوقعي يكون شعور إنسان حقق أمنيت حياته...أحبـــــــــــــج يانورة وأموووت فيج رفعت عيونها وألتقت بعيونه...كان صادق فكل كلمة قالها...وقرت هالصدق من عيونه...والمشاعر والأحاسيس الواضحه وضوح الشمس...وهذا كل إللي تتمناه...هي مب طماعه ماتبى أكثر من جيه...أبتسمت بخجل بعد ماقرت إللي تقوله عيونه لها...!! . بعد سنتين .......... طالعته بدلع واقتربت منه أكثر إلا تلصقت فيه وهي تلتفت صوب العيون إللي أطالعها بغيض وغيره... "بتشلني وياك حبيبي" قالت هالجملة فاطمة وهي بعدها متلصقه بريلها سعيد حس نفسه متورط..وبالذات بعد ماشاف نظرات خديجة: مب هالمرة حياتي...المرة اليايه إن شاء الله عضت شفاتها بغيض..بعد مافشلها جدام خديجة: ليييييش خديجة وعيونها كلها شماته: لأنه هالمرة دووووري..صح سعيد؟ "طرحت سؤالها بتسلط" سعيد يحج رأسه: صح..."ألتفت يطالع فاطمة إللي شكلها زعلت" حبيبي أخر سفرة أنتي رحتي وياي...وهالمرة دور خديجة...المرة الياي أنتي يوم لاحظ أنها بعدها زعلانه وماده بوزها شبرين...أستغرب هالتغير إللي صار لفاطمة خلال هالسنتين...بعد ماكانت إنسانه هادية ومسالمة...صارت هي وخديجة ندين...صح خديجة تغيرت وايد...تحاول ترضيه بأي شكل من الأشكال...وهو مستحيل يظلم أم عياله رغم حبه لفاطمة...إللي الحين حامل فشهورها الأولى...الظروف اليديده إللي عايشتنها فاطمة غيرتها...وخلتها توقف فويه خديجة وتكون لها ند قوي... رضن الثنتين يعيشن فبيت واحد لكن مقسوم...وكل عصر ييلسوا فاليلسه إللي برع فالحوش... منى هالسنة كانت روضه أولى...وماشاء الله عليها شاطره...أصلاً علامات الذكى تبين عليها من وهي أصغر من هالعمر...سلطان عمره ثلاث سنوات...وطبعاً الحينه يمشي...وأي شي يطيح فأيده "نقوله باي باي" سن الحركة والأستكشاف عند الأطفال...فحاطنه فاطمة تحت المراقبة القصوى... حطت أيدها على بطنها إللي الحمل بدأ يبين عليه وأبتسمت...الشيء الوحيد فحياتها إللي ماندمت عليه زواجها من سعيد...رغم أنه ريال متزوج...وزوجته مب شرات أي زوجه...هذي خديجة...تحول حياة أي شخص لجحيم...لكن فاطمة قدرت تتكيف وتعيش فهالجو...حب سعيد الصادق خلاها تتكيف وتتحمل كل إللي أييها...وتكفيها معاملته لعيالها إللي مايفرق بينهم وبين عياله... حست بأيده وهو يلوي عليها من خصرها نبها من شرودها: هااا غناتي نروح عند عمووه الليلة؟؟ فاطمة أنتبهت أنه خديجة محد راحت: ياااريت غلاي "وهي تبتسم" سعيد يقربها منه أكثر: عيل زهبي العيال...وبنتعشى عندها مجرد أنها أطالع هالعيون تعرف الحب إللي واضح وضوح الشمس...أبتسم يوم شافها أطالعه بسرحان: لهدرجة عايبتنج عيوني "غمز لها" فاطمة حمرن خدودها: أكيد عايباتني عيونك..بس كــ كنت بقولك..."شووه تبى أكثر من جيه ريال" أحبك سعيد باسها على خدها: أنا أستغفر الله رب العظيم والله يسامحني حبيتج من يوم كنتي عند المرحوم...كان لازم أغض بصري عنج...