رماني حظي العاثر عليه قلت...ماأبيه وأتاريني ميته فيه...للكاتبة مفتون قلبي رووعة

[بينولبي]

اليوم حابة انقل رواية للكاتبة مفتون قلبي
طبعا الرواية لسى ماكتملت واتمنى اتحوز على اعجابكم

السلاام عليكم

يمكن البعض يستغرب وأنا سبق وقلت ما راح أكتب .. والحين منزله ثالث رواية لي .. بس لجل عيون تكرم مدينة .. وانا ما احب أخيب ظنكم فيني .. لله الحمد حصلت تفااعل ومشجعين واااايد .. وهذا الشي إلي شجعني .. وخلق في نفسي الحماااس بإني أواااصل في هل المجال .. وصدقوني راح تحبونها .. لأنها مثل ما إنتوا تحبون .. رومانسية .. وفيها من الجراءة .. و زواج اجباري .. بس مزجت فيه نوع من الغموض والأكشــن والاثارة .. وإذا تثقون في ذووقي أنصحكم تقرونها ..

طبعا كل جمـــعة راح ينزل بارت .. والوقت راح يتحدد في كل بارت ..

بعطيكم مقدمه بسيطة .. وعلى الساعة 6 راح أنزل البارت .. يلااا أبي تفاااعل .. وإذا ما جفت بعرف إن الرواية ما عجبتكم وبجذي راح أوقف كتابة ..






*


روايـــــــــــــــــــة
رماني حظي العاثر عليه.. وقلت ما أبيه وأتارينــي ميته فيه


*








الناس يعيشون
يموتون
يضحكون
يبكون
البعض يستسلم
والبعض مازال يحاول
البعض يقول مرحبا
بينما آخرون يقولون وداعا
انه شعور رائع عندما تعلم ان هنالك شخص ما يحبك، يفتقدك ويشتاق لك، يحتاجك
لكن الشعور الأفضل هو عندما تعلم ان هنالك شخص مستحيل ان ينساك مهما طال الزمان
لا تجعل الماضي يعيقك ، يلهيك عن الأمور الجميلة في الحياة
فالحياة قصيرة ، إن لم تستغلها ضاعت عليك الفرصة

~البارت الأول ~




كانت تركض بخوف تحس أنفاسها تنقطع من التعب .. المكان مظلم ما في أي نور .. صارت تلف وراها بخوف ورهبه .. كان يلحقها والشرار والحقد والكره تشع في عيونه .. بدت دموعها تسيل على خدها .. وبدى جسمها يتعب وتقل ركضاتها .. بدى يجرب منها .. وهي قلبها تزيد دقاته .. فجأة جافته جدامها يبتسم بخبث .. وكل إلي قدرت عليه إنها تصرررررررررررخ ............................







تحياتي للجميــع

[بينولبي]

~البارت الأول ~





كانت تركض بخوف تحس أنفاسها تنقطع من التعب .. المكان مظلم ما في أي نور .. صارت تلف وراها بخوف ورهبه .. كان يلحقها والشرار والحقد والكره تشع في عيونه .. بدت دموعها تسيل على خدها .. وبدى جسمها يتعب وتقل ركضاتها .. بدى يجرب منها .. وهي قلبها تزيد دقاته .. فجأة جافته جدامها يبتسم بخبث .. وكل إلي قدرت عليه إنها تصرررررررررررخ ........................

قعدت من النوم مرتاعة .. وجسمها معرق .. والدموع ماليه ويها .. ريما وهي تمسح دموعها وترتجف: بسم الله الرحمن الرحيم .. أعوذ بالله من الشيطان الرجيم
.. تنهدت وردت انسدحت ولفت تطالع الساعة .. كانت الساعة 4 ونص الصبح .. غمضت عيونها وهي تحس بغبنه .. قررت تقوم وتلهي نفسها علشان ما تتذكر الماضي الأليم

.. ((ريما : بنت غامضـــــة .. ذكيـــة .. وناعمه .. جميلة .. عيونها كبار وساع ورموشها ما شاء الله طوال وكثيفين .. حواجبها مرسومين رسم .. خشمها صغير وحلو على ويها .. شفايفها كبيرة ومليانه ومحومرة .. بشرتها صافيه برونزيه .. وشعرها أسود سواد الليل طويل يوصل لين نص ظهرها وناعم .. وجسمها خطيــــر .. و رياضي .. وعمرها 20 سنة .. وباقي راح تعرفونه مع احداث الرواية)) ..


.. بعد ما طلعت من الحمام ((أنتوا والكرامه)) .. سوت لها كوفــي و قعدت عند الدريشة إلي تطل على شوارع لندن .. تقرأه كتاب .. مثل كل يوم .. وما حست بالوقت يمشي لين ما سمعت المنبه يصيح .. رفعت راسها جافت الساعة .. 7 ونص الصبح .. قامت وغيرت بجامتها ولبست لها بنطلون جينز أسود مع بدي طويل الأكمام لونه أحمر ولبست جاكيت طويل يوصل لين نص الساق لونه أسود مخمل .. رفعت شعرها ذيل حصان .. وحطت لها مرطب وتعطرت .. ولبست نظارتها وخذت شنطتها .. وطلعت من الشقة .. متوجهه للجامعه .. اليوم أول يوم لها تداوم في جامعة ..

ركبت التاكسي وهي خايفة .. ريما في نفسها "لما يشوفني شنو راح يسوي شنو راح تكون ردت فعله .. بيزعل وله بيفرح بس أنا لاازم ما أستعيل علشان ما يخترب كل الي خططت له .. إن شااء الله خير" .. قطع عليها سرحانها راعي التاكسي لما أشر لها إنها وصلت .. دفعت له ونزلت .. كانت الجامعــه كبيرة .. وما كان فيها أحد .. ابتسمت ريما على نفسها .. لأنها كانت أول الحضور .. راحت وقعدت على الكراسي الموجوده .. وطلعت دفتر من شنطتها وقعدت ترسم .. تحاول تخفف من توترها .. وكلها ساعة و متلت الجامعه من الحضور .. على طول قامت ريما و توجهت للادارة وخذت جدولها وكتبها .. كانت محاضرتها الساعة 10 ونص .. كانت تمشي وهي تدوره .. بس ما حصلته .. قررت تقعد مكان ما كانت قاعده .. كانت كلما تمشي تشوف الكل يطالعها .. في قلبها "حتى هني مو سالمه من النظرات"

على الساعة 10 ونص .. توجهت ريما على قاعة المحاضرة .. لما دخلت كانت في شله شباب وبنات يضحكون ويسولفون .. وكان واضح عليهم إنهم خليجيين .. .....: نواافووو يووز عني هههههه
نواف وهو يضحك: ههههه ايش أسوي ما ينفع معك إلااا كذا .. خلوود شووف شووف القمررر
خالد وهو يلف يطالع ريما إلي دخلت وراحت على طول قعدت على الزاويه يمينهم .. خالد : إلاااا قووول أحلى من القمر
فاتي وهي تطالع ريما: هي صج حلوة .. بس شكلها مغرورة وجايفة روحها ..
سنا: آه عن جد شكلها غريب كتير من ناحية جمالها فيها ملاامح غرور وهيك
وليد وهو يبتسم ويطالعها شلون هي سرحانه : شكلها هذي اجنبيه .. ومن فرنسا عندي احساس
فاتي وهي تضحك: ههههههه ارجووك انت وحساسك
نواف وهو يطالع وليد الي شكله تنرفز من فاتي .. حب يلطف الجو: فااتي جفتي اليوم جسوم
.. ريما على طول لااا اراادياً طالعتهم .. ومر في بالها ماضيها الأليم ............

_(كان يطقها وهي تصارخ وتصيح .. ريما وهي تبعده عنها: جسوووم بعد عنها .. بعد أترك أمي
جاسم بعصبيه وهو يدز ريما عنه وبصراخ يهز المكان: بعدي مالج شغل
أم ريما وهي تصيح: حرااام عليك حراااااام ............)_

على طول صحت من هالذكرى .. و هي تشوف القاعة ممتلئه والكل يطالع فيها .. استغربت رفعت راسها جافت الاستاذ واقف يسألها مره ثانية :
What do you know a bout business?
(ماذا تعرفين عن ادارة الأعمال)
ريما حمدت ربها إنها لابسه نظارتها للحين .. وانه محد قدر ينتبه للدموعها .. ردت وهي متلعثمة:
I think that the trade hh
(أعتقد أنه لتجارة هه)
كل إلي في القاعة ضحكوا على إجابتها .. لفت لااا ارادياً تطالع الخليجيين .. إلي كانوا يقعدون جريب منها .. بس جافت واحد شكله خليجي قاعد معاهم و شكله رفيجهم .. وتوه منظم لهم .. سمعته وهو يقول بسخريه لنواف: شكلها غبيــــة ههههههههه وجوابها أغبى ههههههه
نواف وخالد بصوت عالي: ههههههههههههههههه
.. رفعت ريما حاجب وهي تطالعه بشمئزاز وفي نفسها "مالـــــــت .. على شنوو تضحك على سخافتك .. صج نااس بايخة"
.. خلصت المحاضرة وعلى طول ريما خذت شنطتها وكتبها وطلعت .. وهي تمشي رن تلفونها .. جافت المتصل > عمتو ميشيل < .. ابتسمت وردت بلهفه .. ريما بالفرنسي : Bonjour (مرحباً)
ميشيل مرت عم ريما: Cher Bonjour (مرحباً عزيزتي)
ريما: comment vas-tu Vous me manquez tellement
(كيف حالك أشتقت إليك كثيرا)
ميشل: I, trop, Cher( وأنا أيضاً عزيزتي)
.. وهي مندمجة في السوالف مع مرت عمها .. طلعوا الشباب والبنات من القاعة .. وكان وليد ونواف مجدمين .. طبعاً سمعوا ريما تتكلم .. وعلى طول نواف قعد يطالع بـ وليد : هههههه ياا جمااعة .. طلع احساس خوينا في محله البنت فرنساويه
فاتي: لااا تقوول
نواف: قسم بالله
خالد: أكيد كنت سامعها من قبل وله كلمتها .. وليد أعترف
وليد: لااا والله بس حسيت
جاسم: من هذي الي فرنسيه
سنا: الغبية ههههههههه
جاسم وهو يضحك بصوت عالي: هههههههههههههههه اهاا عيل الغبية طلعت فرنسية ههههههه

(جاسم: شاب وسيـــــــــم جسمه خطيـــــر "معضل" .. مغرور .. متغطرس .. عنيد .. لكن حنون جداً .. متهور .. وذكي .. وبعد سنتين مضت من عمره على الصياعة قرر يدرس في لندن إدارة أعمال .. وهو من البحرين .. عمره 24 سنة)

(وليد:شاب كويتي .. مغازلجي .. متوسط الوسامة .. صديق جاسم بروح .. عمره 23 سنة)

(نواف: شاب سعودي .. يخقق .. غشمرجي .. يحب الكورة بدرجة مو طبيعية .. عمرة 23 سنة)

(خالد: شاب بحريني .. أمه هندية .. جماله جمال هنود بس من الحلوين *_^ .. ذكي .. وإنسان يحب الكشخة والرزة .. عمرة 23 سنة)

(فاتي: بنت كويتة .. بس تعشق شي إسمه أكشــــــــــن .. إنسانة دوم تضحك .. وتبين عكس إلي في قلبها .. ما تحب تبين ضعفها .. جميله و ناعمة .. عمرها 20 سنة)

(سنا: بنت لبنانية .. عليها جسم روووعه .. طيوبة .. بس فيها مشكله وحده وهي تحب تتكلم في الناس وايد .. وحشريه زيادة عن اللزوم .. عمرها 20 سنة)

.. حست ريما بقهرررر منهم .. وقررت تبعد من هالمكان .. وطبعاً مرت عمها قالت لها ان سلمى تبي تكلمها .. سلمى بلهفة: ريــــــــــماااااا
ريما بفرح : هلاااا والله بالحلووة
سلمى: وحشتيـــني
ريما وهي تقعد تحت شجرة : وإنتي أكثررر يا قلبي
سلمى : أنا زعلااانه منج من أسبوع مسافره ولااا دقيتي علي
ريما : سووري قلبووو بس والله كنت مشغووله
سلمى : خلاااص سمااح .. ما قلتي لي داومتي
ريما: اي .. اليوم وأنا للحين في الجامعه .. بعد شوي بمشي
سلمى بتردد: جفتيـــه
ريما بحزن: لااا للحين
سلمى: ريما أخاف اذا جافج تصير مشكله
ريما وهي تهز راسها: لااا تخافين مع ان انا بعد خايفة .... بس بحاول حتى لو جفته ما أخليه ينتبه لي لأنه أخاف يجبرني أرجع البحرين
سلمى: يا ريت تعقلين وتتكرين الأفكار إلي بتوديج بداهيه .. طيب ريموو حبي لااازم أسكر أخاف أبوي ايي
ريما بحزن: للحين زعلااان مني
سلمى: أكثر من ما تتصورين .. حتى مهددني أنا وأمي إنه ما نكلمج
ريما بحزن: طيب مع السلااامه
سلمى: فمان الله

((ميشيل تصير زوجة عم ريما .. وهي فرنسية وعمرها 30 سنة تزوجت وهي صغيرة .. وعندها بنت أسمها سلمى وحيدتها عمرها 16 سنة))

.. سكرت ريما من سلمى وهي تحس بحزن وعيونها بدت تدمع .. ريما بنفسها "سامحني يا عمي سامحني" .. لبست ريما نظارتها .. وقامت قررت تمشي لانها تحس نفسها مخنوقه في هالمكان ..


.. في البحرين وخصوصاً بيت أبو سلمى (عم ريما)..
دخل ابو سلمى الصالة عليهم
ام سلمى وسلمى قاعدين يسولفون
ابو سلمى:السلام عليكم
ام سلمى وسلمى:وعليكم السلام
سلمى:بابا يبت وياك القطاوه الي وعدتني انك تشتريهم لي
ابو سلمى وهو يطالع ام سلمى ويبتسم : بالاول خل امج ترضى تالي اشتري الي تبين
سلمى وهي تطالع امها بيأس وردت طالعت ابوها:بابا انت تعرف امي ماتحب الحيوانات وماراح ترضى ليش تقولها اخذ وتالي بنخبرها وانا أوردي بخليهم بره البيت مابدخلهم والله
ام سلمى بالتحريق (يعني مثل الهنود هع): لااا أنا حبيبتي .. ما يحب حيوانات في البيت مالي .. انتي تعرفين .. Tzoji Si vous voulez que votre Mari à vous acheter l'animal que vous l'aimez
(إذا كنت تريدين تزوجي ليشتري لك زوجك الحيوان الذي ترغبين فيه)
سلمى وهي تطالع أبوها: طالع تبي تعرسني علشان حيوانات
ابتسم أبو سلمى على براءة بنته: انزين .. إذا فعلاا تبين قطاوة نجحي وبمعدل عدل .. وعد مني بقنع أمج
سلمى وهي مستانسه: فديتك والله
أم سلمى وهي تقوم : Dans tes rêves(في أحلامك)
سلمى وأبو سلمى: ههههههههههههههههههههه



بعد يومين ..
.. الدموع ماليه ويها .. ترتجف وهو يقرب تحاول تبعد بس محاصرها .. بصوت يالله طالع من الخوف .. ريما: بعــ ـد عـ ـنـ ـي
جاسم وهو يقرب ويبتسم بخبث : أشششش لاا تخافين ما راح تحسين بشي
ريما وهي تصارخ لما قرب منها أكثر: لاااااااااااااااااااااااا ااااااااااااااااااااااااا ااا

....... قعدت من النوم وهي ترتجف .. تعوذت من أبليس .. وصارت تصيح على حالها .. الماضي مو قادرة تنساه .. تعبت .. ريما وهي تضم الموسده: الله ينتقم منك يا جاسم .. والله ما راح أسامحك ليوم الدين .. الله عليك .. (ودخلت في نوبة بـكااااء)

بعد ما هدءت .. قامت من على السرير وتوجهت للمكتبة طلعت علبة الحبوب .. وخذت لها حبة من دون ماي .. وردت انسدحت .. وهي تفكر بالخطة إلي في بالها .. ومن بين أفكارها .. نامـــــــــــت وهي مو حااسة بشي


.. في البحرين ..

