آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
23-10-11, 09:42 AM
| #1 | |||||||||||||
|  من أعماق أحضان مجنونة للكـاتبه ملح الحياه وسكرها
التعديل الأخير تم بواسطة فيتامين سي ; 12-10-13 الساعة 10:46 PM | |||||||||||||
|  |
|
23-10-11, 09:56 AM
| #2 | ||||
|  ....البارت الثاني,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, , بها الليلة محد قدر ينام ويرقد ويرتاح حتى اللي مو هامه رجع شمل العيلتين من جديد!!لان الحياة بها الفيلا من طلعة الشمس بتكون غير في كل شي..قطيعة سبع سنوات بين الاخو واخته ماكانت بسيطة ابدا!! فرقتهمصح وعزة نفسهم خلتهم يكابرون ومايسئلون عن بعض حتى في اتفه الامور البسيطة ولااشد الشدايد الكبيرة,,, لافرحهم تشاركوه ولاحزنهم ,, ظلوا بعيد عن بعض والفراق تحملوه عيالهم بدون ذنب لمجرد اختلاف بالورث؟؟؟ طلعت الشمس موعلشان تصحيهم من نومهم لانهم كانوا سهرانين اصلا ,,بس علشان تقومهم للاستقبال.. نزلت ام وليد الصالة وكان ابو احمد جالس يفطر ووليد يقراء بالجريدة ومريم و جالسة جنب ابوها,, صباح الخير,,,قالتها ام وليد بكل برود وجلست جنب ابو وليد.. ردوا كلهم بنفس البرود ورجع الصمت بينهم.. لفت ام وليد و قالت لوليد/ماتبي تفطر؟ وليد/لا ام وليد/ليه؟ وليد/مالي نفس.. ام وليد باصرار/قوم كل لك شي؟ ابو احمد بحزم/ماهو صغير تجرينه للاكل اذا اشتهى بيقوم بنفسه؟ سكتت ام وليدوكاْنه مو عاجبها بس ماحبت تناقشه بشي لان مزاجها متعكر..بعد سكوتها بثواني قام من السفرة.. ام وليد/على وين؟ ابو احمد بلامبالاة/وين يعني؟؟الشركة اكيد... ام وليد/أي بس انت عارف ان اخوي بيجي بعد شوي مع عياله؟ ابو احمد/وانا شسويله؟ ام وليد بعصبية/شنو يعني شتسوي؟ ابو احمد بتهكم/اخوك انتي اللي بيجي ماهو باخوي انا...وبعدين خلكم تتكلمون براحتكم...يالله فمان الله... تركهم وطلع وبعد ثواني انفجرت بعصبية/استغفر الله... مريم/يمه.. ام وليد بعصبية/وصمه...وش تبين انتي بعد؟؟ وليد/يمه روقي لاتعصبين.. ام وليد/وانت اسكت بعد لاتزيدني.. مريم/ابوي معاه حق المفروض اليوم تجلسين مع خالي بروحكم تشوفون وش بيصير بينكم وبعدها يجي ابوي ويستقبل خالي!! وليد بتاءيد/أي والله.. ام وليد بقهر/اقول اذا ماعندكم سالفة انت واختك انطموا احسن.. مريم/ها سكتنا... ام وليد/اختك وينها؟ مريم/كانت نايمة مع دارين البارحة بالفيلا الثانية؟ ام وليد بصراخ/ياسلاااام...خالها جاي وهي مطيحة لي عند عيال العراقية!!روحي ناديها تجي لابروح اجرها من شعرها؟؟!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,, تعالوا نتكلم عن عيلة ابو احمد وام وليد.. ابو احمد متزوج ثنتين..ام وليد ووحدة ثانية اهلها عراقين بس انها انولدت هنا.. ظل مع ام وليد اربع سنوات وماجابت عيال وبعدها تزوج ام احمد اللي جابت له احمد وبعدها جابت له هالة ويوم حملت بغسان حملت ام وليد بوليد وبعدها جابت له بنتين وجابت له ام احمد دارين,, (وعلشان لاتلخبطون... عيال ام احمد/احمد/هالة/غسان/دارين) عيال ام وليد/وليد/مريم /اروى) طبعا ابو احمد كان متشارك مع ابوها(ام وليد) وبوقتها كتب له جزء من الفيلا باسمه ومنها جلس فيها ابو احمد وماطلع وجاب فيها مرته ام احمد وعياله وكانوا طول وقتهم هواش مع بعض لين كبروا وكلهم مايتكلمون بس البنات يوم كبروا وتوفت ام احمد تقربوا من بعض شوي ومو بكل الاوقات طبعا مع دارين بس لان هالة ماتقدر على طاريهم!! احمد/الولد الكبير عمره 34 سنة..متزوج من ريم البنت القروية اللي شاب راس شعره وهو يقنع اهله انه يبيها وابوه رافضها وماوافق الا بطلعة الروح طيب ومايعصي ابوه بشي وهذا اللي مخلي اخوانه يكرهون طيبته اللي دايم تضيعه..يحبهم ويخاف عليهم ودايم سند وعون لهم.. هالة/دكتورة اسنان عمرها ثمان وعشرين سنة متزوجة من رجل اعمال من معارف ابوها..بنت مغرورة وفيها كبرياء وعزة نفس ومايعجبها احد طول وقتها هواش ومصادمات وحتى اخوانها قلبها مو رحيم عليهم... صديقتها المقربة منها الجوهرة هي بس اللي فاهمتها,,, غسان/الولد الرزين والعاقل بينهم...متوازن بكل شي..وتفكيره دايم منصف ..يدرس محاماة لانه يعشق ها المهنة ووده يكون محامي... دارين/البنت اللي شبه ضايعة بها البيت بين ابو يحبها ويرعاها بس مايقدر يقابلها طول الوقت وبين اخوان كلا لاهي في حياته وبين زوجة ابو تكرهها وماتواطنها وماتبي لها الخير خصوصا انها الانجح من بناتها اللي بعمرها؟ وليد/اذا الفشل كان له عنوان فهو عنوانه بالتاْكيد!!!همه دلال امه ورضاها عنه لان ابوه سافطه ومايعتمد عليه بشي وروحته الشركة بس علشان ترضى عنه امه ولاابوه مايعبره ولايحسب له حساب..حياته سهر بالاضافة الى شلة بالاضافة الى لاطموح؟؟؟ مريم/همها انها تتزوج وبس!!ومو مهم معنى الزواج ولا انها كيف بتعيش حياتها؟؟حتى يوم انخطبت لمشاري اللي هو ولد صديق ابوها ماتغير بحياتها شي...حتى ماتدري اذا كلمته وش تقول له؟اروى/تعتبر الافضل بين اخوانها مريم ووليد صدق كلهم ماخلصوا الثانوية الا بفلوسهم ولاهم مايدرون عن شي بس مع هذا تعتبر اخلاقها مع دارين واحمد وغسان الافضل لان مزاجها اقل تعكير منهم وماعندها ذيك الغيرة الكبيرة,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,, مطلق بتاْفف/ابي اعرف بناتي وش له اخذهم معي بعد يبى؟ جراح بسخرية/شدعوة خلهم يتعرفون على العيلة؟ ام مطلق/انت اسكت.. ابو مطلق/يالله لاتاْخرونا,,, نسايم/احنا جاهزين عيالك اللي جالسين يسولفون؟ مطلق/عيالك وعيالك..اي مو لان ماعندها غير ها العيال؟ ام مطلق/اقول بيكون في احد هناك؟ ابومطلق/تقصد عيال العراقية؟ ام مطلق/أي.. ابومطلق/مو قادر اتوقع شي من زمان عن اختي ومدري كيف اوضاعهم بالبيت؟ ام مطلق/يالله سرينا,, قاموا كلهم ويوم طلعوا للكراج وقف مطلق جنب جراح وقال/تهقى انها بتكون هناك؟ ناظره جراح بحدة وقال بلا مبالاة/ان شاءالله لا..مانبي نشوفها لاهي ولااخوانها عيال العراقية؟ تنهد مطلق ومشى لسيارته وجراح واقف بمكانه يناظره بنظرات ماهي مفهومة؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,, زينة/مشاري.. مشاري/نعم.. زينة/بغيت اقولك شي.. مشاري/خير.. زينة/امممم مشاري بتهديد/زينة..اخلصي وش عندك؟ زينة/ابي ازور خطيبتك؟ مشاري وهو رافع حاجب ومنزل حاجب/ليه؟ زينة بدفاع/شنو ليه؟وحدة بتزور خطيبة اخوها فيها ليه؟ مشاري/انا اقول اذا تحسين مالها داعي لاتزورينها مالك بالروحة؟ زينة بقهر/اووووف مشاري/هههههههههههه خلاص بدق عليها بشوف وش يناسبها؟ زينة/أي مشاري /وش رايك تعزمينها بمطعم ونلتقي فيه قاطعته بسرعة/لالالالالالا مشاري بتعجب/وشو اللي لا؟ زينة بترقيع/لاابي اعزمها ولا ابي تعزمني ابي ازورها في بيتها؟ مشاري بتساؤل/ليه؟ بارتباك قالت/بس كذا...مو وقت اعزمها برى خل اجلسمعها اكثر قبل ولاتنسى انا ماشفتها غير مرتين بس وماعرفت شخصيتها عدل لاحقين على العزايم؟ مشاري/زين يبى ترى اكلتيني والله ماتسوى علي ها الكلمة؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,, احمد/الو.. بدون نفس قالت/هلا... احمد بحيوية/صباح الانوار ياكل الحب.. ريما/........... احمد/شدعوة الواحد يجلس من النوم ولايشوف مرته ولايصبح بوجهها ولاحتى تسوي له فطور واذا كلمها بعد ماتعطيه وجه؟؟!! ريما بدون نفس/بغيت شي؟ احمد/أي.. ريما/شنو؟ بهمس قال لها/احبك... تنهدت وماقالت شي... كمل بنفس الهمس/واموت فيك وانتي عارفة ها الشي بس حبيت اذكرك فيه.. ريما وهي قريب تبكي/كلام بس!! احمد/لاعاد هذا يسمونه دلع ياري احمد انتي,,, ريما/أي وبعدين؟ احمد/اوووف عطنا وجه الله يخليك؟ ريما/ترى اذا انت فاضي انا مشغولة؟ احمد/اوووف هاذي معناته سكر ماابي اسمع صوتك؟ ريما/انا ماقلت كذا؟ احمد/وش اللي شاغلك؟ ريما/بقوم اجهز لك الاكل علشان لمى تجي ماتقعد تهذر وتقول تاْخرتي وليه ماجهز الاكل بدري؟ احمد/اممم طب وش رايك ترتاحين وماتطبخين ونطلع؟ ريما/أي بس انت ترجع الساعة ثلاث وشوي وتحط راسك وتنام متى بنطلع يعني؟ احمد/خلاص نخليها عشى وش رايك؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,, وصلوا عيال الـ### واخيرا وكل واحد يقدم خطوة وياْخر الثانية ,, كلهم يناظرون في ابوهم اللي وقف ثواني يناظر بالبيت قبل لايدخل من البوابة,,, كلا كانت له مشاعره الخاصة بذيك اللحظات,,ترقب وحيرة وارتباك,,,شي مو طبيعي,, صار لهم فوق السبع سنوات ماشافوا بعض وحتى لو بالغلط وهم اللي عايشين بنفس المنطقة؟؟!!! كله علشان ورث وفلوس ولو ماكانت وصية جدهم انهم يرجعون ماكانوا رجعوا رغم ان في النهاية نص الورث ماراح الى ابوهم ولاالى اخته؟؟؟ نزلوا من سيارتهم ومشوا ورى ابوهم اللي دخل بعد مافتحوا الباب له وطلعت اخته عند الباب تستقبله,, كل نظراتهم كانت مرتكزة على عمتهم..هي هي ماغيرتها السبع سنين ابدا في أي شي,,,..تقربت من اخوها...وباست راسه وهو بعد سوى لها نفس الحركة.. مطلق بهمس/متى بيخلصون فلمهم التركي؟ جراح بشماتة/توهم بالحلقة 114 انتظر بعد ثلاث مية حلقة,, ام مطلق بحدة/اششش اعقلوا,,, بشاير كتمت ضحكتها.. مطلق بتهديد/لا ضحكي ليش خايفة؟ بشاير/يمه شوفي عيالك يتحرشون فيني يبوني غصب اتكلم!! نسايم/تدورك امي بعد شوفيها من زمان راحت عندعمتي تسلم عليها,,, ابو مطلق ناظر صوب عياله بعد ماتقربت مرته تسلم على اخته وقال/تعالوا سلموا على عمتكم ليه واقفين بعيد؟؟ اول من تقرب طبعا كبيرهم مطلق ولحقه جراح وبعده خواته,,, سلموا ودخلوا كلهم داخل وكان وليد واقف وجنبه خواته مريم واروى,,تم السلام بين الكل وجلسوا,,,ساد بينهم هدوء شديد قطعه ابو مطلق بسؤاله عن ابو احمد.. ابو مطلق/وين ابو احمد يااختي؟ ام وليد بجفاف/بالشركة,,, مطلق بصوت عالي/ماهو داري ان احنا جايين ولاهذا استقباله؟؟ ناظره ابوه وسكت وماعلق احد عليه.. ام وليد ببرود/اغراضكم بتدخل فلتكم لاتتشيلون هم... جراح يكلم وليد اللي من دخلوا ماقال شي/بس انتوا هنا؟ ناظر وليد بامه وبعدها قال/عيال ابوي بالفيلا الثانية,,, مطلق بسخرية/عيال ابوي؟؟ورى ماتقول اخواني؟ليه ها التعب عاد؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,, دق لها احمد اكثر من مرة وبالنهاية عطته مسج(انا بالدوام ومشغولة مافيني اتصل فيك واكلمك اللحين) بعدها حطته صامت وبجيبها,,, تنهدت,,,ياهل ترى هي تعجلت يوم تطلب من احمد انها تبقى عنده كم يوم ولالا؟مافيها تروح بيت ابوها لان بها الفترة بالذات ابوها بتكثر قعدته بالفيلا معهم مدام اخو مرته رجع يسكن في بيته وهي مالها خلق كثر اسئلة وتحقيقات من ابوها ؟وبالنهاية سخرية وشماتة من العقربة ام وليد؟؟؟ لالالافكرة انها تتواجد ببيت اهلها ها الفترة مستحيلة ومالازم يدرون اصلا انها بتقعد عند احمد ولو بالغلط؟ اه ياهالة اه...وش اللي صار وجرى...كانت الحياة اكثر استقرارا لي من قبل شهرين مضوا..اللحين مو قادرة...مافيني اتحمل....احس التعب بداء يهلكني ..لازم نوصل انا وهو لحل ومو أي حل؟؟؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,, كانت زينة جالسة بحديقة بيتهم..البيت الكبير والعز والخير اللي لها ولااخوها.. تنهدت,,, من توفت امهم ماعادوا يشوفون ابوهم كثير اللي كان طامس حياته باعماله وشغله وتجارته وبس!!! واخوها صاير نسخة من ابوه بس مع فرق بسيط ان عيونه تزيغ على أي بنت تمر جنبه ولاقدامه ومايتركها بحالها الا اذا شبك معها..مدري كيف بيستمر مع خطيبته وهو كذا!!راح تفكيرها لخطيبته وتحديدا للي في بيت خطيبته!!