آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
18-09-11, 03:26 PM
| #11 | ||||
| نجم روايتي 
|  قبل اربع اشهر عامر كان يتقلب في فراشه و ما هو عارف ينام كل ما حاول ينسى وجهها و يفكر بموضوع زواجه ما يقدر .. خالته اتصلت على امه من كم يوم قالت لها ان في ناس ثانين تقدموا لاحلام و هم ردوهم لانها مخطوبه لعامر بس الموضوع طول ولازم يبينون لها ايش الوضع بالضبط حتى ما تضيع السنين من عمر البنت .. عامر كان بيعطي قراره بالموافقه بس كل شي تغير بعد ما قابل صديقه اخته في المجمع.. صوتها نظراتها جمالها طولها كان كله اشياء سلبت عقله و تفكيره عامر ما كان قادر يتحمل فكره انه بياخذ انسانه غيرها او ان هذي الانسانه تصير لغير .. من غير تفكير مشى لغرفه هند و فتح الباب بعد ما سمع صوت التلفيزيون وتاكد انها ماهي نايمه.. هندباستغراب ان اخوها جاي لها في هذا الوقت: عامر ايش فيك؟؟ عامر بلع ريقه وقال : هند من غير اي مقدمات البنت اللي اليوم في المجمع من؟؟ هند استغربت من ان عامر اخوها يسالها عن بنت و مو اي بنت .. ايمان اكثر وحده تكرها في الكون خافت تقول اسمها و يعرف انها ايمان اللي كل تسبها قدامه و قدام امها و يشك بموضوعها و ليش كانت تتظاهر بالطيب معها في المجمع من غير تفكير قالت: نوووف عامر بابتسامه ارتياح: نوف الراشد؟؟صديقتج اللي تمدحينها طول الوقت هند بابتسامه و في نفس الوقت خوف: اي عامر: اخت سيف و ماجد جيرانا في الحي القديم,, هند هزت راسه بالموافقه،عامر طلع نفس طويل كان من الراحه: طمنتيني الله يطمنج عامر طلع من غرفه هند على طول و رجع غرفته وهو مرتاح يبي ينام و يرتاح حتى يعرف شلون يفاتح امه بموضوع خطبته لنوف .... موضوع فك خطبته من احلام ما كان بالسهوله اللي تصورها عامر خصوصا ان احلام انهارت و تحطمت على السنين اللي ضيعتها و هي تنتظر عامر يتزوجها و في النهايه يقرر يتزوج وحده ثانيه.. ابو احلام عصب و طرد عامر من بيتهم و حلف على زوجته ما تكلم اختها ... و ام عامرانقهرت وحزنت بس في النهايه كانت سعاده ولدها اهم شيء بالنسبه لها عامر بعد كم يوم تقدم لنوف و من غير تفكير طويل وافقوا عليه بما انه كان صاحب ثروه كبيره و اخلاق عاليه و منصب محترم في يوم الملكه وبعد ما اخيرا صار عامر لحاله مع زوجته اللي كانت مغطيه وجهها عامر بابتسامه: واخيرااا يا نوف صرتي لي نوف بصوت منخفض كثير : اخيرااا؟؟ عامر بابتسامه وحماس مد يده لوجهها رفع الغطى بيد و وجهها بيد : من شفتج اول مره وانا.... عامر سكت لما سقطت عيونه على زوجته نوف،، البنت اللي قدامه ما كانت البنت الي كانت في بالها من اليوم اللي سقطت عيونه عليها ماهي البنت اللي تخلى عن خطيبته علشانها العيون الملامح و حتى الصوت كان مختلف بس شلون .. نوف وترها سكوته: في شي ؟ عامر بلع ريقه و حاول يبتسم لها: ولا شي ... بس معدتي تعورني.. يظهر صابني مغص عامر بسرعه طلع من عند نوف و علىطول للبيت و لغرفه اخته هند: ليييييش؟؟؟ هند بلعت ريقها خوف من منظر اخوها الغاضب: كان لازم امنعك تتزوجها و اجبرك تنساهااا عامر: ليش !!! ايش ذبنها بالبنت اللي حرمتيني منها و ايش ذنبها البنت اللي زوجتيني اياها و انا ما احبها هند: البنت اللي اخترتها هي ايمان اللي اكرهها اكثر من اي شي في الدنيا و اللي لا يمكن كان اسمح لك تتزوجها و نوف انسانه رقيقه و محترمه و مناسبه كثير لك يعني.. عامر: بس انا ما اخترت قلبي اختار وقلبي ما يحب هذي اللي زوجتيني اياهتاا بكذبج و خداعج يا هند .. انتي عارفه ايش بيكون مصير هذي البنت نوف هند : انا اعرف انك لا يمكن تطلقها خصوصا بعد الاصرار اللي اصريته حتى تتزوجها و لانك طيب و مستحيل ترضى على وحده في عمرها تصير مطلقه عامر كان وده يضرب هند بقوه و يشفي غليله منها بس ما قدر لانه ما تعود على انه يضرب احد ولان كلامها كان صحيح هو خسر كثير حتى يتزوج نوف فمستحيل يطلقها بكل هذي البساطه.. طلع من غرفه اخته بقهر و ضرب الباب من وراه بقوه .. حاول مع الوقت حاول يقنع نفسه بانه ممكن يحب نوف و فعلا حبها لكن من مده للثانيه لما كان يجي المدرسه ياخذ اخته كان يلمح ايمان صحيح منظرها و تصرفاتها كانت مختلفه عن اللي قابلها الا انه جزء صغير داخله كان يحرك عيونه باتجاهها حتى اللحظه اللي تركب فيها السياره كان في داخله يحب ايمان بس للاسف زوجته هي اعز صديقه عليها .. بمعنى انها صارت شيء بعيد... بعيييد كثير عنه. - - عامر وقف قدام باب مدرسه اخته بيوصلها البيت على طريقه لما رجع من السو وق مع امه طلعت هند تضحك و جنبها نوف و شوي جنبهم ايمان مكشره حرك عيونه لها و ابتسم رغم ان الكل ظن انه يبتسم لنوف ،، كان صعب عليه ينسى ، رغم الحب اللي بدا يتكون في قلبه اتجاه نوف.. - - - الرياض و في جلسه عائليه بين سيدات عائله البدر في بيت ساره ام سعود بغرور : ساره ؟؟ صحيح اللي سمعته من بنتي ديما!! ساره من غير نفس و هي عارفه ان ام سعود ما تبدي اي موضوع الا تهدف من وراه قهر و مضايقه لاحد ثاني: و ايش اللي سمعتيه من بنتك ديما!! ام سعود: ديما تقول انه لما جمعهم عمي سلطان قال ان عنده بنت من اسماء و انه ناوي يكتب جزء كبير من ثروته لها .. ساره: لسى ما تاكدنا من هذا الشيء.. ام سعود باصرار: كيف ما تاكدتوا من هذا الشيء و هي مشاركه عيالنا بورثهم واملاك كثيره تسجلت باسم بنت ماهي من لحم و دم عيالنا.. ساره بتافف: البنت هذي اختي ما دام ابوي يقول هذا الشيء و ان كانت بتاخذ املاك لها فالاملاك اساس لابوي و هو يقرر في ايش يضيعها او يمنحها ام سعود: بس كلنا نعرف ان عمي سلطان ما دخل على اسماء كيف تكون بنتها بنته .. ام مشاري اللي كانت معروفه بتدينها كانت طول الوقت تستغفر بس ما عاد فيها تتحمل: لا حول ولا قوه الا بالله دلال!!! حرام هذا الكلام ، الله يستر علينا و عليهاااا ام سعود بعصبيه خصوصا انها ما تطيق ام مشاري: انا ما قلت شي من عندي هذي حقيقه اللي صار،، اسماء حملت بالحراااام ام فارس كانت تهز راسه لام مشاري حتى تنهي الحديث لان ما في احد يقدر على ام سعود بالكلام بس ام مشاري اصرت تكمل: بس احنا عندنا بنات لازم نستر على بنات خلق الله و لا نشهر فيهم حتى ينسترون بناتنا . ام سعود ضحكت بغرور: ههههههه تكلمي عن حالك ،، انا بنتي انستر و اخذت سيد و تاج راس الكل... الغالي نواااف .. الدور الباقي على اللي بتدخل العشرين ولا تقدم لها واحد حتى لو فاشل .. ام مشاري انقهرت منها و برده فعل قويه: انتي ميين تقصديييين؟؟ ام سعود بغرور : والله اللي يعرف نفسه ،، ام فارس ما عندها بنات و ام نواف بناتها ما شاء الله عليهم كل يوم خطاب اشكال و الوان لبناتها ما بقى غيرك انتي و العانس بنتك ام مشاري انقهرت و انفجرت بالم: اي اللي ما تستحين حراام عليك اللي تسوينه فينا حرااام ام مشاري حاولت تخبي دموعها و ركضت بسرعه لمكان عباتها حتى تطلع ساره مشت وراها على طول: بسمه لحظه انطري !!! ام سعود وهي تتظاهر ان مافي شي صار ابتسمت لام فارس: قول الحقيقه لهذي الدرجه يزعل؟؟ ام فارس تجاهلتها و طلعت من الصاله ورا ساره و ام مشاري - - ام مشاري دخلت بيتها و هي مقهوره حزينه و اللي تذكرته كله لما دخلت و شافت بنتها ريم،، اللي كانت دايما اكثر شخص يتلقى اهانه من العائله خجلها و غرقها في دراستها بعد انظار العائله و قرايبهم عنها و هو شيء استغلته ام سعود اللي تكرها و صارت ما تناديها الا العانس رغم ان عمرها 19 سنه بس ريم مشت لعند امها و لما لمحت اثار الدموع بكت: ماما كنتي تبكين.. ام مشاري انفجرت بكي من جديد: ما عاد فيني اتحمل دلال ما عاد فيني،،، ريم حضنت امها بقوه: الله بينتقم منها ،،، و بيسلط باذن الله اللي بيرد لها كل الالم اللي سببته لنا...ولغيرنا - - ايمان بتملل فتحت باب بيتهم ودخلت وجسار وراها كانت مشغوله البال بالموضوع اللي ناقشت فيه نوف... فقررت تدخل تسلم على محمد و بعدها تطلع لغرفتها على طول ايمان: السلااااام على احلى ناس ايمان تفاجأت لما شافت ابوها مع رجالين في الصاله و ماهو في الدوانيه خجلت وقررت تطلع لما قرب جسار اللي دخل بعدها :ايمان شفيج؟؟ الرجالين اللي كانوا مع ابوها واحد كان كبير في العمر و ثاني شاب وكل واحد فيهم ارتسمت على وجهه ابتسامه لما شافوها الرجال الكبير وقف و هو سعيد: ايمااان؟؟؟ محمد بسرعه رد: ايمان على غرفتج بسرعه ايمان كانت بتصعد و تسوي اللي قاله محمد لما وقفها الشاب: عمتي ايماان لحظه ايمان التفتت و بصدمه: هااااااااا؟؟؟ - - - - يتبع .... التوقعات: من الاشخاص اللي جوا يزورون محمد واهله؟ هند هل انتهى حبها لفولز ولا ناويه على شي ثاني؟ اسامه و منصور شنو اللي مخططين له بالخفاء ام سعود ايش بيكون مصيرها بعد الظلم اللي تعطيه للناس؟ عامر هل ممكن ينسى ايمان | ||||
|  |
|
18-09-11, 03:28 PM
| #12 | ||||
| نجم روايتي
| متى متى خلي اشوفك الصيف جا وش هي ظروفك وين السفر يازين قلي ودي ولو ساعه الوفك ياثامن السبع العجايب من حبكم مانيب تايب سميتكم اغلى الحبايب الله يا محلى وصوفك حلا حلا قلبك وعينك واحلى الليالي في سنينك ان غبت قلبي قال وينك خذني بهوى عطفك وروفك حبك تشوفه في عروقي طبعك على كيفي وذوقي والله لو تدري بشوقي ماظنتي تقوى وقوفك عمري فدا عينك وقلبك ذايب انا من كثر حبك لاتطول الغيبه وربك ودي ولو ساعه اشوفك متى متى والشوق فيني مالي هوى قلبي وعيني قلي متى خلي تجيني وتلامس كفوفي كفوفك البارت الرابع: من ثلاث سنين تقريبا ترتبت ام سعود حزه معينه يوميا او يوم و يوم لا .. تزور فيها بيت ساره و هي كانت من الساعه 11 الظهر الى الساعه 3 .. و من نفسها سمتها جلسه شرب الشاي يعني مثل الاجانب... و هي كان بدايه تخطيطها حتى تزوج نواف من بنتها ، لانها الفتره الثابته اللي يرجع فيها نواف البيت لما يكون في البلاد و تكون فرصه ممتازه يشوف فيها بنتها او بمعنى ثاني ترمي نفسها عليه ... و رغم ان نواف ملك على ديما الا انها ما تخلت عن هذي العاده و مستمره في زيارتها اليوميه مع بنتها في اكمل زينه و اكشخ لبس.. و اللي حجتها الحين ان صار كل اهل البيت محارم لها و عادي تاخذ راحتها ... ساره شربت فنجانها بهدوء ما كان لها ابدا خلق لام سعود خصوصا بعد اللي صار بينها و بين ام مشاري اللي كانت كثير عزيزه عليها، بس رغم التلميحات المستمره من ساره الا ان ام سعود استمرت تسولف و كان شيء ما صار... ام سعود: عواطف حبيبتي شلون الدراسه معك..؟ عواطف بنصف ابتسامه لها: الحمد لله ماشي حالها... ديما بغرور: انا بصراحه ماني عارفه ليش تتعبين نفسك في هم الدراسه.. انا لو منك انسحب و ارتاح في البيت...ثانيا انتي مانتي محتاجه وظيفه ليش تدرسين؟؟ عواطف بهدوء معتاد منها: دراستي و تفوقي فيها ماهو حتى احصل على وظيفه معينه، انا احب الانقلش ، و اتمنى اكون من المتمكنين فيها و ثانيا حلو ان الانسان يكون عنده لغه ثانيا متمكن منها... ديما بغرور : ههه مافي داعي ابدا اتعلم لغة ،، بفلوسي اقدر احط عشر مترجمين يترجمون لي اللي ابيه الساعه اللي ابيها و في المكان اللي ابيه.. فاطمه وافقت على كلام ديما بغرور اكثر: فهمتها هذا الشيء اكثر من مره احنا قروب المترجمين اللي عينهم لنا نوافي حبيبي من احسن المترجمين و يرافقونا في كل سفراتنا... على ذكر اسم نواف اللي دلعته فاطمه ( نوافي) ابتسمت ديما، طبعا هذا الشيء قهر فاطمه فردت بسؤال يقثها: اقوول ديمااا وين فتسافرون هذي السنه؟؟ ديما عرفت ان ورا سؤال فاطمه شيء بيقثها بس ابتسمت و ردت بهدوء : بنروح اوروبا بناخذ جوله في كم دوله هناك.. فاطمه تظاهرت انها ميته من الضحك: ووووووووع!! اوروبا .. افف صارت موضه قديممممه ... انا بروح لجزيرتنا الخاصه على الاقل اعيش مثل الاميره .. ماهو اوروبا اللي صار اللي يسوى و اللي ما يسوى يسافر لها اوووف... ديما انقهرت هي و امها و كل وحده فيهم تقول في نفسها: اصبري يا فااطمه الحقيييييييره... بس خل يصير نواف خاتم باصبعي بتشووووفين قدرك الحقيقي.... ساره ابتسمت بالخفاء رغم انها ما كانت تعجبها ردود بنتها على بنت اخوها الا انها كانت فرحان ان ام سعود انقهرت مثل ما قهرت ام مشاري المسكينه من كم يوم.. مدبره المنزل مدام انجيلا مشت لعندهم و بعد ما عطتهم ابتسامه قالت:سيدتي لقد عاد السيد نواف من سفره... ديما ابتسمت بجنون و بدت ترتب شكلها فاطمه انقهرت و كان ودها تقول لانجيلا تطلب منه ينتظرهم في المجلس الثاني او في غرفته بس امها سبقتها و قالت: خليه يدخل مافي غريب... مدام انجيلا ابتسمت و عطتهم ظهرها لبره، ديما ابتسمت لانها حست انها انتصرت على فاطمه و ما كانت عارفه باللي ينتظرها... بعد ثواني دخل نواف بابتسامته العريضه و بدلتها الرسميه و من وراه وحده معها كيس... فاطمه اول ما شافته ركضت لعند وحضنته بقوه: نوااااافيييي حبيبي ....