بس والله غصباً عني فاطمة حطت رأسها على صدره: بس أنا الحينه حرمتك سعيد يمسح على شعرها: ولأنج حرمتيه الحين أحبج أكثر عن قبل..والله لا يحرمني منج حياتي فاطمة: ولا منك حبيبي .......... حس بأصابعها البارده على خده...فتح عيونه بعد ماغفى وهو يالس يطالع الأخبار...كانت أطالعه بعيونها الوساع إللي أي حد يشوفهن يتخبل عليهن...كانت أطالعه بنظرات فضول وأستغراب فنفس الوقت لكن من فتح عيونه وأبتسم له شجت الحلج وصرخت بصوت عالي وهي تصفق: بابااااااااااااه ضمها لصدره وهو يبتسم: فديتها حبيبت بابااااااه عدل يلسته فالقنفه بعد ما كان شبه منسدح...وحطها على ريوله...رفع نظره يطالع حرمته إللي واقفه أطالعه... مزنه: أحط العشى؟ حمدان رد يطالع بنته إللي كانت تحاول تلعب بلحيته..أبتسم لها ومن دون مايرفع نظره عنها: مب الحين مزنه: أوكى...برايها وياك حمدان وبعده يطالع بنته: هيه برايها مزنه وهي حايسه بوزها: أنزين يوم تباني أحط العشى زقرني أنا فالغرفة حرك رأسه بعلامة الموافقه من دون مايطالعها...كان يتأمل بنته الصغيره "نورة" الحين بتكمل سنة من عمرها...أنصدمت مزنه يوم عرفت أنه بيسميها نورة...لأنها عرفت قصته ويا بنت عمه...أعترضت على هالإسم لكن تعرف أنه مابيسويلها سالفه...وتعودت مزنه من تزوجوا أنها توافقه على كل شيء...لأنه حمدان بطبعه متسلط...ويفرض رأيه على الجميع...هو صح من خذها ماقد غلط عليها ومب مقصر عليها فشيء...لكن مع هذا تحس بشيء ناقص بينهم...وإللي هو الحب...الحب إللي الحين كملوا سنتين تقريبا من تزوجوا ماحسسها بأنه يحبها...رغم أنه جنتيلمان فكل شي...لكن حياتهم تتفقد الحب... حمدان أجمل حدث فحياته مولد نورة...والحين هيه كل حياته...ويفديها بروحه...حاول يوجه جزء من هالمشاعر لأمها بس ماقدر...رغم أنها إنسانة طيبة وفوق هذا جميلة لأبعد الحدود...والأهم عند حمدان أنها مطيعه...وهذي الصفه يحبها حمدان فالحرمة...لانه مايحب حد يعارضه فقراراته...وكان من هالقرارات إسم بنته...إللي عرف بأنه أنانيه منه هالتصرف...لكن مع هذا أصر وسماها نورة أعترض أبوه أمه لكن البنت بتسمى نورة يعني نورة...مزنه بعد فترة تقبلت الإسم لأنه طبعها خلاها تتقبل هالشي... أبتسم وهو يشوفها تلعب بتلفونه وتحاول أدخله فحلجها: لا باباه عيب "مسح على شعرها الصغير الناعم" يالله حبيبت باباه نروح نشوف ماما شوووه تسوي نش وشلها فحضنه...صح حمدان مب قصر ويا مزنه في شي...لكن مقصر فأهم شي تتمناه أي حرمة من زوجها...وهي مشاعر الحب الجميلة إللي تتمناها أي مرأة تكون موجهه لها مب لأي شخص ثاني... وقف عدال الباب وبنته شالنها...تم يتأمل حرمته اليالسه مجابل التسريحة...شكلها سرحانه ماأنتبهت له"أكيد بيي اليوم إللي بحبج فيه يامزنه وبتكونين كل حياتي...بس متى هاليوم!؟" قالها حمدان فنفسه قبل لا تقطع نورة عليه تفكيره وتأمله وتلفت أنتباه أمها بصرخة حاده أتعبر فيها عن فرحة طفوليه الكبار مايعرفون سببها...