قاعده تطالع فلم ومندمجه .. بس دخول أختها أزعجها .. منى بزعاج: إنتي للحين تطالعين في هالفلم حشى من إمساعه للحين ما خلص
نهى بنرفزة: إنتي شكــــو .. خلص ما خلص شي راجع لي أنا عاجبني .. بليز ذلفي عن ويهي
منى وهي تاخذ الرموت وتفرفر في التلفزيون : دوري ربـــعج
نهى وهي تقوم تسحب الرموت من منى: يا الكلبــــــــــــــة خربتي علي الفلم
منى وهي مو راضيه تخلي الرموت وتسحبه من نهى .. بحكم إنها أدفش وصارت تركض في الصالة ونهى تلاحقها ..
نهى: منووووووووووي يا القـــــــــرده
منى: هههههههههههه طالعه عليج يا الخروفه
نهى صارت ترمي المخدات على منى: قلت لج عطيني الرموت
منى وهي تطلع بره الصالة و تضحك: ههههههههه في أحلاااااااااااامج
.. نهى وصلت معاها مو قادرة تستحمل طلعت من الصالة وهي معصبة وما تجوف جدامها بس تبي تكفخ منى لأن خربت عليها الفلم وهي مندمجه .. وهي تمشي بسرعه صدمت بـ شي
خلاها تطيح على الأرض .. رفعت راسها بنرفزة .. نهى: أنت و عمــــى .. ما تجوف جدامك
سامي بسخرية: إنتي إلي حمد الله والشكر تمشين وراسج فوق ما تجوفين عدل
نهى بنرفزة منه: اوهووو علينااا .. أفتك من منووي تطلع لي أنت شـ الحاله ذي .. اووف .. أقووول وخر عني زين .. غبي
سامي وهو يتوجه للمكتب: والله هالاسلوب راح أدفعج ثمنه يا نهـــــى وقولي سامي ما قال .. هيـــن
نهى وهي تتخصر: أعلى ما بخيلك أركبه .. وبعدين لااا تصدق روحك واايد .. تراك حي الله موظف عند أبوي
..تنرفـــــز منها بس حب يغايضها .. سامي بسخرية وبخبث: موظف هههههه طيب يا نهى .. أنا براويـج هالموظف شنو يقدر يسوي .. توه بيمشي تذكر شي و وقف .. سامي: على فكـــــرة الصفقة إلي إنتي ماسكتها أبوج حولها لي .. لأنج مو قدها
.. تركها ودخل المكتب تاركها وهي منصدمة ومتنرفزه منه ..


(نهى: بنت حلوة ونعومه .. تحب الموضة والإستايل .. كل شي عندها أناقة × أناقة .. ما تهتم لأي شي غير في نفسها .. إنسانه كتومة .. وبارده و عصبية زياده عن اللزوم .. يعني إنسانه متناقضة .. مخلصة جامعه إدارة أعمال .. تشتغل في شركة أبوها .. عمرها 23 سنة
.. وتكره شي إسمه سامــــــــــــــي)

(منى: بنت حبابة ودمها خفيف .. تنحط على الجرح يبرى .. حلوة فيها جمال مثل إختها نهى .. بس ما تمشي مع الموضة .. تحب لبس الصبيان أكثر ^^ .. مزعجة .. تحب أغاني الرووك وااايد .. لكن هم تحب الأغاني الهادئة على حسب المزاج .. دلوعه أمها وأبوها.. وعنيده وراسها يابس .. عمرها 16 سنة)

(أبو جاسم:رجل أعمال .. يحب إعياله وااايد ومدلعهم آخر دلع .. بس يحب التسلط .. و واايد يتدخل في حياة إعياله ويقرر عنهم كل شي .. عمره 49 سنة)

(أم جاسم: إنسانة طيبة .. بس مشكلتها وايد مغرورة .. تحب الناس الكشخة .. يعني مو أي شخص يدخل مزاجها .. وتحب تسولف معاه .. تحب إعيالها وايد .. وتنقهر من قرارات ريلها و تدخلاته .. عمرها 43 سنة)

(سامي: رجال بمعنى الكلمــة .. إنسان شهم وخلوق .. وسيـــم ومرح .. بس الغرور إلي فيه يفوق مرحه .. يكره إلي يستصغرونه .. وانحط شي في باله يسويه لو على موته .. يشتغل موظف عند أبو جاسم .. وهو ذراعه اليمين .. عمرة 25 سنة)


.. في الجامعه ..
.. وصلت سيارة التاكسي .. ونزلت منها كانت لابسه بنطلون بيج وبدي ذهبي في رسومات بلون البني .. وكوت بني غامق طويل يوصل لين ركبتها .. كانت رافعه شعرها ذيل حصان ومنزله قذله على برد ولاابسه شنطة بيج .. وهي داخله المبنى طلع في ويها وليد وجاسم ..
وليد وهو شاق الحلج: أوب أوب ما أقدر على القمر
ريما ما عطته بال وكانت بتناظرة بنظرة تخليه يكره نفسه بس ما حبت تبين علشان ما يعرفون إنها تفهمهم ..
جاسم وهو يطالع في وليد: شـ قمر الله يهدااك
ريما عصبت منه بس ما علقت وعلى طول دخلت القاعة .. أما عند وليد : أنت شكلك بـ تخرب علي و أنا أحاول أضبطها
جاسم وهو يمشي : الحين عااد كلش هي فهمتك .. وبعدين ما أدري من الله ما أدانيها
وليد: بليـــز أنت متى دانيت أحد .. حتى سعات أشك إنك تدانيني
جاسم: ههههههههههههه .. يمكن كل شي جايز في الدنيا
وليد وهو يدزه: هههه ويهك

.. قعدت وهي تحس بقهر من إلي أسمــــه "جاسم" .. ريما في قلبها : أووف يقهرررررررر مصدق روحه على شنو ما أدري
.. جافت وحده قاعده تطالع فيها وتبتسم .. ريما ردت الابتسامه وهي مستغربه .. البنت: hi
ريما: hi
البنت: I'm Christina
(أنا كرستينا)
ريما: Nice to meet you I'm Rima.‏
(تشرفت بمعرفتك .. أنا ريما)
كرستينا: Your Name fantastic .. But it seems like an Arab
(اسمك رائع.. ولكن يبدو كما لو كان عربيا)
ريما وهي تبتسم: yes is true .. I am originally an Arab
(أجل هذا صحيح .. فأنا بالأصل عربية)
كريستينا بدهشة: Really .. Oh you did not seem at all... Where are you from?
(حقا .. أوه إنه لا يبدو عليك مطلقا .. من أين أنتي؟)
ريما وهي مبتسمه: I'll tell you, but I hope that does not tell anyone about it
(سوف أخبرك ولكن أتمنى أن لا تخبري أحدا عن ذلك)
كرستينا بمرح : Do not worry, I promise you this
(لا تقلقي أعدك بذلك)
ريما وهي تبتسم ما تدري ليش بس ارتاحت لـ كرستينا : I am from Bahrain
(أنا من البحرين)
.. وقعدت تسولف معاها واندمجوا بالسوالف .. لين ما ابتدت المحاظـرة

.. في البحرين ..

توها راجعه من السكول وتحس بتعب .. دخلت الصالة جافة أمها قاعده تطالع التلفزيون .. سلمى: هااي ماما
أم سلمى:هلااا سلمى
سلمى:ماما حدي جوووعااااااانة
أم سلمى: Allez, et d'autres avec des vêtements et des aliments prêts styrène Wensley
(اذهبي وغيري ملابسك وأنزلي سترين الأكل جاهز)
.. راحت سلمى طيران لغرفتها وبدلت ثيابها ونزلت تتغدى مع أمها


.. في الشركــة ..

قاعده في المكتب وهي متنرفزة .. في نفسها "ليـــــش أبوي عطى الصفقة سامي الكريـــه .. شنو يقصد بذي الحركة إني مو قد الصفقة .. أووووووووف قهرررر"
.. قطع عليها تفكيرها صوت تلفون المكتب وهو يدق .. ردت بـ ملل .. نهى: ألووو
السكرتيرة: ألو آنسة نهى طويل العمر طالبج في مكتبه
نهى وهي تتنهد: أوكي .. باي
.. سكرت وقامت بشموخ و نعومه طالعه من مكتبها كأنها عارضة أزياء متوجهه لمكتب أبوها إلي يصير في نفس الطابق بس على جهة اليميـن .. وصلت للمكتب جافت السكرتيرة توقف وترحب فيها .. نهى بـ ملل: في احد عنده
السكرتيرة: اي نعم الاستاذ سامي
نهى بقهر: يا ربي الله يعيني
.. طقت الباب ودخلت بدلعها العفوي .. تتظاهر بلاا مبالاه عن سالفة الصفقة .. ماتبيه يتشمت فيها
نهى : السلاااام عليـــكم
أبو جاسم وسامي: وعليكم السلاام
أبو جاسم ببتسامه: وينج اليوم يا يبا ما فطرتي معاي مو من عوايدج
نهى وهي تتجاهل وجود سامي: أبد بابا .. بس كان عندي شغل مهم وأطريت أطلع علشان أخلصه
أبو جاسم: اي الله يعطيج العافية
نهى: الله يعافيك ويطول بعمرك .. خير بابا قالوا تبيني
أبو جاسم: اي يا بنيتي .. أبيج بسالفه الصفقة
نهى وهي رافعه حاجب: أي صفقة ؟
أبو جاسم: الصفقة إلي إنتي إقترحتيها وباشرتي فيها
نهى وهي تهز راسها: أها قصدك إلي سحبتها مني وعطيت هذا .. (وهي تأشر على سامي) يكملها
سامي تنرفز منها لما قالت هذا : ....................
أبو جاسم عرف إنه بنته منقهرة وحب يوضح لها علشان ما تحط في خاطرها: يا بنتي انتي ما شاء الله عليج شغلج وااايد زيـــن وإلي وصلتي له .. أنا ما وصلت له بعمرج .. بس إنتي وصلتي لـ نقطة لازم شخص ثاني يتولاها
نهى ببرود عكس إلي داخلها: أهاا .. أوكـــــــي
أبو جاسم: طيب .. خلونا نناقش بـالشغل

.. في لندن ..

خلصت المحاظرة .. لمت أغراضها بسرعه علشان تطلع تحس نفسها تعبانة وتبي ترجع الشقه .. وهي طالعه من القاعة جافته يمشي مع ربعه ويضحك .. على طول ردت على ورى بربكة .. وصفعت بـ شي .. لفت جافته جاسم مع ربعه .. ريما بربكة:sorry
(آسفة)
جاسم وهو رافع حاجب : What do I do the word sorry?
(ماذا أفعل بـ كلمة آسفة؟)
ريما تنرفزة منه توها بتتكلم إلاا .. فاتي: هاااي طلااال
.. طلاال وهو يبتسم: هااياات
غمضت ريما عيونها وقلبها يدق بقوة .. ريما وهي ماعطى ظهرها لـ طلاال ومجابله جاسم : Heck (تباً)
جاسم رفع حاجب وهو مستغرب من ربكتها .. ريما وهو تبلع ريجها : Eznak (عن إذنك)
.. رفعت يدها حطت الفايل على ويها علشان ما يجوفها طلال .. وطلعت بسرعه من القاعة .. وسط دهشة الكل والاستغراب من حركتها

طلال بستغراب: شفيها ؟ ومن ذي؟
جاسم وهو حاس في إن بالموضوع بس ما عطى طلال ويه ومشى عنه لأنه ما يشتهيه ^^
نواف: وحده فرنساوية .. غريبة الأطوار
خالد وهو يسلم على طلاال: وينك من زمان عنك
طلاال وهو يقعد: ههههه والله تعرف الظرووف .. كنت مشغول .. وبعدين قولوا لي شفيه رفيجكم ذي !
فاتي وهي تبتسم: شدعوة ما تعرف يعني .. ترى حالك من حاله محد منكم يحب الثاني
طلال بـ غرور: أنا ما أنزل مستواي لواحد مثله
وليد حب يغير الموضوع علشان ما تصير مشكله: ما قلت لي طلول شخبار أبوك الحين .. سمعت إنه ترقد في المستشفى
طلال: اي والله .. بس الحمد الله عدت سليمه
الكل: الحمد الله
سنا بدلع: أممم طلال شو رأيك تجي معنا نحنا رايحين نتغدى
طلال ابتسم لها مجاملة: لاا والله ما أقدر أنا واعد الوالد إني أتغدى معاه .. مرة ثانية إن شاء الله


نــــهـــــــــــايــــــ ـــــة الـــــــبـــــارت

توقعاااتكـــــمـ...؟؟؟


تحياتي للجميـــــــــع

مفتون قلبي

~~

[بينولبي]

~ البارت الثانـــي ~




بعد أسبوع

.. في لندن ..

لاامة نفسها والدموع مغرقة ويها .. تحاول تصرخ لكن مو قادرة تحس إن صوتها إختفى .. وهي تجوف راس في جهة وجسم بجهة ثانية .. والمكان مغرق بـدم .. وفجأة حست بيد تسحبها ريما: لاااااااااااااااااااا........ ........

قعدت من النوم مثل كل يوم مفزوعة .. حطت يدها على قلبها
.. ريما والدموع مغرقه ويها : أعوذ بالله من الشيطان الرجيم .. أعوذ بالله من الشيطان الرجيم ..
ما قدرت تستحمل ودخلت بنوبة بكاء مريرة وهي تتذكر الماضي إلي مو راضي يتركها بـحالها .. بعد ما هدءت .. قامت من على السرير وتوجهت للمكتبة طلعت علبة الحبوب .. وخذت لها حبة من دون ماي .. جافت الساعة لقتها 2 ونص منتصف الليل .. تنهدت بتعب .. وهي عارفة إنها ما راح تقدر تنام .. على طول دخلت للحمام (انتو والكرامة) .. بعدها طلعت و سوت لها كوفــي و قعدت عند الدريشة إلي تطل على شوارع لندن .. تقرأه كتاب .. مثل كل يوم .. لين ما دخل وقت الصلااة .. صلت ورجعت نامت ..



.. في البحرين ..