وحشتنيييييي....!! نواف بابتسامه عريضه: وانا بعد يااا حبي... بعد ما بعدت فاطمه عنه مشت عواطف و بهدوء و سلمت : الحمد لله على السلامه نواف... نواف: الله يسلمك يا قلبي... مشى نواف لعند ساره وباس راسها: كيف احوالك يا الغاليه..؟ ساره بابتسامه: الحمد لله يا ولدي دامني اشوووفك بخيـر... ام سعود حست ان نواف و كل الموجودين متجاهلينهم فبسرعه قالت: الحمد لله على السلامه يا ولدي نواف..... نواف حرك عيونه بهدوء لام سعود و بعدها لديما و رد بطريقه رسميه: هلا ام سعود ... اوه ... ديمااا هناا ... شلونك!...؟؟؟! ام سعود حست انه تجاهلها بس انتظرت تشوف رد بنتها اللي بدت ترسم كل تصرفات الخجل على وجهها.: بخيــ....ر نواف اكتفى بهذا بجواب منها ولا كلمها زياده اشر على الحرمه اللي كانت معه: هذي جيسكا.. يا ماما راح تكون مساعدتي في الكم اسبوع المقبلين.. ام نواف حركت عيونها لجسيكا اللي فصخت الطرحه و العباه المفتوحه وكانت لابسه تحت قميص رسمي تفاحي و تنوره قصيره لنص الفخذ و كعب عالي، وشعرها كان اشقر رافعته بطريقه رسميه و عيونها الخضر دليل ثاني بعد اسمها على انها اجنبيه.. ديما حركت عيونها بقهر على الحرمه و بعدها لامها ، ساره حست فيها و من غير تفكير سالت: ليش يا نواف.؟؟ وين ادوارد؟؟ نواف بهدوء: انا وشريك الجديد فرناندو قررنا نطور في علاقاتنا التجاريه و تبادلنا المساعدين حتى تنتهي الصفقه، جسيكا هنا بمكانه و ادوارد راح يكون عنده بمكاني.. ولا كنتي تبيني اظل عندهم شهر كامل؟؟ فاطمه: لا اكيد... نبيك ترجع لنا... بس ان شاء الله تكون جسيكا هذي ممتازه بالشغل مثل ادوارد... نواف بابتسامه خبيثه: من جهة ممتازه هي تفوقت على ادوارد بس ماهو بالشغل.. باشياء ثااانيه.. ديما انقهرت و تغير لون وجهها من الغضب، كانت فاهمه من البدايه و من شافتها ان صار شيء بينهم فما كان في داعي يوضح للكل هذا الشيء... عواطف حست ان الوضع توتر فحبت تغير الموضوع: نواف ايش اخبار المزاد... لا يكون ما اشتريت لنا شيء..؟؟ ترى ازعل؟؟ نواف ابتسم و اشر لجسيكا تفتح الكيس و اخذ العلبه اللي فيه: بصراحه المزاد هذا السنه كان ممل لدرجه ماهي طبيعيه كلها لوحات مشكوك في مصدرها و نسبه انها تكون مزيفه كبيره و ثانيا ما كنت ناوي اضيع كم مليون دولار على تحف او لوحات ترميها امي في المخزن و المجوهرات كانت قمه في العاديه الا هذي.. ما قدرت اقاوم ما اشتريها .. رغم انها كلفتني مبلغ خيااالي كثير.. فاطمه نقزت من مكانها و جلست جنبه: نوااافي شووقتني ايش هي؟؟؟ نواف بهدوء فتحت العلبه اللي انصدموا كل الموجودين منها.. داخل العلبه كان في جزمتين كعب عاالي مصنوعه من الكرسيتال و عليها ورده من الياقوت الاحمر و منثور عليها زمرد اخضر بشكل خطوط حلزونيه .. فاطمه شهقت و توسعت عيونها بقوه: جزمه سندريلا!!!!!!!!!!؟؟؟ نواف بابتسامه : صحيح ، فرانسيس بنت الملياردير دون فليكارديرو صاحب مناجم الالماس ... طلبت من ابوها يحقق امنيها و يصنعها لها في بدايه القرن التاسع عشر...طبعا بما انه ما كان يرفض لها اي طلب... حقق لها هذي الامنيه بعد ما استعان بكثير من مصممي المجوهرات و خبراء التحف و الادوات الدقيقه و صنعوا الجزمه من الكريستال فوق القاعده الحديديه طبعا اللي تحمي الوزن و ما تسمح للكريستال يتكسر واللي مثل ما تلاحظون ماهو باين... بس بعدها بكم سنه مات و بنته ضيعت الثروه كلها و اختفت هذي الجزمه و محد عرف لها طريق ..بس لما شفتها في المزاد قلت لازم اشتريها... بكل تهور سحبت فاطمه فرده من الجزمه و حطتها في قدمها و بسرعه كبيره بعدها صرخت : ايشششششششش هذااااا؟؟؟؟ نواف ضحك عليها و بعدها برر لها : بصراحه بعد ما قريت كتاب حياة دون فليكاردير تحسفت اني اشتريتها ( نواف رفع الجزمه و وضحها حجمها للكل) بنته كانت معروفه بقدمها الكبيره و انها حتى تتجنب اي احراج كانت تصمم احذيه خاصه تبين ان قدمها صغيره... عواطف تاملت الجزمه و بهدوء قالت: كم قياس قدمها؟؟ يعني.. نواف: 41 بالنسبه لقريباتها كانت ضخمه...... وهي ضخمه بالنسبه لك انتي بعد يا دلوعتي فاطمه بوزت و رمت نفسها جنب اخوها: اخ يا القهر مقاسي مقاس سندريلا الحقيقيه 35 و لما حصلت الجزمه ما نسبتني. نواف ضحك و طبطب على كتفها: فطووومه حبيبتي لا تزعلي و لا شيء.. دون فليكاردير صمم الجزمه في زواج بنته و لما تتزوجين ان شاء الله راح اصمم لك اللي احسن و اغلى منها... ديما اللي كانت عاجبتها الجزمه قالت و بدلع: 41 مقاسها .. ايش هذي الصدفه انا مقاسي 40 يعني ممكن تناسبني... ام سعود وهي تساند بنتها بتعليقها :يعني ماهي ان شاء الله خساره .. نواف بنبره هاديه: كلامك صحيح انا ممكن اهديها هديه لوحده من بنات شركائنا... ان كانت عندهم مناسبه معينه ديما تغير لون وجهها بعد كلمته و بان للكل انها انقهرت من تجاهله لها ... فاطمه ابتسمت بجنون.. و عواطف ظلت تتامل وجهها المقهور وهي تقول في نفسها: ليش تحرجيني نفسك وانتي عارفه ان قدرك عنده ما يساوي قدر شيء بهذا السعر... انا و رغم ان مقاسي 41 ما تكلمت لاني اعرف نفسي و اعرف ان نواف ما يحبني مثل ما يحب فاطمه شبيهته في كل شيء... نواف رفع نفسه من الكنبه و ظل مبتسم رغم نظرات امه الحاده و اشر لجسيكا.. : هيا بنا جيسيكا لدينا الكثـير من الاشياء لنقوم بها... ديما بدت تزفر بقوه وهي تشوف نواف يبتسم و يمشي مع جيسكا للطابق الثاني و كل واحد منهم ماسك يد الثاني... بقهر قالت: ماما خل نمشي.. ام سعود كانت عارفه ان بنتها في قمه القهر و ما عندها اي استعداد تناقش امها او احد ثاني... سحبت بنتها و بعد ما استأذنت و بعد ما سمحت لها ساره طلعوا... و في لحظه طلعتهم صعدت ساره لغرفه نواف.. نواف كان جالس في غرفه مكتبه على لابتوبه و ما في وجود لجيسكا بنبره جاده قالت: كان واضح ان بينكم شيء .. فما كان في داعي تتكلم بهذا الشكل .. ووينها هذي اللي ما تتسمى.. نواف ببرود رمش بعينه و رد: اولا اسمها جيسكا و ثانيا هي في دوره المياه ليش تسالين؟؟ ساره: قلت لك مليون مره انا وحده عندي بنات .. و اخاف عليهم فلا تجيب اي وحده من صديقاتك او زوجاتك الميسار... هنا... نواف ابتسم لما دخلت جيسكا و لبسها مثل ما كان و اخذت الاوراق من نواف و بدت تقراها ...: تفكيركم منحرف.. انا ما لمحت على شيء .. قلت لكم ان عندي شغل و ما كذبت .. ثانيا ما في داعي تشكون في اي وحده حلوه تكون معي.. ساره رفعت حاجبها: وتجاهلك لديما و اسلوبك معها؟؟؟ نواف وهو يعطي ملف لجسيكا تقراه حتى تنشغل عن نقاشه مع امه: و ايش فيه اسلوبي.. تحفه سعرها 70 مليون دولار تظن اني ممكن اعطيها لها بتلميح سخيف مثلها.. ساره: انا ما اتكلم عن هذا الموقف و بس... مواااااقف كثيره مرت و فوتها بس حركاتك كل مالها و تسوء.. هذي زوجتك ولازم تعاملها باحترام .. بس ان كنت ما تبيها قول و خلنا نفصخ الملكه دامنا لحد الحين على بر... نواف ابتسم : امي العزيزه .. انا في كل يوم اعامل زوجاتي المسيار و الصديقات مثل الاميرات بس لما امل اتركها بكل بساطه بس لما قررت اتزوج علني اخترت ديما .. اللي اكثر احترام و تقدير لها انها بتكون زوجتي قدام الناس و المجتمع .. و المفروض تقدر هذا التكرم مني.. ساره: بس يا نواف.. ديما بنت اخوي.. و ما يهون علي اشوفها تتالم بهذا الشكل... نواف بدأ يكلم جسيكا عن المشروع و تجاهل وجود ساره اللي انسحبت بهدوء بعد دقايق من تجاهله .. كانت تعرفه و تعرف ان هذا اسلوبه في انهاء اي حوار بينهم... بعد ما طلعت نواف عطى المكان اللي كانت ساره واقفه فيه نظره حاده وهو يقول في نفسه: معاملتي القاسيه هذي ماهي الا مجرد بدايه لها.. واللي جاي اعظم بكثـير ... لغيـرهآآ - - الكـويت.. ايمان كانت في غرفتها متمدده على سريرها من صحت من النوم.. مصدومه و حزينه في الوقت نفسه من اللي شافته و سمعته.. شلون ممكن تغير نظرتها لاشخاص كانوا في نظرها شيء و صاروا شيء ثاني... و تضيف في حياتها ناس ما كان لهم اي وجود في حياتها .. رفعت نفسها من سريرها لخزانتها و فتحت صندوق ذكرياتها اللي مخبيه فيه اغلى اشياءها.. فتحته و بدت تتامل محتوياته .. من صور قديمه لها مع محمد و جسار و فواز .. من كانت في اللفه.. الى اخر صوره صورتها معهم من كم اسبوع في مدينه الملاهي.. كانت دايما معهم و في نظرها اخوانها و مستحيل تفكر يكون لها اخوان غيرهم.. استمرت تدور في الصندوق و طلعت رسمه قديمه كانت اطرافها متمزقه دليل على قدمها كانت الرسمه طفوليه و مرسوم فيها طفلين طول بعض و جنبهم بنت ماسكه في ايديهم و يد رجال كبير و كانوا في حديقه و فوقهم شمس وغيمه مكتوب داخلها (( انا احب بابا)) ايمان بالم تقول في نفسها: هل اقدر اقوول انا احب بابا بسهووله بعد ما عرفت ان ابوي الحقيقي مختلف تماما عن بابا محمد... - - اليوم السابق.. ايمان بنظره مستغربه: عمتك؟؟ محمد عصب و بنبره ما تعودتها منه صرخ: مشااااري ... ولا كلمه.... ايمان على غرفتج الحيننننننن... ايمان ما كانت معتاده ترد على محمد بس اللي سمعته ما كانت قادره تتجاهله: بابا لو سمحت انا لازم افهم اللي يصير، من هذاااا؟؟ وليش يناديني عمتي؟؟ احمد بهدوء وقف و مشى بهدوء لعندها،، ايمان خافت وكانت بتتراجع بس احمد حط يده على كتفها برقه و حنان: انا اخوك احمد يا ايمان..... ايمان انصدمت: نعم اخووووي.. شنووو اخوي.. اصلا من وين لي اخ... بابا تكلم.... جسار مسك يد ايمان و سحبها جنبه: عمي احمد لو سمحت.. اعتقد ان كلامك اقوي من انه ينقال بكل البساطه اللي تتكلم فيها .. احمد بهدوء ابتسم له: انت اكيد جسار... ما تغيرت من كنت صغير... قوي و شجاع و طول الوقت جد. جسار تكلم ببرود: مافي داعي تدخل بمواضيع قديمه .. ما اعتقد انك قطعت كل هذي المسافه و بعد كل هذي السنين حتى تتعرف علينا و تشوفنا بس.... ولا انا غلطان.. احمد قهره برود جسار و طريقه كلامه و ما تصور ان هذا الانسان القاسي الجاف ولد اخوه محمد... بس محمد رد عليه بسرعه: جسااار.. ايش هذا الكلاام... هذااا عمك احترمه... احمد حس بجزء من الراحه لما سمع كلام اخوه و حس انه ما تغير مثل ما تغيروا عياله، جسار: انا اسف.. صار لي اكثر من 15 من غير اعمام فشيء طبعي انسى شلون اعاملهم... مشاري بهدوء: ابوي! عمي !! اتمنى تعذرون جسار... مهما كانت كلمته قاسيه تظل حقيقه.. احمد ابتسم بحنان معتاد منه: و تتصور اني ممكن ازعل منه بعد ما اخيرا شفته.. محمد زفر و اشر لايمان و جسار على الكنبه اللي جنبه: ايمان جسار .. تعالوا اجلسوا معنا.. ايمان و جسار جلسوا جنب محمد و مقابلين احمد و مشاري واللي ابتدا بالكلام: ايمان... انا عارف ان الكلام اللي راح اقوله كبير و من الصعب تتقبلينه بسهوله و..... محمد قاطعه و تكلم: انا وانتي عندنا ثلاث اخوان و اخت !! ايمان انصدمت : نعم؟؟؟ شلون... بس انا.. احمد بهدوء كمل رغم انه انقهر من مقاطعه اخوه الكبيره الجافه: يظهر ان محمد ما بلغك اي شيء ..من قبل.. محمد: ما كنت متصور انكم ممكن تسالون عنا او تفكرون فينا بعد اخر لقاء .. فما حبيت اشغل بالها باشياء مالها اي داعي.. ايمان انتبهت على كلمته:اخر لقاء .. شنو هو اخر لقاء.. احمد حرك عيونه لمحمد و جسار و مشاري و بعدها بلع ريقه، جسار تكلم بهدوء و قطع الصمت: ليش ما تتكلم... ايمان ماهي صغيره و من حقها تعرف شنو اللي سووه اخوانها و ابوها في امها و.... محمد: جسار لو سمحت لا تتكلم.. ايمان: شنو الي صار لامي.. باابا ارجوك تكلم... محمد تنهد و قال بكل ذره هدوء عنده : طعنوا في شرفها و كان يبون يذبحونها... ايمان فزت من مكان و بصراخ قالت : شنوووووووووو...!!! بااابااا انت اكيد تمزح شنوو هذاا ... هذا مستحيل... مستحيل!!!! احمد وقف من مكان و حط يده على كتفه يهديها: ايمان حبيبتي ارجوك اهدي... ايمان صفعت يده بقوه بعدتها عنه: ارتكني... لا تلمسني!!!! محمد: ايمااان لا تكلمين احمد بهذا الشكل .... باسثنائي الوحيد اللي صدق امك و دافع عنها هو احمد.. حتى ابوي اللي هو زوجها ظلمها و استمر باهانتها رغم انه كان عارف انها برئيه.. ايمان: شلوون اهدا يا بااب شلون اهدى و انسى الكلام اللي قلتوه.. كلااام مستحيل... محمد عطاها نظره جاده و طلب منها تجلس من جديد ايمان نفذت امره و جلست مقهوره تايهه من الكلام اللي قالوه.. محمد قص اللي صار كله لايمان بهدوء و يهدأها جسار كل ما توترت و سكتها كل ما تكلمت و قاطعتهم... بعد ما انتهوا امتلت عيون ايمان كلها بالدموع و كل انواع الحزن تملكها: ليش!!!!!!!!!!!!!!!!!!!!!!!1 ليش مااا قلتوا لي شيء من زماااااااااااان ليش!!!!! محمد: كنتي صغيره و ما كنت ابي اضايقك بقصه مالها اي داعي خصوصا بعد ما فهمتك اني اخوك الوحيد ومالنا احد ثاني.... ايمـان: يعني لو شرف الاخ عندنا كان ما عرفت شيء لاخر يوم بعمري و ظلت امي الله يرحمها رغم شرفها في عيون الناس منحطه و فاجره!!!!!!! محمد انصدم من كلام ايمان و بصراخ: ايمااااان ايش هذا الاسلوب اللي تتكلمين فيه!!! ايمان قامت من مكانها و صارخت اكثـر: و هذا راح يكووووون اسلوبي من اليوم و رااااااااااايح!!! ولا تقول ليش .. انا بنت فاجره و اب طماع منحط يعني معذوووووووووره.. كف من جسار وقف موجه الصراخ اللي صنعتها ايمان : احترمي نفسج!!! اللي تتكلمين عنهم لا ربوج و لا يعرفونج .. اللي رباج ابوي مثل ما ربانا احسن تربيه و افضل اسلوب..