نشت مزنه من مكانها بسرعة بخوف وهي حاطه أيدها على قلبها أطالعهم بصدمه...وبعد لحظات أبتسمت وهي تشوف البسمة على شفات ريلها: هههه ماشاء الله ههههههه عليها فلختني حمدان والبسمه مافارجة شفاته: لازم لأنج سرحانه "غمز لها بعينه" تفكرين فيه أكيد مزنه بصدمة من مزاج حمدان إللي تغير فجأة: ههههههههههههه الله يالغرور حمدان أقترب منها: مب غرور بس تقدرين تقولين ثقه"سكت شوي وطالعها بنظرة خبث" بعدين طالعي ويهج شرات الطماطم صاير وفعلاً مزنه كانت تفكر فيه...أصلا منوه بيشغل بالها غيره: لا ويهي مافيه شي حمدان مرر صبوعه على خدها المتورد: تصدقين إنج حلوووه اليوم"سكت وهو يطالعها بتفكير" قصدي إنتي دوم حلوووه بس يمكن أنا ماأنتبهت مزنه تحس بشعور غير وأثر هالكلامات البسيطه إللي قالها حمدان مفعول السحر فنفسيتها: شمعنى اليوم بالذات غير...وأنا جدامك من سنتين حمدان كان كل تركيزه على هالإنسانه إللي جدامه..البسمه إللي كانت ماليه شفاته قلت وصغرت: كنت غشيم ماأشوف مزنه وبصوت أعلى من الهمس بشوي: مب غشيم...بس ماكنت تبى حمدان رد يبتسم مرة ثانية وقال بإصرار: بس الحين أبى وأبى وأبى "ضمها بأيده اليسار لأنه أيده اليمين فيها بنته" شرايج نبدأ من يديد مزنه من الفرحه دمعت عينها...رفعت عيونها أطالع ويهه الغالي: نبدأ من يديد"ضغطت بأيدها على صدره"هالمرة بخطوات ثابته حمدان يحبها على يبهتها وعلى خشمها: ياربي شووه أبى أكثر من هالقمرين إللي عندي "تااااااااااااااااااااح" صرخت نورة بصوت عالي وهي أطالع موبايل أبوها إللي طاح من أيدها بعد ماضمها هي وأمها أكثر.. .... أنجلبت الصوب الثاني وبصعوبه فجت عيونها...كان واقف مجابل التسريحه يعدل عقاله...أبتسم يوم شافها وعت...شل العطر وكالعاده تسبح به...: صباح الخير .. أكيد الحشرة إللي سويتها وعتج نورة تتمدد بكسل وتمط أيديها: الله شوووه هالكشخه...على وين؟ أحمد أبتعد عن التسريحة وأقترب من الشبريه ويلس عدالها: آفا نسيتي نساج الموت أمس خبرتج نورة حاست بوزها: آوف...صح نسيت...يعني لازم تروح أحمد باسها على طرف خشمها: لازم حبي...من تزوجنا ماطلعت ويا الربع نورة وبعدها مبوزه: يومين! ضم ويها بين كفوفه: ولو ثلاث أيام كان أحسن نورة بضيج: تبى الفكاك من ويهي أحمد: ثلاثة أيام علشان الوله يزيد"خذ نفس" أفتك من نفسي ولا منج يابعد هلي وناسي نورة حمرت...تمنت هاللحظه ماتنتهي...ويتم عدالها دوم...حطت أيديها على أيديه إللي تضم ويها: خلاص الغلا...روح ربي يحفظك ويصونك أحمد باسها على يبهتها وعلى طرف خشمها: حبيبتي والله نورة: بس... قطع رمستها: بس شوووه...قمنا نتشرط نورة: ههههههههه لا ماأتشرط أنا حليلي...بس طلب أحمد: طلباتج أوامر ياشيختي نورة: بروح بيت أمايه هاليومين أحمد وشكله تضايج: وليش ماخبرتيني من قبل نورة: نسيت أخبرك...