.. في الشركة .. قاعدة على مكتبها ومندمجة بالملفات إلي بين يدها .. قطع عليها صوت إزعاج خارج المكتب .. استغربت على طول قامت تجوف شنو السالفة .. أول ما فتحت الباب جافت الموظفين ملتمين على بعض .. استغربت وجدمت وصارت تبعد بإلي واقفين لين أتضحت لها الرؤية .. وانصدمت بإلي جافته ..
.. كان ماسكه من ياقة ثوبه ويهز فيه ويصرخ .. سامي: إن جفتك هني مرة ثانية والله ما يفكني منك غير الموت .. ساااامع وإذا عندك شكوة المحكمة بينا ..
(ونفضاه من يده كأنه شي قذر)
بعصبية وهو يعدل ياقت ثوبه إلي عدمها سامي .. قاسم: والله لاا أدفعك الثمن .. وراح أرفع قضية عليكم .. وحقي راح آخذه بطيب بالقوة راح آخذه ..
يحس إن كل إبليس ركباه في هـ اللحظة .. سامي بعصبية: أي حق إلي تتكلم عنه .. إنت ما إلتزمت بالبنود إلي متفق عيلها .. وإذا عندك أي شي ترى المحكمة موجودة وإذا ما تدليها .. ترى إحنى بالخدمـة نوديك لين عند بابها ..
ابتعد قاسم من المكان وهو يسب ويلعن ويتوعد فيهم .. لف وجاف الموظفين ملتمين ويناظرون .. صرخ فيهم .. سامي: يلااا كل وااحد على شغله
.. الكل راح لشغله وما ظل غيرها واقفة وهي بقمة عصبيتها .. نهى بأمر:تعال لي المكتب
عطته ظهرها ومشت لين مكتبها وهو زفر بقوة ولحقها .. دخل جافها قاعدة وهي بقمة عصبيتها .. وأول ما سكر الباب إنهدت عليه من غير ما تعطيه فرصة .. نهى بعصبية: ممكن تفسر لي إلي سويته .. بالله عليك هذا أسلوب تتعامل معاه .. لاا يكون ناسي نفسك وإلا على بالك قاعد في فريجكم .. يا بابا هذي شركة لها سمعتها .. وإذا في أي مشكلة ما تنحل بهل إسلوب الهمجي إلي تصرفت فيه ..
كان يحاول يهدي نفسه بس إسلوبها استفزه .. سامي بعصبية مماثل لعصبيتها: وإنتي شكو .. ترى أنا ما آخذ أوامر منج .. وبعدين كلميني عدل أنا مو ياهل عندج تقعدين تصرخين علي .. وبعدين أبوج هو بنفسه طلب مني أتعامل مع قاسم بهل إسلوب .. وإذا عندج أي شي هذا هو مكتب أبوج
وقفت وهي تحس لو عندها مسدس كان فرقت إلي فيه كله على راسه .. نهى: هي هي شنو إنتي شكوو .. تراك واايد ماخذ بنفسك مقلب .. ترى لعلمك .. إنت حيا الله موظف تشتغل عندنا .. حالك حال الموظفين .. وأنا راح أعلمك قدرك .. ويلااا برااا من غير مطروود
سامي بنرفزة وتوعد: هين يا نهى والله ثم والله راح أدفعج ثمن كل كلمة غلطتي علي فيها .. وقولي منو سامي ساعتها ..
.. طلع تاركها منقهرة منه ..


.. في لندن ..

بعد ما خلص محاظراتها قررت ترجع الشقة لأن راسها مصدع خصوصاً إنها ما نامت عدل .. كانت ماشية وهي منزله راسها .. وما حست إلاا وهي منصدمة بشخص .. رفعت راسها وتعلقت عيونها بعيونه .. ريما بهمس: طلال
.. طلال انصدم بوجودها:.............................
ريما من جافت نظرته قامت تبرر: أنا هني علشان أجوفك و.......
ما كملت كلامها لأنه طلال قاطعها: إنتي مينونه .. شلي يابج .. أنا مو ذاك الشهر متصل لج ومحذرج .. إنتي ناوية على شر
ريما وهي تهز راسها: لاا لاا .. طلااال بليـــز أسمعني
طلال توه بيتكلم .. إلاا صديقه يسحبه على جنب: من ذي الحلوة هاا طلول من ورانا
طلال عصب بس ما حب يبين: فروس بعدين بعدين مو وقتك الحين


في الجهة الثانية .. سنا وهي تأشر: مو هيدا طلااال
لفوا الكل يجوفون .. وابتسم خالد ونواف: اي والله هذا هوو
فاتي وهي تبتسم: صاير حلوو
وليد وجاسم: هههههههههههههههههههه
فاتي وهي ترفع حاجب : مافي شي يضحك
وليد وهو يطالع بـ جاسم: صاير حلوو
جاسم: هههههههههههههه
خالد : قومو خل نسلم عليه
الكل قام ما عدا جاسم: مع السلااامه
خالد: جسوم بلااا سخافه .. أنا ما ادري ليش ما تداني الريال .. ترى ما أذاك بـ شي
وليد: أي خالد معاه حق .. يلااا قوم
جاسم بملل: شدعوة إنتوا تعرفون من قبل لااا أنا أدانيه ولاا هو .. يعني وفرو على أنفسكم التعب
نواف :ما منك رجا
.. سنا وعيونها طايره: ليك ليك مو مصده عيوني .. عم تشوفوا إلاا عم بشوفوا
الكل طالع مكان ما تطالع بستغراب .. وليد: طلاال والفرنسية
جاسم بسخرية: إلااا قول الغبي والغبية

.. أما عند ريما وطلال .. كان ماسكها من يدها ويمشي فيها شوي بعيد عن ربعه .. وهي تبعد يدها عن طلال.. ريما: عورتني
طلال بعصبية: لااا والله عورتج .. إنتي ما تقوليـن لي
شنوو في راسج
ريما: طلااال تكفى أفهم .. والله والله مو قصدي شي .. كل إلي أبيه هو إني أدرس وأكون معاك .. طول هالسنوات إلي طافت ما أجوفك فيها غير مرتين بالسنة على الكثير ..
طلاال وهو يهز راسه مو داخل الكلااام مزاجه: أنا هالدراسه كلش مو دااخله رااسي
.. ريما بملل: طيب شنو تبيني أسوي علشان تصدق
طلال: اووف .. طيب إنتي يايه مع منوو
ريما وهي تبتسم بدلع :أمممم
طلال بصدمه: ريمووو لااا تقولين بروحج
ريما:اي
طلاال: وعمي أبو سلمـــى شلون يخليج
ريما: أصلااا هو زعلااان مني .. وما يبي يجوفني
طلاال: ليش؟
ريما: لأنه ما كان راضي على هالشي .. وأنا ما سمعت كلااامه
طلاال: لاا مستانسه على عمرج بعد
ريما وهي تتهفف: أووف طلااال بليز لااا تخرب فرحتي مو كفايه إلي فيني
طلاال رحمها: أوكي .. بس إنتي وين ساكنه
ريما: في شقه طبعا
طلاال بخوف: ما يصير تقعدين بشقه بروحج
ريما وهي تهز جتفها: والحل برايك
طلال: المشكله ما اقدر آخذج معااي ولااا أكون معااج .. أخاف ابوي يشك بالموضوع
ريما بكره: خله مو مهم
طلال: ريما بليز
ريما بقهر: أوكي خلاااص بسكت
طلاال: طيب سمعني زين .. ما أبي أي أحد يدري إنج أختي سمعتي
ريما بصدمه: ليش لااا يكون مو ماليه عينك
طلال وهو يطقها على جبينها: شدخل الحين .. سمعي أبوي في الفترة الأخيرة ياته سكته .. وكان بروح فيها بس الحمد الله الله ستر .. ويوم قام كان يبي يرجع البحرين ويجوفج .. بس أنا منعته من هالشي علشانج .. واذا احد من ربعي درى يمكن يقولون حق ابوي من دون قصد
ريما بقلبها "عساه المووت": طيب قوول لهم إنه ما يخبرونه
طلاال: أخاف يشكون وأنا ما أبي أخرب سمعت أبوي على آخر عمره
ريما : من زين السمعه عااد
طلااال بعصبيه: ريما .. ترى الي تتكلمين عنه ابووي
ريما وهي تتذكر نظرات جاسم .. حست بشمئزاز: أنا بامشي
طلال: لحظة .. عطيني عنوانج ورقم تلفونج
.. بعد ما عطته ريما العنوان والرقم .. على طول راحت لشقه


مر أسبوع وهذي حالة ريما ما تغيرت .. وما صارت تكلم طلاال أخوها إلا في التلفون .. وكل يوم تزيد مضايقات وطناز الشباب والبنات لهاا وهي ساكته ومتحمله.. وطبعاً للحين على بالهم إنها فرنسية ..



.. قعدت وهي تحس إنها معصبة .. فتصلت على طول بـ طلال

طلاال: ألووو
ريما: hi
طلال: هايات
ريما: Where are you
(أين أنت)
طلال: في الجامعة .. بس ليش تكلميني أنجليزي
ريما: Do not care .. How are you today?
(لا تهتم .. كيف حالك اليوم؟)
طلال: والله ماشي الحال .. وأنتي؟
ريما :okay
(أوكي)
.. وقعدت تسولف معاه لين ما دخل الدكتور .. وأبتدت المحاضرة .. بعد ما خلصت المحاضرة ..
راحت الـ Canteen

جافت أخوها طلال قاعد مع ربعه .. راحت له على طول بدون أي تفكير .. ريما: hi
طلال توهق وتفشل خصوصاً انه ربعه كلهم قاموا يطالعونه: hi
ريما وهي تبتسم لأنها حست إنه بكفخها :
Sorry Talal ... But I want you for something very necessary
(آسفه طلال.. ولكن كنت أريدك بشي ضروري جداً)
.. فارس (صديق طلال): نيالك يا طلول على القمر
طلال وهو يطالع بـ فارس: أقوول أقلب ويهك ..
ربعه: ههههههههه
قاموا ربعه وخلوهم بروحهم ياخذون راحتهم .. طلال بعصبيه: ريموو شالحركه
ريما وهي تقعد وتضحك: هههههه شاسوي وحشتني .. وقلت مالي إلا جذي
طلال وهو يبتسم: طيب .. بس آخر مرة تسوين هالحركة
ريما وهي ترمش وبدلع: من عيوني كم طلول عندي
طلال وهو يأشر بأصابعه: واحد
ريما: ههههههههه


.. فاتي وسنا كانوا توهم داخلين الـ Canteen
وعلى طول توجهوا لـ طلال وريما .. فاتي : هااي طلول
رفعت ريما راسها وصارت تناظر بـ فاتي .. طلال وهو يبتسم : هلااا فااتي .. هلاا سنا
فاتي وهي تقعد يم ريما من دون ما تعطيها ويهه: شخبارك
سنا وهي تقعد يم فاتي: إن شاء الله منيح
طلال وهو يطالع بـ ريما إلي شكلها عصبت: الحمد الله .. أعرفكم بـ .... (قاطعته ريما)
ريما وهي تقوم : Bye Dear
طلال: Bye
فاتي بدلع : خلصت محاضرتك وله للحين
طلال وهو يقوم: لااا الحين بروح .. يلااا سلااام
سنا وفاتي بخيبه: باي


.. في البحرين ..

في بيت أبو جاسم .. وهي قاعده تحط لها منكيـــر لونه أحمر .. وحاطه السماعة على أذونها تسمع حق Linkin Park ومندمجه في الأغنية .. رن تلفونها وهي ولاا هي تدري عنه .. رن أكثر من مرة .. وهي تغني .. جافة أختها تدخل ومعصبة .. نزلت السماعه من أذونها و بستغراب .. نهى: خير عسى ما شر .. ليش معصبة
منى وهي متنرفزة: لااا والله الحين سنة وأنا أتصل لج ليش ما تردين
نهى وهي ترفع تلفونها .. و تجوف 3 مكالمات لم يرد عليها .. وكلهم من أختها منى
ببرود.. نهى: سوري ما سمعته .. بس خير شتبين
منى بنرفزة: ياا برودج .. بس تدرين شلون .. ما بخبرج .. ماما او بابا راح يقولون لج .. أحسن علشان تنصدمين
بعدم إكتراث .. نهى: أوكو
انقهرت منى وحبت شوي تغايضها : الله يعينك يا سامي
نهى وهي ترفع حاجب : شدخل هالثقيل ؟؟
منى: هههههههههههههه الحين ثقيل بكرة خفيف
نهى بنرفزة من منى: أقووول لااا تتكلمين بألغاز وتحجي عدل
منى وهي تضحك: ههههههههههههههه لاااا في أحلاااامج
.. توها بتقوم عليها نهى .. إلاا أبوها يطق الباب ويدخل .. ما تدري ليش بس حست إنه في شي غريب بيصير
.. أبو جاسم: نهى تعالي مكتبي أبيج
ما تدري ليش تسلل الخوف في قلبها .. بس تعوذت من الشيطان وقامت وهي تناظر منى بنظرات إستفسار .. منى إبتسمت وهي تدعي في قلبها إنه ما يصير لها انهيار من الخبر

.. دخلت المكتب وهي تفكر .. نهى في قلبها "شنو الموضوع .. وشنو قصد منى .. يا رب الله يستر أحس في شي بيصير .. قلبي ناغزني" ..
أبو جاسم وهي يأشر لها تقعد: سمعي يا نهى إنتي بنت عاقلة و واعية .. وما شاء الله عليج شايله الحمل عني بدل أخوج جاسم إلي سافر يكمل دراسته لكن أنا ما ألومه لأنه رايح يدرس .. ما علينا من هالكلاام .. بدخل على الموضوع بسرعة .. في ريال شهم وأبن ناس وينشد فيه الظهر .. وأنا وإنتي والكل يعرفه و يشهد بأخلاقه وطيب أصله .. وهو طالب يدج على سنة الله ورسوله
.. نهى وهي خايفة يطلع إلي في بالها .. بلعت ريجها وبربكة: منو هذا
أبو جاسم بتسامه: سامي
نهى بصدمه: سـ . سامي .. سامي ما غيره
أبو جاسم وهو يهز راسه ببتسامه: اي سامي





نـــــــــهــــــــــــــ ايــــــــــــة الــــــــبــــــــــــار ت

[بينولبي]

~ البارت الثالث ~



.. دخلت المكتب وهي تفكر .. نهى في قلبها "شنو الموضوع .. وشنو قصد منى .. يا رب الله يستر أحس في شي بيصير .. قلبي ناغزني" ..
أبو جاسم وهي يأشر لها تقعد: سمعي يا نهى إنتي بنت عاقلة و واعية ..
وما شاء الله عليج شايله الحمل عني بدل أخوج جاسم إلي سافر يكمل دراسته لكن أنا ما ألومه لأنه رايح يدرس .. ما علينا من هالكلاام .. بدخل على الموضوع بسرعة .. في ريال شهم وأبن ناس وينشد فيه الظهر
.. وأنا وإنتي والكل يعرفه و يشهد بأخلاقه وطيب أصله .. وهو طالب يدج على سنة الله ورسوله
.. نهى وهي خايفة يطلع إلي في بالها .. بلعت ريجها وبربكة: منو هذا
أبو جاسم بتسامه: سامي
نهى بصدمه: سـ . سامي .. سامي ما غيره
أبو جاسم وهو يهز راسه ببتسامه: اي سامي
.. حست أن ريجها نشف وإلسانها مو قادر حتى ينطق حرف واحد ..
كأن هـ اللغة في حياتها كلها ما تكلمتها .. الصدمة ألجمتها ..
لدرجة إنها مو قادرة تحس بشي أو تسمع شي .. بس كلمة وحده ترن في مسامعها وتتكرر ..
"ســـــــامــــي"
.. حست بالكره العميق إلي بقلبها بدا يكبر بمساحاته لدرجه أحتل كل قلبها وكيانها ..
الحقد عمى بصيرتها ومن غير أي أدنى تفكير .. نهى بهمس: موافقة
أبو جاسم بفرح: عيل ألف مبروك يا بنتي .. والله ما تتصورين فرحتي فيج ..
(وهو يحك راسه ممازح) على إني بصراحه ما توقعت موافقتج ولاا وبـ هالسرعة بعد..
بس والله إن ريال ومافي منه ..
ولاازم تعرفين لو إنه مو كفوا كان من غير ما أطلب رايج رديته وقلت له ما عندنا بنات لزواج


.. في لندن ..