واللي ما فرق بينا و بينج .. جذي تكلمينه... ايمان انفجرت بكي الم من جديد و طلعت ركض لعند السلم و جرت بسرعه لغرفتها و ضربت الباب بعدها بقوووه... - - ايمان حطت يدها على خدها المكان اللي صفعها فيه جسار اول مره في حياتها يضربها فيها.. نزلت دموعها من جديد بعد ما تذكرت اللي صار و رمت نفسها على الارض... ثلاث طرقات متتاليه على الباب قطعت تفكيرها، مسحت دموعها بسرعه ما كانت متوقعه احد يجيها خصوصا انهم تركوها لحالها طول اليوم اللي فات: ادخل!!! فـواز فتح جزء من الباب و سمح لوجهه المبتسم يدخل لحاله الغرفه: ممكن تسمح لي الاميره ماغي ادخل؟؟ ايمان بوزت و بعد نفس قالت : قلت لك مليون مره لا تقول لي ماغي.. انت ناوي تفضحني؟؟؟ فواز دخل و سكر الباب بهدوء بعده: ايمان ما في داعي ابدا لهذا الخجل ... انتي ما تسوين شيء غلط... ايمان وهي تحرك وجهها بعيد: ولو ما ابي احد يسمعك... فواز ظل مبتسم رغم ان ملامح ايمان بعد دقيقه رجعت للحزن و الشرود: زعلانه من جسار؟ ايمان: لا... فواز: ليش نظره الحزن هذي اجل؟ ايمان: زعلانه على نفسي و حياتي اللي ما كنت اعرف عنها شيء و نفسي بعد ما عرفت الحقيقيه.. فواز جلس جنبها و رفع راسها بيده بهدوء: لا تزعلين و لا تفكيرين فيه...بما انج غايبه عن المدرسه خل نطلع نتريق بره.. ايمان عبست وجهها : ياااا بردك!! شلون تبيني اطلع و استانس بعد.. فواز قاطعها قبل لا تكمل: اللي صار امس دخليه من اذن و طلعيه من الاذن الثانيه ... ماهو هذا اسلوبج المعتاد تعيشين اللحظه من غير تفكير باللي صار و اللي بيصير باجر؟؟ ايمان ابتسمت رغم الحزن اللي كان فيها: مقتنع بمقولتي رغم ان اخوك جسار دايما يقول عني تقول ما لا تفعل.. فواز يضحك سحبها حتى توقف:اهو غير و انا غير.. انا بنظري تفعلين ... قومي يالله اناا جووعان .. ايمان ابتسمت و دفعته بتافف لبره: خلاص استسلمت اطلع و خلني اغير ملابسي.. فواز بضحك: البسي فستاااااااااااااااان... ايمان وهي تضحك: مستحييييييييييييل - التعديل الأخير تم بواسطة لامارا ; 28-11-12 الساعة 10:19 PM | ||||
|
| |
|
18-09-11, 03:30 PM
| #13 | ||||
| نجم روايتي
| قدام قصر نواف الكبيـر ،، من سياره البنتلي الفاخره نزلت ريم بعباتها الناعمه و طرحتها الانعم و دخلت باب القصر لما استقبلتها مسؤوله الاستقبال في البيت و اخذت منها العباه و الطرحه حتى تعلقهم لحد ما ترجع تطلع .. ساره كانت تنزل السلم لما لمحتها ابتسمت و قربت منها: هلااا وغلا ... هلااا بريوووم الغاااليه... ريم سلمت على عمتها بابتسامه و بعدها رجعت راسها لتحت من خجلها المعتاد: هـ..ـلاااأأ فيــ..ــك اكـــثــر عمتي...!! ساره ابتسمت لها : تعالي افطري معنا... ريم هزت راسها بسرعه: لاأأأأ... هنــ...ــي و عــافيـ.ه انا كنت بمر على جــ...ـــدي قبل لا اروح الجـ..ــامعه بس... ساره: ابوي؟؟ ريم: اتصل و قـ..ــال انه يبي يشـ..ــوفنــ..ي الجد سـلطان بعد ما كبـر و تعب قررت ساره انه تاخذه عندها البيت بما انها ما تبيه يعيش في بيت كبيـر لحاله مع الخدم و لا عند اي وحده من زوجات اخونها اللي اكيد ما راح يعاملونه باهتمام مثلها...: مافي مشكله ان شربتي شيء ولو بسيط عندنا... ريم بتلعثم: بس ياا عمه.... ساره: من غير بس.. انا ان قلت شيء لازم تسوينه من غير تردد اوكي... ريم هزت راسها بخجل ومشـت مع عمتها لطاوله الاكل اللي كانت عليها عواطف بس: صباااح الخــير ريـم! ريم ابتسمت بخجل: هلاا عـواطف.. ساره سحبت ريم تجلس جنبها بخفه: خذي راحتك يا قلبي.. بو نواف ماهو هنا.. و فاطمه مثل ما تعرفين ما تصحى الا الظهر ريم ابتسمت و شربت شوي من العصير اللي خدمتها لها الشالغه.. كانت تعرف ان عمتها قالت لها هذا الشي حتى ترتاح و يقل التوتر و الخجل اللي فيها... بما انها انعزاليه و خجوله كانت... منعزله ولا تعرف تتكلم او تاخذ راحتها الا مع اخوانها و امها و ابوها و معها و مع عواطف شوي.. و غير هذا تغرق في موجه خجل كبيره و ما تعرف تتكلم او تتنفس.. عواطف ابتسمت وحبت تبدي لها بحوار قصير مع ريم : شلون الدراسه؟ ما اشوفك ابدا في الجامعه! ريم بهدوء: انا أأأأ اطــ...ـلع على طول بعد المـ..ـحاضرات! ! و ما عندي فرآآآغ! عواطف: بس تعـب عليك... اخذي فراغ ساعه او ساعتين بين اي محاضرتين على الاقل ترتاحين فيهم شوي.. ريم هزت راسها: انـأأ عندي نص ساعه بس قواعد اللغه العربيه و الادب النقدي ... بس افض...ــل اقـرى فيه لانه في نفس القاعه .... ساره : الله يوفقك يا بنتي ... و ان شاء الله تتخرجين باحلى تقدير... و تصير عواطف مثلك .. عواطف بدلع: ماما!! انا هما ممتازه !!! الكل ضحك الشيء اللي لفت انتباه نواف اللي دخل الغرفه بصوت نص نايم وهو يمشي من ورا ريم: فطوووم قايمه من الصبح..غريببببببببببه ريم شهقت و بسرعه بعدها بلعت ريقها لما سمعت صوته، ساره بسرعه تكلمت حتى ما يزيد نواف باي كلمه: هذي ريم بنت اخوي احمد ماهي فاطمه.. نواف قرر يدور و يصير مقابل لها: اوبس!! سوري ظنيتك فطوووم... شلونك ياااا ريم ان شاء الله بخير.. ريم بخجل من نوع ثاني و توتر اكثر لما شافته: ببببببببببـــ..خيــر .. ولد عمتي... نــ....ــواف نواف انفجر ضحك : ههههههههههههههههههههههههه هه انتي ابي افهم شلون تكلمين ابوك و اخوانك... تقولين لهم اخوي مشاري و لا ابوي احمد... و لا تقولين اخي الكبيـــر... ساره غمزت لنواف حتى يوقف: نواااف ايش فيك... ريم تتكلم كذا لانها متربيه و تحترم اللي اكبر منها... ولا تبيها تناديك نواف بس و انت اكبر منها بسنيييييييييييييين... نواف رفع حاجبه: فاطمه تناديني نواااافي و ديما تناديني نواف عادي... ايش اللي هي غير عنهم هي فيه... ساره بجد: فاطمه اختك و ديما زوجتك... عرفت الفرق... ريم استجمعت كل ذره قوه عندها ووقفت بترنح:انااا بروووح لجدي......الحييييين.... اخاف اتـآآآآخر على المــ....ــحاضـ...ره.. ساره ابتسمت لها و مشت معها: انا بروح معك.. ريم رفعت عينها بسرعه حتى تسرق نظره خاطفه على نواف اللي كان لابس جينز ديرتي و بلوزه بولو بنفسجيه معطيته لوك جذااااب كثير مثل عارض الازياء. حست بقرصه في قلبها و هو الشيء اللي اجبرها تمشي بسرعه بعيد عنهم... كانت خايفه ان المشاعراللي حاولت تنساها ترجع بمجرد نظرها له نواف ابتسم و بدأ ياكل فطوره لما انتبه على نظره قويه من عواطف: ايش فيك؟؟ عواطف: انت ليش تكره ريم... نواف استغرب سؤالها: انا ما اكرها... عواطف برقه: ان كنت ما تكرها ليش تعاملها كذا؟؟ نواف: لان ردود فعلها تونس.. و تضحك عواطف: بس ريم ماهي مهرج.... يكفي انها ما تزور احد و نادرا ما تطلع... تبيها تحبس نفسها و بشكل نهائي عنا...بسبب تصرفاتك معها في مل مره نواف ابتسم لها: اوامرك اميره عواطف... ما راح اضايق ريم ولا راح ازعلها ابداأأ.... في شيء ثاني تبين احققه... عواطف نزلت راسها : لا تقولي اميره...انا ماني اميره.. نواف كان يكره التواضع الكبير اللي في عواطف اخته واللي كان نقيض الغرور الكبير اللي في فاطمه..: اذا انتي مانتي اميره.. من الاميره... عواطف: عندك فاطمه... ديمـا.... نواف قاطع عواطف بسرعه قبل لا تكلم: تخسي .. ديما اميره... عواطف انصدمت: ايش..؟؟ نواف انت ليش تكره ديما؟؟ نواف ببرود رد بعكس الرد الهادي لما سالته عن ريم: سخيفه... رخيصه، قبيحه، مصطنعه ، مغروره، ذليلها .... الخ الخ الخ ...ههههههههههه عواطف انصدمت ان نظرته لديما بهذا الشكل: نواااااف طلقها!! لا تظلمها معك وانت ما تحبها... نواف عطى اخته نظره جاده: مستحيل... انا مستحيل احبها و مستحيل اطلقها.... استأذنك عندي شغل ... بمجرد ما طلع نواف من غرفه الاكل و دخل لمكتبه قامت عواطف من مكانها و اشرت لمرافقتها تجهز لها عباتها حتى تطلع للجامعه،،وهي تلوم نفسها : لما كنا صغار كنت استمتع ان مميزين على الكل و كل اللي نبيه يوصل لنا بسرعه كبيره بس مع مرور السنين صار هذا الشيء نقمه علينا و صرت ما اقدر اتقبل اي منهم... لا فاطمه ولا نواف.. - - - ريم دخلت غرفة جدها اللي استدعاها كان جالس بشموخ على كرسيه المتحرك كان يقرا له ملف مثل اي شخص عادي.. ما كانه شخص عجوز في نظر كثيريين و منهم عياله منتهي، مشت ريم لعند جدها و باست راسه: شلوووووون..ــك ياا جــدي.. سلطان هز لها راسه و ابتسم: ساره ممكن تتركينا لحالنا.. ساره استغربت من تصرفه و جديته بس ابتسمت و طلعت على طول، اشر سلطان لريم تجلس على الكنبه جنب كرسيه المتحرك: خـ..........ــــير يا جدي؟ سلطان: ريم ما اتصل ابوك؟ ريم استغربت السؤال خصوصا انه اول مره يسال عن ابوها : اتــصــ...ــل سلطان رفع حاجبه و بانت التجاعيد الكثيره في وجهه: و ما قـال متى يرجع..؟؟ ريم : يقول انـ..ـه بيرجع بعد كم يووم لماا ينتهي من شغــ...ــله سلطان: و تعرفين ايش هو شغله؟ ريم هزت راسها بالنفي... سلـطان: انا طلبت منه يقابل بنتي ايمان و يحاول يقنعها بفكره السكن عندنا..... وطبعا انا بلغته انها لايمكن تعيش في مكان غير بيتكم.. ريم رفعت راسها باستغراب: ما فهمـ...ـت سلطان: ابيك ياا ريم تتقربين منها و تصرين صديقتها ... انا لا يمكن اثق باي وحده في البنات غيــرك... ريم هزت راسها: ان شاء الله يا جدي.. سلطان تنهد براحه و كمل: هذا اول شيء الثاني ... هو موضوع خطبتك.. ريم انصدمت و بلعت ريقها حتى تقدر تتكلم: خـ ... خــ...ــطبتي؟؟؟ سلطان : اكيد سمعتي ان بو فـهاد خطب فاطمه لولده الكبيـر فهاد .. و طبعا كعادتها فاطمه رفضت و طلعت الف عيب و عيب في الرجال... بس فهاد انسان محترم و مهم في مجتمعنا و براااه و ما بغيت نخسره فكلمت بو فهاد ياخذك انتي.... ابوك وافق بعد ما اقنعته و ما اعتقد ان انتي لك راي ثاني... بس كان لازم اقولك لان الولد طالب يتعرف عليك اكثر قبل لا تملكون.. ريم انقهرت من الكلام اللي قاله جدها.. اخذوا اللي رفضته فاطمه المغروره و رموها عليه بكل بساطه من غير لا ياخذون رايها و فوووق هذاا يبونه يتعرف عليها يوافق ولا يرميها بكل بساطه مذلوله مكسوره: جــ...ــدي! سلطان بغروره المعتاد: لا تقاطعيني... من اليوم و طالع جهزي حالك احتمال يمركم فهاد حتى يشوفك او احتمال يمر علىيك في الطريق كوني على احسن شكل... ريم بالم: جدي بس اناآآ سلطان: من غير نقاش.. كوني على احسن تصرف و احسن شكل حتى وانتي في العباه مفهوم... و الحين تقدرين تطلعين لدوامك... ريم حست بالم و قهر كبير و ضخم يقطع قلبها و يعصر كل اجزاء جسمها بقوه، رفعت نفسها بصعوبه من الكنبه و مشت الدرج وهي ماهي حاسه في نفسها للباب لما لمحت نواف واقف يتكلم بالموبايل، حرك عيونه الزرق باتجاهه و انهى اتصاله: ساكلمك في ما بعد ادوارد... ابتسم و مشى لعندها قريب ريم بعدت عنه لدرجة انها لصقت بجدار الممر، نواف شاف عيونها الحمره المتجمعه فيها الدموع اللي حاولت تمنعها تنزل : ايش فيك؟؟ ريم هزت راسها بالنفي: ...ولاااااا شــيء... نواف ببرود: ارفضي و انا بساااندك... ريم توسعت عيونها من الصدمه معقوله نواف يعرف بموضوع خطبتها.... اكيد يعرف لانه هو العقل المدبر لكل شيء يعني موضوع مهم مثل هذا مستحيل يخفيه جدها عنه: ممكن تبـــ...ـــعد بمــ....ــر نواف قرب اكثـر منها و حط يده على الجدار اللي كان وراها: واذا قلت لا ايش بتسوين؟؟ ريم نزلت دموعها المتجمعه و بدت تبكي... نواف لما شافها كذا بعد وسمح لها تركض للباب تاخذ عباتها و طرحتها و على طول لسيارتهم .. ظل يراقبها وهي تبتعد و يقول في نفسه: الاشخاص الوحيدين اللي تمنيت اجنبهم انتقامي هم انتوا يا عياال احمد... لكن الظروف كلها كانت ضدكم....