بعدين ماأعرف أتم بروحي هنيه"وبأحتجاج حطت أديها على خصرها" وبعدين شوووه فيها!!؟؟ أحمد: مافيها شيء حبي..بس إذا كنتي كلفتي نفسج وخبرتيني من أمس إنج بتروحين تقعدين عند عموووه كنت سويت لج حساب علشان أوديج نورة: أحمد أعتقد إني أعرف أسوق وبروح عند أمايه بروحي أحمد بعناد: وأعتقد إني قلت لج ألف مرة أنه ماعندي حريم يسوقن نورة وبعدها حاطه أيديها على خصرها: والحل أحمد طالعها لحظات وكأنه يفكر: خلاص هب مشكله نشي تزهبي بوديج الحين نورة: وربعك إللي يتريوك أحمد بدون أهتمام: خليهم يتريوا نورة بندم: خلاص حبيبي روح توكل على الله...مب لازم أروح عند أمايه هي بتيي عندي أحمد: وأنا مب متحرك من هنيه إلا وأنتي وياي"نش وزخها من أيديها يسحبها من فوق الشبريه" يالله يالله بسرعة تزهبي نورة تعرف خلاص مستحيل يرد فكلامه: أوكى ربع ساعة وأكون زاهبه ........ "هااا بشري ماشي فالطريج؟؟" ترد عليها أم نورة بضيج: لا ماشي أم فايز: فديتها نوار كل إللي تزوجوا عقبها يابوا عيال وهي بعدها..."وبسرعة أنتبهت لنفسها ولنظرات أم نورة الحاده" الله يرزقها الله يرزقها الذريه الصالحه أم نورة وهي تخزها بنظره: آآآآآمين أم فايز وهي تنش: عيل بخليج الحينه أم نورة...اليوم الأربعاء والعيال أيوون من بوظبي أم نورة وبعدها متضايجة: الله وياج بعد ماظهرت أم فايز بربع ساعة حدرت نورة الصالة: راحت أم فايز؟ طالعتها أمها بنظره: يوم إنج تعرفين إنها موجوده ليش مايتي تسلمين عليها؟! نورةبضيج واضح تيلس عدال أمها: أميييه أنتي تعرفين ليش..هالحرمة تتعمد تضايجني وتقلل من جيمتي أم نورة تمسح على شعر بنتها الطويل الناعم: محد فديتج يقدر يقلل من جيمتج لا هي ولا غيرها...وإذا على موضوع الحمل...فهالشي مايخصها لا من جريب ولا من بعيد..وبعدين لا أنتي ولا ريلج فيكم شي...وبعدين مب من زمان من تيوزتوا...إلا سنتين..وناس يتمون فوق العشر سنين مايبون عيال ومافيهم عيب ولا شي نورة حاطه رأسها على صدر أمها: أعرف الغلا...بس أنتي تعرفين هنيه الناس من يمر شهور على زواج الوحده الكل ينشد إذا حملت ولا لاء...وكثرت السؤال بصراحة يضايج..ويحسسني إني ناقصه أم نورة: أحمد مضايجنه الوضع؟ نورة: لا أم نورة: عيل ماعليج من الناس وشووه يقولون الناس...عليج بريلج أبتسمت نورة من يا طاري أحمد وتذكرت اليوم الصبح كيف يلست أطفربه طول الطريج من بيتهم لبيت أمها...هالرحله ويا ربعه أول مرة من تزوجوا...أحمد مثل ماهو أحمد إللي حبته... يمكن الحين تحبه أكثر عن قبل...صح أكتشفت بعض الجوانب الخفيه إللي ماشافتها فيه قبل الزواج...بعد ماردوا من سويسرا "شهر العسل" إللي كان أسبوعين...تم أحمد أسبوع يحاول يقنعها تودر الشغل...ماتصورت بأنها فيوم من الأيام تترك شغلها إللي حبته...لكن الأولوية دايماً لأحمد...ومع الأيام أكتشفت بأنه "الغيرة" هي السبب الرئيسي لطلبه منها تترك الشغل...قبل الزواج كان يتقبل شغلها لأنه هالطريقة الوحيدة إللي يقدر يشوفها فيه...