.. تحس بملل غير طبيعي .. فقررت إنها تطلع شوي تغير جو ..
قامت وبدلت ملاابسها ولمت شعرها ذيل حصان بإهمال وطلعت تتمشى في شوارع لندن ..

.. كان يمشي وهو يتأمل بـ الناس والهواء البارد يلفح في ويهه ويحرك شعره الناعم ..
جاف طفل ماسك في ملابس أبوه ويغني .. ابتسم وهو يتذكر أيام ما كان صغير شلون متعلق في أبوه ..
رفع تلفونه وهو يحس بشوق ولهفه لسماع صوت أبوه على الرغم من إن كل يوم يكلمه ويكلم أمه ..
ضغط على الرقم إلي حافظه مثل اسمه .. وبعدها ضغط اتصال .. وكلها دقايق وصل له صوت أبوه
.. جاسم:السلاام عليكم
أبو جاسم: وعليكم السلاام والرحمة .. هلاا والله شخبارك يا ولدي
جاسم وهو يتنهد: والله بخير بس مشتاق لكم .. انتوا شنو اخباركم عساكم طيبين
أبو جاسم بفرحه: والله الحمد الله واحنى بعد مشتاقين لك إلااا أبشرك
جاسم: خير ان شاء الله
أبو جاسم: نهى اختك انخطبت
جاسم بفرحة: لااا والله مبروك بس منو سعيد الحظ
أبو جاسم بفخر: ريال شهم خلوق مافي منه ومعدنه ينشرا
جاسم بمزح: أفاا شكلي أنا صوبه صفر على الشمال
أبو جاسم بضحكة: الصراحه تنقال انت صوبه ولاا شي
جاسم بإحباط مصطنع: أفااا أفااا يا أبو جاسم لهدرجة شوقتني أعرف منو هذا .. أنا أعرفه ؟
أبو جاسم: إي تعرفه .. سامي
جاسم بإستغراب وعدم تصديق: سامي !! سامي ما غيره
أبو جاسم بجدية: إي سامي ما غيره ليش لاا يكون بس مهو بعاجبك
جاسم بجديه: لاا يا يبا مو مسأله مو عاجبني بالعكس سامي ريال ومافي منه وأنا ما عندي
أي مانع بس نهى إنت أكثر واحد تعرفها يعني بصراحة مو متخيل نهى وسامي
والله لاا تصير الحرب العالمية الثالثة ..
أبو جاسم بجدية: شـ الحرب إلي تتكلم عنها وين قاعدين إحنى ..
وبعدين نهى بنفسها وافقت يعني لاا تقعد تنقز إني أنا أسوي شي خطأ أو إني غاصبها
.. هو فعلاا حط هالاحتمال لانه يعرف أبوه شكثر يتدخل في حياتهم ويتخذ القرارات
إلي يجوفها مناسبه بوجهة نظره نيابةً عنهم .. بس انصدم إن نهى بنفسها هي إلي وافقت بنفسها ..
جاسم: أنا ما قصدت شي يا يبا .. انزين ما قلت لي متى الملجة
أبو جاسم: الاسبوع الياي بإذن الله خصوصاً إن اجازة حق راس السنة تصادف
إجازة الـ weekend يعني إنت تقدر تحضر
جاسم: إن شاء الله .. يلاا يبا مطر أسكر الحين تامرني على شي
أبو جاسم: سلاامتك .. مع السلاامة
جاسم: مع السلاامة
سكر من أبوه وهو يفكر وخذته الافكار وما حس بـ الشخص إلي يمشي جدامه ..

.. كانت تمشي وهي تحس بـ ضيقة كاتمة على صدرها .. على طول طلعت الـ mp3 من جيب جاكيتها
وحطت السماعات في أذونها و وقفت تدور على ملف قرآن لعلى الضيقة تفك وتروح ..
وما حست إلاا بإلي يصدمها من ورى ويخلي الـ mp3 إلي بين يدها يطير بـ مسافة صغيرة
و يطيح على الأرض بقوة ويصير قطعتين .. لفت وهي بقمة عصبيتها وصرخت فيه ..
ريما: Are you blind
(هل أنت أعمى)
كان ما زال يناظر بـ mp3 إلي كان على الأرض نزل وشاله وهو منحرج ..
جاسم وهو يرفع راسه: I’m sorry I did not mean..
(أنا آسف لم أقصد ..)
.. سكت وهو منصدم إن إلي يتأسف منها هي الغبية نفسها..
جاسم بقهر: آخر عمري اتأسف من غبية ..
انقهرت أكثر من ماهي منقهرة وهي تجوف أكثر شخص تعتبره سخيف هو إلي دعم فيها ولاا
وفوق هذا كله متحسر إن تأسف ولاا يقول عنها غبية ..
ريما وهي تبي ترجع له حركته .. رفعت حاجب: What do I do the word sorry?
(ماذا أفعل بـ كلمة آسف؟)
طلع بوكة وهي تناظر فيه بإستغراب بس لما جافت يمد لها فلوس عصبت ..
ريما: Let your money to your self I am I do not want anything from you
(دع مالك لنفسك فأنا لاا أريد أي شيء منك)
حرك كتوفه ببرود وعدم مبالاة .. جاسم وهو يعطيها ظهره ويمشي: you are free
(أنت حرة)


.. في البحرين ..

في بيت أبو سلمى .. في مكتبه قاعد وهو يفكر .. بعدها رفع التلفون ودق على الرقم ..
انتظر فترة لين وصل له الرد .. أبو سلمى: آلووو هشام
هشام: آلوو طال عمرك
أبو سلمى: ها طمني شخبار الوضع
هشام: والله لحد الآن كل شي تمام .. والآنسة ريما ما حست بأي شي ..
وكرستينا قدرت تكون صداقة معاها .. وقدرنا نعرف منها إن في مجموعه يضايقون الآنسة بالكلاام ..
بس هي مو معطتهم بال .. وفوق هذا ما يعرفون إنها عربية يعتقدون إنها فرنسية ..
والسيد طلال جفناه كم مرة معاها ..
أبو سلمى بتنهيدة: طيب أنا ما أوصيك حاولوا كثر ما تقدرون ما تحسسونها بأي شي ..
وما تخلونها تغيب عن نظركم .. و أي شي يصير عطي عنه خبر .. لاا أوصيك
هشام: تامر طال عمرك
أبو سلمى: يلاا سلاام
.. سكر أبو سلمى وهو يفكر بـ ريما العنيدة ..

.. في بيت أبو جاسم .. منسدحة على سريرها وهي كارهه نفسها ..
نهى "آآآه يا القهر أنا شسويت شلون أقول حق أبوي إني موافقه على المتخلف ..
مصدقه روحي إني بقدر أنتقم منه .. بالعكس أنا بجذي حكمت على نفسي بالإعدام ..
آآخ المشكلة ما أقدر أتراجع أو أقول حق أبوي والله لاا يعطيني كف ينثر ويهي ويقول لي هو لعب يهال
.. أنا غبية غبيــــــــة .. يعني أنا مصدقه روحي إن هو يبيني علشان يحبني أكيد ما خذاني علشان سواد عيوني ..
بالعكس يبي يذلني .. يا ربي شاسوي الحين ..
أووف ما أتخيل إني بصير حرم سامي ولاا وبعيش معاه في مكان ما يعلم فيه غير الله أكيد إن خراابه ..
حسب يالله عليك يا سااامي" ..
قطع عليها صرخت منى وهي مو مصدقة: نهووووووووي يا الخاينة .. ولاا تقولين لي ..
(غيرت صوتها وهي تغلد نهى) .. وع سامي وع هذا بيئة مستحيل أنزل مستواي له وع .. شدخل هـ الثقيل .. (ورجعت لطبيعتها) .. هههههههه من يصدق نهى تاخذ سامي ولااا بعد برضاها .. ممكن سؤال نهووي ؟؟
نهى وهي ماسكة أعصابها بقهر: شنوو
منى بابتسامه: إنتي لما وافقتي كنتي بكامل قواج العقليه لأني بصراحة شاكة بالموضوع
.. حست بالأسى على حالها .. وما تدري ليش بس تبي تريح نفسها بأي شكل من الأشكال
وما تحط الغلط عليها ..
نهى وهي غير مقتنعة: يعني تتوقعين أقول لاا أبوي بيفرح وبيقول لي براحتج هذي حياتج ..
إنتي عارفة أبوي زين .. قلت أوافق من نفسي أحسن من إني أوافق بعد كم كف وغصب عني ..
سكتت وهي مقتنعه بالكلام إلي قالته إختها .. وبنفس الوقت حزنت عليها ..
منى بتردد: تدرين إن الملجة الأسبوع الياي
غمضت عيونها وهي تحس إنها مخنوقة .. نهى بألم: خليني بروحي
.. طلعت منى عنها تاركتها بروحها .. رفعت تلفونها وصارت تدور بـ الأرقام
.. لين وصلت للسكرتيرة .. اتصلت عليها وطلبت رقم سامي .
. وبعدها سكرت منها وعلى طول اتصلت لـ سامي .. بعد ثالث رنه رد
سامي: آلووو
نهى بكره: ممكن أعرف شنو تبي ورا حركتك البايخة
سامي وهو يستهبل وبرود فضيع: عفواً منو معاي؟؟ .. شكلج متصله على رقمه غلط
نهى وهي تحاول تمسك أعصابها كثر ما تقدر وتصير أبرد من الثلج نفسه: يعني تبي تقنعني إنك ما عرفتني .. طيب أنا بعرفك على نفسي .. معاك نهى عمتك وشيختك وتاج راسك ..
ابتسم سامي وحب يقهرها ويستفزها وما عطى لكلامها أي معنى: و زوجتي وأم عيالي
ما تدري بس من كلمته حست الدم تجمع في ويها .. نهى بـ عصبيه: تخسي .. أكون أنا أم لعيالك ..
سامي وهو عاجبه الوضع: ههههههه عيل شلون زوجتي لاا يكون أنا ماخذج تمثال أناظر فيج ..
نهى بكره وحقد: تدري إنت أكبر حشرة شفتها بحياتي ..
سامي بقهر: تراج واايد مصدقة نفسج وماعطه نفسج أكثر من حجمج ..
ويلااا أنا مو فاضي حق دلع وسخافه وراي أشغال مو فاضي مثلج
.. وسكر الخط في ويها من غير ما يعطيها فرصة ترد عليه وهـالشي قهرها ..
رمت التلفون بأقوى ما عندها على الجدار .. لدرجه تفكك التلفون لـ أشلااء ..

.. بعد يوميـــن ..

.. في لندن ..

كانت قاعده من النوم متأخره لأن كانت سهرانه وهي تدرس للإختبار ..
وما نامت غير ساعتين وطبعاً مثل كل يوم لاازم تقعد مفزوعه .. لبست بسرعه ثيابها وصلت الفجر ..
خذت شنطتها وطلعت من الشقة.. وركبت التاكسي إلي كان واقف ينتظرها مثل كل يوم ..
وتوجه فيها للجامعه .. أول ما وقفت السيارة عند الجامعة نزلت بسرعه ..
وركض على الكلاس لأن المحاضرة بدت من 10 دقايق وأكيد إن أوراق الاختبار توزعت ..
دخلت للسكشن وهي تلهث من الركض ..
ريما: I’m sorry for come late
)أنا آسفة لحضوري متأخرة)
الدكتور وهو يناظر في ساعته:
Tokrti many did not remain only 5 minutes and pull the papers time is dedicated to a quarter of an hour
(تأخرتي كثير ولم يبقى سوى 5 دقائق وأسحب الأوراق فالوقت المتخصص لربع ساعة فقط)
ريما بربكة وهي تاخذ الورقة: okay
نواف وهو يناظر بجاسم: يا حرام كسرت خاطري مرة
جاسم بطناز: إي تصدق أنا بعد
قعدت مكانها وهي مو معبرتهم بالمرة .. وبدت تحل من غير تركيز من كثر ما هي خايفة إن الوقت يطوفها ..
على الرغم من إنها دارسه عدل والأسئلة سهلة بس من خوفها وربكتها نست كل شي ..

.. في البحرين ..

في شركة أبو جاسم .. كان في اجتماع على الساعة 11 ونص ..
وما بقى عليه غير نص ساعة .. كانت في المكتب تجهز كل أوراقها والملفات إلي تحتاجها للإجتماع ..
بس جافت إن في ملف لمشروعها الجديدة مفقود .
. دورته بس ماله أي أثر في مكتبها .. طلعت من المكتب
.. نهى: دينا في ملف أخضر كان على مكتبي وين حطيتيه ؟؟
دينا السكرتيرة: بس أنا ما شلت شي .. إلي على المكتب بس عدلته ما غيرت ولاا شلت شي ..
بس يمكن الإستاذ سامي خذاه لأن الصبح جفته طالع من مكتبج ومعاه ملف أخضر غامج
نهى بقهر: سامي عيل .. طيب مشكورة
..






نهايــــــة البارت

توقعاتكمـ؟؟

[بينولبي]

هذي ثلاث بارتات اتمنى الرواية تعجبكم واذا شفت تفاعل كل يوم راح انزل ثلاث بارتات عشان نوصل للكاتبة

[nahe24]

بينولوبي يسلمو على النقل

الروايه جميله من بدايتها انا كنت متابعاها بالمنتدى الثاني
لكن وجعت قلبي لانها غير مكتمله قلت لما تكمل بقرأها بس شكلي حاتابع معاكي هنا
ان شاء الله

موفقه حبيبتي

[بينولبي]

~ البارت الرابع ~





.. في البحرين ..