لااخوها,,,تنهدت بقوة وهي تحسه واقف قبالها,,,ياانه رزة,,,ياانه ثقل,,,ياانه شخصية,,,شي ماشافت قبله مثيل ولابعده شبيه!!مو معقول ابدا ها البشر..كيف اجتاح مشاعرها بها السهولة وقلبها اصلا مايعرف الحب ولاانه يحب؟ مافي موقف جمعه معها على وجه الخصوص خلاها تحس بانجذاب له لانه بالعادة يكون ثقيل وصاد بعيونه والمواقف اللي جمعتهم اصلا قليلة ماتتعدى الاثنين ثلاثة,,,بس انها تحبه,,تعشقه,,,تموت بالتراب اللي يمشي عليه,,,لازم تشوفه وتعرف اخباره وتشوف شلون تقدر توصل لقلبه..مشوارها معاه بيكون طويل بس لازم تمشيه وتكمله للنهاية لازم!! خلاص قلبها اختاره ولايمكن تبادله باي شي ولا ..انها تتنازل عنه حتى!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,, قاموا ام وليد وام مطلق وابو مطلق المجلس علشان يتكلمون براحتهم استلموا القيادة مطلق وجراح,,, مطلق/انتوا بروحكم بالبيت؟ جراح بهمس/سئلنهام قبل شوي؟ مطلق بنفس الهمس/يمكن يغيرون اجابتهم خل نتاْكد؟ وليد وهو يناظرهم/بهذا القسم أي.... جراح/يعني العراقية وعيالها هنا... اروى بااحترام/العراقية ماتت بس عيالها هنا...بالقسم الثاني,,, وليد قاطعها/أي بس مو كل عيالها.. مطلق/ليه وين الباقيين؟ وليد/احمد تزوج وهالة تزوجت,,, جراح/وماهم هنا؟ وليد/لا مطلق/ليه؟ جراح/لاتقول ان عمتي مابغتهم يسكنون هنا؟ اروى/لا مو كذا...صراحة احمد الى يومك هذا وابوي يقول له يجي ووده بجد انه ينقل هنا معنا بس احمد ماهو براضي.. مطلق/اممم... جراح بثبات/وهالة وش اخبارها,,, اروى بشوية اعجاب/صارت دكتورة,,, مطلق/لا وليد بدون نفس/أي..دكتورة اسنان... مطلق/ومنو تزوجت؟ وليد بثقة/رجل اعمال من معارف ابوي... نسايم/واحمد منو تزوج؟ قام الضحك بينهم شوي.. مطلق/خير جبنا نكتة؟ وليد بشماتة/لا بس احمد تزوج قروية وتعب على ماسواها كذا لبسها وعدلها ورزها ومو لايق عليها بعد.. اروى/.وابوي اصلا ماكان يبيها بس بعد طلعة الروح اخذها,,, وليد بشماتة اكبر/الصيدلاني واخته الدكتورة زواجاتهم تفشل هههههه ناظروا جراح ومطلق في بعض وبها اللحظات دخل غسان الفيلا ولفوا كلهم يناظرونه.. تقدم شوي ومن الارتباك وقف مكانه بدون مايتكلم لان كل الوجوه كانت تناظره.... مريم اللي واخيرا طلع لها صوت/غسان...شفيك؟ بارتباك قال وهو يناظر بعيال السبيعي/ابوي ماهو هنا.. وليد بحقد باين/راح الشركة,,, مطلق بحدة/ماتعرف تسلم!!يوم نفارقك كنت بزر بمتوسط شوف شكبرك اللحين؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,, رجعت شقتها بعد دوام هلكها من كثر سرحانها بهمومها.. بان الضيق عليها اول مادخلت الشقة... تنهدت بضيق اكبر وهي رايحة لمكتبها ...شافته جالس على كرسيها وظلوا يناظرون في بعض لثواني... علي بهدوء فيه لهجة عتب/الناس اذا دخلت تسلم؟ بحدة قالت/انت شتسوي بمكتبي!! علي/انتظرك؟ هالة بنفس النرفزة/وماتعرف تنتظرني بمكان ثاني؟ علي/واذا انتظرتك هنا وين المشكلة؟ شالت عبايتها بدون ماترد عليه.. علي باصرار/نبي نجلس نتكلم.. هالة بدون اهتمام/مو وقته؟ عليومتى بيكون وقته؟ هالة بلامبالاة/مدري... علي/وحياتنا!! تنهدت وقالت/خلاص لاتصير كذا ياعلي... بعصبية قال/طب روحي حطي الغذى بناْكل؟ ناظرته بحدة وقال بعصبية/وطبعا توك رادة من الدوام ومالك خلق تطبخين؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,, طلع من قسم بيت عمته وقبل لايدخل قسمهم اللي بيسكنونه وقف يناظر بقسم عيال زوج عمته ولاعيال العراقية مثل مايسمونه...تنهد وهو يذكر ايام طفولتهم وصغرهم ...شقد كانوا يسرقون من بعض اللحظات علشان يعيشونها سوى,, ايام ولت ....ماراح ترد ابدا لو شدفعوا؟؟؟ اساسا كبروا وقلوبهم كبرت معهم.... ماظلت بذاكرتهم عالقة غير الذكريات اللي تتعبهم كل ماذكروا ذيك الايام وقرب احبابهم شلون كان.... احبابهم...ضحك على ها الكلمة....لانه هو اللي حبها وتقطع بحبها...وهي راحت لغيره....؟؟؟ /////////////////////////////////////////////////////////////////////////////////////////////////////////////////////////// طبعا انا نزلته وبعدها ذكرت ان اليوم جمعة المفروض مافي بارت وان لقانا السبت ..فبيكون هذا بدل يوم السبت ان شاءالله,,, | ||||
|
| |
|
29-10-11, 01:34 AM
| #3 | ||||
| ....صباح الورد والحب والروقان,,, صباح الخير على احلى ناس... شلونكم يالغلا عساكم طيبين ومروقين,,, كلامكم كثير احرجني وحفاوتكم وترحيبكم مايدلون على شي غير ان قلوبكم طيبة وانكم اهل الذوق ,, فديتكم انا والله مدري شقول بعد كلامكم الحلو واللي دايم يكون اكبر مني ويحرج تواضعي قدامكم,,,, وخلونا نشوف البارت الثالث مع بعض,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,, البارت الثالث,,, ,,,,,,,,,,,,,,,,,,,,,,,,,,,,,,,,,, **المغرب في الحوش,,,, جلسوا البنات جنب بعض(بشاير/نسايم/اروى/مريم) نسايم/شخباركم... اروى/الحمد الله عايشين,, رجعوا لسكوتهم من جديد,,, اروى/وانتوا شلونكم,,, بشاير/تمام.. اروى/زمان عنكم... نسايم/حنا بعد... اروى/ودي اسئل سؤال ومستحية منكم؟ بشاير/شنو؟ اروى/هذولا البنات الحلوين بنات منو؟ نسايم/مطلق... اروى/اممم...طب ومرته ماهي جاية تسكن عندكم؟ بشاير/هو منفصل عن مرته؟ اروى/اها...والبنات معه.... نسايم/لامعها بس خميس وجمعة يظلون عندنا... اروى/لاتسكتون ظلوا سولفوا.. بشاير/يقال مستحين... نسايم/مريم ماكثير تحكين شكلك متضايقة منا.. مريم/لا شدعوة... اروى بتبرير/ترى اختي كذا ماتحب تهذر واجد مثلي ويوم انخطبت زادت حالة السكوت عندها,,,, ////////////////////////////////////////////////////////////////////////// **في مطعم السنبوك على كورنيش الخبر... احمد بهمس/شلون جوك عسى رايق؟ ناظرته وماقالت شي.. احمد/حبيبي.. بنفاذ صبر قالت/احمد قول الصدق.... مسك يدها وقال بحزم/انا وهالة ماكثير نحب نظل في بيت ابوي... باعتراض قالت/أي بس انا ... قاطعها وقال/انا اكثر واحد عارف وجع الراس اللي بيجي من ورى قعدتكم مع بعض واختلاف طبايعكم بس مقدر اقول لااختي لا... ريما/............ احمد/هي صدق عصبية وساعات ماتنعاش ولاتحتمل دقيقة وحدة بس بعد وقت اللي احتاجها الاقيها دايم جنبي وانتي عارفة اول ماطاحت السوق ماردتني.. ريما بدفاع/انت اخذت منها مبلغ سلف ورديته... احمد/كان بامكانها ماتعطيني لو ماتبي ..اساسا محد كان يدري غيري وغيرك وهي وش يضمنها اني ارد حقها بدون حتى ورقة اثبات؟ ريما برجا/احمد... احمد/احنا جايين نتعشى ياريم خل ها السالفة لوقت ثاني,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,, **في غرفة نومهم,,,, كانوا متسندين على الفراش..هي ماسكة لها كتاب تقراْ فيه وهو ماسك له جريدة,,,, القاسم المشترك بينهم ذيك اللحظة ان كل واحد كان بوادي ثاني غير اللي جالس يقوقع نفسه فيه,,,, سكر هو الجريدة وتنهد وهي انتبهت له بس مارفعت راْسها ظلت تناظر بالكتاب بدون ماتدري وش المكتوب فيه,,, قال بهمس/هالة... ماردت عليه ولف صوبها وقال بجدية/هالة.. رفعت راسها بشموخ وقالت/خير,,, علي/انتي مو ملاحظة شي؟ هالة ببرود/لا تنهد وقال/حياتنا صارت اشبه بقالب ثلج من مدة؟ حطت الكتاب على وجهها علشان لاتسمعه.. علي كمل بحزن/*من عرفنا الخبر واحنا.. قالت بحدة وهي تقاطع كلامه/ممكن تاْجل كلامك ابي اركز بالشي اللي اقراْه!! لف لها بعصبية وشال الكتاب من يدها بقوة ورماه على الارض.. ناظرته ببرود وقالت بثلوجة حرقت دمه اكثر/انت وش مشكلتك بالضبط؟ مسكها من اكتافها بعنف وقال بشرانية/انتي!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,, حطت راسها على مخدتها..اليوم استقرار جديد في بيت جديد..هل بيدوم ولالا؟ لحد اللحين الصورة مشوشة ومو مبين شي..عمتهم بس اللي كان ترحيبها حار اما عيالها واقفين حياد والمجاملة مو مفارقتهم,,, هم ماينلامون يابشاير لان اخواني محد يتحمل نرفزتهم واستفزازهم..هذا وتوهم شايفينهم من سبع سنوات مضت!!لفت للجهة الثانية وغمضت عينها وجاها طيفه يزور مخيلتها..حتى بعد الفراق ماهي قادرة تشيل صورته من بالها..خاين وعيونه بتظل زايغة على كل البنات بس مع هذا حبته وبعدها تحبه تنهدت وهي تذكر كيف كان يكلمها بكلام معسول ويبني لها احلام وردية وتشوفه يوم ثاني مع غيرها بالاسواق والمجمعات يعاكس ويرقم؟؟!! تعبت منه دايم تزعل عليه ويوجع يراضيها ويوعدها ان ماغيرها سكن قلبه وترضى عنه ويرجع من جديد لعادته,,, تعبت منه ومن الاعيبه وقررت انها ماتبني عليه حلم جدي بحياتها وقررت الانفصال عنه..رفض,,زعل,,,وبكى لفراقها!!ورضخت له وبعد كم يوم ثافته مع غيرها وحست ساعتها بالحرقة على نفسها..مشت بدون كلمة وداع وغيرت ارقامها وايملاتها علشان تبتعد عنه نهائيا ومايرجع ياءثر فيها وترضى وترجع المياه لمجاريها بينهم وكاْن شي لم يكن,,, تنهدت بقوة ومسحت دمعتين طاحوا من عيونها بس ماقدرت تنام وترتاح من ها الهوجاس اللي مو مفارقها,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,, فتح باب الشقة ودخلت قبله... همس باْذنها/ثواني وجاي,,, يوم لفت له كان طلع من الشقة,,,, دخلت غرفتهم وشالت شنطتها وعبايتها وجلست على حافة السرير علشان تفتح البوت وتشيله,,, يوم شالته ورمته جنب السرير وقفت علشان تبدل ثيابها وحوط احمد خصرها من وراها وقال بهمس/ماقلتيلي انك كنتي لابسة الثوب الاسود اللي احبه عليك!! غمضت عيونها وقالت بهمس/لاتصير عيار شفته علي قبل البس عبايتي؟ احمد بانكار/لاماشفته؟ لفت له وابتسمت يوم مد لها يده الثانية بالورد الاحمر,,, قالت بدلع/شفته بالسيارة بس ماحسبت انه لي!! احمد/والى منو بيكون لو ماكان لك ياقلبي!! ريما/مدري يمكن معجبة ارسلته لك؟ احمد/امممم..فكرة..لابغيتك تغارين كل يوم اجي ومعي ورد وبقولك انه من معجبة!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,, ام وليد/الليلة بعد بتبات هناك؟ ابو احمد/شلون يعني اخلي دارين بروحها؟ ام وليد بحقد/معها غسان ماهي بروحها؟ ابو احمد/لو هي وحدة من بناتك قلتي اخوها مايعتمد عليه وش يضرك لاقعدت عندها؟؟ لوت فمها وكاْنها مو عاجبها الحكي.. يوم وقف عند الباب قالت/تتوقع اخوي يقعد علطول ولابس فترة ويمشي,,, ابو احمد/لو يمشي بسرعة بيكون اكرمنا؟ ام وليد باعتراض/نعم نعم... ابو احمد/مو كفاية حلال ابوك كله راح لولده؟ ام وليد/لولده ماهو له؟ ابو احمد/هو وولده واحد؟ ام وليد/لاماهم واحد؟ ابو احمد/........ ام وليد/انا واخوي ماطلعنا بشي... ابو احمد/محد قال لكم قصروا مع الشيبة كاهو خلى بزر يتحكم فيكم؟ ام وليد/شوف انا بالنسبة لي وجود اخوي وعياله فرصة ماراح استغني عنها وبنتهزها بقد مافيني!! ابو احمد/وش بتسوين؟ ام وليد/بقرب الزيت من النار؟؟؟ ابو احمد بحذر/وش تقصدين؟ ام وليد بخبث/مو ولد اخوي ورت كل الحلال....باقي عندي غير مريم اروى ماانخطبت!!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,, ماغمضت له عين طول الليل ...بكرة الخميس واللي سمعه منهم امس منهم ان احمد وهالة كل خميس يجون يتغذون عند ابوهم...شي بس كان حاز بخاطره..زوجها!!!اكيد بيجي معها,,,تنهد بقوة من ها الطاري...مايبي يشوفه معه بكرة بس .؟.لازم يشوفها لازم,,,من زمان ماشافها من اكثر من اسبوعين وصايرين بالنسبة له كاْنهم دهر,,,انفصلوا عن بيت عمتهم من سبع سنين بس هذا مامنعه ابدا انه يتطقس اخبارها,,,كان يشوفها كل يوم وهي رايحة كلية طب الاسنان..عارف بمواعيد طلعتها ودخلتها,,,حتى الاماكن والاسواق اللي تروحها حافظها..