ويحاول يتحمل ويتكتم على غيرته والنار المشتعله داخله بسبت تعاملها ويا المراجعين من الجنس الخشن...وبماأنها خلاص ماتشتغل ماله لازمه أنها تسوق...صح نورة حست بأنه هالقرارات إللي كل يوم والثاني أحمد يقررها تقيدها...لكن دوم تذكر نفسها بأنها الحين متزوجه...والحياة الزوجية مشاركة وتعاون...والتنازل أحياناً عن أشياء في سبيل أنه الحياة الزوجية تستمر ضروري... . . . . . العصر كانت يالسه فالحوش تأكل أرانب منى إللي خلتهن يوم راحت تعيش فبيت عمها وكل ماتيي بيت يدتها تعسكر عليهن...أما هو فكان بعده واقف عدال الباب العود متيبس مكانه...سنتين ونص تقريباً من أخر مرة شافها فيها...كانت ضعيفه وايد وقتها...لكن الحين مليانه...والأكيد إنها محلوه أكثر وأكثر..."أستغفر الله رب العظيم" وخى عيونه يطالع تحت...: أحم هوووود وبسرعة من سمعت صوت ريال غطت ويها بطرف من شيلة الصلاة: هـــــــــدا حمدان: السلام عليكم هالصوت إللي قدرت تميزه أخيراً خلاها غصباً عنها ترفع رأسه وأطالعه من تحت الشيلة..وبصوت بالكاد مسموع: وعليكم السلام.."سكتت شوي" قرب حمدان كان بعده مايطالعها..لكنه تخطى عتبت الباب ودخل: قرييييب..شحالج نورة؟ نورة: بخير يعلك الخير..وأنت؟؟ حمدان: يسرج الحال..أحم...عيل وين عمتيه؟ نورة: قرب...أمايه فالصالة تجدمته وخبرت أمها بأنه حمدان ياي يسلم عليها...وطبعا على طول استأذنت منهم وراحت غرفتها...بعد هالفترة تشوفه...ورغم أنها قبل كانت عادي يشوفها عيال عمها...لكن الحين غير...تعتبره خيانه لزوجها...خيانه لأحمد...بأنه شخص ثاني غيره يشوف ويها...أول ماحدرت غرفتها وبندت الباب...بخطوات بطيئة اتجهت للكبت...فتحت واحد من الأدراج...دست أيدها تحت الملابس وسحبت شي من تحتهن...كان موبايلها...موبايلها إللي دسته فهالمكان من سنتين ونص ويمكن أكثر...حاولت تفتحه بس كان مفضي...شلته وياها وانسدحت على شبريتها وحطته فالجرج...وعلى طول فتحته...استغربت من هالتصرف...ولا يمكن كانت تبى تثبت لنفسها شي...وتثبت أنه كلام فاطمة غلط... "يمسيك قلب من فرقاك ملتاع.. يالله عسى ممساك مع "غيري" هنا... بس صدقني كلمة وقالها فزاع.."من يحبك كثر ما أحبك (أنا)..؟ " أحتفظت بهالتلفون بسبت هالمسج إللي وصلها من حمدان...والحين تأكدت من شي مهم...وهو يمكن يكون حمدان حبها حب صادق لكن بطريقته الأنانية والمتملكة...لكنها حبت أحمد بكل مافيه...حبت طيبه وتسامحه...حبت فيه روحه المرحه ومقالبه...حبت فيه عناده وأصراره...غيرته وتملكه... ومن دون تردد مسحت المسج...وبندت التلفون..."شوووه يسوي الحين؟" شلت موبايلها الثاني وتوها بدق له...اتصل هو فيها: هلاااااااا يابعد كل هلي وناسي ضحكت نورة وهي مب مصدقه: كنت شاله الموبايل بتصل فيك أحمد: القلوب عند بعضها.."سكت شوي..