في شركة أبو جاسم .. كان في اجتماع على الساعة 11 ونص .. وما بقى عليه غير نص ساعة .. كانت في المكتب تجهز كل أوراقها والملفات إلي تحتاجها للإجتماع .. بس جافت إن في ملف لمشروعها الجديدة مفقود .. دورته بس ماله أي أثر في مكتبها .. طلعت من المكتب .. نهى: دينا في ملف أخضر كان على مكتبي وين حطيتيه ؟؟
دينا السكرتيرة: بس أنا ما شلت شي .. إلي على المكتب بس عدلته ما غيرت ولاا شلت شي .. بس يمكن الإستاذ سامي خذاه لأن الصبح جفته طالع من مكتبج ومعاه ملف أخضر غامج
نهى بقهر: سامي عيل .. طيب مشكورة
..
.. توجهت لمكتبه وهي بقمة عصبيتها .. دخلت من غير ما تدق الباب .. نهى: ممكن أعرف بأي حق تدخل لمكتبي .. ولاا من عطاك الحق تاخذ ملف المشروع
ابتسم ببرود وهو يتكتف وبكل ثقة .. سامي: الحق إني خطيبج وبعد خمس أيام بضبط راح أكون زوجج
قربت شوي أكثر وبقهر مدت يدها .. نهى: عطني الملف لأن الكلام معاك ضايع وما يفيد
خذ الملف وقام من كرسيه وعدل شماغه وابتسم لها .. سامي : سوري بس المشروع أنسيه لأنه صار من نصيبي
قربت منه أكثر وهي تحاول تتماسك بس ما قدرت .. نهى بعصبية: لااا بصراااحه أنت واايد زودتها .. أقول لك عطني الملف أحسن لك لاا والله لاا تجوف شي عمرك كله ما جفته وتكرهك بـ الساعة إلي مديت يدك على شي ما هو بـ لك ..
سامي ببرود: هــه يعني شنو بتسوين ؟؟
حست إن أعصابها تلفت .. نهى وهي تغمض عيونها: سامي بلاا حركات يهال وعطني الملف الاجتماع ما بقى عليه شي
سامي وهو يحرك كتوفه: ما مسكتج هذا أنا بروح للاجتماع .. نهى صدقيني لو شنو بتسوين ما راح أعطيج ملف المشروع لأني من هـ اللحظة أنا راح أستلمه .. يعني وفري توسلاتج .. سي يووو
طلع تاركها وهي مصدومه وكلها ثواني واستوعبت .. نهى: حقيـــــر لكن هين يا سامي راح نجوف من راح يمشي كلامه أنا ولاا إنت


في لندن

كان الدكتور يوزع أوراق الاختبار بعد ما صححها وهو يبتسم بس لما وصل لها مد الورقة وشكله مستاء .. خذت الورقة وهي متوقعه النتيجة .. أول ماطاحت عيونها على الـ F تنهدت بقهر و زفرت .. ريما في نفسها "يعني السهر والدراسة والحالة والعفيسة آخر شي أرسب في أول اختبار هذا وأنا دارسة عيل لو ما فتحت الكتاب شنو راح أسوي .. يا رب" .. سمعت صوت ضحك .. لفت طالعت بـ وليد ونواف وسنا وهم يطالعون فيها ويضحكون .. وشكلهم جافوا نتيجتها .. سنا بمصخره: ههههههه عن جد يا جاسم نإيت لإلها اسم على مسمى غبية وغبية كتير ..
جاسم وهو يطلع من السكشن: ههههههههه علشان تعرفون بس .. يلاا سي يوو شباب
نواف بسرعة: تعال تعال فين رايح
جاسم وهو يوقف: بروح الشقة بنااام
فاتي باستغراب: والمحاضراتك ؟؟
جاسم وهو يبتسم: بطقع لهم (يعني ما راح أعطيهم بال)
خالد وهو يلبس نظارته: عيل إنتظرني بي معاك أنا بعد مالي نفس
.. طلعوا وبعدها لحقوهم البقية .. وما ظل في السكشن غير ريما إلي من القهر حطت راسها من بين يدينها تحاول تمنع دموعها .. لأن بضحكاتهم رجعوها لـ 8 سنين ورا ..

..(كانت تركض والفرحة مو واسعتها .. ريما بعمر 13 سنة: مامااااا .. مااامااا وينج ؟؟
أم ريما: أنا هني في المطبخ
ريما بوناسة و البسمة مو راضية تروح من بين شفايفها.. وهي تمد لها ورقة من بين يدها: ماما جوفي جوفي نتيجتي يبت علامة كاملة 20 من 20
أم ريما بابتسامه: شاااطرة عفية عليج أبيج عاد تيبين في كل ما...... قطع كلامها يد أمتدت على خدها وطبعت كــف من قوته انطبعت أصابعه على خدها.. ريما بشهقـة: يـــــماا
طالع فيها وهو يضحـــك .. جاسم: ههههههههههههههههه لاا تخافين ياي دورج
قرب منها و بكل قوة طبع كف على خدها من قوته طاحت على الأرض .. أم ريما بضراخ: بعد عنها يا الحقير ..
لف عليها وهو بقمة عصبيته .. جاسم: أنا حقير يا عيوزة النار أنا ..
.. صار يضرب فيها وهي تصرخ وتحاول تبعده .. وريما تحاول تبعده هي الثانية بس ما قدرت وحصلت نصيبها من الضرب .. ضمت أمها وهي تصيح من الألم والظلم .. ناظر فيها وهو يبتسم ونزل وخذ ورقة امتحانها وشققها لقطع صغير وهو يضحك.. جاسم: ههههههههههههههههههههههههه هههههههههههههه)..

تنهدت بألم وهي ترجع لعالم الواقع .. ريما بحزن: الله لاا يسامحك يا جاسم


.. بعد ثلااثة أيام ..

أبو جاسم طلب من بنته نهى إنها تجهز نفسها لأن ما بقى على الملجـة غير يومين .. ومنعها إنها تداوم ونفس الشي لـ سامي

.........

أبو سلمى مازال كل يوم يتصل ويتطمن على ريما و يعرف أخبارها

.........

طلال كل يوم يتصل على ريما ويتطمن عليها ويسولف معاها بالساعات .. وطبعا للحين الكل يجهل العلااقة إلي بينهم

........

ريما لازالت الكوابيــس تلاازمها .. وهي كارها عيشتها أكثر من ماهي كارهتها بسبب الشلــة .. وإلي زايد عليها اكثر من هذا درجاتها

........

نهى كارها نفسها وتحاول تسوي أي شي علشان بس ما ترتبط بـ سامي .. بس من غير أي جدوى

........

سامي غير مكترث وعايش حياته مثل كل يوم .. والبرود هو ردت فعله الوحيدة

........

جاسم حجز له على تذكره علشان يروح للبحرين ويحضر ملجة أخته

........

باقي الشلة عايشين حياتهم بحلوها ومرها

.. قبل يوم الملجة ..

.. في الليل .. رجع على أرض الوطن وهو بقمة سعادته مشتاق حق كل شي .. أمه .. أبوه .. خواته .. أهله كلهم من صغيرهم إلى كبيرهم .. حتى غرفته وفراشــه إشتاق لهم .. خذ نفس عميق وبعدها زفر .. جاسم:و اخيراً
.. جاف أبوه من بعيد واقف ويدور .. ابتسم وراح له بسرعة و ضمه .. جاسم بمرح: I miss you daddy
(إشتقت إليك دادي)
أبو جاسم وهو يضربه على كتفه بمزح: استح شـ كبرك شـ عرضك تقول دادي
باس راسه ..جاسم وهو يضحك: ههههههههه مسامحة يبا

.. في بيت أبو جاسم .. منى وهي تغني: إمباركين عرس الاثنين ليلة ربيع ليلي قمرا كلولولولولووووش
نهى بطفش: بـــــــــس يا السخيفة طلعي برااااااا
منى وهي تحرك حواجبها تبي تغيضها: ههههههه بروح أدق على سامي بقول له إلحق على خطيبتك شكلها استخفت ترقص وتغني هههههههههه
خذفت عليها الموسدة وهي حدها وااصلة .. نهى بعصبية: طلعي براا لاا أقوم أكفخ فيج ما أخلي فيج عظم صاحي
منى وهي تمثل الخوف: يماا يماا خافيت .. جوفيني أرتعش من الخوووف وله لاا لاا جوفي جوفي شعر يدي كله وقف من الخوف .. (و بدفاشه) .. أقوووول جربي إنتي بس كان أكوفنج هني
لفت عنها وهي تحاول تتجاهلها وما تعطي لها أي إعتبار يعني وجودها وعدمه واحد .. نهى:.................
هي عارفة انها متوترة وهي تحب تتنذل فيها فقررت توتيرها أكثر .. منى وهي تتصنع البراءة: نهووي الحين يعني بكره تصيرين زوجة سامي تقعدين معاه بروحج
نهى وهي متوترة وبقهر لأنها ذكرتها: شـ سؤال التااافه بذمتج هذا سؤال أقول فااارجي بس
منى وهي تكمل من غير توقف: وبعدين بتحددون موعد لزواج يعني أممم تعيشون تحت سقف واحد .. هههه والله احس إنه بيستفرد فيج .. وما بنجوفج إلاا بالشهر مرة
حست نفسها شوي وبتصيح .. نهى بضيقة: منووي وإلي يخليج طلعي براا لااا والله العظيم أطلع حرتي كلها عليج .. (وبصراخ).. برااااااااااا
.. طلعت وهي ندمانه على إلي سوته في اختها بس من جافت إلي جدامها نست كل شي وصرخت بفرح ... منى: جسووووووووومي دبدوبي وحشتني
.. ركضت له وضمته .. جاسم وهو يضحك: هههههههه قومي ذبحتيني هههههههه
منى بمرح: شدعوة أذبحك شقالوا لك متوحشة
جاسم وهو يقرص خدها: شخبار كتكوتي
منى وهي تدور: زوينة وحلوت ولاا شرايك إنتا
جاسم: ههههههه إي صرتي دبة
بوزت بدلع .. منى: أفااا أنااا دبة
جاسم وهو يبعدها عنه: إذا عليج ولاا بكرة راح تسكتين خل أروح أسلم على نهوي وأبارك لها
منى بسرعة: لاا لاا هي بطلعت روح نامت وعليه متوترة .. بليز لاا تقعدها .. بكرة إن شاء الله إذا صحت سلم عليها وبارك لها
جاسم وهو يهز راسه: اوكي


.. في لندن ..

كانت منسدحة على الكنبة والتلفون على أذونها .. ريما: أوووف طلول حدي طفشاانه بليز خل نطلع
طلال بملل: والله مللتيني يا ريما من كثر ما تقولين ملل .. وبعدين سوري ما أقدر أخلي أبوي بروحه يكفي نص اليوم تاركه بروحه في البيت
ريما بحقد: قرعته إنت شعليك منه
طلال بعصبية: ريمااا كم مرة أقول لج تحجي عدل عن أبوي وعدلي ألفاظج وإحترميــه
ريما بقهر وعصبية: يخسي أحترمه .. وأنت قلت أبوك أنت مو أبوي .. ويلاا باي
سكرت قبل لاا تسمع رده وهي بقمة عصبيتها وحقدها ..


.. يوم الملجــة ..

كان البيت قايم فوق تحت من التجهيزات .. ناس داخله وناس طالعه .. وحوستهم حوسه على إن الحفلة مافيها غير الأهل وهذا طلب من العروس

كانت واقفة عند المنظرة تناظر نفسها بألم .. نهى: والله إلي يجوفني يقول هذي ميت عندها أحد .. ولاا في وحده يوم ملجتها ويها مصفر وعيونها محمرة وذبلاانه ..والحزن كاسيها لحد أعماق أعماقها .. آآآه حسب يالله عليك يا سامي .. بس والله ما أكون نهى بنت أبوي إذا ما كرهتك عيشتك .. وبينت لك مستواك
قطع عليها صوت طق على الباب .. نهى بألم: أدخل
.. فتح الباب ودخل وهو يبتسم .. جاسم:شخبار نفسية العروســـــة
نهى بفرح: جسوووم يا الدب متى وصلت
جاسم وهو يبوسها على راسها: والله أمس وصلت في الليل بس كنتي نايمة وما حبيت أزعجج و كنت بمرج الصبح بس أبوي قال لي خلها نايمة حتى عند الغدا قلت لأمي إني بقعدج بس قالت لاا خلها
نهى وهي تهز راسها وفي قلبها "ومن قال إني نمت أساساً وأنا طول الليل مقضيته دموع .. وين أنام ويرتاح لي بال وأنا بصير حرم سامي أكره مخلوق على وجه الأرض"
جاسم وهو يبتسم: يلاا نزلي تغدي علشان تروحين الصالون (المشغل) وتجهزين نفسج لـ هالليله ترى مافي وقت
نهى وهي مالها خلق شي: لاا لاا ما أبي شي .. أساساً انا مستعيلة لاازم أروح الصالون الحين في رجعتي باكل
جاسم وهو يطلع من الغرفة: براحتج


نهـــــــــــــاية البارت

[بينولبي]

~ البارت الخامس ~




سامي بجدية: سمعيني زين .. من يوم ورايح تكلميني بإسلوب غير هالاسلوب إلي تتكلمين معاي فيه ساامعه .. ابيج تحترميني و وقت أقول لج شي تقولين لي إن شاء الله أمرك .. مو تقعدين تراددين .. ثانيا من يوم وطالع طلعة من البيت من غير اذني مافي .. لو وين بتروحين ان شاء الله بتروحين بيت يدتج مع امج وابوج لاازم تعطيني خبر عنها وانا اذا سمحت لج تطلعين واذا لاا فـ عتبت الباب ما تعدينها فاااهمة .. ثالثا شغل في الشركة مافي أساساً أنا متفق مع أبوج يعني حبيت بس أعطيج خبر .. رابعاً وليس اخيراً لما تطلعين تلبسين الحجاب عدل يعني ما أبي أجوف ولاا شعره ومكياج وعطر ما تحطينه إلاا عندي وفي المناسبات .. وخامساً واخيراً جهزي نفسج لي مثل أي عروس وبطلي حركات الروايات إلي متأثره منهم لأني أنا زوجج بمعنى الكلمة مو بس منظر للعالم ..
كله كوم وآخر كلمه لها كوم ثاني .. خذت نفس عميق تبي تهدأ من نفسها .. وكلمته مازالت ترن في مسامعها .. (أنا زوجج بمعنى الكلمة) .. مجرد ما تخيلت إنها تكون فعلاا له زوجه .. حست الدم كله تيمع في ويها .. و رعشه سرت في جميع اطرافها .. وهي تحاول انها ما تبين له شي .. نهى بتردد: كل شي ممكن إني أتقبله وإني أنفذه بالحرف الواحد وأتنازل .. بس إني ........ (وسكتت)
عرف شنو تقصد بس سوى نفسه مو فاهم .. سامي وهو يحثها على إنها تكمل: إنج شنوو؟؟
بلعت ريجها وغمضت عيونها وهي تحاول تستجمع قوتها .. نهى: إني أكون زوجــة لك .. سامي إنت أكثر واحد تدري شكثر أنا أكرهك .. أنا حتى في كوابيسي ما أتمنى تكون زوج لي فـ شلون بالواقع .. أنا أدري إنت ليش تزوجتني تبي تكسرني بس صدقني ما راح تقدر تدري ليش
سامي بسخرية: ليش؟؟
نهى بشموخ وكبرياء وغرور: لأني نهى بنت العز وإنت حيا الله واحد تشتغل عند أبوي
حس بإهانه من كلاامها .. هو كان بيتنازل مؤقتاً لين تستوعب أو تتأقلم مع الوضع بس بعد كلمتها "تحـــــلمـ" .. قرب منها كأنه أسد منقض على فريسته .. سحبها بقوة وصعقها على الجدار .. وصار ما يفرق بينهم مسافه .. وأنفاسه تحرقها حرااق .. سامي بعصبية وقهر: إلي حي الله يشتغل موظف عند أبوج صار زوجج وكلمته هي إلي تنسمع وهو إلي ينهي ويآمر بكل شي له خص فيج .. و وعد مني لأكسرج وأخلي نظرتج الشامخة وهـ الغرور إلي راكبج كله يختفي بلمح البصر .. والله إلي خلقني لاا أربيج من يد ويديد
كان قلبها يدق بقوة وجسمها كله ولع من قربه وأنفاسه إلي حرقتها .. كانت تناظر بعيونه مباشرةً وتبلع ريجها بتوتر ممزوج بخوف ملحوظ .. نهى بربكة: بـ.ـعد عنـ.ـ.ـي
ما يدري شنو صار له بس حب لهجة الخوف والربكة في صوتها .. وكأنه السالفة عجبته .. صار يمرر يده على خدها الناعم وينزل مباشرةً لـ ارقبتها .. وهمس في أذونه بصوت آسر .. سامي: الوعد بعد شهرين
ابتعد عنها وبحده .. سامي: ويا ويلج يا سواد ليلج لو أدري إنج خالفتي كلاامي
.. وطلع تاركها وهي بحالة ذهول من كل إلي صار .. نهى في نفسها "مدام هذي بدايتها عيل ينعاف تاليها .. توه من ساعة بس صرت زوجته وعفس لي يومي كله .. بس والله تبطي يا ساميوو إذا سويت إلي قلته" ..