الا ها الانسانة ماطاعه قلبه مايتابعها ويشوف حياتها كيف تمشي..حتى يوم عرف ان في معرس جاي وانها موافقة انصدم بس ضل بمكانه يتابعها..تخرجت وصارت دكتورة وبفضله هو توظفت بالخبر علشان تكون قريبة منه,,, ويجلس كل يوم يوقف عند باب شقتها.. ويتبعها طول الطريق لين توصل المستشفى ويرجع نهاية الدوام من جديد علشان يوصلها لشقتها...كذا كانت حالته معها حارس شخصي لها وبدون علم منها!!! وين ماكانت يكون بس بدون ماتلحظ وجوده اصلا بحياتها..مافكر يكلمها بمرة من المرات غير يوم زواجها وبس؟! كل يوم عند باب المستشفى يعطي نفسه قوة انه بينزل ويشوفها ويكلمها ويدخل على انه مريض بس يتراجع بسرعة للمكان اللي جا منه,,,ويشيل الفكرة من راسه,,,, رفع مخدته وطلع البوم للصور اللي مافيه غير صورها هي من صغرها لين تخرجت باي مكان تكون متواجدة فيه وظل يقلب فيه,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,, صباح اليوم الثاني,,,, فتح عيونه وهي بحضنه وتبسم بينه وبين نفسه وقرب راسه لها وباس شعرها وهمس باْذنها وهو يناظر بالساعة,,, احمد/ريم...ريامي...يالله ياحلوة قومي... بنعس وهي تخبي نفسها بحضنه اكثر قالت/وليه اقوم واليوم خميس وماوراك دوام! احمدورانا بيت ابوي ولاانتي ناسية؟ ريم/اوووف... احمد/يالله عن الكسل... بعدت عنه شوي وقالت بكسل/فيني اختار؟ قال وهو يلعب بشعرها القصير/شنو؟ قالت وهي بعدها نعسانة/يااختار اني انام بحضنك ولااختار اني مااروح بيتكم وانا اخترت حضنك طبعا!! قالتها ورمت راسهابحضنه تتخبى فيه... قال وهو يبتسم ويناظر بسقف الغرفة/يعني انتي ماتركتي مجال حطيتي الخيارات واخترتي!! بضحكة قالت وهي تضمه لصدرها اكثر/بذمتك في شي ينحط مع اني اكون بحضنك؟ بخبث قال لها/ أي.. رفعت راسها بسرعة وقالت بدهشة اللي مو مصدق/شنو؟ رفع راسه لمستواها وقال بهمس/بوساتي اكيد؟!! ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,, اشوفكم بكرة على خير ان شاءالله | ||||
|
| |
|
29-10-11, 01:37 AM
| #4 | ||||
| ..صباح الفل والياسمين والورود والرياحين.. كيفكم اليوم وشخباركم وشعلومكم(اختي ماتحبها تقول وحدة بس توفي بالموضوع بعد ليش كلهم ههه) للحين ياجورية تطالبين بتطويل البارتات(مانسيتك والله)هههه طيب يصير خير بتطول البارتات هي بنفسها ولاتزعلين نفسك يالغلا,,,, ////////////////////////////////////////////////////////////// البارت الرابع,,, /////////////////////////////////////// [color="green"]بشاير/يمه.. ام مطلق/نعم.. بشاير/اخوانهم اليوم بيتغذون عندهم!! ام مطلق/أي... نسايم/يعني مابنشوف عمتي؟ بشاير/لاعمتي قالت بنتغذى احنا كلنا برى اليوم بركن الشوي اللي بالحديقة.. نسايم بدون نفس/وعيال العراقية معنا؟ ام مطلق/والله مدري,, جراح/خليهم يجون... لفوا له كلهم يناظرون فيه لانه كان قاعد وراهم وماانتبهوا عليه... بعدها كمل باحتقار/نشوف سوالف العراقين شنو صارت!! ام مطلق/والله عاد على كلام عمتك لاابوك امس قالت له احمد صيدلي وهالة دكتورة؟ جراح بثقة/شاريين الشهادات وين المشكلة؟ باحتقار قالت نسايم/دستي على اطراف عيالك يمه؟ مسكها جراح من وراها بقوة وقال/عيدي كلامك؟ بشاير بشماتة/ها..كل شي الا المليونير...لاتقربونه ولاتزعلونه؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,, غسان/صباح الخير يبى؟ ابو احمد/هلا يبى .. دارين/شلونك يبى,,, ابو احمد ببتسامة/هلا بعروستي,, دارين/يبى ترى بصدق ان في معرس جايني من كثر ماتقول ها الكلمة؟ ابو احمد/هههه الله يبلغني واشوف ذاك اليوم.. دارين بحرج/ان شاءالله... ابو احمد/بس ها..اذا بتصيرين مثل اختك كشرتها شكبرها ليلة عرسها تقولين غاصبينها مافيه؟ غسان/يبى لاتسمعك؟ ابو احمد/ليش جت بدري اليوم؟ غسان/لا لسه ماوصلت بس هي محد يتكلم فيها الا وتشوفها بالنص؟ ابو احمد ودارين/هههههه غسان/تبون افتن عليكم عندها؟ ابو احمد/فتن بنقول انت اللي بديت وهذرت فيها؟ غسان/أي بس انا ماقلت لكم اضحكوا يبى؟ ابو احمد/ماعلي انت اللي فتحت السيرة؟ دارين بخبث/ها ابو احمد شكلك خايف من الدكتورة؟ ابو احمد بهرج/يالله يالله قالوا خايف؟ غسان ودارين/هههه غسان بجدية/يبى شلون بيكون الوضع في البيت اللحين؟ ابو احمد بصرامة/عادي..كل شي بيمر فيه مثل ماكان...ماراح يتغير شي...كل اللي تغير انكم نقلتوا من ذيك الفيلا اللي هناك لهنا...بس الحياة بتمشي مثل ماكانت ووجودهم ماله أي علاقة فيكم لامن قريب ولامن بعيد؟ دارين/أي بس يبى اكيد بنشوفهم كثير.. ابو احمد/خلو الشوفة تمر طبيعية...سولفوا معكم سولفوا معهم حسيتوا انكم مو مرتاحين لاتضغطون على نفسكم وتجاملونهم عندكم فلتكم الخاصة فيكم قوموا عن المكان اللي هم فيه... غسان/وخالتي ام وليد؟ ابو احمد/شفيها؟ دارين/هي رايها كذا؟ ابو احمد/انا وبس اللي يمشي رايه عليكم؟ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,, رفع عيونه اول مافتح السايق الباب شايل معاه صينية ودق قلبه بقوة,,, بيشوفها اللحين,,,غمض عيونه وقلبه قام يرقع بقوة اكبر وكانه بيوقف,,,, على الرغم من انه يشوفها كل يوم الا انه مو قادر يتخيل وجودها بها اللحظات,,,, مسك العمود اللي جنبه وتنهد بقوة وفتح عيونه شوي شوي..ولقاها داخلة بكل جبروتها وهيبتها وشموخها..حس انه متشتت وضايع ولاهو قاوي يوقف على رجله,,,اه يازينك بس ياهالة..وش مسوية فيني انتي!!!اي سحر رميتيه من صغرك علي ولاانا قاوي ابتعد عنك!!اللي تمناه بها اللحظات انه يسمع صوتها تقول أي شي بس المهم يتغنى فيه,,,, قالت بحدة خلته يرفع راسه يشوفها وهي تكلم السايق/هيه انت انتبه وانت تشيل الصينية لاتطيح من يدك!! اه ياهالة اه...هذا انتي ماتغيرتي..صوتك للحين يرن في اذني من الصغر ومو قاوي انساه,,,انا بحالة مايعلم فيها الا ربي منك...ماابي افكر انك لغيري واني على غير النظرات اللي من بعيد لبعيد مااقوى اْخذ؟؟!!ليش انتي من دون البشر مااْدري!!ليش ماقدرت اشيلك من تفكيري حتى رغم علاقتنا العائلية العدائية!!! تنهد بقوة وهي تمشي قدامه بعد ماانتبهت له وصارت قباله,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, زينة/بابي,,, ابو مشاري/نعم حبيبي,, زينة/اقول انا بزور نسايبنا,,, ابو مشاري/أي نسايب؟ مشاري/خطيبتي يبى؟ ابو مشاري/أي.. زينة باعتراض/وشو أي؟ ابو مشاري/اخاف تنتظرين اوصلك بس!! زينة/لايبى... ابو مشاري/ها.. مشاري/ههههه الظاهر ابوي مافهم عليك؟ ابو مشاري/لافهمت عليها,,, زينة/وش فهمت ياحلو...قالتها وهي تجلس بحضنه,,, قال وهو يمسح على شعرها ويضحك/انتي بتزورين منو بالضبط؟خطيبتي ولاخطيبة مشاري؟ زينة/خطيبة مشاري,,, ابو مشاري/خطيبة مشاري,,, ابو مشاري/خلاص يبى...خل مشاري هو اللي يفتح جيبه مدامك بتاْخذين معك هدايا لمرته!! مشاري/اوووف الوالد صاير بخيل ,,بس تستاهل خطيبتي؟! زينة بضحكة/ماتوقعتها منك صراحة ههه ابو مشاري/يالله خطبيلي وانا ممنونك اعطيك اللي تبينه؟ زينة بلوم/بعد ها العمر تبي تعرس يبى!! ابو مشاري/ههه يبى امزح معك يازيونتي!! //////////////////////////////////////////////////////////////////// حس انه قاعد يختنق وان الهواء قاعد يتلاشى من جوه بالتدريج,,, قالت بصوتها العالي والواثق /مطلق ولاجراح؟؟؟؟ ماحب يبين ارتباكه الكبير قدامها وتسند على العمود اللي وراه وكتف يدينه وقال بثقة/وليه تساءلين حضرتك؟في شنو بتستفيدين لاعرفتي!!! قالت بثقة اكبر وهي تركب الدرج ولافة عنه/علشان اعرف منهو فيكم قبل الثاني جا الى ها المكان بالتحديد؟ ناظرها وقال بحذر/وش فيه ها المكان؟؟ هالة بلااهتمام/له ذكريات كثيرة.. جراح/اممم والله وعرفتوا تحكون ياالعراقيين!! هالة/بثقة/والحمد الله اني نسيتها كلها.. جراح/معقولة ياهالة...معقولة يابنت العراقية نسيتي الذكريات وبعدك ذاكرة المكان اللي صارت فيه؟ قالت بقسوة وهي تتقرب منه/وانت ليه واثق اني هالة يمكن اكون دارين!!! مشت وتركته يناظرها وفي باله الف سؤال وسؤال من كلامها..ليه قالت له كذا!!!وليه سئلته من يكون اصلا!!!هي عارفة ومتاءكدة انه هو من ليلة عرسها يوم يعطيها السلسال..مايدري ليش تنرفز من ها التفكير معقولة هالة ماعرفته ذيك الليلة؟؟؟؟لالالا انت شقاعد تقول....اي هذا الحق هي وش بيعرفها فيك يوم تجيها بليلة عرسها وهي من زمان عنك وماشافتك؟؟ليش حاط في بالك انها عرفتك منو؟ ////////////////////////////////////////////////////////////////////// مشاري/اقول صباح الخير ولامساء النور... بحيا قالت/كيفك... مشاري/ياعمري اللي يستحون؟ مريم/مشاري؟ مشاري برقة/عمره... مريم/......... مشاري/متى صحيتي يالخجولة؟ مريم/من زمان... مشاري/اوووف...لاتقولين علشان تفكرين فيني!! مريم/........................ مشاري/انا واحد المفروض الاتصالات تراعي ظروفي وان خطيبتي دايم الدوم ساكتة مدري خجل ولاشي ثاني؟ مريم/وش بيطلع يعني اذا ماكان خجل؟ مشاري/مدري عنك.. مريم/مشاري انت تدري اني مااعرف احكي كلمتين على بعض؟ مشاري بملل/أي بس انا خطيبك؟ مريم/اخاف احكي واجيب العيد؟ مشاري/خله يجي العيد حلو وكلنا نحبه!! مريم/هههه مشاري/فديتك وفديت ها الضحكة,,, مريم/مشاري... مشاري بهيام/ياقلبه... مريم/....... مشاري/ابي اشوفك؟ مريم/ها... مشاري/شنو ها...خطيبتي وابي اشوفك... /////////////////////////////////////////////////////////// دارين/هلا وغلا,,, ريما/هلا فيك... قاموا يسلمون على بعض ويتباوسون..وكانت هالة جنب دارين وماكلفت على عمرها حتى ترفع يدها تصافحها اكتفت بانها تناظرها من فوقها لتحتها,,,وتقول/هلا...وقالتها بعدم اهتمام ولفت بسرعة بعيد عنها... جلست ريما بعيد وهي متعودة على هالة واسلوبها المتعالي مع الكل وظلت تبتسم لدارين بدون ماتقول شي لين دخل احمد بعد ثواني وقال بمرح/مرحبا يابنات.. دارين بفرح/هلا وغلا بااخوي الكبير,,, قال وهو يلمها بحضنه/يالله عقلي قالت كبير قالت!!وش يطلع ابوك اذا انا كبيير؟ قالت بضحكة/يطلع ابو الشباب ياشباب انته,,, جر خدها ولف لهالة وقال بحنية/هلا بالدكتورة هالة,,, هلا...قالتها بهدوء وحس احمد بالانكسار بعيونها بها اللحظات غير عن اللي قاعدة تتصنعه بشخصيتها بس ماعلق بشي’’’ ريما/اجلس لاتتعب.. دارين بخبث وهي بعدها ماسكة ذراع اخوها/اوووف اشتغل الخوف عند بعض الناس.. ريما بتميلح/أي اشتغل..زوجي وخايفة عليه ليش عندك شي ؟ دارين/لايبى خليني بعيد عنكم..خفتوا على بعض خانقتوا بعض ..ان شاءالله حتى ذبحتوا بعض انا مالي ومالكم!!! هالة بجدية وكانها تبي تغير الموضوع/دارين...شلون وضع البيت؟ دارين/الى اللحين عادي مافي شي تغير غير ان احنا نقلنا ها الفيلا.. احمد/ماشفتوا عيال السبيعي؟ دارين/لا... احمد/وابوي... دارين/البارحة بس بعد مارجع من الشركة مر سلم عليهم وبعدها جانا هني وتعشى.. هالة/ورقد هنا؟ دارين/أي.. هالة/والهانم مااعترضت!!! دارين/والله مدري بس حتى اذا اعترضت ابوي بالنهاية نام هنا معنا!!! /////////////////////////////////////////////////////////////////////// بالحديقة الخلفية كان ابو مطلق جالس مع اروى ومطلق ووليد اللي توه جاي... وليد/خالي شلونك؟ ابو مطلق/اساْل عنك انت شمسوي؟ وليد/تمام.. ابو مطلق/لو ين وصلت بدراستك؟ وليد/انا وقفت ياخالي... ابو مطلق/ليه؟ وليد/مالي خلق... مطلق/وش تسوي اللحين ؟ اروى بشماتة/يقال انه يداوم بشركة ابوي... ناظرها بحدة معناها حسابك بعدين... مطلق بشماتة/واخوك معك بالشركة يداوم؟ بنرفزة قال وليد/لا.. ابو مطلق باهتمام/ليه؟؟ اروى/لانه يدرس محاماة... جراح اللي توه جاي لهم/الدكتورة والصيدلي والمحامي...باقي وحدة وش بتطلع؟؟؟ رقاصة ...قالوها جراح ومطلق بصوت واحد وضحكوا بصوت عالي واروى ووليد يناظرون في بعض وفي خالهم اللي ظل ساكت ماعلق بشي,,,, ////////////////////////////////////////////////////////////////////////// بهمس قالت/انت وين رايح؟ ابو احمد/وين يعني؟اليوم عيالي يتغذون عندي!! ام وليد /وتترك اخوس وعساله!!وهم الامس واصلين!!مو كفاية انك امس مااستقبلتهم!!! ابو احمد بحدة/اخوك جاي لك وجاي ياخذ نصيبه وحلاله وماهو جاي لنا... ام وليد/نعم؟ ابو احمد/اللي سمعتيه... ام وليد/وش افهم من كلامك يعني؟ ابو احمد/يعني انا بتغذى مع العيال حابة تجين معنا انتي واهلك حياك الله ماتبين انا وعيالي اليوم بنتغذى سوا..انا ماافوت قعدتهم وجمعتهم عندي لو بالملايين لان ها القعدة عندي بالدنيا.... ام وليد/هذا اخر حكيك؟ ابو احمد/أي وماعندي غيره... قالت بعد تنهيدة/طيب خلينا نسوي حل وسط... الا هو...قالها وهو يشيل شماغه ويمشي.... ام وليد باستسلام/نتغذى كلنا برى بالحديقة,,, ////////////////////////////////////////////////////////////////////// بشورة....يابنت.....وين سرحانة؟ بشاير بفزع/ها... جراح/وينك فيه اكلمك انا صار لي ساعة.. تنهدت وماعلقت... جراح/شفيك؟ بشاير/ولاشي بس جالسة افكر.. جراح/في شنو؟ بشاير/مدري بالوضع الجديد اللي بنكون فيه... جراح/انتي قومي اللحين تغذي وبعدها يصير خير فكري براحتك... بشاير/جراح... جراح/هلا... بشاير/تتوقع بعدهم مثل ماهم.. بسخرية قال/يعني علشان هالة صارت دكتورة واحمد صيدلي بيتغيرون؟؟؟ بشاير/لاانا قصدي اقول...مرت فترة طويلة على اخر مرة كنا فيها مع بعض.... جراح/قومي بس يابشورة ولاتشغلن بالك بعيال العراقية,,,, ////////////////////////////////////////////////////////////////// احمد بهمس/شفيك؟ ريما/هذا اللي كان ناقصنا؟ احمد/شنو؟ ريما/دارين تقول ان ابوك قال بتتغذون برى علشان اهل مرته... احمد/بجد؟ ريما باسى/كيف بيكون وضعي!! احمد/جلسي مع هالة لان شكلها مابتطلع ماتشوفينها جالسة داخل؟ ريما باعتراض/اوووف يااحمد...انا اجلس مع الخدم ولااجلس معها؟ بشوية حدة قال/ريما... بعتب قالت/أي وانا الصادقة ماتشوف شلون سلمت علي من قمة راسها بعد تبيني اجلس معها بروحنا على سفرة وحدة.. احمد/لا قولي بعد تجلسين برى معهم احسن!! ريما/لا ماقلت كذا...بس خليني ارد البيت؟ احمد/يالله عاد قالت بترد البيت ...يبى كلها ساعة زمان دبري امورك فيها.. ريما/اوووف.. احمد/ريما.... بهمس قالت/مااحبك.... احمد وهو يناظر عيونها وقال بهمس/وبعد.... تقربت منه وقالت وهي تلعب بثوبه/ومااكلمك وزعلانة منك.... احمد/أي انتي...احنا مو بالبيت ..تضيعين علومي اللحين بها الحركات!! /////////////////////////////////////////////////////////////////////// ,,اليوم طاري عليها احساس عجيب.... لهفة ماهي قادرة تهدئها وتركدها,,, هيجان مو طبيعي لشوفته,,,, مشكلة ها البني ادم معها ...انها....انها...ماتعرف عنه شي غير اسمه وشغله وبس!! وبعد شنو يازينة....ولاشي....هاذي كل معلوماتها عنه...شحيحة وماتوصلها لااي شي.... تبي تشوفه...باي طريقة لازم تشوفه...الخوف انها تزور مريم وماتشوفه ساعتها بتحس انها فشلت فشل ماله حدود,,, اصلا روحتها لمريم علشان تشوفه واذا طلعت بدون ها الشوفة بتعتبر ماكاءنها سوت شي!! بس شلون تزور مريم وتضمن شوفته..... فكري يازينة فكري...... أي بس...لازم ابوي ومشاري يكونون معي....علشان اضمن انه بيكون موجود مع ابوه بمجلس الرجال....وبعدين ادبر أي شي واشوفه مو مشكلة بس اهم شي انهم يروحون معي.... اوووف يامتعبني...اشقد اشتقت لك ولزينك ولثقلك... احبك...يمكن حتى صوتك ماسمعته...بس الاكيد ان مشاعري ناحيتك مو طبيعية...فيها جنون وفيها شي غريب..... لازم ها المرة مااضيعها من يدي واسلم عليك واسولف معك واسمع صوتك وانتشي فيه لدنيا ثانية...يا المملوح,,, ///////////////////////////////////////////////////////////////////////// نسايم/في احد ناقص.... اروى/أي....ريما زوجة احمد داخل وشكلها هالة جالسة معها؟ جا صوتها من وراهم/وليه اجلس معها يعني!!! لفوا لها اربعهم وحتى مشاري وجراح عيونهم كانت عليها,,, دارين باحراج/فكرتك بتجلسين معها وماحتطلعي!! جلست على كرسيها وهي مطنشة الكل ونظراتهم وقالت باستبداد/انا جاية اجلس مع ابوي على سفرة وحدة واذا جلست معها ماكانت تلزمني جيتي من الاساس... كانوا ابو احمد وابو مطلق يتكلمون بعيد عن طاولة الطعام وشكله الموضوع بينهم خاص واحمد مابعد طلع...وماغير نظرات ام وليد وام مطلق وباقي العيال عليها.... ام وليد بشماتة/اقول هالة وين علي؟ليه مانشوفه يجي معك ابدا!!!لايكون متزاعلين ياحرام؟؟؟ نظراته هو بس اللي جمدت عليها ذيك اللحظات علشان يعرف ردها.. قالت بكل ثقة وتحدي/يزور منو بالضبط؟انا واحمد دايم نطلع مع بعض وابوي وغسان مايتركوني يزوروني بشقتي دايم....من تبيهم يزورون بالضبط ياام وليد؟ قالتها وناظرت في عيون ام وليد بانتصار اللي جتها خيبة امل ونص نظرات عيال اخوها عليها بشماتة؟؟؟؟ //////////////////////////////////////////////////////////////////////////////////////////////////////////////////////////////////////// اشوفكم بكرة على خير...[/color] | ||||
|
| |
|
29-10-11, 09:51 AM
| #5 | ||||
| مرحبا فيكم كلكم يالغلا,,, منوريني دايم....ومشكورين على تواصلكم..وياهلا وسهلا بللي انضموا لنا .. جورية حبيبتي اخذي راحتك انا بعد امزح معك وكاهو طول شوي اليوم البارت هههه.. تعالوا نشوف بارت اليوم... /////////////////////////////////////////////////////////////////////// البارت الخامس,,,, //////////////////////////////////// سكر من خطيبته وجلس على البحر.... حس بضيقة مو طبيعية.... مشاري بحياته شايف بنات اشكال والوان ...شابك مع ذي وذيك...ومدوخ ذي ..ومسولف مع ذيك... ومريم بدت تضايقه...توهم ماكملوا شهر من انخطبوا وهو حاس بالملل....لاقعد معها يكون معهم احد واذا ظلوا بروحهم يحس انه جالس بروحه من كثر ماهي مو متجاوبة معه؟؟؟ دايم الدوم ساكتة وتتحجج له بانها ماتعرف تسولف كلمتين على بعض؟؟؟ حس بشي يسري فيه ماهو طبيعي... كاْنه بداْ يزهق منها ولا ....ولايتراواله؟؟؟ على قد ما شاف بحياته بنات وجننهم وجننوه الا انه حظه رماه على مريم بنت صاحب ابوه وشريكه الجديد..يمكن يكون جمالها هادى وفي اللي هي احلى منها وفي اللي هي دونها..بس مو مشكلته الجمال... مشكلته غير....مشكلته معها العواطف والاحاسيس... شي اكبر من انه يظل يسولف وهي تسمع وبس...لاتناقش ولاحتى تتجاوب...صايرين مثل كتلة جليد وشعلة نار!!!! تنهد بقوة وقام يقولب بجواله وهو يذكر عدد البنات اللي عرفهم واسمائهم واوصافهم وسوالفهم.... داس بااصبعه على زر الجوال ووقف عند اغنية راشد الماجد,,, غبت يوم وعذرناك.... وبولهنا انتظرناك... ياللله ارجع كفاية... ابصراحة فقدناك...ابصراحة فقدناك... في غيابك نسينا..وش لنا وش علينا... شاغل البال فينا...ليتنا ماتركناك... انجبرنا نخليك... تبتعد عن مراسيك .. بس واللي يخليك.. حتى بالحلم شفناك.. تنهد بقوة اكبر...معقولة الاغنية هاذي جت مخصوص علشان ترجع ذاكرته لعندها...لعند بنت الاكابر مثل ماكانت تسمي نفسها؟؟؟ اشتاق لها...كان يحبها من جد وماكانت علاقة عابرة بحياته مثل ماكان متصور..... تنهد بقوة اكبر علشان يشيلها ويشل أي خاطر منها ولامن غيرها يمرون في باله ويركز على حياته الجاية مع مريم...لازم تتغير ها البنت لازم...ولا محال يعيش معها كذا!!! ///////////////////////////////////////////////////////////////////////////ريم بهمس/احلى شي انك بالنهاية جلست معي!! احمد بنفس الهمس/ترى اللي شفع لك ان الوالد ماجلس معهم على السفرة وحسيت انهم يبون يسولفون براحتهم هو وابو مطلق,,, ريم بمرح/يالله ان شاءالله ماتكون الاخيرة في ها البيت... احمد ديري بالك حجابك ماينزل من عليك ترى في ناس غرب ويمكن مايستاءذنون قبل لايدخلون؟ ريم/لا تخاف علي ي احمد انا احرص على نفسي منك!! احمد/عارف بس حبيت اذكرك ياقلبي... بتمتة قالت/روح قول لخواتك بس,,, احمد/رفعي صوتك ماسمعت!! رم بضحكة/ولاشي ياقلبي.. احمد وهو ياكل في السلطة بدون مايناظرهم/خواتي اللي عندها زوج واللي عندها ابو؟ ريم/وانا شقلت لك اللحين؟ احمد/انا بس حبيت انبهك علشان لاتحطين نفسك معهم بكفة مقارنة.... ريم/اقول احمد وش رايك نطلع بدري شوي الليلة ونروح نمشي على الكورنيش؟ احمد /........... ظل ياكل وهو ساكت.. ريم بتشجيع/ها...وش قلت؟ احمد/مااوعدك بشوف برنامج ابوي... ريم/حبيبي...انا واعدة دارين يوم اللي بمشي باخذها معي وكاءني مانة عليها لليوم ماجا ها اليوم اللي وعدتها فيه؟ احمد/طيب قلت لك بشوف لاتصيرين حنانة؟ ريم بوزت/اللحين انا حنانة؟ احمد/اجل انا الحنان ياقلبي؟ ريم/أي مو ناسي انت اللي كل يوم المغرب اذا جلس وين القهوة ياريم؟ليه تاْخرتي؟يالله راسي بينفجر؟ قام يناظرها وهو يبتسم وضحكت له,,, ////////////////////////////////////////////////////////////// بشاير اخذت بعضها وقامت من على السفرة لان الجو بكبره مو عاجبها؟؟؟ اخوانها بالنرفزة محد يتفوق عليهم وشكلها عمتها ام وليد من نفس شاكلتهم!! راحت بعيد عن المكان اللي هم قاعدين فيه ورجعت بذكرياتها لبعيد...له لوحده!! للي جالس يسويه االلحين!!ياترى هل بعده ذاكرها ولانسيها وعاش حب جديد غيرها كعادته؟!! لا..اكيد مانساها هو حبها صدق كان يلف يمين وشمال بس كان يرجع لها بروحها!!! غمضت عيونها وهي تتذكر كلامه وهمسه لها وكاْنه توه يقوله على مسامعها(بشايري,احبك,اموت فيك,مااقدر اعيش بدونك صدقيني,انتي الحب اللي انحفر بقلبي ومابعيش دنيتي بدونه)ارجع ياحبيب بشاير ارجع,,,تكفى ارجع..حتى انا اموت فيك ومو قاوية على سالفة الهجر والبعاد ومو قادرة اعيش بدونك) //////////////////////////////////////////////////////////////////// ابو احمد/ماقلت لي كيف العيال يابو مطلق.. ابو مطلق/الحمد بخير.. ابو احمد/مشاءالله كبروا.. ابو مطلق/أي والله كبروا وكبرونا معهم.. ابو احمد/ههه ليه تبي تظل شباب علطول يابو مطلق؟؟؟يبى خلص زمنك خلاص هذا لعيالك ماهو لك؟ ابو مطلق/ههههه على قولتك... ابو احمد/الا بسئلك ياخوي من بناته هذولا البنات الحلوين الله يحرسهم من العين.. ابو مطلق تنهد وقال بحزن/بنات مطلق... ابو احمد/مشاءالله تزوج وجاب بنات ...والله مايبين عليه؟ ابو مطلق بزفرة/انا مابيموتني غير ها المطلق ياخوك؟ ابو احمد/ليه؟شفيك ياخوي؟ ابو مطلق/شقولك بس...هذا وجه مسؤلية وعيلة؟خلها على الله.... ابو احمد/شدعوة يابو مطلق...مطلق رجال والنعم فيه.. ابو مطلق/أي رجال انت بعد....بتجيك سوالفه مع الايام؟ ابو احمد/والله ها العيال همهم مايتغير لاكبار ولاصغار؟ ابو مطلق/الا ماقلت لي احمد ماصار ابو للحين؟مو تزوج؟ ابو احمد/من زينها من حرمة عاد؟..هاذي اللي اقولك خلها على الله...والله اني ليومك مو عاجبتني...بس شسوي فيه مارضى ياخذ غيرها طلع الشيب براسي.... ابو مطلق/ليه شفيها؟ ابو احمد تنهد وماقال شي... ابو مطلق/بكرة لاشفت عياله بتهون عليك السالفة صدقني...انا مو مهون علي مطلق ومشاكله وسوالفه الا بناته يحليلهم... ابو احمد/زين ماسويت يوم خليتهم ينسونك ابوهم ومشاكله؟ ابو مطلق/هم لو يظلون عندي علطول كان اخليهم مايحتاج؟ ابو احمد/ليه وينهم فيه؟ ابو مطلق/عند امهم ناْخذهم خميس وجمعة بس!! ابو احمد/امهم!!ليه ابوهم وامهم منفصلين؟ ///////////////////////////////////////////////////////////////// بعد ماقامت بشاير من السفرة واللي تعتبر اول وحدة افتتحت جلسة الانسحابات... قامت ام وليد بعد ماكانت نص العيون تناظرها وتستفهم عن العلاقة بينها وبين هالة اللي جلست تكمل غذاها بكل برود وماْكانها حرقت دم ام وليد وفشلتها,, طبعا ام مطلق لازم تكون ملازمة لاام وليد فقامت معها... مريم بس شافت امها قايمة ولانها بدون شخصية قامت.... مطلق جاه تلفون وقام يكلم مع انه كان ناوي يقلبها شماتة بس ما الله كتب له,,, دارين يوم شافتهم يتسحبون واحد ورى الثاني حست بالاحراج وقامت وقامت وراها اروى اختها اللي كانت تبي تدخل تسولف مع احمد اللي ماجلس معهم اليوم ونسايم بس شافتها قايمة راحت وراها لسببين علشان تعرف مدى العلاقة بينهم وبين العراقية وفي بالها انها لو قامت بيقوم وراها جراح كنوع من الاهانة لهالة بس مادرت ان جراح كان يرقص من الفرح انهم كلهم قاموا وتركوهم بروحهم على الطاولة,,,, كان يحاول يبعد نظراتها عنه بس ماهو قاوي.... حاول يستجمع نفسه ويقول لها أي شي بس حس كاءنه طفل صغير توه يتعلم يتكلم حبة حبة... فاْجاْته بصوتها القوي وهي اصلا ماتناظر فيه/وانت ماودك تقوم؟ جراح وهو يناظرها مباشرة/لا... ناظرته مباشرة وقالت باحتقار/ليه ماسديت نفسك بعدني؟ جراح حط رجل على الثانية وقال بشماتة/والله انتي سادتها من زمان !!علشان كذا قررت اني مااخليك تاْثرين فيني ؟ هالة/قلت لي....قالتها بتصنع وهي تناظر بعيونه وتقراء الارتباك اللي قاعد يخفيه.... جراح بشماتة/أي قولي يا العراقية وش سوالفكم بعد!!! هالة باحتقار وهي تقرب راسها من الطاولة اكثر وكاس العصير بيدها ومقربته من فمها/الا انت للحين ماجاوبتني انت مطلق ولاجراح؟؟ قالتها ببرود واحتقار كبير وشربت عصيرها بهدوء وهي تتفرس بنظراته اللي انكسرت وسوى روحه قوي؟ هالة بصوت عالي وبثقة/بغيت تعرف سوالفنا...مبسوطين الحمد الله... احلامنا واحنا صغار حققناها الحمد الله...كنت ابي اصير دكتورة وصرت؟ماصرت فاشلة مثل غيري؟؟؟ وقفت وقالت بحدة/سمعت...ماني فاشلة مثل غيري؟ جت بتمشي بس وقفها مكانها صوته اللي يضحك بشماتة وهو يقول بقوة/دكتورة بس حياتها الزوجية اوشكت على الانهيار؟؟؟مشاءالله ماقلتي لنا قبل ان من احلامك ان حياتك الزوجية تكون فاشلة...يادكتورة؟ لفت له بترد عليه وكان وقف وجا قبالها بسرعة البرق وقال بحدة وهمس/الا انتوا ليه رايحين فيها انتي وياه؟يخونك؟منتي مالية عينه؟ يمكن توقع منها كل شي ذاك الوقت الا انها تكون رفعت يدها وعطته كف وسط ذهوله؟؟؟؟؟!!!!! ///////////////////////////////////////////////////////////////////// شيخة/انت شسمك؟ غسان وهو يناظرها/غسان عايشة/ليش هذا اسمك؟ غسان/لانه اسمي!! فاطمة/طيب منو سماك فيه؟ غسان وهو يناظرهم ثلاثهم/ابوي وامي... شيخة/بس ترى ماهو حلو؟ قالتها وتخصرت... غسان/ياسلام!!! عايشة/ليش ماسموك مطلق!! غسان/ليش اسم مطلق حلو؟ فاطمة/اكيد حلو لانه اسم ابوي!! غسان/اها...انتوا بنات مطلق يعني؟ عايشة/ليش كنت مفكرنا بنات جراح؟؟؟ غسان/لايبى مافكرتكم.... شيخة/اجل؟ غسان/انتوا ماعندكم غيري تسولفون معه؟ عايشة/عندنا.... غسان/مو باين؟؟ فاطمة/يعني شنو؟ غسان/يعني اشوف من وقفتوا على راسي تستجوبوني مابعدتوا!! شيخة/شفناك جالس بروحك كسرت خاطرنا قلنا نسولف معك علشان لاتنهبل وانت تسولف بروحك؟ غسان/أي ماتقصرون...... فاطمة/عفوا... ابتسم لهم.... وناظروا فيه بهبال.. غسان بحنية/ترى انا مااعرف اتفاهم مع بزارين نفس اشكالكم لاني من زمان مو شايف؟ شيخة باحتقار/يعني انت ماصرت ابو ولاصرت عم ولاتشوف عيال؟ غسان بانكسار/لاوالله لسه...ان شاءالله اشوف عيال اخوي وعيال اختي قريب.... عايشة/عادي ترى تقدر تصير عمنا وتشوفنا علطول وتسولف معنا.. غسان/أي ماتقصرون والله..... فاطمة/بس لازم تطيعنا ولامانبيك؟ غسان/انتوا كبر بعض؟ شيخة/لا... عايشة/انا وشيخة تؤام وفاطمة مو تؤام؟ غسان وهو يناظر طولهم الواحد/غريبة ولاوحدة فيكم تشبه الثانية ماعدا ان طولكم واحد!!! ///////////////////////////////////////////////////////////////////// نسايم/اقول اروى.. اروى وهي تشرب قهوتها/هلا... نسايم/كيف علاقتكم بعيال العراقية؟ اروى بثقة/بااخواني تقصدين؟ نسايم/اوووف شكلها العلاقةتغيرت بينكم عن اول؟ اروى/لامو بالضبط؟ نسايم/شلون... اروى/تقدرين تقولين كبرنا وكل واحد فينا يقرر مشاعره بكيفه؟ نساين بخبث/أي بس شكلك غير عن اهل بيتك...يعني الواضح ان عمتي ووليد ومريم مو على وفاق...بس انتي اللي غير؟ اروى بعد زفرة طويلة/يمكن اذا فكرت ماالاقي سبب يخليني اكرههم,,, نسايم/وبعد!! اروى/ماضروني في حياتي باي شي؟ نسايم/هذا كلام جديد... اروى/خلينا نتكلم بواقعية يانسايم.... نسايم/وعمتي عارفة تفكيرك.. اروى/مااكذب عليك يانسايم يمكن انا اكثر وحدة ماءخذة هواش وكره من امي... نسايم/بس علشان وقفوك بصف عيال العراقية...؟ اروى بعد نظرة طويلة رمتها على نسايم/ممكن ماتقولين عيال العراقية؟؟؟ يعني خالتي ماتت الله يرحمها...وهم عيال ابوي يعني اخواني,,,فيك تقولين اخوانك من ابوك بدل ها الكلمة؟ ناظرتها نسايم بدون ماتقول أي شي وهي في بالها تقول مالت عليك وعليهم ...بس ترى يااروى انا مو بشاير وانتي جيتي فضحتي مشاعرك عند الانسانة الغلط؟؟ اروى/مثل ماقلت لك ولامرة ضروني بشي ولا اْذوني...بالعكس لمى الجاْ لهم في أي شي الاقيهم يوقفون جنبي! نسايم/أي على قولتك...بس ترى الايام تبين لك معدن الاشخاص حولك.... اروى وهي قايمة/انتي بعد مع مرور الايام في ها البيت بتعرفين معدن كل شخص فيه وبتتذكرين كلامي!! نسايم في بالها..انا ماجيت الا وكرهي لهم عاميني عن كل شي وماراح اشيل ها الكره من بالي يااروى؟؟؟ ////////////////////////////////////////////////////////////////// احمد/فينا نتكلم بروحنا شوي؟ هالة ببرود/خير.. احمد بعد تنهيدة/خفي من ها الحقران ياهالة؟ ناظرته بدون ماتقول شي.... احمد/كم مرة اتصلت فيك وماردتي علي!! هالة/خير... احمد/شنو خير ياهالة...الناس العاقلة تتفاهم مو كذا تتصرف وتهرب وتحقر؟ هالة بنرفزة/شي وعرفت ردة فعلك عليه او اذا فينا نقول طلبت منك طلب وانت رفضته وش تبي بعد نتكلم فيه؟ احمد/هالة...انا رفضته بدون ماافكر فيه...رفضته اول ماتراى لي ان الوضع بيكون متعب.. هالة/اممم... احمد/هالة انا اخوك واولا واخيرا مالنا غير بعض... هالة نزلت راسها وماتكلمت.... احمد/يعني اذا زوجك كان بيسافر برى السعودية وكنتي بتجين عندي بوقت الجد بقولك لا؟؟انتي اكثر وحدة عارفتني ماابيك تقعدين بروحك والبيت اللحين يمر بفترة الله اعلم شلون بتنتهي....اكيد ماراح اخليك تبقين بروحك ولاتروحين لغيري!! هالة بانكسار/احمد..... احمد/قولي.... كانت للحظة وحدة بتقول ان علي مابيسافر بس تراجعت.... احمد/مكانك جاهز من الليلة اذا حابة تجين يااختي!!! قالها وهو يودع اخر يوم في الهدوء بينه وبين ريم,,, بس في شي بعيون اخته كان اكبر من انه يفكر في سعادته هو وريمه بذيك اللحظات!!! واذا على هالة ماراح تتكلم اذا ماتبي... احمد/هالة فيك شي؟ قالها بتردد خفيف.. هالة بشوية قوة وتفكيرها مشتت لبعيد/لا.... احمد/اممم...بتروحين معنا الكورنيش المغرب؟ هالة/لا مالي خلق,,,, اليوم كله مبين انه مو معدي على خير في حياتها... ابتدتها الصباح بهوشة كبيرة مع علي والاكيد انها بس ترجع بيكملونها وهذا حالهم من مدة..وبعدها كملت مع جراح وسخافته؟؟؟بس تموت وتعرف وش عرفه عن علاقتها بعلي؟؟؟وكيف عرف ان حياتهم بتنهار؟؟صحيح انه جاب سبب مو مزبوط بس هذا مايعني انه شكله عارف شي؟؟؟ هالة لاتصدقينه جراح قاعد يستفزك بس ؟؟؟ولاحياتك انتي وعلي محد يعرف فيها غير الجوهرة وبس!!!حتى اهله مايدرون عن شي...لاتخلينه ياْثر عليك بسخافته وكلامه؟ /////////////////////////////////////////////////////////////////////// بعد الكف اللي ماتوقعه من هالة وصدمه وجمده مكانه بعد مامشت...راح سيارته... يمكن علشان يتخبى فيها عن اللي حوالينه ويقعد بينه وبين نفسه يلمس مكان صفة يدها؟؟؟؟ مجنون....بدل مايحز بخاطره انها عطته كف واهانت رجولته قدامه قاعد يفكر ان يدها انطبعت على خده..... عصبت؟؟؟اكيد ياجراح الشي اللي قلته صحيح علشان كذا عصبت؟؟ لاياجراح ماهو صحيح انت قاعد تستفزها وتهينها وتهين علاقتها الزوجية وتبيها تظل ساكت وتقولك ماقصرت؟؟؟ مسح دمعة من عينه قبل لاتنزل منه وتكمل باقي اهانته قدام نفسه.... انا ياهالة تمدين يدك علي انا!!! لانك ماتدرين انتي بقلب جراح شنو؟؟حتى وانتي على ذمة رجال ثاني!!! ظل يردد بينه وبين نفسه بحزن,, من بعيد لبعيد....في كل ليلة كنت احتريك,,, لجل يدفى لهيب الشوق..لجل يقضى شعور الخوف,, يكفي احس انك بخير..وانك عايش سعيد؟؟؟ من بعيد لبعيد....تخيل بس من بعيد لبعيد!!!! //////////////////////////////////////////////////////////////////////////// اشوفكم بكرة على خير ان شاءالله... | ||||
|
| |
|
29-10-11, 11:07 AM
| #6 | ||||
| مرحبتين كبار باحلى واغلى ناس.. فديتكم انا ياعسل ومشكورين كلكم على كلامكم الحلو وعلى تعليقاتكم الكريمة,,,, //////////////////////////////////////////////////////////////////////////////////////////////////////// البارت السادس والسابع,,, /////////////////////////////////// زينة/بابا... ابو مشاري/دخلي بابا زينة دخلي... فتحت باب المكتب كله ودخلت وجلست قباله وحطت رجل فوق الثانية.. ابو مشاري/هلا بزينة قلبي.. زينة/جاية اطلب منك طلب.. ابو مشاري/تاْمريني يبى... زينة/انا قولبتها براسي وشفت دخلتي مو حلوة عند بيت الفوزان بروحي .. ابو مشاري/أي.. زينة/وقلت ورى مانروح كلنا انا وانت ومشاري... ابو مشاري/كيفكم يبى...انا باي وقت بدق على ابو احمد وابلغه... زينة/خلاص نسق معه علشان كلنا نزورهم.... ابو مشاري/اخوك عنده خبر؟ زينة/اسمع ابو مشاري وش يقول...ماتعرف ولدك ؟السالفة فيها شوفة بنت يعني يكون مستعد وماعنده أي عذر؟ ابو مشاري/انا قايل له ومنبه عليه...انا ماابي اخسر ابو احمد وشراكتنا كل يوم تزيد والحمد الله وحركاته البطالية لازم ينساها لان اللي بياخذها ماهي أي وحدة... زينة بشماتة/أي صدقتك يبى...مابغيت الا مشاري يركز بحياته... ابو مشاري/مو على كيفه...الا بنت ابو احمد يحطها في باله عدل؟؟!! قامت من كرسيها وهزت كتوفها بدون اهتمام وقالت/بنشوف؟؟؟ //////////////////////////////////////////////////////////////////////////اروى/احمد..شلونك.. احمد/هلا هلا اروى انتي شلونك؟ اروى/نساْل عنك.... احمد/عايش الحمد الله..... اروى/تمام... احمد/فكرتي بللي قلت لك اياه؟ اروى/................... احمد/انا ابيه لمصلحتك ماهو لي...انتي عاجبتك قعدتك كذا؟ اروى/احمد انا مااحب الدراسة؟ احمد/ولمى تاْخذين لك دورة تكونين الزمتي نفسك بدراسة؟ اروى/يعني ماراح امشي انا اعرف نفسي.. احمد/انا اللي اعرفه ان البنت تمل من القعدة فاضية كذا...وبالنهاية القرار لك انا بس حبيت اشغل وقتك وقلت لك اخذي لك دورة تسلين نفسك فيها ولا بغيتي تشتغلين الا انتي عندك شهادة معترف فيها.. اروى/يصير خير.. احمد/أي سمعي من هنا وقطي هنا..