وبصوت واطي" أشتقت لج غناتي نورة حاطه أيدها على صدرها وهي تحس بنبضات قلبها على راحت كفها: أنا أكثر الغلا أحمد: أحبج نورة: متى بترد باجر أحمد: بحاول أتجدمهم نورة: تغديت حياتي أحمد: هيه...تصدقين من شوي متغدين..أذان العصر يأذن ونحن ننجب الغدا نورة: عليك بالعافيه الغالي أحمد: الله يعافيج ويخليج لي"سمعت حشرت وأصوات" أوكى حبي بخليج الحين...مووووووووووووووووو� � ............. وقفت للحظات أطالع الإنسان الوسيم إللي يتجه صوبها مباشرةً...بس أكيد مب هي المقصوده...المقصود مبنى المارينا مول...وهذي مب أول مرة تشوفه...هو ماكان منتبه لها أساساً...كانت شاغلته الإنسانة إللي تمشي عداله ونفس طوله تقريباً...وقدرت المها تلاحظ ملامح ويه الحرمة الجميلة رغم الغشوه إللي كانت خفيفة..."أكيد زوجته"... المها وكالعادة من وين ما تحل تخطف الأنظار بجمالها المخلوط الإماراتي الغربي...أخيراً رفع عيونه غصباً عنه عن زوجته على البنات إللي تبعد عنه خطوات...إنسانه صار فيوم من الأيام من القائمة الطويلة للخطاب إللي تقدمولها...وطبعاً كان نصيبه الرفض شرات غيره...أبتسمت له وهي تمر من عداله...نفس كل الأجانب إلي يشوفوك فالطريج ويمروا عليك ويعطوك هالأبتسامة قد يكون القصد منها "هاي" أو أي تعبير للتحية أو السلام بلغتهم...وبصعوبة وخر عيونه عنها ورجع انتباهه للدلوعة إللي تمشي عداله...هالدلوعة أكيد زوجته إللي حامل فشهورها الأولى...إللي متحمل منصور كل دلعها وطلباتها أوامر...أصلا هالشي مب من الحين...لا...هالشي من تزوجوا... "تدل المحل؟؟" قالت جملتها من أول مادشوا من البوابة يدزها على الخفيف علشان تدخل: هيه أدله زين...أنتي بس مشي صالحة وهي تضغط على أيده: أخاف مافيه منصور بغيض: وطي صوتج...وإذا مافيه...بندوره فمكان ثاني صالحة ابتسمت من تحت غشوتها...وجودها ويا الإنسان إللي حبته هذا بحد ذاته أنتصار بالنسبه لها...صار هالشي من شهور قليلة مضت...أنصدمت يوم يتها أنها في غرفتها وخبرتها عن اسم الخاطب اليديد...كانت فاقده الأمل خلاص...لكن بين ليله وضحاها تحقق حلمها... وصلوا عدال محل نسائي دخلت صالحة المحل وتم منصور يتريا برع...وتذكر الملاك الجميل إللي مر عليه من شوي...كل مشاعره أتجاها كانت مجرد إعجاب لا أكثر...والحين يحمد ربه أنها رفضته...لأنه تزوج الإنسانة إللي تحبه صدج...بعد رفض المها له أقترحت أمه صالحة إللي حاطنها فبالها من زمان...كان بيرفض...لكن فكر...فهالزمن تلقى إنسان يحبك هالحب نادر...وماندم أبداً أنه تزوجها...رغم دلعها إللي صار يموت فيه...إلا أنها إنسانة طيبه مستعده تسوي المستحيل علشان ترضيه...والحين يسكن في بوظبي بسبت شغله إللي حوله بوظبي علشان زوجته إللي تشتغل بعد فالعاصمة... . . . . . . . ركبت سيارتها ووخرت الشيلة عن رأسها...ابتسمت وهي تتذكر نظرت منصور لها...أول مرة حد يطالعها بعدم أهتمام...يمكن رفضها له كان سبب هالنظرة...وخرت النظارة الشمسية عن عيونها وفرتها فالكرسي إللي عدالها... توفت أمها من سنة تقريباً...