طبيتكم و ضعف شخصياتكم .. راح يخلي الكل يستغلكم و بعد ما ينتهون منكم راح يدوسونكم و كانكم حشرات مالها اي داعي او قيمه... - - - في المطعم البناني الكبير كانت تاكل ايمان بشراهه كبيره و كل ما انتهى كوبها من عصير طلبت منهم يعيدون ملءه فواز كان في قمه الاستمتاع وهو يشوفها تاكل مثل الدب: ليش تضحك؟؟ فواز ابتسم و اخذ له لقمه خفيفه من الاكل: ولا شيء.. بس مستغرب الشهيه المفتوحه... مع اني اعرف انها مفتوحه من زمان بس اليوم بزياده... ايمان: يعني شنو تبيني اسوووي من امس ما اكلت شيء!! فواز ضحك: قلعتج من قال لج ازعلي.. ايمان انقهرت لما سمعت كلامه و تذكرت اللي صار: مالي نفس اكـل.. فواز ابتسم لها و همس: للاسف انا انفتحت اكـثر.. الحين.. ايمان استغربت و حركت عيونها لمجموعه بنات بلبس المدرسه الثانويه و حاطين ميك اب يمشون و يجلسوون على الطاوله اللي جنبهم و يسحبون الكراسي حتى يصيروا لاصقين حيل فيهم.. ايمان تجالهتهم و اشرت لفواز ياكل ولا ذبحته لما تكلمت وحده من البنات بصوت مسموع: وااااااااااااااااااي فعلاا مقوله حظ الجياااكر و الشيف يكسر الصخر... البنت 2: اكيـــد ياا حلوه.. خلف الله على حالنا... زين و اصل و فلوووس بس عيون المزايين انعمت عنا... البنت 3: بعيد الشر عنهم.. عيووونهم تذبح عذاب .. مشكلتها بس انها تطااالع في الجكر اللي قدامهم.. ايمااان عصبت و مثل عادتها ردت عليهم: عممممممممممممي بعينج انتي وياااها قليللااات الادب... البنات خافوا من ايمان اللي وقفت و مشت لعندهم بجسمها اللي اطول منهم، فواز مسك بيدها : ايمااان اهدي... ايمان سحبت موبايلها و ضغطت و رفعته قدامه: قسم بالله لو تنقلعون عن وجهي لاذبحكم ضرب و صوركم و انشرها بلووووتوووث و ترا انا عادددي انا مجنونه ... اطلع منها مثل الشعره من العجين.. منحاشين من المدرسه علشااان تغزلون الشباب المحترمين اللي ما يتنزلون لاشكالكم البنات الثالث ماتوا خوف من ايمان و في نفس الوقت حسوا بالاحراج من كلام ايمان اللي لفت انتباه كل الموجودين في المطعم.. طلعوا بسرعه و بعدها ايمان جسلت..فواز ضحك عليها: تدرين لو مسويه هذا الشيء مع جسار كان سواها لك مصيبه... ايمان: انا اصرخ و اعلق عادي و تدري اني ما اسوي شيء مثل هذا لو ما كنت مكبوته... فواز بابتسامه : يعني الحين فرغتي كل اللي فيج؟ ايمان هزت راسها فواز ابتسم و اشر لناس كانوا وراهم... ايمان حركن راسها و تفاجأت بمحمد و جسار... - - - - في مركز ادراه شركه البدر في الرياض اسامه و منصور مع كم تحري خاص عينهم خصيصا حتى يستقصون عن ايمان اختهم اللي ما يعرفون حتى شكلها الحقيقي او اي شيء عنها... التحري الاول: من خلال المعلومات اللي جمعناها عن صاحبه الصوره و الاسم اللي زودتنوا فيه توصلنا الى مجموعه من الحقائق المتعارض و اللي سببت لنا ربكه كبيره.. منصور: يعني ايش ربكه و تعارض وضح لو سمحت... التحري الثاني مد الصوره اللي عطوه اياها عن نوف: هذي البنت اسمها نوف عبدالهادي.. عمرها 16 سنه طالبه في الثانويه و تعيش مع اخوانها في العنوان الموجود في الورقه وماهي البنت اللي عطيتنوا اسمها.. اسامه استغرب من كلامهم : يعني شلووون حارس نوااف كان يكذب..؟؟ التحري الاول: لحظه يا سيد اسامه ما انتهينا... بعد مجموعه من التحريات توصلنا لصاحبه الاسم اللي قلتوا لنا عنه و هي صاحبه هذي الصوره... التحري الثاني مد صوره ايمان قدام اسامه و منصور اللي قال: يعني هذي ايمان الاصليه... التحري الثاني: قلت لما شفتها انها هي بس اللي استغربت منه ان الموظف قال ان هذي رابع مره ينسال عن هذي البنت خلال شهر و ان اخر واحد دفع مبلغ كبير حتى تتشفر المعلومات بس رئيس القسم رفض .. اسامه: قصدك ان في شخص ثاني تلاعب في المعلومات؟؟ التحري الاول: صاحبه الصوره الاول هي ايمان البدر الحقيقيه المعلومات اللي موجوده عنها كلها مزوره و يظهر انهم ماهو ناويين يطلعونها الحين حتى يظمنون وصول الورث لها بسلام... منصور اخذ صوره نوف و تالمها: تخسي تاخذ ريال واااحد .. اسامه: هذا كل اللي عرفته... التحري هز راسه بالنفي: لا.. عرفت ان البنت اللي يقولون عنها انها ايمان هي انسانه عنيفه و صاحبه مشاكل يعني شخصيتها اقوي من البنت نوف اللي هي ايمان الحقيقيه واللي معروفه بشخصيه ضعيفه و هدوء.. التحري الثاني: انا اتوقع انهم ناوين يرسلون ايمان المزيفه لعندكم حتى يجنبون ايمان الحقيقه اي اضرار.. اسامه رفع حاجبه و اخذ صوره ايمان : اهلا وسهلا... ما راح نقووولك اي شيء... بس خطتكم ما راح تنجح فايمان الاصليه( وهو يحرك يده لصوره نوف) صارت حقيقها مكشوووفه.. -- - اشهد أن لا امرأة أتقنت اللعبة إلا أنت واحتملت حماقتي عشرة أعوام كما احتملتي واصطبرت على جنوني مثلما صبرتي وقلمت أظافري ورتبت دفاتري وأدخلتني روضة الأطفال .. إلا أنت اشهد أن لا امرأة تجتاحني في لحظات العشق كالزلزال تغرقني تحرقني تشعلني تطفاني تكسرني نصفين كالهلال تحتل نفسي أطول احتلال واجمل احتلال .. إلا أنت *** يا امرأة أعطتني الحب بمنتهى الحضارة وحاورتني مثلما تحاور القيثارة تطير كالحمامة البيضاء في فكري إذا فكرت تخرج كالعصفور من حقيبتي إذا أنا سافرت تلبسني كمعطف عليها في الصيف والشتاء أيتها الشفافة اللماحة العادلة الجميلة أيتها الشهية البهية الدائمة الطفولة *** | ||||
|
| |
|
19-09-11, 05:21 AM
| #15 | ||||||||||||||
| مراقبة ومشرفة سابقة ونجم روايتي  
| الله يعطيك الف عافيه اختي على البارتات تسلم يدك بصراحه لحد الحين العائله كلها اشوفها وحوش ما عاد عايال عمهم احمد نواف ليش بينتقم منهم كلهم على ذنب السبب فيه ابه لوحده نوف الله يعينها على اللي بيصير لها بانتظارك يالغلا واصبري تدرين مدارس والكل مشغول الحين وان شاء الله يكون هناك تفاعل اكبر مع الايام | ||||||||||||||
|
| |
|
19-09-11, 08:13 AM
| #17 | |||||
| نجم روايتي 
| سلمت يداكِ و عيناكِ يا صديقتي.... هذه الرواية أعجبني فيها الامتداد للرواية السابقة ...فعلا كاتبة متميزة تستحق كل الاهتمام والمتابعة.... ألف شكر لك صديقتنا العزيزة على نقلها لنا لنستمتع بها و بمغامرات أحداثها الكثيرة.... سلمت الأيادي مهاتي | |||||
|
| |
|
19-09-11, 09:08 AM
| #18 | ||||
| نجم روايتي
| البارت الخامس حبيبي صباح الخير .. صباحك ورد وفل ولوز يا عمري صباح النور .. يالله اصحى غنت فيروز الشمس طلعت يا زين .. وانته مغمض العينين من تصحى تشرق ع الدنيا .. مو شمس واحده شمسين حبيبي .. حبيبي .. حبيبي .. حبيبي صباح الخير --- طول الليل اتأمل وجهك .. وما تقبل هالعين تنام نريد نشوف عيونك اصحى .. صرنا نغار من الأحلام الشمس طلعت يا زين .. وانته مغمض العينين من تصحى تشرق ع الدنيا .. مو شمس واحده شمسين حبيبي .. حبيبي .. حبيبي .. حبيبي صباح الخير --- اتحجج واتحرك يمك .. متقصد اطلع اصوات حتى تحس بيا وتصحى لي .. واخذ بوسات وشمات الشمس طلعت يا زين .. وانته مغمض العينين من تصحى تشرق ع الدنيا .. مو شمس واحده شمسين حبيبي .. حبيبي .. حبيبي .. حبيبي صباح الخير ايمـــان فتحت عيونها المتعبه بهدوء و تلاقت عيونها بسقف غرفتها النوم الشيء اللي استغربته كانت متاكده انها كانت نايمه على الارجوحه ولا تذكر انها بدلت ملابسها ..ايش اللي وصلها هنا و كيف تجرأوا يسوون اللي في بالهم... دخلت يدها تحت وسادتها و طلعت موبايلها من المكان اللي تحطه فيها دايما ، كانت البطاريه منتهيه و الجهاز طافي من غير تردد رفعت نفسها حتى تروح تشحنه بس... ايمان بسرعه حركت عيونها للشي اللي منعها من الحركه، يدين كانت محاوطه خصرها التفت و شافت وجهه المبتسم وهو نايم جنبها بكل قرف دفعت اليدين عنها و مشت بعيد عن السرير الى الطاوله اللي عليها شاحن الموبايل، لما قربت منها شحنت الموبايل و حركت عيونها على المرايا الكبيره جنب الطاوله كان عليها شيء غريب.. باحمر الشفايف مكتوب بخط جميل ( كل عام و انتي سعيده يا حبيبتي ايمان) ايمان بكل قرف سحبت نفس احمر الشفايف و اللي كان مستخدم و حطت علامه خطأ على كلمتي ( سعيده و حبيتي ) و اكتبت بدلهم (حزينه و عدوتي) فصارت الكلمه ( كل عام وانتي حزينه يا عدوتي ايمان) .................: حبيت اكسر الروتين و افرحك بشيء بس انتي ليش تتفننين بتحويل كل شيء لحزن و هم؟ ايمان تجاهلته لما لاحظت ان جهازها اشتغل و سوا تطوير لنفسه و عدل التاريخ، طبعا من غير تردد مشت للتقويم و بدت ترجع بالوقت فيه.. ................: ايمان.... ايمان بنظره حاده له: لما ترجعني بالوقت مثل ما يسوي التقويم للحظه اللي ارتكبت فيها اكبر غلطه و نتيجه له خسرت كل شيء ... راح اكون سعيده... نهض من السرير و قرب من عندها و بنره الم: انتي عارفه ان هذا الشيء مستحيل... ايمان بعد ما رجعت التاريخ اربع سنين طلعت من التقويم و دخلت استيديو الصور لصوره قديمه فيه: الانسان هو اللي يصنع المستحيل، وهو بروحه يتجاوزه ، انا واثقه انها تقول الشيء نفسه الحين.........نووف... الصوره كانت قديمه لايمان ونوف، ايمان كانت حاضنه نوف من ورا و يضحكون ..... - - - الوقت الحالي( قبل اربع سنين) ايمان تفاجأت بمحمد و جسار وراها رجعت وجهها لفواز وعطته نظره غضب، فواز ابتسم و اشر لهم يجلسون.. محمد و جسار جلسوا معهم ، محمد كان مبتسم طول الوقت و جسار ظل صامت، محمد: ايشلونج الحين يا ايمان. ايمان بهدوء: الحمد لله .. محمد: لسى زعلانه من اللي صار؟؟ ايمان تنهدت وحركت عيونها لجسار بشيء من الغضب : لا ماني زعلانه.... محمد: اجل ايش معنى هذي النظره على وجهج و حبسج نفسج في الغرفه طول الليل .. ؟؟ ايمان رجعت تنهدت: مثل ما قلت انا ماني زعلانه، انا بس انصدمت من الحقيقه المره اللي اكتشفتها بعد كل هذي السنين، معقوله انا اللي اتصرف بذكاء و احس نفسي احس من الكل انخدع و من من ؟؟ من اكثر ناس قريبين مني؟؟؟ جسار : احنا ما كنا نخدعج يا ايمان ، احنا بس ظنينا ان عدم معرفتج احسن من معرفتج لشي ما توقعنا له داعي.. ايمان عطت جسار نظره غاضبه و هو فهم سببها: بس من حقي اعرف عن اهلي... فواز: اهلج على عينا و على راسنا بس ما تظنين ان موضوع رجعتج لهم بعد كل هذي السنين فيه شيء مو طبيعي؟؟ ايمان : عارفه هذا الشيء ... و انا لايمكن افرط بالحياه اللي عشتها مقابل اي شيء.. محمد: اجل ليش مصره على الموضوع و ما حاولتي تنسينه مثل غيره ؟؟ ايمان بنظره جاده: من حقك تاخذ نصيبك في ثروه ابوك !! محمد: ماني فاهمج؟ ايمان: انا راح اسلتم النصيب اللي تكلم عنه احمد و الفلوس اللي كتبها لي ابوهم، وراح اعوضك عن كل الم و معاناه عشتها في الوقت اللي كانوا اخوانك بعز و ثراء.. جسار بعصبيه: ايماآآآآن انهلبتي انتي؟؟؟ ايمان: لو سمحت اسكت ... انا اكلم اخوي.. محمد حزت في نفسه كلمه (اخوي ) بدل من ( بابا) بس كمل: و تظنين ان هذا الموضوع بهذي البساطه؟؟ منصور و اسامه خبثين و انا متاكد ان عيالهم اللي هم في عمركم الحين من نفس الطينه و ما راح يسمحون لج و بكل بساطه تظهرين في حياتهم و تاخذين شيء سنين وهم يرسمون عليه.. ايمان بثقه: ربتني اني ما اخاف الا من اللي خلقني يا بابا، و ان كانوا هم اذكياء فانا اذكاء و ان كانوا قاسين فراح اكون اقسى ، و راح اواجه هذا التحدي مثل غيره و انا اضحك... فواز قطع عليها اندماجها بكلمه بسيطه: ودراستج؟ ايمان: خل تولي... يعني كلش بنجح؟؟دامني بورث ملايين ايش لي في الدراسه.. جسار: الموضوع ماهو بهذا البساطه اللي انتي متصورته انتي .. محمد قاطع جسار بسرعه: جسار... بس... انتهينا.. مافي اي فايده من انك تحاول تقنعها .. انا ربيتهاعلى الاصرار و التمسك بقراراتها ، ان كانت صحيحه ترفع ثقتها بنفسها و ان اخطأت تتعض و تستفيد منها.. ايمان ابتسمت بانتصار لجسار: شفت ثقه بابا فيني و في قدراتي الخارقه!! محمد بنص ابتسامه: اكيد اوثق فيج بس في شيء لازم تعرفينه قبل لا تخطين يا خطوه.. انتي مقبله على ناس وحوش ، العدو اللدود ارحم بكثير منهم، ناس تجردت الرحمه من قلوبهم .. انا اقدر بس اضمن لج ساره و احمد بس عيالهم لا.... لان احمد و ساره شخصيتهم ضعيفه كثير مقارنه في منصور و اسامه و اخاف ان عيالهم تاثروا بشخصيه اسامه و منصور الطماعه .. ايمان : ماهي مشكله راح اخذ حذري التام.. محمد: اوكي بس انا عندي شرط... ايمان: اللي هو .. اولا مافي سفر الا بعد نهايه الدراسه.. ايمان عقدت حواجبها و مدت بوزها .. : مو مشكله الدراسه بس باقي عليها شهر.. و في هذا الوقت على الاقل اكون درست الشخصيات اللي بأتعامل معها... محمد بابتسامه: الشرط الثاني هو.. ان جسار هو الوحيد اللي راح يرافقج.. ايمان انصدمت و توسعت عيونها بعد ما شافت ملامح جسار الجاده : ليش؟؟؟ وانت؟؟؟؟ و فواز.. محمد: اولا جسار هو الوحيد اللي يسمح له شغله بالانتقال للرياض، فواز مرتبط مع عقد عمل مهم هنا و لايمكن ياخذ وقته كله معك، وانا بعد ما طلعت من البيت حلفت ما ارجع له.. ايمان تغيرت ملامحها للحزن و نزلت راسها، جسار: بتغيرين رايج؟ ايمان: انا ما اتراجع ابدا في قرار اتخذته... انا موافقه.. بابا يستحق الراحه اللي راح يحصل عليها بعد استلم نصيبي... محمد: بس انا... ايمان: بابا انا عارفه انك راغم ان التقاعد انعرض عليك اكثر من مره، كنت تصر على الاستمرار حتى تعطينا الحياه اللي احنا عايشينها،،، بس الوقت الحين حان حتى ترتاح.. محمد سكت و سمح لها تكمل و تتاكد ان كلامها صحيح: بالتوفيق.. ايمان مدت يدها له (GOOD LUCK) : بالتاكيد.. ثانكيووو... - - اسامه اخذ مكانه في مكتبه الخاص بعد ما طلعوا التحريين منصور تبعه و جلس جنبه: ايش هي خطتك؟ اسامه: بسيط جدا... ناخذ اللي لنا في الاصل من بنت الحرام.. منصور بابتسامه ساخره: هذا شيء اكيد .. السؤال هو شلون بناخذه و ابوك ناوي يتكتب لها نص الحلال و ورث ضخم بعد ما يموت... اسامه بابتسامه واثقه: ابوك بنفسه هو اللي بغير في الوصيه.. منصور: شلون؟ وهو فاقد الثقه فينا اسامه: تماما.. لما نرجع هذي الثقه راح ترجع لنا فلوسنا.. منصور بتافف: اسامه ترا جننتني ماني فاهم من الغازك شيء... اخني على قد عقلي و اشرح لي .. اسامه: انا متاكد ان العبه من صنع احمد و اكيد احد ثاني له يد بالموضوع... و بما ان ابونا ذكر انه ناوي يجيب البنت عندنا و انا متاكد انهم بيرسلون البنت المزيفه اللي اسمها نوف لنا على انها ايمان بما انها شخصيتها قويه حتى تتحمل اي اهانه راح تتعرض لها منا، و بكذا يكرهنا الوالد اكثر و يحرمنا من اللي بقى من الورث.. منصور: ما تصورت احمد بهذي الحقاره!! اسامه: هذي افكار نوااف يا حبيبي... غسل مخ ابونا و الحين بدا يغسل مخ احمد و ماهي بعيده يكون غسل مخ ايمان الحقيقيه ... منصور: اففففففففففف يعني احنا متى نرتاح منه و تحكمه فينا اسامه: لا تخاف بعد ما نستلم الورث لا افصل الشراكه بينا و بينه و نعيش براحه و سلام منصور: انت لحد الحين ما فهتمني ايش اللي لازم نسويه.. اسامه بابتسامه: كل خيـر ، البنت بتجينا و بنرحب فيها بكل رحابه الصدر ، حياها االله خل تدخل بينا و تعيش مثل الاميره ، ما راح نتعدى عليها و بنعاملها بكل احترام.. منصور ما كان فاهم رفع حاجبخ: و بعد؟؟ اسامه: بعد ما يلاحظ الوالد المعامله الممتازه لها منا راح يغير نظرته لنا و انا طماعين بحلالها... منصور بضحك: ههه و تتوقع ان فتره قصيره بتغير فكرته عنا؟ اسامه : لما تنحط ايمان هذي باكثر من موقف محرج و ما تعرف شلون تتصرف فيه و تسبب فيه احراج للعائله اكيد بيطلب انها ترجع للمكان اللي جت منه، و بكذا نكون قلبنا خطتهم عليهم.. منصور: ذييييييب اسامه: هههه لما اشوف حقي يروح بكل بساطه لناس ما تستاهله اصير وحش ما يرحم.. - - - الرياض: في الحديقه الكبيره لقصر نواف كانت جالسه عواطف في جلسه انعزاليه شبه مغلقه على حالها .. الحديقه كانت متنوعه في الازهار اللي احتاجت لوقت طويل و عنايه كبيره حتى تنبنت في الجو الصعب اضافه الى مجموعه ثانيه في بيت زجاجي.. في المنتصف كان في بركه صناعيه فيها سمك مختلف الانواع و حوله الاشجار بشكل يوحي للكل انها طبيعيه ، وما هو كله انتاج عظيم لكثير من المهندسين الزراعيين... عواطف كانت جالسه بكل رومانسيه و هدوء على الطالوات اللي كانت على شكل جذوع شجر كبيره مقطوعه و مصنوعه منه ، كانت تشرب عصير كوكتيل طبيعي و تقرا لها روايه رومانسيه على صوت اغنيه عبدالحليم.. بتلوموني ليه.. بتلوموني ليه لو شفتم عنيه حلوين اد ايه حتقولوا انشغالي وسهد الليالي مش كتير عليه.. ليه بتلوموني اسير الحبايب يا قلبي يا ذايب في موجة عبير من الشعر الحرير عالخدود يهفهف ويرجع يطير والناس بيلوموني واعمل ايه يا قلبي عايزين يحرموني منه ليه يا قلبي بتلوموني ليه من يوم حبه ما لمس قلبي ما لمس قلبي فتح الباب للشوق يلعب بي للشوق يلعب بي وهوّ حبيبي وهوّ نصيبي وهوّ النور لعنّيه وقلبي وهوّ شبابي وهوّ صحابي وهوّ قرايبي وكل حبايبي والناس بيلوموني واعمل ايه يا قلبي عايزين يحرموني منه ليه يا قلبي بتلوموني ليه .. عواطف كانت مستمتعه بالاغنيه لما صوت خارجي قطع عليها هذا الاندامج بكل ازعاج.. ...........: واااووو ايش هذا الجو الرومانسي. عواطف بتوتر جلست باستقامه لما سمعت صوته و سكرت الاغنيه : اييي.. جو رومانسي.. سعود بابتسامه خبيثه : انا اسف ان كنت ازعجتك عواطف بس استغربت من الاغنيه ... معقوله ان في احد لحد الحين يسمع لعبدالحليم.. عواطف: مافيها شيء الاغنيه .. عبدالحليم اصلا اغانيه فوق اغاني الكل في هذا الوقت و حتى بعد مليون سنه بيظل الاحسن.. سعود رفع حاجبه: عبدالحليم !! ههه توقعت شخص مثل ريم ممكن يسمع له بس انتي يا اللي تخصصك كله انقلش ما ادري.. عواطف سكرت الكتاب وكانت بتمشي: تبي اناديك لك ديما؟؟ سعود جلس على الطاوله بعد ما مشت عنها .. : لا... اجلسي ليش رحتي.. عواطف بتردد: لا بروح غرفتي... سعود استغل وقفوها و قرا عنوان الكتاب ، بذكاء قال: روايه finding neverland ... ايش هالرومانسيه ياا بنت عمتي... عواطف خجلت بس حبت تبين ان الموضوع عادي: عجبني عنوانه و قلت اقراه.. ليش انت قاريه؟؟ سعود بغرور: شفت الفلم .. عواطف: ما تقدر تحكم على روايه من خلال فلم عنه.. لان في الفلم يغيرون اشياء كثيره... سعود تنهض و قرب ، عواطف بعدت: و ايش هي الاشياء اللي غيروها ؟؟؟ عواطف بلعت ريقها و كملت: ما قريته كله حتى احكم... سعود: اهااا... نواف: سعود!!! سعود التفت هو و عواطف لنواف اللي نزل من السياره اللي كانت متجه لبوابه البيت و مشى لعندهم ، سعود توتر لما لاحظ ملامح وجه نواف: هلا نواف.. نواف: ايش فيك، واقف هنا... ليش ما دخلت .. سعود تصرف و كان الموضوع عادي : ههه كنت اسولف مع بنت عمتي عواطف... نواف بنظره منزعجه: بس عواطف ما تحب تكلم احد فيكم يا عيال خوالها... سعود: نعم؟؟ عواطف: نـ.ـواف!! نواف: ما لاحظت يا عزيزي سعود كيف هي متكوره على جسمها و مبتعده عنه سعود حرك عيونه بخبث و كانه توه ينتبه عليها : اوبس سوري ما انتبهت.. نواف عطى عواطف نظره اطمئنان: عواطف ارجعي للبنات داخل.. عواطف بسرعه هزت راسها و ركضت لداخل القصر... سعود ظل مبتسم و كان الموضوع بسيط..: شكلي بروح انادي ديما... سعود كان بيمشي بس نواف وقف قدامه: سعود انت تظن اني غبي ؟ سعود بابتسم بتوتر: ايش هذا السؤال يا نواف .. طبعا مانت غبي... نواف بنظره جاده: انا متاكد انك سمعت بموضوع خطبت ريم و فهاد صح؟ سعود استغرب سبب طرح الفكره عليهم: اكيد موضوع بهذي الاهميه اكيد لازم اعرف فيه.. نواف قرب منه : ريم مسكينه و بنت مسكين علشان كذا ما قدرت ترفض شخص انفرض عليها من غير لا ياخذون رايها .. سعود: ايش سبب هذا الكلام الحين يا نواف.؟ نواف حط يده على كتف سعود و همس في اذنه: ان كنت تظن اني احمد و بتقدر تفرض عمرك على عواطف مثل ما انفرض فهاد على ريم فانت غلطان، عواطف ما راح تتزوج الا شخص انا اختاره له.. و اي شخص ثاني راح يتدمر .. باااي .. نواف عطى سعود ظهره و و رجع للقصر ، سعود ظل واقف و مصدوم يعرف نواف ذكي بس معقوله يكون عرف مخططه و ناوي يدمره ان استمر فيه : ما علي ياا نواااف الايام بينا و بنشوووف - - عواطف دخلت البيت بسرعه و بتوتر و هي حاضنه كتابها بقوه لصدرها كانت ناويه تصعد لغرفتها بسرعه من غير لا احد يلاحظها بس استغربت لما شافت فاطمه تنتظرها عن السلم: على فين؟ عواطف بلعت ريقها و حاولت تكون هاديه: لغرفتي اكمل روايتي... فاطمه: من كنا صغار ما كنتي تعرفين تكذبين علي يا عواطف... ايش قالك سعود.. عواطف: سعووود؟؟ ايش فيه سعووود؟ فاطمه: لا تنكري انا شفتكم من شباك غرفتي...ايش كان يبي منك؟؟ عواطف: ولا شيء... علق على الاغنيه اللي كنت اسمعها و قعد يقول ايش هذا الجو الرومانسي بس... فاطمه: وانتي سمحتي له يتكلم معك بهذا الموضوع.. عواطف: لا .... انا قمت و كنت بروح بس هو كان كل يناديني و كان الوضع عادي... فاطمه: عواطف احنا من كنا صغار و احنا بعاد عن الصبيان من عايلتنا ... و حتى البنات.. الوحيده اللي قربت منا هي ديما و انتي عارفه هدفها و الثاني هو سعود، اللي قمه في الطمع... وانتي اكيد عارفه هذا الشيء.. عواطف : ماني فاهمه؟ فاطمه وهي رافعه حاجبها: سعود خطبني اكثر من مره بس انا رفضت لاني عارفه نيته وهي التقرب من نواف و الاستيلاء على ورثي .. و بما اني مستحيل اقبل بواحد مثل حول وجهته لك... عواطف: يعني.. فاطمه: السيد سعود مقرر يمثل عليك دور العاشق المتيم حتى تحبيه و لما يخطبك تتزوجينه .. و من يدري يمكن ناوي على اللي اسوء... يمكن ناوي يضحك عليك و يضغط على نواف و... عواطف وهي تحضن الكتااب لصدرها: لاا بلييز لا تكلمين ... فاطمه: هذي الحقيقه. مافي احد في هذي العايله يحبنا... وحتى ديما.. انا متاكده انها في داخلها تكرهنا و تنتظر الفرصه اللي تسيطر فيها على نواف و تتنتقم منا... عواطف: هذاا كله غلط نواف... فاطمه: نعم؟؟ ايش اللي تقولينه.. عواطف: نواف هو اللي فرق بينا و سبب هذا الكره من الكل لنا.....هو اللي اخذ شيء ما كان يستحقه و ترك خوالي تحته و الفلوس من الاصل لجدي... فاطمه: هي انتي... احترمي نفسك.. ولا تتكلمين عن اخوك كذا... عواطف: اخوي.. اي اخو.... انتي يعني عاجبتك تصرفاته اللي محد يتحملها مع اهلنا.. مع ريم و مع امي و حتى مع ابوي ،، و لا صديقاته اللي من كل ديره... فاطمه بتوتر: عواطف بس... عواطف بانفجار: لا ما راح اسكت اخوك هذا ما تربى ولا عنده اي احترام لا لنا ولا لغيرنا .. انا صرت انحرج اعزم صديقاتي بحكم التحرر يدخل و يسلم و بعد فتره اكتشف انه متزوج وحده منهم مسياااار.... فاطمه: عواطف... عواطف: ايش تبين!!! فاطمه اشرت بعيونها لورها.. عواطف التفت و انصدمت نواف كان واقف وعلى وجهه نظره غضب... عواطف انحرجت من نظرته و بسرعه طلعت على غرفتها... فاطمه مشت لعنده و حطت يدها على كتفه: لا تزعل .. عواطف صغيره ولا تعرف ايش اللي تقوله.. نواف: انك كنتي تظنين اني ما اعرف حقيقه مشاعرها اتجاهي فانتي غلطانه... انا كنت عارف من الاول بس اني اسمعها تقوله و بالصوت العالي .. هو اللي مضايقني.... فاطمه: ايش اللي بتسويه؟؟ نواف ابتسم لها و حضنها ..: الله يخليك لي انتي بس.. ما في احد غيرك في هذي الدنيا يحبني...بحق.. فاطمه وهي تحاول تلطف الجو: ديما تحبك.. نواف وهو يعطيها نظره اشمئزاز : ووووع.... فاطمه ضحكت: ههه طلقها اجل... نواف: للاسف مافي بديل احســن خصوصا انها الوحيده اللي من مستوانا .. فاطمه: تزوج اجنبيه... نواف: الاجنبيه ما اعتقد انها راح تتعايش مع امك،، و ثانيا صفات فتاة احلامي غير موجوده لا في العربيات ولا الاجنبيات... فاطمه بتعجب: نواف عنده فتاه احلااام اوووو ماي قاااد!! نواف: كل انسان عنده فتاه احلام... و انتي اكيد عندك... فاطمه: ابداآآآ اصلا الغبي اللي يسمح للحب يدخل قلبه صح... نواف: مستنسخه... هذااا كلااامي... فاطمه: قلت اذكرك .. بما انك ناسي.... نواف ضحك و بعد ما لعب بشعرها قرر يطلع.. فاطمه بعد ما شافته طلع قررت تصعد و تعطي عواطف كم كلمه تادبها فيهم | ||||
|
| |
|
19-09-11, 09:23 AM
| #19 | ||||
| نجم روايتي