في لندن

.. في الكوفي شوب .. خذ له ربع ساعة وهو يحاول يراضي فيها .. طلال: ريما حبيبتي يلاا عاد فليها ما صارت .. من ربع ساعة تقريبا وانا اراضي فيج ولااحظي إني تارك أبوي بروحه علشانج مع إن كان خاطرة اني اليوم اسهر معاه وأفلها خصوصا إن بكره اجازة
ريما بزعل وعصبية: ومن قال لك تتركه تراني ما جبرتك تطلع معاي وبعدين لاا تنسى إنك إنت اتصلت علي وقلت لي تعالي معاي .. وإذا هـ الكثر مشتاق حق أبوك روح له مو مانعتك
خذ نفس عميق وزفراه بقهر .. طلال: ريما أنا أبي أعرف لين متى بتظلين جذي ؟؟
لفت ويها الجهة الثانية علشان ما تناظر فيه .. ريما: شلون يعني؟
طلال بقلة حيلة: هـ الوضع .. ريما حبيبتي السالفة طاف عليها أيام وشهور وسنين .. الكل نسى وعاش حياته إلاا إنتي ما زلتي متمسكة بالماضي ومو راضية تنسينه وتعيشين حياتج
ريما بتعب ودموع مغرقة عيونها: مو أنا يا طلال إلي متمسكة فيه لااا هو إلي كأنه شبح يلااحقني وين ما كنت .. طلال إنت تتوقع إني مرتاحة وأنا عاشية والماضي دوم يرافقني والله هـ الشي غصب عني مو من ارادتي أنا ودي يوم وااحد بس يوم واحد يا خوي أنام من غير ما أفزع في الليل من كابوس الماضي .. والله إني من يوم ماصار إلي صار وأنا مو قادرة أرتاح .. تعبت تعبت والسبب أبوك لاا تلومني إذا ما حبيته وإني حقدت عليه بس ما أقدر إلي صار لي أكبر من إني أسامحه وأصفح عنه
حس إن فتح جروح المفروض ما يفتحها فحب يهدي فيها .. طلال بحنان: طيب يا قلبي خلاااص إنسي كل إلي قلته و أوعدج إني ما راح أتكلم عن هالموضوع مرة ثانية
ريما في نفسها "آآه تتوقع يا طلال إنك إذا ما ذكرته لي ما راح أتذكره .. وراك ما تدري إني في كل لحظة من حياتي سواه في وقت ضحكتي أو بكاي أتذكر الماضي الأليم .. آآه الله لاا يسامحك يا جاسم"

..بعد يومين..

.. في بيت أبو جاسم .. قاعد في غرفته يرتب شنطته .. وبعد ما خلص طلع من الغرفه ونزل على الصاله .. جاف الكل قاعد .. جاسم بمرح: السلاام عليكم
الكل: وعليكم السلاام
أم جاسم بحنان: ها يما كيف أصبحت
جاسم وهو يبوس راسها: الحمد الله يا الغالية والله بجد بتوحشيني مووت
أم جاسم وعيونها بدت تغرق بدموع: والله ما شبعت منك .. إقعد بعد كم يوم تكفى
مسك يدها وباس كفها .. جاسم وهو يبتسم: يما هانت كلها اسبوعين وأنا عندج .. بقعد هني 3 شهور لين تلوع جبدج مني وتقولين لي متى تسافر
أم جاسم وهي تمسح دموعها: لاا والله إني ماراح أقول فارج ..
أبو جاسم: ليش يعني بعد اسبوعين راجع؟؟
جاسم بمزح: أفاا قوية بحقي يبا لهدرجة ما تبيني
أبو جاسم: هههههه لاا والله العين أوسع لك .. بس استغربت
جاسم وهو يبتسم: بعد بكرة عندنا تبتدي الامتحانات النهائية .. وبعد اسبوعين نخلص .. ونرجع اجازة لمده 3 شهور وبعدها أرجع لندن للكورس الثاني
منى وهي تتهفف: أوووف ليش احنى غير يعني كان إحنا جدموا لنا الامتحانات مثلكم
جاسم: ليش متى امتحاناتكم..؟؟
منى بملل وقهر: بعد شهر ونص أوووف
جاسم: ههههههههه وناااسة بقعد أغيضج هاهاهااااي
منى وهي تكش عليه: مالت
سوى لها نفس الحركة.. جاسم: عليج يا الدبــة .. بذمتج كم وجبة في اليوم
انقهرت منه .. منى بدلع: مالك شغل كريه واحد دب
جاسم بطناز: واحد ولاا اثنين .. أقول قومي مناك تعلمي شلون تتكلمين ذيك الساعة تعالي كلميني .. صج ياهل
زعلت من كلاامه بس ما حبت تبين ..منى: من زينك عاد
لفت عنه وهي حدها منقهر وحاز في خاطرها إن دوم يعاملها كأنها ياهل .. من شكلها عرف إنها خذت في خاطرها عليه .. جاسم بحنان: منووي لاايكون زعلتي ترى أمزح والله
ابتسمت مجامله ما حبت تبين له زعلها .. منى: لاا عاادي وأنا أقدر
ابتسم لأن عارف إنها فعلاا زعلاانه.. قرب منها أكثر وصار يدغدغها .. جاسم: على بالج ما أعرفج
منى وهي ميته من الضحك: هههههههههههههههه تكفى ههههههههههههههه لااا هههههههههههههههههههههه خلاا هههههه خلاااص ههههههههههه
أم جاسم بابتسامه: أتركها بس ذبحتها
حرك راسه بأسى .. أبو جاسم: والله يا نوف (أم جاسم) إن ولدج غاسل يدي منه ..شـ كبره وشـ عرضه مايوز عن حركاته
أم جاسم : هههههههههه فديته والله
.. كان الكل مستانس وعايش الجو بحذافيره .. ما عداها هي قاعده معاهم جسد بس تفكيرها مشغول وسارح .. نهى في نفسها "الحين شنو الحل يا ربي؟؟ زواجي منه بعد شهرين ومن أول ما ملجنا بدا العد التنازلي .. شلون أخليه يطلقني .. هاا يطلقني لاا لاا شنو يعني أصير بنت مطلقة .. يمااااا لاااا ما أبي هـ اللقب بس .. يعني شنو بس لاا يكون تبين تظلين زوجته طول العمر يلعب فيج على مزاجه .. يا ويلي أنا شسويت في روحي .. لو رافضته مو كان أحسن .. بس .. بس شنو يا نهى تبين تقولين إن اذا رفضتيه ابوي هو راح يجبرج عليه .. اي ليش لاا .. الكل يعرف أبوي اذا الشي داخل مزاجه يفكر هو بس بإلي يجوفه مناسب .. ولاا نسيتي لما قال لج ان لو هو مو ريال كفو كان بنفسه رده وقال له ما عندنا بنات للزواج .. يعني هو كان موافق سواء انا رضيت فيه أو لاا .. أوووف بدا راسي يصدع من كثر التفكير" .. صحت من سرحانها على صوت صرااخ .. جافت أخوها جاسم حامل منى ويدور فيها وهي متمسكه فيه وتصارخ وتتوسل .. منى: جسووووووم يا حماااااااار نزلني آآآآآآآآآ ههههههه نزلني
جاسم وهو يدور فيها : لاا لاا .. عيل حمااار هاا .. مافي
منى بتوسل: لاا لاا أناااا حمااارة بس تكفى آآآآآآآآ نزلني
نزلها وهو ميت ضحك عليها .. جاسم: هههههههههه حمارة ههههههههههه قالت حق روحها حمارة .. ههههههههههههه
نهى وهي تحب يدها : حمد الله والشكر بس
جاسم وهو يقرب منها: شكلج غرتي
نهى وهي تفز من مكانها وعلى طول ورا أمها .. وبتوسل: لاا لاا تكفى خل هبالك بعيد عني
أم جاسم وهي تبتسم: جاسم يما خلااص خلهم في حالهم
قعد مكانه وهو يبتسم .. جاسم: لو مو أمي إلي قالت لي كان الحين صراخج وصل لي سامي
من سمعت اسمه تعكر مزاجها .. نهى:..............
منى وهي على بالها إنها مستحيه: جسووم طالعها لاا يفوتك الاخت مستحيه ههههههههههه
جاسم: ههههههههههههه
أبو جاسم: هههه بس عاد حرجتوها زيادة
كانت تمسح على ظهر بنتها بحنان وهي تبتسم .. أم جاسم: شفيج يما
حاولت كثر ما تقدر تبين طبيعية ما تبي تكدر خاطر أمها .. نهى: ولاا شي .. بس طفشانة من سخافة جسوم
أم جاسم: هههههههههه
نهى بملل وهي تطالع بـ منى: منووي شرايج أطلعج اليوم ونفلها
نقزت من مكانها بناسة .. منى:إي تكفيــــــــن تسوين فيني خير
جاسم: أفاا وأنا مو معزوم
نهى وهي تبتسم له: بس طيارتك بعد ساعتين وله نسيت
ضرب راسه براحه يده .. جاسم: أووف نسيت .. يلاا أنا بطلع أجهز نفس لاازم أكون هناك قبل الوقت بساعة
نهى وهي تبوس راس أبوها: بابا فديتك بطلع مع منوي ما بنتأخر بليز
أبو جاسم وهو يهز راسه: طيب بس الساعة 8 ونص تكونون في البيت
منى ونهى:إن شاء الله
.. راحوا جهزوا نفسهم على السريع .. وجاسم بعد راح جهز نفسه وبعده بنص ساعة طلع مع ابوه للمطار .. اما نهى ومنى بعد ساعه جهزوا وطلعوا وطبعاً نهى ما عبرت بـشروط سامي ولاا فكرت حتى إنها تطرش له مسج وتقول له إنها طالعه ..

.. في سيارة نهى ..

منى باستغراب: نهوي مو كأنج مبالغة بالميك آب والعطر وبعدين غريبة مطلعه شعرج بـ العاده بس القذله ويادوب تبين !!
هي بنفسها مستغربة بإلي تسويه .. بس كل شي يخالف أمر سامي ويقهره هي مستعده تسويه .. وكأنه الوضع عاجبها إنها تقهر سامي على الرغم من إنها تدري إن ما يدري عنها.. نهى: عادي شنو فيها .. طيب شنو رايج نروح أول شي لـ سنيما نطالع فلم وبعدها نروح لمطعم ونتعشى ونرجع
منى وهي تشغل المسجل وتحط سي دي منوعات :أوكي


في لندن

الأوراق والكتب في كل مكان .. ريما بملل: أوووف بعد بكرة الامتحان وأنا للحين مو قادرة أفهم سطر واحد .. الله يعين
رفعت تلفونها ودقت على طلال .. وشوي إلا وصل لها صوته
طلال : هلااا والله
ريما : طلوول ألحقني
طلاال بخوف: خير شـ صاير؟
ريما : بعد بكره عندي امتحان ولحد الحين مو قادرة أفهم ولاا سطر
طلال براحه: الله يغربل بليسج خرعتيني على بالي في شي جايد صاير لج
ريما بدلع: شدعوة الحين إلي أنا فيه مو مشكله عويصه
طلال بتنهيده: طيب شنو المطلوب مني
ريما بتوسل: تعال درسني تكفى بليــــز
طلال: أوف منج يا ريما .. طيب ربع ساعة وأكون عندج .. سي يو
ريما بوناسه: سي يو 2


في البحرين

.. طلعوا من السينما وكان الفلم مصري عسل أسود .. منى : ههههههههههههههه الفلم حده حده حلوووو
نهى: ههههههه أنا أحلى مقطع حبيته لما طلع الجواز الامريكي للكلب هههههههههه كان حده فن
منى: ههههههههههه إي إي ولاا يوم السجن هههههههههه شي فريد من نوعه بصراحه
.. طلعوا من المجمع وهم سكرانين من الضحك .. لأن الفلم بمعنى الكلمة مضحك .. من بدايته إلى نهايته ..
نهى وهي تقصر على صوت المسجل: شرايج نروح لمطعم الأبراج
منى بحماس: إي إي حدي خاطري بـ الباستا مالتهم يم يااامي
نهى وهي تهز راسها: ههههههههه طيب
.. نزلوا للمطعم وهم حدهم متونسين .. في نفس الوقت .. وقفت سيارة في البارك إلي مجابلهم وكان الوضع فيها غير.. سامي وهو يكلم تلفون برسمية : طيب إن شاء الله بعد بكره يكون الاجتماع على الساعه 11 ونص ...... إن شاء الله ...... مع السلاامة
لف وهو يبتسم .. سامي: سوري حموود بس تعرف الشغل وين ما أروح ملااحقني
محمد وهو ينزل من السيارة: لاا عاادي .. خذ راحتك
سامي بمزح: متأكد آخذ راحتي
محمد بضحكة: لاا خلاااص أدري إنك ما تنعطى ويه
سامي:هههههههههه ما أنعطى ويه هااا هين يا الهيس
.. دخلوا المطعم وهم مندمجين بالسوالف ..

بعد ساعة

.. طلعوا وهم بقمة وناستهم .. وضحكاتهم واصله لآخر كبينه في المطعم .. فتحت باب السيارة وهي تبتسم .. بس فجأة بدت بسمتها تتلااشه .. ما تدري ليش بس الرعب بدا يتسلل لقلبها .. على طول شغلت السيارة حتى من دون ما تتنتظر إنها تتحمه .. تبي تبعد بسرعة قبل لاا يناظرها مع إنها كانت تتمنى إن يجوفها علشان تبين له إن كلامه ما أثر فيها شي .. بس إلي مادرت عنه إنه أول ما شغلت السيارة لف لجهتها وطالعها .. وهو منصدم من شكلها والأكبر من جذي إنها ما عبرت كلاامه ولاا تهديداته وكأنه كان يكلم الجدران .. عصب وبدا يتوعد فيها .. سامي في نفسه "هيــن يا نهى جنيتي على نفسج بنفسج"


.. صباح يوم جديد ..