فصارت أقامتها فالإمارات بشكل دائم...معظم وقتها عند عمتها حصة...وصارت علاقتهن ويا بعض أقوى بعد ماصارت المها شريكة حصة فالشركة...رضت بواقعها...الزواج ماتفكر فيه فالوقت الحاضر رغم محاولات أبوها وعمتها حصه...بعد أحمد مافكرت فحد وحتى أحمد شالته من بالها...كل حياتها لشغلها...يمكن فيوم تحصل الإنسان إللي بيملئ عليها حياتها...!!! ........ خذت نفس عميق قبل لا تنزل الدرج وهي أطالع جدامها "الحوش" وبالتحديد صوب العريش"مكان عمها وعمتها المفضل"...رغم أنه شهرها توه الثامن إلا أنه الحمل متعبنها وايد...معظم وقتها راقده...وهذا له تأثير كبير على بنتها من ناحية قلة عنايتها و اهتمامها فيها... أبتسمت وهي توايج من العريش...شافت عمها منسدح ومتساند بتكيه...وعمتها يالسه تتقهوه...ومي عدالها يالسه تلعب بالمكعبات: مساااكم الله بالخير أبو + أم حمدان: مساج الله بالنور زهره: دورتكم فالصالة أم حمدان تبعد الدلة عن مي إللي كانت تحاول تيرها صوبها: تحيديه عمج غير فهالعريش المسا مايحب ييلس يلست عدال بنتها إللي صار عمرها سنة ونص...وشلتها: تعالي ياشقيه"وحطتها فثبانها" بوحمدان: عيل وين ريلج زهره: معزوم عند واحد من ربعه عندهم عرس بوحمدان بضيج: عيل ليش ماتحطون العشى...جتلتونا يوع أم حمدان: ماقلت بوحمدان عدل يلسته: ولازم أقول...تراكم تعرفوا حزت العشى زهره وهي تبتسم وتحط بنتها تحت...تحاول تنش: بروح أخبرهن يحطنه أم حمدان: هيه فديتج خبريهن يحطنه..أخاف بوحمدان ياكلنا الحينه من اليوع طالعها بنظره ورد ينسدح مره ثانية يتريا العشى... محمد هو الوحيد إللي تم ساكن هو وأهله فبيت أبوه...أصلا البيت واسع...هذا بالإضافه لفلتهم الصغيره فنفس حوش البيت...فما كان له لازمه أنه ينتقل عن أهله...عكس حمدان إللي فضل يستقل ببيته...ومنصور إللي أنتقل للعاصمة ويا العين كل نهاية أسبوع... .......... رغم أحساسها بالتعب اليوم إلا أنها نشت وراحت تجهز له الريوق...على الأقل ريوق بسيط...ولا يروح الدوام وهو مب متريق...من سنتين صار الطبخ عليها بعد ماسافر علي...لأنه مب زين ريال فالبيت وهي بروحها فالوقت إللي يكون فيه زوجها فالدوام...وهي بعد صارت تستمتع بالطبخ... حطت الريوق البسيط فغرفة الطعام..."يعني لازم أروح أسحبه من فوق...أوف أوف الله يعيني بس" ركبت الدري بتجاه الطابق الثاني...و أول ماوصلت عدال باب غرفتهم كانت منهكه...حتى أستغربت من هالتعب إللي حل عليها مره وحده... خذت نفس عميق...أول مافتحت باب الغرفة شافته واقف جدام التسريحه يتعطر: يالله عاد بسك أحمد يحط العطر ويلتفت يطالعها والبسمه ماتفارج ويهه: من عيوني ياعيوني أقترب منها ومسكها من أيدها ونزلوا تحت مرة ثانية...يلست مجابلتنه أطالعه وهو يتريق...وهو يشرب حليب رفع عيونه صوبها...بستغراب: ليش ماتتريقين نورة: بتريق بعدين أحمد: آفا...وتخليني أتريق بروحي نورة: لا مب بروحك...