وراك وليد ومريم وين تفلحين بالله!! وليد/شفيه وليد مو عاجبك بعد!! لفوا اثنينهم لوليد اللي متسند على الجدار اللي وراهم.. احمد/ماهو عاجبني اكيد ماهو عاجبني لان اول شي في الرجال ماتوقف تتسمع الكلام واذا حبت تدخل بين اثنين سلمت... وليد/قاعد تقلب راس اروى علينا مو...طيب ام وليد مابتعديها لك وهذا راسي!! احمد/ونعم الرجولة والله....خسارة تعب ابو احمد فيك بس!!! وليد بحدة/انت شقصدك؟ اروى/وليد تاْدب.. وليد/انتي روحي انقلعي لاتشوفين شي ماشفتيه قبل؟ احمد مشى من قدامه/لاتعلي صوتك كثير لاتفضح نفسك بين نسايبك وتوريهم انت شنو من اول يوم؟ ////////////////////////////////////////////////////////////////// مطلق/وين الناس؟ بشاير/انت اللي وينك؟ مطلق/انا موجود.... بشاير/ياحافظ من دق جوالك ماشفنا رقعة وجهك؟؟ مطلق/جتني مكالمة وماعرفت ماارد عليها؟ بشاير بضحكة/اكيد من لندن المكالمة ولا من باريس؟؟؟يعني انت ساعات تقول كلام مو متوقع يامطلق....صار لك ثلاث ساعات من قمت من على السفرة مارجعت وتقولي مكالمة؟ مطلق/والله كانت عندي مكالمة.. بشاير/مصدقتك...بس السؤال شفيها زعلانة؟ مطلق/منهي؟ بشاير بخبث/اللي كنت تكلمها..ورى مااعتقتك بدري اليوم؟ مطلق/يعني اللي يكلم ويطول لازم يكون يكلم بنت؟ بشاير/شفيك امزح معك.. مطلق بقوة/وانا بموت من الخوف....يبى ماهميتيني!! بشاير بوزت/خلاص زعلت منك؟ مطلق/بالناقص؟ بشاير/شوف اللي مايستحي؟ مطلق/بكبري عندي بنات مدوخين راسي.. بشاير/بنات ماتشوفهم غير خميس وجمعة يامطلق ونص يومهم اذا مو كله جالسين معنا وش له موجعين راسك؟ مطلق/محسوبين علي ... بشاير/اذكر الله بس...غيرك متحسر عليهم... مطلق/.................. بشاير/ودي اسئلك سؤال؟ مطلق/شنو؟ بشاير/انت ماتبي تستقر من جديد وتتزوج؟ تنهد وشرد بافكاره لبعيد ومارد عليها,,,, /////////////////////////////////////////////////////////////////////// دارين/وين؟ هالة وهي تحط عبايتها على كتفها/طالعة.. دارين/اوووف...مستعجلة اليوم؟ هالة ببرود/لا...بس قايلة للجوهرة اني بشوفها اليوم ومدام ابوي لاهي مع نسيبه فرصة اني امشي... احمد وينه؟ ناظرت دارين بريما اللي كانت قاعدة معهم بدون ماتتكلم بوجود هالة... ريما بهدوء/الظاهر راح يشوف عمي.... هالة/دارين غسان ماشفته كثير اليوم هذا كله بسبة عيال الهم اللي سكنوا البيت؟ دارين/شفته جالس برى ومعها عيالهم... هالة/عشتوا والله...قلبوا غسان جليس اطفال لهم!!! ريم/هالة.. بدون ماتناظرها قالت/خير... ريم /يمكن نطلع نمشي بالكورنيش بعدين نمرك بشقتك ناخذك معنا؟ هالة/مااحب ها الاماكن...اجواها ماتناسبني!!!انتي تروحينها لانك مو متعودة تروحين اماكن ثانية؟؟؟ ناظرتها ريم وهي متمنية انها ماعزمتها بس الوقت فات وجتها الاهانة خلاص.... //////////////////////////////////////////////////////////////////// يوم شاف سيارة السايق اللي يوصلها المستشفى كل يوم دق قلبه... معقولة بتمشي!!! طب ليه؟؟؟والله البيت ماشبع من ريحتها بعد!!! كله منك ياجراح انت اللي ضايقتها وكدرتها وخليتها تطلع ...وبتحرم نفسك من شوفتها!! مو انت اللي كنت تبي تشوفها ولو ماكلمتك...هذا انت خليتها تقوم وتروح بعيد عنك..يالله تحمل شقى قلبك من طلعتها اللحين؟ قعدي تكفيني قعدي لاتروحين له...هو مايحبك كثري ولا راح يحبك نص الحب اللي احبك اياه انا؟انا احبها من زمان ..من كانت تمثل انها الدكتورة وانا المريض....وطحت فعلا مريض...مريض فيها وبحبها... وفرقونا ماعادوا يبون نشوف بعض ولانعرف اخبار بعض؟؟...بس مامنعي ها الشي ابدا اني اترك حبها يغيب لحظة عن بالي...سكنت قلبي وماتركتك مكان لغيرها تجي وتجلس فيه...حتى وهي بعيدة ...ظلت مالكة كل شي فيني,,,, لاتحسبين يوم مقدر عالبعد مكسور .......................................... ماغير دنيا تحدد يوم انكساري عايش حياتي مابين حزن وسرور .......................................... غامض ولا ابوح باسراري بيني وبين الامل محيطات وبحور ......................................... ارحل بصمت ولا اجيب طاري اسمع الفرح ينادي من ورى السور ........................................كل ما عتليت اسواراشوف انحداري قلبي مدينه مابها ناس وطيور ....................................... سكنها حبيب ورحل بحكم الاقداري لا ياشهد الندى وياعطر الزهور ......................................لاتظني ن بالبعد تذبل غصون ازهاري عايش بوحش الظلام ماشفت النور .......................................من صغر سني طفت كل انواري من صغر سني رحال بالدنيا ادور ....................................... فاقد وطن ولا ادري وينها دياري ياغلا لاتظن دمعي يوم طاح مكسور ........................................ طاح دمعي يوم شفت انتصاري////////////////////////////////////////////////////////////////////////// اروى/مشاءالله قمة الانسجام؟ رفع غسان راسه لها والبنات بعد... كان قاعد يرسم لهم حديقة سرية ويبيهم يطلعون له المخرج والفايز له جائزة... اروى/اقول قمة الانسجام؟ غسان/والله بيني وبينك...تراهم يدخلون القلب...الله يحفظهم... اروى وهي تغمز له/منهو اللي جايه بيبي وماتبي تقول...احمد ولاهالة؟ غسان/ليه تقولين كذا!! اروى/اخاف جالس تعلم نفسك شلون تتعامل مع البزارين؟ غسان/لا مايحتاج اذا بغيت اعرف كيف انتي موجودة؟ عايشة وشيخة/هههه فاطمة/فشلها وقال لها انتي بزر؟ اروى وغسان ناظروا في بعض... غسان/ترى لسانهم طويل؟ اروى/على الاهل....على منو بيكونون يعني؟ شيخة/بروح اقول لجدتي انك قلتي كذا؟ اروى/وانا بقول اني ماقلت؟اثبتي اني قلت؟ عايشة/انا بقول اني سمعتك؟ غسان/انتوا اخوان وشهادتكم مو ماْخوذ فيها لازم تجيبون واحد من برى؟ سكتوا كلهم وغسان واروى فطسوا عليهم ضحك.... ////////////////////////////////////////////////////////////////// ام مطلق/زين اللي شرفت؟ مطلق/اوووف ليه وين كنت يعني؟ ام مطلق/ وانا ادري عنك؟ مطلق/لاحووول.... ام مطلق/اركد ها الكم يوم بس يامطلق وبعدها... قاطعها بسرعة/مايحتاج اركد..... ام مطلق/ليه الله هداك؟ مطلق بثقة/أي.... ام مطلق/....ظلت تناظره لانها عارفة وراه مصيبة بالحكي جاية.. مطلق جلس على الكنبة وحط رجل فوق الثانية وقال باستبداد/انا بسافر؟ ام مطلق/شنو؟ مطلق/اللي سمعتيه.... ام مطلق/ياسلاااام..... مطلق/والله الربع بيطلعون عمان اسبوع ولزموا علي اخاويهم وماقدرت ارفض؟ ام مطلق/يايمه ياحبيبي...انت مطلق بقوة/يمه...انا مو صغير.....مو علشان عندي ثلاث بنات بتتحكمون انتي وابوي بحياتي...ها الشي ماراح يصير.... تنهدت ام مطلق وماقالت شي..... وشردت هو افكاره لبعيد..... /////////////////////////////////////////////////////////////// | ||||
|
| |
|
29-10-11, 11:08 AM
| #7 | ||||
| يوم شافت سيارته داخلة الكراج طلعت له علشان تجلس معه بالحديقة لانها عارفة عوايده ماراح يدخل مباشرة... ياانه يكون يكلم وبيظل جالس بسيارته يكلم.. ولاانه بيطلع وبيقعد قبال البركة يكمل سوالفه ولا بيظل يتاْمل المكان وفي الحالتين ماهو داخل اللحين فتطلع له احسن... فتحت باب السيارة وركبت جنبه وهو يطالع فيها... مشاري/خير ان شاءالله.. زينة/الخير بوجهك... مشاري/ليه طالعة لهنا؟ زينة/انا عارفة ان مقامي عالي ومايسمح لي اطلع لك بس قلت بتواضع اليوم وبنزل نفسي لك.. مشاري/اقول لايكثر لاافتح الباب اللي جنبك وارميك.. زينة/ول ول ول.. مشاري/ههههه..اخلصي وش عندك؟ زينة/ولاشي بس كنت بدردش معك... مشاري/لادخلت دردشي... زينة/لا ابي اسئلك هنا.. مشاري/شنو؟ زينة/مشاري انت حبيت بحياتك؟ ناظرها وكاْنه ماتوقع تسئله ها السؤال وظل ساكت.. زينة/وش فيك لاتخاف مابفتن عند مريم عليك؟ مشاري/وبكون خايف لوفتنتي يعني!!حياتي قبل لي مو لها.. زينة/يعني كنت تحب... مشاري بلا مبالاة/يمكن اذا يسمونه حب...فاانا كنت احب.. زينة/تركتوا بعض... مشاري بهدوء وهو شارد/اممم زينة/ماتحملتك ولاماكانت تحبك؟ مشاري بالم وحسرة/ماقدرت اصونها واوفي لها كثر ماهي وفية لي..ومن الظلم نظل لبعض؟ زينة/وماتحس انك مشتاق لها.. تسند على كرسيه وقال بهيام وكاْنه نسى وجودها/مووووت..موت والله يازينة...فوق ماتتصورين...ياليت لو فيني اردها لحياتي و... زينة/وشنو؟ مشاري بحسرة/ماعادت لو تنفع بحياتي...انربط مصيري بمصير بنت غيرها خلاص...وهي اكيد راحت لغيري... زينة/طيب انت مرتاح مع مريم...اقصد يعني قدرت تنسيك اياها؟ مشاري/ابدا....ولا حتى قاعدة تفكر تشيل ذكرياتها من بالي..... ///////////////////////////////////////////////////////////////// في مقهى ناريتا بوسط الدمام... جلست هالة وقبالها الجوهرة صديقة عمرها وكاتمة الاسرار,,, الجوهرة/لاتقولين لي شوفة ريم زوجة احمد هي اللي نرفزتك وخلتك تطلعين بدري.. هالة باحتقار/لا قالت شوفة ريم...ريم ماتعنيلي شي ولاتهمني بعد!! الجوهرة/اجل ام وليد قايلة لك شي.. هالة/تخسي والله... الجوهرة/معناته مافيه غيره...الاخ علي؟ سكتت هالة وماعلقت/.... الجوهرة/هو مزعلك ولاانتي مزعلته؟ هالة بتعب/الوضع بينا صاير لايطاق ابدا!! الجوهرة/فترة طبيعية بعد اللي مريتوه فيه؟ هالة/انا ناوية اروح عند احمد... الجوهرة/بتروحين عند احمد يوم يومين...شهر شهرين ثلاثة...طب وبعدين ياهالة؟ هالة/ها الفترة اللي بقعدها مع احمد بعتبرها الحاسمة يااكمل مع علي ولا نفترق.. الجوهرة/بها البساطة؟ هالة بضيق/انا مو قادرة والله مو قادرة الضغط اللي انا شايلته كبير والكل حاط في باله اني لامبالية ولا مهتمة بللي حواليني..وانا ياالجوهرة من داخلي اتقطع...شقولك بس...خليني ساكتة... الجوهرة/وهو راضي بها الحل؟ هالة/مابعد قلت له...واصلا مابترك له مجال يقرر يرفض ولايوافق...لازم يوافق لاني من جد لازم افكر بعيد عنه وعن شوفته.. الجوهرة/مدري شقولك ياهالة..الله يكون بعونك... ///////////////////////////////////////////////////////////////////// وقفت سيارة مطلق بعد صلاة المغرب عند الكورنيش لان بناته ذبحوه يبون يروحون مدام ان غسان بيروح.... مطلق بنرفزة/هذا احنا جينا انبسطتوا حضرتكم؟ شيخة بانتصار/أي... عايشة/يابابا ياحبيبي عمي غسان بيجي هنا... مطلق/عشتوا والله!!منو هذا عمك غسان بعد!!ان شاءالله ولد العراقية ماغيره؟ فاطمة/لا مطلق/اجل منو ياذكية؟ فاطمة/هذا اللي شفناه بالبيت ويكسر الخاطر محد كان قاعد معاه واحنا سولفنا معه؟ مطلق/أي قلتوا لي...يعني انتوا اللي قمتوا بالواجب!!لالاصراحة ماتقصرون؟ عايشة/اللحين بننزل ولاشلون؟ مطلق/تدرون انكم اكبر هم في حياتي!!!والله مو قادر اعيش انتوا مربطيني على الاخر؟ عايشة بتهديد/بابا اذا سئلتنا امي ابوكم قعد معكم ولا مثل العادة رماكم عند اهله وطلع وش نقول لها؟ ناظرها وسكت وقال بعدين بتميلح/هذا ابوكم جابكم الكورنيش تنبسطون وتلعبون قوموا وروني؟ شيخة/والله انا خبري الابوا العدل يودينا ملاهي نلعب مو الكورنيش ليش انه ببلاش؟؟ مطلق/شوف بنت ال... شيخة/بنت شنو؟ولا عشاني بنت ماتبي تقولها؟ مطلق/سبحان الله ورثتوا امكم بكل شي ومااخذتوا مني غير الاسم بس!!! فاطمة وهي تفتح باب السيارة/انا بنزل انبسط لايوجعني راسي.... مطلق/لحظة مو كل وحدة بجهة...امسكوا بعض لاتضيعون ترى انا مو مسؤل عن احد..من اللحين قلت لكم.....وبيني وبينكم يارب تضيعون وارتاح منكم..واذا مو كلكم على الاقل ثنتين يضيعون ووحدة تبقى؟ وقفوا يناظرون فيه وهم مو فاهمين نص كلامه بس كان مبين من لهجته انه مو مرتاح... شاف اشكالهم وضحك بقوة.. فاطمة بهمس/ساعات مدري شلون يصير؟ مطلق/منو هذا؟ فاطمة بضحكة/انت بابا.. مطلق جر خدها بقوة وقال/احلفي والله؟؟ فاطمة/انا اذا كبرت وسئلوني تبين يظل مطلق ابوك بقول لهم لا ابي جراح يصير ابوي... مطلق/والله انا ماعندي مانع من اليوم اذا تبين مو تنتظرين لاكبرتي!!! /////////////////////////////////////////////////////////////////////// اخر الليل في شقة هالة وعلي... دخل الشقة وكانت هي جالسة على كمبيوترها في الصالة.. علي/السلام.. ببرود وتمتمة/وعليكم السلام... ظل جالس قبالها دقايق ومارفعت راسها له.. بعدها قام من مكانه وجلس جنبها....وانتظر تلتفت له وهو عارف انها مابتلتفت... بعد ثواني امتدت يده لجهازها اللي بحضنها وشاله منها وسط نرفزتها.. حطه جنبه وقال بجدية/طول اليوم مفارقين بعض..يفترض عندنا سوالف مع بعض؟ هالة/من قال؟ علي/وحتى لو مافي سوالف لنا مع بعض....خل كل واحد يهتم بالثاني ويشوف وش سوه بيومه بدل منتي ماسكة جهازك وحاقرتني!!! هالة/علي لاتسوي لنا فيها فلم....ماعندنا شي نقوله فااترك كل واحد يسوي اللي يبيه؟ علي/طيب..انا اللي ابيه انك تسولفين معي!!! هالة /وانا ماابي.... علي/ماهو بكيفك...انا زوجك ماني واحد من الشارع بتسولفين وغصبا عنك بعدّّ!! قالت وكلام جراح يرن باذنها../علي انت خنتني بيوم من الايام؟؟؟ فاجاْته كلمتها وقال بصدمة/انتي من جدك تحكين ؟؟ هالة/انت مو تبي تسولف ..هذا انا فتحت لك سالفة تسولف فيها؟ علي وقف وقال بعصبية/وطبعا انتي لازم تسوين اللي براسك وتنهيني السالفة وباكبر قوة ممكنة؟؟؟طيب ياهالة هذا انتي انتصرتي وهذا انا قايم...فرحي ياللله... بعد مامشى ظلت تناظر بسرابه...معقولة كلام جراح صدق وعلي خانها بيوم من الايام؟؟؟؟طيب ليه علي ماانكر ولا سوى أي شي وانسحب باهدا من اللي توقعته؟معقول في شي وهو خايف اني اكون عرفت!!! هالة عقلي..هذا كلام مراهقين...خلي جراح وكلامه يولون عنك علي مايسويها؟؟هو بس يبي يشكك بعلاقاته معك وانه فشلكم راجع لها الشي؟؟؟ تسندت على الكنبة وغمضت عيونها وراحت افكارها يمين وشمال,,,, ////////////////////////////////////////////////////////////////////// في شقة ريم واحمد... كان احمد يتابع برنامج بالتلفزيون وهي جالسة بفراشها تصبغ اظافرها.. احمد من وراها بحب/وش معنى اللون الاحمر عاد؟ ابتسمت بدون ماترفع راسها له وقالت /لان الليلة جمعة؟ احمد وهي يفتح شعرها/واذاكان... ريم باحراج/يعني بتسهر معي!! احمد/والله انا كنت بسهر معي بس بها اللحظات غيرت رايي... ريم/ليه؟ شد شعرها بقوة وهو يقربها من حضنه/ريم تقصين شعرك من وراي صح؟ ريم/انا!! احمد/لاانا...اكيد انتي اجل منو؟ ريم/منو قال عاد.... احمد/اللحين تبين تقنعيني من العام يوم تقصينه ماطول ابدا!!!مو مصدقك ياروحي!! ريم/كيفك... احمد/لامو كيفك...لازم تتعاقبين علشان تدرين اني عارف انك تقصينه من وراي... ريم/أي بس ماعندك اثبات... احمد/وفي اثبات اكبر من كذا...سنة مو راضي يطول من يصدق عاد؟ ريم /احمد مو حلو الطويل والله مااحبه؟ احمد/ها ..وصلنا خير..هذا يسمونه اعتراف مبطن.... ريم/هههههه احمد/انبسطتي في الكورنيش.. ريم/أي... احمد/ودارين.. ريم/ودارين بعد...وقلنا نبي نسويها اسبوعية ...يعني كل خميس نروح وش رايك؟ احمد/ليه ماعزمتوا هالة تجي؟ ريم/عزمتها.... قالتها وسكتت وهي تناظر بااظافرها بعد ماكانت تناظر فيه.. رفع راسه بيده بشويش ولمح فيها دمعة حاولت تخبيها عنه... احمد بحنية/شفيك... ريم بغصة/ولاشي... احمد/هالة زعلتك بشي.. ظلت ساكتة وعيونها بالارض... احمد/اكيد قايلة لك شي صح؟ ريم بتنهيدة عميقة/مو مهم ...تعودت... احمد بعد تنهيدة/انا احبك... بهمس مبحوح قالت وهي تكابر لاتبكي/وهذا اللي معوضني عن كلامهم لي واحتقارهم...احمد انا احبك ...ومتحملتهم علشانك وعلشان حبك... احمد/يابعد عمري...امسحيها بوجهي...هي اكيد ماتقصد.. ريم/اللحين شنو بنسهر ولا بعدك مصر ان مافي سهرة؟قالتها علشان تغير موجة كلامهم... بعد عن حضنها وتمدد على الفراش وقال/لا بنام جتني النومة بثانية وحدة ...اذا فيك تقوميني بنسهر اذا مافيك استسلمي وتعالي نامي جنبي... ريم باعتراض وهي تضحك/روح زين قال جته النومة مرة وحدة؟قوم بس قوم... ///////////////////////////////////////////////////////////////// بعد تردد كبير دق لها.... وحمد ربه يوم شالته وكان صوتها مافيه نوم يعني كانت سهرانة... مشاري/ازعجتك؟ مريم/فيك شي؟ مشاري/لا.. مريم/ليه داق اجل ها الحزة؟ رمت عليها امها الوسادة اللي كانت جنبها وهي تاْشر لها تتكلم معه عدل وبلا ها السؤال الغبي؟؟ مشاري بنرفزة/ليه ممنوع اسمع صوتك بها الوقت؟ مريم بتردد بين نظرات امها لها ووليد من جهة وبين انها مو عارفة شتقول/لا مو كذا...بس خفت يكون فيك شي ولا....يعني مشاري بنرفزة اكبر/مريم...شفيك؟ مريم/انت اللي متصل ولا انا علشان تسئلني شفيك؟ وصلت عند ام وليد مليون ووليد جنبها فاطس ضحك مشاري بجدية/يعني اكون غلطان اذا كلمتك ها الحزة وسولفت معك؟ مريم/......... مشاري/طيب...انا بس حبيت اسولف وابلغك ان احنا يوم السبت جاينكم ان شااءالله..انا والوالد واختي..وابوي بيكلم ابوك بكرة يبلغه ...تصبحين على خير... قالها وسكر جواله وطفاه مرة وحدة... ام وليد بعد ماسكرت مريم جهازها/شقال لك؟ مريم/ماعنده سالفة...يقول يوم السبت بيجي هو وابوه واخته عندنا؟ ام وليد بخوف/شنو؟ مريم/لاوشوف بعد المسخرة...يقول ابوي بيكلم ابوك بكرة يقوله ..طب ليه انت داق مدام ابوي بيكون عنده خبر؟ وليد/هههههه انتي تحفة ام وليد بخوف/مريموه...انا حطيت يدي على قلبي...ليش بيجي مع ابوه؟ وليد/يمه شفيك...ابوه صديق ابوي وجيته شي عادي... ام وليد بنرفزة/هو صدق جيته شي عادي لانه دايم يجي بس اختك الهبلة واسلوبها مع مشاري تخلي الواحد يخاف؟؟؟ مريم/اوووووف..انا كذا ولاتحلمون اتغير علشانه حضرة جنابه؟ ام وليد/أي..واذا طار؟ مريم بقهر/في غيره.. ام وليد/أي وينه غيره؟ مريم تمتمت بكلمات قهر وسكتت.. ام وليد وهي واقفة/انا اقول تاْدبي وتسنعي وانتي تسولفين مع خطيبك لانه اذا تملل من اللحين بيعوفك مرة وحدة مريم/انا ثقيلة يمه مو متمللة فيه فرق...والرجال يبي البنت الثقيلة؟ ام وليد وهي تمشي عنهم/أي زين قلتيلي؟ وليد بعد مامشت امه/ترى انا اعرف مشاري لانه من نفس طينتي...يبى هذا شايف وعارف ومسولف مع غيرك...واذا بتظلين كذا هو مابيجبر عمره يوفي لك ويظل بقربك عنده غيرك وبتسمعه اللي يبيه واللي مايبيه؟ مريم/اقول وليد ترى مو كل البشر نفسك دايرين بها السكة... وليد/احترمي نفسك....انا حبيت بس اقولك علشان لاتتحسفين بعدين.... مريم/مايحتاج تقولي...واسمعها مني...مشاري بعد ماخطب عقل وماعنده ها السوالف انا زوجته ومابيروح لغيري!! وليد بلامبالاة/بكيفك... قالها وقام عنها ومسكت هي جوالها بعد خوف من كلام امها ودقت عليه ولقته مقفل ..تنرفزت ورمت الجوال جنبها,,, ////////////////////////////////////////////////////////////////// وحدها كان النوم مجافيها...اليوم يوم راحت مع ريم الكورنيش وصدمت فيه بالغلط ولايمكن يكون هو قاصد يصدم فيها...سهروها الليل... اوووف...كلامه خطير ..يقولي السيارة قريب ياام نظرات حلوة!!!! راحت علي اخذ واعطي معه لان ريم جنبي...ولا شكله ماهو قليل ..عجبني حيل...بس القهر حتى ماعرفت افتح البلوتوث علشان اخذ رقمه.... يالله بتتهنى فيه الا بيشبك معها.... ظلت تفكر باللي صار اليوم من بدايته لين طلعوا اخوانها واحد ورى الثاني لين ظلوا بروحهم اللحين هي وابوها وغسان وكل واحد بغرفته ,,, البيت مو حلو ..ابدا مو حلو...قبل اروى كانت تجلس معها ..واللحين ماتقدر تشوفها... تنهدت وحطت راسها علشان تنام.... ////////////////////////////////////////////////////////////// اشوفكم يوم السبت على خير | ||||
|
| |
|
29-10-11, 11:13 AM
| #9 | ||||
| صباخ الخير والنور والسرور... الف شكر للي متابعين والباقي وين اختفوا...مع غبار الشرقية اللي جانا امس هههه تسلمون حبايبي وين ماكنتوا ومتى ماقريتوا.... ///////////////////////////////////////////////////////////////////////////////////////////////// البارت التاسع,,, ///////////////////////////////////// [color="red"]هالة بتجي البيت ياريم,,, حياتك انتي واحمد كلها بتتغير بوجودها,,, لبسك بيكون مقيد؟؟اكلك بيكون مقيد؟طلعتك بتكون مقيدة؟نومتك بنكون مقيدة؟قعدتك بتكون مقيدة؟ كل شي بحياتك انتي واحمد بيتغير؟ بس هي ليه بتجي هنا ومابتروح عند ابوها؟؟ اساسا ليه بتطلع من شقتها؟معقولة هي وعلي متهاوشين لاسمح الله؟ الله لايقول ياريم....اللهم ياكافي ها الزمن صار يخوف... الله يهديهم ويصلح بالهم على بعض... صدق هالة عصبية بس مامنها اثنين دكتورة وفاهمة ومحد قدها والجمال مو ناقصها....الله يهديهم ان شاءالله.... واحمد حضرته يبينا نجيب عيال اللحين؟ يالله نجيب عيال وش ورانا...يارب يطلعون كلهم اولاد ويشبهونه فديته... ابيهم ياخذون..طوله..وعرضه..وهيبته.. وثقله..ووسامته..وطيبت ه... اخ..لو تدري شكثر احبك بس يااحمد... بحياتي ماحلمت اني اتزوج واحد مااعرفه ولايعرفني واحبه وكل يوم يمر علي اغرق فيه اكثر واكثر,,,, مسكت جوالها ورسلت له رسالة وقامت تكمل شغلها,,, (برفع قضية على الدنيا ومافيها...واول قضية ابرفعها على حالي خلاص ماني مكحلها ابعميها...واحوسها واقلب الاول على التالي,, لاتقول ماتقدر تسويها..اسويها واقول احبك..لاوبصوت عالي) ////////////////////////////////////////////////////// شيبي؟؟؟ ليه جاي هنا؟؟؟ معقولة علشان يفصلني مثل ماقال؟؟ طيب ليه ماجاها خبر من الادارة لسه؟؟؟صار لها من رجعت مكتبها فوق الثلاث ساعات!!! لالالا جراح مو جاي علشان ها الشي انا متاْكدة جراح جاي علشان شي ثاني؟ لاني جرحته امس وماتوقع مني ها الكف؟يمكن انه جاي وما يبي يلتقي فيني..وطلعت انا بوجهه صدفة وتبهدل؟؟ يمكن....ليش لا,,, تنهدت وهي تذكر نفس النظرات الحزينة اللي شافتها اليوم وشافتها امس بعيونه وقرتها...بالنظرات اللي جتها قبل سنتين بيوم زواجها وهو واقف قبالها ويبكي...يوم يقول لها احبك بكل حرقة؟؟؟ تنهدت وبعدت ها الخاطر من بالها... ها الاشياء مالازم وحدة مثلها تفكر فيها...هي اولا واخيرا متزوجة...وحتى اذا ماكانت... الا جراح واهله... الناس اللي ياما امي واحنا اخذنا منهم الويلات؟؟؟ اللي ماعلى لسانهم اذا طرونا غير عيال العراقية؟؟؟ جراح...اصغر مني..كيف ممكن فكر انه يقول لي ها الكلمة؟ يجوز كان سكران ذاك اليوم خوب ذيلا مرفوع عنهم القلم!!! رفعت راسها يوم دخلت الممرضة بكشف المريض اللي بيدخل..وتنهدت.... //////////////////////////////////////////////////////////// على سفرة الغذى في بيت بو مشاري... كانت قاعدة وصحنها مانلمس منه أي شي,,, قاعدة معهم بجسمها بس ولا العقل شارد لبعيد,,, للي ممكن تشوفه الليلة؟ طيب وش تقول له؟تسلم عليه ولالا؟ شوف الجنون...هي مسوية ها الزيارة علشان تشوفه وتساْل نفسها اللحين اذا كانت بتسلم عليه ولالا؟ طيب بعد السلام وش تقول؟ زينة...زينة.. رفعت راسها ولقت ابوها واخوها يناظرون فيها... ابو مشاري بخوف/زينة...شفيك يبى؟ زينة بارتباك/ولاشي.. مشاري/ابوي ساعة يناديك؟ زينة باحراج وهي تناظر بالاكل/اسفة يبى كنت سرحانة شوي؟ ابو مشاري//فيك شي يبى...يعورك شي؟ زينة/لايبى... ابو مشاري/شوفي صحنك مانلمس يابنتي!! زينة مدت يدها /هذا انا باكل اللحين يبى... كملوا اكل وهم عيونها عليها.... زينة بنشوة/يبى متى بنروح بيت بو احمد... بان الضيق على نظرات مشاري ومافات ها الشي زينة... ابو مشاري بضحكة/انتي اللحين كملي اكلك وبعدين يصير خير... زينة/مانبي نتاْخر عليهم يبى... مشاري بضيق/وش اللي ورانا عاد علشان نروح بدري؟ ابو مشاري/ها...المعرس مايبي يقعد مع مرته؟ زينة/مو ضامن انه يكون بروحه يبى .. ماتشوفه مو على بعضه... ابو مشاري/لالالا نخليك تقعد معها بروحكم وش تبي بعد! زينة/أي والله احنا اذا علينا بندبر امورنا لاتخاف....انا ان شاءالله اقعد مع اخوانها مو مشكلة؟ مشاري/أي والله..هذا اللي ناقص بعد؟ زينة/ههههههه والله انا بقعد مع ابوي حبيبي محد له عندي شي؟ مشاري بتميلح/ابوك حبيبك بالبيت مو قدام الرجاجيل يابابا؟ زينة/وانت محد يمزح معك؟ ابو مشاري بجدية/مشاري.. مشاري/هلا يبى... ابو مشاري/شلونك مع بنت ابو احمد؟ مشاري/........ ابو مشاري/سئلتك شلونك معها؟ مشاري/عادي يبى.... ابو مشاري/شلون يعني عادي؟ مشاري/شتبيني اقول ماااشوفها كثير ولاتكلمني كثير بعد!!غير كلمة عادي ماعندي؟ //////////////////////////////////////////////////////// اما عند بيت ابو مطلق,,, ابو مطلق/اليوم البيت وحشة للبنات... لوى مطلق فمه وماعجبه الحكي... ام مطلق/في ناس مو عاجبهم الحكي؟ بشاير/ومبين عليهم اصلا ان مو عاجبهم؟ مطلق/أي لان مو انتوا اللي مبتلشين فيهم!!! ام مطلق/احد يقول عن عياله بلشة؟ ابو مطلق/خليه يقول اللي يبي...بكرة بيعرف زين وش يعنون العيال وكيف يغيرون حياته؟ مطلق/ويكونون للحين ماغيروها يعني!!! بشاير ونسايم/ههههه نسايم/اللي انا اعرفه انك ابو بالاسم...وانهم في دفتر العائلة اللي تابع لك وبس!!باقي الاشياء متكفل فيها بو مطلق؟ مطلق/ماهي مسئلة فلوس..الخير موجود بس...انهم مسببين لي ازعاج بسبب وبدون يتصلون !!مو قادر احس اني حر منهم؟ قال ها الكلام وبعد ثواني بس دق جواله اللي كان على الطاوولة وناظر بالمتصل وقال لهم /ها هذولا ينطرون ذولا!!كاهم دقوا؟انا لو طاري مليون ابرك؟ ضحكوا عليه الباقيين ورفع جواله...بعد ماحطه سبيكر... شيخة/السلام عليكم... مطلق/وعليكم السلام.... شيخة/بابا مطلق موجود؟ مطلق/لاوالله ماهو موجود؟ شيخة/وانت ليه ترد على جواله يالملقوف؟ مطلق/بعد!!! شيخة/جوال ابوك لو جوال ابوي!! مطلق/أي بس هو قال لي انه مو ابوك ولايعرفك؟ شيخة/شوف الكذاب!!عطني اياه اعلمك فيه!! مطلق/لالالاتكفين !!شلون بتعلمينه؟وش بتقولين له؟ شيخة/بخليه يعترف انه ابوي.. مطلق/غصب هي..ماابي اصير ابوك؟ شيخة/اها...يعني انت ابوي؟ليش قبل شوي تقول مو جوال مطلق مدري مو موجود؟ مطلق/والله عاد من ثوارتك يالثورة في وحدة متصلة وماتعرف الصوت اللي تبيه يخص منو؟ شيخة/انا لان شكيت انت مو بالعادة تصير ذرب كذا ...ياترد تقول بعصبية..نعم..خلصوني وش بغيتوا؟ولا تقول مشغول مو فاضي....اليوم غيرت طريقتك وماعرفتك؟ مطلق/شوف ال..... شيخة بخبث/الا صاير ذرب اليوم اكيد معك احد؟ مطلق/بابا خلصيني وش بغيتي انا بكمل اكلي؟ شيخة/ابي اجي عندك بالبيت؟ مطلق انقلب للعصبية فجاْة وشال السبيكر وقال بحدة/وانا ماابيك... ناظروا فيه كلهم بدون مايقولون شي... كمل وقال/والف مرة قايل لك انتي وخواتك وامك مابتجون عندي عاجبكم يعجبكم مو عاجبكم بكيفكم.... سكر التلفون وقام من السفرة... ابو مطلق/مطلق... وقف وقال/نعم يبى... ابو مطلق/انتظرني بالمكتب ابيك؟ ////////////////////////////////////////////////////////////////////////// هالة/هلا احمد احمد/مشغولة.. هالة/لا... احمد/ليه مافي مراجعين اليوم ولا نحشتيهم؟ هالة/والله اليوم شايفتهم خفيفين ان شاءالله دوم كذا.. احمد/هههه المهم مابعطلك عن شغلك..بس بغيت اقولك ترى مكانك جاهز ياهالة وقت ماتبين ارفسي الباب وادخلي انتي صاحبة المكان.. ظلت ساكتة فترة وبعدها قالت/شكرا يااحمد....مابنسى لك ها الشي.. احمد/لالالالا..احنا اخوان ياهالة... هالة/طبعا ريم مو عاجبها؟ احمد باعتراض/انتوا مالكم شغل في بعض... كل اللي بيجمعكم وقت الوجبة لو حابة انتي بها الشي وماغير ذلك مافي شي... هالة/احمد انا فيني اقدم على خادمة لو.. احمد باعتراض/لا...انا ماابي لو كنت ابي كنت استقدمت لي...بس الشقة مافيها غيري وغير مرتي واحنا مانحتاجها ياهالة... هالة/بكيفك انا بس قلت اعطيك خبر لو كنت حاب هالشي... احمد/لاماله داعي...واللي اعرفه انك ماتحبين احد يلمس اغراضك؟ هالة بغرور/مابجيبها لي بجيبها لكم!! احمد/لاشكرا احنا مو بحاجتها... هالة/طيب في مشكلة علشان السايق؟ احمد/لالالا بغرفة بواب العمارة هناك في ملحق حق السواويق التابعين للعمارة... هالة/كويس....انا عارفة يااحمد ان ريم بتتضايق ها البفترة بوجودي كان احمد بيتكلم بس كملت هي وقالت/احمد خليني اتكلم ولاتقاطعني لو سمحت.. احمد/تفضلي... هالة/بيتها ولها كل الحق في انها تكون اميرته ومرتاحة فيه وماتستقبل فيه ضيوف بدون رغبتها...بس بقولك يااحمد انا محتاجة ها الوقت اني اكون عندك صدقني.... قالت الكلمة الاخيرة برجا حار.. احمد/انا جنبك وبظل جنبك...المهم ماقلت لك اليوم اهل بو مشاري عشاهم عند الوالد؟ هالة/وخير ان شاءالله..وش عندهم؟ احمد/مدري بس كلمني البارحة وقال لي... هالة/كيف شايف مشاري يااحمد؟ احمد/بيني وبينك مدري كيف يتعايشون هو ومريم؟فرق بكل شي... هالة/أي تخطيط ام وليد مايروح بلاش....باقي يزوجون زينة لوليد...ويعطون اروى لمطلق؟ احمد/ام وليد ماتبي مطلق تبي جراح؟الفلوس عند جراح؟ هالة بحدة/بنشوف اذا جراح اخذها..... ////////////////////////////////////////////////////////////////////// صلحهم صار قبل اسبوع.... كانوا متهاوشين على القضية اللي ماتنتهي بينهم ابدا؟؟؟ هي/انا مو مالية عينك؟هو/لاوالله انا اموت فيك؟ هي/طيب ممكن تفسر لي وش معنى نظراتك لها؟ هو/والله لاشعوريا شفتها وظليت اناظرها وماانتبهت لنفسي بس مو معناته انها جذبتني؟ هي/مشاءالله وش ها العذر؟ هو/احبك.... هي/أي..... هو/لاتصيرين عاد تدورين الزلة علشان تقلبينها هوشة؟ هي/انا ماقلبتها هوشة ياعمري بس انا ابي اكون الوحيدة اللي شاغلتك فيها شي؟ولاطلبي صعب؟هو/لاحبيبي كلامك عين العقل ...... هذا كان قبل اسبوع بس يوم تروح تقابله بالمجمع وها الاسبوع كانت رايحة مع امها واختها يتسوقون وقالت لمى توصل بتدق له وبتعطيه خبر لانها مو عارفة وين بيروحون... بس تفاْجات يوم شافته يمشي ورى وحدة وكل شوي يرمي عليها كلمة ولايتحرش فيها من هنا ولامن هنا.... كانت دموعها مالية عيونها بذيك اللحظات....وحست ان ها العلاقة قاعدة تجرحها لان مو معقولة ماصار لها اسبوع بس من تهاوشت معه هاالسالفة,,, غلطة جديدة شفتها منك اليوم.... على القديمة حتى اسبوع مافات... لاتقول اسف ادري ماينفع اللوم,,, احساسي من كثر الغلا ترى مات,,, خطيت في حقي كثر هذي النجوم.... كنها علي وصتك كل المجرات... ماكنا تدري للحب مفهوم,,, من عاش بحبك ماتذبحه بغلطات... من جيت عندك وانا بالحيل مهموم.. صارت حياتي كلها ويل وهم وحسرات,,, ادري البشر ماهو عن الغلطة معصوم... تدري الصبر له حد وللطيبة اوقات,,,,مسحت بشاير باقي دموعها وهي تتذكر ذاك اليوم بكل مافيه وكيف طلعت من المجمع بدموعها وبدون حتى ماتعطيه اشارة انها شافته...لانها حطت في بالها انها مايستاهل ابدا... رجعت وغيرت ارقامها وغيرت حياتها بعد...واللي مثله ماصار يهزها باي كلمة يقولها؟؟؟ بس المشكلة انها حبته؟؟!!! ////////////////////////////////////////////////////////////////////// اروى/عسى بس تجهزتي؟ وليد بشماتة/اختي مايحتاج تتجهز...ثيابها ومجهزة والكلام مو مشكلة مو لازم تقول شي...؟ مريم/انت مالك شغل؟ وليد/هههههه اروى/استح على وجهك تقول لااختك كذا؟ مريم/يمه..وين بنسوي العرس؟ ام وليد/باي مكان تتفقون عليه انتي ومشاري؟ مريم/لاحبيبتي انا ابي عرس الكل يتكلم فيه ماابي شي على ذوق اخته هادى وكلاس ومدري وش تقول... وليد حط رجل فوق الثانية وقال/أي وشنو تبين بالله؟ مريم بغباء/ابي عرس طول بعرض اصرف فيه بهبل واسوي فيه كل الحركات اللي ابيها... اروى/ليه بتحضرينه انتي!!!كلها بكلها الساعات اللي بتحضرين وتجلسين ماتجي ساعتين؟ مريم/انا حلمي من زمان اسوي لي ثوب كبير وعرس اكبر؟ اروى/انا مو مقتنعة احس ان رايي من راي زينة العرس الهادى احلى... مريم بنرفزة/واللي يسلمك عاد!!انا زينة مااتحملها بعيشة الله؟ ام وليد بعصبية/تحملي تقولي قدام اخوها ها الكلام ولا انك تبينين لها ها الشي؟؟؟ مريم بلااهتمام/مدري وش عليه شايفينها ومايرضون عليها؟ وليد/من هم؟ مريم/مشاري وابوه...من يجي طاري زينة انهبلوا وقاموا لها طيران؟؟؟انا قعدت معها مرة وماطقتها؟ اروى/انا مااحس فيها شي؟البنت عادية؟ مريم/انا اللي يتصنعون الهدوء والنعومة وهم بطريق والنعومة بطريق مااحبهم ابدا... وليد/اها...يعني المعلومة اللي تبين توصلينها ان زينة تتصنع شخصيتها؟ مريم/بالضبط؟ وليد/مدام قلتي كذا فااكيد ان البنت احلى واذكى وانعم منك وانتي طبعا ها الصنف ماتحبينه...انتي يعطونك ناس ساكتين وميتين على العرس ويعجبونك؟ ////////////////////////////////////////////////////////////////////// ريم/بتطلع؟ احمد/أي الوالد جايين رجال..ابو مشاري وولده...بتروحين؟ ريم/لا... احمد/يمكن تجي معهم بنته؟ ريم/اكيد مابتكون ناطرتني بالاحضان؟؟هي حتى ماتدري منهو انا!! احمد/خلاص براحتك.... ريم/احمد.. لف لها وهو يعدل شماغه..... احمد/في شي... ريم تسندت جنبه وهي تلعب بثوبه وعيونها بالارض/احس اني افتقدتك اليوم....ماشفتك دوبك جيت ونمت ويوم قمت كانت عندك مكالمات طول بعرض ومافضيت تسولف معي..واللحين بتطلع.. لف لها بالكامل وقال بحنان/وبرجع لك.... برد لحضنك وين بروح عنه يعني؟ رفعت عيونها لعيونه وماعلقت بشي.. قال بتحذير/ترى اذا جالسة تدلعين علشان تعطليني بتشوفي شغلك بعدين؟ شاف نظرة انكسار بعيونها وماعرف شيقول لانها ظلت ساكتة.... احمد بهمس/حبيبي...اكلمك وين سرحت؟ ريم/معك...مارحت مكان......اجيب لك المبخرة اللحين... احمد/ريم شفيك؟ ريم/ولاشي....بس .. احمد مسك يدها وقال بتشجيع/بس شنو؟ ريم بتنهيدة /اقول وماتزعل.. اشر براسه بلا..... ريم بعمق/احس اني بفتقد معك ها اللحظات الخاصة بالايام الجاية يااحمد..... تقرب منها ومسح على شعرها وقال برقة/مو ماخذك بحضني لاني اذا سويتها يمكن اتاْخر عن الوالد ومااروح,,,بس اذا رديت بعلمك تعيدين ها الكلمة مرة ثانية قدامي!! ريم بحزن/احمد.. احمد/ريما...انتي صايرة حساسة..وش اللي بيتغير بحياتنا اصلا!!وجود هالة...؟؟هالة بتاخذ المجلس والمجلس مفصول عنا..لالها فينا ولا لنا فيها...حتى بو قت الاكل نظامها واوقاتها غير عنا....وبعدين هي نص يومها بدوامها.... ريم/ماهو بالوقت اللي هي بدوامها انت بتكون بدوامك فما فرقت عندي,,,بس اذا رجعت رجعت انت!! احمد/اللحين انتي وش اللي مضيق خلقك؟ ريم/ابي توعدني ماتتغير علي؟ احمد/مو بكيفك ..ماابي اوعدك!!!يبى ابي احبك اكثر واعشقك اكثر!!تبين تحرميني من ها الشي,,,, ريم رمت نفسها بحضنها وقالت له/ابي اكون لك بروحك...وتكون لي بروحي...مانبي شي من ها العالم اللي حولنا.... احمد بخبث/فهمنا عليك يابابا... رفعت راسها تناظره وكمل بمرح/احنا من فتحنا سيرة الحمل والعيال قمتي تتعايرين وتدلعين...لايبى خلاص اخذتي اجازة وقت الجد بديناه ومافي أي اعذار!! ///////////////////////////////////////////////////// اشوفكم بكرة على خير,,,,,[/color] | ||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