طلعت مثل كل يوم في هالوقت رايحة للنادي تسوي رياضة وتسبح .. وأبد ما هما لاا سامي ولاا كلامه .. وحتى إنها نست شعور الخوف والرعب إلي دب فيها .. بمجرد ما أبتعدت عنه .. وبعد ما خلصت رجعت وهي تغني وحدها ريلااكس .. نهى: هذا أنا في وحديتي بعدك على الله العوض لاا شفتني بمرايتـ....
ضاع الكلاام منها فجأة وهي تجوفه واقف جدامها وهو بقمــة عصبيــته .. سامي من غير مقدمات ....


نهـــــــــــايــــــــــ ــــة الـــبــارت

[بينولبي]

~ البارت السادس ~






.. صباح يوم جديد ..

طلعت مثل كل يوم في هالوقت رايحة للنادي تسوي رياضة وتسبح .. وأبد ما هما لاا سامي ولاا كلامه .. وحتى إنها نست شعور الخوف والرعب إلي دب فيها .. بمجرد ما أبتعدت عنه .. وبعد ما خلصت رجعت وهي تغني وحدها ريلااكس .. نهى: هذا أنا في وحديتي بعدك على الله العوض لاا شفتني بمرايتـ....
ضاع الكلاام منها فجأة وهي تجوفه واقف جدامها وهو بقمــة عصبيــته .. سامي من غير مقدمات ..
مسكها من يدها بقوة ودخلها الميلس (المجلس) وسكر بابه وهي مازالت بين يدينه .. لف لها وهو يحاول يضبط نفسه .. سامي وهو يرص على أسنانه: ممكن أفهم شنو معنى إلي سويتيه ..!! هااا ردي يعني على بالج إني ثور جدامج تستغفليني وتطلعين .. وانصدم فيج رايحه الابراج ولاا بعد يوم الثاني طالعه .. ولاا حتى فكرتي تطرشين لي مسج .. مع إني حذرتج من قبل!!
من الخوف ما قدرت ترد أكتفت تناظره برعب .. نهى:.............
نفضها من يده بقوه لدرجة طاحت على الكنبة .. سامي: والله لو أنا مو في بيت أبوج كان حصل لج شي عمرج ما جفتيه
زاد الخوف في قلبها .. بس حاولت كثر ما تقدر إنها ما تبين له .. نهى بتردد وقهر: شنو يعني بـ.ـطقـ.ـني
ابتسم بسخرية وهو وده يعطيها بدل الكف كفوف .. بس مسك نفسه .. سامي :لو بيدي مو أطقج بس لااا أكسر راسج بعد ..
نهى:.................
خذ نفس عميق وهو يحاول يهدي من نفسه .. سامي: سمعيني يا نهى لاا تتوقعين إن هالموضوع بيعدي جذي والسلاام لااا غلطانه .. بس كل شي و بوقته حلو .. والحركة الغبية والعناد إلي ما بيوديج غير في ستين داهيه راح تتعاقبين عليه .. بس الوعد بعد الشهرين .. مع إن ودي أقدمه .. بس أنا مو فاضي لج حالياً وعندي شغل أهم منج .. بس هي كلمه وما راح أعيدها .. قسم بالله يا نهى والله إن رجعتي وسويتيها وطلعتي من دون شوري والله ما راح يحصل لج طيب .. ساااامعه
هزت راسها بإي والدموع بدت تتجمع في عيونها .. نهى بهمس: سامعه !
طالعها بنظره ما فهمت معناها .. وبعدها طلع من دون حتى ما يقول لها "مع السلاامه"


.. بعد مرور اسبوعيـــن ..

في لندن

.. خلصت الامتحانات النهائية للفصل وكانت متعبه وكئيبة لكل الطلبه .. وأولهم "ريــــما" إلي عانت وشدت حيلها كثر ما تقدر علشان تنجح والحمد الله تعبها ما راح هباءاً منثورا درست واجتهدت وقدمت أوكيــه بس تنتظر النتيجة على إنها متأكده 100% إنها ناجحة ..
.."الشلــــه" تعبوا وعانوا وفي منهم من قدر وقدم أحسن ما يكون .. وفي منهم من عفس الدنيا فوق تحت .. لأن بسهوله كل شي تبخر وطبعاً هذا الشي كانوا يعانون منه الأغلبيه ..
.. في هالفترة كلٍ كان لااهي بدراسته ومحد معطي أحد أهتمام وهالشي ريح "ريـــما" وايد ..

.. كانت ترتب شنطتها للسفر وهي ميته رعب من عمها إلي مو عارفه هل راح يستقبلها وله لاا .. وهي عارفة انه زعلاان منها وطالب من بنته و زوجته إنهم ما يكلمونها .. ريما بهمس: ياربي شنو راح أسوي إذا طردني وما رضى يسامحني .. يا رب حنن قلب عمي علي
.. رفعت تلفونها ودقت على طلال .. وكلها لحظات و وصل لها صوته .. طلال:هلاا والله
ريما: هلاا بيك .. وينك؟
طلال وهو يتنهد: توني طالع من البيت
ريما بحزن: أهاا طيب أنا جاهزة
طلال: خلااص كلها دقايق وأكون عندج
ريما:أوكي باي
طلال: باي
.. سكرت منه وهي تحس بحزن عميــق إنها ما راح تجوفه لـمدة 3 شهور وهي إلي تعودت كل يوم تجوفه وتطلع معاه ..


..كانوا قاعدين بمكانهم المعتاد مجتمعين .. نواف وهو يبتسم:آآه واخيراً بنرجع للأهل
خالد وهو يتنهد:إي والله وحشتني البحرين وأهلها
فاتي بحزن:آه الله يعين
الكل طالعها بإستغراب من حزنها .. وليد بـ لقافته المعتادة:خير ليش الحزن .. كله علشان بترجعين؟
ابتسمت من ورا قلبها .."آآه وراكم ما تدرون" .. فاتي: بتوحشوني تعودت عليكم وما أتخيل يمر يوم ما أجوفكم
سنا وشوي بتصيح: لااا بليز إسكتي ما بدي أبكي بليز
جاسم : ههههههههه وقسم إنكم نكته يا البنات على أقل شي تصيحون
.. طالع بساعته وعلى طول قام .. جاسم: يلااا شباب صبايا مطر أمشي
خالد:أفاا وين تو الناس
جاسم وهو يرفع حاجب: وين تو الناس والرحلة بعد ساعة .. لاا يكون منت بمسافر؟؟
خالد وهو يعدل قعدته: لاا ما بسافر اليوم .. أنا حجزت رحله حق بكره ..
وليد وهو يبتسم:أنا بعد
سنا بمرح:أما أنا بعد بكره
نواف بمرح: لاا أنا الليلة على الساعة 11 ونص طيارتي
هز راسه وهو يبتسم لهم ولف جهة فاتي ..جاسم: وانتي؟
فاتي توتر: أنا بعد اسبوعين
الكل بصدمة:اسبوعيــن!!
خالد: ليش عاد شنو بتسوين في هـ الاسبوعين بروحج وكلنا بنسافر .. لهدرجه ما اشتاقيتي حق اهلج
فاتي وهي تحاول تخفي حزنها وبكذب: لاا بس خواتي راح يكونون معاي وبعدها برجع معاهم
الكل:أهاا
جاسم وهو يسلم عليهم واحد واحد: يلااا أجوفكم على خير إن شاء الله .. بس هاا يا ويلكم أي واحد يعرس وما يقول لي ولاا يعزمني
الكل:ههههههههههه
خالد وهو يضربه بمزح: في أحد يتزوج بـ 3 شهور بس أقول روح ألحق على طيارتك لاا تطير وأنت قاعد توصي فينا
جاسم:هههههههه طيب يلااا مع السلاامة
الكل:مع السلامه
.. طلع من عندهم وعلى طول توجه للشقة وخذ شنطته إلي كان مجهزها وعلى طول توجه للمطار ..


في البحرين

.. في بيت أبو سلمى .. مندمجه في الفلم وداخله جو .. بس خرب عليها الجو صوت رنين التلفون .. وقفت الفلم وقامت بـ كسل ورفع التلفون .. سلمى: آلووو
.....:آلوو السلاام عليكم
سلمى بإستغراب: وعليكم السلاام .. نعم أختي آمري من بغيتي
......:أفاا ماعرفتيني .. لهدرجة صدمتيني بصراحة
سلمى وهي تحاول تعرف صاحبة الصوت:مسامحة يا الأخت بس شكلج غلطانة بالرقمه
......:لااا مو غلطانه مو إنتي سلمى ؟؟
سلمى بإستغراب:إي بلااا أنا سلمى بس منو إنتي والله ما عرفتج
.......:زعلتيني من قلب وهذا أنا أقول يمكن البنت تستهبل بس شكلج صج ما عرفتيني
سلمى بنفاذ صبر: بتقولين منو انتي ولاا شلون
........:أعصابج بس .. أحم أحم معاج وضحى بنت عدوان أووه قصدي عجوان أووه قصدي عدنان أووه قصدي أ...
قاطعتها بصراخ .. سلمى: وضووووح يا الدبــــــــة وحشتيني
وضحى بسخريه: إي إي بلااا واااضح والدليل تذكرتيني
سلمى بوناسة: وأحد ينساج والله على البال و الخاطر بس قسم بالله صوتج صاير غير .. وااايد صاير ناعم بزيادة
وضحى بعصبية: ناعم بعينج
سلمى بإستغراب: يه!! شفيج إنتي الحين معصبة؟؟
وضحى بقهر: ولاا شي بس إنتي تعرفيني أتحسس من هالأمور
سلمى بصدمــة:وضووح من صجج إنتي للحين على وضعج
وضحى وهي تحاول تغير الموضوع: وللأبد .. إلاا ما قلتي لي شخبارج شمسوية بعد غيبتي الطويلة
سلمى بتنهيده: بخير الحمد الله بس الملل صدقي الصدوق في الآونه الأخيرة
وضحى بطناز: أمحق باللغة الفصحى ههههه .. إلاا وين ريموو الكريها عطيني إياها وحشتني
سلمى بحزن: سافرت لندن
وضحى بصدمـة: شنوووو .. هذي مينونه وله شنووو
سلمى: والله كلنا حاولنا فيها بس هي راكبة راسها وسافرت وأبوي زعلاان عليها .. مخلينا نقاطعها علشان يمكن يطيح إلي براسها
وضحى: يا ربي من هـ الريموو طول عمرها متهورة وعنيده
سلمى: جفتي شلون .. طيب قولي لي عن أخبارج
وضحى بتنهيده: الحمد الله على كل حال .. هذا أنا مافي شي جديد في حياتي غير الشقا
سلمى بمزح: والله محد ياب الشقى لج غير إلي ما يتسمى وله أنا غلطانه
وضحى بسخرية: إي والله مالت عليه من أخوو
سلمى بضحكة: صحكتيني بصراحة عايشة الدور وبقوة بعد .. قالت أخوو ههههه لاا يسمعج بس يحذفج من الدريشة
وضحى: هههههههه إي وإنتي الصاجة .. طيب يا الدبة عطيني رقمج .. لأني الحين بطلع أهيت
سلمى: هههه طيب يا الهياته (يعني تطلع وتفلها) .. سجلي عندج 33000000
وضحى: أوكي الحين بسوي لج مس كول .. و وقت ما أفضى برجع اتصل عليج سي ياا
سلمى: هههه أوكي سي يوو
.. بعد ما سكرت رجعت للفلم وشغلته ورجعت ودخلت جو ونست كل شي من الاندماج ..


.. في المطار ..

ضمته بقوة وهي تصيح .. ريما: بتوحشني يا الدب
طلال بحنان: وإنتي أكثر وربي
بعدها عنه وصار يمسح دموعها .. طلال : الحين أبي أعرف ليش تصيحين؟؟ إلي يجوفج يقول ما راح تجوفيني مرة ثانية ولاا تسمعين صوتي
ريما وهي تبوز: لاا أصلاا كل يوم راح أتصل عليك
طلال: هههه طيب يلاا يا قلبي تحملي بروحج وسلمي لي عليهم كلهم .. يلااا هذا النداء الأخير يلاا مع السلاامة
ريما وهو تبوس خده: مع السلاامة
.. تركته ومشت عنه وهي تمسح دموعها .. وقبل لاا تدخل البوابه لطياره لفت جهته وأشرت له بيدها "باي" وهي راسمه أحلى ابتسامه .. در لها بالمثل وفي قلبه يدعي لها إن الله يرجعها سالمه

.. قاعد في الطيارة وهو حده طفشان ويناظر بالركاب وهم يدخلون .. لف لجهة النافذه وصار يطالع إلي بره .. وما حس إلا بـ شخص يقعد يمه .. ومن الريحه إلي داعبت أنفه استنتج إنها بنت .. لف وهو يبتسم .. بس أول ما وقعت عينه على الجالسه يمه تلااشت ابتسامته وحل محلها العبوس .. جاسم: بل !








نهـــــــــــاية الــــــــبارت

توقعاتكــمـ؟؟؟



تحياتي للجميع

مفتون قلبي

[بينولبي]

~ البارت السابع ~






.. قاعد في الطيارة وهو حده طفشان ويناظر بالركاب وهم يدخلون .. لف لجهة النافذه وصار يطالع إلي بره .. وما حس إلا بـ شخص يقعد يمه .. ومن الريحه إلي داعبت أنفه استنتج إنها بنت .. لف وهو يبتسم .. بس أول ما وقعت عينه على الجالسه يمه تلااشت ابتسامته وحل محلها العبوس .. جاسم: بل !
ريما في قلبها "أوووف الله يعيني على المغثة .. شكلي حسدت نفسي يوم قلت من زمان ما ضايقوني ..أوووف".. سفهته وما عطته بال أبد
.. وصل لهم صوت كابتن الطيارة يطلب منهم ربط الأحزمة .. ربطة الحزام وهي كارها نفسها إنها قاعده في هالمقعد .. هي طول الوقت تدعي إن تكون قاعده يم حرمه مو ريال ولاا بعد الشخص إلي تنغث منه .. استغرت الطيارة في الجو وهي تحاول كثر ما تقدر إنها تجاهله ..كان يناظر فيها بتدقيق في ملامحها .. وفي نفسه "والله حلوة توني منتبه على شكلها .. بس ليش هي مسافرة البحرين" .. جاسم: Why do you travel to Bahrain?
(لماذا تسافرين إلى البحرين؟)
لفت له وهي تناظره ببرود .. ريما: This is not your business
(هذا ليس من شأنك)
.. تفشل من ردها .. جاسم بقهر: كلش عاد أنا ميت عاد علشان أعرف إلي يقول تهميني.. مالت
كتمت ضحكتها من شكله المتفشل .. ريما في نفسها "آآه حلو الشعور لما ترد اعتبارك.. ههههه تستاهل وللحين ما جفت شي هين أنت وشلتك"
كل واحد منهم حاول يلتهي .. ريما حطت سماعات وتسمع أغاني أجنبية .. وجاسم صار يطالع له فلم ..