تراني يالسه وياك أحمد حط كوب الحليب: خلاص عيل أنا مابى إذا ماكليتي وياي نورة: بس انا مالي نفس للأكل الحينه أحمد يغمز لها: هذي أول مرة نورة بتفكير: شووه قصدك أحمد مسك أيدها ورفعها لشفاته وطبع بوسه على ظاهر كفها: ماأعرف بس من شفتج الفير وأنتي شكلج مب طبيعي...فيج شي غناتي نورة: ماأعرف بس حاسه بأرهاق أحمد بترقب: و..؟؟ نورة: ووو لايعه جبدي أحمد ضغط على أيدها: قولي والله نورة وبعدها مب فاهم: والله ليش !؟ أحمد نش من كرسيه ويلس عدالها بالضبط بعد ماسحب الكرسي...ولوى عليها: تعرفين شوووه حبي نورة: شوه؟ أحمد: إن ماخاب ظني إنج أممممممممم حامل أنتفضت وهي فحضنه: أنا شووه؟ أحمد يحبها على يبهتها: أنتي حامل...وأنا لاحظت عليج هالعوارض من أمس بعدها عنه شوي وضم بين أيديه ويها إللي لاحظ دمعه تلمع فعينها: فرحانه غناتي نورة وهي تتذكر العوارض إللي ظهرت عليها خلال اليومين إللي طافن تأكد انها فعلا حامل...بس ماخطر على بالها...من الفرحه ما كانت عارفه شوه تقول: أنا بستوي ام أحمد يقطع رمستها: أم زايد غطت ويها بأيديها وبصوت بالكاد مسموع: أم زايد ! أحمد يمسح على ويها وشعرها: هيه أم زايد...ومنوه غيره زايد الخير نسمي عليه بجرنا نورة فتحت عيونها بعد ماكانت مبندتنهن وطالعته والابتسامه على شفاتها: وكأنك قريت أفكاري...أم زايد و بو زايد أحمد وبعده يتأمل ملامح ويها والانفعالات إللي تظهر عليه على آثر الخبر السعيد: أعرف أنه هالشي كان حمل ثجيل عليج غناتي...وكنتي شاله هم كلام الناس...بس أنا وأنتي عارفه انه لا العيال ولا غيره كان ممكن انه يفرق بينا...هالخبر أسعدني وايد...لكن مب نفس سعادتي يوم زواجنا وجمعنا بيت واحد...فهذا اليوم حققت حلمي...نورة صارت زوجتي حياتي دنيتي... نورة دمعت عينها وهي متأثره: فديت رووحك أنا أحمد: وأقولج شي مهم...خليه فبالج...ماظني أنه فيه حد فهالدنيا الواسعة يحبج شرات ماأنا حبج......!! مــ¦ــن يحبــ¦ــك من يحبك كثر ما أحبك أنا ومن بحبك حاول ويا ما اجتهد ومن في عينه شوفتك كل المنى لا ورب العرش ما غيري أحد انت شوفي وانت عمري والهنا ياجسد بيروح والروح جسد وانت عيني وانت روحي والسنا وانت أسبابي اذا حبي خمد وانت ميعادي وسهدي والعنا وانت تعذيبي وصبري والجلد وانت راحاتي وروحي والظنا وانت الأول مابها قبل وبعد لمنا جو المحبة وضمنا ومن بعد قربك انا كيف أبتعد شوف مكبر يا حبيبي عشقنا فاق كل العشق وحده وانفرد لو يوزع على البسيطة حبنا مابقى أحد يكره أحد النهاية | ||||
|
| |
 |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شوف من هو الي يحبك | بنوتة كيوت على خذودها توت | ركن تعليم اللغات | 4 | 09-01-11 11:46 PM |
| احبك لما تقوليلي احبك | otilsalim | دعوني أتنفس | 7 | 15-07-09 10:45 PM |
| هل تحب شخص لا يحبك؟ | تمنيت | أفتح قلبك | 30 | 31-03-09 07:22 PM |
العرض العادي