| الكويت .. في غرفتها الخاصه المليئه بصور المغنين و الراقصين ولاعبي كره السله كانت ايمان مشغله على التلفيزون الكبير اغنيه مايكل جاكسون (الرعب) ولابسه مثل بدلته و ترقص مثله و تقريبا احسن منه Its close to midnight and something evils lurking in the dark الساعة تقارب منتصف الليل وهناك شئ شرير يترصدك في الظلام Under the moonlight, you see a sight that almost stops your heart تحت ضوء القمر تشاهدين منظرا يوقف ضربات قلبك You try to scream but terror takes the sound before you make it تحاولين الصراخ ولكن الرعب يأخذ منك صوتك You start to freeze as horror looks you right between the eyes تبدأ أعضاء جسدك في التجمد ويقفز الفزع مباشرة من بين عينيك Youre paralyzed أنتي الآن مشلولة عاجزة Cause this is thriller, thriller night لأن هذا هو الرعب ، ليلة الرعب And no ones gonna save you from the beast about strike ولن يكون هناك من يحميك من الوحش الذي يوشك أن يهاجمك بضراوة You know its thriller, thriller night إنه الرعب لو تعلمين ، ليلة رعب Youre fighting for your life inside a killer, thriller tonight تقاتلين لإنقاذ حياتك داخل قاتل يحتويك ، في هذه الليلة المرعبة You hear the door slam and realize theres nowhere left to run تسمعين الباب يوصد بعنف وتدركين أن لا مهرب لك You feel the cold hand and wonder if youll ever see the sun ستحسين برودة اليد وتتساءلين ما إذا كنت ستشاهدين الشمس You close your eyes and hope that this is just imagination, girl! تغلقين عينيك وتتمني لو كان ما يجري مجرد خيال ..... يا فتاتي But all the while you hear the creature creeping up behind ولكن خلال كل ذلك تسمعين زحف المخلوق متقدما نحوك Youre out of time أنتي خارج الزمن Cause this is thriller, thriller night لأن هذا هو الرعب ، ليلة رعب There aint no second chance against the thing with forty eyes, girl ليس هناك من فرصة بمقدار ثانية ضد شيء له أربعـين عين ، يا فتاتي Thriller, thriller night رعب ، ليلة رعب Youre fighting for your life inside a killer, thriller tonight تقاتلين لإنقاذ حياتك من داخل قاتل يحتويك ، في هذه الليلة المرعبة Night creatures calling, the dead start to walk in their masquerade مخلوقات الليل تنادي ، يبدأ الموتى المشي في داخل ملابسهم التنكرية Theres no escaping the jaws of the alien this time ليس هناك مهرب من فكي الغريب (Theyre open wide) إنهما مفتوحان على اتساع This is the end of your life هذه نهاية حياتك Theyre out to get you, theres demons closing in on every side خرجوا لأخذك ، وشياطينهم تغلق كل المنافذ والسكك They will possess you unless you change that number on your dial سيستحوذون عليك إلا إذا غيرتي ذاك الرقم في ميناء ساعتك Now is the time for you and I to cuddle close together, yeah حان الوقت الآن لك ولي لنتقارب ونحتضن بعضنا ، نعم .... يا للروعة All through the night Ill save you from the terror on the screen طوال الليل سأحميك من الرعب الذي تبدى في شاشة السينما Ill make you see that this is thriller, thriller night سأجعلك ترين أن هذا رعب ، ليلة رعـب Cause I can thrill you more than any ghost would ever dare try لأنني أستطيع بث الرعب فيك أكثر من أي شبح قد يحاول فعل ذلك Thriller, thriller night رعــب ، ليلة رعــــب So let me hold you tight and share a Killer, diller, chiller, thriller here tonight لأجل ذلك دعيني التصق بك وأحضنك بقوة وأشارك قاتل ، مازج ، مقشعـر ، الرعـب هنا الليلة Darkness falls across the land الظلام يعم الأرجاء The midnight hour is close at hand ****ب الساعة تقترب من منتصف الليل Creatures crawl in search of blood مخلوقات تزحف بحثا عن دماء To terrorize yalls neighborhood لبث الرعب فيكم جميعا أيها القاطنين في الجوار /////////////////// Im gonna thrill ya tonight, ooh baby سأثير فيك الرعب هذه الليلة يا حبيبتي Im gonna thrill ya tonight, oh darlin سأثير فيك الرعب هذه الليلة يا محبوبتي Thriller night, baby, ooh! ليلة رعب ، حبيبتي ، أووه The foulest stench is in the air الرائحة القذرة الكريهة تنتشر في الهواء The funk of forty thousand years ذعر أربعين ألف عام And grizzly ghouls from every tomb وغيلان متوحشة رماديـة من كل ضريح Are closing in to seal your doom يقتربون منك محتشدون لتواجهين قـدرك المشؤوم And though you fight to stay alive وهكذا تقاتل لأجل أن تظل على قيد الحياة Your body starts to shiver يبدأ جسدك يرتعش For no mere mortal can resist The evil of the thriller لا مخلوق حي فاني يستطيع المقاومة فجأه وهي ترقص طلعت شغالته في واجهها و ايمان صرخت : يمااااااااااااااامي... الشغاله بغضب: شنوو انت يشوووف وحش قدامك....؟؟ ايمان بضحك: لا عبالي الاحياء الاموات جواا هههههه الشغاله: شنوو يعني هذا انتي يقول.؟؟ ايمان تافف وسكرت الاغنيه: ولا شيء شنوو تبين؟؟ الشغاله: ماما نوف يجي يقول يبي يشوف انتي... ايمان بابتسامه: نوووف... خليهااا تطلع على طوول... طلعت الشغاله وايمان كملت اغنيتها .. و دخلت وهي ترقص: افهم من رقصج ان مافيج شيء؟؟؟ ايمان بابتسامه سكرت الاغنيه و مشت لعندها تحضنها: هلاا وغلا ياا حياتتي... ليش انتي كنتي تظنين فيني شيء؟؟ نوف: خفت عليج لما دخلتي المنتدى امس اتصلت و ما رديتي و لما ما جيتي المدرسه زاد خوفي اكثر وقلت لازم اتصل فيج.. ايمان ابتسمت و مشت لعندها: ماااصار شيء.. قصه عاديه و انتهت.. و ما كان لي خلق اروح المدرسه فقررت اسحب عليها ههههه .. البمهم انتي شلونج؟؟ نوف مدت بوزها حزن... : زينه.. ايمان: لاااا بصدقج يعني... نوف: زواجي حددوا موعده... ايمان بابتسامه: وااااااااااااااووووو صج متى... نوف: لا تفرحين كثــير.... موعده حده مو شيء... ايمان: ليش ... متى... نوف: شهر 12 الجاي.... ايمان بصدمه: نعم؟؟؟ بنص الدراسه؟؟؟ ليش جذي؟. نوف: هند تقول ابي اخلص منه بسرعه حتى تتفرغ لدراستها اخر السنه... ايمان: هند السحليه ... فكرت في نفسها و لا فكرت فيج.. يعني انتي وينج ووين الدراسه في مثل هذي الظروف... خل تنتظر العطله.. نوف: تقول ان عامر عنده شغل كثير في العلطه و احتمال يسافر فلازم يكون وقت الدوام... ايمان بجديه: عطيني رقم السيد عامر.. انا بكلمه .. نوف: انتي ايش اللي تقولينه من صجج انتي.. ايمان اخذت تيلفونها و بسرعه بدت تقلب فيه..: لا اجذب اكيد من صجي... اسكتي وخليني اكلمه ... نوف: ايمان لحظه بس.. ايمان بقوه دفعتها: جب..........الو... عامر بصوت هادي: هلااا حبيبتي ... ايمان شوي انحرجت من كلمته بس حبت تتصرف بهدوء..: للاسف ماني السيده نووف يااا عامر.. عامر حس باحراج اكثر من كلمتها: هلا.. منو معي ..؟؟ ايمان: انا ايمان صديقه نووف.. بصراحه هي جنبي و..... والله ماني عارفه شلون اكلمك في هذا الموضوع.. عامر: خير اخت ايمان ..نوف فيها شيء... بليز تكلمي... نوف كانت تحاول تنتزع موبايله من ايمان بس ايمان كانت تدفعها ، ايمان: نوف منحرج منك بخصوص موعد العرس...و ما عندها احد يكلمك بهذا الخصوص خصوصا ان اخوانها شوي متحفضين و ماعندهم مجادله بقرارات العريس.. عامر وهو مستغرب الجرأه اللي في ايمان و قدرتها على الكلام وهي في هذا العمر خصوصا انها و هند و نوف من العمر نفسه بس مافيهم اللي تتكلم بهذي السهوله مع الغير: وايش اللي مضايقها... ايمان: انت تدري ان في شهر 12 راح تكون بدايه الامنتحانات الاوليه و بعدها راح يبدي الفصل الثاني اللي هو الاهم لها خصوصا انها راح تكون في اخر سنه لها.... عامر: غريبه هند... ما قالت لي هذي الاشياء.. ايمان: يعني ما تدري انها راح تكون مشغوله .. في الدراسه ... عامر: انا سالت هند بهذا الخصوص وهي قالت انه عادي ما راح تتاثر.. ايمان: انت غبي... اقووولك نوف شاطره و دراستها راح تتدهور اذا تزوجت في هذا الوقت ... نوف صفعت جبهتها و بدت تاشر لايمان توقف بس ايمان كملت... عامر بهدوء ابتسم على تعليقها: مقبوله منك يا ايمان... وان شاء الله بغير الموعد ... اوامر ثاانيه.. ايمان بابتسامه نصر: سلامتك اهم شيء تهتم بنوف ولا تزعلها بشيء.. عامر: حاضر .. ايمان: تبي تكلم نوف ولا اقفل الخط... عامر بابتسامه: راح اكلم نوف بعدين.... ايمان: يالله اجل مع السلامه.. عامر باندهاش رغم انه كان يتمنى يكمل: مع السلامه... ايمان سكرت الخط وهي تبتسم لنوف اللي كانت معصبه: ايشفيج؟؟ نوف: انتي شلون تكلمين عامر... ما تستحين؟؟ ايمان: عامر زوجج يعني نص زوج لي... نوف: شنو هذي نص زوج لج هذي ؟؟؟ من وين مطلعتها؟؟؟ ايمان: انا راح اكون شريكه لعامر فيج لانه مستحيل اسمح له يستولي عليج بالكامل... انتي لي ولا نسيتي...وحتى لما تجيبون عيال ..البنت الاولى ايمان و الثانيه ايمان و الثالثه ايمان هههههههههههههه نوف بتافف: فضييييييييييييييعه.... ايمان: ماهو اكثر من السحليه اخته ... الله ياخذها و ارتاح منها ... بعد ما استلم الورث بستاجر لي قاتل مأجور يتخلص منها... نوف باستغراب: ورث اي ورث؟؟؟ ايمان صفعت شفايفها بعد ما تسرعت و قالت السر: انا قلت ورث.. نوف و على وجهها نظره حزن: تخشين عني يا ايمان... ايمان: لا ... انا ما خشيت كنت بقولج بس نسيت .... اسمعي انا... ايمان قالت لنوف كل شيء باستثناء سبب طلعت امها و محمد من السالفه و ان اخوانها حسوا بالذب و يبونها ترجع... نوف: اوبس!! يعني انتي بنت مليارديراااات!!! ايمان بتفاخر: شفتي شلون... و بسكن بقصر اكبر من منطقتنا هذي كلها.. نوف: يعني اغنى من عامر؟؟ ايمان: اغنى منه بكثيييييييييييير... و لما استلم فلوسي راح ازوج هند من اقبح فراش عندي ههههههههههههههههههههههههه ههههههههههههههههههههههههه ههههه نوف: ايمان...!! ايمان : وراح ابني لج قصر كببببيييييييييييييييييير تعيشين فيه انتي و عامر و لما ابي اقعد معج بروحنا اطلب من الحراس يطردونه بره ونااااسه صح.... نوف: ايمااااااااان...!!! ايمان: نعممممممممممم!!! نوف بنظره الم: بتروحين الرياض و بتخليني... ايمان: طبعا لا يااا حبيبتي انا بس بروح فتره و بعدها برجع .. نوف: بس ان عجبتج العيشه هناك. ايمان قامت و حضنت نوف : ما راح يفرقني عنج الا الموت ياا حياااتي .... لا تخافين... نوف ابتسمت و حضنتها اكثر... ايمان: لما اورث الفلوس بخلي راشد الماجد يغني الاغنيه اللي كتبته فيج فواز...في العرس نوف: هههههههههههه راشد الماجد مره وحده ههههه ايمان: ولا يصير في خاطرج راشد و احلام و نوال و الجسمي كلهم تحت تصرفج...... نوف ماتت من الضحك و كملت: يعني ما راح ترضين اشوف هذي القصيده ؟؟ ايمان: مستحيل.. لانج بتورينها لهند... نوف: حرآآآم عليج ... والله ما اوريها احد .. ايمان بنظره معناها ما اصدقج مشت و طلعت الورقه: ترى والله ما اسامحك ان سمعت انها عند هند.... خصوصا انها تعرفين من اللي كاتبها نوف: عرفت والله عرفت... فواز يحب الشعر و احيانا كان يكتب قصايد بعد اصرار مستمر من ايمان قرر يكتب وحده في نوف ، كانت قصيده بسيطه بس في نظره ايمان كانت روعه لانها من فواز و بغنونها في عرس نوف يعني بتسمعها هند و بتموت قهر... ايمان مدت القصيده لنوف و بدت نوف تقراها باعجاب: روعه... ايمان: شغل فواز اكيد تجنن.. نوف اخذت الورقه و فتحت النوت بكتبها فيها: بنقلها اوكي.. ايمان: لا!!!!! ممنوع.. نوف: افااا لهذي الدرجه ما توثقين فيني؟؟ ايمان: والله خايفه منج تاخذها هند وتقثني خصوصا اني انا اللي راح ارقص عليها!! نوف: وان شاء الله شلون بترقصين؟ مصري و لا هندي ولا اجنبي؟؟؟ ايمان بثقه: والله تتطنزين، انتي تتكلمين مع احسن رقاصه في الكون كله.. اصبري بس... بتشوفين خليط من الخليجي و المصري و الهندي هههههههههههه شيء ما ورد في التاريخ .. نوف باستعباط: ارقصي كره سله اوكي هههههههههههه ايمان ضحكت و قالت : هييييييييي اقووول كانج نسيتي؟؟؟ نوف بابتسامه : انا لا يمكن انسى ... ايمان: بنفس الوقت واحد ، اثنين ، ثلاث............ ايمان و نوف بنفس الوقت : Happy birthday>>> ايمان و نوف اللي كان عيد ميلادهم في نفس الوقت قالوا لبعض و بدوا يضحكون... نوف: وين ناويه نقضيه هذي السنه؟؟ ايمان: امشي خل نروح المدينه الترفيه نغير جو و ناكل في مطعم. نوف: اخواني ما راح يرضوني... ايمان : عطني رقمهم و انا اكلمهم... نوف عصبت و خشت موبايلها عنها : نووووووووووو وييي ايمان مدت لسانها لها و بدوا يضحكون بفرح، ايمان كانت تتمنى ان الشهر يمر بسرعه و تقابل عيالتها و في نفس الوقت كانت تتمنى الوقت يظل حتى ما تفترق عن نوف... كانوا مثل عادتهم يحتلفون في مع بعض في مكان معين ... بس ما تدري ايمان ليش تمنت ان هذا العيد ميلاد يكون غير اللي قبله... - - - الرياض. في جناح الجد سلطان دخل احمد على ابوه و سلم عليه و اللي بدوره تحمد له السلامه : بشر يا ولدي ... ايش صار على موضوع البنت... احمد: الحمد لله قابلتها و فهمت الموضوع من اوله لاخره.. الجد سلطان تنهد و سأل: عرفت بسبب طلعت محمد من البيت؟؟ احمد : محمد قال لها ... سلطان: وهي ايش قالت؟ احمد: انصدمت و زعلت و لكن محمد كلمني بعدها و قال لي ان البنت موافقه و بتكون عندنا في اقرب وقت.. سلطان : يعني بتجي عندنا؟؟ احمد بهدوء: اي ان شاء الله بعد ما تنتهي دراستها؟؟ سلطان: ومتى تنتهي دراستها ان شاء الله؟؟ احمد : بعد شهر تقريبا! سلطان: شهر ؟؟ شهر كثير!! احمد: انتظرناها 16 تتصور ان انتظرنا شهر بتغير شيء.. سلطان تنهد و كمل: اوكي ماهي مشكله بنننظر و نشوف.. اتمنى تتقبل الحياه هنا و يتقلبونها العيال حتى ارتاح قبل لا اموت.. احمد: ابوي.... سلطان: خيــر يا احمد.. احمد: ليش ما قلت لي ان فهاد كان خاطب فاطمه قبل ريم... سلطان : ظنيتك تعرف .. ليش الموضوع فيه شيء... احمد : البنت ماهي موافقه.. سلطان عصب و تكلم بصراخ: خييييييييييييير!!! احنا من متى ناخذ راي البنات في هذي المواضيع؟؟؟؟ احمد حاول يكون هادي خصوصا ان اللي يكلمه ابوه: من حق البنت ترفض.. خصوصا ان فهاد كان خاطب فاطمه بنت عمتها .. شلون ترضى تاخذه و بكل بساطه... سلطان: اولا فهاد ما ينعاب حتى ترفضه و ثانيا ماهو خطيب فاطمه حتى تزعل منها او تتضايق هو واحد خطبها و رفضته يعني ما بينهم شيء... شنو اللي مضايقها ... احمد : اشوف ما قلتوا شيء لما رفضته فاطمه.. سلطان رفع حاجبه : فاطمه وضعها غــير.. فاطمه دلوعة الغالي... و نواف هو اللي رفض فهاد ماهو هي... احمد : وانا الحين ارفضه . سلطان: احمد... بعد ما عطينا الرجال كلمه .. تقول هذا الكلام.. تبي تحرجني على اخر عمري... حسبي الله عليك من ولد... احمد تندم على الكلمه... هو طول عمره ما يبي يزعل ابوه منه و بهذا الخصوص ضحى باشياء كثيره يعني الحين ما راح يضحي رغم ان هذا الشيء من مصلحه بنته .. فهاد ولد عايله كبيره و يدرس بره اكيد هو خير واحد لبنته ريم احمد بلع ريقه و قال: اسف و حقك علي يا ابوي... اللي تشوفه بيصير... سلطان حط يده على كتف احمد و تبسم : هذا ولد اللي السنع ... اللي ما يرفض لي طلب.. احمد: متى ناوي يكون الزواج.. سلطان حط يده تحت وجهه و بدا يفكر: خل نخلص من موضوع بنتي ايمان اول و بعدها نفكر بالمواضيع الصغيره حتى لو بغاها بعباتها بنعطيه اياه.. احمد انقهر من التفريق اللي يتبعه ابوه من سنين وهو يفرق بينه و بين باقي اخوانه والحين دخل الجيل الجديد.. التفريق بين عيالهم و عياله ..: الله يكتب اللي فيه الخيــر... - - - بعد شهــر ... انتهت الامتحانات و الدراسه و حان الوقت اخيرا ان ايمان تروح للرياض تزور فيها اهلها بعد معناه طويل ودعت ايمان محمد اللي كانت تحضنه و تبكي و اللي كان يعيد عليها ان هذا قراره اللي اتخذته ولازم تتحمل نتيجته ، فواز كان في رحله فعلشان كذا ما ودعته الا بالتيلفون، ايمان صعدت الطياره مع جسار و مشوا للرياض... الرحله ما كانت طويله لكنها كانت كذا بالنسبه لايمان اللي كانت كل دقيقه تقول لجسار.. انا قالوا كذا ايش اسوي و ان سوا كذا ايش اسوي و هي يقولها تصرفي طبعي كل شيء بيكون على خـير ما يرام.. ايمان بابتسامه وهي تغادر منطقه المغادرين في المطار: اهههههههههه و اخيرااا وصلنا... جســار من غير نفس: كثيييييير فرحانه... ايمان عطته نظره قويه .. : اكيد بفرح و اخيرا بشوف اهلي... جسـار حرك عيونه على جسمها و بابتسامه قال: اقووول سكري عباتك عدل لا تفشلينا.. ايمان عدلت عبايتها اللي اول مره في حياتها تلبسها... سكرت كل الازره اللي كان تحتها جينز ديرتي و قميص مربعات عادي... و عدلت طرحتها و نظاراتها رغم ان جسار كان يعيد عليها تغطي وجهها لان ما يبي اي ازعاج كانت تتجاهله و تكمل مشياها: تتوقع جوا يستقبلونا؟؟ جسار: لو بيطرشون لنا تاكسي يكون احسن.. ايمان: اوووووووووف انت ليش صاير مليييييييق... اوووف شوووف.. جسار حرك لعيون لرجال كان لابس ينيفورم سايق و ماسك لوحه .. ( جسار البدر )، جسار مشى لعنده مع ايمان: السيد جسار و الانسه ايمان؟؟ ايمان بتهور قبل لا يتكلم جسار: اي نعم ...!! السواق: انا بشار.. السيد سلطان طلب مني استقبلكم و اوصلكم للبيت.. ايمان عطت جسار نظره انتصار: مشكووووور.. السواق اخذ شنطتهم و بدا يوصلهم للسياره ايمان فتحت فمها على اخر لما شافت انها مايباخ: اووووووه ماي قاااد هذا من اولها جذي!!!! جسار: انا متاكد هذي اسوء سياره عندهم... ايمان:مليييييييييييييييق... جسار و ايمان ركبوا السياره و تحرك فيهم السواق... ايمان كانت منبره بالاحياء اللي يتحركون فيها و كيف هي تختلف عن بعضها و تعلق السواق قال : يظهر ان سيدتي اول مره تجي الرياض.. ايمان ببساطه : اول مره ... دايما اروح بس مكه... السواق: اجل ضروري ناخذ السيده في جوله حتى تتعرف على الديره اللي تنتمي لها.. ايمان : مشكور... السواق : العفو. جسار: باقي كثـير على البيت؟؟؟ السواق: دقايق و بنكون هناك... السواق بعد فتره وقف قدام بوابه قصـر كبيره و بعد ما عرف ببطاقته الشخصيه دخلوا ايمان انبهرت من شكل البوابه و الحديقه الضخمه اللي كانوا يعبرونها اللي في نهايته البيت : انتوا متاكدين احنا في الرياض ... احنا متاكدين في الخليج العربي؟؟؟؟؟ هذي الطبيعه غيييييييييير ... السواق: السيد كلف مجموعه كبير من المهندسين الزراعين حتى يبنوا هذي الحديقه و يجهزونها حتى تصير مثل قصور العصور القديمه في اوروبا.. ايمان كانت فمها مفتوح على الاخر: وووووووااااووو انا لايمكن اطلع من هذا البيت ابدااا!! جسار بهدوء: هذا القصر غير الفيلا اللي كنا عايشين فيها واحنا صغار.. ايمان باستغراب: انت تذكر بيتكم اول؟؟ جسار بهدوء: اكيد... انا ما كنت صغير كثير لما طلعنا.. . السواق: اعمال السيد تغيرت كثير بعد ما استلم السيد الصغير الشغل كله توسعت الاعمال و صاروا الحين اغنى عايله في الوطن العربي و من اغنى اغنياء العالم كله.. ايمان: منو هو السيد الصغير.. السواق كان بيتكلم بس وصلوا لباب القصر فقرر يسكت .. : وصلنا ياا سيدتي... ايمان نزلت من السياره بسرعه ووقفت تتامر القصر الضخم: ووووووووووووواوووو جسار نزل ووقف جنبها بهدوء: الله يستر علينا.. ايمان: تتكلم وكانا رايحين الحرب.. ايمان بثقه قررت تمشي للباب و جسار كان وراها و هو يقول بنفسه: اسوء من الحرب يا ايمان.. - - - من ورا الشبابيك الكبيره كانوا واقفين البنات فاطمه و عواطف و ديما و ريم و ساره ، واللي كانت ساره هي الوحيده المبتسمه فيهم : احمد!! وصلوااا.. ديما بانقراف قالت : ايش هذاا اللبس اللي لابسته هذي... عواطف: انتي وين شفتيه البنت لابسه عبايه.. ديما : عبايتها تخرع وووووع .. فاطمه وعيونها على جسار: اللي جنبها احلى منها بكثير.... من هذا ماما.. ساره بابتسامه : هذا جساار ولد محمد اللي كان عندي طول الوقت وهو صغير..حلو صح؟؟ فاطمه وعيونها لحد الحين عليه: يذبح... باب القـصر انفتح و دخلت ايمان و اللي صارت اخيرا وجها لوجه مع عايلتها ... : هلووووووو انا ايماااان .. - - - - .. هلابك سيدي شيخ يهز الأرض ترحاله .. .. هلابك سيدي شيخ تهز قلوبنا شجونك .. .. هلا بك والوجيه وجيه وجهك انت بلحاله .. ..هلابك والوفا اصدق من عيونك الى ظنونك.. ..هلابك وانت مجد والكرم من اصغر عياله .. ..هلابك والصعاب تهاب الى اصطكت لها سنونك .. _-_-_-_-_-_-_-_-_-_-_-_- ..يقولون النهر سلطان وله عذبه وله جاله .. .. وانا اقول النهر يقصر عن ايدينك ومكنونك.. .. سمي العز ابو خالد قصيرك مااحد طاله .. .. ينامالنجم فـ ظلالك تفيا الغيمه ردونك _-_-_-_-_-_-_-_-_-_-_-_- .. عجبت من الوله في الناس احسب فيهم الداله .. ..لقيت الداله اللي فيهم يسوق العمر دونك .. ..تشاويت القصيد وقلت اكب اللي بفنجاله .. ..واصب قلوبنا لك فيه واشربها على هونك.. يتبع - - - و اخيرااا و صلت ايمان لقصر اهلها ايش اللي تتوقعون ينتظرها؟ فاطمه هل نظرتها لجسار مجرد اعجاب؟ او ناويه على شيء ثاني؟ سعود على ايش نااوي بعد ما هدده نواف؟ شلون بيكون لقاء نواف و ايمان وهل بيتذكرون بعض؟؟ نوف و شخصيتها الضعيفه الى اين؟؟ ديما شلون بتتعامل مع ايمان؟ فاطمه شلون بتتعامل مع ايمان؟ عواطف شلون بتتعامل مع ايمان؟ ريم شلون بتتعامل مع ايمان؟ الاخوان منصور و اسامه شلون بيتعاملون معها؟ عيال الاخوان شلون بيتعاملون معاها نواف شلون بيتعامل معها ؟ وين بتسكن ايمان؟؟ و هل راح تتقبل المكان اللي بيختارونه لها | ||||
|
| |
|
19-09-11, 10:06 AM
| #20 | ||||
| نجم روايتي
| الحب اسرار .. قال الصدق بومحضار وانت وينك ؟ وين الحب يا غدار ؟ ما صنت سر الهوى ولا فؤادك نوى فيك الامل خاب .. ما تعرف الحب لا تكذب على من حب يا كذاب .. ! ما الحب الا .. فداء خلك من الاخطار وانت ترمي حبيبك في لهيب النار ياليت لك مستوى تفهم وتدري الهوى وتقول انا احب ؟ .. ما تعرف الحب لا تكذب على من حب يا كذاب .. ! صفوك مكدر وحلوك فيه طعم القار بدايتك ساحره ونهايتك مكار ما لقيت فيك الهنا من ديرتك ما ارتوى فيك الامل خاب .. ما تعرف الحب لا تكذب على من حب يا كذاب .. ! تظلم وتبكي وتسبق تشتكي للجار وتعيد لكن لك اسلوب في الاعذار تجرح وترمي الدواء وتقيد اللي هوى وتقول انا احب ؟.. ما تعرف الحب لا تكذب على من حب يا كذاب .. ! البارت السادس : القـصر انفتح و دخلت ايمان و اللي صارت اخيرا وجها لوجه مع عايلتها ... : هلووووووو انا ايماااان .. ايمان توسعت عيونها على الاخر على عدد الاشخاص الموجودين كانت متوقعه تسلم على اخوانها بس لكن تواجد عيالهم كلهم بنات و صبيان خلاها تستغرب اكثـر...احمد كان اول من قرب لها.. بابتسامه مد يدها على كتوفها و سلم : يا هلا و غلا باختي ايمان.. ايمان ابتسمت له و حمدت ربها انها قابلته من قبل على الاقل حست براحه لان في احد تعرفه: هلا فيك اكثـر يا اخوي.. احمد: جسار شلونك.. جسار مشى و سلم بهدوء : بخيــر... اسامه كان الثاني بكل اصطناع يمتلكه ابتسم و رحب بصوت عالي مسموع: يااا هلااااا باختي الغاليه نورتي بيتك يا الغاليه ... ايمان ابتسمت و سلمت: النور نورك بس من معي؟؟ اسامه بنبره ضاحكه: هههه انا اسامه اخوك الكبير .. اللي من اليوم و رايح تطلبين منه اللي تبين وهو ينفذه لك.. ايمان حاولت تبتسم له : تشرفنا... اسامه بسرعه سحب عياله و قدمهم لها : عيالي ، فارس و فيصل و عبدالعزيز.... سلموا على عمتكم... ايمان غمزت لعبدالعزيز: كم عمرك يا حلو... عبدالعزيز بتوتر وهو مستغرب تصرفها: 17 سنه... ايمان بابتسامه: واااووو مثلي.. يعني انا وانت بنصير اصدقاء.. عبدالعزيز الهادي طول الوقت انحرج من كلامها خصوصا انها المره الاولى اللي يتكلمون فيها مع بعض... منصور حس ان اسامه سبقه بسرعه اخذ عياله معه و مشى لعندها باستعجال : هلا باختي ايمان انا اخوك منصور... اخووووك اللي اكبر من اسامه و هذول عيالي ديما و سعود و ندى وعلى فكره ندى هما عمرها مثلك... ايمان حست في الفرق اللي بين اسامه و منصور وقدرت تحلل شخصية كل منهم ابتسمت و سلمت عليهم بعدها مشى احمد بابتسامته المعتاده : بما انك تعرفين مشاري فراح اقدم لك بس بناتي... ريم الكبيره و سديم اصغرهم .. ايمان اخيرا ابتسمت بصدق: فرصه سعيده ريم و سديم و ان شاء الله بنكون خيـر صديقات... احمد كمل في الوقت اللي قربت فيه ساره لهم: و طبعا هذي اختي ساره ... و بناتها عواطف و فاطمه.. ساره بابتسامه: مافي داعي تعاملني مثل بناتك يا اخوي.. اقدر اقدم نفسي بنفسي.. احمد ابتسم لها و ساره تقدمت لايمان و حضنتها بقوه: و اخيرا اقدر اقول لانسانه يا اختي... ايمان حست بشعور غريب ما حسته مع اي من اللي سلموا عليها خصوصا ان احمد ما حضنها مثل ساره.. حست ان ساره غير عن اسامه و منصور بكثــير.. عواطف سلمت على ايمان برسميه و فاطمه رغم انها كانت تبتتسم الا ان ايمان حست انها ما كانت طايقتها.. احمد قرب منها و قال بهدوء: ايش رايكم ناخذ ايمان و جسار يسلمون على الوالد و بعدها نسحب جسار معنا الدوانيه و نترك البنات ياخذون راحتهم.. اسامه بكل تاييد: فكره حلوه يا اخوي.. انا موافق... منصور: اكيد و منها تتعرف البنات على بعضهم عدل.. ايمان ابتسمت و صعدت هي و جسار لجناح ابوها فتحوا الباب و تلاقت عيونها بعيونه الذابله اللي كانت التجاعيد محاوطتها و النظره البارده و اضافه الى وجهه الشاحب.. احمد قرب منه و باس راسه ... احمد وهو ياشر لها: تعالي يا ايمان و سلمي على ابوك.. الوجه الشاحب حاول يبتسم لها بحنان الا ان ابتسامته كانت في نظر ايمان ابتسامه بارده مالها اي قيمه معنويه و بس و رغم هذا قربت منه و باست راسه و رمت نفسها في حضنه : يا هلا يا ايمان يا هلا يا الغاليه يا بنت الغاليه.. ايمان حست في كلامه شيء بسيط من الحنان شعورها كان مختلف عن شعورها لما ترمي نفسها في حضن محمد ، كان محمد في نظرها ابوها الحقيقي و الحين تاكدت من هذا الشيء.. حست بانزعاج من الوضع و حبت تتخلص منه لما قالت: جسار تعالي سلم.. قرب جسار بهدوء و باس راس جده و بعدها تراجع: شلونك يا جدي.. بو محمد هز راسه له: ماشي حالي... لحد الحين عايش رغم رغبت ناس كثير اني اموت.. اسامه و منصور ظهرت ملامح الانزعاج على وجوههم بس جسار قطع الموضوع: بعيد الشر بو محمد بخبث ساله: ابوك ليش ما اجى معكم؟ جسار: ما حصل اجازه لا هو و لا اخوي فواز... بو محمد : يعني ماهو علشان الحلف اللي قاله من سنين.. جسار: طبعا لا .. ابوي قلبه صافي و نظيف ولا يمكن يفكر في هذا الاشياء ... بومحمد ابتسم بسخريه: قصدك ان ابوك ما تغير حتى بعد هذي السنين... جسار : ابدااااا احمد قطع الحوار اللي عارف انه ماله داعي: يبه ايش رايك نكمل كلامنا بعدين ... جسار و ايمان توهم واصلين و اكيد التعب قاضي عليهم .. من الاحسن نخليهم يرتاحون و بعدها نكلم حديثنا... اسامه بسرعه رد عليه : لا مستحيل لحد الحين ما شبعنا منهم... خلنا نشبع منهم و بعدها يروح يرتاحون... ثانيا هم جايين من الكويت ماهو من اخر العالم حتى يتعبون؟؟ ايمان بسرعه حبت ترد على تعليقه اللي كان مليان اهتمام مصطنع: يعني اذا قعدتوا معانا كم ساعه بشبعون منا و تطلبون منا نرجع يا اخوي؟؟ اسامه توسعت عيونه على الاخر من ردها ما توقعها بكل هذي الجراه: طبعا لا يا ايمان... منصور بغباء معتاد منه: اسامه اخوي قصده انه احسن لو نجلس مع بعض كم ساعه نعرفكم فيها و نعلكم على اسلوب حياتنا... ايمان: بس يا اخوي هذا الكلام ما ينقال لنا لانا احنا ناوين نجلس معكم على طول فاكيد راح نعرف كل شيء مع الوقت .. ماهو كم يوم راجعين باللي تعلمنا صح؟؟ منصور انقهر اكثر بعد ما سكته كان واضح انها عندها فكره مسبقه عنهم و عن تصرفاتهم و لا كان ما عطت اهتمام كبير لكل كلمه يقولونها ... احمد مسك كتفها و اخذها معها : حتى ولو يا حبيبيتي اكيد البنات يبيون يتعرفون عليك مثل ما العيال يبون يعرفون جسار.. ايمان ابتسمت له و مشت معه لبره ... منصور و اسامه عطوها نظره قويه لحد ما طلعت من الجناح.. بو محمد ابتسم بخبث و هو يشوف اسامه و منصور و نظراتهم و بعدها شلون طلعوا و راهم بتافف وهو يقول بنفسه: لحد اليوم ما عرفت منو الشخص اللي تسبب على اسماء و دمر حياتها ... لكني واثق من ان ايمان راح تكتشفه لا و بعد راح تدمركم واحد واحد... - - - بعد دقايق ايمان بتملل كانت جالسه تستمع لحوار ملل من زوجات اخوانها واللي عرفتها عليهم ساره اختها في جهة و الحوار الثاني اللي بين ديما و فاطمه، عواطف و ريم كانوا جالسين بهدوء.. بتافف سحبت موبايلها و كتبت لجسار.. ايمان: كيف الحال؟؟؟ بعد اقل من دقيقه رد عليها جسار: ملل و لوعه جبد.. ايمان بابتسامه اخفتها : شعور متبادل... جسار: فيصل و مشاري ما عليهم سوالفهم عاديه بس السيد سعود واضح انه ماهو متقبلني و نفس الشيء فارس اللي يحاول انه ما يبين هذا الشيء.. ايمان : ههههه حلوه العكس عندي.. ريم و عواطف ما يتكلمون و ديما تسولف مع فاطمه ولا معطيني وجه هههههه حتى زوجات اخواني طاحين فيها سوالف مع ساره ... جسار: هههههه واضح ان كل واحد نسخه معدله عن اهلهم... تعالي ايش رايج في اخوانج؟؟ ايمان: احمد ماعليه احسه طيب و حنون ... ساره نفس الشيء مع اني احسها قاعده تسحب نفسها بقوه مني... جسار: والباقي؟؟ ايمان: منصور احسه حمار وحشي .. و اسامه كوبرا سامه... جسار وهو حاط لها سمايل فيس: شنووو هذااا حمار وحشي ههه و كوبرااا ... ايمان: لاني احس منصور غبي و في نفس الوقت في داخله شرير .. اما اسامه واضح انه منافق كبير و بو وجهين.. جسار : ههه شعور متبادل... ايمان: ايش رايك في البنات؟ جسار استغرب سؤالها بس قرر يرد عليها بوضوح: طبعا ما نظرت لاي وحده منهم ... حتى و ان كانوا كلهم كاشفين انا ما اسمح لنفسي انظر لاي منهم .. ايمان : وفاطمه؟ جسار: اي وحده؟ ايمان : هههه توك تقول ما انتبهت على اي منهم بس ما علي انا بساعدك ( قلب ) ( قلب) اللي ما شالت عينها عنك من اللحظه اللي دخلنا فيها البيت .. جسار: اسمعي يا ماغي انا مالي اي خلق حق العابج الغراميه خصوصا في هذا المكان و مع هذول الناس... ايمان: بس فاطمه حلووووه واااايد جسار: جب .. ايمان : انت جب... ايمان وهي تتكلم مع جسار سمعت حديث مسموع و عالي خصوصا انه كان بين طرفين بعاد عن بعض في المجلس.. ام سعـود: مبـروك ريم سمعت بخطبتك؟ من فهاد.. ريم بتوتر خايفه من كلمه راح تنرمي عليها : الله يبارك فيك ام سعود بابتسامه ساخره: ما بغيتي؟ ريم و امها حزت في قلبهم الكلمه بس حبوا يطوفونها ، بس ديما واللي طبعها اسوء من امها ما قدرت تسكت: الله يعينك عليه يا ريم...اخته مروه تقول ان اخوها فهاد طول عمره عايش بره و تصرفاته كلها اجنبيه ما ادري شلون بتعيشين معه وانتي كلمتيني على بعض انقليزي ما تعرفين.. ريم انقهرت وحست انها بتنفجر بكي بس عواطف حطت يدها على كتفها تهديها: ديما التمكن في الانقليزي يجي بالممارسه و ماله علاقه بالتخصص انا مثلا مع ان تخصصي انقلش ما اعرف اتكلم بطلاقه اجنبي.. ديما: يمااامي انا ايش سويت حتى ترديني علي بهذا الشكل يا عواطف.. انا كل اللي قلته الله يعينها ... ايمان بسرعه ارسلت لجسار رساله تنهي فيها حديثهم لان اللي يصير قدامها مستحيل يمر من غير ما تتدخل: جسار بكلمك بعيدن اوكي.. ايمان بنظره ساخره: واااوو ما شاء الله عليج ديما عيني عليج بارده... ديما بابتسامه كلها غرور: ما شاء الله علي في ايش يا عمتي؟؟ ايمان بابتسامه مزيفه: كل هذا الجمال و الاسلوب المميز اللي فيج يذكرني في كارتون احبه اسمه سنووايت... ديما حست بكتله كبيره من الغرور و من غير تفكير بدت تمسح على شعرها :ثااانكيووو صحيح انا بيضا و حلوه كثير بس ما توقعت اني اشبه سنووايت هههه ايمان و ما زالت الابتسامه على وجهها : ومن اللي قال انك تشبهينها انتي تذكريني بزوجه ابوها الساحره ... بسرعه خارقه تغيرت ملامح ديما المبتسمه الى الصدمه فمها انفتحت على الاخر و عيونها توسعت باتجاه ايمان ... ساره و فاطمه و عواطف كانوا مصدومين ، ريم و امها كانوا ماهم عارفين ايش اللي صار بالضبط .. سديم انفجرت ضحك، وحتى ندى كانت بتضحك بس خافت من امها ... ايمان كملت بعد ما شافت تعابير وجهها: اتمنى ما تكونين زعلتي ...هذا اللي فعلا فكرت فيه بعد ما سمعتج تتكلمين خلاص ولا تزعلين انتي امممممممممممممممممممممممم ممممممممممممممممممم (لافينيا ) اللي في كارتون سالي .. اعتقد انها حلوه و غنيه و تحب اللبس و الكشخه يعني مثلج بالضبط ام سعود بسرعه قبل لا ترد بنتها و تنحرج: ههههه حلوه منك يا ايمان.. ان كانت ديما حبيبتي لافينيا انتي ايش...؟؟؟ ايمان ببساطه و هي تضحك: انااا.. بابا محمد يناديني ((سالي)) بس جسار يقول لي (( طرزان )) و فواز يسميني ( فلونه ) ايش رايج يااا ديما يناسبوني صح.. ديما انقهرت من كلامها و شلون تتكلم بكل بساطه : اي يناسبونك كثـير خصوصا طرزان جسار عنده حق.. ايمان والابتسامه مازلت على وجهها: جسار سماني بهذا الاسم بعد موقف صار بينا بس انتي شلون حكمتي انه يناسبني ؟؟؟ ديما بتهور و من غير تفكير: هذا اللبس اللي لابسته و هذي النظارات ما تلبسها بنت في عمرك الا جايه من غابه .. ام سعود غمزت لديما بس ما ردت عليها ديما و كملت ، ايمان ابتسمت و ردت عليها بهدوء: ووواااووو يعني لبسي ماهو عاجبج ... اوكي ... لا يعجبج... يكفي انه يعجبني اناا...خصوصا اني اسوي اللي ابيه في والوقت اللي ابيه و اللبس جزء من هذي القاعده اللي اتبعها .. ديما: قاعده غبيه .. ايمان بابتسامه : وووووووووووووواااوو حلوه كلمه غبيه ... نابعه من قهر و ضعف... ديما بجنون: ايش اللي قهر و ضعف هذي !!!! ايمان وهي تهز اصبعها قدامها بالنفي: الشخص اللي يلجأ للاهانه في حوار هو انسان ضعيف ما يقدر يرد على اللي هم اقوى منه.... ديما و كم دمعه تجمعت في عيونها : اسكتي!!!!!! ايمان بضحك: شفتي شلون انتي ضعيفه... ساره وقفت الحوار بسرعه: ايمااااااااان . ..ديمآآآ ... بس كافي.. ديما بسرعه طلعت من المجلس للحمام القريب ، ام سعود : شفتي يا ساره اختك ايش سوت؟؟؟ ام فارس : البنت ما قالت شيء غلط يا ام سعود... بس بنتك هي اللي كبرت الموضوع.. ام سعود: بنتي ما كبرته ايمان هي اللي قالت عنها زوجه ابو سنووايت... ايمان وهي تصطنع البراءه: تصورتها بتفرح زوج الابو كانت في نظري احلى من سنوايت ... ام سعود: تستعبطين حضرتك؟؟!!! ساره: ام سعود ... خلااااص كااافي .. ايمان توها واصله و ما تعرف طبع بنتك الحساس ... انسي الموضوع و شوفي بنتك.. ام سعود بعد ما عطت نظره قويه لايمان اللي كانت ملامح البراءه عليها مشت لعند الحمام و تركتهم ايمان بعدها التفتت لجهة ريم و غمزت لها عينها ... عواطف فهمت الشيء و قال لريم: تتوقعين ايمان ردت على ديما بسبب كلامها معك؟ ريم: مـ..ـا ادري... فاطمه حركت راسها لعندهم: جرئيه ايمان هذي.... انا متاكده ان الايام الجايه بتكووون مره ممتعه... عواطف ابتسمت لاختها و تمنت يكون الشيء هذا حقيقه ... - - في نفس الوقت الكويت : محمد دخل غرفه ايمان و بدأ يتاملها حس بشيء من الفراق و الوحده ... هو صحيح انها غادرت من كم ساعه بس .. لكن مشاعر الوحده تملكته من اول ما طلعت من باب البيت .. فواز وقف عند الباب و تسند بظهره عليه : مشتاق لها ؟؟ محمد وهو يجلس على سريرها و يتامل العابها اللي عليها : اكيـد... فواز وهو يضحك: مسكين جسار ... محد فينا فكر فيه... محمد: انت عارف اني ماني خايف على جسار... فهو مالهم اي مصلح في ايذائه بس ايمان غيـر,, فواز يظهر : يا بابا انك نسيت ان ايمان جبل ما يهزها ريح .. و مهما كانوا اللي هي رايحه لهم راح تفوز عليهم و ترد بانتصار... محمد وهو يتنهد بقوه: عارف هذا الشيء.. بس خوفي انهم يستغلونها من غير لا تعرف... خصوصا انها طيبه القلب و بسرعه ينكسر خاطرها... فواز: بس انت قلت لها الناس اللي لازم تحذر منهم ... و اما الباقي فما في خوف منهم.. محمد: فواز .. انا خوفي هو من ان الناس اللي كانوا طيبين انسحبوا في طريق القسوه خلال هذي السنين .. بمعنى ان ايمان المفروض تعتبر كل الموجودين اعداء و ما تعطي اي مجال لاكتشاف نقاط ضعفها لاي واحد منهم ... فواز: لا تخاف على ايمان ... و حتى ان خفت عليها .. تذكر ان جسار معها ... محمد: بس جسار ما راح يسكن معهم !! فواز رفع حاجبه: ليش جذي؟ محمد: لان جسار ما يبي اولا يختلف فيهم و ثانيا لازم يراقب كل شيء من بعيد حتى يكون كل شيء واضح عنده، انا طلبت منه يشتري لنا بيت صغير شوي قريب من قصرهم ... فواز باندهاش: لنا.؟؟؟ محمد: تظن اني بقدر اظل بعيد عندها كثــير ... و الشيء هذا ينطبق عليك؟؟؟ فواز ضحك: ههههههههههه طبختوها و الحين وكلتونا اياها ... هذي خياااانه محمد: هههههههههه ضروروي كان اني اتركها تواجه الموضوع لوحدها في البدايه و تعرف قدراتها .. بس بعدين لازم ارجعها لحضني... فواز: البيت فعلااا هادي من غيـرها ... محمد وهو يسحب الرسمه اللي تركتها له على وسادتها ( انا احب با’آآآآآبآآآآ ) و ابتسم: شعور متبادل.. - - - الرياض: فيـلا منـصور ( بوسعود ) دخلت ديما بجنون البيت رمت شنطتها و عباتها على اول كنبه و التفتت في وجه ابوها تصرخ باعلى صوت: ماا اطييييييقهااا مااا اطيقهااا اكرهااااا الحقييييييره ... سعود باستغراب : انتي عن منو تتكلمين قولي؟؟؟ ديما: في احد غيرها الجديده اللي دخلت البيت و بكل وقاحه احرجتني قدامي عمتي و بناتها و الله العالم ايش نوايه عليه في المستقبل .!! ندى بتوتر: بس يا ديما انتي اللي بديتي ولا نسيتي!! انها كانت تتكلم وهي مبتسمه يعني ماخذه الموضوع ضحك!!! انتي اللي كبرتيه و حولتيه لشجار..!! ام سعود بصوت عالي: انتي اسكتي ولا كلمه.. اختك احرجتها هذي و انتي ولا كلمه قلتي تساعدينها فيه... ندى انقهرت من كلمة امها و بسرعه تركتهم و صعدت لغرفتها ... ام سعود حركت وجهها باتجاه منصور زوجها: منصور انت لازم تحط حد لاختك هذي...اليوم هي توها واصله احرجت بنتي الغاليه ، منو يدري بكرا بعد ما تتعود على البيت و تستلم فلوسها ايش بتسوي... منصور تأفف: اسمعي يااااااااا دلال انتي و بنتك غالين علي اي لكن انا ماني مستعد اخسر الثروه اللي طول عمري احلم فيها بسببكم ... ام سعود : يعني انت بتسكت على اللي سوته فينا اليوم؟؟ منصـور: تحمليها هالمده يا دلال لكن بعد ما تنتهي خطتنا بنطردها مثل الكلبه... ام سعود زفرت بقوه: الله يستر و ما نخسر كل شيء قبل لا نربح... | ||||
|
| |
|
| أدوات الموضوع | |
| انواع عرض الموضوع | |
|
|
10Likes
.png)
.png)
العرض العادي