في البحرين

.. في بيت أبو جاسم .. من يوم ما هزء فيها إلى هذا اليوم وهي حابسة نفسها بالغرفة .. ونفسيتها زفت ومالها نفس أي شي .. سمعت دق على الباب .. نهى بملل: دخلي
انفتح الباب ودخلت وهي تبتسم ..أم جاسم: شفيج يا قلبي خذ لج يومين وإنتي مو على بعضج عسى ما شر؟
هزت راسها بضيق ..نهى: ما شر يما .. بس شوية تعب
قعدت يمها وهي تمسح على شعرها .. أم جاسم بحنية: سلامتج من التعب شنو تحسين فيه
ما حبت تخوفها ولاا تقلقها .. نهى: بس شوية ارهاق لاا أكثر
أم جاسم : طيب يا قلبي أنا يايه لج بموضوع .. بس بما انج مرهقه اخليج تريحين وبكرة نتكلم
نهى: قولي يمه عادي اسمعج
أم جاسم بابتسامه: مثل ما إنتي عارفه إنتي الحين متزوجه وبعد شهرين بتروحين لبيت زوجج .. وما بقى شي ترى يا قلبي الشهرين بغمضت عين تعدي بسرعه وإنتي لحد الحين ما رحتي السوق علشان جهازج .. وحق العرس .. وأنا أقول من بكره أنا وإنتي نروح السوق
حست بقشعريرة تسري في جسمها .. وفي نفسها "آآه يا يمه ذكرتيني وأنا ودي أنسى .. آآه يا ليت أقدر أوقف الزمن وما يعدي الشهرين .. شلون راح تكون حياتي معاك يا سامي شلون راح أعيش أنا بنت العز والدلاال مع واحد مو من مستواي ولاا من ثوبي ولاا وفوق هذا كله أكرهه وأحتقره" .. قطع عليها كلمة أم جاسم : يا قلبي لاا تستحين مني أنا امج
نهى ببلاهه لأنها ماسمعت باقي كلام أمها: هااا
أم جاسم وهي تضحك: ههههههه وحليلج يا نهى والله وكبرتي هههههههه يلاا قلبي بقوم أجوف الخدم شنو سوو للعشى .. وإنتي أبيج تطلعين وتتعشين معانا
قامت عن بنتها وطلعت من الغرفة تاركه خلفها قلب خايف من المستقبل ..

.. في الطيارة ..

طافت عليهم 3 ساعات وهم في الجو .. وكلٍ منهم متملل .. ريما سكرت الأغاني لأنها صدعت .. حطت راسها على الكرسي وتسندت وغمضت عيونها تريح شوي ..
أما هو فمن الملل حب يتسلى شوي .. جاسم وهو يضحك: خل ألعب في حسبتها دامها مو فاهمة علي ههههه إلاا هي غبية هههههههه
ما تدري ليش يات لها ضحكة بس بلعتها.. و سوت نفسها ما فهمت عليه .. ريما وهي تطالعه: what?
(ماذا؟)
هز راسها وهو كاتم ضحكته .. جاسم: nothing
)لا شيء)
ريما في نفسها "ما أدري أتكلم له عربي وأفشله وإني أفهم عليه .. يمكن بعد ما يعرف يكف شره هو وربعه .. إي المفروض أنا من زمان أبين لهم إني عربية" .. لفت له وهي توها بتتكلم ..
جاسم وهو كاتم ضحكته: .(غبية)do you know you are
(هل تعلمين أنكِ.."غبية")
سكتت تطالعه لبرهة من غير ما ترمش .. وفي نفسها "وقـــح بس لااا مو علي أنا يا حمار .. هين" .. ريما وهي تسوي نفسها ما تعرف تلفض الكلمة عدل:قبيــة!!
What does it mean?
(ماذا يعني؟)
جاسم بضحكة: Meaning you are very smart
(معناها أنكِ ذكية جداً)
ريما بنفسها "لاا يا شيخ ذكية هاا .. طيب هونك علي بس" .. تنحنحت وهي تبتسم: really!.. But what it that made you think I am smart
(حقاً!.. ولكن ما الذي دعاك تعتقد أني ذكية)
جاسم وهو بالع ضحكته بالعافية:لأنج دوم مسبهه (يعني مفهيه) Because you have a speed intuitive .. I do not know how to explain what I mean
(لأن لديك سرعة بديهية.. أنا لا أعرف كيف أشرح ما أعنيه)
ريما "خير إن شاء الله": Something beautiful ..
Thank you for your praise
وكملت بالفرنسي.. ريما: (un imbecile)
(شيء جميل .. شكراً على مديحك أيها "الأحمق")
جاسم وهو يبتسم: What does it mean?
(ماذا يعني؟)
ريما بخبث: Means you are a wonderful human
(يعني بأنك إنسان رائع)
جاسم بوناسة: قصباً عنج أساساً إني رائع ههه والله إنج غبية ومن قلب بعد
.. لفت ويها بسرعة وهي تحاول تكتم غيضها.. ريما بملل: Well .. Is it possible to be silent because you caused me a headache
(حسناً.. هل يمكن أن تصمت لأنك سببت لي بصداع)
انقهر منها لأنها لثاني مرة تفشله .. جاسم:مالت عليج مصدقة روحج على الفاضي .. كلش عاد ميت أنا إلاا أسولف معاج .. غبية
.. عطته ظهرها وغمضت عيونها وهي تحاول كثر ما تقدر تتجاهله ..


في البحرين

.. في بيت أبو سلمى .. قاعد في المكتب سارح ويفكر .. أبو سلمى في نفسه "كلها ساعات وتكون في البحرين .. آه وحشتيني يا ريوومه .. بس لااا لازم أبين لها إني مو راضي على إلي سوته .. لاازم أقسى إي لااازم أقسى عليها .. وبعد ما أعلمها إن الله حق .. بعدها أرضى عليها .. علشان تعرف إن إلي سوته غلط وهي كسرت كلمتي"
.. قام من الكرسي وتوجهه بخطواته لناحية النافذه المطلعه على أسوار البيت .. وتنهد وهو يناظر البوابة .. أبو سلمى: من جد وحشتيني يا بنتي

.. في المطار ..

في هذي الأثناء هبطت الطيارة على أرض الوطن .. ما صدقت على الله إنها صارت في الأرض قامت بسرعة تبي تبعد عن هـ الآدمي إلي معاها مو قادرة تستحمله ولاا ثانية ولو ما وصلوا كان الله أعلم شنو صار فيها .. أما هو فما كانت حالته أحسن من حالها .. على الرغم من سوالفه معاها واطنازة علشان يسلي نفسه .. كان في نفس الوقت ما يحس معاها بأي راحه .. ولاا بأي تآلف .. وسب نفسه مليون مرة على إن عبرها وكلمها ..نزلوا وهم يستنشقون الهوا .. والنسيم يداعب خصلاات شعرهم .. كان الجو في البحرين بداية أيام الشتا .. وفي هالفترة الجو حده عجيــــــــب .. وخصوصاً في الليل
.. طلعت من المطار بعد ما خذت الشناط .. ومن حسن حظها في هالوقت كان في سيارة تاكسي .. ركبتها وطلبت من السايق ياخذها لبيت عمها أبو سلمى ..
..أما هو .. فطلع وهو يجر الشنط ولااقه زوج أخته و ولد عمه .. "سامي وعمر" .. قرب منهم وهو يبتسم ..جاسم: السلاام عليكم
سامي وعمر: وعليكم السلاام
عمر وهو يضم جاسم: الحمد الله على سلاامتك يا الدب
جاسم: الله يسلمك
.. وضم سامي وسلم عليه .. سامي: الحمد الله على السلاامة توه ما نورت البحرين
جاسم وهو يبتسم: منورة بأهلها .. شخبارك يا العريس
سامي بابتسامه: زين أنت شخبارك
جاسم وهو يزفر براحة: كنت مو بخير بس الحين عال العال
عمر وهو ياخذ الشنط من جاسم: الحمد الله أهم شي عندنا حالك الحين هههه أما قبل مو مهم
جاسم وسامي: هههههههههه
.. خذوا الأشناط سامي وعمر .. وطلعوا مع جاسم على السيارة .. وعلى طول توجهوا لبيت أبو جاسم ..

.. وصلت سيارة التاكسي لبيت عمها .."أبو سلمــى" .. نزلت وهي متردده .. مشت السيارة عنها بعد ما عطت السايق حسابه .. دخلت أسوار البيت وهي ترجف من الخوف .. ريما في نفسها "يا ترى يا عمي بتستقبلني بحظنك مثل دوم وله راح تقسى علي وتطردني .. الله يستر" .. خذت نفس عميق .. وضربت جرس الباب .. ثواني ونفتح الباب .. رفعت راسها ناظرت بالخدامه إلي أول ما جافت ريما ابتسمت بفرح .. الخدامة ميري: هلاا مدام هلاا تفضل
ابتسمت لها .. ريما : هلاا ميري
.. دخلت وهي تجر شنطة السفر .. لفت لـ ميري وبتوتر ملحوظ .. ريما: عمي موجود؟
هزت راسها وهي تاخذ الشنطة .. ميري: كل موجود في liveing room
مشت بخطوات تايهه وخايفة ومتردده .. دخلت الصالة .. وأول ما طاحت عينها .. على بنت عمها "سلمــى" إلي كانت تلعب بأصابع يد أبوها وهي مندمجه بالسالفة .. ريما بهمس: السلاام عليكم
الكل التفت لناحية الصوت .. وأول ما طاحت عيونهم عليها .. قامو واقفين .. ركضت لها وهي فرحانة وعلى طول حضنتها .. سلمى:ريماااا حبيبتي وحشتيني موووووت
ضمتها أكثر وعيونها بدت تدمع .. ريما: قسم بالله إنتي اكثر وحشتيني يا الدبة
باستها سلمى بقوة على خدها:مو مصدقة إنج رجعتي
ابتسمت لها بحب .. ريما: ما بطول كلها 3 شهور وراجعه
.. ابتعدت عن حضنها سلمى وكلها ثواني .. إلاا بأم سلمى حاضنتها بقوة وتصيح .. أم سلمى: Cher..
Tu me manques
(عزيزتي .. أشتقت إليكِ)
ريما وهي تبعدها عنها وتبوس راسها: Je suis aussi
(وأنا كذلك)
.. بعدت عنها وصارت النظرات كلها موجه لـ أبو سلمى الواقف يناظر فيهم بجمود .. قربت منه وهي كلها رجا إن يفتح لها ذراعينه ويخليها ترتمي بحضنه مثل أيام زمان .. ريما وهي تناظرة برقب: شلونك يا عمي
أبو سلمى بجمود: شلي رجعج؟؟
بلعت ريجها بصعوبة .. ريما: عندنا اجازة لـ 3 شهور
هز راسه .. أبو سلمى وهو يقعد وبجمود: أهاا .. ويايه تقضين الاجازة عندي .. في بيتي
حست بغصة من اسلوبه معاها .. ريما: إي يايه أقضي الاجازة في بيتك .. في بيت عمي إلي بحسبة أبوي
أبو سلمى بسخرية: لاا صج توج تعترفين إني عمج وبحسبة أبوج .. وين هالكلاام لما كسرتي كلمتي .. وسافرتي ولاا وبكل قوات عين راجعه و واثقة إني بستقبلج بالأحضان
ريما بألم: يعني أفهم من كلاامك إنك ما راح تسامحني
أبو سلمى وهو يقسي قلبه: إي .. ويلاا برا بيتي يتعذرج .. مثل ما قدرتي تدبرين نفسج في لندن .. ما أعتقد بيصعب عليج هني
سلمى هي تصيح : لاا يبا تكفى لاااا
أبو سلمى:................
.. لفت ريما على بنت عمها و مرت عمها .. إلي منزله راسها بحزن .. ابتسمت بألم وهي تحاول جاهده تمسك دموعها : عمي تكفى أبوس يدك ..
نزلت على يده ومسكتها وباستها بقوة .. ريما وهي تكمل: سامحني وربي أنا من دونك أضيع .. عمي تكفى أنت أكثر واحد فاهمني وعارفني .. انا ما كنت أبي أكسر كلاامك .. بس والله غصبـ(ن) عني .. والله ..
هز راسه لها خلااص مو قادر يقسي قلبه أكثر عليها .. ابتسم لها وخذها في حضنه وطبطب عليها .. أبو سلمى بحنان: والله عارف يا بنتي والله عارف ..
صارت تصيح في حضنه وهي فرحانه إن رضى عنها ..

في بيت ابو جاسم .. دخل جاسم مع سامي وعمر .. وهم يضحكون .. كانت قاعدة بالصالة واول ما سمعت صوت ضحكات لفت وجافت أخوها .. على طول انقزت بوناسة وهي تصرخ .. منى: دبدوبــــي جسووومي
جاسم: ههههههه أنا كلما أسافر وأرجع ألاقيج هبلة .. متى تكبرين وتعقلين
بوزت بدلع وبعدها شقت الحلج .. منى: مو مهم .. شخبارك
عمر بطناز: حمد الله والشكر .. تبوز وتضحك ما عندها وقت أبد
سامي بضحكة:شدعوة مالنا سلاام
منى وهي تركض لناحية الدرج: وعليكم السلااام .ز لحظة بس بنادي مأموي ونهوووي .. برب
عمر باستهبال: تيـــــت
قعد على الكنبة بتعد وهو يبتسم .. جاسم: قلبتوا مسن على غفلة
عمر: ههههه إي حسيت
جاسم باستهبال: إي وبقوة
.. سمعوا صوت صراخ .. وفجأة جافوا وحده تركض نازله من على الدري وعلى طول تطيح في حضن جاسم .. نهى بوناسة: جسوووم حبيبي وحشتني
جاسم وهو فرحان بوناستهم برجوعه: وانتي أكثررر والله
نهى وهي تبتسم بدلع: جسووم عمرري إنتاا
جاسم: لاا لاا تكفين توني راجع من السفر على الاقل انتظري علي يوم خل أرتاح بعدين تدلعي واطلبي .. وأنا طبعاً بفكر أوافق ساعتها أو لاا
مدت بوزها بدلع .. نهى: خلااص ما أكلمك
عمر وهو يتحمحم: أحم أحم نحن هنا
لفت له وهي متفاجأة .. نهى: عمر!! انت هني من متى؟؟
عمر وهو يطالعها بتمعن: من زمان .. شخبارج
ابتسمت له وهي ترجع شعرها على ورا .. نهى: تمام أنت أخبارك..؟
عمر وهو يبتسم: أنا منيح .. أووه أجوفج طولتي شعرج عن آخر مرة جفتج فيها
نهى وهي تبتسم: إي مليت منه قصير وقلت أطوله

*معلومة:نهى ومنى متعودين ما يتحجبون عن عيال عمهم وخالينهم.

رفع راسه و يناظر بـ سامي الواقف للحين عند الباب ورافع حاجبه بإستنكار .. جاسم: نهووي الحين بدل مو طاقتها سوالف مع ولد العم .. سلمي على ريلج على الأقل
من سمعت سيرته .. جمدت كل أطرافها .. لفت على وين ما أشر لها جاسم .. وطالعت بـ سامي الواقف ومتكتف ورافع حاجب بإستنكار وكان واضح من هيئته إنه معصب .. بلعت ريجها وبصعوبة .. نهى: سـ ـا مـ ـي





نهـــــــــــايـــــــة البـــــــارت